24. 1382 г. Грамота суздальского архиепископа Дионисия псковскому Снетогорскому монастырю о соблюдении правил иноческого общежития

Из синодального сборника XVI века № 562, л. 404 об.–407. По той же самой рукописи грамота эта издана была в Актах Исторических, т. I, № 5. О времени написания ср. известие в первой новгород. летоп. под 1382 г.

Богу споспешающу ¹²⁴³ и слово утвержающу, Слова ради, и Святым Духом свершающу, якоже заповеда всесвятой патриарх вселенский, пекийся душами человеческими, учить, и наказать, управить, по божественным заповедям евангельским, добре живущая укреплять и благословить, совратившаяжеся возвратить на путь правый, сиречь, на добродетельное житие, еже уставиша святые и богоносные Отцы общее житие, по великому Пахомию, еже ангел Божий ¹²⁴⁴ , и по великому Василию, еже два чина вписа мнишского жития, пустынный и общее житие, еже похвали ¹²⁴⁵ паче пустынного, и святой Ефрем тако пишет, и святой Иоанн, божественной Лествицы списатель, наипаче утверди и украси различно премудростными наказаниями. Пришедшую же ми посланием всесвятого патриapxa вселенского в богохранимый град Псков о исправлении отлучившихся ¹²⁴⁶ соборной апостольской Христовой ¹²⁴⁷ церкви, и на утвержение священником и честным монастырем, и всем христоименитым людям, и слышахом о честном монастыре Пресвятой Богородицы, еже именуется Снетная Гора, общеживущим, и возрадовахся душой зело, и возвеселихся по премногу, с тщанием идох, и видих, и благослових от вселенского патриapxa, и обретох я ́ не исправляющегося во всем божественного писания и богоносных Отцов уставы, ово творящя, ово же оставляюща, о божественном общем житии, и о свершении мнишского устава и о высоте бесстрастия. Умолен бых от преподобного игумена, ту ¹²⁴⁸ суща[и] яже о Христе братии, направить совратившаяся и наказать ненаказанные, аз Дионисий, apxиепископ суздальский, по повелению всесвятого патриapxa вселенского, воззрев в Номоканон, во правила святых Отцов, яже о божественном общем житии, понових и уставих препущеная небрежением, в обиду святых Отцов уставы, якоже рече правило еже в 5-м ¹²⁴⁹ соборе: «мнихом ничтоже подобает своего иметь, но все свое предать монастырю во власть. Рече [бо] богогласный Лука о веровавших Христу и мнишское житие исправивших ¹²⁵⁰ , яко ниедин кто что от своего глаголаше его быть, но беша всем обща. Темже, хотящим, мнишествовать, дать сущее и приимать потребы; по пострижении же впадающим к нему всем монастырю иметь власть, ни о чемже о своем пещися или рядить сим попущается. Аще кто купит стяжание кое, еже непричастно монастыреви свое творя, си убо игуменом, или епископом да восприимутся, и многим дерзновением ¹²⁵¹ продаемо, и убогим и немощным и клосным да раздается. Таковое стяжание, по некогда Ананьи, украсть поучившася, приносимом запрещением повеле святой собор уцеломудрить». ¹²⁵² Αще часть ¹²⁵³ сребра уèм от своих, но всего у ног апостольских положив, умре: что подобает рещи о тех, иже не всего себе ¹²⁵⁴ приносяще Богови, но часть убо приносяще Богу, часть же своим похотям работающа, их же обрящет большее томлениe, якоже сильну сущу Богу душу и тело и[х] погубите? Иже в мнишский святой образ одеянные, в монастырях сущим ¹²⁵⁵ , и ни словом леть рещи: «се твое, а се мое», или «сего и оного»; ибо 5.000 суще простецы, и вся обща имяху, никтоже свое ему ¹²⁵⁶ что быть веща; боле паче в общем житии, в монастыре, не нарицать: «се мое». Где же суть от плевел сеющего диавола возрастеша в общем житии глаголемая отарица ¹²⁵⁷ , не достоит нарицать общим, но разбойник седалища и священнокрадения и всей злобы неприязненны сдельницы. Сего бо ради наречется общее житие, да все обще имут, и ниединому иметь диавольское начинание и свои попечения, пакостные и безумные, яко иже во святых великий Василий глаголет, яко «имеяй во монастыре свое что в келии, велико или мало, чужого себе Божьего церкви створи, и Господня любве тако же чужд есть». ¹²⁵⁸ Полезнее убо есть с малыми разумными жить, не же с многими бесчинными, преобидяща заповеди Господние. Ныне же впадшая в сия великая согрешения, преже реченные правила святых Отцов преступльшего неведение, аще начнут клясться достойно и обещаются в те же великие согрешения не впадать, аз смиреный apxиепископ Дионисий суздальский, с благословением всесвятого патриapxa, прощаю. Отселе, по повелению всесвятого патриapxa вселенского, в честном семь монастыре святой Богородицы на Снетной Горе уставихом ти в монастыре сем честном ничтоже своего ни игумену, ни братии, но все отдать Богу и Святой Богородице в монастырь, ни есть в келии, ни пить, ни ¹²⁵⁹ у келаря просить; а келарю не дать, ни ключнику не дать никому же ничего же без игуменова слова; есть же и пить в трапезе вкупе всем; опрочь же трапезы ни есть, ни пить никакоже, ни до обеда, ни по обедах; а до пьяна никакоже не пить. А одеяние потребное имать у игумена ¹²⁶⁰ , обычный, а не немеческих сукон; а шубы бараньи носить без пуху, и обувь и до опущь имать у игумена ¹²⁶¹ , а лишних онеж не держать. А в церкви по правилу и по уставу святых Отцов да поют. А на службу, идеже аще пошлет мниха, без ослушания да идет; а без благословения игумена никакоже не ходить никуда. Послушаниe же и покорениe иметь ¹²⁶² во всем игумену: аще кто вопреки начнет глаголать игумену и воздвигать начнет свары, заперт таковой да будет в темнице, дóндеже покается; а непокоривого мниха, по первом и втором и третьем наказании, выженут его из монастыря, да но вдадут ему от внесенного в монастырь ничтоже.

Се же от многого мало писахом вам, а прочее же обрящете в книгах святого великого Василия Kecapийского, и святого Ефрема, и святого Ивана Лествичника, и святого Феодора Студийского, и прочих святых Отцов, о ¹²⁶³ послушании, и о смирении, и о прочих добродетелях, яже свершивше, милость Божью получите и святой Богородицы, и благословение всесвятого патриapxa вселенского, и она будущая благая, яже уготова Бог любящим его.

Приде же в слухи наша и се, яко ктитор сего честного монастыря, рекше создатель, создав cий монастырь и братью совокупив, и устав введе святых Отцов общее житие, яже многим наказанием известив и клятвами утвердив, еже есть на спасение душам человеческим, пребывающим в монастыре сем, и всем христоименитым людям на пользу и похвалу, пребывающим в богохранимом сем граде Пскове: се аз, поновляя, пишу на утвержение сей грамоте, яко кто дерзнет помыслить благое се уставление превратить лукавым обычаем, будет под тягостью отлучения ¹²⁶⁴ пресвятого патриapxa вселенского.