1 апреля 2012

Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жи́знь./ Сего́ ра́ди си́лы небе́сныя вопия́ху Ти́, Жизнода́вче:/ сла́ва воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.

Перевод: Хотя камень был опечатан иудеями, и воины стерегли пречистое тело Твое, воскрес Ты в третий день, Спаситель, даруя миру жизнь. Потому Силы небесные взывали к Тебе, Податель жизни: «Слава воскресению Твоему, Христе; слава Царству Твоему; слава промыслу Твоему, Единый Человеколюбец!»

Воскре́сл еси́ я́ко Бо́г из гро́ба во сла́ве,/ и ми́р совоскреси́л еси́;/ и естество́ челове́ческое я́ко Бо́га воспева́ет Тя́, и сме́рть исчезе́;/ Ада́м же лику́ет, Влады́ко;/ Е́ва ны́не от у́з избавля́ема ра́дуется, зову́щи:// Ты́ еси́, И́же все́м подая́, Христе́, воскресе́ние.

Перевод: Воскрес Ты, как Бог, из гроба во славе и мир с Собою воскресил. И естество человеческое как Бога воспело Тебя, и исчезла смерть. Адам торжествует, Владыка, и Ева ныне, от уз избавляемая, радуется, взывая: «Ты, Христе, всем даруешь воскресение!»

О, святи́и и преблаже́ннии страстоте́рпцы, му́ченицы Христо́ви Хриса́нфе и Да́рие! К ва́м у престо́ла Бо́жия предстоя́щим и моли́твенникам на́шим те́плым, ско́рым помо́щникам мы́, недосто́йнии, прибега́ем. Услы́шите ны́не сие́ моле́ние на́ше и умоли́те возлю́бленнаго ва́ми Го́спода на́шего Иису́са Христа́, Его́ же вы́ испове́дали в тя́жких муче́ниих свои́х пред безу́мными мучи́тели и гони́тели свято́й ве́ры Христо́вой, о на́с недосто́йных гре́шных. Вы́ у́бо ра́ди ве́ры Христо́вой мно́ги муче́ния претерпе́ли и умерщвлены́ бы́ша, Це́рковь Христо́ву украси́сте и венца́ми безсме́ртныя сла́вы увенча́ннии, в неизглаго́ланней ра́дости с ли́ки а́нгельскими в небе́сных селе́ниях водворя́етеся, Боже́ственным све́том облиста́еми. Яви́ти и на́м многомо́щное заступле́ние: ве́ру Христо́ву в чистоте́ сохрани́ти, в злострада́ниях и искуше́ниях му́жество прояви́ти, в жите́йских потре́бах дово́льство, в моли́твах постоя́нство и любо́вь к Бо́гу и бли́жним всегда́ име́ти. Наста́вите на́с, святи́и му́ченицы, моли́твами ва́шими на пу́ть спасе́ния, укрепи́те стопы́ на́ша тве́рдо и непоколе́блемо ходи́ти путе́м за́поведей Госпо́дних, вразумля́я заблу́ждшия, да́руя неду́гующим исцеле́ние, бе́дствующим избавле́ние, в супру́жестве живу́щим покрови́тельство, все́м же на́м вся́ ко спасе́нию поле́зная. Я́ко да ва́шими моли́твами наставля́еми и предста́тельством укрепля́еми, просла́вим Спаси́теля на́шего Го́спода Иису́са Христа́. Ему́ же подоба́ет вся́кая сла́ва, че́сть и поклоне́ние, со безнача́льным Его́ Отце́м и Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

В тебе́, ма́ти, изве́стно спасе́ся, е́же по о́бразу,/ прии́мши бо крест, после́довала еси́ Христу́/ и, де́ющи учи́ла еси́ презира́ти у́бо плоть, прехо́дит бо,/ прилежа́ти же о души́ ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.

Перевод: В тебе, о мать, достоверно спаслось то, что в нас по образу [Божию]: ибо, приняв крест, ты пошла за Христом и делами своими учила презирать плоть, ибо она прейдет, усердствовать же о душе, вещи бессмертной. Потому и радуется вместе с ангелами, Преподобная Мария, дух твой.

Блуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ а́нгельское жи́тельство подража́ющи,/ де́мона креста́ ору́жием погубля́ет.// Сего́ ра́ди Ца́рствия неве́ста яви́лася еси́, Мари́е пресла́вная.

Перевод: Будучи сначала объята всяческим блудом, сейчас ты явилась невестой Христовой через покаяние, подражая ангельской жизни и уничтожая демонов оружием креста. Поэтому ты стала невестой Царствия Небесного, Мария преславная.

