Начало богослужебного дня в 16:00.

Бденный праздник
Укажите храм в Личном кабинете.
Богослужебные указания

Богослужебные указания за 8 февраля 2026 г. (26 января ст.ст.)

26. Неделя о блудном сыне. Глас 2-й. Собор новомучеников и исповедников Церкви Русской[1].

Интрониза́ция святи́теля И́ова, Патриа́рха Моско́вского, и нача́ло Патриа́ршества на Руси́[2]. Прпп. Ксенофо́нта, супруги его Марии и сыновей их Арка́дия и Иоа́нна.

Прп. Ксенофо́нта Робе́йского. Мч. Иоа́нна Попова[3].

Поминовение всех усопших, пострадавших в годину гонений за веру Христову[4].

Воскресная служба Октоиха совершается вместе со службой Триоди и бденной службой Собора новомучеников и исповедников Церкви Русской (по 1-й Марковой главе Типикона под 30 января: «Подоба́ет ве́дати, а́ще случи́тся Трие́х святи́телей… в Неде́лю мытаре́ву, или́ блу́днаго, или́ мясопу́стную»).

Служба прп. Ксенофо́нта и дружины его поется «в пято́к на повече́рии» (см.: Типикон, гл. 49-я, 1-е «зри»)[5].

На великой вечерне «Блажен муж» – кафизма вся.

На «Господи, воззвах» стихиры на 10: воскресные, глас 2-й – 3, Триоди, глас 1-й – 3 (первая стихира – дважды), и новомучеников – 4. «Слава» – Триоди, глас 2-й: «О, коли́ких благ…», «И ныне» – догматик, глас тот же: «Пре́йде сень зако́нная…».

Вход. Прокимен дня. Паримии новомучеников – 3[6].

На литии стихира храма и стихиры Триоди, глас 2-й: «Блу́днаго глас…», и глас 8-й: «Ижди́х блу́дно…» (см. на хвалитех)[7]. «Слава» – новомучеников, глас 8-й: «Прииди́те, мучениколю́бцы…», «И ныне» – Триоди, глас 4-й: «Яко блу́дный сын…» (см. славник литийных стихир Триоди)[8].

На стиховне стихиры воскресные, глас 2-й. «Слава» – новомучеников, глас тот же: «Но́вый до́ме Евфра́фов…»[9], «И ныне» – Триоди, глас 6-й: «Оте́ческаго да́ра…» (см. славник стиховных стихир Триоди)[10].

По Трисвятом – «Богородице Дево…» (дважды) и тропарь новомучеников, глас 4-й (единожды).

На утрене на «Бог Господь» – тропарь воскресный, глас 2-й (дважды). «Слава» – тропарь новомучеников, глас 4-й, «И ныне» – Богородичен воскресный по гласу «Славы»: «Еже от ве́ка…».

Кафизмы 2-я и 3-я. Малые ектении. Седальны воскресные[11].

Полиелей. К двум полиелейным псалмам присоединяется псалом 136-й: «На река́х Вавило́нских…»[12]. Величание[13] новомучеников и избранный псалом[14]. «Ангельский собор…». Ипакои гласа. Седален новомучеников, глас 4-й: «Новому́ченицы Росси́йстии…» (см. по 1-м стихословии), ин седален новомучеников, глас тот же: «И́же в земли́…» (см. по 2-м стихословии). «Слава» – седален новомучеников по полиелее, глас 6-й: «Мужа́йся, Христо́ва Це́рковь…», «И ныне» – Богородичен: «Яко Де́ву и Еди́ну в жена́х…»[15]. Степенны и прокимен – гласа[16]. Евангелие воскресное 2-е. «Воскресение Христово видевше…». По 50-м псалме: «Слава» – Триоди, глас 8-й: «Покая́ния отве́рзи ми две́ри…», «И ныне» – Богородичен Триоди, глас тот же: «На спасе́ния стези́…». Глас 6-й: «Помилуй мя, Боже…», и стихира Триоди, глас тот же: «Мно́жества соде́янных…»[17].

Каноны: воскресный со ирмосом на 4 (ирмосы единожды), Богородицы (Октоиха) на 2, Триоди на 4 и новомучеников на 4.

Библейские песни «Поем Господеви…».

Катавасия «Су́шу глубороди́тельную…»[18].

По 3-й песни – кондак новомучеников, глас 3-й: «Днесь новому́ченицы…», и икос новомучеников: «Кра́сный ли́че…»[19]; седален новомучеников, глас 2-й (дважды). «Слава, и ныне» – седален Триоди, глас 1-й: «Объя́тия О́тча…».

По 6-й песни – кондак и икос Триоди, глас 3-й.

На 9-й песни поем «Честнейшую».

По 9-й песни – «Свят Господь Бог наш». Ексапостиларий воскресный 2-й. «Слава» – светилен новомучеников, «И ныне» – светилен Триоди (по выбору): «Бога́тство, е́же ми дал еси…» или «Расточи́х бога́тство…».

«Всякое дыхание…» и хвалитные псалмы.

На хвалитех стихиры на 8: воскресные, глас 2-й – 4, и новомучеников, глас 8-й и глас 6-й – 4 (со славником и припевами своими; припевы см. в Минее на стиховне великой вечерни). «Слава» – Триоди, глас 6-й: «О́тче Благи́й…», «И ныне» – «Преблагословенна еси…».

Великое славословие. По Трисвятом – тропарь воскресный: «Воскрес из гроба…».

Перед 1-м часом на «Слава, и ныне» – стихира евангельская 2-я.

На часах – тропарь воскресный. «Слава» – тропарь новомучеников. Кондаки воскресный[20], Триоди и новомучеников читаются попеременно.

На Литургии блаженны гласа – 4, Триоди, песнь 3-я – 4, и новомучеников, песнь 6-я – 4.

На входе: «…Воскресы́й из мертвых…».

По входе – тропари и кондаки:

Примечание. Порядок пения тропарей и кондаков в 1-й Марковой главе Типикона под 30 января излагается без учета посвящения храма: тропарь воскресный, тропарь святых; кондак воскресный. «Слава» – кондак святых, «И ныне» – кондак Триоди. Согласно общему уставу, в храме Богородицы может петься тропарь и кондак храма. Ср.: Розанов В. Богослужебный Устав Православной Церкви. С. 422, 428–430.

В храме Господском и святого – тропарь воскресный, тропарь новомучеников; кондак воскресный. «Слава» – кондак новомучеников, «И ныне» – кондак Триоди.

В храме Богородицы – тропарь воскресный, тропарь храма, тропарь новомучеников; кондак воскресный, кондак Триоди. «Слава» – кондак новомучеников, «И ныне» – кондак храма.

Примечание. Поскольку в честь новомучеников совершалось всенощное бдение, по входе на Литургии тропарь и кондак храма святого не поется.

Прокимен – воскресный гласа, и новомучеников, глас 7-й: «Бог нам Прибе́жище / и Си́ла»[21].

Апостол – Недели о блудном сыне, и новомучеников (Рим., зач. 99).

Аллилуиарий – воскресный гласа, и новомучеников, глас 4-й: «Воззва́ша пра́веднии, и Господь услы́ша их, и от всех скорбе́й их изба́ви их» (аллилуиарий мучеников общий; см. служебный Апостол).

Евангелие – Недели о блудном сыне, и новомучеников (Лк., зач. 105–106).

Причастен – воскресный: «Хвали́те Го́спода…», и новомучеников: «Ра́дуйтеся, пра́веднии…».

Примечание. В этот день совершается панихида по всем усопшим, пострадавшим в годину гонений за веру Христову (согласно определению Священного Синода Русской Православной Церкви от 30 января 1991 года на основании решения Поместного Собора 1917–1918 гг.).

Примечание. В седмицу мясопустную «Аллилуия» не поется (т. е. постовое богослужение не совершается); одна из кафизм утрени (третья) переносится на вечерню. Не поются междочасие и канон молебный ко Пресвятой Богородице на повечерии; повечерие положено малое. Точно так же – и в седмицу сырную, кроме среды и пятницы (см.: Типикон, гл. 49-я, «Неделя… блуднаго сына», «зри»).

Примечание. «Ве́домо же да есть, я́ко после́дование прилуча́ющихся святы́х в суббо́ту, и в Неде́лю мясопу́стную, пое́тся в мимоше́дших повече́риях. Та́кожде о суббо́те и Неде́ли сыропу́стной твори́м: или́ ка́ко настоя́тель изво́лит, кроме́ а́ще где случи́тся вели́каго свята́го па́мять» (Триодь Постная, «Неделя… блуднаго сына», «зри»).

1 Определением Архиерейского Собора 1992 года празднование Собора новомучеников и исповедников Российских установлено совершать 25 января (при совпадении этого числа с воскресным днем) или в ближайшее воскресенье после него. В связи с различием практик, принятых в Русской Зарубежной Церкви и в Церкви в Отечестве относительно времени празднования Собора новомучеников и исповедников Церкви Русской, Архиерейский Собор 2013 года определил установить празднование Собора новомучеников и исповедников Церкви Русской: 25 января (по старому стилю), в случае совпадения этого числа с воскресным днем; в предшествующий этой дате воскресный день, если 25 января (по старому стилю) приходится на дни от понедельника до среды; в последующий этой дате воскресный день, если 25 января (по старому стилю) приходится на дни от четверга до субботы. Священный Синод Русской Православной Церкви 29 мая 2013 года постановил утвердить для использования в официальных церковных документах и изданиях, в том числе богослужебных, именование «Собор новомучеников и исповедников Церкви Русской» вместо «Собор новомучеников и исповедников Российских».
Согласно определению Юбилейного Архиерейского Собора Русской Православной Церкви 2000 года, службы новопрославленных новомучеников и исповедников в дни их памяти по месяцеслову должны совершаться по службам, составленным в честь их и одобренным к церковному употреблению священноначалием Русской Православной Церкви. При отсутствии таковых служб служение отправляется по Минее общей новомученикам и исповедникам Российским (М., 2011) сообразно с ликом (чином) данного святого (см. также Минею дополнительную). При этом, по изволению настоятеля, службы новых святых могут как соединяться (с применением надлежащих уставных предписаний) с остальными службами дня, так и совершаться в данный день отдельно (в таком случае другие службы дня поются в ин день, по указанию настоятеля, или совершаются на повечерии этого же дня; порядок пения канонов и стихир на повечерии см. 18 февраля, во вторник 2-й седмицы Великого поста). Службу Собора новомучеников и исповедников см.: Минея дополнительная. М., 2005. С. 198–214; Минея-Январь. М., 2002. Ч. 2. 608–622; Минея общая новомученикам и исповедникам Российским. М., 2011. С. 3–24.

2 Празднование установлено определением Священного Синода Русской Православной Церкви от 27 декабря 2024 года.

3 На заседании Священного Синода Русской Православной Церкви 11 марта 2020 года были утверждены тексты тропаря и кондака мученику Иоанну Попову. Тексты тропаря и кондака размещены на официальном сайте Русской Православной Церкви – Патриархия.ru (http://www.patriarchia.ru/db/text/5605380.html), и на сайте Издательства Московской Патриархии Русской Православной Церкви (http://nbt.rop.ru/?q=texts/tropar/493).

4 Поминовение усопших установлено определением Священного Синода Русской Православной Церкви от 30 января 1991 года на основании решения Поместного Собора 1917–1918 годов.

5 В случае совершения под субботу (25 января) всенощного бдения, служба прп. Ксенофо́нта и дружины его может быть перенесена на повечерие накануне (см. 24 января).

6 По традиции, новозаветные паримии читаются при открытых царских вратах.

7 Хвалитная (и литийная) стихира Триоди, глас 4-й: «Яко блу́дный сын…», поется на «И ныне» литийных стихир. Славник хвалитных стихир Триоди, глас 6-й: «О́тче Благи́й…», не переносится на литию, поскольку поется на хвалитех (ср.: Розанов В. Богослужебный Устав Православной Церкви. С. 416).

8 Ср.: Розанов В. Богослужебный Устав Православной Церкви. С. 394, 396.

9 Существует практика петь стихиры «Земле́ Ру́сская…», «Це́рковь Ру́сская…», «Собо́ре святы́х ру́сских…», «Но́вый до́ме Евфра́фов…» как одну стихиру (подряд, без стихов) на «Славу».

10 Ср.: Розанов В. Богослужебный Устав Православной Церкви. С. 396, 398.

11 По первом стихословии на «Слава, и ныне» – Богородичен воскресный 2-го гласа: «Вся па́че смы́сла…».

12 «Полиеле́й: обы́чныя два псалма́. Припева́ем же к сим и тре́тий псало́м: На река́х Вавило́нских со Аллилу́иею кра́сною» (Типикон, гл. 49-я, «Неде́ля, в ню́же чте́тся свяще́нное и свято́е Ева́нгелие, при́тчи блу́днаго сы́на»). «А́ще ли Неде́ля блу́днаго, или́ мясопу́стная, прилага́ем и тре́тий псало́м: На река́х Вавило́нских» (Типикон, 30 января, 1-я Маркова глава, 2-е «зри»).

13 Ср.: Типикон, 2 февраля, 2-я Маркова глава; Розанов В. Богослужебный Устав Православной Церкви. С. 402.

14 При пении избра́нного псалма в воскресные дни заключительное: «Слава, и ныне», «Аллилуия, аллилуия, аллилуия, слава Тебе, Боже» (трижды) не поется. Сразу после последнего стиха избранного псалма – величание и тропари воскресные: «Ангельский собор…».

15 Богородичен см. в Минее дополнительной (М., 2005. С. 205–206), в Минее общей новомученикам и исповедникам Российским (М., 2011. С. 13); ср.: Минея общая, гл. 15, «Служба обща мучеником», л. 87.

16 Прокимен воскресный, глас 2-й: «Воста́ни, Го́споди Бо́же мой, повеле́нием, и́мже запове́дал еси,/ и сонм люде́й обы́дет Тя», стих: «Го́споди Бо́же мой, на Тя упова́х, спаси́ мя».

17 Ср.: Розанов В. Богослужебный Устав Православной Церкви. С. 404.

18 В Триоди Постной в Неделю о блудном сыне на утрене назначена катавасия «Моисейскую песнь…» (см.: Триодь Постная, ч. 1, л. 10, на обороте), но такое указание (без каких-либо оговорок) не охватывает всех возможных совпадений Триоди Постной с праздниками Минеи: ведь Неделя о блудном сыне может случиться в период с 18 января по 22 февраля, когда праздники Минеи следуют один за другим. Итак, если Неделя о блудном сыне случится с 18 января по 9 февраля (включительно), то катавасия – «Су́шу глубороди́тельную землю…». Если Неделя о блудном сыне случится с 10 по 22 февраля (включительно), то катавасия – «Моисейскую песнь…», которая и указана в последовании Триоди Постной, тогда как про другую ничего не говорится.

19 Икос новомучеников см. в Минее дополнительной (М., 2005. С. 207), в Минее общей новомученикам и исповедникам Российским (М., 2011. С. 15–16); ср.: Минея общая, гл. 15, «Служба обща мучеником», л. 88 об.–89.

20 Ср.: Розанов В. Богослужебный Устав Православной Церкви. С. 420.

21 См.: Минея-Январь. М., 2002. Ч. 2. С. 621.

Богослужебные указания с сайта Патриархии на каждый день.

⏶ Закрыть богослужебные указания

Изменяемые части богослужений

На вечерне

Кафизма 1

Кафизма 1

Пс.1-3;

Слава: Ектения малая:

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

Пс.4-6;

Слава: Ектения малая:

Возглашение: Я́ко благ и Человеколю́бец Бог еси́, и Тебе́ сла́ву возсылае́м, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Лик: Ами́нь.

Пс.7-8;

Слава: Ектения малая:

Возглашение: Я́ко Ты еси́ Бог наш, Бог ми́ловати и спаса́ти, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веков.

Лик: Ами́нь.

На «Господи, воззвах»

Канонарх: Глас вторы́й. Го́споди, воззва́х к Тебе́, услы́ши мя.

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние.
Паду́т во мре́жу свою́ гре́шницы: един есмь аз, дондеже прейду. Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ни́м моле́ние мое́, печа́ль мою́ пред Ни́м возвещу́. Внегда́ исчеза́ти от мене́ ду́ху моему́ и Ты́ позна́л еси́ стези́ моя́: на пути́ се́м, по нему́же хожда́х, скры́ша се́ть мне́. Смотря́х одесну́ю и возгля́дах, и не бе́ зна́яй мене́: поги́бе бе́гство от мене́, и не́сть взыска́яй ду́шу мою́. Воззва́х к Тебе́ Го́споди, ре́х: Ты́ еси́ упова́ние мое́, ча́сть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя́ от гоня́щих мя́, я́ко укрепи́шася па́че мене́.

Канонарх: На 10, стихиры: Изведи́ из темни́цы ду́шу мою́.

Лик: испове́датися и́мени Твоему́.

Глас 2: Пре́жде ве́к от Отца́ Ро́ждшемуся Бо́жию Сло́ву, / вопло́щшемуся от Де́вы Мари́и, / прииди́те поклони́мся: / кре́ст бо претерпе́в, / погребе́нию предаде́ся, я́ко Са́м восхоте́: / и воскре́с из ме́ртвых, // спасе́ мя заблужда́ющаго челове́ка.

Канонарх: Сти́х: Мене́ ждут пра́ведницы.

Лик: до́ндеже возда́си Мне.

Глас 2: Христо́с Спа́с на́ш, / е́же на ны́ рукописа́ние пригвозди́в на Кресте́ загла́ди, / и сме́ртную держа́ву упраздни́: // покланя́емся Его́ тридне́вному воскресе́нию.

