Все́нощное бде́ние

Другие службы:

Тест «Скрытая строка»

В помощь изучающим структуру богослужения предлагаем обучающий тест “Скрытая строка”.

Нажмите галочку включения теста.
В таблице одна строка закроется бордовым цветом.
Попробуйте вспомнить её наименование. В качестве подсказки можете использовать аудиозапись и фото (справа).
Нажмите на скрытую строку и проверьте свой ответ.
Автоматически скроется следующая строка.

Вели́кая вече́рня [перевод]

Развернуть всё

Начинательные возгла́сы

Диа́кон:	Воста́ните! Го́споди, благослови́!	Пред началом Всенощного бдения священник возлагает на себя епитрахиль и фелонь и кадит святую трапезу, жертвенник и весь алтарь, в предшествии диа́кона со свечою исходит из Алтаря и вместе с ним кадит Святые врата, и иконы местные, праздника и храма. В настоящее время во многих храмах «Прииди́те, поклони́мся…» по традиции поют священнослужители.
Иере́й:	Сла́ва святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно и во ве́ки веко́в.
Хор:	Ами́нь.
Священнослужители в алтаре:	Прииди́те, поклони́мся Царе́ви на́шему Бо́гу. Прииди́те, поклони́мся и припаде́м Христу́, Царе́ви на́шему Бо́гу. Прииди́те, поклони́мся и припаде́м Самому́ Христу́, Царе́ви и Бо́гу на́шему. Прииди́те, поклони́мся и припаде́м Ему́.

Псало́м 103

Хор:

[Псалом Давида о сотворении мира.]
Благослови́, душе́ моя́, Го́спода. Го́споди, Бо́же мо́й, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в ве́к ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ и́м. Преде́л положи́л еси́, eгоже не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ го́р про́йдут во́ды. Напая́ют вся́ зве́ри се́льныя, жду́т она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т гла́с. Напая́яй го́ры от превы́спренних Свои́х, от плода́ де́л Твои́х насы́тится земля́. Прозяба́яй траву́ ското́м, и зла́к на слу́жбу челове́ком, извести́ хле́б от земли́. И вино́ весели́т се́рдце челове́ка, ума́стити лице́ еле́ем, и хле́б се́рдце челове́ка укрепи́т. Насы́тятся дре́ва польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л е́сть луну́ во времена́, со́лнце позна́ за́пад сво́й. Положи́л еси́ тьму́, и бы́сть но́щь, в не́йже про́йдут вси́ зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся́ прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже не́сть числа́, живо́тная ма́лая с вели́кими, та́мо корабли́ препла́вают, зми́й се́й, eгоже созда́л еси́ руга́тися eму. Вся́ к Тебе́ ча́ют, да́ти пи́щу и́м во бла́го вре́мя. Да́вшу Тебе́ и́м соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши ду́х и́х, и исче́знут, и в пе́рсть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже е́смь, да услади́тся Ему́ бесе́да моя́, а́з же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти и́м. Благослови́, душе́ моя́, Го́спода. Со́лнце позна́ за́пад сво́й. Положи́л еси́ тьму́, и бы́сть но́щь. Я́ко возвели́чишася дела́ Твоя́, Го́споди, вся́ прему́дростию сотвори́л еси́.

Сла́ва, и ны́не: Аллилу́иа, Аллилу́иа, Аллилу́иа, сла́ва Тебе́ Бо́же (трижды).

Иерей во время пения псалма, окадив с диа́коном всю церковь по обычаю, и покадив Престол, исходит в епитрахили и фелони пред святыми вратами и чтет светильничные молитвы. По исполнении псалма глаголет диа́кон ектению́ великую.

103‑й псало́м посвящен сотворению мира, в нем прославляется премудрость Божия.

Молящиеся также вспоминают первоначальную жизнь прародителей в раю. Открытые Царские врата знаменуют, что тогда райские двери были открыты для всех людей, но вследствие своего грехопадения люди лишились блаженной жизни и были изгнаны из рая. В знамение этого по окончании пения псалма, Царские врата закрываются. Диа́кон выходит из алтаря и становится перед закрытыми вратами, как некогда Адам перед замкнувшимися вратами рая, и возглашает великую ектению́.

Великая ектения́

Диа́кон:	Ми́ром Го́споду помо́лимся.	В великой ектении́ перечисляются разнообразные наши нужды и прошения ко Господу, а священник в алтаре тайно молится, чтобы Господь призрел на этот храм и молящихся в нем и исполнил их нужды. В словах великой ектении́ «Ми́ром Го́споду помо́лимся…» верующие призываются вознести общецерковную молитву Богу в мире, в мирном состоянии духа, примирившись друг с другом, простить взаимные обиды. «О свышнем мире» переводится с греческого как «О ниспослании ми́ра свы́ше…». «О ми́ре всего́ ми́ра, благостоя́нии святы́х Бо́жиих церкве́й и соедине́нии все́х…». Под «всеми» в греческом оригинале имеются в виду не церкви, а христиане: верующих приглашают помолиться о соединении всех православных христиан, которые, каждые в своем городе, принадлежат Единой Святой Соборной и Апостольской Церкви. «Са́ми себе́» – «самих себя». «Ве́сь живо́т на́ш» – «всю жизнь нашу». «Живо́т» – одно из 3‑х значений слова «жизнь» (жизнь – вечная, духовная; житие́ – социальная деятельность; живо́т – жизнь телесная).
Хор:	Го́споди, поми́луй.
Диа́кон:	О свы́шнем ми́ре и спасе́нии ду́ш на́ших Го́споду помо́лимся.
Хор:	Го́споди, поми́луй.
Диа́кон:	О ми́ре всего́ ми́ра, благостоя́нии Святы́х Бо́жиих Церкве́й и соедине́нии все́х Го́споду помо́лимся.
Хор:	Го́споди, поми́луй.
Диа́кон:	О святе́м хра́ме се́м и с ве́рою, благогове́нием и стра́хом Бо́жиим входя́щих в о́нь Го́споду помо́лимся.
Хор:	Го́споди, поми́луй.
Диа́кон:	О Вели́ком Господи́не и Отце́ на́шем Святе́йшем Патриа́рхе (и́мя), о Господи́не на́шем Преосвяще́ннейшем митрополи́те (или: архиепи́скопе, или: епи́скопе) (и́мя), честне́м пресви́терстве, во Христе́ диа́констве, о все́м при́чте и лю́дех Го́споду помо́лимся.
Хор:	Го́споди, поми́луй.
Диа́кон:	О Богохрани́мей стране́ на́шей, власте́х и во́инстве ея́ Го́споду помо́лимся.
Хор:	Го́споди, поми́луй.
Диа́кон:	О гра́де се́м (или́: ве́си се́й; если в монастыре, то: о святе́й оби́тели се́й), вся́ком гра́де, стране́ и ве́рою живу́щих в ни́х Го́споду помо́лимся.
Хор:	Го́споди, поми́луй.
Диа́кон:	О благорастворе́нии возду́хов, о изоби́лии плодо́в земны́х и вре́менех ми́рных Го́споду помо́лимся.
Хор:	Го́споди, поми́луй.
Диа́кон:	О пла́вающих, путеше́ствующих, неду́гующих, стра́ждущих, плене́нных и о спасе́нии и́х Го́споду помо́лимся.
Хор:	Го́споди, поми́луй.
Диа́кон:	О изба́витися на́м от вся́кия ско́рби, гне́ва и ну́жды Го́споду помо́лимся.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Я́ко подоба́ет Тебе́ вся́кая сла́ва, че́сть и поклоне́ние. Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.

Блаже́н му́ж (первый антифон 1‑й кафизмы, избранные стихи)

Хор:

Блаже́н му́ж, и́же не и́де на сове́т нечести́вых.
Аллилу́иа, аллилу́иа, аллилу́иа.
Я́ко ве́сть Госпо́дь пу́ть пра́ведных, и пу́ть нечести́вых поги́бнет.
Аллилу́иа, аллилу́иа, аллилу́иа.
Рабо́тайте Го́сподеви со стра́хом и ра́дуйтеся Ему́ с тре́петом.
Аллилу́иа, аллилу́иа, аллилу́иа.
Блаже́ни вси́ наде́ющиися На́нь.
Аллилу́иа, аллилу́иа, аллилу́иа.
Воскресни́, Го́споди, спаси́ мя́, Бо́же мо́й.
Аллилу́иа, аллилу́иа, аллилу́иа.
Госпо́дне е́сть спасе́ние и на лю́дех Твои́х благослове́ние Твое́.
Аллилу́иа, аллилу́иа, аллилу́иа.
Сла́ва Отцу́ и Сы́ну и Свято́му Ду́ху,
Аллилу́иа, аллилу́иа, аллилу́иа.
И ны́не и при́сно и во ве́ки веко́в.
Ами́нь.
Аллилу́иа, аллилу́иа, аллилу́иа. Сла́ва Тебе́, Бо́же. (три́жды)

На воскресном бдении читается вся 1‑я кафизма с малыми ектеньями после каждой Славы.

Вечером накануне Господских двунадесятых праздников Блажен муж: оставляется, за исключением вечера Недели.

Здесь и далее рассматриваются наиболее часто встречающиеся варианты соединения служб; в остальных случаях следует обратиться к Типикону.

Малая ектения́

Диа́кон:	Па́ки и па́ки ми́ром Го́споду помо́лимся.	Малая ектения́ представляет собой сокращение великой ектении. Во время ее произнесения священник в тайной молитве просит Господа спасти людей Своих и сохранить Святую Церковь.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Я́ко Твоя́ держа́ва, и Твое́ е́сть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор:	Ами́нь.

Го́споди, воззва́х: (псалмы́ 140,141,129,116)

Канона́рх:	Глас … (глас определяется первой стихирой). Го́споди, воззва́х к Тебе́, услы́ши мя́.	Во время пения этих стихов диакон совершает каждение храма, которое означает жертвы, приносимые в Ветхом Завете, а равно и наши молитвы, возносимые к Богу. Этот момент изображает бедственное положение, которому подвергся род человеческий после грехопадения прародителей. Человек просит у Бога прощения грехов и избавления от бед и всю свою надежду возлагает на милость Божию.
Первый хор:	Го́споди, воззва́х к Тебе́, услы́ши мя́: / вонми́ гла́су моле́ния моего́, / внегда́ воззва́ти ми́ к Тебе́. // Услы́ши мя́, Го́споди.
Второй хор:	Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. // Услы́ши мя́, Го́споди.
Хор:	Если настоятель благословит, поем по чину стихи (из псалма 140): Положи́, Го́споди, хране́ние усто́м мои́м, и две́рь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными и́х. Нака́жет мя́ пра́ведник ми́лостию и обличи́т мя́, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих и́х. Поже́рты бы́ша при ка́мени судии́ и́х: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти и́х при а́де. Я́ко к Тебе́, Го́споди, Го́споди, о́чи мои́: на Тя́ упова́х, не отыми́ ду́шу мою́. Сохрани́ мя́ от се́ти, ю́же соста́виша ми́, и от собла́зн де́лающих беззако́ние. Паду́т во мре́жу свою́ гре́шницы: еди́н е́смь а́з, до́ндеже прейду́. (из псалма́ 141): Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ни́м моле́ние мое́, печа́ль мою́ пред Ни́м возвещу́. Внегда́ исчеза́ти от мене́ ду́ху моему́: и Ты́ позна́л еси́ стези́ моя́: на пути́ се́м, по нему́же хожда́х, скры́ша се́ть мне́. Смотря́х одесну́ю и возгля́дах, и не бе́ зна́яй мене́: поги́бе бе́гство от мене́, и не́сть взыска́яй ду́шу мою́. Воззва́х к Тебе́, Го́споди, ре́х: Ты́ еси́ упова́ние мое́, ча́сть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя́ от гоня́щих мя́, я́ко укрепи́шася па́че мене́. На 10, стихир*: Изведи́ из темни́цы ду́шу мою́,/ испове́датися и́мени Твоему́. Мене́ жду́т пра́ведницы,/ до́ндеже возда́си мне́. На 8: Из глубины́ воззва́х к Тебе́, Го́споди,/ Го́споди, услы́ши гла́с мо́й. Да бу́дут у́ши Твои́ / вне́млюще гла́су моле́ния моего́. На 6: А́ще беззако́ния на́зриши, Го́споди, Го́споди, кто́ постои́т?/ Я́ко у Тебе́ очище́ние е́сть. И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́,/ упова́ душа́ моя́ на Го́спода. На 4: От стра́жи у́тренния/ до но́щи, от стра́жи у́тренния да упова́ет Изра́иль на Го́спода. Я́ко у Го́спода ми́лость, и мно́гое у Него́ избавле́ние,/ и То́й изба́вит Изра́иля от все́х беззако́ний eго. На 2: Хвали́те Го́спода вси́ язы́цы,/ похвали́те Его́ вси́ лю́дие. Я́ко утверди́ся ми́лость Его́ на на́с,/ и и́стина Госпо́дня пребыва́ет во ве́к. Сла́ва и ны́не: В двунадесятый праздник и в отдание его – стихира праздника. В субботу и пятницу вечером (начало и отдание очередного гласа). Слава: Минеи, если есть, И ныне: Богородичен, догматик гласа. В праздник святого, имеющего бдение: Слава: – минеи, И ныне: – догматик по гласу Славы.	* Первую стихиры часть читает канонарх, вторую поет хор и сразу начинает петь стихиру. Стихиры воскресные смотри в октоихе, праздников и святым – в минеях и триодях. В двунадесятый Господский праздник поем стихиры только празднику в какой день недели ни случится. На воскресном бдении ставим стихом 10, и поем стихиры октоиха воскресны гласа 3, восточны (анатолиевы) 4, и минеи святого 3 (Типико́н, гл.2). Если в воскресенье есть святой, поемый на шесть, неимеющий полиелея: ставим стихов 10, и поем стихиры октоиха воскресны гласа 3, восточны 3, и минеи святого 4 (Типикон, гл.5). Если в воскресенье есть святой, имеющий бдение или полиелей: ставим стихов 10, и поем стихиры октоиха воскресны гласа 3, восточен 1, и минеи святого 6 (Типикон, гл.3,4). Иные случаи соединения праздников между собой и воскресным днем смотри Типикон, гл. 48 (Месяцеслов во весь год с тропари и кондаки, и с Марковыми главами).

