I. Поучения о разных истинах веры, благочестия и христианской жизни

Проф. А. И. Пономарева

«Яко же в виноградех различнии плодове суть, тако и во святых церквах учения многа суть: овии милостыни поучают, а инии о смирении, вся же в един путь спасения наставляют ны божественными учении». (Измарагд, Кирил. № 1115 гл. 65)... «Яко же труба вопиюща сзывает на рать, тако же и божественныя книги почитаемы собирают на страх Божий». (Сборник, Кирил. № 1126, л. 149 об.).

В настоящем выпуске «Памятников» пред нами проходит ряд поучений, взятых из разных церковно-учительных Сборников, обращавшихся в древней Руси, от XI–XII до XVII в., и имевших назначением удовлетворять запросам церковного и вне церковного чтения, поучения и назидания русских православных людей. Литературная история их восходит, по своему началу к V–VI вв., ко времени появления греческих сборников разнообразного церковно-богословского содержания, известных в средние века под названием Σειραί, Catenae, т. е. «Цепей». Цепями такие Сборники назывались потому, что входившие в содержание их отрывки и извлечения из различных церковных писателей соединялись и объединялись, подобно звеньям одной цепи, единством взгляда, однородностью предмета и общностью основной темы. Богословская литература Византии необыкновенно богата такими сборниками. Но они разбросаны по разным библиотекам Востока и Запада и еще почти не тронуты научным исследованием, так что «время их происхождения, составители, источники, внутреннее построение, взаимное отношение многочисленных однородных цепей, значение их» – о всем этом можно судить лишь гадательно.¹ Появление подобных компилятивных сборников служило началом упадка древне-греческой церковной литературы и постепенного замирания её творчески-самостоятельного развития в средние века. Тем не менее греческие средне-вековые сборники – Катены имеют важное значение, как потому, что в них сохранилось много извлечений из таких произведений древней церковной письменности, которые не существуют уже более или остаются неизвестными, так и в частности представляют высокий интерес по отношению к древним славянским и славяно-русской литературам. Наша «Златая Цепь» древнейший список которой (Тр.-Серг. лавры, по которому у нас приведено несколько поучений) относится к XIV в., самим названием указывает уже на свой греко-византийский первоисточник. Но и другие подобные Сборники также несомненно византийского происхождения, а некоторые, как напр. Святославов Изборник 1073 г., Златоструй XII в. и др. – прямо перевод греческих катен. В первое время, такие сборники, вероятно, в готовых уже славянских переводах переходили к нам из Болгарии, у нас потом восполнялись, изменялись и разнообразились в своем составе, составлялись вновь и постепенно, в каждом новом списке, переделывались и дополнялись статьями случайно попавшими под руку и почему-либо заинтересовавшими делавшего список, и в таком случае без всякого уже конечно соображения относительно возможного единства и однородности собранного в сборнике материала. Звенья одной цепи первоначального состава Сборников, таким образом, мало-помалу неизбежно разрывались и получалась положительно масса компилятивного материала, в отрывках, извлечениях и в целых больших и небольших статьях и сочинениях, переводных и оригинально-русских, – такого материала, в котором крайне трудно разобраться, отделить свое от чужого, заимствования от незаимствований, определить что откуда взято, что представляет лишь искажение неумелого переводчика и что намеренный вымысел или переделку подлинника. Но таковы по преимуществу Сборники сравнительно позднего происхождения – конца XV и XVI в., совмещающие в себе самый разнохарактерный материал, большею частью, необъединенный никакою внутренней связью, неимеющий однородного состава. Сборники более древнего времени в этом отношении ближе стоят к греческим катенам. Для образца укажем здесь на сравнительно еще поздний – «Паисьевский Сборник», которым мы пользовались, между прочим, и в настоящем выпуске «Памятников», относящийся к концу XIV или началу XV вв. и принадлежащий Кирилло-Белозерской библиотеке (при С.-Петербургской духовн. Академии). Сборник этот (в 16 д. листа, 203 стр.) назван Паисьевским потому, что на оборотной стороне первой страницы находится надпись, неизвестно кому принадлежащая, но позднейшего происхождения: «Сборник Паисиевский». Самое надписание его: «Книга съборник починаем о Господи поучениа святых отец, благослови отче» (как это заглавие, так первые 7 стр. писаны рукою, также отличной от дальнейшего и несомненно более древнего письма рукописи). Затем следует текст, а именно... Сначала идут краткие изречения из Св. Писания, преимущественно из Премудрости Соломона и Притчей Сираха – о премудрости, смирении, страхе Божием и пр. (стр. 1–12), потом – «Слово Кузьмы, епископа Халкидонскаго, о том, что не следует свою жену называть госпожею» (стр. 12–16), поучение св. Василия о смирении (16 об.–20 об.), вопрошение Изяслава Ярославича, обращенное к преп. Феодосию Печерскому (21), того же Феодосия «о вере христианской и латинской» (23 об.), слово христолюбца и ревнителя правой веры – против язычества и двоеверия, о мирских песнях, отрывки из заповедей Апостольских и канонических постановлений и длинный ряд небольших поучений, вопросо-ответов, правил, постановлений о самых различных истинах веры и христианской жизни, сообщаемых от имени пророков, апостолов, отцов церкви. Словом, действительно, тут «собор мног» отцов и учителей веры и благочестия, научающий, как говорится в начальной вступительной статье Сборника – «разуму всему добру и страху Божию» – извлечениями и выписками из священного писания и различных церковных и святоотеческих творений, по разным существовавшим уже подобным сборникам, причем, на ряду со статьями переводными в Сборник внесены также статьи и поучения русского происхождения (напр. преп. Феодосия, Серапиона и др.). Установить какую-нибудь внутреннюю связь между этими выписками разнообразного содержания и при помощи её уяснить первоначальную мысль, руководившую составителем Сборника в подборе выписок и извлечений, равно и в расположении, по-видимому, очень трудно. Тем не менее, подбор статей делался неслучайно. Это видно из того, что в Паисьевском Сборнике нет статей возвышенного отвлеченно-богословского и философского содержания, как в Изборнике Святослава 1073 года, нет и статей исключительно монашески-аскетического характера, в роде тех, которые помещались в столь распространенных в нашей древней письменности Сборниках, известных под названием «Старчество». Напротив, по своему составу он напоминает другой Святославов Сборник 1076 г. и имеет даже общие с ним статьи. Как и этот последний, Паисьевский Сборник, судя по его составу, назначался для «книжного научения» истинам веры и благочестия грамотных людей из мирян, на что указывает и самая надпись на листах Сборника (хотя, может быть, и не современная его составителю или русскому переписчику), а эта надпись, помеченная 1412 годом, гласит, что книга принадлежит «князю Стефану Васильевичу Комрину» (с 8 стр. и далее), и другая, еще более полная подпись, указывающая, что это «книга Петрова Матвеева сына» (стр. 62 и 63). Соответственно такому назначению, в Сборник и вошли статьи, по преимуществу, религиозно-практического характера, касающиеся внешнего поведения человека, живущего в миру, и излагающие основные и самые элементарные истины христианского нравоучения и благоповедения соответственно невысокому уровню религиозного образования тех, для кого они назначены.² Такую же цель имел в виду и составитель Святославова Изборника 1076 года, и в этом отношении он послужил прототипом как для Паисьевского, так и для других подобных Сборников. В числе этих последних, самое видное место занимает «Измарагд», древнейший список которого, как и другого однородного Сборника – «Златой Цепи», – относится к XIV в. О греческих прототипах, наиболее близких с этим сборникам или даже их оригиналах, пока ничего неизвестно. Но отличительную и важную особенность их составляет то, что (особенно первого из них), в противоположность Прологу, составленному ближайшим образом для церковного чтения и употребления, – назначались они для чтения и научения вне-церковного в собственном значении это слова (хотя в них помещались и некоторые поучения из Пролога) и служили таким образом как бы продолжением и восполнением славяно-русского церковно-учительного Пролога, издание которого начато нами во втором выпуске «Памятников». Из этих-то и однородных с ними сборников преимущественно и взяты приводимые ниже «поучения о разных истинах веры, благочестия и христианской жизни» (о сборниках см. частью во вступительной статье к поучениям на св. Четыредесятницу проф. Е. В. Петухова, частью в наших примечаниях к первому отделу настоящего выпуска. В примечаниях к ним мы старались до некоторой степени осветить, с точки зрения исторической и историко-литературной, наиболее важные стороны в содержании каждого из них в отдельности и по отдельным группам; здесь же позволим себе взглянуть на них в целом и указать общие черты их относительно состава, источников, содержания и пр.

Помещенные у нас поучения составляют только незначительную часть из огромного числа поучений, рассеянных по различным рукописным сборникам, на пространстве нескольких веков, от XI в. до XVII. Мы привели только немногие из них, но такие, которыми затрагиваются самые разнообразные стороны нравоучения и жизни. В следующих выпусках мы надеемся, в связи с церковно-учительной частью Пролога, значительно расширить и восполнить свое собрание таких поучений, чтобы окончательно определился состав и значение их. Во главе нашего собрания древне-русских поучений, помещенных в настоящем выпуске, мы поставили «Стословец», приписываемый патр. Геннадию (см. об нем в примечаниях). Такое место он занимает и по праву должен занимать по отношению ко всей древне-русской церковно-учительной литературе, как прямо церковной, так и вне-церковной, по крайней мере той, которая ставила своей прямой задачей не теоретическое изучение и философски-богословское углубление в истине веры (для этого существовали переводы святоотеческих и церковных творений и самостоятельно-русские произведения в этом роде), а перевоспитание и христианское просвещение народа в духе положительных истин веры и благочестия, проведение этих истин в жизнь и быт, в народное миросозерцание и житейское миропредставление. В нем в форме кратких и точных положений, изречений и наставлений, затронуты почти все вопросы жизни, на которые так отзывчиво откликалось древне-русское церковное учительство и по которым сохранилось так много поучений. И так просто, ясно и убедительно выражены изложенные в нем истины, согреты такой неподдельной любовью к ним, таким сердечным желанием вселить, внедрить их в сердца людей, носящих имя Христово и считающих себя сынами Его церкви! Главное, на чем особенно настаивает, что особенно старается внушить составитель «Стословца», это – необходимость и единоспасительность, вместе с правою верой в Бога, – необходимость сердечной и деятельной любви к ближнему и личное самоусовершенствование каждого, верующего в Бога. Такая именно мысль проходит чрез все сто небольших глав этого произведения и внутренно теснейшим образом объединяет их. Но из этого именно начала исходила и к этой цели направляла все свои усилия наша народная церковно-учительная проповедь, образцами которой и могут служить издаваемые нами поучения, в которых на первом плане также ставится личное самоусовершенствование человека и отношение людей между собою в духе любви и мира. «Стословец» Геннадия – самый ранний и древнейший у нас народный или «начальный» катехизис, известность которого свидетельствуется множеством списков и извлечений, от XI в. до XVII, когда он и действительно был внесен в первый печатный, так называемый, Малый Катехизис.

Этим определяется значение «Стословца», как произведения церковно-учительного, по отношению к общей древнерусской церковно-учительной литературе...

Вслед за «Стословцем» Геннадия мы помещаем несколько поучений в форме «наставлений отца сыну», наставлений «отеческих», известных и очень распространенных и в Западно-Европейских литературах средних веков. Указывают на то, что образцы таких поучений даны были нам в греко-византийской литературе. Форма «поучения родителя к детям», говорит проф. Буслаев, «одна из господствующих форм древне-русского красноречия, и вошла в нашу словесность, как и прочие литературные формы, по образцам греческим» (Очерки, I, 574). Образцы греческие, конечно, были, хотя, может быть, и не совсем те, какие указывает проф. Буслаев, напр., в отношениях к Поучению Владимира Мономаха (ibid, – ср. у нас ниже, стр. 259–260, в примеч. к «Поучению св. Василия о житии сем», помещ. под № 4). Но, в сущности, это библейская общенародная форма простых назидательных поучений, образцы которой даны ближайшим образом в столь любимых и почитаемых у нас в старину книгах Притчей Соломона и Премудрости Иисуса, сына Сирахова. Наши поучения этого рода не только совершенно подходят по форме обращения отца к сыну или отца к детям к господствующей в них форме изложения (ср. Притч. Солом. 2 гл. и след., Сир. 2 гл. и след.), но и прямо-таки почерпают из богатой сокровищницы мудрых библейских наставлений – свои наставления, советы и указания. Это же нужно сказать и о всех почти поучениях, помещенных в настоящем выпуске. Некоторые из них имеют только общие надписания («поучение правыя веры» и др.), другие выдаются от имени «апостол» и «отец», некоторые же надписываются именами отцов и учителей церкви – Василия В., Златоуста, Нифонта, Афанасия и др. Но все они безусловно опираются исключительно на один источник, из которого исходят и к которому направляют поучаемых – на св. Писание Ветхого и Нового Завета, подтверждая каждую мысль, каждое наставление и внушение подлинными местами Библии и, если говорят от себя, то лишь дают простое и общепонятное разъяснение библейски-евангельского учения и, подобно названным библейским мудрецам, духом которых они проникнуты, стараются поставить и держать излагаемое и разъясняемое ими учение на почве до очевидности практической удобоисполнимости, полезности и необходимости того, что ими внушается, отвергается, воспрещается или осуждается. Вместе с этим, выдавая свои поучения вообще за «святоотеческие» или надписывая их именами известнейших отцов и учителей вселенской церкви, составители таких поучений не только указывали на неиссякаемый источник истолкования Слова Божия, из которого они с полным сознанием его величия и святости почерпали свои мысли и наставления и к которому иногда прямо и непосредственно подводили поучаемых, делая прямые извлечения и заимствования из него, – но и указывали поучаемым на тот высший идеал церковного учительства и христианского просвещения, какой поучаемые могли находить в творениях отцов и учителей вселенской церкви. С этой стороны, издаваемые нами поучения, отличающиеся, кроме того, замечательной простотой, можно сказать – полной безыскусственностью изложения, любовной сердечностью и проникновенностью тона, – представляют высокие образцы простого и отечески-проникновенного слова, и в этом отношении драгоценны не потому только, что это «памятники» родной старины, на которых созидалось наше духовное прошлое, но и как образцовые произведения сами по себе, которыми и в настоящее время и всегда с полным успехом можно воспользоваться для тех целей, для каких они назначались.

Мы уже сказали, что в настоящем выпуске мы могли привести лишь небольшое число из этих поучений, по возможности избирая из них такие, которые возможно ближе касались бы различных, наиболее существенных сторон внутреннего и внешнего христианского благоустроения человека, взятого в самом себе, в семье и в отношениях общественных. В целом своем составе, даже, напр., в двух таких сборниках, как «Измарагд» и «Златоуст», поучения этого рода касаются решительно всех вопросов христианского нравоучения и житейского общежития и по всем дают соответственные христиански-руководственные указания. Мы надеемся, в дальнейших выпусках «Памятников», продолжить свое собрание таких поучений и тогда в еще большем разнообразии они явятся пред нами, чтобы вполне подтвердить справедливость того взгляда на них, какой высказан нами, а вместе с тем во всей полноте и в частностях могут показать, чем и как древне-русское церковное учительство христиански воспитывало и просвещало русский народ, в те века, когда у нас не было еще ни школы, ни науки, когда то и другое всецело сосредоточивалось в монастыре, а единой и общенародной школой был приходский храм.

В собрание поучений о разных истинах веры и благочестия, помещенных в настоящем выпуске «Памятников», мы ввели, в заключение, Поучение Владимира М. и Послание к сыну Сильвестра, имея в виду тесную внутреннюю связь этих классических произведений нашей древней литературы с изданными нами поучениями. Профессор Буслаев первый указал на эту связь между ними и издал некоторые из помещенных у нас поучений (Рус. Вестн. 1856 г., кн. I, июль, – Историч. Очерки рус. народ. слов. и искусства, 1861 г., т. I, стр. 573 и сл.; Историч. Хрест. древне-слав. яз. М. 1861 г., стр. 293, 478 и сл.). Проф. Некрасов в «Исследовании древне-русского Домостроя». (М. 1873 г.), рассмотрев некоторые из этих поучений в отношениях к Домострою, признал их ближайшими его литературными источниками (стр. 102 и сл.), и это мнение в настоящее время принято всеми. Между тем, только в нашем издании впервые Поучение Владимира М. и Послание Сильвестра, совмещающее в себе весь «Домострой», являются в печати в связи и в освещении относящихся к ним древне-русских церковно-учительных произведений...

Еже убо имети правоверную веру, – основа добрых дел есть, тем же от веры начнеться слово веры ради твоея написати, ключ на спасение, числом сто. Господи, благослови!

1. Веруй во Отца и Сына и Святаго Духа, в Троицю нераздельну и несоздану, едино Божество, Отца не рожена Сына рожена, а не создана, исходяща, трие в единой воли,⁴ едино поклонение от всея твари, и ангел и человек, приемлюще, и превечну,⁵ пребывающю в веки.⁶

2. Оплощение (воплощение)⁷ Сына веруй, истинно суще, а не привидением, в две естестве, божество и человечество, Бога по божестве (Бога по Божеству и человека по вочеловечению).⁸

3. Рожьшюю же Его Матерь Богородицю нарецай,⁹ Деву сущю и Матерь; веруй Матерь, яко роди и воздои (вскормила Его), и Деву же, яко Девою пребысть и пребывает.¹⁰

4. Кресту Христову с верою покланѧйся, яко на томь спасение всем человеком сдела¹¹ Господь.

5. Иконе Христове и Пречистыя Его Матери и всех святых (Его) с верою честь въздай, яко к самем (как бы к ним самим) любовно в молитве глаголи.¹²

6. Святым оугожьшим Богу молисѧ,¹³ акы помощникы суща и заступникы притекающим к ним, понеже прияша дерзновение к Нему, акы оугодни раби к своему господину.¹⁴

7. Мощи же святых с верою целуи и честь въздаи, яко честным (как достойным чести), понеже Христа ради (делѧ) пострадаша.

8. Таинам Божиям веруй, и Телу и Крови Его с страхом причащайся, да причастник будеши царствию (царствоу) Его.

9. Неверьство отметай, и не рци (не спрашивай), како (бывает) тело хлеб и како вино кровь, но слыши, како ти (сказано): не възможьна от человек, а от Бога вся възможна суть (Мк. 10:27).

10. Веруи въскресению мертвых и жизни будущаго века, по неложному (по неизреченному)¹⁵ словеси Господню, еже в иеуангелистем слыши (слышиши) оучении.¹⁶

11. Помни суд, чай ответа и въздания (воздаяния) по делом, и веруй яко будеть.

12. Посем възлюби Господа Бога своего от всея душа своея, и от всея крепости, и подвигни (направляй) всѧ твоя дела и обычая правы¹⁷ к того (Его) оугожению творити.

13. Пакы же искренѫго своего възлюби, с ним же в единой купели породися (рекше, сиречь), всѧкого крестьянина (хрьстьяна – Св. Из.), паче же (вернее) брата: всхожу, рече, к Отцу Моему и Отцю Вашему (Ин. 20:17).

14. Страх Божии воину (всегда) в сердци имей, памѧтуя, яко ту сущю Бога с тобою (памятуя, что Бог всегда с тобой), на всѧкомь месте, идеже идеши или сѧдеши (седиши).

15. Страхом же Его, яко оуздою, оброздай (воздерживай)¹⁸ оум свой, въстѧзаясѧ (наблюдая за собой) во всѧ часы, да не без стѧгновения ходѧ пустошным пооучишисѧ.¹⁹

16. Поклонѧи главу свою всѧкому старешему тобе, и временем (годами) и разумом, – смереныя бо въздвигнеть (возвышает) Господь (Лк. 1:52).²⁰

17. Меньшая тебе и малыя верстою (возрастом)²¹ с любовью приимаи и милуй, и к Богу о них въздохни, акы новоначенше (как о новоначавших)²² познавати Бога.

18. Другы и своя и сверьстныя собе²³ любовью сретай, и с обѧтием (объятием) целование даи им, яко Елисавефь (Елизавета)²⁴ и Мария.

19. Кнѧзь бойсѧ всею силою своею. Несть бо страх Божии на пагубу души, но паче наоучишисѧ от того боятисѧ Бога.

20. Нерожение (нерадение и небрежение)²⁵ бо о властех – нерожение о самом Бозе: иже на власти земней видимаго бо владыкы не бояйсѧ, како оубоитьсѧ его же не видить?²⁶

21. Боитсѧ оученик оучителева жезла,²⁷ паче же самого оучителѧ; тако и бояйсѧ Бога оубоитъся и цесаря (Цр҃ѧ),²⁸ им бо кязнѧтьсѧ съгрешающии. Цесарь бо есть Божии слуга к человеком милостью и казнью.²⁹

22. Посем же всѧкому человеку (богатоу) главу свою покланѧй, смерения ради. Древо бо многоветвено поклонениемь подидеши (поклонившись подойдешь) и мимо идеши.

23. Приимшии бо власть и имение от цесарѧ (Цр҃ѧ) своего³⁰ и от дроугов своих славы требуют,³¹ а от менших покланѧния³² просят.³³

24. Простейшаго в всемь (во всем) ищи, и в брашне и в одежи, и не стыдисѧ нищетою, понеже болшая часть мира сего в нищете есть.³⁴

25. Не рци, яко богата мужа сын есмь, и срам ми есть нищетою; никто же бо богатее Христа, Отца твоего небеснаго, родившаго тѧ в купели святей и в нищете ходивша, и не имуща, где главы подклонити.

26. Правдою оукрашаисѧ и всѧкому³⁵ потщисѧ истинно глаголати; не мози, стыдевсѧ лица,³⁶ лжи послух (свидетель) быти.

27. Пред кнѧзем же паче бойсѧ лжю глаголати,³⁷ но с покорениемь истинно отвещай ему, акы к самому Богу.³⁸

28. Аще, по времени, не истинно что взглаголет ти (царь или князь), а тобе сведуще (а ты знаешь истину); блюдись, еда искушает тѧ (не искушает ли тебя) – блюдеши ли (бережешь ли) своея душа? И аще явишися не истиньствуя,³⁹ не можеши оуверитисѧ ему, яко блюдеши и оного душю.⁴⁰

29. Аще правду ти глаголавшю, в гнев впадеши от кого любо, не скорьби о том, но паче оутешайсѧ реченым от Бога: блажени взъненавидени правды ради, яко тех есть царство небесное (Мф. 5:10).

30. Кроток буди ко всѧкому человеку, и к стареишим тебе и к меншим: лицемерна бо любы,⁴¹ и болших оустыдевшесѧ, а меншая озлобити.⁴²

31. Кротко ступание имей, кротко седение, кроток взор,⁴³ кротка всѧ в тобе да будеть, – от сих бо истинный крестьянин наречешисѧ.

32. Кротость же есть, еже никому досадити, ни в словеси, ни в деле, ни в повелении, но всѧкому человеку нравы своими оугодити, ослабити (осладити) сердце.⁴⁴

33. Ум свой присно от суетных помыслов оставайсѫ (отвлекай) и въспущай (возводи) Господу ¹) горе. Сим же на стезю подвига вступавши, душю же от раслабления свобожаеши.

34. Несть дивно человеческу сущьству низъпадати к земным, но иже (еже) падшесѧ не встати; кто бо заблудив (сбившись с дороги) пути не взиска? (Так и ты: расслаблен ли есть отчаянием днесь, а (то) оутрешний де)нь отдай же (на подвиги).⁴⁵

35. Славы земныя ни в коем же деле не похощи: слава бо земьная ругаеться (угасает – Катех.) любѧщим ю; припахнувши бо человеку в мало времѧ⁴⁶ и плод добрых дел обронивши, въскоре же отшедши, посмеетьсѧ неразумью его.⁴⁷

36. Се неразумье же оубо есть,⁴⁸ еже приходящим благостыням вечьным даром благаго Бога ти не пождати⁴⁹ терпением и верою; (нъ – но) о земных обрадоватисѧ и тех приятисѧ, акы неверующему въскресению.

37. Аще бо бы слава мира сего приближиласѧ славе небесней, не быша сынове мира сего распѧли Господа славы; то кый раб дерзнет в том дому обитати, иде же Господа (господина) его не признаша?

38. Бещестье (незаслуженное) люби, акы чашю пелана (полыни)⁵⁰ приимати. Аще и притраньно (горько), ти есть, но на прогнание греховному недугу;⁵¹ ибо грех сладостью вниде, горестью же да проженетсѧ.

39. Желающия (желающему) вечныя жизни худе земьных причащающюсѧ⁵² и воину (всегда) мыслѫщю о исходе своемь, не стужить (емоу) человечьско поношение, яко бо гость пришед в мирос (в мир съ – в сей мир), стерпит бещестье господы своея, понеже оутро надеетсѧ отити.⁵³

40. Иже хощеть славен быти в семь мире, бещестья не терпить; веру же держа, бесъславье любить; помышлѧет реченое от Бога: како оубо можете веровати, от человек славу приемлюще, славы иже от иночадаго (единочадного, Единородного) и нещете (славы не ищете). (Ин. 5:44).

41. Алкоту и жажю⁵⁴ Христа ради люби. Елико бо пакость твориши телу (поскольку усмиряешь тело) и души благодать зижеши. Въздаяй бо (воздающий) суд противу (по) делом, словом и помыслом въздасть пакы и благая за мало (воздаст добром и за малое), еже его ради потерпим.

42. С мучеными Христа ради хотѫй ликоствовати, предай же тело на пост,⁵⁵ волю на попрание, оутробу на алкание,⁵⁶ сердце на крепость, кровь же, аще не на пролитье извону (извне), то внутрь исучи (иссуши) ю сухотою яди, да приимеши обетованая.⁵⁷

43. Веси, яко призывающии царѧ,⁵⁸ очищают полату.⁵⁹ И ты, аще желаеши Бога своего в дом телесный въвести⁶⁰ на свет жизни твоей,⁶¹ освяти⁶² тело постом, истреби (истощи)⁶³ жажею, оукраси смерениемь,⁶⁴ накади благооуханьною молитвою.

44. Свет оубо – свеща в храме, свет же в чювьстве молитвеный разум; ясн же оубо свет от свеща, не сущю вмесу некому (когда без всякой примеси), светла же молитва не примесна мыслей земных (когда не примешиваются к ней земные помыслы).

45. Молитвы же – душевныя пища – не отгоняй.⁶⁵ Яко жить (тужить) тело и отнемогает, пища лишаемо;⁶⁶ тако и душа, молитвныя сладости лишаема,⁶⁷ оумертвие оумное приближает(ся).

46. Храни свещю от ветра, молитвы же от лености, оукраси ю, яко невесту, монисты – бденьем и трудом, терпение(м) и милостынею; да похоть (да похоштеть) ея Цр҃ь Небесный.⁶⁸

47. Предай же хотение (свое) Богу, ведущему всѧ преже бытия человеку, и не проси воли твоей быти, – всѧкаго человека мысль о неподобных (не ползьныих),⁶⁹ – но глаголи к Богу: да будет вся (воля) твоя (Мф, 6:10). То (тъ) бо (Он) строит всѧ на ползу нам, ихже мы плотнии не вемы.

48. Въстени (постони – Кат.),⁷⁰ акы мытарь, прибегни акы блудный, оумилисѧ, акы Ахав, прослезисѧ, акы блудница,⁷¹ зови, акы Ханаоныни (Хананея – Кат.), предстой, акы вдовица, молисѧ, акы Езекыя, смерисѧ, акы Манасия; аще тако молишисѧ, прииметь благый Бог молитву твою, акы мати младенца.

49. Тайно место обрет и сед, с тихостью помѧни грех и отпадение царства (Небесного) и оумилисѧ сердцем и разумом и образом, преклони главу и рци с стенанием: ох мне, яко пришельствие мое оудалися (продолжися)⁷² и кто даст главе моей воду и очима моима слезы! оувы мне, яко близь есть день Господень!

50. Слез ли не имаши, но не отчайсѧ, вздыхай же часто и тѧжко от всего сердца: слезы бо суть дар Божий, и помалу (мало-помалу) с въздыханием и молением испросиши я оу Бога: ища, обрѧщете, просѧ приимите и толкущему отверзаеться (Мф. 7:7).

51. Обрет слезы, храни я всею силою своею. От объяденья и пьянства, паче же от осужения всѧкаго человека (оберегай себя), своему делу зазирая (зазирай), а человека, его же не созда, тому не суди.

52. Се не веруй ни очима своима (не доверяй и глазам своим), аще видиши съгрешающа кого, яко и те (очи) не верне еста; ибо и первее очи в раи Адаму соблазнистасѧ, и падение нам от взора бысть.

53. Безъгрешнаго бо есть дело, еже грехом судити (чужим). Кто бо без греха, разве един Бог (кроме единого Бога); То (Он) един не омерим (не измерим), и тому единому судити подобает сущим под мерою.

54. Иже бо имеет на ребрех язву, гноя исполнену, прыщьем чюжим негнуситься;⁷³ (так и) помышлѧя (помышляющий) воѝну (всегда, постоянно) о множьстве грехов своих, николи же о дружьни съоблазне беседы съставити (никогда не захочет из соблазнов другого сделать предмет для беседы).

55. Еже съсоблазнившюся судити (человека соблазнившегося судить) – гордость есть;⁷⁴ приточник же глаголет: Господь гордым противитьсѧ, смереным же дает благодать (Прит. 3:34). Иже бо по всѧ час (часы) ответ дати о гресех чает, то (тот) не скоро главы своея възведеть соблазн чужих смотрити.

56. Не буди город, да не хвалитьсѧ⁷⁵ гроб, гордость твою объдержа, и оубогый полудне⁷⁶ не почиеть на гробе твоемь и никоего же вреда приимет.⁷⁷

57. Червь смерен (низок) зело и худ, ты же славен и горд; но аще разумен еси, сам оуничижи гордость свою, помышлѧя: крепость моя и сила червем покоище бывает.

58. Помѧни первое прослывшаясѧ⁷⁸ в храборьстве, в богатстве же и славе, яко (как они) без вести отъидоша и беспамятни быша (не оставив по себе памяти), худии же (между тем как бесславные) и оубозии в мире сем о души своей подвигшесѧ, – како ти на небеси прославлени и на земли хвалими, и святии суть⁷⁹ и на помощь призываеми?

59. Видев мертвец несом (когда увидишь, что несут мертвеца) и яко свое естество помиловав (пожалей о нем, как о своем собственном естестве и) последуй ему (за ним) до гроба (до могилы). Двое бо благодеяниие⁸⁰ приемлеши: оного ради смерти, свое оумертвие помѧнув смеришисѧ, и пакы – тело его помиловав и гробу предав, помилован будеши.⁸¹

60. Болѧщаго посети, несый ему, его же желает вкусити, сам же послужи о немь, акы о своемь сроднице,⁸² ведый, яко и ты имаши пострадати тако же.

61. Стонюще⁸³ оному тѧжко от болезни, ты жалостныя⁸⁴ слезы испусти и вздохни к Богу о обиде⁸⁵ его (о его болезни), в ней же есть; (и атше и лечьць⁸⁶ прилучитьсѧ) ты дай же (даждь) мьзду (цену) ицеления его ради.

62. Оумирающю же ему, ты своими руками очи ему стисни (закрой) и оуста, и к Богу (о души его) от всего сердца помолисѧ, и омы рукама своима; аще и нищь (оубог) есть, попцисѧ (попецися) не нага погребсти его.

63. Зело оубо оуспешно (споспешествует) к покаянию и слезам – посещение оумирающим. Кто бо тогда не придет во оумиление, видѧ естьство свое в гробь исходѧще и имѧ его оугасше, славу же богатаго во тлю сшедшю.⁸⁷

64. Аще имееши дерзновение ко властелем и цесарем,⁸⁸ поскоръби о обидимем от сильнаго и до пота побори⁸⁹ по сироте да вменить Господь каплю пота твоего (наравне) с кровью мученическою.

65. Аще еси знаем цесарем⁹⁰ то к тем, иже имут дерзновение к нему, – потужи о оубоземь, и Господь равно первому⁹¹ се творить и вменить ти (и Господь также вменит тебе это, как и первое).

66. Приклони оухо твое к просѧщему и обнажевшему (обнищавшему) в житье сем; заплати (исполни – Кат.) своим избывающим (твоим изобилием) и оного недостаточною ризу (его нищету).⁹²

67. Взведи очи свои милостивно на седѧщая в наготе и зимою скорчившасѧ (дрожащего от стужи), понуди естьство свое покрыти одежею, лежащею оу тебе, и Господь дасть ти пакы сторицею жизнь вечную.

68. Простри руку свою скытающимсѧ по оулицам, введи (таковые) в обитель свою, и обьщь ти будет хлеб с ним, и обща чаша пития или воды, якоже Господь даст.⁹³

69. Странна введи (в дом свой), беспокровнаго (бескровного) в кров,⁹⁴ дайже мокшему⁹⁵ сухоту, зимному (иззябшему – Кат.) теплоту, омый⁹⁶ скверьну тела его, яко оубог есть зело и достоин помилования.

70. Посети сущих в темници, по Господьну велению, вижь беду (их), вижь страсть и рци: «ох мне! си за едино согрешение стражют, аз же по всѧ часы владыце моему Христу согрешаю и во лготе (легкоте – Кат.) пребываю (пребываем)».

71. Аще видиши кого от них по оклеветанию стражюща, помози ему Христа ради, яви истину, к ним же оклеветан бысть (открой истину тому, пред кем он оклеветан): иного же спасения несть ближша сущаго царѧ и вельможь разве и иже обидимыя избавлити.⁹⁷

72. Сидѧщю ти над многоразличною трѧпезою, помяни сух хлеб ядущаго и не могы (не могущих) воды принести, недуга ради.

73. Насыщая тело свое, дайже часть от трѧпезы твоея души своей, яко та честнейши телеси, – дай же душевную часть нищим, да съхранѧть ю, да егда въстребуеши, готово обрѧщеши: будет бо времѧ на исходе (в конце) и врат небесных (обрѧштет, ѥгда мъного) требовати имате (когда будете нуждаться в милости и помощи Божией).⁹⁸

74. Насыщаясѧ многоразличнаго (многослатняго – Кат.) питья, помяни пьюща теплу воду, от солнца въстопившюсѧ (согревшуюся),⁹⁹ и ту праха (пыли) нападшю от места незаветрена.

75. В богатстве сы и земных благ изобилье¹⁰⁰ имея, помни¹⁰¹ слово Аврамле к богатому: въсприял еси благая в животе твоемь, якоже оубогий злая, тем же он веселится, а ты отражеши, (Лк 16:25).

76. Възлег на многомѧгцей постеле и пространно протѧгаясѧ, помѧни на голе земле лежащаго (под единем) рубомь (рубищем) и не дерзнувша ногу простерти (недуга и – Кат.) зимы ради.

77. Лежащю ти в твердо покровней храмине, то слышащу же оушима своима дождевное множьство, помысли (о) оубогых, како лежать ныне, дождевными каплями, яко стрелами, пронажаеми, а другыя, от неоусновения (не имея возможности уснуть) седѧща, водою подъяты.

78. Сидѧщю ти зиме (в зимоу) в тепле храмине, без боязни изнажившюся (обнаживши тело), въздохни и помысли о нищих, како клѧчат (нагибаются)¹⁰² над малым огнемь скорчившесѧ, – болшюю же беду очима имуще от дыма, руце токмо съгревающе, плещи же и все тело мразомь измерзъше.

79. Духовная гони (стремись к духовному), духовная помышлѧй, а не земная,¹⁰³ ведый, яко по нетленному одеяния крещению,¹⁰⁴ вси равни суть, убозии и богати. Темже и блюди еда по земному помышлѧя (презриши) приодети оубогатаго тленною одежею.¹⁰⁵

80. В церкви Божии зовущи (когда церковь Божия зовет) на молитву, оставив дело земное кое любо, и иди со тщаниемь на душевную пищу, акы Петр и Иоан к гробу Господню.

81. Идущю ти в святый храм, еда на кого разгневалсѧ еси в коемь любо деле потщисѧ гневный облак¹⁰⁶ разгнати, да, яко солнце, осветит душю молитвенная доброта.

82. Скрываеть ти мрачный облак (как мрачное облако скрывает) солнечную¹⁰⁷ светлость, (так) и губить молитвенную красоту помнение (расположение) гневное.

83. Въступив в двери церковныя, помысли сама врата небесная прошед, и тогда всю годину¹⁰⁸ тайную со страхомь и трепетомь¹⁰⁹ стой, смотрѧ верою бываемых, и телесныма очима и душевныма, тогда и сам пременися от земных мыслий на небесная.¹¹⁰

84. Видех Христа закалаема в жертву ко отцю за весь мир (в таинстве евхаристии), аще немощен еси, помысли – плотѧн сы(сый), токмо въздев руце, и рце: слава твоему многому человеколюбью (Христе Боже)!

85. Размышлѧй¹¹¹ частая съгрешения человеческая, премьногое же человеколюбие Божие и бещисленое, еже на человечестем роде имать, како¹¹² съгрешающим нам терпить и до последнѧго издыхания, ожидая покаяния.

86. Темже варим (предварим) лице Его покаянием:¹¹³ припади, потщисѧ, припади пред Богом и всплачись пред створившим тѧ; зови милость Его, приглашай щедроты Его (проси щедрот Его), даже (пока) смерть не варить (не застигнет тебя).

87. Не рци: много согреших и беззаконовах, и не имам дерзновения, иже (яже) к Богу припасти; ни, оубо: не отчайсѧ и не прилагай(сѧ) токмо (только) согрешением отселе (отныне), – и силою всемилостиваго Бога ни имаши посрамлен быти.

88. Не ложное (не лъжьн) рекий:¹¹⁴ приходѧщаго ко мне не ижену (ижденоу) вон; по сих всех (а затем): ко мне обратитесѧ, и Аз ицелю вы (Ин. 12:40), и – не хощю смерти грешнику. Темже, дерзай и веруй, яко пречист сый приближающихсѧ ко нему очистить.

89. Аще хощеши истинное покаяние прияти, то яви деломь: аще гордости каешисѧ, покажи смерение, аще ли пьяньства, то покажи пост, аще ли любодеяни, то покажи чистоту, оуклонибосѧ от зла и сотвори добро (Пс. 33:15).

90. Токмо не ожидай, в тине греховней еда погрѧзновение приимеши, и внезапу въздъхнеши,¹¹⁵ и не будет послушающаго, егда ангел Господень, не пожидая, пред очима ти станеть, врази(же) твои, яко облак покрыются (– тя, – покрыют тя).

91. Внимай души своей (подумай о душе своей), яко едина ти есть, и едино времѧ живота, и не доведом (не ведом) конец, и непроходна пучина въздуха и враг твоих исполнена, несть же помагающаго, разве и добрых дел, – темже всею силою взищи их.

