Глава VI. Тропари, кондаки и ирмосы на главнейшие праздники
Сентябрь
8. Рождество Пресвятой Богородицы.
| Тропарь, гл. 4: Рождество́ Твое́, Богоро́дице Де́во, ра́дость возвести́ всей вселе́нней: из Тебе́ бо возсия́ Со́лнце Пра́вды, Христо́с Бог наш, и, разруши́в кля́тву, даде́ благослове́ние, и, упраздни́в смерть, дарова́ нам живо́т ве́чный. | Рождение Твое, Богородица Дева, возвестило радость всей вселенной, ибо из Тебя воссияло Солнце правды – Христос Бог наш. Он снял проклятие и дал благословение; Он уничтожил смерть и даровал нам вечную жизнь. |
Ирмосы первого канона, гл. 2
[Св. Иоанна Дамаскина.]
| 1. Гряди́те, лю́дие, пои́м песнь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, я́ко просла́вися. | Приходите, люди, запоем песнь Христу Богу, разделившему море и проведшему народ, который Он освободил из рабства египетского; ибо Он прославился. |
| 3. Утверди́ нас в Тебе́, Го́споди, Дре́вом умерщвле́й грех, и страх Твой всади́ в сердца́ нас, пою́щих Тя. | Утверди нас в Тебе, Господи, древом умертвивший грех, и внедри страх пред Тобою в сердца нас, воспевающих Тебя. |
| 4. Услы́шах, Го́споди, слух Твоего́ смотре́ния и просла́вих Тя, Еди́не Человеколю́бче. | Получил я, Господи, откровение о промысле Твоем, и прославил Тебя, единый Человеколюбец! |
| 5. Сеннопи́санный мрак гада́ний разори́в200 и ве́рных прибы́тием и́стины, Богоотрокови́цею, озари́в сердца́, и нас све́том Твои́м, Христе́, наста́ви. | Рассеявший туманный смысл неясных и загадочных прообразов Ветхого Завета и озаривший сердца верных явлением истины через святую Отроковицу, путеводствуй и нас, Христе, светом Твоим! |
| 6. Ко Го́споду от ки́та Ио́на возопи́: Ты мя возведи́ из глубины́ а́да, молю́ся, да я́ко Изба́вителю, во гла́се хвале́ния, и́стины же ду́хом пожру́ Тебе́. | Ко Господу из кита воззвал Иона: «Изведи меня, молю, из глубины ада, чтобы я, с громкою хвалою и в духе истины, принес Тебе жертву, как Избавителю». |
| Кондак, гл. 4: Иоаки́м и А́нна поноше́ния безча́дства и Ада́м и Е́ва от тли сме́ртныя свободи́стася, Пречи́стая, во святе́м рождестве́ Твое́м. То пра́зднуют и лю́дие Твои́, вины́ прегреше́ний изба́вльшеся, внегда́ зва́ти Ти: непло́ды ражда́ет Богоро́дицу и Пита́тельницу Жи́зни на́шея. | Иоаким и Анна освободились от поношения за бездетность, а Адам и Ева–от смертной гибели святым Твоим рождением, Пречистая. Его празднуют и люди Твои, избавившиеся от тяготы греховной, громко Тебе восклицая: неплодная рождает Богородицу и питательницу Жизни нашей. |
| 7. Купина́ в горе́ огненеопа́льная и росоно́сная пещь халде́йская я́ве предписа́ Тя, Богоневе́сто, Боже́ственный бо невеще́ственный в веще́ственнем чре́ве Огнь неопа́льно прия́ла еси́. Те́мже из Тебе́ Ро́ждшемуся пое́м: благослове́н еси́, Бо́же оте́ц на́ших. | Купина, в огне не опалявшаяся, и халдейская печь, источившая росу, ясно прообразовали Тебя, Богоневеста, ибо Ты неопалимо приняла божественный, невещественный Огонь в вещественное чрево. Поэтому Родившемуся от Тебя мы восклицаем: благословен Ты, Бог отцов наших! |
| 8. В пещи́ о́трочестей прообрази́л еси́ иногда́ Твою́ Ма́терь, Го́споди, о́браз же Сия́201 из огня́ изыма́ше неопа́льно входя́щия, ю́же202 пое́м, я́вльшуюся203 Тобо́ю конце́м204 Днесь, и превозно́сим во вся ве́ки. | В печи с отроками Ты некогда явил прообраз Твоей Матери, Господи! И этот Ее прообраз спас их от огня, в котором они ходили не опаляясь. Ее, прославленную через Тебя до крайних пределов земли, мы ныне воспеваем и превозносим на все веки. |
| 9. Яже пре́жде Со́лнца Свети́льника Бо́га возсия́вшаго, пло́тски к нам прише́дшаго, из боку́ Деви́чу неизрече́нно воплоти́вшая, Благослове́нная Всечи́стая, Тя, Богоро́дице, велича́ем. | Благословенная, пречистая Богородица, неизреченно из девственного чрева воплотившая Бога, к нам во плоти пришедшего, сиявшего светом прежде солнца, Тебя мы величаем. |
Ирмос 9-ой песни второго канона
[Св. Андрея Критского.]
| Гл. 8: Чу́жде ма́терем де́вство, и стра́нно де́вам деторожде́ние; на Тебе́, Богоро́дице, обоя́ устро́йшася. Тем Тя, вся племена́ земна́я, непреста́нно велича́ем. | Чуждо матерям девство и несвойственно девам деторождение; на Тебе же, Богородица, совершилось то и другое. Поэтому все мы, племена земные, непрестанно Тебя величаем. |
9. Святителя Феодосия Черниговского
Тропарь, гл. 4: Преудобре́н [одаренный высшим совершенством] во архиере́ех, святи́телю Феодо́сие, был еси́ свети́ло своему́ ста́ду, та́же преста́вился еси́ в ве́чныя оби́тели. Умоли́ у Престо́ла Царя́ Сла́вы изба́витися нам от находя́щих на ны зол и спасти́ся душа́м на́шим, свя́те, моли́твами твои́ми.
Кондак, гл. 4: Па́стырей Нача́льнику Христу́ труди́лся еси́, святи́телю Феодо́сие, на па́жити духо́вней слове́сныя твоя́ о́вцы пита́я, и целе́бен дар от Христа́ Спа́са прия́л еси́, во е́же не́мощи душе́вныя и теле́сныя цели́ти всех с ве́рою к тебе́ приходя́щих. Те́мже и ны́не, свя́те, моли́ся всем и́мя твое́ призыва́ющим от наве́тов вра́жиих спасти́ся и поми́ловатися душа́м на́шим.
14. На Воздвижение честного животворящего Креста
Тропарь, гл. 1: Спаси́, Го́споди, лю́ди Твоя́ и благослови́ достоя́ние Твое́, побе́ды на сопроти́вныя да́руя и Твое́ сохраня́я Кресто́м Твои́м жи́тельство.
Ирмосы канона, гл. 8
[Св. Козьмы Маюмского].
| 1. Крест начерта́в, Моисе́й впря́мо205 жезло́м Чермно́е пресече́, Изра́илю пешеходя́щу, то́же206 обра́тно фарао́новым колесни́цам207 уда́рив, совокупи́, вопреки́208 написа́в непобеди́мое ору́жие. Тем Христу́ пои́м, Бо́гу на́шему, я́ко просла́вися. | Моисей, начертав жезлом продольную линию креста, разделил Чермное море, так что Израиль пошел по нем пешком, ударив же по морю поперек, против фараоновых колесниц, он изобразил непобедимое оружие [т. е. крест], и вновь соединил море. Поэтому запоем Христу, Богу нашему: ибо Он прославился! |
| 3. Жезл во о́браз та́йны прие́млется, прозябе́нием бо предразсужда́ет209 свяще́нника, неплодя́щей же пре́жде Це́ркви, ны́не процвете́ Дре́во Креста́, в держа́ву и утвержде́ние. | Жезл Ааронов принимается за таинственный прообраз, ибо своим ростком он предуказывает священника. И в Церкви, прежде бесплодной, расцвело древо Креста, ей в усиление и утверждение. |
| 4. Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́. | Услышал я тайну промысла Твоего, Господи, уразумел дела Твои и прославил Божество Твое. |
| 5. О треблаже́нное Дре́во, на не́мже распя́ся Христо́с, Царь и Госпо́дь, и́мже паде́ дре́вом прельсти́вый, тобо́ю210 прельсти́вся211, Бо́гу пригвозди́вшуся212 Пло́тию, подаю́щему мир душа́м на́шим. | О, трижды блаженнейшее Древо, на котором распялся Христос, Царь и Господь, через которое пал обольстивший древом, будучи сам уловлен пригвоздившимся на тебе плотью Богом, дарующим мир душам нашим. |
| 6. Во́днаго зве́ря во утро́бе дла́ни Ио́на крестови́дно распросте́р, спаси́тельную Страсть прообража́ше я́ве: тем213 тридне́вен изше́д, преми́рное214 Воскресе́ние прописа́ше215 Пло́тию пригвожде́ннаго Христа́ Бо́га и тридне́вным Воскресе́нием мир просве́щшаго. | Иона, распростерши в утробе морского зверя крестообразно руки, ясно прообразовал спасительное страдание; а вышедши из нее на третий день, предизобразил сверхъестественное воскресение Христа Бога, пригвожденного плотью и просветившего мир воскресением на третий день. |
| Кондак, гл. 4: Вознесы́йся на Крест во́лею, тезоимени́тому216 Твоему́ но́вому жи́тельству217 щедро́ты Твоя́ да́руй, Христе́ Бо́же, возвесели́ нас си́лою Твое́ю, побе́ды дая́ нам на сопоста́ты, посо́бие иму́щу Твое́218, ору́жие ми́ра, непобеди́мую побе́ду. | Поднятый добровольно на крест Христе Боже, даруй милости Твои новому обществу, носящему Имя Твое, – обрадуй силою Твоею благоверного Императора нашего Николая Александровича, даруя Ему победы над врагами, и да имеет Он в помощь от Тебя крест, как ограждение мира и знамя непобедимости! |
| 7. Безу́мное веле́ние мучи́теля злочести́ваго лю́ди поколеба́, ды́шущее преще́ние и злохуле́ние богоме́рзкое219: оба́че три о́троки не устраши́ я́рость зве́рская, ни огнь снеда́яй, но, противоды́шущу росоно́сному Ду́ху220, со огне́м су́ще, поя́ху: препе́тыи́ отце́в и нас Бо́же, благослове́н еси́. | Безумное, дышащее угрозою и ненавистническим богохульством повеление нечестивого властителя смутило народ; однако, трех отроков не устрашили ни зверская злоба, ни всепожирающий огонь, и они, благодаря веявшему против огня влажному ветру, пребывали в нем с пением: «Препрославленный Боже отцов и наш, благословен Ты!» |
| 8. Благослови́те, о́троцы, Тро́ицы равночи́сленнии, Соде́теля Отца́ Бо́га, по́и́те снизше́дшее Сло́во, и огнь в ро́су претво́ршее, и превозноси́те всем жизнь подава́ющаго Ду́ха Всесвята́го во ве́ки. | Благословляйте, отроки, равночисленные Троице, Создателя Бога Отца, воспевайте Слово, снисшедшее и огонь в росу превратившее, и превозносите Всесвятого Духа, всем жизнь дающего, во веки. |
| 9. Та́ин еси́, Богоро́дице, раи́, невозде́ланно возрасти́вший Христа́, Имже кре́стное живоно́сное на земли́ насади́ся Дре́во; тем, ны́не возноси́му, покланя́ющеся Ему́, Тя велича́ем. | Ты, Богородица, – таинственный рай, девственно произрастивший Христа, Которым насаждено на земле живоносное древо креста. Поэтому ныне, при воздвижении его, ему поклоняясь, мы величаем Тебя. |
| Сне́дию дре́ва ро́ду прибы́вшая смерть Кресто́м упраздни́ся Днесь, и́бо прама́терняя всеро́дная кля́тва разруши́ся Прозябе́нием Чи́стыя Богома́тере, ю́же вся Си́лы Небе́сныя велича́ют. | Смерть, постигшая род человеческий через вкушение от древа, ныне упразднена через крест; ибо наследованное всем ее потомством проклятие праматери уничтожено Отраслью [Сыном] чистой Богородицы, Которую величают все Силы небесные. |
25. Преп. Сергия Радонежского, чудотворца
Тропарь, гл. 4: И́же доброде́телей подви́жник, я́ко и́стинный во́ин Христа́ Бо́га, на стра́сти вельми́ подвиза́лся [ты упорно боролся против страстей] еси́ в жи́зни вре́менней, в пе́ниих, бде́ниих же и поще́ниих о́браз быв [будучи образцом] твои́м ученико́м, те́мже и всели́ся в тя Пресвяты́й Дух, Его́же де́йствием све́тло укра́шен еси́; но, я́ко име́я дерзнове́ние ко Святе́й Тро́ице, помина́й ста́до, е́же собра́л еси́, му́дре, и не забу́ди, я́коже обеща́лся еси́, посеща́я чад твои́х, Се́ргие, преподо́бне о́тче наш.
Кондак, гл. 8: Христо́вою любо́вию уязви́вся [воспламенившись], преподо́бне, и Тому́ невозвра́тным жела́нием после́довав, вся́кое наслажде́ние плотско́е возненави́дел еси́ и, я́ко со́лнце, Оте́честву твоему́ возсия́л еси́; тем и Христо́с да́ром чуде́с обогатя́ тя. Помина́й нас, чту́щих пресве́тлую па́мять твою́, да зове́м ти: ра́дуйся, Се́ргие богому́дре.
26. Преставление св. Ап. и Еванг. Иоанна Богослова
| Тропарь, гл. 2: Апо́столе, Христу́ Бо́гу возлю́бленне, ускори́ изба́вити лю́ди безотве́тны: прие́млет тя припа́дающа и́же па́дша на пе́рси Прие́мый, Его́же моли́, Богосло́ве, и належа́щую мглу язы́ков разгна́ти, прося́ нам ми́ра и ве́лия ми́лости. | Апостол, Христом Богом возлюбленный! поспеши избавить народ беззащитный; ибо принимает твою усердную молитву Тот, Кто принял тебя припавшим к Своей груди. Моли Его, Богослов, рассеять и надвинувшуюся тучу иноплеменников, и проси нам мира и великой милости. |
| Кондак, гл. 2: Вели́чия твоя́, де́вственниче, кто пове́сть; То́чиши бо чудеса́, и излива́еши исцеле́ния, и мо́лишися о душа́х на́ших, я́ко Богосло́в и друг Христо́в. | Кто поведает великую славу твою, девственник? ибо ты источаешь чудеса, и изливаешь исцеления и молишься о душах наших, как Богослов и друг Христов. |
Октябрь
1. Покров Пресвятой Владычицы нашей Богородицы и Приснодевы Марии.
