Возражение, или разорение смиренного Никона, Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Ответ²

Три тайны есть, которые дают знамение, которые николи не грешится и не износится: крещение и миропомазание и священство. Ради чего поется, что знамение не изыдет из человека, что когда один есть во священстве, естли умер а опосля воскрес опять не освящал бы ся болше; потому что имеет знамение на души своей. Но всегда и тот, который не впрямь освящен или не впрямь окрещен, того опять посвящают и крестят потому, что как тот не принял священства, как и тот крещения. Чтый правила святых апостол где сыщеш, яко аще епископ или священник когда б крестил опять извержется, потому что падет в ересь новокрещенцов и преступают святое исповедание веры, в котором говорим и исповедаем едино крещение во оставление грехов, едино а не двое крещение свидетелствуем и проповедаем. Убо и архиерей который освящается дважды, свержется, понеже едино есть архиерейское священие и един Пресвятый Дух, который помазал внутреннюю якоже и апостолов в день пянтикостия хиротонисал и посвятил пастыри и учителие. Убо едино от двоих: аще ли архиерейство не имел преже того Никон, прежде Патриаршества, а будет ли имел священство архиерейское, а приимал опять, есть тым сам извержен; для того что дважды принимал священство архиерейское против заповеди церковной и отеческаго предания и извычая всей Вселенской Соборной Церкви.

Разорение 1-му вопросу и ответу

В предисловии вашем написано: рече Господь наш Иисус Христос: Аз есмь путь и живот и истина, и прочая.

Ответ

Да почто начасте от истины все написасте неистинно, якоже впреди покажется; но познаете, яко вы отца вашего диавола есте, и похоти отца вашего хощете творити. Он (л. 2 об.)³ человекоубийца бе искони и во истине не стоит, яко несть истины в нем, егда глаголет лжу, от своих глаголет, яко лож есть и отец лжи. Рцы ми, Симеоне, которыя книги тебе повелевают на мя о безвестных свидетелствовати.

Господу⁴ глаголющу: не судите, да не судими будете, ким же бо судом судите, осудитеся.

Не⁵ судите, и не осудитеся, не осуждайте, и не осуждени будете.

Тем⁶ же не прежде времени судите, Дóндеже приидет Господь, иже просветит тайная тмы и явит советы сердечныя, и тогда похвала будет коемуждо от Бога.

Подобало тебе, Симеоне, первие себе (л. 3)⁷ исправити якове любо согрешении. Господу глаголющу: что же видиши сучец во очеси брата твоего, бервна же во очеси твоем не чюеши. Или како речеши брату своему: остави, да изму сучец из ока твоего, и се бервно во оце твоем. Лицемере, изми первие бервно из очесе твоего и тогда прозриши изъяти сучец из очесе брата твоего.

Тем⁸ же безответен еси, о человече, всяк судяй. Вем же, яко суд Божий воистину на творящая таковая. Помышляеши ли се, о человече, судяй таковая, яко ты убежиши ли суда Божия? Ныне о сем умолчим.

Ты убо, о Паисею, глаголеши, пиша болярину (л. 3 об.)⁹ Симеону Стрешневу, яко выучени есмь от Иерусалимскаго началоучителя Христа моего проповедати истину, как на настречах¹⁰ , как в церковных местех на амвонех поставил есмь дать сей мой ответ. И проч.

Повелено ти есть в своей области и епархии учити и проповедати, а не идеже приидешь, без воли святейших вселенских патриарх.

Господу¹¹ глаголющу: Аз от Бога изыдох и приидох, не бо от себе приидох, но Он мя посла.

Ови¹² убо разсеяни бывше от скорби, бывшая при Стефане, приидоша до Финикия и Кипра и Антиохия, никому же глаголюще слово, разве единем июдеом.

(л. 4)¹³ Павел¹⁴ , раб Иисус Христов, зван апостол, отлучен во благовествование Христово.

Како¹⁵ же услышат без проповедающаго, како же проповедят, аще не послани будут.

Павел¹⁶ апостол Иисус Христов по повелению Бога и Спаса нашего.

Тебе же кто повеле семо приити, учити и законы новы творити.

В Халкидоне Вселенскаго собора правило 5.

Преходящии¹⁷ из града во град, иже от них правилом повинни суть.

Толкование.

Речено есть в третиемнадесяте правиле, иже во Антиохии собора, яко не дерзнути епископу преити от своея области во иную и поставити презвитера или диакона без воли сущаго во области (л. 4 об.)¹⁸ той епископа или ино что епископское творити правление: аще бо и сотворит что таково, праздно и нетвердо да пребудет, и той месть да приимет своего безчиния и извержен да будет от своего сана Святою Троицею. Тако бо и зде написаное правило повелевает.

Поместнаго собора во Антиохии Сирстей. Правило 13.

Аще¹⁹ никим же позван, ни умолен быв епископ, во иную область отшед, и поставит презвитера или диакона или правление некоторое церковное творит, таковая нетверда и разрушена да пребудут, а он да извержется.

Толкование.

Многа правила обрящеши о сем (л. 5)²⁰ возбраняюща, еже не преходити епископу от своея области во иную и поставляти в ней презвитеры и диаконы или иное что епископское творити, токмо аще где позван будет, умолен от страны тоя епископа таковое что творити. Аще же от своего дому во иную область пришед поставит презвитера или диакона или строение церковных вещей некое правление сотворит, нетвердым и разрушеным быти от него сотвореным и самаго изврещи правила повелевают.

Поместнаго собора Сардикейскаго правило 3.

Никоторый²¹ же епископ не позван во град да не приидет, и епископ с епископом, аще (л. 5 об.)²² имать прю, чюжаго епископа да не призовет, аще ли же ни, да судит Римский, ту будут чюждии.

Толкование.

В различных правилех речено есть, еже никому же дерзнути от своего предела во иную область преходити, аще не будет позван от области тоя митрополита и от сущих с ним епископ, тожде убо и сей святый собор повелевает. Но аще который епископ с другим епископом о некоей вещи разпрю имать, и с ним да судится пред собором тоя области, в ней же есть. И не подобает от иныя области разума ради неких епископ призывати, но от единех тоя области епископ судитися. И аще не угоден ему будет суд и мнит, яко не по праву осужен быв, судивый (л. 6)²³ его митрополит и епископи да возвестят Римскому Папе писанием вину и суд, како осудиша и. И аще не восхощет того суда, и той или сам разсмотрив суд, аще право осужден бысть, возвестит им писанием, аще ли ни, тамо близ их сущия области епископом повелит, да сотворше собор, судят ему паки второе.

Правило 12.

Позван епископ от епископа позвавшему же его не вежде сущу, да не глаголет почасту в людех, порок бо есть невеждному и обругание епископии его и обое не без порока.

Правило 13.

Без нужди тяжки бедно есть епископу свою церковь надолзе²⁴ оставляти.

Толкование обема правилома.

(л. 6 об.)²⁵ Аще который епископ в другий град преидет, позван бысть епископом страны тоя, и аще будет позвавый его епископ невежда, не ведый добре божественых писании и учителству неискусен, позвавый епископ да не учит люди прилежно и да не глаголет в народе много божественных писаний. Таковое бо дело мятеж составляет и преобидение творит позвавшему его епископу, мнит же ся указанием таковаго учения, чюжду себе обручая церковь и люди к себе привлачая и тщася преданую ему церковь оставити и в ту преити. Сего ради убо повеле сей святый собор, да позваный епископ вящше трий недель от своея церкви да не останет, (л. 7)²⁶ но к порученым ему людем да возвратится, аще не некая нужда тяжка и вещь неудобна сотворит его вящше того пребыти от своея церкви.

Правило 18.

О²⁷ епископстем закоснении и о презвитерстем и диаконстем, изложеныя заповеди да имеют силу.

Толкование.

Да ни который же епископ своего стада не оставляет и во инем граде вящше триех недель не пребывает, се убо и презвитером и диаконом, да и тии боле триех недель не оставляют своих церквей.

Правило 21.

Иже²⁸ добре и богоприятне изведеная буестию поколебати покушается, (л. 7 об.)²⁹ несть епсикоп, виден же быв епископ грядый в стан, пакости да не приимет, аще позван будет прежде реченных ради грядый, аще же инако.

Толкование.

Иже не хранит добре и богоугодне исправленых заповедей, но буестию и гордостию ино нечто паче заповеданных творити дерзнет, и чести и сана епископскаго да извержется, понеже уже исправлено есть, инако не ходити епископув стан царев аще не царскими грамотами позван будет. Аще убо мимо грядый епсикоп хотя ити в стан царев и обитает у другаго епископа, подобает убо епископу, у него же обитает, (л. 8)³⁰ вопросити вины шествия его, чесо ради грядет. И аще обрящет его по тому образу, якоже прежде рекохом или обидимых ради сирот же и вдовиц, да помолится о них, или иных ради таковых полезных вещей в стан царев грядет, да не спакостит ему никако же, но с честию отпустит его и да пишет о нем к сущим во области братии своей епископом всем приимати того незазорно, яко шествующа по правилом же и без соблазна. Аще же инако обрящет того в стан царев грядуща или показатися цареви хотящу или о неких непотребных вещех молитися, яже неподобна суть архиереом, не приобщатися к нему, ни грамот подписывати, (л. 8 об.)³¹ ни промышления, ни единаго же отнюдь сподобити того.

Карфагенскаго собора правило 23.

Епископ³² да не идет на он пол моря, аще от старейшины страны своея отпустную грамоту не возмет о прехождении.

Толкование.

Ни епископу, ни причетнику далече отходити от своея церкве несть достойно без повеления и без отпустныя грамоты митрополита своего, якоже Средческий и Лаодикийский собор повелевает.

Правило того же собора 106.

Некия³³ ради нужды хотя к церкви отъити да яве сия сотворит к Архидонскому епископу и Римскому и отпустное послание да возмет, аще ли ни, без общения есть.

Толкование.

(л. 9)³⁴ Епископ или причетник, аще восхощет поити к церкви, да скажет первие вину к Архидонскому епископу, ея же ради идет и возмет от него грамоту отпустную, и в Рим пришед покажет ю епископу Римскому и да явит ему вину, ея же ради идет к церкви, и той да разсудит. И аще будет подобна вина да возмет и от того грамоту, ею же от царя приимет помощь. Аще же кто от епископ или от причетник инако к церкви отъидет, да будет без общения, сиречь да отлучится. И о сем ищи правило 11 Антиохийскаго собора и 9 правило в средце собора.

Шестаго Вселенскаго собора правило 20.

Епископ³⁵ во инем граде в народе (л. 9 об.)³⁶ не учит, аще же обрящется да престанет от епископства и презвитерская действует.

Толкование.

Епископ во инем граде в народе уча, понеже гордости и буести ради, преобидит ту сущаго епископа, яко тщася посрамити и уничижити и чюждий престол себе обручити, по достоянию да престанет таковый от епископства, иже бо чюждих желает, своих лишен будет и на презвитерское место свети того и презвитерская да действует. И назнаменай се когда епископ на презвитерское место сводится, ибо 29 правило Халкидонскаго собора святотатство отнюдь нарицает, еже епископа на презвитерский свести степень, и имей (л. 10)³⁷ сие правило преболше вселенскаго онаго правила.

От свитка новых заповедей правило 3.

Никому³⁸ же от епископ боле единаго лета от своея церкви пребыти подобает, обаче аще и то будет по цареву повелению, да не творят же извета, глаголюще, яко «церкви моя во многих обидах есть», но таковая причетники или икономы или посолники подобает исправляти. Сим же без ставилных грамот не ходити, ни пришедшим же в Царьград явитися цареви, но прежде приити ко преосвященному патриарху или коейждо области посолником, от нея же и тии суть, и тем сказати вины, ея же ради прииде, и тако потом с ними входити (л. 10 об.)³⁹ к церкви. Подобает же епископом вестники великия церкве или посолники патриарховыми возвещеном бывати цареви, яко да аще или праведнаго что просив у царя получити или неправедна что не получи вскоре возвратися.

И что к сим отвещаеши, глаголи.

Како ли смел еси в чюждей епархии учити и законополагати о несведомых, еже несть ти прощено от Евангелия и святых апостол и святых отец, во Евангелии же пишется.

Евангелие.

Отвещав⁴⁰ убо им Иисус и рече: Мое учение несть Мое, но пославшаго Мя. Аще кто похощет волю его творити, разумеет о учении его, кое⁴¹ от Бога есть, или аз о себе глаголю, глаголяй о себе, (л. 11)⁴² славы своея ищет, а ищай славы пославшаго его, сей истинен есть и несть неправды в нем.

Несмы⁴³ якоже нецыи корчемству слово Божие не от чистоты, яко от Бога пред Богом о Христе глаголем, утешение бо наше не от прелести, ни от нечистоты, ниже лестию, но якоже искусихомся от Бога верни быти, прияти благовествование. Сице глаголем не яко человеком угождающе, но Богу искушающему серадца нага, не бо в слове ласкания когда быхом, якоже весте, ниже виною лихоимания, Бог свидетель, ни ищуще от человек славу, ни от вас, ниже от инех могуще в тяготе быти яко Христови апостоли.

Видиши ли, яко не подобает инако (л. 11 об.)⁴⁴ учити или законополагати. Сего⁴⁵ ради и Господь учит, глаголя: Аминь, аминь, глаголю вам, не входяй дверми во двор овчий, но прелазя инуде тать есть и разбойник, а входяй дверми пастырь есть овцам. И по мале: Аз есмь пастырь добрый, вси елицы приидоша, татие суть и разбойницы, но не послушаша их овцы.

Но⁴⁶ аще мы вам или ангел с небесе благовестит, паче еже приясте проклят да будет.

Аще⁴⁷ кто инако учит и не приходит к здравым словесем Господа нашего Иисуса Христа, иже по благочестию и учению разгордевся ничто же сведый. И прочая.

И паки. Шедше, рече Господь, научите вся языки, крестяще их во имя (л. 12)⁴⁸Отца и Сына и Святаго Духа и учаще их блюсти вся елика заповедах вам. И паки рече: Шедше⁴⁹ в мир весь проповедите Евангелие всей твари, иже веру имет и крестится, спасен будет, а иже не имет веры, осужден будет. Како вы можете веровати славу от человек приемлюще славу же, яже от единаго Бога не ищуще.

Ты убо, о Паисее, емлеши ли сим веру и аще возглаголеши, яко имаши веру писанию твоему на тя свидетелствующу странному и несведомому нами, яко от овец Христовых, но волк являешися вместо пастыря, смущая и разгоняя стадо Христово не преданое тебе, аще ли не доволно ти есть?

(л. 12 об.)⁵⁰ К сим еще присовокупим.

Всех⁵¹ святых апостол купно два правила. Правило 1.

Койждо в даном ему чину да пребывает и не преступайте заповедей, не суть бо наша, но Божия. Якоже рече Господь: Слушаяй вас, Мене слушает, и слушаяй Мене, слушает пославшаго Мя, и вас отметаяйся, Мене отметается, и Мене отметаяй, отмещет пославшаго Мя.

К сим же святаго 7-го Вселенскаго собора правило 1 запрещает ниже приложити что любо или отъяти, якоже и самая истина зде явит.

Правило⁵² первое.

Святая правила облобызающе приемлем и держим святых апостол и шестих Вселенских (л. 13)⁵³ собор, к сим же и поместных, и еще же и святых отец наших, яко единаго Святаго Духа вдухновена. Их же прокляша проклинаем, их же извергоша, изметаем и их же отлучиша, отлучаем, им же запретиша, запрещаем.

Ин перевод.

Иже⁵⁴ священнический⁵⁵ получивше сан ведения же и правления канонных повелений, си есть воображения, яже приемлюще радостно с богодухновенным Давыдом поем Владыце и Богу глаголюще: на пути свидении Твоих насладихся, яко в богатстве мнозе, заповедал еси правду свидения Твоя, Владыко, вразуми мя и жив буду. И во веки пророческий глас заповедует хранити заповеди Божия и жити в них (л. 13 об.)⁵⁶ яко непоколеблемы и недвижимы пребывают, якоже боговидец Моисей рече, в них же несть приложити и от них несть отъяти.

И⁵⁷ божественный Петр в них хваляся вопиет, в ня же желают ангели приникнути. И⁵⁸ Павел, аще и ангел благовестит вам паче преданаго, проклят да будет. Сим сице сущим и свидетелствующим нам радующимся о них, якоже кто обрящет корысть многу, сладкобожественыя каноны утвержаем и цело пребывание их неподвижимо утвержаем, заповеданных от святых духовных труб, прехвалных апостол и шести святых всея Вселенныя собор и поместных (л. 14)⁵⁹ собравшихся, преданием тако в них повелений святых отец наших.

От единаго бо еси Святаго Духа озарени бывше, повелеша яже на ползу и их же проклятию предаша и мы проклинаем, их же извержению и мы извергаем, и их же запрещению и мы запрещаем, и их же отлучению и мы отлучаем. Не сребролюбен имуще нрав, но доволни сущими, иже возшедый на третие небо и слышав неизглаголанныя глаголы, Павел божественый апостол яве вопиет.

Того же святаго седмаго Вселенскаго собора.

Неправе святых учителей Божия Церкве божественыя гласы восприемлющим и яве и явствено в них благодатию Святаго Духа реченная, инако толковати же (л. 14 об.)⁶⁰ и превращати покушающимся да будут прокляти.

Такожде и святый Кирилл Александрейский глаголет: аще кто от исправления и утверженых богоносными отцы подвигнет что к тому, таковаго несть како нарещи строением, но преступление и попрание повелений и к Богу нечестие.

Того же.

Отметающим гласы святых отец возгласившия ся о составлении правых догмат Божия Церкви Афанасия и Кирилла, Амвросия, Амфилохия богоглаголиваго, Леонта святейшаго архиепископа стараго Рима и прочих, еще же и Вселенских соборов деяния, четвертаго, глаголю, и шестаго не лобызающим да будет проклят.

(л. 15)⁶¹ В Неделю первую поста.

Мы убо древнему законоположению церковному последуем, мы заповедания святых отец соблюдаем, мы прилагающих что или отъемлющих от церкве проклинаем, мы вводимое новозаконение христианохулник еретик проклинаем, мы не мудрствующих тако проклятию и анафеме предаем.

Сия суть и такова святых отец наших и учитель, яже о православной вере подвизания сих труды и болезни прият человеколюбец Господь паче всякаго плодоприношения. Блажени убо и треблажени суть вси, елицы несумненым сердцем сохраняют, яже онеми укреплена и предана Быша Божественая и предания и учения. Блажени (л. 15 об.)⁶² убо суть, иже онеми осужденая и уничиженая омержающе и отвращающеся хулных преданий и разумения.

Глаголеши в своем ответе в предисловии.

Ответ Паисеев. Аще истина речется прение, а наипаче к тому утверждает истину, наживет на себя враги, яко Предтеча Иоанн, еже обличил беззаконнаго Ирода для того, что он держал жену брата своего еще сущу живущу, яко некия глаголют, еще и чад имел от Иродиады отроковицы и до конца погубил живот свой, тако и глава отсечеся. И на се все проповедник евангелский, а наипаче аще бы архиерей есть, должен бывает и тягость имети в душу (л. 16)⁶³ свою, аще не будет являти и проповедати и глаголати пред царем не стыдяся.

Возражение противо ответа Паисеина.

Ты глаголеши, Паисею, аще истина речется, прение наипаче к тому утверждает, наживет на себя враги. И впреди о твоем презорстве показано не баснями, якоже ты глаголеши, но истинным свидетелством, и ныне глаголю ти. Аще бы и вина моя была кая в погрешеных от Мене, но не тебе единому суд или ответ творити, ниже ты видел или слышал, что любо от Мене. Писанию убо глаголющу, яко не подобает осуждати кого прежде даже не увесть и слышит опасно, яже о нем, аще и мнози (л. 16 об.)⁶⁴ суть оглаголующии.

Евангелие.

Глагола⁶⁵ Никодим пришедый к Нему нощию един сый от них: Еда закон наш судит человеку, аще не слышит прежде от него и разумеет, что творит.

Якоже⁶⁶ много дни сотворшу ему тамо, Фист цареви сказа яже о Павле, глаголя: Муж некий есть, оставлен от Филикса узник, о нем же, бывшу ми в Иерусалиме, явиша архиерее и страцы июдейстии, просяша нань пря. К ним же отвещах, яко несть обычай римляном да яти коего человека прежде даже оклеветаный пред лицем видит клеветники, место же приимет ответа о согрешении.

Ты же ни о клевете уведев, ниже (л. 17)⁶⁷ о клеветнике, но единому непреподобну мужу паче прокляту, аще и сигклитик клевету прием, чрез вся святыя Божия заповеди и святых апостол и святых отец каноны на соблазн людем простым ростолковал, а не от повеленных заповедей и канонов.

Правило святых апостол 75.

В⁶⁸ послушество на епископа еретик не приятен, но ни верный⁶⁹ един токмо, во устех бо рече двою или триех послух станет всяк глагол.

Толкование.

Не токмо на оклеветание еретик несть приятен, но ни на послушество, аще един послушествует, аще и верен есть, несть приятен. И к Тимофеови великий Павел писа, тако рече: На презвитера (л. 17 об.)⁷⁰ послушества не приемли, аще не пред двема или треми послухи. Мню же, ни на оклеветание, им же отпадение наводится своего сана епископу или презвитеру, не доволна на два послуха, аще и верна еста и непорочна.

Четвертаго Вселенскаго собора правило 21.

Не⁷¹ искушен причетник или мирский человек, глаголя на епископа, не приятен.

Толкование.

Аще кто клевещет на епископа или на причетника, рекше на презвитера и диакона, подобает прежде истязати житие их, а не без испытания приимати их на оклеветание епископа. Аще причетницы суть оклеветающии или мирстии человецы да некогда будут отвержени от церкве или причащения лишени, или о гресех (л. 18)⁷² неких оклеветаеми сами и себе и еще не оправдивше, или инако како житие имуще порочно, или верою чюжди, рекше еретицы, мнози бо таковии церковное благочиние смясти и превратити хотяще, клеветами вины сшивают на непорочныя и правоверныя епископы и причетники. Таковыи на оклеветание не приятни.

Карфагенскаго собора правило 8.

Мирскими⁷³ винами оплетшихся, клеветы не послушати, не приятни бо таковыи на оклеветание.

Толкование.

Речено есть в шестом правиле втораго Вселенскаго собора, иже в Констянтине граде собравшихся святых отец, без истязания на епископа (л. 18 об.)⁷⁴ клеветы не приимати, аще первое не истязани будут оклеветлющии, какова их вера, да не будут еретицы, и потом да испытается житие их, еда како познани будут отвержени сущи от церкве и причащения недостойни, или сами о своих гресех от инех оклеветаеми и себе и еще не исправлших, ни отложивше вины греховныя, о ней же оклеветани Быша. Тако убо и сие правило повелевает, никого же, подвинна суща и оклеветаема о неких прегрешениих, на оклеветание епископа не приимати.

Того же собора правило 127.

Не⁷⁵ свидетелствует отлученый.

Толкование.

Непорочну подобает (л. 19)⁷⁶ быти послушествующему. Сего ради убо ни причетник, ни мирский человек, аще есть отлучен, на епископа или на причетника клеветами или послушествовати не приятен есть.

Кто же ли ныне мнит ти ся Иоанне, кто же Ирод? Аз ли лишеный законныя моея церкви Иоанн или кто владый ею Ирод? Отвещай.

Аще ли мниши ся Предтечево дело исполняя, но несть разве по причастиюпрелюбодейцем вспомогая.

Ваш вопрос⁷⁷ : Есть ли безгрешно изнова преосвящатися? Един архиерей когда пременяется от единыя епархии на другую? И прочее.

Возражение обоим вопросу и ответу.

Ты убо, Симеоне, вопрошаеши не о своих, (л. 19 об.)⁷⁸ их же ти не подобает по вышереченым правилом. Ниже ты, Паисею, ответ твориши истиною, и в сем оба истины погрешили.

Наше же возражение сим.

Не приклады пустошными, ни самомнением что любо есть.

Правило святых апостол 68 сице глаголет:

Дващи⁷⁹ поставленый и с поставлшим его да извержется, аще не будет токмо еретическая рука первая.

Толкование.

Аще который епископ или презвитер или диакон второе поставление приимет от кого перваго возненавидев да извержется сам и поставивый его, аще токмо не прилучится яко от еретик поставлен бе первие. Ибо от тех крещени не крещени (л. 20)⁸⁰ и поставлени не причетницы.

Мы же ни своею волею на престол патриаршеский взыдохом, но общим советом царьского величества и всем священным собором избран, ни в слове ласкания, ни мздою даяния, якоже тогда исповедахомся во святей велицей церкви пред Богом и святыми Его, еже и ныне тожде глаголю. Такожде кляхомся правую веру, изложеную святыми в Никейстем соборе, такожде соблюдати ми и святых апостол и святых отец правила непреложно. Клят же ся и царьское величество, что было ему соблюдати заповеди Божия и святых апостол и святых отец и не сохрани и ниже нам попусти правилно что правити. О поставлении же патриаршеском ни было (л. 20 об.)⁸¹ моего хотения и розыскания, яко есть неподобно второе рукополагатися преходящим во ину степень, ниже яко гнушаяся Бог весть. Тем се подобает, кто рукополагает, да себе непорочны соблюдут и рукоположеным от них беды не сотворят. Обаче же в толковании правила глаголет, яко епископ или презвитер или диакон перваго возненавидев, таковый да извержется. Зде же не возгнушения ради сие тако бысть, но и устав таков преданый имеет святая соборная Церковь со многим свидетелством святейших вселенских патриарх. И не аз точию един дважды рукоположен, много прежде епископи на митрополию Рускую (л. 21)⁸² дващи рукоположени, аще возхощеши инде речем, ныне же взыщем от испервых како начася в царьствующем граде Москве патриаршеский стол.

Царьствующу благочестивейшему великому государю царю и великому князю Феодору Ивановичю всеа Русии и слышав от приходящих милостыни ради от вселенных еже Царяграда и прочих святых мест архиереов и архимандритов и прочих священнаго чина, яко многобедно стало православным христианом от поганых житие, разжегшеся царь Божиею любовию и собра собор преосвященнаго митрополита и архиепископы и епископы с прочими священными мужи. Совет благочестия сотвори и возвести им мысль свою, яко да устроится (л. 21 об.)⁸³ в царьствующем граде Москве патриаршеский стол. Сия же слышав, великий архиерей и вси сущии с ним и вси велможи похвалиша царево произволение, но обаче рекоша: Благочестивый царю, аще возхощет Бог и святая ти держава, да не без совету се будет святейших вселенских патриарх. И сим коемуждо с своими митрополиты и архиепископы и епископы советовавшим писанием, между собою согласившимся, Богу помогающу, удобь таковое начинание к совершению приити возможет, понеже благочестивая ти держава и мы вси имеем сих яко столпы благочестию, аще и во области поганых суть, но святая, яко же рече писание, николи же (л. 22)⁸⁴ осквернена бывают.

Слышав же царь, не тяжко о сем внят, урядив послов и посла ко святейшим вселенским патриархом. И желаемое получив вскоре возвращаются, грамоты носяще, возвестиша же и се царю, яко поставления ради патриаршескаго яже в велицей России изволили святым отцам приити⁸⁵ в царьствующий град Москву единому от патриарх, наипаче же Константинополскому. В третие же лето по посланых прииде в царьствующии град Москву Иеремия, Божиею милостию архиепископ Константиняграда и вселенский патриарх, и прочии с ним. И тако вскоре Божиею милостию и всего священнаго собора избранием поставлен (л. 22 об.)⁸⁶ бысть Иов митрополит Московский и всеа Русии патриархом, в третие рукоположен, прежде во епископы во град Коломну, таже на митрополию Московскую, таже патриархом Московским и всеа Русии. Сему свидетелствуют чиновныя книги и утвержденая грамота царя и великаго князя Феодора Ивановича всеа Русии и святейших патриарх Иеремии Константинополскаго и Иова патриарха Московскаго с прочими с пятиюдесять со двема руки подписавших и печатьми утвердившими. Егда же пресвятейший Иеремия, Божиею милостию архиепископ Константинополя и вселенский патриарх, царьствующаго Константинополя града достиже, (л. 23)⁸⁷ и с прочими вселенскими треми патриархи и со инеми отцы совет благочестия сотворив, изложение написав на хартии и священных отцов рукама и печатми утвердив, того первопоставленнаго патриарха власть утвердиша и писание зело нарочито послаша с Дионисием митрополитом Тернова града и со инеми священными мужи, иже убо с четырми патриархи богоносных отец митрополитов и архиепископов и епископов подписашася числом осмьдесят два, яко да имать Церковь Божия, яже в велицей России о поставлении Патриаршества непременно. И сие написание на хартии благодатию Божиею и до днесь соблюдаемо в соборней апостольстей Церкви.

(л. 23 об.)⁸⁸ Тако и Ермоген поставлен патриархом преже бывый в Казани митрополитом. Такожде и Филарет патриарх, прежде бывший Ростовский митрополит, о нем же есть свидетелство, написаное святейшим Феофаном патриархом Иерусалимским, яко второе рукоположен есть великий государь святейший Филарет патриарх Московский и всеа Русии. Есть же писаное в книге Кормчей в поставлении на 34-м листе и в самом деянии все покажется явно. От него же мнози архиерее и иерее посвящены, такожде мнози крещены, мню, яко и великий государь царь и иныя царьския чада крещены им. Еда и тии, елицы рукоположени, не ру(л. 24)коположени⁸⁹ , или елицы крещени, не крещени, сызнова крестити. Отвещай, суемудрене мудрече.

Такожде Иоасаф патриарх прежде бывый Псковский архиепископ, второе на патриаршество от своих митрополит рукоположен.

Такожде и о нас, смиренных, бысть не нашим то хотением или изволением, но рукополагающих.

Смееши ли таковыя начатки взыскати, изверзи прежде святейшаго Иеремию, архиепископа Константинополскаго и вселенскаго патриарха, иже предаде таковый устав, и с ним и прочих святых патриарх подписавших и 79 митрополит и архиепископ, такожде и Феофана, (л. 24 об.)⁹⁰ патриарха Иерусалимскаго изверзи тем же уставом, рукоположившаго великаго государя святейшаго Филарета Никитича патриарха Московскаго и всеа Русии, и елицы от сих рукоположени, изверзи, и елицы крещени теми, прекрести, и самаго того диадиму носящаго крести и прочих с ним. По сем же и о нас таковое невежество и о рукоположеных от нас исправи и елицы крещени нами, прекрести.

Ответ

Божественное писание повелевает: не казни дважды за одну вину и для того не поизволяет двадесятое правило святых апостол, чтоб один священник или диакон украдет что или блудит не извержется вкупе и отлучается, для того чтоб не двоима казньми был казнен, чтоб была тягость большая; не подобает убо и один разбойник или тать казнить ево душевно и телесно, чтоб мучен был здесь времянем и тамо вечно. И кто возбраняет тем исповедатися и причаститися имеет осуждение от Бога, понеже возбраняет душеполезное покаяние на последний час животу его, над которым стоит вечная мука и блаженное блаженство; глаголет бо святое писание в чем обрящу тя, в том и судить тебя буду. Худо убо чинил Никон Патриарх, что не велел виноватых исповедать и причащать, чтоб они исправилися, кидаючи их на конечное отчаяние. Где и Христос разбойника покаявшася на кресте крестил его животочною кровию и водою из ребра, как научает Иоанн Златоустый, и принял его покаяние; убо тот разбойник был явно и Христос не отвергся от его покаяния и на отчаяние его не допустил, но токмо наследника с Собою царствию небесному учинил.

На вторый вопрос и ответ возраженение

Второе, Симеоне, вопрошаеши не о своих, ни ты архиерей, ни ты поп, аще и самому великодержавному государю царю ведомо твое проклятое безчинство и всему, (л. 25)⁹¹ яко играеши благодатию Христовою, еже при вознесении на Елеонстей горе, якоже пишет Лука евангелист: Извед⁹² же их вон до Вифания и воздвиг руце Свои, благослови их. И бысть егда благословяше их, отступи от них и возношашеся на небо.

Ты же, ни самого того Бога зрителя тайнам человеческим постыдеся, благословение апостолом и иже под ними тех наследником даное в игру сотворити дерзнув. Не без греха и тии будут, кто такое твое безчиние проклятое видя, не первое запретит, ни второе возбранит.

Вопрошаеше бо, яко аз не изволил, чтоб исповедались и причащалися которые люди были виноваты и указано их казнить по (л. 25 об.)⁹³ грацким законом, добро ли чинил или худо, поучи мя. Не сыскал еси зде во святых книгах о сем да суемудренна беззаконнаго пришелца вопрошаеши, и той тебе подобное отвещает. Нам же разве Божественых устав не буди что о себе мудрствовати. Ты убо глаголеши, яко не велел аз исповедовати разбойников, аз того ради во все грады грамоты посылал, яко да преставше разбойницы приходят в покаянное житие прежде даже не яти будут, ниже заповедал в поимании каятися. А еже поиманаго на разбое, вскоре исповедав, причастит, не обретох такова правила. Господу глаголющу⁹⁴ : ядый Мою плоть (л. 26)⁹⁵ и пияй Мою кровь во Мне пребывает и Аз в нем. Слыши, совопросниче, что Господь глаголет, яко ядый Мою плоть во Мне пребывает и Аз в нем. Да како кто смеет таковое безстудство показати? Достойна сотворив Божественаго причастия и тогда казнить, несть такова правила, ниже обрящеши апостолу глаголющу: Тем⁹⁶ же убо иже аще яст хлеб сей или пиет чашу Господню недостойне, повинен будет Телу и Крови Господни. И паки наведе да искушает же человек себе и тако от хлеба да яст и от чаши да пиет.

Василия Великаго правило 56.

Иже⁹⁷ волею убив, 20 лет запрещение приимет. Сице смотри, волею убив и своею волею пришед, покается, (л. 26 об.)⁹⁸ 20 лет не причастится.

Того же.

Воин⁹⁹ на брани за благоверие аще убиет, 3 лета да не приимет общения. А иже на разбое поиман, ни епитемии что любо понес, но неволею влеком злых ради дел, когда было ему очиститися.

Того же Василия Великаго к презвитеру о Божественей службе и о причащении и о нерадящих запрещениих.

Блюди¹⁰⁰ , кому предстоиши и како служиши, и которым даеши причащение. Не забывай¹⁰¹ Владычни заповеди и святых Его апостол: Не дадите бо, рече, святая псом и бисера не мещите пред свиниями, блюдите пес и яже по сих. Смотри да не убоишися человека на грех себе, не даждь Сына Божия в руки недостойных, не устыдись (л. 27)¹⁰² никого же от славных земли в час той, ни самаго того носящаго венец. Причащения же дар достойным давай, якоже и ты сам приял еси, им же Божественая правила не повелевают, не давай, яко иноязычницы бо вменишася и аще не обратятся, горе тем и причащающим их.

И¹⁰³ божественный Златоуст в толковании к Коринфяном послания глаголет, яко свяжи согрешившаго Дóндеже умолит Бога, не остави его разрешена, да не множае свяжется Божиим гневом. Аще аз свяжу, Бог к тому не свяжет, аще аз не свяжу, нерешимыя того ждут узы. Аще бо быхом себе разсуждали, не быхом убо осуждени были (л. 27 об.)¹⁰⁴ да никто же суровства быти не пщует се и безчеловечства, но конечныя кротости и изряднаго врачевания.

Святый Мефодий глаголет: Мы убо в людех непокоривых и прирекающих научихомся глаголати, еже спасая и спаси душу свою, не возхощем убо со грехи чюждими погибнути, но убоявшеся тяжкаго суда и Страшный день пред очима имуще, с таковыми погибнути не изволим, но засвидетелствовати день и нощь в народе и особь должни есмы. Соотводити же ся лукавством их и не возхощем прилежати же, паче приобрести их и изъяти от сети лукаваго. Аще же се не возможем, протщимся поне своя души от вечнаго осуждения спасти.

(л. 28)¹⁰⁵ Градскаго закона грань 39, глава 15.

Нарочитии¹⁰⁶ разбойницы на месте, на них же разбой творяху, повешени да будут, и подобает, да видения их ради убоятся начинающии таковая, и да будет утешение сродником убиеных от них.

Грань та же, глава 80.

Творяй¹⁰⁷ убийство волею, коего любо аще есть возраста, мечем муку да приимет.

А еже бы исповедати и причастити святых Божественых таин разбойнику, поиману на разбои или убийце, нигде же не обретается таковое правление, яко же ты, слабоумный толковниче, протолковал, ибо глаголы твоя самаго тебе уличат. Глаголеши, яко глаголет (л. 28 об.)¹⁰⁸ Писание святое, в чем обрящутся, в том и судити тя имать Бог, ты убо повелеваеши всякому по вине умиряющему¹⁰⁹ причастиеподавати.

Смотри, от Тебе написаных, яко и при распятии Христове, един спасеся и един осудися, како ты глаголеши всякому подавать Пречистых таин, аще и недостоин, или како решиши достойна сотворив Пречистых таин, повелеваеши убити того, где есть писано? А собою кто тебе дал таковую власть, чрез Божественыя законы вязати и решити, самому тебе связану канонами святых апостол и святых отец.

Ответ

Не подобает, женское убо то есть и не лепо мирским и мужем, а наипаче священником, которыя имеют тогда молитися, а не в зеркало глядетися, и украсят душу свою, а не лица, и петь со Давыдом: Господи, возлюбих благолепие дому Твоего и место вселения славы Твоея. Святый олтарь сего ради глаголется олтарь, понеже есть Божий престол и судилище; и аще в мирское судилище кто внидет страхом многим и трепетом многим внидет, как священник имеет смотретеся в зеркало в тайном и страшном олтари Судии безпосулнаго, который есть зритель сердец и душ человеческих. Не подобает убо в зеркало смотретися слуге Божию не токмо в церкви Божией а не и в келии, ино да уготовит себе страху Божию и да имет совесть свою чисту, яко нескверному зеркалу Божию. И патриарха в том не похваляем и не подобает никому ревновати таковаго дела хотети; и аще чесался Никон и в зеркало смотрелся, лутче бы было, чтоб в своей келии то чинил.

Возражение 3-му вопросу и ответу

Глаголеши убо на вопрос, яко не леть есть (л. 29)¹¹⁰ архиереом украшатися в Божественей службе, слыши, что пишет в древнем законе: Сыном Аароновым да сотвориши ризы и поясы и клобуки, да сотвориши им в честь и славу. Облецы же в ня Аарона, брата твоего, и сыны его с ним и помажеши я, и исполни руце их, и освятиши я, да Ми жертвуют. Аарона¹¹¹ же и оба сына его приведеши я пред дверми храму свидения и измыеши я водою, и взем ризы святыя и облечеши Аарона, брата твоего, до земли ризою, и ризу утренюю и слово совокупиши ему¹¹² , слово ко утренней ризе. И по мале. И да возмеши от елея помазаннаго, и да возлиеши на главу его (л. 29 об.)¹¹³ и мажеши и.

Зри, совопросниче и толковниче человекоугодный, яко и древле уставлено есть от Бога иереом украшатися и Господу глаголющу¹¹⁴ : Егда же поститеся, не будите якоже лицемери, сетующе, помрачают бо лица своя, яко да явятся человеком постящеся. Аминь, глаголю вам, возприимут мзду свою. Ты же постяся, помажи главу свою и лице твое умый, яко да не явишися человеком постяся. И прочее.

А яже зеркала ищети устроишася во церкви до нас прежде бывшими нас патриарси святейшим Иовом и прочими, ниже мя разоряем, и вси тожде творят, и которое то беззаконие где есть о том писано, скажите ми.

(л. 30)¹¹⁵ Глаголет 7-го Вселенскаго собора правило 16:

Епископи¹¹⁶ или презвитери или диакони украшающеся светлыми ризами или миром помазующеся, рекше благоуханными вонями, да преставше, от того исправятся. Пребывающии же в том, запрещение приимут.

Сие подобает всем исправити, еже ныне зрится не по правилу сему.

Ответ

Добро несть добро аще не добро бывает, против богослова Григория и котораго посвящает и которые посвящают здадутся быть достойны осуждения; понеже покладаются оба на великом опасении и в великом сомнении, аще есть ли дана им святых таин власть и действо, чтоб то действо святых таин было чинено от особ в усомневании положенных, и есть ли грех службы и таинства служить з заветом и ревностию человеческою, глаголет право в речах непостоянных безопаснейшая сторона имеет быть обрана, потому что безопасни ныне кто таков муж мудр, который бы подался в опасение. Достойно ли ни несть освящен приимаючи освящение от архиереа во усомневании будучаго, понеже не есть таинство святое, которыи бывают дважды и трижды, но которыи единожды, дано бывает. Естли дано истинно добро дано есть, а естли не дано, всегда живет не освящен. Ужо была благовествована от архангела Гавриила Пресвятая Дева Мария, однакоже пошла к святой Елисавети, чтоб уподливана была лутче в благовещении архангелском, глаголет Феофилакт, когда она понеже была мудрая, опасовалася, чтоб не была прелестна не яко неверна была, но хотя знати прилежней вещи яко премудрейшая. Тако же мудрый человек всегда ищет безопаснейшия и в речах постоянных укрепляется к лучшему естли сия наука разширитися имеет или как есть честнейшая душа, нежели тело, надобно и вещей их зрить з большим разсуждением и радением ради спасения своего, чтоб вечно не погибла.

Возражение 4 вопросу и ответу

Кто на мя свидетелствуяй, яко не достойно ми есть рукополагати и по каким каноном. Прочтите 6-го Вселенскаго собора 36-е правило: Константиняграда¹¹⁷ по Римстем да будет равно приемля старейшинство, по нем же Александрийский (л. 30 об.)¹¹⁸ и потом Антиохийский и потом Иерусалимский.

Толкование.

Константиняграда епископу равно прияти старейшинство по Римстем. Се правило истолковано есть в третием правиле, иже в Константиняграде втораго Вселенскаго собора, и в 28-м правиле Халкидонскаго собора, якоже не честну второму быти по Римстем, но по летом. Тако убо и зде подобает разумети, еже бо рещи по Римстем временем бытие являет, а не чести. По многих бо летех равна старейшинства Римския Церкве и сей престол Константиняграда получи, понеже царем и боляры почтен бысть град сей и равно (л. 31)¹¹⁹ прият старейшинство ветхому Риму.

Ответ

Понеже уста священническая лгати не знают, против пророчества Малахия пророка, должен остатися при своем слове, коли хочет чтоб почтен был за правдиваго, а не за лживаго. Двоякия бывают отречения, письменно и не письменно, но и паче отречение, которое возглашается во церкви Божие почитается быть в болшом постоянии и крепости, ради того та, которая писана, мочно ей быть и по неволной и обманчивой, а сея, которая не писана, никакой не приимет на себя обманы. И для ради того паче иных приимется во всех судах как духовных, так и мирских, когда чрез свидетелей достойной веры свидетелствуется. Зделал Патриарх чево иной никто не зделал, после Литоргии святой совершения, преосвященыя ризы патриаршескаго чину сверже с себя, говорил тыя слова: недостоин, недостоин я быти и впредь я не Патриарх. Дело такое, которое не бывает николи, толко тогда, когда из священничества извержается священик, и то дело редко, коли прилучится. Сверх того где говорится дело не надобно письмо что есть не мое, а глас человеческий глас Божий. Вси свидетелствуют что учинил отрекание Никон и чрез то явно есть, что учинил такое отрекание, потому что то надобно собором разсудить и естли собор приимет его покаяние, тогда будет добро, а естли не приимет отречения, останется отречением. И для того ныне, понеже есть дело не осужденное, не имеет владения творити. Се что принадлежит к патриаршескому чину, ради того что на сам себя бещинствовал, тем се есть образом как сам кто возмет оружие и сам себя убивает, сам нарицается себе убийца.

Возражение 5-му вопросу и ответу

Ты глаголеши, Симеоне, яко аз не учинил отречения своим за рукою, толко из уст рек, что не хощу впредь быти патриархом. Полно ли на том или надобно, чтоб на писме дал отрекание? Сам ли ты был и слышал наше отрекание или инии тебе сказывали, аще сам ты тут не был, почто нудишися не своих си ведети. Аз же тебе возвещу и всем слышащим, (л. 31 об.)¹²⁰ яко не просто засвидетелствовах во святей Божии церкви о отшествии своем пред Богом и святыми Его ангелы, якоже и на избрании нашего патриаршества, не в слове ласкания прияхом или любовию столп патриаршеский, но со многим прошением царьскаго величества и всего священнаго собора. Но якоже весть Господь и святии ангели и святыя церкви, по писанному во псалмех и глаголах о свидениих твоих пред цареви и не стыдяхся, тако и мы говорили, не стыдяся, во святей Божии церкви, засвидетелствуя пред Богом и святою Богородицею и святыми Его ангелы и всеми святыми Его, яко аще великий государь царь святаго Евангелия (л. 32)¹²¹ и святых апостол и святых отец заповедей не обещался хранити непреложно пред Богом и пред святою Богородицею, то не бы помыслил на таковый сан взыти. Но весть Бог, како великий государь царь дав обещание свое во святей велицей церкви пред Господем¹²² Богом и пред святым честным чюдотворным образом Пресвятыя Пречистыя и Преблагословенныя Владычицы нашея Богородицы и приснодевы Марии и пред святыми ангелы и пред всеми святыми и пред всем освященным собором и пред всем своим царским сигклитом и всеми людми. И елико он, великий государь царь, поелико возможно пребывал в своем обещании, повинуяся святей Церкви, и мы терпели, (л. 32 об.)¹²³ егда же он, великий государь изменился от своего обещания и на нас гнев положил неправедно, якоже весть Господь, и мы, помня свое обещание о хранении заповедей Божиих, како обещалися на избрании поставления патриаршескаго с подписанием, и июля¹²⁴ в 10 день вшед во святую великую церковь на память пренесения во царьствующий град Москву святыя и многоцелебныя ризы Господа Бога и Спаса нашего Иисуса Христа, претерпевшаго нас ради поношение и поругание, оплевание, заушение, одеяние хламидою, осуждение неправедное, распятие и крест и смерть, и совершив святую Божественную литоргию и засвидетелствовав (л. 33)¹²⁵ пред Богом и Господем нашим Иисусом Христом и пред Святою Богородицею и всеми святыми ангелы и всеми святыми и всеми святыми священными вещми о напрасном государеве гневе. И поминая заповедь Божию, глаголющую: Егда убо гонят вас во граде сем, глаголю вам, не имате скончати грады Израилевы, Дóндеже Сын человеческий приидет. И егда изшед из града, поминая заповедь Господню, глаголющую: И иже аще не приимет вас, ниже послушает словес ваших, исходяще из дому или из града того, отрясите прах наг ваших. И прочее.

И сотворив по заповеди Господни, отрясши прах ног наших, и пребываю водворясь (л. 33 об.)¹²⁶ в пустыни. И кто ми зазирает о сем, яко сотворил чрез волю Божию, а не по правде, и кое отречение хощете ли возвещу вам, яко и писание писах к царьскому величеству и посылах со диаконом нашим Иовом, в нем же обреталося тогда написаное: Се вижу на мя гнев твой умножен без правды и того ради и соборов святых во святых церквах лишаешись, аз же пришлец есмь на земли. Се ныне, поминая заповедь Божию, дая место гневу, отхожу от места и града сего. И ты имаши ответ пред Господем Богом о всем дати.

И разсмотрив государь писание, паки возврати ко мне, зане не бысть ему на ползу.

Да которое се отречение, (л. 34)¹²⁷ Кирилла арихиепископа Александрейскаго правило 3.

Через¹²⁸ церковныя заповеди, еже писанием отрицатися епископии, и приносити таковая писания неким святителем, аще бо достойни суть святителства, да служат, аще ли ни, да не отрицаются, но обличени бывше о злых своих дел судом да извергнутся. Его же некогда прорек от беды и страха и прещения неких, якоже реша отречесь.

Аще ли смел еси, изверги Григория Богословца списанием и клятвою отречеся ко 150-м епископом в 25-м стихе. Аще неправеднии клеветницы, якоже и ты, праведно ли их послушати?

Глаголеши суемудрене во ответе своем, яко уста священническая (л. 34 об.)¹²⁹ лгати не знают, против пророчества Малахия пророка, должен остатися при своем слове, коли хощет, чтоб почтен был¹³⁰ за правдиваго, а не за лживаго. Двоякия бывают отречения, писменно и не писменно, наипаче отречение, которое возглашается во церкви Божии, почитается быти в болшом постоянии и крепости ради того. Почто, лицемере, о себе, не смотря о других, движеши ответ. Лицемере, изми первее бревно из очесе твоего и тогда прозриши сучец изъяти из очесе брата твоего. Измый первее внутренее стляницы и блюду. И прочее.

Усмотри о себе, подобно ли ти есть чрез святыя законы вновь изводити (л. 35)¹³¹ новыя законы, пришелцу сущу, без всякия правды или вопросы послушати клеветника, паче проклятаго человека, его же законы отрицают, и по правде судящему не послушати, но паче всякому православному прокляти за его злыя и нехристианския дела. Глаголеши, беззаконный толковниче, яко зделал аз, чего ин никто не зделал, после литоргии святой совершения преосвященныя ризы патриаршескаго чина сверже с себе. Како глаголеши неправедне, яко ни ты сам был ту, ни вопросивый тя о сем вопрошал, а ты глаголеши, яко сверже, егда вы той чин имеете и по совершении литоргии не снимаете от себе священных риз.

А у нас таков есть чин и прежде нас: (л. 35 об.)¹³² по совершении святыя литоргии совлачатся вси от священных риз. И глаголеши, присовокупляя свои прикладныя ответы, кроме вопросу, бутто аз говорил: Недостоин я быти, и впредь не патриарх. От кого ты се навык зломысленне, яко ни о вопросе се есть, исповеждь ми.

Аз, егда от Москвы отходя¹³³ , говорил не тако, якоже ты глаголеши. Засвидетелствовал есмь Господу Богу и Пресвятей Пречистей Богородице и святому честному Животворящему Кресту Господню и святым ангелом в святей велицей церкви пред небом и землею, ведая гнев царев без правды на мя, и сего ради дая место гневу, свидетелствовал, а не клятвою клялся. (л. 36)¹³⁴ От них же мало зде изообразим от древних Божественых писаний, якоже свидетелствуют: Егда Аврааму свидетелствова сам Бог о чадородии, тогда засвидетелствова не инем, но небом и звездами, якоже пишется: «И¹³⁵ изведе и вон и рече к нему: Возри на небо о сочти звезды, аще можеши исчести. И рече: Тако будет семя твое». Тако: Егда¹³⁶ воззва ангел Господень второе Авраама от небеси глаголя: Собою кляхся, глаголет Господь. И прочее. Ияков¹³⁷ же в послушество постави столп каменен и собра камение з братиею, сотвори могилу и прозва могила си послух и столп си послух. Сего ради могила послушная бысть между Ияковом и между Ливаном.

(л. 36 об.)¹³⁸ Такожде: Егда¹³⁹ разгневася яростию Господь на Израиля и рече Господь к Моисею: Поими князя людски и обличи я Господу прямо солнцу. И паки: Егда¹⁴⁰ сконча Моисей, пиша вся словеса закона в книги даже до конца и заповеда левитом возвдижущим ковчег завета Господня, глаголя: Вземше книги закона сего и положите я во страну ковчега завета Господа Бога нашего, и да будет вам во сведение, яко аз веде, аз гневание твое и выю твою жестокую, еще бо мне живу сущу с вами днесь, разгневали есте Господа Бога и яко паче по смерти моей. Призовете ко мне старейшины племен ваших и старца ваша и судия ваша и книгочия ваша да глаголю (л. 37)¹⁴¹ во уши их вся словеса сия и засвидетелствую вам небесем и землею, веде бо, яко по скончании моем беззаконием собеззакониите и склонитеся с пути, иже аз заповедах вам. И обрящет вы зло в последния дни, яко сотворите зло перед Господем Богом, разгневати Его во всех делех руку вашею. И глагола Моисей во уши всему сонму вся словеса песни сея даже до конца. Вонми небо и возглаголю и да слышит земля глаголы уст моих. И прочее.

Тако¹⁴² Иисус Навин завещавая завет к людем в день он и даст им оправдания и суд в Сихеме (л. 37 об.)¹⁴³ пред храмом Господа Бога Израилева, и вписа Иисус словеса сии в книги Божия, и взя камень велий и постави его в Теревинфе, еже есть пред Господем. И рече к людем: Се камень сий да будет вам во сведение, яко сей слыша все глаголанное от Господа, елико глаголах к вам днесь. И сей да будет во сведение до кончины дней, яко да не солжете Господеви Богу вашему. И прочее.

И божественный Давид глаголет: Небеса¹⁴⁴ поведают славу Божию, творение же руку Его возвещает твердь. И паки той же рече: Исповедят небеса чюдеса Твоя, Господи. И паки инде рече: (л. 38)¹⁴⁵ Возвестиша¹⁴⁶ небеса правду Его и видеша вси людие славу Его. И прочее.

Тако¹⁴⁷ и Исаиа свидетелствует, глаголя: Слыши небо и внуши земле, яко Господь глагола «сыны родих и вознесох, сии же отвергошася Мене».

Такожде¹⁴⁸ и Господь наш Иисус Христос свидетелствует множицею небом и землею, якоже бо молниа исходит от восток и является до запад, тако будет и пришествие Сына человеческаго. И по мале рече: Аминь, глаголю вам, не мимоидет род сей, Дóндеже вся сия будут, небо и земля мимоидет, словеса же Моя не мимоидут.

Аще восхощеши и о отхождении нашем слышати, то по(л. 38 об.)кажем¹⁴⁹ ти без ленности благодатию Божиею нескудно от Божественаго Писания, яже о самом Господе нашем Иисусе Христе и о святых Его ученицех и апостолех и о прочих святых беганиих от злоб человеческих, не от гнилых смердящих учений, но от самаго приснотекущаго источника святаго Евангелия. Слыши самаго Христа, пеленами повита бегающа от злобы Иродовы. Се¹⁵⁰ ангел Господень во сне явися Иосифу, глаголя: Востав, поими Отроча и матерь Его и бежи во Египет и буди тамо, Дóндеже реку ти, хощет бо Ирод искати Отрочате да погубит Е. Он же, востав, поя Отроча и матерь Его нощию и отъиде во Египет. Умершу же Ироду, се ангел Господень во сне явися Иосифу во Египте, глаголя: Востав, (л. 39)¹⁵¹ поими Отроча и матерь Его и иди в землю Израилеву, изомроша бо ищущии душу Отрочате. Он же востав поят Отроча и матерь Его и прииде в землю Израилеву. Слышав же, яко Архелай царствует во Июдеи вместо Ирода, отца своего, убояся тамо ити, весть же прием во сне, отъиде в пределы Галилейския. И паки: Слышав¹⁵² же Иисус, яко Иоанн предан бысть, отъиде в Галилею, оставль Назарет. И¹⁵³ рече Ирод: Иоанна его же аз усекнух, кто же есть Сей, о Нем же аз слышу таковая. И искаше видети Его. И возвращьшеся апостоли поведаша Ему, елика сотвориша, и поим их, отъиде на место пусто града нарицаемаго Вивсаида. Народи же (л. 39 об.)¹⁵⁴ разумевше по Нем идоша, и прием их глаголаше им о Царствии Божии и требующая исцеления, целяше.

Да где есть глаголющии, яко аз, отшед, рукополагаю недостойне. Слыши, неправедный протолковниче ложных словес, яко и прешед от злобы Иисус на место пусто, о Царьствии Божии учил и требующая исцеления, целил. Паки слыши, неправедный истязателю.

И¹⁵⁵ исполнишася вси ярости в сонмищи, слышавшии сия, и доставше, изгнаша Его вон из града и ведоша Его до верху горы, на ней же град их создан бяше, да Быша, Его низринули. Он же, прошед посреде их, идяше. Фарисее¹⁵⁶ же, совет (л. 40)¹⁵⁷ приемше, изыдоша, како да Его погубят. Иисус же, разумев, отлучися оттуду. И¹⁵⁸ искаху убо паки яти Его, изыде от рук их и иде паки на он пол Иордана, на место идеже бе Иоанн прежде крести, и пребысть ту. Глагола¹⁵⁹ им Иисус: Дóндеже свет имате, веруйте во свет да сынове света будете. Сия глагола Иисус, отшед скрыся. От дне убо онаго совещашася убити Его. Иисус же не к тому со дерзновением хождаше во июдеох и преклонь колене моляшеся, глаголя¹⁶⁰ : Отче, аще есть воля Твоя, да мимоидет чаша сия, обаче не Моя воля, но Твоя да будет.

Воставше¹⁶¹ же архиерее и вся иже с ним сущая ересь садукейская, исполнишася зависти, (л. 40 об.)¹⁶² и возложиша руки своя на апостолы и послаша их в соблюдение общее. Ангел же Господень нощию отверзе двери темницы, извед же их, рече: Идите и ставши глаголите во церкви людем вся глаголы жизни сея.

Уведен¹⁶³ же бысть Савлу совет их, стрежаху врата день и нощь, яко да убиют того. Поемше же его ученицы нощию, свесиша по стене в кошницы.

В¹⁶⁴ Дамасце языческий князь Арефы царя, стрежаше Дамаск град, яти мя хотя и оконцем в кошницы свешен бых по стене, избегох из руки его.

Во оно же время возложи Ирод царь руце озлобити некия иже от церкве, уби же Иякова, брата Иоаннова, мечем. И видев, (л. 41)¹⁶⁵ яко годе бысть июдеом, приложи яти и Петра. Беху же дние опресночнии, его же и ем, всади в темницу, предав четырем четверицам воином стрещи его. И се ангел Господень прииде и свет возсия во храмине. Толкнув же в ребра Петра, воздвиже его, глаголя: Востани вскоре. И спадоша ему ужа железная с руку. Рече же ангел к нему: Препояшися и вступи в плесницы своя. Сотвори же тако. И глагола ему: Облецыся в ризу свою и последствуй ми. И изшед во след его, идяше. И изшед от Июдея, в Кесарии живяше. В нарочитый же день оболкся Ирод во одежду царску и сед на судищи пред народом глаголаше к ним. (л. 41 об.)¹⁶⁶ Народ же возглаша глас Божий, а не человеч. Внезапу же порази его ангел Господень, зане не даде славу Богу, и быв червьми изъяден.

Смутиша¹⁶⁷ же ся народ и градоначалницы слышащих и приемше мы то от Иассона и от прочих, отпустиша их. Братия же, абие в нощи, отослаша Павла и Силу в Берию.

Разделиша¹⁶⁸ же ся множество града и овии убо бяху со июдеи, овии же со апостолы. И якоже (л. 42)¹⁶⁹ бысть стремление языком же и июдеом с началники их досадити и камением побити их. Уведевше же, прибегоста во грады Ликаонския, в Листру и Дервию и иже во окрестных и ту беста благоденствующе.

Напасть¹⁷⁰ вас не приимет разве человеческа. Верен¹⁷¹ же Бог, иже не оставит вас искуситися паче еже можете, но сотворит со искушением и изводство.

Иже¹⁷² и Господа убивших Иисуса и своя пророки и нас изгнавших и Богу не угодивших и всем человеком сопротивляющимся, возбраняющим нас языком глаголати да спасется¹⁷³ , во еже испо(л. 42 об.)¹⁷⁴ лнится им грехи всуду, постиже на них гнев до конца.

Сие доволно ли ти есть сих указание отхождении и бегании, еще ти укажем и от канонов.

Сардикийскаго собора правило 19.

Без¹⁷⁵ правды епископ изгнан, аще и в чюждем пределе пребывает, приятен бывает, Дóндеже досаждение мимоидет.

Толкование.

От буести и гордости возбраняюще святии отцы, повелеша епископом в реченое время во инех епископиях пребывати. Аще же некий епископ исповедания ради честныя нашея веры или понеже Бог поборник истине, рекше, противяся властелем не творящим истины (л. 43)¹⁷⁶ и того ради от своего града изгнан быв и в другий град приидет. Не возбранится ту пребывати ему Дóндеже примирение обрести возможет и пременение бывшаго на нем досаждения.

Аще ли сего не доволно ти есть, прочти вселетнаго лета на кийждо день жития святых отец наших, яже о Василии Великом, яже о Григории Богослове, яже о Иоанне Златоусте и прочих святых. И тамо множае увидите о изшествиих и беганиих и отречениях и скитаниих по писанному. Верою святии вси победиша царствия. И прочее. И по мале: Инии же избиени бывше, не приемше избавления, да лучшее воскресение улучат. Друзии же руганием и ранами (л. 43 об.)¹⁷⁷ еще же и узами темничными, камением побиени Быша, претрени Быша, искушени Быша, убийством меча умроша, проидоша в милотех и в козиях, кожах лишени, скорбяще, озлоблени, в пустынях скитающеся и горах и в вертепех и в пропастех земных. И сии вси послушествовани верою, не прияша обетования, Богу лутче что о нас предзревшу, да не без нас совершенство приимут.

Ответ

Здесь надобно разсуждение, и хотя бы спрошены в любви брацкой и не возбранили погружения престолу и церкви наследующаго имеют тягость самоболшую и великую, за грех удоволства епитемию, а естли не были спрошены, толко Никон сделал своею волею, не имеют греха ради того, что человек без совету, такия и иныя терпит, злаго ради своего безумия, потому что болшия многи увидят, нежели один, для того что один жаден против присловия и беда самому одному, потому что как упадет, некому ево возставити. Мудрено делали, а те ныне, чтоб два ходили вдруг безотступно, чтоб помогали друг другу и радели против времени случая. Иоанн Богослов ради того, что пребывал вместе з Богородицею, достоин учинять, чтоб писал то, чего ни глаз не видел, ни ухо человеческое не слышало, пишет Амвросий святый, и Бог хощет чтоб Его имели обще за общаго добродетеля по совету и солнцем правды называтца; для того что всех освещает и никто не обретается зде без света, что собери, как пишет Климент, но всякия принимают от Его светлость и всяк богатеет Его милостию.

Возражение на 6 вопрос и ответ

Вопрос болярина Симеона Стрешнева: Ты убо, Симеоне, глаголеши таковая не своими устны и языком. Ведят вси, знающие тя, яко ничтоже в тебе тако есть. И глаголеши: (л. 44)¹⁷⁸ Есть ли архиереи, которыя обретаются в послушании патриаршеском, имеют ли грех, что не возбранили ему, Никону, злаго совету, или конечнее и совершенно обвинены, что не возбранили, в том учиненом деле не грешныя.

В пятом убо возражении нашем доволно писано есть о нашем отшествии, обаче и ныне, еже благодать Божия простит, возглаголем. Егда убо согрешали апостоли, еже будучи во Христовом послушании, не возбранили Христу от злобы Иродовы и прочих злодейстов жидовских, еже множицею хотяху Его убити, ни, но един Июда, предавый Его, и что суть бысть ему, якоже пишется.

Аще ли и верховный Петр Господу рек, (л. 44 об.)¹⁷⁹ не возбраняя, но маловерием, глаголя: Милосерд Ты, Господи, не имать Тебе се быти. Но¹⁸⁰ что Божественный ответ: Иди за Мною, сатана, яко не мыслиши яже суть Божеская, но человеческая.

Тако и нашим отступником и предателем и тебе, Симеону, не инако будет. Господу свидетельствующу: Слушаяй вас, Мене слушает, и отметаяйся вас, Мене отметается. Божие есть слово и не погрешает от истины. Аще ученицы Мои есте, рече: Пребудете в словеси Моем. К сопротивным же рече: Вы несте от истины, но есте отца вашего диавола и похоти отца вашего хощете творити. Он человекоубийца (л. 45)¹⁸¹ бе искони и во истине не стоит, яко несть истины в нем. Егда глаголет лжу, от своих глаголет, яко ложь есть и отец лжи. Тако и ты, Симеоне, неси от истины, но все лживо вопрошаеши, якоже отец твой диавол научил тя.

Ты же, ответотворче, глаголеши: Здесь надобно разсуждение, и хотя спрошены в любви братцкой, не возбранили погружения престолу и церкви наследующаго имети тягость самоболшую и великую за грех удоволства епитемию. А естли не были спрошены, толко Никон зделал своею волею, не имеют греха ради того, что человек без совету такия и иныя терпит злаго ради своего безумия, потому что болшия многия увидят (л. 45 об.)¹⁸² нежели един, для того, что един жаден против присловия и беда одному самому, потому что как упадет, некому его возставить. Мудрено делали, а те ныне, что в два ходили друг в другу безотступно, чтоб воспомогал друг другу и радел против времени и случая. Иоанн Богослов ради того, что пребывал вместе з Богородицею, достоин учинен, чтоб писал то, чего не глаголал, не видел, ни ухо человеческое не слышало. Пишет Амвросии святый: И Бог хощет, чтоб Его имели обще за общаго добродетеля по совету, и солнце правды называется для того, что всех освещает и нихто не обретается зде без света. Что собери, как пишет Климент, но всякия приимают Сего све(л. 46)тлости¹⁸³ , всяк богатеет Его милостию.

Возражение.

И уже речено есть вопрошающему тя, смотри, яко не чюжде есть и тебе, ныне же особно ти напишем. Ты же слыши, неправедный ответотворче, Василия Великаго глаголюща, яко не подобает судити кого о безвестных и приводит апостола, свидетелствуя: Тем¹⁸⁴ же не прежде времене судите, Дóндеже приидет Господь, иже просветит тайныя тмы и явит советы сердечныя, и тогда похвала будет комуждо от Бога.

В¹⁸⁵ последняя дни отступят нецыи от веры, внимающе духом лестчим и учением бесовским, в лицемерии лжесловеснем, сожженым своею совестию.

И¹⁸⁶ не судите и не осудитеся, не осуждайте и не осуждени будете, и имже бо (л. 46 об.)¹⁸⁷ судом судите, осудитеся.

Рече же к неким, уповающим на ся, яко бяху праведни, уничижающе иных, притчю сию: Человека¹⁸⁸ два внидоста в церковь помолитися, един фарисей, а другий мытарь. Фарисей же став, в себе сия помышляше: Боже, благодарю, яко несьм якоже и прочии человецы, хищницы, неправедницы и прочия безумныя глаголы.

Не обрел еси, како рещи от правых святых догмат к вопроснику, но якоже сам явился еси, противословя правых уставов святых апостол и святых отец, извержен, такожде отвержеными законы написаны Климентом, и ответы (л. 47)¹⁸⁹ твориши, о них же 85 правилом святых апостол пишет в толковании сице.

Климентом изглашеныя и преданыи заповеди, и тии бо от зловерных неких развращены и искажены Быша. Тем почитати их отнюд отрече Вселенский шестый собор.

Правило 2 шестаго Вселенскаго собора.

Яже¹⁹⁰ от иноверных татебно вверженыя во апостольския заповеди, преданыя Климентом, да извергнутся.

Толкование.

Се же правило за некая ложная, яже суть чюжда благочестия, от иноверных приложена в них. Напред церкви отврещи сия повелевает, на созидание и на утверждение християнскому стаду. Ты же како смел еси дерзнути развращати Вселенскаго 6-го (л. 47 об.)¹⁹¹ собора каноны и вводити зловерныя, аще не бы ты, окаянне, зловерен сам был. Господу свидетелствующу о твоем зловерии: От¹⁹² сердца бо человеку помышления лукавая, убийства, прелюбодейства, блудове, крадьбы, лжесвидетелства, хулы, сии суть сквернящая человека.

Послушай же апостола, глаголюща: Аще¹⁹³ кто инако учит и не приходит ко здравым словесем Господа нашего Иисуса Христа, и еже по благочестию учению разгорде ничесо же сведый, но болезнь о взыскании и любопрениих. От них же бывает зависть, рвение, хула, мнения лукава, прихождения разтленных человек умом и отчюжденных от истины, мнящих приобретение (л. 48)¹⁹⁴ быти благочестие, отступай от таковых.

В¹⁹⁵ последняя дни настанут времена люта, будут бо человецы самолюбцы, сребролюбцы, величави, горди, хулницы, родителем непокориви, не благодатни, не преподобни, не любовни, свадливи, диаволи, невоздержливи, некротцы, не боголюбиви, предателе, продерзателе, горделиви, сластолюбцы паче нежели боголюбцы, имуще образ благочестия, силы же его отметающеся, и сих отвращайся.

Ответ

Тридесятседмое святых апостол правило, чтоб дважды в году собор был и на нем бы было прежде обыск о существе веры, а после об иных церковных речах был роспрос; и не одиножды бы убо той надобно собрать собор, но и многажды для того то, что учинилось не меншее дело, есть и чрез толко год овдовенство и духовне той разлучение, которая весь свет во удивление приводит.

Возражение 7-му вопросу и ответу

Глаголеши, совопросниче, добро ли бы было, чтоб собор был в том деле патриаршеском, чтоб не прилучилося какова соблажнения или помешки во церквах. Слыши, сопросниче¹⁹⁶ , Господу глаголющу: (л. 48 об.)¹⁹⁷ Всяко¹⁹⁸ царство, разделшееся на ся, запустеет и всяк град или дом, разделся на ся, не станет и како не может се быти, Господу свидетелствующу, еже и бысть, мнозем и будет. И ты, ответотворче, глаголеши, предлагая 37-е правило святых апостол, чтоб дважды в году собор был и на нем бы был прежде обыск о существе веры, а после того об иных церковных речах роспрос был и не одиножды, для того, что учинилося не меншее дело, есть и чрез толко год овдовенство и прочая.

Слышите, совопросниче и ответотворче, не едино правило 37-е, но многа обрящеши собору бывати.

(л. 49)¹⁹⁹ Святых апостол правило 37.

Дващи²⁰⁰ в лете епископи да собираются церковных ради вещей и божественых повелений, первое убо в четвертую неделю по Пасце, второе же октября во вторыйнадесять день.

Толкование.

Сие убо правило преславных апостол повелевает дващи в лете собору быти, но обаче се оставлено бысть, ибо осмое правило Шестаго собора, иже в Трулле полатнем, и 6-е, иже в Никеи 2-го собора²⁰¹ , единою в лете повелевают в коейждо области от всех епископ собору быти о церковных вещех и о божественых повелений стязании, и о разрешении недоуменных и неразумных в вине. И аще который епископ некия или епитемиами тяжкими, сиречь запрещении, или отлучением (л. 49 об.)²⁰² связал, да и о таковых вещех разсудят вси епископи. Время же едино собору уставиша между Пасхою и между месяцем октябрем, перволетии бо по еллински и римски октябрь сказуется.

Собора 1 Вселенскаго правило 5.

Своими епископи отлучении инеми да не будут прияти, обаче аще не за малодшиа или за некую распрю или за ино нечто таковое отлучение бысть. Того бо ради повелено бысть дващи в лете в коеждо области собору быти, первое убо прежде четыредесяте дний святаго и Великаго поста, второе же по времени овощнем.

Толкование.

Подобает по приточному словеси уязвившему человека, тому же (л. 50)²⁰³ и изцелити его. Такожде и от своего епископа, отлучения заповедь приемша, от иного прияту быти без испытания и без взыскания вины несть достойно. Но и вины отлучения смотрети подобает, да некогда не по достоянию нанесено бысть нань отлучение, но от малодушия. Се же есть от ярости епископли или от распри некия или иных ради вины се сотворшу, страстныя воли епископли, страстная же воля есть, еже рещи «не сотворил ми еси сего», да будеши отлучен. Но убо да ни отлучаемии кроме подобныя вины отлучаются, ни отлучающии их епископи преобидени будут другим епископом, приемлющим без испытания таковыя. Сего ради дважды в лете в коейждо (л. 50 об.)²⁰⁴ области собору быти святый собор повеле, да общею волею всех епископов тоя области всяко совопрошание и истязание церковное и всяко прекословие разрешится, якоже и 37-е правило святых апостол повелевает. Кроме же, якоже тамо написахом, осмое правило, иже в Трулле полатнем, 6-го собора и 6-е правило Седмаго собора, иже в Никеи второе собрася, скудости ради потребных, яже хотят имети напутное шествие собирающиися епсикопи, единою в лете собору быти заповедаста, идеже аще изволит митрополит. Время же собору между праздником святыя Пасхи и месяцем октябрем, той бо есть месяц во времени овощнем.

(л. 51)²⁰⁵ Собора Антиохийскаго правило 20.

Церковных²⁰⁶ ради потреб дващи в лете да бывает собор в коейждо области, первое убо в 4-ю неделю по Пасце, второе же в 10 день перворетия²⁰⁷.

Толкование.

О сем писано есть в 37-м правиле апостолстем, яко оставлено есть еже дващи в лете в коейждо области собору быти. И осмое правило 6-го Вселенскаго собора, иже в Трулле полатнем, и 6-е правило собора, иже в Никеи второе собрася, повелевает единою в лете епископом коеяждо области собиратися между Пасхою и октябрем месяцем и правилная распрения и допрошания разрешати. На тех же (л. 51 об.)²⁰⁸ соборех приходят презвитери и диакони и вси, иже мнятся неправедно пообидени от своих епископ, и судом от всего собора управляеми бывают. Несть же достойно никим же о себе собора творити све не сущаго в митрополии епископа, рекше митрополита.

Собора Лаодикийскаго правило 39.

Позван²⁰⁹ быв епископ на собор, аще не приидет, не имый никоеяждо нужди на пакость, несть без вины.

Толкование.

Прилучающихся ради церковных стязаний и правилных взысканий повелено бысть собором бывати по вся лета и собиратися области епископом, идеже аще повелит митрополит. Аще убо собравшимся (л. 52)²¹⁰ епископом, некий епископпозван быв приити не восхощет, сам себе в вину влагает и запрещение да приимет от собора, аще не преслушаниа ради, но телесныя ради немощи или некоея ради житейския печали приити не возможет.

Собора 4 Вселенскаго правило 19.

Дващи²¹¹ в лете собор бывает, идеже повелит епископ, иже есть в митрополии, и да разрешаются разпри и всяко прекословие.

Толкование.

Якоже прежде речено бысть, дващи в лете собору быти, еже сходити всеа области епископом, идеже повелит митрополит, на разрешение и на исправление взыскаемых церковных вещей. Возбранено же бысть, еже (л. 52 об.)²¹² бысть еже дващи собору бывати от 6-го правила седмаго Вселенскаго собора, иже в Никеи второе собрася, и осмаго правила шестаго Вселенскаго собора, иже в Трулле полатнем, труда ради и многих потреб, еже хотят имети на путное шествие собирающеся епископи, и повелено бысть единою в лете собору бывати от святаго праздника Пасхи даже до скончания месяца.

Собора Карфагенскаго правило 18.

Иже²¹³ на соборех исправлена святыми отцы поставляемыи да внушит: мертву убо телеси причащение не дается, не яст бо, ни пиет, и в неведании презвитер да не крестит скончавшагося. По заповедем, иже в Никеи, (л. 53)²¹⁴ собор же на всяко лето да собирается и да посылается от митрополит сущих к коейждо области два или трие или елико же их изберет на блюдение места.

Толкование.

Хотяй поставитися епископ или презвитер должен есть святыми отцы повеленная правилы на соборех, рекше веру, и вся церковныя заповеди в слухи своя приимати. Учащу его поставляющему его и да обещается та вся хранити, и умерших телесем да не дают причащения. Господу²¹⁵ рекшу: приимите и ядите, се есть тело Мое, яко убо кто мертвому божественаго Тела и Крови причащения подаст, ни прияти бо, ни ясти мертвый не может. Ни да крестити (л. 53 об.)²¹⁶ никого же умершаго, презвитерское бо неразумие, не поможет скончавшемуся, по смерти бо крещен быв от него, несть крещен. Сии же отцы, иже в Никеи, святых последующе собору на всяко лето в Калхидоне повелевают собору бывати и посылати от коеяждо области митрополиту два или елико же изберет епископ во всех епископ место сущих во области.

Того же собора правило 74.

Годе²¹⁷ бысть и се, да в день бывающаго собора по вся лета, еже есть прежде десяти дний сентября, день святыя Пасхи проповедати.

Толкование.

В различных правилех сего собора повелено есть се, еже день святыя Пасхи возвещати на соборе, (л. 54)²¹⁸ , иже бывает по вся лета во Африкии прежде десяти каланд сентября, се же есть в двадесят первый августа.

Того же собора правило 77.

Не²¹⁹ приходящии по вся лета на собор, аще неволя не возбранит им, своея церкве общение довлеет им.

Толкование.

Елико же убо епископ в коейждо области не приидут на собор, иже бывает по вся лета, ни старостию, ни болезнию, ни иною же никоею тяжкою нуждею возбраняеми, но леностию или небрежением се творяще, таковыя повеле собор братски наказати. Се же правило и образ наказанию полагает: повелевает бо епископом братии их не приобщатися, ни служити с ними, (л. 54 об.)²²⁰ но токмо в своих церквах таковыи да имут общение и служат в них.

Того же собора правило 95.

Изволиша²²¹ отцы грамоты послати ко властелем, яко да потщившесь дати им помощь изгнати донатианы, во общей потребе бывши, грамоты да посылаются Господьскому престолу и собор да бывает, идеже есть подобно. Аще не общия потребы, в своих областех да творят собор и судятся.

Толкование.

Иже убо в коейждо области собору бывати по вся лета, собиратись епископом и вся прилучившаяся им, особно церковная стязания, по правилом изысковати же и разрешати собор повелевает. А еже от всех (л. 55)²²² областей и сущих во Африкии епископом сходитися в некоем месте и общь творити собор, аще не будет общая вина, ея же ради должни суть снитися, инако таковому собору быти не прощает, труда ради шествия за долготу дний. Егда же будет некая общая потреба, ея же ради общему собору быти, должни суть вси епископи к держащему первый престол епископу грамоты послати, и той, идеже аще изберет место стройно снитися, ту да соберутся.

Собора 6 Вселенскаго правило 8.

Понеже²²³ не мощно дващи единою на всяко лето да бывает собор среде Пасхи и октоврия месяца.

Толкование.

Прилучающихся (л. 55 об.)²²⁴ ради напастей епископом и варварского нашествия, еже дващи в лете бывати собору, от сего правила отложено есть и повелено бысть единою коегождо лета собору бывати между Пасхою и октоврием месяцем.

Собора 7-го Вселенскаго правило 6.

Понеже²²⁵ невозможно по древнему повелению дващи в лете собору бывати, да бывает единою по повелению Шестаго собора, и возбранивый властель да отлучится, и небрегий епископ да приимет запрещение. Собору же бывшу, аще митрополит возмет что от епископа, да истязан будет четверицею.

Утвержает собор сей, еже единою в лете бывати (л. 56)²²⁶ собору в коейждо области, аще убо обрящется страны тоя властель, возбраняя епископом сходитися на собор, иже бывает правилных ради и евангелских вещей, таковаго отлучает. Митрополита же, небрегуща его собору бывати, кроме некоея беды и нужди, правилным запрещением повинует, повелевает же не имети власти митрополиту взяти что, от них же епископи принесоша с собою или скотину, рекше конь, или осля, или ин некий вид. Аще же обличен будет взем нечто от них, да возвратит четверицею.

Но сии вси ни едино что любо написаша о патриаршеском суде, от своих (л. 56 об.)²²⁷ епископ судиму быти разве церковных правлений по святым каноном, а не чрез каноны что любо вново вводити на развращение святей Церкви, яко же ты, ответотворче, новыя законы вводиши, ово от отреченых книг, ово от внешних баснотворных сложений чрез уставленыя святыя книги по святому апостолскому правилу 85-му и 59-му правилу, иже в Лаодикии, и 24-му правилу, иже в Карфагене, и великаго Афанасия и Григория Богословца, и богословнейшаго Амфилохия.

Правило святых апостол 60.

Аще²²⁸ кто лживое писание нечестивых еретик книги яко святы в церкви пред всеми почитает на пагубу (л. 57)²²⁹ людем и церковному причту, да извержется.

Толкование.

Многи книги от еретик искажены Быша на вред простейшим человеком, сиречь невеждным, якоже и от святаго Климента написаныя епископом апостолския заповеди, яже того ради собором отвержены Быша. Некая же и вся отнюдь от еретик сложена Быша и ложно надписание имуща, якоже се от святых отцов списаны, еже потаеныя нарицают. Таковым убо книгам отверженым быти повелевает правило и на почитание не предлагати их. Аще же который пред людей сия изнесет и в церкви чести покусится, аще есть епископ или презвитер или диакон, да извержется, (л. 57 об.)²³⁰ книги же да сожгутся.

Ты же все, еже что любо, ни творишь в ответех твоих, все страстно и разслаблено и всякия нечистоты полно, якоже вторый Максим Киник, о нем же есть писано втораго Вселенскаго собора 4-е правило.

Максим²³¹, глаголемый Киник, от епископов чюжд и всяко не священ, иже от него в причет прият бысть.

Толкование.

Сей Максим Киник сказовается безстудный, Церковь Божию раздра и многаго мятежа и молвы сию исполни. Волк вместо пастыря явлься и вся грехи прощати готов согрешающим единаго ради еже нечествовати в повелениих, рекше преступати заповеди, якоже глаголет (л. 58)²³² великий Богословец Григорий: Чюжд убо сей Максим от епископства да будет, и вси от него поставлении презвитери и диакони и прочии причетницы чюжди священия. Послушай же Карфагенскаго собора 21 правило, иже добре и богоприятне изведеная буестию поколебати покушается, несть епископ. Да како ты вводиши чрез святыя каноны суду быти на мя от своих епископ? Покажи ми, слепче, от истины, да и аз тебе покажу, яко ни митрополита достойно есть судити своим епископом, развее святейшаго вселенскаго Константинополскаго патриарха.

Карфагенскаго собора правило 12.

Епископа²³³ в некоей вине суща, аще не весь (л. 58 об.)²³⁴ собор области тоя, обаче дванадесять епископ да судят, презвитера же шесть и диакона трие. И се есть о епископех, а не о митрополитех и патриарсех.

4-го святаго Вселенскаго собора обще всем по степенем исчитает кому от кого суд прияти правило 9.

Причетницы²³⁵ между собою распрю имуще, аще оставльше своего епископа, к мирским судиям приступят, по правилом вину да приимут. Причетницы же, аще имеют что на епископа, да ожидают собора. Аще же епископи на митрополита, Константиняграда патриарху да возвестят.

Толкование.

Аще причетник имать нечто на причетника, не подобает ему (л. 59)²³⁶ судитися пред мирскими судиями, но от своего епископа. Аще же оставльше своего епископа к мирскому судищу приступят, по правилом запрещение да приимут. Такоже и причетник, аще имать нечто на своего епископа, да приходит к митрополиту страны тоя, егда в реченое время соберутся к митрополиту всея области его епископи, тогда пред митрополитом на соборе да судится. Аще ли епископ или причетник с митрополитом имать некую распрю, от патриарха всея тоя земли да судится. Под ним же суть епископи и митрополиты всех²³⁷ областей страны тоя или от патриарха Константиняграда (л. 59 об.)²³⁸ судится. Сия бо власть никому же от инех патриарх дана бысть, ни от правил, ни от закона, еже судити митрополита, под инем патриархом суща, другому патриарху, но токмо Константиняграда патриарху сие дано есть.

От свитка новых заповедей Иустиниана царя глава 58.

Аще²³⁹ же причетник или ин некто вину имать на епископа, первое преподобный митрополит области тоя по священным правилом и по нашим законом таковую вещь да разсудит. И аще кто поречет сужденая, к преблаженному епископу и патриарху вещь возвестит и той подобный тому подаст конец. (л. 60)²⁴⁰ Аще же на митрополита имать что епископ или причетник или ин кто, патриарх того правления подобным образом да судит. Зри, ответотворче, где есть, иже бы патриарха свои епископи судили, ниже митрополита прощено есть епископом судити, развее патриарха.

Ответ

Подлинно может, ради того, что он тоже не есть последнейший в чести у Господа Бога, наш государь, как и иныя прежния наияснейшия цесари и цари; и подлинно чли мы о великом цесаре Констянтине святых отец в Никеи собранных явными возилы своими собрал в Никею, где и сам особою своею был. Но и великий он, Феодосий, собрал отцы на собор в Цареграде учиненный, и на третием соборе Ефесском, собраном от младаго Феодосия и в Халкидонстем соборе тоже учинено от Мелетия на кесаря, чтоб собрал тоже слово в слово и иныя кесари, которых скипетры перенесло Божие всемогущество в царствующую и Богом хранимую Москву, со всеми правами и урядами.

Возражение на 8-й вопрос и ответ

Вопрос Симеона Стрешнева: Еже может ли государь наш Алексий Михайлович собрать тот собор, или надобно по повелению патриаршескому?

Возражение: Нигде же есть таковое правило, еже бы царем собирати соборы, паче же себе на отмщение. Апостолское правило 37-е глаголет: дващи в лете собираются епископи церковных ради вещей и божественых (л. 60 об.)²⁴¹ повелений. Смотри зде, ответотворче, како святое правило глаголет, собираются, а не собирает царь или ин кто, такожде и перваго Вселенскаго собора 5-е правило, такожде и четвертаго Вселенскаго собора 19 правило и шестаго Вселенскаго собора 8-е правило, и 7-го Вселенскаго собора правило 6-е. Аще и в древния лета благочестивых царей соборы были, но по умолению, а не с повелением, якоже ныне действуется с повелением и нуждею, якоже и в девятом вопросе явно есть повелением, а не умолением.

Ответ

В Матфея святом в евангелии²⁴², живодавец Христос глаголет: где два или три соберутся во имя Мое, тамо и Аз посреде их. И после во евангелии святаго Луки²⁴³, и Аз посреде вас как служащий, тем же образцом как сидел меж учител и слушая и спрашивая. Убо естли меж двома или трема обретается Спаситель Христос седящи, какоже на одном соборе собранным именем не сидит Спаситель Христос невидимо, как помогающи и освещающи их, коли Сам обещался, говоря: се Аз с вами есмь во вся дни до скончания века²⁴⁴. З жестости тогда человеческия, что ни есть говорил Никон, выговорил и слово с яростию сказано: не надобно их с плохостию роспрошать: а кто ни есть соборныя святыя собрания называет сонмищем жидовским, надобно как еретика проклинать, для того что диалог Григорий преждния четыре Вселенския соборы почитал, что четыре крепости святых евангелист.

Возражение 9-му вопросу и ответу

Глаголеши, совопросниче, яко аз, собором что повелел Богом венчанный (л. 61)²⁴⁵ государь царь, что был здесь на Москве, то я ни во что почел и назвал собор тот сонмищем жидовским.

Ответ:²⁴⁶ Аще кто чрез правила святыя собирает соборы, не есть тот собор. На Василия Великаго повелением епаршеским и на Григория Богослова повелением Иуалиевым, и на Иоанна Златоустаго повелением царевым и царицыным, и на Филиппа митрополита повелением царя Иоанна, и ни есть тии собори, ниже именуются святии, но сонмища суть, а не собори. Тако²⁴⁷ Господу глаголющу: Идеже²⁴⁸ о имени Моем собрани два или трие, ту есмь посреде их, и паки овца Моя гласа Моего слушают, и Аз знаю их (л. 61 об.)²⁴⁹ и последуют Ми. И паки: Аще²⁵⁰ кто любит Мя, слово Мое соблюдет, и Отец Мой возлюбит его и к Нему приидеве и обитель у Него сотвориве, и²⁵¹ аще заповеди Моя соблюдесте, пребудете в любви Моеи, якоже и Аз заповеди Отца Моего соблюдох и пребываю в Того любви. Имеяй²⁵² заповеди Моя и творя их, он есть любяй Мя.

Не²⁵³ всяк глаголяй Ми «Господи, Господи» внидет в царство, но творяй волю Отца Моего, иже на небесех. Мнози рекут Ми во онь день «Господи, Господи, не Твоим ли именем пророчествовахом и Твоим именем бесы изгонихом и Твоим именем силы мнози сотворихом», и тогда исповем им (л. 62)²⁵⁴, яко николиже знах вас, отыдите от Мене, делателие беззакония. Всяк убо, иже слышит словеса Моя сия и творит их, уподоблю его мужу мудру, иже созда храмину свою на камени; и сниде дождь, и приидоша реки, и возвеяша ветри, и припрешася храмине той, и паде, и бе падение ея велие.

Что²⁵⁵ же зовете Мя «Господи, Господи и не творите, яже Аз глаголю». Бога исповедают ведати делы же (л. 62 об.)²⁵⁶ Его отмещаются. Мерзцы суще и непокоривии и на всяко дело благо²⁵⁷ неискусни, иже в законе хвалишися, преступлением закона Богу досаждаеши.

Блюдите²⁵⁸ убо, како опасно ходите, не яко немудри, но яко премудри, искупующе время яко дние злии суть. Сего ради не бывайте безумни, но разумевающе, что есть воля Божия.

И ты убо, ответотворче, пишешь: Господь глаголет: Се Аз с вами есмь во вся дни до скончания века. И²⁵⁹ паки ты глаголеши о нас з жестости тогда человеческия, что ни есть говорил, Никон выговорил и слово с яростию сказано, но не надобно с плохостию роспрошати, а кто ни есть соборныя святыя со(л. 63)брания²⁶⁰ называет сонмищем жидовским, надобно как еретика проклять для того диалог Григорий прежние 4 Вселенския соборы почитал, что четыре крепости святых евангелист.

