28-й день

Преподо́бнаго отца́ на́шего Ефре́ма Си́рина

Преподобный Ефрем Сирин

Преподо́бнаго Ефре́ма Пече́рскаго, бы́вшего е́внуха кня́зя Ки́евского Изясла́ва, после́ди же епи́скопа Перея́славскаго

Преподобный Ефрем Печерский, епископ Переяславский

Преподо́бнаго Ефре́ма, Новото́ржскаго чудотво́рца

Преподобный Ефрем, Новоторжский чудотворец

Преподо́бнаго Феодо́сия, То́темскаго чудотво́рца

Преподобный Феодосий Тотемский

На Го́споди, воззва́х: стихи́ры на 6, глас 1.

Подо́бен: Небе́сных чино́в:

Ра́йския добро́ты смотря́я/ и бога́тно наслади́вся нетле́нных цветнико́в,/ процве́л еси́ ми́ру ра́зум Бо́жий,/ его́же причаща́ющеся, преподо́бне, духо́вною любо́вию,/ душа́ми возраста́ем духо́вно.

Судии́ прише́ствие написа́в,/ сле́зными струя́ми душ свещи́ запали́ти науча́еши,/ всем вопия́ Жениха́ прише́ствие,/ да оде́ждемся вси оде́ждею све́тлою, сре́сти Жениха́ Христа́.

Воздержа́нием те́ло огради́в,/ страсте́й движе́ния умертви́л еси́, о́тче,/ моли́твами и бде́ньми./ Те́мже в тя Ду́ха си́ла все́льшаяся/ показа́ мы́сленна тя свети́льника и всеми́рнаго.

Сла́ва, глас 6:

Смы́сленно мяте́жных жития́ отступи́в,/ Ефре́ме приснопа́мятне,/ любомолча́нием пусты́ню дости́гл еси́/ и, тоя́ ра́ди к Бо́гу де́тельне возводи́м/ ми́ру просия́л еси́ свети́ло/ и глаго́лы живо́тныя челове́ком источи́л еси́./ Те́мже не преста́й моли́твами твои́ми утвержда́я нас,/ от вреда́ чужда́го изба́вити ду́ши на́ша,/ преподо́бне о́тче.

И ны́не, Богоро́дичен или́ Крестобогоро́дичен:

На Дре́ве Живо́т наш зря́щи, Всенепоро́чная Богоро́дице, ви́сящ,/ ма́терски рыда́ющи, вопия́ла еси́:/ Сы́не Мой и Бо́же Мой,/ спаси́ любо́вию пою́щия Тя.

На стихо́вне Окто́иха.

Сла́ва, глас 4. Анато́лиево:

Проро́чески омака́я посте́лю слеза́ми/ и поуче́нием жития́ творя́ покая́ние,/ Суда́ страх де́лы нам от слове́с показа́л еси́,/ и твою́ почита́ем вси, соше́дшеся, всеблаже́нне, па́мять,/ пресла́вных дея́ний самоде́телю Госпо́день,/ Ефре́ме приснопа́мятне./ Те́мже и ны́не мо́лим тя:/ моли́ся Христу́ Бо́гу о душа́х на́ших.

И ны́не, Богоро́дичен или́ Крестобогоро́дичен.

Подо́бен: Я́ко до́бля:

А́гнца и Па́стыря Тя на Дре́ве я́ко ви́де,/ А́гница ро́ждшая рыда́ше/ и ма́терски Тебе́ веща́ше:/ Сы́не вожделе́ннейше,/ ка́ко на дре́ве Кре́стнем пове́шен еси́, Долготерпели́ве?/ Ка́ко ру́ки и но́ги Твоя́, Сло́ве,/ пригвозди́шася от беззако́нных,/ и кровь Твою́ излия́л еси́, Влады́ко?

Тропа́рь, глас 8:

Слез твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней, сия́я чудесы́, Ефре́ме, о́тче наш,/ моли́ Христа́ Бо́га спасти́ся душа́м на́шим.

НА У́ТРЕНИ

О́ба кано́на Окто́иха, и свята́го на 6.

Его́же краегране́сие: Ефре́ма честву́ю, у́мнаго Евфра́та. Феофа́ново. Глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на ви́дя потопля́ема,/ Бо́гу, побе́дную песнь, пои́м, вопия́ше.

Евфра́тским одожде́нием твои́х моли́тв ду́шу мою́ напо́й,/ изсо́хшую зно́ем страсте́й,/ и сло́во ми вдохни́, твой восхваля́ющу пра́здник, всеблаже́нне.

Свет мы́сленный облиста́в,/ све́тлое яви́лся еси́ со́лнце светолу́чными доброде́тельми/ и уче́ний добро́тами, Ефре́ме, озаря́я ве́рных все исполне́ние.

Струя́ми слез пла́мень страсте́й погаси́в,/ был еси́ сосу́д че́стен, Ефре́ме, Свята́го Ду́ха,/ исто́чники источа́я уче́ний, Богоблаже́нне.

Богоро́дичен: Нетле́нно Сло́во во утро́бе прии́мши,/ родила́ еси́ избавля́ющего от тли Тому́ служа́щия при́сно,/ Ма́ти Де́во Чи́стая, две́ре и́стинно Жи́зни.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Ти́ны вся́кия страстны́я себе́ очи́стив,/ яви́лся еси́ прия́телище доброде́телей я́ко и́стинно/ и сосу́д вмести́телен дарова́ний Свята́го Ду́ха.

Ника́коже сна очи́ма дав,/ храм яви́лся еси́ Святы́я Тро́ицы и прему́дрости сокро́вище,/ мир обогаща́я златоза́рными уче́нии, блаже́нне.

Познава́ет друга́го тя Христо́ва честна́я Це́рковь златото́чнаго Евфра́та,/ наводня́юща му́дрых уче́ний пото́ками и тварь всю напоя́юща.

Богоро́дичен: Во двою́ естеству́ Еди́ный от Святы́я Тро́ицы,/ из чи́стых Твои́х крове́й воплоще́н, боголе́пно про́йде,/ су́щия от Ада́ма спаса́я, Всечи́стая, бла́гостию.

Седа́лен, глас 5:

Подо́бен: Собезнача́льное Сло́во:

Сокро́вище прему́дрости,/ та́ин Христо́вых ча́шу Боже́ственнаго умиле́ния,/ воспои́м, ве́рнии, в па́мять его́:/ тезоиме́нно бо при́сно сердца́ ве́рных весели́т словесы́ Боже́ственными Ефре́м,/ я́ко де́латель и таи́нник Госпо́дних открове́ний.

Сла́ва, и ны́не, Богоро́дичен:

Те́плая Предста́тельнице и непобеди́мая,/ упова́ние изве́стное и непосты́дное,/ стено́, и покро́ве, и приста́нище притека́ющих к Тебе́, Присноде́во Чи́стая,/ Сы́на Твоего́ и Бо́га моли́ со А́нгелы/ мир да́ти ми́ру, и спасе́ние, и ве́лию ми́лость.

Крестобогоро́дичен:

Кресто́м Сы́на Твоего́, Богоблагода́тная, и́дольская пре́лесть вся упраздни́ся/ и де́монская кре́пость попра́ся,/ сего́ ра́ди, ве́рнии, по до́лгу Тя при́сно пое́м, и благослови́м,/ и, Богоро́дицу вои́стинну испове́дающе, Тя велича́ем.

Песнь 4

Ирмо́с: Христо́с моя́ си́ла,/ Бог и Госпо́дь,/ честна́я Це́рковь боголе́пно пое́т, взыва́ющи,/ от смы́сла чи́ста о Го́споде пра́зднующи.

Глаго́лов си́ла твои́х протече́ весь мир,/ высокотво́рным сия́нием смире́ния слепоту́ душ отгоня́щи, блаже́нне.

Непоро́чно соверши́л еси́ житие́, слеза́ми себе́ омыва́я/ и Судии́ всем прише́ствие напису́я словесы́ му́дрыми, Богоявле́нне досточу́дне.

Ви́дев твоего́ Госпо́дь смире́ния пресла́вную высоту́,/ высокотво́рное сло́во тебе́ да́рует,/ и́мже ересе́й лю́тая смири́шася возноше́ния.

Укрепи́вся благода́тию Вседержи́теля,/ к нача́лом ополчи́лся еси́ де́монским, о́тче, и победи́л еси́,/ о нас моля́ся те́пле, восхваля́ющих тя.

Богоро́дичен: Я́ко Боже́ственный храм,/ я́ко го́ру святу́ю, я́ко исто́чник нетле́ния,/ я́ко и́збранну еди́ну бы́вшую Зижди́телю на́шему Бо́гу,/ Де́ву ублажи́м.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

Слез пото́ками сласте́й до конца́, о́тче, изсуши́л еси́ пучи́ну/ и источе́нии твои́х уче́ний ересе́й пото́ки, блаже́нне, потопи́л еси́.

Ум твой манове́нием е́же к Бо́гу, о́тче, просвеща́емь, Ефре́ме,/ Богови́ден весь бысть, я́коже зерца́ло Боже́ственнаго Ду́ха,/ невеще́ственно явле́ния прие́мля.

Храм был еси́ вмести́телен, о́тче, Тро́ицы во и́стинну и испещре́н благода́тию,/ и озаре́нием чи́стых доброде́телей, и уче́ний це́лостию.

Богоро́дичен: Мертва́ мя показа́ во Еде́ме вкуше́ние дре́ва лука́вым наве́том зми́я,/ Ты же, Жизнода́теля Христа́ ро́ждши, оживи́ла мя еси́,/ Еди́на Богора́дованная.

Песнь 6

Ирмо́с: Жите́йское мо́ре/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/ Многоми́лостиве.

Не песо́к основа́ние, но ве́ру нерасте́рзну, Богоно́се, положи́в,/ от вра́жиих вся́ческих наве́тов непрекло́нен пребы́л еси́,/ непобеди́мою дла́нию окормля́емь.

Язы́к твой, я́ко трость пи́сменника скоропи́сца, вои́стинну бысть,/ повеству́ющ ра́зум всеблагочести́в,/ на скрижа́лех начерта́ющ серде́чных, о́тче, зако́н Ду́ха.

Твою́ пла́вающии догма́тов тишину́, Ефре́ме Богому́дре,/ пучи́ны треволне́ний избавля́ются душевре́дных/ и бу́ри ересе́й, возни́чуще, ве́рою спаса́ются.

Богоро́дичен: Вся́кия вы́шши разумева́емыя, я́ко Бог, и ви́димыя тва́ри,/ вопло́щен, про́йде из Твоего́ чре́ва,/ соблю́д Тя нетле́нну, я́коже бе пре́жде Рождества́,/ Ма́ти Де́во.

Конда́к, глас 2.

Подо́бен: Вы́шних ища́:

Час при́сно прови́дя Суда́,/ рыда́л еси́ го́рько, Ефре́ме, я́ко любобезмо́лвный,/ де́лателен же был еси́ в де́лех учи́тель, преподо́бне./ Те́мже, о́тче всеми́рный, лени́выя воздвиза́еши к покая́нию.

И́кос:

От вод благода́ти твоея́ иска́пи в ду́шу мою́,/ омыва́я ю от вся́кия скве́рны нечи́стый,/ я́ко да от сих очи́стится/ и, ревни́тельно житие́ по всему́ духо́вно/ про́чее ле́то сконча́вши, сла́дости Боже́ственныя наслади́тся,/ ея́же наслади́лся еси́ и напои́л еси́ вся, от страсте́й пали́мыя./ Се бо словесы́ твои́ми лени́выя воздвиза́еши к покая́нию.

Песнь 7

Ирмо́с: Росода́тельну у́бо пещь соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.

Законоположи́тель мона́шествующих изве́стнейший яви́лся еси́, прече́стне,/ изыма́тель же от вра́жиих вся́ческих сплете́ний./ Те́мже твою́ почита́ют честну́ю и свяще́нную на земли́, блаже́нне, па́мять.

Изря́ден Ду́ха, приснопа́мятне, орга́н был еси́,/ возглаша́ющий твои́ми всегда́ дохнове́ньми,/ и песнь спаси́тельную нам покая́ния песнопоя́, воспева́ющим тя.

Богоро́дичен: Па́че сло́ва́ Твое́ зача́тие, Богоневе́сто,/ Бо́га бо Сло́во родила́ еси́,/ изба́вльшаго от безслове́сия вся челове́ки и сло́во подаю́ща вопи́ти:/ благослове́н еси́, Бо́же оте́ц на́ших.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/вся бо твори́ши, Христе́, то́кмо е́же хоте́ти,/ Тя превозно́сим во вся ве́ки.

Светоно́сен я́ко ино́е показа́лся еси́ со́лнце,/ уче́ний лучи́ испуща́я конце́м,/ тьму несве́тлую отгна́л еси́, блаже́нне, вся́каго греха́ све́том покая́ния.

Струя́ми Боже́ственных догма́тов окружа́емь,/ я́коже ина́я река́, из Еде́ма теку́щи,/ лице́ земли́ напая́я, чу́дне, и нече́стия пле́велы подавля́я.

Богоро́дичен: И́стинную Богоро́дицу испове́дающе Тя,/ а́нгельски, е́же ра́дуйся, ве́рою вопие́м Ти:/ еди́на бо Ра́дость на земли́ родила́ еси́,/ Обра́дованная, при́сно Благослове́нная.

Песнь 9

Ирмо́с: Бо́га челове́ком невозмо́жно ви́дети,/ на Него́же не сме́ют чи́ни А́нгелъстии взира́ти./ Тобо́ю же, Всечи́стая, яви́ся челове́ком Сло́во воплоще́нно,/ Его́же велича́юще,/ с Небе́сными во́и Тя ублажа́ем.

Уязви́вся любо́вию Вседержи́теля, все твое́ житие́, рыда́я, сконча́л еси́,/ вопия́ со у́жасом, преподо́бне:/ осла́би во́лны́ Твоея́, Спа́се, благода́ти,/ се́ю мя бога́тно соблюда́я в бу́дущей жи́зни.

Сла́дко сло́во твое́, умиле́ния пода́тельно,/ испо́лнено просвеще́ния притека́ющим, Богоно́се Ефре́ме досточу́дне,/ непоро́чно же житие́,/ все́ми украша́емо Богосия́нными доброде́тельми и просвеща́емо.

Храм Ду́ха был еси́ и река́, вод живото́чных исполня́ема,/ Це́ркве основа́ние незы́блемое, утвержде́ние мона́шествующих,/ струя́ приснотеку́щая Боже́ственнаго умиле́ния, Ефре́ме досточу́дне.

Богоро́дичен: Разуме́ти не мо́жет ум челове́ческий/ е́же па́че ума́ Рождества́ Твоего́, Де́во, та́инство:/ Бог бо, всели́вся во утро́бу Твою́, ключа́ де́вства не поколеба́,/ я́коже весть Еди́н Сам Непостижи́мый.

Свети́лен.

Подо́бен: Не́бо звезда́ми:

Ча́ша сокрове́нных Христо́вы му́дрости сокро́вищ, Ефре́ме,/ твои́м умиле́нием, преподо́бне о́тче, яви́лся еси́/ и уче́нии твои́ми Боже́ственными ду́ши ве́рных весели́ши.

Богоро́дичен:

Держа́вным Твои́м кро́вом/ от враго́в наве́та ны, Чи́стая, Твоя́ рабы́, сохрани́ вся невреди́мы:/ Тя бо еди́ну и́мамы прибе́жище в ну́ждах.

На стихо́вне Окто́иха.

Сла́ва, глас 2. Киприа́ново:

Я́коже фи́никс, дави́дски процве́л еси́, преподо́бне о́тче,/ язы́ки ху́лящих отсе́кл еси́ мече́м, Ефре́ме,/ бе́здны страсте́й изсуши́л еси́ воздержа́нием,/ орга́н яви́лся еси́ Свята́го Ду́ха,/ кре́стное ору́жие прие́м./ Христа́ непреста́нно моли́ о нас,/ ве́рою соверша́ющих при́сно честну́ю па́мять твою́.

И ны́не, Богоро́дичен или́ Крестобогоро́дичен.

Подо́бен: Егда́ от Дре́ва:

Доса́ды претерпе́вшаго мно́ги/ и на Крест возвы́шеннаго вся́ческих Творца́/ ви́девши, Всечи́стая, стеня́ше, глаго́лющи:/ препе́тый Го́споди, Сы́не и Бо́же Мой,/ ка́ко, почести́ хотя́ созда́ние Твое́, Влады́ко,/ терпи́ши пло́тию безче́стие?/ Сла́ва мно́гому благоутро́бию/ и соше́ствию Твоему́, Человеколю́бче.

НА ЛИТУРГИ́И

Блаже́нны Окто́иха на 4 и свята́го, песнь 3-я, на 4. Проки́мен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Апо́стол к Гала́том, зача́ло 213. Аллилу́ия, глас 6: Блаже́н муж, бо́яйся Го́спода,/ в за́поведех Его́ восхо́щет зело́. Стих: Си́льно на земли́ бу́дет се́мя его́. Ева́нгелие от Матфе́я, зача́ло 43. Прича́стен: В па́мять ве́чную бу́дет пра́ведник:

Преподобный Ефрем Сирин родился в начале IV века в городе Низибии в Сирии (Месопотамия), отчего и получил именование Сирин. Родители его были трудолюбивыми, но небогатыми земледельцами. Отличаясь христианскими добродетелями, они старались воспитать сына в строгом послушании и страхе Божием. Это было нелегко: в отроческие годы Ефрем часто огорчал родителей своей раздражительностью, а в юности – безрассудными увлечениями и ссорами. Он даже сомневался в Промысле Божием, пока не был вразумлен свыше. Однажды Ефрема несправедливо обвинили в хищении овец и посадили в темницу. Пребывая в унынии, Ефрем удостоился услышать во сне голос, призывавший его к покаянию: «Будь благочестив и уразумеешь Промысл; перебери в мыслях, о чем ты думал и что делал...» Оправданный на суде и освобожденный из темницы, преподобный Ефрем понял, что «есть Око, над всем назирающее». Возвратясь домой, он вскоре оставил мир и удалился в горы к отшельникам, где стал учеником святого Иакова, впоследствии святителя Низибийского († ок. 350, память 13 января).

Под духовным руководством аввы Иакова преподобный Ефрем упражнялся в послушании и молитве и стяжал своими иноческими подвигами христианскую кротость, смирение, покорность Промыслу Божию, дающую силу безропотно переносить различные искушения.

Святитель Иаков Низибийский высоко ценил достоинства своего ученика и употреблял их на благо Церкви, поручая ему читать проповеди и обучать детей в училище. В 325 году святитель Иаков взял преподобного Ефрема на I Вселенский Собор в Никее. Четверть века пробыл преподобный Ефрем в послушании у святителя Иакова, до самой его кончины.

За благочестивую, истинно подвижническую жизнь граждане Низибии относились к преподобному с величайшим уважением и любовью. Выполняя послушание, он произносил проповеди перед монастырской братией, изъяснял Священное Писание и изумлял всех красотой и убедительностью своих слов. Преподобный обличил еретика Аполлинария, отрицавшего человеческую природу Христа, и смело выступил против его последователей.

Несмотря на похвалы, воздаваемые его красноречию и мудрости, преподобный Ефрем считал себя малоискусным в изъяснении Слова Божия и с неослабеваемым усердием изучал Священное Писание.

В 363 году Низибия подпала под власть персов, и многие из христиан оставили город. Преподобный Ефрем направился в Едессу. Когда преподобный Ефрем входил в городские ворота, ему повстречалась женщина, которая пристально смотрела на него. На вопрос преподобного, почему она так смотрит, последовал ответ, что ей, как женщине, сотворенной из ребра мужчины, подобает смотреть на мужчину, но преподобному Ефрему, сотворенному из земли, подобает смотреть на землю. Преподобный был поражен мудростью этих слов и возблагодарил Бога за такое вразумление.

В окрестностях Едессы преподобный Ефрем обнаружил много подвижников, живших в пещерах, и поселился вместе с ними. Особенно он сблизился с подвижником Иулианом (память 18 октября), который был одного с ним покаянного духа. Отрешившись от всех земных привязанностей, преподобный Ефрем отдался непрестанной молитве, пощению, бдению и богомыслию. В результате постоянного самоуглубления, он приобрел знание духовной природы человека, проник в тайны человеческого сердца. Преподобный Ефрем назидал и писал о сокрушении душевном, о необходимости проливать слезы покаяния и умиления. К его уединенной пещере стали стекаться толпы народа, желавшего получить наставления и утешения.

