Первоверховным апостолам Петру и Павлу
Тропарь, глас 4
Апо́столов первопресто́льницы,/ и вселе́нныя учи́телие,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.
Перевод:
Первенствующие из Апостолов и вселенские учителя, Владыку всего молите мир вселенной даровать и душам нашим великую милость.
Кондак, глас 2
Тве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й:/ боле́зни бо о́нех и смерть прия́л еси́ па́че вся́каго всепло́дия,// Еди́не, све́дый серде́чная.
Перевод:
Непоколебимых и Богогласных проповедников, высших из учеников Твоих, Господи, Ты принял в наслаждение благ Твоих и покой; ибо труды их и смерть признал Ты высшими всякой жертвы, Один, знающий то, что в сердцах.
Молитва
О, пресла́внии апо́столи Пе́тре и Па́вле, ду́ши за Христа́ преда́вшии и кро́вию ва́шею па́жить Его́ удобри́вшии! Услы́шите чад ва́ших моли́твы и воздыха́ния, се́рдцем сокруше́нным ны́не приноси́мыя. Се бо беззако́ньми омрачи́хомся и того́ ра́ди беда́ми, я́коже ту́чами, обложи́хомся, елеа́ же до́браго жития́ обнища́хом зело́ и не возмо́жем проти́витися волко́м хи́щным, и́же расхища́ти насле́дие Бо́жие де́рзостно тща́тся. О си́льнии! Понеси́те не́мощи на́ша, не отлуча́йтеся ду́хом от нас, да не разлучи́мся в коне́ц от любве́ Бо́жия, но кре́пким заступле́нием ва́шим нас защити́те, да поми́лует Госпо́дь всех нас, моли́тв ва́ших ра́ди, да истреби́т же рукописа́ние безме́рных грехо́в на́ших и да сподо́бит со все́ми святы́ми блаже́ннаго Ца́рствия и бра́ка А́гнца Своего́, Ему́же честь и сла́ва, и благодаре́ние и поклоне́ние, во ве́ки веко́в. Ами́нь.
2-я Молитва
О, святи́и апо́столи Пе́тре и Па́вле, не отлуча́йтеся ду́хом от нас, гре́шных раб Бо́жиих (имена), да не разлучи́мся вконе́ц от любве́ Бо́жия, но кре́пким заступле́нием ва́шим нас защити́те, да поми́лует Госпо́дь всех нас моли́тв ва́ших ра́ди, да истреби́т же рукописа́ние безме́рных грехо́в на́ших, и да сподо́бит со все́ми святы́ми блаже́ннаго Ца́рствия и бра́ка А́гнца Своего́, Ему́же честь и сла́ва, и благодаре́ние и поклоне́ние во ве́ки веко́в. Ами́нь.
3-я Молитва
О, верхо́внии апо́столе: Пе́тре, ве́ры Христо́вой тве́рдый изобрази́телю, и Па́вле, сладковеща́тельная ла́стовица уче́ния Госпо́дня! Зрим вас, а́ки многотеку́щую реку́ сказа́ний Христо́вых слове́с, истека́ющую от и́стинных недр Бо́жиих и всю глубину́ кла́дезя и́стин богооткрове́нных пред на́ми, жа́ждущими их, открыва́ющую. Зрим вас, а́ки свети́ла, с небесе́ то́ки теплоты́ любве́ боже́ственныя нам уясня́ющия: ублажа́ем вас, прие́мших труды́ и по́ты, во е́же все́яти уче́ний боже́ственных семена́: целу́ем стопы́ ва́ша, обтека́вшия вся концы́ земли́, и в тре́пете грехо́внем зрим главы́ ва́ша, смире́нно преклоне́нныя к пречи́стым стопа́м Госпо́дним: еди́наго кре́стным путе́м (пове́шением) и друга́го ме́чным усече́нием. Уми́льно про́сим вас, святи́и апо́столи, сотвори́те и нас в бу́ести грехо́вней преклоне́нными пред Учи́телем на́шим Го́сподом, сотвори́те го́рдости на́шей главы́ усекнове́ние уче́нием богооткрове́нным: глад душе́вный наш да утоли́т Госпо́дь бра́шном, указу́емым с сама́го не́ба, я́коже Петру́: — ты же, Па́вле, богонасы́щенный Христо́вых слове́с, потщи́ся и нас до тре́тьяго небесе́ возвести́ твои́ми непреста́нными о нас ко Го́споду моли́твами, да и мы та́мо просла́вим с ли́ки а́нгельскими и апо́стольскими ди́внаго во святы́х свои́х Отца́ вся́ческих и Его́ же посла́л в мир спаса́яй и наставля́яй к жи́зни ве́чной, Го́спода Иису́са Христа́, и единосу́щнаго Им Свята́го Ду́ха. Ами́нь.
