Легенда о кровоточивой жене Веронике, поставившей образ Спасителя в Панеаде

О написании образа Господа нашего Иисуса Христа в Панеаде граде⁴⁶¹.

(Из Сборн. Солов. библ. № 811, лист. 247–248)

Ирод вторы брат Филипов изыде от града Саваста. в Паниад град Июдеиски⁴⁶². и прииде к нему жена некто богата⁴⁶³ хотящи. якоже исцелевши от Христа. образ его⁴⁶⁴ поставити. и не дръзну рещи без царева повелениа того сотворити. да о том у Ирода просящи. да поставит образ медян Спасу Христу в том граде. ея же молитва написание сице имеяше. Честному Ироду местодръжцу и законоуставнику Июдеом и Еллином. Страхонитския страны⁴⁶⁵ молением молитва. от Верникии боярыни града Паниада⁴⁶⁶. Правда и человеколюбие. и на добро деяние хранят вашу Божественую главу. темже и аз се ведуще. с благими надеждами и негли просимаго получу. что же есть настоящего прошениа разум произшед слово сказает от действа⁴⁶⁷. И пришедши в страсть кровоточных рек. разнуривши⁴⁶⁸ же свое богатство и имение. исцеления не обращьши⁴⁶⁹. Слышавши же чудимаго Христа⁴⁷⁰ исцелениа. иже мертвыа воставляет. паки на свет изведе. и бесы от человека изгна. и всякими язями тлеющими исцелит. ктому и аз аки к Богу притекши. и приближившися к нему. стоящему народу, и устрашившися исповедати Ему. непрестанную мою язю. егда како сквернаго моего вреда гнушается. и на мя разгневается и болши приступит ко мне недуг язве. В себе помышлях. якоже аще бых могла прикоснутися к подолку ризе его⁴⁷¹ исцелела бы. и тако сквозе народ пробравшися. украдох исцеление. подолку ризе его прикоснувшуся. и преставшу источнику кровному. и бысть отнюдь здрава. Он же паче аки поведатель моего сердца помыслу⁴⁷² возопи. кто ся прикосну мне. сила от мене изиде. Аз же ужасшися трепещущи. язю лучшую⁴⁷³ возвратящуся на мя помышляющи. и припадши к Нему. землю исполняющи слез. с дръзновением исповедавши. Он же яко благ милосердовав. знамена ми исцеление⁴⁷⁴ рекии. уповаи⁴⁷⁵ дщи. вера твоя спасе тя. иди с миром. тако и вы честнии молитву быстру подайте⁴⁷⁶. И слыша Ирод царь си молениа и возчудися о чудеси. убоявся тайны небеснаго исцеления⁴⁷⁷ рек еи. бывшее се о тебе исцеление о жено вящши есть капищнаго прошениа⁴⁷⁸. шедши убо. якоже хощеши. постави ему образ⁴⁷⁹ с любовию славящи исцелевшаго тя. И абие постави жена образ посреде своего града. Господеви нашему и Богу Иисус Христу образ от меди⁴⁸⁰ примесившу некую часть злата и сребра. иже образ есть в Паниаде граде и до ныне. прежде многа лета принесен с места. на нем же стоя посреде града. в святую церковь⁴⁸¹. Юже память⁴⁸² списану обретох в том граде Панеаде у Васа. некоего от Июдеи бывша христианина⁴⁸³. в немже списана бывши житиа всех⁴⁸⁴ в Июдестии граде. якоже Климис списа.