126. Послание неизвестного ростовского архиепископа к князю, о брадобритии

Из синодального сборника № 562, л. 124–126. Тон послания напоминает известного Васиана Рыло, автора послания Ивану III на Угру. Издается в первый раз.

Благословение… архиепископа ростовского и ярославского о Святом Духе сыну моему, христолюбивому и благородному князю…, иже моему николиже забываемому, веры ради твоей и любви, яже к Богу, и нашего ради любовного к тебе порадования и поминания, еже в молитвенном предложении, паче же и в литургиях, за спасение души твоего благородствия, якоже ³²⁷⁵ да представиши свою душу чисту и непорочну и непостыдну в день страшного суда [и] испытания и приемши мзду верного строительства; понеже вем тя разумеюща ³²⁷⁶ божественные писания святых Апостолов и святых Отцов и православную веру чисту и непорочну отъискони навыкъша от своих праотцов и отцов. Ты же, сыну, помяни апостольское слово: «аще кто ведый волю господина своего сотворит недостойный раб, бьен будет много; а не ведый волю господина своего сотворит не по воле его, бьен будет мало». Ты же, сыну, всяко и достоверно и исполнено веси волю Божью, но творишь достойные наказания. Понеже подал ти Бог земную власть и мира сего славу и величество и честь, того ради много взыщется от тебя; ты же смотряй разумне, что воздаси воздавшему ти сия, противу сих, ихже еси от него приял. Но слыши, чего Бог от тебя требует против того: ничтоже иное, точию исполнения заповеди его; не точию сам должен еси исполнить евангельские заповеди и апостольские, но и обладаемы тобой научить человеки всякому благочестию должен еси; понеже вы есте пастыри Христова стада, да не предайте их на расхищение волкам; понеже душа их от руки ваш[е]й взыщется. Не ³²⁷⁷ вем, сыну, откуда пострамися мудрование разума твоего: поползнулся еси, яко человек; мню, яко воздремал еси, безместного ради от пременения, или непоминания ради горних, или запомышляеши долних, забвения ради страха смертного и исхода души своей: иже православную веру держа, и побежаеши ю́ зловерием, латынские мудрствуя. Сотворил тя Господь по образу своему и по подобию: ты же о сем не благодарен явися, но по плоти ходишь, а не по духу; плотская же мудрость – вражда на Бога и закону Божьему не повинуется. Но повеждь ми, сыну, чего ради закону Божьему не повинуешься и супротивная творишь? ³²⁷⁸ Проклятую бритву накладаеше на браду свою, женам угодое творящи; понеже сие дело блудолюбие есть. Верному бо ти сущу ³²⁷⁹ рабу Божьему, не подобает ти сих творить: ты же, сие творя, поругаешься образу Божьему, – Создавшему тя по образу своему. Се же дело есть чуждо христианского обычая, но латинское любомудрие есть. Аз же, смиренный архиепископ… молю твое благородие, престань от такового нечестия, егоже ненавидит Бог. Пишет святое Евангелие: «горе человеку тому, о немже соблажняется мир». Ты же и сам истязан будешь за мирское соблажнение и мучен имаешь быть без милости в предыдущий век. Аще ли о сем покаешься и от греха престанешь, то имашь себя пользовать и прочих твоим обращением, и сам мзду приимешь от руки Господа Вседержителя, егда усрящешь в день страшный пришествия Господа нашего Иисуса Христа, со всеми благоугодившими ему, а не с Латыней единомудрствуя … ³²⁸⁰ Сия же, сыну, все писах ти ³²⁸¹ , убояся ³²⁸² ленивого раба осужения, скрывшего талант в землю: понеже, сыну, должно ми есть пещися о спасении душ ваших, и сия вся воспомянух писанием. ³²⁸³ Ты же, сыну, никакоже сего в забвение положи, ни преслушайся меня, на пользу ти советующа: понеже преслушание рождает смерть, а послушание рождает живот вечный. И Господь поможет ти и утешит тя о всем и радости духовные исполнит сердце твое, и подаст Господь Бог благоденство и многолетство благородию твоему, да пребудешь с благим твоим произволением во веки. Аще ли, сыну, о сих всех не радеть начнешь, и мне, своему отцу, нестерпимую скорбь нанесешь, и ангела своего хранителя крепко опечалишь. Мы же того не имам премолчать, но имам ти инако отписати, якоже есмя прияли от Господа Вседержителя дар и крепость. Того ради всяко от обычая своего престани, да не прогневается на тя Господь Бог, да не зло нечто постражешь. А милость Божья на тебе.