Вероучительные и литературные памятники

1. Архимандрит Никодим. Повесть душеполезная Никодима типикариса Соловецкого о некоем брате²⁸

Из книги старописменныя в десть, Сергиева монастыря. Повесть душеполезна, прочти со вниманием, и зело ползуешися.

Поведа нам Никодим типикарис о некоем брате сице глаголя. Живущу ми рече во обители преподобных отец наших киновиах Зосимы и Саватия, иже близ сущи понта окиана соловецкого отока, и тамо пребывающю ми лета доволна и типикардную службу хранящу. В то время прииде некий брат в той же монастырь, юн сый леты, добр возрастом. Поведа мне о себе повесть страшну исполнь сущу пользы и умиления, и слезам достойную, могущую слышащих удивити и устрашити, и во умиление привести. Сам же со многими слезами, со воздыханием и рыданьми глагола ми сице. Бысть рече в лето 7146, при державе благочестиваго государя царя и великаго князя Михаила Феодоровича, всея Русии самодержца. Сущу ми во обители Пресвятыя Живоначалныя Троицы Сергиева монастыря, близ сущи царствующаго града Москвы. Тамо пребывающу ми во всяком небрежении о своем спасении, и свою жизнь зле провождающу и о душевном своем спасении нимало пекущуся, и заповеди Божия преступающу, и во всякой нечистоте и пиянстве пребывающу, и о своем спасении не радящу, и иноческаго пребывания обещание забывшу, и во все презревшу, и яко скоту невоздержно живущу: и спроста рещи яже суть Богом любима сих отвращахся. А яже Бог ненавидит сия любима Быша мне, и сими душю мою помрачах. И тако ми пребывающу, абие посылается ми жезл наказания за грехи моя. Внезапу бо пострадах зле, и мзду поделом моим восприях. И аще не Господь помогал бы ми в мале вселилася бы во ад душа моя. Но яко чадолюбия отец всех наказует, но обаче с милостию по реченному, накажет мя праведник милостию и обличит мя, не хощет бо смерти грешному, но еже обратитися и живу быти ему. Хощет бо всем спастися и в разум истинный приити. И тако ми рече во едину от ноще, во дни пентикостия, близ праздника Духа Святаго сошествия, во мнозе пиянстве пребывающу, по реченному, спящии бо в нощи спят, и упивающиися в нощи упиваются, приспе время спати, и от пиянства душегубителнаго престати. Обычай же имех от юности моея сицев: егда хотящу ми спати, тогда вся чувства моя рукою своею не забывах прекрещати. Сице ми и тогда такоже сотворошу, и уснувшу, и не вем колико спавшу, и убуждьшуся от сна, и зрящу внезапу растворишася двери храмины, в ней же лежах на одре греховнем, и сосуды греховныя окрест мене на ложи моем со мною, и узрех идущих к себе в храмину множество темнообразных ефиоп, сиречь бесов во одеждах худых, синих и червленых, со многою яростию, с воплем и кричанием, и безчинныя гласы испущающе, страшаще мя. И яко зверие дивии внезапу хотяще поглотити мя. Тогда нападе на мя страх, боязнь и трепет и ужас неисповедим обнят мя. Глас же кричания их сицев бысть: «Глаголи черноризче, ваш есть». Ови же глаголаху: «Отчайся, яко уже несть ти спасения, понеже наш еси, нам предан еси». Инии же страшаще вопияху: «Аще ли сего не сотвориши повеленных ти нами и не отчаишися, да веси яко злою мукою погубим тя, и скоро умреши в руках наших. Уже бо лета твоя скончашася, и время живота твоего исчезе». Аз же яко от сна воспрянух и страх весь отвергох, начах глаголати им: «У Бога милость велика, Божии есмь аз, а не ваш, яко же вы глаголете. He отчаюся Его милости, понеже вем, яко щедроты Его на всех делех Его». Един же от них яко князь над ними повелевая им глаголя: «Что стоите праздни, пожените и имите его». И внезапу все множество их устремлешеся нападоша на мя, во еже расторгнути мя и удавити и погубити, и снедь своей злобе сотворити, и фиал горести своея на мя излияти. И приступиша ко главе моей, и к ногама, яко пчелы сот, обыдоша мя: аз же именем Господним противляхся им. Мнимому же князю их бесовскому, повелевающу им. О нем же к нему отвещающим и глаголющим, не возможно есть нам со главы действовати и сокрушити и крестного ради бывшаго знамения, и глаголания ради стиха «о тебе радуется». И глагола им князь их мнимый: «Возмите свиту его снизу с ног его, поидите нань сокрушите и». Они же абие яко зверие устремишася со многою яростию, и нападоша на мя немилостивно. И тако подидоша под ребра моя, и наполнися их чрево мое и пазухи, и начаша мя мучити зле, прегибающе с чрева на хребет яко же колцем, и яко огнь воспалиша во внутренних моих болезнию лютою. Аз же от сего изнемогох зело и возжадахся пити. И возбудих близ мене спящих отроков. Они же видевше мя тако страждуща и болезнено вопиюща и пити просяща зело устрашишася и принесоша ми воды пити. Аз же испих чашу едину и абие изблевах вся брашна и питие из чрева моего, и настоящая и прежняя устнами и низом, и от зелнаго огненнаго жжения, яже во чреве моем зело изнемогающу ми. И паки возжадахся, и испих и вторую чашу воды. И такожде изблевах яко же и первую с брашном и питием. Испих и третию чашю воды, и изыде из мене пиемая вода усты и низом чиста без брашна и пития, и абие возмогох мало устрабився от немощи моея, и легче ми бысть, и свиту свою измених и в чистую облекохся. Благодарих Бога избавлешаго мя от врагов моих. И мнех имеши мир и утвержение души моей, но внезапу нападе на мя всегубительство. Во вторый день паки по первому образу приидоша на мя множество бесов, стужающе ми и кричаще, и вопиюще, и глаголюще: «Отчайся, и глаголи, ваш есмь. Аще ли сего не сотвориши и не послушаеши нас, злою смертию уморим тя». Аз же глаголах к ним: «Уповаю на щедроты Божия и не отчаюся милости Его, вас же не послушаю погубити мя хотящих». Они же слышавше мало усумневшеся отидоша не мучивше мене. Точию глаголюще ми с поношением и страшаще. «Свиту премени еси, и крестишися, и стихи глаголеши, на книги надеешися, и на старца своего уповаеши, а душю и тело свое нечисто имееши. He очистит тебе чистая свита твоя, и не могут тебе образы и книги помощи, и старец твой не избавит тя от рук наших. И ты мниши сими очиститися и избыти от нас, но сотворим тебе якоже хощем». Имех же стара наставника своего, мужа древня и добра зело и искусна во иноческих исправлениих. И по его благословению в келии его правило совершах, рекше каноны, и часы пех, и прощение у него и благословение приимая отхождах во свою службу. Свойственнейше же рекше отхождах на погубление души своея, на делание беззакония, и в то время внеже аз без своего старца пострадах. Но старца наставника моего не бысть в монастыре, отшел бо бяше в царствующий град Москву потреб ради монастырских. В то время аз без своего наставника, аки овца не имущая пастыря, заблудих от пути истиннаго, и в пути нечестия уклонихся. Правило свое все презрех и по обычаю своему иноческому ничто же соверших. И сего ради зле пострадах от лица безумия моего. Врази мои совет зол совещаша на мя, ощутиша бо мя без наставника моего, и кроме правила, и благих дел пребывающа, и в нечистоте и пиянстве живуща, глаголюще: «В себе человекоубийцы, ныне обретохом время благопотребно действу нашему дóндеже без правила, и в нечистом житии и пиянстве пребывает, приидем и зле умучим и уморим его яко же хощем». По мучении перваго дне в третии день и час лежащу ми в некоей храмине единому и изнемогающу зело. И абие забывшу ми ся и бывшу яко во исступлении. Зрю свой живот, яко на две части разделен. И внезапу яко врата растворишася и яко за руку ять мене некто, и исторгнув из врат вне, и паки врата затворишася. И обретохся негде, яко на зеленой траве стоя. А тело свое зрю на земли лежащо предо мною. И прежде удивихся сему и размышляя в себе, како единаго себе, тогожде сугуба суща зрю и разделена. И в недоумении о сем бых. Потом же зело ужасохся, и нападе на мя страх и трепет. И се внезапу явишася окрест мене множество бесов, полк велик зело. Аз же сугубо убояхся и вострепетах, видя их зверски устремившихся на мя. И абие все множество их обступивше удержаша мя крепко. И начаша глаголати мне с поношением: «Где есть Бог твой? Се день, его же чаяхом, и час, его же многа лета ждахом. Ныне в руки наши пришел еси и в сети наши впал еси». И тако врази мои реша мне злая. «Се уже ныне умерл еси, и погибе имя твое от земли живых, держащии душю мою, вкупе глаголаша, уже ныне несть ему спасения о Бозе его. Бог отступил есть его, поженете и имете его, яко несть избавляюща его». И бяху ликующе и веселящеся и радующеся о грешней души моей, яко обретоша корысть многу. И начаша приносити свитки, в них же писана суть греховная дела моя от юности моея. И развивающе их показоваху мне обличающе душю мою и сотвориша яко же восхотеша. Сия же им творящим и веселящимся и душю мою держащим, и внезапу друг ко другу шептати им наченшим глаголюще: «Михаил грядет». И тако устрашившеся побегоша, и невидими Быша, и мене единаго оставиша, на том же месте иде же держаша. Аз же сия от них услыша, яко Михаил грядет, и яко Михаилом нарицают, не ведех кто есть. И се абие архистратиг силы Господни Михаил прииде, яко свет блистая солнечныя лучи испущающ. И глагола ко мне: «Последствуй ми». И тако поиде на небеса выспрь. Аз же вослед его радованною ногою идях безтрудно, яко ветром носим. Егда же идохом на небо, и аз припадох к нему, и поклонихся на ногу его, и рекох ему: «Господи мой, великий архистратиже Божий, за что тако благодетелствуеши ми и руководствуеши раба твоего грешнаго, аз бо к тебе не сотворих ни единаго блага, точию сие едино помню: написах твой канон, и сей запенся отдах». Он же рече ми: «Аз ни единаго требую от человек себе приношения, но точию повеление Творца нашего совершаю. Поручено бо ми есть всех крещеных души к Нему возводити на поклонение и обладати вся ведущему по повелению Его». И идохом до облак, облацы же пред ним разступахуся. И доидохом до вод, яже выше облак и тверди ледовидныя. И видех иныя облаки красны зело, яко огневидны. И потом до небес, яже выше вод. Твердь же и воды и небеса разступахуся пред ним, яко же улицею выспрь. И видех тамо светнеизреченный. И рече ми архистратиг Божии Михаил: «Стани, недостоин бо еси тамо отити». Аз же стах. И рече мне: «Поклонися престолу величествия Божия». Аз же прекрестихся и поклонихся, яко же повелено ми ко свету оному, его же видех на небеси. И по сем архистратиг Божии, обрати лице свое к земли и сниде на землю низу. Аз же вослед его идох. И абие разступися земля, и внидохом в ню, и доидохом до воды, яже под землею, и вода такожде разступися пред ним. Под водою же приидохом в места некая темная зело. В них же мнех зрети свет точию от светлости архангеловы. И видех тамо, яко же улицы и полаты некия. И в некую во едину от них внидох, яко в проходную полату, по обема странама имуща окна. На едино же от окон воззре очима своима Михаил, и абие разтворися окно, и изыде из него огнь горя пламенем, яко гром зело страшен. И глагола мне архангел Михаил: «Се есть место, иде же повеле тебе быти праведный судия Христос Бог до втораго Его пришествия».

Аз же сия услышав от него, зело вострепетах и убояхся страхом великим объят бых. Припадох к ногама его и глаголах ему: «Господи мой, великий архистратиже Михаиле, возможно ли есть грешному покаятися, и избыти сея огненныя муки». Он же се слышав, умолче, и отвратися лицем своим от Мене, и возвед очи свои выспрь, и абие разступися вода и земля горе, разступишася же облацы и твердь и воды, яже выспрь, и небеса якоже трубою вверх. Архангел же горе зря, такоже и аз воззрех, и видех вверх, яко трубою, даже до онаго неизреченнаго света, его же прежде на небеси видех, не слышах же его глаголюща что. И паки обрати лице свое ко мне Михаил архангел и глагола ми: «Милостив тебе бысть праведный судия и се дал тебе сохранити заповеди сия: престати от нечистоты, не пити вина, не пити табаку. Аще сия сохраниши, избавлен будеши от муки сея». Аз же с радостию великою и с клятвою обещахся сохранити, и поклонихся до земли. Он же глагола: «Последствуй ми». И поидохом от тоя страны. А се на другой стране тоя же улицы, яко полата же и окна имущи. Михаил же возрев на едино от них окно, и излияся из него смола со огнем. И ничто же архангел глагола, проидохом мимо, яко же улицею. И разступися вода и земля, и изыдохом по тому же пути вверх, им же прежде снидохом в землю. И тако взыдохом на землю. И внезапу обретохомся на месте, иде же тело мое грешное лежаше. И глагола ми архангел: «Сохраниши ли заповеди, их же рекох». Аз же паки глаголах ему: «Еи господи мой сохраню, точию, помилуй мя». И начах его молити, дабы обещание мое давное исполнити: ити помолитися в Соловки преподобным отцем Зосиме и Саватию и ко гробом их поклонитися. Такожде и на Кострому, к чюдотворному образу Пресвятыя Богородицы помолитися. И внегда глаголющу ми сия, внезапу обретеся ту близ блаженный Тимофей стоя, иже Христа ради уродствуя живый на Кулишках в Москве. К нему же глагола архистратиг Божий: «Рабе Христов Тимофее, иди с ним на Соловки к преподобным Зосиме и Саватию, и на Кострому ко образу Богоматере, да помолився, обет свой исполнит». И со словом внезапу обретохомся в Соловках у гробов преподобных Зосимы и Саватия. Такожде и на Костроме пред образом чюдотворным бывше, должное поклонение и молитву исправихом. И от туду паки обретохомся у тела моего грешнаго. И глагола ми архангел: «Вниди в двери сия, отнуду же изшел еси». И егда внидох в двери, абие обретохся жив седящ во гробе. Уже бо мя хотяху нести, да отпевше погребут тело мое грешное. И вся братия и старец отец мой келейный пришедый от Москвы, стоя и плача надо мною, видяще мя внезапу оживша, и во гробе седша, и вопрошаху словес умиленными плачуще: «Что, чадо, и како сия случишася ти?» Аз же грешный от многаго ужаса и изнеможения не могох на многи дни отвещати, токмо зрю на всех плача. И тако пребых даже до десяти дней. И мало устрабихся начах ясти, и все отцу моему старцу келейному, и протчим от искусных старец сказах все им по ряду, весь ужасный и плачевный мой случай. И все житие мое грешное и нечистое. По сих жити начах со страхом и боязнию великою, сохраняя три заповеди данныя мне от архистратига Господня Михаила, призывая в помощь всесилнаго Бога и Пресвятую Богородицу, и молитвы преподобных отец Сергия и Никона, и Зосимы и Саватия и всех святых.

Сия вся яже слышах от онаго брата по ряду и списах, в славу Божию, да незабвена будут дела его страшная, и в пользу согрешающих, а о покаянии не брегущих, да познают, яко страшен Бог к согрешающим и не кающимся, зело же милостив, кои же от злых дел отстающим, и задняя забывающим, а на предняя добрая дела простирающимся.

Покаемся, братие, и престанем от злых дел, паче же от нечистоты блудныя, смрада сего губителнаго, и напоев хмелных, и табаки бесовския, да Бога милостива сотворим, вечных мук свободимся, благодатию и человеколюбием Господа нашего Исуса Христа, Тому слава во веки веком. Аминь.

