Литурги́я по чи́ну свт. Василия Великого

Другие службы:

Тест «Скрытая строка»

Литурги́я оглаше́нных

Развернуть всё

Начина́тельные возгла́сы диа́кона и свяще́нника

Диа́кон:	Благослови́, влады́ко.	Диа́кон, получив благословение священника, выходит на амво́н и произносит: «Благослови́, влады́ко!» (в течение 40 дней Пасхи после начального возгла́са поется «Христо́с воскре́се...»)
Иере́й:	Благослове́нно Ца́рство Отца́, и Сы́на, и Свята́го Ду́ха, и ны́не и при́сно, и во ве́ки веко́в.
Хор:	Ами́нь.

Вели́кая ектения́

Диа́кон:	Ми́ром Го́споду помо́лимся.	В великой ектении́ перечисляются разнообразные наши нужды и прошения ко Господу, а священник в алтаре тайно молится, чтобы Господь призрел на этот храм и молящихся в нем и исполнил их нужды. В словах великой ектении́ «Ми́ром Го́споду помо́лимся...» верующие призываются вознести общецерковную молитву Богу в мире, в мирном состоянии духа, примирившись друг с другом, простить взаимные обиды. «О свы́шнем ми́ре» переводится с греческого как «О ниспослании мира свыше…». «О ми́ре всего́ ми́ра, благостоя́нии святы́х Бо́жиих церкве́й и соедине́нии все́х…». Под «всеми» в греческом оригинале имеются в виду не церкви, а христиане: верующих приглашают помолиться о соединении всех православных христиан, которые, каждые в своем городе, принадлежат Единой Святой Соборной и Апостольской Церкви. «Са́ми себе́» – «самих себя». «Ве́сь живо́т на́ш» – «всю жизнь нашу». «Живо́т» – одно из 3-х значений слова «жизнь» (жизнь – вечная, духовная; житие́ – социальная деятельность; живот – жизнь телесная).
Хор:	Го́споди, поми́луй.
Диа́кон:	О свы́шнем ми́ре и спасе́нии ду́ш на́ших Го́споду помо́лимся.
Хор:	Го́споди, поми́луй.
Диа́кон:	О ми́ре всего́ ми́ра, благостоя́нии Святы́х Бо́жиих Церкве́й и соедине́нии все́х Го́споду помо́лимся.
Хор:	Го́споди, поми́луй.
Диа́кон:	О святе́м хра́ме се́м и с ве́рою, благогове́нием и стра́хом Бо́жиим входя́щих в о́нь Го́споду помо́лимся.
Хор:	Го́споди, поми́луй.
Диа́кон:	О Вели́ком Господи́не и Отце́ на́шем Святе́йшем Патриа́рхе (и́мя), о Господи́не на́шем Преосвяще́ннейшем митрополи́те (или́: архиепи́скопе, или́: епи́скопе) (и́мя), честне́м пресви́терстве, во Христе́ диа́констве, о все́м при́чте и лю́дех Го́споду помо́лимся.
Хор:	Го́споди, поми́луй.
Диа́кон:	О Богохрани́мей стране́ на́шей, власте́х и во́инстве ея́ Го́споду помо́лимся.
Хор:	Го́споди, поми́луй.
Диа́кон:	О гра́де се́м (или́: ве́си се́й; если в монастыре, то: о святе́й оби́тели се́й), вся́ком гра́де, стране́ и ве́рою живу́щих в ни́х Го́споду помо́лимся.
Хор:	Го́споди, поми́луй.
Диа́кон:	О благорастворе́нии возду́хов, о изоби́лии плодо́в земны́х и вре́менех ми́рных Го́споду помо́лимся.
Хор:	Го́споди, поми́луй.
Диа́кон:	О пла́вающих, путеше́ствующих, неду́гующих, стра́ждущих, плене́нных и о спасе́нии и́х Го́споду помо́лимся.
Хор:	Го́споди, поми́луй.
Диа́кон:	О изба́витися на́м от вся́кия ско́рби, гне́ва и ну́жды Го́споду помо́лимся.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Тайная молитва священника Молитва перед первым антифоном Го́споди Бо́же на́ш, Его́же держа́ва несказа́нна и сла́ва непостижи́ма, Его́же ми́лость безме́рна и человеколю́бие неизрече́нно. Са́м, Влады́ко, по благоутро́бию Твоему́ при́зри на ны́ и на святы́й хра́м се́й, и сотвори́ с на́ми и моля́щимися с на́ми, бога́тыя ми́лости Твоя́ и щедро́ты Твоя́. Я́ко подоба́ет Тебе́ вся́кая сла́ва, че́сть и поклоне́ние. Отцу́, и Сы́ну, и Свято́му Ду́ху, ны́не и при́сно, и во ве́ки веко́в.	См. Тайные моли́твы Серым цве́том выделены слова, произносимые священником и диаконом в алтаре неслышно для молящихся.
Хор:	Ами́нь.

1-й антифо́н

Хор:

Благослови́, душе́ моя́, Го́спода, и вся́ вну́тренняя моя́ и́мя свято́е Его́. Благослови́, душе́ моя́, Го́спода и не забыва́й все́х воздая́ний Его́: очища́ющаго вся́ вся́ неду́ги твоя́, избавля́ющаго от истле́ния живо́т тво́й, венча́ющаго тя́ ми́лостию и щедро́тами, исполня́ющаго во благи́х жела́ние твое́: обнови́тся я́ко о́рля ю́ность твоя́. Ще́др и ми́лостив Госпо́дь, долготерпели́в и многоми́лостив. Благослови́, душе́ моя́, Го́спода, и вся́ вну́тренняя моя́, и́мя свято́е Его́. Благослове́н еси́ Го́споди.

В воскресные и праздничные дни антифонами служат изобразительные псалмы 102 и 145. Эти псалмы изображают милости Божии, явленные роду человеческому, особенно через Воплощение Сына Божия.

Ма́лая ектения́

Диа́кон:	Па́ки и па́ки ми́ром Го́споду помо́лимся.	Малая ектения представляет собой сокращение великой ектении. Во время ее произнесения священник в тайной молитве просит Господа спасти людей Своих и сохранить Святую Церковь.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Тайная молитва священника Молитва перед вторым антифономГо́споди Бо́же на́ш, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́. Ты́ те́х воспросла́ви Боже́ственною Твое́ю си́лою и не оста́ви на́с, упова́ющих на Тя́. Я́ко Твоя́ держа́ва, и Твое́ е́сть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Ами́нь.

2-й антифо́н

Хор:	Сла́ва Отцу́, и Сы́ну, и Свято́му Ду́ху. Хвали́, душе́ моя́, Го́спода. Восхвалю́ Го́спода в животе́ мое́м, пою́ Бо́гу моему́, до́ндеже е́смь. Не наде́йтеся на кня́зи, на сы́ны челове́ческия, в ни́х же не́сть спасе́ния. Изы́дет ду́х его́, и возврати́тся в зе́млю свою́: и то́й де́нь поги́бнут вся́ помышле́ния его́. Блаже́н, ему́же Бо́г Иа́ковль помо́щник его́, упова́ние его́ на Го́спода Бо́га своего́, сотво́ршаго не́бо и зе́млю, мо́ре и вся́, я́же в ни́х: храня́щаго и́стину в ве́к, творя́щаго су́д оби́димым, даю́щаго пи́щу а́лчущим. Госпо́дь реши́т окова́нныя: Госпо́дь умудря́ет слепцы́: Госпо́дь возво́дит низве́рженныя: Госпо́дь лю́бит пра́ведники: Госпо́дь храни́т прише́льцы, си́ра и вдову́ прии́мет, и пу́ть гре́шных погуби́т. Воцари́ся Госпо́дь во ве́к, Бо́г тво́й, Сио́не, в ро́д и ро́д.	В двунадесятые пра́здники изобразительные псалмы (антифо́ны) не поются; вместо них поются особые стихи из других псалмов, соответствующие празднуемому событию.
Хор:	И ны́не и при́сно и во ве́ки веко́в. Ами́нь.

Гимн «Единоро́дный Сы́не»

Хор:

Единоро́дный Сы́не, и Сло́ве Бо́жий, безсме́ртен Сы́й, и изво́ливый спасе́ния на́шего ра́ди воплоти́тися от святы́я Богоро́дицы и Присноде́вы Мари́и, непрело́жно вочелове́чивыйся, распны́йся же Христе́ Бо́же, сме́ртию сме́рть попра́в, Еди́н сы́й Святы́я Тро́ицы, спрославля́емый Отцу́ и Свято́му Ду́ху, спаси́ на́с.

Этот гимн призван напоминать верным православное учение Халкидонского собора о Боговоплощении.

Малая ектения́

Диа́кон:	Па́ки и па́ки ми́ром Го́споду помо́лимся.	По окончании ектении́ диа́кон, сделав поклон, уходит в алтарь южными дверьми, а священник в молитве 3-го антифона про́сит Господа исполнить прошения молящихся к познанию Его истины и дарованию им жизни вечной.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Тайная молитва священника Молитва перед третьим антифономИ́же о́бщия сия́ и согла́сныя дарова́вый на́м моли́твы, и́же и двема́ или́ тре́м согласу́ющимся о и́мени Твое́м проше́ния пода́ти обеща́вый, Са́м и ны́не ра́б Твои́х проше́ния к поле́зному испо́лни, подая́ на́м и в настоя́щем ве́це позна́ние Твоея́ и́стины, и в бу́дущем живо́т ве́чный да́руя. Я́ко бла́г и Человеколю́бец Бо́г еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.

