Приложения. Приложение 1

[Свт. Димитрий Ростовский]

Разныи различно о сем гадательствуют. Едины глаголют, яко самеми токмо словесы Христовыми бывает пресуществление, кроме иерейскаго возследствующаго моления. Но мы тем не слагаемся, понеже св. Василий Великий в книзе 6 о Св. Дусе, в главе 27 пишет cице: «несми довольны словесы Апостолом и Евангелием воспоминаемым (во освящении), но предъглаголем, но и надъглаголем и иная, яко велию силу к тайне имущая».

Друзии весьма отсекают силу словес Христовых, глаголюще та быти ничтоже действующая отнюдъ, но токмо исторически воспоминаемая и велят народу, да непокланяются в возглашении словес оных, – всю же силу пресуществления в самом токмо иерейском молении полагают. И сим мы не слагаемся, понеже и св. Василий В. аще и глаголет не довольствоватися самеми токмо словесы Апостольскими и Евангельскими, си есть, Христовыми: приимите и ядите и прочая, обаче тех Христо вых словес он не отметает, ниже отъемлет им силы освящения, устрояющаго предложенная к пресуществлению; и ниже ин кто глагола быти когда от великих святых недейственны словеса Христова, не имущия коея к пресуществлению силы. Аще бо сами собою (по Греческия церкви исповеданию) и не пресуществляют св. даров в тело Христово, обаче действенно пpиyстрояют к имущему абие Духом Святым совершатися пресуществлению. И может-ли совершитися пресуществление молитвою токмо единою иерейскою? И может-ли литургия и пресуществление совершатися без словес Христовых, имже возглашаемым, народ глаголет: аминь, си есть, буди тако, да хлеб телом, вино же кровию Христовою содеется? Аще бо исторически та словеса глаголются, обаче имут действительную силу в освящении.

Третии: обое то, словеса Христовы и словеса иерейская, единоместно в пресуществление приемлют, сказующе, яко словесы Христовыми начинается, а молитвою оканчивается пресуществление и суть словеса Христова основание пресуществлению, молитва же навершение, и едино без другаго быти не может; ни бо словеса Христовы сами без Духа Святаго, молитвою иepeйскою призываемаго, действуют пресуществление, ниже Дух Святый без предглаголемых словес Христовых то совершает; обоя та ко пресуществлению потребна. И якоже не может око рещи руце, не требе ми еси, сице и в пресуществлении между словами Христовыми и молитвою иерейскою не может едино другому рещи: не требе ми ecи. Сице и в поучении блаженной памяти Святейшаго патриарха Иоакима (еже он в соборе Московском в лето бытия мира 7198 [1690 г.], месяца Иануария читал) написано, яко словеса Христова суть начало и основание пресуществлению, молитва же навершение. К сим и мы прилагаемся, понеже и св. Иоанн Дамаскин обоя та купно пресуществление действовати верует и исповедует в книзе своей 4 о вере в гл. 14, идеже приведши псаломническая словеса: «словом Господним небеса утвердишася и духом уст его вся силы их» [Пс. 32: 6] , о словесах Христовых глаголет сице: «рече Бог: cиe мое есть тело и сия моя есть кровь, и cиe творите в мое воспоминание. И всемощным его повелением, дóндеже приидет, бывает». Тако Дамаскин о силе словес Христовых; о действии же Св. Духа, молитвою иерейскою призываемаго, там же мало ниже глаголет: «како хлеб бывает тело Христово и вино и вода кровь Христова? Глаголю тебе и аз: Дух Св. приходит и сия творит паче слова и разума». До зде Дамаскин Святый. Тоже и в книзе св. Ефрема в слове 150, лист 285. Се яснее света есть, яко обоя та купно и неразлучно пресуществление действуют, словеса Христова, яко основание суще, начинают, Дух же Святый, молитвою иерейскою призываемый, навершает.

О поклонении св. дарам. Подобает-ли в возглашение словес Христовых кланятися? О сем спор многий слышится в духовных и мирских овым кланяющимся в возношении Христовых словес, овым же не кланяющимся и кланятися возбраняющим. И болезненно есть слышати и видети не согласие и распрю людей единоверных, единыя матере церкве Христовыя чад сущих. Кую болезнь сердца доселе носих терпением, ово молчание любя, ово снисходя человеческим нравам. Егда же внидоша в руце мои тетради двух от духовнаго высокаго чина творцов, не токмо кланятися в возглашении Христовых словес возбраняющия, но и преизлишенно хулящия, то поклонение в ересь же и в погибель душевную вменяющия, тогда судих отложити молчание, проглаголати нечто в примирение не мирным, во еже привести в согласие не согласная (аще кии привестися и примиритися изволят); не всегда бо и молчание есть полезно, паче же и вредно бывает, егда молчанием попускается умножатися распрям и раздорам в Христовой церкви. Еще же и вопросами многих, иже наставитися от нас ищут, на cиe подвигохомся, еже полезна ответа помощию Божиею поискати.

Творцов убо оных, в духовном чину высоких (имен их неизъявляю, ведят ведущии), тетради прием и прочет, и силу тетрадей тех уразумев, зде их в начале предлагаю, имущияся сице. Первый творец своих тетрадей пишет: «От нелепаго и неподобающаго словопрошения и испытословия, и любопрения прозябóша свары, распри, вражды и ересь хлебопоклонная, яже первее произниче у латин, отступников от восточнаго благочестия». Паки глаголет: «кланяющиися хлебу и вину возъобразным еще, яко сущу телу и крове Христове, погибнут вечно з душами своими». Паки той же: «покланяяйся в возглашении словес приимите, ядите хлебу и вину, яко сущу телу и крови Христове, честь и поклон Божий отдает твари и смертно тяжко грешит в погибель души своея; возъобразны бо суть тела и крове Хри стовы».

Другий творец своея тетради пишет сице: «иepeй, егда глаголет словеса Христова, не к людем глаголет; и аще людие мнят, яко иерей к ним, людем, глаголет, зело грешат, зане иepeй глаголет повествовательно и исторически и воспоминательно Богу Отцу, но не к людем». Паки тойже глаголет: «хлеб евхаристии есть хлеб простый; а иже покланяется тогда, хлеба служитель, а не богослужитель глаголется». Паки тойже творец, послався на собор вселенский седмый, глаголет: «сей святый собор и вси восточнии святыи повелевают ни коленопоклонения, ниже поклони да творят в возглашении словес Христовых».

Сверх же тех слышах некоего честнаго мужа в духовном чину не письмом, но словесы людем сказующа, яко поклонение, в возгла шении словес Христовых творимое, мерзость есть

Христу.

Та сила учения учителей оных. Кое их учение есть-ли правое, розыскати подобает разсмотрениями сими:

а) От латин-ли приятъся в poccийстей церкви, еже кланятися в возглашении словес Христовых?

б) Согласуют-ли римляном кланяющиися в возглашении словес Христовых?

в) Исторически глаголемая словеса Христова имеют-ли каковую силу к освящению предложенных даров?

г) Кланяющиися предложенным святым даром прежде пресуществления их, простому-ли хлебу и вину кланяются и есть-ли той их поклон ересь и грех и души погибель?

д) Кланяющиися в возглашении словес Христовых тварили отдают поклон Божий?

е) Собор вселенский седмый повелел-ли не кланятися в возглашении словес Христовых?

ж) Поклон, в возглашении словес Христовых творимый, есть-ли мерзость Христу Спасителю нашему?

