59. Прежде 1431 г. Его же окружное послание, с увещанием о возвращении похищенного из церкви сокровища

Из рукописи графа А.С. Уварова № 512 (прежде Царского № 366), л. 225; издано было по той же рукописи в I-м томе Актов Исторических под № 256.

Благословенье Фотия, митрополита всея Руси, священническому всему и иноческому чину, и всякому купно чину же и возрасту православному. Весте, еже из начала начальственного всяко ухищрение лукавственное и попущение есть от супостата врага дьявола на род человеческий, паче же того коварств и многих cетей, пропинаемых на род человеческий, убийством и татбами и иными таковыми Богу отчуждаемыми мерзостями, и всеми таковыми далече от Бога сотворяя душа человеческая и в ров погибели низпоревая: и се убо оттуда древле весте, коликым ухищрением того общего врага дьявола, ради лакомства, праотца нашего Адама на преслушание введе и рая изгна; того же паки врага сетями и коварствами и Каина подвиже на убийство Авелево; и по сем того же супостата врага ухищрением Иуду от лика апостольского отлучи и на предательство его введе, еже, сребролюбия ради, Творца небу и земли Иудеям прода: и по сих многочисленны суть сети его, пропинаемы на род христианский, всякими прелестями и мерзостями душа человеческая отлучая. И такожде и ныне, того сетями и занятием и ухищрением, подкрад ума некоторого, ведучи в погибель человека того, и на то взятие дерзновение прииде, и церкви Божьей скровенное взять, и много истязаемых не искупи, ни поведа. И о семь убо наше смирение, с молитвой и благословением, тако пишем: кто будет тое сокровище восхитил, да не презрит слезящего о нем, и благословляю, да повергнут взятое в церкви Божьей и без всякого зазора; аще ли сего писания нашего нерадить начнет и не повержет, и аз смиренный, тако имея власть от Духа Святого, еже вязать и решать, имею того под запрещением и тягостью церковной и отлучением, под своим неблагословением дóндеже татекрадственное приобретение повержет рыдающему по нему и возвратит погубившему ²⁴³³ , и тако приимет oт Господа Бога милость и его пречистой Матери, и от нашего смирения свободу, разрешением прощение о содеянных злых его.