3-й антифо́н, Блаже́нны

Хор:

Во Ца́рствии Твое́м помяни́ на́с, Го́споди, егда́ прии́деши во Ца́рствии Твое́м. Блаже́ни ни́щии ду́хом, я́ко те́х е́сть Ца́рство Небе́сное. Блаже́ни пла́чущии, я́ко ти́и уте́шатся. Блаже́ни кро́тции, я́ко ти́и насле́дят зе́млю. Блаже́ни а́лчущии и жа́ждущии пра́вды, я́ко ти́и насы́тятся. Блаже́ни ми́лостивии, я́ко ти́и поми́ловани бу́дут. Блаже́ни чи́стии се́рдцем, я́ко ти́и Бо́га у́зрят. Блаже́ни миротво́рцы, я́ко ти́и сы́нове Бо́жии нареку́тся. Блаже́ни изгна́ни пра́вды ра́ди, я́ко те́х е́сть Ца́рство Небе́сное. Блаже́ни есте́, егда́ поно́сят ва́м, и изжену́т, и реку́т вся́к зо́л глаго́л на вы́, лжу́ще Мене́ ра́ди. Ра́дуйтеся и весели́теся, я́ко мзда́ ва́ша мно́га на небесе́х.

При пении «Евангельских блаже́нств» (Мф.5:3-12) Царские врата́ открываются для малого входа. Священник берет с престола Евангелие, передает его диакону и выходит, в предшествии диакона, несущего Евангелие, на амво́н. Этот выход священнослужителей называется малым входом, он напоминает верующим выход Иисуса Христа на проповедь. В великие Господни праздники, вместо «блаже́нств», поется соответствующий тропа́рь со стихами.

Малый вход с Евангелием

Диа́кон:	Прему́дрость, про́сти.	Диа́кон останавливается в Царских вратах и, возвышая Евангелие, возглашает. Во́зглас напоминает верующим, что они должны быть сосредоточены в мыслях, смотря на Евангелие, как на Самого Христа.
Хор:	Прииди́те, поклони́мся и припаде́м ко Христу́. Спаси́ ны́, Сы́не Бо́жий, воскресы́й из ме́ртвых, пою́щия Ти́: аллилу́иа.	Это поётся в воскресенье, а в будни: «Спаси́ ны́, Сы́не Бо́жий, во святы́х ди́вен сы́й, пою́щия Ти́: аллилу́иа, аллилу́иа, аллилу́иа».

Тропари́ и кондаки́

Хор:	Пение тропаре́й и кондако́в дня.

Во́зглас священника перед Трисвяты́м

Диа́кон:	Го́споду помо́лимся!	Священник в тайной молитве просит Бога принять от нас ангельскую (трисвяту́ю) песнь, простить грехи, освятить и дать нам силы праведно служить Ему.
Хор:	Го́споди, поми́луй.
Иере́й:	Тайная молитва священника Молитва перед пением ТрисвятогоБо́же Святы́й, и́же во святы́х почива́яй, и́же трисвяты́м гла́сом от Серафи́мов воспева́емый и от Херуви́мов славосло́вимый, и от вся́кия Небе́сныя Си́лы покланя́емый, и́же от небытия́ во е́же бы́ти приведы́й вся́ческая, созда́вый челове́ка по о́бразу Твоему́ и по подо́бию, и вся́ким Твои́м дарова́нием украси́вый, дая́й прося́щему прему́дрость и ра́зум, и не презира́яй согреша́ющаго, но полага́яй на спасе́ние покая́ние, сподо́бивый на́с, смире́нных и недосто́йных ра́б Твои́х, и в ча́с се́й ста́ти пред сла́вою свята́го Твоего́ же́ртвенника, и до́лжное Тебе́ поклоне́ние и славосло́вие приноси́ти. Са́м, Влады́ко, приими́ и от у́ст на́с, гре́шных, Трисвяту́ю пе́снь, и посети́ ны́ бла́гостию Твое́ю, прости́ на́м вся́кое согреше́ние во́льное же и нево́льное, освяти́ на́ша ду́ши и телеса́, и да́ждь на́м в преподо́бии служи́ти Тебе́ вся́ дни́ живота́ на́шего, моли́твами святы́я Богоро́дицы, и все́х святы́х, от ве́ка Тебе́ благоугоди́вших. Я́ко свя́т еси́, Бо́же на́ш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно.
Диа́кон:	Го́споди, спаси́ благочести́выя.	Диаконское возглаше́ние «Го́споди, спаси́ благочести́выя…» является молитвой о всех благочестивых христианах, но первоначально оно адресовалось византийскому императору.
Хор:	Го́споди, спаси́ благочести́выя.
Диа́кон:	И услы́ши ны́.
Хор:	И услы́ши ны́.
Диа́кон:	И во ве́ки веко́в.
Хор:	Ами́нь.

Трисвято́е

Хор:

Святы́й Бо́же, Святы́й Кре́пкий, Святы́й Безсме́ртный, поми́луй на́с (трижды). Сла́ва Отцу́ и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Святы́й Безсме́ртный, поми́луй на́с. Святы́й Бо́же, Святы́й Кре́пкий, Святы́й Безсме́ртный, поми́луй на́с.

Во вре́мя Рождества́ Христо́ва, Креще́ния Госпо́дня, неде́ли Па́схи и Свято́й Тро́ицы вме́сто Трисвятого поётся «Ели́цы во Христа́ крести́теся, во Христа́ облеко́стеся. Аллилу́иа».

Проки́мен

Диа́кон:	Во́нмем.
Иере́й:	Ми́р все́м.	Чтец испрашивает благословение священника, выходит из алтаря на чтение Апо́стола.
Чте́ц:	И ду́хови твоему́.
Диа́кон:	Прему́дрость.
Чтец и хор:	Проки́мен, гла́с (номер одного из 8 гла́сов)

Чтение Апо́стола и аллилуа́рий

Диа́кон:	Прему́дрость.	Во время чтения Апо́стола совершается каждение в знак благодати Св. Духа, с которою апо́столы проповедали учение Иисуса Христа. На каждение, а также и на возгла́с священника: «Ми́р все́м!» следует отвечать поклоном. Затем, поется: «аллилу́иа» три раза с произношением особых стихов, священник тайно читает молитву.
Чте́ц:	Наименование части Апо́стола, из которой читается зача́ло. Чте́ние зачала́.
Диа́кон:	Во́нмем.
Иере́й:	Ми́р ти́.
Чтец:	И ду́хови твоему́.
Диа́кон:	Прему́дрость.
Чтец и хор:	Аллилуа́рий

Чтение Евангелия

Диа́кон:	Благослови́, влады́ко, благовести́теля свята́го апо́стола и евангели́ста (имя евангели́ста читаемого Евангелия).	Диа́кон испрашивает благословение священника, выходит из алтаря на чтение Евангелия. Перед диа́коном, несущим Евангелие, идет свещеносец со свечой и становится с ней у аналоя. Во время чтения Евангелия священнослужители и народ стоят с преклоненными главами, в знак глубокого благоговения к слову Божию.
Иере́й:	Бо́г, моли́твами свята́го, сла́внаго, всехва́льнаго апо́стола и евангели́ста (имя) да да́ст тебе́ глаго́л благовеству́ющему си́лою мно́гою во исполне́ние Ева́нгелия Возлю́бленнаго Сы́на Своего́, Го́спода на́шего Иису́са Христа́.
Диа́кон:	Ами́нь.
Иере́й:	Прему́дрость, про́сти, услы́шим свята́го Ева́нгелия. Ми́р все́м.
Хор:	И ду́хови твоему́.
Диа́кон:	От Матфе́а Свята́го Ева́нгелия чте́ние (или другого евангелиста, – смотря по тому, из какого Евангелия положено чтение)
Хор:	Сла́ва Тебе́, Го́споди, сла́ва Тебе́.
Иере́й:	Во́нмем. И читается Евангелие. По окончании чтения:
Хор:	Сла́ва Тебе́, Го́споди, сла́ва Тебе́.

Сугу́бая ектения

Диа́кон:	Рце́м вси́ от всея́ души́ и от всего́ помышле́ния на́шего рце́м.
Хор:	Го́споди, поми́луй.
Диа́кон:	Го́споди Вседержи́телю, Бо́же оте́ц на́ших, мо́лим Ти́ ся́, услы́ши и поми́луй.
Хор:	Го́споди, поми́луй.
Диа́кон:	Поми́луй на́с, Бо́же, по вели́цей ми́лости Твое́й, мо́лим Ти́ ся́, услы́ши и поми́луй.
Хор:	Го́споди, поми́луй (трижды).
Диа́кон:	Еще́ мо́лимся о Вели́ком Господи́не и Отце́ на́шем Святе́йшем Патриа́рхе (и́мя), и о Господи́не на́шем Преосвяще́ннейшем (имя правящего епископа), и все́й во Христе́ бра́тии на́шей.
Хор:	Го́споди, поми́луй (три́жды).
Диа́кон:	Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Хор:	Го́споди, поми́луй (трижды).
Диа́кон:	Еще́ мо́лимся о бра́тиях на́ших, свяще́нницех, священномона́сех и все́м во Христе́ бра́тстве на́шем.
Хор:	Го́споди, поми́луй (три́жды).
Диа́кон:	Еще́ мо́лимся о блаже́нных и приснопа́мятных святе́йших патриа́рсех правосла́вных и созда́телех свята́го хра́ма сего́ (в монастыре: и созда́телех святы́я оби́тели сея́), и о все́х пре́жде почи́вших отце́х и бра́тиях, зде́ лежа́щих и повсю́ду, правосла́вных.
Хор:	Го́споди, поми́луй (три́жды).
Диа́кон:	Еще́ мо́лимся о плодонося́щих и доброде́ющих во святе́м и всечестне́м хра́ме се́м, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тая ми́лости.
Хор:	Го́споди, поми́луй (трижды).
Иере́й:	Тайная молитва священника Молитва усердного моленияГо́споди Бо́же на́ш, приле́жное сие́ моле́ние приими́ от Твои́х ра́б, и поми́луй на́с по мно́жеству ми́лости Твоея́, и щедро́ты Твоя́ низпосли́ на ны́ и на вся́ лю́ди Твоя́, ча́ющыя от Тебе́ бога́тыя ми́лости. Я́ко ми́лостив и Человеколю́бец Бо́г еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в.
Хор:	Ами́нь.