Тропарь, гл. 4: Днесь благове́рнии лю́дие све́тло [торжественно] пра́зднуем, осеняе́ми Твои́м, Богома́ти, прише́ствием, и к Твоему́ взира́юще пречи́стому о́бразу, уми́льно глаго́лем: покры́й нас честны́м Твои́м Покро́вом и изба́ви нас от вся́каго зла, моля́щи Сы́на Твоего́, Христа Бога нашего, спасти́ ду́ши на́ша.
Кондак, гл. 3: Дева Днесь предстои́т в це́ркви и с ли́ки [сонмами] святы́х неви́димо за ны мо́лится Бо́гу, А́нгел и со архиере́и покланя́ются, апо́столи же со проро́ки ликовству́ют [составляют хор]: нас бо ра́ди мо́лит Богоро́дица Преве́чнаго Бо́га.
22. Празднование в честь Казанской иконы Пресвятой Богородицы
Тропарь, гл. 4: Засту́пнице усе́рдная, Ма́ти Го́спода Вы́шняго, за все́х мо́лиши Сы́на Твоего́ Христа́ Бо́га на́шего и всем твори́ши спасти́ся, в держа́вный Тво́й покро́в прибега́ющим. Всех нас заступи́, о Госпоже́ Цари́це и Влады́чице, и́же в напа́стех и ско́рбех, и в боле́знех, обремене́нных грехи́ мно́гими, предстоя́щих и моля́щихся Тебе́ умиле́нною душе́ю и сокруше́нным се́рдцем, пред пречи́стым Твои́м о́бразом со слеза́ми, и невозвра́тно [твердо] наде́жду иму́щих на Тя избавле́ния всех зол. Всем поле́зная да́руй и вся спаси́, Богоро́дице Де́во: Ты бо еси́ Боже́ственный [святой] покро́в рабо́м Твои́м.
Кондак, гл. 8: Притеце́м, лю́дие, к ти́хому сему́ и до́брому приста́нищу, ско́рой Помо́щнице, гото́вому и те́плому спасе́нию, покро́ву Де́вы, ускори́м на моли́тву и потщи́мся на покая́ние: источа́ет бо нам неоску́дныя ми́лости Пречи́стая Богоро́дица, предваря́ет [поспешает] на по́мощь и избавля́ет от вели́ких бед и зол благонра́вныя и Богобоя́щияся рабы́ Своя́.
24. Празднование в честь иконы Пресвятой Богородицы всех скорбящих радости
Тропарь, гл. 4: К Богоро́дице приле́жно [усердно] ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся [поспеши], погиба́ем от мно́жества прегреше́ний, не отврати́ Твоя́ рабы́ тщи, Тя бо и еди́ну наде́жду и́мамы.
Кондак, гл. 6: Не и́мамы ины́я по́мощи, не и́мамы ины́я наде́жды, ра́зве [кроме] Тебе́, Влады́чице. Ты нам помози́: на Тебе́ наде́емся и Тобо́ю хва́лимся, Твои́ бо есмы́ раби́, да не постыди́мся.
Ноябрь
8. Святого Архистратига Михаила и прочих бесплотных Сил.
Тропарь, гл. 4: Небе́сных во́инств Архистрати́зи, мо́лим вас при́сно мы, недосто́йнии, да ва́шими моли́твами оградите́ нас кро́вом крил невеще́ственныя ва́шея сла́вы, сохраня́юще ны, припа́дающия приле́жно и вопию́щия: от бед изба́вите ны, я́ко чинонача́льницы Вы́шних сил.
Кондак, гл. 2: Архистрати́зи Бо́жии, служи́телие Боже́ственныя сла́вы, А́нгелов нача́льницы и челове́ков наста́вницы, поле́зное нам проси́те и ве́лию ми́лость, я́ко Безпло́тных Архистрати́зи.
21. Вход во храм Пресвятой Владычицы нашей Богородицы и Приснодевы Марии
| Тропарь, гл. 4: Днесь благоволе́ния Бо́жия предображе́ние221 и челове́ков спасе́ния пропове́дание в хра́ме Бо́жии я́сно Де́ва явля́ется и Христа́ всем предвозвеща́ет. Той и мы велегла́сно возопии́м: ра́дуйся, смотре́ния222 Зижди́телева исполне́ние. | Сегодня вступление к исполнению милости Божией и предвестие о спасении людей: в храме Божием торжественно появляется Дева и всем предвозвещает Христа. Ей и мы громко воскликнем: радуйся, Исполнение предначертания о нас Создателя! |
Ирмосы первого канона, гл. 4. [Блаженного Георгия.]
Ирмосы 1, 3, 5, 7, 8 и 9 см. в каноне на Благовещение.
| 4. Неизсле́дный Бо́жий Сове́т е́же от Де́вы воплоще́ния Тебе́, Вы́шняго, проро́к Авваку́м, усмотря́я, зовя́ше: сла́ва си́ле Твое́й, Го́споди. | Созерцая непостижимую волю Божию о Твоем, Всевышний, воплощении от Девы, пророк Аввакум воскликнул: «Слава могуществу Твоему, Господи!» |
| 6. Боже́ственное223 сие́ и всечестно́е соверша́юще пра́зднество, Богому́дрии224, Богома́тере, прииди́те, рука́ми воспле́щим, о́т Нея ро́ждшагося Бо́га сла́вим. | Совершая сие святое и всечестное празднество Богоматери, приходите, благочестивые, восплещем руками и прославим рожденного от Нее Бога. |
| Кондак, гл. 4: Пречи́стый храм Спа́сов, многоце́нный черто́г и Де́ва, свяще́нное сокро́вище сла́вы Бо́жия, Днесь вво́дится в дом Госпо́день, благода́ть совводя́щи, Я́же в Ду́се Боже́ственном, Ю́же воспева́ют А́нгели Бо́жии: Сия́ есть селе́ние Небе́сное. | Пречистый храм Спасителя, многоценный чертог и Дева, священная сокровищница славы Божией, ныне вводится в дом Господень и вносит с Собою благодать Божественного Духа. Ее воспевают Ангелы Божии: Она – жилище небесное. |
23. Святого благоверного князя Александра Невского
Тропарь, гл. 4: Я́ко благочести́ваго ко́рене пречестна́я о́трасль был еси́, блаже́нне Алекса́ндре: яви́ бо тя Христо́с, я́ко не́кое Боже́ственное сокро́вище Росси́йстей земли́, но́ваго чудотво́рца, пресла́вна и Богоприя́тна. И Днесь соше́дшеся в па́мять твою́ [с] ве́рою и любо́вию, во псалме́х и пе́ниих ра́дующеся, сла́вим Го́спода, да́вшаго тебе́ благода́ть исцеле́ний, Его́же моли́ спасти́ град сей, и держа́ве Росси́йской Богоуго́дней бы́ти, и сыново́м Росси́йским спасти́ся.
Кондак, гл. 8: Я́ко звезду́ тя пресве́тлую, почита́ем, от восто́ка возсия́вшую и на за́пад прише́дшую: всю бо страну́ сию́ чудесы́ и добро́тою обогаща́еши и просвеща́еши ве́рою чту́щия па́мять твою́, Алекса́ндре блаже́нне. Сего́ ра́ди днесь пра́зднуем твое́ успе́ние, лю́дие твои́ су́щии: моли́ спасти́ Оте́чество твое́ и вся притека́ющия к ра́це моще́й твои́х и ве́рно вопию́щия ти: ра́дуйся, гра́ду на́шему утвержде́ние.
27. Празднование Знамения Пресвятой Богородицы[в Новгороде]
Тропарь, гл. 4: Я́ко необори́мую сте́ну и исто́чник чуде́с стяжа́вше Тя раби́ Твои́, Богоро́дице пречи́стая, сопроти́вных [врагов] ополче́ния низлага́ем. Те́мже мо́лим Тя: мир гра́ду Твоему́ да́руй и душа́м на́шим ве́лию ми́лость.
Кондак, гл. 4: Честна́го о́браза Твоего́ зна́мение пра́зднующе лю́дие Твои́, Богороди́тельнице, и́мже ди́вную побе́ду на сопроти́вныя гра́ду Твоему́ дарова́ла еси́. Те́мже Тебе́ ве́рою взыва́ем: ра́дуйся, Де́во, христиа́н похвало́.
30. Святого Апостола Андрея Первозванного
Тропарь, гл. 4: Я́ко апо́столов первозва́нный225 и верхо́внаго [т. е. Ап. Петра] су́щий брат Влады́це всех, Андре́е, моли́ся, мир вселе́нней дарова́ти и душа́м на́шим ве́лию ми́лость.
Кондак, гл. 2: Му́жества тезоимени́таго226 Богоглаго́льника [проповедника о Боге] и Це́ркве возсле́дователя верхо́внаго, Петро́ва сро́дника восхва́лим, зане́ я́коже дре́вле сему́ [Петру] и ны́не нам воззва́: прииди́те, обрето́хом Жела́емаго.
Декабрь
Святого отца нашего Николая, архиепископа Мирликийского.
| Тропарь, гл. 4: Пра́вило ве́ры227 и о́браз кро́тости, воздержа́ния учи́теля яви́ тя ста́ду твоему́, я́же веще́й и́стина228: сего́ ра́ди стяжа́л еси́ смире́нием высо́кая, ни́щето́ю Бога́тая, о́тче свяще́ннонача́льниче Нико́лае, моли́ Христа́ Бо́га спасти́ся душа́м на́шим. | Познание истины сделало тебя для паствы твоей мерилом веры, образцом кротости, учителем воздержания. Поэтому ты приобрел себе смирением величие, нищетой богатство. Отче Николай, глава священнослужителей, моли Христа Бога о спасении душ наших. |
| Кондак, гл. 3: В Ми́рех, свя́те, священноде́йствитель показа́лся еси́, Христо́во бо, преподо́бне, Ева́нгелие испо́лнив, положи́л еси́ ду́шу твою́ о лю́дех229 твои́х и спасл еси́ непови́нныя от сме́рти. Сего́ ра́ди освяти́лся еси́, я́ко вели́кий таи́нник230 Бо́жия благода́ти. | В Мирах Ликийских, ты, святой, явился совершителем священнодействий. Исполнив Христов евангельский завет, ты, преподобный, положил душу за паству свою и спас неповинных от смерти. Поэтому ты причислен к святым, как великий служитель тайн благодати Божией. |
10. Святителя Иоасафа Белгородского
Тропарь, гл. 3: Святи́телю Христу́ Бо́гу возлю́бленне, пра́вило ве́ры и о́браз милосе́рдия лю́дем был еси́, бде́нием же, посто́м и моли́твою, я́ко свети́льник пресве́тлый, просия́л еси́ и просла́влен от Бо́га яви́лся еси́: телом у́бо в нетле́нии почива́я, ду́хом же Престо́лу Бо́жию предстоя́, чудеса́ пресла́вная источа́еши. Моли́ Христа́ Бо́га, да утверди́т нас в Правосла́вии и благочести́и и спасе́т ду́ши на́ша.
Кондак, гл. 8: Многоразли́чныя по́двиги жития́ твоего́ кто испове́сть; многообра́зныя ми́лости Бо́жия тобо́ю явле́нныя кто исчи́слит; Дерзнове́ние же твое у Пречи́стыя Богоро́дицы и Всеще́драго Бо́га до́бре ве́дуще, во умиле́нии серде́чнем зове́м ти: не лиши́ и нас твоей по́мощи и заступлени́я, святи́телю Христо́в и чудотво́рче Иоаса́фе.
25. Рождество Господа Бога и Спаса нашего Иисуса Христа
На вечерне стихиры на Господи воззвах, гл. 2:
| Прииди́те, возра́дуемся Го́сподеви, настоя́щую та́йну сказу́юще: средосте́ние граде́жа разруши́ся, пла́менное ору́жие231 плещи́ дае́т232, и Херуви́м отступа́ет от дре́ва жи́зни, и аз ра́йския пи́щи233 причаща́юся, от него́же произгна́н бых преслуша́ния ра́ди; неизме́нный бо о́браз Оте́чь, о́браз присносу́щия его́, зрак раба́ прие́млет, от Неискусобра́чныя Ма́тере проше́д, не преложе́ние претерпе́в, е́же бо бе пребы́сть, Бог Сый и́стинен, и е́же не бе прия́т, Челове́к быв Человеколю́бия ра́ди. тому́ возопии́м: рожде́йся от Де́вы Бо́же, поми́луй нас. | Приходите, будем радоваться Господу, повествуя сегодняшнюю тайну. Отделявшая нас от Бога преграда рушилась; огненный меч отступает, и я делаюсь участником блаженств рая, откуда был изгнан за непослушание. Ибо неизменный Образ Отца, Образ вечности Его, принимает вид раба, произшедши от неиспытавшей брака Матери и не претерпев при этом изменения. Он остался тем, что был, – Богом истинным и, из любви к людям сделавшись человеком, принял на Себя то, чем не был. – Воскликнем Ему: Господи, родившийся от Девы, помилуй нас! |
| А́вгусту единонача́льствующу на земли́, многонача́лие челове́ков преста́; и Тебе́ вочелове́чшуся от Чи́стыя, многобо́жие и́долов упраздни́ся, под еди́нем ца́рством мирски́м гра́ди бы́ша, и во Еди́но Влады́чество Божества́ язы́цы ве́роваша. Написа́шася лю́дие повеле́нием ке́саревым, написа́хомся, ве́рнии, И́менем Божества́, Тебе́, вочелове́чшагося Бо́га на́шего. Ве́лия Твоя́ ми́лость, Го́споди, сла́ва Тебе́. | С установлением единодержавия Августа на земле, прекратилось многовластие среди людей, а с Твоим вочеловечением от Пречистой упразднилось идольское многобожие. Все государства стали под одну мирскую царскую власть, и все народы уверовали во владычество одного Божества. Люди по повелению кесаря были переписаны; записались и мы, верующие, рабы Божества, – в Твои, вочеловечившегося Бога нашего. Велика Твоя милость, Господи, слава Тебе! |
| Тропарь, гл. 4: Рождество́ Твое́, Христе́ Бо́же наш, возсия́ ми́рови свет ра́зума234: в нем бо звезда́м служа́щии235 звездо́ю уча́хуся Тебе́ кла́нятися, Со́лнцу Пра́вды, и Тебе́ ве́дети236 с высоты́ восто́ка237. Го́споди, сла́ва Тебе́. | Рождество Твое, Христе Боже наш, озарило мир светом истины, потому что тогда служившие звездам были звездою научены поклоняться Тебе, Солнцу правды, и познать в Тебе Восход с высоты. Господи, слава Тебе! |
На утрене стихира, гл. 6:
| Сла́ва в Вы́шних Бо́гу, и на земли́ мир, днесь восприе́млет Вифлее́м седя́щаго при́сно со Отце́м, днесь А́нгели Младе́нца, рожде́ннаго боголе́пно, славосло́вят: сла́ва в Вы́шних Бо́гу, и на земли́ мир, в челове́цех благоволе́ние. | Слава на небе Богу и на земле мир! Сегодня Вифлеем принимает вечно Седящего с Отцом; сегодня Ангелы славословят, как Бога, рожденного Младенца: «Слава в вышних Богу и на земле мир, среди людей любовь»! |
Ирмосы первого канона, гл. 1
[Св. Козьмы Маюмского.]
