3-й день

Преподо́бных оте́ц Исаа́кия, Далма́та и Фа́вста

Преподо́бнаго отца́ на́шего Анто́ния Ри́млянина

НА ВЕЧЕ́РНИ

На Го́споди, воззва́х: стихи́ры преподо́бных, глас 8.

Подо́бен: Му́ченицы Твои́, Го́споди:

Преподо́бнии Твои́, Го́споди,/ подо́бящеся Безпло́тным,/ моли́твою и воздержа́нием стра́сти отгна́ша плотски́я/ и, чудоде́йствы просия́вше,/ всех сердца́ просвети́ша./ Тех моле́нием да́руй лю́дем Твои́м/ ве́лию ми́лость.

Далма́т и Исаа́кий,/ ре́вность доброде́тельную восприе́мше,/ А́риеву е́ресь и Несто́риеву разори́ша я́ве/ и, правосла́вных побо́рницы бы́вше,/ сла́ву от всех прия́ша./ Тех, Христе́, моли́твами/ да́руй лю́дем Твои́м/ ве́лию ми́лость.

Зве́зды тве́рди воздержа́ния я́вльшеся,/ просвети́сте мона́шествующих, отцы́ преподо́бнии, ду́ши,/ тьму де́монскую отгна́вше./ Те́мже по кончи́не ублажа́етеся,/ моля́щеся спасти́ся всем,/ творя́щим Боже́ственную па́мять ва́шу.

Стихи́ры Богоро́дицы, глас и подо́бен то́йже:

Исхити́ мя, Влады́чице,/ из руки́ зми́я челове́коуби́йцы,/ борю́щаго мя ле́стию пожре́ти до конца́./ Сокруши́ че́люсти сего́, молю́ся,/ и кова́рствия разори́,/ я́ко да изба́влься сего́ ногте́й,/ велича́ю си́лу Твою́.

Аз есмь дре́во непло́дное, Всенепоро́чная,/ неплодя́щее плода́ спасе́ннаго./ Те́мже и трепе́щу посече́ния,/ да не ка́ко вве́ржен бу́ду во огнь негаси́мый, окая́нный./ Те́мже Ти припа́даю:/ сего́ изба́ви мя и плодоно́сна покажи́, Чи́стая,/ Сы́ну Твоему́ хода́тайством Твои́м.

Помышле́ния скве́рна, и устны́ льсти́вы,/ дела́ же моя́ суть вся нечи́ста./ И что сотворю́? Ка́ко усря́щу Судию́?/ Влады́чице Де́во, моли́ Сы́на, и Соде́теля Твоего́, и Го́спода,/ я́ко да в покая́нии прии́мет дух мой,/ я́ко еди́н Благоутро́бен.

Сла́ва, и ны́не, Богоро́дичен:

Го́ре прогне́вавшему своего́ Бо́га,/ увы́ мне в неве́дении,/ и пребыва́ющу во уны́нии и ле́ности, я́коже аз./ Влады́чице Де́во,/ Ты помози́ ми, омраче́нному,/ и моли́ся Твоему́ Сы́ну и Соде́телю,/ да́ти ми согреше́ний проще́ние.

Крестобогоро́дичен:

Юни́ца Нескве́рная,/ Юнца́ ви́дящи, на Дре́ве пригвожда́ема во́лею,/ рыда́ющи жа́лостне,/ увы́ Мне,– вопия́ше,– люби́мейшее Ча́до:/ что Ти сонм воздаде́ безблагода́тный евре́йский,/ хотя́ Мя обезча́дствовати от Тебе́, Вселюбе́зне?

А́ще же суббо́та или Неде́ля, пое́м стихи́ры святы́х и тропа́рь, глас 4:

Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш.

НА У́ТРЕНИ

О́ба кано́на Окто́иха и святы́х на 4, его́же краегране́сие: Све́тлыя воспою́ мона́хов зве́зды. Глас 8.

Песнь 1

Ирмо́с: Посе́ченный несеко́маго пресече́,/ и ви́де со́лнце зе́млю, ю́же не ви́де,/ лю́таго врага́ вода́ потопи́,/ и непроходи́мое про́йде Изра́иль,/ песнь же воспева́шеся:/ Го́сподеви пои́м, сла́вно бо просла́вися.

Све́ту Боже́ственному све́тло предстоя́ще, и трисо́лнечныя зари́ всегда́ наполня́еми,/ и прича́стием и́стинным обожа́еми, блаже́ннии,/ ве́рою пра́зднующие ва́шу па́мять всесвяще́нную,/ Го́сподеви пою́щия, боже́ственно озари́те.

Смотря́юще на еди́на пребыва́ющая, теку́щих стремле́ния вся́ко отри́нусте/ и, всем умо́м Го́сподеви прилепля́ющеся,/ оста́вивше плотски́я сла́сти, отцы́ всечестни́и,/ те́мже к невече́рней зари́ преста́вистеся.

Свяще́нными поуче́нии окриля́емь, Далма́те, о́тче му́дре,/ и украша́емь Боже́ственными уче́нии Боже́ственнаго Исаа́кия,/ я́ве восте́кл еси́ к высоте́ доброде́телей/ и столп и утвержде́ние мона́хов был,/ те́мже тя убла́жаем.

Богоро́дичен: Препросла́вленная, Бо́га ро́ждшая, безсла́вия мя страсте́й премени́,/ и даждь ми по́мысл, Де́во, умиле́ния,/ и возсия́й покая́ния просвеще́ние, Чи́стая, в мы́сли мое́й,/ я́ко да велича́ю Тя, всех возвели́чившую.

Песнь 3

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твоей,/ жела́ний кра́ю, ве́рных утвержде́ние,/ Еди́не Человеколю́бче.

Неле́стную тя звезду́ восто́ка, преподо́бне о́тче, устреми́вшася, Исаа́кие, вси позна́хом,/ го́рькую ересе́й потребля́юща тьму/ и ве́рныя словесы́ твои́ми просвеща́юща.

Разу́мно возсия́в чи́стыми сия́ньми, Фа́всте, по́двиг твои́х, о́тче, свет был еси́,/ просвеща́я вся, зря́щия тя, блаже́нне,/ и ве́рно житию́ твоему́ после́дующия.

Пе́сньми непреста́нными и моли́твами, преподо́бнии, стра́сти теле́сныя вся успи́вше,/ благода́ть неусы́пну и неотъе́млемо бога́тство/ от Бо́га прия́сте, преблаже́ннии.

До́лгим поще́нием, я́ко Моисе́й, преподо́бне, твое́ терпе́ние, Далма́те, всем показа́л еси́,/ украша́яся пресве́тлыми твои́ми боле́зньми и удобря́яся житие́м твои́м.

Богоро́дичен: У́мный Тя све́щник и светоза́рен позна́хом,/ внутрь прие́мшую, Де́во, Огнь нетерпи́мый,/ Боже́ственную пала́ту и высо́кий престо́л,/ на не́мже почи́ Пресу́щественный.

Седа́лен, глас 8.

Подо́бен: Прему́дрости:

Све́том Тро́йческим све́тло осия́вшеся, отцы́, светови́дно,/ тьму оста́висте сласте́й глубо́кую/ и свети́льницы де́лы Боже́ственными, просвеща́юще ве́рных сердца́, блаже́ннии, яви́стеся./ Те́мже светоно́сную и честну́ю ва́шу па́мять почита́ем днесь и согла́сно взыва́ем:/ Богоно́снии пребога́тии, моли́те Христа́ Бо́га согреше́ний оставле́ние дарова́ти/ чту́щим любо́вию святу́ю па́мять ва́шу.

Сла́ва, и ны́не, Богоро́дичен:

Я́ко Де́ву и еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ Огнь бо всели́ся в Тя Божества́,/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Крестобогоро́дичен:

А́гнца, и Па́стыря, и Изба́вителя, А́гница зря́щи на Кресте́,/ восклица́ше, пла́чущи, и, го́рько рыда́ющи, вопия́ше:/ мир убо ра́дуется, прие́мля Тобо́ю избавле́ние,/ утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости./ Долготерпели́ве Го́споди, ми́лости бе́здно и исто́чниче неисчерпа́емый,/ умилосе́рдися и да́руй согреше́ний оставле́ние/ ве́рою пою́щим Боже́ственныя стра́сти Твоя́.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Я́ко многопло́дны ло́зы и́стиннаго виногра́да бы́вше,/ вино́ источи́ша преподо́бнии чи́стое всем умиле́ния.

Собо́ру согла́сника, преподо́бне Далма́те, вси тя позна́хом,/ благочести́выя утвержда́юща и го́рдыя отрева́юща.

Я́ко па́че всех просия́вша, всех преиме́ти попече́ние тя, блаже́нне,/ Боже́ственный собо́р предповеле́,/ доброде́тельми Боже́ственными укра́шена.