Канонарх: На 8, cти́х: Из глубины́ воззва́х к Тебе́ Го́споди.

Лик: Го́споди, услы́ши глас мой.

Глас 2: Со Арха́нгелы воспои́м Христо́во воскресе́ние: / То́й бо е́сть Изба́витель и Спа́с ду́ш на́ших, / и в сла́ве стра́шней и кре́пцей си́ле, // па́ки гряде́т суди́ти ми́ру, его́же созда́.

Канонарх: Глас пе́рвый. Сти́х: Да бу́дут у́ши Твои́.

Лик: вне́млюще гла́су моле́ния моего́.

Глас 1: В безгре́шную страну́ и живо́тную вве́рихся, / посе́яв грех, серпо́м пожа́в кла́сы ле́ности, / и рукоя́тием связа́в дея́ний мои́х снопы́, / я́же и постла́х не на гумне́ покая́ния: / но молю́ Тя преве́чнаго де́лателя на́шего Бо́га, / ве́тром Твоего́ любоблагоутро́бия разве́й пле́ву дел мои́х, / и пшени́цу даждь души́ мое́й оставле́ние, / в небе́сную Твою́ затворя́я мя жи́тницу, и спаси́ мя.

Канонарх: На 6, cти́х: А́ще беззако́ния на́зриши, Го́споди, Го́споди, кто постои́т.

Лик: Я́ко у Тебе́ очище́ние есть.

Глас 1: В безгре́шную страну́ и живо́тную вве́рихся, / посе́яв грех, серпо́м пожа́в кла́сы ле́ности, / и рукоя́тием связа́в дея́ний мои́х снопы́, / я́же и постла́х не на гумне́ покая́ния: / но молю́ Тя преве́чнаго де́лателя на́шего Бо́га, / ве́тром Твоего́ любоблагоутро́бия разве́й пле́ву дел мои́х, / и пшени́цу даждь души́ мое́й оставле́ние, / в небе́сную Твою́ затворя́я мя жи́тницу, и спаси́ мя.

Канонарх: Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́.

Лик: упова́ душа́ моя́ на Го́спода.

Глас 1: Позна́им бра́тие, та́инства си́лу, / от греха́ бо ко оте́ческому до́му восте́кшаго блу́днаго сы́на / преблаги́й оте́ц предустре́т лобза́ет, / и па́ки своея́ сла́вы позна́ние да́рует: / и та́инственное вы́шним соверша́ет весе́лие, / закала́я тельца́ упита́ннаго, / да мы досто́йно сожи́тельствуем, / закла́вшему же человеколю́бному Отцу́ и сла́вному заколе́нию, / Спа́су душ на́ших.

Канонарх: Глас пя́тый. На 4, cти́х: От стра́жи у́тренния до но́щи, от стра́жи у́тренния.

Лик: да упова́ет Изра́иль на Го́спода.

Глас 5: Ра́дуйтеся, новому́ченицы и испове́дницы Росси́йстии,/ правосла́вных удобре́ние,/ новозакла́ннии а́гнцы,/ ве́ры побо́рницы и храни́телие,/ хода́таи о нас к Бо́гу непосты́днии,/ в ле́та после́дняя/ страда́ньми подража́телие пе́рвым му́чеником яви́стеся,/ терпе́ния столпи́ непоколеби́мии,/ душа́м на́шим испроси́те ве́лию ми́лость.

Канонарх: Сти́х: Я́ко у Го́спода ми́лость, и мно́гое у Него́ избавле́ние.

Лик: и То́й изба́вит Изра́иля от все́х беззако́ний его́.

Глас 5: Ра́дуйтеся, страстоте́рпцы сла́внии,/ стопа́м после́дующе дре́вних му́ченик,/ ве́ры ра́ди подвиза́стеся тве́рдо/ в лю́тая времена́ земли́ на́шея/ и ны́не всех подвиза́ете к сла́ве и хвале́нию Бо́га,/ укре́пльшаго ва́ше немощно́е естество́/ и обогати́вшаго вас дарова́ньми Ду́ха,/ во спасе́ние душ на́ших.

Канонарх: Глас шесты́й. На 2, cти́х: Хвали́те Го́спода вси́ язы́цы.

Лик: похвали́те Его́ вси́ лю́дие.

Глас 6: Святи́телю о́тче Ти́хоне,/ архипа́стырю многострада́льне,/ ты в годи́ну лю́тых безбо́жных гоне́ний/ ве́рная ча́да Це́ркве Росси́йския,/ утеша́я, призыва́л еси́/ за Христа́ и ве́ру Правосла́вную му́жественне стоя́ти,/ сам же, по вся дни умира́я за па́ству твою́,/ испове́дник непоколеби́мый яви́лся еси́./ Сего́ ра́ди тя с любо́вию прославля́ем.

Канонарх: Сти́х: Я́ко утверди́ся ми́лость Его́ на на́с.

Лик: и и́стина Госпо́дня пребыва́ет во ве́к.

Глас 6: Па́стырю и́стинный,/ священному́чениче Влади́мире,/ егда́ беззако́ннии понужда́ху тя/ Це́ркве Росси́йския отступи́ти,/ ве́рен де́лом и сло́вом/ святи́телю Ти́хону пребы́л еси́/ и я́ко свяще́нная же́ртва от Ки́ева, ма́тере гра́дов ру́сских,/ Бо́гу прине́слся еси́,/ моля́ся о убива́ющих тя./ Сего́ ра́ди тя усе́рдно прославля́ем.

Канонарх: Слава, глас вторы́й.

Лик: Сла́ва Отцу́, и Сы́ну, и Свято́му Ду́ху.

Глас 2: О коли́ких благ окая́нный себе́ лиши́х! / О какова́ Ца́рствия отпадо́х стра́стный аз! / Бога́тство изнури́в, е́же прия́х за́поведь преступи́х. / Увы́ мне, стра́стная душе́! / Огню́ ве́чному про́чее осу́дишися. / Те́мже пре́жде конца́ возопи́й Христу́ Бо́гу / я́ко блу́днаго прими мя сы́на, Бо́же, и поми́луй мя.

Канонарх: И ныне, глас то́йже.

Лик: И ны́не, и при́сно, и во ве́ки веко́в. Ами́нь.

Богородичен, глас 2: Пре́йде сень зако́нная, / благода́ти прише́дши: / я́ко же бо купина́ не сгара́ше, опаля́ема, / та́ко Де́ва родила́ еси́ / и Де́ва пребыла́ еси́. / Вме́сто столпа́ о́гненнаго / пра́ведное возсия́ Со́лнце, / вме́сто Моисе́я / Христо́с, спасе́ние душ на́ших.

Прокимен

Прокимен

В субботу вечера, глас 6:

Диакон: Прему́дрость. Во́нмем. Проки́мен, глас 6.

Госпо́дь воцари́ся, / в ле́поту облече́ся.

Лик: Госпо́дь воцари́ся, / в ле́поту облече́ся.

Диакон: Облече́ся Госпо́дь в си́лу и препоя́сася.

Лик: Госпо́дь воцари́ся, / в ле́поту облече́ся.

Диакон: И́бо утверди́ вселе́нную, я́же не подви́жится.

Лик: Госпо́дь воцари́ся, / в ле́поту облече́ся.

Диакон: До́му Твоему́ подоба́ет святы́ня, Го́споди, в долготу́ дний.

Лик: Госпо́дь воцари́ся, / в ле́поту облече́ся.

Диакон: Госпо́дь воцари́ся

Лик: В ле́поту облече́ся.

Паремии

Чтение Святого Писания

Новомучеников и исповедников Российских

Диакон: Прему́дрость.

Чтец: Дея́ний святы́х апо́стол чте́ние.

Диакон: Во́нмем.

Чтец: В ты́я дни собра́шася во Иерусали́м кня́зи, ста́рцы, кни́жницы и ели́цы бе́ша от ро́да архиере́йска. И, поста́вльше Петра́ и Иоа́нна посреде́, вопроша́ху: ко́ею си́лою или́ ко́им и́менем исцели́ста хрома́го? Тогда́ Петр, испо́лнився Ду́ха Свя́та, рече́: кня́зи лю́дстии и ста́рцы изра́илевы, а́ще мы днесь истязу́еми есмы́ о благодея́нии челове́ка не́мощна, о чесо́м сей спасе́ся, разу́мно бу́ди всем вам и всем лю́дем изра́илевым, я́ко во и́мя Иису́са Христа́ Назоре́а, Его́же вы распя́сте, Его́же Бог воскреси́ от ме́ртвых, о Сем сей стои́т пред ва́ми здрав. Сей есть ка́мень, укоре́нный от вас, зи́ждущих, бы́вый во главу́ у́гла, и несть ни о еди́нем же ине́м спасе́ния; несть бо ино́го и́мене под небесе́м, да́ннаго в челове́цех, о не́мже подоба́ет спасти́ся нам. Ви́дяще же Петро́во дерзнове́ние и Иоа́нново и разуме́вше, я́ко челове́ка некни́жна еста́ и про́ста, дивля́хуся, зна́ху же их, я́ко со Иису́сом бе́ста; ви́дяще же исцеле́вшаго челове́ка с ни́ма стоя́ща, ничто́же имя́ху проти́ву рещи́. Повеле́вше же и́ма вон из со́нмища изы́ти, стяза́хуся друг со дру́гом, глаго́люще: что сотвори́м челове́кома си́ма? Я́ко у́бо наро́читое зна́мение бысть и́ма, всем живу́щым во Иерусали́ме я́ве, и не мо́жем отврещи́ся; но да не бо́лее простре́тся в лю́дех, преще́нием да запрети́м и́ма ктому́ не глаго́лати о и́мени сем ни еди́ному от челове́к. И призва́вше их, запове́даша и́ма отню́д не провещава́ти, ниже́ учи́ти о и́мени Иису́сове. Петр же и Иоа́нн, отвеща́вше к ним, ре́ста: а́ще пра́ведно есть пред Бо́гом вас послу́шати па́че, не́жели Бо́га? Суди́те, не мо́жем бо мы, я́же ви́дехом и слы́шахом, не глаго́лати. Они́ же призапре́щше и́ма, пусти́ша я́, ничто́же обре́тше, ка́ко му́чити их, люди́й ра́ди, я́ко вси прославля́ху Бо́га о бы́вшем: лет бо бя́ше мно́жае четы́редесяти челове́к той, на не́мже бысть чу́до сие́ исцеле́ния. Отпуще́на же бы́вша, приидо́ста ко свои́м и возвести́ста, ели́ка к ни́ма архиере́и и ста́рцы ре́ша. Они́ же слы́шавше, единоду́шно воздвиго́ша глас к Бо́гу и реко́ша: Влады́ко, Ты, Бо́же, сотвори́вый не́бо и зе́млю и мо́ре и вся, я́же в них, И́же Ду́хом Святы́м усты́ Дави́да, о́трока Твоего́, рекл еси́: вску́ю шата́шася язы́цы и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Собра́шася бо вои́стинну во гра́де сем на свята́го О́трока Твоего́ Иису́са, Его́же пома́зал еси́, И́род же и Понти́йский Пила́т, с язы́ки и людьми́ изра́илевыми, сотвори́ти, ели́ка рука́ Твоя́ и сове́т Твой преднарече́ бы́ти. И ны́не, Го́споди, при́зри на преще́ния их и даждь рабо́м Твои́м со вся́ким дерзнове́нием глаго́лати сло́во Твое́, внегда́ ру́ку Твою́ простре́ти Ти во исцеле́ния, и зна́мением и чудесе́м быва́ти, и́менем святы́м О́трока Твоего́ Иису́са. И помоли́вшымся им, подви́жеся ме́сто, иде́же бя́ху со́брани, и испо́лнишася вси Ду́ха Свя́та, и глаго́лаху сло́во Бо́жие со дерзнове́нием.

Диакон: Прему́дрость.

Чтец: К Тимофе́ю посла́ния свята́го Апо́стола Па́вла чте́ние.

Диакон: Во́нмем.

Чтец: Ча́до Тимофе́е, засвиде́тельствую у́бо аз пред Бо́гом и Го́сподем на́шим Иису́с Христо́м, хотя́щим суди́ти живы́м и ме́ртвым в явле́нии Его́ и ца́рствии Его́. Пропове́дуй сло́во, насто́й благовре́менне и безвре́менне, обличи́, запрети́, умоли́ со вся́ким долготерпе́нием и уче́нием. Бу́дет бо вре́мя, егда́ здра́ваго уче́ния не послу́шают, но по свои́х по́хотех изберу́т себе́ учи́тели, че́шеми слу́хом, и от и́стины слух отвратя́т, и к ба́снем уклоня́тся. Ты же трезви́ся о всем, злопостражди́, де́ло сотвори́ благове́стника, служе́ние твое́ изве́стно сотвори́. Аз бо уже́ жрен быва́ю, и вре́мя моего́ отше́ствия наста́. По́двигом до́брым подвиза́хся, тече́ние сконча́х, ве́ру соблюдо́х, про́чее у́бо соблюда́ется ми вене́ц пра́вды, его́же возда́ст ми Госпо́дь в день он, пра́ведный Судия́, не то́кмо же мне, но и всем возлю́бльшым явле́ние Его́.

Диакон: Прему́дрость.

Чтец: Ко Евре́ем посла́ния свята́го Апо́стола Па́вла чте́ние.

Диакон: Во́нмем.

Чтец: Бра́тие, святи́и вси ве́рою победи́ша ца́рствия, соде́яша пра́вду, получи́ша обетова́ния, загради́ша уста́ львов, угаси́ша си́лу о́гненную, избего́ша о́стрея меча́, возмого́ша от не́мощи, бы́ша кре́пцы во бране́х, обрати́ша в бе́гство полки́ чужди́х. Прия́ша жены́ от воскресе́ния ме́ртвых свои́х. Ини́и же избие́ни бы́ша, не прие́мше избавле́ния, да лу́чшее воскресе́ние улуча́т. Друзи́и же руга́нием и ра́нами искуше́ние прия́ша, еще́ же и уз, и темни́ц. Ка́мением побие́ни бы́ша, претре́ни бы́ша, искуше́ни бы́ша, уби́йством меча́ умро́ша, проидо́ша в ми́лотех, и в ко́зиях ко́жах, лише́ни, скорбя́ще, озло́блени. И́хже не бе досто́ин весь мир, в пусты́нях скита́ющеся, и в гора́х, и в верте́пах, и в про́пастех земны́х. И си́и вси, послу́шествовани бы́вше ве́рою, не прия́ша обетова́ния, Бо́гу лу́чшее что о нас предзре́вшу, да не без нас соверше́нство прии́мут.

Стихиры на литии

Стихира храма
... Укажите в настройках престольный праздник вашего храма ...

Глас 2: Блу́днаго глас приноша́ю Ти, Го́споди: / согреши́х пред очи́ма Твои́ма Благи́й, / расточи́х бога́тство Твои́х дарова́ний. / Но приими́ мя ка́ющася Спа́се, и спаси́ мя.

Глас 4: Я́ко блу́дный сын приидо́х и аз, Ще́дре, / житие́ все ижди́вый во отше́ствии: / расточи́х бога́тство, е́же дал ми еси́ О́тче. / Приими́ мя ка́ющася, Бо́же, и поми́луй мя.

Глас 8: Ижди́х блу́дно / Оте́ческаго име́ния бога́тство, и расточи́в, пуст бых, / в страну́ всели́вся лука́вых гра́ждан, / и ктому́ не терпя́ с ни́ми сожи́тельства, / обра́щься вопию́ Ти, ще́дрому Отцу́: / согреши́х на не́бо и пред Тобо́ю, / и несмь досто́ин нарещи́ся сын Твой. / Сотвори́ мя я́ко еди́наго от нае́мник Твои́х, Бо́же, / и поми́луй мя.

Канонарх: Слава, глас осьмы́й.

Лик: Сла́ва Отцу́, и Сы́ну, и Свято́му Ду́ху.

Глас 8: Прииди́те, мучениколю́бцы,/ прииди́те, соста́вим лик,/ торжеству́юще и Бо́га прославля́юще/ в ра́достный пра́здник новому́чеников и испове́дников Росси́йских,/ си́и бо не уклони́шася ско́рби,/ ни убоя́шася темни́цы,/ го́рькими рабо́тами, гла́дом и хла́дом изморе́ни/ и многови́дными му́ками умерщвля́еми,/ я́ко а́гнцы незло́бивии, смерть прия́ша./ И ны́не в ра́дости святы́х/ мо́лят Триеди́наго Бо́га о земне́м оте́честве свое́м.

Канонарх: И ныне, глас четве́ртый.

Лик: И ны́не, и при́сно, и во ве́ки веко́в. Ами́нь.

Глас 4: Я́ко блу́дный сын приидо́х и аз Ще́дре, / житие́ все ижди́вый во отше́ствии. / Расточи́х бога́тство, е́же дал еси́ мне О́тче: / прими мя ка́ющася, Бо́же, и поми́луй мя.

На стиховне

Канонарх: Глас вторы́й. Воскресе́ние Твое́, Христе́ Спа́се.

Лик: Глас 2: Воскресе́ние Твое́, Христе́ Спа́се, / всю́ просвети́ вселе́нную / и призва́л еси́ Твое́ созда́ние: // всеси́льне Го́споди, сла́ва Тебе́.

Канонарх: Стих: Госпо́дь воцари́ся.

Лик: в ле́поту облече́ся.

Глас 2: Дре́вом, Спа́се, упраздни́л еси́, / ю́же от дре́ва кля́тву, / держа́ву сме́рти погребе́нием Твои́м умертви́л еси́, / просвети́л же еси́ ро́д на́ш воста́нием Твои́м. / Те́мже вопие́м Тебе́: // Животода́вче Христе́ Бо́же на́ш, сла́ва Тебе́.