| 1. Христо́с ражда́ется – сла́вите: Христо́с с Небе́с – сря́щите: Христо́с на земли́ – возно́ситеся: По́йте Го́сподеви, вся земля́, и весе́лием воспо́йте, лю́дие, я́ко просла́вися. | Христос рождается, – славьте! Христос – с небес, – встречайте! Христос – на земле, – воспряньте! Пой Господу, вся земля, и в радости воспойте, люди, ибо Он прославился! |
| 3. Пре́жде век от Отца́ рожде́нному нетле́нно Сы́ну и в после́дняя от Де́вы воплоще́нному безсе́менно, Христу́ Бо́гу возопии́м: вознесы́й рог наш, Свят еси́, Го́споди. | Прежде веков от Отца не по закону тленного естества родившемуся Сыну и в последние времена от Девы безсеменно воплотившемуся Христу-Богу воскликнем: Свят Ты, Господи, возвысивший достоинство наше! |
| 4. Жезл из ко́рене Иессе́ова и цвет от него́, Христе́, от Де́вы прозя́бл еси́, из горы́, Хва́льный, приосене́нныя ча́щи прише́л еси́, вопло́щся от Неискусому́жныя, Невеще́ственный и Бо́же, сла́ва си́ле Твое́й, Го́споди. | Христе, – отрасль от корня Иеесеева и цвет от него, Ты произошел от Девы; Ты пришел, достойный прославления, от горы, осененной чащею: Невещественный и Бог, Ты воплотился от безмужней: слава могуществу Твоему, Господи! |
| 5. Бог Сый ми́ра, Оте́ц щедро́т, Вели́каго Сове́та Твоего́ А́нгела, ми́р подава́юща, посла́л еси́ нам; тем, Богоразу́мия к све́ту наста́вльшеся, от но́щи у́тренююще, славосло́вим Тя, Человеколю́бче. | Будучи Богом мира и Отцом жалости, Ты послал нам Вестника великой воли Твоей, дающего нам мир. Поэтому, будучи приведены к свету богопознания, мы, бодрствуя с ночи, славим Тебя, Человеколюбец. |
| 6. Из утро́бы Ио́ну младе́нца изблева́ морски́й зверь, якова́ прия́т; в Де́ву же все́льшееся Сло́во и плоть прие́мшее про́йде, сохра́ншее нетле́нну: его́же, бо не пострада́ истле́ния, Ро́ждшую сохрани́ неврежде́нну. | Из утробы Иону, как младенца, изверг морской зверь таким, каким принял; а Слово, вселившись в Деву и приняв плоть, прошло через Нее, сохранив Ее невредимою; ибо Само, не подвергшись плотскому зачатию, уберегло и родившую от страданий. |
| Кондак, гл. 3: Де́ва днесь Пресу́щественнаго ражда́ет, и земля́ верте́п Непристу́пному прино́сит. А́нгели с па́стырьми славосло́вят, волсви́ же со звездо́ю путеше́ствуют: нас бо ра́ди роди́ся Отроча́ мла́до, Преве́чный Бог. | Сегодня Дева рождает Того, Кто превыше всякого существа, а земля доставляет неприступно Высокому убежище в низкой пещере; Ангелы поют Богу славу вместе с пастухами, а волхвы совершают путь по указанию звезды. Все это потому, что ради нас родился Младенец, Который есть предвечный Бог. |
| 7. О́троцы, благоче́стию совоспита́ни, злочести́ваго веле́ния небре́гше, о́гненнаго преще́ния не убоя́шася, но, посреде́ пла́мене стоя́ще, поя́ху: отце́в Бо́же, благослове́н еси́. | Отроки, воспитанные в благочестии, пренебрегши повеление нечестивого (царя), не устрашились угрозы огнем и, стоя посреди пламени, пели: «Боже отцов, благословен Ты!» |
| 8. Чу́да преесте́ственнаго росода́тельная изобрази́ пещь о́браз: не бо, я́же прия́т, пали́т ю́ныя, я́ко ниже́ огнь Божества́ – Де́вы, в Ню́же вни́де утро́бу. Тем, воспева́юще, воспое́м: да благослови́т тварь вся Го́спода и превозно́сит во вся ве́ки. | Окропляющая росою печь представила образ сверхъестественного чуда: она не опаляет юношей, которых приняла в себя; так и огонь Божества не опалил утробу Девы, в которую нисшел. Поэтому воспоем песнь: «Все творение да благословляет Господа и да превозносит во все века». |
| 9. Та́инство стра́нное ви́жу и пресла́вное: Не́бо – верте́п, престо́л Херуви́мский – Де́ву, я́сли – вмести́лище, в ни́хже возлеже́ Невмести́мый – Христо́с Бог, его́же, воспева́юще, велича́ем. | Вижу необычайное и невероятное таинственное явление: пещеру – небом; Деву – престолом на Херувимах; ясли – малым местом, где возлег ничем не вместимый Христос Бог, Которого мы величаем в песнях. |
Ирмосы второго канона, гл. 1
[Св. Иоанна Дамаскина.]
| 1. Спа́се лю́ди чудоде́йствуяй Влады́ка, мо́крую мо́ря во́лну оземлени́в дре́вле; во́лею же ро́ждся от Де́вы, стезю́ прохо́дну Небесе́ полага́ет нам. его́же, по существу́ ра́вна же Отцу́ и челове́ком, сла́вим. | В древности Владыка чудесно спас народ, обратив в твердую сушу зыбкие волны морские, а добровольно родившись от Девы, Он пролагает нам удобную дорогу к небу. Его, равного по существу не только с Отцом, но и с людьми, мы прославляем. |
| 3. При́зри на пе́ния рабо́в, Благоде́телю, врага́ смиря́я вознесе́нную горды́ню, нося́й же, Всеви́дче, греха́ превы́шше, непоколе́блемо утвержде́нныя́, Бла́же, певцы́ основа́нием ве́ры. | Внемли песнопениям рабов Твоих, Благодетель! и смири надменную гордость врага; вознеси превыше греха, Благой, нас, певцов, Твоих, чтобы нам непоколебимо утвердиться на основе веры. |
| 4. Ро́да челове́ча обновле́ние дре́вле, поя́, проро́к Авваку́м предвозвеща́ет, ви́дети неизрече́нно сподо́бився образ: млады́й Младе́нец бо из горы́ – Де́вы изы́де люде́й во обновле́ние, Сло́во. | Пророк Аввакум в древности в песни предвозвещает воссоздание рода человеческого, таинственно сподобившись узреть его прообраз: новорожденный Младенец-Слово исшел из горы-Девы для воссоздания людей. |
| 5. Из но́щи дел омраче́нный пре́лести очище́ние нам, Христе́, бо́дренно ны́не соверша́ющим песнь, я́ко Благоде́телю, прииди́, подава́яй удо́бну стезю́, по не́йже востека́юще, обря́щем сла́ву. | Христе, наше очищение! – приди к нам, которые, после дел мрачной ночи обольщения, теперь, бодрствуя, поем Тебе песнь, как Благодетелю, и даруй нам удобный путь, восходя по которому мы достигли бы славы. |
| 6. Обита́я Ио́на в преиспо́дних морски́х, приити́ моля́шеся и бу́рю утоли́ти; унзе́н же аз муча́щаго стрело́ю, Христу́ воспева́ю, зол губи́телю, ско́ро приити́ Тебе́ к мое́й ле́ности. | Иона, находясь в глубинах морских, молил Бога прийти и утишить бурю; а я, раненый стрелою мучителя, обращаюсь ко Христу, Истребителю зла: приди скорее ко мне, беспечному! |
| 7. Всецаря́ любо́вию уловле́ннии, о́троцы укори́ша безчи́сленно яря́щася мучи́теля злобо́жное языковре́дие, и́мже повину́ся огнь мно́гий, Влады́це глаго́лющим: во ве́ки благослове́н еси́. | Юноши, охваченные любовию к Царю мира, ни во что поставили богохульство страшно свирепствовавшего безбожника-царя. И перед ними отступило сильное пламя, когда они пели Владыке: «Благословен Ты во веки!» |
| 8. Утро́бу неопа́льну образу́ют Отрокови́цы и́же в Ве́тсем опаля́емии ю́ноши, преесте́ственно ражда́ющую запечатле́нну. Обоя́ же, содева́ющи чудоде́йство еди́но, лю́ди к пе́нию возста́вляет благода́ть. | Ветхозаветные юноши, объятые огнем и им не опаленные, прообразуют сверхъестественно рождающую без утраты девства утробу Отроковицы. Единая же, совершающая чудо благодать, действующая в том и другом, побуждает людей к пению. |
| 9238. Лю́бити у́бо нам я́ко безбе́дное стра́хом удо́бее молча́ние, любо́вию же, Де́во, пе́сни тка́ти, спротяже́нно сложе́нныя, неудо́бно есть; но и, Ма́ти, си́лу, ели́ко есть произволе́ние, даждь. | С одной стороны, из страха нам было бы довольно легко переносить молчание, так как оно не грозит бедою; с другой же, о Дева, вследствие влечения сочинять вдохновенно сложенные гимны, это слишком трудно. Но Ты, о Матерь Божия, и даруй мне крепость, уравновешивающую мое природное призвание. |
Январь
Обрезание Господа нашего Иисуса Христа.
| Тропарь, гл. 1: На Престо́ле огнезра́чнем в Вы́шних седя́й со Отце́м Безнача́льным и Боже́ственным Твои́м Ду́хом, благоволи́л еси́ роди́тися на земли́ от Отрокови́цы Неискусому́жныя, Твоея́ Ма́тере, Иису́се, сего́ ра́ди и обре́зан был еси́, я́ко Челове́к осмодне́вный. Сла́ва всеблаго́му Твоему́ сове́ту, сла́ва смотре́нию Твоему́, сла́ва снисхожде́нию Твоему́, Еди́не Человеколю́бче. | Иисусе, сидящий в небесах на огневидном престоле с неимеющим начала Отцом и божественным Твоим Духом, Ты благоволил родиться на земле от Девы, не знавшей мужа, Матери Твоей. Поэтому Ты и обрезан был, как человек, на восьмой день. Слава всемилостивой воле Твоей, слава промыслу Твоему, слава снисшествию Твоему, единый Человеколюбец! |
| Кондак, гл. 3: Всех Госпо́дь обре́зание терпи́т и челове́ческая прегреше́ния, я́ко Благ, обре́зует, дае́т спасе́ние Днесь ми́ру. Ра́дуется же в Вы́шних и Созда́телев иера́рх, и светоно́сный, Боже́ственный таи́нник Христо́в Васи́лий. | Господь всего мира претерпевает обрезание и, как милостивый, обрезывает человеческие прегрешения. Сегодня Он дает спасение миру. Радуется в небесах и Создателев иерарх, носитель света, святой служитель тайн Христовых, Василий. |
Новолетие [гражданское]
| Тропарь, гл. 2: Всея́ тва́ри Соде́телю, времена́ и ле́та во Свое́й вла́сти положи́вый, благослови́ вене́ц ле́та бла́гости Твоея́, Го́споди, сохраня́я в ми́ре лю́ди и град Твой, моли́твами Богоро́дицы и спаси́ ны. | Создатель всего мира, положивший в Своей власти времена и годы, благослови круг нового года милости Твоей, Господи, сохраняя в мире Императора и город Твой молитвами Богородицы, и спаси нас. |
Память святителя Василия Великого, архиепископа Кесарии Каппадокийской
| Тропарь, гл. 1: Во всю зе́млю изы́де веща́ние твое́, я́ко прие́мшую сло́во твое́, и́мже боголе́пно научи́л еси́239, естество́ су́щих уясни́л еси́, челове́ческия обы́чаи украси́л еси́, ца́рское свяще́ние, о́тче преподо́бне, моли́ Христа́ Бо́га спасти́ся душа́м на́шим. | Голос Твой раздался на всю землю, принявшую слово твое, которым ты достойно научил основам божественной веры, разъяснил природу всего существующего, упорядочил человеческие нравы. Царственный священник, отче преподобный, моли Христа Бога о спасении душ наших. |
| Кондак, гл. 4: Явился еси́ основа́ние непоколеби́мое Це́ркве, подая́ всем некрадо́мое госпо́дьство челове́ком, запечатле́я твои́ми веленьми, небоявле́нне240 Васи́лие преподо́бне. | Ты явился непоколебимым основанием Церкви, наделяя всех людей неотъемлемым сокровищем и запечатлевая его твоим учением, сияющий до небес преподобный Василий! |
1. Преп. Серафима, Саровского чудотворца
Тропарь, гл. 4: От ю́ности Христа́ возлюби́л еси́, блаже́нне, и, Тому́ Еди́ному рабо́тати пла́менне вожделе́в, непреста́нною моли́твою и трудо́м в пусты́ни подвиза́лся еси́, умиле́нным же се́рдцем любо́вь Христо́ву стяжа́в, избра́нник возлю́блен Бо́жия Ма́тере яви́лся еси́. Сего́ ра́ди вопие́м ти: спаса́й нас мо́литвами твои́ми, Серафи́ме, преподо́бне о́тче наш.