Вечерний вход

Диа́кон:	Го́споду помо́лимся.	Вечерний вход напоминает о том, как ветхозаветные праведники, согласно обетованию Божию, прообразам и пророчествам, ожидали пришествия Спасителя мира и как Он явился в мир для спасения человеческого рода. Когда хор поет Славу, отверзаются Царские врата: из алтаря северными вратами выходит свещеносец, за ним диакон с кадилом, а затем священник. Священник становится на амвоне лицом к вратам, крестообразно благословляет вход, и, по произнесении диаконом слов: «Прему́дрость про́сти!» (т.е. стойте прямо, бодрствуйте), целует икону Спасителя на дверях, благословляет свещеносцев, целует икону Богоматери на вратах, входит в алтарь и становится на горнем месте, при этом диакон совершает каждение и встает одесную священника, а свещеносец продолжает стоять перед амвоном лицом к алтарю до «Ми́р все́м».
Иере́й:	Тайная молитва священника Ве́чер, и зау́тра, и полу́дне, хва́лим, благослови́м, благодари́м и мо́лимся Тебе́, Влады́ко все́х: испра́ви моли́тву на́шу, я́ко кади́ло пред Тобо́ю, и не уклони́ серде́ц на́ших в словеса́ или́ в помышле́ния лука́вствия, но изба́ви на́с от все́х ловя́щих ду́ши на́ша, я́ко к Тебе́, Го́споди, Го́споди, о́чи на́ши, и на Тя́ упова́хом, да не посрами́ши на́с, Бо́же на́ш. Я́ко подоба́ет Тебе́ вся́кая сла́ва, че́сть и поклоне́ние. Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Диа́кон:	Благослови́, влады́ко, святы́й вхо́д.
Иере́й:	Благослове́н вхо́д святы́х Твои́х, всегда́, ны́не и при́сно, и во ве́ки веко́в.
Диа́кон:	Прему́дрость, про́сти.

Вечерняя песнь Сыну Божию “Све́те Ти́хий”

Хор:	Све́те ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше све́т вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся́ времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя́ сла́вит.	«Све́те ти́хий» – один из древнейших гимнов Церкви. Сын Божий именуется в нем тихим Светом от Небесного Отца, Он пришел на землю не в полной Божественной славе, а тихим светом этой славы. В песнопении этом говорится, что только голосами преподобных, а не нашими грешными устами, может возноситься Богу достойная Его песнь и совершаться должное прославление. Крестообразное благословение входа означает, что через крест Господень вновь открываются нам двери рая. На будничной вечерне, когда не бывает входа, «Све́те ти́хий» обычно читается. Когда бывает вход – «Све́те ти́хий» всегда поется.
Диа́кон:	Во́нмем.
Иере́й:	Ми́р все́м.
Хор:	И ду́хови твоему́.
Диа́кон:	Прему́дрость, во́нмем. Проки́мен, гла́с … (и возглашает проки́мен)

Проки́мен

Диа́кон:	Проки́мен в суббо́ту ве́чером, гла́с 6 Госпо́дь воцари́ся, / в ле́поту облече́ся.	Проки́мен дня (краткий стих из Священного Писания) на вечерне возглашает диакон, называя глас его, хор поет прокимен, диакон произносит стих, хор повторяет прокимен, диакон произносит первую половину прокимна, хор поет вторую половину его. При этом на великой вечерне всегда бывает вход при открытых Царских вратах, и диакон произносит прокимен с горняго места (из-за престола). Затем врата затворяются. Если двунадесятый Господский праздник, как то: Крестовоздвижение, Рождество Христово, Богоявление, Преображение Господне – прилучится в субботу, прокимен пятницы на великой вечерне оставляется. Поется же «великий прокимен» вечерни дня праздника. Смотри в службах этих праздников.
Хор:	Госпо́дь воцари́ся, / в ле́поту облече́ся.
Сти́х 1:	Облече́ся Госпо́дь в си́лу и препоя́сася.
Хор:	Госпо́дь воцари́ся:
Сти́х 2:	И́бо утверди́ вселе́нную, я́же не подви́жится.
Хор:	Госпо́дь воцари́ся:
Сти́х 3:	До́му Твоему́ подоба́ет святы́ня, Го́споди, в долготу́ дни́й.
Хор:	Госпо́дь воцари́ся:
Диа́кон:	Госпо́дь воцари́ся.
Хор:	В ле́поту облече́ся:

Паремии́ праздника (чтение Св. Писания)

Диа́кон:	На великой вечерне, если есть паремии́, диа́кон глаголет: Прему́дрость.	В праздники с полиеле́ем после проки́мна читаются паремии́ (как правило три). При этом священник во время чтения пареми́й из Ветхого Завета сидит на горнем месте «одесну́ю страны́ престо́ла», а Царские врата на чтении закрываются.
Чте́ц:	Заглавие паремии́.
Диа́кон:	Во́нмем.
Иере́й:	Ми́р Ти́.
Чте́ц:	И ду́хови твоему́.

Сугу́бая ектения́

Диа́кон:	Рце́м вси́ от всея́ души́ и от всего́ помышле́ния на́шего рце́м.	К сугубой ектении могут добавляться особые прошения, например поминовение о здравии (по просьбам прихожан): «О ми́лости, ми́ре, жи́зни, здра́вии, спасе́нии рабо́в Бо́жиих (и́мя) и все́х зде́ предстоя́щих и моля́щихся и о е́же умно́жити ле́та живота́ и́х» и др. Бывает также чтение молитв после сугубой ектении. Тогда диакон произносит: «Го́споду помо́лимся», хор: «Го́споди, поми́луй», и читается священником молитва, например о болящем. Обратим внимание на паузу: «Зде́ лежа́щих (пауза) и повсю́ду правосла́вных».
Хор:	Го́споди, поми́луй.
Диа́кон:	Го́споди Вседержи́телю, Бо́же оте́ц на́ших, мо́лим Ти́ ся́, услы́ши и поми́луй.
Хор:	Го́споди, поми́луй.
Диа́кон:	Поми́луй на́с, Бо́же, по вели́цей ми́лости Твое́й, мо́лим Ти́ ся́, услы́ши и поми́луй.
Хор:	Го́споди, поми́луй (три́жды).
Диа́кон:	Еще́ мо́лимся о Вели́ком Господи́не и Отце́ на́шем Святе́йшем Патриа́рхе (имя), и о Господи́не на́шем Преосвяще́ннейшем (имя правящего епископа), и все́й во Христе́ бра́тии на́шей.
Хор:	Го́споди, поми́луй (трижды).
Диа́кон:	Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Хор:	Го́споди, поми́луй (три́жды).
Диа́кон:	Еще́ мо́лимся о бра́тиях на́ших, свяще́нницех, священномона́сех и все́м во Христе́ бра́тстве на́шем.
Хор:	Го́споди, поми́луй (трижды).
Диа́кон:	Еще́ мо́лимся о блаже́нных и приснопа́мятных святе́йших патриа́рсех правосла́вных и созда́телех свята́го хра́ма сего́ (в монастыре́: и созда́телех святы́я оби́тели сея́), и о все́х пре́жде почи́вших отце́х и бра́тиях, зде́ лежа́щих и повсю́ду, правосла́вных.
Хор:	Го́споди, поми́луй (трижды).
Диа́кон:	Еще́ мо́лимся о плодонося́щих и доброде́ющих во святе́м и всечестне́м хра́ме се́м, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тая ми́лости.
Хор:	Го́споди, поми́луй (три́жды).
Иере́й:	Тайная молитва священника Молитва усердного моленияГо́споди Бо́же на́ш, приле́жное сие́ моле́ние приими́ от Твои́х ра́б, и поми́луй на́с по мно́жеству ми́лости Твоея́, и щедро́ты Твоя́ низпосли́ на ны́ и на вся́ лю́ди Твоя́, ча́ющыя от Тебе́ бога́тыя ми́лости. Я́ко ми́лостив и Человеколю́бец Бо́г еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в.
Хор:	Ами́нь.

Молитва при наступлении вечера «Сподо́би Го́споди»

Хор:

Сподо́би, Го́споди, в ве́чер се́й без греха́ сохрани́тися на́м. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. / Бу́ди, Го́споди, ми́лость Твоя́ на на́с, я́коже упова́хом на Тя́. / Благослове́н еси́, Го́споди, научи́ мя́ оправда́нием Твои́м. / Благослове́н еси́, Влады́ко, вразуми́ мя́ оправда́нием Твои́м. / Благослове́н еси́, Святы́й, просвети́ мя́ оправда́нии Твои́ми. / Го́споди, ми́лость Твоя́ во ве́к, де́л руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Эта молитва является продолжением славословия Триединому Богу в гимне: «Све́те ти́хий», а потому оканчивается славословием: «Тебе́ сла́ва подоба́ет, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Ами́нь». На будничной вечерне «Сподо́би Го́споди» читается после прокимна. Устав указывает эту молитву читать: «глаго́лет настоя́тель, или́ учине́нный чте́ц». Во многих храмах в праздничные и воскресные дни эта молитва по традиции поется находящимися в алтаре священнослужителями.

Просительная ектения́

Диа́кон:	Испо́лним вече́рнюю моли́тву на́шу Го́сподеви.	По́сле моли́твы «Сподо́би, Го́споди…» диа́кон произно́сит просительную ектению́: «Испо́лним (доведем до полноты, принесем во всей полноте) вечернюю молитву нашу Го́сподеви (Господу)…». Эта ектения́ состоит из ряда прошений, оканчивающихся словами «у Го́спода про́сим», на которые певчие отвечают словами: «пода́й Го́споди».
Хор:	Го́споди поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Ве́чера всего́ соверше́нна, свя́та, ми́рна и безгре́шна у Го́спода про́сим.
Хор:	Пода́й, Го́споди
Диа́кон:	А́нгела ми́рна, ве́рна наста́вника, храни́теля ду́ш и теле́с на́ших у Го́спода про́сим.
Хор:	Пода́й, Го́споди.
Диа́кон:	Проще́ния и оставле́ния грехо́в и прегреше́ний на́ших у Го́спода про́сим.
Хор:	Пода́й, Го́споди.
Диа́кон:	До́брых и поле́зных душа́м на́шим, и ми́ра мiрови у Го́спода про́сим.
Хор:	Пода́й, Го́споди.
Диа́кон:	Про́чее вре́мя живота́ на́шего в ми́ре и покая́нии сконча́ти у Го́спода про́сим.
Хор:	Пода́й, Го́споди.
Диа́кон:	Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.
Хор:	Пода́й, Го́споди.
Диа́кон:	Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Я́ко бла́г и человеколю́бец Бо́г еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.
Иере́й:	Ми́р все́м.
Хор:	И ду́хови твоему́.
Диа́кон:	Главы́ на́ша Го́сподеви прикло́ним.
Хор:	Тебе́, Го́споди.

Молитва главопреклоне́ния

Иере́й:

Тайная молитва священника

Молитва главопреклоне́ния Го́споди Бо́же на́ш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

После «Главы́ на́ша Го́сподеви прикло́ним» священник в тайной молитве возносит Богу прошение, отдельное от мирян. Молитва заканчивается возгла́сом.

Хор:

Ами́нь.