Величание
Велича́ем вас,/ апо́столи Христо́вы Пе́тре и Па́вле,/ весь мир уче́ньми свои́ми просвети́вшия// и вся концы́ ко Христу́ приве́дшия.
Преподобному Паисию Святогорцу
Тропарь, глас 5
Боже́ственныя любве́ о́гнь прие́мый, / превосходя́щим по́двигом вда́лся еси́ весь Бо́гови, / и утеше́ние мно́гим лю́дем был еси́, / словесы́ боже́ственными наказу́яй, / моли́твами чудотворя́й, / Паи́сие Богоно́се, / и ны́не мо́лишися непреста́нно // о всем ми́ре, преподо́бне.
Перевод:
Божественной любви огонь принявший, исключительным подвигом вручил всего себя Богу и был утешением для многих людей, вразумляя Божественными учениями, совершая чудеса молитвами, Паисий Богоносный, и сейчас молишься не переставая обо всем мире, преподобный.
Кондак, глас 8
А́нгельски на земли́ пожи́вый, / любо́вию просия́л еси́, преподо́бне Паи́сие, / мона́хов вели́кое утвержде́ние, / ве́рных к житию́ свято́му вождь, / вселе́нныя же утеше́ние сладча́йшее показа́лся еси, / сего́ ра́ди зове́м ти: // ра́дуйся, о́тче всеми́рный.
Перевод:
Как ангел на земле проживший, любовью просиял ты, преподобный Паисий, монахов великая сила, верующих же ко святой жизни проводник, вселенной же утешением сладчайшим явился ты, потому взываем к тебе: «Радуйся, отче всем миром почитаемый».
Молитва
О святы́й преподóбный и богоно́сный о́тче на́ш Паи́сие, возлю́бленный на́ш покрови́телю и богому́дрый наста́вниче, ле́ствицею доброде́телей от земли́ в Небе́сное Ца́рство восшéдый и благода́ть прия́вый во е́же хода́тайствовати о на́с пред Престо́лом Всеми́лостиваго Го́спода на́шего. Мо́лим тя́ отврати́ти ны́ от пути́ грехо́внаго и научи́ти ны́ Го́сподеви соверше́нны плоды́ покая́ния и обновлéния во Христе́ ду́ш на́ших приноси́ти.
Ты́, святы́й о́тче, во дни́ жития́ земна́го мно́зи тя́жки боле́зни и неду́ги неисцéльныя уврачева́вый и ду́ши грехми́ и скорбми́ стра́ждущих исцели́вый, ны́не предстоя́ Бо́гу, Того́ милосе́рдие к на́м приклони́, да твоего́ предста́тельства ра́ди любо́вию чту́щих святу́ю па́мять твою́ исцели́т, да́рует кре́пость во искуше́ниих, му́жество в борьбе́ с ду́хом зло́бы, и́щущим вéчней поги́бели на́шей, да да́рует на́м проще́ние все́х на́ших грехо́в, и́хже от ю́ности на́шея да́же до настоя́щаго дне́ по́мыслом, сло́вом и де́лом соверши́хом, да научи́т ны́, я́же на́м подоба́ет твори́ти, я́ко да вы́ну Ему́ и бли́жним с любо́вию и смире́нием послу́жим.
Е́й, о́тче святы́й, наста́ви на́с, во о́браз жития́ твоего́, и́же любве́ и милосе́рдия испо́лнено бы́сть, у́з грехо́внаго жи́тельства разреши́вшеся, к Небе́сным Чертогам взы́ти, идéже да восхва́лим Всемилосéрднаго Триипоста́снаго Го́спода на́шего во ве́ки веко́в. Ами́нь.
2-я Молитва
О, преподобне и богоносне отче Паисие, богомудрый наставниче, лествицею добродетелей от земли в Царствие Небесное восшедый и благодать, во еже ходатайствовати о нас пред Престолом Всемилостиваго Бога, приемый!
Ты, во дни земнаго жития тяжкия болезни претерпевая и благодарственная пения за вся Богу воздавая, от Него благодать восприял еси телесныя недуги исцеляти и души, грехми омраченныя, врачевати. Ныне, предстоя Престолу Вседержителя, Того милосердие к нам приклони, да твоим молитвенным предстательством дарует нам Господь крепость во искушениих, мужество в борьбе с духами злобы поднебесныя, прощение всех наших грехов, яже от юности нашея даже до настоящаго дне сотворихом словом, делом и помышлением, и да научит нас благое творити, во еже богоугодне житие скончати и ближним с любовию и смирением послужити.