Кто ти, плутотворче, сказал, яко святыя соборныя собрания называю жидовским сонмищем и надобно как еретика проклинать для того, что диалог Григорий прежние 4 Вселенския соборы почитал? Зри, яко и самый совопросник не о Вселенских соборех вопрошал тя, но времене сего, их же царьское величество собра и одари, на отмщение нашему отхождению да глаголют все, еже он, государь, восхоте, якоже (л. 63 об.)²⁶¹ и самое тое их соборное деяние являет, а не о Вселенских святых соборех.

Множицею выше рекохом и ныне глаголем, иже аще кто чрез правила 7-го святаго Вселенскаго собора приложит или отложит да будет проклят, якоже и ты, продерзивый, пишешь и глаголеши и новыя законы вводиши от отверженых и несведомых внешних книг.

Такожде ум имеяй, аще кто назовет сие соборище жидовским сонмищем, не погрешит истины. Аще кто разсмотрит тех деяние написаное на соборище том, все лжи полно и ни единыя истины несть.

Собором же убо бывающим по 37-му (л. 64)²⁶² святых апостол²⁶³, якоже выше рекохом и ныне глаголем собравшимся. Такожде во Антиохии Сирстей в 20-м правиле глаголет: Несть²⁶⁴ достойно никим же о себе собора творити свене сущаго в митрополии епископа, рекше митрополита. Такожде и в Лаодикии собора в 3-м правиле: Собиратися епископом идеже, аще повелит митрополит. Такожде и святаго Вселенскаго 4-го собора, иже в Халкидоне, в 19-м правиле написано, еже сходитися епископом, идеже повелит митрополит, а не царь. Такожде Карфагенскаго собора в правиле 95-м: Егда ж будет некая общая потреба, ея же ради общему собору быти, должни суть вси епископи к держащему первый престол епископу грамоты послати, (л. 64 об.)²⁶⁵ и той идеже аще изберет место стройно снитися, ту да соберутся.

Такожде и 7-го Вселенскаго собора в 6-м правиле глаголет: Митрополита же небрегуща его собору бывати, кроме некия беды и нужди, правилным запрещением повинует.

Такожде новых заповедей Иустиниана царя 8-й грани глава 8-я: Митрополитом собиратися к патриархом, а епископом к митрополитом.

И по седми святых Вселенских соборех нигде обретается царем собраный собор, развее во Флоренце осмый был собор чрез святыя Вселенския соборы собран, тамо бывшу и царю и патриарху вселенскому, но обаче беззаконно дерзнувшим. И последи собору тому прокляту бывшу (л. 65)²⁶⁶ по 1-му правилу 7-го Вселенскаго собора и все ни во что их злодейство бысть, аще и царь был благочестив и вселенский патриарх и со прочих патриарх наместники, но беззаконное деяние сотворшее теми отвержено бысть и со беззаконными вменено есть. О нем же последи пространнее скажем.

Како же ты, враже истины и всякия правды отчюжденне, дерзаеши нововводныя вопросы, чрез святыя правила святых апостол и святых отец вопрошены, толковати и утверждати, не стыдяся божественых законов и утверждения.

Послушай бывшаго соборнаго деяния во времена благочестиваго царя (л. 65 об.)²⁶⁷ государя и великаго князя Феодора Ивановича всеа Русии, еже по божественней ревности на лучшую красоту святей Божии Церкви устроити патриаршеский престол, еще прежде в Московском государстве не бысть тое власти, но митрополитом Московским и всея Русии именующимся по благословениюсвятейших вселенских патриарх. И уже желаемой царьскаго величества мысли к делу приити начинающейся, и призвав царь преосвященнаго митрополита со всем освященным собором и весь свой царьской сигклит. Таже начат царь мысль свою преосвященному митрополиту и всему освященному собору и всему сигклиту (л. 66)²⁶⁸ сказовати: весте, отцы, яко излишшее благочестие бысть во дни благочестивых царей во Елладе и во Африке, во Египте и в Ливии, и в Палестине, и в Сирии, сиречь в Греческой земли, в Константинеграде и во Александрии, и во Антиохии, и во Иерусалиме и в других странах, идеже неизреченная смотрения Божия содеяшася, и многочеловечный народ от тмы неведения ко свету благоразумия обратишася. Ныне же яко слышим, аз же и вы, яко тамо преславная и премногия хвалы достойная, еже в похвалу в Троице славимому Богу и ко спасению человек устроена Быша, вся попрана бысть рукама (л. 66 об.)²⁶⁹ злочестивых турков. И яко ничто же от сих во благое зрится, но вся безчествуема, Богу тако изволшу в наказание наше до толика, яко тамо сущим патриархом и прочим святителем наречением святительства токмо именоватися, власти же едва не всяко лишением, ныне то зло и зде достиже²⁷⁰. Наша же страна, якоже зрите, благодатию Божию во много разширение приходит, наипаче же благочестивая наша вера, яже на основании апостол и пророк утверждена, возрастает и множится.

И сего ради хощю, аще Богу угодно будет и писания Божественая не пререкуют, яко да в царьствующем нашем граде Москве устроится (л. 67)²⁷¹ превысочайший престол патриаршеский. И аще убо угодно вам сия, возвестите ми, аз бо мню, яко ничто же в сих благочестию повреждение, но и паче предспеяние веры Христове.

Сия же слышав, преосвященный митрополит и прочии святителие и благороднии боляре совет благочестиваго царя похваляют и отвсюду утверждают, и церковь Божию, яже в Русцтей митрополии патриаршския власти достойну быти глаголют. Но обаче, рекоша, благочестивый царю, аще возхощет благочестивая твоя держава, да возвестится о сем писанием вселенским четырем патриархом. И сим коемуждо (л. 67 об.)²⁷² своими митрополиты и епископы советовавшим писанием между собою согласившемся, Богу помогающу, удобь таковое начинание к совершению приити возможет. Понеже благочестивая ти держава и мы вси имеем сих яко столпы благочестию, аще и во области поганых суть, но святая, якоже рече Писание, николи же осквернена бывают. Но и паче же сего ради, да не возмнится, о благочестивый царю, инем языком, наипаче же пишущим на святую нашу веру латином и прочим еретиком, яко в царьствующем граде Москве патриаршеский престол устроися токмо единою (л. 68)²⁷³ царьскою властию.

Благочестивый же царь, слышав сия, не тяжко внят о сем²⁷⁴, аще и властию можаше превысочайший престол патриаршеский устроити, яко царь и самодержец, но обаче изволи повинутися воли Божией по правилом святых апостол и святых отец и святительскому совету, предпочиташе бо святительство боле царства предстояния ради олтарю и приношения непорочнаго Агнца рукама сих, по Божественному писанию чтит иерея, чтит вышняго Бога, понеже иерейская честь на Бога возходит, не существене не буди то, но премногия ради благодати, яже от Христа Бога апостолом и апостолским приемником дадеся. (л. 68 об.)²⁷⁵ Слушаяй, рече, вас, Мене слушает, и отметаяйся вас, Мене отметается, отметаяйся Мене, отметается и пославшаго Мя. И паки. Приемляй вас, Мене приемлет. Наипаче же по всему являяся, яко сын и послушник святыя Церкве.

И абие слово в дело произвести повеле и писанием убо царьским и святительским к четырем патриархом и ко многим митрополитом с таковым вопрошением вскоре посылаемым. Послании же со многим желанием пути емляхуся и благодатию Божиею искомое получиша. Виждь, расколниче святыя Церкви, не тайно послание, якоже ныне²⁷⁶. И времени неколико немалу минувшу, абие послании в царьствующий град Москву ко²⁷⁷ (л. 69)²⁷⁸ благочестивому царю приидоша, носяще с собою от четырех патриарх и от митрополит о патриаршестве совет и изложение на болшее утверждение, и писание патриаршее и митрополичье и прочих епископ принесоша червлеными шарми назнаменовано и с подписанием рук и печатей святительских утвержено, их же ко утвержению благочестия к таковому изложению подписаша и печатьми утвердиша более седмидесять отец.

Возвестиша же и сие, яко поставления ради патриаршескаго яже в велицей России изволит святым отцем приити в царьствующий град Москву единому от патриарх, наипаче же Константино(л. 69 об.)²⁷⁹полскому, превысочайшее место имущему.

И сия слышав, благочестивый царь премногия радости исполнися. В третие же лето прииде вселенский патриарх Иеремия со иными митрополиты и архиепископы, архимандриты и игумены, нося на рускую митрополию о патриаршестве совет и утверждение. И тако совершается о патриаршестве совет и избрание и бывает поставлен в царьствующем граде Москве преосвященный Иов митрополит патриархом, в третие рукоположен святейшим Иеремиею патриархом. Первие поставлен бысть в Коломенския епископы, второе на Московское митрополичество, (л. 70)²⁸⁰ третие на патриаршество, свидетелствуют тому книги поставления.

Даде же вселенский патриарх Российскому престолу Божия Церкве власть, яко по преставлении коегождо патриарха своими митрополиты и архиепископы и епископы и всем освященным собором возводити инаго на патриаршеский престол, якоже и утверждения грамоты свидетелствуют о сем святейших вселенских патриарх, а не на живаго место инаго возводити. Но ни же без совету вселенских патриарх.

Видел²⁸¹ ли еси, расколниче святыя Церкве и попрателю святых апостолских канонов и святых отец, каковою божественною любовию царь благочестивый (л. 70 об.)²⁸² возгореся, обаче же чрез святыя правила никакоже смел что любо сотворити, ниже преслуша совета архиерейскаго, но во всем повинуясь божественным велениям и з долготерпением созда дело Божие в совершение о патриаршестве, ниже тайно что любо²⁸³, якоже ныне послали ко святейшим вселенским патриархом лазутчиком о нашем отшествии.

Смотри же о сем и собора бывшаго во Цареграде, како не смели ниже вселенстии четыре патриархи чрез правила святыя дерзнути о патриаршестве Московском и о прочих взыскании что любо, но со свидетелством святых правил, а не так как ты, новый (л. 71)²⁸⁴ расколниче, а реку еретиче, извержеными Климентовыми правилы и прочими езоповыми и воронами и иными ложными шпынскими проклятыми книгами чрез апостолское 60-е и 85-е и первое Вселенскаго 7-го собора приводиши ложная свидетелства, как ворона сам, обходиши сушю и море, творя расколы как в Мутьянской земле, тако и зде.

Слушай, расколниче.

Соборное деяние, еже бысть написано в Константинополи, написано убо тамо еллиногрецким диалектом, в он же облечено, претече во преславный царьствующий град Москву. В нем же стяжа сии, словенская (л. 71 об.)²⁸⁵ диалекта одеяние, его же красоту да зрит всяко верных состояние.

Святому и священному великому собору во имя Господа Бога и Спаса нашего Иисуса Христа, собравшуся во храме Пресвятыя Владычицы нашея Богородицы и Всеблаженныя Приснодевы Марии, нареченныя Парамифии, сиречь Утешение, в Константинополи во дни благочестиваго и Богом венчаннаго великаго царя Московскаго и самодержца всеа Русии Феодора Ивановича, председателствующим святейшим православным патриархом.

Всесвятейшему Иеремию, архиепископу Константинополскому, новаго Рима и вселенскому патриарху, (л. 72)²⁸⁶ и блаженнейшему Мелетию, папе и патриарху великаго града Александрии и судии вселенскому, и наместнику всесвятейшаго Иоакима Божия града великия Антиохии и всего Востока, и всесвятейшему Софронию, патриарху святаго града Иерусалима и всеа Палестины, пришедшу пресветлому Григорию, Афанасиеву посланнику, предреченнаго благочестивейшаго царя соседящим и всесвященнейшим архиереом от всеа области Восточныя Церкви православным.

Мелетий блаженнейший Александрийский рече: Весте, братие, яко знаменательне, еже ко Спасу и Богу нашему любве пастырьское есть тщание. Петре бо (л. 72 об.)²⁸⁷ рече: Любиши ли Мя, паси овцы Моя. Ея же ради вины и мы многия многажды подвиги же и труды и беды претерпехом и терпим, якоже весте, и ныне убо, понеже присланы к нам грамоты от всесвятейшаго вселенскаго брата и сослужителя нашего и прочих архиереов, просящим приити в Константинград церковных ради нужд. Аз же и грамоты, яже из православнейшия Москвы от православнейшаго Феодора получив, и о обоих вещех пекийся, нужде церковней и царьском достоинстве, молю ваше благоволение, опасно глаголемая от нас разсмотряюще, соизвествоватися нами о возглаголющихся, (л. 73)²⁸⁸ еже аще праведно быти бы явилося.

Первое, убо понеже Божиею благодатию Церковь Христова совершена сущи и по благочестивым догматом совершеное прият устроение во уставленых и изъявленых от самаго Спаса и апостолы и отцы святыми возсиявшими зде. На святем же соборе тремисты и осмиюнадесяте богоносныма отцы, иже в Никеи, и в последующих Вселенских шестих соборех даже до седмаго, второе в Никеи собравшагося, такожде и иже между сими седми Вселенскими в различная времены собравшихся поместных православных соборех, понеже убо совершение прият православных Церковь, не токмо по (л. 73 об.)²⁸⁹ богоразумия и по благочестия догматов и по освященному церковных вещей уставу.

Праведно есть и нам всякую церковных ограждений новину потребляти или разоряти, видящим новины всегда виновны бывати церковнаго смятения же и разлучения²⁹⁰, но уставом последовати святых отец и яже наученая невредимо без приложения коего любо и отъятия приемлющим, по первому Вселенскаго 7-го собора правилу сице имущу.

Правило 1-е седмаго Вселенскаго собора.

Святыя²⁹¹ правила облобызающе приемлем и держим святых апостол и шестих Вселенских собор, к сим же и поместных и еще же и святых отец (л. 74)²⁹² наших, яко единаго Святаго Духа вдохновенных. Их же прокляша, проклинаем, их же извергоша, изметаем, и их же отлучиша, отлучаем, им же запретиша, запрещаем.

Ин перевод.

Иже священнический²⁹³ получивше сан ведения и правления канонных повелений, си есть воображения, яже приемлюще радостно, с богоявленным Давыдом поем Владыце и Богу, глаголюще: На пути свидений Твоих насладихся яко в богатстве мнозе, заповедал еси правду, свидения Твоя, Владыко, вразуми мя и жив буду. И вовеки пророческий глас заповедует хранити заповеди Божия и жити в них, яве непоколеблемы (л. 74 об.)²⁹⁴ и недвижимы пребывают, якоже боговидец Моисей рече: В них же несть приложити и от них несть отъяти. И²⁹⁵ божественный Петр, в них хваляся, вопиет: В ня же, желают ангели приникнути. И²⁹⁶ Павел, аще и ангел, благовестит вам: Паче преданаго проклят будет сим сицем сущим и свидетелствующим нам, радующимся о них, якоже кто обрящет корысть многу. Сладкобожественныя каноны утвержаем и цело пребывание их неподвижимо утвержаем, заповеданных от святых духовных труб, прехвалных апостол и шестих святых всея Вселенныя собор и поместных (л. 75)²⁹⁷ собравшихся поданиом тако в них повелении святых отец наших.

От единаго бо вси Святаго Духа озарени бывше, повелеша яже на ползу. И их же проклятию предаша, и мы проклинаем, и их же извержению, и мы извергаем, и их же запрещению, и мы запрещаем, и их же отлучению, и мы отлучаем.

Не²⁹⁸ сребролюбен имуще нрав, но доволни сущими, иже взошедый на третие небо и слышав неизглаголанныя глаголы, Павел, божественный апостол, яве вопиет.

Толкование.

При Константине царе, внуце треклятаго и богоненавистнаго Лва гноеименитаго²⁹⁹, и при Ирине, матери его, яже бе от Афинеи, сей Седмый собор (л. 75 об.)³⁰⁰ бысть 367 богоносных отец советом и умолением Тарасия священнаго патриарха³⁰¹ Константиняграда. Собор же сих бысть на иконоборцы, рекше на оклеветающия христианы, и сих прокленше. Церкви же древнюю красоту Ея дароваша, и иконная воображения Той имети, и любезно облобызати сия добре заповедавше. Тако же и образу Честнаго Креста покланятися и облобызати его повелевше. Святых же и прехвалных апостол правила и святых Вселенских шестих собор, к сим и поместных собравшихся, утвердивша. Проклятыя же от них, проклиняют и сии, осужденныя же (л. 76)³⁰² от них некоего ради греха или изверженыя, такожде и сии осуждают, отлученыя же от них, отлучают, и запрещением повинных от них запрещают равно, ничтоже приложивше или отъемше от святых апостол и от богоносных отец, изложеных и повеленых.

Сим сице рекшимся от блаженнейшаго Александрийскаго Иеремии, всесвятеиший патриарх рече: Сия убо вси исповедахом, абие же священноначалства, наипаче же и самаго Божественнаго крещения сподобльшеся исповедуем. Святый собор, рече, вси исповедуем и у всех сия хранима быти повелеваем, якоже отцем нашим вси последующе, и яже (л. 76 об.)³⁰³ целуют они, целуем мы, и яже отметают, тако и мы отметаем, якоже и первое правило святаго и Вселенскаго, иже в Халкидоне, собора прознаменова и первое 7-го изъясни.

Мелетий блаженнейший Александрийский рече: Понеже патриаршеских престолов поставление бе убо и древним неким обычаем соборныя Церкве, прежде начертавшися, яснее же изобразися по святому Вселенскому первому собору, яко сего 6-е правило показует имать же сице. Древний обычай да держится, иже во Египте и Ливии и Пендаполии, якоже Александрьскому епископу всех сих имети власть, понеже и в Риме сей обычай есть, (л. 77)³⁰⁴ подобне же и во Антиохии и во иных областех началства цела сохраняема от церквей. Соборне же произъявлено оно, яко аще кто был бы епископ без митрополичьи мысли, таковому великий собор устави не быти епископом. И Седмый, на нем же Иерусалимский почтиша престол ради Спасителя нашего, по плоти смотрения во оней стране бывшаго, подавше подобную честь, аще и последний иных патриаршеских престол да не бы мечтание некое подали, паче иных предпочитавше, Христово Царство славити земное.

Подобает же и мне благочестивейшим грамотам боговенчаннейшаго царя отвещати. Молю и ваше благоволение, аще праведная (л. 77 об.)³⁰⁵ глаголати явихся бых и отеческих уставов держащаяся, искусити и сопричтати соборне, сужду, убо праведне быти Божиим человеколюбием и благодатию, украшенный царством град православнейший Московский и в церковных величатися вещех по 28-му 4-го собора правилу 630 святых отец, в Халкидоне сошедшихся, глаголющему сице «везде святых уставом последующе», и ныне прочтеное правило 150 боголюбезнейших епископов, собравшихся при благочестивыя памяти великом Феодосии, бывшем царе, в царьствующем в Константинополи, новем Риме ведуще. Таяжде и мы уставляем же и судим о старейшинствах святейшия Церкве (л. 78)³⁰⁶ тогожде Константинополя, новаго Рима, занеже царьствовати граду оному отцы в лепоту даша старейшинство. И тою же мыслию движащеся 150 боголюбезнейшии епископи равная старейшинства воздаша новаго Рима святейшему престолу, благословно разсудивша царьством и сигклитом почтенному граду и равное получившему достоинство старейшему царьствующему Риму и во церковных, яко оному, величатися вещех, второму по оному сущу. И яко Понтийския и Асийския и Фракийския страны митрополитом токмо, еще же и иже в варварских епископомпредреченных стран, рукополагатися от предреченнаго святейшаго престола (л. 78 об.)³⁰⁷ Константинополския святейшия церкве, рекше коемуждо митрополиту предреченных стран со епископы области поставляющу епископы, якоже Божественныма правилы повеленое есть. Рукополагати же ся, якоже речеся, митрополитом предреченных стран от Константинополскаго архиепископа уставом согласным по обычаю бываемым и возносимым к нему. Глаголет же и Константинополское святых отец правило 73: Константинополскому убо епископуимети старейшинство чести по Римстем епископе, заеже быти ему Константинополю новому Риму.

Но ниже святый великии собор 318 богоносных отец является иным неким (л. 79)³⁰⁸ словом разделивше чины же и уставы и власти патриаршеским престолом, их же изобрази, токмо по царским достоинством Александрию председателствующу Египта, Ливию и прочих, Антиохию же и Асирию и всего Востока. Якоже во Европе Рим, тако и Асии Константинополь, иже и потом равных сподобись санов стараго Рима, за еже пренесену быти оттуду семо царьству, якоже пределяет³⁰⁹ и 36-е, еже в Трулле полатнем, святаго собора правило, имущее сице: Обновляюще от 150 святых отец, в богохранимом сем и во царьствующем граде сошедшихся, и от 630, в Халкидоне собравшихся, законоположеная уставляем, (л. 79 об.)³¹⁰ яко Константинополскому престолу равная восприимати достоинства стараго Рима престола и в церковных якоже оному величатися вещех, второму по оном сущу. Понеже Александрии великаго града и по сем Иерусалима града праведно убо сужду и святый сей и великий собор судити молю, престолу благочестивейшаго и православнаго града Москвы быти же и нарицатися патриархиею, за еже царьства сподобитися от Бога стране сей³¹¹. Всей же России и северней стране повиноватися патриаршескому престолу Московскому и всеа Русии и северных стран, имети место свое по святейшем Иерусалимском патриарсе во священных помянниках (л. 80)³¹² и в церковных собраниох, да предреченная святых отец правила непоколеблема соблюдаем. Преимуществовати же ся епископом, митрополитом, архиепископом во всей соборней православней Христове Церкви. Епархии же оной Московской и всеа Русии и северных стран главе быти и извествоватися по 34-му правилу святых и всехвалных апостол, сице повелевающему.

Епископом коегождо языка подобает ведати иже в тех перваго и имети яко главу, и ничто же творити излишнее без онаго мысли. Оная же токмо коемуждо творити, елика его епархии должная суть и сущим под нею странам.

Но ниже (л. 80 об.)³¹³ он без всех мысли что да творит, тако бо единомыслие будет и прославится Бог Господем во Святем Дусе, Отец и Сын и Святый Дух.

По рукоположении же хранити же ся чину церковному, первопрестолному, возглашающу молитву. Аз убо сия тако сужду, святый же собор да изъявит умышление.

Иеремия всесвятейший вселенский рече: (л. 81)³¹⁴ Се и мы первие содеяхом и написанно изъявихом благочестивейшему царю.

Софроний Иерусалимский рече: Святейший патриарх рече: Сам непреложно обновляю.

Святый собор единодушно рече: Сие понеже по святым законом уставися, вси приемлем и сие о царстве оном уставляем, да благочестивейший царь Московский самодержец всеа Русии и северных стран, якоже доднесь во священных службах Восточных церквах имать память свою и во святых предложениах и во священных помянниках, такоже и в начале шестопсалмия, по совершении двою псалму о царе глаголем, возглашается по возгласию оному, (л. 81 об.)³¹⁵ по имени яко православнейший царь.

Вси реша и сие благословно есть.

Уставляем же и сие, яко подобает послану быти деянию сему, писании нашими утвержденному, ко благочестивейшему царю Московскому и всесвятейшему Иову патриарху всеа Русии и северных стран.

Вси реша угодно.

К сим же подписаша руки своя и печатми запечатлеша в вечное утверждение.

Како же ты, расколниче неполный умом, чрез апостолския правила и чрез святых седми Вселенских соборов дерзаеши ответы творити на погибель христианским душам? Видел ли еси деяние святых отец, яко ничтоже смеюще отложити (л. 82)³¹⁶ или приложити, но и новины реша погубляти, тии глаголют, яко глагола патриарх всем епископом, да будет. А ты глаголеши ничтоже, развее таков же.

Паки глаголеши, яко Римская слава и честь прейде на Москву. Откуду ты то навык, покажи ми. Се видел еси деяние святых отец собора в Костантинополи и ничто же о сем глаголано бысть в них, якоже выше писано есть, но равночестием Московский патриарх Иерусалимскому почтен в помяннике же по Иерусалимстем патриарсе. И радуемся в таком уставе и утверждении пребывати, а не преходити меры и устава святых отец святейших вселенских патриарх.

(л. 82 об.)³¹⁷ Еже ты глаголеши против десятаго вопросу во ответе своем, яко Христос глава есть, а архиерей толко глаза и уста, а мирския люди составы.

Правило святых апостол 55.

Аще³¹⁸ который причетник досадит епископу да извержется. Писано бо есть, князю людей своих да не речеши зла.

Толкование.

Епископи убо по образу суще Господа нашего Иисуса Христа и глава церковнаго телесе именуеми и болшия чести достойни суть. Тем же, аще кто досадит им, да измещется. Презвитери же и диакони по образу суще рук, яко теми церковное правления содевает епископ, чести убо и тии достойни суть, но не тако, (л. 83)³¹⁹ якоже епископи, глава бо рук честнейши есть.

Собора в Новей Кесарии правило 14.

Селстии³²⁰ епископи суть убо по образу 70 апостол. Градстии же по образу 12 святых апостол. Всем же глава патриарх, якоже выше есть писано, а не якоже ты, расколниче, глаголеши.

34-е правило святых апостол, такожде собора во Антиохии Сирстей 9-е правило и митрополита старейшим почитати велят. Ты же, не имея или не ведая Божественнаго писания, словес крепости в ответех своих не имея, ко внешним лжам и баснословиям приходиши на прелесть простейшим человеком.

Господу свидетелствующу, горе человеку тому, (л. 83 об.)³²¹ им же соблазн приходит. И паки. Иже аще соблазнит единаго от малых сих, мнии наречется во Царствии Небеснем.

Глаголи, лжечеловече, где есть писано, еже бы своего архиепископа или митрополита свои епископи, собрався, судили, но митрополит епископа судит со епископы, а митрополита патриарх, под ним же есть епархия митрополия, или Цареградский патриарх, якоже святаго 4-го собора 9-е правило глаголет. Но ни епископа лепо есть судити прежде даже неувестыя о нем или не сушу ему призвану, якоже Василий Великий пишет в первой книге глава 54.

Яко³²² не подобает осуждати кого прежде даже не (л. 84)³²³ увесть опасно яже о нем, аще и мнози суть оглаголующии.

Глагола³²⁴ Никодим пришедый к нему нощию един сый от них: Еда закон наш судит человеку, аще не слышит прежде от него и разумеет, что творит.

Фист³²⁵ же цареви сказал, яже о Павле, глаголя: Муж некий есть, оставлен от Филикса, узник, о нем же, бывшу ми во Иерусалиме, явиша архиерее и старцы июдеистии, просяща нань пря. К ним же отвещах, яко несть обычай римляном даяти кого человека, прежде даже оклеветанный видит клеветники, место же приимет ответа о согрешениих своих.

Правило святых апостол 74.

Оклеветаем³²⁶ епископ и позываем на суд, (л. 84 об.)³²⁷ и не послушая дващи и трищи, двема епископома да позван будет. Аще же не приидет, якоже же хощет собор да судит таковаго.

Толкование.

Оклеветаема епископа о некоем прегрешении от достоверных мужей и позываема собором на судище, и не послушающу, не тако вскоре подобает собору осудити таковаго, но и дващи и трищи позвати того, и да посылается по нань коемждо позвании по два епископа. Аще же пребудет небрегий и не приидет на судище, да испытает вину по единей части собор и по подобию вины достойно да осудят его, да не мнится избыв суда беганием.

Такожде и Карфагенскаго собора 19-е (л. 85)³²⁸ правило глаголет:

Без позвания и епископа не судит, но подобает и на епископа клеветы послушати от достоверных мужей и по подобию достойно да судят его.

Видел ли еси, яко ни епископа, без позвания дважды и трижды, не судити, а о митрополитех и ни есть такова правила, еже бы своим епископом судити, но патриарху со всеми митрополиты, якоже выше есть писано 9-е правило святаго Вселенскаго 4-го собора.

А яже о патриарсех нигде не обретается, яже бы от своих епископ судиму быти, да како то их соборище нарещи кто может, чрез вся святыя правила творящих и епископским правилом винна мя творити, (л. 85 об.)³²⁹ ниже вопросившем что любо о нашем отшествии, ниже яко епископа позвавшем по вышеписанному святых апостол 74-му правилу.

Четыредесятая глава Василия Великаго первыя книги.

Яко не подобает инако учащим внимати, аще и воображаются во еже прелстити на обличение неизвещенных.

Господу глаголющу: блюдитеся³³⁰, да никто вас прелстит. Мнози бо приидут во имя Мое глаголюще: Аз есмь Христос и многи прелстят. Внемлите³³¹ от книжник хотящих ходити во одеждах и любящих целования на торжищих и председания на торжищих и предвозлежания (л. 86)³³² на вечерях, иже снедают домы вдовиц, виною далече молящеся, сии приимут множайший суд.

На³³³ Моисеове седалищи седоша книжницы и фарисеи, вся убо елика, аще рекут вам блюсти, соблюдайте и творите, по делом же их не творите: глаголют и не творят, связуют бремена тяжка и бедне носима и возлагают на плеща человеческа. Перстом же своим не хотят двигнути их, вся же дела своя творят да видими будут человеки. Разширяют же хранилища своя и величают воскрилия риз своих, любят же прежде возлегания на вечерях и прежде седания на сонмищах и целования (л. 86 об.)³³⁴ на торжищах и зватися от человек учителя. И по мале.

Горе³³⁵ вам, книжницы и фарисеи, лицемери, яко преходит море и сушу, сотворити единаго пришелца, и егда будет, творите его, сына геены, сугубейша вас.

Горе³³⁶ вам, книжницы и фарисеи, лицемери, яко одесятствуете мятву и копр и кимин и остависте вящшая закона, суд и милость и веру. Сия же подобаше творити и онех не оставляти. Вожди слепии, оцеждающе комари, велбуда же пожирающе.

Горе вам, книжницы и фарисеи, лицемери, яко очищаете внешнее сткляницы и блюды, внутрь яду же (л. 87)³³⁷ суть полни хищения и неправды.

Фарисею слепый, очисти прежде внутренее сткляницы и блюду да будет и внешняя има чиста.

Горе³³⁸ вам, книжницы и фарисеи, лицемери, яко подобитеся гробом повапленым, иже внеюду убо являются красни, внутрь яду же полни суть, костии мертвых и всякое нечистоты. Тако и вы, внеюду убо является человеком праведни, внутрь яду же есте полни лицемерия и беззакония.

Сего³³⁹ ради Аз послю к вам пророки и премудры и книжники, и от них биете на сонмищах ваших и ижденете от града во град. И прочая.

Аминь, аминь, глаголю вам, яко приидут вся сия народ сей. (л. 87 об.)³⁴⁰ Противляше³⁴¹ же ся Еллима волхв, тако бо сказовается имя его, иский³⁴² развратити Анфипата от веры. Савл же, иже и Павел, исполнися Духа Свята и воззрев нань, рече: О исполнен всякия льсти и всякия злобы сыне диаволов, враже всякия правды, не престаеши ли, развращая пути Господни правыя. И прочая.

Но³⁴³ аще мы или ангел с небесе благовестит вам, паче еже благовестихом, анафема да будет. Якоже прежде рех вам и ныне глаголю, аще кто вам благовестит, паче еже приясте, проклят да будет.

Ты убо лжеши, ответотворче, на мя, яко 4-х Вселенских соборов то надобно прокляти. Где убо наше (л. 88)³⁴⁴ слово, яко тако глаголах? И самый совопросник не глаголет о сем, латины убо точию приемлют четыре Вселенския соборы, о прочих триех не брегут. Явно, яко еси онаго сонмища исчадие, ибо беседа твоя явна тя творит. Мы убо не четыре Вселенских соборов, но седмь приемлем и облобызаем, якоже заповедано есть в первом правиле 7-го Вселенскаго собора, еже выше писахом тожде.

Правило 1-го Вселенскаго собора.

Святая правила облобызающе приемлем и держим святых апостол и 6-и Вселенских соборов, к сим же и поместных, и еще же и святых отец наших, яко единаго Святаго Духа вдохновенна. Их же прокляша, проклинаем, их же извергоша, изметаем, их же отлучиша, отлучаем, им же запретиша, (л. 88 об.)³⁴⁵ запрещаем.

Да почто, лицемере, нас приговариваешь проклинать, сам солгав, а яже о себе самом не смотриши. Лицемере, изми первие бревно из очесе твоего, и тогда прозриши изъяти сучец из очесе брата твоего. Усмотри сам о себе, како есть писано о всех твоих неправдах, еже прежде писахом и ныне паки пишем.

Правило 13 собора Антиохии Сирстей.

Аще³⁴⁶ никим же позван, ни умолен быв епископ, во иную область отшед, и поставит презвитера или диакона или правление некое церковное творит, таковая нетверда и разрушена да пребудут, а он да извержется.

Вселенскаго святого собора, иже в Халкидоне правило 5.

Преходящии³⁴⁷ из града во град, (л. 89)³⁴⁸ иже от них правилом повинни суть.

Толкование.

Речено есть в 13 правиле, иже во Антиохии собора, яко не дерзнути епископупрейти от своея области во иную и поставити презвитера или диакона без воли сущаго во области той епископа или ино что епископское творити правление. Аще бо и сотворит что таково, праздно и нетвердо да пребудет, и той месть да приимет своего безчиния и извержен да будет от своего сана Святою Троицею. Тако бо и зде написаное правило повелевает.

К сим же Сардикийскаго собора правило 3-е и 12-е того же собора, и 18-е правило того же собора, и Карфагенскаго собора 23-е, и шестаго Вселенскаго собора правило 20-е.

Епископ³⁴⁹ во инем граде в народе да не учит. (л. 89 об.) Аще же обрящется да престанет от епископства и презвитерская да действует.

Ответ

Каково судили патриархи, которые впали во блуды. Един глава Христос есть, который нарицается и злата глава, архиереи толко суть глаза и уста, а мирстие людие составы церковнаго тела. Всех властию суд 12 апостол и наследитель истины, каково и всякие священники суд и наследники 72 учеников, и помянутым святым апостолом глаголал по воскресении от мертвых Христос всем апостолом: приимите Святаго Духа, связати и решити, для чего и самаго того присловнаго началу все имеют сию же совершенную власть. Для чево против Евсевия на первом соборе Антиохийстем, на котором изложен есть от того собранаго собора еретик патриарх Павел Антиохийский, Аврилиян кесарь, хотя неверной и идолопоклонник был, похотел чтоб указ соборной был воздержан, и для того со престола Антиохийскаго был свержен.

Возражение на 10 вопрос и ответ

Глаголеши, совопросниче: Мощно ли составом главу судити и своего началника?

Возражение: Не самое ли естество тя учит, яже в неподобном твоем вопросе глаголеши, мощно ли составом главу судить. Нужно есть главе без инех состав быти, обаче бывает, а еже без главы инем удом содержатися невозможно, и сия тако суть. Поглаголем же ти и от заповедей Божиих.

Господу глаголющу: Не³⁵⁰ может человек прияти ничтоже, аще не дано ему будет с небесе. И паки инде глаголет Господь яко «не ищу волю Мою, но волю пославшаго Мя Отца». И паки (л. 90)³⁵¹ ин есть: Что имаши, еже не приял еси.

Ты же откуду дерзновение таковое приял еси наскакати на не сущая твоя? Аще Сын Божий глаголет, яко «не ищу волю Мою, но волю пославшаго Мя Отца», ты же где обрел какову любо заповедь Божию, да суда на нас изыщеши? Не слышал еси, что о не имущем брачныя одежды, то есть достоинства, и вшед на брак, Господь отрече: Возмите его и связавше ему руце и нозе, вверзите во тму кромешную, ту будет плач и скрежет зубом. Еже да и сотворит ти Господь по делом руку твою за напрасное наше преобидение, якоже и великий Павел негде глаголет: Александр ковач много ми зла сотвори да воздаст ему Господь по делом его. И прочее.

(л. 90 об.)³⁵² Собора во святей церкви Божия мудрости правило 3.

Аще³⁵³ который мирский человек епископа в темницу ввержет или биет без вины или сплет некую вину, да будет проклят.

И паки Господь о таковых глаголет: Горе человеку оному, им же соблазн приходит.

Почто ново начинаеши испытати не сущих своих, не слышали: не судите, да не осуждени будете. Не о том глаголет Господь, да кто по закону судит, но паче закона и заповедей, понеже инде есть реченое, но праведен суд судите. И божественный апостол глаголет: Тем же не прежде времене судите, Дóндеже приидет Господь. И прочая.

Слыши же и ответотворцу твоему наш ответ.

Ты же, ответотворче, во ответе своем (л. 91)³⁵⁴ пишешь: Каково судил патриарх, которые впадали в блуды? Едина глава Христос есть и который нарицается и златая глава, архиереи толко суть глаза и уста, а мирския люди составы церковнаго тела, всевластию суд 12 апостол наследителие, истинныя каково и всякия священиков 72 учеников. И помянутым глаголал по воскресении от смертных Христос всем апостолом: Приимите Духа Святаго вязати и решити. Для чего и самаго того приславнаго началу имеют сию же совершенную власть.

Возражение.

Господу глаголющу: Сый³⁵⁵ от Бога глаголы Божия послушает. И паки: Отметаяйся Мене и не приемляй словес Моих, имать судящаго слово, еже заповедах вам, то судит. И божественный апостол глаголет: (л. 91 об.)³⁵⁶ Аще мы или ангел благовестит вам, паче еще приясте, проклят да будет.

Тако и святии отцы на Вселенских соборех утвердили и клятвами закляли, еже к тому не имати кому что приложити или отложити.

Ты почто чрез Божественныя заповеди и законы от себе везде толкуеши? Не слышал ли Писания³⁵⁷, яко подобает ключаема коемуждо благоразумне отдаяти. И вопросиша Его, глаголюще: Учителю, вемы, яко право глаголеши и учиши и не зриши на лица, но воистину пути Божию учиши. Достоит ли кесарю дань даяти или ни? Разумев же лукавство их, рече к ним: Что Мя искушаете, покажите ми пенязь, чии имать образ и надписание. Они же рекша: Кесарев. Он же рече им: (л. 92)³⁵⁸Отдадите убо кесарева кесарю.

И паки глаголет Господь: Аще³⁵⁹ нога твоя или рука твоя соблажняет тя, отсецы ю и верзи от себе. И по мале: И аще око твое соблажняет тя, истни е и верзи от себе.

Смотри правосудие Божие, яко кроме инех удов возможно есть жити человеку, а без главы не есть лзе. Тем же невозможно инем удом главу отсещи и тако всем живым и действуемым быти.

Собора 4-го Вселенскаго правило 9.

Причетницы³⁶⁰ между собою распрю имуще, аще оставльше своего епископа, к мирским судиям приступят, по правилом вину да приимут. Причетницы же, аще имеют что на епископа, да ожидают собора. Аще же епископи на митрополита Константиняграда патриарху да возвестят.

Толкование.

Аще причетник имать нечто на причетника, не подобает ему судитися пред мирскими судиями, но от своего епископа. Аще же оставльше своего епископа к мирскому судищу приступят, по правилом запрещение да приимут. Такоже и причетник, аще имать нечто на своего епископа, (л. 93)³⁶¹ да приходит к митрополиту страны тоя. Егда в реченое время соберутся к митрополиту всея области его епископи, тогда пред митрополитом на соборе да судится. Аще ли епископ или причетник с митрополитом имать некую распрю, от патриарха всея тоя земли да судится, под ним же суть епископи и митрополити всех областей страны тоя, или от патриарха Константиняграда судится. Сия бо власть никому же от инех патриарх дана бысть, ни от правил, ни от закона, еже судити митрополита, под инем патриархом суща, другому патриарху, но токмо Константиняграда патриарху сие дано есть. (л. 93 об.) И нигде же обретается суд на патриарха от своих епископ, разве твоего блядословия.

Ответ

А Иисус, Бог и Человек, рекл святым женам: не бойтеся, идите и рцыте братии Моей. А естли священники Его, братия Его не суть, что же ли они суть? Сыны ли? Нет, для того что мирския люди суть сыны, и он есть отец всех мирских людей, а иныя архиереи то же их отцы. А как многие зла притчею есть много разумения и гордости, пишет отец наш Дорофей, что был некоторой старец, которой первой сказал, чтоб он был, что авва Зосима и Макарий, толко чтоб быть менши Василия Великаго и Григория Богослова, а Дорофей разсмеявся глаголя ему: по немногих днех и сих лутче будет. И так учинилося для того, что по немногих днех³⁶² похвалится, что паче их во святых стану, толко недостало ему, что он не превышшил апостолов Петра и Павла. И опять глаголал, что и тых превышшил; и опосле к такой смелости пришел, что приподобился к Пресвятой Троице и наследия Люцыфера³⁶³ возгласил: кто таков что я? и зопхнен тотчас во ад тот святократца. Подлинно гордость не имеет крепко стоящия ноги, но всегда ищет пременнаго поступления, а однако же опять назад ползет что рак. И дивно мне на некоторых людей, которыя похваляются: тот и тот от меня посвящен, я того учинил епископом, того митрополитом; я да ты, кто ли еси который столко похваляется? Христос крещает как первоначалный, а священник как снасть, власть от Него имеючи. Христос помазует. Христос посвящает, но посредителством священника и архиерея. Не помните ли что обвестил сосуда избраннаго апостола Павла святаго уста: внимайте убо себе и всему стаду, в нем же вас Дух Святый постави епископы паствити Церковь Божию, которую снабдил Кровию Своею³⁶⁴. Слушайте вы, слушайте, Дух Святый и божественная благодать обирает и освящает епископы, и митрополиты, и всякие архиереи. Иди ныне и глаголи, что я свящал тово и тово, и еще и Павел глаголет, что всякое освящение есть Святаго Духа, а не человеческое, и не как преже говорили: я Аполлосов, а я Кифин.

Возражение 11 вопроса и ответа

Глаголеши, совопросниче, яко аз никогда не изволил называть архиереов братиею своею, но почитал их велми нижайших для того, что от него были освящены.

Возражение.

Лжеши, лицемере, яко аз не называл их братиею, но есть свидетельство во святей литоргии³⁶⁵ по принесении Честных Даров, глаголет архиерей ко прочим служащим: Помяните мя, братия и сослужителие. (л.94)³⁶⁶ И аще в нужнейших соглашался, како глаголеши, яко нижайши себе почитал, во инем месте покажем, яко глава инех уд честнейши. Ныне же о сем глаголем, яко от него, глаголеши, посвящены были. Истину глаголеши, яко от нас были посвящены и ныне несть уже священия на них, яко же глагол твой свидетельствует, якоже Перваго и Втораго собора в церкви святых апостол глаголет.

Правило 13.

Аще³⁶⁷ который презвитер или диакон, якоже се мня, сведый своего епископасогреша, прежде суда и уведения всех епископ собора отступит от общения его и не поминает имени его в службе, да извержется и всея священническия (л.94об.)³⁶⁸ да будет лишен. Последующий же ему, аще суть священницы, своея чести да отпадут, мниси же и мирстии человецы да отлучатся Дóндеже обратятся.

Правило 14.

Аще который епископ тожде сице дерзнет сотворити на своего митрополита да извержется, подобает бо коемуждо своя меры ведати.

Правило 15.

Такожде аще который епископ или митрополит на своего патриарха таковая же дерзнет, всего святительства да будет лишен.

Доволни ли ти есть сего на ответ ко твоему вопрошению. Аще ли мниши мало, послушай вкупе со ответотворцем. Глаголеши убо, (л. 95)³⁶⁹ ответотворче, яко Иисус, Бог и Человек, рекл святым женам: Не бойтесь, идите и рцыте братии Моей. Есть ли с пол священники Его, братия Его не суть, что же ли они суть, сыны ли несть для Того, что мирския люди суть сыны и Он есть Отец всех мирских людей, а иный архиерей тоже их отец.

Тако³⁷⁰ Господу глаголющу ко святым женам, яко же ты глаголеши: Идите и рцыте братии Моей. Есть же Господу глаголющу и заповедающу, ни учителем кому прощено есть нарицатися. Вы же, рече, не нарицайтеся учитилие, един бо есть учитель ваш Христос, вси же вы братия есте. Да почто уже и учителем нарицаются учители, понеже вси братия есмы? (л. 95 об.)³⁷¹ И паки Господу глаголющу: И отца не зовите себе на земли, един бо Отец ваш, иже на небесех. Да почто ты глаголеши, яко несмь отец своим чадом, а они отцы своим сыном?

Господу отрицающу всем не звати на земли отца развее на небеси, а ты глаголеши, яко отцы всем людем архиерее. Почто же великий архиерей нарицается патриарх, не еже ли отцем начало, то есть малым и великим? Что же ли епископ, развее посетитель, а не отец, ни отцем начало? Да уже видел еси святаго Перваго и Втораго собора в церкви святых апостол, яко коейждо степени свое правило имуща 13-е о епископех и 14-е о митрополитех (л. 96)³⁷² и 15-е о патриарсех. Не доволно ли и едино правило быти, но изволи ся святому собору коемуждо по чести и по степенем правило написати.

Прочти же святаго Карфагенскаго собора правило 87.

Да³⁷³ не почтеши себе болши сущаго прежде тебе, но да последствуеши. Не брегий же о первом, от него сам небрегом будет.

Толкование.

Во Африкии тогда и во инех странех правовернии епископи не имеяху по престолом различныя чести, но вси бяху равночестни. Епископ же прежде поставленый и поставленаго по нем и седанием и в правилных взысканиох и во ответех честней бяше и тако, иже по них по летом³⁷⁴ (л. 96 об.)³⁷⁵ поставлениа их последоваху. Не хотящаго же по тому уставу творити епископа во Африкийстей стране, но гордящася и самомнима суща и о старейших его не брегуща, повелеша отцы небрегому быти таковому от всего собора.

Да коя твоя правда, самомниме, чрез евангелское учение и святых апостол и святых отец правила, еже не радети о старейшинстве. Вводиши, чево прежде не было. Послушай апостола Павла к Тимофею пишуща: Старцу³⁷⁶ не твори пакости, но утешай якоже отца, юношу якоже братию. Почто и апостол различие положил старцу с юным?

Патриарх есть образ жив (л. 97)³⁷⁷ Христов и одушевлен делесы и словесы в себе живописуя истину.

Блюдение патриарху.

Первие, убо их же от Бога прият, во благочестии и чистоте житие сохранити. Потом же и вся еретики, поскольку мощно тому, ко православию и соединению церковному обратити. Еретицы же законы и правилы нарицаются, иже соборней не общевающеся Церкви, еще же и неверныя светлым и чюдным его деянием удивляя, подражателя сотворити³⁷⁸ в вере и зрящих дела его, служителя Пресвятей и Единосущней Троицы, елико по нем соделати. Конец патриарху, еже ввереных тому душ спасение и еже жити убо о Христе, распяти же ся мирови, (л. 97 об.)³⁷⁹ особная патриарху, еже быти учителну, еже ко всем высоким же и смиреным не тесно местне изровнятися и кротку убо быти ко всем приступающим ему и собеседующим ученми. Обличителну же к непокоряющимся, о истинне и о отмщении преданий, соблюдении правды и благочестия глаголати пред цари и не стыдетися жителству от частей и удов, подобне человеку некоему составляему великая и нужнейшая части царь есть и патриарх. Тем же и еже по души и телу мир и благоденство послушник царствия есть и архиерейства во всем единомыслие и согласие. Константиняграда (л. 98)³⁸⁰ престол царством украсися, соборными сужденми первый наречен бысть. Им же божествении последующе закони и иже от иных престол бывающим недоуменным, яко по однаго повелевают возноситися разсмотрение и суд всех митрополий и епископий. Монастырь же и церковь промышление и попечение, еще же и суд и осуждение и освобождение от вины своему патриарху належит. Константинова же града первоседалнику лет есть во инех престол енориях, в них же несть предосвящения, храмех крестоводружения давати не токмо, но и иже престолех бывающая распря и недоумения назирати и изправляти и конец налагати судом. (л. 98 об.)³⁸¹ Такожде и покаяния и обращения от грехов и ересей сам един бывает разчинитель и расправитель и устаменитель.

Собора в Новой Кесарии правило 14.

Сельстии³⁸² же епископи, суть убо по образу седмидесяте апостол, якоже с служебницы суще, потщания ради, иже ко убогим, почитаеми, да служат во градстей церкви.

Толкование.

Епископи убо градстии, по образу суть двоюнадесяте апостолу, на них же дуну Господь: Приимите, рече, Святый Дух, им же отпустите грехи, отпустятся им, и им же держите, держатся им. Се же по сих им же даравано бысть и благодать Святаго Духа инем раздавати. (л. 99) И уже видели еси своего исправления разрушение в 13-м правиле святаго собора, иже во Антиохии Сирстей, и святаго шестаго Вселенскаго собора в 20-м правиле, почто еще многословиши.

Ответ

Истинно согрешил и велми, для новости титлы и новости речи, для того те речи, которыя опроче достоинства почитаются и величают болши приносят соблажнение, неже чести и достоинства умных мужей. Понеже Карфагенский собор возбранил первому епископу сей страны: не называйся вышним священником, ни называтися екзархом священников, но токмо епископом перваго престола. Чти подписи патриаршеския, которыя съехалися в Никею на шестый Вселенский собор, второе собранный; Павел недостойный епископ Константинополский новаго Рима, по указу подписал; Петр недостойной епископ Александрийский великаго града, по указу подписал; Анастасий епископ наименший Иерусалимский, по указу подписал; Георгий менший епископ Антиохийский Божия града, по указу подписал, но и Григорий диалог, раб рабов Божиих подписал. Видишь какие титлы прежнейшия тебе патриархи требовали во своих подписях. Который возносится будет понижен. Низложи силныя со престол и вознося смиренныя. Такова есть правда.

Возражение 12 вопроса и ответа

Глаголеши, совопросниче, неправедне, яко нарекся Никон великим государем для того, что его так назвал всегда сщастливейшой наш государь хотячи его паче звычаю почитать. Согрешил ли Никон, что так высочайшее титло на себя принял, согрешил ли или нет, скажи нам и протолкуй.

И сам, вопросниче, глаголеши, что назвал всегда сщасливейшой наш государь хотячи ево паче (л. 99 об.)³⁸³ звычаю почитать, да уже чево ино взыскуеши толку и сам свидетелствуеши, яко назвал государь, да на нем то Господь Бог и взыщет. А где и когда назвал, аз ти скажу.

Как великий государь пришел ис под Смоленска в Вязьму, а мы пришли з государынею царицею и з государем царевичем и з государынями царевнами в Вязьму же. И он, великий государь, со многим молением говорил нам о сем, чтоб писатца великим государем, а нашего изволения на то не было. А что он в своем изволении раскаялся и всем порицает нас тем, яко мы тако начали писати, Господь Бог разсудит в день Судный по ево рукописаным грамотам, в них же есть (л. 100)³⁸⁴ писано то, и положены на престол Божий.

Но обаче известите ми, что различествует государь з господином, еже и ныне епископи вси пишутца великими господами, а боляре и вси людие государями. И которое приложение³⁸⁵ чести есть, еже великий государь изволил от тех времен писатися нам великим государем, как на нас, смиреннаго своего богомолца, воздвиг негодование. И что есть к чести³⁸⁶ царьской пристойнейший, так ли как ныне великий государь описуется «великий государь царь» и вси людие пишут о своих делех сице «великому государю царю», или как прежде писывали вси людие «царю государю», обаче во священных книгах нигде же есть обретается Господь государем и царь царем, но Царь царьствующим и Господь господствующим³⁸⁷ . (л. 100 об.)³⁸⁸ Изестнее же во Апокалипсисе пишется: И³⁸⁹ имать на ризе и на стегне своем имя написано Царь царем и Господь государем. И почто ине вси людие, его же хотят, того государем называют, малих и великих и средних и равных себе и менших себя пишут и глаголют. А еже бы кому продерзивому назвать кого, аще и от великих царей, и той в сладость себе приимет, оба без муки не будут и в правду.

Ответ

Никак не достойно, потому что пишет святый Кирилл во своих поучениях, яко старый Иерусалим был пророкоубийца и Христоубийца, а новая Иерусалима есть Христос, честь воздающи и учеником Его: из Сиону изыде закон и слово Господне из Ерусалима. Егда поем на святую Пасху «Светися, светися, Новый Иерусалиме», ныне есть ли есть новый Иерусалим но Никонов. Убо паки новый Иерусалим учинился ветх и пришел уже к старому и прежнему своему постановлению, и по наследованию доведется, чтоб мы от прежняго и сущаго Иеросалима отстали, а в сей новой Никонов пристали. О, недостоинство! О, неизвычна новость! Не называет тот монастырь новую обитель, но новый Иерусалим Ник., любител новых речей муж. Не бы ли пророчество о твоем, не прямом Иерусалиме, о Никоне; ново письмо начинаешь, котораго желают и дожидаются себе жидове, что изыдет воплотитися и родитися новый мессия в новом Иерусалиме на удачю не в твоем антихристова будет родителница. Покинь человече, не шути святыми делы, не играй речми³⁹⁰ от Бога данными, един есть Иеросалим на земли, а вторый на Небеси, который никогда несказателный, сиречь нерушимый; третий Иеросалим никто не здумал, толко один Никон, и то не по достоинству; и будет вопрос: кто истинный патриарх Иеросалимский?

Возражение 13 вопроса и ответа

Глаголеши, совопросниче, яко Никон строит ныне по се время один монастырь и назвал его новым Иерусалимом, доведет ли ся, чтоб так Святаго Града имя было перенесено и иному дано.

Возражение.

Не позорю аз староноваго Иерусалима, еже называю Воскресенской монастырь Новаго (л. 101)³⁹¹ Иерусалима, понеже писано есть во пророцех: Из Сиона изыдет закон и слово Господне из Иерусалима. Того закона есмь любитель и слова Господня хранитель, не стыжуся и сам иерусалимлянином нарицатися и со всем воследующим нам. Писано есть: Отроча³⁹² родися нам и Сын дастся нам, Ему же власть на раме Его и мирови Его несть предела. И по мале. Велия власть Его и мирови Его несть предела.

Да кто описал есть от Сиона закону место, писано есть: Не вси, иже от Израиля сии израилтяне, ниже иже от Авраама сии суть сынове Авраамли, но иже дела Авраамова сотворит, той сын Авраамль есть. Тако не вси от Иерусалима сии суть иерусалимляне, но иже закон, (л. 101 об.)³⁹³ от Иерусалима изшедший, сохранит.

Да кто укорит мя о сем, развее иже не любит Господа. Аще ли же кто того Иерусалимом назовет, не погрешит истины, зане начало тому бысть царьскаго величества и всего освященнаго собора и всего царьскаго сигклиту. Зане и на освящении первыя церкви Воскресения Христова изволися великому государю царю и великому князю Алексию Михайловичю всеа великия и малыя и белыя России самодержцу со всем сигклитом быти. Изволи же ся ему, великому государю, именем звати новый Иерусалим и в своих царьских грамотах написать своею рукою на утвержение, еже и ныне таковая грамота ево, государева, (л. 102)³⁹⁴ держится в честне месте. На ково ты, злоначалный человече, ответотворче, злые поносы твориши, глаголя. О недостоинство, о неизвычена новость, не называет тот монастырь новую обитель, но новый Иерусалим. Смотри и виждь, откуду начася таковое звание, не на него ли ты таково поношение износиши и досаду твориши?

И паки глаголеши, издыха о Никоне, ново писмя начинаешь, котораго желают и дожидаются себе жидове, что изыдет новый мессия в новом Иерусалиме на удачю не в твоем антихристова родителница.

Зело мне видится, безумный человече, не ведети тебе Божественнаго писания, ни сылы³⁹⁵ его, (л. 102 об.)³⁹⁶ и глаголеши, яко ново писмя начинаю, аз и тебя по святым каноном проклинаю, начинающаго чрез Божественыя правила новые законы издавати на соблазн людем. Не погрешил бы тот истины, аще бы кто обязал о выи твоей жерновный камень и потопил в море, яко в Евангелии пишется. Аще не веси, идеже подобает отцу твоему, антихристу, родитися, мы ти от святых книг покажем место, а не яко же ты, еже собою что слыши, то и глаголеши, ничто же истинно, везде лжи полно, якоже и зде. Слыши, ответотворче, како имать антихрист родитися и где.

Господу глаголющу во святем Евангелии: (л. 103)³⁹⁷ Блюдите³⁹⁸, да никто же вас прелстит, мнози бо приидут во имя Мое, глаголюще, яко аз есмь Христос, и многи прелстят. Услышати же имате брани и слышания бранем, зрите, не ужасайтеся, подобает бо всем сим быти. Но некогда есть кончина, востанет бо язык на язык и царьство на царьство, и будут труси же велицы по местом, и глади и пагубы будут, страхования велия с небесе будут. Вся же сия начало болезнем.

Тогда предадят вы в скорби и убиют вы, и будете ненавидими всеми языки имени Моего ради, и тогда соблазнятся мнози и друг друга предадят и возненавидит³⁹⁹ друг друга, и мнози лжепророки возстанут (л. 103 об.)⁴⁰⁰ и прелстят многия за умножение беззакония, изсякнет любы многих.

Прежде⁴⁰¹ же сих всех возложат на вы руки своя и ижденут, предающе на сонмища и темница, ведоми ко царем и владыкам имени Моего ради. Прилучит же ся вам во свидетельство. Предани же будете и родителию и братиею и родом и други, и умертвят от вас. И будете ненавидими от всех имене Моего ради. Претерпевый же до конца, той спасется. И проповесться Евангелие царьствия по всей вселенней во свидетельство всем, и тогда приидет кончина. Егда бо узрите мерзость запустения реченую Даниилом пророком, сто(л. 104)ящу⁴⁰² на месте святе, идеже не подобает, иже чтет да разумеет. И по мале.

Будут⁴⁰³ бо дние тии скорбь, якова не бысть такова от начала созданию, еже созда Бог, доныне и не будет. Но в тыя дни по скорби той солнце померкнет, и луна не даст света своего, и звезды будут с небесе падающе, и силы, яже на небесех, падвигнутся⁴⁰⁴. И тогда узрят Сына человеческаго грядуща на облацех с силою и славою многою. И прочая.

Виждь, человече, где имать стати мерзость запустения на месте святе не ижели во Иерусалиме. Пошед, скажем.

Како ты сводиши таковыми безумными приклады, яко антихристу изыти из Воскресенскаго монастыря Новаго (л. 104 об.)⁴⁰⁵ Иерусалима. Послушай же и апостола Павла, глаголюща: Да⁴⁰⁶ никто же вас прелстит, ни по единому же образу, яко аще не приидет отступление прежде, и открыется человек беззакония, сын погибели, противник, и превозносяйся паче всякаго глаголемаго бога или чистилища, якоже ему сести во Церкви Божии аки Богу, показуя себе, яко бог есть. Не помните ли, яко еще живый у вас сия глаголах вам, и ныне одержащее весте, явитися ему во свое ему время, тайна бо уже деется беззаконию. Точию держаяй ныне, Дóндеже от среды будет, и тогда явится беззаконный, его же Господь Иисус убиет духом уст Своих (л. 105)⁴⁰⁷ и упразнит явлением пришествия Своего. Его же есть пришествие по действу сатанину во всякой силе и знамениих и чюдесех ложных и во всякой лести и неправде, в погибающих, зане любве истинныя не прияша, воеже спастися им. И сего ради послет им Бог действо лсти, воеже веровати им лжи, да суд приимут вси неверовавшии истине, но благоволиша о неправде.

Навыкнем⁴⁰⁸ спасеная словеса, како всегда нам утвержатися запоручаем. Блюдитеся, рече, да не прелщени будете, мнози бо приидут о имени Моем глаголюще, яко аз есмь, ибо поеже вознестися ему ко Отцу, бысть о них что. И восташа нецыи глаголющии, (л. 105 об.)⁴⁰⁹ яко аз есмь Христос, якоже Симон волхв и инии мнози, имже несть ныне время имян воспомянути. Темже и в последняя дни скончания подобает паки востати лжепророком, мужем глаголющим: Се зде Христос или онде, не имите веры, но суетно мудрование стяжавшии и писания прилежно не почитающии взыщут Мя, еже обрести, и не возмогут.

Подобает бо сим первее быти и тако явитися сыну погибелну, сиречь диаволу. Отнюду же и богословцы апостоли, извествующе Господа Иисуса Христа свидетелство, койждо их показа скверных и тлетворных человек показание и проповедание яве тех неправедная деяния. Первый (л. 106)⁴¹⁰ Петр, камень Церкве и веры, его же ублажи Христос Бог наш, учитель церковный, первый ученик, иже ключи Царьствия имеяй, научи нас, глаголя: Сие⁴¹¹ же ведите, чада, яко внидут в последняя дни ругателие, по своих похотех ходящии, и в вас будут ложнии учителие, иже введут ереси погибельныя.

С сим же согласует святый Иоанн Богослов, возлюбленный Христу, взывая: Яве⁴¹² суть чада диаволя и ныне антихристи мнози Быша, но да не прелстятся вослед их. Не всякому духу веруйте, яко мнози лжепророцы и лжехристи в мир внидоша.

Та же Июда Ияковль подобно сим глаголет: в последняя времена будут (л. 106 об.)⁴¹³ ругателие, по своих ходящии похотех нечестивых, сии суть иже без страха себе пасущии.

Разуместе ли Богословец и апостол согласие и единомыслие учительства их. Послушай еще к сим Павлово дерзновение, како таковым яве открывает.

Блюдитеся⁴¹⁴ от злых делателей. Блюдитеся от псов⁴¹⁵. Блюдитеся от сечения неверных. Блюдитеся, да никто от вас будет крадый философиею тщею и лестною. Блюдите, како опасно ходите, яко дние зли суть.

Но скончания сим слову давше, обратим повесть на последующая нам.

Прочее же, еже о антихристе, отчасти вам скажем. Но елика возможно пророк ради и Писанием воспро(л. 107)⁴¹⁶ повем, еже на всю землю прелесть его и законопреступное прихождение.

Господу бо Иисусу Христу, по плоти на землю пришедшу от Святыя чистыя Девы, Июдино племя восприемшу. От него же прошед, царьское сродство изъяви, по Иакову, иже во благословении чад возглашающему к своему сыну: Июдо⁴¹⁷, тебе возхвалят братия твоя, руце твои на плещу враг твоих, скимен лвов, Июда. От леторасли Сын мой взыде. Возлег поспа яко лев и яко скимен, кто возбудит Его. Не оскудеет князь от Июды, ниже вождь от стегну Его, Дóндеже убо приидет Ему же щадится, и Той чаяние языком.

Видели Ияковли главы, ко Июде глаголемы и на Господе исполняемы. Таковая же (л. 107 об.)⁴¹⁸ убо и о антихристе патриарх взывает, тем же, яко и о Июде пророчествова, такоже и о сыне своем Дане.

Да⁴¹⁹ будет Дан змий, при пути седя, хапля пяту коню. Змий убо кий сий, но иже изначала лстец прелстивый Адама.

Но понеже многих ради достоит показати глаголемая, не обленимся. Яко убо воистину от колена Данова хощети родитися и противитися мучитель сый, царь и судия лютый, диавол.

Рече пророк: Дан судит людем своим, яко сый едино племя от Израиля.

Глаголет Иеремия: Спех от Дана. Услышим, борзостию коня его потрясется вся земля. И паки Моисей рече: Скимен лвов, Дан изско⁴²⁰ чит от Васана. (л. 108) Якоже убо от колена Июдова родися Христос, сице и от колена Данова родится антихрист и сотворит вся, елика Христос сотвори, исперва июдейский язык возлюбит, по сих же всех знамения сотворит и чюдеса страшна, не по истине же, но по привидению, яко прельстити подобныя себе нечестивыя, аще возможно и избраныя отставити от любве Христовы. И всяку добродетель навыкнет и всех прелстит⁴²¹, воеже сотворити его царя, исперва убо лстивне приимлет ложь, беззаконный отречется славы своея, человецы пребудут моляще его, и поставляет его царь⁴²². Таже вознесется сердцем своим во царьствии своем и ополчит брань и три цари убиет гневом Египецкаго, Ливийскаго и Ефиопскаго. И по сих сотворит церковь, иже во Иерусалиме, (л. 108 об.)⁴²³ и возставит ея июдеом. Таже вознесется сердцем на всякаго человека, не точию же, но и на Бога хулная речет, помышляя, окаянный, яко царь будет даже до века. Не ведый всестрастный, яко царьство его вскоре разорится и восприимет уготованный ему огнь со всеми покаряющимися тому и сослужащими.

Прочее же пространнее хотяй навыкнути о хотящих быти сложение от святаго Евангелия и святых апостол, о сем Ипполитово прочти и увеси, или Мефодия, епископа Патарскаго, о антихристе.

Сей родится в селе Хоразине и воспитается в Вивсаиде и воцарится в Капернауме. Возвеселит же ся весь Хоразин, яко родися в нем, и (л. 109)⁴²⁴ Вивсаида, яко воспитася в нем, а Капернаум, яко воцарися.

Сего ради Господь во Евангелии рече по трищи: Горе тебе, Хоразине, горе тебе, Вивсаида, горе тебе, Капернауме, яко до небес вознесеся и до ада низведешися. И внидет сын погибелный во Иерусалим, и сядет во церкви Божии, и прочее сотворит, елика во инех книгах пишет.

Такожде и святый Ефрем пишет: Родится из скверныя жены и покажется во всем благ и кроток, и возлюбят сквернии жидове, чтити его начнут и радоватися царьству его. Он же, всескверный, тех почитати начнет и место и церковь им воздвигнет.

Святый же Андрей в 9-м слове на толкование Откровения (л. 109 об.)⁴²⁵ пишет⁴²⁶, воспоминая Евфрата, яко от онех стран исходит антихрист.

К сему же и Новый Иерусалим, возлюбленный град, взяти и поработити хотящи, из него же Божественный закон чрез апостоли во вселенную протече. Идеже глаголют, яко и антихрист в храме Божии сядет или во июдейстем, древле убо божественнем, разрушеннем же за дерзость на Христа, и от него паки исправитися чаемем богоборцами июдеями. Или воистину в Божественнем храме в соборней Церкви чуждая себе присвояй, показуя себе, яко бог есть, яко же глаголет апостол: Но ненадолго, глаголет, огнь с небесе сошед, или видимый, якоже на два пятьдесятники при Илии, или (л. 110)⁴²⁷ Христово славное пришествие убиет духом уст сових.

Доволно ли ти есть, лжесловче, о антихристове пришествии вкратце реченная от святых книг?

Мы же от Спасителя Христа научившеся молитися, еже не внити в напасть, протяженне и прилежне о сем помолимся. Немощь свою познавше, избавитися прорекованных искуса, и ниже видети антихристово пришествие, ниже предглаголаных язык движение, ниже беду смертную, от спасительныя веры отступити насилующую. Но свидетельство совести по силе соблюдающе невредимо, неуязвлено, ко искупившему нас честною Своею кровию Христу Богу распалением любве делы (л. 110 об.)⁴²⁸ благими показующе, вечных благ сподобимся.

Глаголеши, ответотворче, яко един есть Иерусалим на земли, а вторый на небеси. Покажи ми описание, якоже небеснаго, такожде и земнаго качество и количество. И есть ли кто, от Иерусалима изнесеный закон чрез апостолы хранит, может нарицати иерусалимлянин или ни? Да почто во Антиохии почася християнское имя нарицатися, и еже ныне и повсюду нарицаются христиане, согрешают ли в сем христиане или ни? Да аще несть подобно держай Иерусалимский закон иерусалимлянин нарицатися, то ниже христианином кому лепо есть нарицатися, разве единыя Антиохии, еже ныне всюду на(л. 111)рицаются⁴²⁹. И аще не лепо есть христианом нарицати, ниже от первообразных кому за любовь первообразнаго вообразити, что любо вещь кую или именем тем нарещися, то уже все елико от первообразных воображеная или нареченая вся неправа суть по твоему, безумный ответотворче, списанию проклятому. То уже несть праведно и Евангелие, Богом преданое во Иерусалиме, где инде нарицати Евангелием, ниже Святый Крест развее святыя Голгофы, ниже церковь Воскресения Христова развее церкви святаго Иерусалима града?

И списать будет и от святаго Евангелия реченое Спасом слово: Шедше в мир весь проповедите Евангелие всей твари, иже веру имать, крестится⁴³⁰, и спасен (л. 111 об.) будет, а иже не имет веры, осужден будет.

И⁴³¹ рече им, яко тако писано есть, и тако подобаше пострадати Христу и воскреснути от мертвых в третий день, и проповедатися во имя Его покаянию и отпущению грехов во всех языцех, наченше от Иерусалима, вы же есте свидетелие сим.

Зри, ответотворче суемудрене, яко не единому Иерусалиму предано святое и священное Евангелие, но в весь мир, якоже пишет: И проповестся Евангелие во всем мире, тогда приидет кончина.

Согрешают ли в том, еже, преписав от онаго, иныя многия содержат по всей Вселенней и нарицают Евангелие, а не образец?

(л. 112)⁴³² Такожде и святый Крест повсюду есть, еже поченшеся от святаго царя Константина и матере его Елены, и есть повсюду Крест. Такожде и святыя иконы зрим Владычния о нас страсти крест, гроб, ад умерщвленый и разрушеный, апостол проповедание, мучеников подвиги, венцы, самое спасение, еже первый наш Подвигоположник и Подвигодатель и Венечник посреди земли спасение⁴³³ содела.

Согрешает ли кто, еже в славу Господу Богу с любовию созиждет храм во имя Святаго Воскресения по образу храма Воскресения, еже есть во Иерусалиме, величеством и мерою и добротою? И есть ли новая иная нарицатися может, а не таяжде, яже суть (л. 112 об.)⁴³⁴ Иерусалимская? Или не подобно начал той, кто любо тако творит? Отвещай. И что суть множество повсюду святых церквей, еда не таяжде Иерусалимская церковь и святый Сион? Развее иныя еретическия другия церкви, нигде же есть другая.

Послушай, прелестниче, еже прияла Святая Соборная Церковь предание святаго седмаго Вселенскаго собора в Неделю Православия держати.

Должное к Богу летнее благодарение в онь же день прияхом Божия Церковь с показанием благочестия догмат и развращением злобы нечестия.

Пророческим последующе речением, апостолским учением покаряющесь и Евангелскими повестьми учащеся, (л. 113)⁴³⁵ обновлений день празднуем.

Исаия бо рече: Обновляйтеся, острови, к Богу, от язык гадательству Церкви. Бяху же, убо церкви не просто храмов здания и светлования, но в тех благочествующих исполнение, и ими же они Божеству песнми и славословии служат.

Апостол же самому сему уча, во обновлении жизни ходити повелевает, и аще кая во Христе новая тварь обновлятися. Словеса же Господня и пророческое показующе состояние, Быша, рече, обновления во Иерусалиме и зима бе.

Или убо мысленая, в ню же род июдейский на общаго Спаса скверноубийства подвизаше, бурю же и молву, (л. 113 об.)⁴³⁶ или оскорбляющая телесная чювства пременением воздуха на зимноти.

Бысть же убо и на нас зима не прилучшаяся, но воистину великия злобы изливающая суровством.

Помяни, Господи, поношение рабов Твоих, его же удержал еси в недре моем многих языков, им же поносиша врази Твоя, Господи, им же поносиша изменение Христа Твоего. Изменение же убо⁴³⁷ бяше Христово, смертию Его искуплении и веровавшии Ему словом же проповеди и иконным изображением, ими же велие дело смотрения избавленым познавется.

Крестом же и прежде Креста и по Кресте страстьми же и чюдеся Его. От них же и подража(л. 114)ние⁴³⁸ страданий Его на апостолы, оттуду же на мученики преходит, и теми же даже до исповедников и постников преходит.

Верующим и проповедающим сие есть благовествующим словеса на писменах, вещи на начертаниях, и во едину обое совершати ползу. Словесы же проповедание и иконами истины извещение.

Словом освящающим устне, таже слышателем словом, ведущим и проповедающим, яко освещаются убо такожде честными иконами очи зрящих. Воздвижет же ся теми ум к Богувидению, якоже и Божествеными храмы и священными сосуды и иными вещьми в писаниох и умышлениох, в жертвах, (л. 114 об.)⁴³⁹ в храмех, во изображениох, тому убо, яко Богу и Владыце, поклоняющеся и чтуще.

Сия вера апостолская, сия вера отеческая, сия вера православная, сия вера вселенную утверди. Зриши, неправедный ответотворче, како святии апостоли и святии отцы священными изображении и храмы и жертвами в писаниих и умышлениих очи зрящих. Воздвижет же ся теми ум к Боговидению, якоже и Великому Василию мнится, священными иконами ум на первообразное возводити.

Да которой грех от первообразных в славу Божию, аще кто кую священную вещь преписати, якоже глаголю святое (л. 115)⁴⁴⁰ и священное Евангелие и прочия святыя книги или иконным изображением по заповеди святых апостол и святых отец, еже суть Рожество Христово и Крещение, евангелское проповедание и еже от христоненавистных жидов укорение, поругание, оплевание, распятие и смерть, во гробе положение и воскресение и ада разрушение. Таже святых и священных апостол проповедание и страсти и святых мучеников подвиги и мучение и святых и преподобных житие и исправление и святых храмов и прочих вещей во славу Божию зиждемых. Или и самаго того Иерусалима кто бы по образу его во славу Божию святое ограждение создал, на видение приснопамятнаго святаго того (л. 115 об.)⁴⁴¹ Иерусалима, в нем же спасителныя Страсти нашего ради спасения содеяшася, или мнится бесчестно есть. Да⁴⁴² аще града от первообразнаго ин создати беззаконно есть? Той все ты, непреподобный, обругал. Ини же уже к тому мощно есть преписати кому Евангелие или изоображение которое, или священныя храмы и прочия вещи от первообразных воображеныя.

И что различие ты глаголеши, еже начертаными или воображеными священныя вещи воображены, яже суть и иконы, яже суть храмы и жертвеники, иже повсюду от первообразных размножишася.

Вся, кроме церковнаго предания и учения и изоображения святых и присно(л. 116)памятных⁴⁴³ отец обновляемая или по сем содеянная проклята.

Глаголеши, ответотворче, будет воспрос, кто истинный патриарх Иерусалимский. Смотри, хрисовула, святейших вселенских патриарх руками подписаннаго осмиюдесят со двема и печатми утвержена, о чести Московских патриарх и седалища о равночестии. Аще сам не веси, вопроси ведущих, яко ни града, ниже что любо ино есть развее монастыря и святых церквей.

Ответ

Тако есть, но ино есть: ино есть образец нарицается, ино есть что нарицается и первый образец и самая сущая истинная речь; образец имеет начало от истинныя речи; ныне Иеросалим Никонов не есть ли образец, последующий истинному образу, но самый первый началной Новый Иеросалим. И так преставают всякия церковныя уставы, для того, что истина Иеросалима престала и не есть Новый Иеросалим, и ни Мати Церквам Божиим, жития Божия и селения, как поет, восхваляя его любительной Иоанн Дамаскин. И паки престал престол Иякова брата Господня по плоти и перваго архиереа Иеросалимскаго. И не правду ли сказал Христос когда рекл: и врата адова не одолеют Ея; а то ныне одолели, а то уже спорченыя места святыя, Спасителевыми ноги топтаныя, новым Римом наречен есть Царьград, по последованию ветхаго Рима; и не болше старый Рим назывался новым, ни новый назывался старым. Пусть⁴⁴⁴ разсудит и указ соборной учинит, что святой Новой Иеросалим не называется впредь Новым Иеросалимом, он старинной, чтоб утвердился его новый Иеросалим Никонов, которой достойно бы назвал Никаполим, сиречь градовом смятение, убо по-гречески «никос» толкуется смятение, для ради греха и смуты, которая прилучилась в первом основании его.

Разорение 14 вопроса и ответа

Глаголеши, совопросниче, не говорит ли святый Герман, патриарх Цареградский, яко просфоромисание образует Вифлиом и святый престол образует (л. 116 об.)⁴⁴⁵ Богоприемный гроб. Не погрешает истины, аще кто нарицает предложение святый Вифлиом и святилище, еже есть олтарь гроб Христов, ниже погрешит тот от истины, иже назовет всякую православную церковь святый Сион или Новый Иерусалим.

И предложение являет место Вифлиема, идеже родися Христос. Един сый от Святыя Троицы Сын Божий и Слово воплощшееся от святыя Богородицы во единем лице, бе совершен Бог и совершен Человек, подобен нам разве греха. Сицевым образом и Господне тело, яко от некоего чрева и крове и плоти святыя Богородицы девы, глаголю, от всего собственнаго хлеба просфоры ипостасию изымается.

Жертвенник же (л. 117)⁴⁴⁶ или святилище глаголется, в нем же приносится Христос грехов наших ради, в нем же, жертвенице, принесе Христос святое Свое тело к Богу и Отцу, яко Овча закланое и яко Архиерей и Сын человеч приносится в жертву тайную безкровную, закалаяся и дая верным в словесную службу. Ею же причащаемся вечнаго живота и безсмертнаго.

Трапеза же знаменует место погребения, в нем же, месте, погребеся Христос. Еще же трапеза глаголется быти престол Божий.

Жертвеник⁴⁴⁷ же златый Христос есть, в нем же всякая служебная и святая поставися и утвердися сила и мученическия приносятся жертвы. Его же бе показаным на горе Моисею со скиниею жертвенник. (л. 117 об.)⁴⁴⁸ Кажения же, молитва святых, яко благовонныя Богу, якоже глаголася. Пред престолом же, сиречь пред вышними святыми силами Христа, за излияние между ними ражденыя Божественныя любве и честныя изрядныя премудрости же и свидения.

Аще и образуются в вещества и шары видимая святыми, аще жертвенник или кадилница или ино что, но невидимая и умная суть. На сицевом убо став ангел жертовнице и кадилницу, сиречь ливан, приемлющую держай молитвы святых, аки кажения Богу приношаше. Ими же приношах да по всемирней кончине мучителными убо казньми злочестивых и беззаконных умалит (л. 118)⁴⁴⁹ в будущем веце мучение. Своим же пришествием мзды раздаст потрудившимся и о предложении о святилище, еже есть о святем жертовнице доволно рекохом.

Ныне же паки, ответотворче, ко ответом твоим з Богом возвращаемся. Да како ты бесовскою завистию надувся, глаголеши, яко тако есть, но ино есть, ино нарицается образец, ино есть, что нарицается первый образец, и самая сущая истиная речь образец имеет начало от истиныя речи. И ныне Иеросалим Никонов не есть образец, последующе истинному образу, но самый первый началный Новый Иерусалим. И так преставают всякия уставы (л. 118 об.)⁴⁵⁰ церковныя для того, что истина Иерусалима престала и не есть Новый Иерусалим и ни Мати Церквам, жития Божия и селения, как поем⁴⁵¹, восхваляя его любительной Иоанн Дамаскин.

И после престал престол Иякова брата Господня по плоти и перваго архиерея Иерусалимскаго. А не правду ли сказал Христос, когда рекл: И врата адова не одолеют Ю. А то ныне одолели, а то уже спорчены места святыя, Спасителевыми ногами топтаныя.

О⁴⁵² Иерусалиме, ответотворче, уже речено есть выше, и зде в мале речем. Еда может образ быти не бывший истине, еда может сын быти без отца или не может родивыйся от отца сын во отчее имя зватися? Почто (л. 119)⁴⁵³ Адам первозданный наречен Адам или Ева Евою наречена? Иже по них мнози Адами и Евы, но несть новому Адаму Христу всем что любо к безславию или уничижению. Определиша бо ся, якоже ветхий Адам, тако и новый Адам Христос и иже прежде Христа и по Христе времены и лета и месты, якоже и ныне бывает.

Мнози Авраамы, но един в вере великий Авраам, иже Божия зрения сподобися. Мнози Исааки, но един вознесенный на жертву. Мнози Ияковы Быша, но един дравыйся з Богом. Мнози Моисеи, но един паче инех от Бога прославленный пред фараоном великий законодатель. Мнози Иисусы, но един Господь Иисус Христос (л. 119 об.)⁴⁵⁴ во славу Бога Отца. Аминь. Мнози Иоанны, но един паче инех Иоанн Предтеча. Мнози Петры и Павлы, но едини верховнии апостоли Петр и Павел. Такожде и прочим вещем имена или церквам святым или монастырем или градовом бывают от первообразных. Но каяждо разлучается⁴⁵⁵ от первыя времены и месты, якоже старый Рим от новаго, но уже новаго Рима слава скончася, старый же пребывает. Новаго Иерусалима имя не описано, ни определено, «иеро» бо сказуется святилище или священие, «салим» же толкуется мир. И совокуплено «иеро» к «салиму» и вкупе нарекошася Иеросалим, сиречь священный мир.

(л. 120)⁴⁵⁶ Может бо ся разуметися всякому, яко и Церковь и Иерусалим есть, сиречь священный мир, в ней же освещаются святым крещением и просвещаются святым маслосвящением и миропомазанием. Откуду же ты новое, ответотворче, глаголеши, яко ныне Иерусалим Никонов не есть образец? Почто, еда Никон во свое имя нарицает, глаголеши Никонов?

Никон несть Иерусалим, но Никон Никон есть. А еже Воскресенской монастырь Новаго Иерусалима разумей от сочетания и глаголеши, яко престала истина Иерусалима, и не есть Новый Иерусалим. Почто, того ли ради, еже срацынская власть того удержа грех ради наших, якоже нам слышится, (л. 120 об.)⁴⁵⁷ еже тамо бывающая, яко ни единыя власти имате во святей церкви Святаго Воскресения Христова, но вся полна всякия мерзости и запустения. И зря по тамо бываемому глаголеши, яко преста истина Иерусалима, якоже и Каиафа неволным пророчеством прорек, глаголя, яко уне есть да един человек умрет за люди, а не весь язык, еже и бысть. И ни⁴⁵⁸ Мати Церквам Божиим жития Божия и селения глаголеши. Почто, тамо ли зря уверяеши зде неведящим бываемое и яко преста престол Иякова, брата Господня по плоти и перваго архиереа Иерусалимскаго, несть тощно твое слово, но не истинно.

Приводиши Господем реченная Петру во Евангелии: (л. 121)⁴⁵⁹ Аз⁴⁶⁰ же ти глаголю, яко ты еси Петр и на сем камени созижду Церковь Мою, и врата адова не удолеют Ей.

И ты глаголеши ныне, яко одолели. Церковь глаголется не место точию, но нрав, и не стены церковныя, но закон церковныя и вера и житие. Се ли мниши, безумне, еже во славу Христа Бога нашего зиждутся святыя церкви по образу святаго храма Воскресения Христа, его же созда христолюбивая царица Елена, ея же образ принесе брат наш блаженныя памяти всесвятейший Паисий патриарх святаго града Иерусалима, Богу на сем предпославшу. Богу бо вся порабощена суть, и врата адова не удолеют Ей, то есть по временех бывающии гонителие, иже прелщением во ад отпущаху (л. 121 об.)⁴⁶¹ христианы, еретицы же суть врата во ад низводяща. Многим бо гонителем и многим еретиком одоле Церковь по писаному.

Ненавидящии Сиона посрамятся от Господа, да будут убо прежде восторжения яко трава, ссечет бо Христос выя их усечением мук. И ты глаголеши, яко преста истина Иерусалима и ни Мати Церквам Божиим жития Божия и селения. Да како преста, не оный бо Иерусалим пренесеся, ниже Мати Церквам Божиим она от Иерусалима, но образ тех. Тии же, идеже суть, тамо и днесь.

Слыши, лестный ответотворче: И⁴⁶² виде Бог, яко добро, и рече Бог: Сотворим человека по образу Нашему и по подобию.

(л. 122)⁴⁶³ И паки Соломон глаголет: Яко⁴⁶⁴ Бог созда человека в неистление и во образ подобия Своего сотвори его.

Господь⁴⁶⁵ созда человека от земли и паки возврати его в ню. Дни, числа и времена дал им и дал им власть на ней сущим, якоже они сами, облече их крепостию и по образу Своему сотвори я.

Зри, прелестниче мира сего, еда Бог погрешил от истины, еже сотвори по образу Своему и по подобию человека, якоже ты глаголеши, ныне Иерусалим Никонов не есть образец последующий истинному образу, но самый первый началный Иерусалим. А выше глаголеши: Образец имеет начало от истинныя речи. Еда несть начало первый второму, такожде и третиему, (л. 122 об.)⁴⁶⁶ по сем и многим, якоже от отца родится сын, первый глаголется сын, таже по нем вторый глаголется сын, по сем инии по тому же числятся, обаче вси сынове отца единаго.

Тако и едина церковь Иерусалимская глаголется всем церквам Мати, якоже Исаия глаголет: от⁴⁶⁷ Сиона бо изыдет закон и слово Господне из Иерусалима. Еда в Констянтинополи и во Александрии и во Антиохии и прочих митрополиях церкви Быша ныне зиждемей, еда и тии не от первообразныя прияли начало, рцы ми, аще ли речеши от первообразныя, почто не престала первообразная быти Мати Иерусалимская церковь и селение Божие, якоже ты ныне глаголеши?

(л. 123)⁴⁶⁸ Послушай, человекоугодниче, Дóндеже разсыплет Бог кости твоя, не нашего списания на любопрение, но от книги Великаго Афанасия архиепископа Александрийскаго, его же вопроси Антиох князь.

Вопрос.

Киим же образом увещаем невежду и варвара, яко паче всех ересей соборная Церковь праву веру имать и не блазнится?

Ответ.

Не могущии писаний же догматов опаство и глубину услышати, отсюду самому и благочестивому соборныя Церкве уверитися должна суть, глаголю же, всем спасителным и честным Христовых страстей местом, соборней православней нашей вере и Церкви от Бога да радоватися и ввереным (л. 123 об.)⁴⁶⁹ быти, глаголю же Назареф, идеже Христос в нас вселися, Вифлеем, идеже по плоти родися, Сион, идеже спасение мира содела, Иордан, идеже Адама обнови, Фавор, идеже Небесное Царство прообразова, Елеонскую гору, идеже ко Отцу на небеса от нас взыде, якоже вся Его святая и честная места, не туне, ниже всуе, соборней Церкви ввери, но якоже благочестнейшей, сиречь и честнейшей всех еретических именуемых вер Церквей, и якоже Царь честныя Его полаты, ложницы и сокровища вернейшим всех слуг своих вручает и вверяет.

Тако Иисус Христос от начала пришествия Своего соборней Церкви честная Своя места ввери, (л. 124)⁴⁷⁰ аще же глаголет сопротивный, яко царьскую властию сия держим, да навыкнет таковый, яко и варваром, многажды Палестину приимшим, не попусти Христос Своя места еретиком преданым быти. Но аще в мале сия начаша вкратце паки соборная Церковь отгна сия, яко свиния, от святых Христа Бога нашего дворов и мест.

Послушай, расколниче, святыя Церкве, яко не описана есть церковь местом, но по всей земли, ниже другая инде именуется развее еретическая.

И⁴⁷¹ взыдоша на широту земли и окружиша стан святых и град возлюбленный.

Толкование.

Полк святых яве Церковь Христову, водруженую в четырех концех вселенныя, хотящи (л. 124 об.)⁴⁷² попленити и разрушити, не ведущи, яко не един ангел токмо, но мнози окрест боящихся Его.

И⁴⁷³ четыре животная глаголаху «аминь», и двадесят четыре старца падоша и поклонишася Живущему во веки веков.

Толкование.

Чрез четыре же животная и старцов указуется, яко бысть едино стадо и едина Церковь ангелов и человеков, Христом Богом совокупившем настоящая и средостение градежа разоршим. Почто, злоумне, паки средостения вражду воздвизаеши, ея же сам Христос разори. Зде не погрешит истины, аще кто тя лжехристом наречет, яко противная Богу мудрствуеши. Паки слыши: (л. 125)⁴⁷⁴И⁴⁷⁵ вси ангели стояху окрест престола и старцов и четырех животных. И падоша пред престолом на лице свое, и поклонишася Богу, глаголюще: Аминь. Благословение и слава, и премудрость, и благодарение, и честь, и сила, и крепость Богу нашему во веков. Аминь.

Толкование.

И вси ангели стояху окрест престола и старцов, се едина Церковь ангелов и человеков.

Со⁴⁷⁶ всеми призывающими имя Господа нашего Иисуса Христа не Он сице, но имя Господне на всяком месте, тех же и нашем.

Аще бо и к Коринфяном писания суть написана токмо, но и всех, иже по всей земли воспоминает верных, показуяй, якоже по вселенней единей достоит быти Церкви, аще и месты (л. 125 об.)⁴⁷⁷ мнозими разделенней, но Господь сочетовает их общий сый, тем же и соединяяй их наведе, тех же и в нашем. Много же онаго господьственнейши, якоже бо иже на единем месте сущии. Егда многия имут противныя владыки, растерзани суть, и ничто же от места к единению ползуются, различная владыком запрещающим и к себе влекущим. Не можете бо, рече, Богу служити и мамоне. Сице, иже в различных местех сущии, аще не различных имут господий, но единаго токмо, ничто же от мест к единению вреждаются, Господу единому сочетовающу их. Не глаголю прочее, рече, яко к Коринфяном. Коринфяне суще едино(л. 126)мыслие⁴⁷⁸ имети должни есте точию, но ко всем, иже по вселенней общаго имуще Владыку. Сего ради и приложив, повторил есть, еже нашем, понеже бо, рече, имя Господа нашего Иисуса Христа да не мнится разлучати у несмысленых, наводити паки Господа нашего же и тех. И да явленнее, еже глаголю, будет, прочту по разумению сице.