Богоро́дичен: Дрема́нием ле́ности мя сон грехо́вный, Чи́стая, пости́же,/ бде́нною моли́твою Твое́ю к покая́нию ны́не воздви́гни.

Песнь 5

Ирмо́с: Вску́ю мя отри́нул еси́/ от лица́ Твоего́, Све́те незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Пресе́льник от восто́ка к Ца́рскому гра́ду был еси́/ и Боже́ственным се́менем жи́тницу, сего́ умно́жил еси́,/ искорени́в всяк лука́вый А́риев вред, свяще́нне о́тче Исаа́кие.

Учени́к Исаа́кию, я́коже Илии́ Елиссе́й, был еси́, свяще́нне Далма́те,/ ми́лотию дарова́ний Ду́ха разделя́я во́ду лука́ваго де́монов вре́да/ и ве́рным управля́я путь.

Зако́ном Боже́ственным повину́вся, зако́н грехо́вных до конца́ уклони́вся,/ и яви́лся еси́ столп предъиды́й Боже́ственнаго собо́ра, Богоно́се Фа́всте,/ и мона́хов пра́вило и о́браз,/ и ве́рных непоколеби́мое утвержде́ние.

Богоро́дичен: И́стинную Богоро́дицу Тя вси ро́дове родо́в сла́вят,/ святе́йшу А́нгел я́ве бы́вшу, Пресвята́я Де́во./ Те́мже вопию́:/ освяти́ мою́ ду́шу, оскверни́вшуюся страстьми́.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Собесе́дник яви́лся еси́ А́нгелом,/ о́нех б́о поревнова́л еси́ житию́ на земли́,/ путь ше́ствуя, Далма́те, и воздержа́нием истнева́я те́ло твое́,/ наста́вниче мона́хов и пра́вило вои́стинну изве́стнейшее.

Ре́вностию Госпо́дни любве́, я́коже Илия́, распаля́емь, блаже́нне,/ я́ко Аха́ва⁷, предста́теля тьмы со дерзнове́нием, Исаа́кие, обличи́л еси́,/ неду́говавша лука́вою А́рия безу́мнаго е́ресию.

Яви́стеся наста́вницы заблу́ждшим и приста́нища ве́рно спаса́емым,/ чудотво́рцы, Богоно́снии отцы́ Фа́всте, и Далма́те, и Боже́ственный Исаа́кие,/ служи́тели Иису́совы, мона́шествующих свети́льницы присносве́тлии.

Богоро́дичен: Неду́говавшую ду́шу мою́ грехми́ и вся́кими врага́ искуше́ньми,/ посеще́нием, Пресвята́я Де́во, спаси́тельным Твои́м поспеше́нием посети́/ и исцели́, я́ко Блага́, Богоро́дице, упова́ние мое́, Препе́тая.

Конда́к, глас 2.

Подо́бен: В моли́твах:

Поще́нием возсия́вшия, я́ко свети́ла,/ и е́реси разврати́вшия ве́рою,/ пе́сньми Исаа́кия восхва́лим и с Далма́том Фа́вста,/ я́ко Христо́вы уго́дники,/ Того́ моля́щия о всех нас.

И́кос:

Кто доволе́н от челове́к изрещи́ преподо́бных оте́ц све́тлыя доброде́тели,/ и по́двиги, и труды́, ре́вность Боже́ственную,/ дерзнове́ние чи́стое жития́, Боже́ственная дея́ния,/ я́же на земли́ соверши́ша си́и, я́ко А́нгели?/ Но, оба́че сия́ чту́ще, Тро́ицу ве́рно воспое́м:/ ти́и бо, Той све́тло со а́нгельскими ли́ки предстоя́ще,/ при́сно мо́лят о всех нас.

Песнь 7

Ирмо́с: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

У́глие яви́стеся, Боже́ственным вжига́еми огне́м Уте́шителя,/ попаля́юще убо вещь зло́бную,/ ве́рныя же просвеща́юще, Богоно́снии, во ве́ки.

Те́ло умертви́в поще́нием, покори́л еси́ ду́ху, Далма́те,/ и зло́бу вра́жию потопи́л еси́/ ту́чами душе́вных слез твои́х, Богоно́се, во ве́ки.

Кончи́ну блаже́нну обре́тше, в Небе́снем живете́ Ца́рствии/ и преподо́бным лико́м совокупи́стеся, отцы́, с ни́миже вопие́те:/ Го́споди Бо́же, благослове́н еси́.

Богоро́дичен: Уста́вила еси́ ток сме́ртный, Безсме́ртнаго Бо́га ро́ждши,/ еди́на Богоро́дице Чи́стая, Ему́же ве́рою пое́м:/ благослове́н еси́, Го́споди Бо́же, во ве́ки.

Песнь 8

Ирмо́с: Седмери́цею пещь/ халде́йский мучи́тель/ богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Жезло́м кре́стным мо́ре страсте́й расто́ргше,/ всю фарао́на мы́сленнаго си́лу погуби́сте, преподо́бнии,/ и мона́хов мно́жество свяще́нное к земли́ безстра́стия,/ пою́ще Сего́ непреста́нно, спасо́сте, отцы́:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Ерети́чествующих возвыше́ние проявле́нно смири́л еси́,/ издале́ча прови́дев тех разруше́ние,/ ни́щим помо́гл еси́ и вождь был еси́ слепы́х,/ ста́рости жезл и вдови́ц утеше́ние, Далма́те, взыва́я:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Ты ко трем четы́редесяте дний пости́лся еси́,/ а́бие толи́ки па́че естества́ усну́л еси́,/ бо́дренно име́я твое́ серде́чное о́ко, му́дре, и Бо́жиею просвеща́емь заре́ю./ К Нему́же вопие́ши, Далма́те:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Богоро́дичен: Всели́выйся Госпо́дь в нескве́рное чре́во Твое́ всю чи́сту и светоза́рну Тя показа́./ Те́мже, оскверне́на мя го́рькими обы́чаи и вре́дными проти́вных нахо́ды,/ очи́сти, Де́во, и сподо́би пе́ти:/ лю́дие, превозноси́те Го́спода во ве́ки.

Песнь 9

Ирмо́с: Устраши́ся всяк слух/ неизрече́нна Бо́жия снизхожде́ния,/ я́ко Вы́шний во́лею сни́де да́же и до пло́ти,/ от Деви́ческаго чре́ва быв Челове́к./ Те́мже Пречи́стую Богоро́дицу, ве́рнии, велича́ем.

Возмого́ша, си́лою Христо́вою укрепля́еми,/ немощно́е шата́ние борца́ победи́ти, небому́дреннии, мона́хов нача́льницы,/ и, ны́не крася́щеся, преидо́ша к дворо́м мы́сленным, ра́дующеся.

Яви́стеся трисве́тлыя свещи́, невече́рнюю зарю́ испуща́юще,/ цве́ти неувяда́емии ра́йстии, благоуха́юще мы́сли ве́рных, отцы́ требога́тии./ Те́мже па́мять ва́шу всепра́зднственную ве́рно пра́зднуем.

Я́коже венце́м благоле́пным, обложе́ни, прему́дрии, безстра́стием/ и оде́яни Боже́ственныя любве́ исправле́ньми,/ в черто́г Христо́в, ра́дующеся, внидо́сте, почива́юще/ и боле́зней воздая́ния прие́млюще.

Облиста́ сия́нием мы́сленным, озаря́ющи ве́рных соста́вы,/ Боже́ственная па́мять ва́ша, блаже́ннии,/ Далма́те, Фа́всте и Исаа́кие, мона́шествующих нача́льницы, свети́льницы всеми́рнии./ Те́мже просвети́те и на́ша душе́вная чу́вствия.

Богоро́дичен: Просвети́, Две́ре Све́та, се́рдце мое́, зло́бою осле́пшее,/ и да не в смерть попусти́ши ны́не усну́ти ми, нечи́стыми по́мыслы при́сно помрача́емому,/ да сла́влю Тя благода́рно, Богоро́дице Всепе́тая.

Преподобные Исаакий, Далмат и Фавст

Святой преподобный Исаакий, святые монахи Далмат и сын его Фавст подвизались в иноческих трудах в небольшой обители близ Константинополя в IV-V веках. Основал этот монастырь преподобный Исаакий. Поначалу он был пустынником, но во время гонений на православных при арианском императоре Валенте (364 –378) святой Исаакий оставил пустыню и пришел в Константинополь. Здесь он, подобно древним пророкам, обличил императора-вероотступника.