2. Священноинок Герасим Фирсов. Показание от божественных писаний

яко последующая взаконеным священным писанием не достоит истязовати глаголющих та или пишущих, якоже Господь рече: на Моисеове седалищи седоша книжницы и прочая, но смотряти и разсуждати силу пишемых или глаголемых, и аще согласно божественным писанием, не достоит соблажнятися и отметати недостоинства ради пишущих или глаголющих, но приимати и послушати и покарятися, аще ли же о догматех веры и погрешение их и развращено имуть веление, тогда не достоит послушати и принимати глаголемая или пишемая ими, но и отвращатися и отбегати от них, каков любо аще есть по еже от апостола реченому, яко аще мы, рече, или ангел благочестит вам паче и прочая; и о праздницех, яко на три чины разделяются, сиречь на велики и на средния и малыя: и яко апостольския памяти дванадесятих купно и равно всех, в средних праздницех вчитаеми, точию единых верховных Петра и Павла день отлучен от прочих и причтен с господскими праздники; и кая вина таковаго разлучения, понеже купно вси ученицы Быша Спасови и тоя же благодати апостольству сподобишася и равно вси владычних таинств насладившеся; и яко отметающих по какову любо образу священная правила и в небрежение полагающих или и мало что от воображенных и преданных святыми и приснопамятными отцы поколебати и истощити начинающих, епископы убо и причетники изметают, иноки же и простыя от пречистаго причащения и всячески от церкви отлучают, и купно вся таковыя проклинают святии вселенстии собори и прочее божественное писание; и о пременении слога, еже в Селуньстем втором послании от апостола писанных, яко аще не приидет прежде отступление и прочая²⁹³⁰

Богопочтенному и честнейшему ми господину иероотцу Никонору, презвитеру и архимандриту святыя и преславныя обители преподобнаго отца нашего Савы, иже во Звениграде, иже в понте окияна богохранимыя и чюдотворныя обители вселенских светил Зосимы и Саватия недостойный инок и последний грешный Герасим, раб святых ти молитв, о Господе радоватися. Ведяще мы убозии, еже о Господе изрядное же и благое чюднаго и кроткаго ти нрава и паче же богоукрашенное и христоподражателное чистаго ти сердца высокотворное по истинне смирение и надеяся на яже о Господе прежде бывшую к нам милость и любовь твою, дерзнухом сим писанийцем нарековати святыни твоей, яко желающе и ищуще насладитися святых ти молитв и благословения. Исповедую же первее сие честному ти преподобию и всем сице яже о мне. Аще бо и грешен есмь и окаянен, и тмами недостатком повинен и от начала юности моея даже до днесь различными похотьми в лукаваго мрежах держим, жив уловлен от него во свою ему волю, но Христовы ради благодати православен есмь по всему и всем моею душею же и дыханием присвояюся и прибегаю к соборней и апостольстей церкви и елико во священнем писании уставы же и предания, писанныя и неписанныя, прияла есть от божественных духа труб святых и всехвалных апостол и богоносных отец и вселенских и помесных святых собор, любезне из глубины сердца и многою верою приемлю и держу. И предначальствующих соборней церкви: в первых убо великаго господина нашего, святейшаго патриарха и прочих архиерей предпочитаю и покаряюся им, и недостойных раб тех быти исповедую, и с ними уд быти ми собрныя и апостольския церкви полагаю. Раздоры же и сонмища, якоже великий Василий в первом своем правиле глаголет о сицевых и на три чины таковая падения разделяет и поведует яве, что есть раздор и что сонмища и что ересь, якоже и инде являет о сих: первее образ, таже раздор и сонмища, и тогда ересь. И образ убо, еже творит кто от образа, якоже се добро, таже отделяется от прежде бывших писаний и своему умышлению и воли последует, и потом свое учение не сведетельствовано книжным законным сведетельством, иже Духом Святым от богоносных отец сказанным и кроме сих о себе составляет сонмище, и тако ересь свершене составляется или о вере или о деянии: сице бо о сих готовословится. Таковых убо всех сице отбегаю и гнушаюся, якоже кто яда смертоносна отвращается или от змия бежит, не терпя того рютия слышати. Исповедую же и верую, якоже крестихся во Отца и Сына и Святаго Духа, Троицу единосущную и неразделную: просто убо верую тако всею моею душею же и мыслию и не много испытую, но яко невежда есмь и неук, паче же о тончайших догматех неведок, с простотою последую церковным преданием, якоже некий от отец глаголет о сих: не много, рече, Божия устроения испытуй, но с простотою приемли божественная словеса и законы, сиречь предания. И якоже пророк глаголет: скотен бых у тебе и прочая, подобает бо ми, рече, якоже скот последует водящему его, не испытуя, камо хощет его вести, сице твоим веровати словесем и твоим законом последовати. Сице бо творя, не буду пусть твоего благодетелствия. И паки другое слово, яко люто и бедно есть и вред не мал наносит души, еже небрежением и леностию не испытовати божественная писания паче же вчиненым в служение сие, сиречь священником и прочим в причте или и нам, иноком сущим, упражнение приемшим попечений и соблазн мирских, понеже от неведения вся злая раждаются, якоже рече божественный Златоуст, или паки срашнейше и ужаснее, еже в ведении преобидети и от угодных Богу оставити или истощити что, аще и малейше в вере или в деянии от преданных святыми и богоносными отцы. Сего ради, честнейший господине мой, аще и окаянен есмь и тмам повинен делным грехопадением и ни единому слову достоин отнюдь, но убо инок есмь и яже подобающая нам опасно сведый, якоже мню, божественными писании просвещен и хранити тя истязуем есмь. Тем же и со многим сграхом божественным писанием поработих себе, и в та все мое упование и живот. И сице славлю всею мыслию и дыханием моим исповедую о верных догматех и о делных завещаниих, елика во осмидесяти и пяти правилех святых апостол взаконено бысть и елико на вселенских и поместных святых соборех от богоносных отец соборная церкви прият. И сих светилники миру и руководцы нашего спасения славлю и святыя их богоприятныя молитвы со упованием и верою призываю, и по Бозе со Владычецею нашею Богородицею, Заступницею моею, надежду спасения моего на ня полагаю, и сия убо о сих. Что же имам к сим рещи, о преподобне, страстен и окаянен сый? Обаче Богови любезное противу силе глаголю зде, яко много убо любя вся божественныя и святыя отцы и ничто же ино имею достойно величествия онех сопривнести во угождение их. Обаче аще и отцы глаголют, яко не лепо есть имущему своя согрешения осуждати кого или в вере или в деянии, аще не некая будет благословна вина, неповинных убо сие, елицы Духом Божиим водими суть. Но любовный соуз и тоя мучительство в забытие своея ми меры приведе и в сие изыти сотвори, якоже некий во Христа оболчен глаголет о сем: удобее бо, рече, да рождие худо супротив станет многому огню, нежели греха естесгво силе любви. Тем же не яко оправдуя себе и вне суща осуждения непщевав иже всякого греха делатель быв, но своя злая исповедую, вся же ереси проклинаю и паче же латинския бляди и кощуны с прочими лжесловии их, отметающихся и хулящих святых и богоносных отец и отъемлющих данную тем от Бога славу и честь, таковых всех гнушаюся и бегаю и от души ненавижду и отвращаюся и тщетная их учения непщую душам пагубу быти и сквернение. И не яростию некоею безсловесною подвижим есмь, но Божия ради благодати разумом, егоже предрекох, сей дар мой приношу господиям моим богоносным отцем, тем же и двою от них великих светил: ового убо, яко велику истинне трубу и непрелестна наставника равноангельному оному житию, ового же сродным духа присвоением отца и пастыря нам, любовию их, яко остном стречем есмь, аще и груб и внешняго учения непричастен отнюд, не бо стыдимся о блаженне не наказанием, но паче улучити молимся прощение согрешению нашего ненаказания. Глаголют бо и се отцы, яко не возможно остроумну быти не естеством бывшему сицеву, паче же аще и по естеству таковыя силы причастившуся; обаче много время подобает изнурити в сопребывании с мудрыми к достижению таковаго разума. Тем же не скудость тщания, но естества косное виновно ненаучения, еже и прощения достойно по священному слову оному: ненавистно бо, рече, и подсмеятелно, еже с ненавычением кичение, а еже не от лености происходящему ненаучению достойну глаголет быти прощению. Тем же аще и несть меры моея на се, но от любве же и усердия насилуем, презрев яже о себе и утвердився верою ко святым, дерзнух во яже паче силы моея, и яко пес от крупиц, падающих от духовныя трапезы господий моих богоносных отец и прочаго священнаго писания, собрав, составих службу и слово на пренесение мощей новаго исповедника и страстотерпьца святейшаго Филиппа, митрополита Московскаго и всея Русии, такожде и преподобному Иоанну Лествичнику похвалное в тридесятих степенех совокупих, не суть же от моего, ни от иного плотскаго разума и мудрования, но от божественнаго писания трудолюбие по Бозе от взаконеных книг и явленых благодатаю Христовою, их же прият святая Божия церкви словеса же и сказания божественных отец и учителей. И, якоже бысть, принесох та во обители нашей еклесиарху бывшему отцу Никодиму³¹, егоже и твоя святость не не весть, и еще сущу ему тогда, а яко муж добродетелен бысть и божественным писанием разум духовен имея, от того искуса свеси преподобне. И молих его извещения ради невежества моего пройти со всяцем опаством испытателне, а не мимоходне, еже и бысть. He точию же, но и от инех разумнейших отец и братий, и тщание о божественных словесех имущих, истязано бысть. И ничто же от супротивных обретеся или омышление имея в чесом Божиею благодатию. Но и приложив к сим, вышереченный отец Никодим, повелев ми списати вкратце житие Филиппа святителя, яко да в Пролозе, рече, прочитается на память его, еже и сотворих, молитвами святаго помогающим ми, он же вся та прият и у себе удержа, мысль имея возвестити от себе святителю о сем, яко да с того благословением церкви Божии предаст, иного же ради неудобьства и пременения вещей времяни не получив и, яко уже старости маститы доспе и болезнию телесною объят, действовати не доспе в сицевых, ко Господу отшед, и сия убо о сих. Но ныне убо, честнейший владыко мой, не просто и яко же прилучися в явление сия принесем, но яко же лепо повинуемся соборней церкви и предначальствующим ей. Послах таковая с сим писанийцем святыни твоей, ты же, яко аще Бог наставляет преподобие твое, время улучив, возвестив о сих, и предложи я святейшему патриарху и, якоже Божия благодать святительству его известит, тако да будет благоугодное Богу же и святым. Аще бо кроме всякаго зазора будут сия, да не будут отвержена недостоинства ради моего: понеже несть мое дело се, зане якоже вси множае же твоя святыни весть грубость мою, яко невежда есмь и не научен, и не прилична сия по естеству таковым, аще не действует еже паче естества. И сего ради, якоже мню, не человеческия отлы разумом, но от Божия благодати составлена Быша на славу и хвалу угодником Его, и сия глаголю не гордя, обыче бо благодать Божия и недостойными действовати к ползе людстей всяко, якоже весть, и о фараоне и Навходносоре зрим и прочих таковых, не точию бо, но и безсловесными: с волы бо действоваше в киоте иногда, и Валаамом скверным волхвом люди благослови и паки подъяремнику безсловесну слово вдохну. Ничто же чюдно, аще и нашими скверными усты благо что произнесе на славу Свою. Сего ради мню, и отцы глаголют о сем, яко не достоит истязовати пишущих или глаголющих жития, ниже опасно пытати о таковых, но смотряти и разсуждати силу разума лежащаго в словесех и, аще согласно суть законным божественным писанием по всему, не достоит соблажнятися и отметати недостоинства ради жития таковых, но послушати и приимати, якоже и Господь научи: на Моисеови седалищи, рече, седоша книжницы, и прочее ведомо всем. И зри, отче мой, в толковании, еже от Матфея, в Евангелии разум слова сего, како сказа сие божественный Златоуст и неукорен буду о сем: вся бо, рече, яже глаголют вам творити, соблюдайте, по делом же их не творите, глаголют бо божественная писания, а не творят. Обаче, аще божественная писания глолют нам, мы божественным писанием последуем и приемлем сих: ничтоже нас вредит глаголяй, иже аще есть, зане слово Божие не вяжется, якоже божественный Павел рече. Аще ли же о догматех веры погрешение будет таковых и зазрени будут, яко развращено веление имут в сицевых, тогда не точию послушати и покарятися им, но и гнушатися и отбегати от них, каков кто любо аще есть, по еже от апостол реченному о сих. Аще, рече, кто грядет к вам и сего учения не приносит, не приемлите его в дом, и прочее явлено всем. И ин паки срашнейше сего: аще, рече, мы или ангел с небесе благовестит вам паче, еже благовестихом вам, анафема да есть. Сего ради в начале явлено сотворих яже о мне, не яко неизвестну ти сущу о недостоинстве моем, но неведущих ради нашу нищету или и ведущих, хотящих же гнушатися и отметати божественная писания ради недостоинства моего. Сицевая ради вины таковых мнение возразих и от божественнаго писания вмале покусихся показати зде, да не пущают тамо язык клеветницы, якоже Богослов рече, и сия убо о сих.

Паки же ино некое и се нужнейше, якоже мню, дерзнух возвестити святьши твоей, честный владыко мой, еже издавна стреча ми сердце и смущая помыслом моим еже о праздницех божественных и всехвальных апостол, глаголю же, самех онех великих дванадесятих богопроповедник, иже самовидцы Бога Слова бывше и слуги, понеже вси купно ученицы Быша Тому, купно же вси последоваша и послужиша Ему, и равночестно вси почитаеми и учими от Hero, и ни един единого вяшше что имея при Нем. Аще и взыскаша нецыи сего, человеческо нечто пострадавше, но не попущени Быша Спасом, якоже божественнии благовестницы вопиют, но вси купно и равно данную им власть еже вязати и решити прияша от Hero. И в страшном паки таинстве купно же всех богопроповедателныя и быстротечныя их паче, неже орли криле, благовещателныя и мироносныя ноги умы Своими пречистыми руками. И толь честны Ему и любезны Быша красныя оны во истинну стопы их, хотящия вселенней спасение благовестити по писанному: коль, рече, красны ноги благовествующих мир, благовествующих благая, яко Своими живоносными дланьми удостоив их объятым и служимым быти от Hero. И по воскресении Его от мертвых, от божественных Того уст плотским оным дуновением благодати Духа Святаго, еже отпущати грехи, купно вси прияша. И паки в день пятдесятный вси же купно свершене уже и существенне самого Утешителя Пресвятаго Параклита во огненых языцех прияша, по неложному оному обещанному им пречистому Христову гласу, якоже божественный евангелист глаголет: вы же, рече, сядите во граде Иеросалиме, дóндеже облечетеся отлою свыше. Таже таковы сподобившеся неизреченныя и преестественныя благодати и облекшеся всеоружьством животворящаго Утешителя Духа, на проповедание во вселенную вси послани Быша, иже яко крилати нецыи поднебесную пролетеша и яко крепцыи лвове, о силе надеющеся, концы земныя протекоша и, что много глаголати, купно вси, насладившеся таинств и чюдес Христовых, купно же и во благовестии Его потрудишася и посградаша. Аще и ов вяшше, ов же мнее, и якоже Божия всемощная сила и благодать комуждо их споспешествова же и управи, якоже божественный Павел глаголет: и благодать Его, яже во мне, не тща бысть, но паче, рече, всех их поірудихся. Но не нам сие, еже о них мерити и числити: кождо бо их противу труду своему от подвигоположника и венцедавца Христа мзду приимет. Нам же купно вси и равно неизреченным оным благим ходатае Быша и злобеснаго неистовства и льсти идольския нас свободиша и к познанию Божию приведоша. И купно вш основатели и насадители веры нашея Быша. He бо частне о некиих божесгвеннаго оного лика приемлются речения богогласник онех: яко всядеши, рече, на кони свои и яждение твое спасение миру. И паки возвел еш на мори кони свои, возмущающия воды многи. И другии паки поставиши, рече, их князи по всей земли, и многа таковая. Но обдержно о всех христослужителнаго оного собора провозглашша шя Духом божественнии пророцы. И купно вш проуведени от Бога Быша прежде сложения мира, яко же рече божесгвенный апостол: их же проуведе, сих и предустави, а ихже предустави, тех и призва и оправда и прослави. И паки: видите, рече, братае, звание ваше, яко не мнози ли премудри по плоти, не мнози ли шлни и благородни, но буяя мира и немощная и худородная и уничиженная и не сущая избра Бог, да сущая и премудрыя посрамит и упразднит, и многа таковая. И шх убо, отче мой честный, якоже слово показа, во всех таинствах, еже о нас смотрения Бога, а Слова купно Тому и равно послуживших, не равно ныне в церкви памяти их почитаеми видим. И не точию в них различие много, но и, еже чюднее и зело преславно и недоуменно паче же сграшно и ужасно и присно колеблюще окаянную мою душу, яко толицыи и таковии и ходатае нам толиким благодатем и по Христе Бозе повинники нашего спасения Быша, от прочих святых многих святителей и преподобных умнени зело праздницы их, якоже о шх святая Божия церкви чин же и предание имать. И шя, отче мой святый, аз окаянный и грубый, на мнозе помышляя о таковем недоумении, чюждахся, многажды же и вопрошх о сем вышепомянутаго оного отца Никодима, и отвеща ми о сем достойно слышания слово, еже несть настоящаго времяни повестовати, слышащих ради младенства, зане вину имать и требует усты ко устом и твердостна слуха, могуща слышати таковое. He всем бо ключается, но добро убо свершенным и обучена имущим душевная чювьства к разсуждению лучшаго и злаго. He добро же простым и еще сущим о Христе младенцем, якоже и твердая пища млека требующим детем. И аще бы близу был твоея святыни, по тонку вся хотех возвестити, яже слышах от оного приснопомнимаго мужа.

