60. Прежде 1431 г. Его же поучение о важности священного сана и обязанностях священнослужителей

Из рукописи синодальной библиотеки № 562, л. 282–294. Издано было в «Дополнениях к Актам Историческим», т. I, № 181, по списку с современными (XV) в. поправками, которые не всегда удачны. Важнейшие разночтения этого издания приведены с буквой А.

Ибо блаженные Пророки очи нам быша, сокровенная явлена вся нам показаша, ради житием ²⁴³⁵ , ради явлением ²⁴³⁶ , ради нашествием Святого Духа: и ²⁴³⁷ не убо бывшая глаголюще, но и последним родом хотящее быть превеликое видение и деяние живонаписавше, темже и еже Сына Божьего ради плотского пришествия мирови проповедавше, еже от пречистой Богородицы Mapии рождество, и еже с человеками пребывание, и наздание паки бытия к первой породе. ²⁴³⁸ Смотрите же убо о сем, как о многоразлична есть премудрость Творца нашего Христа Владыки! Сокрушен бo древле обретшу ²⁴³⁹ ему свой образ от греxa и боговидного сана отложивша подобие ²⁴⁴⁰ , и претвори убо сего и назда, тако на первую доброту возведе, паче на оно большее, и назда убо всяко наше естество без крушения, и якоже юдесы себе нас створи; и сего же ради убо подобает быть юдесам, главе подобным, еже яко Христос божественным воплощением в человечество воплощеся, и сим к сему приобщением первее сам ²⁴⁴¹ о cебе соверши на тайной вечери, сам свое тело священнодействова и свою кровь дав на пищу и питие Апостолам, в образ всем верующим, хлеб же и вино прием и преложив cия в плоть свою священноначальным и божественным Духом, и в таковую же убо высоту ²⁴⁴² и славу непобедимую смеренное наше естество вознесе человеколюбец Творец ²⁴⁴³ наш Христос Владыка: своим бо ученикам и Апостолам богатное подав, своего дела им вручив действовать, и рукоположи их, яко иных бог и седетелех ²⁴⁴⁴ , действом вседетельного Духа могущих творить великие божественные силы [и] дела; и сего же тако Апостолы сподобишася, и вселенную уловиша и богоразумием просветиша ²⁴⁴⁵ , и закон и священничество предаша, и церковь укрепиша. ²⁴⁴⁶ И мы же от сих преемники суще того великого Божьего священства, – и оле же чудо, ужаса исполнено о сих! Хлеб убо и вино Христос в тело божественное преложи, и человека, же приим от смрада и мертва, и ради божественного крещения, сына Божьего того и яко Бога по благодати соделова, и власть же и нам такового, выше разума, дела [и] дело ²⁴⁴⁷ вручи, еже единого того, Бога дело есть: грехи человеческие прощать повеле нам. И cию же убо таковую зряще к нам, о священники, содетельную Xристову боготворную благодать и власть, силой Святого Духа боголепне oт нас действоваться, земным и тленным будущее ²⁴⁴⁸ , на земли грехи человеческие вязать, и от земли ²⁴⁴⁹ на небеси власть имуще разрешать: и убо, о священники, ужас о сем на мя находит и удивляет ми ся ум ²⁴⁵⁰ , како сия преданная нам от Господа великая тайна ²⁴⁵¹ , и страшная, и славная, и недостижимая ангелом, священства сей великий сан, паче ума и слова и смысла всякого, превосходит человеческого ума ²⁴⁵² и повести, и ужасает же всякий слух. И не токмо в нашем роду последнем ²⁴⁵³ cиe бысть, но и еврейское священничество древле образ беше и сень: наше же не яко сень ²⁴⁵⁴ , но великому самому небесному Царю священствуя предстоим, и животворящее его вседетельное божественное тело и честную кровь в руку всегда имуще; и óни убо тогда древле при сени заколеньми и кровями бессловесных скот служаху, очищевающе не душевного сугуба, но телесного смрада и скверны, и тое убо пред сенью беше потолику мнee нашего, елико же земля от небеси. И обаче убо Надав ²⁴⁵⁵ и Aвиуд, сыновья Аароновы суще и священники, беззаконно некогда содевающе при сени, тужде убо огнем Бога покадить начинающе, беззаконне, пред ногами осуждение содевающе, и в снедение огню оному быша напрасное; и убо ниже отец их Аарон доволен бысть