Ей, отче святый, паки молим тя: помози нам пути греховнаго отвратитися, плоды же покаяния и обновления во Христе душ наших сотворити и во образ жития твоего, еже любве и милосердия исполнено бысть, уз греховнаго жительства разрешившеся, к Небесным Чертогом взыти, идеже вкупе с тобою сподобимся прославляти Бога в Троице славимаго Отца и Сына и Святаго Духа во веки веков. Аминь.
Собору преподобных отцов Псково-Печерских
Тропарь, глас 6
Собо́р святы́х Пско́во-Пече́рских днесь почти́м,/ в де́брех лесны́х оби́тель чу́дную основа́вших,/ и, я́ко кри́ны, доброде́тельми процве́тших,/ и лю́дем пра́вый путь Богоподо́бия указа́вших,/ мо́лят бо Го́спода// ми́ру мир дарова́ти и ве́лию ми́лость.
Перевод:
Собрание святых Псково-Печерских сегодня почтим, в дебрях лесных удивительную обитель основавших и, как лилии, добродетелями процветших, и людям правильный путь Богоподобия показавших, ибо они молят Господа даровать мир всему миру и великую милость.
Ин тропарь, глас 4
Днесь оби́тель Пско́во-Пече́рская све́тло пра́зднует, преподо́бных свои́х собо́р почита́ющи; просия́ша бо зде Богоно́снии отцы́, челове́цы же небе́снии, земни́и а́нгелы; се в Дому́ Твое́м, о Богома́ти, ра́дование и всех ве́рних весе́лие духо́вное, я́ко дарова́ла еси́, о Благода́тная, пречестны́я нам пред Го́сподем засту́пники и моли́твенники о душа́х на́ших.
Перевод:
Сегодня обитель Псково-Печерская светло празднует, собрание преподобных своих почитая, ибо здесь просияли Богоносные отцы, небесные люди и земные ангелы, вот в Доме Твоем, о Богоматерь, радость и всех верных духовное торжество, так как Ты даровала нам, о Благодатная, почитаемых заступников перед Господом и молитвенников о душах наших.
Ин тропарь, глас 6
Днесь собо́р святы́х Пско́во-Пече́рских почти́м, в де́брех лесны́х чу́дную оби́тель основа́вших, и, я́ко кри́ны ра́йстии, доброде́тельми процве́тших, лю́дем же пра́вый путь Богоподо́бия указа́вших; Го́спода бо при́сно мо́лят мир ми́рови дарова́ти и душа́м на́шим ве́лию ми́лость.
Перевод:
Сегодня собрание святых Псково-Печерских почтим, в лесных дебрях удивительную обитель основавших и, как лилии райские, добродетелями процветших, людям же правильный путь Богоподобия показавших, ибо они всегда молят Господа даровать мир всему миру и душам нашим великую милость.
Кондак, глас 2
Тебе́, Богоро́дице/ и Де́ве Чи́стей, за вся лю́ди Бо́га умоля́ющей,/ оби́тель Пско́во-Пече́рская/ святы́х свои́х, я́ко дар, днесь прино́сит,/ Твои́х же даро́в бога́тство кто испове́сть,// я́ко в рай возвела́ еси́ отцы́ на́ша.
Перевод:
Тебе, Богородице и Деве Пречистой, обо всех людях молящейся, обитель Псково-Печерская святых своих, как дар, сегодня приносит, Твоих же даров богатство кто возвестит, так как Ты в рай возвела отцов Наших.
Ин кондак, глас 2
Оби́тель Пско́во-Пече́рская Тя, Богоро́дицу и Де́ву Чи́стую за вся лю́ди умоля́ющи, святы́х свои́х, я́ко дар, Тебе́ днесь прино́сит, но Твои́х даро́в бе́здну кто испове́ст, я́ко в рай возвела́ еси́ отцы́ на́ша.
Перевод:
Обитель Псково-Печерская Тебе, Богородице и Деве Пречистой, молящейся обо всех людях, святых своих, как дар, приносит, но кто возвестит бездну Твоих даров, так как Ты возвела в рай отцов наших.