Хотя же аз истинное извещение о сих прияти, помыслих к своей же и искренняго ползе книжными испытании истязати и уведети Божию волю о сем непрелестно. Паки же грубости своей зазрех, отлагах таковое взыскание на мнозе, от обоюду же утесняем: усердие убо и вера протязает желание и к начинанию понуждает, грубость же и невежество страхом начинание отвращает. И в сих убо сице. От совести же, яко от огня, потыкаем и не могий стужения терпети по божественному оному пророку, егда он, жидовом много претя, хотящая быти злая им предвозглашая, от слышащих присно поругаваем бе и подсмияваем, совеща некогда, малодушьствова яко человек пророчества оного отступити, не стерпев оклеветания и укоризны, глаголя в себе: бых в подсмех весь день, не возглаголю, ниже именую имяни Гоотодня, и бысть, рече, во мне яко огнь горя и всего опаляя. И сия убо божественный пророк. Аз же, аще и грешен есмь и окаянен и ниже сени оного достоин, но убо, якоже отцы глаголют, яко мнози есмы глаголющеи, творящеи же мали, но никто же, рече, должен есть своего ради нерадения слово Божие таити, но исповедовати убо всем свою немощь, Божия же истинны не скрывати, да не подлежаще явимся суду лихоимства, якоже божественный великий Василие, тринадесятый апостол глаголет: якову же любо благодать Божию удержав кто во свое наслаждение, яко лихоимец, рече, судится Богом, и да не с прочими наши недостатки и лукаваго оного и лениваго раба, скрывшаго сребро Господне в земли, муце повинни будем. Сего ради, честный владыко мой, за нюже пререкох вину дерзнух испытати в божественнем писании о сих, еже и твоя святость не не весть, паче же множае нас в типицех древних великих монастырей и прочаго божественнаго писания, како тамо повелевают. Имать же зде сице:

От завета святаго Никона

Потребно есть ведети, якоже изначала сущая со мною братия сведят, яко различны типики Студиския же и Иеросалимския прочтох и собрах, и не согласишася един ко другому, ниже Студиский со другим Студиским, ни Иеросалимсикй со другим Иеросалимским. В сих убо недоумев, испытах в разумных и древних и ведение имущих таковым, яко множайше, от еже искусным быти им во обители святаго Савы в церквоначалней же и строителней службе, даже и до самого игуменскаго престола дошедших. Имея убо от сих разум и совет, попекохся о древнем Иеросалимском и убо еже о церковнем чине и иных неких нужных, неимущих бед от божественнаго писания, но убо и о делных неких нужных винах ради належащаго вреда, и яко ни от божественных писаний имяху свидетельства предъявленнии типицы, но просто точию глаголюще сице, яко да сотворим и се. Аз же, аще и недостоин, но, яко же мню, святая писания и святых отец паче меры люблю, не терпя человеческия предания приимати, ниже свой разум или волю свою, но еже по силе моей трудолюбствовав споспешьством Божиим. И убо яже беды творящая действенному житию отверг, избрав яже успешная от божественных писаний и от тех самех типик потребная Христовою благодатию, правителник составих, свидетельствован от божественных писаний, а не от Мене недостойнаго Никона, зане все, еже без свидетельства, своеволно же и боязнь имея и в зазоре есть. И сия убо святый Никон. И зри, отче мой, како о реченных типицех глаголет святый сей: ни от божественных, рече, писаний свидетельствованы, но просто точию и своеволне глаголюще, сотворим се и се. Паче же и несогласни к себе, зазрени Быша и отвержены им. Он же истинное испытав и от разумных и ведение имущих в таковых совет в сие приим, попечеся о древнем Иеросалимском, сиречь от оного потребная избрав и составив с Богом правителник, рекше, типик и от писания сведетельствован, якоже глаголет, сущим под ним братиям предаде. Но аще убо и всем прочитающим божественную ону книгу трудолюбьствие святаго сего, множае же паче твоей святыни известно суть, обаче не тщета, удобнаго ради обретения вчинити зде, како в реченнем его типице лежит о сем. Имать же зде:

О праздницех, в них же поется Бог Господь. Подобает ведети, яко на три чины лежат праздницы: на великия и средния и малыя. Велицыи же праздницы имут знамение крест огражден, среднии же – крест точию, малии же – по три тычки.

[Далее, начиная с сентября, идет календарь праздников на весь год, с пометами важности у каждого праздника].

И зри, отче честный, в составленем от святаго оного типице сем, иже от божественнаго писания свидетельствован по вышереченому от него, яко всех божественных 12 апостол памяти равно в средних праздницех вочтени суть, разве единого дне святых Петра и Павла, той бо един к господским праздником причтен, отцевая ради вины. От книги толкования заповедей Господних, от слова 57-го. И се же ведети лепо есть, яко праздник святых апостол Петра и Павла с Господскими счетан бысть, не яко менши суть от отх прочии божественнии апостоли и того ради отделени суть памяти таковых дние их или иного ради чесого, не буди то, но обычая ради бываемаго о разрешении в той день. И да не кто яко меныыа сих прочая апостолы вменяет никако же, понеже вси вкупе ученицы Господни суть и тоя же благодати Божия апостольству сподоблени Быша. Но понеже людие вси день той, яко самую великую пречестную имуть Пасху, сего ради отлучен бысть сей праздник от прочих апостол и с Господскими счетася. И сия убо до зде. И зри, честнейший господине мой зде, како святый сей всяко суетно мнение возрази и чюдне изрече вину, ея же ради от прочих божественных апостол отлучен праздник двою онех светил и благословно отъяти вину и заусти умаляющих прочих от сих. He яко, рече, менши прочии апостоли от сих, но обычая ради бывающаго о разрешении в той день, в прочих же равны во всем и вся им обща суть, якоже выше речеся нам вмале о сих, аще и грубе и невежественне. И ниже пост он, иже по пятдесятницы, егоже мы нарицаем святых апостол, предочищения ради или чесги праздника апостолского уставлен, якоже нецыи мнят и от сего готову имуть вину различие ввести и умалити прочих божественных апостол от сих, не добре разумевающе и в сем. Но от самех убо божественных апостол пост он уставлен и предан бысть, якоже пишет в завещании их, по еже бо узаконоположити им о празднице святыя Пасхи и прочих, яве взакониша и сей, глаголет бо тамо сице о нем.

От заповедей святых апостол. И по еже праздновати вам пятдесятницу, празднуйте едину седмицу и потом поститеся, по посте же сем всяку среду и пяток, и прочая. И зри, отче святый, за еже рещи, по посте же сем, явственно всем, яко от самех святых апостол уставлен пост он, а не праздника ради святых Петра и Павла, якоже нецыи неведущии мнят. Но и сами паки божественнии апостоли в заповедех своих равно вся памяти их праздновати и почитати предаша нам, глаголют бо сице и о сих.

Святых апостол завещание. Дни апостольския да празднуют, учители бо вам Быша во Христа и Духа Святаго сподобиша. И зри, отче и господине мой, яко и зде о всех купно обдержно веление се, а не частно, сиречь о сем и о сем, якоже видим действуемо днесь. Паки же в книге толкования заповедей Господних в 57 слове в законнем правиле Иоанна Постника о сущих в запрещениях о пищи качества даемый устав, по внегда бо управити ему о сих воспоминает сице и о апостолских днех.

От законнаго правила Иоанна Постника. В суботу же и неделю да ни в коейждо снеди и питии, якове любо, запрещается, но быти не возбранену во всем, якоже и не имущии запрещения: сиречь на вино и на мясо мирским и на вся подобне. И на всяк праздник владычний и Пресвятыя Богородицы праздники и родителей ея и дванадесятих апостол, емуже прилучится имя и яков же есть день, быти невозбранену в снедех и питиих запрещаемому, яко ни среды, ни пятка, ни понедельника хранити в таковыя праздники, подобне же и Предотечевы два. И сия убо в реченнем Постникове правиле о сих. И зри, господине мой, и зде: не точию бо средних праздницех, но и с великими Христовы и Богородичны, купно же и равно всех божественныя их памяти счини.

И паки в той же книзе толкования заповедей Господних, трудолюбствие предреченнаго преподобнаго Никона, написаны праздницы от типика Святыя Горы. И паки от Святыя Горы от некоего разумнейша и велика отца написаны праздницы к некоему во странах Антиохия Сирския безмолствующу. И паки Студийстии же, Иеросалимстии и Святыя Горы написаны вкупе и на три чины разлучены, их же множества ради не вписахом зде: хотяй же да вникнет в самую книгу ону и обрящет тамо разум тонок о сих. И во всех сих, господине мой, реченных книжных сведетельствах божественных и всехвалных дванадесяти апостол памяти равно всех в средних праздницех вчитаеми суть. Точию единых верховных Петра и Павла праздник, реченныя ради вины, от прочих отлучен и с Господскими сочтан. Ныне же всюду зрим трех точию от них, глаголю же, Петра и Павла и евангелиста Иоанна Богослова, праздницы их к Господским праздником причтени и всенощными бдении и светлыми торжествы почитаеми суть, и в лепоту. Прочих же всехвалных апостол памяти зело умнени от сих, яко ни единого бы и тогожде божественнаго лика же и числа, и не точию от равночестных им онех светил, но и от прочих многих святых, еже зело безместно мнится быти растленному нашему и худому уму. Яко же и у нас в монастыри, еже и твоя святость добре весть, мнози от святых всенощными бдении почитаеми суть, божественных же онех небесопарных орел и самовидцев Бога Слова и другов светоносныя их и мироподателныя нам во истинну и радостотворныя памяти презрени и преобидени мню, якоже и выше рех.

Обаче истинное не вем. Сего ради, честнейший господине мой, елика обретох в божественных писаниих, тако и возвестих святыни твоей. Аще ли другий некий имеется разум о шх, его же не вем аз, аще же ин кто весть от божесгвеннаго и поклоняемаго Духа, к лучшему да пользует и просветит нас. Тем же и о всяцем какове любо слове или писании, еже аще неудобь разсудно обрящется, не смею аз грубый разсуждати или отвещателне рещи, но инем се попущаю кроме всякия надлежащия беды, точию ведение явлено творю и тщуся, елика сила, Божия ради благодати, свободен быти от шх, якоже божественный апостол к некоему написа: себе, рече, самого чиста соблюди и не приобщайся чюжих гресех. И зри, отче мой, о таковей вине творимое днесь, еда како человеческою волею чрез божественная писания или по забвению или по иной вине бываемо, еже Богу единому ведома суть, или паки и сграшнее, аще по преобидению супротивное деется апостолским и отеческим учением, яко же изначала соборная церковь прият, понеже апостолское и отеческое учение двое некако и разделно ни бысть, ниже будет когда, якоже великий Мефодие к Студитяном рече, понеже вси от единаго и тогожде Святаго Духа озарившеся божественнии апостоли и богоноснии отцы, и усты их Пресвятый

Дух о угодных ему завеща и церкви предаде и на святых соборех утверди и запечатле. И еже мнетися изветом смоірения некоего отметати или истощити от онех что, коль страшно и бедно есть, якоже божественный апостол вопиет, яко аще, рече, мы или ангел с небесе, и прочее ведомо всем. И паки великий Евлогие, папа Александрский, глаголет сице о сем, яко аще кто от угодных богоносным отцем поколебит что, не к тому се смотрение наричем, но преступление и предателство веления и к Богу нечестие. И зри, господине мой, како и той утверждает божественных отец. Кольми паче не таковым страшно и бедно есть, еже от онех поколебати что? И во исправление убо и в навершение скуднаго многажды святыми отцы устроено бысть, во умнение же и во истощание никако же никогда, якоже ныне в некиих зрим; во истощание убо в неких, якоже мню, во инех же и в свершено отложение дерзаемо суть, якоже о апостолстем 27-м правиле, еже и твоя святость не невесть паче множае нас, како о сем божесгвенный святый Феодор Студит в двоих неких оглашениих своих к таковым изрече. Студитово. He точию бо с яростаю досаждают, но и бити начинают, таже и братию единообразну, потом же поношаеми и продерзании отвещавают не под правилом ятом быти, понеже, рече, не собою, но инеми бихом: соглаголание сграсти, еже в Лествицы приносяще слово, не ведуще, яко оно принуждно есть, не имея взаконения, и являет то сам отец, воспоминая апостолское сице глаголет: обличи, запрети, умоли, а не бий. Аще убо не рече бити, кто смеяй приложити или отъяти от иже от апостола преданных? И инако же: аще еже не собою но инеми бити оставляет от согрешения, да оставлени будут вси мучители от убийственнаго греха, яко не собою, но слугами своими убиша апостолы и мученики. И да никто же глаголет, яко он, имя рек, мучи сего и сего, но да ищет по имени глаголати слугующая, еже есть несогласно. Како же и апостолское правило презрено будет глаголющее: епископа или презвитера или диякона, биюща верныя или неверныя неправдовавша, изврещи повелеваем, убо еда како утаися Духу Святому воспомянути еже инеми бити? Но да не будет блядь шя. И шя убо святый сей. Нам же, честный отче, ни едино о шх слово: аще и не яко грех, но яко добродетель и в похвалу паче ныне имуть ше, ниже лепо нам, паче же мне, грешну сущу, разсуждати сия и истязати по апостолскому вышереченному слову, еже себе чиста соблюди, и прочая еже тамо, и яко же великий Вашлий глаголет: свое, рече, держи и, елика ти шла, свое бремя легко твори, отягчаваяй бо свое бремя понесет е. Мы же на предлежащее возвратимся. И зри, честный отче и господине, еда како сие вне церковнаго предания действуется ныне: зане мног страх и беда во всем божественнем писании лежит, еже аще и мало что преданных от Святаго Духа богоносными отцы поколебати, якоже и бывый святый собор соединения послежде всех в царствующем Констянтане граде при православных царех Романе и Коньсте на концы того завещаний запечатле некако о сих, сице глаголя. Собора, иже в Костянтин граде. Вся, яже бес церковнаго предания и учительства и воображения святых и приснопамятных отец обновляемая и творимая или по сем содеятися хотяща, – анафема. И по других глаголет: Яко иже в небрежение полагающих священная и божественная правила блаженных отец наших, иже и святую церковь утвержают и все христианское жительство украшающе, к божественному наставляют благоговеинству, – анафема. И зри, отче и господине, како сей святый собор вся суетная мнения двоими шми проклинаньми возрази, яко не леть кому ни мало от преданных святыми отцы преобидети, или мнимаго ради смоірения истощити что, понеже не человеческим умышлением, но от Святаго Духа предана и утвержена, якоже выше показано бысть. Сия же вся, отче честный, от начала даже до зде воспомянух святыни твоей, надеяся на яже о Господе любовь твою и истинною, якоже отцу, изрекох вину, яко любовным союзом побежден, дерзнух о списании службы и словес, яже о святых. И паки о апостольских днех явленныя ради вины, якоже великий Василий в постных его глаголет сице о сем, яко достоит послушателем наказаным писанием искушати яже от учитель глаголемая и согласная убо писанием приимати, чуждая же отметати, и паки в тех сказуя еже от Христа реченное: той раб, уведевый волю Господа своего и не сотворив, биен будет много, неведый же и сотворив достойная ранам, биен будет мало. Сия же сказуя, великий сей вселенней светилник сице рече: яве есть таковый воображаяся невежесгвом и не избежен имать греха суд. Аще бо не бых пришел, рече Господь, и глагола им, греха не Быша имели, ныне же вины не имут о гресе своем, божественному убо писанию всюду всем волю Божию вовзещающу, не яко с неуведевшими таковый мнее судим будет, но с онеми паче зелнеише осужден будет, о них же писано есть, яко аспиды глухы затыкающи уши свои, еже не слышати гласа обовающих. И сия убо великий Ваотлий. В божественней же Лествицы паки глаголет о сем: не непщуй, рече, неведение, неведый бо, сотворив достойная ранам, биен будет, яко не навыче. Глаголет же и божественный Златоуст, яко подобает, рече, со всяцем опаством испытовати божественная писания и последовати им, обаче божественным, яко многа суть писания и божественная не суть. И тако, аще вемы с Богом опасно и праве разумевати та, на куюждо вещь приемлем подобающая. Аще ли ни и паче подобнаго сия приемлюще, горши паче неведущих писания обрящемся. Всяка бо прелесть и ересь сице введена бысть житию от еже неведети комуждо праве, но якоже восхоте и умысли, тако прият, понеже оружия духовна суть та, но аще не вемы управити оружия и вооружити добре себе, та убо имуть крепость свою, приемлющих же некако же пользуют в чесом. Положим бо, рече, быти броня крепки и шлем и щит и копие. Таже приимет кто оружия сия, и броня убо да налагает на нозе, шлем же вместо главы на лице, и щит не на перси наложит, но да любопрится обесити на ногах, убо возможет ли что оружие ползовати его, а ни ли и вредится, всякому явьственно оте. Но не от немощи оружия, но от неискуства неведящаго добре приимати та. Сице и о писаниих: аще чин их смятем, свою убо силу и тако имуть та, нас же никогда пользуют отнюдь. И сия убо божественный Златоуст о неведущих добре разумевати священная писания учит. А о еже по разуму, еже по Бозе, и правостию сердца шествующим в сих, о таковых глаголют отцы, яко аще благословне от божественных писаний и согласно древле бывшим богоносным отцем пишемо или глаголемо от кого, ничтоже может возбранити того: и паче же, честный господине мой, яко не о догматех веры глаголемое от нас, но о деянии церковнаго чина же и предания богоносных отец, яко еже о вере благодати ради Божия древле на святых соборех отцы с опаством очистиша вся и предаша нам, и не поколебимы есмы Христовою благодатию в сих. Сего ради не требе есть взыскания о таковых или с еретики каковеми претися и упражнятися в сих, яко предваривше отцы отлучиша сих от нас. И ниже тии приемлют наша или покаряются нам, ниже мы пагубное и развращенное учение их, и словопретися безвременно и всуе не лепо есть. Вине, рече, не сущи, еллина нечестива не нарицай, глаголет божественный Златоуст. И сия, отче мой, якоже и прежде рех, вина смущая и устрашая помысл мой и стреча сердце мое, дóндеже поболех и обретох божественная писания, свидетельствующа о сих. И яко убо таковая обрет, много порадовахся о сих, яко бех готов, ища вину во угождение божественных онех всемирных светил. И яко явлены оны книжны и обдержны сведетельства удержах по писанному, яко при двою, рече, или триех сведетелех станет всяк глагол. Зде же и множайшая Божиею благодатию от божественных писаний и самех тех божественных апостол и отеческих законных преданий, их же и совокупих к ведению и к ползе своей же и искренняго. Вящшаго же ради извещения грубости моея, паче же бояся и никако же отнюдь веруя своему разуму когда, со многою боязнию и смотрением прилагаю се, яко, аще имать ин некий разум добрейший от сих, чтый да смотряет и разумевает, и якоже Богу благоугодно, сице да будет. И аз радуюся о сем, иский паче лучшее вашею святынею навыкнути о сих. Тем же, якоже присно глаголю, яко грешен есмь и окаянен, но якоже непщую инок по чину, паче же иноком главу имам соборную церковь и предначальствующих ей. Соборную же церковь егда реку, не стены глаголю но истинная веления и уставы благочестия. И Божиею благодатию – общий владыка наш и великий господин, святейший патриарх, предержа и украшая апостольский престол, и прочих архиерей сонм. И аще хощем таково что навыкнути церковное, недоведомо нам, или омышление имый в чесом, тамо достоит возлагати и навыкнути истинное от них, обаче и сице не собою, но ходатайством посреде некако вышележащаго нас чина служебническаго, якоже божественный Дионисий глаголетво еже к Димофилу послании своем: аще и о иной вине беседует и учит, но причаствует убо слово и к сему, глаголет бо тамо сице о сем:

