На вечерне
Кафизма 18
Кафизма 18
Пс.119-123; Слава: Пс.124-128; Слава: Пс.129-133;
Слава: Ектения малая:
Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.
Лик: Ами́нь.
На «Господи, воззвах»
На 10, стихиры: Изведи́ из темни́цы ду́шу мою́, / испове́датися и́мени Твоему́.
Сти́х: Мене́ ждут пра́ведницы / до́ндеже возда́си Мне.
На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.
Сти́х: Да бу́дут у́ши Твои́ / вне́млюще гла́су моле́ния моего́.
На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.
Глас 5: Радуйся, архиере́ев пра́вило,/ Це́ркве непоколеби́мое утвержде́ние,/ сла́во правосла́вных,/ чуде́с исто́чниче,/ любве́ струя́ неистощи́мая,/ свети́льниче многосве́тлый,/ ду́ха орга́не,/ у́ме Боже́ственный,/ кро́ткий и незло́бивый,/ и́же простото́ю и́стинною украша́ем,/ челове́че Небе́сный, земны́й А́нгеле,/ виногра́да де́лателю,/ Христо́в дру́же и́скренний,/ Того́ моли́ пода́ти тебе́ чту́щим ве́лию ми́лость.
Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.
Глас 5: Радуйся, архиере́ев пра́вило,/ Це́ркве непоколеби́мое утвержде́ние,/ сла́во правосла́вных,/ чуде́с исто́чниче,/ любве́ струя́ неистощи́мая,/ свети́льниче многосве́тлый,/ ду́ха орга́не,/ у́ме Боже́ственный,/ кро́ткий и незло́бивый,/ и́же простото́ю и́стинною украша́ем,/ челове́че Небе́сный, земны́й А́нгеле,/ виногра́да де́лателю,/ Христо́в дру́же и́скренний,/ Того́ моли́ пода́ти тебе́ чту́щим ве́лию ми́лость.
На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.
Глас 5: Кро́ток и насле́дник земли́ ты кро́тких/ вои́стинну показа́лся еси́, Спиридо́не,/ отце́в сла́во,/ и́же жи́лами му́дрых и просты́х твои́х слове́с Боже́ственною благода́тию/ врага́ вселука́ваго и пребезу́мнаго А́рия удави́л еси́/ и, веле́ние Боже́ственное всем уясни́в,/ ве́рным показа́л еси́,/ и спаси́тельное возвы́сив ду́хом,/ вся же правосла́вныя просвети́в ясне́йше/ Еди́но сла́вити Сло́во,/ я́ко вои́стинну Единосу́щное Отцу́ Пребезнача́льному,/ подаю́щее ми́ру ве́лию ми́лость.
Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.
Глас 5: Кро́ток и насле́дник земли́ ты кро́тких/ вои́стинну показа́лся еси́, Спиридо́не,/ отце́в сла́во,/ и́же жи́лами му́дрых и просты́х твои́х слове́с Боже́ственною благода́тию/ врага́ вселука́ваго и пребезу́мнаго А́рия удави́л еси́/ и, веле́ние Боже́ственное всем уясни́в,/ ве́рным показа́л еси́,/ и спаси́тельное возвы́сив ду́хом,/ вся же правосла́вныя просвети́в ясне́йше/ Еди́но сла́вити Сло́во,/ я́ко вои́стинну Единосу́щное Отцу́ Пребезнача́льному,/ подаю́щее ми́ру ве́лию ми́лость.
На 2, cти́х: Хвали́те Го́спода вси́ язы́цы, похвали́те Его́ вси́ лю́дие.
Глас 5: Стра́сти умертви́в плотски́я,/ ме́ртвыя благода́тию Бо́жиею возста́вил еси́,/ и змию́ в зла́то претвори́л еси́,/ и реки́ стремле́ние моли́твою твое́ю, о́тче, обузда́л еси́;/ но́щию же царю́ я́влься бе́дствующему,/ сего́ исцели́л еси́ к се́рдцу приближе́нием,/ Го́споду тя пресла́вно прославля́ющу./ Те́мже велегла́сно твою́ па́мять почита́ем/ и моще́й Боже́ственную и свяще́нную ра́ку чтим,/ из нея́же истека́ет врачева́ний Боже́ственная струя́/ и ве́лия ми́лость.
Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.
Глас 5: Стра́сти умертви́в плотски́я,/ ме́ртвыя благода́тию Бо́жиею возста́вил еси́,/ и змию́ в зла́то претвори́л еси́,/ и реки́ стремле́ние моли́твою твое́ю, о́тче, обузда́л еси́;/ но́щию же царю́ я́влься бе́дствующему,/ сего́ исцели́л еси́ к се́рдцу приближе́нием,/ Го́споду тя пресла́вно прославля́ющу./ Те́мже велегла́сно твою́ па́мять почита́ем/ и моще́й Боже́ственную и свяще́нную ра́ку чтим,/ из нея́же истека́ет врачева́ний Боже́ственная струя́/ и ве́лия ми́лость.
Сла́ва Отцу́, и Сы́ну, и Свято́му Ду́ху.
Глас 1: Преподо́бне о́тче, блаже́нне Спиридо́не му́дре,/ ме́ртвую, я́коже жи́ву, вопроси́л еси́ любве́ ра́ди Бо́жия;/ змию́ же преложи́л еси́ в зла́то нището́ю обдержи́мому,/ тече́ние же удержа́л еси́ реки́, сострада́тельствовав лю́дем;/ царю́ же предста́л еси́ врач промышле́нием Бо́жиим;/ ме́ртвыя же па́ки возста́вил еси́, я́ко Того́ учени́к,/ и ве́ру уясни́л еси́ посреде́ отце́в мно́гих./ Вся у́бо моги́й во укрепля́ющем тя Христе́,/ Того́ и ны́не моли́ спасти́ся душа́м на́шим.
И ны́не, и при́сно, и во ве́ки веко́в. Ами́нь.
Богородичен, глас 1: Ра́дуйся, ра́досте пра́дедов, / апо́столов и му́чеников весе́лие, / и покро́в нас, Де́во, Твои́х рабо́в.
Прокимен
Прокимен
В среду вечера, глас 5:
Диакон: Прему́дрость. Во́нмем. Проки́мен, глас 5.
Бо́же, во и́мя Твое́ спаси́ мя, / и в си́ле Твое́й суди́ ми.
Лик: Бо́же, во и́мя Твое́ спаси́ мя, / и в си́ле Твое́й суди́ ми.
Диакон: Бо́же, услы́ши моли́тву мою́, внуши́ глаго́лы уст мои́х.
Лик: Бо́же, во и́мя Твое́ спаси́ мя, / и в си́ле Твое́й суди́ ми.
Диакон: Бо́же, во и́мя Твое́ спаси́ мя
Лик: И в си́ле Твое́й суди́ ми.
Паремии
Стихиры на литии
На стиховне
Глас 3: Во всю́ зе́млю изы́де веща́ние ва́ше, святи́и апо́столи, и́дольскую пре́лесть разруши́сте, Богоразу́мие пропове́давше: се́ до́брый по́двиг ва́ш е́сть блаже́ннии. Сего́ ра́ди пое́м, и славосло́вим па́мяти ва́шя.
Стих: К Тебе́ возведо́х о́чи мои́, живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.
Глас 3: Живоно́снаго виногра́да су́ще ло́зие, сла́внии апо́столи, пло́д благоче́стия са́ми ся Бо́гу принесо́сте. Те́мже дерзнове́ние иму́ще к Нему́, проси́те дарова́ти ми́р, и ве́лию ми́лость душа́м на́шым.
Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.
Глас 3: Му́ченицы Твои́, Го́споди, ве́рою утве́рждшеся, и наде́ждею укре́пльшеся, любо́вию Креста́ Твоего́ душе́вно соедини́вшеся, вра́жие мучи́тельство разруши́ша: и улучи́вше венцы́, со Безпло́тными мо́лятся о душа́х на́ших.
Сла́ва Отцу́, и Сы́ну, и Свято́му Ду́ху.
Глас 2: Святи́телей Боже́ственный сосу́д,/ о́тче преподо́бне, Спиридо́не му́дре,/ ты доброде́тельми показа́лся еси́:/ сего́ ра́ди Це́ркве предста́тель быв,/ ересенача́льники изгна́л еси́/ и А́риево хуле́ние собо́рне на зе́млю низложи́л./ Те́мже, чудоде́йствуя де́лом и сло́вом,/ Спа́са моли́ спасти́ся душа́м на́шим.
И ны́не, и при́сно, и во ве́ки веко́в. Ами́нь.
Богородичен, глас 2: Я́ко плодови́та ма́слина, / Де́ва израсти́ Тебе́, Плода́ Живо́тнаго, плодоноси́ти ми́рови / ве́лию и бога́тую ми́лость.
Тропари по Трисвятом
Глас 1: Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 1: Заче́ншая неопа́льно Огнь Боже́ственный / и ро́ждшая безсе́менно Исто́чника жи́зни, Го́спода, / Благода́тная Богоро́дице, / спаса́й Тя велича́ющия.
На утрене
на «Бог Господь»
Глас 1: Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния. (Дважды)
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 1: Заче́ншая неопа́льно Огнь Боже́ственный / и ро́ждшая безсе́менно Исто́чника жи́зни, Го́спода, / Благода́тная Богоро́дице, / спаса́й Тя велича́ющия.
Кафизмы 13,14,15
Кафизма 13
Пс.91-93; Слава: Пс.94-96; Слава: Пс.97-100;
И седален по 1-ом стихословии.
Глас 3: Прииди́те вси́, апо́столы, восхва́лим я́ко ко́рмчыя: и́дольскую бо пре́лесть упраздни́ша, и к све́ту жи́зни возведо́ша, и в Тро́ицу ве́ровати научи́ша. Те́мже дне́сь па́мять и́х честну́ю соверша́юще, ве́рнии, сла́вим Христа́ Бо́га на́шего.
Стих: Во всю́ зе́млю изы́де веща́ние и́х, и в концы́ вселе́нныя глаго́лы и́х.
Апо́стол Твои́х па́мять уясни́л еси́, Го́споди, я́ко Всеси́лен, я́ко укрепи́л еси́ и́х, страсте́м Твои́м подо́битися, и победи́ша му́жески вра́жию си́лу. Те́мже и прия́ша исцеле́ний благода́ти: те́х моли́твами, Человеколю́бче, ми́р пода́ждь лю́дем Твои́м.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 3: Непостижи́маго и неопи́саннаго, единосу́щнаго безнача́льному Oтцу́, во чре́во Твое́ та́йно вмести́ла еси́, Богоро́дице. Еди́но и несме́сно от Тро́ицы Божество́ разуме́хом, Рождество́ Твое́ в ми́ре сла́вяще. Те́мже и благода́рно вопие́м Ти́: ра́дуйся, Обра́дованная.
