Смоленской иконы Божией Матери, именуемой «Одигитрия» (Путеводительница) (принесена из Царьграда в 1046 г.); апп. от 70-ти Про́хора, Никано́ра, Тимо́на и Парме́на диаконов (I); святителя Питири́ма, епископа Тамбовского (1698); Собор святых Тамбовской митрополии.
Преподобного Моисе́я, чудотворца Печерского, в Дальних пещерах (XIII–XIV); мчч. Иулиа́на (II), Евста́фия (ок. 316) и Ака́кия (ок. 322); прп. Павла Ксиропотамского (X).
Священномученика Николая Пономарева, диакона (1918); преподобномученика Васи́лия (Эрекаева), иеромонаха, прмцц. Анастаси́и (Камаевой) и Елены (Асташикиной), монахинь, мчч. Аре́фы Ерёмкина, Иоа́нна Сельманова, Иоа́нна Ломакина, Иоа́нна Милёшкина и мц. Ма́вры Моисеевой (1937).
Иконы Божией Матери: Гребневская (1380); «Умиление» Серафимо-Дивеевская (1885); «Одигитрия» Устюженская (1290); «Одигитрия» Выдропусская (XV); «Одигитрия» Христофоровская (XVI); «Одигитрия» Супрасльская (XVI); «Одигитрия» Югская (1615); Одигитрия Смоленская Игрицкая (Песоченская) (ок. 1622); «Одигитрия» Шуйская (1654–1655); «Одигитрия» Костромская (1672); «Одигитрия» Седмиезерная (XVII); «Одигитрия» Сергиевская (в Лавре) (1730).
Богослужения
Каноны
Тропари, кондаки, молитвы и величания
Пресвятой Богородице пред иконой Ея «Одигитрия» Смоленская
Тропарь, глас 4
К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний,/ не отврати́ Твоя́ рабы́ тщи,// Тя бо и еди́ну наде́жду и́мамы.
Перевод: К Богородице ныне усердно прибегнем мы, грешные и смиренные, и к Ней припадем, в покаянии взывая из глубины души: «Владычица, помоги, над нами сжалившись, поспеши, мы погибаем от множества согрешений! Не отпусти Твоих рабов ни с чем: ибо в Тебе имеем мы единственную надежду!»
Кондак, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Перевод: Защита христиан надежная, Ходатайство ко Творцу неизменное! Молитвенных голосов грешников не презри, но скоро приди, как Благая, на помощь нам, с верою взывающим Тебе: «Поспеши с заступлением и ускорь моление, Богородица, всегда защищая чтущих Тебя!»
Ин кондак, глас 6
Не и́мамы ины́я по́мощи,/ не и́мамы ины́я наде́жды,/ ра́зве Тебе́, Влады́чице,/ Ты нам помози́,/ на Тебе́ наде́емся/ и Тобо́ю хва́лимся,/ Твои́ бо есмы́ раби́,// да не постыди́мся.
Перевод: Не имеем иной помощи, не имеем иной надежды, кроме Тебя, Владычица. Ты нам помоги: на Тебя надеемся и Тобою хвалимся, ибо мы – Твои рабы; да не постыдимся!
Молитва
К кому́ возопию́, Влады́чице? К кому́ прибе́гну в го́рести мое́й, а́ще не к Тебе́, Цари́це Небе́сная? Кто плач мой услы́шит и воздыха́ние прии́мет, а́ще не Ты, Пренепоро́чная, Наде́ждо христиа́н и Прибе́жище нам, гре́шным? Кто па́че Тебе́ в несча́стиих защити́т? Услы́ши стена́ние мое́ и приклони́ у́хо Твое́ ко мне, Влады́чице и Ма́ти Бо́га моего́. Не пре́зри и́щущаго Твоея́ по́мощи и не отри́ни мене́ гре́шнаго, Цари́це Небе́сная! Научи́ мене́ исполня́ти во́лю Сы́на Твоего́ и да́руй жела́ние всегда́ сле́довати Его́ святы́м за́поведем. За мой ро́пот в боле́знях, труда́х и несча́стиях не отступи́ от мене́, но бу́ди Ма́терию и Покрови́тельницею мене́ малоду́шнаго, Цари́це моя́ Преблага́я, Засту́пнице Усе́рдная! Твои́м хода́тайством прегреше́ния моя́ покры́й, от ви́димых и неви́димых враго́в защити́, сердца́ вражду́ющих про́тив мене́ смягчи́ и Христо́вою любо́вию согре́й их. Мне же немощно́му да́руй Твою́ всеси́льную по́мощь победи́ти моя́ грехо́вныя привы́чки, да́бы, очи́щенный покая́нием и после́дующею доброде́тельною жи́знию, в обще́нии со Свято́ю Це́рковью прове́л остальны́я дни земна́го стра́нствия. Предста́ни мне, Наде́ждо всех христиа́н, в час кончи́ны моея́ и подкрепи́ мою́ ве́ру в сме́ртный тя́жкий час. Вознеси́ за мене́, многопрегреша́ющаго в жи́зни сей, Твоя́ всеси́льныя моли́твы по отше́ствии мое́м, да оправда́ет мене́ Госпо́дь и соде́лает прича́стником Его́ бесконе́чных ра́достей. Ами́нь.