Особым качеством преподобного было чрезвычайное незлобие и кротость, которыми он побеждал зло и вразумлял заблудших. Известно несколько случаев, когда он привел к покаянию блудниц. Когда эти женщины побуждали его к греху, желая или соблазнить, или разгневать, преподобный покорно согласился, но предложил совершить грех на многолюдной городской площади. Обескураженные блудницы упрекнули преподобного Ефрема в том, что он не стыдится людей, на что получили ответ; если блудницы стыдятся людей, то тем более следует стыдиться Всеведущего Бога. Посрамленные блудницы раскаялись и встали на путь исправления.

Как-то раз ученик преподобного Ефрема, неся ему пищу, уронил сосуд, разбил его и был очень огорчен, так как знал, что учитель не вкушал пищи уже много дней. Узнав об этом, преподобный стал успокаивать ученика, и чтобы окончательно утешить его, подошел к месту, где лежал разбитый сосуд и стал собирать с земли остатки пищи и уверять, что этого достаточно для насыщения.

Считая, по своему великому смирению, себя ниже и хуже всех, преподобный Ефрем отправился в Египет, чтобы увидеть подвиги великих пустынников. На обратном пути по наитию Святого Духа он постиг глубину святости и мудрости святителя Василия Великого и предпринял путешествие в Кесарию Каппадокийскую, где слушал его поучения. Святи́тель Васи́лий Вели́кий хотел рукоположить преподобного Ефрема во пресвитера, но преподобный счел себя недостойным иерейства, считая невозможным для себя совершать таинство Евхаристии, и, по настоянию святителя, принял лишь сан диакона.

Когда в Едессе умер епископ, жители города хотели поставить епископом преподобного Ефрема, но он, избегая власти, принял на себя подвиг юродства: оборванный, грязный, бегал с криками по городу, отнимая у торговцев на базаре овощи. Когда же в городе был избран новый епископ, преподобный Ефрем прекратил юродство. Пребывая в молитве и посте, он продолжал научать окружающих и оказывать им всякую помощь.

По возвращении в Едесскую пустынь преподобный Ефрем хотел провести остаток своих дней в уединенной молитве. Но Промысл Божий еще раз призвал его на служение ближним. Когда в Едессе наступил голод, преподобный Ефрем вышел из пустыни и своим сильным словом побуждал богатых оказать помощь не имущим. На пожертвования верующих преподобный Ефрем устроил в Едессе богадельню для нищих и больных.

Дожив до глубокой старости, преподобный Ефрем мирно отошел ко Господу, скончался он около 373 – 379 годов.

После кончины преподобного осталось около 100 его сочинений – проповедей, канонов, молитв, которые и поныне пользуются большой известностью, как например, покаянная молитва «Господи и Владыко живота моего...», читаемая Великим постом.

В одних творениях преподобный Ефрем – толкователь Священного Писания, в других – наставник благочестия, в-третьих – обличитель ересей, во многих – замечательный проповедник покаяния и сокрушения сердечного, великий песнопевец и поэт. Святой Григорий Нисский говорит, что «плакать для Ефрема было то же, что для других дышать воздухом, – день и ночь лились у него слезы; но лицо Ефрема цвело и сияло радостью... и там, где Ефрем говорит о сокрушении, он возносится мыслью к благости Божией, изливает благодарение и хвалу Всевышнему».

ВЕ́ЧЕР

Блаже́н муж: 1-й антифо́н. На Го́споди, воззва́х: стихи́ры, глас 4.

Подо́бен: Зва́нный свы́ше:

Егда́ изволе́нием Вы́шняго/ па́стырей Нача́льника, Иису́са,/ зван был еси́, преподо́бне,/ тогда́, ми́ра тле́нная ни во что же вмени́в/ и вся кра́сная предержа́ния оста́вль,/ поше́л еси́ невозвра́тным жесто́ким путе́м, в живо́т веду́щим,/ его́же посо́бием Влады́ки своего́ доше́д,/ ра́дуешися в Небе́сных кро́вех ны́не,/ с чи́ны преподо́бных водворя́яся,/ иде́же потщи́ся мольбу́ приноси́ти Христу́ Бо́гу,/ е́же умири́ти мир и спасти́ ду́ши на́ша.

Егда́ Ду́ха Свята́го пома́занием/ избра́н был еси́, Ефре́ме преподо́бне,/ пасти́ слове́сное ста́до Небе́снаго Царя́,/ тогда́, я́ко до́брый па́стырь и учи́тель,/ вруче́нныя тебе́ о́вцы/ непреста́нно благи́м наказа́нием наставля́я, вразумля́л еси́,/ и, сло́вом утеше́ния пита́я, утвержда́л еси́,/ сама́го себе́ им о́браз сло́вом и де́лом показу́я,/ и, до́бре на па́житех духо́вных упа́с,/ приве́л еси́ це́лы к проше́дшему Небеса́/ па́стырей Нача́льнику, Христу́ Бо́гу,/ Его́же моли́ сохрани́ти и спасти́ и нас от враго́в невреди́мых.

Егда́ благоволе́ние Бо́жие/ разжже́ всех сердца́ в любо́вь к тебе́,/ о́тче преблаже́нне,/ тогда́ по жела́нию диади́му нося́щаго/ о́бщим всех сове́том/ поста́влен был еси́ архиере́й сла́вному гра́ду,/ в не́мже да ве́рне, я́ко ве́рный раб, Влады́це своему́ послужи́ши,/ ве́лие тща́ние о созида́нии в еписко́пии свое́й хра́мов име́л еси́/ и сие́ па́че всех честне́йшее/ и любе́знейшее де́ло себе́ вмени́л еси́,/ е́же умно́жити хвале́ние в сла́ву Христа́ Бо́га на́шего,/ Его́же моли́ спасти́ и просвети́ти ду́ши на́ша.

Сла́ва, глас 6:

Святи́телей удобре́ние,/ преблаже́нне о́тче свяще́ннейший,/ изря́дный учениче́ Христо́в,/ па́стырю до́брый,/ упасы́й ста́до свое́ на па́житех духо́вных,/ Ефре́ме досточу́дне,/ ны́не со святи́тели предстоя́ Престо́лу Христо́ву,/ не преста́й моля́ся о нас,/ пою́щих честно́е твое́ успе́ние.

И ны́не, Богоро́дичен: Кто Тебе́ не ублажи́т:

Вход. Проки́мен дне, и чте́ния святи́тельская (зри страни́цы 332 – 334).

На стихо́вне стихи́ры, глас 6.

Подо́бен: Все отло́жше:

Чистото́ю жития́ твоего́/ и све́тлостию многотру́дных твои́х по́двиг/ озари́в ви́дящих благоле́пие лица́ твоего́,/ всех в любо́вь свою́ привле́кл еси́,/ был бо еси́, я́ко светоза́рное со́лнце,/ сын су́щи невече́рняго Све́та,/ и вшел еси́, иде́же облиста́ет Свет непристу́пный,/ тем, я́ко имы́й дерзнове́ние ко Христу́ Бо́гу,/ моли́ся о почита́ющих твою́ па́мять честну́ю,/ Ефре́ме, о́тче свяще́ннейший.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Ти́хостию и ра́зумом смиренному́дрия твоего́/ к Высоча́йшему Уму́ возше́дши,/ вшел еси́ во свята́я святы́х,/ я́ко архиере́й преподо́бен/ и я́ко священнотаи́нник благосла́вен,/ причасти́лся еси́ Святы́х Та́ин,/ отню́дуже све́том Боговиде́ния озари́лся еси́,/ тем со дерзнове́нием моли́ся о нас,/ пою́щих па́мять твою́, Ефре́ме досточу́дне.

Стих: Восхва́лятся преподо́бнии во сла́ве,/ и возра́дуются на ло́жах свои́х.

Весь ра́зум и тща́ние/ ко благоле́пию Це́ркве Христо́вы восприя́л еси́,/ ю́же, я́ко неве́сту,/ всезлато́ю гри́вною уче́ния твоего́ украси́л еси́/ и, Богодухнове́нными твои́ми словесы́ опоя́сав,/ предста́вил еси́ всекра́сну Влады́це своему́,/ Ему́же ны́не приле́жно моли́ся/ от тли и бед изба́витися/ ве́рою соверша́ющим всечестну́ю па́мять твою́,/ святи́телю Ефре́ме блаже́ннейший.

Сла́ва, глас то́йже:

В благонаро́читый день пра́здника твоего́,/ о́тче преподо́бне,/ ра́дуются согла́сно и игра́ют Росси́йстии собо́ри/ и та́йно лику́ет Христо́ва Це́рковь,/ похва́льная тебе́ принося́щи/ и Христа́ Бо́га в па́мяти твое́й прославля́ющи.

И ны́не, Богоро́дичен: Богоро́дице, Ты еси́ лоза́ и́стинная:

Тропа́рь, глас 8:

Ду́хом горя́ путеше́ствия к святы́м место́м,/ стра́нствовал еси́ в Гре́ческую зе́млю,/ святи́телю Ефре́ме,/ отню́дуже со мно́гою по́льзою возвраща́яся,/ уста́в свята́го Студи́йскаго монастыря́ списа́в,/ а́ки не́кий многоче́стен дар, се́мо прине́сл еси́,/ и́мже и днесь Це́рковь Росси́йская управля́ема/ сла́вит тебе́, и́стиннаго о ней промы́сленника.

Сла́ва, и ны́не, Богоро́дичен: И́же нас ра́ди:

НА У́ТРЕНИ

На Бог Госпо́дь: тропа́рь свята́го, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 1:

Подо́бен: Гроб Твой:

В Вы́шних предстоя́ ны́не Непристу́пному Све́ту,/ нам, па́мять твою́ восхваля́ющим, Ефре́ме, о́тче свяще́ннейший,/ моли́ улучи́ти благода́ть и очище́ние прегреше́ний,/ в день же стра́шнаго испыта́ния ве́лию ми́лость,/ да сподо́бимся с тобо́ю сла́вити вси Еди́наго Человеколю́бца.

Сла́ва, и ны́не, Богоро́дичен:

Всех Созда́тель и Спаси́тель ми́ра,/ пре́жде век от Оте́ческих недр рожде́йся,/ То́йже в ле́то от Тебе́ произше́д, Богоневе́стная Де́во,/ обнови́ истле́вшее челове́ческое естество́/ и Тебе́ показа́ всем спасе́ния на́шего Хода́таицу.

По 2-м стихосло́вии седа́лен, глас 4.

Подо́бен: Яви́лся еси́:

Жесто́кий путь в жи́зни сей ше́ствовал еси́, о́тче,/ и вожделе́ннаго приста́нища мно́гими труды́ свои́ми дости́гл еси́,/ и, вшед в Вы́шнее простра́нство Небе́сное,/ нам оста́вил еси́ ле́ствицу доброде́тельнаго восхожде́ния твоего́,/ Ефре́ме, па́стырю блаже́ннейший.

Сла́ва, и ны́не, Богоро́дичен:

Простра́нным путе́м разли́чных собла́зн ходя́щу/ и к спасе́нному приста́нищу улучи́ти не могу́щу,/ предста́ни ми ско́ро, Пречи́стая Де́во:/ Ты бо еси́ Руководи́тельница Блага́я всем, Тебе́ призыва́ющим.

По полиеле́и седа́лен, глас 5.

Подо́бен: Собезнача́льное Сло́во:

Душе́вных и теле́сных страсте́й отсече́нием/ в пра́вду евну́х проименова́н был еси́, преподо́бне./ Тем, я́ко потопле́ния стра́стнаго мо́ря избежа́вый,/ потщи́ся о нас, любо́вию почита́ющих па́мять твою́, мольбу́ сотвори́ти ко Христу́ Бо́гу,/ да прии́мем благода́ть, и ми́лость, и страсте́й всех свобожде́ние.

Сла́ва, и ны́не, Богоро́дичен:

Мо́лим Тя приле́жно, Богоневе́стная Де́во,/ я́ко иму́щая дерзнове́ние к Сы́ну Своему́ и Бо́гу,/ при́сно моли́ за ны, непотре́бныя рабы́ Твоя́,/ да обря́щем благода́ть и ми́лость в День су́дный.

Та́же степе́нна, 1-й антифо́н 4-го гла́са. Проки́мен, глас 4: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Стих: Услы́шите сия́, вси́ язы́цы,/ внуши́те, вси, живу́щии́ по вселе́нней. Вся́кое дыха́ние да хва́лит Го́спода. Ева́нгелие о́бщее святи́телю.

По 50-м псалме́ стихи́ра, глас 6: Святи́телей удобре́ние: зри сла́вник на Го́споди, воззва́х:

Кано́н Богоро́дицы со ирмосо́м на 6 и свята́го на 6, глас 2.

Песнь 1

Ирмо́с: Гряди́те, лю́дие,/ пои́м песнь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,/ я́ко просла́вися.

Гряди́, Бо́гом со́бранная Це́рковь Христо́ва,/ и пе́сненными венцы́ венча́й венча́ннаго свы́ше благода́тию святи́телем удобре́ние, Ефре́ма чу́днаго,/ побе́дное принося́щи хвале́ние Бо́гу, я́ко просла́вися.

Ты, свяще́ннейший о́тче, нося́ Учи́телев о́браз кро́тости и смире́ния,/ оте́ц ни́щим, сирота́м и вдови́цам был еси́/ и оби́димым ско́рый засту́пник.

По достоя́нию зван был еси́ от Вели́каго Архиере́я,/ И́же се́де одесну́ю Отца́ на высо́ких, пасти́ избра́нное Его́ ста́до, е́же снабде́ Кро́вию Свое́ю,/ и сие́ упа́с до́бре, вшел еси́ в Небе́сная/ предстоя́ти со святи́тели па́стырей Нача́льнику – Христу́.

Па́стырским венце́м твой верх обложе́н ви́дя, свя́те,/ Херуви́м отве́рзе тебе́ Еде́мская врата́./ И вшел еси́, иде́же дре́во жи́зни и пото́к сла́дости безконе́чныя избра́нных насыща́ет.

Богоро́дичен: Отве́рзшая всем врата́ Небе́сная Рождество́м Твои́м, Ма́ти Де́во,/ отве́рзи нам две́ри ми́лости Твое́й/ и введи́ нас в Оте́чество Небе́сное.

Песнь 3

Ирмо́с: Лук сокруши́ся си́льных/ держа́вою Твое́ю, Христе́,/ и си́лою немощетву́ющии/ препоя́сашася.

Лук напряже́н, ум свой име́л еси́ от ю́ности, о́тче, подража́ти А́нгельскому житию́,/ тем, оста́вив служи́ти кня́зю Изясла́ву,/ прише́л еси́ ко Анто́нию в пеще́ру/ и от него́ научи́лся, ка́ко на врага́ препоя́сатися си́лою.

Любо́вию ко Христу́ распали́вся и обнажи́вся ми́ра,/ обле́клся еси́ в ри́зу спасе́ния/ и, шлем на главу́ твою́ рука́ма блаже́ннаго Ни́кона возложи́в,/ пожи́л еси́, аки А́нгел, на земли́,/ быв вне ми́ра и пло́ти.

Ви́дя тя, преподо́бне, лю́тый велиа́р,/ я́ко, презре́в мир, причти́лся еси́ ко ста́ду свято́му Богоно́сных оте́ц,/ умы́сли о́но распу́дити,/ но ты, прие́мь ору́жие – моли́тву, пост и бде́ние, препоя́сался еси́ на него́ духо́вною си́лою.

Был еси́, повину́яся во всем наказа́нию отца́ твоего́, преподо́бнаго Анто́ния,/ я́ко и́стинен подража́тель Иису́су, да́же до сме́рти послушли́ву,/ те́мже превозне́слся еси́ от Него́ на доброде́тели, препоя́сан си́лою.

Богоро́дичен: Немощству́я душе́ю и те́лом,/ к Тебе́, я́ко к си́льной и многомо́щной Цари́це, Богоро́дице,/ всеусе́рдно притека́ю и молю́ся Ти:/ си́лою свы́ше на доброде́тели препоя́сати мя благоволи́,/ да благода́рно воспою́ Твою́ бла́гость, Препе́тая.

Седа́лен, глас 2:

Моли́твенника те́пла, и церко́внаго благоле́пия люби́теля,/ святи́телем удобре́ние, иера́рха Бо́жия Ефре́ма во дне́шний день хвала́ми почти́м:/ той бо, на земли́ во пло́ти Безпло́тным уподо́бився,/ глаго́лом те́плыя моли́твы посе́кл вся плотски́я стра́сти/ и прия́ дерзнове́ние всем в ну́ждах посо́бствовати.

Сла́ва, и ны́не, Богоро́дичен:

К Тебе́, Моли́твеннице те́плой и неруши́мой Стене́,/ всеусе́рдно прибега́ем, Благослове́нная Богоро́дице Де́во, по́мощи прося́ще,/ изба́ви нас от бед и скорбе́й безме́рных:/ и́маши бо благода́ть и си́лу всем в ну́ждах посо́бствовати.

Песнь 4

Ирмо́с: Услы́шах, Го́споди,/ сла́вное Твое́ смотре́ние/ и просла́вих, Человеколю́бче,/ непости́жимую Твою́ си́лу.

Услы́шав, о́тче, а́нгельское житие́ оте́ц Богоно́сных,/ возгоре́лся еси́ ду́хом к святы́м место́м,/ жела́я бы́ти жития́ сих самови́дец и доброде́телем их подража́тель.

В ца́рствующий град Гре́ческия страны́ хотя́ путь ше́ствовати,/ жела́л еси́, преподо́бне, наста́вника своего́ благослове́ния и моли́твы,/ ве́дый, я́ко с благослове́нием се́яй благослове́нныя пожина́ет кла́сы.

Прие́м, свя́те, две криле́ – благослове́ние и моли́тву отца́ своего́,/ а́ки го́лубь из ковче́га, излете́л еси́ в гре́ки,/ ища́ мы́сленныя ве́тви доброде́телей и по́льзы оте́ц Богоно́сных.

Обре́т, е́же жела́л еси́, прему́дре,/ ви́дев святоле́пных оте́ц, а́ки ке́дры в Лива́не или́ фи́ники, посреде́ рая́ Бо́жия процве́тшии,/ от их же цвето́в прине́сл еси́ нам плоды́ – Студи́йскаго монастыря́ уста́вы.

Богоро́дичен: Дре́во души́ моея́, ле́ностию непло́дное, враг всезло́бный сотвори́,/ но да не посече́тся, я́ко о́ная смоко́вница,/ напо́й от исто́чника бла́гости Твоея́, Ма́ти Де́во,/ да принесу́ плод во вре́мя свое́ – житие́ испра́вление.

Песнь 5

Ирмо́с: Све́та Пода́телю и веко́в Тво́рче, Го́споди,/ во све́те Твои́х повеле́ний наста́ви нас:/ ра́зве бо Тебе́, ино́го бо́га не зна́ем.

Све́та Пода́тель – Иису́с, ви́дя ду́шу твою́, чистото́ю блеща́щуюся,/ не даде́ тебе́ бы́ти под спу́дом,/ но поста́ви тя на све́щнице архиере́йства,/ да све́тиши в Це́ркви Его́, ю́же снабде́ че́стною Свое́ю Кро́вию.

Возра́довася град Перея́славль, прие́м тя свети́льника свои́м гра́жданом,/ и исплете́ тебе́ вене́ц похвалы́, я́ко просвети́л еси́ Богодухнове́нными словесы́,/ па́че же о́бразом чи́стаго жития́ твоего́.

Жезло́м па́стырским мы́сленнаго во́лка прогна́л еси́ дале́че от ста́да своего́, о́тче,/ е́же на духо́вную па́жить уче́ния безмяте́жно изве́д,/ подтвержда́л еси́ де́тельными свои́ми и Богодухнове́нными труды́.

Обте́кл еси́, а́ки оре́л, круг еписко́пии твоея́,/ разгоня́я мы́сленныя вра́ны, ду́хи зло́бы поднебе́сныя,/ птенцы́ же своя́ во единомы́слии защища́я от всех вра́жиих наве́тов.

