Страстная седмица

Тропарь, гл. 8. Се Жених грядет в полунощи, | и блажен раб, его же обрящет бдяща; | не достоин же паки, его же обрящет унывающа. | Блюди убо, душе моя, | по сном отяготися, | да не смерти предана будет и, | и Царствия вне затворишися, | но восприни зовуще: | Свят, Свят, Свят еси, Боже, | Богородицею помилуй нас (3-жды).

Ирмосы трипеснца, гл. 2, песнь 1-я. Непроходимое волнящееся море, | Божиим Своим велением изсушившему, | и пешешсствовати сквозе е. | Израильтеския люди наставльшему, | Господеви поим, | славно бо прославися.

Кондак, гл. 8. Иаков рыдаше Иосифова лишения, | и доблей седяше на колеснице, | яко царь почитаем; | египтяныни бо тогда сластем не поработав, | воспрославляшеся от ведущаго человеческая сердца, | и посылающаго венец нетленный.

– 8. Устрашися отроков благочестивых, | сообразнаго души | несквернаго тела, | и устранися воспитанный в безмерном веществе, | неутружден огнь; | присноживущу же изувядшу пламеню, | вечнуюшая песнь воспевашеся: | Господа, вся дела, пойте, | и превозносите во вся веки.

– 9. Возвеличил еси, Христе, | рождшую Тя Богородицу, | от Неяже, Создателю наш, | в подобострастное нам облеклся еси тело, | наших прегрешений решительное: | Сию ублажающе вси роди, | Тебе величаем.

Ексапостиларий: Чертог Твой вижду, Спасе мой, украшенный, | и одежды не имам, да вниду в он; | просвети одеяние души моея, | Светодавче, и спаси мя (3-жды).

Стихира на хвалитех, гл. 5. Господи грядый к страданию, | Твоя утверждая ученики, | глаголал еси особь прием их: | како глагол Моих не помните, | яже прежде рекох вам; | яко всякому пророку несть писано, | токмо во Иеросолиме убиену быти. | Ныне убо время настоит, | еже рекох вам: | се бо предаюся рукама грешных поруган быти, | иже и кресту Мя пригвоздивше, | и погребению предавше, | омерзена вменяют яко мертва. | Обаче дерзайте: | тридневен бо востану в радость верных, и жизнь вечную.

Стихиры на Господи воззвах, гл. 1. грядый Господь к вольной страсти, | Апостолом глаголаше на пути: | се восходим во Иеросолим, | и предастся Сын Человеческий, | яко же есть писано о Нем. | Приидите убо и мы, очищенными смыслы, | сшествуим Ему, и сраспнемся, | и умертвимся Его ради житейским сластем, | да и оживем с Ним, и услышим вопиюща Его: | не ктому в земный Иеросолим за еже страдати; | но восхожду ко Отцу Моему и Отцу вашему, | и Богу Моему и Богу вашему, | и совозвышу вас в горний Иерусалим, | в Царство Небесное.

Слава и ныне, гл. 8. Вторую Еву египтяныню обрет змий глаголы, | тщашеся ласканьми запяти Иосифа: | но той, оставив ризу, бежа греха, | и наг не стыдяшеся, | яко же первозданный прежде преслушания. | Того молитвами, Христе, помилуй нас.

Прокимны, гл. 6. Благословит Тя Господь от Сиона, | и узриши благая Иерусалима.

–      Гл. 6. Благословихом вы | во имя Господне.

Трипеснец на повечерии, гл. 8, песнь 2. Вонми небо и возглаголю, | и воспою Христа, от Девы рождшагося | во спасение наше.

Видите, видите, яко Аз есмь Бог, | древля Израиля сквозь Чермное море проведый, | и питавый, и спасый, | и от горькия работы свободивый фараоновы.

–      8. Ангели и небеса, | на престоле славы седяшаго | и яко Бога непрестанно славимаго, | благословите, пойте | и превозносите Его во веки.

–      9. Проявленное на горе законоположнику во огни и купине, | рождество Приснодевы, | в наше верных спасение, | песньми немолчными величаем.

Тропарь. Се Жених грядет...

Кондак, гл. 2. Час душе конца помысливши | и посечения смоковницы убоявшися, | данный тебе талант трудолюбно делай окаянная бодрствующи и зовущи: | да не пребудем вне чертога Христова.

Ирмосы двоепеснца, гл. 2, песнь 8. Велению мучителеву | преподобнии трие отроцы не повинувшеся, в пещь ввержени, | Бога исповедаху поюще: | благословите дела Господня Господа.

– 9. Невместимаго Бога во чреве вместившая, | и радость миру родившая, | Тя поем, Богородице Дево.

Стихиры на Господи воззвах, гл. 1. Во светлостех Святых Твоих, | како вниду недостойный? | Аще бо дерзну совнити в чертог, | одежда мя обличает, яко несть брачна, | и связан извержен буду от Ангелов; | очисти, Господи, скверну души моея, | и спаси мя, яко Человеколюбец.

Слава и ныне, гл. 7. Се тебе талант Владыка вверяет, душе моя: | страхом приими дар, | заимствуй давшему ти, | раздавай нищим, и стяжи друга Господа, | да станеши одесную Его, | егда приидет во славе, | и услышиши блаженный глас: | вниди, рабе, в радость Господа твоего. | Тоя достойна мя сотвори, Спасе, заблудившаго, | великия ради Твоея милости.

Прокимны: гл. 6. Воскресни, Господин, в покой Твой, | Ты и кивот Святыни Твоея.