Кафизма 14
Пс.101-102; Слава: Пс.103; Слава: Пс.104;
И седален по 2-ом стихословии.
Глас 3: Всю́ напои́ша зе́млю струя́ми апо́столи, Бо́жия сло́ва, и возрасте́ кла́с ве́ры, и концы́ вселе́нныя напо́лни: пле́велы бо вся́ посеко́ша. те́мже все́х Христу́ Бо́гу приведо́ша, креща́юще те́х в Тро́ицу несозда́нную.
Стих: Небеса́ пове́дают сла́ву Бо́жию, творе́ние же руку́ Его́ возвеща́ет тве́рдь.
Всю́ напои́ша зе́млю струя́ми апо́столи, Бо́жия сло́ва, и возрасте́ кла́с ве́ры, и концы́ вселе́нныя напо́лни: пле́велы бо вся́ посеко́ша. те́мже все́х Христу́ Бо́гу приведо́ша, креща́юще те́х в Тро́ицу несозда́нную.
Стих: Ди́вен Бо́г во святы́х Свои́х, Бо́г Изра́илев.
Страстоте́рпцы святи́и, моли́те ми́лостиваго Бо́га, да прегреше́ний оставле́ние пода́ст душа́м на́шым.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 3: Проро́цы пропове́даша, апо́столи научи́ша, му́ченицы испове́даша, и мы́ ве́ровахом Богоро́дицу Тя́ вои́стинну су́щую: те́мже и велича́ем Рождество́ Твое́, Пречи́стая.
Кафизма 15
Пс.105; Слава: Пс.106; Слава: Пс.107-108;
И седален по 3-ом стихословии.
Глас 3: Апо́столы Твоя́, Христе́, в концы́ земны́я посла́л еси́, я́ко милосе́рд, я́ко изъощре́ныя си́льне стре́лы, закала́ющя вся́кое нече́стие и злосу́етствие, и насажда́ющя спаси́тельная уче́ния: те́х мольба́ми, Ще́дре, ми́р пода́ждь душа́м на́шым.
Тебе́ пропове́дника и́стины, и пресве́тлаго свети́льника ми́ру, хва́ляще воспева́ем, Нико́лае, и вопие́м ве́рою моля́щеся: я́коже непови́нныя от сме́рти исхи́тил еси́: та́ко свя́те, и на́с от бе́д и скорбе́й и вся́каго изба́ви лю́таго озлобле́ния.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 3: Умертви́вшуюся ду́шу мою́ согреше́ньми мно́гими, всенепоро́чная Влады́чице: оживи́, я́ко дерзнове́ние ма́тернее к Сы́ну Твоему́ иму́щи: Ты́ бо еди́на родила́ еси́ па́че ума́ и смы́сла Сло́во собезнача́льное Отцу́ и Ду́ху, живо́т и нетле́ние ми́ру да́рующа при́сно, и ве́лию ми́лость.
Величание
Седален праздника / Ипакои
Прокимен
Евангелие
Стихиры по 50 псалме
Канон
Песнь 1
Кано́н святы́х апо́столов (в четверто́к у́тра). Глас 3. На 5. + Кано́н святи́теля Никола́я (в четверто́к у́тра). Глас 3. На 3. + Кано́н святи́теля Спиридо́на. Глас 2. На 6.
Песнь 1
Ирмос, глас 3: Во́ды дре́вле, ма́нием Боже́ственным, во еди́но со́нмище совокупи́вый, и раздели́вый мо́ре изра́ильтеским лю́дем: Се́й Бо́г на́ш, препросла́влен е́сть: Тому́ Еди́ному пои́м, я́ко просла́вися.
Припев: Святи́и апо́столи, моли́те Бо́га о на́с.
Церко́вныя столпы́, основа́ния ве́ры, благоче́стная утвержде́ния, и ве́рныя вся́ утвержда́ющая, прииди́те ублажи́м свяще́нныя апо́столы, я́ко да мольба́ми и́х спасе́мся.
Припев: Святи́и апо́столи, моли́те Бо́га о на́с.
Са́м себе́ пре́жде суда́ блу́дный убоя́вся осужда́ю, зла́я бо дела́ безчи́сленная стяжа́х. Те́мже молю́ся Ти́, пра́ведный Судие́: отча́яннаго мя́ спаси́ Боже́ственными мольба́ми апо́стол Твои́х.
Припев: Святи́и апо́столи, моли́те Бо́га о на́с.
Непревра́тнии столпы́ благоче́стия, прельще́нием мя́ вра́жиим препя́таго, и на земли́ лежа́щаго и бе́дствующаго, и недоумева́ющагося испра́вите, я́ко да обря́щу оставле́ние, о ни́хже согреши́х.
Припев: Пресвята́я Богоро́дице, спаси́ нас.
Богородичен: Со святы́ми проро́ки, со апо́столы, и му́ченики, из Тебе́ вопло́щшагося Го́спода, приле́жно, Чи́стая, моли́, я́ко да плотски́я на́шя вся́ стра́сти умертви́т, и живо́т ве́чный на́м да́рует.
Припев: Святи́телю о́тче Нико́лае, моли́ Бо́га о на́с.
Пресве́тлаго свети́льника неугаси́маго, на земли́ су́щаго столпа́, и к приста́нищу Боже́ственному призыва́юща, и́же волна́ми жите́йскими при́сно потопля́емии, Никола́а вси́ почти́м, и любо́вию ублажи́м.
Припев: Святи́телю о́тче Нико́лае, моли́ Бо́га о на́с.
Си́лою Бо́жиею всеблаже́нне укрепля́емь, ре́вность благоче́стия по ра́зуму стяжа́л еси́: те́мже хотя́щыя непра́ведно умре́ти изба́вил еси́. Сего́ ра́ди тя́ мо́лим: вся́каго непра́веднаго озлобле́ния изба́ви на́с, Нико́лае.
Припев: Святи́телю о́тче Нико́лае, моли́ Бо́га о на́с.
Моле́ния Го́сподеви, о́тче, неоску́дно приноси́ ты́: я́ко да грехо́в и пла́мене муче́ния ве́чнующаго, и напа́стей, и скорбе́й изба́вит на́с, я́ко еди́н Благи́й.
Припев: Святи́телю о́тче Спиридо́не, моли́ Бо́га о на́с.
Кро́тких зе́млю дости́г, о́тче, я́ко кро́ток, и ми́лостив, и чист быв,/ настоя́щую се́рдца моего́ укроти́ бу́рю,/ я́ко да, в тишине́ Боже́ственней быв, песносло́влю тя.
Припев: Святи́телю о́тче Спиридо́не, моли́ Бо́га о на́с.
Кро́тких зе́млю дости́г, о́тче, я́ко кро́ток, и ми́лостив, и чист быв,/ настоя́щую се́рдца моего́ укроти́ бу́рю,/ я́ко да, в тишине́ Боже́ственней быв, песносло́влю тя.
Припев: Святи́телю о́тче Спиридо́не, моли́ Бо́га о на́с.
Де́лании Боже́ственными ду́шу, о́тче, очи́стив,/ Богови́ден, Спиридо́не, был еси́/ и Боже́ственнаго Ду́ха пресве́тлым обогати́лся еси́ осия́нием;/ тем озаря́еши чи́сто блажа́щия тя.
Припев: Святи́телю о́тче Спиридо́не, моли́ Бо́га о на́с.
Де́лании Боже́ственными ду́шу, о́тче, очи́стив,/ Богови́ден, Спиридо́не, был еси́/ и Боже́ственнаго Ду́ха пресве́тлым обогати́лся еси́ осия́нием;/ тем озаря́еши чи́сто блажа́щия тя.
Сла́ва Отцу́, и Сы́ну, и Свято́му Ду́ху.
От па́ствы, я́коже Дави́д, тя восприе́м, Соде́тель/ слове́сныя тя поста́ви па́ствы па́стыря всеизя́щнейша,/ простото́ю и кро́тостию сия́юща/ и беззло́бием, преподо́бне па́стырю, украша́ема.
И ны́не, и при́сно, и во ве́ки веко́в. Ами́нь.
Богородичен: Пресвята́я Де́во Чи́стая,/ просвети́ и освяти́ помышле́ния и ду́шу мою́, молю́ся,/ о́блаки разоря́ющи неве́жества моего́ и тьму отъе́млющи грехо́вную,/ я́ко да по до́лгу ублажа́ю Тя.
Песнь 2
Песнь 3
Кано́н святы́х апо́столов (в четверто́к у́тра). Глас 3. На 5. + Кано́н святи́теля Никола́я (в четверто́к у́тра). Глас 3. На 3. + Кано́н святи́теля Спиридо́на. Глас 2. На 6.
Песнь 3
Ирмос, глас 3: И́же от не су́щих вся́ приведы́й, сло́вом созида́емая, соверша́емая Ду́хом, Вседержи́телю вы́шний, в любви́ Твое́й утверди́ мене́.
Припев: Святи́и апо́столи, моли́те Бо́га о на́с.
И́же ми́ра концы́ уче́ния Боже́ственнаго испо́лнивше, ду́шу мою́ испо́лните доброде́тельных дея́ний, и помышле́ний благи́х, Христо́вы самови́дцы.
Припев: Святи́и апо́столи, моли́те Бо́га о на́с.
От собла́зн мно́гих лука́ваго, и от вся́кия ско́рби, и от вся́кия тесноты́, от вся́каго обстоя́ния, ученицы́ Христо́вы изба́вите мя́.
Припев: Святи́и апо́столи, моли́те Бо́га о на́с.
Увы́, душе́ моя́, окая́нная и смире́нная, ча́сто согреша́ющи, и Бо́га прогне́вающи, ка́ко испро́сиши проще́ние злы́х, и́хже не престае́ши творя́щи?
Припев: Пресвята́я Богоро́дице, спаси́ нас.
Богородичен: Боже́ственная ле́ствице, ю́же ви́де Иа́ков, по не́йже сни́де Бо́г, вознося́ на́с, приле́жно моли́ со апо́столы, уще́дрити на́с.