Греха́ мглы избежа́вши,/ покая́ния све́том озари́вши твое́ се́рдце, сла́вная,/ пришла́ еси́ ко Христу́,/ Сего́ Всенепоро́чную и святу́ю Ма́терь/ Моли́твенницу ми́лостивную принесла́ еси́./ Отону́дуже и прегреше́ний обрела́ еси́ оставле́ние,// и со А́нгелы при́сно сра́дуешися.

Перевод: Избежав мглы греха, озарив светом покаяния свое сердце, достойная славы, пришла ты ко Христу, Его же Всенепорочную и святую Матерь сделала своей милостивой Молитвенницей. Потому и получила прощение прегрешений и всегда радуешься вместе с Ангелами.

О, вели́кая Христо́ва уго́днице преподо́бная Мари́е! На Небеси́ Престо́лу Бо́жию предстоя́щи, на земли́ же ду́хом любве́ с на́ми пребыва́ющи, име́ющи дерзнове́ние ко Го́споду, моли́ спасти́ рабы́ Его́, к тебе́ с любо́вию притека́ющыя. Испроси́ нам у Великоми́лостиваго Влады́ки и Го́спода ве́ры непоро́чное соблюде́ние, градо́в и ве́сей на́ших утвержде́ние, от гла́да и па́губы избавле́ние, скорбя́щым утеше́ние, неду́гующым — исцеле́ние, па́дшим — возста́ние, заблу́ждшим — укрепле́ние, в дела́х благи́х преспе́яние и благослове́ние, сирота́м и вдови́цам — заступле́ние и отше́дшим от сего́ жития́ — ве́чное упокое́ние, всем же нам в день Стра́шного Суда́ одесну́ю страны́ о́бщники бы́ти и блаже́нный глас Судии́ мира услы́шати: прииди́те, благослове́ннии Отца́ Моего́, насле́дуйте угото́ванное вам Ца́рствие от сложе́ния ми́ра, и та́мо пребыва́ния во ве́ки получи́ти. Ами́нь.

Блаже́нная ма́ти Софи́е,/ нетле́нием моще́й и чуде́с сия́нием почти́ тя Бог;/ помина́юще твое́ пра́ведное житие́,/ тя мо́лим испроси́ти// телесе́м на́шим здра́вие и душа́м спасе́ние.

Перевод: Блаженная мать София, Бог почтил тебя нетлением мощей и сиянием чудес, вспоминая твою праведную жизнь, молим тебя испросить у Бога здоровья для наших тел и спасения нашим душам.

Прииди́те, вся ру́сския жены́,/ святу́ю Софи́ю восхва́лим,/ уподо́бившуюся му́дрым де́вам,/ еле́й благода́ти Ду́ха Свята́го стяжа́вшим;/ те́мже умудри́ ю Госпо́дь/ подвиза́тися во утвержде́ние святы́я правосла́вныя ве́ры/ и соблюда́ти Це́рковь Его́/ незы́блему от ересе́й и раско́лов,/ сего́ ра́ди благода́рне воспои́м ей:/ ра́дуйся, гра́да Слу́цка и всея́ земли́ на́шея// ра́досте и утвержде́ние.

О, свята́я пра́ведная ма́ти на́ша, блаже́нная княги́не Софи́е, приими́ ми́лостивно приноше́ние ве́ры, наде́жды и любве́ на́шея и вознеси́ е ко Го́споду, и я́коже в земне́м животе́ твое́м была́ еси́ помо́щница и засту́пница всем правосла́вным христиа́ном земли́ твоея́, та́ко и ны́не укрепи́ нас тве́рдо и непоколеби́мо до сме́рти стоя́ти за ве́ру Правосла́вную, согре́й сердца́ на́ша любо́вию ко Го́споду и Пречи́стей Его́ Ма́тери. Умоли́ Христа́ Бо́га на́шего, да сохрани́т Це́рковь Свою́ святу́ю от раско́лов и ересе́й, да утверди́т в ней дух пра́выя ве́ры и благоче́стия, дух ве́дения и любве́, дух ми́ра и ра́дости ве́чныя, да вся ча́да ея́ ду́хом и и́стиною покланя́ются Ему́, да укрепи́т ве́рных в благоче́стии и свя́тости жи́зни, да обрати́т отпа́дших от Правосла́вныя Це́ркве во святы́я не́дра ея́. О свята́я ма́ти, гра́да Слу́цка похвало́ и ра́досте, умоли́ Го́спода, да изба́вит град твой и всю страну́ на́шу от гла́да, тру́са, пото́па, огня́, меча́, наше́ствия иноплеме́нных и междоусо́бныя бра́ни, от смертоно́сныя я́звы, да низпосле́т прави́телем на́шим усе́рдие, му́дрость и ве́рность, да управля́ют и су́дят по во́ле Его́, да храня́т установле́ния Святы́я Це́ркве. Испроси́ всем с ве́рою притека́ющим к ра́це святы́х моще́й твои́х ми́рное житие́, тишину́, просвеще́ние умо́в и серде́ц, соблюди́ их от ко́зней вра́жиих, от собла́знов ми́ра, во зле лежа́щаго, и от вся́кия ско́рби и ну́жды, обрати́ нас к покая́нию и исправле́нию, да́руй заблу́дшим и́стины позна́ние, неду́гующим исцеле́ние. Сохрани́ нас благода́тными твои́ми моли́твами от всех враго́в ви́димых и неви́димых и изба́ви от вся́каго зла, да просла́вим во вся дни жи́зни на́шея Отца́ и Сы́на и Свята́го Ду́ха и твое́ заступле́ние во ве́ки веко́в. Ами́нь.

