96. 1461–1464 г. Его же послание в Псковский монастырь, о послушании братии игумену и соблюдении иноческих обетов
Из сборника графа А.С. Уварова № 512 (прежде Царского № 366), л. 528; издано было в I-м томе Актах Исторических под № 276. В рукописи озаглавлено:
О наказании старцам, яко да пребывают в послушании
Благословение Феодосия, митрополита всея Руси, в пречестную обитель в общий монастырь святого Николы на Песношь священникам и священноинокам и всей еже о Христе братии. Здесь у меня был ваш … 2863 сное егоже молю Христа получить вам таковое праведным позвание и в бесконечную радость в некончаемы веки. А через то нашего смирения 2864 наказание, имет ли кто у вас не в послушании у игумена жить, уподобляясь оному ленивому и непокоривому рабу, егоже превезе господин его чрез нужную реку, яко во сне увеселена суща и упоена честью господина его: и тако в непокорении ему пробывшу, спящу на селе его, и взыде на нь терние, и лядина покры его, и потом во время истязания одоле его, ни единого же ответа не возможе раб той воздать против благих господина его, и тако осудися в злых делах его. И вы, аще чрез законоположенное уставление обычая монастырского, а имете сопротивное дела[ть] божественным и священным правилам, а так и начнете мясти той прелестной обителью: и аз повелех игумену вашему (имярек) и понаказать такового, с изветом пред своей братией, и духовне и целительне; и аще того не послушает, да извержется из монастыря, яко разоритель и хищник, даже разоритель закона Божьего: токовой бо, яко осуеумився, и сам себя изринул есть от стада Христова, еже не хотя пребыть в союз духовной любви, и не смирив своей души, и в своей гордости возносяся, смирится. А что будет состатины его, а то от него отъимется, на потребу монастырю, и к тому величания да отщетится.
* * *
В рукописи не достает листа.
В рукописи наше смирение.