Молитва
О, преподо́бнии и Богоно́снии отцы́ на́ши: Ма́рко, Ио́но, Корни́лие, Вассиа́не, Дорофе́е, Ла́заре, Симео́не, Алекса́ндре и ма́ти преблаже́нная Ва́ссо! Смире́нно припа́даем к вам, я́ко пра́ведником су́щим, и́же в Пско́встей земли́ просия́вше пресла́вно, укра́сили есте́ оби́тель Пече́рскую жития́ ва́шего чу́днаго звезда́ми пресве́тлыми; к вам прибега́ем и, с любо́вию хва́ляще днесь, предста́тельства про́сим за нас, многогре́шных: умоли́те Го́спода Сил и Пречи́стую Его́ Ма́терь, да сохраня́т Росси́йскую страну́ на́шу ми́рну, утвердя́т в благоче́стии зе́млю Пско́вскую и да покро́вом благода́ти Своея́ град сей покро́ют, оби́тель же на́шу укрепя́т и всем подвиза́ющимся в ней да́руют спасе́ние и Жизнь Ве́чную. Помози́те нам, уго́дницы Бо́жии, созда́ти храм благоле́пен в сердца́х на́ших и украси́ти сей храм доброде́тельми, да жи́тельствует в нем еди́но Госпо́дь! Огради́те нас стено́ю моли́тв всепобе́дных от грехо́вных стрел врага́ спасе́ния на́шего и от всех его́ злых искуше́ний, да Богоуго́дне зде на земли́ поживе́м и ве́чное Ца́рство Пресвяты́я Тро́ицы унасле́дим, прославля́юще при́сно Отца́ и Сы́на и Свята́го Ду́ха, ны́не и в безконе́чныя ве́ки. Ами́нь.
Величание
Ублажа́ем вас,/ преподо́бнии отцы́ на́ши Пско́во-Пече́рстии,/ и чтим святу́ю па́мять ва́шу,/ наста́вницы мона́хов// и собесе́дницы А́нгелов.
Скрыть переводы
(Рим.6:18–23; Мф.8:5–13)
Какова вера сотника! Удивила Самого Господа. Сущность ее в том, что он исповедал Господа Богом всяческих, всемощным владыкою и повелителем всего сущего; потому-то и просил: только скажи слово, и исцелеет отрок мой. Верую, что все Тебе подвластно и все слушается мановения Твоего. Такой же веры и от всех требовал Господь; такая же требуется и от нас. В ком есть такая вера, тот ни в чем не имеет недостатка и что ни попросит, все получает. Так обетовал Сам Господь.
О, когда бы и нам попасть хоть на след такой веры! Но и она есть дар, и дара этого тоже надо просить и просить с верою. Будем же просить ее, по крайней мере, с чувством нужды в ней, просить постоянно, притрудно, помогая в то же время раскрытию ее в нас соответственными размышлениями, а более всего покорностью заповедям Божиим.
Один градоначальник написал письмо преподобному Нилу Синайскому с просьбой просветить его в христианском учении. На что преподобный Нил ответил:
— Дом души твоей от пола до самой крыши наполнен гноем, битыми черепками, нечистыми рубищами, мёртвыми костями и землёю. Поэтому как же ты упрашиваешь, чтобы я внёс и положил в духе твоём царские сосуды досточестных учений, когда внутри его вовсе не отыщется никакого праздного места. Но трезвись хотя с нынешнего дня и позаботься сколько-нибудь о себе самом. Ибо если хотя бы мало потрудишься очистить сердце своё и убрать его благолепно, то и я с готовностью окажусь послушным тебе, предложу душеполезные слова и мысленный твой дом наполню божественными драгоценностями.
Развернуть
Книги, статьи, стихи, кроссворды, тесты
Развернуть
Основы православия
Тема 193. Богослужение.
Богослужение можно понимать как в узком смысле – церковная служба, так и в широком – исполнение воли Божьей. Во втором значении вся наша жизнь должна стать богослужением.
Церковная жизнь подразумевает регулярное участие в храмовом богослужении, где главной является Божественная Литургия. В первые годы христианства, когда еще не было написано ни одно Евангелие, Литургия уже существовала и способствовала объединению последователей Спасителя в Единое Тело Христово, в Церковь.
Церковное богослужение есть молитвенное воплощение христианского вероучения. Наука о богослужении – Литургика – включает в себя и догматику, и историю, и нравственное богословие, все богословские дисциплины. Можно сказать, что Православное богослужение является синтезом истины и красоты.
Церковная молитва – это та молитва, о которой Господь сказал: «где двое или трое собраны во имя Мое, там Я посреди них» (Мф.18:19-20). Домашнее молитвенное правило и храмовое богослужение – две половинки одного целого, из которых одна поддерживает и оживляет другую. Где нет одной из них, там и вторая обычно постепенно сходит на «нет».
Практический совет
Когда следует креститься?
Осенять себя крестным знамением следует в начале молитвы, во время молитвы и после её окончания, а также при приближении к всему святому: при входе в храм, при прикладывании к кресту, иконам, к святым мощам. Креститься надо и во всех важных случаях жизни: в опасности, в горе, в радости, перед началом всякого дела и после его окончания, перед едой и после еды, перед выходом из дома и при входе в дом и во многих других ситуациях. Крестным знамением совершается освящение и всякой вещи, необходимой для жизни.
Важно совершать крестное знамение благоговейно и правильно.