Канонарх: Стих: И́бо утверди́ вселе́нную.

Лик: я́же не подви́жится.

Глас 2: На Кресте́ я́влься Христе́ пригвожда́ем, / измени́л еси́ добро́ту зда́ний: / и безчелове́чие у́бо во́ини показу́юще, / копие́м ре́бра Твоя́ прободо́ша, / евре́и же печа́тати гро́ба проси́ша, / Твоея́ вла́сти не ве́дуще. / Но за милосе́рдие утро́б Твои́х, / прие́мый погребе́ние, и тридне́вен воскресы́й, // Го́споди, сла́ва Тебе́.

Канонарх: Стих: До́му Твоему́ подоба́ет святы́ня, Го́споди.

Лик: в долготу́ дни́й.

Глас 2: Животода́вче Христе́, во́лею стра́сть претерпе́вый сме́ртных ра́ди, / во а́д же снизше́д я́ко си́лен, / та́мо Твоего́ прише́ствия ожида́ющыя, исхи́тив я́ко от зве́ря кре́пкаго, / ра́й вме́сто а́да жи́ти дарова́л еси́. / Те́мже и на́м сла́вящым тридне́вное Твое́ воста́ние, / да́руй очище́ние грехо́в, // и ве́лию ми́лость.

Канонарх: Слава, глас вторы́й.

Лик: Сла́ва Отцу́, и Сы́ну, и Свято́му Ду́ху.

Глас 2: Но́вый до́ме Евфра́фов,/ уде́ле избра́нный,/ Русь Свята́я,/ храни́ ве́ру Правосла́вную,/ в не́йже тебе́ утвержде́ние.

Канонарх: И ныне, глас шесты́й.

Лик: И ны́не, и при́сно, и во ве́ки веко́в. Ами́нь.

Глас 6: Оте́ческаго да́ра расточи́в бога́тство, / с безслове́сными скоты́ пасо́хся окая́нный, / и тех жела́я пи́щи, гла́дом та́ях не насыща́яся, / но возврати́вся к благоутро́бному Отцу́, / взыва́ю со слеза́ми: / приими́ мя я́ко нае́мника / припа́дающа человеколю́бию Твоему́ и спаси́ мя.

Тропари по Трисвятом

Глас 4: Богоро́дице Де́во, ра́дуйся, благода́тная Мари́е, Госпо́дь с Тобо́ю, Благослове́нна Ты в жена́х и благослове́н Плод чре́ва Твоего́, я́ко Спа́са родила́ еси́ душ на́ших. (Дважды)

Глас 4: Днесь ра́достно лику́ет Це́рковь Ру́сская,/ прославля́ющи новому́ченики и испове́дники своя́:/ святи́тели и иере́и,/ ца́рственныя страстоте́рпцы,/ благове́рныя кня́зи и княги́ни,/ преподо́бныя му́жи и жены́/ и вся правосла́вныя христиа́ны,/ во дни гоне́ния безбо́жнаго/ жизнь свою́ за ве́ру во Христа́ положи́вшия/ и кровьми́ и́стину соблю́дшия./ Тех предста́тельством, долготерпели́ве Го́споди,/ страну́ на́шу в Правосла́вии сохрани́/ до сконча́ния ве́ка.

На утрене

на «Бог Господь»

Глас 2: Егда́ снизше́л еси́ к сме́рти, Животе́ Безсме́ртный, / тогда́ а́д умертви́л еси́ блиста́нием Божества́: / егда́ же и уме́ршия от преиспо́дних воскреси́л еси́, / вся́ си́лы небе́сныя взыва́ху: / Жизнода́вче, Христе́ Бо́же на́ш, сла́ва Тебе́. (Дважды)

Сла́ва Отцу́, и Сы́ну, и Свято́му Ду́ху.

Глас 4: Днесь ра́достно лику́ет Це́рковь Ру́сская,/ прославля́ющи новому́ченики и испове́дники своя́:/ святи́тели и иере́и,/ ца́рственныя страстоте́рпцы,/ благове́рныя кня́зи и княги́ни,/ преподо́бныя му́жи и жены́/ и вся правосла́вныя христиа́ны,/ во дни гоне́ния безбо́жнаго/ жизнь свою́ за ве́ру во Христа́ положи́вшия/ и кровьми́ и́стину соблю́дшия./ Тех предста́тельством, долготерпели́ве Го́споди,/ страну́ на́шу в Правосла́вии сохрани́/ до сконча́ния ве́ка.

И ны́не, и при́сно, и во ве́ки веко́в. Ами́нь.

Богородичен, глас 4: Е́же от ве́ка утае́нное / и А́нгелом несве́домое та́инство, / Тобо́ю, Богоро́дице, су́щим на земли́ яви́ся Бог, / в несли́тном соедине́нии воплоща́ем, / и, Крест во́лею нас ра́ди восприи́м, / и́мже воскреси́в первозда́ннаго, / спасе́ от сме́рти ду́ши на́ша.

Кафизмы 2,3

Кафизма 2

Пс.9-10; Слава: Пс.11-13; Слава: Пс.14-16;

Слава: Ектения малая:

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

Седален по 1-ом стихословии

Глас 2: Благообра́зный Ио́сиф, с дре́ва сне́м Пречи́стое Твое́ те́ло, плащани́цею чи́стою обви́в, и благоуха́ньми во гро́бе но́ве закры́в положи́: но тридне́вен воскре́сл еси́, Го́споди, подая́ ми́рови ве́лию ми́лость.

Стих: Воскресни́, Го́споди Бо́же мо́й, да вознесе́тся рука́ Твоя́, не забу́ди убо́гих Твои́х до конца́.

Мироно́сицам жена́м при гро́бе предста́в а́нгел вопия́ше: ми́ра ме́ртвым су́ть прили́чна, Христо́с же истле́ния яви́ся чу́ждь. Но возопи́йте: воскре́се Госпо́дь, подая́ ми́рови ве́лию ми́лость.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 2: Вся па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго. / Того́ моли́ спасти́ся душа́м на́шим.

Кафизма 3

Пс.17; Слава: Пс.18-20; Слава: Пс.21-23;

Слава: Ектения малая:

Возглашение: Я́ко благ и Человеколю́бец Бог еси́, и Тебе́ сла́ву возсылае́м, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Лик: Ами́нь.

Седален по 2-ом стихословии

Глас 2: Ка́мень гро́бный запеча́тати не возбрани́в, ка́мень ве́ры воскре́с по́дал еси́ все́м, Го́споди, сла́ва Тебе́.

Стих: Испове́мся Тебе́, Го́споди, все́м се́рдцем мои́м, пове́м вся́ чудеса́ Твоя́.

Ученико́в Твои́х ли́к с мироно́сицами жена́ми ра́дуется согла́сно: о́бщий бо пра́здник с ни́ми пра́зднуют, в сла́ву и че́сть Твоего́ Воскресе́ния. И те́ми вопие́м Ти́, Человеколю́бче Го́споди: лю́дем Твои́м пода́ждь ве́лию ми́лость.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 2: Преблагослове́нна еси́, Богоро́дице Де́во, вопло́щшим бо ся из тебе́ а́д плени́ся, Ада́м воззва́ся, кля́тва потреби́ся, Е́ва свободи́ся, сме́рть умертви́ся, и мы́ ожи́хом. Те́м воспева́юще вопие́м: благослове́н Христо́с Бо́г благоволи́вый та́ко, сла́ва Тебе́.

Величание

Величание

Духовенство: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Далее духовенство (священник в предшествии диакона) совершает полное каждение храма, начиная с центрального аналоя.

Чтец: Бог нам прибе́жище и си́ла,

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Помо́щник в скорбе́х, обре́тших ны зело́.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Сего́ ра́ди не убои́мся, внегда́ смуща́ется земля́.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Бо́же, кто уподо́бится Тебе́? Да не премолчи́ши, ниже́ укроти́ши, Бо́же.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Я́ко Тебе́ ра́ди умерщвля́еми есмы́ весь день.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Вмени́хомся, я́ко о́вцы заколе́ния.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Положи́л еси́ нас в при́тчу во язы́цех.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: И бых язве́н весь день.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Разже́гл еси́ ны, я́коже разжиза́ется сребро́.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Проидо́хом сквозе́ огнь и во́ду, и изве́л еси́ нас в поко́й.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Весели́теся о Го́споде и ра́дуйтеся, пра́веднии.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Я́ко Госпо́дь в ро́де пра́ведных,

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: и насле́дие их в век бу́дет.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Воззва́ша пра́веднии, и Госпо́дь услы́ша их.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Свет возсия́ пра́веднику, и пра́вым се́рдцем весе́лие.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: В па́мять ве́чную бу́дет пра́ведник.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Святы́м, и́же суть на земли́ Его́, удиви́ Госпо́дь вся хоте́ния Своя́ в них.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Ди́вен Бог во святы́х Свои́х.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Пра́ведник, я́ко фи́никс, процвете́т, я́ко кедр, и́же в Лива́не, умно́жится.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: Возвесели́тся пра́ведник о Го́споде и упова́ет на Него́.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Чтец: И похва́лятся вси пра́вии се́рдцем.

Лик: Велича́ем вас,/ святи́и новому́ченицы и испове́дницы Росси́йстии,/ и чтим честна́я страда́ния ва́ша,/ я́же за Христа́/ претерпе́ли есте́.

Седален праздника / Ипакои

Седальны по полиелее

Ипакои: Глас 2: По стра́сти ше́дшя во гро́б жены́, во е́же пома́зати те́ло Твое́ Христе́ Бо́же, ви́деша а́нгелы во гро́бе, и ужасо́шася: гла́с бо слы́шаху от ни́х, я́ко воскре́се Госпо́дь, да́руя ми́рови ве́лию ми́лость.

Глас 4: Новому́ченицы Росси́йстии,/ кро́вию свое́ю ве́ру запечатле́вшии,/ Влады́ку всех моли́те/ Це́рковь Ру́сскую в Правосла́вии утверди́ти,/ зе́млю на́шу от скверн очи́стити,/ лю́ди во благоче́стии сохрани́ти/ во о́бщее всех спасе́ние.

Глас 4: И́же в земли́ Росси́йстей новому́ченик и испове́дник Твои́х,/ я́ко багряни́цею и ви́ссом,/ кровьми́ Це́рковь Ру́сская украси́вшися, Христе́ Бо́же, те́ми вопие́т Ти:/ лю́дем щедро́ты Твоя́ низпосли́,/ мир жи́тельству Твоему́ да́ру́й/ и душа́м на́шим ве́лию ми́лость.

Сла́ва Отцу́, и Сы́ну, и Свято́му Ду́ху.

Глас 6: Мужа́йся, Христо́ва Це́рковь,/ и держа́вствуй над всу́е борю́щими,/ Христо́ви бо дру́зи о тебе́ пеку́тся,/ и предстоя́ще, и обстоя́ще,/ и́хже о́бщий пра́здник/ ны́не соверша́еши све́тло.

И ны́не, и при́сно, и во ве́ки веко́в. Ами́нь.

Богородичен, глас 6: Я́ко Де́ву и еди́ну в жена́х, Тя́ без се́мене ро́ждшую Бо́га пло́тию, вси́ ублажа́ем ро́ди челове́честии: о́гнь бо всели́ся в Тя́ Божества́, и я́ко Младе́нца дои́ши зижди́теля и Го́спода. Те́м а́нгельский и челове́ческий ро́д, досто́йно сла́вим пресвято́е рождество́ Твое́, и согла́сно вопие́м Ти́: моли́ Христа́ Бо́га, согреше́ний оставле́ние дарова́ти, покланя́ющымся ве́рою пресвято́му рождеству́ Твоему́.

Прокимен

Прокимен воскресный

Диакон: Прокимен, глас 2: Воста́ни, Го́споди Бо́же мой, повеле́нием, и́мже запове́дал еси́, / и сонм люде́й обы́дет Тя.

Лик: Воста́ни, Го́споди Бо́же мой, повеле́нием, и́мже запове́дал еси́, / и сонм люде́й обы́дет Тя.

Диакон: Стих: Го́споди Бо́же мой, на Тя упова́х, спаси́ мя.

Лик: Воста́ни, Го́споди Бо́же мой, повеле́нием, и́мже запове́дал еси́, / и сонм люде́й обы́дет Тя.

Диакон: Воста́ни, Го́споди Бо́же мой, повеле́нием, и́мже запове́дал еси́,

Лик: и сонм люде́й обы́дет Тя.

Евангелие

Диакон: От Ма́рка свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Священник: Во́нмем.

Евангелие от Марка, зачало 70. Евангелие 2-е воскресно. (Мк.16:1-8)

Во вре́мя о́но, мину́вши суббо́те, Мари́я Магдали́на и Мари́я Иа́ковля и Саломи́я купи́ша арома́ты, да прише́дше пома́жут Иису́са. И зело́ зау́тра во еди́ну от суббо́т приидо́ша на гроб, возсия́вшу со́лнцу, и глаго́лаху к себе́: кто отвали́т нам ка́мень от две́рий гро́ба? И воззре́вше ви́деша, я́ко отвале́н бе ка́мень, бе бо ве́лий зело́. И вле́зше во гроб, ви́деша ю́ношу седя́ща в десны́х, оде́яна во оде́жду белу́, и ужасо́шася. Он же глаго́ла им: не ужаса́йтеся, Иису́са и́щете Назаряни́на распя́таго, воста́, несть зде, се ме́сто, иде́же положи́ша Его́. Но иди́те, рцы́те ученико́м Его́ и Петро́ви, я́ко варя́ет вы в Галиле́и, та́мо Его́ ви́дите, я́коже рече́ вам. И изше́дше бежа́ша от гро́ба, имя́ше же их тре́пет и у́жас, и никому́же ничто́же ре́ша, боя́ху бо ся.

Стихиры по 50 псалме

Стихиры по 50 псалме

Сла́ва Отцу́, и Сы́ну, и Свято́му Ду́ху.

Глас 8: Покая́ния отве́рзи ми две́ри, Жизнода́вче, / у́тренюет бо дух мой ко хра́му свято́му Твоему́, / храм нося́й теле́сный весь оскверне́н: / но я́ко щедр, очи́сти / благоутро́бною Твое́ю ми́лостию.

И ны́не, и при́сно, и во ве́ки веко́в. Ами́нь.

Богородичен: На спасе́ния стези́ наста́ви мя, Богоро́дице, / сту́дными бо окаля́х ду́шу грехми́, / и в ле́ности все житие́ мое́ ижди́х: / но Твои́ми моли́твами / изба́ви мя от вся́кия нечистоты́.

Таже, глас 6: Поми́луй мя, Бо́же, / по вели́цей ми́лости Твое́й, / и по мно́жеству щедро́т Твои́х, / очи́сти беззако́ние мое́.

Мно́жества соде́янных мно́ю лю́тых помышля́я окая́нный, / трепе́щу стра́шнаго дне су́днаго: / но наде́яся на ми́лость благоутро́бия Твоего́, / я́ко Дави́д вопию́ Ти: / поми́луй мя, Бо́же, / по вели́цей Твое́й ми́лости.

Канон
Песнь 1
Кано́н воскре́сен. Глас 2. На 4. + Кано́н Богоро́дицы (в Неде́лю). Глас 2. На 2. + Кано́н в Неде́лю о блу́дном сы́не. Глас 2. На 4. + Кано́н собо́ра новому́чеников и испове́дников Це́ркве Ру́сския. Глас 6. На 4. + Сретенская катавасия. Глас 3. Песнь 1.

Песнь 1

Ирмос, глас 2: Во глубине́ постла́ иногда́, / фараони́тское всево́инство преоруже́нная си́ла, / вопло́щшееся же Сло́во всезло́бный гре́х потреби́ло е́сть, / препросла́вленный Госпо́дь, // сла́вно бо просла́вися.

Припев: Сла́ва, Го́споди, свято́му воскресе́нию Твоему́.

Мирски́й кня́зь, Бла́же, ему́же написа́хомся, за́поведи Твоея́ не послу́шавше, кресто́м Твои́м осуди́ся: прирази́ся бо Ти́ я́ко сме́ртну: отпаде́ же вла́сти Твоея́ держа́вою, и немощны́й обличи́ся.

Припев: Сла́ва, Го́споди, свято́му воскресе́нию Твоему́.

Изба́витель ро́да челове́ческаго, и нетле́нному животу́ Нача́льник в ми́р прише́л еси́: воскресе́нием бо Твои́м раздра́л еси́ сме́ртныя пелены́, Е́же славосло́вим вси́: сла́вно бо просла́вися.

Припев: Пресвята́я Богоро́дице, спаси́ нас.

Богородичен: Превы́шши яви́лася еси́, Чи́стая Присноде́во, вся́кия неви́димыя же и ви́димыя тва́ри: Зижди́теля бо родила́ еси́, я́ко благоволи́ воплоти́тися во утро́бе Твое́й, Его́же со дерзнове́нием моли́, спасти́ ду́шы на́шя.

Припев: Пресвята́я Богоро́дице, спаси́ на́с.

Невеще́ственная дре́вле ле́ствица и стра́нно олядене́вший путь мо́ря/ Твое́ явля́ше Рождество́, Чи́стая,/ Ю́же пое́м вси, я́ко просла́вися.

Припев: Пресвята́я Богоро́дице, спаси́ на́с.

Си́ла Вы́шняго, Ипоста́сь соверше́нная,/ Бо́жия му́дрость, вопло́щшаяся, Пречи́стая, из Тебе́,/ челове́ком бесе́дова, я́ко просла́вися.

Припев: Поми́луй мя́, Бо́же, поми́луй мя́.

