Псалом 8

Пс.8:1. В конец, о точилех, псалом Давиду.

НАДПИСАНИЕ

По иным переводам, начальнейшему певцу на мусикийском орудии, именуемом татифиф, песнь Давидова.

СОДЕРЖАНИЕ

Хвала величества, премудрости и благости Божией, особенно к человеческому роду.

Пс.8:2. Господи Господь наш, яко чудно имя твое по всей земли, яко взятся великолепие твое превыше небес.

Пророк, размышляя о величестве Бога, приходит во удивление, и чудится, како толь великий Бог толико любит человека, что благоволит удостоивать его посещения Своего, милостей и величайших благодеяний. Оное слово, Господи, на Еврейском означает имя свойственное единому Богу, Которое пишется четырьмя буквами, Егова, что по-Славянски означает, Сый. Древние Евреи, паче же и сам Христос и Апостоли сего имени из благоговения не произносили, но вместо онаго употребляли Адонаи, как и в сем месте оныя слова, Господь наш, выражены чрез имя Адонаи, что собственно означает Господа. Аки бы сказал Пророк: Боже Самобытный Источниче существа Своего, от Негоже проистекают вся существующая, Ты еси Господь наш (Адонаи) и купно всех тварей. Коль чудно имя твое по всей земли! Нарицает Имя Господне чудным: понеже и само по себе зело достойно удивления, и чудно на земли, понеже приводит в восторг всех прилежно разсуждающих о Нем, по оному пророка Исаии изречению: исполнь вся земля славы Его (Ис. 6:3). Ибо все, что ни обретается на земли, великое ли, малое ли, даже и самое малейшее, доказывает всемогущество и премудрость Творца. За сим присовокупляет: яко взятся великолепие твое превыше небес. Великолепие есть величие, приличное великим Государям, которые великим иждивением созидают домы и грады, содержат превеликое число рабов, устрояют флоты, вооружают воинства, и прочая сим подобная великая дела творят: но все сие ничто в отношении к величию Бога, Иже не малый некий дом или град устроил, но целый мир создал, егоже помост есть земля, покров же небо. Он устроил чины Ангельские и Архангельские в служение Себе, ихже число есть безконечное: Он питает и содержит все живущия твари, ихже множество есть непонятное. Убо великолепие Его превзыде не точию славу царей земных, но и взятся превыше небес, по оному пророка Аввакума изречению: покры небеса добродетель Его, и хваления Его исполнь земля (Авв. 3:3).

Пс.8:3. Из уст младенец и ссущих совершил еси хвалу, враг твоих ради, еже разрушити врага и местника.

Пророк ответствует на вопрос, который могли иные предложить ему, и сказать, что ежели слава Божия наполняет всю землю, и великолепие Его взятся превыше небес: то откуду происходит, что не все Его знают и хвалят? – Сие, глаголет, происходит от того, что Бог не благоволит познаваем и хвалим быть от гордых, которые о разуме и мнимой мудрости своей высоко мечтают, но хощет прославляем быть от смиренных и низких по оному: исповедаютися, Отче, Господи небесе и земли, яко утаил еси сия от премудрых и разумных и открыл еси та младенцем (Мф. 11:25). И так под именем младенцев и ссущих разумеются здесь люди смиренные и низкие пред очами других; також неискусные во учении светском, каковы были Пророки, Апостоли, сонмы мучеников, исповедников, преподобных, дев и отроков, которые в юном возрасте так совершенно познали славу Божию и чудное имя Его, что и умереть за Него не отреклися. И в сем‐то разуме привел Господь слова псалма сего во Евангелии, когда сказал: несте ли чли николиже, яко из уст младенец и ссущих совершил еси хвалу (Мф. 21:16)? Чего же ради совершил Бог хвалу Свою из уст младенец, сиречь, смиренных и кротких, а не из уст мудрых и великих века сего? Враг твоих ради, глаголет, то есть, посрамления ради гордых, которые суть враги Богу; и еже разрушити врага и местника, то есть, дабы упразднить премудрость главнаго врага своего диавола, и местника его, то есть, поборника его, или полчища аггелов отверженных, и последователей их, иже глаголющеся быти мудри обюродеша: занеже разумевше Бога, не яко Бога прославиша, но осуетишася помышлении своими, и омрачися неразумное их сердце (Рим. 1:21–22).