умолить о них и спасти их. И якоже убо Аарон той, сам богоизбран первый от иных ²⁴⁵⁶ священников, иже от Бога поставлен беше по Моисеи второй, и мало нечто приразився Богу, сего жития яко с болезнью разлучися; ни Моисей же, брат его, возможе умолить о нем от такового приключения. Таже Илий, священник и жрец по сем, сам собой благ сын и непорочен ²⁴⁵⁷ , беззакония же ради своих детей, лютой смертью горце от сего временного живота преиде ²⁴⁵⁸ ; и ти же убо такового же живота гоньзнуша; а яко же убо множицей от слышания народного Илий о беззаконии словесами токмо запрещая своим детям, а не жестоко, якоже мня, милуя их, а не ранами наказуя их, иже беше отцу по достоянию, и се убо их ради беззакония сам Илий огорчение прият, и напрасно живота гоньзнув. ²⁴⁵⁹ И сия убо, о ²⁴⁶⁰ священники, смотряще, како не ужаснемся? Ибо како тe древле пред ²⁴⁶¹ сенью службу совершающее беху, мы же убо самое тело Христово в руку всегда имуще и в сыноположение Святым Духом суще порождены, и сего же ради аще ²⁴⁶² о Христе священничество чисто не соблюдающе, якоже подобает, и коликому истязанию и мучению достойные будем таковые? ²⁴⁶³ И сего ради, о Господние священники ²⁴⁶⁴ , смотрите, каковым подобает нам быть ходатаем, посылаемым к Царю царствующих о душах человеческих, и каковым подобает быть очистованным священническим нашим рукам, иже к таковым божественным тайнам прикасаемым, иже и небесным силам к сим не приближаемым! И ²⁴⁶⁵ паче всего превыше есть священническая рука: прикасаема бо есть божественного угля. И иже убо божественный ²⁴⁶⁶ священник, соблюдаяй свой сосуд чист ²⁴⁶⁷ , и той убо божественным позлащен ²⁴⁶⁸ Духом, освященный Христов уд ²⁴⁶⁹ наречется священник ²⁴⁷⁰ ; и аще же себя осквернит ²⁴⁷¹ , и коликой есть муке повинен будет таковой! И убо божественный Апостол Павел не токмо о священнических телесах ²⁴⁷² , но и о всех спроста верных телесах страшно запрещая всякому христианину, глаголя: «не весте ли, яко дом Божий есте и Дух Божий живет в вас? и аще кто растлит дом Божий, растлит того Бог». И сего же ради слово cиe о святых всех пишется, о всяком человеке вернее. И смотреливно о сем, священники, зряще ²⁴⁷³ , внушите, како испытно ходить вам, и исповедающихся како достоит исправлять ²⁴⁷⁴ , иже убо владычню богатству на соблюдение вверены есте: и сего ради страшного дня и часа о сем смотрящее ²⁴⁷⁵ , егда приидет сих всех истязать нас той праведный Судья, иже ²⁴⁷⁶ выверил есть ²⁴⁷⁷ нам талант: и еже бо о Христе тако священство ²⁴⁷⁸ не соблюдающе чисто и непорочно, якоже подобает, и коликому истязанию и мучению повинны будут таковые! И сию же убо, возлюбленные, содетельную и боготворную в нас зряще благодать и силу Святого Духа, яже нами боголепне ²⁴⁷⁹ действуема, разумейте, якоже oт святых Апостолов преемники суще есмы таковые власти, и сих ради просветившеся, и на всяк же убо день и час яко чадам церковным подобает нам быть целомудренным и преподобным, и словом каци да будем всяческие болезни душ человеческих врачевать. И разумейте убо, каци должны есмы мы, о Господние священники, быть, якоже великий Дионисий глаголет; облещи бо ся во всякую добродетельную силу, учительную, словом и делом, к всякой добродетели подвизающеся и возводяще Господие люди: «достоит бо, рече, быть Господнему священнику чисту, и тако очищать; свету быть, и тако просветить; святу быть, и тако освящать». И к нам же убо превыше ²⁴⁸⁰ о сем глаголющее слово: «вы есте свет миру, вы есте соль земли, и аще соль обуяет, то чим осолится, и ни во чтоже может к тому, но токмо вон пометаема и попираема от человеков». И разумейте убо о сем, Господние священники, каковому быть подобает таковому Господнему священнику чисту и добродетельну и яко образу всем, иже таковую Божью приимше благодать и власть: всегда бо божественному и паче яко естественному