Начало богослужебного дня в 16:00.

Вседневный праздник
Славословие
Полиелей
Вседневный праздник
Выберите настройки для вашего храма в Личном кабинете.
Богослужебные указания

Богослужебные указания за 18 января 2025 года


5. Суббота пред Богоявлением. Предпразднство Богоявления. На́вечерие Богоявления (Крещенский сочельник). Сщмч. Феопе́мпта, еп. Никомиди́йского, и мч. Фео́ны волхва. Прп. Синклитики́и Александрийской. День постный.

Прп. Симео́на Псково-Пече́рского[1].

Сщмч. Андре́я Зимина пресвитера[2].

Служба мучеников и преподобной не имеет праздничного знака, совершается вместе со службой предпразднства Богоявления.

На вечерне[3] кафизма 18-я.

На «Господи, воззвах» стихиры на 6: мучеников, глас 4-й – 3, и преподобной, глас 1-й – 3. «Слава, и ныне» – предпразднства, глас 6-й: «Гото́вися, Иорда́не реко́...» (догматик гласа не поется; см. Типикон, 20 декабря, 1-е «зри»).

Входа нет. Прокимен дня.

На стиховне стихиры предпразднства, глас 6-й (со своими припевами). «Слава, и ныне» – предпразднства, глас тот же: «Да возра́дуется пусты́ня...».

По Трисвятом – тропарь предпразднства, глас 4-й: «Возвраща́шеся иногда Иордан...» (единожды).

На малом повечерии поем канон предпразднства (этого дня), глас 6-й: «Волно́ю морско́ю...».

На утрене на «Бог Господь» – тропарь предпразднства, глас 4-й: «Возвраща́шеся иногда Иордан...» (дважды). «Слава, и ныне» – тот же тропарь.

Кафизмы 16-я и 17-я[4]. Малые ектении. Седальны предпразднства. Псалом 50-й.

Каноны: предпразднства со ирмосом на 6 (ирмосы по дважды), мучеников на 4 и преподобной на 4.

Библейские песни «Поем Господеви...».

Катавасия по 3-й, 6-й, 8-й и 9-й песнях – ирмосы канона Минеи (преподобной).

По 3-й песни – ин кондак предпразднства, глас 2-й: «Всех, Христе́, Благоутро́бне...»; седален мучеников, глас 1-й, седален преподобной, глас 5-й. «Слава, и ныне» – седален предпразднства, глас 1-й.

По 6-й песни – кондак («Во струя́х днесь Иорда́нских...») и икос предпразднства, глас 4-й.

На 9-й песни поем «Честнейшую».

По 9-й песни «Достойно есть» не поется. Светилен предпразднства. «Слава, и ныне» – ин светилен предпразднства.

«Хвалите Господа с Небес...» и хвалитные псалмы.

На хвалитех стихиры предпразднства, глас 6-й – 4. «Слава» – предпразднства, глас тот же: «С тре́петом служа́...», «И ныне» – предпразднства, глас тот же: «Воспои́м, лю́дие...».

«Тебе слава подобает...» не читается, но сразу чтец: «Слава Тебе, показавшему нам свет». Читается вседневное славословие.

На стиховне стихиры предпразднства, глас 2-й (со своими припевами). «Слава, и ныне» – предпразднства, глас 8-й: «Иоа́нне Крести́телю...».

По Трисвятом – тропарь предпразднства, глас 4-й: «Возвраща́шеся иногда Иордан...» (единожды). Ектения сугубая: «Помилуй нас, Боже...». Диакон: «Премудрость». Певцы: «Благослови». Иерей: «Сый благослове́н...». Певцы: «Утверди́, Боже...». Читается 1-й час, и бывает отпуст: «Христос, Истинный Бог наш...».

Примечание. Чтение часов на́вечерия переносится на пятницу (4 января). В сочельник Крещения (5 января) совершаются обычные трехпсалмные часы.

На часах – тропарь предпразднства («Возвраща́шеся иногда Иордан...»). Кондаки предпразднства («Всех, Христе́, Благоутро́бне...» и «Во струя́х днесь Иорда́нских...») читаются попеременно.

Литургия свт. Иоанна Златоуста.

Блаженны предпразднства, песнь 3-я – 4 (со ирмосом) и песнь 6-я – 4.

На входе – «...во святых Дивен сый...».

По входе – тропари и кондаки:

В храме Господском – тропарь предпразднства, глас 4-й: «Возвраща́шеся иногда Иордан...». «Слава» – кондак предпразднства, глас тот же: «Во струя́х днесь Иорда́нских...», «И ныне» – ин кондак предпразднства, глас 2-й: «Всех, Христе́, Благоутро́бне...».

В храме Богородицы и святого – тропарь предпразднства, глас 4-й: «Возвраща́шеся иногда Иордан...», тропарь храма; кондак предпразднства, глас 4-й: «Во струя́х днесь Иорда́нских...». «Слава» – кондак храма, «И ныне» – ин кондак предпразднства, глас 2-й: «Всех, Христе́, Благоутро́бне...».

Примечание. В храме Богородицы тропари и кондаки по входе допустимо петь следующим образом: тропарь предпразднства, глас 4-й: «Возвраща́шеся иногда Иордан...», тропарь храма; кондак предпразднства, глас 4-й: «Во струя́х днесь Иорда́нских...», «Слава» – ин кондак предпразднства, глас 2-й: «Всех, Христе́, Благоутро́бне...», «И ныне» – кондак храма.

Поется Трисвятое.

Прокимен[5] – дня (субботы), глас 8-й: «Весели́теся о Го́споде и ра́дуйтеся, пра́веднии», стих: «Блаже́ни, и́хже оста́вишася беззако́ния...».

