В неде́лю 4-ю по пятидеся́тнице. Собор Пско́во-Пече́рских преподо́бных (Служба совершается в соединении с воскресной службой 3-го гласа Октоиха.)

НА МАЛЕЙ ВЕЧЕ́РНИ

На Го́споди, воззва́х: стихи́ры воскре́сны на 4, глас 3.

Сла́ва, святы́х, глас 6:

Прииди́те, лю́дие христолюби́вии, / восхва́лим днесь пресла́вный собо́р преподо́бных, / и́же во оби́тели Пско́во-Пече́рстей / по́двиги мно́гими угоди́ша Христу́ Бо́гу, / с ни́миже и Пречи́стую Богома́терь, сла́вяще, велича́ем.

И ны́не, Богоро́дичен воскре́сен ма́лыя вече́рни, глас 3: Преве́лие чу́до:

На стихо́вне стихи́ра воскре́сна, глас 3: Стра́стию Твое́ю, Христе́, омрачи́вый со́лнце:

И стихи́ры святы́х, глас 2.

Подо́бен: Егда́ от Дре́ва:

Прииди́те, мона́шеское сосло́вие, / любо́вию воспои́м собо́р святы́х, / и́же во оби́тели Пско́во-Пече́рстей / житие́м свои́м равноа́нгельным, / ве́рою же и труды́ смире́нными / и Боже́ственными дарова́ньми / улучи́ша у Христа́ Бо́га / бла́га ве́чная, // того́ ра́ди и похва́лим их досто́йно.

Стих: Честна́ пред Го́сподем // смерть преподо́бных Его́.

Ублажи́м днесь лик богоно́сный, / преподо́бных Ма́рка, Ио́ну и преподо́бную Ва́ссу, / и́же страну́ Пско́вскую благода́тию напои́вше, / уче́нием Христо́вым вся лю́ди просвеща́ху, / и Крест спаси́тельный, я́ко дре́во жи́зни ве́чныя, / в де́брех Пско́во-Пече́рских утверди́ша, / и освяти́ша ме́сто сие́ труды́ и моли́твами свои́ми, // те́мже и дом Пречи́стыя зде устро́иша.

Стих: Блаже́н муж, боя́йся Го́спода, // в за́поведех Его́ восхо́щет зело́.

Похва́лим пе́сньми честны́ми / преподобному́ченик дво́ицу, Корни́лия и Вассиа́на, / я́ко дру́зи бы́ша да́же и до сме́рти, / и Дорофе́я, и́же о́бразом Пречи́стыя Пече́рским / на стране́ дале́че Яросла́встей лю́ди освяти́, / почти́м и Ла́заря пра́ведна, благода́ти таи́нника, // и́хже моли́твами, Христе́, спаси́ ду́ши на́ша.

Сла́ва, глас 1:

Земли́ Пско́вския ра́дование, / оби́тели Пече́рския кре́пкое предста́тельство, / собо́ре святы́х ди́вный, / ны́не к вам вси прибега́юще, / моли́твы прино́сим те́плыя // и любо́вию почита́ем па́мять ва́шу.

И ны́не, Богоро́дичен, глас то́йже: Се испо́лнися Иса́иино прорече́ние:

По Ны́не отпуща́еши: тропа́рь воскре́сен, глас 3: Да весели́тся Небе́сная: Сла́ва, святы́х, пи́сан на вели́цей вечерни глас 6. И ны́не, Богоро́дичен пе́рвый, по гла́су тропари́ святы́х.

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры воскре́сны гла́са 3, Анато́лиева еди́на и святы́х на 6.

Стихи́ры святы́х.

Глас 1.

Подо́бен: О, ди́вное чу́до:

Блаже́нна страна́ Пско́вская / и пресла́вна чудесы́ / оби́тель Пече́рская, / иму́щи вас, собо́ре ди́вный, / отцы́ на́ши преподо́бнии. / Весели́ся, Пречи́стыя до́ме, / таковы́я почита́я предста́тели, / и́же Богоро́дицу и Ма́терь всем милосе́рдную / за ны умоля́ют при́сно, / те́мже, лю́дие, возра́дуемся и восхва́лим // сия́ моли́твенники о душа́х на́ших.

Глас 2:

О сокро́вищнице Госпо́дня, / ли́че нача́льный святы́х Пско́во-Пече́рских, / преподо́бнии Ма́рко, Ио́но, ма́ти Ва́ссо, / яви́ли бо есте́ непоро́чным житие́м ва́шим / о́браз спасе́ния уста́вы Богода́нными / и вся полки́ бесо́вския низложи́ли есте́, // те́мже и нас ны́не от тьмы грехо́вныя избавля́ете.

От ю́ности Христа́ возлюби́вый / и ду́шу твою́ доброде́тельми удобри́вый, / Корни́лие чу́дный, / неуста́нно учи́л еси́ лю́ди ве́ре Христо́ве / и оби́тель Пече́рскую ди́вно украси́л еси́, // да по́двигом твои́м прии́меши от Го́спода вене́ц угото́ванный нетле́нный.