Гл. 4. Се что добро, или красно, | но еже жити братии вкупе.

Трипеснец на повечерии, гл. 2, песнь 3. Неплодствовавший мой ум, | плодоносен, Боже, покажи ми, | делателю добрых, насадителю благих, | благоутробием Твоим.

–      8. В купине Моисею Девы чудо, | на Синайстей горе прообразившаго иногда, | пойте, благословите, | и превозносите во вся веки.

–      9. Преестественно плотию заченшую во чреве, от Отца бездетно предвозсиявшее Слово, | в песнех немолчных величаем вернии.

Тропарь: Се Жених грядет...

Ирмосы трипеснца, гл. 2, песнь 3. На камени мя веры утвердив, | расширил еси уста моя на враги моя, | возвесели бо ся дух мой внегда пети: | несть свят, яко же Бог наш, | и весть праведен, | паче Тебе, Господи.

Кондак, гл. 4. | Паче блудницы, Блаже, беззаконновав, | слез тучи никакоже Тебе принесох; | но молчанием моляся припадаю Ти, | любовию облобызая пречистеи Твои нозе, | яко да оставление мне яко Владыка подаси долгов, зовущу Ти, Спасе: | от скверных дел моих избави мя.

–      8. Глагол мучителев понеже превозможе, | седмерицею пещь разжжена бысть иногда: | в ней же отроцы не опалишася, | царево поправше веление, | но вопияху: | вся дела Господня, Господа пойте | и превозносите во вся веки.

–      9. Душами чистыми и нескверными устнами, | приидите возвеличим нескверную | и пречистую Матерь Еммануилеву, | Ею же из Нея к Рожденному приносяще молитву: | пощади души наша, Христе Боже, и спаси нас.

Стихиры на Господи воззвах, гл. 1. Тебе Девыя Сына, | блудница познавши Бога, глаголаше, | в плачи молящеся, | яко слез достойная соделавшая: | разреши долг, яко же и аз власы; | возлюби любящую, праведно ненавидимую, | и близ мытарей Тебе проповем, | благодетелю Человеколюбче.

Слава и ныне, гл. 8. Господи, яже во многия грехи впадшая жена, | Твое ощутившая Божество, мироносицы вземши чин, | рыдающи миро Тебе прежде погребения приносит: | увы мне, глаголющи, | яко нощь мне есть разжжение блуда невоздержанна, | мрачное же и безлунное рачение греха. | Приими моя источники слез, | Иже облаками производяй моря воду. | Приклонися к моим воздыханием сердечным, Приклонивый небеса, | неизреченным Твоим истощанием, | да облобыжу Пречистеи Твои нозе, | и отру сия паки главы моея власы, | их же в рай Ева, по полудни, | шумом уши огласивши, страхом скрыся. | Грехов моих множества | и судеб Твоих бездны кто исследит? | Душеспасче Спасе мой, | да мя Твою рабу не презриши, | Иже безмерную имеяй милость.

Прокимны: гл. 4. Исповедайтеся Богу небесному, | яко благ, яко в век милость Его.

– Гл. 4. Господи, милость Твоя во век, | дел руку Твоею не презри.

Тропарь, гл. 8. Егда славнии ученицы | на умовении вечери просвешахуся, | тогда Иуда злочестивый | сребролюбием недуговав омрачашеся, | и беззаконным судиям Тебе Праведнаго Судию предает. | Виждь имений рачителю, | сих ради удавление употребивша! | Бежи несытыя души, | Учителю таковая дерзнувшия; | иже о всех благий, Господи, слава Тебе (3-жды).

Ирмосы канона, гл. 6, песнь 1. Сеченое сечется | море Чермное, | волнопитаемая же изсушается глубина; | таяжде купно безоружным бывши проходима, | и всеоружным гроб, | песнь нее Богокрасная воспевашеся: | славно прославися Христос Бог наш.

–      3. Господь сый всех, | и зиждитель Бог, | созданное бесстрастный обнищав Себе соедини, | и Пасха за яже хотяше умрети, | Сам сый Себе предпожре: | ядите, вопия, тело Мое, | и верою утвердитеся.

–      4. Провидев пророк | тайну Твою неизреченную, Христе, провозгласи: | положил еси твердую любовь крепости, Отче щедрый: | Единороднаго бо Сына, Благий, очищение в мир послал еси.

–      5. Союзом любве | связуеми Апостоли, владычествующему всеми | себе Христу возложше, | красны ноги очищаху, | благовествующе всем мир.

–      6. Бездна | последняя грехов обиде мя, | и волнения не ктому терпя, | яко Иона Владыце вопию Ти: | от тли мя возведи.

Кондак, гл. 2. Хлеб прием в руце предатель, | сокровенно тыя простирает, | и приемлет цену Создавшаго Своима рукама человека, | и неисправлен пребысть Иуда раб и льстец.

–      7. Отроцы в Вавилоне | пещнаго пламене не убояшася, | но посреде пламени ввержени, | орошаеми пояху: | благословен еси, Господи, Боже отец наших.

–      8. За законы отеческия | блаженнии в Вавилоне юноши предбедствующе, | царюющаго оплеваша повеление безумное, | и совокуплени ниже не сваришася огнем, | Державствующему достойную воспеваху песнь: | Господа пойте дела, | и превозносите во вся веки.

–      9. Странствия Владычня, | и безсмертныя трапезы | на горнем месте, высокими умы, | вернии приидите насладимся, | возшедша Слова, | от Слова научившеся, | Его же величаем.

