39. 1415–1416 г. Окружное послание митрополита Фотия о незаконном поставлении литовскими епископами Григория Цамблака на киевскую митрополию

Из сборника московской синодальной библиотеки № 562, л. 336 об.–359; напечатано было (неисправно) в I томе Актов Исторических, под № 19. В настоящем издании основной список сравнен с находящимся в рукописи XVI в. той же библиотеки № 216, л. 344–351, принадлежащей к составу Макарьевских Миней Четьих по синод. списку (в вариантах называется сокращенно: Мин.); кроме того последняя часть послания, представляющая обширные выписки из Кормчей, крайне испорченные переписчиком, сверена с двумя пергаменными синодальными Кормчими: № 227 и 132.

Древние убо όни, и преже закона, божественные мужи не писанием и книгами учимы бываху, но чистого имуще смысла, Духом Святым просвещахуся, и тако извещение приимаху и научахуся Божьего хотения, самому Богу беседующу к ними и повелевающу и вещающу к устам усты. Таков бо беаше Ное, Авраам, Исаак, Иаков и сих правнуки: Иов, Моисей. А понеже изнемогоша человеки и не достойные беша просвещаться и учиться от Духа Святого, даст Премудрость первому ¹⁵⁸³ Моисею божественный закон, человеколюбец Бог, еда како сего ради воспоминают и начнут учиться Божьего повеления. Такоже и Владыка наш Христос Апостолом убо лицом к лицу беседова и свою благодать учителя им дарова. А понеже по семь ереси и мятежи и ¹⁵⁸⁴ смущения церковные ¹⁵⁸⁵ хотяху прозябать [и] починаться, и обычаи наши православные ¹⁵⁸⁶ растлеться, благоволи написаться евангелиям, и апостольские предания и правила святых Отцов, яко да от сих научаемы истине и не потерзаемы ¹⁵⁸⁷ будем лживыми лестьми мятежетворных и несвященных до конца растлеть ¹⁵⁸⁸ христианские наши обычаи. Хечу убо о сем явить и известить вашей любви истощания и мятежи, бывшем ¹⁵⁸⁹ в церкви Божьей от неподобных оных мужей, и яко не все глаголемы епископы суть: словом, убо многие епископи, нравом же – малы, образом ученики Христовы, нравом же предатели, словом благочестивы, делом же нечестивы, словом кротки, нравом же лукавы, именованием святители, делами же язычники; и якоже рече Пророк Давид, яко «смесишася в языцех и навыкоша дела их»; и по истинне на них ¹⁵⁹⁰ окаянных исполнится пророчество его. Сему же последуя и Апостол глаголет ¹⁵⁹¹ : «се убо глаголю и свидетельствую пред Богом, не ктому вам ходить, якоже и прочие языци ходят в суете смышления их, помрачены умом; вы же не тако: познасте Христа, и не смешайтесь иже таковая деющим ¹⁵⁹² ; многие бо суть ныне пагубе учителя, и еще умножатся. Блюдитесь убо, возлюбленнные, яко дни лукавы суть и время своих слуг поставляет». И не чудитесь, возлюбленные о Господе, аще пастыpи образом суще, паче волки быша. К епископам бо и священникам беседуя, Павел Апостол глаголаше: «яко от самых вас восстанут мужи, глаголюще развращенная». Да не убо кто вас прельщает, братие, аще и отвнеуду ¹⁵⁹³ кто имея образа ангельского, внутрь же диавольского. Сего ради Господь глаголаше: «никтоже вас да не прельщает». Аз же вам, братия, предсвидетельствую: блюдите, да не кто ¹⁵⁹⁴ вас прельстит ниже от внешних, ниже от внутренних, ниже епископ, ниже священник, или дьякон, или инок, или князь, или боярин, или богат, или убог, или кто ни есть глаголяй развращенная, котоpые приходят к вам в одежах овчих, внутрь же суть волки и хищники, которой имеют образование благочестия, силу же свою лицемерием покрыют. ¹⁵⁹⁵ Вы же, возлюбленные, не прельщайтесь от злодейства и лукавства их; но якоже прияли есте святое крещение от соборной и апостольской Христовой ¹⁵⁹⁶ церкви, такоже прияли есте от нее иметь святителя единого, и якоже есте прияли, сохраните се до конца веком. Но близ вас конец веком достиже, якоже глаголет Апостол: «и воссташа лютые времена, и беззаконие исполнится, и любовь многих увянула, и прельщающей ¹⁵⁹⁷ многих и прельщаемы множайших». Принеси ¹⁵⁹⁸ , разгнем священные книги, в нихже обрящем путь истинный; пойдем востекающе на святые горы, Пророки глаголю и Апостолы, яко да не прельстимся [и] преносимы ¹⁵⁹⁹ будем [от] всякого ветра учения ¹⁶⁰⁰ , в лукаводействе лукавых человек и в коварстве ¹⁶⁰¹ прелести их не пребудем. ¹⁶⁰² Совзыдем же паче учеником на блаженную гору, услышим нашего Пастыря, глаголюща: «блюдите, да не кто вас прельстит». Иоанн таже ¹⁶⁰³ глаголет: «блюдите ¹⁶⁰⁴ , да не себе погубите». И великий Апостол Павел глаголет: «блюдите ¹⁶⁰⁵ псы, и блюдите ¹⁶⁰⁶ , како ходите». А еже глаголет «блюдите» ¹⁶⁰⁷ , ничтоже ино есть, но токмо к вашему утверждению речено бысть [о] иже людей прельщающих и волки суще и покрывающих себя кожей [овчей] и прельщающе слабых. Всяко же потребне глаголется повсюду в божественных писаниях, еже блюдитесь, и зрите ¹⁶⁰⁸ , и смотрите, и бодрствуйте не токмо себе, но и всю паству, и ничтоже умолча, еже о нашей пользе, божественное писание. Аз же, возлюбленные, в среду ́ предложу множайшие свидетельства, являющие от божественных писаний и от евалгелия же и от Пророков и Апостолов и от святых правил, Христу подающему ¹⁶⁰⁹ ми ¹⁶¹⁰ , яко да заградятся всякие уста, глаголющие на святые правила неправедное; а ¹⁶¹¹ иже покаряющиеся ¹⁶¹² святому писанию и правилам, просветятся сердца их. Молю же вас, возлюбленные, яко да уставит каждый ум свой к глаголемым ¹⁶¹³ , отложивше всякую житейскую печаль, и ¹⁶¹⁴ да услышит.

