Глава VII. Стихиры, тропари, кондаки и ирмосы воскресные восьми гласов
Первого гласа
Стихиры на Господи воззвах.
1. Вече́рния на́ша моли́твы приими́, Святы́й Го́споди, и пода́ждь нам оставле́ние грехо́в, я́ко Еди́н еси́ явле́й в ми́ре Воскресе́ние.
| 2. Обыди́те лю́дие Сио́н, и обими́те292 его́, и дади́те сла́ву в нем Воскре́сшему из ме́ртвых: я́ко Той есть Бог наш, избавле́й293 нас от беззако́ний на́ших. | Люди, окружите Сион и займите его, и воздайте в нем славу Воскресшему из мертвых, ибо Он Бог наш, искупивший нас от беззаконий наших. |
3. Прииди́те лю́дие, воспои́м, и поклони́мся Христу́, сла́вяще Его́ из ме́ртвых Воскресе́ние: я́ко Той есть Бог наш, от пре́лести вра́жия [вражеской хитрости] мир избавле́й.
| Богородичен: Всемирную сла́ву, от челове́к Прозя́бшую, и Влады́ку Ро́ждшую, Небе́сную Дверь, воспои́м Мари́ю Де́ву, Безпло́тных песнь, и ве́рных удобре́ние294: Сия́ бо яви́ся Не́бо, и Храм Божества́: Сия́ прегражде́ние295 вражды́ разруши́вши, мир введе́296, и Ца́рствие отве́рзе. Сию́ у́бо иму́ще ве́ры Утвержде́ние, Побо́рника и́мамы из Нея́ Ро́ждшагося Го́спода. Дерза́йте у́бо, дерза́йте лю́дие Бо́жии: и́бо Той победи́т враги́, я́ко Всеси́лен. | Воспоем Славу всего мира, от людей происшедшую и Владыку родившую, – Деву Марию, дверь в небеса, предмет песнопений бесплотных Сил и украшение верующих. Она явилась небом и храмом Божества; Она, разрушив разделявшую нас стеною с Богом вражду, заменила ее миром и открыла доступ в Царство Небесное. Таким образом, имея Ее опорою нашей веры, Защитником нашим мы имеем родившегося от Нее Господа. Дерзайте же, дерзайте, люди Божии! ибо Он победит врагов, как всемогущий. |
| Тропарь: Ка́мени запеча́тану от иуде́й и во́ином стрегу́щим Пречи́стое Те́ло Твое́, воскре́сл еси́ тридне́вный, Спа́се, да́руяй ми́рови жизнь. Сего́ ра́ди Си́лы Небе́сныя вопия́ху Ти, Жизнода́вче: сла́ва Воскресе́нию Твоему́, Христе́, сла́ва Ца́рствию Твоему́, сла́ва смотре́нию Твоему́, еди́не Человеколю́бче. | Хотя камень был припечатан иудеями, а воины стерегли пречистое тело Твое, Ты, Спаситель, воскрес на третий день, даруя тем жизнь миру. Поэтому Силы небесные воскликнули Тебе, Податель жизни: «Слава воскресению Твоему, Христе, слава Царству Твоему, слава промыслу Твоему, единый Человеколюбец!» |
| Богородичен: Гаврии́лу, веща́вшу Тебе́, Де́во, ра́дуйся, со гла́сом воплоща́шеся всех Влады́ка, в Тебе́, Святе́м Киво́те, я́коже рече́ пра́ведный Дави́д; яви́лася еси́ ши́ршая небе́с, поноси́вши Зижди́теля Твоего́. Сла́ва Все́льшемуся в Тя, сла́ва Проше́дшему из Тебе́, слава Свободи́вшему нас рождество́м Твои́м. | Лишь только Гавриил возгласил Тебе, Дева: «радуйся!» – как с его возгласом Владыка мира начал воплощаться в Тебе – святом кивоте, как сказал праведный Давид! Нося Создателя Твоего, Ты явилась обширнее небес. Слава Вселившемуся в Тебя, слава Происшедшему из Тебя, слава Освободившему нас рождением от Тебя! |
Ирмосы
| 1. Твоя́ победи́тельная десни́ца Боголе́пно в кре́пости просла́вися: та бо, Безсме́ртне, я́ко всемогу́щая, проти́вныя сотре́, Изра́ильтяном путь глубины́ новосоде́лавшая. | Твоя победительная десница божественно прославилась в силе: ибо она, Бессмертный, как всемогущая, проложив Израильтянам путь через морскую глубину, уничтожила их противников. |
| 3. Еди́не ве́дый челове́ческаго существа́ не́мощь и ми́лостивно в не вообра́жся, препоя́ши мя с высоты́ си́лою, е́же вопи́ти Тебе́, Святы́й, одушевле́нный хра́ме неизрече́нныя сла́вы Твоея́, Человеколю́бче. | Ты, Единый ведающий немощь человеческого существа и милостиво принявший его образ, облеки меня свыше силою взывать к Тебе: свят одушевленный Храм несказанной славы Твоей, Человеколюбец! |
| 4. Го́ру Тя благода́тию Бо́жиею приосене́нную, прозорли́выма Авваку́м усмотри́в очи́ма, из Тебе́ изы́ти Изра́илеву провозглаша́ше Свято́му, во Спасе́ние на́ше и обновле́ние. | Аввакум, уразумев прозорливыми очами Тебя, Богородица, в образе осененной Божьей благодатью горы, провозгласил, что Святой Израиля выйдет из Тебя на наше спасение и обновление. |
| 5. Просвети́вый сия́нием прише́ствия Твоего́, Христе́, и освети́вый297 Кресто́м Твои́м ми́ра концы́, сердца́ просвети́ све́том Твоего́ Богоразу́мия298, правосла́вно пою́щих Тя. | Просветивший светом пришествия Твоего и очистивший крестом Твоим мир до крайних его пределов, просвети, Христе, светом Твоей истинной веры сердца наши, православно Тебя воспевающих. |
| 6. Обы́де нас после́дняя бе́здна, несть избавля́яй, вмени́хомся, я́ко о́вцы заколе́ния, спаси́ лю́ди Твоя́, Бо́же наш, Ты бо кре́пость немощству́ющих и исправле́ние. | Объяла нас глубочайшая бездна; нет избавителя; мы – как жертвенные овцы. Спаси людей Твоих, Боже наш! Ты – сила и исцеление немощных. |
Кондак: Воскре́сл еси́, я́ко Бог, из гро́ба во сла́ве, и мир совоскреси́л еси́; и естество́ челове́ческое я́ко Бо́га воспева́ет Тя, и смерть исчезе́; Ада́м же лику́ет, Влады́ко; Е́ва ны́не от уз избавля́ема ра́дуется, зову́щи: Ты еси́, И́же всем подая́, Христе́, воскресе́ние.
| 7. Тебе́ у́мную, Богоро́дице, пещь разсмотря́ем, ве́рнии, я́коже бо о́троки спасе́ три Превозноси́мый, мир обнови́, во чре́ве Твое́м всеце́л, хва́льный отце́в Бог и препросла́влен. | Мы, верующие, разумеем Тебя Богородица, под мысленною печью ибо, как Превозносимый спас трех отроков, так Он, достойный хвалы и препрославленный Бог отцов наших, обновил во чреве Твоем весь мир. |
| 8. В пещи́ о́троцы Изра́илевы, я́коже в горни́ле, добро́тою благоче́стия чисте́е зла́та блеща́хуся, глаго́люще: благослови́те, вся дела́ Госпо́дня, Го́спода, по́йте и превозноси́те во вся ве́ки. | Отроки Израилевы в печи, как в горниле, сияли ярче золота красотою благочестия и произносили: «Все творения Господни, благословляйте Господа, воспевайте и превозносите во все веки!» |
| 9. О́браз чи́стаго рождества́ Твоего́, огнепали́мая купина́ показа́ неопа́льная; и ны́не на нас напа́стей свире́пеющую угаси́ти, мо́лимся, пещь, да Тя, Богоро́дице, непреста́нно велича́ем. | Изображение чистого рождения Тобою представила объятая огнем и не сгоравшая купина. И ныне мы молим угасить свирепствующую против нас печь искушений, чтобы непрестанно величать Тебя, Богородица. |
Второго гласа
Стихиры на Господи воззвах.