Аллилуиарий – дня (субботы), глас 4-й: «Воззва́ша пра́веднии, и Госпо́дь услы́ша их...», стих: «Мно́ги ско́рби пра́ведным...».

Апостол и Евангелие – субботы пред Богоявлением и дня.

Поется «Достойно есть...».

Причастен – дня (субботы): «Ра́дуйтеся, пра́веднии...».

Отпуст: «Христос, Истинный Бог наш...».

Примечание. «Ве́домо же бу́ди: А́ще случи́тся на́вечерие Богоявле́ния в суббо́ту или́ Неде́лю, пост не быва́ет, и тропари́ ца́рских часо́в со чте́ниями в суббо́ту и Неде́лю не пою́тся, но пое́м часы́ ца́рския пре́жде в пято́к по обы́чаю, я́коже ука́зано на ряду́. Глаго́лем же Симво́л ве́ры, и псало́м 33-й: Благословлю́ Го́спода... И отпу́ст. И в той день яди́м сыр и я́ица» (Типикон, 5 января, «зри»). «Подоба́ет ве́дати: Я́ко а́ще случи́тся на́вечерие свята́го Богоявле́ния в суббо́ту или́ Неде́лю, пост не быва́ет. Литурги́я же быва́ет Златоу́стаго во свое́ вре́мя по обы́чаю, я́коже и всегда́. И по отпуще́нии Литурги́и в трапе́зу не хо́дим, но в притво́ре церко́внем се́дшим нам, тра́пезарь дае́т по уло́мку хле́ба коему́ждо: или́ по ма́лу хле́бцу пшени́чному, и ма́ло смо́квий и фи́ник, и по еди́ной ча́ше вина́, я́ко да не нарече́тся пост: ожида́ем же вече́рняго собо́ра. Посе́м отше́дше в ке́ллии своя́, безмо́лвствуем до вре́мене вече́рняго. Вели́каго же Васи́лия Литурги́я соверша́ется в са́мый пра́здник» (Типикон, 6 января, 2-е «зри»).

Эти предписания Устава означают, что в сочельник Крещения Господня, совпавший с субботой или воскресеньем, по совершении Литургии (до вечерни) разрешается немного подкрепиться пищей без масла. Ср.: Типикон, 5 января, «зри»: «По отпуще́нии же Литурги́и яди́м укру́хи, и пие́м по еди́ной ча́ши вина́. Соверше́нно же яди́м по отпу́сте вече́рни, со еле́ем. Сы́ра же и яи́ц и рыб ника́коже де́рзнем косну́тися».

По установившейся церковной практике, сразу по окончании Литургии совершается 9-й час и великая вечерня праздника Крещения Господня (Богоявления). По Уставу, богослужение должно начинаться «при часе́ же вече́рнем дне» (см. Типикон, 6 января, 2-е «зри»)[6]. Таким образом, по мысли Типикона, великая вечерня совершается отдельно для того, чтобы обеспечить ей более торжественное служение. Бывает звон в вели́кое, и пото́м во вся тя́жкая.

По совершении 9-го часа[7] иерей произносит начальный возглас вечерни: «Благословен Бог наш...». Чтец или хор: «Аминь». Чтец[8]: «Прииди́те, поклони́мся...» (трижды).

Примечание. Если 9-й час перед вечерней не совершался, то в начале вечерни должно быть прочитано обычное начало. Иерей: «Благословен Бог наш...». Чтец или хор: «Аминь». Чтец: «Слава Тебе, Боже наш, слава Тебе», «Царю Небесный...», Трисвятое. По «Отче наш...» иерей – возглас: «Яко Твое есть Царство...». Чтец: «Аминь», «Господи, помилуй» (12 раз), «Слава, и ныне», «Прииди́те, поклони́мся...» (трижды).

Псалом 103-й (читается). (Священник во время предначинательного псалма по обычаю читает тайно[9] светильничные молитвы перед царскими вратами.) Ектения великая.

«Блажен муж» – кафизма вся[10].

Примечание. После 1-го антифона и малой ектении – возглас: «Яко Твоя держава...»; после 2-го антифона и малой ектении – возглас: «Яко Благ и Человеколюбец...»; после 3-го антифона и малой ектении – возглас: «Яко Ты еси Бог наш...».

На «Господи, воззвах» стихиры праздника, глас 2-й – 8 (каждая стихира – дважды). «Слава, и ныне» – праздника, глас тот же: «Приклони́л еси главу́...». (Совершается обычное каждение.)

Вход с Евангелием. «Свете Тихий». Прокимен дня, глас 6-й: «Госпо́дь воцари́ся...», со стихами (по обычаю). (Ср.: Типикон, 6 января.)

Чтение 13 паримий праздника. После 3-й паримии, по обычаю, отверзаются царские врата. Чтец возглашает: «Глас пятый», и сам поет тропарь: «Яви́лся еси в ми́ре...». По Уставу, как тропари, так и псаломские стихи следует петь. Но обычно, по установившейся практике, зафиксированной в Синодальных нотных изданиях, поются только последние слова тропаря. Поэтому исполнение этих тропарей со стихами совершается в следующем порядке:

Чтец возглашает тропарь: «Яви́лся еси в ми́ре, Иже мир сотвори́вый, да просвети́ши во тьме седя́щия», и сам поет: «Человеколю́бче, сла́ва Тебе́».

Певцы поют окончание: «Человеколюбче, слава Тебе».

Чтец: «Боже, уще́дри ны и благослови́ ны, просвети́ лице́ Твое на ны и поми́луй ны. Позна́ти на земли́ путь Твой, во всех язы́цех спасение Твое. Да просвети́ши во тьме седя́щия».