Не буди же кому мнити, аки бы мы словом сим зде глаголем о пресуществлении; ни, но о поклонении святым даром розыскуем; о пресуществлении же выше речеся.

Первое разсмотрение. От латин-ли приятся в российстей церкви, еже кланятися в возглашении словес Христовых?

Книга чиновник архиерейскаго священнослужения, в литургии св. Иоанна Златоустаго на л. 123, имать типик таковый: глаголет патриарх: приимите, ядите и прочая. Лик творит поклон, поя аминь. И показуя патриарх к св. потиру, глаголет: пийте от нея вси и прочая. Лик, покланяяся, глаголет: аминь. А чиновник той печатан в типографии Московской, при державе благовернаго царя и великаго князя Феодора Алексиевича, в патриаршество святейшаго Иоакима, в лето мироздания 7185 [1677 г.]; а прежде изследован, к печати уготован и архиереями соборне прочтен и свидетельствован при державе благовернаго царя и великаго князя Алексия Михайловича. В чиновнику же том в начале положено соборное архиерейское изречение с подписанием руки патриаршей и рук всех архиереев Российских, в коем на листу третием пишется сице: соборне прочтеся чин божественных литургий в святых отец наших Иоанна Златоустаго и Василия Великаго, извещенный писанием от всесвятейшаго вселенскаго Константинопольскаго бывшаго кир Афанасия Пателария патриарха, его же сказа и предаде, егда бе в царствующем граде Москве в лето 7161, от воплощения же Бога слова 1653. Свидетельствованный в том же царствующем великом граде Москве от всесвятейших патриархов кир Паисия папы и патриарха великаго Божияго града Александрии и кир Макария папы и патриарха Антиохии и всего востока, в лето 7175, от воплощения же Бога слова 1667. Зде внемли: чиновник архиерейскаго священнослужения святейший вселенский Константинопольский патриарх Афанасий с собою из царя града в Москву принесе и предаде; святейшии вселенстии патриархи Паисий Александрийский и Maкарий Антиохийский чиновник той свидетельствоваша, святейший патриарх Иоаким со всеми великороссийскими архиереями соборне прочтоша, свидетельствоваша и печати предадоша, а в чиновнику том явно, яко указуется кланятися на словеса Христова. Убо не от латин, но от греков приятся в poccийстей церкви чин той, еже кланятися в словеса Хри стова, и подобает содержати чин той, святейшими вселенскими патриархами и российскими архиереями преданный; ибо и прещения на не покоривыя тамо положено, пишется бо на листу седмом сице: никтоже да дерзнет отныне положенных зде превосходити, или что оскудити, или оставити, или пременити, но вся блюсти цела и неподвижна, и творити опасно по определенному ныне нами соборне, якоже видети есть в самой книзе, ныне нами изследованней и свидетельствованней, зовомей чинов ник архиерейскаго священнослужения. На листу же 31, 32 и 33 грознее запрещает не покоривыя, послушныя же благословляет; изволяй, да зрит тамо. И видети есть, яко по тому соборному всех архиереев изречению всяк, кланяяйся на словеса Христова, есть благословен, не кланяяйся же и кланятися возбраняяй, чужд есть благословения.

Второе разсмотрение. Согласуют-ли римляном кланяющиися в возглашении словес Христовых? Идеже верование согласное, тамо и поклонение согласное, a идеже верований разногласие, тамо и в поклонении разногласие; по вере бо паче поклон судится у Бога, ниже по самом токмо главы поклонении. Между нами и римляны согласно-ли о пресуществлении верование? Никакоже. Они веруют самыми токмо словесы Христовыми быти пресуществлению, мы же к словесем Христовым ждем и нашествия Св. Духа и молитвою иерейскою того призываем. Убо поклонение наше несть согласно их поклонению; они бо кланяются аки уже совершившуся самыми токмо словесы Христовы пресуществлению, мы же кланяемся яко начатку и основанию пресуществления, еже имат Дух Святый навершити. Ибо и святейший патриарх Иоаким во своем пред воспомянутом учительном слове словеса Христова нарече началом и основанием пресуществления, молитву же иерейскую совершением. Начатку убо и основанию пресуществления – словесам Христовым кланяется народ российский, яко слышит та от иерея, в лице Христовом глаголюща словеса: приимите, ядите и прочая; словес же навершения – и сотвори убо не имат услышати, понеже та глаголются тайно. Кланяющиися же начатку и основанию не суть согласны кланяющимся аки бы навершению, понеже ино (яко же рехом) верование тех, а ино сих, и по вере коегождо судится поклон, а не по самому токмо кланянию. Еще же и поклонение наше российское несть подобно их римскому поклонению; они бо инако кланяются, мы же инако; они токмо колена прегибают, мы же и главу к земли прекланяем. Речеши: понеже римляне кланяются на словеса Христова, мы убо долженствуем отнюд не кланятися, да ниже в малом чесом будем им подобни. Ответ: аще того ради не кланятися на словеса Христовы, понеже римляне кланяются, то уже по добало бы нам, да и святым иконам не кланяемся, понеже римляне святым иконам кланяются; подобало бы и креста святаго не почитати, понеже римляне крест святый почитают; подобало бы и святых угодников Божиих и пречистыя Богоматере в помощь не призывати, понеже римляне святых угодников Божиих и пречистую Богоматерь в помощъ призывают, да быхом римляном ни в чем же были подобны. Но тако глаголати и деяти есть безумно и грешно и церкви святой противно. Кланяющеся же в словеса Христова, не римляном подражаем, но свое соблюдаем благоговейнство. Что бо нам к римляном и к вере их, – себе смотрим и чин свой храним, от чуждия же церкве чина не заимствуем.

Третие разсмотрение. Исторически глаголемая словеса Христова имеют-ли яковую силу ко освящению предложенных даров?

Вышереченных тетрадей творцы наипаче сего ради словеса Христова глаголют быти не действенна, понеже не к людем глаголются, но к Богу Отцу воспоминательно и исторически, сиречь повествовательно; и учат не кланятися в словеса Христова, понеже не к людем глаголются, но к Богу Отцу; мы же им ответуем: аще и не к людем глаголет иерей словеса Христова, обаче в услышание всем людем возглашает та. Предстоящии же должни пети и глаголати аминь, еже есть, буди тако, купно же и покланятися должни, якоже повелевает вышереченный чиновник архерейскаго священнослужения. Аще бо и не к людем та словеса глаголются, обаче имут толикую силу, яко не может без них св. литургия быти, ни пресуществление совершитися; не положенну бо сущу основанию, не может храмина наздатися. Пишется в житии преподобнаго Марка Фраческаго, яко той святый, егда пришедшаго к нему в пустыню Авву Серапиона вопроси: «суть-ли некоторыи святыи в мире ныне, творящии сили и чюдеса, якоже рече Господь во евангелии: аще имате веру, яко зерно горушично, речете ropе сей, двигнися отсюду, и верзися в море [Лк. 17: 6]; сия рекшу святому, внезапу взятся гора, и двигнуся от места своего» и прочая. Сей пример не к гopе глагола преп. Марко, но с братом беседуя, воспомяну исторически словеса Христова, яже о вере и о чудотворной силе, и абие двигнуся гора от места своего, – кольми паче сия словеса Христова – приимите, ядите и проч. усты иерейскими в священнодействии, аще и исторически глаголемая, имут свою ко освящению святых даров силу. Не сих ли ради словес огнь сниде с небесе и предложенная поят от отрочат, на камени хлеб и вино, якоже и сем в лимонару святейшаго Софрония, глава 196, пишется: «Рцы бо ми: коих словес, в церкви глаголемых, навыкоша отрочата оныя, на камени в поли литургисавшия; словес тайно от иерея глаголемых – и сотвори убо хлеб сей и проч. навыкнути не можаху, понеже та не во услышание глаголются; навыкоша же словес тех, яже в услышание на люди от иepeя возглашаются, си есть, приимите, ядите и проч. И егда та изрече литургисавый отрок, огнь сниде с небесе и предложенная пояде и камень сожже». Се смотри, коликая словес