Ектения об оглаше́нных

Диа́кон:	Помоли́теся, оглаше́ннии Го́сподеви.	В ектении об оглаше́нных мы молимся, чтобы Господь помиловал их, наставил в истинах святой веры и удостоил Святого Крещения. Во время этой ектении священник развертывает на престоле антиминс, а ектению заканчивает возгла́сом: «да и ти́и с на́ми сла́вят...», т. е., чтобы и они (оглашенные) вместе с нами (верующими) прославляли Пречестно́е и Великое Имя Отца и Сына и Святого Духа.
Хор:	Го́споди, поми́луй.
Диа́кон:	Ве́рнии, о оглаше́нных помо́лимся, да Госпо́дь поми́лует и́х.
Хор:	Го́споди, поми́луй.
Диа́кон:	Огласи́т и́х сло́вом и́стины.
Хор:	Го́споди, поми́луй.
Диа́кон:	Откры́ет и́м Ева́нгелие пра́вды.
Хор:	Го́споди, поми́луй.
Диа́кон:	Соедини́т и́х Святе́й Свое́й Собо́рней и Апо́стольстей Це́ркви.
Хор:	Го́споди, поми́луй.
Диа́кон:	Спаси́, поми́луй, заступи́ и сохрани́ и́х, Бо́же, Твое́ю благода́тию.
Хор:	Го́споди, поми́луй.
Диа́кон:	Оглаше́ннии, главы́ ва́ша Го́сподеви приклони́те.
Хор:	Тебе́ Го́споди.
Иере́й:	Тайная молитва священника Молитва об оглашаемыхГосподи Боже наш, иже на небесех живый и призираяй на вся дела Твоя, призри на рабы Твоя оглашенныя, приклоньшыя своя выя пред Тобою и даждь им легкий ярем, сотвори их уды честны святыя Твоея Церкве и сподоби их бани пакибытия, оставления грехов и одежди нетления, в познание Тебе, истиннаго Бога нашего. Да и ти́и с на́ми сла́вят пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор:	Ами́нь.

Ектения о выходе оглаше́нных

Диа́кон:

Ели́цы оглаше́ннии, изыди́те; оглаше́ннии, изыди́те; ели́цы оглаше́ннии, изыди́те. Да никто́ от оглаше́нных, ели́цы ве́рнии, па́ки и па́ки ми́ром Го́споду помо́лимся.

Оглашенные приглашаются выйти из храма на занятия по катехизации.

Литургия верных

Развернуть всё

Сокращенная великая ектения

Хор:	Го́споди, поми́луй.	Священник читает тайную молитву, вознося Богу благодарение за то, что Господь удостоил его предстать Святому Жертвеннику, и просит Его помощи совершить службу достойно, с чистой совестью.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Прему́дрость.
Иере́й:	Тайная молитва священника Молитва верных перваяТы, Господи, показал еси нам великое сие спасения таинство. Ты сподобил еси нас, смиренных и недостойных раб Твоих, быти служителем святаго Твоего жертвенника. Ты удовли нас, силою святаго Твоего Духа, в службу сию, да неосужденно ставше пред святою славою Твоею, принесем Ти жертву хваления. Ты бо еси действуяй вся во всех. Даждь, Господи, и о наших гресех, и о людских неведениих, приятней быти жертве нашей, и благоприятней пред Тобою. Я́ко подоба́ет Тебе́ вся́кая сла́ва, че́сть и поклоне́ние. Отцу́, и Сы́ну, и Свято́му Ду́ху, ны́не и при́сно, и во ве́ки веко́в.		Священник читает тайную молитву, вознося Богу благодарение за то, что Господь удостоил его предстать Святому Жертвеннику, и просит Его помощи совершить службу достойно, с чистой совестью.
Хор:	Ами́нь.

Малая ектения

Диа́кон:	Па́ки и па́ки ми́ром Го́споду помо́лимся.	Во время ектении священник тайно читает вторую молитву верных, повторяя в ней прошения первой, и просит Господа даровать верным преуспеяние в доброй жизни, духовное разумение и сподобить всех неосужденно причаститься Святых Тайн (Даров) для стяжания вечной жизни.
Хор:	Го́споди, поми́луй.
Диа́кон:	О свы́шнем ми́ре и спасе́нии ду́ш на́ших Го́споду помо́лимся.
Хор:	Го́споди, поми́луй.
Диа́кон:	О ми́ре всего́ ми́ра, благостоя́нии Святы́х Бо́жиих Церкве́й и соедине́нии все́х Го́споду помо́лимся.
Хор:	Го́споди, поми́луй.
Диа́кон:	О святе́м хра́ме се́м и с ве́рою, благогове́нием и стра́хом Бо́жиим входя́щих в о́нь Го́споду помо́лимся.
Хор:	Го́споди, поми́луй.
Диа́кон:	О изба́витися на́м от вся́кия ско́рби, гне́ва и ну́жды Го́споду помо́лимся.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Прему́дрость.
Иере́й:	Тайная молитва священника Молитва верных втораяБоже, посетивый в милости и щедротах смирение наше, поставивый нас смиренных и грешных и недостойных раб Твоих пред святою славою Твоею, служити святому жертвеннику Твоему. Ты укрепи нас силою Святаго Твоего Духа в службу сию, и даждь нам слово во отверзение уст наших, во еже призывати благодать Святаго Твоего Духа на хотящия предложитися Дары. Я́ко да под держа́вою Твое́ю всегда́ храни́ми, Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.	Во время возгласа священника «Яко да под державою...» отверзаются Царские врата. Диакон, получив благословение от предстоятеля, совершает каждение, читает про себя 50-й псалом. Священник читает тайно молитву Херувимской песни.
Хор:	Ами́нь.

Пение 1-й ча́сти «Херуви́мской песни»

	И́же херуви́мы та́йно образу́юще и Животворя́щей Тро́ице Трисвяту́ю пе́снь припева́юще, вся́кое ны́не жите́йское отложи́м попече́ние.	Обратите внимание на правильный перевод Херувимской песни! В Великий Четверг вместо Херувимской песни поётся: «Ве́чери Твоея́ Та́йныя дне́сь...». В Великую Субботу: «Да молчи́т вся́кая пло́ть челове́ча...».
	Молитва Херувимской песни Священник: Никтоже достоин от связавшихся плотскими похотьми и сластьми приходити, или приближитися, или служити Тебе, Царю Славы: еже бо служити Тебе, велико и страшно и самем Небесным Силам. Но обаче неизреченнаго ради и безмернаго Твоего человеколюбия, непреложно и неизменно был еси Человек, и Архиерей нам был еси: и служебныя сея и безкровныя жертвы священнодействие предал еси нам, яко Владыка всех. Ты бо един, Господи Боже наш, владычествуеши небесными и земными, иже на престоле Херувимсте носимый, иже Серафимов Господь, и Царь Израилев, иже Един свят, и во святых почиваяй. Тя убо молю, Единаго благаго и благопослушливаго: призри на мя, грешнаго и непотребнаго раба Твоего, и очисти мою душу и сердце от совести лукавыя, и удовли мя, силою святаго Твоего Духа, облечена благодатию священства, предстати святей Твоей сей трапезе, и священнодействовати Святое и Пречистое Твое Тело и Честную Кровь. К Тебе бо прихожду приклонь мою выю, и молю Ти ся, да не отвратиши лица Твоего от мене, ниже отринеши мене от отрок Твоих, но сподоби принесенным Тебе быти, мною грешным и недостойным рабом Твоим, даром сим. Ты бо еси приносяй и приносимый, и приемляй и раздаваемый, Христе Боже наш, и Тебе славу возсылаем, со безначальным Твоим Отцем, и Пресвятым, и Благим, и Животворящим Твоим Духом, ныне и присно, и во веки веков. Аминь.	По окончании молитвы и каждения священник и диакон, стоя перед св. престолом, трижды читают Херувимскую песнь, в конце каждый раз совершая поклон. Затем подходят к жертвеннику; священник кадит святые дискос и чашу.

Великий вход

Диа́кон:	Вели́каго Господи́на и Отца́ на́шего (имя), Святе́йшаго Патриа́рха Моско́вскаго и всея́ Руси́, и Господи́на на́шего Преосвяще́ннейшаго (имя епархиального архиерея) митрополи́та (или́: архиепи́скопа, или: епи́скопа) (титул епархиального архиерея), да помяне́т Госпо́дь Бо́г во Ца́рствии Свое́м всегда́, ны́не и при́сно, и во ве́ки веко́в.	Диа́кон, имея на левом плече «возду́х», несет на голове ди́скос, а священник в руках – св. Чашу. Выйдя из алтаря северными дверями, они останавливаются на амвоне и, обратившись лицом к верующим, молятся за священноначалие, священство, монашество, создателей храма, православных христиан и возвращаются чрез Царские врата в алтарь.
Иере́й:	Все́х ва́с, правосла́вных христиа́н, да помяне́т Госпо́дь Бо́г во Ца́рствии Свое́м всегда́, ны́не и при́сно, и во ве́ки веко́в.
Хор:	Ами́нь.