Богоро́дичен: Враг мы́сленный мно́жицею зло́бными кова́рствы на ны напа́дает,/ тща́щися в снедь себе́ похи́тити,/ но Ты, Чадолюби́вая Ма́ти, не преда́ждь нас ловле́нию того́,/ и́бо, а́ки пти́ца, зде создала́ еси́ Себе́ хра́мину/ и го́рлица гнездо́ – оби́тель сию́,/ иде́же положи́ла еси́ ны, а́ки птенцы́, Твоя́ певцы́.

Песнь 6

Ирмо́с: Ко Го́споду от ки́та Ио́на возопи́:/ Ты мя возведи́ из глубины́ а́да, молю́ся,/да я́ко Изба́вителю во гла́се хвале́ния,/ и́стины же ду́хом пожру́ Тебе́.

Ко Го́споду любо́вию и моле́нием распаля́емь,/ мно́гия воздви́гл еси́ це́ркви,/ в ни́хже о всех слове́сных твои́х овца́х приноси́л еси́ безкро́вныя же́ртвы,/ помоли́ся ны́не и о нас, мо́лимтися,/ да в ду́се сокруше́нном зде принесе́м хвале́ние на́шему Влады́це.

Укра́сив, а́ки неве́сту кра́сну, благоле́пием и разли́чными ша́рами Це́рковь Христо́ву,/ был еси́ в ней, а́ки златоза́рный свети́льник, доброде́тельми сия́я, Богому́дре Ефре́ме./ Светоно́сными твои́х моли́тв луча́ми,/ в достоле́пную ти похвалу́ просвети́ ум тя хва́лящих.

Седя́ на престо́ле твое́м, о́тче свяще́ннейший,/ мно́гих, во тьме грехолю́бия седя́щих, уче́нием к покая́нию возста́вил еси́:/ нас, прегреше́ньми па́дших, возста́ви,/ да во гла́се хвале́ния и́стинным ду́хом принесе́м жития́ исправле́ние на́шему Влады́це.

Мно́гия труды́ и по́двиги о ста́де твое́м, блаже́нне, подъя́л еси́,/ доне́леже е́ от собла́зн мы́сленнаго врага́ очи́стил,/ нас, тьмо́ю грехолю́бия омраче́нных, наста́ви к све́ту покая́ния моли́твами твои́ми, Ефре́ме досточу́дне.

Богоро́дичен: Лю́тыми и безчи́сленными страстьми одержи́ми, вопие́м к Тебе́,/ в ро́дех всех Преблаже́нная Ма́ти Бо́га на́шего, возведи́ нас к све́ту безстра́стия,/ да во гла́се хвале́ния принесе́м Ти смире́нныя на́ша моли́твы.

Конда́к, глас 8:

Це́ркви Правосла́вной Росси́йской по жела́нию Богоно́снаго Феодо́сия уста́в Студи́йский прине́сшаго,/ во святи́телех же све́тло просия́вшаго/ и ста́до свое́ до́бре упа́сшаго,/ восхваля́ем тя, Ефре́ме,/ я́ко моля́щася Го́сподеви о всех нас.

Песнь 7

Ирмо́с: О́бразу злато́му, на по́ле Деи́ре служи́му,/ трие́ Твои́ о́троцы небрего́ша безбо́жнаго веле́ния,/ посреде́ же огня́ вве́ржени, ороша́еми, поя́ху:/ благослове́н еси́, Бо́же оте́ц на́ших.

Ду́шу твою́ благово́нными цве́ты, посто́м, моли́твою и смиренному́дрием украси́в,/ предста́вил еси́ ю, а́ки неве́сту чи́сту, Влады́це своему́,/ Ему́же предстоя́, пое́ши:/ благослове́н Бог оте́ц на́ших.

Я́коже в жи́зни сей любо́вию к наста́внику своему́, блаже́нному Феодо́сию, привяза́лся еси́,/ та́ко и по кончи́не неотсту́пен пребыва́я,/ на пренесе́ние моще́й того́ с про́чиими епи́скопы приспе́л еси́,/ и́хже нетле́ние ви́дев, воспе́л еси́:/ благослове́н Бог оте́ц на́ших.

От ю́ности зва́нию Влады́ки своего́ после́довав,/ по мно́гих твои́х труде́х, я́же на престо́ле еписко́пии Перея́славския подъя́л еси́,/ позва́н еси́ на Престо́л Небе́сный в ра́йское селе́ние,/ иде́же со святи́тели и преподо́бных чи́ны пое́ши:/ благослове́н Бог оте́ц на́ших.

Зубы́ скрежета́ху возду́шнии бе́сове,/ ви́дяще тя, от земны́х к ве́чной жи́зни А́нгелами проводи́ма,/ но от дале́че стоя́ху:/ непристу́пен бо им был еси́, огражде́н Небе́сным све́том,/ иде́же и о нас моли́ся, о́тче свяще́ннейший Ефре́ме.

Богоро́дичен: Яря́щияся на мя враги́ посрами́, Богоневе́стная Де́во,/ зу́бы их сотри́ и члено́вныя львов мы́сленных сокруши́, молю́ся Ти,/ да без стра́ха и наве́та сих воспою́, Госпоже́:/ Благослове́нна еси́.

Песнь 8

Ирмо́с: О подо́бии зла́те небре́гше треблаже́ннии ю́ноши,/ неизме́нный и живы́й Бо́жий о́браз ви́девше,/ среди́ огня́ воспева́ху:/ осуществова́нная, да пое́т Го́спода вся тварь/ и превозно́сит во вся ве́ки.

Я́ко благоле́пием Це́рковь Христо́ву, свя́те, украси́л еси́,/ сего́ ра́ди и Христо́с по кончи́не твое́й украси́ храм души́ твоея́,/ те́ло твое́ нетле́нием поче́тше,/ его́же ра́це кла́няющеся, пое́м с пою́щими Го́сподеви во вся ве́ки.

От си́льнаго Воево́ды чино́в Небе́сных,/ в его́же и́мя храм красе́н созда́л еси́,/ введе́н еси́, Ефре́ме, в храм торжеству́ющих/ пе́ти Го́спода во ве́ки.

Апо́столов Первозва́нный, ему́же дом моли́твенный при врате́х созда́л еси́,/ с великому́чеником Фео́дором предусрето́ша тя, о́тче,/ и любе́зно прия́ша в дом Бо́жий Небе́сный, с собо́ю пе́ти Го́спода во ве́ки.

О нас, святи́телю Ефре́ме,/ я́ко имы́й дерзнове́ние к Живонача́льней Тро́ице, не преста́й моля́щи,/ да сподо́бимся дости́гнути в ме́сто кро́ва ди́вна, да́же до до́му Бо́жия,/ иде́же глас ра́дования и пресла́дким шу́мом пою́т Го́спода во ве́ки.

Богоро́дичен: Еди́но Божество́, Тро́ице Свята́я,/ моле́нием Пречи́стыя Богоро́дицы и уго́дника Твоего́ Ефре́ма/ в ра́йских селе́ниих нам да́руй Тя пе́ти во ве́ки вся.

Песнь 9

Ирмо́с: Я́же пре́жде со́лнца свети́льника Бо́га возсия́вшаго,/ пло́тски к нам прише́дшаго из боку́ Деви́чу,/ неизрече́нно воплоти́вшая, Благослове́нная, Всечи́стая,/ Тя, Богоро́дице, велича́ем.

Оста́вив земны́я преде́лы, вшел еси́ в Небе́сная селе́ния,/ иде́же живо́тнаго дре́ва наслажда́яся,/ моли́ не лиши́тися и нам прича́стия о́наго, Ефре́ме преблаже́нне.

Ра́дуется град Перея́славль, помина́я тя, па́стыря своего́,/ мы же торжеству́ем, веселя́щеся, и кла́няемся моще́м твои́м,/ нетле́ние тех ви́дяще, о́тче свяще́ннейший.

Не мо́жет пеще́ра моще́й твои́х, преподо́бне, укры́ти,/ не бо утаи́т свети́льника, в ней тебе́ горя́ща,/ я́ко той похвала́ еси́ и украше́ние.

Нетле́ние моще́й твои́х, свя́те, ви́дяще,/ свет доброде́телей твои́х помина́ем и сла́вим Отца́ Небе́снаго,/ я́ко подаде́ тебе́ просия́ти пред А́нгелы и челове́ки.

Богоро́дичен: Нетле́нным Рождество́м Твои́м, Пречи́стая, от тле́ния свобо́ждшеся,/ воспева́ем немо́лчными гла́сы/ и, покланя́ющеся Рождеству́ Твоему́, Тя, Богоро́дице, велича́ем.

Свети́лен:

Чистоты́ твоея́, о́тче, раче́нием,/ отгна́л еси́ тьму плотски́я стра́сти/ и показа́лся еси́, я́ко светоза́рная звезда́, просвеща́ющая на́ша мы́сли и сердца́, Ефре́ме му́дре,/ отце́в сла́во и преподо́бных украше́ние.

Сла́ва, и ны́не, Богоро́дичен:

Вся красна́ и без поро́ка су́щи, А́нгелов Честне́йшая Де́во,/ души́ моея́ безобра́зие благода́тию Твое́ю в благообра́зие претвори́:/ Ты бо всем еси́ украше́ние и похвала́.

На хвали́тех стихи́ры, глас 1.

Подо́бен: Небе́сных чино́в:

Ми́ром, Богому́дре,/ свы́ше прие́м пома́зание свяще́нное,/ был еси́ па́стырь Христо́ву ста́ду,/ е́же упа́с на па́житех Ева́нгельскаго уче́ния,/ и, приве́д всеце́ло к па́стырей Нача́льнику,/ прия́л еси́ возме́здие до́брых де́лателей,/ с ни́ми́же ны́не ликовству́я,/ помяни́ чту́щих любо́вию па́мять твою́, святи́телю Ефре́ме.

Дом Ду́ха Пресвята́го был еси́,/ его́же пе́рвее водо́ю смире́ния предочи́стив/ и ми́ром благода́ти и чистоты́ душе́вныя пома́зав,/ свеще́ю доброде́телей просвети́л еси́,/ и, прише́д, Оте́ц с Сы́ном оби́тель в тебе́ сотвори́,/ те́мже мо́лим тя, о́тче свяще́ннейший,/ моли́ся Христу́ Бо́гу,/ да прии́мем и мы благода́ть тобо́ю и ве́лию ми́лость.

Я́ко благоче́стия учи́теля,/ и виногра́да Христо́ва ве́рна де́лателя,/ и святи́теля прече́стна,/ в ле́тнюю па́мять соше́дшеся днесь, лю́дие,/ ублажи́м песньми и пе́нии, глаго́люще:/ о́тче преподо́бне Ефре́ме,/ не забу́ди нас, любо́вию чту́щих твое́ успе́ние,/ но моли́ся Христу́ Бо́гу дарова́ти нам ве́лию ми́лость.

Сла́ва, глас 2:

Святи́теля Христо́ва,/ Богоно́снаго отца́ на́шего Ефре́ма,/ прииди́те днесь, празднолю́бных собо́ри,/ пе́сненными похвала́ми воспое́м, глаго́люще:/ ра́дуйся, па́стырю и наста́вниче слове́сных ове́ц Христо́вых избра́ннейший;/ ра́дуйся, святи́телей че́стное удобре́ние./ Ра́дуйся, пресве́тлый свети́льниче и краси́телю церко́вный;/ ра́дуйся, моле́бниче те́плый всем, ве́рно к тебе́ прибега́ющим./ Нас ны́не, любо́вию па́мять твою́ пра́зднующих/ и ра́достною душе́ю к ра́це моще́й твои́х припа́дающих,/ моли́твами твои́ми от бед изба́ви/ и моли́ся Христу́ Бо́гу/ умири́ти мир и спасти́ ду́ши на́ша.

И ны́не, Богоро́дичен: Спаси́ от бед рабы́ Твоя́, Богоро́дице:

Славосло́вие вели́кое и отпу́ст.

До своего пострижения в монашество был казначеем и управлял хозяйством при дворе великого князя Киевского Изяслава (Димитрия) Ярославича (1054–1068). Тяготясь шумной и суетливой жизнью, он желал принять монашество. В 1056 году, вместе с боярским сыном Варлаамом, святой Ефрем принял монашеский постриг от игумена преподобного Никона в Киево-Печерском монастыре, по благословению преподобного Антония Печерского († 1073; память 10 июля и 28 сентября). Разгневанный князь Изяслав потребовал, чтобы преподобный Ефрем возвратился домой, угрожая ему заключением в темницу и уничтожением монастырских пещер. Преподобный Антоний с братией вышли из монастыря и решили на время удалиться в Черниговское княжество. Тогда великая княгиня Мария, родом полячка, напомнила мужу о гневе Божием, постигшем ее отца короля Болеслава, изгнавшего монахов за постриг преподобного Моисея Угрина († ок. 1043; память 26 июля и 28 сентября). Изяслав убоялся гнева Божия, внял уговорам супруги и снял опалу с монастыря. Преподобный Ефрем, не желая навлекать на обитель княжеской немилости, отправился к тому времени странствовать по святым местам. Посетив Святую Гору Афон, он поселился в одном из константинопольских монастырей. Здесь святой Ефрем, по просьбе преподобного Феодосия, списал Студийский устав и переслал его в Киев. Получив устав, преподобный Феодосий ввел его в Киево-Печерской обители.

После 1072 года преподобный Ефрем был поставлен епископом в Переяслав и носил титул митрополита в воспоминание того, что Переяславская епископия наследовала митрополии. Хиротонисан он был в Киеве при митрополите Киевском Иоанне (1077–1089).

В своей епархии святитель Христов Ефрем возвел много благолепных храмов из камня. Среди прочих, по свидетельству современников, особенно выделялись церковь Архистратига Михаила, надвратные церкви святого великомученика Феодора и святого апостола Андрея Первозванного. Святитель Ефрем прославился как благотворитель и благоукраситель Переяслава, укрепив его каменными стенами, устроив бесплатные больницы для бедных, а также общественные бани (по другим сведениям, – крещальни, или баптистерии при храмах). В 1091 году преподобный Ефрем участвовал в открытии и перенесении мощей преподобного Феодосия Печерского. Блаженная кончина преподобного последовала в 1098 году. Честные мощи его были положены в созданной им церкви, а впоследствии перенесены и погребены в Антониевых пещерах Киево-Печерского монастыря. Память святого совершается также 28 сентября и в Неделю 2-ю Великого поста.

Известно, что в древности существовало не дошедшее до нас Житие святителя. Сведения о нем находятся в Житии преподобного Феодосия и в Русских летописях. Святителю Ефрему приписывается Сказание и Похвальное слово Николаю Чудотворцу.

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 1.

Подо́бен: Небе́сных чино́в:

Доброде́телию Боже́ственною,/ я́коже ле́ствицею, на Небе́сныя кру́ги возше́д,/ я́ко со́лнце, во сла́ве ве́чней просвети́лся еси́,/ о́тче Ефре́ме преблаже́нне,/ прие́мля неизрече́нная сия́ния.

Ум просвеще́н стяжа́в,/ ду́шу луча́ми доброде́телей озари́л еси́,/ плотска́я же взыгра́ния воздержа́нием умертви́в,/ свети́льник пресве́тлый яви́лся еси́ в по́стницех./ Тем ны́не во Ца́рствии Бо́жии/ пи́щи приснопребыва́ющия насыща́ешися,/ Боже́ственною сла́вою озаря́емь.

Тро́ица Безнача́льная и Единосу́щная/ избра́ тя в свяще́нное Себе́ селе́ние,/ от мяте́ж бо жите́йских уклони́вся се́рдцем,/ Безпло́тных во пло́ти подража́л еси́, Богоно́се,/ с ни́миже ны́не на Небеси́/ жизнь ве́чную приобре́л еси́.

Сла́ва, глас 6:

Прииди́те, мона́шествующих собо́ри,/ Ефре́ма, благоче́стию подража́теля,/ песньми и пе́ньми восхва́лим/ и, честны́я его́ и многоцеле́бныя мо́щи чту́ще, любе́зно рцем:/ ра́дуйся, Богому́дре о́тче Ефре́ме,/ оби́тели свое́й пресве́тлый свети́льниче./ Ра́дуйся, чи́стый чисте́йшаго Све́та прича́стниче./ Ра́дуйся, Тро́ицы ве́рный служи́телю,/ Е́йже ны́не предстоя́ со А́нгелы,/ моли́ся дарова́ти душа́м на́шим ве́лию ми́лость.

И ны́не, Богоро́дичен:

Богоро́дице, Ты еси́ лоза́ и́стинная,/ возрасти́вшая нам Плод Живота́,/ Тебе́ мо́лимся: моли́ся, Влады́чице, со святы́ми апо́столы/ поми́ловати души́ на́ша.

На стихо́вне стихи́ры, глас 2.

Подо́бен: До́ме Евфра́фов:

Дом и жили́ще/ Ду́ху Пресвято́му,/ прему́дре Ефре́ме, был еси́./ Те́мже и нас до́мы Тому́ соде́лай,/ святу́ю твою́ па́мять пра́зднующих.

Стих: Честна́ пред Го́сподем/ смерть преподо́бных Его́.

Дом и сокро́вище доброде́телей,/ по́стником сла́ва/ и преподо́бным похвала́,/ соверше́нный ве́рою/ ты еси́, Ефре́ме преподо́бне.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Дом неоску́дныя благода́ти/ и гра́ду на́шему утвержде́ние/ иму́ще тя, о́тче, мо́лимся:/ возвы́си рог христиа́н правосла́вных/ моли́твами твои́ми ко Го́споду.

Сла́ва, глас 2:

Я́ко фи́никс, насажде́нный в до́му Бо́жии,/ доброде́телию процве́л еси́, Ефре́ме всехва́льне./ Кре́стное бо ору́жие восприи́м,/ сосу́д яви́лся еси́ Ду́ху Свято́му/ и страсте́й бе́здны изеуши́л еси́ воздержа́нием мно́гим./ Те́мже моли́ся о нас ко Го́споду,/ ве́рою и любо́вию пра́зднующих всечестну́ю па́мять твою́.

И ны́не, Богоро́дичен:

Все упова́ние мое́ на Тя возлага́ю,/ Ма́ти Бо́жия,/ сохрани́ мя под кро́вом Твои́м.

Тропа́рь пи́сан на вели́цей вече́рни. Сла́ва, и ны́не, Богоро́дичен: Гаврии́лу веща́вшу Тебе́, Де́во:

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры на 8, глас 2.

Подо́бен: Егда́ от Дре́ва:

Преподо́бне о́тче Ефре́ме преблаже́нне,/ ты, от ю́ности Христа́ Бо́га возлюби́в/ и ле́гкое Его́ и́го на себе́ восприя́в,/ крест свой на ра́мо взем, поне́сл еси́,/ Боже́ственною бо си́лою вооружи́вся,/ на сла́дость вре́менную ника́коже воззре́л еси́,/ терпе́нием же свои́м, посто́м, и бде́нием,/ и ча́стыми моли́твами/ плоть свою́ ду́хови покори́л еси́/ и сего́ ра́ди был еси́ упра́влен во Ца́рствие Бо́жие,/ иде́же ны́не предстоя́ во сла́ве,/ моли́ Христа́ Бо́га спасти́ся душа́м на́шим.

Преподо́бне о́тче Ефре́ме всехва́льне,/ ты, Христа́ Бо́га возлюби́в/ и се́рдце свое́ Боже́ственными заря́ми просвети́в,/ светови́ден весь вои́стинну был еси́./ Тем по достоя́нию блаже́нныя жи́зни сподо́бился еси́,/ ея́же прича́стники и нас соде́лай,/ притека́ющих с ве́рою к честны́м моще́м твои́м,/ непреста́нными твои́ми ко Го́споду моли́твами.

Преподо́бне о́тче Ефре́ме пресла́вне,/ ты любве́ ра́ди Христо́вы,/ вся, я́же на земли́, презре́в, оста́вил еси́/ и, по́стническими труды́ житие́ укра́сив,/ ум свой безстра́стием просвети́л еси́./ Сего́ ра́ди по́стников похвала́/ и мона́шествующих удобре́ние был еси́./ С ни́миже ны́не моли́ Христа́ Бо́га/ спасти́ся душа́м на́шим.

И́ны стихи́ры, глас 4.