Лития́

Диа́кон:	В дни, когда совершается всенощное бдение, выходим в притвор храма с пением лити́йных стихи́р храма (под воскресенье) или праздника для совершения лити́и. Священник и диакон с кадилом, предшествуемые двумя свещеносцами выходят из алтаря северными вратами и становятся в притворе. Диакон совершает каждение святых икон в притворе, настоятеля, поющих и народа. По окончании пения стихи́р диакон (а если его нет – священник) произносит следующие молитвенные прошения: Спаси́, Бо́же, лю́ди Твоя́ и благослови́ достоя́ние Твое́, посети́ мiр Тво́й ми́лостию и щедро́тами, возвы́си ро́г христиа́н правосла́вных и низпосли́ на ны́ ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́диа и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны, Фили́ппа и Ермоге́на, святы́х, сла́вных и добропобе́дных му́чеников, преподо́бных и богоно́сных оте́ц на́ших, святы́х и пра́ведных богооте́ц Иоаки́ма и А́нны (святого храма и святых дня), и все́х святы́х. Мо́лим Тя́, многоми́лостиве Го́споди, услы́ши на́с, гре́шных, моля́щихся Тебе́, и поми́луй на́с.	Лития́ – слово греческое, значит «усердное моление». Это моление в древней церкви совершалось в притворе с той целью, чтобы дать возможность стоявшим здесь оглашенным и кающимся принять участие в общей молитве по случаю большого праздника. Стоит отметить, что в современной практике, диакон обычно кадит иконостас, настоятеля и клиросы, поскольку притворы теперь устраиваются малые и практически не приспособлены для служения
Хор:	Го́споди, поми́луй (40).
Диа́кон:	Еще́ мо́лимся о Богохрани́мей стране́ на́шей, благочести́вых лю́дех и власте́х ея́, о держа́ве, побе́де, пребыва́нии, ми́ре, здра́вии, спасе́нии и́х, и Го́споду Бо́гу на́шему наипа́че поспеши́ти и пособи́ти во все́х и покори́ти под но́зе и́х вся́каго врага́ и супоста́та.
Хор:	Го́споди, поми́луй (30).
Диа́кон:	Еще́ мо́лимся о Вели́ком Господи́не и отце́ на́шем Святе́йшем Патриа́рхе (и́мя), и о господи́не на́шем преосвяще́ннейшем митрополи́те (или́ архиепи́скопе, или́ епи́скопе и́мя) (в оби́тели же: и о архимандри́те, или́ игу́мене на́шем и́мя) и о все́м во Христе́ бра́тстве на́шем, и о вся́кой души́ христиа́нстей, скорбя́щей же и озло́бленней, ми́лости Бо́жия и по́мощи тре́бующей; о покрове́нии гра́да сего́, и живу́щих в не́м (или́ ве́си сея́ и живу́щих в не́й, или́ святы́я оби́тели сея́ и живу́щих в не́й); о ми́ре, и состоя́нии всего́ мiра; о благостоя́нии святы́х Бо́жиих церкве́й; о спасе́нии и по́мощи со тща́нием и стра́хом Бо́жиим тружда́ющихся и служа́щих оте́ц и бра́тий на́ших; о оста́вльшихся и во отше́ствии су́щих; о исцеле́нии в не́мощех лежа́щих; о успе́нии, осла́бе, блаже́нней па́мяти и о оставле́нии грехо́в все́х преждеотше́дших оте́ц и бра́тий на́ших, зде́ лежа́щих и повсю́ду правосла́вных; о избавле́нии плене́нных, и о бра́тиях на́ших во слу́жбах су́щих, и о все́х служа́щих и служи́вших во святе́м хра́ме се́м (в оби́тели же: во святе́й оби́тели се́й) рце́м.
Хор:	Го́споди, поми́луй (50).
Диа́кон:	Еще́ мо́лимся о е́же сохрани́тися гра́ду сему́ (или́ ве́си се́й), и свято́му хра́му сему́ (а́ще же во оби́тели: святе́й оби́тели се́й), и вся́кому гра́ду и стране́, от гла́да, губи́тельства, тру́са, пото́па, огня́, меча́, наше́ствия иноплеме́нников и междоусо́бныя бра́ни; о е́же ми́лостиву и благоуве́тливу бы́ти благо́му и человеколюби́вому Бо́гу на́шему, отврати́ти вся́кий гне́в на ны́ дви́жимый, и изба́вити ны́ от належа́щаго и пра́веднаго Своего́ преще́ния и поми́ловати ны́.
Хор:	Го́споди, поми́луй (три́жды).
Диа́кон:	Еще́ мо́лимся и о е́же услы́шати Го́споду Бо́гу гла́с моле́ния на́с, гре́шных, и поми́ловати на́с.
Хор:	Го́споди, поми́луй (трижды).
Диа́кон:	Также поминает, если хочет, живых и усопших, тайно.
Иере́й:	Услы́ши ны́, Бо́же, Спаси́телю на́ш, упова́ние все́х конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны́. Ми́лостив бо и человеколю́бец Бо́г еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.
Иере́й:	Ми́р все́м.
Хор:	И ду́хови твоему́.
Диа́кон:	Главы́ ва́ша Го́сподеви приклони́те.
Хор:	Тебе́, Го́споди.
Иере́й:	Все склоняют главы и преклоняются к земле, священник же произносит молитву: Влады́ко многоми́лостиве, Го́споди Иису́се Христе́, Бо́же на́ш, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, святы́х сла́вных и добропобе́дных му́чеников, преподо́бных и богоно́сных оте́ц на́ших, и́же во святы́х оте́ц на́ших и вселе́нских вели́ких учи́телей и святи́телей: Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́диа и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны и Фили́ппа и Ермоге́на, и святы́х и пра́ведных богооте́ц Иоаки́ма и А́нны, (святого храма и святых дня) и все́х святы́х Твои́х, благоприя́тну сотвори́ моли́тву на́шу, да́руй на́м оставле́ние прегреше́ний на́ших, покры́й на́с кро́вом крилу́ Твое́ю, отжени́ от на́с вся́каго врага́ и супоста́та, умири́ на́шу жи́знь. Го́споди, поми́луй на́с и мiр Тво́й, и спаси́ души́ на́ша, я́ко бла́г и человеколю́бец.
Хор:	Ами́нь.

Стихи́ры на стихо́вне

Сти́х 1:	Госпо́дь воцари́ся, / в ле́поту облече́ся. <audio preload="none» src="https://azbyka.org/audio/audio1/vsenoshhnoe-bdenie/stihiry-na-stihovne.mp3»	«Стихи́рами на стихо́вне» называются особые стихи, написанные в память воспоминаемого события. Канона́рх возглашает первую строфу стихиры. Хор повторяет её и поет стихиру. Первая стихира не имеет стиха. Затем канонарх возглашает первую половину первого стиха, хор поет вторую половину и стихиру. Стихиры праздников, святым и запевы к ним смотри в минеях и триодях. Запевы к стихирам всегда написаны перед ними. Пение стихир на стиховне на вечерне бывает при закрытых царских вратах.
Сти́х 2:	И́бо утверди́ вселе́нную, / я́же не подви́жется.
Сти́х 3:	До́му Твоему́ подоба́ет святы́ня / Го́споди, в долготу́ дни́й.
Сла́ва, и ны́не, Богоро́дичен.

Молитва Симео́на Богоприи́мца

Хор:	Ны́не отпуща́еши раба́ Твоего́, Влады́ко, / по глаго́лу Твоему́ с ми́ром; / я́ко ви́деста о́чи мои́ спасе́ние Твое́, / е́же еси́ угото́вал пред лице́м все́х люде́й, / све́т во открове́ние язы́ков, / и сла́ву люде́й Твои́х Изра́иля.	Конец вечерни – молитва св. Симеона Богоприимца и Ангельское приветствие Богородице – указывают на исполнение обетования Божия о Спасителе. В некоторых приходах укрепился обычай петь «Ны́не отпуща́еши» на всякой вечерне, но эта молитва поется только на всенощном бдении. После стихир – «Ны́не отпуща́еши» «Трисвято́е», «О́тче на́ш» и тропа́рь. Диа́кон кадит трижды вокруг столика, на котором на блюде лежат хлеба и сосуды с пшеницею, вином и елеем, также священника и, наконец, снова кадит стол (спереди). Прот. К. Никольский указывает, после троекратного каждения столика, кадить икону праздника на аналое среди церкви, потом иерея и, наконец, опять стол спереди * В воскресенье до отдания двунадесятого праздника Богородице, Дево: (дважды) и тропарь праздника. Если служится святому, имеющему бдение, то: • в воскресенье: Богоро́дице, Де́во: (дважды) и тропа́рь святому • в будни: тропа́рь святому (дважды) и Богоро́дице, Де́во: (единожды).
Чте́ц:	«Святы́й Бо́же, Святы́й Кре́пкий, Святы́й Безсме́ртный, поми́луй на́с (три́жды). Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь. Пресвята́я Тро́ице, поми́луй на́с; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди. Го́споди, поми́луй (три́жды). Сла́ва, и ны́не. О́тче на́ш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хле́б на́ш насу́щный да́ждь на́м дне́сь; и оста́ви на́м до́лги на́ша, я́ко же и мы́ оставля́ем должнико́м на́шим; и не введи́ на́с во искуше́ние, но изба́ви на́с от лука́ваго.
Иере́й:	Я́ко Твое́ е́сть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.
Хор:	Ами́нь.
Хор:	Богоро́дице Де́во, ра́дуйся, / Благода́тная Мари́е, Госпо́дь с Тобо́ю: / Благослове́на Ты́ в жена́х, и Благослове́н Пло́д чре́ва Твоего́, / я́ко Спа́са родила́ еси́ ду́ш на́ших (три́жды)*.

Моли́тва на освяще́ние хле́бов

Диа́кон:	Го́споду помо́лимся.	Вслед за литией совершается благословение и освящение пяти хлебов, пшеницы, вина и елея, в память также древнего обычая раздавать пищу молящимся, приходившим иногда издалека, чтобы они могли подкрепиться во время продолжительного Богослужения. Пять хлебов благословляются в воспоминание насыщения Спасителем пяти тысяч пятью хлебами. Благословение хлебов бывает только на всенощном бдении. Освященным елеем священник во время утрени помазывает молящихся. После благословения хлебов священнослужители заходят в алтарь, а первенствующий священник становится перед Царскими вратами, ожидая окончания пения 33-го псалма, который поется до слов: «Не лиша́тся вся́каго бла́га», благословляет народ, говоря: «Благослове́ние Госпо́дне на ва́с …» (При произнесении этих слов священник благословляет народ с солеи одинажды, архиерей – на три страны). После этого заходит в алтарь. Царские врата затворяются, а чтец, заблаговременно испросив благословения у священника, выходит в храм для чтения Шестопсалмия
Хор:	Го́споди, поми́луй.
Иере́й:	Го́споди Иису́се Христе́, Бо́же на́ш, благослови́вый пя́ть хле́бов и пя́ть ты́сящ насы́тивый, Са́м благослови́ и хле́бы сия́, пшени́цу, вино́ и еле́й, и умно́жи сия́ во гра́де се́м (или́ в ве́си се́й, или́ во святе́й оби́тели се́й), и во все́м мiре Твое́м, и вкуша́ющыя от ни́х ве́рныя освяти́. Я́ко Ты́ еси́ благословля́яй и освяща́яй вся́ческая, Христе́ Бо́же на́ш, и Тебе́ сла́ву возсыла́ем, со безнача́льным Твои́м Отце́м, и всесвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в.
Хор:	Ами́нь. Бу́ди И́мя Госпо́дне благослове́но от ны́не и до ве́ка (три́жды).

Псало́м 33

Хор:	Благословлю́ Го́спода на вся́кое вре́мя, вы́ну хвала́ Его́ во усте́х мои́х. О Го́споде похва́лится душа́ моя́, да услы́шат кро́тцыи и возвеселя́тся. Возвели́чите Го́спода со мно́ю и вознесе́м и́мя Его́ вку́пе. Взыска́х Го́спода и услы́ша мя́, и от все́х скорбе́й мои́х изба́ви мя́. Приступи́те к Нему́ и просвети́теся, и ли́ца ва́ша не постыдя́тся. Се́й ни́щий воззва́, и Госпо́дь услы́ша и́, и от все́х скорбе́й eго спасе́ и́. Ополчи́тся А́нгел Госпо́день о́крест боя́щихся Его́, и изба́вит и́х. Вкуси́те и ви́дите, я́ко бла́г Госпо́дь; блаже́н му́ж, и́же упова́ет На́нь. Бо́йтеся Го́спода, вси́ святи́и Его́, я́ко не́сть лише́ния боя́щымся Его́. Бога́тии обнища́ша и взалка́ша, взыска́ющии же Го́спода не лиша́тся вся́каго бла́га.
Иере́й:	Благослове́ние Госпо́дне на ва́с. Того́ благода́тию и человеколю́бием, всегда́, ны́не и при́сно и во ве́ки веко́в.
Хор:	Ами́нь.

У́треня

Развернуть всё

Шестопса́лмие

Чте́ц:

Сла́ва в вы́шних Бо́гу, и на земли́ ми́р, в челове́цех благоволе́ние (трижды).
Го́споди, устне́ мои́ отве́рзеши, и уста́ моя́ возвестя́т хвалу́ Твою́ (дважды).

Псало́м 3 Го́споди, что́ ся́ умно́жиша стужа́ющии ми́? Мно́зи востаю́т на мя́, мно́зи глаго́лют души́ мое́й: не́сть спасе́ния eму в Бо́зе eго. Ты́ же, Го́споди, Засту́пник мо́й еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя́ от горы́ святы́я Своея́. А́з усну́х, и спа́х, воста́х, я́ко Госпо́дь засту́пит мя́. Не убою́ся от те́м люде́й, о́крест напа́дающих на мя́. Воскресни́, Го́споди, спаси́ мя́, Бо́же мо́й, я́ко Ты́ порази́л еси́ вся́ вражду́ющыя ми́ всу́е: зу́бы гре́шников сокруши́л еси́. Госпо́дне е́сть спасе́ние, и на лю́дех Твои́х благослове́ние Твое́.
А́з усну́х, и спа́х, воста́х, я́ко Госпо́дь засту́пит мя́.