таковому быть, подражателем будущим изящнейшим Христа Владыки, по благовестию его к нам глаголющему: «будите, рече, совершенны, якоже Отец ваш небесный совершеннен есть». И сего ради, Господние священники, да искушаем себя каждый, с каким страхом и трепетом содержать имамы ²⁴⁸¹ сан великого того Божьего священства, иже бо и ангелом самим таковая ужасна суть и недостижима; нерадящие же убо о семь яко божественные уничижатели суть, и нерадивые рабы суще, и осуждению вечному подлежат, по Христову великому евангельскому словеси: «аще раб согрешит, ведый волю Господа своего, и биен будет много». И ради же сего, о Господние священники, смотреливно внушите себе и о Христове пастве, ведуще cиe, яко аще едина овца останет и будет зверохищна от нашего небрежения, и кровь ее от рук наших истяжет праведный Судья. И о сем молю вас, истрезвите себя, содержаще убо себя по всему и проповедающе о всем евангельские словеса истинные, и по апостольским и отеческим преданиям себя блюдуще и Христову паству пасуще, всяку же нечистоту и житейское попечение и пьянство от себя отверзающе, божественному бо Павлу глаголющу: «пьяницы царствия Божьего не наследят».

И о сем же пишу к вам, Господние священники, иже како с всяческим украшением держать вам Божью церковь, сущее то небо земное, паче же превыше святой алтарь, и с благоговением там входяще; понеже весте, еже не земного царя тамо есть жилище и место, но небесного Царя тамо есть гроб и возлежание и место: и не земной убо царь тамо возлежит, но небесный Царь и Царь царствующим, окрест же суще сему ²⁴⁸² невидимо предстоящим небесным силам. И cие все пишу вам, како испытно ходить вам и очистованным како всегда быть, истрезвляемым от всякой нечистоты и пьянства, преочистованными свои руки имущи, иже бо клеща суть, прикасаема божественного угля. Смотрите же убо, егда хотите к божественной тайне Христовой службе како приступить ²⁴⁸³ , с благоговением всяким, за три дня, или за два, по немощи, чиста себя уготовляюще, без пьянства всякого и объедения, и тако с всякой чистотой предуготовляюще себя; в навечериe же тому дню питиe да никако будет в вас; ночь же ту всю должны есмы в славословлении всяко к Богу предстояще иметь, с поклоненми, и до вутрении, мало же в ночь ту по преизнеможению сна вкусить; на утрении же никако сну вдаться, но к Богу в молитвах и в псалмах предстоять, и тако все преданное правило исправивше, по уставу преданному, и приступну быть к святому алтарю и к божественным пречистым бессмертным Христовым тайнам Агнеца Сына Божьего, за пас себя давшего и не пощадевша, к животворящему его телу и пречистой крови. И смотрите же убо о сем пространно, о Господни священники, да не отжените убо како сих пречистых мерзостными и скверными, иже от пьянства, усты, иже к сим божественным самим ангелом не приближаемым, по от них в руки наши вдаваема и нами боголепне Христова cии таинства действуема; и весте же убо о сих, иже «не рассужая Христова тела и животворящей крови, в суд себе яст и пиет»; и разумейте же о сем, Господни священники, и вонмете, и егда же Христову службу свершите и Христовых таин ²⁴⁸⁴ причастившеся, в чистоте всякой препроводить день тый, тако же и в прочие дни, храняще святыню в своем теле. И сего ради о сих всех смотреливне смотрите, како испытно ходить вам, и по времени сему последнему, како исповедающихся вам ²⁴⁸⁵ исправлять, добре же преже себя исправляюще пред Богом и человеками, смотряще, како достоит духовным пастырям добре устраять врученное стадо Христовых овец: «смотрите бо, рече Пиcaниe, по времени сему последнему, смотрите псы, рекше чародея и волхвы, смотрите лихоимцев»; Павлу убо ²⁴⁸⁶ о сих глаголющу: «таковые убо ²⁴⁸⁷ , рече, Господу нашему Иисусу Христу не работают, но своей погибели, и от ²⁴⁸⁸ тщетной прелести прельщающеся и прельщающе от Бога душа».