Стихиры на хвалитех, гл. 2. Стекается прочее соберите Иудейское, | да Содетеля и Зиждителя всяческих Пилату предает. | О беззаконных! | О неверных! | Яко грядущаго судити живым и мертвым, | на суд готовят; | исцеляющаго страсти, ко страстем уготовляют: | Господи долготерпеливе, | велия Твоя милость, слава Тебе.

Слава и ныне, гл. 2. Его же проповеда Агнца Исаия. | грядет на заколение вольное, | и плещи дает на раны, | ланиты на заушения, | лица же не отврати от срамоты заплеваний, | смертию же безобразною осуждается; | вся Безгрешный волею приемлет, | да всем дарует из мертвых воскресение.

Стихиры на стиховне, гл. 8. Днесь еже на Христа лукавое собрася соборище, | и на Него тщетная советоваше, | предати Пилату на смерть Неповиннаго. | Днесь имением удавление Иуда себе облагает, | и лишается сбоюду жизни привременныя и Божественныя. | Днесь Каиафа неволею пророчествует: | уне, глаголя. Единому умрети за люди. | Прииде бо за грехи наша пострадати, | да нас свободит от работы вражия, | яко Благ и Человеколюбец.

Слава и ныне, гл. 5. Тайноводствуя Твоя Господи ученики, | учил еси глаголя: | о друзи, зрите, да никийже страх вас разлучит от Мене: | аще бо и стражду, но за мир. | Не блазнитеся убо о Мне: | не приидох бо, да послужат Ми, но послужити, | и положити душу Мою избавление за мир. | Аще убо вы друзи Мои есте. | Мене подражайте: | хотяй первый быти, да будет последний, | владыка яко служитель. | Пребудите во Мне, да грозд принесете: Аз бо есмь лоза животная.

Стихиры на Господи воззвах, гл. 2. Стекается прочее...

Гл. 2. Иуда беззаконный, Господи, | омочивый на вечери руку в солиле с Тобою, | простре к беззаконным руце прияти сребреники: | и мира умысливый цену, | Тебе Бесценнаго не убояся продати; | нозе прострый, во еже умыти; | Владыку облобыза льстивно, | во еже предати беззаконным; | лика же апостольскаго отвергся, | и тридесять поверг сребреники, | Твоего тридневнаго воскресения не веде, | ниже помилуй нас.

Слава и ныне, гл. 6. Рождение ехиднов воистинну Иуда, | ядших манну в пустыни, | и ропщущих на Питателя; | еще бо брашну сущу во устех их, | клеветаху на Бога неблагодарнии: | и сей злочестивый, | небесный хлеб во устех носий, | на Спаса предательство содела. | О нрава несытнаго, | и дерзости безчеловечныя! | Питающаго продает, | и Его же любляше Владыку, предаяше на смерть; | воистинну онех сын беззаконный, | и с ними пагубу наследова. | Но пощади, Господи, души наша от таковаго бесчеловечества, | Едине в долготерпении неизреченный.

Прокимны, гл. 1. Изми мя, Господи, от человека лукава, | от мужа неправедна избави мя.

Гл. 7. Изми мя от враг моих, Боже, | и от востающих на мя избави мя.

Прокимен на литургии, гл. 7. Князи людстии собрашася вкупе | на Господа и на Христа Его.

Вместо Херувимской песни, гл. 6. Вечери Твоея тайныя | днесь, Сыне Божий, | причастника мя приими; | но бо врагом Твоим тайну повем, | ни лобзания Ти дам яко Иуда, | но яко разбойник исповедаю Тя: | помяни мя, Господи, во Царствии Твоем. Аллилуия (3-жды).

Трипеснец на повечерии, гл. 8, песнь 5. Мрак души моея | разжени Светодавче, Христе Боже, | началородную тьму изгнав бездны, | и даруй ми свет повелений Твоих, Слове, | да утренюя славлю Тя.

–      8. Покрывали водами превыспренняя Своя, | полагаяй морю предел песок, и содержав вся: | Тя поет солнце, Тя славит луна, | Тебе приносит песнь вся тварь, | яко Содетелю всех во веки.

–      9. Благословен Господь Бог Израилев, | воздвигнувый рог спасения нам, | в дому Давидове отрока Своего; | в них же посети нас восток с высоты, | и направил ны есть на путь мира.

Тропарь, гл. 8. Егда славнии...

Антифон 1, гл. 8. Князи людстии собрашася на Господа, | и на Христа Его.

Слава и ныне, Богородичен. Дева родила еси неискусобрачная, | и Дева пребыла еси Мати Безневестная, | Богородице Марие: | Христа Бога нашего моли спастися нам.

Антифон 2, гл. 6. Тече глаголя Иуда беззаконным книжником: | что мне хошете дати, и аз вам предам Его? Среди же совещавающих Сам стоял еси невидимо Совещаваемый: | Сердцеведче, пощади души наша.

Слава и ныне, Богородичен. Его же родила еси Дево неизреченно, | выну яко Человеколюбца не престай молящи, | да от бед спасет вся к Тебе прибегающия.

Антифон 3, гл. 2. Лазарева ради востания, Господи, | «осанна» Тебе зваху дети еврейския, Человеколюбче, | беззаконный же Иуда не восхоте разумети.

Слава и ныне, Богородичен. Спаси от бед рабы Твоя, Богородице, | яко вси по Бозе к Тебе прибегаем, | яко нерушимей стене и предстательству.