Павел и Сосфен Церкви Божией сущей в Коринфе и всем призывающим имя Господа нашего же и тех, на всяком месте, аще в Риме, аще где любо суть, благодатьвам от Бога Отца и Господа нашего Иисуса Христа. Или сице паки еже и паче истинее вменяю быти. Павел и Сосфен, иже в Коринфе, освященным званым святым, со всеми призывающими (л. 126 об.)⁴⁷⁹ имя Господа нашего Иисуса Христа на всяком месте, тех же и нашем, сиречь благодать вам и мир, вам, иже в Коринфе освященным и званым бывшим, не самем, но со всеми, иже на всяком месте призывающими имя Господа нашего Иисуса Христа, и тех, аще ли же о благодати мир, что велемудрствуеши, что велми мнешися, благодатию спасен быв.

Якоже⁴⁸⁰ тело едино есть и уды имать многия, вся же уды тела многия сущия, едино есть тело, тако и Христос.

Достояше, рещи, тако и Церковь, сие бо бе последователно⁴⁸¹. То убо не глаголет вместо оноя Христа полагает, на высоту возводя слово и множае посрамляя слышателя, а еже глаголет, сие есть. Тако и Христово тело, еже есть (л. 127)⁴⁸² Церковь. Якоже и тело и глава един есть человек, тако и Церковь и Христа едино быти глаголет. Тем же и Христа вместо Церкве положи и тело Его тако именуя, якоже убо рече, едино нечто есть наше тело, аще и от многих слагается. Тако и в Церкви едино нечто вси есмы, аще бо и от многих Та слагается удов, но многия сия едино бывает тело.

Вы⁴⁸³ же есте тело Христово и уды от части. Не тело бо токмо, рече, но и уды есмы, о обоих бо сих выщше беседова, мнозих воедино собирая и показуя всех едино нечто по телеси образу бывших и едино сие многими составляемо, и во мнозех сущее, многая от сего содержащаяся и могущая быти (л. 127 об.)⁴⁸⁴ многая что же есть еже отчасти елико в вас мощно и елико лепо от вас наздатися части, понеже бо рече тело не яже в Коринфянех церковь, но яже везде во вселенней. Сего ради рече отчасти, сиречь яко церковь яже в вас, часть есть повсюду лежащия церкве и тела всяческими состоящимися церквами. Тем же не токмо с собою, но и со всею сущею по вселенней Церковию мир имейте, да бысте были праведни, аще есте уды всего тела.

Павел⁴⁸⁵, посланник Иисусов Христов волею Божиею, и Тимофей, брат церкви Божией, сущей в Коринфе, со святыми сущими во всей Ахаии, благодать вам и мир от Бога Отца и Господа Иисуса Христа. Церкви Божией, сущей в Коринфе, (л. 128)⁴⁸⁶паки их церковь нарицает, собирая всех воедино и связуя, ни бо будет Церковь едина раздравшимися иже в ней и друг на друга воставшем.

Со святыми всеми сущими во всей Ахаии купно и почитает Коринфяны, сих посланием вся целуя, и весь собирает язык. Святыя же нарицает, показуя, яко аще кто нечист в ней есть привета сего. Чесо же ради, в митрополии пишай, всем не ю посылает, не всюду сие творяй. К Солуняном убо пиша негде и к Македоняном посылаше, и к Ефесом пишай подобне, не объят всю Асию. И еже к Римляном послание, не иже во Италии живущим есть посланое, но зде сие творит, и воеже к Гала(л. 128 об.)том⁴⁸⁷ послании, ниже бо тамо единому граду или двум или трием, но всюду разсеянным пишет, глаголяй: Павел апостол не от человек, ниже человеком, но Иисусом Христом и Богом Отцем воскресившем Его из мертвых, и иже со мною вси братия, церквам Галатийстим, благодать вам и мир.

И ко Евреом же едино всем написа послание, ниже сих разделив по градех, что убо есть виновное. Мне мнится, еже общим недугованием быти зде, тем же и общее творить послание, понеже и общаго требоваху исправления, ибо галате вси недуговаху и еврее, мню же и сии. Собрав прочее в весь народ (л. 129)⁴⁸⁸ и целовав их, якоже всех приветити ему закон бе. Благодать бо, рече, вам и мир от Бога Отца нашего и Господа Иисуса Христа.

Почто⁴⁸⁹ же во Апоколепсии пишет Иоанн седмим церквам сущим во Асии: Благодать вам и мир от сего, иже есть сый и иже бе, и иже есть грядый, и от седми духов, иже суть пред престолом Его, и от Иисуса Христа.

Толкование.

Многим же сущим Церквам по мире, седмим единем посла чрез седмичное число таинственное, сущих повсюду церкви знаменуя, и согласное настоящему животу. В нем же и седмичное дний обхождение бывает. Тем же и седмь ангел и седмь Церквей воспомяну, (л. 129 об.)⁴⁹⁰ им же глаголет «благодать вам и мир от триипостаснаго Божества». Чрез сие убо сый Отец явлен бывает, возвестивый Моисею: Аз есмь, глаголяй, сый. Чрез сие, иже бе Слово, еже бе в начале у Бога, а чрез сие грядый Утешитель, присноприходяй на церковная чада святым крещением, совершеннее же и пространнее в будущем. Седмь же духов, седмь ангел разумевати мощно, получивших Церкве правление, несчисляемых Богопреначалнейшей и Царицы Святей Троицы, но яко рабов воспоминаемых с Нею. Якоже и божественый рече апостол: Засвидетельствую ти пред Богом и Господем Иисусом Христом и избраными Его ангелы. Негли же и инако сие разу(л. 130)мено⁴⁹¹ будет. Чрез убо сый и иже бе и грядый Отец назнаменуем есть, содержай в Себе всех сущих начало, средняя и конечная. Чрез седмь же духов действа животворящаго Духа, чрез последуемое же Христа Бога, нас ради человек бывша. На мнозех бо местех не разъиственне каяждо Божественная ипостась, у апостола предчиняется и после полагается. Тем же и зде глаголет от Иисуса Христа и прочая по ряду.

И се слышал еси, яко и в седмих вся суть Церкви, яже во вселенней, и едина Церковь ангелов и человеков, Христом Богом совокупившем растоящая и средостение градежа разоршем. Аще месты и составми глаголются мнози и что разнство есть Церкви первообразней (л. 130 об.)⁴⁹² Ей, якоже и превообразному образ.

Икона⁴⁹³ глаголется, от еже подобитися. Словенски же образ, за еже образовати ино лице, ино естественый и ино подобителный образ. Ов убо не естествено разнство имущи к виновнику, но состава, якоже Сын ко Отцу, едино бо сим естество, два же состава. Ов же сопротивно сему не состава разнство имущи к первообразному, но естественое, якоже образ Христов ко Христу. Един бо состав сим, две же естестве, ино бо естество вещи писания, но Христово по человечеству, по ему же и описуется. Покланяемей иконе, Христос покланяем есть, Ему же есть подобие, а иже обесчещевает икону Христос обесчещиваем есть. (л. 131)⁴⁹⁴ И обесчещаяй яков любо храм, обесчещает первообразный, кленый бо ся олтарем, кленется и живущим в нем. А не подъемшия подобия вещи, якоже о видящимся в зерцале, сей бо облобызающе, не вещно образ обгорнуем и без вести бывшу изоображению, о нем же покланяние вещь пребысть непоклонна. Ничто же приобщившися подобию, но якоже печать умышление сущи вещи разлучена, ничтоже к вещи истиною имать обще, аще и в вещи печать образ составися.

Всякаго подобителне образуемаго не естеством, но состав образуется. И сего ради тойжде первообразному образ его не естеством, но составом, (л. 131 об.)⁴⁹⁵ сиречь подобием состава, священным иконы воставляем, да сих зряще, сим мним зрети первообразная. Бывают нам воспоминания и увещание любве, еже к сих первообразным, елико бо часто образи зрятся, толико и иже сие зрящии воставляются к первообразным памяти и желанию и любве. Еже убо духом и истиною служения блаженной Троицы от православных воздавается. Святым же образом не служение всяко, но поклонение и лобзание и почести. Аще бо и почести образа на первообразное преходят, на служение блаженныя Троицы, а не честных образов: да не твари служителие и вещни служителие воз(л. 132)мнени⁴⁹⁶ будем. О Самом убо том Христе служителное поклонение и естественное есть. Покланяяй бо ся тому, споклоняется Отцу и Сыну и Святому Духу, иже во Троицы единому естеству, иже есть троическое поклонение и служение. О иконе же Христове усвоителное, рекше любовнаго завещания поклонение, и единоименно. Покланяяй бо ся сей не спокланяется Отцу и Духу, но токмо иже в ней Христу, иже заеже воплотитись образуемому по телесовидном зраце Его, иже есть усвоителное, рекше любовное поклонение и составное, рекше состава. Христос убо зрится во иконе Его, таже состоится о Нем, якоже сень с телесем, Его же и разделитися се не мощно, аще и не вина (л. 132 об.)⁴⁹⁷ сия видится, но якоже сень осиянием является солнечным. Сице и Христова икона изображением вещи.

Толкуеши, «Никос» по грецки смятение. Несмь же «Никос», но совершеный Никонос, то есть победник, ни есть, ни была смута, и в первом основании лжеши. Но елицы смущаются, якоже тебя и ты и о тебе сокрушатся от камене претыкания Христа, на Него же падут, сокрушатся, а на них же падет, сотрыет их. Или от недостойных уст твоих неволно изречеся Симеоново пророчество: Се лежит сей на падение и на востание многим во Израили, и в знамение пререкаемо. Тако и сия церковь, на востание любящим Христа и почитающим (л. 133) святыя Его страсти, а на падение всем ненавидящим, иже Христос усечет выя их усечением вечных мук.

Ответ

Сиречь хочет сказать, что прежния патриархи были глупы и слепы, что оставляли такую ближную епископию боку патриаршескому; толко он, что орел, имеючи очи многозрителныя, увидев такую недостойность, заборонил, не тако есть, но полюбил еси угодие епископское и вотчины и завладел еси ими, непщевая вины о гресех; и беднаго епископа напрасно изобидел, емлючи его харч, как разоритель. Не подобается тебе имети вотчин и имения епископскаго, отдай престол истинному архиерею, не обижай его без путя и не по правде; не любит Иеросалим чужих животов, но толко своих хочет и желает, неправедное не благословится, всегда вопиет в небеса; толко отдай его венчание, отдай отыманное, к его архиерейству приналежащее, естли хощешь быти оправдан в твоих правдах ты, который славишся быти справедливый судия.

Разорение 15 вопроса и ответа

Глаголеши, совопросниче, яко аз разорил епископию Коломенскую, своего монастыря выговаривая себе, что было ближнее епископство, и то непригоже быть блиско патриаршескаго боку епископии. И то ты солгал беззаконне, яко не твое есть вопрошати о сих, ниже ответолжетворцу отвещати. Коемуждо подобало своя мера знати, обаче отвещаем в разорения вашея злобы.

Вы глаголете, яко аз разорил Коломенскую епископию, еже бо аще кто разорит или запустошит, еже иныя не (л. 133 об.)⁴⁹⁸ укажет. А еже вместо иныя другую укажет, несть разорение, но строение. Ибо епископия Коломенская прилежит патриаши области поблизу сущи. Земля же Вяцкая и Великопермская отстоит болши полуторых тысящ верст, и есть место не малое и людей множество. К ним же прилежат страны язык не мало и есть тамо не мало останок языческих обычаев. Нецыи же глаголют и идолопоклоннических останков останцы есть. И сего ради по совету с великим государем царем и великим князем Алексием Михайловичем всеа великия и малыя и белыя России самодержцем таковое (л. 134)⁴⁹⁹ дело соделано, а не для Воскресенскаго монастыря. Еще в то время и початку Воскресенскаго монастыря не было, но елико мерилася Коломенская епископия доходы церковными, толико и дано по выписке из патриаршей епархии. Такожде елико число крестьянских дворов было во епископии, толико по государеву указу и там дано по выписке, а Коломенския епископии взяты на государя. И после того государь пожаловал в свое государево богомолье Воскресенской монастырь, будучи на освящении церковном, глаголя, святая святым достойна, а не аз взял или разорил. А то дело зделано к Божественей славе и Божиим людем ко спасению, что епископия преведена в далнее и многочеловечное место. (л. 134 об.)⁵⁰⁰ И сам ты глаголеши в 17-м ответе, яко Антиохийский престол пренесен в Дамаск и Александрийский во Египет на лутчия и безопасныя места. Да почто порокуеши деяние царьское и архиерейское в чюжей епархии?

Господу заповедающу: Шедше⁵⁰¹, рече, научите вся языки, крестяще их во имя Отца и Сына и Святаго Духа, учаще их блюсти вся, елика заповедах вам. И паки: Слушаяй вас, Мене слушает, и отметаяйся вас, Мене отметается.

И апостол заповедает: Вся⁵⁰² творите без роптания и размышления. И 14-е апостолское правило с разсуждения епископу не возбраняет прейти.

Карфагенскаго собора правило 56.

Предел аще хощет (л. 135)⁵⁰³ имети своего епископа по воли власть имущаго и по повелению его да имать. Таковый же на прочия пределы да не находит.

Толкование.

Повелено есть в коейждо области без воли митрополита нигде же никого же не поставити епископа, но ни в селе некоем, ни в мале градце, в нем же и един презвитер довлеет учити, епископа не поставляти, аще не умножится в таковых народ и достойно явится нарещися епископу. Аще же в пределе некоем, в нем же прежде не бе бывал епископ, прошением людей и волею имущаго власть, во области той митрополита поставлен будет епископ. Тоя люди токмо да держит, них же⁵⁰⁴ (л. 135 об.)⁵⁰⁵ поставлен есть епископ, инаго же предела да не заимет.

И святаго 6-го Вселенскаго собора правило 38.

Аще который град обновится царем или созиждется градским и людским законом и церковных вещей чин да последует. Аще единаго мя сим укоряют, в приказе Посолских дел свидетелствуют отпуск, яко царьскаго величества с волею содеяно и епископов советом.

Собора иже во Антиохии правило 17.

Не причастен, иже поставлен быв епископ, и абие оставив, Дóндеже покаявся, приимет.

Толкование.

Аще кто поставлен быв епископ и оставив, не послушает отъити в Церковь, в ню же поставлен быв (л. 136)⁵⁰⁶ и порученных ему людей учити, да будет отлучен, Дóндеже покаявся попечение порученных ему душ приимет.

Собора, иже во Анкире, правило 18.

Епископ поставлен быв, аще не прият будет жители предела того, в он же поставлен бысть, и начнет инем епископиям стужати, да отлучится. Аще же хощет, да причтен будет, с презвитеры да причтется. Аще же и ту сущим епископом стужает, да изринется и от презвитерския чести.

Толкование.

Аще поставлен быв епископом и не прият будет людми града того, в нем же попечение ему поручено бысть, и начнет на чюжду епископию наскакати и ту сущим епископом мятеж творити, (л. 136 об.)⁵⁰⁷ да отлучится. Аще же хощет с презвитеры да причтен быти и сидети с ними и равну честь прияти, да причтен будет с ними. Аще же и противу ту сущим епископом молву творит, епископская некая правления восхищает, таковый и презвитерския чести да будет лишен и от Церкви отвержен.

Видел ли еси, ответотворче неправедный, яко не разорена Коломенская епископия, но на лучшее пременена и Коломенский епископ, преступая отеческия правила, в указанную ему Церковь не идет и скитается беззаконно, его же священная правила извергают, аще не приятаго того града людми измещают, колми паче хотящим (л. 137)⁵⁰⁸ людем прияти, а он не идет как в митрополиты или в патриархи, аще и Божественнии закони не составляют без совета всех епископ, уже бы пошол и единем царевым повелением. Ты же, расколниче, сваришися, ничто же принося от Божественнаго писания свидетельства.

Глаголет бо святый Григорий Богослов ко 150-м епископом: якоже не имате что на мя глаголати и вы бранию хотите одолети. Тако и ты, нечего тебе писати и то сварливыми словесами.

Ответ

Мелхиседек, который един был царь и председетел властвующий, что был не толко Салиму царь и создатель, так пишет Иосиф, что Салим есть сущий Иеросалим, который ради святилища Соломонова, после назывался Иеросалим; лучше убо пишут иныя что Салим он есть, который именовался Скифопол град близ Иордана; убо не видится нигде, чтоб архиерей создал град и обоз, токмо монастыри, церкви, книгохранительницы, школы, училища, дела и радение церковное; грады же и обозы царем и велможам даны создати и строити на имя свое. Однако же в житии поместья без жительнаго места прилучилось Никону, что прилучилось ворону. Хотели птицы меж собою царя поставити: пошли к судие, который бы постановил, что которая птица будет краснейшая, та бы одержала тое место. Итак все тыя птицы пошли к воде, чтоб омылися, и всякая птица, мыющися, отвергла от себе одно перо, которое виделося ей быти худо и нечисто; пошла и ворона к той же воде купатися, и увиде розных птиц перья, позбирала все перья и к себе прилепила и побегла к судие так украшена, и как увидел ея судия, тотчас хотел ей честь воздати паче иных, но иныя птицы, всякая увидя и узнав свое перье, прибегали и отнимали, и тако делаючи порядком учинили по старому вороною, и стала как и прежде была. Такожде терпит, кто чюжим владеет.

Разорение 16 вопроса и ответа

Глаголеши, совопросниче, доведет ли ся архиереом строити обозы и грады, понеже Никон полюбил жити на пустых местех и безжителных (л. 137 об.)⁵⁰⁹ и чтоб наполнил тыя места наемцы и боярскими поддаными.

Возражение.

Ни обоза строю, но аще и оградою огражден есмь от обычая прежде созданых инех монастырей, но никотораго надеяния в сем имею, якоже свидетельствуют вещи. Но есть правда, яко основан и утвержден на камени веры и огражден Божественою благодатию. Аще и ветри возвеют, аще и реки смущеныя потекут, не поколеблют по писанному: Возшумеша и смятошася воды их, речная устремления веселят град Божий. Освятил есть селение свое Вышний, Бог посреде его и не подвижится, поможет ему Бог утро за утра. И аще ополчится на мя полк, не убоится сердце мое, аще востанет на мя (л. 138)⁵¹⁰ брань, на Бога аз уповаю и не убоюсь от тем людей окрест, нападающих на мя. И паки ополчится ангел Господень окрест боящихся его и избавит их, оружие извлекоша грешницы, напрягоша луки своя. Низложити у Бога и нища заклати правыя сердцем, оружие их внидет в сердца их и луцы их сокрушатся.

Научи бо нас Спас не убоятися от убивающих тело, души же не могущих убити, но паче боятися научи имущаго власть воврещи в дебрь огненую.

И божественый апостол учит, глаголя: Несть наша брань к крови и плоти, но к началом и ко властем и к миродержителем тмы века сего, к духовом злобы поднебесным. И не имамы (л. 138 об.)⁵¹¹ зде града пребывающа, но грядущаго взыскуем.

Глаголеши, совопросниче, яко Никон полюбил на пустых местех и безжителных.

Писано есть: Лучши есть един благотворяй, паче тмы законопреступных. Лучши вселятися на пустых местех, по писанному: Се удалихся, бегая, и водворихся в пустыни, чаях Бога спасающаго мя от малодушия и бури. Несть же пусто место благодатию Божиею, но велми многонародно, и ниже наймиты, ниже боярские, но раби Бога вышняго живут.

А яже о отхождении. Писано есть выше и ныне реку, якоже заповеда Господь: Егда⁵¹² убо гонят вы во граде сем, бегите во другий, и научи (л. 139)⁵¹³ молитися, глаголя: не введи нас во искушение, но избави нас от лукаваго.

А яже о судии глаголешь, яко аз говорю, егда будет призван истинный судия и праведный, тогда скажу. Ведают вси о нашем отхождении, а еже бы кому судити по правилом, не обрящеши ни правил, ни судии, ни митрополита подобает митрополитом или епископом судити, развее патриарха, якоже вышеписано⁵¹⁴ есть святаго 4-го Вселенскаго собора по 9-му правилу, развее писанаго во Евангелии: Внемлите же от человек, предадят бо вы на сонмы, пред владыки же и цари ведени будете Мене ради во свидетельство им и языком.

Искусом Григорий (л. 139 об.)⁵¹⁵ богословнейший позна, глаголет в 14-м слове в 23-м стихе. Прелюто бо есть и велми тяжко, еже понести гнев царьский. Паче же от християнскаго тягота бе и укор, тягота гонения ради, укор же и досада, яко христианский царь, темже ни озлобляеми во уверение мучению страсти приимаху, ни людие ж в мученичестем чину страждущая имяху, зане царь християн, тем же ни мняху же ся обиды приимати гонимы, но яко злодеем страдати. Увы мне, глаголет Богослов, яко во злых быхом бегати.

Глаголеши ты, расколниче, ответотворче, нигде есть, чтоб архиерей создал град или обоз, токмо монастыри, церкви, (л. 140)⁵¹⁶ книгохранилницы, школы, училища, дела и радения церковная. Грады же и обозы царем и велможам даны созидати. Не видиши ли, но имея уши слыши, яко ни града, ни обоза есть кое любо строение, развее церкви и монастыря и еже подобное нужднейшее монастырю, якоже свидетельствуют вещи места.

Початок же того святаго монастыря не беззаконен, но есть законно несть и по правилом святых отец, яко быти и самому самодержавнейшему царю со всем сигклитом и нам со обретающимися архиереи и прочими священными мужи, архимандриты и игумены на освящении святаго места того.

И есть правило святаго 4-го Вселенскаго собора 24-е: (л. 140 об.)⁵¹⁷ Монастырь⁵¹⁸ с волею епископа поставлен да пребывает не претворен и яже суть к нему имения да будут неотъемлема. Аще же кто инако начнет творити, несть без вины.

Толкование.

Монастыри, иже без благословения и без повеления епископля создани Быша, не создани суть, ни освящени. Повелением же и со благословением епископа создании монастыри, яко Божественная места и Богу поручени суще, да пребывают не претворени и не обидими во веки, и мирския жилища николи же да не будут в них. Да сохраняют же имения их и стяжания, села и винограды и вся прочая неотъемлема и неотходна на них. Аще же кто преступит (л. 141)⁵¹⁹ повеление се, от правил запрещению да будут повинни.

И святаго 6-го Вселенскаго собора правило 49.

Елицы⁵²⁰ же монастыри, повелением епископа своего создани бывше, к тому да не будут мирския жилища и мирским человеком да не отдадутся.

Толкование.

Подобно 24-му правилу Халкидонскаго собора, возбраняет здати монастырь без повеления места того епископа.

И святаго 1-го и 2-го Собора в церкви святых апостол правило 1.

Без повеления епископа никому же достоит монастыря создати, но да весь епископ и молитву сотворит, и созданый монастырь и вся сущая в нем внутренняя и внешняя на хартию да напишутся и да будут под властию (л. 141 об.)⁵²¹ епископа, и без воли епископли не подобает ни самому создавшему игуменити в нем, ни игумена поставляти.

Да ты же, ответотворче, глаголешь: Однако же Никону в житии поместья безжительнаго места прилучилось. Не есть безжителен, но множае нежели на Москве патриархия имеет, яко ничто же, но все царьское величество чрез Божественныя законы вышеписаныя зде олихоимствова. И не имеет святая великая церковь никотораго причастия в Москве, якоже прежде при прежних царех и великих князех имела, но есть пуста всякаго перваго своего достояния, яко вдова осиревше.

Да ты же вракаешь, враже всякоя (л. 142)⁵²² истины, не повинуяся евангелскому учению, еже глаголет: Глаголю⁵²³ же вам, яко всяк глагол празден, иже аще рекут человецы, воздадят о нем слово в день Судный.

Не⁵²⁴ любяй Мене, словес Моих не соблюдает.

Иже⁵²⁵ в законе хвалишися, преступлением закона Богу досаждаеши.

Да⁵²⁶ никто же вас лстит тщими словесы. Сих бо ради грядет гнев Божий на сыны непокоривыя. Елма бо не прияша истину, воеже спастися им. Сего ради посла им Бог действо прелести, воеже веровати им во лжу. Отложше же всяку лжу, глаголите истину.

И 65-е правило святых апостол глаголет.

Аще кто лживое писание нечестивых еретик книги яко святы в церкви (л. 142 об.)⁵²⁷ пред всеми почитает на пагубу людем и церковному причту, да извержется.

И святаго 6-го Вселенскаго собора правило 19.

Старейшина⁵²⁸ церковный на всяк день, изряднее же во всякую неделю, да учит люди Божественным повелениям и да сказует не от себе, но якоже божествении отцы достигоша.

Толкование.

Епископи убо во вся дни должни суть учити причет церковный и вся люди своя благоверию и Божественым повелениям. Паче же иных дней во всякую неделю всего причта и народа поучати благочестия словесы, якоже пред речеся: От Божественнаго писания избирающе истинная разумения же и судьбы и не преступати (л. 143)⁵²⁹ уже положеныя пределы и Богоносных отец предания, но точию от Божественных писаний сказывати и учити истинному разумению Божиих заповедей. А аще кто воспросит их словесе Божественных писаний, да не от своего ума то сказует, но якоже церковнии светилницы и учителие своими писании написаша⁵³⁰. То бо им есть благоволно, еже ведети и умети предания Богоносных отец и потом разрешити вопрошаемая, да не како недоумеюще от себе разрешити восхотят таковых и истиннаго сказания далече отпадут.

Видел ли еси, безумный расколниче и преступниче, святых Богоносных (л. 143 об.)⁵³¹ отец уставленых вечных предел, како утвержают и развее преданых от святых Богоносных отец Божественных писаний, Божиих заповедей учити или сказовати не велят. А ты от своего ума на соблазн людем Божиим вражиими смехотворными ложными книгами ответы твориши. Писано есть во псалмех: Знаем есть Господь судьбы творяй, в делех руку своею увязе⁵³² грешник. И по мале. Приседит в ловителстве з богатыми в тайных, еже убити неповиннаго. Очи его на нищаго призирает, ловит в тайне, яко лев во ограде своей, ловит, еже восхитити нищаго⁵³³, внегда привлещи и в сети (л. 144)⁵³⁴ своей смирит его, преклонится и падет. Внегда ему обладати убогими, рече бо в сердцы своем, забы Бог, отврати лице свое да не видит до конца.

Подобно же уже время рещи да обратится болезнь его на главу тебе самаго скитающагося, остави свое гнездо, яко ворону звати и краситися не своими красотами, но иных птах добротами, еже есть не в своей епархии учити и законополагати и зватися от человек «учителю». И прочая. Чрез святыя священныя правила и вновь от внешних басней толковати и по правилом святым, яко ворону ощипати от всего священнаго сану, которая в чюждем гумне пакостит (л. 144 об.) и, обнажив, пустити пешу ходити, чтоб ея обретаючи иныя птахи, признав ея глупость, тово не делали, а ея, яко врага, носы своими тело ея клевали и кости ея розломали.

Ответ

Бысть везде и на всяком месте дано токмо Богу, который ни в котором месте не ограждаетца и не описуетця, для чего на всяком месте есть Его вседержительство, но человеку дано есть на некотором месте быти огражденому и описанному, и на таком именном месте, а не на инем месте; престол Цареградской описуетця толко в одном Цареграде, а не инде где; такожде Иеросалимской в самом Иеросалиме; толко естли прилучилось чрез войны разорение или иныя притчи, тогда мочно на иное место перенесть, как учинилось во Антиохии и во Александрии, которые оба престолы перенесены суть на иныя лутчия и безопасныя места. Ныне милостию Божиею и благодатию Господнею живет и царьствует Москва; чесо ради ты отнимаешь от нея престол и преносишь в монастырь свой? То без ведома особнаго царьскаго величества и без совета всех архиереов и всего освященнаго чину не подобается чинить, для того что ты не сам един глава и самовластел; глаголет убо и правило святых апостол 34-е, что епископи без своих первоначалных и глав их не чинят ничто; однакожде и первый их без совету всех ничесо не чинит для одности. Да и говорит патриарху: чесо ради не поведал тайных притчи своего отъезду, но без совету и докладу толко от себе отстал и пошел, и после отъезду опять чесо ради не известил чрез писание, но оставил речи на долгое время, на 4 годы и болши, чтоб дело в молчании было. Чесо ради сам не изыскивал собору, чтоб очистился и оправдал себе самаго, выговоряя свое учение. Однакоже страшно есть страсть самолюбства и проклята гордость та притчею и родит такие делы, ими же убо он, Никон, чего сам изыскав, и терпети хотя.

Разорение 17 вопроса и ответа

Глаголеши, совопросниче, яко аз говорю, что не обретаюся вне от своего престола и епархии, толко съехал для некоторых притчей достойных, которые он будет явно говорити, егда будет призван от истиннаго судии и праведнаго.

Писано⁵³⁵ есть, яко о неключаемых кому не достоит испытовати.

Евангелисту⁵³⁶ глаголющу: И по хлебе тогда вниде в он сатана. Глагола ему Иисус: Еже твориши, твори вскоре. Сего же никто разу(л. 145)ме⁵³⁷ от возлежащих, к чесому рече ему. Ови⁵³⁸ убо сошедшеся, вопрошаху Его, глаголюще: Господи, аще в лето сие устрояеши царьство Израилево? Рече же к ним: Несть ваше разумети времена и лета, яже Отец положи Своею областию. Почто вопрошаеши, яже не суть достойных?

Глаголеши ли, ответотворче, яко бысть везде на всяком месте дано токмо Богу, который ни в котором месте не ограждается и не описуется, для чего на всяком месте есть Его вседержительство. Но человеку дано есть на некотором месте быти огражденному и описанному и на том именном месте, а не инем месте престол Цареградской описуется (л. 145 об.)⁵³⁹ толко в одном Цареграде, а не инде где, такожде и Иерусалимской в самом Иерусалиме толко.

Писано есть, ответотворче: Яко⁵⁴⁰ подобает всякому глаголу или вещи верна приводити свидетельства от Богодухновенных писаний, во извещение убо благому в постыждение же лукавому, а не человеческим преданиом последовати.

Писано⁵⁴¹ есть: И пришед к Нему искуситель, рече: Аще Сын еси Божий, рцы камению сему, да хлеби будут. Он же отвещав, рече: Писано есть: не о хлебе едином жив будет человек, но о всяком глаголе изходящем изо уст Божиих.

По⁵⁴² сих же вопросиша Его фарисее и книжницы: Почто ученицы Твои не ходят по преданию (л. 146)⁵⁴³ старец, но неумовенныма рукама снедают хлеб. Он же отвещав, рече им: Яко добре пророчествова Исаия о вас, лицемере, якоже есть писано. Сии людие устнами чтут Мя, сердце же их далече отстоит от Мене. Сии же чтут Мя, учаще учения заповедей человеческих, оставльше бо заповедь Божию.

Мужие⁵⁴⁴ июдейстии, живущии во Иерусалиме, вся се вам разумно да будет и внушите словеса моя, не бо, якоже вы мните, сии пияни суть, есть бо час третий дне, но се есть реченое пророком Иоилем: И будет в последняя дни, глаголет, излию от духа Моего на всяку плоть и прорекут. И прочая.

Доволно ли ти есть, (л. 146 об.)⁵⁴⁵ лжесловче, во указание, яко не подобает кроме писания учити или проповедати, якоже апостолския каноны 65-й и 85-й и шестаго Вселенскаго собора утвержают. Да почто бесишися, отвещаеши кроме писания и заповедей, глаголеши, яко Цареградской престол точию во Цареграде описуется и Иерусалимский во Иерусалиме. Хощеши ли, аз ти в мале покажу. Да почто вселенстии патриарси исходят от своих престол по странам и достизают даже и до зде, яже и при нас быти тем. Иже суть Константинополскому Афанасию, Антиохийскому Макарию, Иерусалимскому Паисею, якоже и прежде бывшим Константинопол(л. 147)скому⁵⁴⁶ Иеремию, Иерусалимскому Феофану, прочих митрополит и архиепископов и епископов, Бог число их изочтет, да почто аще и вне своея епархии обреталися, но койждо своею титлою престола писалися и именовалися, якоже и ты днесь зде пишешися и именуешися Газский митрополит в чюждей епрахии. Да уже не леть есть, глаголеши, нам в своей епархии именоватися, еже злаго ради времени отшедшим. Почто ты в чюждей пишешися и именуешися Газским, да где есть Газа и колико время преходя скитаешися от нея, аки змий, ползая по земли, изблевая смертоносная своя беззаконная слова и уядая простейшия человеки. Сыскать, аще бы (л. 147 об.)⁵⁴⁷ о тебе колико от Газы, одва и бывал ли в Газе, или есть ли в Газе и седалище или престол архиерейский. У брата сучец видиши, а у себя и бревна не видиши. Лицемере, изми первие бревно изо очесе твоего и потом прозриши изъяти сучец изо очесе брата твоего. Тако Господу заповедующу: Писано⁵⁴⁸ есть, не оклеветайте друг друга, братие. Оклеветаяй бо брата своего или осуждаяй брата своего, оклеветает закон и осуждает закон. Аще закон осуждаеши, неси творец, но судия. Един есть Законоположник и Судия, могий спасти и погубити, ты кто еси, осуждаяй друга?

Послушай же (л. 148)⁵⁴⁹ святых отец святаго 1-го собора Вселенскаго правило 6.

Египтом или всею и Пентаполиею Александрийский епископ да владеет, и Римский епископ сущими под Римом да владеет, и Антиохийский и прочии епископи своими да обладают.

И Втораго Вселенскаго собора правило 4-е.

Предел ради никто же да смешает Церковь, ни поставляет презвитера, ни епископа. Сущи яже во языцех Божия Церкви, святых отец обычаи да держат.

Толкование.

Во многих правилех речено есть, яко не подобает епископу на чюжую епископию находити, но койждо внутрь своих предел да пребывает.

Сам ты свидетельствуеши, яко Александрийский пренесеся во Египет (л. 148 об.)⁵⁵⁰ и Антиохийский в Дамаск. Почто же не пишутся ов Египецкий и ов Дамаскинский, да уже по твоему толкованию и сии извержены суть. Безумне, почто не согласився с Божественным писанием, порицаеши нас без правды? Видел ли еси, яко несть согрешил епископ, внутрь своих предел пребывая, и ниже есть описано место епископу в своей ему епископии где пребывати. Но точию вся святыя правила отрицают и извергают, свою оставя епископию, в чюждих пребывающих, якоже ты, непреподобне, вся святыя правила ни во что вменил еси и яко тать по писаному, не входя дверми, но прелазя инуде, обретаешися, тать бо не преходит, (л. 149)⁵⁵¹ разве да украдет и убиет и погубит, от плод бо познайте их, аще объемлют от терния гвоздие и от репия смокви.

Блюдитеся, рече святый апостол, яко по нашем отшествии внидут волцы тяжце, не щадяще стада Христова, и блюдитесь от псов и лаятелей.

Глаголеши, ответотворче, есть ли бы прилучилось чрез войны разорение или иныя притчи, тогда мощно на иное место пренесть, как учинилося во Антиохии и во Александрии, которые оба престола пренесены суть на иные лутчия места.

Да на что болши войны кому царев гнев понести, по святому Григорию Богослову, якоже выше писано есть. (л. 149 об.)⁵⁵² Зриши ли, колик подвиг, колико тщание показует от великаго гнева твоего на мя царь, чтобы какову лжу ни сказал кто сам чрез вся святыя Божия заповеди и апостолския и отеческия правила.

По всей России сыскивает з болшим страхом и прещением о несведомых наших и бысть сам судия и истец. Весь на себя суд и управление архиерейское взял.

Господу заповедающу: Не⁵⁵³ судите, да не судими будете, им же бо судом судите, осудитеся. И паки. Не⁵⁵⁴ судите и не осудитесь, не осуждайте и не осуждени будете.

Ты⁵⁵⁵ кто еси судяй чюждему рабу, своему господеви стоит или падает, станет же силен Бог (л. 150)⁵⁵⁶ поставити его. Тем же безответен еси, о человече, всяк судяй, им же бо инаго судиши, себе осуждаеши, тая ж де бо твориши судяй. Вемы же, яко суд Божий есть воистину на творящих таковая. Помышляеши же ли се, о человече, судяй таковая, яко ты убежиши суда Божия. И паки.

Не⁵⁵⁷ оклеветайте друг друга, братие, не осуждайте, оклеветая ибо брата или осуждаяй брата, оклеветает закон и осуждает закон: аще закон осуждаеши, не си творец, но судия; един есть Законоположник и Судия, могий спасти и погубити. Ты ж кто еси, осуждая друга?

Но сия вся презрев, яко же прежде собор (л. 150 об.)⁵⁵⁸ чрез Божественыя правила своим повелением собрал, ему же написание первое сице есть.

В лето от создания мира 7168-е, от воплощения же Господа Бога и Спаса нашего Иисуса Христа 1665-го повелением благочестивейшаго великаго государя царя и великаго князя Алексия Михайловича всея великия и малыя и белыя России самодержца собрашася преосвященнии митрополиты и архиепископи и епископы и архимандриты и игумены и весь освященный собор. Собра же ся вины ради сицевыя, понеже пред сим летом предвоспомянутыя осмыя тысящи во 167-е случися Святейшему Никону Патриарху Московскому и всеа России (л. 151)⁵⁵⁹ свой патриаршеский престол оставити. И в нынешнем вышеписаннем лете февраля в 6 день предсташа весь преосвященный собор пред лицем великаго государя царя и великаго князя Алексия Михайловича всеа великия и малыя и белыя Русии самодержца, и слышав от святых уст его великое попечение, зане святая соборная Церковь пастыря и жениха не имеет. Да и преосвященный собор о нем крепко и единодушно праведне, не имея кто ненависти и тщетныя любве, по правилех святых апостол и святых отец разсуждают, памятуя койждо страшный Суд и воздаяние коемуждо по делом его. Они же, преосвященный собор, слыша его пре(л. 151 об.)мудрейшее⁵⁶⁰ его, великого государя, повеление, идоша в Крестовую патриаршу полату и наутрее февраля в 17день по его, государя царя и великого князя Алексия Михайловича всеа великия и малыя и белыя Русии самодержца, указу боярин Петр Михайлович Салтыков принес на собор скаски писмяныя. И преосвященнии, прияша скаски, и свидетелей против сказок на соборе допрашивали, священнаго чину по священству, а прочих по святей непорочней евангелской заповеди

В скасках преосвященнаго Питирима митрополита Сарскаго и Подонскаго и болярина князя Алексия Никитича Трубецкаго написано: Патриарх Никон патриаршества своего отрешен (л. 152)⁵⁶¹ с клятвою. А в прочих скасках во всех о отречении патриаршества его написано: Отречеся патриарх патриаршества своего во всех согласно и впредь на патриаршестве обещалися не быти.

И преосвященный собор, сказок слушав, познали: Святейший Патриарх Никон оставил свой патриаршеский престол своею волею. И о том посылали доложить великого государя царя и великаго князя Алексия Михайловича всеа великия и малыя и белыя Русии самодержца болярина Петра Михайловича Салтыкова о указе. И болярин Петр Михайлович Салтыков, пришед на собор, сказал, что великий государь царь и великий князь Алексий Михайлович (л. 152 об.)⁵⁶² всеа великия и малыя и белыя Русии самодержец указал преосвященному собору выписать ис правил святых апостол и святых отец о отшествии бывшаго Патриарха Никона. А у выписки указал великий государь быть преосвященному архиепископу Маркелу Вологоцкому и Белозерскому и преосвященному архиепископу Илариону Резанскому и Муромскому, и преосвященному архиепископу Макарию Псковскому и Изборскому, Чюдова монастыря архимандриту Павлу, Александрова монастыря Свирскаго игумену Симону. И по указу великаго государя царя и великаго князя Алексия Михайловича всеа великия и малыя и белыя Русии самодержца преосвященный собор велели (л. 153)⁵⁶³ выписать ис правил святых апостол и святых отец. А у выписи велели быть преосвященным архиепископом Маркелу, Илариону, Макарию и архимандриту Павлу и игумену Симону. И в той их выписке про патриарш отход и суд правил святых апостол и святых отец Вселенских седми соборов не объявилося, развее о епископех. А Вселенскаго 4-го собора 9-е правило ни митрополита прощает митрополитом судить, но святейшему патриарху, под ним же есть митрополит, или Цареградскому патриарху.

Такожде от свитка новых заповедей глава 57 и 58 указуют. А они в приклад написали епископския правила, (л. 153 об.)⁵⁶⁴ а не о патриархе. И разсмотри, колико есть написано лжи, а не истины в писме собора. Бывшим нам по отшествии в Воскресенском монастыре год и болши, и ничто нам помяну государь царь о патриаршестве, ведая нашему отшествию вину. Но и на Москве нам бывшим сказано, что Орда хотела на Московския места наступити, и ничто же государь царь, егда нам видевшимся с ним, о сем возвети и ни в чем отмени в пришествие наше. Но якоже бывшим нам на Москве, тако все сотвори, якоже обычай имел прежде Патриаршеский чин и на седалищи оном седети нам указа, якоже вси (л. 154)⁵⁶⁵ведят бывшии ту. Таже оскудевших нам потреб телесных отъидохом в Иверской монастырь. Тогда изволи государь своим повелением собрать митрополитов и архиепископов, и епископов, архимандритов и игуменов. И призвав, сказал им о нашем отшествии, якоже ему изволилось, и скаску таковую прислал в Крестовую патриарщу полату про наше отшествие. А кто допрашивал, того не написано. А знатно, что он сам, великий государь, или боярин кто любо допрашивал, и правил не написано, по которому правилу святых апостол и святых отец.

А есть в пра(л. 154 об.)вилех⁵⁶⁶ святых апостол в 37-м собору собиратися.

Дващи в лете епископи да собираются церковных ради вещей и Божественых повелений.

Толкование.

Сие убо правило преславных апостолов повелевает дващи в лете собору быти, но обаче се оставлено бысть, ибо осмое правило 6-го собора, иже в Трулле полатнем, и шестое правило, иже в Никеи 2-го собора. Единаго в лете повелевают в коейждо области от всех епископ собору быти о церковных вещех и о Божественых повелений стязаний и о разрешений недоуменных и неразумных вин. И сие правило повелевает⁵⁶⁷ самем епископом (л. 155)⁵⁶⁸ собиратися, а не царю собирати указано.

Такожде 1-го Вселенскаго собора 5-е правило, собора Лаодикийскаго 39-е правило, собора Халкидонскаго правило 19, собора Карфагенскаго правило 18, собора 6-го Вселенскаго правило 8-е, собора 7-го Вселенскаго правило 6-е.

Во всех же единою речено есть собираются. Во Антиохии же Сирстей в 20-м правиле к концу толкования глаголет: Несть⁵⁶⁹ же достойно никим же о себе собора творити, свене сущаго в митрополии епископа, рекше митрополита.

И нигде есть после седми Вселенских соборов, еже царем собирати (л. 155 об.)⁵⁷⁰ или собиратися со цари, развее Флоренскаго осмаго собора и нынешняго 9-го.

Понеже на 7-м святем Вселенстем соборе утвержено с клятвою, к тому уже нелзе ни прибавить, ни убавить, якоже есть о сем выше писано много. И сей собор, бывший 9-й, не точию сонмищем июдейским достойно нарещи, но и бесовским, яко не по правилом собран. Такоже и соборование все по цареву указу делали, якоже он хотел, собор собран по ево, государеву, указу, и делано все по ево, государеву, указу, и руками закреплено по писаному во Евангелии во свидетелство им и языком. И все, елико (л. 156)⁵⁷¹ написали, все солгали.

Карфагенскаго собора правило 104.

Людскаго суда у царя просяй, не епископ.

Того же собора правило 106.

Некия ради нужди хотяй ко цареви отъити, да яве сия творит Халхидонскому епископу и Римскому и отпустное послание да возмет. Аще ли ни, без обещания есть.

Смотри 104-е правило: Аще бы и похотел кто царева суда, извергается. Колми паче беззаконно царю на суд епископов своим указом собирати. Якоже 106-е правило глаголет: без патриарша или папина веления ни по что не приходят к царю. Якоже и Антиохийскаго собора правило 11: Епископ или презвитер или диакон сам о себе ко царю приходяй без по(л. 156 об.)веления⁵⁷² сущаго во области митрополита, с причащением и сана извержется.

Глаголеши, толковниче, ныне милостию Божиею и благодатию Господнею живет и царствует Москва. Чесо ради ты отнимаешь от нея престол и приносишь в монастырь той без ведома особнаго царьскаго величества и без совета всех архиереов и всего священнаго чину для того, что ты не сам един глава и самовластел. Глаголет убо 34-е святых апостол правило, что епископи без своих первоначалных и глав их не чинят ничто же. Однако же и ни первый их без совету всех ничесо не чинил для одности, да и говорит патриарху, чесо ради не поведал (л. 157)⁵⁷³ тайных притчи своего отъезду, ни без совету и докладу, толко от себя, отстал и пошел. Аз не без ведома царства отшел, ведал государь царь, потому гнев почал быть на мя не по правде. И приходили от нево, государя, ево государевы ближние люди, князь Юрье Иванович Ромодановской да Офонасей Иванович Матюшкин. И им то говорено, что от немилосердия его, государева, иду из Москвы вон, пусть ему, государю, просторнее без меня, а то на мя гневаяся, к церкви не ходит. И про тот гнев всему государству ведомо, что он, государь, гневаяся на мене, не приходил. А все святей велицей Церкви обид много стало и Божественых заповедей Христовых и святых (л. 157 об.)⁵⁷⁴ апостол и святых отец правил, как обещал на нашем поставлении, не почал соблюдать. А мы на избрании своего патриаршества и сами обещали с клятвою и с подписанием руки своея Божия заповеди и святых апостол и святых отец хранити. А он, великий государь, чрез Божественыя правила суд церковной отнял, нас самех и епископов и архимандритов, и игуменов и весь священнический чин велел своим приказным людем судити, якоже и ныне от всех зрится. И о том о всем после святыя службы, как нам итти с Москвы, во святей церкви пред Богом и святыми Его ангелы засвидетельствовано и пред святым Евангелием и всеми (л. 158)⁵⁷⁵ священными церковными вещми, и обретшимися в то время архиереи и иереи и всем священным собором и всеми людьми, а не безвестно отшел. Их же государь царь принуди сказати то мое свидетельство отреканием. И многими пытками стращали, велели сказывати, как ему, государю, годно. И всем архиереом свое государево жалованье давал для тово, чтоб на меня подписалися к ево годности и про то ведомо всему государству.

И по единем лете приезжал аз к Москве, и государь царь свои очи дал видети и в седении ничем перед прежним не отменил, зная мою неповинность перед ним, государем. И после велел было в Колязин монастырь (л. 158 об.)⁵⁷⁶ сослать, толко я не поехал. И паки отъидохом во своя, Божественым заповедем повинуяся, глаголющим: Егда⁵⁷⁷ убо гонят вы во граде сем, бегайте во другий. В онь же град входите, и не приемлют вас, ниже послушают словес ваших, изходяще из града, отрясите прах ног ваших. Аминь, глаголю вам, отраднее будет земли Содомстей и Гоморстей в день Судный, неже граду тому.

Несть раб болий Господа своего, ни посланник болий пославшаго Его. Аще Мене изгнаша, и вас ижденут, аще слово Мое соблюдоша, и ваше соблюдут, но сия вся творят вам за имя Мое.

Довлеет ученику, да будет яко (л. 159)⁵⁷⁸ учитель его и раб, яко Господь его. Аще господина дому Веелзевула нарекоша, колми паче домашняя его, не убойтеся убо их. Но дадите место гневу. Писано бо есть: Мне отмщение и Аз воздам, глаголет Господь.

И опять глаголеши, после отъезду своего чесо ради не известил чрез писание и не оставил речи, на долгое время на 4-е годы и болши, чтоб дело в молчании было.

Писано много было от Божественаго писания о всех его царских превосходящих делех, и он, великий государь, не слушает, но паче гнев на гнев прилагает.

Ты же глаголеши, чесо ради сам не изыскивал собору чтоб очистился и оправдал себе самаго, выговоря свое (л. 159 об.)⁵⁷⁹ учение. Где есть писано, еже ты глаголеши, яко бы самому собору изыскивати и для чево, покажи правила таковые, чтоб оправдати себе самого, выговаривая свое учение? И о ком таковый собор собрати, и где их взяти, понеже подобно такое дело всем патриархом знати, аще митрополита митрополиты не могут судити, колми паче⁵⁸⁰ патриарха главу всем составом, якоже выше есть показано.

Паки, глаголеши, ответотворче неправедный, однако страшно есть страсть самолюбства и проклята гордость та притчею и родит такие дела, ими же убо он, Никон, чесо⁵⁸¹ сам изыскивал и терпети хотя.

(л. 160)⁵⁸² Да которое самолюбство, еже вся злая терпети заповеди ради Божия.

Тако⁵⁸³ есть писано: Хотящему судитися с тобою и ризу твою взяти от Тебе, не возбрани ему и срачицу.

Имеет⁵⁸⁴ ли кто вещь, имея ко иному судитися от неправедных, а не от святых. Се убо срам вам есть, яко тяжбы имате между собою, почто не паче обидими есте, почто не паче лишени бываете.

Рабу же Господню не подобает сваритися, но тиху быти ко всем.

Аще⁵⁸⁵ ли друг друга хаплете и снедаете, блюдитеся, да не друг от друга снедени будете.

Но⁵⁸⁶ се судите паче, не полагати претыкания брату в соблазн.

И поем Его Петр, на(л. 160 об.)чат⁵⁸⁷ претити Ему, глаголя: Милостив⁵⁸⁸ Ты, Господи, не имать быти Тебе се. Он же, обрящся, рече Петрови: Иди за Мя сатана, яко не мыслиши, яже суть Божия, но яже человеческая. И паки писано есть: Разсыплет Бог кости человекоугодником.

Да что суть гордость наша, еже писаное совершаем делом. Отступися от зла, сотвори благо, се ли глаголеши гордость?

Апостол святый учит ны: Блюдите, убо како опасно ходите, не яко не мудри, но яко премудри, искупующе время, яко дние зли суть. Сего ради не бывайте безумно, но разумевающе, что есть воля Божия святая и угодная. Не сообразуйтеся веку сему, но преобразуй(л. 161)теся⁵⁸⁹ обновлением ума вашего, воеже искушати вам, что есть воля Божия.

И проклинаешь гордость, которую гордость? Тую ли, ею же ты гордишися и не в свою меру поступаеши, митрополит иностранец, яже по многим законным каноном не достоин ни священства, не точию архиерейства? На сию гордость мы по законом святым и утрегубим: да будеши проклят, да будеши проклят, да будеши проклят.

Ответ

Надобно, чтоб ушел, так как и Христос уходил ради мучительства безвинных отроков убиения и сохранился во Египте; однакож как опасение минет надобе возвратитися ради оскорбления душевнаго, понеже от него столко душ походит, и надобно чтоб ими владел и паствил для того, что он будет страшной счет живущему Богу за их. Пастырь есть который имети болшой промысл, епископ есть который имеет дело оберегательства, оберегатель есть, истинное и сущее дело добрым предстателем. Орехов был жезл Моисеов, а миндалной Ааронов; пишут физики, что коли постелешь листы мигдалные или ореховые, имеют силу чинить человеку, который на них ляжет, не много спит. Слыши, седишь ли, Никон, спишь ли, сей сон есть смертоносной. Недостойно человеку долго спать, который имеет советы на своей главе, не подобает, негодно. Вся ми надобно, а не вся ми годна, вопиет апостол. Егда слышали Христа апостоли: идем во Июдею, паки отвещали ему: Учителю, ныне искали июдее Тебе камением убити, и паки ли грядеши тамо. Ей, ничесо смерти достойнаго не делали мы, но все добродетели, все добром дела делали. Кто чинит добрыя дела, никогда не боится без страха великаго, чтоб боятися закона; но кто злое дело делает, трепещет и страшится велми оправдания праведнаго.

Возражение, или разорение 18 воросу и ответу

Противу сего 18 вопросу доволно есть указание выше сего написано на разорение. Ты глаголеши, ответотворче, надобно, чтоб ушол, так Иисус уходил (л. 161 об.)⁵⁹⁰ ради мучительства безвинных отроков убиения и сохранился во Египте. Да ли ты не слышал во Святом Писании, яко побиты все младенцы, обретшиися во время Христова рождества в Вифлеоме и во всех пределех его?

Ты же глаголеши: Однако же как опасение минет, надобе возвратитися⁵⁹¹ ради оскорбления душевнаго, понеже от него столко душ походит. И надобно, чтоб он владел и паствил для того, что он будет страшной счет живущему Богу за них. Пастырь есть, который имеет имети болшой промысл. Епископ есть, который имеет дело оберегателства, оберегает есть истинное и сущее дело.

Почто, лицемере, (л. 162)⁵⁹² неправедно судиши? Пишет бо ся: Иже праведнаго судит неправедна, неправеднаго же праведна, нечист и мерзок у Господа. Колико имаши, свой престол оставя, и скитаешися яко волк, хапая и угрызая братню совесть? Не зриши ли, колика злоба царева, всяк камень подвиг, да что любо обрящет на мя? Не слышал ли еси писаннаго выше, Господем реченная во святем Евангелии: Идеже не приемлют, ниже послушают словес ваших, исходите из града и прах ног ваших отрясите. И прочая.

Паки есть писано, яко не подобает, ниже во отмщение иному неправду ему воздаяти неправдующему. И⁵⁹³ посла вестники пред лицем Своим, и изшедше, (л. 162 об.)⁵⁹⁴ приидоша в весь Самарянскую, яко уготовати Ему, и не прияша Его, яко лице Его бе идый в Иерусалим. Видевше же ученицы Его Ияков и Иоанн реста Ему: Господи, хощеши ли, да речем огню снити с небесе и попалити их, якоже Илия сотвори. Обращ же ся, запрети им и идоша во ину весь.

Аще⁵⁹⁵ ли же преслушает сих, повеждь церкви, аще же и церковь преслушает, да будет ти яко язычник и мытарь.

Аще⁵⁹⁶ же кто не послушает словесе вашего, посланием сего знаменайте и не приметайтеся ему, да посрамится. Аще же кто оскорби мене, не мене оскорби, но от части, да не отягчю всех вас.

Молитеся⁵⁹⁷ за творящая вам пакости (л. 163)⁵⁹⁸ и изгоняющая вы, яко да будете сынове Отца вашего, иже на небесех.

Ты же глаголеши, ответотворче, яко орехов был жезл Моисеов, а миндалной Ааронов, и тово не обретается в писме, и в сем солгал.

Ты же пишешь, пишут физики, что, коли постелешь листвы миндалныя или ореховыя, имеют силу чинить человеку, которой на них ляжет, не много спит. Не достало тебе святых Божественых книг во ответе, которыми велели апостоли святии и святии отцы учити, и заповеда, и ответы творити. Ты же физиками и ореховым листием и иными шпынскими прибаски ответы творишь.

Глаголеши, Симоне, бдиши ли, и се соглал, (л. 163 об.)⁵⁹⁹ яко есть тако писано, но Симон седиши ли, Никон спиши ли. Лутче есть спати, нежели в суетных словах упражнятися.

Да ты же пишешь, се сон есть смертоносный, не достойно человеку долго спати, которой имеет советы на своей главе, нет, не подобает, негодго. Вся ми лет суть, но не вся на ползу, вопиет апостол. И сам той божественный апостол учит: Вам⁶⁰⁰ бе лепо первее глаголати слово Божие, а понеже отвергосте его и недостойны творите сами себе вечному животу. Се обращаемся во языки, тако бо заповеда нам Господь. Противящим⁶⁰¹ же ся им и хулящим, отряс ризы своя, рече к ним, кровь ваша на главах (л. 164)⁶⁰² ваших, чист аз, отныне во языки иду.

Глаголеши, егда слышали апостоли Христа, идем во Июдею, паки отвещали Ему, Учителю: Ныне искали июдеи Тебе камением побити, и паки грядеши тамо, ей, что ничего смерти достойнаго не делали. Кто чинит добрыя дела, не боится никогда без страха великаго, чтоб боятися закона, но кто злое дело делает, трепещет и страшится велми оправдания праведнаго.

Почто⁶⁰³ людем хвалиши закон, яко добр есть, преступлением же закона Бога безчествуеши, людем проповедуеши не красти, сам же святая крадеши.

К таковым Господь рекл есть: Иди за Мя, сатана, яко не мыслиши, яже суть (л. 164 об.)⁶⁰⁴ Божия, но яже человеческа.

Аще бы аз боялся человек, то не бы пред лицем оскорбивших мя житие имел. Ибо Господь дремал тридесят лет, Дóндеже прииде вопиющий глас от пустыни, возбуди, и вторый с небесе от Отца, глаголя: Сей есть Сын Мой возлюбленный, Того послушайте. И оттоле начат учити и проповедати Евангелие во всем мире.

Тем⁶⁰⁵ же и на корме корабля спяше, Дóндеже приидоша ученицы, возбудиша Его, глаголюще: Господи, спаси ны, погибаем. И глагола им: Что страшливи есте, маловерии. Тогда, востав, запрети ветром и морю, и бысть тишина велия.

Спит Христос, да познают ученицы немощь свою, и разбудив, по(л. 165)молятся⁶⁰⁶ Ему и спасени будут.

Тако и ныне в мори жития сего плавающии, аще не призовем Христа, окормителя душ наших любовию и единением духа, по писаному: Возлюбим друг друга, да единомыслием исповемы. Тишины духа и спасения жизни никако же получим.

Инако же невозможно приити, воеже любити друг друга, якоже учит возлюбленный ученик Христов и наперсник Иоанн Богослов, глаголя: И о сем разумеем, яко познахом Его, аще заповеди Его соблюдаем. Глаголяй, яко познах Его, и заповеди Его не соблюдает, ложь есть и в сем истины несть. Иже бо соблюдет слово Его, по истине всем любы Божия соверше(л. 165 об.)на⁶⁰⁷ есть, о сем разумеем, яко в Нем есмы. Глаголяй в Нем пребывати, должен есть, якоже Он ходил, и сей да такожде да ходит.

Тако и в законе от Бога свидетельствовася, первая и великая заповедь любити Бога от всего сердца, вторая же любити ближняго своего яко себе.

Иисус⁶⁰⁸ же рече ему: возлюбиши Господа Бога твоего от всего сердца твоего и от всея дущи твоея. Си есть первая и болшая заповедь. Вторая же подобна ей, возлюбиши ближняго своего яко сам себе.

Яко⁶⁰⁹ обличение, еже не любити Бога и Христа Его, еже заповеди Его не творити. Показание же, еже любити творение заповедей Христовых и тер(л. 166)пение⁶¹⁰, во иже о Нем страданиох даже до смерти.

Имеяй⁶¹¹ заповеди Моя и творяй их, он есть любяй Мя. Не любяй Мя, словес Моих не соблюдает.

Аще⁶¹² заповеди Моя соблюдете, пребудете в любви Моей, якоже Аз заповеди Отца Моего соблюдох и пребываю в Того любви.

Яко⁶¹³ достоит всяку ненависть очищающу ко всем и враги любити, о другох же и душю положити, егда потреба призовет такову имуще любовь, якову же име Бог к нам и Христос Его.

Слышасте⁶¹⁴, яко речено бысть древним: Возлюбиши искреняго своего и возненавидиши врага своего. (л. 166 об.)⁶¹⁵ Аз же глаголю вам, любите враги ваша, добро творите ненавидящим вас и молитеся за творящих вам обиду и ненавидящих вас. И по мале. Будите убо вы совершени, якоже Отец ваш небесный совершен есть.

Тако бо возлюби Бог мира, яко и Сына Своего единороднаго дал есть.

Си⁶¹⁶ есть заповедь Моя: да любите друг друга, якоже Аз возлюбих вы. Болши же сея любви никто же имать, да кто душю свою положит⁶¹⁷ о друзе своем, и будете сынове Вышняго, яко Той благ есть на безблагодатныя и лукавыя. Будите убо щедри, якоже и Отец ваш небесный щедр есть.

Видите⁶¹⁸, какову любовь дал Отец нам, да чада (л. 167)⁶¹⁹ Божия наречемся и есмы. Возлюблении ныне чада Божия есмы не уявись, что будем, вемы же, яко аще явится, подобни Ему будем и узрим Его, якоже есть.

Составляет же свою любовь в нас Бог, яко и еще грешником сущим нам, Христос о нас умре. Бывайте⁶²⁰ же подобни Богу яко чада Божия, и ходите в любви, якоже и Христос возлюби нас и Себе предаст за ны, приношение и жертву Богови.

Яко⁶²¹ показание Христовых ученик, яже о Нем ко друг другу любы.

О⁶²² сем познают вси, яко Мои ученицы есте, аще любовь имате друг ко другу.

Глаголяй⁶²³ во свете быти, а брата своего ненавидит, во тме есть доселе. Любяй брата (л. 167 об.)⁶²⁴ своего, во свете пребывает и соблазна в нем несть. Всяк не творяй правды, несть от Бога, и не любяй брата своего, яко се есть обетование, еже слышасте, исперва да любим друг друга, не якоже Каин от неприязни бе и закла брата своего и за кую вину закла его, яко дела его лукава Быша, а брата его праведна. И по мале. Не любяй брата своего пребывает в смерть. Всяк, ненавидяй брата своего, человекоубийца есть. И весте, яко всяк человекоубийца не имать живота вечнаго в себе пребывающаго. О сем познахом любовь, яко Он по нас душю свою положи, и мы должни есмы по братии душу свою полагати.

Возлюблении⁶²⁵, возлюбим (л. 168)⁶²⁶ друг друга, яко любы от Бога есть. И всяк любяй от Бога рожден есть и разумеет Бога, а не любяй, не позна Бога, яко Бог любы есть.

Возлюбленнии, аще сице возлюбил есть нас Бог, и мы должни есмы друг друга любити. Бога никто же нигде же виде, аще любим друг⁶²⁷ друга, Бог в нас пребывает и любы Его совершена есть в нас. Бог любы есть, и пребываяй в любви, в Бозе пребывает, и Бог в нем пребывает.

Аще⁶²⁸ кто речет, яко люблю Бога, а брата своего ненавидит, ложь есть, ибо не любяй брата своего, его же виде, Бога, Его же не виде, како может любити. И сию заповедь имамы от Него, да любяй Бога, любит (л. 168 об.)⁶²⁹ и брата своего, не любим словом и языком, но делом и истиною.

Видел ли еси, человекоугодниче, в Божественом Писании, самем реченное Господем нашим Иисусом Христом, чесого ради подобни Богу бываем и чада Божия нарицаемся. Аще ходим в любви Его, якоже и Христос возлюбил есть нас. И чесого ради во тме ходим, понеже брата ненавидим, и чесого ради несмы от Бога, понеже не творим правды Его, и чесого ради, яко человекоубийцы вменяемся и пребываем в смерти, понеже ненавидим братию, и чесого ради антихристи нарицаются, понеже не творят истины, и како той наречется подобен Богу. Бог заповеда: (л. 169)⁶³⁰Слушаяй вас, Мене слушает, и отметаяйся вас, Мене отметается.

И божественный апостол Павел наказует: Братие, повинуйтеся наставником вашим и покаряйтеся. И прочая.

Ныне же вместо послушания преслушание и отметание и досаду творят. И вместо повиновения и покорения неповиновение и укорение и изгнание, и вместо правды неправду, вместо братолюбия ненавидение.

Разсуди себе, что твориши, и им же твориши, ты ниже мене знаешь, ниже видел или слышал еси от Мене что, и судиши и ответы твориши, от единаго неправеднаго человека прием клевету, чрез Божественыя законы ответы твориши. Первое, (л. 169 об.)⁶³¹ по правилом святым сам еси чюжд явился всякия Божественыя благодати, еже в чюжей епархии много время жити, свою оставя. Второе, за неподобное деяние, еже чрез 4-го собора 9-е правило един ты митрополит осуждаеши патриарха. Божественнии же отцы возбраняют и митрополитом митрополита судити, развее епископа, но и епископ, аще не восхощет суда митрополичья, и того судит патриарх. А ты, гордостию превзявся, якоже и сатана, хотя быти подобен Вышнему, но бысть антихрист, еже есть сопротивник Христов, якоже Иоанн Богослов пишет: Дети⁶³² последняя го(л. 170)дина есть. И якоже слышасте, яко антихрист грядет, и ныне антихристи мнози Быша, и от сего разумеваем, яко последний час есть. От нас изыдоша, но не Быша от нас, аще бо Быша от нас, пребыли убо Быша с нами, но да явятся, яко не беша вси от нас.

Ответ

Который ни есть истинный и прямый архиерей, когда почет итить на которые места для какова случая нужднаго, оставляет на своем месте наместника своего. Так чтем в книгах Моисеовых: когда Моисей хотел итить для принятия закона, оставил Аарона и Ора, чтоб судили люди, покамест он бы не поворотился; для того что началной человек имеет такое долженство, чтоб всегда был особою своею где его подданныя, которыя ему послушныя, да молятся и иныя об нем, да поют же все молебства церковная; а се и аз сам не стану молитися и своего правила не буду правити, не будет удоволство что я совершил свое правило и моление; аз подобает да пощуся когда хочю, чтоб мое моление и должность удоволствована была. Я печати Господа Иисуса Христа на себе ношу, говорил святый Павел апостол трижды благословен. Достойно бы когда патриарх, есть ли бы имел на уме своем не на болшое время от престолу своего итить, постановил бы на своем месте который бы чинствовал по его повелению, доброю волею, кому бы он то вручил. Но понеже избег и онаго пения поспешив, маленко допети забыв и воспомянути не хотел, не бояся оных наказов: проклят кто таинства Божия отправляет неохотно. Для того, когда Никон не оставил на своем месте наместника своего, надобно б было, чтоб был наместник, который б чинствовал на его месте и всякия правила церковныя творил, чтоб Церковь Божия пуста и без пения не была, и в тихости б не были службы Божии, приказано Крутицкому от благочестиваго Государя нашего, что он по сей день чинствует церковныя правила добро. Как остался Аарон и Ор наместники Моисеовы, покамест не возвратился от горы Синайския с скрыжали завета, чтоб не были люди израилския без главы пустой. Велико нечто было воистину, что не оставил на немногие дни Моисей людии июдейския без началники и оберегатели. А Никон, который отступился, чрез столко месяцей и лет не радел чтоб написал ко благочестивому Царю, чтоб поберег его престол. Однако ж зделал как странный и чюждый епископ, без всякаго порядку и прилежности. А добро ведаем, что добрый пастырь душу свою полагает за овцы своя. Ближен был Моисей к смерти и призвал Иисуса Наввина и рек пред всем израилем⁶³³: мужествуй и укрепися, ты бо внидешь пред людми израилевыми в землю, ею же клятся Бог отцем нашим дати ея им, и Господь пойдет с тобою и не оставит тебе, не опустит, не бойся и не страшися. Тако же ближен был к смерти Аарон пред всем израилем: мужествуй, укрепися, ты бо един перед людми израилевыми в земли, ею же клятся Бог отцем нашим дати ея им, Господь пойдет с тобою и не оставит тебе, не опустит, не бойся и не страшися. Тако же ближен был к смерти Аарон⁶³⁴: указал Бог, чтоб приоблекся сын его Елиазар всем архиерейским облачением отца своего и совершает в книгах Числа; и умре Аарон на верху горы; и низшел Моисей и Елиазар з горы и виде вся сонмища, а то уже Бог не повелевает, чтоб люд был без пастыря; такожде и Христос по вознесении Своем оставил апостол святых, которыя б владели Церковию Божиею, чтоб не нарицалася: овдовела без архиерея и пастыря.

Разорение 19 вопроса и ответа

Глаголеши, совопросниче, яко Никон никого не оставил на своем месте, кто б на его месте чинствовал.

Каким же обычаем митрополит Крутицкий чинствует безопасно на месте патриаршеском?

Ты же, ответотворче, глаголеши: Который ни есть истинный прямый архиерей, когда хощет итти на которыя места (л. 170 об.)⁶³⁵ для какова случая нужново, оставляет на своем наместника своего, так чтем в книгах Моисеовых. Когда Моисей хотел итти для приятия законнаго, оставил Аарона и Ора, что судили, покамест он не поворотился. А для того началной человек имеет такое долженство, чтоб всегда был особою своею, где его подданныя, которыя ему послушныя, да молятся и иныя об нем да поют же все молебны церковныя. А се и аз сам не стану молитися и своего правила не буду правити, не будет удоволно, что я совершил свое правило и моление. А подобает, да пощусь, когда хочю, чтоб мое моление и должность (л. 171)⁶³⁶ удоволствована была. Я печати Господа Иисуса Христа на теле моем ношу, говорил святый Павел апостол: трожды благословен. Достойно бы когда патриарх, есть ли бы имел на уме своем не на болшое время от престола своего итти, постановил бы на своем месте, который бы чинствовал по его веленью доброю волею, кому бы он то вручил. Но понеже избег, и онаго пения поспешил маленко, забыв воспомянути, не хотел, не бояся оных наказов, проклят, кто таинства Божия оправляет неохотно. Для того, когда Никон не оставил на своем месте наместника своего, надобно б было, чтоб был наместник, которой бы чин(л. 171 об.)ствовал⁶³⁷ на месте его и всякия правила церковныя творил, чтобы Церковь Божия пуста и без пения не была и в хитрости не были службы Божии, приказано от благочестиваго государя нашего, что он по сей день чинствует церковныя правила. Добро, как остался Аарон и Ор наместники Моисеовы, покамест не возвратился от горы Синайския со крыжали завета, чтоб не был люд израилтейский без главы пустой. Велико нечто было воистину, то не оставил на многия дни Моисей люд июдейский без началника и оберегателя. А Никон, который отступился чрез столко месяцей и лет, не радел, чтоб написал ко благочестивому царю, чтоб поберег его престол. (л. 172)⁶³⁸ Однако же зделал как странный и чюжий епископ без всякаго порядку и прилежности, а добро ведаем, кто добрый пастырь, душю свою положит за овцы своя.

До сих твоих глагол, лицемере, без лености выслушал и зело показался ми еси некнижен, сам весь еси во гресе и ответы твориши чрез Божественая Писания, доброе уничижаеши, а злое обновляеши.

Писано есть, грешнику рече Бог: Вскую ты поведуеши и восприемлеши завет Мой усты твоими. Ты же возненавиде наказание мое и отверже словеса моя вспять. И глаголеши, аз пошед, не оставил никово наместника по себе, как Моисей, пошедши (л. 172 об.)⁶³⁹ для приятия закона оставил Аарона и Ора.

Ни Моисей, побежав от Египта, оставил кого, но всех с собою взял в пустыню и в пустыне чинствовал и по себе Аарону и Ору приказал, восходя на гору Санайскую, разсуждати повеле, аще кому прилучится пря. Нам же от злобы царьския отходящим, аще бы и приказать, не послушал бы никто, разве его царьскаго повеления, якоже и ныне действуется. А идеже ныне Христа ради скитаемся, не без того чина обретаемся. А что глаголеши, что началной человек имеет такое долженство, чтоб всегда был особою своею, где его подданныя, которыя ему послушныя, да молятся и иныя о нем (л. 173)⁶⁴⁰ да поют же все молебны церковныя. А се аз и сам не стану молитися и своего правила не буду правити. И не будет удоволно, что я совершил свое правило и моление. А подобает, да пощуся когда хощю, и чтобы мое моление и должность удоволствована была.

Правду истинную изрекл еси сам о себе. Тем же и аз не без правды ответ творю ти. Божие есть слово ко пророку и не может ложно бы(л. 173 об.)ти⁶⁴¹, яко в нем же застану, в том и сужду тя.

Ты глаголеши, чтобы за тебя поведанныя молилися и долг твой отправляли. А ты когда и не хощеши поститися и молением молитися и своего правила правити. А подобает, да пощуся, когда хощу (л. 174)⁶⁴² и чтоб моление твое и должность удоволствована была от подданных твоих. Да кто весть от подданных твоих, где есть ти и что твориши и еже бы им за тебя молити? Обаче едино истинно о себе свидетелствуеши, что ты ни постишися, ни молишися, якоже мы слышахом от достоверных свидетелей, иже при тебе пребывающии исповедаша, что ничим же лутче есть поганина. Внегда ходити к Троицы Живоначалной в Сергиев монастырь, ни постившася тебя видели когда, ни молившася, но всегда днем и нощию ядуща и пиюща, яко свиния, и ничто же ино благотворяща. Послушай убо писания⁶⁴³, яко не подо(л. 174 об.)бает⁶⁴⁴ на иных исправление надеющемуся, яже о себе не радети.

Сотвористе⁶⁴⁵ убо плоды достойны покаянию и не начинайте глаголати в себе отца имамы Авраама. Глаголю бо вам, яко может Бог от камения сего воздвигнути чада Аврааму, уже бо и секира при корени древа лежит. Всяко убо древо, не творящее плода добра, посекается и во огнь вметается.

Яко⁶⁴⁶ ничто же ползуют себе сожительствующии угодным Богови и свое мудрование не исправляюще, аще и по видимому к ним приносят подобие.

Тогда⁶⁴⁷ уподобися Царство Небесное десятим девам, яже прияша светилники своя и изыдоша во сретение Жениху, пять (л. 175)⁶⁴⁸ бе от них мудры и пять буия. Буия же приемше светилники своя, не взяша с собою елеа. Мудрыя же взяша елеа в сосудех своих. И приводит по мале о буих.

Господи, Господи, отверзи нам. Он же отвещав, рече: Аминь, глаголю вам, не веде вас. Глаголю⁶⁴⁹ же вам, в ту нощь два будета на ложи своем, един поемлется, а другий оставляется. Две мелющи вкупе, едина поемлется и другая оставляется. И отвещавше, реша Ему: Господи, Господи. Он же рече им: Идеже труп, тамо соберутся орли. Не вси, иже от Авраама, сии суть сынове Авраамли, но иже дела Авраамская сотворит, сей сын (л. 175 об.)⁶⁵⁰ Авраамль есть. Ни иже от Израиля, сии суть израилтяне, но иже дела израилтейска сотворит, он есть израилтянин.

Писано есть: Вера без дел мертва есть, тако и ты без дел своих, на иных надеяся делы, мертв еси от жизни праведных, почто живых соблажняеши.

Ты же глаголеши, приказано Крутицкому митрополиту от благочестиваго государя нашего, что он по сей день чинствует церковныя правила. Добро, как остался Аарон и Ор наместники Моисеовы, покаместа возвратился Моисей от горы Синайския со крыжали завета, чтоб не был люд израилтейский без главы, пустой. Велико нечто было воистину, то не оставил (л. 176)⁶⁵¹ не на многия дни без началника и оберегателя. А Никон, которой отступился чрез толко месяцей и лет, не радел, чтоб написал ко благочестивому царю, чтоб поберег его престол. Однако же зделал как странный и чюжий епископ без всякаго порядку и прилежности. А добро ведаем, кто добрый пастырь душю свою положит за овцы своя.

Как в преждних своих ответех, злоумне, неправедно писал, тако и зде солгал, еже добро, глаголеши, что приказал государь Крутицкому митрополиту. Писано⁶⁵² есть: Верный в мале и во мнозе верен. Не верный в мале и во мнозе не верен есть. Покажи известно (л. 176 об.)⁶⁵³ не от своих гнилых произношеней, но от Божественаго Писания, где есть такия законы, да царие в церковных преданиох и уставох исправляют и повелевают, якоже ты глаголеши. Аз же ти покажу.

Господу глаголющу: Никто⁶⁵⁴ же может двема господинома работати. Любо единаго возлюбит, а другаго возненавидит, или единому прилежит, а другаго не радит. Не можете Богу работати и мамоне.

Аз от Бога изыдох и приидох, не бо от себе приидох, но Он мя посла.

Мне⁶⁵⁵ подобает делати дела пославшаго мя. И в Нем же аще кто призван, в том да пребывает. (л. 177)⁶⁵⁶ Что бо имаши, еже не приял еси? Како же проповедят, аще не послани будут? Егда⁶⁵⁷ раби бесте греху, свободни бесте от правды. Да никто же вас лстит тщимы словесы. Сих⁶⁵⁸ бо ради грядет гнев Божий на сыны противныя. Доволно ли ти есть ко указанию, яко не подобает не сущими своими владети или повелевати, аще мнит царь, яко добро творит, владея и повелевая во священных уставох, не чюдися, что Бог терпит на болшее и лютейшее отмщение.

Писано есть: Приидоша⁶⁵⁹ же нецыи в то время, возвещающе Ему о галилеох, их же кровь Пилат смеси с жертвами их. (л. 177 об.)⁶⁶⁰ И отвещав Иисус, рече им: Мните ли, яко галилеане сии грешнейши паче всех, галилеани бяху яко сице пострадаша. Ни, глаголю вам, но аще не покаетеся, вси такожде погибнете. Или о богатстве благости Его в пождании в долготерпении не радиши, не ведый, яко благость Божия на покаяние тя ведет. По жесточеству же твоему и по непокаянному сердцу, щадиши себе гнев в день гнева и откровения праведнаго суда Божия, иже воздаст коемуждо по делом его.

Яко⁶⁶¹ не искусиша Бога имети в разуме, сего ради предаст их Бог, а неискусен ум творити неподобная.

Елма⁶⁶² любовь не прияша (л. 178)⁶⁶³ истинную, спастися им. Сего ради посла им Бог действо прелести, воеже веровати им во лжу.

И ты, ответотворче, приводиши от древняго писания, добро как остался Аарон и Ор. Что же чюдесно показали, остався Аарон и Ор, якоже пишется во Исходе книг: Видевше⁶⁶⁴ же людие, яко умедли Моисей снити с горы, восташа людие на Аарона и глаголаша ему: Востани и сотвори нам боги, иже пойдут пред нами. Моисей, бо сей человек, иже изведе нас из Египта, не вемы, что ему бысть. Рече же им Аарон: Измите усерязи златыя из ушию жен ваших и дщерей и принесите ко мне. И со(л. 178 об.)твориша⁶⁶⁵ тако. И взя от руку их, и слияв образ, и сотвори им телец лиян. И рекоша: Сии бози твои, Израилю, иже тя изведоша из земли Египецкия. Видеша же, Аарон созда олтарь прямо ему и проповеда Аарон велик день Господень утре, и обутрив наутрия, и вознесе сожжения, и принесе требу спасения, и седоша людие ясти и пити, и восташа играти. И рече Господь к Моисею, глаголя: Сниди скоро отсюду, беззаконниша бо людие твои, их же извел еси из земли Египецкия. Преступиша с пути скоро, иже заповедал еси им, и сотвориша себе телец и поклонишася ему, и жертвоваша, глаголюще: Сии бози твои, Израилю, иже из(л. 179)ведоша⁶⁶⁶ тя из земли Египецкия. Ныне же не дей Мене, да возъярився гневом на ня, потреблю. И прочее.

Да се ли ты, измождаше, приводиши во свидетельство, древнее беззаконие людей обновляя, еже бы и ныне тожде Господь сотворил? А уже и есть и будет. Аще не обратятся⁶⁶⁷ от злоб своих койждо их, якоже и тогда поби Господь, якоже есть писано.

И⁶⁶⁸ прогневаша Моисея в стану и Аарона святаго Господня. И отверзеся земля и пожре Дафана и покры на сонмищи Авирона. И разжеся огнь в сонме их, пламень попали грешники. И сотвориша телец в Хориве и поклонишася истуканному, и измениша славу Его в подобие тельца⁶⁶⁹, (л. 179 об.)⁶⁷⁰ ядущаго траву, и рече: Потребити их, аще не бы Моисей избранный Его стал в сокрушении пред Ним. И возврати ярость Его, да не погубит их.

Да ты же пишешь: Умре Аарон на верху горы, и бысть вместо его Елеазар. Якоже пишется в 4-х книг Моисеовых в 29 главе: И сотвори Моисей, якоже повеле ему Господь, и возведе я на Ор гору пред всем сонмом, и совлече Аарону ризы его, и облече в ня сына его Елеазара, и умре Аарон на версе горы.

Виждь и разсмотри, яко нелепо прежде смерти иному быти архиерею на живаго.

Якоже перваго и втораго собора (л. 180)⁶⁷¹ в церкви святых апостол, правило 16.

Ни по которому же образу да не взыдет кто на епископию, ея же епископ жив есть. Подобает бо вину изыскати, его же хотят изгнати, и по извержении его другаго поставити.

Аще же кто помощию и насилием властельским держит церкви, прочти правило святых апостол 30-е.

Аще⁶⁷² кий епископ мирских князь помощию приимет церковь, да извержется и отлучится.

Толкование.

Аще кий епископ мирскими властели избран быв и тех силою приимет Церковь Божию, рекше епископ будет в ней, таковый, яко велие прегрешение согрешив, да будет извержен и да отлучится. Подобает бо хотящему (л. 180 об.)⁶⁷³ поставитися епископом, от всех епископ сущих во области поставлену быти. Аще ли несть мощно купно всем собратися, поне без всякого извету, от трию епископ да поставлен будет, сложившемся писанием грамот купно и всем не пришедшим епископом.

И святаго Вселенскаго 7-го собора правило 3.

Всяко⁶⁷⁴ избрание и поставление, бывающее от мирских властелей, не твердо есть.

Толкование.

Во многих правилех речено есть, еже от всех епископ, сущих во области, аще есть мощно подобает суду и избранию быти, хотящему поставлену быти епископу. Аще ли невозможно всем совокупитися, понеже (л. 181)⁶⁷⁵ от триех епископ да поставится, сочетавшемся посланием грамот и не пришедшим епископом. Аще же кто мирскими властели избран будет, и теми церковь некую приимет, рекше по изволению их и по повелению, поставлен будет епископом, не токмо нетвердо есть таковое поставление, но и извержение и отлучение наводит на получившаго тем образом святительство.

Такожде и Лаодикийскаго собора правило 13.

Не избран епископ, иже мирскими человеки избран будет.

Толкование.

Судом и избранием митрополита и сущих во области епископ поставляем бывает епископ. Аще же кто не тако возведен будет (л. 181 об.)⁶⁷⁶ на епископство, но мирскими людми избран, не избран есть и не приятен.

А коли б самому мне не было злобы, почто иному призывать, но от гнева царскаго невозможно стало жити.

Писано есть: Царево⁶⁷⁷ прещение подобно рыканию лвову. И паки: Ярость царева посол есть смерти. Меч есть язык царев, а не плотян, иже аще предан будет, сокрушится. Аще раздражится ярость его с жилами, человеки губит и кости человеческия поядает и сожигает яко пламень. В⁶⁷⁸ долготерпении благоучение царево, язык же мягок сокрушает кости.

Мнози⁶⁷⁹ угождают пред лицем царевым, всяк же зол бывает (л. 182)⁶⁸⁰ в поношении мужеви. Царю⁶⁸¹ послушающу словесе неправедна, вси под ним законопреступницы.

Видел ли еси, совопросниче, яже суть о царех. Богу свидетельствующу, яко не бысть прежде Соломона в мудрости велика и по нем не будут. И все, елико в царской души бываемо, изообличи и показа, якоже и деяния тех свидетельствуют.

Кто правдивее Моисея, егда изыде к братиям своим, сыновом Израилевым, разумев же болезнь их, виде человека египтянина, биюща некоего евреянина, и озревся тако и сам уби египтянина. Слышав же фараон царь, искаше его убити. Он же отъиде и вселися (л. 182 об.)⁶⁸² в земли Мадиамстей. И по возвращении коликими чюдесы и казньми наказа Бог фараона и не умягчися, Дóндеже погуби его Господь.

Кто праведнее Давида, якоже свидетельствова Бог о нем. Обретох, рече, мужа по сердцу Моему, иже сотворит вся хотения Моя.

И⁶⁸³ инде пишется о нем. Со лвы играше яко с козлищи и с медведи яко со агнцы овчими. В юности своей не убил ли исполина и отъят поношение людей, и призва Господа Вышняго и даде в десницу его крепость, низложи человека силна на брани, и воздвиже рог людей своих и прославися во тмах. И сладко бряцанием гусленым отгони демона от Саула. (л. 183)⁶⁸⁴ Но колико от того пострада, искаще убити его Саул. Он же бегая и крыяся от лица Саулова, якоже свидетельствует писание Царств первых во 18 главе. Взем Саул копие и рече: Поражу Давида к стене. И уклонися Давид от лица его дважды. И Давидови, бежав, спасеся, и иде к Самоилу в Сармафему. Прочее⁶⁸⁵ о бегании Давидове свидетельствуют Царств книги. И не смиловася Саул на Давида, Дóндеже Господь тому суд сотвори, еже без правды гневаяся на Давида, уби архиерея Господня Авимелеха и с ним 85 муж, носящих ефуд.

И книга псалмов Давидовых, егда бегая, молился, глаголя: Изми мя, Господи, от человека лукава (л. 183 об.)⁶⁸⁶ и от мужа неправедна избави мя.

Помилуй⁶⁸⁷ мя, Боже, помилуй мя, яко попра мя человек. И на сень крилу Твоею надеюся, Дóндеже прейдет беззаконие. Овогда пишет: Что хвалишися во злобе силне, беззаконие весь день, неправду умысли язык твой, яко бритву изощрену сотворил еси лесть. Возлюбил еси злобу паче благостыни, неправду неже глаголати правду. Возлюбил еси вся глаголы потопныя, язык льстив. И прочее псалма того иногда же.

Суди, Господи, обидящая мя, побори борющая мя, приими оружие и щит и востани в помощь мою. Изсуни меч и заключи сопротив гоня(л. 184)щия⁶⁸⁸ мя. Рцы души моей: Спасение Твое есмь аз, да постыдятся и посрамятся ищущии душю мою, да возвратятся вспять и постыдятся мыслящии ми злая. Да будут яко прах пред лицем ветра, и ангел Господень оскорбляя их, да будет путь их тма и ползок, ангел Господень погоняя их, яко туне скрыша ми пагубу сети своея, всуе поносиша души моей. Да приидет ему сеть, яже не весть, и ловитва, яже скры да обымет и, и в сеть да впадется в ню. Душа же моя возрадуется о Господе, возвеселится о спасении Его. Вся кости моя рекут Господи, Господи, кто подобен Тебе, избавляяй нища из руки крепльших (л. 184 об.)⁶⁸⁹ его, и нища и убога от расхищающих его. Воставше на мя свидетели неправеднии, яже не ведях, вопрошаху ми, воздаша ми лукавая во благая. И прочее.

И навыкши искусом, ко всем глаголет, уча: Уклонися от зла и сотвори благо, взыши смирение и пожени и, зане очи Господни на праведныя и уши Его в молитву их. Лице же Господне на творящая злая, еже потребити от земли память их. Тем же и глаголаше присно, яко беззакония моя аз знаю и грех мой предо мною есть выну. И елика изрече ему Нафан пророк о Уриеве, не вопреки возглагола, но рече: Согреших⁶⁹⁰ ко Господу моему. И елика злая сотвори ему (л. 185)⁶⁹¹ и хотящим убити возбраняше.

Кто ли праведнее Самуила, яко и зачатие молитвы ради и рождение свято, но и той, убояся Саула⁶⁹², веление Божие исполнити глаголанное от Господа. И рече Самоил: Како пойду, услышит Саул и убиет мя.

Кто паче Илии в чюдесех прославися, небо языком заключи 3 лета и месяц 6, и паки отверзе, тем и 9 ложных пророк закла и жертвы трикратной водою полиеной и с водою небесным огнем попали и два пятьдесятника сожже, Иордан милотию раздели и Елисеови сугубу благовесть дарова, и на огненых возилех яко на небесе взыде. Но⁶⁹³ и тому от лица Ахавля (л. 185 об.)⁶⁹⁴ повеле Господь скрытися в Потохорафе прямо лицу Иорданову, и от лица Езавели бежа во Вирсавию, в землю Июдину, и проси души своей смерти.

Кто велегласнее Исаии во пророцех, но и той умолче в царство Иозии, вознесшаго мерзское кадило Господеви и опроказе.

Кто ли премудрее Иеремии присноплачевнаго, еже пророчествова на Иерусалиме и на Иоакима царя Июдина, его же повеле царь книги пророчества сожещи и его яти, но скры его Господь и Варуха книгочия.

И что многословити потреба: выше сего много есть и заповеди Божия и показание бегания самаго Христа и святых Его апостол и святых всех, еже прежде времени не пометатись (л. 186)⁶⁹⁵ в напасти.

Глаголет ли царьское величество, яко не изогнан де от нас, сам своею волею пошол? И вси святии сами своею волею отходили от злобы и таясь. А коли бы не утаилися, яти бы были святии и елико годно мучителем сотворили, якоже Моисей, тако и Давид, тако и Исаия, и Иеремия, тако и Христос, тако и Павел, тако и Петр, тако и вси апостоли, тако и вси святии, о них же к повести не достанет лето едино. Но якоже о страстех святых, тако и о мучителех, отчасти мало церкви предано есть в книзе, нарицаемей Пролог, тамо кто восхощет пространно навыкнути о мучении и изгнании и о мучителех (л. 186 об.)⁶⁹⁶, якоже глаголет Григорий Богослов.

Что⁶⁹⁷ убо быхом крепчайшии гонящии, ничто же пострадаша от нас, но отбегоша не мучени. Тем же и глаголем, который ипарх отщетися от нас, который ли народ воставляющий казнь прияша, что ли кому страшно показахом, могуще устрашити враги наша.