Произошло это во время войны с готами. Когда войско варваров приблизилось к Константинополю и навстречу ему двинулись легионы Валента, перед императором внезапно предстал монах-отшельник, который призвал Валента открыть православные храмы. В гневе Валент приказал бросить Исаакия в болото, но по воле Божией святой остался живым и сумел догнать войска. Новое его предостережение Валенту было суровее первого. Святой предсказал, что, если храмы не будут открыты, то греков ждет поражение, а сам император погибнет в огне. Валент не внял пророчеству старца и велел взять его под стражу. Слова святого сбылись. Войско Валента разбили готы, император был сожжен в сарае с соломой, где укрывался от преследования. После этого преподобного Исаакия стали почитать как пророка.

Император Феодосий Великий (879–395), восстановивший православие, способствовал построению для преподобного Исаакия монастыря в окрестностях столицы, чтобы тот не удалялся в пустыню. Здесь святой жил до глубокой старости. Незадолго до своей кончины (†383) он поставил вместо себя игуменом преподобного Далмата, по имени которого и стал называться монастырь впоследствии.

Преподобный Далмат служил в войске в царствование Феодосия Великого. Чувствуя непреодолимое желание к иноческому подвигу, он, взяв с собой сына Фавста, пришел в обитель преподобного Исаакия. Здесь отец и сын приняли монашеский постриг. Преподобный Далмат отличался суровой постнической жизнью. Однажды он не вкушал пищи в течение всего Великого поста, затем, после разрешения поста, он 43 дня, вплоть до Вознесения, пребывал в духовном восхищении, получил дар прозорливости и имел божественные видения. Известно также, что он явил себя борцом с еретиками. На Третьем Вселенском Соборе в Ефесе преподобный Далмат был сторонником участников Собора, выступавших против ереси Нестория. Он возглавил группу православных и отправился в императорский дворец ради увещания императора, хотя прежде подвижник 48 лет не покидал обители. Затем преподобный Далмат нес подвиг игуменства. Преставился он в возрасте около 90 лет, в 30–40-е годы V века. О сыне его, преподобном Фавсте, известно немногое. Отличаясь высокими иноческими добродетелями, он не уступал в подвиге поста своему святому отцу.

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 1.

Подо́бен: Небе́сных чино́в:

Преподо́бных вели́ких отце́в,/ о́тче Анто́ние, стопа́м после́довал еси́/ и, я́ко безпло́тен, во пло́ти подви́гся в труде́х,/ о́браз мно́гим в доброде́телех был еси́,/ отону́дуже и даро́в чуде́с от Христа́ сподо́бился еси́,/ исцели́ти челове́ков разли́чныя неду́ги./ Моли́ спасти́ся душа́м на́шим.

Наста́вник мона́шествующих,/ о́тче Анто́ние, был еси́,/ себе́ пе́рвее без кро́ве Бо́гови же́ртву принося́,/ воздержа́нием, и любому́дрием,/ и смире́ния высо́кими нра́вы,/ и безме́рным поще́нием врага́ посрами́л еси́, преподо́бне./ Моли́ спасти́ся душа́м на́шим.

Светоно́сная твоя́ па́мять,/ преподо́бне о́тче Анто́ние,/ испо́лнена ра́дости и весе́лия яви́ся,/ отону́дуже свяще́нная ча́да твоя́, соше́дшеся,/ па́мять твою́ духо́вно пра́зднующе,/ прославля́ем Го́спода, тебе́ та́ко просла́вльшаго.

Сла́ва, глас 8:

Днесь Вели́кий Но́вград,/ я́ко но́ваго Авраа́ма,/ пресе́льника тя пресла́вно, о́тче, прие́м, ра́дуется,/ блаже́нна же оби́тель,/ иму́щи мо́щи твоя́ в себе́, зело́ весели́тся:/ от Ри́ма бо на ка́мени по вода́м прише́л еси́ в Вели́кий Но́вград./ Тем, па́мять твою́ торжеству́юще,/ воспева́ют Бо́га,/ тебе́ дарова́вшаго сте́ну сим неразори́му,/ мы же, ча́да твоя́,/ твои́м повеле́нием наставля́еми,/ ны́не пресла́вное твое́ успе́ние пра́зднующе,/ мо́лимся спасти́ся душа́м на́шим.

И ны́не, Богоро́дичен.

На стихо́вне стихи́ры, глас 2.

Подо́бен: До́ме Евфра́фов:

От земны́х к Небе́сным оби́телем пресла́вно,/ о́тче, преше́л еси́/ и та́мо пра́ведных че́сти сподо́бился еси́,/ с ни́миже моли́ся/ спасти́ся душа́м на́шим.

Стих: Честна́ пред Го́сподем/ смерть преподо́бных Его.

Теле́сная чу́вства воздержа́нием, о́тче, умертви́л еси́,/ тем и на ка́мени по вода́м ше́ствие творя́,/ Вели́каго Нова́гра́да дости́гл еси́,/ и оби́тель в нем сотвори́л еси́,/ и учени́к мно́жества Христу́ приве́л еси́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ста́до твое́,/ тебе́ почита́ющих, преподо́бне,/ и твое́ успе́ние пра́зднующих,/ на Боже́ственное тех возвыша́я раче́ние,/ в Боже́ственную жизнь всели́.

Сла́ва, и ны́не, глас то́йже. Самогла́сен:

Храм прече́стен Бо́жии Ма́тери,/ я́коже Сама́ восхоте́, воздви́гл еси́/ и та́мо мно́жества учени́к собра́л еси́,/ в нем воспева́ти Влады́чицу Богоро́дицу./ Е́йже моли́ся, мо́лимся, преподо́бне Анто́ние,/ не оста́вити нас, си́рых,/ я́коже обе́щался еси́,/ свяще́нное твое́ ста́до избавля́ти от се́тей вра́жиих,/ да тебе́ вси, я́ко чадолюби́ва отца́,/ пе́сньми непреста́нно почита́ем,/ прося́ще от Христа́ Бо́га прия́ти тобо́ю ве́лию ми́лость.

Тропа́рь пи́сан на вели́цей вече́рни.

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры, глас 6.

Подо́бен: Всю отложи́вше:

Мирски́я молвы́, преподо́бне, возненави́дев,/ Христа́ еди́наго возлюби́л еси́/ и, Того́ Крест на ра́мо взем, поне́сл еси́,/ Боже́ственно вооружи́вся,/ зми́я вселука́ваго сле́зными ту́чами потопи́л еси́./ Плотски́я стра́сти воздержа́нием, му́дре, ми́мо текл еси́,/ терпе́нием же, и посто́м, и ча́стыми моли́твами/ плоть твою́ ду́ху покори́л еси́./ Безстра́стием души́ и ума чистото́ю/ по́двиг трудо́в твои́х от Него́ стяжа́л еси́./ Те́мже, пра́зднующе па́мять твою́, мо́лим тя:/ моли́ся Го́сподеви поми́ловатися душа́м на́шим.

Преподо́бне о́тче Анто́ние,/ любве́ ра́ди Христо́вы/ вся, я́же на земли́, оста́вил еси́./ По́стническими труды́ твое́ житие́ уясни́л еси́./ Воздержа́нием и слеза́ми душе́вное о́ко очи́стил еси́./ Ум твой безстра́стием просвети́л еси́/ и Боже́ственным смире́нием украси́л еси́./ Собра́л еси́ мона́шествующих мно́жества/ и уче́нии твои́ми, я́ко не́коею ле́ствицею восхо́дною на Не́бо,/ на высоту́ доброде́телей возве́л еси́./ Те́мже ны́не, ча́да твоя́,/ о́крест ра́ки твоея́ предстоя́ще,/ любе́зно вопие́м ти:/ моли́ся Го́сподеви, преблаже́нне,/ поми́ловатися душа́м на́шим.

Богому́дре о́тче Анто́ние,/ ди́вно от Ри́ма возсия́л еси́, я́ко со́лнце,/ и Бо́жиим манове́нием на ка́мени по вода́м, я́ко безпло́тен,/ Вели́каго Нова́гра́да дости́гл еси́,/ храм прече́стен Бо́жии Ма́тери воздви́гл еси́,/ и учени́к мно́жества собра́л еси́/ в нем воспева́ти Влады́чицу Богоро́дицу,/ и оби́тель ве́лию созда́л еси́,/ в не́йже трудолю́бно подвиза́лся еси́,/ посто́м, и бде́нием, и злострада́нием,/ и е́же на земли́ лега́нием,/ чистоту́ име́я душе́вную и теле́сную/ и па́мять сме́ртную, преподо́бне о́тче наш./ Моли́ спасти́ся душа́м на́шим.