Седален, гл. 7. На вечери ученики питая, | и притворение предания ведый; | на ней Иуду обличил еси, | неисправленна убо сего ведый; | познати же всем хотя, | яко волею предался еси, | да мир исхитиши от чуждаго: | Долготерпеливе, слава Тебе.

Антифон 4, гл. 5. Днесь Иуда оставляет Учителя, | и приемлет диавола, | ослепляется страстию сребролюбия, | отпадает света омраченный; | како бо можаше зрети, | Светило продавый на тридесятих сребреницех? | Но нам возсия Страдавый за мир. | К нему же возопиим: | пострадавый и сострадавый человеком, Господи слава Тебе.

Слава и ныне, Богородичен. Преславная о Тебе глаголашася везде, | яко родила еси плотию всех Творца, | Богородице Марие, всепетая и неискусобрачная.

Антифон 5, гл. 6. Ученик Учителя соглашаше цену, | и на тридесятих сребреницех продаю Господа, | лобзанием льстивным предал Его | беззаконником на смерть.

Слава и ныне, Богородичен. Неизреченно в последняя заченшая, | и рождшая Создателя Твоего, | Того моли спастися душам нашим.

Антифон 6, гл. 7. Днесь бдит Иуда предати Господа, | превечнаго Спаса мира, | Иже от пяти хлеб насытившаго множества. | Днесь беззаконный отметается Учителя, | ученик быв, Владыку предаде; | сребром продаде, манною насытившаго человека.

Слава и ныне, Богородичен. Радуйся, Богородице, | невместимаго в небесех вместившая во утробе Твоей; | радуйся Дево, пророков проповедание, | Ею же нам возсия Еммануил; | радуйся, Мати Христа Бога.

Седален, гл. 7. Кий тя обрзз Иудо, | предателя Спасу содела? | Еда от лика тя апостольска разлучи? | Еда дарования исцелений лиши? | Еда со внеми вечеряв, тебе от трапезы отрину? | Еда иных ноги умыв, твои же презре? | О коликих благ непамятлив был еси! | И твой убо неблагодарный обличается нрав, | Того же безмерное проповедуется долготерпение, | и велия милость.

Антифон 7, гл. 8. Емшим Тя беззаконным, | претерпевая, сице вопиял еси Господи: | аще и поразисте Пастыря, | и расточисте дванадесять овец – ученики Моя, | можах вящще | нежели двападесяте легеонов представити Ангелов. | Но долготерплю, да исполнятся, | яже явих вам пророки Моими, безвестная и тайная; | Господи, слава Тебе.

Слава и ныне, Богородичен. Яко врата спасительная, и рай красный, | и Света присносущнаго облак | сущую святую Деву, | воспоим вси глаголюще Ей, еже радуйся.

Антифон 8, гл. 2. Рцыте беззаконнии, | что слышасте от, Спаса нашего? | не закон ли положи, и пророческая учения? | како убо помыслисте Пилату предати, | иже от Бога Бога Слова, | и Избавителя душ наших.

Слава и ныне, Богородичен. Яко не имамы дерзновения за премногия грехи наша, | Ты иже от Тебе Рождшагося моли, Богородице Дево: | много бо может моление Матернее ко благосердию Владыки. | Не презри грешных мольбы, Всечистая, | яко милостив есть, и спасти могий, | Иже и страдати о нас изволивый.

Антифон 9, гл. 3. Поставиша тридесят сребреников, цену цененаго, | Его же оцениша от сынов Израилевых. | Бдите и молитеся, | да не внидете во искушение, | дух убо бодр, плоть же немощна: | сего ради бдите.

Слава и ныне, Богородичен. Иже от язык, поем Тя, Богородице Чистая, | яко Христа Бога нашего родила еси, | от клятвы человеки Тобою свобождшаго.

Седален, гл. 8. О како Иуда иногда Твои ученик, | предательству поучашеся на Тя, | свечеря льстивно, наветник и неправедник, | шед рече священником: | что ми подаете, и предам вам Онаго, | закон разорившаго, и осквернившаго субботу? | Долготерпеливо Господи, слава Тебе.

Антифон 10, гл. 6. Одеяйся светом яко ризою, | наг на суде стояние, | и в ланиту ударение прият от рук, их же созда: | беззаконий же людие на кресте пригвоздиша Господа славы: | тогда завеса церковная раздрася, солнце померче, | не терпя зрети Бога досаждаема, | Его же трепещут всяческая. | Тому поклонимся.

Слава и ныне, Богородичен. Умири мир, | от Девы изволивый Господи, плоть носити за рабы, | да согласно Тебе славословим, Человеколюбче.

Антифон 11, гл. 6. За благая, яже сотворил еси, Христе, роду еврейскому, | распяти Тя осудиша, | оцта и желчи напоивше Тя, | но даждь им, Господи, по делом их, | яко не разумеша Твоего снизхождения.

Слава и ныне, Богородичен. Бога от Тебе воплощеннаго познахом, Богородице Дево, | едина Чистая, едина Благословенная: | тем непрестанно Тя воспевающе величаем.

Антифон 12, гл. 8. Сия глаголет Господь иудеом: | людие Мои, что сотворих вам, | или чем вам стужих? | Слепцы ваша просветих, прокаженныя очистих, | мужа суща на одре возставих. | Людие Мои, что сотворих вам? | и что Ми воздасте? | за манну желчь; за воду оцет; | за еже любити Мя, ко кресту Мя пригвоздисте. | Ктому не терплю прочее, призову Моя языки, | и тии Мя прославят со Отцом и Духом; | и Аз им дарую живот вечный.