Начну же откуда, или ¹⁶¹⁵ от глаголющего: «Аз есмь начало и конец»? Иоанн же, благовествуя Владычнее слово, глаголет ¹⁶¹⁶ : «рече Господь: не входяй дверьми в двор овчий, но прелезай инуду, тать есть и разбойник». Зри коварства губителева! Он бo, рече, не входить дверьми, рекше божественными и священными правилами: ниже бо могут привести ¹⁶¹⁷ [во] свидетельство божественные писания, ниже Пророков. Поистине бо двери суть писания, теми вводимся к Богу; ты ябο не дадят волком входить к нам, возбраняют пагубники прельстить нас. Тать убо есть иже не входяй божественными и священными правилами во двор овчий, но прелезаЙ инуду, рекше иным некоторым путем и необычным, по своему желанию. Слышу же Надава и Авиуда, яко странным огнем покадивше токмо, странными ¹⁶¹⁸ потребишася, мучимы бывше за еже нечествоваша, и то обретше пагубе суще и нечестию время и местo; и ниже Аарон, отец их, доволен бысть к спасению их, иже от Бога по Моисею второй; якоже Февда и Иуда, иже преже Христа прелщающе народы, растлиша же и растлеша и сами. По правде бо рече: «прелазя инуду»; тать бо через стену прескачет, и топчет, и пагубная деет и творит. Мне же слезить находит, егда помяну пагубу ¹⁶¹⁹ оных окаянных, иже мнящеся быть пастыри и престолы держаще святых Апостолов и Пророков, но не ¹⁶²⁰ делами, не нравами апостольскими, к нимже благовременно есть рещи: «горе вам, вожди cлепые, не учены суще, не утверждены, иже оставльше слово Божье и пределы святых Апостолов, славе и чреву прилепистесь, имже Бог чрево и слава в стыдении их ¹⁶²¹ , занеже млеко овец и волну и мяса поядше, ниедино попечение створисте о них, но и себе погубисте». Понеже присно ратуему Христову церковь, побежену же никакоже зря, иже плевелам сеятель удобнее створяет брань, внутрь сущих надымлеть замышляет, и первее убо, якоже ведая и избра, не священного на церковь Божью напусти оного мужа; тем же убо ¹⁶²² кая суть яже онем, не мое есть еже сказать, понеже хотят ся вмале от иных явить пред всеми вами, иже на святые правила разъярився и некоторые слабоумные обретши, прельщает лукавством своим, возмогшее ¹⁶²³ люте ¹⁶²⁴ Христову паству погубить. ¹⁶²⁵ А понеже яже о нем явлена быша на соборе, елико смущение створи на Христову церковь, от святейшего вселенского патриарха Евфимия и от божественного и священного собора извержен бысть из сана и проклят, и отонуду побежав, тажe от места на место преходя ¹⁶²⁶ , паки возвращается к Литве, спеша, якоже и бысть, церковь Божью ¹⁶²⁷ разрушить и смутить: воюет убо ее, низлагает, развращает. Таже окаянные оны, иже иногда епископы, собирает на церковь Божью, увы, начинают замышление, не избранием святых Отцов, не испытанием соборным, не рассуждением правильным, но паче мучительски, самозаконно поставление его сдеявше, якоже в сонном ¹⁶²⁸ привидении играюще ¹⁶²⁹ проявлене, cии спешаще гнусные мерзкого оного поставляют, и [в] священную одежду ¹⁶³⁰ непотребного несвященне одевают, еже «достоин» огласившее ¹⁶³¹ ему, иже многого стыда и лукавства достойному. ¹⁶³² О безмерной дерзости! О мерзкого починания! ¹⁶³³ Еже ниже в эллинских ¹⁶³⁴ священниках не свершашеся, таковое смеяша ¹⁶³⁵ , яко священному зде быти писанию и быть священнику, якоже людям ¹⁶³⁶ , тако ¹⁶³⁷ убо стекшемуся ¹⁶³⁸ сквръпому собору, писания по всей русской земли пооылают, не стыдящеся нечестие свое и беззаконие открывающе. О, кто убо достойно восплачет бывшую ныне беду? который язык изречет сденная ныне? который слух кротко приимет сию повесть? Благовременно есть и пригодно пророческое слово рещи ныне, яко «погибе благоговеин от земли и исправляяй в человеках несть»: сечивом бо и оскордом двери Христовой церкви paссекошa. Како не подивлюся неизреченному ти, Слове, долготерпению? како несказанные ти благости изреку глубину? Кто возопиет: «пощади, Господи, людям своим, не даждь достояниe свое в поношение, еже обладать его языком»? Кто помолится о нас, Ное, и Даниил и Иов, иже вкупе моляхуся и считаеми бываху, яко да престанет иже на Христову церкву восстаемая брань, яко да друг друга некогда познаем и да будем едина часть, еже и ¹⁶³⁹ надеюся на человеколюбиe Божье быть тому вскоре? Но делают на раменах наших грешники, и быхом позорище ново не ангелом и человеком, яко доблественнейши в страдальцах Павел, к началом подвизаяся, но всем по времени лукавым, на всяко время и место в торжищих, в местах ¹⁶⁴⁰ , в веселии, в плачах, и ничтоже тако красно слышанию, якоже святители уничижаемы и поругаемы. Ищет убо Иеремия главе воду и очима источник, слезам, яко да оплачет к достоянию Израиля, плачет же ся не о благих… … ¹⁶⁴¹ глаголет убо к нему, обличения творя к священникам Бог, глаголя: «священники не pешa: где есть Господь? и предстатели закону моему не сведаша ми, и пастыри не чествоваша на ¹⁶⁴² мя». И паки тожде: «пастыри, безумники ¹⁶⁴³ , Господа не взыскаша, и сего ради не разуме вся паства и расточися. Пастыри, рече, мнози растлеша винограда моего, оскврерниша участие мое, еже беше мне возлюблено, створиша ¹⁶⁴⁴ è пусто и непроходно». И паки: «о пастыри, погубившие и расточившие ¹⁶⁴⁵ овчи паствы моея! сего ради тако глаголет Господь на ¹⁶⁴⁶ пасущих людей моих: не сохранисте ¹⁶⁴⁷ , но расточисте разгнасте, ни посетисте сих; се аз отмщение сотворю на вы, но лукавству дел ваших». Дерзнуша, смеявше с иными, еже все смеявше ¹⁶⁴⁸ язы́цы, и великое се вещать в гнуснейшем своем сложном писании ¹⁶⁴⁹ сице: «Всяк дар совершен свыше ¹⁶⁵⁰ , есть, сходяй от Отца светом» ¹⁶⁵¹ , смрадные суще, иже винограда Христова растлившие священники, о нихже пророчески речено бысть: «изыде беззаконие от священников вавилонских», и «пастыри многие растлеша виноград мой, посрамиша жребий мой»; си убо, межу святого и скверного не