Псало́м 37 Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Я́ко стре́лы Твоя́ унзо́ша во мне́, и утверди́л еси́ на мне́ ру́ку Твою́. Не́сть исцеле́ния в пло́ти мое́й от лица́ гне́ва Твоего́, не́сть ми́ра в косте́х мои́х от лица́ гре́х мои́х. Я́ко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне́. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, ве́сь де́нь се́туя хожда́х. Я́ко ля́двия моя́ напо́лнишася поруга́ний, и не́сть исцеле́ния в пло́ти мое́й. Озло́блен бы́х и смири́хся до зела́, рыка́х от воздыха́ния се́рдца моего́. Го́споди, пред Тобо́ю все́ жела́ние мое́ и воздыха́ние мое́ от Тебе́ не утаи́ся. Се́рдце мое́ смяте́ся, оста́ви мя́ си́ла моя́, и све́т о́чию мое́ю, и то́й не́сть со мно́ю. Дру́зи мои́ и и́скреннии мои́ пря́мо мне́ прибли́жишася и ста́ша, и бли́жнии мои́ отдале́че мене́ ста́ша и нужда́хуся и́щущии ду́шу мою́, и и́щущии зла́я мне́, глаго́лаху су́етная и льсти́вным ве́сь де́нь поуча́хуся. А́з же я́ко глу́х не слы́шах и я́ко не́м не отверза́яй у́ст свои́х. И бы́х я́ко челове́к не слы́шай и не имы́й во усте́х свои́х обличе́ния. Я́ко на Тя́, Го́споди, упова́х, Ты́ услы́шиши, Го́споди Бо́же мо́й. Я́ко ре́х: да не когда́ пора́дуют ми́ ся́ врази́ мои́: и внегда́ подвижа́тися нога́м мои́м, на мя́ велере́чеваша. Я́ко а́з на ра́ны гото́в, и боле́знь моя́ предо мно́ю е́сть вы́ну. Я́ко беззако́ние мое́ а́з возвещу́ и попеку́ся о гресе́ мое́м. Врази́ же мои́ живу́т и укрепи́шася па́че мене́, и умно́жишася ненави́дящии мя́ без пра́вды. Воздаю́щии ми́ зла́я воз блага́я, оболга́ху мя́, зане́ гоня́х благосты́ню. Не оста́ви мене́, Го́споди Бо́же мо́й, не отступи́ от мене́. Вонми́ в по́мощь мою́, Го́споди спасе́ния моего́.
Не оста́ви мене́, Го́споди Бо́же мо́й, не отступи́ от мене́. Вонми́ в по́мощь мою́, Го́споди спасе́ния моего́.

Псало́м 62Бо́же, Бо́же мо́й, к Тебе́ у́тренюю, возжада́ Тебе́ душа́ моя́, ко́ль мно́жицею Тебе́ пло́ть моя́, в земли́ пу́сте и непрохо́дне, и безво́дне. Та́ко во святе́м яви́хся Тебе́, ви́дети си́лу Твою́ и сла́ву Твою́. Я́ко лу́чши ми́лость Твоя́ па́че живо́т, устне́ мои́ похвали́те Тя́. Та́ко благословлю́ Тя́ в животе́ мое́м, о и́мени Твое́м воздежу́ ру́це мои́. Я́ко от ту́ка и ма́сти да испо́лнится душа́ моя́, и устна́ма ра́дости восхва́лят Тя́ уста́ моя́. А́ще помина́х Тя́ на посте́ли мое́й, на у́тренних поуча́хся в Тя́. Я́ко бы́л еси́ Помо́щник мо́й, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́. Ти́и же всу́е иска́ша ду́шу мою́, вни́дут в преиспо́дняя земли́, предадя́тся в ру́ки ору́жия, ча́сти ли́совом бу́дут. Ца́рь же возвесели́тся о Бо́зе, похва́лится вся́к клены́йся И́м, я́ко загради́шася уста́ глаго́лющих непра́ведная.
На у́тренних поуча́хся в Тя́. Я́ко бы́л еси́ Помо́щник мо́й, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́.

Сла́ва, и ны́не: Аллилу́иа, аллилу́иа, аллилу́иа, сла́ва Тебе́ Бо́же (трижды, без поклонов).
Го́споди поми́луй, (три́жды). Сла́ва, и ны́не:

Тайные молитвы священника

Молитва первая Благодари́м Тя́, Го́споди Бо́же на́ш, возста́вившаго на́с от ло́жей на́ших, и вложи́вшаго во уста́ на́ша сло́во хвале́ния, е́же покланя́тися, и призыва́ти и́мя Твое́ свято́е, и мо́лимся Твои́м щедро́там, и́хже всегда́ употребля́л еси́ о на́шей жи́зни. И ны́не посли́ по́мощь Твою́ на предстоя́щия пред лице́м святы́я сла́вы Твоея́, и ожида́ющия от Тебе́ бога́тыя ми́лости, и да́ждь и́м, со стра́хом и любо́вию всегда́ Тебе́ служа́щым, хвали́ти неисповеди́мую Твою́ бла́гость.
Я́ко подоба́ет Тебе́ вся́кая сла́ва, че́сть и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Молитва вторая От но́щи у́тренюет ду́х на́ш к Тебе́, Бо́же на́ш, зане́ све́т повеле́ния Твоя́ на земли́. Пра́вду и святы́ню соверша́ти во стра́се Твое́м вразуми́ ны́: Тебе́ бо сла́вим, вои́стинну су́щаго Бо́га на́шего. Приклони́ у́хо Твое́ и услы́ши ны́, и помяни́, Го́споди, су́щия и моля́щияся с на́ми вся́ по и́мени, и спаси́ я́ си́лою Твое́ю, благослови́ лю́ди Твоя́ и освяти́ достоя́ние Твое́. Ми́р мiрови Твоему́ да́руй, це́рквам Твои́м, свяще́нником и все́м лю́дем Твои́м.
Я́ко благослови́ся и просла́вися всечестно́е и великоле́пое и́мя твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Молитва третия От но́щи у́тренюет ду́х на́ш к Тебе́, Бо́же, зане́ све́т повеле́ния Твоя́. Научи́ на́с, Бо́же, пра́вде Твое́й, за́поведем Твои́м и оправда́нием Твои́м. Просвети́ о́чи мы́слей на́ших, да не когда́ у́снем во гресе́х в сме́рть. Отжени́ вся́кий мра́к от серде́ц на́ших. Да́руй на́м со́лнце пра́вды, и ненаве́тну жи́знь на́шу соблюди́ печа́тию Свята́го Твоего́ Ду́ха. Испра́ви стопы́ на́ша на пу́ть ми́ра. Да́ждь на́м ви́дети у́тро и де́нь в ра́довании, да Тебе́ у́тренния возсыла́ем моли́твы.
Я́ко Твоя́ держа́ва, и Твое́ е́сть Ца́рство, и си́ла и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Молитва четвертая Влады́ко Бо́же, святы́й и непостижи́мый, реки́й из тьмы́ све́ту возсия́ти, упоко́ивый на́с в нощне́м сне́ и возста́вивый к славосло́вию и мольбе́ Твоея́ бла́гости. Умоля́емь от Своего́ Ти́ благоутро́бия, приими́ на́с и ны́не покланя́ющихся Тебе́ и по си́ле благодаря́щих Тя́, и да́руй на́м вся́, я́же ко спасе́нию, проше́ния. Покажи́ ны́ сы́ны све́та и дне́ и насле́дники ве́чных Твои́х бла́г. Помяни́, Го́споди, во мно́жестве щедро́т Твои́х и вся́ лю́ди Твоя́, су́щия и моля́щияся с на́ми, и всю́ бра́тию на́шу, я́же на земли́, на мо́ри, на вся́ком ме́сте влады́чествия Твоего́, тре́бующих Твоего́ человеколю́бия и по́мощи, и все́м пода́й вели́кую Твою́ ми́лость. Да спасе́ни душе́ю же и те́лом всегда́ пребыва́юще, со дерзнове́нием сла́вим чу́дное и благослове́нное и́мя Твое́ – Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.
Я́ко Бо́г ми́лости, щедро́т и человеколю́бия еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Молитва пятая Благи́х сокро́вище, исто́чниче приснотеку́щий, О́тче святы́й, чудотво́рче, всеси́льне и Вседержи́телю, вси́ Тебе́ покланя́емся и Тебе́ мо́лимся Твоя́ ми́лости, и Твоя́ щедро́ты призыва́юще на по́мощь и заступле́ние на́шего смире́ния. Помяни́, Го́споди, Твоя́ рабы́, приими́ все́х на́с у́тренняя моле́ния, я́ко кади́ло пред Тобо́ю, и да ни еди́наго от на́с неиску́сна сотвори́ши, но вся́ ны́ снабди́ щедро́тами Твои́ми. Помяни́, Го́споди, бдя́щыя и пою́щия во сла́ву Твою́, и единоро́днаго Твоего́ Сы́на и Бо́га на́шего, и Свята́го Твоего́ Ду́ха; бу́ди те́м помо́щник и засту́пник, приими́ и́х мольбы́ в пренебе́сный и мы́сленный Тво́й же́ртвенник.
Я́ко Ты́ еси́ Бо́г на́ш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Молитва шестая Благодари́м Тя́, Го́споди Бо́же спасе́ний на́ших, я́ко вся́ твори́ши во благоде́тельство жи́зни на́шея, да всегда́ к Тебе́ взира́ем Спа́су и благоде́телю ду́ш на́ших. Я́ко препоко́ил еси́ на́с в мимоше́дшее но́щи число́ и воздви́гл еси́ ны́ от ло́ж на́ших, и поста́вил еси́ в поклоне́ние честна́го и́мене Твоего́. Те́мже мо́лим Тя́, Го́споди, да́ждь на́м благода́ть и си́лу, да сподо́бимся пе́ти Тебе́ разу́мно и моли́тися непреста́нно, во стра́се и тре́пете свое́ спасе́ние соде́ловающе заступле́нием Христа́ Твоего́. Помяни́, Го́споди, и в нощи́ к Тебе́ вопию́щия, услы́ши я́ и поми́луй, и сокруши́ под но́зе и́х неви́димыя и бори́тельныя враги́.
Ты́ бо еси́ Ца́рь ми́ра, и Спа́с ду́ш на́ших, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Молитва седма́я Бо́же и О́тче Го́спода на́шего Иису́са Христа́, возста́вивый ны́ от ло́жей на́ших и собра́вый ны́ в ча́с моли́твы, да́ждь на́м благода́ть во отверзе́ние у́ст на́ших, и приими́ на́ша по си́ле благодаре́ния, и научи́ ны́ оправда́нием Твои́м: зане́ помоли́тися, я́коже подоба́ет, не ве́мы, а́ще не Ты́, Го́споди, Святы́м Твои́м Ду́хом наста́виши ны́. Те́мже мо́лимся Тебе́, а́ще что́ согреши́хом да́же до настоя́щаго часа́, сло́вом, или́ де́лом, или́ помышле́нием, во́лею или́ нево́лею, осла́би, оста́ви, прости́; а́ще бо беззако́ния на́зриши, Го́споди, Го́споди, кто́ постои́т, я́ко у Тебе́ избавле́ние е́сть. Ты́ еси́ еди́н святы́й, помо́щник держа́вный, защи́титель жи́зни на́шея, и о Тебе́ пе́ние на́ше всегда́.
Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Молитва осма́я Го́споди Бо́же на́ш, со́нное уны́ние отгна́вый от на́с и сопризва́вый ны́ зва́нием святы́м, е́же и в но́щи воздева́ти руки́ на́ша и испове́датися Тебе́ о судьба́х пра́вды Твоея́. Приими́ мольбы́ на́ша, моле́ния, испове́дания, нощны́я слу́жбы, и да́руй на́м, Бо́же, ве́ру непосты́дну, наде́жду изве́стну, любо́вь нелицеме́рну, благослови́ на́ша вхо́ды и исхо́ды, дея́ния, дела́, словеса́, помышле́ния, и да́ждь на́м пости́гнути в нача́ло дне́, хва́лящим, пою́щим, благословя́щым Твоея́ неизрече́нныя благосты́ни бла́гость.
Я́ко благослови́ся всесвято́е и́мя Твое́, и просла́вися Ца́рство Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Молитва девятая Возсия́й в сердца́х на́ших, человеколю́бче Влады́ко, Твоего́ богоразу́мия нетле́нный све́т, и мы́сленныя на́ша отве́рзи о́чи во ева́нгельских Твои́х пропове́даний разуме́ние. Вложи́ в на́с и блаже́нных Твои́х за́поведей стра́х, да плотски́я по́хоти вся́ попра́вше, духо́вное жи́тельство про́йдем, вся́ я́же ко благоугожде́нию Твоему́ и му́дрствующе и де́юще.
Ты́ бо еси́ освяще́ние и просвеще́ние ду́ш и теле́с на́ших, Христе́ Бо́же, и Тебе́ сла́ву возсыла́ем, со безнача́льным Твои́м Отце́м и всесвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в. Ами́нь.

Молитва десятая Го́споди Бо́же на́ш, покая́нием оставле́ние челове́ком дарова́вый, и во о́браз на́м позна́ния грехо́в и испове́дания, проро́ка Дави́да покая́ние к проще́нию показа́вый, Са́м Влады́ко, во мно́гая ны́ и вели́кая па́дшия согреше́ния, поми́луй по вели́цей ми́лости Твое́й, и по мно́жеству щедро́т Твои́х очи́сти беззако́ния на́ша, я́ко Тебе́ согреши́хом, Го́споди, и безве́стная и та́йная се́рдца челове́ческаго ве́дущему, и еди́ному иму́щему вла́сть оставля́ти грехи́. Се́рдце же чи́сто созда́в в на́с, и Ду́хом Влады́чним утверди́в на́с, и ра́дость спасе́ния Твоего́ сказа́в на́м, не отри́ни на́с от лица́ Твоего́, но благоволи́, я́ко бла́г и человеколю́бец, да́же до после́дняго на́шего издыха́ния, приноси́ти Тебе́ же́ртву пра́вды и возноше́ние во святы́х Твои́х же́ртвенницех.
Ми́лостию, и щедро́тами, и человеколю́бием единоро́днаго Твоего́ Сы́на, с ни́мже благослове́н еси́, со всесвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в. Ами́нь.

