21. 1377–1388 г. Послание константинопольского патриapxa к русскому игумену об иноческой жизни

Соображения о лице патриapxa (Нила), которому принадлежит посланиe, и русского игумена (преп. Сергия радонежского), к которому оно писано, см. в Правосл. Собесед. 1860 г. Ч. I, стр. 448 и след. Ср. легенду предыдущего №.

По долгу еже восприяхом ¹¹⁵⁵ от Бога судьбами, имиже весть Бог, должно ищется от нас всем повелевать и наказать, и воздвигать всех вкупе, мирян ¹¹⁵⁶ же и иноких, на Божьи заповеди. Понеже убо честный правохранитель, о Святом Духе возлюбленный сын нашего смирения диакон Георгий вознесе нашему смирению о дружине и о совокуплении Богом, рекше иноческого жития, еже еси составил меж сицевыми мужами, идеже и ¹¹⁵⁷ самого того образа пременить удобь не может, но равен мирским людям является и образом и вещами, за невегласие земли той и дикое, яко по всему мне мнится, твоей доброй благостыни ¹¹⁵⁸ се есть исправление. Сего ради пишет и отечески наказает смиpeниe наше ко твоему благочестию и к цернецам, яже о тебе суть. Преже убо како, малые ради сласти, Божьей славы отриновены быхом, яко не сохранихом его заповедей, онамо ¹¹⁵⁹ убо оземьствованы быхом, преслушания ради ветхого оного Адама; зде же новым Адамом, Христосом и Богом, славы оной и рая получихом. Сего ради велие и благое воздержаниe и терпениe: идеже бо воздержание и пост, удобь свершается послушания великая вещь; идеже отсечение хотения своего, ту сладость места не имать, ни брашен различие; увяне бо послушания ради, се же рекше, «послушание рожает смирение», яко глаголет cия ¹¹⁶⁰ Иоанн, синайской горы наставник. Сему убо бывшу благому дару души, преже даже не начнет друченного течения и болезни ¹¹⁶¹ и трудами иноческого облещися борения, достиже яко воистину безбурное пристанище, еже есть в самого того мира мысли. Сему же свершившуся, о отцы и братия, единение чувств прилагается, повинующеся владеющему духу, души рекше и тела, в нихже и тайно служит Богу, иже о Бозе человек в сердце своем имея цветящуся любви союза, иже человека богом соделает. Темже убо не точию ¹¹⁶² о послушании и о воздержании, или о посте и неспаньи, яже суть сосуды, рекше снасть, добродетелей, потщаться подобает, но и ¹¹⁶³ отца своего и наставника игумена слушать, яко пастуха и учителя, яко самого то рекше Христа, ейже, и того единения союза и законного исполнения, рекше любви, понеже без той спастись не можем. Пастух бо и учитель поднимает бремяна ¹¹⁶⁴ послушливых, егда ученицы добре покоряются; яко бо за себя, тако и за ученики слово воздаст; аще ли ни, кождо понесет свой долг. Послушание бо есть, братия, всяко отсечение ¹¹⁶⁵ своего хотения, укреплену точию в наставников мановение, немятежно творяще, еже от Бога повелены ¹¹⁶⁶ суть, деяние и xoтениe, якоже и ¹¹⁶⁷ Господь до распятия и смерти послушал своего Отца, якоже глаголет: «не приидох, да сотворю волю мою, но волю пославшего мя Отца». ¹¹⁶⁸ Се же творя и уча, да всех привлечет к себе, да тем иже в послушании, дарует живота вечного, да постящихся ¹¹⁶⁹ венчает, да алчущих правды наполнит, да явствен будет чистый сердцем, да тружающихся и обремененных покоит, да изгнанных и досажаемых и бьеных, любве ради его, царства своего дарует вечного. Аще убо послушание велико есть и мирянам всем и тем, иже во власти ¹¹⁷⁰ суть, яко то глаголет божественный Петр: покорись человеческой твари Господа ради ¹¹⁷¹ : что же вам черноризцам, отлученным, избранным Богу за страшные обеты , еже пред Богом и пред человеками бывший от вас? Сего ради, возлюбленная братия, покоряйтесь и вы, ревнуя владыке Христу. Потщайтежеся о посте и о бдении, ихже несть честнее, и обаче черноризец образ благ всем бывающе, и образом и нравом и вещами, сокрушену и смирену имуще мысль, да добрым вашим пребыванием и добрым житием прославится Бог меж языки вами, и тъ прославит вас и наследники сотворит царствия своего, егоже уготова преже сложения мирудостойно его возлюбившим вседерзостью ¹¹⁷² душевной, и спасенные ¹¹⁷³ его сохраньше заповеди, егоже и вам обещником быть молюся благодатью Господа и Бога и Спаса нашего Иисуса Христа, егоже благодать да будет с вами, аминь.