Христовых сила: должны убо есмы та почитати поклонением глав наших. Речеши: егда иepeй глаголет словеса Христова приимите, ядите и проч., тогда еще хлеб не бывает тело Христово, но хлеб, ибо по словесех тех, призвав Духа Святаго, глаголет: со твори убо хлеб сей, честное тело Христа твоего; убо не подобает кланятися в словеса Христовы, понеже хлеб еще несть тело, но хлеб. Ответ: То именование хлеб предложенным и освященным святым дарам не отъемлет почитания поклонением бываемаго. Аще бо того ради не почитати я, яко хлебом именуются, то узрим и сиe, яко не точию не пресуществленный еще в тело Хрястово хлеб глаголется, во освящении хлеб, – но уже и пресуществленный, самое тело Христово сущ, хлебом нарицается. Сице в предпомянутом чиновнику архиерейскаго священнодействия, на листу 243, пишется: пред возглашением диаконским вонмем и пред раздроблением агнца, патриарх простер руки на св. дискос, еже воздвигнути святый хлеб; и диакон, препоясався орарием крестовидно, и преклонь главу, глаголет: вонмем; и затворя ются царския врата, и патриарх, взем святый хлеб, и воздвизает и мало над св. дискосом, образ же креста им не творя, глаголет: святая святым. Се зримо есть: яко и по пресуществлению агнец святый хлебом нарицается. Но и апостол глаголет: хлеб, его же ломим, не общение-ли тела Христова есть [1Кор. 10: 16]. И паки глаголет: вси от единаго хлеба причащаемся [1Кор. 10: 17]. Не cиe убо разсмотряти предлежит, яко св. дары хлебом нарицаются, ниже хлебнаго ради именования не покланятися им; но cиe разсудити подобает, какой есть хлеб прежде пресуществления, – простый-ли или не простый, достойный благочестнаго от нас поклонения, или ни. Речеши: Греки не кланяются на словеса Хри стова, убо и мы, poccиaнe, от грек веру приемшии, не долженствуем во время словес Христовых поклонения творити. Ответ: не кланяются греки нынешнии, а о преждних не мним тако; ибо чиновник apxиeрейскаго священнослужения из царя града (якоже речеся прежде) святейшим вселенским патриархом Афанасием в Москву принесен и церквам российским предан, а в чиновнику том указано кланятися в словеса Христова. Знатно убо есть, яко прежднии греки кланяхуся и должны есьмы и мы, подражающе древним грекам, кланятися, якоже и прочии

Славенстии народи – Болгаре и Сербы, такожде от грек веру приемшии, кланяются. А крестишася Болгаре и Сербы прежде крещения земли русской вящше, неже за сто лет. И якоже тогда с верою и чин церковный от грек прияша, тако и ныне содержат, и кланяются во словеса Христова.

Речеши: святейший патриарх Иоаким учил и повелевал не кланятися на словеса Христова и запрещал грозно. Ответ: то убо и дивно есть, яко от единех уст истече сладкое и горкое. Первее соборне свидетельствова и предаде печати чиновник, учащ кланятися словесам Христовым и страшными прещенми запрети, а потом та, яже свидетельствова и предаде сам, отверже и подпаде своему си суду и запрещению и наведе на ся порок ово непостоянства, ово противности святейшим вселенским патриархам греческим, чиновник той свидетельствовавшим и предавшим российстей церкве. Речеши: два греческии учители иеромонашескаго чина, пришедше от греческих стран к святейшему Иоакиму, патр. Московскому, начаша учити, еже не кланятися во время словес Христовых. Ответ: учителей тех греческих не охуждаем, обаче и святейших патриархов не презираем. Разсудити же предлежит, кто честнее – глава ли или нозе, и кого лучше слушати подобает – главы ли или ног? Святейшии три вселенскии патриархи были на Москве, первее – Афанасий Константинопольский, таже по времени Паисий Александрийский и Макарий Антиохский. Тии свидетельствоваша и предаша церкве российстей чиновник, учащ кланятися словесам Христовым. По сих приидоша два иеромонахи от грек, и триех греческих вселенских патриархов свидетельства и предания разориша. Или убо патриархи оны не право нас научиша, или иеромонахи сии не право творят и учат. Apxиepeи же российстии, вселенских триех патриархов свидетельствованное предание отвергшии, в след же двух иepoмонахов шедшии, не точию вселенским патриархом, но и сами себе сотворишася противны. Узаконивше бо первее, еже кланятися, в возглашении словес Христовых и запрещениями то оградивше, и руками своими утвердивше, противное потом прияша учение и сами своему суду и запрещению подпадоша.

Четвертое разсмотрение. Кланяющиися предложенным святым дарам прежде пресуществления их, простому-ли хлебу и вину кланяются, и есть-ли той их поклон ересь и грех и души погибель.

Но предложенныя св. дары, аще и не у пресуществленны в тело Христово, обаче не суть простый хлеб, но святый и почитания великаго от нас достойный. То показуется от 4-х статей сих: а) от действ святыя литургии; б) от образа предложеннаго хлеба; в) от именования вещи предложенныя; г) от самых словес Христовых.