92. Въступи на добродетелий стезю, пойди скоро, даже вечер не постигнеть, потщись ко вратом небесным (града Вышнего), ни въскланѧйсѧ ни налево, ни направо, да не заблудиши в пропасть (в пропасти) мучения.

93. Епископом и попом (пастоухом) Христова стада, пастухом словесных овец, главу свою покнѧй и припади к ногама их, и моли, да дастьтися (дастся) благословение от них (благословение Божие – Кат.).

94. Прозвутера (прозвутеры) же, иерея Христовы, предстателѧ тайней его трѧпезе и дробителѧ телу его, всѧкою честью почести я и со страхомь взирай на нѧ.

95. Такоже и дьяконы (иподьяконы), анагносты, акы служителѧ Божиѧ,¹¹⁶ с верою помышлѧй, и тщисѧ ни единому их ни в чем же прегрешити (оскорбити – Кат.).

96. Аще оубо стоящих пред цесаремь¹¹⁷ чтиши с страхомь, бояйсѧ и словом пререщи¹¹⁸ им, како оубо не разумееши о слугах цр҃ѧ небеснаго?

97. В манастырѧ же, в дому (в домы) святых, потружайсѧ дойти, вижь житье их и строение, и чин и оустав, – видев бо пребывание их, окаеши (осудишь) свое житие и оуправишисѧ оттоле (и оттоле начнешь исправление).

98. К сущим (же) в горах не ленисѧ дойти, ищи молитвы, взищи благословения, и аще что имееши телесныя потребы, донеси им (и) приимеши душевную пищю (потребоу).

99. Паче же всего черноризца (всякого мниха – Кат.) не тщисѧ минути бес поклонения, аще бо знаемым точью поклонишися и говееши им, то по сдружению (съдроужию) то есть, а не по честе (чьсти, чести) образа, сущаго на них.

100. Конець же всем прежереченым: взлюбиши Господа от всея душа, и страх его да будеть (да пребывает) в сердци твоем, прав (праведен) буди, истинен, смерен (кроток, покорив), очима долу поничин, а оум к небеси простирая, оумилен к Богу и к человеком приветлив, печальным оутешитель, терпелив в напастях и нищете, щедр и милостив, нищим кормитель, страньноприимьник, скорбен греха ради, весел о Бозе, алчен буди и жаден, кроток, не славохотен, не златолюбець, но друголюбець, – не горд, боязнив пред цесарем, готов в повелении его, в ответех сладок, часто молитвеник, разумен, трудник к Богу, не судѧ всѧкому человеку, поборник (попьрник) обидимым, нелицемерен (и будешь чрез все сие) – чадо въскресения, сын Евангелия, наследник будущаго века о Христе Иисусе.

Страх божии имеи в сердци въину и память акы ту суща бога с тобою. на всяком месте. идеже идеши или сядеши (14).

Страхъмь же акы уздою обръти ум свои и въстязаися по вся часы. да не без въстягновениа ходя пустошьныим научишися (15).

Простейшаго в всем ищи. и в брашьне и в одежи. и не стыдися нищетою. понеже больши часть мира сего в нищете есть (24).

Не рьци яко богата мужа сын еси. и срмь (срам) ми есть. никто же богатеи Христа. отця твоего небеснаго. родивъшагося в купили святеи и в нищете же ходивышы (=оу) и неимущему кде главы подъклонити (25).

Правьдою украшаися. и к всякому тъщися истиньно глаголати. не мози устыдетися лиця. льжи послух быти. яко губить господь глаголющая льжю. но с покорением истиньно отвещаваи (26).

Уне бо есть человеку от истины пользу приемлющю. възненавидену быти. паче нежел (и) от лицемерия врежену. и възлюблену быти.

Възненавиденыя бо бес правьды въздвигнеть. възлюбленыя же в суе уничьжить. клеветьници бо бывають без испытания верьни.

И аще правьду ти изглаголавшю. и в гнев въпадеши от кого любо. не скръби о томь. нъ паче утешаися, реченыим от бога. блажени възненавидении правьды ради. яко тех есть царствие небесьное (30).

Кротък буди к всякому человеку. и к стареишему тебе и к меньшему. лицемерьная бо кротость еже больших устыдевьшися. а мьньшая възлюбити (30).

Кротъко ступание. кротъко седание. кроток възор. кротъко слово. вся си в тебе да будуть. от сих бо истиньнии крьстьяни явишася (31).

Кротость же есть. еже никому же досаждати. ни в словеси. ни в делеси. ни в повелении. но всякому человеку нравы своими осладити сердце (32).

Славы земьныя ни в коемь же деле не похощи. Слава бо земная ругается любящим ю. припахнувши бо в мало время человеку яко буря ветрьная. и плод добрых дел обронивъши. в скоре же отшьдъши. посмееться неразумию его (35).

Беществие люби акы пелына чашю. и приими е аще притрано ти есть. нъ на прогнание греховьному недугу. иже бо грех сластию въниде. горестию да проженеть (33).

Желающему вечныя жизни и худе земныих причащающеся и въину мыслящюся о исходе своем, не стужить поношение человеком. яко гость пришьдъши в сь мир сътьрпить бещьствие господы своея. неже утро надееться отити (39).

Иже хощеть славьн быти. в всем мире. тъ веселиться. а ты стражеши (40).

Възлег на многомякъцеи постели и пространо протягаяся. помяни наго лежащаго под единем рубьмь. и не дьрзнущю ногу своею простьрети зимы ради (76).

Лежаща ти в твьрдопокровьнеи храмине. слышащю же ушима дъжевьное мочьство. помысли убогых. како лежать ныне дъжевьныими каплями яко стрелами пронажаеми. а другыя от неусновения седяща и водою подъяты (77).

Седящю ти в зиму в тепле храмине. и без боязни изнажившюся. въздъхни и помысли. в онех нищих. како клячать над малым огньцьмь съкърчьшеся. большю же беду очима от дыма имеюще. руце тъкмо съгревающе. плечи же и все тело мразъмь измьрзъше (78).

Церкви божии зовущи на молитву. остави дело земьное кое любо. иди на душевьную пищю с тьщанием. акы Петр Иоан к гробу (80).

Идущю ти в святый храм. по(мы)сли. еда на кого разгневалъся еси. в коем деле. и всяко потъщися. гневьныи (о)блак разгънати. да яко осветить душю молитвьная доброта (81).

Не рьци много съгреших. много безаконьновах. и не имам дьрзновения еже к богу припасти. ни убо не отнечаи себе. и не прилагаи тъкмо от селе к съгрешением. и силою всемилостиваго бога не имаши посрамлен быти (87).

Аще истиньно покаяние хощеши прияти. то яви делъмь. аще гърдостию каешися покажи съмерением. аще пияньства покажеши пост, аще любодеяния. покажи пост. уклони бо ся рече от зла и сътвори добро (89).

Епискупом и пастухом. Христова стада словесьных овьц. главю свою покланяи. и припади к ногам их. и моли да дасть ти ся благословение их (83).

Прозвутеры и ерея Христовы предъстателя таин его тряпезы. и дробителя телу его. всякою чьстию почьсти и с страх (мь) възираи на ня (94).

Коньць же всем прежереченыим. възлюбиши бога от всея душе. и страх его да пребудет в сердци твоем. прав буди истиньн. съмерен кротъко покорив, долу понича (очи). ум же к небеси простирая. умилен к богу. и человеком приветьлив. и печальнаго тешитель. тьрпелив в напасти и нищете. щедр. милостив. нищекърмьник. страньноприимьник. скърбьн греха ради. весел о бозе. алчьн буди. жадьн. кротьк. не словохотьн. не златолюбьць. не гърд. боязнив пред царем. готов в повелении его. в отъветех сладък. частомолитвьник. разумьн. трудьник к Богу. неосудитель всякому человеку. попьрник обидимыих. нелицемерьнь. чадо евангелия. сын въскресения. наследьник будущая жизни. о Христе Иисусе Господе нашем. ему же слава и чьсть и покланяние в векы веком. аминь (100).

Чада моя милая, первое имейте веру праву к Богу, Отца и Сына и Святаго Духа, потом же в послушаньи (пребывайте) святых Его апостол и святых отец, иже пострадаша Христа ради во всѧ дни живота своего. А ослушания блюдитесѧ, да не погибнете, яко же бе погибл первозданный Адам Евгою ослушавшеся Бога. Любовь же имейте ко всем ладну, и к богату и ко оубогу, и к нищим и к бедным, и в оузах страждующих, яко же и Христос ко всему миру, не избирая, дая нам весь образ собою; приде бо Сын Божии и родися в вертепе от Девыи (Девы), милостивый Господь, нас ради, с человекы поживе и крещение прият, греха не имея, и преобразисѧ свет оуверенья ради нашего, и свѧзан, и в темницу затворен бысть, нам повелевая в таковой же беде не стужити си (стужити – скорбеть); но и на кресте распят бысть, нам все к спасению стварѧя, и в гробе полежа, греха не имый, и воскрес, изводѧ ны на свет, и на небеса взыде, велѧ нам въсхитити ся (вознестись),¹²¹ по Апостолу, в сретенье. Все же то створи любовью и верою, да наоучить ны собою хитростью¹²² к спасению, хотѧ ны спасти от мукы в преидущий век.

Господи, благослови, Отче!

Лепо есть всякому¹²⁴ человеку имети паче всякого¹²⁵ житья да не загараеться зело о житийскых имениих да не тужить взирая на Господа. пекущагося им.¹²⁶ оудобрение нраву.¹²⁷ телеси оудручение. гласа смерение.¹²⁸ ядение и питье бес клича¹²⁹ с въздержанием.¹³⁰ пред старци молчание. пред мудрейшими молчание и¹³¹ послушание. с подобными¹³² любовь имети. с меншими любовное сочтание и наказание.¹³³ плотьскых любосластных вещии¹³⁴ бегати. мало глаголати а боле¹³⁵ разумевати. не дерзу быти словомь.¹³⁶ ни пререкати в речех.¹³⁷ не скоро в смех въпадати. соромѧживу быти.¹³⁸ очи долу имети а душю горе.¹³⁹ не отвещевати противу. не роптати.¹⁴⁰ послушливу быти до смерти. тружатися рукама. помнити всегда¹⁴¹ страшное судище и второе пришествие Господне¹⁴² и день смертный. о надежи¹⁴³ радоватися и молитися непрестанно. при всем Бога хвалити при добре и зле.¹⁴⁴ в скорбех терпети зело.¹⁴⁵ ко всем смерену быти к велим же и малым.¹⁴⁶ величанья не навидети.¹⁴⁷ говеину быти. блюсти сердце от злых помысл. сбирати имение на небесах, закон хранити.¹⁴⁸ любити Бога всем сердцемь своим и ближнѧго яко и сам сѧ. самому себе испытати о помыслех по вся дни и о делех. не оплетатисѧ житиискыми¹⁴⁹ и лихими речьми. не искати жития ленивых. но токмо подражати жития святых отец. радоватисѧ с исправльшими добронравье.¹⁵⁰ не завиди никому же.¹⁵¹ (с) стражющими¹⁵² страдати. с плачущими сѧ плакати.¹⁵³ осужену быти а не осужати. ниже поносити обращающасѧ от грех своих, николи же себе права¹⁵⁴ творити. но грешьна собе¹⁵⁵ имети пред Богом и человекы. оучити ненаказанныя оутешати маломочныя¹⁵⁶ служити больным. ногы святых странных омывати. братолюбью прележати.¹⁵⁷ странна въвести в дом свой. накорми напой одьжи (одень). нища и оубога не презри.¹⁵⁸ с единоверным мир имети. еретик человек отвращатисѧ. книгы преданыя почитати, а в кровьныя (съкръвеныя – сокровенные, отреченные) отинудь не приникати.¹⁵⁹ о Отце и Сыне и Святом Дусе не пытати. но единосущную Святую Троицю с дерзновеньемь проповедати.¹⁶⁰ крещатисѧ есть лепо яко же прияхом. веровати яко же жити.¹⁶¹ не клѧтисѧ именем его отинудь. не даяти сребра своего в лихву ни иного. ничто же на оумножение пища. от пьяньства и от печали житья сего бегати. не беседовати луками (лукаво) отинудь. ни о ком же глаголати и никако же в сласть¹⁶² послушати клеветника. но все с испытаниемь. никому же (скоро) веры яти. не томитисѧ гневом, не быти держиму похотью. не без ума гневатисѧ на ближнѧго. солнце не зайдеть о гневе вашемь. не держати гнева ни на кого же. ни¹⁶³ въздати зла за зло. ни клеветы за клевету. паче же всего похулену быти а не похулити. обидиму быти а не обидети. не отщетитися и не отщетити.¹⁶⁴ паче же всего достоить человеку въздержатися от бесед женьскых.¹⁶⁵ и от меду питья.¹⁶⁶ мед бо и жен (жены) развращаеть¹⁶⁷ и смысльныя. в заповеди не стужитисѧ. но мьзды и похвалы от него чаяти и вечныя жизни желати и прияти. имети¹⁶⁸ Бога пред очима всегда.¹⁶⁹ и яко рабу боятися и работати¹⁷⁰ ему. и яко сыну от всего сердца и крепости и разума любити Бога. и сумнисѧ и служи Ему со страхом и трепетомь спасение себе сдевати (съдевати – содевати). духомь горети и тещи не ленѧщеся. ополчену¹⁷¹ быти в оружье Святого Духа и боротися со врагомь в изнеможение (в изнеможении) плоти. в нищете душа. и все повеление творити и непотрьбна себе глаголати. благодарити Бога. и ничто же¹⁷² с завистью творити (и человекооугождения бегай). зане Бог расыпа кости человекуоугоднику. и не хвалитися отинудь. ни похвалы себе глаголати. ни иному хвалѧщю послушати. в таине все творити (и не на видение человеком творити). но токмо от Бога хвалы и милости просити. помышлѧти от соуда¹⁷³ пришествие. приготованая благая праведником. такоже оуготованый (огнь) дьяволу и ангелом его и непокоривым правде по всему. апостольское слово помнити. яко не достойны страсти сего времени, и прѧмо в будущим в Бога глаголатисѧ.¹⁷⁴ и с Давидом рещи (глаголати). хранѧщимь заповеди Его въздание много и веньци праведнии и вечнии крови (кровы). жизнь бес конца. радость неизглаголаная. Отца и Сына и Святаго Духа с цесари и патриархы. с пророки и апостолы. и мученикы. со всеми оугожьшими с ними же обрести милость потщимсѧ о Христе Исусе Господе нашем. Ему же слава в век (ныне и присно и в векы веком).

Господи благослови!

Придите, братие и сестры, придите, малии и велиции, придите, попове и оучители правыя веры! Придите и послушайте не пустошных басний, но правыя веры оучения: си (не) на вред души, но на спасение, и на погыбель бесомь, и на прогнание грехомь. Почну же глаголати не завито (не витийственно), ни покровно (в притчах, аллегорически), да всяк начнет разумети. Братие! Первое, – приимьше святое крещение правы веры, потом наоучимъся боятись Бога и творити волю Его. Что же есть волѧ Божия? Сам Господь рече: «придите ко Мне вси тружающиисѧ, аз покою вы» (Мф. 11:28). То есть волѧ Божия, еже есть речено нам на спасение: кланѧтисѧ Святей Тройце: Отцю и Сыну и Святому Духу, и Кресту Честному и Святому Воскресению Тридневному, и Матерь Божию славити, яко тою бысть спасение всему миру, – и всем силам небесным, и всем святителем покланѧтися и целовати любезно, чистою верою и добрым житьем живуще, неприменьными делы добрыми втораго пришествия чаяти со оупованием еже на Бога, – а на ино ни на что же не надеятисѧ, но толико на добрая дела, в них же нас смерть постигнеть. Что суть дела Божия добрая? Се суть душевная дела добрая: кротость, смерение, послушание, доброоучение, покорение, легкосердье (незлобие),¹⁷⁶ безъгневье, милость, любовь, немногоглаголание, покаяние и прочая: поклон,¹⁷⁷ пост, милостини, молитва, въздержание от похоти плотьскыя, неленость, бодрость, неспание, не на мѧкце (не на мягком) легание (лежание), коръмлѧ не сладка, одежа не хупава (не изысканная),¹⁷⁸ храми не красни, – покаяния и прочая добрая дела, без тех бо нелзе быти никому же верным. Милостивии приимут от Бога много добра, а молебници (молящиеся) имуть с Богомь беседовати, а покаялници (кающиеся) в раи входити, а кротции наследѧт землю.

Се же слышавше, братие и сестры, почнем тако творити, а не внидем с погаными в муку. Покаявшеже сѧ, молим Бога, а не отчаемсѧ, аще есмы и велми грешнии; но понеже рече Сын Божий: не бойсѧ, малое мое стадо, аз вам испрошю оу Отца моего спасение (Лк. 12:32). Что же есть малое мое стадо: крестьяне – покаялници, верьнии, кротции, послушливии, молитвеници и богобоязъливии, – тем ти имѧ (потому называет...) малое стадо, понеже писание глаголеть: много званых, а мало избраных (Лк. 14:24). Кто суть званыи кто ли избрании? Се суть звании, иже пришедше к крещению, – а иже добреи в церквь пришедше, не стоят со страхом (схрахом), ни пенья слушають, и с гневом все створше, – то суть мнозии звании. А се избрании: пришедше в святое крещение, и добре живуть в благобоязньстве, в кротости, в послушаньи добраго оучения, без гнева всѧ любѧще и милостыню творѧще, просто рку (говоря вообще), все доброе творѧще, – аще ли съгрешают, но в покаяние пришедше, спасуться, – потерпивше добре, в церкви стоять со страхом, то суть избрании. Се буди ведомо: мужску полу подобаеть прити в покаянье (на исповедь) девяти лет, а женьску полу до семи лет, – понеже писанье глаголет последнему сему веку, яко не обрѧщеться в тысѧщи девиць едина девица чиста семи лет сущи; да того ради подобаеть Христовым овцам ходити оу пастуха, да не пришед волк возметь овчати Христова, – не сущю ту пастуху, рекше – попови и оучителю. Овци же суть крестьяне, а волк – дьявол. Аще ли тако не покаявшеся оумруть, то лучьше сѧ быша не родили. Всѧк бо человек грешен есть, – оувы мне! оувы мне, яко аз паче всех человек грешнее есмь, – но токмо един пречист и пресвят! Слышите вси вернии и сверъшении оумомь: аще кто имать дети, или рабы, ведите и҃ в церковь, и в покаянье, и добро творите, и оучите, и сами ся учите добро творити, – не токмо дети, но и рабы, якоже Аврам творѧше. Аще ли не творите тако, то суд зол приимете за них в день судный; аще ли научите я, то не токмо тех спасете, но и сами будете спасени: якоже кто сотворит и научит, то велик наречеться в царствии небеснем. (Мф. 5:19). Да се слышавше, братие добри и оучители, не престайте оучаще верныя добру разуму, покаяния образы дающе, а не мудрования възношение, – еже есть всего горее себе мнети, а не всех быти хужешю, еже есть всего луче, – якоже есть писано: възносѧйсѧ смирится, а смерѧйсѧ – възносется (Мф. 23:12; Лк. 14:11). Послушайте, любимицы и честнии попове, яко аз многогрешьный слышах, яко друзии попове не приемлють многогрешнаго человека в покаяние, – то таковии несмыслении затворѧють от человек Божие царство; про тоже и самем будеть затворено. Не токмо же тако, но и суд зол обрящуть – Сам бо Господь рече: не придох праведныих призват, но грешных на покаяние (Мф. 9:13). Приимшим же покаяние какого-любо человека – сицю заповедь дата (дат) маломощным и неразумным¹⁷⁹ а богобоязнивым велику заповедь дата (д҇а): потерпевше добре болшее спасение приимуть, – а многогрешным, рекше – невежам малу заповедь дата (дат), да не стуживше, сии отъчая погибнуть.¹⁸⁰ – Сице же подобаеть оучителю оучити люди добрым делом, а самому все добро творѧще: первое – внити в церковь, гнева не имуще ни на кого же, стояти со страхом и послушанием, не всклонши ни на чтоже, ни беседующе, ни глумѧщисѧ, но внимати с разумом поемое и чтомое. А се, егда пьють (поют) в церкви, при том пеньи не подобает себе пети ничтоже, аще ли ни своего чисто (что) отпоет, ни послушающих добре отслушаеть, но отпети собе перед или апосле. Всем же верным крестьяном, – вежам и невежам, попом и простьцем, – держати пост,¹⁸¹ и поклон и милостыню (молитву?) и пенье (пеньє)¹⁸² нелицемерное в таине, идеже не видить, никтоже не слышить, но токъмо един Бог, в малей церкви, еже есть келья своя ти, – ту есть лепо; а в велицеи церкви пети и кланѧтися до земли,¹⁸³ то есть, не все за сѧ, но третья (гꙗꙗ) часть за сѧ, ано (ино?) все за крестьяны и за кнѧзѧ. Вернии бо человеци, в своей клети Бога молѧще, кланѧются за крестьяны и за кнѧзѧ. Не ти единии задушье емлють, но и богатии.¹⁸⁴ Тако бо велить писанье: «аще Бога молиши за друга, то и за сѧ». Молѧщагосѧ приемлеть Бог. Аще ли то ни, яко же рече Господь: любите врагы ваша, и добро творите ненавидящим вас, и молите за творящая вам напасть (Мф. 5:44). Послушайте, любимици! како (как, если...) ти велит Бог молити за ненавидѧщих вас, колми (то тем более) за любимыя? – Подобает же себе пети неоумеющим грамоты, сице им пети: святый Боже, – три (трижды); – пресвятая Троице, Отче наш, Господи, помилуй нас. А оумеющи, аще не поют, то ти лишаються света Божия. Свет бо есть почитание книжное, егоже лишивъся безумныи, яко во тме ходѧ, погибнуть. – Заутренѧя же наречеться конець нощи, а вечернѧя – конець дни, а третий час, и шестый, и девятый – причатаеться к прочим часом, их же есть дванадесѧть дневная, а дванадесѧть – нощная, – то же все правѧть честьнии черноризци. Ти бо нарекуться земнии ангели, а небеснии человеци, наставници нашему спасению. Аминь. – Мефимон же наречеться печать и замок святыя Троица, Отца и Сына и Святаго Духа, а ключ – честный крест, – сице рци отмычюче: Господи, Иисусе Христе, Боже наш, помилуй нас, аминь. Аще, братие, этемь замкомь замычеться кто, и тем ключем отмычеться, то не покрадом будеть духовный дом; аще ли темь замкомь не замычеться, то, влез дьявол, окрадеть душевный дом, и будуть человеку тому последнѧя горши первых. Да не можем, братие, лишитися преже глаголаннаго пенья, и добрых дел не лишайтеся, – да токмо дьявола победим, но и жизни вечней причастници будем. Повеление Божие тлаголеть: пению – времѧ, молитве – час,¹⁸⁵ а не яко блѧдословци (пустословы, лжецы) глаголють. Не отлагайте свет заоутрени, ни тма вечерни, но все повелено во оуставная времена творити, – токмо ангели Богу служать непрестаньно, литоргия же подобаеть литоргисати в третий часа, в третий бо час отварѧються врата небесная дароносивыим ангелом. Аще бо кто опоздить литоргию, то дароносивии ангелы, въземше честьныя дары, и ждуть же оутренѧго дни третьяго часа, а того кленуще.¹⁸⁶ А зло есть, братье, от человек приимати клатва, а же от ангел? Якоже бо Паоул глаголеть: проклѧт, иже не пребудеть в всех писаных. И Давид глаголеть: блаженни взискающе сведения. И Соломон глаголеть: взищите премудрости, да пожеветь, исправите в сведеньи разум, – рекше: заповедь добрых послушаний, кротость, подвиг – все то можете исправити. Богу нашему слава в век.

Господи, благослови, Отче!

Ангел Господень написаеть слово от Господа ко мнѧщим ся крестьяном, а страха Божия не имущим (глаголя сице: горе человеку тому), иже гнев имея на кого, ли (или) сваривсѧ, ли бивсѧ (с кем), ли зло створив кому, или на кого зло (каково) сердце (в сердце) имея, а не простивсѧ (с ним) и мира не приим с непокорениемь, то (а) идеть в церковь Господню, противсѧ верным и кроткым (человеком), им же наследити землю покойну; ти (или аще) несуть (несет) проскуру или свещю, или ино что, или дору (антидор) ¹) и ест или евангелие целуеть: муце вечной достоин есть, и смоле присно вгорющей (кипящей), и огню негасимому. Горее же того есть и прагорее (и вельми горее) и оубиства оубиственее, и душегубья душегубьнее, и ереси еретичьствие, и всѧкоя пагубы пагубнее, – егда кто приступить к пречистому и святому комканию (к пречистому Телу и Крови Христове),¹⁸⁸ гнев держа, или сваривсѧ, или бивсѧ, или кого оклеветав, или кого свадив с другом, или поминаниемь коея злобы (или помня зло на кого): неизмилимый (неумолим) суд обрѧщеть (таковый восприимет), и бес памяти (милости) вечную муку: горее жидов и еретиков такова (таковому) мука будеть; луче (лучше) бы сѧ ему не родивше (не родитися).¹⁸⁹ Аще ли есть вежа, али невежа, рекше – дьяк или чтец, или чернець, или ерей – о горе, и горе таковым, и прагорее всех грешных! Боле мука таковым, егда¹⁹⁰ бо кто недостойно приступить к пречистому телу и к честней крови Сына Божия, вземлющаго грехы всего мира, а (и) слышаще, еже рече: «воньми, святая святым!» Чюеши ли, кой есть достоин, и то ли недостоин, то есть – вонмим, а еже святая, а то комкание, а еже святым – рекше – достоин (достоиным) верным; а еже недостойне приступить, тогда преисподнѧя и превышнѧя небес въстрепещють (потрясутся) от страха Вседержителева, всѧ самомысленая (мысленая) воиньства оужаснуться со страхомь (страхом одержима бывают), видѧще человечьское неподобьство и всѧку неправду. Доселе ангелова повесть, – сказа нам святый Васильи. О Христе Иисусе, Господе нашем.

Подобает убо всякому християнину чисто жити и вся с разсмотрением творити, да не вотще труд наш будет, в неведении кто нас погибнет и ослабеет; но будем вси ведуще что угодно есть Богу, да неосужени будем. Что бо иже ся постим, а без исправления, то что успеем? Удержание ли брашен пост глаголется, или удержание похотей? Аще бо от брашен удержимся, а телесных похотей не удержимся, то ни малы ползы сотворит нам жестокое воздержание от брашен, а плоды творяще злобны; аще бо и попел зоблем (если и пепел будем есть),¹⁹² злоб не останемся, то не можем спастися; аще бо от хлеба удержимся, а гневаемся и завидим,¹⁹³ то зверю подобни есмы. Той бо не яст хлеба, но плоть яст; тако и мы: гневом и яростию и завистию снедаем друг друга, и братию свою клеветою. Аще хощеши воздержатися от мяс и рыб, то первее останися гнева, ярости и гордости, клеветы и зависти, обиды и татбы, пияньства (пьянство) и блужения и всякоя (всякыя) злобы; тогда (то) не будем зверю подобни, аще сих останемся, и святым уподобимся добродетелми (добрыя дела творяща), неправды удаляющеся. Аще кто пития не пиет и мяс не яст, а злобу держит, таковый пущши (пущи, пуще, горший) есть (еста) скота: скотина бо не яст мяс и вина не пиет; аще ли кто на голе земли легает (лежит),¹⁹⁴ а мыслит злое, ни тако ся хвали: и скот бо не требует постели. Но да оставим, братие, телесныя похоти, да не будем скотинному телеси подобни, но духовных дел плоды творяще, и будем подобни ангелом, и со святыми получим жизнь вечную. Не того бо ради Бог нас сотворил, да скотски поживше в вечныя муки внидем; но мало зде в веце сем пребывше воздержанием и пощением и чистотою, поклонянием и милостынею, паче же любовию и смирением, покорением и братолюбием. И тако поживше добре приидем в вечную жизнь, яже обещал есть нам прияти соблюдшим заповеди Его. Темже не лститеся (не надейтесь достигнуть вечной жизни), братие, вдающеся житию сему (в сем житии) пищи и пьяньству; многих бо красота мира сего погубляет, прелщает же слава, и многи во адскую глубину сводит, от нея же избавит ны Господь Бог творящая заповеди Его и ходящая в воли Его, Ему же слава, ныне и присно и во веки веков.

(Слово некоего отца к сыну своему, слово душеполезно. Господи, благослови)¹⁹⁶

Сыну мой, чадо мое, приклони оухо твое и послушай отца своего, светующаго ти спасеная.

Чадо, приближи разум сердца своего и внуши (внемли) глагол родивъшаго тѧ: не сут (суть) бо на пакость (на вред) души твоей, но аще разумьно приимеши я, то царствию небесному вожь (вождь) ти будеть.

Простри (разверзи) сердечный съсуд (сосуд) да накаплют ти паче (слаще) меду словеса, могущая тя оживити и бесмертна явити тѧ.

Но о чем первее начну казати (научать) тя, сыну мой?

Что ти первое явлю? Мѧтежь ли или злобу света (века) сего, житье ли благоугодно и спасено? Но паче бо и мало помыслити, о чадо, от Адама, праотца нашего, до сего нашего века – колико человеком множьство (много множество) бысть на земли и вси (оумроша и) беспамѧтни быша, едини же от них памятни быша и просияша на земли и на небеси, иже по заповедемь Божиим ходиша и дни своя ижьжиша, и к единому вышнему (Богу) взираху, иже кротостью пожиша и в добрословьи оуста своя оучиниша,¹⁹⁷ иже мало света сего причащахусѧ, всю же свою мысль и все свое хотение в бесмертное житие оуправлѧху, и о томь единомь въздыхаху и моляху воину (выну) Бога, яко достойным (Его) явитися.

Тем же (и ты), чадо мое, изволи (возжелай) себе тех житье (поревнуй житию их) и тех правы (нравы) и путь приими, и поревнуй делом их; взищи коимь путемь идоша и коею стезею текоша, да в царствии небеснемь постигнеши я, и с ними взрадуешисѧ радостью, ея же в житьи семь несть. Потщисѧ по них и взищи их, иже я доправиша (и взыщи тех, иже праве пожиша). Кротость бо я доправи, и смерение, и благ смысл, покорение и любовь, милостынѧ же и доброутробье (добросердие), мир ко всем ладно¹⁹⁸ (равно, одинаково), к малым же и к великим. Ти оубо нрави доведоша их (тамо), амо же по всѧ дни желаху, тех бо зде взискаша (обретоша) и яшасѧ двердо (твердо) за рукы их (за ня, – и крепко держась за руки их), идоша в неразрушия (неразрушимые) храмы (кровы) вышьнѧго Иерусалима. Тех нравы и ты, чадо мое, взищи со всею силою (любовью) и со всею крепостью, яко же можеши. Нас (в нас, – среди нас) бо ходѧть и несть кто их приимый (приемля их), и несть иже бы я (их) ввел в дом свои телесныи и душевныи (телесне и душевне) и покоил я в воли своей.

Чадо, буди понижен главою, высок же оумомь, а очи имей в земли (к земли), а оум (оумнии же – очи) на (к) небеси, оуста стищена (молчаща), а сердцем (а сердечная) к Богу (выну) вопиюща, а нози тихо ступающа, и оумнеи (ноги) скоро текущи к вратам небесным, оуши оуклонѧй от зласлышания (злого слышания), оумныма же воину (выну, всегда) прилегаи к шюмению святым книгам,¹⁹⁹ руце имей согбене на собрание злаго имения света сего, простерши же на подание (даяние) убогим.

Не стыдися всякомому (человеку), созданному во образ Божии, главы своя покланѧти; старейшаго (себе) денми почестити не ленисѧ и покоити старость его потщися; сверстникы бо своя с миром сретай, и меньшаго тебе любовью приемли, а с честнейшими собе никакоже стояти не ленися, да не буди (самолюбец и) самохотьем (самохотением – по своей воле)²⁰⁰ лишен вечнаго живота; греха бегай, акы ратника (злого), губящѧго душу твою; не въсхощи веселитисѧ в мире семь, яко веселье света сего плачем кончаетсѧ. И се яве видети есть (и это явственно видеть можно) в двоих суседех: оу сих брак творѧть, а оу другых мертвеца плачуть и тъ (сей, этот) же плачь скоро минеть: днесь плачоут, а оутро оупиваються. Разумей же, чадо, суету века сего и скоропадающюю (распадающую) плоть нашу: днесь растем, а оутро огнием (гнием). Темь же (а потому), в малемь семь житьи взищи вечныя жизни, идеже ни едино от сих несть, ни скорби, ни въздыхания (ни сетования), но радость и весельмь (веселие) и свет немеркнущий солнце Господь. Ту жизнь возлюби и к ней по вся дни тщися и о жизни по вся дни помышлѧй, и будеть ти възглавъи (возглавие) мысль небесныя радости, встающю (же ти) от брашно – память царствия (память царства небесного).

Чадо мое милое, алчнаго накорми, яко же ти повеле сам Господь, жаднаго напои, страннаго введи и больнаго посети, к темници дойди и вижь беду их вздохни. Буди (ти) в скорбь (во время скорби) твою прибежище церквы (церковь), паче же и кроме скорби по вся дни вшед (в ню) припади к вышнему (испусти слезы), лицемь своимь землю покрый и принуди (его) помиловати тѧ, не оуклонить бо сѧ тебе (не уклонится бо ся от тебя человеколюбец Бог), но утешить. Церковь же разумей (яко) небо суще, олтарь же престол Вышняго, служителѧ же (церкву яко) ангелы сущи. Тем же в церкви²⁰¹ яко на небеси со страхом стой, и яко же пред очима самого (Бога), – исходя (из церкви), не забывай ли пели или что слыша. Створи си имѧ в человецех кроткый, да небесный житель будеши. Скорби о гресех, вздыхай о соблазнех, печалуй о паденьи своимь, да очистишисѧ, да на исходе душевнемь бес порока обрѧщешисѧ.

Чадо, смерть всегда поминай, да та тѧ смерть всему добру научить,²⁰² како пожити в малемь семь времени. Будь, чадо мое, смыслен и разумей, что есть воля Божия, что требуеть Царь небесный от земных, что ли требуеть от твари своея – не малыя (ли) и оудобь творимыя молитвы? (Писано бо есть): Милости бо хощу, а не жертв. Кто (что) бо требуеть от нас всего, благоглаголаниа (всего блага) исполненыи – хвалы ли? Но хвалѧть (Бога) ангели. Покланянья? (Но) покланяютсѧ Ему небесная воиньства (силы). Но того (просит Бог) еже на наше спасение безмерною сию милостию: просит бо милостынѧ, желает кротости, любить (любит) мир. Темь и ты, чадо мое, оного волю створи въмале и Он твою ввеки, даруй малое, возмеши вечное, дай же едино, возми сторицею, присвой сѧ Богу (Богови), да врагом (своим) видимым и невидимым страшен будеши. В волнах ли еси житискых (житейских), в бури ли морстей беду приемлеши, показаю ти, сыну мой, истинная пристанища – монастырѧ, домы святых: к тем прибегай и оутешать тѧ, поскорби к ним (с ними) – обвеселишисѧ: сынове бо бес печалья суть и умеють тя (печального) оутешити; и аще что имееши в дому своем, донеси им потребная: все бо то (даяние) в руце Божии влагаеши и въздания не лишен будеши. В граде, в нем же живеши, и инех окрестных (градах) поищи ли единого человека Бога боющасѧ и тому всею силою служи, обрете ли такого, то оуже не скорби – обрете бо ключь царствия небеснаго; тому прилни душею и теломь: смотри житья его, хожения, седенья, взора, ядения и всего обычая его пытай, паче же, чадо, блюдися (наблюдай, следуй) словес его, не дай же не единому слову его пасти на земли: дражееши (дороже) бо бисера суть святых словеса. Праздники святых чести (почитай честно), а (и) сам не оупивайсѧ, но алчная и жадныя накормлѧя, знаем створи дом свои нищимь, и вдовицам, и сиротам, скитающим и неимущим где главы подклонити.

Богат ли, имевши дом свой, худ ли – все то промыслом Божиимь; но потщисѧ всего своего имения²⁰³ десятое Господеви даяти, давшему ти живот сде, а по исходе жизнь вечную дасть ти.

Ненавидит ли кто тебе, смерися (смирися) пред нимь, дай же ему дар по силе твоей, и поклонисѧ пред нимь (ему), худ пред нимь и немощен створисѧ, и обратити сердце ему (еже) любити тѧ: не створить бо ти ни единого зла покорение, но оного спасеши и себе. Бог бо (Господь) претерпе распинаем (распятие) от твари своея (без вины) тебе ради; а ты Бога ради претерьпи (от друга своего), не распятие, ни смерть, но тѧжько слово и противу (же злу) доброслови (добро сотвори), Бога ради (а не мози, чадо мое, Господа ради, противу злу зла) творити; все в мире сем претерпи Бога ради.

Чадо мое милое, много ти бых и еще глаголал, но болезнь си съставлѧет мя (останавливает меня). Но веде словеса Божия, понеже плодовита суть, да аще оумѧгчиши сердечную землю (ниву) и приимеши малое семѧ оучения и много зело расплодиши в собе спасеное житие (жито).

Аще бо истине (истинно) вжелаеши в сих малых моих словесех оучения пожити достойно дни своя; то одожить (одождить) ниву твою сердечну Бог, хотяй всем человеком спастисѧ и расплодить в тобе разум спасеный; яко не мощи ти в душевнемь своемь храме всего того обилья положити (вместити), но (то) инем будеши раздавая(й) требующим своего спасения. Се же, сыну, и слышал еси, что ти горѧчей оутробою, люболюбным огнемь палима изрекох бо ти; чадо бо ми еси и хощю да бы сѧ еси спасл. Зная, чадо, Бога, слушай же и повеления Его, и муки вечныя лишен будеши. Не вси бо знающи Бога спасаеми суть, но творѧщии волю Его. Тем же попецисѧ спасениемь своимь и душею своею от всея силы своея. Смерть бо близь комужьдо нас и при двери (стоит) готова, ждуще повеления Господнѧ и внегда скончаемся. И ныне, чадо, попечися пред смертью, готова буди на душевный исход, дела света творяща и (да) по разлученьи от тела осветяѧть душю твою, да не темне сущие (да не во тме сущу) и приимуть (восхитят) ю врази твои.

Сыну мои и исчадье мое, мирось (мир-сь, мир сей) мимо идет и слава его (зле) погибнет, приидет же Господь с небесными воинами соудити всякому человеку и въздасть комуждо по делом его.

