104. 1472 г. мая 21. Его же послание к игумену Троице-Cepгиевого монастыря Спиридону, о прощении старца Памвы и возврате ему имущества

Из сборника графа А.С. Уварова № 512 (прежде Царского № 366), л. 341–343; издано было, по тому же списку, в I-м томе Актов Исторических под № 278.

Благословение Филипа, митрополита всея Руси, в прелестную обитель, в дом живоначальной Троицы, в монастырь святого Сергия чудотворца, настоятелю духовному, сыну нашего смирения и богомольцу, игумену Спиридону, Буди, сыну, добре ведая о сих, како, по Божьей благодати, и по воли сына моего великого князя Ивана Васильевича, и по моему благословения, дверьми вошел еси в великую ограду такового Богом собранного Христового стада, и с благословением нашим устрое[н] еси, яко добре пастырь словесных его овец, ихже ти сыну, лепо есть с великим еже о Христе наказанием святых заповедей учить, и с любовным смиренномудрием пасти, и пещися о душах их, яко благу ти сущу и учительну, к пользе душевной, управляя себя по евангельским Христовым заповедям, совершенными делами пред Богом, и крепкoe пользование духовне и телесне твердо имеюще о богособранном Христовом стаде святой ограды преподобного игумена Сергия чудотворца, и по святому Евангелию приглашать все по имени, яко да познают глас твой и последуют ти; и тако удицей благих словес привлещи все к богодуховному разумению, а не свирепством, ни жесточеством, словесные Христовы [овцы] ²⁹⁰⁷ отревать ²⁹⁰⁸ , по с благоочищением своей душевной совести все благое устроять, а ум тих и кроток и с cмирением показывать, и целомудрием во едину чреду совокуплять, а не оскорблять, по реченному Господнему слову, еже пишет Евангелист: «научитесь от меня, яко кроток есмь и смирен сердцем, и обрящете покой душам вашим»; и паки рече: «будите милостивы, якоже Отец ваш небесный щедр есть: оставите человеком согрешения их, и Отец ваш небесный отпустит и вам согрешения ваши», и еже к сему, на все изливая Господь милость свою, рече: «аще согрешают пред вами человеки, 70 седмирицей прощайте их». Многие бо суть яве согрешивше и паки покаянием прощение грехом получиша: тем же аще очами видим согрешающая, но подобает убо с милостью суд сотворить согрешившему. И того ради, сыну, пишу тебе о согрешившем пред вами старцами Памве, иже по грехам своим впаде в укоризну пред вами и в великую нужу своего греxa: сами весте от ких. Нынче благословляю тебя своего сына, яко да сотворишь милость над ним, в славу Божью, и меня деля, сыну, от уз его разрешить повели и прощение дай, ему о согрешившем пред тобой деле ²⁹⁰⁹ его; да сам, сыну, в том прости его и со своей братьей, со старцами, смири его, меня деля, яко да не пребудут в роптании о согрешении его и прощение дела да сотворят с ним государи. А что будет, сыну, взято у него рухлядки его, или лошадки, и вы бы, сынове, меня деля пожаловали его, отдали ему все, что его есть. А милость Божья на тебе и на всех еже о Христе братии, и нашего смирения благословение. А писана мая 21 день, в лето 80. ²⁹¹⁰