Первое. От действ святыя литургии показуется, яко от начала проскомисания, часть от просфоры изъятая и Агнцем нареченная, уже несть простый хлеб, но св. Агнец, от простаго хлеба отделен в тело Христого приуготован, воспоминанием имене Господа нашего Иисуса Христа и знамением крестным, купно и наитием Духа Святаго освящен и к пресуществлению пред устроен. Есть бо истинное известие, яко во святом проскомисании уже Дух Святый на св. дары при ходит, не у пресуществляяй, но освящаяй и к пресуществлению пред устрояяй. А известнее то обретается в лимонару святейшаго Софрония, патр. Иерусалимскаго, в гл. 21, идеже пишется: «старец некий в монастыре Хузивстем навыкл бе проскомидию святаго возношения; во един же от дней послан быв от аввы Иоанна пресвитера принести просфоры к литургисанию, он же, неся просфоры, глагола над ними из уст проскомидию св. возношения, яко в чину быв четца. И егда авва Иоанн (иже послежде бысть епископ в Kecapии Палестинстей) начат в алтаре проскомисание, не виде по обычаю пришествия Духа Святаго и печален бысть зело, мня себе нечто согрешивши в помысле своем пред Богом, и того ради не прийде Дух Святый, и плакаше, пометая себе лицем на землю. И явися ему Ангел Господен, рече: священно есть уже святое проскомисание, понеже брат, принесый прос форы, словеса проскомидии на пути изрече. И оттоле положи авва, завет, да никто же дерзает глаголати словеса св. проскомисания, не имый хиротонисания иерейскаго». Нам же известие истинное есть, яко еще проскомисанию деющуся, уже приходит на св. дары Дух Святый, не у пресуществляяй, но яко же рехом, предъуготовляяй и пред устрояяй к пресущеествлению; и уже предложенный хлеб несть простый, но святый, наитием Св. Духа освященный, к пресуществлению устроенный, достоин почитания от нас благоговейнаго, поклонением благочестным бывающаго, еже и начинается от иерея и диакона. По совершении проскомисания, прием священник кадильницу, кадит предложение, глаголя трижды: благословен Бог сице изволивый; диакон же глаголет: всегда ныне и прочая и покланяются оба благоговейно трижды. Се от проскомисания начинается поклонение не простому хлебу, но предложенным святым даром, тело Христово быти имущим. Аз же вопрошаю: иepeй с диаконом по проскомисании кланяются предложенным дарам святым, суть ли еретики, хлеболоклонники и хлебослужители, и согрешают-ли смертне тяжце, и в погибель ли душам своим кланяются? Паки в чиновнику архиерейскаго священнослужения в херувимскую песнь, переносимых сущим св. дарам, на л. 103 пишется: исходит патриарх пред царская врата и кадит св. дискос трижды по чину и, сотворив метание, глаголет тайно: благословен грядый во имя Го сподне [Мф. 21: 9]. Мы же внемлем: творит патриарх метание, си есть, поклон до пояса; кому той поклон творит и кому та словеса – благо словен грядый во имя Господне – глаголет? Простому-ли хлебу? И есть ли тогда патриарх еретик, хлебопоклонник и хлебослужитель, и согрешает-ли смертне тяжце и в погибель-ли души своея кланяется? И паки по поставлении св. даров на престоле, покрив я аером, патриарх вземлет кадильницу и кадит святая, и покланяяся трижды, глаголет: ублажи Господи и проч. Вопрошаю: простому-ли хлебу патриарх кланяется и согрешает-ли тако, якоже противомудрствующии глаголют и пишут? И во время возглашения возлюбим друг друга кланяющиися с патриар-хом в олтаре и глаголющии: возлюблю тя Го споди и прочая, простому-ли хлебу кланяются и суть-ли хлебопоклонники? А егда приспеет время словес Христовых, каков указ в литургии Златоуста на листу 162 написан, внемлем: по молитве патриарх отлагает митру и налагает омофорий и, показуя десною рукою к дискосу, глаголет: приимите и ядите. А в литургии Василия В. на листу 201 пишется сице: патриарх прекланяет главу, воздвиг десницу свою с благоговением и прочая. Се коликое указано благоговенство и коликая почесть предложенным святым дарам в возглашении словес Христовых! И аще патриарху указано, да в словеса Христова, показуя десницею к святому хлебу, прекланяет главу, то кто дерзнет тогда аки идол не проклонен стояти? Лет же есть и зде вопросити: патриарх егда в словеса

Христова, показуя к дискосу, прекланяет главу, есть-ли еретик, хлебопоклонник и хлебослужитель? И coгрешает-ли смертне тяжце и в погибель-ли души своея главу прекланяет? Еще же и словеса Христова како глаголати повелено, смотрим типика в

Златоустаго литургии, указующа сице: лепотствует сия Господня словеса – приимите, ядите и пийте от нея вси глаголати над хлебом и вином всем сослужащим купногласно, тихим гласом, во едино слово с патриархом и ниже единым словом предваряти кому или остатися патриарха, но яко из единех уст всем купно рещи. Мы же внемлем: зде вся та указанная не изъявляют-ли обоего сего, яко предложенныя св. дары не суть простый хлеб, но превелия святыня Христова и яко словеса Христовы не суть бездельны, аще и исторически глаголемыя, но имут велию силу к предложенных освящению. Еще же и сему внемлем: к тому же типику приложен указ сицевый: подобне купногласно же глаголати всем тайно над дискосом – и сотвори убо хлеб сей; такожде и над чашею – а еже в чаши сей и прочая. Се над обеими теми статьями, над началом и основанием пресуществления и над самым того совершением равный указ положен, еже всем купно сослужащим единогласно, аки из единых уст глаголати сло веса Христова и словеса иерейская. Нам же вестно творится, яко в пресуществлении св. даров не меншея сили суть словеса Христова, пресуществление начинающая, якоже и словеса иерейская, пресуществление навершающая.

Второе. От образа предложеннаго хлеба показуется не простый быти хлеб, но святый и благоговейнаго от нас с поклонением почитания достойный, понеже на нем образ креста

Христова и имя Иисус Хри стово печатию изображенно. Аще почитаем крест Христов, на чесом либо изображенный, и покланяемся ему, убо и на хлебе того изображенна должни есмы почитати и покланятися. Аще имя почитаем Иисус Христово, на чесом либо написанное и покланяемся тому, то что возбраняет покланятися имени Иисус Христову на св. предложенном хлебе изображенному?

Третие. От именования вещи предложенныя показуется не простый быти хлеб, но святый и благоговейнаго от нас с поклонением почитания достойный, понеже ово агнцем нарицаемый, ово же вообразным тела Христова. Агнцем в начале проскомисания нарицается, егда иерей, изъимая от просфоры, глаголет: яко овча на заколение ведеся и яко агнец не порочен прямо стригущаго его безгласен [Ис. 53: 7]. И паки разрезуя крестообразно, глаголет: жрется агнец Божий, вземляй rpехи мира[Ин. 1: 29]. Убо несть простый хлеб, но агнец, вместо агнца не порочна Христа, пожершагося на кресте за грехи всего мира, имеяй самым тем быти агнцем Христом в пресуществлении. Вообразным же тела Христова восточныи отцы нарицают его в возглашении и по возглашении словес Христовых, пред взыванием Св. Духа. Сице св. Василий Великий в литургии своей глаголет (л. 33): предложше вместообразная св. тела и крове Христа твоего, тебе молимся и тебе призываем и проч. И святейший Иоаким в прежде помянутом поучении своем учит, яко предложенныя св. дары прежде пресуществления своего суть вообразная тела и крове Христовы. Святый же

Иоанн Дамаскин не токмо прежде пресушествления, но уже и пресуществленным сущим св. дарам нарицает я вообразными; сице в книге 4 о вере, в главе 14, на конце главы глаголет: возобразная же будущим глаголются, не яко не сущая истинне тело и кровь Христова, но яко ныне убо теми прича щаемся Христову божеству, тогда же умне самым зрением. До зде Дамаскин. Мы же внемлем речению сему «вообразная», си есть, самыя вещи бытие абие, имущия образ, хлеб предложенный есть образ имущаго быти абие тела Христова, вино же образ имущей быти абие крове Хрпстовы. Зде разсудити подобает: который образ Христов есть честнейший и большея святыни? Той-ли, иже на дсце шарами и вапами изобразуется или сей хлебный? Поистинне сей хлебный несравненно есть честнейший и большея святыни, паче онаго на дсце изобразуемаго; по неже оный, иже на дсце образ Христов никогдаже пресуществитися в тело Христово, аще и зримо есть тело, обаче несть самое Христово тело, но шаровныя вапы, сей же образ Христов, глаголю, предложенный святый хлеб, иже и агнец всячески имат абие действием Святаго Духа пресуществитися в самое тело Христово. И аще на дсце напи санному образу Христову мы правоверныи благочестно покланяемся, кольми паче покланятися подобает образу тела Христова, хлебом агнчим изобразуемому, несравненно большему сущу паче образа на дсце изображеннаго. И якоже не покланяяся образу, на дсце изображенному, несть благочестив, но злочестив, сице не покланяяйся вообразным тела и крове Христовы в возглашении словес Христовых и инем возбраняяй, не мнит ся благочестив быти.