Приимуть праведнии жизнь вечную, жизнь нестареющююсѧ, жизнь, ей же конца несть; грешным муку вечную, огнь негасимый и тьму несветимую (кромешную), ея же, чадо мое, потщисѧ оубежати и с праведными ликовствовати в свете незаходимемь, в радости вечнеи, в бесконечныя веки. Аминь.

(Ксенофонта еже глагола к сынома своима)

Аз чѧда (чада) реку вама, человечѧ житиꙗ отити хоштю: веста бо како в житии семь жих без лоукы (без лукавства), како от вьсех чьстьн бех и лѫбим, не сана ради велика, нъ (но) норѡвъмь (нравом, поведением) великъмь. Не оукорих никого же, ни вередих и никогоже не оклеветах, не завидах никомоуже. Не разгневасѧ ни на кого же, ни на мала, ни на велика. Не оставих церкве Божиѧ вечер, ни заоутра, ни полоудне. Не презьрех ништиих, ни оставих страньна и печѧльна, не презьрех никъгдаже, и иже в тьмьницах заклѫченни потребьнаꙗ им даꙗх, и иже в пленьницех изъбавих. Не помыслих на добротоу чѫжю, не познах жены дроугыꙗ, разве матере ваѫ, и та дóндеже ва роди и потом еште (еще) не познах ея (ѥꙗ), нъ съвештѧхове сѧ чистоіѫ съвестью телесьною, и о Господе моудре сохраниховесѧ, по православнеи всѧкой вере. Тако сътворих до съмрьтнааго дне. Тако и вы живета, чѧде мои, да и ваѫ Бог оублажить и длъголетьна явит и сътворить. Оубогих посештѧита, въдовице заштиштаита, немоштьныѧ милоуита и осоужѧѥмыя бес правьды измета. Мир имеита со всеми. Паче же всех иже в поустыни и в печерах и в пропастьх земльныих добро творита. Поминаита монастырѧ, чьрноризьць стыдитасѧ и чьтета и милосрьдоуита. Матери же ваю чьсть отъдаита, и вьсе добро сътворита еи, да Господа оузьрита радоуюштѧсѧ, и о том веселитасѧ в векы. Вьсе елико имата златемь и сребръмь и ризами неимоуштиим подаита. И в работе соуштѧꙗ лѫбита, и оуныꙗ милоуита, и старыꙗ свободы сподобита, пищѫ им до съмрьти дающѧ. И съпроста реку: еже мѧ видеста творѧштѧ, и вы творита, да спасетасѧ и сподобитасѧ святыих. Матере не забываита, волю еѥ творита и послоушаита с страхом Господьнимь, веде бо яко дело Господне делаета, заповеди Господнѧ хранита, и Бог мира сего боуди с вама. Аминь.

Възьмеши же блаженая Феодора детишть на лоно свое, лобза же ѝ глаголюшти: сыноу мои любыи, времѧ скончѧниꙗ ми приспе, да юже идоу отънюдоу же не вазвраштюсѧ. Да не рьци, яко осыреіѫ. Се имаши Бога и старейшааго в отцѧ место. Имеи съврьстьникы акы братию, меньшѧꙗ ак чада, стареишаꙗ акы отьцѧ. О чѧдо, алъчьбоу си продължи, молитвы въсылаи к Богу третии чѧс и шестои и девятыи и вечерьнюіѫ; и заоутрьнѧю хвалоу въсылаи. Чѧдо, алчьн боуди, да сѧ насытиши, и подажь алчюштиим хлеб свои, одежу своіѫ нагым. Чюжемоу не похошти. Зъла не глаголи братоу своемоу. Мир имеи с вьсеми. Кротък боуди, не славохотьн, и егда тѧ въпрашѧѫть, то отвештѧи с тихостіѫ. Не радоуисѧ вражьдоу злоу. Не дивисѧ доброте лицѫ. Аште на кого слышиши, то моли за нь. Болѧштих посештѧй, старыя оутешѧй, убогыя напитаи, скорбѧштѧя утеши, заблоужьшѧя накажи, въдовицѧм помоштьник боуди, мьрьтвыя погребаи. Не боисѧ пакости сотонин: немоштьны бо соуть; вьсех мѧтежь его хоуде оубоисѧ. Молисѧ, да не вънидеши в напасть; аште ли вънидеши, то пакы молисѧ, да избоудеши. Троужѧсѧ въиноу, да видить Бог труд твои и посълеть ти помошть свою. Си аште твориши, то в цесарствии Божи въдворишисѧ.

Братие и сестры, слышите учения святая!

Суть бо во християнех нецы (нецыи) иже имя християньское токмо приемше (держат) на болшее осужение себе, воли Божии не творяще и поганьски живут, во пьянстве и во блуде и в прочих (злобах), окаянне диаволом омрачени, в клятвы, и в обиды, и в телесныя нечистоты, обажающе (оклеветая) друг друга и обидяще яко безсмертни ся творят. Многа неподобная творя(т), их же несть лзе изглаголати зде, яко лжу мнят уготованныя грешником муки, их же сатана трепещет, а сии не чювствиют (не чувствуют). Сим всем запрещаем, до страх Божий приимше и грядущий суд, останут покаянием злых дел и проклятаго любодеяния. Того бо ради Содом и Гомор и около их гради огнем пожжени, до ныне курится огнь бо на уверение инем. Тии бо людие ни закона, ни пророк ведуще, любодеяния деля погибаша, их же погибели знамение и ныне есть; то колми паче люто християном нарекшеся, а от жен своих со инеми блудити, или холостым неженящеся со многими любодеяти: то горее содомлян таковым осужение будет в день судный. Исаия пророк о таковых глаголет: погрузятся в пламени его, иже сами разжегше себе. Той же пророк рече: червь их не умрет, и огнь их не угаснет (Ис. 66:24), незаконно блудящим. Отнюд (отнюд) бо лют есть грех той. Того деля речено комуждо своя жена имети. О хульных же глаголех, что рещи, не вем. Иже о Бозе кленутся, крест целуют ротою до церкви и олтаря, на погибель сии божество поставляют. О сем бо небо дивится, пророк рече. За то на ны казнь посылает Бог, овогда ведром (засухою), иногда пожаром и инеми бедами, зане человецы Богом кленутся и Его святыми, и друг друга доводят (преследуют), церковь ротою скверняще. Того деля (ради) вся небесныя силы трепещут страхом, видяще злобу человечю. Сему же и ина вина подобна, еже немощь волшбами лечат, и наузы и чарами, бесом требы приносят, и беса, глаголемаго трясовицу, творят, отгоняще, еллинская слова пишут на яблоце и кладут на престоле во время святыя службы: се бо есть проклято. Да того деля, многи казни от Бога за неправды наша бывают. Господь не рече лековати (целити) чарами, ни наузы, ни встречю, ни в полаз, ни в чох веровати: то бо поганьское дело есть. Аще ли кто от християн тако сотворит, то горши поганых осудится, аще о том покаяния не приимут. Того деля, елико же християньска рода да не творят, того. Зело бо зла согрешения – рота и клятва, лжепослушество, клевета, зависть, татба, гнев, пьянство, обида, лихоимство, скупость и прочая телесная скверность, прелюбодеяние, содомское блужение, со скотом блужение, во племяни (?), понятие (поятие) – погански есть. Вернии же, аще ведающе се, и не обличают, ни наказуют таковых, то и тии осужению содетелницы (сидельницы) суть. Паче же прозвитеры, аще таких не учат и не исправляют и не претят, по Бозе ревнующе за истину, то отнюд горе будет таковым учителем: инем бо подгнета (подтопка) будут в негасимом пламени. Кождо бо иерейство держит, дабы тем кормился, а не печалует о духовных, чтобы приняти мзда вечнаго живота, и не глаголет праваго (праведного) учения, им же спастися, но паче гладит и лстит, дару деля, без опитемии прощают (прощает), чрева ради все творит и глаголет, дабы не отпасти временныя чести. Того деля учители лише (лишшие, больше) осудятся, яко блазнители. Тех бо ради зол, бывает земли неплодие, и рати, и пагубы многи скотом изгибающим (изгибель), самем же болезни тяжки (и смерти люты), а по смерти мука вечная, аще не останут злоб деяти. Аще ли нецыи деют злая учения и не каются, таковыи подимут по делом законное мучение. Да и великим градским властелем не щадити злотворящих пред Богом, но казнити их: льстьца, хулники, ротники, мужеложники, убийца, тати, чародея, девам насилующая, блудящая с мужатицами. Таковыя велим в неконечныя влагати муки, градским законом казнити, а не щадити злых, да ся накажут и останут злая деяти. Властели бо от Бога устроены человек ради не творящих закона Божия, да страх видевше князи, Бога убоятся. Властели да не щадят злотворящих. Подобает слузе Божию быти праведну в суде, а человецы, таковыя злобныя ведуще, да не таят, да и сами пред Богом осудятся в муку. Глаголет же в 4 царстве (в 4 кн. Царств): Ахав царь, пощадев (пощадил) Адора, Сирска царя, злосотворшаго, и рече Бог пророком: мужа губителя отпустил еси, то твоя душа за него погибнет, и люди твоя за его люди. Агага пощадев Саул, испаде царства. И инии инози злых пощадевше, и погибоша сами. Да того деля, властели, не щадите злотворящих, но казните я, а не по мзде отпущайте, да не и вы зделатели беззакония от Бога суд зол приимите. Аще ли властели отмщения законнаго и на злая (не) наводят, то суду Божию повинны будут, и от святых отец проклятие на ся приводят. Несть бо достойно злотворящих щадити, но казнити я, да не творят зла.

(Из Анастасиевых ответов)

Чьто есть знамение съвьршеннааго (съвершенаго) христиана (крестьяна)? Вера права и дела благочстива (благочтива). Христиан (крестьян) бо ѥ˚ (еꙵ – есть) истовый дом Христосов (Христов) делы благыими и оучении доброверьныими състоясѧ, истиньная бо вера делы искоушаетьсѧ (исушаетсѧ), имь же (потому что) вера без дел мьртва есть (Иак. 2:17), яко же и дела без веры. Да темь подоба (подобает) вьсеѫ (всею) силоѫ (силою) без блазна (соблазна) хранитися чистом (чистыми) от нечистыих (нечистых) дел, да не и о нас речено бѫде (боуде): Бога исповедаіѫтьсѧ ведоуште (исповедаютсѧ ведоуще), а делы сѫ отъмешьтоу (ся отмещюще, – Тит., 1:16). Темь же рече Господь (г҃ь): аще Менѧ къто любить, слово Мое съхранить, и Отець Мой взлюбити и̑ (възлюить иꙵ – его) и к тому придем и обитель в нем сътворим (Ин. 14:23), – да симь оубо разоумеваем, яко правоѫ вероѫ (правою верою) и добрыими делы зиждетсѧ дш҃ьныи (душевный) дом. Ти тако жоветь в нас Бог: въселіѫ бо сѧ (въселю бо сѧ), рече, в них и похождю (похожю, – 2Кор. 6:16). Се же являя апостол глаголааше (глаголаше) (2Кор. 13:5): или не разоумеете, яко Христос живет в вас, аште не чимь зело искоушени есте (аще ни чим тако не искоусни есте); не весть оубо диѧвол, есть ли ти Христос владыка оутр (оутрь – внутрь) в оуме, или несть. Егда ли тѧ видить гневаѫштѧсѧ (гневающасѧ) или кличѫштѧ (ключюща – κραυγαζοντα, издающего крик), или кльноущасѧ, нечиста словеса глаголѫща (глаголюща), или клевечюща, или ѡсоужѧіѧштѧ и ѡбидѧштѧ некого (обидѧща), или величѧіѧштѧсѧ (величающасѧ) и презорива, или грохоштѫштасѧ (грохочющасѧ) лихо и глоумяштасѧ, или не моляштасѧ часто и съмьрти поминаѫща (и смерти не поминающа), – и тъгда разоуѥ˚ (разумееть), яко несть в души ти, иже тѧ хранить. Ти тако оуже, аки тать, вълез лукавый, акы не соуште Божескоуѫ (Бжьскоу) светилоу, окрадеть дом душьвный ти, и бѫдеть ти последняя горьша пьрвыих (2Пет. 2:20).

Речено бысть сице: Бог сведый (соведый) немощь рода нашего яко благии человеколюбец (яко благ и человеколюбец) и дарова нам многия и различныя пути ко спасению. Рече бо, не осужайте да не осужени будете, оставите оставится вам, смиритеся да вознесетеся (Лк. 6:37; Мк. 2:7; Лк. 14:11), якоже Давид Царь смирився (смерився) и спасеся. И паки учит ны на покаяние, рече: исповем грехи моя Господеви и оставит я, покаянием бо очиститися есть от грех, аще лишимся их, якоже и Петр, и блудница, и яко Манасей (Манасий) исповеданием спасеся. Таковой бо закон мирови дал есть (Бог), яко старыя и немощныя, нищия и богатыя могут сотворити заповеди Божия. Иже бо кто имеет любовь, той без телеснаго труда спасется. Речено бо есть во святом Евангелии: возлюби Господа Бога своего от всея душа, своея, и ближняго яко сам себе (сам ся). И паки рече: смиренна человека не осудит Бог. Мощно убо спастися аще кто и имения неимать, или вдова или сирота. Аще ли видиши кого (кого) алчна и зимою дрожащаго, то введи (его) в дом своей и согрей и накорми: то вменится даяние твое пред Богом паче тмы талант богатых. Аще ли и того не имаши, то воздохни со скорбящими, и поскорби о нищете убогих и утеши их: то в милостыню же бо вменится пред Богом. А еже не осуждати, ни воздати зла за зло (ни помнети зла): то душевная добродетель есть, таковый бо без телеснаго труда спасется. Се же может всяк сотворити; зде бо ни имения раздаяти, ни болезни подъяти. Да уже к тому не винствуем (не считаем себя виновными), ни правды творяще, а овогда убо диавола хуляще, а не себе, овогда же мира, овогда работу, овогда же дом и жену и дети и раб попечение, – ти иже среди мира богоугодно пожиша со женами и с чады (рабы имуще и рабыни) хотят нас обличити в день судный: Енох, Ной, Авраам, Исаак, Ияков, Лот, Иосиф, Давид и Даниил, – а сии же в новом законе: Ксенефонт, Андроник, Анисифор, и инии мнози святии, подобныя им. И никто же извета не твори, глаголя, яко в миру будуще не могу спастися. Можем убо, братие, аще восхощем, а о том несть нам истязания, аще не можем чего творити; но еже могуще что творити, а не творим, то о том нам будет лют ответ. Да и сего никто не глаголи, яко уже стар есмь и не могу. Аще бо и стар, а о души внимает, то боле (больше юности) может в старости спастися. Старость бо умилена творит человека (к покаянию), а во юности лукавныя (лукавнейшия) страсти борются с нами, на блуд тело разжигают и на гордость, и на сребролюбие, и на гнев и на всякия сласти житейския; а на старость плоть наша изнеможет, яже воюет на душу, и жития мятеж престанет. На старость бо человек кроток и смирен бывает, видя себе уже к концу близко. Многи бо нам и различны даровал Бог пути ко спасению. Да слышите, младыя и старыя, и немощныя, богатыя и убогия: можем бо сотворити волю Божию, аще восхощем; самовластни бо есмы Богом сотворены – или спасемъся, или осудимся.

Манастыри же, чада, любите: то бо соуть сынове святых и пристанище сего света. И вшедше в ня(ѧ), видите игумена пасуще стадо свое и черньца, не глаголюща, страха ради Божия. И ового видите горе руце възревша (поднявши руки к верху), а очи долу имуща и сердце горе имуще оу престола Божия, иного плачуща в кельи своей и ница (ниц, навзничь) лежа, другаго же работающа, акы полонена (находящегося в плену), инех же на делех стояща, яко исцеплени (как бы всецело отделены, отрешены от всего),²¹⁰ а иныя в церкви стояща, яко и каменыи, непоступны (недвижимы) и молитвы к Богу всылающе за всь (весь) мир, хотяще Бога оумолити. Ти же (одни из них) в монастырех, а инии на столпех около Иерусалима и по всей земли, им же и мяса (мѧса) к костем присхла суть сухотою яди, иже могуть вскоре верою вся(ѧ) прошенья творити и горы преставля(ѧ)ти, рекше, больным и недужным помагати и всякого гнева Божия к напасти молитвами своими отводити. И к ним припадати (припадайте) и к тем святым, местам приходити, и от тех благословения просите, и тех в домы своя вводите благословения деля(ѧ).

Разумейте убо, яко не спасеть место никого же, но дела спасуть или осудять. Энох бо, в миру живя, спасеся, имея жену и чада. Зри же Адама, како друг Божии наречеся, имея жену и дети и слуги многи, и именья бес числа; виждь, как Лот спасеся, живя в Содомех, в беззаконных человецех; разумейте же и о блаженнем Иеве (Иове), иже царь бе на въсточней стране, богатство и славу имый, жену, рабы и рабыни, села и скоты, и тъ (сей), в миру живя, спасеся. Так же Исак, Ияков, Иосиф, и инии святии мнози, в миру живя, спаслися. А место не спасет злотворящих. Слышасте же, яко Моисей и Данил пророк и трие отроци не в пустыни, ни в монастырех Бога умолиша, – Моисеи в Черьмном море, Данил во рве, трие отроци в пещи, Иона в чреве китове, и услышан бысть разбоиник на кресте вися, един глас испусти породу (рай) ему испусти и отверзе. Но оставлю многия, реку же о Езекеи, и о Монасеи, и о Новходъносоре, и о Давиде, и о Равии блудници: бес числа убо живуще спаслися суть. Павла же апостола, и сами весте, како обратився и прият бысть Богом. Да никто же ся сим блазните: на всяком бо месте обретается спасение Божие, аще в правде пребудем, волю Божию творяще. А место не спасеть, ни осудить. Аще хто в монастыри живет или в пустыню идет, а норова зла не останеться – и тамо погубить душю свою. Не спасет бо чернечьство, аще добрых дел не будет. Пребывая в Законе Господни и правду творя, в миру живя, спасеться. Богу нашему слава.

Известно да есть, яко не спасет нас место, аще не творим воли Божия; но кождо ум изволением к Богу; несть бо пособия от честна сана, ни от места свята не творящему воли (заповеди) Божия. Который бо сан боле (боли) Адамова безсмертия, кое ли место краснее породы (рая) из нея же Адам изгнан бысть, преступив заповеди Божия, что ли укоризнее (укоризние) гноища, на нем же седя Иев соблюде (сохрани) заповеди Божия и в рай вселися, Саул же во царствии сый (будучи царем) и во многоценных палатах, а не творя дел добрых, сию жизнь погуби, а оноя не улучи (а той не обрете), Лот же в Содомлянех и в беззаконных людех (среди Содомлян и беззаконных людей), сотворив заповеди Божия и спасен бысть, и венец со святыми прият. Да иже кто глаголет, немощно спастися в миру с женою и детми живуще, таковый лстит себе невеглаством (неведением): везде бо приимет нас Бог, аще заповеди Его сотворим, а место никого не спасет, ни осудит, но дела когождо или спасут или осудят. Аще, братие, и в миру живем, не отчаемся (своего спасения); аще и согрешим что, то паки покаянием прибегнем к Богу, и будем милостиви и податливы бедным и немощным излишным нашим (излишком нашим); тех бо деля Бог излише поручил есть нам, а ни скем бо (ни с кым же) не родилося имение. Того ради сам дай от себе: много бо пособие души еже своею рукою давати. И егда милостыню твориши, то немози послух (свидетелей) поимати с собою, от ближних же роду своего не презри. Первее домашняя своя и род свой беспечали сотвори; тоже и инем милостыню твори. Се бо лицемерие есть, еже чюжая сироты наделяти, а род свой или челядь нази и боси и голодни (оставляти). Како же душами их попечешися, а телеснаго неисправя, то како в страх Божий приведши их, а телесными недостатки оскорбляя их? Оле несмысльства и злосердия! Неслышасте ли писания глаголюща: блажен человек милуя раб своих, и не оставит в скорби роду своего. Аще бо оскорбляя своих, а инех милуеши, речет бо и тебе Господь: лицемере, ослепленне (ослепленный) злобою! первее бервно (беревно) изми из очию твоею, да прозриши изяти (изѧти) и сучец из ока брата твоего (Лк. 6:42).

Реку вы, братие, послушайте любовно. Аще в мире есте и в богатстве живете, известно да увесте, иже рече блаженный апостол Павел, пиша к Тимофею, рече: богатым в нынешнем веце запрещай не высокомыслити, ни уповати на скоро гибнущее богатьство, надеятижеся на Бога (дающаго нал обило – изобилие) в наслажение благодеянию, богатети же добрыми делы (1Тим. 6:17–18), и быти щедрым к сиротам и вдовам, и маломощным, и обидимыя избавляти, и милосердым и кротким быти. Гнева не имети, ни завидети, ни осужати, собирати же себе основание вечныя жизни и царства небеснаго. Видите ли, братие, яко и богатство несть зло, аще добре строим; аще ли же кто, нищеты деля, отходит в монастырь, или детей немогий кормити, отбегает их и немогий печаловати ими; то уже не Божия деля любве отходит. Таковый ни потрудитися (Богу) хощет, но чреву угодное творити; отбегая бо кто порожения своего, таковый веры отмещетъся и горее поганаго есть, яко же рече: бывает бо вина клятве мнозе. Оставленныя бо (им) дети гладом измирают, и зимою босы и наги (нази) изнемогают, плачют люте (горько) и кленуще ся глаголют: почто нас отец наш и мати родиша, оставиша бо нас в велицеи беде и в велицей страсти быти. И аще бо, братие, повелено нам чюжая сироты кормити и не презрети их, то колми паче своих не оставляти. Везде бо приимет нас Бог право и по закону живуще, а не спасут нас и черныя ризы, аще в лености жити начнем; аще ли же сотворим заповеди Божия, то не погубят нас и белыя ризы. Тем же, братие, аще кто богат, то буди щедр и милостив, и сотворяя заповеди Божия, то и в миру живя (будя) спасешися. Аще ли же кто убог, то делай своими руками и свой хлеб яжь и своих от того кормя, татбы же и клеветы уклоняйся и всякаго зла, да спасешися. Рече бо Господь: ему же дано бысть много, то больши и взыщется от него (Лк. 12:48); тем же малое сиротиное подаяние от своего труда, то велми преспеет и великих даров даемых богатыми. Не черньцем бо речено бысть: се наг бых, не облекосте мене, странен, не введосте мене, болен, не посетисте мене и прочая (Мф. 25:43), а черньцем речено ни из монастыря всегда исходити. Что же черньцы дадят, а они сами от иных приемлют милостыню? Не пустынником речено се: в темницы бех и не приидосте ко мне; но вся та речена бысть християном в миру живущих деля; сим да спасени будут.

Иже в вере суть християньстей, всякому человеку дается ангел на сохранение во весь живот его; мы же делы злыми прогоняем его от себе. Якоже бо дым отгоняет пчелы, а голуби злый смрад; тако и хранителя живота нашего ангела злая наша грехи: пьяньство, блужение и прочая злоба, – тии ангелы от нас отгоняют (отдаляют). О том бо пророк рече: не даждь на подвижение ноги твоея, да не воздремлет храняй тя. Подвижение ноги апостол Павел известует (свидетельствует), еже на позоры многи и на игры текут паче церкви, а кощуны и басни паче книг любят, – а еже воздремлет, рекше – отбегнет злоб ради наших. Егда бо сотвори Бог человеческий род и ангелом повеле соблюдати я, и всякаго вернаго человека душу его ангел направляет на вся благая, беси же верным много блазнят, паче же богоугодно живущим, дабы их царства Божия лишити; но ангел Божий не оставляет, соблюдая их. А неверным неблазнят беси, но лстят (соблазняют) верныя, да быша с ними осудилися в муку. Егда же верный человек в правде живет, то ангел Божий радуется о нем; а егда начнет нетворити истины, но лгати и красти, упиватися и завидети, к церкви не ходити, гневатися, обажати (клеветать), скуп (скупу) быти, – то ангел Божий скорбит о нем, а беси ликуют всячески, и на лютейшая злоба сводяще (сводят и). О том бо Великий Василий рече, яко ангели написуют имена всех человек, без гнева и без злобы приходящих во церковь, и вся молящаяся и постящаяся. Блюди, о человече, да не лености ради лишишися ангелова написания. Всякому бо верному человеку комуждо ангел от Бога дан бысть, той бо вся добрая дела написует (а бес же злая написает) неверным человеком. Коейждо стране един есть ангел Божий, якоже писание рече: постави пределы языком по числу ангел Божиих. Антиох рече: подобает нам внимати себе полезная, яко два ангела есть с человеком – един праведный, а другий сатанин. Божий же ангел кроток и молчалив и милостив и благочестив. Егда убо сий на сердце взыдет человеку, то советует о правде, и о чистоте, о смирении и о покорении, о любви и милостыни; лукавый же ангел сердит и горд, завидлив, гневлив же и скуп, братоненавидлив и непокорлив, и вся его дела зла суть. От дел убо коегождо да познаем и не дадим в себе места лукавому, но страхом Божиим отженем его, а праведному ангелу Божию отверзем сердце и приимем его, да на истину наставит нас, и от пронырства дияволя и от всех соблазн его избавит нас, о Христе Иисусе.

Церкви небо есть, любимии. Что бо сих вещей страшнее: церковь бо небрегомее храма (простого дома) сотвористе? Велико бо в храме строение: дому господин седит, а рабыни ткут, а друзии прядут, и койждо раб свою работу творит, – а в церквах говор мног и смех и шепты (шептание). Несть бо се куповище (торговище), но ангельско место, а престол Божии самое небо. Аще ли не веруеши, то помысли, чего ради трапеза во олтари устроена есть и кому на ней возлещи есть. Сего бо не разумеет некрещеный и неверный, а вернии слышите, что пророк рече: сице глаголет Господь, от земля отступль взыди на небо. Церкви бо небо есть, ныне же вы паче скоморохом смеетеся и беседы и шепты творите. Позорище (место для зрелищ, театр) бо ваше без молвы стоит, ни глагола бо в нем, ни клича, – зде же Богу вещающу о страшных вещех, мы же горши есмы пес безстудие творяще. Или не имамы храмов, или домов, идеже беседовати, или со други совещатися, – се бо невозбранно в дому (или на пути), или на торгу, или в бани, а во церкви токмо Богу молитися: церкви бо дом Божии есть. Всяк, рече, верный муж и жены, приходяще во церковь, или вне церкви, или инде молящеся, да не без успеха трудишися вотще. Моляще же ся Богу внимай, егда что на кого имаши гнев или вражду, то неприятна ти молитва будет; но, яко Апостол Панел рече, без гнева и без помысла зла молитеся Богу, свое спасение содевающе (Флп. 2:12), Господню заповедь соблюдая, иже бо рече: аще оставите человеком согрешения, то и вам отдаст Отец Небесный согрешения ваши, аще же не оставиши, то и Владыка твой не оставит ти. (Мф. 6:14, 15). Оставите, рече, оставится вам, – прощая прощен будеши, – милуя помилован будеши. Вемы, яко Бог не лжет, и верен есть и истинен в словесех своих. Рече бо: неосужайте, да не осужени будете, – ею же мерою мерити, возмерится вам (Мф. 7:1–2). Якоже мнози жития (в жизни) размыслы (цели, соображения), тако и ко спасению различныя пути: аще богат еси, то буди милостив; аще ли не имаши ни хлеба, ни ризы подати, то не просит Бог, егоже несть у тебе, то часто преклоняй колени и бий в перси, моляся Богу, глаголя: Господи, помилуй мя грешнаго; не лжи, не кради, не завиди, да спасешися.

Идеже бо, рече Христос, два или три совокуплени во имя Мое, ту есмь посреде их (Мф. 18:20). А мы бо аще снидемся во церковь, то (только) на кощуны (сойдемся в церковь и) о суетных и мимотекущих, о недостаточестве, о тщете имения, о прибытце (о прибытцех) и о прикупе, а о вечных ни памяти имуще, забывающе Господня гласа, еже рече: не лихо (много, слишком) глаголите в молитвах²¹⁷ (Мф. 6:7), и паки: ищите преже царства небеснаго, сия вся приложатся вам (Мф. 6:33). Кий бо вам прибыток, именем точию слыти християньским (христианом), а дел злых не остатися? Како ли маловернаго научим, а сами (ся) грязнуще (погрязши) во сластех? Но никто тем похвалы имей, еже ко церкви повсегда приходим, но что добрая приобретаем. Кто добрее бысть добру ся научил, на кии иный успех есть (какой успех от того, что...), иже пророческия беседии слышите, и апостольская, и евангелист всех, отеческия учения и уставы спасеныя, – и не могу точен нрав (достойной образ жизни) уставити вам? Воин бо наученый грядый твержее будет о чину том, или купец, часто ходяй на торг, то хитрее будет, такоже и врач часто ходя ко учителю по истине хитрее будет и множае привыкнет. А вы что приобретаете, иже всегда имате издетска (с детских лет) приходяще, кий приплод духовный и который обычай злый преста в вас, гнев или зависть или злоба? Да аще не приплодим и никоего же добра стяжим во церкви, то лучше (унее и) не приходити; аще ли вествования деля (для обмена вестями), а не Бога ради, ни о души скорбя, – то лучше итти на торжища или на беседы, или ни из дому исходити. Но того деля велит приходити, да быхом о гресех воздохнули и добрейше быхом были и обычая злая отгнали быхом. Аще ли кто обыкл что зло творити, а не останется зла, учение слышав; то вотще есть прихождение, и ни на кий успех есть, но болий вред будет. Аще бо и всегда учение слышаще, а не творим, то болшему осужению повинни есмы; аще ли тоже вам творити, еже обыкосте, то почто и приходите во церкви; аще собирающеся в ню, а не сотворити никако же (никакого же) добра, – и учение святое не требе вам, но яко во утел сосуд вливающе, труды (труд ся) деяти. Но аще ли речет кто: книги вем, – то что есть ту? Слышите, еже Господь рече: не всяк глаголяй ми, Господи, Господи, внидет в царство небесное, но творяй волю Отца Моего, иже есть на небесех (Мф. 7:21). Многажды бо хотех умолкнути, видя, яко вотще вам учение сказую, но боюся осужения: неучившему суд прияти. Вы же аще учими, а не творите, то люте осужени будете. Аз бо, не умолкая, учю вы, да невотще труд ваш будет (1Сол. 2:9). Ни сего бо зрю, еже ко церкви ходите, но да бывше бы (что) добро притворивши (сделавши что доброе), и тако в домы своя отходили. Аще ли кто в вас гневлив; то да слышит, яко вся добродетели его вотще есть (суть). Глаголет бо Господь, яко всяк гневайся повинен есть суду (Мф 5:22). И аще кто имения не сыт, то да слышит, яко златолюбца несть беззаконнее. Аще ли кто завистлив или горд, то да слышит, яко Господь гордым противится. Аще ли кто блудник, или пьяница и мздоимец, то да слышит Апостола, глаголюща: не лститеся, ни татие, ни резоимцы, ни блудницы, ни пьяницы, ни служащии кумиром, ни лихоимцы, ни грабители: тии бо вси царства Божия не наследят (1Кор. 6:10).

Господи благослови!

И се есть разно наше с ангелы житие, еже есть мудрость.²¹⁹ Молитва же одино дело есть ангелом и человеком. Тою бо скоро в житье их приступаем. Всѧк молѧйсѧ с Богом беседует. Что же есть того боле, еже есть,²²⁰ – человеку сущю,²²¹ с Богом беседует? Аще бо с мудрыми человекы беседовати, то скоро в образ²²² их приступаем;²²³ что оубо подобаеть рещи о беседущих с Богом в молитвах? Якоже бо град бес стены оудобь прият²²⁴ будет ратьными, тако и душа неогорожена²²⁵ молитвою, – скоро²²⁶ вмещаеться в ню дьявол, и потом всѧкого зла наполнить. Молѧщижеся прилежно, не могут ничтоже недостойна сотворити молитве, но стыдѧщесѧ Бога. С нимь беседоваша, и всѧко лукавьство неприязнино отмечють от себе, помышлѧюще в себе – «колико зло есть с Богом беседующе, абие пакы (а затем опять) к дьяволу приступити и придти (в) душю мерзыя сласти». Якоже бо беседова с кнѧземь, не хотѧще (не захочет) беседовати со оубогыми и худыми, – такоже и беседовав с Богом в молитвах не хощеть слышати не приязнины беседы. Яко жилы тело сдержать, такоже и молитва оукрасить и хранить и оукрепляеть душю. Не глаголи, главы цесарѧ блещащисѧ веньци; доброта бо тех с семь житьемь светиться и оувѧдаеть, венчавай же душю духовны словесы, и ныне в веце семь хранением преходити (сохранно проходит) житие, и по кончине житья с дерзновениемь приступить к судищю Христову. И в евуангельи Христос судью немилостиваго нарече (называет), преклоньшагосѧ на милость мольбою, – да колико оубо Христос Бог нашь, хотѧй всегда миловати! Како ли не сподобѧться всякой благодати молѧщихсѧ Ему? О семь бо Павоул рече: сего бо ради покланѧю колене мои к Отцю Господа нашего Иисуса Христа, да вселиться Христос в сердца наша (Еф. 3:14, 16). Вижь силу молитвеную: Его же небеса не могут вместити, молитва может вместити в сердце человеку! И Павоул рече: «егоже бо не могуть многых рукы сильных потрѧсти, един муж свѧзан, молитвою взможе потрѧсти темницю и оузы, акы лев, растерза (ср. Тим. 4:17; Евр. гл. 11). Рци же ми: тако (верой и молитвой, – ср. Евр. 11:23 и сл.) и Моисей на бранех израильтѧны спасе, – не предасть ли оученику своего оружья? Сам же молитву постави противу ратных, оуча нас, яко велми болшюю силу имуть молитвы, паче оружья и коньник. Молѧщюбосѧ Моисееви, и одолеваху людье его, – престающи же молитве, хужьше и оубо враг бываху вой его.

Тако же оубо и мы: егда оубо молимъся, оудобь одолеем врагу-дьяволу, ленѧщежеся – сами попущаем на сѧ злодея.

Молитва оубо и пост и силе огненей сдеваеть (побеждает), и свирепство лвово оукротить (Евр. 11:33, 34). Сим бо яве Бог створил, – оудобь изойметь от належащих и напастий лютости, – якоже пишетъ: пожри жертву хвале, и въздай же Вышнему молитвы твоя, и призови мѧ в день печали твоея, – изму тѧ, и прославиши мѧ. (Пс. 49:14–15; 115:9); якоже бо и пророци (Зах. 13:9). Входѧщи в град, нужа есть поне и всему богатству входити; тако же и молитве, входѧщии в душю. Всяко доброе дело входить с нею. Богу же нашему слава. Вда (да будет позволено, – Микл.) оубо сице молвити: яко же извеси (весы) ²) не перетѧгнуть ни семо, ни овамо, тако и слово мое не падеть вотще, но якоже рку (реку), тако и будуть и всем семь человеком люба и Богови оугодна.

Тако глаголет Господь пророком. доколе согрешаете и прилагаете грехи на грехи и прогневаете сотворящаго вы. но останите неправде, и навыкнете добро творити и милостивии будете да спасетесь. вся бо тварь велению Божию повинуется. толико человецы преступают заповедь Божию. Солнце многажды моляшеся Богу глаголя. Господи вся содержай. и доколе неправд человеческих терпиши и беззаконий многих. вели Господи да их пожгу. да не творят зла. и глас ему бысть глаголя. аз вся си сведех и видит око мое. но трьплю им. покаяния дая время. ащели не покаются. то сужю им тогда. Месяц же и звезды моляшеся Богу глаголюще. нам Господи дал еси область светити в нощь. доколе призрим на беззаконное блудство и давление детей и разбойство и татьбы. повели нам. да погубим зло творящая человекы. и бысть им глас глаголющь. видит вся око мое. но чаю обращения их. ащели не(по)каются, сужю им тогда. Море-же и реки вопияху моляшеся Богу. рци нам Господи. да потопим злыя человеки. иже по нам плавающи разбивают и творят злая. и бысть глас к ним. аз вся та видех но аще не покаются. сужю им тогда. И земля же возопи и просящися на человекы. аз Господи паче тварей осужена есмь. не могу блуд разбоя татьбы и волъхвованиа клеветы и прочих трьпети злоб. яко сын досаду родителем творит. и дщи матери. и брат брату. многи неправды человецы творят. повели ми Господи. да не проращу всеянных за злобы их. да гладом изомрут. и бысть глас глаголя. аз убо видех вся. и ничто ся меня не утаит. вся бо суть обнажена пред очима моима. аще кто ся не покает, аз сужю ему. Слышите ли человецы. како вся тварь повинуется Богу. а мы почто воли его не творим, самохотно царства Божиа лишаемся. останем братие злоб наших, и на всяк час благодарим Бога. Яко бо солнцю заходящу вси людстии ангелы к Богу идут поклонитися. дела приносяще человеческия или добрая или злая. богобоязливаго человека ангел радуяся идет к Богу на поклонение. а злаго человека ангел плача идет к Богу и глаголет. Господи вся содрьжай. повели ми. да небуду со злым и грешным сим. токмо бо имя твое нарицает а угожает плоти. а грехи прилагает всегда ко грехам. и не единыя молитвы не творит от сердца ни во дни ни в нощи. и на подаяние согбени имать руце. токмо собирает а неподает. и глаголет Господь. не оставляйте и тех. егда (еда) и тии приимут покаяние. ащели ся не покают. егда ко мне приидут. аз сужю им. Такоже и заутра в 1 час дни ангели приходят людстии на поклонение Богу. ответ о человецех дающе. что в нощи будут сотворили. вся дела наша и мысли. нощная и дневная творения вся объявлена суть пред Богом. Того ради братия и сестры на всяк день и нощь благодарите Господа Бога. в конец бо дний и в конец нощи. во уреченный час всегда. ангелы всех нас на поклонение к Богу приходят. не мозем никто нас ни единое нощи преминути не молившеся Богу. да не опечалим хранителя нашего ангела. нощь бо на двое разлучена. телу на упокой. и души на спасение.