Молитва перваяна́десять Бо́же, Бо́же на́ш, у́мныя и слове́сныя соста́вивый Си́лы Твое́ю во́лею, Тя́ мо́лим и Тебе́ ми́ли де́емся: приими́ на́ше по си́ле славосло́вие, со все́ми созда́нии Твои́ми, и бога́тыми Твоея́ бла́гости возда́ждь дарова́ньми. Я́ко Тебе́ преклоня́ется вся́кое коле́но небе́сных, и земны́х, и преиспо́дних, и вся́кое дыха́ние и созда́ние пое́т непостижи́мую Твою́ сла́ву: еди́н бо еси́ Бо́г и́стинный и многоми́лостивый.
Я́ко Тя́ хва́лят вся́ Си́лы Небе́сныя, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Молитва втораяна́десять Хва́лим, пое́м, благослови́м и благодари́м Тя́, Бо́же оте́ц на́ших, я́ко преве́л еси́ се́нь нощну́ю, и показа́л еси́ на́м па́ки све́т дневны́й. Но мо́лим Твою́ бла́гость, очи́сти грехи́ на́ша и приими́ моле́ние на́ше вели́ким Твои́м благоутро́бием, я́ко к Тебе́ прибега́ем ми́лостивому и всеси́льному Бо́гу. Возсия́й в сердца́х на́ших и́стинное со́лнце пра́вды Твоея́, просвети́ у́м на́ш, и чу́вства вся́ соблюди́, да я́ко во дни́ благообра́зно ходя́ще путе́м за́поведей Твои́х, дости́гнем в жи́знь ве́чную, я́ко у Тебе́ е́сть исто́чник жи́зни, и в наслажде́нии бы́ти сподо́бимся непристу́пнаго Твоего́ све́та.
Я́ко Ты́ еси́ Бо́г на́ш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Псало́м 87 Го́споди Бо́же спасе́ния моего́, во дни́ воззва́х, и в нощи́ пред Тобо́ю. Да вни́дет пред Тя́ моли́тва моя́: приклони́ у́хо Твое́ к моле́нию моему́, я́ко испо́лнися зо́л душа́ моя́, и живо́т мо́й а́ду прибли́жися. Привмене́н бы́х с низходя́щими в ро́в, бы́х я́ко челове́к без по́мощи, в ме́ртвых свобо́дь, я́ко я́звеннии спя́щии во гро́бе, и́хже не помяну́л еси́ ктому́, и ти́и от руки́ Твоея́ отринове́ни бы́ша. Положи́ша мя́ в ро́ве преиспо́днем, в те́мных и се́ни сме́ртней. На мне́ утверди́ся я́рость Твоя́, и вся́ во́лны Твоя́ наве́л еси́ на мя́. Уда́лил еси́ зна́емых мои́х от мене́, положи́ша мя́ ме́рзость себе́: пре́дан бы́х и не исхожда́х. О́чи мои́ изнемого́сте от нищеты́, воззва́х к Тебе́, Го́споди, ве́сь де́нь, возде́х к Тебе́ ру́це мои́. Еда́ ме́ртвыми твори́ши чудеса́? Или́ вра́чеве воскреся́т, и испове́дятся Тебе́? Еда́ пове́сть кто́ во гро́бе ми́лость Твою́, и и́стину Твою́ в поги́бели? Еда́ позна́на бу́дут во тьме́ чудеса́ Твоя́, и пра́вда Твоя́ в земли́ забве́нней? И а́з к Тебе́, Го́споди, воззва́х и у́тро моли́тва моя́ предвари́т Тя́. Вску́ю, Го́споди, отре́еши ду́шу мою́, отвраща́еши лице́ Твое́ от мене́? Ни́щ е́смь а́з, и в труде́х от ю́ности моея́; возне́с же ся́, смири́хся, и изнемого́х. На мне́ преидо́ша гне́ви Твои́, устраше́ния Твоя́ возмути́ша мя́, обыдо́ша мя́ я́ко вода́, ве́сь де́нь одержа́ша мя́ вку́пе. Уда́лил еси́ от мене́ дру́га и и́скренняго, и зна́емых мои́х от страсте́й.
Го́споди Бо́же спасе́ния моего́, во дни́ воззва́х, и в нощи́ пред Тобо́ю. Да вни́дет пред Тя́ моли́тва моя́: приклони́ у́хо Твое́ к моле́нию моему́.

Псало́м 102 Благослови́, душе́ моя́, Го́спода, и вся́ вну́тренняя моя́ и́мя свято́е Его́. Благослови́, душе́ моя́, Го́спода, и не забыва́й все́х воздая́ний Его́, очища́ющаго вся́ беззако́ния твоя́, исцеля́ющаго вся́ неду́ги твоя́, избавля́ющаго от истле́ния живо́т тво́й, венча́ющаго тя́ ми́лостию и щедро́тами, исполня́ющаго во благи́х жела́ние твое́: обнови́тся я́ко о́рля ю́ность твоя́. Творя́й ми́лостыни Госпо́дь, и судьбу́ все́м оби́димым. Сказа́ пути́ Своя́ Моисе́ови, сыново́м Изра́илевым хоте́ния Своя́: Ще́др и Ми́лостив Госпо́дь, Долготерпели́в и Многоми́лостив. Не до конца́ прогне́вается, ниже́ во ве́к вражду́ет, не по беззако́нием на́шым сотвори́л е́сть на́м, ниже́ по грехо́м на́шым возда́л е́сть на́м. Я́ко по высоте́ небе́сней от земли́, утверди́л е́сть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил е́сть от на́с беззако́ния на́ша. Я́коже ще́дрит оте́ц сы́ны, уще́дри Госпо́дь боя́щихся Его́. Я́ко То́й позна́ созда́ние на́ше, помяну́, я́ко пе́рсть есмы́. Челове́к, я́ко трава́ дни́е eго, я́ко цве́т се́льный, та́ко оцвете́т, я́ко ду́х про́йде в не́м, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́, и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. Госпо́дь на Небеси́ угото́ва Престо́л Сво́й, и Ца́рство Его́ все́ми облада́ет. Благослови́те Го́спода вси́ А́нгели Его́, си́льнии кре́постию, творя́щии сло́во Его́, услы́шати гла́с слове́с Его́. Благослови́те Го́спода вся́ Си́лы Его́, слуги́ Его́, творя́щии во́лю Его́. Благослови́те Го́спода вся́ дела́ Его́, на вся́ком ме́сте влады́чества Его́, благослови́, душе́ моя́, Го́спода.
На вся́ком ме́сте влады́чества Его́, благослови́, душе́ моя́, Го́спода.

Псало́м 142 Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя́ в пра́вде Твое́й и не вни́ди в су́д с рабо́м Твои́м, я́ко не оправди́тся пред Тобо́ю вся́к живы́й. Я́ко погна́ вра́г ду́шу мою́, смири́л е́сть в зе́млю живо́т мо́й, посади́л мя́ е́сть в те́мных, я́ко ме́ртвыя ве́ка. И уны́ во мне́ ду́х мо́й, во мне́ смяте́ся се́рдце мое́. Помяну́х дни́ дре́вния, поучи́хся во все́х де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя́, Го́споди, исчезе́ ду́х мо́й, не отврати́ лица́ Твоего́ от мене́, и уподо́блюся низходя́щым в ро́в. Слы́шану сотвори́ мне́ зау́тра ми́лость Твою́, я́ко на Тя́ упова́х. Скажи́ мне́, Го́споди, пу́ть во́ньже пойду́, я́ко к Тебе́ взя́х ду́шу мою́. Изми́ мя́ от вра́г мои́х, Го́споди, к Тебе́ прибего́х. Научи́ мя́ твори́ти во́лю Твою́, я́ко Ты́ еси́ Бо́г мо́й. Ду́х Тво́й Благи́й наста́вит мя́ на зе́млю пра́ву. И́мене Твоего́ ра́ди, Го́споди, живи́ши мя́, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся́ стужа́ющыя души́ мое́й, я́ко а́з ра́б Тво́й е́смь.
Услы́ши мя́, Го́споди, в пра́вде Твое́й и не вни́ди в су́д с рабо́м Твои́м. Услы́ши мя́, Го́споди, в пра́вде Твое́й и не вни́ди в су́д с рабо́м Твои́м. Ду́х Тво́й Благи́й наста́вит мя́ на зе́млю пра́ву.

Сла́ва, и ны́не: Аллилу́иа, аллилу́иа, аллилу́иа, сла́ва Тебе́ Бо́же (трижды).

Начало утрени прямо указывает нам на Рождество Христово. Она начинается славословием ангелов, явившихся вифлеемским пастырям: «Сла́ва в вы́шних Бо́гу, и на земли́ ми́р, в челове́цех благоволе́ние».

В дни праздников Сла́ва в вы́шних Бо́гу: и Го́споди, устне́ мои́ отве́рзеши: может петь хор.

В течение года Шестопсалмие никогда не опускается, кроме Пасхальной седмицы.

В псалмах изображается греховное состояние людей, исполненное бед и напастей, и горячо выражается ожидающаяся людьми единственная надежда на милосердие Божие.

Когда чтец прочитывает половину «Шестопса́лмия», священник целует престол и выходит на амвон. Стоя с непокрытой головой перед вратами, он читает тайные молитвы.

См. Шестопса́лмие

Вели́кая ектения́

Диа́кон:	Ми́ром Го́споду помо́лимся.
Хор:	Го́споди, поми́луй.
Диа́кон:	О свы́шнем ми́ре и спасе́нии ду́ш на́ших Го́споду помо́лимся.
Хор:	Го́споди, поми́луй.
Диа́кон:	О ми́ре всего́ ми́ра, благостоя́нии Святы́х Бо́жиих Церкве́й и соедине́нии все́х Го́споду помо́лимся.
Хор:	Го́споди, поми́луй.
Диа́кон:	О святе́м хра́ме се́м и с ве́рою, благогове́нием и стра́хом Бо́жиим входя́щих в о́нь Го́споду помо́лимся.
Хор:	Го́споди, поми́луй.
Диа́кон:	О Вели́ком Господи́не и Отце́ на́шем Святе́йшем Патриа́рхе (имя), о Господи́не на́шем Преосвяще́ннейшем митрополи́те (или: архиепископе, или: епископе) (имя), честне́м пресви́терстве, во Христе́ диа́констве, о все́м при́чте и лю́дех Го́споду помо́лимся.
Хор:	Го́споди, поми́луй.
Диа́кон:	О Богохрани́мей стране́ на́шей, власте́х и во́инстве ея́ Го́споду помо́лимся.
Хор:	Го́споди, поми́луй.
Диа́кон:	О гра́де се́м (или: ве́си се́й; если в монастыре, то: о святе́й оби́тели се́й), вся́ком гра́де, стране́ и ве́рою живу́щих в ни́х Го́споду помо́лимся.
Хор:	Го́споди, поми́луй.
Диа́кон:	О благорастворе́нии возду́хов, о изоби́лии плодо́в земны́х и вре́менех ми́рных Го́споду помо́лимся.
Хор:	Го́споди, поми́луй.
Диа́кон:	О пла́вающих, путеше́ствующих, неду́гующих, стра́ждущих, плене́нных и о спасе́нии и́х Го́споду помо́лимся.
Хор:	Го́споди, поми́луй.
Диа́кон:	О изба́витися на́м от вся́кия ско́рби, гне́ва и ну́жды Го́споду помо́лимся.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Я́ко подоба́ет Тебе́ вся́кая сла́ва, че́сть и поклоне́ние. Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.

Бог Господь

Диа́кон:	Бо́г Госпо́дь и яви́ся на́м, благослове́н Гряды́й во и́мя Госпо́дне.	Громко и радостно поется краткая, со стихами, песнь о явлении Иисуса Христа в мир людям: «Бог Господь и явися нам…» т. е. Бог – Господь, и явился нам, и достоин прославления идущий во славу Господа.
Хор:	Бо́г Госпо́дь и яви́ся на́м, благослове́н Гряды́й во и́мя Госпо́дне. И далее на каждый стих по гласу тропаря дня.
Сти́х 1	Испове́дайтеся Го́сподеви, я́ко бла́г, я́ко в ве́к ми́лость Его́.
Сти́х 2	Обыше́дше обыдо́ша мя́ и и́менем Госпо́дним противля́хся и́м.
Сти́х 3	Не умру́, но жи́в бу́ду и пове́м дела́ Госпо́дня.
Сти́х 4	Ка́мень, Его́же небрего́ша зи́ждущии, Се́й бы́сть во главу́ у́гла, от Го́спода бы́сть Се́й и е́сть ди́вен во очесе́х на́ших. Пое́тся же «Бо́г – Госпо́дь» четырежды. Затем дважды поется тропарь праздника, Слава, и ныне: Богородичен того же гласа. Если случится два тропаря, первый поем дважды, затем: Слава: второй тропарь, И ныне: Богородичен того же гласа, что и второй тропарь.

Кафи́змы

Хор:

Го́споди, поми́луй (три́жды). Сла́ва Отцу́ и Сы́ну и Свято́му Ду́ху.

Чтение кафизм, так же как и чтение шестопсалмия, призывает нас помыслить о нашем бедственном греховном состоянии и возложить всю надежду на милость и помощь Божию. Кафизма значит сидение, так как во время чтения кафизм можно сидеть.