Пение 2-й части «Херуви́мской песни»

Хор:

Я́ко да Царя́ все́х поды́мем, а́нгельскими неви́димо дароноси́мо чи́нми. Аллилу́иа, аллилу́иа, аллилу́иа.

Честные Дары́ поставляются на престол на развернутом антиминсе и покрываются «возду́хом», после чего царские врата затворяются и закрываются завесой; священник молится, совершается каждение.

1-я просительная ектения (приготовление молящихся к освящению Даро́в)

Диа́кон:	Испо́лним моли́тву на́шу Го́сподеви.	После великого входа Церковь начинает приготовлять молящихся к принесению Бескровной Жертвы. Во время просительной ектении священник тайно читает молитву приношения.
Хор:	Го́споди поми́луй.
Диа́кон:	О предложе́нных Честны́х Даре́х Го́споду помо́лимся.
Хор:	Го́споди, поми́луй.
Диа́кон:	О святе́м хра́ме се́м и с ве́рою, благогове́нием и стра́хом Бо́жиим входя́щих в о́нь Го́споду помо́лимся.
Хор:	Го́споди, поми́луй.
Диа́кон:	О изба́витися на́м от вся́кия ско́рби, гне́ва и ну́жды Го́споду помо́лимся.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Дне́ всего́ соверше́нна, свя́та, ми́рна и безгре́шна у Го́спода про́сим.
Хор:	Пода́й, Го́споди.
Диа́кон:	А́нгела ми́рна, ве́рна наста́вника, храни́теля ду́ш и теле́с на́ших у Го́спода про́сим.
Хор:	Пода́й, Го́споди.
Диа́кон:	Проще́ния и оставле́ния грехо́в и прегреше́ний на́ших у Го́спода про́сим.
Хор:	Пода́й, Го́споди.
Диа́кон:	До́брых и поле́зных душа́м на́шым и ми́ра ми́рови у Го́спода про́сим.
Хор:	Пода́й, Го́споди.
Диа́кон:	Про́чее вре́мя живота́ на́шего в ми́ре и покая́нии сконча́ти у Го́спода про́сим.
Хор:	Пода́й, Го́споди.
Диа́кон:	Христиа́нския кончи́ны живота́ на́шего, безболе́зненны, непосты́дны, ми́рны, и до́браго отве́та на Стра́шнем суди́щи Христо́ве про́сим.
Хор:	Пода́й, Го́споди.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Тайная молитва священника Молитва приношения, после поставления Божественных Даров на св. престоле Господи Боже наш, создавый нас и введый в жизнь сию, показавый нам пути во спасение, даровавый нам Небесных Таин откровение. Ты бо еси положивый нас в службу сию, силою Духа Твоего Святаго. Благоволи убо, Господи, быти нам служителем новаго Твоего Завета, слугам святых Твоих Таинств. Приими нас, приближающихся святому Твоему жертвеннику, по множеству милости Твоея, да будем достойни приносити Тебе словесную сию и безкровную жертву о наших согрешениих и о людских невежествиих: юже прием во святый и пренебесный, и мысленный Твой жертвенник, в воню благоухания, возниспосли нам благодать Святаго Твоего Духа. Призри на ны, Боже, и виждь на службу сию нашу, и приими ю, якоже приял еси Авелевы дары, Ноевы жертвы, Авраамова всеплодия, Моисеова и Ааронова священства, Самуилова мирная. Якоже приял еси от святых Твоих Апостол истинную сию службу, сице и от рук нас, грешных, приими Дары сия в благости Твоей, Господи, яко да сподобльшеся служити без порока святому Твоему жертвеннику, обрящем мзду верных и мудрых строителей в день страшный воздаяния Твоего праведнаго. Щедро́тами Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.
Хор:	Ами́нь.

Целование мира

Иере́й:	Ми́р все́м.	Завеса на Царских вратах отодвигается, с честных Даров снимается «возду́х». Слова: «Две́ри, две́ри!» в древности напоминали придверникам лучше смотреть за дверями храма и не впускать в него оглашенных и неверующих.
Хор:	И ду́хови твоему́.
Диа́кон:	Возлю́бим дру́г дру́га, да единомы́слием испове́мы.
Хор:	Отца́, и Сы́на, и Свята́го Ду́ха, Тро́ицу Единосу́щную и Неразде́льную.
Диа́кон:	Две́ри, две́ри, прему́дрость во́нмем.

Си́мвол ве́ры

Соборное пение:

Ве́рую во Еди́наго Бо́га Отца́ Вседержи́теля, Творца́ не́бу и земли́, ви́димым же все́м и неви́димым. И во Еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде все́х ве́к. Све́та от све́та, Бо́га и́стинна от Бо́га и́стинна, рожде́нна, не сотворе́нна, единосу́щна Отцу́, И́мже вся́ бы́ша. На́с ра́ди, челове́к, и на́шего ра́ди спасе́ния сше́дшаго с небе́с, и воплоти́вшагося от Ду́ха Свя́та и Мари́и Де́вы, и вочелове́чшася. Распя́таго же за ны́ при Понти́йстем Пила́те, И страда́вша, и погребе́на. И воскре́сшаго в тре́тий де́нь по писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода Животворя́щаго, И́же от Отца́ исходя́щаго, И́же со Отце́м и Сыно́м споклоня́ема с ссла́вима, глаго́лавшаго проро́ки. Во еди́ную Святу́ю Собо́рную и Апо́стольскую Це́рковь. Испове́даю еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Си́мвол веры – краткое и точное изложение основ христианского вероучения. Соборное пение Си́мвола веры символизирует единство молящихся в вере и любви.

Последний призыв перед Анафорой

Диа́кон:	Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.	Время приносить «свято́е возноше́ние» или́ жертву, т.е. совершать Св. Таинство Евхари́стии. C этого момента надлежит стоять с особенным благоговением.
Хор:	Ми́лость ми́ра, же́ртву хвале́ния.
Иере́й:	Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха бу́ди со все́ми ва́ми.
Хор:	И со ду́хом твои́м.
Иере́й:	Горе́ име́им сердца́.
Хор:	И́мамы ко Го́споду.

Ана́фора (Евхаристи́ческий кано́н)

Иере́й:

Благодари́м Го́спода.

См. Ана́фора

Хор:

Досто́йно и пра́ведно е́сть поклоня́тися Отцу́ и Сы́ну и Свято́му Ду́ху, Тро́ице Единосу́щней и Неразде́льней.

«Твоя́ от Твои́х, Тебе́ принося́ще, о все́х и за вся́». Эти слова являются частью анафоральной молитвы и могут быть поняты только без отрыва от нее, как «согласно всему и ради всего» – что было сказано ранее о делах Божиих в отношении мира и человека и о том, как Христос установил это спасительное Таинство.

Иере́й:

Тайная молитва священника

Сый Владыко, Господи Боже Отче Вседержителю покланяемый! Достойно яко воистинну, и праведно, и лепо великолепию святыни Твоея, Тебе хвалити, Тебе пети, Тебе благословити, Тебе кланятися, Тебе благодарити, Тебе славити единаго воистинну сущаго Бога, и Тебе приносити сердцем сокрушенным и духом смирения словесную сию службу нашу, яко Ты еси даровавый нам познание Твоея истины. И кто доволен возглаголати силы Твоя, слышаны сотворити вся хвалы Твоя, или поведати вся чудеса Твоя во всяко время. Владыко всех, Господи небесе и земли, и всея твари, видимыя же и невидимыя, седяй на престоле славы и призираяй бездны, безначальне, невидиме, непостижиме, неописанне, неизменне, Отче Господа нашего Иисуса Христа, великаго Бога и Спасителя, упования нашего, иже есть образ Твоея благости: печать равнообразная, в себе показуя Тя, Отца, Слово живое, Бог истинный, превечная Премудрость, живот, освящение, сила, свет истинный, имже Дух Святый явися; Дух истины, сыноположения дарование, обручение будущаго наследия, начаток вечных благ, животворящая сила, источник освящения, от негоже вся тварь словесная же и умная укрепляема Тебе служит и Тебе присносущное возсылает славословие, яко всяческая работна Тебе. Тебе бо хвалят Ангели, Архангели, Престоли, Господьствия, Начала, Власти, Силы и многоочитии Херувими. Тебе предстоят окрест Серафими, шесть крил единому, и шесть крил единому; и двема убо покрывают лица своя, двема же ноги, и двема летающе, взывают един ко другому, непрестанными усты, немолчными славословеньми.

Побе́дную пе́снь пою́ще, вопию́ще, взыва́юще и глаго́люще.

Священник читает тайную молитву, называемую евхаристическою.

Хор:

Свя́т, Свя́т, Свя́т Госпо́дь Савао́ф, испо́лнь не́бо и земля́ сла́вы Твоея́; оса́нна в вы́шних, благослове́н Гряды́й во и́мя Госпо́дне, оса́нна в вы́шних.