1. Пре́жде век от Отца́ Ро́ждшемуся Бо́жию Сло́ву, Вопло́щшемуся от Де́вы Мари́и, прииди́те, поклони́мся: крест бо претерпе́в, погребе́нию предаде́ся, я́ко Сам восхоте́: и воскре́се из ме́ртвых, спасе́ мя заблужда́ющаго челове́ка.
| 2. Христо́с Спас наш, е́же на ны рукописа́ние пригвозди́в на Кресте́ загла́ди, и сме́ртную держа́ву упраздни́: поклоня́емся Его́ тридне́вному Воскресе́нию. | Христос, Спаситель наш, пригвоздив ко кресту запись грехов на нас, тем ее зачеркнул и силу смерти уничтожил. Мы покланяемся Его в третий день воскресению. |
3. Со Арха́нгелы воспои́м Христо́во Воскресе́ние: Той бо есть Изба́витель и Спас душ на́ших, и в сла́ве стра́шней и кре́пцей си́ле, па́ки гряде́т суди́ти миру, его́же созда́.
| Богородичен: Пре́йде сень зако́нная299, благода́ти прише́дши: я́коже бо купина́ не сгара́ше опаля́ема: та́ко Де́ва родила́ еси́, и Де́ва пребыла́ еси́. Вме́сто столпа́ о́гненнаго, Пра́ведное возсия́ Со́лнце: вме́сто Моисе́я, Христо́с, Спасе́ние душ на́ших. | С пришествием благодати отошла в прошлое таинственность образов закона Моисеева; ибо, как не сгорела объятая пламенем купина, так Ты, Дева, родила и осталась Девою. Вместо столпа огненного взошло Солнце правды; вместо Моисея – Христос, Спаситель душ наших. |
Тропарь: Егда́ снизше́л еси́ к сме́рти, Животе́ Безсме́ртный, тогда́ ад умертви́л еси́ блиста́нием Божества́. Егда́ же и уме́ршыя от преиспо́дних воскреси́л еси́, вся Си́лы Небе́сныя взыва́ху: Жизнода́вче, Христе́ Бо́же наш, сла́ва Тебе́.
| Богородичен: Вся́ па́че смы́сла, вся́ пресла́вная Твоя́ Богоро́дице, та́инства, чистоте́ запеча́танной, и де́вству храни́му, Ма́ти позна́лася еси́ нело́жна, Бо́га ро́ждши и́стиннаго: Того́ моли́ спасти́ся душа́м на́шым. | Все выше понимания, все преславные тайны Твои, Богородица: при запечатленной чистоте и сохраняемом девстве Ты действительно сделалась Матерью, родив истинного Бога. Моли Его о спасении душ наших. |
Ирмосы
| 1. Во глубине́ постла́ иногда́ фараони́тское всево́инство преоруже́нная си́ла300; вопло́щшееся же Сло́во всезло́бный грех потреби́ло есть, препросла́вленный Госпо́дь, сла́вно бо просла́вися. | Высшая сила положила некогда в морской глубине все фараоново войско; воплотившееся же Слово уничтожило губительнейший грех: ибо Он, препрославленный Господь, торжественно прославился. |
| 3. Процвела́ есть пусты́ня, я́ко крин, Го́споди, язы́ческая неплодя́щая це́рковь, прише́ствием Твои́м, в не́йже301 утверди́ся мое́ се́рдце. | Процвела, Господи, как лилия, пустыня – бесплодная церковь языческая – от Твоего пришествия. Им укрепилось сердце мое. |
| 4. Прише́л еси́ от Де́вы, не хода́тай302, ни А́нгел303, но Сам, Го́споди, вопло́щься, и спасл еси́ всего́ мя челове́ка. Тем зову́ Ти: сла́ва си́ле Твое́й, Го́споди. | Ты пришел от Девы, не посол, ни вестник, но Сам Господь во плоти, и спас всего меня, человека. Поэтому я взываю к Тебе: слава могуществу Твоему, Господи! |
| 5. Хода́тай304 Бо́гу и челове́ком был еси́, Христе́ Бо́же; Тобо́ю, бо Влады́ко, к Светонача́льнику, Отцу́ Твоему́, от но́щи неве́дения приведе́ние и́мамы. | Ты стал, Христе Боже, посредником между Богом и людьми, ибо через Тебя, Владыка, мы из мрака неведения имеем доступ к Источнику света – Отцу Твоему. |
| 6. В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли Бо́же, мя возведи. | Вращаясь в бездне грехов, я призываю непостижимую бездну милосердия Твоего: от гибели, Боже, спаси меня! |
Кондак: Воскре́сл еси́ от гро́ба, Всеси́льне Спа́се, и ад, ви́дев чу́до, ужасе́ся, и ме́ртвии воста́ша; тварь же ви́дящи сра́дуется Тебе́, и Ада́м свесели́тся, и мир, Спа́се мой, воспева́ет Тя при́сно.
| 7. Богопроти́вное веле́ние беззако́ннующаго мучи́теля высо́к пла́мень вознесло́ есть; Христо́с же простре́ Богочести́вым отроко́м ро́су духо́вную, Сый благослове́н и препросла́влен. | Противное Богу повеление беззаконника-властителя высоко раздуло пламя; но Христос, благословенный и препрославленный, распростер над благочестивыми отроками росу Духа. |
| 8. Пещь иногда́ о́гненная в Вавило́не де́йства разделя́ше, Бо́жиим веле́нием халде́и опаля́ющая, ве́рныя же ороша́ющая, пою́щия: благослови́те вся дела́ Госпо́дня, Го́спода. | Некогда огненная печь в Вавилоне проявляла двоякое действие: по повелению Божию, она жгла Халдеев и кропила росою верных, в то время, как они пели: «Все творения Господни, благословляйте Господа!» |
| 9. Безнача́льна Роди́теля Сын, Бог и Госпо́дь, вопло́щься от Де́вы, нам яви́ся, омраче́нная просвети́ти, собра́ти расточе́нная, тем Всепе́тую Богоро́дицу велича́ем. | Сын не имеющего начала Родителя, Бог и Господь, воплотившись от Девы, явился нам, чтобы просветить находящихся во тьме, собрать рассеянных. Поэтому мы достойную всеобщего воспевания Богородицу и прославляем. |
Третьего гласа
Стихиры на Господи воззвах.