Щит приими о человече рекше святыа молитвы. оградися ими и востани от сна. и извлецы мечь. и въстани крепце и по силе своей. помолись от всея душа. и тако Бог поможет ти скоро. и подасть ти крепость и силу побежати врага невидимаго. на тя дръзающа. Не того бо ради братиа нощь сотворена. да спим и празднествуем. смотрите како тии востают полунощи рукодельницы, да и вы вси востаните кождо вас в нощи. и прьвие всех дел. молитву к Богу сотворите. да милость свою подаст вы. а егда ложися спати. то не погреши. ни единая нощи не кланявся. но елико мога по силе. тем поклонением побежает человек диавола и тем избывает грехов. иже согрешил кто в том дни. тогда бо нощию и ум телеси ти легчае есть. и к Богу могут тя на покаяние обратити нощныя молитвы. паче ти дневных молитв нощных послушает Бог. тогда ти душа чистейши есть. и ум твой легчае на мольбы. и помысли века сего кончание и отшествие. Да се ми есть слово к мужу и к женам. въстани нощию и преклони колени. и припади к Богу моляся. и паче ти дневных молитв приклонит ухо свое Господь в нощныя молитвы. въспомяни Давида царя. како ти глаголаше. семижды днем хвалих тя. и пакы. в полунощи востах исповедатись тебе. и утрудихся воздыханием на всяку нощь постелю слезами омочях. Помыслите братиа. аще и царь толику имый печаль и тако творящи по вся нощи. а мы же како ответ дати имамы к Богу. в лености пребывающе. И глаголю вы братия и сестры. въстанем нощию молитися Богу о гресех наших, исповедатися ему. тогда бо в нощь ни тщая слава мутит ума. како бо мутить хощет. а всем спящим. ни зрящим никомуже. не знает бо никто. ни пакостит, како может быти такова мольба в день. а уму видящему мног мятежь. и помыслы имущу многы. аще бо вельми ся крепиши в день. но не можеши таковых молитв принести к Богу. И буди храм ваш яко церковь обнощь мужи с женами составлен. рече бо Господь. идеже есть два или три собраннии о имени моем, ту есмь посреди их. добрее Богу един творяй волю его. нежели тма безумных и беззаконных. Аще у кого вас дети суть. возбуди я в нощь молитися Богу. и научи я. да тако творят всегда. несть бо ничтоже такого храма добрее. идеже в нощи мольбы творимы суть. слышите что пророк глаголет, аще поминах тя на постели своей и на утренних поучахся в тя. Да помолимся братия по вся нощи. разрешим узы греховныя. глаголю бо вам. въстанем нощию. аще не полунощию. ино к свету. нощь бо на двое разлучена есть. телу на покой. а душе на спасение. и востани убо в нощь и помолися Богу. и припади воздыхая о гресех. аще бо милостыня творим. а сами ленимся молитися. не можем спастися.

И се еще вы молъвлю (скажу),²³⁰ чада моя милая, послушайте. Пост честный имейте к Богу (пред Богом). Егда достоить поститисѧ в постныя дни да приимете светлость. Яко же Моисей и яко Илья постом и молитвою огнь оугасиша; тако же и вы постѧщесѧ нищим раздраблѧйте хлеб свой, оубогия милуйте, нищих и немощних и на оулицах лежащих и седяща присещайте (посещайте, навещайте), сущая же в темници и беде милуйте и оутешайте, нагыя одевайте, сирот (и) домашних ни обидите, но паче милуйте, гладом не морите, ни наготою: то бо суть домачнии твои оубозии; оубозии бо инде собе испросить (выспросят), а си в твоей руце токмо озмуть (возьмут). Правым же помогайте, грешныя милуйте, странныя в дом свой введите, вдовиць призирайте, в бедах сущая избавлѧйте, старца чтите, попы и дьяконы яко служителѧ Божия; челѧдь же свою милуйте и оучите на спасение и покаяние, старыя же на свободу отпущайте бес поткновения (без замедления), оуныя (юных, молодых) на послушание на добро пооучайте, яко же Аврам каза (поучал) от разбоя и татьбы и.²³¹

Подобаеть, братье, всякому человеку крьстьянину, наченше (прежде всего) веровати Господу Богу своему, в коегож имя (во имя коего) крестившеся, ркуще (то есть) во имя Отца и Сына и Святаго Духа, Пресвятыя Троица, Господа Бога нашего истиннаго. Крещен (крещеный) бо человек акы (как бы) изново породиться, потом же, растый, (возрастая) в животе (в жизни) оскверниться (оскверняется), согреша Богу всяческы. Бог же милостив есть, хощеть да быша вси человецы спаслися; и не остави Бог человека в погибели, но дал ему есть Бог покаяние, да вси человецы прибегнувши к нему и воздохнувше из глубины сердца своего, и каются грех своих, волных и неволных, и приметь Господь всякаго человека кающегося грех своих. Обаче далных (далее) есть си заповедь: да слышаще, братье, держите и у себе в сердци своем; си сътворивше, спасетеся. Перваяж заповедь есть – еже любити Бога всем сердцем своим, трепетати словес Его, со страхом работати Ему, аки видяще лице Его. Втораяж заповедь есть еже любити друга акы себя. Несть бо нам лепо: призрети какого любо человека, ли рещи онь си (вот этот) праведен, а оны (а тот) грешныи; но рещи ны подобаеть: Бог вся свесть, а мне своими грехи (а у меня свои грехи) печаль есть, да несть ми требе никтоже (до других мне дела нет). Потом же, не блудить, но, аще подружие (жоны) имуще, то в подобно (дозволенное) время приближатися, а не акы скотом наслаждатися плосткых по своем хотению без устава, – но размерити (но так устроять) зде все свое житие, да Бог в туж меру отмерить на страшном суде. Аще кто и мнозими языци, вестить ти, то и всеми славить Бога и молить. Милостыню же творить к убогым яко постигнуще имением (сколько можно по состоянию). Первоеж великыи пост имеите с всею крепостию и верою, со страхом поклоняитеся до земли часто и с любовью. От суботыж Лазоревы не несуться проскуры в церковь за упокои и ни кутия, но въскресения образ творити и проскуры вынимати и кутия, крестити (благословляю): то-есть образ воскресения Господня; аще ли кто сего не творит, то с жиды осужден будеть. Се слышаще, братье, почтимся, чисто и чъстно проводити постныя дни с всякым воздержанием иже от всего зла. Всюж ту неделю проводивъше чисто, в великую суботу комкавшеи (причастившиеся) вкусять хлеба мало и тако пребудить всю ту нощь, моляся Богу. Також воскресение Господне да причащаются со всякою чистотою и причастившес в церкви тела Господня и крови, и шедше в домы своя, ядьше и пиють мало и поспят: тако бо творяще, истинни крьстьяне наречемся, храняще закон Божии и спасемся. Не того бо ради Христос вскресе пития или обьядениа, но сего ради воскресе, дая (чтобы даровать) радость всему миру, и веселие верным без конца; воскресением бо своим весь мир просвети, и вся верныя возвсели радостию духовною, да видевше вернии воскресение Христово и празднуют всю ту неделю, а не пьяньством, ни обьядением, ни песни бесовскыми, ни иными плотскими деянии и похотьми. Сех (сих) бо верных церкви принимают с чистотою входящих, разве же (и только) тех не принимают, оскверняющих (которые оскверняют) телеса своя блудом и лишним, питием, иж бес памети упиваются. Табо вся неделя (пасхальная) один день есть: Егда Господь воскресе, тогда слнце стояло не заходя 8 днии, всю ту неделю; егда же неделя та кончалася, тогда слнце зашло. Та бо неделя один день есть; темже вернии чисто провожають неделю ту воскресениа ради Господня, молящеся, с кресты ходяще всю неделю, а со женами блуда не творят. Се слышаще, братье, да празднуете первое пресветлое воскресение Господа Иисуса Христа и всяк празник его, таж (потом) и святеи Госпоже нашей Богородице и всех святых его. От великаж дни до пятидесятные недели не кланяйтеся до земли, не сего ради тело смилующе (не потому, чтобы тело щадить), но славяща Христово воскресение и кланяющеся иконе Христове и святыя Богородица и всех святых. И вся неделныя дни тако чтите: не поститеся тыи дни (в те дни), но дважды ясти хотяще брашно, но греха не творяще и не упивайтеся беспамети ни вкиеж дни; упивающебося погубять мзду труда своего. В тыж дни молитву творити часто, якож могуще противу (по) силе умней (ума). А причастие емлите, а сами ся чисто съблюдущеся; аще ли недостойни будя причастимся святых таинь Христовых, да осудимся вмуку. Аще ли Петрово говеныа будет, или Филипове, то в понедельник рыбы неясти, и в среду, и в пяток, но хлеб со овощем одиноя днем; а вторник и в четверг рыбы ясти двою днем, тако в суботу и в неделю. А поклонов на день по триста до земли: тако все говение правити Петрово и Филипово, а в великое говенье поклонов 50 на заутрени, 50 на обедни, 50 и на вечерни, а Господи помилуй по 50; аще ли будет кто немощен в кое любо говенье, то немощи деля како ему отец его душевньыи разгодав о сем. Нам бо достойно бы, братье, и оприче говенья, тако творити, поминающе съгрешенья своя великаа и множьство нашего согрешенья, яже сотворихом пред Творцем своим и Богом нашим. А про (за) наши уже было грехи (следовало бы нам) ни главы въскланивати, биюще челом пред ним, ни очию осушивати, льюще слезы своя пред ним, стенюще, скорблюще, о неподобных делех своих. О братье и сестры, оци и матери! Како ны было не боятися Господа своего и не трепетати словес его и не творити волю его! А тот есть створил небо и землю, и море, и вся яже суть в них, и возма от земля створил ны есть тело, не токмож тело, и душу вдохнул и живых ны створил есть. И видимыя створил, також створил ангелы и архангели, херувими и серафими и претоли господствиа, слнце и месяць, звезды, езера и реки, источныкы, вся горы и холмы, ветры и снези, дожди, скоти и звери, и птица, и гады и всяко древо земное. И то все Бога боиться и трепещет и не преступает повелениа его, но все то в уставе своем стоит, работая человечю естьству (роду человеческому), не преступая повелениа его, земля дает плоды своя наслед человеком, жита и траву, древа, цветы, плоды всякого овоща земнаго, на потребу нам, и на снедь скотам, и зверем, птицам, и гадам, всему земному дыханию. Свет же, освещая землю, творя (исполняет) повелениа Божиа; слнце, осияя и грея вся от земля, восходя и заходя и работая человеком, все творя повеланиа Божия и не преступая заповеди его; также луна и звезды, стражюще всю нощь, восходя и заходя и свет дая человыком, показующе всем шествующим путь (по) морю, по рекам, по озерам; а многая наша безакониа видяще, яже створихом пред Творцем своим, небоящеися его, ни останучися (не оставляя) злоб своих, то бо все терпят, Божия страха боящаяся. Також и море творить, и озера, и реки, и сточникы, работающе человеком: овех възяще (переносят) в караблех ветры, повелением Божиим, из града въград; пути творяще через море, носяще в лодьех, в челнех лете (летом), а зиме на возех; напояюще (напояют) водами, кормяще рыбами всякыми, омывающе нас; тако нам работают, боящеся Творца своего; також и огнь творить, повинуяся Господеви, работая человеком: грея и варя, пека, зноя, суша; все творя на потребу нам. Аще ли не повелит Господь чего творити, то все стоит во уставе своем, не смея ничтож сотворити; аще ли чему повелить Господь что створити, то створит, но по Божию повелению и по суду его, а собе (само по себе) ничтоже не смеет створити, ни земля, ни море, ни озера, ни рекы, ни источникы, ни кладези, ни горы, ни пропасти, ни огнь, ни зверь, ни гади, ни рыбы, ни мрази, ни снези, ни ветры, и никакая тварь. Или пакы сему (или и этому) не имете веры, безумнии человеци? То помыслите и разгадайте о своем теле: чего в нашем теле нетуть? В нашем теле – огнь, зима, глисты, черви; но все лежит недвигома, бояся Бога, не смея ничтож створити телу нашему; аще ли повелит Господь чему встати, еже в нас недуг, то велику болезнь створить телу нашему, и смърть приводить, Божиим повелением. Все бо, братья, Бога боится и трепещеть повеление его: толико (только) мы человеци все преступаем повелении его, и заповеди его не творим, отець своих не слушаемь, по злому своему уму, по первому своему проклятьству и непокорливому безумию, и бегаемь от пути истиннаго спасенаго, еже ны ведеть в жизнь вечную и в райскую пищу, веселье вечное; но мы того пути бегаем, а на пути погибелны наступаем, ведуще ны в муку вечную и в тму кромешнюю. А никто ны то не введеть, но сами себе по своему злому обычаю, а Бога небоящеся, ни чтуще заповеди его, дьяволя дела творяще, грехи свершающи, Бога небрегуще, а дьявола возлюбивше и муку вечную: сами ся в работу предаем, свободни бывше. Сам бо Господь в еуангелии глаголетъ: всяк творяи грех раб есть греху (Ин. 8:34). Мыж Господа Бога своего забываем и нетворим волю его. А како ны было нечтити его. Сам бо ны в Пчеле глаголеть: «чему мя, человече, не умееши чтити? А яз тебя деля свет створих, небо распростох и землю на водах основах, море горстью нальях, песком оградих; тебе ради езера и рекы и источникы створих; тебе для слнце и луну и звезды украсих: тебе ради всяко древо насадих и траву прорастих; тебя деля огнь створих, дождь пустих и снег. И тъ (все это) меня боиться и трепещет и не преступает повелениа моего. Тыж человече небоишися и нетрепещеши мене, нехраниши заповедии моих. Почто мя не чтиши, человече. А яз твои Бог, а яз твои црь, а яз же твои дед, а яз же твои отець: чему мя, человече, не умееши чтити, ни боишися мене? Аще мя имееши Бога себе, то чему ми не служиши с страхом, якоже ми служат ангели и архангели и вся тварь? Аще ли мя зовеши царем, то чему мя не чтиши с боязнью, якож земному царю служат слугы? Аще ли мя твориши прадедом или дедом себе, то чему мя нечтиши, якожь добри уницы прадеды и деды чтят? Аще ли мя твориши оцемь себе, то чему мя не чтиши с боязнью, ни твориши воли моеи, якож добрии сынове оцемь творят волю? Аще ли мя твориши братом или другом, то чему мя нечтиши, якож добрая братья братью чтят и друзи?» Но на предняя возвратимся. Но нам бо, аще приидет пост – чистота душам и телом, прогнание всем делом злым, – мы бо печалуем и скорбнем и страдно творим (тяжким представляем) говение, и се помышляем на сердцих своих, како преити пост: не хотяще (не хотим) остати злоб своих: пьяньства, объядения, блужениа, непокоренья и всего безакония; пути спасенаго бегаем и ходим ко ереем, прашающе: что нам пити и ясти? что поклона? Аще нам ркуть правила святых апостол и чьстных отец, наводящих нас на пут спасеныи, и обращающе душа наша от погибельных злых дел и приводящих к страху Божию, глаголющим нам всю истину: тогда их услышим, право и достойно чин свои съблюдущим, и повелевающим нам честныи пост чисто и непорочно съблюсти, от всякаго зла отступити, а Богу приближитися, на дьяволю главу наступити и всю силу его посрамити и волю его попрати истинным и честным постом, божественых молитв силою, погружающи (омывая) честными слезами всяку злобу и помыслы воющя (воюющие), на душа наша; всех сетеи дьяволь велящим избегнути душам нашим, яко птицам да не увязнем опят в первых тех сетех по своему обычею творяще: и тако словеса слышавше душеполезна и еще нехощем послушати их. Глаголють бо нам добро, и (а) мы глаголем: се вельми тяжко, не можем сего понести. Ныне есмы слаби человеци на добрая дела, приближнаа (приближающиеся) к Богу, на та есмы немощни и лениви и слаби, имиж души спасаються и к Богу възвышаються; а на злая дела есмы крепцы и неможем ся их остати, и не лениви, и мощни, и бодри; творим я своим безумием, а добрая и полезная Божия заповеди тяжки си творим и страднеи всех дел земных. Но о чем ны (почему нам) суть тяжки заповеди Божия? Поведите ми, братья и сестры и чадци. По морю плаваем, или по езеру хожение или по рекам нужное восхожение, или по пути ходяще нужею в кия грады, разбоиник блюдущеся. Почто вся си меню? Несть бо в заповедех Божиих тяжко ничтож, ни трудно. Ереи бо обращают нас от пути погибельнаго, а на путь спасеныи наставляють нас. То мы бо творим вельми тяжко, оже велят нам покаятися прежних своих грех и злых дел отступити, к Богу прибегнути. А дьяволю волю себе отврещи, а мы глаголем: «мы есмы крестьяне, дел дьяволь нетворим». То вси ведаем, яко крещени есмы; но младым умом отрицали есмя ся сотоны и всех дел его и всего студа его и всех аггел его; ныне же състаревся опят есмы внерли (погрузимы), яко в сет, в первая отрицаниа дьяволя (в те дела дьявола, от которых отреклися), не хощем из них на старость вынерети (освободиться), ни остатися их в злом срдци своем. Да како хощем милость от Бога прияти, или суда его страшнаго избыти, тако творяще? Но на преднее глаголание възвратимся. Ереем бо нужно есть пещися о стаде своем Христовых овець; аще бо пастух пас стадо, а не ублюдеть его, тогда волк пришед распудить стадо и овцю восхитить: то велико зло бываеть пастуху тому, не блюдшему стада своего овчати: також и ереем блюдуще нас от волка мысленаго, еже есть дьявол. Того волка блюдуче нас, ереи велят нам бегати на горы, да быхом непостижени были волком и ведоми в дно аду; тех бо гор сам волк бегает; аще хощет погнати нас, да скоро устанеть и посрамлен бываеть Богом и лова своего в нас неимееть; аще бо на те горы возбежим спасемся. Горыж суть Христовы заповеди, святых апостол и пророк, и святых отець, еже указали ереи нам на ползу, на покаяние злых наших дел. Суть бо в мире вся наша дела, да мерою дел наших оправдимся. Я (же) обои меры явлю вам, боголюбимьцы человеци: (да) приложите уши ваши сердечныя. Се сут меры, имиж оправдимся и спасем душу от волка и въбежим на горы: еж (это) есть покаяние, пост, чистота, поклон, воздержание от всякаго зла, любовь, смирение, кротость, трезвость, братолюбление, нагым одеяние, молчание, послушание словесь и неосужение, не оклеветание, не обида, ни алкание, не врежда (зловредность), не резоимание, не блуд, не прелюбодеиство, не гордость, бдение, слезы, молитвы, к церквам хожение, болным посещение, к темницы прихожение и наделение, мертвым погребание, к отьцю честь и к матери любовь и ина многая дела добрая: сими бо деянии вся казни дьяволя проженем (рассеем) и главу его злочестивую попрем. Сеж суть другыя меры злая и скверьная дела, отступна от Бога, ихже велить нам Христос Бог отступити и взыти на горы, еж ереи велят нам бегати от них: сут бо вельми пагубна, Богом ненавидима и святыми проклята. Еж есть: свар, бои, свада, величание, гордость, немилосердье, зависть, злоба, братолюбия презорство, обида, дмение, лицемерство, непокорение, мздоимство, осужение, хуление, пьяньство, объядение, несытовъство, прелюбодейство, грабление, насилие, непослушанье Божиих словес, преступление Божиих заповедей, убийство, разбои, душегубьство, ноузъпоношение, кощюны, идолъслужение, моления кладезнаа и речнаа, песни бесовьскыя, плесание, будни (бубна) и сопели, козици, игранья бесовьскыя и вся злая дела. От сих бо дел велят нам отьци духовни бегати и ходити по правилом и по заповедем святых апостол и богоносных отець. Да то слышаще, братья и сестры, подвигнемся на добрая дела, а злых ся останем и отбегнем; а постныя дни духовною радостию проводим с чистотою, страх Божии имеющи в срьдцих своих, отьца духовнаго послушающе, заповеди Господня храняще, да достойни и упасени будем честными ереи, приемши постныя дни, чисти и непорочни будем прияти спасеное тело и кровь Господа нашего Иисуса Христа, на освящение душам и телом нашим, на оцещение грехов, на исцеление недугом. Молитвами святыя владычицы нашея Богородицы и святаго Иоанна прдтечи и святых апостол и всех святых молитвами умолен будеть Господь наш и помилуеть ны всегда и ныне и присно и в векы веком. Аминь.

Иже кто верен и благочестив, лепо ны божественныя праздники имети в чистоте и духовне, а не на позоры и на игры упражнятися. Но мужы и жены, и старыя и юныя, мали и велицы, во церковь собирайтеся вси, на утренюю и на литургию и на вечерню, и весь день приходите ко церквам ходяще. А в церковь вниди, гнева не имей ни на кого, стой с молчанием, послушая божественых словес, да упомниши домашняя своя учити; аще ли что вестуеши, то не веси о чем чтомое глаголет. Паче же недели блюсти: та бо есть день воскресения Христова. Подобает бо в он всем честно и духовно праздновати, и покаянием очиститися от злоб, яже есмы во иныя дни сотворили, преспевающе друг друга добротою, яко же Господь учит ны пророком, глаголя: останите злоб ваших, и навыкните добро творити, – судии праведно судите, обидима избавите, богатии милостиви будите к неимущим, и к церкви не ленитеся, и Азь отдам злобы ваша (Зах. 7:9, 10). Такова имуще милостива владыку, неленитеся заповеди творити. К церкви же по вся дни приходите с любовию, зависть и гнев попирающе, вражду и гнев и всяку злобу отвергъше, да освятим душа и телеса. Паче же от кровоядения соблюдайтеся. Сия бо заповеди от Бога прияхом, преже реченныя Ноеви: да не снесте, рече, крови в мясе; Аз вам мяса предах ясти, рече Господь, а кровь всякаго животнаго зарезая пролиют на землю. Аще ли кто яст кровь, то повинен есть суду, и причастия несть достойно прияти ему, преслуша бо Господню заповедь. От Адама бо и до Ноя десяти (десятый) род суха бе пища, ни масла, ни мяс ядяху; по потопе же заповеда Господь Ноеви, глаголя: се дах вам ясти вся растущая от земля, а мяс ясти возбраних вы, ныне же повелеваю вам ясти мяса, точию душа его несьяжьте в крови (Быт. 9:3–5; Лев. 17:14); ядый бо кровь и давленину подобен есть ядущему мертвечину. Ияков брат Божий претит ны не творити блуда, идоложертвеная не ясти, и давленины, и звероядины, и крови скотия умершаго (Деян. 15:20, 29; 21:21). Вся бо сия едино имут различие. И Апостоли о том утвердиша, новый закон предающе, крестящимся глаголаху: чада, сохранитеся от блуда и треб идольских: блудник бо подобен есть идолослужителем (1Кор. 5:11). Бегайте же пьяньства и грабления; лихоимцы бо и пьяницы царства Божия не наследят (1Кор. 6:10). Гордости же и величания не имейте: и сперва бо Господь загордевшая ангелы в бесы преложи. Паче же всего гнева и зависти и клеветы останитеся, скупость и немилосердие отверзите и не мщайте себе любимии, полагайте на Бозе. Клятвы же отюд останите. Сам бо Господь Бог наш учит ны, глаголя: не кленитеся ни небом, ни землею, ни иною коею клятвою, ни главою своею не кленися, не можеши бо ни единаго власа черна, ни бела сотворити, но да будет слово ваше, аще вправду рещи: ей ей, а не вправду: ни ни, лише бо того, Господь рече, все от неприязни есть (Мф. 5:34–37). Тако же и Апостоли и святии отцы утвердили. Мнози же, не брегуще заповеди Божия, кленутся Богом и Его святыми, им же отнюдь горе будет. Темь бо паче гнев Божий приводят на ся. Иаков же, брат Божий, глаголет: аще кто мнится веру имый, а брат и сестра, нага будета и скудны, повседневныя пища не даст, имаже требе, то кий успех веры твоея: вера бо без дел мертва есть (Иак. 2:15–20), богатии же и немилостивии не спасутся.

(Слово о недели Иакова, брата Господня, епископа иерусалимского)²³⁴

Христос Бог наш почи от дел своих в седмый день. В 1 день сотвори Бог свет, а в 2 день небо, а в 3 день землю, а в 4 день сотвори Бог солнце и луну и звезды; тогда и диавол свержен бысть с небеси со отступными его силами, и беси быша наречени за гордость. А сего мнози не ведуще плетут: «диавол не поклонися Адаму, ръка (сказав): аз огнь есмь, а сей перьсть». То лжа есть, а не истина: не бе бо еще Адам сотворен, а диавол на землю свержен бысть. В 5 день сътвори Бог гады, и птица, и скоты, и рыбы, и звери, и древа и семена вся, а в 6 день созда Бог человека от земля и дуну в лице его, и бысть человек в душу живу, и нарече имя ему Адам. И в 7 день почи Бог от всех дел своих, и благослови Бог той день седьмый: се бо почивания есть день благословеный. Того ради и нам реченно в той день от дел почивати, токмо Богу молитися и к церквам ходити, милостыни даяти. Елико бо церкви обыйдет человек в нощи или во дни, то и стопы ногу его чтомы суть от святых ангел: се же ходяй не пустошная мысли, но Богу моляся, ни зла никакого мысля, не досади же никому в той день; аще же и сотвориши когда что зло, то воскоре смирися и прощение возми, а не остани на нощь, гнев держа на кого любо, никогда же. Неделя же радость верным, есть воскресенья Господня день и почивания. Всяко дело оставльше, духовно празднуйте, а не пияньством, ни играми, ни пустошными беседами, яко невернии; но от злоб ся очистивъше, святем теле и крови Христове причаститися. Вернии, духовне воскресения день почьтите, яко лепо есть крестианом: воскрес бо Христос, радость всему миру дарова, низолжив ада и смерть попра. Тем, братие, славы ради въскресения Господня, и воплощения Его, и начала сверьшения мира сего, радующися, празднуем день сей; к церкви спешно тецем на утреню, и на литоргию, и на вечерьню без гнева и беспомысла злаго. Своя домашняя беспечали сотвори, нищая и бедныя милуйте, и церьковным слугам почесть творите: та бо вся яко вруце Богу влагаете; в церкви же с молчанием стойте, кождо своя грехи исповедая, въспомянув, а о чюжих не глаголи, песни и пений и чтений божественных насладите сердца и душа своя. Сам бо Господь Бог наш сей день възаконил Моисиови глаголя (Исх. 20:9): 6 дний делайте, рабы твоя, и рабыни твоя, вол и осля твоя, а в 7 день упражняйтеся на мольбы и собирайтеся во церкви. Та бо, братие, пристанище есть от буря и мирьскаго мятежа; ту бо душам и телом цельбы приемлем; ту Божий глас сердечнеи уши оглашает; ту страшная тайна неизреченно сътворяется за ны; ту греховный мрак от сердець наших отгоняется; ту Сын Божий предлежит на святей и чюдней трапезе, яко агнец непорочен закалается, и пречистую кровь свою изливая на оставление грехов верным, хотя ны своего царьствия наследники сотворити. Нашего ради спасения на землю Господь сниде и от девы воплощься, с человеки поживе, страсть плотию прият безстрастный Божеством, и волею смерть въкуси, въскресе же в третий день и в четыредесятный день възнесеся во славе на небеса, и седе одесную Отца, и дарова верным спасеное (спасительное) пристанище – святую церковь, – в ню бо вернии приходяще (приходят) слышати святая божественая учения, евангельска же и святых апостол деяние и учения, и прореченныя пророки и отеческая сказания, житие же святых и мучения. Та вся слышаще, богобоязнивии просвещают душа своя и на диавола и на бесы его въоружаются и побежают я силою Божиею. О сем пророк Давид глаголет: врагу оскудеша оружия в конец (Пс. 9:7). И пакы тоже пророк Давид глаголет: приидете възрадуемься Господеви и предварим лице его исповеданием (Пс. 94:2), – си рече, исповежьмыся часто, а не таим согрешений наших. Воистинну есть день, братия, веселия и духовъныя радости исполънен, воньже достоит, хвалы всылающе Богу, комуждо о спасении души своея молитися. Воскресениа Господня се есть день и неделя наречен, да всяк, дело оставль, духовно празднуем радующися, славяще святую Троицю, Отца и Сына и Святаго Духа. Рече бо пророк: веселися, сей день егоже сотвори Господь, възрадуемься и возвеселимься вонь (Пс. 117:24). Вопрошаим, возлюблении, Давида: един ли той день сотвори Господь? Вся, рече, сотвори, но сей день веселия, полон есть и радости о Бозе, понеже воскресения есть день, за то неделя наречен, много бо благая сотворишася вонь. Да и мы, возлюблении отцы и братие, възвеселимся духовно с святыми пророки и апостолы, и празнуем радостно духовен праздник светлаго и тридневнаго воскресения Господа Бога нашего, сшедшеся в церкви, псалмы и духовными пении. Воскресения бо есть день и неделя наречен. Оставляют бо дела человецы вернии и на мольбы и на духовная деяния упражняются. Той бо день есть прообразуя радость будущаго века. В шесть убо дний всяк верный человек потребная исполняйте житейская, а в седьмый день вся духовная совершайте; сей бо день извествует веселие, еже праведным прияти от Царя славы. Моисей бо, первый во пророцех, рече: благослови Бог день седьмый, зане вонь почи от всех дел своих. Да и мы, братие, дела оставльше, днесь на духовная спеем. Сей бо день память есть Господа Бога нашего тридневнаго воскресения. И мы празник составим спасеный (спасительный), а не на игрища, ни на позоры, но яко истиннии крестиане, а не слытием (по имени только) токмо, но делы добрыми, братолюбием просвещьшеся, страньнолюбием цветуще, любовию озаривьшеся, нагыя одевающе, нищая бедьныя с собою вподобно (в надлежащее) время накорьмляюще, обидимыя избавляюще: тако духовно торжествуем. А неверным же и поганым несть такия радости, но скорбь им на уме и сетование. Пророк бо Давид о неверных глаголет: не увидеша, ни разумеша, в тьме ходят. А нам верьным вся явлена суть угодная Богу. Вся, рече апостол Павел, в славу Божию творите; аще ясте или пиете или ходите, во славу Божию сотворите (1Кор. 10:31). Когда идеши в монастырь, неси им, яже требе, или к церквам хожение, а в славу Божию седение. Егда какия игры, или пианицы кличат, или скомороси, или плясание и кощюны сатаниньски, в тый час дома пребуди, неисходя: то в славу Божию седение. О, братие, во пианьстве или во играх слава Божия несть! Рече бо пророк: хлеб сердце человеку укрепит, а вино возвеселит. А мы же, егда пием, то не в веселие, супротив закону Божию творим: питие на веселие дано, а не на пианьство. А мы, егда пити начнем, то и к церкви нейдем, и захлебнутися хощем, не человечески пиюще, но и поган горее есмы пиюще. Что бо есть скареднее пианьчиваго? Седит забывся, ум свой погубль, яко неистов, нечюется, что творя. Да то ли, братие, веселие есть, тако ли в закон и в славу Божию апостол верным веселие творит? Ни убо, не льстимься сами, и отстанем пианьственаго проклятаго обычая, идеже диаволу есть радость, а души пагуба. О братие! аще и телу нашему немощь от многаго питиа, – кольми паче душю губим! Слышите писание, глаголющее: кому свары и скаредие, кому сини очи, кому сокрушение вотьще, кому суд и прение, – не пианьчивым ли? О, братие, почто душа губим, скотски живуще? Другие же всю нощь не усыпают, пиюще и пляшуще и многа творяще злая, лютейшу муку душам своим творят. Ум бо погубль, не весться, что творит, и в малоумии велик язык простирает, студная и срамная глаголя, не срамляется, и с похотьми жены чюжая любызая, и чего хощет, егоже бы волею не възговорил, то глаголет. Влезет бо тогда во ум его дух прелестный, сътворит его безстудная глаголати, и хвалитися безчестием, и учаще его не покарятися, мнетися добрая глаголя. Запивая – бо – ся, многа творит добру злая. Како не суть плача достойни запивающися? Люто бо есть скаредие, еже беспамяти упиватися! Аще бо пианьчиваго учиши и грозиши ему, то он не слушает и не творит (не признает) греха в том. Таковии да слышат великого апостола Павла, глаголюща: «не льститеся убо, ни тати, ни разбойницы, ни клеветницы, ни прелюбодеи, ни лихоимцы, ни пианицы, царства Божиа не наследят» (1Кор. 6:10). Слышите, братие, к каким злым приложено и равно есть пианьство. О, братие! Вечьныя муки убойтеся, останите упиватися. Аще бо в таковом зле кто умрет, с идолослужебники осудится, внегасимый огонь. Пианчивому бо век старость в неустав, житию порушение, маловременьная (скорая) смерть, а по смерти мука вечная, аще истинным, покаянием того не лишится (не освободится).

Якоже в садех винограда (в виноградех) различны суть плоды; тако и во святых церквах (плодове) учения (святых отец) многа суть, и учители многи: ово (овии) о милостыни учат, а ино (иний) о смирении, вси же во един путь спасения наставляют нас божествеными учении.

Слышите, богатии, и не гордитеся во имении, тлеющими не хвалитеся. Един бо есть Бог богат имея богатство нетленное и всем изобилно подая (подавая), а ваше богатьство яко прах есть (и потому) дóндеже тихо есть и доволно о нем все есть тогда на спасение устраяй себе; аще ли бури подобна напасть взыдет, или смерть, или гнев царев, то по истине яко ветр имение развеет и не станет помогаяй тебе. Доколе бо в твоей области есть, то отдавай от него участие (часть, долю) Богу, да яко друг добр, и яко же вож, ведый право, в небесное царство приведет тя. Аще ли же держиши в скупости сокровено, то яко змиин яд в сердцы ти внидет большая собирати, да зде тело ти изсушит несытость имения, а в будущий век душу твою огню негасимому предаст. Люта бо есть велми похоть имения, мнози бо любяще ю, погибают и зле душу свою погубят (погубляют). Яко бо море ненаполнится многи реки приемля, тако и ум человечь несыт есть, многа имения собирая, и яко же ад не насытится, тако и человек непрестанеть хотя богатьства, донеле и (паки не) умрет. Собрания бо многа вся зде останут, а мы з(с)делы токмо отидем. О богатии и немилостивии, убойтеся грядущих на вы страстей! Богатство ваше изтлеет, а ризы ваша мольми изядени будут, злато и сребро изоржавеет, а вас смерть приимет, тело ваше черви изъядят, а души ваша в вечную муку пойдут, аще немилостивы есте и скупы. Почто, о человече, скорбиши, тленных подаяти нехотя (не хощешь), а за то от Бога царство небесное прияти (хошеш)? Что отвещаеши пред Богом, стены облачая, а человека неодежиши, коня украшаеши, а нищаго и вдовы и сироты не наделяеши? Аще еси не помиловал, и ты будеши не помилован; аще не отверзл еси убогому храма своего, то и от Тебе затворен будет рай; не даси ли алчющим хлеба, то и ты не приимеши вечныя жизни. Тем же потщитеся богатии на милостыню, десятое Богови отдающе имения вашего, да спасете душа ваша.

Аще без печали желаеши быти, человече, то уклонися мятежа мирскаго; аще ли же невозможно ти того сотворити, то и в миру живи, не будеши бо лишен царства Божия, толко буди щедр и милостив, и уклоняйся всякия неправды, а имения не скрывай, иже Вышний дал тебе. Не родилося бо с тобою имение, но Богом поручено ти есть на малы дни, то яко ключарь порученная ти раздавай амо же поручивыи ти велит. А не рцы, яко детем совокупляю богатие (богатство), но поручи богатство свое Богови, доброму блюстителю, и тебе бо той же дал, тому предай дети и жену свою. А не глаголи: дети ми сотворят память; но сами каждо вас о души (своей) печалуйте, а не надейтеся чюжими приносы спасени быти, но своими руками раздавайте от своея силы. Дети бо того пособия души твоей не могут сотворити, якоже ты сам. Тем же в животе своем о души своей размышляй, и тою крепко попецыися (попецися), яко едина ти есть душа и едино время житию и едина смерть, и потом нелзе будет о души поскорбети (скорбети). Да того ради и ныне будем готови и быстра течения сотворим ногами нашими ко церкви и воспомянемся (вспомянем) от злоб наших (о злобах наших), покаемся о гресех наших. Ныне покаянию время есть, скоро бо преминующе житие се временное. Аще ли же ныне не покаемся, то отшед, что можем сотворити? Все бо имение наше зде останется, а мы токмо с делы отидем, и якоже нази родихомся, тако и пред Богом станем. Да аще кто глаголет: дети ми сотворят память: аще бо и сотворят память, но не тако, якоже сам. Аще же (а еще же, аще) дети твоя безумни будут, или пьяницы, или тати, или блудницы; то ничто успеет оставленое им имение. Всяк бо потщися наказаны дети оставити, неже богаты; аще бо богаты, а не наказаны, то всяку злобу покрывающе имением, оскудеют, и не будет ти памяти от них. Того ради сам даждь о души своей, а детям твоим многажды случается напасть, татба или поклеп (ложное обвинение) или усобный мятеж, – тогда погибнет оставленое им имение. О человече, даждь сам о себе, хваля Бога, давшаго ти, а детям твоим к тому-же взирати подобно; Той бо всем неоскудно подает! Того деля несть лепо щадити даяния Божия. Неимущих бо деля излише поручил ти есть Бог, да убогий богатым жив будет, а богатый убогим спасется.

И се же ведати потребно есть нам, яко дал есть нам Бог богатьство на искушение, токмо неимущих деля излише поручено нам. Избавление бо человеку от грех свое ему богатьство, несотворшим же милостыни суд без милости есть. Аще будет богат, а скуп, то не может спастися; а иже кто имением скуден, той нищеты деля и скорби и терпения и добронравием – спасутся. Могуще же творити милостыню, а не подающе, скупостию сребролюбия одержими; аще бо и вся добрая дела исправит богатый, а будет немилостив, то сам ся лстит (обманывает): суд бо есть без милости несотворшим милости (Иак. 2:13); богатый бо аще и зла не помнит (прощает обиды), а убогих и сирот не милует и презирает ближняя своя, – таковый бо услышит тамо судию Христа глаголюща: иди (те) от мене, проклятыи, во огнь вечный, уготованный дияволу и ангелом его: яко взалках, не дасте ми ясти, и вжадах не напоисте мя, наг бысть не облекосте, мене, странен и не введосте мене (Мф. 25 гл.). Кий паки тому прибыток, иже во обилии живый, смирен есть и неосужая, а нищая и голодная и наготою гибнущая презрит? То услышит таковый с богатым о нем, иже во пламени сыи: помяни, ты благая принял еси в животе своем, нищии же злая, – ныне же нищий утешается, а ты стражеши во пламени жгом. А иже мнящеися вернии, в молитвах и в пощении пребывающе, а злато и сребро скрывающе, и вопля (молеб) нищих не послушая – то кия милости сподобятся? К таковым бо зловерным и лжепостником и лицемером вопиет Апостол Павел, паче же и сам Христос Павлом глаголет: аще мудр буду и вем тайны вся, и весь разум, аще и тела мое предам на сождение, а без любви – ничтоже ползую, но бых яко медь звенящи (1Кор. 13:1). Се же глаголет любовь – иже непрезрети роду своего в скудости, и миловати сироты, и утешати плачющаяся. Немилостивых же богатых и жестокое (жеское) воздержание ничтоже успеет. Многи бо и в миру богоугодно живуще и достигоша тех меры, иже в пощении просияша в пустыни. Яко же о двою сыну Спандровому во отеческих житиях слышахом: един бысть отходник, а другий странноприимец и нищим питатель. По окончании же обою (их обоих) многу истязанию бывшу межи отцы: овии пустынника хваляще, а друзии милостиваго и странноприимца. И приидоша к великому отцу Паммову (Памве), от того истину хотяще уведати. Отец же преподобный помолися Богу три дни и приим извещение (от Бога), и поведаше братии, яко оба вкупе в раи во единой славе видех их и во едином веселии и радости.