Иере́й:

Тайная молитва священника

С сими блаженными силами, Владыко человеколюбче, и мы, грешнии, вопием и глаголем: свят еси, яко воистинну, и пресвят, и несть меры великолепию святыни Твоея, и преподобен во всех делех Твоих, яко правдою и судом истинным вся навел еси на ны: создав бо человека, персть взем от земли, и образом Твоим, Боже, почет, положил еси в раи сладости, безсмертие жизни и наслаждение вечных благ, в соблюдении заповедей Твоих обещав ему, но преслушавша Тебе, истиннаго Бога, создавшаго его, и прелестию змиевою привлекшася, умерщвлена же своими прегрешеньми, изгнал еси его праведным Твоим судом, Боже, от рая в мiр сей, и отвратил еси в землю, от неяже взят бысть, устрояя ему еже от пакибытия спасение, в Самем Христе Твоем. Не бо отвратился еси создания Твоего в конец, еже сотворил еси, Блаже, ниже забыл еси дела рук Твоих, но посетил еси многообразне, ради милосердия милости Твоея. Пророки послал еси, сотворил еси силы святыми Твоими, в коемждо роде благоугодившими Тебе. Глаголал еси нам усты раб Твоих пророков, предвозвещая нам хотящее быти спасение. Закон дал еси в помощь, Ангелы поставил еси хранители. Егда же прииде исполнение времен, глаголал еси нам самем Сыном Твоим, Имже и веки сотворил еси, Иже сый сияние славы Твоея и начертание ипостаси Твоея, нося же вся глаголом силы Своея, не хищение непщева еже быти равен Тебе, Богу и Отцу, но Бог сый превечный, на земли явися и человеком споживе. И от Девы Святыя воплощся, истощи Себе, зрак раба прием, сообразен быв телу смирения нашего, да нас сообразны сотворит образу славы Своея. Понеже бо человеком грех вниде в мiр и грехом смерть, благоволи Единородный Твой Сын, сый в недрех Тебе, Бога и Отца, быв от жены, Святыя Богородицы и Приснодевы Марии, быв под законом, осудити грех во плоти Своей, да во Адаме умирающе, оживотворятся в самем Христе Твоем. И пожив в мiре сем, дав повеления спасительная, отставив нас прелести идольския, приведе в познание Тебе, истиннаго Бога и Отца, стяжав нас Себе, люди избранны, царское священие, язык свят. И очистив водою, и освятив Духом Святым, даде Себе измену смерти, в нейже держими бехом, продани под грехом, и сошед крестом во ад, да исполнит Собою вся, разреши болезни смертныя. И воскрес в третий день, и путь сотворив всякой плоти к воскресению из мертвых, зане не бяше мощно держиму быти тлением начальнику жизни, бысть начаток умерших, перворожден из мертвых, да будет Сам вся, во всех первенствуяй. И возшед на небеса, седе одесную величествия Твоего на высоких, иже и приидет воздати комуждо по делом его. Остави же нам воспоминания спасительнаго Своего страдания сия, яже предложихом по Его заповедем. Хотя бо изыти на вольную и приснопамятную, и животворящую Свою смерть, в нощь, в нюже предаяше Себе за живот мiра, прием хлеб на святыя Своя и пречистыя руки, показав Тебе, Богу и Отцу, благодарив, благословив, освятив, преломив,

(Возвышая голос продолжает) даде святым Своим учеником и апостолом, рек: приимите, ядите, сие есть Тело Мое, еже за вы ломимое, во оставление грехов.

Хор:

Ами́нь.

Иере́й:

Тайная молитва священника

Подо́бне и ча́шу по ве́чери, глаго́ля:

(Возвышая голос продолжает) даде святым Своим учеником и апостолом, рек: пийте от нея вси, сия есть Кровь Моя Новаго завета, яже за вы и за многи изливаемая во оставление грехов.

Хор:

Ами́нь.

Иере́й:

Тайная молитва священника

Сие творите в Мое воспоминание: елижды бо аще ясте Хлеб сей и Чашу сию пиете, Мою смерть возвещаете, Мое воскресение исповедаете. Поминающе убо, Владыко, и мы спасительная Его страдания, животворящий Крест, тридневное погребение, еже из мертвых воскресение, еже на небеса возшествие, еже одесную Тебе, Бога и Отца, седение, и славное, и страшное Его второе пришествие.

Твоя́ от Твои́х, Тебе́ принося́ще о все́х и за вся́.

Хор:

Тебе́ пое́м, Тебе́ благослови́м, Тебе́ благодари́м, Го́споди, и мо́лим Ти́ ся́, Бо́же на́ш.

Иере́й:

Тайная молитва священника

Сего ради, Владыко Пресвятый, и мы, грешнии и недостойнии раби Твои, сподобльшиися служити святому Твоему жертвеннику, не ради правд наших, не бо сотворихом что благо на земли, но ради милости Твоея и щедрот Твоих, яже излиял еси богатно на ны, дерзающе приближаемся святому Твоему жертвеннику. И предложше вместообразная святаго Тела и Крове Христа Твоего, Тебе молимся, и Тебе призываем, Святе святых, благоволением Твоея благости приити Духу Твоему Святому на ны и на предлежащия Дары сия, и благословити я, и освятити, и показати.

Твоя́ от Твои́х, Тебе́ принося́ще о все́х и за вся́.

Диалог священника и диакона

Иере́й:	Го́споди, и́же Пресвята́го Твоего́ Ду́ха в тре́тий ча́с Апо́столом Твои́м низпосла́вый, Того́, Благи́й, не отими́ от на́с, но обнови́ на́с, моля́щих Ти́ ся́.
Диа́кон:	Се́рдце чи́сто сози́жди во мне́, Бо́же, и ду́х пра́в обнови́ во утро́бе мое́й.
Иере́й:	Го́споди, и́же Пресвята́го Твоего́ Ду́ха:
Диа́кон:	Не отве́ржи мене́ от лица́ Твоего́, и Ду́ха Твоего́ Свята́го не отими́ от мене́.
Иере́й:	Го́споди, и́же Пресвята́го Твоего́ Ду́ха:
Диа́кон:	Благослови́, влады́ко, святы́й хле́б.
Иере́й:	И сотвори́ у́бо хле́б се́й Честно́е Те́ло Христа́ Твоего́.
Диа́кон:	Ами́нь. Благослови́, влады́ко, святу́ю ча́шу.
Иере́й:	А е́же в ча́ши се́й, Честну́ю Кро́вь Христа́ Твоего́.
Диа́кон:	Ами́нь. Благослови́, влады́ко, обоя́.
Иере́й:	Преложи́в Ду́хом Твои́м Святы́м.
Диа́кон:	Ами́нь, ами́нь, ами́нь. Помяни́ мя́, святы́й влады́ко, гре́шнаго.
Иере́й:	Да помяне́т Тя́ Госпо́дь Бо́г во Ца́рствии Свое́м всегда́, ны́не и при́сно, и во ве́ки веко́в.
Диа́кон:	Ами́нь.
Иере́й:	Тайная молитва священника Нас же всех, от единаго хлеба и чаши причащающихся, соедини друг ко другу, во единаго Духа Святаго причастие. И ни единаго нас в суд или во осуждение сотвори причаститися святаго Тела и Крове Христа Твоего, но да обрящем милость и благодать со всеми святыми, от века Тебе благоугодившими, праотцы, отцы, патриархи, пророки, Апостолы, проповедники, благовестники, мученики, исповедники, учительми и со всяким духом праведным, в вере скончавшимся.

Иере́й:

Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

Прославление Божией Матери

Хор:

О Тебе радуется, Благодатная всякая тварь, / Ангельский собор и человеческий род, / освященный храме и раю словесный, / девственная похвало, из Неяже Бог воплотися, и Младенец бысть, / прежде век сый Бог наш: / ложесна бо Твоя престол сотвори / и чрево Твое пространнее небес содела. / О Тебе радуется, Благодатная, всякая тварь, слава Тебе.

В Великий четверг и в Великую субботу поют ирмос 9-й песни канона того дня.

Поминовение «и всех и вся»