| 1. Твои́м Кресто́м, Христе́ Спа́се, сме́рти держа́ва разруши́ся, и диа́воля пре́лесть упраздни́ся, род же челове́ческий, ве́рою спаса́емый, песнь Тебе́ всегда́305 прино́сит. | Твоим крестом, Христе Спасе, смерти сила уничтожена и дьявольскому обольщению положен конец; род же человеческий, верою спасаемый, песнь Тебе повседневно приносит. |
| 2. Просвети́шася вся́ческая Воскресе́нием Твои́м, Го́споди, и рай па́ки отве́рзеся, вся же тварь восхваля́ющи Тя, песнь Тебе́ всегда́ прино́сит. | Просветился весь мир воскресением Твоим, Господи! и рай снова открыт; а вся тварь, восхваляя Тебя, песнь Тебе повседневно приносит. |
| 3. Сла́влю Отца́ и Сы́на си́лу, и Свята́го Ду́ха пою́ власть, неразде́льное, несозда́нное Божество́, Тро́ицу Единосу́щную, ца́рствующую в век ве́ка. | Славлю я Отца и Сына могущество и Святого Духа воспеваю я власть, – Божество нераздельное, несозданное, Троицу единосущную, царствующую в век вечный. |
| Богородичен: Ка́ко не диви́мся Богому́жному306 Рождеству́ Твоему́, Пречестна́я? Искуше́ния бо му́жескаго не прие́мши, Всенепоро́чная, родила́ бо еси́ без Отца́ Сы́на пло́тию. Пре́жде век от Отца́ рожде́ннаго без ма́тере, ника́коже претерпе́вшаго измене́ния, или́ смеше́ния, или́ разделе́ния, но обою́ существу́ сво́йство це́ло сохра́ншаго. Те́мже, Ма́ти Де́во Влады́чице, Того́ моли́ спасти́ся душа́м, правосла́вно Богоро́дицу испове́дающих Тя. | Как нам не дивиться рождению Тобою Богочеловека, Пречестная! Ибо, не познав мужа, Ты, Пренепорочная, родила без отца Сына во плоти, рожденного уже прежде веков от Отца без матери, вовсе при этом не испытавшего изменения, ни смешения или разделения, но сохранившего в целости свойства обоих естеств. Поэтому, Матерь – Дева, Владычица, моли Его о спасения душ, православно исповедующих Тебя Богородицею. |
| Тропарь: Да веселя́тся небе́сная, да ра́дуются земна́я; я́ко сотвори́ держа́ву мы́шцею Свое́ю Госпо́дь, попра́ сме́ртию смерть, пе́рвенец ме́ртвых307 бысть; из чре́ва а́дова изба́ви нас, и подаде́ ми́рови ве́лию ми́лость. | Да веселится все небесное, да радуется все земное; ибо Господь проявил мощь руки Своей: смертью победил смерть, сделался Перворожденным из мертвых, спас нас из чрева ада и дал миру великую милость. |
| Богородичен: Тя хода́тайствовавшую308 Спасе́ние ро́да на́шего, воспева́ем, Богоро́дице Де́во; пло́тию бо от Тебе́ восприя́тою Сын Твой и Бог наш, Кресто́м восприи́м страсть, изба́ви нас от тли, я́ко Человеколю́бец. | Тебя, сделавшуюся посредницею спасения рода нашего, воспеваем мы, Богородица-Дева; ибо Сын Твой и Бог наш плотью, от Тебя воспринятою, претерпев крестные страдания, избавил нас от гибели, как Человеколюбец. |
Ирмосы
| 1. Во́ды дре́вле ма́нием Боже́ственным во еди́но со́нмище совокупи́вый и раздели́вый мо́ре Изра́ильтеским лю́дем, Сей Бог наш препросла́влен есть. Тому́ Еди́ному пои́м, я́ко просла́вися. | Воды некогда одним Божественным мановением в одно вместилище собравший и разделивший море для Израильского народа – это наш препрославленный Бог. Ему единому мы воспоем, ибо Он прославился. |
| 3. И́же от несу́щих вся Приведы́й, Сло́вом созида́емая, соверша́емая Ду́хом, Вседержи́телю Вы́шний, в любви́ Твое́й утверди́ мене́. | Выведший из небытия мир, созидаемый Словом и завершаемый Духом, – Владыка Господи, утверди меня в любви к Тебе. |
| 4. Положи́л еси́ к нам тве́рдую любо́вь, Го́споди, Единоро́днаго бо Твоего́ Сы́на за ны на смерть дал еси́. Те́мже Ти зове́м, благодаря́ще: сла́ва си́ле Твое́й, Го́споди. | Ты явил нам великую любовь, Господи! ибо Единородного Твоего Сына Ты отдал за нас на смерть. Поэтому мы благодарим и восклицаем Тебе: слава могуществу Твоему, Господи! |
| 5. К Тебе́ у́треннюю, всех Творцу́, преиму́щему всяк ум ми́рови, зане́ свет повеле́ния Твоя́, в ни́хже наста́ви мя. | К Тебе, Творцу вселенной, Миру, превосходящему всякое разумение, обращаюсь я с утреннею молитвою, ибо повеления Твои – свет. Наставь меня в них. |
| 6. Бе́здна после́дняя грехо́в обы́де мя, и исчеза́ет дух мой; но простры́й, Влады́ко, высо́кую Твою́ мы́шцу, я́ко Петра́, мя, Упра́вителю, спаси́. | Глубочайшая бездна грехов объяла меня, и упал дух мой. Но простри, Владыка, высокую руку Твою и, как Петра, Кормчий, спаси меня! |
| Кондак: Воскре́сл еси́ днесь из гро́ба, Ще́дре, и нас возве́л еси́ от врат сме́ртных; днесь Ада́м лику́ет, и ра́дуется Е́ва, вку́пе же и проро́цы с патриа́рхи воспева́ют непреста́нно Боже́ственную держа́ву вла́сти Твоея́. | Ты воскрес ныне из гроба, Милосердый, и вывел нас из ворот смерти. Ныне Адам ликует, и радуется Ева; вместе с ними и пророки с патриархами непрестанно воспевают божественную силу власти Твоей. |
| 7. Я́коже дре́вле благочести́выя три о́троки ороси́л еси́ в пла́мени халде́йстем, све́тлым Божества́ огне́м и нас озари́, благослове́н еси́, взыва́ющия, Бо́же оте́ц на́ших. | Как в древности Ты оросил трех благочестивых отроков в пламени халдейском, так озари просвещающим огнем Божества Твоего и нас, восклицающих: благословен Ты, Бог отцов наших! |
Нестерпи́мому огню́ соедини́вшеся: [См. выше].
| 9. Но́вое чу́до и Боголе́пное: деви́ческую бо дверь затворе́нную я́ве прохо́дит Госпо́дь, наг во вхо́де, и плотоно́сец яви́ся во исхо́де Бог, и пребыва́ет дверь затворе́на. Сию́ неизрече́нно я́ко Богома́терь, велича́ем. | Необычайное и достойное Бога чудо! Заключенною дверью Девы явно проходит Господь; бесплотный при входе, Бог при исходе явился во плоти, и дверь остается заключенною. Эту Деву, как Богоматерь, мы несказанно величаем. |
Четвертого гласа
Стихиры на Господи воззвах.