Кондак, гл. 2: Ми́ра красоту́ и я́же в нем тле́нная оста́вив, преподо́бне, в Саро́вскую оби́тель всели́лся еси́ и, та́мо а́нгельски пожи́в, мно́гим путь был еси́ ко спасе́нию, сего́ ра́ди и Христо́с тебе́, о́тче Серафи́ме, просла́ви и да́ром исцеле́ний и чуде́с обогати́. Те́мже вопие́м ти: ра́дуйся, Серафи́ме, преподо́бне о́тче наш.
Святое Богоявление, или Крещение Господа Бога
и Спаса нашего Иисуса Христа.
| Тропарь, гл. 1: Во Иoрда́не креща́ющуся Тебе́, Го́споди, Тро́йческое яви́ся поклоне́ние: Роди́телев бо глас свиде́тельствоваше Тебе́, возлю́бленнаго Тя Сы́на имену́я, и Дух в ви́де голуби́не изве́ствоваше словесе́ утвержде́ние. Явле́йся Христе́ Бо́же и мир просвеще́й, сла́ва Тебе́. | Когда Ты, Господи, крестился в Иордане, открылось поклонение Троице: ибо голос Отца свидетельствовал о Тебе, называя Тебя возлюбленным Сыном, и Дух, в виде голубя, подтвердил истину этого слова. Явившийся Христе Боже, и мир просветивший, слава Тебе! |
Тропари перед водоосвящением, гл. 8:
Глас Госпо́день на вода́х вопие́т, глаго́ля: прииди́те, приими́те вси Ду́ха прему́дрости, Ду́ха ра́зума, Ду́ха стра́ха Бо́жия, я́вльшагося Христа́.
Днесь вод освяща́ется естество́, и разделя́ется Иорда́н, и свои́х вод возвраща́ет струи́, Влады́ку зря креща́ема.
Я́ко Челове́к, на реку́ прише́л еси́, Христе́ Царю́, и ра́бское Креще́ние прия́ти тщи́шися, Бла́же, от Предте́чеву руку́ грех ра́ди на́ших, Человеколю́бче.
Сла́ва, и ны́не: Ко гла́су вопию́щаго в пусты́ни: угото́вайте путь Госпо́день, прише́л еси́, Го́споди, зрак ра́бий [вид раба] прии́м, Креще́ния прося́, не ве́дый греха́. Ви́деша Тя во́ды и убоя́шася. Тре́петен бысть Предте́ча и возопи́, глаго́ля: ка́ко просвети́т свети́льник Све́та? Ка́ко руку́ положи́т раб на Влады́ку? Освяти́ мене́ и во́ды, Спа́се, взе́мляй ми́ра грех.
Ирмосы первого канона, гл. 2. [Св. Козьмы Маюмского.]
| 1. Глубины́ откры́л есть дно и су́шею Своя́ влече́т, в ней покры́в проти́вныя, кре́пкий во бране́х Госпо́дь, я́ко просла́вися. | Обнажил дно морской пучины и ведет Своих людей по суше, а врагов потопил в ней сильный в войнах Господь; ибо Он прославился. |
| 3. Кре́пость дая́й царе́м на́шим Госпо́дь и рог241 пома́занных Свои́х вознося́й от Де́вы ражда́ется, гряде́т же ко Креще́нию. Тому́, ве́рнии, возопие́м: несть свят, я́ко Бог наш. | Господь, дающий силу царям нашим и возвеличивающий могущество помазанников Своих, рождается от Девы и приходит креститься. Ему мы, верующие, воскликнем: нет столь святого, как Бог наш! |
| 4. Услы́шах, Го́споди, глас Твой, его́же рекл еси́, глас вопию́щаго в пусты́ни, я́ко возгреме́л еси́ над вода́ми мно́гими, Твоему́ свиде́тельствуяй Сы́ну, весь быв соше́дшаго242 Ду́ха, возопи́: Ты еси́ Христо́с, Бо́жия му́дрость и си́ла. | Я услышал, Господи, голос Твой, который Ты назвал гласом вопиющего в пустыне. Когда Ты возгремел над глубокими водами, свидетельствуя о Твоем Сыне, он, Предтеча, исполнившись явившегося Духа, воскликнул: «Ты – Христос, Божия премудрость и сила!» |
| 5. Иису́с, живота́ Нача́льник, разреши́ти осужде́ние гряде́т Ада́ма первозда́ннаго, очище́ний же, я́ко Бог, не тре́буя, па́дшаго очища́ет во Иорда́не, в не́мже вражду́ уби́в, преиму́щ всяк ум мир да́рует. | Иисус, источник жизни, приходит отменить смертный приговор первозданному Адаму, и, не имея нужды, как Бог, в очищении, очищает в Иордане падшего и тут, истребив вражду, дарует мир, превосходящий всякое разумение. |
| 6. Глас Словесе́243, свети́льник Све́та, денни́ца Со́лнца, Предте́ча в пусты́ни, – пока́йтеся́ – всем вопие́т лю́дем, – и предочи́ститеся: се бо предстои́т Христо́с, от тли мир избавля́яй. | Голос Слова, светильник Света, утренняя звезда – предвозвестница Солнца, восклицает в пустыне всем людям: «Покайтесь и заблаговременно очиститесь; ибо вот пришел Христос, избавляющий мир от гибели!» |
| Кондак, гл. 4: Яви́лся еси́ Днесь вселе́нней, и свет Твой, Го́споди, зна́менася на нас, в ра́зуме пою́щих Тя: прише́л еси́ и яви́лся еси́, Свет Непристу́пный. | Явился Ты сегодня вселенной, и свет Твой, Господи, запечатлелся на нас, сознательно воспевающих Тебя: Ты пришел, явился, Свет неприступный! |
| 7. Ю́ноши благочести́выя, пе́щи о́гненней приобщи́вшияся, шумя́щ дух ро́сный невреди́мы сохрани́ и Бо́жия А́нгела снизхожде́ние. Те́мже, в пла́мени ороша́еми, благода́рственно воспева́ху: препе́тый отце́в Го́споди и Бо́же, благослове́н еси́. | Благочестивых юношей в печи среди огня сохранили невредимыми шумно дувший влажный ветер и сошествие к ним Ангела Божия. Поэтому, орошаемые в пламени влагою, они с благодарностью пели: «Благословен Ты, преславный Господи и Боже отцов наших!» |
| 8. Та́йну пресла́вную вавило́нская показа́ пещь, источи́вшая ро́су, я́ко струя́ми имя́ше невеще́ственный Огнь восприя́ти Иорда́н и объя́ти пло́тию креща́ема Зижди́теля, Его́же благословя́т лю́дие и превозно́сят во вся ве́ки. | Вавилонская печь, ставшая источником влаги, изобразила ту невероятную тайну, что Иордану предстояло принять своими струями невещественный огонь и объять крещающегося плотью Творца, Которого люди благословляют и превозносят во все веки. |
| 9. Недоуме́ет244 всяк язы́к благохвали́ти245 по достоя́нию, изумева́ет же ум и преми́рный246 пе́ти Тя, Богоро́дице, оба́че, Блага́я су́щи, ве́ру приими́, и́бо любо́вь ве́си Боже́ственную247 на́шу: Ты бо христиа́н еси́ Предста́тельница, Тя велича́ем. | Всякий язык беден, чтобы благоговейно восхвалять Тебя по достоинству, и даже горний ум недоумевает, как воспевать Тебя, Богородица. Но, как милосердая, прими нашу веру, а нашу вдохновенную любовь Ты знаешь, ибо Ты – Заступница христиан; Тебя мы величаем. |
Ирмосы второго канона, гл. 2. [Св. Иоанна Дамаскина.]
| 1. Ше́ствует морску́ю волня́щуюся бу́рю, су́шу а́бие Изра́иль я́вльшуюся. Че́рмный же понт триста́ты248 еги́петския покры ку́пно, водостла́нен гроб, си́лою кре́пкою десни́цы Влады́чни. | Израиль ступает на вздымающееся бурными волнами море, тотчас явившееся сушею; а вельмож египетских мрачное море совершенно скрыло, как выстланная водою могила, мощью Владычней десницы. |
| 3. Ели́цы дре́вних изреши́хомся249 се́тей бра́шен250 львов, сотре́нных члено́вными251, ра́дуимся и разшири́м уста́, сло́во плету́ще от слове́с сладкопе́ния, и́мже к нам наслажда́ется дарова́ний252. | Мы все, ныне свободные от древних сетей прожорливых львов, у которых теперь сокрушены зубы, станем веселиться и откроем уста, слагая из слов звучную песнь. Этот из наших даров Господь милостиво приемлет. |
| 4. Огне́м очи́щся та́йнаго зре́ния, поя́ проро́к челове́ков новоде́йство253, возглаша́ет глас254 Ду́хом255 пле́щущ, воплоще́ние явля́ющ неизрече́нна256 Сло́ва, И́мже си́льных держа́вы сотро́шася. | Очищенный огнем таинственного видения, пророк, воспевая обновление смертных, возглашает внушаемую Духом радостную песнь, указывающую на воплощение Святого Слова, Которым сокрушено владычество сильных. |
| 5. Врага́ те́мнаго и оскверне́ннаго я́да очище́нием Ду́ха измове́ни, к но́вой приста́хом небла́зненней257 стези́, вводя́щей в непристу́пную ра́дость, Еди́нем присту́пну, и́мже Бог примири́ся. | Омытые освящением Духа от яда темного и нечестивого врага, мы вышли на новую верную стезю, ведущую к недоступной радости, доступной только тем, с кем примирился Бог. |
| 6. Вожделе́ннаго я́вствова со всеблаже́нным гла́сом Оте́ц, Его́же из чре́ва отры́гну: ей, – глаго́лет, – Сей соесте́ствен Сын, Сый светоза́рен, произни́че из челове́ча ро́да: Сло́во же Мое́ жи́во и Челове́к258 промышле́нием259. | Отец полным радости голосом явил Возлюбленного, Которого родил из Своего чрева: «Истинно, – говорит Он, – Сей, будучи единосущным Моим Сыном, в сиянии света произошел из человеческого рода, по Моему промыслу, как Мое живое Слово и в то же время человек. |
| 7. Опали́ струе́ю зми́евы главы́260 пе́щный высо́кий пла́мень, ю́ноши нося́щь261 благочести́выя, ути́шивый неудободержи́мую мглу из греха́ всю же омыва́ет росо́ю Ду́ха. | Потоком воды сжег змеиные головы Тот, Кто охладил высоко вздымавшееся пламя печи, объявшее благочестивых юношей; неудержимые же с грехопадения потоки мрака Он все омыл росою Духа. |
| 8. Свобо́дна у́бо тварь познава́ется и сы́нове Све́та262 пре́жде омраче́ннии; еди́н сте́нет тьмы предста́тель. Ны́не да благослови́т усе́рдно Вино́внаго пре́жде окая́нное язы́ков всенасле́дие. | Тварь признается свободною, а прежде бывшие во тьме – сынами света. Один князь тьмы стонет. Да благословляют же ныне усердно Виновника сего все, ранее несчастные, племена языческие. |
| 9. О, па́че ума́ Рождества́ Твоего́ чуде́с263 Неве́сто Всечи́стая, Ма́ти Благослове́нная, Е́юже получи́вше всесоверше́нное спасе́ние, досто́йно хва́лим, я́ко Благоде́теля, дар нося́ще – песнь благодаре́ния. | Сколь непостижимо для ума чудо рождения Тобою, Невеста пречистая, Матерь благословенная! Получив через Тебя полное спасение, мы достойно восхваляем Тебя, как благодетельницу, принося в дар благодарственную песнь. |
30. Трех святителей: Василия Великого, Григория Богослова и Иоанна Златоустого
Тропарь, гл. 4: Я́ко апо́столов единонра́внии [единомышленники Апостолов] и вселе́нныя учи́телие, Влады́ку всех моли́те мир вселе́нней дарова́ти и ду́шам на́шим ве́лию ми́лость.
| Кондак, гл. 2: Свяще́нныя и Боговеща́нныя пропове́дники, верх учи́телей, Го́споди, прия́л еси́ в наслажде́ние благи́х Твои́х и упокое́ние: труды́ бо о́нех и смерть прия́л еси́ па́че вся́каго всепло́дия, Еди́не, прославля́яй святыя Твоя́. | Святых проповедников, со словом Божиим на устах, красу учителей, Ты взял к Себе, Господи, для наслаждения благами Твоими и отдыха. Их труды и смерть Ты, единый прославляющий Святых Твоих, принял выше жертвы всесожжения. |
Февраль
1. Сретение Господа нашего Иисуса Христа.
| Тропарь, гл. 1: Ра́дуйся, Благода́тная Богоро́дице Де́во, из Тебе́ бо возсия́ Со́лнце Пра́вды – Христо́с, Бог наш, просвеща́яй су́щия во тьме. Весели́ся и ты, ста́рче пра́ведный, прие́мый во объя́тия Свободи́теля́ душ на́ших, да́рующаго нам воскресе́ние. | Радуйся, благодатная Богородица Дева, ибо из Тебя воссияло Солнце правды – Христос Бог наш, просвещающий находящихся во тьме. Веселись и ты, праведный старец, принявший в свои объятия Освободителя наших душ, дарующего нам воскресение. |
Ирмосы канона, гл. 3. [Св. Козьмы Маюмского.]