Любо́вию Христо́вою се́рдце твое́ уязви́вый,/ ева́нгельски Тому́ после́довал еси́:/ я́ко дре́вний подви́жник преподо́бием украси́выйся,/ сла́вный насе́льник оби́тели Богома́тери у пеще́р Бо́гом зда́нных яви́лся еси́,/ и, благода́ть духо́вную свы́ше прие́мь,/ подае́ши ве́рным исцеле́ния,/ Симео́не богоблаже́нне,// не преста́й моли́тися о чту́щих тя.

Перевод: Пленивший свое сердце любовью Христовой, последовал Ему евангельским путем: как древний подвижник украсившись преподобием, ты стал славным монахом в обители Богоматери у пещер, созданных Богом, и получив свыше духовную благодать, подаешь верующим исцеления, Симеон блаженствующий в Боге, не переставай молиться о почитающих тебя.

Я́ко Бо́жия любве́ зерца́ло,/ во оби́тели Пече́рстей благода́тно просвети́лся еси́,/ о́браз и́ноческаго жития́ показу́я,/ трудолю́бием и послуша́нием на высоту́ доброде́телей восте́кл еси́./ Те́мже, да́ры Ду́ха Свята́го от Го́спода почте́нный,/ чудеса́ мно́га ще́дро источа́еши,/ преподо́бне о́тче наш Симео́не,// моли́ спасти́ся душа́м на́шим.

Перевод: Как отражение Божией любви, в обители Печерской ты благодатно просиял, показывая образ монашеской жизни, трудолюбием и послушанием взойдя на высоту добродетелей. Потому, почтенный дарами Святого Духа от Господа, ты щедро изливаешь многие чудеса, преподобный отец наш Симеон, моли о спасении душ наших.

О, вели́кий уго́дниче Бо́жий, преподо́бне о́тче Симео́не! При́зри на нас гре́шных, ко святе́й ико́не твое́й припа́дающих и прося́щих твоего́ заступле́ния и по́мощи. Скорбь бо обдержи́т нас от обстоя́щих нас ны́не бед и зол, и утеше́ния не и́мамы многоболе́зненным душа́м на́шим. Иска́хом бо по́мощи от челове́к, и не обре́теся. Вопия́хом ко Го́споду, и не услы́ша нас, зане́ прогне́вах пречи́стую бла́гость Его́ беззако́ньми на́шими, и мно́жеством мно́гих грехо́в на́ших преогорчи́хом человеколю́бную утро́бу Его́. И кто нам ны́не по́мощь яви́т, кто нам скорбь утоли́т, кто даст отра́ду и успокое́ние многомяте́жным душа́м на́шим? К тебе́, вели́кий уго́дниче Бо́жий, прибега́ем мы, гре́шнии и недосто́йнии, ве́дуще бо, я́ко ве́лие дерзнове́ние и́маши ко Христу́ Бо́гу, и многомо́щен предста́тель еси́ о всех, с ве́рою к тебе́ прибега́ющих и твоего́ заступле́ния и по́мощи тре́бующих. Моли́ у́бо Человеколю́бца Го́спода, я́ко да прости́в нам безчи́сленная на́ша прегреше́ния, не отврати́т ми́лость Свою́ от нас, но я́ко благ и сострада́телен, яви́т и нам безконе́чное Свое́ милосе́рдие, и в лю́тем напа́стей и бед на́ших озлобле́нии пода́ст нам всеси́льную по́мощь Свою́, и преогорче́нным душа́м на́шим осла́бу, мир, укрепле́ние, утеше́ние и успокое́ние да́рует. Ей, вели́кий уго́дниче Бо́жий! Вознеси́ преподо́бнии ру́це твои́ ко Христу́ Бо́гу на́шему и моли́ бла́гость Его́, да не отри́нет моле́ния серде́ц на́ших, недосто́инства ра́ди на́шего, но да яви́т нам благовре́менне ми́лость Свою́, да та́ко в ми́ре вре́менное сие́ житие́ преше́дше, в ве́чный дости́гнем поко́й, и с тобо́ю удосто́имся сла́вити Отца́ и Сы́на и Свята́го Уте́шителя Ду́ха во ве́ки веко́в. Ами́нь.