Чте́ц

И ны́не и при́сно и во ве́ки веко́в. Ами́нь.
Читается 1‑я Слава кафизмы. По окончании её:
Сла́ва Отцу́ и Сы́ну и Свято́му Ду́ху.

На Всенощном бдении стихословятся кафизмы:

Вс	Пн	Вт	Ср	Чт	Пт	Сб
1‑я́ каф.	2	4	7	10	13	19	16
2‑я́ каф.	3	5	8	11	14	20	17

Остальные кафизмы вычитываются в будние дни на утрени или на вечерни, чтобы за седмицу была прочитана вся Псалтирь (по 3 кафизмы на бдении не бывает, независимо от периода чтения Псалтири).

Хор:

И ны́не и при́сно и во ве́ки веко́в. Ами́нь. Аллилу́иа, аллилу́иа, аллилу́иа, сла́ва Тебе́ Бо́же (три́жды). Го́споди, поми́луй (три́жды). Сла́ва Отцу́ и Сы́ну и Свято́му Ду́ху.

Чтец

И ны́не и при́сно и во ве́ки веко́в. Ами́нь. Читается 2‑я Слава кафизмы. Также и по второй Славе.
Читается 3‑я Слава кафизмы. По окончании её:
Сла́ва Отцу́ и Сы́ну и Свято́му Ду́ху. И ны́не и при́сно и во ве́ки веко́в. Аллилу́иа, аллилу́иа, аллилу́иа, сла́ва Тебе́ Бо́же (три́жды).

Иере́й:

Я́ко Твоя́ держа́ва, и Твое́ е́сть Ца́рство, и си́ла, и сла́ва, Отца́, и Сы́на, и Свята́го Ду́ха.

Чте́ц

Читается седа́лен по первом стихословии из октоиха (в Неделю) или минеи. Вторая кафизма стихословится также.

Иере́й:

Я́ко Бла́г и Человеколю́бец Бо́г еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху.

Полиеле́й

Хор:

Псало́м 134
Хвали́те и́мя Госпо́дне, хвали́те, раби́ Го́спода. Аллилу́иа (трижды).
Стоя́щии во хра́ме Госпо́дни, во дво́рех до́му Бо́га на́шего. Хвали́те Го́спода, я́ко Бла́г Госпо́дь, по́йте и́мени Его́, я́ко добро́: я́ко Иа́кова избра́ Себе́ Госпо́дь, Изра́иля в достоя́ние Себе́. Я́ко а́з позна́х, я́ко Ве́лий Госпо́дь, и Госпо́дь на́ш над все́ми бо́ги. Вся́ ели́ка восхоте́ Госпо́дь, сотвори́ на небеси́ и на земли́, в моря́х и во все́х бе́зднах. Возводя́ о́блаки от после́дних земли́, мо́лнии в до́ждь сотвори́, изводя́й ве́тры от сокро́вищ Свои́х. И́же порази́ пе́рвенцы Еги́петския, от челове́ка до скота́. Посла́ зна́мения и чудеса́ посреде́ Тебе́, Еги́пте, на фарао́на и на вся́ рабы́ eго. И́же порази́ язы́ки мно́ги и изби́ цари́ кре́пки: Сио́на, царя́ Аморре́йска, и О́га, царя́ Васа́нска, и вся́ ца́рствия Ханаа́нска, и даде́ зе́млю и́х достоя́ние, достоя́ние Изра́илю, лю́дем Свои́м. Го́споди, и́мя Твое́ в ве́к и па́мять Твоя́ в ро́д и ро́д: я́ко суди́ти и́мать Госпо́дь лю́дем Свои́м, и о рабе́х Свои́х умо́лится. И́доли язы́к, сребро́ и зла́то, дела́ ру́к челове́ческих. Уста́ и́мут, и не возглаго́лют, о́чи и́мут, и не у́зрят, у́ши и́мут, и не услы́шат, ниже́ бо е́сть ду́х во усте́х и́х. Подо́бни и́м да бу́дут творя́щии я́, и вси́ наде́ющиися на ня́. До́ме Изра́илев, благослови́те Го́спода, до́ме Ааро́нь, благослови́те Го́спода, до́ме Леви́ин, благослови́те Го́спода. Боя́щиися Го́спода, благослови́те Го́спода.

Благослове́н Госпо́дь от Сио́на, живы́й во Иерусали́ме. Аллилу́иа (трижды).

Псало́м 135 Испове́дайтеся Го́сподеви, я́ко бла́г, я́ко в ве́к ми́лость Его́. Аллилу́иа (трижды). Испове́дайтеся Бо́гу бого́в, я́ко в ве́к ми́лость Его́. Испове́дайтеся Го́сподеви господе́й, я́ко в ве́к ми́лость Его́. Сотво́ршему чудеса́ ве́лия еди́ному, я́ко в ве́к ми́лость Его́. Сотво́ршему небеса́ ра́зумом, я́ко в ве́к ми́лость Его́. Утверди́вшему зе́млю на вода́х, я́ко в ве́к ми́лость Его́. Сотво́ршему свети́ла ве́лия еди́ному, я́ко в ве́к ми́лость Его́. Со́лнце во о́бласть дне́, я́ко в ве́к ми́лость Его́. Луну́ и зве́зды во о́бласть но́щи, я́ко в ве́к ми́лость Его́. Порази́вшему Еги́пта с пе́рвенцы eго, я́ко в ве́к ми́лость Его́, и изве́дшему Изра́иля от среды́ и́х, я́ко в ве́к ми́лость Его́. Руко́ю кре́пкою и мы́шцею высо́кою, я́ко в ве́к ми́лость Его́. Разде́льшему Чермно́е мо́ре в разделе́ния, я́ко в ве́к ми́лость Его́. И прове́дшему Изра́иля посреде́ eго, я́ко в ве́к ми́лость Его́. И истря́сшему фарао́на и си́лу eго в мо́ре Чермно́е, я́ко в ве́к ми́лость Его́. Прове́дшему лю́ди Своя́ в пусты́ни, я́ко в ве́к ми́лость Его́. Порази́вшему цари́ ве́лия, я́ко в ве́к ми́лость Его́, и уби́вшему цари́ кре́пкия, я́ко в ве́к ми́лость Его́: Сио́на, царя́ Аморре́йска, я́ко в ве́к ми́лость Его́, и О́га, царя́ Васа́нска, я́ко в ве́к ми́лость Его́. И да́вшему зе́млю и́х достоя́ние, я́ко в ве́к ми́лость Его́. Достоя́ние Изра́илю, рабу́ Своему́, я́ко в ве́к ми́лость Его́. Я́ко во смире́нии на́шем помяну́ ны́ Госпо́дь, я́ко в ве́к ми́лость Его́. И изба́вил ны́ е́сть от враго́в на́ших, я́ко в ве́к ми́лость Его́. Дая́й пи́щу вся́кой пло́ти, я́ко в ве́к ми́лость Его́.

Испове́дайтеся Бо́гу Небе́сному, я́ко в ве́к ми́лость Его́. Аллилу́иа (трижды).

Пение полиелея (греческое слово, означает: «многомилостие» или «многое освещение») имеет тесную связь с чтением Евангелия на утрени. Однако вопреки распространенному мнению полиеле́й не является самой торжественной частью утрени, ею является Великое славословие (см. далее). При пении этих стихов в храме возжигаются все светильники, Царские врата открываются, и священник, предшествуемый диаконом со свечою и свещеносцем, выходит из алтаря и совершает каждение по всему храму, в знак благоговения к Богу и святым Его.

В Неделю о Блудном сыне, Мясопустную и Сыропустную, после обычных двух полиелейных псалмов присоединяем третий – 136 псалом, с припевом “Аллилу́ия” к каждому стиху.

Если есть величание по окончании хвалитных псалмов духовенство поет его посреди храма и начинается полное каждение храма.
Канонарх возглашает стих избранного псалма их ирмология или следованной псалтири. Хор пропевает его, а за ним и величание. Это повторяется до тех пор, пока священник не закончит каждение.

Если не Неделя – Малая ектения и прочее последование.
Если праздник, кроме Господских двунадесятых, совпадает с Неделей, то хор, пропев несколько раз величание, по завершении каждения не певши Слава, и ныне, и Аллилуйя, поет воскресные тропари по Непорочным.

Тропари́ воскресные «по Непоро́чным»

Хор:

Благослове́н еси́, Го́споди,/ научи́ мя́ оправда́нием Твои́м.
А́нгельский собо́р удиви́ся, / зря́ Тебе́ в ме́ртвых вмени́вшася, / сме́ртную же, Спа́се, кре́пость разори́вша, / и с Собо́ю Ада́ма воздви́гша, / и от а́да вся́ свобо́ждша.

Благослове́н еси́, Го́споди,/ научи́ мя́ оправда́нием Твои́м.
Почто́ ми́ра с ми́лостивными слеза́ми, / о учени́цы, растворя́ете? / Блиста́яйся во гро́бе А́нгел мироно́сицам веща́ше: / ви́дите вы́ гро́б и уразуме́йте, / Спа́с бо воскре́се от гро́ба.

Благослове́н еси́, Го́споди,/ научи́ мя́ оправда́нием Твои́м.
Зело́ ра́но мироно́сицы теча́ху / ко гро́бу Твоему́ рыда́ющыя, / но предста́ к ни́м А́нгел и рече́: / рыда́ния вре́мя преста́, не пла́чите,/ воскресе́ние же апо́столом рцы́те.

Благослове́н еси́, Го́споди,/ научи́ мя́ оправда́нием Твои́м.
Мироно́сицы жены́ с ми́ры прише́дшия / ко гро́бу Твоему́, Спа́се, рыда́ху, / А́нгел же к ни́м рече́, глаго́ля: / что́ с ме́ртвыми Жива́го помышля́ете? / Я́ко Бо́г бо, воскре́се от гро́ба.

Сла́ва Отцу́ и Сы́ну и Свято́му Ду́ху.
Поклони́мся Отцу́ / и Его́ Сы́нови, и Свято́му Ду́ху, / Святе́й Тро́ице во еди́ном существе́, / с Серафи́мы зову́ще: // Свя́т, Свя́т, Свя́т еси́, Го́споди.
И ны́не и при́сно и во ве́ки веко́в. Ами́нь.
Жизнода́вца ро́ждши, / греха́, Де́во, Ада́ма изба́вила еси́, / ра́дость же Е́ве / в печа́ли ме́сто подала́ еси́, / па́дшия же от жи́зни / к се́й напра́ви // из Тебе́ воплоти́выйся Бо́г и Челове́к. Аллилу́иа, аллилу́иа, аллилу́иа, сла́ва Тебе́ Бо́же (трижды).

После полиелея и величания, если таковое положено, поются тропари «Ангельский собор» во все воскресные дни, кроме Фомина воскресенья и если в эти дни не случится праздник Господский (почему они не поются в недели Пасхи, Пятидесятницы и Ваий). В великие же праздники Богородицы и святых, случившиеся в воскресенье, эти тропари не опускаются. Кроме воскресений, поется «Ангельский собор» в субботу Лазаря и в Великую субботу.

См. Непоро́чны

Ма́лая ектения́

Диа́кон:	Па́ки и па́ки ми́ром Го́споду помо́лимся.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Я́ко благослови́ся и́мя Твое́ и просла́вися Ца́рство Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор:	Ами́нь.

Ипакои́

Хор:

Далее, если двунадесятый праздник или Богородицы: седален по полиелею, Слава, и ныне: он же или другой.
Бденному святому: седа́лен дважды, Слава, и ныне: его Богородичен.
В Неделю: ипакои́ гласа. Если есть бденный святой, присоединяем его седальны по 1‑м и 2‑м стихословии, Слава: седален его по полиелее, И ныне: его Богородичен.

Ипакои́ (греч. внимание, послушание) – краткое изменяемое песнопение.