Сла́ва, глас 6:

На земли́ ходи́ша те́сною стезе́ю, / кра́сных ми́ра отверго́шася / и в по́двизех и́ноческаго жития́ Вы́шних достиго́ша. / Те́мже и нас, и́ночествующих во оби́тели Пече́рстей, // моли́твами ва́шими обогати́те сокро́вищем нетле́нным.

И ны́не, Богоро́дичен пе́рвый гла́са: Ка́ко не диви́мся:

Вход. Проки́мен дне. И чте́ния 3 преподо́бническая (зри страни́цы 134–135).

На лити́и стихи́ры святы́х.

Глас 3:

О собо́ре святы́х Пско́во-Пече́рских, / просия́вшии, я́ко свети́ла многосве́тлая, / во мра́це пеще́ры, Бо́гом зда́нныя, / иде́же возгоре́ся в сердца́х ва́ших пла́мень Ду́ха Свята́го, / сего́ ра́ди просвети́те вся лю́ди ве́рныя / и моле́ньми кре́пкими ва́шими / распала́йте ны ко Го́споду любо́вию, // во е́же спасти́ся воспева́ющим вас.

Глас 5:

Умы́ очище́нными / Пресвяте́й Тро́ице предстоя́ще, преподо́бнии, / и Тоя́же сла́вою осеня́емии, / вся ны просвети́те / и за чту́щая вас и́нок мно́жества и лю́ди ве́рныя, / к моще́м честны́м ва́шим приходя́щия, / Жизнода́вца Христа́ умоли́те, / во е́же спасти́ся душа́м на́шим.

Путе́м те́сным / ше́ствующе, отцы́ Пече́рстии, / де́лы ва́шими яви́ли есте́, / ка́ко в широту́ ра́йскую / до́бре ходя́щии во Христе́ вводи́ми быва́ют, / о́нем же путе́м, преподо́бнии, // при́веди́те ко Христу́ и вся ве́рныя.

Сла́ва, глас то́йже:

Ра́дуются вси лю́дие ве́рнии, / и земля́ Пско́вская лику́ет, / пра́зднующи собо́р святы́х Пече́рских, / их бо житие́м благоче́стным / украси́ся Це́рковь Ру́сская, / ю́же Госпо́дь таковы́ми столпы́ утверди́, / тех моли́твами да пода́ст благода́ть Свою́ // ко спасе́нию душ на́ших.

И ны́не, Богоро́дичен, глас то́йже: Храм и дверь еси́:

На стихо́вне стихи́ры воскре́сны, глас 3.

Сла́ва, глас 1:

Земли́ Пско́вския ра́дование, / оби́тели Пече́рския кре́пкое предста́тельство, / собо́ре святы́х ди́вный, / ны́не к вам прибега́юще, / моли́твы прино́сим те́плыя // и чтим любо́вию па́мять ва́шу.

И ны́не, Богоро́дичен, глас то́йже: Се испо́лнися Иса́иино прорече́ние:

Тропа́рь, глас 6:

Собо́р святы́х Пско́во-Пече́рских днесь почти́м, / в де́брех лесны́х оби́тель чу́дную основа́вших, / и, я́ко кри́ны, доброде́тельми процве́тших, / и лю́дем пра́вый путь богоподо́бия указа́вших, / мо́лят бо Го́спода / ми́ру мир дарова́ти и ве́лию ми́лость.

НА У́ТРЕНИ

На Бог Госпо́дь: тропа́рь воскре́сен гла́са, два́жды. Сла́ва, тропа́рь святы́х. И ны́не, Богоро́дичен воскре́сен по гла́су тропаря́ святы́х.

По 1-м стихосло́вии седа́лен, глас 1:

Собо́ре святы́х Пско́во-Пече́рских, / преподо́бнии отцы́ на́ши, мо́лим вы приле́жно, / сохрани́те от бурь и искуше́ний оби́тель сию́, / дом Пречи́стыя Богома́тере, / и́ноков, в ней подвиза́ющихся, / и всех ве́рных, ти́хую при́стань зде обрета́ющих.

Сла́ва, и ны́не, Богоро́дичен:

Наста́ви ны на путь покая́ния, уклоня́ющияся при́сно к злым безпу́тием, / и преблага́го прогне́вающия Го́спода, / неискусобра́чная, благослове́нная Мари́е, / прибе́жище отча́янных челове́к, Бо́жие обита́лище.

По 2-м стихосло́вии седа́лен, глас 2:

Днесь оби́тель Пско́во-Пече́рская све́тло сия́ет, / святы́х оте́ц свои́х па́мять творя́щи, / днесь лю́дие окре́стнии ра́дуются, / во псалме́х и пе́ниих сла́вяще Го́спода, / да́вшаго таковы́я предста́тели и засту́пники.

Сла́ва, и ны́не, Богоро́дичен:

Тобо́ю, Богоро́дице Присноде́во, / Боже́ственнаго естества́ бы́хом о́бщницы, / Бо́га бо нам воплоти́вшагося родила́ еси́, / те́мже по до́лгу Тя вси благоче́стно велича́ем.

Велича́ние:

Ублажа́ем вас, / преподо́бнии отцы́ на́ши Пско́во-Пече́рстии, / и чтим святу́ю па́мять ва́шу, / наста́вницы мона́хов // и собесе́дницы А́нгелов.

