103. 1471 г. сентября 22. Его же благословенная грамота Псковичам на устроение шестого собора, при церкви Входа Господня в Иерусалим

Из сборника графа А.С. Уварова № 512 (прежде Царского № 366), л. 275 об.–277; издана была, по тому же списку, в I-м томе Актов Исторических под № 283. – Факт учреждения 6-го собора в Пскове занесен и в местную летопись (Пол. Соб. Лет. т. V, стр. 36).

По Божьей милости и пречистой его Богоматери, се аз Филип, всея Руси митрополит, по уставу и обычаю преждебывших своей братии, прежних митрополитов всея Руси, благословил есмь отчину господина и сына своего великого князя Ивана Васильевича всея Руси, и его сына великого князя Ивана Ивановича, в дому святой живоначальной Троицы, в Пскове, посадников степенных, и старых посадников, и сынов посадничьих, и бояр, и купцов, и житьих людей всей псковской земли: что у них держит старина их, в дому святой живоначальной Троицы у них предний бóлший собор, а потом святой Софии второй собор, а святого Николы чудотворца третий собор, у великого Спаса у них собор четвертый, а в Похвале пречистой Богородицы пятый собор; и они ми били челом от всей псковской земли, с написанием грамот от священноиноков и от всех священников и от даяконов, от всех их пяти соборов, моля и прося и челом бия, чтобы себе устроили, по нашему благословению, в Пскове шестой собор, во славу Божью и в великую честь святой церкви, и в великую богомолью господина и сына моего великого князя Ивана Васильевича, и его сына великого князя Ивана Ивановича, да и всего православия, а в церкви святого Божьего Входа в Иерусалим; а в тот де собор у них уже священноиноков да и священников обретеся сто и два служителей церковных. И яз Филип, митрополит всей Руси, о том обговоря со своим господином и сыном, с великим князем Иваном Васильевичем, и с его сыном с великим князем Иваном Ивановичем, пожаловал есмь их: благословил и велел есмь им учинить ceбе в Пскове шестой собор, во славу Божью да и в их богомолию великих князей, да и всего православия; а держат ту святую церковь соборную, святой Вход Божий в Иерусалим, те их священники сто и два, с пристоянием, честно, со святым пением и чтением, по тому же уставу, как у них держат божественные и священные правила в тех прежних пяти соборах ²⁹⁰⁶ святых церквей соборных, а поют по неделям; а который священник не иметь беречь святого пения и чтения церковного, и не иметь пристоять к святой Божьей церкви, то пpиимет вину и казнь церковную, по правилам святых Апостолов и святых Отцов, и от нашего смирения будет неблагословен. А писана лета восемдесятного, месяца сентября 22 день.