Приложение второе. Чин таинства елеосвящения по рукописи Московской Синодальной библиотеки № 373⁶⁷⁹ (второй южнославянской редакции)

СЛУ́ЖБА СЩЕ́НІЮ МА́СЛА.

съберᲂу́тсе сеⷣмь попо́вь, и̑ въсы́плють пшени́цᲂу въ блюдо. и̑ поста́веть канди́ло. и̑ сⷣе́мь, ᲂу̑жи́жьць. и̑ сеⷣм́ь пали́ѵиць. и҆́мѝже ѥ҆́сть ма́затисе. и̑ поста́веть срⷣѣ цр̑кве, на тетра̀поди. и̑ да́сть свѣшᲂу въсѣмь попо́вѡмь. и̑ ста́нᲂуть о҆́коло ма́сла, о̑блѣ̀кшесе въ фелѡ́не. и̑ реѵе́ть пръвы҆́и по́пъ. блⷭ҇ве́нь въ҃ на́шь. и̑ ка́диⷮ. про́чи҆́ по҆́ють ст̑ы бе҃. прⷭ҇таа трⷪ҇це. ѻⷮч҃е на́шь. ги҃ помл҃ᲂуи в҃і. прїдѣте поклони́мсе гⷭ҇. таⷤ. ѱлѡⷤ. рм҃в. и҃ ᲂу̑слышѝ мл҃твᲂу мою҆́. Сла́ва (83 л. об.) и҆ нн҃ꙗ. а҆ллуⷢ҇їа гⷭ҇. таⷤ. бъ҃ гь҃. на́ глаⷭ҇ ѕ҃. та́же. троⷡ҇ре сїѥ̀. мл҃уи наⷭ҇ ги҃ поми́лᲂуи наⷭ҇... слаⷡ҇.

Ги҃ помл҃ᲂуи наⷭ҇́, на те҆́ бо҆́ ᲂу҆пова́хомь... и҆ нн҃ꙗ:🕂

Млрⷭ҇дїа две́ри ѿвръзѝ на́мь блⷭ҇ве́ннаа бц҃е дв҃о... таⷤ. ѱлѻⷨ н҃. помлᲂуи́ ме бе҃. таⷤ каноⷩ҇ глаⷭ҇. д҃ пѣⷭ҇ а҃ їрмⷭ҇ѡ: мо́ра чрьмнаго пꙋ́:🕂

(84 л.) Ма́сломь блг҃оᲂу҆тро́бїа влⷣко ᲂу҆ма́щае прⷭ҇но. дш҃е́вныѥ кᲂупно и̑ тѣле́сныѥ стрⷭ҇ти. и̑ съхра́нꙗѥ вѣ́рьныихъ. тыꙵ са́мь нн҃ꙗ ᲂущедрѝ ма́сломь к тѐбѣ прибѣгающихь:🕂

И҆́же ни҃ꙗ ᲂущедрѝ и̑мѣ́ млⷭ҇тыню влⷣко, и̑спль́нь въсᲂу̀ землю. е̑гда̀ ма́сломь бжⷭ҇твны̀мти сп҃се. таи́но пома́заеми паче ᲂу҆́ма мноⷢ҇стїю. вѣ́рою про́симь дарова́тисе на́мь:🕂

Помаза́нїемь сщ҃е́нинкъ твоиⷯ чл҃колюбче. а҆плⷭ҇и твои́ми на недꙋжьдныѥ ра́бы твоѥ҆́. дарова́ти прощѐнїе заповѣдавь ѝмь. и҆́хже ради мо́лвами, въсѣ̀хь знаманаꙗ́еши ма́сломь млⷭ҇ти твоѥе:🕂

ІЕ̑ди́на мирови пᲂучинᲂу ро́ждъши чтⷭ҇аа. и҆́же къ бᲂу̑ твои́ми млтвами. лю́тыихъ болѣ́знеи и҆ скръби твоѥ҆́ раби и̑зба́ви. ꙗ̑ко да не прѣста́нно пое̑м те:🕂

⁶⁸⁰(84 л. об.) сⷣѣ глаⷭ҇. а҃. поⷣ гро тво:

Ꙗ҆́коже бжⷭ҇твнаа рѣка̀, млⷭ҇ти́ни прѣи̑мѣ. ꙗ̑ко гльби́нꙋ мно́жьство прощѐнїа. ще́дре покажѝ твою҆́ млⷭ҇ть, бжⷭ҇твныихь стрᲂу́и. и҆ въсѣхъ ᲂу҆вра́чюи. и҆сто́чник чюдесе́мь незави́стно, (85 л.) и̑ ѡ҆мы в҆сѣⷯ нⷭ҇а́. къ твое́и ко҆́ притѣ́каемь въсе́гда блгⷣти молещеⷢ҇:🕂

дрᲂуⷢ҇. глаⷭ҇. д҃. слаⷡ҇. поⷨ. възнесы́се: –

Вра́чь и̑ помощни́кь болѥщимь. и҆ сп҃сь и̑ и̑збавитель недᲂу́жны̀мь. ꙗ҆ко въса́чьскыимь влⷣка и̑ гь҃. дарᲂу́и зⷣра́вїе ра́бᲂу твое̑м̑ꙋ недᲂу҃гᲂу́ющеомᲂу. ᲂу̑щедрѝ помл҃ᲂуи нн҃ꙗ болѥща҆́го. ѿ смр҃ти и҆зба́ви хⷬ҇е. ꙗ҆ко да сла́вить дръжавᲂу твою҆́ бжⷭ҇твнᲂую.

и҆ нн҃ꙗ бⷭ҇.

Те́бе в ли́чаемь бц҃е въпїюще. ты҆́ еси е҆ди́на блⷭ҇ве́ннаа. и̑знѥѐже неи̑зрече́нно родисе хсⷬ҇ бъ҃ на́шь:🕂

⁶⁸¹(86 л. об.) коⷣ глаⷭ҇. з҃.

Застᲂу́пнице хрⷭ҇тїа́нѡмъ не посты:🕂

⁶⁸²(88 л.) пото́мь. доⷭ҇и̑но е҃сть. таⷤ. стⷤры глаⷭ҇. д҃. поⷣ. даⷭ҇ знамеⷩ҇.

Да́ль еси блгⷭ҇ть свою҆́, за твоихь благопрѣмѣни́телю а̑плⷭ҇ъ чл҃колюбче. масло сїѐ ст҃ое, и̑сцѣлити въсе҆́ ꙗ҆́звы и̑ не́дᲂугы. тѣ́мь помаза́ющимсе, вѣ́рою приходещимь. и̑ нн҃ꙗ ꙗ̑ко млⷭ҇рдь, о̑ст҃ѝ и̑ помл҃ᲂуи. и̑ ѿ вса́кого не́дᲂуга ѿчи́сти. и̑ пи́щи нетл҆̀ннѣи, (88 л. об.) спⷣобѝ бога́тно:🕂

Ви́жь нео̑бы́менне, въсекроткы́ма си о҆́чи́ма съ нб҃сѐ ꙗ̑ко млⷭ҇рдь, зна́менавь чл҃колюбче...

Пома́занїемь ма́сла твое̑го̀. и̑ сщ҃е́нникь чл҃колюбче. прикаса́нїемь... таⷤ пристꙋ́пить пръвыи пⷡ҇о́ и̑ на́чнеⷮ дїаконнь –

Мирѡ̀мь гᲂу҃ помоли́мсе: –

О҆ съв́ышнѥмь ми́рѣ и̑ о̑ сп҃се́нїи:- (89л.) дш҃ь на́шиⷯ, гᲂу҃ помоли́мсе:🕂

О҆ с҆ми́ре́ни въсего ми́ра и̑ бл҃гостоа́нїи ст҃ыиⷯ бж҃їихь цр҃ковь и̑ съвъкᲂу́плѥнїи въсѣхь, гᲂу҃ поⷨ: –

О҆ ст҃ѣⷡ҇мь хра́мѣ се́мь, и̑ и҃же съ вѣрою и̑ бл҃гоговѣнїемь, и̑ страхомь бж҃їемь въходешиⷯ вь́нь. гꙋ́:

О҆ блⷭ҇ви́тисе ма́слᲂу се́мᲂу нашь́ствїемь ст҃го дх҃а, гᲂу҃ помл҃и:🕂

О҆ ра́бѣ бж҃їемь, и̑мⷬ҇е, и̑ о̑ бжⷭ҇твнѣмь посѣщени ѥ̑го̀. и̑ проще́ни грѣхъ е̑го̀ и̑ прїи́ти на́нь блг҃одѣть ст҃го дх҃а́, гᲂу́ помо́лимсе:🕂

Застᲂупи сп҃си и̑ пом҃лꙋи и сьхрани. наⷭ҇ б҃е тво:-

Прѣст҃ᲂую чтⷭ҇ᲂую и̑ прѣблⷭ҇веннᲂую влⷣцꙋ:-

гᲂу҃ помл҃имсе. та́же мл҃твꙋ сїю, велми:

Ги҃ иже вьмлⷭ҇ти и̑ вьщедрѡ́иахь твоиⷯ исцѣлꙗе ськрᲂушенїе дц҃ь и тѣлесь нашихь. саа́мь влⷣкѡ о҆́ст҃ы ма́сло сїе, ꙗ҆́ко быти помазающимсе ѿ нѥго̀ (89 л. об.) въ исцѣле́нїе и̑ бъ ᲂу҆́стравᲂу въса́кои стрⷭ҇ти. и̑ болѣзни тѣле́снѣи. и҆ сквръ́ны пльтьскы́ѥ и ̑ дш҃е́вныѥ, и̑ въса́коѥ зло́бы. да и̑ въсѐмь просла́витсе прѣст҃ое и҃ме твоѥ̾🕂твоѐ бо ѥ̾сть е̾же ми́ловати и̑ спти́ ны бе҃ на́шь. и̑ тебѣ̀ сла́вᲂу възьси́ламо ѿцᲂу҃ и҆́ сн҃ᲂу и ст҃мᲂу дх҃ᲂу. и̑ нн҃ꙗ и̑ прⷭ҇но и̑ въ вѣкы вѣвѡ̀мь а̑миⷩ҇:-

таⷤ въли́ваеть ма́сло въ канди́ло по ма́лᲂу. також̾ѐ и̑ въсѝ тво́реⷮ. дїаконства и̑ мл҃твᲂу. и̑ прили́вающе пома́лᲂу ма́сла. и̑ въжинающе ᲂу̑жице. таⷤ поюⷮ бⷢ҇ глаⷭ҇ а҃.

Мт҃рте бж҃їю мл҃имъ вьси. дв҃ᲂу вьистинᲂу и̑ порожь҃ствѣ ꙗвльшꙋсе. любо́вию прибѣгающе кьтвоеи бл҃гсти. тебе бо има́мы грѣшныи застᲂу́пницᲂу. и̑ тебе стежахѡмь въ напастехь сп҃се́нїе единᲂу вьсе (90 л.) непорѡ́чнᲂую:глаⷭ҇. в҃.

Млⷭ҇рдїа сᲂу́щи и̑сто́чникь. ми́лости спⷣобѝ нⷭ҇а́ бц҃. призрѝ на лю́ди съгрѣшившѥе. и̑ ꙗ̑вѝ ꙗ̑ко прⷭ҇но си́лᲂу твою. на те̾ бо̾ ᲂу̑пова́юще ра̾у́нее вънїем ти. ꙗ̑ко е и̾ногда гаврїи́ль беспль́тныимь а̑рхїстра́тигь: глаⷭ҇ г҃.

Прибѣжище и̑ си́ла на́мь бⷡ҇ы бц҃е... глаⷭ҇ д҃.

Къ бц҃и прилѐжно притецѣмь грѣшнїи...(90 л. об.) глаⷭ҇, е҃.

Мт҃и бж҃їа прѣст҃аа. стѣ́но хртсꙗ́нѡмь... глаⷭ҇ ѕ҃.

Мнѡ́гаа прѣмнѡ́жьства мои́хь грѣхѡ̀вь бц҃е. глаⷭ҇... з҃:

Ꙗ҆́ко и҆́мᲂущи млⷭ҇ть насмѣре́нїи на́шемь... глаⷭ҇ и҃.

Мы́слыꙗа ве́ри жи́зни прѣс҃таа бц҃е. притѣкающих ти вѣрою (91 л.) и̑збавѝ ѿ бⷣе́...

и̑ начи́нають. прїи́дѣте поклони́мсе, гⷣ. таⷤ. ѱлⷨѡ. ᲂу̑слышѝ ги҃ пра́вдᲂу мою̀. вь́сь до конца҃. и҆ та́ко проⷡ҇ а҆плⷭ҇а. таⷤ прьвы̀ поⷡ҇ на́чнеть проⷡ҇ глⷭ҇а́. а҃. а̑зь рѣхь г҃и́ пом҃лᲂуи ме, и̑ и̑сцѣлѝ дш҃ᲂу́ мою. сⷤ гь҃ помо́жеть ѥ҆мᲂу̀ на ѡ҆́дрѣ болѣ́знеи е̑го҆́. а҆плⷭ҇ь ѿ і̑а́ковлꙗ събо́рнаго посла́нїа. чте́нїе:-

Бра́тїе, ѡ҆́бразь прїи́мѣте злостра́стїю. и̑ длъготръпѣ́нїю пррⷪ҇кы. и҆́же гл҃аше и҆́менемь гп҃имь. се҆́ бл҃жимь тръпещеѥ. тръпѣнїе і̑ѡ̾вово слы́шасте. и҆ кончинᲂу гн҃ю видѣсте. ꙗ̑ко мно́гомлⷭ҇ти́вь ѥ҆́сть и҆ ще́дръ. прѣ́жде всѣ́хъ бра́тіе моꙗ҆́, некльнѣ̀тесе, нбомь ни землѥ́ю, ни и҆́ною кое́ю кле́твою. бᲂу́ди же ва́мь ѥ҆́же, е҆́и, е҆́и. и̑ е̑же ни ни҆́. да не вь (91 л. об.) лицемѣ́рїе въпа́дете. зл҆́стра́ждетлѝ кто҆́ въ ва́сь, да мл҃твᲂу дѣ́еть. бл҃годш҃ьствᲂу́е̾тли кто̾ въ ваⷭ҇, да пое́ть. бо́литлт кто̾ въ ваⷭ҇, да призове́ть по́пы цр҃ко́вны, и̑ да мл҃твᲂу сътво́реть наⷣ ни́мь, пома́завше е̑го҃ ма́сломь въ и̾ме гн҃ѥ. и̑ мл҃тва вѣры сп҃се́ть болеща̾го. и҆ възⷣви́гнеть е҆го̀ гь҃. и̑ а҆́ще грѣ̀хь бᲂу́деть сътво́риль, ѿпᲂуститсе е̑мᲂу̑. и̑сповѣ҆́даите о҆́убо̾ дрᲂуⷢ҇ дрꙋ́гꙋ съгрѣше́нїа. и̑ молитесе дрꙋⷢ҇ за́ дрᲂуга, ꙗ̀ко да и̑сцѣ̀лѣете. мнѡ́го бо̾ мо́жеть мл҃тва пра́веднаго поспѣшьствᲂу́ема:🕂а̑ллуⷢ҇їа еⷳ҇ бл҃же́нь разᲂумѣ҆́ваен на ни́ща, и̑ о҆́убога. е̑у҆́лїе ѿ.

Въ́ врѣⷨ ѡ̑но̀, възы́де ісⷭ҇ вь і̑е̑рлⷭ҇имь ѥⷭ҇же въ і̑е̑рлⷭ҇мѣхь на о҆́вчи кᲂупѣли. ꙗ҆́же гл҃ѥтсе е̑у҆́ре̾нскыⷯ внѻе́зда. пе́ть при́творь и̑ (92 л.) мᲂущѝ. въ тѣ́хь слежаше. мно́жьство болешѝхь. слѣ̀пыⷯ. хро́мыⷯ сᲂухыихь. чающиⷯ въздви́женїа вѡ́ды. а҆́г҃глъ бо҆́ на вса́ко лѣ́то съхо́ждааше въ́ кᲂупѣлт, и̑ възмᲂу́щааше во́дᲂу. и҆́же пръ́вѣе въла́жаа́ше по възмᲂу́щени вѡ́ды̀, зрⷣа́вь бы́вааше. ꙗ̑цѣ́мже не́дᲂугомь о̑дръ́жимь бы́вааше. бѣ́ша тᲂу҆́ нѣ̀кыи чл҃къ ли҃, лѣ҆́, и҆́мыⷯ вьне́дᲂузѣ. сѐго ви́дѣвь ісⷭ҇, лежаща̀, и̑ разᲂу ѣ́вь ꙗ̑ќо мнѡ́га лѣ̀та ᲂу́же и҆́мⷭ҇а̾, гл҃а е̑мᲂу҃. хо́щеши ли зⷣра́вь бы́ти; ѿвѣща̀ е̑мᲂу̑ недоꙋжныи. ги҃, чл҃ка не и҆́мамь да е̑гда̀ възмоꙋ̀титсе вода̀ въвръ́жетме въ кᲂупѣль. е̑гда̀ же прихо́жⷣꙋ а҆́зь. и҆́нь прѣжⷣе мене въла́зить. гл҃а е҃мо҃ꙋ ісⷭ҇. въстанѝ възмѝ о҆́дръ твои и̑ ходѝ. и̑ а҆́бїе здравь быⷭ҇ чл҃къ. и̑ възе́ть о҆́дрь свои, (92 л. об.) и̑ хо́ждаа́ше. бѣ́ше же сᲂу́бота въ тъ̀ дн҃ь. гл҃ахᲂу же жи́дѡве и̑сцѣлѣ҃вшомᲂу. сᲂу́бота ѥ҆́сть, и̑ не досто́ит ти въз́ти о҆́дра свое̑го̀. о҆́нже ѿтвѣша̀ и҆́мь. сътворивыи ме цѣ́ла, тъ҆́ мн҃ѣ ре́че възмѝ о҆́дръ твои и̑ ходѝ. въпросише же е̑го̀, кто ѥⷭ҇ чл҃къ ре́кыи тебѣ̀ възмѝ о҆́дръ свои и̑ ходѝ. и̑сыѣлѣ̀вы же, не вѣдѣаше кто ѥ҆́сть. ісⷭ҇ бо ᲂу̑клони́се на́родꙋ сᲂущᲂу на мѣстѣ̀. пото́мже о̑брѣте е̑го̀ ісⷭ҇ въ цр҃кви и̑ реⷱ҇ е̑м҃ꙋ. се҆́ здра́вь быⷭ҇, к то́мᲂу не съгрѣшаи, да не го́ре ти что҆́ бᲂу́деть и҆́деже чл҃къ и̑ повѣ́да і̑ᲂу̑д́ѡмь ꙗ̑ко ісⷭ҇ ѥⷭ҇ сътво́ривыи е̑го̀ цѣ́ла:🕂

го҃у помл҃и́мсе. та́же мл҃твᲂу.

Безначе́лне. неи̑змѣнне. ст҃е ст҃ымь. и҆́же е̑динорѡ҆́аго сн҃а свое̑го посла́вь, и̑сцѣли́ти на́мь стрⷭ҇ти дш҃е́вныѥ и̑ тѣ (93 л.) ле́сныѥ. послѝ дх҃ъ твои ст҃ыи, и̑ о҆с҃тѝ ма́сло сїѥ̀. и̑ сътво́рї ѥ̑ бы́ти пома́зающо́мᲂусе, рабᲂу твое̑мᲂу̑, и҆́мⷬ҇е. въсъвръ́шенное и̑збавлѥ̀нїе въсѣ́хь прѣгрѣше́нїи е̑го̀. и̑ въ о̑сщ҃е́нїе дш҃и и҆́ тѣлᲂу. въ наслѣдїе нбⷭ҇на̾го ца́рьствїа твое̑го̀:🕂ꙗ̑ко бѣ҃ млⷭ҇темь, щедрѡ́тамь и̑ чл҃колю́бїа е̑сѝ. и̑ тебѣ̀ сла́вᲂу възьси́ламо. ѡ҆́ц҃ᲂу и҆́ сн҃ᲂу и̑ ст҃мᲂу дх҃ᲂу. нн҃ꙗ и̑ прⷭ҇но и̑ въ́ вѣкы вѣкѡ̀мь а̑м҃нь:🕂

Таⷤ́ вто́рыи поⷡ҇́ начи́наеть. проⷦ҇ глаⷭ҇ в҃. въ́иже дн҃ь а҆́ще призовᲂу́ те ско́ро ᲂу̑слыши́ ме. сⷡ҇. ги҃ ᲂу҆слышѝ мл҃твᲂу мою҆́ и̑ въ́пль мои. а̑плⷭ҇ь. къ римлꙗ̀нѡ̀мь посла́нїе па:-

Бра́тїе, длъ́жнѝ е̑смы мы҆́ си́лни, нѐмощи немо́щныхъ но́сити... (93 л. об.) а̑ллⷢ҇уїа. сⷡ҇, слⷭ҇ти твоеꙵ ги҃ въ́ вѣ́кы. е̑ꙋⷢ҇лїе, ѿ лᲂукы̀:🕂

Въ́ врⷨ҇ѣ ѿ, прїи́дѐ ісⷭ҇ въ і̑ерїхо̀нъ. и се҆́ мᲂу́жь нари́цаемь закхе́и, и̑ тъ҆́ бѣ҆́ старѣ́и мытарѐмь...(94 л.) гᲂу҃ пом҃ли́мсе: та́же моли́твᲂу:🕂

Бл҃гопрѣмѣни́телю ги҃. е҆ди́нь. (94 л. об.) млⷭ҇ти́вь и̑ чл҃колю́бць. ка́ѥисе ѡ҆ не́мѡщехь на́шихь, и҆́же съмо́треи, ꙗ̑ко ѿ начѐла лежи́ть по́мысль мл҃чь въсе́гда на лᲂука́внаа ѿ ю҆́ности е̑го̀. и҆́же не о́теи съ҆́м҃рти грѣ́шномᲂу. нъ҆́ ꙗ̑ко възвра́титисе и̑ жи́вᲂу бы́ти. и҆́же за грѣ̀шныхь сп҃се́нїе въчлч҃ивыисе. бъ҃ сы҆́н и̑ създа́тель. и̑ за създа́нїе своѥ҆́. ты҆́ е̑си ре́кыи, не прїи́дохь при́звати пра́веⷣникы нъ҆́ грѣ́шникы на пока́анїе. и̑ ты ѥ̑си и̑же ѡ҆́вче заблᲂу́ждъше́ѥ възы́скавыи. ты҆́ еси и҆́же погы́бшᲂую дра́хмᲂу прилѐжію възы́скавь о҆брѣ́те. ты҆́ еси рѐкыи, гредᲂуща҆́го къ мн҃ѣ не и҆́ждѐнᲂу въ́нъ. ты҆́ еси и҆́же блꙋ́дныѥ сльза́ми о҆мо́чившѥе но́зѣ твои чтⷭ҇иѣи, и̑ не възгнᲂу́шавсе. и̑ ре́кыи, е҆́лижди а҆́ще па́днеши. въстанѝ и̑ спⷡ҇е́шисе. (95 л.) ты҆́ еси ре́кыи, ꙗ̑ко ра́дость бы́ваеть на нб҃сѐхь о҆ е҆ди́номь грѣ́шницѣ каю̑щи́мсе. ты҆́ ни҃ꙗ са́мь млрⷭ҇дыи влⷣко, призри҆́ съ вы́соты ст҃го жи́лища твое҆го̀. и̑ ѡ̑сѣни҆́ нⷭ҇а́ грѣ̀шныхь и̑ недоⷭ҇йныⷯ ра́бъ твои҆́хь, блгⷣтїю прѣ́ст҃го твое̑го дх҃а въ чаⷭ҇ сы҆́и. и̑ въсели е҆го̀ въ ра̀ба твоего̀, и҆́мереⷦ҇. кающа҆́госе ѡ̑ грѣсѣхь свои́хь. и̑ приходеша҆́го к те́бѣ вѣ́рою. прїѥ̀млѥ̀ е҆го своѝмь чл҃колю́бїемь. и̑ ꙗ҆же прѣгрѣше́нїа е҆го̀. сло́вомь, дѣ́ломь. помышлѥ̀нїемь. ꙗ̑ко бл҃гь бъ҃ простѝ и̑ о҆цѣ́стѝ е̑го̀ ѿ вса́кого грѣ̀ха. и̑ чи́ста е҆го҆́ сътворѝ ѿ вса́кого беза́конїа и̑ непра́вды. прⷭ҇но покры́ваѥ е҆го̀ и̑ съхра́нꙗе въ про́чаау лѣ́та живо́та̀ е҆го̀. ходити въвсѣ̀хь заповѣдѐхь твоихь. ꙗ҆́ко да не бᲂу́деть въ (95 л. об.) ра́дость врагѡⷡ҇ ѥ̑го̀. да и̑ на тоⷨ просла́витсе прѣст҃ое и̑ великолѣ́пное име твоѐ. ѡ̑ц҃а и҆́ сн҃а и̑ ст҃аго дх҃а нн҃ꙗ и̑ прⷭ҇ію и̑ въ́ вѣкы вѣкѡмь, а҆ми́нь.🕂

таⷤ тре́тїи по́пъ. проⷩ҇ глаⷭ҇ д҃. г҃и́ не ꙗ̑ростїю твоею о̑бличѝ ме́не. сⷡ҇. ꙗ̑ко стрѣ̀лы твоѥ̀ ᲂу҆нь́зѡше. а̑пⷭ҇ль. къ корїнфѡмь посла́нїе:🕂

Бра́тїе, вы҆́ ѥ҆стѐ тѣ́ло хв҃о и ꙋ҃ды ѿ чести... (96 л. об.) а҆ллуⷢ҇ꙗ. пом҃лᲂуи́ ме бе҃ повели́цѣи млⷭ҇ти. 🕂 е҆уⷢ҇. ѿ мꚞ҇.

Въ врѣⷨ ѡⷩ҇, при́зва ісⷭ҇, в҃і, ᲂу̾чени́кь свои́хъ. да́сть и̑мь вла́сть на́ дᲂу́хы нечи́стыѥ, ꙗ̑ко и҆згони́ти ѥ҆́... г҃ꙋ помл҃имсе.

Влⷣко ги҃ въседеръжи́телю. цр҃ю ст҃ыи сла́вѣ. пока́заѥ и̑ не ᲂу (97 л.) мрь́щвлꙗѥ. ᲂу̑твръждаѥи҆́ сла́блѥнныѥ. и̑ възво́деи ниспа́дающихь. и҆́же тѣле́сныѥ на́пасти разга́нꙗѥ чл҃кѡ ь. врачева́нїа твоего си́лᲂу послѝ съ нб҃сь. и̑ прикосни́се тѣлесѝ ра́ба твое̑го̀. горещїи пла́мень въ нѥ̀мь ᲂу҆гасѝ. и̑ ᲂу҆кротѝ стрⷭ҇ти. и̑ въса́кᲂу болѣ́знь. тѣлеснᲂую ѿженѝ. бᲂудѝ цѣ́литель ра́бᲂу твое̑мᲂу. и̑ възⷣвигни ѥ̑го̀ ѿ о҆́дра болѣ́зни. и̑ ѿ ложа о҆злоблѥ̀нїа. и̑ вѣсе́го цѣ́ла сътво́ри. и̑ дарᲂу́и е҆м̑ꙋ цр҃ко́вь ст҃ᲂую твою бы́ти е҆́м̑ꙋ. и̑ ᲂу̑го́днаа повелѣ̀нїа твори́ти е̑мᲂу. ꙗ̑ко твоꙗ҆́ дръжа́ва и̑ твое ѥ҆́сть црⷭ҇тво и̑ сила и̑ сла́ва ѡ҆́ц҃а и̑ сн҃а и̑ ст҃го дх҃а. нн҃ꙗ и̑ прⷭ҇но и̑ въ вѣкы вѣкѡмь а̑м҃нь.

таⷤ четвръ́тїи поⷡ҇́. проⷡ҇ глаⷭ҇. д҃. гь҃ ᲂуслы́шитме е҆гда̀ възо́вᲂу (97 л. об.) къ нѥмо҃у. сⷡ҇. гнѣ́ваитесе и̑ не съгрѣшаите. а҆пⷭ҇ль. къ кориⷩ҇фїѡⷨ посла́нї па́влѡво чтенїе:🕂

Бра́тїе, вы҆́ ѥ̑стѐ цр҃кви б҃а жива҆́го. ꙗ̑ко же реⷱ҇ бъ҃, ꙗ҆ко въсе́люсе въ нѥ҆́ и҆ пои́дᲂу... а̑ллуⷢ҇їа. пом҃лᲂуи̑ ме бе҃ ꙗ̑ко не́мощьнь е̑смь. е̑уⷢ҇лїе ѿ марка.

Въ́ врѣⷨ ѡⷩ҇́. при́зва ісⷭ҇, о҆́бана́десете ᲂу̑чени́ка. и̑ на́четь и҆́хь поси́лати дваꙵ дваꙵ... (98 л.) го҃у помл҃и́мсе. та́же, мл҃твᲂу:🕂 (98 л. об.)

Бл҃гыи чл҃колюбче. млⷭ҇рде и̑ мно́гомлⷭ҇тиве. и҆́же въса́кь не́дꙋгь и̑ вса́кᲂую ѥ̑зꙋ и̑сцѣлꙗѥ. и̑сцѣлѝ ра́ба тво̑его̀, и҆́мⷬ҇е. и̑ въздвигнѝ е̑го̀ ѿ о҆́дра болѣ̀знеи. и̑ посѣтѝ е̑го̀ млⷭ҇тїю и щедрота̀ми свои́ми. ѿтженѝ ѿ нѥго̀ въса́кь не́дᲂугь и̑ болѣ́знь. ꙗ̑ко да въставь рᲂуко́ю твое̑ю крѣпкою. и̑ послᲂу҆житти съ вса́кымь благодарѐнїемь. по́ѥ съ на́ми прѣ́ст҃ое и҆́ме твоѐ. ѡ҆́ц҃а и҆́ сн҃а и̑ ст҃го дх҃а, ин҃ꙗ и̑ прⷭ҇но и̑ въ вѣкы вѣкѡⷨ:🕂

та́же пе́тїи поⷡ҇. проⷡ҇ глаⷭ҇ е҃. г҃и что́се ᲂу̑мнѡ́жише. сⷡ҇ ты҆́ же ги҃ застꙋ́пникь. а̑плⷭ҇ь, къ гала́тѡмь:🕂

Бра́тїе, ви́дѣвше ꙗ̑ко не о҆пра́вдитсе чл҃къ ѿ дѣ́ль за́кона, а҆́ще не вѣ́рою ісⷭ҇ хв҃ою. и҆ мы҆́ въ хаⷭ҇ і҆с҃а вѣ́ровахѡмь... (99 л.) а҆ллуⷢ҇їа. г҃и́ възведѝ ѿ а҆́да дш҃ᲂу мою̑:🕂 е̑уⷢ҇лїе, ѿ матфе́а:🕂

Реⷱ҇ гь҃. а҆́ще ѿпᲂу́щаете чл҃комь съгрѣшѐнїа и҆́хь, ѿпᲂу́стить и҆ ва́мь ѿц҃ь ва́шь нбнⷭ҇ыи... (99 л об.) го҃у помл҃и́мсе:

Ги҃ бе҃ нашь, пока́заѥи, и̑ пакы҆́ (100 л.) и҆сы́ліа̀е. и҆́же въздви́заѥ ѿ землю̀ пи́ща, и҆ ѿ гнои́ща възно́се ꙋ҆́бѡ́га...

(101 л. об.) ше́сти поⷡ҇. проⷡ҇ глаⷭ҇ ѕ҃. вънѥгда възваⷯ. ᲂу҆слы́ша ме бъ҃. сⷡ҇ сн҃ве члч҃ьсцїи доко́лѣ тежкосердїи (102 л.) а҆плⷭ҇ъ. къ коласи́ѡмь посланїе.🕂

Бра́тїе, о҆блѣцѣ̀тесе ꙗ҆ко и҆зьбра́ниїи бж҃їи. ст҃їи възлю́блѥннїи... а҆ллуⷢ҇їа а҆́зь рѣ̀хь (102 л. об.) гв҃и помл҃ᲂуи ме, и҆ и҆сцѣли дш҃ᲂу мою҆́. е҆уⷢ҇лѥ, ѿ лᲂукы̀:🕂

Въ́ врѣⷨ ѡⷩ҇. съ́зва іс҃ ѡ҆́бана́десете ᲂу҆ченика своꙗ҆́. да́сть и҃мь си́лꙋ и҆́ власть на въсѐ бѣ́си...

Бл҃года́римте ги҃ бе҃ на́шь бл҃гїи (103 л.) чл҃колюбче. и҆сцѣли́телю дш҃а́мь и҆ тѣломь на́шимь...

(104 л. об.) та́же сеⷣ мїи поⷡ҇. проⷡ҇. глаⷭ҇. з҃. ги҃ не ꙗ҆́ростїю твое̑ю о̑бличѝ ме́не. сⷡ҇. пом҃лᲂуи́ ме ги҃ ꙗ҆ко не́мощьнь есмⸯ. а҆плⷭ҇ь. къ ефесї́ѡмь посла́нїе.🕂

Бра́тїе, възма́гаите о҆ ги҃, и҆ въ дрьжа́вѣ крѣ́пости ѥ҆го, облѣцетесе въ вса̀ о̑рᲂу́жїа бж҃їа... (105 л.) а҆ллуⷢ҇іа. ᲂу҆слы́шите҆́ г҃ь въ́ дн҃ь печа́ли. еуⷢ҇лїе, ѿ матфе́а:🕂

Въ́ врѣⷨ ѡⷩ҇. прѣхо́де іс҃. ви́дѣ чл҃ка сѣдеща̀ на мы́тници, (105 л. об.) глѥ҃ма и҆ гла҃ ѥ҆мо҃у, по мн̑ѣ гредѝ...

таⷤ, го҃у помоли́мсе. м҃лтва:🕂

Влⷣко ги҃ бе҃ на́шь, вра́чю дш҃а́мь и тѣлѡмь. и҆́же лѣ́тныѥ стрᲂу́пы лѣкᲂуѥ, и҆ въса́кь не́дᲂугь и҆ болѣ̀зни и҆сц́лꙗѥ...

(107 л.) та́же призовᲂу́ть сщ҃е́нницы болеща҆́го. и̑ поло́жеть е҆уⷢ҇лїе на́ главѣ е҆го̀, и҆ придръ́жеть въсѝ десни́ми рᲂука̀ми. и̑ глѥⷢ҇ наче́лныи по́пъ. го҃у помоли́мсе.

таⷤ. мⷧ҇. сїю҆́ велмѝ. въсѝ же сщ҃е́нници по нѥ̀мь, ль́гцѣмь гласѡ гл҃ють, ꙗ҆́же о҆́нь и҆зри́четь:🕂

Цр҃оу ст҃ыи. млⷭ҇рде и̑ мнѡгоми́лостиве ги҃. не хо́теи съ́м҃рти грѣшнаго. нѣ̀ ꙗ҆ко о҆бра́титисе е̑моⷮу и҆ жи́вᲂу бы́ти. саⷨ (107 л. об.) и̑ прѣⷣстоѥщо́мᲂу ра́бᲂу. влⷣко и҆ млⷭ҇тве, не въсхощѝ съ́м҃рти дꙋ́ши е҆го̀. нанже възла́гаю грѣ́шнꙋю рᲂу́кᲂу̀ мою҆́ и҆ недостои́нꙋю. на́ главᲂу пршьⷣша̀го к тебѣ ѡ҆ грѣ̀сѣхь, и҆ просеща̀ ᲂу҆ те́бе на́ми о҆ставлѥ̀нїе прїѥ̀ти. са́мь ᲂу҆́бо̀ ги҃, послѝ рᲂу́кᲂу̀ крѣпкꙋю и҆ си́лнᲂую на ст҃ое е҆уⷢ҇лїе се҆́. и҃же слᲂужь́бници и̑ сщ҃е́нници твои дръже́ть на гла́вѣ̀ ра́ба твоего̀, и҆́мⷬ҇е. и҆ мо́люсе съ ни́ми, и҆ ро́шᲂу млтⷭ҇и твоѥ҆́. и҆ незло́бивое чл҃колюбїе твое҆́. бе҃ сп҃се на́шь, и҆́же прⷪ҇ркѡмь свои́мь нафа́номь ро́ткаго дд҃а пока́авшасе ѡ҆ свои҆хь прѣгрѣшенихь, ѿпꙋ́щенїа даровавыи. и҆ млнасїинᲂу и҆же о҆ покаа́ни мл҃твꙋ прїѐмь. са́мь влⷣко и҆ ра́ба свое҆го̀, и҆́мⷬ҇е. кающа҆́госе ѡ҆ грѣсѣⷯ своиⷯ́. прїимѝ ѡ҆бы́чныимь чл҃ко (108 л.) любїемь свои́мь, прѣзре҆́ въса̀ прѣгрѣшѐнїа е̑го̀. ты҆́ бо е҆си б҃ъ́ на́шь, и҆́же сеⷣмьде́сеть, сеⷣмери́цею ре́кыи пра́щати въпа́дающимь въ грѣхы. занѥ҆́, ꙗ҆коже вели́чьствїе твое҆́, та́ко и҆ млⷭ҇ть твоа҆́. ты҆́ еси бе҃, бъ҃ кающи́хсе. бъ҃ живыхь, и҆ вса́кого дыха̀нїа. и҆ те́бѣ̀ подо́баеть въса́ка сла́ва. чѣ́сть и̑ покланꙗ́нїе. ѡ҆́цо҃у и̑ сн҃ꙋ и ст҃мᲂу дх҃ᲂу. ин҃ꙗ и҆ прⷭ҇но и҆ въ́ вѣкы вѣкѡ̀мь а҆ми́нь:🕂

посконча́ниже сїѥ҆́ мл҃твы глѥ҆́ тьждѐ, поⷡ҇. го҃у помоли́мсе. таⷤ, и҆ сїю҆́ мл҃твᲂу велмѝ. въᲂу҆слы́шанїе въсѣ̀мь:🕂

О҆́ч҃е ст҃ыи, вра́чю дш҃а́мь и҆́ тѣломь на́шимь. посла́выи е҆динорⷣѡ́на҆́го сн҃а свое̑го г҃а на́шего ісⷭ҇ хаⷭ҇. въса́кь не́дᲂугь и҆ вса́кᲂу болѣ́знь и҆сцѣлꙗ́юща҆́го, и҆ ѿ съмр҃ти и҆зба́влꙗющаго (108 л. об.) и҆сцѣлѝ ра́ба свое҆го̀. и҆́мⷬ҇е. ѿ о̑дръжещихь ѥго̀ тѣлѐсныихь и҆ дш҃евныхь не́дᲂугь. и҆ о҆животвори ѥго̀ блгⷣтїю хаⷭ҇ твое̑го̀. по бл҃гоᲂу̑го́дїю твоемо́у да и тъ̀ дль́жное ти бл҃годаре́нїе въ благодѣ́ти съвръщаеть. мл҃твами и҆ молѐнїемь, прѣ̀пѣтыѥ влⷣчце на́ше бц҃е и̑ прⷭ҇нод҃вы марїе. си́лою чтⷭ҇на҆́го и҆ животво́реща̀го крⷭ҇та. чтⷭ҇ныхь беспль́тныⷯ си́ль нбнⷭ҇ыихь. чтⷭ҇на҆́го прⷪ҇рка прⷣтче и҆ крⷭ҇тлꙗ їѡ̑а́нна. ст҃ыⷯ и҆ сла́вныхь и въсехва́лныⷯ а̑плⷭ҇ъ. прпⷣбныихь и҆ бг҃оно́сныихь ѡ҆ц҃ь на́шихь. и҆ ст҃ы́хь и҆ пра́ведныихь бг҃оѿц҃ь і̑ѡ҆а̑кї́ма і҆ а҆нны. и҆ и҆́же въ ст҃ыхь ѿц҃ь на́шиⷯ і҆е̑ра́рхь. васи́лїа вели́каа́го. і҆́ѡ̑а́нна злаⷮу́ста҆́го. грїго́рїа бг҃осло́ва. і҆ѡ̑а́нна млⷭ҇ти́ва҆́го. нико́лы и҆́же въ ми́рѣхь. и̑ въсѣ́хь (109 л.) ст҃ы́хь і҆е̑ра́рхь. и҆ ст҃го а̑плⷭ҇а пръвомⷱ҇нка і̑ а̑рхѝді̑а́кона сте́фана. и҆ ст҃ыхь великомⷱ҇никь. геѡ́ргїа. дими́трїа. феѡⷣръ. и҆ про́чихь ст҃ыхь мⷱ҇нкь. и҆ ст҃ыⷯ вели́кыхь цѣль́бникь и̑ бесрѐбрьникь. кѡзмы̀ и҆ дамїа́на. ку́ра, і҆ѡ̑а́нна, панделѐимо̀на. і҆ е̑рмо́лаа. трі́фона. и҆ полѝкарпа. и҆ ст҃ы́хь маквавѐи. и҆ про́чїихь ст҃ыхь чюдотво́рць. и҆ въсѣ̀хь ст҃ыхь🕂ꙗ̑ко ты҆́ еси и҆сто́чникь цѣ́лбамь хеⷭ҇ бе҃ на́шь. и҆ тебѣ̀ сла́вᲂу възьси́ламо. съ безначе́лнымти ѡ҆́ц҃емь, и҆ прѣ́ст҃ымь и҆ бл҃гымь и҆ животворещѝмь дх҃о́мь. ин҃ꙗ и҆ прⷭ҇но и҆ въ вѣкы вѣкѡ̀мь.

и възь́мь па́личицоу свою҆́ о҆ква́сить въ ма́слѣ. и҆ на́чнеть ма́зати болеща҆́го, и҆ въсѣ̀хь трѣбᲂующихь блⷭ҇ве́нїа се́го̀🕂пома́заен же (109 л. об.) сщ҃е́нникь, глѥⷲ҇ си́це🕂блⷭ҇венїе г҃а б҃а и҆ сп҃са на́шего ісⷭ҇ хаⷭ҇. на и̑сцѣле́нїе дш҃и и҆ тѣлᲂу. ра́бᲂу бж҃їю, имⷬ҇е, въсе́гда и҆ ни҃ꙗ и҆ прⷭ҇но и҆ въ́ вѣкы вѣкѡ̀м🕂си́цево пома́занїе да сътво́реть въсѣ́хь, з҃, поповь. людѐмь. поющимь. стрⷡ҇ᲂу, сїю глаⷭ҇. д҃. самогла́сно:🕂

И҆́сто́чникь и̑сцѣлѐнїемь и҆́мꙋще ст҃ѝ бесребреници. и̑сцѣлѐнїа пода́ваете въсѣ̀мь трѣбᲂующимь. ꙗ҆ко вели́кѡмь дарѡ̀мь споⷣб́льшесе, ѿ прⷭ҇нотекᲂуща҆́го и̑сто́чника сп҃са нш҃его ре́че бо̑ къ ва́мь г҃ь ꙗ̑ко ѥ҆ди́нореши́телѥмь а҆плⷭ҇ѡмь. се҆́ да́хь ва́мь вла́сть на дꙋ́сѣхь нечи́стихь ꙗ̑ко и̑згна́ти и҆́хь. и̑сцѣли́ти въса́кь не́дᲂугь и̑ въса́кᲂу ѥ҆́зᲂу. тѣ́мже въ повелѣ́нихь е̑го̀, добрѣ̀ поживше. тᲂунѥ̀ прїѥ̀сте, тᲂунѥ̀же пода (110 л.) ва́ите. о̑уврачююще стрⷭ҇ти д҃ш́ь и̑ тѣ́лесь на́шиⷯ. ჻ слаⷡ҇ и нн҃ꙗ. тⷤь глⷭ҇:-

Болѣ̀знїю лю́тою о̑дрѣ́жимь. ѿ о̑бо́ю стра́нᲂу проба́даемь. дх҃ъ о̑бне́мощнѣваетми въ грѣсѣхь мнѡ́зѣхь. тѣ́ложе пакы̀ боли́тми стрᲂу́пы и̑ гноѥ꙼мь. ѿ о҆бои́хме бц҃е и̑сцѣлѝ, мо́жеши бо҆́ е҆́лико хо́щеши, просещѝ е̑го̀ же по́роди хаⷭ҇. е̑го̀ же молѥщи, ми́рᲂу о҆цѣщѐнїе пода́ждь и̑ велїю млⷭ҇ть:🕂

таⷤ пръвыи по́пь дїа́конства сїа̑ и҆́ въсѝ попове🕂пом҃лᲂу наⷭ҇ бе҃ по вели́цѣи млⷭ҇ти твоеи, мо́лимтисе о̑услышѝ и̑ пом҃лᲂуи🕂и̑ е҆́ще мо́лимсе ѡ҆ ра́бѣ твоѐмь, и҆́мⷬ҇е:🕂и̑ е̑ще мо́лимсе, ꙗ̑ко да ѿпᲂу́стить е̑моⷮу гь҃ бъ҃ въса̀ прѣгрѣшѐнїа во́лнаа и̑ нево́лнаа🕂и̑ е҆́ще мл҃имсе, ꙗ̑ко да гь҃ бъ҃ на́шь ниспо́слеть е̑моⷮу блⷣгть и̑ и̑зба́влѥніе (110л. об.) ѿ не́мощи, и҆ въздви́гнеть ѥ̑го̀ ѿ о҆́дра болѣ́зныща҆́го. рцѣ̀мь🕂таⷤ ги҃ пом҃лᲂуи, н҃. и̑ по си́хь. възглⷲ҇а́. ꙗ̑ко млⷭ҇тивь и̑ чл҃колюбць бъ҃ есѝ, и̑ тебѣ̀ сла́вᲂу възьси́ламо. ѡ҆́цо҃у и҆́ сн҃ᲂу и҆́ ст҃мᲂу дх҃ᲂу и҆́ нн҃ꙗ и̑ прⷭ҇но и̑ въ҃ вѣкы вѣ:🕂та́же чьстнѣи́шᲂую херуви́мь. сла́ва ѡ҆́ц҃ᲂу и҆́ сн҃ᲂу и̑ ст҃мᲂу дх҃ᲂу. ги҃ помл҃ᲂуи, гⷭ҇. и̑ ѿпоⷭ҇у. по ѿпꙋстѣ же въси́ рекᲂу́ть. пріи҆́меть г҃ь бъ҃ молѐнїе наⷭ҇ грѣшныхь и̑ поми́лᲂуеть наⷭ҇ ꙗ̑ко бл҃гь и чл҃колюбⷱ҇:🕂