Певцы: «Человеколюбче, слава Тебе».

Чтец: «Да испове́дятся Тебе лю́дие, Боже, да испове́дятся Тебе лю́дие вси. Да возвеселя́тся и возра́дуются язы́цы, яко су́диши лю́дем правото́ю и язы́ки на земли́ наста́виши. Да просвети́ши во тьме седя́щия».

Певцы: «Человеколюбче, слава Тебе».

Чтец: «Да испове́дятся Тебе лю́дие, Боже, да испове́дятся Тебе лю́дие вси. Земля даде́ плод свой. Благослови́ ны, Боже, Боже наш, благослови́ ны, Боже, и да убоя́тся Его вси концы́ земли́. Да просвети́ши во тьме седя́щия».

Певцы: «Человеколюбче, слава Тебе».

Чтец: «Слава» – «Да просвети́ши во тьме седя́щия».

Певцы: «Человеколюбче, слава Тебе».

Чтец: «И ныне» – «Да просвети́ши во тьме седя́щия».

Певцы: «Человеколюбче, слава Тебе».

Чтец: «Явился еси в мире, Иже мир сотворивый, да просвети́ши во тьме седя́щия», и сам поет: «Человеколюбче, слава Тебе».

Затворяются царские врата. Так же исполняется тропарь по 6-й паримии. На клиросе поют завершающие его слова: «То́кмо на седя́щия во тьме? Слава Тебе».

По окончании паримий отверзаются царские врата. Ектения малая. Возглас: «Яко Свят еси, Боже наш, и Тебе славу возсылаем...». Хор: «Аминь». (Трисвятое не поется.) Диакон: «Вонмем». Иерей: «Мир всем». Чтец: «И духови твоему». Диакон: «Премудрость». Чтец: Прокимен, глас 3-й: «Господь – Просвещение мое...»; стих: «Господь – Защи́титель живота́ моего́...».

Апостол – 1 Кор., зач. 143 (от полу́).

Аллилуиарий, глас 6-й: «Отры́гну се́рдце мое́...»; стих: «Красе́н добро́тою...».

Примечание. Существует традиция совершения каждения перед чтением Евангелия (как на полной Литургии).

Евангелие – Лк., зач. 9. (По обычаю, Евангелие читается диаконом на амвоне.)[11] После чтения Евангелия царские врата затворяются.

Сугубая ектения: «Рцем вси...». «Сподоби, Господи». Ектения просительная: «Исполним вечернюю...», возглас: «Яко Благ и Человеколюбец...»; молитва главопреклонения и возглас: «Бу́ди держа́ва Ца́рствия Твоего́...»[12].

По возгласе молитвы главопреклонения тотчас поются (обычно стихирным напевом) тропари, глас 8-й: «Глас Господень...», и прочие по ряду. В это время священнослужители исходят царскими вратами «на источники» или к сосуду с водой, установленному в притворе либо во дворе храма[13]. Предстоятель (в предшествии свещеносца и диакона с кадилом и свечой) износит на главе с возду́хом Святой Крест и полагает его на украшенном аналое около воды. Затем раздает свечи сослужа́щим и совершает обычное каждение окрест воды, кадит иконы и предстоящих.

По окончании тропарей диакон: «Премудрость», читаются три паримии, Апостол и Евангелие, произносится великая ектения с каждением и особыми прошениями, во время которой иерей тайно читает молитву: «Го́споди Иису́се Христе́, Единоро́дный Сы́не...». Если освящение воды совершается одним иереем (без диакона), он может прочитать тайную молитву во время паримий.

По окончании ектении возгласа не положено, но непосредственно после того, как певцы пропоют заключительное: «Тебе, Господи», иерей возглашает: «Ве́лий еси, Господи...» (трижды) и читает молитву на освящение воды. При троекратном произнесении слов «Ты у́бо, Человеколю́бче Царю́...»[14] священник каждый раз благословляет воду рукой[15], не погружая руку в воду[16]. После тайной молитвы с преклонением главы и возгласа иерей крестообразно благословляет воду Честны́м Крестом, погружая его «пра́во» (ὄρθιον, то есть «прямо» – в прямом, а не в косвенном или горизонтальном положении), взяв Крест перстами обеих рук за концы поперечной перекладины[17], в вертикальном положении низводит в воду и крестообразно возводит (т. е. как бы описывает нижней частью (подножием) Креста в воде две дуги, накрест положенные и концами вверх обращенные)[18]. При этом иерей поет тропарь, глас 1-й: «Во Иордане креща́ющуся Тебе, Господи...». Тропарь поется трижды, и совершаются три погружения Святого Креста в воду. По общепринятой практике, священнослужители поют только начало тропаря: «Во Иордане креща́ющуся Тебе, Господи», со слов же: «Тро́йческое яви́ся поклонение...» продолжают певцы. После этого предстоятель, держа Крест в левой руке, кропит крестообразно на четыре стороны (восток, запад, юг и север).

Затем молящимся, по Уставу, полагается, подходя к настоятелю, прикладываться ко Кресту и принимать окропление святой водой. На практике это удобнее делать после отпуста. Поэтому сразу после кропления на четыре стороны при пении на «Слава, и ныне» праздничной стихиры, глас 6-й: «Воспои́м, ве́рнии...» священнослужители входят в алтарь.