Иере́й:	Тайная молитва священника Святаго Иоанна Пророка, Предтечи и Крестителя, святых и всехвальных Апостол, святаго имярек, егоже и память совершаем, и всех святых Твоих, ихже молитвами посети нас, Боже. И помяни всех прежде усопших о надежди воскресения жизни вечныя. О спасении, посещении, оставлении грехов рабов Божиих (называются имена). О покои и оставлении грехов душ раб Твоих (называются имена), на месте светле, отонудуже отбеже печаль и воздыхание, упокой, Боже наш. И покой их, идеже присещает свет лица Твоего. Еще молим Ти ся, помяни, Господи, святую Твою соборную и апостольскую Церковь, юже от конец даже до конец вселенныя, и умири ю, юже наздал еси честною кровию Христа Твоего, и святый храм сей утверди даже до скончания века. Помяни, Господи, иже дары сия Тебе принесших, и о нихже, и имиже, и за нихже сия принесоша. Помяни, Господи, плодоносящих и добротворящих во святых Твоих церквах, и поминающих убогия: воздаждь им богатыми Твоими и небесными даровании, даруй им вместо земных небесная, вместо временных вечная, вместо тленных нетленная. Помяни, Господи, иже в пустынях и горах, и вертепех, и пропастех земных. Помяни, Господи, иже в девстве и благоговении, и постничестве, и в чистем жительстве пребывающих. Помяни, Господи, богохранимую страну нашу Российскую и верныя люди ея, даруй нам глубокий и неотъемлемый мир, возглаголи в сердцах всех, иже во власти суть, благая о Церкви Твоея и всех людех Твоих, да в тишине их тихое и безмолвное житие поживем во всяком благочестии и чистоте. Помяни, Господи, всякое начало и власть, и иже в палате братию нашу и все воинство. Благия во благости соблюди, лукавыя благи сотвори благостию Твоею. Помяни, Господи, предстоящия люди, и ради благословных вин оставльшихся, и помилуй их и нас по множеству милости Твоея: сокровища их исполни всякаго блага, супружества их в мире и единомыслии соблюди, младенцы воспитай, юность настави, старость поддержи, малодушныя утеши, расточенныя собери, прельщенныя обрати, и совокупи святей Твоей соборней и апостольстей Церкви. Стужаемыя от духов нечистых свободи, плавающим сплавай, путешествующим сшествуй, вдовицам предстани, сирых защити, плененныя избави, недугующия исцели. На судищи, и в рудах, и в заточениих, и в горьких работах, и всякой скорби, и нужде, и обстоянии сущих, помяни, Боже. И всех требующих великаго Твоего благоутробия и любящих нас, и ненавидящих, и заповедавших нам, недостойным, молитися о них, и вся люди Твоя помяни, Господи Боже наш, и на вся излей богатую Твою милость, всем подая яже ко спасению прошения. И ихже мы не помянухом, неведением, или забвением, или множеством имен, сам помяни, Боже, ведый коегождо возраст и именование, ведый коегождо от утробы матере его. Ты бо еси, Господи, помощь безпомощным, надежда безнадежным, обуреваемым спаситель, плавающим пристанище, недугующим врач. Сам всем вся буди, ведый коегождо, и прошение его, дом и потребу его. Избави, Господи, град сей (или весь сию, или святую обитель сию), и всякий град и страну от глада, губительства, труса, потопа, огня, меча, нашествия иноплеменных и междоусобныя брани. В пе́рвых помяни́, Го́споди, Вели́каго Господи́на и Отца́ на́шего (имя), Святе́йшаго Патриа́рха Моско́вскаго и всея́ Руси́, и Господи́на на́шего Преосвяще́ннейшаго митрополи́та (или́: архиепи́скопа, или́: епи́скопа; титул епархиального архиерея), и́хже да́руй Святы́м Твои́м Це́рквам в ми́ре, це́лых, че́стных, здра́вых, долгоде́нствующих, пра́во пра́вящих сло́во Твоея́ и́стины.	Здесь священник поминает, кого хочет – живых и усопших.
Хор:	И все́х и вся́.
Иере́й:	Тайная молитва священника Помяни́ Го́споди гра́д се́й, в не́мже живе́м, (или́ ве́сь сию́, в не́йже живе́м, или́ оби́тель сию́, в не́йже живе́м), и вся́кий гра́д и страну́, и ве́рою живу́щих в ни́х. Помяни́, Го́споди, пла́вающих, путеше́ствующих, неду́гующих, стра́ждущих, плене́нных, и спасе́ние и́х. Помяни́, Го́споди, плодонося́щих и добротворя́щих во святы́х Твои́х це́рквах, и помина́ющих убо́гия, и на вся́ ны́ ми́лости Твоя́ низпосли́. (Поминовение живых по именам) И да́ждь на́м еди́неми усты́ и еди́нем се́рдцем сла́вити и воспева́ти пречестно́е и великоле́пое И́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор:	Ами́нь.
Иере́й:	И да бу́дут ми́лости Вели́каго Бо́га и Спа́са на́шего Иису́са Христа́ со все́ми ва́ми.	Глаголет священник, повернувшись лицом к молящимся и благословляет.
Хор:	И со ду́хом твои́м.

2-я просительная ектения

Диа́кон:	Все́ святы́я помяну́вше, па́ки и па́ки ми́ром Го́споду помо́лимся.	Помянув всех Святых, верующие снова молятся Господу об освященных честных Дарах, о ниспослании Божественной благодати и дара Святого Духа. Далее следуют обычные прошения просительной ектении, которая оканчивается возгла́сом священника.
Хор:	Го́споди, поми́луй.
Диа́кон:	О принесе́нных и освяще́нных Честны́х Даре́х Го́споду помо́лимся.
Хор:	Го́споди, поми́луй.
Диа́кон:	Я́ко да Человеколю́бец Бо́г на́ш, прие́мь я́ во святы́й, и пренебе́сный, и мы́сленный Сво́й Же́ртвенник, в воню́ благоуха́ния духо́внаго, возниспо́слет на́м Боже́ственную благода́ть и да́р Свята́го Ду́ха, помо́лимся.
Хор:	Го́споди, поми́луй.
Диа́кон:	О изба́витися на́м от вся́кия ско́рби, гне́ва и ну́жды Го́споду помо́лимся.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Дне́ всего́ соверше́нна, свя́та, ми́рна и безгре́шна у Го́спода про́сим.
Хор:	Пода́й, Го́споди.
Диа́кон:	А́нгела ми́рна, ве́рна наста́вника, храни́теля ду́ш и теле́с на́ших у Го́спода про́сим.
Хор:	Пода́й, Го́споди.
Диа́кон:	Проще́ния и оставле́ния грехо́в и прегреше́ний на́ших у Го́спода про́сим.
Хор:	Пода́й, Го́споди.
Диа́кон:	До́брых и поле́зных душа́м на́шим и ми́ра ми́рови у Го́спода про́сим.
Хор:	Пода́й, Го́споди.
Диа́кон:	Про́чее вре́мя живота́ на́шего в ми́ре и покая́нии сконча́ти у Го́спода про́сим.
Хор:	Пода́й, Го́споди.
Диа́кон:	Христиа́нския кончи́ны живота́ на́шего, безболе́зненны, непосты́дны, ми́рны и до́браго отве́та на Стра́шнем суди́щи Христо́ве про́сим.
Хор:	Пода́й, Го́споди.
Диа́кон:	Соедине́ние ве́ры и прича́стие Свята́го Ду́ха испроси́вше, са́ми себе́, и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Та́йная моли́тва свяще́нника Моли́тва перед св. Причащением Боже наш, Боже спасати, Ты нас научи благодарити Тя достойно о благодеяниих Твоих, ихже сотворил еси и твориши с нами. Ты, Боже наш, приемый Дары сия, очисти нас от всякия скверны плоти и духа, и научи совершати святыню в страсе Твоем, яко да чистым свидетельством совести нашея, приемлюще часть святынь Твоих, соединимся святому Телу и Крови Христа Твоего. И приемше их достойне, имамы Христа живуща в сердцах наших, и будем храм Святаго Твоего Духа. Ей, Боже наш, и да ни единаго же нас повинна сотвориши, страшным Твоим сим и небесным Тайнам, ниже немощна душею и телом, от еже недостойне сих причащатися. Но даждь нам даже до последняго нашего издыхания, достойне приимати часть святынь Твоих в напутие жизни вечныя, во ответ благоприятен, иже на страшнем судищи Христа Твоего, яко да и мы со всеми святыми, от века Тебе благоугодившими, будем причастницы вечных Твоих благ, ихже уготовал еси любящим Тя, Господи. И сподо́би на́с, Влады́ко, со дерзнове́нием, неосужде́нно сме́ти призыва́ти Тебе́, Небе́снаго Бо́га, Отца́, и глаго́лати:

Моли́тва Госпо́дня

Собо́рное пе́ние:	О́тче на́ш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хле́б на́ш насу́щный да́ждь на́м дне́сь, и оста́ви на́м до́лги на́ша, я́коже и мы́ оставля́ем должнико́м на́шим, и не введи́ на́с во искуше́ние, но изба́ви на́с от лука́ваго.	Молитва Господня, данная Иисусом Христом.
Иере́й:	Я́ко Твое́ е́сть Ца́рство, и си́ла, и сла́ва. Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор:	Ами́нь.