Пс.8:4. Яко узрю небеса, дела перст твоих, луну и звезды, яже ты основал еси:

Святый Давид, полагая себя самаго в числе младенцев, хвалящих Бога, аки бы тако глаголет: когда Ты, великий Боже, совершаеши хвалу Себе из уст самых младенцев, ссущих млеко; то стыдно было бы мне, мужу в совершенном возрасте сущу, умолчати и не отверсти уст своих на прославление величия дел Твоих. Убо и аз яко един от них потщуся совершити хвалы Твоя; и аз прилежно разсуждати буду о чудном оном деле перст Твоих, и оттуду восхвалю Тя Творца толиких чудес. И не глаголет, узрю небеса дела рук Твоих, но дела перст Твоих, дабы показать, что небеса с великою премудростию устроены Богом: ибо перстами устрояются вещи самыя тонкия и драгоценныя, к соделанию коих потребен разум, а не труд. И не воспоминает о солнце, но точию о луне и звездах: ибо Давид обычай имел во время нощное упражнятися в Богомыслии; поскольку время оное удобнейшее есть ко умозрению ради безмолвия и тишины. Да и луна и звезды являются на небе нощию, а не днем. Почему и инде глаголет: в полунощи востах исповедатися Тебе Господи (Пс. 118:62). И паки: на утренних поучахся в Тя (Пс. 62:7). Подобне и Исаия: от нощи утренюет дух мой к Тебе, Боже (Ис. 26:9). Глагол, основал еси, являет, что небеса, луна и звезды сотворены из ничего, и что прежде их ничего еще не было.

Пс.8:5. что есть человек, яко помниши его? или сын человечь, яко посещаеши его?

Доказав величество Божие, каково оно есть в самом себе, теперь доказывает, каково оно к людям. Что есть, глаголет, человек, яко Ты, Творец сый неба и земли, помниши того, иже есть прах и пепел пред Тобою? А понеже глагол, помниши, не простую память означает в Бозе, но и склонность к благотворению: сего ради присовокупляет, изъясняя, или сын человечь, яко посещаеши его? Посещение убо сие означает особливое провидение, которое имеет Бог о людех, наипаче же оное, которое явил нам Бог, послав Сына Своего в мир, Иже восприяв на Себе человеческое естество, совершил дело спасения нашего. И о сем-то посещении пророк Захария в песни своей глаголет: благословен Господь Бог Израилев, яко посети и сотвори избавление людем Своим. Таковое посещение воистинну достойно воскликновения онаго: что есть человек, яко помниши его?

Пс.8:6. Умалил еси его малым чим от ангел, славою и честию венчал еси его:

Пс.8:7. и поставил еси его над делы руку твоею, вся покорил еси под нозе его:

Пс.8:8. овцы и волы вся, еще же и скоты польския,

Пс.8:9. птицы небесныя и рыбы морския, преходящыя стези морския.

Пророк упоминает здесь о трех особенных благодеяниях Божиих, человеческому естеству оказанных. И во-первых, глаголет, что человек сотворен от Бога толь благородным, что не меньший есть Ангелов, разве малым чем. Во-вторых, что почтен славою и честию паче всех иных тварей; понеже сотворен по образу Божию и по подобию, разумом и свободною волею одарен. В-третьих, наконец, что получил власть и господство над всеми делами Божиими, особенно же над животными, каковы суть овцы и волы и проч. Ты же примечай, како и плавающия во глубине вод рыбы, и возносящияся на высоту птицы покорил тебе Владыка посредством искусства. Зри, и буди благодарен.

Пс.8:10. Господи Господь наш, яко чудно имя твое по всей земли.

Повторяет первое изречение, полагая оное вместо заключения, и показуя, что оно было главным намерением всего псалма. Да глаголем убо и мы непрестанно таяжде, удивляющеся попечению Его, чудящеся премудрости, человеколюбию и промыслу о нас.