Четвертое. От самых словес Христовых показуется не простый быти хлеб, но святый и благоговейнаго от нас с поклонением почитания достойный, понеже, якоже прежде речеся, патриарх, имея возгласити словеса Христова, отлагает митру, налагает омофорий, прекланяет главу, воздвиг десницу, с благоговением, глаголет в лице Христовом: приимите ядите, cиe есть тело мое и прочая. Людие же с благоговением поют и глаголют: аминь, еже есть буди тако, да совершится хлеб телом Христовым, а вино кровию Христовою. Таковый указанный чин и благоговенство что ино знаменует, разве cиe, яко предложенныя святыя дары не суть простый хлеб и простое вино, но избранны, предложенны и нареченны абие самым телом и кровию Христовою быти. Помыслити же буди cиe: аще кто избран и наречен будет на царство, но не у помазан, не почитаемый-ли бывает от всех, яко истинный царь и не покланяются-ли ему, яко самому истинному царю? Такожде аще кто и на патриаршество избран и наречен будет, но не у поставлен, не почитаемый-ли есть, якоже и самый истинный патриарх, и не покланяются-ли ему, яко самому патриарху? Подобне помыслити и о св. агнце избранном, предложенном и основанием пресуществлением Христовыми словесы нареченном быти aбиe самому истин ному телу Христову, несть-ли достоин от нас в возглашении словес Христовых благоговейнаго с поклонением почитания. Избранный на царство, аще и не у помазан, обаче несть простолюдин, но нареченный царь; избранный в патриаршество, аще и не у поставлен, обаче несть простый клирик, но нареченный патриарх; агнец святый в возглашении словес Христовых, аще (по греческия церкве исповеданию) и не у совершился пресуществлением, обаче несть простый хлеб, но нареченный словесы Христовыми быти aбиe тело Его, Христово, и вино кровь. Да истяжут убо свою совесть дepзaющии не боязненно св. дары в возглашении словес Христовых нарицати простым хлебом и вином и поклонение им возбраняющии, – правою-ли совестию и правым-ли разумом и благочестием cиe творят. Кольми паче вменяющии поклонение то в ересь, в грех смертный тяжкий и в душевную погибель, да разсудят сами себе, добре ли тако умствуют и праведно ли творят, смущающе люди Божия, навыкшия издревле достодолжным поклонением почитати святыя дары в Христовых словес возглашении.

Пятое разсмотрение. Кланяющиися в возглашенини словес Христовых приимите, ядите и проч., твари-ли отдают поклон Божий?

Перво неже на сей вопрос отвещаем, ведати подобает, во 1-х, кто твари отдает поклон Богу приличный? Ответ. Поклон Богу при личный твари отдают вси Бога не знаюшии язы́цы, погане, которые тварь и дело руку своею, яко то болваны, кумиры, идолы истуканные или изваянные, рукама своима соделавше, за богов оные почитали и поклон им, Богу творцу единому приличный, отдавали и жертвы оным при носили, о них же глаголет премудрость во гл. 13 сице: суетни же убо вси человецы, в них же не подлежит премудрость о Бозе [Прем. 13:

1] и прочая. И св. апостол к Римл. 1: измениша, глаголет, славу нетленнаго Бога в подобие образа тленнаго человека и птиц, и четвероногих, и гад и прочая [Рим. 1: 23].

Второе. Отдавали поклон Богу приличный твари отступники от Бога, апостаты, каковые были в ветхом завете жидове Израилиты, иже, укосневшу Моисею на горе Синаи, сотворили тельца в Хориве и поклонишася истуканному и измениша славу Божию в подобие тельца, ядущаго траву [Пс. 105: 19–20] и потом многажды. А в новой благодати таков бе между иными Иулиан апостата отступник, который, оставивши веру в Христа Бога, ко многобожию поганскому обратился и повелел отверзти поганския божницы поганом и приносити идолом бездушным жертвы и сам с ними приносил. Сии поклон Богу приличный твари отдавали. А о православных христианех негде того не чтется, ни обретается, ни слышно, наипаче сих времен ни о едином таком человеку, ни из иноверцов (аще они и извне токмо христиане являются), дабы кто имел твари отдавати поклон Божий. Убо лживое и неправое тех есть мнение, которые поклон творимый в возглашении от иерея словес Христовых мнят и вменяют за поклон твари творимый, а не Богу творцу. И еще ведати подобает, яко сугубый есть поклон и почесть, от людей тво римая; ин есть поклон Богу, ин творцу всяческих, а ин поклон твари. Кланяемся Богу яко творцу, кланяемся и твари, яко властем начальным.

О поклоне и чести, каковый Богу яко творцу от твари воздатися должен, сице глаголет писание святое: Господу Богу твоему поклонишася и тому единому послужиши, вторый закон, гл. 6 [Втор. 6: 13]. И сей поклон гречески нарицается λατρεŸα, по нашему работа или служба и честь Богу, которая наипаче в жертвах и в кадиле Богу приносимая состоит. И сия прежде закона от патриархов, т. е., от Авеля, Ноя, от Авраама, Исаака и Иакова и от Мелхиседека и от прочих Богу приносима бяше в жертвах кровавых, в волах, юнцах, овцах и в прочих животных. А по законе от Моисея узаконися и от Аарона и сынов его жерцов приношашеся Богу такожде в животных. А потом, по законе, в новой благодати от Христа Господа заповеданна, а от св. апостол прията и нам, христианом, преданна, а от нас приносится по вся дни в безкровных жертвах и даже до скончания мира приноситися будет, по заповеди Христовой, глаголющей: cиe творите в мое воспоминание. И сия жертва при поклонении самому токмо единому приличествует Богу, а иному никому, ни святым божиим, ни ангелам, ни самой пресв. Богородици Деве, токмо Богу единому в Троице. О поклоне же и чести, кую тварь разумная твари воздавати должна, много в писании святом имеем доводов, а во 1-х, св. Павел апо стол поучает, глаголя: повинуйтеся наставником вашим и покоряйтеся [Евр. 13: 17]; и паки: всяка душа властем предержащим да повинуется [Рим. 13: 1]; и паки: чти отца и матеръ [Еф. 6: 2]; и паки: царя почитайте [1Пет. 2: 17]; и паки: друг друга честию больше творяще [Рим. 12: 10]. И много о сей почести и поклонах подобных образцов, которые по различию лиц и чинов, и вла стей воздаватися обыкли и должни и повинны, якоже Авраам сотвори, поклонися народу сельному сыном Хетфесовым и Иаков брату своему Исаву поклонися до земли седмижды; такожде и жены и дети и рабыни Иаковли вси поклонишася Исаву. И братия Иосифовы во Египте такожде сотворили. И Иисус Навин паде на землю пред лицем архистратига сил небесных. Сыны пророческия во Иерихоне поклонишася Елисею ниц на лице земли. Такожде и в новой благодати, Корнилий сотник Петру святому пад поклонися. И много есть образцов подобных, которые твари, а не творцу поклон отдают до земный, и должни суть, яко то чада родителем в знамение сыновства, подданные господам в знамение подданства, под начальные началом и властем и прочим лицам честным во знамение смирения, повиновения, послушания и чести. И сей поклон якоже не есть он λατρία т. е., богослужительный и при личный Богу, так и не возбранен есть от Бога в писании святом творитися и воздаватися по чину твари и не вменяется в грех, но паче и повелевается, якоже велит и псаломник: кланяйтеся подножию [Пс. 98: 5]; в св. апостол (якоже выше рехом) велит чадом: чти отца и матеръ и царя почитайте, и воздадите всема вся, ему же честь честь [Рим. 13: 7] и прочая.