| 1. Животворя́щему Твоему́ Кресту́, непреста́нно кла́няющеся, Христе́ Бо́же, тридне́вное Воскресе́ние Твое́ сла́вим: тем бо обнови́л еси́ истле́вшее челове́ческое естество́, Всеси́льне, и и́же на Небеса́ восхо́д обнови́л309 еси́ нам, я́ко Еди́н Благ и Человеколю́бец. | Животворящему Твоему кресту непрестанно покланяясь, Христе Боже, мы славим Твое на третий день воскресение; ибо Ты обновил им, Всемогущий, испорченную человеческую природу и указал нам путь на небеса, как единый Милостивый и Человеколюбец. |
| 2. Дре́ва преслуша́ния запреще́ние разреши́л еси́, Спа́се, на дре́ве кре́стнем во́лею пригвозди́вся, и во ад соше́д, Си́льне, сме́ртныя у́зы, я́ко Бог, растерзал еси́. Те́мже кла́няемся е́же из ме́ртвых Твоему́ Воскресе́нию, ра́достию вопию́ще: Всеси́льне Го́споди, сла́ва Тебе́. | Пригвоздившись добровольно к крестному древу, Ты, Спасе, отменил наказание за ослушание о не вкушении от древа. И сошедши в ад, Ты, Могущественный, разбил, как Бог, оковы смерти. Поэтому мы покланяемся Твоему воскресению из мертвых и в радости восклицаем: Всемогущий Господи, слава Тебе! |
3. Врата́ а́дова сокруши́л еси́, Го́споди, и Твое́ю сме́ртию сме́ртное ца́рство разруши́л еси́: род же челове́ческий от истле́ния свободи́л еси́, живо́т и нетле́ние миру дарова́в, и ве́лию ми́лость.
| Богородичен: И́же Тебе́ ра́ди богооте́ц проро́к Дави́д пе́сненно о Тебе́ провозгласи́, вели́чия Тебе́ Сотво́ршему310: предста́ Цари́ца одесну́ю Тебе́. Тя бо Ма́терь, Хода́таицу311 Живота́ показа́, без отца́ из Тебе́ вочелове́читися Благоволи́вый Бог, да Свой па́ки обнови́т о́браз, истле́вший страстьми́, и заблу́ждшее горохи́щное обре́т овча́, на ра́мо восприи́м, к Отцу́ принесе́т, и Своему́ хоте́нию, с Небе́сными совокупи́т Си́лами, и спасе́т, Богоро́дице, мир, Христо́с име́яй ве́лию и бога́тую ми́лость. | Богородица! Пророк Давид, через Тебя сделавшийся предком Божиим, в псалме к Возвеличившему Тебя провозгласил о Тебе: «Стала Царица по правую руку Твою». Тебя, Богородица, соделал Матерью, носительницею Жизни Бог, благоволивший вочеловечиться от Тебя без отца, чтобы восстановить Свой образ в человеке, погубленный страстями; чтобы, нашедпш заблудшую в горах овцу, взять ее на плечи и принести к Отцу; чтобы по Собственной воле установить единение мира с небесными силами и спасти его, – Христос, имеющий великую и богатую милость. |
| Тропарь: Све́тлую Воскресе́ния про́поведь от А́нгела уве́девша Госпо́дни учени́цы и пра́деднее осужде́ние отве́ргша, апо́столом хва́лящася глаго́лаху: испрове́ржеся смерть, воскре́се Христо́с Бог, да́руяй мирови ве́лию ми́лость. | Узнав от Ангела радостную весть о воскресении и освободившись от наследственного осуждения, ученицы Господни радостно сказали Апостолам: «Попрана смерть, воскрес Христос Бог, дарующий миру великую милость!» |
| Богородичен: Е́же от ве́ка утае́ное и А́нгелом несве́домое та́инство, Тобо́ю, Богоро́дице, су́щим на земли́ яви́ся312 Бог, в несли́тном соедине́нии воплоща́емь, и Крест во́лею нас ра́ди восприи́м, и́мже воскреси́в первозда́ннаго, спасе́ от сме́рти ду́ши на́ша. | От века сокровенная и даже Ангелами не узнанная тайна через Тебя, Богородица, явлена живущим на земле, – Бог, воплотившийся при неслиянном соединении двух естеств и добровольно принявший за нас крест, которым Он воскресил первосозданного Адама и спас от смерти души наши. |
Ирмосы
| 1. Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма Амали́кову си́лу в пусты́ни победи́л есть. | Моря Чермного пучину прошедши пешком и не замочив при этом ног, древний Израиль победил в пустыне войско Амалика крестообразным сложением рук Моисея. |
3. Весели́тся о Тебе́ Це́рковь Твоя́, Христе́, зову́щи: Ты моя́ кре́пость, Го́споди, и прибе́жище, и утвержде́ние.
| 4. Вознесе́на Тя ви́девши Це́рковь на Кресте́, Со́лнце Пра́ведное, ста в чи́не свое́м313, досто́йно взыва́ющи: сла́ва си́ле Твое́й, Го́споди. | Увидев Тебя, Солнце правды поднятым на кресте, Церковь стала на свое место, справедливо восклицая: «Слава могуществу Твоему, Господи!» |
5. Ты, Го́споди мой, Свет в мир прише́л еси́, Свет Святы́й, обраща́яй из мра́чна неве́дения ве́рою воспева́ющия Тя.
| 6. Пожру́ Ти со гла́сом хвале́ния, Го́споди, Це́рковь вопие́т Ти, от бесо́вския кро́ве314 очи́щшися ра́ди ми́лости от ребр Твои́х исте́кшею Кро́вию. | «Я принесу Тебе жертву с громкою хвалою, Господи!» – восклицает Тебе Церковь, очищенная от бесовской скверны истекшею из бока Твоего по милосердию Твоему кровью. |
| Кондак: Спас и Изба́витель мой из гро́ба, я́ко Бог, воскреси́ от уз земноро́дныя, и врата́ а́дова сокруши́, и я́ко Влады́ка воскре́се тридне́вен. | Спаситель и Избавитель мой из гроба, как Бог, воскресил земнородных из темницы, разрушил врата ада и, как Владыка, воскрес в третий день. |
| 7. В пещи́ Авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди. | В Персидской печи отроки, потомки Авраама, сгорая благочестивой ревностью, а не пламенем, взывали: «Благословен Ты во храме славы Твоей, Господи!» |
| 8. Ру́це распросте́р Дании́л, львов зия́ния в ро́ве затче́, о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся дела́ Госпо́дня, Го́спода. | Даниил, распростерши во рву руки, заградил раскрытые пасти львов, а отроки, ревнители благочестия, вооружившись добродетелью, угасили сильное пламя печи, восклицая: «Все творения Господни, благословляйте Господа!» |
| 9. Ка́мень нерукосе́чный от несеко́мыя горы́ Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́. Тем веселя́щеся Тя, Богоро́дице, велича́ем. | Дева! от Тебя, неприкосновенной горы, Сам Собою отсекся краеугольный камень – Христос» соединивший два различных естества. Поэтому мы торжественно величаем Тебя, Богородица! |
Пятого гласа
Стихиры на Господи воззвах.
1. Честны́м Твои́м Кресто́м, Христе́, диа́вола посрами́л еси́, и Воскресе́нием Твои́м жало грехо́вное притупи́л еси́, и спасл еси́ ны от врат сме́ртных: сла́вим Тя, Единоро́дне.