рассудивше, а понеже губительным воссташа собором, все людство в след себе прельстиша; мняще бо лютые свинство свое и грядые нечестием, не быть великое зло, еже творят. О лживому преумножению! Не крепко начало и словесных и несловесных, основание, некрепко и строение ¹⁶⁵² положисте. Како ¹⁶⁵³ да вменится в законный ¹⁶⁵⁴ собор, иже пределы святых Отцов не сохранивше? О безместию и погибели вашей! Рцете ми, откуду избрание се прияли есте вы творить? Ниже бо от святых правил предано бысть вам, ниже от изначального обычая, кроме старейшины нашего. Сего ради и помраченники назвать ми убо вас, а не просветители, ниже посетители ¹⁶⁵⁵ , ниже епископы, паче же чреву рабы; понеже чреву все таковое творящи, и спросте всех, иже тамо безумне творящихся, якоже Орива и Зива и Зивея и Салмана, и якоже сонмище Авироново, и изриновены и богоненавистны вас вменяем. ¹⁶⁵⁶ И како смеявше вы сего глаголать и писать? Еже святая Христова соборная и апостольская церковь, по иже свыше давшейся той Христовой благодатью непобедимой крепости же и силе, на полезно всегда строящи, и по всех убо повсюду обретающихся святейших церквах показует брежение и попечение, яко да тыя добре и по закону Господню правятся и изводятся. Якоже источник водный, един той текущь, и разливается во многих странах и напояет и прохлаждает словесных и несловесных и все прозябления земные влагой растить и плодить: сице же соборная и апостольская церквовь Костантинограда, якоже от источника паче духовного и бессмертного повсюду текущи, такоже и киевской и всея Руси митрополии, по изначального чина же и пошлины ¹⁶⁵⁷ , строит попечение и брежение, и посылает единого митрополита Киеву и всея Руси. И тако должном сущим всем епископам, князям, вельможам, священникам и инокам, и всему христоименитому исполнению послушать его, яко пастыря и учителя духовного, якоже рече и сам Христос: «слушая вас, мене слушает, и отметаяся вас, мене отмещется; мене же отметаяся, отметается пославшего Мя», – вы же се смеявше створить и отметаться. ¹⁶⁵⁸ Ей! сбысться се слово Владычное на вас, нечувственных. Рцете мне, окаянные, аще представить ¹⁶⁵⁹ можете, достоит ли епископом таковое творить, кроме повелетельного писания митрополитова? Которые книги святых, которое евангелие, который апостол вас научи таковое нечестие творить? Се убо соборная и апостольская церковь, от востока солнца далее до запада, и от конца до конца вселенной учить божественными и священными правилами, ка овое должны суть покорение иметь епископы к соборной Христовой и апостольской церкви, и никакоже нигде обретеся кто таковое беззаконие, якоже вы сотвористе. Кто от вас, окаянные, всяко возможет явить или представить творяща сия, яже предрехом? ¹⁶⁶⁰ Но ¹⁶⁶¹ никтоже не может явить или представить: cия тужда суть соборные церкви. Никтоже да прельщает вас, елици в прегрешении сем ведетеся, но исправите себя, понеже испали есте от благодати: Христос вас не пользует, аще не возвратитесь на правое свое и доброе исповедание, на неже и званы бысте и исповедасте пред жертвенником на поставлении своем, и пред многими свидетелями ангел и человек, и пред Зижителем всех: сам бо рукописание ваше исповедательное держит, имея на небеси, егоже и нося приидет воздать комуждо, якоже сдея и сохрани свое исповедание. Сия же вся лукавая сдеявше, и не довольно бысть вашей пагубе таковое зло к молчанию, но и еще не стыдящеся позорствовать окаянство свое, да и еще посылаете по всей русской земли лукавые свои рукописания ¹⁶⁶² сложена ¹⁶⁶³ ; да и еще лжу и клевету возлагаете на соборную Христову церковь и на святого царя, яко мздой поставление творят святительскому сану. ¹⁶⁶⁴ И рцете ми вы, преступившей ¹⁶⁶⁵ древнюю пошлину и своего исповедания и обещания, ежеся есте ¹⁶⁶⁶ обещали каждый вас на своем исповедании, еже не приимать иного митрополита, но токмо иже от Константина-града посылаемого, от соборной и апостольской церкви. Вы же глаголете: «всяк дар ¹⁶⁶⁷ свершен свыше есть сходяй от Отца светом», и оклеветуете истину; понеже не сущу в вас дару свершену Святого Духа, но паче – вашей прелести помрачение и развращение и расколение, еже не токмо себя погубивше, но и христоименитое людство ведете в пагубу душевную. Преставшу же источнику от течения, скудость бывает всем сущим на земле словесным же и не словесным, и всякому земному прозяблению и плоду: такоже и вам, не сущи ¹⁶⁶⁸ благодати Святого Духа в вас, от источника духовного оскудение бысть вашим душам и погубление. Рци ми ты паче, прельщенный не-епископ полочьский Феодосие: по преставлении ¹⁶⁶⁹ свято ¹⁶⁷⁰ почившего митрополита Киприана, нe ты ли был погибельниче ¹⁶⁷¹ , шел на митрополию? И ты сам, окаянне, веси, елика еси порекл сребра и злата о том ставлении: и ¹⁶⁷² аще бы еже по мзде деемое было се, к тебе же бы не отслали бездельна; но с ¹⁶⁷³ уничижением великими стыдом отслаша, глаголюще ти сице: «злато твое и сребро твое с тобою в пагубу да будет». Егда же благоизволением Божьим советовася сыну моему, великому князю Василию Дмитреевичу, и послав к святому патриapxу и к священному собору и, к святому царю, яко да егоже, по Божьему хотению, изберут и пришлют, той есть нам и святой святитель киевский и всея Руси, по старой пошлине, еже и бысть ¹⁶⁷⁴ о мне смиренном. Да и еще поискал такоже митрополию прельщенный Григорий, и порицая многие имения, и не послушаша его, но и еще из сану священничества изверже его вселенский патриарх и прокля, и едва убежа иные ¹⁶⁷⁵ казни. И како вы, погибельницы, хулу и клевету и лжю возлагаете на святую и соборную Христову церковь, и на святого царя глаголете? ¹⁶⁷⁶ По истине, по неложному слову пророческому: «да заградятся, рече, всяка уста, глаголющая на праведные беззаконие».

