22. Ок. 1382 г. Грамота константинопольского патриapxa Нила в Псков о пошлинах, взимаемых с церковных ставленников (против стригольников)

Греческий подлинник такой же точно грамоты, одновременно посланной и в Новгород, издан Миклошичем и Мюллером в Acta Patriarchatus Constantinopolitani, t. II, р. 31–34. Славянский перевод напечатан был в Акт. Истор. т. I, № 4, по списку XVI века, в сборнике синодал. библиот. № 562, л. 326 об.–330. Для настоящего издания взят список, находящийся в хронографе XVI в. той же библиотеки № 280, л. 434–435. Здесь грамота озаглавлена: «Послание преосвященного Фило (фея патри) арха Царяграда о проторех на поставлениях» (поставленное в скобках приписано той же рукой на поле вверху текста). Разночтения списка, изданного в Акт. Истор., обозначены буквой А.

Благородные честные бояре, мужи Псковичи, сын мой посадник, и тысяцкий ¹¹⁷⁴ , и соцьский, и все дети мои и прочие христоименитые люди, подлежащей святой митрополии всея Руси, в русском граде Пскове и в пределах ¹¹⁷⁵ его обретающиеся, чада о Господе возлюбленные нашего смирения. Нарицаю убо вы в я сыны и чада, еще же и они, иже отлучишася некие от соборной церкви и христианского общения отступиша, действом лукавого беса. Уведевше убо наше смирение и ¹¹⁷⁶ еже о нас великие святые святители, божественный собор, како: некие от вас изветом благочестия, еже мнеться хранить божественные писания и священных канонов известие ¹¹⁷⁷ , отлучишася соборной апостольской церкви, все еретики мняще святителя и священники и все клирики, и прочие люди Христиане, яко се поставляющие и поставляемые [на мзде] ¹¹⁷⁸ , себя же токмо правоверных мняще. Cиe же убо мы слышавше, опечалихомся зело сердцем и внутренними поболехом о отсечении Христовых уд: каковые убо болезни и печали не хотим иметь ¹¹⁷⁹ , слышаще наша уды отсекающася от врага истины, изначала человекоубийца, борителя нашего естества? Таков бо ему нрав есть всегда: егда убо не возможет яве браться, неявленно свещевает мнящим от десные. ¹¹⁸⁰ Тако бо введе всяку ересь в церковь Христову. Понеже убо по плотнем пришествии его Христове, всяко идолослужение без вести бысть, и сице не имяше места диавол прочее покорить человеки идолослужению, с десные подвижеся браться ¹¹⁸¹ ; ибо яве не возможе прельстить, да многим покланяются богам, створи Сына Божьего тварь именовать. Тако и прочая ереси введе, изветом от десна обретая многобожия. ¹¹⁸² И убо днесь видимы в вас бывающая, да ся помалу оставят ¹¹⁸³ и от христианства и церковного священия, яже ¹¹⁸⁴ святители и священники подают людям, еже без сих не мощно коегождо спасения иметь надежды ¹¹⁸⁵ , аще паче и ангел на земле живет ¹¹⁸⁶ , и лживую сию похвалу всеет в нас и сотворит веровать, якоже убо по мзде церкви Божье поставление творить. И который лукавый демон толико их прельсти, яко таковую вещь приять? Ибо церковь Божья Христова соборная апостольская, от конца земля до конца пребывающая, благодатью и силою самого Христа Бога нашего в правоверии неподвижимо водружена крепце; и таковых в священных канонах известно пребывание и строение поставляющих на мзде, яко продающая ¹¹⁸⁷ непредаемую благодать Всесвятого Духа, с Симоном и Македонием и с прочими с духоборцами считаем. ¹¹⁸⁸ Всяко убо Христова церкви тако мудрствует повсегда; понеже убо некие суть сие нечестие действующе и дерзающе по мзде поставлять, несть убо се, несть соборные церкви. Суть бо некие тайно любы дающая, и ина безместная ¹¹⁸⁹ соделовающая, но егда обличатся, мучатся ¹¹⁹⁰ , яко от церкви осуждаемы бывают и измещемы. ¹¹⁹¹ И аще убо некие епископы суть, по мзде поставления сотворяюще, но не подобает сего ради отсещится от церкви и мнеть вся еретики, но совокупленным ¹¹⁹² быть и