Сла́ва, глас 8:

Прииди́те, мона́хов мно́жества,/ днесь псало́мская пе́ния и цве́ты духо́вныя принесе́м,/ я́ко вои́стинну мона́хов удобре́нию/ и преподо́бным спожи́телю,/ хва́ляще, си́це рцем:/ ра́дуйся, свети́льниче многосве́тлый,/ возводя́ ко Христу́ мона́хов мно́жества,/ ра́дуйся, Вели́каго Нова́гра́да похвала́ и утвержде́ние,/ и всех ве́рных благоути́шное приста́нище,/ и очище́ние боля́щих во гресе́х,/ на Боже́ственное тех возвыша́я раче́ние./ Те́мже, пречестну́ю твою́ и святу́ю/ и А́нгелом гове́йную обстоя́ще ра́ку,/ любе́зно облобыза́ем,/ преподо́бне о́тче наш Анто́ние,/ Боже́ственнаго человеколю́бия про́сим получи́ти/ твои́ми к Бо́гу моли́твами,/ и ми́ру мир испроси́/ и душа́м на́шим ве́лию ми́лость.

И ны́не, Богоро́дичен: Царь Небе́сный:

Та́же вход. Проки́мен дне. Чте́ния три.

Прему́дрости Соломо́ни чте́ние (главы́ 5 и 6):

Пра́ведницы во ве́ки живу́т, и в Го́споде мзда их,/ и попече́ние их у Вы́шняго./ Сего́ ра́ди прии́мут Ца́рствие благоле́пия и вене́ц добро́ты от руки́ Госпо́дни,/ зане́ десни́цею покры́ет я́ и мы́шцею защити́т их./ Прии́мет всеору́жие – рве́ние свое́/ и вооружи́т тварь в месть враго́м./ Облече́тся в броня́ пра́вды и возложи́т шлем – суд нелицеме́рен./ Прии́мет щит непобеди́мый – преподо́бие./ Поостри́т же напра́сный гнев во ору́жие,/ спобо́рет же с ним мир на безу́мныя./ По́йдут праволу́чныя стре́лы мо́лниины/ и, я́ко от благокру́гла лу́ка, облако́в на наме́рение полетя́т./ И от каменоме́тныя я́рости испо́лнь паду́т гра́ды,/ вознегоду́ет на них вода́ морска́я,/ ре́ки же потопя́т я́ на́гло./ Сопроти́в ста́нет им дух си́лы и, я́ко ви́хор, разве́ет их,/ и опустоши́т всю зе́млю беззако́ние,/ и злоде́йство преврати́т престо́лы си́льных./ Слы́шите у́бо, ца́рие, и разуме́йте,/ навы́кните, судии́ конце́в земли́./ Внуши́те, держа́щии мно́жества и гордя́щиися о наро́дех язы́к,/ я́ко дана́ есть от Го́спода держа́ва вам/ и си́ла от Вы́шняго.

Прему́дрости Соломо́ни чте́ние (глава́ 3):

Пра́ведных ду́ши в руце́ Бо́жией, и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их,/ и е́же от нас ше́ствие – сокруше́ние, они же суть в ми́ре./ И́бо пред лице́м челове́ческим а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я́ и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я́./ И во вре́мя посеще́ния их возсия́ют,/ и, я́ко и́скры по сте́блию, потеку́т./ Су́дят язы́ком и облада́ют людьми́, и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́,/ я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́ни чте́ние (глава́ 4):

Пра́ведник а́ще пости́гнет сконча́тися, в поко́и бу́дет./ Ста́рость бо честна́ не многоле́тна, ниже́ в числе́ лет исчита́ется./ Седи́на же есть му́дрость челове́ком, и во́зраст ста́рости – житие́ нескве́рное./ Благоуго́ден Бо́гови быв, возлю́блен бысть,/ и живы́й посреде́ гре́шник преста́влен бысть,/ восхище́н бысть, да не зло́ба измени́т ра́зума его́/ или лесть прельсти́т ду́шу его́./ Раче́ние бо зло́бы помрача́ет до́брая/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

На лити́и стихи́ры, глас 6:

Возсия́ днесь пресве́тлая и всепра́зднственная па́мять твоя́,/ преподо́бне Анто́ние,/ созыва́ющи многочи́сленное по́стник сосло́вие/ и преподо́бных ликостоя́ния,/ А́нгелы с челове́ки, я́ко вои́стинну/ к похвале́нию в Тро́ице покланя́емаго Бо́га на́шего./ Сего́ ра́ди ве́рою притека́юще к честне́й ра́це моще́й твои́х,/ исцеле́ния оби́льна прие́млем,/ те́мже мо́лим тя:/ душе́вное нам здра́вие при́сно подава́й,/ Тебе́ ве́рно ублажа́ющим.

Днесь похва́льную песнь в па́мяти твое́й,/ о́тче, тебе́ прино́сим,/ приими́, и предвари́ к Бо́гу моли́твами твои́ми,/ и изба́ви нас от шу́яго стоя́ния,/ и десна́го предстоя́ния сподо́би,/ да тя вси, я́ко те́пла засту́пника, досто́йно ублажа́ем,/ о́тче преподо́бне Анто́ние.

Днесь Вели́кий Но́вград,/ я́ко но́ваго Авраа́ма пресе́льника,/ тя пресла́вно, о́тче, прие́м, ра́довашеся./ Блаже́нна же и оби́тель, иму́щи в себе́ честны́я мо́щи твоя́,/ отону́дуже истека́ют ве́рным исцеле́ния,/ блаже́ни же ученицы́ твои́,/ и́же себе́ такова́го учи́теля стяжа́вше/ и такова́ отца́ ча́да нареко́шася,/ Анто́ние пречу́дне,/ моли́твенниче о душа́х на́ших.

Сла́ва, глас 6:

Све́тлая и всепра́зднственная днесь возсия́ нам,/ я́коже второ́е со́лнце,/ всех празднолю́бных собо́ры просвеща́ет/ и тьму отго́нит дре́вняго помраче́ния/ честна́я па́мять Анто́ния чу́днаго,/ Вели́кий Но́вград созыва́ющи/ к честне́й и чудотво́рней его́ ра́це./ Тем, со стра́хом и ра́достию облобыза́юще, мо́лимся,/ я́коже кро́ткому Дави́ду,/ оте́честву на́шему на проти́вныя одоле́ние дарова́ти/ и ми́ра ми́рови испроси́ти/ и душа́м на́шим ве́лию ми́лость.

И ны́не: Богоро́дице, Ты еси́ лоза́ и́стинная:

На стихо́вне стихи́ры, глас 1, самогла́сны:

Преподо́бне о́тче Анто́ние,/ соше́дшеся любо́вию в па́мять твою́/ ко всечестне́й твое́й и чудотво́рней ра́це,/ све́тло торжеству́юще, во гла́сех пе́сненных пою́ще,/ дави́дски глаго́лем:/ блаже́н муж, боя́йся Го́спода,/ непоро́чно бо в путе́х Госпо́дних ходи́л еси́./ Те́мже с преподо́бными водворя́яся,/ Го́сподеви моли́ся поми́ловатися душа́м на́шим.

Стих: Честна́ пред Го́сподем/ смерть преподо́бных Его́.

Днесь в па́мять соше́дшеся, бра́тие,/ духо́вно почти́м честна́го отца́ на́шего Анто́ния,/ и́же посто́м те́ло свое́ изнури́в,/ воздержа́нием же стра́сти охуди́в/ и бде́нием ум очи́стив,/ моли́твою же ду́шу просвети́в,/ нището́ю на Небесе́х сокро́вище себе́ некра́домо стяжа́:/ послуша́нием Бо́га благопослушли́ва име́,/ чистото́ю жили́ще Пресвята́го Ду́ха быв./ Его́же ра́ди враго́в шата́ния Христо́с низложи́,/ И́же и да́рует нам мир и ве́лию ми́лость.

Стих: Блаже́н муж, боя́йся Го́спода,/ в за́поведех его́ восхо́щет зело.

Преподо́бне и Богоблаже́нне о́тче наш Анто́ние,/ благода́тию Свята́го Ду́ха ум твой озари́в,/ от Него́же пресве́тлыми заря́ми се́рдце твое́ просвети́в,/ светови́ден весь вои́стинну был еси́,/ искуси́теля же вся́чески победи́л еси́,/ те́мже ны́не на Небесе́х лику́еши со А́нгелы/ и со все́ми святы́ми./ Поминай нас, всегда́ блажа́щих тя на земли́/ и пресвято́е твое́ успе́ние почита́ющих.

Сла́ва, глас 8:

Мона́хов мно́жества/ наста́вника тя почита́ем, о́тче наш Анто́ние:/ твое́ю бо стезе́ю вои́стинну пра́во ходи́ти позна́хом./ Блаже́н еси́, Христу́ рабо́тав,/ и вра́жию обличи́л еси́ си́лу,/ А́нгелов собесе́дниче, преподо́бных соприча́стниче и пра́ведных,/ с ни́миже моли́ся Го́сподеви/ поми́ловатися душа́м на́шим.

И ны́не, Богоро́дичен.