Припев: Святи́телю о́тче Нико́лае, моли́ Бо́га о на́с.
Изощре́н ме́чь духо́вный яви́лся еси́ му́дре: лука́выя пле́велы ерети́чествующих посеца́я, и доброде́телей стези́ спаси́тельныя ве́рным углажда́я, о́тче Нико́лае.
Припев: Святи́телю о́тче Нико́лае, моли́ Бо́га о на́с.
Тебе́ исто́чнику источа́ющу исцеле́ний пото́ки, мо́лимся, свя́те: скве́рны страсте́й все́х на́с моли́твами твои́ми омы́й, бе́д и скорбе́й избавля́я.
Припев: Святи́телю о́тче Нико́лае, моли́ Бо́га о на́с.
Кре́пкими твои́ми моли́твами низлага́я врага́, и ны́не на́нь укрепи́ немощству́ющая помышле́ния на́шя стра́стными прило́ги, призыва́нием святы́х твои́х моли́тв, о́тче Нико́лае.
Припев: Святи́телю о́тче Спиридо́не, моли́ Бо́га о на́с.
Ум твой безстра́стием просвети́в и Боже́ственным смире́нием украси́вся,/ дарова́ния Ду́ха прия́л еси́ отгони́ти ду́хи/ и реши́ти неду́ги ве́рно чту́щих тя, свяще́ннейше.
Припев: Святи́телю о́тче Спиридо́не, моли́ Бо́га о на́с.
Ум твой безстра́стием просвети́в и Боже́ственным смире́нием украси́вся,/ дарова́ния Ду́ха прия́л еси́ отгони́ти ду́хи/ и реши́ти неду́ги ве́рно чту́щих тя, свяще́ннейше.
Припев: Святи́телю о́тче Спиридо́не, моли́ Бо́га о на́с.
Зми́я началозло́бнаго уби́в,/ нрав сребролю́бный попра́в, ми́луя тре́бующаго, святи́телю,/ зми́я преложи́л еси́ в злату́ю утварь свяще́нными твои́ми моли́твами,/ о́тче преподо́бне.
Припев: Святи́телю о́тче Спиридо́не, моли́ Бо́га о на́с.
Зми́я началозло́бнаго уби́в,/ нрав сребролю́бный попра́в, ми́луя тре́бующаго, святи́телю,/ зми́я преложи́л еси́ в злату́ю утварь свяще́нными твои́ми моли́твами,/ о́тче преподо́бне.
Сла́ва Отцу́, и Сы́ну, и Свято́му Ду́ху.
Возше́л еси́ на го́ру безстра́стия,/ вшел еси́ во храм Боговиде́ния,/ в скрижа́ли же се́рдца твоего́ прия́л еси́ зако́н спаси́тельный,/ я́ко свяще́ннейший и уго́дник при́сный Влады́ки Твоего́.
И ны́не, и при́сно, и во ве́ки веко́в. Ами́нь.
Богородичен: Уврачи́ стру́пы души́ моея́,/ ум мой, омраче́нный нераде́нием, Богоневе́сто, озари́, да пою́:/ несть непоро́чны, па́че Тебе́, Непоро́чная,/ и несть чи́сты, па́че Тебе́, Влады́чице.
Катавасия
Ирмос, глас 2: На ка́мени мя ве́ры утверди́в,/ разшири́л еси́ уста́ моя́ на враги́ моя́,/ возвесели́бося дух мой, внегда́ пе́ти:/ несть свят, я́коже Бог наш,/ и несть пра́веден, па́че Тебе́, Го́споди.
Кондаки по 3 песне
Седален
Глас 8: От па́ствы ове́ц предста́тельствовати Христо́ве Це́ркви вручи́вся,/ па́стырь Богопроизведе́н ты, Спиридо́не, возсия́л еси́,/ злосла́вия во́лки отгна́л еси́ словесы́ твои́ми, на благоче́стия па́жити сию́ воспита́в./ Те́мже посреде́ Богоно́сных отце́в ве́ру утверди́л еси́ му́дростию ду́ха,/ иера́рше блаже́нне, моли́ Христа́ Бо́га, прегреше́ний оставле́ние дарова́ти/ пра́зднующим любо́вию святу́ю па́мять твою́. (Дважды)
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 8: Я́ко Всенепоро́чная Неве́сто Творцу́,/ я́ко Неискусому́жная Ма́ти Изба́вителя, прия́телище я́ко су́щи Уте́шителя, Всепе́тая,/ беззако́ния мя су́ща скве́рное оби́телище/ и де́монов игра́лище в разуме́ бы́вша,/ потщи́ся от тех злоде́йства мя изба́вити/ и све́тлое жили́ще доброде́телей соверши́, светоно́сная, нетле́нная./ Отжени́ о́блак страсте́й и Вы́шняго прича́стия сподо́би/ и све́та невече́рняго моли́твами Твои́ми.
Песнь 4
Кано́н святы́х апо́столов (в четверто́к у́тра). Глас 3. На 5. + Кано́н святи́теля Никола́я (в четверто́к у́тра). Глас 3. На 3. + Кано́н святи́теля Спиридо́на. Глас 2. На 6.
Песнь 4
Ирмос, глас 3: Положи́л еси́ к на́м тве́рдую любо́вь, Го́споди: Единоро́днаго бо Твоего́ Сы́на за ны́ на сме́рть да́л еси́. Те́мже Ти́ зове́м благодаря́ще: сла́ва си́ле Твое́й, Го́споди.
Припев: Святи́и апо́столи, моли́те Бо́га о на́с.
Я́коже мо́лнии, и я́ко лучы́ незаходи́маго со́лнца, апо́столы простира́я сло́ве, в мирски́я концы́, все́х просвети́в, и безбо́жия мра́к отгна́л еси́.
Припев: Святи́и апо́столи, моли́те Бо́га о на́с.
Мо́ре лю́таго греха́ сло́ве обурева́ет мя́, и волне́ния безчи́нных помышле́ний смире́нную ду́шу мою́ смуща́ют: окорми́телю Го́споди, ученик Твои́х мольба́ми спаси́ мя.
Припев: Святи́и апо́столи, моли́те Бо́га о на́с.
Ужаса́юся помышля́я стра́шное Твое́, Влады́ко, прише́ствие: и́мам бо пре́жде суда́, мою́ осужда́ющую мя́ вну́трь со́весть, и пре́жде му́чащия му́ки, нечу́вствие мое́.
Припев: Пресвята́я Богоро́дице, спаси́ нас.
Богородичен: Сло́ве Бо́жий, И́же рожде́йся от Де́вы Богоотрокови́цы Тоя́ хода́тайствы свяще́нными, и прему́дрых апо́стол Твои́х, Спа́се, вся́каго обстоя́ния и вся́кия ну́жды изба́ви ду́шы на́шя.
Припев: Святи́телю о́тче Нико́лае, моли́ Бо́га о на́с.
К Бо́гу хода́тая вся́к ве́рный всегда́, Нико́лае, предлага́ет тя́. Те́мже тя́ мо́лим, от напа́стей лю́тых, и паде́ний грехо́вных на́с изба́ви, О́тче.
Припев: Святи́телю о́тче Нико́лае, моли́ Бо́га о на́с.
Во́ду жи́ву в се́рдцы имы́й благода́ть Госпо́дню, ороша́еши при́сно му́дре, зно́ем скорбе́й, и сухото́ю грехо́в бе́дствующих, окая́нне поги́бнути иму́щих, всеблаже́нне.
Припев: Святи́телю о́тче Нико́лае, моли́ Бо́га о на́с.
И́же изба́вил еси́ иногда́ ведо́мыя на сме́рть непра́ведно, всеблаже́нне: ны́не и на́с спаса́й от челове́к тлетво́рных стуже́ния, и от вся́кия бесо́вския ле́сти.
Припев: Святи́телю о́тче Спиридо́не, моли́ Бо́га о на́с.
У́гльми Честна́го разже́гся Ду́ха,/ страсте́й удобопопаля́емую вещь, всеблаже́нне, поже́гл еси́,/ мир же огнесия́ньми доброде́телей твои́х, Спиридо́не, просвети́л еси́.
Припев: Святи́телю о́тче Спиридо́не, моли́ Бо́га о на́с.
У́гльми Честна́го разже́гся Ду́ха,/ страсте́й удобопопаля́емую вещь, всеблаже́нне, поже́гл еси́,/ мир же огнесия́ньми доброде́телей твои́х, Спиридо́не, просвети́л еси́.
Припев: Святи́телю о́тче Спиридо́не, моли́ Бо́га о на́с.
Умертви́в твоя́ плотска́я дви́жения, Богодохнове́нне,/ ме́ртвыя возста́вил еси́ животво́рным твои́м проглаго́ланием./ Те́мже молю́ тя:/ умерщвле́нную ду́шу мою́, о́тче, оживи́.
Припев: Святи́телю о́тче Спиридо́не, моли́ Бо́га о на́с.
Умертви́в твоя́ плотска́я дви́жения, Богодохнове́нне,/ ме́ртвыя возста́вил еси́ животво́рным твои́м проглаго́ланием./ Те́мже молю́ тя:/ умерщвле́нную ду́шу мою́, о́тче, оживи́.
Сла́ва Отцу́, и Сы́ну, и Свято́му Ду́ху.
Повину́ющися, ме́ртвая тебе́ глас, о́тче, даде́/ и ре́чная стремле́ния твои́ми удержа́шася повеле́нии:/ яви́лся еси́ бо, блаже́нне, чудоде́латель,/ Боже́ственную благода́ть прие́мь.
И ны́не, и при́сно, и во ве́ки веко́в. Ами́нь.
Богородичен: Проро́цы Твоего́ та́инства глубину́ провозвести́ша недомы́сленную:/ еди́на бо родила́ еси́, Чи́стая, Недоразуме́ваемаго,/ воплоще́нна за милосе́рдие неисповеди́мое.
Песнь 5
Кано́н святы́х апо́столов (в четверто́к у́тра). Глас 3. На 5. + Кано́н святи́теля Никола́я (в четверто́к у́тра). Глас 3. На 3. + Кано́н святи́теля Спиридо́на. Глас 2. На 6.
Песнь 5
Ирмос, глас 3: На земли́ неви́димый яви́лся еси́, и челове́ком во́лею сожи́л еси́, Непостижи́мый: и к Тебе́ у́тренююще, воспева́ем Тя́, Человеколю́бче.
Припев: Святи́и апо́столи, моли́те Бо́га о на́с.