Степе́нны. 1‑й антифо́н 4‑го гла́са

Хор:	От ю́ности моея́ / мно́зи бо́рют мя́ стра́сти, / но Са́м мя́ заступи́, // и спаси́, Спа́се мо́й. Ненави́дящии Сио́на, / посрами́теся от Го́спода, / я́ко трава́ бо огне́м // бу́дете изсо́хше. Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь. Святы́м Ду́хом / вся́ка душа́ живи́тся, / и чистото́ю возвыша́ется, / светле́ется Тро́ическим Еди́нством священнота́йне.
Диа́кон:	Во́нмем.
Иере́й:	Ми́р все́м.
Хор:	И ду́хови твоему́.
Диа́кон:	Прему́дрость, во́нмем. Проки́мен, гла́с … (и возглаша́ет проки́мен)

1‑й Проки́мен

Диа́кон:	Гла́с 1 Ны́не воскресну́, глаго́лет Госпо́дь, / положу́ся во Спасе́ние, не обиню́ся о не́м. Сти́х: Словеса́ Госпо́дня, словеса́ чи́ста. Гла́с 2 Воста́ни, Го́споди, Бо́же мо́й, повеле́нием, и́мже запове́дал еси́, / и со́нм люде́й обы́дет Тя́. Сти́х: Го́споди Бо́же мо́й, на Тя́ упова́х, спаси́ мя́. Гла́с 3 Рцы́те во язы́цех, я́ко Госпо́дь воцари́ся, / и́бо испра́ви вселе́нную, я́же не подви́жится. Сти́х: Воспо́йте Го́сподеви пе́снь но́ву, воспо́йте Го́сподеви вся́ земля́. Гла́с 4 Воскресни́, Го́споди, помози́ на́м / и изба́ви на́с и́мене Твоего́ ра́ди. Сти́х: Бо́же, уши́ма на́шима услы́шахом, и отцы́ на́ши возвести́ша на́м. Гла́с 5 Воскресни́, Го́споди Бо́же мо́й, да вознесе́тся рука́ Твоя́, / я́ко Ты́ ца́рствуеши во ве́ки. Сти́х: Испове́мся Тебе́, Го́споди, все́м се́рдцем мои́м, пове́м вся́ чудеса́ Твоя́. Гла́с 6 Го́споди, воздви́гни си́лу Твою́, / и прииди́ во е́же спасти́ на́с. Сти́х: Пасы́й Изра́иля вонми́, наставля́яй я́ко овча́ Ио́сифа. Гла́с 7 Воскресни́, Го́споди Бо́же мо́й, да вознесе́тся рука́ Твоя́, / не забу́ди убо́гих Твои́х до конца́. Сти́х: Испове́мся Тебе́, Го́споди, все́м се́рдцем мои́м, пове́м вся́ чудеса́ Твоя́. Гла́с 8 Воцари́тся Госпо́дь во ве́к, / Бо́г тво́й Сио́не, в ро́д и ро́д. Сти́х: Хвали́ душе́ моя́ Го́спода, восхвалю́ Го́спода в животе́ мое́м.	Всегда произносится проки́мен того Евангелия, которое читается на утрени. Диакон произносит прокимен или в алтаре возле царских врат, или же – на амвоне, смотря по тому, читается ли Евангелие на престоле или посредине храма. Прокимны праздников и святым смотри в минеях, триодях и службам святым. Если бдение под воскресенье, то возглашается прокимен воскресного гласа.
Диа́кон:	Го́споду помо́лимся.
Хор:	Го́споди, поми́луй.
Иере́й:	Я́ко свя́т еси́, Бо́же на́ш, и во святы́х почива́еши, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.

2‑й проки́мен

Диа́кон:	Вся́кое дыха́ние да хва́лит Го́спода.
Хор:	Вся́кое дыха́ние да хва́лит Го́спода.
Диа́кон:	Вся́кое дыха́ние…
Хор:	…да хва́лит Го́спода.
Диа́кон:	И о сподо́битися на́м слы́шанию свята́го Ева́нгелия Го́спода Бо́га мо́лим.
Хор:	Го́споди, поми́луй (три́жды).
Диа́кон:	Прему́дрость, про́сти, услы́шим свята́го Ева́нгелия.
Иере́й:	Ми́р все́м.
Хор:	И ду́хови твоему́.
Диа́кон:	От (имя евангелиста) свята́го Ева́нгелия чте́ние.
Хор:	Сла́ва Тебе́, Го́споди, сла́ва Тебе́.
Диа́кон:	Во́нмем.

Чтение Евангелия

Иере́й:	Читается Евангелие. По окончании чтения:	Евангелие на утрени читается не диаконом, как на литургии, а священником. На воскресном бдении воскресное Евангелие положено читать у престола, за исключением тех дней, когда положен полиелей и величание празднику. Тогда евангелие читается посреди храма.
Хор:	Сла́ва Тебе́, Го́споди, сла́ва Тебе́.

Воскресная песнь после Евангелия

Соборное пение:

Воскресе́ние Христо́во ви́девше, / поклони́мся Свято́му Го́споду Иису́су, / еди́ному безгре́шному. / Кресту́ Твоему́ покланя́емся, Христе́, / и свято́е Воскресе́ние Твое́ пое́м и сла́вим: / Ты́ бо еси́ Бо́г на́ш, / ра́зве Тебе́ ино́го не зна́ем, / и́мя Твое́ имену́ем. / Прииди́те вси́ ве́рнии, / поклони́мся Свято́му Христо́ву Воскресе́нию: / се́ бо прии́де кресто́м ра́дость всему́ мiру. / Всегда́ благословя́ще Го́спода, / пое́м Воскресе́ние Его́: / распя́тие бо претерпе́в, // сме́ртию сме́рть разруши́.

От Недели Фоминой до Недели о слепом поется трижды каждое воскресенье. На Вход Господень в Иерусалим и в День Пятидесятницы Воскресение Христово не глаголем. На Вознесение – единожды.

Псало́м 50

Чте́ц:	Поми́луй мя́, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя́ от беззако́ния моего́, и от греха́ моего́ очи́сти мя́; я́ко беззако́ние мое́ а́з зна́ю, и гре́х мо́й предо мно́ю е́сть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти́. Се́ бо, в беззако́ниих зача́т е́смь, и во гресе́х роди́ мя́ ма́ти моя́. Се́ бо, и́стину возлюби́л еси́; безве́стная и та́йная прему́дрости Твоея́ яви́л ми́ еси́. Окропи́ши мя́ иссо́пом, и очи́щуся; омы́еши мя́, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от гре́х мои́х и вся́ беззако́ния моя́ очи́сти. Се́рдце чи́сто сози́жди во мне́, Бо́же, и ду́х пра́в обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми́ ра́дость спасе́ния Твоего́ и Ду́хом Влады́чним утверди́ мя́. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя́ от крове́й, Бо́же, Бо́же спасе́ния моего́; возра́дуется язы́к мо́й пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, да́л бы́х у́бо: всесожже́ния не благоволи́ши. Же́ртва Бо́гу ду́х сокруше́н; се́рдце сокруше́нно и смире́нно Бо́г не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлтарь Тво́й тельцы́.	При чтении 50 псалма, священник сходит с солеи и, в предшествии диакона и прислужников, кладет Евангелие на аналой посреди храма. Диакон вместе с прислужниками кланяется священнику и отходит на обычное место позади священника. *Или праздничная стихира по 50‑м псалме. Начиная с Недели о мытаре и фарисее и заканчивая 5‑ой Неделей Великого поста в воскресные дни вместо Молитвами апостолов: и прочего поем покаянные тропари.
Хор:	Сла́ва Отцу́ и Сы́ну и Свято́му Ду́ху. Моли́твами Апо́столов, / Ми́лостиве, очи́сти / мно́жества согреше́ний на́ших. И ны́не и при́сно и во ве́ки веко́в. Моли́твами Богоро́дицы, / Ми́лостиве, очи́сти / мно́жества согреше́ний на́ших. Поми́луй мя́, Бо́же, / по вели́цей ми́лости Твое́й / и по мно́жеству щедро́т Твои́х // очи́сти беззако́ние мое́. Стихи́ра воскре́сная* Воскре́с Иису́с от гро́ба, / я́коже прорече́, / даде́ на́м живо́т ве́чный // и ве́лию ми́лость.

Проше́ние «Спаси́, Бо́же, лю́ди Твоя́…» по́сле целова́ния Ева́нгелия

Диа́кон:	Спаси́, Бо́же, лю́ди Твоя́ и благослови́ достоя́ние Твое́, посети́ мiр Тво́й ми́лостию и щедро́тами, возвы́си ро́г христиа́н правосла́вных и низпосли́ на ны́ ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́диа и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны, Фили́ппа и Ермоге́на, святы́х, сла́вных и добропобе́дных му́чеников, преподо́бных и богоно́сных оте́ц на́ших, святы́х и пра́ведных богооте́ц Иоаки́ма и А́нны (и свята́го имяре́к, его́же е́сть хра́м и его́же е́сть де́нь), и все́х святы́х. Мо́лим Тя́, многоми́лостиве Го́споди, услы́ши на́с, гре́шных, моля́щихся Тебе́, и поми́луй на́с.
Хор:	Го́споди, поми́луй (12).
Иере́й:	Ми́лостию и щедро́тами и человеколю́бием единоро́днаго Твоего́ Сы́на, с Ни́мже благослове́н еси́, со пресвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в.
Хор:	Ами́нь.

Кано́н

Хор:	Пое́т кано́ны.	Яркий свет в храме приглушается, верующие прикладываются к Евангелию. Священник их помазывает благословенным елеем и раздает освященный хлеб. Хор начинает кано́ны (в переводе с греческого «пра́вило») начинает каноны – в воскресенье: воскре́сный, крестовоскре́сный, Богоро́дице и мине́и. После 3 и 6‑ой песни диа́кон или священник произносит малую ектению́, конда́к и и́кос. Затем седа́лен мине́и. После 6 песни малая ектения́, конда́к и и́кос. И чтение в синакса́рии. После каждой песни кано́на поется катава́сия: От 14.08 – Изнесение Животворящего Креста – до 04.10 – отдание Крестовоздвижения – «Кре́ст начерта́в», кроме попразднеств Преображения и Успения. От 4.12 – Введение во Храм Пресвятой Богородицы и до отдания Рождества Христова – «Христо́с ражда́ется». Катава́сия Богоявления поется до Отдания, Сретения – до Отдания. От Недели блудного сына до отдания Троицы – катавасия триоди. В прочие дни катавасия «Отве́рзу уста́ моя́». В двунадесятые праздники диакон возглашает 1‑й припев 9‑й песни кано́на. Честне́йшую не поем, ирмос первого праздничного канона и особый припев перед чтением каждого тропаря. Также не поем Честне́йшую и в некоторые иные дни церковного го́да. Перед девятым ирмосо́м диа́кон возглаша́ет: «Богоро́дицу и Ма́терь Све́та в пе́снех возвели́чим» и совершает каждение храма. Ирмосы́ (связки) кано́на напоминают верующим ветхозаветные времена и события из истории нашего спасения и постепенно приближают мысль нашу к событию Рождества Христова. Тропари́ же кано́на посвящены новозаветным событиям или святым, прославляемым в этот день.
Диа́кон:	По 8‑й песни кано́на: Богоро́дицу и Ма́терь Све́та в пе́снех возвели́чим.
Хор:	Пе́снь Пресвято́й Богоро́дицы Вели́чит душа́ Моя́ Го́спода / и возра́довася ду́х Мо́й о Бо́зе Спа́се Мое́м. К ка́ждому стиху́ припева́ем: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, // су́щую Богоро́дицу, Тя́ велича́ем. Честне́йшую Херуви́м: Я́ко призре́ на смире́ние рабы́ Своея́, / се́ бо, от ны́не ублажа́т Мя́ вси́ ро́ди. Честне́йшую Херуви́м: Я́ко сотвори́ Мне́ вели́чие Си́льный, / и свя́то и́мя Его́, / и ми́лость Его́ в ро́ды родо́в боя́щымся Его́. Честне́йшую Херуви́м: Сотвори́ держа́ву мы́шцею Свое́ю, / расточи́ го́рдыя мы́слию се́рдца и́х. Честне́йшую Херуви́м: Низложи́ си́льныя со престо́л, / и вознесе́ смире́нныя, а́лчущия испо́лни бла́г, / и богатя́щыяся отпусти́ тщи́. Честне́йшую Херуви́м: Восприя́т Изра́иля о́трока Своего́, / помяну́ти ми́лости, / я́коже глаго́ла ко отце́м на́шим, / Авраа́му и се́мени его́ да́же до ве́ка. И 9 пе́снь кано́на.

Малая ектения

Диа́кон:	Па́ки и па́ки ми́ром Го́споду помо́лимся.
Хор:	Го́споди, поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Я́ко Тя́ хва́лят вся́ си́лы небе́сныя и Тебе́ сла́ву возсыла́ем, Отцу́, и Сы́ну, и Свято́му Ду́ху.
Хор:	Ами́нь.

Свя́т Госпо́дь Бо́г на́ш

Диа́кон:	Свя́т Госпо́дь Бо́г на́ш.	Свя́т Госпо́дь Бо́г наш поется на глас недели во все воскресные дни. Если в воскресенье случится двунадесятый Господский праздник, то Свя́т Госпо́дь Бо́г не поется (кроме Входа Господня в Иерусалим). Затем ексапостиларий воскресный и празднуемого святого. И далее начинаем петь на случившийся глас Хвалитные псалмы́ и стихи́ры “На Хвали́тех”.
Хор:	Свя́т Госпо́дь Бо́г на́ш.
Диа́кон:	Я́ко свя́т Госпо́дь Бо́г на́ш.
Хор:	Свя́т Госпо́дь Бо́г на́ш.
Диа́кон:	Над все́ми людьми́ Бо́г на́ш.
Хор:	Свя́т Госпо́дь Бо́г на́ш.

Стихи́ры на Хвали́тех

Канона́рх:	Гла́с … Вся́кое дыха́ние да хва́лит Го́спода.	В стихирах на хвалитех все творения Божии призываются к прославлению Господа: «Вся́кое дыха́ние да хва́лит Го́спода…».
Хор:	Вся́кое дыха́ние да хва́лит Го́спода. / Хвали́те Го́спода с небе́с, / хвали́те Его́ в вы́шних. // Тебе́ подоба́ет пе́снь Бо́гу. Хвали́те Его́, вси́ А́нгели Его́, / хвали́те Его́, вся́ Си́лы Его́. // Тебе́ подоба́ет пе́снь Бо́гу.
Хор:	Стихи (запевы) к стихи́рам на Хвали́тех На 6: Сотвори́ти в ни́х су́д напи́сан. / Сла́ва сия́ бу́дет все́м преподо́бным Его́. Хвали́те Бо́га во святы́х Его́, / хвали́те Его́ во утверже́нии си́лы Его́. На 4: Хвали́те Его́ на си́лах Его́, / хвали́те Его́ по мно́жеству вели́чествия Его́. Хвали́те Его́ во гла́се тру́бнем, / хвали́те Его́ во псалти́ри и гу́слех. Хвали́те Его́ в тимпа́не и лице́, / хвали́те Его́ во стру́нах и орга́не. Хвали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода. Стихи к воскресным стихи́рам Сти́х: Воскресни́, Го́споди Бо́же мо́й, да вознесе́тся рука́ Твоя́, / не забу́ди убо́гих Твои́х до конца́. Сти́х: Испове́мся Тебе́, Го́споди, все́м се́рдцем мои́м, / пове́м вся́ чудеса́ Твоя́. Сла́ва Отцу́ и Сы́ну и Свято́му Ду́ху Поется стихи́ра Евангельская, рядовая. И ны́не и при́сно и во ве́ки веко́в. Богоро́дичен, гла́с 2 Преблагослове́на еси́, Богоро́дице Де́во, / Вопло́щшим бо ся́ из Тебе́ а́д плени́ся, / Ада́м воззва́ся, / кля́тва потреби́ся, / Е́ва свободи́ся, / сме́рть умертви́ся, и мы́ ожи́хом. / Те́м воспева́юще вопие́м: // благослове́н Христо́с Бо́г, благоволи́вый та́ко, сла́ва Тебе́.
Иере́й:	Сла́ва Тебе́, показа́вшему на́м све́т.