церкви причастником: возвестить же зле творящего епископа своему митрополиту. Аще же он не сотворит исправления ¹¹⁹³ , да казнится от нашего смирения, егоже устави Бог отца, учителя, патриapxa всей вселенной Царяграда. Сего ради пишем и извествуем ¹¹⁹⁴ вам отечески, яко ¹¹⁹⁵ своим чадам, яко церкви участию, яко самого того уди главы Христа всей церкви, престаните от раздоров и разлучений, и совокупльшеся единоумствующе прочему церковному чину, согласно славу да воссылаете [Богу]. ¹¹⁹⁶ Ибо церковь Христова в правоверии славится и в истове житии ¹¹⁹⁷ ; а еже на мзде поставление – нечестие нарицает явно. Поставляемые же многажды о себесами исторы сотворяют на cвечи, на вино ¹¹⁹⁸ , и на ¹¹⁹⁹ прочие проторы ¹²⁰⁰ , и на трапезу: таковая же не врежается сим; ибо поставлениe туне бывает, якоже рече Христос: «туне приясте, туне же и и дадите». ¹²⁰¹ Ино бо еже взимать мзды, поставления деля, ино же о нужных потребах исторы. И обретаем Господа Бога нашего Иисуса Христа, ходящу ему в многие дома, с учениками своими и достойное восприятия его ¹²⁰² , иже учаща истинному слову и богоразумию и чудеса многие сотворяюща, принимающее яже от них бываемое, и сия множицей и любочестием. ¹²⁰³ «Егда бо вниде, рече, в дом Матфея мытаря, и створи ему чрежениe велико». ¹²⁰⁴ И в дом вшедшу ему Марии и Марфы, Марфа же тщашеся о мнозе службе. И другая ¹²⁰⁵ многа такова обрящеши, Божественый же апостол Павел, от Моисеева закона приведя: «не завяжеши рта волу верхущу», таже разум божественного писания толкуя, «егда о волех, рече, родит Бог, но нас деля вся[ко] ¹²⁰⁶ глаголет». Такоже: «священия содевающие от церкви едят, и алтарю служащей с алтарем соделяются». Тако и Господь повеле еже евангелие благовествующим от евангелия жить. «Аще мы вам всеяхом духовная, велие ¹²⁰⁷ ли, аще мы ваша ¹²⁰⁸ телесная пожнем?». Многа же сице[вая] ¹²⁰⁹ хотяй обрести имать в божественном писании, *яже с разумом правым бываемая, благою совестью, ничтоже споны творит еже туне, без мзды, сотворяемое поставление* ¹²¹⁰ : яже вся разумевающе, потщитеся исправить зле бывшая. Сего бо ради посла наше смирение и великий собор боголюбивого apxиепископа суздальского Дионисия, мужа честна и благочестивого и добродетельного, и священных канонов известного хранителя, да видит вы от нас и благословит, и поучит, и накажет, и извещает, и подобное устроит и совокупит соборной апостольской Божьей ¹²¹¹ церкви, да увесте, яко отлучаясь от церкви, самого того Христа Бога отлучается. Несть им участия ни жребия ни в семь веце ни в будущем. Коей бо церкви прилезите? Ни убо и ¹²¹² латинская церкви иная вмещше, паче апостольской и отеческой веры, якоже в иные впасти тьмами epecей, и тако и cия, [е]же ¹²¹³ по мзде поставления ¹²¹⁴ , тамо и cия бывает ¹²¹⁵ : поистине отпродает церкви папа. Аще убо отлагаетеся от церкви своей виной мзды ¹²¹⁶ поставления и отсекаетеся яко еретик ¹²¹⁷ : то уже Христос днесь на земли церкви не имать, по вашему слову, и ложь есть слово оно, иже рече, яко «с вами есмь до скончания века». ¹²¹⁸ Но несть сице, не буди то. Буди же вам познавшем спасения путь и совокупльшеся с братией своей, в едином сочетании славить Бога, егоже благодать и милость со всеми вами буди. Сия же написахом от многа вмале; большее же известихом на архиепископе Дионисии: елико из уст речет вам, приимите яко наше слово. И хотим да пишете к нам, да увемы исправление, бывшее благодатью Божьей, и прославим Бога, и возвеселимся о возвращении тех и о покаянии, о немже радуются ангелы и человеки, пο Господа нашего Иисуса Христа глаголу, егоже буди всем нам получить милость и человеколюбие в сем веке и в будущем. Емуже слава с Отцом и со Святым Духом, ныне, и присно и во веки веком, аминь.