| 1. Су́шу глу́бороди́тельную зе́млю со́лнце наше́ствова иногда́: я́ко стена́ бо, огусте́ обапо́лы вода́ лю́дем пешомореходя́щим и Богоуго́дно пою́щим: пои́м, Го́сподеви, сла́вно бо просла́вися. | Некогда солнце осветило поверхность дна глубокой морской бездны, сделавшегося сушею, ибо вода стала неподвижно, точно стена, по обе стороны народа, шедшего по морю пешком и угодно Богу певшего: «Воспоем Господу, ибо Он торжественно прославился!» |
| 3. Утвержде́ние на Тя наде́ющихся, утверди́, Го́споди, Це́рковь, Ю́же стяжа́л еси́ честно́ю Твое́ю Кро́вию. | Господи, твердыня надеющихся на Тебя, утверди Церковь, которую Ты приобрел драгоценною Твоею кровью. |
| 4. Покры́ла есть Небеса́ доброде́тель Твоя́, Христе́: из киво́та бо проше́д святы́ни, Твоея́ нетле́нныя Ма́тере, в хра́ме сла́вы Твоея́ яви́лся еси́, я́ко Младе́нец руконоси́м, и испо́лнишася вся Твоего́ хвале́ния. | Благость Твоя, Христе, покрыла небеса: ибо, изшедши из кивота святыни Твоей – Матери, оставшейся Девою, Ты явился в храме славы Твоей, как носимый на руках Младенец, и весь мир наполнился хвалою Тебе. |
| 5. Я́ко ви́де Иса́ия обра́зно на престо́ле превознесе́на Бо́га, от А́нгел сла́вы дориноси́ма, о, окая́нный, – вопия́ше, – аз: прови́дех бо воплоща́ема Бо́га, Све́та Невече́рня и ми́ром владычествующею. | Когда Исаия таинственно увидел на престоле превознесенного Бога, окруженного воинством Ангелов славы: «О, я несчастный! – воскликнул он: – ибо я заранее увидел воплощаемого Бога, немеркнущий Свет, и Владыку мира». Воскликнул Тебе старец, увидев своими глазами спасение, людям от Бога пришедшее: «Христос, Ты – Бог мой.» |
| 6. Возопи́ к Тебе́, ви́дев ста́рец очи́ма спасе́ние, е́же лю́дем прии́де от Бо́га: Христе́, Ты Бог мой. | Воскликнул Тебе старец, увидев своими глазами спасение, людям от Бога пришедшее: «Христос, Ты – Бог мой!» |
| Кондак, гл. 1: Утро́бу Деви́чу освяти́вый Рождество́м Твои́м и ру́це Симео́не благослови́вый, я́коже подоба́ше, предвари́в, и ны́не спасл еси́ нас, Христе́ Бо́же, но умири́ во бране́х жи́тельство и укрепи́ лю́ди, и́хже возлюби́л еси́, Еди́не Человеколю́бче. | Утробу девичью освятивший рождением Твоим и руки Симеона как надлежало, благословивший, ныне Ты скоро спас и нас, Христе Боже. Умири же раздоры граждан и укрепи Императора, Которого Ты возлюбил, единый Человеколюбец! |
| 7. Тебе́ во огни́ ороси́вшаго о́троки Богосло́вившия, и в Де́ву нетле́нну все́льшагося Бо́га Сло́ва пои́м, благоче́стно пою́ще: благослове́н Бог оте́ц на́ших. | Тебя, среди огня покрывшего росою отроков, беседовавших о божественном, и в Деву чистую вселившегося, Бога – Слово, мы славим, благоговейно воспевая: благословен Бог отцов наших! |
| 8. Нестерпи́мому264 огню́ соедини́вшеся265 Богоче́стия предстоя́ще266 ю́ноши, пла́менем же неврежде́ни, Боже́ственную песнь поя́ху: благослови́те, вся дела́ Госпо́дня, Го́спода и превозноси́те во вся ве́ки. | Юноши, выдававшиеся благочестием, ввергнутые в страшный огонь, не пострадав от пламени, пели священную песнь: «Все творения Господни, благословляйте Господа и превозносите во все веки». |
| 9. В зако́не се́ни и писа́нии267 о́браз ви́дим, ве́рнии, всяк му́жеский пол, ложесна́ разверза́я, свят Бо́гу. Тем Перворожде́нное Сло́во, Отца́ Безнача́льна Сы́на, Первородя́щася Ма́терию неискусому́жно, велича́ем. | В неясных письменах закона Моисеева мы, верующие, усмотрим прообраз: всякий перворожденный мужеского пола посвящался Богу. Поэтому мы и величаем первородное Слово безначального Отца, Сына, перворождаемого Матерью без мужа. |
12. Преставление св. Алексия, митрополита всея России, чудотворца
Тропарь, гл. 8: Я́ко апо́столом сопресто́льна, и врача́ предо́бра, и служи́теля благоприя́тна268, к ра́це твое́й честне́й притека́юще, святи́телю Алекси́е, Богому́дре чудотво́рче, соше́дшеся, любо́вию в па́мять твою́ светло́ пра́зднуем, в пе́снех и пе́ниих ра́дующеся269 и Христа́ сла́вяще, такову́ю благода́ть тебе́ дарова́вшаго исцеле́ний и гра́ду твоему́ вели́кое утвержде́ние.
Кондак, гл. 8: Боже́ственнаго и пречестна́го святи́теля Христо́ва, но́ваго чудотво́рца Алекси́я, ве́рно вси пою́ще, лю́дие, любо́вию да ублажи́м, я́ко па́стыря вели́каго, служи́теля же и учи́теля прему́дра земли́ Росси́йстей. Днесь, в па́мять его́ прите́кше, ра́достно возопие́м песнь Богоно́сному: я́ко име́я дерзнове́ние к Бо́гу, многообра́зных нас изба́ви обстоя́ний, да зове́м ти: ра́дуйся, утвержде́ние гра́ду на́шему.
Март
25. Благовещение Пресвятой Владычицы нашей Богородицы.
| Тропарь, гл. 4: Дне́сь спасе́ния на́шего глави́зна и е́же от ве́ка та́инства явле́ние: Сын Бо́жий Сын Де́вы быва́ет, и Гаврии́л благода́ть благовеству́ет. Те́мже и мы с ним Богоро́дице возопии́м: ра́дуйся, Благода́тная, Госпо́дь с Тобо́ю. | Сегодня спасения нашего начало и обнаружение извечной тайны: Сын Божий становится Сыном Девы, и Гавриил возвещает о ниспослании благодати. Поэтому и мы с ним воскликнем Богородице: радуйся, Благодатная, Господь с Тобою! |
Ирмосы канона, гл. 4. [Блаж. Феофана и св. Иоанна Дамаскина.]
| 1. Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся, све́тло торжеству́я, и воспою́, ра́дуйся, Тоя́ чудеса́. | Открою уста мои, и они исполнятся Духа: и я изреку хвалебное слово Царице-Матери, явлюсь весело торжествующим и радостно буду воспевать чудеса Ее. |
| 3. Твоя́ песносло́вцы, Богоро́дице, живы́й и незави́стный270 Исто́чниче, лик себе́ совоку́пльшия, духо́вно утверди́, в Боже́ственней Твое́й сла́ве венце́в сла́вы сподо́би. | Богородица, живой и обильный источник! Укрепи духовно певцов Твоих, составивших хор, и в божественной славе Твоей удостой их венцов славы. |
| 4. Седя́й в сла́ве на престо́ле Божества́ во о́блаце ле́гце, прии́де Иису́с Пребоже́ственный Нетле́нною Дла́нию и спасе́ зову́щия: сла́ва, Христе́, си́ле Твое́й. | Седящий в славе на престоле Божества божественнейший Иисус пришел в легком облаке, носимый пречистою рукою, и спас восклицающих: «Слава, Христе, силе Твоей!» |
| 5. Ужасо́шася вся́ческая о Боже́ственней сла́ве Твое́й; Ты бо, Неискусобра́чная Де́во, име́ла еси́ во утро́бе271 над все́ми Бо́га и родила́ еси́ безле́тнаго Сы́на, всем воспева́ющим Тя мир подава́ющая. | Весь мир изумился чудесной славе Твоей; ибо Ты, не познавшая брака Дева, зачала Бога вселенной и родила вечного Сына, награждая миром всех, воспевающих Тебя. |
| 6. Возопи́, прообразу́я погребе́ние тридне́вное, проро́к Ио́на, в ки́те моля́ся: от тли изба́ви мя, Иису́се, Царю́ сил. | Прообразуя тридневное погребение Господа и молясь в ките, пророк Иона воскликнул: «Спаси меня от гибели, Иисус, Царь небесных Сил!» |
Кондак, гл. 8: Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти, раби́ Твои́, Богоро́дице, но, я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто Неневе́стная.
| 7. Не послужи́ша тва́ри Богому́дрии па́че Созда́вшаго, но, о́гненное преще́ние му́жески попра́вше, ра́довахуся, пою́ще: препе́тый отце́в Госпо́дь и Бог, благослове́н еси́. | Умудренные Богом юноши не послужили твари, вместо Творца, и, мужественно поправ угрожавший им огонь, радостно пели: «Благословен Ты, препрославленный Господь и Бог отцов наших!» |
| 8. Слы́ши, Отрокови́це, Де́во чи́стая, да рече́т у́бо Гаврии́л сове́т Вы́шняго дре́вний и́стинный: бу́ди к прия́тию гото́ва Бо́жию, Тобо́ю бо Невмести́мый с челове́ки поживе́. Тем и, ра́дуяся, вопию́: благослови́те, вся дела́ Госпо́дня, Го́спода. | Внемли, отроковица, Дева чистая, и да возвестит Гавриил изначальную истинную волю Всевышнего. Будь готова к восприятию Бога. Ведь при Твоем посредстве Невместимый поселился среди смертных. Поэтому я радостно восклицаю: все творения Господни, благословляйте Господа! |
| 9. Я́ко одушевле́нному Бо́жию киво́ту, да ника́коже ко́снется рука́ скве́рных. Устне́ же ве́рных, Богоро́дице, немо́лчно, глас А́нгела воспева́юще, с ра́достию да вопию́т: ра́дуйся, Благода́тная, Госпо́дь с Тобо́ю. | Рука нечистых отнюдь да не касается живого Кивота Божия, уста же верных, неумолчно воспевая Богородице слова Ангела, да в радости восклицают: радуйся, Благодатная, Господь с Тобою! |
Апрель
1. Св. Марии Египетской
| Тропарь, гл. 8: В тебе́, ма́ти, изве́стно спасе́ся е́же по о́бразу, прии́мши бо крест, после́довала еси́ Христу́, и де́ющи учи́ла еси́ презира́ти у́бо плоть, прехо́дит бо, прилежа́ти же о души́, ве́щи безсме́ртней. Те́мже и со А́нгелы сра́дуется, преподо́бная Мари́е, дух твой. | На тебе, Мать, точно исполнилось по образному слову, – ибо, взяв свой крест, ты пошла за Христом и на деле учила не обращать внимания на плоть, как преходящую, и заботиться о душе, как бессмертной. Поэтому, преподобная Мария, дух твой и торжествует с Ангелами. |
| Икос, гл. 3: А́гницу Христо́ву и дщерь пе́сньми восхва́лим ны́не, Мари́ю приснопа́мятную, я́вльшуюся Еги́петское овча́: и пре́лести сих всея́ избеже́, и еди́на принесе́ся Це́ркви соверше́нное возраще́ние, воздержа́нием и моли́твою подвиза́ющися па́че ме́ры челове́ческаго естества́. Те́мже и возвы́си ея́ и житие́ и дея́ние, еди́н Вседержи́тель, Мари́и пресла́вныя. | Достойную вечной памяти Марию, агницу и дочь Христову, ныне в песнях восхвалим. Она была вскормлена Египтянами, и избежала всего их заблуждения, а после превышающих меру человеческой природы подвигов воздержания и молитвы была единая принесена Церкви, как вполне зрелая отрасль. Поэтому единый Вседержитель и возвысил и житие и деяния ея. Славная Мария! |
23. Св. Великомученика Георгия
Тропарь, гл. 4: Я́ко пле́нных свободи́тель и ни́щих защи́титель, немощству́ющих врач, правосла́вных побо́рниче, [защитник] победоно́сче, великому́чениче Гео́ргие, моли́ Христа́ Бо́га спасти́ся душа́м на́шим.
Св. мученицы царицы Александры
Тропарь, гл. 4: Ца́рства земна́го сла́ву презре́вши, Еди́наго Христа́, нас ра́ди распя́таго, возлюби́ла еси́ и, Того́ му́жественне испове́дающи, венце́м му́ченическим увенча́лася еси́, всеблаже́нная цари́це Алекса́ндро. Те́мже и ны́не Престо́лу Царя́ сла́вы на Небесе́х предстоя́щи, моли́ся о спасе́нии душ на́ших.
Май
9. Перенесете мощей святителя и чудотворца. Николая Из Мир272 в Барград.
Тропарь, гл. 4: Приспе́ [настал] день све́тлаго торжества́, град Ба́рский ра́дуется, и с ним вселе́нная вся ликовству́ет пе́сньми и пе́ньми духо́вными: днесь бо свяще́нное торжество́ в пренесе́ние честны́х и многоцеле́бных моще́й святи́теля и чудотво́рца Никола́я, я́коже со́лнце незаходи́мое, возсия́ светоза́рными луча́ми, разгоня́я тьму искуше́ний же и бед от вопию́щих ве́рно: спаса́й нас, я́ко предста́тель наш вели́кий, Нико́лае.
Кондак, гл. 2: Взы́де, я́ко звезда́, от восто́ка до за́пада твоя́ мо́щи, святи́телю Нико́лае, мо́ре же освяти́ся ше́ствием твои́м, и град Ба́рский прие́млет тобо́ю благода́ть: нас бо де́ля [для нас] яви́лся еси́ чудотво́рец изя́щный [превосходный], преди́вный и ми́лостивый.
11. Свв. равноапостольных Мефодия и Кирилла, учителей словенских
Тропарь, гл. 4: Я́ко апо́столом единонра́внии [единомышленники] и слове́нских стран учи́телие, Кири́лле и Мефо́дие Богому́дрии, Влады́ку всех моли́те, вся язы́ки слове́нския утверди́ти в Правосла́вии и единомы́слии, умири́ти мир и спасти́ ду́ши на́ша.
Кондак, гл. 3: Свяще́нную дво́ицу просвети́телей на́ших почти́м, Боже́ственных писа́ний преложе́нием [переводом] исто́чник Богопозна́ния нам источи́вших, из него́же да́же додне́сь неоску́дно почерпа́юще, ублажа́ем вас, Кири́лле и Мефо́дие, Престо́лу Вы́шняго предстоя́щих и те́пле моля́щихся о душа́х на́ших.
20. Обретение мощей св. Алексия, митр. Московского и всея России, чудотворца
Тропарь, гл. 2: Я́ко сокро́вище пребога́тое, многоле́тно в земли́ сокрове́нное, честны́я мо́щи твоя́ обрето́шася чудоточа́щия [источающие чудеса], всеблаже́нне о́тче святи́телю Алекси́е: от ни́хже врачевство́ прие́млюще, обогаща́емся и Христа́ славосло́вим, глаго́люще: сла́ва прославля́ющему святы́я Своя́.