Имейте, чада моя, страх Божии присно в сердцах ваших; писано бо есть: начало премудрости страх Господень. Страх бо Господень не велить творити лиха. Ничто же вера бо; страх бо Господень (Господним) поминать велит смерть на всяк час и страшное судище. Страх бо Господень приимше первое праведнии спасошасѧ, апостоли Господни с мученикы страха ради Господнѧ терпяще; в пещерах и в пропастех земных и в пустынѧх, тако же чающе мьзды великаго Бога. Тако же и вы, чада, страха делѧ Господня все добро творите спасения делѧ; грех же аще кто створить по дьяволю делу, да в томь же дни покайтесѧ. Блюсти бо сѧ смерти внезапну, – писано бо есть: в чем тѧ застану в том тя и сужю. Тем же, чада моя милая, буди вы всем страхом Господним спастисѧ.

Всегда, любимии, братие и сестры, имеем страх Божий пред очима своима, и час смертный воспоминайте, и оны страшныя муки уготованныя грешником; боимъжеся огненнаго родства (геенны), яко вечно есть, и огня яко негасим есть, боимъжеся грозы, яко непрелагаетъся в теплоту, и тма, яко небывает свет; боимъжеся червия, яко неусыпают и бсзсмертни суть, ангели же над муками злии суть и немилостивы. Люто бо будет осужение, братие, всем нетворящим воля Божия, и мук боящеся, останите злая деяти, иже есть на пагубу души, и потщитися в худом сем веце добродетелно пожити, царства небеснаго желающи. Вся бо света сего временна и тленна суть, богатьство и слава, и человеки смерть приемлет. А онамо все нетленно и конца неимать, ни летом числа, ни временем применения. Убоимся, братие, вечных мук, яже дияволу уготованы; негасим бо есть огнь, и ядовиты черви. Аще бо зде банныя горящия теплоты укропныя (укроп – теплая ванна, теплая вода) не может плоть наша терпети, то како стерпим он лютый огнь и кипящия смолы мучение; аще комары (комарова прещения) или мухи страшаще не торпим, то како, братие, неусыпающих червей лютость стерпим. Но потщимся убо вечных мук избыти делы добрыми, чистотою, милостынею, нелицемерною любовию. Се лицемерство (есть) наричет, иже богатых стыдитися, аще неправду деют, сироты же озлобляти (оскорбляти). Имейте убо истину ко всем человеком: то бо есть Божия любы; всяку же вражду и гнев отверзите, пьяньства бегайте. Во мнозе бе питии всяка злоба бывает; зависть же и клевету и прочая злобы покаянием отрините, да наследницы будете царствия небеснаго. Любимицы, когождо бо нас век скоро скончевается, друзии бо легше на одре вечер, а утро не восташа и отидоша жития сего; тогда что уже человек может добро творити, или исповедатися, или прияти тело и кровь Сына Божия? Но в нем же приимет ны смерть, в том Бог и осудит ны, в добре или в зле. Тем убо кождо вас внимайте себе, а чюжих грехов не осужайте, да не осужени будете. Кождо бо о своих делех ответ даст пред Богом. А не поможет тамо никто, ни отец сыну, ни сын отцу, ни брат брату, но дела когождо осудят или спасут.

Господь рече: лучши есть искати кротости, нежели мудрости. Всякой бо мудрости мати кротость есть и всем добрым делом. Да аще первие саму обрящеши матерь, тогда мати совокупит ти и дети, и будут ти братия, и с ними обрящеши Отца небеснаго, иже прежде век без начала рождейся, и в последняя пришед, нас породи святым крещением и верою, и сотвори нас сыны себе, и облече ны во святыя и честныя ризы. Да аще, любимии, будем разгневили Отца и порты (одежду) крещения (чистыя) искаляли (оскверняли) злыми делы, и отгнахом матерь добрую кротость и прияхом мачеху (мачиху) злое величание, и дети ея, гордость и непокорение, прекословие, клевету, гнев, пьяньство, осужение, блужение, сребролюбие, скупость и прочая съними мачешницы (мачешенци – дщери мачихи), обрести отца диавола связаннаго во тме кромешней, с ними же будут и тии, иже волю его творят. Аще ли же злыя мачехи и с ея детми величания неотжнем от себе, то будут последняя горши первых. О, друзи, аще разгневисте отца и матери неприясте, но молю вы не отчайтеся, отжените мачеху, еже есть (злое) величание, и проклятыя дети ея, и окаляние (греховную нечистоту) покаянием омыйте, и тогда приимет вы отец и любити (паче) начнет. Порты же крещение именуется, а окаляние злая дела, имиже сами на ся гнев Божий приводим, и самохотением (и самохоть) царства Божия лишаемся злыми нашими делы, гневом и татбою, завистию и граблением, резоимством (ростовщичеством) и клеветою, пьяньством же и песньми пустошными и плясанием, горши же всех гордостию, сребролюбием и скупостию погибель душам содеваем. Злых бо ради дел наших казни многи от Бога на ны приходят: овогда ратию, иногда пожаром, и мором, и болезньми тяжкими и иными многими бедами. Но, о братие и сестры, останем злых дел и приимем кротость – матерь добрых дел, и окаляние омыем страхом Божиим и верою чистою и смиренным покаянием, пощением и поклонением, милостынею и послушанием божественных словес, и сотворяще реченная: аще бо и часто слышим, а не творим, то не можем спастися.

Да яко сад потребляем от хврастия (хвороста) – не может расти, тако и человек горд не может спастися, аще не смирением гордость потребим (потребит) и покорным покаянием. Гордаго бо душа на высоту восходит, а оттоле во адскую глубину снидет. Да яко плод изгнил непотребен делателю, тако и молитва гордаго не приятна Богу. Душа гордаго не имать части с Богом, но бесом радование бывает. Гордости (гордыни) бо ради Господь ангелы с небесе сверже и в бесы претвори. Смиренная бо мудрость на небо возводит человека и со ангелы ликовати творит, а гордаго человека гордость с бесы учиняет; молитва смиреннаго приидет к Богу, а гордаго моление прогневает Бога. Якоже тягота уплода (плода) ветвь низложит, тако и гордость погубит душу добродетелну. Человек горд, яко древо корения не имея (не имуще) и скоро падется, тако и гордый во адскую пропасть снидет. Почто возносишися, человече, брение (берние) сый и попел; почто гордостию унываеши? О неразумне! Аще велик еси саном, то имей смирение, никого не похули, чюжих грехов не пытай, да славен будеши в день судный, и скорбнаго плачющася не остави, да не презрены будут молитвы твоя. О убогий человече, кто тя созда, где ли ся еси взял (взя), о чем надеяся (на кого надеяшися) и не боишися Бога, и гордишися, величанием душу си губиши? почто дмешися (надмеваться), яко водный говор (шум)? земля еси, и не помнозе в землю паки пойдеши; ныне горд, а помале (времени) червем покоище. О человече, разумей немощь свою, не гордися! Божие бо создание еси, не отметайся создавшаго тя; посети естества своего и виждь сродники, яко тии того же естества суть, и неотметайся роду своего гордости ради. Аще ты богат, а он убог, но пред Богом он выше тебе. О человече, не гордися о мнозе богатстве, печали бо его отлучают от Бога, жития богатых не блажи; силнии бо силнее испытаны будут. Якоже бо опутану несть лзе ходити, тако и печалми объятому света сего нужно (тяжело, трудно) ити на небо. О богатии, не гордитеся о имении вашем, и тлеющими не хвалитеся: един Бог богат есть, имея нетленное богатьство, а ваше имение ничто же есть. Донде же (донели же) тихо есть, устраяй на спасение себе; человеку бо избавление от муки свое ему богатьство.

Много может молитва праведнаго поспешествуема, поспевает же, аще каяся трудитися начнет, плоды покаяния сотворше; сице ли же един есть созидая, а другой разоряя, то что успеет, токмо тягость? Велико бо зло есть, еже ити ко церкви, имуще на кого злобу, молитися лжею глаголюще в молитве: Отче наш, остави нам долги наша. О человече, что глаголеши и без ума трудишися, на молитве неприязненный яд в сердци своем нося и вопиеши прилежно к Богу: остави ми, яко аз оставил! Человече, молити ли ся пришел еси или лгати? Благодать ли обрести или гнев приняти, спасение ли хощеши прияти или муки? Не слышиши ли что иерей во время божественныя службы возглашает: возлюбим друг друга, рекше, вся неправды и жестокосердие отверзем. Что, человече, твориши, ангелом шестикрылатым служащим, на святей трапезе тело Христово покрывающим, херувимом трисвятую песнь поющим, серафимом с боязнию стоящим, иерею же за вся люди молящуся, Духу же Святому сходящу, ангелом же написующим имена входящих в церковь беззлобых человек? Како, любимый, не ужасаешися и како просиши прощения, а не простя: аще ли не простиши согрешьшим ти, и Господь тебе не простит, прощая бо, прощен будеши, милуя, помилован будеши. А не рци тако: яко много отпущах брату моему и паки зле досадил ми и много зла наведе на мя и не могу отдати ему. О, возлюбление, не глаголи того, но уподобися Стефану и Иакову, брату Господню, – за творящия ти зло подобает молитися, – и своему Владыке уподобися, смерть за ны приемшу, и стерпи досаду и укор от друга, да оставит ти ся согрешения многа. Бежим, братие, злопомения (злопомнения), лютого греха: всяк бо грех совершается в кратце и борзо (быстро) минуется, а злопомнение люту имать страсть палящу, ибо ходя и лежа и востая яд в сердцы имеет, и тою страстию одержим не наследит царствия Божия и прощения не сподобится. Ту (то) убо никая добродетель не успеет – ни пост, ни милостыни, вся бо злопомнение погубляет: аще принесеши дар ко олтарю и вспомянеши на кого злобу, то первие (первее) шед смирися, а тогда принеси дар и прият будет.

Любимии, аз долг свой по вся дни отдаю, еже есть учение, а ваше есть, еже внимати и творити; аще бо слышавше сотворите, то спасени будете, а не сотворите, осужени будете. Слышите, како супротивна сия жизнь духовней любви. Яко же имать кто един детищ и велми любит его, а иже многи имать, то любы хуждьши бывает; тако и душа бывает не может в миру Богу угодити. Тем же не отнюд похотем прилежите, паче же всего зависти бегайте, и не можете радоватися, егда на друга найдет печаль, но скорби о нем и утеши его. Ничто бо тако от Бога отлучает, яко же зависть; всех бо зол злее есть зависть, подобен бо бесу завидивый, егда в напасти кого видит, тогда радуется. Почто бледееши (бледнеть) завидливый? – аще славен брат и обилен, то подобает ти радоватися и Бога хвалити. Почто глаголеши завидливый, яко имения не имам, – аще бых имел, то и убогим давал бы? О брате, не веси ли, аще бы еси богат был, то паче бы еси обидник или лихоимец был; се бо ныне в скудости глаголеши, а богатым дьявол насевает нрав скупости и Бога ради не давати. О, завидливый! сия глаголя, Бога хулиши; аще бо и богат кто, то кто весть, что кому поручит, то колми паче Бог, сведый вся преже бытия нашего, но токмо кождо нас будем о гресех печалуя. Но мы таковы убо вси. Егда убо будем сыти, тогда мним ся, яко можем поститися, и паки, егда трезвы, тогда мним ся, яко можем удержатися от пития, – (а потому) не глаголи сего завистивый, яко аще бых богат был, то много бы давал и щедр бых был к неимущим, и аще бых учитель был, то многих бы наказал. О, брате, аще бы еси учитель был, то на большее бы ти осуждение, или бы ти зависть или леность поучала бы тя покрыти (съкрыти) талант слова Божия. Аще бо и не священник еси, не потай данныя ти (тобе) благодати и разума от Бога; аще ли накажеши несмысленыя, честнейши бо есть сокровища многоценнаго, еже душу приведеши от погибели на спасение, и со святыми учители в день он будеши. А иже имения кто хощет, то первие и малое свое с правдою сотвори и от того участие (часть) Богови подай, да подаст ти обилно. Аще бо в мале будете податливы, а егда богатети начнете, тогда будете и скупы. Мнози бо человецы, имения желающе, душа своя погубляют; аще бо кто и многи добродетели творит, а будет завидлив, то горши татя и разбойника осудится с жиды: тии бо завистию пророки и апостолы избиша и самого Сына Божия крови сотвориша излиятися.

Не осуждайте, рече, да не осуждени будете (Лк. 6:37). Се многи (многыи) слышах глаголюща: «горе мне, како могу спастися! поститися не хощу (не могу), а еже не спати не бодр есмь, девьствовати не терплю, мира отлучатися не могу (не тръплю), милостыня не имам, и не вем, како спасуся!..» Аз бо ти глаголю: остави, оставит ти ся, прости, прощен будеши; сими делами можеши спастися. Аще имения не имаши зде, ни телеси трудити, – аще оубо и своима очима видиши кого согрешивша, то не осуди: един есть судия Бог, иже воздаст комуждо по делом его. Судяй бо кто чужия грехи Христу противник есть и антихрист наречется, яко суд Христов восхищает. Да не судим, братие, всякому согрешившему, да прощение нашим согрешением приимем от Бога. Аще еси видел кого согрешша (согрешивша), но не веси, как житие преидет. Разбойник бо он, иже со Иисусом распятый, человекоубийца бе, а Июда апостол бе Христов, – разбойник же вниде в царство, а ученик в пагубу. И аще ли видеши кого согрешша, но не веси добродеяния его: мнози бо яве грешиша, а отай покаяшася. Тем же, братие, не осуждаем никого же, да сами не осужени будем; паче же да не осужаем иереев (священников). Аще видел еси (его) что сотворша, то не рцы, яко грешен есть и недостоин служить, но приступи к нему с чистою совестью и причастися божественных тайн, да святыню получиши. Аще бо и ангел есть приносяй безкровную жертву, а ты недостойне приходиши, то никако и ангел от грех не очистит тебе. Истина бо о Июде послушествует (свидетельствует), яко от пречистыя руки Владыки Христа хлеб прият и абие вниде вонь сатана за недостоинство его; се бо известно вы есть, яко аще не осуждает кто, не осужден будет. О сем бо мнози послушествуют.²⁴⁵ Муж некто черноризец, в лености житие прейде, разболев же ся к смерти и пришедшу ему к последнему издыханию, и никако же не стужи си (не печаловался), но благодаряше Бога. Един же от седящих у него от великих отец глагола ему: брате, ими ми веру, яко отнели же мнихом еси и вси видехом тя, яко в лености и в небрежии житие свое скончал еси; но откуду таковое беспечальство в страшный час имаши? – Брат же отвещав и рече: воистину, честнии отци в лености житие мое скончах; но отнели же отвергохся от мира и бых мних, не осудих никого же от человек и никому зла не сотворих. И ныне принесоша ангели Божии рукописание грехов моих, и свершилося на мне слово Господне, еже рече: не осужайте, да не осужени будете, оставите, оставлю вам, – и растерзано бысть рукописание грехов моих. И се радостно иду с беспечалием к Господеви Богу моему. И яко изрече се брат отцем и в том часе предаст дух, многу пользу всем сотворив. Да се слышаще, братие, потщимся не осуждати, ни зла помнити, да Господь Бог не осудит ны и не воспомянет прегрешений наших.

Егда убо видиши кого живуща в озлобнем богатстве (в богатстве, неправдою приобретенном)²⁴⁷ и ничего зла неприемлюща, не блажи его, но плачи и скорби: онамо (там) бо лютыя муки приимут таковаго. Иже бо зде кленущеся во лжу и ротящеся (ротящися во лжу), мздоимцы же и грабители, во обилии живут, таковии (сице) бо питоми, яко свиния на заколение, и во отреченныя (погибельные) муки с неверными осуждени будут. Аще речеши, мнози ротятся и кленутся, то како зла не приемлют, не мстит бо им вскоре, якоже при Анании и Самъфире? Не чюдися, брате, иже бо велики грехи творят, а беды ни малы не приемлют: тем много готовится за терпение Божие, люты им муки будут, и на большую беду щадими суть, а иже бо добродеяния приемлем, а во злобе живуще, то болши достоит нам скорбети. А иже зде за злыя наша грехи ничего люта не приемлем, егда же противу нашим согрешением, наводит бо казни, то легчае нам суд творит. Велика бо согрешения есть рота и клятва, иже преступити крестное целование и целовати накриве Пресвятая Богородица, или иного святого (образ) многих грех тяжчае есть. Недостоит бо клятися именем Божиим, или в правду или безправды, да не (о) нас сбудется, иже Господь, рече: человецы сии токмо ротою мя знают. Сего ради Захария пророк виде серп огнен сходящ с небесе на землю, и моляшеся Богу, да проявит ему; и сниде к нему глас, глаголя: сей серп гнев Божий насылается от руки Господня на тех, иже ходят к роте на криве, да сожжет домы их, а душа их огню негасимому предаст (Зах. 5:1–4). Да отнюд, братие, не можем клятися, ни друга клятвы догнати. Сам бо Господь Бог учит ны глаголя: не кленитеся ни небом, ни землею, ни иною коею клятвою, ни церковию: кленыйбося церковию, то живущим в ней Богом кленется; ни главою своею не кленися: не можеши бо ни единаго власа бела или черна сотворити; но да будет слово ваше, еже в правду: ей ей, а невправду: ни ни, а лише сего от диавола (от неприязни) есть (Мф. 5:33–37). Ныне же чрез (вопреки) повеление Божие крестом кленетеся, его же даде нам Бог начесть велику и оружие напротивнаго врага. Без того бо крещение и литургия не бывает, ни ина кая духовная вещь, име же мы знаменающеся бесовския силы побеждаем. Мы же тем ово волжу, ово вправду кленемся, и велми паче гнев Божий на ся подвизаем. Заповедаша бо нам апостоли и святии отци, рекуще: ни кленитеся никакоже инако: аще вправду рещи: ей ей, а невправду: ни ни, а лише того, Господь рече, все от неприязни есть. Того ради Бог казни многи посылает на ны, овогда же дождя не пустит, а овогда пожаром и болезньми тяжкими и прочими бедами, зане ротятся человецы и друг друга клятвы доводит (догонять), и святую церковь ротою оскверняют. Богу нашему слава.

Уподобися слава мира сего пламени огнену, иже подгнещен дровы велик бысть и потом во углие преложися и потом (бысть) попел, и паки развеет (ветр) и место необрящется. Велицыи же святии: Григорий Богослов, Василий Великий, Иоан Златоустый, Ефрем преподобный рекоша о видимом и нарекоша жизнь сию – (овии дымом) – овии прахом, друзии же яко ничтоже суще. Многих бо безумных лстит свет сей богатством, селы, конми (коньми), пищами и одежами когождо нас и до гроба. Власть бо очи смысленных ослепляет. Рече бо Иоан Златоустый: велик человек есть пред Богом, иже во власти не изменится страха Божия (страхом Божиим и) яко Кирил философ рече: Бог созда человека между двух животну, между ангел и скота; кроме (вне) бо ангел гневом и похотию, кроме же скота словом и смыслом, да яко же кождо нас сам что изволит: рай или муку; самовластни бо есмы. Ум убо положи Бог человеку во главе между мозгом и теменем, яко (акы) яблоко в сосуде некоем. Яко же князь во граде владеет людми, тако и ум владеет душею и телом. Добрый бо ум душу спасет, и яко же пред князя всяка пря приходит, аще ли же князь смышлен и добр, то правым помогает, а виноватыя казнит; тако и ко уму от сердца приходят благая же и злая помыслы. Понеже человек смертен и безсмертен, тело смертно, а душа безсмертна, тело поучает на грехи, а душа на добродетель. И прятся мысли: неверие с верою, нечистота с девством, пост с невоздержанием (пьянство с целомудрием) и прочая. Приставлении же человеку ангели во святом крещении соблюдают и до дни исхода, ожидают покаяния; любят бо ангели род человечь, яко тех деля видеша Бога во плоти, а преже того не видели николиже. Сам бо Господь во Евангелии рече, яко радость бывает на небеси о едином грешнице кающемся (Лк. 15:7, 10), глаголю бо вам, ако ангели их на небеси предстоят пред неизреченною славою Божества Его, но не видят лица Его; а егда на земли грешник покается, тогда слава Божества открывается, и видят ангели лице Господне и радуются. Святии же отцы жизнь сию ни вочто вменили. Вся бо вскоре погибают, яко прах и пепел, и яко цвет травный увядает. Вся бо света сего прелестна: богатство, и слава, и власти – вся погибает. Та вся тленна быша Адамова ради преступления. Не на сию бо жизнь сотворени быхом, но на райскую; не того ради пусти нас Бог в мир, да грехи творим, чужая грабяще и насилующе; но да взыщем раю и царства небеснаго, идеже радость безсмертна и нетленна, веселие и красота некончаема, идеже Херувими и Серафими, Силы небесныя со всеми святыми радуются, о Христе Иисусе.

Оубо первие бысть правда Богом сотворена в человецех, потом же от неприязненна действа (от вражеского, сатанинского) неправда воста. И прияша человецы неправду и возлюбиша, а правду оставиша и отвергоша. И остави я правда во своей воли ходити. Самовластни бо есмы, и своею волею погибаем. Оставя бо правду, а злая творим; ведуще истину, но не творим ея: лжем бо и крадем, обидим, осуждаем грехи чужия, завидим, грабим, по мзде судим, и многи ины неправды деем, яже суть на пагубу душам нашим. Прияша бо неправду человецы от дьявольска ума, и изволиша (и остави я правда) ходити по своей воли, да погибнут, яко же сии (они сами) изволиша: всяк бо волею своею или погибнет или спасется. Самовласти (самовластнии) бо есмы, да яко изволим что, то и творим, или рай или муку обрящем себе. Возста бо (по нашему произволению) на девство блуд и погибе девство; воста на чистоту скверна, а на кротость гнев и лютость, гордость на смирение и на любовь ненависть; воста несытость на пост, а на трезвение пьянство; воста обида на братолюбство (на братство), татьба же и разбой на тихость и на милосердие; скупость воста на щедрость, неподание и несохранение закона; на Господня заповеди вся неправедная восташа, на благая дела супротивство. Тем, братие, многи нам исправление требе, еже искати правды Божией; мнози бо, неправду деюще, зле погибоша. Разумей, убогий род человечь, яко побежен (побежден) еси неправдою, увеждь, о человече, от ныне увеждь, кто сильнее, Бог ли или дьявол, всех враг, и разсмотри – что лучше есть: грех ли погубляя (нас) или закон спасаяй; добре увеждь: тело ли нетленно или душа, и что добрее, рци ми, правда ли или лжа, рай ли или мука? О несмысленне род человечь, почто неправды деля погубляетеся сами, а правду оставили есте, ею же бо спастися! Возлюбили есте злобу, пьянство, лжу, татбу, гордость, скупость и прочая неправды, а не уповаете правдою спастися. Никогда бо Бог не оставит человека в правде живуща. Правда праведнаго от смерти избавит; блажен человек во истине пребывая; лучше нищь ходя во истине, нежели богат лжив; творяй бо истину о Бозе живет. Глаголет бо Генадий патриарх: три нравы возненавиде душа: богата лжива, стара блядива, убога хупава. Тем же, братие, лепо ны есть, правду деюще, милости Божия просити. Смотрите убо, вся иже в житии сем красна, и славна, и сладка, – богатство же, и питие и различие риз, села и винограды; но вся си оставльше умрети имамы, аще ли и вельми есть любо, но ничто возьмуще, отходим от них. Тем же, братие, понудимся первие смерти в правде пожити и добрая дела творити, и милостыню даяти, да получим жизнь вечную от Бога, Ему же слава.

Яко аще кто добро творя, в беду впадет или в болезни люты, или в грабление имения, или в оклеветание, или пожаром, или потоплением лишен будет имения, то немози хулы на Бога вещати. Аще ли бы злая творяще и беды не приимали быхом, но во обилии бы и в веселии и в беспечалии (были), то отнюд (отъинудь) бы зло, и забылбыся человек в богатьстве и в беспечалии и скоту бы уподобился. Давид бо пророк о том проразумев, рече: человек в чести сый неразуме приложися скотом несмысленым и уподобися им (Пс. 48:13). Исаия пророк рече: Господи, в печали помянухом тя (Ис. 26:16). В печали бо на угождение Богу добре обещевается человек, но аще обета не исполнит, то велми лют и зол ответ таковому будет. Мнози же, не ведуще, глаголют: Он си (сице) милостивец (милостивый) в беде имение погубил. Глаголю бо ти, аще хваля Бога, стерпит о сем погублении то болшу явит любовь Богу и приимет от него вечный живот и небесное царство, – се терпением многим и добрым сотворится ему тамо добро. Аще кто вас, любимии, в таковое впадет искушение, то помяни Иевлю болезнь и беду и прочих святых, да мзду такову же приимеши. Аще ли недостатки и скудостию томим еси, то помяни пророки и апостолы и вся праведники, иже алчни и жадни и нази хождаху, и обрящеши вся – не в богатстве, ни в покои бывша, но в скорбех и бедах. Сия вся помыслив, благодари Бога, дабы тем же причастника тя сотворил. Ничтоже есть сему равно, еже во искушениях Бога славити. Боящим бо ся Бога наводит диявол скорби многи. Якоже татие, не ту крадут, идеже тростие (прутья) и плевы (мякина) лежат, но стрегут всю нощ, не спяще, идеже богатьство сокровено; тако и диявол смущает боящихся Бога. Но сим побежай диявола, иже в беде благодари Бога, и уготови душу свою во искушение, сердце же свое терпети болезни. Егда бо что сотворив добро, а зло приимеши, то уповай и не отчайся, двое бо мзда ти будет. Да аще и многи пакости сотворит ти враг, то не отчайся, но паче утвержайся покаянием. Велика бо добродетель пред Богом, еже во искушениях не стужити си.

Аще кого видиши неправдива и злобна человека во здравии и в обилии живуща, то не чудися тому; нечто бо мало добра сотворили Богу, и того ради мзду свою зде восприемлют, а онамо (там, за гробом) услышат, яко богатый он (евангельский богач): ты благая в животе своем восприял противу малой добродетели (Лк. 16:25). Аще ли кого видеши много беды и скорби приемлюща, а в правде живущи – блажи убо его и позавиди ему, яко таковый зде очищается от грех, а онамо к великой радости пойдет: его же бо любит Господь и наказует (Евр. 12:6). Человече, почто смущаешися, зря святых в печальне житии? Иже бо кто зде скорби терпит, тии бо в небесное царство водворяются радостно; а иже злии лихоимцы, татии же и грабители и клеветницы во обилии живут, – таковым вечныя муки готовятся, яко же и богатый он (Лазарь – Кир. сп.) во пламени жгом сый и моляше Авраама, к нему же Авраам рече: ты, чадо, благая своя приял в животе своем, Лазарь злая, да сего ради зде утешается, а ты стражеши во пламени жгом. Слышите, кая благая приял богатый: богатьство, здравие, питание, власть и славу и питиа многа, вино драгое и от всех честь. Что убо Лазарь ничто же ли согрешив? Ей убо и той (богатый) мало име согрешения, но егда богатый благая приимяше в животе за малое свое добро, тако же и Лазарь прият зде злая за малыя грехи своя, того ради ныне мучится зле, а убогий Лазарь ныне утешается на лони Авраамли. Тем же, братие, сице зде и правдива кого видите болезни и беды приемлюща, блажи таковаго: зде бо грех избыв, а онамо чист к Богу отъидет, аще ли беды продолжаются, то множае паче прибыток плодится. Ибо Иов правдивый, непорочно бяше заповеди Божия творя, и колико зде страстей тело его прият, да онамо преболшую честь приим. А инии, зле будуще, во здравии живут, то никто, братие, позавиди грешнаго человека славе, но паче плачися о нем, мечь бо судный готовится нань (на него). Понеже Исав богатеяше свърник сый (Тр.-Сер. скорбник), Ияков же, правдив сый, и многи прия скорби, Давид же, пророк сый, и все время живота в бедах и в трудех поживе, а сын его Соломон царствова 40 лет, мир имея велик и славу и честь, последи же бо отступль от Бога и во идолобесие впаде. Что же бо Июде успе господне учение и многая чудотворения? Тем же не иже добре начен, но зле творя, но аще кто добре совершит, той и праведен есть. Неци бо яве согрешиша, а отай велми покаяшася, от нас убо мнятся грешни, а у Бога праведни. Того ради недостойно есть согрешающих осуждати.

Ныне убо, братие, благо время есть возгласити к вам пророческое слово и рещи чюдесная дела, а душа моя свесть я зело; ибо аз днесь пирник (устраивающий пиршество) вам, аще бо и не свое раздаваю, но взаим взем от пира Златоустаго. Тем же (молю) вы дадите ми днесь слухи ваша, да в них изъглаголю, да не отъидете алчуще, но насыщающеся духовнаго пира святаго сего учения. Речем убо ныне с Давыдом, немощь человеческую обличающе, яко всяк человек без ума мятется и собирает, а не весть кому собирает, мятет бо ся, яко не быв, погибает, яко (акы) цвет увядает, и яко дым расходится, яко огнь угасает. Мятет бо ся собирая богатство, а отходит сего света не взем ничтоже. Тому токмо мятежь и скорбь, а инем богатьство и слава дому его; той бо алчет, а инии добра его (богатства) насыщаются; тому проклятие, а инии негуются (веселятся)²⁵³ во имении его; тому стонание, а инии имением его чтятся; тому слезы, а инем радость; той во аде мучится, а инии во имении его упивающеся воспевают. Воистину, впустошь (всуе) мятется всяк человек, собирая много, а Бога ради не подавая; умрети бо есть и оставити вся, а никто от нас не безсмертен есть. Тем же (братие) которое себе изволим, рай или муку, самовластни бо есмы. О колико нашего безумия плакатися имамы! Аще зде неостанемся покаянием и добрыми делы, то ничтоже успеет нам (обретохом) добрее пророча гласа, яко безума мятется всяк богатый. Виждьте (видите), любимии, яко вся нестройна суть в миру сем и яко во тме семо и овамо преходит сей: иному имение исхити, а ин другому (ѧ) землю отняв (отъят), ин же на ближняго в сердцы злая мыслит, (тои) словом точию любятся (любовь только на словах), а инии предела для земнаго (для земных целей и видов) бьются и тяжутся; сей, ему же не дал, взяти хощет, а иже взял, то не дати хощет, и прится (и запирается – отказывается – чужое взяв), иному же ум имением не сыт, имения не насыщается; а ин, истоваго (истинного, надлежащего) долга хотя лишитися, крепится (усиливается, старается получить свое); иней же не имый имения, плищует (вопит) и тужит, а иже имея много помышляет на отнятие, величается и гордится, упивается и которается (спорит, ссорится) со многими, лжами возносится, истинны не любит. Богатых бо ради жизнь сия (мятежом) испровержется (рушится), имения бо деля свободныя человеки порабощают и продают. Богатии мыслию растаяваются (блуждают), должнии печалию увядают, златолюбцы на судище часто ходят, клеветницы лжами продают, имуще имение на прикупление желают, а Богови части не отделяют, друг на друга лжу и клятву скончевают, – клятвою токмо Бога знают. Тем же пророк зле живущая обличает, глаголя: всуе бо мятется всяк человек живый неправедно, собирает, а не весть кому собирает. Возмущаются бо ся воды, и паки уставляются, возвеют ветры и паки утишают, возгорится огнь и паки угаснет; а человек, иже мятися о имении своем и никогдаже не почиет, собирая (собирает), а иного зрит и неправдами желает (жадает) собрати. И душу си погубит, жадая (жадаючи) имения, а не помышляет, яко вся та оставльше, умрети есть, а с собою не взяти ничтоже.

Царь ли еси или князь, или воевода или судия, – то помысли, от кто еси власть приял, или кто давый ти власть, и сан, и ум, и мудрость; да умеете месть гонити. Сице глаголет Господь: слышите князи и судия человеческия, да не оправдиши виноватаго мзды ради, ни устыдися лица силнаго, избави обидимаго, да сам будеши избавлен в день страшнаго суда. Всякоя же (всякие) вдовы и сироты не озлобите, да не яростию разгневается на вы Господь. Глаголет бо пророком Исаием: аще неправдою озлобиши сироту или вдовицу, они же в горести душа их воздыхающе возопиют ко Мне, Аз же скоро услышу вопль их, и пущу на вы гнев свой и погублю вы напрасно; и будут жены ваша вдовы, а чада ваша сироты и никто их не помилует. О имении бо сиротине и вдовичине помышляя и хотя взяти я (именья сиротня, ни вдовичья не восхищай), – силень бо есть Бог и мщает их, рекий (рече): аз есмь отец сиротам, и мститель вдовицам (оборонитель вдовичь), от рук силных избавлю я. Горе обидящему вдовицу или сироту: лучше бы ему огнь в дом свой вверегше, запалив, избегнути, нежели за сих воздыхание ввержену быти в геену огненную. Темже без испытания (испытание) не приемлите клеветы на сироты и вдовицы,²⁵⁵ и не вскоре имите веру обижающим (клевещущим), но блюдитеся сети дияволя. Послушайте же паче писания, глаголющаго: сироте буди помощник, и благословят тя уста вдовича, буди сиротам яко отец, и вдовицею попецыся в мужа вместо, и обидимаго моления послушай скоро. Се бо велика добродетель есть пред Богом, еже наделяти сироты и вдовицы и утешати в печалех сущая. Лучше бо приобрести мало добро со благословением, нежели богатство много с клятвою. Аще ли поставил тя царь в великий сан и идут к тебе малии и велицы, славнии и неславнии, приносяще ти дары и чести: то благо есть и от Бога даровано; но блюдися со грехом взятися. Се бо неправда есть, егда кто мзду даст хотя суперника своего препрети, и будеши неправедно осужая человека во образ Божии сотвореннаго, его же ради Христос кровь свою пролия. Проклят бо, рече, всяк судяй неправедно, ярость бо Господня не исцелна на них до века, и огнь снесть домы вземлющих мзду, и чада их не поживут нечестия ради мзды их. О властели неправеднии и мздоимцы! яже собрасте от вдов и от сирот, то в негасимом огни подгнета (подтопка) есть душам вашим.

Аще убо скота не презрим в калу грязнуща, то вси простираем руце извлещи хотяще, а брата в злых делах погибающа презрим, – но почто не наведем на истинный путь учением? Аще убо кого видиши душевредно что творяща, то наказати его лепо; аще ли ведый, а не накажеши, то содеянник, (причастник, соучастник) еси осужению его. Егда же видиши кто нетвердо в вере стояща, то научити его лепо, да небезчествует християньства. Егда же отженена (от жены) кого видим блуд творяща, то наказати его, да не блужению прилежа, а души нерадети начнет. Егда ли клирика или черньца видиши безчинно ходяща, учити я достоит, да образ жития инем даст, а не соблазняет мира. Господь бо о том рекл есть: горе человеку тому, им же соблазн в мир приходит; лучше бы ему камень жерновный обязан на выи его, и ввержен бы был в море, дабы един погибл, нежели бы соблазнил единаго от малых сих (Лк. 17:1–2). Соблазн бо есть еже безчинно начнет кто что творити, или поп или диякон, или чернец или дияк: ничто бо сему равно, иже от дияволя лсти душу на покаяние привести. Велика бо добродетель, иже видев кого на зло шествующаго и учением на истину привести душу на путь спасения; ничто бо есть равно души, ни мир весь; небеси бо и земли душа честнее есть. Аще бо и многа раздаси имения Бога ради, но се преболши (преболее) есть, аще едину душу кто приведет к Богу. Аще бо обратиши кого от погибелнаго пути, то честнейши есть камения (сокровища) многоценнаго; аще ли же видя кто зло, и умолчит, то осудится с ним. Бедно бо есть, еже что уняти от закона Божия, а не проповедати: то тии учители горши убийц осудятся, аще не вся заповеди Божия заповедует. Убийца бо токмо предлежащей смерти предает, а иже кто по дару глаголя и слабейша слышащая творя, – душу погубляет, и к безконечным мукам посылает, и сам лютее жидов осудится в день судный. Иже бо кто ведый слово Божия воля, а не наказает неразумнаго, то яко злато сокровенно на пагубу души скрывшим есть, тако же и неучай небрежением многу муку и лютое томление приимет в день судный.

