95. 1461 г. июля 8. Послание митрополита Феодосия новгородскому apxиепископу Ионe, о незаконном киевском митрополите Григории

Из сборника графа А.С. Уварова № 512 (прежде Царского № 366), л. 295–296; издано было по тому же списку, в I-км томе Актов Исторических, под № 275. В рукописи над текстом послания стоит такое заглавие:

Благословение Феодосия, митрополита всея Руси, о Святом Духе сыну и сослужебнику нашего смирения Ионе, apxиепископу Великого Новгорода и Пскова. Благодать Вседержителя Господа Бога, и его пречистой Богоматери, и святого Петра митрополита, нового чудотворца, и мир и милость да есть о всем твоему боголюбию со всей врученной ти от Бога Христовой паствой, православными христианами. Ведомо тебе, моему сыну, что пришел в литовскую землю Сидора ²⁸⁶² , отступника от православия, ученик и единомышленник Григорий, а именует себя киевским и всея Руси митрополитом: слышание таково полное, чтоже король его принял, и столец ему киевский дал, и во всей своей державе святой Божьей церкви и все церковные оправдания ведать. И которыми, сыну, делами тот Григорий кого своего к тебе пришлет, к нашему сыну, и ты бы, мой сын, по своему обещанию, как еси дал свой обет Богу и пречистой его Богоматери, и великому чудотворцу Петру, и брату нашему Ионе митрополиту, вначале, в свое ставление, да и грамоту еси свою за своей подписью и печатью дал, после пак брата моего Ионы митрополита, ныне, тътъ же еси обет, в своих грамотах, описал твердо, [и] господину и сыну моему великому князю Василию Васильевичу и господину и сыну моему великому князю Ивану Васильевичу послал, также и о Святом Духе сынам и сослужебникам нашего смирения, епископам русским, своей братии, таковую же еси свою другую грамоту послал: и ты бы ныне, о Святом Духе мой сын, помня тот святой обет пред Богом в свое ставление, и по тым своим твердым, данным на то, грамотам, того отступника, Исидорова ученика Григория благословения не приимал и не требовал и ни в чем, и писанием его и поучением не внимал, соблюдая свою единородную бессмертную душу от такового еретичества; да и детей бы еси своих, врученную от Бога Христову паству, православное христианство Великого Новгорода и Пскова, с великим наказанием от божественных писаний, на то укреплял твердо, чтобы его благословения и поучения также ее приимали, ни к нему бы не посылали ни с чем, чтобы его ересями святая соборная апостольская церковь нашего православия не поколебалась. Занже, сыну, с которыми грамотами папежскими того изобличенного в ересях и изгнана от Царствующего града патриарха Григория пришел, и с тех грамот нам полные списки пришли, и мы в те списки воззрели соборно, и он теми своими грамотами сам свою ересь изъявил: первое, что поставлять в Риме и в римской церкви, от латинского сборища, а не по изначальству от православного патриарха, ни по божественным и священным правилам; занеже, сыну, ведомо ми, что божественному писанию искусен еси и божественные и священные правила добре веси, что, как стало великое наше православие, от Рима в наше православие митрополит не прихаживал. А и ныне господин и сын мой князь великий Василий Васильевич, и господин и сын мой князь великий Иван Васильевич, и все наше великое православие, Богом наставляемы и укрепляемы, не токмо видеть его хотя, но и слышать его отступникова имени не хотят, ни иного кого пришедшего от римского закона, доколе Богом соблюдаема и земля наша стоит: занеже, сыну, того оного отступника от нашей православной веры Исидора и его единомышленника, надеюсь, и преже сего тебе, моему сыну, о всем о том ведомо. И ты бы, о Святом Духе мой сын, о том, как мощно, великое смотрение и рассуждение имел и поборал за православие, яко и прежние святые великие исповедники, ихже ты, сын мой, добре веси; и того ради верую Христу, моему Владыке, чтоже приимешь от Вседержителя Бога благодать и милость и благоденствие с долголетством, а наипаче небесное и бесконечное царствие, и со всей от Бога врученной ти Христовой паствой, егоже молюсь получить ти в бесконечные века, а от нашего смирения благословение и молитву. А писана на Москве, июля в 8, индикта 9.

А что еси, сыну, прислал к нам своего сына боярского, на имя Василия, и со своими помники, по изначальству, как прежние твои братья, архиепископы Великого Новгорода и Пскова, посылали к моей братии, преже бывшим мне митрополитом, о церковных великих и духовных делах, о всем: и тътъ твой, посланный к нам от тебя, у нас был и здоровье твое, моего сына, нам сказал; и мы то от него слыша, телесне, а наипаче духовне, порадовались есмы; а тебе, о Святом Духе моего сына, о всем о том благодарю и благословляю, и по своему святительскому великому долгу, имею к тебе, к своему сыну, а и впрок хочу иметь о Бозе свою великую любовь духовную.