Тропа́рь, глас 4:

Ве́тхий Рим, оте́чество твое́, оста́вив,/ на ка́мень, я́ко на ле́гкий кора́бль, возше́л еси́/ и на нем па́че естества́, а́ки безпло́тен, по вода́м ше́ствовал еси́,/ промышле́нием Боже́ственнаго ра́зума направля́емь,/ Вели́каго Нова́гра́да дости́гл еси́/ и, оби́тель в нем сотвори́в,/ те́ло твое́ в ней предложи́л еси́, я́ко дар освяще́н./ Тем мо́лим тя, о́тче Анто́ние:/ моли́ Христа́ Бо́га, да спасе́т ду́ши на́ша.

Сла́ва, и ны́не, Богоро́дичен: Еже от ве́ка утае́ное:

НА У́ТРЕНИ

На Бог Госпо́дь: тропа́рь, два́жды. Сла́ва, и ны́не, Богоро́дичен.

По 1-й стихоло́гии седа́лен, глас 1.

Подо́бен: Ка́мени запеча́тану:

Мона́шеское житие́ измла́да, преподо́бне, возлюби́в,/ и Христу́ от души́ после́довав, Богому́дре Анто́ние,/ и отсю́ду просия́в доброде́тельным твои́м житие́м,/ в моли́твах, и поще́ниих, и бде́ниих мона́хов о́браз был еси́ вели́кий./ Те́мже вопие́м ти:/ сла́ва Да́вшему́ ти кре́пость,/ сла́ва Венча́вшему́ тя,/ сла́ва Даю́щему тобо́ю всем исцеле́ние.

Сла́ва, и ны́не, Богоро́дичен:

Упова́ние христиа́н, Пресвята́я Де́во,/ Его́же родила́ еси́, Бо́га, па́че ума́ же и сло́ва,/ непреста́нно моли́ с Вы́шними си́лами/ пода́ти оставле́ние грехо́в на́ших всех и исправле́ние жития́/ ве́рою и любо́вию при́сно Тя славящим.

По 2-й стихоло́гии седа́лен, глас 8.

Подо́бен: Прему́дрости:

От земны́х на Небе́сная помы́слив,/ и де́лом соверши́л еси́ ко Го́споду любо́вь,/ подо́бяся мо́лнии, от восто́ка до за́пада преходя́,/ я́коже други́й Авваку́м несе́н бысть А́нгелом с пи́щею в Вавило́н./ Ты же Боже́ственнаго про́мысла А́нгелом на ка́мени, я́ко на корабли́,/ Вели́каго Нова́гра́да дости́г, и храм пречу́ден Бо́жия Ма́тере созда́л еси́,/ и оби́тель ве́лию воздви́гл еси́ в сла́ву Христа́ Бо́га,/ и мона́хов мно́жества собра́л еси́./ Но егда́ был еси́ в жи́зни, пе́клся и́ми, я́ко при́сный оте́ц,/ та́ко и ны́не, о́тче преподо́бне Анто́ние,/ моли́ Христа́ Бо́га согреше́ний оставле́ние дарова́ти/ пра́зднующим любо́вию святу́ю па́мять твою́.

Сла́ва, и ны́не, Богоро́дичен:

Небе́сную дверь и киво́т, пресвяту́ю го́ру, све́тлый о́блак воспои́м,/ неопали́мую купину́, слове́сный рай, Е́вы воззва́ние,/ вселе́нныя всея́ вели́кое сокро́вище,/ я́ко спасе́ние в Ней соде́лася ми́рови и оставле́ние дре́вних согреше́ний./ Сего́ ра́ди вопие́м Ей:/ моли́ся Сы́ну Твоему́, прегреше́ний оставле́ние дарова́ти/ благоче́стно покланя́ющимся всесвято́му рождеству́ Твоему́.

По полиеле́и седа́лен, глас 4:

Вели́кий Но́вград торжеству́ет о Бо́зе досто́йно в па́мять твою́, о́тче Анто́ние,/ моли́твами твои́ми спаса́еми от искуше́ний, и бед,/ и вся́каго преще́ния, находя́щаго на ны./ И па́ки, преподо́бне, не преста́й моля́ся Христу́ Бо́гу спасти́ся душа́м на́шим.

Сла́ва, и ны́не, Богоро́дичен:

Мно́гими прегреше́ньми аз, блу́дный, ум помрачи́в,/ вопию́ Твоему́ кре́пкому заступле́нию, Богоро́дице:/ просвети́ души́ мое́й зе́ницы, возсия́й ми покая́ния све́тлую зарю́/ и облецы́ мя во ору́жие све́та, Де́во Богороди́тельнице Чи́стая.

Та́же степе́нна, 1-й антифо́н 4-го гласа. Проки́мен, глас 4: Честна́ пред Го́сподем/ смерть преподо́бных Его́: Стих: Блаже́н муж, боя́йся Го́спода: Ева́нгелие преподо́бническое.

По 50-м псалме́ стихи́ра, глас 6:

Преподо́бне о́тче Анто́ние,/ во всю зе́млю изы́де веща́ние исправле́ний твои́х,/ тем на Небесе́х обре́л еси́ мзду трудо́в твои́х,/ де́монския погуби́л еси́ полки́/ и А́нгельския дости́гл еси́ чи́ны,/ и́хже житию́ без поро́ка поревнова́л еси́./ Дерзнове́ние име́я ко Христу́ Бо́гу,/ мир испроси́ душа́м на́шим.

Кано́н Пресвяты́я Богоро́дицы, на 6, глас 2: Нетре́ну, необы́чну: И преподо́бнаго кано́н, на 8, глас 2.

Песнь 1

Ирмо́с: Гряди́те, лю́дие,/ пои́м песнь Христу́ Бо́гу,/ разде́льшему мо́ре и наста́вльшему люди,/ я́же изведе́ из рабо́ты еги́петския,/ я́ко просла́вися.

А́гнче незло́бивый, отве́рзи ми устне́ недосто́йнии,/ язы́к мой уясни́, и се́рдце мое́ просвети́,/ и ум мой озари́ све́том Твоего́ Богоразу́мия,/ да возмогу́ воспева́ти па́мять преподо́бнаго Анто́ния,/ его́же на земли́ удиви́л еси́.

Мно́гим милосе́рдием и щедро́тами,/ Соде́телю тва́ри и веко́в Тво́рче, моле́бное пе́ние приими́,/ и проще́ние на́ших согреше́ний да́руй/ Твоего́ уго́дника преподо́бнаго Анто́ния моле́нием,/ и тишину́ се́рдцу моему́.

Све́тлое и богоуго́дное житие́ твое́, я́ко свет, вои́стинну на земли́ пока́зася,/ Боже́ственную бо ви́дети све́тлость, Анто́ние, сподо́бился еси́./ Те́мже и, ви́димая вся оста́вив, Непостижи́маго зре́ти сподо́бился еси́.

Богоро́дичен: Мои́х прегреше́ний, Влады́чице, плени́цу расто́ргни,/ Твоего́ Сы́на и Го́спода моля́щи,/ и томя́щий мя грех, Присноде́во, низложи́,/ я́ко да воспева́ю Тя всегда́, Всенепоро́чная, Тобо́ю спаса́емь.

Песнь 3

Ирмо́с: На ка́мени мя ве́ры утверди́в,/ разшири́л еси́ уста́ моя́ на враги́ моя́,/ возвесели́ бо ся дух мой, внегда́ пе́ти:/ несть свят, я́коже Бог наш,/ и несть пра́веден, па́че Тебе́, Го́споди.

Жезло́м доброде́телей стра́стное мо́ре пресе́к/ и го́рдаго врага́, я́коже друга́го фарао́на, моли́твою твое́ю погрузи́в,/ избра́нное твое́ ста́до но́ваго Изра́иля невре́дно соблюди́, Анто́ние преподо́бне.

Возлюби́л еси́, блаже́нне, всено́щное бде́ние,/ и моли́тву непреста́нну, и любо́вь нелицеме́рну,/ си́ми очища́я ум твой, ду́шу же просвеща́я, те́ло твое́ смиря́л еси́/ и ко дневны́м трудо́м благопоко́рно устроя́л еси́.

Храм тя, вси ве́рнии, Ду́ха Пресвята́го ве́мы,/ храм боголе́пен Бо́жии Ма́тери воздви́гл еси́, и огра́ду ве́лию устро́ил еси́,/ и мона́хов мно́жества совокупи́л еси́,/ в не́мже ны́не всяк неду́г моли́твами твои́ми отгоня́ется.

Богоро́дичен: Во ины́х жена́х ма́ти, до́ндеже де́ва, не позна́ся,/ ни ма́ти по рождестве́ де́вствовати сподо́бися,/ на Тебе́ же, Девома́ти, обоя́ устро́ишася./ Тем весе́лием ду́ха воспева́ю:/ несть непоро́чны, па́че Тебе́, Влады́чице.