Псало́м избра́нный: Терпя́, потерпе́х Го́спода:

Ипакои́ гла́са.

По полиеле́и седа́лен, глас 1: Наста́ ны́не, отцы́ богоно́снии, / светоза́рный собо́ра ва́шего пра́здник, / пропове́дует днесь оби́тель Пско́во-Пече́рская / и Це́рковь Ру́сская сла́ву ва́шу, / велича́юще вас Просла́вльшаго.

Сла́ва, и ны́не, Богоро́дичен:

Безневе́стная Чи́стая Де́во Богоро́дице, / еди́на ве́рных Предста́тельнице и покро́ве, / бед и скорбе́й, лю́тых обстоя́ний вся изба́ви, / на Тя наде́жду, Отрокови́це, иму́щия, / и ду́ши на́ша спаси́ Боже́ственными мольба́ми Твои́ми.

По 50-м псалме́, а́ще храм, стихи́ра святы́х, глас 7: Приими́те ны́не благодаре́ние чад ва́ших, / преподо́бнии отцы́ Пско́во-Пече́рстии, / я́ко не оста́вили есте́ нас любо́вию о́тчею / и то́ю страсте́й на́ших кова́рства разоря́ете, / да прии́мем от Го́спода дарова́ния Небе́сная, // подража́юще дея́нием ва́шим боголюбе́зным.

А́ще кроме́ хра́ма, стихи́ра, глас 6: Воскре́с Иису́с от Гро́ба:

Кано́н воскре́сный гла́са на 4, Богоро́дицы на 2 и святы́х на 8.

Кано́н святы́х, глас 2.

Песнь 1

Ирмо́с: Во глубине́ постла́ иногда́ / фараони́тское всево́инство преоруже́нная си́ла, / вопло́щшееся же Сло́во всезло́бный грех потреби́ло есть, / препросла́вленный Госпо́дь, // сла́вно бо просла́вися.

Припе́в: Вси святи́и Пско́во-Пече́рстии, моли́те Бо́га о нас.

Прииди́те, и́нок мно́жества, прииди́те, духо́вное сосло́вие и лю́дие ве́рнии, / соста́вим лик пра́зднующих, / днесь духо́вная на́ша трапе́за, днесь нам Небе́сное ра́дование, / соверша́ющим святу́ю па́мять оте́ц на́ших.

Све́тло соверша́ем торжество́ ва́ше сие́ и досто́йно почита́ем вы, / преподо́бнии Ма́рко, Ио́но, Корни́лие, ма́ти Ва́ссо, Вассиа́не и Дорофе́е, / Бо́гу угоди́вшии и на Небесе́х со все́ми святы́ми просла́вленнии.

Ничто́же возлюби́в на земли́ па́че Зижди́теля, / прия́ли есте́ труды́ и по́двиги любве́ ра́ди Христо́вы, / те́мже сподо́билися есте́ насле́дия пра́ведных, / моли́те Христа́ о нас, почита́ющих па́мять ва́шу.

Богоро́дичен: Досто́йно есть хвали́ти Тя, ми́ра Влады́чицу, / я́ко и ме́сту сему́ до́льнему дарова́ла еси́ Небе́с велеле́пие, / мы же, веселя́щеся, прославля́ем Тя, Ма́ти щедро́т, / мир подаю́щую оби́тели сей и ве́лию ми́лость.

Катава́сия: Отве́рзу уста́ моя́:

Песнь 3

Ирмо́с: Процвела́ есть пусты́ня, я́ко крин, Го́споди, / язы́ческая неплодя́щая це́рковь, / прише́ствием Твои́м, // в не́йже утверди́ся мое́ се́рдце.

Притеце́м ны́не, ве́рнии, первонасе́льника Пече́рскаго Ма́рка воспои́м велегла́сно / и о благоче́стнем Ио́не благода́рне возра́дуемся, / их бо моли́твами смире́нными и во тьме земне́й пеще́р богозда́нных / излия́ся благода́ти Небе́сныя светоли́тие Трисия́нное.

Пе́сньми свяще́нными воспросла́вим и тя, преподо́бная Ва́ссо, / я́ко ми́ра сего́ пре́лести возгнуша́вшися, / возжеле́ла еси́ о́браза и́ноческаго, во е́же еди́ному Христу́ послужи́ти, / те́мже и вене́ц бра́чный на Небе́сныя сла́вы вене́ц премени́ла еси́.

Досто́йную похвалу́ принесе́м / преподобному́ченику Корни́лию, игу́мену прему́дрому, / и́же и днесь умудря́ет сердца́ на́ша до́бре, / направля́я нас ко спасе́нию.

Богоро́дичен: Благода́тию Твое́ю, о Богома́ти, / нас, скве́рны вся́кия испо́лненных, очи́сти и укрепи́, / я́ко, ко о́бразу Успе́ния Твоего́ Пече́рскому припа́дающе, взыва́ем си́це: / не оста́ви нас, гре́шных, но поми́луй вся моли́твами преподо́бных оте́ц на́ших.

Конда́к, глас 2.