Слава и ныне, Богородичен. Радуйся, врата Царя славы, | яжо Вышний Един пройде, | и паки запечатленна остави, | во спасение душ наших.

Седален, гл. 8. Егда предстал еси Каиафе, Боже, | и предался еси Пилату, Судие, | небесныя силы от страха поколебашася. | Егда же вознесли я еси на древо, | посреде двою разбойнику, | вменился еси с беззаконными, Безгрешне, за еже спасти человека; | незлобиве Господи, слава Тебе.

Антифон 13, гл. 6. Собрание иудейское | у Пилата испросиша распяти Тя, Господи: | вины бо в Тебе не обретше, | повиннаго Варавву свободиша, | и Тебе праведнаго осудиша, | сквернаго убийства грех наследовавше. | Но даждь им, Господи, воздаяние их, | яко тщетным на Тя поучи глася.

Слава и ныне, Богородичен. Богородице, рождшая словом паче слова, | Создателя Своего: | Того моли спасти души наша.

Антифон 14, гл. 8. Господи, Иже разбойника спутника приемый, | в крови руце осквернившаго, | и нас с ним причти, яко Благ и Человеколюбец.

Слава и ныне, Богородичен. Радуйся, Ангелом радость мира приемшая. | Радуйся, рождшая Творца Твоего и Господа. | Радуйся, сподобльшаяся быти Мати Божия.

Антифон 15, гл. 6. Днесь висит на древе, | Иже на водах землю повесивый; венцем от терния облагается, | Иже ангелов Царь; | в ложную багряницу облачается, | одеваяй небо облаки; | заушение прият, | Иже во Иордане свободивый Адама; | гвоздьми пригвоздися Жених церковный; | копием прободеся Сын Девы. | Покланяемся страстен Твоим, Христе; | покланяемся страстен Твоим, Христе; | покланяйся страстен Твоим, Христе. | Покажи нам и славное Твое воскресение.

Слава и ныне, Богородичен. Видяше Тя висима, Христе, | Тебе рождшая, вопияше, | что странное еже вижду таинство, Сыне Мой, | како на древе умираеши плотию водружен, | жизни Подателю?

Седален, гл. 4. Искупил ны еси от клятвы законныя, | честною Твоею кровию, | на кресте пригвоздився, и копием прободься, | бессмертие источил еси человеком, | Спасе наш, слава Тебе.

– Во Царствии Твоем помяни нас Господи... Блажени алчущии и жаждущии правды, яко тии насытятся.

Гл. 4. Древом Адам рая бысть изселен       (См. стр. 46).

Слава, гл. 4. Отца, и Сына, и Духа Святаго, | вся единомудренно вернии славословити достойно помолимся, | Единицу Божества, в триох сущую Ипостасех, | неслиянну пребывающу, | просту, нераздельну и неприступну, | Еюже избавляемся огненнаго мучения.

И ныне, Богородичен, гл. 4. Матерь Твою, Христе, | плотию бессеменно рождшую Тя, | и Деву воистинну, | и по рождестве пребывшую нетленну, | сию Тебе приводим в молитву, Владыко Многомилостиве, | прегрешений прощению дароватися всегда зовущим: | помяни нас, Спасе, во Царствии Твоем.

Прокимен, гл. 4. Разделиша ризы Моя себе | и о одежди Моей меташа жребий.

Ирмосы трипеснца. Гл. 6, песнь 5. К Тебе утренюю, | милосердия ради | Себе истощившему непреложно, | и до страстей безстрастно преклоншемуся, Слове Божий, | мир подаждь ми падшему, Человеколюбче.

Кондак, гл. 8. Нас ради Распятаго, приидите вси воспоим, | Того бо виде Мария на древе, и глаголаше: | аще и распятие терпиши, | Ты еси Сын и Бог Мой.

Икос. Своего Агнца Агница зрящи к заколению влекома, | последование Мария простертыми власы, | соинеми женами, сия вопиющи: | камо идеши, Чадо? | Чесо ради скоро? течение совершаеши? | Еда другий брак паки есть в Капе Галилейстей, | и тамо тщишися, да от воды им вино сотвориши? | Иду ли с Тобою, Чадо, или паче пожду Тебе? | Даждь ми слово, Слове, немолча мимоиди Мене, | чисту соблюдый Мя: | Ты бо еси Сын и Бог Мой.

–      8. Столп злобы | богопротивныя, | Божественнии отроцы обличиша: | на Христа же шатающееся беззаконных соборище, | советует тщетная, | убити поучается, | живот Держащаго дланию: | Его же вся тварь благословит, | славящи во веки.

–      9. Честнейшую Херувим, | и славнейшую без сравнения Серафим, | без истления Бога Слова рождшую, | сущую Богородицу Тя величаем.

Ексапостиларий, гл. 8. Разбойника благоразумнаго, | во едином часе раеви сподобил еси, Господи: | и мене древом крестным | просвети и спаси мя. (3-жды).

Стихиры на хвалитех: гл. 8. Два лукавная сотвори, | перворожденный сын Мой Израиль: | Мене остави источника воды животныя, | и ископа себе кладенец сокрушенный: | Мене на древе распят, | Варавву же испроси и отпусти. | Ужасеея небо о сем, и солнце лучи скры: | ты же Израилю, не усрамился еси, | но смерти Мя предал еси. | Остави им, Отче Святый, | не ведят бо, что сотворыша.

Слава, гл. 6. Совлекоша с Мене ризы Моя, | и облекоша Мя в ризу червлену, | возложиша на главу Мою венец от терний, | и в десную Мою руку вдаше трость, | да сокрушу их, яко сосуды свудельничи.