От ю́ности сосу́д избра́нен был еси́/ и в житии́ Бо́гу послужи́л еси́,/ и́ноков наста́вниче Инноке́нтие,/ потща́лся еси́ ху́ждшее покори́ти лу́чшему,/ те́мже и стра́сти умертви́в,/ возвы́сился еси́ к зре́нию красоты́ несозда́нныя,/ в Бо́зе Ему́же предстои́ши,// моли́, о́тче, Христа́ Бо́га спасти́ся душа́м на́шим.

Перевод: С юности ты был избранным сосудом (Деян.9:15) и в жизни послужил Богу, учитель монахов Иннокентий, ты старался худшее подчинить лучшему, потому, умертвив страсти, ты возвысился к видению несозданной (нетварной) красоты у Бога, перед Которым ты предстоишь. Моли, отец, Христа Бога о спасении наших душ.

От ю́ности своея́ весь Бо́гу поработи́лся еси́, блаже́нне,/ Того́ ра́ди любве́ оте́чество и род оста́вил еси́,/ и, в пусты́ню всели́вся,/ в ней жесто́кое житие́ показа́л еси́,/ и чуде́с дарова́ния от Го́спода прия́л еси́,/ преподо́бне Инноке́нтие,// моли́ Христа́ Бо́га спасти́ся душа́м на́шим.

Перевод: С юности твоей весь Богу посвятил себя, блаженный, ради любви к Нему отечество и родных оставил ты и поселился в пустыни, в ней суровое житие явил ты и получил дар чудотворений от Господа, преподобный Иннокентий, моли Христа Бога о спасении душ наших.

Ми́ра и сро́дник удали́вся,/ в пусты́ни неуста́нною моли́твою Бо́гу угоди́л еси́/ и в по́двизе жития́, о́тче, просия́л еси́,/ помина́й нас, чту́щих усе́рдно па́мять твою́, да зове́м ти:// ра́дуйся, Инноке́нтие преподо́бне.

Перевод: Удалившись от мира и родственников в пустынь, ты угодил Богу неустанной молитвой и просиял в жизненном подвиге, отец, вспоминай нас, горячо почитающих твою память, да восклицаем тебе: «Радуйся, Иннокентий, преподобный».

Оте́чества, преподо́бне, удали́вся/ и всели́вся в пусты́ню,/ та́мо жесто́кое житие́ показа́л еси́ и мно́гих люде́й житие́м свои́м удиви́л еси́./ Поми́луй нас, чту́щих па́мять твою́, да зове́м ти:// ра́дуйся, преподо́бне Инноке́нтие, о́тче наш.

Перевод: Отечества, преподобный, удалившись и поселившись в пустыни, там явил ты суровое житие и многих людей жизнью своей удивил. Помилуй нас, почитающих память твою, да взываем к тебе: «Радуйся, преподобный Иннокентий, отче наш».

Дне́сь, ве́рнии, пресла́вно ликовству́ем, па́мять преподо́бныя Ва́ссы соверша́юще, и ра́це моще́й ея́ уми́льно покланя́ющеся, со слеза́ми и любо́вию вопие́м е́й: бу́ди хода́таица на́ша пред Бо́гом, огради́ моли́твами твои́ми оби́тель и гра́д на́ш, в ско́рбех и печа́лех на́м бу́ди уте́шительница, ты́ бо еси́ кре́пость ве́рным, и оби́тели Пско́во-Пече́рския украше́ние.

Перевод: Сегодня, верующие, радостно торжествуем, празднуя память преподобной Вассы, и с особым благоговением поклоняясь раке с её мощами, со слезами и любовью взываем к ней: будь просительницей за нас перед Богом, оберегай твоими молитвами обитель и город наш, в скорбях и печалях утешай нас, потому что ты сила всех верующих и украшение Псково-Печерской обители.

