57. Прежде 1429 г. апреля 19. Его же благословенная грамота иноку Павлу (Обнорскому) на устроение монастыря и освящениe в нем церкви, с увещанием братии о соблюдении иноческих обетов

В житии Павла Обнорского († 1429 г.) записано: «Иде с единем братом в пресловущий град Москву, к пресвященному Фотию митрополиту, и моляшет apxиерея, яко да благословит ѝ воздвигнуть церковь во имя святой и живоначальной Троицы. Митрополит же (принявший преподобного сначала очень неблагосклонно, а потом вразумленный чудесным видением)… благослови ѝ и повеле ему воздвигнуть церковь… и много поучи его от божественных писаний, еже какову быть подобает строящу душа человеческая и наставляющу ко спасению, – образу благу всем сущим под ним, яко слово воздать [ему] в день страшного суда Божьего» (Рукоп. Ундольского № 349, л. 28, XVI в.). Последние слова почти буквально читаются и в самой грамоте; издана была (без конца) в I-м томе Актов Исторических под № 257. Настоящее полное издание сделано по рукописи соловецкой библиотеки XVI в., № 685, л. 212–215.

От Фотия, митрополита киевского и всея Руси, иноку Павлу. Что еси прислал ко мнe свою грамоту, прося святого антиминса, на священие Божьей церкви, и труды полагать о Христе хотя, святую обитель составляя и яже о Христе братию собирая, и как ми пишешь, что еси таковых и собрал: и о сем, как желание твое на се, и не возбраняю ти, но и благословение свое полагаю и молюсь человеколюбцу Богу, яко да тако и просветит Господь место то и прославится о вас имя его ту. И святой антиминс есмь послал на освящение той Божьей церкви; но как еси был у меня и помнишь, как ти есмь о том много говорил, какову иже такову подобает самому быть настоятелю духовному, и образу сущу всем, и о всех в паству вверенных ему душах человеческих должное воздать истязание в день великого суда: и сего ради убо и ныне ти о сем пишу, яко блюдеши о сем, внимая, каковых и откуда сприобщеваешь ²⁴⁰¹ ; понеже прибегшей суть в заветреннее пристанище, в святую кую обитель, и восприимающе ту смирения великий ангельский образ, и всяку нужду и скорбь обещевающе себе до последнего издыхания ту понести, и тое тогда о семь исповедание от ангелов написано есть и держимо в руку нашего Творца Христа Владыки, к немуже тако ²⁴⁰² обещаниe положихом, и явлено убо будет пред лицом нашим в день великого его суда. Пишу же вашей любви и иже о Xpисте всем ту собравшимся: помните сего, иже како временная будущим поработивше, и заветреннему пристанищу прибегше, и такому великому игу сочетавшеся, изволиша ²⁴⁰³ работать небесному Царю, неже земному; и не ангелу бо о сем обещахомся, ниже царю и князю и властелю века сего, но обещахомся убо Царю царствующим и Господу господствующим, и еже таковое ²⁴⁰⁴ исповедания нашего писание ²⁴⁰⁵ в руку носяй Господь приидет в день великого суда, воздаяния дар дая по достоинству. И сего ради молю вас, по таковому исповеданию, к немуже обещахомся, и тако крепко вам духовные крылья вперить, постигающе своего исповедания и ограждающе себя всегда Христовым глаголющим словом: «никтоже возложь руки на рало и зряй вспять, управлен есть во царствии небесном». И молю вас потщать себя, подвига сего вашего вам совершить, в неже званы есте, и ризу спасения и шлем нелицемерия, яже приясте, и нескверно, но чисто потщите себе всех соблюсти и предпоставить своему Владыке; и яко да тако непобедимы Христовы воины прямо некрепкие борца дерзости борения да покажете, понеже многосетован ²⁴⁰⁶ есть наш супостат иже нашего спасения не хотяй, и многие суть сети его на нас пропинаема, и вся горша его суть и завистна наших добродетелей ²⁴⁰⁷ , и тщится всяко нас низложить и с собой иметь, и всяко убо не терпит востещи нам тленным ²⁴⁰⁸ и обоженным сущим ко оной нетленной породе, отнюдуже тъ наш супостат отпаде, и тамо убо наш Творец Христос Владыка зовет глаголя, нe рече: «приимите вечное небесное царствиe», но рече: «наследуйте благословенные Отца моего уготованное им царствие», и якоже отчее нам должное некое наследиe глаголет «наследите». И того ради по началу своего исповедания, молюсь, да уготовите нам всяческие дела добродетели, или богоугодно украсить великое то ангельское подобие, уподобивше себя, [по] писанной евангельской притчи, пяти девам мудрым, иже светильники свои во сретение жениха с маслом вжегшим, а не пребудем убо, якоже буя девы, ихже светильники угасоша и имже двери затворишася, и пребывающе вне, толкуще, и ответа страшного слышаще: «отойдите от мене, не веде вас, откуда есте». И сего ради молюсь о сих, якоже мудрым девам вам уподобиться ²⁴⁰⁹ , а не буим, и яко да услышать вам благого Христова гласа, созывающа ²⁴¹⁰ благословенных Отца в небесное царство бесконечное, глаголя: «приидете благословенные Отца моего, наследуйте уготованное вам царство»; и молюсь сего получить вам. И молитва моя и благословие да есть с вами. А дана грамота на Москве, апреля 19 день.