Вы же, священнейшая паства Христова, имею надежу, яко благого Христа благодатью и ваш разум, основан ¹⁶⁷⁷ благочестия водружением, неподвижные соблюдет и немятежны церкви Божьи, и никогоже в сети вражья вдаст. Сего ради и молю вашу ¹⁶⁷⁸ любовь, паче же советницы ¹⁶⁷⁹ мне бывайте, и болезнующую мою душу подкрепите: есмь бо и сам, якоже видите, в унынии глубоце и печали погружен. «Исчезосте ми очи, по божественному писанию рещи, о скрушении и о разделении дщери Сионовы»; зрю бо горце же и люте пленену нескверную ¹⁶⁸⁰ Христову невесту от всегубительного и люборатного ¹⁶⁸¹ беса, иже толикие наведе ей брани. Якоже бо первозданного лестью некоторой уготови пáстись ¹⁶⁸² , такоже и ныне на церковь Христову въжже, не лестью некоторой [и] затаением, но явственне вместився, таковое помрачение вам уготовляет. И ныне, якоже в ночном брании, лукавством сбирает уды вкупе и на межусобную брань стоит нам, и стреляемся, увы, межусобно ¹⁶⁸³ и ¹⁶⁸⁴ в неявленне ¹⁶⁸⁵ уязвляемся; он же седя, велми насмивается ¹⁶⁸⁶ нашим бедам: позор Латинам, и Иудеям, и Литве, и Татарам, и творит ¹⁶⁸⁷ на нас поношение и поругание сущим окрест нас; ибо «помрачи Господь, по божественному Пророку рещи, в гневе дщерь Сионову, удали бо ся от меня утешай меня». И сего ради возопию к единому, поразившего и паки исцеляющего ¹⁶⁸⁸ , взову к единому человеколюбцу и возвышаю глас: «помилуй нас, Господи, помилуй нас, яко помногу исполнихомся уничижения, низведи поношения от нас и даждь уничижение гордым, иже на твою церковь и на твои веления шаташася; се бо стенания сердец наших исполнишася, и очи наши исчезоша, яко низложил еси ограду достояния твоего, и обобирают его иным путем все мимоходящие. ¹⁶⁸⁹ Обратись, Господи, и посети виноград сей и сверши его, иже насади десница твоя». Но убо на слезы и на рыдания впадшися пастырем и ¹⁶⁹⁰ , ради пастырей, и паствы, и ради беззакония и мглы ¹⁶⁹¹ , иже объя путь ¹⁶⁹² их, забвен бых себе и мере и рыдания продолжих. ¹⁶⁹³ Вем бо, возлюбленные мои, яко не презрит Господь свою церковь уничижену, но воздаст воздаяние гордым, церковь же свою одеянием веселия одеет, по древнему благолепию. А еже óне непотребные створиша, тем же рече Владыка наш Христос: «отметаяйся мене и не приемля глаголы мои, аз не сужу ему: слово, еже глаголах, то судить ему в последний день». О сем Иоанн глаголет сице: «не всякому духу веруйте, но испытуете духов, аще от Бога суть». И паки: «аще кто приходит к вам и сего учения не приносит с собой, не приимайте его ¹⁶⁹⁴ в дом и «радуйся» ему не глаголите; иже аще кто глаголет ему «радуйся», приобщается делом его неплодным и лукавым». И паки: «всяк иже преступая и не пребывая в наказании Христове, Господа не имеет». Сия Иоанн учит, Иоанн сын громов, иже паче всех Святых возлюбленный Христов, Иаков рече: «иже аще кто мнится друг миру ¹⁶⁹⁵ быть, враг Божий есть». Услышите, все православные, иже с несвященными едите, лютого ответа, яко Божии враги есте; ниже бо иже врагом княжим дружася, может друг княжь быть, ниже животу сподобится, но с врагами погибает и лютейшее постражет. Иуда Иаковль рече: «вънъреша бо некие человеки, иже древле прописаны в сей грех нечестия ¹⁶⁹⁶ , Бога нашего благодать прелагающе в скверну, и единого Бога и Владыку Господа нашего Иисусa Христа отрицающеся». И паки рече: «на последние времена будут поругатели, по своим желанием ходяще нечестия; cии суть в любвах ваших сквернами гостящеся, без боязни себя пасуще, облаци безводные, всякому ветру приносимы, и древеса есенная бесплодна, звезды прелестны, имже мрак тьмы в веки блюдется». Таковая и множайшая сих поучает пасть Иуда добрый. Приди убо, Павле, сосуде избранный, рци нам ¹⁶⁹⁷ о настоящем времени, яви затаенных волков, обличи и ¹⁶⁹⁸ объяви татей и разбойников святой паствы Божьей. Павел рече: «блюдитесь, еда кто вы есть крадоводяй хитростью и тщею лестью». И инде паки: «ученми различными странными не обдержитесь». И паки: «лукавые человеки и волхвы преспевают на горшее ¹⁶⁹⁹ , прельщающе и ¹⁷⁰⁰ прелщаеми». И инде паки глаголет: «оскверненным же и неверным ¹⁷⁰¹ ничтоже чисто». Услышите все, иже любви с ними творяще, како убежать вам от гнева, грядущего на них? Иже с ними соводворяющеся ¹⁷⁰² и оскверняющеся ¹⁷⁰³ в пищи или в питии, или в любовной дружбе, како смеете приступить божественным и страшным тайнам Христовым? Умолим ли убо вас, или вотще тружаемся, или к воздуху словеса сия глаголем? Обаче же ради ¹⁷⁰⁴ спешащих слышать слово благо и творить, не престану глаголов сих вещать. Услышите блаженного Павла, глаголюща: «не можете чашу Господню пить и чашу басовскую; изыдите от среды их и нечистоте не прикасайтесь. Что ли приобщение cвету к тьме?». Где суть ныне, иже сверепа уста имущей суетословци, не знающей божественного писания, ихже бог чрево и слава, иже земная мудрствующие? Таковых Павел поучает и утешает и наказует, Павел сосуд избран, предел церковный, многострадалец ¹⁷⁰⁵ доблествен, благовещанная цевница, Христов проповедник и списатель велением, труба слову и вещатель благочестию и языкам ¹⁷⁰⁶ ловец. Рци ¹⁷⁰⁷ , блаженне Петре, егоже ублажи блаженный Бог и Господь наш Иисус Христос, о ¹⁷⁰⁸ прельщающих и хотящих прельстить Христово стадо, егоже ти предаст и вверь ти Начальник пастырям и Посетитель душам нашим, рци, елика ти Дух Святой подал есть, и утверди свое стадо, покажи и открой всем православным потаенные волки, якоже Наставник твой Христос Господь. Петр рече: «се преже разумейте, яко приидут на последние дни поругатели, по своим их желаниям ¹⁷⁰⁹ ходяще». И паки глаголет: «в вас будут лживые учителя, иже превратят худоумных в ереси погибельной, искупившего их Владыки отрекутся, и