Подо́бен: Я́ко до́бля:

Яко до́бля па́стыря тя и наста́вника на́шего,/ преподо́бне о́тче Ефре́ме преблаже́нне,/ соше́дшеся днесь в честне́м хра́ме твое́м/ и чудотво́рныя мо́щи твоя́ обстоя́ще,/ ве́рою и любо́вию сия́ облобыза́ем,/ песньми и пе́нии прославля́я Просла́вльшаго тя/ и дарова́вшаго тя Це́ркви Свое́й пресве́тлое свети́ло,/ сему́ гра́ду утвержде́ние/ и моли́твенника о душа́х на́ших.

Я́ко до́брый де́латель виногра́да Христо́ва,/ виногра́д доброде́телей из У́горския земли́ прене́сл еси́/ и насади́л еси́ его́ при исхо́дищах воды́ присноживо́тныя,/ и́же даде́ во вре́мя свое́ спаси́тельный плод,/ его́же, правосла́вных собо́р, причаща́ющеся,/ духо́вное и теле́сное исцеле́ние прие́млем,/ о́бщаго Врача́ душ на́ших, Христа́, прославля́юще,/ Ему́же ны́не со А́нгелы предстои́ши/ и мо́лишися о душа́х на́ших.

Я́ко светоблиста́тельная заря́,/ просия́л еси́ на тве́рди Це́ркве Христо́вы./ По́стническими труды́ житие́ твое́ украси́л еси́,/ ум над страстьми́ воцари́в/ и плоть поработи́в ду́хови,/ во пло́ти живя́ на земли́,/ земный А́нгел и Небе́сный челове́к был еси́./ Те́мже, те́лом со земны́ми водворя́яся,/ ду́хом с Вы́шними мо́лишися о душа́х на́ших.

Сла́ва, глас 8:

Преподо́бне и Богоно́се о́тче Ефре́ме,/ ты, пресла́вных Христо́вых му́чеников,/ Рома́на и Дави́да,/ непра́ведное от бра́та своего́ заколе́ние узре́в,/ Боже́ственным жела́нием распали́лся еси́/ и, земна́я вся мудрова́ния жите́йская,/ я́ко паучи́ну, ни во что вмени́в,/ Христа́ Еди́наго возлюби́л еси́./ Сего́ ра́ди приста́нища доше́д,/ це́рковь прекра́сну страстоте́рпцем Христо́вым воздви́гл еси́/ и, оби́тель че́стну соста́вив,/ мно́жества мона́хов наста́вник был еси́,/ иде́же ны́не лежи́т всечестно́е и свято́е те́ло твое́,/ Ефре́ме, о́тче наш,/ притека́ющим с ве́рою исцеле́ние неоску́дно подава́ющее/ и душетле́нныя стра́сти и бесо́в мно́жества прогоня́ющее./ Тем, христоимени́тое мона́хов мно́жество,/ твои́ми чудесы́ удивля́емо,/ ра́достно от души́ вопие́т к тебе́:/ Богоблаже́нне и преподо́бне о́тче наш Ефре́ме,/ моли́ Христа́ Бо́га/ умири́ти мир и спасти́ ду́ши на́ша.

И ны́не, Богоро́дичен: Царь Небе́сный:

Та́же вход, и проки́мен дне, и чте́ния преподо́бническая (зри страни́цы 40 – 42).

На лити́и стихи́ры, глас 1:

Наста́, Богоно́се, со́лнца светле́йший твой пра́здник,/ озаря́яй приходя́щия к тебе́ с ве́рою:/ душе́вным бо страсте́м и теле́сным подае́ши исцеле́ние/ от свята́го твоего́ телесе́, Ефре́ме преподо́бне,/ моли́твенниче о душа́х на́ших.

Чу́вственныя стра́сти укроти́в/ воздержа́ния брозда́ми, о́тче Ефре́ме,/ и ре́вность на земли́ Безпло́тных показа́в,/ все жела́ние плотско́е ду́хови покори́л еси́./ Те́мже ны́не во дво́рех Небе́сных водворя́яся,/ моли́ о душа́х на́ших.

Све́тлая твоя́ па́мять, преподо́бне о́тче Ефре́ме,/ просвеща́ет сердца́ на́ша./ С любо́вию бо чту́ще тя,/ врачевство́ страсте́м, неудо́бь цели́мым, прие́млем./ Сего́ ра́ди прославля́ем просла́вльшаго тя Го́спода,/ Его́же моли́ спасти́ и просвети́ти ду́ши на́ша.

Глас 8: Преподо́бне о́тче, всече́стне Ефре́ме,/ Боже́ственною доброде́телию, я́коже колесни́цею,/ на высоту́ Небе́сную восте́кл еси́,/ иде́же ду́хом побе́дныя по́чести прие́мля,/ те́ло твое́ многотру́дное,/ я́ко ми́ро многоце́нное, во гро́бе оста́вил еси́,/ боле́знем исцеле́ния источа́ющее/ и ду́хи лука́вствия прогоня́ющее./ Те́мже тя ублажа́ем, всече́стне.

Сла́ва, глас 6:

Ра́дуйся и весели́ся, Росси́йская всеосвяще́нная Це́ркве/ со архиере́и и свяще́нники,/ мона́си же и прости́и,/ блаже́ннаго Ефре́ма днесь па́мять почита́юще,/ духо́вно соше́дшеся, пра́зднуем,/ и, честны́й его́ гроб обсто́яще, любе́зно поклони́мся,/ и, моля́щеся, усе́рдно зове́м:/ ра́дуйся, преблаже́нне Ефре́ме,/ свети́льниче пресве́тлый,/ врачу́ боля́щим и моли́твенниче ко Спа́су Христу́ Бо́гу на́шему/ о и́же ве́рою и любо́вию притека́ющих к моще́м твои́м.

И ны́не, Богоро́дичен: Творе́ц и Изба́витель мой, Пречи́стая:

На стихо́вне стихи́ры, глас 5.

Подо́бен: Ра́дуйся:

С ве́рою и любо́вию, празднолю́бцы, соше́дшеся,/ псалмы́ и песньми восхва́лим днесь/ Небе́снаго челове́ка и земна́го А́нгела./ О всеблаже́нне преподо́бне,/ по́стником похвало́,/ моли́ся о нас ко Го́споду, Ефре́ме, о́тче наш,/ поми́ловатися душа́м на́шим.

Стих: Честна́ пред Го́сподем/ смерть преподо́бных Его́.

Честны́й и светоно́сный, преподо́бне, твой пра́здник,/ испо́лнен есть ра́дости и весе́лия духо́внаго./ Те́мже соше́дшеся, мона́хов мно́жество/ и христоимени́тии лю́дие,/ любо́вию восхваля́юще,/ ублажи́м неизрече́нная чудодея́ния твоя́,/ и́миже, я́ко крин во удо́ле, процве́л еси́,/ облагоуха́яй ду́ши на́ша и чу́вства,/ Ефре́ме о́тче наш,/ моли́ спасти́ся душа́м на́шим.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Боже́ственным уязви́вся жела́нием,/ преподо́бне о́тче наш Ефре́ме,/ и крест свой на ра́мо восприи́м,/ невозвра́тно после́довал еси́ Влады́це Христу́/ и плотска́я вся мудрова́ния умертви́л еси́./ Сего́ ра́ди насле́довал еси́ кро́тких зе́млю./ Тем неизрече́ннаго о́наго весе́лия наслажда́яся,/ помина́й нас, творя́щих всечестну́ю па́мять твою́.

Сла́ва, глас 8:

Мона́хов мно́жества,/ наста́вника тя почита́ем, о́тче наш Ефре́ме,/ твое́ю бо стезе́ю пра́во вои́стинну ходи́ти позна́хом,/ блаже́н еси́, Христу́ рабо́тав,/ и вра́жию обличи́л еси́ си́лу,/ А́нгелов собесе́дниче и преподо́бных соприча́стниче и пра́ведных,/ с ни́ми́же моли́ся Го́сподеви/ поми́ловатися душа́м на́шим.

И ны́не, Богоро́дичен: Безневе́стная Де́во:

На благослове́нии хле́бов тропа́рь преподо́бнаго, два́жды, и Богоро́дице Де́во: еди́ножды.

Тропа́рь преподо́бнаго, глас 1:

Боже́ственною свы́ше просвети́вся благода́тию, преподо́бне,/ мно́гим терпе́нием во вре́менной жи́зни по́двиг соверши́л еси́./ Те́мже источа́еши чуде́с благода́ть/ всем, с ве́рою приходя́щим к моще́м твои́м, Ефре́ме преблаже́нне./ Сего́ ра́ди зове́м:/ сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.

НА У́ТРЕНИ

На Бог Госпо́дь: тропа́рь, два́жды. Сла́ва, и ны́не, Богоро́дичен воскре́сен.

По 1-м стихосло́вии седа́лен, глас 3:

Я́коже безпло́тен, о́тче, на земли́ пожи́л еси́/ и превознося́щагося врага́ смири́л еси́ вы́ю./ Те́мже ны́не с невеще́ственными во́инствы водворя́яся, блаже́нне,/ и та́мо су́щаго блаже́нства наслажда́яся,/ помина́й нас, днесь пра́зднующих па́мять твою́,/ да вси ра́достными гла́сы воспева́ем Го́спода,/ неоску́дную благода́ть исцеле́ний тебе́ дарова́вшаго.

Сла́ва, и ны́не, Богоро́дичен:

Боже́ственная была́ еси́ сень Сло́ва, Еди́на Пречи́стая Де́во,/ чистото́ю А́нгелы превосходя́щая,/ мене́, па́че всех персть бы́вшаго, оскверне́нна плотски́ми прегреше́нии,/ очи́сти Твои́ми моли́твами,/ Боже́ственными вода́ми омыва́ющи и подаю́щи, Чи́стая, ве́лию ми́лость.

По 2-м стихосло́вии седа́лен, глас 4.

Подо́бен: Ско́ро предвари́:

Благоче́стно крест свой взем, Христу́ после́довал еси́,/ воздержа́нием плотска́я мудрова́ния умертви́в,/ и, на доброде́тели ле́ствицу возше́д, Влады́ку и Го́спода возвели́чил еси́,/ и Его́ уго́дником, Рома́ну и Дави́ду, храм че́стен воздви́гл еси́,/ в не́мже ны́не твоя́ честны́я мо́щи лежа́т,/ источа́юще исцеле́ния с ве́рою притека́ющим к тебе́, о́тче наш, Ефре́ме преподо́бне.

Сла́ва, и ны́не, Богоро́дичен:

Де́во Всенепоро́чная, Пресу́щественнаго Бо́га ро́ждшая челове́ком,/ со преподо́бным Того́ непреста́нно моли́ о нас,/ согреше́нием оставле́ние и жития́ исправле́ние нам пре́жде конца́ дарова́ти,/ ве́рою пою́щим Тя по до́лгу, Еди́на Всепе́тая.

На полиеле́и, седа́лен, глас 8:

Ца́рствовав над страстьми́ плотски́ми, А́нгелом подо́бно житие́ на земли́ име́л еси́/ и, и́ноков мно́жество собра́в, уче́нием твои́м просвети́л еси́, преподо́бне,/ в трие́х бо Ипоста́сех Еди́наго Бо́га сла́вити наказа́л еси́./ Ему́же ны́не предстоя́ во сла́ве ве́чней, о́тче наш Ефре́ме Богоно́се,/ моли́ согреше́нием оставле́ние дарова́ти/ с ве́рою притека́ющим к моще́м твои́м/ и почита́ющим всечестну́ю па́мять твою́.

Сла́ва, и ны́не, Богоро́дичен:

Небе́сную дверь и ковче́г,/ всесвяту́ю го́ру, све́тлый о́блак,/ воспои́м Мари́ю, неопали́мую купину́, слове́сный рай,/ Е́вино воззва́ние, вселе́нней всей вели́кий сосу́д,/ я́ко спасе́ние в не́м соде́лася ми́рови и оставле́ние дре́вних согреше́ний./ Е́йже усе́рдно возопии́м:/ моли́ Христа́ Бо́га согреше́нием оставле́ние дарова́ти/ благоче́стно покланя́ющимся Пресвято́му Рождеству́ Твоему́.

Та́же степе́нна, 1-й антифо́н, 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех,/ я́же воздаде́ ми? Вся́кое дыха́ние: Ева́нгелие от Матфе́я, зача́ло 43.

По 50-м псалме́ стихи́ра самогла́сна, глас 6:

Преподо́бне о́тче,/ ми́ра красоту́ и пи́щи вре́менное наслажде́ние возненави́дев,/ мона́шеское житие́ па́че возлюби́л еси́,/ тем А́нгелом собесе́дник быти сподо́бился еси́,/ и свети́льник многосве́тлый был еси́ Росси́йския земли́./ Помина́й нас, соверша́ющих всечестну́ю па́мять твою́:/ мы бо, ча́да твоя́ и о́вцы слове́сных твои́х уче́ний,/ тебе́ на по́мощь призыва́ем,/ прося́ще тобо́ю от Христа́ Бо́га прия́ти мир и ве́лию ми́лость.

Кано́н Богоро́дицы со ирмосо́м на 6, его́же краестро́чие сицево́: Четве́ртая песнь Всехва́льней Отрокови́це. Глас 4.

Песнь 1

Ирмо́с: Триста́ты кре́пкия,/ Рожде́йся от Де́вы,/ безстра́стия во глубине́,/ души трича́стное потопи́, молю́ся,/ да Тебе́, я́ко в тимпа́не,/ во умерщвле́нии телесе́/ побе́дное воспою́ пе́ние.

Сотрясо́шася лю́дие, смято́шася язы́цы,/ ца́рствия же держа́вная уклони́шася, Чи́стая, от стра́ха Рождества́ Твоего́:/ прии́де бо Царь мой, и низложи́ мучи́теля, и мир от тли изба́ви.

Жили́ще Свое́ Живы́й в Вы́шних, к челове́ком соше́д, освяти́, Христе́,/ и непоколеби́мо яви́:/ Еди́на бо по рождестве́ де́вства сокро́вище, Зижди́теля ро́ждши, пребыла́ еси́.

И преподо́бнаго кано́н на 8, глас то́йже.

Песнь 1

Ирмо́с: Мо́ря че́рмную пучи́ну/ невла́жными стопа́ми/ дре́вний пешеше́ствовав Изра́иль,/крестообра́зныма Моисе́овыма рука́ма/ Амали́кову си́лу в пусты́ни победи́л есть.

Твоя́ похвалы́ хотя́щему нача́ти, Ефре́ме,/ моли́твами свои́ми посли́ ми благода́ть Ду́ха,/ стра́сти души́ и телесе́ очища́ющую и ум просвеща́ющую,/ я́ко да, ра́дуяся, воспою́ твоя́ по́двиги, преподо́бне.

Просвеще́нием Трисо́лнечнаго Божества́ озари́вея, прему́дре,/ свети́льник светоза́рный яви́лся еси́,/ просвеща́яй ве́рою чту́щих светоно́сную па́мять твою́.

Весь Тро́ицы быв жили́ще,/ та́мо все душе́вное жела́ние возложи́л еси́, преподо́бне./ Сего́ ра́ди беземе́ртную восприя́л еси́ па́мять и жизнь неконча́емую.

Богоро́дичен: Без се́мене О́тчею во́лею от Боже́ственнаго Ду́ха Бо́жия зачала́ еси́ Сы́на/ и пло́тию родила́ еси́:/ И́же из Отца́ без ма́тере,/ нас же ра́ди из Тебе́ без отца́.

Песнь 3

Ирмо́с: С высоты́ снизше́л еси́ во́лею на зе́млю/ превы́шше вся́каго нача́ла/ и смире́нное возне́ся еси́/ из а́да преиспо́дняго/ естество́ челове́ческое:/ несть бо свят, па́че Тебе́, Человеколю́бче.

Очища́ется челове́ков существо́,/ Тобо́ю присовоку́плышееся нестерпи́мому Боже́ственному огню́,/ я́ко сокрове́нный, Пречи́стая Де́во, в Тебе́ хлеб испе́кшийся,/ И́же и Тебе́ неврежде́нну сохра́ншему.

Ка́я Сия́, Я́же вои́стинну близ Бо́га?/ я́ко превозше́дши вся А́нгельский чи́ны,/ Еди́на добро́тою де́вства, я́ко Ма́ти сия́ющи Вседержи́теля.

Ин

Ирмо́с: Весели́тся о Тебе́ Це́рковь Твоя́, Христе́, зову́щи/ Ты моя́ кре́пость, Го́споди,/ и прибе́жище, и утвержде́ние.

Напо́лнив се́рдце свое́ сле́зными пото́ки, преподо́бне Ефре́ме,/ плодоно́сно вся́ких доброде́телей соде́лал еси́ то,/ износя́щее чуде́с твои́х показа́ние, преблаже́нне

Ны́не, преподо́бне о́тче Ефре́ме,/ с ли́ки проро́ков, и апо́столов, и му́чеников,/ преподо́бных же и пра́ведных во Све́те Святы́я Тро́ицы соводворя́яся,/ помина́й чад свои́х, ве́рно творя́щих па́мять твою́.

Воздержа́нием кра́йним плоть свою́ умертви́л еси́, преподо́бне Ефре́ме./ Сего́ ра́ди, Ду́хом Боже́ственным окрили́вся,/ дости́гл еси́ священнонача́льных служи́телей,/ иде́же Небе́сных Бо́жиих Безпло́тных ра́дования.

Богоро́дичен: Неора́нныя ни́вы бразда́ яви́лася еси́, Клас Живо́тный ро́ждшая/ и всем причаща́ющимся безсме́ртию Хода́тая,/ во святы́х Свята́го и на святы́х почива́ющаго.

Седа́лен, глас 4:

Страстно́е покори́л еси́ пло́тское мудрова́ние/ и ху́ждшее порабо́тил еси́ лу́чшему,/ о́тче Ефре́ме пресла́вне,/ сокруши́л еси́ бесо́вския ко́зни посто́м/ и возсия́л еси́ в ми́ре, я́ко луча́ со́лнечная,/ сия́нии твои́х доброде́телей./ Сего́ ра́ди тя воспева́ем.

Сла́ва, и ны́не, Богоро́дичен:

Пое́м Тя, Богоневе́сто, Ма́ти Христа́ Бо́га,/ сла́вяще Рождество́ Твое́ непостижи́мое,/ И́мже изба́вихомся льсти диа́воли и вся́ких бед./ Влады́чице Богоро́дице, ве́рно вопие́м Ти:/ поми́луй ста́до Твое́, Еди́на Пречи́стая.

Песнь 4

Ирмо́с: Седя́и в сла́ве на Престо́ле Божества́/ во о́блаце ле́гце,/ прии́де Иису́с Пребоже́ствеиный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.

Поживе́ с челове́ки, ви́дим быв Неви́димый,/ во зра́це Сый непостижи́маго Божества́,/ и, вообра́жен из Тебе́, Отрокови́це, в чужде́е,/ ве́дущих Тя Чи́стую Богома́терь спаса́ет.

Прия́т в веще́ственне Де́ва/ невеще́ственнаго в прича́стии вещества́, Младе́нца от Не́я бы́вша,/ те́мже во дву Существу́ Еди́н познава́ется, Плотоно́сец Бог и Челове́к пресу́щественный.

По рождестве́ Тя Де́ву И́же в Де́ву Тя всели́ся,/ и ро́ждся без се́мене Сло́во, и Бог пребы́сть,/ и в рождестве́ Де́ву сохрани́,/ я́ко Влады́ка и Зижди́тель всея тва́ри.

Ин

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Житие́ твое́, о́тче Ефре́ме, чу́дно на земли́ показа́л еси́,/ вели́кое поще́ние и смире́ние,/ сего́ ра́ди на Небе́сех жизнь ве́чную насле́довал еси́,/ моли́ спасти́ся от бед пою́щим тя.

Посто́м и моли́твами те́ло твое́, о́тче Ефре́ме, изнури́л еси́,/ сего́ ра́ди сподо́бился еси́ ви́дети неизрече́нная блага́я, я́же святы́м угото́вана,/ с ни́ми́же, о́тче, о нас моли́ся.

Ду́ху Пресвято́му храм, о́тче, был еси́,/ и живо́тных вод река́ наполня́ема,/ и основа́ние Це́ркве непоколеби́мо, и и́ночествующих утвержде́ние, Ефре́ме преподо́бне.