Сим воследуя, и мы глаголем, которое тяжкое от нас государь царь и великий князь пострада или чим отщетихом или что есть досада наша, покажите, толко не солгите. А мы покажем всем людем ведомое, еже ныне всяк человеческий род и возраст весть. Глаголет государь, что мы ево не гонили с престола. (л. 187)⁶⁹⁸ Но якоже тогда, егда засвидетельствова пред Богом и Отцем и Господем нашим Иисусом Христом и Святым и Животворящим Духом, о неправдах ево, государевых, и о напрасном гневе безвинно на мя во святей велицей церкви и от тех времен не престая гонит. Ему кажется легко, что волю дал всякому неправеднику злословити, елико кто хощет и умеет. А нам уже от тех злодеев смерть приходит. Толко святый Бог милостию Своею святою утвержает и помогает во многих скорбех наших терпящих имени Его ради святаго. По Писанию чаянием утешаемся. Блажени бо, рече, будете, егда возненавидят (л. 187 об.)⁶⁹⁹ вас человецы и поносят и пронесут имя ваше, яко зло Сына человеческаго ради, радуйтеся и веселитеся, яко мзда ваша многа на небесех. Тако бо прежде вас пророки изгнаша, что болше гонения сего, еже всех архиереов, архимандритов и игуменов, созвав по нашем отхождении, сам и гонитель и истец бысть. Все, елико ему, государю, годно собрав, написа. Скаски готовыя присла на собор. И овех своею милостию и жалованием, инех же страхом, всех к своему государеву хотению принуди. Их же души согрешившия, взыщет на нем Господь Бог.

И потом кто о чем ложно ни побьет челом, все с выговоры государь (л. 188)⁷⁰⁰ присылает, аки ко осужденному своих государевых думных и ко всем велит по нуди самому в суд приходити о всяких делех случихся, чево ни над попом не пристоит делать. И елицы добрыя боголюбцы посещали нас в бедности нашей Бога ради или которыя добрыя люди, видя наше бедное житие, попечалится или поскорбит словом, а ему, великому государю, ведомо учинится, тех всех овех в заточение посла, овех же инеми страхи обложи и прещенми лютыми. А царьское дело таково, аще и над единем человеком что сотворит, вси того ради утсрашатся.

Прелютее того несть, якоже (л. 188 об.)⁷⁰¹ кому гнев царьский понести, якоже бывый во искусе великий Григорий Богослов исповедует. И Соломон премудрый: Ярость царева воистину посол есть смерти, меч язык царев, а не плотян. Мнози тому угождают пред лицем его, всяк же зол бывает в поношение мужеви. Ох, ох, люто приточник глаголет, егда начинаеши со лвом братися, имися крепко, да некако сокрушит и кости твоя. Что прелютее сего, еже исповеда ми некто от враг нашеих, глаголя, что де ты ныне добре кручиноват, ведь де тебе не старая пора. Ныне де нас самех ищут, чтоб на тебя били челом. А кто де ныне не станет (л. 189)⁷⁰² бити челом на тебя, и впредь что любо услышит, какое челобитье великий государь и ему де будет жестокое наказание. Я де ныне за неволю одва с постели встав, ехал по государеву указу, или что государь во все Московское государство изволил послати грамоты по монастырем архимандритом и игуменом, что бутто я имал, будучи на патриаршестве при бытии своем, потребы монастырския, казну, хлеб, лошади, вотчины на мену в цену и без цены. И после отходу своего имал вотчины на мену в цену и без цены. И церковных и казенных и вотчинных потреб и хлеба и (л. 189 об.)⁷⁰³ лошадей и вотчин и судов серебряных и золотых и книг и инаго чего, и сколко четвертей, и кто тот хлеб и куды к нему возили, и в котором году и месяце, и при которых властех. И о том о всем бы к нему, великому государю, подлинно порознь и по статьям и скаски и росписи за своима рукама присылать с нарочным добрым старцом или слугою без всякаго мотчания и прочее.

А о себе не изволил великий государь праведно разсмотрить, колико у святей велицей церкви Пресвятыя Богородицы поимал вотчин, людей и прочих всех домовных потреб, хлеба, рыбы, денег, ло(л. 190)шадей⁷⁰⁴ и прочих потреб вместо великаго дароношения за помазание на царьство. Такожде и от прочих святых церквей и монастырей поимано елико вотчин и людей и денег и хлеба и лошадей, и кто может исчислить. А ему, великому государю, святая великая соборная апостолская Церковь и прочия святыя церкви и святыя монастыри ничем не повинны и никакими данми, развее по завещанию святых апостол молитвою и честию, якоже Павел апостол учит.

Молю⁷⁰⁵, убо прежде всех творити молитвы моления, прошения, благодарения за вся человеки, за царя и за вся, иже во власти суть, да тихо и безмолвно житие поживем во всяком (л. 190 об.)⁷⁰⁶ благоверии и чистоте. Се бо доброй приятно пред Спасителем нашим Богом, иже всем человеком хощет спастися и в разум истины приити.

И⁷⁰⁷ верховный апостол Петр царя чтити повелевает. А еже о истине кто аще и царю глаголет, не подобает ему гневатися, или отмщати самому себе, или обидети по 84-му правилу святых апостол, ведяще, яко и тому есть Господь на небеси.

Возложеная же Господеви в церковь или в монастырь по 73-му правилу святых апостол и святаго 4-го собора Вселенскаго по 24-му правилу.

Монастырь с волею епископа поставлен, да пребывает не претворен, и яже суть к нему имения, да будут неотъемлема. (л. 191)⁷⁰⁸ Аще же кто инако начнет творити, несть без вины.

Толкование.

Монастыри, иже без благословения и без повеления создани Быша, не создани суть, ни освящени. Повелением же и со благословением епископа создани монастыри, яко Божественая места и Богу поручени суще, да пребывают не претворени и не обидими во веки, и мирская жилища николи же да не будут в них. Да сохраняют же имения их и стяжания, села и винограды и вся прочая, неотъемлема и неотходна от них. Аще кто преступит повеление сие, от правил запрещения да будут повинни.

Такожде и 6-го Вселенскаго собора правило 49-е, собора первовтораго правило 1-е и 2-е (л. 191 об.)⁷⁰⁹ и седмаго Вселенскаго собора 12 правило, и Кирилла архиепископа Александрийскаго правило 2-е. Сия же святая правила не повелевают что любо от святых церквей и святых монастырей отнимати или имати и в мирская жилища притворяти или на мирская растакати, якоже и Господь утвержает, Божия⁷¹⁰ Богови отдати и кесарева кесарю. Остави, рече, да первие насытятся чада, несть бо добро отъяти хлеба чадом и поврещи псом. И не дадите, рече, святая псом.

По правилом же святых апостол.

Правило 38. Да управляет епископ властелски церковное имение и ничто же от него сродником своим да не даст, аще токмо не суть убози.

(л. 192)⁷¹¹ Толкование.

Не подобает епископа разсуждати о правлении церковнаго имения, достойно бо ему есть властию таковое правити, яко пред лицем самаго Бога. Не достоит же ему от таковых что свое особно сотворити, ни ближним своим Божия дому раздавати. Аще же суть убози, да подает им потребная, яко и прочим нищим. Изветом же тех церковнаго имения ничто же да не продаст.

Правило 41.

Повелевает же епископом обладати церковным имением, аще бо честныя человеческия души поручены суть им, болми паче имение поручити им подобает, яко да по сих власти все управляют (л. 192 об.)⁷¹² и убогим требование подают рукама четсных презвитер и диакон со страхом Божиим и благоговением. Подобает же и тому самому, аще требует, взимати себе на нужную потребу, еже хощет, и приходящую странную братию гостити и кормити и ничто же потребнаго не лишити их. Ибо⁷¹³ закон Божий повелевает служащим олтареви от олтаря кормитися, понеже⁷¹⁴ ни воинник не может о своем имении оружия нанести на противнаго.

Толкование.

Аще и во области даются церковныя имения, но не о себе самому сия управляти, но сведением и по совету презвитер и диакон своих таковая строити (л. 193)⁷¹⁵ повелевают бо действенная правила и яко нуждныя потребы токмо подобно есть себе взимати епископом от церковнаго имения.

Собора иже во Антиохии правило 25.

Епископ⁷¹⁶ господин есть церковному имению. Аще же не довлеет ему, еже вземлет на свою потребу, но имение церковное и селныя плоды и богатство, еже сходится во епископию, вземлет и свое творит без ведения и без воли причетник своих, да воздаст ответ один пред всем собором. Аще же и яже суть подобна нищим раздавати да воздаст ответ пред всем собором.

Толкование.

Ему же честныя душы (л. 193 об.)⁷¹⁷ человеческия поручены суть, болми тогда имать власть над церковным имением, якоже да раздавает то требующим руками презвитер и диакон церковных. Взимати же и себе, аще скуден есть, подобная на нуждную потребу и на восприятие братии и гостей приходящих к нему, да не лишени будут пищи и странноприимства. Аще же не досыти ему в потребных, но сходящияся потребы церковныя и селныя плоды хощет взяти и свою сотворити, и того ради иконома церковнаго своего сродника поставив, яже да утаится егда раздавает церковное имение, о сем от собора суд да приимет, якоже (л. 194)⁷¹⁸ епископи испытуют. А еже бы царю обладати властелски церковным имением или монастырями, нигде же обретается. А иже кто презорством и владети начнет святыми церквами или монастыри или церковными и монастырскими вещми, движимыми или недвижимыми, и того ради гнев Божий бывает на него и на все царьство его.

Якоже пишет святый Никон 2-е книги своей в 23 слове, еже писа к магистру и князю князем Марине: О еже не быти подобно церковная и монастырская и иноческая мирским князем на своя потребы истощевати, елма и святотатства грехом осуждаются.

(л. 194 об.)⁷¹⁹ Чюжду же ся иже по Бозе разуму твоему и благочестию, како утаитися и толико прииде в забвение писания, его же ти послах. Обаче не хотящу ми, но со многою нуждею послах спасения ради твоего, зане веси како рекл ми сеи, егда бе зде, глаголя, яко должен еси поучати мя. И аз убо на том есмь новослышащих. И сего ради писах ти поспевающая во спасение твое, души купно и телу и всему дому твоему. Приложих же тамо и се, яко аще сия сохраниши, паки реку ти ина. Аще ли не сохраниши сия, умолчю и аз, не глаголати тебе. И обаче яко ничто же сохранил еси от них, весть власть твоя, елика подъят, (л. 195)⁷²⁰ лютая и бысть на тебе скорбь велика, яко в мале убо и к смерти. Аще не бы Господь сохранил тя, и к сии истинное подаяние твое, обаче не на тебе единем, но и всему дому твоему толика скорбь пройде, и во всем твоем возлюбленнем сродстве и во других. Сице бывает, увы мне, на преобидящих слово Божие. И ныне се глаголет ти, яко здрав бысть, к тому не согрешай, да не горее ти что будет. Аз же на се смотрях и не писах тебе, но поне отныне потщися плод некий истиннаго покаяния показати и якоже надеюся, убо явленая ничто же вижду, обаче всем, церковная бо и монастырьская и иноческая и⁷²¹ (л. 195 об.)⁷²² дела их вся Богови суть освящена и на ино что не расточаются, разве на убогия и странныя и пленныя и елика такова подобне и на вся иноческая же и монастырьская и церковныя потребы. Князь же некий даже до самаго настоящаго не имам рещи, аще что о сих во своя потребы, яко святотатец от Богу судится и святотатства осуждением осуждается Божествеными правилы в ныняшнем и в будущем веце. И да испытает власть твоя Божественыя писания и обрящеши не толико точию раздражати сему Бога и толику беду и муку имети, но идеже аще внидут таковая по власти или пристрастия или в княжеская или (л. 196)⁷²³ в сродства и елика такова, огнь бывают и изжжут. И яже от инех различных собрания прибыток и понеже паки таковая повелел еси собирати церковная и монастырьская и иноческая и дела их и плоды, яже Богови возложеная, на свою потребу и дома своего и прочих, иже лихоимством недугующих, и паки изволил еси приражатися Богу.

Сего ради ниже аз восприемлю, о их же ми писал еси, яко не наказан бысть, о некаянных гресех пещись. Таковая бо, яже повелел еси, показуют и прочих непокаянное.

Аще как толико в неведении или от еже к друг другу прения и прелести бывает, всяко бо древо от своего (л. 196 об.)⁷²⁴ плода познавается, якоже пишет, обаче убо и в добро и в зло чюжду же ся како и молитву ищеши от инок и от церквей, ничто же достойно творя молитве. И не точию ведаеши им, якоже лепо бе, но и восхищати повелеваеши, словом же точию подаеши, и ничто же странно мирскаго казательства сотвориши.

Мирское бо казательство словом точию имать образы, Божественнаго же Духа казательство делом и истиною кажет. Или не весть власть твоя, яко коегождо молитва коегождо противу бывающему на нем. Сице и усердие имать или в добро или во зло и паче же в немощнейших и неудоспевших во евангельское законо(л. 197)положение⁷²⁵, глаголющее: Молитеся о напаствующих вас и еже от вземлющаго твоя не истязуй и елика таковая, яже не иноки точию истязует сохранити, но и вас, миряны, и вся купно христианы. И обаче сице рещи имамы, яко иноцы о напаствующих их молящеся себе ползуют. Таковых же, якоже в Божественней лествице, воеже к пастырю слов глаголет, яко не ленись просим и о всяком неприлежнем молитися, не яко да помиловани бедут, себе рече, невозможно есть онем непоспешествующим, но яко да Богом воздвижни будут ко тщанию. Сия бо и елика такова не поношаю аз, окаянный, глаголя, (л. 197 об.)⁷²⁶ но показати хотя невежество же и прелесть иже по Бозе, добродетели твоей. Се бо якоже видиши во всех и паче в якоже ты князех удержа и паче в похвалу имут прелесть сию.

Ответ

Естли то делает для достойных притчи и обычаем строительским для причин которые нам неведомы, не согрешает и не имеет смертнаго греха, однакож не есть свободен от меншаго греха, для того что многие соблажняются и почитают то дело в ленность, что не радеет и прилежности в том не имеет; а радение болшее царьское есть радение церковное, потому что никогда не укрепляются дела царьския, покамест не укрепятся дела Матери Его Церкви Божии: Мати бо твоя есть, наияснейший царю, Церковь Божия; и как должен ты еси почитати матерь свою, которая тебе родила, так должен еси много паче возлюбить и почитать духовную свою Матерь, которая тебе отродила во святой купели святаго крещения и которая тебе помазала на царьство маслом и харизмою радости.

Разорение 20-го вопроса и ответа

Глаголеши, совопросниче, имеет ли государь наш грех, что оставил овдовевшую Церковь Божию? Изорцы ми прежде, что есть Церковь. Тем же и аз ти реку. Аще ли не веси, вопроси, и аз ти реку, что⁷²⁷ Церковь есть.

Господу глаголющу: Яко ты еси Петр и на сем камени созижду Церковь мою, и врата адова не удолеют Ей.

Церковь⁷²⁸ же, глаголю, не место точию, но нрав, не стены церковныя, но законы церко(л. 198)вныя⁷²⁹. Церковь бо не стены и покров есть, но вера и житие. Како⁷³⁰ же ли не одолеша врата адова Церкви, како ли всегда с нами есть Христос, не бо аще не был с нами, одолена бы Церковь. Како Евангелие простреся всюду по вселенней от святых апостол, яко⁷³¹ основателем церковным евангельскаго словесе сеятелем, воистину же суть и основания Церкви апостоли.

И⁷³² стена града имущая 12 оснований и на них 12 имен 12 апостолов Агнчих. Основания же стены, якоже глаголет, блаженнии суть апостоли, на них же Христова Церковь основана бысть, их же имена аки в предписании, и дщицы на сих написана Быша ко удобному навыкновению и научению чтущим, (л. 198 об.)⁷³³ стена же велия церковная, высокая же и хранительная сущим во святем граде Христос есть и Глава той же есть.

Что же ли ты, ответотворче, глаголеши неправедно. Естли то делает для достойных притчей и обычаем строительским для причин, которыя нам не ведомы, не согрешает⁷³⁴ и не имеет смертнаго греха, однако же не есть свободен от меншаго греха для того, что многия соблажняются и почитают то дело в ленности, что не радеет и прилежности в том не имеет. А радение болшое царьское есть радение церковное, потому что никогда не укрепляются дела царьския покамест не укрепятся дела Матери (л. 199)⁷³⁵ его Церкви Божией. Мати бо есть твоя, наияснейший царю, Церковь Божия и как ты должне еси почитати матерь свою, которая тебя родила, так же должен еси много возлюбити и почитати духовную свою Матерь, которая тебя отродила во святей купели святаго крещения и которая тебя помазала на царьство маслом и харизмою радости.

Слышал еси, ответотворче, к совопроснику твоему, что есть Церковь и что основание Церкви, и что стены и глава. Послушай, прелестниче, Павла апостола законоположника Церкви Божией, да почтет тебе по степенем чин святыя Церкви. И⁷³⁶ овех убо положи Бог во Церкви, первие апостолы, (л. 199 об.)⁷³⁷ второе пророки, третие учители, потом же силы, таже дарования исцелением, заступления, исправления, роди языком, еда вси апостоли, еда вси пророцы, еда вси учители, еда вси силы, еда вси дарования имут исцелением, еда вси языки глаголют, еда вси сказуют. Ревнуйте же дарование болших и еще по превосхождению путь вам показую.

Видел ли еси степень святую, почто не именовася царь в первых за высоту царьства. Добро всякому своя мера хранити⁷³⁸ по писаному: в ней же кто призван, в том да пребывает.

Господу свидетельствующу: Вшед же Царь видети возлежащих, виде (л. 200)⁷³⁹ человека не оболчена во одеяние брачное и глагола ему: друже, како вниде семо, не имый одеяния брачна? Он же умолче. Тогда рече Царь слугам: Связавше ему руце и нозе, возмите его. И прочая. Мнози бо суть звании, мало же избранных.

Почто вводиши на божественный брак не имущих одеяния брачна? Виде еси грозу Царя, еже рече слугам своим: Связавше ему руце и нозе, возмите его, вверзите его во тму кромешную, ту будет плач и скрежет зубом. И не избавится, избавит ли человек, и не даст Богу измены за ся.

Он⁷⁴⁰ же раб, ведый волю Господина своего и не сотворь, ниже уготовлься к хотению Его, биен будет много.

(л. 200 об.)⁷⁴¹ Яко⁷⁴² не подобает мнети дар Божий имений или иным неким видом стяжавати.

Видев⁷⁴³ же Симон, яко возложением рук апостолских дается Дух Святый, принесе им имения, глаголя: Дадите и мне власть, да на него же возложу руце приимет Дух Святый. Петр же рече к нему: Сребро твое с тобою буди в погибель, яко дар Божий мнел еси сребром стяжати. Несть ти части, ни жребия в словеси сем, сердце бо твое несть право пред Богом. Покайся убо о злобе твоей сей и молись Господеви, да оставитися умышление сердца твоего. В желчи бо горести и союзе неправды вижу тя суща. Отвещав же Симон, рече: Помоли(л. 201)теся⁷⁴⁴ вы о мне ко Господу, яко да ничтоже найдет на мя, ихже рекосте.

И⁷⁴⁵ начаша нецый от скитающихся июдей, обаянник, именовати над имущыя духи лукавыя, имя Господа Иисуса Христа глаголюще: Заклинаем вы Иисусом, Его же Павел проповедает. Бяху же нецыи сынове Скевы июдеанина архиерея седмь, еже се творяше. Отвещав же дух лукавый, рече: Иисуса знаю и Павла свем, вы же кто есте? И скача на них человек, в нем же бе дух лукавый, и одолев им, укрепися на них, якоже нагом и ураненым избежати от храма онаго. Се же все бысть разумно всем живущим во Ефесе июдеом же и еллином, и нападе страх на всех их (л. 201 об.)⁷⁴⁶ и величашеся имя Господа Иисуса Христа.

Бывшу⁷⁴⁷ же дни молва немала в воинех, что убо Петру бысть, и Ирод же поискав его и не обрет, истязав стражие, повеле отвести их. И изшед от Июдея в Кесарию⁷⁴⁸ живяше. В нарочит же день оболкся Ирод во одежду царьску и сед на судищи пред народом, с гордостию глаголаше к ним. Народ же возглашаше глас Божий, а не человеч. Внезапу порази его ангел Господень⁷⁴⁹, зане не даде славу Богу, и быв червьми изъяден и издше. И слово Божие растяше и множашеся.

Видел ли еси, ответотворче, страха и грозы полно, до коликих мук осуждает Бог не имущих одеяния брачна (л. 202)⁷⁵⁰ и имже не подобает действовати, аще и царь будет, да не действует. Что же ты глаголеши, яко Мати твоя есть, наияснейший царю, Церковь Божия. И как должен ты еси почитати матерь свою, которая тебе родила, также должен еси много возлюбити и почитати духовную свою Матерь, которая тебя отродила в святой купели святаго крещения и которая тебя помазала на царьство елеом и харизмою радости.

И се совершися твое, ответотворче, блядное речение и лжи полное. Откуду ты таковое дерзновение прият, еже на грех толковати, а не от Божественаго писания?

Павел глаголет: Аще мы или ангел благовестит паче⁷⁵¹ еже (л. 202 об.)⁷⁵² приясте, анафема. А ты безстрашием своим чрез сие страшныя клятвы новозаконие вводиши и глаголеши. Однако же несть свободен от меншаго греха для того, что многия люди соблажняются и почитают то дело в ленности, что не радеет и прилежности в том не имеет.

Которое радение имети велишь, се ли, якоже Давид сотвори убийство и прелюбодейство? А радение, глаголешь, болшое царьское есть радение церковное. Откуду ты такой гнилой глагол взял, еже царем церковное правити, потому глаголеши, что никогда не укрепляются дела царьския, покамест не укрепятся дела Матери его Церкви Божии. Которыя дела, сия ли, да Матерь (л. 203)⁷⁵³ свою в прелюбодейство низведет.

Послушай, прелестниче, Господу свидетельствующу: Всяко царьство, разделшееся на ся, запустеет, и всяк град или дом разделивыйся на ся, не станет. Богу свидетельствующу, не быти в разделении никоторому добру. Кто может инако преложити, небо и земля преидет, словеса же моя не преидут, глаголет Господь.

Подобает коемуждо своя мера знати, а не совосхищатися на не сущая своя, ниже се строение Церкви, но паче гонение, якоже пишется во Откровении:⁷⁵⁴ Аще⁷⁵⁵ ли гряду скоро и двигну светилник твой от места его, аще не покаешися.

Толкование.

Движение же светилника или Церкве есть обнажение Боже(л. 203 об.)ственыя⁷⁵⁶ благодати, им же обнажение и волнений и смятений от духов лукавствия и пособствующих им лукавых человек.

И⁷⁵⁷ змий, стояше пред Женою, хотящею породити, да егда родит, Чадо Ея снесть.

Толкование.

И змий, стояше пред Женою, приоба отступник противу Церкве вооружается, от рожденыя по времене из Нея свое си брашно творити со тщанием желая, паче же чрез Церковь и самаго Христа гоняй, яко главу Ея, яже верных присвояющаго себе. Тем же и Савле, Савле, что Мя гониши, глаголаше.

И⁷⁵⁸ Жена побеже в пустыню, идеже имать тамо место уготованное от Бога, да тамо питают Ю дний (л. 204)⁷⁵⁹ тысящу двесте шестьдесят.

Толкование.

И Жена побеже в пустыню, егда, глаголет, действуяй во антихристе диавол, им же на Церковь ополчится избранный сей и верховнейший поплевавше гражданския плища и смятения и мирския сласти. В пустыню всякоя злобы, в плодоносное же всякоя добродетели жительство побегнут, по великому Мефодию, и тамо борющих Ю бесов и лукавых человек прилогов избежат. Достоверно же, яко и чювственная пустыня спасает, в горы и вертепы и в пропасти земныя, навета ради отступнича и лжехриста бегающия, якоже и прежде мученики на три же (л. 204 об.)⁷⁶⁰ и пол являемая днями тысяща двесте и шестьдесятми, в них же державствова будет отступление. Его же нас избавляяй велий Подвигоположник, не оставляяй, кому над силу искуситись дарует нам крепкий ум и противными прилогами не растаенный и непреоборимый, да законе противоначалством тмы и властем страдалчествовавше, венцем правды украсимся и победныя почести и дары приимем.

Завидяй⁷⁶¹, с Богом ратуется, а не со онем. Егда бо увидиши благодать имущаго и болезнуеши и хощет низложити Церковь, не со онем ратуется, но с Богом. (л. 205)⁷⁶² Рцы бо ми, аще бы кто украсил отроковицу цареву и благоискусствовал бы, украшая ю и честну соделовая, и ин же некто хотел бы сию безобразовати, и не мощну бывшу украсити ю, то его бы наветовал сего, или оную и отца ея? Такожде и ныне. Ты завидяй, ратуешися с Церковию, на Бога ополчаешися, понеже бо благоискусству братнему сплетен и церковная полза, нужда сему разрушающуся и оной разоритися. Тем же по сему дело сатанинско твориши, наветуяй на тело Христово. Не сего болезнуеши, иже ничтоже обидевшаго, много же паче на Христа, чем тя обидел есть, яко не оставляеши Невесту (л. 205 об.)⁷⁶³ утварию облагатися.

Хощеши⁷⁶⁴ ли навыкнути, яко священство и самаго царьства честнейши и болши есть началство, и да неба границу речеши ми, ниже диадиму, ниже ризы златы, сень бо вся она и весных цветков худейша.

Всяко бо слава человечя, рече, яко цвет травный, аще и самую, речеши, царьскую багряницу, не убо ми сия глаголи. Но аще хощеши иерейское ко царю разнство видети, яже коемуждо даныя власти истязуй и множае от царя высочайши узриши иерея седящи. Аще бо и честне вам престол царьский является от приложных ему камений и обдержаща и злата, должен есть судитися яко царь, (л. 206)⁷⁶⁵ но обаче, яже на земли получил есть строительствовати и множае сея власти не имать ничтоже.

Священства же престол на небеси посажден есть. Кто сия глаголет, сам Небесный Царь. Елика⁷⁶⁶ бо аще свяжете на земли, будут связани на небесех. Что сея равно убо будет чести от земли начало суда приемлет небо, понеже судия на земли седит, Владыка последует рабу. И яже убо сей отсудит, сия Он горе утвержает; и между Бога и человеческаго естества стоит священник, яже отонуду чести сводя к нам, яже от нас. Гневающась, того ко общему примирив естеству, приразившая ся нас, изхи(л. 206 об.)щая⁷⁶⁷ от того руку. Сего ради и царие помазуются от священническую руку, а не священники от царьския руки. И самую царьскую главу, под священникове руце принося, полагает Бог, наказуя нас, яко се онаго болши есть властник, менше бо от болшаго благословляется. Аще бы имел кто глас велий испустить по вся люди, яко царь Христа отверглся, есть и Бога, кто бы похвалил то, развее отступник. Како же таковый несть отступник Христа, аще и царь, всем бо Господь рекл есть обще: Слушаяй вас, Мене слушает, отметаяйся вас, Мене отметается, отметаяй же ся Мене, и Отца Моего отметается. Благотворяй, от Бога есть, (л. 207)⁷⁶⁸ а злое творяй, не веде Бога.

Да кто может того назвати христианином, кто Христа отметается. И аще бы кто рекл, яко царь безчестит отца своего духовнаго, то кто осудит, яко по правде, аще не ума изступивый, колми же паче, аще главу онаго отца его духовнаго бесчестит, суд приимет и месть сугубуя от Бога. Слышал ли еси не человека, но самаго Христа, глаголюща: Елико сотвористе меншим Моим, Мне сотвористе, аще добро или зло, и идут, рече, в муку вечную.

И аще бы кто видел царя, в царьских священствуя, литоргию служа или иныя священству достойная творя, кто бы то могл глаголати, яко (л. 207 об.)⁷⁶⁹ в правду и достойно есть, аще не изумленый умом. Како же ты глаголеши, изумленый ответотворче, яко радение есть царю радение церковное, еда глава есть Церкви царь? Ни, но глава есть Христос, якоже пишет апостол⁷⁷⁰, яко о Нем создана всяческая яже на небеси, яже не земли видимая и невидимая. Аще престоли, аще господствия, аще начала, аще власти всяческая тем и о Нем создашася. И Той есть прежде всех и всяческая о Нем состоятся. И Той глава телу Церкви, иже есть Начаток, перворожден из мертвых, яко да будет во всех Той первенствуя, яко в Нем благоизволи все исполнение (л. 208)⁷⁷¹ вселитися и тем примирити всяческая к Себе, умирив кровию Креста Своего, Собою аще земная, аще небесная.

Царь же ни есть, ни может быти глава Церкви, но яко един от уд. И сего ради ничтоже может действовати во Церкви, ниже последняго четца чин. А кто ныне чрез волю Божию действует насилством, церкви Божии насилует и вся, яже их отъемлет, архиереов, архимандритов и весь священный чин судит, имать сам судим быти от нелицемернаго судии Христа, который имеет власть преступающих святыя Его заповеди по отшествии сего жития осудити (л. 208 об.)⁷⁷² правду и воздати коемуждо по делом его. Сам той глаголет: Аз не приидох да сужду, но да спасу мир. Отметаяйся Мене и не приемляй словес Моих имать судящаго слово, се заповедах, то судит ему в день Судный.

Да где есть Христово слово, да власть имать царь над Церковию? Христос глаголет: Дасть Ми всякая власть на небеси и на земли оставляти грехи. И паки рече: Его же свяжеши на земли, будет связан на небеси. Кому же таковая власть дана есть? Слышал еси, яко святым апостолом и по них приемником тех архиереом, а не царем. Царь здешним вверен есть, а аз небесным. Царь телесем вверяем есть, иерей же душам. (л. 209)⁷⁷³ Царь долги имением оставляет, священник же долги согрешением. Он принуждает, а сей утешает. Он нужею, сей же советом. Он оружия чювственна имать, а сей духовная. Он брань имать к сопостатом, сей же к началом и к миродержителем тмы века сего. И сего ради священство царьства преболе есть. Дивно есть, како человеколюбие Божие терпит, еже ныне не точию царь сам святительства на ся восприял, но и вси, во власти его сущии, то творят.

Не слышал ли еси, что случися древле Дафану и Авирону и Корею, воставшим на Аарона, якоже писано есть: И прогневаша Моисея в стану (л. 209 об.)⁷⁷⁴ и Аарона святаго Господня⁷⁷⁵, отверзеся земля и пожре Дафана и покры на сонмищи Авирона, и разжеся огнь в сонме их пламень попали грешники.

Послушай же и еще, что бысть Саулу, первому царю во Израили.

И⁷⁷⁶ бысть глас Господень к Самоилу, глаголя: Раскаяхся, яко помазал Саула на царьство, понеже отвратися от Мене. Что же отвращение Саулово, понеже, рече, словес Моих не соблюде.

И урани Самоил, идяше на стретение израилтяном заутра, и возвестиша Самоилу, глаголюще: Приближается Саул в Кармил, и се уже ослабе ему рука, и возвратися со оружием в Галгалы. И прииде Самоил к Саулу, и сей той сам возно(л. 210)сяй⁷⁷⁷ всесожжения Господу первые корысти, иже взя на аммалицех. И прииде Самоил к Саулу, и рече ему Саул: Благословен ты Господу, сотворих бо все, елико ми глагола Господь. И рече Самоил: Что есть глас стад сих во ушию моею и глас говяд, еже аз слышу? И рече Саул: От Аммалика аз пригнахом, яже собраша людие силнейшая паствиня, яко пожрети аз Господу Богу своему, а прочая избих. И рече Самоил к Саулу: Пожди, возвещу ти, еже глагола Господь ко мне в нощь сию. И рече ему Саул: глаголи. И рече Самоил к Саулу: еда не мал ты бысть пред Ним и не властелина тя поставих хоругви колена Израилева, и помаза тя Господь на царьство, (л. 210 об.)⁷⁷⁸ на царьство Израилево, и посла тя Господь путем, и рече ти: Иди, искорени Аммалика и не помилуй согрешивших предо Мною, и победися с ними до скончания их. И почто не послушал гласа Господня по всему, елика ти глагола, но устремися на корысть пожрети ю. Егда ли Быша и угодны Господу всесожжения и жертвы, но лутчи есть послушати гласа Господня. И уне есть жертвы благи послушание и паче тука овня, яко убо грех есть чарование, тако грех есть противление, яко грех есть идолопоклонение, тако грех есть преступати заповеди Господня, и уничижит тя Господь, не быти тебе царю (л. 211)⁷⁷⁹ во Израили. И по мале. Отъят Господь царьство Израилево от руку твою днесь.

Видел, ответотворче, глагол Божий, а не человеч, яко властелина тя поставих хоругви колена Израилева и помаза тя на царьство Израилево, а не жертвы и всесожжения приносити, предъявляя, яко священство болши есть царьства. И еже пожелал болшее, сущее свое погубил.

Но ли сего не доволно ти ко указанию. Царь⁷⁸⁰ Иозия вниде в храм Господень, не послуша священника, хотя покадити, глаголя, понеже праведен есмь, преподобне еси. Но пребывай внутрь устав своих. Ини уставы царьствия и ини уставы священничества, но сие есть более онаго. Вниде же (л. 211 об.)⁷⁸¹ Азария иерей во след его, ибо еда всуе глаголах, яко болши есть царя священник, не бо яко царя хотя изгнати, но якоже изгонника и раба неблагодарна. Сице привниде с зелостию, якоже некий пес доблествен притек на нечистаго зверя, яко того изгнати от владычния храмины.

Видели душю иереову дерзновения исполнену многа и мудрования высока, не поблюде на началства величество, не помысли, колико душю, похотением пиану сущу, удержати, не слыша Соломон, глаголюща: Прещение царево подобно ярости лвове, но ко истинному Царю Небесному поблюде и судище помыслив оно и воз(л. 212)даяние⁷⁸² и сам себе помыслы утверждь. Сице наскочи на мучителя, ведяше, убо ведяше яве, яко прещение царево подобно ярости лвове, иже к земли блюдущему человеку мечтаемому и приготовлену душю внутрь в невходных отдати, нежели священныя законы презрети, ругаемы. Пса всякаго немощнейший есть он. Ничтоже бо немощнейший от иже Божественыя законы преобидящаго, якоже убо ничтоже крепчайши от иже Божественыя законы отмщающаго. Иже бо грех творяй, раб есть греху, аще и тмами на главе венца имать. А иже правду делаяй, самаго царя царьственнейши есть, (л. 212 об.)⁷⁸³ аще и всех последнейши будет. Сия в себе любомудрствова доблий он, привниде цареви, совнидем и мы, аще мнится, яко да видим, что цареви беседует, не мало есть ползования слово обличаема видети от священника царя, что же бо рече священник. Не лепо ти есть покадити Господеви, наименова его царя, ниже от началственнаго нарече его имени, понеже бо сам себе предварив изгна от чести.

Что убо Бог, понеже священник преобиден бысть, и слово священничества попираемо бе, и ничтоже можаше к тому священник. Священника, еже обличити точию есть и дерзновение показати, а не оружия (л. 213)⁷⁸⁴ подвизати, ни щиты похищати, ни копия потрясати, ни лук наляцати, ни стрелу пущати, но точию обличати и дерзновение показовати⁷⁸⁵. И понеже обличаше иереи, не повинужеся царь, но оружия подвизаше и щиты и копия и областию приемляше своею. Иерей рече: Аз свое сотворих, ничтоже множае могу. Помози священству попираему, закони преобидими суть, уставы превращаеми бывают. Что убо человеколюбец Бог абие яви проказу на челе ему, идеже безстудие ту и мучение.

Видели человеколюбие Божие и мучение, не тресновение попусти, ни землю потрясе, ни смути небо, но израсти (л. 213 об.)⁷⁸⁶ проказу не на ином месте, но на челе, яко да мучения показание носит. Да якоже на столпе писмена суть лежаща, ни бо ради того бы⁷⁸⁷ суть, но за иже по Дафане и Авироне хотящих со Аароном священствовати, еже земля проседесь, пожре. Могий бо достойне мучение навести, не наведе.

Сия же глаголю, не царя укоряющи, но иже возношением и яростию пияны бывающая, да навыкнеши, яко священство царьства болши есть. Изыде Иозия, всем в показание бывая, очистися святилище и изгоняшеся, никому же поревающу его и хотяше свяшенство взяти, и еже имяше, погуби.

Мати твоя есть, наияснейший царю, (л. 214)⁷⁸⁸ Церковь Божия, и как должне ты еси почитати матерь свою, которая тебя родила, также должен есть возлюбити и почитати духовную свою Матерь, которая тебя отродила во купели святаго крещения и которая тебя помазала на царьство маслом и харизмою радости.

Велми возлюбил царь духовную свою Матерь Церковь Божию толко не таковою любовию, яковою любовию возлюби Христос, иже бе предаст за Ню, на Себе тую обручи и елико нас, нищих, от сосец Своих питала, себе пищу сотвори и сущим с собою.

Послушай же, ответотворче, страшнаго Владыки и Царя к таковым страшное речение (л. 214 об.)⁷⁸⁹ в притчи. Кто⁷⁹⁰ убо есть верный раб и мудрый, его же поставит Господин его над домом Своим, еже даяти им пищу во время их; блажен раб той, его же пришед Господин, его обрящет тако творяща. Аминь, глаголю вам, яко над всем имением поставит его. Аще же речет злый раб в сердцы своем «коснит Господин мой приити» и начнет бити клевреты своя, ясти же и пити с пияницами; приидет Господин раба того в день, в онь же не чает, и в час, в онь же не весть, и протешет его полма и часть его с неверными положит, ту будет плач и скрежет зубов.

Господу паки вопиющу: алчен⁷⁹¹ бех, (л. 215)⁷⁹² и напитасте, жажден, и нопоисте. И прочая. Что же к несотворшим милости в день Судный речет? Тогда, речет сущим ошую Его, идите от Мене, проклятии, во огнь вечный, уготованный диаволу и аггелом его. Взалках бо, и не дасте Ми ясти, возжадахся, и не напоисте Мене, странен, и не введосте Мене, наг, и не одеясте Мене, болен и в темницы, и не посетисте Мене. Тогда отвещает им, глаголя: Аминь, глаголю вам, понеже не сотвористе единому сих же менших, ни Мне сотвористе. И идут сии в муку вечную.

А иже сам не сотворивый, но и инех насилством и властию отъят (л. 215 об.)⁷⁹³ и во своя потребы изнури, таковых таковии мук повинни будут.

Правило святых апостол 59.

Аще⁷⁹⁴ который епископ или презвитер некоему причетнику, убогу сущу, не подаст протребных, да отлучится. Пребывая же немилостив же извержется, яко убийца есть своему брату.

Толкование.

Церковное богатство убогих богатство Святое Писание именует, и подобает раздавати его убогим. Аще бо инем требующим раздавати церковнии властели должни суть, якоже пишет, колми паче сущыя под ними причетники миловати и даяти им потребная должни суть. Сего же (л. 216) не творящии да отлучатся, пребывающии же неисправлени да извергутся, понеже сами Быша братоубийцы, ибо, не имея потребных на составление живота, умирает, аще убо и не умре он, от инуду Божественому промышлению, даровавшу ему потребная животу.

Ответ

Велми согрешают и зело, потому что не разсуждают добраго общаго дела, толко оставляют Церковь во смирении, когда мощно бы им отверсти такой позор, и так не показуют ревность и любовь к такому великому патриаршескому чину, и в том показуются непохвалны для того, кто возможет добро творити, а не творит, тот не похваляется ради нерадения ленности. Все мы на Страстной недели ради спасительныя страсти Избавителя нашего, все есмы кручинны и слезны, показываючи явным лицем внутренную печаль. Супротивно во святое Воскресение во светлые ризы облачимся и веселимся, и кто б на тот день не возвеселился с Церковию Божиею, того сущим християнином не почитаем, для того что не радуется с Невестою Христовою, которая изнова увидела возлюбленнаго Мужа Своего Христа, для того вся наша кручина есть для вдовства и разлучения Церкви Божией. Радость бы наша была вся, естли бы зложила платье печали Церковь Божия Матка наша и облеклася во светлое и белое платье; овдовел есть престол патриаршеский, потому что один как отрекание учинил почитается за мертваго человека, убо желает имети мужа своего что потом и доколе будет жить в печали, и доколе в том платье слезном безутешна будет. Муж, который оставляет жену свою чрез четыре лета, и никакова радения об ней не имеет и харчем ей не промышляет, поизволяет право чтоб инаго мужа была жена и како жене может взять инаго мужа Церковь Божия, когда Никон что живой погребен, никакова радения об Ней не имеет, ни Ее почитает. А вы, архиереи, когда не имеете радения о обирании патриаршеском, кто же иной порадеет, чините что имеете чинить, ваше то дело и ваше радение то. Пастыри, для какой притчи не бережете престола патриаршескаго, который есть обща паства, оберегайтеся чтоб та ваша непрележность Бога не возбудила до отмщения и ярости. Глаголет Захария: а то вижу серп летающ длиною 20 лакот, шириною 10 лакот⁷⁹⁵. Се что добро и что красно во еже жити братии вкупе⁷⁹⁶. Ничто инаго нет чисто лутчаго, как совет и совокупление любви братцкой. Для чево вы друг другу тягости не носите, ни обще воспомогаете себе, заповедь имеем от Бога: возлюби ближняго своего яко самаго себе; всех християн, как одной есте веры не имеете возлюбити друг друга, а наипаче свой народ и сродники имеете возлюбить. И естли вы сами о своем добре и чести не радеете, кто иностранной будет радеть.

Разорение 21-му воросу и ответу

Ты глаголеши, совопросниче, есть ли архиерей и бояре, которые не бьют челом и не приводят к тому царя, чтоб учинил в том деле, совершенной и исправление имеют грех, потому что не дают совету, чтоб было лутчи.

Почто, оставя свет, ко тме отходиши, оставя святыя евангельския заповеди и святых (л. 216 об.)⁷⁹⁷ апостол и святых отец правила.

Господу глаголющу: Что⁷⁹⁸ же зовете Мя Господи, Господи, и не твористе, яже Аз глаголю.

Всякому⁷⁹⁹ слышащему слово Царьствия и не внимающу, приходит лукавый и восхищает сеянное в сердцы его. И прочая. Блюдитеся⁸⁰⁰, како опасно ходите, не яко не мудри, но яко премудри, искупующе время, яко дние зли лукави суть. Сего ради не бывайте безумни, но разумевающе, что есть воляю Божия святая и угодная. Бога исповедают, делы же Его отмещутся, мерзцы суще и непокоривии и на всяко дело неискусни.

Яко⁸⁰¹ о неключаемых кому не достоит испытовал. И по хлебе тогда вниде (л. 217)⁸⁰² в он сатана, глагола ему Иисус: Еже твориши, твори вскоре. Сего же никтоже не разуме от возлежащих, к чесому рече ему. Ови⁸⁰³, убо сошедшися, вопрошаху Его, глаголюще: Господи, аще в лето сие устрояеши царьство Израилево? Рече же к ним: Несть ваше разумети времена и лета, яже Отец положи своею областию.

Собора, иже в Лаодикии, правило 13.

Не избран епископ, иже мирскими человеки избран будет.

Толкование.

Судом и избранием митрополита и сущих во области епископ поставляем бывает епископ. Аще же кто не тако возведен будет на епископство, но мирскими людми избран, не избран есть и не приятен.

(л. 217 об.)⁸⁰⁴ Такоже и святаго 7-го Вселенскаго собора правило 3. Ты же, ответотворче, глаголеши, велми согрешают и зело, потому что не разсуждают добраго общаго дела, толко оставляют Церковь в смирении, когда мощно было им отверсти такой позор, и так не показуют ревность и любовь к такому великому патриаршескому чину. И в том показуются непохвалны для того, кто возможет добро творити, а не творит, тот не похваляется ради нерадения.

Всем ли ты един ответ твориши, ответотворче, архиереом и бояром, или единым коим, изорцы. И бояром уже реченно есть к сово(л. 218)проснику⁸⁰⁵ всем вкупе. Архиереом же власть есть, по благословению святейших влесенских патриарх, по соборному деянию тех, еже есть выше писано, и по грамотам даным запечатаными печатми и за подписанием рук 83-х архиерей. По смерти коегождо патриарха инаго поставляти, якоже и 2-го собора в церкви святых апостол правило 16 утверждает. Ни по которому образу да не взыдет кто на епископию, ея же епископ жив есть. И се жив есмь. Тот умер от жизни вечныя, от ково изшел есмь. Есть же епископское утвержение еже на избрании коегождо их. Собора Карфагенскаго по 18-му правилу (л. 218 об.)⁸⁰⁶ и по 2-й главе новых заповедей царя Иустиниана, и градскаго закона грани 28 главы вторыя за подписанием рук тех.

В начале же писания того.

Сие пишу своею рукою и своим разумом, исповедаяся пред Богом и избранными Его ангелы, правую и непорочную нашу христианскую веру, уставленую на 1-м Никейстем и на 2-м Вселенских соборех, еже есть сице. Верую во единаго Бога Отца. И прочая. К сим же приемлю апостолския правила и святых седми Вселенских и поместных соборов, и их же они отвратишася, и аз отвращаюся, еще же (л. 219)⁸⁰⁷ и церковный мир исповедаю соблюдати и ни единым нравом противная мудрствовати.

В сем во всем солгали пред Богом и избраными Его ангелы. Обещалися правила святых апостол и святых отец соблюдати и церковный мир, и ничто же соблюдаша. О них же несть времени зде написати. Аще потреба будет, особно речем. Ныне же нужднейшая точию речем. В правилех святых апостол нигде же есть, ни в седми Вселенских соборех написано, еже бы своего митрополита свои епископи судили, нежели патриарха. Четвертаго же Вселенскаго собора 9-е правило не оставляет ни митрополитом митрополита судити (л. 219 об.)⁸⁰⁸ развее своего патриарха или Константинополскаго патриарха.

И егда случися нам некоего ради гнева царьскаго дати место гневу, по заповеди Господни писанней: Аще гонят вы во граде сем, бежите во ин град. Якоже и сам Христос Бог наш собою показа образ, в пеленах суще бегал Иродовы злобы, и святии апостоли⁸⁰⁹ Петр от темницы и Павел от Дамаска. Якоже пишется в Деяниих святых апостол сице: И якоже бысть стремление языком же июдеом с началники их досадити и камением побити их⁸¹⁰, уведавше же, прибегоста во грады Ликаонския, в Листру и Дервию, и иже во окрестных (л. 220)⁸¹¹ и ту беста благоденствующе.

О прочих же святых бегающих вселетныя книги прочти памяти их, тамо известно увеси, како бегали и от какия злобы.

Тии же митрополиты и архиепископы обещалися во всем последовати и повиноватися Вселенским святейшим патриархом и по них и нам, отцу своему, еже и по нас бывающим благоволением Божиим святейшим патриархом. И не сотворити им ничто же по нужди ни от царя и великаго князя, ни от бояр или от князей многих, ни от множества народа, аще и смертию воспретят или служити велят или святительское творити в чюжей ми(л. 220 об.)трополии⁸¹² во всех властех кроме епархии, данныя ми отцем моим, или отшедшу ми в которую страну чюжую, не действовати ми священная без позволения отца моего. Еще же и на том обещеваюся, внегда позвати мя отцу моему и всему священному собору, без всякаго слова приходити на собор. Еще же и на том обещеваюся, хотя мя князи держати или бояре или множество народа, не ослушати ми ся повеления отца моего и всясвященнаго собора и еже по них бывающих святейших патриархов. Еще же и на том обещеваюся, не хотети ми приимати инаго патриарха, развее святыя Восточныя (л. 221)⁸¹³ церкви греческаго закона по божественным священным апостолским правилом и по святых Вселенских седми соборов. Аще ли же сотворю что тако вышеписанных без повеления и без грамоты или преступлю что едино от сих всех написанных зде, лишен буду сана своего без всякаго слова.

Видел ли еси, каково обещание дали перд Богом и святыми Его ангелы и пред всем священным собором и пред государем царем и пред всем сигклитом и множеством народа? Что же сохранили? Ничто же, во всем солгали. Обещалися последовати святейшим Вселенским патриархом, Вселенския па(л. 221 об.)триархи⁸¹⁴ на Москве патриарш престол утвердили быти по правилом святых апостол и святых отец и яко главу всем почитати указали, и без того воли ничто же не творити, и по смерти инаго избирати. Тии же чрез их утвержение, не испытав о нашем отшествии, сошедшеся по царьским грамотам, собор составили чрез правила святых апостол и святых отец седми Вселенских соборов, якоже свидетельствует беззаконное их деяние, яко ничто же есть от апостолских или святых отцов правил, но от инех неких списано, чрез седмаго Вселенскаго собора перваго правила утвержение. И того ради (л. 222)⁸¹⁵ повинни вси святых апостол и святых отец правилом и Вселенских патриархов утвержение и своему обещанию.

Нигде, ни в которых правилех не обретается митрополитом митрополита судити, развее епископа и не менее 12, тии же новое беззаконие собором своим сотворили и на патриарха суд изнесли.

Во обещании их написано: и не сотворити им ничто же по нужди царя и великаго князя, ни от бояр или от князей многих, ни от множества народа, аще и смертию претят, веляще служити или святительское творити, кроме данныя им епархии. И то ведомо и самому государю царю и всем (л. 222 об.)⁸¹⁶ князем и бояром, понеже пред царем и всем сигклитом такое исповедание бывает, ниже царю государю лепо по них грамоты для такова дела посылати.

Собора, иже во Антиохии, правило 11.

Епископ или презвитер или диакон, сам о себе к царю приходя без повеления сущаго во области митрополита, с причащением сана да отпадет.

Толкование.

Непокорство во всем святии отцы измещуще и благочиние соблюдающе, возбраняют епископом и презвитером и инем священническаго чина без повеления и без писания митрополита своего к царю отходити или слухома его стужати и возвещати (л. 223)⁸¹⁷ о неких вещех. И того ради без воли митрополита своего отходящаго епископа ко царю или презвитера и от сана изврещи повелевает и от причащения упразднити.

Правило 12.

Извержен быв от сана, аще пристужает цареви, возвещая о себе, да просит к болшему собору приступити и судитися. И каков суд тии изнесут нань, в том да пребывает, аще же и потом противу глаголет, да не имать оправдания.

Толкование.

Аще который епископ или презвитер или диакон, извержен быв от сана собором, и мнит, яко без правды извержен бысть, се правило не возбраняет, но паче повелевает (л. 223 об.)⁸¹⁸ ему к болшему собору приступити и судитися и от того исправитись, в них же мнится прав быти на превращение изнесеннаго нань суда от собора того. Аще не хощет приступити к болшему собору, ни пред ним исправити, в них же творится прав быти, но царьскима слухома стужает, подвизая того на отмщение, се правило таковаго никоея же милости сподобляет, ни места ответу не дает ему, ни надеждею чаяти, яко будет исправление.

Инако же ко царю не приходити, развее обиды ради церковных и заступления ради сирот и вдов. Но и се с разсмотрением инех епископов.

(л. 224)⁸¹⁹ Собора в средце правило 8.

Аще⁸²⁰ сирота или вдовица, в коей напасти нуждею страждущи, и помолятся епископу помощи им, да дерзнет епископ и приступит к цареви и молится, елико может, да помилует их, но да не изветом тоя вины пребудет долго время в воех, но паче диакона да посылает.

Правило 9-е.

Прибегающим в церковь да помогают.

Толкование.

Иже убо заступати сироты и вдовицы и печалныя утешати и в напастех нужду приемлющих помогати епископи должни суть. Такоже и в церковь прибегающим своих ради прегрешений и требующим милости, приходити их (л. 224 об)⁸²¹ ради к цареви и молитися о них ему, да мстит обидимыя и да простит осужденныя неких ради вин и прегрешений, се правило тако повелевает епископом. Таковых же ради вин не оставляти им надолзе своих церквей и не ходити в онех долго время или инде, идеже царь есть, и стужати ему о них, яко наводящу сего ради епископомпорок и оклеветание не прощает тому быти правило, но своим диаконом молба посылати цареви повелевает.

И собора Карфагенскаго правило 104.

Людскаго⁸²² суда у царя просяй, не епископ.

Толкование.

Епископ или причетник, (л. 225)⁸²³ о гресех оклеветаем, и отрицается церковнаго судища и просит от царя мирских судей, таковый своея чести да будет лишен.

Правило 106.

Некия ради нужды хотя ко цареви отъити, да яве сия сотворит Халкидонскому епископу и Римскому и отпустное послание да возмет. Аще ли ни, без общения есть.

Толкование.

Епископ или причетник, аще возхощет пойти к цареви, да скажет первое вину Халкидонскому епископу, ея же ради идет и возмет от него грамоту отпустную, и в Рим пришед, покажет ю епископу Римскому, и да явит ему вину, ея же ради идет к цареви. И той да разсудит, (л. 225 об.)⁸²⁴ и аще будет подобна вина, да возмет от того грамоту, ею же от царя приимет помощь. Аще же кто от епископ или от причетник инако к цареви отъидет, да будет без общения, сиречь да отлучится. И о сем ищи правило 11-е Антиохийскаго собора и 9-е правило в средце собора.

И того ради повинни вси сим святым правилом и своему обещанию. И сбыстся на них писание, глаголющее: И⁸²⁵ не восхоте благоговения и удалится от него. И прочее.

Паки глаголеши, ответотворче: Всем на Страшной недели ради спасителныя страсти Избавителю нашему все есмы кручинны и слезны, (л. 226)⁸²⁶ показующе явный лицем внутренюю печаль, сопротивно во Святое Воскресение во светлыя ризы облачимся и веселимся. И кто на тот день не возвеселился Церковию Божиею, того сущим христианином не почитаем для того, что не радуется с Невестою Христовою, которая изнову увидела возлюбленнаго Мужа своего Христа. Для того наша вся кручина есть, для вдовства и разлучения Церкви Божии. Радость бы наша была вся, есть ли бы сложила платье печали Церковь Божия, Матка наша, и облеклась в светлое и белое платье. Овдовел есть престол патриаршеский, потому что един как отрекание учинил, почитается за мертваго (л. 226 об.)⁸²⁷ человека, убо желает имети мужа своего, что потом и докуль будет жити в печали и докуль в том платье слезном будет безутешно. Муж, который оставляет жену свою чрез четыре лета, никакова радения о ней не имеет и харчем ей не промышляет, произволяет правило, чтоб инаго мужа была жена. Како же не может взяти инаго мужа Церковь Божия, когда Никон, что живой погребен, никакова радения об Ней не имеет, ни Ея питает.

Послушай, ответотворче. Писано есть. Грешнику рече Бог: Вскую ты поведаеши оправдания Моя и восприемлеши (л. 227)⁸²⁸ завет Мой усты твоими, ты же возненавиде наказание и отверже словеса Моя вспять.

Господу глаголющу: Не слышателие закону праведни но творцы. Ияков апостол пишет: Аще кто слышатель, а не творец, таковый уподобися мужу смотрящу лице бытия своего в зерцале, усмотрив, и отъиде, абие забыв, каков бе. Посмотри о себе праведно, каков еси, якоже Господь повеле: Иже без греха, вверзи камень на ню. Глаголеши, вся наша кручина для того есть, для вдовства и разлучения Церкви Божия. О сей ли глаголеши Церкви? Почто сам о себе не усмотрел праведное, оставя волею свою Церковь и скитаешися всюду (л. 227 об.)⁸²⁹ чрез Божественыя законы. Правила тех измещут, которыя без вины отходя, скитаются и не радеют о своих церквах, якоже множицею выше сего изъявихом. А еже о изгнаных без правды от церквей и отходящих от своего предела собора в средце правило 19.

Ничто же возбраняет, паче же Божие, аще гонят вы из града сего, бегите во ин.

Паки же ты глаголеши, радость наша была вся, есть ли бо сложила платье печалное Церковь Божия, Матка наша, и облеклася в светлое и белое платье. Сим твоим словам за безумие их ничто же рещи мочно есть, развее мужику из деревни велеть, (л. 228)⁸³⁰ чтоб тебя такими же небывалыми словами выбранил.

Глаголеши, овдовел есть патриаршеский престол, потому что един как отрекание сотворил, почитается за мертваго человека. Есть мертв тот человек, который оставя свою епархию без вины и преходя семо и овамо, творит чрез Божественыя законы смуты многия и плищи во градех, якоже ты смутил мутьяны и государя изгнал. И зде пришед, такожде твориши смущения и соблазны многия. Таковый, аще и жив обретается, подобает таковому по Христову Евангелию⁸³¹ на выю его обязатися оселскому камени и потопитися в море.

Муж, который оставляет (л. 228 об.)⁸³² жену свою, глаголеши, чрез четыре лета, никакова радения об ней не имеет и харчем ей не промышляет, поизволяет право, чтоб инаго мужа была жена. Рцы ми, ответотворче, где есть писано, еже чрез четыре лета которой муж, оставя свою жену, никакова радения об ней не имеет и харчом не промышляет, поизволяет правило, чтоб инаго мужа была жена? Которое право, покажи, прелестниче. Самаго ли Христа или святых апостол или святых отец? И аз ти покажу, но прежде о сем речем, яко харчем ей не промышляет. Не зриши ли, яко никоторой скудости не имет, и яко и царь сего ради возлюби Ю, якоже (л. 229)⁸³³ вторый Давид Уриеву жену Вирсавию, и тешится харчем Ея со всем домом. Како же не может, глаголешь, взять мужа инаго Церковь Божия, когда Никон что живой погребен, никакова радения об Ней не имеет и не питает. Упитана есть в сытость и паче меры. Того ради возлюбила и любодействовати со многими, якоже ныне зрится. А еже глаголеши, Никон, аки жив погребен, мертв есмь от немощи, но жив есмь от силы Божия.

Яко⁸³⁴ не достоит мужу от жены или жене от мужа разлучатися, ниже есть мощно отпустившему свою жену пояти иную, ниже пущенней от мужа (л. 229 об.)⁸³⁵ инаго пояте быти. Реченно⁸³⁶ убо бысть: Иже аще пустит жену свою и даст ей книгу распутную. Аз же глаголю вам: Иже аще пустит жену свою, развее словесе прелюбодейнаго, творит ю прелюбы действовати, и иже пущеницу поимет, прелюбы действует.

Зриши ли, прелюботворче, како Христос утверди, як всяк, отпущая жену свою разве словесе любодейна, творит ю любодействовати. Аз же пред Богом о сем извет творя во святей церкви, яко много олюбодействова царь, якоже и ныне от всех видится, како любодействует святою Церковию, всеми церковныма уставы и вещми. (л. 230)⁸³⁷ Якоже Господь глаголет, обличая таковое безчиние: И иже, рече, пущеницу поимет, прелюбодействует.

Послушай, каково люто прелюбодейство, кто праведнее Давида, и того коснуся. Аще не бы достоин покаяния плод принесл, внегда ангел хотяше того оба пол пресечь. Но кто более Иоанна Крестителя, о нем же сам Христос свидетельствует, яко не воста в рожденных женами болий Иоанна Крестителя, мний же во Царствии Небеснем болий его есть, но и того любодейственная страсть не пощаде, якоже святое Евангелие свидетельствует сице.

В то время услышав Ирод четвертовластник слух Иисусов и рече отроком своим, се есть Иоанн (л. 230 об.)⁸³⁸ Креститель, его же аз усекнух, той воскресе от мертвых и сего ради силы деются о нем. Ирод бо ем Иоанна, связа его и всади в темницу Иродиады ради, жены Филиппа, брата своего. Глаголеша бо ему Иоанн: Не достоит ти имети ея. И хотяше его убити, убояся народа, зане яко пророка его имеяху. Дни же бывшу рожества Иродова, плясавше Иродиада посреде и угоди Иродови. Тем же и с клятвою изрече ей, чего же аще⁸³⁹ воспросит. Она же наваждена материю своею, даждь ми, рече, зде на блюде главу Иоанна Крестителя. И печален бысть Царь, клятвы же ради и за возлежащих с ним, повеле дати ей. (л. 231)⁸⁴⁰ И послав, усекну Иоанна в темнице, и принесоша главу его на блюде, и даша девице, и отнесе матери своей. И приступльше ученицы его, взяша тело его и погребоша его. И пришедша, возвестиша Иисусови, и слышав, Иисус отъиде оттуду в корабли в пусто место едино.

Видел ли еси прелюбодейства лакомство, яко ни пророка милует и о царстве не брежет. Полцарства, рече, отдает плясавице Ирод, но прелюбодейство о том не брежет, едино да обличителя погубит.

Слышав же Иисус прелюбодейства злобу и тогда в пусто место отходит, якоже и о нас слышавшии от царя исповедают, глаголюща, (л. 231 об.)⁸⁴¹ яко аще не бы боялся Бога, зделал бы де я патриарху то, чево он не ведает, якоже Ирод, о нем же есть выше писано. И хотяше его убити, убояся народа, зане пророка его имеяху. И аще не бы рука Господня покрывала и нас, то бы давно убили, якоже Родион Стрешнев и Иосиф Сукин за некия моя слова грозилися на мя у мене в келье, убийством глаголюще: Буде де станешь такия слова говорить впредь, не стану терпеть. Мое же слово говорено се, яко мало християнства во царе есть. Аще бы было християнство, то слушал бы во святем Евангелии святаго писания: Слушаяй⁸⁴² вас, Мене слушает, и (л. 232)⁸⁴³ отметайся⁸⁴⁴ вас, Мене отметается, отметаяй бо ся не человека отмещется, но Бога, давшаго Дух свой Святый в нас.

Иже⁸⁴⁵ не приимет вас, ниже послушает словес ваших, исходяще из дому или из града того, отрясите и прах от ног ваших. Аминь, глаголю вам, отраднее будет земли Содомстей и Гоморстей в день Судный, неже граду тому.

Виждь, яко иже словом Божиим кто засвитеделствует и не покаряются тем посланым от Господа, но и досаждают, не даже до сего стают, но возводят на пославшаго их суд себе горши, паче содомлян и гоморян содевают.

Паки же глаголеши, и како же не может взять инаго мужа (л. 232 об.)⁸⁴⁶ Церковь Божия, когда Никон что живой погребен, никакова радения об Ней не имеет, ни питает. Всуе сие глаголеши, понеже нигде есть писано, что от живаго мужа жену разлучити, но паче послушай Господа, глаголюща: Иже⁸⁴⁷ аще пустит жену свою и женится иною, прелюбы творит на ню. И аще жена пустит мужа и посягнет за инаго, прелюбы творит.

Или не разумеете, братие, ведущим закон глаголю, яко закон обладает над человеком, во елико время живет, ибо мужатая жена живу мужу привязана законом. Аще ли же умрет муж ея, разрешится от закона мужескаго. Тем же убо (л. 233)⁸⁴⁸ живу сущу мужу прелюбодеица бывает, аще будет мужеви иному.

Посягшим же глаголю, не аз, но Господь, жене⁸⁴⁹ от мужа не разлучатися, аще ли же разлучится, да пребывает безбрачна или с мужем своим да смирится. И паки. Мужу жены не отпущати, кийждо свою жену да имать, и каяждо жена своего мужа да имать.

Отнюду⁸⁵⁰ же слышится в вас блуждение, яково ни во языцех именуется, яко некоему имети жену отчюю и разгордесте и не наче плакасте, да измется от среды вашея соделовавый сие. Аз убо, аки не у вас сый телом, ту же живый духом, уже судих, яко ту сый, содеявшаго сице сие (л. 233 об.)⁸⁵¹ о имени Господа нашего Иисуса Христа собравшимся вам и моему духу с силою Господа нашего Иисуса Христа предати таковаго сатане во изможение плоти, да дух его спасется в день Господа нашего Иисуса Христа, не добра ваша похвала.

Видел ли еси, новый Люторе, поругателю Евангелский, како сам Господь утверди брак не на четыре годы. Откуду ты таковое сатанинское слово приял, еже до четырех лет муж не сотворит он ней никакова радения, поизволяет правило, что инаго мужа была? Рцы, кое правило поизволяет?

Видел ли еси божественнаго Павла, глаголюща Божиим словом: Посягшим же глаголю не аз, но Господь: жене от мужа не разлучатися, аще ли разлу(л. 234)чится⁸⁵², да пребывает безбрачна или с мужем да смирится.

Карфагенскаго собора правило 102.

Мал⁸⁵³ браком совокупившесь⁸⁵⁴ женца распущаются, аще не смиритася да пребываета тако. Аще ли ни, к покаянию да понуждена будет.

Толкование.

Угодно бысть отцем собора сего по евангелскому и апостолскому учению, никому же свою жену не изгнати просто, ни разлучитися от нея. Аще же прилучится, или мужу восхотевшу или жене разлучитися от сожительства, и не смиритася, и не восхощета, паки снитися и купно жити, да пребудут тако во единстве и другому браку да не сочетаются, понеже, иже пущеницу поимет, прелюбы (л. 234 об.)⁸⁵⁵ творит. Аще же муж поимет иную жену или жена инаго мужа, в покаяние да приведутся и любодейства запрещение да приимут.

К сему ищи правила 87-го собора 6-го Вселенскаго и святаго Василия правила 9, 35, 48 и 77, и о сем тамо тоже глаголет.

И святаго 6-го Вселенскаго собора правило 77.

Иже⁸⁵⁶ от мужа бывши жена, за другаго поидет, прелюбодеица есть. И пустивый жену свою и ину поим, прелюбы творит по Господню слову.

Како ты, развратниче, смеешь на самаго Господа нашего Иисуса Христа и святых апостол ложно писати? О таковых апостол пишет: Аще мы или ангел с небесе благовестит вам, паче еже (л. 235)⁸⁵⁷ приясте, анафема да будет.

Такоже и соблудившаго со отчею женою, не сущею материю, предати таковаго повеле сатане во измождение плоти, да дух его спасется. Колми же паче с материю блудити осудятся. А ты глаголеши, яко добро то государь царь сотворил, что Крутицкому митрополиту отдал Матерь свою соборную великую Церковь в прелюбодейство, которая его помазала елеом радости на царьство. И вы, видяще таокове беззаконие, разгордесте и не паче плакасте. И еже бы собрався о имени Господа нашего Иисуса Христа предати таковаго сатане во измождение плоти, да дух его спасется в день Господа нашего Иисуса Христа, по писаному: Потребил (л. 235 об.)⁸⁵⁸ еси всякаго, любы деющаго, от себе.

Жены⁸⁵⁹, рече, своим мужем повинуйтеся яко Господу, зане муж глава есть жене, якоже и Христос глава есть Церкви и той есть Спас телу, но якоже Церквь повинуется Христу, сице и жены своим мужем во всем.

Василия Великаго 7-е правило: Прелюбодея на 15 лет отлучает Божественнаго причащения. Того же 22-е правило: Кровосмешение с сестрою 20 лет, а иже с материю, которой епитимьи повинен⁸⁶⁰ будет достоин.

И уже от Божиих заповедей и святых апостол канонов о прелюбодействе доволно показано ти есть. Хощеши ли, враждотворче, да покажем еще к сим и святых отец правила. (л. 236)⁸⁶¹ Еже ты глаголеши, яко по четырех лет может жена иному мужу быти по праву, по которому праву? Смотри 6-го Вселенскаго собора правило 92.

Мужеви⁸⁶² без вести бывшу, и не уведевши о нем жена его идет за инаго, прелюбы сотворит. Да возвратившуся мужу, аще хощет, да поимет ю.

Толкование.

Подобно есть сему правилу и 17 Иустинианова новая заповедь, яже в 7-й грани царских книг лежит. Повелевает бо и она, яко аще жена имеет мужа воина, и на войну отъидет, и услышит его умерша, инако несть ей, како за инаго мужа поити, аще извещения не приимет от старейшины (л. 236 об.)⁸⁶³ чина, в нем же муж ея воинствоваше, предлежащу святому Евангелию, и о содеянных воспоминанием исповедати, яко воистину муж ея умре. И таковая воспоминания приимет и по таковом извещении пребудет, ожидающи за едино лето. Аще же не соблюдши заповеди, за инаго отъидет, и саму ту и поимшаго ю⁸⁶⁴ ту, яко прелюбодеев мучити. Аще же таковому ожиданию бывшу и той замуж шедши, обрящутся истинствовавшии солгавше, иже с клятвою извествоваше, яко муж ея умре, тии убо от воинства обнажени будут и десять литр злата да вдадят оному, на не(л. 237)го⁸⁶⁵ же солгаша, яко умре. Той же, аще восхощет свою жену пояти, не возбранится ему. Ко времени же оставившему свою жену, аще посягнут по невежествию, не вменяется ей в прелюбы. И о сем ищи правила Великаго Василия 46-го.

Василия Великаго правило 31.

Жена⁸⁶⁶, аще отъидет муж ея и без вести будет, и не испытавши, ни уведевши добре, яко умре, за ин муж идет, прелюбы творит.

Толкования несть.

Правило 36.

Воинов жены, иже мужем их без вести бывшим, за иныя отходяще, помилованнейши суть от инех, иже отшедшим мужем не ожидают.

Толкование.

(л. 237 об.)⁸⁶⁷ Единако прелюбодеяния запрещения повинни суть обоя жены. Аще бо и не⁸⁶⁸ воинничя, но купца некоего жена или инаго проста человека, отшедшу мужеви ея на ину страну и прежде извещения о смерти его за инаго мужа поидет, тогда бо яко прелюбодеица судится. Аще и та, не уведевши прежде о смерти известно мужа своего, со инем сочетается, такожде и воинническия жены, уведевши о своих мужех, яко скончашася, должни суть испытовати о смерти их.

Иустинианова же 117 новая заповедь повелевает, иже в 7-й грани 28-х Царьских книг лежит, ея же сила и в 91-м правиле (л. 238)⁸⁶⁹ писана есть шестаго Вселенскаго собора, иже в Константине граде в Трулле полатнем. И се правило помилования некоего сподобляет и воинническия жены паче инех и их же мужи отходят на куплю или на ину некую работу, аще и ко второму браку приидут, мужем их без вести сущим, понеже паче к смерти есть воинническое отшествие на брань и велико дает промышление, аще без вести будут, якоже или умроша или убиени Быша.

Того же правило 46.

Иде некая в неведении замуж, его же остави жена, и потом первая возвратится, сия же пущена бысть, блудница вменяется по не(л. 238 об.)ведению⁸⁷⁰, и аще хощет, да посягнет, добре же есть, аще не посягнет.

Толкование.

Оставлен бысть муж от своея жены на время, он же мнев, яко до конца, разрешися от оноя и другую поят, не ведущу, яко на время оставлен есть от нея. Возвратися⁸⁷¹ к нему первая и приим ту, вторую же отпусти, яко блудница судится сия отпущеная, обаче в неведении шла бе зань. И того ради аще хотением брака сочетатися и со другим, не возбранится ей, не вменяет бо ся пущеница, яко ни он истинный бе муж ей, иже ю отпусти. Аще же восхощет пребывати без брака и не ити за ин муж, (л. 239)⁸⁷² добре есть се.

Паки дерзаеши ко всем архиереом учительски, глаголя: А вы, архиереи, когда не имеете радения о обирании патриаршеском и поставлении, кто же ино порадеет; чините, что имеете чинить, ваше то дело и ваше радение. То пастыри для какой притчи не бережете престола патриаршескаго, который есть обща паства.

Покажи, лжесловче, по которым правилом святым начат таковое учительство, а не от своих гнилых произношений. Писал ты, по четырех летех может жена оставленая иному мужу быти. И та вся твоя блядь обличена святым Евангелием и святыми отеческими правилы. А ныне пишешь учите(л. 239 об.)льски⁸⁷³, аки власть имея, по которым каноном таковое ты дерзновение приим, покажи, где есть писано, еже свою епархию оставя, в чюжую пришед иным архиереом законополагати, паче же чрез Божественыя святыя правила⁸⁷⁴ заповеди. Богоноснии отцы на седмом Вселенстем соборе утвердили, якоже в первом правиле есть выше сего писано и ввек таковое утвержение на койждо год в Неделю Православия всюду обновляют. Аще кто⁸⁷⁵ надувся своим злоумием убавит или прибавит, да будет проклят. Или не слышал еси в Неделю Православия что мое сие? Збысться Исаино пророчество о тебе: Имеяй уши (л. 240)⁸⁷⁶ слышати, не слышиши и очи свои сомжил, одебеле бо сердце твое, славолюбче. Оберегайтеся, глаголеши, чтоб та ваша неприлежность Бога не возбудила до отмщения и ярости. Глаголет бо Захария: А то вижу летающи серп длиною 20 лакоть, шириною 10 лактии. Якоже везде, тако и зде солгал еси, еже будто того ради серп сошел с небесе за неприлежность архиереов, что патриарха новаго не оберут долго. Послушай же, лжесловче, мы тебе пространно зде покажем, чесого ради сниде серп той, якоже глаголет: И обратихся и возведох очи мои и видех и сей серп летящь. И рече ко мне: (л. 240 об.)⁸⁷⁷ Что ты видиши? И рех аз: Вижу серп летящь в долготу лакоть двоюдесяту и в ширину десять лакт. И рече ко мне: Си клятва, исходящая на лице всея земля, зане всяк тать от сего до смерти мстится. И вынесу и, глаголет Господь Вседержитель, и внидет в дом татины и в дом кленущагося именем Моим во лжу и обитает посреде дому его и скончает и, и древо его и камение его.

Видели, малоумне, каково сниде серп оный. Си клятва, рече пророк, сходящая на лице всея земли, зане всяк тать от сего до смерти мстится. И вынесу и, глаголет Господь Вседержитель, и внидет в дом (л. 241)⁸⁷⁸ татины. Кто же тать? Не ты ли, лжесловче, пришедый в Российскую страну благочестие украсти, прелазя Божественаго писания оплоты.

Господу глаголющу: аминь⁸⁷⁹, Аминь, глаголю вам, не входяй дверми во двор овчий, но прелазя инуде, той тать есть и разбойник.

Како же не тать, укажи ми, которыми ты дверми во двор овчий входиши и что твориши.

Глаголет Господь: Аз⁸⁸⁰ есмь дверь, Мною аще кто внидет, спасется, и внидет и изыдет и пажить обрящет.

Тать не приходит, разве украдет и убиет и погубит. Не ты ли еси таковый, яко ничтоже от священнаго Евангелия или святых апостол (л. 241 об.)⁸⁸¹ и святых отец предания писания приводяй неправе и истину во лжу претворяеши, и есть таковый тать и разбойник, который простых людей прелщает своими пагубными слабоумными ответы. В таковый душевный двор серп той внидет и обитает, Дóндеже скончает и.

Василия Великаго по 15 правилу: Разбойник 20 лет да кается и причетник не будет. Градских законов по 39 грани глава 15: Разбойницы повешени будут на тех местех, идеже разбой творят.

Кто же кленущийся именем Господним во лжу? Видел еси, яже выше сего писана суть. Како всякому (л. 242)⁸⁸² архиерею собора⁸⁸³ Карфагенскаго 18 правило на избрании повелевает святый Символ исповедати и вся церковныя заповеди в слухи своя приимати, учащу его поставляющему его, и да обещается та вся сохранити.

Ты же и вси российстии митрополити и архиепископы ничтоже сотворше таковое обещание. И сбысться писаное во псалмех: Бог⁸⁸⁴ с небесе приниче на сыны человеческия видети, аще есть разумеваяй или взыскаяй Бога. Вси уклонишася вкупе и непотребни Быша, несть творя благое, несть до единаго, ни ли разумевают вси делающии беззаконие. Снедающе люди моя в хлеба место, Бога не призваша, та(л. 242 об)мо⁸⁸⁵ устрашишася страха, идеже не бе страха, яко Бог разсыпа кости человекоугодником, постыдешася, яко Бог уничижи их. В таковых домы кленущихся именем Господним во лжу внидет серп той огненный и обитает посреде домов их, Дóндеже скончает их. А уже многих и скончал. Овии вином згорели, ин удавился, ин инако, зло пострадав, умре, якоже вси знают о сем.

Глаголеши, се что добро или что красно, еже жити братии вкупе. Ничтоже несть инако что лучшаго, как совет и совокупление любве брацкой. Для чего вы друг друга тягости не носите, (л. 243)⁸⁸⁶ ни обще воспомогаете себе. Для чего не докончал, рекл, друг другу тягости не носите, а еже и тако скончаете закон Христов. Где есть во Христове законе писано, еже бы друга ненавидети? Словом учиши любити, а делом самем погубити. И глаголеши, заповедь имеем от Бога возлюбити ближняго своего, яко самаго себе. Всех христиан как одной веры имеете возлюбити, а наипаче свой народ и сродники имеете возлюбити. И есть ли вы сами о своем добре и чести не радеете, кто иной, странной, будет радети? Которое радение? Се ли, еже выше рекл еси о (л. 243 об.)⁸⁸⁷ избрании патриаршеском? Несть сия любовь Божия, но мирска бесовска. Аще⁸⁸⁸ кто речет, яко люблю Бога, а брата своего ненавидит, ложь есть и в сем истины несть. Всяк ненавидяй брата своего, человекоубийца есть и весте, яко всяк человекоубийца не имать живота, пребывающа в себе. И где есть любовь Божия в том, изгнати, еже отъяти, убити. Писание глаголет: Не противитися злобе, злобою противитеся, рече, злобе, аще и наше что лихо было к ним. А еже отъяти, Бога заповеда и за сущее свое не стояти, хотящему, рече, судитися с тобою и ризу твою взяти от Тебе, не возбрани ему и срачицу. (л. 244)⁸⁸⁹ А еже убивати, слышасте, яко речено бысть древним: Не⁸⁹⁰ убиеши, иже аще убиет, повинен есть суду. Аз же глаголю вам, яко всяк гневаяся на брата своего всуе, повинен есть суду. Слышасте, яко речено бысть первым: Не прелюбы сотвориши. Аз же глаголю вам, яко всяк⁸⁹¹ воззревый на жену, коей же возжделети ю, уже любодействова с нею в сердцы своем.

Зриши ли, яко закон деяния точию отрицает Евангелие и самыя вины, откуду страсти востают, отсекает. Темже убо иже инаго учиши, себе ли не учиши.

Ответ

Проклинание есть суще яко молния, клятва есть как камень, на обе страны остр. Для того есть болшая стрела молниина: естли по достоинству бывает, сожжет виннаго, а естли не по достоинству, падает на того, который клятву чинит, для того что без вины требует меча Божия против того, который есть безвинный; который по достоинству бывает проклят, тотчас от Бога предается в руце сатане, чтоб им владел и для того надобно чтоб гораздо очи отворил, который чинит, и который приимает проклятие, потому что Богом смеятися не надобно, но Бог есть отмщение и впасти в руце Бога жива сострастнейший страх, и всякому то надобно в разуме своем разсудити добре, на всякий час и день. Братия, так пишет святый Павел апостол⁸⁹², естли кто взыман будет в таком грехе, вы духовнии его поучите духом кротости, осматривая, чтоб ты и сам в тот же искушен не попался. Не поспешайте, о, вы, пастырие, бросать стрелы молнены, понеже пастыри есте душевныя, оберегаючи не насилством, но любовно, не государьствующи над духовным чином, но будьте образом своего чину. Как покажется первой пастырь Христос, могли бесте принять венец хвалы нетленной так научает апостол Петр, глава всех апостол: будете милосердныя яко Отец ваш милосерд есть⁸⁹³. Не помните что рек сыновом Зеведеовым Господь, которыя Его к ярости приводили, чтоб огнем казнил самаритян: не знаете какова духа вы есте, Сын бо человеческий не пришел души человеческия погубити, но спасти. Первой пастырь ваш и высочайший епископ Христос показался таков милосерд, какоже мы, которыя люди равно страстны есмы, имеем быть к ровным нашим братиям милосерды и человеколюбцы. Павел, проповедник языком, не проклинал, толко трожды: ради кровосмешения, ради ереси и ради хулы от архиерей, аще б воздержали клятву для ради великия вины и грехов не был бы так уничижен, потому, как частое будет проклятие, никто не станет почитать.

Разорение 22-му вопросу и ответу

Глаголеши, совопросниче, Никон про(л. 244 об.)клинает⁸⁹⁴ и выклинает. Ныне важно ли его проклятие и достоит ли нам боятися клятвы его или несть, как он нас проклинает.

Кого проклинаю, рцы, известно. Аще о Питириме митрополите вопрошаеши, послушай, яко и по вся дни глаголы слышишь пророчи, како тех проклинает. Прокляти⁸⁹⁵, рече, уклоняющиеся от заповедей Твоих. Проклят⁸⁹⁶, иже злословит отца своего, и рекут вси людие, буди. Проклят, лежай со женою отца своего, яко открыл есть откровение отца своего, и рекут вси людие, буди. Видиши, совопросниче, не единому мне таковая творящих проклинати, но и всем, (л. 245)⁸⁹⁷ якоже и божественый апостол к Коринфом пишет⁸⁹⁸ о соблудившем со отчею женою. Уже судих, рече, яко ту сый содеяша сице сие о имени Господа нашего Иисуса Христа собравшимся вам и моему духу. С силою Господа нашего Иисуса Христа предати таковаго сатане во измождение плоти, да дух спасется. Зриши ли, яко не единому мне таковаго проклинати, но и всем видящим и слышащим.

Тако и древле бысть. Истрезви⁸⁹⁹ же ся Ное от вина и разуме, елико сотвори ему сын его юнейший. И рече: Проклят буде Ханаан, зане виде наготу отца своего и не сохрани.

Призвав⁹⁰⁰ же Ияков сыны своя и рече: Рувим, первенец мой, ты (л. 245 об.)⁹⁰¹ крепость моя и зачало чад моих, порок бысть и порок лют, и укорив, и аки воды расплынешись, взыде бо на ложе отца своего.

Глаголеши, важно ли его проклинание. Ей, важно. Сам Христос, давый таковую власть святым своим учеником и апостолом: И⁹⁰² Аз же тебе глаголю, яко ты еси Петр, и на сем камени созижду Церковь Мою и врата адова не удолеют Ей. И дам ти ключа Царствия Небеснаго. И еже аще свяжеши на земли, будет связано на небесех, и еже аще разреши на земли, будет разрешено на небесех. Возрадоваша⁹⁰³ же ся ученицы, видевше Господа. Рече же им Иисус: Паки мир вам; якоже посла Мя (л. 246)⁹⁰⁴ Отец, и Аз посылаю вы. И се рек, дуну и глагола им: Приимите Дух Свят, им же отпустите грехи, отпустятся им, и им же держите, держатся.

Аще убо до сего не слышал еси, сего ради слушай и ими веру. Сам бо Господь рече: А иже не имет веры, осужден будет.

И⁹⁰⁵ иже аще не приимет вас, ниже послушает словес ваших, исходяще из дому или из града того, отрясите прах от ног ваших. Аминь, глаголю вам, отраднее будет земли Содомстей и Гоморстей в день Судный, неже граду тому.

Тогда⁹⁰⁶ начат Иисус поношати градовом, в них же Быша множайшая силы его, зане не покаяшася: (л. 246 об.)⁹⁰⁷ Горе тебе, Хоразин, горе тебе, Вивсаидо, яко аще в Тире и Сидоне Быша силы были бывшая в вас. Древле убо во вретищи и пепеле седяще, покаялися Быша, обаче глаголю вам, Тиру и Сидону отраднее будет в день Судный, нежели вам. И ты, Капернауме, иже до небес вознесыйся, до ада снидеши, зане аще в Содомех Быша⁹⁰⁸ силы были бывшая в тебе, пребыли убо Быша до днешняго дне. Обаче глаголю вам, яко земли Содомстей отраднее будет в день Судный нежели тебе.

Всяк преступаяй и не пребываяй во учении Христове, Бога не имать. Видел ли еси, совопросниче, страха и ужаса и трепета многа исполнено, иже (л. 247)⁹⁰⁹ кто слыша заповеди Божия, и не сохранит, како осуждается.

Мы бо не своею властию вяжем, но Божиею благодатию, данною нам от Пресвятаго и Животворящаго Духа. Видел⁹¹⁰ ли еси священническую честь и власть, яко елико свяжете на земли, будут связани на небеси. Кто ли сия глаголет: Сам небесный Царь. Что сего свидетельства болши? От земли начало приемлет небо, понеже судиа на земли седит, Владыка последует рабу, и яже убо сей осудит, сия Он горе утвержает. И между Бога и человеческаго естества стоит архиерей. Ныне же, ответотворче, приидохом к тебе, пишешь: Проклинание есть суще яко молния, (л. 247 об.)⁹¹¹ клятва есть как меч на обе страны остр. Для того есть болшая стрела молниина. Есть ли по достоинству бывает, сожжет виннаго, а есть ли не по достоинству, падает на того, который клятву чинит для того, что без вины. Требует меча Божия против того, который есть безвинный, которое по достоинству бывает проклятие, тотчас от Бога предается в руце сатане, чтоб им владел. И для того надобно, чтоб гораздо очи отворил, который чинит и который приимает проклятие, потому что Богом смеятися ненадобно, но Бог есть отмщение и власти в руце Бога, сострастнейший страх.

(л. 248)⁹¹² О ком ты глаголеши? Знаеши ли подлинно, кто ково клял и чесо ради? Ты б прежде уведал от совопросника и тогда бы подлинно писал, и не от себе, ни своими притворении, но от Божественнаго писания. Книги же, которыя подобает чести, изочтены в 85-м правиле святых апостол. Учити же подобает, якоже выше сего писано и ныне вкратце речем не от себе, но от Божественнаго писания.

Шестаго Вселенскаго собора правило 19.

Старейшина церковный на всяк день изряднее, еже на всякую неделю, да учит люди Божественым повелениям и да сказует не от себе, но якоже божественнии отцы достигоша. И где есть писано, яже ты ныне глаголеши? (л. 248 об)⁹¹³ Кто же ли тя постави старейшиною зде, рцы ми. Подобает тебе учити, но не зде, но в своей тебе епархии, и то не от своего ума, но от Божественаго писания.

Иже⁹¹⁴ бо кроме Духа пишущии и глаголющии, Церковь созидовати хотяще душевни суть, якоже негде божественный рече апостол: Духа не имуще. Тако вси бо повинни суть клятве, глаголющей: Горе разумным в себе и пред собою художным. От себе бо глаголют, а не Дух Божий глаголяй в них по Господню словеси. От своих убо помысл прежде чистоты глаголюще, духомнения прелстишася. О сем бо глаголет притча: Видех мужа, мневшася о себе мудра быти: упо(л. 249)вание⁹¹⁵ паче его имать безумный. И еже не быти мудр о себе, премудрость запрещает нам. Но и сам исполненый Духа Божия апостол исповедует, глаголя: Не бо доволни есмы от себе помыслити что яко от себе, но доволство наше от Бога, пред Богом о Христе глаголем. Но таковых бо словеса не сладка непросвящена, не от живаго источника Духа приемлюще же и глаголюще, но якоже от некоего езера тименнаго сердца пиавица, змия и жабы похотем возношения невоздержания⁹¹⁶ имущаго питающа и разума их смердящаго имут. Нам же тепла, яже пиюще на возгнушение и скаредие и блевание бременями обращаются.

Хощеши ли (л. 249 об.)⁹¹⁷ навыкнути и о проклятии Крутицкаго митрополита, аще о нем еси допрошен от совопросника. Разсмотри первый наш ответ к совопроснику твоему, яко иже по плоти отчюю жену посрамивый прокляти, колми паче подобает того проклинати, кто с рождшею его Материю прелюбодействует чрез Божественыя заповеди. Господу глаголющу: Слушаяй⁹¹⁸ вас, Мене слушает, и отметаяйся вас, Мене отметается, отметаяй же ся Мене, отметается пославшаго Мя. Кто есть лживый, точию яко Иисус несть Христос, сей есть антихрист, отметаяйся Отца и Сына, всяк отметаяйся Сына, ни Отца имать.

Видели⁹¹⁹, како (л. 250)⁹²⁰ речено есть Господем нашим Иисусом Христом? Слушаяй вас, Мене слушает, и отметаяйся вас, Мене отметается. Не о мне единем писано есть се, дабы мене слушал Крутицкой митрополит и престал от любодейства, но прежде всех явлено о апостолех святых и святых отцех, которые проповедали Господа нашего Иисуса Христа и святыя Его заповеди написали и глаголали. Мы от Бога есмы, разумеваяй Бога, послушает нас, иже несть от Бога, не послушает нас. О сем разумеваем Дух Божий истиный⁹²¹ и дух лстеч.

Или ты не веси, елико беззаконуеши чрез Божественныя заповеди и святых апостол и святых отец правила деянием своим (л. 250 об.)⁹²² и писанием? Како же ты и Крутицкой митрополит несте антихристи и отметницы Божии, понеже Божественых Его повелений и святых апостол и святых отец правил отвергостеся непослушанием. По 62-му правилу святых апостол: Отметник Христа отверженый, яко простый человек приимется. Василиа Великаго правило 73: Христов отметник во всем житии своем да кается, на исхождении жития своего сподобится святаго причащения. Перваго святаго Вселенскаго собора правило 10-е тожде пишет. Много бо писано о сем и выше сего и не довлеет о вас написати лето едино.

Не удоволился еси в даной тебе епархии (л. 251)⁹²³ заблуждати от истины, но прииде и семо скитатися душею и телом, смущати и превращати на пагубу тебе подобных, отчюжденне от Бога и Божественых повелений.

