119. 1492 г. декабря 12. Грамота новгородского архиепископа Геннадия соборному духовенству о пасхалии на восьмую тысячу лет и предисловие к самой пасхалии

Из Церковного Устава XVI века, принадлежащего Москов. Архиву Мин. Иностр. Дел, № ⁵⁷³ / ₁₀₇₄ ; л. 537–545. И грамота и предисловие изданы были, в обратном порядке, в «Истории Русск. Церкви» Макария, т. VI, стр. 372–383.

Милостью Божьей смиренный Геннадий, архиепископ Великого Новгорода и Пскова, архимандритам и честным игуменам, такоже и собору святой Софии, протопопу с братией, также и старосте семисоборскому Ивану, и прочим старостам: старосте Иванского собора попу Юрию Михалицкому, да старосте Богородицкого собора попу Оксентею, да старосте Михайловского собора попу Ивану Богородицкому на воротах, да старосте Яковлевского собора попу Фаусту, да старосте Власиевского собора попу Григорию Бубанде, да старосте Четыредесятскому попу Корнилу. Что прислал к нам отец наш Зосима, митрополит всея Руси, свою пасхалию, написав на двадцать лет, а нам велел к себе прислать также написав пасхалию, на колко лет возможем. И мы послали к своему отцу митрополиту, написав пасхалии на семьдесят лет, вывед изо альфы ³⁰⁵² по границам; и отец наш Зосима митрополит к нам отписал, что нет розни никакой нашей пасхалии с его пасхалией, да велел он таковую пасхалию посылать нам по своей епископии, каковую ко мне он прислал, написав на двадцать лет: занеже, деи, такова уже послана по всей митрополии русской земли. И аз написал вам ту пасхалию на двадцать лет, что ко мне митрополит прислал; да и ту свою пасхалию на семьдесят лет, что есми послал ³⁰⁵³ к митрополиту на Москву, также вам написал того деля: егда изойдет та двадцать лет, а Бог благоволит еще миру стоять, а в скончание жизни нашей лета не прейдут, ино того ради тако поставлено бысть, занеже та семьдесят лет прообразует век человеческого живота. О семь бо писал пророк Давид: «дни лет, наших, в нихже семьдесят лет». Да сии времена к человеческому житию обхожение имут, а век скончания не приемлет; такоже и альфа бесконечно имать обхоженье пасхалии. Да не токмо [до сего] ³⁰⁵⁴ подобает стать, еже начаять скончания летом, ниже паки, семьдесят летом скончавающимся, мнеть скончание миру, яко же и преже в семитысячной пасхалии написания, скончавающейся седьмой тысячи, мнение имеху быть и скончание миру: солгаша же тии. Тем же обоя сия неблагословну вину иму[т]; но подобает помнить, еже сам Христос рекл: «о дне же том и о часе никтоже весть»; да того ради подобает на всяк час готовым быть: не вемы бо, в кий час скончание миру будет; «яко же бо млении в поднебесной светится, сице будет и пришествие Сына Человеческого». Да тот ради миру скончание поставлено безвестно. И понеже век семеричным числом исчитаем есть, и мы того ради поставили тако на семьдесят лет, семеричное число образуя, якоже и Богослов Григорий изъяви о веке, глаголя: «понеже бо, рече, век семеричным числом наполняется». И о сем, вперед пошед, пространнее о веке разумеется. Аще ли совершенно хочет кто уведать изображение семеричного числа и почесть восьмого дня, еже есть неделя, да прочтет внятно слово в новую неделю, на антипасху, Григория Богослова, и тамо обрящет искомое. Мы же наложили пасхалию по обычаю, ради приидущих времен, како была прежняя пасхалия вывожена из той же альфы, даже и до окончания седьмой тысячи. А что писаны праздники в митрополичьи пасхалии: обретение главы Иоанна Предтечи, да воскресение Лазарево, да Евдокеин день, да Иоанна Богослова память ³⁰⁵⁵ : ино в минувшей пасхалии, да и в нашей пасхалии не поставлены быша праздники того для, занеже обретение главы Предтечи выходит из мясопуста, а субботу Лазареву пасхи христианской число изъявит, а прочие святые – Богослов и Никола, или Евдокии или Георгиев день, или иные праздники, о том о всем в начале Святцы поставлены быша. И вы бы те пасхалии велели переписывать всем священникам, також бы есте и всему православному христианству велели исписывать, дабы им о том мятежа не было: понеже в сем надписании вкратце изъявлено наше православной веры христианской исповедание, и оттоле утвердися устав же и обычай даже и доныне в христианах. Да того ради написали есми и альфу со Святцами в надписании сей пасхалии, да в ней по границах поставили есмо всю семь тысяч, которая тысяча в которой границы конец прият, да и ключ границы поставили есмо в надписании пасхалии, идеже круги пишутся солнечные и лунные, и рукам обхожения, да и восьмую тысячу поставили есмо в начале границы. А число границы, в нейже поставлена восьмая тысяча, имать покой. И о сем разумеете известно в учении сей альфы, еже поставили есмо в надписании пасхалии, да разумно будет, как из альфы выводить пасхалии.