Первое. Последовательно таковый поклон и честным дарам прежде пресуществления воздаватися не возбранен, якоже в чиновниках apxиeрейских и в служебниках о том чтем на своих их местах; зри о сем при конце просфоромисания и чиновник л. 103. Того ради кто им кланяется и прежде пресуществления, не согрешает, понеже тым поклоном честь честным дарам предложенным воздает, а не лятрице, си есть, не богослужительне, якоже нецыи мнят, не добре разсудивше.

Второе. От подобия иконы. Якоже кланяяйся иконе Христовой, не твари поклон дает, не вапам, не дсце, на сребру, но Христу, чия есть икона; ибо честь иконы на первообразное восходит. Сице кланяяйся в возглашении словес Христовых вообразным, не хлебу простому по клон отдает, не вину, но вообразным, т. е. самою вещию быти абие имущим – хлебу телом

Христовым, а вину кровию Христовою и тому, почиему велению и узаконению приносятся оныя святыя дары, т. е., Христу Господу; что есть явно видети и створимой в то время молитвы, какую издревле церковь святая тогда велит творити, яже есть верую Господи и исповедую и прочее, по положенному в молитвах, читаемых издревле во время святой литургии.

Третие. От подобия ж. Якоже не возбранно есть кланятися изображенному кресту на какой либо вещи и кто ему кланяется, тот кланяется не твари, не древу, но распятому на кресте Христу Господу, – сице кланяяйся честным дарам в возглашении словес Христовых (аще еще и не пресуществленны), кланяется не твари, ниже веществу хлеба и вина, но Христу Иисусу и Его кресту, изображенному на дарех.

Четвертое. Когда кто творит до земные поклоны господам, вельможам и властем, не твари-ли он тогда поклон отдает? Нельзя сказать, что не твари. И согрешает-ли за тое тяжко смертно? Не мню. Аще убо он не согрешает, отдающи поклон в честь твари, то ни тот согрешает, кто творит поклоны пренесенным честным дарам, на них же и крест есть изображен и лежат на св. месте и во святых сосудах, и уготованы уже абие пресуществитися в тело и кровь Христову.

Пятое. Егда в ветхом завете Моисей и Аарон и вси люди израильстии кланяхуся во время службы и приношения жертвы кивоту, скрижалем и стамне, и жезлу и прочиим, во святая святых бывшим, кому они тогда поклон Божий отдавали? Златому-ли ковчегу и манне, и веществу-ли прочиих, тамо сущих? Никакоже, но самому Богу, к нему же от веществ, тамо зримых, ум свой возвождаху; а ковчег и скрижали и стамну и проч. не яко Бога, но яко святыню, в честь Богу избранную, почитаху, наипаче же предзряще грядущия тайны новой благодати прообразованные чрез стамну, имущую манну, чрез скрижали и прочия вещи; того ради в великом почитании имеяху и кланяхуся пред ними. Аще убо тогда вещем сеновным (яже бяху притчи настоящаго времени благодати Божией) поклон творимый не твари отдавашеся, но самому Богу, кольми паче ныне, егда Христос пришед apxиepeй грядущих благ большею и совершеннейшею скиниею не рукотворенною ни кровию козлею, ни тельчиею, но своею кровию вниде во святая [Евр. 9: 11–12], егда прейде сень законная, благодати пришедшей [Догматик 2-го гл.]. Кланяющиися в храмех божественных пред святыми предложенными дарами, честнейшими паче ветхозаконной манны, в возглашении словес Христовых, не твари поклон Божий отдают, но самому истинному Богу и Господу

Ииcycy Христу Сыну Божию.

Шестое. Св. апостол Павел о имени сладчайшаго Господа Ииcyca глаголет: о имени Иисусове всяко колено поклонится небесных и земных, и преисподных [Флп. 2: 10]. Но на хлебе предложенном есть имя написано Иисус; убо имени тому Иисус подобает кланятися всякому колену. А кто кланятися не хощет, тот противен есть учению св. ап. Павла; и горшым мнится быти за бесов преисподных, понеже и тии кланяются, а сей не хощет кланятися и иным возбраняет.

Шестое разсмотрение. Вселенский собор седмый повелел-ли не кланятися в возглашении словес Христовых?

О собрании седмаго вселенскаго собора книга кормчия, печатанная на Москве, на л. 209, сице пишет в толковании перваго правила: при Константине царе (внуце треклятаго и богоненавистнаго Константина гноименитаго) и при Ирине, матери его, яже бе от Афиней, сей седмый собор бысть 367 богоносных отец советом и умолением Тарасия, священнаго

Архиепископа Константина града. Собор же сих бысть на иконоборцы, рекше, на оклеветающии христианов; и сих прокленше, церкви же древнюю красоту ея дароваша и иконная воображения той имети и любезно облобызати сия добре заповедаша. Такожде и образ честнаго креста поклонятися и облобызати его повелеша. Святых же и прехвальных апостол правила и св. вселенских шести соборов, к сим же и поместных собравшихся, утвердивше; проклятыя от них, проклинают и сии; осужденных же от них некоего ради rpеxa или изверженных, такожде и сии осуждают; отлученныя же от них, отлучают и запрещениям повинных от них, запрещают равно, ничтоже приложивше или отъемше от св. апостол и от богоносных отец изложенных и повеленных. Доселе Кормчия на помянутом листу 209. Колико же правил и о чем седмый собор составил, в той же Кормчей есть известно, что составил собор сей правил 22 и о чем кое правило составлено, там-же хотяй ведати да смотрит. Но во всех тых правилах не обретается повеление тое, дабы в возглашении словес Хри стовых на литургии не кланятися святым дарам предложенным, но ниже во изречениих клятвенных несть воспомяновения никакого о том, дабы не кланятися в словеса Христова на литургии святой. А есть на том соборе о пресв. тайнах тела и крове Христовой о пресуществленных уже воспомяновение сицевое: читаны были на шестом действии иконоборцев уставления, или правила еретическая и хулы на св. иконы; между коими хулами и тайны Христовы во евхаристии святой образами токмо тела и крове Христовы нарекоша, а не самым телом; а тое в тот конец сотворили иконоборцы, дабы якоже икон почитати и покланятися им отрекли, так бы последовательно и пресв. тайнам тела н крове Христовой нарицали типами, т. е. образами, а не самым телом и кровию Христовою. Но святыи Отцы со святейшим Тарасием купно вси и единомысленно отвергше иконоборное мудрование тое, яко еретическое о непочитании св. таин, и предавше оное с прочиими анафеме, чрез Епифания диакона велели огласити, что никто ни от св. апостол, ни от св. отец безкровныя жертвы тела и крове Христовой, яже приносится в воспоминание Господа нашего Иисуса Христа, не называл никогда образом тела и крове Христовой. И сам Христос Господь не глаголал – се есть образ тела моего и крове, но рече: се есть тело мое и прочая; аще прежде освящения и пресуществления и нарицается от некиих хлеб и вино типами, т. е., образами, или вообразными, но по освящении и пресуществлении нарицается и есть истинным телом Христовым, а вино истинною кровию Христовою, а не образами; и сице веровати утвердили на седмом соборе. Внемлите убо зде: что ссылается на седмый вселенский собор, како собор седмый вселенский воспоминает о пресв. тайнах? Велит-ли там некланятися в возглашении словес Христовых? Ей, ни, но токмо велит там пречистых даров Христовых, пресушествленных уже, не называти типами, си есть, образами, или вообразными, но самым истинным телом и кровию Христа Спасителя нашего нарицати, веровати; и нас поучает так же и достодолжнаго поклона оным не отъемлет.