Якоже и Крутицкой не доволен в своей епархии собрати множество грехов на свою выю, но и олюбодействова и Матерь свою, и ниже о сем доволен бысть к своей погибели. Приложи и Константинополскую Церковь насиловати и на Киевскую митрополию, на живаго митрополита стол лицемерием поставил епископа, чего мы сами, соблюдающе Божественыя правила, не смели зделати, еже и множицею от царя на то нудимы были речением и писанием, (л. 251 об.)⁹²⁴ правила возбраняют без наречения места и времени епископа и презвитера ставити, аще ни да извержется и поставивый и с поставленым. А Крутицкой митрополит поставил Нежинскаго протопопа в Литовской град Оршу, которой не под царьскою державою, ниже церкви православной есть в нем. И той епископ, не быв в том граде, в него же поставлен, да скоре и отпущен наместником в епархию Константинополскаго патриарха, а не Московскую. Аще Киев и под царьскаго величества державою, но о сем ни которое слово к Цареградскому патриарху от царя и великаго князя не бывало, чтобы быть Киевстей (л. 252)⁹²⁵ митрополии под Московским патриархом. И о том писали Киевской митрополии духовенство до Цареградскаго патриарха. И Цареградской патриарх, брат наш, святых апостол по правилу 35-му изверг и проклял ево, Крутицкаго митрополита, и с поставльшимся от него.

Правило святых апостол 35.

Не поставляти от чюждаго предела, ни в пределе, аще же без воли того места епископа се сотворит, с поставленым от него и сам не поставлен.

Толкование.

Не подобает никому же от епископ вне своих предел поставляти, ни от чюжих предел приходящих поставляти кого презвитера или диакона. Аще же таковое что сотворит (л. 252 об.)⁹²⁶ кто без воли страны тоя епископа, да извержется сам и поставленый от него.

И собора, иже во Антиохии правило 13, и святаго Втораго собора правило 2-е.

Той же Крутицкой митрополит, ведая сия апостолския и святых отец правила и ни во что вменив, единому цареву повелению последовал, беззаконно избрал, яже выше писано есть о сем, что мирскими властьми избран епископ не освящен, и той и с поставльшим его извержется.

Священными правилами прощено есть, коемуждо митрополиту в своей митрополии поставляти епископов и то со всеми епископы. А он четверо сугубо⁹²⁷ беззако(л. 253)ние⁹²⁸ сотворил, послушав единаго царя, вся священныя Божественыя заповеди и святых апостол и святых отец правила поправ. Первое беззаконие содеяв, мирския власти избранием, еже есть царьским, на епископство епископа постави чрез правила Лаодикийскаго собора 13-е правило и седмаго Вселенскаго собора правило 3-е и Антиохийскаго собора правило 19-е. Второе беззаконие, яко епископи ничто же творят без старейшаго своего, а он ни сам старейший, ни первый митрополит, но последний. И о таковом новом деле без всех епископ совета, никому же было мощно дерзостно начинати, якоже правило являет (л. 253 об.)⁹²⁹ святых апостол 34 и собора, иже во Антиохии, правило 9-е. Таковых ради вин велено по вся лета собором бывати по правилу святых апостол 37-му и перваго Вселенскаго собора по 5-му правилу, и собора Лаодикийскаго по 20-му правилу и иных многих, якоже выше сего писано. А он ни собора о том не собирал, ни соборовал.

Третие беззаконие, яко в чюждей епархии ставил мирския власти повелением, а не в своей митрополии чрез правило святых апостол 14-го и святаго Вселенскаго 1-го собора 16-е правило, и собора Антиохийскаго правило 13-е и 16-е и 21-е, и святаго Вселенскаго 2-го собора правило 2-е, (л. 254)⁹³⁰ и 4-го Вселенскаго собора правило 5-е.

Четвертое беззаконие, яже выше есть писано, в Цареградскую патриархию поставил епископа. Сего ради по всем сим четырем беззакониям Крутицкой митрополит по правилом святых апостол и святых отец извержен есть. Аще и не повинуется, но обаче горший суд на ся навел.

Святых апостол правило 28.

Иже епископ или поп или диакон извержен праведне о согрешении явленне, и дерзнет прикоснутися прежде врученыя ему службы, сей отнюдь отсечен будет от Церкве.

А яже нами проклят, и ты глаголеши, тотчас от Бога предается сатане, чтоб им владел. И для (л. 254 об.)⁹³¹ того надобно, чтоб гораздо очи отворил и который чинит проклятие, потому что Богом смеятися не надобно, но Бог есть отмщение, и впасти в руце Бога живаго сострашнейший страх.

Или от Тебе единаго утаися грех Крутицкаго митрополита, еже назнаменано выше сего. Послушай, еще ти приложу.

Писано есть во Евангелии: И егда приближашеся Иисус во Иерусалим и приидоша в Вирсавию к горе Елеонстей. Тогда Иисус посла два ученика, глаголя има: Идета в весь, яже прямо вама, и абие обрящета осля привязано и жребя с ним, и отрешивше, приведета Ми. И аще вама кто речет (л. 255)⁹³² что, речета, яко Господь ею требует, абие же послет я. Се же все бысть, да сбудется реченое пророком, глаголющим: Рцыте дщери Сионове, се Царь твой грядет тебе кроток, всед на осля и жребя, сына яремничя. Шедша же ученики и сотвориша, якоже повеле им Иисус, приведоста осля и жребя, и возложиша верху ею ризы своя, и вседе верху их. Множайшии же народи постилаху ризы своя по пути, друзии же резаху ветви от древ и постилаху по пути. Народи же приходящии Ему и воследствующии зваху, глаголюще: Осанна Сыну Давидову, благословен грядый во имя Господне, осанна в вышних.

Видели таинства (л. 255 об.)⁹³³ силу, о Христе Спасе нашем пророченое от пророка, якоже и сам Господь свидетельствует. Да сбудется реченое пророком, глаголющим: Рцыте, дщери Сионове, се Царь твой грядет тебе кроток, всед на осля и жребя сына яремничя.

Имеяй престол небо, всед на жребя, входит во Иерусалим, дети же еврейския и сами подстилаху Ему ризы своя и ветви фиников, (л. 256)⁹³⁴ овыя убо режуще, другия же и в руках носяще, вопияху Ему предсылающе осанна Сыну Давидовы: Благословен грядый во имя Господне, Царь Израилев.

Сие же бысть, онех языки подвигшу Всесвятому Духу в славу и благохваление Христово. Являху же Христову на смерть победу ваиями, си есть ветвьми. Ваия бо у евреов ветвь мяхкая глаголется. Обычаяй бо бяше победителем и подвигов и брани некиих, ветвьми древес присноцветущих в победных провождениих почитати и обводити. Гадателствено же знаменоваше жребец сущыя ны от язык люди, на нем же всед Христос и препочив одолитель и по(л. 256 об.)бедитель⁹³⁵, Царь всея земли наречесь.

Евангелие.

Множаешии же народи постилаху ризы своя по пути. Друзии же резаху ветви от древ и постилаху по пути.

Толкование.

По сказании убо Писания, велию честь являет ризное растилание и ветвенное ношение, торжества бо день являет. По духовному же веждь, яко по возложении риз апостолских, сиречь плоти их, риза бо души плоть, тогда потом вседает Господь. Аще бо не украсится душа апостолскими добродетелеми, не возходит на ню Господь. Предваряющии же суть, иже прежде воплощения Христова пророцы. Последущии же, иже потом мученицы и преподобни, (л. 257)⁹³⁶ учителие, иже ризы своя разстилаху Христу, сиречь плоть покаряют духови. Риза бо и покров души плоть есть. Разстилаше на пути, сиречь по Христове: Аз бо есть путь. Аще кто плоти своея не разстелет, сиречь не смирит о Христе, еже есть путь и живот, и в Нем присно не пребывает, уклоняяся от всякаго беззакония и неправды, и не возходит нань Господь.

Евангелие.

И вшедшу Ему⁹³⁷ во Иерусалим, потрясеся весь град, глаголя: Кто есть Сей? Народи же глаголаху: Сей есть Иисус пророк, иже от Назарета Галилейскаго.

Толкование.

Народи яко не лстивии суще и препрости, ни бо завидяху Христу, ниже паки подобный разум о Нем имеяху, (л. 257 об)⁹³⁸ тем же и пророка Его нарицаху, еда како понеже яве, тако пророка Его глаголаху. Возмогут разумети Его, яко Сей есть чаемый пророк, о Нем же рече Моисей, яко: Пророка вам воздвигнет Бог. глаголаху бо, яко Сей есть пророк, сиречь Он же чаем.

Крутицкой же митрополит по какому указанию творит? Которой пророк о нем писал, яко подобает ему тако творити? Есть ли праведно или ни единому⁹³⁹ патриарху таковое деяние творити или ни? Понеже в Писании явлено есть, яко патриарх Христов образ носит на себе, градстии же епископи по образу суть двунадесяти апостол, селстии же по 70 апостол. А Крутицкой митро(л. 258)полит⁹⁴⁰ селскаго епископа место держит и како может таковое действо содеяти? Аще бе и повелено было, но в своей енории, ибо Господь наш Иисус Христос, седе на ослицу, ни единой сущи иной потребе, токмо совершити проречение и по показанию и по разума устроению, яко и на жеребя вседе, сиречь на новыя и не ученыя люди и непокоривыя язычники. Иным же по Себе творити не повелел тако, но како. Шедше убо, рече, научите вся языки, крестяще их во имя Отца и Сына и Святаго Духа, учаще их блюсти вся, елика заповеда вам.

Почто Крутицкой митрополит в свою епархию не идет учити и проповедати, якоже священныя правила (л. 258 об.)⁹⁴¹ повелевают на всякой год обходити епископусвою епархию. А он, как и поставлен, не бывал с Москвы. Сего ради правила святыя возбраняют в чюжих епархиях пребывати надолзе и непозвану епископом, ея же епархия есть: Не приходити, ни учити, ни ино что творити без воли местнаго епископа, якоже выше сего писано есть о сем. А он, Крутицкой митрополит, якоже вторый Максим глаголемый Кинин, еже сказается безстудный, Церковь Божию раздра и многа мятежа и молвы сию исполни. Волк вместо пастыря бысть и вся грехи прощати готов согрешающим. Единаго ради еже нечествовати в повелениих, рекше (л. 259)⁹⁴² преступати заповеди, якоже глаголет великий богословец Григорий: Чюжд убо сий Максим от епископства да будет и вси от него поставлении презвитери и диакони и прочии причетницы чюжди священия.

Паки заповеда Господь, глаголя: Ходяще⁹⁴³ же, проповедайте, глаголюще, яко приближися Царьство Небесное, болящая исцелите, прокаженыя очищайте, мертвыя воскрешайте, бесы изгоните. И прочая.

Почто сих повеленных от Бога Крутицкой митрополит не исполняет, но тамо гоняет, где мирским злосмрадием воняет. Не о нем ли есть пророчествова Господь, глаголяй: Блюдите⁹⁴⁴, да никто же вас прелстит. Мнози бо приидут во имя Мое, глаголюще: (л. 259 об.)⁹⁴⁵ Аз есмь Христос, и многих прелстят. Не изыдите вслед их.

Не он ли есть сей? Егда убо узрите мерзость запустения, реченую Даниилом пророком, стоящу на месте святе, иже чтет да разумеет. Мерзость и запустение Крутицкой митрополит не заеже Отца своего седалище просмради, но инаго самаго Христа, окаянный, вознеистовися, творит, что Христос делал, ему же не достойно есть творити. Сел на месте святе, еже никто от апостол сотвори, ниже заповеда Господь творити.

Верховный апостол Петр, ниже на кресте восхоте тако пригвоздитися, якоже Христос, но стремглав мучителей умоли пригвоздитися. Егда убо (л. 260)⁹⁴⁶ умы Иисус нозе учеником, возлег, паки рече им: Весте ли, что сотворих вам, вы глашаете Мя учителя и Господа и добре глаголите, есмь бо. Аше убо умых ваши нозе Господь и учитель, и вы должни есте друг друга умывати нозе, образ бо дах вам, да якоже Аз сотворих, и вы творите. Аминь, аминь, глаголю вам, несть раб болий Господа своего, ни посланник более пославшаго его. Аще сия весте, блажени будете, аще сотворите такожде.

И что преславнее сего, еже Царьство Божие проповедати, Тело Христа ясти и Кровь пити. Се, рече, творите в Мое воспоминание, елижды бо аще ясте хлеб сей и чашу сию пиете, смерть (л. 260 об.)⁹⁴⁷ Господню возвещаете. Болных целити, прокаженых очищати, мертвых воскрешати, бесы изгонити, ноги умыти, горы преставляти, власть наступати на змию и на скорпию и на всю силу вражию.

Не доволно ли есть даныя власти? Почто якоже диавол возгордеся, на высоту⁹⁴⁸ наскачеши не данную, ибо сатана тако возгордевся, рече: Поставлю престол мой на небеси и буду подобен Вышнему. О нем же Господь глаголет: Видех сатану, с небесе спадша. Такожде Июда, брат Божий, глаголет: Ангелех же, не соблюдших своего началства, но оставлших свое жилище, на суд Великаго дне узами вечными (л. 261)⁹⁴⁹ под мраком соблюде.

И Петр верховный глаголет: Аще⁹⁵⁰ бо Бог ангелов согрешших не пощаде, но пленницами мрака связав, предаде на суд мучимы блюсти.

Почто, святотатче, не внимаеши Писанию? Гордишися и не данным ти обладаеши. Послушай Писания, что Господь глаголет: Не о всех молю, Аз бо вем, их же избрах и поставих на высоте, которой ты не достоин. Аще ли речеши, яко Царь повеле ти есть, и видел еси выше сего писаное и ныне веждь, яко всяк мирский (л. 261 об.)⁹⁵¹ властми власть приемый извержен есть. И ты, прельстився, глаголеши, яко Царь повелел есть, что и царем вышний Царь Христос мстит за таковое беззаконие.

Возлюбил ли царь венчати тя цветы, яко победителя смерти. Почто прочее последование оставил, яже о Христе суд, оплевание, поругание, пропятие, смерть и гроб? Пусть усмотрили бы любимцы твои и воскресение твое, как востанешь, аще мнишися, что един аз тебя проклиню, не един, но и сам Господь. Тогда, речет к сущим ошую Его, идите от Мене, (л. 262)⁹⁵² проклятии, во огнь вечный, уготованый диаволу и аггелом его. Тогда, рече, когда слушай, взалках бо ся, и не дасте Ми ясти. И прочая.

И аще в той час проклят, в онь же не даяше ясти. А иже чюжая похищая, то колми паче проклят, якоже издревле речено есть: Проклят⁹⁵³, иже претворяет пределы подруга своего, и рекут вси людие, буди.

И будет, аще не послушаеши гласа Господа Бога твоего, снабдети и творити вся заповеди Его: Елика Аз заповедаю тебе днесь, приидут на тя вся клятвы сия и постигнут тя, и проклят ты будеши во граде и проклят ты и на селе, проклят ты, внегда вхо(л. 262 об.)диши⁹⁵⁴, и проклят ты, внегда исходиши.

Где ли входиши и откуду исходиши, яве чрез Божественыя заповеди, якоже и Господь глаголет: Не входяй дверми во двор овчий, но прелазя инуде, тать есть и разбойник. Татие же и хищницы Царствия Божия не наследят, якоже рече апостол: А еже не наследовати, яве есть проклят. По градским законам разбойницы повешаются. По древнему же закону проклят есть от Бога всяк висяй на древе, елицы от дел закона суть под клятвою суть. Писано бо есть: Проклят всяк, иже не пребудет во всех писаных в книзе законней, яко творити я. И паки: Проклят (л. 263)⁹⁵⁵ всяк, творяй дело Божие с небрежением.

Собора в Константине граде во Святей Софии правило 1.

Иже в связании⁹⁵⁶ или во извержении или в проклятии от папы Римскаго быв и от патриарха Константиняграда, аще кто связан или извержен или проклят и от прочих патриарх, в том же да пребывает.

Колико есть явлено Крутицкаго митрополита небрежения и преступления Божественых заповедей и святых правил святых апостол и святых отец. Иже⁹⁵⁷ есть от Бога глаголы Божия послушает, сего ради вы не послушаете, яко от Бога несте. Кто же есть глаголавый? Сие сам Бог. Указание же заповедем Божиим, их же не твористе, выше сего писано. (л. 263 об.)⁹⁵⁸ И паки: Всяк преступаяй и не пребываяй во учении Христове, Бога не имать. Разумеваяй Бога, послушает вас, иже несть от Бога, не послушает нас. Возлюбленнии, не всякому духу веруйте, но искушайте, аще от Бога суть, яко мнози лживии пророцы изыдоша в мир. О сем разумеем Дух Божий и дух лстеч. Всяк дух, иже исповедует Иисуса Христа в плоть пришедша, от Бога есть. И всяк дух, иже не исповедует Иисуса Христа в плоть пришедша, сей есть антихристов. Его же слышасте, яко грядет и ныне в мире есть уже. Не любяй Мя, словес моих не соблюдает, иже не любит Господа Иисуса да будет проклят. (л. 264)⁹⁵⁹ Како же той несть проклят, кто Бога не знает, тот есть антихристов, якоже ты, ответотворче, и Крутицкой митрополит. Аще ли глаголете, яко знаете Бога, послушай наперсника возлюбленнаго апостола Богослова Христова, на инем месте глаголюща: И⁹⁶⁰ о сем разумеем, яко познахом Его, аще заповеди Его соблюдаем. Глаголяй, яко познахом Его и заповеди Его не соблюдает, ложь есть, и в сем истины несть. Кто⁹⁶¹ же есть лживый, точию отметаяйся, яко Иисус несть Христос, сей есть антихрист, отметаяйся Отца и Сына. Всяк отметаяйся Сына, ни Отца имать.

А⁹⁶² иже отвержется Мене пред человеки, отвергуся его и Аз пред Отцем Моим, (л. 264 об.)⁹⁶³ иже на небесех. Аще отвержемся, и той отвержется нас, иже несть со Мною, на Мя есть, и иже не собирает со Мною, расточает.

Ты веруеши, яко Бог един есть, добре твориши, и беси веруют и трепещут. Хощеши же ли разумети, о человече суетне, яко вера без дел мертва есть? Авраам, отец наш, не от дел ли оправдася, вознес Исаака, сына своего на олтарь? Видиши, яко вера поспешествоваше делом и от дел вера совершися. И совершися Писание, глаголющее: Верова Авраам Богови, и вменися ему в правду, и друг Божий наречеся. Зрите ли, убо яко от дел оправдается человек, а не от веры еди(л. 265)ныя⁹⁶⁴? Видесте ли по Святому Писанию, яко никотораго христианства в вас что есть любо, но и отметницы есте Божии и не просто отметницы, но и Антихристи, то есть богопротивницы. Анафема, ничто же ино, разве отлученый от Святыя Троицы. Вы же по коликим святым книгам отлучилися есте сами собою. А яже от правил святых, о проклятии, писано есть доволно в первом нашем к тебе возражении. Таяжде и зде и Крутицкаго митрополита презорство святых апостол и святых отец правил клятвою наполнят, паче же святаго седмаго Вселенскаго собора первое правило. И прочее.

Деяние, в Неделю Православия действуемое. В нем же есть сице писано: (л. 265 об)⁹⁶⁵ Неправе⁹⁶⁶ святых учителей Божия Церкве божественныя гласы восприемлющим, и яве и явственне в них благодатию Святаго Духа реченая, инако толковати же и превращати покушающимся, да будет проклят.

Ваше же писание и Крутицкаго митрополита деяние беззаконное всем ведомо.

Просиша Иаков и Иоанн: Даждь нам, да един одесную Тебе и един ошую Тебе сядема во славе Твоей. Иисус же рече има: Не веста, что просита. Можета ли пити чашю, юже Аз пию, и крещением, им же Аз крещаюся, креститися. Они же реста Ему: можема. Иисус же рече има: Чашю, убо юже Аз испию, испиета, и кре(л. 266)щением⁹⁶⁷, им же Аз крещаюся, креститася. А еже сести одесную Мене и ошую, несть Мне дати, но им же уготовано есть.

Никто⁹⁶⁸ же собою приемлет честь, но званый от Бога. Якоже Аарон, тако и Христос, не себе прослави первосвященнику, но глаголавый к Нему: Сын Мой еси, Аз днесь родих Тя. И по мале. Ибо Сын сый навыче откуду пострада послушание и совершився бысть всем послушающим Его виновен спасению вечному, наречен от Бога первосвященник по чину Мелхиседекову.

Вскочи на брак, не имея одеяния брачна, вшед Царь видети возлежащих. Виде ту человека, не облечена во одеяние брачное и глагола ему: Друже, (л. 266 об.)⁹⁶⁹ како вниде семо, не имый одеяния брачна? Он же умолча. Тогда рече Царь слугам: Связавше ему руце и нозе, возмите и вверзите его во тму кромешную, ту будет плач и скрежет зубом.

Егда зван будеши киим на брак, не сяди на преднем месте, еда кто честнее тебе будет званых. И пришед, иже тебе звавым и онаго, речет: Ты даждь сему место. И тогда начнеши со студом последнее место держати.

Предвари Петра Июда седети на вечери, вниде в него сатана. Аминь, аминь, глаголю вам, яко един от вас предаст Мя. Созираху же ся между собою ученицы и недоумева(л. 267)ющеся⁹⁷⁰, о ком глаголет. Бе же един от ученик Его, возлежай на лоне Иисусове, его же любяше Иисус. Помаану же сему Симон Петр вопросити, кто убо есть, о нем же глаголет. Напад же той на перси Иисусове, глагола Ему: Господи, кто есть? Отвеща Иисус: Той есть, ему же Аз, омочив хлеб, подам. И омочь хлеб, даст Июде Симонову Искариотскому. И по хлебе тогда вниде в он сатана. И по мале рече: но⁹⁷¹ да Писание сбудется. ядый со Мною хлеб, воздвиже на Мя пяту.

Суди, ответотворче, что наше зло Крутицкому, яже он воздает нам злая за благая, не яко ли Июдино того деяние есть? Аще ли же вы приемлете яко лжехриста, по (л. 267 об.)⁹⁷² писаному: Востанут бо, рече, лжехристи и лжепророцы. И паки пророчествова о вас Петр верховный: Быша и лживии пророцы в людех, якоже и в вас будут лживии учителие, иже внесут ереси погибели, и искупашаго их Владыки отметающеся, приводяще себе скору погибель. И мнози последствуют их нечистотам, ими же путь истиный похулится и в преумножении лживых словес вас уловяй, их же суд не коснит и погибель их не воздремлет.

Не се ли вся ныне деются вами прорекованное? Но не радуйтеся, паки верховный наведе, утешая нас, злостраждущих, от зол ваших. (л. 268)⁹⁷³ Весть⁹⁷⁴, рече Господь, благочестивыя от напасти избавляти, неправедники же в день Судный мучимы блюсти. Но и паче вслед плотския похоти сквернения ходящии и о Господе не радящыя, продерзателие, себе угодныя, славы не трепещут, хуляще, идеже ангели крепостию и силою болши суще, не терпят на ся укоризнен суд. Сии же, яко скоти животни естеством бывше, погибель и тлю, в них же не разумеют хуляще, во истлении своем истлеют. Приемлюще мзду неправедну, сласть мняще вседневное насыщение, сквернители и порочницы, питающеся лестми своими, очи имуще исполнь блудодеяния (л. 268 об.)⁹⁷⁵ и непрестаемаго греха: прелщающе души неутверждены, сердце научено лихоимству имуще, клятвы чада, оставлши правый путь заблудиша, последоваша пути Валаамову Восорова, иже мзду неправедну возлюби, обличение же име своего беззакония. Подъяремник безгласен, человеческим глаголом провещавшим, возбрани пророка безумие. Сии суть источницы безводни, облацы и мглы, от ветр преносимы. Им же мрак темный во веки блюдется. Прегордыя, суеты вещающе, прелщают в скверны похоти плотския, отбегающе их отнюд, живущих во лсти, свободу обещавающе, сами раби суще тления, (л. 269)⁹⁷⁶ имже бо кто побежден бывает, сему и работен есть.

Паки, ответотворче, пишешь, так пишет святый апостол Павел: Есть⁹⁷⁷ ли кто, изыман в каком гресе, вы, духовнии его, поучите духом кротости, осматривая, чтоб ты сам в то же искушенье не впался. Не поспешайте, о вы, пастырие, бросати стрелы молнии, понеже пастыри есте душевныя, оберегаючи не насилством, но любовию, не господьствуючи над духовным чином.

Кто ти область сию даде, да сия твориши, лицемере, сам превосходя вся заповеди Божия, овогда глаголеши, яко несть патриарша власть боле оноя? Почто ты твориши ся сам учителем и законоположником над нами? (л. 269 об.)⁹⁷⁸ Не добре ли писал верховный Петр, яже выше сего изображено, которой духа кротости образ ты показал? А яже нами клятва кому нанесеная, разсмотри выше писаное, яко сами на ся нанесли, а не мы. Мы, последующе богоносных отцех преданиом, их же они прокляли, и мы, соблюдая их заповедание, проклинаем, якоже выше есть писано. Но будите, глаголешь, образом своего чину так, как покажется первой пастырь Христос, могли б есте принять венец хвалы нетленныя. Так научает апостол Петр, глава всех апостол: Будите милосерди, яко и Отец ваш милосерд есть.

Не помните ли, что рек сыновом Зеведеовым Господь, кото(л. 270)рыя⁹⁷⁹ Его к ярости приводили, чтобы огнем казнил самаритян: Не знаете какова духа вы есте? Сын бо человеческий не пришел⁹⁸⁰ души человеческия погубити, но спасти. Первой пастырь ваш и высочайший епископ Христос показался таков милосерд. Како же мы, которыя люди, равнострастны есмы имеем быти, к равным нашим братиям быти милосердны и человеколюбцы? Ибо Спас выше закана⁹⁸¹, человеком же добро предания подражать, ибо овогда смирения образ показуя, наказа. Не веста, коего духа еста вы, Сын бо человеческий не прииде душ человеческих погубити, но спасти. Иногда же, связавше ему руце и нозе, вверзите во тму кромешную. Иногда⁹⁸², обаче враги Моя оны, (л. 270 об.)⁹⁸³ иже не хотевшия Мне да Царь бых был над ними, приведите семо и ссецыте предо Мною. Иногда же паки, что убо сотворит им Господин винограда, приидет и погубит делатели сия и виноград даст инем. Иногда же отъидите от Мене проклятии, во огнь вечный, уготованый диаволу и аггелом его. Инде: Отраднее будет Содому и Гоморе, неже вама на суде. И паки: Отраднее Тиру и Сидону, неже вама. И повеле грады их сожещи. Инде: Свяжите я в снопы, яко сожещи я. И паки: Посецыте ю Вскую землю упражняет. И ино: Лутче есть не бы родился человек он. И паки: Иди за Мя, сатано, яко не мыслиши (л. 271)⁹⁸⁴ яже суть Божия, но яже человеческа.

Сия вся не казнь ли и отмщение? Глаголеши, яко Павел проповедник языком не проклинал, толко трожды ради кровосмешения и ради ереси и ради хулы от архиерей. Аще бы воздержали клятву для ради великия вины и грехов, не бывал бы так уничижен, потому как что частое будет проклятие, никто не станет почитати.

Павел и ныне таковых проклинает, якоже ты и Крутицкой митрополит, презоривых того заповедей. Но⁹⁸⁵ и аще мы или ангел с небесе благовестит вам, паче же благовестихом вам, анафема да будет, якоже прежде рех и ныне глаголю. Аще кто вам благо(л. 271 об.)вестит⁹⁸⁶ паче еже приясте, проклят да будет. И паки: Иже не любит Господа Иисуса, проклят да будет.

Сия вся и ныне действует на нововводных законников, которыя предпочитают славу человеческую неже славу Божию. Якоже пишет Иоанн Богослов: Обаче убо и от князь мнози вероваша в Него, но фарисей ради не исповедаху, да не из сонмища изгнани будут, возлюбиша бо паче славу человеческую нежели славу Божию.

Ответ

Не сыскиваю лутчей добродетели, что правда в християнском человеке что терпение, а хуждшаго зла что гнев. Авраама похваляем для терпения его, который имел при рождестве сына своего единороднаго, в котором его была вся надежда. Моисея почитаем для терпения, которое показал на пустыни и против людий непослушнаго и неблагодарнаго. Иеву приудивляемся его болшему терпению незносимому и великаго Павла, что поносил многие беды и труды, которые он сам пишет, и наконец пророка и царя Давида, который поносил неблагодарение от сына своего Авессалома и злобу Семеева, который с камением последовал ему. Не прикасайтеся помазаному Моему и во пророцех Моих не лукавнуйте. Помазанники называет вас священнический чин ради помазания священства и ради Христоподобной благости Христа нашего, и учинила есть нас цари и священники, по освященной апокалипсис⁹⁸⁷, цари тогда бываем, когда владеем страсти телес наших, священники когда приносим вся чювствия наша, убо Епикур безумно бредил, что человек не может терпения поносить и временныя помешки. Наипаче философ тогда есть философ, когда терпение понесет. Не подобает архиереом такие снасти мучителные имети, а инако делаючи услышат Христово прещение: возврати меч свой в недра своя; вси бо которыя приимаются за меч, от меча погибают. Мирскому князю дано препоясатися мечем, а не человеку священному. Не видиши ли его, все облачение архиерейское, что есть кротость, одежда правды; стихарь образует ангельскую чистоту и светлаго архиерейскаго жития; епитрахиль – низшедшая свыше совершенная благодать Всесвятаго Духа; поручи прообразуют ужи, что были связаны руки Христовы; пояс – связание Христово; палица – смертную победу; амофор, что на рамо заблуждшее овча восприим, первому Пастырю знамение; Крест – проповедание евангельское; панагия – Бога Слова воплощение; митра – царьское священство; сакос или полиставрия, еже ради страсти и распятия правду и истину образует. Яко что все архиерейское облачение являет: терпение, кротость, целомудрие и богоизбранное собрание всех добродетелей правды.

Разорение 23-му вопросу и ответу

Глаголеши, совопросниче, подобает ли архиерею бить и ударить и в сылку сослать, то все чинил Никон, и не могся насытить мирскими людьми (л. 272)⁹⁸⁸ и духовным чином всегда. И ты, совопросниче, внимай, что возглаголем ответотворцу.

Глаголеши, ответотворче, не сыскиваю лутчей добродетели, что правда в человеке, что терпение, а хуждшаго зла, что гнев. Авраама похваляем для терпения его, который имел при рожестве сына своего единороднаго, в котором его была вся надежда. Что же конец сему? Се ли, яко вознес на жертву? Зриши ли, яко патриарх Авраам, изшед⁹⁸⁹ по словеси Божию от земли своея и от рода своего и от дома отца своего и пришед до места Сихемска, и постави храм свой в Вефиле, и созда требник Господу, и помолися во имя Господа, явлшагося ему. И паки по возвращении (л. 272 об.)⁹⁹⁰ от Египта вселися у дуба Мамврийска в Хевроне и созда ту требник Господу. Услышав же Авраам, яко плениша Лота, сыновца его, и собра вся домочадца, 318, и гнаша вслед до Дана. И нападе на ня нощию сам и отроцы его с ним, и порази их, и гони их до Ховала, яже есть ошую Дамаска, и возврати вся и коня содомска, и Лота, сына брата своего, возврати. Видели, что сотворил Авраам патриарх по возношении жертвы и по приятии священства за единокровнаго человека, племянника своего Лота? Колико порази сам и отроцы его, якоже глаголется инде, 300 побил и по сем паки священствовал, якоже пишет: Вознес сына своего Исаака на жертву.

(л. 273)⁹⁹¹ И Авраам племянника ради своего мстил. А иже кто за дело Божие отмстит кому по закону, которое то лихо, якоже последи укажем. Ныне, во ответе твоем, сряду возразим, аще и не потребно есть нынешнему закону, но ты безумием своим принудил нас на се.

Паки глаголеши, Моисея почитаем для терпения, которыя показал на пустыни и против люда непослушливаго и неблагодарнаго.

Читал ли ты, ответотворче, Моисейския книги, тако безумно глаголеши? Аще ли же ни, аз ти покажу, колико Моисей в правде не кроток, но и зело суров и не милостив. Не видел еси, како египтянина убил и скрыл в песце. Уведа же фараон, искаше (л. 273 об.)⁹⁹² его убити, он же, бежав, вселися в земли Мадиамстей, священник убо и Моисей, якоже пишется во псалмех «Моисей и Аарон во иереох Его», а не царь или воевода. Почто воева противу Амалика в Рафидине и по избиении сошед з горы, созда Моисей олтарь Господу Богу? Аще ли речеши, яко Иисус воевал. И бысть, рече, егда воздвизаше Моисей руце, одолеваше Израиль, егда же притинаше руце, одолеваше Амалик. И бысть, егда Моисею снити з горы Синайския, и егда же приближися к полку, узре телец велики. Возъярився гневом Моисей, поверже с руку своею обе досце и сокруши я под горою. И взем телец, иже сотвориша, (л. 274)⁹⁹³ сожже во огни и сотре по тонку, и разсыпа и по воде, и напои ею сыны Израилевы. И паки повеле, препоясався мечи сыновом Левииным, побити комуждо брата своего и друга своего и соседа своего. Не ярости ли дело се, яко и досце, даная от Бога, сокрушил?

О Иовове кротости удивляешися, а делы нисколко не уподобляешися, как собака, присно не престая, сваришися, ничим же тебе обидящаго.

Про Павла пишешь, что поносил многия труды и беды, которыя он сам пишет. А инде тот же Павел сам о себе пишет⁹⁹⁴: Гонитель Церкви был. Якоже и в Деяниих явлено есть⁹⁹⁵, Савл же еще дыша прещением (л. 274 об.)⁹⁹⁶ и убийством на ученики Господа. Видиши ли, яко и Павел по правде не кроток был. Палицею ли, рече, прииду к вам или духом кротости. И паки судих таковаго предати сатане, да дух спасется.

О Давиде глаголеши, которой поносил неблагодарение от сына своего Авессалома и злобу Семееву, которой с камением последовал ему. Кто же Урия уби? Давид. И вси святии себе не отмщали, а по суду всяку неправду мстили, били и убивали, якоже Давид, о нем же свидетельствуют Царства. Нафану пророку сам ся своим судом осудил на смерть за Уриино убийство и Вирсавиино имство. Достоин, рекл, (л. 275)⁹⁹⁷ есть человек он смерти, кто чюжую агницу похищает. Якоже и ныне, которыя держат не сущую свою Церковь или не своей епархии, которыя ложное издают писание, якоже ты чрез Божественыя заповеди и законы на прелесть пишешь все ложно.

Пишешь, не прикасайтеся помазаному Моему и во пророцех Моих не лукавствуйте. Помазанники называешь⁹⁹⁸ весь священнический чин, ради помазания священства и ради христоподобной благости Христа нашего, учинил еси нас цари и священники, по священной Апокалипсии. Цари⁹⁹⁹ тогда бываем, егда владеем страстьми телес наших, когда¹⁰⁰⁰ приносим вся чювствия наша. Убо Епикур безумно (л. 275 об.)¹⁰⁰¹ отрядил, что человек не может терпения поносить и временныя помешки. Наипаче же философ тогда есть, когда терпение понесет и не подобает архиереем такия снасти мучителныя имети. А ино делаючи, услышат Христово прещение: Возврати меч свой в недра своя. Вси бо, которыя приимаются за меч, от меча погибают. Мирскому князю дано препоясатися мечем, а не человеку священному.

Кто ти сказывает о мечи, яко мечем имамы? Ни совопросник тебе о сем что любо вопрошал? Сам ли ты лжешь или ини тебе рекоша, яко меч имамы и тем отмщаем? Укажи, кому мечем отмстили о чем любо, (л. 276)¹⁰⁰² а яже о церковных невежествах и любо о иных наказаниих по вине имамы законодателя самаго Христа Бога нашего. Той нам закон положил.

И¹⁰⁰³ приидоша паки во Иерусалим и вшед Иисус в Церковь, начат изгонити продающыя и купующыя во церкви и трапезы торжником, и седалища продающих голуби испроверже. И не даяше, да кто мимо несет сосуд сквозе церковь, и учаше, глаголя им: Несть ли писано, яко храм Мой храм молитвы наречется всем языком. Вы же сотвористе его вертеп разбойником.

Толкование.

Еже изгнати Иисус продающыя, Иоанн повествует, но убо в начале Евангелия: И¹⁰⁰⁴ сотвори бич от вервий. (л. 276 об.)¹⁰⁰⁵ Не просто изгна, но безчестным бичем плетеным бия. Сей же к концу, достоит бо второе быти сему.

Пещеру же разбойническу именует Церковь за беззаконное удержание от недостойных.

Толкование.

Толма возненавидев лукавство ваше, яко ни церкви дому Моему, глаголю, быти, но дом ваш. Донеле же бо живяше в Ней добродетель и любовь, дом Мой бе. А понеже осквернисте и торг и пещеру разбойником соделасте, но и столы продающих голуби испровращаются, сиречь архиерей, продающих духовныя дары. Духа образ есть голубь, иже бо злата ради поставляяй, проклят. А иже Кру(л. 277)тицкой¹⁰⁰⁶ митрополит в чюжих епископиях и по указу государя царя и по повелению велмож ставит, коликих клятв достоин, якоже выше сего есть писано: Кто мирскими властьми избран, извержется и с поставльшим его. А ныне архиепископов и архимандритов и попов многих сам государь царь избирает, а Крутицкой митрополит ставит. Но паки к первым обратимся.

Иже¹⁰⁰⁷ аще соблазнит единаго от малых сих, верующих в Мя, уне есть ему, да обесится, жернов ослий о выи его, и ввержен будет в море.

Святых апостол правило 27.

Святитель¹⁰⁰⁸, вернаго или невернаго бив, да извержется.

Толкование.

(л. 277 об.)¹⁰⁰⁹ Епископ или презвитер или диакон, аще биет досадившаго ему вернаго или невернаго, и того ради боязнь влагая другим, да и тии подобно тому не согрешают, к тому таковии яко противно творят, Евангелскому закону, повелевающему «аще тя кто ударит за ланиту, обрати ему и другую», да извержется. Понеже от гордости и неудержания ярости нанесе рану на искреняго. Аще же кто, целомудрен смысл имый, беззаконно нечто творящаго в церкви святей или во святых местех биет, таковый не извержется. Понеже и Господь наш Иисус Христос продающыя и купующыя в законней церкви, сотворив бич от вервии (л. 278)¹⁰¹⁰ и бия, таковы оттуду изгна. Церковнии бо хранители отместницы нарицаются, яко от отец превыше поставлени суть таковы казнити.

Видели, что накончает святое правило, аще и во святей церкви или во святых местех биет, не извержется. И прочее.

А еже бывшу ми на Москве, якоже совопросник глаголет, подобает ли архиереюбити и ударити и в сылку сослать, то все делал Никон, и на то есть правила святых отец и законы царьския, которыя Церковь святая приемлет за едино со апостолскими и отеческими правилами, якоже в предисловии книги Кормчия к концу является писано.

Паче¹⁰¹¹ же иже во блаженней памяти от Иустиниана царя (л. 278 об.)¹⁰¹² со свитком Божественых новых заповедей, еже не токмо правоверных наших отец правилом последуют, но и от царския крепости господьство даруют с приложением законным же и богоугодным. Полезное всему человеческому созданию богоподобно смотряюще, в них же есть повелено местником быти¹⁰¹³ архиереов.

Собора Карфагенскаго правило 76.

Да не сутужают епископу да будут местницы.

Толкование.

Убозии от силнейших озлобления и обиды подъимаху и того ради приходяще к епископом, стяжаху им и молящеся помощи им. Епископи же овогда помогающе, овогда же не возмогающе. Сице изволиша отцы (л. 279)¹⁰¹⁴ собора сего просити у царя, да с промышлением епископов изберет и поставит местников. Местницы же, казнители суть церковнии, да противятся насилию и мучителству богатых и отмщают убогия от насилия их. И епископи того ради не стужаеми пребывают.

Того же собора правило 97.

От¹⁰¹⁵ царя да испросится соглаголник, рекше помощник заступлению о церковных главизнах, иже хитрость имеют, отмщати вещи церковныя и яко святители о приключающихся удобно возвещати могут.

Толкование.

И паки изволися отцем собора сего, якоже в 75-м правиле, угодно бысть просити от царя, яко да вдаст им власть поставляти местники (л. 279 об.)¹⁰¹⁶ в церкви, еже суть казнители и судии, то самое служение и хитрость имущих церковныя вещи отмщати. Яко да противятся святители прилучающимся, коль краты аще нужда будет, и удобь зело могут в судища входити и церкви о таковых возвещати и оттуду помощи приимати.

Собора Перваго и Втораго в церкви святых апостол правило 9.

Аще святители или верныя согрешшыя или неверныя, преобидевше, биют или своею рукою или повелевше кому, да извергнутся. Подобает бо учением и наказанием и церковными запрещении безчинныя наказовати, а не ранами или язвами. Аще же не послушают властельскою (л. 280)¹⁰¹⁷ рукою, да накажутся мстити.

Видели, ответотворче, управление святых богоносных отец, тако и у нас бысть с царьским советом, местницы на то, кому доведется какое наказание, а еже в церкви смиряли мы овогда, а иногда рукою помалу, того не отрицаемся и ныне творити врагом и безстрашным людем по образу Христову и по правилу святых апостол и святых отец.

Не погрешит истины и ныне, аще кто, взем бич, изгонит из церкви соборней прелюбы творящих и прочая беззакония, яже выше сих много явлено. Глаголя, дом Божий домом молитвы наречется, вы же властию мира сего сотвористе вертеп разбойником. (л. 280 об.)¹⁰¹⁸ А яже о царьских заповедех кто хощет потребное ко исправлению и к наказанию церковному, в них да смотрит. Но едину от тех главизну вчиним, како православнии царие священство предпочитали паче царьства, а не как ныне, еже в лицо нам говорят, понося. Царь де един велик, а вас де много, не тот де патриарх, яко иной, чернцов де много у государя. А чернцы Божии раби и богомолцы царьския, а не раби, еже ныне архиереи и монастыри принуждены царьским величеством во все злое мирское дело и тягло и воинствовать, яко и простым человеком. Ох, увы, яко обогатихомся во злых. Обаче, аще что по нужи (л. 281)¹⁰¹⁹ и деется, несть на ползу, якоже свидетелствует свитка новых заповедей царя Иустиниана главизна 1-я, сице глаголюща: Великая¹⁰²⁰ паче инех иже в человецех есть дара Божия. От вышняго дарована человеколюбия Божия, священничество же и царьство, ово убо Божественым служа, се же человеческими владея и пекийся. От единаго же и тогожде начала обоя происходят, человеческое украшающе житие. Якоже ничто же тако бывает поспешнее царьству сего ради, якоже святительская честь, о обоих самех тех присно Богови молятся. Аще бо они непорочни будут во всем и к Богу имут дерзновение и праведной подобно украшати начнут (л. 281 об.)¹⁰²¹ преданыя им грады и сущая под ними, будет согласие некое благо все, еже добро человечестей даруя жизни. Сему быти веруем, аще священных правил блюдение сохранится. Их же праведно похваляемии и покланяемии самовидцы Божию слову предаша апостоли и святии отцы сохраниша и заповедаша.

Видели царьское правыя души произношение непорочных святых догмат лобзание и священства предпочитание и веры несумненныя глагол, все, еже рече, добро человечестей даруя жизни, сему быти веруем. И прочая.

Паки глаголеши, толкуя о одежди архиерейской, не видиши ли все облачение архиерейское, что есть кротость (л. 282)¹⁰²² одежды и правды. Стиахрь образует ангелскую чистоту и свет¹⁰²³ архиерейскаго жития. Тако Господу глаголющу: Аз¹⁰²⁴ есмь свет миру, ходяй по Мне, не имать ходити во тме.

Почто слыша про свет, во тму беззакония отходиши? Христу глаголющу: Не имать ходити во тме. И паки Господу глаголющу: Вы есте свет миру.

Покажи нам собою свет, понеже и ты архиерейскою одеян одеждою, аще и недостойне носишь ю, по неправде твоей явно в писме твоем.

Послушай возлюбленнаго ученика Христова Иоанна Богослова, что есть свет, и навыкни. И¹⁰²⁵ си есть обетование, еже слышахом от Него и повелеваем вам, яко Бог свет есть и тмы (л. 282 об.)¹⁰²⁶ в Нем несть ни единоя. Аще речем, яко причастиеимамы с Ним и во тме ходим, лжем и не творим истины. Аще ли же во свете ходим, яко Сам есть во свете, причастие имамы друг ко другу и Кровь Иисуса Христа сына Его очистит нас от всякаго греха. Аще свет, иже в тебе тма, колми паче тма. Которое ты причастие имееши ко другом по писанию своему, покажи ми.

Епитрахиль, низшедшая свыше, совершенная благодать Всесвятаго Духа. Писано есть: И¹⁰²⁷ се Аз послю обетование Отца Моего на вы. И инде: И дунув, глаголя, приимите Дух Святый, им же отпустите грехи, отпустятся, и им же держите, держатся. (л. 283)¹⁰²⁸ И паки: Но¹⁰²⁹ приимите силу нашедшу Святому Духу на вы. И паки: И бысть внезапу с небесе шум, яко носиму дыханию бурну, и исполни весь дом, идеже бяху седяще. И явищшася им разделени язы́цы яко огненнии. Седе же на единем коегождо их и исполнишася вси Духа Свята. И инде: И¹⁰³⁰ Аз вам глаголю, просите и дастся вам. И по мале. Аще убо вы зли суще умеете даяния блага даяти чадом вашим, колми паче Отец, иже с небесе даст Дух Свят просящим у Него. Но по заповеди Божией повелено от плод коегождо познавати, аще от Бога есть, от плод их познаете их, рече.

Плод¹⁰³¹ бо духовный есть во всякой благостыни и правде и истине, искушающе, (л. 283 об.)¹⁰³² что есть благоугодно Богови. И паки: Плод¹⁰³³ духовный есть любы, радость, мир, долготерпение, благость, милосердие, вера, кротость, воздержание. И по мале. Аще живем Духом, Духом и да ходим. Не бываим тщеславни, друг друга раздражающе, друг друга завидяще.

Ты же которыя от сих плоды в себе носиши? Не все ли противныя, по писаному: Или сотвориши древо добро, и плод его добр, или сотворши древо зло, и плод его зол. Тако и твое дело явлено есть, от дел и глагол уст твоих. Святый Бог да возмерит в день Судный противу твоих беззаконных смыслов.

Обаче же (л. 284)¹⁰³⁴ от отец¹⁰³⁵, епатрахиль есть по единому повести образу, уже, имже связавше злодеи Владыку Христа и распяша, по образному же видению есть препоясание царьское и ангельское знамение.

Поручи, глаголеши, прообразуют ужи, что были связаны руки Христовы. Аще и не правословил еси в сих, якоже последи скажем, обаче есть связание рук ужи знаменуют, почто тех не велел еси связати, дабы не действовали по неправде смысла твоего? Или паче поминая Владыку своего связана тебе ради, почто не постыделся теми связати бремя тяжко и неудобь носимо на брата своего? Сам же единым перстом не хощеши двигнути. Послушай Христова (л. 284 об.)¹⁰³⁶ наказания: Аще соблажняет тя рука твоя, отсецы ю. Лутче ти, беднику, внити в Царьство Небесное, неже обе руце имуще, ввержену быти в геену огненую, идеже червь их не умирает и огнь не угасает.

По Писанию святому: Нарукавницы¹⁰³⁷ ко благочестию и сопрятанию точию умышлены Быша. По иному же образу нарукавницы яже знаменуют вседетелное Божие, яко вся дела создания Той сотвори. Сие глаголет и молитва: Десница Твоя, Господи, прославися в крепости и руце Твои сотвористе мя. По другому же образу нарукавницы являют силу, еже Христос победи враги своя.

Пояс, глаголешь, (л. 285)¹⁰³⁸ связание Христово. Как в первых солгал, так и в сем ничто же истинствуеши. По Писанию же пояс являет благолепие, им же Христос, царьствовав, препоясался благолепною и красною силою Божества.

Инде же глаголет: Пояс иже знаменует силу, данную в чресла его, сиречь в среду его, целомудрия ради и чистоты да будет связан девством и чистотою. Тем же и глаголет псалма приличное: Благословен Бог, препоясуй мя силою и положи непорочен путь мой, си есть живот мой непорочен, сиречь честный и добродетелный.

Что же ты, слышай и глаголяй, препоясуйся, ниже якоже сам глаголеши, (л. 285 об.)¹⁰³⁹ яко связан пребываешь. Связаный не к тому деяти, что может, но едино да свободу получит¹⁰⁴⁰. Ты же сам связан, по писаному, многими путы железными нерешимыми, по правилом святых апостол и святых отец, и о себе не судиши праведно, лицемере, но нас, труждающихся в слове Божии, наскачеши, ничто же тебе зла сотворшу, якоже и ко всем.

Что же все не по ряду писал еси о священных одеждах архиерейских и сие скудно зело, как сам малоумен, так и святыя таинства описал безумно. Не менше есть знамение епигонатии, еже повешается о поясе. Глаголет же ся, яко се являет (л. 286)¹⁰⁴¹ победу смерти и воскресение Спаса Христа, иже имать образ и вид меча. На нем же воображается распятия или воскресения образ, якоже и молитва сие являет: Препояши оружие твое по бедре твоей силне. Ко Христу обращся, пророк глаголет: О¹⁰⁴², силне, препояши оружие твое по бедре твоей, сие есть меч твой на бедре твоей, и борися с мучителем. Оружия же Христова не суть мечи и копия, но сила мучителная, юже употребляше на враги. Силна нарече его за Божество, еже соединися со Христом, красотою твоею и добротою твоею, красотою души и добротою добродетелей. Красоту и доброту, глаголет, за безгрешное и на ляцы испей и царьствуй (л. 286 об.)¹⁰⁴³ истины ради и кротости и правды, и распространи оружия твоя и стремление твое, и да будут спешна дела твоя, и царьствуй, помогая немощным и безсильным. Сие глаголем и в молитвах: Да приидет Царьствие Твое. Сия вся делай и побеждай. Глаголет сам Господь: Аз¹⁰⁴⁴ есмь и путь и истина и живот. Сице бо лепо нам исполнити всяку правду или сотворити оноя, яже выше рекохом, да сееши на земли истину и кротость и правду вместо лжи и суровства и неправды, Где же твоя правда, называеши палицу победою? Глаголеши, яко палица смертную победу. Какая палица? Есть у нас палица, глаголется, которою дебелыя (л. 287)¹⁰⁴⁵ дрова разбивают. Может же таковою палицею и дебелость непреподобнаго ума твоего разбити кто? И паки палица есть, аще кто хощет сырость сластолюбия от кого отгнати, склинивая и бия божественною палицею и изгнетает. Аще ли о жезле архиерейском пишешь, послушай Писания. Жезл, убо его же держит архиерей, являет власть архиерейскую к людем, якоже Моисей и Аарон жезлы чюдотворяше во Египте и в мори и в камени.

Тако и ныне жезл правды чюдотворит в сердцах злобы египецкия содержащих истину в неправде. Аще кто яко змия лютостию потребится от жезла правды, аще кто яко вода, (л. 287 об.)¹⁰⁴⁶ напоеваяй лестных напоений, ссядется яко кровь на возгнушение пиющим. Аще ли кто, яко фараон жестокосердый, накажется жабами и скнипы и прочими язвы, Дóндеже потонет, яко олово в воде, зелне в море тма вечныя, идеже червь их не умирает и огнь не угасает.

Паки жезл являет власть Святаго Духа и укрепителное людей и паствителное, и еже наставити мощи и наказати непокоривыя. Слыши, что глаголет, являет господьство, еже дает архиерею Святый Дух и хранителное людей, еже пасти и питати духовно словесныя овцы и еже наказовати непокоривыя и жестосердыя, и собирает (л. 288)¹⁰⁴⁷ оныя, елицы суть далече от чина добраго христианскаго. Сего ради имати две главы на верху главы, яже нарицают рукоятия. Да изгонит зверовидная еретики, да не вредят православныя люди. Еще же являет и Крест Христов, им же побеждаем и стоим известни и утвержени, и основани в вере, и воинствуем, и влечемся ко Христу, умерщвляюще страсти, изгоняем враги и есмы хранимы от всякаго искушения. Доволно ти есть о палице, еже ты глаголеши? Не будет виновен греху, кто взяв палку и отгнал бы тя аки волка или яко пса беснующагося и угрызающаго неопасныя человеки.

Сакос или палиставриа, (л. 288 об.)¹⁰⁴⁸ еже ради страсти и распятия правдуя истиною образует, глаголеши.

Богоноснии¹⁰⁴⁹ же отцы знаменуют сакос или фелонь святительскаго устроения знамение чистыя и простыя и от страстей свободныя души. Полиставрий, сиречь многокрестный, яже знаменует червлену ризу, в ню же облекоша Христа жиды, по збытию пророческих глагол: Совлекоша с Него ризы Его и облекоша И в ризу червлену. Якоже и инде пишет: Кто Сей приходяй от Едома? Едом толкуется земный или избраный или червленый. Таже глаголет червленость риз Его: от винограда Восора. Чесо ради суть ризы твоя червлены, яко от прания грозди. Являет одежду (л. 289)¹⁰⁵⁰ Христову, сиречь плоть, яко омочися кровию на Кресте. И паки, яко носи червлену ризу Христос, в страсти грядый на Крест, сею одеждою показуют архиерее, коего Архиерея слузи и поборницы, яко верховный апостол Павел глаголет: Имуще¹⁰⁵¹ убо Архиерея велика, прошедшаго небеса Иисуса, Сына Божия, да держимся исповедания. И паки: Бог¹⁰⁵² же мира возведый из мертвых Пастыря овцам велика кровию завета вечнаго Господа нашего Иисуса Христа, да совершит вы во всяком деле блазе сотворити волю Его, творяй в вас благоугодное пред Ним, Иисус Христом.

Ты же како держиши исповедание Его, то есть Евангелие: Мир Мой даю вам, мир Мой оставляю вам. (л. 289 об.) И паки: Идеже внидите во град или в дом, глаголите, мир дому сему. Ты же который мир принес, яже повсюду свидетельствуют писания твоя вся, яже полна неправды и беззакония? По сему вас и познают, глаголет Христос, яко Мои ученицы есте, аще любовь имате между собою. Ты же которую любовь пришед показал, развее свара и ненависти, якоже диавол? Ибо всяк ненавидяй брата своего, человекоубийца. И прочее. Вы отца вашего диавола есте и похоти отца вашего творите. И паки: Несте от овец Моих, овца Моя гласа Моего слушает.

Паки глаголешь: Омофор, что на рамо заблудшее (л. 290)¹⁰⁵³ овча восприим, понесе. Омофорий¹⁰⁵⁴ же конечный налагает архиерей, ему же подобает соделану быти от руна, четыре кресты имуща, сугубая одежда благодати. Назнаменует же и слову от страстей умерщвение, ангельский виде навершая и свет быти и во свете жити. Просветително имея навыкновение и силу, просвещатися и просвещати. Или паки омофор по иному смышлению заблудшее овча знаменует, еже прииде на рамо, взем Пастырь добрый, очистив и просветив, и освятив, и Отцеви крестом жертву принес. И еже от всех умерщвление и славу Тому даровав и едино с Ним непреложно быв. Кресты же (л. 290 об.)¹⁰⁵⁵ знаменуют, зане Христос ношаше на раме своей Крест Свой. Еще же и архиерее хотят жити, якоже бе житие Христово, взимают Крест Его на рамена своя, еже есть злострадание, зане Крест есть скрижаль злострадания.

Ты же почто не взял еси креста своего, но и носящих Крест Христов хулишь? Господу свидетельствующу: Иже не возмет креста своего и вслед Мене не¹⁰⁵⁶ грядет, несть Мене достоин, враги Креста Христова, имже кончина погибель, имже Бог чрево. И паки: Слово¹⁰⁵⁷ крестное погибающим убо юродство есть, нам же спасаемым сила Божия есть. Зане писано есть: Погублю премудрость премудрых и разума разумных (л. 291)¹⁰⁵⁸ отвергуся.

Панагия, глаголеши, Бога слова воплощение. Не приходит Господь, ниже воплощается в сердцы злобы. Аще¹⁰⁵⁹ кто любит Мя и слово Мое соблюдет, и Отец Мой возлюбит его и к Нему приидете и обитель в Нем сотворите. И паки: Якоже заповеда Мне Отец, тако творю. Востаните, идем отсюду, откуду, от презорников святых Его заповедей. И паки. Якоже¹⁰⁶⁰ розга не может плода сотворити о себе, аще не будет на лозе, тако и вы, аще во Мне не пребудете. Аз есмь лоза, вы же рождие. И иже будет во Мне, и Аз в нем, той сотворит плод мног, яко без Мене не можете (л. 291 об.)¹⁰⁶¹ творити ничесоже. Аще кто во Мне не пребудет, извержется вон, якоже розга, и изсышет, и собирают ю, и во огнь влагают, и згарает.

Митра есть, глаголешь, царьское священство. Но мы уже выше сих¹⁰⁶² написали, яко священство боле есть царьства. Почто предваряеши царьством? Увеждь в вышеписанных, яко и царие предпочтоша священство паче царьства. Почто низводиши священство, горе седящее на Небеси? Не¹⁰⁶³ поминаеши ли хотящих обезчестити священство Дафана и Авирона, что случися тем. И паки Саул и Озия паче достояния своего поискавше, и еже имевше погубиша, но мы не едино, (л. 292)¹⁰⁶⁴ но три достоинства с преимителством имамы ныне, ибо Царьствие имамы восприяти и священницы бываем, приносяще в жертву телеса наша. Представите¹⁰⁶⁵ убо уды ваша жертву живу, благу и угодну Господеви, рече. И с сими и пророцы поставляемся, яже око не виде и ухо не слыша, сия откровенна суть нам. И¹⁰⁶⁶ инако же и царие бываем, аще восхощем обладати безместными помышленми, яко бо сицевый царьствует и наипаче, нежели иже диадимою обложеный. Уже сие сотворю ти явленно. Многи имать воинства онь, но имы паче сих множайшая имамы помышления. Несть бо счести неисчетное мыслей мно(л. 292 об.)жество¹⁰⁶⁷, еже в нас. Не множество же токмо есть видети, но и многия во множестве сем помыслов, и воеводы, и чиноначалники, и десятоначалники, и стрелцы, и пращере. Что ли другое творит царя, ризы ли? Но мы лутчею и добрейшею обложени есмы одеждою, юже ни тля снедает, ниже время изнуряет. И венец имамы различный, иже славы, иже щедрот Божиих. Благослови¹⁰⁶⁸, душе моя, Господа, венчающаго тя милостию и щедротами. И иже словы: Славою¹⁰⁶⁹ и честию венчал еси его. И благоволения, яко оружием благоволения венчал еси нас. И иже благодати, венец бо благодати (л. 293)¹⁰⁷⁰ приимеши о твоей главе.

Видел ли еси многоплетеную и благообразнейшую митру, но обаче свыше тая, опаснее да истяжем о царьстем. Царя¹⁰⁷¹ ли речеши, но ниже он безпечалное живет житие, но многих скорбей и попечений исполненое, не бо на диадиму да взираеши, но на вдаяние и попечение, им же ему венец мятеж раздает. Ниже на багряницу гляди, но на душю, паче оноя багряницы¹⁰⁷² чернеющуюся. Не тако венец вяжет главу, якоже душю попечение. Ниже на оруженосцов множество да взираеши, но на печали множества. Ниже бо простую храмину обрести, толиких исполненую (л. 293 об.)¹⁰⁷³ попечений еликих царьския, смерти на всяк день ожидающии утех самых, и прежде трапезы кровь зрится проливаема. И прежде пития вместо пития крови наполняется и присно есть исполнен помост царьский кровьми.

Но Царьство Небесное не таково, но поеже прияти его, мир, живот, радость, веселие. А яже в царьствии земном, коликих зол исполнено есть, коликия многажды басни от сих сложены Быша, всяческая, негли яже на игралищи сетования, от царей начинаются и басни, множайшая яже суть в баснях от бывших образуются.

Аще хощеши, и от Писания речем. Саул первый царьствова, (л. 294)¹⁰⁷⁴ но веси, како и сей погибе, безчисленых зол искусився. Кто праведнее Давида и той, греха не избыв, многи напасти пострадав, скончался. Кто ли мудрее Соломона, и сей во гресе умер. Тако и Авив, тако Иезекий, тако Иосия, тако и прочии царие. Но мы печалуемся не о сих, о нихже царие, но о сицевых, о нихже приобретение имамы велия, якоже пишет апостол: Печаль бо по Бозе, покаяние нераскаяное во спасение соделовает, но ниже царие развее молитв священнических¹⁰⁷⁵ где любо подебу показаша.

Мы же плодоприяти нечто велие благо и зело веруем, яко вся исправим, аще восхотим вси единодушно руце прострети к Богу (л. 294 об.)¹⁰⁷⁶ о всех наших сетованных.

Такова¹⁰⁷⁷ ополчаемся на враги молитвами и молбами, аще бо с вооружеными ополчахуся древнии колми паче ныне подобает. Тако¹⁰⁷⁸ Авраам победи Хедорлаомора с прочими четырми цари. Тако¹⁰⁷⁹ Моисей фараона потопи со всем воинством его. Тако победи Амалика в Рафиде со всем воинством его. Тако¹⁰⁸⁰ Ханаана победи. Тако Сигона царя Амморейска победи. Тако и Ога царя Васанска и вся царьствия Ханаанска победи. Тако¹⁰⁸¹ Иисус Наввин Ерихон взят. Тако Гаи взят и цари поби 31 и вся землю взят Иисус, якоже заповеда Господь (л. 295)¹⁰⁸² Моисею, и даде ю в причастие Израилю. Тако¹⁰⁸³ Июда Ханаана и Ферезея поби. Тако Гедеон с трема сты 120 000 поби и князи Орива и Зива, и Зевея, и Салмона цари Мадиамли и прочии судии, Варак, Самсон, Иеффай и Самоил вси молитвою и верою победиша царьствия. Содеявше правду, получиша обетование.

Тако и Саул, донележе не согрешив во всесожжениих и жертвах, и священства сана не восхити. Тако и Давид победи враги своя. Тако и Соломон, Иезекия и Иозия, донележе в своих уставох пребывал и священства не преобидел. Тако и Константин царь великий и¹⁰⁸⁴ (л. 295 об.)¹⁰⁸⁵ первый христианский Максентия победи и прочия враги своя.

Тако и вси православнии царие, аще идеже оружия требоваху и ополчения и рати, оружие оставльше, на молитву прибегаху.

Но ниже¹⁰⁸⁶ все молитвам святых оставльшем нам праздном быти подобает и к злобе ничесо же притекати и ничесо же в добродетель приводящих держатися, ниже паки делающим благая презирати пособие оно. Много бо может молитва бываемая от нас, но егда и мы делаим благая.

Паки глаголеши, яко¹⁰⁸⁷ что архиерейское облачение являет терпение, кротость, целомудрие (л. 296)¹⁰⁸⁸ благоизбранная всех добродетелей правда.

Хвалиши терпение инем, а сам ничтоже терпя являешися. Кротость ублажаеши, а сам яко лев яришся или яко пес от явных твоих сердечных сокровищ неистовствуешь. Целомудрие похваляеши, сам присно прелюбы дееши. Добродетельи правду любити закониши, сам не престаеши враждуя. Вы бо, рече Господь, оправдаете себе пред человеки, Бог же весть сердца ваша.

Ответ

На воли то есть цареве почитать которых хощет, а наипаче егда ради достоинства и чести церковной делают. Однакож и тыя, которыя приимают чести от царя, надобно, чтоб бережно и опасно принимали и оберегали. Царь Артаксеркс рекл к Аману, ближнему своему боярину: что зделаю человеку, котораго хочю учтить? И Аман, чаючи, что он будет учтен, отвещал: чтоб тот человек, которой имеет быть учтен, надобно чтоб был оделся в добро – светлыя ризы и всел бы на лошадь царьскую и пошел бы чрез улицы, возглашая: так будет человеку, котораго хощет царь учтить; кончее так зделал Великий Констянтин Селивестру и Устиниян царь Агапиту, который посвятил Мину патриарха Цареградскаго: Иустиниян убо держал лошадь, на которой седел Агапит, за узду, как и благочестивейший делает царь Алексей Михайлович на Вербное воскресение. Однакож не вси знают разсудить, разсуждение бо всех правд мати. Похвалился сатана в дарех, которыми подарил Господь Бог его, не умеючи их употребити смирно. Лутче бы и пожиточнее было Никону меншие привилеи, потому что оные подвышли его и в спех привели; присматривался в них Никон как в зеркале и прилучилося ему то, что пишут виршописцы о Нарцысу, которой в речной воде Ары сталной посматривал свое лице, и увидя свое лице, чаючи, что не его, приклонился, хотя целовать; и как приклонился сверх потребы, утонул.

Разорение 24-му вопросу и ответу

Ты глаголеши, совопросниче, тишайший государь наш и всещасливой царь вручил Никону, чтоб досматривал всяких судеб¹⁰⁸⁹ церковных. И се есть что (л. 296 об.)¹⁰⁹⁰ подарил его всеми привилеи, которыя, велми почитаючи Констянтин Великий папу Римскаго Силивестра вручил ему, папе. Такоже и Никону на писме подал многия привилеи государь царь.

Страха и гордости бесовския полно твое вопрошение, совопросниче, обаче не от нас початок сей есть, но твоя вина, занеже ты своим вопросом принуди нас на сий ответ.

Глаголеши, яко тишайший государь наш и всещастливой царь. Про всещастливство царьское отвечать нам не треба, ведают вси людие счастие и безсчастие царьское, или койждо какову благодать приял от его царьскаго счастия. А еже глаголеши, что нам (л. 297)¹⁰⁹¹ вручил, чтоб досматривал всяких судеб церковных, то уже сия скверная хула и денницы превосходит гордение. Той бо рече, поставлю престол мой на небеси и буду подобен Вышнему. Зде же яко и над Богом имети власть мнится быти.

Глаголеши, яко тишайший государь наш и всещастливой царь вручил Никону, чтоб досматривал всяких судеб церковных. Како убо глаголеши, совопросниче, яко царь вручил Никону всяких судеб церковных? Не виде в вышеписаных, яко не от царей началство священства приемлется, но от священства на царьства помазуются. Тем же явлено есть множицею, яко священство царьства (л. 297 об.)¹⁰⁹² преболе есть. И ты глаголеши, яко царь вручил Никону, чтоб досматривал всяких судеб церковных. И се есть что подарил всеми привилеи. Которыми привилеи? Воеже ли вязати и решити? Мы инаго себе Законоположника не вемы, разве Христа, иже даде святым Своим учеником и апостолом власть вязати и решити, глаголя: Приимите¹⁰⁹³ Дух Свят, им же грехи отпустите, отпустятся, и им же держите, держатся. Которую же царь дал? Еда сию? Ни, но похитил, якоже ты свидетельствуеши и вся дела его беззаконная. Что же ли дела его Церковию обладать, священными вещми богатится (л. 298)¹⁰⁹⁴ и питается, славится в них, яко вси церковницы митрополиты, архиепископы и епископы, священницы и вси причетницы покаряются, работают, оброки дают, воюют, судом, пошлинами владеет. Мы же таковаго привилея не точию не приемлем, но и гнушаемся и бегаем, яко змиина рютия и аки антихристова взаконения гнушаемся по Христове заповеди, глаголющей, якоже назнамена Христос о нынешних настоящих летех, глаголя ко учеником: Блюдитеся, рече, да никто же вас прелстит. Мнози бо приидут во имя Мое глаголюще: Аз есмь Христос. И многи прелстят. Не изыдите во след их, то есть не покоряйтесь (л. 298 об.)¹⁰⁹⁵ заповедем тех.

Тако и божественный апостол Павел учит ны: Блюдите¹⁰⁹⁶, убо опасно как ходите, не яко немудри, но яко премудри, искупующе время, яко дние лукави суть. Сего ради не бывайте несмыслени, но разумевающе, что есть воля Божия. И паки: В¹⁰⁹⁷ премудрости ходите ко внешним время искупующе. И паки: Молю¹⁰⁹⁸ убо вы, братие, щедротами Божиими представите телеса ваша, жертву живу, святу, благоугодну Богови. Словесное служение ваше и не сообразуйтеся веку сему, но преобразуйтеся обновлением ума вашего, воеже искушати вам, что есть воля Божия благая и угодная и совершенная. (л. 299)¹⁰⁹⁹ И паки: Никто же вас да лстит суетными словесы. Сих бо ради грядет гнев Божий на сыны противления, не бывайте убо сопричастницы сим. И паки: Тайна¹¹⁰⁰ уже беззакония деется. Якоже и Господь рече: Услышати¹¹⁰¹ же имате брани и слышания бранем. Зрите, не ужасайтеся. Подобает бо всем сим быти, но не тогда есть кончина. Востанет бо язык на язык и царьство на царьство, и будут глади и пагубы и труси по местом, вся же сия начало болезнем.

Видел ли, совопросниче, что деется. Не вся ли в нас суть? Но послушай последования, что глаголет Христос, не ложный пророк (л. 299 об.)¹¹⁰² с клятвою глаголет быти с ним: Аминь, глаголю вам, небо и земля прейдет, словеса же Моя не мимоидут. Тогда предадут вы в скорби и убиют вы, и будете ненавидими всеми имени Моего ради. Тогда, когда¹¹⁰³ кто станет за слово Божие, якоже и ныне мы, и друг друга предадят, и возненавидит друг друга. Не се ли суть в нас? И паки: И мнози лжепророцы востанут.

Кто же лжепророцы? Газской митрополит. Ничто же от Божественых писаний глаголет, но от себя, и правила таковое писание ложное наричют. А иже ложное писание пишет, (л. 300)¹¹⁰⁴ яве яко лжепророк он есть. И за умножение беззакония и изсякнет любы многих, котораго беззакония яве есть, яко кто чрез волю Божию восхитит кто не сущее свое, якоже государь царь восхити Церковь и достояние Ея все в свою область беззаконно. И того ради и нас ненавидит, якоже прелюбодей никогда может любити законнаго мужа, но присно помышляет о нем злое. А еже глаголеши, совопросниче, что царьское величество вручил Никону, чтоб досматривал всяких судеб церковных, что вручил, его же сам не имеет, священство ли, но сам того не имеет. Како (л. 300 об.)¹¹⁰⁵ может инем преподати, аще сам кто не имев? Аще ли глаголеши, яко свяшенства благодать хулит царь Святаго Духа благодать и его же благодатию мы вси приемлем благодать. А иже хулит на Святаго Духа, не имать оставления ни в сий век, ни в будущий. Кто же ли свидетельствует? Сам Христос Бог. Но власть ли вязати и решити, и се несть его власть подаяти, но Христа единаго. Той бо подая учеником, глаголя: Приимите¹¹⁰⁶ Дух Свят, им же отпустите грехи, отпустятся, и им же держите, держатся. Но хощеши ли истину навыкнути, яко и сам той диадимою украшаяйся, священнической власти повинен, (л. 301)¹¹⁰⁷ и его же свяжет кто по правде на земли, будет связан на небеси. Сему быти, истинно веруем.

А его же царь свяжет временно или убиет, имать о сем и ответ пред Господем Богом в день Судный дати. На се же Христос научил не боятися от убивающих тело, душю же не могущих убити. Но боятися подобает могущаго и душю и тело погубити в геене огненней. А еже глаголеши, что царь вручил нам, чтоб досматривал Никон всяких судеб церковных, солгал ты, злословче, ниже царь нам дал что любо власть которую, ниже мы требуем, что любо кую власть, ведая Божественыя (л. 301 об.)¹¹⁰⁸ правила, яже суть выше писано.

Всяк мирскою властию Церковь прием, извержется. Аще и ныне Бог терпит такому его беззаконию, что чрез Божественыя уставы избирает, его же любит, и ставити повелевает. Вси тии не избраны от Бога и недостойни. За всех же имать ответ дати государь царь пред Господем Богом. Како может кто дати, его же сам не имеет.

Подобает¹¹⁰⁹ ныне паки рещи Божие слово, еже есть. Блюдитеся, рече, да никто же вас прелстит и многи прелстят, не изыдите во след их. Подобает же зде со опасством истязати слово, чесого Христос заповедает блюстися, (л. 302)¹¹¹⁰ понеже провидец есть Бог, провидев яко мнози прелстятся. Чим и от кого? Не от самаго антихриста прелщени будут, но якоже божественный апостол Иоанн Богослов глаголет: Дети¹¹¹¹, последняя година есть, и яко слышасте, яко антихрист грядет. И ныне антихристи мнози Быша, и от сего разумеваем, яко последний час есть. От нас изыдоша, но не беша от нас. Аще бо беша от нас, пребыли убо беша с нами, но да явятся, яко не беша вси от нас. И паки: чадца, никто же да лстит вас. Творяй правду праведник есть, якоже он праведен есть. Творяй грех от неприязни есть, яко от исперва (л. 302 об.)¹¹¹² неприязнь согрешает. Сего ради явися Сын Божий да разрушит дела неприязненна. Всяк рожденый от Бога греха не творит, яко семя Его в нем пребывает, и не может согрешати, яко от Бога родися. Сего ради явлена суть чада Божия и чада диаволска. И паки: Разумеваяй Бога, послушает нас, иже несть от Бога, не послушает нас. О сем разумеваем Дух истинный и дух лстеч.

Како убо, злелукавый человече, глаголеши, яко царь велел нам судеб церковных досматривати, его же сам не имеет. И видел еси, кто есть антихристи и кто есть чада Божия и чада неприязнена, кто (л. 303)¹¹¹³ Дух истинный и дух лстеч. Ныне мнози антихристи есть, Крутицкой митрополит и прочии подобнии ему. Чада неприязнена ты и подобнии тебе. Дух лстеч Газской митрополит и инии подобнии ему.

Но послушай еще паки апостола Павла глаголюща: Да¹¹¹⁴ никто вас лстит, ни по единому образу, яко аще не приидет отступление прежде, которое отступление ничто же ино, развее яко Господь сказал: Тогда предадят вы в скорби и убиют вы, и будете ненавидими от всех имени Моего ради. И тогда соблазнятся мнози и друг друга предадят и возненавидит друг друга. И за умножение беззакония (л. 303 об.)¹¹¹⁵ изсякнет любы многих. Яве есть ныне всякому, мочно ум имущему, разумети, яко время то есть по деянию нынешнему. Что беззаконнее, еже царю арихиереов судити? Не Богом данную власть взял на ся. Где есть ныне Евангелскаго словеси послушание и святых Его заповедей хранение? То есть отступление от Бога. И тогда, глаголет, открыется человек греха, сын погибели, противник и превозносяйся над всякаго Бога или святилища тако, якоже сести¹¹¹⁶ ему в Церкви Божией аки Богу, показуя себе, яко бог есть. О антихристе глаголет зде и велия открывает тайны. Что есть отступление? Того антихриста нарицает от(л. 304)ступление¹¹¹⁷, яко многих имущаго погубити и отставити. Погубити не чювственно како любо, но в свою волю приведет, якоже тебе, Симеоне, и иных подобных тебе, святому священному Евангелию ругатися и Божиим рабом досаждати и поносити имени ради Христова и всяк зол глагол лгати и изгнати.

Тако яко, рече, соблазнити, аще мощно и избраныя и человека греха нарицает и безсчиленная бо соделает и приготовит иных, да делают лютая, якоже ныне в настоящем времени зрятся злобы его рабы его творят, антихристи. То есть, якоже Иоанн глаголет: И ныне антихристи мнози, то есть богопротивницы, все противно (л. 304 об.)¹¹¹⁸ священному Евангелию делают, и не просто, но и хвалятся таковыми своими злыми.

И сядет, глаголет, во Церкви Божией, не иже во Иерусалиме единем, но повсюду во церквах власть его будет. Свидетельствует Иоанн Богослов глаголя, яко антихрист уже в мире есть, но никто же слышал или видел чювстенно, то есть чрез Божественыя заповеди владети начнут мирския власти Церковию Божиею. Седалище бо глаголется или престол власть церковная, а не стол. Мнози мирския человеки таковыя же столы имеют подобием, якоже и царие и архиерее, но не глаголются престолы, понеже власти данныя не имеют. (л. 305)¹¹¹⁹ И повелит себе кланятися, не чювствено, но якоже ныне архиереи, и оставя свое достояние священническое и честь, кланяются царем и князем аки преобладающим и о всем тех спрашиваются и чести ищут. И сподобляются, по писаному: Оставя свет, возлюбили тму, оставя правый путь, ходят во стезях погибели, осуетишася в помышлениих своих, ослепи бо их злоба их и не разумеша таин Божиих. Их же верховный Петр проклиная, глаголет: Клятвы¹¹²⁰ чада, оставлше правый путь, последоваша пути Валаама Восорова. Сии суть источницы безводнии и облацы и мглы от ветр преносимы, (л. 305 об.)¹¹²¹ имже мрак темный во веки блюдется.

Паки глаголеши, совопросниче: Се есть что подарил его всеми привилеи, которыя, велми почитаючи Константин Великий папу Римскаго Селивестра, вручил ему же, папе. Такоже и Никону на писме подал многия привилеи государь царь. Изорцы имянно, которыя подал привилеи, и аз ти реку, колико разорил и пренебрег. Древняя, якоже глаголет, мимоиде и се Быша вся нова. О древних, даных Богом, привилеях и десятинах мимо преидем по апостолскому указанию, о новем же да глаголем. Яже Христос Спас наш предаде привилея святым своим учеником и апостолом, (л. 306)¹¹²² глаголя: Аз же тебе глаголю, яко ты еси Петр, и на сем камени созижду Церковь Мою. И врата адова не удолеют Ей.

Государь царь сие привилеи разори и Церкви одоле, и сотвори Ю себе повиноватися во всем. Павел апостол глаголет: Глава Церкви Христос и якоже повинуется Церковь Христу. И прочая.

И паки Господь рече: И дам ти ключя Царствия Небеснаго, и еже аще свяжеши на земли, будет связан на небеси. Царьское величество и ключ у Петра и прочих апостол и по них наследник тех отъял. И еже свяжут, и Владыка Христос Бог не решит на небеси, государь царь то разрешает на земли и на небеси. И еже аще разрешиши, рече, на земли, будет раз(л. 306 об.)решено¹¹²³ на небеси. Государь царь то вяжет на земли. И паки: Дунув Господь на святыя своя ученики и апостолы, глаголя: Приимите Дух Свят, им же отпустите грехи, отпустятся, и им же держите, держатся. Государь царь, не прием Святаго Духа благодати, оставляет грехи и держит, им же хощет, властию мира сего, а не по благодати.

Господу глаголющу: Аще¹¹²⁴ вы пребудете в словеси Моем, воистину ученицы Мои будете. Государь царь не точию сам пребывает, но и пребывающих ненавидит. Паки Господу глаголющу: Аминь, аминь, глаголю вам. Аще кто слово Мое соблюдет, смерти не имать видети. Государь царь не точию сам соблюдает, (л. 307)¹¹²⁵ но и соблюдающих слово Божие казни предает. Господу глаголющу: Аминь, глаголю вам. Веруяй в Мя, дела, яже Аз творю, и той сотворит и болша сих сотворит. Государь царь не точию сам творит, но и творящих ненавидит и гонит. Господу глаголющу: Аще любите Мя, заповеди Моя соблюдите. Государь царь не точию сам соблюдает, но и соблюдающих ненавидит. Господу глаголющу: Имеяй заповеди Моя и соблюдая их, той есть любяй Мя. Государь царь, не точию любя Бога, заповеди Его соблюдает, но и соблюдающих не любит. Господу глаголющу: Не любяй Мя и словес Моих не соблюдает. Государь Царь сам не соблюдает, но и ругающихся (л. 307 об.)¹¹²⁶ лобзает. Господу глаголющу: Мир Мой оставляю вам, мир Мой даю вам. Государь царь не точию мир Божий приемлет сам, но и приносящих гонит из града своего. Господу глаголющу: Аще бысте Мя любили, возрадовалися бысте убо. Государь царь не точию радуется, еже любити Бога, но и радующимся плакати творит. Господу глаголющу: Си¹¹²⁷ есть заповедь Моя, да любите друг друга, якоже Аз возлюбих вы. Государь царь сам не любит и инем возбраняет любити друг друга. Господу глаголющу: Болша сея любве никто же имать, да кто душю свою положит за други своя. Вы друзи Мои есте, аще творите, елико Аз заповедаю вам. (л. 308)¹¹²⁸ Государь царь не точию благоволит душу свою положити за други своя, но и хотящим хощет сам душю отъяти, и не еже братиею кого любо именовати от менших подданных своих, но и отца, иногда называя и пиша своею рукою, простому человеку уподобил, за злобу свою Никоном зовет, и ниже патриархом именует, и яко раба под оброки себе сотворил. И не мене, худаго раба Божия, но и Господа моего Иисуса Христа поработил себе. Все, еже Господу нашему Иисусу Христу даное в вечное наследие святей Церкви Его, себе усвоил и людем своим. О нем же суд имеет от Господа Бога, по делом руку своею приимут. Аще возмнится (л. 308 об.)¹¹²⁹ кому жестоко слово се, мы не отречемся показати от Писания на инем месте.

Узрев¹¹³⁰ же народы, Господь взыде на гору, и сшедшу Ему, приступиша к Нему ученицы Его. И отверз уста Своя, учаше их, глаголя: Блажени нищии духом, яко тех есть Царьство Небесное. Яве есть, яко несть блажен, аще кто не нищ духом, то есть богатый, несть его Царьствие Небесное. Господу свидетельствующу: Горе вам, богатым, яко отстоите утешения вашего.

Паки рече Господь: Блажени плачющиися, яко тии утешатся. Яве есть, яко несть блажен, от них же ныне плачются, и тии не утешатся. Господу свидетельствующу: Горе вам, (л. 309)¹¹³¹ смеющимся ныне, яко восплачете и возрыдаете.

Паки рече Господь: Блажени¹¹³² кротцыи, яко тии наследят землю. Яве есть, яко не блажени некротцы, понеже не наследят кротких земли.

Паки рече Господь: Блажени алчющии и жаждущии правды, яко тии насытятся. Яве есть, яко несть блажен не алчющий и не жаждущий правды, яко и богатый он, иже не помилова Лазаря, сам единыя капли водныя вжада и не получи. Господу свидетельствующу: Горе вам, насыщеным ныне, яко взалчете.

Паки рече Господь: Блажени¹¹³³ милостивии, яко тии помиловани будут. Яве есть, яко немилостивии помиловани не будут. (л. 309 об.)¹¹³⁴ Господу свидетельствующу: Елико¹¹³⁵ не сотвористе менших Моих братий, ни Мне сотвористе. Отъидите, рече, от Мене, проклятии, во огнь вечный, уготованый диаволу и аггелом его.

Паки рече Господь: Блажени чистии сердцем, яко тии Бога узрят. Яве есть, яко нечистии сердцем Бога не узрят, по писаному: Нечестивии не узрят славы Твоея, Христе. И паки: Всяк высокосердый нечист пред Богом и мерзок.

Паки рече Господь: Блажени миротворцы, яко тии сынове Божии нарекутся. Яве есть, яко всяк враждотворец не наречется сын Божий, но сын диаволий. Якоже и Господь свидетельствует: (л. 310)¹¹³⁶ Вы отца вашего диавола есте и похоти отца вашего творите.

Паки рече Господь: Блажени изгнани правды ради, яко тех есть Царьство Небесное. Яве есть, яко изгонившии несть достойни блаженства, ниже их есть Царьство Небесное. Господу свидетельствующу: Аще изгонят вы из града сего, бегайте во ин. И паки: Идеже не приемлют вы, ниже послушают словес ваших, исходяще из града того, отрясите и прах ног ваших. Отраднее будет Содому и Гомору в день Судный, неже граду тому.

Паки Господь рече: Блажени есте, егда поносят вам и ижденут и рекут всяк зол глагол на вы, лжуще Мене ради, яве есть, яко несть блажени, иже (л. 310 об.)¹¹³⁷ поносят вам и ижденут вас и всяк зол глагол на вас лжущих.

Господу глаголющу: Радуйтеся и веселитеся, яко мзда ваша многа на небесех. Яве есть, яко не имут радоватися тии, котории не имут мзды прияти на небеси от Господа Бога, якоже и Господь свидетельствует, глаголя: Имущему¹¹³⁸ бо везде дано будет и преизбудет. От неимущаго же и еже мнится имея, взято будет от него. И неключимаго раба вверзите во тму кромешную, ту будет плач и скрежет зубом.

И апостол глаголет: Да¹¹³⁹ еще, братие, или не весте, яко неправедницы, Царствия Божия не наследят, ни тление нетление наследствует.

Господу глаголющу: Вы есте (л. 311)¹¹⁴⁰ свет миру. Не может град укрытися, верху горы стоя, ни вжигают светилника и поставляют его под спудом, но на свещнице. И светит всем, иже в храмине суть. Тако да просветится свет ваш пред человеки, яко да видят ваша добрая дела и прославят Отца вашего, иже на небесех. Тако яко и иже некто не покажет добрых дел, помрачится пред человеки, яко да увидят злыя дела, хулу нанесет на Отца небеснаго.

Господу глаголющу: Глаголю¹¹⁴¹ бо вам, яко аще не избудет правда ваша, паче книжник и фарисей, не внидите в Царьство Небесное.

Ныне же не точию преизобилуют паче книжник и фарисей, но иже (л. 311 об.)¹¹⁴² аще преизбывают, яко врага ненавидят, сами же преизбывают паче злобою.

Господу глаголющу: Слышасте, яко речено бысть древним: Не убиеши, иже бо аще убиет, повинен есть суду. Аз же глаголю вам, яко всяк, гневаяся на брата своего, повинен есть суду.

Ныне не точию гневаются всуе, но и мучат без правды и убивают и не боятся суда Божия, имже хощет Бог воздати коемуждо по делом их.

Господу глаголющу: Иже бо аще речет брату своему «рака», повинен есть сонмищу. А иже речет «юроде», повинен есть геене огненней.

Ныне же не точию брату своему (л. 312)¹¹⁴³ глаголют «рака», но и вящше, и не боятся суда, но и юродом называя, не боятся геены огненней. Зане хотят тое наследовати и за злобу свою познают тогда, егда не избавятся от нея никогда.

Господу заповедающу: Аще убо принесеши дар твой ко олтарю и ту помянеши, яко брат твой имать нечто на тя, остави ту дар твой пред олтарем, и шед, прежде смирися с братом своим. И тогда пришед, принеси дар твой.

Ныне ничто же в дар ко святому олтарю велий государь царь и бояря приносят, якоже Господь заповеда, да не явишися Господеви своему тощ, ниже входя в церковь, имущим на них нечто, оставляют пред олтарем (л. 312 об.)¹¹⁴⁴ дар, понеже никогда ничево не приносят, развее сами себе, и оставити пред олтарем ничево. И аще что на ково имуть нечто, то в церкви, яко в судилищи осудив, возмездие творят по судбам своим беззаконным, якоже ходят без боязни. Не поминают Господем реченаго: Аще ли не отпущаете человеком согрешения их, ни Отец ваш небесный отпустит вам согрешений ваших. И памятуют, в церковь пришед, где бы что от церкве отнять.

Господу глаголющу: Слышасте¹¹⁴⁵, яко речено бысть первым, не прелюбы сотвориши. Аз же глаголю вам, яко всяк, иже воззрит на жену, воеже вожделети ей, уже (л. 313)¹¹⁴⁶ любодействова с нею в сердцы своем.

Ныне же, видя прелюбы деящих, государь царь и вся полата его безгрешна того творят.

Господу глаголющу: Паки¹¹⁴⁷ слышасте, яко речено бысть древним: не во лжу кленешися, воздаси же Господеви клятвы твоя. И прочее.

Ныне же евангелски кленутся, еже ести ей, ей, якоже государь царь обещался во святей церкви на избрании нашем и клялся, что было евангелския Христовы заповеди и святых апостол и святых отец правила соблюдати. И ничто же соблюде, но паче инех сверстник своих возненавиде и всех архиерей и весь сигклит свой в таковый же грех поучи.

Господу глаголющу: Слышасте, яко речено есть, око за око и зуб (л. 313 об.)¹¹⁴⁸ за зуб. Аз же глаголю вам, не противитися злу, но аще тя кто ударит в десную твою ланиту, обрати ему и другую.

Ныне же государь царь за едино слово, аще кто о правде молвит, языки режет и руки и ноги отсекает, в заточение невозвратное ссылает, забыв смертый час: аки безсмертен, и не чая будущаго суда Божия, яко имать о всем Бог разсудити и отмстити. За здешнее маловременное усечение усечения вечных мук и ввержение в геену огненую, яко выше писано есть за един уд, колми паче за вся уды, и за здешнее заточение тмы кромешныя, и за здешнее лишение вечных (л. 314)¹¹⁴⁹ благ.

Паки Господу глаголющу: Хотящему судитися с тобою и ризу твою взяти, отпусти ему и срачицу.

Ныне же государь царь и не хотяшим судитися, в суд силно влечет, аще и ризу отдают и срачицу оставляют, силно судит, имже сам суд повинен есть. Но он, государь, все то преобидев, архиереов судит, и архиереов¹¹⁵⁰ и иереов и весь причет церковный, ему же самому недостойно бе, он же и бояром и всем своим неправедным судиям и диаком судити велит чрез Божественыя правила. Правила убо повелевают епископа всею областию митрополитом судити и епископом. Аще невозможно есть всем снитися, менши двоюнадесять (л. 314 об.)¹¹⁵¹ да не будет. Митрополита по 9-му правил святаго Вселенскаго 4-го собора без¹¹⁵² патриарха не велено судити и всеми митрополиты и епископы.