На земли́ вопло́щься, соде́лал еси́ ученики́, небеса́ веща́юща, Христе́, сла́ву Твою́: те́х ра́ди у́бо, Го́споди, ду́шы на́шя поми́луй.
Припев: Святи́и апо́столи, моли́те Бо́га о на́с.
От страсте́й и от вся́кия ну́жды, от лю́таго обстоя́ния, сло́ве изба́ви рабы́ Твоя́, апо́стол Твои́х благоприя́тными моли́твами.
Припев: Святи́и апо́столи, моли́те Бо́га о на́с.
Увы́ мне́, душе́ всестра́стная, ка́ко хо́щеши Стра́шному Суду́ предста́ти безпло́дна су́щи; потщи́ся, пока́йся, доброде́телей плоды́ возраща́ющи.
Припев: Пресвята́я Богоро́дице, спаси́ нас.
Богородичен: И́же на земли́ я́вльшагося неизрече́нно с пло́тию, от чи́стых крове́й Твои́х, Чи́стая, моли́ я́ко Сы́на Твоего́ всегда́, очище́ние на́м дарова́ти.
Припев: Святи́телю о́тче Нико́лае, моли́ Бо́га о на́с.
Све́ту чи́стому предстоя́, и отту́ду при́сно исходя́щими заря́ми просвеща́емь, о́тче, испроси́ все́м очище́ние и ми́р.
Припев: Святи́телю о́тче Нико́лае, моли́ Бо́га о на́с.
Мене́ па́че все́х челове́к Тебе́ прогне́вавша умо́м неразу́мным, Преблаги́й уще́дри, Никола́а те́плыми моли́твами.
Припев: Святи́телю о́тче Нико́лае, моли́ Бо́га о на́с.
Во уны́нии ижди́вша мою жи́знь, молю́ся ти́, о́тче Нико́лае, воздви́гни к покая́нию мы́сль мою́ оскверне́ную.
Припев: Святи́телю о́тче Спиридо́не, моли́ Бо́га о на́с.
Река́ су́щих в тебе́ дарова́ний вся́кое напоя́ет, преподо́бне, се́рдце,/ всем да́рует бога́тно здра́вие,/ вся Бо́га к сла́ве возста́вляет, тебе́ просла́вльшаго/ и чудоде́йствы вся́кими почествова́вшаго.
Припев: Святи́телю о́тче Спиридо́не, моли́ Бо́га о на́с.
Река́ су́щих в тебе́ дарова́ний вся́кое напоя́ет, преподо́бне, се́рдце,/ всем да́рует бога́тно здра́вие,/ вся Бо́га к сла́ве возста́вляет, тебе́ просла́вльшаго/ и чудоде́йствы вся́кими почествова́вшаго.
Припев: Святи́телю о́тче Спиридо́не, моли́ Бо́га о на́с.
Тя царь земны́й, блаже́нне,/ Царя́ Небе́снаго я́ве позна́ и́скренняго раба́/ и дарова́ний Боже́ственных испо́лненнаго, внегда́ приити́ тебе́ к нему́/ вели́каго врача́ к Бо́гу возвеща́я.
Припев: Святи́телю о́тче Спиридо́не, моли́ Бо́га о на́с.
Тя царь земны́й, блаже́нне,/ Царя́ Небе́снаго я́ве позна́ и́скренняго раба́/ и дарова́ний Боже́ственных испо́лненнаго, внегда́ приити́ тебе́ к нему́/ вели́каго врача́ к Бо́гу возвеща́я.
Сла́ва Отцу́, и Сы́ну, и Свято́му Ду́ху.
Авраа́мову стра́ннолюбному нраву ты уподо́бився,/ всем до́ма твоего́ вхо́ды отве́рзл еси́,/ и всем всяк был еси́, и промышля́я су́щими во обстоя́нии,/ Спиридо́не блаже́нне.
И ны́не, и при́сно, и во ве́ки веко́в. Ами́нь.
Богородичен: Но́ва нам породила́ еси́ Младе́нца,/ пре́жде веко́в, Отрокови́це, рожде́нна от Отца́ Безнача́льна./ Его́же умоли́, я́ко Сы́на и Бо́га Твоего́,/ уще́дрити Богоро́дицу Тя, Пречи́стая, душе́ю чи́стою возвеща́ющия.
Песнь 6
Кано́н святы́х апо́столов (в четверто́к у́тра). Глас 3. На 5. + Кано́н святи́теля Никола́я (в четверто́к у́тра). Глас 3. На 3. + Кано́н святи́теля Спиридо́на. Глас 2. На 6.
Песнь 6
Ирмос, глас 3: Бе́здна после́дняя грехо́в обы́де мя́, и исчеза́ет ду́х мо́й: но простры́й, Влады́ко, высо́кую Твою́ мы́шцу, я́ко Петра́ мя, Упра́вителю, спаси́.
Припев: Святи́и апо́столи, моли́те Бо́га о на́с.
Бе́здну прему́дрости духо́вныя источи́вше, апо́стольское сосло́вие, мирска́го изсуши́ мудрова́ния тече́ние, и напо́й благочести́вых собра́ния.
Припев: Святи́и апо́столи, моли́те Бо́га о на́с.
Воздохни́ и прослези́ся, смире́нная душе́ моя́, и возопи́й ко Го́споду, глаго́лющи: согреши́х Ти́, Влады́ко, очи́сти мя́, Благоутро́бне, мольба́ми прему́дрых апо́стол Твои́х.
Припев: Святи́и апо́столи, моли́те Бо́га о на́с.
Потеко́ша пото́цы страсте́й, и потопи́ша мою́ душе́вную хра́мину: ре́ки духо́вныя бы́вше апо́столи, сокруше́ннаго мя́ к животу́ обнови́те.
Припев: Пресвята́я Богоро́дице, спаси́ нас.
Богородичен: Собо́р Тя́ апо́столов, Христе́, мо́лит с ро́ждшею Тя́: очище́ние низпосла́ти и ми́р рабо́м Твои́м, я́ко Человеколю́бец и Бо́г благопремени́тель.
Припев: Святи́телю о́тче Нико́лае, моли́ Бо́га о на́с.
Умертви́в воздержа́нием у́ды, стяжа́л еси́ жи́знь нестаре́емую: Е́йже и на́с о́бщники твои́ми моли́твами соде́лай му́дре, избежа́нием зла́го греха́.
Припев: Святи́телю о́тче Нико́лае, моли́ Бо́га о на́с.
Ве́трилом свяще́нных твои́х моли́тв, пучи́ну напа́стей многообра́зных, и грехо́вныя глубины́ изба́ви на́с, ко приста́нищу же живота́ приводя́, му́дре святи́телю.
Припев: Святи́телю о́тче Нико́лае, моли́ Бо́га о на́с.
Украси́в мирлики́йский престо́л, яви́лся еси́ красота́ первосвяще́нником: но моли́твами твои́ми от мирски́х напа́стей спаса́й ны́ невреди́мы, святи́телю.
Припев: Святи́телю о́тче Спиридо́не, моли́ Бо́га о на́с.
Зла́то, я́ко кал, тебе́ вмени́ся, па́че зла́та безстра́стием сия́ющу/ и обогати́вшуся, преподо́бне, дарова́нии всезлаты́ми Ду́ха.
Припев: Святи́телю о́тче Спиридо́не, моли́ Бо́га о на́с.
Зла́то, я́ко кал, тебе́ вмени́ся, па́че зла́та безстра́стием сия́ющу/ и обогати́вшуся, преподо́бне, дарова́нии всезлаты́ми Ду́ха.
Припев: Святи́телю о́тче Спиридо́не, моли́ Бо́га о на́с.
Чи́сто служа́ Влады́це Твоему́,/ мно́жество име́л еси́, преподо́бне, послу́шающее Тебе́ а́нгельских сил/ неви́димыми гла́сы, свяще́ннейше.
Припев: Святи́телю о́тче Спиридо́не, моли́ Бо́га о на́с.
Чи́сто служа́ Влады́це Твоему́,/ мно́жество име́л еси́, преподо́бне, послу́шающее Тебе́ а́нгельских сил/ неви́димыми гла́сы, свяще́ннейше.
Сла́ва Отцу́, и Сы́ну, и Свято́му Ду́ху.
Пресла́вное, всему́дре, житие́ твое́ ми́ру тя пресла́вна, о́тче, соде́ла./ Те́мже Боже́ственную па́мять твою́,/ ра́дующеся, соверша́ем, пою́щии тя.
И ны́не, и при́сно, и во ве́ки веко́в. Ами́нь.
Богородичен: Небе́с ши́рши чре́во Твое́ бысть, Неискусому́жная, Бо́га вмести́вшее,/ нигде́же вмести́маго, Всесвята́я Де́во Богоневе́сто.
Катавасия
Ирмос, глас 2: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.
Кондаки по 6 песне
Кондак
Глас 2: Любо́вию Христо́вою уязви́вся свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,/ прося́ всем Боже́ственнаго сия́ния.
Икос: Из чре́ва освяще́ннаго иера́рха Госпо́дня, восхва́лим ны́не Спиридо́на,/ благода́ти скрижа́ли прие́мшаго Боже́ственныя сла́вы,/ и в чудесе́х пресла́внаго всей тва́ри,/ и я́ко те́пла и самови́дца Боже́ственнаго осия́ния,/ я́ко ни́щих предста́теля и согреша́ющих душево́дца:/ той бо Боже́ственна Престо́лу Христо́ву же́ртва бысть,/ прося́ всем Боже́ственнаго сия́ния.
Песнь 7
Кано́н святы́х апо́столов (в четверто́к у́тра). Глас 3. На 5. + Кано́н святи́теля Никола́я (в четверто́к у́тра). Глас 3. На 3. + Кано́н святи́теля Спиридо́на. Глас 2. На 6.
Песнь 7
Ирмос, глас 3: Пре́жде о́бразу злато́му, перси́дскому чти́лищу, о́троки не поклони́шася, трие́ пою́ще посреде́ пе́щи: отце́в Бо́же благослове́н еси́.
Припев: Святи́и апо́столи, моли́те Бо́га о на́с.
И́же све́т ми́ру Христо́с, све́т ва́с показа́, светоно́снии апо́столи, разгоня́ющих тьму́ прельще́ния, и просвеща́ющих ве́рных мы́сли.
Припев: Святи́и апо́столи, моли́те Бо́га о на́с.