Па́мять преподо́бныя Ва́ссы дне́сь све́тло соверша́юще, благода́рственне воспомина́ем многотру́дныя по́двиги, естество́ бо же́нское отве́ргши, со супру́жником твои́м устреми́ся к мона́шескому житию́, да нетле́нными венцы́ венча́ет тя́ Христо́с.

Перевод: Светло празднуя сегодня память твою, преподобная Васса, с благодарностью вспоминаем полные трудов подвиги, потому что ты, отвергнув свою женскую сущность, с супругом своим устремилась к монашеской жизни, да венчает тебя Христос нетленным венцом.

Правосла́вия наста́вниче, учи́телю благоче́стия и чистоты́, вселе́нной свети́льниче, богодухнове́нное мона́хов украше́ние, прему́дрый Симео́не, свои́м уче́нием просвети́л еси́ на́с, свире́ле духо́вная, моли́ Христа́ Бо́га спасти́ся душа́м на́шим.

Перевод: Православия наставник, учитель благочестия и чистоты, светильник вселенной, Богодухновенное украшение монахов, премудрый Симеон, учениями твоими ты просветил нас, духовная лира, моли Христа Бога о спасении душ наших.

Посто́м, бде́нием и усе́рдными моли́твами искуше́ния де́монския победи́л еси́ и целому́дренне поживе́, сосу́д избра́нный Свята́го Ду́ха яви́лся еси́, благода́ти исцеле́ний сподобившись, да́р прозре́ния небе́сный от Го́спода прии́мши, о́тче преблаже́нный Симео́не, свети́льниче Це́ркви Бо́жия, сего́ ра́ди моли́ Христа́ Бо́га за на́с, с ве́рою и любо́вию к тебе́ притека́ющих и сла́вящих святу́ю па́мять твою́.

Перевод: Постом, бдением и усердными молитвами ты победил искушения от демонов и, прожив в целомудрии, ты стал избранным сосудом Святого Духа, удостоившись благодати исцелений и получив небесный дар прозорливости от Господа, отец преблаженный Симеон, светильник Церкви Божией, потому моли Христа Бога о нас, с верой и любовью приходящих и славящих святую память твою.

Богора́дованная Влады́чице,/ Препросла́вленная Ма́ти щедро́т и человеколю́бия,/ Всеми́лостивая о всем ми́ре Хода́таице!/ Приле́жно, раби́ Твои́, к Боже́ственному предста́тельству прибега́юще/ и пречу́дному о́бразу Твоему́ со умиле́нием припа́дающе, мо́лимся:/ моли́тву те́плую к Сы́ну Твоему́ и Бо́гу на́шему сотвори́,/ о Всепе́тая Цари́це Богоро́дице,/ да вся́ких боле́зней и печа́лей нас Тебе́ ра́ди изба́вит/ и от грехо́в вся́ких свободи́т,/ Ца́рствия Своего́ Небе́снаго насле́дники ны пока́жет,/ ве́лие бо неизрече́нное, я́ко Ма́ти, и́маши дерзнове́ние к Нему́/ и вся мо́жеши,// Еди́на во ве́ки Преблагослове́нная.

Перевод: Обрадованная Богом Владычица, Препрославленная Матерь милости и человеколюбия, Всемилостивая Ходатаица обо всем мире! Настойчиво, рабы Твои, к Божественному покровительству обращаясь и пречудному образу Твоему с особым благоговением припадая, молимся: вознеси горячую молитву к Сыну Твоему и Богу нашему, о Воспеваемая всеми Царица Богородица, чтобы Он ради Тебя избавил нас от всяких болезней и забот, освободил нас от всяких грехов, сделал нас наследниками Царствия Своего Небесного, потому что Ты, как Мать, имеешь великое и необыкновенное право обращаться к Нему и всё можешь, Единственная и вечно Преблагословенная.

К Богоро́дице с умиле́нием припаде́м,/ вси, греха́ми обремене́ннии,/ чудотво́рную ико́ну Умиле́ние облобыза́юще/ и вопию́ще со слеза́ми:/ Влады́чице, приими́ моле́ние недосто́йных раб Твои́х/ и пода́ждь нам, прося́щим,// ве́лию Твою́ ми́лость.

Перевод: К Богородице смиренно обратимся все, грехами обремененные, чудотворную икону Умиление лобызая и взывая со слезами: «Владычица, прими моление недостойных рабов Твоих и подай нам, просящим, великую Твою милость».