многие последуют ¹⁷¹⁰ , имже грех не медлеет и погибель их не дремлет, клятве чада, оставльше правый путь». Сия Петр вещал есть, Петр блаженный по истине, Петр камень вере, на немже основа Христос церковь свою, Петр, иже ключи небесные держа, Петр, иже по волнам морским пеш ходивый, теплый рачитель Христов, иже Симона волхва в Риме, низверже, яко верховник и предстатель, первого разбойника и татя и ученика диаволова ¹⁷¹¹ в ересях. Господь же рече: «блюдитесь, да не кто вас прельстит, яко время близ есть»: ныне наста, и все зрим слуги дьявольские! Таже хотя научить хотящих ¹⁷¹² предстателем быть церквам Божьим, како достоит им отгонять мятежитворников ¹⁷¹³ церкви Божьей, створи плеть от верви, и вниде, всех изгна от святилища продающая и купующая, и отрину и отгна, глаголя: «дом мой, дом молитвенный есть, вы же створите его вертеп разбойнический». Услышите вы, предстатели церквам Божьим нынешнего времени: вам бо показа добра образа, яко да последуете ¹⁷¹⁴ в след его, блюстись опасне ¹⁷¹⁵ , волки отгоняюще и паству сохраняюще ¹⁷¹⁶ , таже изгоняя ¹⁷¹⁷ иже спротивных мудрствующих. Конечне же запустение и погубление их рече, хотящее быть по роду и родом тем ¹⁷¹⁸ , иже сопротивных мудрствующих церкви Божьей и деющих, глагола: «се оставляется дом ваш пуст». Зриши ли, како словеса и делом сбышася? Врази бо и наветники церкви Божьей ¹⁷¹⁹ , рекше рассекатели и мятежетворники, в всяком роде пагубе преданы бывают, по Господню словеси, еже рече: «яко всяк сад, егоже не насади Отец мой небесный, искоренится», еже и бысть. Сам бо первое се сотвори и указа; а по еже на небеса вознесении ¹⁷²⁰ , блаженные Апостолы составиша на них божественные их ¹⁷²¹ учения; по сих же ¹⁷²² и церковные учителя, и еже о временах бываемые святые вселенские соборы ¹⁷²³ искорениша и пагубе предаша, по писаному: «яко погубиши вся глаголющая лжу». Темже убо все изчезоша и погибоша ради беззакония своего. Где убо суть, иже некогда церковь Божью гонящие цари, силницы, мудрецы и мятежетворцы? Не расточиша ли ся и разрушишася и погибоша и ¹⁷²⁴ ни в чтоже быша? О них же вопиет церкви Божьей: «яко объидоша мя, яко псы многие». Не все ли погибоша? Расточивше бо ся ради хуления своего, и изгнани быша, яко волки; обретоша бо ся подвижники и доблественные поборники и воистину пастыри, иже тогда, предстоящей церквам Боярам блаженные όни святые мужи. Но разнствие ¹⁷²⁵ тогдашних пастырь паче нынешних: όни бо беша ратницы и поборницы о божественных и священных правилах ¹⁷²⁶ и о овцах Христовых; cии же чреву угодницы и бегуны, яко наемники, оставльше овцы и побежавше; они же душу свою положиша за овцу, подражающе пастырю доброму, Господу нашему Иисусу Христу. О блаженных oнех и святых мужей, ихже имена в книге животней, отнихже ужасошася бесы и вострепеташа преступники! Реку же убо аз подобная Давиду, иже рыдая глаголаше: «где суть милости твои древние, Господи?». Реку же и ¹⁷²⁷ аз со слезами: «где есть блаженный он лик святых епископов и учителей, иже за божественные и священные правила святых Aпостолов себя тмочисленне на смерть предаша? Что же возбраняет, аще в среду ¹⁷²⁸ сих приведу от многих малых, ибо еже помянуть их освящение есть души? Где Василий Великий, в мале Апостолам равностоятель? Где Афанасий, святое Божье жилище? ¹⁷²⁹ Где Григорий, второй Богослов сладцейший и благоразумнейший, и непобедимый Христов воин на нечестивых? И ему соединоименитый где Иоанн, иже языком златой сый, наказоводец унывающих, утешениe скорбящим, руководец кающимся, иже на хульники оружие сый обоюдуострое ¹⁷³⁰ , приятелище добродетелей, Святого Духа обитель? Видите ли, чада мои, колика разность божественных ¹⁷³¹ святых мужей оных паче окаянных, иже ныне сущих? Вем и иных богоносных ¹⁷³² учителей, не довлеет к нынешнему. Обаче же ¹⁷³³ они душу о овцах, якоже предречеся, положиша; сии же оставльше свое поношение ¹⁷³⁴ , паству Христову предаша волкам, не ведяще, яко аще овца едина погибнет, бывши зверохищна от нашего небрежения, кровь ее ¹⁷³⁵ от рук наших взыщет Судья, и Апостолу глаголющу: «яко в последние времена от веры отступят некие, внимающе духовом прелести и учения бесовским человекам»; и паки глаголет «будет время, егда здравого ¹⁷³⁶ научения не приимут, но по своему их желанию сами себя изберут учителями, иже лукавыми духами поставляемые и от них сдеваемые, предтечи антихристу будут, спротивному ученики, и своими нечестивыми веленьями прельстят и погубят и бесчествуют людство, богатое благости, к угождению сына погибели». Сего ради множицею воспомянувшу ми вам о безбожных и несвященных, и ныне молю вашу любовь, еже не сходиться вам с ними ни в котором действе, ниже в пищи, ниже в питии, или в дружбе или в oбете ¹⁷³⁷ , или в мире, или в любви: понеже который сходяйся с ними, тужда себя сотворит церкви Божией. Истинный же ученик Божий с дерзновением зовет: «аще кто вам благовествует, паче еже есте прияли, проклят да будет», и Давидские песни ¹⁷³⁸ глаголя: «Господи, ненавидящая тя возненавидех и о вразех твоих истаях, совершенною ¹⁷³⁹ ненавистью возненавидех их». Ужаснитесь и вострепещите которые с несвященными едите и любви творящие с ними, и исправите себя, яко да не погибнете с беззаконием их. Услышите все языци, внушите все живущие по вселенной, услышите пастыри церквам Христовым, услышите священники Господни, услышите благочестивые князи и все люди, и все судьи земные, иноки и ¹⁷⁴⁰ инокини, юноши и девы, старики с юнотами, малые и великие, или мужеский пол или женский, вкупе богатые и убогие, все внимайте глаголемым, молю вы. Мне же собравшу ми от божественного писания Ветхого и Нового Завета, и явлено вашей любви сотворих.