По окончании стихиры – диакон: «Премудрость». Хор: «Благослови». Иерей: «Сый благословен...». Хор: «Аминь. Утверди́, Боже...». Иерей: «Пресвятая Богородице, спаси нас». Хор: «Честнейшую Херувим...». Иерей: «Слава Тебе, Христе Боже...». Хор: «Слава, и ныне», «Господи, помилуй» (трижды), «Благослови». Отпуст (краткий праздничный) произносится в открытых царских вратах: «И́же во Иорда́не крести́тися изво́ливый от Иоа́нна, на́шего ра́ди спасе́ния, Христо́с, И́стинный Бог наш, моли́твами Пречи́стыя Своея́ Ма́тере и всех святы́х, поми́лует и спасе́т нас, яко Благ и Человеколю́бец».

По отпусте великой вечерни посреди церкви поставляется светильник, и около него изшедшие из алтаря священнослужители[19] поют тропарь праздника Богоявления, «Слава, и ныне» – кондак праздника Богоявления. (Величание не поется.) Затем поются многолетны: «Великаго господина...»[20], и во время целования Креста все окропляются святой водой.

Примечание. «Изве́стно же бу́ди все́м о святе́й воде́, я́ко не́цыи су́ть отлуча́юще себе́ от святы́я воды́ вкуше́ния ра́ди, не до́бре творя́т: и́бо благода́ти ра́ди Бо́жия дана́ бы́сть на освяще́ние ми́ру и все́й тва́ри. Те́мже во вся́ких ме́стех, и ска́редных, и всю́ду кропи́тся, я́же и под нога́ми на́шими су́ть: и где́ е́сть си́х ра́зум, е́же не пи́ти сея́? но да уве́си, я́ко не вкуше́ния ра́ди я́стия нечистота́ в на́с е́сть, но от скве́рных де́л на́ших, очище́ни же от си́х, пие́м без сомне́ния сию́ святу́ю во́ду... Сего́ ра́ди и в полу́нощи на пра́здник се́й, вси́ поче́рпше в до́мы во́ду отно́сят и соблюда́ют, и ле́то соверше́нно храня́т, поне́же дне́сь освяща́ются во́ды; и зна́мение быва́ет я́вственное, не растлева́ющуся во́д о́ных естеству́ долгото́ю вре́мене, но ле́то соверше́нно, и два́ и три́, мно́жицею, дне́сь че́рпаемая вода́ цела́ и нова́ пребыва́ет, и по толи́цем вре́мени, ны́не от исто́чника взя́той воде́ сравня́ется» (Типикон, 6 января, 1-е «зри»).

Примечание. На трапе́зе пост: «По отпуще́нии же Литурги́и яди́м укру́хи, и пие́м по еди́ной ча́ши вина́. Соверше́нно же яди́м по отпу́сте вече́рни, со еле́ем. Сы́ра же и яи́ц и рыб ника́коже де́рзнем косну́тися» (Типикон, 5 января, «зри»). «И пи́вше свяще́нную во́ду, вхо́дим в трапе́зу, и яди́м соверше́нно, с древянома́слием, и пие́м вино́» (Типикон, 6 января, 2-е «зри»).

1 На заседании Священного Синода Русской Православной Церкви 16 июля 2013 года был утвержден и рекомендован к общецерковному богослужебному употреблению текст службы прп. Симео́ну Псково-Пече́рскому. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/3103686.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/265).

2 На заседании Священного Синода Русской Православной Церкви 24 марта 2022 года были утверждены к общецерковному богослужебному употреблению тексты тропаря и кондака священномученику Андрею Зимину, пресвитеру. Тексты тропаря и кондака размещены на официальном сайте Русской Православной Церкви – Патриархия.ru (http://www.patriarchia.ru/db/text/5911407.html), и на сайте Издательства Московской Патриархии Русской Православной Церкви (http://nbt.rop.ru/?q=texts/tropar/564).

3 Вечерня после возгласа «Благословен Бог наш...» начинается с «Царю Небесный...» и обычного начала, поскольку не предваряется 9-м часом.

4 На 17-й кафизме иерей совершает полное каждение храма, как на «Господи, воззвах»; царские врата остаются закрытыми (ср.: Типикон, гл. 12).

5 См.: Типикон, 5 января, «зри»; Розанов В. Богослужебный Устав Православной Церкви. С. 378.

6 Устав оговаривает для на́вечерия Богоявления в седмичные дни время начала вечерни с Литургией свт. Василия Великого – «при часе́ 5-м дне», т. е. по-нашему – в 11-м утра (см. Типикон, 6 января). Однако существует мнение, что данная статья Типикона имеет русскую редакцию, поэтому времяисчисление излагает по современному счету. Ср.: Рождество Господа Бога и Спаса нашего Иисуса Христа. СПб., 1993. С. 44.

7 О тропаре и кондаке на 9-м часе см. выше.

8 Согласно Уставу, «Прииди́те, поклони́мся...» и предначинательный (103-й) псалом читается предстоятелем, по сложившейся практике – чтецом.