Он же, государь, сам и гонитель, и истец, и судия, и свидетель, и повелитель, и собратель сонмища, и решитель суда на патриарха своими епископы, чрез вся священныя законы в суд нудит приити. Не поминает Христову заповедь, яко ким же судом судите, осудитесь. И апостола глаголаша¹¹⁵³, всем бо нам подобает явитися пред судищем Христовым, да приимет кийждо, яже с телом содела или благая или злая.

Паки Господь глаголет: И аще кто тя поимет по силе поприще едино, (л. 315)¹¹⁵⁴ иди с ним две. Заповеду убо Господь всем едины заповеди, но ныне государь царь не хранит сих и все прежде бывшия заповеди благочестивых царей и великих государей и князей не брежет. И отца своего, блаженныя памяти великаго государя царя и великаго князя Михаила Феодоровича всеа Руси, все ни во что поставил. Даныя по последования древних благочествых царей Константина и Иустиниана и прочих, и емлет по силе у великой церкви в патриархии и в прочих церквах мирополичьих и архиепископлих и во святых монастырех и посылает, идеже хощет, на войну и на прочая недостойная своя дела.

Господу заповедающу: Просящему у тебе (л. 315 об.)¹¹⁵⁵ дай и хотящаго от Тебе взяти, не отврати, и от взимающаго твоя, не истязуй.

Ныне все противно сим заповедем. Аще кто и своего просит, не дают, не поминают реченаго Господем: И иже мнится имея, взято будет от него. Како же взято будет? Псалмопевца вопросим, и той проповедает нам, яко царь, никого не бояся, и яко пророк не обинуяся лица человеча, и яко богатый искусом сведый. Глаголи убо пророче Божий и царю глаголи со дерзновением, якоже Святый Дух просвети сердце твое. Таже начат, рече: Услышите сия вси язы́цы, внушите вси живущии по вселенней, земнии же (л. 316)¹¹⁵⁶ и сынове человечестии, вкупе богат и убог, уста моя возглаголют премудрость и поручение сердца моего разум, приклоню в притчах ухо мое, отверзу во Псалтыри ганание мое, Вскую бояся в день лют.

Видели, совопросниче лукавый, с каковым дерзновением пророк начинает глаголати всякому лицу не обинуяся, всем живущим по вселенней и всем земным вкупе богату и убогу¹¹⁵⁷. Таже и себе зазирая, рече: Вскую боюся в день лют, беззаконие пяты моея обыдет мя. Пяту пророк глаголет, еже что содела в мимошедшее время и не стыдится, сам себе оглаголуя, якоже хощет, о них же согреши, суд прияти. Темже (л. 316 об.)¹¹⁵⁸ и наводит, глаголя: Надеющиися силе своей и множеством богатства своего хваляйшиися, брат не избавит, избавит ли человек. Не даст Богу измены за ся и цену избавления.

Видели, како пророк глаголет, яко по прехождению жития сего ни брат не избавит, ниже даст, рече, Богу измену за ся, ниже цену избавления ради души своея. Но что рече пророк: Утрудися ввек и жив будет до конца. Не узрит пагубы, егда видит премудрыя умирающа, вкупе безумен и несмыслен погибнета и истаявят чюждим богатство свое, и гроби их жилища их ввек, селения их в род и род, нарекоша имена (л. 317)¹¹⁵⁹ своя на земных. И человек, в чести сый, не разуме, приложися скотом несмысленым и уподобися им. Сей путь их соблазн им и по сих во устех своих благоизволят.

Видиши ли, совопросниче, силу словесе пророческа, яко сей путь соблазн их, то есть житие здешнее или добре или зле сотворит. Таже пророк глаголет: И по сих во устех своих благоизволят. Тогда благоизволят во устех своих, когда не будет их воля. И яко овцы во аде положени суть, смерть упасет их и обладают ими правии заутра и помощь их обетшает во аде. От славы своея изриновени Быша, обаче Бог (л. 317 об.)¹¹⁶⁰ избавит душю мою из руки адовы, егда приемлет мя.

Видели, како пророк трепещет и содрогает, моляся, Бога избавителя призывает на избавление души своея, сведущему безвестная и тайная премудрости Божия. Таже рече паки: Не убойся, егда разбогатеет человек или умножится слава дому его, яко егда умирает, не оставит ли вся, ниже снидет с ним слава его. И прочая.

Паки Господу глаголющу: Слышасте, яко речено есть: Возлюбиши искренняго своего и возненавидиши врага своего. Аз же глаголю вам: Любите враги ваша, благословите кленущая вы, добро творите ненавидя(л. 318)щим¹¹⁶¹ вас и молитеся за творящих вам напасть и изгоняющыя вы, яко да будете сынове Отца вашего, иже на небесех, яко солнце свет сияет на злыя и благия и дождит на праведныя и на неправедныя.

Зри, совопросниче, Божественыя и святыя заповеди Христовы. Кто ли бо слышай сия, усрамился бы мало и постыдился, якоже инде Господь глаголет: Иже аще постыдится Мене и Моих словес в роде сем прелюбодейнем и грешнем, и сего Сын человеческий постыдится во славе Отца своего. Кто ныне любит враги своя или благословит кленущыя или добро творит ненавидящим или молится за творящих напасти? И прочая. (л. 318 об.)¹¹⁶² Но вси ненавидят друг друга, вси зло творят друг другу, вси гонят. Како таковии могут быти сынове Отца небеснаго? Явно есть, по Господню словеси, таковии сынове отца их диавола есть и похоти отца их творят.

Господу глаголющу: Аще любите любящих вас, кую мзду имате, не и мытаре ли тожде творят. И аще целуете други ваша токмо, что лишше творите, не и язычницы ли такожде творят. И аще благо(л. 319)творите¹¹⁶³ благотворящим вам, кая вам благодать есть, ибо и грешницы тожде творят.

Кто же ныне благотворит кому, развее присномыслит вся како зазлит кому. И аще взаим даете, от них же чаете восприяти, кая вам благодать есть, ибо грешницы грешником взаим давают, да восприимут равная. Ныне же никто дает, но вси взимают, неправедники, а не ведают, аще что малое милостыни даст, всюду обходя пред собою трубит. Дати же милостыню, якоже лицемери творят в сонмищах и стогнах, такожде яко и молятся, да прославятся от человек. К таковым Господь глаголет: Аминь, (л. 319 об.)¹¹⁶⁴ глаголю вам, восприимут мзду свою, которую мзду, тое же человецы ублажат. Божественыя же мзды лишени таковыи. А иже чюждая похищающии, которую мзду приимут, развее воздаяние вечных мук.

Паки Господу глаголющу: Аще¹¹⁶⁵ отпущаете человеком согрешения их, отпустит и вам Отец ваш небесный согрешения ваша.

Ныне же никто никому отпускает согрешения якова любо, но власть собою восхитили и не даная им вязати и решити на земли, и тех бедных вяжут, имже дадеся власть о благодати Святаго Духа, якоже и Господь заповеда: Его же, рече, аще¹¹⁶⁶ свяжете на земли, будет связан (л. 320)¹¹⁶⁷ на небеси. И прочая. Их же Господь да утвердит и не разрешит по словеси Своему и на небеси. Аще и небеснаго жителства достойни бы были, ниже Отец небесный отпустит согрешения их.

Господу глаголющу: Не скрывайте себе сокровищ на земли, идеже червь и тля тлит, идеже татие подкопывают и крадут. Сокрывайте же себе сокровище на небеси, идеже ни червь, ни тля тлит, идеже татие не подкопают, ни крадут, идеже бо сокровище ваше, ту будет и сердце ваше.

Видиши ли, богате, где сущее свое повелевает Бог сокровиществовати? А иже чюждая похищая и насилуя, где той мнится быти? Аще и царь или велможа, всем во Христе божественный апостол (л. 320 об.)¹¹⁶⁸ заповедует, аще царь или боярин, или велможа, или владыка, по божественному апостолу: Да¹¹⁶⁹ аще, братие, или не весте, яко неправедницы и хищницы Царьствия Божия не наследят.

Господь¹¹⁷⁰ же и мукою претит, глаголя: Убойтеся, рече, имущаго власть по убиении воврещи в дебрь огненную и не просто, но и с клятвою. Ей, глаголю вам, того убойтеся. И инде паки: Связавше ему руце и нозе, вверзите во тму кромешную. И инде паки рече: Злых зле погубит. И паки: И неключимаго раба вверзите во тму кромешную. И инде: Отъидите от Мене, делателие беззакония. И паки: Приведите Ми его семо и иссецыте предо Мною, зане не хотеша, да (л. 321)¹¹⁷¹ бых царь был над ними. И инде: Соберите их и свяжите в снопы, яко сожещи я. И паки: Иже аще кто не пребудет во Мне, извержется вон, яко розга и изсышет, и собирают я, и во огнь влагают, и згарает. И инде: А¹¹⁷² иже аще речет юроде, повинен есть геене огненней. И паки: Аще око твое соблажняет тя, изми е и верзи от себе. И прочее. Уне бо ти есть, да погибнет един от уд твоих, а не все тело твое ввержено будет в геену огненную. И инде паки: идите от Мене, проклятии, во огнь вечный, уготованный диаволу и аггелом его. Взалках бо ся, и не дасте Ми ясти. И прочее.

Сия вся реченая самем Богом и святыми Его апостолы, кто ныне сохраняет? (л. 321 об.)¹¹⁷³ Кто ли боится, якоже подобает? Того ради к таковым Господь рече: И идут сии в муку вечную. И глаголеши, совопросниче, яко тишайший государь наш и всещастливой царь вручил Никону, чтоб досматривал всяких судеб церковных. Вручил Никону не царь досматривати судеб церковных, вручила Никону благодать Святаго Духа. Но царь тую уничижи и Святаго Духа благодать обесчести и немощну ту сотвори, яко без царьскаго указу не может ныне действовати благодать Святаго Духа, якоже пишут растленнии умом архиерее, ныне поставил есмь сего или онаго архимандрита или игумена или презвитера и прочих по благодати (л. 322)¹¹⁷⁴ Святаго Духа и по указу великаго государя. И прочее. Такожде удавленаго или убитаго погребати или молитва во гресе рожденому дати, все по государеву указу, и что сего страшнее.

Господу свидетельствующу: Сего¹¹⁷⁵ ради глаголю вам, всяк грех и хула отпустится человеку, а яже на Духа хула, не отпустится человеку. И иже аще¹¹⁷⁶ речет слово на Сына человечскаго, отпустится ему, а иже речет на Духа Святаго, не отпустится ему ни в сий век, ни в будущий, но повинен есть вечному суду. Кого имать помиловати таковы, еже Святаго Духа дерзну обезчестити и немощна того сотвори, действие и силу присовокупися тому, и по указу великаго государя. И прочее. Несть ли (л. 322 об.)¹¹⁷⁷ выше сего писано, яко мирскими властьми избраный извержется и с поставльшим его. Но ничему не внимают. Что более сего свидетельства самому Богу свидетельствующу, яко ни в сем веце, ни в будущем не отпустится таковое согрешение. Но он, государь, ни сего содрогается, еже несть что любо тяжчае сего, яко не имать отпущения ни в сем веце, ни в будущем, но действует аки архиерей великий, и его же хощет, того велит рукополагати. Ох, ох, ох, увы, увы таковаго презорства и страшнаго прещения кто будет поможет от него.

Паки пишешь, и сие есть, что подарил (л. 323)¹¹⁷⁸ его всеми привилеи, которыя, велми почитаючи Константин Великий папу Римскаго Силивестра вручил ему же, папе. Такожде и Никону на писме подал многия привилеи государь царь. Которыя привилеи, скажи ми? Еда по древнему закону десятину или ино что яже суть по закону или преданию благочестивых царей? Ни. Но что прежде от Церкве наследия отъятие и потом и с привилеями изгнание нам самем.

Послушай, совопросниче, яже ты глаголеши о Константине Велицем, какова суть того привилея.

В перый же день по еже прияти ми тайну Божественаго крещения и по исцелении еже от проказы моего (л. 323 об.)¹¹⁷⁹ телесе познах не быти иному Богу, развее Отца и Сына и Святаго Духа, его же блаженный папа Силивестр возвещает, Троицу во единице и единицу в Троице. Вси же бози язычестии, им же изначала веровах, бесове суть, дела рук человеческих, яве показашася.

Видиши ли, совопросниче, яко не единым телом очистися, но сугубо душею и телом. А иже аще мнится, кто тело чисто имети, а душю проказиву, что ползует его внешняя чистота его, душа прокажена сущи. Тем же и Господь к таковым глаголет: Лицемере, измый прежде внешнее сткляницы и блюду, и будет и внутренняя има (л. 324)¹¹⁸⁰ чиста. Паки Великаго Константина устав. К сим же, колику власть самый Спаситель наш Господь своему апостолу блаженному Петру подаде на небеси и на земли, явлено и нам, той честный отец наш Силивестр изложи.

Внегда онаго верна обретох в вопросех. И рече: Ты еси Петр, камень веры, и на сем камени созижду Церковь Мою и врата адова не удолеют Ей.

Разумейте, силнии, и ушима сердечныма внушите, что благий Учитель и Владыка своему ученику совокупив рек: И дам ти ключи Царствия Небеснаго, и его же, аще свяжеши на земли, будет связан на небесех, и его же разреши на земли, будет разрешен на небесех. Преславно убо се слово, еже на земли (л. 324 об.)¹¹⁸¹ вязати и разрешати, и на небесех связану быти и разрешену.

Видели, совопросниче, како утвержает благочестия утвержение, яко аще, рече, свяжет на земли, будет связан на небеси, а не как ныне, яко им же подобает вязати. Тех самех и вяжут и разрешают, но паки на первое обратимся.

Сия убо блаженному нашему отцу Силивестру учащу, разумех и благодетелствовах самаго блаженнаго Петра совершеннейшее здравие ощущая пришедшее телеси моему. Достойно разсудихом со всеми нашими тысящники и сотники и сигклиты и с велможами и со всеми Римскаго царства величествы (л. 325)¹¹⁸² подлежащему людству, ему же блаженный Петр яко викарий, сиречь наместник, является уставлен на земли Сыну Божию.

Сице и нами и нашим царьством место преимущее и властелина апостолскаго приимут даное им началство, власть болшая и превысочайшая, неже еже имать наша кротость и царьство на земли всеми ведомо. Предразсудихом того апостолскаго властелина и того по нем приемника присных быти нам к Богу отцем и ходатаем.

Видели, совопросниче, завещания святыя оныя царьския души, како почте не единаго Силивестра папу, но и по нем приемников, присных, рече, быти нам к Богу отцем и ходатаем. А не якоже (л. 325 об.)¹¹⁸³ ныне сам, немилосердием своим изгнав, сам, яко хощет, государь не почитает и хулящим не возбраняет и клевещущих приемлет, якоже тебе и прочих подобных тебе окаянных.

Таже паки оная святая и блаженная душа глаголет: И якоже нашу на земли царьскую власть, тако и его священную и святую Церковь Римскую оставихом чтити со благоговением и священнейшим его седалищем блаженнейшаго апостола Петра паче нежели нашего царьства. Наипаче бо земнаго престола преславнее превознести и воздати сему власть и славы достоинство, скорость же и господьствование и силу и честь царьскую.

Видиши ли, со(л. 326)вопросниче¹¹⁸⁴, блаженныя оныя и святыя царьския души уставы завещания, не тако, якоже ты глаголеши, вручил Никону и на писме подал многия привилеи государь царь. Которыя? Сия ли, еже ныне по ево государеву по всему государьству грамоты розосланы, что с ково взял я, якоже есть писано выше. А сам забыл о себе разсмотрети праведно по Божественому словеси. Изми первее бревно из очесе твоего. И прочее.

Колико от святых церквей и монастырей и святых мест поимал, яже суть оных святых церквей и монастырей и святых мест приставницы святии ангели зрят? Якоже есть писано: Ангели их выну видят лице Отца небеснаго. Таже глаголет: И еще же уставаяюще, (л. 326 об.)¹¹⁸⁵ законополагаем власть имети на изряднейших четырех престолех, Константинополскаго глаголю и Александрийскаго и Антиохийскаго и Иерусалимскаго. Еще же и на всех, иже по Вселенней, Божиих церквах и по временем той священнейшей и святей Римстей Церкви сущаго святителя выщшаго быти и властелина над всеми архиереи и священики, иже по всей Вселенней, но и вся, о их же достоит попечение имети к Божественней службе и к крепости и утверждению християнския веры, сего судом устроитися. Достойно бо главе началство святаго закона имети, идеже святых законов законоположи Спаситель наш блаженнаго Петра апостолский устави (л. 327)¹¹⁸⁶ послушание имети престол, идеже крестную страсть и сам той претерпе, блаженный, смертную чашу испив, подобник своему Владыце быв. И тамо до скончания века и всегда поищут учителя, идеже святое почивает учителево тело, тамо и язы́цы о имени Христове и исповедания выю свою преклоняют, и идеже сих учитель блаженный апостол Павел о Христе выю свою протяг, мечем во главу усечен бысть, и венцем мученическим украсися. Тамо преклонения смиреннии сотворяют и небеснаго Царя и Бога и Учителя нашего Иисуса Христа да поработаю сану, идеже величеству и гордости земнаго царя поработаша власти, тамо да поработают и небеснаго Царя (л. 327 об.)¹¹⁸⁷ поработаша властелинам и первым лика апостолскаго Петру и Павлу. Их же ради ведати хощем всем, иже по всей Вселенней языческим людем яко мы внутрь латеринския полаты нашея по крещении храм воздвигохом самому Спасу нашему и Богу и Владыце Иисусу Христу от самых оснований и с крестилницею, из них же оснований 12-и кошев земли сам обременився, своима рамены изнесох, равночислены 12-и апостолом. Еже достоит священным сию святую церковь, главу и верх всем по Вселенней церквам глаголатися и веровати и возвещати и чтити повелеваем, якоже и инеми нашима (л. 328)¹¹⁸⁸ царьскими веленми указано положихом. Создахом же и церковь блаженным¹¹⁸⁹ Петру и Павлу, первым апостолом, юже сребром и златом достойно и обилно украсихом, идеже и священнейшая телеса их положихом с великою честию. Паки им от илектра, его же ни едина вещей сила есть крепчайши, сотворихом. Крест же златом чистейшим и бисером драгим украшено сотворен. На коейждо стране обоим ракам положихом, златыми пригвоздивше гвоздми, яже церквам всем по Вселенней многими светилы и свещами устроихом содержания ради и крепости и светлости стяжания.

Зри, совопросниче лукавый, что от сих (л. 328 об.)¹¹⁹⁰ сотвори государь царь, якоже ты глаголеши, велми почитаючи. Которое почитание, яже от сих ничто же? Но паки слушай.

Земли же и села и винограды и езера и пошлины, сочетавше, дахом церквам. И Божественным повелением и нашим царьским положением уставихом, на восточных и на западных, на полунощных же и южных странах, во Июдеи же, и во Асии, и во Фракии, и во Елладе, во Африкии же, и во Италии, и в различныя острову нашего им повеления свобожение возвещая и по всей Вселенней, идеже православнии цари и князи и властели под нами обладают нашего свобожения, и волю им утвердивше, дахом владети святителем (л. 329)¹¹⁹¹ и никаковому мирскому сану смети прикоснутися церковным пошлинам. Богом заклинаем и нашим повелением утверждаем непреложно и соблюдено быти даже до скончания века сего.

Зри, совопросниче, где есть царьское жалование, привилеи подобны сим, якоже ты глаголеши, велми почитаючи Константин Великий папу Римскаго Силивестра вручил ему же, папе, такоже и Никону на писме подал многия привилеи государь царь. Которыя? Разсмотри противо сим, то есть царя Константина.

Возражение 24 (продолжение)

Видиши ли, како царь Константин Великий дав и утвердил даже до скончания века сего. Государь же царь, аще что и дал, и того сам не соблюл, и бывших всех, (л. 329 об.)¹¹⁹² и отца своего и свои привилеи везде ни во что обратил. Паки же к сущим царя Константиновым заповедем приидем.

Се же явлено убо, яко рукама блаженнейшаго отца нашего Силивестра святителя и того по нем приемником, сия вся удержана будет. Да возвеселится ныне с нами весь народ и вси, яже по Вселенней языки и роды. Глаголем и молим, яко да с нами Спасителю нашему и Богу и Господу Иисусу Христу безчисленыя исповемы благодати. Яко той есть Бог на небеси горе и на земли доле, иже нас святыми апостолы посети и святую тайну Крещения и телеси здравие достойно сотвори прияти. О них же и подаем тем святым апостолом (л. 330)¹¹⁹³ и владыкам нашим, блаженнейшим Петру и Павлу и с ними Силивестру, нашему отцу, и всем отцем поднебесныя, отцу, крайнему святителю, и соборному града Римскаго папе и всем его, иже по нем приемником святителем, даже до скончания мира, на престоле блаженнаго Петра седящим. Первое, убо в латеринстей полате царьства нашего, яже всех, иже по всей Вселенней, полате препочитается и преимет и славится, якоже диадима, еже есть венец главы нашея, подобне же и фригион, еже есть покрывало, еже митрою нарицают, и не токмо той, но и епомион, еже есть препоясание, еже обычно есть царьской мышце облагатися, рекше омофор, (л. 330 об.)¹¹⁹⁴ и еще же и багряная одежда и червленая риза и вся царьская одеяния, но и царьскаго председания достоинство и царьских коней утварение, и царьския скипетры, и вся знамения, еще же и колесницы и различныя царьския утвари, и вся, еже в происхождение их, царьскаго верха, славы и силы.

Сице честнейшим же мужем, клириком в различных чинех той священней святей Римской Церкви работающих, оноя же высоты усвоение и силы преизящество имети уставляем, еже и великий наш сигклит славою зрится украшен, сиречь патрикеем, бывати им и ипатом. К сим же и инеми царьскими саны в проповедаемых (л. 331)¹¹⁹⁵ украшатися им, якоже царьскому воинству. Сице и клиросу святыя Римския Церкве украшатися и чествоватися уставляем. И якоже царьская власть различныма саны кудикуларийскима и остирьяскима и скудиторскима украшается, тако и святей Римской Церкви украшатися. Но и пространнейше святительское благоукрашение священным и Божественым повелением и нашим царьским повелением сияти и чествоватися уставляем. И тех клирик тоя святыя Церкве, кони покровени одеянии, белейшаго зрака украшатись повелеваем и сиятися мимоездящих обувенми, сиречь белейшима одеяний по ногам имущих, (л. 331 об.)¹¹⁹⁶ якоже сими и наш сигклит одевается. Да якоже небесная, такожде подобает и земная украшати в славу Божию. Прежде же всех волю даем тому святейшему отцу нашему Силивестру, иже града нашего Рима святителю папе и всем, иж по нем приемником, хотящим быти на приходящия веки блаженнейшим святителем ради чести и славы Господа нашего Иисуса Христа в велицей сей соборней и апостольстей власти. Аще кто от великаго нашего царствия велмож восхощет ко благоговейным клириком причетатися, никому же, иже к сему призываему за гордость, отрицатися чина, узаконополагаем же и се всякия чести достойно отцу на(л. 332)шему ¹¹⁹⁷ Силивестру, крайнему святителю, и всем его, иже по нем приемником, святителем препоясанием и венцем, иже от главы нашея подахом ему, златом чистейшим и каменми многоценными и драгим бисером составленый. Должен есть одеватися и на главе носити на славу Божию и на честь блаженнаго Петра, понеже той блаженный папа на венце главнаго пострижения знамение сотвори, его же ради чести блаженнаго Петра имеет. Не восхоте же ль злата носити венец, мы же венец вместо сего, лицем белейшим светлое Воскресение Господне назнаменавше, на священнейшую его главу своима рукама положихом и брозды (л. 332 об.)¹¹⁹⁸ коня его своима рукама держаще, чести ради блаженнаго Петра, конюшеским саном ему себе дахом. Повелеваем же того чина и обычая всем, иже по нем, святителем всегда творити в поездех своих по подобию царства нашего. Темже ради сего постриженаго знамения верховнаго святительския главы, да не мнит кто сие пострижение худо быти и безчестно. Но и паче земнаго царьства саном и славою и честию и силою ея украшати подобает. Се же и полата наша, якоже преди речеся, но и Рим град весь и вся Италия и западныя страны и пределы и места и грады и земли. Сему же множицею предреченому блаженнейшему (л. 333)¹¹⁹⁹ отцу нашему Силивестру соборному папе предаем и отступаемся ему и всем, иже по нем бываемым святителем, и по всей Вселенней, идеже православная наша вера обдержит, и владение и суд держати им Божественым нашим и делным сим законоположением повелеваем пребывати наместнику святей Римской Церкви. И подлежащее и пребывающее отдаваем ей, отнюду же судихом нашему царьству и его славе на Восточныя страны преселитися вместо Византии, краснейшее место о нашем имени град создавше, тамо царьство наше утвердим, идеже бе святительская власть и христианскаго благочестия глава небесным царем уставлена бысть, (л. 333 об.)¹²⁰⁰ недостойно есть тамо власть имети земному царю. Сия убо вся яже священным нашим сим писанием и инеми Божествеными суды повелена же и укреплена, даже до скончания мира, яже по всей Вселенней. Даныя же святителем церковныя пошлины неприкосновенна и непоколеблема пребывати уставляем в наших летех и по нас в приходящыя лета и роды. Заповедаем православным царем и князем и всем людем, яже по всей Вселенней, даже и до скончания мира. Отнюду же пред живым Богом, иже повелевшем нам царьствовати, и Страшнаго Его суда предзасвидетельствуем, священым и Божественым повелением (л. 334)¹²⁰¹ и царьским сим нашим уставлением, всем нашим по нас преемником царем и всем силным и всем тысящником и всем сотником и всем велможам Римским, всему пространнейшему сигклиту полаты нашего царства, и всем, иже по всей Вселенней людем и иже ныне сущим в сих летех и потом, по вся лета впреди бывающим, и нашему царьству подлежащих. Ни единому же сих мощно буди по некоторому образу, яже нами и царьским нашим законоположением священнейшей святей Римской Церкви и всем, иже по нею, святителем, по всей Вселенней бываемая данная порушити, или пречинити, или которым образом досадити. (л. 334 об.)¹²⁰² Аще ли же кто силою, или недоверием, или гордостию преобидник будет о сих, вечныма да объят будет осуждении и онех да подпадет томлением и обрящет тогда себе сопротивных святых Божиих и началных апостолов Петра и Павла и в настоящем убо житии, и в будущем, и да в преисподнем аде мучим будет, и да исчезнет со диаволом и со всеми нечестивыми. Сего же нашего царьскаго повеления писание своима рукама укрепивше, честному телеси началнаго апостолом блаженнаго Петра своима рукама в раку положихом, сим Божию апостолу обращахомся, непорушима нами сия вся соблюдати и нами и по нас (л. 335)¹²⁰³ приемники царьскими, зде и по всей Вселенней православным царем же и князем и велможам владалным, соблюдаема Божественыма заповедьми и нашима уставы укрепихом. И блаженному отцу нашему Силивестру, соборному папе и, его ради, всем его приемником святителем Господа нашего Иисуса Христа благонравно поведавше вечно и благополучно сих воздаяние предавше. Такожде инем четырем Патриаршеским престолом, коемуждо пределу честных ради апостол и ученик Христовых, Византийскому, его же во свое имя преименовахом Андрея ради апостола, яко много потрудившася к богоразумию тех привести и Церкви водрузити православных, (л. 335 об.)¹²⁰⁴ такожде и Александрийскому, Маркову преемнику, и Антиохийскому, Лукину настолнику, и Иерусалимскому, Ияковля брата Господня, коемуждо во своем пределе подобающую честь подаем и наши по нас преемницы до века, такоже и всем Церквам Христовым, митрополиям, архиепископиям и епископиям и иже по них настолником их, честь сами даем и наши по нас преемницы и велицыи сатрапы, яко служителем Божиим, преемником Христовым апостолом, сице твористе и соблюдайте, яко да не предреченой тягости подпадете и славы Божия лишени будете, но держите предание, якоже приясте. Бога (л. 336)¹²⁰⁵ бойтеся и священную Его Церковь и настоятели Ея чтите, да милость Божию получите и в сем веце и в будущем и сынове Света будете.

Царьское подписание сице.

Божество вас да соблюдет во многая лета святейшии блаженнейшии отцы. Дадеся в мире в день третий каланд априлиевых владыки нашего Флавия Константина Августа Галаканом мужем честнейшим Ипат славнейших.

Видели, совопросниче, великаго царя Константина веру и деяние и утвержение, како при себе и по себе и навеки до скончания века утвердил и заклял страшным прещением, кто не сохранит заповеди его, глаголя: (л. 336 об.)¹²⁰⁶ Аще ли же кто силою, рече, или неверием, или гордостию преобидник будет, вечными объят будет осуждении и онех да подпадет томлением, и обрящет тогда сопротивных святых Божиих и началных апостолов Петра и Павла и в настоящем убо житии и в будущем, и да в преисподнем аде мучим да будет, и да исчезнет со диаволом и со всеми нечестивыми. Такожде и Иустиниана, царя великаго, законы даныя Церкви на утвержение, во всем последуя святых апостол и святых отец правилом, 87-го правила, еже не вместно скупости ради времене вписати, сам на месте их (л. 337)¹²⁰⁷ прочти во святых правилех. Такожде и прочия Греческия цари благочестивыя.

Таков же и равноапостолный великий князь Владимир крестився и созда церковь соборную Пресвятыя Богородицы десятинную. И дах ей десятину со всего своего княжения от всякаго суда десятое и с торгу десятую неделю во всех градех, и на всякое лето десятое от всякаго стада, и от всякаго живота на всякое лето десятое Господу Богу и Спасу нашему Иисусу Христу и Пречистей Его Матере Пресвятей Богородице и отцу своему митрополиту. Такожде и епископом по всей земли Руской, во всех княжениях в соборную церковь епископом устроил по греческим номоканоном. И паки разсмотрив греческия номо(л. 337 об.)каноны ¹²⁰⁸, обрете в них написано, яко не подобает церковных судов мирским князем судити, ни бояром, ни тиуном их, и той такожде сотвори. Седе со отцем своим Леоном, митрополитом же всеа Руси, и со всеми детми и со всеми князи своими, и с боляры и дал те все суды по греческим законом святей Божией церкви Пресвятыя Богородицы и отцем митрополитом всеа Русии и всем епископом по всей русской земли в род и в род до века, глаголя: завещаю и заклинаю Богом и Пречистою Богородицею все, еже соблюдати сия неподвижно, и никако же вступатися во святительския суды и во власти их и в люди их ни детем (л. 338)¹²⁰⁹ моим, ни внучатом, ни правнучатом, ни всему роду моему в род и в род до века. А бояром нашим и тиуном нашим и всем судиам нашим и иже по нас в род и в род до века никако же судов святительских церковных не судити и наших мирских судов без судей митрополичьих не судити десятаго ради дохода. Богом заклинаем и Пречистою Богородицею соблюдати сия неподвижно даже до скончания мира. Аще же кто преобидит сей устав, таковым грех и непрощеным быти от Господа Бога, аще не покаются. И своим убо судиам и тиуном приказываю и засвидетельствую пред Христом (л. 338 об.)¹²¹⁰ Богом и пред всеми святыми Его и пред всем народом, священных доходов и пошлин и управ, судов церковных не обидети и с судов градских давати 9 частей князю, а десятую часть святей церкви, отцу нашему святителю. Такожде и всем святителем по всей рустей земли, где суть священнии епископстии престоли. А се люди церковнии по Божественым правилом предани патриарху или митрополиту или епископу, в коем аще предел будет. Епископи, архимандрити и игумены, игумении, попы, диакони, попадьи и диаконицы и дети их, и иже суть в клиросех, иноки и инокини, понамари, проскурницы, стражи священнии (л. 339)¹²¹¹ церковнии, местницы, прощеницы, бабы, вдовицы, задушнии человецы, прикладницы, странницы, нищии, монастыри и бани их и врачи их, болницы и врачи их, пустынницы, странноприемницы, и кто святая одеяния иноческая свержет, те вси по древнему уставу святых апостол и святых отец и благочестивых православных царей святым церквам даны, патриарху или митрополиту или епископу, в коемждо аще пределе будет, да ведает их той и управу дает и разсуждает, аще что будет промеж ими или которание, или безчиние, или нестроение, или суды, или обиды, или насилие, или церквам и закону христианскому что (л. 339 об.)¹²¹² неподобно содевается, или лихоимством имение преставлшаго восхитится, душа вышши и болши всего есть, или мерила неправедна и весы и спуды, или задница, аще ли иному человеку будет с ними суд или обида которая, то общий суд и пересуд наполы.

Сия и убоися, аще кто преступит правила, якоже есмь управил по святых апостол и по святых отец и по первых православных благочестивых царей управлению. А кто имет поругати и преступати сия правила, или дети мои, или внуцы мои, или правнуцы, или по тех князи и бояре, или в которых городех наместницы, или судьи, или тиуны, аще (л. 340)¹²¹³ имут поругати и обидети те священныя суды и управы и доходы и пошлины церковныя святительския или отъимати, да будут прокляти в сий век и в будущий и от святых апостол и от седми соборов святых отец Вселенских.

Глаголет бо во Евангелии своем Господь к таковым: Отъидите от Мене, проклятии, во огнь вечный, уготованый диаволу и аггелом его.

О мерилех и о весех, и о спудех, и о ставилах.

Сие убо искони поручено Господем Богом святителем и епископиям их, градския и торговыя и везде всякия мерила и спуды и весы и ставила от Господа Бога тако изначала уставлено есть и непоколеблемо никогда же быти даже (л. 340)¹²¹⁴ и до скончания мира. И святителю блюсти без пакости всего того подобает, за все бо за то воздати ему слово в день великаго Суда Христова, якоже и о душах человеческих.

А се о десятинах.

От всякаго княжа суда десятая векша, и ис торгу десятая неделя и от дани, и от веры, и из всего схода, и прибытка, и от лова княжа, и от всякаго стада, и от всякаго жита десятое в соборную церковь епископу. Царь или князь в девятих частех, а церковь соборная в десятей части. Глаголет бо апостол: Основания же инаго никто же может положити, паче лежащаго сего от начала век положенаго от Господа Бога и святых Его. И да вси со(л. 341)граждают¹²¹⁵ на сем основании. Аще кто разсыплет храм Божий, разсыплет того Христос Бог, Церковь бо Божия свята есть и утвержена Господем Богом в век века. Аще кто обезчестит и разорит святый сей устав апостолский и отеческий, гнев Божий на себе привлечет и гнев не прощен, и проклятие в сий век и в будущий, якоже во Евангелии писано есть, яко с проклятием таковии отсылаются от Господа Бога во огнь вечный, уготованый диаволу и аггелом его.

Аще кто поругает и изобидит священныя доходы и пошлины и управы и суды церковныя святительския, четверицею да воздаст и страшен ответ воздаст на страшнем Суде (л. 341 об.)¹²¹⁶ Христове, идеже никто же никому же поможет, развее истиныя веры православныя и добрых дел. Аще кто завещание мое сие и уставление мое порушает, или сынове мои, или внуцы мои, или от бояр или кто от властелей, или от тиунов и от прочих кто ни буди, аще порушает мой ряд, или вступятся в суды священныя святительския или в доходы и пошлины, что есми дал митрополиту, своему отцу и епископом во всех княжениих по святых апостол и святых отец и по первым православных благочестивых царей управлению, да приимет от Христа Бога и от достойне держащаго державу Русскую. Аще же вся сия преобидит (л. 342)¹²¹⁷ кто и имет вступатися и отнимати, и судити, преслушав спасеныя заповеди Божия и апостолския и отеческия и православных и благочестивых первых царей, и неключимых нас завещание священныя церковныя управы и суды и доходы и пошлины, той да станет со мною пред Христом Богом на нелицемернем и грознем и страшнем Суде, и да не будет на нем милости Божия в сем веце и в будущем, и да будет проклят.

И таковая с молитвою завещания трудолюбезно от святых Писаний снискав и завет сугубо доволен написа, и клятвами страшными утвердив, и таковое писание в той велицей церкви (л. 341 об.)¹²¹⁸ Богоматере на утвержение благочестия, еже и доныне благодатию Христовою многоразличныя даяния Богу даная, свидетелствуют, благословенный плод сего святаго Владимира, иже суть наследницы богохранимыя державы его, божественне ревнующе по истиннем благочестии, якоже прияша отеческая правоверная вера законоположения. И сия вся не токмо непоколебаемо держаще исправляху, наипаче же того много сугубно и приложиша, созидающе многия церкви и епископы устрояху, и честныя монастыри воздвизаху, и нещадно даяху вечное наследие, грады и погосты, села и винограды, земли и болоти, езера и реки, и ве(л. 343)ликия¹²¹⁹ власти со всеми прибытки. К сим же и десятое изо всего царьствия и княжения.

Такоже¹²²⁰ и христолюбивыя их царицы и благоверныя княгини усердно вдаваху свою лепотную утварь и всякую нарочитую кузнь и светлыя ризы, злато же и камение драгое и великий жемчюг, и святыя иконы, и евангелия, и царьскими сосуды святыя престолы украсивше, обогатили паче тех, от кого сия прияли суть, внимающе писанию апостольских правил. Якоже церковное богатство нищих есть богатство, еже сим издовляти весь освященный чин и вся причетники церковныя, и возраста ради и сирот, и в старость пришедшим, и в немощи (л. 343 об.)¹²²¹ и в недуги впадшим, нищим в прекормление и много убо чади, и странным в прилежание, и убогим сиротам в промышление, вдовицам же пособие, девицам потребы, обидимым заступление, пленным искупление, во гладе прекормление, в худобу умирающим покровы и гробы и погребание, церквам пустым и монастырем подъятие, живым прибежище и утешение, а мертвым память.

Сих ради потреб церковных людие даваху имения своя, о таковых потребах блаженный Владимир велик подвиг показа и вечное блаженство получи.

Что же ли, совопро(л. 344)сниче¹²²², государь царь подобно сим сотвори? Но все сопротивно священному Христову Евангелию и святых апостол и святых отец и благочестивых царей и великих князей преданием и утвержениям, якоже выше много множество писано есть. Архиерейство ли почте, якоже Господь заповеда: Слушаяй вас, Мене слушает? То таково государь царь не почел, но и обесчестил тако, что невозможно и писати, безчестнее и поганых царей обезчестил.

Глаголет государь царь, якоже всенародное слово слышится во всем мире, что бутто он нас избрал на архиерейство. Едина весть Святая Троица, Отец и Сын и Святый Дух, яко не искал, ни хотел, и иже имать судити Господь, (л. 344 об.)¹²²³ тогда познано будет. А я, аще бы ведал таковое его государево немилосердие, не бы помыслил, якоже весть Господь и всенародное множество, как молил сам государь. Ныне же от всенароднова множества общий глас слышится, кто де он был, толко де бы не аз ево избрал? Говорили и на Христа моего: Кто Сей есть? Инии глаголаху: Не Сей ли есть тектонов сын? И инии же глаголаху: Откуду Сему сия и что премудрость даная Ему, и силы таковы рукама Его бывают, не Сей ли есть тектон, сын Мариин, брат же Иякову и Иосии и Июде и Симону, и не сестры ли Его зде суть в нас. И блажняхуся о Нем.

Глаголаше же им Иисус: Яко несть пророк (л. 345)¹²²⁴ без чести, токмо во отечествии своем и в сродстве и в дому своем, то есть от отечствия своего, яко знает кто отечствие пророческое и соблажняет и не верует быти яко пророк. Якоже глаголется: Ни братия Его вероваху в Него. И паки: Сотвори что и зде, во отечествии своем, то есть в сродстве своем и в дому своем. И несть чюдно и государю царю, что ныне говорит, яко аз избрал на хулу Святому Духу, аще исперва благ явился и достоин помазанием и возложением руки архиерейския нашествия Святаго Духа, якоже и Саул по помазании на царьство Израилю от Самуила дар Святаго Духа име и пророчествова. И¹²²⁵ бысть, рече, егда возвратися (л. 345 об.)¹²²⁶ Саул от совокупления, разытися с Самоилом, и преложи ему Бог сердце на ино, и приидоша вся знамения в день онь. И взыдет оттуду на холм и се лик пророческий противу ему, и взыде нань Дух Божии, и прорицаше среде их. И реша вси людие, кийждо ко искреннему своему: Что се бывшее сыну Киссову, еда и Саул есть во пророцех? Егда возгордев и пождав Самоила, якоже заповеда ему, и коснуся неприкасаемых, и вознесе всесожжение, тогда и царьство его разрушися и отъятся. И во царя место вождь наречеся, и Дух Господень отступи от Саула, и даваяше дух лукавый от Господа. Егда же второе сотвори вознести жертву, от Малик (л. 346)¹²²⁷ возвратився, и архиерея Господня уби и прочих 80 священников, тогда от Бога и сам осужден, со всем родом его побиен быти, якоже и бысть. Тако и Соломон, от исперва благочестив бысть, но конец жития не подобен юности соверши.

Тако несть чюдно и государю царю, от исперва по помазании елея имети Святаго Духа, якоже и прежде бывше мнози царие благочестивии и потом бывше злии, отступницы и гонителие и мучителие, о них же повествует книга летописная.

Тако и государь царь, аще от исперва был милостив, кроток, благопослушлив, ведаем и хвалим, а еже ныне явился противе во всем священному (л. 346 об.)¹²²⁸ Евангелию, Духа Святаго обезчести, правила святых апостол и святых отец и всех благочестивых царей и великих князей законы и уставы, преданыя Церкве, испроверже. И елико отец ево, государев, царь и великий князь Михаил Феодорович всеа Русии со отцем своим великим государем святейшим кир Филаретом, патриархом Московским и всеа Русии, исправили и обновили и утвердили, все до конца ни во что положи. И елико сам от исперва быв благ и кроток и милостив, исправи и устави, все ни во что положи, забыв страх Божий и святыя Его заповеди. Господу глаголющу: Аще вы в словеси Моем пребудете, воистину ученицы Мои будете (л. 347)¹²²⁹ и разумеете истину, и истина свободит вы. Тако и всяк, не пребываяй в словеси Божии, несть ученик Христов, ни разумеет истины, ниже свободен есть от истины. И паки Господу глаголющу: Аминь¹²³⁰, аминь, глаголю вам, яко творяй грех, раб есть греху, раб же не пребывает в дому вовеки, сын пребывает вовеки. Аще убо Сын свободит вы, воистину свободни будете. Явно есть, яко их же не свободит, не будут свободни. Паки Господу глаголющу: Веруяй¹²³¹ в Сына, имать живот вечный, а иже не верует в Сына, не узрит живота, но гнев Божий пребывает на нем. Паки Господу глаголющу: Аминь, аминь, глаголю вам, яко слушаяй (л. 347 об.)¹²³² словесе Моего и веруяй пославшему Мя, имать живот вечный и на суд не приидет, но прейдет от смерти в живот. Явно есть, яко не слушаяй словес Господних, ниже веруяй пославшему Его, не имать живота вечнаго, ниже может приити от смерти на живот.

Господу глаголющу: Се же есть воля пославшаго Мя, да всяк видяй Сына и веруяй в Него, имать живот вечный, и воскрешу его Аз в последний день. Всяко и не веруяй в Сына, не воскресит тех Господь в последний день, по писаному: Не воскреснут нечестивии на Суд, ниже грешницы в совет праведных. Господу глаголющу: Аминь, аминь, глаголю вам, аще кто слово (л. 348)¹²³³ Мое соблюдет, смерти не имать видети во веки. Явно есть, яко аще кто и не соблюдает словес Божиих, не избавится смерти вечныя.

Видели, колико добро есть слушати словес Божиих и заповеди соблюдати. Таковым Господь обеща живот вечный, и воскреснет в последний день, и смерти не имать видети вовеки. И колико зло есть преслушати заповеди Божия, яко гнев Божий пребывает на них, ниже имать преити от смерти на живот, ниже имать воскреснути в последний день, ниже имать наследовати живота вечнаго. Сия вся государь царь презре и не страшится. Аще ли кто возглаголет, яко соблюдает (л. 348 об.)¹²³⁴ государь сия вся, и аз к таковым реку. Господу глаголющу: Аще кто любит Мя, слово Мое соблюдет. И паки: Имеяй заповеди Моя и соблюдая их, той есть любяй Мя. Аще заповеди Моя соблюдете, пребудете в любви Моей. Которую ли заповедь? Се есть заповедь Моя: да любите друг друга. И паки: По сему познают вы, яко Мои ученицы есте, аще любите друг друга. И се всем повсюду ведомо, яко государь царь не любит Господа, понеже не хранит заповеди Его, ниже есть ученик Христов, понеже не любит нас.

Господу свидетельствующу: Не любяй Мя, словес Моих не соблюдает. И паки: Ненавидяй Мя и Отца Моего ненавидит. (л. 349)¹²³⁵ И¹²³⁶ не любяй брата своего, пребывает в смерть. Всяк ненавидяй брата своего, человекоубийца есть. И¹²³⁷ весте, яко всяк человекоубийца не имать живота вечнаго в себе пребывающа. Аще ли кто речет, яко люблю Бога, а брата своего ненавидит, ложь есть. Ибо не любяй брата своего, его же виде, Бога, Его же не виде, како может любити? И сия заповедь имамы от Него, да любяй Бога, любит и брата своего. Благотворяй¹²³⁸, от Бога есть, а злое творяй, не веде Бога.

Что же есть благотворение государево? Се ли есть, еже восхити на ся чин священства? Ино бо есть священства чин и ино царьства, якоже выше писахом много. Но и ныне еще при(л. 349 об.)глаголем¹²³⁹, яко священство более есть царьства. Священство от Бога есть, от священства же царьства помазание.

Аще ли хощеши навыкнути, послушай. Сниде же Господь на гору Синайскую, на верх горы, и воззва Господь Моисея на верх горы, и взыде Миосей, рече же Бог к нему, глаголя: Иже рцы же, приступаяй к Богу, да ся отстоят, да некогда изменит от них Господь. И по мале. Взыди ты и Аарон с тобою, и ту прият Моисей оправдания и суды. И паки сниде к людем и паки рече Господь к Моисею: Взыди ты на гору и стани ту. И взыде Моисей и бе ту на горе 40 дний и 40 нощий. Сходящю же Моисею с горы Синайския, и обе досце в руку беста (л. 350)¹²⁴⁰ Моисеину. Сходящю же ему з горы, Моисей же не ведяше, яко прославися обличие плоти лица его, егда глаголаше с ним. И зре Аарон и вси сынове Израилевы Моисея, бяше бо прославлено обличие плоти лица его. И се есть освящение Моисеова священства.

Та же Моисей по заповеди Господней освяти и сыны его. Ты¹²⁴¹ же приведи к себе Аарона, брата твоего и сыны его от сынов Израилевых зрети Мне, Аарона и Надапа, и Авиуда, и Елиазара, и Фамара сыны Аароня. И да сотвориши ризы святы Аарону, брату твоему, на честь и славу. Аарона же и оба сына его, приведеши я пред двери храму свидения и измыеши я водою. И взем ризы (л. 350 об.)¹²⁴² святыя и облечеши Аарона, брата твоего, до земли ризою, и ризу утрьнюю, и слово совокупиши ему, слово ко утрьней ризе. И возложиши на главу его клобук и возложиши доску освящения на увясло. И да возмеши от елеа помазанаго и да возлиеши на главу его и мажеши и. И сыны его приведоша и облечеши я в ризы, и опояшеши я пояса, и возложиши има клобука. И да будет има жрети мне во веки. И да возмеши от крове, яже на олтари и от елеа помазанаго, и да воскропиши на Аарона и на ризу его и на сыны его, и на ризы сынов его с ним. И освятится сам и ризы его, и сыны его, и ризы сынов его. (л. 351)¹²⁴³

Се есть начало священства Ветхаго Завета, ни от человек, ни человеком, но самем Богом. И потом распростреся священство во вся дни Израиля.

Егда же Ветхому Закону прииде время исполнитися, якоже Господь свидетельствует: Не приидох разорити закона, но исполнити. Якоже и апостол пишет: Егда прииде кончина лету, посла Бог Сына Своего единароднаго, раждаемаго от жены. И прочее. О Нем же есть писано: Се отрок Мой, Его же изволих, возлюбленый Мой, нань же благоволи душа Моя. Положу дух Мой на Нем, и суд языком возвестит. Вы¹²⁴⁴ весте глагол, бывший по всей Июдеи, начет от Галилеи, по крещении же проповеда Иоанн Иисуса, (л. 351 об.)¹²⁴⁵ иже от Назарета, яко помаза Его Бог Духом Святым и силою, иже прииде, благодетельствуя и исцеляя вся насилованыя от диавола, яко Бог бяше с Ним.

Се священства Христова показание есть. И паки: И прииде, рече, в Назарет, идеже бе воспитан, и вниде по обычаю своему в день субботный в сонмище, и воста чести, и даша Ему книгу Исаии пророка. И разгнув книгу, обрете место, идеже бе написано: Дух Господень на Мне, его же ради помаза Мя, благовестите нищим, посла Мя. И прочее. И согнув книгу, отдав слузе, седе. И всем в сонмищи очи бяху зряще нань. И начат глаголати к ним яко: Днесь збысться во ушию вашею. И вси (л. 352)¹²⁴⁶ свидетельствоваху Ему и дивляхуся о словесех благодати, исходящих из уст Его. Се же явно есть, еже рече Господь: Дух Господень на Мне, Его же ради помаза Мя, священства совершение и еже седети и глаголати со архиереи. Аще не бы священник Христос был, не бы места имел архиерейскаго и председания и слова учение. Аще и не суть от колена Левиина, но зависть бесовския и тогда не умолча о худородстве Христове. глаголаху бо: Не се ли есть сын Иосифов, Ему же мы знаем отца и матерь? Якоже и днесь глаголют о нас, смиренных: А кто Он есть? Мы знаем, каков Он был, и мы Его и избрали.

Пишет же ся и во истории евреина (л. 352 об.)¹²⁴⁷ некоего, яко обычай бе июдеом в церкви число имети по 22 священников. И тако свиток учинен, лежаше в церкви, да егда от них един умрет, тогда вместо избираху инаго. И по освящении написоваху имя Его в книгу, и отца и матерь Его. И егда вниде Христос по обычаю в день субботний, якоже выше писано есть, и в то время един от 22 священник умре. И овии глаголаху сего, овии глаголаху инаго. И един архиерей рече, яко не имать ин быти, развее Иисуса, сына Иосифова, аще и не суть от колена Левиина, но от Июды. И тако рукоположиша и даша Ему книгу Исаии пророка, якоже есть выше писано. И посадиша Его на архиерейстем (л. 353)¹²⁴⁸ месте, о Нем же апостол пишет. Аще убо совершено левитском священством бы было, людие бо на Нем взаконени Быша. Почто еще требе по чину Мелхиседекову иному востати священнику, а не по чину Ааронову глаголатися? Прелагаему убо священству по нужди и закону пременение бывает. О Нем же глаголются сия: Колену иному причаститися. От него же никто же причастися ко олтарю, яве бо, яко от колена Июдова возсия Господь наш. О нем же, колене, Моисей о священстве ничесо же глагола, и лишшее еще яве, яко по подобию Мелхиседекову востанет священник ин, иже не по закону заповеди плотския, но по силе живота неразрушенаго. Свидетель(л. 353 об.)ствует¹²⁴⁹ бо яко: Ты еси священник по чину Мелхиседекову. И по мале. Закон бо человеческий поставляет архиереи, имущая немощь, слово же клятвеное, еже по законе, Сына вовеки совершенна. И аще не был архиерей Господь наш Иисус Христос, не бы из церкви, взем бич, изгна продающыя и купующыя во церкви, глаголя: Храм Мой храм молитвы. Вы же сотвористе его вертеп разбойником. Яко и ныне святая великая Церковь бысть вертеп разбойнич. И аще кто Христову ревность восприемше, изгонит, аки бочем, законом заповеди, и ныне безгрешно есть. И о Христове архиерействе до зде.

Таже Христос рукоположи святыя Свои ученики и апостолы, (л. 354)¹²⁵⁰ глаголя: Приимите, рече, Дух Святый, им же отпустите грехи, отпустятся им, и им же держите, держатся. И се яве Господь рукоположил святых апостол. Приятие Святаго Духа не ино что знаменует, точию Божественыя благодати и власти преподаяние, сего ради и рече. Шедше, убо научите вся языки, крестяще их во имя Отца и Сына и Святаго Духа, учаще их блюсти вся, елика заповедах вам. И иже веру имет креститися, спасен будет, а иже не имет веры, осужден будет. Се есть священническия власти деяние. Та же рече: Знамение же веровавшим сия последуют, именем Моим бесы ижденут, языки возглаголют новы. И прочее. И паки: Приимите, (л. 354 об.)¹²⁵¹ рече, силу, нашедшу Святому Духу на вы. И паки: Бысть, рече, внезапу с небесе шум, яко носиму дыханию бурну, и исполнь весь дом, идеже бяху седяще. И явишася им разделени язы́цы яко огнени, седе на единем коегождо их, и исполнишася Духа Свята. И по сошествии Святаго Духа на апостолы, разделиша верховнии апостолы страны и метнуша жребий, якоже пишет: и кийждо идоша во свою страну. И по словеси Божию учаще и проповедающе всюду, Господу поспешствующу. И по избрании коегождо в своей части рукоположиша седмьдесят апостол, якоже Писание свидетельствует Никифора Калиста в книзе второй (л. 355)¹²⁵² во главе 35, яко Петр апостол Марка евангелиста рукоположи во Александрии. Таже Андрей апостол постави Стахию апостола, его же Павел апостол воспоминает во епистолии к Римляном, первый Византии епископом. Сам же верховный апостол в проповеди трудися, еже пишется в книгах, яко проходя некогда, и Киевское место минуя, благослови и водрузи божественный крест Христов. Таже и Великий Новград благослови. И тако святыми апостолы по местом и градом рукоположишася епископи.

По преставлении же святых апостол распространися евангелская проповедь и вера Христова всюду во Вселенную по Писанию: Во всю землю изыде вещание их и в концы Вселенныя глаголы их. (л. 355 об.)¹²⁵³

И тако благодатию Святаго Духа устроишася первопрестолства архиерейския пятеры: Римское, Константинополское, Александрийское, Антиохийское и Иерусалимское. Яко человеком телеси единогласие имети и едину веру содержати под единым Наставником спасения нашего и главою Иисус Христом. И убо от исперва верховнейший бе папа Римский, и егда папа умре, и тогда советом и избранием четырех Вселенских патриарх поставляшеся ин вместо умершаго на апостолский престол. Такожде, егда которому от четырех патриарх преставашуся, абие советом папы Римскаго и триех патриарх избранием четвертый патриарх по(л. 356)ставляшеся¹²⁵⁴. Егда же Римский папа в ересь впаде, и тогда папа от четырех Вселенских патриарх от обычнаго поминания извержеся, и по нем первенство имея Константинополский и Вселенский патриарх.

Егда благоволи Бог по пророчеству и благословению верховнаго Андрея апостола свету возсияти в Русох евангелския проповеди, в лето от воплощения слова Божия 886-е при блаженнейшем Фотии патриарсе Царяграда, при царе гречестем Василии Македонине по прошению великаго князя Владимира Киевскаго и всеа Русии присла патриарх Михаила митрополита, мужа свята, к Киеву граду и той просвети святым крещением и на(л. 356 об.)учи¹²⁵⁵ русов вере Христове. И по преставлении Михаила митрополита един по единому поставляхуся на Рускую митрополию в Цареграде от Вселенскаго Константинополскаго патриарха. И потом грех ради Греческому царьству, гордости ради падшу, по писаному: Всяк возносяйся, смирится, и попущением Божиим туркам власть приемшим. И невозможно стало за тесноту пути во царьград на Рускую митрополию ко Вселенскому патриарху отходити поставления ради. И по прошению Руския митрополии митрополита и всех архиерей Вселенстии четыре патриархи единою посланием согласившемся, даша благословение и власть (л. 357)¹²⁵⁶ по правилом святых апостол и святых отец избиратися и поставлятися на Рускую митрополию своими епископы, якоже и сами тии Вселенстии патриарси чин и устав во своих епархиях прияли, от своих епископ избрание и поставление приемлют. И тако и грамотами утвердиша. И бысть до лета 7097-го году.

По Божественому же смотрению в лето 7097-го прииде во царьствующий град Москву Иеремия, архиепископ Царяграда и Вселенский патриарх, и с ним Моновасийской митрополит Иерофей и Еласонской архиепископ Арсений во царьство благочестиваго царя и великаго князя Феодора Ивановича всеа Русии. Их же благочестивый царь и архиерей в царьствующий град прияша с радостию (л. 357 об.)¹²⁵⁷ и с достойною честию. И разсмотрив, Вселенский патриарх, яко царьство христианское несть инуде пространнее развее царьствующаго града Москвы, приложи царю и митрополиту слово, яко да устроится в царьствующем граде Москве Патриаршеский престол во святей велицей Церкви на лучшее христианское благохваление. И бысть царю и архиерею в любовь и всему освященному собору. И по малех днех совершается слово се делом и бывает по избранию Вселенскаго патриарха Иеремия Константинополскаго и иже с ним и всех руских архиерей области и советом благочестиваго царя, бывает царьствующаго града Москвы (л. 358)¹²⁵⁸ и всеа Русии Иов митрополит наречен и освящен благодатию Святаго Духа святейший патриарх царьствующаго града Москвы и всеа Русии в лето 7097-е индикта 2-го. Якоже имать деяние о сем болшее свидетельство в книзе правил святых апостол и святых отец московския печати, нареченой Кормчей.

И по отшествии святейшаго Иеремия Константинополскаго патриарха, еже и достигшю ему на свой стол в Царьград, совет сотвори по умолению и прошению благочестиваго царя и великаго князя Феодора Ивановича Московскаго и всеа Русии со всеми патриархи Вселенскими и митрополиты и архиепископы и епископы прислали ставленую грамоту, то есть (л. 358 об.)¹²⁵⁹ хрисовул патриаршеский, имже, хрисовулом, повеле и извести, да той же архиепископ Московский господин Иов будет пятый патриарх, и имать патриаршеское достоинство и честь и сочетается и мерится с прочими патриархи на вся веки. Но и по смерти хотящим поставленым быти у Московскаго собора первым архиереом патриархом именоватися повелеваем по правилу и образу бывшему, наченшемуся от патриарха сего Московскаго господина Иова во Святем Дусе возлюбленаго брата и сослужебника нашего смирения. На сем бо и настоящий соборный свиток бысть во всегдашнее (л. 359)¹²⁶⁰ утвержение. В лето 7098-е маия во 8 день. Подписаша же ся три патриархи Вселенския Константинополский, Александрийский и Иерусалимский, с ними же инех святителей 79.

Такожде и в лето 7127-м по благочестивом государе царе и великом князе Михаиле Феодоровиче всеа Русии блаженныя памяти святейший Феофан патриарх святаго града Иерусалима и всеа Палестины с преосвященными митрополиты и архиепископы и епископы о Святем Дусе избраша блаженныя памяти Филарета патриарха, но не без свидетельства, но обретше в газофилакии оную же грамоту Иеремия патриарха с прочими патриархи Вселенскими. И тако рукополо(л. 359 об.)жиша¹²⁶¹ святейшаго Филарета патриарха по благодати Святаго Духа, а не по царьскому избранию, якоже свидетельствуют оныя святыя грамоты. Аще ли бы по царьскому избранию избраны, то не бы утаилось в грамотах святейшаго Иеремия патриарха Константинополскаго и с прочими Вселенскими патриархи и Феофана патриарха Иерусалимскаго. Но и завет свой заповедал благочестивому царю государю и великому князю Михаилу Феодоровичю всеа Русии самодержцу: И по благодати, данней нам от Святаго Духа, завещаем сему, яко да хранит и соблюдает ко оному новопоставленому во святейших Филарету Никитичю, Божиею (л. 360)¹²⁶² милостию патриарху Московскому и всеа Русии, любовь, милость, щедроты благое подаяние, наипаче же святительства ради в духовных вещех повиновение, в телесных же послушание и покорение, и всегда имети главу и пастыря и отца чадолюбива, и о спасении того промышляюща и пекущася, якоже лепо по превосходящему святительству. И тако возмогоша в таковых спешнейша того сотворити, еже о нем ходатайствовати и о святем его царьствии молящася к Богу, милостива того обрести, понеже и ваше царьское благородие человек еси и тоюжде плотию обложен, якоже и вси.

Таже по сем и всем велможам наказа повиноватися, (л. 360 об.)¹²⁶³ якоже и Христос и святый апостол Павел глаголя: Вас убо, о благороднии велможи и честнии в сигклите пребывающии, соблюдащии царево здравие и пребывающии в воинстве и управляющии царьския потребы и все, яже о Христе, многонародное христолюбивое множество, воспоминаем и завещаем, со всяцем покорением священному сему мужу, ныне же благодатию Божиею вашему отцу и учителю и вождю вашего спасения, предложити тому душа ваша со всяцем смирением и послушанием, и ничесо же о таковом безместно что помышляти, но якоже самому Владыце Христу служаще повиноватися по Божественому Того речению: Слушаяй, рече, вас, (л. 361)¹²⁶⁴ Мене слушает, и отметаяйся вас¹²⁶⁵, Мене отметается, отметаяй же ся Мене, отметается пославшаго Мя. И паки: Иже чтит иерея, чтит вышняго Бога, понеже иерейская честь на Бога восходит. Да аще убо тако к простым иереом завещание и повиновение подобает соблюдати, колми паче ко превозходящим честию, наипаче же сему ныне святопомазаному превысокому патриарху, отцем отцу и крайнему святителю. Его же сан святительства не точию зде, но и в самом небеси мощен есть по Божественому Спасову речению: Иже бо аще свяжете, рече, на земли, связан будет на небеси, а иже разрешите на земли, на небеси разрешено будет. (л. 361 об.)¹²⁶⁶ И да никто же, речет, яко ко апостолом единем сия речена суть, но и ко всем, хотящим быти преемником сих, иже убо от апостол и доныне хранимо и соблюдаемо ненаветно в православных, ему же милостивый Христос буди и соблюдатися и хранитися и до втораго и страшнаго пришествия, паче же и молю соблюдатися сему непременно и до скончания века. Самому же превысочайшему патриарху поставляти сущих под ними Росийския области митрополитов и архиепископов и епископов и прочих освященных муж, якоже Церковь прият по апостолскому преданию и святых отец правилом. К болшему же (л. 362)¹²⁶⁷ утвержению ныне нами новопоставленаго патриарха Филарета Никитича и прочих, хотящих по нем быти, аз, смиренный Феофан, Божиею милостию патриарх святаго града Иерусалима и всея Палестины, и митрополиты и архиепископы и епископы и честнии архимандриты и игумены посудихом сие наше писание написати на хартии и подписати рукама нашима и печатми затвердити, яко да будет к поставлению патриаршества свидетельствовано и утвержено во веки и никим же пременяемо. Аминь. Писана в царьствующем граде Москве лета от создания мира 7127-го месяца июния.

Видели, совопросниче (л. 362 об.)¹²⁶⁸ неправедный, како священство начася, не от человек, ни человеком, но от самаго Бога, и древнее и нынешнее, а не от царей, якоже ты глаголеши, но паче от священства царьство произыде. И ныне есть, якоже устав царьскаго поставления свидетельствует, священство всюду пречестнейши есть царьства, якожде выше назнаменах от Божественаго писания и ныне паки речем.

Царьство, аще и от Бога дадеся в мир, но во гневе Божии, и се чрез священство помазуется чювственым елеом, священства же помазание Святым Духом непосредственне, якоже Господь наш Иисус Христос помазан на архиерейство, яко выше сего писано есть такожде и святии апостоли. Сего ради (л. 363)¹²⁶⁹ на помазании архиерейства архиереи, приемше святое Евангелие, распростерше свыше держат над главою поставляющагося архиерея.

Молитва.

Владыко, Господи Боже наш, законоположивый нам всехвалным си апостолом Павлом степенем и чином устав, еже работати и служити честным и пречестным Ти таинам во святем жертвенице, первое апостолы, второе пророки, третие учители, сам Владыко всем и сего нареченаго сподобашагося подоити Евангелскому игу и святительскому достоинству рукою моею, грешнаго и с сущими служители, с митрополиты и со архиепископы и епископы, и осиянием и силою и благодатию Святаго Твоего Духа. И паки вся молитва. (л. 363 об.)¹²⁷⁰ Господи Боже наш, заеже немощи человеческому естеству Божества существо понести, сего ради Твоим смирением подобострастным нам учителя уставив Твой предержащий престол и яко подобники Твоя на величествии престоле Твоем седяща, воеже приносити Тебе жертву и приношение о всех людех Твоих. Ты, Господи, и сего явленаго строителя святительския благодати сотвори быти подобника Тебе, истинному Пастырю, положшаго душю Свою о овцах Твоих, наставника слепым, света сущим во тме, наказателя безумным, светилника в мире, яко да устроит душа ввереныя ему в насто(л. 364)ящем ¹²⁷¹ сем житии и предстанет судищу Твоему непосрамлен и великую мзду приимет, юже уготовал еси пострадавшим о благовестии Евангелия Твоего.

Слышели, безумне, коликая дарования архиереи имут от благодати Святаго Духа, яже священное слово показа, яко архиереи подобники Божия. Почто Божиих подобников порицаеши и на величии престола Божия седящих уничижаеши, и пастыря словесным овцам отбегаеши, наставника слепым отреваешися, света сущим во тме зрением не услаждаешися, наказателя безумным отметаешися? Яже ти Господь заповеда: Слушаяй вас, Мене (л. 364 об.)¹²⁷² слушает и отметаяйся вас, Мене отметается. Светилника суща в мире лишаешися, могущаго ему души ввереныя в настоящем сем житии представити судищу Христову не посрамлены и великия мзды достойных показати. Аки немощна уничижаеши, яже Божественый апостол свидетелствует, глаголя: Братие, повинуйтеся наставником вашим и покаряйтеся, яко тии бдят о душах ваших, аки слово воздати хотяще. Сия бо власть толико гражданския лучши есть, елико земли небо, паче же и много вящше. Наше бо, рече, житие на небесех есть, и живот наш тамо сокровен со Христом в Бозе, и почести тамо (л. 365)¹²⁷³ и течение о сущих тамо венцех, ниже бо разоряется по скончании сей живот, но тогда сияет болше. Сего ради не точию князей и местных, но и самых, иже диадимою обложеных болшую прияша честь, ти у сущих сию власть, аки в болших и над болшими предворяюще человеки. И сия тако, совопросниче, а не инако свидетельствует истиною и Божественым писанием, а не якоже ответотворец ваш лестный лстит, к нему же ныне паки приидохом. О них же и вас божественный апостол издалека предзрев пишет, глаголя: дух же явственне глаголет, яко в последняя времена отступят нецыи от веры, внемлюще духовом лестчим (л. 365 об.)¹²⁷⁴ и учением бесовским в лицемерии лжесловник сожженых своею совестию. И паки, суть бо мнози непокориви суесловцы и умом прелщени, их же подобает крепце обличати и уста их заграждати, иже вся домы развращают, учаще, яже не подобает, сквернаго ради прибытка. О коемждо ли апостол глаголет: Дух явствен глаголет и прочее, о вас. Кому же ли внемлюще духовом лестчим и учением бесовским в лицемерии лжесловеснем сожженых своею совестию, Газскому митрополиту умом прелщеному, иже учит, яже не подобает сквернаго ради прибытка своего трапез пространных и ризнаго украшения, (л. 366)¹²⁷⁵ еже имать наг быти в день брака и не имеяй брачныя одежды, якоже самыя ево лестныя и бесовския ответы имут обличити. Глаголеши, ответотворче, на воле то есть цареве почитати которых хощет, а наипаче егда ради достоинства и чести церковной делают. Где, ответотворче, писано есть о сих, еже царю почитати которых хощет? Лепо есть царю почитати подданых слуг своих, их же хощет, а не о архиереи се речено есть. О архиереи же инако рече Спас: Слушаяй, рече, вас, Мене слушает, и отметаяйся вас, Мене отметается. И паки апостол засвидетельствует, глаголя: Братие, повинуйтеся наставником вашим (л. 366 об.)¹²⁷⁶ и покаряйтеся. И паки: Без всякаго прекословия меншее от болшаго благословляется, како же может царь, его же хощет почитати таковых, котории от самаго Бога славою и честию венчали, и честь и слава паче царьства, елико небо земли честнейши есть, якоже свидетельствуют богословцы. Разсмотри, самомниме, чести посредство небеси и земли, кто убо свидетель. Сам Бог глаголет: Небо Мне престол есть, земля же подножие ногама Моима. Такоже и о пространстве небеси разумети есть, якоже капля дождя от великия тучи, то есть земля от небеси мерится, тако и царьство меншится от священства. (л. 367)¹²⁷⁷ Царь аще и власть приял от Бога в маловременнем сем царьстве почтити или уничижити кого, но не пребывает ввек, и Бог того разрешити может и время и царьствия пременением разрешает, и на самаго того царя суд Божий настоит. Аще почтил, его же почтил благозаконно, а не по своей любви, и уничижил, его же уничижил по закону заповедей, а не по своей ненависти. Священник же аще кого свяжет на земли, ни сам Бог разрешит того, якоже свидетельствует, будет, рече, связан и на небеси.

Зриши ли, яко небеснаго жительства достойнаго свяжет священник на земли, Бог того на небеси (л. 367 об.)¹²⁷⁸ не разрешит. О грешницех связаных инако Господь показа и не просто. Связавше ему, рече, руце и нозе, вверзите во тму кромешную, ту будет плач и скрежет зубом.

Ты же, лицемере, како глаголеши чрез Божия заповеди почитати и не почитати на воле есть цареве. Где есть то писано? Новозаконие бесовское вводиши, а не закона Божия. Господь равночестна Себе архиерея почте, глаголя: Слушаяй, рече, вас, Мене слушает, и отметаяйся вас, Мене отметается, отметаяй же ся Мене, отметается пославшаго Мя. И паки глаголеши: Однако же и тыя, которыя приимают честь от царя, надобно, чтоб (л. 368)¹²⁷⁹ бережно и опасно приимали оберегали. Надобно тем, которые честь от царя приемлют, чтоб бережно и опасно приимали, то есть мирским всяким подданым его, а не к нам. К нам же и самому носящему диадиму дары носити по долгу есть и во всем повиновение, якоже Господь заповеда: Слушаяй вас, Мене слушает. И прочее.

А ты, малоумне, Божию благодать хулишь, даную нам Святым Духом и низводиши покорятися царем, якоже и Навуходоносору и образу златому, якоже пишется.

Тогда¹²⁸⁰ приступиша мужие халдейстии и наскочиша на июдея, якоже ты ныне, и отвещавше, реша, царю (л. 368 об.)¹²⁸¹ во веки живи. Ты, царю, заповеда заповедь, весь человек, иже аще услышит глас трубы и прочаго мусикийскаго рода, да падет и поклонится телу златому. Аще ли же ни, да ввержен будет в пещь, огнем горящую. Суть бо мужи иудейстии, их же постави над делы земли Вавилонския Седрах, Мисах и Авденаго. Мужи тии не послушаша заповеди твоея, царю, и богом твоим не служат и телу златому, еже постави, не поклоняются. Тогда Навуходоносор с яростию и гневом рече: Привести Седраха, Мисаха и Авденаго. И мужи тии приведени Быша пред царя. Отвещав же Навуходоносор и рече (л. 369)¹²⁸² им: Аще воистину Седрах, Мисах и Авденаго богом моим не служисте и телу златому, еже поставих, не поклоняетеся, ныне убо аще есте готови, да яко услышисте глас трубы, пищалий же и гуслий, цевница же и прегудница, и писк и всего рода Мусикийска, падше, поклоняйтеся телу, еже сотворих. И аще не поклонитеся, в той год ввержени будете в пещь огнем горящю. И кто есть Бог, иже измет вы от руку моею. И отвещаша Седрах, Мисах и Авденаго, глаголюще царю Навуходоносору: Не требуем мы о глаголе сем отвещати тебе. Есть бо Бог наш на небесех, Ему же мы служим. Силен изъяти (л. 369 об.)¹²⁸³ ны от пещи, огнем горящия, и от руку твоею избавити ны, царю. Аще ли ни, вестно дати есть царю, яко богом твоим не служим, и телу златому, его же постави, не поклоняемся.

Тако и мы за милостыню царьскую не будем кланятися, но будем Бога молити. Да которую же ли честь от царя приемлем? Се ли, что малое подание за оставление грех своих, то не дает, паче царь приемлет. Не слышал ли еси свидетелства Божия, яко сторицею приимет и живот вечный наследит, а не даяй, что имать прияти или како живот вечный наследит, аще и царь будет. Елико бо, рече, (л. 370)¹²⁸⁴ сотвористе менших Моих братий, Мене сотвористе. Да иже сотворив Богу, почто ныне, лицемери, от нас истязовати чести творите царя? Не слышасте ли слова Божия, глаголюща, яко: Не сотвористе менших Моих братий, ни Мене сотвористе. И что по сих, сам разсмотри. А иже малое что сотворив Бога ради и раскаивается, которух мук достоин есть.

Паки глаголеши, ответотворче: Царь Артаксеркс рек ко Аману, ближнему своему боярину: Что зделаю человеку, котораго хочю учтити? И Аман, знаючи за то, он будет учтен, отвеща: Чтоб тот человек, которой имать быти учтен, надобно (л. 370 об.)¹²⁸⁵ чтоб был в добросветлыя ризы и сел бы на лошадь царьскую и пошел бы чрез улицы, возглашая: Так будет человеку, котораго хощет царь учтить.

Добро бы было, аще бы и нашего царя государя отъял Господь сон забвения, якоже и от царя Артаксеркса, якоже пишется: Господь же отъят сон от царя в нощи оной и повеле рабу принести книги памятныя дни и прочитати, в них же написано, обрете. Иже поведа Мардохей царю о дву евнуху царьских, внегда стрегущих им, иже умыслиша убити царя Артаксеркса.

Помянул бы государь наш и нашу к ним, государем, работу и молитвы (л. 371)¹²⁸⁶ и слезы, якоже есть ведомо им, государем, во два моры, и превратив свое к нам немилосердие на первую любовь. И иже советующим на мя злое, сотворил бы якоже и Аману, иже приготова Мардохею виселицу в дому своем 50 лакоть, понеже¹²⁸⁷ Мардохей не кланяшеся Аману и зависти ради, что седел Мардохей в дому цареве. Дабы и наш государь сотворил тем, которыя душю его смущают и ненавидети нас творят, и тогда бы и нашего государя царя утишил Господь Бог, якоже царя Артаксеркса от ярости.

Паки глаголеши, совоспросниче: Конечнее так зделал великий Константин святому Силивестру и Иустиниян царь Агапиту, который (л. 371 об.)¹²⁸⁸ посвятил Мину, патриарха Цареградскаго, и Иустиниян убо держал лошадь, на которой сидел Агапит, за узду, как и ты, благочестивейший царю Алексей Михайлович, на Вербное воскресение. Однако же не вси знают разсудить, разсуждение бо всех правд мати. Солгал ты на государя нашего и царя, что он, государь, конечно так зделал, как великий Константин святому Силивестру. Посмотри в вышеписаном к совопроснику нашему ответе написаное от заповедей великаго царя Константина к Силивестру и прочим Римским папам. Есть ли малое что подобно, но ничто же. О Иустиниане и Агапите, котором любо (л. 372)¹²⁸⁹ не свемы, в наших книгах не обретается. А что государь царь под Крутицким митрополитом лошадь водит, как государь царь изволит, хотя и ино что посадит да поведет, на ево то воли. Но Господь Бог не благоволи, ни заповеда учеником Своим о сем, еже бы рекл, се творите в Мое воспоминание, якоже о хлебе и вине, и ногы умы, глаголя: Якоже Аз сотворих, и вы твористе и болящих исцеляти, прокаженых очищати и беси изгоняти. И прочее.

Верховный же Петр не точию се сотворити не восхоте, якоже Христос на осля вседе, но ни смертию тою восхоте умрети, якоже Христос, но умоли мучителей, да обесится (л. 372 об.)¹²⁹⁰ на кресте стремглав. Аки глаголеши: Похвалился сатана в дарех, которыми Господь Бог подарил его, не умеючих утребити смирно. Господу глаголющу: Видех сатану, яко молнию с небесе спадша. Аще на рабы своя не веруй, на аггелы своя жестоко. И паки Петр верховный глаголет: Аще бо Бог аггелов согрешивших не пощаде, но пленицами мрака связав, предаст на суд мучимы блюсти. И паки Июда апостол глаголет: Аггелех же и не соблюдших своего началства, но оставлших свое жилище, на суд Великаго дне узами¹²⁹¹ вечными под мраком соблюде. А яже коея ради вины спаде с небесе, Христос глаголет: И не верует (л. 373)¹²⁹² на ангелы жестоко и предаде на суд мучимы блюсти. Послушай Исаии: како¹²⁹³ спаде денница заутра возсиявающи. Сий бо свет создан бысть от Содетеля и за светлость денница именуем. И понеже взятия на Сотворшаго и Бога, противен быти Тому восхотев, на небо, рече, взыду и верху звезд небесных положу престол мой. Взыду на облацех и буду подобен Вышнему. Тма от произволения за таковую гордыню и бысть и глаголется.

Видели, ответотворче, яко аггелов Бог не пощаде, понеже взят ся на Бога сотворшаго и, где сниде. Тако и ныне кто вознеистовися на Бога, не даною благодатию действует, (л. 373 об.)¹²⁹⁴ якоже государь царь архиерейским достоинством обладает и повелевает, якоже выше писано есть, ина убо власть царю и ина архиерею, но едина другой преболе, архиерейство, глаголю, царства, якоже небо земли болши и честнейши есть, яко выше в молитвах поставления явлено есть. Архиерей убо подобник Божий и на престоле Божии седит, царь ни в четцы, ни в поддиаконы, ни во диаконы, ни во презвитеры, ни во архиереи не ставлен есть, но на царьство мира сего помазан есть. И еже дарова ему власть Бог чрез архиерейское благословение, послушай. Поставляемому царю преклоншу главу и патриарх возложит на верх главы его руку (л. 374)¹²⁹⁵ и глаголет молитву во услышание всем. Зри, человекоугодниче, кто кому привилеи дает. Се не царь на патриаршю главу руце возлагает, но патриарх на царьскую главу. Сего ради всегда, яко долг отдая, благодетелю царь главу свою поклоняет под священническия руки. Таже глаголет архиерей во услышание всем.

Молитва.

Господи Боже наш, Царь царьствующим и Господь господьствующим, иже Самоилом пророком избрав раба своего Давида и помазав того во церкви над людми своими Израиля. Ты и ныне услыши молитву нашу недостойных и виждь от святаго жилища Твоего благовернаго раба Своего царя и великаго князя Алексия Михайловичя всеа Русии, еже благоволил (л. 374 об.)¹²⁹⁶ еси воздвигнути царя в языце Твоем святе, его же стяжал еси честною кровию единороднаго Ти Сына, помазати сподобил елеом возрадования. Одей того свыше силою, положи на главе его венец от камене честна, даруй тому долготу дний, дай же в десницы его скифетро царьствия, посади его на престоле правды, огради того всеоружством Святаго Ти Духа, утверди того мышцу, покори ему вся языки варварския, всей в сердцы его страх Твой, и еже к послушным милостивное, соблюди того в непорочней вере, покажи того опасна хранителя святыя Твоея соборныя Церкви велениях, да судит люди (л. 375)¹²⁹⁷ Твоя правдою и нищих Твоих судом, спасет сыны убогих и наследник будет Ти небеснаго царьствия.

И паки вторую молитву патриах глаголет: Тебе, единому Царю веком, иже земное царьство Тобою ввереный, поклони выю с нами и молим Ти ся, Владыко всех. Сохрани того под покровом Твоим, удержави того царьство, благоугодная Ти творити всегда того сподоби. Возсияй во днех его правду и множество мира, да в тихости его тихо и безмолвно житие поживем во всяком благочестии и чистоте.

Возглас: Ты бо еси Царь мирови и Спас душам нашим и Тебе славу возсылаем Отцу и Сыну и Святому Духу ныне и присно и вовеки веков. Аминь.

(л. 375 об.)¹²⁹⁸ Зри, ответотворче, в молитвах сих где есть речено, якоже во святительских, еже работати и служити, честным и причестным Тайнам во святем жертвенице и предержащих престол яко подобники Твоя и на величествии престоле Твоем седяща, во еже приносити Тебе жертву и приношение о всех людех Твоих; Ты, Господи, и сего явленаго строителя святительския благодати сотвори быти, подобника Тебе, истиному Пастырю, положшаго душу Свою о овцах Твоих.

В царьских же молитвопоставлениях не тако: разсмотри выше в молитвах и ныне. Ты и ныне услыши молитву нашу, недостойных раб Твоих и виждь (л. 376)¹²⁹⁹ от святаго жилища Твоего благовернаго раба своего царя и великаго князя Алексия Михайловичя всеа Русии, еже благоволил еси воздвигнути царя в языце Твоем святе, его же стяжал еси честною кровию единороднаго Ти Сына, помазати сподобил елеом возрадования. Одей того свыше силою, положи на главе его венец от камене честна, даруй тому долготу днии, дай же в десницы его скифетро царьствия, посади того на престоле правды. Зри, а не на престоле величествия Твоем седяща. Огради того всеоружством Святаго Ти Духа, утверди того мышцу, покори ему вся языки варварския, всей в сердцы его страх Твой, (л. 376 об.)¹³⁰⁰ а не жертвы и приношения и святительства и благодати, ниже подобника Божия быти речеся. Но еже к послушным милостивное, его же не бысть. И паки рече: Соблюди того в непорочней вере, и грех ради наших ничто же есть. Покажи того опасна хранителя святыя Твоея соборныя Церкви велениях, и не бысть хранитель, но разрушитель и преобидник. Да судит люди Твоя правдою, и отнюдь всюду неправда умножись. И нищих Твоих судом, и ни есть, ни именуется суд. И спасет сыны убогих, и никако же бысть, но всех сотвори сыны убогих, аще кто и бысть богат.

Таже паки воследованию поставления (л. 377)¹³⁰¹ царьскаго приидем. И по молитве патриарх посылает дву архимандритов да игумена болших по святыя бармы и повелевает им с налоя взяти честно на златом блюде. И как архимандриты и игумен святыя бармы к месту принесут, и патриарх повелевает трем митрополитом или архиепископом у них взяти святыя бармы на златом блюде и принести к себе, и патриарх покланяется святым бармам и потом целует их. И прием своима рукама, и знаменует ими поставляемаго царя и великаго князя, и повелевает ему, прекрестився, их поцеловати. И потом патриарх возлагает (л. 377 об.)¹³⁰² святыя бармы на царя и великаго князя и потом благословит его крестом и глаголет патриарх: Мир всем. Архидиакон же: Главы ваша Господеви преклоните. И патриарх глаголет молитву 2-ю вышеписаную: Тебе, единому Царю веком. И прочее.

И по скончании молитвы патриарх посылает всех архимандритов и игуменов по царьский венец и повелевает взяти им с налоя честно на златом блюде. И архимандриты и игумены принесут царьский венец на златом блюде к месту. И патриарх повелевает епископом у них взяти царьский венец на златом блюде да принести ко архиепископом. И (л. 378)¹³⁰³ архиепископы со всеми епископы, приимше царьский венец, принесут к патриарху на златом блюде. И патриарх, прекрестив рукою, царьский венец целует и благословит царя и великаго князя крестом, глаголя: Во имя Отца и Сына и Святаго Духа. И возлагает на него той царьский венец. И потом приим его за десную руку и поставляет его на царьском месте, и благословляет его рукою, и отшед, поклонится ему мало. И потом патриарх станет на своем месте, и царь и великий князь против патриарха поклон творит, подняв царьский венец. Таже патриарх посылает по царьский скифетр архимандрита (л. 378 об.)¹³⁰⁴ и дву игуменов. И как архимандрит и игумены принесут той царьский скифетр к месту, и митрополиты со архиепископы и епископы у них возмут да принесут патриарху. И патриарх, приим у них той царьский скифетр, да прекрестив его рукою, и вдает его царю и великому князю, глаголет ему сице: О боговенченный царь и великий князь Алексий Михалович всеа Русии самодержец, приими от Бога вданое ти скифетро, правити хоругви великаго царьства Росийскаго, и блюди и храни его, елика ти сила.

Царь же и великий князь покланяется. Таже патриарх благословит боговенчаннаго (л. 379)¹³⁰⁵ царя и приим его за десную руку и посадит его на царьском месте.

Виждь, ослеплене умом, кто кого венчает и кто кому божественыя по твоему привилеи дает. И како кто может дающему что дати? Аще государя царя и не аз, Никон, на царьство помазал, но преждебывший отец и брат наш святыя памяти всесвятейший Иосиф, патриарх Московский и всеа Русии, его же мы по Божественей благодати наследницы есмы. Таже по обычных молитвах и по здравии всех людей, послушай поучения и заповеди архиерейской ко царю.

Поучение архирейское ко государю царю и великому князю Алексию Михайловичю (л. 379 об.)¹³⁰⁶ всеа Русии самодержцу.

О Святем Дусе господин и возлюбленый сын святыя Церкве и нашего смирения, царь и великий князь Алексий Михайлович всеа Русии самодержец. Се отныне от Бога поставлен еси боговенчанный царь и великий князь правити хоругви и содержати скифетры великаго царьства Росийскаго. И венчан еси царьским венцем по благодати Святаго Духа и по милости Пресвятыя Богородицы и по благословению великаго чюдотворца Петра митрополита Киевскаго и всеа Русии и всея святых молитвами, и по благословению приснопомнимаго святаго отца твоего царя и великаго князя Михаила Феодоровича (л. 380)¹³⁰⁷ всеа Русии самодержца, и по данней нам благодати от Святаго и Животворящаго Духа рукоположением нашего смирения с митрополиты и со архиепископы, и с епископы Руския митрополии и со всеми священными соборы во святей велицей церкви Успения Пречистыя Богородицы у чюдотворных гробов великих чюдотворцов Петра и Алексия и иконы митрополитов всеа Русии и прочих святых митрополит Руския митрополии в царьствующем твоем граде Москве.

И ты, господине и сыну, боговенчанный православный царь и великий князь Алексий Михайлович всеа Русии самодержец, имей страх Божий в сердцы и сохрани веру христианскую греческаго закона (л. 380 об.)¹³⁰⁸ чисту и непоколеблему, и соблюди царьство свое чисто и непорочно, якоже ныне приял еси от Бога, и люби правду и милость и суд правый и к послушным милостивное. Ко святей же соборней Церкви и ко всем святым церквам имей веру и страх Божий и воздавай честь, понеже в ней, царю, второе положен еси от святыя купели духовным своим порождением, и ко святым честным монастырем велию веру держи по данней ти от Бога царьстей власти. К нашему же смирению и ко всем своим богомолцем о Святем Дусе царьское свое духовное повиновение по Христову евангелскому словеси, ко святым своим учеником и апостолом глаголющу: Слушаяй вас, (л. 381)¹³⁰⁹ Мене слушает, а отметаяйся вас, Мене отметается, отметаяй Мене, отметается пославшаго Мя. И сего ради ведяще и се, елико кто честь воздает святителю, и та честь самому Христу восходит, от Него же и мзды приимут сторицею. Братию же свою по плоти, о благочестивый и боголюбивый царю, люби и почитай по царьскому своему союзу, по божественному апостолу: Любяй бо, рече, брата своего, в Бозе пребывает и Бог в нем. Бояр же своих и велмож жалуй и береги по отечеству их, ко всем же князем и княжатам и детем боярским и ко всему христолюбивому воинству буди приступен и милостив и приветен (л. 381 об.)¹³¹⁰ по царьскому своему сану и чину.

Всех же православных християн блюди и жалуй и попечение имей о них от всего сердца. За обидимых же стой царьски и мужески, не попускай и не давай обидети не по суду и не по правде. Се бо, о царю, приял еси от Бога скифетро правити хоругви великаго царьства Росийскаго и разсудити и управити люди твоя в правду. Блюди и храни бодрено от дивиих волков губящих е, да не растлят стада Христовых словесных овец, от Бога даннаго ти и врученнаго содержати скифетро, по воли Его святей и по вашему исконному царьскому жребию и отечеству того великаго Росийскаго царьства.