Сущее. Сам убо желанию и ярости и слову по достоинству отлучай. Тебе же божественнии служебницы, и сим священницы, священноначалницы же священником, священноначалником же апостоли и апостольстии преемницы. И аще кто где от подобнаго согрешит, от единоначалных святых исправится, и не возвратится чин на чин, но кождо в чину и службе своей будет.

Толк. Наричет чин церковный, яко да иночествующим диякони и сим презвитери, и презвитером епископи, епископом же апостоли и тех преемницы. Во апостольских же преемницех о единочинных запрещение; апостольския же преемники иже ныне патриархи глаголют. И паки:

Сущее. Ты посреде служебник, егда есть время изучайся, их же ради и быти слуга сподобился еси.

Толк. Яко иже божественная ищущеи от презвитер навыкнути, не собою се деяти должни суть, аще и иноцы будут, но посреде диякон, и се егда подобное время призовет.

И сия убо сице божественный Дионисий подлежащим чиновом от вышележащих исправлятися учит и не возбраняти богопреданный чин. He бо, рече, разделися на ся Бог, како бо станет царство Его? И аще убо от священник навыцати подобающая ходатайством божественных слуг, якоже слово показа, кольми паче ко священноначалническу началнику, иже и архиереом архиерей, и апостольския чести достоинством почтен святейший владыка наш патриарх? Тем же недостойный аз судих в себе по величеству оного высоты и, ходатая честна избрав, представити тому, отнюду же в лепоту, якоже мню, ко твоей святыни притекох, не яко служителя суща имущу чин, по рукоположение презвитерства от оного святости имый еси и вселенскаго собора судом и изволением благочестиваго государя нашего царя пречестней и чюдотворней обители архимандрита чином почтен. Ельма же ко твоему благоговеинству слово притече, ничто же возбраняющее прочее, но и благовременно, мню, вопомянути зде часть некую от сущих в тебе благих. Молю же тя прощение подати ми о сих и не мнети ласкание или искус некий быти глаголемая от нас, – веси бо, яко чюжда нам сия, иже просте вся и не льстивне обыкшим глаголати же и творити тебе, – ельма сладко нам бе видение твое, ныне же и зело слышание и собеседование к тебе, аще и приимеши сущею в тебе кротостию сия. Аще ли начнеши отметати и облыгати яко лжущих нас, не пощадим, но укажем самеми вещьми смиряющася тя паче, а не по истинне творяща се. И нам убо удобь будет бес подвига победа в сих, твоего же побеждения преславно некое и нарочито знамение и болшее отсюду и не худо указание явится добродетелей твоих. И ниже ко оному прибегнути ти мощно есть и благословно мнетися отразити глаголемая от нас, яко многих мнением или слухом некоим не истинным прелыцаеми есмы. Великая некая и дивная уверихомся непщевати о тебе. Аще бы и тако, многих мнение паче истинны не подобает предпочести. Случает бо ся множицею, и не чюдо, многих мнению являтися ложну, опасному испытанию предварившу, и ни едину прочее беду в зазоре от сего имети. Аще бы никогда же мы искус твоего жительства прияли быхом, видел бы ся тебе извет быти некий благословен. Аще ли же и спожихом тебе в летех немалых, и от внешних вяшше мы паче многих неже ин кто, разве иже от тебе по духу рожденных, чрез все время жития насладихомся твоего совета. Кое слово будет уветно, еже неверным глаголемым от нас быти? Тем же всяку извету благословну и ответу праведну отъяту и иземше себе порицателнаго от тебе зазора, удобь на указание добродетелей твоих пойдем. Мноземи убо и инеми, но и паче всех от збывшагося ныне на тебе смотрения, высокое же и безстрастное жителства и души твоея чистоту укажем и реченное самеми делы и вещьми истинными покусимся утвердити. He неведомо убо, о блаженне, всем ум имущим, колика высота и достоинство пастырьскаго председания и чести, еже душам начальствовати и настояти и спасены приводити Христови. Колик же и каков страх и трепет присно вещь в себе имать, не бо якоже о безсловесных зде сотворяемо видим. О безсловесных бо пастырех – хотящии растлити стадо, егда узрят того от стада бежаща, оставльше еже ко оному брань, чред расхищением доволни бывают. Зде же, аще и все возмут стадо, ниже тако пастыря отступают, но и паче неистовятся и настоят со многим сверепьством и не первее престают, дóндеже или онаго низложат, или побеждени будут. Паки же свое аще добре и по лепоте управит, едино же овча от ограды волкохищно небрежением того, а не реку не искуством, будет, что будет отвещати к домувладыце, не все ли паки свое спасение превратити? Сего ради многа трезвения, премудрости же и разума потреба и тмами очес ко еже отвсюду обзирати душевное имство. Паки же егда внешнии злодеев по законех имуть, многую показуют власть над ними и неволею возбраняют своя им деяти нравы. Зде же не нудящему, но увещевающему подобает творити лучша таковаго, да, всякими виды умышлений прошед, изряднейшим врачеванием недугующаго здравия сподобит. He точию же, но и лести есть некогда и прелщения таковому потреба. И да не странно тебе и преславно глаголемое явится. Аще убо по всему род прелыцения зол и несть в потребное когда сего приимати, то готови мы о сем суд воздати. Аще ли же не присно вещь привредна, но произволением творящаго ю, зла или добра бывает, да не будет ти сие указание отметно. Приступив убо к некоему от врачев, вопроси, како от недуга страждущих свобождают, и услышиши, яко не довлеются хитростию единою, но есть егда и прелыцение приемлюще и еже от него помощь примесивше, сице к первому здравию страждущаго приведоша. Егда бо злоугодное болящих и ожесточание недуга не приемлет советов врачевских, тогда в прелщения обличие одеятися нужда, да яко же во игралищи бывающих истинну сосенити возмогут. Впаде бо некогда некто во огницу напрасно, и пламень со многою зелностию воздвизашеся люте, и убо от могущих угасити огнь вещей отвращашеся недужный и не приимаше. Желаше же много и налегаше входящих к нему всех, прося вино много нерастворено ему дати и губителнаго сего вожделения насладитися попустити: не бо огницу возжещи токмо имел бы, но и изумление окаянный пострадати, аще бы кто ему противу сей сотворил благодати. И зде убо хитрости недоумеющейся и ни едино же ухищрение имущей, но отнюдь истощене всячески бывши, вшедши прелыцение, толику показа свою силу, елику абие ти днесь представлю. Врач убо, сосуд скуделен прием, внове произшедший от пещи, и погружь и в вине зело мнозе, исторг паки празден и воды наполнив, повеле храмину, идеже недужный слежаше, отвсюду завесами осенити, дабы свет не обличил лести, и дает страждущему, яко исполнь нерастворения испити. Он же, прежде даже в руку прияти, вони абие припадши, ниже разсмотрити данное стерпевает, но сею извеща вся и, тмою окраден быв, от вожделения же понуждаем тощно данное похитив и со многим усердием напився доволно, оттрясе абие дышущий в нем пламень, и надлежащия ему беды избегнув. Виде ли прелыцения ползу? И аще вся хотел бы кто врачевския хитрости исчитати, то в безмерную долготу отпадет слово. He токмо же исцеляющих телеса, но и о душевных недузех прилежащих обрел бы кто начасте сею действующих лечьбою. Сице многия июдейския тмы оны блаженный приведе Павел. С сим изволением Тимофея обреза, Галатом бо запрещая глаголет, яко обрезающихся Христос не ползует ничто же, сего ради тщету непщуя по яже во Христа вере яже от закона правду. Толико бо благовременное прелыцение приобретение имать, яко многим зане не прелстиша, и суд множицею воздати. Паче же ниже прелщение такову вещь подобает нарицати, но строение некое и премудрость и художество изрядно. Но и тако, о чюдне, страха многа таковому и боязни потреба по предреченному нами, да не како раздранное хотя сшити болшу скважню прокопает и, исправити падшее тщася, горшее падение устроит, якоже некий духоприятен глаголет: есть, рече, иного лечба другому смертно бывает, и есть егда тожде и томужде во время приносимо лечба, в не время же паки смерть приносит. Тем же трезвение и мног разум и неусыпно достоит имети к своему же и прочих хранению душевное око, да не стадо Христово буйно и гобзующе прием и благоупитанно, таже от невнимания растлив то, прогневает на ся иже тако возлюбившаго е Бога, яко за е спасение и честь самого себя предати. Ельма же сице вещь трепетна и ужасна и поскольку таковый мног страх в себе и хранение имать, потолику честию достоинства высок и достохвален: колика же и какова мзда того и воздаяние толь велие зело и преславно? Что бо слыши от сего будет высочае, яко, по блаженному Иову, перьсти сущу и калу уста Божия сподобитися быти по великаго и истиннаго света гласу, яко сам сие обеща глаголя: изводяй, рече, честное от недостойнаго, яко уста моя будет, наставит кто ближняго, то по силе человечестей мне подобится, рече Господь. Виде ли труда воздаяние преславно чюдное же и высокое и великолепное чести, и вправду? Понеже обучаяи себе в постничестве и имения требующим раздавая или етерако обидимым помогая пользуют убо и ближних нечто, толико же меньши сея вещи, елико посредство души к телу, по вышереченному оному светилу: никий бо, рече, тако дар от нас Богу благоприятен, яко иже душа словесныя тому покаянием приносити. Тем же и глаголет: не блажи, рече, иже имения но иже овца словесныя Христови приносящих. Той бо есть и глаголется быти пастырь, иже от Бога данною ему чистотою иных скверну отмывая и погибшия словесныя овца незлобием своим и тщанием и молитвою взыскати и исправити могий. Якову же твоего священнолепнаго верха душу уверихся быти за непогрешное некое и истинное знамение на тебе и велие вещи тоя указание, по священному слову, понеже истиннаго пастыря любовь показует, любве бо ради, рече, пастырь распятся. Веси же, о чюдне, колика оноя непреоборимая и во вся могущая сила. Христос убо вся оставль чюдеса же и знамения, яже хотяху навершатися от апостол, в познание ученик Своих, ту полагает. О сем, рече, познают, яко Мои есте ученицы, аще любите друг друга. Павел же исполнение закона сию рече быти. И сие убо изрядное благое познание ученик Христовех вем доблественно в твоей души насаждено и многим плодом кипище. He отметно же и сему указание и достоверно вскоре на среду привести покушуся. Еже по во ад сошествии и по воскресении Своем Христос учеником Себе являя, внегда трикратным вопрошением отвержение верховнаго исправи, за любовное же воздаяние тому абие во вселенней еже о овцах паству вручает. Сице и зде тойжде и един Венцедавец, Иже сице тя к сему упремудрив и управив такова, якову же лепо быти служителю страшных Его божественных таинств, на начальственное светило возвысив, братнее наставление ввери, яко мощну сущну и силну тех водити. Како бо? Иже и прежде бытия нашего опасно сведый наша, аще бы ведел недовлеющу ти душу к величеству вещи, не бы на толику высоту председания возведену быти удостоил, ниже бы паче меры отягчив корабль бременем и не утвердив того всячески, посреде волн влаятися оставил или и погрязнути в пучине безмерней. Аще бо скуделник брения о своей хитрости разсуждает, да не скудости ради или чрезмерия огня непотребны сотворит скуделы, и толик разум в человеце, яко ведети известно меру бремени мску³² или клюсяте, да не тяжести количеством неначаемо что преткнувся постраждет, не множае ли паче много и неосуждено весть яже о нас создавый по единому сердца наша, иже вся на ползу строяй неизследимый Божий премудрый промысл? Убо виде ли, яко истинствуя в сих и кроме всякого неудобьства показахом души твоея светлость от величества вещи? Аще ли восхощем, и родных ти ума сил согласие и смирение тричастного, видимыя же и умныя сугубо пятерицы, обличити повинутие, то обрящем тя овем сопрягша родныя души добродетели и удобь низложивша сими роднейших осмием триех предстателей, овем же довлеюще подлежащим вышележащее и комуждо отдающа по достоянию и нимало от естественнаго движима стояния, овех же ко внутрешним внешняя превратив действия и удержав владычественнейших и словеснейших броздами бесчинная раболепнейших и безсловеснейших движения. Обаче бо некако сих безсловесие, отрешився воздержания соуз, взыгравати вины страстей и яко в смертных тем пастися пажитех. He точию же, но и мудрости твоея аще хощеши произнести нам указание, то удобь и на сию часть пойдем обличения и покажем разумична тя и смотреливна, боголюбна же и друголюбна и мудролюбна. Ельма же удобно нам сие, еже аще восхотели быхом рещи добродетели твоя готову имуще вину, светла бо еси вещь похвалы, но достоит сократити, а не лихословити в сицевых, да не слухом ратно слово и безсластно пресыщением сотворим. Тем же и оставлыне доброты твоея собирание плести, к концу в запечатление паки глаголем о предлежащей вине. Ты же, о честный владыко мой, якоже Божия благодать споспешит же и управит тя, да попечишися о сих, всехвалныя апостолы имый помощники себе, паче же яко в нынешнее время с Богом могущу ти на се, подобно время улучив, великому господину, святейшему патриарху возвести о сем, прочет сам прежде и разсудив. И аще кроме зазора какова любо будут написанная свидетельства зде, Богу о сем возслем благодать просветившему нас божественными писании о сих. Аще ли же ин некий разум имать сокровен, якоже и прежде рех, да получим и мы грубии, молюся, от вашея святыни учительства некоего о таковых. Обаче аз сие реку, якоже божественный Павел глаголет учеником... аще инии мнози от лика святых, иже не о нашем благодеянии, аще не дерзостно рещи, но Бога ради и своего ради спасения кождо подвизася в жизни сей: овии в мученичестве, ови же во архиерействе и в посте и различными исправлении во святыни просияша по мере доблестей их. Аще и се велико и достохвално зело, почитаеми нами памяти их, всенощными бдении и светлыми торжествы, и аще о таковых, иже вчера и днесь явлыішхся святых ни единому благодетельству во общую пользу миру виновни Быша в жизни их, ниже словом учения или етерако послужиша нам. Сие же, глаголю, не отметая или уничижая святых, не буди то, далече да будет от нас таковая хула. Предварив бо рех, яко с верою душевною и со упованием почитаю и люблю и призываю богоприятныя молитвы святых. Но якоже Господь к фарисеом тогда: тщащихся одесятствуете, рече, от всякого зелия и остависте вяшшая закону суд и милость и веру; сия же подобаше творити, но и онех не оставляти, их же и укорив глаголаше: вожди, рече, слепии, оцежающеи комары, вельбуды же пожирающе. Тако и зде: аще убо многих святителей и преподобных и мученик памяти празднуем и бдении почитаем и светлыми торжествы, множае паче и зело, якоже мы грубии растленным своим разумом мним, онех, иже толиким благодатем виновни Быша нам и толики труды и болезни подъяша о нас, ими же идолскаго бесования избавихомся и Богу живу и истинну служити сподобихомся, иже во тме тма бехом прежде, ныне же свет о Господе, якоже божественный Павел рече, и прияхом оставление древняго нечестия, прегрешением прощение муки избавление, правду и освящение, и еже страшнейше и ужаснее и зело преславно и неосуждено твсего высочайше божественную ону трапезу и безсмертную самого пречистаго и пресвятаго тела Владычня и боготочныя и животворящия крови Его и, да сокращеннее реку, вся она неизреченная благая, ими же единородный Сын Божий пришествием своим облагодетельствова нас: ова уже подаде, ова же обеща. И сия убо, яже прияхом, толь чюдна и высока, а яже во уповании положи – какова: пременение смерти, воскресение телесем и нетление, слава же и свет и веселие неизреченнное, сретение Судии на облацех и присное и ненасыщаемое того зрение, еже со ангелы соединение и со архангелы ликование, и на небесех с ними сопребывание, присносущная она вечная жизнь и бесконечная, благая она, их же око не виде, ни ухо слыша и на сердце человеку не взыде, яже уготова Бог любящим Его. И вся сия онех служением даровашася нам, и толиким и таковым благим ходатае Быша нам божественнии они купно вси самовидцы Слова и слуги. И сие не от смышления глаголю. Слыши убо, что о сих богоглаголивая она рекоша уста: всяк бо, рече, иже аще призовет имя Господне, спасется. Како же призовут, в него же не вероваша? Како же веруют, его же не услышаша? Како же услышат бес проповедающаго? Как же, рече, проповедят, аще не послани будут? Видиши ли, аще не бы послани были и проповедали, како бы могли мы услышати и веровати? И аще не бы послушали и веровали, чюжди были быхом спасения. И зри, яко по Христе Бозе начало нам всякого блага и спасению вина от них бе. А яко тмами страдания и смерти прияша о нас, слыши его паки, что глаголет учеником: присно бо мы в смерть предаемся Исуса ради, и прочая. Тем же смерть убо, рече, в нас действуется, а живот в вас. Видиши ли, яко в них убо смерти и беды, в нас же живот и слава и честь. И паки: мы, рече, буи Христа ради, вы же мудри о Христе. Мы немощни, вы же крепцы. Вы славни, мы же безчестни, и прочая. Все же, рече возлюбленнии о вашем создании и утвержении. И паки: не себе бо, рече, проповедуем, но Христа Исуса Господа, себе же самех рабы вам, Исуса Христа Господа ради. И паки: вся, рече, терплю избраных ради, да и тии спасение улучат и многа такова.