Кондак, гл. 8: Я́ко со́лнце незаходи́мое, от гро́ба возсия́ нам от мног лет сокрове́ны честны́я твоя́ мо́щи нетле́нны, святи́телю Алекси́е, тобо́ю благода́ть прие́млем: всю бо страну́ сию́ и вся ны чудесы́ и добро́тою обогаща́еши, де́йством благода́ти, да пое́м ти: ра́дуйся, о́тче, свети́ло Росси́и.
21. Свв. равноапостольных царей Константина и Елены
| Тропарь, гл. 8: Креста́ Твоего́ о́браз на Небеси́ ви́дев и, я́коже Па́вел, зва́ние не от челове́к прие́м, в царе́х апо́стол Твой, Го́споди, Ца́рствующий град в ру́це Твое́й положи́, его́же спаса́й всегда́ в ми́ре моли́твами Богоро́дицы, еди́не Человеколю́бче. | Увидев на небе изображение Креста Твоего и приняв, как Павел Апостольское звание не от людей, царь – Апостол Твой, Господи, стольный град свой вверил руке Твоей. Единый Человеколюбец, храни его всегда в мире молитвами Богородицы. |
Кондак, гл. 3: Константи́н дне́сь с ма́терию Еле́ною Крест явля́ют, всечестно́е дре́во, всех у́бо иуде́ев посрамле́ние су́ще, ору́жие же на проти́вныя ве́рных люде́й: нас бо ра́ди яви́ся зна́мение ве́лие и во бране́х гро́зное.
Сретение [в Москве] чудотворной иконы Пресвятой Богородицы Владимирской
Тропарь, гл. 4: Дне́сь све́тло красу́ется сла́внейший град Москва́, я́ко зарю́ со́лнечную, восприе́мши, Влады́чице, чудотво́рную Твою́ ико́ну, к не́йже ны́не мы притека́юще и моля́щеся Тебе́, взыва́ем си́це: о пречу́дная Влады́чице Богоро́дице! Моли́ся из Тебе́ воплоще́нному Христу́ Бо́гу на́шему, да изба́вит град сей и вся гра́ды и страны́ христиа́нския невреди́мы от всех наве́т [козней] вра́жиих и спасе́т ду́ши на́ша, я́ко Милосе́рд.
Кондак, гл. 8: Взбра́нной Воево́де победи́тельная, я́ко изба́вльшеся от злых прише́ствием Твоего́ честна́го о́браза, Влады́чице Богоро́дице, све́тло [торжественно] сотворя́ем пра́зднество сре́тения Твоего́ и обы́чно зове́м Ти: ра́дуйся, Неве́сто Неневе́стная.
23. Преподобной Евфросинии Полотской
Тропарь, гл. 4: Подража́ющи дванадесятоле́тна дванадесятоле́тну Христу́, учи́вшему во святи́лищи Бо́жию сло́ву, после́довала еси́, Евфроси́ние. Сла́ву вре́менную и земна́го обру́чника [жениха] оста́вльши и вся мирска́я презре́вши, красне́йшему па́че всех Христу́ себе́ уневе́стила еси́ [сделалась невестою]: крест взе́мши, путе́м а́нгельскаго жития́ ше́ствующи и мно́гия к Нему́ наставля́ющи, во благоуха́нии ми́ра в Небе́сный Черто́г востекла́ еси́, иде́же моли́, Его́же возлюби́ла еси́, о чту́щих благоче́стно па́мять твою́.
Кондак, глас 8: Избра́нней Бо́гом от са́маго рожде́ния и призва́нней на служе́ние Ему́, в чи́не а́нгельстем Го́сподеви послужи́вшей свя́то, и преподо́бно пожи́вшей, и ны́не с Небе́сными си́лами Го́спода восхваля́ющей, о нас же, гре́шных, пред Го́сподем хода́тайствующей, с ра́достию и любо́вию воззове́м: ра́дуйся, Евфроси́ние, неве́сто Христо́ва всечестна́я.
Июнь
12. Св. преп. княгини Анны Кашинской.
Тропарь, гл. 3: Дне́сь восхваля́ем тя, преподо́бная ма́ти, вели́кая княги́не иноки́не А́нно: я́ко бо лоза́ плодови́та посреде́ те́рния, процвела́ еси́ во гра́де Ка́шине твои́ми доброде́тельми, всех удиви́ла еси́ чу́дным твои́м житие́м, те́мже Христу́ Бо́гу угоди́ла еси́, и ны́не, ра́дующися и веселя́щися, пребыва́еши с ли́ки преподо́бных наслажда́ющися ра́йския красоты́ и весе́лия. Мо́лим у́бо тя: моли́ о нас Человеколю́бца, Христа́ Бо́га на́шего, дарова́ти нам мир и ве́лию ми́лость.
Кондак, гл. 4: Я́ко пресве́тлая звезда́, яви́лася еси́ в Росси́йстей земли́, во гра́де Ка́шине, преподо́бная ма́ти А́нно, во всех благочести́вых и ве́рных жена́х, а́ки крин [лилия], процвела́ еси́ чи́стым и непоро́чным твои́м житие́м, во иноки́нях же соверше́нными твои́ми труды́ и по́двиги, и возшла́ еси́ к Вы́шнему гра́ду, ра́дующися и веселя́щися, я́ко до́бре соверши́вши твое́ тече́ние, и ны́не честны́я твоя́ мо́щи, а́ки би́серие [жемчуг] драго́е, яви́шася, на исцеле́ние всем, приходя́щим с ве́рою. Тем и вопие́м ти: ра́дуйся, всекра́сная душе́ю, и моли́ Христа́ Бо́га о спасе́нии душ на́ших.
24. Рождество св. пророка, Предтечи и Крестителя Иоанна
| Тропарь, гл. 4: Проро́че и Предте́че прише́ствия Христо́ва, досто́йно восхвали́ти тя недоуме́ем мы, любо́вию чту́щии тя: непло́дство бо ро́ждшия и о́тчее безгла́сие разреши́ся сла́вным и честны́м твои́м рождество́м, и воплоще́ние Сы́на Бо́жия ми́рови пропове́дуется. | Пророк и Предтеча пришествия Христова! Мы, с любовью тебя чтущие, не в состоянии достойно восхвалять тебя, ибо славным и священным рождением твоим окончилось бесплодие матери твоей и немота отца, и проповедуется миру воплощение Сына Божия. |
| Кондак, гл. 3: Пре́жде непло́ды днесь Христо́ва Предте́чу ражда́ет, и той есть исполне́ние вся́каго проро́чества: Его́же бо проро́цы пропове́даша, на Сего́ во Иорда́не ру́ку положи́в, яви́ся Бо́жия Сло́ва проро́к, пропове́дник, вку́пе и Предте́ча. | Доселе бесплодная ныне рождает Предтечу Христова, и он является исполнением всех пророчеств, ибо, возложив руки в Иордане на Того, Которого предвозвещали пророки, сам стал пророком Слова Божия, Его проповедником и вместе Предтечею. |
26. Явление Тихвинской иконы Пресвятой Владычицы нашей
Богородицы и Приснодевы Марии.
Тропарь, гл. 4: Днесь, я́ко со́лнце пресве́тлое, возсия́ нам на возду́се всечестна́я ико́на Твоя́, Влады́чице, луча́ми ми́лости мир просвеща́ющи, ю́же вели́кая Росси́я, я́ко не́кий дар Боже́ственный свы́ше благогове́йне восприе́мши, прославля́ет Тя, Богома́ти, всех Влады́чицу, и от Тебе́ ро́ждшагося Христа́ Бо́га на́шего велича́ет ра́достно. Ему́же моли́ся, о Госпоже́ Цари́це Богоро́дице, да сохрани́т вся гра́ды и страны́ христиа́нския невреди́мы от всех наве́т вра́жиих и спасе́т ве́рою покланя́ющихся Его́ Боже́ственному и Твоему́ пречи́стому о́бразу, Де́во Неискусобра́чная.
Кондак, гл. 8: Притеце́м, лю́дие, к Де́ве Богоро́дице Цари́це, благодаря́ще Христа́ Бо́га, и, к Тоя́ чудотво́рней ико́не, уми́льно взира́ющи, припаде́м и возопие́м Ей: о Влады́чице Мари́е, присети́вше [посетив] страну́ сию́ Твоего́ честна́го о́браза явле́нием чуде́сно, спаса́й в ми́ре и благовре́менстве оте́чество на́ше и вся христиа́ны, насле́дники показу́ющи Небе́сныя жи́зни, Тебе́ бо ве́рно [с верою] зове́м: ра́дуйся, Де́во, ми́ра спасе́ние.
29. Свв. первоверховных Апостолов Петра и Павла
Тропарь, гл. 4: Апо́столов первопресто́льницы [из Апостолов первосвятители] и вселе́нныя учи́телие, Влады́ку всех моли́те мир вселе́нней дарова́ти и душа́м на́шим ве́лию ми́лость.
Кондак, гл. 2: Тве́рдыя и Боговеща́нныя пропове́датели, верх апо́столов Твои́х, Го́споди, прия́л еси́ в наслажде́ние благи́х Твои́х и поко́й: боле́зни бо о́нех и сме́рть прия́л еси́ па́че вся́каго всепло́дия, Еди́не, све́дый серде́чная.
Июль
8. Явление Казанской иконы Пресвятой Богородицы.
[Тропарь и кондак см. выше.]
15. Св. равноапостольного князя Владимира,
нареченного в святом крещении Василия.
Тропарь, гл. 4: Уподо́бился еси́ купцу́, и́щущему до́браго би́сера [драгоценного жемчуга], славнодержа́вный Влади́мире, на высоте́ стола́ [высоком столе] седя́ ма́тере градо́в, богоспаса́емаго Ки́ева: испыту́я же и посыла́я к Ца́рскому гра́ду уве́дети правосла́вную ве́ру, обре́л еси́ безце́нный би́сер – Христа́, избра́вшаго тя, я́ко втора́го Па́вла, и оттря́сшаго слепоту́ во святе́й купе́ли, душе́вную, вку́пе и теле́сную. Те́мже пра́зднуем твое́ успе́ние, лю́дие твои́ су́ще, моли́ спасти́ся держа́вы твоея́ Росси́йския нача́льником и мно́жеству владо́мых.
20. Св. славного пророка Илии
Тропарь, гл. 4: Во пло́ти А́нгел, проро́ков основа́ние, вторы́й Предте́ча прише́ствия Христо́ва, Илия́ сла́вный, свы́ше посла́вый Елиссе́еви благода́ть неду́ги отгоня́ти и прокаже́нныя очища́ти, те́мже и почита́ющим его́ то́чит исцеле́ния.
Кондак, гл. 2: Проро́че и прови́дче вели́ких дел Бо́га на́шего, Илие́ великоимени́те [славнейший], веща́нием твои́м уста́вивый [остановивший] водото́чныя о́блаки, моли́ о нас еди́наго Человеколю́бца.
Август
6. Преображение Господа нашего Иисуса Христа.
| Тропарь, гл. 7: Преобрази́лся еси́ на горе́, Христе́ Бо́же, показа́вый ученико́м Твои́м сла́ву Твою́, я́коже можа́ху, да возсия́ет и нам, гре́шным, Свет Твой присносу́щный моли́твами Богоро́дицы, Светода́вче, сла́ва Тебе́. | Ты преобразился, Христе Боже, на горе, показав славу Твою ученикам Твоим, насколько они могли ее видеть. Да воссияет и нам, грешным, свет Твой вечный, по молитвам Богородицы. Податель света, слава Тебе! |
Ирмосы первого канона, гл. 4. [Св. Козьмы Маюмского.]
| 1. Ли́цы изра́ильтестии, невла́жными стопа́ми понт Чермны́й и вла́жную глубину́ прогна́вше273, вса́дники триста́ты враги́ ви́дяще в ней погруже́ны, с весе́лием поя́ху: пои́м Бо́гу на́шему, я́ко просла́вися. | Толпы израильтян, прошедши, не замочив ног, по водной бездне Чермного моря и видя конных вражеских вельмож в ней потопленными, торжественно запели: «Воспоем Богу нашему, ибо Он прославился!» |
| 3. Лук си́льных изнемо́же, и немощству́ющии препоя́сашася си́лою, сего́ ра́ди утверди́ся в Го́споде се́рдце мое́. | Оружие могущественных потеряло силу, и бессильные вооружились могуществом. Поэтому мое сердце укрепилось в Господе. |
| 4. Услы́шах сла́вное смотре́ние274 твое́, Христе́ Бо́же, я́ко роди́лся еси́ от Де́вы, да от ле́сти изба́виши зову́щия: сла́ва си́ле Твое́й, Го́споди. | Я услышал о славном промысле Твоем, Христе Боже, что Ты родился от Девы, чтобы спасти от обольщения восклицающих: «Слава могуществу Твоему, Господи!» |
| 5. От све́та пресеки́й перворо́дный свет, я́ко во све́те дела́ пою́т Тя, Христе́, Соде́теля, во све́те твое́м пути́ на́ша напра́ви. | Ты, Христос, от Света распространивший первоначальный свет, чтобы твари во свете воспевали Тебя, Создателя, – направь пути наши в свете Твоем. |
| 6. Внегда́ скорбе́ти ми, возопи́х ко Го́споду, и услы́ша мя Бог спасе́ния моего́. | В скорби моей воззвал я к Господу, и услышал меня Бог, Спаситель мой. |
| Кондак, гл. 6: На горе́ преобрази́лся еси́, и я́коже вмеща́ху ученицы́ Твоя́, сла́ву Твою́, Христе́ Бо́же, ви́деша, да егда́ Тя у́зрят распина́ема, страда́ние у́бо уразуме́ют во́льное, ми́рови же пропове́дят, я́ко Ты еси́ вои́стинну О́тчее сия́ние. | Ты преобразился, Христе Боже, на горе, и ученики Твои созерцали славу Твою, насколько могли воспринять ее, чтобы, когда увидят Тебя распинаемым, уразумели, что страдание Твое добровольно, и проповедали миру, что Ты воистину Отчее сияние. |
| 7. Авраа́мстии иногда́ в Вавило́не о́троцы пе́щный пла́мень попра́ша, пе́сньми взыва́юще: оте́ц на́ших Бо́же, благослове́н еси́. | Некогда отроки, потомки Авраамовы, попрали пламя в печи, громко воспевая: «Благословен Ты, Боже отцов наших!» |
8. В Вавило́не о́троцы, Боже́ственною распала́еми ре́вностию, мучи́теля и пла́мене́ преще́ние му́жески попра́ша и, посреде́ огня́ вве́ржени, ороша́еми, поя́ху: благослови́те, вся дела́ Госпо́дня, Го́спода.
| 9. Рождество́ твое́ нетле́нно яви́ся: Бог из боку́ Твое́ю про́йде, я́ко Плотоно́сец яви́ся на земли́ и с челове́ки поживе́. Тя, Богоро́дице, тем вси велича́ем. | Роды Твои были девственны: Бог произошел из Твоего чрева, явился на земле во плоти и жил с людьми. Поэтому мы все величаем Тебя, Богородица! |
Ирмосы второго канона, гл. 8. [Св. Иоанна Дамаскина.]