Подо́бен: В моли́твах неусыпа́ющую:

Тебе́, Богоро́дице / и Де́ве Чи́стей, за вся лю́ди Бо́га умоля́ющей, / оби́тель Пско́во-Пече́рская / святы́х свои́х, я́ко дар, днесь прино́сит, / Твои́х же даро́в бога́тство кто испове́сть, / я́ко и в рай возвела́ еси́ отцы́ на́ша.

И́кос:

Я́ко сад благоуха́нный, процвела́ есть оби́тель Пско́во-Пече́рская святы́ми Твои́ми, Го́споди, / и́хже моли́твами оби́лие ми́лости Бо́жия источи́ся на ме́сте сем, по словеси́ прему́драго: / ели́ка а́ще помо́лится Тебе́ на ме́сте сем, / и Ты услы́шиши на ме́сте жили́ща Твоего́ на Небеси́, и сотвори́ши, и ми́лостив бу́деши им. / Сея́ ми́лости прича́стницы бы́вше, смире́нно мо́лим Тя, Христе́: / ми́лостив бу́ди ны́не и при́сно ко святе́й оби́тели сей, / моли́твами преподо́бных отце́в на́ших, и́хже Пречи́стая Богоро́дица в рай введе́.

Седа́лен, глас 4:

Пско́во-Пече́рская похвало́, отцы́ преподо́бнии, / яви́лися есте́ я́ко ору́жницы Христо́вы, / моли́твы бо ва́ша я́ко меч духо́вный, грехи́ посека́яй, / не преста́йте хода́тайствовати о чту́щих па́мять ва́шу све́тло.

Сла́ва, и ны́не, Богоро́дичен, глас то́йже:

Де́во, Ма́ти блага́я, ми́ру покро́ве и заступле́ние, / не оста́ви оби́тель Пско́во-Пече́рскую, я́коже во Успе́нии ми́ра не оста́вила еси́, / но спаса́й на Тя упова́ющия.

Песнь 4

Ирмо́с: Прише́л еси́ от Де́вы, не хода́тай, ни А́нгел, / но Сам, Го́споди, вопло́щься, / и спасл еси́ всего́ мя челове́ка. / Тем зову́ Ти: // сла́ва си́ле Твое́й, Го́споди.

Воспева́ем днесь вас любо́вию, подви́жницы Христо́вы: / преподобному́чениче Вассиа́не, преподо́бне о́тче Дорофе́е и Ла́заре, ста́рче пра́ведный, / и́же процвели́ есте́ во оби́тели сей, я́ко кри́ни ра́йстии.

Ра́дуйся, Це́рковь Росси́йская, возрасте́ бо в тебе́ апо́стольское се́яние Андре́ево, / земли́ Ру́сския украше́ние, оби́тели чу́дныя Пече́рския, / еди́на во стране́ Ки́евстей, во Пско́встей же друга́я: / и та о Бо́зе лику́ет, и сия́ весели́тся, воспева́юще собо́ры святы́х свои́х.

Свет спаси́тельный возсия́ живу́щим о́крест оби́тели Пско́во-Пече́рския, / глас слове́с Боже́ственных и хвалы́ Творцу́ / потрясе́ возду́х пре́жде непло́дныя пусты́ни, / подви́гнув ве́рныя непреста́нно славосло́вити Христа́ Жизнода́вца.

Богоро́дичен: Богоро́дице Де́во, упова́ние на́ше, моли́ Сы́на Твоего́ и Го́спода на́шего / сохрани́ти от всех бед и напа́стей оби́тель сию́, / ю́же преподо́бный Корни́лий вку́пе с подвиза́вшимися зде созда́, / да вси почерпа́ющии по́мощь неоску́дную от святы́нь ея́ / во вся дни сла́вят и ублажа́ют Тя, в пе́снех велича́юще.

Песнь 5

Ирмо́с: Хода́тай Бо́гу и челове́ком был еси́, Христе́ Бо́же, / Тобо́ю бо, Влады́ко, к Светонача́льнику, Отцу́ Твоему́, / от но́щи неве́дения // приведе́ние и́мамы.

Жития́ треволне́ния ни во что же вмени́в, преподо́бне о́тче наш Ма́рко преблаже́нне, / в пусты́ню Пско́вскую всели́лся еси́ / и в пеще́ре, Бо́гом зда́нней, в по́двизех мно́зех сокрове́нно пожи́л еси́, / того́ ра́ди па́мять твоя́ пребыва́ет во ве́ки.

Храня́ ве́ру Правосла́вную, лати́няном не покори́лся еси́ / и, от Ю́рьева гра́да изше́д, Иоа́нне, иере́е Бо́га Жива́го, / храм Пречи́стыя в горе́ ископа́л еси́, возжада́в Той послужи́ти во о́бразе и́ночестем, / нарече́н быв Ио́на, в души́ свое́й бога́тство Ду́ха Свята́го собра́л еси́, преблаже́нне.

Егда́ боле́знь сме́ртная пости́же тя, / прия́ла еси́ о́браз а́нгельский, преподо́бная ма́ти Ва́ссо, / гроб же твой по кончи́не си́лою Бо́жиею изнесе́н бысть двукра́ты из земли́, / да притека́ют лю́дие ве́рнии к ра́це моще́й твои́х.