(л. 382)¹³¹¹ И паки глаголю ти, боголюбивый царь, блюди с Богом и храни, елика твоя царьская власть и сила содержит, покрываем Вышняго десницею и храним благодатию Святаго Духа от всех врагов твоих видимых и невидимых. Глаголет бо Господь пророком: Аз воздвигох тя, царя, с правдою и приях тя за руку и укрепих тя. Сего ради слышете, царие и князи, и разумейте, яко от Бога дана бысть держава вам и сила от Вышняго. И сего ради подобает приемше от Вышняго повеления правление человеческаго рода православным царем, не токмо о своих пещися и свое житие точию правити, но и все обладаемое от треволнения спасати и соблю(л. 382 об.)дати¹³¹² стадо Его от волков невредимо, и боятися серпа небеснаго, и не давати воли злотворящим человеком, иже душу с телом погубляющих, якоже бо солнцу на земле не сущу, темно суть все и не разсудно. Сице и наказанием души не сущи, размешено все, едина бо точию добродетель от стяжания безсмертна суть. И паки ти глаголю, о боговенчанный царю, цело имей мудрование православным догматом, почитай излише Матере твою Церковь, яже о Святем Дусе тя воздои, да и сам будешь от Нея, и священника стыдися, яко отца духовнаго, ходатая к Богу, честь бо священническая на Бога восходит, (л. 383)¹³¹³ тако, иже на них безчестие, множае паче Бога прогневляет. Языка же льстива и слуха суетна не приемли, царю, ниже оболгателя слушай, ни злым человеком веры емли. Смотряй в себе, о боговенчанный царю, яко всем человеком мудрость честнейши есть и всем тщателнейшим, вси бо ту яко благу похваляют. И любомудру ти быти подобает или мудрым последовати, на них же воистину, яко на престоле, Бог почивает. Не тако красная мира вся, якоже добродетель красит царя, но зри доброту духовную и раздавай саны туне, а не дарех продавай власти, еже бо ценою купивый власть, (л. 383 об.)¹³¹⁴ множае паче обладаемыя купует, яко мздовозданию надеяся, ко мздоприятию без боязни зрит. Аще бо и неприступен еси царю нижняго ради царьства, но удобь приступен буди горняя ради власти, но имаши и сам Царя, иже на Небесех. Аще убо он всеми печется яко Бог, сице потребно есть тебе, царю ничто же презирати. Тщися, о боговенчанный царю, не точию сия царьства исправити нравы благими, но и Небесная наследовати добродетелными благодеянми. И аще хощеши милостива имети себе небеснаго Царя и Бога, милостив буди и ты, царю, ко всем, да и зде добре и благо поживеши (л. 384)¹³¹⁵ и царьствуеши во веки веком добрым царьским слухом зде, а тамо славою со ангелы Божиими прежде Воскресения и страшнаго Суда силою Творца и премудростию искупителя и Духа Святаго благодатию. Возмогай, о благочестивый царю, о Христе и паки возмогай, да и наследник будеши Небеснаго Царьствия со всеми святыми православными цари, да возможеши со дерзновением рещи во Второе пришествие Господа Бога и Спаса нашего Иисуса Христа: Се аз, Господи, и людие Твои, их же ми еси дал великаго Твоего царьства Росийскаго. И тогда, о благочестивый и боговенчанный царю, и сам услыши сладкий он глас небеснаго Царя и Бога: Благий рабе, добрый и верный, (л. 384 об.)¹³¹⁶ Росийский царю и великий князь Алексий Михайлович всеа Русии, мале Ми бысть верен, над многими тя поставлю. Вниди в радость Господа своего и тогда, царю, внидеши во Царьство Небесное со всеми святыми и приимеши неувядаемый славы венец по божественному апостолу: Их же око не виде и ухо не слыша, и на сердце человеку не взыде, яже уготова Бог любящим Его. И тогда, боговенчанный царю, против своих царьских подвиг и трудов приимеши от Бога мзду сторицею и начнеши царьствовати со Христом в Небеснем Царьствии, со ангелы и всеми святыми славити Бога, в Троицы певаемаго, и веселитися с ними в без(л. 385)конечныя¹³¹⁷ веки. Буди же с тобою, боговенчанным и православным царем, и нам получити Царьство Небесное, благодатию и человеколюбием Господа нашего Иисуса Христа, с Ним же Отцу купно и Святому Духу честь и поклонение ныне и присно и в веки веком. Аминь.

И потом патриарх благословляет царя крестом и паки глаголет ему: Боговенчанный царю и великий князь Алексий Михайлович всеа Русии самодержец, буди на тебе милость Божия и Пречистыя Богородицы и сила Честнаго и Животворящаго Креста, и великих чюдотворцов, и всех святых молитва и благословение, да и нашего смирения молитва и благословение, (л. 385 об.)¹³¹⁸ всего священнаго собора Руския митрополии отныне и до века и во многия годы и века, и на твоей богодарованной матере, великой княгине и царице, и на ее богодарованных царьских чадех. И умножит Господь Бог лет живота царьства вашего, и узриши сыны сынов твоих, и устроит Господь царьство твое, и возвысит Господь царьскую десницу надо всеми твоима недруги и враги, и устроит Господь Бог царьство твое мирно и вечно в род и род и навеки. И вси людие рекут: будет и будет многолетно.

Таже бывает литоргия, и на литоргии по пренесении святых Даров возлагает (л. 386)¹³¹⁹ патриарх цепь златую аравийскаго злата и святый Крест з Животворящим Древом. И прежде совершения святыя литоргии по причастии Тела и Крове Христовы, помазует патриарх елеом святым царя, яко чин показует. Видел ли еси, ответотворче и человекоугодниче, что откуду начало приемлет? Не от царьства священство, но царьство от священства. Елико святыя молитвы и елико священное деяние и заповедание архиерейское показует, что противу сим наша винность пред царем государем и что суть царьская правда.

В молитвословии глаголется: Опасна хранителя святыя Церкви Твоея, которое хранение разве разорения. Како и древнии уставы гречестии поведают сице: Два меча (л. 386 об.)¹³²⁰ владычествовати, иже есть духовный и мирский во представительство людей своих Господь Христос в Церкви утвердил, от них же архиерей духовный, царь же мирский. Помыслил ли кто, еже в оня язвление того проуставлено в сих показуется. Аще которые архиереови не хощут быти послушны от царя, в послушание имут быти принуждени, такожде убо от архиерея, которыя бы царя послушати не восхотели, идеже употребление будет, а сия меча суть владычества и суды двоякия, духовныя и мирския, убо яко мечем мирским казнь имут злодеи. Такожде духовным мечем души грешныя бывают удержани, ту бы кто могл промышляти, аще владычества духовное и мирское теми двема (л. 387)¹³²¹ мечами содержится, который убо от них выщший и достойнейший. Едини разумевают тако, иже бы царь выщши был, неже архиерей, тыя сумнения своего тако подкрепляют. Первее. Яко господьство ни от кого инаго не походит, токмо от Господа Бога. Второе. Егда бы архиерей имел быти выщши нежели царь, тогда бы и начатки шли от него до архиереа, чего не бывает. Над сими же царь во время дар победы от Церкви емлет, а не архиерей. До сего и то прииде, яко цареви дан есть меч предстательство закона, правды, вдов и сирот, им же и судити всякия вещи может, чесо архиереови не благоизволено. Якоже слышим о святем Петре, ему же Избавитель рек: (л. 387 об.)¹³²² Вложи меч твой в место его, хотяще всем показати, дабы со властию мира сего не общался и сим помышления своего тощно ограждают. Противу сего суть нецыи тако утверждают, яко архиерей выщши есть, неже царь. И тое убо толкуют сице, яко Господь Бог архиерею великому даде обое владычество и мира сего и духовную судитися в том, яко Господь Иисус Христос святым апостолом рек: Аще кого свяжете на земли, будет связан на небесех. И сие восхоте распространити на вси тыя наместники. И глаголаша же, яко архиереови дана есть власть на Небеси, яже есть достойнейша, нежели мира сего. Се уже известнейше архиерей вышшим имать быти (л. 388)¹³²³ над сими же, яко архиерей во время и меча и суда мирских потребует, может то творити, что царь обыкл творити, творит бо законы православныма. Еще же к тому сице, еже царя архиерей поставляет и мощен его и вязати по заповедем Божиим, аще бо священницы, им же царие исповедуют греси своя и наричют их отцем духовным, могут и вязати, колми паче архиерей великий, иже над священником, царевым отцем духовным, власть имея, должне есть царя вязати и решити. Царь убо при помазании на царьство должен есть исповедатися, правду разпространяти, неправду же сокрушати, но отложити сопротивление, со обою страну служащее, буди ведати, како тое (л. 388 об.)¹³²⁴ противное совопрошение разрешити, иже в вещех духовных во славу Божию подлежащих, архиерей есть выщши нежели царь. Тако бо суд духовный содержит, но в тех, яже в заступлении мира сего належат, не мнее до службы Божией прилежат, между же собою противления не имут. Обаче архиерей в суде мирском пристяжание имать для лучшаго исправления и в пристойных вещех. Царь же не к тому в церковных и священных правлениих, якоже выше есть писано, ибо есть ли царь не творит ему пристойнаго в Божественых законех, такожде и архиерею возможно быти противу его запрещати, не яко противу царя, но яко противу изступленаго от закона. Власть же (л. 389)¹³²⁵ и владычество Церкви христианстей вящши процвете во время великаго Константина царя: иже был от святаго Селивестра папы крещен и от болезни уздравлен¹³²⁶ той, егда знамением Животворящаго Креста, егда виде на небесе, Максентия победил, и иныя мучители отгнал. Царьство же Греческое и Римское умирил, творяще обещаное моление к Богу палату свою, юже Латеранску палату в Риме зовут, даровал Селивестрови и наместником его верховных святых апостол Петра и Павла нарек. Потом и венец со главы своея и багряницу и иное всякое одеяние царьское на него возложил. Над сими же дал ему скипетр царьский и все знаменование и чин престола царьскаго, (л. 389 об.)¹³²⁷ яко разнейшима достоинствы удобрено было воинство его. Такожде и иереи Церкви святей христианстей учтити и украсити повелел, такожде и иныя архиереи по достоинству почтил, над сими же поставил, дабы он, достойнейший пастырь и его наместники венцем, который со главы своея дал, от злата честнейшаго з драгим камением утвореный, венчани были. И сия вся вящшия ради почести святаго Петра над сими всеми¹³²⁸ христианский царь во знамение великаго покорения¹³²⁹ коня за узду под папою Селивестром приимал. Потом вручил ему Рим и вся Волошскую землю во область даровал. Царьский свой престол пренесл на восток солнца и тамо (л. 390)¹³³⁰ славное место, его же потом во имя свое Константинополь нарече, сотворил. Аще бы кто рекл, како оттуду между некиими сомнение возрасте, еже та два меча христианскаго царьства между двема особы разделилися, еже есть при архиерействе меч духовный, при царе же меч мира сего уставися. Кто абие от тех обою вышши есть, от нею же разное суть помышление людей. Тако приимем первее разумение ученых в законе духовнем, яже утверждают, яко власть царьская имать быти повинна власти архиерейстей. И тое тако подкрепляют¹³³¹ и толкуют, власти архиерейстей поручи Господь Бог ключи Царьства Небеснаго и дал ей силу на земли вязати и решати. К сему же (л. 390 об.)¹³³² архиерейская власть духовная, царьская же мира сего дана есть ему, и вещи власти небесныя, сиречь духовныя, изряднейши суть нежели мира сего или временныя.

Сего ради явнейше царь имать быти мнее архиерея и ему в повиновении. Зане и сие глаголю, яко духовенство есть людие избрании и помазани Духом Святым. Аще ли вси христиане архиереом послушни быти повинни, колми паче той, которой послушание архиереом иныя не покоряющаяся мечем приводит, повинен есть послушание имети.

Второе разумение то есть, яко архиерей силу и власть творити, что належат к суду цареву, еже есть правыми законы во обоем, сиречь в законе сира сего и в духовнем судити (л. 391)¹³³³ и управляти возможет. Еще же царь повинен учинити исповедание¹³³⁴ веры пред архиереом. Он же его исповедание послушав, должен разсудити, аще добре верует и несть клятве достойно. Обаче сие еще вящши могло поведатися на обую сторону, но дабы в должайшую беседу не вдавали, приступим к сему.

Како бы тое себе противное разумение соединити и власть коегождо истинно показати и тако замкнение сопротиворечия будет. Господь Бог всесилный, егда небо и землю сотворил, тогда два светила, солнце и месяц, на нем ходяще, на земле светити повеле, има же нам показа власть архиерейску и царьску. Солнцем показал есть власть архиерейску, месяцем же (л. 391 об.)¹³³⁵ показа власть царьскую, ибо солнце вяще светит во дне, яко архиерей душам, меншее же светило в нощи, еже есть телу. Якоже месяц емлет себе свет от солнца и егда далее от него отступует, тем совершеннейши свет имать. Такоже и царь поемлет посвещение помазание и венчание от архиерея, его же абие восприимет, уже имать свое совершенное светило, еже есть и святейшую силу и власть. Таковое есть то разньствие между тыма двема лицема во всем христианстве, яковая есть между солнцем и месяцем, ибо архиерейска власть во дни, еже есть над душами, царьская же по вещех мира сего и сия власть, еже есть меч царьский, имать готов быти на неприятели веры пра(л. 392)вославныя¹³³⁶, того бо архиерейство и все духовенство потребует, еже их обороняти от всякия неправды и от насилования, то мирстии творити повинни, убо и духовных мирстии для душевнаго избавления и мирских духовнии для обороны потребуют. И тако несть в том един другаго вышши, но киийждо имать власть от Бога. Извествовано есть выше, яко духовенство избраный народ есть, по сему и то имати разумети, яко в закон духовных, еже есть крещение, исповедание и прочая таинства церковная, рукополагают главу, еже есть помазуют благодатию Духа Святаго церковников, мирским же ни. Егда убо поставляют царю, тогда его крестообразно на раменех и сие показует (л. 392 об.)¹³³⁷ разньство собства мира сего и духовней. А еже архиерей царя венчает и освящает, тогда то творит виною чина своего. Тем же царь показует доброволное послушание архиереови, ибо аще бы от него и поставлен не был. Обаче бы был царем, достоинства царьскаго достает мечем, имене же царьскаго освящением архиерейским, его же архирей сотворити виновен.

Ведати¹³³⁸ подобает, яко не вредит закон царьский ни в чем закону духовному, понеже в вещех духовных воля царьская не имать быти выше закона духовнаго, ниже что пристойнаго в Церкви царь того проуставляти или властельствовати имать. Такожде разумети должно и о архиереох и о правилех духовных, (л. 393)¹³³⁹ яже повелевают содержати и престрегати законов царьских, ибо един единаго законы подтверждают, никто же имать правилам церковным и законом царьским и отец святых учению противитися или отвещати что. От сего разумети можеши, яко в коегождо от них уразумети, но и паче что яко душевному избавлению, в вещех духовных належащих, в сих архиерей великий вышши царя. И кийждо человек православный Патриарху¹³⁴⁰ в послушание повинен, понеже он есть отец наш в вере православней, ему же вверена Православная Церковь. Ведати подобает, якобы их власть едина и равна была, и при коемждо его чин и соизволение утвержалася и кийждо от них (л. 393 об.)¹³⁴¹ виною своею имать сохраняти чин свой, якоже ему о Матери Святыя Православныя Церкви предано. И иже бы аще един от них преступил, повинен есть правилным законом. Царя егда изберут, первее должен веритися, яко правду творити, неправду искореняти силою своею и уверение его тако имать быти сими словесы: Уверяюся Господу Богу Вседержителю и единородному Его Сыну Господу нашему Иисусу Христу и Святому Духу и Пречистей Богородице и Приснодеве¹³⁴² Марии в четыре Евангелия, его же в час сей в руку мою имам пред святыми архангелы Михаилом и Гавриилом, яко хощу чисту совесть и верну службу сохраняти Господу моему, светлейшему Господу, Господу Иисусу Христу, (л. 394)¹³⁴³ еже мне в час сей вручено от него чин и достоинство всяких трудов и службы во благих Его, яко бы аще что и тяжестно не отрицатися. Такожде хощу всем мне порученом достоинстве всяких злых наук и неправд хранитися. Еще же исповедаюся, яко есмь человек православныя веры христианин, ей же никогда которым обычаем противитися не буду и инем не попущу, елико силы дал ми есть Бог. Еще же того достоинства никакими дары, ни обещании приимую, хощу же изрядно и пристойно с поддаными Господа моего пребывати и довольствоватися теми доходы, которыя ми суть назнаменаны. Устав же и чины царьства сего умети и сохраняти хощу и того не отступаю (л. 394 об.)¹³⁴⁴ для любве и милосердия, благоиметельства государьства того мне врученая и ввереная в целости сохранити хощю, подданы от злых людей и неправд заступати, на судех правдивым судиею быти, правды держатися. Сия вся обещаваюся содержати и хранити, инако же не творити. Аще ли что от сих преступлю, да воздастся мне немилосердый суд Господа нашего Иисуса Христа, да буду участником со Июдою и да приидет на мя проказа Иозиина и трепет, яко на Каина, и меч кленущихся во лжю. Сия вся да приидет на мя. Тако древний устав о царех новопоставляющихся поведает пять знаменований, их же имать собственне царь. Патриарх в посвящении, егда венчан будет, первый есть венец, его же ему возлагает (л. 395)¹³⁴⁵ на главу, знаменует же, якобы венец с неким облаком над главою, иже имать четыре лилей или цветы¹³⁴⁶ во образ того, яко царь кроткий изрядный богобоязливый имать быти, такожде и иныя люди, яже суть от четырех стихий благостройне водити имать. Такожде има быти покорный, милосердый на добрыя, милостивый и не гневливый, яко лилия между цветы есть. На том венце есть крест в ознаменование, то да памятствует, еже есть на царьство венчан над всеми людьми, их же Сын Божий на Кресте искупил.

Второе знаменование есть хоругвь со орлом, иже имать крест на персех, в ознаменование того, иже Крест пред всеми христианы имать носити ко обороне всех и имать быти всегда готова умрети ради Церкви (л. 395 об.)¹³⁴⁷ Православныя, Ея же он есть щитом. Сего ради и Патриарх, еда его елеом помазует на раменех крестообразно, глаголя и моляся Богови: Господи Иисусе Христе, Сыне Бога живаго, освяти раба Твоего сего, дабы нам был непобедимым щитом противу всех врагов видимых и невидимых. Тако якоже нас Ты сам дрожайшею кровию Своею на древе крестнем освятил и от силы вражия избавил.

Третие знамение есть прапорец посреди жолтый, округ червленый, червлено есть показует истинную милость, юже к Господу Богу и к добрым человеком и благим имети повинен. Желтость показует добродетельство, еже в смертнем телеси показовати прочим повинен, (л. 396)¹³⁴⁸ показует же и смерть, ею же злых казнити по закону должен, понеже желтость, яко врачевствии хитрецы разумеют¹³⁴⁹, смерти знак есть.

Четвертое знаменование есть яблоко златое, иже отверзается и паки затворяется, в него же полно земли¹³⁵⁰ полагают, в ознаменование смерти царевы в его изрядстве и достоинстве.

Пятое знаменование есть скипетр златый, то есть милость златая, иже имать на конце двояку лилию, то есть два цвета. Ту милость вымыслил царь Асперус. Показует милосердие царьское, ибо архиереом обыкл давати сие, в ознамение тако, яко архиерей имать жезл от царя виною любве, (л. 396 об.)¹³⁵¹ да знаменует присно покорство царя ко архиерею, яко отец сыну послушание отдая.

Таже паки пишешь: Лутчи б и пожиточнее было Никону меншие привилеи, потому что оныя подвышшили его, вспех привели, пресматривался в них Никон, как в зеркале. Не радуется Никон в царьских привилеях, ниже хвалится о них, любит Никон святое Христово Евангелие и не еже страдати хощет, но и умрети о нем готов. Слышал Никон святое Писание: Не надейтеся на князя, на сыны человеческия, в них же несть спасения. Всяка слава человеческа яко трава, изсше трава и цвет ея отпаде, глагол же Господень пребывает вовеки.

(л. 397)¹³⁵² Паки глаголеши: Прилучилося ему то, что пишут вершописцы о Нарцису, которой в речной воде присталной просматривал свое лице, чаючи, что не ево. Преклонился, хотя целовати, и как преклонился сверх потребы, утонул. Нам Божественыя законы о сих лживых и суетных писаниих, еже ты глаголеши, не точию измещати повелевают, но и держащих или чтущих извержению подлагают. Господь явно творит слово о твоем безумствии: Не творит древо зло плода добра. И паки от плодов их познаете их, еже объемлют от терния гроздия и от репия смоквы. И паки: От словес своих оправдишися и от словес своих осудишися. И паки: (л. 397 об.)¹³⁵³ Им же судом судиши, осудишися. И паки: Коею же мерою мерите, возмерится. И паки: Зрывый яму, впадется в ню. Тако и ты подобну сложил притчю своему безумию, яко паче меры обезумився и не познався, кто еси ты. В таковую глубину зол снизшел в вечное потопление, еже к тому никто может тя изъяти. И аще бы кто и камень обложил о твоей выи, не погрешил бы истины на вечное твое неисхождение, занеже на вся святыя Божия заповеди и святых апостол и святых отец превознесся. Ново нечто и чюжде Православныя Церкве пишешь, глумотворныя кощуны и яко (л. 398) вторый сатана, не восхотев под Божественым повелением и заповедми быти, тем же подобных себе обрет, низводиши во ад, по писанному: Слепец слепца водяй, оба в яму впадета.

Ответ

Может, есть ли тот, которому дано худо требует. Глаголет убо право духовное: дары данныя неблагодарным назад обираются¹³⁵⁴. Реткия б были твои привилейные дары, и права твоя к особам неблагодарным: Бог противу апостола, одних учинил апостолы, других пророки, не дав одному всех даров, чтоб не имел притти к спесивости и отлучении от своей милости; Рахили дал красоту, толко не позволил из плоду чрева ея. Кривоглаза была Лия, сестра ея, однако ж плодна была. Складал псалмы Давыд и описал, однакож их сам не пел, толко сыны Кореовы складно спивали. Милокротенской коли был силен в чювстве своем, чаял, что быти ему крепку и в руках, слово в слово что и Полидамос, который один из них, хотя рукама держать вертеп каменной, а другою хотел разодрать дерево на полы, разодрал же толко обезсилелся от болшой мочи, и опять древо, как спустилося, захватило руки его и задержало в себе, и пришли после волки и жива съели его. Люцыфер¹³⁵⁵ понеже имел много доброты, и чево ему не достало и какова добра не было, такова не было, одно по одном чтет Езекииль¹³⁵⁶: вознеслося сердце твое в твоей красоте, и испортилася хитрость с красотою твоею, для множества грехов твоих на землю бросил тебя, в погибель ты стал еси и не будеши паки во веки. Увидя его в таких многих благодетельствах неблагодарнаго, что вам кажется, не з болшова лиха что неблагодарение есть некоторой сухой ветер, которой все сушит: цветы, травы, овощи и реки; знак неблагодарнаго человека есть море, которое многия сладкия воды принимает, однакож их пременяет в горкия и солоныя воды. Четыре статьи вне благодарных обретаю пред Богом и человеки. Обретаются некоторыя, которыя не узнают добродетельства и николи гласа не вознесут на небо, моля о своих наставникох и благодарить Создателя своего за добро, которое им богато дал, и они такие суть что боровы, которые желуди ядят, а николи не посмотрят на дуба, которой желуди родит. Иныя неблагодарныя погружают свои добродетели, такия были июдеи, что хулили Моисея и самаго Господа Бога, который им давал ману и мясо заутра и в вечере. Иныя неблагодарныя забывают добродетельств принятых, с чево тот вирш неблагодарной человек приняв благодетельство забывает. Глаголал некоторой милосердец: зло надобно забывать, а добро всегда поминать, и худодетельства на песку писать, а добродетельства на камени вырезывать; а мы супротивно делаем: худодетельство на камени вырезываем, а добродетельство пишем на песку. Обретаются паки иныя неблагодарныя, которыя добродетельства возвращают на злобы и на убытки добродетелей своих. Се есть то, об чем плакал царь и пророк и сего ради возгласил: суди Господи обидящая ми, побори борющая ми. Воздаша ми лукавая вместо благаго и безчадие души моей.

Разорение 25-го вопроса и ответа

Вопрос. Мощно ли государю обратить те привилеи одному кому дал бы.

Послушайте, оба вкупе совопросниче и ответотворче, которыя привилеи? Аще убо сия, еже милости ради Божии давал государь царь Господеви Богу и Пресвятей Богородицы в вечное наследие, якоже изображение зде покажет, коея ради вины дано и кому.

(л. 398 об.)¹³⁵⁷ Образ государевы царевы и великаго князя Алексия Михайловича всеа великия и малыя и белыя Русии самодержца грамоты.

Божиею милостию мы, великий государь царь и великии князь Алексий Михайлович всеа великия и малыя Русии самодержец, пожаловали есмя отца нашего и богомолца великаго государя Святейшаго Никона Патриарха Московскаго и всеа великия и малыя Русии.

В прошлом во 162-м году по нашем отшествии от царьствующаго нашего града Москвы с воинскими людми на неприятеля своего, на Полскаго короля за изгнание православныя христианския веры и за великия его¹³⁵⁸ неправды и нестерпимыя досады, волею Божиею учинилося в царьствующем (л. 399)¹³⁵⁹ нашем граде Москве моровое поветрие. И мы, великий государь царь и великий князь Алексий Михайлович всеа великия и малыя Русии самодержец, писали к нему, отцу нашему и богомолцу, великому государю Святейшему Никону Патриарху Московскому и всеа великия и малыя Русии, чтоб за милостию Божиею, как ево всемогущий Господь Бог наставит, о нашей царице и великой княгине Марии Ильиничне и о сыне нашем, благовернем царевиче и великом князе Алексие Алексиевиче, и о сестрах наших, о благоверных царевнах, благоверней царевне и великой княжне Ирине Михайловне, о благоверней царевне и великой княжне Анне Михайловне (л. 399 об.)¹³⁶⁰ и о благоверней царевне и великой княжне Татиане Михайловне, и о дщерях наших, о благоверней царевне и великой княжне Евдокии Алексиевне и о благоверней царевне и великой княжне Марфе Алексиевне промышлял. И он, отец наш, великий государь Святейший Никон Патриарх Московский и всеа великиа и малыя Русии, прося у всемогущаго Господа Бога милости, промышлял, от мороваго поветрия берег и милостию Божиею и Пресвятыя Владычицы нашея Богородицы и заступлением всемогущему Господу Богу великих Московских чюдотворцов Петра и Алексия и Ионы и Филиппа.

И молитвами отца нашего и богомолца (л. 400)¹³⁶¹ великаго государя Святейшаго Никона Патриарха Московскаго и всеа великия и малыя Русии и ево бодроопасным тщанием наша царица и великая княгиня Мария Ильинична¹³⁶² и сын наш, благоверный царевич и великий князь Алексий Алексиевич и сестры наши, благоверная царевна и великая княжна Ирина Михайловна и благоверная царевна и великая княжна Анна Михайловна и благоверная царевна и великая княжна Татиана Михайловна, и дщери наши, благоверная царевна и великая княжна Евдокия Алексиевна и благоверная царевна и великая княжна Марфа Алексиевна от мороваго поветрия сохранены и выехали невреждено, и до нас, (л. 400 об.)¹³⁶³ великаго государя, приехали в добром здоровье. И мы, великий государь царь и великий князь Алексий Михайлович всеа великия и малыя Русии самодержец, с нашею царицею и великою княгинею Мариею Ильиничною и с сыном нашим, благоверным царевичем и великим князем Алексием Алексиевичем, и с сестрами нашима, со благоверною царевною и великою княжною Ириною Михайловною и со благоверною царевною и великою княжною Анною Михайловною и со благоверною царевною и великою княжною Татианою Михайловною, и со дщерьми нашима, со благоверною царевною и великою княжною Евдокиею Алексиевною и со благоверною царевною (л. 401)¹³⁶⁴ и великою княжною Марфою Алексиевною милости ради Божия и Пресвятыя Богородицы, благодарственная воздая Господу Богу и Пресвятей Богородицы, изволили дати в наше богомолье Новгородскаго уезду Деревския пятины в дом Пресвятыя Богородицы и святых чюдотворцов Филиппа митрополита Московскаго и Иякова блаженнаго в Ыверской монастырь, что на Святе озере, в строение отца нашего и богомолца великаго государя Святейшаго Никона Патриарха Московскаго и всеа великия и малыя Русии от Холмовскаго уезду вниз до Илменя озера в Староруском уезде погосты. Погост Коломенской, погост Черенчицы и с селом Шотовым, погост Рамышов (л. 401 об.)¹³⁶⁵ и с селом Парфиным, со крестьяны и з деревнями и с пустошми по реке Волоти и со всеми угодьи, что к тем погостам из старины было по писцовым книгам, крестьян и бобылей и пашенныя земли и сенные покосы и рыбныя ловли, реки и озера и лешие угодья, звериные ловли и бобровые гоны и всякия угодья в вотчину вовеки неподвижно.

А по писцовым книгам в Коломенском погосте в живущих село да семнатцать деревень да пятьдесят две пустоши. А в селе и в деревнях сто дватцать дворов крестьянских, а людей в них тож. Да в тех же дворех братьи и детей и внучат и пле(л. 402)мянников¹³⁶⁶ и зятьи и сосед и подсоседников четыреста пятьдесят девять человек да три двора бобылских, а людей в них тож. Да в тех же дворех братьи и детей шесть человек. Да тех же деревень сошлых крестьян и их детей и братьи шеснатцать человек. Пашни паханые и перелогу и лесом поросло середние и худые земли тысеча четыреста девять чети без третника, сена нет. Лесу непашеннаго около поль в длину на восмь верст с полуверстою, а поперег на тринатцать верст с четью.

В Черенчицком погосте живущих погост да село да четыре деревни, а в них шестьдесят девять дворов крестьянских, а людей в них тож. (л. 402 об.)¹³⁶⁷ Да в тех же дворех братьи и детей и внучат и племянников и зятьи и сосед и подсоседников двесте тритцать один человек да пятнатцать дворов бобылских, а людей в них тож. Да в тех же дворех братьи и детей девятнатцать человек. Пашни паханые и перелогу и лесом поросло середние земли триста шестьдесят семь чети с осминою. Лесу непашеннаго около поль в длину на пять верст, а поперег на две версты с полуверстою.

В Рамышевском погосте живущих погост да селцо да девятнатцать деревень с полудеревнею да дватцать две пустоши. А на погосте и в селце и в деревнях (л. 403)¹³⁶⁸ сто шестнатцать дворов крестьянских, а людей в них тож. Да в тех же дворех братьи и детей и внучат и племянников и зятьи и сосед и подсоседников двесте девяносто девять человек да пять дворов бобылских, а людей в них тож. Да в тех же дворех братьи и детей девять человек. Пашни паханыя и перелогу и лесом поросло середние и худые земли шестьсот шестьдесят пять чети без четверика. Лесу непашеннаго около поль в длину на девятнатцать верст, а поперег десять верст с четвертью.

А имяна тем погостам и деревням и пустошам и всяким угодьям и крестьяном и их детем и братьи и пле(л. 403 об.)мянником¹³⁶⁹ и соседом и подсоседником написаны в отказных книгах подьячево Ивана Темирева за приписью дьяка Василья Шпилкина нынешняго 163-го году. И те погосты з деревнями и со всеми угодьи в Ыверской Святоозерской монастырь архимандриту з братьею или хто впредь в том монастыре иные архимандриты и братья будут в вотчину вовеки неподвижно.

А будет кто, забыв чаяние будущаго суда Божия и воздаяния коемуждо по делом, восхощет от святаго места что святотатством отъяти нашего жалованья от недвижимых тех вещей, еже есть от вотчин, да отъимет от него Господь Бог святую милость Свою и затворит двери щедрот Своих, (л. 404)¹³⁷⁰ якоже и от всех похищников и преобидников святых мест недвижимых вещей, а да приидет на него неблагословение и смерть, якоже на Ананию и Сапфиру.

Дана сия наша царьская жалованая грамота в царьствующем нашем граде Москве лета 7163-го апреля в день¹³⁷¹.

Образ государевы грамоты 2-я.

Пребезначалная и Живоначалные Троицы Отца и Сына и Святаго Духа, видимых и невидимых всех единаго Бога, верный поклонник и раб истинный по святей Его милости, аз, государь царь и великий князь Алексий (л. 404 об.)¹³⁷² Михайлович всеа великия и малыя Русии самодержец и со благоверною царицею нашею и великою княгинею Мариею Ильиничною и с сыном нашим благоверным царевичем князем Алексием Алексиевичем великия ради Божия милости, иже хотяй за малая великая и за тленная нетленная воздати и молитв ради Пречистыя Богородицы, Ея же ради вси надеемся спастися и иже во святых отца нашего новаго исповедника и священномученика Филиппа митрополита Московскаго и всеа Русии чюдотворца и святаго Иакова Праведнаго, от Бога даннаго нам царьства и отчины пожаловали есмя отца нашего и богомолца великаго государя Святейшаго Никона Патриарха (л. 405)¹³⁷³ Московскаго и всеа великия и малыя Русии по его прошению и обещанию повелели ему вновь сотворити монастырь Пречистыя Богородицы честнаго и славнаго Ея Одигитрия Иверские и иже во святых отца нашего новаго исповедника священномученика Филиппа митрополита Московскаго и всеа Русии чюдотворца и святаго праведнаго Иякова в Новгородском уезде в Деревской пятине на острову на озере Волдае, а ныне по нашему царьскому изволению вновь именуемо Святоозеро.

А к тому монастырю Пречистые Богородицы Иверские и святых чюдотворцов Филиппа и Иякова пожаловали есмя из наших дворцовых сел в вотчину село Волдай (л. 405 об.)¹³⁷⁴ на том же Святе озере и с тем Святым озером. Да к тому же селу погост Еглицкой, погост Колодцкой, погост Нереходцкой з деревнями и с починки и с пустошми, да оброчныя наши рядки, рядок Яжелбицкой на Болшой Московской дороге на реке на Поломяти да на том же Яжелбицком рядку пустую ямскую землю с пустошми и с починки. Да в Михайловском погосте рядок Едров на Едровском озере, да на том же рядку пустую ямскую землю с пустошми и с починки. Погост Великопорожской и Печник на реке на Мсте, рядок Березовской на реке на Мсте ж да на реке на Березаи, в Демонском погосте рядок Селишской на реке (л. 406)¹³⁷⁵ Уяне, в Полоновском погосте рядок Полоновской берегом возле озера Селигеря, да в Бежецкой пятине рядок на Вышнем Волочке, да погост Петровской и Борисоглебской на реке на Мсте в Боровичах, погост Спаской и Боровицкой на реке на Мсте же, в том Спаском и Боровицком погостех рядок Потерпелец на реке на Мсте, пустошь Выдропуск, что преж сего бывал ям на реке на Тверце с пустошми. И того села Волдая и погостов и рядков селы и з деревнями и пустошми и починки и селищи и займищи и в них торговыми и ремесленными всяких чинов людми (л. 406 об.)¹³⁷⁶ и крестьяны и бобыли со всеми их животы и с промыслы и с пашнею и с лесы и с сенными покосы и с отхожими пожнями и с рыбными ловлями и с мелницами, с реки и с озеры, со мхи и з болоты и з бобровыми гоны и з звериными стойлы, со вспуды и с перевесы и со всеми угодьи по страине, как было за нами, великим государем, в наших дворцовых селех, с таможенными пошлинами и с перевохами и с хлебными запасами и со всякими поборы со всеми доходы во веки неподвижно, Дóндеже и мир вселенней стоит.

Да к тому ж монастырю Пречистые Богородицы Иверския пожаловали есмя в вотчину ж в Коротицком же погосте монастырь (л. 407)¹³⁷⁷ Пречистые Богородицы честнаго и славнаго Ея Покрова со крестьяны и со всеми угодьи, да в Обонежской пятине в Деревяницком погосте монастырь Лисей Рожества Пречистые Богородицы со всеми вотчинами того монастыря, с селы и з деревнями и с починки и с пустошми и со всеми угодьи, да в Петровском и в Борисоглебском погостех в Боровичах пониже посаду на реке на Мсте монастырь Сшествие Святаго Духа и Покрова Пречистые Богородицы и святаго праведнаго Иякова чюдотворца со всеми вотчинами того монастыря, с селы и з деревнями и с починки и с пустошми, с реки и с озеры и со всякими угодьи по тому ж, как писано выше сего в сей нашей царьской жалованой грамоте.

Да к тому же монастырю Пречистые Богородицы (л. 407 об.)¹³⁷⁸ Иверския пожаловали есмя в нашем царьствующем граде Москве в Китае городе за Ветошным рядом в тупике на приезд того монастыря властям з братьею двор, что преж сего на том дворе стаивали гречане, а в межах тот двор с одну сторону двор Новгородскаго митрополита, а з другую сторону монастырь Богоявленской. Да в Великом Нове-городе пожаловали есмя в тот же Святоозерской монастырь Михайловский двор Милославскаго с садом и со всяким строением на приезд того монастыря властем з братьею по старым межам и по писцовым книгам.

Также мы, великий государь царь и великий князь Алексий Михай(л. 408)лович¹³⁷⁹ всеа великия и малыя Русии самодержец и наша благоверная царица и великая княгиня Мария Ильинична и сын наш благоверный царевич князь Алексий Алексиевич по прошению отца нашего и богомолца великаго государя Святейшаго Никона Патриарха Московскаго и всеа великия и малыя Русии пожаловали, велели ему дать к тому монастырю Пречистые Богородицы Иверские и святых чюдотворцов Филиппа и Иякова купленые его вотчины, что ему продали столник наш князь Иван князь Дмитреев сын Пожарской отца своего боярина князь Дмитрея Михайловича Пожарскаго купленую вотчину, что он купил у князь Евфима Мышецкаго в Новгородском уезде в той же Деревской (л. 408 об.)¹³⁸⁰ пятине в Листовском погосте сельцо, что бывала деревня Рахин Мост на Московской дороге по обе стороны реки Холовы, да в Волоцком погосте усадбище селцо Плоское з деревнями и с починки и с пустошми, да в Новоторжском уезде в Защегринском стану купленую же вотчину, село, что была слободка Шумковская на реке на Тверце, что ему продал Иван Иванов сын Урусов отца своего купленую вотчину Ивана Степанова сына Урусова, да в Клинском уезде купленые ж вотчины, что ему продала вдова Дарья дьяка Гавриловская жена Леонтиева з детми с Ываном и з Борисом селцо Щапово з деревнями и с пустошми, (л. 409)¹³⁸¹ да Назарей Герасимов сын Мартемьянов деревню Максимково да деревню Ясенево да деревню Дмитрову, да что ему продали Чюдова монастыря архимандрит Ферапонт да келарь старец Феодосий з братьею по приказу и по духовней вдовы Федосьи Павловы жены Волынскаго вотчину в Московском уезде в Манатьине и в Быкове и в Коровине стану деревню, что была пустошь Холзуево, а Ескино и Фуниково то ж, на Коровье враге, да погост на речке на Студенке с пустошми по тому же, со всеми угодьи.

Также пожаловали есмя, утвердили и укрепили в монастырь Пречистые Богородицы Иверские и святых чюдотворцов Филиппа и Иякова в вотчину в Старой Русе у соля(л. 409 об.)наго¹³⁸² озерка на берегу на Порусье реке блиско Старорусскаго посаду шесть варниц вкладных с црены и с соляными анбары и со всякими варнишными заводы, да двор, которой поставлен для того солянаго варничнаго промыслу в Старой Русе святые великомученицы Парасковии нареченые Пятницы с огородом. А те шесть варниц и двор с огородом, со всякими заводы по нашему царьскому указу дал вкладу в монастырь Пречистые Богородицы Иверские и святых чюдотворцов гостиной сотни Парфеней Лукьянов сын Веневитов и теми варницами и двором с огородом владеть вовеки неподвижно. А оброку (л. 410)¹³⁸³ с тех варниц и с соли пошлин имать не велели. Также есмя пожаловали отца нашего и богомолца великаго государя Святейшаго Никона Патриарха Московскаго и всеа великия и малыя Русии меновными вотчинами, что в нынешнем во 162-м году по его указу выменили Пречистые Богородицы Иверские и святых чюдотворцов Филиппа и Иякова Святоозерскаго монастыря архимарит и келарь и казначей з братьею Живоначалные Троицы Сергиева монастыря у архимандрита и у келаря и у казначея з братьею их монастырьские вотчины в Новоторжском уезде в Дмитровской волости село Медну да в Перевитцкой волости село Кунганово з деревнями и с пустошми, (л. 410 об.¹³⁸⁴ да в городе Торжку двор осадной да в Тверском уезде в Шесткинском стану село Стружню з деревнями и с пустошми, да в Старицком уезде в Выворовской волости село Станишино да село Васильевское з деревнями же и с пустошми, да в Великом Нове-городе двор осадной с садом и со всем дворовым строением, да в Новгородском уезде в Деревской пятине в Сытинском погосте село Кунью гору, да в Листовском погосте село Сопки, да в Ладожинском стану деревня Доброва з деревнями же и с пустошми, с реки и с озерами и со всякими угодьи на монастырскую свою вотчину, (л. 411)¹³⁸⁵ что им пожаловал он, отец наш и богомолец, в Кашинском уезде село Горицы да село Стоянец, да приселок Русилово з деревнями и с пустошми и со всякими угодьи. А те Кашинския села отец наш и богомолец, великий государь Святейший Никон Патриарх, выменил из домовых вотчин Пречистые Богородицы честнаго и славного Ея Успения и великих святителей Петра и Алексея и Ионы Московских и всеа Русии чюдотворцов на Курмышскую свою вотчину на село Онтоново да на деревню Юрьевку, что пожаловали мы, великий государь, ему, отцу своему и богомолцу, то село Антоново и деревню Юрьевку по старине особь в вотчину. И те меновные и купленые вотчины (л. 411 об.)¹³⁸⁶ и варницы по тому ж со всеми угодьи, как писано выше сего в сей нашей царьской жалованой грамоте по нашему царьскому жалованью в дом Пречистые Богородицы Иверские и святых чюдотвоцов Филиппа и Иякова также во веки неподвижно, Дóндеже мир вселенней стоит и сия святая обитель.

А четвертная пашня в тех во всех вотчинах в нашем жалованье и в купленых и в меновных в селех и в деревнях и в погостех и с пустошах и в починках и в рядках торговые и ремесленые и всяких чинов люди и крестьяня и бобыли и селища и займища и сено и лес и отхожие пожни и реки и озера (л. 412)¹³⁸⁷ и рыбные ловли и мелницы и всякие угодья по нашим царьским жалованым грамотам и по старым и по новым писцовым книгам и дозорным и платежным и по дачам и по выписям и по купчим и по закладным и по меновным записям и по даной.

А будет хто тем купленым и закладным вотчинам и варницам выищется по родству вотчич и похочет те вотчины из монастыря Пречистые Богородицы выкупить или меновными вотчинами розменятися, и тех вотчин и варниц на выкуп и на розмен никому не давать, крепки те вотчины и варницы по нашему царьскому жалованью, по сей нашей царьской жалованой грамоте в дому Пречистые Богородицы (л. 412 об.)¹³⁸⁸ Иверские и святых чюдотворцов Филиппа и Иякова вовеки неподвижно.

Также мы, великий государь царь и великий князь Алексий Михайлович всеа великия и малыя Русии самодержец, и благоверная наша царица и великая княгиня Мария Ильинична и сын наш благоверный царевич князь Алексий Алексиевич пожаловали отца нашего и богомолца великаго государя Святейшаго Никона Патриарха Московскаго и всеа великия и малыя Русии, что преж сего в том селе Волдае, а по нынешнему прозванию в Богородицком, и в ыных селех и в деревнях и в рядках и на погостех, которые по нашему царьскому жалованью в вотчинах Пречистые Богородицы Иверскаго мо(л. 413)настыря¹³⁸⁹ торги есть и впредь будут, пошлину имать велели рублевую против нашего государева указу со всяких товаров, а мостом и перевозом быти по прежнему и збирати мостовщина и перевоз и пошлину по нашему царьскому указу в домовую Пречистые Богородицы монастырскую казну по сей нашей царьской жалованой грамоте и по сему нашему царьскому жалованью. И велели есмя тех крестьян, что ныне дали по прошению отца нашего и богомолца великаго государя Святейшаго Никона Патриарха Московскаго и всеа Русии в монастырь Пречистые Богородицы Иверские село Богородцкое с селы и з деревнями и рядки и погосты и починки обелити от всяких наших пошлин и с тех (л. 413 об.)¹³⁹⁰ крестьян никоторые нашие пошлины, рыбные и лавочные и анбарные и приметных и данных и оброчных и тамги и осминничных денег, ни явки, ни пятиннаго, ни свадебнаго, ни убруснаго и никаких пошлин на нас имать есьмя не велели и наши десятинные пашни не пашют и сена не косят и никакова изделья на нас не делают, и наших дворцовых сел старостам и целовалником и соцким ни в какие протори и в мирские розметы с волостными людми ничего не тянут, и к нашим ни к которым делем к таможенным и кабацким збором в головы и в целовалники, ни к десятинному и ни к какому збору (л. 414)¹³⁹¹ тех монастырских крестьян не выбирати и не посылати ни в какие в отъезжие службы. А что будет Пречистые Богородицы Иверскаго монастыря вотчины того села Богородцкаго и иных сел и рядков и погостов и деревень и починков крестьяня в которых городех или в волостех купят на монастырской обиход хлеба и рыбы и всяких монастырских запасов, что им надобно на монастырской обиход, или продадут хлеба же и рыбы и соли и всяких запасов, и наши приказные и всякие пошлинные люди и таможенные головы и целовалники и откупщики дают и спуд и меру безпошлинно, не изволоча. А пошлин у них с тех покупных (л. 414 об.)¹³⁹² и продажных со всяких монастырских товаров ничево не емлют. Такоже посланники наши в том селе, что был Волдай, а ныне Богородицыно, и в ыных селех и в деревнях и в рядках и на погостех и на починках, которые ныне по нашему царьскому жалованью отданы в вотчину Пречистые Богородицы в Иверской монастырь, у крестьян во дворех и в анбарех и в лавках не ставятца, ни подвод и проводников и судов и гребцов и кормщиков у них не емлют и из волости в волость их не провожают и под нашу казну и под десятинную рыбу и под наши запасы судов у них не отписывают и подвод у них не емлют. И наши бояря (л. 415)¹³⁹³ и воеводы и приказные люди тех монастырских крестьян не судят и не ведают их ни в чем, ни в каких делех, и пошлин с них и явки не емлют. А судят их и ведают во всем того Пречистые Богородицы Иверские и святаго священномученика новаго исповедника Филиппа митрополита Московскаго и всеа Русии и святаго праведнаго Иякова чюдотворцов новаго Святоозерскаго монастыря архимандриты и братия. А кому будет на тех монастырских крестьянех чего искати, и они бьют челом на тех крестьян нам, великому государю, и тех монастырских вотчин крестьян судят бояре наши на Москве на один срок, на Бого(л. 415 об.)явлениев¹³⁹⁴ день, а без нашего указу мимо того сроку наши дети боярские и неделщики и розсылщики и их ездоки и всякие наши пошлинные люди к ним не въезжают ни по что и на поруки их не дают, и по приставным памятем сроков не наметывают, и ни по что к ним не всылают. А будет случитца на котором городе тем монастырским крестьяном какая гибель или татьба или грабеж или убивство, и учнут они на тех людей бити челом нашим бояром и воеводам и приказным людем, приставов на поличное давати и лихих людей имать и управу чинить по нашему указу безволокитно. А учнут (л. 416)¹³⁹⁵ искати или отвечати монастырские крестьяне перед нашими бояры и воеводы и приказными людми какова дела ни буди, и они судных пошлин и пересуду и праваго десятка и поконных и хоженых и никаких пошлин не дают ничево.

А отцу нашему и богомолцу великому государю Святейшему Никону Патриарху теми вотчинами, селом Богородицыным с селы и з деревнями и рядки и погосты и починки пустошми и озеры и рыбными ловлями и всякими угодьи велети владеть и ведати новаго монастыря Пречистые Богородицы Иверские и иже во святых отца нашего Филиппа митрополита Московскаго и всеа Русии и святаго праведнаго Иякова чюдотворцов (л. 416 об.)¹³⁹⁶ архимандритом и братье в вотчине по сей нашей царьской жалованой вотчинной утверженой грамоте вовеки неподвижно.

А то мы, великий государь, даруем всякую повольность в дом Пречистые Богородицы и великаго архиерея новаго исповедника священномученика Филиппа митрополита Московскаго и всеа Русии и святаго праведнаго Иякова чюдотворцов вместо великих дароношений.

А хто будет по нас сие наше царьское вечное повеление чем презрит и сию нашу жалованую вотчинную утверженую грамоту какими мерами или которыми причинами нарушит или из дому Пречистые Богородицы Иверские те вотчинные (л. 417)¹³⁹⁷ села и деревни и рядки и погосты и починки и пустоши и озера и рыбные ловли или иные какие угодья отнимет или не учнет вечно творити и ходити о всем так, как в сей нашей царьской жалованой вотчинной грамоте писано, и того судит Бог, якоже и прежних неправедников, которым за их великое согрешение в сем веце не стерпев Божие милосердие погубило без милости, а в день Судный да воздаст Бог, якоже Июде и прочим злодеем, и да обрящет себе Бога ратующа и затворит от них двери щедрой милости Своея. А яже при нас зде всякую обиду всяко немилосердие казнь.

Дана сия наша (л. 417 об.)¹³⁹⁸ царьская жалованая вотчинная утверженая грамота в нашем царьствующем граде Москве за нашею государьскою подписью и за золотою печатью лета 7162-го маия в 6 день.

А напоследи приписано: Рука великаго государя царя и великаго князя Алексия Михайловича всеа великия и малыя и белыя Русии самодержца.

Божиею милостию мы, великий государь царь и великий князь Алексий Михайлович всеа великия и малыя Русии все, елико в сей нашей грамоте в дом Пресвятые Богородицы и великаго чюдотворца Филиппа митрополита в Иверской монастырь дал и своею рукою подписал, да будет сохранено навеки.

(л. 418)¹³⁹⁹ Тако и святому Животворящему Кресту Господню, тако и святому Живоносному Христову Воскресению грамоты государевы писаны для вечнаго государева постоянства и утвержения, з Господем Богом, а не мною, смиренным и грешным Никоном Патриархом.

Како же ты глаголеши, ответотворче, яко может, есть ли тот, которому дано, худо требует. Глаголеши, убо право духовное, дары даные неблагодарным назад отбираются, редкия б твои привелейные дары и права твоя к особным неблагодарным. Како же ты глаголеши, ответотворче, дары даныя неблагодарным назад отбираются? У ково царю назад велишь взять даныя Богу (л. 418 об.)¹⁴⁰⁰ за многую Его милость? Или, хотя б и мне даны за мою работу и труды, за што взять? Разгневався царь неправедно, а яже даные Господеви возложеныя паки возвращати.

Послушай, прелестниче, аз ти покажу, а ты то хотящим отъяти скажи.

И¹⁴⁰¹ бысть, рече, Авель пастырь овцам, Каин же делая землю. И бысть по днех, принесе Каин от плодов земли жертву Богу, от вторых, а не от первых, от худых, а не от добрых. И Авель принесе и той от первородных овец его и от туков их. И призре Господь на Авеля и на дары его, на Каина же и на жертвы его не внят. И оскорбе Каин зело, и испаде лице его, (л. 419)¹⁴⁰² и рече Господь Каину: Что оскорблен бысть и Вскую испаде лице твое? Не убо праведно принесе Ми, праве же не приносиши, согрешил еси, умолкни к тебе обращение Его, и ты тем владей.

Видели, ответотворче, колико гнусно Богу неправедно приносити. Самому Богу свидетелствующу: Неправедно принесе Ми, праве же не приносиши, согрешил еси, умолкни. Колико согрешают, принесше малое что Богу, и паки разгневася на кого, возвратити хотят. А иже чюждая восхищаяй, коликих зол достойни суть. Но что по сих: Воста, рече Каин на Авеля, и уби его. Недоволен окаянный человек единым грехом к Богу, но (л. 419 об.)¹⁴⁰³ противу ста Богу, уби и брата своего, ниже Бога боится, ниже родителскаго безчадства, ниже братския любве пощаде. И тако зависть бесовская вниде в мир и простреся даже и до ныне. И не точию наказуются Божественым наказанием, еже согрешил еси, умолкни, но и на убийство братне поучаются и самому Богу прекословят во гресех своих.

И рече Господь Бог к Каину: Где есть Авель, брат твой? Он же рече: Не веде. Еда страж брату моему есмь аз? Тако и ныне государь царь и прочии глаголют: Сам де он, покинув престол свой, нихто де ево не гонил.

Тем же (л. 420)¹⁴⁰⁴ паки рече Господь: Что сотворил еси? Се глас брата твоего вопиет ко Мне от земли. И ныне проклят ты на земли, яже разверзе уста своя прияти кровь брата твоего, и егда делаеши землю, не приложит силы своея дати тебе, стеня и трясыйся будеши на земли.

Зриши ли, неправедный ответотворче, колико зло приносит прекословие к Богу, клятву земли, неплодство и во всяком деле непоспешество, стенание, то есть печали и скорби множество, трясение, то есть смятение ума и непостоянство. И что по сих? Отчюждение от Бога.

И рече Каин ко Господу Богу: Вящшая (л. 420 об.)¹⁴⁰⁵ вина моя, еже оставити ми ся.

Видиши ли, ответотворче, како люто злоба, яко ни к Богу хощет покаятися, но желает оставитися.

И аще рече: Изгониши мя днесь от лица земли, и от лица Твоего скрыюся, и буду стеня и трясыйся на земли, и будет всяк, обретаяй мя, убиет мя. Толико зло грех, яко и от Бога отчюждитися и стояти и трястися и убитися не отмещется.

И рече Господь Бог: Не тако. Всяк убивый Каина седмь отмщений приимет. И положи Господь Бог знамение на Каина, еже не убити его всякому обретающему его. И изыде Каин от лица Божия и вселися в зе(л. 421)млю¹⁴⁰⁶ Наид прямо Едему. Камо отшел еси Каине и каинотворящие беззаконие, уне быти глаголати: Камо иду от духа Твоего и от лица Твоего камо бежу? Аще взыду на небо, тамо еси, аще сниду во ад, тамо еси, аще возму криле мои рано и вселюся в последних моря, и тамо удержит рука Твоя.

И аще не бы порожно Богу принесл еси, не быти такова страсть случилася. И аще не бы позавидел брату своему и погна его без правды от жизни сея, не быти случилося самому отлучитися от Бога. Якоже и ныне от Тебе образ злобы навыкшии, гоняют без правды братию свою, иже имут отлучитися по писа(л. 421 об.)ному¹⁴⁰⁷ во Евангелии: Отъидите от Мене, проклятии, во тму кромешную, взалках бо ся, и не дасте Ми ясти. И прочее.

Согрешения же Каинова семдь.

Первое¹⁴⁰⁸ зависть, еже позавиде брату своему Авелю в добродетелех, зане принесе Богу дары от первородных своих овец, Каин же от других, доброе же себе, а не Богу. Еже и ныне беззаконный закон, его беззаконницы держат, хуждшее Богу приносят, а лучшее себе употребляют. Тем же священник молится, глаголя: Твоя от твоих Тебе приносяще о всех и за вся. Ныне же не глаголют, еже Твоя от твоих Тебе приносим, но мое Тебе приношу, и о сем (л. 422)¹⁴⁰⁹ раскаиваются.

Второе лесть, с нею же веща брату рек, изыдеве на поле. Сице и ныне благотворящих прелщают и отводят от себе.

Третие убийство, прилог злобе, еже и ныне закон убийства держится, оттоле поченшися.

Четвертое яко братоубийца. Господу свидетелствующу: Предаст брат брата на смерть.

Пятое яко первый убийца и лукавству показатель всем живущим на земли, еже и доднесь от такова лукавства не престает человеческий род.

Шестое яко родителем плач сотвори. И оттоле мнози и ныне родители плачют, чад своих лишаеми (л. 422 об.)¹⁴¹⁰ от неправедных убийц.

Седмое яко Богу солга. Вопрошен бысть, где есть брат твой Авель, и рече, не вем. Тако и ныне, в них же согрешают человецы в Божественых и глаголют, не ведая, но Бог тех ведущих множае имать мучити, не ведущих же не толико, но и те без муки не будут.

Сия убо седмь согрешений от Каина прозябшии и доныне в роде сем лукавнем и грешнем пребывают в человецех.

А яже седмь мук Каиновых, сия суть. Первое, проклята земля от Тебе. Второе, делати землю. Третие, и не приложит дати тебе крепость свою. Четвертое, (л. 423)¹⁴¹¹ стонание. Пятое, трясновение, и будеши, рече, трясыйся на земли. Шестое, юже сам Каин открыв, рек: Аще отженеши мя ныне от Тебе, и от лица Твоего скрыюся. Тяжчайшая мука, еже от Бога разлучение. Седмое, еже не укрытися мучения, но знамение проявлено всем проповедати стонания ради и трепета. И сих ради двоих вин жертвы неправедныя и зависти вся злая вниде в мир даже и доднесь.

Коея ради неправды первый мир погибе потопом и коих ради добродетелей Ное сам есмь спасеся, аще не дары и приношенми лучшими и не раскаяйными. И первый от Бога завет прият, (л. 423 об.)¹⁴¹² на небеси знамение дугу поставлену, еже к тому не быти потопу, и по первом праотцы Адаме вторый всему человеческому роду отец наречеся. Такожде и Авраам, праотец наш, не дароношения ли ради угоди Богу, обетование прият и сына своего Исаака единороднаго возлюбленаго вознесе Господеви на всеплодие. И не усумнеся и вместо единаго яко звезды небесныя и яко песок морский умножи сыны тому Бог.

Древнему¹⁴¹³ же писанию, глаголющу: Всяк обет, иже обещает человек Господу от всего, елико ему есть. От человека и до скота, и от нив одержания его, и не отдаст, ниже (л. 424)¹⁴¹⁴ искупит всякаго обета, святая бо святых, рече, будет Господу и от всякаго обета, иже обещает человек, смертию да умрет. И паки: Аще¹⁴¹⁵ обещаеши обещание Господу Богу твоему, да не умедлиши воздати его, яко взыща взыщет его Господь Бог твой от Тебе, и будет на тебе грех. Исходящая от уст твоих снабди и сотвори, им же обещася Господу Богу твоему дар, еже еси глаголал устнама твоима. Не приемли бо, рече, имени Господа Бога твоего всуе, не очистит бо Господь прилагающих имя Его туне. И паки: яко аще обещаеши обет Богу, не умедли его отдати, яко несть (л. 424 об.)¹⁴¹⁶ хотение твое безумно, ты бо елико обещався, отдаждь. Благо, еже не обещатися, нежели обещатися, не отдати. Не дай же устен своих согрешити плоти своей, да не речеши пред лицем Божиим, яко невидима суть, да не прогневается Господь о глаголе твоем и погубит дело рук твоих, и обрящешися лжа перед Господем Богом твоим.

Видели, лживый ответотворче, древле реченое о хотящем отвечати, коль страшно, и что бысть Ахару сыну Хармиеву, еже взят от возложеных Богу мало нечто, на весь Израиль гнев Божий бысть.

Отпустил фараон царь Египетской (л. 425)¹⁴¹⁷ люди Божия Израиля, паки хотя возвратити, в мори потоплен бысть со всем воинством. Восхоте Амалик Израилю противу стати, в пустыни поражен бысть.

Разорение 25-го вопроса (продолжение)

Взыде Сусаким царь Египецкой на Иерусалим взяти сокровища святыя церкви, и порази его Господь. Взыде Сенахирим царь Асирийской взяти святая, и поругася святому Сиону, и порази ангел 185 тысящ. Взят Навуходоносор царь Вавилонской сосуды от святыя церкви, от царьства изгнася и со зверьми седмь лет пасяся. Взят Валтасар царь Вавилонской святыя сосуды в свою потребу, в ту нощь смертию умре, и царьство Вавилонское скончася. (л. 425 об.)¹⁴¹⁸ Взыде¹⁴¹⁹ Антиох царь на Иерусалим взяти церковное богатство, лютою смертию скончася, сам о себе свидетельствова, яко того ради умре. Взят Ахаз царь казну церковную и отдаде Асирийскому царю, и не бысть во благо, но паче гнев Божий умножи на ся. Сказа Финикийской воевода Асирийскому царю о богатстве церковнем, лютою язвою поражен. Дерзну¹⁴²⁰ Менелай церковное богатство взяти, жив червми снеден, умре. Филопатор¹⁴²¹ царь Антиохийской вниде в церковь, люто поражен, скончася. Господу¹⁴²² глаголющу: аще убо принесеши дар свой ко олтарю (л. 426)¹⁴²³ и ту помянеши, яко брат твой имать нечто на тя, остави ту дар твой пред олтарем и шед, прежде смирися з братом своим. И прочее.

Зриши ли, яко аще и во гневе кто принесет дар свой ко олтарю, не повеле Господь возвращати, но оставити пред олтарем, Дóндеже смирится.

Иосиф¹⁴²⁴ же, нареченный Варнава от апостол, еже есть сказуемо сын утешения Леввитин, кипрянин родом, имяй село, продав, принесе цену и положи при ногах апостол.

Толкование.

Хощет повесть творити, яже о Анании прочее и Сапфире, и хотяй указати мужа, в зело горших согрешивша (л. 426 об.)¹⁴²⁵ прежде воспоминает исправлшаго, яко толику множеству сущу, иже сия творящу. Толицей благодати, толицем знамениям и ни от единаго от сих исправи себе, но единою от сребролюбия ослеплен быв, погибель ону привлече на свою ему главу. Имея село, сице рек, являя, яко сие токмо стяжав, продав, рече, принесе цену и положи при ногах апостол.

Муж¹⁴²⁶ же некий, именем Анания, с Сапфирою, женою своею, продав имение и утаив от цены, сведущей иже не его, и принесе часть некую, при ногах апостол положи. Тяжко сие, яко по сложению грех сей (л. 427)¹⁴²⁷ бысть, и никто же другий, ведяше бывшее, откуду прииде злострастному сему и окаянному соделати. Глаголаше же, рече Петр: Анание¹⁴²⁸, почто исполни сатана сердце твое солгати ти Духови Святому и утаити от цены села. Зри и сие ныне велие знамение бывшее и много болшее онаго прежняго. Не сущее ли рече, твое бе и проданое в твоей власти бяше, сиречь, еда бо нужда некая бе и насилие, еда бо не волею вас привлекаем, что яко положи в сердцы твоем вещь сию, не солга человеком, но Богом. Слышав же Анания словеса сия, пав издше.

Видиши ли, откуду болшее есть знамение сие, от знамения (л. 427 об.)¹⁴²⁹ хромаго, от еже убити, от еже яже в мысли, и яже в тай бывшая ведати. Бысть же, рече, страх велий на всех слышащих сия, вставше же юноши и спрятаху и изнесше, погребоша. Бысть же, яко часом трием минувшим, и жена его, не ведущи бывшаго, вниде. Отвещав же ей Петр: рцы ми, аще на толице село отдаста. Сию хотяше спасти, оный бе бо вождь¹⁴³⁰, и сего ради негли ей дает нарок время ответа и власть покаяния, глаголя: Рцы ми, аще на толице село отдаста. Она¹⁴³¹ же рече: Ей, на толице. Петр же рече к ней, что яко согласистася искусити Дух Святый, се ноги погребших мужа твоего при дверех и изнесут тя. (л. 428)¹⁴³² Паде¹⁴³³ же абие пред ногами его и издше. Вшедше же юноша, обретоша ю мертву и изнесше, погребоша близ мужа ея. И бысть страх велий на всей церкви и на всех слышащих сия, повнегда быти страху сему, множайшая знамения творяху. Но да видим слышше реченая: Продаяху¹⁴³⁴, рече, и приношаху цены и полагаху пред ногама апостол. Зри ми, возлюбленне, како не апостолом попущаху продаяти, но сами продаваху и ценя онем отдаяху. Но не тако Анания, но участие некое отъемлет себе¹⁴³⁵, его же продаде села. Темже и томление подъемлет, яко вещь сию не добре положь в себе и изобличен, быв своя ему крадый.

Сие и нынешних иерей (л. 428 об.)¹⁴³⁶ касается¹⁴³⁷ слово и зело державне. Елма же ведяше о бывшем, иже на его, сего ради и сию истязует, но негли рекл бы кто, яко зело сию горце сию казняше. Что глаголеши, рцы ми, кая горесть? Аще¹⁴³⁸ дрова кто собрав, камением побиен бысть, много паче священнотатец. И сия бо уженныя уже пенязе бяху. Тем¹⁴³⁹ же изволивый убо своя продати и раздати, таже взем от сих, священнотатец был бы. И аже иже от своих вземый священнотатец есть много паче, иже от чюждих. Да не убо елма ныне не бывает сие, и не абие воследует мучение, вознепщуему без томления сим бывати.

Видиши ли, яко о сем порицаем бывает, (л. 429)¹⁴⁴⁰ яко сотворивый та священныя быти, пенязе тогда взят. Еда бо не возмогл еси, рече, и повнегда продати сия аки своими потребу¹⁴⁴¹ действовати. Еда бо возбранен был еси, почто повнегда обещати вземлеши? Зри, како абие изначала ловитву сотворил¹⁴⁴² есть диавол между знаменми бывшими и чюдеся толикими, паче же како и сей от него ослеплен бысть. Таково нечто и в Ветсем бысть, егда Ахар¹⁴⁴³ оный возложение украдят бысть, но обаче уведал еси и тамо, с еликим отмщением исправися вещь та. Священнотатство бо возлюбленне зело люто есть и со укоризною, многаго исполнено есть пренебрежения. Ниже продати (л. 429 об.)¹⁴⁴⁴ понудихом, рече, ниже продавша, отдавати пенязе. Ты изволил еси от своего произволения. Почто убо украл еси от священных пенязей? Почто исполни, рече, сатана сердце твое? И аще сатана сие сотворил есть, почто той порицаем бывает, повинен бысть приемый то действо и исполнивый е. Но подобаше исправити, рече, но не исправил бы ся. Иже бо таковая зря и некое же приобретение прием, много паче есте инако¹⁴⁴⁵ приобрел. Темже не подобаше просте преминути бывшее, но яко согнитию некоему отрезатись, да не и прочему на вред будет телу. Ныне бо и той ползовася не произшед, на далечайшую¹⁴⁴⁶ злобу и прочии тщаливейший (л. 430)¹⁴⁴⁷ бывше, тогда же противное случилося бы.

Сего ради прежде обличает и показаует, яко не утаися его бывшее и тогда осуждает. Почто бо, рече, и от котораго произволения сие сотворил еси? Хотел ли еси имети? Подобаше ти имети изначала и не обещевати. Ныне же взем повне освятити сия, болшее священнотатство соделал еси. Похищаяй бо чюждая негли нужных вожделев, похищает. Тебе же леть бяше держати твоя. Почто убо сотворил еси сия быти священная и тогда взял есть? От многаго пренебрежения сие сотворил еси, не имать бывшее прощения. Безответно¹⁴⁴⁸ бо есть, но никто же да соблажняется, аще (л. 430 об.)¹⁴⁴⁹ нецыи и ныне суть священнотатие.

Аще бо тогда беша, много паче ныне, егда многая злая. Но¹⁴⁵⁰ да обличаем их пред всеми, да и прочии страх имут. Июда священнотатец бе, но не соблазни сие прочих ученик.

Видиши ли, колика злая вожделение пенязей творит. И бысть, рече, страх велий на всех слышащих ся. Оный томление подъят, а инии приобретение имяху. Тем же не просте сия устроевашеся, и убо и знамениям инем первие бывшим, обаче не бе страх толико. Тако истинно есть оное, яко знаем¹⁴⁵¹ есть Господь судьбы творяй: в делех руку своею увязе грешник. Сице и при кивоте бысть томление подъят. И бысть (л. 431)¹⁴⁵² страх и другим, но тамо убо убоявся царь, отрину кивот, зде же сии паче внимателнейши бывают.

Видел ли еси, како не возда ю Петр, но ожидаше Дóндеже вниде, ниже от инех кто смеяще изрещи бывшее. Сие страх учителев, сие честь ученическа, сие послушание. Трием часом минувшим, и не уведе жена, ниже изрече кто от ту бывших, аще и доволно бе от растояния времене промчену сему бывшу. Но бояхуся сему убо и чюдяся евангелист списатель, яко не ведущи бывшаго, вниде. Аще и мощно бе от сего навыкнути ей, яко ведяше утаевающаяся ей, почто бо ни единаго же вопросив, вас вопрошает, разве (л. 431 об.)¹⁴⁵³ являя, яко аки ведый. Но многое ослепление не попущаше ей порока сего извлещися. Со многим же безстудием самоугодием отвещавает, не пщеваше бо к человеку беседовати. Люто сие, зане яко от единыя души совета на грех приидоша или якоже от сложения некоего. Что яко согласитися вама, рече, искусити Дух Господень? Се ноги погребших мужа твоего при дверех и изнесут тя. Первее учит ю, еже согрешила есть, и тогда показует, яко праведне таяжде постраждет с мужем, има и в тех же согрешила есть. И како рече, абие паде пред ногама его и издше, яко близ стояше. Сице они на ся томление (л. 432)¹⁴⁵⁴ привлекоша. Кто прочее не удивил бы ся? Кто не убоял бы ся апостола? Кто не почюдил бы ся? Кто не устрашил бы ся? Сия глаголет, показуя, аще не к тому прочее бяху удобь пренебрегаеми якоже и прежде, и яко в кратцем времени и во едином мгновении, толика бяху от рыбаря и простца. Небо убо прочее бе земля и гражданства ради и дерзновения и чюдес их ради и якоже ангели тако чюдими бяху, ни к чесому же обращающеся ни к смеху, ни к запрещениям, ни к беседам. Не токмо же за сие, но и яко зело человеколюбни и щадителни бывающе, овем убо пенязми помогаху, овем же исцелением телес. Почто исполни сатана сердце твое? (л. 432 об.)¹⁴⁵⁵ Токмо не отвещавает онем Петр, хотя муце предати и, и инех наказует, понеже бо зело тяготно хотяше являтися бывшее. Сего убо ради и на самаго его и на жену его страшный творит суд. Аще же в непростителных согрешивших, не таковыя казни истязал бы на обоих, колико отсюду пренебрежение Божие не бы было. А яко сего¹⁴⁵⁶ ради, яве от еже не абие на томление приити, но указати прежде грех, отнюду же ни един постенав, ни един возрыдав, но вси убояшася. В лепоту же вере их простираемей и знамения множайшая бываху и многии и у своих страх бе, елма не тако (л. 433)¹⁴⁵⁷ внешняя нас смущают, яко домашняя. Аще убо будем друг со другом собирающеся, никтоже будет¹⁴⁵⁸ нас воюяй, якоже¹⁴⁵⁹ аще друг со другом растоящеся будем, противу нас вси востанут. От сего и они прочее дерзаху и со дерзновением и на торжищи хождаху и посреде враг удержаваху и исполневашся оное реченое: Господьствуй¹⁴⁶⁰ посреде враг твоих, еже и болшия бе указание силы, яко яти бывающе и связуеми, сицевая творяху.

Видел ли еси, неправедный ответотворче, о раскаявающихся страх и трепет и смерть. Послушай и еще к сим о клятвопреступницех, еже выше назнаменано. С коликою клятвою (л. 433 об.)¹⁴⁶¹ государь царь дал Господеви и клятвами утвердил за своим подписанием и печатми укрепил, еже святый Златоуст глаголет о клятвопреступницех: Аще и не абие казни бывают от Бога, того ради паче боятися подобает. Зело бо лютейшии муки тех ожидают.

Тем же аще иже солгавшии токмо таковая пострадаху, а иже клятвопреступающии, что ли не постраждут. Паче же аще просте рекшия жена ей на толице, толику подъят казнь и не отбеже, помыслите, кленущиися вы и клятвопреступлющии, коего будете достойни мучения. Благовременно есть и от Ветхаго указати лютость клятвопреступления. (л. 434)¹⁴⁶² Серп¹⁴⁶³ , рече, летящ бе, в долготу лактий двадесять, а в широту лактей десять, еже летящь зело скорейшее нашествия томления наводит клятвам последующее, еже бо лактий многих быти широте же и долготе зелность знаменует и величество злых. А еже с небесе летети, еже Вышняго судилища суду низноситися, серповидное же неизбежимое томления являет серп на выю напад, не сам о себе извлечется, пребывает же некако еще и главе отсекаеме¹⁴⁶⁴ наводит, якоже бо серп, идеже аще впадет, не сам о себе извлечется токмо, но и главе отсекаемей, сице на казнь на кленущихся находящая люта страшна некая есть и не убо оступити имать, не прежде исправивши дела своего, аще же убегаем кленущихся, да не дерзаем, (л. 434 об.)¹⁴⁶⁵ на наше бо зло сие бывает, елма что непщуете, колицы по Анании и Сапфире, таяжде онем дерзнуша, а не таяжде пострадаша. Не понеже простися им, но понеже на болшее соблюдаеми суть зло. Тем же иже многая совершающии, не мучимы, паче нежели мучимы, боятися и трепетати должни, возрастают бо им томления не томления ради и долготерпения Божия. Согрешаем и не абие казним от Бога, паче наказуемаго должен есть боятися¹⁴⁶⁶. Тем же убо да не сие видим, яко не мучими есмы, но аще не согрешихом. Аще же согрешающе, не мучими бываем, паче трепетати должни есмы. Рцы бо ми, аще коего раба имел бы еси и запрещал бы ему токмо, и не бил бы еси, когда паче боится, (л. 435)¹⁴⁶⁷ когда ли бегает, когда ли в беглеца бывает, не егда ли запрещаеши токмо. Отнюду же и друг наказуем не претити часто, яко да не страхом паче позыбати душю, яко да не терзати ю, паче нежели возложением ран. Инако же¹⁴⁶⁸ и тамо убо привременно бе томление, зде же всегдашнее, да не убо аще никто же серповная страх ждет ныне. Сие да видиши, но оно помысли, аще таковая творит, елма многая бывают ныне, якоже при потопе¹⁴⁶⁹, но потоп не бывает. Гееною воспретися и томлением мнози согрешают, якова же содомляне, но огненый не сниде дождь, огненая бо уготована есть река. Мнози фараонитская дерзнуша, но (л. 435 об.)¹⁴⁷⁰ не пострадаху, яже фараон, ниже потоплени Быша в Чермном мори, пучина бо их ожидает бездны, идеже не с нечювствием томление ниже потопитися мощно есть, но не множае мучимым, жгомым, душимым не изнурятися.

Мнози¹⁴⁷¹ в яже израильтяны согрешеная дерзнуша, но не угрызаху их змия, ожидает бо их червь нескончаемый. Мнози дерзаху, но прокажени не Быша, ожидает бо их вместо проказы, еже полма растесаном быти и положитися с лицемеры. Мнози¹⁴⁷² и кляхуся и клятвопреступиша, аще же и убегоша, да не дерзаем, ожидает бо их скрежет зубовный, (л. 436)¹⁴⁷³ но и зде негли постраждут и не имут убегнути. Аще и не абие ту, но во иных гресех даже и лютейшее томление будет, елма и мы многажды вины приемше от малых и от великих весь гнев истощаем. Тем же, егда увидиши, что тебе случшееся, воспомяни грех твой оный. Сие¹⁴⁷⁴ бо и в сынех Иовлих¹⁴⁷⁵ бысть, помнете братий Иосифовых, продаша брата, убити начинаху, паче же и убиша усердием, елико бе еже от них, прелстиша, оскорбиша старца¹⁴⁷⁶ и ничто же пострадаша. По множайших убо летех о последних беду подъяша и грех сей воспоминают. А яко недосмысление¹⁴⁷⁷ есть реченое, (л. 436 об.)¹⁴⁷⁸ послушай их, что глаголют: Ей¹⁴⁷⁹, в гресе бо есмы о брате нашем. Тако убо и ты, егда что случит ти ся, рцы, ей, в гресе есмы, яко не послушахом Христа, яко кляхомся, многоклятия и клятвопреступлении на главу мою приидоша. Тем¹⁴⁸⁰ же исповеждся, ибо и овии исповедашися и спасошася, что бо аще не абие находит томление, понеже и Ахав за правду Навуфея, не абие по греху пострада, яже пострада, и чесо ради сие бывает. Дает ти нарок Бог, да тако отмыешися. Егда же единаче пребываеши, наводит прочее томление. Видесте ли, что пострадаша лжущии, тем же помыслите, что постраждут (л. 437)¹⁴⁸¹ и клятвопреступающии. Помыслите и отступите. Несть кленущемуся не клятвопреступати и волею и неволею, несть клятвопреступающему спастися, довлеет едино клятвопреступление все содеяти и всецелу нам муку навести. Сего убо ради да вниманием, молюся, себе, да яже отсюду муки избегше, яже от Бога человеколюбия сподобимся.

Паки, ответотворче, глаголеши, яко Бог против апостола, одних учинил апостолы, других пророки, не дал одному всех даров, чтоб не имел притчи к спесивости и¹⁴⁸² отлучения от своей милости. Смотри, лицемере, апостолское уставление како разочте, яко же и инде глаголет: (л. 437 об.) В нем же кто призван, в том же да пребывает. Како же царь, оставя свое подобие царьское, на высоту святительства воскочи, чрез подобие, яко ты ж поминаешь. Езекиилево вознеслося сердце в твоей красоте и испортилася хитрость красотою твоею, для множества грехов твоих на землю бросил тя есть, погибель ты стал еси и не будешь паки во веки. Что же ты се помышляеши о нас, отступающих от зла по Христове заповеди и святых Его? Разсмотри, человекоугодниче, чие сердце вознеслося и не онаго ли восхитившаго чюждо достояние и власть, якоже Иозия вторый. Аще ли о нашем отшествии глаголешь, готов пострадати (л. 438)¹⁴⁸³ Христа ради вся злая, якоже и терплю, но доброзаконно пострадати, якоже и апостол пишет, или якоже великий Григорий Богословец о святем Василии: Закон же мучения есть заповедь Спасова, бегати убо гонения и не вметати себе в беды и ищемым крытися, разумом щадети гонителя. Да и не до крове пришедше, повинни будут греху мучителеву, времени же позвавшу и ятом бывшем подвизатися, еже да явитися самому на убийство, гордо и мерзко есть. А еже приспевшу времени обленитися и не подвизатися Христовы ради заповеди, не мужества есть знамение и безумия¹⁴⁸⁴. Се убо Дóндеже, рече, бе Великий (л. 438 об.)¹⁴⁸⁵ Афанасий, сей нам бяше столп и содержание и утвержение, реку же и всей Церкви. А понеже еретик ради стужения виновно бе ему отлучитися на время, тем же отъиде, якоже бо нецыи хотящии град преяти и видяще его тверд и неудобь приступен, отчаяваются, еже силою одолети ему. Словесы же лестныма устремляются к хитрости лукавства и градныя стражи лестию и имением подшедше, и тако град приемлют без всякаго труда. И под властию себе сотворяют и, или яко добраго судию Самсона, совещавшии они иноплеменницы, прежде имением жену его прелстиша, и та испытавши лестию (л. 439)¹⁴⁸⁶ святыни его тайну и поведа им. Они же прежде власы ему остригоша, в них же имяше крепость, и тако емше и, ругахуся ему, елико же и хотеша. Такожде и на нас воюющии нынешнии иноплеменницы предаде великаго Афанасия нашего старейшину стражем, в нем же вся нам крепость бяше, сего же неимением умздиша, ниже лестию окрадоша, но насилием отгнаша и державу нашу безвестием покрыша и славу церковную остригше. И тако прочей напитовахуся своего нечестия повеленми без страха сия со дерзновением творяще.

Се¹⁴⁸⁷ уже третие за Троицу Великому борение. Первое, бегав при Великом (л. 439 об.)¹⁴⁸⁸ Константине, от ариан оклеветан быв. Второе, при сыне его Константии. Третие, при Иулиане. Тако бо подобно Великому нашему страдалцу, по законе Христове страждущему, треми боренми бравшуся и победившу, совершенныя получити победныя похвалы наречением.

Паки¹⁴⁸⁹ глаголеши, ответотворче: Рахили дал красоту, толко не позволил ис плоду чрева ея. Глаголи, кто не изволил и где есть Рахиль неплодна? Иосифа и Вениамина кто породи?

Паки пишешь¹⁴⁹⁰: Складал псалмы Давид и отписал, однако ж их сам не пел, толко сыны Кореовы складно спевали. Кто есть (л. 440)¹⁴⁹¹ свидетель, яко Давид сам не пел псалмов? Сам Давид о себе глаголет: Милость и суд воспою Тебе, Господи. И паки: Пою Богу моему, Дóндеже есмь. И паки: Пою и воспою во славе моей.

Паки, лжесловче и баснословче, пишешь: Мило Кротонский коли быв силен, в чювстве своем чаял, что быти ему крепку и в руках слово в слово, что и Палидамос, который един из них хотя рукама держати вертеп каменный, а другий хотел раздрати дерево наполы. Раздрал же, толко обезсилелся от болшой мочи, и опять дерево как спустилося, захватило руки его и задержало в себе, и пришли после волки и жива съели (л. 440 об.)¹⁴⁹² его. Не удоволился еси в Божественых правых догматох, еже Божественыма законы ограждены и утвержены, о таковых убо Господу свидетельствующу: Повелевая¹⁴⁹³ стрещися глаголя. Внемлите же от лживых пророк иже приходят к вам во одеждах овчих, внутрь же суть волцы хищницы, от плод их познайте, еда объемлют от терниа грозды или от репия смоквы.

Не есть ли истинно Божие слово, разсмотри, лицемере, праведно сам и истинно, кто еси ты и что суть дела. Не суть ли ты лжехристос, приходяй к нам? Не во овчюю ли кожу обшился еси, внутрь же хищник волк, похищая простейших души? Не (л. 441)¹⁴⁹⁴ суть ли плоды твоя от терния и волчец? Не древо ли зло плоды злы творя, о нем же Христос глаголет: Темже от плод их познаите их. Такоже и божественный апостол Петр прорече о таковых, глаголя: Быша¹⁴⁹⁵ ж и лживы пророцы в людех, якоже и в вас будут лживии учителие, иже внесут ереси погибели, и мнози последствуют нечистотам их. Ими же путь истинный похулится, в преумножении лстивых словес вас уловят, ихже суд не коснит и погибель их не воздремлет. Но таковым божественный апостол Павел запрещает, глаголя: Ложь отложше, глаголите истину. А яже басни твоей ложной, которой хотел, (л. 441 об.)¹⁴⁹⁶ глаголешь, розодрать дерево наполы, розодрал, толко обезсилелся от болшой мочи, и опять дерево как спустилося, захватило руки его и задержало в себе, и пришли после волки и жива съели. Тако и ты, новый расколниче, Божественных правых велений покушаеши розодрати, но обезсилевся, увязнеши, и помале душетленными волки имаши снеден быти.

Паки глаголеши, Люцифер, понеже имел много доброты, и чево ему не достало и какова добра не было, такова не было, одно под одным чтет Езекииль главу, вознеслося сердце твое в твоей красоте и испортилася хитрость красотою твоею, для множества грехов твоих, на землю (л. 442)¹⁴⁹⁷ бросил тебя есть, погибель ты стал еси и не будеши паки во веки.

Разсмотри, лицемере, кто возвысился сердцем. Аз ли, последуя Божественей заповеди, глаголющей, аще гонят вы во граде сем, бегайте во ин¹⁴⁹⁸. И паки: Идеже не приемлют вы, ниже послушают словес ваших, исходите из града того. Еда Христос и апостоли и святии вси бегали от злоб, высоко сердце имели, то уже и Христа, и святых апостол, и всех святых оглаголуеши, а не мене единаго. Оглаголуй того, которой не в сущих своих уставох пребывает и не на мене единаго превознесся, но и на самаго Бога и закон.

Паки к басням своим отходиши и глаголеши, увидя его (л. 442 об.)¹⁴⁹⁹ в таких многих благодетельствах неблагодарнаго, что вам кажется не з болшаго лиха, что неблагодарения неблагодарение есть, некоторой ветр¹⁵⁰⁰, которой все сушит, цветы, травы, овощь и реки. Кто есть, совопросниче, неблагодарен? О мне ли пишеши, яко неблагодарен? Ей, благодарен, ничто туне от царя нашего приях от движимых и недвижимых вещей, но за мног труд, яко Бог весть. И не погубих с любодейцами, но все возложих Господеви, яко свидетельствуют вещи. И есть царю нашему не сугубо или трегубо воздаяние, но присно плодоносимо в сем веце и по многолетном его житии (л. 443)¹⁵⁰¹ и в будущем до пришествия Христова не престанет приклад благодати. Откуду убо ведомо есть се, аз ти покажу.

Господу свидетельствующу, притчею глаголя: Уподобися¹⁵⁰² Царьство Небесное человеку, сеявшу доброе семя на селе своем. И паки: Уподобись Царьство Небесное зерну горучишну, еже взем человек, всея на селе своем, еже малейший убо есть от всех семян. Егда еже возрастет, более всех зелий есть и бывает древо, яко приити и птицам небесным и витати на вервех его. И паки ину притчю глагола им: Подобишесь Царьство Небесное квасу, иже вземши жена, сокры в мучных сатех три, Дóндеже воскисоша вся. И прочая. (л. 443 об.)¹⁵⁰³ Кто же есть сеявый доброе семя, Сын человеческий, а село есть мир, доброе же семя, сии суть сынове Царьствия, а плевели суть сынове неприязнении, еже есть ты и подобнии тебе, а враг всеядый есть диавол, отец ваш. Якоже Господь свидетельствует: Вы отца вашего диавола и похоти отца вашего творите. А жателие ангели суть, якоже убо собирают плевелы и огнем сожигают, тако будет и в скончание века сего. Послет Сын человеческий ангелы Своя и соберут от Царьствия Его вся соблазны и творящыя беззаконие и ввергнут в пещь огнену, ту будет плач и скрежет зубом. Тогда (л. 444)¹⁵⁰⁴ праведницы просветятся яко солнце во царьствии Отца их; имеяй уши слышати, да слышит.

Слышал ли еси Спасово учение в притчах: елицы доброе семя обрящутся, имут расти, плодствовати до жатвы, то есть до скончания мира, такоже и прочая последующая притчи Христовы свидетельствуют. Ово подобно есть Царьствие Небесное сокровищу сокровенну на селе, еже обрет человек скры и от радости его идет и вся, елика имать, продает и купует село то. И паки: Подобно есть Царьствие Небесное человеку купцу, ищущу добрыя бисеры, иже обрете един многоценен бисер, шед, продаст вся, елика имяше, и купи его.

(л. 444 об.)¹⁵⁰⁵ Да которое наше неблагодарение есть, аще есть царь доброе семя, его же хощет Господь собрати в житницу Свою. Почто его плевелом творишь раскаянием в пожжение огню, якоже и ты хощеши сожжен быти, соблазна ради твоего аки плевел. И аще царь есть сын Царьствия, почто сына неприязни творишь? Их же ради хощет Сын послати ангелы Своя собрати от Царьствия Его вся соблазны и творящыя беззаконие, и ввергнути их в пещь огнену, идеже будет плач и скрежет зубом. Обрел ли царь сокровище сокровенно на селе и купи его? Почто раскаевается? Бисер ли драгий обрел, купил царь? Не (л. 445)¹⁵⁰⁶ раскаивайся, да не како раскаянием богатства лишився и мзду не получит.

Тако и божественный апостол пишет, глаголя: Койждо¹⁵⁰⁷ свою мзду приимет по своему труду. И по мале. Аще кто назидает на основании сем, злато, сребро, камений честных, дрова, сено, тростие, коегождо дело явлено будет, день бо явит, зане огнем открывается. И коегождо дело, якоже есть огнь, искусит, и его же дело, аще пребудет, его же назда, мзду приимет, а его же дело аще згорит, отщетится. Тако Анания и Сафира мзду погубиста малаго ради удержания и сами умроста, якоже выше есть (л. 445 об.)¹⁵⁰⁸ писано.

Паки пишешь, яко знак неблагодарнаго человека есть¹⁵⁰⁹ море, которое многия сладкия воды принимает, однако же их пременяет в горкия и солоныя воды. Подобну еси и нарочиту достойну притчю царьскаго величества рекл ныне о неблагодарении его к Богу, яко толико того почте Бог на земли царьством всея Русии, но он ничто же принесе Господеви и святей велицей Церкви, в Ней же помазася на царьство елеом радости, что любо достойно. Но яко сиру Тую обезчести и обнажи всех добрых яко вдову всею Божественою честию, ею же Бог почте, якоже зрится от всех, лишена всех (л. 446)¹⁵¹⁰ благих движимых и недвижимых. А яже аще на нас приносишь притчю сию, нимало не примесна. Аще ли о том глаголешь, яже нам царьское величество за многия наши труды малое некоторое подаяние даде, недостойно его подаяние наших трудов и болезней. Но и се мы у себе ничто же удержахом к своим похотем, но вси Господеви возложихом, якоже свидетельствуют вещи.

Паки пишешь: Четыре статьи в неблагодарных обретаются пред Богом и пред человеки. Обретаются некоторыя, которыя не узнают добродетельства и николи гласа не вознесут на небо, моля о своих (л. 446 об.)¹⁵¹¹ о своих наставникох, и благодарит Создателя своего за добро, которое им богато дал.