Я́же на на́с вра́жия се́ти сокруши́те, богогла́снии апо́столи, и стези́ на́м покая́ния угла́дите, к ва́м прибега́ющым.
Припев: Святи́и апо́столи, моли́те Бо́га о на́с.
Объюроде́вшую ду́шу мою́ плотски́ми страстьми́ со́ль Боже́ственная су́ще богоглаго́ливии Госпо́дни апо́столи, очи́стите ве́рно оживля́юще.
Припев: Пресвята́я Богоро́дице, спаси́ нас.
Богородичен: Добро́то Иа́ковля, до́брыми мя́ зра́ки просвети́, молю́ся, моля́щися ны́не со апо́столы, ро́ждшемуся от Твои́х чи́стых крове́й.
Припев: Святи́телю о́тче Нико́лае, моли́ Бо́га о на́с.
Губя́щаго дре́вле Госпо́дни лю́ди, безу́мнаго А́риа удави́л еси́ жи́лами слове́с твои́х, я́ко па́стырь нача́льный и́стинен, о́тче Нико́лае.
Припев: Святи́телю о́тче Нико́лае, моли́ Бо́га о на́с.
Свя́то преше́д пресвято́е житие́ твое́, со святы́ми живе́ши, о́тче Нико́лае, свяще́ние посыла́я и просвеще́ние благоче́стно тя́ блажа́щым.
Припев: Святи́телю о́тче Нико́лае, моли́ Бо́га о на́с.
Я́ко гото́ва тя́ изба́вителя, я́ко те́пла засту́пника призыва́ем при́сно, о́тче Нико́лае, от страсте́й на́с изба́ви и неча́емых напа́стей, находя́щих на ны́.
Припев: Святи́телю о́тче Спиридо́не, моли́ Бо́га о на́с.
Моисе́ево незло́бие, Дави́дову кро́тость, И́ова Авси́тидскаго непоро́чное стяжа́в,/ Ду́ха был еси́ жили́ще, поя́, свяще́ннейше:/ Сый благослове́н и препросла́влен.
Припев: Святи́телю о́тче Спиридо́не, моли́ Бо́га о на́с.
Моисе́ево незло́бие, Дави́дову кро́тость, И́ова Авси́тидскаго непоро́чное стяжа́в,/ Ду́ха был еси́ жили́ще, поя́, свяще́ннейше:/ Сый благослове́н и препросла́влен.
Припев: Святи́телю о́тче Спиридо́не, моли́ Бо́га о на́с.
Ороше́ния на главу́ твою́ во вре́мя жа́твы Небеса́ иска́паша, бу́дущее прозна́меноваша:/ Бог бо, я́коже рече́, Боже́ственную па́мять твою́, преподо́бне, просла́ви,/ ве́рныя освяща́я хода́тайством твои́м.
Припев: Святи́телю о́тче Спиридо́не, моли́ Бо́га о на́с.
Ороше́ния на главу́ твою́ во вре́мя жа́твы Небеса́ иска́паша, бу́дущее прозна́меноваша:/ Бог бо, я́коже рече́, Боже́ственную па́мять твою́, преподо́бне, просла́ви,/ ве́рныя освяща́я хода́тайством твои́м.
Сла́ва Отцу́, и Сы́ну, и Свято́му Ду́ху.
В собо́ре отце́в тя Бог прославля́ет,/ на суде́ словеса́ твоя́ сохра́ньша, блаже́нне,/ я́же ве́рою прине́сл еси́, безслове́снейшаго А́рия обуя́ющая я́ве/ и упраздня́ющая сего́ противле́ние.
И ны́не, и при́сно, и во ве́ки веко́в. Ами́нь.
Богородичен: Грозд возрасти́ла еси́ неизрече́нным сло́вом,/ я́ко лоза́, Де́во, Еди́наго невозде́ланнаго,/ вино́ источа́юща, вся веселя́щее, вся освяща́юща земны́я/ и вся́ко пия́нство лю́тых отъе́млюща.
Песнь 8
Кано́н святы́х апо́столов (в четверто́к у́тра). Глас 3. На 5. + Кано́н святи́теля Никола́я (в четверто́к у́тра). Глас 3. На 3. + Кано́н святи́теля Спиридо́на. Глас 2. На 6.
Песнь 8
Ирмос, глас 3: Нестерпи́мому огню́ соедини́вшеся, Богоче́стия предстоя́ще ю́ноши, пла́менем же неврежде́ни, Боже́ственную пе́снь поя́ху: благослови́те вся́ дела́ Госпо́дня Го́спода, и превозноси́те во вся́ ве́ки.
Припев: Святи́и апо́столи, моли́те Бо́га о на́с.
Уязви́хся страсте́й ору́жием, и острупи́х се́рдце безу́мием, зло́бы соде́телем: апо́столи сла́внии исцели́те мя́ всего́ недоуме́ющася, ду́ш и теле́с вра́чеве су́ще.
Припев: Святи́и апо́столи, моли́те Бо́га о на́с.
Во всю́ зе́млю пропове́дников веща́ние изы́де Боже́ственное, уча́щее правосла́вно о еди́нственном существе́, еди́но естество́ почита́ти Святы́я Тро́ицы, и еди́но вои́стинну госпо́дьство, и еди́но Ца́рство во вся́ ве́ки.
Припев: Святи́и апо́столи, моли́те Бо́га о на́с.
Мене́ многосогреши́вшаго, и долготерпе́ние твое́ Боже́ственное ижди́вшаго. В пребыва́нии прегреше́ний, возврати́, Влады́ко, ве́дый мою́ не́мощь сло́ве, и ле́ность, и злому́дрие.
Припев: Пресвята́я Богоро́дице, спаси́ нас.
Богородичен: Боже́ственная клеще́, я́же Боже́ственнаго у́гля неизрече́нно прие́мши, Богоро́дице, страсте́й мои́х разжже́нное у́глие угаси́, Пречи́стая, росо́ю Твои́х моли́тв, и всесла́вных и Боже́ственных апо́стол.
Припев: Святи́телю о́тче Нико́лае, моли́ Бо́га о на́с.
Зе́млю кро́тких насле́довал еси́, кро́ток преподо́бне бы́в. Те́мже молю́ся ти́ ве́рно: укроти́ моли́твами твои́ми, подвиза́ющаяся на мя́ при́сно лука́ваго треволне́ния.
Припев: Святи́телю о́тче Нико́лае, моли́ Бо́га о на́с.
Я́коже изба́вил еси́ воево́ды, и́же непра́ведно умре́ти хотя́щыя: та́ко от челове́к лука́вых озлобле́ния на́с изба́ви, и от вся́каго бесо́вскаго наве́та, Нико́лае, моля́ Спа́са.
Припев: Святи́телю о́тче Нико́лае, моли́ Бо́га о на́с.
Пу́ть показа́л еси́ челове́ком пра́вый и спаси́тельный: на него́же наста́ви на́с в житии́ преходя́щих, Нико́лае, моли́твами твои́ми, я́ко да ку́пно вни́дем в живо́тная врата́.
Припев: Святи́телю о́тче Спиридо́не, моли́ Бо́га о на́с.
Пещь страсте́й Боже́ственными одожде́ньми Боже́ственнаго Ду́ха погаси́л еси́/ и ро́су источи́л еси́ неду́гов, о́тче, зной отъе́млющую/ ве́рно к тебе́ приходя́щих всегда́, блаже́нне Спиридо́не пребога́те.
Припев: Святи́телю о́тче Спиридо́не, моли́ Бо́га о на́с.
Пещь страсте́й Боже́ственными одожде́ньми Боже́ственнаго Ду́ха погаси́л еси́/ и ро́су источи́л еси́ неду́гов, о́тче, зной отъе́млющую/ ве́рно к тебе́ приходя́щих всегда́, блаже́нне Спиридо́не пребога́те.
Припев: Святи́телю о́тче Спиридо́не, моли́ Бо́га о на́с.
Беззло́бив, прав, кро́ток же, и ми́лостив, и незлопа́мятлив был еси́,/ любо́вен, страннолю́бец, иера́рх свяще́ннейший,/ му́дростию укра́шен, преподо́бне, Правосла́вия./ Те́мже тя ве́рою почита́ем.
Припев: Святи́телю о́тче Спиридо́не, моли́ Бо́га о на́с.
Беззло́бив, прав, кро́ток же, и ми́лостив, и незлопа́мятлив был еси́,/ любо́вен, страннолю́бец, иера́рх свяще́ннейший,/ му́дростию укра́шен, преподо́бне, Правосла́вия./ Те́мже тя ве́рою почита́ем.
Благослови́м Отца́ и Сы́на и Свята́го Ду́ха, Го́спода.
Дре́вле тебе́ глас, я́ко жива́, уме́ршая вопро́шшу ти, о́тче, даде́./ О, чудесе́ изря́дна!/ О, пресла́внаго та́инства!/ О, благода́ти, ю́же получи́л еси́,/ житие́м украша́емь а́нгельским, досточу́дне!
И ны́не, и при́сно, и во ве́ки веко́в. Ами́нь.
Богородичен: Стра́сти моего́ се́рдца исцели́ ми́лостию Твое́ю, Всепе́тая,/ ум мой умири́, и ду́шу мою́ просвети́,/ и ходи́ти мя возблагопу́тстви на стези́ спаси́тельныя,/ я́ко да при́сно пою́ Тя, Всепе́тая.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Катавасия
Ирмос, глас 2: Пещь иногда́ о́гненная в Вавило́не де́йства разделя́ше,/ Бо́жиим веле́нием халде́и опаля́ющая,/ ве́рныя же ороша́ющая, пою́щия:/ благослови́те, вся дела́ Госпо́дня, Го́спода.
Песнь Богородице
Диакон: Богоро́дицу и Мате́рь Све́та в пе́снех возвели́чим.
Песнь Пресвятыя Богородицы
Лик: Вели́чит душа́ Моя́ Го́спода, и возра́довася дух Мой о Бо́зе Спа́се Мое́м.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Я́ко призре́ на смире́ние Рабы́ Своея́, се бо от ны́не ублажа́т Мя вси ро́ди.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Сотвори́ держа́ву мы́шцею Свое́ю, расточи́ го́рдыя мы́слию се́рдца их.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Низложи́ си́льныя со престо́л, и вознесе́ смире́нныя; а́лчущия испо́лни благ, и богатя́щияся отпусти́ тщи.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка.
Припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Песнь 9
Кано́н святы́х апо́столов (в четверто́к у́тра). Глас 3. На 5. + Кано́н святи́теля Никола́я (в четверто́к у́тра). Глас 3. На 3. + Кано́н святи́теля Спиридо́на. Глас 2. На 6.
Песнь 9
Ирмос, глас 3: В зако́не се́ни и писа́ний о́браз ви́дим ве́рнии, вся́к му́жеский по́л ложесна́ разверза́я, свя́т Бо́гу: те́м перворожде́нное Сло́во, Отца́ Безнача́льна, Сы́на первородя́щася Ма́терию неискусому́жно, велича́ем.
Припев: Святи́и апо́столи, моли́те Бо́га о на́с.
И́же словесы́ Твои́х ученик, утверди́л еси́ земны́я концы́ Отца́ безнача́льнаго сло́ве: те́х мольба́ми, и мене́, к страсте́м безслове́сным попо́лзшася, и бесо́вским прельще́нием потопля́ема уще́дри.
Припев: Святи́и апо́столи, моли́те Бо́га о на́с.
Душе́ моя́, страсте́й рабо́тающая устремле́нием, пострада́вшему на́с ра́ди принеси́ мольбы́, я́ко да изба́вит Тя́ лю́тых, моля́щымся проявле́нне свяще́нным ученико́м, и уподо́бльшымся того́ плотски́м страда́нием.
Припев: Святи́и апо́столи, моли́те Бо́га о на́с.
Христо́вы ученицы́, егда́ с ни́м суди́ти ся́дете суду́ пови́нных, неосужде́нну мою́ ду́шу соблюди́те, оскверне́нную безме́стными де́лы, я́ко блази́и мои́ предста́телие, и я́ко ми́ра засту́пницы.
Припев: Пресвята́я Богоро́дице, спаси́ нас.
Богородичен: Де́во Чи́стая, Де́во Пречи́стая, Христо́ва пала́то, Де́во Пресвята́я, Свята́го Святы́х Бо́га, па́че вины́ и сло́ва ро́ждшая, со апо́столы святы́ми, о все́х моли́ся.
Припев: Святи́телю о́тче Нико́лае, моли́ Бо́га о на́с.
Я́ко огражде́ние Боже́ственное и утвержде́ние, и до́брое прибе́жище, земны́й ми́р стяжа́ тя́: хода́тайствы бо твои́ми при́сно избавля́емся от вся́каго искуше́ния и тесноты́, о́тче Нико́лае. Те́мже во хвале́нии ве́рно ублажа́ем Тя́.
Припев: Святи́телю о́тче Нико́лае, моли́ Бо́га о на́с.
Утесня́емь бы́в мно́гими обстоя́нии, к простра́нству прибега́ю, всеблаже́нне, те́плых моли́тв твои́х, претвори́ души́ моея́ боле́зни, вопию́ ти: во́лны укроти́ отча́яния, и умири́ моего́ ума́ смуще́ние.
Припев: Святи́телю о́тче Нико́лае, моли́ Бо́га о на́с.
Творца́ настои́т прише́ствие суди́ти все́й земли́, и негото́в сы́й окая́нный, ве́сь устраша́юся, помышля́я зо́л мои́х мно́жество: Го́споди долготерпели́ве, уще́дри, и спаси́ мя Боже́ственными Никола́а моли́твами преподо́бнаго Твоего́.
Припев: Святи́телю о́тче Спиридо́не, моли́ Бо́га о на́с.
Безнача́льна Роди́теля Сы́на я́сно пропове́дал еси́,/ Единосу́щна Отцу́ и Соприсносу́щна,/ посреде́ Богоно́сных отце́в возвели́чився,/ и беззако́ннующих загради́л еси́ уста́,/ святи́телю всеблаже́нне.
Припев: Святи́телю о́тче Спиридо́не, моли́ Бо́га о на́с.
Безнача́льна Роди́теля Сы́на я́сно пропове́дал еси́,/ Единосу́щна Отцу́ и Соприсносу́щна,/ посреде́ Богоно́сных отце́в возвели́чився,/ и беззако́ннующих загради́л еси́ уста́,/ святи́телю всеблаже́нне.
Припев: Святи́телю о́тче Спиридо́не, моли́ Бо́га о на́с.
Многосве́тлое со́лнце, отце́в украше́ние,/ иере́ев сла́ва, А́нгелов совсе́льниче,/ твою́ светоно́сную па́мять ра́достно ны́не соверша́ющия/ Све́та сподо́би невече́рняго моли́твами твои́ми.
Припев: Святи́телю о́тче Спиридо́не, моли́ Бо́га о на́с.
Многосве́тлое со́лнце, отце́в украше́ние,/ иере́ев сла́ва, А́нгелов совсе́льниче,/ твою́ светоно́сную па́мять ра́достно ны́не соверша́ющия/ Све́та сподо́би невече́рняго моли́твами твои́ми.
Сла́ва Отцу́, и Сы́ну, и Свято́му Ду́ху.
Боже́ственная селе́ния, град Небе́сный, пра́зднующих кра́сный лик/ освяще́нную ду́шу твою́ и доброде́тельми укра́шенную, всеблаже́нне,/ прия́т во гла́се ра́дования.
И ны́не, и при́сно, и во ве́ки веко́в. Ами́нь.
Богородичен: Ве́лие та́инство па́че ума́ Рождества́ Твоего́ удивля́ет А́нгелы, Богора́дованная,/ наслажда́ет преподо́бных собо́р, свяще́нныя же весели́т отцы́,/ Боже́ственно пою́щия тя, наде́жду душ на́ших.
Катавасия
Ирмос, глас 2: Безнача́льна Роди́теля Сын, Бог и Госпо́дь,/ вопло́щся от Де́вы, нам яви́ся,/ омраче́нная просвети́ти, собра́ти расточе́нная./ Тем Всепе́тую Богоро́дицу велича́ем.
Достойно есть...
Досто́йно есть...
Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. / Честне́йшую Херуви́м и сла́внейшую без сравне́ния Серафи́м, / без истле́ния Бо́га Сло́ва ро́ждшую, су́щую Богоро́дицу Тя велича́ем.
Светильны
Cветильны
Во всю́ подсо́лнечную те́кше пропове́дасте Христо́во от Де́вы свято́е воплоще́ние вои́стинну, от пре́лести обраща́юще язы́ки, и просвеща́юще, и вся́ науча́юще Тро́ицу почита́ти святу́ю, апо́столи Спа́совы.
Вели́каго началопа́стыря, и иера́рха вси́, председа́теля мирлики́йскаго Никола́а хва́лим: мно́ги бо му́жи спасе́, непра́ведно умре́ти иму́щыя, царю́ явля́ется со Авла́вием во сне́, решя́ непра́ведное изрече́ние.
Сла́ва Отцу́, и Сы́ну, и Свято́му Ду́ху.
Тя от безслове́сныя па́ствы преведе́ в слове́сную Дух, Богоно́се,/ я́коже Моисе́я и Дави́да, и́хже уподо́бился еси́ нра́ву, Спиридо́не,/ све́те вселе́нныя.
И ны́не, и при́сно, и во ве́ки веко́в. Ами́нь.
Богородичен: Су́щих от Бо́га ми́ру пода́нных благи́х Ты вина́ была́ еси́, Богоро́дице,/ но и ны́не уми́лостиви о о́бщем спасе́нии благопреме́ннаго Бо́га.
Хвалитные стихиры
На 6: Сотвори́ти в них суд напи́сан, сла́ва сия́ бу́дет всем преподо́бным Его.
Псалом 150
Хвали́те Бо́га во святы́х Его́, хвали́те Его́ во утверже́нии си́лы Его́.
На 4: Хвали́те Его́ на силах Его, / хвали́те Его́ по мно́жеству вели́чествия Его́.
Хвали́те Его́ во гла́се тру́бнем, / хвали́те Его́ во псалти́ри и гу́слех.
Хвали́те Его́ в тимпа́не и ли́це, / хвали́те Его́ во стру́нах и орга́не.
Хвали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Тебе́ сла́ва подоба́ет, Го́споди Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в. Ами́нь.
На стиховне
Стихиры на стиховне
Глас 3: Во всю́ зе́млю изы́де веща́ние ва́ше, святи́и апо́столи: и́дольскую пре́лесть разруши́сте, Богоразу́мие пропове́давше. Се́ до́брый по́двиг ва́ш е́сть, блаже́ннии, те́мже пое́м и славосло́вим ва́шя па́мяти.
Стих: Испо́лнихомся зау́тра ми́лости Твоея́ Го́споди, и возра́довахомся, и возвесели́хомся: во вся́ дни́ на́шя возвесели́хомся, за дни́, в ня́же смири́л ны́ еси́, ле́та, в ня́же ви́дехом зла́я, и при́зри на рабы́ Твоя́, и на дела́ Твоя́, и наста́ви сы́ны и́х.
Глас 3: Христо́вы за́поведи непоро́чно сохра́ньше, святи́и апо́столи, ту́не прия́сте, ту́не подава́ете, исцеля́юще стра́сти ду́ш и теле́с на́ших. Те́мже иму́ще дерзнове́ние, Того́ моли́те, поми́ловатися душа́м на́шым.
Стих: И бу́ди све́тлость Го́спода Бо́га на́шего на на́с, и дела́ ру́к на́ших испра́ви на на́с, и де́ло ру́к на́ших испра́ви.
Глас 3: Я́ко свети́ла в ми́ре сия́ете, и по сме́рти святи́и му́ченицы, по́двигом до́брым подви́гшеся, иму́ще дерзнове́ние, Христа́ моли́те, поми́ловатися душа́м на́шым.
Сла́ва Отцу́, и Сы́ну, и Свято́му Ду́ху.
Глас 4: Преподо́бне о́тче, святи́телю прехва́льне,/ апо́стольскаго уче́ния быв испо́лнен/ и Боже́ственнаго Ду́ха жили́ще/ доброде́тельнаго ра́ди жи́тельства показа́вся,/ церко́вныя во́лки уче́ньми отгна́л еси́/ и Правосла́вных ве́ру уясни́л еси́,/ столп яви́лся еси́ благоче́стия и побо́рник./ Те́мже и, чудоде́йствуя в конце́х,/ змию́ в зла́то преложи́л еси́/ и ме́ртвую к вопроше́нию воздви́гл еси́,/ но, о отце́в досточу́дне и учи́телей собесе́дниче!/ Спа́су моли́ся спасти́ ду́ши на́ша.
И ны́не, и при́сно, и во ве́ки веко́в. Ами́нь.