Седмое разсмотрение. Поклон в возглашении словес Христовых творимый естъ-ли мерзость Христу Спасителю нашему?

Мерзко гордому смирениие [Сир. 13: 24], глаголет Иисус сын Сирахов. Сия словеса приличны вменяющим за мерзость поклон Богу творимый на литургии святой в словеса Христовы. Которые, хотяще быти законоучительми, по словесех апостола святаго: ни разумеюще ни яже глаголют, ни о них же утверждают [1Тим. 1: 7], вменяют за мерзость поклон в словеса Христовы творимый – приимите, ядите, а не разумеют того, что в служебнику прежде словес Христовых глаголет иepeй к людем и людие како на то отвещают. Иерей глаголет ко предстоящим: благодарим Господа. И людие вопиют: достойно и праведно есть, покланятися Отцу и Сыну и Св. Духу и прочая. Тоеж и иерей глаголет в молитве, к Богу Отцу оную обращая и глаголя: достойно и праведно тебе пети, тебе благословити, тя хвалити, тя благодарити, тебе покланятися и прочая. Внемлите зде: вменяющий в мерзость поклон творимый в словеса Христова, к кому иepeй глаголет в молитве «достойно» покланятися? Хлебу-ли и вину предложенным? Не Богу-ли единому в Троице, яко же там далее последует: ты бо еси Бог неизречен и проч. Но речет кто зде: мы во иное время литургии не возбраняем кланятися, но токмо в словеса Христовы возбраняем поклона. На что мы отвещаем: аще во иное время литургии святой не возбранно кланя тися, то и в словеса Христова не подобает возбраняти; ибо аще кто кланяется и в словеса Христовы, тот не хлебу поклон творит, по неже ни хлеба ни вина он тогда не видит (сущим тогда затворенным царским вратам, а ему вне олтаря стоящу), но самому Богу кланяется; итак тот поклон не есть мерзок Богу. Еще же и по словах Христовых, и егда и сам иеpeй поклоны творит, призывая Дух Снятый, сей трегубый поклон хлебу-ли отдает и твари, а не Богу; понеже видит на престоле предложенныя дары и покланяется пред ними, ей Богу, а не хлебу. Сице и людие, подобне кланяющиися в возгласех, не хлебу поклон отдают, но самому Богу, яко се есть видети и с молитвы, тогда творимой, еже есть писана при литургии святой в молитвенниках, си есть, верую Господи и исповедую и проч. и вечери твоея тайныя днесь сыне Божий, при словах, до чаши глаголемых. Первое. Несть убо мерзостен поклон Христу Господу творимый от верных его в возгласе словес Христовых, но приятен и богоугоден, ибо по узаконению церкви святой творится и святых отец из древле. Яко же и в нашем уже веце святейшие патриарси, бывшии на Москве, патриарх Константинопольский Афанасий, привезый с собою чиновник, а по нем патриарх Александрийский Паисий и патриарх Антиохийский Макарий; так же и Иоаким святейший и свидетельствовавший тот чиновник архиерейский, положили в словеса Христовы поклон людем творити и руками и закрепили, о чом зри в чиновниках так давнейших, яко же и в недавних. Второе. Приятен есть смиренный поклон Богу, а не мерзок; яве се есть от израильскаго люду, который аще и многажды ко идолослужению был зело приложен и тое идолослужение их зело мерзко бяше Богу, яко же о сем глаголет псаломник: разгневася яростию Господь на люди своя и омерзи достояние свое, яко пролияша кровь не повинну, кровь сынов своих и дщерей, яже пожроша истуканным ханаанским [Пс. 105: 38,

40]. Но елижды от идолов обращашеся к Богу и покланяшеся ему, всегда им Бог не гнушался. Вси книги судейские, царские и пророческие полны образцов таковых. Аще убо обращающимися от идолов к Богу не гнушался Бог, ни мерзил, – кольми паче нас верных рабов своих смиренным поклоном не мерзыт, ни гнушается нами, едина токмо Богу гордыня есть мерзка, по писанию святом: возненавидена пред Богом и человеки гордыня [Лк. 16: 15]. И паки: мерзок есть пред Господем всяк высокосердый [там же], а сердца сокрушенна и смиренна Бог не уничтожает [Пс. 50: 19]; но, видя смирение и труд наш, с покаянием и смирением творимый, отпущает нам вся грехи наша и всегда на смирение наше презирает. На кого призрю (глаголет у Исаии пророка 66), но на кроткаго и молчаливаго и трепещущаго словес моих [Ис. 66: 2].

Да разсмотрят убо сия вся возбраняющии нам покланятися в литургии святой Богу и да разсудят сами в себе, право-ли мудрствуют, возбраняюще тогда поклонов творити, когда наипаче св. церковь велит, глаголя и поя: достойно и праведно есть покланятися Отцу и Сыну и Св. Духу, Троице единосущней и нераздельней, и когда и сам иерей кланяется пред дарами, призывая Дух Святый. Мощно есть зде воспомянути повесть о бесе, заушившем иногда христианина, который, чтый в церкви верую воединаго Бога, не преклонил главы своея и благодарением Христу Господу на словеса сия: и Maрии Девы и вочеловечшася. Подобных или паче больших и горьших заушений от беса боятися треба есть тем, которые не токмо не благодарствуют Богу, но и в мерзость вменяют поклони, творимые в словеса Христовы. Аще бо тогда при едином токмо воспомяновении воплощения Христова не потерпе диавол не благодарному христианину, но зауши его, что не поклонися, кольми паче зде в литургии святой, когда важнейшие слова возглашает сам Христос устама иepea служаща, и, подавая нам тело и кровь свою глаголет: приимите, ядите, се есть тело мое и се есть кровь моя, а нам, христианом, яко болваном бездушным стоящим не поклоншим глав своих, не потерпит диавол, заушит, аще не в сий век, то в будущий. Кое бо есть над cиe безумие горшее и большее безчеловечие и буйство: Господу и Богу подающу нам тело и кровь свою в пищу и питие чрез руки иepea, а нам такой пребогатой трапезы не благодарным быти, ни главы приклонити.

Аще кто нас когда от господ или другов сосед к себе призывает на тленную пищу и мы, ядше и пивше, не благодарим-ли ему за тое и не отдаем-ли поклона? А Христос сын Божий, творец и избавитель нам, не тленным, но пречистым и дражайшим телом своим кормит нас, подавая и глаголя: приимите и ядите, cиe есть тело мое; и кровию своею дражайшею поит: пийте от нея вси (глаголя), сия есть кровь моя, а нам толикой его благодати не благодарным быти и не токмо самым поклонитися не хотети, но и прочиим хотящим не велети и возбраняти. Что нам за cие чаяти от Бога, коего воздаяния или мести разсудемо.