1. Во́ду проше́д, я́ко су́шу, и еги́петскаго зла избежа́в, изра́ильтянин вопия́ше: Изба́вителю и Бо́гу на́шему пои́м.
| 3. Небе́снаго кру́га Верхотво́рче275, Го́споди, и Це́ркве Зижди́телю, Ты мене́ утверди́ в любви́ Твое́й, жела́ний кра́ю276, ве́рных утвержде́ние, Еди́не Человеколю́бче. | Творец верха – свода небесного и Зиждитель Церкви, утверди меня в любви к Тебе, Господи, высший предел моих стремлений, опора верных, единый Человеколюбец! |
| 4. Из пло́ти Твоея́ лучи́ Божества́ исхожда́ху. Проро́ком и апо́столом277 тем нача́льницы278 пою́ще, взыва́ху: сла́ва си́ле Твое́й, Го́споди. | Из плоти Твоей исходили лучи Божества. Поэтому избранные из пророков и Апостолов громко пели: «Слава могуществу Твоему, Господи!» |
| 5. Вску́ю мя отри́нул еси́ от лица́ Твоего́, Све́те незаходи́мый, и покры́ла мя е́сть чужда́я тьма́, окая́ннаго? Но обрати́ мя и к све́ту за́поведей Твои́х пути́ моя́ напра́ви, молю́ся. | Почему Ты отверг меня от лица Твоего, Свет незаходящий, и враждебная тьма покрыла меня, несчастного? Но обрати меня, молю, и направь пути мои к свету заповедей Твоих. |
6. Очи́сти мя, Спа́се, мно́га бо беззако́ния моя́, и из глубины́ зол возведи́, молю́ся, к Тебе́ бо возопи́х, и услы́ши мя, Бо́же спасе́ния моего́.
7. О́троцы евре́йстии в пещи́ попра́ша пла́мень дерзнове́нно и на ро́су о́гнь преложи́ша, вопию́ще: благослове́н еси́, Го́споди Бо́же, во ве́ки.
8. Седмери́цею [страшно]279 пе́щь халде́йский мучи́тель Богочести́вым неи́стовно [в злобе] разжже́, си́лою же лу́чшею [высшею] спасе́ны, сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся ве́ки.
| 9. Устраши́ся всяк слух280 неизрече́нна281 Бо́жия снизхожде́ния, я́ко Вы́шний во́лею сни́де да́же и до пло́ти, от деви́ческаго чре́ва быв Челове́к. Те́мже Пречи́стую Богоро́дицу, ве́рнии, велича́ем. | Трепещет всякий, слыша о таинственном Божьем сошествии, – как Всевышний по Своей воле снизошел даже до воплощения, родившись человеком из девического чрева. Поэтому мы, верующие, величаем пречистую Богородицу. |
15. Успение Пресвятой Богородицы
| Тропарь, гл. 1: В рождестве́ де́вство сохрани́ла еси́, во успе́нии ми́ра не оста́вила еси́, Богоро́дице, преста́вилася282 еси́ к животу́, Ма́ти су́щи Живота́, и моли́твами Твои́ми избавля́еши от сме́рти души́ на́ша. | Богородица! Ты при рождении Христа сохранила девство и по смерти не оставила мира: Ты перешла к жизни, так как Ты – Мать Жизни, и Твоими молитвами избавляешь души наши от смерти. |
Ирмосы первого канона, гл. 1. [Св. Козьмы Маюмского.]
| 1. Преукраше́нная Боже́ственною сла́вою, свяще́нная и сла́вная, Де́во, па́мять Твоя́ вся собра́ к весе́лию ве́рныя, начина́ющей Мариа́ме, с ли́ки и тимпа́ны283, Твоему́ пою́щия Единоро́дному: сла́вно я́ко просла́вися. | Красующаяся божественною славою священная и знаменитая память Твоя, Дева, всех верных собрала к веселию, и они, вслед за Мариам, хором под звуки тимпанов поют Твоему Единородному: «ибо Он торжественно прославился!» |
| 3. Соде́тельная и содержи́тельная всех Бо́жия Му́дросте и Си́ло, непрекло́нну, недви́жиму Це́рковь утверди́, Христе́, еди́н бо еси́ Свят, во святы́х почива́яй. | Созидающая и сохраняющая мир Божия премудрость и сила, Христе, утверди Церковь прямо и непоколебимо, ибо Ты един Свят, во святых пребывающий. |
| 4. Ре́чи проро́ков и гада́ния284 воплоще́ние прояви́ша285 от Де́вы Твое́, Христе́: сия́ние блиста́ния Твоего́ во свет язы́ков изы́дет, и возгласи́т Тебе́ бе́здна с весе́лием: си́ле Твое́й Сла́ва, Человеколю́бче. | Загадочные изречения пророков приоткрыли воплощение Твое от Девы, Христе: «Лучи сияния Твоего, – говорили они, – изойдут на просвещение язычников, и бездна, торжествуя, воскликнет Тебе: Слава могуществу Твоему, Человеколюбец!» |
| 5. Бо́жию и неизрече́нную добро́ту доброде́телей Твои́х, Христе́, испове́м: от Присносу́щныя бо Сла́вы Соприсносу́щное и Ипоста́сное возсия́вый Сия́ние, из де́вственныя утро́бы су́щим во тьме́ и се́ни вопло́щся, возсия́л еси́ Со́лнце. | Божественное и неизреченное совершенство заслуг Твоих, Христе, исповедаю я: воссияв из вечной Славы вечным же и Личным сиянием, Ты облекся в плоть и взошел из девического чрева солнцем для находившихся в беспросветной тьме. |
| 6.286 Морски́й пучиноро́дный ки́тов вну́тренний о́гнь – тридне́внаго Твоего́ погребе́ния проображе́ние, его́же Ио́на проро́к показа́ся. Спасе́н бо, я́ко и предпосла́ся287, неврежде́н, вопия́ше: пожру́ Ти со гла́сом хвале́ния, Го́споди. | Грозившая гибелью опасность в море, внутри рожденного в морской пучине кита, была Твоего тридневного погребения прообразом, который явил Иона; ибо, спасенный невредимым, каким был поглощен, пророк воскликнул: «С громкою хвалою принесу я жертву Тебе, Господи!» |
| Кондак, гл. 2: В моли́твах Неусыпа́ющую Богоро́дицу и в предста́тельствах непрело́жное упова́ние гроб и умерщвле́ние не удержа́ста: я́коже бо Живота́ Ма́терь к животу́ преста́ви во утро́бу Всели́выйся присноде́вственную. | Богородицу, неусыпную в молитвах и непреложно надежную Заступницу нашу, гроб и смерть не удержали; ибо Вселившийся в Ее вечнодевственную утробу переселил Ее к жизни, как Матерь Жизни. |
| 7. Безсту́дней я́рости же и огню́ Боже́ственное жела́ние сопротивля́яся, о́гнь у́бо ороша́ше, я́рости же смея́шеся, богодохнове́нною слове́сною преподо́бных тривеща́нною цевни́цею288 противовеща́я мусики́йским орга́ном289 посреди́ пла́мене: препросла́вленный отце́в и наш Бо́же, благослове́н еси́. | Стремление к Богу, противостоя бесстыдной ярости и огню, обращало огонь в росу и над яростью смеялось, отвечая среди пламени на звуки музыкальных инструментов песнью на вдохновенной Богом живой трехструнной лире праведников: «Благословен Ты, прославленный Боже отцов и наш!» |
| 8. Пла́мень, ороша́ющ преподо́бныя, злочести́выя же попаля́ющ, А́нгел Бо́жий всемо́щный показа́ отроко́м, живонача́льный же исто́чник соде́ла Богоро́дицу, тлю сме́рти и живо́т точа́щу пою́щим: Соде́теля еди́наго пои́м, изба́вленнии, и превозно́сим во вся ве́ки. | Ангел, Бог всесильный, показал для отроков пламя окропляющим росою праведных и в то же время сжигающим нечестивых; Богородицу же Он соделал родником жизни, источающим разрушение смерти и жизнь поющим: «Мы, искупленные, воспеваем и превозносим единого Создателя во все веки!» |
| 9. Побежда́ются естества́ уста́вы в Тебе́, Де́во Чи́стая: де́вствует бо рождество́ и живо́т предобруча́ет сме́рть; по рождестве́ Де́ва и по сме́рти жива́, спаса́еши при́сно, Богоро́дице, насле́дие Твое́. | В Тебе, Дева пречистая, нарушены естественные законы: совершаются девственно роды, со смертью сочетается жизнь. После родов – Дева и после смерти –, живая, Ты, Богородица, всегда спасаешь удел Твой. |
16. Перенесение из Едеса в Константинополь Нерукотворенного образа Господа Бога и Спаса нашего Иисуса Христа
Тропарь, гл. 2: Пречи́стому Твоему́ о́бразу покланя́емся, Благи́й, прося́ще проще́ния прегреше́ний на́ших, Христе́ Бо́же: во́лею бо благоволи́л еси́ пло́тию взы́ти на Крест, да изба́виши я́же созда́л еси́ от рабо́ты вра́жия. Тем благода́рственно вопие́м Ти: ра́дости испо́лнил еси́ вся, Спа́се наш, прише́дый спасти́ мир.
29. Усекновение честной главы пророка, Предтечи и Крестителя Иоанна
| Тропарь, гл. 2: Па́мять пра́веднаго с похвала́ми, тебе́ же довле́ет свиде́тельство Госпо́дне290, Предте́че: показа́л бо ся еси́ вои́стинну и проро́ков честне́йший, я́ко и в струя́х крести́ти сподо́бился еси́ Пропове́даннаго. Те́мже за и́стину пострада́в, ра́дуяся, благовести́л еси́ и су́щим во а́де Бо́га, я́вльшагося пло́тию, взе́млющаго грех ми́ра и подаю́щаго нам ве́лию ми́лость. | Память праведника чтится похвальными песнями, тебе же, Предтеча, достаточно одного свидетельства Господа, ибо ты действительно явился славнейшим из пророков, так как сподобился крестить в струях Иорданских Возвещенного ими. Поэтому, радостно пострадав за истину, ты благовестил и находившимся в аду о явившемся во плоти Боге, взявшем на Себя грех мира и подающем нам великие милости. |
| Кондак, гл. 5: Предте́чево сла́вное усекнове́ние смотре́ние бысть не́кое Боже́ственное, да и су́щим во а́де Спа́сово пропове́сть прише́ствие. Да рыда́ет у́бо Ироди́я, беззако́нное уби́йство испроси́вши: не зако́н бо Бо́жий, ни живы́й век291 возлю́би, но притво́рный, привре́менный. | Славное усекновение Предтечи было действием особого промысла Божия, чтобы он возвестил пришествие Спасителя и находившимся в аду. Пусть же плачет Иродиада, испросившая беззаконное убийство: не закон Божий, не вечную жизнь возлюбила она, но жизнь ложную и временную. |
30. Перенесение мощей св. благоверного великого князя Александра Невского из Владимира в С.-Петербург
Тропарь, гл. 4: Позна́й свою́ бра́тию, Росси́йский Ио́сифе, не в Еги́пте, но на Небеси́ ца́рствующий, благове́рный кня́же Алекса́ндре, и приими́ моле́ния их, умножа́я жи́та лю́дем плодоно́сием земли́ твоея́, гра́ды влады́чествия твоего́ огражда́я моле́нием и правосла́вным христиа́ном на сопроти́вныя спобо́рствуя.
Кондак: Я́коже сро́дницы твои́ Бори́с и Глеб яви́шася тебе́ с Небесе́ в по́мощь, подвиза́ющемуся на Ве́лгера Све́йскаго [Биргера, шведского полководца] и во́ев его́, та́ко и ты ны́не, блаже́нне Алекса́ндре, прииди́ в по́мощь твои́м сро́дником и побори́ борю́щия ны.
* * *
Сеннописанный мрак гаданий разорив, ὁ σκιόγραφον ἀχλὺν αἰνιγμάτων σκεδάσας = caliginem obscuram, quae inerat in dictis figuratis (adumbratis) dissipans, т. e. букв. «рассеявший темный мрак, заключавшийся в неясных словах (загадках)». Под гаданиями разумеются загадочные ветхозаветные прообразы.
сия, т. е. их, отроков.
юже, т. е. Твою Матерь.
явльшуюся, ἐμφανισθεῖσαν, т. е. явленную, прославленную.
концем = до крайних пределов земли.
впрямо, т. е. в прямом направления перед собою, в длину, продольно.
то же, т. е. море.
обратно... колесницам = против колесниц, им навстречу.
вопреки = «поперёк». Моисей ударами жезла вдоль и поперёк изобразил крест, – непобедимое оружие: первый удар разделил море и тем спас Израильтян, второй заставил разступившиеся воды слиться и потопить Египтян.
предразсуждает, προκρίνει, т. е. предуказывает.
тобою; по-греч. ἐν σοι, т. е. на тебе.
прельстився, δελεασθείς, т. е. уловленный.
Богу пригвоздившуся; по-гречески: τῷ Θεῷ προσπαγέντι в зависимости от причастия страдательного залога (δελεασθείς) вместо родительного с предлогом ὑπό. Следовательно, по-русски: «пригвоздившимся Богом».
тем; по-греч. ὅθεν, что значит откуда, т. е. из утробы, из нея. Это и требуется смыслом.
премирное, ὑπερκόσμιον, т. е. надмирное, сверхъестественное.
прописаше, ὑπεζώγραφε = предъизобразил.
тезоименитому, ἐπωνύμῳ, т. е. соименному Тебе, носящему Твое имя (христианскому).
жительству, т. е. жителям, народу, обществу.
пособие имущу Твое; по-греч.: τὴν συμμαχίαν ἔχοι τὴν Σὴν ὅπλον εἰρήνης, ἀήττητον τρόπαιον = да имеет Он в помощь от Тебя оружие (ограждение) мира и знамя непобедимое, т. е. крест.