2-я Молитва
К кому́ возопию́, Влады́чице? К кому́ прибе́гну в го́рести мое́й, а́ще не к Тебе́, Госпоже́ Влады́чице Богоро́дице, Цари́це Небе́сная? Кто́ пла́ч мо́й и воздыха́ние мое́ прии́мет, а́ще не Ты́, о, Пренепоро́чная, Наде́ждо христиа́н и Прибе́жище гре́шным? Приклони́, о, Пречи́стая Влады́чице, ушеса́ Твоя́ к моле́нию моему́, Ма́ти Бо́га моего́, не пре́зри мя́, тре́бующа Твоея́ по́мощи, услы́ши стена́ние мое́ и во́пль се́рдца моего́ внуши́, о, Госпоже́ Богоро́дице Цари́це. И пода́ждь ми́ ра́дость душе́вную, подкрепи́ мя́ нетерпели́ваго, уны́лаго и неради́ваго к Твоему́ хвале́нию. Вразуми́ и научи́ мя́, ка́ко Тебе́ моли́тися подоба́ет, и не отступи́ от мене́, Ма́ти Бо́га моего́, за ропта́ние и нетерпе́ние мое́, но бу́ди ми́ покро́в и заступле́ние в жи́зни мое́й и приведи́ мя́ к ти́хому приста́нищу блаже́ннаго о́наго поко́я, и сопричти́ мя́ к ли́ку избра́ннаго Твоего́ ста́да и та́мо удосто́й мя́ воспева́ти и сла́вити Тя́ во ве́ки. Ами́нь.
3-я Молитва
О, Пречу́дная и Превы́шшая все́х тва́рей Цари́це Богоро́дице, Небе́снаго Царя́ Христа́ Бо́га на́шего Ма́ти, Пречи́стая Одиги́трие Мари́е! Услы́ши на́с гре́шных и недосто́йных в ча́с се́й моля́щихся и припа́дающих к Твоему́ Пречи́стому О́бразу со слеза́ми и умиле́нно глаго́лющих: изведи́ на́с от ро́ва страсте́й, Влады́чице Преблага́я, изба́ви на́с от вся́кия ско́рби и печа́ли, огради́ от вся́кия напа́сти и злы́я клеветы́, и от непра́веднаго и лю́таго наве́та вра́жия. Мо́жеши бо, о, Благода́тная Ма́ти на́ша, от вся́каго зла́ сохрани́ти лю́ди Твоя́ и вся́ким благодея́нием снабди́ти и спасти́; ра́зве Тебе́ ины́я Предста́тельницы в беда́х и обстоя́ниях, и те́плыя Хода́таицы о на́с, гре́шных, не и́мамы. Умоли́, Госпоже́ Пресвята́я, Сы́на Твоего́ Христа́ Бо́га на́шего, да удосто́ит на́с Ца́рствия Небе́снаго; сего́ ра́ди всегда́ сла́вим Тя́, я́ко Вино́вницу спасе́ния на́шего, и превозно́сим свято́е и великоле́пое и́мя Отца́ и Сы́на и Свята́го Ду́ха, в Тро́ице сла́вимаго и поклоня́емаго Бо́га, во ве́ки веко́в. Ами́нь.
Апостолам
Апостолам Прохору, Никанору, Тимону и Пармену, диаконам
Кондак, глас 1
Диа́кони честни́и,/ и самови́дцы Сло́ва,/ и сосу́ди избра́ннии яви́стеся ве́ры,/ Никано́р, Про́хор, Парме́н и Ти́мон, сла́внии,/ те́мже днесь свяще́нную па́мять ва́шу пра́зднуем,// в весе́лии се́рдца вас ублажа́юще.
Перевод: Диаконы почтенные и очевидцы Слова, вы стали избранными сосудами веры, Никанор, Прохор, Пармен и Тимон, славные, потому сегодня священную память вашу празднуем, с радостным сердцем вас прославляя.
Святителю Питириму, епископу Тамбовскому
Тропарь, глас 4
Ве́ры и благоче́стия наста́вниче,/ Це́ркве свети́льниче, мона́шествующих о́бразе,/ святи́телю Питири́ме прему́дре,/ ста́до твое́ благоче́стно упа́сл еси́/ и ко Христу́ приве́л еси́,/ те́мже в Вы́шних венце́м сла́вы украше́н,/ с на́ми на земли́ ду́хом пребыва́еши, сия́я чудесы́./ Моли́ Христа́ Бо́га,// спасти́ся душа́м на́шим.