Слышание же мое, иже суть некоторые в вас, словесами именуемы христиане, делесы же яко не суще, о совокуплении браков от Божьей церкви с женами счетающеся, и того закона Божьего разрушающе и жены повергающе, без всякого рассужения святительского правильного, и иным женам незаконным прилепляющеся, и Христова евангельского слова в забытие приходяще, иже глаголет Христос: «оставит, рече, человек отца, и матерь и прилепится жене своей и будета оба в плоть едину». И паки рече Христос: «Бог сочта, и человек да не разлучает». И сего ради аще суть таковые в вас законного совокупления разрушающие, а не ища рассужения по правилам от Божьей церкви, eжe предано святителю по коим вещам правильным разлучать, и которые же в вас сего не ищуще рассужения, а собой законное совокупление разрушающе и незаконным браком соприобщающеся, и о ²⁴⁸⁹ таковых Божья церковь, по правилам, яко прелюбодеятелях гласит; и котopые же суть в вас таковые, наказуйте их к обращению на первое совокупление брачное, с покаянием о падении и с слезами, аще жена, аще муж; а которые по радят к познанию, а закона Божьего разрушающе, яко прелюбы дающей, и тех приношения, к церкви не приимайте и от церкви их удаляяя, ни доры не давайте им, ни Богородичного хлеба, дóндеже обратятся: ибо божественные правила возбраняют таковым любодеющим святого причастия не даять в двадесят лет, дóндеже когда к самому концу и часу смертному, едва, по покаянию его и по слезам, пред достоверными его свидетелями духовными; аще будет жив, никако приступну быть к тому беззаконному совокуплению.

Таже и паче еще, еже слышах, неподобного неподобнейше, еже яко закону Божьему некоих ругателях, иже не хотящих совокупляться от Божьей церкви, законом Божьим, и поимати cебе жены, но опроче закона Божьего деющих, иные по нужи и по напраснству и ласкосредством лукавого, поимают себе жены: и се убо си отнюдь, яко закону Божьему разрушители и ругатели, и cиe мирской казни великой подлежат, а душевной же казни, яко душегублены суще: и вы сих такоже от церкви удаляйте, и доры не давайте, ни Богородичного хлеба, ни святого причастия, дóндеже с покаянием и со слезами законным браком совокупятся. А о поимании же жен наказуйте и совокупляйте, якоже от закона Божьего предано божественными правилами, всякому христианину мужу единой жене совокуплену быть, таже и жене мужу, доньдеже произволит Бог во временной сей жизни купно быть; и якоже по многих о сем божественных правилах, великий рече Григорий Богослов: «первый, рече, брак закон, второй по нужи прощение, слабости ради человеческой, третий законопреступление, четвертый нечестие, понеже свинское есть житие». И сих же всех, священники, смотрите: третьего бы поимания не было, а четвертого отнюдь да не будет; таковых от церкви отлучайте, ни приношения их не приимайте, ни доры не давайте им, ни; Богородичного хлеба, ни святого причастия, дóндеже с покаянием и слезами от тех беззаконных браков разлучатся.

