15. Правило на обидящих церкви и духовную иepapxию, приписываемое пятому вселенскому собору
Обыкновенно помещается в Кормчих т. наз. софийской (русской) редакции до сих пор известно было только в бумажных списках, по каким и издано в «Прав. Собеседнике» 1861, кн. ΙΙΙ, стр. 157–459. Теперь издается по Чудовскому пергаменному сборнику начала XIV века № 21, л. 95.
Правило святых отцов .рѮ҃є. Є҃- го собора о обидящих церкви Божьи и священные власти их
Великого сего нашего града и с пресвятыми архиепископами . рѮ҃. и . є҃. се полаганье писанием предаем [на] обидевших Божьи церкви. Иже бо кто явится неистовствуя на святые Божьи церкви и на священные власти их, данное Богови в наследие вечных благ и на память последнего рода, обидящи власти теми даемо, беззаконно отымая села и винограды; аще кто и сану преобидеть начнет, или суды восхищать церковные [и] оправдания, или привлачающе насильем епископа и попа и дьякона и всякого, просторещи, священнического чина, или монастырем данное граблением и насилием дея и отымая от них все данное, даемое Богови, аще кто изобрящется се творя, негодованье и неродство творя и бещинье велие, мятый святыми церквами, четверицею да вдаст паки вспять церковное. Аще ли саном гордящийся негодовать начнут нашего повеления, истинному правилу непокорящеся святых Отцов, в каком сану, но буди в вас, или воевода, воеводства чужд, или воин, воинства чужд. Паки аще велием негодованием начнут негодовать, забыв вышний страх, оболкшеся в бесстыдство, повелевает наша власть тех огнем сжечь; домы же их святым Божьим церквам вдать, ихже обидеша. Аще ли самый венец носящий тояже вины последовать начнут, надеющися богатстве и благородстве, а истового неродяще и не отдавающе, юже обидеша святые Божьи церкви или монастыри, прежереченной виной да повинны будут; по святых же правилах, да будут прокляты в сий век и в будущий.