Перевод: Веры и благочестия учитель, Церкви светильник, монашествующим образец, святитель Питирим премудрый, стадо твое благочестиво упас ты и ко Христу привел, потому украшенный венцом славы на Небесах, с нами на земле пребываешь духовно, сияя чудесами. Моли Христа Бога о спасении душ наших.
Кондак, глас 8
Мона́хов наста́вника изря́дна и святи́теля все́м лю́дем ми́лостива,/ чудотво́рца преди́вна и моли́твенника о нас неусы́пна,// соше́дшеся воспои́м Питири́ма, Тамбо́вския земли́ похвалу́.
Перевод: Монахов учителя превосходного и святителя ко всем людям милостивого, чудотворца удивительного и молитвенника о нас неутомимого, собравшись, прославим Питирима, славу Тамбовского края.
Молитва
Благослове́н и препросла́влен Госпо́дь Бог, призва́вый тя, святи́телю о́тче наш Питири́ме, от пе́рваго часа́ де́лателя в виногра́д Свой, яви́вый в тебе́ послуша́ние во́ли Его́ неукло́нное, ре́вность Предте́чеву и любо́вь Па́влову, та́же и на све́щник Це́ркве Тамбо́вския тя поста́вивый и архиере́а вели́ка тя показа́вый. Благода́тию святи́тельства укрепля́ем и огне́м любве́ Христо́вы распаля́ем, не дал еси́, па́стырю наш до́брый, сна очи́ма твои́ма, ниже́ ве́ждома дрема́ния, на всяк день тружда́яся, моля́ся и благовеству́я, неве́рныя просвеща́я, заблу́дшия вразумля́я, па́дшия восставля́я, немощны́я укрепля́я, пла́чущия утеша́я, всем быв вся, я́ко же святы́й Па́вел, да вся́ко не́кия спасе́ши. Егда́ же вре́мя де́лания твоего́ в вертогра́де во́лю Влады́ки Христа́ испо́лнися и отше́л еси́ от земны́х в селе́ния го́рняя прия́ти мзду трудо́в твои́х, даде́ся ти, уго́дниче Бо́жий, Престо́лу Царя́ сла́вы с ли́ки святы́х предстоя́ти и отту́ду па́ству твою́ назира́ти, за ны гре́шныя моли́тися, не́мощи немощны́х носи́ти, неду́ги цели́ти, ско́рби утоля́ти. Сего́ ра́ди от дне блаже́ннаго успе́ния твоего́ ве́рнии не преста́ша притека́ти к тебе́ в ско́рбех и боле́знех, и о́нии прикоснове́ннем ри́зы твоя́, о́нии от воды́ из кла́дезя твоего́ избавле́ние улуча́ху. Те́мже и ны́не, к цельбоно́сному гро́бу твоему́ соше́дшеся, сла́вим Бо́га, ди́внаго во святы́х Свои́х, и тебе́, о́тче свяще́ннейший, велича́ем и мо́лим: не отступа́й от нас любо́вию твое́ю, сохраня́й моли́твами твои́ми Це́рковь Правосла́вную незы́блему от неве́рия и раско́ла, страну́ же Росси́йскую от бед и напа́стей защити́, мир и безмяте́жие той да́руя, от вся́ких враго́в огради́, па́стырем Це́ркве Святы́я благопоспеши́, дела́ рук их испра́ви и ре́вностию о спасе́нии вруче́ннаго им слове́снаго ста́да сердца́ их распали́, вся же ны в послуша́нии спаси́тельному благове́стию Христо́ву соблюди́ и де́ло спасе́ния, я́ко еди́но на потре́бу вменя́ти помози́, да ку́пно с тобо́ю еди́ными усты́ и еди́ным се́рдцем вся на всяк день и час пое́м и сла́вим Спа́са Христа́ со Отце́м и Святы́м Ду́хом во ве́ки веко́в. Ами́нь.