Богородичен, глас 4: Тя, сте́ну, стяжа́хом, Богоро́дице Пречи́стая, / и благоути́шное приста́нище, и утвержде́ние. / Те́мже молю́ся, / и́же в житии́ обурева́ем: / окорми́ и спаси́ мя.
Тропари в конец утрени
Глас 1: Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Богородичен, глас 1: Безма́терняго на Небеси́, па́че мы́сли и слу́ха, / на земли́ без отца́ родила́ еси́; / Того́, Богоро́дице, / моли́ о душа́х на́ших.
Отпуст
Евангельская стихира
На часах
1-й Час
Сла́ва Отцу́, и Сы́ну, и Свято́му Ду́ху.
Тропарь свт. Спиридо́на, епископа Тримифунтскаго, чудотворца, глас 1
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак свт. Спиридо́на, епископа Тримифунтскаго, чудотворца, глас 2
Любо́вию Христо́вою уязви́вся свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,/ прося́ всем Боже́ственнаго сия́ния.
Отпуст
Христо́с И́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, и́же во святы́х отца́ на́шего Никола́я, архиепи́скопа Мир Лики́йских, Чудотво́рца, Престольный праздник, свт. Спиридо́на, епископа Тримифунтскаго, чудотворца, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.3-й Час
Сла́ва Отцу́, и Сы́ну, и Свято́му Ду́ху.
Тропарь свт. Спиридо́на, епископа Тримифунтскаго, чудотворца, глас 1
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак свт. Спиридо́на, епископа Тримифунтскаго, чудотворца, глас 2
Любо́вию Христо́вою уязви́вся свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,/ прося́ всем Боже́ственнаго сия́ния.
6-й Час
Сла́ва Отцу́, и Сы́ну, и Свято́му Ду́ху.
Тропарь свт. Спиридо́на, епископа Тримифунтскаго, чудотворца, глас 1
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак свт. Спиридо́на, епископа Тримифунтскаго, чудотворца, глас 2
Любо́вию Христо́вою уязви́вся свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,/ прося́ всем Боже́ственнаго сия́ния.
9-й Час
Сла́ва Отцу́, и Сы́ну, и Свято́му Ду́ху.
Тропарь свт. Спиридо́на, епископа Тримифунтскаго, чудотворца, глас 1
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
И ны́не, и при́сно, и во ве́ки веко́в. Ами́нь.
Кафизм нет
Паремии
Евангелие
Кондак свт. Спиридо́на, епископа Тримифунтскаго, чудотворца, глас 2
Любо́вию Христо́вою уязви́вся свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,/ прося́ всем Боже́ственнаго сия́ния.
На Литургии Иоанна Златоуста
Антифоны
Антифон 1
Первый изобразительный антифон
1 Лик: Благослови́, душе́ моя́, Го́спода. / Благослове́н еси́, Го́споди. / Благослови́, душе́ моя́, Го́спода, / и вся вну́тренняя моя́ И́мя святое́ Его́.
2 Лик: Благослови́, душе́ моя́, Го́спода, / и не забыва́й всех воздая́ний Его́.
1 Лик: Очища́ющаго вся беззако́ния твоя́, / исцеля́ющаго вся неду́ги твоя́.
2 Лик: Избавля́ющаго от истле́ния живо́т твой, / венча́ющаго тя ми́лостию и щедро́тами.
1 Лик: Исполня́ющаго во благи́х жела́ние твое́: / обнови́тся, я́ко о́рля, ю́ность твоя́.
2 Лик: Творя́й ми́лостыни Госпо́дь, / и судьбу́ всем оби́димым.
1 Лик: Сказа́ пути́ Своя́ Моисе́ови, / сыново́м Изра́илевым хоте́ния Своя́.
2 Лик: Щедр и ми́лостив Госпо́дь, / долготерпели́в и многоми́лостив.
1 Лик: Не до конца́ прогне́вается, / ниже́ в век вражду́ет.
2 Лик: Не по беззако́нием на́шим сотвори́л есть нам, / ниже́ по грехо́м на́шим возда́л есть нам.
1 Лик: Я́ко по высоте́ небе́сней от земли́, / утверди́л есть Госпо́дь ми́лость Свою́ на боя́щихся Его́.
2 Лик: Ели́ко отстоя́т восто́цы от за́пад, / уда́лил есть от нас беззако́ния на́ша.
1 Лик: Я́коже ще́дрит оте́ц сы́ны, / уще́дри Госпо́дь боя́щихся Его́.
2 Лик: Я́ко Той позна́ созда́ние на́ше, / помяну́, я́ко персть есмы́.
1 Лик: Челове́к, я́ко трава́ дни́е его́, / я́ко цвет се́льный, та́ко оцвете́т.
2 Лик: Я́ко дух про́йде в нем, / и не бу́дет, / и не позна́ет ктому́ ме́ста своего́.
1 Лик: Ми́лость же Госпо́дня от ве́ка и до ве́ка / на боя́щихся Его́.
2 Лик: И пра́вда Его́ на сыне́х сыно́в, / храня́щих заве́т Его́, / и по́мнящих за́поведи Его́ / твори́ти я́.
1 Лик: Госпо́дь на небеси́ угото́ва Престо́л Свой, / и Ца́рство Его́ все́ми облада́ет.
2 Лик: Благослови́те Го́спода, вси А́нгели Его́, / си́льнии кре́постию, творя́щии сло́во Его́, / услы́шати глас слове́с Его́.
1 Лик: Благослови́те Го́спода, вся си́лы Его́, / слуги́ Его́, творя́щии во́лю Его́.
2 Лик: Благослови́те Го́спода, вся дела́ Его́, / на вся́ком ме́сте влады́чества Его́.
1 Лик: Сла́ва Отцу́ и Сы́ну и Свято́му Ду́ху.
2 Лик: И ны́не и при́сно и во ве́ки веко́в. Ами́нь.
1 Лик: Благослови́, душе́ моя́, Го́спода, / и вся вну́тренняя моя́ И́мя святое́ Его́. / Благослове́н еси́, Го́споди.
Антифон 2
Второй изобразительный антифон
1 Лик: Хвали́, душе́ моя́, Го́спода. / Восхвалю́ Го́спода в животе́ мое́м, / пою́ Бо́гу моему́, до́ндеже есмь.
2 Лик: Не наде́йтеся на кня́зи, на сы́ны челове́ческия, / в ни́хже несть спасе́ния.
1 Лик: Изы́дет дух его́, / и возврати́тся в зе́млю свою́: / в той день поги́бнут вся помышле́ния его́.
2 Лик: Блаже́н, ему́же Бог Иа́ковль помо́щник его́, / упова́ние его́ на Го́спода Бо́га своего́.
1 Лик: Сотво́ршаго не́бо и зе́млю, / мо́ре и вся, я́же в них.
2 Лик: Храня́щаго и́стину в век, / творя́щаго суд оби́димым, / даю́щаго пи́щу а́лчущим.
1 Лик: Госпо́дь реши́т окова́нныя, / Госпо́дь умудря́ет слепцы́.
2 Лик: Госпо́дь возво́дит низве́рженныя, / Госпо́дь лю́бит пра́ведники.
1 Лик: Госпо́дь храни́т прише́льцы, / си́ра и вдову́ прии́мет, / и путь гре́шных погуби́т.
2 Лик: Воцари́тся Госпо́дь во век, / Бог твой, Сио́не, в род и род.
Антифон 3 / Блаженны
Блаженны, третий изобразительный антифон (на 8)
1 Лик: Во Ца́рствии Твое́м помяни́ нас, Го́споди, / егда́ прии́деши, во Ца́рствии Твое́м.
на 12:
1 Лик: Блаже́ни ни́щии ду́хом, / я́ко тех есть Ца́рство Небе́сное.
2 Лик: Блаже́ни пла́чущии, / я́ко ти́и уте́шатся.
на 10:
1 Лик: Блаже́ни кро́тции, / я́ко ти́и насле́дят зе́млю.
2 Лик: Блаже́ни а́лчущии и жа́ждущии пра́вды, / я́ко ти́и насы́тятся.
на 8:
1 Лик: Блаже́ни ми́лостивии, / я́ко ти́и поми́ловани бу́дут.
Отве́ргша, Христе́, за́поведь Твою́, пра́отца Ада́ма из рая́ изгна́л еси́: разбо́йника же ще́дре, испове́даша Тя́ на кресте́, во́нь всели́л еси́, зову́ща: помяни́ мя, Спа́се, во Ца́рствии Твое́м.
2 Лик: Блаже́ни чи́стии се́рдцем, / я́ко ти́и Бо́га у́зрят.
И́же тро́стию кре́стною из глубины́ неве́дения лю́ди изве́дше апо́столи, и е́ллинскую пре́лесть отгна́сте от земли́, неле́стнии спаси́телие бы́сте ве́рным вои́стинну. Те́мже блажи́ми есте́.
на 6:
1 Лик: Блаже́ни миротво́рцы, / я́ко ти́и сы́нове Бо́жии нареку́тся.
Я́ко лучы́ та́йныя, и свети́ла пра́веднаго со́лнца бы́вше, сла́внии апо́столи, злоче́стия тьму́ отгна́ли есте́, и к све́ту богоразу́мия наста́висте вся́ лю́ди: те́мже вы́ почита́ем.
2 Лик: Блаже́ни изгна́ни пра́вды ра́ди, / я́ко тех есть Ца́рство Небе́сное.
Му́ченичен: Му́к разжже́ния претерпе́сте, свы́ше страда́льцы благода́ти ро́су прия́ли есте́: и челове́ческия стра́сти, я́ко Христо́вы уго́дницы, при́сно благоче́стно му́дрии исцеля́ете. те́мже ве́рно ва́с святи́и почита́ем.
на 4:
1 Лик: Блаже́ни есте́, егда́ поно́сят вам, / и изжену́т, и реку́т всяк зол глаго́л на вы, лжу́ще Мене́ ра́ди.
Ум твой безстра́стием просвети́в и Боже́ственным смире́нием украси́вся,/ дарова́ния Ду́ха прия́л еси́ отгони́ти ду́хи/ и реши́ти неду́ги ве́рно чту́щих тя, свяще́ннейше.
2 Лик: Ра́дуйтеся и весели́теся, / я́ко мзда ва́ша мно́га на Небесе́х.