Славословие великое

Хор:

Сла́ва в вы́шних Бо́гу, и на земли́ ми́р, в челове́цех благоволе́ние. Хва́лим Тя́, благослови́м Тя́, кла́няем Ти́ ся́, славосло́вим Тя́, благодари́м Тя́ вели́кия ра́ди сла́вы Твоея́. Го́споди, Царю́ Небе́сный, Бо́же, О́тче Вседержи́телю, Го́споди Сы́не Единоро́дный, Иису́се Христе́, и Святы́й Душе́. Го́споди Бо́же, А́гнче Бо́жий, Сы́не Оте́чь, взе́мляй гре́х мiра, поми́луй на́с. Взе́мляй грехи́ мiра, приими́ моли́тву на́шу. Седя́й одесну́ю Отца́, поми́луй на́с. Я́ко Ты́ еси́ Еди́н Свя́т; Ты́ еси́ Еди́н Госпо́дь, Иису́с Христо́с, в сла́ву Бо́га Отца́, ами́нь. На вся́к де́нь благословлю́ Тя́ и восхвалю́ и́мя Твое́ во ве́ки, и в ве́к ве́ка. Сподо́би, Го́споди, в де́нь се́й без греха́ сохрани́тися на́м. Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки, ами́нь.
На вся́кий де́нь благословлю́ Тебя́ и восхвалю́ и́мя Твое́ вове́ки и в ве́к ве́ка. Сподо́би, Го́споди, в де́нь се́й без греха́ сохрани́тися на́м. Благослове́н Ты́, Го́споди, Бо́же отце́в на́ших, и хва́льно и просла́влено и́мя Твоё вове́ки. Ами́нь.
Бу́ди, Го́споди, ми́лость Твоя́ на на́с, я́коже упова́хом на Тя́.

Благослове́н еси́, Го́споди, научи́ мя́ оправда́нием Твои́м (трижды).

Го́споди, прибе́жище бы́л еси́ на́м в ро́д и ро́д. А́з ре́х: Го́споди, поми́луй мя́, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя́ твори́ти во́лю Твою́, я́ко Ты́ еси́ Бо́г мо́й, я́ко у Тебе́ исто́чник живота́, во све́те Твое́м у́зрим све́т. Проба́ви ми́лость Твою́ ве́дущим Тя́.

Святы́й Бо́же, Святы́й Кре́пкий, Святы́й Безсме́ртный, поми́луй на́с (три́жды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в, ами́нь.

Святы́й Безсме́ртный, поми́луй на́с.

Святы́й Бо́же, Святы́й Кре́пкий, Святы́й Безсме́ртный, поми́луй на́с.

После пения хвалительных псалмов следует Великое славословие. Царские врата открываются при пении последней стихиры (в воскресение богородична), возжигаются все светильники и священник возглашает: «Сла́ва Тебе́, показа́вшему на́м све́т!» (В древности этот возглас предварял появление солнечной зари). В «Великом славословии» мы благодарим Бога за дневной свет и за дарование духовного Света, т. е. Христа Спасителя, просветившего людей Своим учением – светом истины.

Тропари́

Хор:

Если глас 1, 3, 5, 7 Дне́сь спасе́ние мiру бы́сть, / пое́м Воскре́сшему из гро́ба, / и Нача́льнику жи́зни на́шея: / разруши́в бо сме́ртию сме́рть, // побе́ду даде́ на́м и ве́лию ми́лость.

Если глас 2, 4, 6, 8 Воскре́с из гро́ба и у́зы растерза́л еси́ а́да, / разруши́л еси́ осужде́ние сме́рти, Го́споди, / вся́ от сете́й врага́ изба́вивый; / яви́вый же Себе́ апо́столом Твои́м, / посла́л еси́ я́ на про́поведь, / и те́ми ми́р Тво́й по́дал еси́ вселе́нней, // Еди́не Многоми́лостиве.

Сугу́бая ектения́

Диа́кон:	Рце́м вси́ от всея́ души́ и от всего́ помышле́ния на́шего рце́м.
Хор:	Го́споди, поми́луй.
Диа́кон:	Го́споди Вседержи́телю, Бо́же оте́ц на́ших, мо́лим Ти́ ся́, услы́ши и поми́луй.
Хор:	Го́споди, поми́луй.
Диа́кон:	Поми́луй на́с, Бо́же, по вели́цей ми́лости Твое́й, мо́лим Ти́ ся́, услы́ши и поми́луй.
Хор:	Го́споди, поми́луй (три́жды).
Диа́кон:	Еще́ мо́лимся о Вели́ком Господи́не и Отце́ на́шем Святе́йшем Патриа́рхе (и́мя), и о Господи́не на́шем Преосвяще́ннейшем (имя правящего епископа), и все́й во Христе́ бра́тии на́шей.
Хор:	Го́споди, поми́луй (трижды).
Диа́кон:	Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Хор:	Го́споди, поми́луй (трижды).
Диа́кон:	Еще́ мо́лимся о бра́тиях на́ших, свяще́нницех, священномона́сех и все́м во Христе́ бра́тстве на́шем.
Хор:	Го́споди, поми́луй (трижды).
Диа́кон:	Еще́ мо́лимся о блаже́нных и приснопа́мятных святе́йших патриа́рсех правосла́вных и созда́телех свята́го хра́ма сего́ (в монастыре: и созда́телех святы́я оби́тели сея́), и о все́х пре́жде почи́вших отце́х и бра́тиях, зде́ лежа́щих и повсю́ду, правосла́вных.
Хор:	Го́споди, поми́луй (трижды).
Диа́кон:	Еще́ мо́лимся о плодонося́щих и доброде́ющих во святе́м и всечестне́м хра́ме се́м, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тая ми́лости.
Хор:	Го́споди, поми́луй (трижды).
Иере́й:	Тайная молитва священника Молитва усердного моленияГо́споди Бо́же на́ш, приле́жное сие́ моле́ние приими́ от Твои́х ра́б, и поми́луй на́с по мно́жеству ми́лости Твоея́, и щедро́ты Твоя́ низпосли́ на ны́ и на вся́ лю́ди Твоя́, ча́ющыя от Тебе́ бога́тыя ми́лости. Я́ко ми́лостив и Человеколю́бец Бо́г еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в.
Хор:	Ами́нь.

Просительная ектения

Диа́кон:	Испо́лним у́тренюю моли́тву на́шу Го́сподеви.
Хор:	Го́споди поми́луй.
Диа́кон:	Заступи́, спаси́, поми́луй и сохрани́ на́с, Бо́же, Твое́ю благода́тию.
Хор:	Го́споди, поми́луй.
Диа́кон:	Дне́ всего́ соверше́нна, свя́та, ми́рна и безгре́шна у Го́спода про́сим.
Хор:	Пода́й, Го́споди
Диа́кон:	А́нгела ми́рна, ве́рна наста́вника, храни́теля ду́ш и теле́с на́ших у Го́спода про́сим.
Хор:	Пода́й, Го́споди.
Диа́кон:	Проще́ния и оставле́ния грехо́в и прегреше́ний на́ших у Го́спода про́сим.
Хор:	Пода́й, Го́споди.
Диа́кон:	До́брых и поле́зных душа́м на́шим, и ми́ра мiрови у Го́спода про́сим.
Хор:	Пода́й, Го́споди.
Диа́кон:	Про́чее вре́мя живота́ на́шего в ми́ре и покая́нии сконча́ти у Го́спода про́сим.
Хор:	Пода́й, Го́споди.
Диа́кон:	Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.
Хор:	Пода́й, Го́споди.
Диа́кон:	Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и дру́г дру́га, и ве́сь живо́т на́ш Христу́ Бо́гу предади́м.
Хор:	Тебе́, Го́споди.
Иере́й:	Я́ко Бо́г ми́лости и щедро́т и человеколю́бия еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.
Иере́й:	Ми́р все́м.
Хор:	И ду́хови твоему́.
Диа́кон:	Главы́ на́ша Го́сподеви прикло́ним.
Хор:	Тебе́, Го́споди.

Моли́тва главопреклоне́ния

Иере́й:	Тайная молитва священника Го́споди святы́й, в вы́шних живы́й, и на смире́нныя призира́яй, и всеви́дящим о́ком Твои́м призира́яй на всю́ тва́рь, Тебе́ приклони́хом вы́ю се́рдца и телесе́, и мо́лимся Тебе́: простри́ ру́ку Твою́ неви́димую от свята́го жили́ща Твоего́, и благослови́ вся́ ны́. И а́ще что́ согреши́хом, во́лею или́ нево́лею, я́ко бла́г и человеколю́бец Бо́г прости́, да́руя на́м мiрная и премiрная блага́я Твоя́. Твое́ бо е́сть е́же ми́ловати и спаса́ти ны́, Бо́же на́ш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:	Ами́нь.
Диа́кон:	Прему́дрость.
Хор:	Благослови́.
Иере́й:	Сы́й благослове́н Христо́с, Бо́г на́ш, всегда́, ны́не и при́сно, и во ве́ки веко́в.
Хор:	Ами́нь. Утверди́, Бо́же, святу́ю правосла́вную ве́ру, правосла́вных христиа́н во ве́к ве́ка.
Иере́й:	Пресвята́я Богоро́дице, спаси́ на́с.
Хор:	Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, // су́щую Богоро́дицу, Тя́ велича́ем.
Иере́й:	Сла́ва Тебе́, Христе́ Бо́же, упова́ние на́ше, сла́ва Тебе́.
Хор:	Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Го́споди, поми́луй (три́жды). Благослови́.

Отпу́ст

Иере́й:

Воскресы́й из ме́ртвых, Христо́с, и́стинный Бо́г на́ш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, (имена святых храма и дня), святы́х и пра́ведных богооте́ц Иоаки́ма и А́нны, и все́х святы́х, поми́лует и спасе́т на́с, я́ко Бла́г и Человеколю́бец.

В конце той утрени, на которой положено вседневное славословие, не бывает отпу́ста, а непосредственно после «Утверди́, Бо́же» следует 1‑й час, на котором бывает великий отпуст. Утреня с великим славословием отделяется от 1‑го часа полным отпу́стом. Тогда на 1‑м часе произносится малый отпу́ст.

Многоле́тие

Хор:

Вели́каго Господи́на и Отца́ на́шего (имя), Святе́йшего Патриа́рха Моско́вского и всея́ Руси́, и Господи́на на́шего Преосвяще́ннейшаго (имя) митрополи́та (или архиепи́скопа или епи́скопа; титул епархиального архиерея), бра́тию свята́го хра́ма сего́ и вся́ правосла́вныя христиа́ны, Го́споди, сохрани́ и́х на мно́гая ле́та.

Верующие молятся о сохранении на многие лета святейших православных патриархов, правящего архиерея, прихо́жан храма и всех православных христиан.
Закрываются Царские врата, свет приглушается.

Ча́с пе́рвый

Развернуть всё

Час первый

Чте́ц:	Чтение первого часа.	На первом часе вспоминается изгнание из Рая Адама и Евы и предстояние Христа на суде Каиафы.
Хор:	Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Го́споди, поми́луй (три́жды). Благослови́.

Молитва священника

Иере́й:	Христе́, Све́те И́стинный, просвеща́яй и освяща́яй вся́каго челове́ка, гряду́щаго в ми́р, да зна́менается на на́с све́т лица́ Твоего́, да в не́м у́зрим Све́т Непристу́пный: и испра́ви стопы́ на́ша к де́ланию за́поведей Твои́х, моли́твами Пречи́стыя Твоея́ Ма́тере, и все́х Твои́х святы́х, ами́нь.
Хор:	Взбра́нной Воево́де победи́тельная, / я́ко изба́вльшеся от злы́х, / благода́рственная воспису́ем Ти́ раби́ Твои́, Богоро́дице, / но я́ко иму́щая держа́ву непобеди́мую, / от вся́ких на́с бе́д свободи́, да зове́м Ти́; // ра́дуйся, Неве́сто Неневе́стная.	Конда́к «Взбра́нной Воево́де» был написан в честь избавления Константинополя в 626 году от нашествия варваров.
Иере́й:	Сла́ва Тебе́, Христе́ Бо́же, упова́ние на́ше, сла́ва Тебе́.

См. также:

Все́нощное бде́ние

Вели́кая вече́рня [перевод]

У́треня

Ча́с пе́рвый

Меню

Текст