Иже глаголю вы, братие, слышите. Нехотевшу бо ми о сих глаголати к вам, но боюся реченнаго: возбужайте спящая и подвизайте на дело ленивыя. Аще бо земныя страды (труда и забот) убегаете, то небесных благ не узрите. Делателем бо обещал есть Бог от труда убо здравие, а от страды спасение, ленивый же, да – по Апостолу – не яст. Земный бо делатель подобен есть иноких (инокых) пустынному житию и труду (их). Понеже, сон отрясше, на дело земное идет, и паче дому пустыню любит; зною же и зиме трудным делом сопротивитъся (супротивляется), и собирая плоды трудов своих, благословен Богом, от них же приемлет душевное спасение. От тех бо (трудов) и нищая накормляя, и неимущим подавая, яко самому Христу дает, иже бо плод (плоды) дает дождь, посылает ранн (рано) и позден. Всяк бо, делая землю, насытится хлеба, понеже сии стоги возвыси гумна. Благословен Богом иже трудом своим хваляйся, руце бо возстанливаго (усерднаго) обогатеют, неделатель же и пьяница не может быти богат, леность бо всем злым делом мати бысть (есть); аще бо что и доброты имаши, то леность погубляет, а инех добродетелей не даст совокупити; аще бо и богат будеши, а ленив, то оскудееши. Всяк бо ленивый, славя себе, проклят есть. Аще бо ленивыми пеклъся Бог, то повелел бы былию жито растити, а лесу всякий овощь. Всяк бо ленивый облечется в скудныя и раздранная портища. Аще убо кто на дело ленив, тот и о души своей не подвизается (не печется). О празднолюбцы и ленивии, которую мзду Богови принесете труда своего, яко не требует Бог жертвы, ни приноса от лихоимания, но яко (аки) пса заколаема гнушается! Лучше есть не творити (милостыни) чюжим, а не грабити. Не ленивым бо, ни много спящим, ни лихоимцам, ни пьяницам, ни крадущим обещал есть Господь вечную жизнь, – но тем, иже Бога ради тружаются, делающе своими руками, и от того участие (часть) Богови отделяюще. Инии же польским (земледельческим) прилежаще делом, а инии скот и кони пасут, и от того отдающе десятину Богови, спасаются; инии же сено секут и агньцы кормят и от того нищая и немощныя накормляют и одевают и приимут благословение от Бога; инии же по морю плавающе и в пути ходяще гостьбы (торговлю) деюще, и отделяйте (отделяют) душевную часть церквам и нищим. Тако же и рукоделницы творите милостыню, да от сюду по отшествии царство небесное приимете. А жены утвердите лакти (локти) своя на дело, а руце на вретено и от того милостыню давайте, да спасетеся. А не делающе бо, то кую мзду силы своея принесете Богови? Никто же бо без труда спастися может, но всяк кождо по делом приимет.

Друзи и братия моя любимая! не уподобляйтеся ленивым рабом, – не долго спите, не долго лежите, въставайте рано, ложитеся поздо, молитеся Богу, да не внидете в напасть, яко-же рече Господь (Мф. 26:41. Мк. 14:38). Лежа добра не видати, а горя не избыти, и спасение не получити, Бога не умолити и грехов не очистити, чести и славы не получити, цветных риз не нашивати, медвенаго пития не пивати и сладкаго брашна не ядати. Безумному и ленивому и невостанливому добрым мужем не слывати, и господином в дому не бывати, и во власти себе не видати, к богу и ко князю и к государю милым не бывати. А еще беда его по голениям биет, а долг его в зашеек толкает, недостатки его в дому седят, а раны ему по плечам лежат; уныние его на главе, а посмех на браде; помысл на устех, оскомина на зубех; горесть на языце, печаль в гортани; в печенях его сухота, а во чреве алкота; убожество у него в калите (в кошельке) и гнездо свило. Таковый человек ленивый и лежливый в дому не господин, жене не муж и детем не отец, и добрыми людми не знаем; в деревне жити ленится, а на посаде не годится; в селе его не пустят, а во граде и места несть. Таковый, ходя по улице, скитаяся, и аки несытый пес, по окнам глядит, и аки оскорблая свиния о углы чешется, потому что привязалася к нему леность, аки пещер (простонародная дорожная из лык сума, носимая за плечами) за плечами; а нищета у него в пазухе и гнездо свила, а скорбь у него по бедрам висит, а тоска и ноги связала. О люте! привязалася к нему леность, как милая жена к мужу своему, – и часто воздыхает, а разстатися не хощет! окаянные же беси, аки любовные друзи; а сон тяжкий, аки милый отец; злая же слабость, аки родимая его мати; а упрямство и непослушание любит и держится, аки брата и сестры не лишиться; а укоры, и поносы, и безчестие ему воздают, аки снег на главу летит. И навыкнет, окаянный, чужими трудами кормитися, аки червь капусту ясти. И от многаго уныния спит без числа, и беси ему во сне сония кажут и видения являют; и, убудився от сна, разрешает мечтание и умышляет горшую погибель, и потом вечную муку наследит, – от неяже да избавит нас Господь Бог, молитвами пречистыя Его Матери и всех святых, всегда, и ныне, и присно, и во веки веком. Аминь.

Многож и о томь пишеть в правилах святых отец. но разумным и се указание довлеет. а неразумным. аще бы им кто из всех книг писаниа предложил. ни тому веры имуть. ни обратят на то разума. Аще ли писанию веры не имете. помыслите свои злосмрадныи студа исполненыи пьянственыи дела. ими же Богу съгрешаете и Бога прогневасте. иже бо многа питиа пьете с трепари. Егда в начале бывает кротко мирно и благоутешно. по числу равеньство. почто стое (святое) устроение. пред стареишими молчание. премудрейших послушание. ядение и питие благочинно во время обеда. егда испьют кождо но заповеди святых отець. еже узакониша православным по три чаши. тогда начнуть брашно ово избирати. ово отлагати готовящеся на питие. Егда испиют 4. еже есть от неприязни. тогда и то самое избираемое брашьно оставят. и начнут беседы благы беседовати кождо о своеи потребе разумнеи. наказание любят. премудрых философ ищут. философи язык на ответ готовят. углубляют удицю слова в глубину божественнаго разума. простирают мрежу святаго писаниа в море словесных рыб. острят мысль заклати неразумныа в разум истинныи. господие же велиции начнут събирати ум и простирати любовь к всем. к нищим милование. и своя домочадным разсмотрение. И всем немощным и бедным помагати хотят. любят честь. тщатся на большая. и что много глаголати. кождо по числу своих сан устраяет. отци духовнии на спасение своих чад оучат. в покаяние зовут. к вышнему Иерусалиму путь кажут. таже и простая чада кождо свою потребу глаголют. Егда испьют 7-ю чашу. еже есть богопрогневателна. духа святаго оскорбителна. ангел отгонителна. бесов възвеселителна. ангелу же отшедшу от когождо человека а бесу приближшуся. и начнут бесы своя потребы вносити. ово зависти и клеветы. а ин свары и лаяниа. и за власы рваниа. ин кровопролитие и убииство. ин же любодеяние и блуд. и всяку нечистоту и студь. ин же высокоумие и гордость. ин же игры бесовьскыа и песни и плясание. и что потреба многа глаголати. всяку кознь сатанину. и всяко коварьство вражие исполнят. и обросят своим злосмрадием когождо человека чяшу. Егда же испьют бесовьскую чяшу. зажжет вся внутренняа его. и начнет утроба палима быти. гортань пресыхати. слины изгарати. устне слипатися. на губах смага спадеть. и тело все загорится. и в лице огнь явится. язык одеревянеет. гортань ожестеет. очем зрак минет. уму сила оскудеет. начят с хмелем братися акы на брани с супостатом. и по времени некогда едва одолеет своему супостату. и сядет на своем столе, акы царь от победы възвратився. И начнет тогда человек зинути на чяшу не зная своеа меры. и наимется тело хмелю. акы губа воды. и оскудеет сила. изнемогут жилы. съставы разступятся. и начнут ногы неправо ступати. и глядати развращенно. глаголати безумно. ничим раздно с изступившим ума. Тогда же и бес вся своя хотениа в нем исполнит. Суть же и неции сицево. пианицы ни беса требуют ни бес о них брежет. но сами себе беси. пропивающе заутренюю и часы и молитве время. О человече, что твориши. ум свои погубив бесчинно. и скаредно живыи. поганых нрав любя. то бо есть поганых веселие. еже упиватися без меры. а православным христианом взаконено. когда отобедати тогда и отпити. А ныне видим многым седящым весь день. погубляюще питием время покаяния. не могыи сътворити к тому подвига душевнаго ни телеснаго. но все предая на питии душу и тело томя. Дивно бо есть по истине. в един час брашна напитатися. а пиюще весь день погубити. Мню яко безсловеснии скоти и зверие. ни Бога ведуще. ни попечениа житеискых вещеи. и жизни вечныя не надеющеся. всего праздни. обаче и те смеются нам. аще не глаголют безсловесни суще. но вещию глаголют. Мы глаголем несмыслении. зде отядим и отпием. а тамо не надеемся жизни вечныя. а сии человецы несыти. иную ли устробу имуще на питие. а иную на ядение. льют акы в утел съсуд. дóндеже възбесится от пианьства. Две же есть различии пианьству. едино убо мнози хвалят глаголюще. то есть пианица иже не ляжет спати. но толчется и бьется и лается. а хощете ли слышати известно внимайте. Колми Бога прогневает кроткый пианица. и упивался съгрешает. аще и спати ляжет прогневает Бога. что реку кроткаго пианицу, скотину ли нареку. но и того скотие. свиниею ли прозову. но и того скареднее. Аки мертв. ни се мертв ни се жив. отпухл аки болван. валяется осквернився и домочився смердит. и блеванием огнусився. себе сам гнушается. в святыа праздники лежит не могыи двинутися. разслабев телом. налився акы мех до гортани. надомся акы бочка хотя разсестися. напрягся хощет прощькнутися. утопив сердце пианьством. ум погубив хмелем. Трезвии же и богобоязнивии. иже с страхом и любовию приходяще в церковь Божию. и наслажаются божественаго пениа и чтениа святых отець житиа. яко на небесех стояще мнятся пред Богом, а пианица лежит немогыи главы възвести смрад отрыгая от безмернаго питиа. И есть таковыи яко ничим же разно от поганых. Да умолкните глаголющии. аще упиюся и кротко спя не створю зла. Виждь колико зла твориши пропивая праздникы. Кроткии убо пианица възлюби (в) пространьство упиваяся без меры. з богатым тем в огне имать искати устудити язык и не обрящет. Дръзливый же и некроткый пианица не токмо себе вредит но иных многых. Чим его нареку. зверя ли его нареку. но и зверя злее. бесным ли его прозову. но и того злее. говейным и боголюбивым поносит и укоряет. стужает и докучает, аще ли властелин. сугубо зло имать. наседает неправдами. хвалится. прогоняет. хощет бо всех своеи пагубе повинны створити. бояся от них укора и осуждениа. говейных ненавидит. любит же подобных себе. иже ему потакающе сведут себе в огнь вечный. потаковиа ему творящаа. блазняще и льстяще ласкающе на слабость. Но слышите братие апостола глаголюща. Не упиваитеся вином в нем же несть спасениа, но паче блуд. Пиай вино с трепари кою ползу имать. егда упиется не помнит трепарии. и тако ти начнет ползати на колену. и лице окалял валаяся в грязе. и блюя хощет пересестися. в ругание и в посмех дав себе и малым отрочатем. и хранителя души своеи ангела отгнав от себе. И кде суть трепареве тии сотворении к чашам, да быша избавили от беды тоя. бесящихся своею волею. Бесный (и) же стражет неволею избудет вечныя муки. пришед иереи к бесному. молитвою отгонит беса. а над пианаго аще (бы) и с всея вселеныя сошлися священници и молитву сътворили. не могут подняти от пианьства. ни самовольнаго беса прогнати пианьственаго. Того ради святии отцы не повелеша трепарии пети всегда. но токмо в нарочитыа праздникы. понеже трепарь плача не ражает. аще и в церкви поем в трезве уме. не ражает плачя. в питии же творим трепарь что ражает. не грех ли. не муку ли. не суть бо уставили богоработници. но чревоработници. их же бог чрево. и слава в студе их. еже святии мужи и жены бегающе получаша жизнь вечную. Буди же ведомо и нам. тако же творяще получим милость божию. Святии бо отци уставиша святыя дни постныа по научению Господню и по заповеди святых апостол. Рождество Христово Иоанн Златоуст. а крещение Василии и Григории рекомыи богослов. а пасху первыи събор всех святых отец, уставивше святыя и честныя праздникы господня. заповедавше духовно праздновати. а не телесно. чреву работающе безгодным пианьством. но господеви молящеся о своем съгрешении. нищих немощных и бедных питающе с собою в подобно время, тело кормяще земным брашном. то же брашно лежит в книжных съсудех. по заповеди святых отец снесено с небеси. о том брашне рече пророк. хлеб ангелскыи яде человек. брашно посла им до обилиа. рекше писаниа. да что ныне достоит в святом писании. и пакы рече. упиются от обилиа дому твоего. дом есть церквь божиа. а питие книжнаа словеса. а еже упиются рекше умудрятся божественым писанием. Да се слышавше братие подвигнемся тако праздновати святыя праздникы. яко же учит нас святое писание. и яко же заповедуют вси святии. Тако бо и сами праздновали, все же с любовию творяще. Бес тоя бо и ни которая добродетель приносится Богу. и мирно живуще и подарующе себе. и к учителем добре учащим приходяще. и потребная им приносяще. то бо яко в божии руце дающе. Мир же держите не токмо с любовными но и с врагы своими. И что есть врази. Аще кто кому или сына или брата заклал бы пред ним. отдати ему и простити его. то есть врази наши. А божии врази се суть. Жидове и еретици. дръжаще кривую веру. и съвращающеся на иноверие. и прящеся по чюжеи вере. и хваляще чюжую веру. и двоеверие любяще. С теми николи же мира дръжати ни любве дóндеже останутся того. И тогда умиритися с ними о Христе. И на праздники великыа пиров не творити. и пианьства бегати. испити же мало. блюсти душа своеа и стрещи часа в онь же богу молитися трезвеным умом. а не пианым. яко же и Петр апостол глаголеть, братие будите трезви. яко супостат вашь диавол ищеть пианых. да их пожрет. Увы горе беда велика. Како пианым ухранитися от диавола. а лежащим на полу мертвым и от бога отбегшым пианьства ради. и удальшимся от святаго духа. смрада ради пианаго. и слова божиа не имущим. в устех своих. гнилиа ради пианьственнаго. и ангелу хранителю отбегшу от пианаго. и скорбящи о души его. тела же не щадящу. бесом же веселящимся о пианицах. и радующеся приносят жрътву пианьственую от пианиц диаволу. Диавол же радуяся глаголет. яко николи же тако радуюся. о жрътвах поганых язык. яко же о пианых христианех. всяко бо дело моего хотениа. суть в пианицах. и лутши ми суть пианици и запоицы христиане неже поганыя идоложръцы. яко и поганых бог набдит. ово покаяниа ждет. ово на казнь грешным. а пианиць бог не навидит и гнушается. аз же радуюся о них. яко мои суть пианицы. а трезвии божии. И се рек диавол. и паки бесом рече. Идете поучаите Христиан на пианство. и на всяку детель хотениа моего. Ангели же святии приходяще поведаху святым отцемь о всемь том печалию великою. да быша писанием отлучили христиан от пианьства. Святии же отци написаша чистое се и честное и верное и святое учение. и предаша христианом. на провожение жизни сеа. и на причастие жизни вечныа. да кто послушает сего правила святых отець и поживет в трезве уме. дела творя достоино богу. житель будет жизни вечныя. наслаждаяся вечных благ, а кто не слушает. осужен будет с диаволом в муце вечной. Се же слышаще братие подвигнемся трезвеным умом. работати богу. и заповеди его не ложно съхранити. И в законе его поживем день и нощь. славяще святую троицу... отца и сына и святаго духа ныне и присно и в векы веком. аминь.

Господи благослови!

Сице подобает кающемуся, кроме жити единому, попещисѧ и трудитися, и плакатися, и оупразднитися от мыслии неподобных. Сего ради ни единому досадити, себе блюсти, себе оскорблѧти, себе осужати присно, себе обличити, в тесноти жити, с болением многым, с болезнью сердечною взискати Бога, милости от него просити. Аще обленишися встати на оутренюю, не дай же ести (не дай пищи) телу своему, писано бо есть: «праздный да не ясть». Якоже бо кто крадеть, вину имать, таку вину причтет Бог всѧкому не встающему на заоутреню к церкви, – разве и недуга ради, или труда велика. Обаче не от недужнаго и от труднаго потѧзает Бог службы духовныя и молитвы, и никтоже не имать извета (не имеет оправдания).²⁶¹ Якож в миру живый с женою и с детми, и печаль имея о дому, и не могу, глаголеть, оугодити Богу и заповеди Его сблюсти, – видим бо многыи оугодникы Божия в миру живут, а заповеди Божия творяща. Давид не бе ли богат, или не цесарь бе, и глаголаше Богу: седмишты хвалах тѧ, и пакы: полунощи встах исповедетися тобе (Пс. 118:62). Аще цесарь сы, седмиши днемь Богу пел и, полунощи встая, молился, – а толико печалий, а толико ратий, и о чюжих, и о своих, и в гонении, – то каку муку мы имамы прияти, во лготе живуще и ленѧщеся к церкви, и пропивающе вечернюю и заутренюю и час молитвы! Что створиши, человече, бещинно и скаредо (мерзко) живый, и поганых (язычников) нравы любѧ? Тех бо есть веселье, еже оупиватися, а крестьяным (христианам), егда отобедати, тогда и отпити, – а ты седиши весь день питиемь. Ни орудий могый ктому створити ни телесных, ни душевных, но все продая на питьи, душю и тело томѧ. – Дивно бо есть поистине: в час брашна наестись, а весь день погубити пьюще. Мню, яко ни бесловесныи зверие и скоти, ни Бога ведуще, ни суда чающе, ни орудий житискых имуще, и дел празни, – обаче смеютьны сѧ (смеются над нами). Аще не глаголють, то мыслью глаголють: мы – несмыслении – и отъемы и отпьем, а человеци не сытни. Еда ину имут оутробу питию, а иную брашну, еда и покоя не имуть пьюще? И льють яко в оутлу съсудину (сосудину, сосуд), дóндеже възбесеють от пьянства? – Два бо еста различия пьяньства: едино оубо есть, – се мнози хвалѧт, ркуще: то есть непьяница, оже оупивсѧ, а лѧжеть спат, но иже толчеться, и бьеться, и свариться, лаеть. Аз же покушаюсь оуказати, яко и кроткый, оупиваяся, согрешаеть, аще и спати лѧжет, – и недооумею, к чему ми сего приложити? Скотину ли ѝ нареку, но того скотее; зверѧ ли прорку, но того зверее и неразумнее; кроткы оубо пьяница, акы болван и акы мертвець валѧетьсѧ и, многажды осквернивъсѧ и омочивъсѧ, смердитьсѧ. Егда оубо кроткый пьяница в святыи праздники лежить, не могый и двигнутисѧ, раслабив свое тело, налья в сѧ и до горла; богобоязнивым же, в церкви наслажающимъсѧ сердца пении божественными и чтении, и акы на небеси пред Богом мнѧтьсѧ стояще. Се же, не могый главы възвести, смрад отригая от многаго питья, чим есть разнопоганых да оумолъкнет глаголющеи: аще оупьюсѧ, но не створю лиха (лихо – зло). Вижь колико лиха твориши, пропивая праздникы. Кроткый оубо пьяница, възлюбив (оу) пространьство, с богатым онемь в огни имать искати оустудити язык и не обрѧщеть, аще смерть его застанеть тако живуща. – Дерѧживый (буйный, дерзкий)²⁶² же пьяница не токмо себе врежаеть, но и инех: говейным и боголюбцемь поносить и оукоряеть, аще бо есть властель, то сугубо зло, – хощеть бо повинути всѧ свои злобе и пагубе, боясѧ оурока (осуждения) ненавидить же говейных, любить же подобныя себе, и всадить и в неугасимый огнь, потквы (ссоры) творяща, блазнѧще, лестѧще (обманывая) вы. Но мы, братие, сдраваго оучения послушающе, оулучим в вечную жизнь о Христе Иисусе, Господе нашем.

Иже бы не пити отюд (отъинудь) того велми возбраняет. Святии бо отци не возбраниша нам того, еже пити и ясти взаконе и в подобно время; но отрекли суть объядение и пьянство. Не яде (ясть) убо, ни пия (не пиеть) диавол, но спаде долу; а Павел Апостол яде и пия, но взыде на небо. А еже бо не пити отнюд: то досаждение есть бывшей твари от Бога. Питие убо умным на веселие есть, а несмысленным, иже упиваются часто во пьянство (до опьянения) – на не избытныя злыя грехи. Не рече бо писание, еже не пити, но не упиватися во пьяньство. Сим бо подобает пити, иже может скрыти пияньство во утробе своей, а злая словеса во устех своих удержати. Аще бо безумный упился, а не блудил, то могли быша (могли бы ся) сему и мертвыя подивитися. А о много пиющих речено бысть: кому горе, кому мятеж, кому молва, кому скаредня, кому мерзость, кому сини очи, кому сокрушение вотще: не пребывающим ли вкорчме и назирающим, где пирове бывают? (Прит. 29:29–30). О братие верная и сестры, бегайте пьяньства, а не пития, иже в законе питие мало страхом Божиим востязающися, и стерегите молитвеннаго часа, в оньже Богу помолитися, вечер, утро и полудне трезвым умом, а не пьяньством. Якоже Петр Апостол глаголет: братие, будите трезви, а непияны, яко супостат ваш диавол ищет пьяных, да пожрет их. О горе, како пьяным ухоронитися лежащим, яко мертвым, и от Бога отбегшим, пияньства ради, и удалившимъся от святаго Духа, смрада ради пьяньственнаго, и слова Божия не имуще во устех своих, гнилаго ради пияньства (гнилиа ради пьянственнаго), ангелу хранителю отвегшу и плачущуся, пьянства ради, бесом же веселящимся и радующимся о пияницах. Приносят бо жертву пьяньственую ко дияволу от пьяниц, диявол же радуяся глаголет, яко николиже тако веселюся и радуюся о жертве поганых человек, яко же о пияньстве християных; во пьяницах бо вся дела хотения моего суть, и лучше ми есть (суть) пьяницы и запоицы от християн, нежели от поганых идоломолец, якоже бо и поганыя Бог соблюдает, а пьяниц Бог не навидит и гнушается их, аз же радуюся о них, яко мои суть пьяницы, а трезвыя Божии. И сия диявол рече к бесом: идите и поучайте християн на пьяньство и на всяку детель хотения моего. Ангели-же Господни приходяще ко святым отцем (поведаху) о том с великою печалию, дабы християн от пьяньства отлучали и от злаго запойства, а не от пития, еже вподобно время. Святии отцы написаша чистое се и честное и святое учение, и предаша християном на превожение жизни сея, да аще кто послушает правила сего и поживет во страсе Божии, той наследит царство небесное, а иже кто неслушает святых отец учения, то осужен будет с бесы в вечную муку. Да то слышавше, братие и сестры, потщимся сотворити заповеди Господня, и трезвым умом славити Бога и молитися Ему.

Земная вся злая смышления отвергше, приидите и услышим духовная учения, и размыслите како зло творим. Христос бо нас созва и хоте равны ангелом сотворити, но мы сами прилагаемся во звери. Еже бо безчинно жити и работати мамоне неправедному, рекше, многа имения собирати, – то зверино есть безсытство; а еже величатися, а иного укоряти и обадити (оклеветать), и красти, и лгати, – то ни человеческо, ни зверско, но бесовско дело и хотение. Тии бо нас соблажняют, дабы им неединым мучимым быти. Ового поваживают (подстрекают) на клевету, а иного на зависть, а иного на блуд ласкают, а другаго на ярость учат, а иного на гнев, а другаго скупостию омрачают, и на грабление и на разбой, а иного на пьяньство устремляют, иного же на кощуны и на песни сатанинъския, и на плескание, и на гудение, и на плясание учат. А всех же играний проклятее есть много вертимое плясание: то бо отлучает человеки от Бога и во дно адово ведет. Пляшущая бо жена невеста сатанина нарицается, и любовница дияволя, супруга бесова; не токмо сама сведена будет во дно адово, но и тии, иже с любовию позоруют (позорити – быть зрителем чего-либо) и всластех разжигаются на ню похотию, прелщающе святыя мужи плясанием, яко же дщи Иродиада. Пляшущая бо жена многим мужем жена есть; тою диявол многи прелщает во сне и на яве. И вси любящеи плясание со Иродиею в негасимый огнь осудятся. Грешно бо есть и скверно и скаредно (отвратительно) и своему мужу с таковою женою совокуплятися. Седоша бо, рече, людие ясти и пити, и быша сыти и пьяни, и восташа играти плясанием; и по плясании начаша блуд творити с чюжими женами и с сестрами; и потом приступиша ко идолом и начаша жертву приносити им; и в том часе разступися земля и пожре их две тмы и 3000. Сего бо образ мучения показа (это послужит примером) всем согрешающим и не творящим воли Божии. Того ради, братие и сестры, блюдитеся и нелюбите бесовских игр беззаконных, паче же плясания удаляйтеся, да не зле в муку вечную осуждени будете. Богу нашему слава.

(Слово Иоанна Златоустого о христианстве)²⁶⁵

Послушайте известно, мнози убо токмо слытием християне, а по житию еллини; нарекохомъся християне, а обычаем и делы странницы (чужды христианству). Смесишабося с неверными и навыкоша делом их. По истине, о нас пророчество скончася. Како си християне извыкше кощуны еллиньския и басни жидовския, и на улицах града уродословия и глумления, чарове же и волхвования и снов, и требы кумир ядуще, кроводавленину (звероядину) и ина многа злая творяще. Да како християне есте, аще се (сее) творите? Коим ли дерзновением смеете приходити ко Святым Таинам, а горши будущи еллин? како есте християне, а делом навыкоша поганых: плясания и плескания рук, песни сатаниньския, питие излише (излишнее), блуд, злоба, гнев, зависть и ина многа? Се же творящему, то како именоватися християнину? Тем же, братие и сестры, останитеся поганых творения; послушайте же Апостола глаголюща: не ходите еще в пустоши ума, якоже другия страны ходят, отемневше умом (Еф. 4:17). А вы, любимии, разумейте Христом глаголемая и не смешайтеся со творящими таковая. Мнози бо суть учители на погибель, и еще умножитися имут; блюдите, яко дние злы суть, время слуги своя собирает. Не чюдися, аще и пастуси волцы будут. Ко епископом бо и попом беседуя, апостол Павел глаголаше, яко от самех вас востанут нецыи, глаголюще развращенная. Тем Господь глаголаше: блюдитеся, да никто же вас прелстит (Мф. 24:4). И аз глаголю: блюдитеся и не лститеся во след злых. Мнози бо не ведят, что есть християнство. Вижу бо многия неистовы, не токмо юныя, но и старыя, о них же велми тужу. Егда вижу мужа, от седин честна, дитя с собою на позоры ведуща в пир или на корчму: что бо горее сего есть? Или что сквернее дела сего – отец сына на зло ведет? аще же кто воспросит безстудных тех: кто есть Амос или Авдий, или колико число пророк и апостол есть, – то не умеет рещи. Аще ли же воспросят о конех или о птицах или о ином о чем, – то философ есть и ли торъот всех ответ положат, и глаголет (глаголют) кий вред есть от глума (игра, веселие). Сего ради аз тужу, иже не весте, яко то вред есть. Дал ти Бог неколико лет жити, да Ему угодиши, а ты же, во зле пребывая, (то) болшую погибель приобретаеши себе. Не мниши ли, что (ничто же) есть пагубная и скверная творя? Подобает бо нам молбами и славою Божиею скончевати жизнь всю свою, а мы бо на ядь и на пьяньство, и на молвы (молбы) и на скверныя словеса готовы, – свары, тяжбами, кощунами, неправдами, гневом, завистию, обидою, татбою, клеветою, играми, бляднею и прочими, яже в ненависть Богу, душу Свою губим. О человече, смотри себе и блюди добре! (Рече бо нам Христос Бог, почто в пустошь время свое пожнете), почто не часто ходисте ко учителю и не твористе глаголемых им. Не се ли в вас есть: аще бо учения слово предложим, то вси ленятся, и яко у некоего зла с нужею стоят; аще ли же будут на улицы (на улици), или на игрищи, или на беседе, – то пребудут полъдни и боле, аще ли питие будет, то и всю нощь не спят, пагубу содевающе душам своим. Аще бо сия творите, то како християне есте?²⁶⁶ Се бо сатанинско замышление, горши поганых есть, сий бо позоры замыслил есть: смехотворцы, кощунники и скомрахи²⁶⁷ изъучи, да тех делы злыми и позоры погубит зле. Како (бо) позорующеи не тоже (ли) творят? Аще бо кто пустошник глумяся что изречет (им), тогда вси болма (тому) возсмеются: подобает бо злословнаго кощунника биюще отгнати; но зрящеи чюдятся – то тии боле учат на зло. Друзии же мзды игрецем дают: тем бо огнь на своя глава подгнещающи (таковыя) готовят. Аще бы не зрели, ни чудилися, – то (и они) остали бы ся пустошных игр. Но не токмо дивятся зряще, но и словеса их изучили. Да егда в пиру или инде где соберутся, то подобает християном сице рещи: тако глаголет апостол Павел, или Иоан Богослов, или Исаия пророк, или ин который от святых; но вместо того вси вещают: се глаголет он си скоморох, или он си кощунник и игрец, – тем бо многи себе пути готовят ведущая в пагубу. Аще бо смеемся и кощунаем, упиваемся, ленимся, блудим, лжем, крадем, зависть и гнев имамы и ина злая дела; то несть християнско, но дияволу угодницы суть, им же несть чаяния вечныя жизни; тех бо дело се, еже с бесы осуждение приимут. О человече, почто сам измещешися вечныя жизни неправдами? Да того ли ради еси в мир родился, или того деля бысть человек, да богатьство много собереши, а душу си погубиши, или в ядех или во пьяньстве и в блуде, или игрецем дая потеряеши, и многи себе пути сотвориши, ведущая тя во огнь неугасимый. Дадите бо, рече, излишная в милостыню. Аще бо ты объядением разсестися хощеши, а инии гладни, – ты же излише ризы носиши, а сродницы твои наги и скудны, – то кая ти помощь? Лучше бо даяти неимущим Бога ради, ты же не Бога ради губиши имение свое, но на сласти жития, и на пьяньство, и на игры. Слышите, что рече Господь к немилостивым: отидите, не веде вас, яко вы не помиловасте, ни алчна накормисте, ни нага одеясте; тако и аз не помилую вас, и како не слышасте учения, тако и аз не услышу плача вашего. К милостивым же рече: приидите благословении от отца моего. Алкавше бо и жадавше мене ради, приимите уготованное вам царство. Алчен бех, накормисте мя, нага мя облекосте, странна – введосте, болна – посетисте, жадна – напоисте (Мф., гл. 25). И то слышаще будите щедри, болна посетите, темничника и скорбяща утешите, и род свой и домашняя своя и скорбящая не оставите скудны, да и Господь Бог помилует вас.

Узриши, аще кого в заповедех Господних и в кротости и в мудрости смиренней книгам прилежаща, и ты учения таких всегда во уме имей, и житию их подражай, присно. Святых книг чтомых слушай, да навыкнеши противящаяся обличати, и несмысленная наказай. Аще ли узриши многи лживыя и лстящая обличати пустошными, то не чюдися тому, но сам того блюдися. Егда ли видиши правдивыя укоряеми, а злыя и презоривыя и любодея избираеми и любими, помяни Апостола, глаголавша, яко злии человецы и лукавии приити имут на горшее, прелщающе и прелщаеми (2Тим. 3:13). И аще видиши книги отмещемы християны, то помяни Бога глаголавшаго: аще мир вас ненавидит, ведите, яко мене преже вас возненавиде (Ин. 15:18). Егда же видиши многи собирающеся к кощунником и чародеем и к сатаниньским песнем и играм, – прослезися убо о них и воспомяни Апостола, рекша, яко в последняя лета отступят человецы от веры (1Тим. 4:1). Будет бо время тогда учения праваго не слушают, и от истины слух отвратят и на кощуны отступят, и по своему хотению учителя изберут себе. Егда ли видиши обеды многи, и вечеря и безчинна пития и прелести в них, тогда помяни Господа, глаголавша: люте (горе) насыщающимся ныне безгода (до пресыщения), яко взалчете (Лк. 6:25), люте глумящимся (смеющимся) ныне, яко имут неутешно плакати (Лк. 6:25). И егда видиши поюща и пляшуща и гудуща, тогда помяни Давида глаголюща: не уведеша, ни разумеша, во тме ходят (Пс. 81:5). И егда видиши иерея и черньца рано ядуща и пиюща, тогда помяни пророка, глаголюща: люте вам погубльшим время молитве и часом дневным и нощным, душу утопивши пьянством (Ис. 28:7, Ос. 4:11). О таковых пророк Исаия, плачася, глаголет: горе востающим заутра и квас гонящим, и ждущим вечера с гусльми и сопельми и с бубны, – пиют бо, а дел Господних не видят и веления Его не творят (Ис. 5:11–12). И Господь во Евангелии глаголет: люте тому, о немъже инии соблажняются, лутче бы ему камень обязав овыи и утопил бы его, дабы един погибл, а не многих соблажнял; горе тому будет, имъже соблазн приходит людем (Мф. 18:6, 7). Но что неразумнии глаголете: кую пакость гусли и игры и плясания творят, и песни злаго умышления лукаваго? О несмыслении, се ли от вас Богови честь, и сия ли воздаете Ему? Во плясании ли, или в плескании слава Божия есть? Вся бо, рече Апостол, в славу Божию творите (1Кор. 10:31), а во играх диаволу почесть и слава есть, сопротивство бо творите Божию закону, християне нарекшеся, а нравы не верных держите. Глаголете бо, кая пакость от глума? Люте есть глаголющему горкое сладко, и свет во тму полагающему. О неразумнии, рцыте, где вписано еже християном поганых обычая деяти! Аще и всего мира собери книги, будет ли велено играти верным, густи и плясати? Се бо суть поганых дела, их же мука вечная ждет, огненныя узы.

Епископа же чтите, яко Петра и Павла. Аще ли кто не чтит его, да благословения от него ни прииметь, не сде, ни на суде. То бо есть молитвенникы за ваша домы и за ваше спасение.

Попы же белци (бельцы) честите достойно и дьяконы акы слуги Божия. Ти бо за вы молитвы творять к Богу по вся дни. Аще ли поимете черньцы в свой дом или иного причетника (принадлежащего к клиру) и хощете их честити, то боле трех чашь не нудите его; но дайте ему волю, да же ся и сам напиеть, да сам за то и отвещаеть, а вам ненадобе грех его. Но паче речено есть в ветгем законе: приведи к жертвеннику и вол твой, овен и козел и ина имения твоя, – Петр же апостол тако же во ученьи своемь повеле к церкви принести вся дания (даяния) благая. А не лзе (нельзя) слоуг Божиих до соромоу поити, но с поклономь отпустити и благословление вземши от него.

Князю же землѧ вашея покарѧйтеся, не рцете ему зла в сердци своемь и прияите ему головою и мечемь своимь, и всею мыслью своею и не възмогуть противитися инии кнѧзю вашему. Аще добре прияете князю вашему и обогатеет землѧ ваша и плод добр объемлете. Аще ли начнете прияти инем князем от своего, то подобни будете жене...²⁷⁰ непотребной и Иуде предателю, и подобне ему погибнете самой злой погибелью.

Другом же малым и великым покарѧйтесѧ, и ли на пир звани будете, сѧдите на последнем месте, по еоуангелью. Рече бо, егда зван будеши на брак, не сѧди на предемь месте; егда кто честней тобе будеть званых и пришед звавый тѧ, и речет ти: друже, дай же сему место, – и тогда начнеши с соромомь поседатисѧ ниже. Но егда зван будеши на пир, шед, сѧди на последнемь месте, да егда приидеть звавый тя и речет ти: друже, сѧди выше, – и тогда будет ти слава предо всеми сидѧщими с тобою, яко всяк возносяйся, смириться, а смерѧйся, вознесетсѧ.

Суседа же не обидете и не отъемлите земли его. Рече бо Моисееви Бог: пришельца суща не обидите. Ахав бо и Езавель погибоста отнимания ради земнаго; Дафан же и Авирон такоже я поглоти земля имения ради неправеднаго; при Златоустем же Иоуане Еоудокия царица не погибе ли отнимания ради неправдою виноградною? Бог бо не единому человеку велить быти на земли сей, но многим. Тем же, чада моя, блюдетесѧ и не отнимайте чужаго.

Уведите вси, колика есть иерейская власть и честь: они бо крещением и покаянием и причащением поновляют верныя и за вся молитвы к Богу творят. Тем же не пререкуйте им, но добре чтите их: Божия бо слуги суть и предстатели тайнам Его. Тем же добре чтите я и потребная им давайте. Како убо земных князей слуг чтите, то достоит паче Небеснаго Царя слугам достойную почесть (честь) и дары воздаяти. Слышите апостола Павла глаголюща: братие, покоряйтеся старейшинам вашим, тии бо бдят о душах ваших, яко слово отдати им о вас в день судный (Евр 13:17). Ты токмо о своем спасении тщишися, а сим велика есть скорбь, како бы порученных им житие управити, а не учивше – суд зол прияти. Но глаголеши мне: «глаголет, а сам того не творит». Но то дело ему есть не ленитися, но ко всем глаголати. Аще ли учения не послушаеши, то осудишися. Глаголет бо Господь: слушая вас мене слушает, а отметаяйся вас, мене отметается (Лк. 10:16), а иже кто вас хулит, то мене хулит. Ни, братие, несть вам подобно (подобает) на священники хулы глаголати. Они бо по вся дни за тя и за твою братию и за вся вся верныя службы творят, заутра и полудне и вечере, молят Бога во церкви и вне церкви, и в домех своих молбы о всех творят. Та вся, любимии, размысливше, всячески наделяйте их добре, яко отца, пищею и одеждою, да безмятежно молбы приносят о вас к Богу. И не глаголите, яко «недостойне служит». О, братие, аще бо и ангел есть принося пречистыя Тайны, а ты аще недостоин, то никако и ангел тебе не очистит от грех; своя бо нечистота комуждо нас возбраняет. Ты же поучания его слушай, аще право учить, а не пытай жития его, ни укоряй его: добре бо за тя Бога молит. Всяк бо иерей от человек поставляется и от человек чести и дары приемлет, и требы о гресех, яко о себе, тако и о людех, Богу молится день и нощь. Того ради достоине излише чтити священники.

Господи, благослови, отче!