| 2. Воскресе́ние дая́й ро́ду челове́ческому, я́ко овча́ на заколе́ние веде́ся, устраши́шася сего́ кня́зи а́дстии, и взя́шася врата́ плаче́вная. Вни́де бо Царь сла́вы Христо́с, глаго́ля су́щим во у́зах, изыди́те: и су́щим во тьме, откры́йтеся315. | Дарующий воскресение роду человеческому был веден, как овца, на заклание. Устрашились Его князья ада, и раскрылись врата плача: вошел Царь славы, Христос, и сказал узникам: «выходите!» а находившимся во мраке': «покажитесь!» |
| 3. Ве́лие чу́до, неви́димых Соде́тель, за человеколю́бие пло́тию пострада́в, воскре́се Безсме́ртный. Прииди́те оте́чествия язы́к316, Тому́ поклони́мся: благоутро́бием бо Его́ от пре́лести изба́вльшеся, в Трие́х Ипоста́сех Еди́наго Бо́га пе́ти навыко́хом. | Великое чудо! Создатель невидимого мира, пострадав по Своему человеколюбию плотию, воскрес как Бессмертный. Приходите, племена языческие, поклонимся Ему, ибо, спасенные от обольщения Его милосердием, мы научились воспевать Единого Бога в трех Лицах. |
| Богородичен: В Чермне́м мо́ри, Неискусобра́чныя Неве́сты о́браз написа́ся иногда́: та́мо Моисе́й, раздели́тель воды́: зде же Гаврии́л, служи́тель чудесе́. Тогда́ глубину́ ше́ствова немо́кренно Изра́иль; ны́не же Христа́ роди́ безсе́менно Де́ва. Мо́ре по проше́ствии Изра́илеве пребы́сть непрохо́дно; Непоро́чная по Рождестве́ Эмману́илеве пребы́сть Нетле́нна. Сый, и пре́жде Сый, явле́йся, я́ко Челове́к, Бо́же поми́луй нас. | Некогда в Чермном море был начертан образ не познавшей брака Невесты: там Моисей, разделитель воды; здесь же Гавриил, служитель чуда. Тогда Израиль прошел по глубине морской, не замочив ног; ныне же Дева родила Христа без мужа. Море по проходе Израиля осталось непроходимым; – Непорочная после рождения Еммануила пребыла невинною. Вечный и предвечный, явившийся как человек, Боже, помилуй нас! |
Тропарь: Собезнача́льное Сло́во Отцу́ и Ду́хови, от Де́вы ро́ждшееся на Спасе́ние на́ше, воспои́м, ве́рнии, и поклони́мся; я́ко благоволи́ Пло́тию взы́ти на Крест, и смерть претерпе́ти, и воскреси́ти уме́ршия сла́вным воскресе́нием Свои́м.
| Богородичен: Ра́дуйся, Две́ре Госпо́дня непроходи́мая; ра́дуйся, стено́ и покро́ве притека́ющим к Тебе́. Ра́дуйся, необурева́емое приста́нище и неискусобра́чная, ро́ждшая пло́тию Творца́ Твоего́ и Бо́га. Моля́щи не оскудева́й о воспева́ющих и кла́няющихся рождеству́ Твоему́. | Радуйся, дверь Господня непроходимая! радуйся, стена и покров прибегающих к Тебе! радуйся, тихое пристанище и не познавшая брака Дева, плотью родившая Творца Твоего и Бога! Не переставай молиться о воспевающих Тобою Рожденного и поклоняющихся Ему. |
Ирмосы
| 1. Коня́ и вса́дника в мо́ре Чермно́е, сокруша́яй бра́ни317 мы́шцею высо́кою, Христо́с истрясе́, Изра́иля же спасе́, побе́дную песнь пою́ща. | Христос, сокрушающий врагов Своею могучею дланию, коней со всадниками ввергнул в Чермное море и спас Израильтян, певших победную песнь. |
| 3. Водрузи́вый на ничесо́мже зе́млю повеле́нием Твои́м, и пове́сивый неодержи́мо тяготе́ющую на недви́жимем, Христе́, ка́мени за́поведей Твои́х, Це́рковь Твою́ утверди́, Еди́не Бла́же и Человеколю́бче. | Повелением Твоим утвердивший ни на чем землю и повесивший ее, тяжелую, в воздухе без опоры, утверди, Христе, Церковь Твою на непоколебимом камне заповедей Твоих, единый Милосердый и Человеколюбец! |
| 4. Боже́ственное Твое́ разуме́в истоща́ние318 прозорли́во, Авваку́м, Христе́, со тре́петом вопия́ше Тебе́: во Спасе́ние люде́й Твои́х спасти́ пома́занныя Твоя́ прише́л еси́. | Прозорливо усмотрев, Христе Твое божественное унижение, Аввакум трепетно воскликнул Тебе Ты пришел на спасение народа Твоего, чтобы спасти помазанников Твоих. |
5. Одея́йся Све́том, я́ко ри́зою, к Тебе́ у́треннюю, и Тебе́ зову́: ду́шу мою́ просвети́ омраче́нную, Христе́, я́ко Еди́н Благоутро́бен.
| 6. Неи́стовствующееся бу́рею душетле́нною, Влады́ко Христе́, страсте́й мо́ре укроти́, и от тли возведи́ мя, я́ко Благоутро́бен. | Владыко Христе! Укроти море страстей, бушующее пагубною для души бурею, и спаси меня от гибели, как Милосердый. |
| Кондак: Ко а́ду, Спа́се мой, соше́л еси́, и врата́ сокруши́вый я́ко всеси́лен, уме́рших, я́ко Созда́тель, совоскреси́л еси́, и сме́рти жа́ло сокруши́л еси́, и Ада́м от кля́твы изба́влен бысть, Человеколю́бче; те́мже вси зове́м: спаси́ нас, Го́споди. | В ад сошел Ты, Спаситель мой, и, как Всемогущий, разрушив врата его, как Создатель, воскресил с Собою умерших и уничтожил жало смерти. И Адам избавлен был от проклятия, Человеколюбец! Поэтому все мы восклицаем Тебе: спаси нас, Господи! |
| 7. Превозноси́мый отце́в Госпо́дь пла́мень угаси́, о́троки ороси́, согла́сно319 пою́щия: Бо́же, благослове́н еси́. | Превозносимый Господь отцов наших угасил пламя и оросил отроков, стройно певших: «Благословен Ты, Боже!» |
| 8. Тебе́, Вседе́телю, в пещи́ о́троцы, всеми́рный320 лик321 спле́тше, поя́ху: дела́ вся́кая, Го́спода по́йте и превозноси́те во вся ве́ки. | Тебе, Всемогущему, отроки в печи сложили радостную для всего мира песнь и воспевали: «Все творения, воспевайте и превозносите Господа во все веки!» |
| 9. Иса́ие, лику́й, Де́ва име́ во чре́ве и роди́ Сы́на Емману́ила, Бо́га же и Челове́ка, Восто́к322 и́мя Ему́, Его́ же велича́юще, Де́ву ублажа́ем. | Исаия, торжествуй! Дева зачала и родила Сына Еммануила, Бога и вместе с тем человека. Восход имя Ему. Величая Его, мы прославляем Деву. |
Шестого гласа
Стихиры на Господи воззвах.
| 1. Побе́ду име́я, Христе́, ю́же на а́да, на Крест возше́л еси́: да во тьме сме́рти седя́щия воскреси́ши с Собо́ю, И́же в ме́ртвых Свобо́дь, Источа́яй живо́т от Своего́ све́та, Всеси́льне Спа́се, поми́луй нас. | Победитель ада, Ты взошел Христе, на крест, чтобы воскресить с Собою находившихся в смертной тьме. Среди мертвых Свободный, Источающий жизнь из Своего света, Всесильный Спасе, помилуй нас! |
2. Днесь Христо́с смерть попра́в, я́коже рече́, воскре́се, и ра́дование мирови дарова́, да вси взыва́юще, песнь та́ко рцем: Исто́чниче жи́зни, Непристу́пный Све́те, Всеси́льне Спа́се, поми́луй нас.