9 «Выражения литургических памятников: про себя (καθ᾽ἑαυτὸν) и тайно (μυστικῶς) ясно говорят сами за себя и показывают священнику, как он должен держать себя на время чтения светильничных молитв вечерних и утренних. Поэтому на наш взгляд некоторые священники поступают неправильно, произнося с возвышением голоса некоторые фразы читаемых ими во время предначинательного псалма или шестопсалмия молитв. До слуха молящихся обыкновенно долетают эти отрывочные фразы, слова и вздохи и, перемешиваясь со словами читаемых псалмов, затрудняют выслушивать внимательно читаемые псалмы. Этого мало. Подобные священники являются прямыми нарушителями строгого предписания на этот счет нашего Церковного Устава. В девятой главе его вот что, напр., говорится о чтеце шестопсалмия и состоянии молящихся в это время: “Егда же глаголется шестопсалмие, тогда подобает со вниманием слушанию прилежати, покаяния бо псалмы исполнены суть и умиления. Глаголем же сия псалмы со благоговением и со страхом Божиим, яко самому Богу невидимо беседующе и молящеся о гресех наших”. И в другом месте по тому же самому поводу мы читаем следующее: “И глаголет (т. е. предстоятель) шестопсалмие со всяким вниманием, не борзяся, но со страхом Божиим, яко самому Богу беседующе невидимо. И не имать кто власти шепты творити, ниже плюнути или харкати, но паче внимати от псаломника глаголемым, руце имуще согбены к персем, главы же преклонены и очи имуще долу, сердечныма очима зряще к востоком, молящеся о гресех наших, поминающе смерть и будущую муку и жизнь вечную” (Типикон [в понедельник 1-й седмицы Великого поста – Сост.]). Само собою понятно, при указанных шептаниях священника или, лучше сказать, выкрикиваниях, едва ли может быть так сосредоточено внимание молящихся, как это требует на сей случай наш Церковный Устав» (Дмитриевский А. А. Вечерние светильничные молитвы // Руководство для сельских пастырей. К., 1888. № 36. С. 24–25).

10 «И а́ще в суббо́ту ве́чера, пое́м Блаже́н муж, кафи́зму всю. А́ще ли в Неде́лю ве́чера, пое́м 1-й антифо́н» (Типикон, 6 января, 2-е «зри»).

11 При этом литургийный диалог диакона и священника перед чтением Евангелия («Благослови́, влады́ко, благовести́теля...», «Бог, моли́твами свята́го сла́внаго...») не произносится. После аллилуиария – «Премудрость, про́сти, услы́шим свята́го Ева́нгелия...», и далее по обычаю.

12 Ср.: Розанов В. Богослужебный Устав Православной Церкви. С. 84.

13 На практике освящение воды обычно совершается в центральной части храма или в приделе.

14 См.: Минея-Январь. Ч. 1. С. 230. В архиерейском Чиновнике и в различных изданиях Требника начало этого стиха имеет другую редакцию: «Сам у́бо, Человеколю́бче Царю́...» (см.: Чино́вник архиерейского священнослужения. Кн. 2. С. 54; Требник [Большой]. М., 1884. СПб., 1995р. Л. 70 об.; Требник. В 2-х ч. М.: Издательство Московской Патриархии Русской Православной Церкви, 2014. Ч. 2. С. 53).

15 «И сие́ у́бо свяще́нник глаго́ля три́жды, и во́ду руко́ю благословля́ет на ки́йждо стих» (Минея-Январь. Ч. 1. С. 230).

16 См.: Никольский К., прот. Пособие к изучению Устава богослужения Православной Церкви. СПб., 1907. С. 831.

17 «В уставе Московских Патриархов, при указании чина водоосвящения, совершенного в на́вечерие Богоявления в 1668 году Патриархом Паисием, замечено: а в освящении Патриарх погружал Крест, а погружал на восток, не обращая к себе» (Никольский К., прот. Пособие к изучению Устава богослужения Православной Церкви. СПб., 1907. С. 831).

18 См.: Булгаков С. В. Настольная книга для священно-церковнослужителей. К., 1913. М., 1993р. С. 22; Сильченков Н., свящ. Практическое руководство при совершении приходских треб. СПб., 1994п. С. 257.

19 В уставной традиции (и в практике некоторых храмов) тропарь и кондак праздника перед зажженной свечой «посреде́ це́ркве» поют певцы. «По отпу́сте, или́ есть Литурги́я, или́ несть, поставля́ется све́щник среди́ це́ркве, кли́рицы же, ста́вше о́ба ли́ка вку́пе, пою́т тропа́рь пра́здника. Сла́ва, и ны́не, конда́к. По сконча́нии же кондака́ многоле́тны, я́коже обы́чно» (Минея, 6 января).

20 Ср.: Минея, 6 января.

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью. Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 18

Псалом 119

Пе́снь степе́ней. Ко Го́споду, внегда́ скорбе́ти ми́, воззва́х, и услы́ша мя́. Го́споди, изба́ви ду́шу мою́ от усте́н непра́ведных и от язы́ка льсти́ва. Что́ да́стся тебе́, или́ что́ приложи́тся тебе́ к язы́ку льсти́ву? Стре́лы си́льнаго изощре́ны, со у́гльми пусты́нными. Увы́ мне́, я́ко прише́лствие мое́ продолжи́ся, всели́хся с селе́нии Кида́рскими: мно́го прише́лствова душа́ моя́: с ненави́дящими ми́ра бе́х ми́рен: егда́ глаго́лах и́м, боря́ху мя́ ту́не.

Псалом 120

Пе́снь степе́ней. Возведо́х о́чи мои́ в го́ры, отню́дуже прии́дет по́мощь моя́. По́мощь моя́ от Го́спода, сотво́ршаго не́бо и зе́млю. Не да́ждь во смяте́ние ноги́ твоея́, ниже́ воздре́млет храня́й тя́: се́, не воздре́млет, ниже́ у́снет храня́й Изра́иля. Госпо́дь сохрани́т тя́, Госпо́дь покро́в тво́й на ру́ку десну́ю твою́. Во дни́ со́лнце не ожже́т тебе́, ниже́ луна́ но́щию. Госпо́дь сохрани́т тя́ от вся́каго зла́, сохрани́т ду́шу твою́ Госпо́дь: Госпо́дь сохрани́т вхожде́ние твое́ и исхожде́ние твое́, отны́не и до ве́ка.