Иису́се Бо́же, ка́ющася приими́ ны́не и мене́, я́ко блу́днаго сы́на, все́ житие́ в ле́ности жи́вша, и Тебе́ прогне́вавша.

Припев: Поми́луй мя́, Бо́же, поми́луй мя́.

Е́же ми́ да́л еси́ пре́жде, зле́ расточи́х Боже́ственное бога́тство, удали́хся от Тебе́, блу́дно жи́в: благоутро́бне О́тче, приими́ у́бо и мене́ обраща́ющася.

Припев: Поми́луй мя́, Бо́же, поми́луй мя́.

Объя́тия ны́не Оте́ческая просте́р, приими́ Го́споди и мене́, я́коже блу́днаго, Всеще́дре, я́ко да благода́рно просла́влю Тя́.

Припев: Пресвята́я Богоро́дице, спаси́ нас.

Богородичен: На мне́ Бо́же, всю́ показа́в благосты́ню, пре́зри мои́х мно́жество согреше́ний, я́ко благоде́тель, боже́ственными Ма́тере Твоея́ мольба́ми.

Припев: Святи́и новому́ченицы и испове́дницы, моли́те Бо́га о на́с.

Го́споди, Бо́же наш, при́сно прославля́яй вся святы́я,/ ны́не и нас, недосто́йных, сподо́би сыно́вне просла́вити святы́х сро́дников на́ших,/ новому́чеников и испове́дников Росси́йских.

Припев: Святи́и новому́ченицы и испове́дницы, моли́те Бо́га о на́с.

Кровьми́ ва́шими, священному́ченицы, я́ко в Чермне́м мо́ри, потопи́ли есте́ безбо́жныя мучи́тели,/ Це́рковь же Ру́сская, ва́ми крася́щися,/ похвалы́ побе́дныя, я́ко земля́ обетова́нная ме́д и млеко́, вам источа́ет.

Сла́ва Отцу́, и Сы́ну, и Свято́му Ду́ху.

Егда́ даде́ся вам благода́ть не то́чию во Христа́ ве́ровати,/ но и по Нем страда́ти,/ немо́кренно пучи́ну кро́вных мук проидо́сте, святи́и му́ченицы,/ ве́рным сыново́м росси́йским о́браз я́вльше,/ и со дерзнове́нным испове́данием во врата́ Небе́сная внидо́сте.

И ны́не, и при́сно, и во ве́ки веко́в. Ами́нь.

Богородичен: Приими́ песнь хвале́бную, от недосто́йных уст возноси́мую,/ препросла́вленная Ма́ти Бо́жия.

Катавасия

Глас 3: Су́шу глубороди́тельную зе́млю/ со́лнце наше́ствова иногда́:/ я́ко стена́ бо, огусте́ обапо́лы вода́/ лю́дем пешемореходя́щим и Богоуго́дно пою́щим:// пои́м Го́сподеви, сла́вно бо просла́вися.

Песнь 2
Песнь 3
Кано́н воскре́сен. Глас 2. На 4. + Кано́н Богоро́дицы (в Неде́лю). Глас 2. На 2. + Кано́н в Неде́лю о блу́дном сы́не. Глас 2. На 4. + Кано́н собо́ра новому́чеников и испове́дников Це́ркве Ру́сския. Глас 6. На 4. + Сретенская катавасия. Глас 3. Песнь 3.

Песнь 3

Ирмос, глас 2: Процвела́ е́сть пусты́ня, я́ко кри́н, Го́споди, / язы́ческая неплодя́щая це́рковь, / прише́ствием Твои́м, // в не́йже утверди́ся мое́ се́рдце.

Припев: Сла́ва, Го́споди, свято́му воскресе́нию Твоему́.

Тва́рь в стра́сти Твое́й изменя́шеся, зря́щи Тя́ в нище́тне о́бразе от беззако́нных поруга́ема, основа́вшаго вся́ Боже́ственным манове́нием.

Припев: Сла́ва, Го́споди, свято́му воскресе́нию Твоему́.

От пе́рсти по о́бразу мя́ руко́ю Твое́ю созда́л еси́: и сокруше́нна па́ки в пе́рсть сме́ртную за гре́х, Христе́, соше́д во а́д, совоскреси́л еси́.

Припев: Пресвята́я Богоро́дице, спаси́ нас.

Богородичен: Чи́ни удиви́шася а́нгельстии, Пречи́стая, и челове́ческая устраши́шася сердца́ о Рождестве́ Твое́м: те́мже Тя́, Богоро́дицу, ве́рою чти́м.

Припев: Пресвята́я Богоро́дице, спаси́ на́с.

И́же вре́мене превы́шший вся́каго,/ я́ко време́н Творе́ц, из Тебе́, Де́во, во́лею Младе́нец созда́ся.

Припев: Пресвята́я Богоро́дице, спаси́ на́с.

Чре́во, простра́ннейшее Небе́с, воспои́м,/ и́мже Ада́м на Небесе́х, ра́дуяся, живе́т.

Припев: Поми́луй мя́, Бо́же, поми́луй мя́.

Ве́сь вне́ бы́в себе́, умовре́дно прилепи́хся страсте́й обрета́телем: но приими́ мя, Христе́, я́коже блу́днаго.

Припев: Поми́луй мя́, Бо́же, поми́луй мя́.

Блу́днаго гла́су поревнова́в, вопию́: согреши́х, О́тче, я́коже о́наго у́бо, и мене́ обыми́ ны́не, и не отри́ни мене́.

Припев: Поми́луй мя́, Бо́же, поми́луй мя́.

Объя́тия Твоя́ просте́р Христе́, ми́лостивно приими́ мя, от страны́ да́льныя греха́ и страсте́й обраща́ющася.

Припев: Пресвята́я Богоро́дице, спаси́ нас.

Богородичен: До́брая в жена́х, обогати́ и мене́ до́брых ви́ды, грехи́ мно́гими обнища́вшаго Чи́стая, я́ко да сла́влю Тя́.

Припев: Святи́и новому́ченицы и испове́дницы, моли́те Бо́га о на́с.

Егда́ бу́ря нече́стия на Це́рковь Ру́сскую воздви́жеся,/ вы, святи́и новому́ченицы, страда́ньми ва́шими со тща́нием укроти́сте ю/ и по́двиги ва́шими Правосла́вие утверди́сте.

Припев: Святи́и новому́ченицы и испове́дницы, моли́те Бо́га о на́с.

Му́ки ве́лия за Це́рковь Христо́ву претерпе́сте, святи́и новому́ченицы,/ моли́те утверди́тися ей незы́блемей и непоколеби́мей до сконча́ния ве́ка.

Сла́ва Отцу́, и Сы́ну, и Свято́му Ду́ху.

Страда́ньми и испове́данием Христа́, святи́и сро́дницы на́ши,/ вше́дше в Небе́сная селе́ния, я́ко дре́вле Изра́иль в зе́млю обетова́нную,/ оте́чество ва́ше земно́е, Русь Святу́ю, в любви́ сохраня́йте моли́твами ва́шими.

И ны́не, и при́сно, и во ве́ки веко́в. Ами́нь.

Богородичен: Небе́сных круго́в вы́шшая/ и сла́вою Боже́ственною преукраше́нная, Де́во Ма́ти Бо́жия,/ спаси́ ду́ши на́ша.

Катавасия

Глас 3: Утвержде́ние на Тя наде́ющихся,/ утверди́, Го́споди, Це́рковь,/ ю́же стяжа́л еси́// Честно́ю Твое́ю Кро́вию.

Кондаки по 3 песне

Кондаки

Глас 3: Днесь новому́ченицы Росси́йстии/ в ри́зах бе́лых предстоя́т А́гнцу Бо́жию/ и со А́нгелы песнь побе́дную воспева́ют Бо́гу:/ благослове́ние, и сла́ва, и прему́дрость,/ и хвала́, и честь,/ и си́ла, и кре́пость/ на́шему Бо́гу/ во ве́ки веко́в. Ами́нь.

Икос: Кра́сный ли́че, светоза́рнии и боже́ственнии свети́льницы,/ Све́ту вели́кому предстоя́ще при́сно, богоблаже́ннии му́ченицы,/ и отту́ду испуща́емыми невече́рняго Божества́ сия́нии, всегда́ просвеща́еми и обожа́еми,/ ве́рою па́мять ва́шу соверша́ющия боже́ственную просвети́те,/ и омраче́ния и страсте́й и бед и зло́бы изба́вите,/ моля́щеся непреста́нно о всех нас.

Седален

Глас 2: Но́вии страстоте́рпцы Росси́йстии,/ му́ченически по́прище земно́е сконча́вшии и страда́ньми дерзнове́ние ко Го́споду приобре́тшии,/ моли́теся Ему́, вас укре́пльшему,/ да и мы, егда́ на́йдет на ны испыта́ния час,/ му́жества дар Бо́жий восприи́мем.

Сла́ва Отцу́, и Сы́ну, и Свято́му Ду́ху.

Глас 2: Но́вии страстоте́рпцы Росси́йстии,/ му́ченически по́прище земно́е сконча́вшии и страда́ньми дерзнове́ние ко Го́споду приобре́тшии,/ моли́теся Ему́, вас укре́пльшему,/ да и мы, егда́ на́йдет на ны испыта́ния час,/ му́жества дар Бо́жий восприи́мем.

И ны́не, и при́сно, и во ве́ки веко́в. Ами́нь.

Глас 1: Объя́тия О́тча отве́рсти ми потщи́ся, / блу́дно ижди́х мое́ житие́, / на бога́тство неиждива́емое взира́яй щедро́т Твои́х Спа́се, / ны́не обнища́вшее мое́ се́рдце не пре́зри. / Тебе́ бо Го́споди, во умиле́нии зову́: / согреши́х, О́тче, на не́бо и пред Тобо́ю.

Песнь 4
Кано́н воскре́сен. Глас 2. На 4. + Кано́н Богоро́дицы (в Неде́лю). Глас 2. На 2. + Кано́н в Неде́лю о блу́дном сы́не. Глас 2. На 4. + Кано́н собо́ра новому́чеников и испове́дников Це́ркве Ру́сския. Глас 6. На 4. + Сретенская катавасия. Глас 3. Песнь 4.

Песнь 4

Ирмос, глас 2: Прише́л еси́ от Де́вы, не хода́тай, ни а́нгел, / но Са́м, Го́споди, вопло́щься, / и спа́сл еси́ всего́ мя челове́ка. / Те́м зову́ Ти: // сла́ва си́ле Твое́й, Го́споди.

Припев: Сла́ва, Го́споди, свято́му воскресе́нию Твоему́.

Предстои́ши суди́щу я́ко суди́мь, Бо́же мо́й, не вопия́, Влады́ко, су́д износя́ язы́ком: и́мже стра́стию Твое́ю, Христе́, вселе́нней соде́лал еси́ спасе́ние.

Припев: Сла́ва, Го́споди, свято́му воскресе́нию Твоему́.

Стра́стию Твое́ю, Христе́, врагу́ оскуде́ша ору́жия, проти́вным же е́же во а́д схожде́нием Твои́м, гра́ды разруши́шася, и мучи́телева де́рзость низложе́на бы́сть.

Припев: Пресвята́я Богоро́дице, спаси́ нас.

Богородичен: Тя́, приста́нище спасе́ния, и сте́ну недви́жиму, Богоро́дице Влады́чице, вси́ ве́рнии све́мы: Ты́ бо моли́твами Твои́ми избавля́еши от бе́д ду́шы на́шя.

Припев: Пресвята́я Богоро́дице, спаси́ на́с.

Се превознесе́ся Боже́ственная гора́ до́му Госпо́дня превы́шше сил,/ Богома́терь я́вственнейши.

Припев: Пресвята́я Богоро́дице, спаси́ на́с.

Зако́нов есте́ственных кроме́, еди́на, Де́во, ро́ждши Влады́чествующаго тва́рию,/ сподо́билася еси́ Боже́ственнаго зва́ния.

Припев: Поми́луй мя́, Бо́же, поми́луй мя́.

Бога́тство благи́х, е́же да́л ми́ еси́ Небе́сный О́тче, расточи́х зле́, стра́нным гра́жданом порабоще́н. Те́мже вопию́ Ти́: согреши́х Ти́, приими́ мя́ я́ко блу́днаго дре́вле, просте́р объя́тия мне́ Твоя́.

Припев: Поми́луй мя́, Бо́же, поми́луй мя́.

Вся́кой зло́бе порабо́тихся, прини́кнув окая́нно страсте́й де́лателем, и себе́ вне́ бы́х несмотре́нием, уще́дри мя́ Спа́се, Пренебе́сный О́тче, прибега́юща ко мно́гим Твои́м щедро́там.

Припев: Поми́луй мя́, Бо́же, поми́луй мя́.

Вся́каго студа́ испо́лнихся, не сме́я воззре́ти на высоту́ небе́сную: и́бо безслове́сно прини́кнув греху́, ны́не же обра́щься вопию́ умиле́нием: согреши́х Ти́, прими мя́, Всецарю́.

Припев: Пресвята́я Богоро́дице, спаси́ нас.

Богородичен: Челове́ком по́моще, упова́ние тве́рдое все́м христиа́ном, прибе́жище Чи́стая спаса́емым: спаси́ мя́ Де́во, ма́терними Твои́ми мольба́ми, и бу́дущия жи́зни сподо́би.

Припев: Святи́и новому́ченицы и испове́дницы, моли́те Бо́га о на́с.

Всем конце́м земли́ яви́ся чу́до смотре́ния Твоего́, Влады́ко,/ кро́вию бо новому́ченик, я́ко водо́ю, угаси́л еси́ в Росси́йстей земли́ пла́мень нече́стия и развраще́ния/ и спасл еси́ лю́ди Твоя́.

Припев: Святи́и новому́ченицы и испове́дницы, моли́те Бо́га о на́с.

Сла́ву Бо́жию унасле́довасте, новому́ченицы, просия́вшии в земли́ на́шей,/ отве́ргшеся бо себе́ и страх сме́ртный препобеди́вше,/ любо́вь к Бо́гу да́же до сме́рти му́жественно сохрани́ли есте́.

Сла́ва Отцу́, и Сы́ну, и Свято́му Ду́ху.

По́двигом до́брым подвиза́вшиися, святи́и новому́ченицы Росси́йстии,/ к покая́нию и доброде́тельному житию́ подви́гните нас,/ да и мы ва́шими моли́твами сподо́бимся прославля́ти Го́спода во Ца́рствии Его́.

И ны́не, и при́сно, и во ве́ки веко́в. Ами́нь.

Богородичен: На Твой наде́ющеся покро́в, Ма́ти Бо́жия,/ со святы́ми новому́ченики и испове́дники Росси́йскими прославля́ем милосе́рдие Твое́.

Катавасия

Глас 3: Покры́ла есть Небеса́ доброде́тель Твоя́, Христе́:/ из Киво́та бо проше́д святы́ни, Твоея́ Нетле́нныя Ма́тере,/ в хра́ме Сла́вы Твоея́ яви́лся еси́,/ я́ко Младе́нец руконоси́мь,// и испо́лнишася вся Твоего́ хвале́ния.

Песнь 5
Кано́н воскре́сен. Глас 2. На 4. + Кано́н Богоро́дицы (в Неде́лю). Глас 2. На 2. + Кано́н в Неде́лю о блу́дном сы́не. Глас 2. На 4. + Кано́н собо́ра новому́чеников и испове́дников Це́ркве Ру́сския. Глас 6. На 4. + Сретенская катавасия. Глас 3. Песнь 5.

Песнь 5

Ирмос, глас 2: Хода́тай Бо́гу и челове́ком бы́л еси́, Христе́ Бо́же: / Тобо́ю бо, Влады́ко, / к Светонача́льнику Отцу́ Твоему́, // от но́щи неве́дения, приведе́ние и́мамы.

Припев: Сла́ва, Го́споди, свято́му воскресе́нию Твоему́.

Я́ко ке́дры, Христе́, язы́ков шата́ние сокруши́л еси́ во́лею, Влады́ко: я́ко изво́лил еси́ на кипари́се, и на пе́вке, и ке́дре, пло́тию совозвыша́ем.

Припев: Сла́ва, Го́споди, свято́му воскресе́нию Твоему́.

В ро́ве, Христе́, преиспо́днем положи́ша Тя́ бездыха́нна ме́ртва: но Твое́ю я́звою забве́нныя ме́ртвыя, и́же во гробе́х спя́щыя, уя́звен с Собо́ю воскреси́л еси́.

Припев: Пресвята́я Богоро́дице, спаси́ нас.

Богородичен: Моли́ Сы́на Твоего́ и Го́спода, Де́во Чи́стая, на Тя́ упова́ющым ми́р дарова́ти, плене́нным избавле́ние, от сопроти́вных настоя́ний.

Припев: Пресвята́я Богоро́дице, спаси́ на́с.

О́блацы, весе́лия сла́дость кропи́те су́щим на земли́,/ я́ко Отроча́ даде́ся, Сый пре́жде век,/ от Де́вы вопло́щся, Бог наш.

Припев: Пресвята́я Богоро́дице, спаси́ на́с.

Житию́ и пло́ти мое́й свет возсия́ и дря́хлость греха́ разруши́,/ напосле́док от Де́вы без се́мене вопло́щся Вы́шний.

Припев: Поми́луй мя́, Бо́же, поми́луй мя́.

Порабо́тихся гра́жданом стра́нным, и в страну́ тлетво́рную отыдо́х, и испо́лнихся студа́: ны́не же обраща́яся зову́ Ти́ Ще́дре, согреши́х.

Припев: Поми́луй мя́, Бо́же, поми́луй мя́.