| 3. Тебе́, Го́споди, Су́щаго по всей тва́ри, гре́шнии ка́мо бежи́м? На Небеси́ Сам живе́ши, во а́де попра́л еси́ смерть. Во глубины́ морски́я? Та́мо рука́ Твоя́, Влады́ко. К Тебе́ прибега́ем, Тебе́ припа́дающе мо́лимся: Воскресы́й из ме́ртвых, поми́луй нас. | Куда нам, грешным, скрыться, Господи, от Тебя, находящегося во всем сотворенном? На небесах Ты Сам живешь; в аду Ты победил смерть. – В глубины морские? И там – рука Твоя, Владыко. К Тебе мы прибегаем и, припадая к стопам Твоим, молим: Воскресший из мертвых, помилуй нас! |
| Богородичен: Кто Тебе́ не ублажи́т, Пресвята́я Де́во? Кто ли не воспое́т Твоего́ Пречи́стаго Рождества́? Безле́тно бо от Отца́ Возсия́вый Сын Единоро́дный, То́йже от Тебе́, Чи́стыя, про́йде, неизрече́нно вопло́щься, естество́м Бог сый, и естество́м быв Челове́к нас ра́ди, не во двою́ лицу́ Разделя́емый, но во Двою́ Естеству́ несли́тно Познава́емый. Того́ моли́, Чи́стая, Всеблаже́нная, поми́ловатися душа́м на́шим. | Кто не прославит Тебя, Пресвятая Дева? кто не воспоет девственного рождения Тобою? Ибо вне всякого времени от Отца воссиявший единородный Сын, Он Самый произошел, от Тебя, чистой, неизъяснимо воплотившись. Он – Бог по естеству и, ради нас став по естеству человеком, не разделяется на два Лица, но познается неслиянно в двух естествах. Моли Его, Чистая, Всеблаженная, о помиловании душ наших. |
| Тропарь: А́нгельския Си́лы на гро́бе Твое́м, и стрегу́щии омертве́ша; и стоя́ше Мари́я во гро́бе, и́щущи Пречи́стаго Те́ла Твоего́. Плени́л еси́ ад323, не искуси́вся от него́; сре́тил еси́ Де́ву, да́руяй живо́т. Воскресы́й из ме́ртвых, Го́споди, сла́ва Тебе́. | Ангельские силы явились при гробе Твоем, – и стерегшие его помертвели; а в могиле стояла Мария и искала Твоего пречистого тела. Ты опустошил ад, не будучи искушен им. Ты встретил деву, даруя жизнь. Господи, воскресший из мертвых, слава Тебе! |
| Богородичен: Благослове́нную нареки́й Твою́ Ма́терь, прише́л еси́ на страсть во́льным хоте́нием, возсия́в на Кресте́, взыска́ти хотя́ Ада́ма, глаго́ля а́нгелом: сра́дуйтеся Мне, я́ко обре́теся поги́бшая дра́хма. Вся му́дре устро́ивый, Бо́же наш, сла́ва Тебе́! | Нарекши Благословенную Матерью Твоею, Ты, желая отыскать Адама, доброю волею пришел на страдание и, воссияв на кресте, сказал Ангелам: «Радуйтесь со Мною, ибо нашлась пропадавшая драхма»324. Премудро все устроивший Боже наш, слава Тебе! |
Ирмосы
| 1. Я́ко по су́ху, пешеше́ствовав Изра́иль по без́дне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше. | Израиль, прошедши по бездне морской, как по суше, пешком и видя гнавшегося за ним фараона тонущим, воскликнул: «Воспоем Богу победную песнь!» |
| 3. Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания325 Твоего́. | Нет столь святого, как Ты, Господи Боже мой, поднявший силу верующих в Тебя, Милосердый, и утвердивший нас на камне Завета Твоего. |
| 4. Христо́с моя́ си́ла, Бог и Госпо́дь, честна́я Це́рковь Боголе́пно пое́т, взыва́ющи, от смы́сла чи́ста о Го́споде пра́зднующи. | «Христос – моя сила, Бог и Господь!» – с благоговением громко поет святая Церковь, от чистого сердца празднуя в честь Господа. |
| 5. Бо́жиим све́том Твои́м, Бла́же, у́треннюющих Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща. | Божественным светом Твоим, Милосердый, молю Тебя, в душах, с раннего утра к Тебе обращающихся, возбуди светлое стремление знать Тебя, Слово Божие, истинного Бога, призывающего к Себе из мрака греховного. |
| 6. Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве. | Смотря на море житейское, волнуемое бурею искушений, и укрывшись в Твою тихую пристань, я взываю к Тебе: «Спаси от гибели жизнь мою, Многомилостивый!» |
| Кондак: Живонача́льною дла́нию уме́ршия от мра́чных удо́лий, Жизнода́вец воскреси́в всех Христо́с Бог, воскресе́ние подаде́ челове́ческому326 ро́ду: есть бо всех Спаси́тель, Воскресе́ние и Живо́т, и Бог всех. | Податель жизни, Христос Бог, воскресив всех Своею источающею жизнь дланию из мрачных глубин ада, наградил воскресением род человеческий. Он – Спаситель, воскресение и жизнь всем и Бог мира. |
| 7. Росода́тельну у́бо пещь соде́ла А́нгел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: благослове́н еси́, Бо́же оте́ц на́ших. | Ангел соделал для святых юношей, что печь окропляла их росою, а Божие повеление, жегшее Халдеев, убедило царя воскликнуть: «Благословен Ты, Боже отцов наших!» |
| 8. Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Христе́, то́кмо е́же хоте́ти. Тя превозно́сим во вся ве́ки. | Из пламени Ты источил святым росу, и жертву праведного зажег водою; ибо Ты, Христе, все совершаешь одним хотением. Мы превозносим Тебя во все веки. |
| 9. Бо́га челове́ком не возмо́жно ви́дети, на Него́ же не сме́ют чи́ни А́нгельстии взира́ти; Тобо́ю же, Всечи́стая, яви́ся327 челове́ком328 Сло́во воплоще́нно, Его́ же велича́юще, с Небе́сными во́и Тя ублажа́ем. | Людям невозможно видеть Бога на Которого не смеют взглянуть полки Ангелов; но через Тебя, Всечистая, Слово во плоти сделалось видимым для смертных. Величая Его, мы с небесными воинствами прославляем Тебя. |
Седьмого гласа
Стихиры на Господи воззвах.
1. Прииди́те, возра́дуемся Го́сподеви, сокpуши́вшему сме́рти держа́ву, и пpосвети́вшему челове́ческий род, со безпло́тными зову́ще: Соде́телю и Спа́се наш, сла́ва Тебе́.
2. Кpест пpетеpпе́л еси́ Спа́се, и погребе́ние нас ра́ди, сме́ртию же я́ко Бог смеpть умеpтви́л еси́. Те́мже покланя́емся тpидне́вному воскpесе́нию Твоему́: Го́споди, сла́ва Тебе́.
| 3. Апо́столи ви́девше воскресе́ние Соде́теля, чудя́хуся, пою́ще хвалу́ А́нгельскую: сия́ сла́ва есть церко́вная, сие́ бога́тство Ца́рствия: пострада́вый нас ра́ди, Го́споди, сла́ва Тебе́. | Апостолы, увидев воскресение Творца, изумились и воспели ангельскую хвалебную песнь: «Это – слава Церкви, это – богатство Царства». Пострадавший за нас Господи, слава Тебе! |
| Богородичен: Ма́ти у́бо позна́лася еси́, па́че естества́, Богоро́дице, пpебыла́ же еси́ Де́ва, па́че сло́ва и pа́зума329: и чудесе́ Рождества́ Твоего́ сказа́ти330 язы́к не мо́жет. Пpесла́вну бо су́щу зача́тию Чи́стая, непости́жен есть о́браз рожде́ния: иде́же бо хо́щет Бог, побежда́ется естества́ чин. Те́мже Тя вси, Ма́терь Бо́жию ве́дуще, мо́лим Ти ся приле́жно, моли́ спасти́ся душа́м на́шим. | Ты, Богородица, сверхъестественно явилась Матерью и, – непостижимо для разума, недоступно для мысли, – пребыла Девою. И чуда рождения Тобою не может изъяснить язык; ибо, как зачатие, Чистая, было чудесно, так и образ рождения непостижим: где хочет Бог, отступает закон природы. Поэтому все мы, почитая Тебя Матерью Божиею, усердно просим Тебя: молись о спасении душ наших! |
Тропарь: Разруши́л еси́ Кресто́м Твои́м смерть, отве́рзл еси́ разбо́йнику рай; мироно́сицам плач преложи́л331 еси́ и Апо́столом пропове́дати повеле́л еси́, я́ко воскре́сл еси́, Христе́ Бо́же, да́руяй ми́рови ве́лию ми́лость.