Псалом 121

Пе́снь степе́ней. Возвесели́хся о ре́кших мне́: в до́м Госпо́день по́йдем. Стоя́ще бя́ху но́ги на́шя во дво́рех твои́х, Иерусали́ме. Иерусали́м зи́ждемый я́ко гра́д, ему́же прича́стие его́ вку́пе. Та́мо бо взыдо́ша коле́на, коле́на Госпо́дня, свиде́ние Изра́илево, испове́датися и́мени Госпо́дню: я́ко та́мо седо́ша престо́ли на су́д, престо́ли в дому́ Дави́дове. Вопроси́те же я́же о ми́ре Иерусали́ма: и оби́лие лю́бящым тя́. Бу́ди же ми́р в си́ле твое́й, и оби́лие в столпостена́х твои́х. Ра́ди бра́тий мои́х и бли́жних мои́х глаго́лах у́бо ми́р о тебе́. До́му ра́ди Го́спода Бо́га на́шего взыска́х блага́я тебе́.

Псалом 122

Пе́снь степе́ней. К Тебе́ возведо́х о́чи мои́, Живу́щему на небеси́. Се́, я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́. Поми́луй на́с, Го́споди, поми́луй на́с, я́ко помно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.

Псалом 123

Пе́снь степе́ней. Я́ко а́ще не Госпо́дь бы бы́л в на́с, да рече́т у́бо Изра́иль: я́ко а́ще не Госпо́дь бы бы́л в на́с, внегда́ воста́ти челове́ком на ны́, у́бо живы́х поже́рли бы́ша на́с: внегда́ прогне́ватися я́рости и́х на ны́, у́бо вода́ потопи́ла бы на́с. Пото́к пре́йде душа́ на́ша: у́бо пре́йде душа́ на́ша во́ду непостоя́нную. Благослове́н Госпо́дь, и́же не даде́ на́с в лови́тву зубо́м и́х. Душа́ на́ша я́ко пти́ца изба́вися от се́ти ловя́щих: се́ть сокруши́ся, и мы́ изба́влени бы́хом. По́мощь на́ша во и́мя Го́спода, сотво́ршаго не́бо и зе́млю.

Чтец: Сла́ва Отцу́ и Сы́ну и Свято́му Ду́ху.

Лик: И ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Лик: Го́споди, поми́луй. (Трижды)

Лик: Сла́ва Отцу́ и Сы́ну и Свято́му Ду́ху.

Чтец: И ны́не и при́сно, и во ве́ки веко́в. Ами́нь.

Псалом 124

Пе́снь степе́ней. Наде́ющиися на Го́спода, я́ко гора́ Сио́н: не подви́жится в ве́к живы́й во Иерусали́ме. Го́ры о́крест его́, и Госпо́дь о́крест люди́й Свои́х, отны́не и до ве́ка. Я́ко не оста́вит Госпо́дь жезла́ гре́шных на жре́бий пра́ведных, я́ко да не про́струт пра́веднии в беззако́ния ру́к свои́х. Ублажи́, Го́споди, благи́я и пра́выя се́рдцем. Уклоня́ющыяся же в развраще́ния отведе́т Госпо́дь с де́лающими беззако́ние: ми́р на Изра́иля.

Псалом 125

Пе́снь степе́ней. Внегда́ возврати́ти Го́споду пле́н Сио́нь, бы́хом я́ко уте́шени. Тогда́ испо́лнишася ра́дости уста́ на́ша, и язы́к на́ш весе́лия: тогда́ реку́т во язы́цех: возвели́чил е́сть Госпо́дь сотвори́ти с ни́ми. Возвели́чил е́сть Госпо́дь сотвори́ти с на́ми: бы́хом веселя́щеся. Возврати́, Го́споди, плене́ние на́ше, я́ко пото́ки ю́гом. Се́ющии слеза́ми, ра́достию по́жнут. Ходя́щии хожда́ху и пла́кахуся, мета́юще се́мена своя́: гряду́ще же прии́дут ра́достию, взе́млюще рукоя́ти своя́.

Псалом 126

Пе́снь степе́ней. А́ще не Госпо́дь сози́ждет до́м, всу́е труди́шася зи́ждущии: а́ще не Госпо́дь сохрани́т гра́д, всу́е бде́ стреги́й. Всу́е ва́м е́сть у́треневати: воста́нете по седе́нии яду́щии хле́б боле́зни, егда́ да́ст возлю́бленным Свои́м со́н. Се́, достоя́ние Госпо́дне сы́нове, мзда́ плода́ чре́вняго. Я́ко стре́лы в руце́ си́льнаго, та́ко сы́нове оттрясе́нных. Блаже́н, и́же испо́лнит жела́ние свое́ от ни́х: не постыдя́тся, егда́ глаго́лют враго́м свои́м во врате́х.

Псалом 127

Пе́снь степе́ней. Блаже́ни вси́ боя́щиися Го́спода, ходя́щии в путе́х Его́: труды́ плодо́в твои́х сне́си: блаже́н еси́, и добро́ тебе́ бу́дет. Жена́ твоя́ я́ко лоза́ плодови́та в страна́х до́му твоего́: сы́нове твои́ я́ко новосажде́ния ма́сличная о́крест трапе́зы твоея́. Се́, та́ко благослови́тся челове́к боя́йся Го́спода. Благослови́т тя́ Госпо́дь от Сио́на, и у́зриши блага́я Иерусали́ма вся́ дни́ живота́ твоего́, и у́зриши сы́ны сыно́в твои́х: ми́р на Изра́иля.