Богоро́дичен: Вся упова́ния на́ша в Тебе́, Ма́ти Де́во, иму́ще, / мо́лим Тя, я́ко святы́х сла́ву и Влады́чицу милосе́рдную: / да́руй нам, преподо́бных Твои́х ра́ди, грехо́в исправле́ние / и и́ноческому житию́ споспе́шествуй при́сно, подаю́щи благода́ть Свою́ неоску́дну.

Песнь 6

Ирмо́с: В бе́здне грехо́вней валя́яся, / неизсле́дную милосе́рдия Твоего́ призыва́ю бе́здну: // от тли, Бо́же, мя возведи́.

Яви́лся еси́, преподобному́чениче Корни́лие, / благоче́стия ди́вный наста́вник и оби́тели Пече́рския строи́тель изря́дный, / украси́л еси́ ю хра́мы святы́ми, та́кожде и о́крест воздвиза́л еси́ их, чудь просвеща́я, / ны́не же в оби́тели пребыва́я Небе́сней и Тро́ице Святе́й предстоя́ вы́ну, / моли́ спасти́ся душа́м на́шим.

Оболга́ша тя, о́тче Корни́лие, льстецы́ зло́бнии, / к безу́мию склони́ся царь Гро́зный и сме́рти тя предаде́, / те́мже и освяти́ся твое́ю кро́вию оби́тель Пско́во-Пече́рская, / и обогати́шася тобо́ю ча́да твоя́, ту и́ночествующая, я́ко засту́пником пред Бо́гом.

Па́мятующе по́двиги твоя́ и боре́ния и кончи́ну от руки́ самоде́ржца Росси́йскаго, / скорбя́щая бра́тия Пско́во-Пече́рская / храм устро́иша во и́мя твое́, преподобному́чениче Корни́лие, / в не́мже безкро́вную же́ртву прино́сят, хва́ляще и благословя́ще Бо́га.

Богоро́дичен: Я́же снабде́нием пско́вич благове́рных и труды́ преподо́бных созда́нныя, / почита́ем пречестны́я ико́ны Твоя́, Богоро́дице, просия́вшия во оби́тели Пско́во-Пече́рстей: / Одиги́трии, Звезды́ путево́дныя, Успе́ния и Умиле́ния чу́дна, / и, духо́вно веселя́щеся, я́ко Саму́ Тя лобыза́ем, христиа́ном похвало́, спасе́ния утвержде́ние.

Конда́к и и́кос воскре́сен.

Песнь 7

Ирмо́с: Богопроти́вное веле́ние беззако́ннующаго мучи́теля / высо́к пла́мень вознесло́ есть. / Христо́с же простре́ богочести́вым отроко́м ро́су духо́вную, // Сый благослове́н и препросла́влен.

Времена́ и ле́та Це́ркве Пско́вския изъяви́л еси́ нам, преподобному́чениче Вассиа́не, / Корни́лию богому́дрому в летописа́нии помога́я изря́дно, та́же и дело́м его́ ревни́тель быв сла́вный, / ны́не же с ним во Све́те Трисия́ннем вопие́ши согла́сно: / благослове́н еси́, Бо́же оте́ц на́ших.

В труде́х по́стнических я́ко благода́ти ро́су испива́л еси́ вку́пе со отце́м на́шим Корни́лием, Вассиа́не преподобному́чениче, / та́кожде и ча́шу сме́ртную испи́л еси́ с ним безви́нно, / и от царя́ земна́го к Царю́ Небе́сному предпо́сланы бы́сте, Тому́ вопию́ще: / благослове́н еси́, Бо́же оте́ц на́ших.

Преподобному́чениче Корни́лие, не оста́ви и ны́не моли́твами твои́ми ча́да твоя́, / я́коже и пре́жде ты, защи́тниче страны́ Пско́вския, не оста́вил еси́ ю в наше́ствие Бато́риево, / но, быв ко Пречи́стей те́плый хода́тай, пред Не́ю предста́л еси́ в виде́нии чу́днем над Пско́вом гра́дом, со святы́ми вопия́: / благослове́н еси́, Бо́же оте́ц на́ших.

Богоро́дичен: Показа́ Не́бо Правосла́вия сла́ву, егда́ яви́ся на возду́се Ма́ти всех ве́рных, / от наше́ствия же во́ев Бато́риевых Псков град и оби́тель Пече́рскую изба́вльши, / Горе́ бо святи́и со Корни́лием Ю умоля́ху, / до́лу же и́ноцы Пече́рстии со пско́вичи ко о́бразу Ея́ со слеза́ми припа́даху, Бо́гу вопию́ще: / благослове́н еси́, Бо́же оте́ц на́ших.

Песнь 8

Ирмо́с: Пещь иногда́ о́гненная в Вавило́не де́йства разделя́ше, / Бо́жиим веле́нием халде́и опаля́ющая, / ве́рныя же ороша́ющая, пою́щия: // благослови́те, вся дела́ Госпо́дня, Го́спода.