Виде ли, господине и отче мой, яко уроди и немощны и бесчестни нас ради не точию же, но и рабы: нам бо служаху и о нас вся страдания и скорби их. И яко да не мнит кто инех таковых быти по них, глаголет: мню бо, рече, яко Бог нас посланники последняя яви, яко насмертники, зане быхом позор миру, ангелом же и человеком. А яко обща им беху вся, слыши того же богопроповедника, паки глаголюща: кто убо, рече, Павел, кто же ли Аполлос или Кифа, но точию служителе, ими же веровасте. Аз, рече, насадих, Аполлос напои, Бог же возрасти. Тем же ни насаждаяй есть что, ни напаяяй, но возрастаяй Бог, насаждаяй же и напояяй едино еста. И паки: аще, рече, аз, аще ли они, тако проповедуем, и тако веровасте. Видиши ли, яко обще исправление их, якоже и обще духа подание им: прияша кождо их благодать ону неизреченную и, яко пернати нецыи, един множайшую часть обтече вселенныя и исполниша словесы всю елико солнце назирает поднебесную, злобу истерзающе, капища, сквары, жертвища бесовская разрушающе, со дияволом борющеся и тмами скорби и беды подъемлюще, на всяк день умирающе, и отвсюду исторгоша терние греховное и дияволе разрушиша краеградие, всюду благочестия исполниша. И безроднии они усмошевцы и рыбари любомудрец Быша премудрейши и царей светлейши, и ни земля, ни море, ниже ино кое место не непричастно тех исправлением, якоже рече некий от них, великая труба истинне: еда, рече, не слышаша, но паче во всю землю изыде вещание их и в концы вселенныя глаголы их. И иже толицыи и таковии и толиким благим ходатае нам, дивлюся, како яже о них тщание презрено от нас. Дозде, честный отче и господине, о сих.

Паки же во еже к Селуняном втором послании в зачале 275 божественный Павел, о пришествии Господни сказуя, учит не прелщатися им ни по единому же образу, ниже мнети отнюдь наставше уже пришествие Его, и учит не прежде быти пришествию Христову, аще не оступление прежде приидет и потом антихрист, сын погибельный, его же пришествию глаголет быти в знамениих и чюдесех лживых по действу сатанину. И прежде убо самую главизну сию, якоже в печатех Московския друкарни стоит, тако зде вообразим.

Тайна бо уже деется беззаконию, точию держаяй ныне, дондежы от среды будет. И тогда явится беззконный, его же Господь

Исус убиет духом уст Своих и упразднит явлением пришествия Своего его же есть пришествие по действу сатанину во всякой силе и знамениих и чюдесех ложных и во всякой льсти и неправде в погибающих. И сия убо сице имуть тамо.

И зри, отче честный: его же рече Господь Исус убиет духом уст Своих и упразднит явлением пришествия Своего, его же есть пришествие по действию сатанину и прочая. И воньми ми зде силу слова и виждь по сему слогу, чье пришествие будет по действию станину, еже страшно зело, пощади нас Господи от таковыя хулы. В книзе же святаго и божественнаго Иоанна Дамаскина, глаголемей «Небеса», не тако лежит речь сия, но якоже есть тамо сице и зде предложим³³.

Подобает убо Еваньгелию проповедатися во всех языцех, и тогда явится беззаконный, его же есть пришествие по действу сатанину, во всякой силе и знамениих и чюдесех ложных и во всякой льсти и неправде в погибающих, его же Господь Исус погубит словом уст Своих и упразднит явлением пришествия Своего. Сице убо тамо сия. И зри, честный отче и господине мой, разум божественнаго мужа сего, како изящно раздели гранес и апостольский разум объяви и показа лестьца и врага Божия антихриста пришествие по действу сатанину, от Христова же лица отсече таковую хулу. Обаче аз не вем, ниже смею по тонку истязати или разсуждати в сих, яко невежда сый и груб. Точию ведение явлено сотворих святыни твоей, но неже таковая речь обдержна всем приносит пользу или тщету, зане в церкви Божии присно прочитаема суть. Во всех же сих, честный господине мой, от начала даже до зде, аще обрящется нечто прочитающим полезно к созиданию души, всех благих дателю Богу благодать, Того бо есть дар, яко да сподоблюся и аз, за молитв ползовавшихся, иже во святей Лествицы глаголемаго о таковых: в кале сами суще, рече, образу иже тех тамо погружения мимоходящая учат о спасении тех то поведающе, яко да ни они тем же впаднут путем, и убо инех ради спасения и тех всесилный, от кала избавль, и в лепоту зело. Вся бо мощна тому и ничтоже не немощно ему. Прочее же, молюся святыни твоей, незабытна мя имети в богоприятных ти молитвах ко Господу всегда, яко да подаст ми время покаяния и исправление житию. Да и аз недостойный милость получю от Христа Бога моего благости ради и человеколюбия Его, Ему же хваление и слава в бесконечныя веки. Аминь.

3. Священник Герасим Фирсов. О сложении перстов, еже которыми персты десныя руки подобает всякому православному християнину воображати на себе знаменее честнаго креста³⁴³⁵

Понеже прошение твое бысть, и понудил мя еси, еже дати тебе написано твердое же и известное свидетелство³⁶ от божественных писаний о сложении перстов десныя руки, ими же воображаем на себе вернии знамение честнаго креста, и что лепо есть, яко да творим, да не неведением носими от истинны отпадем и под клятвы отеческия себе подложим, яко же впредъидый слово объявит. И ты убо, якоже есть вера твоя и любовь, принудил еси недостоинство мое. Аз же, ведая грубость свою, яко выше есть силы моея, отлагах сие, от совести же стречем³⁷ всегда, паче же и мнозех зря сомнящихся о сем. Еще же и словеса отеческая во уме приях, якоже глаголют о сем: мнози, рече, глаголющии, творящии же мали, но никто же должен есть своего ради нерадения слово Божие таити, но исповедовати убо всем свою немощь, Божия же истинны не скрывати. И паки великий Василий глаголет: подобает, рече, послушником, имущим искус божественных писаний, яже от учитель глаголемая искушати и согласная убо писанием приимати, несогласная же отметати³⁸. Подобне же и великий Афанасий: всяк³⁹, рече, приемый от Бога разсуждение, последуя пастырю неискусному, мучен будет. Тако же и божественный Златоуст, толкуя еже во Евангелии Господь рече: на Моисеове седалищи седоша книжницы, и прочая, глаголет, яко не достоит истязовати глаголющих или пишущих, но смотрити и разсуждати силу пишемых или глаголемых и, аще согласно взаконенным божественным писанием, приимати и послушати и покарятися, аще же не согласно по коему любо образу, не достоит послушати и приимати глаголемая или пишемая, но и отвращатися и отбегати от них, како кто любо аще есть, по еже от апостола реченному, яко аще мы, или ангел благовестит вам паче, и прочая⁴⁰. Над всеми же сими и сам божественный апостол явьственне сему учит, к Солуняном пиша: вся, рече, искушающе доброе содержите⁴¹. Сего ради ко утвержению своему же и твоему и всякого вернаго о Христе, еже обретох в божественнем писании, о сем написую ти зде. Имать же сице.

0 святейшем Мелетии, патриарсе Антиохийстем [Псалтырь Московской друкарни 7150 году, Книга Кирила Иеросалимскаго, слово о кресте, глава 14]⁴². Некогда собор бысть арияном с верными в лето его, и много глаголющим окаянным арияном о развращении православныя веры, паче же о самом божественнем таиньстве, тогда востав богословесный муж Мелетий, патриарх, правила по закону управления имея, и людем, просящим у него скораго учения, он же по божественней благодати, хотя еретики устрашити и посрамити и вся люди удивити, показа им три персты, и не бысть знамения, потом же два совокупль и един пригнув, благослови люди⁴³. И изыде от него огнь, яко молния, и достохвалный он испусти глас: трие убо ипостаси разумеваем, о едином же существе беседуем. И тако посрами еретики. Сице убо о Милетии⁴⁴ повествуется. Сей же блаженный Мелетий⁴⁵ бысть во время святаго втораго вселенскаго собора, бывшаго в Коньстяньтине-граде, во царство Феодосия Великаго. Смотри же в повести сей: показа, рече, три перъсты, и не бысть знамения. Кия же три перъсты показа первое, егда не бысть знамения, кия же ли паки, два совокупль и един пригнув, ими же и люди благослови, сего списатель известно не изъясни. Нецыи же разумевают сие, еже и истинно быти мню, яко первее показа блаженный Мелетий три перъсты десницы своея, еже есть палец указателный и великосредний, разлучены друг от друга. От них же тогда и знамения не бысть, зане не сложны и не соединены показа, понеже подвиг ему бе⁴⁶ ко арияном тогда, иже на Сыновне, о дерзостнаго оного языка же и мысли, хулящим Божество, и в создание⁴⁷ и тварь низвождаху окаяннии и от Отча Его отлучаху существа. Таже богословесный он муж, от тех же триех перстов два совокупль, си есть указателный и средний, великий же перъст⁴⁸, си есть палец, к прочим двум, си есть ко близосреднему и малому пригнув, являя совокуплением триех сих перстов Святую Троицу единосущественну⁴⁹, совокуплением же двух перстов⁵⁰ – во Христе едином два супротивна стекшася естества, и не к тому уже показует точию, но сими двема персты благослови люди⁵¹, и тогда изыде от него огнь, и прочая. Являет же ся сице и зело согласно богословцем всем, зане оба таинства, сиречь Святыя Троицы и смотрения, воспроповеда ясно всем сим. Отцу бо Сына единосущна показа, и не нага от приятия, по Несториеву⁵² злоумию, но того же единого преже век рожденнаго горе без матере от Отца, того же и доле от Матере без отца, во единой ипостаси сугуба естеством. Сице убо благословно видится⁵³ изоображением перстов святому действовати тогда, аще и списатель о сем темно некако и недоумително написа. Зане аще бы, егда первое показа три персты несложны и не бысть знамения, потом же великий он палец к тем же двум пригнул бы, ихже исперва с ним несложны показа, кая бы потреба списателю многословити сице: показа три перъсты, и не бысть знамения, он же два совокупль и един пригнув, но рек бы убо сице ясно краткими словесы, яко показа три персты несложны, и не бысть знамения, он же совокупль их, еже и удобнее бы рещи и всем явьствено было бы, яко три персты совокупил, их же исперва не сложны показа? Но понеже не сице святый он изообрази тогда и великий он перъст не к тем же двум пригнул, их же исперва с ним показа, но ко инем, сиречь ко близосреднему и малому, сего ради и списатель пригнутие единого перста воспомяну, являя перст сих, пальцу и последних дву места разстоятелное. Аще же любопрится кто⁵⁴, хотя составити разум свой и глаголет, яко оны три перъсты, сиречь палец указателный и великосредний, совокупив, люди благослови, да слышит таковый: аще сице было бы, то кто таков неистов есть, иже толь известное и отвсюду достоверное от лица, от вещи и от времяни, паче же рещи небесное свидетелство отметнути, понеже он дивный муж, иже и во отцех преименитый, и житием и словом славен бе, веры убо чистотою блистаяся, святостию же и разумении (и)⁵⁵ целомудрием удивляем и добродетели ради и премудрости богатства патриаршеский украшая престол. И тогда, егда подвиг ему бе, ко онем богоратником сложением триех перст во едино, сведетелствова⁵⁶ Святую Троицу единосущественну. Сама же Святая Троица утвердила сие свыше преславным оным чюдотворением. И не себе тогда святый он теми перъсты знаменовал, но люди благослови. Воньми же зде, како Голияф своим ему мечем от Давыда заколется. И аще святый он тогда по твоему уставу же и мнению, кто любо аще ни есть, иже⁵⁷ супротив глаголяй, благослови люди треми перъсты онеми, Бог же свыше сведетельствова, да речет и к тебе апостол: ты кто еси, иже не рабу точию судиши⁵⁸, но и над самого владыку вземлешися. Бог бо сице сведетельствова, ты же инако предаеши и уставляеши теми треми перъсты, ими же святый он благослови люди тогда по твоему мнению. Ты же глаголеши себе знаменовати сими персты всякому християнину, инако же некако пятию перъсты благословити люди архиерею и священику, еже ни слышахом когда ушима нашима, ни отцы наши возвестиша нам таково в нас бываемо до сего времяни. И аще попустится тебе новое сие мудрование, да не реку расколотворение, добре вем, яко помалу въпредъидый введеши, яко инако, рече, достоит⁵⁹ благословити архиерею, сиречь патриарху⁶⁰, и таковым, инако же священником простым, или паки инако достоит знаменовати себе царю и яже о нем, сиречь боляром и всей полате его, инако же нам, худым и злородным людишкам⁶¹. Аз же не обленюся представити зде, кто суть сии, иже пятию перъсты благословляют и где сие мудръствуется, еже инако священницы благословляют, инако же люди себе знаменуют.

Книга Кормчая, о латынских ересех, глава 37-я, ересь 16 [Сия книга писана при великом князе Василии в лето 7027].⁶² Пятию перъсты странно некако благословляют и последи палцем лице прекрещают. Потребник Московская печати⁶³, глава 11. Проклинаю иже в латынех творимое странно некако благословение пятми перъсты и последи палцем лице прекрещают. Проклинаю не истинно творящих крестное начертание, иже на своих лицах крест единем перстом начертают латыни, яко монефилитяне, и тако причастники ереси их обретаются, и тако воображают крест вне себе дияволим научением: идеже бы облещися в крест, они же совлачатся его⁶⁴.

Видиши ли: проклинаю, рече, иже в латынех творимое благословение; яве, яко святители их сице действуют. И паки: проклинаю иже неистинно творящих крестное начертание; яве, яко простии людии сице себе знаменуют. Смотри же паки зде.