2-я Молитва
О, вели́кий уго́дниче Бо́жий и пресла́вный чудотво́рче, святи́телю Питири́ме! К тебе́ смире́нно припа́даем и усе́рдно мо́лимся: яви́ нам, гре́шным, любо́вь твою́ оте́ческую и многомо́щное твое́ заступле́ние. Ве́руем бо, я́ко ве́лие дерзнове́ние и́маши ко Го́споду и я́ко мно́го мо́жет предста́тельство твое́ пред Престо́лом бла́гости Его́. Сохрани́ моли́твами твои́ми Це́рковь Святу́ю от ересе́й и раско́лов, от суеве́рия и неве́рия, испроси́ нам ве́ру пра́ву, наде́жду несомне́нну, любо́вь нелицеме́рну, в до́брых де́лех преспе́яние, во искуше́ниих му́жество, в злострада́ниих терпе́ние, в моли́твах постоя́нство, мир и благоустрое́ние стране́ на́шей, здра́вие же и спасе́ние лю́дем ея́. При́зри ми́лостиво на предстоя́щия и моля́щияся пред свято́ю ико́ною твое́ю, и вся проше́ния их во бла́го испо́лни, и всем вся в жи́зни вре́менней и ве́чней потре́бная да́руй, во сла́ву ди́внаго во святы́х свои́х Бо́га, в Тро́ице сла́вимаго и покланя́емаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
Пресвятой Богородице пред иконой Ея «Гребневской»
Тропарь, глас 8
Днесь, я́ко со́лнце пресве́тло,/ просия́ в Росси́йстей стране́, в конце́ ея́ полу́деннем,/ всечестна́я ико́на Твоя́, Влады́чице,/ ю́же благове́рный вели́кий кня́зь Дими́трий в град Москву́ принесе́./ Све́тло пра́зднуем, благове́рнии лю́дие, честна́го о́браза прише́ствие, моля́щеся приле́жно:/ Влады́чице Богоро́дице, моли́ся Сы́ну Твоему́, Христу́ Бо́гу на́шему,/ изба́вити град Москву́, страну́ на́шу и вся правосла́вныя христиа́ны/ от ва́рварскаго плене́ния, и междоусо́бныя бра́ни, и всех наве́т вра́жиих,// Тебе́ бо Еди́ну Засту́пницу и́мамы.
Перевод: Сегодня, как преяркое солнце, просияла в Российской стране, в южном крае ее, почитаемая всеми икона Твоя, Владычица, которую благоверный великий князь Димитрий принес в город Москву. Светло празднуем, благоверные люди, почтенного образа пришествие, молясь усердно: «Владычица Богородица, молись Сыну Твоему, Христу Богу нашему, об избавлении города Москвы, страны нашей и всех православных христиан от языческого пленения и междоусобной войны, и всех козней вражеских, ибо Ты у нас Единственная Защитница».
Кондак, глас 8
От святы́я ико́ны Твоея́, Богоро́дице Де́во,/ источа́ются исцеле́ния, я́ко ре́ки мно́ги,/ я́же ви́девше, росси́йстии лю́дие, си́це глаго́лем:/ о Пресвята́я Влады́чице Богоро́дице,/ не забу́ди гре́шных раб Твои́х,// моля́щихся Христу́ Бо́гу на́шему спасти́ся нам.
Перевод: От святой иконы Твоей, Богородица Дево, проистекают исцеления, как многие реки, видя которые, российские люди, так взываем: «О Пресвятая Владычица Богородица, не забывай грешных рабов Твоих, молящихся Христу Богу нашему о спасении нашем».
Пресвятой Богородице пред иконой Ея «Умиление» Серафимо-Дивеевской
Тропарь, глас 4
К Богоро́дице с умиле́нием припаде́м,/ вси, грехми́ обремене́ннии,/ чудотво́рную Ея́ ико́ну Умиле́ния облобыза́юще/ и вопию́ще со слеза́ми:/ Влады́чице, приими́ моле́ние недосто́йных раб Твои́х/ и пода́ждь нам, прося́щим,// ве́лию Твою́ ми́лость.
Перевод: К Богородице с сердечным сокрушением обратимся все, обремененные грехами, целуя Ее чудотворную икону Умиление и взывая со слезами: «Владычица, прими молитву недостойных рабов Твоих и подай нам, просящим, великую Твою милость».
Кондак, глас 3
Ю́же подража́я непло́дную смоко́вницу,/ аз, окая́нный, умиле́ния плода́ отню́д не приношу́ и посече́ния страшу́ся,/ но, взира́я к чудотво́рней ико́не Твое́й Умиле́ния, Влады́чице,/ стеню́ от се́рдца и вопию́:/ умили́ся, Благосе́рдая,/ и мне, окамене́нному се́рдцем,// благоволи́ пода́ти душе́вное и серде́чное умиле́ние.
Перевод: Подражая неплодной смоковнице (Лк.13:6-9), я, окаянный, совсем не приношу плода смирения и боюсь усекновения, но, взирая на чудотворную икону Твою Умиление, Владычица, сердечно воздыхаю и взываю: «Помилуй, Милосердная, и меня, окаменевшего сердцем, облагодетельствуй и подай душевное и сердечное смирение».
Молитва
О, Пресвята́я Госпоже́ Влады́чице, Богоро́дице Де́во! Приими́ недосто́йныя моли́твы на́ша, сохрани́ нас от наве́тов злых челове́к и от напра́сныя сме́рти, пода́ждь нам пре́жде конца́ покая́ние, на моле́ния на́ша умилосе́рдися и ра́дость в печа́ли ме́сто да́руй. И изба́ви нас, о Госпоже́ Влады́чице Богоро́дице, от вся́кия беды́, напа́сти, ско́рби, боле́зни и вся́каго зла, и сподо́би нас, гре́шных рабо́в Твои́х, одесну́ю ста́ти во второ́м прише́ствии Сы́на Твоего́, Христа́ Бо́га на́шего, и насле́дники нас бы́ти сподо́би Ца́рствия Небе́снаго и жи́зни ве́чныя со все́ми святы́ми в безконе́чныя ве́ки. Ами́нь.