Молитва главопреклонения

Иере́й:	Ми́р все́м.	Во время чтения тайной молитвы «Бо́же, очи́сти мя́, гре́шнаго, и поми́луй мя́», диа́кон, стоя перед Царскими вратами, опоясывается орарем крестообразно. Священник же, стоя на своем месте, также как и диа́кон, поклоняется, говоря тайно трижды. При возгла́се диа́кона: «во́нмем!» завеса задергивается, и священник, поднимая над дискосом Святы́й А́гнец, громко возглашает: «Свята́я – святы́м», т.е. Святые Дары могут быть преподаны только верующим, которые освятили себя молитвою, постом и покаянием.
Хор:	И ду́хови твоему́.
Диа́кон:	Главы́ ва́ша Го́сподеви приклони́те.
Хор:	Тебе́, Го́споди.
Иере́й:	Тайная молитва священника Владыко Господи, Отче щедрот и Боже всякаго утешения, приклоньшия Тебе своя главы благослови, освяти, соблюди, укрепи, утверди, от всякаго дела лукава отстави, всякому же делу благому сочетай, и сподоби неосужденно причаститися пречистых сих и животворящих Твоих Таин, во оставление грехов, в Духа Святаго причастие. Благода́тию, и щедро́тами, и человеколю́бием Единоро́днаго Сы́на Твоего́, с Ни́мже благослове́н еси́, со Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в.
Хор:	Ами́нь.
Иере́й:	Тайная молитва священника Вонми́, Го́споди Иису́се Христе́ Бо́же на́ш, от свята́го жили́ща Твоего́, и от престо́ла сла́вы Ца́рствия Твоего́, и прииди́ во е́же освяти́ти на́с, и́же горе́ со Отце́м седя́й, и зде́ на́м неви́димо спребыва́яй. И сподо́би держа́вною Твое́ю руко́ю препода́ти на́м Пречи́стое Те́ло Твое́ и Честну́ю Кро́вь, и на́м и все́м лю́дем.	Во время чтения этой молитвы диакон, стоя перед Царскими вратами опоясывается орарем крестообразно. Священник же, стоя на своем месте, также как и диакон, поклоняется и произносит молитву.
Диакон:	Боже, очисти меня, грешного и помилуй меня. (трижды)
Диа́кон:	Во́нмем.
Иере́й:	Свята́я святы́м.	Закрываются Царские врата завесою.
Хор:	Еди́н Свя́т, еди́н Госпо́дь Иису́с Христо́с, во сла́ву Бо́га Отца́. Ами́нь.
Хор поет прича́стен дня или святого по уставу.
Причащение священнослужителей в алтаре
Иере́й:	Диа́коне, приступи́.
Диа́кон:	Се́ прихожду́ к безсме́ртному Царю́ и Бо́гу на́шему. Препода́ждь ми́, влады́ко, Честно́е и Свято́е Те́ло Го́спода и Бо́га и Спа́са на́шего Иису́са Христа́.	Священник же, взяв Тело Христово, дает диакону. Диа́кон же, принимает Тело Христово.
Иере́й:	(и́мя), священнодиа́кону, преподае́тся честно́е и свято́е и пречи́стое Те́ло Го́спода и Бо́га и Спа́са на́шего Иису́са Христа́, во оставле́ние грехо́в его́ и в жи́знь ве́чную.
Диа́кон:	Ве́рую, Го́споди, и испове́дую, я́ко Ты́ еси́ вои́стинну Христо́с, Сы́н Бо́га жива́го, прише́дый в ми́р гре́шныя спасти́, от ни́хже пе́рвый е́смь а́з. Еще́ ве́рую, я́ко сие́ е́сть са́мое пречи́стое Те́ло Твое́, и сия́ е́сть са́мая честна́я Кро́вь Твоя́. Молю́ся у́бо Тебе́: поми́луй мя́ и прости́ ми́ прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя́ неосужде́нно причасти́тися пречи́стых Твои́х Та́инств, во оставле́ние грехо́в и в жи́знь ве́чную. Ами́нь. Се́ приступа́ю к Боже́ственному Причаще́нию. Соде́телю, да не опали́ши мя́ приобще́нием: О́гнь бо еси́, недосто́йныя попаля́яй. Но у́бо очи́сти мя́ от вся́кия скве́рны. Ве́чери Твоея́ та́йныя дне́сь, Сы́не Бо́жий, прича́стника мя́ приими́; не бо враго́м Твои́м та́йну пове́м, ни лобза́ния Ти́ да́м, я́ко Иу́да, но я́ко разбо́йник испове́даю Тя́: помяни́ мя́, Го́споди, во Ца́рствии Твое́м. Боготворя́щую Кро́вь ужасни́ся челове́че, зря́, О́гнь бо е́сть, недосто́йныя попаля́яй. Боже́ственное Те́ло и обожа́ет мя́ и пита́ет: Обожа́ет ду́х, у́м же пита́ет стра́нно. Тропари́ Услади́л мя́ еси́ любо́вию, Христе́, / и измени́л мя́ еси́ Боже́ственным Твои́м раче́нием; / но попали́ огне́м невеще́ственным грехи́ моя́, / и насы́титися е́же в Тебе́ наслажде́ния сподо́би: // да лику́я возвелича́ю, Бла́же, два́ прише́ствия Твоя́. Во све́тлостех Святы́х Твои́х ка́ко вни́ду, недосто́йный? / А́ще бо дерзну́ совни́ти в черто́г, оде́жда мя́ облича́ет, я́ко не́сть бра́чна, / и свя́зан изве́ржен бу́ду от А́нгелов. / Очи́сти, Го́споди, скве́рну души́ моея́, // и спаси́ мя́, я́ко Человеколю́бец. Моли́тва Влады́ко Человеколю́бче, Го́споди Иису́се Христе́ Бо́же мо́й, да не в су́д ми́ бу́дут Свята́я сия́, за е́же недосто́йну ми́ бы́ти: но во очище́ние и освяще́ние души́ же и те́ла, и во обруче́ние бу́дущия жи́зни и Ца́рствия. Мне́ же, е́же прилепля́тися Бо́гу, бла́го е́сть, полага́ти во Го́споде упова́ние спасе́ния моего́. И сно́ва Ве́чери Твоея́ та́йныя дне́сь, Сы́не Бо́жий, / прича́стника мя́ приими́; / не бо враго́м Твои́м та́йну пове́м, / ни лобза́ния Ти́ да́м, я́ко Иу́да, / но я́ко разбо́йник испове́даю Тя́: // помяни́ мя́, Го́споди, во Ца́рствии Твое́м.
Иере́й:	Се́ прихожду́ к безсме́ртному Царю́ и Бо́гу на́шему. Вот, я прихожу ко Христу, бессмертному Царю и Богу моему. Честно́е и пресвято́е Те́ло Го́спода и Бо́га и Спа́са на́шего Иису́са Христа́ преподае́тся мне́, (и́мя), свяще́ннику, во оставле́ние грехо́в мои́х и в жи́знь ве́чную. Ве́рую, Го́споди, и испове́дую, я́ко Ты́ еси́ вои́стинну Христо́с, Сы́н Бо́га жива́го, прише́дый в ми́р гре́шныя спасти́, от ни́хже пе́рвый е́смь а́з. Еще́ ве́рую, я́ко сие́ е́сть са́мое пречи́стое Те́ло Твое́, и сия́ е́сть са́мая честна́я Кро́вь Твоя́. Молю́ся у́бо Тебе́: поми́луй мя́ и прости́ ми́ прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя́ неосужде́нно причасти́тися пречи́стых Твои́х Та́инств, во оставле́ние грехо́в и в жи́знь ве́чную. Ами́нь. Ве́чери Твоея́ та́йныя дне́сь, Сы́не Бо́жий, / прича́стника мя́ приими́; / не бо враго́м Твои́м та́йну пове́м, ни лобза́ния Ти́ да́м, я́ко Иу́да, / но я́ко разбо́йник испове́даю Тя́: / помяни́ мя́, Го́споди, во Ца́рствии Твое́м. Да не в су́д или́ во осужде́ние бу́дет мне́ причаще́ние Святы́х Твои́х Та́ин, Го́споди, но во исцеле́ние души́ и те́ла.	Произносит священник, взяв частицу Тела Христова
Иере́й:	Се́ па́ки прихожду́ к безсме́ртному Царю́ и Бо́гу на́шему.	И причаща́ются Пречистого Тела Христова со страхом и твердой верой.
Иере́й:	Честны́я и святы́я Кро́ве Го́спода и Бо́га и Спа́са на́шего Иису́са Христа́, причаща́юся а́з, ра́б Бо́жий, свяще́нник (и́мя), во оставле́ние грехо́в мои́х и в жи́знь ве́чную. Ами́нь.	И, взяв обеими руками святой потир, причащается из него трижды с этим словами
Иере́й:	Се́ прикосну́ся устна́м мои́м, и оты́мет беззако́ния моя́, и грехи́ моя́ очи́стит.	И так, отерши уста свои и край священного потира, целует его и произносит эти слова.
Иере́й:	Диа́коне, приступи́.
Диа́кон:	Се́ па́ки прихожду́ к безсме́ртному Царю́ и Бо́гу на́шему. И: Препода́ждь ми́, влады́ко, честну́ю и святу́ю Кро́вь Го́спода и Бо́га и Спа́са на́шего Иису́са Христа́.
Иере́й:	Причаща́ется ра́б Бо́жий, диа́кон (имя), честны́я и святы́я Кро́ве Го́спода и Бо́га и Спа́са на́шего Иису́са Христа́, во оставле́ние грехо́в свои́х и в жи́знь ве́чную. Се́ прикосну́ся устна́м твои́м, и оты́мет беззако́ния твоя́, и грехи́ твоя́ очи́стит. Благодари́м Тя́, Влады́ко человеколю́бче, Благоде́телю ду́ш на́ших, я́ко и в настоя́щий де́нь сподо́бил еси́ на́с небе́сных Твои́х и безсме́ртных Та́инств. Испра́ви на́ш пу́ть, утверди́ ны́ во стра́се Твое́м вся́, соблюди́ на́ш живо́т, утверди́ на́ша стопы́, моли́твами и моле́ньми сла́вныя Богоро́дицы и Присноде́вы Мари́и, и все́х святы́х Твои́х.

Молитвы перед причащением мирян

Диа́кон:	Со стра́хом Бо́жиим и ве́рою приступи́те.	Открываются царские врата для причащения мирян. Открытие врат напоминает открытие гроба Спасителя, а вынос Св. Даров – явление Иисуса Христа по воскресении. Крестообразно сложивши руки на груди, причащающиеся подходят к Св. Чаше
Хор:	Благослове́н гряды́й во и́мя Госпо́дне, Бо́г Госпо́дь и яви́ся на́м.
Иере́й:	Ве́рую, Го́споди, и испове́дую, я́ко Ты́ еси́ вои́стину Христо́с, Сы́н Бо́га Жива́го, прише́дый в ми́р гре́шныя спасти́, от ни́хже пе́рвый е́смь а́з. Еще́ ве́рую, я́ко Сие́ е́сть Са́мое Пречи́стое Те́ло Твое́ и Сия́ е́сть Са́мая Честна́я Кро́вь Твоя́. Молю́ся у́бо Тебе́: поми́луй мя́ и прости́ ми́ прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя́ неосужде́нно причасти́тися Пречи́стых Твои́х Та́инств, во оставле́ние грехо́в и в жи́знь ве́чную. Ами́нь. Ве́чери Твоея́ та́йныя дне́сь, Сы́не Бо́жий, прича́стника мя́ приими́, не бо враго́м Твои́м та́йну пове́м, ни лобза́ния Ти́ да́м, я́ко Иу́да, но, я́ко разбо́йник, испове́даю Тя́: помяни́ мя́, Го́споди, во Ца́рствии Твое́м. Да не в су́д или́ во осужде́ние бу́дет мне́ причаще́ние Святы́х Твои́х Та́йн, Го́споди, но во исцеле́ние души́ и те́ла.
Хор:	Те́ло Христо́во приими́те, исто́чника безсме́ртнаго вкуси́те.
Причащение мирян