Аще сам еси не достоин видети наши молитвы, о царьском величестве бываемы во святей церкви по вся дни и нощи, вопроси от ведущих. Посмотри о себе, лицемере, кто когда твои молитвы видит или слышит, развее свара и смущение. Подобну велми притчю и достойну своего жития ты сам себе изобразил, глаголя: И они такие суть, что боровы, которые желуди ядят, а николи не посмотрят на дуба, которой жолуди родит, иныя неблагодарныя погружают свои добродетели. Тако ты, окаянный человече (л. 447)¹⁵¹² неправедный, аки свиния роешь на Божия законы для ради своих скверных прибытков, несмотря на законоположника Христа, глаголющаго: Поминайте слово, еже Аз рех вам. И апостол Июда засвидетельствует, глаголя¹⁵¹³: Поминайте глаголы прежде реченыя от святых апостол Господа нашего Иисуса Христа, зане глаголаху вам, яко в последнее время будут ругателие, по своих похотех ходяще и нечестиих, сии суть отделяюще себе от единости веры и суть телесни, Духа не имуще.

Такожде и Петр верховный пишет: Сие¹⁵¹⁴ уже, возлюблении, второе вам пишу послание, в них же возбуждаю вас воспоминанием чистаго смысла, помянути преждереченыя глаголы (л. 447 об.)¹⁵¹⁵ от святых пророк и апостол ваших и заповедей Господа и Спаса. Сие прежде ведяще, яко приидут в последняя дни ругателие, по своих похотех ходяще.

И божественный апостол Павел глаголет: Поминайте наставники ваша, иже глаголаша вам слово Божие. И прочее. И паки пророчествует, глаголя: Дух¹⁵¹⁶ же явственне глаголет, яко в последняя времена отступят нецыи от веры, внемлюще духовом лестчим и учением бесовским, в лицемерии лжесловесники, сожженых своею совестию. И по мале. Скверных¹⁵¹⁷ и изгнивших басней отрицайся, тако вси бо Господу нашему Иисусу Христу работати не хощут. Будет бо (л. 448)¹⁵¹⁸ время, егда здраваго учения не послушают, но по своих похотех изберут себе учителя, чуждим слухом, от истинных отвратятся и к басням уклонятся. Како прелщенне умом и не полный разумом, не престанешь баснословя. Господь наш Иисус Христос заповедует ти, и вси святии пророчи и апостоли повелевают поминати заповеди Божия и святых пророк и апостол предания. А ты без всякаго стыда хулиши и хвалишеся внешними суесловии и баснословии, паче же бесовскими учении.

Паки глаголеши: Такие были июдее, что хулили Моисея и самаго Господа Бога, который им дал манну и мясо заутра и вечере. Аще мнишь, (л. 448 об.)¹⁵¹⁹ ответотворче, на царя что хуля, ни, не буди то, но злобу и неправду оглаголую. А еже на Моисея, раба Божия иерея, и на Бога хулили жидове, и за то их великое прегрешение земля пожре, якоже во псалмех пишет: И¹⁵²⁰ прогневаша Моисея в стану и Аарона, святаго Господня, и отверзеся земля и пожрет Дафана и пожрет на сонмищи Авирона.

И аще Божие человеколюбие не стерпев и ныне восхитивших сами на ся священство, якоже Дафан и Авирон, повелит земли пожрети, не жалея, или якоже и кадило грешно принесших, огнь разжегшися во сонме их и попалит грешники, не печалую.

Паки глаголеши: Иныя неблагодарныя (л. 449)¹⁵²¹ забывают добродетельств приняты, с чево тот вирш, неблагодарной человек приняв, благодетельство забывает. Глаголал некоторый мудрец: Зло надобно забывать, а добро всегда поминать.

О суетный человече, паки к человеческим баснем отходиши, несть ли о чем писано во Евангелии: Добро творите ненавидящим вас. И паки: Злобу койждо искренему своему да не вспоминает, и оставите, и оставится вам.

И паки глаголешь: Худодетельство на песку писати, а добродетельство на камени вырезати. А мы сопротивно делаем, худодетельство на камени вырезываем, а добродетельство на песку пишем. Мнози древле идолопоклонницы (л. 449 об.)¹⁵²² столпы поставляху каменны и на них написоваху свое беснование, и все исчезоша и погибоша без вести. Доброе, аще и на песку напишется, вовеки не замыется, якоже свидетельствует Евангелие: Написа Христос на песку оставление грехов жене, в прелюбодеянии ятой. Мню, яко и ты не невеси о сем, и есть и доныне твердо. Написа ж Пилат тотло на кресте: Иисус Назарянин, царь Июдейский, и не отречеся, еже писах, писах. Написаша евангелисти Евангелие и пребывает вовеки.

Написа государь царь завет свой ко Господу Богу и Пречистей Богородицы в Ыверской монастырь, его же есть образ выше писан в книзе сей, и своею рукою (л. 973 а)¹⁵²³ того утверди и златою печатию запечатле. На ней же есть образ Спаса Христа истиннаго ради свидетельства и образ царьскаго величества и знак Московскаго царьствия и всеа Русии. И сия вся ни во что Быша, сам великий государь царь не хранит своего завета, и на него зря, и вси людие. Господу свидетельствующу: несть ученик над учителем, ни раб над господином своим довлеет же. Да будет ученик яко учитель его и раб яко господин его.

По возвращении июдейстем от Вавилона, иже отпусти Кир, царь Перский, по Божественому повелению, повеле же и церковь Божию создати в Иерусалиме, ея же разори Навуходоносор, царь Вавилонский, и сосуды, их же Навуходосор царь взя (л. 973 а об.)¹⁵²⁴ из храма Господня, вся отдати и убо созидашеся храм Божий от июдей. Оклеветани же бысть к Дарию, царю Перскому от враг. Тогда царь повеле разсмотрети в книгохранительницы, иже бысть поставлена в Вавилоне, и обретено есть. Обрете же ся во Амафу граде тяжком Мидийском тетрать едина, и сие писано бысть в ней на память.

В лето 1-е Кира царя, Кир царь повеле, да дом Божий созидается, иже есть во Иерусалиме и место, где пожрут приношение. И положи меру, возносящи высоту лакоть 60 и ширину лакоть 60 и стены от камения толстаго триего и кров от древ един. Оброк же от дому (л. 974)¹⁵²⁵ царева да дастся и сосуди церкви Божии златии и сребрянии, их же Навуходоносор взя от церкви, иже во Иерусалиме и принесе их в Вавилон, воздаются и внесутся во церковь во Иерусалим в место, иже и поставлены суть в церкви Божии. Ныне убо дайте князем, иже суть за рекою и сущим далече за Фарвузаною, и советником их Афарсахеи, иже есть за рекою далече отъидет от тех, и отпустите сотворити церковь Божию князи иудейския и старцы, да дом Божий той созидается в месте своем. Но и от Мене повелено есть, да ничто не сотворите никогда презвитером жидовским, иже созидают (л. 974 об.)¹⁵²⁶ дом Бога онаго. И от тех царей, иже об ону страну реки дают дань прилежно на росход, да дается мужем тем, еже бы не умедлило дело то, и еже аще оскудевает, все давает. Такожде и телцы, и агнецы, и овны во всесожжение Богу небесному, пшеница, соль, вино и елей по обычаю священному, иже суть во Иерусалиме, дается им по вся дни, да будут приносяще возношение Богу небесному и да молятся за живот царев и сынов его. И от Мене бо поставлено есть повеление, да всяк человек, иже то преступив повеление, возмется древо от дому его и воздвигся и обесится на нем, и дом его мне (л. 975)¹⁵²⁷ да будет взят. И Бог, идеже обитает имя Его, ту да обратит вся царьства и люди, иже прострут руку свою и возбранят и разорят дом Божий, он же есть во Иерусалиме, аз, Дарий, поставих повеление, да дело сие с прилежанием да будет.

Зриши ли, ответотворче неправедный, а паче же, враждотворче, како и еще и невернии царие, паче же идолопоклонницы¹⁵²⁸, заветы не свои точию сохраняху со опаством, но и прежде бывших их, на единей тетрати обретше написанное повеление о церковном здании, ниже рукою царьскою утвержено, ниже печатми запечатлено и клятвами страшными и царьскими казньми (л. 975 об.)¹⁵²⁹ устрашено, но едина тетрать проста, и не сме приложити, якоже ты ныне, враже Божий, царя нашего развращаеши и в таков велик грех вводиши. Не погрешил бы истины¹⁵³⁰ царь наш, аще бы Дария, царя Перскаго, закон исполнил о тебе, враже всякоя правды, якоже выше есть писано. Да всяк человек, преступит повеление, возмется древо от дому его и воздвигся, обесится на нем. Ты же, аще не имееши, яко ворона, дому, от него же взятися древу, на разбойническом древе достойно тя есть повесити. Христу свидетельствующу: Не входяй дверьми во двор овчий, но прелазя инуде, тать есть и разбойник.

(л. 976)¹⁵³¹ Паки глаголеши: Обретаются паки иныя неблагодарныя, которыя добродетельства возвращают на злобы и на убытки. Добродетельство их се есть то, об чем плакал царь и пророк и сего ради возгласил: Суди¹⁵³², Господи, обидищыя мя, побори борющыя мя, воздаша ми лукаваго вместо благаго и безчадие души моей.

Зри, лжесловче, еже о нас глаголеши, яко неблагодарни, которое неблагодарение наше? Что же добродетель царева? Се ли неблагодарение наше, еже отступати от зла? Которые ли убытки от нас царь пострада? Все, елико собраное прежде нас архиерей, движимыя и недвижимыя, веща в патриархии, без всякаго страха Божия в потребы свои и сущим (л. 976 об.)¹⁵³³ с собою царь усвоил, все чрез Божественыя законы и заповеди онасилова и поработи. Тем же несть подобно ему, государю, глаголати, еже глагола царь и пророк Давид: Гоним от враг своих, но нам, паче гонимым, жаляся Господу Богу на гонителей, да избавит нас от враг наших и не се едино, еже суди Господи обидящих нас, даже до конца, но и приложити к сим. Вознесися, судяй земли, воздаждь воздаяние гордым, доколе грешницы Господни, доколе грешницы восхвалятся, провещают и возглаголют неправду, возглаголю вси делающии беззаконие. Люди Твоя, Господи, смириша и достояние Твое озлобиша и реша: Не (л. 977)¹⁵³⁴ узрит Господь. И паки: Иже реша да наследим себе святилище Божие. Боже мой, положи их яко коло, яко трость пред лицем ветру, яко огнь попаляяй дубравы, яко пламень пожигаяй горы, тако поженеши я бурею Твоею и гневом Твоим смутиши я. Исполни лица их безчестия, и да взыщут имени Твоего, Господи. Да постыдятся и смятутся в век века, и посрамятся, и погибнут, и уведят, яко имя Тебе Господь. Ты един вышнии по всей земли. И паки: Боже¹⁵³⁵, хвалу мою не премолчи, яко уста¹⁵³⁶ грешнича и уста лстива на мя отверзошася. Глаголаша на мя языком лстивым и словесы ненавистными обыдоша (л. 977 об.)¹⁵³⁷ мя и брашася со мною втуне, вместо любве оболгаху мя. Аз же молитву деях и положиша на мя злая возблагая и ненависть за возлюбление мое. И прочее. И паки: Друзи¹⁵³⁸ мои и искрении мои, прямо ми приближашася и сташа, и ближнии мои отдалече мене сташа, и нуждахуся ищущии душу мою и ищущии злая мене, глаголаху суетная и лстивая, весь день поучахуся. Аз же, яко глух, не слышах и, яко нем, не отверзая уст своих. И по мале. Врази же мои живут, укрепишася паче мене и умножишася ненавидящии мя без правды, воздающии ми злая возблагая, зане гонях благостыню. И прочая, по(л. 978)добная¹⁵³⁹ сим, яже несть места и времени зде написатися. А яже великому государю несть достойно глаголати, еже Давид глагола в молитве своей на гонящих его. Суди¹⁵⁴⁰, Господи, обидящая мя, занеже никим гоним, развее от Бога. Но паче сие ему, великому государю, пристойно глаголати: Пожените¹⁵⁴¹ и имите его, яко несть избавляяй. Нам же, бедным, противу сим: Боже мой, не удалися от Мене. Боже мой, в помощь мою вонми, да постыдятся и исчезнут оклеветающии душу мою, да облекутся в студ и срам ищущии злая мене.

Ответ

Пускай бы то было, что прежде сего не бывало Монастырскаго Приказу, или был, то подлинно наш всещастливой царь Алексий Михайлович учинил, что привел к сущему делу, как тот который любит лутчий порядок и умеет к доброму и достойному речи приводит паче иных речей надобнейши суть: оправдания надобе чтобы седел судия на своем месте и слушал бы обо всех бедных нужах жалобы и челобитья; и разсмотрял бы: который имеет обиду и чья правда, и указ бы чинил, и добрых оправдал, а виноватых смирял, тым же обычаем, что Бог благословит и венчает праведных и смиряет грешных. Прошу, учинил ли коли нибудь таков суд Никон? Седел ли коли нибудь на своем судебнем месте, чтобы слушал жалобы изо уст чьей нибудь? Николи, но толко он держал мирских, которыя судили в его приказех; и челобитныя роздавал людем своего двора, и онне некогда прямое кривым чинили, а кривое прямым. Так ли делают судии? Так ли патриархи к сыном своим, которыя суть отцы отцем? Блажени алчющеи и жаждущеи правды, яко тии насытятся. Правда живет во веки, которая когда одна есть то все может. Справедливый Господь есть бо светлейший паче солнца. Все добродетельства имеют иметь цари и патриарси для того, что они суть обрасцы всем, а наипаче правде, и всех добрых дел царицу, для чево старинные люди хотели назвать все добрыя дела одним словом называли правдою. А что может наставливать государь архимандриты и всякие власти, и то есть одно с привилей и прав царьских и извычай общих народов, уряды раздавать. Сердце царево в руце Божии. Не ищи от Господа власти, ниже от царя достоинства. Пишет Сирах так, что имеет царь владение дати власть и честь. Тыя которыя суть вышния суд Божий, а которыя суть земныя суд царьский. Для чево двоеглавый орел пишется, что он разширяется к достоинствам церковным и мирским. Матфей Властариус, толкуючи, для чево царь ходил во олтарь к Таинством тайным, глаголи ми меж иными речми и сия: для того, что есть помазан от Бога, и для того, что наставляют патриарси и обирают патриарси Вселенския. Патриарси могут выбирать, а архимандриты и игумены не могут ли выбирать.

Разорение 26-го вопроса и ответа

Ты убо, совопросниче¹⁵⁴², глаголеши, яко Никон (л. 978 об.)¹⁵⁴³ бранил и бранит ныне, что учинил государь Монастырской приказ и посадил на том судить мирских людей и что наставляет по монастырем архимандриты и игумены, котораго он хощет. Аз, Никон, государю не бранил, ни браню, но злобу его оглаголую и не престану.

Послушай, отчюжденне от Бога совопросниче, како и древле Господь предпочте священство и како хотящих онасиловати перваго патриарха Авраама, о жене его Сарре царь Египетцкий неправедно осуди, отъяти жену от мужа жива, его же умучи Господь, Дóндеже познався, отпусти патриарха с честию и богатством многим. И паки второе того ж патриарха Авраама (л. 979)¹⁵⁴⁴ Авимелех, царь Гедарский, неправедно разсуди, поят Сарру, жену Авраамлю. И прииде Господь Бог ко Авилемеху нощию во сне и рече ему: Се ты умреши жены ради сея. И возврати Авилемех патриарху Аврааму Сарру, жену его, со многим богатством.

Фараон же неправедно разсуди люди Божия удержати, гневом Божиим искусися. Адам неправедно разсуди от неповеленых коснуся, от рая изгнася. Каин неправедно разсуди о жертве Авеля, неправедно уби, по вся дни живота своего на земли трясыйся. Тако и ныне, аще кто чим преобидит архиереов Божиих, сим законом, таковым Бог судит тем, а не инако.

(л. 979 об.)¹⁵⁴⁵ И¹⁵⁴⁶ егда взыде Моисей на гору Божию пред Бога и старцем реша: Пождите в молчании ту, Дóндеже возвратимся к вам, се же Аарон и Ор с вами, аще кому случится пря, да идут к нима.

Видел ли еси, совопросниче, яко не старцом суд приказа, но архиереом. И паки: Заповеда¹⁵⁴⁷ Господь, да носит Аарон суды сынов Израилев на персех пред лицем Господним всегда.

Егда¹⁵⁴⁸ же воста на Моисея и Аарона Кореи, Дафан и Авирон племене Рувимля, а не священническа, и слышав Моисей, паде ниц, и глагола Корею, и ко всему сонму его, рекши: Согляда и позна Господь сущих Его и святых, их же приведе к Себе, и их же (л. 980)¹⁵⁴⁹ не избра Себе, сих и не приведе к Себе. И не послушаста Моисея престати, вознеистовившеся на священство и вземше кадила, покадиша. И отверзеся земля и пожре я и домы их и вся люди сущая с Кореом и скоты их. Снидоша сии и вся, елико бяше их, живи во ад, и покры их земля и погибоша от среды полка. И паки возропташа сынове израилтейстии на утреи на Моисея и Аарона, глаголюще: Вы избисте люди Господня. И погуби Господь всегубительством 14 и 700, яко да будет в память сыном Израилевым, яко да не приидет никто же иноплеменник, иже несть от плода Аароня, еже возложити фимиям пред Господем, и да не будет, яко Корей и советницы его. (л. 981 об.)¹⁵⁵⁰ Тако и ныне, аще кто не священ дерзает священнический чин и достояние судити и владети, имать, и тем Бог мстити. И паки, како израилтяне не людие Божии и часть достояния Его, пожелаша себе суда царьска и просиша себе царя Самоила. И¹⁵⁵¹ собрашася мужи¹⁵⁵² Израилевы к Самоилу в Сармафему и реша ему: Се ты уже состаревся, сынове же твои не ходита по пути твоему, то¹⁵⁵³ постави ныне над нами царя: да ны судит, якоже и прочии языки. И бысть лукавны глаголы пред очима Самоиловыма, егда реша, дай же нам царя, да ны судит. И помолися Самоил ко Господу и рече Господь Самоилу: Послушай гласа людей, (л. 981)¹⁵⁵⁴ якоже глаголют к тебе, яко не тебе уничижиша, но Мене, не царьствовати Ми над ними, и вся творения, яже сотворих, от него же дне изведох их из земли Египецкия до днешняго дне, оставльше Мя, послужиша богом инем. Тако и тебе тии творят. И ныне послушай гласа их, обаче засвидетельствуя, засвидетельствуеши им, и возвестиши им правду цареву, иже царьствовати будет над ними. И рече Самоил вся словеса Господня к людем, просящим от него царя и глагола им: Се есть оправдание царево, иже царьствует над вами, сыны ваша возмет и положит я во оружии его, и на кони всадит их и предтекущая пред колесницами (л. 981 об.)¹⁵⁵⁵ его, и поставит тысящники себе и сотники и жателми жатвы своея, и обымут обыманием гроздия у него, и сотворити сосуды победы своея и сосуды колесниц своих. И села ваша и винограды ваша и маслины ваша и благая ваша возмет и даст рабом своим, и семена ваша и вино ваше одесятерит и даст скопцем своим и рабом своим. И рабы же ваша и рабыня и стада ваша благая и ослы ваша отъимет, удесятерит на дело свое, и паствины ваша одесятерит, и вы будете ему в рабы.

Не сия ли вся ныне в нас суть, яже вышеписаная? Не селы ли, освященная (л. 982)¹⁵⁵⁶ Господеви, и паствины и скоты и жита и вся благая наша царь наш взят себе? Не архиереи ли и священницы рядницы Быша воинством?

Паки древним да воследуем. И возопиете от лица царя вашего в день он, его же избрасте себе, и не услышит вас Господь в день он, яко вы сами себе избрасте царя. И не восхотеша людие послушати Самоила и реша ему: Ни, но царь да будет над нами, и будем и мы, яко и вси язы́цы, и да судит нам царь наш. И слыша Самоил вся глаголы людей и изглагола я во уши Господеви. И рече Господь к Самоилу: Послушай гласа их, постави им царя. О¹⁵⁵⁷ них же глаголет Иосия от лица Божия: Аз, Господь Бог, (л. 982 об.)¹⁵⁵⁸ утверждаяй небо и созидаяй землю, Его же руце стяжасте все воинство небесное, и не показах ти его, яко ходити во след их. Аз¹⁵⁵⁹ изведох тя из земли Египетския, и Бога разве Мене да¹⁵⁶⁰ не познаеши, и спасающаго несть, разве Мене. Аз пасох тя в пустыни, на земли невселенней, по паствам их, и умножишася до исполнения и вознесошася сердца их. Сего ради забыша Мя, и буду им яко Панфир, и яко рысь на пути асирийстем, и срящу я, яко медведь лиховаем, и разрушу сключение сердце их, и изъядят я¹⁵⁶¹ щенцы дубравнии и зверь полский расторгнет я. В разсыпание твое, Израилю, кто поможет (л. 983)¹⁵⁶² тебе? Где царь твой? Той да спасет тебя во всех грехах твоих и да судит ти, ему же глагола: Даждь царь и князь. И дах царя во гневе своем и удержахся в ярости Моей.

Сия написахом, не яко царя оглаголуя, но непреподобное его деяние, и иже хощет, да слушает царя и суд приемлет от него. Нам же Христос Бог наш Собою узаконоположи, не послушати, ни отвещати пред беззаконными судии, но обличати.

В¹⁵⁶³ той час, рече Иисус народом, яко на разбойника ли изыдосте со оружием и дреколми яти Мя. По вся дни при вас седех в церкви, уча, и не ясте Мене. Архиерей¹⁵⁶⁴ же вопроси Иисуса о ученицех Его и отвеща ему Иисус: Аз, не обинуяся, глаголах миру. Аз всегда учих на сонмищах и в церкви, идеже вси людие снемлются, и тай не глаголах ничесо же. Что Мя вопрошаеши? Вопроси слышавщих, яже рех Аз.

Егда¹⁵⁶⁵ же во ини емше Иисуса, приведоша к Каиафе архиереови, идеже книжницы и старцы собрашася. Архиерей же и весь сонм искаху на Иисуса свидетельства, да умертвят Его, и не обретаху. Мнози бо лжесвидетельствоваху нань, и равна свидетельства не бяху. И нецый восташа, лжесвидетельствоваху нань, глаголюще, яко: Мы¹⁵⁶⁶ слышахом Его, глаголющ, яко Аз разорю церковь сию рукотвореную (л. 984)¹⁵⁶⁷ и треми¹⁵⁶⁸ денми ину, нерукотвореную, созижду. И ни тако равно бе свидетельство их. И востав архиерей посреде, вопроси Иисуса, глаголя: Не¹⁵⁶⁹ отвещеваеши ли ничесо же, что сия на Тя свидетельствуют. Иисус же молчаше и ничесо же отвещаваше.

Зриши ли, жидовский подражателю, како неправедно на суд ведомый Христос Бог наш пред неправедными архиереи и старцы жидовскими не отвещал, всем образ верующим в Него дал, но и поругался вопрошающим с клятвою.

И отвещав, архиерей рече Ему: Заклинаю тя Богом живым, да речеши нам, аще Ты еси Христос, Сын Божий? Глагола ему Иисус: Ты рече. (л. 984 об.)¹⁵⁷⁰ Таже реша вси: Ты ли убо еси Сын Божий? Он же к ним рече: Вы глаголете, яко Аз есмь. Они же реша: Что еще требуем свидетельства? Сами бо слышахом от уст Его.

О жидове беззаконнии, что слышали? Слышали, яко вы глаголете: Аз есмь, а не Сам той. Почто неправедно свидетельствуете, яко сами слышахом от уст Его. Тако и ныне, жидом подражая, лжуще, нецыи глаголют, якоже ты, совопросниче, и подобнии тебе. Сам де Никон на волю государеву положился в суде, как государь да изволит. Никон чрез Божественая веления никогда не глаголет, ни хощет, да что будет. (л. 985)¹⁵⁷¹ Но глаголал Никон к вопрошающим, посланым от царя, Божественыя законы царем не повелевают возложеным Господеви обладати, движимыми и недвижимыми вещми, ниже судити, но кто хощет, тот от него суд приемли. Нам же и до последней срачицы в суд приходити Христос возбранил. А будет царь нуждею повлечет, якоже и жидове Христа и святых Его апостол мучителски, и на то есть свыше Царь царем и Господь господем, иже обещался всякую неправду неправедником и насилующим отмстити вскоре, якоже и прежде гордящим и превозносящимся над Божиим достоя(л. 985 об.)нием¹⁵⁷² и наследием, множицею мстил. Есть Бог неправедно судящим¹⁵⁷³, якоже фараону, Моаву, Гевалу, Аммону и Аммалику, и Ассиру, Мадиаму и Сисаре, и Авиму в потоце Киссове, и Ориву, и Зиву, и Зевею, и Салмону, Дафану и Авирону, Новуходоносору, царю Вавилонску, неправедно судившаго Даниилу пророку и трием отроком, и Валтасару, глумящемуся во святых сосудех, и Саулу, пожирателю скверне, Иозии, непреподобно кадящему, и Ахаву, пророкоубийце и гонителю, Ироду и Понтийскому Пилату, архиереем и старцем жидовским и прочим святых пророком и святых апостол (л. 986)¹⁵⁷⁴ и всех святых неправосудцам, гонителем и убийцам, Максентию, Иулиану законопреступнику, Иуаленту, их же именословити оставим ныне, но на предглаголемая обратимся.

Послушай, совопросниче, жидовских зол ревнителю, како Господь наш Иисус Христос к вопрошающим жидом не отвещал, такожде егда приведен Господь наш Иисус Христос пред игемона, и вопроси Его игемон, глаголя¹⁵⁷⁵: Ты ли еси царь Июдейск? Иисус же рече ему: Ты глаголеши. И егда нань глаголаху архиерее и старцы, ничесо же не отвещавше. Тогда глагола ему Пилат: Не слышиши ли, колико на Тя свидетельствуют? И не отвеща ему ни ко единому глаголу, яко дивитися иге(л. 986 об.)мону¹⁵⁷⁶ зело.

Толкование¹⁵⁷⁷.

Яко о царьских вещех оклеветаем, веден бысть к Пилату Господь, отнюду же и вопрошает Его, аще приложил есть воцаритися над жидовы. Иисус же рече ему: Ты глаголеши. Ответ премудр отвеща ему. Ни бо, рече, яко есмь, ниже паки яко несмь, но между некако рече: Ты глаголеши. Се бо есть и сице разумети, яко ты глаголеши, есмь, или сице, яко Аз не глаголю се, но ты глаголеши. Иноже ничто же отвеща, ведяше бо судище, яко не по правде идет, купно же, яко презирающа и не боящася смерти, купно же, и како премудру сущу и сло(л. 987)весну¹⁵⁷⁸ и тысящи могущу предложити, но отвещание. И не хощет ничто же отвещати, но оболгающих Его презираше. Научаем же ся и мы от сего, егда растленно судище зрим, ничто же глаголати, да не молву множайшу творим, ниже множайшему осуждению вина будем, не хотящих послушати глаголы наша.

Вниде¹⁵⁷⁹ же паки Пилат в претор и гласи Иисуса и рече Ему: Ты ли еси царь Июдейск? И отвеща ему Иисус: О себе ли ты се глаголеши, или инии тебе рекоша о Мне? И отвеща Пилат: Еда аз жидовин есмь.

Зри, совопросниче, второе Пилатово вопрошение, Иисусово отвещание: О себе ли ты се (л. 987 об.)¹⁵⁸⁰ глаголеши, или инии тебе рекоша о Мне? Се же сотвори, да обличит жидовское. Таже отвеща Ему Пилат: Еда аз жидовин есмь, не Иисуса укоряя, но жидовское злодейство, род Твой, рече, архиерее предаша Тя мне. Что еси сотворил? Отвеща Иисус: Царьство Мое несть от мира сего. Аще от мира сего было бы царьство Мое, слуги Моя убо подвизались Быша, да не предан бых был июдеом. Ныне же Царьство Мое несть отсюду.

Зри ли, совопросниче, прекословие Иисусово к Пилату. Пилату убо глаголющу ко Иисусу: Род Твой архиерее предаша Тя мне. Что еси сотворил? Иисус же к первому вопросу отвещевает, являя Свое Царьство (л. 988)¹⁵⁸¹ не земное, но Небесное быти, тем же и глаголет: Царьство Мое несть от мира сего. Паки рече Ему Пилат: Убо царь ли еси Ты? Отвеща ему Иисус: Ты глаголеши, яко царь есмь Аз. Аз не се родихся и на се приидох в мир, да свидетельствую истину и всяк, еже есть от истины, послушает гласа Моего. Глагола Ему Пилат: Что есть истина? И се рек, паки изыде ко июдеом и глагола им: Аз ни единыя вины обретаю в Нем. Отвеща ему июдее: Мы закон имамы и по закону нашему должен есть умрети, яко Себе Сына Божия сотвори. Егда же услыша Пилат се слово, паче убояся и вниде в претор паки и глагола Иисусови: Откуду еси Ты? Иисус же ответа не даст (л. 988 об.)¹⁵⁸² ему. Глагола же Ему Пилат: Мне ли не глаголеши, не веси ли, яко власть имам распяти Тя и власть имам пустити Тя? Отвеща Иисус: Не имаши власти ни единыя на Мне, аще не бы ти дано свыше. Сего ради предавый Мя тебе более грех имать. От сего искати Пилат пустити Его, июдее же вопияху, глаголюще: Аще Сего пустиши, неси друг кесарев, всяк, иже царя себе творяй, противится кесарю.

Видиши ли, совопросниче, язычника Пилата милосердующа о Иисусе, а мы царя нашего ничим не преобидим, ни царем нарицаемся, якоже есмь, тако и есть. Аще нецыи жидовски подражают, они убо (л. 989)¹⁵⁸³ отрицающеся Христа Спасителя своего, глаголюще: Не имамы Царя, токмо кесаря. Тако и ныне, нам де не надобен патриарх, добр и Крутицкой митрополит.

Тако и ныне воследующим святым Его заповедем, не подобает покорятись нудящим мирским судиам отвещати в суде, ни поучатися, якоже Господь заповедал, глаголя: Внемлите¹⁵⁸⁴ же от человек, предадят бо вы на сонмы и на соборищих избиют вас. Пред¹⁵⁸⁵ владыки же и цари ведени будете Мене ради, во свидетельство им и языком. Егда¹⁵⁸⁶ же предают вы, не пецытеся, како речете или что возглаголете, даст бо ся вам в той час, (л. 989 об.)¹⁵⁸⁷ что возглаголете, не вы бо будете глаголющии, но Дух Отца вашего глаголяй в вас, якоже пишется в Деяниих книг апостол: И¹⁵⁸⁸ исполнишася вся Духа Свята и начаша глаголати инеми языки, якоже Дух даяше им провещавати. И тако со дерзновением апостоли глаголаху. Став¹⁵⁸⁹ же Петр со единемнадесяте, воздвиже глас свой, рече им. И по мале. Бысть¹⁵⁹⁰ же на утреи собратися князем их и старцем и книжником во Иерусалиме, и Анна архиерей, и Каиафа, и Иоанн, и Александр и елицы беша от рода архиерейска. И поставиша их посреде, вопрошаху: Коею силою или коим именем сотвористе се вы? (л. 990)¹⁵⁹¹ Тогда Петр, исполнився Духа Свята, рече к ним. И прочая.

Видяще ж Петрово дерзновение и Иоанново и разумеша, яко человека не книжна еста и проста дивляхуся, зная же их, яко со Иисусом беста, ничто же имяху противу рещи. Повелевше има вон из сонмища изыти, стязаху же ся к себе, глаголюще: Что сотворил человекома сима, яко убо разумно знамение бысть има, всем живущим во Иерусалиме яве, и не можем отврещися, но да не боле распрострется в людех. Прещением да запретим има к тому не возглаголати о Имени сем, ни единому от человек. И призвавше их, заповедаша има (л. 990 об.)¹⁵⁹² отнюдь не провещавати, ни учити от имени Иисусове.

Петр же и Иоанн, отвещавше к ним, реста: Аще праведно есть пред Богом вас послушати паче, нежели Бога, судите. Не можем бо мы, яже видехом и слышахом, не глаголати. Они же запрещше има пустиша их, ничто же обретше, како мучити их людии ради. Тако¹⁵⁹³ Павел ко Агриппе и Фисту со дерзновением глагола и проповедая Царьствие Божие и уча, иже о Господе нашем Иисусе Христе со всяким дерзновением невозбранно.

И аще не бы христианский царь был и христианским законом сам не подлежал и нуждею влачим на суд, хотящим судитися с нами, (л. 991)¹⁵⁹⁴ то и сему закон положил Христос во святем Евангелии. И¹⁵⁹⁵ хотящему судитися с тобою и ризу твою взяти, отпусти ему и срачицу, а иже и сущим во Евангелстей заповеди, аще и царь, аще и князь, кто будет превыше своего достояния власти, чрез Божественыя заповеди да не судит, то есть священнаго чину, понеже священство и самаго царьствия преболе. О сем же много есть явлено напреди, понеже нигде ж есть явлено, еже бы Господь царем и князем рекл: Приимите¹⁵⁹⁶ Дух Свят, им же отпустите грехи, отпустятся, и им же держите, держатся. Аминь, глаголю вам, елика аще свяжете на земли, будут связана (л. 991 об.)¹⁵⁹⁷ на небеси, и елика аще разрешите на земли, будут разрешена на небеси. Но кому ли сие речется? Святым Его учеником и апостолом и по них приемником тех власти и достояния архиереом, а не царем и князем.

Зри, ныне бываемое, аще и чрез Божественыя правила собора, иже в Карфагене, правило 7 и 43. Еже царие наши по своей воли священником исповедаются, а не архиереом, и от них во всех своих гресех суд приемлют и запрещение и их же хотят каковых любо грехов тяжких связати, яко связани мнятся быти, и их же разрешат, яко разрешени мнятся. Увы, яко (л. 992)¹⁵⁹⁸ и у Бога не разрешени суть. Тем же слезити и плакати, и не просто плакати, но и рыдати над ходитми, яко погибель таковии идут, ибо единем архиереом таковая власть дадеся от Господа, еже вязати и решити грехи, а не просто и священником. Якоже воследование в молитвословии показуется, но обаче аще и от обычая таковое самочиние привниде, и терпят царие и князи священническое запрещение и разрешение, правду мнят быти, колми паче подобает архиереов слушати, а не судити. О них же Господь рече: Слушаяй вас, Мене слушает, и отметаяйся вас, Мене отметается. (л. 992 об.)¹⁵⁹⁹ И аще не слушаяй и отметаяйся вас, Мене отметается, рече Господь. А иже кто дерзает судити несудимаго колми паче неистовится на Господа. Тем же к таковым Господь з запрещением глаголет: Не¹⁶⁰⁰ судите, да не судими будете, им же бо судом судите, осудитеся, то есть, якоже вы Мой суд неправедно восхитисте, не даный вам, царие и князи, и вознеистовистеся на рабов Моих, архиереов и прочих священнаго чина, и неправедно осудисте, Аз вас праведно осужду, по делом вашим. Тем же и наводит, глаголя, аки уча и запрещая: Не¹⁶⁰¹ судите и не осудитеся, не осуждайте, и не осуждени будете. Такожде (л. 993)¹⁶⁰² и божественный апостол Павел засвидетельствует, глаголя: Тем¹⁶⁰³ же не прежде времени судите, Дóндеже приидет Господь, иже просветит тайная тмы и явит советы сердечныя. И тогда похвала будет коемуждо от Бога. И паки глаголет: Ты¹⁶⁰⁴ кто еси, судяй чюждему рабу, своему Господеви стоит или падает, станет же, силен бо есть Бог возставити его. И паки: Что имаши, еже не приял еси. А кой же хотящим судитися пред мирскими судиами от священнаго чина, коего любо суть, апостол завещает, сице глаголя: Смеет¹⁶⁰⁵ ли кто вещь имея ко иному судитися о неправедных, а не о святых, или не весте, яко (л. 993 об.)¹⁶⁰⁶ святии миру судят.

Зриши ли, совопросниче, яко и тогда мирови¹⁶⁰⁷ хотят судити, како ныне хощеши тем судити, или како кто стерпит судим быти, им же сам хощет судити, будут же судити не сами седяще и слово истязующе, но осудят. Сие убо являя, глаголаше: И аще вами суд приемлет мир, не достойни есте судищем худым. Вещь, рече, вам приносит срам и уничижение неизглаголанно, понеже подобно им бе, от внутрених судимым срамлятися. Противное убо есть срам, рече, егда от внешних судитеся, оная бо судища наихуждшая есть, не сия, (л. 994)¹⁶⁰⁸ не весте ли, яко ангелом судити будем, и не точию житейским.

Зриши ли преизлишество чести священства, еже рече Павел, яко и ангелом судити хощем, а не точию житейским. Како мощно святым от житейских суд прияти? Тем же и навед, рече: Житейская убо судилища аще имате, уничиженых в церкви, сих посаждаете и сраму вам глаголю. Тако ли ни един в вас мудр, иже может разсудити между братий своих. Сие глаголет: Аще кто возглаголет, яко ни един в вас мудр, ниже доволен разсудити, удобь небрегоми вси. И что сие? Аще и ни един есть, рече, мудр, (л. 994 об.)¹⁶⁰⁹ остави и не мудрым по власти и достоянию судити, да не срам обоим будет, еже овому судити, житейскому глаголю, овому от житейскаго судитися.

Всех святых апостол правило 1.

Койждо¹⁶¹⁰ в даном ему чину да пребывает и не преступает заповедей, не суть бо наша, но Божия, якоже рече Господь: Слушаяй¹⁶¹¹ вас, Мене слушает, и слушаяй Мене, слушает пославшаго Мя, и вас отметаяйся, Мене отметается, и Мене отметаяйся, отмещет пославшаго Мя.

Святых отец собора, иже в Халкидоне, правило 39.

Причетницы¹⁶¹² между собою распрю имуще, аще оставлше епископа к мирским судиям (л. 995)¹⁶¹³ приступят, по правилом вину да приимут. Причетницы же, аще имеют что на епископа, да ожидают собора, аще же епископи на митрополита Константиняграда патриарху да возвестят.

Толкование.

Аще причетницы имать что на причетника, не подобает ему судитися пред мирскими судиами, но от своего епископа. Аще же оставлше своего епископа, к мирскому судищу приступят, по правилом запрещение да приимут. Такожде и причетник, аще имать нечто на своего епископа, да приходит к митрополиту страны тоя, егда в реченое время соберутся к митрополиту всея области его епископи, (л. 995 об.)¹⁶¹⁴ тогда пред митрополитом на соборе да судится. Аще ли епископ или причетник с митрополитом имать некую распрю, от патриарха всея тоя земли да судится, под ним же суть епископи и митрополиты всех областей страны тоя, или от патриарха Константиняграда судится. Сия бо власть никому же от инех патриарх дана бысть, ни от правил, ни от закона, еже судити митрополита, под инем патриархом суща, другому патриарху, но токмо Константиняграда патриарху сие дано есть.

Святых отец собора, иже в Карфагене, правило 15.

Епископи¹⁶¹⁵ или презвитери или диа(л. 996)кони¹⁶¹⁶ в греховных вещех оклеветаеми суще, аще оставлше церковныя суды и к мирским судиам прибегнут и осуждени будут, свой чин погубят. Аще же и оправдани бывше градским судом, иже тому приложившеся, свой погубят чин. Судии же церковныя, аще не обличени будут по милости или по мзде или по вражде или прежде отгнани собором бывше, да не противятся. Аще же обе стране изберета судию, суда их да не преступят.

Толкование.

Епископом и презвитером и диаконом не подобает отрицатись церковнаго судища. Аще ли кто от них оклеветаем о гресе, церковный (л. 996 об.)¹⁶¹⁷ оставит суд и ко градским судиам приступит и пред теми исповесть вину и судится. И аще неповинен явится и осужден будет от градских судей, свой погубит степень. Аще же не о гресех будет нань вина, но о имении или о злате или о неких мирских вещех, и прилучится ему о таковых препрети и оправдану быти, подобно ему судище церковное оставлшу и к мирским судиам приступлшу, и от тех судившуся, аще убо хощет тех суд держати и вопросит имения или злата или инаго что, о нем же, препрев, оправдан бысть, свой степень (л. 997)¹⁶¹⁸ погубит. Аще же преобидев мирский суд и не возмет, ни вопросит ничто же, о них же оправдан бысть, во своем степени да пребывает. Аще же кто от епископ осужден, и осужден быв от них, к болшим церковным судиам возглаголет на тех, иже осудиша его первое, аще не будут отлучени, или по гневу, или по любви, или по некоей мзде суд сотворше, в том суде осужденый да пребывает, и елико от повинных епископ и причетник, аще же оба суперника, и оклеветаемый, и оклеветаяй, оба избереста церковныя судии и восхощета судитися пред ними, аще и мне их есть. (л. 997 об.)¹⁶¹⁹ Епископа убо оклеветаема дванадесят епископа судита, презвитера ж шесть епископ и седмый свой ему, и диакона трие и четвертый свой ему епископ, якоже во втором на десять правиле сего собора написахом, судивша же ся пред ними и осуждена бывша, не имата како на суд их припадати, но пребывати в том, якоже тии судиша и собор исправляет невежество или неправду судии, како убо прият будет, иже сам избрав церковныя судии, и словом и делом непорочны глаголя. И по сем паки глаголет, яко не добре, ни по правде осужден бых от них, или ино некое поречение нанося на священныя мужи, их же сам избра.

(л. 998)¹⁶²⁰ Того же святаго собора правило 104.

Людскаго¹⁶²¹ суда у царя просяй, не епископ.

Толкование.

Епископ или причетник о гресех оклеветаем и отрицается церковнаго судища и просит от царя мирских судей, таковый своея чести да будет лишен.

Григория Богослова о Святем Афанасии слово 13 стих 22. Толкование.

Где скверному соборищу с простыми людьми судяху преподобныя епископы и жития их беззаконно истязоваху, како бо рещи небеззаконно, еже епископская дела пред всеми истязати и смешати несмесная и пред внешними людьми о тайных вещех вопрошати. Иереом бо лепо от епископ судитися, а не от внешних судей, (л. 998 об.)¹⁶²² епископом же самем межи собою, а не пред людми. Они же нечестивии осуждающе и великаго Афанасия, якоже прежде о руце, тако и паки некто глаголаше нань, облыгая, яко по воли его святую трапезу испроверже и потир разби и ина таковая тайная пред людми испытанию быти устроиша. Не бо истина бе, но клеветники наяша, обещаша дати им мзду доволну, аще от вашея клеветы осудятся судимии епископи. И последованием таковых клевет благочестивии святителие от церквей изреваеми бываху, вместо ж их вводими нечестивии. Тии же просими бяху рукописания нечестия и пишущии таковая предстояху и (л. 999)¹⁶²³ чернило готово. И от сего мнози и от правоверных прелстишася в таково написание злочестия, заеже не отпасти от престола. Аще ли же лепо есть и вины сих рещи, ими ж нечестию подклонишася, обретаю четыре. Первое страхом нецыи смущени бывше. Второе же, яко имением нецыи порабощаются, прелстившеся, и предают истину на лжу. Третие же, яко и ласканием не утвержени прелщаются. Четвертое ж и хуждьшее, или неразумием окрадаеми бывают нецыи, обаче аще и предложат таковое во ответ святители, глаголюще, яко не разумели есмы, но не будет им от сего нимало ползы. Простейшим бо (л. 999 об.)¹⁶²⁴ довлеет таковое рещи, не доведущим Божественаго писания, людин бо простый се пострадав неведением, малу милость получит. Учителем же како не безместно се рещи, иже и других неведения исправляти вчинившихся, ни закон греческий, якоже мню не весть кто, аще и от грубейших будет зело и неученых, яко николи же помогает злотворящим за невежствие. Аще Быша и тмами во ответ предложили когда таковое, спасения таиноводцем, церковным началником, епископом, не ведети всего спасения начала, еже о Христе благочестие и вера святых апостол и святых отец предания Церкви. Аще (л. 1000)¹⁶²⁵ и во иных будут прости и не глубоцы разумом, обаче буди мало во ответ, по моему бо слову, иже от неведения последствовавшим нечестию, что, рече, хощем рещи от других, елицы и разумом остри суще и мудрость в смысле имуще, и прелщени вин ради предреченых властелем в нечестие повинушася. О сей страсти аз многащи плаках зря излияшееся нечестие на мнозе и воздвигшееся гонение на иже праваго слова сущих от неистинных представник слова, но лукавых. Мнимых убо пастырей быти Христову стаду, делом же волков поистине и губителей стаду. О таковых бо рещи со пророком Иеремием: Поистине (л. 1000 об.)¹⁶²⁶ яко пастырей изумишася. И паки: Пастырие мнози растлиша виноград Мой и часть желанную посрамиша, Церковь Господню глаголю, собраную и украшеную многими подвиги и закланми, еже прежде Христа, глаголю, пророки и проповедники и по Христе апостоли и мученик множества, над всеми же сими великими еже о нас самаго Христа страстьми.

Ответ

Осмьдесят четвертое правило святых апостол пишет кто ни есть опозорит царя сверх права будет казнен, а естли из духовнаго чину, будет изложен, а естли мирский, будет проклят, убо Церковь не имеет меча. Однакож Матфей Властарий чинит разсуждение и глаголет, что тот, который бранит царя, а учинил ли то з глупости безумным, и яко безумием того надобно откинуть или на милость положить, потому что то учинил, или з болшой своей кручины, или что был обижен в правде своей, и для того достойно на милость положить и отпустить или противно достойно казнить смертию. А естли опозорение будет толко писано, а не объявлено, и кто ни есть сыщет то опозореное писание, а не бросит во огнь, чтоб изгорело, но станет честь и инем объявлять, право научает, чтоб то же терпел, что выше в правах написано есть о смертной казни, которой смертной казни и тот достоин, который позорное письмо писал на царя. Я николи не мог сыскать: каков позор учинил Цареградский Патриарх ко младому Василию, ради котораго позору толко разгневался царь и ударил Патриарха по щеке; убо правдою судил их Александрийский Патриарх, что учинил два восковыя болваны, един во образ царю, вторый во образ Патриарху, и одному болвану отсек руку правую, а другому урезал язык ис корени, понеже не ин состав имеет казнитися, толко тот который согрешил, тот язык, которой приносил бесчестие царю, понеже царя повелевают почитати святыя апостолы.

Разорение 27-го вопроса и ответа¹⁶²⁷

(л. 1013)¹⁶²⁸ разсуждение и глаголет: Что тот, который бранит царя, а учинил ли то з глупости безумием. И яко безумием того надобно откинути или на милость положити потому, что то учинил или з болшой своей кручины, или то был обижен в правде своей, и для того достойно на милость положить и отпустить или противно достойно казнити смертию. А есть ли опозорение будет толко писана, а не объявлено, и кто ни есть сыщет то опозореное писание, а не бросит во огнь, чтоб изгорело, но станет честь и иным объявят. Право научает, чтоб тож терпел, что (л. 1013 об.)¹⁶²⁹ выше в правилех написано есть о смертней казни, которой смертней казни и тот достоин, которой позорное писмо писал на царя. Якоже выше солгал, окаянный, тако и ныне лжешь, а истины ничто не глаголешь, тот по правде, якоже ты, казни достоин. Претворяя, пишешь апостолские правила и казни смертныя вносишь, в них же таковыя злобы не именовалося.

Самая истина Христос пишет: Горе, рече, миру от соблазн. Но горе тому, им же соблазн приходит, лутче есть таковому обвязати жерновный камень и потонути в мори, нежели соблазнити кого. (л. 1014)¹⁶³⁰ И другое писание: Аще око твое соблажняет, изми е и верзи от себе. И прочее.

Послушай толкования на апостолское то правило святых апостол, а не Матфея несведомаго.

Толкование апостолскому правилу 84-му¹⁶³¹.

Моисей¹⁶³² ов закон рече, князю людей своих не речеши зла. И верховный апостол Петр¹⁶³³ царя чтити повелевает. И великий Павел¹⁶³⁴ молитися за царя повелевает и за вся сущыя в величестве, рекше во властьи, паче и еще тогда и неверни бяху. Досаждати убо цареви или князю всем возбарнено есть. Обличати же по достоянию несть возбранено. Аще (л. 1014 об.)¹⁶³⁵ и обличению словеса люта суща зело, на досаждение обличаемым вменяются, без правды убо досаждати не оставляет правило, якоже от различия разумети. По правде же кто обличает царя или князя, несть достоин муки.

Тридесят же шестая грань шестьдесятных книг царьских в 13 главе сице рече: Аще кто речет зло на царя, повинен есть муце, но подобает о нем возвестити цареви. И аще будет скудостию ума изрек, не радя о нем, или от неистовства, да помилован будет. Аще ли и пообиден быв, да простится.

Видел ли, лжи спи(л. 1015)сателю¹⁶³⁶, како богоноснии святии отцы толкуют, глаголюще, досаждати убо цареви или князю всем возбранено есть, а не и архиереом. Обличати же по достоянию несть возбранено, аще и обличению словеса люта суща зело, на досаждение обличаемым вменяются, без правды убо досаждати не оставляет правило, якоже от различия разумети. По правде же кто обличает царя или князя, несть муки достоин. Како же ты толкуешь смертию осуждати всех обличающих царя о неправде его? Мног лик уже собран зло пострадавшим у Господа, обличения ради неподобных дел царьских (л. 1015 об.)¹⁶³⁷ злыми смертьми и муками скончавшихся. Иже¹⁶³⁸ молятся Господеви гласом великим, глаголюще: Доколе, Владыко святый и истиный, не судиши и не мстиши крови нашея от живущих на земли?

Зри, не на мертвых молятся, но от живущих на земли. Аще бы на мимошедшия роды, не бы именовали от живущих на земли. Но что к ним Божественый ответ: Да почиют еще время мало, Дóндеже скончаются и клеврети их и братия их, хотящии избиени быти, якоже и тии, обаче не избежат и тии подобнаго тем воздаяния. Якоже инде пишет¹⁶³⁹: И третий ангел излия фиял (л. 1016)¹⁶⁴⁰ свой на реки и на источники водныя и Быша кровь. И слышах ангела воднаго, глаголюща: Преподобне еси Господи сый и бе, и преподобен, яко сия судил еси, зане кровь святых и пророк излияша. И кровь им дал еси пити, достойни бо суть. И слышах другаго, от олтаря глаголюща: Ей, Господи Вседержителю, истини и прави суди Твои. Четвертый ангел излия фиял свой на солнце и дано бысть ему опаляти человеки огнем. И опалишася человецы зноем великим и хулиша имя Божие, иже имать область на язвах их. И не покаяшася дати Ему славы. И сия Быша вся, яко от солнца в моровое поветрие, опалишася человецы зноем (л. 1016 об.)¹⁶⁴¹ лютым, извну горяше, и никто же можаше тех уврачевати, и изомроша. А оставшии не даша славу Богу, но хулят имя Божие, да приложатся таковым и прочия последующия язвы.

А¹⁶⁴² иже душа растесаных за свидетельство Иисусово и за слово Божие, воцарятся со Христом, на них же смерть вторая не имать области, но будут иереи Богу и Христу, им же сподоби Христе Боже подражателем и нам быти.

А еже о неправдех царьских кому любо и всякому обличати греха нет. Писано есть: И глаголах о свидении Твоих пред цари и не стыдяхся. И Господь проповедает, глаголя: (л. 1017)¹⁶⁴³ Предадят¹⁶⁴⁴ бо ты в сонмища и на соборищах биени будете, и пред воеводы и цари ведени будете имени Моего ради. Егда¹⁶⁴⁵ же поведут вы предающе, не прежде пецетеся, что рецете или что возглаголете, ни поучайтеся, чтоб отвещевати. Аз бо вам дам уста и премудрость, ей же не возмогут противитися или отвещати вси противляющиися вам. Инде рече: Не¹⁶⁴⁶ пецетеся, како или что отвещаете или что речете. Святый бо Дух научит вы в той час, яже подобает рещи. И¹⁶⁴⁷ всяк, иже исповесть Мя пред человеки, и Сын человеческий исповесть его пред ангелы Божиими. А отвергийся Мене пред человеки, (л. 1017 об.)¹⁶⁴⁸ отвержен будет пред ангелы Божиими. И которая досада царем, аще кто правду ему извествует, а царь, возгордевся, не послушает, но и муки нанесет дерзостию на свидетеля. Не онаго укорит или отмещется царь, но самаго Бога отмещется. Слушаяй бо вас, рече, Мене слушает, и отметаяйся вас, Мене отметается. И не свидетеля слова обесчестит или убиет, но онаго заповедавшаго не стыдетися, обесчестит или уязвит. Тии же по своему труду мзду сторичною приимут от Господа Бога и будут архиереи Богу и Христу, якоже выше есть писано. Ино убо дерзновение, ино дерзость (л. 1018)¹⁶⁴⁹ или гордость, дерзновение убо, еже аще кто сам волю творит и не творящим засвидетелствует творити. Аще ли кто не послушает единаго, тогда пред двема или трима обличати со дерзновением, якоже и Христос повелевает: Дерзайте, Аз победих мир и не убойтеся бо их. И паки: Не убойтеся от убивающих тело. И прочее. И паки инде речеся: Проповедая Царьствие Божие и уча, яже о Господе нашем Иисусе Христе, со всяким дерзновением невозбранно. Се есть дерзновение.

Дерзость же, еже кому разгордевся, не точию что заповеди Божия послушает, но и на создавшаго Бога (л. 1018 об.)¹⁶⁵⁰ возгордевся и проповедника слова Божия, дерзость приемше, или досадит или убиет.

Дерзостию¹⁶⁵¹ разгордевся, денница спаде с небесе, сокрушися на земли. Рече бо во уме своем: На небо взыду и выше звезд небесных поставлю престол свой. Взыду выше облак и буду равен Вышнему. Ныне же снидеши во ад. О нем же и Христос свидетелствова: Видех, рече, сатану, яко молнию с небесе спадоша¹⁶⁵². Дерзновение же восприим архангел Михаил, иже ко Владыце благоразумие, яко слуга верный, видев отступника падшася. Собрав архангельския лики, рече, вонмем и станем добре (л. 1019)¹⁶⁵³ пред Сотворшим ны и не помыслим сопротивных на Сотворшаго ны. Видяще сатану, что подъя, и сущии с ним, доселе убо свет суще, ныне же Быша тма. И сверже с небесе Михаил архангел с прочими небесными силами сатану и все бесовское множество. Якоже и Иоанн Богословец виде: И¹⁶⁵⁴ бысть брань на небеси. Михаил и ангели его брань сотвориша на змия. И змий брася и ангели его, и не возмогоша, ниже место их обретеся к тому на небеси.

Толкование.

Сие мощно примерити и к первому диаволю испадению от ангельскаго чина за дерзость и гордыню, архистратигу Михаилу не терпящим (л. 1019 об.)¹⁶⁵⁵ в лепоту того своего сии с пребывания извергоша первее. Якоже глаголет Иезекииль: Яко от херувимов извержен бысть той из среды огненных камений, из небесных, мню, чинов, занеже обретошася в нем беззакония и неправды. В пришествии же Христове служащии Ему после искушения, аки обесчещена раба паки возгнушася. Вестно же и се буди, якоже отцем возмнеся по содетелстве чювственаго мира. Сице гордостию и завистию низвержен бысть и в лепоту, не стерпе бо неба земнаго мудрования, якоже и во псалме пишет: Вражие оружие оскудеша вконец.

(л. 1020)¹⁶⁵⁶ Видел ли еси, како дерзость и гордыня от ангел в бесы претвори и от света во тму, от Божественыя славы в нищету вечную, от неизреченныя радости в муку бесконечную.

Тако и человецы, аще и царие и князи, дерзающе не в сущих своих, но гордящеся ныне множества людей, не избавятся богатством и гордостию, отправятся от праведнаго суда Божия, по писаному во псалмех: Егда умирая, не оставит ли вся, ниже снидет с ним слава его, яко душа его в животе его благословится, егда благо сотвориши.

Послушай к сим и о человечестей гордости (л. 1020 об.)¹⁶⁵⁷ и о дерзости. Адам¹⁶⁵⁸ и Ева не дерзости ли ради из рая изгнася? Аще не бы помыслили бози быти, не бы вкусили от заповеданаго им древа и вместо первыя богоданны одежди нази Быша. Се есть дерзость.

Дерзостию¹⁶⁵⁹ или презорством Каин Богу дары принесе от вторых, а не от первых и обесчестися от Бога. Он же не точию о сем покаяся, приложи от дерзости и другое зло, и брата уби. Таже и третие, и Богу солга, рече, еда аз страж есмь брату своему. И что бысть ему, не не веси ты, какова мука прежде вечныя муки. Умучи того Бог, стеня и трясыйся вся (л. 1021)¹⁶⁶⁰ дни живота своего.

Такожде и о дерзновении не оставим тебе известити. Дерзновением принесе Авель жертву Богу от первородных овец его и от туков их, и призре Господь на Авеля и на дары его. Зри дерзость и дерзновение. И рече Каин ко Авелю, брату своему: Пойдеве убо на поле. Се есть дерзость. И иде Авель, яко овча незлобивое, последуя убийце брату своему. Се есть дерзновение. И бысть внегда быти им на поле и уби его. Дерзостию¹⁶⁶¹ Ламех уби Каина и отмстися седмьдесят седмерицею. От¹⁶⁶² таковыя дерзости осквернися земля пред Богом и наполнися не(л. 1021 об.)правды¹⁶⁶³. И виде Бог землю, иже бе осквернена, яко оскверни всяка плоть путь свой на земли. И рече Господь Ною: Время всякаго человека прииде пред Мя, яко наполнися земля неправдою от них. И се Аз разсыпаю землю¹⁶⁶⁴. И наведе Господь потоп на землю, и умре всяка плоть движущаяся по земли.

Дерзновением¹⁶⁶⁵ Ной сотвори ковчег, якоже заповеда ему Господь Бог во спасение себе и дому своему. Дерзостию¹⁶⁶⁶ сотвориша безумни человецы столп на земли, их же разсея Господь по лицу всея земли. Дерзновением¹⁶⁶⁷ Евер не приступи совету Немирову созидати столп, от него благословении людие изыдоша (л. 1022)¹⁶⁶⁸ и нарекошася евреи. Дерзновением¹⁶⁶⁹ Авраам послушал Господа, изыде от роду своего и от дому отца своего и бысть ему внити во Египет глада ради. Дерзостно¹⁶⁷⁰ видевше египтяне жену его, яко добра бяше зело. Видеша ю князи фараони и похвалиша ю фараону, и введоша ю в дом фараонов, и хотяше ю фараон онасиловати, и не попусти ему Бог, и мучи его великою мукою, Дóндеже ударив, отпусти ю. Дерзостию¹⁶⁷¹ Авимелех, царь Герарский, взят у Авраама Сарру красоты ради ея, и не попусти ему Бог осквернити ю. Явися Авимелеху (л. 1022 об.)¹⁶⁷² Бог во сне, заповедая не прикоснутися ей. Аще ли прикоснется, смертию умреши ты и все твое. Воста же рано, Авимелех призва отроки своя и глагола им словеса сии во уши их. Убояша же ся вси человецы зело. И возва Авимелех Авраама и рече ему: Что еси сотворил нам, еда что согрешихом тебе, да возложи на мя грех и на царьство мое велик зело. И дело, его же никто же сотвори, ты сотвори, что умыслил еси сотворити се. Рече же Авраам, рекох: Еда несть боязни Божия в месте сем, да мя убиют жена моея ради. И отпусти ю корыстию многою (л. 1023)¹⁶⁷³ ко Аврааму, мужу ея.

Дерзновением¹⁶⁷⁴ Авраам от Бога обетование прият, отец многим языком наречеся. Дерзновением¹⁶⁷⁵ Авраам с 318 домочадцы победи 5 царей 300 000. Дерзновением¹⁶⁷⁶ верова Авраам Богу и вменися ему в правду и друг Божий наречеся. Дерзновением¹⁶⁷⁷ Авраам Богу в дому своем прият, аки любимаго гостя учреди. Дерзновением¹⁶⁷⁸ приступив Авраам Господу, рече: Погубиши ли праведнаго с нечестивыми и будет праведный яко нечестивый. Аще есть и праведных во граде, погубиши я, не оставиши ли всякому граду и (л. 1023 об.)¹⁶⁷⁹ праведных ради, аще суть в нем. Никако же сотвориши по словеси сему, еже убити праведнаго с нечестивыми и будут праведнии яко нечестивии. Никако же ты судия земли не сотворити суд. И рече Господь: Аще обрящется в Содомех 50 праведных, оставлю весь предел тех ради. И отвеща Авраам: Ныне начах глаголати ко Господу моему, аз есмь земля и пепел. Да аще будет от 50 праведных 45 погубиши ли 45 ради праведных весь град? И рече: Не погублю, аще обрящу ту 45. И приложи еще глаголати к нему и рече: Аще обрящутся ту 40. И рече: Не погублю, аще обрящутся 40. (л. 1024)¹⁶⁸⁰ И рече: Елма же Господи имам глаголати, аще обрящутся их 30. И рече: Не погублю 30 ради. И рече: Да что есть глаголю, Господи, аще обрящется их 20. И рече: Не погублю 20 ради. И рече: Еда, Господи, что аще глаголю единою еще, аще обрящутся их ту 10. И рече: Не погублю 10 ради. Отъиде же Господь, яко сконча глаголя ко Аврааму. Се есть дерзновение.

Дерзновением¹⁶⁸¹ вознесе Авраам Исаака, сына своего, на жертву Господеви Богу. Дерзновением¹⁶⁸² Лот, сидя при вратех града, срете два ангела и поклонися лицем до земли и учреди я в своем дому.

Дерзостию мужие града Содомска обыдоша дом его, от юнот (л. 1024 об.)¹⁶⁸³ даже и до старец, весь народ вкупе. И иззываху Лота и глаголаху к нему: Где еста мужа, яже приидоста к тебе нощию? Изведи я к нам, да будем с ними.

Дерзновением ангели ослепиша я, и Лота и жену и две дщери, емше за руки их, изведоша в Сигор и Содом погубиша.

Дерзостию озреся Лотова жена вспять, бысть столп солан. Дерзостию зяти Лотовы погибоша с содомляны, яко не вероваша Лоту, тестю своему, мняше играет. Дерзостию дщери Лотовы упоивше отца своего, посягше зань.

Дерзновением¹⁶⁸⁴ Исаак по словеси Божию вниде в Герары. Дерзостию (л. 1025)¹⁶⁸⁵ герарстии людие хотяше онасиловати Ревеку. Дерзостию филистимове отъяша у Исаака кладези и засыпаша и. Дерзновением Исаак отъиде от них и иныя ископа кладези. Дерзостию¹⁶⁸⁶ Исаав за ядь первородство свое продаде Иякову. Дерзновением Ияков купи его. Дерзновением¹⁶⁸⁷ Ияков украде благословение отчее. Дерзостию Исав сопротивляшеся Иякову о благословении, иже благослови отец его. Дерзновением Ияков вселися к Лавану и поят две дщери жене себе, и воста, отъиде. Дерзостию Лаван гоняше его. Дерзновением¹⁶⁸⁸ Ияков боряшеся з Богом и укрепися, наречеся от Бога Израиль. (л. 1025 об.)¹⁶⁸⁹ Дерзостию Сихем, сын Емморов Хорреос, оскверни Дину, дщерь Ияковлю. Дерзновением взяста сына два Ияковля. Симеон и Левий, братия Дины, койждо свой меч и вшедша во град без соблазна изсекоста весь мужеский пол. Еммора же и Сихема и сына его усекнуста острием оружия, и пояста Дину от дому Сихемля и изыдоста, сынове же Ияковли разграбиша все, еже бе во граде и еже бе в домех.

Дерзостию¹⁶⁹⁰ Иосифа братия посадиша в ров и паки продаша за 12 сребреников во Египет. И угоди Иосиф Господеви, и бе Господь с ним, и бе в дому Пентефрееве, служа. (л. 1026)¹⁶⁹¹ Ведяше бо господин его, яко Господь с ним есть, и обрете Иосиф благодать пред господином своим. И дерзостию возложи жена господина его очи свои на Иосифа и рече: Буди со мною. И добрым дерзновением не восхоте Иосиф быти с нею. И оболга его непреподобная мужу своему, и разгневася яростию господин его, и всадиша Иосифа в темницу.

Дерзновением¹⁶⁹² предста Иосиф фараону, рече: Без Бога не отвещаются фараонови спасеныя вещи. И прочее. Дерзновением Ияков вниде во Египет. Дерзостию¹⁶⁹³ возгнушася египтяне сынов Израилевых нуждею и болезнену жизнь творяху им в делех жестоких брением (л. 1026 об.)¹⁶⁹⁴ и плинфами и всеми делы, еже в полех во всех, иже порабощаху с нуждею.

Дерзостию фараон повеле бабам и людем убивати весь мужеский пол, иже ся родит евреом. Якоже¹⁶⁹⁵ озлобиша отца наша умориша младенца, их не оживити, вне же время родися Моисей и бе угоден Богови. И дерзновением отца и матере воспитан бысть три месяцы в дому отца своего. Отвержену¹⁶⁹⁶ же ему, дерзновением взят его дщи фараонова и воспита его себе в сына. И наказан бысть Моисей всей премудрости египетстей. Дерзновением¹⁶⁹⁷ Моисей, видев, некоего обидима, посо(л. 1027)бствова¹⁶⁹⁸ и сотвори отмщение.

Дерзостию фараон искаше убити его, и бежа Моисей о словеси сем, и бысть пришлец в земли Мадиамстей. Дерзновением¹⁶⁹⁹ Моисей к купине разумети, бысть глас к нему Господень: Аз Бог отец твоих, Бог Авраамов, Бог Исааков, Бог Ияковль. Трепетен же быв Моисей, не смеяше смотрети.

Дерзостию фараон род еврейский умучи в плинфотворении. Дерзновением возстенавше сынове Израилевы от дел и возопиша. И взыде вопль их к Богу от работ, и услыша Бог стенание их. И¹⁷⁰⁰ посла Бог Моисея, раба своего, его же избра Себе, положи в них словеса знамений Его. (л. 1027 об.)¹⁷⁰¹ И вниде Моисей во Египет со дерзновением. Внидоста же Моисей и Аарон к фараону¹⁷⁰² и рекоста ему, елика заповеда Господь Бог, глаголя: Сице глаголет Бог Израилев, отпусти люди Моя, да требу положат Ми в пустыни.

Дерзостию и гордостию рече фараон: Кто той есть, Его же аз послушаю гласа, яко отпустити имам сыны Израилевы. Не вем Господа Израиля, не отпущу.

Дерзновением рекоста Моисей и Аарон: Бог еврейский повеле нам, да идем путем три дни в пустыню и положим требу Господу Богу нашему. Дерзостию и гордостию не послуша Моисея и Аарона (л. 1028)¹⁷⁰³ и приложи озлобити Израиля и отъят плевы, и даяше раные книгочия. Со дерзновением вшед книгочия сынов Израилев возопиша к фараону, глаголюще: Почто тако твориши рабом твоим и мучими суть. Дерзостию и гордостию отвеща фараон, ныне убо делайте шедше, а плев не дам вам. Зарок же плинфенаго дела да даете.

Дерзновением Моисей и Аарон знамения и чюдеса велия сотвориша. И¹⁷⁰⁴ бысть Моисей бог фараону, того урани и Египта, Дóндеже отпусти люди Божия. Паки раскаявся дерзостию и гордостию, фараон о людех Израилевых и гнаша вослед их. И раступися вода (л. 1028 об.)¹⁷⁰⁵ и проидоша сынове Израилевы со дерзновением посреде моря.

Дерзостный¹⁷⁰⁶ же и прегордый фараон потоплен бысть в море, яко олово в воде зелне. Дерзостию сынове Израилевы роптаху на Моисея в Мерре, яко не можаху пити воды, горка бо бе. Дерзновением¹⁷⁰⁷ Моисей отверзе каменный бок, истощи воду. Дерзостию¹⁷⁰⁸ и гордостию Амалик воева на Израиля. Дерзновением Моисей победи того.

Дерзновением¹⁷⁰⁹ тесть Моисеов Иофор повеле Моисею избрати от всех людей мужи силны, Бога боящихся, мужи праведны и ненавидящая величания. Постави же (л. 1029)¹⁷¹⁰ я, рече, тысящники и сотники и пятдесятники и десятники и книгочия, да судят я во вся часы, а речь усилная донесут до тебе. Малыя же суды, да судят они, и умалят ти труда и помогут ти. Дерзновением Моисей послуша тестя своего и сотвори, якоже заповеда.

Дерзновением¹⁷¹¹ Моисей взыде на гору Синайскую пред Бога в среду облака, и бе ту на горе 40 дний и 40 нощий. Дерзостию¹⁷¹² же сынове Израилевы видевше, яко умедли снити з горы, сотвориша телец и поклонишася ему. Дерзновением Моисей сниде з горы, взем телец, сожже на огни и сотре потонку, и раз(л. 1029 об.)сыпа¹⁷¹³ и, и напои ею сыны Израилевы. И повеле Моисей, да препояшется койждо своим мечем по бедре и пойдете и возвратитеся сквозе полк, и убиете койждо брата своего и койждо друга своего и койждо соседа своего. И сотвориша сынове Левиины, якоже глагола Моисей: И паде от людей в той день до 3000 мужей.

Дерзостию¹⁷¹⁴ взяста оба сына Аарона, Надав и Авинут, койждо свою кадилницу. И¹⁷¹⁵ вложиста нань фимиам, и принесоста огнь чюжд, его же не повеле има Господь. Изыде ж огнь от Господа и потреби я и умроста пред Господем.

(л. 1030)¹⁷¹⁶ Дерзостию¹⁷¹⁷ Быша людие ропчюще злая пред Господем, и слыша Господь и разгневася гневом и разгореся в них огнь от Господа, и потреби часть едину от полка. И паки дерзостию¹⁷¹⁸ клеветаша на Бога и реша, еда возможет Бог уготовати трапезу в пустыни. И Дух изыде от Господа и изведе крастели из моря, и ядоша и насытишася, и не престаша от желания своего прежде оскудения своего. И Господь разгневася зело на люди и порази Господь вредом великим зело, и прозвася место то гроб похотения, яко ту погребоша люди похотевшая. Дерзостию¹⁷¹⁹ возглаголаста Мариам и Аарон на Моисея жены ради Мурянина, юже поя Моисей, (л. 1030 об^.)1720 и рекоста, еда ли Моисею единому глагола Господь. И услыша Господь, опрокази ю.

Дерзостию¹⁷²¹ Корей, Дафан и Авирон и с ними избраных от сынов Израилевых 250 мужей восташа на Моисея и Аарона, и прогневаша Моисея¹⁷²², святаго Господня. И взяша кадилницы чрез Божие повеление кадити, и пожре их земля, и огнь изыде от Господа¹⁷²³, и сожже грешники, 250 муж, принесшая фимиам. И паки дерзостию возропташа сынове Израильтейстии наутрие на Моисея и Аарона глаголюще: Вы избиста люди Господня. И погуби Господь пагубою 14 000 и 700, кроме умерших Корея ради. Дерзновением¹⁷²⁴ посла Моисей послы от Кадис ко царю Едомску, яко да минет посреде земли его, (л. 1031)¹⁷²⁵ и не попусти, и уклонися от него Израиль.

Дерзостию¹⁷²⁶ вооружися Ханаан на Израиля и падоша, и наречеся имя месту тому пустошь. Дерзостию¹⁷²⁷ роптаху людие на Бога, и пусти Господь на люди змия уморяюща.

Дерзостию¹⁷²⁸ Сион царь Аморейский ста противу. Дерзновением Израиль того поби, и прочия.

Дерзостию¹⁷²⁹ воста Валак, царь Моавль на Израиля. И призва Валаама прокляти его, он же вместо клятвы словом Господним благослови его.

Дерзостию¹⁷³⁰ сынове Израилевы поклонишася и послужиша Веельфегору.

Дерзновением Моисей поби 24 000. Дерзостию израилтяне смесиша с мадиамляныни¹⁷³¹.

(л. 1031 об.)¹⁷³² Дерзновением Финеес взем сулицу, прободе израильтянина Смадия и устави гнев от сынов Израилевых. Дерзновением¹⁷³³ Иисус Наввин вниде в землю обетованную и прокля град Иерихон и все, елико в нем, злато и сребро и медь и железо освяти Господеви, в сокровище Господне да ся внесет. Дерзостию Ахар украде от возложеных Господеви ризу красну 200 дидрахм сребра¹⁷³⁴ и сосуд злат, 50 дидрахм и наведе гнев Божий на весь Израиль. Обличен быв, побиша его камением со всем родом и со скотом, и сожгоша его огнем.

Таковым¹⁷³⁵ дерзновением Иисус победи 31 царя. (л. 1032)¹⁷³⁶ Дерзостию¹⁷³⁷ сынове Израилевы сотвориша пред Господем и предаст я Господь в руку Мадиамлю. Дерзновением порази Гедеон с тремясты мужи Мадиама, Орива, и Зива, и Зевея¹⁷³⁸, и Салмана и вся князи их и с ним 120 000, иже реша, да наследим себе святилище Божие. Дерзостию¹⁷³⁹ и гордостию ят Саул священства сан на ся восхищ и сам возносяй всесожжение Господу. И бысть глагол Господень к Самуилу, глаголя: Раскаяхся, яко помаза Саула на царьство, понеже отвратися от Мене и словес Моих не соблюде. Дерзновением прииде Самуил к Саулу и обличи, и рече: Еда ли Быша и угодны всесожжения и жертвы, но лучши есть послушати (л. 1032 об.)¹⁷⁴⁰ гласа Господня¹⁷⁴¹ и уне есть жертвы благи послушание и паче тука овня, яко грех есть чарование, тако грех есть противление, яко грех есть идолопоклонение, тако грех есть преступати заповеди Господня, яко уничижил еси глаголы Господня и уничижит тя Господь, не быти тебе царю во Израили. И отврати лице свое Самуил, отъити хотя от него, и ят Саул за воскрылие риз его и раздра их. И рече ему Самуил¹⁷⁴²: Отъя Господь царьство Израилево от руку твоею днесь и даст е ближнему твоему блажлишу тебе.

Дерзостию¹⁷⁴³ гоняй Саул Давида и отступи Дух Господень от Саула и давляше дух лукавый от Господа.

(л. 1033)¹⁷⁴⁴ Дерзновением Давид бежа от Саула, прииде в церковь ко Авимелеху иерею и хлебы предложения снесть, взят же и оружие Голияфово. Слышав¹⁷⁴⁵ же сия Саул от раба своего Доика Сирина, началника пастырем Саулим и пасутмски Саули.

Дерзостию посла Саул призвати Авимелеха, сына Ахитова, и вся сыны отца его, иерея от Помвы, и приидоша вси ко царю. И рече Саул: Послушай убо сыну Ахитов. Дерзновением рече иерей: Се аз, глаголи господине. И рече ему паки Саул дерзостию: Что помысли на мя ты и сын Иессеов, яко вда ему хлеб и копие и вопросил еси Бога ради его, положити его на мя врага до днешняго дне. (л. 1033 об.)¹⁷⁴⁶ И рече Авимелех со дерзновением царю: То кто есть во всех рабех твоих верен, якоже Давид и зять царев, и князь всем заповедем твоим, и славен в дому твоем? Или мниши днесь наченша мя молитися о нем к Богу? Ни убо, да не положиши царю на раба своего словес сих и на весь дом отца моего, яко не веде раб твой сего словесе ни мала, ни велика. И рече Саул дерзостию и гордостию: Смертию да умреши, Авимелех, ты и весь дом отца твоего. И рече Саул рыщущим пред ним и предстоящим пред ним: Приведите и избиете иерея Господня, яко рука их со Давидом и к сему разумевше, яко бежит Давид, (л. 1034)¹⁷⁴⁷ и не возвестиша во ушию мою.

Дерзновением не послушаша отроцы Саули возложити рук своих на сопротив иереом Божиим. Дерзостию рече Саул Доикови: Возвратився ты срящи иерея. И обратися Доик Сирин и уби иерея Господня в той день, 85 муж и вся, носящая ефуд. И Номват, град иерейский погуби усты оружия от мужеска полу и до женска, от отрок и до ссущих и телят и осел и овчат, и гонзе един сын Авимелехов, сына Ахитова, имя ему Авиафар.

Дерзостию¹⁷⁴⁸ гоняше паки второе по Давиде, и предаде его Господь в руце Давиду в вертепе, и отъят Давид воскрылие (л. 1034 об.)¹⁷⁴⁹ одеяла его, и не сотвори Саулу зда, еже убити его. И воста Саул, сниде на путь свой. И изыде Давид вослед из вертепа со дерзновением, и возопи Давид за ним, глаголя: Господи царю! И озреся Саул вослед его, и преклонься Давид до земли, и поклонися ему. И рече Давид к Саулу: Почто послушаеши словесе людий, глаглющих, яко се Давид ищет душа твоея? Се бо днесь видеста очи твои, яко предал тя бяше Господь в руце мои в вертепе, и не помыслих убити тебе, но помиловах тя. И виждь одеяла своего в руце моей, аз отъях воскрылие одеяла твоего и не убих тебе. И разумей и виждь днесь, яко несть (л. 1035)¹⁷⁵⁰ злобы в руце моей, ни безчестия, ни ненависти¹⁷⁵¹, ниже согреших к тебе, а ты ищеши души моея изъяти ю. Да судит Господь между мною и тобою, и да оправдит мя Господь от Тебе. Виждь, Господи, и суди судом ми, и отсуди мя от руки Твоея. И суди Господь за дерзость и гордость Саулу, елико неправдою пред Богом. И обложися сам священничества саном и жречествова, сугубо и елико иереов Господних поби и по Давиде гони, зле поживе, злее и погибе. Сам¹⁷⁵² на свое оружие падше умре и с чады своима и со всем домом. И бысть Давид царствуяй¹⁷⁵³, и приим дерзновение, еже вознести киот Божий, а в нем же нарицается (л. 1035 об.)¹⁷⁵⁴ имя Господа силнаго, седящаго на херувимех. И дерзостию простер Озия руку свою на киот Божий придержати и ят зань, яко превращаше его телец. И разгневася Господь гневом на Озию, и порази и ту Господь. И умре от киота Господня пред Господем.

Дерзостию¹⁷⁵⁵ сотвори Давид прелюбодейство с Вирсавиею и убийство мужу ея Урию Хетфеянина. Дерзновением¹⁷⁵⁶ вниде Нафан пророк к Давиду и рече ему: Отвещай ми, царю, ныне суд. И рече ему: Два мужа беста во единем граде, един богат, а другий убог. И у богатаго стадо бяху и буи воли мнози зело, а у убогаго не бе ничто же, но токмо агница (л. 1036)¹⁷⁵⁷ едина мала, юже стяжа и устрои ю, и вскорми ю, и возрасте с ним и з сыном его вкупе, от хлеба его ядяше и от чаши его пияше, и на лоне его почиваше, и бе ему яко дщи. И прииде некто с пути к мужу богатому, и не восхоте пояти от стад своих и от буй волиц своих на сотворение обеду путнику, пришедшу к нему, но поят агницу убогаго и сотвори обед мужу, пришедшу к нему. И разгневася гневом зело Давид на мужа того, и рече Давид к Нафану: Жив Господь, яко достоин муж той смерти¹⁷⁵⁸, сотворивый то, и агницу возвратив седмерицею, понеже есть сотвори сице, и о нем же не восхоте. (л. 1036 об.)¹⁷⁵⁹ И рече Нафан ко Давиду: Ты еси человек, сотворивый се. Се же ти глаголет Господь Бог Израилев: Аз есмь помазах тя на царьство во Израили, Аз избавих тя от руки Сауловы и дах ти Господа твоего и жены господина твоего в лоно твое, и дах ти дом Израилев Июдин. Или ти мало то есть? Да приложу к сим и еще. И что яко оскверни слово Господне, еже сотвори лукавое пред очима Его? Урию бо Хетфеянина оружием уби и жену его поят себе в жену. И ныне не отступит оружие от дому твоего до века, зане уничижи мя. Сице глаголет Господь: Се Аз воставлю зло от дому твоего и раздам жены твоя пред очима твоима, (л. 1037)¹⁷⁶⁰ и дам ближним твоим и лягут со женами твоими пред солнцем сим. Яко ты сотвори втайне, и Аз сотворю глагол сей пред всем Израилем и пред солнцем сим.

Дерзновением Давид покляся пред Богом и рече Давид Нафану: Согреших ко Господу моему. И рече Нафан к Давиду: Господь отъят согрешение твое от Тебе, не имаши умрети.

Дерзостию¹⁷⁶¹ воста диавол на Израиля и раздражи Давида, да сочтет Израиля. И рече Давид ко Иоаву и к началником силы: Идете и сочтете Израиля от Версавеи до Дана, и принесите ми число, да знаю.

Дерзновением отвеща Иоав: Да умножит Господь люди своя сторицею неже суть, и очи господина моего царя (л. 1037 об.)¹⁷⁶² видят, и не вси ли господину моему царю раби суть. И почто сего ищет господин мой, да не вменится в грех Израилю, но обаче дерзостию слово царево преможе Иоава. И сочте Израиля тысяща тысящ и 100 мужей, носящих оружие, от Июды же 470 000 бранник. Не угоди же Богу, что повелено бысть, и поби Израиля.

Дерзновением пророк пришед, сказа Давиду словом Божиим, трегубую казнь да изберет или 3 лета глад, или три месяца бегати от лица враг, или три дни меч Господень и смерть на землю. И изволи Давид от трех язв смерть Господню, и умре от Израиля 70 000 мужей, Дóндеже помолися Давид Богу, и помилован (л. 1038)¹⁷⁶³ бысть, и преста смерть.

И воцарися Соломон, сын Давидов, вместо отца своего Давида, его же благослови отец. Дерзновением и любовию Божиею созда Соломон храм Господеви и постави в нем киот завета Господня. И помолися¹⁷⁶⁴ Соломон Господеви, и о нем же помолися. Обеща ему Господь Бог дати и молитвы послушати. Дерзостию¹⁷⁶⁵ уклони Соломон сердце свое от Господа Бога Израилева во след бог иных. И не бе сердце его з Господем Богом, яко сердце Давида отца его, и хождаше Соломон вослед Астарса и сквернаго Сидонскаго и во след царя их идолов сынов Аммон, и сотвори лукавное пред Господем.

И воцарися по Соломоне сын его Ровоам (л. 1038 об.)¹⁷⁶⁶ и отягчи Израиля оброк паче Соломона.

Дерзновением¹⁷⁶⁷ приидоша израильтяне и глаголали суть царю: Отец твой отягча ярем наш, но не ты ныне облегчи работу отца твоего злую, да служим тебе вовеки. И рече Ровоам: Идите, по триех днех приидите и реку вам. И вопроси старец, иже стояху пред отцем его Соломоном: Что дадите совет отвещати людем сим? Иже реша ему: Аще угодиши полку тому, и усладиши их словесы милостивными и служат тебе во всяко время. И той дерзостию остави совет старческ. Дерзостию нача думати с юношами, иже с ним (л. 1039)¹⁷⁶⁸ вскормлени бяху, иже бяху с ним во княжении том, рече к ним: Что ся вам, еже отвещати имам полку тому, иже реша мне, глаголюще: Облегчи иго, еже наложил на ны отец твой? И тии отвещаша: Тако глаголеши полку и тако отвещаеши. Менший перст мой толстее есть чресл отца моего. Отец мой наложил тяжело иго, и аз паче тягости приложу. Отец мой бил вас бичми, и аз бо бию вас скорпиины. И отступиша от него десять колен Израиля.

Ответ

Больной ищет врача и идет не зван сам ко врачю, ищучи своего здоровия. Егда зовется некто к суду, почитается, что виноват, а кто не виноват есть, и сам идет не зван, чтоб очистился и оправдался. Кончее должен бы Никон, егда услышал, что собранный был собор ради его дела, приити явно и объявится; а естли бы тое пришествие его ему было помешкою, однакож бы прислал письмо свое к собранному собору, в котором бы выписал все, одно по другом, ко братии своей архиереом; но когда не хотел упокоритися тем обычаем уже упокорен есть пущим обычаем, понеже всегда спесивой человек ступает, а не вступает спеся. Лествица есть небесная покор, а лествица аду спесивость, там тая Мардохея повышила, а сея Амана погрузила. Врата райския есть тесныя, не приимут нас, естли мирными и покорными не будем, и не учинимся что малыя, не внидем во Царство Небесное¹⁷⁶⁹. Спесивыя на 4 части делятся: некоторыя похваляются, что имеют то, чево николи не имели, и тыя подлинно суть глупыя; некоторыя властвуют себе то, что имеют, однакож не так, чтоб от Господа Бога имели дано, и тыя суть неблагодарныя; иныя думают, что для ради своих добрых дел одержали все добро что имеют, и тыя суть сатанины дети; иныя погружают иных и глаголют вместе с фарисеом: но есмь как иныя люди, и они суть подлинно что пардусы и лвы.

Ответ

Ино есть обещание и ино присяга и клятва; архиереи не присягают в клятву никогда, потому, чтоб тотчас были извержены. Глаголет Бог: не приимеши имени Бога твоего всуе¹⁷⁷⁰. А понеже июдее хитролукавныя стали глаголя, что толко надобе разумети о четвертословии Иова¹⁷⁷¹, для того глаголет Левит: не будете присягать во имя Мое в речи неправдивой и не оскверните имени святаго Бога вашего, то придал для тех, которыя всуе присягали; так присягал Ирод, что имел подать плясущей отроковице, чтоб она похотела, и он чтоб не преступил несправедливой присяги, отдал главу Иоанна Предтечи ей. И для того поет святая Церковь наша, дабы ты, Ироде, не присягал беззаконному сыну лжи; и хотя еси присягал, дабы ты присяги не додерживал; лутче бы было солгати и живот получити, нежели истинствуючи главу Предтечи отсечь. И для того имеем ту повесть, в делах худых обещанных не надобно воздержать присяги. Однакож кто всуе обещает и напрасно, без казни не будет; убо Бог есть прямый разсмотритель, и отдавает грехи отцем на чада до третияго и четвертаго рода¹⁷⁷². Глаголет великий Василий наш, что пифагорейской Клиниус оклеветан был чист напрасно, будто он должен 3 000 талантов, и он не хотя присяги учинити все сполна заплатил, хотя и не должен был. Свидетель же мне есть Бог, Ему же служу, пишет Павел апостол к Римляном, а не что иное прибавил: а как в присяге, так и в клятве обретается имя Господа Бога и сам Господь и Бог, и для того надобно обоих опасатися и боятися. И для того глаголет Ияков Иеросалимский отец ваш то, который в одном зблудит во всех правах виноват остается. Обещаемся все архиереи, что будем послушны патриарху, но не присягаем и то только в делах, которы праведные и достойны суть для ради спокойнаго чину церковнаго, чтоб не были обманные и лживые советы и раздор меж их; однако ж никто ж не был противен из архиереов ему, никто против его лживаго совету не делал, и никто от него не отметался, толко он отметал всех и побежал куды захотел, а естли собором собраны были, то не есть противно обещанию.

Ответ

Тым обычаем, когда бы мышь взяла освященный хлеб, разве мощно нарещи, что причастилася, потому что не есть достойна и сотворена ко благословению и причащению. Темже обычаем, естли собака преобразила знамя благословения, благословение ея не есть благословение. Однако же в таких преосвященных делах не надобно держать преобразывающих скотов и шутить в святых делах не подобает от православных. Есть некоторыя звери, как птица попугай или сорока, которыя научатся человечески говорить; подивляемся их красоте и учению; тоже и о слоне и о обезьяне и о собаке верно много пишет Елианус в книгах своих; и не подобает чтоб в чистых делах патриарх чинил проклятие, потому что в малых делах не достойно есть проклятие, иже оно в ни во что почтено бывает, и только называет срам есть, убо турчин таинства нашие веры хулит не подлинно, потому что и солнце в грязи не тмеет, толко светится; а для ради одной скотины, чтоб человек разумной был отдан сатане не достойно есть, и что ни есть сказали бы противнаго нашей веры, когда б то услышали, понеже Бог не преследует яростно безумства учинению. А где не есть греха смертнаго, не может быть проклятие и отлучение от Бога. Пишет бо Матфей Властарий в главе о проклятии, что не имеет быть учинена без годной притчи, и дает такие довода особные, что не бывает проклят человек толко знаменно и писменно, святыя правила возбраняют, и архиерей, которой проклинает своею самоволною яростию и гневом, достойней вины для бещестия. Убо подобает чинить с разсуждением и разсмотрением проклятие, се есть, когда прилучится грех, и не всякой грех, только тот грех, котораго возбраняют святыя правила. Второй довод есть, покамест не будет позван виноватой к суду и не единожды будет обличен, или естли явно объявит свой грех, и естли не похочет покаятися, тогда достоин проклятия от соединения верных отлучения. Уже спрашиваю Никона: учинил ли такой роспрос как винных.

Конец

Мне видится, естли когда правдиво было слово Божие, беда тем, которые отверзают комары, а глотают велбуды. Не видит Никон бревна в глазе своем, только плеву в чюжем глазе гораздо смотрят; не помнит на то знай себе самаго и сам себе бережи; а когда бы то учинил, не чинил бы выше помянутых речей. Как гораздо сказал Есоп, что всякой человек имеет на плече своем сумки, и на одной стране имее свои грехи, а на другой чюжия, и те свои согрешения за собою носит, а чужия перед собою, на которыя безпрестанно смотрит. Но кто имеет уши на слышание, слушай, и кто разумеет, разумей, глаголет дух правды.