| Богородичен: Я́ко на́шего воскресе́ния сокро́вище, на Тя наде́ющияся, Всепе́тая, от ро́ва и глубины́ прегреше́ний возведи́; Ты бо пови́нныя греху́ спасла́ еси́, ро́ждши Спасе́ние на́ше. Я́же пре́жде рождества́ Де́ва, и в рождестве́ Де́ва, и по рождестве́ па́ки пребыва́еши Де́ва. | Как сокровищница нашего воскресения, Всепрославляемая, изведи нас, надеющихся на Тебя, из глубокой ямы грехов; ибо Ты, родивши Спасение наше, спасла подверженных греху. Дева до Его рождения, Дева и во время рождения, Ты и после рождения вновь пребываешь Девою. |
Ирмосы
| 1. Ма́нием Твои́м на земны́й о́браз преложи́ся пре́жде удоборазлива́емое водно́е естество́, Го́споди. Те́мже немо́кренно пешеше́ствовав Изра́иль, пое́т Тебе́ песнь побе́дную. | Мановением Твоим, Господи, прежде жидкие по природе воды были приведены в твердое состояние на подобие земли. Поэтому Израиль, прошедши пешком и не замочив ног, поет Тебе победную песнь. |
| 3. В нача́ле Небеса́ всеси́льным Сло́вом Твои́м утвержде́й Го́споди Спа́се, и Вседе́тельным и Бо́жиим Ду́хом, всю си́лу их, на недви́жимем мя ка́мени испове́дания Твоего́ утверди́. | Вначале небеса всесильным словом Твоим основавший, Господи Спаситель, и всезиждущим Божественным Духом – всю силу их, утверди меня на непоколебимом камне Завета Твоего. |
| 4. О́тча не́дра не оста́вль, и соше́д на зе́млю, Христе́ Бо́же, та́йну услы́шах смотре́ния Твоего́, и просла́вих Тя, Еди́не Человеколю́бче. | Не оставивший недр Отчих и в то же время сошедший на землю Христе Боже! я услышал тайну Промысла Твоего и прославил Тебя, единый Человеколюбец! |
| 5. Нощь не светла́332 неве́рным Христе́, ве́рным же просвеще́ние в сла́дости слове́с Твои́х. Сего́ ра́ди к Тебе́ у́тренюю, и воспева́ю Твое́ Божество́. | В усладительном учении Твоем, Христе, для неверующих – ночь темная, для верующих же – просвещение. Поэтому я ранним утром обращаюсь к Тебе с молитвою и воспеваю Божество Твое. |
6. Пла́вающаго в молве́ жите́йских попече́ний: [См. выше].
| Кондак: Не ктому́ держа́ва сме́ртная возмо́жет держа́ти челове́ки: Христо́с бо сни́де, сокруша́я и разоря́я си́лы ея́. Связу́ем быва́ет ад, проро́цы согла́сно ра́дуются: предста́, глаго́люще, Спас су́щим в ве́ре, изыди́те, ве́рнии, в воскресе́ние. | Уже власть смерти не будет больше в состоянии удерживать людей; ибо Христос сошел в ад, сокрушил и уничтожил ее силы. На ад налагаются цепи; пророки единодушно торжествуют и говорят: «Явился Спаситель пребывающим в вере: – выходите, верующие, для воскресения!» |
7. Пещь о́троцы огнепа́льну дре́вле росоточа́щу показа́ша, Еди́наго Бо́га воспева́юще и глаго́люще: превозноси́мый отце́в Бог и препросла́влен.
8. Неопа́льная огню́ в Сина́и прича́щшаяся Купина́: [См. выше].
9. Нетле́ния искуше́нием ро́ждшая, и всехитрецу́ Сло́ву: [См. выше].
Восьмого гласа
Стихиры на Господи воззвах.
1. Вече́рнюю песнь, и слове́сную слу́жбу, Тебе́, Христе́, прино́сим, я́ко благоволи́л еси́ поми́ловати нас Воскресе́нием.
2. Го́споди, Го́споди, не отве́ржи нас от Твоего́ лица́, но благоволи́ поми́ловати нас Воскресе́нием.
3. Ра́дуйся, Сио́не святы́й, ма́ти Церкве́й, Бо́жие жили́ще, ты́ бо прия́л еси́ пе́рвый, оставле́ние грехо́в, Воскресе́нием.
| Богородичен: Царь Небе́сный за человеколю́бие на земли́ яви́ся, и с челове́ки поживе́: от Де́вы бо Чи́стыя плоть прие́мый, и из Нея́ проше́дый с восприя́тием. Еди́н есть Сын, сугу́б естество́м, но не Ипоста́сию. Те́мже соверше́нна Того́ Бо́га и соверше́нна Челове́ка вои́стину пропове́дающе, испове́дуем Христа́ Бо́га на́шего: Его́же моли́, Ма́ти Безневе́стная, поми́ловатися душа́м на́шим. | Царь Небесный по человеколюбию явился на земле и жил с людьми; ибо, восприняв плоть от чистой Девы и происшедши от Нее с этой плотью, Он пребывает единым Сыном, двойственным в естестве, но не в Лице. Поэтому, воистину называя Его совершенным Богом и совершенным человеком, мы исповедуем Христа Богом нашим. Моли Его, Матерь безбрачная, о помиловании душ наших! |
Тропарь: С высоты́ снизше́л еси́, Благоутро́бне, погребе́ние прия́л еси́ тридне́вное, да нас свободи́ши страсте́й [от страданий], Животе́ и Воскресе́ние на́ше, Го́споди, сла́ва Тебе́!
| Богородичен: И́же нас ра́ди рожде́йся от Де́вы и распя́тие претерпе́в, Благи́й, испрове́ргий сме́ртию смерть, и воскресе́ние явле́й, я́ко Бог, не пре́зри, я́же созда́л еси́ руко́ю Твое́ю; яви́ человеколю́бие Твое́, Ми́лостиве, приими́ ро́ждшую Тя Богоро́дицу, моля́щуюся за ны, и спаси́, Спа́се наш, лю́ди отча́янныя. | Милостивый, Ты, родившийся ради нас от Девы и претерпевший распятие, смертью победивший смерть и, как Бог, явивший воскресение, не презри созданных рукою Твоею; яви Твое человеколюбие, Сострадательный; прими молитвенницею за нас родившую Тебя Богородицу и спаси, Спасе, наш народ, потерявший надежду. |
Ирмосы
| 1. Колесницегони́теля фарао́на погрузи́ чудотворя́й иногда́ Моисе́йский жезл, крестообра́зно порази́в, и раздели́в мо́ре, Изра́иля же беглеца́, пешехо́дца спасе́, песнь Бо́гови воспева́юща. | Некогда чудодейственный жезл Моисея, крестообразным ударом разделив море, потопил фараона, ехавшего на колеснице, и спас убегавшего пешком Израиля, воспевавшего песнь Богу. |
3. Утвержде́й в нача́ле Небеса́ ра́зумом, и зе́млю на вода́х основа́вый, на ка́мени мя, Христе́, за́поведей Твои́х утверди́, я́ко несть свят, па́че Тебе́ Еди́не Человеколю́бче.