Но и еще слышите, что глаголют правила, еже завещаша святые Апостолы и святые Отцы на соборах, имуще сице. Правило убо святых Апостолов глава 10 , пишет ¹⁷⁴¹ : «Аще кто с неприобщающимися ¹⁷⁴² в церкви ¹⁷⁴³ или в дому помолится ¹⁷⁴⁴ , рекше с отлученными от церкви, то да отлучится». Правило 11 : «Иже с изверженным ¹⁷⁴⁵ , причетник сый, яко с причетником помолится, да и сам извержен будет». Толк . ¹⁷⁴⁶ : «Аще кто помолится, рекше аще пресвитер служит в церкви с пресвитером, его же епископ изверже от сана, да извержен будет и сам». Правило 12 : «Аще кый причетник отлучен, рекше неприятен, шед в иной град, приятен будет без писаний соборных, да отлучен будет и приимый и приятый». ¹⁷⁴⁷ Правило 13 : «Аще отлученный служит, да продолжится ему отлучениe, яко солгавшу и прельстившу церковь Божью». Толк.: «Аще кто от своего епископа отлучен быв и отшед к иному епископу, утаив свое отлучение, и прият будет от него, более да продолжится отлучение его, яко солга и соблазни церковь Божью». Того же 28 : «Иже епископ, или поп, или диакон, извержен праведне о согрешении явлене, и дерзнет прикоснуться древле обрученные ему службы, cий отнюдь отсечен будет от церкви, яко согнил уд». Правило 30 того же : «Аще кый епископ, мирских князей помощью, приемлет церковь, да извержется и отлучится». Толк.: «Аще который епископ миpскими властелями избран быв, и тех силой приимет церковь Божью, рекше епископ будет в ней, таковой, яко велико ¹⁷⁴⁸ прегрешение согрешив, да извержен будет из сана и да отлучится. Подобает бо хотящему поставиться епископом от всех епископов, сущиих в области, поставлену быть по повелению от них старейшего. Аще несть мощно купно всем собираться, поне без всякого извета от трех епископов да поставлен будет, сложившимся писанием грамоте купно всем и не пришедшим епископам». Правило 31 : «Аще кый поп, небрег о своем епископе, кроме собор сберет и алтарь другой поставит, ничтоже зазрев епископу в благовеpии и правде, да извержется, и последовавшие ему простые люди отлучатся». Правило 32: «Аще который поп, или диакон от епископа будет в отлучении, не леть есть тому от иного прияту быть». Антиохийского собора правило 4 : «Аще епископ от собора отвержен быв, или поп, или диакон от своего епископа, дерзнет деять что о службе, или епископ по преднему обычаю или поп, или дьякон, и ктому ¹⁷⁴⁹ не подобает ему ни в ином соборе надежа иметь уставления, рекше прощения». Правило 5 : «Аще кто поп, или диакон, преобидев своего епископа и отшед ¹⁷⁵⁰ от церкви, и своего собора, и алтарь поставит, и епископу его призвавшу, и не покорится, и не хочет ему покориться, ни послушать, первое и второе призывающу ¹⁷⁵¹ его, отврещи того отнюдь, и тому исцелению не быть». Правило 6 того же : «Аще кто от своего епископа не приобщен бысть, не первее от иного прияту быть ему, аще не от того ¹⁷⁵² прият будет от своего епископа, или, собору [бывшу] ¹⁷⁵³ противився ¹⁷⁵⁴ ответ сотворит; препрев ¹⁷⁵⁵ же собора, приимет ино осуждение. Таже заповедь и на простых и на попах и на дьяконах, и на всех ¹⁷⁵⁶ : понеже связавый токмо разрешить может». ¹⁷⁵⁷ Правило 12 того же : «Аще кто от своего епископа отвержен быв; или поп или дьякон, аще и епископ – от своего собора, стужить ¹⁷⁵⁸ дерзнет царев слух, подобно пред большим собором епископ превратить, и яже мнить праведного иметь ¹⁷⁵⁹ , к большим епископам привести и от них ¹⁷⁶⁰ испытание же и суда ¹⁷⁶¹ чаять». Правило 16: «Аще кто епископ упражняющаяся церкви себе вверг, восхитит престол без собора совершенного, тому отвержену быть, и аще все люди восхотеша, да приимут ѝ. Свершену же быть тому собору, вон-же приидет митрополитский епископ». Правило 19 того же: «Епископа не поставлять разве собора и пришествия в митрополию епархийскую епископа, тому же пришедшу от всего ¹⁷⁶² , уне убо разуметь ¹⁷⁶³ ему вся иже в епархии сослужебники, яже и подобает посланием ¹⁷⁶⁴ в митрополию созвать. Аще сретают все, добро; аще ли неудобно есть, то и множайшим же отвсюду быть подобает, или написаний ради купно причтенным быть уставлению, и тако по больших пришествии или причту быть сотворят; аще ли инако паче заповеданных будет, не мощи поставления творить. Аще по заповеданному канону будет установлениe, противу же глаголют неции своего ради любопрения, да держать множайший причет». Правило иже в Никеи первого собора 4 : «Епископу достоит паче убо от всех иже в области епископ поставлену быть; аще ли неудобь будет таковое, ли коея ради беды, ли долгости ради пути, всяко трем вкупе собирающимся, советном ¹⁷⁶⁵ бывающим кроме сущим и сложенным письменам, тогда поставление творить; власть же бывающих ¹⁷⁶⁶ даять в коейждо области митрополиту». Толк. : «От двоих бо или от трех епископов поставляется епископ, по первому правилу святых Апостолов. Обаче же от трех поставляется, аще и все сущие в области епископы, или нашедшая ради нужда, или долготы ради пути, прийти не возмогут; обаче должны суть идти, аще и нe пришедше, писанием грамот сложиться на избрание к пришедшим епископам и суд и избрание творящим. Избранома же сущема двумя или тремя, и потом власть имать митрополит, яко единого от трех избранных поставит, егоже хочет, епископа». Правило 2-го собора, глава 4: «О Максиме Кунице еже на нь бесчиние в Константинограде бывшее, яко ни Максиму епископу быть или нарицаться, ни священником от него всем ни в