О сем же пишу вам: приходящие все святые посты честно и чисто наказуйте препровожать, с радостью и с благодарением, без скорби и без преслушания; понеже, весте, великий первоначальный пост есть: за преслушаниe первой пищи Адамовой сам Господь постися 40 дней, и Моисей убо постився, такоже закон взят, и яко десятину Божью всего лета, святую четверодесятницу показа; таже Илия постився и Даниил от четвородесятницы составления, против четырем летам временем; и божественные же Апостолы тую четверодесятницу православным узаконоположиша, вяще почетше, Христовых еже о нас страстей ради и воскресения, и якоже некую жатву гобзовательну верным сию предаша. По сем божественные же Апостолы и ко Успению Божьей Матери предаша пост. И таже до сих богоносные Отцы, иже постной благодатью просиявшие, и предаша святого поста и к Христову Рождеству; и по семь же и к святым Апостолам предаша святого поста. И омежду же тех времен ²⁴⁹⁰ спасительных всяк христиан [да покается] о безместных и сдеянных грехопадениях, и теми временами поставленными очистительными, яко банями, измовение от скверн предлежит омовением очищения духовного, в слезах и в пощениях смирить и сокрушать себе, и опаснейше же хранить себя; и в спасительных тех временах всяк христианин да припадает к Богу, и покаянием чистым пририщущи к вам, духовным отцам, паче же к могущим вам, к искусным врачам, язву всякую обнажающих врачевать; глаголюще же всей своей порученной ²⁴⁹¹ пастве, и на cия их возводящи, никакоже стыдящеся свои согрешения открывать им к вам, к своим духовным отцам, иже ныне зазор иметь единого человека, а тамо опозорствовану быть не пред единым или двумя человеками, но пред тьмой тем ангелов и человеков, идеже всей вселенной зрящи, и тамо все дела наши яко в образе откровенна станут пред лицом нашим, внегда: будет тамо время суду, а не очищению, ниже исповеданию, ни покаянию часа, якоже и превыше пророка Давида глаголющего рех, еже «тамо покаяния и исповедания несть». И сего ради приводите я́ исправлять себя пред Богом о всем в маловременной сей жизни, и всегда о всем готовым будуще, ибо не вемы дня и часа разлучения нашего: страшный бо той день со воздаянием ждет нас; и сего ради без всякого сомнения и стыдения приводите я́ ко духовной врачбе, с теплыми слезами очищающе единородную и бессмертную душу, и с таковыми всяческими исправлениями духовными истрезвлять себя всегда на чистоту, с покаянием и милостыней и слезами, и любовь нелицемерную между собой имуще, юже великий проповедник Павел верх добродетелям именует, и по превышьшему Христову евангельскому слову: «о сем, рече, разумеют все, яко мои ученики есте, аще любовь имате между собою». И таже о сих всех, священники, непоспешного ради времени, вмале пишу вам, и о всем да будет зрение ваше духовное всяко о себе и о Христовой пастве. А еже выше Рех о великом святом посте, одесятовании Божьем всего лета, богоизбранный тот пост о всем блюдуще чисто и без пьянства, в субботы же и в неделю, и в Цветную неделю, и в Благовещение пречистой Богоматери, в те дни рыбы ясть; иные же все дни того святого великого поста потщите себя с сухоядением провожать и прочие дни чрез всего лета среду храняще и пяток с сухоядением, иногда же и понедельник, разве великих недель по Христовом Воскресении, и по Христовом Рождестве, и по Сшествии Святого Духа, и недели Серкизовы ²⁴⁹² , еже не предано постить, но чрез всю ту неделю мясо ясть. Слышу же убо в вас, по Христовом Воскресении, на Препловленьев день в среду мясо ясте, и на Введение праздника пречистой Богоматери: ино то есть от Божьей церкви не предано, того бы не было; такоже на Воздвижение честного Креста и на Усекновение честной главы Иоанна Предтечи мясо ²⁴⁹³ не ясть, но сухоядение.

И о семь же еще, священники, пишу вам: без лености всегда и на всяк час к новорожденным детям с молитвой поспешайте и крещайте, да не умрет кое отроча без крещения; понеже аще вы не поспешите крестить, вы тех смерти повинны будете. А егда же крещение творите, кум бы был один у мужеского пола, а у женского пола кума едина, а по два бы кума не было. А крещение творите по преданию святых Апостолов: не обливайте водой, но погружайте в воду в кадке, на то чисто уготованной ²⁴⁹⁴ , молвя на первое погружение: «во имя Отца», а на второе погружение: «во имя Сына», а на третье: «и Святого Духа», и потом мажьте миром великим.