2-я Молитва
Приими́, всеблагомо́щная, Пречи́стая Госпоже́, Влады́чице Богороди́тельнице, сия́ честны́я да́ры, Тебе́ еди́ней прикла́дныя, от нас, недосто́йных рабо́в Твои́х: от всех родо́в избра́нная, всех тва́рей небе́сных и земны́х вы́сшая я́вльшаяся, поне́же бо Тебе́ ра́ди бысть Госпо́дь Сил с на́ми, и Тобо́ю Сы́на Бо́жия позна́хом и сподо́бихомся свята́го Те́ла Его́ и пречи́стыя Кро́ве Его́; те́мже блаже́нна еси́ в ро́дех родо́в, Богоблаже́нная, Херуви́мов светле́йши и Серафи́мов честне́йши су́щая. И ны́не, всепе́тая Пресвята́я Богоро́дице, не преста́й моля́щися о нас, недосто́йных рабе́х Твои́х, е́же изба́витися нам от вся́каго сове́та лука́ваго и вся́каго обстоя́ния и сохрани́тися нам неврежде́нным от вся́каго ядови́таго прило́га диа́вольскаго; но да́же до конца́ моли́твами Твои́ми неосужде́нных нас соблюди́, я́ко да Твои́м заступле́нием и по́мощию спаса́еми, сла́ву, хвалу́, благодаре́ние и поклоне́ние за вся в Тро́ице Еди́ному Бо́гу и всех Созда́телю возсыла́ем, ны́не и при́сно, и во ве́ки веко́в. Ами́нь.
3-я Молитва
О, Пресвята́я Де́во Богоро́дице, Христа́ Царя́ и Бо́га на́шего Ма́ти, умиле́ния Сокро́вище и ми́лости Исто́чниче, душеспаси́тельных даро́в блага́я Пода́тельнице и скорбя́щих душ благода́тная Уте́шительнице! К Тебе́ с любо́вию припа́даем и пред свято́ю ико́ною Твое́ю смире́нно мо́лимся: умоли́, Влады́чице, возлю́бленнаго Сы́на Твоего́, Христа́ Бо́га на́шего, поми́ловати и спасти́ нас, погиба́ющих во гресе́х; вдохни́ в ду́ши на́ша покая́ние и́скреннее и умиле́ние богоуго́дное, подаждь моли́твам на́шим сле́зы очисти́тельныя; благопотре́бная житию́ вре́менному и ве́чному спасе́нию ми́лостиво, Госпоже́, нам да́руй; мир умири́, святы́й храм сей [или́: святу́ю оби́тель сию́] до́бре сохрани́, безмяте́жие и изоби́лие плодо́в земны́х нам низпосли́, и при кончи́не живота́ на́шего не ли́ши нас Ма́терняго Твоего́ заступле́ния и по́мощи, да предста́тельством Твои́м безбе́дно пре́йдем мыта́рства возду́шная и сподо́бимся унасле́довати Ца́рствие Небе́сное. Ей, Цари́це Всеблага́я, всех ра́достей Ра́досте и всего́ ми́ра христиа́нскаго утеше́ние! Помози́ нам и ны́не, и егда́ наипа́че по́мощи Твоея́ святы́я востре́буем, и спаси́ нас Ма́терними мо́литвами Твои́ми ко Христу́ Бо́гу, Ему́же со Отце́м и Святы́м Ду́хом подоба́ет вся́кая сла́ва, честь и поклоне́ние ны́не и при́сно, и во ве́ки веко́в. Ами́нь.
Перевод: или́:
Пресвятой Богородице пред иконой Ея «Одигитрия» Выдропусская
Тропарь, глас 3
Твоя́, Богоро́дице Де́во, святы́ня,/ я́ко омофо́ром нас от бед покрыва́ющая,/ яви́ся в о́блаце с шу́мом летя́щая/ к ра́досте ве́си Выдропу́сской/ егда́ из нея́ исхищена бысть/ ны́не да́руеши нам благодат́ь многомо́щную/ с не́юже и чудеса́ Твоя́,// и подае́ши нам ве́лию ми́лость.
Перевод: Твоя святыня, Богородица Дева, как омофором нас от бед укрывающая, явилась в облаке с шумом летящая, к радости села Выдропуск, после того как была из него похищена, сейчас даруешь нам благодать многочисленную, с ней же и чудеса Твои, и подаешь нам великую милость.