коем же степени причта, ни еже о нем, и от него ¹⁷⁶⁷ отверженном бывшим». Толк.: «Сей Максим Киник (киник же сказается бесстыдный) Божью церковь раздра и многа мятежа и молвы cию исполни, влек в пастыря место явлься, и все грехи пpощать готов ¹⁷⁶⁸ согрешающим, единого ради еже нечествовать в повелениях, рекше преступать заповеди, якоже о глаголет великий Богословец Григорий. Чужд убо cий Максим от епископов да будет, и все от него поставленные попы и дьяконы и прочие причетники чужды священия». Правило 34 того же ¹⁷⁶⁹: «Епископом требе есть ведеть ¹⁷⁷⁰ своего старейшину и иметь его, яко главу, и ничтоже творить излише без его воли». Толк.: «Не подобает епископам чрез волю своего старейшего, рекше без воли своего митрополита или архиепископа, не творить обильно ничтоже, ни епископа поставить, ни о повелениях, ни о правилах новых стязаться, ни продать нн отдать церковных неких вещей; но токмо достойное комуждо в своих пределах править, и в сущих под ними странах и в селах; но ни старейши же, рекше митрополит или apxиепископ, без воли всех епископов, но может ничтоже таковаого творить. Сице бо творяще, все соединения и любви заповедь соблюдут». Правило 35: «Епископу не смеять вне своих пределов священия творить и вне сущих под областью в градах и в селах». Толк.: «Не подобает никомуже от епископов вне своих пределов поставлять, ниже от чужих пределов приходящих поставлять кого пресвитера или диакона; аще же таковое кто створит, без воли страны той епископа, да извержется сам и поставленный от него». Правило 1-го собора 15: «За многое ¹⁷⁷¹ мятежное и ¹⁷⁷² говоры бывающая, изволися отнюдь отвержену быть обычаю ¹⁷⁷³ иже чрез правило ¹⁷⁷⁴ , аще обретошася в коих частях, яко не преходить ¹⁷⁷⁵ от града в град ни епископу, пи попу, ни диакону; аще кто чрез повеление великого и святого собора сицево что сдеет, ли предастся таковой вещи, отвержен будет по всему сотворению и вдан будет ¹⁷⁷⁶ церкви, ейже епископ или поп поставлен бысть». Толк.: «Правило се не токмо епископам преступать от града в град отрицает отнюдь, но и пресвитерам и дьяконам, и створшая нечто таково, в свой град и в своей церкви паки воспящатись повелевает, в нихже поставлены быша. Первое же и второе правило иже в Средци жесточае таковые мучить, отставляя сих от святого общения, и таковою епитимией запрещает им». Правило 16 того же: «Елико их, дерзостне, ни страха Божьего пред очима имуще, ни церковного правила ведуще, отыдут от церкви попы, или диаконы, или всяко в правиле испытаеми, сии никако же суть достойны приятны быть в иной церкви, но всему их нудить требе есть возвращаться в свою страну, ли пребывающим без причащения пребывать им». От поместного собора иже в Лаодикии правило 13: «Яко не повелевать ¹⁷⁷⁷ народам творить избрания хотящим поставленным быть в святительстве». Толк.: «Судом и избранием митрополита и сущих в области епископов поставлен бывает епископ; аще не тако кто возведен будет на епископство, но мирскими людьми избран, не избран есть и не приятен». Правило седьмого собора 3 ¹⁷⁷⁸ : «Весь причет, бывающий от князя, епископа, или попа, или диакона, неизвестну быть ¹⁷⁷⁹ по правилу глаголющему ¹⁷⁸⁰ : «Аще кто епископ к мирским князьям приложится и тех ради удержан будет от церкви, да отвержен будет ¹⁷⁸¹ и отлучен, и приобщающиеся с ним, все». Подобает бо хотящего ввести в епископство, да от епископ причтен будет, якоже от святых Отцов наших иже в Никеи заповедано есть в кануне, глаголющем: «Епископа подобает убо от всех иже в епархии поставлять; аще ли неудобно таковое будет, или находящаей ради беды или долготы ради пути, от всякого трем вкупе собравшимся, спричтеном бывающим от всех ¹⁷⁸² и сложенным писанием, тогда поставление творить; известное же бывающих даяти по коейждо епархии митрополиту». ¹⁷⁸³ Толк.: «В многих правилах речено есть, еже от всех епископов, сущих в области, аще есть мощно, подобает суду и избранию быть хотящему поставлену быть епископу; аще ли не возможно всем совокупиться, поне от трех епископов да поставится, сочетавшимся посланием ¹⁷⁸⁴ грамот и не пришедшим епископом. Аще же кто мирскими властелями избран будет и теми церкви некую приимет, рекше по изволению их поставлен будет епископом, не токмо не твердо есть таковое поставление, но извержение и отлучение наводить на получившего тем образом святительство». Сардийского собора правило 2: «Аще кто обрящется неистов ли дерзен, яко о таковых мнеть кому приносить [отречение, известующи от множества себе приносить] ¹⁷⁸⁵ писания, яве есть малым неким могущим, мздой и ценой растлевшим на церковь восстаять, аки ¹⁷⁸⁶ сподобляюще убо того же иметь епископа, отнюдь ¹⁷⁸⁷ лукавого действа ¹⁷⁸⁸ и козни таковые чтомые быть мню, яко ниединому таковому быть, ни в конец простых сподобиться приобщения». Толк. : «Аще который епископ в толико шатание и неистовство пришед, и дерзнет просить перейти от града в град, глаголя, яко хотят меня люди града того, и оттуда взем грамоту, показает написанное к нему от всех граждан моление, якоже бы им епископ был (еже яве есть, яко смышлением и хитростью таковой бысть, мало неких мздой и честью возмогл ¹⁷⁸⁹ привлещи к себе, да в церкви ставше молву створят, глаголюще велегласно, просяще иметь того епископа): такового убо, яко зело смеавша и таковое створша, и познана бывша в том велми, сей святой собор осуди; отречено