Оте́ческая Твоя́ благоутро́бия ны́не отве́рзи ми́, от злы́х обрати́вшуся, Небе́сный О́тче, и не отри́ни мене́, име́яй премно́гую ми́лость.

Припев: Поми́луй мя́, Бо́же, поми́луй мя́.

Не сме́ю воззре́ти горе́ на высоту́, без числа́ Христе́ прогне́вав Тя́: но ве́дый Твоя́ щедро́ты ми́лостивныя, взыва́ю: согреши́х Ти́, очи́сти, и спаси́ мя́.

Припев: Пресвята́я Богоро́дице, спаси́ нас.

Богородичен: Всесвята́я Де́во благода́тная, очище́ние все́м ро́ждшая, мои́х согреше́ний тя́жкое бре́мя Твои́ми моли́твами облегчи́.

Припев: Святи́и новому́ченицы и испове́дницы, моли́те Бо́га о на́с.

Дерзнове́нно, святи́и, испове́дали есте Го́спода пред отсту́пники и гони́тели:/ с на́ми Бог, взыва́юще, разуме́йте и покаря́йтеся,/ стра́ха ва́шего не убои́мся, ниже́ смути́мся, я́ко с на́ми Бог.

Припев: Святи́и новому́ченицы и испове́дницы, моли́те Бо́га о на́с.

Уврачу́йте моли́твами ва́шими, святи́и новому́ченицы Росси́йстии,/ лю́ди богобо́рныя, враждо́ю и уби́йствы ды́шущия,/ и мир стране́ на́шей и ве́рным лю́дем да́руйте.

Сла́ва Отцу́, и Сы́ну, и Свято́му Ду́ху.

Предстоя́ще Христу́, власть иму́щу суди́ти всему́ ми́ру,/ святи́и новому́ченицы и испове́дницы Росси́йстии,/ очи́стите нас от грехо́в на́ших моли́твами ва́шими,/ да не с ми́ром осужде́ни бу́дем.

И ны́не, и при́сно, и во ве́ки веко́в. Ами́нь.

Богородичен: Водворя́ет ны змий во юдо́ль пла́ча и ча́яния злых,/ не мо́жем терпе́ти ско́рби своея́, взыва́ху новому́ченицы,/ Ты же, Богороди́тельнице, просте́рла еси́ им покро́в Свой/ и спасла́ еси́ от сете́й вра́жиих.

Катавасия

Глас 3: Я́ко ви́де Иса́ия обра́зно/ на Престо́ле превознесе́на Бо́га,/ от А́нгел Сла́вы дориноси́ма,/ о, окая́нный, – вопия́ше, – аз!/ прови́дех бо воплоща́ема Бо́га,/ Све́та Невече́рня,// и ми́ром влады́чествующа.

Песнь 6
Кано́н воскре́сен. Глас 2. На 4. + Кано́н Богоро́дицы (в Неде́лю). Глас 2. На 2. + Кано́н в Неде́лю о блу́дном сы́не. Глас 2. На 4. + Кано́н собо́ра новому́чеников и испове́дников Це́ркве Ру́сския. Глас 6. На 4. + Сретенская катавасия. Глас 3. Песнь 6.

Песнь 6

Ирмос, глас 2: В бе́здне грехо́вней валя́яся, / неизсле́дную милосе́рдия Твоего́ призыва́ю бе́здну: // от тли́, Бо́же, мя́ возведи́.

Припев: Сла́ва, Го́споди, свято́му воскресе́нию Твоему́.

Я́ко злоде́й Пра́ведник осуди́ся и со беззако́нными на дре́ве пригвозди́ся, пови́нным оставле́ние Свое́ю да́руя кро́вию.

Припев: Сла́ва, Го́споди, свято́му воскресе́нию Твоему́.

Еди́нем у́бо челове́ком, пе́рвым Ада́мом дре́вле в ми́р вни́де сме́рть, и Еди́нем Воскресе́ние Сы́ном Бо́жиим яви́ся.

Припев: Пресвята́я Богоро́дице, спаси́ нас.

Богородичен: Неискусому́жно, Де́во, родила́ еси́, и ве́чнуеши Де́ва, явля́ющи И́стиннаго Божества́, Сы́на и Бо́га Твоего́ о́бразы.

Припев: Пресвята́я Богоро́дице, спаси́ на́с.

Естество́ челове́ческое, рабо́тающее греху́, Влады́чице Чи́стая,/ Тобо́ю свобо́ду улучи́:/ Твой бо Сын, я́ко А́гнец, за всех закала́ется.

Припев: Пресвята́я Богоро́дице, спаси́ на́с.

Вопие́м вси Тебе́, и́стинней Богома́тери:/ прогне́вавшия рабы́ изба́ви,/ Еди́на бо дерзнове́ние к Сы́ну Твоему́ и́маши.

Припев: Поми́луй мя́, Бо́же, поми́луй мя́.

Глубина́ согреше́ний содержи́т мя́ при́сно, и треволне́ние грехо́в погружа́ет мя́: окорми́ мя́ ко приста́нищу жи́зни, Христе́ Бо́же, и спаси́ мя́ Царю́ сла́вы.

Припев: Поми́луй мя́, Бо́же, поми́луй мя́.

Бога́тство Оте́ческое расточи́х лю́те, и обнища́в студа́ испо́лнихся, порабоще́н непло́дными помышле́ньми. Те́мже Ти́ вопию́: Человеколю́бче уще́дри, и спаси́ мя́.

Припев: Поми́луй мя́, Бо́же, поми́луй мя́.

Гла́дом иста́явша вся́ких бла́г, и устрани́вшася от Тебе́ Всеблаги́й, уще́дри обраща́ющася мя́ ны́не, и спаси́ Христе́, пою́ща Твое́ человеколю́бие.

Припев: Пресвята́я Богоро́дице, спаси́ нас.

Богородичен: Спа́са и Влады́ку ро́ждшая Христа́, спасе́ния мя́ Отрокови́це сподо́би, обнища́вша от вся́ких бла́г, Де́во Чи́стая, да пою́ Твоя́ вели́чия.

Припев: Святи́и новому́ченицы и испове́дницы, моли́те Бо́га о на́с.

Во́лны безбо́жнаго нече́стия тща́хуся потопи́ти кора́бль Це́ркве Ру́сския,/ Ты же, И́стинный Ко́рмчий, спасл еси́ ше́ствующия на нем моли́твами страстоте́рпцев Росси́йских, вопию́щих:/ Го́споди Сил, из смертоно́сныя глубины́ возведи́ ны.

Припев: Святи́и новому́ченицы и испове́дницы, моли́те Бо́га о на́с.

Безбо́жнии Ка́иновы вну́цы святы́ни церко́вныя поруга́нию и огню́ преда́ша,/ оби́тели разори́ша, хра́мы я́ко ово́щная храни́лища соде́яша,/ христолюби́выя лю́ди в темни́цы заключи́ша и уму́чиша./ Вы же, страстоте́рпцы, с любо́вию учи́ли есте́:/ сие́ бысть по грехо́м на́шим, лю́дие, пока́йтеся.

Сла́ва Отцу́, и Сы́ну, и Свято́му Ду́ху.

Увы́ нам, увы́, вопия́ху испове́дницы Росси́йстии,/ ви́дяще, я́ко безу́мнии богобо́рцы святы́ни земли́ на́шея разори́ша,/ оби́тели я́ко узи́лища темни́чная соде́яша,/ хра́мы Бо́жии в скве́рная и позо́рищная места́ обрати́ша/ и кровь христиа́нскую в них пролия́ша./ Сего́ ра́ди опустоши́шася сердца́ нечести́вых/ и живо́т их а́ду прибли́жися.

И ны́не, и при́сно, и во ве́ки веко́в. Ами́нь.

Богородичен: Изведи́ нас из ро́ва поги́бели/ и уврачу́й на́ша грехо́вныя я́звы, Пресвята́я Ма́ти Де́во,/ да неосужде́нно сподо́бимся при́сно прославля́ти новому́ченики Сы́на Твоего́ и Бо́га на́шего.

Катавасия

Глас 3: Возопи́ к Тебе́, ви́дев ста́рец очи́ма спасе́ние,/ е́же лю́дем прии́де от Бо́га:// Христе́, Ты – Бог мой.

Кондаки по 6 песне

Кондак

Глас 3: Оте́ческия сла́вы Твоея́ удали́хся безу́мно, / в злых расточи́в е́же ми пре́дал еси́ бога́тство. / Те́мже Ти блу́днаго глас приношу́: / согреши́х пред Тобо́ю, О́тче ще́дрый, / прими мя ка́ющася / и сотвори́ мя я́ко еди́наго от нае́мник Твои́х.

Икос: Спа́су на́шему на всяк день уча́щу Свои́м гла́сом, / писа́ния услы́шим о блу́дном, и целому́дренном па́ки. / И сего́ ве́рою подража́ем до́брое покая́ние, / Ве́дущему та́йная всех, смире́нием се́рдца воззове́м: / согреши́хом Ти, О́тче ще́дрый, / и никогда́же досто́йни есмы́ нарещи́ся ча́да, я́коже пре́жде. / Но я́ко естество́м сый человеколюби́в, Ты приими́, / и сотвори́ мя я́ко еди́наго от нае́мник Твои́х.

Песнь 7
Кано́н воскре́сен. Глас 2. На 4. + Кано́н Богоро́дицы (в Неде́лю). Глас 2. На 2. + Кано́н в Неде́лю о блу́дном сы́не. Глас 2. На 4. + Кано́н собо́ра новому́чеников и испове́дников Це́ркве Ру́сския. Глас 6. На 4. + Сретенская катавасия. Глас 3. Песнь 7.

Песнь 7

Ирмос, глас 2: Богопроти́вное веле́ние беззако́ннующаго мучи́теля / высо́к пла́мень вознесло́ е́сть: / Христо́с же простре́ богочести́вым отроко́м ро́су духо́вную, // Сы́й благослове́н, и препросла́влен.

Припев: Сла́ва, Го́споди, свято́му воскресе́нию Твоему́.

Не терпе́л еси́, Влады́ко, за благоутро́бие сме́ртию челове́ка зре́ти му́чима, но прише́л и спа́сл еси́ Твое́ю кро́вию, челове́к бы́в: Сы́й благослове́н, и препросла́влен Бо́г оте́ц на́ших.

Припев: Сла́ва, Го́споди, свято́му воскресе́нию Твоему́.

Ви́девше Тя́, Христе́, оболче́на во оде́жду отмще́ния, ужасо́шася вра́тницы а́довы: безу́мнаго бо мучи́теля раба́, Влады́ко, прише́л еси́ уби́ти: Сы́й благослове́н и препросла́влен Бо́г оте́ц на́ших.

Припев: Пресвята́я Богоро́дице, спаси́ нас.

Богородичен: Святы́х Святе́йшую Тя́ разуме́ем, я́ко Еди́ну ро́ждшую Бо́га Непреме́ннаго, Де́во Нескве́рная, Ма́ти Безневе́стная: все́м бо ве́рным источи́ла еси́ нетле́ние, Боже́ственным Рождество́м Твои́м.

Припев: Пресвята́я Богоро́дице, спаси́ на́с.

Зря́ше в нощи́ Иа́ков, у́бо я́ко в гада́нии,/ Бо́га, воплоще́нна же из Тебе́,/ све́тлостию яви́ся пою́щим:/ Пребоже́ственный отце́в Бог и препросла́влен.

Припев: Пресвята́я Богоро́дице, спаси́ на́с.

Зна́мения, е́же в Тебе́, неизрече́ннаго проявля́я сплете́ния,/ со Иа́ковом бо́рется, и́мже во́лею соеди́нися челове́ком, Чи́стая,/ Пребоже́ственный отце́в Бог и препросла́влен.

Припев: Поми́луй мя́, Бо́же, поми́луй мя́.

Сла́достем теле́сным приклони́хся всеокая́нно, и порабо́тихся весьма́ стра́стным изобре́тением, и стра́нен бы́х от Тебе́ Человеколю́бче. Ны́не же зову́ блу́днаго гла́сом: согреши́х Христе́, не пре́зри мене́, я́ко еди́н ми́лостив.

Припев: Поми́луй мя́, Бо́же, поми́луй мя́.

Взыва́ю, согреши́х, ника́коже воззре́ти дерза́я на высоту́ небе́сную, Всецарю́, я́ко в безу́мии еди́н Тя́ прогне́вах, отве́ргся Твои́х повеле́ний. Те́мже я́ко еди́н Благи́й, не отве́ржи мене́ от Твоего́ лица́.

Припев: Поми́луй мя́, Бо́же, поми́луй мя́.

Апо́стол, Го́споди, и проро́к, и преподо́бных, и честны́х му́ченик, и пра́ведных мольба́ми прости́ ми́ вся́, я́же согреши́х, прогне́вав Христе́ бла́гость Твою́, я́ко да песносло́влю Тя́ во вся́ ве́ки.

Припев: Пресвята́я Богоро́дице, спаси́ нас.

Богородичен: Херуви́м я́вльшися, и серафи́м Богоро́дице, и все́х светле́йшая небе́сных во́инств, с си́ми умоли́, Его́же воплоти́ла еси́ Боже́ственное Сло́во Всенепоро́чная, Безнача́льнаго Отца́, я́ко да бла́г ве́чнующих вси́ сподо́бимся.

Припев: Святи́и новому́ченицы и испове́дницы, моли́те Бо́га о на́с.

О́троцы в Вавило́не дре́вле, я́ко основа́ние,/ новому́ченицы же Росси́йстии ны́не, я́ко увенча́ние,/ с ли́ки страстоте́рпец при́сно взыва́ют:/ благослове́н еси́, Го́споди, Бо́же оте́ц на́ших.

Припев: Святи́и новому́ченицы и испове́дницы, моли́те Бо́га о на́с.

О́троцы в Вавило́не пе́щнаго пла́мене не убоя́шася,/ новому́ченицы же России́йстии, тем подража́юще,/ гоне́ния безбо́жных в ничто́же вмени́ша,/ те́мже ны́не согла́сно с ни́ми воспева́ют:/ благослове́н еси́, Го́споди, Бо́же оте́ц на́ших.

Сла́ва Отцу́, и Сы́ну, и Свято́му Ду́ху.

Днесь торжеству́ет Це́рковь Ру́сская,/ святи́и бо новому́ченицы, сро́дницы на́ши,/ к ликостоя́нием святы́х, от ве́ка Бо́гу благоугоди́вших, присовокупи́вшеся,/ согла́сно с ни́ми воспева́ют хвале́бную песнь:/ благослове́н еси́, Бо́же оте́ц на́ших.

И ны́не, и при́сно, и во ве́ки веко́в. Ами́нь.

Богородичен: Предстоя́щи Ти Кресту́ Сы́на Твоего́, Богома́ти,/ ору́жие про́йде ду́шу Твою́,/ те́мже и попече́ние сугу́бое о возлюби́вших Его́ прия́ла еси́,/ и́же Тя сыно́вне велича́ют:/ благослове́на Ты в жена́х еси́, Всенепоро́чная Влады́чице.

Катавасия

Глас 3: Тебе́, во огни́ ороси́вшаго/ о́троки Богосло́вившия/ и в Де́ву нетле́нну все́льшагося,/ Бо́га Сло́ва пои́м, благоче́стно пою́ще:// благослове́н Бог оте́ц на́ших.

Песнь 8
Кано́н воскре́сен. Глас 2. На 4. + Кано́н Богоро́дицы (в Неде́лю). Глас 2. На 2. + Кано́н в Неде́лю о блу́дном сы́не. Глас 2. На 4. + Кано́н собо́ра новому́чеников и испове́дников Це́ркве Ру́сския. Глас 6. На 4. + Сретенская катавасия. Глас 3. Песнь 8.

Песнь 8

Ирмос, глас 2: Пе́щь иногда́ о́гненная в Вавило́не де́йства разделя́ше, / Бо́жиим веле́нием халде́и опаля́ющая, / ве́рныя же ороша́ющая, пою́щыя: // благослови́те вся́ дела́ Госпо́дня Го́спода.

Припев: Сла́ва, Го́споди, свято́му воскресе́нию Твоему́.

Кро́вию Твое́ю, Христе́, очервле́но пло́ти Твоея́ зря́ще одея́ние тре́петом ужаса́хуся мно́гому Твоему́ долготерпе́нию, а́нгельстии чи́ни, зову́ще: благослови́те вся́ дела́ Госпо́дня Го́спода.

Припев: Сла́ва, Го́споди, свято́му воскресе́нию Твоему́.

Ты́ мое́ сме́ртное оде́ял еси́, Ще́дре, в безсме́ртие воста́нием Твои́м. Те́мже веселя́щеся благода́рственно воспева́ют Тя́ избра́ннии лю́дие, Христе́, зову́ще Тебе́: поже́рта бы́сть вои́стинну сме́рть побе́дою.

Припев: Пресвята́я Богоро́дице, спаси́ нас.

Богородичен: Ты́ И́же Отцу́ неразлу́чнаго, во утро́бе богому́жно пожи́вша безсе́менно зачала́ еси́, и неизрече́нно родила́ еси́, Богороди́тельнице Пречи́стая: те́мже Тя́ спасе́ние все́х на́с све́мы.

Припев: Пресвята́я Богоро́дице, спаси́ на́с.

Ви́ден бысть на земли́ Тобо́ю и с челове́ки поживе́/ И́же бла́гостию несравне́нный и си́лою./ Ему́же пою́ще, вси ве́рнии, зове́м:/ осуществова́нная да пое́т Го́спода вся тварь и превозно́сит во вся ве́ки.

Припев: Пресвята́я Богоро́дице, спаси́ на́с.