И сего ради о сих всех, священники, пишу вам, всяко вразуметь вам о себе и о Христовой пастве, сотворить волю Христова ²⁴⁹⁵ , украшающе чин великого Божьего священства, якоже достойно. Смотрите же о сих сего, ниже страха ради человеческого, ниже насильства ради какового, ниже мзды ради, ниже любви ради некоторые человеческие, ниже сматряще грозы, ни величества и же временного пристрастия: весте бо самого Христа, Пророком глаголюща: «сыну человечь, надзирателя тя поставих дому Израилеву, и еже услышишь от мене наказания, и да накажешь их; и аще убо их не запретишь, и кровь тех от твоих рук взыщу»; тако и о пастырях, нерадящих о стадах вверенных: «и взыщу от них овец тех». И егда убо, о священники, приидет Господь в славе своей к таковому истязанию, истязать нас, и радуется о пастыре изрядне и тако о овцах соблюденных возвеселится: и сего ради ²⁴⁹⁶ бодрствуйте, молю вас, и уверитесь всяко, о Господние священники, о себе и о Христовой пастве, и от вас и ²⁴⁹⁷ образа вашего достойное исправление все да приимают.

Еще же и о сем, священники, пишу вам: в Божьих убо посещениях, в болезнях, егда мажете болящих маслом, семь священников избравшихся и диаконов, и масло освятивше с евангелиями и с апостолами, мажете болящего; се бо болящему второе крещение именуется, якоже о сем великий проповедник Апостол Павел ²⁴⁹⁸ пишет: «благодушествует ли в вас, кто, да поет; аще ли кто болит в вас, да призовет попов церковных, и молитву да творят над ним, помазавше его маслом во имя Господне, и молитва веры спасет болящего, и аще и грех сотворил будет, и за молитву священническую отдастся ему и за покаяние болящего». И толико же успешна молитва священническая: егда, Иисус Навин Иерихона хотяше взять и не возможе, и повеле же семи священникам с киотом ²⁴⁹⁹ завета Божьего обходить град, и абие стены града сами падошася – и толика есть поспешна священническая молитва! И по преднему убо тако бяше: а наше же, священничество от того отстояще есть, якоже земля от небеси: ибо óни: священники кровями скотьими очищающе не душевные ²⁵⁰⁰ , но телесные скверны, мы же самого Агнца, Сына Божьего, в руку всегда имуще, божественное его тело и честную и животворящую его кровь. И сего же ради, о священники, молю вас, внушите: ибо о сем вам не стужаю, но праведне известую, ибо по делом воздания нам предлежат, и мне убо о сем аще вам нерадящим не лютые приложить врачьбы, и струпы не исцелеют; а аще бриткая прилагаю вам, то вы не стерпите. И убо теснота ми есть отвсюду, больша же ми теснота паче есть, аще без исправления пребудете сами и иже в вас Христово стадо: и убо теснота ми есть ²⁵⁰¹ , еже сего ради от нашего смирения приимать вам казнь своему священству; и по сих же больше ми теснота есть паче, како предать вам себя в Судьи праведного руки, яко лицемерные и неугодные служители, a весте убо, еже страшно есть впасть в руки Бога живого и еже на страшном суде воздаст Господь ²⁵⁰² нерадящим ответа страшного и грозного, глаголющего: «отъидете от меня, не веде вас, откуда есте». И сих же ради всех, о Господние священники, молю вашу любовь, и со усердием духовным припадая, трепетать и блюсти сего ответа страшного и грозного, от немздоимного Судьи блюсти, еже не на лица суд судящего, но по единым делам воздаяния воздающего, о семь же с сим врученную вам паству Христову ведуще, по глаголющему слову: «се аз и дети, еже ми даст Бог»; и тем же убо, о Господние священники, со страхом и трепето и ужасомъ блюдуще сего блюдете. И о сих же и молюсь, да в благоразумении вашем всяком духовном упаствите тако о всем Христову паству в богоугодных ²⁵⁰³ всяко делах, по превышьшему тому слову, глаголющему: «се мы и дети, яже ны даст Бог». И с сими же молюсь всеми, получить вам десного оного стояния: «приидете, блазии рабы верные, в радость Господа своего, яко возлюбисте много», и паки глаголющего слова получить ²⁵⁰⁴ купно вам и вашей пастве, Христова же великого слова, глаголющего: «приидете, благословенные Отца моего, наследуйте уготованное вам царство», егоже молюсь благодатью и человеколюбием всем получить вам ²⁵⁰⁵ о Христе Иисусе о Господе нашем, емуже слава и держава, честь и поклонениe Отцу и Сыну и Святому Духу ныне и присно и во веки веком, аминь.