Слыши ерей сборе преподобный: к вам ми слово. Понеже вы нарекостесѧ земнии ангели и небеснии человеци: вы со ангели предъстоите оу престола Господнѧ; вы с серафими носите Господа; вы сводите с небес к нам (Сына Божья)²⁷³ Дух святый, и претварѧете хлеб в плоть и вино в кровь Божью, человеком невидимо, и (а) святии бо мнози видеша;²⁷⁴ вы бо просвещаете человекы крещениемь святым; вы свѧзаете; вы разрешаете. Вами свершаеть Господь тайну спасения роду человеческому; вас стража постави и пастухы словесных овец своих, за нѧже²⁷⁵ кровь свою излия. Вам предаде²⁷⁶ талант свой, его же от вас хощет истѧзати во вторый свой приход, како будете оумножили даный вам дар, како будете оупасли словесное стадо Христово, како будеть зблюли²⁷⁷ святыню вашю не осквернену, како будете не соблазнили людий верных. Господь рече: луче навѧзати жернов на шию, им же осел мелеть, и погрузити²⁷⁸ в мори, нежели соблазнити единаго от малых (Мф. 18:6).²⁷⁹ Души бо человечестей ни едино и несть равен весь мир.²⁸⁰ Како же многы²⁸¹ душа соблазнивыи и не погрузити вы ли сѧ в огне неоугасимим? – Простець бо, согрешив, за едину свою дасть душю ответ²⁸², а ерей же, согрешив, многих соблазнить, и за тех душа будеть ему осуждение.²⁸³ Отсели²⁸⁴ же блюдитесѧ²⁸⁵ всякого греха: не работайте плоти: останитесѧ²⁸⁶ пьяньства, обьядения; лишитесѧ тѧжь (тяжб) и сваров (раздоров), вражды и хулы на друга, и сквернаго резоимания, – ни поручайсѧ, гордости не имей, многоречья останисѧ, мерзости, ярости, лжи, скупости, немилосердья, ненависти, зависти, от всех сотонин дел зблюдитесѧ (соблюдися). Блюдите же и порученых вам человек, како наоучите, како непорочны на суде поставите пред Богом, како речеши: се аз и дети моя, яже ми есть дал Бог. (Евр. 2:13). Оумножите талант, даный вам от Бога.²⁸⁷ Аз бо грешный епископ ваш всѧ ркох²⁸⁸ вам и ничего от вас не скрых. Вас бо истѧжеть Бог, аще обленитесѧ о порученым вам даре.²⁸⁹ Лживых книг не почитайте, еретик оуклонѧйтесѧ, чородей бегайте, глаголющим (глаголющих) не от Божественных писаний загражайте оуста. Аще ли кто от вас недооумееть, мене вопросите: аз же не ленюсѧ вам глаголати. Аще кто сѧ противити (противиться вашему) правоверью, мне повежте (поведайте): аз обличю ѝ и от церкви отжену. – Разумейте, како духовныя дети оучити ни слабость (слабо), да не ленивы будуть, ни жостко, да сѧ не отчають²⁹⁰ не дару делѧ пращающе (прощая), ни невзѧтья ради горко наскакаюице. Разумейте, кого отлучити (от) тела и крови Господни, кого-ли от церкви,²⁹¹ кого-ли от оглашенных на колико времѧ. Аще ли сам не доумеваеши, съпроси оумеющаго, – нестыдисѧ ставит,²⁹² а не просѧ, аки слеп еси.²⁹³ Святую же, страшную службу со страхом стварѧйте (совершайте); николиже не вниди в святый олтарь, вражду имый с ким, и велику имев прю, томь дни не служи, но оутешив (утишив) мысли, молитвы восли Господеви от чиста оума,²⁹⁴ и не озирайсѧ назад, но оум весь имей горе: со ангелы бо служи, и не мысли земных во – тъ (в тъ – в тот) час; небесного бо цесарѧ приемлеши в сердце свое (и) весь освящайсѧ Им. И се вы, чада, глаголю, аще кому спакостить враг любодействомь, или оутопил будеть душю свою во мнози питьи,²⁹⁵ в ризоимании же (резоимание – ростовщичество), в клятвах, и в зависти, и в гневи, и в прочих, – да сѧ лишить святыя службы таковый: недостоиньство бо ерейское сводить гнев Божий²⁹⁶ на люди. Мнози бо невегласи (невежественные) попови,²⁹⁷ от жены²⁹⁸ зблудившю,²⁹⁹ повелевають служити, рекше – опитемьею³⁰⁰ и очистѧться, – готовѧще ся в вечную муку и сих слюще во дно адово. Различно бо падение бываеть; темь подобаеть с великими вещьми епископ възвестити,³⁰¹ да расудити (да рассудит) по правилам апостолскым и отеческым: не мочно бо разрешати, еже они свѧзаша, ни свѧзати – его же не повелеша,³⁰² но последьствующи (последуя) збором (соборам) святымь, вѧзати и разрешити, якоже заповедаша.³⁰³ Блюдите же и родимых детей ваших,³⁰⁴ да не осквернѧтсѧ блудомь до женитвы, девица же мужа (до замужества). Илии бо поп³⁰⁵ (Илий первосвященник), без греха быв пред Богом, за сыновнѧя грехы послан бысть в муку, занеже не оучил на добро сыну своею, ни казнил.³⁰⁶ Челѧдь же имейте в наказания оучения Господнѧ. Доволно (в достатке) им творите кормлю и порты (одеяние).³⁰⁷ И люди томуже наоучите, – первие, сами в богобоязньстве пребывающе, – не обидѧще не крадуще, не лжюще, не оупивающесѧ и останущесѧ и всѧкоя неправды.

Си бо всѧ, любѧ вы, написах, – се же творите. (Аще си сохраните) молитва ваша от Бога оуслышена будеть – на земли нашей – налога от поганий – оутешатся (оутишаться?). Обилье много Господь нам подасть, аще ли в воли Его будем, заповеди Его творяще.³⁰⁸

Молите же и за мѧ грешнаго, да ми Господь подасть крепость паствы и отдание грехов вашими молитвами. Аз вы мало рекох, а вы сами весте, что есть оугодно Богу. Тем же не обленитесѧ о заповедех Господнех, да не погубити людий и за то осужение приимете люто. Богу же нашему.

Яко аще не послушают учимии, но мы не престанем учаще. Якоже реки не оставят шествия своего, аще и много от них почерпают, и неоскудевают; такоже и нам подобно (этому) свое исполнити от Бога порученное, всегда учити, а не молчати, а не учивше суд зол прияти. И сами бо весте, аще человек которое ремество имый и неделает его, то может ли обогатети таковый. Мы же попове есмы порученных нам не учим, то можем ли царства небеснаго богатество обрести, и тех довести о них же слово отдати нам пред Богом? Пишет бо Павел Апостол, глаголя: прилежащеи священницы, то сугубеи чести сподобятся, учения деля, и от Бога и от человек (1Тим. 5:17). Да блюдем, братие, себе и от инех не ослабеем, учаще. Иеремий бо пророк много июдеом претит и отсюду извести (Иеремия бо пророк, понеже много иоудеом прещааше и о суде извести) и ругаем бе от слышащих и на вся дни посмехаем, – восхоте же пророчество оставити, досады (оскорбления) и поноса (поношений) не терпя, глаголя бо, престану и не имею (не именую) имени Господня. И бысть, рече, яко огнь во мне паля, внутренняя ми пожигая, и простретися не могох (Иер. 20:9), понеже нехотя прочее (пророчествовати и) глаголати, яко июдеи неслушаху. Да аще и посмехаем, по вся дни досады и укор приемля, помыслив умолчати колику прия страсть, и не умолча; а мы же, како приимем милость, ни досады, ни укора приимаем, но леностию не учим? О братие, сию исполняйте службу донележе и дышеши. Аще слушают спасени, будут, аще ли не слушают, осужени будут; а нам о том несть ответа пред Богом. Лют нам ответ аще не учим. Того ради исполняй, еже (ти) поручено. Аще бо ловлец погрешит ловления, не ввержет ли паки донележе уловит? Такоже и ратаи и купцы творят: паки бо трудятся; аще ли бо кождо оставил своя хитрости (свое дело, свое занятие), то не бы вселена земля и погибло бы наше житие. Аще бо ратай (земледелец), семя погубль, не останет, но, паки сеет, и купец, (паки) заняв (заимше), куплю деет, – тако твори и ты: учи всегда, да мзду послушания приимеши от Бога. Учение бо наше есть, а послушати же онех есть; мы же учим, а они не послушают, тем будет мука, а нам вины в том несть, но мзду от Бога учительску приимем, и все порученное нам исполним. Учи и понужай на добро. Да аще и непослушают (неслушают), речеши, – ты же не престай уча донележе и дышеши. Аще и не слушают, но ты исполняй свое, да мзду совершену приимеши от Бога. Аще ли кого жестока видиши непослушающа, то боле (более) прилежи ему, уча и негли (может быть) приобрящеши душу его, и Господь многу даст (воздаст) ти мзду, апостолом будеши равен. Души бо ничтоже равно есть, небеси бо и земли честнейши есть душа. Богу нашему слава ныне и присно и вовеки.

Святый Великий Константин рече власть держащим: послушайте и внушите вси судящии земли, яко от Бога дасться власть вам и сила Вышняго. Давый бо вам власть истяжет скоро ваша дела, и помыслы испытает, яко служители есте царства, и не судисте в правду, ни сохранисте закона, и в повелении Божии не пребысте. Страшно и скоро приидет на вы испытание, яко сердце немилостиво творите людем Божиим, ихже ради Христос кровь свою пролиа. Сего ради поставил есть вас пастухы и стражы людем своим, да соблюдете стадо его от волк невредно и от татий не крадено. Вы же в пастух место волци бысте и стадо Христово погубисте, яко распудисте и разгнали есте стадо Христово, и вдали есте татем и разбойником на разграбление, и заклаша и кровь их испиша, и мяса их изъедоша и овчинами их одеяшася сами. Сие же вам глаголю, цари и князи, не от себе, но от Бога приимь разум, да не будете волкы в пастух место стаду Христову, дръжаще у себе служащих вам злых и немилостивых властелей и служащих им. И того не разсмотряете, иже продают люди, неправедный суд судяще, не смотряще отинюдь правды, но акы у кого много взяти, тот прав; а страха Вышняго не понимающе, ни серпа небеснаго не боящеся; таковым бо Христос усечет выя усечением вечных мук. Того деля рече Давид, царь быв и пророк: и ныне, цари, разумейте, и накажитеся вси судящии земли, работайте Господеви со страхом и радуйтеся ему с трепетом, храните наказание его, да не погибнете от пути праведнаго, се же есть, да не гоньзнете живота злою смертию. Понеже поставляете тивуны, мужы небогобоязнивы, товара деля напустивши в люди, яко бешена пса, да ового уморить, а другаго болезни оставить, иного же язвить и хромого учинить, и тако все люди изгъубит. Иже без правды тивун кого осудив продает, и теми кунами купит себе ясти же и пити и одеяние себе, и вам тыми же кунами строит обеды и пиры, – и се, якоже рех, стадо Христово вдали есте татем и разбойником, иже бо ножем заклаша, се есть, неправедным судом осуждают; а иже мяса их ядят, – продающе на кунах; а иже кровь их пиют, – упиваются без урока, продающе сироты; а иже овчинами одеяние себе стваряют, – иже домы их искореняют, жены и дети продающе иноплемником. Вы же причастницы им есте и сообещницы по всему, яко же глаголет пророк: князи твои обещници татем. Се же глаголет пророк не о разбои творящих, но неции князи градом и языком лютыми слугами своими грабят, за то суть обещници татем, и не обличають, ни наказывають остановитися обиды кратщим, но паче попущают, да болше приимают от рук их себе.

Внимайте, како писано есть: бози есте и сынове Вышняго. Князи и вся судиа земьскиа слугы Божии суть, о нихже рече Господь: идеже аз, ту и слуга мой. Блюдетежеся, да не будете чада гневу; бози бывше, да не изъмрете, яко человеци, и во пса место, во ад сведени будете, идеже есть место диаволу и аггелом его, а не вам. Вас бо Бог в себе место избрал на земли и на свой престол вознес посади, милость и живот положи у тебе. Темже яко отци есте миру; писано бо есть: князи мира сего правда. И вы в себе место поставляете властели и тивуни, мужи небогобоязнивы, язычны, зло хитры, суда не разумеюще, правды не смотряще, пиани судяще и спешащи судом (а Бог повелел не единем днем вещь исъпытати), грабители, мъздоимьци, гордостию и величием возносящися. И кто прав осужден от них в вину припадает ко князю, и князь не слушает, како судил на его душу. Пилат, умыв руце, Иисуса преда, рек: что мне? род твой жидове предали тя мне; кровь твою взяли на ся и на чада своя. Сам Пилат не оправдася. О таковых бо рече Господь во Евангельи: аще око твое соблажняет тя, исткни е, а рука – такоже отсещи ю, а не о гнилых удех телесных. Съдръжай истину в неправедне, не бояся серпа небеснаго, и глаголеши: како судил на его душу? А не ты ли поустил яко (в рукописи – како) неистова пса на Христовы овцы или бесна человека, и оружие дав ему, и он не телеса режеть худобы злой, но и души губитель? Что деет он? не на пустивъшаго ли душу? Тако и зде погубльныи от твоего суда к тебе князю плачють, а ты не мъстишь, дръжа истину в неправде, любя беззаконныя прибыткы, и тех деля напустив злаго судию на люди. Писано есть: не добр позор лисица в курех, не лепо льву овца паствити; един волк всю чреду смутит, один тать на всю страну мерзить; царь неправеден – все слугы под ним беззаконны суть. Ибо меншии достойни суть милости (сильнии бо силне испытани будут), и Господь рече: ему же мало дано будет, мало и просят от него, а емуже много, много истяжуть от него.

Темже разумейте, цари и князи, бойтеся страха Вышняго; избравше мужи богобойны, испытати подобает опасне, како житие и нърав ненапрасн, не гневъвоздержьць, преподобен, и странноприимець, и нищелюбець, и целомудрь, и ложе его чисто, кроме всякоя скверны и вещи лукавьствены, питию многому не прилежа. Глаголет писание: властели яри суть, да не пиют вина, и упившеся забудуть премудрость, и право судити не возмогуть с Богом Вседержителем и со возлюбленным его Сыном. Се же рех, не яко да не пиють, – еже бо не пити досада есть бывшии твари от Бога на веселие, – но да не упиваются. Рече бо: не пия вина во пианьство. Се же рече не о властелех токмо рехом, но и о всех христианех.

Темже рече великий Константин: да будет судиа нелицемерен, ни богата стыдяся, ни нища милуя на суде, яко Господень есть суд; да творит разсуждение на суде не тщася; разумно и довольно послушати подобает пря судиам; не удобь бо есть правды изобрести; скоре не оправити неправаго, аще и друг ти есть, ни обидить праваго, аще и враг (в рукописи ошибочно: брат) ти есть. Ты разумей твердо спасения твоего хранилище, еже николиже человека обидети; буди к своим повинником добр и тих в народе. Елико силою превшел еси_; всех, толика и делы добрыми подвизайся паче всех: милостыню твори по силе, прощения грехов прося у Бога; прощайся сам согрешающая к тебе. Тогда наречется кто истинный властель, егда сам собою обладаеть. Разумей же правы сущих во истину с тобою, да познаеши с верою служащих ти, или лестию лицемерною ласкающихся тебе, довода деля, да погубят христианы, яко не достоить ти послушати клеветника, сладко ти глаголюща (в рукописи: глаголющи), или слышати на ближняго что, да не отпадеши любве; но воздержи клевещющаго во уши твои, да не с ним погыбнеши. Тем не достоить клеветы слушати на суде, яко проклят есть. Всяк бо правоверный судиа, аще со Божиим страхом судит, въскоре разумевает клевещущаго на ближняго своего, клеветы лжая. Писано бо есть: проливая бо кровь человечью, за кровь его кровь пролиется; безаконно бо есть тако свидетельствовати. О таковых бо рече Господь: червь их не умрет и огнь (в рукописи слово огнь написано киноварью) их не угаснеть. Не помнят бо дне смерътнаго; егда будет тый час смертный, то аще бы всего света богатства лиху быти, а рад бы ся душа от тела не отлучилася. Темже, любленици Христови, цари и князи и судиа; вашего ради спасениа се написахом вам, яко да Божию волю сотворшу приимите от Бога, со безплотными силами, присносущее дарование, якоже сам обещал вы есть: да идеже аз буду, ту и слуга мой, и воцаритеся с ним в векы и радуитеся, емуже слава со Отцем и Святым Духом ныне и присно и во векы веком аминь.

Услышите жены заповеди Божия, и научитеся в молчании повиноватися мужем своим, да спасете душа своя. В начале бо рече Бог ко Евве (Евде), яко от мужа взята еси и той тобою да обладает, ты же в молчании повинися ему. Аще бо жена мужа своего честна творит, то от человек похвалена будет и от Бога благословение приимет. И не супротивляйтеся жены мужем своим, но во всем покоряйтеся им, и повинуйтеся жены мужни (мужнии) воли. Жена бо мужа ради сотворена бысть, а не муж жены ради (1Кор. 11:9). Якоже Христос глава есть Церкви, тако и муж жене глава есть (Еф. 5:23). И тако жены покоряйтеся мужем своим. Сего бо ради Апостол Павел рече: мужие, не лишайте себе совещания жен своих, рекше, егда хощете пост воздвигнути, или иного чего деля чистоту имети, то все творите по слову с женами своими. Муж бо и жена несть два, но плоть едина есть. Жены же во церкви да молчат (1Кор. 14:34). Гнусно бо есть во церкви беседовати; церкви бо дом Божии есть. Аще ли беседовати о чем хотят, то в дому мужей своих да вопрошают (1Кор. 14:35). Жена бо добра и покорлива венец мужу своему есть (Прит. 12:4); обретый бо муж жену покорливу износит из дому своего благая (Прит. 18:22). Жены бо добры соградиша домы, а безумныя раскопаша языки своими (Прит. 14:1); жены добры блажен муж (Сир. 26:1). Жена добра веселит мужа своего, и лета его беспечалием и миром исполнит (Сир. 26:2). Жена добра и востанлива (трудолюбивая) составление и ограда дому (Прит. 14:1). Украшение бо женам добрый ум паче злата есть; в церквах молчание и в домех покорение и послушание. Жена бо добра неимущая и нищая кормя, якоже и Сумантяныни (Саманитяныни) блаженная. Жена³¹² добра дражайши есть камения многоценнаго, обрете бо ю муж ея радуется о ней, яко обрете честь со славою, и яко сокровище многих благ исполнено. Таковая бо всегда благая творит во всем животе своем. Обретши бо лен и волну, строит свиты и пестроты многи и различны, и предаст я в куплю гостящим (купцам), а сама облечется в красныя, и в червленыя, и в багряныя одежда. И бысть яко корабль куплю деющи, издалеча имение совокупляющи, и сугубы одеяния сотворит мужу своему. И таковыя жены муж пред людми честен есть. Жена бо добра востанет в нощ и даст доволная брашна рабом своим, и учинит руце свои на полезная, а персты своя на вретено, и всю нощ не угасает светилник ея. Плоды же от поту лица своего подаст убогим; уста же своя мирно отверзает и печалуется о дому своем, строящи полезная. Благословит бо ся, рече, жена Хамерканя во всем Израили,³¹³ ея же дела вси видеша, а не руце. И многи бо жены таковы хвалимы суть.

В посланиих к Римляном апостол Павел глаголет (менить – разумеет) многи бо жены добры с похвалою суть (глаголя): братие, преставляю вам Фивию, сестру вашу, ея же приимете о Господе, подобно святым; много бо ми добро сотвори. Целуите Трифону и Трифосу, и Мариям возлюбленую, иже много трудися о Господе (Рим. 16 гл.). И ины многи добрыя жены во святых книгах хвалимы суть. Якоже несть иныя злобы горши злыя жены, такоже и добрыя жены несть к чему приложити, – дражаиши бо есть камения драгаго и бисера многоценнаго (Прит. 31:10). Жена бо покорлива и послушлива – честь и дар от Бога; а язычна жена и ленива за грехи мужу дастся. Тому бо мужу люто есть, иже языка ження (женьня) слушает (и лицо ея токмо зрит), а не дел пытает. Языку убо женнину (женню) не веруй, но от дел пытай ея. Сего бо ради рече: «не веруй» им же (занеже) Адам, послушав жены, в преступление вниде, и всему роду пагубу жена наведе. Того ради учит ны рекий: не послушай жены; лучше бо есть злоба мужъска, неже лстивыя жены доброта (Сир. 42:14); глаголет бо клюками (лукаво), а не истину; лучше в пусте земли жити, нежели со женою сварливою и прокудливою (Прит. 21:19). Якоже бо червь во древе, тако и злая жена мужа погубит, и яко капливая храмина в день дождя изгонит седящая в ней, тако и сварливая жена мужа своего из дому изгонит (Прит. 25:21, 25). Злоумней бо жене красота яко злата серга у свиньи (в ноздри). Исус Сирахов учит ны, глаголя: не дай жене глаголати на тя, и не попусти ей воли на ся, и не дай же ей на силу свою наступати. Лучши бо есть со лвом и со змием жити, нежели с сварливою и злоязычною женою (Сир. 25:18; Прем. 21:19). Пременит бо лице си женьская злоба, и очи яко лвица посупит, и яко стару (старику) восход (восхождение) ссечен (песочен), тако и жена язычна молчаливу мужу.³¹⁵ И аще кто вас дщерь имать, то положи на ней грозу, да в послушании ходит, да не свою волю приимше в неразумии испрокудит (прокудит) девство свое, и сотворит тя знаемым твоим в посмех, и посрамят тя при множестве народа. Аще же бес порока отдаси дщерь свою, то велику добродетель сотвориши, и от всех похвален будеши³¹⁶ (Ср. Сир. 7:26, 27). Мудрый рече: зла жена, и ленива, и пронырлива дастъся мужу неправу за грехи (мзда). В лепоту бо Господь рече ко Евве по преступлении: множа умножу печали твоя и в печалех родиши чада своя, и муж твой да обладает тобою, а не ты им, но мужа господина си познай (Быт. 3:16). Тако же и апостол Павел закон полагает, рекий: жены покоряйтеся мужем своим, яко Господеви; якоже Христос глава есть и слава и всему миру творец, а жене глава и слава муж есть (Еф. 5:21–24). Всяка бо жена честна и славна о мужи есть.

Есть лучши в пустыни со зверми жити, неже со злою женою (Прит. 21:19) в дому. Ни который бо зверь подобен жене зле и злоязычне. Лвы бо в рове Даниила устыдишася, а Науфея Езавель уби; кит Иону во утробе не вредимо сохрани, а Далида Сампсона остригше, иноплеменником предаде, – а толми свят бяше и силен, лва един срете и уби, и вжадав пити, помолився Богу, и истече ему вода от держимыя им ослня (ошлея) челюсти; но и такова свята жена своя иноплеменником предаде, тайну уведав от него. Того ради Апостол претит, тайны жене поведати. Который убо зверь на своего супруга возмысли зло, или кая змия супруга своего погуби, или кая лвица мужа своего на заколение предаст? – Да, по истине, несть иныя злобы горши злыя жены. В пустыни бо змиеве и аспиды Иоанна убояшася, а Иродия (блуда ради, на обеде) усече главу ему; Илию Пророка в пустыни 4 лета вранове кормиша, а Езавель убити его хоте (хотела), и убояся Илия бежа в пустыню. Увы мне, Пророк жены убояся, а дождь ношаше на языце, и огнь с небесе сведе, и мертвеца молитвою воскреси, – а жены убояся! Ничто же бо есть злее жены злоязычны. О злое дияволе острое оружие! исперва бо Адам женою прелщен бысть, женою Иосиф в темницы затворен бысть, женою Давид в убийство впаде, женою Соломон прелщен погибе, Евдоксия царица Иоанна Златоустаго заточи, жена Сампсона (храбраго) ослепи, жена Пророка Илию прогна, и Предтечю Иоанна усекну, женою многи погибоша и в лютыя грехи впадоша. Жена зла и бестыдна никого же не усумнится: ни святителя срамляется, ни седин чтит. О, злее всего зла жена злая! Аще убога есть, то злобою богатеет, аще ли богата, то двое зло, неисцелим недуг, неукротимый зверь (дьявол). Видех (аз) бо лвы и медведи кротимы, а жена зла хвалима высится, а хулима бесится. Аще ли мужа имать болярина (боярина), то всегда поучает его на отнятие и на грабление; аще ли убога имать мужа, то на гнев и на которы (раздоры) учит; аще ли вдова есть, то вся укоряет и осужает и хулит, а о будущем суде не помышляет. Ничто же бо есть лютее злыя жены. И праведнаго Иева своя жена укоряше, рекуще: рцы нечто к Богу и умри, – а не умилися злая жена, видящи его гнойна, яко огнем жгома и от лютых прыщей, и всю плоть его червьми изьядаему. Воистину, несть злобы лютее женьския злобы! Беззаконно бо есть и хула люта, аще кем жена владеет. Лучше таковому трясцею болети, нежели злою женою обладану быти. Трясца бо, потрясши, пустит, а злая (лихая) жена и до смерти мужа сушит. Жена зла в дому яко вьялица (метель). Лучши железо варити, неже злая жена научити; лучши бо есть погребсти злая жена, неже привести. Мятеж бо дому жена ревнива. Жене зле ничего тайны не поведай, да не погибнеши. Реткая бо тайны не поведает, а тех много же, иже не потаят что слышав. Слышавше же се, злыя и безумныя жены, постыдитеся, хулими и укоряеми от святых книг, и потщитеся на добрыя дела и живите в богобоязньстве. Многи бо жены не любовно с мужьми своими живуще, но ревностьми (ревнощами и свары) и многими чарами, – не покоривы суще мужем своим. Того ради проказньство (проказу, болезнь) ражающеся дети приносят. Посему бо известно ны есть велми, яко исперва Каин бе по преступлении заповеди Божия зачат, Авель же плод бысть послушания, чадо покорения в заповедех Божиих. Тако убо и ныне, иже в бестрашии Божии пребывают, нетворяще воля (воли) Божия, беззаконно живуще, – того ради проказньство на порождение свое приводят. По преступлении бо заповеди Божия, аще зачнется младенец, то несть добронравен. Того ради кождо нас творите в законе реченная Господем, да не в пустошь погибнем. О сем бо Пророк Давид, проразумев, рече: се бо в беззаконии зачат есмь и во гресех роди мя мати моя (Пс. 50). Несмысленыя убо жены не бывают таковы, яко же Ревека и Сарра, Анна же и Елисавет, яко прочая доброумныя (умныя) жены творяху, с мужи своими живуще мирно и покоряющеся им, тем же и породиша добровонен цвет плода, и поминаеми суть во святых книгах и хвалимы от святых мужей, о Христе Иисусе Господе.

Человецы, внемлите известно (тщательно) о глаголемых (сих). Наказывайте измлада дети своя. Глаголет бо премудрость Божия: любяй сына своего, то не щади и наказуй его жезлом во юности, да по старость твою покоит тя; аще ли же измлада не накажеши его, то ожесточав неповинит ти ся. (Прит. 13:25; 23:13). Глаголет же в четырех царствиих (IV Царств.) сице. Иерей бе некто, именем Лий (Илий), смирен и кроток велми. Имеяше же два сына. Они же, аще и злое творяща, он же не казня их, ни на страх Божии учаше, но волю им дал бяше.³¹⁹ Они же в буести и в ненаказании все злое творяста. И рече Бог к Лию (Илии): понеже не наказал еси сынов своих (добре), да оба умрут от меча и ты сам и весь дом твой сынов деля твоих. Слышите, братие, аще бо и (поповствова во Израили лет двадцать и...) богоугодно поживе иерей сей, но детей страху Божию не наказа,³²⁰ за то зле погибе. Да аще в ветхом законе бысть то, а мы что приемем (подымем мы) в новем законе будуще (суще), аще не накажем детей? Златословесный бо (Иоан Златоуст) глаголет: «аще кто детей своих не научит воли Божии,³²¹ то (тот) лютее разбойник осудится». Убиица убо тело умертвит, а родителие, аще не учат чад своих, то и душу погубят. Но вы, братие и сестры,³²² наказайте дети своя измлада, да страх Божий вкоренится в них.³²³ Аще ли не слушает дитя твое, то не пощади его,³²⁴ яко же мудрость Божия глаголет: шесть ран или 12 сыну или дщери; аще ли вина зла, то и многи раны дай ему плетию.³²⁵ Наказуйте убо дети своя боятися Бога и себе, а злых нрав остатися, да будет помощ душам вашим.³²⁶ Не озлобляй, наказуя дети. Аще бо и жезлом биеши, то не умрет, но паче здраво будет; аще бо накажеши, то и душу его спасеши (Прит. 23:13). Дщери ли имаши, то положи на них грозу свою, да соблюдеши я в телесных и не усрамится лице твое, аще бес порока отдаси дщерь свою, и среди собора похвалишися о ней. Любяй-же сына, своего, учащай ему раны, да последи возвеселишися о нем и среди знаемых похвалу приимеши. Наказай (воспитай) дети в наказании, да обрящеши славу и благословение от Бога. Не дай же в юности воли детищу, но казни его, дóндеже растет, да егда ожесточав, не повинитътися и будет ти досада от него люта и болезнь души, и скорбь не мала, тщета дому и имению погибель, укор от сосед, посмех пред враги, пред властели платеж и зла досада. Того ради, братие и сестры, наказуйте дети своя не словом точию, но и ранами, да ныне не приимете про них от людей срама, а в будущий век с ними муки вечныя.

Послушайте, братие и сестры, заповеди Господня, юже к законнику исперва рече. Се первая заповедь, да любиши отца своего и матерь, да благо ти будет и долголетен будеши на земли. Иже бо кто чтит родителей своих и слушает веления их, то сей очистит грехи своя и от Бога прославится (Сир. 3:3); аще ли кто злословит родителя своя, сей пред Богом грешен есть, и проклят есть от Бога и от людей. А иже кто биет отца или матерь, от церкви да отлучится и лютою смертию да умрет. Писано бо есть (Сир. 3:9): отча клятва изсушит, а материна искоренит; сын бо, рече, непослушлив отцу, в пагубу будет и не поживет, а иже прогневает отца или досажает матери и мнится таковый несогрешая к Богу (– лесть, ложь), и есть таковый горее поганаго и обещник есть нечестивым, о них же Исаия Пророк рече: возмется (возьмутся) нечестивый (нечестивые), да не видит (не видят) славы Господня (Ис. 26:10). Сих бо нечестивыми именова, иже безчествуют родителя своя. И паки: досаждающаго отцу и укоряющаго старость матерню, да исклюют его вранове, и да съядят орли. А иже честь творя отцу и матери, той возвеселитися имать о чадех своих, и в день печали избавит их Господь, и молитву их услышит, его же у Бога просит подаст ему. Покояй бо матерь свою, волю Божию творит, угожая и отцу во благих поживет. Тем же, братие, словом и делом угожайте родителем своим, да благословени будете от них. Отчее бо благословение чадом домы утвердит (Сир. 3:9), матерня молитва избавит от напасти. Аще бо охудеет разумом во старости отец ваш или мати ваша, то небезчествуйте их, ни укоряйте, да от своих чад почтени будете. И не забывайте труда матерня, иже о детях болезни и печаль. А не глаголи того, яко много има (им) добра сотворих пищею и одеждами, но неси от них свободен: не можеши их родити, яко же они тебе. Темже со страхом и раболепно служити има, да зде добре поживете, а онамо (онома) милость от Бога обрящете, яко совершители заповедей Его.

Аще кто от Вас, братиа, имать рабы и рабынѧ, да учит я и нудить (заставляет, понуждает) я на крещенье и на покаянье и (на) весь Закон Божии. Ты бо владыка (игумен) еси дому своему, а грозою и ласканьем (ласкою) еще не оучиши, то ответ Богом воздаси за нѧ. И кормите (их) доволно, одежа и пища довольнаѧ подавайте има. И не бесцествуйте (бесчествуйте) их, яко того же естества суть (яко и тии человецы тации же суть), но вам в послуженье Богом предани суть. Аще (ли) им доволная пища и одежа не подаваете, они, не терпяще наготы и глада, крадут и разбивают (разбойничают), (то) тобе за ту кровь отвещати пред Богом (за то), аще раба твоего убьют или умучат. Авраам научи всему добру закону своих домочадец т҃ и и҃і (318), и еже рабы его творяху, то и сам не гордяше творити;³²⁹ неленяше исходити на распутье и где странныя и нищая обреташе и ввожаше в храм (в дом свой),³³⁰ идеже сам прибегаше (пребываше); жена бо ему в рабынѧ место служаще со странными и нищими (странным и нищим), а те странни бяхуть (бѧхуть) яко отгостье ему в дому его.³³¹ Раби же его толику добру навыкли бяху, ни робщуще (без ропота), ни гугнуще (перешептываясь), яко же наши, – добре бо бе наказал их (научил), – но амо же мысляше, тамо (с) радостью течаху: тако бо добре сумнивии (честные) и крепци (исправные, твердые), вся бо страеше (все делали), печаляся, аки собою. Размыслите убо, яко вси есмы единако створены во оутрубе, да и попечемъся о спасеньи раб своих, наставим на добро, на путь добрый, да будут ти добрии к Богу, и да видят, како ся Бога бояти. Господа оубо за рабы своя долъжни и ответ даяти, аще их не добре устроим, рекше, не наставим их на добродетель. Яко же бо на рати будут воини добри ополчени (вооружены), то удобее (удобь) есть воеводе на рать приступити; и гребци в корабли (кораблях) аще будут единим умом, то иже бе на корме стоить и то оудобее ему правити, – тако же и тобе все доволно будет творити, аще бо я добре накажеши. Повежь бо ми, аще будут таци, то (не) имаши на ня разгневатися безума или казни нанести на ня, а не ли паче постыдетися таковаго раба; аще будут таци и чудни, то помощници ти будут и поучат тя на добро. Кажи, рече (наказывай, научай), раба на дела и рабу, да обрящеши покой (Сир. 33:26: накажи раба, и обрящеши покой); ащи (аще) от дел ослабееть, то искати начнет свободы,³³² мнози (мнозей) научает злобе празненьство. Но не утягчити же рабу чрес силу или рабе своей (делом), егда како (да не) в горести суще душа его воздохнуть (вздохнет) на тя (Богу) и скоро услышить Господь (молитву их) и прольеть на тя гнев свой. Раби же повинуйтеся господам вашим и во всем покоряйтеся им, (а) не пререкуйте, не пред лицем токмо (господарей своих) работающе (им), но аки самого Бога боятися (боящеся); господие же, рече, не отягчайте рабом си чрес силу делом и кормите, одевайте, обувайте доволно, да не...³³³ скорбяще ходят без разсмотрения. Аще ли тя не слушает и во твоей воли не ходит, то за года не пощади и тоже не чрез силу, но по разсмотрению, яко же мудрость Божия глаголет до 6 или до 9 ран, – аще ли зла вина велика вельми, то 30 ран, а лише не велим. Да аще кажеши (наказываешь) и (его) тако, да тако душу его спасеши, а тело его избавиши от боя людска и не буди излих над всякою плотию. Аще имаши раба известно добра, то имей его яко брата и яко душа усумнится, аще ли его озлобиши, то встав бежит от Тебе... Все убо по разсмотрению творите, а не злобою, но усердием.

Коеждо слово реченаго стиха исполнь есть повелении (учений) богомудрых. Внегда бо глаголати нам: «Господи» – Господь имя явственно есть и обще Божественному естеству; глаголет бо ся Господь – и Отец, и Сын, и Святый Дух, о Отци убо и о Сыне. Глаголет пророк Богоотец Давид: рече Господь Господеви моему сѧди одесную мене, дóндеже положю врагы подножие ногама Твоима. Рече Господь яве есть яко Отец рече; Господеви моему – яве есть яко Сынови рече. И святое изъображение нашея веры (символ веры) христианом рече: и в Духа Святаго Господа животворящаго. Яко же яве есть отсюду, яко Господь имя есть являет Божественное естество; глаголемь: Господа Отца, Господа Сына, Господа Святаго Духа. И се мню: еже глаголет: Господи – побеждает дрьзнувших глаголати простаго человека; а еже рещи Иисус (І҆иⷭ҇ъ) имя его явлѧя (указует) человечьское существо. И то яве представляет Исус Наввиин, иже Моисеови предстояв, и по Моисеови смерти въведе Иизраиля в землю обетованиа. Се же имя, еже рещи Иисус, не всуе приложено бысть Иисус Господскому имени, еже рещи: Господи Иисус. Вънегда бо глаголати намь того Господа истинна, наводим же того исповедующе Иисуса и сего ради сказаемь, яко аще Бог совершен и человек совершен наречеся имени ради, еже рещи: Господи, нъ и человек съвершен есть. Се же глаголюще, побеждаем мнящих Его, яко токмо Бога быти и привидением облещися в человека, темже и в привидении Тому пострадати, понуждается глаголати, да постыдятся оубо иже страсть к безстрастному прикасающе. И таковая являет им еже рещи Иисус, и того ради приложено бысть к Господьскому имени, вънегда рещи: Господи Иисусе: являет божество и человечество. Иисус же имя еврейское, еллиньским же языком глаголется Сотир, нашим же языком глаголется Сотир-Спас. Спас же имянуется, понеже спасует вся верующая вонь. Иисус же сказуется исцелитель: многих бо недужных исцели Владыка Христос Бог нашь, не токмо телесы, нъ и душами целы сътворив. А еже рещи Христос, се же имя Христос назнаменает един състав от двою естеству, от Божества и человечества съставлься. А не яко еретици, тех начальник Несторий, зломудрствуя, повелеваше двема быти съставома и тема друг оть друга разделенома, совокупленома же быша друг к другу любовию, а не естеством. Со оубо еже зле от тех глаголемое побеждает и погубляет имя, еже рещи Христос – указание бо единаго състава от двою естеству, от Божества же, глаголю, и человечьства, иже в един сънидостася състав, яко же се добре и подобно имя Христово Иисусову имени последова, внегда глаголати нам: Господи, Иисусе Христе, в семь стисе. И таков есть сих имен чин. А еже – Боже, се имя на Божественнемь естестве носится. Божественное же естество не смутно по всему, и не съмесно, и непреложно, и нераздельно, и никако же приемлет преложениа, ни смущения, ни разделения, и сего ради погубляет и побеждаеть и отнудь оставляет зле смеющихся о Христе Боге нашем, – смешение, или пременение или съмущение или разлучение глаголати Божеству или человечеству, яве бо представьляеть о Христе Бозе нашемь две естестве в един съвокупльшеся, не смесно и непреложно и неразделно коемуждо естеству свойства цела съхраняющу. И сице прежде речеными четырми имены глаголют же, еже рещи: Господи, Иисусе Христе, Боже: четыре зловериа и повеления злых еретик побеждена быша, четвера же правоверная повеления оустроена 6ышѧ. И человеци подобну красоту миру прияшѧ, ибо человеци сложени соуще от душѧ и телесе, миру красотою оуподобишасѧ: душа оубо видением правоверных повелении, тело же деяниемь четыредетельных добродетелей смыслом словесныѧ чьсти, словеснѧ чьсти словесныѧ душѧ мужьством иже на ярость, целомоудриемь иже на похоть, правдою вседушевно. И си есть вина и чин прежде реченых четырь времен. А еже рещи нашь, то противну онемь именемь есть, яко же бо она четыре имена в едино съчетана соуть, да и нас всех в едино братьское съчетание совокупит, и съберет, и свяжет сьвузом любве друг к другу: та бо (любовь) есть исполнение законоу и пророком, закон же и пророци любовию висѧть. К симь Евангельскимь Божественнымь заповедемь поспевающимь заповедь бо Владыки Христа, Бога нашего, еже любити дроуг дроуга. Рече бо: аще любите мѧ, заповеди Моя соблюдите, Моя же заповедь, еже любити дроуг дроуга. Яко иже не въсхотевшеи любити друг друга, не блюдут Моих заповедей и не любят Мене, не соуть со Мною, не соущии же со Мною на Мя соуть. Рече бо: иже несть со Мною на Мя есть, а иже на Мѧ есть, враг Мой есть. Врази оубо Владыце Христоу и Богоу есмы, аще не любим дроуг друга, яко же и яве есть от прежде реченых. Яко подобию, еже рещи нашь в имене место последова прежде, речевымь четыремь именом, еже глаголемь: Господи, Иисусе (І҆ѵⷭ҇) Христе Боже нашь; а еже рещи: помилуй, то и то зело подобию последьствует прежде реченымь. Помиловани бо бываемь правоверно верующеи и непорочно исповедающее владычнѧя и пророческыѧ заповеди. Тем и к онемь причтесѧ еже рещи помилуй. И такова сих вина и чин. Глаголемь бо: Господи Иисусе (І҆ѵⷰ҇) Христе Боже нашь помилуй, – и еже рещи нас, то приближно и подобно к ономоу, еже рекохомь нашь: общее есть слово – Боже нашь, сиречь, Боже всех нас, помилуй нас, рекше, всех нас, Боже всех нас – всех нас помилоуй и свяжи нас братскымь съвоузом любве Твоея, яко же выше рекохом. Второе еже речеся нашь рек и паки се – что ради? Понеже сия нас ради человеков речена бышѧ. Мы же человеци страсти к инемь имамы, и се обое нашь и на едино есть, нъ понеже есмы забытливы, да не забываем соугубства ради слову на въспоминание приити. А еже рещи аминь: аминь оубо на трое тълкуется: аминь – право, аминь – во истиноу, аминь – буди то. Да подобию оубо и се последова и сконча стих сии: Господи, Иисусе (Іѵⷭ҇) Христе, Боже нашь, помилуй нас. Аминь – право, въистиноу, боуди то.