Вои́стинну Тя, Чи́стую, возвеща́юще, сла́вим, Богоро́дице./ Ты бо Еди́наго родила́ еси́, от Тро́ицы воплоще́нна./ Ему́же со Отце́м и Ду́хом вси пое́м:/ да пое́т Го́спода вся́кая тварь/ и превозно́сит во вся ве́ки.

Припев: Поми́луй мя́, Бо́же, поми́луй мя́.

Сше́дый на зе́млю спасти́ ми́р, во́льною нището́ю за милосе́рдие мно́гое, обнища́вшаго мя́ ны́не от вся́каго благодея́ния, я́ко ми́лостивый, спаси́.

Припев: Поми́луй мя́, Бо́же, поми́луй мя́.

От Твои́х за́поведей удали́вся, порабо́тихся всеокая́нно лестцу́: обраща́ющагося же ны́не, я́ко блу́днаго дре́вле припа́дающа Тебе́, приими́ Пренебе́сный О́тче.

Припев: Поми́луй мя́, Бо́же, поми́луй мя́.

Тлетво́рными помышле́ньми объе́мся омрачи́хся, и от Тебе́ удали́хся, ве́сь вне́ себе́ бы́в Ще́дре. Те́мже в покая́нии припа́дающа Тебе́ спаси́.

Припев: Пресвята́я Богоро́дице, спаси́ нас.

Богородичен: Богороди́тельнице Чи́стая, низве́рженных исправле́ние еди́на, испра́ви и мене́ вся́кими греха́ми сокруше́ннаго всего́ и смире́ннаго.

Припев: Святи́и новому́ченицы и испове́дницы, моли́те Бо́га о на́с.

Зако́ны Христо́вы возлюби́ша новому́ченицы и испове́дницы Росси́йстии,/ безбо́жная же повеле́ния отри́нуша/ и, ре́вностию о Бо́зе связу́емии,/ Бо́гу побе́дную песнь воспева́ху:/ да благослови́т Го́спода Русь Свята́я и превозно́сит Его́ во ве́ки.

Припев: Святи́и новому́ченицы и испове́дницы, моли́те Бо́га о на́с.

Егда́ земля́ Росси́йская тьмо́ю безбо́жия и Ка́иновым озлобле́нием объя́та бысть,/ тогда́ мно́зи христолюби́вии лю́дие на го́рькия рабо́ты изгна́ни бы́ша/ и глад, мраз, зной и смерть лю́тую му́жественне претерпе́ша,/ ве́рою же, наде́ждею и любо́вию совоку́плени,/ досто́йную воспева́ху песнь:/ да благослови́т Го́спода Русь Свята́я и превозно́сит Его́ во ве́ки.

Благослови́м Отца́ и Сы́на и Свята́го Ду́ха, Го́спода.

А́нгелов хвалу́ и новому́чеников славосло́вие ми́лостивно прие́мляй,/ не отри́ни, Триипоста́сный Бо́же, от со́нма их и нас, недосто́йных,/ но сподо́би вку́пе с ни́ми воспева́ти:/ да благослови́т Го́спода Русь Свята́я и превозно́сит Его́ во ве́ки.

И ны́не, и при́сно, и во ве́ки веко́в. Ами́нь.

Богородичен: Зря́щи поруга́ние свята́го уде́ла Своего́,/ скорбя́ше Пречи́стая Ма́ти и держа́вную по́мощь ве́рным лю́дем простира́ше,/ Сы́на же Своего́ усе́рдно моля́ше, взыва́ющи:/ да благослови́т Го́спода Русь Свята́я и превозно́сит Его́ во ве́ки.

Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.

Катавасия

Глас 3: Нестерпи́мому огню́ соедини́вшеся,/ Богоче́стия предстоя́ще, ю́ноши,/ пла́менем же неврежде́ни, Боже́ственную песнь поя́ху:/ благослови́те, вся дела́ Госпо́дня, Го́спода// и превозноси́те во вся ве́ки.

Песнь Богородице

Диакон: Богоро́дицу и Мате́рь Све́та в пе́снех возвели́чим.

Песнь Пресвятыя Богородицы

Лик: Вели́чит душа́ Моя́ Го́спода, и возра́довася дух Мой о Бо́зе Спа́се Мое́м.

Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Я́ко призре́ на смире́ние Рабы́ Своея́, се бо от ны́не ублажа́т Мя вси ро́ди.

Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.

Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Сотвори́ держа́ву мы́шцею Свое́ю, расточи́ го́рдыя мы́слию се́рдца их.

Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Низложи́ си́льныя со престо́л, и вознесе́ смире́нныя; а́лчущия испо́лни благ, и богатя́щияся отпусти́ тщи.

Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка.

Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Песнь 9
Кано́н воскре́сен. Глас 2. На 4. + Кано́н Богоро́дицы (в Неде́лю). Глас 2. На 2. + Кано́н в Неде́лю о блу́дном сы́не. Глас 2. На 4. + Кано́н собо́ра новому́чеников и испове́дников Це́ркве Ру́сския. Глас 6. На 4. + Сретенская катавасия. Глас 3. Песнь 9.

Песнь 9

Ирмос, глас 2: Безнача́льна Роди́теля Сы́н, Бо́г и Госпо́дь, / вопло́щься от Де́вы на́м яви́ся, / омраче́нная просвети́ти, собра́ти расточе́нная: // те́м Всепе́тую Богоро́дицу велича́ем.

Припев: Сла́ва, Го́споди, свято́му воскресе́нию Твоему́.

Я́ко в раи́ насажде́но на ло́бнем, Спа́се, требога́тое дре́во Твоего́ пречи́стаго Креста́, кро́вию и водо́ю Боже́ственною, я́ко от исто́чника Боже́ственнаго, ребра́ Твоего́, Христе́, напоя́емо, живо́т на́м прозябло́ е́сть.

Припев: Сла́ва, Го́споди, свято́му воскресе́нию Твоему́.

Низложи́л еси́ си́льныя, распны́йся, Всеси́льне, и е́же ни́зу лежа́щее во а́дове тверды́ни, естество́ челове́ческое возне́с, на О́тчем посади́л еси́ престо́ле. С Ни́мже Тебе́ гряду́щу покланя́ющеся, велича́ем.

Припев: Пресвята́я Тро́ице, Бо́же наш, сла́ва Тебе́.

Троичен: Еди́ницу Тричи́сленную, Тро́ицу Единосу́щную правосла́вно пою́ще ве́рнии, сла́вим: непресеко́мо Пребоже́ственное естество́, Трисве́тлую, Невече́рнюю Зарю́, Еди́ну нетле́нную на́м све́т Возсия́вшую.

Припев: Пресвята́я Богоро́дице, спаси́ на́с.

Жезл кре́пости даде́ся естеству́ тле́нному,/ Сло́во Бо́жие во утро́бе Твое́й, Чи́стая,/ и сие́ возста́ви, до а́да попо́лзшееся./ Те́мже Тя, Всечи́стая, я́ко Богоро́дицу велича́ем.

Припев: Пресвята́я Богоро́дице, спаси́ на́с.

Ю́же изво́лил еси́, Влады́ко,/ приими́ ми́лостивно моли́твенницу Ма́терь Твою́ о нас,/ и Твоея́ бла́гости вся́ческая испо́лнятся,/ да Тя вси, я́ко Благоде́теля, велича́ем.

Припев: Поми́луй мя́, Бо́же, поми́луй мя́.

Ви́ждь Христе́ печа́ль се́рдца, ви́ждь мое́ обраще́ние, ви́ждь сле́зы Спа́се, и не пре́зри мене́, но обыми́ па́ки благоутро́бия ра́ди, мно́жеству спаса́емых Пречи́стая, я́ко да пою́ благода́рно ми́лости Твоя́.

Припев: Поми́луй мя́, Бо́же, поми́луй мя́.

Я́ко разбо́йник вопию́: помяни́ мя́, я́ко мыта́рь умили́вся, бию́ в пе́рси, и зову́ ны́не: очи́сти, я́коже блу́днаго приими́ мя́ Всеще́дрый, от все́х зо́л мои́х, Всецарю́: я́ко да пою́ Твое́ кра́йнее снизхожде́ние.

Припев: Поми́луй мя́, Бо́же, поми́луй мя́.

Воздохни́ ны́не душе́ моя́ всеокая́нная, и возопи́й Христу́: мене́ ра́ди во́лею обнища́вый Го́споди, обнища́вшаго мя́ от вся́каго благодея́ния, до́брых бога́тством я́ко Благи́й и Многоми́лостивый еди́н обогати́ мя́.

Припев: Поми́луй мя́, Бо́же, поми́луй мя́.

Е́же иногда́ соде́лал еси́ весе́лие блу́днаго, Бла́же, обраще́нием во́льным, сие́ ны́не сотвори́ и на мне́ окая́нном, простира́я ми́ честна́я Твоя́ объя́тия. Да спа́сся песносло́влю кра́йнее Твое́ снизхожде́ние.

Припев: Святи́и новому́ченицы и испове́дницы, моли́те Бо́га о на́с.

Безсме́ртныя трапе́зы и жи́зни ве́чныя во Ца́рствии Бо́жием/ наслажда́ются ны́не новому́ченицы и испове́дницы Росси́йстии,/ испо́лнися бо на них обетова́ние Госпо́дне:/ побежда́ющим дам се́сти со Мно́ю на Престо́ле Мое́м.

Припев: Святи́и новому́ченицы и испове́дницы, моли́те Бо́га о на́с.

Да просла́вятся с ли́ки новому́чеников и испове́дников Росси́йских жены́ богому́дрыя земли́ на́шея,/ я́же, мироно́сиц восприе́мша чин и му́жески Христу́ после́довавша,/ страда́ния за и́мя Его́ претерпе́ша/ и ве́рно отце́м, муже́м и бра́тиям на́шим, Христа́ ра́ди му́чимым, послужи́ша./ Сего́ ра́ди ны́не в жи́зни ве́чней вку́пе с ни́ми/ трапе́зы безсме́ртныя наслажда́ются.

Сла́ва Отцу́, и Сы́ну, и Свято́му Ду́ху.

Жизнода́вче Го́споди,/ моли́твами новому́чеников и испове́дников Росси́йских/ упоко́й со все́ми пра́ведными верныя рабы́ Твоя́, за и́мя Твое́ пострада́вшия:/ святи́тели и иере́и, мона́хи и мирски́я,/ ста́рыя, ю́ныя и всяк во́зраст, имену́емыя и неимену́емыя,/ я́ко и́стинныя сы́ны и дру́ги Бо́жия.

И ны́не, и при́сно, и во ве́ки веко́в. Ами́нь.

Богородичен: Я́ко взбра́нная Воево́да во́инства новому́чеников и испове́дников Росси́йских,/ держа́вный покро́в и ми́лостивное заступле́ние яви́ла еси́, Пресвята́я Де́во, земли́ на́шей,/ опустоша́емей ско́рбными и безбо́жными наведе́нии./ Сего́ ра́ди ны́не мо́лим Тя:/ прости́ лю́ди согре́шшия и сохрани́ Святу́ю Русь.

Катавасия

Глас 3: В зако́не се́ни и писа́ний/ о́браз ви́дим, ве́рнии:/ всяк му́жеский пол, ложесна́ разверза́я,/ свят Бо́гу./ Тем Перворожде́нное Сло́во/ Отца́ Безнача́льна,/ Сы́на, первородя́щася Ма́терию неискусому́жно,// велича́ем.

Достойно есть...
Светильны

Cветильны

Ка́мень узре́вша отвале́н, мироно́сицы ра́довахуся, ви́деша бо ю́ношу седя́ща во гро́бе, и той тем рече́: се Христо́с воста́л есть, рцы́те с Петро́м ученико́м: на го́ру приспе́йте Галиле́йскую, та́мо вам яви́тся, я́коже предрече́ друго́м.

Сла́ва Отцу́, и Сы́ну, и Свято́му Ду́ху.

Я́ко отре́бие ми́ру бы́ша святи́и новому́ченицы и испове́дницы Росси́йстии,/ ка́мением побие́ни бы́ша, претре́ни бы́ша,/ искуше́ни бы́ша, уби́йством меча́ умро́ша,/ свидете́льствующе о Све́те И́стиннем, Иису́се Христе́, Го́споде на́шем.

И ны́не, и при́сно, и во ве́ки веко́в. Ами́нь.

Бога́тство, е́же ми́ да́л еси́, благода́ти, окая́нный отше́д, непотре́бно зле́ ижди́х, Спа́се, блу́дно пожи́в, де́моном льсти́вно расточи́х. Те́мже мя́ обраща́ющася, я́коже блу́днаго приими́, О́тче ще́дрый, и спаси́.

Хвалитные стихиры

Аще убо есть неделя, или Владычний праздник, или святый, имеяй великое славословие, поется сице, Всякое дыхание, в прилучившийся глас:

Канонарх: Глас вторы́й. Вся́кое дыха́ние да хва́лит Го́спода.

Лик: Вся́кое дыха́ние да хва́лит Го́спода.

Псалом 148

Хвали́те Го́спода с Небе́с, хвали́те Его́ в вы́шних. Тебе́ подоба́ет песнь Бо́гу. Хвали́те Его́, вси Ангели Его́, хвали́те Его́, вся Си́лы Его́. Тебе́ подоба́ет песнь Бо́гу.

Чтец: Хвали́те Его́, со́лнце и луна́, хвали́те Его́, вся зве́зды и свет. Хвали́те Его́, небеса́ небе́с, и во́да, я́же превы́ше небе́с, да восхва́лят и́мя Госпо́дне. Яко Той рече́, и бы́ша, Той повеле́, и созда́шася. Поста́ви я в век и в век ве́ка, повеле́ние положи́, и не ми́мо и́дет. Хвали́те Го́спода, от земли́ зми́еве и вся бе́здны, огнь, град, снег, го́лоть, дух бу́рен, творя́щая сло́во Его́, го́ры и вси хо́лми, древа́ плодоно́сна и вси ке́дри, зве́рие и вси ско́ти, га́ди и пти́цы перна́ты, ца́рие зе́мстии и вси лю́дие, кня́зи и вси судии́ зе́мстии, юноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго. Испове́дание Его́ на земли́ и на Небеси́, и вознесе́т рог люде́й Свои́х. Песнь всем преподо́бным Его́, сыново́м Изра́илевым, лю́дем, приближа́ющимся Ему́.

Псалом 149

Воспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о сотво́ршем его́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Яко благоволи́т Госпо́дь в лю́дех Свои́х и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными.

Канонарх: На 6: Сотвори́ти в них суд напи́сан.

Лик: сла́ва сия́ бу́дет всем преподо́бным Его.

Глас 2: Вся́кое дыха́ние и вся́ тва́рь, / Тя́ сла́вит, Го́споди, / я́ко Кресто́м сме́рть упраздни́л еси́, / да пока́жеши лю́дем, е́же из ме́ртвых Твое́ воскресе́ние, // я́ко Еди́н Человеколю́бец.

Псалом 150

Канонарх: Хвали́те Бо́га во святы́х Его́.

Лик: хвали́те Его́ во утверже́нии си́лы Его́.

Глас 2: Да реку́т иуде́е, / ка́ко во́ини погуби́ша стрегу́щии Царя́? / почто́ бо ка́мень не сохрани́ Ка́мене жи́зни? / Или́ Погребе́ннаго да дадя́т, / или́ Воскре́сшему да покло́нятся, глаго́люще с на́ми: / сла́ва мно́жеству щедро́т Твои́х, // Спа́се на́ш, сла́ва Тебе́.

Канонарх: На 4: Хвали́те Его́ на силах Его.

Лик: хвали́те Его́ по мно́жеству вели́чествия Его́.

Глас 2: Ра́дуйтеся, лю́дие, и весели́теся, / а́нгел седя́й на ка́мени гро́бнем, / то́й на́м благовести́, ре́к: / Христо́с воскре́се из ме́ртвых, Спа́с ми́ра, / и испо́лни вся́ческая благоуха́ния: // ра́дуйтеся, лю́дие, и весели́теся.

Канонарх: Хвали́те Его́ во гла́се тру́бнем.

Лик: хвали́те Его́ во псалти́ри и гу́слех.

Глас 2: А́нгел у́бо е́же ра́дуйся, / пре́жде Твоего́ зача́тия, Го́споди, Благода́тней принесе́: / а́нгел же ка́мень сла́внаго Твоего́ гро́ба в Твое́ воскресе́ние отвали́: / о́в у́бо в печа́ли ме́сто, весе́лия о́бразы возвеща́я: / се́й же в сме́рти ме́сто, Влады́ку Жизнода́вца пропове́дуя на́м, / те́мже вопие́м ти́: // Благоде́телю все́х, Го́споди, сла́ва Тебе́.

Канонарх: Глас осьмы́й. Хвали́те Его́ в тимпа́не и ли́це.

Лик: хвали́те Его́ во стру́нах и орга́не.

Глас 8: О, пресла́внаго чудесе́!/ В после́дняя времена́ возсиява́ют му́ченицы/ и пре́лести мрак отгоня́ют,/ ве́ра христиа́нская ны́не возвыша́ется/ и па́дает нече́стие,/ ра́дуются ве́рнии/ и пра́здник новоявле́нным составля́ют,/ вопию́ще Христу́ Бо́гу:/ му́чеников похвала́ и побе́да Ты еси́, Всеси́льне.

Канонарх: Хвали́те Его́ в кимва́лех доброгла́сных, хвали́те Его́ в кимва́лех восклица́ния.

Лик: Вся́кое дыха́ние да хва́лит Го́спода.

Глас 8: Ве́ры броня́ми,/ и щито́м благода́ти,/ и креста́ копие́м вооружи́вшеся,/ сопроти́вным си́лам непобеди́ми бы́сте/ и, я́ко Боже́ственнии хра́борницы,/ де́монская ополче́ния победи́вше,/ со А́нгелы лику́ете,/ ве́рныя же заступа́ете, и освяща́ете,/ и спаса́ете, призыва́емии.