Кондак, глас 6
Во спасе́ние нам ро́ждшая Безнача́льного,/ и яви́вшая нам свое́ заступле́ние безконе́чное,/ Се́мя До́брое Хле́ба же́ртвеннаго преломле́ния/ безсе́менно во утро́бе пречи́стей возрасти́вшая,/ и о́бразом Твои́м Выдропу́сским благода́ть ми́ру яви́вшая,// Де́во, спаса́й Тя велича́ющия.
Перевод: Родившая нам Безначального для спасения и явившая нам свою защиту бесконечную, Доброе Семя жертвенного Хлеба преломления (Ин 6:35) бессемянно в утробе пречистой возрастившая, и образом Твоим Выдропусским благодать миру явившая, Дева, спасай Тебя прославляющих.
Молитва
О, Цари́це Небесе́ и земли́, Влады́чице всеми́лостивая, Одиги́трие всечестна́я, Предста́тельнице на́ша усе́рдная, при Кресте́ Сы́на Твоего́ и Бо́га всынови́вшая ве́сь па́дший ро́д челове́ческий и по успе́нии Свое́м не оста́вившая на́с си́рых и безнаде́жных! Мо́лим Тя́, Всенепоро́чная, благода́ть Твою́ не отыми́ от ка́ющихся рабо́в Твои́х и упра́ви вся́, я́ко Ма́ти Преблага́я: защити́ оте́чество на́ше, ве́ру правосла́вную сохрани́, вла́сти умудри́, иере́и укрепи́, ве́рным лю́дем Твои́м по́мощь неоску́дную да́руй, ю́ныя вразуми́, ста́рость уте́ши, боля́щия исцели́, отча́янныя возста́ви, заблу́ждшия обрати́ и все́м целому́дрие и кре́пость исхода́тайствуй – Ты́ бо еси́ блага́я Путеводи́тельница и милосе́рдная Засту́пница, к Тебе́ припа́даем и мо́лим Тя́: не отве́ржи на́с, но испроси́ на́м до́браго отве́та на Стра́шнем Суди́лищи, да не осу́димся по грехо́м и беззако́нием на́шим, но ми́лость улучи́м по безме́рному человеколю́бию Го́спода и Спаси́теля на́шего Иису́са Христа́, Ему́же сла́ву и поклоне́ние возсыла́ем, со Безнача́льным Его́ Отце́м, и Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.
Пресвятой Богородице пред иконой Ея «Одигитрия» Югская
Тропарь, глас 4
Днесь, я́ко со́лнце пресве́тлое,/ возсия́ нам на возду́се/ всечестна́я ико́на Твоя́, Влады́чице,/ луча́ми ми́лости мир просвеща́ющи,/ ю́же вели́кая Росси́я,/ я́ко не́кий дар Боже́ственный, свы́ше благогове́йне восприе́мши,/ прославля́ет Тя, Богома́ти, всех Влады́чицу,/ и от Тебе́ ро́ждшагося Христа́ Бо́га на́шего/ велича́ет ра́достно./ Ему́же моли́ся, о Госпоже́ Цари́це Богоро́дице,/ да сохрани́т вся гра́ды и страны́ христиа́нския/ невреди́мы от всех наве́т вра́жиих/ и спасе́т ве́рою покланя́ющихся/ Его́ Боже́ственному и Твоему́ Пречи́стому о́бразу,// Де́во Неискусобра́чная.
Перевод: Сегодня, как преяркое солнце, воссияла нам в небесах почитаемая всеми икона Твоя, Владычица, просвещая мир лучами милости, которую великая Россия, как некий Божественный дар, приняв благоговейно свыше, прославляет Тебя, Богоматерь, всех Владычицу, и от Тебя родившегося Христа Бога нашего величает радостно. Ему же молись, о Госпожа Царица Богородица, да сохранит все города и страны христианские невредимыми от всех вражеских козней и спасет с верой поклоняющихся Его Божественному и Твоему Пречистому образу, Дева брака не познавшая.
Кондак, глас 8
Притеце́м, лю́дие, к Де́ве и Богоро́дице Цари́це,/ благодаря́ще Христа́, Бо́га на́шего,/ и, к Тоя́ чудотво́рней ико́не уми́льно взира́юще,/ припаде́м и возопие́м Ей:/ о Влады́чице Мари́е,/ присети́вши страну́ сию́ Твоего́ честна́го о́браза явле́нием чуде́сно,/ спаса́й в ми́ре и благовре́менстве страну́ на́шу и вся христиа́ны,/ насле́дники показу́ющи Небе́сныя жи́зни,/ Тебе́ бо ве́рно зове́м:// ра́дуйся, Де́во, ми́ру спасе́ние.
Перевод: Соберемся, люди, к Деве и Богородице Царице, благодаря Христа, Бога нашего, и с сердечным сокрушением взирая на Ее чудотворную икону, припадем и воззовем к Ней: о Владычица Мария, оказавшая внимание стране этой чудесным явлением Твоего почитаемого образа, спасай в мире и благоденствии страну нашу и всех христиан, делая их наследниками Небесной жизни, ибо к Тебе с верой взываем: «Радуйся, Дева, спасение для мира».