По́стнических по́двигов жела́я сподо́битися, преподо́бне о́тче наш Дорофе́е, / во оби́тель Пско́во-Пече́рскую прише́д, ве́тхаго челове́ка совле́клся еси́, доброде́телей мно́жеством украси́вся, / те́мже и избра́ тя Пречи́стая Де́ва пренести́ о́браз Свой светоза́рный из преде́л Пече́рских в зе́млю Яросла́вскую, / да и та́мо возсия́ет сугу́бо благода́ть Богоро́дицы Пресла́вныя.

О́трасле духо́вная оби́тели Пече́рския, богоно́се смире́нне Дорофе́е, / издре́вле страна́ Пско́вская и страна́ Яросла́вская ве́лию ве́ру к тебе́ и́мут, / я́ко в пе́рвей сам духо́вно умудри́ся, во друзе́й же ины́я умудря́л еси́, в пусты́ню Ю́гскую приходя́щия, / те́мже тя, уго́дника Христо́ва, велича́ем.

Ла́заре, благоче́стия подви́жниче, равноа́нгельным и пра́ведным житие́м твои́м в затво́ре / яви́лся еси́ насле́дник благ ве́чных, / та́кожде и нас, гре́шных, в покая́нии утверди́, / да и мы моли́твами твои́ми просвети́мся и изба́вимся от се́тей вра́жиих, о́тче наш преблаже́нне.

Богоро́дичен: Богоро́дицу и Ма́терь Све́та Тя при́сно велича́юще, / ны́не гла́сы умиле́нными Тя воспева́ем, / я́ко дарова́ла еси́ нам собо́р преподо́бных Пско́во-Пече́рских сла́вный, / еди́на Чи́стая и благослове́нная.

Песнь 9

Ирмо́с: Безнача́льна Роди́теля Сын, Бог и Госпо́дь, / вопло́щься от Де́вы, нам яви́ся, / омраче́нная просвети́ти, собра́ти расточе́нная. // Тем Всепе́тую Богоро́дицу велича́ем.

Не́дра земна́я не сокры́ша сокро́вища моще́й ва́ших, преподо́бнии Пско́во-Пече́рстии, / и́миже источа́ете струй благода́ти, освяща́юще ду́ши на́ша, / да и мы вни́дем ко трапе́зе Христа́ Бо́га и Небе́снаго весе́лия прича́стницы бу́дем, / ваш собо́р почита́юще.

Велича́ет вас, преподо́бнии, оби́тель Пско́во-Пече́рская, / на Святе́й горе́ во и́мя ва́ше храм созда́вшая, я́ко спобо́рником кре́пким в труде́х и моли́твах, / и про́сит уми́льно: моли́те Христа́ Бо́га согреше́нием оставле́ние дарова́ти / чту́щим любо́вию святу́ю па́мять ва́шу.

Тро́ичен: Триипоста́сный Бо́же, Живонача́льная Тро́ице, / сохрани́й оби́тель святу́ю сию́, / моли́тв ра́ди преподо́бных ей, / во вся дни до сконча́ния ве́ка.

Богоро́дичен: Ра́дуйся, Обра́дованная, / во Успе́нии Твое́м нас не оставля́ющая / и моли́твы преподо́бных оте́ц Пско́во-Пече́рских / к Сы́ну Твоему́ принося́щая о спасе́нии душ на́ших.

Свети́лен воскре́сен.

Сла́ва: святы́х:

Собо́ре святы́х Пече́рских, / стране́ Пско́встей украше́ние, / моли́теся ко Го́споду / о всем и́ночестве Росси́йстем / и о е́же просвети́ти чту́щия вас любо́вию.

На хвали́тех стихи́ры воскре́сны на 4 и святы́х на 4.

Стихи́ры святы́х, глас 8:

Духо́вными пе́сньми преподо́бныя восхва́лим, / Ма́рка, Ио́ну, Корни́лия, / ку́пно же Вассиа́на и Дорофе́я с преподо́бною Ва́ссою / и Ла́заря прозорли́ваго, схи́мника Пече́рскаго, / плотско́е мудрова́ние ду́ху повину́вшия, / поще́нии и сокрове́нными по́двиги очи́стившияся, / к ни́мже взыва́ем: // помина́йте нас, чту́щих па́мять ва́шу.

Глас то́йже.

Подо́бен: О, пресла́внаго чудесе́:

О преподо́бнии отцы́ Пско́во-Пече́рстии, / равноа́нгельное житие́ пожи́вше, / труды́ по́стническими и добро́тами духо́вными / покори́ли есте́ телеса́ и ду́ши ва́ша Ду́ху Бо́жию, / и, я́ко зла́то в горни́ле, испыта́ вас Христо́с Бог, / те́мже и обре́те вас досто́йны Себе́, / и я́ко всепло́дие же́ртвенное прия́т, / моли́теся ко Го́споду // спасти́ся душа́м на́шим.

О Цари́це Небесе́ и земли́, / днесь собо́р святы́х Пско́во-Пече́рских / всехва́льно соверша́юще, / вопие́м Ти: / Благода́тная, ра́дуйся, / се Сы́на Твоего́ уго́дницы, / се предста́телие за нас пред Бо́гом благоче́стнии, / по́мощию Твое́ю такови́и соде́яшася, // приими́ ми́лостивно моли́твы их о нас, гре́шных.