Ин конда́к, глас 2:

Я́ко звезда́, возсия́л еси́ от Ри́ма,/ и, доше́д Богоспаса́емаго Вели́каго Нова́гра́да,/ ту в нем оби́тель сотвори́л еси́,/ и, це́рковь поста́вив,/ созва́ и́нок мно́жество./ С ни́миже моли́ о нас, чту́щих па́мять твою́, да зове́м ти:/ ра́дуйся, преподо́бне о́тче Анто́ние.

Седа́лен, глас 8.

Подо́бен: Прему́дрости:

А́нгельски на земли́ пожи́в, Богому́дре Анто́ние,/ лико́м по́стническим счи́слился еси́:/ Крест бо на ра́мена твоя́ взем, после́довал еси́ Влады́це Христу́,/ и стра́сти душетле́нныя воздержа́нием, преподо́бне, увяди́л еси́,/ и был еси́ духо́вно прия́телище и сосу́д чи́ст Го́сподеви./ Те́мже вопие́м ти:/ моли́ Христа́ Бо́га грехо́в оставле́ние дарова́ти/ пра́зднующим любо́вию пречестну́ю и святу́ю па́мять твою́.

Сла́ва, и ны́не, Богоро́дичен:

Я́ко Всенепоро́чная Неве́ста Творцу́,/ я́ко Неискусобра́чная Ма́ти Изба́вителя,/ прия́телище я́ко су́щи Уте́шителя, Препе́тая,/ беззако́нию мя су́ща скве́рное оби́телище и бесо́м игра́лище в ра́зуме бы́вша,/ потщи́ся от тех злоде́йства мя изба́вити/ и све́тлое жили́ще доброде́телей соверши́, Светоно́сная Нетле́нная,/ отжени́ о́блак страсте́й и вы́шняго прича́стия сподо́би/ и све́та невече́рняго моли́твами Твои́ми.

Песнь 4

Ирмо́с: Прише́л еси́ от Де́вы, не хода́тай, ни А́нгел,/ но Сам, Го́споди, вопло́щся,/ и спасл еси́ всего́ мя, челове́ка./ Тем зову́ Ти: сла́ва си́ле Твое́й, Го́споди.

Умертви́в себе́ ми́рови, жизнь равноа́нгельну на земли́ пожи́л еси́, пресла́вне,/ и, я́ко дар освяще́н, Влады́це, Анто́ние, твою́ ду́шу чи́сту предста́вил еси́,/ и Боже́ственнаго Ца́рствия досто́йно, о́тче, получи́л еси́.

Ве́трилом, о́тче, воздержа́ния окриля́емь, страстны́я тьмы отбежа́в/ и к безстра́стия путе́м наставля́емь, к Све́ту невече́рнему восте́кл еси́/ и, от Сего́ озари́вся, нетле́ния бога́тство насле́довал еси́, Анто́ние преподо́бне.

Вели́кий Но́вград ны́не весе́лием, о́тче, красу́ется,/ име́я мо́щи твоя́ в себе́, преподо́бне Анто́ние,/ ученицы́ же твои́, твоему́ житию́ ревну́юще,/ о твое́й па́мяти ра́дующеся, Го́сподеви пою́т:/ сла́ва си́ле Твое́й, Го́споди.

Богоро́дичен: И́стинную Тя сень свиде́тельствоваша многоразли́чными о́бразы,/ я́ве показу́юще воплоще́ннаго из Тебе́ Еди́наго от Тро́ицы, Пречи́стая,/ неизме́нно, Богома́ти Чи́стая, и мир обно́вльша.

Песнь 5

Ирмо́с: Све́та Пода́телю и веко́в Тво́рче, Го́споди,/ во све́те Твои́х повеле́ний наста́ви нас:/ ра́зве бо Тебе́ ино́го бо́га не зна́ем.

Возше́д на высоту́ доброде́телей, до́лу влеку́щия стра́сти оплева́л еси́,/ сла́дость показу́я спасе́ния,/ о́тче преподо́бне Анто́ние, ста́ду твоему́ проси́ грехо́в проще́ния.

Ме́сто проше́ния, о́тче, со тща́нием исполня́я,/ храм боголе́пен Бо́жия Ма́тере воздви́гл еси́,/ в не́мже ны́не пра́здничною ра́достию мона́хов мно́жества веселя́тся,/ па́мять твою́ прославля́юще.

Не забу́ди ста́да твоего́, е́же, му́дре, собра́л еси́/ и в жи́зни сей упасл еси́ благоче́стно,/ и ны́не потщи́ся, о́тче наш Анто́ние, да привлече́ши во огра́ду Небе́сную.

Богоро́дичен: Упра́ви ум мой, Влады́чице, тружда́ющийся в пучи́не скорбе́й/ и потопля́емый наше́ствием тлетво́рных страсте́й./ Спаси́ к Тебе́ прибега́ющаго,/ ины́я бо по́мощи, Чи́стая, ра́зве Тебе́, не зна́ем.

Песнь 6

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.

От земны́х к Небе́сным оби́телем пресла́вно возше́л еси́, Богому́дре Анто́ние,/ и та́мо зре́ти неизрече́нных сподо́бился еси́,/ и́хже о́ко не ви́де, и у́хо не слы́ша, и на се́рдце челове́ку не взы́де,/ я́же угото́ва Бог лю́бящим Его́.

Дрема́ния очи́ма твои́ма отню́д не дал еси́, к Бо́гу все твое́ жела́ние впери́в/ и Тому́ невозвра́тно от души́ после́довав,/ нощь жития́ непреткнове́нно премину́л еси́,/ виде́нии Боже́ственными окормля́емь, блаже́нне Анто́ние,/ в Боже́ственную жизнь всели́лся еси́.

Вели́каго святи́теля Ники́ты, блаже́нне Анто́ние, благослове́ния сподо́бився,/ духо́внаго нака́зания поуче́ние от него́ восприя́л еси́,/ бу́рею бо греха́ не погрузи́лся еси́, и в ти́хо приста́нище дости́гл еси́ Небе́снаго Ца́рствия,/ и та́мо я́сне наслажда́ешися Боже́ственнаго виде́ния.

Богоро́дичен: Обетша́вшия ны го́рьким дре́ва пре́жде вкуше́нием/ и па́дшияся поползе́нием, Пречи́стая, обнови́ла еси́,/ Зижди́теля ро́ждши, Сло́во Ипоста́сное, Де́во Ма́ти Влады́чице.

Конда́к, глас 8.

Подо́бен: Взбра́нной:

Ри́мское воспита́ние, Вели́кому же Нову́гра́ду благода́тное процвете́ние,/ мно́гими бо труды́ и по́двиги в нем Бо́гу угоди́л еси́./ Сего́ ра́ди чуде́с дарова́ний от Него́ сподо́бился еси́,/ и те́ло твое́ мно́гими ле́ты соблюде́ нетле́нно./ Мы же, сие́ лобыза́юще, ра́достно от души́ вопие́м ти:/ ра́дуйся, о́тче Анто́ние.

И́кос:

Ка́ко возмогу́ исчести́ премно́гая твоя́ чудеса́?/ Или́ ка́ко изрещи́ жесто́кое твое́ житие́?/ Не и́мам бо се́рдца чи́ста, я́ко сие́ сра́мными дея́ньми оскверни́х/ и ду́шу мою́ лука́выми по́мыслы осмради́х./ Но оба́че дерза́ю воспева́ти, а́ще ты ми пода́си сло́во, недосто́йному твоему́ рабу́,/ ты бо земны́й А́нгел и Небе́сный челове́к во пло́ти обре́лся еси́, преподо́бне./ На земли́ бо о тле́нных небре́гл еси́/ и Христу́ от души́ после́довал еси́/ боле́зньми, и труды́, и зе́льным воздержа́нием, и злострада́нием, и на земли́ лега́нием./ Посто́м, и бде́нием, и моли́твами о́браз был еси́ твои́м ученико́м/ и сего́ ра́ди сосу́д чист и оби́тель Ду́ха Пресвята́го яви́лся еси́./ Тем тя чтим, ра́дуйся, о́тче Анто́ние.

Песнь 7

Ирмо́с: О́бразу злато́му, на по́ле Деи́ре служи́му,/ трие́ Твои́ о́троцы небрего́ша безбо́жнаго веле́ния,/ посреде́ же огня́ вве́ржени, ороша́еми, поя́ху:/ благослове́н еси́, Бо́же оте́ц на́ших.

От гра́да и оте́чества твоего́ пресе́льник был еси́,/ к Бо́гу ру́це простира́я, спасе́ние обре́т;/ вода́м же послужи́вшим тебе́ Бо́жиим манове́нием, Вели́каго Нова́гра́да дости́гл еси́,/ иде́же бя́ше уго́дно Влады́це./ Ему́же ны́не ра́достно пое́ши:/ благослове́н Бог оте́ц на́ших.