Богоро́дичен: Покро́в, и заступле́ние, и прибе́жище буди́ ми, Де́во, рабу́ Твоему́,/ и исцели́ мя, Влады́чице, от безме́рных зол мои́х/ воспева́ти Тя, Пречи́стая:/ сла́ва Рождеству́ Твоему́.

Песнь 5

Ирмо́с: Ны́не воста́ну, проро́чески рече́ Бог,/ ны́не просла́влюся, ны́не вознесу́ся,/ па́дшаго прие́м от Де́вы/ и к све́ту у́мному вознося́й Моего́ Божества́.

Дом Тя сла́вы, го́ру Бо́жию святу́ю, Чи́стая,/ Неве́сту, черто́г, храм освяще́ния/ Сын Бо́жий,в Тя всели́выйся, и рай сла́дости присносу́щныя нам соде́ла.

Плоть от кро́ве де́вственныя прия́л еси́, Христе́,/ безсе́менну, пречи́сту, Ипоста́сну, слове́сну и у́мну,/ одушевле́нну, де́йственну, хоте́тельну, самовлады́чну и самовла́стну.

Мучи́телей ра́зум де́вственное посрами́ чре́во:/ Младе́нец бо я́зву а́спидную душегу́бную испыта́ руко́ю/ и, отсту́пника го́рдаго низло́ж, ве́рных под но́зе покори́.

Ин

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Я́ко преоби́дев тле́нная,/ ве́чная, о́тче, восприя́л еси́ по нело́жному словеси́:/ проси́те и прии́мете./ Те́мже, я́ко проси́л еси́, сия́ по досто́инству прия́л еси́.

Ме́сто, е́же сподо́бися прия́ти честны́я мо́щи тво́я, преподо́бне, освяти́ся/ и по мно́гим страна́м прославля́емо есть,/ я́ко в себе́ мо́щи твоя́ иму́щее.

Исцеле́ния соде́ловают честны́я мо́щи твоя́, Ефре́ме,/ и отго́нят разли́чныя неду́ги от челове́к,/ и укрепля́ют ум их восхвали́ти труды́ твоя́, всече́стне.

Богоро́дичен: Христа́ нам ро́ждшая, Пречи́стая Де́во, Богора́дованная Влады́чице,/ спаси́ град и лю́ди, на Тя упова́ющия,/ Богоро́дице Всенепоро́чная.

Песнь 6

Ирмо́с: Прии́дох во глубины́ морски́я,/ и потопи́ла мя есть бу́ря мно́гих грехо́в,/ но, я́ко Бог, из глубины́ возведи́ живо́т мой,/ Многоми́лостиве.

Дре́вле у́бо прельсти́ мя змий и умори́ мя прама́терию мое́ю Е́вою,/ ны́не же, Чи́стая, Тобо́ю Созда́вый мя/ из нетле́ния воззва́.

Бе́здна Тя бе́здну неизрече́нно благоутро́бия, Отрокови́це, избра́нную показа́ чуде́с,/ и́бо из Тебе́ мо́лниею Божества́/ би́сер Христо́с возсия́.

Ин

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́цшися/ ра́ди ми́лости от ребр Твои́х/ исте́кшею Кро́вию.

Моли́твами предваря́я к Бо́гу и Тому́ предстоя́ со А́нгелы,/ за весь мир помоли́ся, брань неприя́зненну всю́ду потреби́ти/ и побе́ду изве́стну да́ти на супоста́ты стране́ на́шей.

Гроб честна́го твоего́ телесе́ показа́л еси́ ве́рным лю́дем/ душа́м освяще́ние, телесе́м здра́вие и от страсте́й избавле́ние,/ от твои́х бо моще́й исцеле́ния почерпа́ем.

Глаго́лов и зако́нов Влады́чних испо́лнитель быв,/ испо́лнился еси́, преподо́бне о́тче Ефре́ме, Боже́ственных даро́в./ Тем и чуде́с лучи́ всем испусти́л еси́.

Богоро́дичен: Изсуши́вшая сады́ безбо́жных люде́й, Пренепоро́чная Де́во, Свои́м Прозябе́нием,/ прозя́бшую во мне зло́бу искорени́, Богоневе́сто.

Конда́к, глас 8:

Я́ко Богоявле́нная Росси́йская звезда́,/ днесь сия́я чудесы́, яви́лся еси́, преподо́бне о́тче Ефре́ме,/ Тем не преста́й моля́ся о ста́де свое́м,/ сохраня́яй оте́чество твое́, град же и лю́ди,/ и́же тебе́ ве́рою почита́ющих/ и к честны́м моще́м твои́м усе́рдно притека́ющих,/ да велегла́сно тебе́ вопие́м:/ ра́дуйся, Богому́дре Ефре́ме, о́тче наш.

И́кос:

Я́ко свети́льник всесве́тлый/ и во пло́ти А́нгел, яви́лся еси́, преподо́бне,/ и, я́ко живота́ дре́во ра́йское, ве́рою быв возраща́емь,/ поще́нием и моли́твами свои́ми процве́л еси́./ Сего́ ра́ди Небе́сную благода́ть прии́м,/ врач изря́дный боля́щим показа́лся еси́./ Исцеля́еши бо телеса́ неду́жных и ду́ши/ ве́рою притека́ющих к моще́м твои́м./ Тем, мо́лимся, моли́ся о ста́де свое́м/ и сохраня́й оте́чество свое́, гра́ждан же и лю́ди, да зове́м ти:/ ра́дуйся, преподо́бне Ефре́ме, о́тче наш.

Песнь 7

Ирмо́с: Ю́ноши три в Вавило́не,/ веле́ние мучи́телево на бу́йство прело́жше,/ посреде́ пла́мене вопия́ху:/ благослове́н еси́, Го́споди,/ Бо́же оте́ц на́ших.

Привлачи́т мя к пе́нию любо́вь де́вственная,/ огнь, я́же в се́рдцы, вопи́ти Ма́тери и Де́ве:/ Благослове́нная, Госпо́дь си́лам с Тобо́ю.

Превышши тва́ри яви́лася еси́,/ я́ко Творца́ рожда́ли и Го́спода./ Темже Ти вопию:/ Богоро́дице Благослове́нная, Госпо́дь си́лам с Тобо́ю.

Тро́ичен: Госпо́дство Тя Еди́но чтый, в Трие́х Свяще́ниих неразде́льно,/ воспева́ю Триипоста́сное Естество́, Благослове́нная, взыва́я Тебе́,/ Я́же вся управля́ющая.

Ин

Ирмо́с: В пещи́ авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Приле́жныя моли́твы, по́двиги же и труды́ твоя́ почита́юще,/ сла́дости уче́ния твоего́ почерпа́ем, преподо́бне о́тче Ефре́ме,/ и́мже и научи́л еси́ воспева́ти Триипоста́сное Существо́:/ оте́ц на́ших Бо́же, благослове́н еси́.

Чу́дно житие́ твое́, и кончи́на безсме́ртна, преподо́бне о́тче Ефре́ме./ Сего́ ра́ди тя Христо́с свы́ше украси́ венце́м пресве́тлым/ и чуде́с дея́нием обогати́, и́миже просвеща́еши нас, науча́я вопи́ти:/ благослове́н Бог оте́ц на́ших.

Яви́лся еси́ гра́ду Торжку́, Ефре́ме Богоблаже́нне, столп непоколеби́м,/ стена́ неруши́мая, вели́кое избавле́ние от бед и исто́чник благода́ти неоску́дный,/ подаю́щи всем исцеле́ние, зову́щим при́сно:/ оте́ц на́ших Бо́же, благослове́н еси́.

Богоро́дичен: Без се́мене О́тчею во́лею заче́нши Творца́ всех, Христа́ Бо́га,/ неизрече́нно родила́ еси́,/ Его́же моли́, я́ко дерзнове́ние иму́щи к Нему́,/ да ны спасе́т, вопию́щих Ему́:/ Бо́же, благослове́н еси́.

Песнь 8

Ирмо́с: Изба́вителю всех Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

От ребра́ Ада́мова, созда́вый Тя/ от Твоего́ де́вства воплоти́ся, И́же всех Госпо́дь,/ Его́же пою́ще, вопие́м:/ вся дела́, благослови́те, по́йте Го́спода/ и превозноси́те Его́ во ве́ки.

Б се́ни Авраа́м узре́ е́же в Тебе́, Богоро́дице, та́инство,/ Сы́на бо Твоего́ безпло́тнаго прия́т, поя́:/ вся дела́, благослови́те, по́йте Го́спода/ и превозноси́те Его́ во ве́ки.

Равночи́сленный Тро́ицы спасло́ есть Твоего́ де́вства преображе́ние,/ в де́вственных бо телесе́х попира́ху пла́мень, Отрокови́це, вопию́ще:/ благослови́те, по́йте Го́спода/ и превозноси́те Его́ во ве́ки.

Ин

Ирмо́с: Ру́це распросте́р, Дании́л/ льво́в зия́ния в ро́ве затче́,/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:/ благослови́те, вся дела́ Госпо́дня, Го́спода.

Любо́вию и ве́рою чту́ще па́мять твою́,/ приле́жно мо́лим тя, преподо́бне о́тче Ефре́ме:/ непреста́нно за ны Христа́ Бо́га моли́ вку́пе с Рома́ном и Дави́дом,/ непра́ведное заколе́ние любве́ ра́ди Бо́жия претерпе́вшими,/ и́мже и храм че́стен воздви́гл еси́ во сла́ву Христа́ Бо́га, поя́ при́сно:/ вся дела́ Госпо́дня, Го́спода по́йте/ и превозноси́те Его́ во ве́ки.

Лику́ют на Небесе́х чи́нове а́нгельстии, блаже́нне Ефре́ме,/ и ве́рных собо́ри на земли́ твою́ па́мять похваля́ют, пою́ще:/ благослови́те, вся дела́ Госпо́дня, Го́спода.

Помоли́ся Христу́ Бо́гу, всеблаже́нне Ефре́ме, о приходя́щих к тебе́ с ве́рою/ и хотя́щих от Тебе́ почерпсти́ исцеле́ния неоску́днаго и благода́ти, пою́щих:/ благослови́те, вся дела́ Госпо́дня, Го́спода.

Богоро́дичен: Из пречи́стаго Твоего́ чре́ва, Богома́ти Влады́чице,/ Небе́снаго дождя́ Ка́пля нам ука́ну⁹¹ на омове́ние скверн душе́вных,/ на здра́вие телесе́м и на прогна́ние лука́вых духо́в./ Те́мже Тя блажи́м, Чи́стую, во ве́ки.

Песнь 9

Ирмо́с: Сокрове́нное Бо́жие неизрече́нное/ в Тебе́ соверша́ется я́вственное та́инство,/ Де́во Пречи́стая,/ и́бо Бог из Тебе́ воплоти́ся за милосе́рдие./ Те́мже Тя я́ко Богоро́дицу велича́ем.

Зрим, я́ко крин, Тя, ри́зою обагре́ною украше́ну, Пречи́стая, Боже́ственнаго Ду́ха,/ посреде́ те́рния сия́ющу и благоуха́ния исполня́ющу/ и́же Тебе́ и́скренно велича́ющих.

Тле́нное прии́м челове́ческое естество́ из Твоего́, Всенепоро́чная, чре́ва Нетле́нный,/ в Себе́ показа́ нетле́нно за благоутро́бие,/ те́мже Тя я́ко Богоро́дицу велича́ем.

Я́же все́ми влады́чествующая тва́рьми,/ лю́дем Твои́м да́руй побе́дное одоле́ние,/ врага́ полага́ющи примири́тельна Це́ркви,/ да Тя я́ко Богоро́дицу велича́ем.

Ин

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

На земли́, я́ко А́нгел, пожи́л еси́ пло́тию/ и, я́ко безпло́тен, безпло́тныя враги́ под но́зе свои́ покори́л еси́,/ чистоту́ стяжа́в посто́м и моли́твами./ Тем ны́не со А́нгелы на Небесе́х све́тло лику́я,/ за ны Христо́ви помоли́ся.

Ны́не вхо́дят во святы́й храм сей свяще́нницы и про́стии, бога́тии же и у́бозии,/ и́же вси, припа́дающе к честны́м моще́м твои́м,/ про́сят от Тебе́ получи́ти здра́вие телесе́м/ и спасе́ние душа́м твои́ми к Бо́гу моли́твами.

Ны́не у́бо помоли́ся Го́споду, всечу́дне Ефре́ме,/ я́ко да прикоснове́нием свяще́нных моще́й твои́х/ слепи́и восприи́мут прозре́ние, хроми́и хожде́ние/ и неду́жнии вси здра́вие и исцеле́ние твои́ми к Бо́гу моли́твами.

Богоро́дичен: Я́же все́ми влады́чествующая тва́рьми,/ лю́дем Твои́м да́руй побе́ду и одоле́ние,/ непокори́выя враги́ покоря́я под но́зе ве́рным, да Тя вси я́ко Богоро́дицу велича́ем.

Свети́лен:

Мирска́го пристра́стия, я́ко от скве́рны, уклони́вся,/ а́лчбою и жа́ждою плоть свою́ увяди́л еси́, о́тче./ Тем Небе́сною сла́вою со А́нгелы обогати́лся еси́,/ с ни́миже непреста́нно моли́ о нас Христа́ Бо́га, преподо́бне Ефре́ме.

Сла́ва, и ны́не, Богоро́дичен:

Тя Предста́тельницу, вси гре́шнии, и́мамы, о Пресвята́я Де́во Влады́чице!/ Ты ми благопреме́нна сотвори́ Сы́на Твоего́/ ма́терними Свои́ми моли́твами.

На хвали́тех стихи́ры на 4, глас 5.

Подо́бен: Преподо́бне о́тче:

Преподо́бне о́тче и Богоно́се Ефре́ме,/ во вре́менией жи́зни подвиза́вся,/ моли́твами, посто́м и воздержа́нием мно́гим/ ду́шу свою́ с те́лом очи́стил еси́./ Сего́ ра́ди Ду́ху Свято́му прекра́сная оби́тель яви́лся еси́,/ И́же сла́вна тя, преблаже́нне, вселе́нней соде́ла/ и в чудесе́х вели́каго свети́льника показа́,/ просвети́вшаго су́щих во мра́це./ Тем мы я́ко наста́вника тя мона́хов/ велему́дренно ублажа́ем.

Преподо́бне о́тче и Богоно́се Ефре́ме,/ ты, на Бо́га упова́ние во все́м возложи́в,/ це́рковь прекра́сну страстоте́рпцем Христо́вым Рома́ну и Дави́ду воздви́гл еси́,/ иде́же и оби́тель че́стну соста́вил еси́,/ в пребыва́ние хотя́щим спасти́ся,/ сам о всех моле́ние принося́ ко Влады́це, Христу́ Бо́гу на́шему,/ Ему́же моли́ся, преподо́бне,/ пода́ти душа́м на́шим мир и ве́лию ми́лость.

Преподо́бне о́тче и Богоно́се Ефре́ме,/ свети́льника тя стяжа́вше,/ свяще́нную твою́ па́мять восхваля́ем вси,/ свяще́нными песньми тя ублажа́юще./ Ты це́рковь Бо́жию украси́л еси́/ и ча́да твоя́ уче́ньми просвети́л еси́./ Тем, ны́не любо́вию и со стра́хом/ припа́дающе к честны́м моще́м твои́м, преподо́бне,/ мо́лимся тобо́ю прии́ти́ нам ве́лию ми́лость.

Сла́ва, глас 6:

Преподо́бне о́тче Ефре́ме,/ не дал еси́ сна свои́ма очи́ма,/ ни ве́ждома свои́ма дрема́ния,/ до́ндеже ду́шу и те́ло от страсте́й свободи́в,/ угото́вал еси́ себе́ Пресвяте́й Тро́ице жили́ще,/ прише́д бо, Христо́с со Отце́м и Ду́хом/ оби́тель в тебе́ сотвори́./ Тем, я́ко име́я дерзнове́ние ко Го́споду,/ великопропове́дниче Христо́в преподо́бне Ефре́ме,/ моли́ся о душа́х на́ших.

И ны́не, Богоро́дичен:

Богоро́дице, Ты еси́ лоза́ и́стинная,/ возрасти́вшая нам Плод Живота́,/ Тебе́ мо́лимся; моли́ся, Влады́чице, со святы́ми апо́столы/ поми́ловатися душа́м на́шим.

Славосло́вие вели́кое.

НА ЛИТУРГИ́И

Блаже́нны от кано́на пе́сни 3-я и 6-я. Апо́стол к Гала́том, зача́ло 213. Ева́нгелие от Луки́, зача́ло 24. Прича́стен: В па́мять ве́чную.

Моли́тва

О пресла́вный Госпо́день уго́дниче и Бо́гом со́браннаго зде о тебе́ ста́да Христо́ва предо́брый па́стырю и наста́вниче, преподо́бне и Богоно́се о́тче наш Ефре́ме! Приими́ убо́гое сие́ на́ше и ма́лое от любви́ душе́вныя приноси́мое тебе́ моле́ние и не пре́зри нас, гре́шных, тре́бующих твоея́ по́мощи и заступле́ния. Се бо мы, предста́теля тя в ну́ждах непосты́днаго стяжа́вше, ве́рою несумне́нною тебе́ в хода́тайство призыва́ем, ты же, я́ко ве́лие име́яй дерзнове́ние ко Го́споду и Пречи́стей Его́ Ма́тери, бу́ди моли́твенник, по́мощник и хода́тай о всех, со тща́нием в Боже́ственный твой храм приходя́щих, честны́х же и многоцеле́бных моще́й твои́х со стра́хом и благогове́нием прикаса́ющихся, услы́ши ны, свя́тче Бо́жий, и при́зри ми́лостивым о́ком на предстоя́щия цельбоно́сному твоему́ гро́бу лю́ди. Ве́мы бо вои́стину, я́ко а́ще по отше́ствии твое́м пло́тию и разлучи́лся еси́ от нас, но ду́хом неотсту́пно пребыва́еши с на́ми, тем и вся нам, я́же ко спасе́нию поле́зная, усе́рдне прося́щим, моли́твами твои́ми пода́ти мо́жеши. Простри́ у́бо преподо́бныя дла́ни твоя́, о до́брый и вели́кий наш засту́пниче, и не преста́й моли́тися о стране́ на́шей и о лю́дях, на вся́ком ме́сте благоче́стно тебе́ на по́мощь призыва́ющих. Сохрани́ же вся гра́ды и страны́ Росси́йския от наше́ствия иноплеме́нник, междоусо́бныя бра́ни, тлетво́рных ветр и от вся́каго губи́тельнаго зла. Всех нас изба́ви от вся́ких бед и скорбе́й. Я́ко да тобо́ю управля́еми, многомяте́жное маловре́меннаго жития́ сего́ мо́ре безбе́дне преплы́вше, дости́гнем в жела́емое о́ное Небе́сное приста́нище и просла́вим Всесвяту́ю, Равноче́стную и Единосу́щную Тро́ицу, Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.

Был выходцем из Венгрии. Воспитанный в глубоком благочестии, он, как повествуют Новгородская и Никоновская летописи, переселился в 1030 году на Русь, вместе со своими двумя братьями – Георгием Угрином и преподобным Моисеем Угрином (то есть венграми). Все трое поступили на службу конюшими к святому князю Борису, сыну святого равноапостольного Владимира. Святой страстотерпец князь Борис был умерщвлен на реке Альте по приказанию князя Святополка Окаянного, в 1015 году. Вместе с ним привял смерть от руки убийцы и верный его слуга Георгий Угрин. Убийцы отрезали ему голову, чтобы снять золотую гривну, которую он носил на шее. Преподобному Моисею удалось спастись бегством, и он, приняв монашество впоследствии, поступил в Киево-Печерский монастырь († ок. 1043, память 26 июля).

Преподобный Ефрем горько плакал, прибыв на место убийства. Он нашел отсеченную главу своего брата Георгия и взял ее с собой. Оставив службу при княжеском дворе, преподобный Ефрем, по благословению митрополита Киевского, отправился в верховье Волги и Тверцы. Здесь преподобный Ефрем решил подвизаться в подвиге странноприимца, надеясь встретить и обогреть неведомо, где скитавшегося преподобного Моисея.