И ныне, гл. 6. Плещи Моя дах на раны, | лица же Моего не отвратих от заплеваний, | судищу Пилатову предстах, | и крест претерпех за спасение мира.

Стихиры на стиховне, гл. 1. Вся тварь изменяшеся страхом, | зрящи Тя на кресте висима, Христе: | солнце омрачашеся, | и земли основания сотрясахуся, | вся сострадаху Создавшему вся. | Волею нас ради претерпевый, | Господи, слава Тебе!

– На древе видящи висима, Христе, | Тебе всех Зиждителя и Бога, | бессеменно рождшая Тя вопияще горько: | Сыне Мой, где доброта зайде зрака Твоего? | не терплю зрети Тя неправедно распипаема: | потщиса убо, востани, | яко да вижу и Аз Твое из мертвых тридневное воскресение.

Слава и ныне, гл. 6. Уже омакается трость изречения, | от судей неправедных, | Иисус судим бывает, | и осуждается на крест, | и страждет тварь, на кресте видяши Господа. | Но естеством телесе, мене ради страждай Благий, | Господи, слава Тебе.

Тропарь, гл. 4. Искупил ны еси от клятвы...

На 1-м часе, гл. 8. Днесь церковная завеса | на обличение беззаконных раздирается, | и солнце лучи своя скрывает, | Владыку зря распинаема.

Тропарь: Яко овча на заколение | веден был еси Христе Царю, | и яко агнец незлобивый пригвоздился еси кресту, | от беззаконных мужей, грех ради наших, | Человеколюбче.

Слава и ныне, гл. 8. Емшим Тя беззаконным...

Прокимен, гл. 4. Сердце его собра беззаконие себе.

На 3-м часе, тропари: гл. 8. Прежде честнаго Твоего креста, | воином ругающимся Тебе, Господи, | умная воинства дивляхуся: | обложился бо еси венцем поругания, | землю живописавый цветы, | багряницею поругания одеялся еси, | облаки одеваяй твердь. | Таковым бо смотрением разумеся Твое благоутробие, Христе, | вслия Твоя милость, слава Тебе.

Слава и ныне, гл. 5. Влеком на крест сице вопиял еси, Господи: | за кое дело хощете Мя распяти, иудее? | Яко расслабленныя ваша стягнух, | зане мертвецы аки от сна возставих, | кровоточивую исцелих, | хананею помиловах; | за кое дело хощете Мя убити, иудее? | Но узрите, в Него же ныне прободаете Христа, беззаконнии.

Прокимен, гл. 4. Яко аз на раны готов, | и болезнь моя предо мною есть выну.

На 6-м часе, тропари: гл. 8. Сия глаголет Господь...

– Гл. 8. Законоположницы Израилевы, иудее и фарисее, | лик апостольский вопиет к вам: | се храм Его же вы разористе; | се Агнец, Его же вы распясте, гробу предасте; | но властию Своего воскресе. | Не льститеся, Иудее: | Той бо есть, Иже в мори спасый, | и в пустыни питавый; | Той есть живот, и свет, и мир мирови.

Слава и ныне, гл. 4. Приидите, христоноснии людие, | видим, что совеща Иуда предатель, | со священники беззаконными, на Спаса нашего: | днесь повинна смерти, бессмертнаго Слова сотвориша, | и Пилату предавше, на месте лобнем распята. | И сия стражда вопияше Спас наш, глаголя: | остави им, Отче, грех сей, | да разумеют язы́цы из мертвых Мое воскресение.

Прокимен, гл. 4. Господи, Господь наш, | яко чудно имя Твое по всей земли.

На 9-м часе, тропари: гл. 7. Ужас бе видети, | небесе и земли Творца на кресте висяща, | солнце померкшее, | день же паки в нощь преложшшийся, | и землю из гробов возсылаюшу телеса мертвых: | с ними же покланяемся Тебе, спаси нас.

Слава и ныне, гл. 6. Днесь висит на древе…

Прокимен, гл. 6. Рече безумен в сердце своем: несть Бог.

Стихиры на Господи воззвах, гл. 1. Вся тварь изменяшеся...

– Гл. 2. Людие злочестивии и беззаконии, | вскук поучаются тщетным? | Вскую Живота всех на смерти осудиша? | Велие чудо, яко Создатель мира в руки беззаконных предается, | и на древо возвышается Человеколюбец, | да яже во аде юзники свободит, зовущия: | Долготерпеливе Господи, слава Тебе.

Слава, гл. 6. О како беззаконное сонмище, | Цар твари осуди на смерть, | не устыдевся благодеяния, | яже воспоминая предутвержадше, глаголя к ним: | людие Мои что сотворих вам? | не иудес ли исполних Иудею? | не мертвецы ли воскресих едннем словом? | не всякую ли болезнь неделях и недуг? | что убо Ми воздаете? | Вскую не помните Мя? | за исцеления раны Мне наложивше, | за живот умерщвляюше, | вешающе на древе, яко злодея, Благодетеля; | яко беззаконна, Законодавца; | яко осужденна, всех Царя. | Долготерпеливе Господи, слава Тебе.

И ныне, гл. 6. Страшное и преславное таинство днесь действуемо зрится: | Неосязаемый удерживается; | вяжется, разрешаяй Адама от клятвы; | испытуяй сердца и утробы, | неправедно испытуется; | в темнице затворяется, | Иже бездну затворивый; | Пилату предстоит, Ему же трепетом предстоят небесныя силы; | заушается рукою создания Создатель; | на древо осуждается, | Судяй живым и мертвым; | во гробе заключается разоритель ада. | Иже вся терпяй милосердно, | и всех спасый от клятвы, | незлобиве Господи, слава Тебе!