Книга Корм(ч)ая, глава 49-я, чин: аще кто в ереси быв крещен сый, к Богу обратится, любо хвалисин, любо жидовин, любо кий еретик, поставити его посреди церкви, и начнет проклинати ереси, от ияковитян первое начиная. И по внегда прокленути ему вся ереси с началники их, глаголет сице: иже не крестит двема перстома, якоже и Христос, да будут прокляти.

Что же зде знаменает, еже якоже и Христос? Яве, якоже и Христос от дву естеств, якоже два перъсты оны совокуплены во едино, тако и Христос от дву естеств от божества и человечества едина ипостась⁶⁵. Видел ли еси: аще кто не крестит двема перъсты, и паки: аще кто пятию перъсты благословляет, како соборная и апостолская церковь проклинает таковых и вечней анафеме подлагает, яко явьственных еретиков? Ты же уставляеши инако благословити люди священнику, инако же себе знаменовати, точию сего не глаголя, яко последи палцем или единем перстом, яко же они. Но и тии не абие вкупе вся прияша, еже прияша от ересей, но по малу по малу, в злобе успевающе, вся растлиша апостолская и отеческая предания и свершенне апостолския восточныя церкве отлучишася и вечному проклятию повинни суть. Тем же и блаженный он Мелетий, преже неже свершенне составлены Быша священная и божественная правила, Духу Святому тако устроившу, сложением перст десницы своея ясно воспроповеда, якоже предрех, оба таинства, глаголю же, Святыя Троицы и смотрения. И двема персты онеми, иже образуют Христа Бога нашего, во двою естеству познаваемаго, бывшаго от семени Авраамова по плоти, яко же и Бог обеща Аврааму с клятвою: о семени твоем, рече, благословятся вси язы́цы земъстии⁶⁶, сиречь о Христе, сим Христом, сиречь образом Его, двема персты онеми благослови люди святый он, якоже и священная книга она божественных правил и церковное предание согласует сему: аще кто не крестит, глаголя, двема персты, якоже и Христос, да будет проклят. Сия же доволно, мню, о сложении перст блаженнаго Мелетия к противляющемуся. Смотрим же и прочих сведетелств богоносных отец.

Феодоритово, како благословити рукою и креститися [Псалтырь Московской друкарни, Кирила Иеросалимскаго слово о Кресте, глава 14. Книга новая о вере, глава 9]⁶⁷. Три перъты равно имети вкупе⁶⁸: великий, иже глаголется палец, да два последних. Исповедуется тайна по образу троическому: Бог Отец, Бог Сын, Бог Святый Дух – не три Бози, но един Бог в Троице, имены разделяется, а божество едино. Отец не рожден, а Сын рожден от Отца, а не создан, а Дух Святый ни рожден, ни создан, но исходен; трие во едином Божестве, едина сила, едина честь, едино поклонение от всея твари, от ангел и человек. Тако тем трем перъстом указ. А два перста вышний да средний великий вместо сложити и прострети, великий же перст имети мало наклонно; то образует два естества Христова – божество и человечество: Бог по божеству, а человек по человечению⁶⁹, во обоем совершен. Вышний перст образует божество, а нижний человечество, понеже сшед от вышних спасе нижняя. Согбение же перъсту толкуется: преклонь бо небеса, сниде на землю нашего ради спасения. И сия убо Феодоритова.

Сей же Феодорит бысть во время святаго вселенскаго третияго собора, бывшаго во Ефесе во царство Феодосия Юнаго, епископ быв Кирска града, и многая божественная писания ветхая же и новая истолкова, еже соборная и апостолская церковь прияла и держит до днесь, от них же многа и зде, в велицей Росии славенъским диалектом имамы, еже есть на Пророчества, и на Псалтырь, и на Деяния апостолская толкования его, и прочая, его же и инии церковнии учители воспоминают с похвалами в списаниих своих, от них же мала некая полагаем зде.

Книга Никонская, слово 45. Блаженный Феодорит, епископ Киррский, в боголюбезнем своем списании глаголет.

Видиши ли, како сей преподобный Никон свидетелствует о нем. Сей же Никон мних бысть Черныя Горы, ему же и учителство слова⁷⁰, добродетели ради его и премудрости, в велицей Антиохии от вселенскаго патриарха вверено бысть, якоже священная его книга свидетелствует. И аще сей, иже все божественное писание ветхое же и новое в конец сведый, ведал бы Феодорита сего неправославна и от церкви не приемлема, како бы сицеву ему похвалу от себе приложил? Понеже инех, иже изящных в премудрости, последи же в ересь пополъзшихся и до конца пребывших не исправленых, аще и суть толкования их с прочими православными церковными учители счисляема, зане от богословцев со искусом прията суть, якоже Оригенова толкования на Псалтырь и Деяния апостолская, и ничто же возбраняюще, понеже и достовернейша бывают яже от врагов свидетелства, но никто же сего ради от церковных учителей блаженным Оригена именует где ли и боголюбезная наричет списания его⁷¹, аще и зело премудр, но вси нечестива и отвержена от церкви и еретика именуют его. Сего же блаженнаго Феодорита преподобный сей Никон сице свидетелствует. Подобне же сему и Максим Грек, инок Святыя Горы, в книзе своей блаженным именует его. И в слове, еже на латинов о Святем Дусе, на многих местех воспоминает его⁷². И сия убо сице. Нецыи же не приемлют сего Феодоритова списания, яже о крестном знамении, но ересию оклеветуют его, бывшаго ради соблазна посреди епискупов восточных и западных о извержении Несториеве, якоже книга священных правил свидетелствуст. Но аще и в долготу слово отпадет, обаче нужда есть положити зде и удобнаго ради обретения и отметающих ради Феодорита сего. Имать же сице.

Книга Кормчая. Третий святый вселенский собор бысть во Ефесе в лето 5000 девятьсот пятое на десять святых отец числом 200. Старейшины же бяху собору Кирил, папа Александръский, Иувеналий, паіриарх Иеросалимский, Мемнон, епископ Едеский⁷³. Снидежеся сей собор на Нестория злочеставаго, епископа Констянтиня града, человека верующа Христа и разделяюща и пресецающа; проста бо человека быти глаголаше, а не Бога воплощыыася, два сына о едином Христе Бозе глаголя и два состава: единого убо быти иже от Отца рожденнаго Слова, другаго же, иже от Марии рождыыагося человека и по любви совокуплыыася Слову и тезоименна тому Сына именуема. Тем же не Богородицу, но Христородицу Пресвятую Деву Марию зле окаянный именоваше⁷⁴. Того ради сей святый собор пребывающа того в таковом хулении изверже, яко жидовская смысляща, в человека верующа проста. И в ресноту истинную Богородицу, Пресвятую Деву показаша и от нея без семени воплощьшагося Господа нашего Исуса Христа, Сына Божия и Бога истиннаго, проповедаша. Иоан же, Антиохийский епископ, по Несториеве извержении пришед и оскорбився, яко без него извержен бысть Несторий, поим пришедшия с ним епископы, в них же бе и Феодорит, Кира града епископ, и Ива Едеский, извержение⁷⁵ возвещает иже во святых Кирилу, папе Александръскому, и Мемнону Ефескому, яко чрез правила церковная сотворившема собор. Сущии же с Кирилом поношаху, яко беззаконна и неподобна, яже от них бывша. Иже от Ефеса честнейшии друг на друга брань сотвориша между собою и восточнии епископи и западнии. По сих же⁷⁶ потщанием царевым совокупишася во едино, совещавше и восточнии епископи, присташа ко изложенней во Ефесе правоверней вере, яже на Несториево извержение, и писанием послание послаша Александряном. Несторий же изгнан бысть во Ac остров царем Феодосием Юным.

Пятый же святый вселенский собор бысть в Коньстяньтине граде, иже 6047-е⁷⁷, при царе Иустинияне Велицем, святых отец числом 165. Старейшины же бяху собора Евтихий, патриарх Констянтиня града, Аполинарий Александръский, Домн Антиохиский, Евтихий Иеросалимъский, Дамиан Созополицкий.

Сей святый собор сверши убо в Халкидоне⁷⁸ святаго собора, и правоверная и спасеная повеления его вся утверди, и яже на той святый собор возрастъшия ереси проклят. Тако же проклят и отверже первообразна убо Оригенова злоумнаго и вся нечестивая его писания, Евагрия же и Дидима древле бывшия и изложеныя от нею главы, рекше списания, яко ученика Оригенова и единомысляща и с еллинскими смешена повелении, ибо сим телесем, ими же ныне обложены есмы, безумне рекоша не воскреснути. И еще же к сему блядяху глаголюще, яко души первейши суть телес, и преже телес родишася и, от еллинских начинающе повеленей, прехождение душам от тела в тело учаху, конец мучению и бесом паки в первый чин устроитися⁷⁹ и Христа подобна нам быти, и ничтоже различно от нас имети глаголаху, рай же оклеветающе, яко несть сотворен от Бога, ни быти ему. И еще же к тому глаголаху, не в плоти создан бысть Адам, и ина другая тмами хулная списавше, и обличени бывша, многи от церкве губяще, их же списания яве и ясно не проявляхуся⁸⁰, но от неких втайне держима бяху, ниже до конца обличени бывше на четвертом соборе, аще и нецыи от святых отец сия отметаху, ибо по преже того святаго собора бяху были три еретицы врази проклятии. Егда же во многи люди таковая лукавая начашася⁸¹ разсевати учения, тогда сей святый пятый собор собрася. Сих же и единомысленники их и хулная их списания прокляша. Еще же и Мемпсуетскаго Феодора, Несториева богоборца⁸² учителя, и с хулными его списании, яко скверныя плевы, извергоша. (С си-) ми⁸³ же и сущия со Анфимом и Петра из оружия исторгнуша. И еже на благочестие поборника Кирила Феодоритова зле и зловерно бывшая списания и елико же на святый, иже во Ефесе, собор⁸⁴ и на правую нашу клеветал бе веру, Несторию злочестивому помогая, с ними же и послание, еже писал бе Ива, епископ Едесский, к Персину Марину, та вся искорениша, яко не токмо правым велением противна, но и всякаго нечестия сопричастна, и церковная известиша повеления. Прият же сей святый собор и Феодорита, епископа Кира града, и Иву, епископа Едесскаго, яко четвертый собор приемше и похваливше и прокленше Нестория. И сия убо в Кормчей книге.

Смотри же ми зде: о третием бо соборе, аще и бывши распри посреди епископов, но паки соединишася, Иоан бо патриарх Антиохийский со епископы, в них же бе и сей Феодорит, присташа ко изложенным на третием соборе, и купно вси прокленше Нестория. О пятом же соборе, еже на благочестие, рече, поборника Кирила Феодоритова зле и зловерно бывшая списания, внимай же зде, како списатель ясно зело и известно объяви, которая списания Феодоритова святый сей пятый собор отверже. Видиши ли: еже на благочестие, рече, поборника Кирилла и еже на святый третий собор клеветал, сиречь оболгал. Кая же клевета? Человеческо бо нечто тогда случися им, понеже Иоан Антиохийский он и сей Феодорит по выше писанным по Несториеве извержении приидоша и оскорбишася не зане, яко Несторий извержен бысть, ведяху бо и они, яко по правде окаянный он осужден, понеже и Иоан он Антиохийский по всему православен свидетельствуется, но зане, яко без них совершися святый он собор и Нестория осуди. И они не Несторию спострадоваху, понеже аще сие было бы, до конца бы пребыли противяся святому собору сему, но своего якобы преобидения. Якоже разумети мощно о сем, не можаху кротце понести, якоже многажды случается в человецех сие. Тем и Феодорит сей человеческо тогда пострада, и васнь себе мнится мстя, яко, преобиден быв, блаженнаго Кирила оклеветал, глаголя, и от Сына догматъствующа

Духа Святаго присносущне и существенне происходити. Сего ради и епистолию блаженный Кирил посла ко оному Иоанну Антиохискому, оправдуя себе от того⁸⁵. Сия бо клевета Феодоритова бысть на блаженнаго Кирила, юже и отверже святый сей пятый собор, якоже пишет прежереченный Максим Грек в слове, еже о Святем Дусе, и паки в новой книге, еже о вере, во главе 17, еже о соборех, яко Вигилий, папа римъский. за еретика был именован и на сей святый пятый собор не восхотел собою приити на истребление триех капитул; три же главы глаголет сотвореныя о триех особах епископских: Феодора Мемпсуетийскаго и Ивы и Феодорита. Смотри же паки: прият же, рече, сей святый собор и Феодорита и Иву. Видиши ли, в чесом соблазнился и страстию ят быв: яко человек пострада еже пострада, оклеветал, сиречь оболгал, святаго Кирила и святый собор. И еже писа о сем, та списания его отверже святый пятый собор⁸⁶, якоже выше писано есть: и еже на благочестие, рече, поборника Кирила Феодоритова зле и зловерно бывшая списания и елико на святый, иже во Ефесе, собор, и прочая. Самого же прият, сиречь православна именова и единомыслена бывша святым третияго и четвертаго собора отцем. Приятже самого, глаголю, не яко бывша его ту во время сего святаго пятаго собора, сему бо невозможно быти, якоже мощно разумети о сем, понеже от третияго собора до пятаго лет 132, во время же четвертаго собора яве, яко бысть, якоже книга Кормчая свидетелствует. Прият же, рече, сей святый собор Феодорита и Иву, яко четвертый собор они приемше и похваливше и прокленше Нестория. И яве, яко Быша во время четвертаго собора, согласуют же сему и лета: от третияго бо собора до четвертаго лет тридесят. Но прият, рече списатель, святый сей собор Феодорита и прочая, сиречь с прочими православными церковными учители счини и боголюбезная его списания вышереченная толкования и прочая прият и церкви предаде. Видиши ли, яко и случися ему, яко человеку, временный той соблазн, обаче не в конец, о нем же и псаломъское оно, мню, благовременно принести: праведник, рече, егда ся и падет, не разбиется, зане Господь подкрепляет руку его⁸⁷. Сице и о нем: аще и предкнуся мало, но не паде, сиречь аще и смутися ко времени, но убо инех оклеветал, а не и сам является догматьствуя не подобно нечто о божестве. Аще бы сие было, и не здрава бы его знали в вере, како бы прияли его святаго сего пятаго собора отцы? Сего ради, якоже он сим собором прият, тако и боголюбезная списания его, в них же и се, еже о крестном знамении и о сложении перстов, от церкве приемлема и веруема суть. И туне и всуе потятся любопрящиися, отмещуще и не приемлюще свидетелства его о сложении перъст, не ведуще сего или и ведуще, коварне же и лестне борющеся со истинною, хотя утвердити новое свое. Откуду бо могут показати нам, яко сие еже о крестном знамении Федоритова списание⁸⁸ нечестиво и отвержено есть, толиким свидетелем извествующим сие, яко она отвержена суть, еже на святаго Кирила и на святый третий собор? Сия же разумеются три главы оны, иже выше явлены суть, а не и прочая вся боголюбезная его и божественная списания, их же церковь прияла и держит до днесь. А яко сие, еже о крестном знамении, не на Кирила, ни на собор, всем явлено, имущим ум, паче же и согласно божественному писанию по всему. И аще благословно мнят отражати сие противящиися, то уже и книги оны да не приемлют со списавшими их, иже свидетелствуют о нем, и да отвергнут и прочая вся, еже на Пророчества и Псалтырь и Деяния апостолская божественная сказания его. И сия убо до зде. Паки же в книзе святаго Петра Дамаскина о том же крестном знамении, к концу священных его словес, краткою некако беседою являет сице о сем.

Книга Петра Дамаскина. И како паки начертанием честнаго и животворящаго креста отгоняеми суть беси и различнии недузи? Вещь вся бес цены убо⁸⁹ и бес труда. И похвалы убо его кто может исчести, рече святый Ефрем. Виды же его святаго начертания⁹⁰, святии отцы предаша нам на супротивъглаголание к неверным еретиком, яко два перста убо и едина рука являют распятаго Господа нашего Исуса Христа во двою естеству и едином составе познаваема, десница же безмерную Его силу и одесную Отца седение возвещает. И свыше наченше – иже от небеснаго Егова к нам схождения; и паки от десныя⁹¹ страны на левую – отгоняти убо враги являет же, яко непобедимою силою Своею победи диявола Господь, шуя суща некрепка убо и мрачна. И сия убо святаго Петра.

Ты же смотри, како и той, согласно вышеписанным всем, два перъста, рече, и едина рука являют распятаго Господа нашего Исуса Христа во двою естеству. Что сего явьственнее?⁹² Видиши ли, яко два, рече, перъта, ими же подобает начертавати знамение креста, а не три, ни пять. И сей убо вкратце о тех⁹³ точию перстах воспомяну, ими же достоит воображати крест. И не сам от себе законополагает сие,⁹⁴ но святии, рече, отцы предаша нам на супротивление к еретиком. Кия же два перъсты святый сей воспомяну? Явлено всякому, яко оны два – указателный и великосредний, иже совокуплены образуют единого Христа во двою естеству. До зде и о сем.