Повелено бысть от господина отца нашего Зосимы, митрополита всея Руси, мне Геннадию, архиепископу Великого Новограда и Пскова, учинить пасхалии на восьмую тысячу лет: понеже семитысячное время преиде, да и пасхалия рядовая с толком изошла, и некие мнеша, яко скончаваеме седьмой тысяче, быть и скончание миру, якоже и преже, скончаваеме шестой тысячи, сицево же мнение обдержаше люди. Но тогда убо извет имеяху семитысячного времени, приходяща ³⁰⁵⁷ по Соломону: «даждь часть седьмым и паки восьмому»; понеже семеричен настоящий сей век, да чаяли, скончаваеме седьмой тысяче, быть и скончание миру. Списавый же «Зерцало» и сие речение неблагословно вменив, даже утаенное от Господа неиспытно пребудет, еже и бысть, да в свидетельство Богослова приведе ³⁰⁵⁸ «егда наплънится грешный мир, тогда ожидай скончания». Се же тех святых речения не быша спротивна Господом глаголемым: «о дне же том и о часе никтоже весть», но и оных самих глаголаша достовернейша явишася, согласие имущи еже в Евангелии Господем реченная: понеже семитысячному времени в конец, пришедшу ³⁰⁵⁹ , не бысть скончания миру; и они убо за толико лет cие предвозвестиша, Духом Святым просвещаемы, да не многоопытно человеки к неведомому прилежат. Но и Омос пророк глаголет: «у, люте помышляющи день Господень! вскую же вам день Господень: се бо есть тма, а не свет». И понеже не вемы скончания своего, в кий час приидем от миpa сего в он век, да того ради велено на всяк час готовом быть, а не пытать яже выше себя. Тем же cиe мнение отъемля, Богослов глаголет ³⁰⁶⁰ : «егда наполнится гръний мир, тогда ожидай скончания». Таже и о веке пиca, еже семеричным числом век наполняется, и восьмой день образ будущего века носит. Да и о сем явленно сотворим ³⁰⁶¹ , яко пасхалия не новосоставлена бысть, ниже имать скончаться, донележе благоволит Бог миру скончание приять; понеже альфа и круги солнечные и лунные и рукам обхожение, от нихже високос и пасхалия исходит, сие устроено коловратно, а конца не имать, того ради, что скончание миру будет безвестно. И что есмя обрели во владычне в Васильевой книге альфу на пятьсот лет и 30 и два, а в ней писана ³⁰⁶² вся семь тысяч по границам, которая тысяча в которой границе скончалась, да та альфа ключ пасхалии держит, а пасхалия с азбукой туго ж, вместе с границей, поставлена, да в ней писаны мясопусты, да праздники, да пасха христианская: и мы из той альфы вывели на восьмую тысячу пасхалии рядовые с толком десять седмиц, на семьдесят лет, да и написать есмя велели ту альфу слово в слово, которая тысяча в которой границе скончалась, да что и памяти писаны по границам. Да поставили есмя ту альфу, да и Святцы простые с семерочисленником в надписании, с той пасхалией с рядовой вместе. Да того ради лишнего ничего не вставили есмя в рядовую пасхалию, приидущих ради времен: занеже егда соблюдет Бог мира до тех мест, а таа десять седмиц пасхалии на семьдесят лет изойдет, паки из той альфы и вперед может вывести пасхалию рядовую с толком, на колко хочет лет. Да поставили есмя ключ границе, что альфа обдержит, в начале пасхалии рядовой, да и числа рукам и солнечного круга и лунного обхожения, чтобы в забвение не пришло. Да того ради в начале есмя написали два лета прошлые пасхалии седьмой тысячи, девятьдесят девятое да семитысячное, в свидетельство нынешним летом восьмой тысячи, да и ключ границе, что альфа обдержит, поставили есмя в тех же в двух летах минувших седьмой тысячи, в девятьдесят девятом да в семитысячном, исправления ради тех лет семидесяти восьмой тысячи, да и мнения ради простых людей, мнящих не изначала сия сотворена быть. ³⁰⁶³ И егда хочет из альфы на колико лет вывести пасхалию, преже возьмет два лета прошлые седьмой тысячи, и обрящет в девятьдесят девятом ключ границе (а) паки в семитысячном ключе границе (ѣ) ; в той же границе и конец прият седьмая тысяча, на конец четвертого столпа: тогда бысть високос, а круг солнцу 28, а вруцелето седьмое. Таже восьмая тысяча начало прият на пятый столп взыде; в начале столпа того ключ границе (и), круг солнцу 1, вруцелето 1-е, и тако и