Как верная душа беседует с Богом, и как Бог милосердно и человеколюбно отвечает ей в святом слове Своем?

Сие предлагается здесь для того, чтобы всякий, ищущий от Бога милости, утвердился в вере, которая необходимо нужна в молитве, и чтобы кающийся грешник, искушаемый духовно от сатаны, восприял в сердце своем утешение, то есть что Бог благодатью Своей кающегося грешника приемлет.

***

Верная душа говорит: Ты еси, Господи, прибежище мое от скорби, обдержащия мя, радость моя, избави мя от обышедших мя (Пс.31:7).

Бог отвечает: Вразумлю тя и наставлю тя на путь сей, воньже пойдеши, утвержу на тя очи Мои (Пс.31:8).

Верная душа говорит: Призри на мя и помилуй мя, по суду любящих имя Твое (Пс.118:132).

Бог через пророка отвечает: На кого воззрю, токмо на кроткаго и молчаливаго и трепещущаго словес Моих? (Ис.66:2).

Верная душа говорит: Господи, кто обитает в жилищи Твоем? Или кто вселится во святую гору Твою? (Пс.14:1).

Бог отвечает: Ходяй непорочен и делаяй правду, глаголяй истину в сердце своем. Иже не ульсти языком своим и не сотвори искреннему своему зла, и поношения не прият на ближния своя. Уничижен есть пред ним лукавнуяй, боящыя же ся Господа славит, кленыйся искреннему своему и не отметаяся. Сребра своего не даде в лихву и мзды на неповинных не прият. Творяй сия не подвижится во век (Пс.14:2–5).

Верная душа говорит: Сердце чисто созижди во мне, Боже, и дух прав обнови во утробе моей (Пс.50:12).

Бог через пророка отвечает: И дам вам сердце ново и дух нов дам вам, и отиму сердце каменное от плоти вашея и дам вам сердце плотяно... (Иез.36:26).

Верная душа говорит: Скорби сердца моего умножишася, от нужд моих изведи мя (Пс.24:17).

Бог отвечает: Призови Мя в день скорби твоея, и изму тя, и прославиши Мя (Пс.49:15).

Верная душа говорит: Помяни мя, Господи, егда приидеши во Царствии си (Лк.23:42).

Христос отвечает: Буди верен даже до смерти, и дам ти венец живота (Откр.2:10).

Верная душа говорит: Не остави мене, Господи Боже мой, не отступи от Мене. Вонми в помощь мою, Господи спасения моего (Пс.37:22–23).

Христос отвечает: се Аз с вами есмь... до скончания века (Мф.28:20).

Верная душа говорит: Господи Боже мой, на Тя уповах, спаси мя от всех гонящих мя и избави мя (Пс.7:2).

Господь отвечает: Яко на Мя упова, и избавлю и, покрыю и, яко позна имя Мое (Пс.90:14).

Верная душа говорит: Не отвержи мене от лица Твоего (Пс.50:13).

Христос говорит: Грядущаго ко Мне не изжену вон (Ин.6:37).

Верная душа говорит: Не вниди в суд с рабом Твоим, яко не оправдится пред Тобою всяк живый (Пс.142:2).

Христос отвечает: Тако бо возлюби Бог мир, яко и Сына Своего Единороднаго дал есть, да всяк веруяй в Онь не погибнет, но имать живот вечный. Не посла бо Бог Сына Своего в мир, да судит мирови, но да спасется Им мир. Веруяй в Онь не будет осужден (Ин.3:16–18).

Верная душа говорит: Грех юности моея, и неведения моего не помяни (Пс.24:7).

Бог отвечает: И беззаконник аще обратится от всех беззаконий своих, яже сотворил, и сохранит вся заповеди Моя и сотворит суд и правду и милость, жизнию поживет и не умрет: вся согрешения его, елика сотворил, не помянутся ему (Иез.18:21–22).

Верная душа говорит: Беззакония моя превзыдоша главу мою, яко бремя тяжкое отяготеша на мне (Пс.37:5)!

Господь отвечает: Не приидох бо призвати праведники, но грешники на покаяние (Мф.9:13); и еще через апостола: Идеже бо умножися грех, преизбыточествова благодать (Рим.5:20).

Верная душа говорит: Реку Богу: Заступник мой еси, почто мя забыл еси (Пс.41:10), и еще: не забуди убогих Твоих до конца (Пс.9:33)!

Господь отвечает: Еда забудет жена отроча свое, еже не помиловати изчадия чрева своего? Аще же и забудет сих жена, но Аз не забуду тебе, глаголет Господь (Ис.49:15).

Верная душа говорит: Не отврати лица Твоего от отрока Твоего, яко скорблю, скоро услыши мя (Пс.68:18)!

Господь отвечает: За грех мало что опечалих его, и поразих его, и отвратих лице Мое от него... Пути его видех и изцелих его, и дах ему утешение истинно (Ис.57:17,18).

Верная душа говорит: Настави мя, Господи, на путь Твой, и пойду во истине Твоей (Пс.85:11).

Христос отвечает: Аз есмь путь и истина и живот (Ин.14:6). Аз есмь путь: никтоже приидет ко Отцу, токмо Мною. Аз есмь истина: веруяй в Мя и слову Моему не имать прельститися. Аз есмь живот: веруяй в Мя, аще и умрет, оживет (Ин.11:25).

Верная душа говорит: Имже образом желает елень на источники водныя, сице желает душа моя к Тебе, Боже (Пс.41:2)!

Христос говорит: Приидите ко Мне вси труждающиися и обремененнии, и Аз упокою вы (Мф.11:28).

Верная душа с апостолом говорит: Желание имый разрешитися и со Христом быти (Флп.1:23)!

Христос говорит: днесь со Мною будеши в раи (Лк.23:43).