Зми́я началозло́бнаго уби́в,/ нрав сребролю́бный попра́в, ми́луя тре́бующаго, святи́телю,/ зми́я преложи́л еси́ в злату́ю утварь свяще́нными твои́ми моли́твами,/ о́тче преподо́бне.
1 Лик: Сла́ва Отцу́ и Сы́ну и Свято́му Ду́ху.
Возше́л еси́ на го́ру безстра́стия,/ вшел еси́ во храм Боговиде́ния,/ в скрижа́ли же се́рдца твоего́ прия́л еси́ зако́н спаси́тельный,/ я́ко свяще́ннейший и уго́дник при́сный Влады́ки Твоего́.
2 Лик: И ны́не и при́сно и во ве́ки веко́в. Ами́нь.
Богоро́дичен: Уврачи́ стру́пы души́ моея́,/ ум мой, омраче́нный нераде́нием, Богоневе́сто, озари́, да пою́:/ несть непоро́чны, па́че Тебе́, Непоро́чная,/ и несть чи́сты, па́че Тебе́, Влады́чице.
Входное
В будни: Прииди́те, поклони́мся и припаде́м ко Христу́. / Спаси́ ны, Сы́не Бо́жий, / во святы́х Ди́вен сый, пою́щия Ти, / Аллилу́иа. Единожды.
Тропари и кондаки на входе
В четверг, апостолов, глас 3
Апо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.
В четверг, святителя Николая, глас 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.
храма святого, глас *
... Укажите в настройках престольный праздник вашего храма ...
Тропарь свт. Спиридо́на, епископа Тримифунтскаго, чудотворца, глас 1
Собо́ра Пе́рваго показа́лся еси́ побо́рник и чудотво́рец,/ Богоно́се Спиридо́не, о́тче наш./ Те́мже ме́ртву ты во гро́бе возгласи́в,/ и змию́ в зла́то претвори́л еси́,/ и внегда́ пе́ти тебе́ святы́я моли́твы/ А́нгелы, сослужа́щия тебе́, имел еси́, свяще́ннейший./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
В четверг, апостолов, глас 2
Тве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й;/ боле́зни бо о́нех и смерть прия́л еси́ па́че вся́каго всепло́дия,// Еди́не све́дый серде́чная.
В четверг, святителя Николая, глас 3
В Ми́рех, свя́те, священноде́йствитель показа́лся еси́,/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти./ Сего́ ра́ди освяти́лся еси́,// я́ко вели́кий таи́нник Бо́жия благода́ти.
Кондак храма святого, глас *
... Укажите в настройках престольный праздник вашего храма ...
Кондак свт. Спиридо́на, епископа Тримифунтскаго, чудотворца, глас 2
Любо́вию Христо́вою уязви́вся свяще́ннейший,/ ум впери́в заре́ю Ду́ха,/ де́тельным виде́нием твои́м дея́ние обре́л еси́, Богоприя́тне,/ же́ртвенник Боже́ственный быв,/ прося́ всем Боже́ственнаго сия́ния.
Сла́ва Отцу́, и Сы́ну, и Свято́му Ду́ху.
Кондaк за умерших, глас 8
Со святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.
И ны́не, и при́сно, и во ве́ки веко́в. Ами́нь.
Кондaк Пресвятой Богородице, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Прокимен
Чтец: Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их.
Лик: Во всю зе́млю изы́де веща́ние их, / и в концы́ вселе́нныя глаго́лы их.
Чтец: Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.
Лик: Во всю зе́млю изы́де веща́ние их, / и в концы́ вселе́нныя глаго́лы их.
Чтец: Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум.
Лик: Уста́ моя́ возглаго́лют прему́дрость, / и поуче́ние се́рдца моего́ ра́зум.
Апостол
И чтец надписание Апостола: Ко Евре́ем посла́ния свята́го Апо́стола Па́вла чте́ние.
И паки диакон: Во́нмем.
Зачало 315 В четверток 29-я недели. (Евр.7:1-6)
Бра́тие, Мелхиседе́к, царь Сали́мский, свяще́нник Бо́га Вы́шняго, и́же сре́те Авраа́ма возвра́щшася от се́ча царе́й и благослови́ его́, ему́же и десяти́ну от всех отдели́ Авраа́м. Пе́рвее у́бо сказу́ется царь пра́вды, пото́м же царь Сали́мский, е́же есть, царь ми́ра, без отца́, без ма́тере, без при́чта ро́да, ни нача́ла днем, ни животу́ конца́ име́я, уподо́блен же Сы́ну Бо́жию, пребыва́ет свяще́нник вы́ну. Ви́дите же, ели́к сей, ему́же и десяти́ну дал есть Авраа́м патриа́рх от избра́нных. И прие́млющии у́бо свяще́нство от сыно́в Леви́ин за́поведь и́мут одеся́тствовати лю́ди по зако́ну, си́речь, бра́тию свою́, а́ще и от чресл Авраа́мовых изше́дшую. Не причита́емый же ро́дом от них, одеся́тствова Авраа́ма и иму́щаго обетова́ния благослови́.
Зачало 335 Святителем. (Евр.13:17-21)
Бра́тие, повину́йтеся наста́вником ва́шим и покаря́йтеся, ти́и бо бдят о душа́х ва́ших, я́ко сло́во возда́ти хотя́ще, да с ра́достию сие́ творя́т, а не воздыха́юще, несть бо поле́зно вам сие́. Моли́теся о нас, упова́ем бо, я́ко добру́ со́весть и́мамы во всем, до́бре хотя́ще жи́ти. Ли́шше же молю́, сие́ твори́те, да вско́ре устро́юся вам. Бог же ми́ра, возведы́й из ме́ртвых Па́стыря овца́м вели́каго, кро́вию заве́та ве́чнаго, Го́спода на́шего Иису́са Христа́, да соверши́т вы во вся́ком де́ле бла́зе, сотвори́ти во́лю Его́, творя́ в вас благоуго́дное пред Ним, Иису́с Христо́м. Ему́же сла́ва во ве́ки веко́в. Ами́нь.
Аллилуиарий
Чтец: Аллилу́иа. Аллилу́иа. Аллилу́иа, глас 1.
Чтец: Испове́дят небеса́ чудеса́ Твоя́, Го́споди, и́бо и́стину Твою́ в Це́ркви святы́х.
Лик: Аллилу́иа. Аллилу́иа. Аллилу́иа.
Чтец: Стих: Бог прославля́ем в сове́те святы́х.
Лик: Аллилу́иа. Аллилу́иа. Аллилу́иа.
Чтец: Уста́ пра́веднаго поуча́тся прему́дрости, и язы́к его́ возглаго́лет суд.
Лик: Аллилу́иа. Аллилу́иа. Аллилу́иа.
Евангелие
Диакон: Благослови́, влады́ко, благовести́теля свята́го Апо́стола и Евангели́ста Ма́рка.
Священник, осеняя его крестным знамением, произносит: Бо́г, моли́твами свята́го, сла́внаго, всехва́льнаго Апо́стола и Евангели́ста Ма́рка, да да́ст тебе́ глаго́л благовеству́ющему си́лою мно́гою во исполне́ние Ева́нгелия Возлю́бленнаго Сы́на Своего́, Го́спода на́шего Иису́са Христа́.
И подает ему святое Евангелие.
Диакон: Ами́нь.
Священник: Прему́дрость, про́сти, услы́шим свята́го Ева́нгелия. Таже: Ми́р все́м.
Лик: И ду́хови твоему́.
Диакон: От Ма́рка свята́го Ева́нгелия чте́ние.
Лик: Сла́ва Тебе́, Го́споди, сла́ва Тебе́.
Священник: Во́нмем.
Евангелие от Марка, зачало 39. Четверток 30-я недели. (Мк.9:10-16)
Во вре́мя о́но, удержа́ша в себе́ ученицы́ сло́во Иису́сово, стяза́ющеся, что есть, е́же из ме́ртвых воскре́снути. И вопроша́ху Его́ глаго́люще: ка́ко глаго́лют кни́жницы, я́ко Илии́ подоба́ет приити́ пре́жде? Он же отвеща́в рече́ им: Илия́ у́бо прише́д пре́жде, устро́ит вся, и ка́ко есть пи́сано о Сы́не Челове́честем, да мно́го постра́ждет и уничиже́н бу́дет, но глаго́лю вам, я́ко и Илия́ прии́де, и сотвори́ша ему́, ели́ка хоте́ша, я́коже есть пи́сано о нем. И прише́д ко ученико́м, ви́де наро́д мног о них и кни́жники стяза́ющася с ни́ми. И а́бие весь наро́д ви́дев Его́ ужасе́ся, и прири́щуще целова́ху Его́. И вопроси́ кни́жники: что стяза́етеся к себе́?
Евангелие от Луки, зачало 24. Пяток 19-я недели.
Сие же и преподобным. (Лк.6:17-23)
Во вре́мя о́но, ста Иису́с на ме́сте ра́вне, и наро́д учени́к Его́, и мно́жество мно́го люде́й от всея́ Иуде́и и Иерусали́ма, и помо́рия Ти́рска и Сидо́нска, и́же приидо́ша послу́шати Его́ и исцели́тися от неду́г свои́х, и стра́ждущии от дух нечи́стых, и исцеля́хуся. И весь наро́д иска́ше прикаса́тися Ему́, я́ко си́ла от Него́ исхожда́ше, и исцеля́ше вся. И той возве́д о́чи свои́ на ученики́ своя́, глаго́лаше: блаже́ни ни́щии ду́хом, я́ко ва́ше есть Ца́рствие Бо́жие. Блаже́ни, а́лчущии ны́не, я́ко насы́титеся. Блаже́ни, пла́чущии ны́не, я́ко возсмее́теся. Блаже́ни бу́дете, егда́ возненави́дят вас челове́цы, и егда́ разлуча́т вы и поно́сят, и пронесу́т и́мя ва́ше я́ко зло, Сы́на Челове́ческаго ра́ди. Возра́дуйтеся в той день и взыгра́йте, се бо мзда ва́ша мно́га на небеси́.
Задостойник
Досто́йно есть...
Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. / Честне́йшую Херуви́м и сла́внейшую без сравне́ния Серафи́м, / без истле́ния Бо́га Сло́ва ро́ждшую, су́щую Богоро́дицу Тя велича́ем.
Причастен
Во всю зе́млю изы́де веща́ние их, и в концы́ вселе́нныя глаго́лы их.
В па́мять ве́чную бу́дет пра́ведник, от слу́ха зла не убои́тся.
Аллилу́иа. Аллилу́иа. Аллилу́иа.