Псалом 128

Пе́снь степе́ней. Мно́жицею бра́шася со мно́ю от ю́ности моея́, да рече́т у́бо Изра́иль: мно́жицею бра́шася со мно́ю от ю́ности моея́, и́бо не премого́ша мя́. На хребте́ мое́м де́лаша гре́шницы, продолжи́ша беззако́ние свое́. Госпо́дь пра́веден ссече́ вы́я гре́шников. Да постыдя́тся и возвратя́тся вспя́ть вси́ ненави́дящии Сио́на: да бу́дут я́ко трава́ на зде́х, я́же пре́жде восторже́ния и́зсше: е́юже не испо́лни руки́ своея́ жня́й, и не́дра своего́ рукоя́ти собира́яй: и не ре́ша мимоходя́щии: благослове́ние Госпо́дне на вы́, благослови́хом вы́ во и́мя Госпо́дне.

Чтец: Сла́ва Отцу́ и Сы́ну и Свято́му Ду́ху.

Лик: И ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Лик: Го́споди, поми́луй. (Трижды)

Лик: Сла́ва Отцу́ и Сы́ну и Свято́му Ду́ху.

Чтец: И ны́не и при́сно, и во ве́ки веко́в. Ами́нь.

Псалом 129

Пе́снь степе́ней. Из глубины́ воззва́х к Тебе́, Го́споди: Го́споди, услы́ши гла́с мо́й. Да бу́дут у́ши Твои́ вне́млюще гла́су моле́ния моего́. А́ще беззако́ния на́зриши, Го́споди, Го́споди, кто́ постои́т? Яко у Тебе́ очище́ние е́сть. И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́: упова́ душа́ моя́ на Го́спода. От стра́жи у́тренния до но́щи, от стра́жи у́тренния да упова́ет Изра́иль на Го́спода: я́ко у Го́спода ми́лость, и мно́гое у Него́ избавле́ние: и То́й изба́вит Изра́иля от все́х беззако́ний его́.

Псалом 130

Пе́снь степе́ней. Го́споди, не вознесе́ся се́рдце мое́, ниже́ вознесо́стеся о́чи мои́: ниже́ ходи́х в вели́ких, ниже́ в ди́вных па́че мене́. А́ще не смиреному́дрствовах, но вознесо́х ду́шу мою́, я́ко отдое́ное на ма́терь свою́, та́ко возда́си на ду́шу мою́. Да упова́ет Изра́иль на Го́спода отны́не и до ве́ка.

Псалом 131

Пе́снь степе́ней. Помяни́, Го́споди, Дави́да и всю́ кро́тость его́: я́ко кля́тся Го́сподеви, обеща́ся Бо́гу Иа́ковлю: а́ще вни́ду в селе́ние до́му моего́, или́ взы́ду на о́др посте́ли моея́: а́ще да́м со́н очи́ма мои́ма, и ве́ждома мои́ма дрема́ние, и поко́й скраниа́ма мои́ма: до́ндеже обря́щу ме́сто Го́сподеви, селе́ние Бо́гу Иа́ковлю. Се́, слы́шахом я́ во Евфра́фе, обрето́хом я́ в поля́х Дубра́вы: вни́дем в селе́ния Его́, поклони́мся на ме́сто, иде́же стоя́сте но́зе Его́. Воскре́сни́, Го́споди, в поко́й Тво́й, Ты́ и киво́т святы́ни Твоея́. Свяще́нницы Твои́ облеку́тся пра́вдою, и преподо́бнии Твои́ возра́дуются. Дави́да ра́ди раба́ Твоего́, не отврати́ лице́ пома́заннаго Твоего́. Кля́тся Госпо́дь Дави́ду и́стиною, и не отве́ржется ея́: от плода́ чре́ва твоего́ посажду́ на престо́ле твое́м. А́ще сохраня́т сы́нове твои́ заве́т Мо́й и свиде́ния Моя́ сия́, и́мже научу́ я́, и сы́нове и́х до ве́ка ся́дут на престо́ле твое́м. Я́ко избра́ Госпо́дь Сио́на, изво́ли и́ в жили́ще Себе́. Се́й поко́й Мо́й во ве́к ве́ка, зде́ вселю́ся, я́ко изво́лих и́. Лови́тву его́ благословля́яй благословлю́, ни́щыя его́ насы́щу хле́бы: свяще́нники его́ облеку́ во спасе́ние, и преподо́бнии его́ ра́достию возра́дуются. Та́мо возращу́ ро́г Дави́дови, угото́вах свети́лник пома́занному Моему́. Враги́ его́ облеку́ студо́м, на не́м же процвете́т святы́ня моя́.

Псалом 132

Пе́снь степе́ней. Се́, что́ добро́, или́ что́ красно́, но е́же жи́ти бра́тии вку́пе? Я́ко ми́ро на главе́, сходя́щее на браду́, браду́ Ааро́ню, сходя́щее на оме́ты оде́жды его́: я́ко роса́ Аермо́нская сходя́щая на го́ры Сио́нския: я́ко та́мо запове́да Госпо́дь благослове́ние и живо́т до ве́ка.