Подвиг странноприимца, основанный на словах Самого Господа (Мф. 25, 35), подготовил его к принятию иночества.

Устроив странноприимный дом вблизи Нового Торга, или Торжка (ныне г. Торжок Калининской области), преподобный Ефрем всецело предался своему служению. «Ласковый прием такого прекрасного, образованного, любвеобильного, самоотверженного странноприимца, его мудрые наставления и вразумления, его кроткие обличения идолопоклонников и языческих суеверий, его святая, подвижническая жизнь и всецелое самоотвержение, и бескорыстие весьма многим могли содействовать распространению веры Христовой...».

Живя в Торжке, преподобный Ефрем часто ходил в Киев. Неизвестно, нашел ли он там своего брата преподобного Моисея, но во время одного из таких путешествий, следуя через Вязьму, он встретился с блаженным Аркадием Новоторжским (память 11 июля) и обрел в нем брата во Христе. «Прозорливый Ефрем понял духом своим, что этот юноша принял на себя юродство Христа ради; ободрил его в трудном подвиге и всегда навещал его во время своих путешествий. И сам юноша смотрел на преподобного Ефрема, как на своего духовного руководителя и наставника, и нередко приходил к нему в Торжок для научения и назидания».

Между тем шли годы. Двенадцать лет минуло с той поры, как преподобный Ефрем основал странноприимный дом для призрения бедных и немощных, странников и переселенцев. Своим благочестием преподобный Ефрем возбудил во многих окрестных жителях стремление к иноческим подвигам. Укрепляя блаженного Аркадия в его подвижничестве, преподобный Ефрем и сам утверждался в своем пастырском призвании.

В это время были обретены нетленными мощи благоверных князей Бориса и Глеба. Преподобный Ефрем возгорелся желанием основать во имя страстотерпцев иноческую обитель, чтобы славить Господа и святых Бориса и Глеба, которых лично знал и любил.

Получив пострижение в иночество, преподобный Ефрем испросил благословение архиепископа Новгородского на создание новой обители, В 1038 году, в княжение Ярослава Владимировича, было обретено место на правом берегу реки Тверцы, недалеко от странноприимного дома, где преподобный Ефрем водрузил крест и приступил к сооружению храма. В этом богоугодном деле преподобный Ефрем был не одинок: его труды разделял возлюбленный ученик, преподобный Аркадий. Об основании этого храма, сооруженного во имя святых князей Бориса и Глеба (первых русских святых, канонизованных Русской Церковью), повествует иеромонах Юрьева монастыря Иоасаф, описавший в 1572 году, житие и чудеса преподобного Ефрема.

По построении храма и основании Борисоглебского монастыря преподобный Аркадий оставил Вязьму и окончательно поселился в новой обители, куда со всех сторон стала стекаться братия. Преподобный Аркадий никогда не пропускал литургии и являлся к заутрене первым, вместе со своим наставником, во всем следуя примеру преподобного Ефрема, келейником и духовным сыном которого был.

Преподобный Ефрем славился как «образ целомудрия и воздержания», мудрый «иноков пастырь и учитель», «в миру живущих заступник и покровитель», «унывающих благодатное ободрение», целитель людей от «душетленных страстей» и «насилия демонского». Характерная особенность духовного призвания преподобного Ефрема – сочетание высокого личного подвига с подвигом пастырского служения.

Известно, что преподобный Ефрем дожил до глубокой старости и мирно, с молитвой на устах, преподав наставление и благословение братии, отошел ко Господу 28 января 1053 года. Тело его с подобающей честью, под пение скорбных псалмов, было погребено в основанной им обители, – вместе с честною главою его брата Георгия.

11 июня 1572 года были обретены многоцелебные мощи преподобного Ефрема Новоторжского, прославленного через несколько лет, при митрополите Дионисии(1581–1586).

Сто лет спустя святость преподобного Аркадия также была засвидетельствована Русской Церковью. 11 июля 1677 года были обретены мощи преподобного Аркадия, а 14 июля того же года при участии многочисленного духовенства состоялось их торжественное перенесение. В 1785 году их переложили в каменный гроб, служивший до 1572 года местом упокоения преподобного Ефрема. Борисоглебский Новоторжский монастырь, принадлежавший к числу древнейших обителей России, претерпевал разорения во времена княжеских междоусобиц, вражеских нашествий в Смутное время, но каменная церковь во имя святых Бориса и Глеба, в которой покоились мощи преподобных Ефрема и Аркадия Новоторжских, оставалась в целости. Впоследствии в разное время было сооружено еще несколько храмов на территории Борисоглебского монастыря. Сохранившаяся соборная церковь (архитектор Н. А. Львов) была закончена к 11 июля 1796 года и вновь освящена в 1841 году. Известна местная икона, изображающая преподобных Ефрема и Аркадия, над которыми – образы святых Бориса и Глеба с Нерукотворным Спасом; между преподобными – Борисоглебский Новоторжский монастырь. На иконе «Собор Тверских святых» в сонме других прославленных угодников Божиих изображены и оба преподобных.

Духовные узы, связавшие их, не расторгаются в памяти Русской Церкви и поныне. В акафисте преподобному Ефрему основатель Новоторжского Борисоглебского монастыря прославляется «со учеником своим Аркадием», а служба преподобному Аркадию прославляет святого «вкупе с преподобным отцом Ефремом...» Верующие Торжка и Вязьмы чтут преподобных Ефрема и Аркадия как своих покровителей.

НА МА́ЛОЙ ВЕЧЕ́РНИ

На Го́споди, воззва́х: стихи́ры на 4, глас 1.

Подо́бен: Небе́сных чино́в ра́дование:

Небе́сная возжеле́л еси́ ви́дети,/ до́лу влеку́щая презре́л еси́,/ тве́рдым смы́слом чистоту́ соблю́д./ Не пре́зри у́бо нас, к тебе́ прибега́ющих:/ тя бо к Бо́гу и́мамы хода́тая/ и моли́твенника о душа́х на́ших.

Непреста́нным раче́нием влеко́м/ к Го́рним добро́там Царя́ Христа́,/ сле́зными струя́ми и все́нощными бде́нии/ злостра́стия те́рние искорени́л еси́/ и, я́коже крин, дави́дски процве́л еси́,/ Богоблаже́нне о́тче Феодо́сие.

Яви́ся нам исто́чник спасе́ния/ и река́ цельбоно́сных вод/ гроб преподо́бнаго Феодо́сия,/ струи́ исцеле́ний излива́я,/ прииди́те, почерпе́м усе́рдно вси/ злолю́тых всех избавле́ние.

Сла́ва, глас 6:

Прииди́те, вси ве́рнии,/ духо́вно торжеству́йте,/ прииди́те и ви́дите,/ е́же ны́не яви́ся от веще́ственнаго сосу́да,/ невеще́ственную благода́ть, от гро́ба Богому́драго Феодо́сия кипя́щую,/ к нему́же с весе́лием возопии́м, глаго́люще:/ о всеблаже́нне,/ Христа́ моли́ непреста́нно спасти́ся душа́м на́шим.

И ны́не, Богоро́дичен:

Богоро́дице, Ты еси́ лоза́ и́стинная,/ возрасти́вшая нам Плод Живота́,/ Тебе́ мо́лимся: моли́ся, Влады́чице, со святы́ми апо́столы/ поми́ловати ду́ши на́ша.

На стихо́вне стихи́ры, глас 2.

Подо́бен: До́ме Евфра́фов:

Две́ри Небе́сныя/ восприя́ша по́стника,/ пустыннолю́бную го́рлицу,/ све́тло сия́ющую чуде́с зарю́,/ Феодо́сия Богому́драго.

Стих: Честна́ пред Го́сподем/ смерть преподо́бных Его́.

Ду́ха Свята́го/ озаре́н благода́тию,/ град оте́чества земна́го оста́вил еси́,/ пресе́льник яви́лся еси́, о́тче,/ и ны́не в Вы́шних Влады́це предстои́ши.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Небе́снаго граждани́на,/ земна́го А́нгела,/ мо́лим тя, о́тче Феодо́сие,/ испроси́ у Христа́ Бо́га/ спасе́ние душа́м на́шим.

Сла́ва, глас 8:

Преподо́бне о́тче,/ орга́н был еси́ Пресвята́го Ду́ха,/ по́стническими по́двиги плоть покори́л еси́ ду́хови,/ те́мже и чуде́с дарова́ние восприя́л еси́, Богому́дре Феодо́сие./ И ны́не со А́нгелы ликовству́еши/ у Христа́ Бо́га и Спа́са душ на́ших.

И ны́не, Богоро́дичен: Влады́чице, приими:

Тропа́рь пи́сан на вели́цей вече́рни.

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: поста́вим стихо́в 8 и пое́м стихи́ры, глас 4.

Подо́бен: 3ва́нный свы́ше:

Преподо́бне о́тче,/ мяте́ж мирски́й оста́вив/ и крест твой взем,/ после́довал еси́ нас ра́ди распе́ншемуся Христу́,/ посто́м и жа́ждею плотски́я стра́сти умертви́л еси́,/ грехо́вное же те́рние всено́щными по́двиги искорени́л еси́,/ сле́зными исто́чники напои́л еси́ ни́ву души́ твоея́,/ возде́лав плод стори́чный./ И ны́не предстои́ши всех Царю́,/ Его́же моли́ спасти́ и просвети́ти ду́ши на́ша.

Преподо́бне о́тче,/ ю́ностная взыгра́ния покори́в ду́хови,/ яви́лся еси́ нам безме́здный врач,/ многоразли́чныя неду́ги исцеля́яй к ра́це твое́й притека́ющих,/ небовосхо́дная доброде́телей ле́стница,/ по не́йже восте́кл еси́ к восприя́тию трудо́в по́чести,/ к жела́емому Христу́,/ Его́же моли́ спасти́ и просвети́ти ду́ши на́ша.

Преподо́бне о́тче Феодо́сие,/ кто́ испове́сть труды́ твоя́,/ бде́ние же и сухояде́ние,/ и е́же на земли́ лега́ние,/ и пусты́нное озлобле́ние?/ Безстра́стия сосу́д был еси́,/ благода́ти испо́лнен Свята́го Ду́ха,/ А́нгелом собесе́дниче и преподо́бным сожи́телю,/ Вседержи́телю Бо́гу возложи́л еси́ себе́,/ Его́же моли́ спасти́ и просвети́ти ду́ши на́ша.

И́ны стихи́ры, глас то́йже.

Подо́бен: Я́ко до́бля:

Я́ко свети́ло, просия́л еси́/ по́двиги и терпе́нием,/ яви́вся благоче́стия тве́рдое основа́ние/ и стена́ незы́блема гра́ду на́шему,/ миротле́нную красоту́ презре́л еси́/ любве́ ра́ди Вседержи́теля Бо́га,/ Его́же о нас моли́,/ усе́рдно творя́щих всечестну́ю па́мять твою́.

Я́ко непобеди́мый ратобо́рец,/ Богому́дре Феодо́сие,/ ору́жием кре́стным победи́л еси́ вра́жия полки́,/ вме́сто мя́гких риз вери́гами стягну́в те́ло твое́,/ и восприя́л еси́ от Бо́га безконе́чное блаже́нство,/ Его́же моли́ о чту́щих твое́ честно́е успе́ние.

Я́ко на ка́мени ве́ры/ утверди́в себе́, Феодо́сие,/ ника́коже поколеба́лся еси́ жите́йскими прило́ги,/ власяни́цею те́ло твое́ оде́яв,/ обнажи́л еси́ кова́рство дре́вле в раи́ предобнажи́вшаго,/ и, во Све́те невече́рнем веселя́ся,/ помина́й тя воспева́ющий.

Сла́ва, глас 6:

Возсия́ нам пресве́тлое торжество́/ целому́дрия стяжа́теля,/ соше́дшеся у́бо,/ пе́сненными похвала́ми досто́йно сего́ ублажи́м, глаго́люще:/ ра́дуйся, по́стником насле́дниче и печа́ть изве́стная;/ ра́дуйся, свети́льниче пресве́тлый,/ чудесы́ многоразли́чными притека́ющия озаря́яй;/ ра́дуйся, скорбя́щих утеше́ние/ и в беда́х су́щим те́плый засту́пниче./ И ны́не, Богому́дре Феодо́сие,/ не преста́й моля́ся о чту́щих ве́рно па́мять твою́.

И ны́не, Богоро́дичен: Кто Тебе́ не ублажи́т:

Вход. Проки́мен дне и чте́ния три преподо́бническая (зри страни́цы 40 – 42).

На лити́и стихи́ры самогла́сны. Глас 1:

По́стника и́стиннаго почти́м днесь,/ с весе́лием ше́ствовавша по стопа́м Влады́чним,/ во пло́ти безпло́тныя враги́ победи́вшего./ Да ликовству́ют у́бо вси благоче́стно,/ изря́днее же со́бранное им честно́е ста́до./ Те́мже, соше́дшеся в па́мять его́,/ воспое́м Христа́ Бо́га на́шего,/ да пода́ст нам моли́твами его́ мир и ве́лию ми́лость.

Глас 2:

Яви́лся еси́ де́латель милосе́рдаго Влады́ки,/ И́же и во единонадеся́тый час прише́дшия и де́лавшия/ от пе́рваго часа́ де́лавшим уподобля́ет;/ ты же, вся дни жития́ твоего́/ недрема́нно де́тели духо́вныя соверша́я/ и в после́днее вре́мя по́стническия по́двиги обновля́я,/ к неизрече́нней ра́дости дости́гл еси́,/ возду́шная мыта́рства прелете́в./ Моли́ у́бо спасти́ся душа́м на́шим.

Ве́чная в Вы́шних взыска́л еси́,/ до́лу же влеку́щая вся оста́вил еси́,/ кре́стною па́лицею стра́стное жития́ мо́ре пресе́кл еси́,/ мы́сленнаго же фарао́на погрузи́л еси́;/ де́тельми, я́ко заря́ми, облиста́еши,/ хра́му у́бо, в не́мже лежа́т честны́я мо́щи твоя́,/ я́ко ца́рскую у́тварь, иму́щу,/ гра́ду же, я́ко трубе́, велегла́сно вопию́щу/ и хва́лящуся неисчерпа́емым исто́чником чуде́с/ и моли́твенником о душа́х на́ших.

Сла́ва, глас 5:

Воспои́м согла́сно в пе́снех/ духо́вною цевни́цею преблаже́ннаго Феодо́сия,/ све́тлость благоче́стия,/ любве́ Христо́вы де́лателя усе́рднаго,/ реку́ незави́стну смире́ния,/ чистоты́ сокро́вище, пра́вило воздержа́ния,/ столп терпе́ния,/ Ду́ха Боже́ственнаго си́лою злоко́зненнаго лестца́ победи́вшаго,/ ни́щим утеше́ние, боля́щим исцеле́ние,/ стра́нным прие́мника,/ гра́ду на́шему засту́пника./ Те́мже, похваля́юще его́, вси та́ко рцем:/ в Вы́шних всех Влады́це предстоя́, Феодо́сие,/ предста́ни, о́тче, чту́щим тя всегда́/ и спаси́ ста́до твое́ моли́твами твои́ми.

И ны́не, глас то́йже:

Ве́тхий де́ньми, младе́нствовав пло́тию,/ Мате́рию Де́вою в це́рковь прино́сится,/ Своего́ зако́на исполня́я обеща́ние,/ Его́же Симео́н прии́м, глаго́лаше:/ ны́не отпуща́еши с ми́ром,/ по глаго́лу Твоему́, раба́ Твоего́:/ ви́деста бо о́чи мои́ спасе́ние Твое́, Святы́й.

На стихо́вне стихи́ры, глас 2.

Подо́бен: Егда́ от Дре́ва:

Егда́ распали́ тя, Богому́дре,/ Боже́ственное жела́ние,/ преоби́дел еси́ пло́ти мудрова́ние,/ невозвра́тно после́дуя Христу́:/ те́ло твое́ удручи́л еси́ бде́нием,/ омыва́я ду́шу слез тече́ньми,/ сокруши́л еси́ бесо́вская стремле́ния/ и, я́коже зла́то горни́лом,/ очи́стив себе́ добродете́льми,/ ра́дуяся, взыва́еши:/ сла́ва, Человеколю́бче, Твоему́ снизхожде́нию.

Стих: Честна́ пред Го́сподем/ смерть преподо́бных Его́.

Егда́ основа́ние кре́пко/ положи́л еси́ в души́ твое́й, о́тче,/ тогда́ Авраа́мле стяжа́в удобре́ние,/ град оте́чества оста́вил еси́/ и по пло́ти сро́дники/ и, вся во уме́ты вмени́в,/ я́ко пресе́льник, уедини́лся еси́ в междоре́чии,/ еди́н Еди́ному рабо́тая Христу́,/ немо́лчным славосло́вием ра́дуяся и вопия́:/ сла́ва, Человеколю́бче, Твоему́ смотре́нию.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Егда́ преставле́ния твоего́ к Бо́гу вре́мя приспе́,/ тогда́ непоро́чная твоя́ душа́/ непреткнове́нно от возду́шных мыта́рств,/ я́ко небопа́рный оре́л,/ крило́ма доброде́телей на высоту́ востече́,/ и ра́дости избра́нных сподо́бися,/ и та́мо с Серафи́мы Го́сподеви вопие́т:/ сла́ва, Человеколю́бче, Твоему́ смотре́нию.

Сла́ва, глас то́йже:

Благода́ть Боже́ственная созыва́ет нас/ к похвале́нию Спа́сова и́стиннаго рачи́теля:/ сей бо, ду́шу и те́ло очи́стив от страсте́й,/ Пресвято́му Ду́ху яви́ся прекра́сное селе́ние,/ А́нгельским чи́ном присовокупи́ся,/ и́хже житию́ на земли́ поревнова́;/ сего́ ра́ди со дерзнове́нием предстои́т Святе́й Тро́ице/ и мо́лит спасти́ся душа́м на́шим.

И ны́не, Богоро́дичен: О, чудесе́ но́ваго:

На благослове́нии хле́бов, тропа́рь преподо́бнаго, два́жды, и Богоро́дице Де́во: еди́ножды.

Тропа́рь преподо́бнаго, глас 1:

От ю́ности, преподо́бне Феодо́сие,/ жела́ние твое́ ко Христу́ Бо́гу впери́л еси́,/ Его́же ра́ди град и оте́чество оста́вль/ и сла́ву су́етную, я́ко прах, вмени́в,/ после́довал еси́ преподо́бному Дими́трию/ и оби́тели его́ сожи́тель был еси́,/ пресели́вся ко гра́ду То́тьме/ и в междоре́чие всели́вся,/ посто́м и бде́нием, и власяны́м одея́нием,/ и вери́гами те́ло твое́ удручи́л еси́./ Сего́ ра́ди Бог, ви́дев твоя́ труды́,/ по преставле́нии твое́м чудесы́ обогати́ тя:/ бе́сы изгоня́еши и слепы́я просвеща́еши,/ от вся́ких неду́г и бед избавля́еши приходя́щия к тебе́ с ве́рою и вопию́щия:/ сла́ва Да́вшему ти кре́пость,/ сла́ва Венча́вшему тя,/ сла́ва Даю́щему тобо́ю всем исцеле́ние.

Ин тропа́рь, глас 2:

От мирска́го мяте́жа изше́д,/ преподо́бне о́тче наш Феодо́сие,/ и в ти́хое приста́нище дости́г,/ преподо́бному Дими́трию сожи́тель был еси́,/ и отту́ду, Бо́жиим Ду́хом направля́емь,/ во град То́тьму пресели́лся еси́,/ и во ото́цех водны́х оби́тель себе́ воздви́гл еси́,/ иде́же равноа́нгельное житие́ пожи́в,/ после́довал еси́ Христу́,/ Его́же ра́ди влася́ну ри́зу и вери́ги на те́ле твое́м носи́л еси́./ Смире́нием и нищелю́бием украси́вся,/ сла́ву су́етную презре́л еси́/ и оте́ческое име́ние до́бре расточи́л еси́,/ моле́нием же к Бо́гу и сле́зными струя́ми бе́сы посрами́л еси́,/ те́мже по успе́нии твое́м Христо́с да́ром чуде́с обогати́ тя./ Име́я у́бо дерзнове́ние ко Го́споду,/ преподо́бне о́тче наш Феодо́сие,/ моли́ Христа́ Бо́га, да спасе́т ду́ши на́ша.