Канонарх: Стих: Го́споди, Госпо́дь наш.

Лик: я́ко чу́дно и́мя Твое́ по всей земли́.

Глас 8: О, пресла́внаго чудесе́!/ Чуде́с светлостьми́/ со́лнца светле́йше/ при́сно святи́и сро́дницы на́ши/ све́тят конце́м Ру́сския земли́,/ от невече́рняго Све́та облиста́еми,/ и́хже сия́нии/ о́блацы от страны́ на́шея отгоня́ются ва́рварстии/ и де́мони побежда́ются.

Канонарх: Глас шесты́й. Стих: Святы́м, и́же суть на земли́ Его́.

Лик: удиви́ Госпо́дь вся хоте́ния Своя́ в них.

Глас 6: Новоявле́нныя зве́зды днесь/ на церко́вней показа́шася тве́рди,/ во мно́зех ме́стех бы́вшии му́ченицы Христо́вы,/ и́хже ублажа́юще, мучениколю́бцы,/ по до́лгу им прирце́м, глаго́люще:/ ра́дуйтеся, благоче́стия утвержде́ние и нече́стия обузда́ние;/ ра́дуйтеся, Росси́йския Це́ркве сла́во и безбо́жных посрамле́ние;/ ра́дуйтеся, о́брази терпе́ния и за Христа́ страда́ния./ Ста́ните, непобеди́мии, посреде́, нас у́мне,/ от бед и искуше́ний избавля́юще,/ и моли́теся о спасе́нии душ на́ших.

Канонарх: Слава, глас шесты́й.

Лик: Сла́ва Отцу́, и Сы́ну, и Свято́му Ду́ху.

Глас 6: О́тче Благи́й, удали́хся от Тебе́, не оста́ви мене́, / ниже́ непотре́бна покажи́ Ца́рствия Твоего́: / враг вселука́вый обнажи́ мя и взят мое́ бога́тство, / душе́вная дарова́ния блу́дно расточи́х. / Воста́в у́бо обра́щься к Тебе́ вопию́: / сотвори́ мя я́ко еди́наго от нае́мник Твои́х, / мене́ ра́ди на Кресте́ пречи́стеи Твои́ ру́це простры́й, / да лю́таго зве́ря исхити́ши мя, / и в пе́рвую оде́жду облече́ши мя, / я́ко еди́н Многоми́лостив.

Канонарх: И ныне, глас вторы́й.

Лик: И ны́не, и при́сно, и во ве́ки веко́в. Ами́нь.

Глас 2: Преблагослове́нна еси́, Богоро́дице Де́во, / Вопло́щшим бо ся из Тебе́ ад плени́ся, / Ада́м воззва́ся, / кля́тва потреби́ся, / Е́ва свободи́ся, / смерть умертви́ся и мы ожи́хом. / Тем воспева́юще, вопие́м: / благослове́н Христо́с Бог, / благоволи́вый та́ко, сла́ва Тебе́.

На стиховне
Тропари в конец утрени

Воскре́с из гро́ба и у́зы растерза́л еси́ а́да, / разруши́л еси́ осужде́ние сме́рти, Го́споди, / вся от сете́й врага́ изба́вивый; / яви́вый же Себе́ апо́столом Твои́м, / посла́л еси́ я на про́поведь, / и те́ми мир Твой по́дал еси́ вселе́нней, / Еди́не Многоми́лостиве.

Отпуст
Воскресы́й из ме́ртвых Христо́с И́стинный Бог наш, моли́твами Пречи́стыя Своея́ Ма́тере, Престольный праздник, всех святых новомучеников и исповедников Церкви Русской, и всех святы́х, поми́лует и спасе́т нас, я́ко Благ и Человеколю́бец.
Евангельская стихира

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Стихира евангельская 2-я

Глас 2: С ми́ры прише́дшим я́же с Мари́ею жена́м, / и недоумева́ющимся, / ка́ко бу́дет им улучи́ти жела́ние, / яви́ся ка́мень взят, / и Боже́ственный ю́ноша утоля́я мяте́ж душ их, / воста́ бо, глаго́лет, Иису́с Госпо́дь. / Те́мже пропове́дите пропове́дником Его́, / ученико́м в Галиле́ю тещи́, / и ви́дети Его́ воскре́сша из ме́ртвых, / я́ко Жизнода́вца и Го́спода.

На часах

1-й Час

Тропарь воскресный, глас 2

Егда́ снизше́л еси́ к сме́рти, Животе́ Безсме́ртный, / тогда́ а́д умертви́л еси́ блиста́нием Божества́: / егда́ же и уме́ршия от преиспо́дних воскреси́л еси́, / вся́ си́лы небе́сныя взыва́ху: / Жизнода́вче, Христе́ Бо́же на́ш, сла́ва Тебе́.

Сла́ва Отцу́, и Сы́ну, и Свято́му Ду́ху.

Тропарь всех святых новомучеников и исповедников Церкви Русской, глас 4

Днесь ра́достно лику́ет Це́рковь Ру́сская,/ прославля́ющи новому́ченики и испове́дники своя́:/ святи́тели и иере́и,/ ца́рственныя страстоте́рпцы,/ благове́рныя кня́зи и княги́ни,/ преподо́бныя му́жи и жены́/ и вся правосла́вныя христиа́ны,/ во дни гоне́ния безбо́жнаго/ жизнь свою́ за ве́ру во Христа́ положи́вшия/ и кровьми́ и́стину соблю́дшия./ Тех предста́тельством, долготерпели́ве Го́споди,/ страну́ на́шу в Правосла́вии сохрани́/ до сконча́ния ве́ка.

И ны́не, и при́сно, и во ве́ки веко́в. Ами́нь.

Кафизм нет
Паремии
Евангелие

Кондак всех святых новомучеников и исповедников Церкви Русской, глас 3

Днесь новому́ченицы Росси́йстии/ в ри́зах бе́лых предстоя́т А́гнцу Бо́жию/ и со А́нгелы песнь побе́дную воспева́ют Бо́гу:/ благослове́ние, и сла́ва, и прему́дрость,/ и хвала́, и честь,/ и си́ла, и кре́пость/ на́шему Бо́гу/ во ве́ки веко́в. Ами́нь.

Отпуст

Воскресы́й из ме́ртвых Христо́с И́стинный Бог наш, моли́твами Пречи́стыя Своея́ Ма́тере, преподо́бных и богоно́сных оте́ц на́ших и всех святы́х, поми́лует и спасе́т нас, я́ко Благ и Человеколю́бец.
3-й Час

Тропарь воскресный, глас 2

Егда́ снизше́л еси́ к сме́рти, Животе́ Безсме́ртный, / тогда́ а́д умертви́л еси́ блиста́нием Божества́: / егда́ же и уме́ршия от преиспо́дних воскреси́л еси́, / вся́ си́лы небе́сныя взыва́ху: / Жизнода́вче, Христе́ Бо́же на́ш, сла́ва Тебе́.

Сла́ва Отцу́, и Сы́ну, и Свято́му Ду́ху.

Тропарь всех святых новомучеников и исповедников Церкви Русской, глас 4

Днесь ра́достно лику́ет Це́рковь Ру́сская,/ прославля́ющи новому́ченики и испове́дники своя́:/ святи́тели и иере́и,/ ца́рственныя страстоте́рпцы,/ благове́рныя кня́зи и княги́ни,/ преподо́бныя му́жи и жены́/ и вся правосла́вныя христиа́ны,/ во дни гоне́ния безбо́жнаго/ жизнь свою́ за ве́ру во Христа́ положи́вшия/ и кровьми́ и́стину соблю́дшия./ Тех предста́тельством, долготерпели́ве Го́споди,/ страну́ на́шу в Правосла́вии сохрани́/ до сконча́ния ве́ка.

И ны́не, и при́сно, и во ве́ки веко́в. Ами́нь.

Кафизм нет
Паремии
Евангелие

Кондак Недели о блудном сыне, глас 3

Оте́ческия сла́вы Твоея́ удали́хся безу́мно, / в злых расточи́в е́же ми пре́дал еси́ бога́тство. / Те́мже Ти блу́днаго глас приношу́: / согреши́х пред Тобо́ю, О́тче ще́дрый, / прими мя ка́ющася / и сотвори́ мя я́ко еди́наго от нае́мник Твои́х.

6-й Час

Тропарь воскресный, глас 2

Егда́ снизше́л еси́ к сме́рти, Животе́ Безсме́ртный, / тогда́ а́д умертви́л еси́ блиста́нием Божества́: / егда́ же и уме́ршия от преиспо́дних воскреси́л еси́, / вся́ си́лы небе́сныя взыва́ху: / Жизнода́вче, Христе́ Бо́же на́ш, сла́ва Тебе́.

Сла́ва Отцу́, и Сы́ну, и Свято́му Ду́ху.

Тропарь всех святых новомучеников и исповедников Церкви Русской, глас 4

Днесь ра́достно лику́ет Це́рковь Ру́сская,/ прославля́ющи новому́ченики и испове́дники своя́:/ святи́тели и иере́и,/ ца́рственныя страстоте́рпцы,/ благове́рныя кня́зи и княги́ни,/ преподо́бныя му́жи и жены́/ и вся правосла́вныя христиа́ны,/ во дни гоне́ния безбо́жнаго/ жизнь свою́ за ве́ру во Христа́ положи́вшия/ и кровьми́ и́стину соблю́дшия./ Тех предста́тельством, долготерпели́ве Го́споди,/ страну́ на́шу в Правосла́вии сохрани́/ до сконча́ния ве́ка.

И ны́не, и при́сно, и во ве́ки веко́в. Ами́нь.

Кафизм нет
Паремии
Евангелие

Кондак всех святых новомучеников и исповедников Церкви Русской, глас 3

Днесь новому́ченицы Росси́йстии/ в ри́зах бе́лых предстоя́т А́гнцу Бо́жию/ и со А́нгелы песнь побе́дную воспева́ют Бо́гу:/ благослове́ние, и сла́ва, и прему́дрость,/ и хвала́, и честь,/ и си́ла, и кре́пость/ на́шему Бо́гу/ во ве́ки веко́в. Ами́нь.

9-й Час

Тропарь воскресный, глас 2

Егда́ снизше́л еси́ к сме́рти, Животе́ Безсме́ртный, / тогда́ а́д умертви́л еси́ блиста́нием Божества́: / егда́ же и уме́ршия от преиспо́дних воскреси́л еси́, / вся́ си́лы небе́сныя взыва́ху: / Жизнода́вче, Христе́ Бо́же на́ш, сла́ва Тебе́.

Сла́ва Отцу́, и Сы́ну, и Свято́му Ду́ху.

Тропарь всех святых новомучеников и исповедников Церкви Русской, глас 4

Днесь ра́достно лику́ет Це́рковь Ру́сская,/ прославля́ющи новому́ченики и испове́дники своя́:/ святи́тели и иере́и,/ ца́рственныя страстоте́рпцы,/ благове́рныя кня́зи и княги́ни,/ преподо́бныя му́жи и жены́/ и вся правосла́вныя христиа́ны,/ во дни гоне́ния безбо́жнаго/ жизнь свою́ за ве́ру во Христа́ положи́вшия/ и кровьми́ и́стину соблю́дшия./ Тех предста́тельством, долготерпели́ве Го́споди,/ страну́ на́шу в Правосла́вии сохрани́/ до сконча́ния ве́ка.

И ны́не, и при́сно, и во ве́ки веко́в. Ами́нь.

Кафизм нет
Паремии
Евангелие

Кондак Недели о блудном сыне, глас 3

Оте́ческия сла́вы Твоея́ удали́хся безу́мно, / в злых расточи́в е́же ми пре́дал еси́ бога́тство. / Те́мже Ти блу́днаго глас приношу́: / согреши́х пред Тобо́ю, О́тче ще́дрый, / прими мя ка́ющася / и сотвори́ мя я́ко еди́наго от нае́мник Твои́х.

На Литургии Иоанна Златоуста

Антифоны
Антифон 1

Первый изобразительный антифон

1 Лик: Благослови́, душе́ моя́, Го́спода. / Благослове́н еси́, Го́споди. / Благослови́, душе́ моя́, Го́спода, / и вся вну́тренняя моя́ И́мя святое́ Его́.

2 Лик: Благослови́, душе́ моя́, Го́спода, / и не забыва́й всех воздая́ний Его́.

1 Лик: Очища́ющаго вся беззако́ния твоя́, / исцеля́ющаго вся неду́ги твоя́.

2 Лик: Избавля́ющаго от истле́ния живо́т твой, / венча́ющаго тя ми́лостию и щедро́тами.

1 Лик: Исполня́ющаго во благи́х жела́ние твое́: / обнови́тся, я́ко о́рля, ю́ность твоя́.

2 Лик: Творя́й ми́лостыни Госпо́дь, / и судьбу́ всем оби́димым.

1 Лик: Сказа́ пути́ Своя́ Моисе́ови, / сыново́м Изра́илевым хоте́ния Своя́.

2 Лик: Щедр и ми́лостив Госпо́дь, / долготерпели́в и многоми́лостив.

1 Лик: Не до конца́ прогне́вается, / ниже́ в век вражду́ет.

2 Лик: Не по беззако́нием на́шим сотвори́л есть нам, / ниже́ по грехо́м на́шим возда́л есть нам.

1 Лик: Я́ко по высоте́ небе́сней от земли́, / утверди́л есть Госпо́дь ми́лость Свою́ на боя́щихся Его́.

2 Лик: Ели́ко отстоя́т восто́цы от за́пад, / уда́лил есть от нас беззако́ния на́ша.

1 Лик: Я́коже ще́дрит оте́ц сы́ны, / уще́дри Госпо́дь боя́щихся Его́.

2 Лик: Я́ко Той позна́ созда́ние на́ше, / помяну́, я́ко персть есмы́.

1 Лик: Челове́к, я́ко трава́ дни́е его́, / я́ко цвет се́льный, та́ко оцвете́т.

2 Лик: Я́ко дух про́йде в нем, / и не бу́дет, / и не позна́ет ктому́ ме́ста своего́.

1 Лик: Ми́лость же Госпо́дня от ве́ка и до ве́ка / на боя́щихся Его́.

2 Лик: И пра́вда Его́ на сыне́х сыно́в, / храня́щих заве́т Его́, / и по́мнящих за́поведи Его́ / твори́ти я́.

1 Лик: Госпо́дь на небеси́ угото́ва Престо́л Свой, / и Ца́рство Его́ все́ми облада́ет.

2 Лик: Благослови́те Го́спода, вси А́нгели Его́, / си́льнии кре́постию, творя́щии сло́во Его́, / услы́шати глас слове́с Его́.

1 Лик: Благослови́те Го́спода, вся си́лы Его́, / слуги́ Его́, творя́щии во́лю Его́.

2 Лик: Благослови́те Го́спода, вся дела́ Его́, / на вся́ком ме́сте влады́чества Его́.

1 Лик: Сла́ва Отцу́ и Сы́ну и Свято́му Ду́ху.

2 Лик: И ны́не и при́сно и во ве́ки веко́в. Ами́нь.

1 Лик: Благослови́, душе́ моя́, Го́спода, / и вся вну́тренняя моя́ И́мя святое́ Его́. / Благослове́н еси́, Го́споди.

Антифон 2

Второй изобразительный антифон

1 Лик: Хвали́, душе́ моя́, Го́спода. / Восхвалю́ Го́спода в животе́ мое́м, / пою́ Бо́гу моему́, до́ндеже есмь.

2 Лик: Не наде́йтеся на кня́зи, на сы́ны челове́ческия, / в ни́хже несть спасе́ния.

1 Лик: Изы́дет дух его́, / и возврати́тся в зе́млю свою́: / в той день поги́бнут вся помышле́ния его́.

2 Лик: Блаже́н, ему́же Бог Иа́ковль помо́щник его́, / упова́ние его́ на Го́спода Бо́га своего́.

1 Лик: Сотво́ршаго не́бо и зе́млю, / мо́ре и вся, я́же в них.

2 Лик: Храня́щаго и́стину в век, / творя́щаго суд оби́димым, / даю́щаго пи́щу а́лчущим.

1 Лик: Госпо́дь реши́т окова́нныя, / Госпо́дь умудря́ет слепцы́.

2 Лик: Госпо́дь возво́дит низве́рженныя, / Госпо́дь лю́бит пра́ведники.

1 Лик: Госпо́дь храни́т прише́льцы, / си́ра и вдову́ прии́мет, / и путь гре́шных погуби́т.

2 Лик: Воцари́тся Госпо́дь во век, / Бог твой, Сио́не, в род и род.

Антифон 3 / Блаженны

Блаженны, третий изобразительный антифон (на 12)

1 Лик: Во Ца́рствии Твое́м помяни́ нас, Го́споди, / егда́ прии́деши, во Ца́рствии Твое́м.

на 12:
1 Лик: Блаже́ни ни́щии ду́хом, / я́ко тех есть Ца́рство Небе́сное.

Гла́с Ти́ прино́сим разбо́йнич, и мо́лимся: помяни́ на́с, Спа́се, во Ца́рствии Твое́м.

2 Лик: Блаже́ни пла́чущии, / я́ко ти́и уте́шатся.

Кре́ст Тебе́ прино́сим в проще́ние прегреше́ний: его́же на́с ра́ди прия́л еси́, Человеколю́бче.

на 10:
1 Лик: Блаже́ни кро́тции, / я́ко ти́и насле́дят зе́млю.

Покланя́емся Твоему́, Влады́ко, погребе́нию, и воста́нию: и́миже от тле́ния изба́вил еси́ ми́р, Человеколю́бче.