Исътлъкование молитве, ей же наоучи Господь Иисус (І҃сⷭ҇) Христос оученикы своя, и теми нас наоучи молитися и глаголати: «Отче нашь, иже еси на небесех». Тлъкование Златаоустово.

Оучить ны Господь нашь Иисус Христос, како подобает молитися. И абие оум нашь въперяет, и от землѧ възносить и к небеси прилепляеть, повелевая намь глаголати: Отче нашь, иже еси на небесех. Ибо Отца нарек Бога праведен да будет и таковое показати житие, яко да неявится недостоин таковаго сродства. Наказает же общю творити молитву и братии. Не рече бо: Отче мой, нъ Отче нашь: о общем теле церковнемь възклонив нам приносити молитву, и никако же стотрити кому токмо о себе, нъ всегда и о ближнемь. И да никто же дроуга болий боудет ни вчемже, ни богатый оубогаго, ни господин раба, ни князь обладаемаго имь, ни царь воина, ни премудрый невежде: всемь бо едино даровал есть благородие, всех равно сподобивь нарицати Отца того. Рек же: иже еси на небесех, – не тамо Бога затворити; везде бо Бог есть, и всяческая полна славы Его; нъ се рече, от земля възведе молящагося и к сущиим на высокыих прилеплѧя селомь и свышних пребыванием. А еже: да святится имя Твое, си речь: да славится нашея ради жизни. Се же есть: сподоби ны, рече, тако жити честно, яко же нас ради всем славити Тя. А еже – да приидет царствие Твое назнаменует не прилеплятися видимых, ни соущая сего света велика мнети; нъ въсходити оумом к Отцю и хотящих быти желати, чающих избавитися от телесе нашего, яко же рече Апостол. Ибо таковое речение имый, ни благыми жития сего разгордетися может, ни скръбными и печалными смеритися. Да будет воля Твоя яко на небеси и на земли, еже глаголется есть, яко же тамо вся невъзбранно пребывають, рече, ибо ангели не в овех послушають, в овех же ослушаются, но в всех послушают и покаряются; тако и нас сподоби не исполу волю Твою творити, нъ вся, яже хощеши, да исполняемь Тобою, понеже не нашимь потщаниемь токмо добродетель сътворяется, н и от Тебе даною свыше благодатию. Не рече же: да будет воля Твоя в мне или в нас; нъ всюду и по всей земли, яко да искоренится лесть и насадится истина, да извержется злоба вся и възыдет добродетель. И таковыми ничимже быти разлучену небу от земля. Хлеб нам соущии дажь нам днесь, се глаголѧ: подобаеть же смотрити, како и в телесных иного духовное, ибо ни о богатьстве, ни о различии пищи, ни о славе и чьсти, ни о многоценных ризах, ни о чемже ином от таковых, нъ о хлебе токмо повеле молитву творити, о хлебе же наставшаго дне, яко же ни оутрешнимь пещися, ни множая наставшаго дне тому възброняя просити. Не веси бо аще оузриши заутрешнее растояние, да что ради страждеши пекыйся. Се же и напреди слову большими повелевает, глаголя: не пецетеся на утриа, хощет бо намь от всюдоу готовом быти и оутвержденом, и токмо просити, елико же потреба нужная настоить. И остави намь длгы нашѧ, яко и мы оставляемь длъжником нашим: человеколюбия превеличьство показуеть, яко и по крещении паки съгрешающих сподобляет милости, ибо и по бани пакибытейстей, не отъемлется покаания приобретение. Въведе же сии милостивный закон, купно оубо да грехом въспоминание приемлюще смеряемся, купно же и другым оставление подающе, от всякаго поминания злу изменимся. И яко же сам себе судил еси, рече, тако тебе соуждоу и аз; аще оставиши ты подобному тебе брату и купнорабному, – и от Мене приимеши благодать таковоую, аще и несть подобно се оному. Ты бо требуеши оставления, оставляеши, Бог же ни о чемь же потребы имый; ты же оубо подобному тебе человеку и купнорабному, а Бог тебе рабу; ты повинен тьмамь злых, Бог же безгрешен сый обаче и тако Свое человеколюбие являет. А еже не введи нас в напасть, нъ избави нас от неприязни, – сим яве показуеть нашу немощь и оставляет буесть. Две бо есте искушении, рекше, напасти: едина от Бога, другая же от дьявола, да иже от Бога блага есть, а иже от дьявола вредна есть. И всяк человек молится избавити ся от напасти вреда неприязнина (176 об.).

Седя на санех³³⁷ помыслих в души своей и похвалих Бога, иже мя сих днев грешнаго допровади. Да дети мои, или ин кто, слышав сю грамотицю, не посмейтеся, но ему же люба детей моих (кому из детей моих), а приметь ю в сердце свое, и не ленитися начнеть, такоже и тружатися: первое, Бога деля и душа своея, страх имейте Божий в сердци своемь и милостыню творя неоскудну, то бо есть начаток всякому добру. Аще ли кому не люба грамотиця си, а не поохритаються (не подосадуют), но тако се рекуть: на далечи пути, да на санех седя, безлепицю еси молвил. Усретоша бо мя слы от братья моя на Волзе, реша: «потъснися (потщися, постарайся) к нам, да выженем Ростиславича (–чей)³³⁸ и волость их отъимем; еже ли не поидеши с нами, то мы собе будем, а ты собе», и рех: «аще вы ся и гневаете, не могу вы я ити, ни креста переступити». И отрядив я, взем Псалтырю, в печали разгнух я, и то ми ся выня: Вскую печалуеши, душе? Вскую смущаеши мя? и прочая. И потом собрах словца си любая, и складох по ряду и написах: аще вы последняя не люба, а передняя приимайте. Вскую печална еси, душе моя? Вскую смущаеши мя? уповай на Бога, яко исповемся ему. Не ревнуй лукавнующим, ни завиди творящим безаконье, зане лукавнующии потребятся, терпящии же Господа, ти обладають землею. И еще мало, и не будеть грешника; взищеть места своего, и не обрящеть. Кротции же наследять землю, насладяться на множьстве мира. Назираеть грешный праведнаго, и поскрегчеть на нь зубы своими; Господь же посмеется ему, и прозрить, яко придеть день его. Оружья извлекоша грешьници, напряже лук свой истреляти нища и убога, заклати правыя сердцемь. Оружье их внидеть в сердця их, и луци их скрушатся. Луче есть праведнику малое, паче богатства грешных многа. Яко мышца грешных сокрушатся, утвержаеть же праведныя Господь. Яко се грешници погыбнуть; праведныя же милуя и даеть. Яко благословящии его наследять землю, кленущии же его потребятся. От Господа стопы человеку исправятся. Егда ся падеть и не разбьется, яко Господь подъемлеть руку его. Ун бех и сстарехся, и не видех праведника оставлена, ни семени его просяща хлеба. Весь день милуеть и взаим даеть праведный, и племя его благословлено будеть. Уклонися от зла, створи добро, взищи мира и пожени, и живи в векы века. Внегда стати человеком, убо живы пожерли ны быша; внегда прогневатися ярости его на ны, убо вода бы ны потопила. Помилуй мя, Боже, яко попра мя человек: весь день боряся, стужи ми. Попраша мя врази мои, яко мнози борющиися со мною с выше. Возвеселится праведник, и егда видить месть; руце свои умыеть в крови грешника. И рече убо человек: аще есть плод праведника, и есть убо Бог судяй земли. Измий мя от враг моих, Боже, и от встающих на мя отьими мя. Избави мя от творящих безаконье и от мужа крови спаси мя; яко се уловиша душю мою; и яко гнев в ярости его, и живот в воли его; вечер водворится плачь, а заутра радость. Яко лучши милость твоя, паче живота моего, и устне мои похвалита тя. Яко благословлю тя в животе моемь, и о имени твоем въздею руце мои. Покры мя от соньма лукаваго, и от множьства делающих неправду. Възвеселитися вси праведнии сердцемь. Благословлю Господа на всяко время, воину хвала его, и прочая. Якоже бо Василий учаше, собрав ту уноша, душа чисты, нескверни, телеси худу, кротку беседу и в меру слово Господне: яди и питью без плища велика быти, при старых молчати, премудрых слушати, старейшим покарятися, с точными и меншиими любовь имети; без луки беседующе, а много разумети; не свереповати словом, ни хулити беседою, не обило смеятися, срамлятися старейших, к женам нелепым не беседовати, долу очи имети, а душю горе; пребегати, не стрекати учить легкых, власти ни в кую же имети, еже от всех честь; аще ли кто вас можеть инем услети, от Бога мьзды да чаеть и вечных благ насладится. О Владычице Богородице! отъими от убогаго сердца моего гордость и буесть, да не възношюся суетою мира сего. В пустошнем сем житьи научися, верный человече, быти благочестию делатель, научися, по евангельскому словеси, очима управленье, языку удержанье, уму смеренье, телу порабощенье, гневу погубленье, помысл чист имети, понужаяся на добрая дела, Господа ради; лишаем – не мьсти, ненавидим, любо гоним – терпи, хулим – моли, умертви грех, избавите обидима, судите сироте, оправдайте вдовицю; придете, да сожжемъся, глаголет Господь; аще будут греси ваши яко оброщени, яко снег обелю я, и прочее. Восияеть весна постная, и цвет покаянья; очистим собе, братья, от всякоя крови плотьскыя и душевныя, Светодавцю вопьюще рцем: слава тобе, человеколюбче! По истине, дети моя, разумейте, како ти есть человеколюбець Бог милостив и премилостив; мы человеци, грешни, суще и смертни, то оже ны зло створить, то хощем и пожрети и крови его прольяти вскоре; а Господь нашь, владея и животом и смертью, согрешенья наша выше главы нашея терпить, и пакы и до живота нашего, яко отець, чадо свое любя, бья, и пакы привлачит е к собе. Такоже и Господь нашь показал ны есть на врагы победу, 3-ми делы добрыми избыти его и победити его: покаяньем, слезами и милостынею; да то вы, дети мои, не тяжька заповедь Божья, оже теми делы 3-ми избыти грехов своих и царствия не лишитися. А Бога деля не ленитеся, молю вы ся, не забывайте 3-х дел тех: не бо суть тяжка; ни одиночьство, ни чернечьство, ни голод, яко инии добрии терпять, но малым делом улучити милость Божью. Что есть человек, яко помниши и? Велий еси, Господи, и чюдна дела твоя, никакъже разум человеческ не может исповедати чюдес твоих; и пакы речем: велий еси, Господи, и чюдна дела твоя, и благословено и хвалимо имя твое в векы по всей земли. Иже кто не похвалить, ни прославляеть силы твоея и твоих великых чюдес и доброт, устроеных на сем свете; како небо устроено, како ли солнце, како ли луна, како ли звезды, и тма и свет, и земля на водах положена, Господи, твоим промыслом! зверье розноличнии, и птица и рыбы, украшено твоим промыслом, Господи! И сему чюду дивуемъся, како от персти создав человека, како образи разноличнии в человечьскых лицах, аще и весь мир совокупить, не вси в один образ, но кый же своим лица образом, по Божии мудрости; и сему ся подивуемы, како птица небесныя из ирья³³⁹ идуть, и первее в наши руце, и не ставятся на одиной земли, но и силныя и худыя идуть по всем землям, Божиим повеленьемь, да наполнятся леси и поля; все же то дал Бог на угодье человеком, на снедь, на веселье. Велика, Господи, милость твоя на нас, яже та угодья створил еси человека деля грешна. И ты же птице небесныя умудрены тобою, Господи, егда повелиши, то вспоють, и человекы веселять тобе; и егда же не повелиши им, язык же имеюще онемеють. А благословен еси, Господи, и хвален зело! Всяка чюдеса и ты (те) доброты створив и сделав, да иже не хвалить тебе, Господи, и не веруеть всем сердцем и всею душею во имя Отца и Сына и Святаго Духа, да будет проклят. Си словца прочитаюче, дети моя, божественая, похвалите Бога, давшаго нам милость свою, и се от худаго моего безумья наказанье; послушайте мене, аще не всего приимете, то половину. Аще вы Бог умякчить сердце, и слезы своя испустите о гресех своих, рекуще: «якоже блудницю и разбойника и мытаря помиловал еси, тако и нас грешных помилуй»; и в церкви то дейте и ложася. Не грешите ни одину же ночь, аще можете, поклонитися до земли; али вы ся начнеть не мочи (вам будет не в мочь), а трижды; а того не забывайте, не ленитеся, тем бо ночным поклоном и пеньем человек побежаеть дьявола, и что в день согрешить, а тем человек избываеть. Аще и на кони ездяче не будеть ни с кым орудья (дела), аще инех молитв не умеете молвити, а «Господи помилуй» зовете безпрестани, втайне: та бо есть молитва всех лепши, нежели мыслити безлепицю ездя. Всего же паче убогых не забывайте, но елико могуще по силе кормите, и придавайте сироте, и вдовицю оправдите сами, а не вдавайте силным погубити человека. Ни права, ни крива не убивайте, не повелевайте убити его; аще будеть повинен смерти, а душа не погубляете никакоя же хрестьяны. Речь молвяче, и лихо и добро, не кленитеся Богом, ни хреститеся, нету бо ти нужа никоея же; аще ли вы будеть крест целовати к братьи, или к кому, али управивше сердце свое, на нем же можете устояти, тоже целуйте, и целовавше блюдете, да не приступни погубите, душе своее. Епископы, и попы, и игумены с любовью взимайте от них благословленье, и не устраняйтеся от них, и по силе любите и набдите, да приимите от них молитву от Бога. Паче всего гордости не имейте в сердци и в уме, но рцем: смертни есмы, днесь живи, а заутра в гробе; се все, что ны еси вдал, не наше, но твое, поручил ны еси на мало дний; и в земли не хороните, то ны есть велик грех. Старыя чти яко отца, а молодыя яко братью. В дому своемь не ленитеся, но все видите; не зрите на тивуна (судья), ни на отрока, да не посмеются ириходящии к вам и дому вашему, ни обеду вашему. На войну вышед, не ленитеся, не зрите на воеводы; ни питью, ни еденью не лагодите, ни спанью; и стороже сами наряживайте, и ночь, отвсюду нарядивше около вои, тоже лязите, а рано встанете; а оружья не снимайте с себе вборзе, не розглядавше, ленощами, внезапу бо человек погыбаеть. Лже блюдися и пьянства и блуда, в том бо душа погыбаеть и тело. Куда же ходяще путем по своим землям, не дайте пакости деяти отроком, ни своим ни чюжим, ни в селех, ни в житех, да не кляти вас начнуть. Куда же поидете, идеже станете, напойте, накормити унеина (просящего); и боле же чтите гость, откуду же к вам придеть, или прост, или добр, или сол (посол), аще не можете даром (подарком), брашном и питьем; ти бо мимоходячи прославять человека по всем землям, любо добрым, любо злым. Болнаго присетите; над мертвеця идете, яко вси мертвени есмы; и человека не минете, не привечавше, добро слово ему дадите. Жену свою любите, но не дайте им над собою власти. Се же вы конець всему: страх Божий имейте выше всего; аще забываете всего (чтобы вам не забыть), а часто прочитайте: и мне будеть без сорома, и вам будеть добро. Его же умеючи, того не забывайте доброго, а его же не умеючи, а тому ся учите, якоже бо отець мой, дома седя, изумеяше 5 язык,³⁴⁰ в том бо честь есть от инех земль. Леность бо всему мати, еже умееть, то забудеть, а его же не умееть, а тому ся не учить; добре же творяще, не мозите ся ленити ни на что же доброе, первое к церкви: да не застанеть вас солнце на постели; тако бо отець мой деяшеть блаженый и вси добрии мужи свершении; заутренюю отдавше Богови хвалу, и потом солнцю въсходящю, и узревше солнце, и прославити Бога с радостью, и рече: просвети очи мои, Христе Боже, иже дал ми еси свет твой красный, и еще: Господи, приложи ми лето к лету, да прок (остаток) грехов своих покаявъся, оправдив живот, тако похвалю Бога; и седше думати с дружиною, или люди оправливати (править, судить), или на лов ехати, или поездити, или лечи спати: спанье есть от Бога присужено полудне, от чина (чин – час) бо почивает и зверь и птици и человеци...³⁴¹

Да не зазрити ми, дети мои, ни ин кто, прочет, не хвалю бо ся ни дерзости своея, но хвалю Бога и прославляю милость его, иже мя грешнаго и худаго селико лет сблюд от тех час смертных, и не ленива мя был створил худаго на вся дела человечьская потребна. Да сю грамотицю прочитаючи, потъснетеся на вся дела добрая, славяще Бога с святыми его. Смерти бо ся, дети, не бояще, ни рати, ни от звери, но мужьское дело творите, како вы Бог подасть; оже бо яз от рати, и от звери, и от воды, от коня спадеяся, то никтоже вас (никто из вас) не может вредитися и убити, понеже не будет от Бога повелено; а иже от Бога будеть смерть, то ни отець, ни мати, ни братья не могуть отъяти, но оче³⁴² добро есть блюсти, Божие блюденье леплее есть человечьскаго. О многострастный и печалны аз! много борешися сердцемь, и одолевши, душе, сердцю моему, зане, тленьне сущи, помышляю како стати пред страшным Судьею, каянья и смеренья не приимшим межю собою. Молвять бо иже: Бога люблю, а брата своего не люблю, ложь есть; и пакы: аще не отпустите прегрешений брату, ни вам отпустить Отець вашь небесный. Пророк глаголеть: не ревнуй лукавнующим, ни завиди творящим беззаконье; что есть добро и красно, но еже жити братьи вкупе!

Благословение от Благовещеньскаго попа Селивестра возлюбленному моему, единородному сыну Анфиму.

Милое мое чадо, дорогое! Послушай отца своего наказание, рождьшаго тя, и воспитавшаго в добре наказании и в заповедех Господних; и страху Божию и Божественному писанию изучену, и всякому закону християньскому; и промыслу доброму во всяких торговлех и во всяких товарех наказану; и святительское благословение на себе имеешь, и Царское Государево жалование, и Государыни Царицы, и братии его, и всех Боляр; и с добрыми людми водишися; и со многими иноземцы великая торговля и дружба есть: все еси доброе получил, и умей еси совершити о Бозе: яко же начато при нашем попечении, и по нас тако же бы Бог соблюл по тому жити.

И законному браку сочтах тебе у добру родителю благодарную дщерь; и благословил есми тебя всякою святынею, и честными кресты и святыми образы, и благословенным стяжанием, якоже мню от праведных трудов, а в неведении Бог правитель.

И ныне убо, сыну Анфим, предаю тобе и поручаю и оставляю Создателю нашему, доброму блюстителю, Иисусу Христу, и Его Матери, Пречистыя Богородица, и Заступнице нашей, Помощнице, и всем Святым: якоже рече писание: потщися дети оставити наказаны в заповедех Господних, лучше неправеднаго богатества, аще и в праведнем убожестве, неже бы в неправеднем богатестве. И ты, чадо, блюдися неправеднаго имения, а твори добрая дела. Имей, чада, великую веру к Богу; все упование возлагай на Господа: ни кто же, надеяся на Христа, не погибнет. Прибегай всегды с верою ко святым Божиим церквам; заутрени не просыпай; обедни не прогуливай; вечерни не погреши и не пропивай: павечерница, и полунощница, и часы, в долу своем всегды, по вся дни, пети: то всякому християнину Божий долг. Аще возможно, по времени, прибавишь правила: на твоем произволении: бóлшую милость от Бога обрящеши. – А в церкви Божии и дому, на правиле и на всяком молении, и сам, и жену, и детей, и домочатцов, стояти со страхом; Богови молитися, и со вниманием слушати, отнюдь в те поры ни о чем не беседовати, ни обзираться, разве ли кия нужда. А говорити правило келейное и церковное единогласно, чисто, а не вдвое. – Священнический чин и иноческий почитай: те бо суть Божии слуги: теми очищаемся от грехов; те имеют дерзновение молитися Господу о гресех наших, и Бога милостива сотворят. – Повинуйся, чадо, отцу духовному, и всякому священническому чину, во всяком духовном наказании; а жена тако же. В дом свой их призывай молитися о здравии за Царя и Государя, и за Царицу и чада их, и за братию его, и за священнический чин и мнишеский, и за вся христиане; и о своем согрешении и о своих домочадцев молебная совершай: и воду бы святили с животворящаго креста и со святых мощей, и с чюдотворных образов; аще болезьни ради, за здравие и маслом свящают. И в церквах Божиих тако же твори: приходи с милостынею и с приношением, за здравие, и по родителех преставльшихся память твори, со всякою чистотою: и сам воспомяновен будеши от Бога. – Церковников, и нищих, и маломожных, и бедных, и скорбных, и странных пришелцов, призывай в дом свой, и по силе накорми и напой и согрей; и милостыню давай, от своих праведных трудов, и в дому и в торгу и на пути: тою бо очищаются греси, те бо ходатаи Богу о гресех наших.

Имей, чада, истинную правду и любовь нелицемерную ко всем; не осужай никого ни в чем: свои грехи разсужай, како избыти их. – Чево сам не любишь, того и другу не твори, и храни чистоту телесную паче всего; да наступи на совесть свою, яко же на лютаго врага: и возненавиди, якоже милаго, душетленнаго друга, хмельново питья. Господа ради отверзи от себе пияньство; в сем убо недуге, и вся злая ражаются обычаи от него. Аще от сего сохранит тя Господь, вся благая и полезная от Бога получиши, и от человек чесьтен будеши, и души своей просвет сотвориши на вся добрая дела. – Воспомяни, чада, Апостольское слово: «не прельщайтеся: ни пьяница, ни блудник, ни прелюбодей, ни содомленин, ни тать, ни разбойник, ни клеветник, ни хищник, царствия Божия не наследят». – Аще которою страстию победился еси, чадо, или в которое грехопадение впал, о сем прибегни к Богу, с теплою верою, и ко отцу духовному с горкими слезами; и плачися о гресех своих, и кайся истинне, еже таковая не творити; и заповедь отца духовнаго храни, и эпитемью держи: милостив Господь, праведных любит, грешных милует, всех зовет ко спасению. И, паки, храни и блюди себе в християньском жити праведном законе: удержи язык свой от зла, и устне свои еже не глаголати льсти; храни себе от лжа, и от похвалы, и от клеветы; и сам ни в чем не величайся; уничижи себе паче всех человек, узриши славу Божию. – И всякого, чада, не презри во всякой нужи; памятуй, чадо, како мы жихом: век никто же изиде от дому нашего тощь или скорбен; по силе, вся потребная, всякому человеку, Бога ради, давано; и скорбново словом ползовано; аще кому, в чем возможно, и мы помогали, Бога ради, и ссужали всячески; а нам, невидимо, Христос изобилно посылал милость Свою, всяких благ. А не помыслихом никогда на зло, ни кому, разьве недоразумия, а без лукавства.

Чадо, люби мнишеский чин, и страннии пришелцы всегда бы в дому твоем питалися; и в монастыри с милостынею и с кормлею приходи; и в темницах и убогих и больных посещай; и милостыню по силе давай.

А домочадцов своих одевай, и корми доволно. А жену свою люби, и в законе живи, по заповеди Господни. В неделю, и в сред, и в пяток, и в празники Господни, и великий пост в чистоте пребывайте, в посте и молитве, и в покаянии, и во многих добродетелех. Законное жительство в славу Богу и в жизнь вечную; а иным... судит Бог.

Да сам, чадо, что твориши, того жену учи: всякому страху Божию, и всякому вежьству и промыслу и рукоделью, и всякому рукоделью и домашнему обиходу; и всякой порядне. Умела бы сама и печи и варити; и всякую домашнюю порядню умела, а всякое женьское рукоделье знала; коли сама все знает и умеет, ино умеет и детей и слуг всему научити, и наряжати, и наказати во всем; и сама бы хмелново питья отнюдь не любила, и дети и слуги у ней того не любили же. – А всегда бы жена без рукоделия сама ни на час не была, разве немощи, а слуги у ней тако же. А в гостех будет, или у ней гости, отнюдь бы сама пьяна не была; а с гостьями беседа бы была о рукодельи, и о домашней порядне, и о законном християньском житии, а не пересмеивайся, и не переговаривала бы ни о ком ничево. В гостех и в дому песней бесовских, и всякого срамословия, сама и слуги, не говорила и не творила бы того; ни у кого бы не слушала. И волхвов и кудесников, и всякого чарования не знала бы; и в домы не пущали ни мужиков, ни женок. Аще не внимает сего, всячески наказуй, страхом и спасая; а не гневайся на жену, а жена на тебе; наказуй наедине; да наказав примолви: и жалуй и люби ея. Тако же и детей и домочадцов своих учи страху Божию и всяким добрым делом; понеже тебе о них ответ дати в день страшнаго суда. Аще по нашему наказанию и по сему писанию учнете жити, велию благодать от Бога обрящете, и жизнь вечную наследите, и с домочадце своими.

Да держися, чадо, добрых людей, во всяких чинех, и ревнуй добрым делом их; внимая словеса добрые и твори я. Почитай часто Божественное писание, и влагай в сердце, себе на пользу.

Видел еси, чадо: како в житии сем жихом, во всяком благоговении и страсе Божии, и в простоте сердца и церковном прилежании со страхом, и Божественным писанием ползуючися всегда; и како был Божиею милостию, от всех почитаем, и всеми любим, и всякому, и в потребных, уноровил: и рукоделием и службою и покорением; а не гордынею, ни прекословием; не осужах никого, не просмеивал, ни укаривал никого, ни бранивался ни с кем; и пришла от кого обида, и мы, Бога ради, терьпели, и на себя вину полагали; и тем враги други быша; и аще которою виною, душевною или телесною, согреших пред Богом и предо всеми человеки, и вскоро о том плакахся к Богу греха своего; и у отца своего духовнаго каяхся со слезами, и умилне прощения прося, и заповеди его духовныя с любовию хранях, яко же повелит ми; и аще кто мя в моем прегрешении, или в какове невежьстве обличит, или кто духовне накажет, или кто в посмех поносит мя и укоряет, вся сия с любовию приимах, и себе внимах; аще по делом, о всем о сем каяхся, и от таковых дел удаляхся, Богу поспешествующу ми; аще что и не повинно, и не по делу, молва или поношение, или посмех каков, или укоризна, или ударение, – во всем в том винихся, и не оправдахся пред человеки: Бог сие праведным Своим милосердием исправит. Воспоминах Евангельское слово: любите враги ваша, добро творите ненавидящим вас, благословите кленущия вы, молите за творящая вам пакости, изгонящая вы; биющему тя в ланиту, обрати ему и другую, и от взимающаго ти ризу, и срачицу не возбрани; и всякому просящему у тебе дай; от взимающаго твое, не изтязуй; аще кто тя поймет поприще едино, иди с ним и две. И паки еще вспоминая причастную молитву: Господи, даждь ми милость, ненавидящим ми и враждующим ми и поношающим ми, тако же и оклеветающим мя: да никто же, ни како же, от них, мене ради нечистаго и грешнаго, зло некако постражет, ни в нынешнем ни в будущем веце; но очисти их милостиею Своею, и покрый их благодатию Своею, Благий!

Тем всегда утешах себе.

Не погреших никогда же церковнаго пения, от юности своея и до сего времени, кроме немощи.

Ни нища, ни странна, ни убога, ни скорбна, ни печална, никогда же презрех, кроме невидения.

И в темницы болна и пьленена, и из работы должьна, и во всяких нужах, по силе окупих, и гладных, по силе кормих.

Работных своих всех свободих и наделих; и ины окупих из работы, и на свободу попущах. И все те работные наши свободны, и добрыми домами живут, яко же видиши, и молят за ны Бога, и доброхотают нам всегда, а кто забыл нас, Бог его простит во всем. А ныне домочадцы наши все свободны, живут у нас по своей воли.

Видел еси, чадо мое: многих пустошных сирот и работных и убогих, мужеска полу и женьска, и в Новегороде, и зде на Москве вскормих и вспоих, до совершена возраста; изучих, хто чего достоин: многих грамоте, и писати и пети, иных иконного писма, инех книжного рукоделия, овех серебряново мастерства, и иных всяких многих рукоделий, а иных всякими многими торговли изучих торговать. А мати твоя многия девицы и вдовы пустошныя и убогия, воспитала в добре наказании, изучила рукоделию, и всякому домашнему обиходу, и, наделив, за мужь давала; а мужеский пол поженили у добрых людей. И все те, дал Бог, свободны: своими добрыми домами живут; многи во священническом и во дьяконьском чину, и во дьяцех и в подьячих, и во всяких чинех; кто чево дородился, и в чем кому благоволил Бог быти. Овии рукодельничают всякими промыслы; а многия торгуют в лавках; мнози и госдьбы деют, в различных землях, всяки торговлями. А, Божиею милостию, во всех тех наших скормленицех и послуживцех, ни соромота, ни убыток, никакая продажа от людей, ни людем от нас, ни тяжа ни с кем не бывала; во всем Бог соблюл по сяместа, а от кого нам, от своих скормлеников, досада и убытки многи и велики бывали, ино то все на себе понесено, нихто того не слыхал, а нам то Бог исполнил.

И ты, чадо, тому же ревнуй, и тако твори: на себе всякую обиду понеси и претерпи: Бог сугубо исполнит.

Живи, чадо, по християнскому закону, во всяких обычаех, без лукавства и безо всякия хитрости ко всем. А не всякому духу веруй: доброму ревнуй; лукавых и законопреступных, во всяких обычаех, отнюдь не люби... И пьяньственнаго недуга такоже берегися: в дву сих главизнах вся злая сводятся, до ада преисподняго, и дом пуст; имению тщета; и от Бога не помилован будет, и от людей безчестен и посмеян и укорен, и от родителю проклят. Аще, чадо, тебя от сего зла Господь сохранит, закон сохраниши по заповеди Господни, и от хмелного питья воздержися, и во всяких добродетелех поживеши, якоже есть богобоязнивии люди, и ты от Бога помилован будеши, а от людей честен; и исполнит Господь дом твой всякою благодатию.

И еще воспомянути: гостей приезжих у себя корми; а на суседстве и с знаемыми любовно живи, о хлебе и о соли, и доброй зделке, и о всякой ссуде.

А поедешь куды в гости, поминки не дороги вози за любовь.

А в пути, от стола, есть подавай домóвным государем, и приходящим, и их с собою сажай за стол, и питейцá тако же подавай; а маломожным милостыню давай. Аще сия твориши, то везде тебя ждут и стречают; а в путь провожают; от всякого лиха берегут, на стану не подадут; а на дороге не разобьют; того ради кормят: добраго за добро, а лихова от лиха: тот ся на добро обратит. Во всем в том убытка нет: в добрых людех хлеб-соль заемное дело, а поминки тако же, а дружба в век, а слава добрая. А на дороге, и в пиру, и в торговле, отнюдь сам брани не зачни; а кто излает, терпи, Бога ради, а от брани уклонися: добродетель злобу преодолевает: Господь бо гордым противится; смирена Бог любит, а покореному Бог благодать посылает.

Аще людем твоим лучитца с кем брань где нибудь, и ты на своих брани; а кручиновато дело, и ты ударь, хотя и твой прав: тем брань утолиши, такоже убыток и вражда не будет. Да еще недруга напоити и накормити хлебом да солью: ино, вместо вражды, дружба.

Воспоминай, сыну, великое Божие милосердие к нам и заступление от юности, и до сего времени, на поруку не давал никого, ни меня давывал никто, во всяких вещех; и на суде не бывал ни с кем: ни искивал, ни отвечивал. А видел еси сам: в рукодеях, и во многих, во всяких вещах, мастеров всяких было много: иконники, книжные писцы, серебреные мастеры, кузнецы, и плотники и каменьщики, и всякие, и кирпищики и стеньщики, и всякие рукодельники; деньги им давоны на рукоделье, наперед, по рублю, и по два и пó три, и по пят́и, и до десяти, и болши; а многи были чмуты и бражники; и, со всеми теми мастеры, в сорок лет, дал Бог, розлезенося без остуды, и без пристава, и безо всякия кручины. Все то мирено хлебом да солью, да питьем, да подачею и всякою добродетелью, да своим терпением. А сам у кого что купливал, ино ему от Мене милая разласка; без волокиды платежь, да еще хлеб да соль сверх. Ино дружба в век: ино всегда мимо мене не продаст, и худого товару не даст, и у всего не доимет. А кому што продавывал, все в любовь, а не в обман; не полюбит хто моего товару, и аз назад возму, а денги отдам: а о купли и о продажи ни с кем брань и тяжбы не бывала; ино добрые люди во всем верили, и зде, и иноземцы. Ни кому ни в чем не сьлыгивано, ни манено, ни пересрочено, ни в рукодельи, ни в торговли. Ни кабалы ни записи на себя ни в чем не давывал, а ложь никому ни в чем не бывала: а видел еси сам, какие великие сплетки со многими людьми были; да все, дал Бог, без вражды коньчалося. А ведаешь и сам, что не богатеством жито с добрыми людми: правдою да ласкою да любовию, а не гордостию, и безо всякия лжи.

Чадо мое любимое, Анфим! Еже тя поучах и всячески наказывах о всяком добродетелном и богодуховенном житии, и грубое сие писание худаго моего учения предах ти, молю тя, чадо, Господа ради и Пречистой Богородицы, и великих чюдотворцев, почитай себе, с любовию и со вниманием, и напиши на сердци своем; и прося у Бога милости и помощи, и разума и крепости, и вся предреченная, с любовию и делом, тако же, по сему писанию, и жену поучай и наказуй; тако же и детей своих и домочадцов; всех учи страху Божию и добродетелному житию. И, аще сам вся сия твориши, и жену и детей, и раб и рабынь, и всех ближних своих и знаемых научиши, и дом свой добре устроиши, вся благая от Бога обрящеши и жизнь вечную наследиши, со всеми одержимыми тобою. Аще, сыну, моего моления и поучения не внемлеши, и по сему писанию не учнеши жити, яко же и прочии добрые люди и боязнивии мужие, и отца духовнаго заповеди не учнешь хранити, и от богодухновенных мужей не пользуешися поучением, и почитанием святаго писания, и христианскаго праведнаго закона не храниши, и о домочадцех своих не радиши, – и аз твоему греху не причастен: сам, о себе и о домочадцех своих и о жене, ответ даси в день страшнаго суда. Аще, чадо мое возлюбленное, и малыя сия заповеди худаго моего учения сохраниши, и по нашему пути пойдеши, и словес моих послушаеши, и делом творити начнеши, и будеши сын свету и наследник небесному царствию, и будет на тебе милость Божия, и Пречистыя Богородицы и Заступницы нашея, и великих чюдотворцов: Николы, Петра, Алексея и Сергия и Никона, и Кирила и Варлама и Александра, и всех Святых, и родительская молитва, и мое вечное на тебе благословение, от ныне и до века; и благословляю тебя чада своего, и прощаю, в сем и в будущем; и буди на тебе милость Божия; и на жене твоей и на чадех твоих, и на всех ваших доброхотав, от ныне и до века!

Чадо мое, единородное и любимое, Анфим! произволил Бог, и Благочистивый и Православный Царь Государь велел послужити тебе в своей Царской казне, у таможенных дел; и ныне молю тя, чадо, и со слезами глаголю: Господа ради памятуй Царское наказание, прося у Бога помощи и разума от всея душа и от всего помышления; служи верою и правдою, безо всякия хитрости, и безо всякаго лукавства; во всем Государьском другу не дружи, недругу не мсти, и волокита бы людем ни в чем не была; всякого отделай с любовию, без брани; а не поспеется, и ты добрым словом отвещай; и присрочив, не изволоча, отпусти; а в торговли прямую разласку чини: душевредная бы твоя служба не была Государю ни в чем; а сам, благословленным Государьским уроком сыт буди; и все бы у тебя Государьское было всегда в счете, и в смете, и в письме, и приход и расход; и к казначеем буди послушен, и с товарищами советен, а к подьячим и мастером, и к сторожем, грозен и любовен, и ко всяким людем приветен, и победных и скорбных и нужных, и полонеников, отнюдь без волокиды управ, и от себя, по силе, накорми и напой, и милостыню дай, по человеку смотря; а случится суд: всякому человеку, богату и убогу, другу и недругу, аще все свое дело истинно и праведно, без волокиды и безо всякия хитрости соверши; по Евангельскому словеси: не на лица судите, сынове человечестии, но праведен суд судите, им же судите судом, судится вам, в ню же меру мерите, возмерится.

Слава Совершителю Богу, ныне и в век века.

Аминь.