23. 1382 г. Грамота того же патриарха о возведении Дионисия, епископа суздальского, в сан архиепископа

Издана была в I томе Актов Исторических под № 251, по рукописи бывшей Царского (№ 366), ныне графа А.С. Уварова (№ 512, л. 337–341). Настоящее издание сделано прямо с подлинника, который, к сожалению, не имеет начала и во многих местах сильно пострадал от времени и переписчиков.

……… в святительскую постиже высоту и достояние, мысль свою возложи на Бога, и жить паче Богови, нежели… отдыхать хотя, ихже… сего иже прежде нас патриарх видеть восхоте, … приити повеле ему, и се же еже о себе… к добру бо того показа, и труды презре ¹²¹⁹ , и долготу пути, нестроенья. ¹²²⁰ И сего, яко виде смирение наше, с многим еже о Бозе веселием и любовью восприят; видехом бо зде крепчайшая яжо о нем похвалы истинствующая, пост, и милостыни, и бдение, и молитвы, и слезы, и вся благая ина, отнудуже в истинну Божий и духовный знаменуется человек; не токмо же, но и святому сбору приложися и с теми духовно беседовав, иже о божественном писании, знаем обое показа яве, – и святых божественных канун разум и знатью, иже ревность имать о сих в радости и в вере… Сия же вся яже от Бога венца, егоже ради сия действует, и от нас, от святой Божьей (церкви) похвалы к себе влечет. Понеже убо зде сего не мощно удержать (по великому бо обидяще явимся, ихже пастуси произведе от Бога, паче же иже таким обогатеша пастырем, якова же и слова яви, и сия паче слова и свидетельствуют ¹²²¹ дела), се же не малая неправда ¹²²² будет, да аще сего непочтена отпустим, и добродетелем паче, имиже ¹²²³ си, яко же речено бысть, украсися, но почестье ему, яко же мощно, подавше, и тако тамо к своим детям и к церкви добре послать. Сего ради благодетельствует и подает о Святом Духе смирение наше церкви его зватись архиепископией, отныне, святые митрополии киевские (и) всея Руси: в таковую бо честь и достояние возводим собором, добродетели его ради; и град его и церкви его возведохом и почтихом, второй чин иметь во всех епископиях митрополии всея Руси. И убо первая архиепископия Beликий Новгород, а вторая епископия Суздаль: облачитись ему во стихарь со источники и во фелонь с четырмя крестамии с евангелиями. Такову бо да имать честь и достояние архиепископ суздальский, иже одарован есть от нашего смирения второе место иметь во всем, в епископиях святые митрополии, в стоянии и в седении и вхожении в соборах, идеже ¹²²⁴ обрящется: тако убо почтену ему и возведену от Христовы великие церкви и от вселеньского патриapxa , общего ¹²²⁵ Христовы церкви предстателя. И сего ради должны суть все благородные великие князи русские [чти]ть его, яко святителя Божьего, и честна струя ¹²²⁶ , и душа их ползовать могуща, из глубины греховные извлещи, от всемирской злобы, и сует, и прелести, и смущения исторзати [и] изводить своим разумом, и духовным наставлением, и состроением, и знатием, и деянием, и поучением, и утешением; вышней славе, бессмертному достоянию сочтовать и совокуплять, и приводить ¹²²⁷ и приимать ¹²²⁸ все, яже о себе, всесвятого Духа благодатью совещеваема и совокупляема и повелеваемая о душевных, и телесных пользах доброты, и тщаться и творить я ¹²²⁹ : по многу бо польза бывает. И все православные о Господе Боге нашем повиновением должны суть подаять ему послушание и благоговение достойное, якоже своему отцу духовному и учителю, от Бога и к Богу сего помощника иметь и наставника. Тако бо возможно сего поспешнейша сотворить, о себе молящася, и Бога милостивого обрести, о всех иже в житии сем предлежаща человеческие немощи ¹²³⁰ и согрешения; то бо есть Бог, иже согрешьшим к нему и обращающимся покаянием прощение же и отдание подавает, иже своим ученикам и апостолам рече: «слушая вас мене слушает, а отметаяся вас мене отмещется». Понеже и се подвиг течет, шествование апостольское, туже власть апостольскую в своей пастве стежа ¹²³¹ : веруем же Богови, яко сия вся без мятежа, и неповижна, и непреложна от всех возблюдутся христиан яже в Руси. По временном же митрополитом, святые митрополии киевские и всея Руси преемником, благородным, и благоверным князем, и всему православию, якоже являет яже к Богу правая и здравая и нелестная истинная веpa, иже ко святой Божьей церкви великое повиновение, исправление, долг. Аще же кто обрящется, ныне или на прочая, непокорив и бесстыден, аще же и грабежники ¹²³² и хищники, и дерзнет двигнуть сия, яже уставихом, или восхочет ¹²³³ возложить руку от данья чести ¹²³⁴ архиепископии суздальской, или реченному пастырю и предстателю, или честь церкви той apxиепископия отьять, ли отторгнуть ¹²³⁵ церковное от предела ее: и оттуда своей души беду ¹²³⁶ происходатает и Божьей церкви раздор и мятежи такой разум того человека. Смирение наше от Бога отместье и в нынешнем веке и в грядущем тягость отлучения страшного на нь полагает, яко да от всех содержатся ¹²³⁷ и соблюдутся cии ¹²³⁸ , яже зде рекохом, неподвижно и немятежно, добре, Божьей благодатью, от нас [и] вселенские Христовы церкви явления ¹²³⁹ , предложенные и проповеданные. Яко же убо отлучения положихом тягость на непокоривого оного и хищника, тако же и молим Бога о споспешествующих и помогающих и здействующих сему нашему доброму оставлению, яко добрые о чти ¹²⁴⁰ церкве Христовы [и] о благочестии ¹²⁴¹ поборницы подвизающеся, яко да дарует им Господь Бог свыше вся благая, всесвятого Духа благодатью, настоящую жизнь сию неоскудную и благовременную, и вечная благая и нескончаема. Сего ради дасться боголюбивому архиепископу Дионисию и церкви его сущей, собором святым и великим, сия с печатью грамота нашего смирения, и положится в [со]судохранильницы архиепископии его, всепоминания же ради и крепости в грядущие все и вечные лета, по нем преемником его. Еще же дарует боголюбивому архиепископу сему смирение наше, яко аще восхощет архиепископии своей честные праздники сотворить, якоже зде узрить, да не имать ни от когоже забавления, ни смущения: честно бо есть и то в славу Божью и церкви ¹²⁴² его, в веки веком, аминь.