2 Лик: Блаже́ни а́лчущии и жа́ждущии пра́вды, / я́ко ти́и насы́тятся.

Сме́ртию Твое́ю, Го́споди, поже́рта бы́сть сме́рть: и Воскресе́нием Твои́м, Спа́се, ми́р спа́сл еси́.

на 8:
1 Лик: Блаже́ни ми́лостивии, / я́ко ти́и поми́ловани бу́дут.

Ве́сь вне́ бы́в себе́, умовре́дно прилепи́хся страсте́й обрета́телем: но приими́ мя, Христе́, я́коже блу́днаго.

2 Лик: Блаже́ни чи́стии се́рдцем, / я́ко ти́и Бо́га у́зрят.

Ве́сь вне́ бы́в себе́, умовре́дно прилепи́хся страсте́й обрета́телем: но приими́ мя, Христе́, я́коже блу́днаго.

на 6:
1 Лик: Блаже́ни миротво́рцы, / я́ко ти́и сы́нове Бо́жии нареку́тся.

Блу́днаго гла́су поревнова́в, вопию́: согреши́х, О́тче, я́коже о́наго у́бо, и мене́ обыми́ ны́не, и не отри́ни мене́.

2 Лик: Блаже́ни изгна́ни пра́вды ра́ди, / я́ко тех есть Ца́рство Небе́сное.

Объя́тия Твоя́ просте́р Христе́, ми́лостивно приими́ мя, от страны́ да́льныя греха́ и страсте́й обраща́ющася.

на 4:
1 Лик: Блаже́ни есте́, егда́ поно́сят вам, / и изжену́т, и реку́т всяк зол глаго́л на вы, лжу́ще Мене́ ра́ди.

Во́лны безбо́жнаго нече́стия тща́хуся потопи́ти кора́бль Це́ркве Ру́сския,/ Ты же, И́стинный Ко́рмчий, спасл еси́ ше́ствующия на нем моли́твами страстоте́рпцев Росси́йских, вопию́щих:/ Го́споди Сил, из смертоно́сныя глубины́ возведи́ ны.

2 Лик: Ра́дуйтеся и весели́теся, / я́ко мзда ва́ша мно́га на Небесе́х.

Безбо́жнии Ка́иновы вну́цы святы́ни церко́вныя поруга́нию и огню́ преда́ша,/ оби́тели разори́ша, хра́мы я́ко ово́щная храни́лища соде́яша,/ христолюби́выя лю́ди в темни́цы заключи́ша и уму́чиша./ Вы же, страстоте́рпцы, с любо́вию учи́ли есте́:/ сие́ бысть по грехо́м на́шим, лю́дие, пока́йтеся.

1 Лик: Сла́ва Отцу́ и Сы́ну и Свято́му Ду́ху.

Увы́ нам, увы́, вопия́ху испове́дницы Росси́йстии,/ ви́дяще, я́ко безу́мнии богобо́рцы святы́ни земли́ на́шея разори́ша,/ оби́тели я́ко узи́лища темни́чная соде́яша,/ хра́мы Бо́жии в скве́рная и позо́рищная места́ обрати́ша/ и кровь христиа́нскую в них пролия́ша./ Сего́ ра́ди опустоши́шася сердца́ нечести́вых/ и живо́т их а́ду прибли́жися.

2 Лик: И ны́не и при́сно и во ве́ки веко́в. Ами́нь.

Богоро́дичен: Изведи́ нас из ро́ва поги́бели/ и уврачу́й на́ша грехо́вныя я́звы, Пресвята́я Ма́ти Де́во,/ да неосужде́нно сподо́бимся при́сно прославля́ти новому́ченики Сы́на Твоего́ и Бо́га на́шего.

Входное

Аще же неделя, певцы поют: Прииди́те, поклони́мся и припаде́м ко Христу́. Спаси́ ны, Сы́не Бо́жий, Воскресый из ме́ртвых, пою́щия Ти: аллилу́иа. Единожды.

Тропари и кондаки на входе

Тропарь воскресный, глас 2

Егда́ снизше́л еси́ к сме́рти, Животе́ Безсме́ртный, / тогда́ а́д умертви́л еси́ блиста́нием Божества́: / егда́ же и уме́ршия от преиспо́дних воскреси́л еси́, / вся́ си́лы небе́сныя взыва́ху: / Жизнода́вче, Христе́ Бо́же на́ш, сла́ва Тебе́.

Тропарь всех святых новомучеников и исповедников Церкви Русской, глас 4

Днесь ра́достно лику́ет Це́рковь Ру́сская,/ прославля́ющи новому́ченики и испове́дники своя́:/ святи́тели и иере́и,/ ца́рственныя страстоте́рпцы,/ благове́рныя кня́зи и княги́ни,/ преподо́бныя му́жи и жены́/ и вся правосла́вныя христиа́ны,/ во дни гоне́ния безбо́жнаго/ жизнь свою́ за ве́ру во Христа́ положи́вшия/ и кровьми́ и́стину соблю́дшия./ Тех предста́тельством, долготерпели́ве Го́споди,/ страну́ на́шу в Правосла́вии сохрани́/ до сконча́ния ве́ка.

Сла́ва Отцу́, и Сы́ну, и Свято́му Ду́ху.

Кондак всех святых новомучеников и исповедников Церкви Русской, глас 3

Днесь новому́ченицы Росси́йстии/ в ри́зах бе́лых предстоя́т А́гнцу Бо́жию/ и со А́нгелы песнь побе́дную воспева́ют Бо́гу:/ благослове́ние, и сла́ва, и прему́дрость,/ и хвала́, и честь,/ и си́ла, и кре́пость/ на́шему Бо́гу/ во ве́ки веко́в. Ами́нь.

И ны́не, и при́сно, и во ве́ки веко́в. Ами́нь.

Кондак Недели о блудном сыне, глас 3

Оте́ческия сла́вы Твоея́ удали́хся безу́мно, / в злых расточи́в е́же ми пре́дал еси́ бога́тство. / Те́мже Ти блу́днаго глас приношу́: / согреши́х пред Тобо́ю, О́тче ще́дрый, / прими мя ка́ющася / и сотвори́ мя я́ко еди́наго от нае́мник Твои́х.

Прокимен

Чтец: Прокимен, глас 2: Кре́пость моя́ и пе́ние мое́ Госпо́дь, / и бысть мне во спасе́ние.

Лик: Кре́пость моя́ и пе́ние мое́ Госпо́дь, / и бысть мне во спасе́ние.

Чтец: Стих: Наказу́я наказа́ мя Госпо́дь, сме́рти же не предаде́ мя.

Лик: Кре́пость моя́ и пе́ние мое́ Госпо́дь, / и бысть мне во спасе́ние.

Чтец: Прокимен, глас 7: Бог нам Прибе́жище / и Си́ла.

Лик: Бог нам Прибе́жище / и Си́ла.

Апостол

И чтец надписание Апостола: К Кори́нфяном посла́ния свята́го Апо́стола Па́вла чте́ние.

И паки диакон: Во́нмем.

Зачало 135 Неделя 34-я, о блудном сыне. (1Кор.6:12-20)

Бра́тие, вся ми леть суть, но не вся на по́льзу: вся ми леть суть, но не аз облада́н бу́ду от кого́. Бра́шна чре́ву, и чре́во бра́шном, Бог же и сие́ и сия́ да упраздни́т. Те́ло же не блуже́нию, но Го́сподеви, и Госпо́дь те́лу. Бог же и Го́спода воздви́же, и нас воздви́гнет си́лою Свое́ю. Не ве́сте ли, я́ко телеса́ ва́ша у́дове Христо́вы суть? Взем ли у́бо у́ды Христо́вы, сотворю́ у́ды блудни́чи? Да не бу́дет. Или́ не ве́сте, я́ко прилепля́яйся скверноде́йце, еди́но те́ло есть с блудоде́йцею? Бу́дета бо, рече́, о́ба в плоть еди́ну. Прилепля́яйся же Го́сподеви, еди́н дух есть с Го́сподем. Бе́гайте блудодея́ния: всяк бо грех, его́же а́ще сотвори́т челове́к, кроме́ те́ла есть, а блудя́й, во свое́ те́ло согреша́ет. Или́ не ве́сте, я́ко телеса́ ва́ша храм живу́щаго в вас Свята́го Ду́ха суть, Его́же и́мате от Бо́га, и не́сте свои́? Ку́плени бо есте́ цено́ю. Просла́вите у́бо Бо́га в телесе́х ва́ших и в душа́х ва́ших, я́же суть Бо́жия.

Зачало 99 Святым великомучеником. (Рим.8:28-39)

Бра́тие, ве́мы я́ко лю́бящим Бо́га вся поспешеству́ют во благо́е, су́щим по предуве́дению зва́нным. И́хже бо предуве́де, тех и предуста́ви сообра́зным бы́ти о́бразу Сы́на Своего́, я́ко бы́ти Ему́ перворо́дну во мно́гих бра́тиях. А и́хже предуста́ви, тех и призва́, а и́хже призва́, сих и оправда́, а и́хже оправда́, сих и просла́ви. Что у́бо рече́м к сим, а́ще Бог по нас, кто на ны? И́же у́бо Своего́ Сы́на не пощаде́, но за ны вся пре́дал есть Его́, ка́ко у́бо не и с Ним вся нам да́рствует? Кто пое́млет на избра́нныя Бо́жия? Бог оправда́яй. Кто осужда́яй? Христо́с Иису́с уме́рый, па́че же и воскресы́й, И́же и есть одесну́ю Бо́га, И́же и хода́тайствует о нас. Кто ны разлучи́т от любве́ Бо́жия? Скорбь ли, или́ теснота́, или́ гоне́ние, или́ глад, или́ нагота́, или́ беда́, или́ меч? Я́коже есть пи́сано: я́ко Тебе́ ра́ди умерщвля́еми есмы́ весь день, вмени́хомся я́коже о́вцы заколе́ния. Но о сих всех препобежда́ем за Возлю́бльшаго ны. Извести́хся бо, я́ко ни смерть, ни живо́т, ни А́нгели, ни Нача́ла, ниже́ Си́лы, ни настоя́щая, ни гряду́щая, ни высота́, ни глубина́, ни и́на тварь ка́я возмо́жет нас разлучи́ти от любве́ Бо́жия, я́же о Христе́ Иису́се Го́споде на́шем.

Аллилуиарий

Чтец: Аллилу́иа. Аллилу́иа. Аллилу́иа, глас 2.

Чтец: Услы́шит тя Госпо́дь в день печа́ли, защи́тит тя и́мя Бо́га Иа́ковля.

Лик: Аллилу́иа. Аллилу́иа. Аллилу́иа.

Чтец: Стих: Го́споди, спаси́ царя́ и услы́ши ны, во́ньже а́ще день призове́м Тя.

Лик: Аллилу́иа. Аллилу́иа. Аллилу́иа.

Чтец: Воззва́ша пра́веднии, и Госпо́дь услы́ша их, и от всех скорбе́й их изба́ви их.

Лик: Аллилу́иа. Аллилу́иа. Аллилу́иа.

Евангелие

Диакон: Благослови́, влады́ко, благовести́теля свята́го Апо́стола и Евангели́ста Луки́.

Священник, осеняя его крестным знамением, произносит: Бо́г, моли́твами свята́го, сла́внаго, всехва́льнаго Апо́стола и Евангели́ста Луки́, да да́ст тебе́ глаго́л благовеству́ющему си́лою мно́гою во исполне́ние Ева́нгелия Возлю́бленнаго Сы́на Своего́, Го́спода на́шего Иису́са Христа́.

И подает ему святое Евангелие.

Диакон: Ами́нь.

Священник: Прему́дрость, про́сти, услы́шим свята́го Ева́нгелия. Таже: Ми́р все́м.

Лик: И ду́хови твоему́.

Диакон: От Луки́ свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Священник: Во́нмем.

Евангелие от Луки, зачало 79. Неделя 34-я, о блуднем сыне. (Лк.15:11-32)

Рече́ Госпо́дь при́тчу сию́: челове́к не́кий име́ два сы́на. И рече́ юне́йший ею́ отцу́: о́тче, даждь ми досто́йную часть име́ния. И раздели́ и́ма име́ние. И не по мно́зех днех собра́в все мний сын, оты́де на страну́ дале́че, и ту расточи́ име́ние свое́, живы́й блу́дно. Изжи́вшу же ему́ все бысть глад кре́пок на стране́ той, и той нача́т лиша́тися. И шед прилепи́ся еди́ному от жи́тель тоя́ страны́, и посла́ его́ на се́ла своя́ пасти́ свиния́. И жела́ше насы́тити чре́во свое́ от роже́ц, я́же ядя́ху свиния́, и никто́же дая́ше ему́. В себе́ же прише́д, рече́: коли́ко нае́мником отца́ моего́ избыва́ют хле́бы, аз же гла́дом ги́блю? Воста́в иду́ ко отцу́ моему́, и реку́ ему́: о́тче, согреши́х на не́бо и пред тобо́ю, и уже́ несмь досто́ин нарещи́ся сын твой, сотвори́ мя я́ко еди́наго от нае́мник твои́х. И воста́в и́де ко отцу́ своему́. Еще́ же ему́ дале́че су́щу, узре́ его́ оте́ц его́, и мил ему́ бысть, и тек нападе́ на вы́ю его́, и облобыза́ его́. Рече́ же ему́ сын: о́тче, согреши́х на не́бо и пред тобо́ю, и уже́ несмь досто́ин нарещи́ся сын твой. Рече́ же оте́ц к рабо́м свои́м: изнеси́те оде́жду пе́рвую и облецы́те его́, и дади́те пе́рстень на ру́ку его́ и сапоги́ на но́зе, и приве́дше теле́ц упита́нный заколи́те, и я́дше весели́мся. Я́ко сын мой сей мертв бе, и оживе́, и изги́бл бе, и обре́теся. И нача́ша весели́тися. Бе же сын его́ ста́рей на селе́, и я́ко гряды́й прибли́жися к до́му, слы́ша пе́ние и ли́ки. И призва́в еди́наго от о́трок, вопроша́ше: что у́бо сия́ суть? Он же рече́ ему́, я́ко брат твой прии́де, и закла́ оте́ц твой теле́ц упите́нный, я́ко здра́ва его́ прия́т. Разгне́вався же, и не хотя́ше вни́ти. Оте́ц же его́ изше́д моля́ше его́. Он же отвеща́в рече́ отцу́: се толи́ко лет рабо́таю тебе́ и николи́же за́поведи твоя́ преступи́х, и мне николи́же дал еси́ козля́те, да со дру́ги свои́ми возвесели́лся бых. Егда́ же сын твой сей, изъеды́й твое́ име́ние с любоде́йцами, прии́де, закла́ ему́ теле́ц пито́мый. Он же рече́ ему́: ча́до, ты всегда́ со мно́ю еси́, и вся моя́ твоя́ суть. Возвесели́ти же ся и возра́довати подоба́ше, я́ко брат твой сей мертв бе, и оживе́, и изги́бл бе, и обре́теся.

Евангелие от Луки, зачало 105-106. Собор новомучеников и исповедников Церкви Русской. (Лк.21:8-19)

Рече́ Госпо́дь: блюди́те, да не прельще́ни бу́дете, мно́зи бо прии́дут во и́мя Мое́, глаго́люще, я́ко Аз есмь, и вре́мя прибли́жися. Не изы́дите у́бо во след их. Егда́ же услы́шите бра́ни и нестрое́ния, не убо́йтеся, подоба́ет бо сим бы́ти пре́жде, но не у а́бие кончи́на. Тогда́ глаго́лаше и́м: воста́нет бо язы́к на язы́к, и ца́р­ст­во на ца́р­ст­во: тру́си же вели́цы по ме́стом, и гла́ди и па́губы бу́дут, страхова́ния же и зна́мения ве́лия с небесе́ бу́дут. Пре́жде же си́х все́х возложа́т на вы ру́ки своя́ и иждену́т, предаю́ще на со́нмища и темни́цы, ведо́мы к царе́м и влады́кам, и́мене Моего́ ра́ди, прилучи́тся же вам во свиде́тельство. Положи́те у́бо на сердца́х ва́ших, не пре́жде поуча́тися отвещава́ти. Аз бо дам вам уста́ и прему́дрость, е́йже не возмо́гут проти́витися или́ отвеща́ти вси противля́ющиися вам. Пре́дани же бу́дете и роди́тели и бра́тиею и ро́дом и дру́ги, и умертвя́т от вас. И бу́дете ненави́дими от всех и́мене Моего́ ра́ди. И влас главы́ ва́шея не поги́бнет. В терпе́нии ва́шем стяжи́те ду́ши ва́ша.

Задостойник

Досто́йно есть...

Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. / Честне́йшую Херуви́м и сла́внейшую без сравне́ния Серафи́м, / без истле́ния Бо́га Сло́ва ро́ждшую, су́щую Богоро́дицу Тя велича́ем.

Причастен

Хвали́те Го́спода с Небе́с, хвали́те Его́ в Вы́шних.

Ра́дуйтеся, пра́веднии, о Го́споде, пра́вым подоба́ет похвала́.

Аллилу́иа. Аллилу́иа. Аллилу́иа.

Отпуст
Воскресы́й из ме́ртвых Христо́с И́стинный Бог наш, моли́твами Пречи́стыя Своея́ Ма́тере, и́же во святы́х отца́ на́шего Иоа́нна, архиепископа Константи́на гра́да, Златоу́стаго, Престольный праздник, всех святых новомучеников и исповедников Церкви Русской, и всех святы́х, поми́лует и спасе́т нас, я́ко Благ и Человеколю́бец.