17. 1308–1326. Поучение митрополита Петра духовенству (об епитимиях и вдовых попах) и мирянам (об усердии к церкви)

В рукописи, по которой издается настоящее поучение (Кормчая синод. библиот. № 222, л. 2 – XVI в.), оно озаглавлено: «Послание Киприана , митрополита киевского и всея Руси, игуменам и попам, и диаконам, и ко мнихам, и ко всем православным христианам». Но на самом деле это – полный текст того поучения, из которого дословный отрывок (о вдовых попах) приведен в определениях стоглавого собора, под заглавием: «Поучениe иже во святых отца нашего Петра митрополита всея Руси» (См. Стоглав казан. изд. стр. 346), и на которое ссылался еще московский собор 1503 года (А. Э. т. I, № 383, стр. 486). Для исторической критики свидетельство двух соборов XVI века, по крайней мере, доказывает, что издаваемое поучение тогда вообще известно было под именем митрополита Петра, а не Киприана. Последний мог, конечно, воспользоваться сочинением своего авторитетного предшественника, особенно если оно первоначально вышло в форме официального «послания» или грамоты: этим объясняется происхождение надписи синодального списка, к сожалению, единственного и неисправного. Замечательно еще то обстоятельство, что начало и конец поучения почти буквально читаются в ниже следующих грамотах митрополитов Феогноста и Алексея (№ 18 и 19).

Молюся Богови, да будете душею чисты и телом добры, здравы, с женами и с детьми, да исполнивали бы есте заповеди Христовы, веpу праву к святой Троице, любовь друг к другу, правду и целомудрие, милостыню, исповедание грехов своих и имиже угожаем Богу. Христос глаголет ¹⁰⁶⁴ : имеяй заповеди моя [и] соблюдая, то есть любяй мя, возлюблен будет Исус Христом, исполневайте заповеди моя. ¹⁰⁶⁵ Апостол глаголет: вера без дел мертва ¹⁰⁶⁶ есть, тако и дела без веры. Милостыней бо и верой очищаются грехи. Многажды писах вам к священникам и мнихам, како пребывать, – священство, еже от Святого Духа приястe, чисто и непорочно соблюсти; како людей Божьих ¹⁰⁶⁷ … ходяще по мятежному сему миру и грехи сотворяющих, лжущих ¹⁰⁶⁸ , обидящих, клятвопреступления и иные грехи сотворяющих. И вторым поучением хочу вас утешить, зане стезающим многим восприять пред судищем Христовым ¹⁰⁶⁹ преже о святом крещении, еже прияхом, о священстве другое, и третьe о детях своих духовныx. Понеже тако есть, каким нам быть, понеже за все, елико есть, нам ответ дать, да в семь мире сияющем, яко со слезами ¹⁰⁷⁰ , яко ученики Христовы, по его слову: глаголет бо: «да просветится свет ваш пред человеками, да видевше ваши добрые дела, прославят Отца вашего, иже есть нa небесех».

……… ¹⁰⁷¹ учащему же, а не творящему – никоея пользы. Всяк бо глаголя и уча, а не творя, бысть медь звенящи ¹⁰⁷² : блажен, иже творить учит. А епитимии, иже предали святые отцы нам на спасение, подавать с грешающим на очищение грехов их, а вы их не даете, а смотрите к взятию, а они в грехах пребывают: треженец и четвероженец, имеющи невенчальные жены, тем не запрещаете. Аще тако створяете, то кый успех вам будет? Писах многажды о сем к вам; аще ¹⁰⁷³ у попа умрет жена ¹⁰⁷⁴ , да идет в монастырь, имеет священство свое; аще имет в слабости ¹⁰⁷⁵ пребывать и любит мирские сласти, да не поет. Аще не послушает ¹⁰⁷⁶ моего словеси ¹⁰⁷⁷ , да будет неблагословен, и тии, иже приобщаются с ними. ¹⁰⁷⁸ Вы же, аки аспиды затыкающе уши свои, тако не слышите, но мыслите в тех грехах умереть. И да не буди се. Пакы пишу вам, иже аще будете чада Христова и моя чада присные, хотяще предстать без осуждения пред страшным судом Христовым, послушайте яже oт святых Отцов узаконения; послушайте мене, хотящего и любящего спасения душам вашим: возьмите ярем Христов, возьмите крест Христов, последуйте ему, да приобрящете сторицей в будущем веке, живот вечный. Аще пакы ослушается словеси моего, в монастырь не пойдете, имею вас неблагословенных и вне священства своего, по апостольскому словеси: «но прельщайтесь, ни блудницы, ни прелюбодеи, ни хищницы, ни идоложертвенницы, ни пианицы царства Божьего не наследят». Иже бо который поп упиваться имет, а не лишится, то не истинный священник Христов. Вы же, люди Христовы, язык свят, новое достояние, имейте страх Божий в себе, поминайте суд, смерть и воскресение, праведникам живот вечный, а грешникам муку вечную. В церковь прибегнете, от имения дар приносите Богу на очищение грехов своих; яже о Бозе священников любите, и мнихов любите и чтите, убогих милуйте, – вдовиц и сирот, и плененных и в темницы, кождо по силе творите, одевайте, да услышите блаженного гласа: «приидете благословенные Отца моего, наследуйте уготованное вам царство от сложения мира». Милость Божья и мое благословение да будет на вас в веки веком, аминь.