бо тому ни в исходе жития достойну быть причащения. И назнаменай ¹⁷⁹⁰ : странно бо се и страшно есть, еже ни в исходе жития ¹⁷⁹¹ сподобиться причащения, еже ¹⁷⁹² не обрящеши в всех правилах написана о инех ни о кыхже грехах такова запрещения». To го же правило 5 ¹⁷⁹³: "си ¹⁷⁹⁴ глаголет себе паки ответом вещь наложить, не первое на седалищи его поставить [иного], аще не римский ¹⁷⁹⁵ епископ уведев, о ¹⁷⁹⁶ том заповедь изнесет». ¹⁷⁹⁷ Толк. ¹⁷⁹⁸: «Се убо первее бысть, еже причетникам и старейшинам града избрать епископа, ныне же то не действуется, но от митрополита и от епископа избрание бывает; ти бо избирать и поставляют, якоже 12 правило [иже в Лаодикии собора повелевает и 19 правило] ¹⁷⁹⁹ иже в Aнтиохии собора и ина многа. Подобает убо всем сущим во области епископам прийти на избрание и на поставление епископа; аще бо нe снидутся, грамотами да сложатся к пришедшим на поставление». Правило 11 собора иже в A нтиохии Сурстей : «Аще епископ, или поп, или всяк от канона, без сведения или без писания епархийских епископов, паче иже на митрополии ¹⁸⁰⁰ , устремится к цареви ¹⁸⁰¹ отойти, того ¹⁸⁰² отврещи, и отметну быть тому не точию от общения, но и власти, еяже причастник, яко стужить дерзая боголюбивого нашего царя слуху, паче устава церковного. Аще нужная призывает потреба к цареви идти ¹⁸⁰³ , се створить со смотрением и разумом митрополитской епарxии [епископом и сущими в ней, с тех писании шествовать». Того же правило 13: «Ниединому же епископу сметь от иноя] ¹⁸⁰⁴ епархия в ину преходить, и преходя поставлять и в церкви неких на изведение служения ¹⁸⁰⁵ , ни на ведения себе инех ¹⁸⁰⁶ , аще не помолим ¹⁸⁰⁷ оставлен будет идти написанием к митрополиту и иже с ним епископом, в нихже страну входит. Аще ли не призывающу никомуже отыдет на поставление неких вещей, не подобающих ему, безвластну быть деемому от него. Самому же иметь ему себе бесчиния своего и лицемерного поставления подобное осуждение, отвержену оттоле уже от святого собора». Первовторого собора правило 13: «Аще который поп или диакон, якоже се мня, сведый своего епископа согрешивша, прежде суда и уведения всех епископов собора, отступит от общения его и не поминает имени его в службе, да извержется и всей священнической чести да будет распрю лишен; последующие же ему, аще суть священники, своей чести да отпадут, мниси же и простые человеки отлучатся, дóндеже обратятся». Правило 14 ¹⁸⁰⁸ того же:«Такоже епископ на своего митрополита или митрополит на своего патриapxa, аще сице дерзнут творить, всего святительства лишены да будут». Карфагенского собора правило 9: «Яко по достоянию своих прегрешений из церкви изгнанные, аще кый епископ или поп приимет в общение, и сам епископ равному прегрешению повинен явится купно с отбегшим своего епископа». Толк.: «Аще которого пресвитера, или дьякона отлучит свой епископ, и другой епископ, ведый его отлучена, приимет и сподобит его с собой служить, не достойна суща, да и сам отлучится. Такоже аще кто еретиком приобщается и молится с ними, с верными не приобщается, но от церкви да изринется». Правило 10 того же ¹⁸⁰⁹: «Аще который поп в пребывании его отлучен епископом и уведен быв, должен есть таковый ближним епископом возвестить, да и ти вещи послушают, и теми к своему епископу смирится; того же аще не сотворит, но якоже отыде позорством ¹⁸¹⁰ , от общения своего епископа себя отлучит, и с некими творя, святыню Богу принесет, таковый проклят вменится». Толк. ¹⁸¹¹:«Епископ аще своего пресвитера вины ради некоторой отлучит, он же не пpиидет к собору той области епископ ¹⁸¹² , в нейже епископ его, ни возвестит о своем извержении, да испытавши епископы неподобну бывшую ¹⁸¹³ вину на нем исправят; аще ли гордостью и буестью своею вознесеся, о таковом убо не радя, но яко раскольник отторгнется от соборной церкви, и особно церковь поставив и святые дары Богови принес, таковой яко соборной церкви вере и строению ругаяся, без муки не будет, но да будет проклят». Того же 11: «Пресвитер аще будет епископом своим отлучен, области той митрополиту и епископам припадать не возбраняется; аще же к тем не припадает, но расколу творя и гордясь ¹⁸¹⁴ , святыню Богови принесет, рекше паки начнет служить, да будет проклят». Того же 13:«Старейшему повелевшу, и три епископа поставляют епископа, по повелению своего митрополита». Того же 29: «Аже кто от общения отлучен сый, преже слышания дерзнет приобщиться, сам на ся осуждение нанесе». Толк.:«Аще пресвитера или диакона отлучит свой епископ, и преже даже не разрешит его, он же служить дерзнет, сам на ся изнесе извержение». Правило 6 иже в Ганыре собора:«Аще кто свене от соборной церкви о себе осбирается и нерадя о церкви, церковное хочет творить, и но сущу с ним попу ¹⁸¹⁵ по воле епископской, да будет проклят».

Мне же и неволей написавшу сие все, но разньствия сего и мятежа бывшего от несмысленных oнех мужей, а еже написах, не от себя, но от божественных правил нудим есмь, ово убо на утверждение христоименитым Господним людям, ово же на соединение Божьей церкви и на обращение заблудших. Вы же, чада мои возлюбленные, достоит вам всем единомудренно молиться о соединении Божьей церкви и о спасении своем, такоже и о заблудших онех всех, яко да единомысленно вкупе будем едино стадо и едина паства Христу Богу нашему, емуже слава и держава ныне и присно и в веки веком, аминь.