на конец восьмой тысячи дойдет. Да по тому и мы поискали по альфе на всю восьмую тысячу лет, в коей границе ³⁰⁶⁴ скончание приимет, и обрели есмя в границе ключ поставлен мыслите, в нейже скончание будет восьмой тысячи. Да cие написали есмя, простых деля людей, мнениe держащих о скончании миру; и да на то плошитися не подобает, но ждать пришествия Христова на всяко время: безвестно бо cие уставлено. И только благоволит Бог еще миру стоять, ино то готово обхожение временем летным, поставлены круги, альфа, да и солнечный круг и лунный, да и рукам числа, почему знать лунное течение, и пасха христианская, и мясопусты, да по тому и все праздники. Да и писанием сим изъявили есмя, что альфа бесконечное имать обхожение, а времена и лета семичным числом исчитаемы суть: занеже и преже сего в семитысящных временах пасхалию рядовую с толком выводили из той же альфы, да не оглавили того, что альфа конца не имать обхожению, да и пасхалию из нее может вывести тако ж, на колико хотеть. И как седьмая тысяча изошла, да и пасхалия рядовая с толком извелась, да еще ктому некто нааписал: «Зде страх, зде скорбь. Аки в распятии Христове сей круг бысть, cие лето и на конце явися, в неже чаем всемирное твое ³⁰⁶⁵ пришествие», – ино о том молва была в людях, не токмо в простых, но и в преимущих о сем многим сомнение бысть. Да того ради предложихом cие писание о альфе и о руках и о кругах солнечных, еже бесконечно имут обхожение, да не кто тщеславием или гордостью обносим, мнением прельщен, яко от своего разума cие сотворить мняся, или ново cие вменяя быть; но да не будет сего безместия! cие бо изначала сотворено суть, якоже Енох праведный писал о веке, глаголя сице: «преже даже вся не быша, постави Бог века тварного и потом сотвори всю тварь видимую и невидимую, и по всем том созда человека в образ свой, и тогда раздели Бог век, человека ради, на времена и лета, на месяцы и на дня и на часы, и да разумеет человек времен премену и чтет своей жизни конец». И потом эллинские мудрецы и астрономы летам числа положиша, кождо по мнящемуся ему изглаголаша. И егда просия благоверия христианство, и святые Отцы тех эллинских кощунов в баснословие положиша. А егда ученикам вопрошающим Христа о скончании миpa: когда cии будут? он же отвеща: «не ваше есть разуметь времена и лета, яже Отец положи своей областью». Да cие утаено сотвори, не токмо от времен и от лет, но и от дней и от часов, якоже рече: «о дни же том и о часе никтоже весть, ни ангелы, и паки ни Сын, но токмо Отец». Святые же Отцы, Духом Святым подвижены, изложиша альфу по нашему христианскому закону, таже и солнечной круг и лунной круг, да и рукам обшествие, имиже и високос обретается. Да cиe учиниша коловратно, не имеюще скончания, дóндеже и второе Христово, пришествие будет, о немже и Сам Христос изъяви: «яко млънии в поднебесной светится, тако будет и пришествиe Сына Человеческого». И паки: «якоже при потопе ядяху, пьяху, женяхуся, посягаху; прииде потоп и взят все: сице будет и пришествие Сына Человеческого». Таже запечатлев, рече: «небо и земля мимоидет, а словеса моя не имут преити»; да отъемля извет, глагола ученикам: «се преже Рех вам, и паки еже вам глаголю, всем глаголю, да никтоже имать извета предложить о грехах своих», якоже Апостол глаголет: «в всяком языце боящийся ³⁰⁶⁶ Бога, делаяй правду, пpиятeн им ³⁰⁶⁷ есть». И егда иноверным cия речена быша и прочим от языков, егда кто восхочет поискать Бога от всего сердца своего, молитвами и милостынями к нищим, не имать ли Бог послать ангела своего, якоже и к Корнилию, наставить его на путь спасения, в еже прийти ему к божественному крещению: колми паче кто в благодатном законе в xpистианском потщится угодить Богу молитвой и милостыней и исправлением закона христианского, не имать ли получить обетования вечных благ? Аще кто инако cие мнит быть, да весто будет иудеям же и языкам: аще кто не крестится водой и Духом во имя Отца и Сына и Святого Духа, таже телу Христову и крови причастник не будет, и не имать оставления грехов получить. Егда бо предаст Христос новый завет, взем