Вели́каго Нова́гра́да архиере́я, и христолюби́вых люде́й,/ и мона́хов мно́жества ра́дости испо́лнил еси́ и духо́внаго весе́лия/ твои́м ди́вным и чрезъесте́ственным прехожде́нием:/ на ка́мени бо, я́ко на корабли́, прише́л еси́, Спу́тника, о́тче, Христа́ обре́т./ К Нему́же ны́не ра́достно зове́ши:/ благослове́н Бог оте́ц на́ших.

Лику́ют собра́ния мона́шествующих/ и веселя́тся наро́дов мно́жества Вели́каго Нова́гра́да/ в честне́м преставле́нии Анто́ния всеблаже́ннаго,/ моле́бный соверша́юще пра́здник, ра́достно от души́ вопию́т:/ благослове́н Бог оте́ц на́ших.

Богоро́дичен: Пещь прообразова́ше Твое́ рождество́, Всенепоро́чная:/ о́троки бо не опали́, я́коже ложесна́ Твоя́, огнь непостоя́нный./ Те́мже мо́лим Тя: огня́ ве́чнаго изба́ви рабы́ Твоя́.

Песнь 8

Ирмо́с: В пещь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га,/ по́йте, дела́, я́ко Го́спода,/ и превозноси́те во вся ве́ки.

Авраа́мский стяжа́в нрав, прему́дре,/ от страны́ Ри́мския пресе́льник был еси́ Вели́каго Нова́гра́да/ и та́мо Бо́га узре́л еси́, обещава́юща тебе́ воздая́ние бога́тно./ Тем, веселя́ся, усе́рдно Христу́ вопие́ши:/ благослови́те, вся дела́, Го́спода и превозноси́те Его́ во ве́ки.

На земли́ пожи́в, я́ко А́нгел, с пло́тию, я́ко безпло́тен,/ безпло́тныя враги́ под но́ги покори́л еси́,/ чистоту́ стяжа́л еси́ посто́м, и бде́нием, и моли́твами./ Те́мже со А́нгелы на Небесе́х све́тло лику́я, Христу́ вопие́ши:/ благослови́те, вся дела́, Го́спода и превозноси́те Его́ во ве́ки.

Рим оте́чество твое́ пропове́дует, преподо́бне,/ Вели́кий же Но́вгра́д хва́лится тобо́ю, прие́м от Го́спода сокро́вище некра́домое:/ помо́щника бо вели́каго, блаже́нне Анто́ние, тя восприе́м,/ с ли́ки мона́шескими ны́не весели́тся./ Те́мже, па́мять твою́ пра́зднующе, ра́достно вопие́м:/ благослови́те, вся дела́, Го́спода и превозноси́те Его́ во ве́ки.

Богоро́дичен: Вели́кому та́инству рождества́ Твоего́ кто не удиви́тся, Богоро́дице?/ Или́ кий язы́к земны́й или́ ум безпло́тных изрещи́ возмо́жет?/ Па́че бо естества́ и смы́сла, Богоро́дице, Зижди́теля родила́ еси́.

Песнь 9

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма,/ я́дию в тле́ние па́дшаго лю́те,/ от Святы́я Де́вы неизрече́нно воплоти́вшагося нас ра́ди,/ ве́рнии, еди́ному́дренно пе́сньми велича́ем.

Всегда́ к ра́це моще́й твои́х приступа́юще, любе́зно целу́ем и от души́ вопие́м:/ о́тче преподо́бне Анто́ние, моли́ся приле́жно Христу́ Бо́гу за град и лю́ди,/ скорбь нашу на ра́дость премени́ти и грехо́в проще́ние испроси́ти,/ да тя непреста́нно велича́ем.

Вели́кому Анто́нию тезоимени́т был еси́, блаже́нне Анто́ние,/ и того́ житию́ подража́л еси́, равноа́нгельно во оби́тели Пресвяты́я Богоро́дицы пожи́л еси́,/ те́мже и ра́вну по́честь от Бо́га сподо́бился еси́ прия́ти,/ с ни́мже ны́не на Небесе́х весели́шися./ И нас помина́й, пра́зднующих па́мять твою́,/ да тя непреста́нно велича́ем.

Ны́не на тебе́ чу́до ве́лие ви́дится и у́жаса испо́лнено:/ ка́ко погребе́но вои́стинну мно́го лет соблюде́ся невреди́мо, преподо́бне Анто́ние,/ твое́ многотру́дное те́ло, во гро́бе лежа́щее Бо́жиим мановением?/ Я́коже Сам весть, сла́вящия Его́ прославля́ет.

Богоро́дичен: Исцели́ла еси́ сокруше́ние, Всенепоро́чная, и ве́тхое страда́ние земны́х,/ Бо́га ро́ждши, Царя́ Христа́, поне́сшаго пло́тию неду́ги на́ша./ Те́мже Тя, вси ро́ди, Де́во Влады́чице, ублажа́юще, Богоневе́сто, велича́ем.

Свети́лен.

Подо́бен: Со ученики́:

Христо́ву ны́не престо́лу предстоя́, преподо́бне,/ с Богома́терию, Пречи́стою Де́вою, моля́ся не преста́й/ побе́ды на ва́рвары христолюби́вому во́инству на́шему дарова́ти,/ и душе́вное спасе́ние, и ми́ру смире́ние, Анто́ние Богому́дре.

Сла́ва, и ны́не, то́йже.

На хвали́тех стихи́ры, глас 1.

Подо́бен: Всехва́льнии му́ченицы:

О́тче Богому́дре Анто́ние,/ ты вся́ко на земли́ Христа́ возлюби́л еси́,/ и Того́ Боже́ственным стопа́м после́довати возжела́л еси́:/ Крест бо на ра́мо взем, после́довал еси́, преподо́бне./ И ны́не на Небесе́х со А́нгелы Тро́ице предстои́ши, Богови́дче,/ Е́йже моли́ся дарова́ти душа́м на́шим/ мир и ве́лию ми́лость.

О́тче прему́дре Анто́ние,/ тебе́ Бог показа́ па́стыря слове́сному Своему́ ста́ду/ и украси́л еси́ пречу́дне це́рковь Бо́жия Ма́тере,/ в не́йже и до ны́не лежа́т пречестны́я твоя́ мо́щи,/ во гро́бе неразруши́мы,/ исцеле́ния подаю́т с ве́рою притека́ющим./ И ны́не моли́ся дарова́ти душа́м на́шим/ мир и ве́лию ми́лость.

О́тче преподо́бне Анто́ние,/ испроси́ я́же к Бо́гу моли́твами твои́ми/ Це́ркви утвержде́ние,/ мона́хом удобре́ние,/ во́инству на́шему побе́ды на враги́/ и всем ве́рою притека́ющим/ во оби́тель Пресвяты́я Бо́жия Ма́тере по́мощь./ К Не́йже моли́ся дарова́ти душа́м на́шим/ мир и ве́лию ми́лость.

Сла́ва, глас 8:

Мона́хов мно́жества/ наста́вника тя почита́ем, о́тче наш Анто́ние:/ твое́ю бо стезе́ю вои́стинну пра́во ходи́ти позна́хом./ Блаже́н еси́, Христу́ рабо́тав,/ и вра́жию обличи́л еси́ си́лу,/ А́нгелов собесе́дниче, преподо́бных соприча́стниче и пра́ведных,/ с ни́миже моли́ся Го́сподеви/ поми́ловатися душа́м на́шим.

И ны́не, Богоро́дичен: Влады́чице, приими́:

Славосло́вие вели́кое. И отпу́ст.

На Литурги́и слу́жба вся преподо́бническая.