Пресвятой Богородице пред иконой Ея «Шуйской-Смоленской»
Тропарь, глас 4
Я́ко многоце́нное сокро́вище прия́т град Шу́я/ чуде́сно напи́санную ико́ну Твою́,/ Пресвята́я Влады́чице, Де́во Богоро́дице,/ во исцеле́ние лю́тыя я́звы и во утеше́ние правосла́вных Тобо́ю дарова́нную,/ от нея́же исто́чники благода́тныя и до ны́не оби́льно излива́ются./ Проба́ви, Пречи́стая, и на бу́дущее вре́мя ми́лости Твоя́ ве́дущим Тя,/ храни́ град Твой и всю Ру́сскую зе́млю// и спаса́й люде́й, к Тебе́ с ве́рою и любо́вию притека́ющих.
Перевод: Как драгоценное сокровище принял город Шуя написанную чудесным образом икону Твою, Пресвятая Владычица, Дева Богородица, для исцеления жестокой чумы и для утешения православных Тобой подаренную, от нее же и до сегодняшнего дня обильно изливаются источники благодати. Простирай, Пречистая, и в будущее время милость Твою к знающим Тебя, охраняй город Твой и всю Русскую землю и спасай людей, к Тебе с верой и любовью приходящих.
Ин тропарь, глас 4
Всеблага́я и преми́лостивая Засту́пнице ро́да христиа́нскаго,/ Пречи́стая Де́во Богоро́дице,/ припа́дающе пред святы́м и чудотво́рным Твои́м о́бразом,/ и́мже от лю́таго смерто́носия град Шу́ю дре́вле изба́вила еси́,/ уми́льно взыва́ем Ти:/ не преста́й под кро́вом Своея́ бла́гости/ сохраня́ти от бед и обстоя́ний град Твой/ и вся гра́ды и ве́си страны́ Росси́йския/ и моли́ти Сы́на Твоего́, Христа́ Бо́га на́шего, // да спасе́т ду́ши на́ша.
Перевод: Всеблагая и премилостивая Защитница рода христианского, Пречистая Дева Богородица, преклоняя колена перед Твоим святым и чудотворным образом, которым от жестокой эпидемии город Шую ранее избавила Ты, смиренно взываем к Тебе: «Не переставай под покровом Своей доброты сохранять от бед и невзгод город Твой и все города и села страны Российской и молить Сына Твоего, Христа Бога нашего, о спасении душ наших».
Кондак, глас 3
Ма́ти Бо́жия Пресвята́я,/ стено́ христиа́ном, гра́да на́шего Шу́и покро́в и заступле́ние!/ Моли́твы раб Твои́х, ко ико́не Твое́й припа́дающих, приими́,/ во испове́дании Правосла́вныя ве́ры укрепи́,/ от вся́кия напа́сти и беды́ изба́ви,/ ско́рби земны́я на ра́дость преложи́// и Сы́на Твоего́ моли́ гра́ду и лю́дем Твои́м в ми́ре спасти́ся.
Перевод: Матерь Божия Пресвятая, крепость христиан, города нашего Шуи защита и заступничество! Прими молитвы рабов Твоих, к иконе Твоей припадающих, укрепи в исповедании Православной веры, от всяческих бед и несчастий избавь, преврати скорби земные в радость и Сына Твоего моли городу и людям Твоим мирно спастись.
Ин кондак, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я/ на по́мощь нас, ве́рно зову́щих Ти,/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Перевод: Защита христиан надежная, Ходатайство ко Творцу неизменное! Молитвенных голосов грешников не презри, но скоро приди, как Благая, на помощь нам, с верою взывающим Тебе: «Поспеши с заступлением и ускорь моление, Богородица, всегда защищая чтущих Тебя!»
В четверг, св. апостолам
Кондак, глас 2
Тве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й;/ боле́зни бо о́нех и смерть прия́л еси́ па́че вся́каго всепло́дия,// Еди́не све́дый серде́чная.
Перевод: Непоколебимых и богогласных проповедников, высших из учеников Твоих, Господи, Ты принял в наслаждение благ Твоих и покой; ибо труды их и смерть признал Ты высшими всякой жертвы, Один, знающий то, что в сердцах.
В четверг, святителю Николаю
Тропарь, глас 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.
Перевод: Правилом веры и образом кротости, воздержания учителем явила тебя стаду твоему непреложная Истина. Потому ты приобрел смирением – высокое, нищетою – богатство. Отче, святитель Николай, моли Христа Бога о спасении душ наших.
Кондак, глас 3
В Ми́рех, свя́те, священноде́йствитель показа́лся еси́,/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти./ Сего́ ра́ди освяти́лся еси́,// я́ко вели́кий таи́нник Бо́жия благода́ти.