хлеб, преломи, даяше ученикам своим, глаголя: «приимите и ядите, се есть тело мое, еже за вы ломимое в оставление грехов»; таже и чашу приим, хвалу воздав Богу и Отцу, даст ученикам своим, глаголя: «пийте от нея вси, се есть кровь моя новаго завета, яже за вы и за многи изливаемая в оставление грехов». И совершив на тайной вечери словесную службу, хлеб он, егоже преломи, тело свое нарече, о немже преже многих лет Давид царь писа, рече бо: «тело же совершил ми еси»; a преже остави ³⁰⁶⁸ иудейскую, глаголя: «жертву и приношения не восхоте»; таж ³⁰⁶⁹ жертву новую Христову представь, а иудейскую жертву в конец отверже, глаголя: «всесожжения и о грехе не взыска». Егда же ³⁰⁷⁰ Богоотец Давид тайную жертву исповеда Христову, aбиe самого уже яко пришедша возвесте, глаголя: «днесь аще глас его услышите, не ожестите сердец ваших, яко в прогневании». Темже святые Отцы написаша исповедание православной веры, дабы ее незабвенно держали братия наши, православные христиане: занеже тъй стих исповедает весь закон нашей православной веры, в малых словесах исповедуя от божества ³⁰⁷¹ купно и человечества ³⁰⁷² ; в начале являет Отца превечного, сице глаголя: «Верую в единого Бога Отца Вседержителя, Творца небу и земли, видимым же всем и невидимым»; таже о Сыне речено бысть: «и в единого Господа Иисуca Христа, Сына Божия единородного, иже от Отца рожденнаго преже всех век, света от света, Бога истинна от Бога истинна, рожденнна, а не сотворена, единосущна Отцу, имже вся быша». И паки плотское его смотрение образует, глаголя: «нас ради человек и нашего ради спасения сошедшаго с небес и воплотившагося от Духа Свята, из Марии Девы вочеловечшася». Таже о страстях его глаголано бысть: «и распята же за ны при понтийстем Пилате, страдавша и погребена». Таже и о воскресении Христове речено бысть: «и воскресшаго в третий день по писании» ³⁰⁷³ ; но и о вознесении Господни речено: «возшедшаго на небеса и седящаго одесную Отца»; таже и о втором его пришествии глагола: «и паки грядущего с славою судити живым и мертвым, егоже царствию несть конца». Македонию же злочестивому умаляющу Духа Святого, паки святые Отцы исповедаша его единосущна Отцу и Сыну, глаголюще: «и в Духа Святаго, Господа, истинного и животворящего, иже от Отца исходящего, иже с Отцем и Сыном спокланяема и славима»; а егда Дух Святой отрыгну пророческими устами пришествие Сына Божьего, cия в малых словесах изъясниша, глаголюще: «глаголавшаго Пророки». Но и православные нашей веры таинства, еже хлеб и вино с водой приносим в церкви за мирское спасение, в очищение грехов, да и божественного писания правило единственно ³⁰⁷⁴ положено бысть в соборной церкви глаголаться; аще ли кое разгласие имать в неких, кроме предания святых Отцов, сия да не глаголется соборная церкви, и о том глаголано бысть: «в едину святую соборную и апостольскую церковь». Паки еже рече Христос: «аще кто не крестится водой и Духом, не имать внити в царство небесное», о сем речено бысть: «исповедую едино крещение в оставление грехов». В жидах же быша фарисеи и саддукеи; саддукеи ³⁰⁷⁵ убо отметахуся воскрешения мертвых, и ни ангела, ни духа имеяху; фарисеи же обоя исповедаху. Но по фарисеях многое божественное писание свидетельствует, и от Пророков, и Апостолов, и от святых Отцов; саддукием же – ни едино от сих. И еретицы убо, саддукейская держаще, истину отвергше, лжи последоваху; сего ради поставлено зде святыми Отцами: «чаю воскресения мертвым и жизни будущего века, аминь». Да того ради подобает сей стих внимательно глаголать и честно держать: якоже святому Евангелию почитаему ³⁰⁷⁶ , с страхом стоять, сице и сему стиху глаголему, такоже подобает с страхом стоять и внятно послушать; понеже семи соборов всех святых Отцов сей подвиг о пресвятой Троице и о вочеловечении Господа нашего Иисуca Христа. На первом убо соборе cие исповедание православные веры изложено бысть от многа на мало, таче на втором соборе на Македония духоборца изложиша извержение, Духа же Святого исповедаша единосущно Отцу и Сыну, и тако в Троице един Бог славимый в православном христианстве.

Cия же аз написах братьи нашей, православному христианству, понеже cие исповедание всегда в церкви да глаголется, и на поставление святителем, и на крещение детям, паче же и на божественной литургии всегда певаемо есть. Но мы некие видим, невнятно cие исповедание православной веры глаголющих в церкви: да cие от неразумия или от бесстрашия Божьего ражается, и еже не иметь Господа пред очами. Многие бо в церковь Божью входяще, не яко скверну греховную омыют, но больше себе осужение исходатайствуют, и вместо еже бы с страхом стоять, молитву приносяще к Богу о своих согрешениях да и божественного писания усердно послушать, они же о житейских беседах упражняющеся, шепты творяще, но и с места на место преходяще, братию от молитвы упражняют, сим диаволу угодье творяще и братию осужающе, свое злое в себе неисправлена имуще, но и фарисействуют, братию укаряюще (cие же оного злейши есть), но и на Бога хулой вооружающееся. Темже и Лука евангелист отвращаться от тех заповеда, иже в бесстрашии живущих, глаголя сице: «рече Господь своим ученикам: да не прельщени будете; мнози бо приидут в имя мое, глаголюще, яко аз есмь, и время приближися; не изыдете убо вослед их». И паки, предъявляя скорби, хотящая быть в ты дни, купно же и воздвизая на бодрость, сице глаголя: «внемлете же ceбе, да не когда отягчают сердца ваши объедением и пьянством и печалями житейскими, и наидет на вы внезаапу день той»; яко сеть бо приидет на все живущее на лице всей земли. Бдите убо на всяко время, молящеся, да сподобитесь убежать всех сих ходящих быть и стать пред Сыном Человеческим. Да потщится кождо в молитвах и в слонах и щедротами к нищим милостива себе Бога сотворить. Темже cия предложих православным христианам, понеже не всякому ведомо, альфа и круги солнечные и лунные, что от них исходит пасхалия. Господь же да вразумит сердца их, отвергше всяко сомнение о летном обхожении, и потщавшеся покаянием угодить Xристу, ждуще страшного его пришествия, молящеся пречистой его Матери, Владычице нашей Богородице, славяще Христа Бога нашего с Отцом и Святым Духом, ныне и присно и в веки веком, аминь.

В лето 6999 ключ границе люди , круг солнцу 27, луна 7, индикт 9, фемелеос 20, Рождество Христово в субботу, мясоястия 6 недель и 2 дня, Фарисея поч. января 23, мясопуст февраля 6, вруцелето 5, 40 мучеников, в среду 4 недели поста, Благовещение пресвятой Богородицы в пяток 6 недели поста, евреям фаска марта 27, а христианам пасха апреля 3, святого великомученика Георгия в субботу 3 недели по пасце, Петров мясопуст мая 29, Петрова поста 4 недели 2 дня, Петра в среду.

В лето 7000 ключ границе ять,круг солнцу 28, лупа 8, индикт 10, фемелеос 1, Рождество Христово в неделю, мясоястия 9 недель и день, Фарисея поч. февраля 12, мясопуст февраля 26, вруцелето 7, 40 мучеников в пяток первой недели поста, Благовещение Пресвятой Богородицы в неделю 3 поста, законная фаска апреля 15, а христианам пасха апреля 22, святого великомученика Георгия в неделю светлой недели, Петров мясопуст июня 17, Петрова поста неделя 4 дня, Петра в пяток.

Таже о Бозе начало сотворихом летом пасхалии восьмой тысячи. В лето 7000-е первое выведена бысть сия пасхалия изо альфы изо владычни из Васильевой книги, 10 седмиц на 70 лет восьмой тысячи, еже и самую ту альфу в надписании поставих, из неяже изыде пасхалия рядовая на 70 лет восьмой тысячи. Конец же писанию прият месяца декабря 21.