Прокимны, гл. 4. Разделиша ризы Моя себе...

– Гл. той-же. Суди, Господи, обидяшия мя, побора борющия мя.

Прокимен Апостола, гл. 6. Положиша Мя в рове преисподнем, | в темных и сени смертней.

Стихиры на стиховне, гл. 2. Кгда от древа Тя мертва, | Аримафей снят всех Живота. | смирною и плащаницею Тя, Христе, обвив, | и любовию подвизашеся | сердцем и устнами тело нетленное Твое облобызати. | Обаче одержим страхом, | радуяся, вопияше Ти: | слава снизхождению Твоему. Человеколюбче!

Гл. той-же: Егда во гробе нове за всех положился еси Избавителю всех, | ад всесмехливый видев Тя ужасеся, | вереи сокрушишася, сломишася врата, | гроби отверзошася, мертвии восташа. | Тогда Адам благодарственно радуяся вопияше Тебе: | слава снизхождению Твоему, Человеколюбче.

Слава и ныне, гл. 5. Тебе одеющагося светом яко ризою, | снем Иосиф с древа с Никодимом, | и видев мертва нага непогребена, | благосердный плач восприим, | рыдая, глаголание: | увы мне, Сладчайший Иисусе, | Его же вмале солнце на кресте висима узревшее | мраком облагашеся, | и земля страхом колебашеся, | и раздирашеся церковная завеса; | но со ныне вижу Тя, | мене ради волею подъемша смерть. | Како погребу Тя, Боже мой, | или какою плащаницею обвию? | Коима ли рукама прикоснуся нетленному Твоему телу? | Или кия песни воспою Твоему исходу, Щедре? | Величаю страсти Твоя, | песнословлю и погребение Твое со воскресением, зовый: | Господи, слава Тебе!

Тропари, гл. 2. Благообразный Иосиф, | с древа снем пречистое тело Твое, | плащаницею чистою обвив, | и вонями во гробе нове покрыв положи.

Слава и ныне, гл. 2. Мироносицам женам, | при гробе представ Ангел вопияше: | мира мертвым суть прилична, | Христос же истления явися чужд.

Стихира, на целование плащаницы, гл. 5. Приидите ублажим Иосифа приснопамятнаго, | в нощи к Пилату пришедшаго, | и Живота всех испросившаго: | даждь ми Сего страннаго, | Иже не имеет где главы подклонити; | даждь ми Сего страннаго, | егоже ученик лукавый на смерть предаде; | даждь ми Сего страннаго, | Его же Мати зрящи на кресте висяща, | рыдающи, вопияше, и матерски восклицаше: | увы Мне, Чадо Мое! | увы Мне, Свете Мой, | и утроба Моя возлюбленная! | Симеоном бо предреченное в церкви днесь собьются: | Мое сердце оружие пройде, | но в радость воскресения Твоего плач преложи. | Покланяемся страстем Твоим, Христе, | покланяемся страстем Твоим, Христе, | покланяемся страстем Твоим, Христе, | и святому воскресению.

Тропари, гл. 2. Благообразный Иосиф...

Слава. – Егда снизшел еси…

И ныне. – Мироносицам женам...

Непорочны. – Статия первая, гл. 5. Благословен еси Господи, | научи мя оправданием Твоим.

Блажени непорочнии в путь, | ходящий в законе Господни. – Жизнь во гробе положился еси, Христе, | и Ангельская воинства ужасахуся, | снизхождеше славяще Твое.

Блажени испытающии свидения Его, | всем сердцем взыщут Его. – Животе, како умираеши? | како и во гробе обитавши? | смерти же царство разрушавши, | и от ада мертвыя возставляеши?

Слава. Воспеваем, Слове, Тебе всех Бога, | со Отцем и Святым Твоим Духом, и славим Божественное Твое погребение.

И ныне. Блажим Тя, Богородице Чистая, | и почитаем тридневное погребение Сына Твоего | и Бога нашего верно.

Статия 2-я. – Достойно есть величати Тя, Жизнодавца, | на кресте руце простершаго, | и сокрушшаго державу вражию.

–      Руце Твои сотвористе мя, и создасте мя; | вразуми мя, и научуся заповедем Твоим.

–      Достойно есть величати Тя, | всех Зиждителя; | Твоими бо страданьми имамы бесстрастие, | избавльшеся тления.

Боящийся Тебе узрят мя и возвеселятся, | яко на словеса Твоя уловах. – Ужасеся земля, и солнце, Спасе, скрыся, Тебе невечернему свету, Христе, | зашедшу во гробе плотски.

Слава. Безначально Боже, соприсносущне Слове, и Душе Святый, | скиптр православнаго ИМПЕРАТОРА | укрепи на ратныя, яко благ.

И ныне. Жизнь рождшая, | пренепорочная Чистая Дево, | утоли церковныя соблазны, | и подаждь мир яко благая.

Статия 3-я. Роди вси песнь | погребению Твоему приносят, | Христе мой.

–      Призри на мя и помилуй мя, | по суду любящих имя Твое. – Снем с древа иже от Аримафеа, | плащаницею обвив | во гробе Тя погребает.

Стопы моя направи по словеси Твоему, и да не обладает мною всякое беззаконие. – Мироносицы приидоша, | мира Тебе, Христе мой, | носящия премудро.