Перевод: В Мирах ты, святой, явился совершителем священнодействий, ибо Христово Евангелие исполнив, положил ты, преподобный, душу свою за людей твоих и неповинных спас от смерти; потому был ты освящен, как великий служитель таинств Божией благодати.
Скрыть переводы
Мысли свт. Феофана Затворника
![Феофан](/days/img/feofan.png?1.0.0)
Архиереи и фарисеи уразумели, что Господь говорил притчи на их счет, раскрывал им глаза, чтоб увидали истину, что же сделали они по этому случаю? Придумывали, как бы убить Господа. Если бы предубеждение не кривило их здравомыслия, им следовало, если не поверить, как требовала очевидность указаний, то обсудить внимательно, не так ли и в самом деле, как объясняет Спаситель. Предубеждение столкнуло их на кривую дорогу, и они потом оказались богоубийцами.
И всегда так, и ныне так. Немцы, а за ними и наши онемечившиеся умом, как скоро встретят в Евангелии чудо, тотчас кричат: «неправда, неправда; этого не было и не могло быть, надо это вычеркнуть». Не то же ли это, что убить? Пересмотрите все книги этих умников, ни в одной не найдете указания причин, почему они так думают; ни один из них ничего не может сказать против того, чем доказывается истина евангельская, и ни один не позаботился вникнуть в доводы, какими люди здравомыслящие обличают их лживость: твердят все только свое, что быть не может, и потому не верят Евангелию. И ничего с ними не поделаешь: они готовы идти против Самого Бога.
Развернуть
Притча дня
В одном селе большевики закрывали церковь. Мрачная и молчаливая толпа людей глядела на разорение святыни, на то, как из храма вышвыривают иконы.
— Нет Бога! Бога нет! Вот, смотрите, — кричал один комиссар и стал палить из винтовки в церковные стены и лики святых. — Видите? Ну, где ваш Бог? Почему он меня не накажет?
— Да уже наказал, — послышался голос из толпы. — Ум отнял.
Проповедь дня
![Прот. Григорий Дьяченко.](https://azbyka.org/days/cache/70x100/storage/images/authors/diachenko.png)
- Прот. Григорий Дьяченко. Празднование Смоленской иконе Божией Матери.
![Прот. Димитрий Смирнов.](https://azbyka.org/days/cache/70x100/storage/images/authors/prot-dimitrij-smirnov.png)
- Прот. Димитрий Смирнов. Смоленская икона Божией Матери.
![Архим. Кирилл (Павлов).](https://azbyka.org/days/cache/70x100/storage/images/authors/kirill-pavlov.png)
- Архим. Кирилл (Павлов). Слово в день празднования Смоленской иконе Божией Матери.
Основы православия
Тема 222. Кто первым вошёл в Рай?
Существует мнение, что первым вошёл в Рай благоразумный разбойник (в частности оно отражается на некоторых типах православных икон). Евангелист Лука свидетельствует: «Вели с Ним на смерть и двух злодеев. И когда пришли на место, называемое Лобное, там распяли Его и злодеев, одного по правую, а другого по левую сторону». Один из них «злословил Иисуса», говоря, «если Ты Христос, спаси Себя и нас». Другой же, напротив, унимал его и говорил: или ты не боишься Бога, когда и сам осужден на то же? И мы осуждены справедливо, потому что достойное по делам нашим приняли, а Он ничего худого не сделал. И сказал Иисусу: помяни меня, Господи, когда приидешь в Царствие Твое! И сказал ему Иисус: истинно говорю тебе, ныне же будешь со Мною в раю» (Лк.23:39-43).
Подвиг благоразумного разбойника состоял в том, что он сумел узнать Бога в распятом после бичевания Мученике и в смирении покаяться Ему. Он явил деятельные веру, смирение и покаяние, а для большинства людей и целой жизни на это не хватает. При этом второй разбойник не раскаялся, он отверг спасение.
Подробнее: Благоразумный разбойник.
Практический совет
Как лучше молиться при нечувствии?
При нечувствии лучше молиться краткими молитвами.
Случайный тест
Календари
Поминальные дни 1933
О календаре
Богослужения
Посты
Праздники
Цитата дня
Заботьтесь не на земле оставить детей, но возвести на небо; не прилепляйтесь к супружеству плотскому, но стремитесь к духовному; рождайте души и воспитывайте детей духовно.
Фото дня
![](https://azbyka.org/days/cache/300x240/storage/images/photos-of-day/65fbf2901f638684626674.jpg)
Этот день в истории
586 до Р. Х. — Вавилонским царём Навуходоносором был разрушен и сожжён Первый Храм, построенный Соломоном в IX веке до н. э.
В этом году исполняется 110 лет со дня прославления святителя Питирима, епископа Тамбовского (1914).
День за днем
Пролог в поучениях
Об Ангеле-Хранителе