Во́зглас «Спаси́, Бо́же, лю́ди Твоя́» и стихи́ра «Ви́дехом све́т и́стинный»

Диа́кон:	Диа́кон произносит Отмы́й, Го́споди, грехи́ помина́вшихся зде́ Кро́вию Твое́ю Честно́ю, моли́твами святы́х Твои́х.	«Ви́дехом све́т и́стинный» – стихи́ра праздника Пятидесятницы Отирает святой Ди́скос, произнося эти слова.
Иере́й:	Спаси́, Бо́же лю́ди Твоя́ и благослови́ достоя́ние Твое́.	Возглашает, благословляя народ.
Иере́й:	Тайная молитва священника Вознеси́ся на Небеса́, Бо́же, и по все́й земли́ сла́ва Твоя́. (три́жды)	Произносит, обратившись к святому престолу и кадит трижды.
Хор:	Ви́дехом све́т и́стинный, прия́хом Ду́ха Небесного, обрето́хом ве́ру и́стинную, Неразде́льней Тро́ице поклоня́емся: Та́ бо на́с спасла́ е́сть.	Диакон, взяв из рук священника дискос, переносит его на жертвенник, и священник, взяв Чашу, благословляет ею молящихся и относит ее на жертвенник.
Иере́й:	Тайная молитва священника Благослове́н Бо́г на́ш. Всегда́, ны́не и при́сно, и во ве́ки веко́в.
Хор:	Ами́нь.

Песнь «Да испо́лнятся уста́ на́ша»

Хор:

Да испо́лнятся уста́ на́ша хвале́ния Твоего́, Го́споди, я́ко да пое́м сла́ву Твою́, я́ко сподо́бил еси́ на́с причасти́тися Святы́м Твои́м Боже́ственным, безсме́ртным и животворя́щим Та́йнам; соблюди́ на́с о Твое́й святы́ни, ве́сь де́нь поуча́тися пра́вде Твое́й. Аллилу́иа, аллилу́иа, аллилу́иа.

После́днее явле́ние Св. Даро́в.

Благода́рственная ектения

Диа́кон:	Про́сти прии́мше Боже́ственных, Святы́х, Пречи́стых, Безсме́ртных, Небе́сных и Животворя́щих, Стра́шных Христо́вых Та́йн, досто́йно благодари́м Го́спода.	Священник, сложивши антиминс, полагает на него Евангелие.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Де́нь ве́сь соверше́н, свя́т, ми́рен и безгре́шен испроси́вше, са́ми себе́, и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Тайная молитва священника Благодарственная молитва Благодари́м Тя́, Влады́ко человеколю́бче, Благоде́телю ду́ш на́ших, я́ко и в настоя́щий де́нь сподо́бил еси́ на́с небе́сных Твои́х и безсме́ртных Та́инств. Испра́ви на́ш пу́ть, утверди́ ны́ во стра́се Твое́м вся́, соблюди́ на́ш живо́т, утверди́ на́ша стопы́, моли́твами и моле́ньми сла́вныя Богоро́дицы и Присноде́вы Мари́и, и все́х святы́х Твои́х. Я́ко Ты́ еси́ Освяще́ние на́ше, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.

Заамвонная молитва

Иере́й:	С ми́ром изы́дем.	Заамвонная молитва представляет собою сокращение всех ектений, произносимых за Божественной Литургией.
Хор:	О и́мени Госпо́дни.
Диа́кон:	Го́споду помо́лимся.
Хор:	Го́споди, поми́луй.
Иере́й:	Благословля́яй благословя́щыя Тя́, Го́споди, и освяща́яй на Тя́ упова́ющыя, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящыя благоле́пие до́му Твоему́, Ты́ те́х возпросла́ви Боже́ственною Твое́ю си́лою и не оста́ви на́с, упова́ющих на Тя́. Ми́р ми́рови Твоему́ да́руй, Це́рквам Твои́м, Иере́ом и все́м лю́дем Твои́м. Я́ко вся́кое дая́ние бла́го и вся́к да́р соверше́н свы́ше е́сть, сходя́й от Тебе́, Отца́ све́тов. И Тебе́ сла́ву, и благодаре́ние, и поклоне́ние возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Благословение священником молящихся

Иере́й:	Тайная молитва священника Молитва на потребление Святых Даров Исполне́ние зако́на и проро́ков Са́м сы́й Христе́ Бо́же на́ш, испо́лнивый все́ оте́ческое смотре́ние, испо́лни ра́дости и весе́лия сердца́ на́ша, всегда́, ны́не и при́сно, и во ве́ки веко́в.	По окончании заамвонной молитвы верующие предают себя воле Божией молитвою праведного Иова: «Бу́ди и́мя Госпо́дне благослове́нно отны́не и до ве́ка». Священник благословляет верующих.
Хор:	Бу́ди и́мя Госпо́дне благослове́но отны́не и до ве́ка. (трижды)
Иере́й:	Благослове́ние Госпо́дне на ва́с, Того́ благода́тию и человеколю́бием всегда́, ны́не и при́сно, и во ве́ки веко́в.
Хор:	Ами́нь.

Псалом 33

Чита́ет чте́ц или́ пое́т хор:	Благословлю́ Го́спода на вся́кое вре́мя, вы́ну хвала́ Его́ во усте́х мои́х. О Го́споде похва́лится душа́ моя́, да услы́шат кро́тцыи и возвеселя́тся. Возвели́чите Го́спода со мно́ю и вознесе́м и́мя Его́ вку́пе. Взыска́х Го́спода и услы́ша мя́, и от все́х скорбе́й мои́х изба́ви мя́. Приступи́те к Нему́ и просвети́теся, и ли́ца ва́ша не постыдя́тся. Се́й ни́щий воззва́, и Госпо́дь услы́ша и́, и от все́х скорбе́й eго спа́се и́. Ополчи́тся А́нгел Госпо́день о́крест боя́щихся Его́, и изба́вит и́х. Вкуси́те и ви́дите, я́ко бла́г Госпо́дь; блаже́н му́ж, и́же упова́ет На́нь. Бо́йтеся Го́спода, вси́ святи́и Его́, я́ко не́сть лише́ния боя́щымся Его́. Бога́тии обнища́ша и взалка́ша, взыска́ющии же Го́спода не лиша́тся вся́каго бла́га. Прииди́те, ча́да, послу́шайте мене́, стра́ху Госпо́дню научу́ ва́с. Кто́ е́сть челове́к хотя́й живо́т, любя́й дни́ ви́дети бла́ги? Удержи́ язы́к тво́й от зла́, и устне́ твои́, е́же не глаго́лати льсти́. Уклони́ся от зла́, и сотвори́ бла́го. Взыщи́ ми́ра, и пожени́ и. О́чи Госпо́дни на пра́ведныя, и у́ши Его́ в моли́тву и́х. Лице́ же Госпо́дне на творя́щия зла́я, е́же потреби́ти от земли́ па́мять и́х. Воззва́ша пра́веднии, и Госпо́дь услы́ша и́х, и от все́х скорбе́й и́х изба́ви и́х. Бли́з Госпо́дь сокруше́нных се́рдцем, и смире́нныя ду́хом спасе́т. Мно́ги ско́рби пра́ведным, и от все́х и́х изба́вит я́ Госпо́дь. Храни́т Госпо́дь вся́ ко́сти и́х, ни еди́на от ни́х сокруши́тся. Сме́рть гре́шников люта́, и ненави́дящии пра́веднаго прегреша́т. Изба́вит Госпо́дь ду́шы ра́б Свои́х, и не прегреша́т вси́, упова́ющии на Него́.	См. Псалом
Иерей:	Благословение Господне на вас, Того благодатию и человеколюбием, всегда, ныне и присно, и во веки веков.
Хор:	Аминь.

Во́зглас и молитвы перед отпустом

Иере́й:	Сла́ва Тебе́, Христе́ Бо́же, Упова́ние на́ше, сла́ва Тебе́.
Хор:	Сла́ва, и ны́не. Го́споди, поми́луй. (три́жды) Благослови́.

Отпу́ст

Иере́й:

Воскресы́й из ме́ртвых Христо́с, и́стинный Бо́г на́ш, моли́твами Пречи́стыя Свое́й Ма́тере, святы́х сла́вных и всехва́льных апо́стол, и́же во святы́х отца́ на́шего Васи́лия Вели́каго, архиепи́скопа Кесари́и Каппадоки́йския и свята́го (храма и дня), и все́х святы́х, поми́лует и спасе́т на́с, я́ко Бла́г и Человеколю́бец.

В отпу́сте священник, вспоминая молитвы за нас Божией Матери и святых, выражает надежду, что Христос помилует и спасет нас, яко благ и человеколюбец.

Многоле́тие

Хор:

Вели́каго Господи́на и Отца́ на́шего (имя), Святе́йшего Патриа́рха Моско́вского и всея́ Руси́, и Господи́на на́шего Преосвяще́ннейшаго (имя) митрополи́та (или архиепи́скопа или́ епи́скопа; титул епархиального архиерея), бра́тию свята́го хра́ма сего́ и вся́ правосла́вныя христиа́ны, Го́споди, сохрани́ и́х на мно́гая ле́та.

Верующие молятся о сохранении на многие лета святейших православных патриархов, правящего архиерея, прихо́жан храма и всех православных христиан.

См. также: