29-й день

Пренесе́ние моще́й свята́го священному́ченика Игна́тия Богоно́сца

Перенесение мощей священномученика Игнатия Богоносца († 107), Патриарха Антиохийского

Собо́р святи́телей Гера́сима, Питири́ма и Ио́ны, епи́скопов Великопе́рмских, Устьвы́мских чудотво́рцев

Святители Герасим, Питирим, Иона Пермские

Преподо́бнаго Лавре́нтия, епи́скопа Ту́ровскаго, в Бли́жних пеще́рах почива́ющаго

Преподобный Лаврентий, затворник Киево-Печерский, епископ Туровский (ХII в.)

На Го́споди, воззва́х: стихи́ры на 6, глас 4:

Подо́бен: Я́ко до́бля:

Богосло́вов кра́йний быв прее́мник,/ о́ных стопа́м после́довал еси́,/ от восто́ка устреми́вся,/ и на за́паде явля́яся,/ и просвеща́я мо́лниями Боже́ственнаго пропове́дания:/ иде́же, всему́дре, от ми́ра у́бо заше́д,/ к Бо́гу же возсия́л еси́,/ сия́нием венча́емь благода́ти.

Свяще́нне отда́шася твоя́ гра́ду твоему́ мо́щи,/ Богоно́се всему́дре,/ страда́ния ра́ди освяще́ны светле́е/ и благода́тию сия́ющия,/ возвраще́нием нам торжества́ хода́тая соде́лавша,/ весе́лия наполня́юще Богодохнове́ннаго/ и обоня́нием насыща́юще/ благоче́стно тя почита́ющия.

От восто́ка у́бо пе́рвее денни́ца, Игна́тие,/ на за́падех просия́л еси́ светле́йше,/ ны́не же Боже́ственных моще́й твои́х возвраще́нием/ зари́ на земли́ от ве́чера просте́рл еси́/ и мо́лишися Христу́ от тли и бед изба́вити/ ве́рою соверша́ющих всечестну́ю па́мять твою́.

Сла́ва, глас 8. Анато́лиево:

Богоно́се Игна́тие,/ твоего́ жела́емаго Христа́ вперси́в,/ мзду восприя́л еси́ священноде́йства Ева́нгелия Христо́ва,/ е́же сконча́тися кро́вию./ Тем, пшени́ца быв безсме́ртнаго Де́лателя,/ зубы́ звере́й сомле́лся еси́/ и хлеб сла́док Тому́ показа́лся еси́./ Моли́ о нас, страда́льче блаже́нне.

И ны́не, Богоро́дичен или́ Крестобогоро́дичен.

Подо́бен: О, пресла́внаго чудесе́!

Что́ зри́мое виде́ние,/ е́же Мои́ми очесы́ ви́дится, о Влады́ко!/ Содержа́й всю тварь на Дре́во воздви́жен быв,/ и умира́еши, всем Дая́й жизнь,-/ Богоро́дица, пла́чущи, глаго́лаше,/ егда́ узре́ на Кресте́ возноси́ма/ из Не́я неизрече́нно возсия́вшаго Бо́га и Челове́ка.

На стихо́вне Окто́иха.

Сла́ва, глас 1. Студи́тово:

О, тве́рдыя и адама́нтския твоея́ души́,/ достоблаже́нне Игна́тие!/ Ты бо, к су́щему твоему́ Рачи́телю/ неосла́бно име́я жела́ние, глаго́лал еси́:/ несть во мне огнь любовеще́ствен,/ вода́ же па́че жива́я и глаго́лющая во мне,/ внутрь ми глаго́лющи:/ гряди́ ко Отцу́./ Те́мже, Боже́ственным Ду́хом распаля́емь,/ зве́ри изво́лил еси́ ми́ра тя скоре́е разлучи́ти/ и к жела́емому препосла́ти Христу́,/ Его́же моли́ спасти́ ду́ши на́ша.

И ны́не, Богоро́дичен или́ Крестобогоро́дичен.

Подо́бен: Всехва́льнии му́ченицы:

У Креста́ предстоя́щи Сы́на и Бо́га Твоего́/ и долготерпе́ние Того́ смотря́ющи,/ глаго́лала еси́, пла́чущи, Ма́ти Чи́стая:/ увы́ Мне, Ча́до сладча́йшее,/ что́ сия́ стра́ждеши непра́ведно, Сло́ве Бо́жий,/ да спасе́ши челове́чество?

Тропа́рь, глас 4:

И нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодохнове́нне,/ в виде́ния восхо́д,/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Игна́тие./ Моли́ Христа́ Бо́га/ спасти́ся душа́м на́шим.

НА У́ТРЕНИ

О́ба кано́на Окто́иха и свята́го на 6, его́же краегране́сие: Игна́тия восто́чную в пе́снех звезду́ пою́. Феофа́ново. Глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Напра́вив к доброде́тели житие́ мое́,/ све́том озари́ всели́вшияся благода́ти в тебе́, Богоно́се Игна́тие,/ и страсте́й смуще́ние твои́ми моли́твами разори́.

Я́коже земля́ ро́днейшая, был еси́,/ стори́чествующи плодонося́й се́мя Христу́, Богоно́се Игна́тие,/ ду́ши напоя́ющему одожде́нием Ду́ха.

Разуме́в прозна́тельною си́лою твоея́ благоро́дие души́, всех Влады́ка и Бог,/ Богоно́се Игна́тие,/ сия́ньми благода́ти Богосве́тлыми просвети́.

Луча́ми у́мнаго осия́емь со́лнца, всему́дре,/ от восто́ка устреми́лся еси́ све́тло, я́коже чу́вственное со́лнце,/ мрак за́падный озаря́я пропове́данием.

Богоро́дичен: Тро́ицы Пребоже́ственныя, Всечи́стая, Еди́наго родила́ еси́,/ из Тебе́ пло́тию я́вльшагося по нам/ благоволе́нием Роди́теля и соде́йством Ду́ха Всесвята́го,/ Богоневе́сто.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Исцели́ ум мой, озло́бленный лю́тыми страстьми́ плотски́ми, Игна́тие,/ му́чениче Христо́в всеприснопа́мятне.

Единому́дренна тя Христо́с апо́столов до́бре ве́дый,/ поста́ви, Боже́ственным све́том сия́юща всем Це́рквам учи́теля.

Умерщвля́ема тебе́ ра́ди Жизнода́вца зря,/ поте́кл еси́ Того́ ра́ди смерть любо́вию претерпе́ти, Игна́тие.

Богоро́дичен: Сло́во О́тчее, предочи́стившися, о Чи́стая, Ду́хом,/ слове́снаго естества́ на благодея́ние родила́ еси́.

Седа́лен, глас 3

Подо́бен: Боже́ственныя ве́ры:

Боже́ственным Ду́хом просвеще́н,/ свере́пство мучи́телей дерзнове́нием па́стырским велему́дренно посрами́л еси́/ и, преве́зся пре́лести пучи́ну,/ ко приста́нищу Боже́ственному дости́гл еси́,/ о́тче преподо́бне, Христа́ Бо́га моли́ дарова́ти нам ве́лию ми́лость.

Сла́ва, и ны́не, Богоро́дичен:

Боже́ственнаго естества́ не отлу́чся, плоть быв во чре́ве Твое́м,/ но Бог, вочелове́чся, пребы́сть,/ и́же по Рождестве́ Ма́терь Тя Де́ву,/ я́ко пре́жде Рождества́, сохрани́в Всенепоро́чну, Еди́н Госпо́дь./ Того́ приле́жно моли́ дарова́ти нам ве́лию ми́лость.

Крестобогоро́дичен:

Нескве́рная А́гница Сло́ва,/ нетле́нная Де́во Ма́ти,/ на Кресте́ зря́щи пове́шена/ и́же из Нея́ безболе́зненно прозя́бшаго,/ матероле́пно рыда́ющи, вопия́ше:/ увы́ Мне, Ча́до Мое́,/ ка́ко стра́ждеши во́лею,/ хотя́ изба́вити от страсте́й безче́стия челове́ка?

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Богоно́сец нарица́емь тезоиме́нно, во Христа́ бо оде́яся житие́м,/ вся помазу́еши све́тло, му́чеников утвержде́ние,/ жела́нием венцы́ восприя́ти.

Вжиля́емь, Игна́тие, си́лою на Кресте́ пригво́ждшагося тебе́ ра́ди, Богоно́се,/ зве́ри бо изво́лил еси́ ми́ра отлучи́ти тя к твоему́ жела́емому Рачи́телю.

Возжела́в красоты́ Влады́чни и к Нему́ раче́ние неосла́бно име́я,/ Сего́ страда́нием усе́рдно поревнова́л еси́,/ му́чениче Богоно́се Игна́тие.

Укра́шен багряни́цею твои́х крове́й, святи́телю,/ и ма́стию свяще́нства, таи́нниче, сия́еши, Христу́ зовы́й, ра́дуяся:/ сла́ва си́ле Твое́й, Го́споди.

Богоро́дичен: Из не су́щих вся́ческая Боже́ственною си́лою содева́я,/ роди́ся из Тебе́, Богома́ти,/ мир просвеща́я све́тлыми луча́ми Божества́ и Богоразу́мия све́тлостию.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Ны́не ты, лице́м к лицу́ Христа́ зря, Игна́тие,/ зерца́лом вои́стинну разре́шшимся, соедини́лся еси́ твоему́ Рачи́телю.

Привле́кл еси́ просвеще́ние от исто́чника светода́тельнаго, Игна́тие:/ пречи́стыми бо тя Христо́с дла́ньми держа́в, освяти́.

Ум Ду́хом Бо́жиим стяжа́в просвеще́н, Игна́тие,/ Богопи́санныя посыла́еши, я́ко скрижа́ли, зако́ны благода́ти.

Богоро́дичен: Свы́ше Тебе́ глас ра́достно возопи́ А́нгел, Богоро́дице,/ Влады́ки неизрече́нно возвеща́я Тебе́ зача́тие.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х исте́кшею кро́вию.

Му́дрости е́ллинския разори́л еси́ догма́ты,/ Ипоста́сную име́я Бо́жию му́дрость, священнотаи́нниче,/ и с шу́мом пре́лести па́мять погуби́л еси́.

Не преста́й о соверша́ющих па́мять твою́ моля́ся, всеблаже́нне,/ напа́стей изба́витися люте́йших и бед,/ свяще́нник яви́вся Богоприя́тен.

Му́жеством и му́дростию преизя́ществовав, преподо́бне,/ пра́вды же добро́тою, Богоно́се му́чениче, и целому́дрия,/ и окруже́нием доброде́телей яви́лся еси́ украша́емь.

Богоро́дичен: Тя еди́ну посреде́ те́рния обре́т,/ я́ко пречи́стый крин и удо́льный цвет, о Богома́ти,/ Жени́х из утро́бы Твоея́, Сло́во, происхо́дит.

Конда́к, глас 4.

Подо́бен: Яви́лся еси́ днесь:

От восто́ка днесь возсия́вый/ и тварь всю просвети́вый уче́ньми,/ му́ченичеством украси́ся Богоно́сный и Боже́ственный Игна́тий.

И́кос:

Иереми́ю Бог из утро́бы освяти́в,/ и пре́жде, е́же роди́тися, ве́дый, я́ко Прове́дец,/ прия́телище бы́ти того́ Ду́ха Свята́го,/ наполня́ет сего́ а́бие от ю́ностна жития́ и проро́ка же сего́ и пропове́дника/ всем предвозвеща́ти посыла́ет свято́е на зе́млю Свое́ прише́ствие:/ ро́ждся у́бо и Сам Бог от Де́вы, к про́поведи прише́д,/ обре́те от младе́нства досто́йна Своея́ благода́ти ученика́,/ Богоно́снаго и Боже́ственнаго Игна́тия.

Песнь 7

Ирмо́с: В пе́щи Авраа́мстии о́троцы перси́дстей,/ любо́вию благоче́стия па́че, не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Свяще́нства укра́шен ми́ром, преподо́бне, Боже́ственным/ и му́ченическою кро́вию удобре́н,/ во обои́х просия́л еси́,/ благослове́н еси́ в хра́ме, зовы́й, сла́вы Твоея́, Го́споди.

Законоположе́нием просвети́в мир весь,/ хле́бом Небе́сным напита́л еси́ ве́рныя,/ Влады́це твоему́ зову́щия:/ благослове́н еси́ в хра́ме сла́вы Твоея́, Го́споди.

Светолу́чными заря́ми, всеблаже́нне, просвеща́емь,/ заре́ю светонача́льнаго ли́тия осия́вся,/ Небе́сное прия́л еси́, ра́дуяся, наслажде́ние, Богоно́се,/ му́чеников похвало́.

Пшени́ца сый Бо́жия, я́коже рекл еси́, всеприснопа́мятне,/ челюстьми́ сомле́н был еси́, му́чениче, звере́й/ и Пита́ющему вся́ческая Боже́ственною бла́гостию/ чисте́йший хлеб был еси́.

Богоро́дичен: Вы́шняго освяще́нное Боже́ственное селе́ние, ра́дуйся,/ Тобо́ю бо даде́ся ра́дость, Богоро́дице, зову́щим:/ благослове́на Ты в жена́х еси́, Всенепоро́чная Влады́чице.

Песнь 8

Ирмо́с: Ру́це распросте́р, Дании́л/ львов зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели о́троцы, взыва́юще:/ благослови́те, вся дела́ Госпо́дня, Го́спода.

Стоя́ на суди́щи, му́дре,/ Тро́ицу несозда́нную богосло́вил еси́ ума́ чистото́ю, свя́те,/ мы́сленною же све́тлостию не устраши́вся мучи́тельских престо́лов суровства́,/ но вопия́л еси́:/ благослови́те, вся дела́ Госпо́дня, Го́спода.

Упра́вив разу́мне твой ум Боже́ственными догма́ты, блаже́нне Игна́тие,/ злоде́мона томи́теля, пре́лести предста́теля,/ му́дрости то́ки весьма́ потопи́л еси́, вопия́:/ благослови́те, вся дела́ Госпо́дня, Го́спода.

Безме́рным сия́я све́том Божества́, му́чениче непобеди́ме,/ безбо́жия непостоя́нную прогна́л еси́ тьму,/ посла́ния светови́дная посыла́я пою́щим:/ благослови́те, вся дела́ Госпо́дня, Го́спода.

Неи́стовства и зия́ния звере́й не устраши́лся еси́, Боже́ственный Игна́тие,/ Высоча́йшаго бо си́ла, из Де́вы возсия́вши,/ всеору́жием Креста́ тя обложи́, пою́ща:/ благослови́те, вся дела́ Госпо́дня, Го́спода.

Богоро́дичен: Ты Еди́на во всех ро́дех, Де́ва Пречи́стая,/ Ма́ти яви́лася еси́ Бо́жия,/ Ты Божества́ была́ еси́ жили́ще, Всенепоро́чная,/ не опали́вшися огне́м Непристу́пнаго Све́та./ Те́мже вси Тя благослови́м,/ Мари́е Богоневе́стная.

Песнь 9

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Раче́ние Боже́ственнейшее, блаже́нне, удержа́в души́ твоея́,/ ми́ра веще́ственныя печа́ли огне́м невеще́ственным вся попали́/ и жела́ний кра́ю венцено́сца тя предста́ви.

В приста́нище све́тло устреми́лся еси́ тиша́йшее, Богоно́се, бу́ри волне́ний избе́г,/ стремле́ния свире́пых и слове́сных звере́й,/ и ны́не наслажда́ешися, прии́м ве́чное наслажде́ние.

Испещре́нным украша́емь венце́м, священнотаи́нниче, преизя́ществуеши:/ свяще́нства бо в тебе́ в еди́но сни́деся и свиде́тельства сла́ва,/ и обои́ми я́ко прича́стник твоему́ Влады́це спросла́вился еси́.

Я́ко священноявле́н сый, дерзнове́ние име́я к твоему́ Влады́це и Бо́гу,/ соверша́ющим ве́рою па́мять твою́/ от напа́стей, Игна́тие, ны́не изба́витися моли́ся.

Богоро́дичен: Угаси́ страсте́й мои́х пла́мень росолу́чною Твое́ю моли́твою,/ я́же во утро́бе прие́мши огнь Боже́ственный неопа́льно, Всечи́стая:/ Тя бо наде́жду и́мам спасе́ния моего́, Богоневе́сто.

Свети́лен.

Подо́бен: Све́те неизме́нный:

И́мать све́тлый пра́здник твой Христо́ва Це́рковь,/ я́ко неотъе́млемое бога́тство, твоя́ прие́мши Боже́ственныя мо́щи,/ иде́же и ми́ро источа́ют всем, Игна́тие Богоно́се.

Богоро́дичен:

Свет, возсия́вый безле́тне от Отца́ пре́жде век,/ в ле́та ны́не напосле́док из Тебе́, Де́во, изы́де на спасе́ние ми́ра,/ к Нему́же не преста́й о лю́дех Твои́х моли́ти.

На стихо́вне Окто́иха.

Сла́ва, глас 1. Студи́тово:

Столп одушевле́н и вдохнове́нный о́браз,/ ле́тний твой наста́ пра́здник, Богоно́се Игна́тие,/ та́инства твоя́ и до́блести твоя́ пропове́дающий,/ е́же за ве́ру да́же до кро́ве противостоя́ние./ Блаже́нный он и приснопа́мятный глас,/ и́же я́ко пшени́ца есмь Бо́жия, глаго́лющий,/ и зу́бы звере́й мелю́ся./ Те́мже подража́тель стра́сти Христа́ твоего́ быв,/ моли́ спасти́ся душа́м на́шим.

И ны́не, Богоро́дичен или́ Крестобогоро́дичен.

Подо́бен: Всехва́льнии му́ченицы:

Заколе́ние Твое́ непра́ведное, Христе́, Де́ва зря́щи,/ пла́чущи, вопия́ше Ти:/ Ча́до сладча́йшее,/ ка́ко без пра́вды умира́еши?/ Ка́ко на Дре́ве ви́сиши,/ всю зе́млю повеси́вый на вода́х?/ Не оста́ви Мене́ еди́ну,/ Благоде́телю Многоми́лостиве,/ Ма́терь и рабу́ Твою́, молю́ся.

НА ЛИТУРГИ́И

Блаже́нны Окто́иха, на 4 и свята́го песнь 3-я, на 4. Проки́мен, глас 7: Возвесели́тся пра́ведник о Го́споде/ и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́. Апо́стол ко Евре́ем, зача́ло 311. Аллилу́ия, глас 4: Пра́ведник, я́ко фи́никс, процвете́т/ и, я́ко кедр, и́же в Лива́не, умно́жится. Ева́нгелие от Ма́рка, зача́ло 41. Прича́стен: В па́мять ве́чную бу́дет пра́ведник:

Моли́тва

О вели́кий святи́телю Богоно́сный Игна́тие! К тебе́ припа́даем и мо́лим тя: при́зри на ны гре́шныя, прибега́ющия к твоему́ заступле́нию! Умоли́ Го́спода, да прости́т нам вся согреше́ния на́ша. Ты му́ченически ду́шу твою́ за ве́ру положи́л еси́, да́руй и нам му́жество во всем подража́ти тебе́. Ничто́ в жи́зни не возмогло́ отлучи́ти тя от любве́ ко Го́споду, ни ле́стныя обеща́ния, ни преще́ния, ни угро́зы, ниже́ са́мыя му́ки; ты с ра́достию предста́л пред зверьми́ на смерть лю́тую и, я́ко А́нгел, возлете́л еси́ во оби́тели Отца́ на́шего Небе́снаго; и моли́тва твоя́ мно́го мо́жет пред Го́сподем. Бу́ди же, святы́й уго́дниче, предста́телем у Го́спода, испроси́ нам благоде́нственное и ми́рное житие́, здра́вие и спасе́ние, и во всем благопоспеше́ние, на враги́ побе́ду и одоле́ние, да осени́т Он, Милосе́рдный, Свое́ю благода́тию и да охрани́т нас на всех путя́х святы́ми Свои́ми А́нгелами. Помога́й нам святы́ми свои́ми моли́твами ко Всемогу́щему Бо́гу, да изба́вит ны от гла́да, тру́са, гра́да, бездо́ждия и смертоно́сных боле́зней. Бу́ди же нам помо́щник ско́рый во вся́кой ско́рби, наипа́че в час кончи́ны на́шея яви́ся нам све́тлым защи́тником и хода́таем и умоли́ Го́спода сподо́битися всем нам, тебе́ ны́не те́пле моля́щимся, получи́ти по христиа́нской кончи́не Небе́сное Ца́рствие, иде́же вси святи́и вку́пе с тобо́ю ве́чно сла́вят Отца́ и Сы́на и Свята́го Ду́ха. Ами́нь.

Священномученик Игнатий Богоносец, грек по происхождению, родился в Антиохии. По преданию, будучи еще отроком, он вместе со своими родителями находился в числе тех, кто внимал Божественным словам Спасителя. Отвечая на вопрос учеников, кто больше в Царствии Небесном, Господь Иисус Христос, призвав к себе мальчика Игнатия и взяв его на руки, сказал: «Истинно говорю вам, если не обратитесь и не будете как дети, не войдете в Царство Небесное» (Мф. 18,1–3). Любя Бога чистейшей и возвышенной любовью, святой Игнатий постоянно предстоял Ему, получив, как дар, именование «Богоносец», которое стало неотделимым от его имени. Сам же святой Игнатий называл «богоносцем» всякого человека, «имеющего Христа в сердце своем».

Церковный историк Евсевий Памфил пишет, что будущий святитель вместе со святым Поликарпом Смирнским († 167) и Папием Иерапольским († 130) был учеником святого апостола Иоанна Богослова († нач. II века, память 26 сентября и 8 мая).

Святитель Иоанн Златоуст отмечает, что священномученик Игнатий Богоносец «воспитывался под руководством святых апостолов, неразлучно находясь при них, и был их соучеником во всем, почерпнув из недр их обильные струи» («Похвальное слово священномученику Игнатию Богоносцу»).

Это духовное апостольское водительство воспитало в святом Игнатии то мужество и ту ревность о Христовой Истине, которыми он прославился в сане епископа, став вторым преемником первоверховного апостола Петра († ок. 67, память 29 июня) на Антиохийской кафедре. Хиротония святого Игнатия была совершена самим Апостолом одновременно с хиротонией святого Евода (Еводия), апостола от 70-ти († 66, память 7 сентября); первый был поставлен над обращенными иудеями, второй – над бывшими язычниками. После смерти святителя Еводия святитель Игнатий вступил в полное управление Антиохийской Патриархией.

Целомудрие, кроткий и тихий нрав, поистине «апостольская ревность» о Церкви еще при жизни прославили имя святого Игнатия. Все Восточные Патриархи питали к нему огромное уважение и любовь, слово его было защитой против еретических соблазнов.

Святитель Игнатий, согласно преданию, сподобился видеть поющие ангельские лики и, воодушевленный этим откровением, ввел в Антиохийской Церкви антифонное пение, украсив, таким образом, Божественную службу.

В 81 году, во время гонений императора Домициана (81–96), святитель показал себя деятельным и твердым вождем стада Христова, укрепляя в пастве веру и мужество, ободряя и молясь за малодушных. Когда Богу было угодно дать Церкви мир, святитель Игнатий радовался за свою паству, но скорбел, что гонения не коснулись его самого. Исполненный любви к Спасителю и желания пострадать за Христа, святой Игнатий усилил свои труды во славу Церкви.

Видя добрый пример в лице своего архипастыря, христиане укреплялись в вере и благочестии, многие язычники принимали святое Крещение, а еретики возвращались в лоно Церкви.

После своей победы над скифами император Траян (98–117) повелел повсюду воздавать благодарения языческим идолам. В 106 году, отправляясь в поход против персов, Траян остановился в Антиохии, где ему сразу же донесли, что святитель Игнатий не только не приносит жертв идолам, но открыто почитает Господом Иисуса Христа и утверждает веру в Него.

Призвав к себе святого Игнатия, Траян пытался то лестью, то угрозами склонить святителя подчиниться царскому указу и принести жертвы языческим божествам. Открыто исповедуя свою непоколебимую веру в Распятого, архипастырь заявил Траяну, что лучше быть съеденным зверями, распятым на кресте, преданным огню или мечу, чем отдать душу бесам: «Не временных ищу благ, но единых и вечных, чтобы прийти ко Христу, Богу моему, принявшему за меня смерть».

Святитель Игнатий пытался убедить Траяна, что идолопоклонство приводит людей ко злу, делает их нечестивыми и вдохновляет на пагубные дела. Траян приказал заточить святителя в темницу и наутро объявил приговор: бросить святого Игнатия на растерзание львам, причем не в Антиохии, а в Риме, чтобы не давать местным христианам мученического примера. Император рассчитывал, что долгий путь к месту казни и смерть на арене римского цирка помогут изгладить имя святителя из памяти христиан.

Возблагодарив Бога за Его великие милости и вручив Ему свою паству, святитель Игнатий, сопровождаемый воинами и несколькими особенно преданными ему христианами, отправился в путь. Замысел Траяна не оправдался. Шествие святого Игнатия в железных оковах через Малую Азию и Македонию к месту казни показало образец истинной веры и готовности принять муки за нее; святитель пользовался малейшей возможностью, чтобы проповедовать христианам, стекавшимся из близлежащих городов к местам остановки узника. Так, после долгого и утомительного плавания морем, сойдя на берег в Смирне, он провел несколько дней со своим другом епископом Поликарпом Смирнским, давая наставления верующим и священнослужителям и увещевая их не бояться смерти и не скорбеть о нем. В Смирне святой Игнатий написал четыре из семи дошедших до нас посланий: к ефесянам, римлянам, магнезийцам и траллийцам. Из Троады, где его ждало радостное известие о прекращении гонений на христиан в Антиохии, он писал к филадельфийцам, смирнянам и к епископу Поликарпу, учитывая при этом положение и нужды каждой из Церквей.

В своих посланиях святитель Игнатий изложил православное учение о Лице Иисуса Христа, как Богочеловека и Искупителя, о единстве Вселенской Церкви, о Святом Духе и о Таинствах. Все послания его одушевлены призывом хранить единство веры, прекратить расколы, соблюдать церковную иерархию и повиноваться епископам.

В Риме святитель Игнатий был встречен плачущими христианами, предлагавшими освободить его. Святитель, исполненный веры и желания пострадать за Христа, просил не искать путей к его освобождению и лишь усердно молиться о внешнем и внутреннем мире Церкви.

20 декабря 107 года, в день языческого праздника, святого Игнатия вывели на казнь. Увидев множество народа, собравшегося в цирке, он громко воскликнул: «Мужи римские, зрители моего подвига! Знайте, что я осужден на смерть не ради злодеяния, но ради Единого моего Бога, любовью к Которому я объят и к Которому стремлюсь. Я Его пшеница и буду смолот зубами зверей, чтобы соделаться Ему чистым хлебом».

Дошедшее до нас предание повествует, что, идя на смерть, святой Игнатий непрерывно повторял Имя Иисуса Христа. На вопрос стражника, почему он это делает, святитель ответил, что носит это Имя в сердце своем, «а Кто запечатлен в моем сердце, Того я устами исповедую». После казни, среди обглоданных львами костей, было найдено нетронутым сердце святого Игнатия. Разрезав сердце, язычники с изумлением увидели, что в нем было начертано золотыми буквами «Иисус Христос».

В ночь после своей кончины святитель явился многим христианам в видениях, утешая скорбящих и молясь о Церкви. Честные останки священномученика были собраны римскими, а также сопровождавшими святителя антиохийскими христианами и с пением псалмов положены во гроб, который с большими почестями хранился в окрестностях Рима. Император Траян, узнав о мужественной кончине святого, раскаялся в содеянном и прекратил гонение.

В 108 году мощи священномученика Игнатия были перенесены и положены в предместье Антиохии, за Дафийскими воротами. Второе перенесение, которое празднуется Православной Церковью 29 января, было совершено в 438 году. Император Феодосий II (408–450), посвятив древнейший языческий храм Фортуны во имя святого Игнатия, приказал перенести его святые мощи в Антиохию. После взятия города персами мощи святого Игнатия были возвращены в Рим и положены в храме в честь священномученика Папы Климента в 540 году (по другим источникам, в 637 году).

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 8.

Подо́бен: О, пресла́внаго чудесе́:

Святи́телие, отцы́ всечестни́и,/ Гера́симе, Питири́ме и Ио́но,/ доброде́тельми вше́дше, я́ко на колесни́цу,/ к Бо́гу востеко́сте,/ побе́дныя прие́млюще по́чести,/ я́ко ми́лоть, нам оста́висте телеса́ ва́ша, положе́на во гробе́х,/ источа́ти исцеле́ния и прогоня́ти ду́хи лука́выя,/ тем блажи́м вас, прехва́льнии.

Святи́телие, отцы́ преблаже́ннии,/ Гера́симе, Питири́ме и Ио́но,/ слепы́м подае́те свет,/ боля́щим исцеле́ния,/ притека́ющим с ве́рою к вам/ и прося́щим по́мощи ва́шея,/ вас бо засту́пники, и предста́тели, и храни́тели,/ ве́рнии, вси обрето́хом.

Лико́м святи́тельским сочета́стеся,/ по́стническим житие́м украси́вшеся,/ Гера́симе, Питири́ме и Ио́но,/ ны́не в Небе́сных живе́те, веселя́щеся,/ иде́же предстои́те Христу́,/ со А́нгелы ликовству́юще,/ Све́том Боже́ственным обожа́еми,/ помина́йте всегда́ блажа́щих вас на земли́/ и све́тлое ва́ше соверша́ющих пра́зднество.

Сла́ва, глас 6:

Возсия́ све́тлая святи́телей Христо́вых па́мять,/ ве́рных сердца́ разу́мно просвеща́ющи,/ ю́же мы све́тло соверша́юще днесь,/ моле́бно возопии́м:/ ра́дуйтеся, па́стырие и учи́телие лю́дем Зыря́нския земли́;/ ра́дуйтеся, церко́вное украше́ние,/ архиере́ев добро́то, мона́хов похвало́,/ му́чеников соприча́стницы,/ трие́ святи́телие, Гера́симе, Питири́ме и Ио́но,/ Христа́ Бо́га моли́те/ спасти́ся душа́м на́шим.

На стихо́вне стихи́ры, глас 2.

Подо́бен: До́ме Евфра́фов:

Дом духо́вный/ поспеше́нием благода́ти,/ Гера́симе, яви́лся еси́./ Те́мже, ны́не соше́дшеся,/ тебе́ воспои́м.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Святи́телем похвало́/ и свяще́нником сла́во,/ пра́вило мона́шествующих,/ Питири́ме свя́те,/ ра́дуйся, Це́ркве утвержде́ние.

Стих: Честна́ пред Го́сподем/ смерть преподо́бных Его́.

Храм всесве́тел/ тричи́сленныя зари́ сый,/ озаря́еши ду́ши/ пита́ющихся словесы́ твои́ми,/ свя́те Ио́но.

Сла́ва, и ны́не, Богоро́дичен:

Ра́дуйся, Богоро́дице Де́во,/ ра́дуйся, похвало́ всей вселе́нней,/ ра́дуйся, Чи́стая,/ Ма́ти Бо́гу, Благослове́нная.

Тропа́рь пи́сан на вели́цей вече́рни.

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры, глас 4.

Подо́бен: Я́ко до́бля:

Я́коже зве́зды многосве́тлыя,/ утвержде́ни, прехва́льнии,/ зе́млю Зыря́нскую украси́сте, всечестни́и,/ сию́ луча́ми просвети́вше ве́ры Правосла́вныя/ и язы́ческую тьму отгна́вше, святи́телие./ И ны́не моли́теся/ от скорбе́й и бед изба́витися/ ве́рою соверша́ющим всечестну́ю па́мять ва́шу.

Сия́нии духо́вными/ просвети́вше зе́млю Зыря́нскую,/ светода́тельная со́лнца яви́стеся,/ уче́ния благоче́стия/ лю́дем па́ствы ва́шея простира́юще,/ ве́рных сердца́ и до ны́не просвеща́ете, блаже́ннии,/ отгоня́юще тьму скорбе́й вся́ческих/ си́лою от Де́вы Возсия́вшаго.

Апо́столом равнопропове́дателие,/ святи́телем единому́дреннии,/ по́стником сподви́жницы,/ па́стырие су́ще избра́ннии,/ ми́лости благоутро́бия пода́телие,/ люде́й зыря́нских просвети́телие, досто́йно восхваля́ем вас, святи́телие,/ А́нгелом собесе́дницы/ и моли́твенницы о душа́х на́ших.

И́ны стихи́ры, глас 6:

Вои́стинну, свяще́ннейшии и Богоно́снии,/ я́вльшеся пома́зание Боже́ственное, святи́и,/ Святы́м Ду́хом освяще́ни/ и Богонача́льными светлостьми́ благода́ти облиста́еми,/ я́ко просвети́телие су́ще страны́ Зыря́нския,/ и ны́не моли́тися не преста́йте о лю́дех па́ствы ва́шея/ и о всех, почита́ющих вас.

Та́ко просвети́ся пред челове́ки/ свет жития́ ва́шего,/ святи́телие блаже́ннии,/ я́ко ви́дяще ва́ша до́брая дела́,/ не то́кмо ве́рнии/ просла́виша Отца́ на́шего Небе́снаго,/ но и неве́рнии, Того́ позна́вше,/ ко Христо́вой ве́ре приидо́ша,/ тем светоно́сный ваш пра́здник соверша́ем/ и, веселя́шеся, вас ублажа́ем.

Нощь потреби́сте язы́ческую,/ священнонача́льницы всему́дрии, трие́ святи́телие,/ Гера́симе, Питири́ме и Ио́но,/ блиста́ньми духо́вными просвеща́еми/ и ве́рным всем, сла́внии,/ помышле́ния озари́вше благода́тию/ и Тро́ицу Несозда́нную сла́вити научи́вше./ Тем, светоза́рную ва́шу па́мять ра́достно соверша́юще,/ моли́теся, про́сим Всеблага́го Бо́га,/ мир вселе́нней дарова́ти/ и душа́м на́шим ве́лию ми́лость.

Сла́ва, глас то́йже:

Челове́цы Бо́жий и ве́рнии раби́,/ служи́телие Госпо́дни,/ му́жие жела́ний, сосу́ди избра́ннии,/ столпи́ и утвержде́ние Це́ркве,/ Ца́рствия сонасле́дницы,/ не премолчи́те о нас вопи́ти ко Го́споду.

И ны́не, Богоро́дичен.

Вход. Проки́мен дне и чте́ния три святи́тельская.

При́тчей чте́ние (гла́вы 10, 3 и 8):

Па́мять пра́веднаго с похвала́ми,/ и благослове́ние Госпо́дне на главе́ его́./ Блаже́н челове́к, и́же обре́те прему́дрость,/ и сме́ртен, и́же уве́де ра́зум./ Лу́чше бо сию́ купова́ти,/ не́жели зла́та и сребра́ сокро́вища./ Честне́йшая же есть ка́мений многоце́нных,/ все же честно́е недосто́йно ея́ есть./ Долгота́ бо дней и ле́та живота́ в десни́це ея́,/ в шу́йце же ея́ бога́тство и сла́ва./ От уст ея́ исхо́дит пра́вда,/ зако́н же и ми́лость на язы́це но́сит./ Послу́шайте у́бо мене́, о ча́да,/ честна́я бо реку́,/ и блаже́н челове́к, и́же пути́ моя́ сохрани́т:/ исхо́ди бо мои́ – исхо́ди живота́,/ и уготовля́ется хоте́ние от Го́спода./ Сего́ ра́ди молю́ вас/ и предлага́ю мой глас сыново́м челове́ческим./ Я́ко аз, прему́дрость, устро́их сове́т,/ и ра́зум и смысл аз призва́х./ Мой сове́т и утвержде́ние,/ мой ра́зум, моя́ же кре́пость./ Аз мене́ лю́бящия люблю́,/ и́щущии же мене́ обря́щут благода́ть./ Разуме́йте у́бо, незло́бивии, кова́рство,/ ненака́заннии же, прилага́йте сердца́./ Послу́шайте мене́ и па́ки, честна́я бо реку́,/ и отве́рзу от усте́н пра́вая,/ я́ко и́стине поучи́тся горта́нь мой,/ ме́рзки же предо мно́ю у́стны лжи́выя. С пра́вдою вси глаго́лы уст мои́х,/ ничто́же в них стро́потно, ниже́ развраще́нно./ Вся пра́ва суть разумева́ющим/ и про́ста обрета́ющим ра́зум./ Науча́ю бо вас и́стине,/ да бу́дет о Го́споде наде́жда ва́ша,/ и испо́лнитеся Ду́ха.

Прему́дрости Соломо́новы чте́ние (гла́вы 10, 6, 8 и 9):

Уста́ пра́веднаго ка́плют прему́дрость,/ устне́ же муже́й му́дрых ве́дят благода́ть./ Уста́ му́дрых поуча́тся прему́дрости,/ пра́вда же избавля́ет их от сме́рти./ Сконча́вшуся му́жу пра́ведну, не поги́бнет наде́жда./ Сын бо пра́веден ражда́ется в живо́т/ и во благи́х свои́х плод пра́вды обы́мет./ Свет пра́ведным всегда́,/ и от Го́спода обря́щут благода́ть и сла́ву./ Язы́к му́дрых до́брая свесть,/ и в се́рдце их почи́ет му́дрость./ Лю́бит Госпо́дь преподо́бная сердца́,/ прия́тни же Ему́ вси непоро́чнии в пути́./ Му́дрость Госпо́дня просвеща́ет лице́ разу́мнаго./ Постига́ет бо жела́ющия ю,/ пре́жде да́же разуме́ти ю,/ и удо́бь у́зрится от лю́бящих ю./ У́треневавый к ней не утруди́тся,/ и бдяй ея́ ра́ди вско́ре без печа́ли бу́дет./ Я́ко досто́йных ея́ сама́ обхо́дит, и́щущи,/ и во стезя́х ея явля́ется им благоприе́мне./ Му́дрости никогда́же одоле́ет зло́ба./ Сих ра́ди и рачи́тель бых добро́ты ея́,/ и возлюби́х ю, и поиска́х от ю́ности моея́./ И взыска́х неве́сту привести́ себе́,/ я́ко всех Влады́ка возлюби́ ю./ Таи́бница бо есть Бо́жия хи́трости/ и обрета́тельница дел Его́./Труды́ ея́ суть доброде́тели:/ целому́дрию же и ра́зуму та учи́т,/ пра́вде и му́жеству,/ и́хже потре́бнее ничто́же есть в житии́ челове́ком./ А́ще же и мно́гаго иску́сства жела́ет кто,/ весть дре́вняя и бы́ти хотя́щая разсмо́трит./ Свесть изви́тия слове́с и разреше́ния гада́ний,/ зна́мения и чудеса́ проразуме́ет/ и сбытия́ време́н и лет,/ и всем сове́тник есть благ./ Я́ко безсме́ртие есть в ней/ и благосла́вие во обще́нии слове́с ея́./ Сего́ ра́ди бесе́довах ко Го́споду,/ и помоли́хся Ему́,/ и рех от всего́ се́рдца моего́: Бо́же отце́в и Го́споди ми́лости,/ сотвори́вый вся сло́вом Твои́м/ и му́дростию Твое́ю устро́ивый челове́ка,/ да владе́ет бы́вшими от Тебе́ тварьми́/ и да управля́ет мир в преподо́бии и пра́вде./ Даждь ми Твои́х Престо́лов приседя́щую прему́дрость/ и не отлучи́ мене́ от о́трок Твои́х,/ я́ко аз раб Твой и сын рабы́ни Твоея́./ Посли́ ю с Небе́с от свята́го жили́ща Твоего́/ и от Престо́ла сла́вы Твоея́,/ да, су́щи со мно́ю, научи́т мя,/ что благоуго́дно есть пред Тобо́ю,/ и наста́вит мя в ра́зум,/ и сохрани́т мя в сла́ве свое́й./ Помышле́ния бо сме́ртных вся боязли́ва/ и погре́шительна умышле́ния их.

Прему́дрости Соломо́новы чте́ние (глава́ 4):

Пра́ведник, а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется./ Седи́на же есть му́дрость челове́ком,/ и во́зраст ста́рости – житие́ нескве́рное./ Благоуго́ден Бо́гови быв, возлю́блен бысть/ и живы́й посреде́ гре́шник преста́влен бысть./ Восхище́н бысть, да не зло́ба измени́т ра́зума его́/ или́ лесть прельсти́т ду́шу его́./ Раче́ние бо зло́бы помрача́ет до́брая/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

На лити́и стихи́ры, глас 2:

Прииди́те, зыря́нстии наро́ди,/ псало́мски восплещи́те рука́ми,/ просвети́тели ва́ша воспева́юще,/ печа́льным уте́шители,/ о гре́шных ко Го́споду моли́твенники,/ три святи́тели, Гера́сима, Питири́ма и Ио́ну,/ похвалу́ земли́ Зыря́нския/ и всея́ Росси́и вели́кое украше́ние,/ ре́ки ми́лости вои́стинну,/ Боже́ственнаго Христо́ва смире́ния ревни́тели,/ при́сно моля́щияся о душа́х на́ших.

Име́юще дерзнове́ние ко Го́споду,/ па́стырие всесвяще́ннии,/ трие́ святи́телие пресла́внии,/ ве́рных утвержде́ние,/ любо́вию соверша́ющим всечестну́ю па́мять ва́шу/ моли́те изба́витися вся́каго обстоя́ния, и искуше́ний, и бед/ ва́шими ко Влады́це моли́твами.

Сла́ва, глас то́йже:

Разу́мнии церко́внии свети́льницы,/ Тро́ицы побо́рницы,/ святи́телие Христо́вы, Гера́симе, Питири́ме и Ио́но,/ мглу пре́лести отгна́вше/ и Правосла́вия све́том зе́млю Зыря́нскую просвети́вше,/ Боже́ственныя сла́вы прича́стницы бы́ти сподо́бистеся,/ те́мже моли́теся Христу́ Бо́гу/ дарова́ти нам ве́лию ми́лость.

И ны́не, Богоро́дичен.

На стихо́вне стихи́ры, глас 2.

Подо́бен: Ки́ими похва́льными:

Ки́ими пе́сненными добро́тами/ воспои́м три святи́тели,/ люде́й зыря́нских наста́вники ко све́ту Богоразу́мия,/ страны́ сия́ храни́тели/ и всея́ Росси́йския земли́ засту́пники,/ Це́ркве Правосла́вныя побо́рники,/ и́хже моли́твами враго́в Це́ркве возста́ния Христо́с низложи́,/ име́яй ве́лию ми́лость.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Ки́ими бо́дренными устна́ми/ похва́лим три святи́тели,/ Христо́вы Це́ркви све́тлое украше́ние,/ благоче́стия наста́вники,/ исто́чники Боже́ственных исцеле́ний неисчерпа́емыя,/ проли́тие дарова́ний духо́вных,/ ре́ки мно́гих чуде́с,/ о́бласть Зыря́нскую и всю зе́млю Ру́сскую веселя́щия тече́нием,/ Гера́сима, Питири́ма и Ио́ну,/ ве́ры Правосла́вныя посо́бники,/ и́хже ра́ди враго́в Це́ркве возста́ния Христо́с низложи́,/ име́яй ве́лию ми́лость.

Стих: Честна́ пред Го́сподем/ смерть преподо́бных Его́.

Ки́ими укра́шенными гла́сы/ воспое́м три святи́тели, ди́вныя в чудесе́х,/ Гера́сима, Питири́ма и Ио́ну,/ освяще́нныя от пеле́н столпы́ Це́ркве неподви́жимыя,/ Безпло́тным сожи́тели, пра́вды побо́рники,/ оби́димых засту́пники, немощны́м врачи́ безме́здныя,/ и́хже ра́ди, Христе́,/ да́руй Це́ркве Твое́й мир и ве́лию ми́лость.

Сла́ва, глас 3:

Святи́телие всечестни́и,/ преблаже́ннии отцы́ и чудотво́рцы,/ уго́дницы Христо́вы,/ Зыря́нския земли́ просвети́телие,/ Гера́симе, Питири́ме и Ио́но,/ вы, проро́ческим житие́м просия́вше,/ апо́стольских сподо́бистеся даро́в,/ Спа́су служа́ще со А́нгелы непреста́нно,/ моли́те изба́витися нам от вся́каго прегреше́ния/ и душа́м на́шим пода́ти мир и ве́лию ми́лость.

И ны́не, Богоро́дичен.

Тропа́рь, глас 8:

Равноапо́стольному святи́телю Стефа́ну насле́довавшии/ и Правосла́вия све́том страну́ Зыря́нскую озари́вшии,/ святи́телие Христо́вы Гера́симе, Питири́ме и Ио́но,/ Престо́лу Пресвяты́я Тро́ицы ны́не предстоя́ще,/ моли́теся па́стве ва́шей от враго́в ненаве́тованней бы́ти/ и всем правосла́вным лю́дем в ми́ре спасти́ся.

Ин тропа́рь, глас 4:

Первопресто́льницы Пе́рмстии/ и и́стиннии храни́телие апо́стольских преда́ний,/ столпи́ непоколеби́мии,/ благоче́стия учи́телие, Пе́рмстии наста́вницы,/ Гера́симе, Питири́ме и Ио́но,/ Влады́ку всех моли́те мир вселе́нней дарова́ти/ и душа́м на́шим ве́лию ми́лость.

Ин тропа́рь, глас 8:

Правосла́вия наста́вницы,/ благоче́стия учи́телие и ми́лости сокро́вища,/ архиере́ом украше́ние,/ ду́ши своя́ за па́ству свою́ положи́вшии,/ Гера́симе, Питири́ме и Ио́но,/ святи́телие Це́ркве Пе́рмския,/ со равноапо́стольным Стефа́ном моли́те Христа́ Бо́га/ мир вселе́нней дарова́ти/ и душа́м на́шим ве́лию ми́лость.

НА У́ТРЕНИ

По 1-м стихосло́вии седа́лен, глас 5.

Подо́бен: Собезнача́льное Сло́во:

Я́ко драго́е украше́ние Це́ркве, святи́тели Госпо́дни восхва́лим,/ церко́вных преда́ний сокро́вище неоску́дное,/ си́ми бо ти́и вся научи́ша Тро́ицу почита́ти Святу́ю,/ соедине́нну бо Существо́м, разделе́нну же Ипоста́сьми.

Сла́ва, и ны́не, Богоро́дичен:

Ско́рый Твой покро́в, и по́мощь, и ми́лость покажи́ на рабы́ Твоя́,/ и во́лны суе́тных по́мыслов укроти́, Чи́стая,/ и па́дшую мою́ ду́шу возста́ви, Богоро́дице,/ вем бо, вем, Де́во, я́ко мо́жеши, ели́ка и хо́щеши.

По 2-м стихосло́вии седа́лен, глас 3.

Подо́бен: Боже́ственныя ве́ры:

Столпи́ бы́сте Це́ркве и бога́тство некра́домое благоче́стия яви́стеся, пресла́внии святи́телие,/ безстра́стием осия́ли есте́ житие́ свое́/ и пре́жде неве́дущим Тро́йческое изъясни́сте уче́ние./ Отцы́ преподо́бнии, Христа́ Бо́га моли́те о спасе́нии душ на́ших.

Сла́ва, и ны́не, Богоро́дичен:

Красоте́ де́вства Твоего́/ и пресве́тлой чистоте́ Твое́й Гаврии́л удиви́вся, вопия́ше Ти, Богоро́дице:/ ку́ю Ти похвалу́ принесу́ досто́йную?/ Что же возымену́ю Тя?/ Недоумева́ю и ужаса́юся./ Те́мже, я́ко повеле́н бых, вопию́ Ти:/ ра́дуйся, Благода́тная.

По полиеле́и седа́лен, глас 4:

Прему́дрии учи́телие, Бо́га просла́вившии на земли́ словесы́ и де́лы свои́ми,/ да возвели́чатся днесь, я́ко спасе́ния нам су́ще хода́таи.

Сла́ва, и ны́не, Богоро́дичен:

Воспита́вшейся во хра́ме, во свята́я святы́х,/ оде́янней ве́рою и прему́дростию и безме́рным де́вством,/ Архистрати́г Гаврии́л принесе́ с Небесе́ целова́ние и е́же ра́дуйся:/ ра́дуйся, Благослове́нная, ра́дуйся, Препросла́вленная, Госпо́дь с Тобо́ю.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Ева́нгелие от Иоа́нна, зача́ло 36.

По 50-м псалме́ стихи́ра, глас 6:

Боже́ственная благода́ть осеня́ет всечестну́ю па́мять ва́шу, преблаже́ннии,/ тем, во благоуха́ние чуде́с ва́ших притека́юще к вам, усе́рдно вопие́м:/ трие́ святи́телие пресла́внии,/ Гера́симе, Питири́ме и Ио́но,/ Христа́ Бо́га моли́те о душа́х на́ших.

Кано́н, глас 8.

Песнь 1

Ирмо́с: Пои́м Го́сподеви,/ прове́дшему лю́ди Своя́ скво́зе Чермно́е мо́ре,/ я́ко Еди́н сла́вно просла́вися.

Сло́во благода́ти пода́ждь ми, Человеколю́бче Го́споди,/ я́ко да возмогу́ досто́йне просла́вити три святи́тели,/ и́хже Ты Сам до́бре просла́вил еси́.

Вы в ми́ре просия́сте, прему́дрии святи́телие,/ исполне́нием Боже́ственных веле́ний Царя́ ца́рствующих,/ того́ ра́ди от Него́ просла́вистеся.

Просия́вшия в ми́ре благоче́стия све́том/ и нече́стия тьму в земли́ Зыря́нстей разгна́вшия,/ три святи́тели, ве́рнии, просла́вим.

Богоро́дичен: Я́ко заче́ншую Предве́чное Сло́во/ и пло́тию па́че сло́ва Того́ ро́ждшую,/ Тя, Пречи́стая, по до́лгу вси ро́ди земни́и прославля́ют.

Песнь 3

Ирмо́с: Утвержде́й в нача́ле Небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́,/ я́ко несть свят, па́че Тебе́, Еди́не Человеколю́бче.

Воздержа́нием и́стинным и моли́твою непреста́нною,/ прему́дрии святи́телие Гера́симе, Питири́ме и Ио́но,/ возшли́ есте́ в Вы́шний град, вопию́ще:/ несть свят, па́че Тебе́, Еди́не Человеколю́бче.

Я́ко иму́щие дерзнове́ние к Бо́гу, святи́телие преподо́бнии,/ моли́те спасти́ся нам, ве́рою почита́ющим па́мять ва́шу и Христу́ вопию́щим:/ несть свят, па́че Тебе́, Еди́не Человеколю́бче.

Я́ко со́лнце, просия́сте доброде́тельми ва́шими, святи́телие,/ и тьму идолобе́сия от люде́й, вам вве́ренных, отгна́вше,/ всех научи́сте взыва́ти/ несть свят, па́че Тебе́, Еди́не Человеколю́бче.

Богоро́дичен: Не́бо и престо́л Бо́жий Тя почита́ем вси, Богороди́тельнице Де́во,/ и немо́лчно Тебе́ вопие́м:/ несть Пречи́стыя, па́че Тебе́, еди́на Богома́ти.

Седа́лен, глас 3:

Сосу́ди честни́и воздержа́ния/ и бога́тство некра́домое благоче́стия яви́стеся вои́стинну, блаже́ннии,/ безстра́стием жизнь просвети́вше и неве́дущих Бо́га Богопозна́нием обогати́вше,/ отцы́ преподо́бнии, Христа́ Бо́га моли́те/ и нам всем в правове́рии и благоче́стии сохране́нными бы́ти.

Сла́ва, и ны́не, Богоро́дичен:

Ки́йждо, иде́же спаса́ется, та́мо пра́ведно и притека́ет,/ и ко́е ино́е таково́е прибе́жище, я́ко Ты, Богоро́дице,/ покрыва́ющее ду́ши на́ша.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Прему́дростию, во усте́х ва́ших излия́вшеюся, святи́телие,/ ко Христо́ву позна́нию наста́висте лю́ди,/ и́же и просла́виша Того́ Божество́.

Спасти́ся моли́те лю́дем, и́хже уче́нии ва́шими ко Влады́це приведо́сте/ и научи́сте прославля́ти Того́ Божество́.

Преподо́бнии отцы́, Гера́симе, Питири́ме и Ио́но,/ приле́жно моли́те и нам всем дела́ Бо́жии разуме́ти/ и просла́вити Того́ Божество́.

Богоро́дичен: Безневе́стная Неве́сто и Неискусобра́чная Чи́стая Ма́ти Христа́ Бо́га,/ моли́ спасти́ся душа́м прославля́ющих Того́ Божество́.

Песнь 5

Ирмо́с: У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не ве́мы.

Апо́стольски лю́ди от тьмы и́дольския просвети́вше, научи́сте вся взыва́ти:/ Го́споди, спаси́ ны, кроме́ бо Тебе́, ино́го не ве́мы.

От Бо́га прие́мше свяще́нства избра́ние, Боже́ственною си́лою свы́ше оде́яни,/ род Зыря́нский научи́ли есте́ испове́дати:/ кроме́ Еди́наго Бо́га, ино́го не ве́мы.

Ревни́телю Илии́ и Моисе́ю Богови́дцу возревнова́вше, отцы́ всечестни́и,/ посрами́сте идолослужи́телей, не восхоте́вшия пе́ти:/ кроме́ Еди́наго Бо́га, ино́го не ве́мы.

Богоро́дичен: Я́ко Цари́цу, всех Царя́ ро́ждшую,/ прииди́те, ве́рнии вси, Благослове́нную почти́м,/ кроме́ бо Ея́, Помо́щницы таковы́я не ве́мы.

Песнь 6

Ирмо́с: Ри́зу мне пода́ждь све́тлу,/ одея́йся све́том, я́ко ри́зою,/ Многоми́лостиве Христе́ Бо́же наш.

Це́рковь Правосла́вную украси́сте, отцы́ блаже́ннии,/ доброде́тельными ва́шими дея́нии/ и нече́стие из ко́рене изсуши́ли есте́.

Ри́зою благода́ти оде́яннии,/ покро́вом моли́тв свои́х осеня́йте при́сно па́ству ва́шу/ и всю зе́млю Ру́сскую.

Вме́сто ору́жия сло́во взе́мше, святи́телие,/ и язы́ческая посе́кли есте́ уче́ния вся/ и изъясни́ли есте́ Тро́ицу лю́дем зыря́нским я́вственно.

Богоро́дичен: Роди́вся от Де́вы, мир просвети́л еси́, Христе́ Бо́же,/ и мене́ све́том лица́ Твоего́ озари́ и спаси́ мольба́ми Ро́ждшия Тя.

Конда́к, глас 4:

Во святи́телех благоче́стно пожи́вше/ и Пе́рмския лю́ди к Богоразу́мию наста́вивше,/ до́бре Бо́гу угоди́сте./ Сего́ ра́ди Устьвы́мь и земля́ Зыря́нская хва́лятся,/ име́юще мо́щи ва́ша/ я́ко исто́чник исцеле́ний/ всем, с ве́рою притека́ющим к вам,/ вы бо чудесы́ просла́вистеся,/ я́ко ученицы́ Бо́жия благода́ти.

И́кос:

Равноапо́стольнаго Стефа́на прее́мницы и Великопе́рмстии святи́телие,/ трие́ свети́льницы пресве́тлии, Гера́симе, Питири́ме и Ио́но,/ Тро́ицы побо́рницы, Правосла́вию наста́вницы,/ в ми́ре благоче́стно пожи́сте и новокреще́нныя лю́ди уче́нием свои́м просвети́сте./ Сего́ ра́ди Ца́рствию Небе́сному насле́дницы бы́сте/ и от него́ чудесы́ просла́вистеся,/ я́ко ученицы́ Бо́жия благода́ти.

Песнь 7

Ирмо́с: В нача́ле зе́млю основа́вый/ и Небеса́ сло́вом утверди́вый,/ благослове́н еси́ во ве́ки, Го́споди, Бо́же оте́ц на́ших.

И́стинныя святи́тели Боже́ственныя ста́ду Твоему́ па́стыри показа́вый,/ благослове́н Бог оте́ц на́ших.

Страсте́й пла́мень погаси́сте, святи́телие,/ и ду́ши благочести́вых Боже́ственне ороси́сте, вопию́щих:/ благослове́н Бог оте́ц на́ших.

Воздержа́нием, и бде́нием, и ве́рою и́стинною труди́вшеся, святи́телие, взыва́сте:/ благослове́н Бог оте́ц на́ших.

Богоро́дичен: Нас ра́ди рожде́йся от Де́вы и от врага́ изба́вивый мир,/ благослове́н Бог оте́ц на́ших.

Песнь 8

Ирмо́с: На горе́ святе́й просла́вльшася/ и в купине́ огне́м Присноде́вы Моисе́ови та́йну я́вльшаго,/ Го́спода по́йте/ и превозноси́те во вся ве́ки.

Еле́ем Боже́ственнаго ра́дования я́ко святи́телие пома́зани бы́вше,/ но́выя лю́ди ко Христо́ву позна́нию приведо́сте и всех научи́сте взыва́ти:/ благослове́н Бог оте́ц на́ших.

Бе́гают побежде́ннии ва́ми нача́льницы идолонеи́стовства,/ мудрова́ния же их и зло́бы изба́вльшиися вопию́т Христу́:/ благослове́н Бог оте́ц на́ших.

Ва́ми дре́вле просвеще́нных ча́да/ к вам, я́ко живы́м су́щим, глаго́лют:/ не оста́вите и нас ко благоче́стию путеводи́ти, да с ва́ми вопие́м:/ благослове́н Бог оте́ц на́ших.

Богоро́дичен: Все́льшемуся в чре́во Святы́я Де́вы/ и па́че сло́ва ве́тхаго Ада́ма обно́вльшему, Го́споду пое́м:/ благослове́н Бог оте́ц на́ших.

Песнь 9

Ирмо́с: Проявле́нное на горе́ законополо́жнику во огни́ и купине́/ Рождество́ Присноде́вы/ в на́ше, ве́рных, спасе́ние/ пе́сньми немо́лчными велича́ем.

Безстра́стием и ве́рою, наде́ждою и любо́вию/ путь к жи́зни ве́чной нам показа́вшии, прему́дрии святи́телие,/ пе́сньми немо́лчными вас велича́ем.

Я́ко упа́сших лю́ди жезло́м Ду́ха Свята́го/ и от Бо́жия Це́ркве отгна́вших во́лки лю́тыя,/ вас, трие́ святи́телие всечестни́и, пе́сньми велича́ем.

Мо́щи ва́ша честны́я, блаже́ннии святи́телие Гера́симе, Питири́ме и Ио́но, с любо́вию обстоя́ще,/ пе́сньми достодо́лжными вас велича́ем.

Богоро́дичен: Ра́дуйся, присноживо́тный Исто́чниче нетле́ния,/ ра́дуйся, всесве́тлый со́лнца О́блаче./ Ра́дуйся, Ма́ти Бо́жия, Ю́же немо́лчно велича́ем.

Свети́лен:

Оте́чество свое́ и род оста́вльшия,/ страну́ же Зыря́нскую све́том ве́ры Правосла́вныя просвети́вшия/ и ко Христо́ву позна́нию лю́ди неве́рныя приве́дшия,/ Богоно́сных восхва́лим отце́в.

Сла́ва, и ны́не, Богоро́дичен:

Тебе́ пе́сньми немо́лчными ублажа́ем, Де́во,/ Я́же от Тро́ицы Еди́наго во чре́ве прие́мши, Богоро́дице,/ Боже́ственными рука́ми Пресу́щно Сло́во носи́вшая, непрело́жно и неизме́нно.

На хвали́тех стихи́ры на 4, глас 8:

Име́я ду́шу ми́лостиву,/ и чист по́мысл, и се́рдце несмуще́но,/ и ве́ру непоро́чну, и любо́вь нелицеме́рну,/ учи́тельство изря́дно и святи́тельства досто́инство,/ лико́м святи́телей и му́чеников сопричта́лся еси́ на Небесе́х./ Сего́ ра́ди почита́ем тя, святи́телю Гера́симе,/ и свяще́нными пе́сньми благоче́стно вси ублажа́ем.

О пречестны́й о́тче, досточу́дне,/ прему́дре Питири́ме!/ Ты и́ноческим житие́м Бо́гу угоди́л еси́,/ тя Бог пре́жде избра́ от ю́ности/ па́стыря овца́м слове́сным и вели́ка учи́теля,/ ты свяще́нником наста́вник яви́лся еси́/ и всей Зыря́нстей стране́ звезда́ пресве́тлая,/ кровь же свою́ излия́в за Христа́,/ же́ртву Богоприя́тну за лю́ди твоя́ себе́ приве́л еси́./ Тем святи́телей лик тя восприя́т,/ с ни́ми же моли́ся,/ прося́ ста́ду твоему́ грехо́в оставле́ние.

О́тче Ио́но, Богому́дре святи́телю,/ ты, усе́рдно Христа́ возлюби́в/ и от Него́ Пресвята́го Ду́ха Боже́ственными заря́ми се́рдце твое́ просвети́в,/ светови́ден вои́стинну был еси́/ и лю́ди, во тьме и се́ни сме́ртней седя́щия,/ ко Христо́ву све́ту приве́л еси́./ Те́мже тя свяще́нными пе́сньми/ благоче́стно вси ублажа́ем.

О пречестни́и и досточу́днии трие́ святи́телие,/ Гера́симе, Питири́ме и Ио́но./ Поруче́нный вам тала́нт умно́живше,/ ра́дости сподо́бистеся Го́спода своего́/ и ны́не предстои́те с ли́ки святи́телей,/ укра́шени благода́тию Боже́ственнаго сия́ния./ Те́мже ве́рою и любо́вию/ пресве́тлую ва́шу па́мять восхваля́ем.

Сла́ва, глас 6:

До́брии раби́, блази́и и ве́рнии,/ и до́брии де́лателие виногра́да Христо́ва,/ вы тяготу́ дневну́ю понесли́ есте́,/ да́нный вам тала́нт возрасти́вше/ и по вас прише́дшим не зави́девше./ Те́мже и дверь Небе́сная вам отве́рзеся/ и внидо́сте в ра́дость Влады́ки Христа́,/ моля́щеся о нас, трие́ святи́телие.

И ны́не, Богоро́дичен:

Богоро́дице, Ты еси́ лоза́ и́стинная,/ возрасти́вшая нам Плод Живота́./ Тебе́ моли́мся: моли́ся, Влады́чице, со святи́тели и все́ми святы́ми/ поми́ловатися душа́м на́шим.

НА ЛИТУРГИ́И

Блаже́нны от кано́на пе́сни 3-я и 6-я. Проки́мен, глас 7: Честна́ пред Го́сподем/ смерть преподо́бных Его́. Стих: Что́ возда́м Го́сподеви о всех, я́же воздаде́ ми? Апо́стол ко Евре́ем, зача́ло 335. Аллилу́ия, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются. Стих: Уста́ моя́ возглаго́лют прему́дрость и поуче́ние се́рдца моего́ ра́зум. Ева́нгелие от Матфе́я, зача́ло 11. Прича́стен: Ра́дуйтеся, пра́веднии, о Го́споде, пра́вым подоба́ет похвала́.

Моли́тва

О святи́телие Христо́вы, Гера́симе, Питири́ме и Ио́но! К вам я́ко ча́да ко отце́м, в смире́нии се́рдца с ве́рою и любо́вию вси притека́ем и умиле́нно мо́лимся: предста́тельством ва́шим со равноапо́стольным Стефа́ном испроси́те у Го́спода нам покая́ние и проще́ние всех во́льных и нево́льных согреше́ний на́ших, да, преуспева́юще в и́стинней ве́ре и благоче́стии, яви́мся досто́йни ми́лости Его́ неизрече́нныя. Бу́дите, святи́телие Христо́вы, те́плии о нас пред Бо́гом засту́пницы, да умири́т и укрепи́т Госпо́дь Святу́ю Це́рковь Свою́, да просвети́т лю́ди, седя́­щия во тьме и се́ни сме́ртней. Огражда́йте хода́тайствы ва́­шими зе́млю Росси́йскую, да ти́хое и безмо́лвное житие́ поживе́м в ве́це сем, христиа́нскую кончи́ну и до́брый отве́т на Стра́шнем Суде́ Бо́жи­ем полу́чим и насле́дницы бу́дем Небе́снаго Его́ Ца́рствия во ве́ки веко́в. Ами́нь.

29 января, накануне праздника Собора Вселенских учителей и святителей, Православная Церковь вспоминает и прославляет подвиги трех своих архипастырей Герасима, Питирима и Ионы, которые преемственно, один за другим, продолжили апостольские труды великого просветителя Пермского края святителя Стефана († 1396, память 26 апреля). За 18 лет своей подвижнической деятельности святитель Стефан обратил ко Христу прежде дикий и погрязший в идолопоклонстве народ зырян, создал азбуку для него, построил множество православных церквей, перевел на зырянский язык богослужебные книги и всячески заботился о благе и мире этого народа.

Непосредственным преемником святителя Стефана был епископ Исаакий. Находясь в 1416 году в Москве, епископ Исаакий, устав от забот, испросил у церковноначалия разрешение удалиться на покой и больше не возвращался в Усть-Вымь (ныне селение близ города Яренска на реке Вычегде), где еще в 1383 году святым Стефаном была утверждена кафедра при церкви Благовещения. Новообращенная паства, оставшаяся без архипастырского надзора, легко и скоро могла увлечься прежними верованиями, тем более, что волхвы, потерявшие было свое влияние среди населения, только и ждали подходящего момента. К тому же северо-восточная окраина России (верховья Печоры и Вычегды), где жили зыряне, была мало защищена отдаленным московским княжеством от частых набегов язычников-вогулов и отрядов корыстолюбивой новгородской и вятской вольницы. «Овцы шалят, волки нападают, без пастыря свистеть некому, чтобы пугать и прогонять волков»,– свидетельствовал летописец Епифаний.

Епископу Герасиму († ок. 1441, память 24 января), присланному в эти края после ухода епископа Исаакия, предстояло немало потрудиться для укрепления паствы в вере Христовой.

Древнее местное предание повествует, что епископ Герасим вел строгую аскетическую жизнь, самоотверженно отдавая все свои силы для укрепления в народе православной веры.

Святитель Герасим принял мученическую кончину около 1441 года (смотри о нем 24 января).

Преемником его на Пермской кафедре стал архимандрит московского Чудовского монастыря Питирим († 1456, память 19 августа), известный современникам не только своими иноческими подвигами, но и высокой образованностью.

Известно, что святитель Питирим родился в Ярославле, где еще юношей принял монашеский постриг и был руководим опытным в духовной жизни старцем. Во время иноческого служения святым Питиримом были составлены жизнеописание и канон Митрополиту Московскому Алексию († 1378, память 12 февраля). Прибыв в бедствующую епархию, епископ первым делом разослал послания к вогулам и вятичам, призывая их не тревожить мирных зырян. Но миролюбивые слова святителя лишь укрепили грабителей в чувстве собственной безнаказанности. Давний враг зырян вогульский князек Асыка становился все более и более дерзким и нападал на христианское население, грабя и убивая. Ревностный архипастырь Питирим не щадил ни монастырских, ни своих личных средств, чтобы ослабить зло и облегчить бедствующее положение своей паствы. Святителю приходилось не раз ездить в Москву, испрашивая защиты для зырян, но русским князьям, занятым борьбой за великокняжеский престол, не было дела до бедствий маленького народа. Наконец, когда разбойнические нападения Асыки стали распространяться за пределы Великой Перми, новгородские владельцы земель по Ваге и Двине Василий Своеземцев и Михаил Яковлев со своими дружинами прошли до Урала и усмирили вогулов. Коварный Асыка, затаив ненависть, был вынужден поклясться не тревожить более христиан. Получив свободу, он отправился на Печору, ожидая лишь удаления новгородцев, чтобы снова начать опустошительные набеги.

Святитель Питирим с удвоенной силой стал продолжать свое архипастырское служение, он объезжал свою огромную епархию, беседовал с народом в храмах и домах, и, что особенно любил, проповедовал под открытым небом.

В 1447 году святитель Питирим был вызван для составления соборного послания в Москву, где он просил у великого князя помощи для зырян. По его ходатайству с пострадавших от набегов зырянских семей были сняты подати.

Одним из главных устремлений святителя Питирима стало распространение среди народа духовных книг. Итогом его деятельности по проповедыванию Слова Христова явилось обращение в христианство части вогулов, живших вблизи Перми. Слух о крещении своих «подданных» пробудил в Асыке бешеную ярость, и он стал готовиться к мести. Летом 1455 года, вооружив свои отряды луками и стрелами, со всевозможными предосторожностями, вогульский князь на плотах спустился по реке Вычегде; призвав по дороге корыстолюбиво настроенных вятичей, он достигнул вскоре Усть-Выми.

Был воскресный день. После литургии святитель Питирим, клир и народ совершали молебен на большом мысу. Увидев плывшие по реке плоты, прикрытые ветками деревьев, престарелый архипастырь понял, что это не могло быть случайностью. Он преклонил колена и помолился Богу, троекратно осенив крестом монастырь, церкви и город. Затем, предвидя близкую кончину, владыка обратился к народу: «Возлюбленные братья и чада мои! Господь восхотел предать меня немилосердным вогулам на смерть... Я готов умереть за Господа Бога моего, и лучше мне одному погибнуть, нежели нам всем». Но верная святителю паства, проливая слезы, не трогалась с места, хотя враг был уже близко. Святитель Питирим продолжал уговаривать христиан укрыться и, когда вогулы высыпали на берег, народ разбежался, оставив святителя одного, готовящимся принять добровольные муки.

Владыка Пермский был зверски замучен разбойниками, которые, совершив злодеяние, скрылись, уведя в плен многих жителей.

Сорок дней, пока не был получен ответ из Москвы, тело святого Питирима оставалось в срубе, сооруженном на месте мученической кончины, и, несмотря на знойный август, тление не коснулось его. Со всей Перми стекались толпы скорбящего народа, чтобы поклониться святителю, который при всеобщем плаче был погребен рядом со святителем Герасимом в Усть-Вымском Благовещенском кафедральном соборе.

Святитель Иона († 1470, память 6 июня) был рукоположен на пермскую кафедру в 1455 году, вскоре после мученической кончины святителя Питирима. Нужно было иметь большую самоотверженность и преданность воле Божией, чтобы принять место, обагренное кровью двух его предшественников. Те же самые труды и лишения ожидали владыку Иону, та же опасность в лице затаившихся, но не смирившихся до конца вогульских князей.

В 1458–1459 годах московская рать, показав свою грозную силу, на долгое время утвердила на Пермской земле спокойствие и безопасность. Владыка Иона, воспользовавшись покровительством великого князя, поручившего устюжанам и новгородцам оберегать Пермь от набегов вогулов, установил в ее обширных границах твердый порядок и общественное спокойствие.

Его неусыпные попечения о благе Церкви, бескорыстная готовность содействовать улучшению нравственного и хозяйственного быта зырян, отеческая ко всем благотворительность привлекли к нему народ.

Но главным подвигом святителя Ионы было окончательное обращение в христианство всей Великой Перми, которую он, по выражению летописца, «добавне крести». В отдаленных и глухих местах этой земли, по реке Каме, жили народности, упорно державшиеся язычества, поклонявшиеся Войпелю и Золотой бабе. Посвятив себя просвещению этих язычников, святитель стойко переносил все лишения и обиды, которым он подвергался, борясь с идолопоклонством. После упорной борьбы с волхвами, вызвавшими святителя на прения о вере, святитель Иона ясно показал народу ничтожество языческих кумиров и привел, таким образом, ко Христу влиятельнейшего в тех местах князька, назвав его при Крещении Михаилом. Затем он мужественно приступил к истреблению идолов: подсекал почитаемые язычниками деревья, сжигал кумирницы, обращая в христианство все новых и новых людей.

Вскоре он вызвал из Усть-Выми опытных священников, чтобы они продолжали утверждать веру Христову в сердцах новообращенных. Деятельными и усердными помощниками святителя Ионы в его апостольских подвигах были иноки Троицко-Печерской пустыни (недалеко от Чердыни), по кончине святителя исполнявшие в тех краях обязанности приходских священников.

Как бы предчувствуя близость своей кончины, святитель Иона в последние годы особенно стремился укрепить благочестие в своих простодушных пасомых, не щадя своих старческих сил, выкорчевывал языческие обычаи и традиции. Усилиями пермского Владыки открывались новые церкви, причем нередко на местах языческих капищ. При храмах учреждались школы, где обучались новообращенные.

На пятнадцатом году своего святительского служения 6 июня 1470 года святитель Иона тихо и мирно почил в Усть-Выми. Тело его было положено в том же Благовещенском соборе по левую сторону от его предшественников, святителей Герасима и Питирима.

В 1607 году над их гробницею была установлена икона, изображавшая святителей во весь рост. По соборному постановлению, утвержденному Святейшим Патриархом Ермогеном, определено было общее празднование святителям Пермским 29 января.

Тропа́рь, глас 8:

Всеблаже́нне Лавре́нтие,/ затвори́вый себе́ Го́спода ра́ди в ме́сте те́сне/ и в не́м мно́га ле́та трудолю́бне пожи́вый,/ моли́ся о нас ко Го́споду,/ я́ко да и мы от вся́каго греха́ чу́вства затво́рше,/ полу́чим отверзе́ние двере́й ми́лости Госпо́дни в День су́дный.

Конда́к, глас 6:

Усе́рдне Ла́вре Пече́рстей жела́я от чуде́с прославле́ния,/ себе́ же сама́го смиря́я,/ отре́клся еси́ о́наго,/ бе́дне диа́волом му́чима, исцели́ти,/ отсла́в его́ ко пеще́ре,/ иде́же он исцели́вшися,/ блаже́нне Лавре́нтие,/ просла́ви с тобо́ю Го́спода,/ прославля́ющаго святы́х Свои́х.

Преподобный Лаврентий, затворник Киево-Печерский, епископ Туровский (ХII в.) первоначально подвизался в Киево-Печерском монастыре. О нем, как о святителе, вышедшем из иноков Киево-Печерской обители, упоминает святитель Симон, епископ Владимирский и Суздальский († 1226), в своем «Послании к Поликарпу», положившем начало Киево-Печерскому патерику.

Впоследствии, как это видно из повествования святителя Симона, преподобный Лаврентий пожелал уйти в затвор, но отцы печерские не дозволили ему этого, считая (после искушения, постигшего преподобного Никиту, † 1108, память 31 января) подвиг затворничества весьма трудным и небезопасным. Тогда преподобный Лаврентий перешел в монастырь во имя святого великомученика Димитрия, построенный великим князем Киевским Изяславом Ярославичем (1054–1073, 1076–1078). Здесь, затворившись, преподобный Лаврентий жил в безмолвии и строгом воздержании, пресекая слезами молитвы своей различные искушения. И не только сам избежал уязвления от духов злобы преисподней, но высокими подвигами молитвы и Богомыслия достиг дара исцелений и слыл еще при жизни чудотворцем. Монастырь во имя святого великомученика Димитрия был с 1128 года передан дочерью князя Ярополка Изяславича Анастасиею (супругой Минского князя Юрия, которому принадлежал Туров) в ведение Киево-Печерской обители и считался первоначально приписным к ней.

Во второй половине XII века, когда в Димитриевом монастыре подвизался преподобный Лаврентий, он уже был самостоятельным и управлялся своим игуменом. Независимость его подтверждается тем, что игумен Димитриевского монастыря дозволил преподобному Лаврентию подвизаться в затворе подвигом безмолвия, в чем ему отказали печерские отцы.

Пребывая в затворе, преподобный Лаврентий не прерывал духовного общения с братией Киево-Печерской обители. Известен случай, когда к святому Лаврентию привели одержимого бесом, который заставлял несчастного кликушествовать на разных языках – еврейском, латинском, греческом, а также на неведомых наречиях. Одержимого с трудом удерживали десять человек. Преподобный Лаврентий не смог исцелить его один и велел отвести в Киево-Печерский монастырь. Услышав это, одержимый стал кричать, что боится приблизиться к святым пещерам. Преподобный Лаврентий велел вести его силой. На вопрос провожатых, знавших, что человек тот никогда в обители не бывал,– «кого он боится?» – бес, устами одержимого, назвал по именам тридцать отцов, имевших над ним власть. А погребенные в пещерах «ныне еще больше дерзновения имеют к Богу молиться о своих черноризцах и о приходящих к ним». По приближении к святым вратам обители, нечистый дух оставил страждущего, и он совершенно здоровым вошел в монастырь. Когда его спросили, кто его исцелил, он показал на чудотворную икону Матери Божией и сказал: «Тридцать святых отцов вместе с Нею встретили нас, и я исцелился». Столь великой оказалась сила соборной молитвы Киево-Печерских иноков, предстательством Пресвятой Богородицы.

Вероятно, после этого случая преподобный Лаврентий вернулся в Печерский монастырь. Он был возведен отсюда на кафедру епископов Туровских после кончины знаменитого духовного писателя и проповедника святителя Кирилла Туровского († 1183, память 28 апреля), то есть не ранее 1172 года. В Ипатьевской летописи преподобный Лаврентий упоминается в сане епископа под 1182 годом, когда он участвовал при поставлении пресвитера Василия в архимандрита Киево-Печерского монастыря. Время управления святителя Лаврентия Туровской епархией приблизительно совпадает со временем княжения Святополка Юрьевича, одного из замечательных Туровских князей. Предполагают, что последние годы своей жизни преподобный Лаврентий провел в Киево-Печерском монастыре, куда удалился из любви к затворничеству. Точное время его кончины неизвестно. По другим сведениям, преподобный Лаврентий преставился в Туровском Борисоглебском монастыре. Местное туровское предание гласит, что из этого монастыря в XII веке были взяты нетленные мощи в Киево-Печерскую обитель. Должно быть, это мощи преподобного Лаврентия, который завещал перенести его тело в Киевские пещеры.

В старинных рукописных святцах между святыми, почивающими в Ближних (Антониевых) пещерах, первым указан «святой Лаврентий, епископ Туровский».

В «Иконописном подлиннике» о святом Лаврентии сказано: «Подобием надсед, брада, аки Богословля, раздвоилася, клобук на плечах, риза преподобническая, бос».

Память преподобного Лаврентия, святителя Туровского, совершается также 28 сентября (Собор преподобных отцов Киево-Печерских, в Ближних пещерах) и во 2-ю Неделю Великого поста (Собор всех преподобных отцов Киево-Печерских).