Глас то́йже:

Преподо́бнии отцы́ Пско́во-Пече́рстии, / предстоя́ще за ны собо́рне Христу́ Бо́гу, / утвержде́ние всем ве́рным бу́дите, / и́же к вам припа́дают, глаго́люще: / ра́дуйтеся, Ду́ха Свята́го обита́лища прекра́сная, / ра́дуйтеся, Де́вы Пречи́стыя честни́и служи́телие, / ра́дуйтеся, мы́сленная свети́ла церко́вная, / ра́дуйтеся, ко Христу́ мона́хов мно́жества приве́дшии, / и, я́ко иму́щии дерзнове́ние ко Го́споду, // моли́те спасти́ся душа́м на́шим.

Сла́ва, глас то́йже:

И́же Тро́ицы Святы́я заре́ю просвеща́емии / и Престо́лу Христа́ Бо́га вы́ну предстоя́щии, / преподо́бнии отцы́ Пско́во-Пече́рстии, / приими́те сие́ хвале́бное пе́ние / и непреста́нно о нас моли́теся, // почита́ющих ве́рою пречестну́ю па́мять ва́шу.

НА ЛИТУРГИИ

Проки́мен, глас 7: Честна́ пред Господем / смерть преподо́бных Его́. Стих: Что возда́м Го́сподеви о всех, я́же воздаде́ ми? Апо́стол к Гала́том, зача́ло 213. Аллилу́ия, глас 6 Блаже́н муж, боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́. Ева́нгелие от Луки́, зача́ло 24. Прича́стен: В па́мять ве́чную бу́дет праведник, от слу́ха зла не убои́тся.

Собор Псково-Печерских преподобных

Собор Псково-Печерских преподобных составляют семь святых: преподобный Марк (†XV; память 29 марта); преподобный Иона (†1480; память 29 марта); преподобная Васса (†1473; память 19 марта); преподобномученик Корнилий (†1570; память 20 февраля); преподобномученик Вассиан Муромский (†1570; память 20 февраля); преподобный Дорофей Югский (†1622); преподобный Лазарь Прозорливый (†1824).

Из первых старцев Псково-Печерской обители по имени известен лишь один Марк, который, вероятно, с другими монахами после разорения Киево-Печерского монастыря в 1416 году крымским ханом Едигеем поселился здесь в привычной пещере над ручьем. Звероловы видели его молящимся у трех камней. Два камня и ныне лежат в монастырском саду, а третий ушел в землю. Имя Марка, записанное в монастырский синодик преподобным Ионой, преподобный Корнилий за неимением сведений о нем велел изгладить из списка. Внезапно он был поражен слепотой и расслаблением. Извещенный в откровении о причине болезни, игумен Корнилий покаялся у гроба старца Марка и, получив исцеление, восстановил его святое имя в монастырском диптихе. Когда выкопали пещерную церковь Успения Пресвятой Богородицы и расширили погребальные пещеры, нашли гроб преподобного Марка истлевшим, а мощи и одежду невредимыми.

Древнюю пещеру, в которой жили и молились первые иноки, обнаружил в 1472 году во время рубки леса хозяин здешних угодий крестьянин Иван Дементьев. Одно из срубленных деревьев покатилось вниз, сдирая землю и вырывая с корнем другие деревья. Обвал открыл вход в пещеру, над которой была надпись: «Богом зданная пещера». Впоследствии юродивый монах Варлаам стирал надпись, но она вновь чудесно восстанавливалась.

На это святое место, намоленное первыми подвижниками, пришел священник Иоанн по прозвищу Шестник – переселенец. Он священствовал в Юрьеве (ныне Тарту), но в 1470 году был вынужден бежать с семьей в Псков от преследований немцев-католиков. Вскоре заболела его жена Мария и, приняв монашеский постриг с именем Васса, скончалась. Праведность ее была засвидетельствована сразу же после кончины. Преподобную Вассу похоронили в стене «Богом зданной пещеры», но ночью ее гроб был изставлен из земли невидимой Божьей силой. Ее муж и духовный отец смутились, решив, что они не полностью совершили чин отпевания, вторично отпели ее и снова погребли тело, но наутро оно вновь оказалось на верху земли. Тогда стало ясно, что это – знамение Божие. Гроб преподобной Вассы поставили в пещере с левой стороны. Потрясенный чудом, Иоанн принял монашество с именем Ионы. Собственноручно ископав пещерную церковь, он испросил благословения у Новгородского архиепископа Феофила освятить ее. 15 августа 1473 года пещерный храм был освещен в честь Успения Пресвятой Богородицы. При освящении произошло чудо от иконы Успения Пресвятой Богородицы – прозрела слепая женщина. Эта икона хранится сейчас в алтаре Успенского храма на горнем месте. День освящения пещерного храма считается официальной датой основания Псково-Печерского монастыря. Преподобный Иона подвизался в пещерной обители до 1480 года и мирно отошел ко Господу. По смерти на его теле обнаружили кольчатый панцирь, который повесили над его гробом, но при набеге немцев он был похищен. Мощи преподобного Ионы почивают в пещерах рядом с мощами преподобного старца Марка и преподобной Вассы. Однажды при нападении на монастырь ливонский рыцарь, насмехаясь над святыми мощами, хотел мечом открыть крышку гроба преподобной Вассы, но его опалило исшедшее из гроба святой подвижницы пламя. Следы этого карающего огня до сих пор видны на гробе преподобной Вассы.