Чтем и слышим притчу во евангелии святом о царе, сотворшем брак сыну своему, или вечерю велию и пославшем призвати званныя на браки в год вечера, где званныя вси когда начаша отрицатися и не хотяху приити, тогда (глаголет евангелие святое) разгневася дому владыка [Лк. 14: 21] и прочая. Что же с нами сотворит прит чею сею преобразованный Христос Господь Сын Божий, который, призывая нас в литургии святой чрез рабов иереев на тайну вечерю, подает нам чрез них не от мяс тельчих и юнчих [Пс. 49: 13], но самую истую плоть и кровь свою святую, глаголя: приимите, ядите, се есть тело мое и проч. А мы не токмо когда отрицатися будем, но еще и не благодарни и не поклонимся ему. Не разгневается-ли на нас подобне или и горей? Христос Господь глаголет: плоть моя истинное есть брашно и кровь моя истинное есть питие [Ин. 6: 55]. И паки: взем хлеб на тайней вечери, и преломив, рече: се есть тело мое, аки бы рекл – се есть тело, которое, Духу Святому нашедшу и силе вышняго осенившей, зачатся от пречистых девических кровей без хотения мужеска. Се есть тело мое, которое родися от матере Пречистой яко пред рождеством девы, так в рождестве девы, приснодевы (глаголя) единим словом. Се есть тело, которое при рождении и по рождении своем многия беды, нужды, скорби, нищету, глад и хлад, неспокойствия, гонения и бедства и бегства в Египет и из Египта в Назарет терпело доблественно, а все тое для спасения человеча. Се есть тело, которое в возрасте совершенном от жидов неверных ненависть, вражды, уко ризны и досады многие поносило. Се есть тело, которое прикосновением своим всякия болезни исцеляло, слепых просвещало, больных уздравляло, хромых возставляло, глухим слух давало, немым язык к глаголанию разрешало и мертвых воскрешало. Се есть тело мое, еже на тайней вечери учеников своих собою кормило, а кровию поило, хлеб и вино в плоть и кровь свою пременивше, глаголя: приимите, ядите. Се есть тело мое, прежде страсти кровавым облиянно потом, а в день вольныя страсти при столпе бичованно, на лице заплеванно, на главе тернием венчанно, на выи заушенно, по ланитах ударенно, от главы и до ногу уязвленно и, наконец, на кресте распято, на руках и ногах гвоздием пробито и копием по смерти в сердце прободенно за спасение ваше. Се есть кровь моя, иже изыде с водою от прободеннаго ребра на омытие скверн грешнаго человека. Сия и подобная сим при литургии святой и в возглас словес Христовых человек размышляяй и со умилением и благодарением покланяяйся Христу Господу Иисусу, мерзостен-ли оному бывает? О нелепаго и богопротивнаго учения таковаго людей не смысленных, почитающих за мерзость достодолжное почитание и поклонение, воздаваемое Христу Богу! Лучше было поне паче им распинающих воинов подражати, которые покланяхуся Христу Господу на колену, аще и ругательно, или паче ревновати убийцам Христовым Анне и Каияфе и прочиим книжникам и старцем иудейским, которые, аще сами и не покланяхуся пред Господем Иисусом, но воином кланятися пред ним не возбраняху; сии же ни сами кла няются и кланятися хотящим возбраняют, вменяюще в мерзость. О крайняго безумства и невежества мерзкаго умствующих сице! О неразсудныя главы и не смысленнаго ума, поучающаго неправды! О заповеди безумной, в сомнение люд простый приводящей, о поклонении достодолжном честным дарам Христовым! О сицевых то учителех неправых и упорных глаголет св. апостол Павел: яко содержат истину в неправде и не разумеюще Божия правды, а свою правду поставити ищуще, правде Божией не повинушася [Рим. 10: 3]. Но что имамы к сицевым глаголати, разве сии словеса: не льститеся противницы, навык ните держатися прежних уставлений церковных, не преступайте предел, яже положиша отцы. Коль многое множество угодников Божиих Россия имеет, их же мощи исцеления подавают различна, и мы их за великих святых почитаем, а оны сих словопрений не слыхали никогда.

Где кто чел в житии св. чудотворцев Петра, Алексия и Ионы о сих вопросах не полезных? Не стязалися оны о сем, когда или в кий час Дух Святый на предложенныя дары приходит и пресуществляет, токмо веровали несумненно, что пресуществляются св. дары в литургии святой – хлеб в тело, а вино в кровь Христову и пленяли разум свой в послушание веры, поминающе словеса Христовы, к близ нецу реченные: блажени не видевшии и веровавше [Флп. 20: 29]. Сим и мы подражати потщимся, не состязающеся, когда совершаются тайны; аще бы человек знал когда, не были бы тайны, но явны; но Господь тое скрыл от нас, глаголя: не весте, когда Господь ваш приидет [Мк. 13: 35]. Дух, идеже хощет, дышет, но не вемы, откуду приходит и камо грядет [Ин. 3: 8]. Довлеет нам, что святыи отцы на вселенских соборах предали, а по них бывшие утвердили и типу в скрижали и жезле предали; не ищемо кроме сего предания болей. Известно есть всем, что вефсамиты пострадали от Бога, дерзнувше в кивот Господень воззрети; 50,000 мужей и 70 начальных погибло. Подобной же казни боятися требе есть касающимся о пречестных дарех разглагольствовати дер зостно и хотящим уведати тайны Божия, яже суть сокровенны; не терпит тайна испытания. Того ради лучше есть молчанием почитати святая со смиренным поклоном, нежели о них умствовати дерзостно. Воспомянем словеса апостола св. Иакова, Божияго брата, который в литургии своей во время еще перенесения божественных даров заграждает уста всем любопытцем, глаголя: да умолчит всяка плоть человеча и да стоит со страхом и трепетом, и ничто же земное в ceбе да помышляет; ибо царь царствующих и Господь господствующих происходит заклатися и датися в снедь верным. Предъидут же сему лици ангельстии со всяким началом и властию, и многоочитии херувими и шестокрилатии серафими, лица закрывающе, и вопиюще песнь: аллилуиа 3-жды.

Paзсудим зде словеса песни сея Иакова святаго. Во 1-х, молчать велит, а не словопретися, когда Дух Святый находит на пречестныя дары. 2-е, стояти со страхом и трепетом, а не испытословити не изследованных судеб и таин Божиих; исчезоша испытающии испытания, глаголет псаломник (пс. 63) [Пс. 63: 7]. 3-ее ни о чем земном не помышляти, но ум ко Богу возводити, вся попечения житейская отвергше. 4-ое, разсуждати, како честныя дары почитают архангели, ангели, на чала и власти, многоочитыи херувими и шестокрылатые серафими, ничого там от них не слышноо пресуществлении, токмо то едино, что не дерзают, аще и многоочитые, ни возрети, а не токмо любопытствовати, но лица свои закрывают, едино токмо поюще: аллилуия. Сице и нам подобает с молчанием и страхом, и трепетом, и благоговейно стояще, подражати небесным силам, якоже нас о том поучает и св. церковь, чрез диакона глаголя к нам: станем добре, станем со страхом, [вонмем] святое возношение в мире приносити, а не во вражде и ссоре и словопрениих не полезных, раждающих свары. Да не что подобно или горше постраждем, якоже Иудее во святых святая, пришедше на молитву, заводили торжища, продающе овцы и волы, и голуби, и деньги меняли, за что их Христос Господь, сотвор бич от вервий, всех изгна из церкви, глаголя: дом мой, дом молитвы [Лк. 19: 46]. Нас же, почитающих божественная честне, от сего да сохранит своею благодатиею и человеколюбием Христос Бог, Ему же со Отцем и со Святым Духом честь и слава и поклонение ныне и в безконечныя веки, аминь.