Слава: О Троице Боже мой, | Отче, Сыне и Душе, | помилуй мир.

И ныне: Видети Твоего Сына воскресение, Дево, способа Твоя рабы.

Ирмосы канона, гл. 6, песнь 1-я. Волною морскою | скрывшаго древле, | гонителя, мучителя, | под землею скрыта | спасенных отроды: | но мы яко отроковицы, | Господеви поим, | славно бо прославися.

– 3. Тебе на водах | повесившаго | всю землю неодержимо, | тварь видевши | на лобнем висима, | ужасом многим содрогашася, | несть свят, | разве Тебе, Господи, взывающи.

–      4. На кресте Твое | Божественное истощание | провидя Аввакум | ужасся, вопияше: | Ты сильных просекл еси державу, Блаже, | приобщался сущим во аде, | яко всесилен.

–      5. Богоявления Твоего, Христе | к нам милостивно бывшаго, | Исаиа свет видев невечерний, | из нощи утреневав взываше: | воскреснут мертвии, | и востанут сущий во гробех, | и вси земнороднии возрадуются.

–      6. Ят бысть, | но не удержан | в персех китовых Иона: | Твой бо образ нося, | страдавшаго, и погребению давшагося, | яко от чертога | от зверя изыде, | приглашаше же кустодии: | хранящий суетная и ложная, | милость сию оставили есте.

Кондак, гл. 6. Бездну заключивый, мертв зрится, | и смирною и плашаницею обвився, | во гробе полагается яко смертный Бессмертный: | жены же приидоша помазати Его миром, | плачущия горько и вопиющия: | сия суббота есть преблагословенная, | в ней же Христос уснув, воскреснет тридневен.

Икос: Содержав вся на крест вознесеся, | и рыдает вся тварь, | Того видяши нага висяща на древе, | солнце лучи сокры, и звезды отложиша свет; | земля же со многим страхом колебася, | и море побеже, и камение распадеся, | гроби же мнози отверзошася, | и телеса восташа святых мужей. | Ад низу стенет, | и Иудее советуют оклеветати Христово воскресение, | жены же взывают: | сия суббота есть преблагословенная, | в ней же Христос уснув, воскреснет тридневен.

–      7. Неизреченное чудо: | в пещи избавивый | преподобныя отроки из пламене, | во гробе мертв | бездыханен полагается, | во спасение нас поющих: | Избавителю Боже, благословен еси.

–      8. Ужаснися | бойся небо, | и да подвижатся основания земли; | се бо в мертвецех вменяется | в вышних Живый, | и во гроб мал странноприемлется. | Его же отроцы благословите, | священницы воспойте, | людие превозносите во вся веки.

– 9. Не рыдай Мене, Мати, | зрящи во гробе, | Его же во чреве | без семене зачала еси Сына: | востану бо и прославлюся, | и вознесу со славою, непрестанно яко Бог, | верою и любовию Тя величающия.

Стихиры на хвалитех, гл. 2. Днесь содержит гроб Содержащаго дланию тварь, | покрывает камень Покрывшаго добродетелию небеса: | спит живот и ад трепещет, | и Адам от уз разрешается. | Слава Твоему смотрению, | имже совершив все упокоение вечное, | даровал еси нам, Боже, | всесвятое из мертвых Твое воскресение.

Слава, гл. 6. Днешний день тайно великий Моисей преобразование, глаголя: | и благослови Бог день седмый | сия бо есть благословенная суббота. | Сей есть упокоения день, | в он же ночи от всех дел Своих Единородный Сын Божий, | смотрением еже на смерть, | плотию субботствовав; | и во еже бе, паки возвращься воскресением, | дарова нам живот вечный, | яко един благ и Человеколюбец.

И ныне: гл. 2. Преблагословенна еси…

Прокимны: гл. 4. Воскресни, Господи, помози...

–      Гл. 7. Воскресни, Господи Боже мой...

Стихиры на Господи воззвах, гл. 1. Вечерния наша молитвы...

–      Гл. 8. Днесь ад стеня вопиет: | уне мне бяше, | аще бых от Марии Рождшагося не приял; | пришед бо на мя, державу мою разруши, | врата медная сокруши: | души, яже содержах прежде, Бог Сый воскреси. | Слава, Господи, кресту Твоему, и воскресению Твоему.

Слава: гл. 6. Днешний день тайно...

И ныне. Догматик, гл. 1. Всемирную славу...

Во время чтения паримий поются на гл. 5. Поим Господеви, | славно бо прославися.

– Господа пойте | и превозносите во вся веки.

Вместо Трисвятаго: Елицы во Христа крестистеся, | во Христа облскостеся. Аллилуия.

Прокимен: гл. 5. Вся земля да поклонится Тебе, и пост Тебе, | да поет же имени Твоему Вышний.

По прочтении Апостола, гл. 7. Воскресни, Боже, суди земли, | яко Ты наследиши во всех языцех.

Вместо Херувимской песни: гл. 8. Да молчит всякая плоть человеча, | и да стоит со страхом и трепетом, | и ничтоже земное в себе да помышляет: | Царь бо царствующих, и Господь господствующих, | приходит заклатися и датися в снедь верным. | Предходят же сему лицы Ангельстии | со всяким началом и властию, | многоочитии Херувими, и шестокрилатии Ссрафими, | лица закрывающе, и вопиюще песнь: | Аллилуия, Аллилуия, Аллилуия.

Причастен: гл. 4. Воста яко спя Господь, | и воскресе спасаяй нас.