Важные изменения в Печерской обители произошли при игумене Корнилии. Преподобномученик Корнилий родился в 1501 году во Пскове в семье бояр Стефана и Марии. Чтобы дать сыну образование, родители отдали его в Псковский Мирожский монастырь, где он подвизался под началом старца: делал свечи, рубил дрова, обучался грамоте, переписке и украшению книг, иконописи. Закончив учение, Корнилий принял иноческий постриг в Псково-Печерской обители. В 1529 году, в возрасте 28 лет, преподобный Корнилий был возведен во игумена и избран настоятелем монастыря. В его настоятельство Псково-Печерская обитель достигла наибольшего расцвета. Число братии увеличилось от 15 до 200 человек. Деятельность преподобного Корнилия простиралась далеко за пределы обители: он распространял Православие среди живших вокруг монастыря эстов и сэту, строил церкви, больницы, дома для сирот и нуждающихся. Во времена ужасного мора на Псковщине преподобный Корнилий бесстрашно ходил по моровым деревням причащать живых и отпевать умерших. Во время Ливонской войны преподобный Корнилий проповедовал христианство в отвоеванных городах, строил там храмы, щедрой рукой раздавал пострадавшим во время войны эстам и ливам пособия из монастырских запасов; в обители безмездно лечили и кормили раненых и изувеченных, хоронили в пещерах убитых и вписывали их имена в монастырский синодик на вечное поминовение. В 1560 году, в праздник Успения Божией Матери, преподобный Корнилий послал в благословение русским войскам, осаждавшим город Феллин, просфору и святую воду. В тот же день немцы сдали город. Печерская обитель, возникшая на границе Русского государства, была не только светочем Православия, но и крепостью против внешних врагов России. В игуменство Корнилия были возведены мощные крепостные стены (длиной 700 метров) и башни, Благовещенский храм, церковь святителя Николая, монастырская звонница. Преподобный Корнилий был большим знатоком и любителем книг. Он отредактировал Псковскую летопись, составил «Повесть о начале Печерского монастыря». При нем монастырь стал культурным центром Псковской земли. Здесь была собрана богатейшая библиотека.

Царю Иоанну Грозному был сделан ложный донос об измене Псково-Печерских монахов. Это привело к мученической кончине игумена Корнилия и его друга и сподвижника ученого старца Вассиана 20 февраля 1570 года. Тело святого игумена было положено в стене «Богом зданной пещеры», а в 1690 году перенесено в соборную Успенскую церковь. В 1872 году 17 декабря мощи святого были переложены вместе с прежним гробом во вновь устроенную посеребренную медную раку. Служба и житие преподобномученика Корнилия помещены в минее февраль в 20-й день, когда празднуется его память.

В Псково-Печерском монастыре духовно возрастал преподобный Дорофей, который в 1615 году, будучи уже схимником, по зову Божию вышел из обители, чтобы на новом месте на Ярославской земле посеять драгоценное семя истинной духовности, полученное в родном монастыре, и основать новый монастырь – Югско-Дорофеевскую обитель.

Преподобный Лазарь Прозорливый родился в 1733 году. Он был священником в Опочке, а после смерти жены принял монашеский постриг в Псково-Печерской обители в 1785 году. До 1800 года он исполнял послушание монастырского казначея. Келья старца напоминала пещеру – так в ней было мало света. Ради памяти смертной в келье стоял гроб, сделанный самим преподобным. Старец был невысокого роста, бледный, худой, всегда, кроме церковных служб, ходил с закрытым лицом; носил железные вериги весом 25 фунтов; спал на досках с камнем в изголовье; часто всю ночь простаивал на молитве в Успенской церкви. Когда усопшего старца Лазаря положили в гроб и на третий день собирались погребать, преподобный ожил. На вопросы о том, что сподобилась видеть его душа, схимник отвечал словами псалма: «Смерть грешника люта». 29 мая 1822 года преподобного Лазаря посетил Император Александр I. Старец беседовал с государем о молитве, о долге православного царя перед народом и Отечеством. Во время беседы он предсказал день своей кончины. Старец и государь почтили друг друга земными поклонами. Царь плакал, умилившись духовной мудрости и кротости старца. На погребение преподобного Лазаря собралось так много людей, что монастырь с трудом мог всех вместить.

В 1990 году Святейший Патриарх Пимен благословил совершать службу Собору Псково-Печерских преподобных. С 1996 года по благословению Святейшего Патриарха Алексия II Собор Псково-Печерских преподобных празднуется общецерковно в 4-ю Неделю по Пятидесятнице, а в те годы, когда 4-я Неделя совпадает с Рождеством Иоанна Крестителя или с праздником первоверховных апостолов Петра и Павла, празднование Собора переносится на 5-ю Неделю по Пятидесятнице.