Моли́тва

Па́стырю предо́брый и наста́вниче наш, преподо́бне о́тче Анто́ние! Ты, во пло́ти еще́ сый, Боже́ственным манове́нием управля́емь, ве́тхий Рим, оте́чество твое́, и род твой оста́вил еси́, и отту́ду чуде́сным по вода́м на ка́мени, я́ко на ле́гцем корабли́, прише́ствием твои́м се́мо освяти́л еси́ град сей, и в нем храм Бо́жией Ма́тери воздви́гл еси́, труды́ же и по́двиги твои́ми просвети́л еси́ оби́тель сию, ея́же и основа́ние тобо́ю бысть, умно́жил еси́ в ней ча́да твоя́, о́бразом до́брых дел и уче́нием наставля́яй их; тем и нетле́нием моще́й твои́х и чуде́с сия́нием просла́ви тя Бог, Ему́же безпло́тен со Безпло́тными предстоя́, ра́дуешися и, ра́дуяся, о притека́ющих к чудотво́рней ра́це твое́й и мо́щи твоя́ усты́ же и се́рдцем лобыза́ющих мо́лишися. Ты и ны́не, я́ко име́яй дерзнове́ние ко Влады́це Христу́, бу́ди моли́твенник и хода́тай о предстоя́щих сих рабе́х твои́х, честны́м твои́м моще́м кла́няющихся и прося́щих от Тебе́ ми́лостиваго заступле́ния. Ей, мо́лим тя, слуго́ Христо́в и уго́дниче, главы́ и сердца́ на́ша преклоня́юще тебе́: не пре́зри убо́гаго сего́ моле́ния на́шего, но при́зри на ны ми́лостивно, коего́ждо потре́бу исполня́я, боля́щим здра́вие, путеше́ствующим в пути благопоспе́шество, пла́вающим ско́рое и безбе́дное пла́вание да́руя; оби́тель же сию́ от вся́ких бед, внеза́пно находя́щих, сохрани́ и в ней живу́щих и тружда́ющихся, ку́пно же и им благоде́ющих, от вся́ких напа́стей свободи́, да вси твои́ми моли́твами на земли́ богоуго́дно поживе́м и Небе́снаго Ца́рствия насле́дницы бу́дем, досто́йни славосло́вити Всесвяту́ю Тро́ицу, Отца́ и Сы́на и Свята́го Ду́ха, в безконе́чныя ве́ки. Ами́нь.

Преподобный Антоний Римлянин

Преподобный Антоний Римлянин родился в 1067 году в Риме в семье знатных и состоятельных горожан. С детства он был воспитан родителями в христианском благочестии и преданности Святой Церкви. В юности преподобный Антоний вследствие постоянных прений о вере и стремления римских пап обратить православных в латинство изучил богословие Восточной Церкви и творения святых отцов. Лишившись родителей, святой Антоний решил принять монашество и покинуть Рим. Ему было 17 лет. Раздав одну часть богатого наследства нищим, а другую вложив в бочку и бросив в море, он всецело предал себя воле Божией и отправился в странствие по обителям, где подвизались православные монахи. В одном пустынном скиту он принял монашеский постриг и прожил там двадцать лет. Гонение на православных со стороны латинян вынудило братию покинуть скит. Святой Антоний удалился в уединенное место на берегу моря. Более года он, подобно древним столпникам, провел на большом камне в молитве и посте, вкушая пищу раз в неделю.

5 сентября 1106 года на море разразилась сильная буря, и огромные волны сорвали с места камень, на котором находился святой подвижник. Пребывая в глубокой молитве, преподобный Антоний не испугался, но мысленно созерцал Пресвятую Богородицу с Предвечным Младенцем на руках и всецело предал себя Богу. Камень чудесным образом понесло по водам; в канун праздника Рождества Пресвятой Богородицы он остановился на берегу реки Волхова близ села Волховского, в трех верстах от Новгорода. Утром преподобного Антония с удивлением обнаружили окрестные жители. Не зная русского языка, святой Антоний на все вопросы отвечал поклонами. Три дня святой молился на камне и просил Бога открыть ему, в какой стране он находится. Затем он отправился в Новгород, где по Промыслу Божию встретил человека из иноземных кузнецов, который знал латинский, греческий и русский языки. От него преподобный Антоний узнал, в какой стране он находится. Побывав в храме, святой Антоний вернулся на свой камень. Окрестные жители стали приходить к нему за благословением. У них преподобный научился русскому языку.

Через некоторое время преподобный Антоний отправился в Новгород к святителю Новгородскому Никите (††1108; память 31 января, 30 апреля и 14 мая), которому рассказал о своем чудесном прибытии. Святитель Никита хотел оставить преподобного при кафедре, но святой Антоний испросил у него благословение жить на том месте, где определил ему Господь. Через некоторое время святитель Никита сам побывал у преподобного Антония, который продолжал жить на камне. Осмотрев место, святитель благословил преподобного основать здесь монастырь в честь Рождества Пресвятой Богородицы. Он получил у посадников место и освятил построенный вначале деревянный храм.

На следующий год рыбаки ловили рыбу недалеко от новой обители, но неудачно. По слову преподобного они забросили невод еще раз и поймали много рыбы, а также вытащили бочку, брошенную преподобным Антонием в море на родине. Святой узнал свою бочку, но рыбаки не хотели отдать ее ему. Преподобный предложил им отправиться к судьям и рассказал, что в бочке находятся преимущественно священные сосуды и иконы (очевидно, из домовой церкви его родителей). Получив бочку, преподобный Антоний на имевшиеся в ней деньги купил у новгородских посадников землю вокруг монастыря, село и рыбные ловли.

С годами обитель преподобного благоустраивалась и благоукрашалась. Вместо деревянных храмов были воздвигнуты каменные. В 1117 году был заложен каменный храм в честь Рождества Пресвятой Богородицы, который освятил епископ Новгородский Иоанн (1110 –1130) в 1119 году. Не позднее 1125 года этот храм был расписан. В это же время была построена каменная трапезная, при которой позднее соорудили храм в честь Сретения Господня.

В 1131 году преподобный Антоний, по желанию братии обители, был поставлен игуменом монастыря. Шестнадцать лет он управлял обителью, наставляя братию в благочестии и богоугодном житии. Перед кончиной он назначил преемником своего ученика преподобного священноинока Андрея. Преподобный Антоний мирно почил 3 августа 1147 года и был погребен епископом Новгородским Нифонтом (1130 –1156) в монастырском храме в честь Рождества Пресвятой Богородицы.

В 1597 году при Всероссийском Патриархе Иове (1589 –1607) и Новгородском митрополите Варлааме (1592 –1601), в первую пятницу после дня памяти святых первоверховных апостолов Петра и Павла (29 июня), были обретены святые мощи преподобного Антония. Обретению мощей предшествовали чудесные исцеления по молитвам преподобного. Так, например, у гробницы святого исцелился от смертельной болезни игумен обители Кирилл (1580 –1594). В благодарность он построил над камнем подвижника часовню. Некий бесноватый свечник по имени Феодор пришел в монастырь и молился у камня преподобного, на котором в то время уже был написан образ святого. Ему явился преподобный Антоний и сказал, что он исцелится от беса, когда приложится к камню. Так и случилось. Исцелялись от болезней также иноки обители, когда они обращались к молитвенной помощи преподобного.

Однажды благочестивому иноку Антониевой обители Нифонту было видение, в котором открылась воля Божия о прославлении преподобного Антония. По ходатайству Нифонта и бывшего игумена обители Кирилла, ставшего к тому времени архимандритом Троице-Сергиевого монастыря, Святейший Патриарх Иов повелел переложить мощи преподобного Антония в новую гробницу и поставить их в храме для всеобщего поклонения. Перед открытием святых мощей митрополит Новгородский Варлаам и братия обители установили строгий пост и сугубые молитвы преподобному. Преподобный Антоний явился митрополиту Варлааму и благословил исполнить повеление Патриарха. 1 июля 1597 года, когда разобрали гробницу над могилой, то увидели честные мощи преподобного, «яко жива лежаща». Благоуханием наполнился весь монастырь. Святые мощи были положены в новую гробницу рядом с местом прежнего погребения. От святых мощей происходили чудесные исцеления больных. В том же году преподобный Антоний был прославлен в лике святых.

Ученик и преемник преподобного Антония игумен Андрей составил Житие преподобного Антония, которое в 1598 году было дополнено упоминавшимся иноком Нифонтом. Инок Нифонт составил также Сказание об обретении мощей святого и похвальное слово ему. В 1868 году был напечатан первый Акафист преподобному, составленный бывшим настоятелем Антониева монастыря архимандритом Макарием.

Со времени обретения святых мощей преподобного Антония в его обители в первую пятницу после Петрова дня (в 1597 году этот день пришелся на 1 июля) совершалось особое торжество. Из Новгородского Софийского собора в обитель совершался крестный ход. Множество народа стекалось со всей Новгородской епархии. 17 января, в день тезоименитства преподобного, в обители совершалось местное празднование в честь святого Антония.

Богослужебные сосуды, обретенные в бочке, были увезены в Москву Иоанном Грозным и хранились в ризнице Московского Успенского собора. Сохранились духовная и купчая грамоты преподобного Антония, издававшиеся неоднократно. По-прежнему в Рождественском соборе Антониева монастыря в Новгороде хранится камень, на котором преподобный Антоний чудесно приплыл из Рима.

Литература:

1. Жизнь преподобного Антония Римлянина, Новгородского чудотворца. Изд. 4-е. Новгород, 1913.

2. Димитрий (Самбикин), архиепископ. Месяцеслов святых, всею Русскою Церковью или местночтимых. Вып. 12, ч. I. Тверь, 1902, с. 33–40.

3. Грамоты Великого Новгорода и Пскова. М.-Л., 1949, с. 159–161, № 102, 103.

4. Янин В. Л. Очерки комплексного источниковедения. Средневековый Новгород. М., 1977, с. 58–59.