Псалом 133

Пе́снь степе́ней. Се́, ны́не благослови́те Го́спода, вси́ раби́ Госпо́дни, стоя́щии в хра́ме Госпо́дни, во дво́рех до́му Бо́га на́шего. В но́щех воздежи́те ру́ки ва́шя во свята́я и благослови́те Го́спода. Благослови́т тя́ Госпо́дь от Сио́на, сотвори́вый не́бо и зе́млю.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.
И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 4: Фео́ну и Феопе́мпта му́дрыя воспои́м:/ Христо́вым бо догма́том повину́ющеся,/ служе́ние вся́ко нечести́вое све́тло упраздни́вше,/ свя́те, и че́стне, и благонаде́ждне послужи́ша,/ Еди́наго Бо́га и Го́спода пред лице́м мучи́телей благодерзнове́нно испове́дающе,/ и венча́еми свы́ше.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 4: Жития́, до́лу влеку́щая, и пи́щи наслажде́ние,/ и цвету́щую сла́ву, всехва́льнии, оста́вивше я́ко привре́менну,/ Христу́ прилепи́стеся,/ Того́ добро́тою кра́сною распала́еми,/ и принесо́стеся, я́ко сладково́ннии шипцы́,/ и венце́м нетле́ннаго Ца́рствия Боголе́пно венча́стеся.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 4: И́же мир возненави́девше,/ преми́рни яви́стеся,/ в Це́ркви перворо́дных совокупи́стеся/ и со А́нгелы поете́ песнь нетле́нную,/ пред Бо́гом предстоя́ще вку́пе,/ скве́рную и́дольскую лесть отри́нувше,/ мучи́телей безу́мие му́ченически посрами́сте.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 1: Сла́вы отце́в вои́стинну возжела́вши,/ сла́ву нетле́нную возлюби́ла еси́,/ те́мже отсту́пльши сла́дких,/ те́ло твое́ боле́знем всем отдала́ еси́./ И ны́не боле́зней прие́млеши возме́здие/ со Христо́м ца́рствующи.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 1: И́же И́ова попусти́в испроси́вшему,/ и тя искуси́ти хотя́, я́ко зла́то,/ оста́ви те́ло твое́ ну́ждею лука́ваго,/ те́мже ты, посрами́вши терпе́нием неду́гов искуси́теля,/ побе́ды венце́м венча́лася еси́.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 1: Жениха́ кра́сную добро́ту возжела́вши, Христа́,/ и уневе́ститися Сему́ ты восхоте́вши все́ми ви́ды благи́х,/ боле́зньми воздержа́ния тебе́ украси́ла еси́,/ те́мже ны́не с Ним ца́рствуеши, в черто́зе Его́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 6: Гото́вися, Иорда́не реко́:/ се бо прихо́дит Христо́с Бог крести́тися от Иоа́нна,/ да змие́в неви́димыя главы́ сокруши́т Божество́м в вода́х твои́х./ Ра́дуйся, пусты́не Иорда́нская,/ го́ры, игра́йте с весе́лием:/ прихо́дит бо Ве́чный Живо́т воззва́ти Ада́ма./ Глас вопию́щаго, возопи́й, о Иоа́нне Предте́че:/угото́вайте пути́ Госпо́дни/ и стези́ Его́ пра́вы соде́лайте.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В пяток вечера, глас 7:

Диакон: Прему́дрость. Во́нмем. Проки́мен, глас 7.

Бо́же, засту́пник мой еси́ Ты, / и ми́лость Твоя́ предвари́т мя.

Лик: Бо́же, засту́пник мой еси́ Ты, / и ми́лость Твоя́ предвари́т мя.

Диакон: Изми́ мя от враг мои́х, Бо́же, и от востаю́щих на мя изба́ви мя.

Лик: Бо́же, засту́пник мой еси́ Ты, / и ми́лость Твоя́ предвари́т мя.

Диакон: Бо́же, засту́пник мой еси́ Ты

Лик: И ми́лость Твоя́ предвари́т мя.

Молитва при наступлении вечера

Народ: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 6: Земля́ и назе́мная, игра́йте и ра́дуйтеся:/ Пото́к сла́дости в реце́ креща́ется,/ излия́ние изсуша́я зло́бы,/ и источа́ет Боже́ственное оставле́ние.

Стих: Сего́ ра́ди помяну́х Тя/ от земли́ Иорда́нски и Ермонии́мски.

Глас 6: Све́та сый пода́тель Иису́с,/ не тре́буя7 крести́тися,/ пло́тию восхо́дит на Иорда́нския струи́,/ просвети́ти су́щия во тьме хотя́./ Ве́рою Сего́ усе́рдно сря́щем.

Стих: Ви́деша Тя во́ды, Бо́же,/ ви́деша Тя во́ды и у́боя́шася.

Глас 6: Поне́с раба́ зрак,/ предгряде́ши крести́тися, Христе́, от раба́/ во Иорда́нских струя́х,/ избавля́я от рабо́ты ветхаго греха́,/ и освяща́я, и просвеща́я нас.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 6: Да возра́дуется пусты́ня Иорда́нова,/ и да процвете́т, я́ко крин,/ глас бо вопию́щаго услы́шан бысть в ней:/ уготова́йте путь Госпо́день./ Го́ры бо поста́вивый ста́вилом, и удо́лия ме́рилом,/ вся исполня́яй, я́ко Бог, креща́ется от раба́,/ обнищева́ти нача́т, бога́тныя да́ры да́руяй./ Услы́ша Е́ва: в печа́лех роди́ши ча́да./ Ны́не же услы́ша Де́ва: ра́дуйся, Обра́дованная, Госпо́дь с Тобо́ю,/ име́яй ве́лию ми́лость.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 4: Возвраща́шеся иногда́ Иорда́н река́ ми́лотию Елиссе́евою,/ возне́сшуся Илии́,/ и разделя́хуся во́ды сю́ду и сю́ду/ и бысть ему́ сух путь, и́же мо́крый,/ во о́браз вои́стинну Креще́ния,/ и́мже мы теку́щее жития́ прехо́дим ше́ствие:/ Христо́с яви́ся во Иорда́не освяти́ти во́ды.

Сугубая ектения

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Диакон: Еще́ мо́лимся о Вели́ком Го́споди́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Диакон: Прему́дрость.

Лик: Благослови́.

Священник: Сый благослове́н Христо́с Бог наш, всегда́, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, (и свята́го, имяре́к, его́же есть храм), сщмч. Феопе́мпта, епископа Никомидийскаго и мч. Фео́ны волхва, прп. Синклитики́и Александрийской, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.

  • 7.7M 210