Сла́ва, и ны́не, Богоро́дичен.

НА У́ТРЕНИ

На Бог Госпо́дь: тропа́рь преподо́бнаго. Сла́ва, ин тропа́рь. И ны́не, Богоро́дичен 2-го гла́са.

По 1-м стихосло́вии седа́лен, глас 8.

Подо́бен: Прему́дрости Сло́ва:

Воздержа́ния кре́постию изобрази́л еси́ зако́нная веле́ния/ не на дсце́, но на скрижа́лех се́рдца:/ свое́ю во́лею, о́тче Феодо́сие, а́ки ко кресту́, пригвозди́в себе́,/ претерпе́л еси́ жесто́кое одея́ние и пусты́нное озлобле́ние,/ неви́димыя же враги́ победи́л еси́ му́жески./ Те́мже успе́ние твое́ пра́зднуем и ве́рно песньми восхваля́ем.

Сла́ва, и ны́не, Богоро́дичен:

Возбра́нной воево́де и засту́пнице на́шей,/ к Тебе́ прибега́ем, Пречи́стая Богоро́дице:/ возбрани́, Чи́стая, плену́ющу нас диа́волу/ и вводя́щу в стра́сти безче́стия./ Те́мже припа́даем ко Твоему́ пречестно́му о́бразу,/ прося́ще изба́витися вся́кия му́ки и огня́ ве́чнаго./ Заступи́ нас, Ма́ти Христа́, Царя́ Небе́снаго, да зове́м Ти:/ ра́дуйся, Неве́сто Неневе́стная.

По 2-м стихосло́вии седа́лен, глас 4.

Подо́бен: Ско́ро предвари́:

Притеце́м усе́рдно к моще́м преподо́бнаго Феодо́сия/ и почерпе́м сугу́бую благода́ть, душа́м спасе́ние и телесе́м здра́вие,/ восхваля́юще Христа́ Бо́га на́шего,/ И́же Своего́ уго́дника просла́ви и да́ром чуде́с обогати́,/ па́мять же преподо́бнаго святу́ю почита́юще.

Сла́ва, и ны́не, Богоро́дичен:

Ум челове́ческий по достоя́нию пе́ти Тя, Влады́чице Пречи́стая Богоро́дице, недоуме́ет./ Но мы зове́м Ти, я́коже Арха́нгел Гаврии́л провеща́:/ ра́дуйся, Ада́мово свобожде́ние;/ ра́дуйся, прама́тере Е́вы оправда́ние;/ ра́дуйся, ми́ру спасе́ние;/ ра́дуйся, Ма́ти Христа́ Бо́га.

По полиеле́и седа́лен, глас 8.

Подо́бен: Прему́дрости на пе́рси возле́г:

Весели́ся, гра́де Во́логда,/ воспита́вый в по́стницех просия́вшаго, о́трасль благу́ю;/ красу́йся, гра́де, при не́мже обита́ преподо́бный,/ и лику́й, междоре́чие, я́ко име́я в себе́ сожи́тельствующа Богому́драго Феодо́сия,/ ра́ку же моще́й его́, точа́щу исцеле́ния и бесо́вския полки́ прогоня́ющу./ Сего́ ра́ди вси просла́вим Христа́ Бо́га на́шего:/ о Влады́ко! Ве́лие милосе́рдие Твое́,/ я́ко прояви́л еси́ нам вели́ка чуде́с дарова́теля,/ земли́ Росси́йстей украше́ние/ и моля́щася изба́витися нам от вся́ких лю́тых обстоя́ний.

Сла́ва, и ны́не, Богоро́дичен:

О Тебе́ ра́дуется, Благода́тная, вся́кая тварь,/ А́нгельский собо́р и челове́ческий род,/ освяще́нный хра́ме и раю́ слове́сный,/ де́вственная похвало́,/ из Нея́же Бог воплоти́ся и Младе́нец бысть, пре́жде век Сый Бог наш:/ ложесна́ бо Твоя́ престо́л сотвори́/ и чре́во Твое́ простра́ннее Небе́с соде́ла./ О Тебе́ ра́дуется, Благода́тная, вся́кая тварь, сла́ва Тебе́.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое ды́хание: Ева́нгелие от Матфе́я, зача́ло 43.

По 50-м псалме́ стихи́ра, глас 6:

Днесь све́тло торжеству́ет Це́рковь Твоя́, Го́споди,/ я́ко багряни́цею многоце́нною, крася́щися/ неистощи́мым сокро́вищем моще́й Богому́драго Феодо́сия,/ и, я́ко ца́рским ски́петром, хва́лящися, вопие́т:/ сицева́ моя́ рожде́ния,/ такови́и мои́ сы́нове,/ и́хже породи́х Креще́нием,/ воспита́х же стра́хом Госпо́дним,/ ны́не ви́жду и́стинне вене́чника избра́ннаго,/ да мо́лится ко Го́споду о вселе́нней,/ о стране́ и гра́дех на́ших и о чту́щих ве́рно честну́ю па́мять преподо́бнаго.

Кано́н Богоро́дицы, на 6 и преподо́бнаго два кано́на, на 8. Кано́н преподо́бному Феодо́сию пе́рвый, глас 8.

Песнь 1

Ирмо́с: Пои́м Го́сподеви,/ прове́дшему лю́ди Своя́ сквозе́ Чермно́е мо́ре,/ я́ко Еди́н сла́вно просла́вися.

Озари́, Христе́ Бо́же Преве́чный, Све́те от Све́та, омраче́ннаго мя,/ да Богому́драго пою́ Феодо́сия.

Све́та сподо́би, о́тче, прине́сшаго тебе́ пе́ние невече́рняго улучи́ти,/ в не́мже лику́еши.

Любве́ Боже́ственный теплото́ю разже́гся, преподо́бне,/ изсуши́л еси́ пото́ки стра́стнаго взыгра́ния.

Богоро́дичен: Во утро́бе Твое́й вме́щши Невмести́маго, всех Творца́,/ изба́ви от лю́тых пою́щия Тя, Всенепоро́чная.

Ин кано́н, в не́мже о чудесе́х преподо́бнаго. Глас 6.

Песнь 1

Ирмо́с: Се́ченое, сече́тся/мо́ре Чермнно́е,/ волнопита́емая же изсуша́ется глубина́,/ та́яжде ку́пно безору́жным бы́вши проходи́ма/ и всеору́жным гроб./ Песнь же Богокра́сная воспева́юща:/ сла́вно просла́вися Христо́с, Бог наш.

А́гнче Пречи́сте, Бо́жий Сло́ве,/ низпосли́ мне сло́во, недосто́йному, воспе́ти чудеса́ преподо́бнаго Твоего́ Феодо́сия,/ его́же в по́двизех просла́вил еси́, усе́рдно к Тебе́ воспева́юща:/ сла́вно просла́вися Христо́с Бог наш.

Весь возло́жся Зижди́телеви/ и сла́ву вре́менную презре́ти жела́я,/ желе́зы те́ло твое́ стягну́в, к по́двигу устреми́лся еси́,/ Боже́ственною разже́гся ре́вностию, в моли́твах же к Бо́гу воспева́я:/ сла́вно просла́вися Христо́с Бог наш.

Го́рдаго зми́я смире́нием твои́м попра́в,/ плотска́я взыгра́ния умертви́л еси́,/ и жите́йския сла́сти терпе́нием, а́ки мече́м, посе́кл еси́,/ преподо́бне Феодо́сие, Го́сподеви вопия́:/ сла́вно просла́вися Христо́с Бог наш.

Богоро́дичен: Де́вство сохрани́вши некра́домо,/ от Ду́ха Свя́та заче́нши, родила́ еси́ Бо́га Сло́ва/ и по Рождестве́ пребыла́ еси́, я́коже и пре́жде, Богоневе́сто Влады́чице./ Те́мже спаси́ нас, вопию́щих:/ сла́вно просла́вися Христо́с Бог наш.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Возлюби́л еси́ от ю́ности усе́рдно Христо́ви рабо́тати,/ Его́же ра́ди вся презре́л еси́, до́лу влеку́щая.

Очи́стив ум, те́ло и дух, треблаже́нне,/ дом был еси́ Трисо́лнечнаго Све́та,/ укра́шен доброде́тельми.

Естество́ пло́ти воздержа́нием утончи́л еси́,/ Христа́ име́я, Феодо́сие, укрепля́юща тя к по́двигом.

Богоро́дичен: Моли́, Всечи́стая и Неискусобра́чная Мари́е, Сы́на Твоего́ и Бо́га на́шего,/ посла́ти нам ве́лию ми́лость.

Ин

Ирмо́с: Госпо́дь Сый всех и Зижди́тель Бог,/ созда́нное Безстра́стный, обнища́в, Себе́ соедини́,/ и Па́сха, за я́же хотя́ше умре́ти,/ Сам Сый, Себе́ предпожре́:/ яди́те, – вопия́, – Те́ло Мое́/ и ве́рою утверди́теся.

Еди́наго возлюби́л еси́ Христа́, преподо́бне Феодо́сие,/ во пло́ти безпло́тных полки́ посрами́л еси́/ и по преставле́нии твое́м чудеса́ то́чиши:/ явле́нием бо со ико́ною Пречи́стыя Богома́тере деви́цу разсла́бленную от одра́ возста́вил еси́.

Житие́ непоро́чно на земли́ соверши́л еси́, преподо́бне,/ ны́не же стра́сти неду́жных исцеля́еши:/ стра́ждущему бо на но́вый ме́сяц от лука́ваго ду́ха триле́тное вре́мя здра́вие по́дал еси́,/ прише́дшу ко свято́му гро́бу твоему́.

Зижди́телю предстои́ши к Нему́ дерзнове́ние и́маши, о́тче./ К ра́це бо твое́й прише́дшая жена́,/ шум, и дво́ицы глаго́лание, и пе́ния у́бо слы́шавши, ужасе́ся;/ ма́нием же каса́ния оче́с прозре́ние пода́л еси́ ей,/ назна́менуя святы́я воды́ кропле́ние.

Богоро́дичен: Из ко́рене Иессе́ова изра́стши жезл, цвет нося́щий – Христа́, Соде́теля вся́кия тва́ри,/ увяди́вшаго сады́ непло́днаго ра́зума,/ Де́во Богоро́дице, спаси́ ны от грехо́вных страсте́й,/ прибега́ющия в кров Твой с ве́рою.

Седа́лен, глас 8.

Подо́бен: Прему́дрости наста́вниче:

Премно́жеством доброде́телей от младе́нства житие́ украси́л еси́,/ помы́слив от зе́мных на Небе́сная,/ и, де́лом соверши́в, о́тче Феодо́сие, сла́ву и бога́тство тле́нное ни во что же вмени́л еси́;/ посто́м и власяны́м одея́нием плоть твою́ изнуря́л еси́,/ всено́щным же стоя́нием и моли́твами собесе́дник а́нгельским лико́м показа́лся еси́./ Моли́ Христа́ Бо́га согреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Я́ко Де́ву и еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ Огнь бо всели́ся в Тя Божества́/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род, досто́йно сла́вим Пресвято́е Рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою Пресвято́му Рождеству́ Твоему́.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Си́лою Влады́чнею лестна́ кова́рство разруши́л еси́,/ преше́д немяте́жно в ра́йская селе́ния.

Па́че бу́дущаго ничто́же и́но предпочти́ л еси́/ и сего́ ра́ди насле́довал еси́ ве́чное блаже́нство, о́тче наш Феодо́сие.

Сле́зными пото́ки омы́л еси́ нечистоту́ грехо́вную,/ бде́нием же и моли́твами ли ко́м святы́х сопричте́н был еси́.

Богоро́дичен: Ед и́ну Тя пое́м и по рождестве́ Де́ву, Богоро́дице:/ Ты бо Сло́во пло́тию нетле́нно родила́ еси́ ми́рови.

Ин

Ирмо́с: Удиви́ся Твой ра́зум от мене́,/ услы́шавшу пресла́вная веле́ния смотре́ния Твоего́,/ укрепи́ся же возлюбле́нием Твоего́ схожде́ния,/ Ты бо моея́ нищеты́ не отве́рглся еси́.

Феодо́сие блаже́нне, воздержа́нием во пло́ти/ стра́сти чу́вственный умертви́л еси́/ и по успе́нии твое́м стра́сти неду́жных разреша́еши:/ одержи́маго бо тряса́вицею свободи́л еси́ от неду́га.

Исто́чники сле́зными напои́в ни́ву души́ твоея́, о́тче,/ чудесы́ просия́л еси́, я́ко звезда́, многосве́тлая:/ боле́знующаго очи́ма уврачева́л еси́,/ младе́нца же спасл еси́, му́чима от лука́ваго ду́ха.

Ко Творцу́ о нас мо́лишися, преподо́бне,/ и да́руеши цельбы́ неоску́дно припада́ющим к ра́це твое́й:/ хрома́го от боле́зни уврачева́л еси́/ и ходи́ти непреткнове́нно устро́ил еси́.

Богоро́дичен: Лю́дем яви́ся обновле́ние, Влады́чице:/ Ты бо родила́ еси́ во вре́мени от Отца́ рожде́ннаго пре́жде век,/ нас же ра́ди от Тебе́ воплоти́вшегося/ и спа́сшаго от пе́рвыя кля́твы род челове́ческий.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир пода́ждь нам,/ Человеколю́бче.

О́ко се́рдца упра́вив ко Творцу́ всех, Феодо́сие,/ и разсмотри́в, ко́зни вра́жия/ твои́м тве́рдым смы́слом низложи́л еси́.

Мудрова́ния пло́ти покори́л еси́ ду́хови,/ умо́м к Вы́шнему возревнова́в,/ и от Него́ прия́л еси́ духо́вную благода́ть.

Основа́ние, его́же проти́вник не подви́же,/ кре́пко положи́в в души́ твое́й,/ живу́ща име́л еси́ Свята́го Ду́ха.

Богоро́дичен: Щедро́т бе́здну иму́щи, Де́во Богоро́дице,/ при́зри на мя, озло́бленнаго грехми́,/ и в ров па́дша возведи́ к покая́нию.

Ин

Ирмо́с: Богоя́вления Твоего́, Христе́,/ к нам ми́лостивно бы́вшего,/ Иса́ия Свет ви́дев Невече́рний,/ из но́щи у́треневав, взыва́ше:/ воскре́снут ме́ртвии,/ и воста́нут су́щии во гробе́х,/ и вси земноро́днии возра́дуются.

Мно́гое име́я дерзнове́ние к Зижди́телю, о́тче Феодо́сие,/ мно́гими мя, лю́тыми страстьми́ содержи́маго, исцели́,/ я́коже и деви́цу, все́ми у́ды разсла́бленную,/ прикосну́вшуюся ра́це твое́й, исцели́л еси́.

Недрема́нно после́дуя Христу́,/ плоть нас ра́ди прие́мшу и о́чи слепа́го отве́рзшу, Феодо́сие,/ жене́ слепе́й и о́ком неви́дящему прозре́ние по́дал еси́,/ и нас просвети́, пою́щих тя.

К Серафи́мом приобщи́вся, преподо́бне Феодо́сие,/ вся́ческих Творца́ и Влады́ку преклони́л еси́ на милосе́рдие:/ седмоле́тное вре́мя не слы́шавшему уши́ма, дарова́л еси́ здра́вие.

Богоро́дичен: Огнь Боже́ственный во утро́бе поне́сши, Богоневе́сто Пречи́стая,/ попали́ на́ша стра́сти душетле́нныя/ и просвети́ сердца́ пою́щих,/ да вси Тебе́ прославля́ем, ро́ждшую Го́спода, всю тварь содержа́щего.

Песнь 6

Ирмо́с: Ри́зу мне пода́ждь све́тлу,/ одея́йся све́том, я́ко ри́зою,/ Многоми́лостиве Христе́ Бо́же наш.

Авраа́му подо́бяся, оста́вив земна́го оте́чества град,/ мно́гим тща́нием Христу́ после́довал еси́.

Бога́тство и сла́ву презре́в,/ одея́ние жесто́кое носи́л еси́,/ сим истка́в себе́ оде́жду нетле́ния.

Удобри́л еси́ себе́, Богому́дре,/ кра́сными восхожде́нии к Небе́сным восте́к, Боже́ственными кри́лы.

Богоро́дичен: Де́вство чи́сто соблю́дши/ и Безле́тное Сло́во под коне́ц ле́том ро́ждши,/ Твои́м моле́нием спаси́ пою́щия Тя.

Ин

Ирмо́с: Зве́рю бе́здны предае́тся проро́к Ио́на,/ глубине́ морско́й,/ прообразу́я Твое́, Сло́ве, тридне́вное воста́ние./ Тем и взыва́ше:/ из глубины́ преиспо́дния возведи́ живо́т мой,/ Благоутро́бне.

Пресвяте́й Тро́ице дом себе́ устро́ив,/ пусты́ню возлюби́л еси́/ и по преселе́нии твое́м к Бо́гу посеща́еши ученики́ твоя́,/ ста́рца разсла́бленнаго укрепи́л еси́/ и младе́нцу разреши́л еси́ слепоту́.

Ра́ка моще́й твои́х, о́тче Феодо́сие, неоску́дно исцеле́ния источа́ет приходя́щим с ве́рою:/ главну́ю боле́знь и разслабле́ние те́ла жене́ разреши́л еси́,/ челове́ка же одержи́маго от лука́ваго ду́ха свободи́л еси́.

Све́том Боже́ственным озаря́емь свы́ше,/ чудесы́ просия́л еси́/ и мрак де́монский разруша́еши;/ нас же, прегреше́ньми объюроде́вших, уцелому́дри,/ я́коже изсту́пльших ума́ уцелому́дрил еси́.

Богоро́дичен: Тя прови́де Дании́л несе́ченную го́ру,/ из нея́же отто́ржеся ка́мень без руку́,/ прообразу́я от Тебе́ воплоще́ние Безле́тнаго в ле́то./ Нас же, во глубине́ злых прегреше́ний тружда́ющихся, спаса́еши, Богоро́дице,/ еди́на земны́м прибе́жище.

Конда́к, глас 8.

Подо́бен: Взбра́нной:

Воздержа́нием плоть изнури́л еси́/ и непреста́нными моли́твами, я́ко А́нгел, возвы́сился еси́,/ струя́ми же сле́зными бесо́вския полки́ погрузи́л еси́./ И ны́не во Све́те невече́рнем лику́еши у Христа́ Бо́га/ и приходя́щим ко свято́му твоему́ гро́бу неоску́дно исцеле́ние подае́ши,/ ве́рою вопию́щим тебе́:/ ра́дуйся, о́тче Феодо́сие Богому́дре.

И́кос:

Возревнова́в о Боже́ственных бде́ниих/ и те́сным на земли́ ше́ствовав путе́м,/ Небе́сных простра́нствия ра́достне дости́гл еси́,/ иде́же зри́ши Пресвяту́ю Тро́ицу,/ дарова́ньми чуде́с обогаща́емь./ Мы же, терпе́нию твоему́ дивя́щеся, си́це вопие́м:/ ра́дуйся, чи́стое Свята́го Ду́ха прия́телище;/ ра́дуйся, земны́й А́нгеле и Небе́сный челове́че;/ ра́дуйся, любве́ ра́ди Христо́вы град оте́чества земна́го оста́вивый/ и в междоре́чии жи́ти изво́ливый;/ ра́дуйся, дре́во доброде́телей, при вода́х насажде́нное;/ ра́дуйся, я́ко плод прине́сл еси́ благоцвету́щ послуша́ния;/ ра́дуйся, я́ко терпе́нием твои́м стра́сти плотски́я умертви́л еси́;/ ра́дуйся, я́ко ору́жием кре́стным мы́сленнаго Амали́ка посе́кл еси́;/ ра́дуйся, сто́лпе, непоколеби́мый жите́йскими ве́тры;/ ра́дуйся, лука́вых духо́в прогони́телю;/ ра́дуйся, я́ко исцеле́ний источа́еши реку́;/ ра́дуйся, я́ко стра́ждущих от бед избавля́еши;/ ра́дуйся, и́ноком исправле́ние;/ ра́дуйся, о́тче Феодо́сие Богому́дре.