Еще же в книзе вышереченнаго Максима Грека, инока Святыя Горы, о том же паки крестном звамении.

Книга Максима Грека. Сказание, како знаменатися крестным знамением. Глава 40. О нем же предварив вопросил мя еси раскрыти тебе силу тайнаго апостольскаго предания, сиречь образа крестнаго, ведомо убо да есть тебе, что якоже (в) божественном крещении треми в воду погружении тридневное Спаса Христа погребение и воскресение гадает церковное предание по божесгвенному гласу, глаголющу: елицы бо во Христа крестихомся, в смерть Его крестихомся, спогребохомся Ему крещением в смерть. Таже аки сказуя, что есть, еже в смерть, приводит глаголя, да якоже Христос воста от мертвых, такожде и мы во обновлении животу поживем, живот нов исполнь всякия правды и преподобства и святыни, совлекшеся ветхаго человека, сиречь лукавых и богомерзъских похотей и деяний плоти и духа. И якоже убо крещением таинственне предает сия нам апостолское предание, сице и знаменованием честнаго креста все вкупе благоверия таинство учит нас исповедовати таинственне, глаголю же: самую святую и поклоняемую Троицу, и еже с небеси Единороднаго снитие⁹⁵, и распятие Его, и еже с небес второе пришествие, егда хощет судити живым и мертвым, сиречь праведным и грешным. Совокуплением бо триех перъстов, сиречь пальца и еже от средняго и малаго, тайну исповедуем богоначалных триех ипостасей: Отца и Сына и Святаго Духа, единого Бога трое. Протяжением же долгаго и средняго сошедшася два естества во Христе, сиречь самого Спаса Христа исповедуем совершена Бога и совершена человека, во двою существу и естеству веруемаго и познаваемаго. Положением же перъстов на чело исповедуем два некая сия, яко от Бога Отца родися, яко же и наше слово от ума происходит, и яко свыше сниде по божественному слову, глаголющему: преклонь небеса и сниде. А положением перъстов на пупе снитие Его⁹⁶, еже на землю, и еже в пречистей утробе Богоматере безсеменное зачатие Его и девятомесячное обитание явственне возвещаем⁹⁷ · А обвожением, еже оттуду всея руки на десную и левую страну, ясне образуем хотящий изнестися горький суд он от праведных, стоящих одесную Судии, на стоящих ошуюю нечестивых и грешных по Спасову божественному гласу⁹⁸ · И сия убо Максим.

Смотри же и сего, како и той согласно всем древним святым. О сем же Максиме в новой книге печатной, глаголемей Чиновник, пишет сице⁹⁹.

Книга Чиновник святейшаго патриарха Никона Московскаго и всеа Русии, о еже коими перъсты десныя руки изображати крест. Лист 813. Максима убо вемы же, яко муж благ и разума и премудрости исполнен бе, якоже и писание его свидетельствует о нем. Елико же что писа о сем, не вемы, откуду писа или яко человек снисходя пострадав предприятию и обычаю нашему, подобием естества утвердившемуся, последова, вкупе же и наветов бояся от ненаказанных. Мнится же,елико писа, от себе писа, понеже никого же воспомяну, ни апостола, ни от святых коего древних, предавшаго о сем, ниже яко обдержное сие возвести и всевселенъское, якоже истинное предание древнее свидетельствованное Дамаскином иподиаконом, потом бывшим митрополитом Селунъским, и прочими святыми древними, к тому же и яко содержащееся повсюду, идеже християнство именуемо свидетелствует. Тем же аще и благ муж Максим и разума и премудрости исполнен бе, и писания его многая согласна божественным писанием и приемлема суть, обаче не всячески нужда есть веровати ему, идеже что от себе писа. И сия убо в новой книге.

Ты же смотри, како книга сия несогласна в себе¹⁰⁰: Максима убо вемы, рече, яко муж благ и разума и премудрости исполнен бе, елико же что писа, о сем не вемы, откуду писа. И благовременно, мню, зде по слепцу оному рещи, иже при Христе моем: аще и он тогда к неблагодарным и завистливым жидом, мы же и ко благоразумным зело и премудрым отцем. О сем бо дивно есть, яко вы не весте, о премудрии, откуду блаженный он писа, мы же вемы ше, яко аще благ муж Максим, якоже свидетелствуете, благий же никогда же учит не благому чему; или сотворите древо добро, и плод его добр¹⁰¹, или назовете древо зло и плод его зол, от плода бо, рече священное слово, древо познавается и похваляется. Благих бо учителей блага и учения¹⁰², якоже и супротивное. Аще убо благ, како не благому научит, и вина соблазну будет, и прелести учитель толиких душ? Паки же, аще и премудрости¹⁰³ и разума исполнен, яков же и бе блаженый, воистинну премудрости божественныя вкупе и человеческия исполнен. Разум же и премудрость дарования суть Пресвятаго Утешителя. Комуждо бо, рече божественный апостол, дается явление духа на пользу, овому бо Духом дается слово премудрости, овому же слово разума о том же Дусе¹⁰⁴. И аще дарования Святаго Духа, шречь разум и премудрость¹⁰⁵ прият, якоже свидетелствуете, како глаголете, яко не весте, откуду писа о сем? Яве бо, яко елико писа, Духа наставника имея, шречь дарования Его имея в себе, и елико писа, Духом водим писа. Паки же и писания его глаголете согласна божественным писанием и приемлема суть, обаче не всячески нужда есть веровати ему. Како же может быть сие¹⁰⁶, аще убо писания его божественным писанием по всему согласна, глаголете, и приемлема суть? Како не всячески и о сем нужда веровати ему? He бо рещи может кто, аще и зело неистов есть, яко иная убо вся, еже писа, Святым Духом писа, сия же супротавнаго есть. He может бо един и тойжде источник воду сладку и горьку имети в себе, по богословцу оному верховнейшему, еже бо научити и предати что супротавно истинне и не согласно древним церковным учителем всем, яве, яко супротавнаго духа действо есть. Видите ли, како разделяетеся¹⁰⁷ на ся? Како же станет и достоверно будет новое ваше предание о сем? Всяк бо, разделивыйся на ся, не станет, и неверный в мале, рече Хрисгос, и во мнозе неверен есть. Аще убо благ и разума и премудрости исполнен бе, и писания его согласна божественным писанием и приемлема суть, убо всячески нужда есть и о сем веровати ему. Аще ли же о сем не веровати и отметати его, нужда есть и всем недостоверным быти писанием его, по вышеписанному: неверный бо в мале, рече, и во мнозе неверен есть¹⁰⁸. И туне и всуе ублажисте его на обличение свое, блага мужа и разума и премудрости исполнена свидетельствуете, аще отметаете его сами, соглаголницы бьгеше себе¹⁰⁹, словесы хваляще, вещию же отметающеся¹¹⁰. И сия убо к протавящимся. Ты же слыши паки зде. Како бо не всячески нужда, по предреченному, от противных веровати блаженному тому, аще бы несогласно было писание его о сем прежде его бывшим святым, имело бы слово, яко не всячески нужда веровати ему? Ельма же отвсюду достоверное имать он от времяни, от жития добродетелнаго, от премудрости крайния, от еже согласну быти по всему предавшим о сем богоносцем древним отцем, паче же яко и не своеволне прииде к нам, но по прошению благовернаго великаго князя Василия Ивановича всеа Русии, от отец и всея Святыя Горы прислан избранный филосов и в премудрости и православии свидетелствован, како убо не всячески нужда веровати ему? Или оному нужда веровати, иже вчера и днесь объявлен в вышереченном Чиновнике их рекомый он Дамаскин и Николай Малакс, о них же не слышахом во днесь, ниже в божественнем писании видехом когда, кто они и откуду и в кая лета Быша, и что суть мудрование их?¹¹¹ Како же не стыдятся, противящеся себе? Паки бо лице слова обратив, тожде реку: аще бо благ муж Максим, якоже и благ и премудрости и разума исполнен бе, яко же и сами свидетелствуют, яве есть, елико писа. Духом Святым писа, яко показано бысть. И к сему убо мы, худии, ничтоже прочее смеем рещи. Блаженный же Исидор Пелусиот да отвещает к ним.

Исидорово. Отъемлющии, или приложити что смеющии от богодухновенных словес, единым от двою недугуют: или бо не веруют, яко Духом Святым написана Быша святая писания, и сего ради праведне нарекутся и суть безверники, или себе самех мнят мудрейших Святаго Духа, и что ино разве неистовствуют¹¹².

И о сем убо толико, обаче довольно мню показати несогласие их, како блаженнаго Максима оного и хвалят, и блажат, и приемлют паки сами же и отметают его. Еще же и сие глаголют, яко снисходя, рече, яко человек обычаю, иже в нас утвердившемуся, последова, вкупе же и наветов бояся от ненаказанных. И сия словеса их такоже ни едину крепость имут в себе. Аще бо он, иже множае ста и двадесяти лет, егда бысть, прейде до днесь, в летех бо осмыя тысящи четыридесятому наставшу лету, егда начат он совокупляти священная своя словеса и составляти книгу свою, последова обычаю, якоже глаголют утвердившемуся в нас, яве, яко тако есть древнее предание, егоже прияша отцы наши от восточныя Констянтинопольския церкве о крестном знамении. А еже глаголют, яко наветов бояся тако написа, сим, яко детей малых, мнятся прелщати нас или неведущих зело мужа того и никогда же искус приемших священныя книги его. Явлено бо всякому, вникувшему в книгу его, яко ни едина нужда бысть ему, ниже соборне некаго или властелски истязан бысть о сем, но от друга некоего, якоже сам свидетелствует, вопрошен бысть, любима суща и верна ему, не ведуща же древних книжных свидетельств о сем или и ведуща, к болшему же извещению искушателне вопроси(в)ша его. И отвеща со всякою истинною, еже отвеща. Аще же бы и напасть некая о сем предлежала ему, но ни тако лепо бе помыслити что сицево о нем, еже наветов ради предателствовати истинну и недостойно нечто любомудрия своего пострадати ему. Смотрив бо обрящеши его не любоживотна и не боящася напастей, егда потреба бе, но и дерза и обличителна и любоистинна зело, яко же и сами отметающии его, с собою ратующеся, в вышереченней книге свидетелствуют о нем на листе 818. Ельма же несть настоящаго времяни повествовати сия, хотяй же да вникнет в самую книгу ону, и обрящет тамо многое несогласие их. К сим же и во всех сих в книге, глаголемей Стоглав, в Соборном Уложении, о том же паки крестном знамении сице.

Книга Стоглав, глава первая. В лето 7059, месяца февраля в 23 день Быша сии вопросы и ответы мнози о различных церковных чинех в царствующем граде Москве, в царских полатах от благовернаго царя, государя и великаго князя Ивана Васильевича всеа Русии ко отцу его пресвященному Макарию, митрополиту Московскому и всеа Русии, и ко всему священному собору, архиепископом и епископом всеа руския митрополии, бывшим ту¹¹³ со архимандриты и игумены, о исправлении многих церковных священных чинов.

Глава пятаа, вопрос царский двадесят шестый. Иже християне рукою крестятся не по существу, отцы духовные о том не радят, ни поучают.

Против царского вопросу соборное уложение о крестном знамении, како подобает архиереом и ереом рукою благословляти и знаменоватися и прочим православным християном знаменатися. Глава 31. Так же бы священныя протопопы¹¹⁴ и священницы и диякони на себе воображали крестное знамение крестаобразно и по чину, и благословляли бы протопопы и священники православных¹¹⁵ християн крестаобразно же, якоже предаша святии отцы. Так же бы и детей своих и всех православных християн поучали и наказывали, чтобы себя огражали крестным знамением по чину и знаменалися крестаобразно. И правую бы руку, сиречь десницу, уставливали ко крестному воображению. Большой палец да два нижние перста во едино совокупив, а верхний перст с средним совокупив простерт¹¹⁶ и мало средний нагнув, тако благословити святителем и на себя крестное знамение возлагати рукою двема персты, якоже предаша святии отцы воображати крестное знамение. Первое возлагати на чело, таже на перси, сиречь на сердце, и потом на правое плечо, таже на левое. To есть истинное воображение крестнаго знамения. Такоже подобает и всем православным християном руку уставливати и двема персты крестное знамение на лицы своем воображати и поклонятися, якоже и предрехом. Аще ли кто двема персты не благословляет, якоже и Христос, или не воображает двема персты крестнаго знамения, да будет¹¹⁷ проклят, святии отцы рекоша¹¹⁸. И сия убо книга она Стоглав.

Внимай же зде и виждь, како противу сему ополчающиися клятве подлежат святаго собора сего и священных правил вышеписанных зде. Понеже собор сей общим советом благочестиваго царя и первопрестолника со всеми священными мужи всея руския земли подщателне тогда и люботрудне испыта о предлежащей вине и всем божественным писанием и священным правилом согласно утверди и сице предаде. He точию же, но и по сем соборе, по мнозе времени, Быша благословных ради вин восточнии патриарси в царствующем граде Москве, якоже во царство благочестиваго царя Феодора Ивановича всеа Русии святейший Иеремий, архиепископ Констянтиняграда и вселенский патриарх, иже и вместо митрополича патриаршеским в велицей Росии украси апостолский престол и перваго патриарха Иова рукоположи царствующему граду Москве и всей велицей Росии в лето 7097. И паки во царство благовернаго царя и великаго князя Михаила Феодоровича всеа Русии святейший Феофан, патриарх святаго града Иеросалима и всея Палестины, муж, яко же глаголют, добродетелию всякою украшен, иже и святейшаго Филарета, патриарха Московскаго и всеа Русии, хиротониса в лето 7127, с ними же и по них мнози от святителскаго чина греческия земли в различных временех Быша в царствующем граде Москве. И никогда же от них зазрени Быша в православных догматех и в церковных чинех держащии тогда в велицей сей Росии апостольский престол и прочии священнаго чина, паче же о предлежащей вине, сиречь о крестном знамении. Аще бо сицевии мужие бывше зде и не праве бы видели сие действуемо тогда, како бы умолчали о сем и не исправлену оставили таковую вещь? He бо мала сия, но и зело велика есть: незнаменаное бо овча по истинне истинным сим знамением всяко волчия есть корысть¹¹⁹. Еще же и во глаголемей грамматике Киевския печати, на самом концы книги тоя, имать сице о сем, якоже есть наречие их.

Грамматика, Киевская печать, о знамении крестном¹²⁰. Замыкает в себе крест¹²¹ Христов всю таемницу благоверия нашего, учит вызнавати Святую Троицу, из неба единороднаго Сына Божого¹²² на землю снитие и распятие Его и вознесение, и (за) з неба вторый Его приход в судный день. Зложенье великого палца з двома малыми значит Святую Троицу, а склонение того, што при великом до среднего, значит 2 прирожени и истности¹²³ в Христе. Положенье правой руки на чело значит двое, предвечное от Бога Отца Сыново рождество¹²⁴, и тое же з высокости зышол. А што на пуп значит иже тот же Сын Божий зступил на землю и вчеловечився от панны чистой святой¹²⁵ Марии и з людми жил, распят, умер, воскрес в третий день, и вознесся на небеса, седит одесную Отца, але еще не конец. А обвоженье руки правой первей на правое плече, а потом из правого на левое значит иже в судный день справедливыи на правицы Бога будут стояти, а грешницы на левицы, и тое значит, иже тогды справедливыи изнесут суд на грешных. Правица бо вем¹²⁶ в судный день левицу звалчит, а не левица правицу. Ныне бо, вем, левица правицу преследует, а тогды праведницы не толко людей грешных, але и аггелов згрешивших осудят. И сия убо сице зде. Печатана же та книга грамматика в Вилне, в друкарне братской, в лето 7103-го году¹²⁷, месяца февраля во 12 день.

И сия убо сице вся вышеписанная о крестном знамении и о сложении перъстов десныя руки свидетелства от священных правил и богоносных отец. Подобне же и согласно сим обретается и во инех священных книгах, глаголю же: в Хронографе, сиречь в Летописце, глава [...], в книге святаго Кирила Иеросалимъскаго, в ней же собрано многих святых отец писания о Святей Троице и на еретики, о кресте глава 14, в книге, иже о вере, о кресте глава 9¹²⁸, и книге глаголемей Катихисис, в четвертом артикуле веры¹²⁹, их же, множества ради, не положих зде. Усердьствуяй же да не облинится самыя оны книги внимателне почести, и обрящет во всех тех согласно вышеписанным зде о предлежащей вине. He точию же священная сия словеса церковных учителей богоносных отец, но и самая истинна вещей, глаголю же иконное воображение, древние переводы хитрых изографов греческаго и рускаго писма явьственне согласно писанию свидетелствуют о сем, яково же и зде обретается во обители преподобных Зосимы и Саватия¹³⁰ мирских молитвеников и вселенских светил, в велицей церкви Преображения Господня, во олтари образ плотскаго смотрения иже нас ради на земли за благость явльшагося Вседержителя Спаса нашего Исуса Христа, греческих изографов писмо. И у того образа пречистые Спасовы десницы употребление перъстов к начертанию креста воображено по преже писанным зде учителствам богоносных отец, сиречь великий перст, еже есть палец, с последними двема совокуплен, указателный же с великосредним. И подписана та икона греческими словесы. Глаголют же могущии ведати, яко многа лета имать во обители ту. Сия убо вся, елика виде же и еже прочтох о сем, сице зде вкратце предложих. Принеси же, да рассмотрим с Богом помощником силу глаголемых о сложении перст писаннаго в вышереченней книзе, глаголемей «Чиновник». Имать же сице.