Безумное веление... дышущее прещение и злохуление богомерзкое, πνέον ἀπειλῆς καὶ δυσφημίας θεοστυγοῦς = дышащее угрозою и ненавистническим богохульством.
противодышущу росоносному духу, ἀντηχοῦντι δροσοβόλῳ πνεύματι: благодаря веявшему против огня влажному ветру.
предображение; по-греч. προοίμιον, т. е. введение к чему, предисловие, вступлление, канун.
смотрение в этом, как и др. местах, то же, что провидение Божие, т. е. вечный, премудрый, праведный и неизменный совет Его, коим Он свободно управляет и соблюдает сотворенное Им к славе Своей и человеческому спасению (Деян. 2; Мф. 10; Рим. 9. 1; Кор. 11 и проч.). Часто употребляется в значении домостроительства Божия, плана Божия о нашем спасении через Его Единородного Сына, иногда в значении даже воплощения Самого Сына Божия.
См. выше прим. 7.
богомудрии, θεόφρονες = благочестивые.
Апостолов (из Апостоловлов) Первозванный, т. е. призванный к служению первым из Апостолов.
Мужества тезоименитого = мужеству соименного. Имя собственное Андрей по-гречески значит «мужественный».
правило веры, κανόνα πίστεως, – правилом, или мерилом, веры.
яже вещей истина, ἡ τῶν πραγμάτων ἀλήθεια, есть подлежащее предложения, поставленное в конце его; означает «познание истины». См. Plat. Soph. 234 р. С. νέους καὶ ἔτι πόῤῥω τῶν πραγμάτων τῆς ἀληθείας ἀφεστώτας = adolescentes et eos qui longe adhuc a rerum veritate, sive a veritatis cognitione (познания истины) absint.
Здесь люди – в значении миряне, паства.
таинник, μύστης, т. е. посвященный в таинства, служитель тайн.
пламенное оружие, т. е. пламенный меч, заграждавший доступ в рай.
плещи дает, т. е. обращает тыл, отступает.
По-греч. здесь не τροφῆς (пищи), а τρυφῆς (роскоши, блаженства).
свет разума, τὸ φῶς τὸ τῆς γνώσεως; γνῶσις = εἴδησις, σύνεσις, scientia, doctrina, sapientia, истинное знание, мудрость, истина (в познании).
звездам служащие, т. е. волхвы, восточные маги, звездочеты, звездопоклонники.
ведети = знать, познавать.
с высоты Востока, ἐξ ὕψους ’Ανατολήν. Так называет в Новом Завете Спасителя св. Захария, отец Иоанна Предтечи: «Посетил нас Восток свыше, (чтобы) просветить сидящих во тьме». Лук. 1:78–79. «Восток» здесь не название страны света, а означает Восход солнечный, или Восходящее Солнце, т. е. Иисуса Христа. Солнце физическое светит людям, восходя (видимо) снизу вверх, а Солнце правды, Христос, осветил землю, взойдя на нее сверху вниз, взойдя с неба на землю. Отсюда Он – Восток (Солнце Восходящее) с высоты (oxymoron).
Для уразумения этого ирмоса надлежит припомнить, что, по преданию, на составителя его, св. Иоанна Дамаскина, при поступлении в монастырь было наложено его аввою, в виде послушания, молчание, с воспрещением слагать церковные песнопения. Святому поэту исполнение этого послушания было очень тягостно, и в нем происходила борьба: с одной стороны, казалось бы, молчание и легко, тем более, что, храня его, он не подвергал себя и беде, взысканию, с которым было бы сопряжено нарушение послушания; но, с другой – природное влечение слагать вдохновенные песнопения делало для поэта этот искус слишком тяжелым. И вот он, обращаясь к своей Заступнице, Божией Матери, просит дать ему силу бороться с этим природным влечением.
Любити, στέργειν – не только любить, но и терпеть, переносить, выдерживать. – φόβῳ паралл. след. πόθῳ – dat. causae. πόθος – не любовь, а стремление к предмету любви, которым зд. является ὕμνους ὑφαίνειν – песни ткати, слагать гимны. Отнести πόθῳ (любовию) к Παρθένε («из любви к Тебе, Дева») грамматически невозможно: нет личного местоим. в род. пад. – συντόνως – напряженно, а не протяжно («спротяженно»). – φύω, особ. в perf., – иметь от природы известное свойство, иметь природную склонность. – προαίρεσις = свободный выбор, призвание. См. подробнее: Нахимов Н. К истолкованию некоторых священных церковно-славянских текстов // Церковные Ведомости. 1911. №№ 52–53.
им же боголепно научил еси, δι’ οὗ θεοπρεπῶς ἐδογμάτισας; δογματίζειν – учить основам (догматам) веры; θεοπρεπῶς δογματίζειν – достойно учить основам божественной веры.
Небоявленне Василие, οὐρανοφάντορ Βασίλειε. Переводчик на славянский язык смешал οὐρανοφάντωρ с οὐρανοφάντος. Первое есть эпитет св. Василия наряду с Великий и значит: чей свет, сияние, слава доходит до небес.
рог, κέρας – в Священном Писании: сила, крепость, могущество, достоинство; не даша ро́га грешнику – не дали восторжествовать грешнику (1 Макк. 2:48); вознесет рог Христа Своего – возвеличит могущество Помазанника Своего (1Цар. 2:10). Рог возвысити – прославить, укрепить силу, даровать победу на врагов.
сошедшаго; по-греч. τοῦ παρόντος, т. е. явившегося.
Под гласом Слова, светильником Света, Денницею, – Солнца предтечею разумеется Предтеча Христов, св. Иоанн Креститель.
недоумевает, ἀπορεῖ – не имеет средств, беден.
благохвалити, εὐφημεῖν – здесь благоговейно прославлять, восхвалять.
премирный, ὑπερκόσμιος – надмирный, горний, небесный.
божественную, ἔνθεον, т. е. внушенную Богом, вдохновенную.
черный же понт тристаты египетския покры; по-греч.: Μέλας δὲ πόντος τριστάτας Αἰγυπτίων ἔκρυψεν... Отсюда ясно, что в славянском тексте следует читать «чёрный» (т. е. мрачный), а не «чермный» (красный). «Тристат», τριστάτης, или τριστοτάτης – чин третьего класса, вельможа.
изрешихомся, ἐκλελύμεθα (perf!) – освободившиеся и ныне свободные.
брашен, βορῶν; здесь βορός – «прожорливый». Переводчик на славянский язык принял βορῶν за родительный падеж множественного числа от существительного βορά – «пища (брашно)».
сотренных членовными, συντεθλασμένων μύλας; μύλη – 1) мельница, жернов, 2) зуб (коренной). Переводчик на славянский язык смешал со славянским μέλος (член) или имел последнее в испорченной рукописи.
имже к нам наслаждается дарований, ᾧ τῶν πρὸς ἡμᾶς ἥδεται δωρημάτων – род. разд.: из (всех) имеющихся у нас (ср.: ὁ Λόγος ἧν πρὸς τὸν Θεὸν – Слово было у Бога, – Ин. 1:1) или: наших даров. Наслаждается, ἥδεται – радуется, Ему приятен этот наш дар, т. е. песнопения, Он его милостиво приемлет.
новодейство, καινουργίαν, т. е. обновление.
глас – плещущь, γῆρυν – κροτουμένην – песнь, сопровождаемую рукоплесканием, т. е. радостую. См. Авв. 3.
Духом, т. е. под влиянием, под внушением Духа (Святого).
неизреченна, ἀῤῥήτου; ἄῤῥητος, кроме несказанный, неизреченный, значит священный, святой.
неблазней (стези), ἀπλανῆ (τρίβον), по которой нельзя заблудиться, верной.
Слово – и человек суть имена сказуемым при произниче, произошел.
промышлением; подразумевается Моим.
змиевы главы, т. е. головы змиев, бесов, злых духов.
пламень юношы носящь, φλόγα νέους φέρουσαν; пламя представляется как бы несшим юношей в своей пасти.
свободна – и сынове суть имена сказуемые при познавается (γνωρίζεται – признаётся).
При восклицаниях, выражающих душевные настроения, по-гречески ставится родительный падеж, например, φεῦ τῆς ἀφροσύνης – «ах, безумие!» Этот родительный удержан и в переводе на славянский язык: «О, беззаконных, о, неверных!»
нестерпимому, ἀστέκτῳ – в смысле силы пламени.
соединившеся (огню); по-греч. ἑνωθέντες, т. е. соединенные (с огнем), ввергнутые в него.
благочестия предстояще, οἱ θεοσεβείας προεστῶτες, т. е. стоявшие во главе благочестия, выдававшиеся благочестием.
в законе, сени и писании, ἐν νόμῳ σκιᾷ καὶ γράμματι = in adumbrata littera legis, т. e. в неясных письменах закона (Моисеева). Ср. выше: сеннописанный мрак гаданий.
Винительные падежи: сопрестольна, врача, служителя зависят от следующего светло празднуем. Служитель = угодник; благоприятный = благосклонный, ласковый.
в песнех и пениих радующеся = выражая свою радость в песнопениях. Слова в песнех и пениих взяты из Ап. Павла (Еф. 5:19; Кол. 3:16): ἐν ὕμνοις καὶ ὠδαῖς πνευματικαῖς). Некоторые исследователи полагают, что под ὕμνοι разумеются ὕμνοι πατέρων, т. е. ветхозаветные гимны, легшие в основу ирмосов наших богослужебных Канонов, а под ὠδαὶ πνευματικαί – церковные новозаветные песни. Зачем запутывать и затемнять самые простые и ясные вещи? Ὕμνοι καὶ ὠδαί = ὑμνῳδίαι, т. е. песнопения (хвалебные), πνευματικαί – духовные, как и у нас, в отличие от других, например, светских.
независтный, ἄφθονος – здесь обильный. Ср.: ἐν ἀφθόνοις βιοτεύειν, ἐν ἀφθόνοις τραφείς.
имела еси во утробе, ἔσχες ἐν μήτρα; по-русски просто: зачала.
Миры – приморский город области Ликии (в Малой Азии), где св. Николай Чудотворец был епископом (отсюда – Мирликийский) и где первоначально почивали его нетленные мощи, впоследствии перенесенные (перевезенные) морем (1087 г.) в Барград, нынешний Бари, в южной Италии на берегу Адриатического моря. В виду того, что многие православные русские люди совершают паломничества в Бари, где мощи Чудотворца находятся в подземелье местного римско-католического храма, по воле и иждивением благополучно царствующего Государя Императора Николая Александровича, в этом городе ныне (1912 г.) воздвигается величественный православный храм во имя св. Николая, со странноприимным при нем домом.
прогнаше, διελάσαντες; διελαύνειν – 1) прогонять через что, 2) проезжать, проходить.
смотрение. См. выше прим. 23.
небеснаго круга верхотворче, οὐρανίας ἀψίδος ὀροφουργέ; ἀψίς – круглый выступ (апсида), свод; οὐρανία ἀψίς – небесный свод. Ὀροφουργός – строитель, творец потолка, крыши, верха.
желаний краю, ἐφετῶν ἡ ἀκρότης; τὸ ἐφετόν – к чему стремятся, предмет стремлений; ἡ ἀκρότης – край, вершина, высший предел.
тем, ὅθεν – откуда, поэтому.
пророком и апостолом – начальницы. По-греч.: Προφητῶν καὶ ’Αποστόλων – οἱ πρόκριτοι, т. е. пророков и апостолов – начальницы; οἱ πρόκριτοι – избранные (предпочтительно перед другими), а не начальники.
седьмерицею, ἑπτάκις – семикратно, семь раз. Число семь употребляется по-гречески, затем по-славянски и по-русски для обозначения вообще многократности (ср.: Семь раз отмерь – один отрежь), часто силы действия или состояния. Печь вавилонская была разжена «в семь раз сильнее, нежели как её обыкновенно разжигали» (Дан. 3:19).
всяк слух, πᾶσα ἀκοή; ἀκοή – в значении органа слуха, уха; πᾶσα ἀκοή = всякое ухо, всякий слышащий, – слыша.
неизреченна, ἀπόῤῥητον – тайный, таинственный. Ср. выше: «воплощение неизреченна (= ἀῤῥήτου) Слова».
преставилася еси, μετέστης; преставлятися = переходить. Обычное христианское выражение для обозначения смерти как перехода от временной, земной жизни к вечной, небесной; новопреставленный = недавно перешедший, умерший.
тимпан – литавры, ручной бубен.
речи пророков и гадания, ῥήσεις προφητῶν καὶ αἰνίγματα – загадочные (неясные) изречения пророков (hendiadys). Ср.: в законе, сени и писании; сеннописанный мрак гаданий (то же выражение без hendiadys); с вайами и ветвями = с пальмовыми ветвями. См. также ниже: во тьме и сени.
проявиша, ὑπέφηναν – не проявили, а только приоткрыли.
Это один из трудных для перевода ирмосов. Морский пучинородный китов внутренний огонь = огонь в море, внутри рожденного в морской пучине кита. Огонь, πῦρ (подлеж.) в значении страшной, гибельной опасности. Ср. μετά τινος διὰ πυρὸς βαδίζειν – разделять с кем опасность. Ar. Lys. 123. ἀκολουθεῖν διὰ πυρὸς καὶ παντὸς κινδύνου (Xen. Oec. 21, 7); также εἰς πῦρ ἅλλεσθαι – не останавливаться перед опасностью. Ср. также русские выражения: пройти через огонь и медные трубы; в котле кипеть, – в огне гореть. «Проображение», προεικόνισμα (прообраз) есть сказуемое с подразумеваемым ἐστὶ или ἦν, егоже, οὗ, которого, т. е. проображения (прообраза); ὑποφήτης (сказуемое придаточного предложения) часто значит пророк (см. Октоих); но здесь – истолкователь, воплотитель, – который явил в своём лице.
яко и предпослася, ὡς καὶ προυπέπωτο. Переводчик на славянский язык смешал с προυπέμπετο («был предпослан»); προυπέπωτο – «был поглощён».
Под тривещанною цевницею (лирою) разумеются три отрока, которые пели среди пламени в печи вавилонской и как бы образовали одну живую трехструнную лиру.
мусикийским органом. См. Авв. 3:5. 7. 10. 15.
См. Лук. 7:24–28.
живый век, ζῶντα αἰῶνα = вечную жизнь.