Песнь 7

Ирмо́с: А́нгелом о́троки из огня́ спасы́й/ и гремя́щую пещь преложи́вый на ро́су,/ благослове́н еси́, Бо́же оте́ц на́ших.

Пло́тию обложе́н, безпло́тныя победи́л еси́,/ непреста́нно Христо́ви зовы́й:/ благослове́н еси́, Бо́же оте́ц на́ших.

Огне́м Боже́ственным те́рние грехо́вных страсте́й попали́л еси́, Богому́дре, поя́:/ благослове́н еси́, Бо́же оте́ц на́ших.

Ю́ности раче́ния оплева́в разу́мно,/ всего́ себе́ Бо́гови возложи́л еси́, поя́:/ благослове́н еси́, Бо́же оте́ц на́ших.

Богоро́дичен: Небесе́ ши́ршую Де́ву показа́ пра́вды Со́лнце, из Нея́ возсия́в, Спас пою́щих:/ благослове́н еси́, Бо́же оте́ц на́ших.

Ин

Ирмо́с: Три ю́ноши не опали́ дре́вле возвыша́емый пла́мень,/ неща́дно мя зной к тле́нию положи́./ Но, я́ко о́ныя изба́вил еси́ сия́нием Твои́м,/ пою́щаго с ни́ми спаси́ мя:/ благослове́н еси́, Бо́же оте́ц на́ших.

У Влады́ки Творца́ предстоя́ в Вы́шнем Ца́рствии, Феодо́сие преподо́бне,/ боле́знующую очи́ма исцели́л еси́;/ просвети́ и на́ша серде́чная очеса́ све́том Богоразу́мия/ и научи́ к Нему́ пе́ти:/ благослове́н еси́, Бо́же оте́ц на́ших.

Фарисе́йское киче́ние отве́ргше,/ усе́рдно присту́пим вси ко гро́бу Богому́драго Феодо́сия:/ источа́ет бо нам неоску́дную струю́ исцеле́ний./ О́троку страсть телесе́ и соу́з язы́ка разреши́в,/ да отве́рзет и на́ши устне́ пе́ти Христу́:/ благослове́н еси́, Бо́же оте́ц на́ших.

Излия́нием чуде́с от Бо́га обогати́лся еси́, о́тче,/ те́мже приходя́щих облегча́еши боле́зни,/ расте́ния утро́бы, и струп ноги́, и кро́ви тече́ние уста́вил еси́./ Утверди́ у́бо и на́ша мы́сли зва́ти Христу́:/ благослове́н еси́, Бо́же оте́ц на́ших.

Богоро́дичен: Христа́ ро́ждши, Влады́ку и Врача́ вся́ческих, Богоро́дице,/ ра́нами грехо́вными нас, уя́звленных лю́те от душетле́ннаго стрельца́/ и неисце́льно боля́щих, исцели́, Влады́чице, моли́твами Твои́ми/ и пла́стырь приложи́ покая́ния Сы́ну Твоему́ зову́щим:/ благослове́н еси́, Бо́же оте́ц на́ших.

Песнь 8

Ирмо́с: Богоглаго́ливии о́троцы в пещи́,/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

Славосло́вием всено́щным при́сно соодоле́л еси́ страсте́м, преблаже́нне, поя́:/ благослови́те, дела́ Госпо́дня, Го́спода.

Неприкоснове́ннаго улучи́в све́та,/ с ли́ки святы́х водворя́ешися, о́тче, поя́:/ благослови́те, дела́ Госпо́дня, Го́спода.

Го́рняго Иерусали́ма дости́гнути сподо́би, о́тче Феодо́сие, пою́щия:/ благослови́те, дела́ Госпо́дня, Го́спода.

Богоро́дичен: Обожи́л есть, из Тебе́ вопло́щеся, Госпо́дь, Влады́чице, земны́х существо́, пою́щих:/ благослови́те, дела́ Госпо́дня, Го́спода.

Ин

Ирмо́с: За зако́ны оте́ческая/ блаже́ннии в Вавило́не ю́ноши, предбе́дствующе,/ царю́ющаго оплева́ша повеле́ние безу́мное/ и, совоку́плени и́мже, не свари́шася огне́м,/ Держа́вствующему досто́йную воспева́ху песнь:/ Го́спода по́йте, дела́,/ и превозноси́те во вся ве́ки.

Псало́мски процве́л еси́, я́ко фи́никс, в посте́ и по́двизех,/ и бесо́вския полки́ прогоня́еши, и да́руеши цель бы незави́стно./ Жите́йскими помышле́ньми мой ум мяту́щийся уцелому́дри, да воспою́:/ Го́спода по́йте, дела́, и превозноси́те во вся ве́ки.

Царе́ви всех и Бо́гу предстоя́, о́тче Феодо́сие,/ нам испроси́ одоле́ние на враги́ ви́димыя и неви́димый/ и дви́жимая сердца́ на́ша утверди́, да в ра́дости душе́вней воспое́м:/ Го́спода по́йте, дела́, и превозноси́те во вся ве́ки.

Чи́сте зре́ти сподо́бився Пресвяту́ю Тро́ицу,/ до конца́ чи́сто житие́ сохрани́л еси́/ и чистото́ю А́нгелы удиви́л еси́./ Мене́ же, жите́йскими сластьми́ оскверне́ннаго,/ очи́сти моли́твами твои́ми, да воспою́:/ Го́спода по́йте, дела́, и превозноси́те во вся ве́ки.

Богоро́дичен: О Све́та прия́телище, пресве́тлаго Со́лнца о́блаче, Богора́дованная Влады́чице,/ ле́ствице мы́сленная, Небе́сная врата́, спасе́ния две́ри!/ Бог бо из Твои́х ложе́сн про́йде неизрече́нно,/ Его́же прославля́ем во ве́ки.

Песнь 9

Ирмо́с: Чи́стую сла́вно почтим, лю́дие, Богоро́дицу,/ огнь Божества́ прии́мшую во чре́ве неопа́льно,/ песньми велича́ем.

Любе́зно по́двиг сконча́в и возде́лав ни́ву душе́вную,/ плод стори́чный пожа́л еси́, о́тче Феодо́сие, тя чту́щих.

Ве́чныя дости́гл еси́ жи́зни кра́йним воздержа́нием/ и Свет Присносу́щныя Тро́ицы зре́ти сподо́бился еси́, о́тче Богому́дре.

Ко Влады́це име́я дерзнове́ние, то́чиши исцеле́ния,/ и всем, чту́щим па́мять твою́, о́тче, ми́лость испроси́.

Богоро́дичен: Ада́мовым вкуше́нием приста́вленное ору́жие Тобо́ю, Пречи́стая, вход дае́т./ стыдя́ся копи́я, пробо́дшаго Ро́ждшагося из Тебе́.

Ин

Ирмо́с: Стра́нствия Влады́чня/ и Безсме́ртныя Тра́пезы/на Го́рнем ме́сте высо́кими умы́,/ ве́рнии, прииди́те, наслади́мся,/ возше́дша Сло́ва,/ от Сло́ва научи́вшеся, Его́же велича́ем.

Граждани́н Вы́шний жела́я бы́ти,/ земна́го оте́чества град оста́вил еси́, пресе́льник яви́вся, о́тче Феодо́сие,/ к Го́рним легко́ преше́л еси́, во све́те пра́ведных водворя́яся,/ ду́хом же неотсту́пно с на́ми пребыва́еши,/ сохраня́й у́бо нас, тя воспева́ющих.

Распросте́р преподо́бнии твои́ ру́це,/ принеси́ моле́ние ко Всеще́дрому Бо́гу, о́тче Богому́дре Феодо́сие,/ сохрани́ти град твой невреди́м от ва́рварскаго наше́ствия и междоусо́бныя бра́ни/ и спасти́ нас, тебе́ велича́ющих.

Глаго́л мои́х недосто́йных гру́бое веща́ние,/ е́же по си́ле принесо́х тебе́, преподо́бне Феодо́сие,/ приими́ и не пре́зри,/ но Творца́ на́шего, Влады́ку и Го́спода, моли́ за мя,/ в день стра́шнаго испыта́ния ми́лость обрести́/ и та́мошняго муче́ния изба́витися.

Богоро́дичен: Ря́сны златы́ми преукра́шена,/ одесну́ю Царя́ Бо́га предстои́ши, Богоро́дице Де́во,/ моли́ у́бо Сы́на Твоего́ и Влады́ку/ ми́лость обрести́ нам в день после́дняго испыта́ния,/ и стоя́ния сподо́би нас со избра́нными,/ и стра́шнаго муче́ния свободи́, да вси Тебе́ велича́ем.

Свети́лен.

Подо́бен: Ученико́м зря́щим:

Умертви́л еси́ до́лу влеку́щая мудрова́ния,/ и, мирска́го пристра́стия удали́вся, я́ко скве́рны,/ процве́л еси́, я́ко фи́никс, дави́дски, о́тче Феодо́сие,/ и Небе́сною сла́вою со А́нгелы обогати́лся еси́ от Бо́га,/ Его́же в пе́снех восхваля́ем.

Сла́ва, и ны́не, Богоро́дичен:

Честне́йши еси́ всея́ тва́ри, Богоро́дице Де́во, Христа́ ро́ждшая,/ Того́ у́бо моли́ сохрани́тися ста́ду Твоему́ невреди́му/ от вся́каго наве́та сопроти́внаго.

На хвали́тех стихи́ры на 4, глас 8.

Подо́бен: О, пресла́внаго чудесе́:

О, пресла́внаго чудесе́!/ В ме́ртвенней телеси́, я́ко Безпло́тен, подвиза́вся,/ Бо́гови себе́ усе́рдно возложи́л еси́,/ преподо́бне Феодо́сие,/ любве́ ра́ди Его́ всю твою́ жизнь в по́двизех сконча́л еси́,/ брозда́ми воздержа́ния плотски́я стра́сти смири́л еси́/ и чудесы́ обогати́лся еси́./ С тобо́ю у́бо вопие́м Христу́:/ спаси́ ду́ши на́ша, я́ко Еди́н Милосе́рд.

О́тче блаже́нне Феодо́сие,/ я́ко тезоимени́т Бо́жию дая́нию был еси́,/ сего́ ра́ди и ра́ку моще́й твои́х Госпо́дь челове́ком показа́,/ я́же я́ко неистощи́мый исто́чник чуде́с/ и река́ дарова́ний духо́вных,/ слепы́м е́же ви́дети подае́т/ и всем боля́щим исцеле́ние да́рует,/ одержи́мыя от нечи́стых духо́в изба́вляет/ и целому́дрствовати твори́т.

Богому́дре Феодо́сие,/ а́ще и на Небесе́х жи́тельствуеши,/ ду́хом же назира́еши нас с Пречи́стою Богома́терию:/ хва́лящагося крестопресту́пника,/ я́ко пти́цу ху́ду, пре́дал еси́ в ру́ки безору́жных,/ град же твой от междоусо́бныя бра́ни спасл еси́./ О, вели́кое Бо́жие дарова́ние,/ я́ко даде́ нам вели́каго в ско́рбех помо́щника!

Сла́ва, глас 2:

Прииди́те, и́ночестии ли́цы и христолюби́вии лю́дие,/ ко гро́бу досточу́днаго отца́ Феодо́сия:/ днесь бо па́мять его́ почита́ем,/ духо́вне торжеству́юще,/ моля́щеся Христу́ Бо́гу на́шему/ и прося́ще грехо́в проще́ния и соедине́ния Це́рквам,/ стране́ на́шей посо́бия на сопоста́ты,/ и плене́нным свобожде́ния,/ и душа́м на́шим ве́лия ми́лости.

И ны́не: Все упова́ние:

Славосло́вие вели́кое и отпу́ст.

НА ЛИТУРГИ́И

Блаже́нны от кано́на 8-го гла́са, песнь 3-я, на 4, и 6-го гла́са, песнь 6-я, на 4. Проки́мен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Апо́стол к Гала́том, зача́ло 213. Аллилу́ия: Блаже́н муж, боя́йся Го́спода,/ в за́поведех Его́ восхо́щет зело́. Ева́нгелие от Луки́, зача́ло 24. Прича́стен: В па́мять ве́чную бу́дет пра́ведник:

Моли́тва

О до́брый наш па́стырю и Богому́дрый наста́вниче, преподо́бне о́тче Феодо́сие! Услы́ши нас гре́шных, моля́щихся тебе́, и призыва́ющих в по́мощь ско́рое предста́тельство твое́: виждь нас гре́шных в толи́цех обстоя́ниих су́щих, виждь нас не́мощных отвсю́ду уловля́емых, вся́каго бла́га лише́нных и умо́м от малоду́шия помраче́нных; потщи́ся уго́дниче Бо́жий, не оста́вити нас в грехо́внем плену́ бы́ти, да не бу́дем в ра́дость враго́м на́шым, и не у́мрем в лука́вых дея́ниих на́ших. Моли́ о нас недосто́йных Спа́са Го́спода, Ему́же ты со безпло́тными ли́ки предстои́ши. Ми́лостива к нам сотвори́ Соде́теля на́шего в ны́нешнем ве́це и в бу́дущем, да не возда́ст нам по дело́м на́шым, и по нечистоте́ серде́ц на́ших, но по Свое́й бла́гости возда́ст нам: на твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем и к цельбоно́сному гро́бу твоему́ припа́дающе недосто́йнии исцеле́ния про́сим: изба́ви нас, уго́дниче Христо́в, от злых находя́щих на нас, и укроти́ во́лны страсте́й и бед востаю́щих на нас, да ра́ди святы́х твои́х моли́тв не объи́мет нас на́пасть, и не погря́знем в пучи́не грехо́вней и в ти́не страсте́й на́ших. Моли́, преподо́бне о́тче Феодо́сие, Христа́ Бо́га на́шего: стра́ждущую страну́ Росси́йскую от лю́тых безбо́жник и вла́сти их Госпо́дь да свободи́т, и да возста́вит престо́л правосла́вных прави́телей; ве́рных рабо́в Его́, в ско́рби и печа́ли день и нощь вопию́щих к Нему́, многоболе́зный вопль да услы́шит и да изведе́т от поги́бели живо́т наш; да пода́ст нам ми́рное жи́тельство, оставле́ние грехо́в, душа́м на́шым спасе́ние и ве́лию ми́лость. Ами́нь.

Преподобный Феодосий Тотемский родился около 1530 года в Вологде в благочестивой семье дворян Сумориных. Воспитанный своим отцом Иулианом в страхе Божием и им же обученный грамоте, Феодосии ощутил в своем юном сердце, благодаря чтению душеполезных книг, стремление к иноческой жизни. Этому желанию способствовало и обилие иноческих обителей в окрестностях Вологды. Достигнув совершеннолетия, святой Феодосий, однако, вступил по настоянию родителей в брак, от которого у него родилась дочь. Семейная жизнь не только не отвлекала святого Феодосия от деятельной любви к Богу, но лишь укрепляла его в духовном усердии. Посещая храм Божий и всем сердцем погружаясь в молитву, святой Феодосий старался избегать стояния в толпе и выбирал для себя уединенные места где-либо за колоннами. Душа его устремлялась к духовному совершенству, он много молился дома, особенно по ночам, и постоянно размышлял о смысле Божественных слов, услышанных в церкви.

После смерти родителей и супруги преподобный Феодосий, отдав все свое состояние родственникам для воспитания и попечения о дочери, удалился в Спасо-Преображенский монастырь во имя преподобного Димитрия Прилуцкого, расположенный близ Вологды. Видя благочестие преподобного Феодосия, игумен монастыря постриг его в монахи без прохождения обычного в таких случаях испытательного срока и поручил опытному старцу, воле которого новоначальный инок предал себя всецело. Преподобный Феодосий смиренно нес все нелегкие монастырские послушания: колол дрова, пек хлебы, молол муку, носил воду, трудился в поварне, исполняя все с усердием, любовью и стараясь услужить каждому из числа братии. При этом он первым успевал приходить в церковь к Богослужению и не пропускал ни одного молитвенного правила. Питался подвижник только хлебом с водой. Каждый день у гробницы преподобного Димитрия он молился о духовной помощи и вразумлении.

По поручению игумена преподобный Феодосий был направлен в город Тотьму смотрителем за монастырскими солеварнями. Преподобный заботливо относился к рабочим, был с ними ласков, кроток и милостив. Никогда прежде солеварни не приносили столько дохода. После того, как жители Тотьмы стали переселяться на новое место, расположенное в двух верстах от города, и прииски опустели, преподобный Феодосий отыскал на высоком мысу, омываемом двумя речками, место, окруженное лесистыми горами. Взяв благословение игумена Прилуцкого монастыря на строительство здесь новой обители, преподобный Феодосий стал подвизаться сначала в шалаше, потом в землянке, а затем построил своими руками деревянную келлию. С радостью восприняли жители Тотьмы известие о намерении преподобного основать в этих местах монастырь. Они стали приносить преподобному все необходимое для жизни, а многие делали крупные пожертвования. Такое усердие населения побудило преподобного Феодосия отправиться с челобитной в Москву к царю Иоанну Васильевичу. 20 февраля 1554 года он получил царскую грамоту, освобождавшую новостроющуюся обитель от всяких податей.

Митрополит Макарий (1542–1563) велел Ростовскому архиепископу Никандру (1549–1566) благословить преподобного Феодосия на построение храма и снабдить всем необходимым для его освящения. На обратном пути преподобный зашел в Спасо-Преображенский монастырь испросить благословения у святых мощей великого угодника Божия Димитрия Прилуцкого. От игумена монастыря он получил икону Божией Матери, прославившуюся впоследствии многими чудесами и ставшую известной под названием «Суморинской» (по фамилии преподобного).

По возвращении в Тотьму преподобный Феодосий немедленно приступил к строительству и в течение одного года с помощью окрестных жителей поставил здесь деревянную церковь, трапезную, келлии для братии и другие необходимые постройки. Вскоре монастырь стал пополняться иноками. Преподобный, получивший в юности хорошее образование, стремился к духовному просвещению братии; со временем он собрал в обители обширную библиотеку. Иноки его обители должны были по уставу питаться от трудов своих рук, творить милостыню и пребывать в непрестанной молитве, особенно за усопших.

В Хозяйственном отношении монастырь был также образцовым. За глубокое смирение настоятеля Господь даровал ему Свою милость.

Умелая распорядительность и неутомимое трудолюбие преподобного позволили архиепископу Ростовскому Никандру поручить ему устроение запустевшей обители, расположенной в той же тотемской округе. Преподобный возобновил эту обитель, называемую Ефремовой пустынью, и учредил в ней братство.

Будучи настоятелем, теперь уже двух обителей, преподобный Феодосий постоянно находился в молитве и трудах, являя пример для подражания братии. Предвидя скорую кончину, святой Феодосий продиктовал духовное завещание, в котором, в частности, настойчиво подчеркивал необходимость церковной молитвы за всех усопших, какими бы праведниками они ни казались при жизни.

28 января 1568 года преподобный Феодосий, благословив и отечески поцеловав каждого из братии, преставился ко Господу. Только после его кончины было открыто, что преподобный носил на себе власяницу и вериги, а под схимническим куколем – железную шапку. При жизни преподобного ни тени утомления на его лице никто никогда не замечал. Погребен был святой Феодосий в основанной им обители.

Известно около 150 посмертных чудес, связанных с именем преподобного Феодосия. Многие передавались изустно, а впоследствии были записаны. Так, одна женщина привела в монастырь слепую дочь Иустину и испросила разрешение провести ночь у гробницы преподобного Феодосия. Ночью она увидела направлявшихся к церкви двух монахов, один из которых сказал: «Иду в церковь, несу святую воду, чтобы промыть глаза слепой Иустине». Потом видение исчезло, а девушка почувствовала, что ей промывают глаза и окропляют водой; слышала она также движение и пение. Утром оказалось, что слепая прозрела.

В 1626 году иконописец Попов написал икону преподобного Феодосия, пользуясь рассказами одного столетнего старца, помнившего облик святого игумена.

В 1655 году церковь, возле которой покоился преподобный Феодосий, обгорела, но деревянная гробница его осталась невредимой.

С течением времени почитание преподобного Феодосия было забыто. 2 сентября 1796 года, при перестройке Вознесенской церкви, его мощи были обретены нетленными. 28 января 1798 года состоялось его прославление.