4. Ты моя́ кре́пость Го́споди, Ты моя́ и си́ла, Ты мой Бог, Ты мое́ ра́дование, не оста́вль не́дра О́тча, и на́шу нищету́ посети́в. Тем с проро́ком Авваку́мом зову́ Ти: си́ле Твое́й сла́ва, Человеколю́бче.
5. Вску́ю мя отри́нул еси́: [См. выше].
6. Очи́сти мя, Спа́се: [См. выше].
Кондак: Воскре́с из гро́ба, уме́ршыя воздви́гл еси́, и Ада́ма воскреси́л еси́, и Е́ва лику́ет во Твое́м Воскресе́нии, и мирсти́и концы́ торжеству́ют е́же из ме́ртвых воста́нием Твои́м, Многоми́лостиве.
| 7. Бо́жия снизхожде́ния огнь устыде́ся в Вавило́не иногда́. Сего́ ра́ди о́троцы в пещи́ ра́дованною ного́ю, я́ко во цве́тнице лику́юще поя́ху: благослове́н еси́, Бо́же оте́ц на́ших. | Некогда в Вавилоне огонь устрашился снисшествия Божия. Поэтому отроки в печи, радостно ликуя, ходили, как по лугу, с пением: «Благословен Ты, Боже отцов наших!» |
8. Седмери́цею пещь халде́йский мучи́тель: [См. выше].
| 9. Ужасе́ся о сем Не́бо, и земли́ удиви́шася концы́, я́ко Бог яви́ся челове́ком пло́тски, и чре́во Твое́ бысть простра́ннейшее Небе́с. Тем Тя, Богоро́дицу, А́нгелов и челове́к чинонача́лия велича́ют. | Ужаснулось этому небо, и были поражены крайние пределы земли, что Бог явился людям во плоти и что чрево Твое сделалось пространнее небес. Поэтому вожди сонмов Ангелов и людей величают Тебя, Богородица! |
* * *
292
обымите, περιλάβετε, т. е. овладейте, займите. Только при этом значении и понятно в нем; относится к Сиону, а не к Воскресшему.
293
избавлей, λυτρωσάμενος – искупивший.
294
удобрение, ἐγκαλλώπισμα – украшение, предмет гордости.
295
преграждение, τὸ μεσότειχον. В других местах средостение, т. е. стена, отделяющая один предмет или пространство от другого. Ср. русс. перегородка.
296
ввела; по-греч.: ἀντεισήγαγε, т. е. ввела вместо, заменила.
297
осветивый, φαιδρύνας; φαιδρύνειν – омывать (φαιδύντρια – прачка), очищать.
298
богоразумия, θεογνωσίας, т. е. богопознания и, как его последствия, истинной веры.
299
сень законная, ἡ σκιά τοῦ νόμου – таинственные (неясные) прообразы закона (Моисеева).
300
преоруженная, ὑπέροπλος – чрезмерно сильный, могущественный; о силе – высшая.
301
(процвела есть) – неплодящая Церковь пришествием Твоим, в ней же утвердися мое сердце, – στερέουσα ἐκκλησία τῇ παρουσίᾳ Σου, ἐν ᾗ ἐστερεώθη καρδία μου; ἐν ᾗ относится к παρουσίᾳ (пришествием), а не к ἐκκλησία (Церковь); следовательно: в нём же, а не в ней же.
302
ходатай, πρέσβυς, т. е. посол.
303
ангел здесь в первоначальном значении: вестник.
304
ходатай, μεσίτης, т. е. посредник.
305
всегда, καθ’ ἑκάστην – подразумевается ἡμέραν, т. е. повседневно.
306
богомужному рождеству, τὸν Θεανδρικὸν τόκον, т. е. рождению Богочеловека.
307
Первенец мертвых – т. е. первым воскрес из мёртвых.
308
ходатайствовавшую, μεσιτεύσασαν, т. е. сделавшуюся посредницею. Ср. выше прим. 13.
309
обновил еси, καθυπέδειξας – указал.
310
величия Тебе Сотворшему = Возвеличившему Тебя. Ср.: «Сотвори Мне величие Сильный». См. Пс. 44:8–11.
311
Ходатаицу, πρόξενον; πρόξενος – тот, кто принимает кого у себя в доме, дает приют, убежище. Матерь Божия называется πρόξενος в том же смысле, как и κιβωτὸς ζωῆς, т. е. кивотом, носительницей Жизни, – Господа Иисуса Христа.
312
явися; по-греч. πεφανέρωται, т. е. явлена, и относится не к слову «Бог», а к слову «тайна».
313
ста в чине своем, ἔστη ἐν τάξει αὑτῆς – стала на своем, т. е. подобающем ей, месте, заняла подобающее ей место.
314
крове, λύθρου – грязи, скверны.
315
открыйтеся, ἀνακαλύπτεσθε; ἀνακαλύπτω – снимаю покров; ἀνακαλυπτήρια, τά – появление новобрачной мужу без брачнаго покрывала. См. Исх. 34:34; 2Кор. 3:18. Здесь – относительно находившихся во мраке и потому невидимых, мраком, как покрывалом, скрытых от взоров, – покажитесь, появитесь (на свет).
316
отечествия язык, πατριαὶ τῶν ἐθνῶν, т. е. племена языческие.
317
брани, πολέμους – в значении войска врагов.
318
божественное истощание, т. е. уничижение, несмотря на Твою божественность, – в том же значении как: Бог сый, обнища.
319
согласно, σομφόνως, т. е. стройно.
320
всемирный, παγκόσμιος – радостный для всего мира.
321
лик, χορεία – ликование, пляска, – всё то, что делает хор (в древней драме); если он поёт, то – песнь.
322
восток, ’Ανατολή, т. е. Восход (восходящее Солнце). Ср.: «с высоты Восток(а)» = Солнце, восходящее с высоты.
323
пленил еси ад, ἐσκύλευσας τὸν ᾅδην, т. е. опустошил ад, выведя из него всех в нём заточённых.
324
Греч, монета; на наши деньги 20–25 коп.
325
исповедания Твоего, ὁμολογίας Σου; ὁμολογία – не только исповедание, но и testamentum, foedus, pactum (договор, соглашение), διαλλαγή (завет). Здесь говорится о Новом Завете.
326
человеческому роду, τῷ βροτείῳ γένει, т. е. смертному (смертных) роду.
327
явися; по-гречески не ἐφάνη, а ὄφθη – сделалось зримым, видимым, хотя «Бога человеком невозможно видети».
328
По-гречески βροτοῖς, т. е. смертным.
329
паче слова и разума, ὑπὲρ λόγον καὶ ἔννοιαν; здесь λόγος – разум, ἔννοια – мысль.
330
сказати, ἑρμηνεῦσαι – истолковать, изяснить.
331
преложил; подразумевается: в радость. Ср.: «плач Евы в радость преложи».
332
Обыкновенно переводят: «темна ночь для неверующих». Но темная ночь одинаково темна и для верующих. Здесь та же мысль, что у ап. Павла: для неверующих проповедь о Христе и Его учении есть юродство, соблазн и безумие, для призванных же – премудрость (1Кор. 21:21–24). Порядок слов в этом ирмосе таков: «В сладости словес Твоих, неверным – нощь несветла(я), верным же – просвещение».