44. 1416 г. сентября 24. Его же грамота Псковичам о снятии с них крестного целования и об отмене уставной грамоты князя Константина Дмитриевича

Из рукописи Румянц. Музея № 204, л. 428–430, по которой издана была в Ι-м томе Актов Исторических под № 23.

Благословенье Фотея, митрополита киевского и всея Руси, в Псков, посаднику и старым посадникам, и всей великой державе псковской христоименитого Господнего народа. Бил ми челом, сынове, о вас сын мой князь Андрей Александрович ¹⁹²⁵ о вашей старине, да и прислали есте кo мне своего посадника Якима ¹⁹²⁶ , и Василия, и иных своих бояр с моей грамотой, что есмь к вам к своим детям написал и к священникам, пользы ради вашей душевной ¹⁹²⁷ , не от себя, но от божественных правил, и прислали есте ко мне и уставленную свою грамоту, последнюю, целовалную сына моего князя Костянтина Дмитриевича ¹⁹²⁸ ; и сказал ми сын мой князь Андрей Александрович и те ваши бояре, посадник Яким и Василий, что от той грамоты от новые, от княжи от Костянтиновы Дмитриевича, христианам ставится пакостно и душевредно всей вашей державе; а хотите держать свою старину. Ино, сынове, коли есте доспевали то целование княже Костянтиново Дмитриевича, а через мое писание, что списах от святых правил: и вам было, сынове, годилось то чинить, возвестив мне святителю. Ино пак то ся не свело и учинили есте целование и правду дали меж себя и ныне хотите паки жить по своей старине, а то бы вам целование уряженное княже Костянтиново Дмитриевича сложить: ино, сынове, глаголет о сих правило Великого Василия 64: «Изменяющи целованье миряне на десять лет от святого причастия отлучаются». Того же 81 правило глаголет: «Подобает по 12 ¹⁹²⁹ летах приять к церкви, что ради свою веру предал: изменение бо есть и отлученье ¹⁹³⁰ от Бога». И правило святых Апостолов 25, и Великого Василия правило 10, того же 17, того же 64, того же 82 ¹⁹³¹ ; и глаголют cии правила, о сем запрещающе нужно. И не успел, чада мои, изыскать и написать вам сих правил: послове ваши просив от нас того слова, и лучилося им ехать наборзе. И вы, сынове, сами поищете в святых правилах тех правил пишущих о том, и уверитесь, како нужно православному истинному христианину преступать данную к Богу веру и целование честного креста, но подобает едва избыть того душевредия, прольять кровь мученическую за Христа о православии: толико бо то нужно есть. И вы, сынове, того посмотрите, как бы было вам недушевредно, а вашей державе, православному христианству, также непакостпо. А нужно будет то новое целование христианству, и не к пользе душевной, а на пагубу: и вы бы то новое целование сложили, аще в нем будет нужа христианином, и милостыней и постом и молитвой помогите cебе в сем. А аз вас, своих детей, благословляю порушить ту новину, нужную грамоту христианам, а благословляю вас держать вашу старину, аже будет богоугодно и по святым правилам и всей вашей державе недушевредно, но и польза душевная. И помощь во всем и заступление праведное потщите собою показать к убогим Господним людям, ихже ради Христос кровь свою пролья, и вас им заступники показа; и разум сугуб даст вам во всем разуметь правду его. И сего ради должны есте большее попечение иметь о них и правду сугубу стяжати, по Спасову слову в святом евангелии глаголющему: «емуже дано много, много и взищется от него»; и: «ведый раб волю господина своего, и согрешит, биен будет много». И вы бы, сынове, во всем в том себя смотрели, праведно и богоугодно христианский великий народ правяще. А милость Божья и молитва моя и благословенье мое да будет с вами. А дана грамота на Москве, месяца сентября в 24, индикта десятое лето.