Ис книги новыя, глаголемыя Чиновник, лист 800. Рцы ми, противниче, егда полагаеши руку твою первее на челе, таже на десном раме или на левом, последи же сего на чреве, кий крест твориши тогда? He поругание ли сим твориши паче, неже крест, понеже, како исповеси по сошествии Бога Слова на землю вознесение Его на небеса, не творя Его прежде снития на землю? Смотри же сего, аще убо суть нецыи от окрестных язык християне, вне славенскаго нашего языка сущии, иже тако употребляют крестное их воображение, о них же нам ни едино слово зде, аще и истинна есть, но ни в книгу сию нужда бы вносити сего составившим ю. Аще ли же к нам глаголют сие, явлена есть лжа. Кто бы когда виде от християн в смысле суща кого, сице знаменающася крестом: первое на челе, потом на раме десном или на левом? Мы бо не точию видехом во дни наша сего, но ни от отец слышахом бывшее когда в нас что таково, не точию бо иже в смысле сущих свершеных мужей, но аще и самыя младенцы речеши, и тии от самых пелен учими суть рождыыими их знамению креста, чином убо изображения зело добре и истинне полагают на лица своя, аще и вседержании¹³¹ перъстов за грубость не могут действовати истинное, дóндеже приидутв совершеный смысл. И о сем убо толико довлеет. Смотрим же впредь.

Тоя же книги лист 801. Рцыте же и вы, соединяющии великий перст, си есть палец, со двема малыми последними, велие неравенство и расстояние местное между себе имущими. Како можете исповедати таинство Святыя Троицы, соприсносущныя и равнославныя, неприличными воистинну всячески, изображением первообразнаго, идеже несть ни первьства¹³², ниже последства, якоже выше рехом, и ниже болшества, ниже меншества во оного естестве? Отъонуду же всякому весма известно есть, яко равными и подобными перъсты к себе же и друг к другу святая соприсносущная, сопрестолная же и равнославная Троица почитается, а не неравными и не подобными¹³³. Сия убо яже предлагают нам нынешнии мудрецы, к ним же и преже, неже начну ответ, потребно непщевах принести словеса богоносных отец, возбраняюща нас яже выше нас, не точию же, но и самых премирных умов, сицевая нам испытовати и изысковати, да познают, яко почестию содержими, к предавшим нам таинство Троицы непостижимое, а не оскудением слова и показания обличителных в заповедех отеческих почиваем, известно ведая, яко не беша тии глаголющии, но Дух, иже от Отца. А яко не лепо есть ничто же мудрствовати или рещи, кроме яже священное писание предаде нам, явленне священный Дионисий Ареопагит показует, глаголя сице: весма бо не смеемо¹³⁴ есть глаголати ни помышляти о вышесущественном божестве, кроме яже божественне нам от священных словес откровена суть. И смотри ми зде кто любо аще еси есть, иже супротивная мудръствуя виднаго сего¹³⁵: благоговеинство не смеемо есть, рече, не токмо глаголати, но ниже помыслити нечто, кроме написанных. И в правду: понеже выше помышления всякого Святыя Троицы непостижимое таинство и выше зрения всякаго существеннаго и не существеннаго, и отнюду всякому созданному уму непостижимо, но верою токмо зримо и познаваемо. И паки той же священный Дионисий: есть убо источник божества Отец, Сьн же и Дух богосеменнаго божества, или сице подобает рещи, отрасли богосадныя, и яко цвети присносущнии, от священных словес прияхом сице нарицати. Какоже ли суть сии, ниже рещи, ниже уведати возможно. Видиши ли, аще бо восхищенный до третияго небесе сосуд он избранный, учай священнаго сего таинственне сокровенная и неизреченная, и той глаголет: не точию уведети или рещи о сих, но ниже помыслити мощно есть. И ты ли хощеши в перъстах своих известен сему образ представити?¹³⁶ Да веси же, яко Божие ово убо есть неразумеваемо, якоже существо Его, ово же разумеваемо, яко же вся, яже окрест существа, сиречь благость, премудрость, сила, божество, величествие. И елика сицевая, яже невидимая Его, Павел глаголет, разумеваема обаче тварьми¹³⁷. Еллином убо показа все свое разумеваемое, сиречь яже окрест существа, яже очесем убо чювьственным невидима суть, уму же постижима благочинием, еже в тварех, якоже божественный Златоуст сказует сия. Но аще и Бог Отец вина и начало, корень¹³⁸ и источник божества (есть)¹³⁹ сущим от Hero, no священному Дионисию и по всех вкупе богословцех и учителех, едино же той и три с сущими от Hero: ово убо существом, ово же ипостасьми от благочестивых и веруется и прославляется. И аще ипостасьми неизглаголанне и выше всякого разума видится разделятися блаженное оно и непостижимое естество, но не рассеятелно и неразделно, существенне в себе пребывает и, яко же в существе и в сущих окрест существа равно есть преблаженнейшыя Троицы, отце и в чинех богоначалных ипостасей равно есть. Единым токмо чином едина¹⁴⁰ каяждо состоится: Отец не рождением и ни от кого же, Сын рождением и от Отца, Дух происхождением и от Отца. Коею убо мыслию ты равенства в перъстах ищеши и покушаешися мерити божество телесными образовании? Слышиши ли божественнаго Дионисия, отрасли и цветы Сына и Духа от Отеческаго корене возрастъших обоих именующа: отрасль Сын, отрасль и Дух Святый?¹⁴¹ И не рече отрасль и цвет единьственне, но оірасли и цветы множественне, да покажет, яко не растут друг от друга, но от единого Отца, якоже от корени обоя равночестно растуща. К сим же взыскуя, обрящеши проповедуемо от всех священных богословцев, яко и весь Отец во всем Сыне есть и весь Сын во всем Дусе существенне и есть и веруется. Того ради не речем раждатися Отцу от Сына и Сыну от Духа, за еже быти друг в друзе словом существа. Видиши ли, како сему перъстами своими представиши подобие? Паче же како мощно есть созданному уму постигнути таковая таинства? Ты же не страшишися, вметая себе дерзостне в таковую бездну неизмеримую, яко и вещными образовании сокровенное¹⁴² и не образуемое выше существеннаго божества таинство, яже глубины Божия Павел нарече, и сия Духу единому испытовати изрек. Дух бо, рече, испытует и глубины Божия¹⁴³. В сию неуразумеваемую и неиспытанную божественнаго сокровения глубину воврещи себе не устрашаешися, и инех призывая к таковой пропасти. Како же, слыши, глаголеши бо, яко треми персты онеми, сиречь палцем и двема последними, о Святей Троицы образ не приличен есть, занеже неравенство велие и расстояние местное имут тыя персты к себе, великий с малыми? Смотри же, аще попустатся тебе сие твое мнение, имаши рещи: и за еже не два от единого, и за еже не друг в друзе существенне, яко же слышим о триех ипостасех, и многа такова вознепщуеши безместная. И паки треми же первыми перъсты: палцем и указателным и великосредним, добре святая равнославная Троица почитается, за еже равны глаголеши сии к себе же и друг к другу и подобны во всем. И назнаменай ми зде, что бо ино являют словеса отя, разве яко сими перъсты добре испытуеши таинство единства тройческаго и нудишися постигнути, како имать в себе естеством же и чином и в коей вышеестественней силе¹⁴⁴ разума высокаго и непостижителнаго достоинства утвержаеми суть, еже страшно зело? He довлеет ли нам, о человече, соблюдати искушенная от толиких святых мужей и времен благоприятных и свою познати немощь, иже ни своего естества разумети можем, коим чином сиречь разумное чювственному смешено есть? Ни ли велий смех сия суть и презорство явьственное? He слышал ли еси иже зелнаго в божественных догматех Григория, како отвеща к Македоняном, вопросившим о происхождениих Сына и Духа, который убо чин обоих быти может бытия и како не происходящая подобне, таже глаголем она единосущна, якоже и ты нас вопрошаеши. Како, рече можете исповедати Троицу равнославную неравными перъсты, и прочая? И слыши, что отвеща огненый он ум ко онем богоратником. Рцы, глаголет¹⁴⁵, ты нерождение Отчее, и аз рождение Сына естествословити буду и исхождение Духа, и обезумимся обои, приникающе в таинства Божия, и наипаче каци, иже ни яже пред ногами нашими известне ведуще. И паки: даждь ми Бога иного и естество Божие, и дам тебе ту же Троицу с самеми имены же и вещьми. Аще же един Бог, едино естество превышшее есть, откуду представлю тебе подобие? Или взыскуеши, рече, паки от нижних и сущих окрест тебе, зело убо срамно есть и не токмо срамно, но и буе велми от нижних уподобление вышних приимати и не подвижимых от истекателнаго естества. И паки в слове, еже о Святем Дусе, той же богослов: паки солнца помыслих и лучю¹⁴⁶ света, но и зде боязнь есть, первое убо да несложение некое умыслится несложнаго естества, якоже солнца и сущих в солнце, второе же Отца убо осуществуем, прочих же ни, но сил Божиих сотворим в нем сущих, а не стоящихся. Ниже бо луча, ниже свет иное есть солнце, но солнечная¹⁴⁷ некая излияния и качество существа, и вкупе быти и не быти. Богу дадим в сих, елико от подобия, еже и безместнее есть реченных. И мало попустя¹⁴⁸: конечнее же видеся мне нарочито быти, образы убо оставити и сени, аки прелщателны и от истинны множайше отстояща, мене же держащася благочестиваго разума, на малых словесех стояща, наставника Духа имеюща, еже оттуду просвещение приях, сие до конца соблюдающа, шествовати¹⁴⁹ и иным совещавати по силе, поклонятися Отцу и Сыну и Святому Духу, единому Божеству и силе. Сия убо божественный Григорий.

Ты же како имаши образ в перъстах своих, аки приличен и показателен совершенне, пресущественнаго непостижения? He видиши, ли откуду, рече, представлю тебе подобие? И паки: срамно есть и буе велми, еже от истекателнаго естества уподобление творити неподвижимым. И не точию худым нашим телесным удесем, но и солнечной светлости уподобляти таинство тройческое, всякому созданному естеству непостижимое, возбрани. Аще бо Павел, избранный сосуд, божественных от начала мира устроений разум смотряя и различие их неудобь взыскуемо помыслив, возопи: о глубина богатьства, премудрости¹⁵⁰ и разума Божия, яко не испытанны судбы Его и не исследованни пути его, и аще судбы Божия и пути Его не испытанны и не исследованны быти божественный апостол рек, тебе ли попустит самое таинство тройческое испытовати телесными образовании, якоже ты хощеши в перъстах своих известен образ и подобен равностию обрести тройческаго непостижения? Но добро убо горняя и яже выше нас зримая низшедшими оттуду к нам благодатне от Отца светов, по Иякову¹⁵¹ и Дионисию, взысковати и изъявляти, не елико несытный разум вскакает, но елико уставлено есть от наученых божественною благодатию¹⁵² пророков и апостолов и по них священных богословцев и учителей¹⁵³. И аще некая, зрящим нам, не разумеваема пребывают, того ради да не приложим к божественному писанию неможения или простоты, но молчанием, яже выше нас почетше, возлюбим реченная от них и в тех пребудем, богословному оному языку повинующеся¹⁵⁴, глаголющему: лучше есть утрудитися в помышлениих с наставлением Духа, неже удобне чествовати лености последующим. Исплюй ми рвения и пререкования и новое благочестие и неподобную мудрость¹⁵⁵. Едино учи токмо блюстися, еже не разрушати веру¹⁵⁶ лестными словесы. He тяжко есть побеждатися словом, но зло есть отщетитися Божества¹⁵⁷. Но да попустится тебе и образовании телесными по твоему мнению мерити необразуемое таинство тройческое, якоже хощеши перъстами показати равенъство триех ипостасей божественных. Что прочее теми устроится да узрим со истинною¹⁵⁸. Обрящем бо и зде Саула, язвлена уже¹⁵⁹ и своим скончавающася оружием, и разумеют вси, како солга неправда себе, по пророку. Рече бо он к грешнику от лица Божия: вознепщевал еси беззаконие, яко буду тебе подобен, но не тако; обличю бо тя и представлю пред лицем твоим ложь твою¹⁶⁰. Смотри же, глаголеши бо, яко равными и подобными перъсты к себе же и друг к другу, сиречь палцем и указателным и средним святая равнославная Троица почитается. Како же равны оны перъсты глаголеши и подобны по всему? Средний бо выше указателнаго, великий же палец краток и дебел паче обоих и отнюдь видом не приличен сим, к сим же и местом отстоит от них. Се, якоже видиши, не равны и не подобны к себе. Аще сими хощеши образовати божественное, видиши ли, како обличаешися? И в лепоту пророчески паки речется к тебе: в сетех своих увязе грешный, и на верх твой взыде неправда твоя¹⁶¹. Мы же не тако, но вопрошаеми от вас, по вышеписанному, како исповедуем Троицу равнославную неравными перъстами, отвещаем сице со всеми богословцами, предавшими нам сие таинство, яко слагаем убо мы три перъсты десныя руки, глаголю же, палец и последних два по образу тройческому, елико в показание точию глаголемых в Троице трех ипостасей божественных, а не во истязание, во еже како быти тем единой от другия и межи себе. И не приемлем внешних удов наших во уподобление таинства божественнаго, ибо внешнее человека сложно есть, Бог же прост есть и не сложен, ниже образуем перстов видом¹⁶². И треми перъсты единосущными, разделяемыми и во едино совокупляемыми, образуем Святую Троицу единосущную, неразделно разделяемую и неслитно соединяемую. И тако три оны персты совокуплыне, совершено исповедуем; три едино и едино три, ово существом, ово же ипостасьми, ничто же прочее дале ищуще¹⁶³, но на отеческих уставех почивающе, не прелагающе предел вечных, по реченному, но по всех священных богословцех и учителех единовиновну с виновным, и еже от Hero, яко единости единей за неразделное, и Троицы за трисоставное, в единстве свету трисиятелному, единому же Богу воистинну, Отцу и Сыну со Святым Духом поклоняющеся. Сице от священных словес мы и непщевати и глаголати научихомся. Но убо подобало бы о сем ни едино нам слово творити к вам, толика сведетелства имущим богоносных отец, иже не токмо во всей богодухновенной философии и глаголемей внешней, совершеннейше цветяху и украшахуся, но и святостию многою и житием целомудреным и кротостаю духовною, их же хвала от края небесе до края слышана есть¹⁶⁴. Мы же болшим многорасстоянием отстояще от благодати и премудрости, иже от небес в них обитаемыя, неже от неуподобляемаго и аньгелскаго жития их, мало же словесное учение временем приплодивше и внешним любопрением паче, неже наказанием, себе ражжегше, и от инуду инии вскочивше, церковный мир смутити покушающеся, и толиких и толь велиих проотявших во святыни и премудрости церковных учителей свидетелства туне и всуе отражающе, но добро убо и воистинну достолюбно словес внешних ведение, но елика к научению же¹⁶⁵ праве глаголати и к наощрению разума и очищению, а не и во обретение божественных догмат и разсуждение. Тем же якоже предрех, ни едино бы слово лепо творити о сем, но да не хвалится лжа противу истинны. Сего ради отвещах о сложении трех перъстов еже по нас. Принеси же и прочее книги твоя¹⁶⁶.

Тоя же книги лист 804. Рцыте же еще прочее и о двух перъстах, указателном глаголю и среднем, ими же глаголете исповедати таинство смотрения Бога Слова, и глаголюще в них заключати божество и человечество, како исповедуете? Зрите убо, еда не впадаете, аще и не хотящим вам, во еже мудръствовати две ипостаси в едином Христе и разделяти по Несторию, глаголющему, иного убо быти Сына Бога Слова, иже от Отца рожденнаго преже век, другаго же Исуса, иже от Назарета, человека проста непщевавшему, и по любви соединена, а не Бога истинна воплощьшася, якоже и вы ныне разделяете. Первее в трех перъстех, изобразующих Святую Троицу, указуете быти Сыновню ипостась, таже особь отделивше ину поведаете быти во указателном, глаголю, и великосреднем¹⁶⁷.

Сице убо в книзе оной приносят к нам. К ним же да прострется слово зде. Но да (не) к распри приклоните ушеса, но все злоизволение от ума изгнав, прилежне и истиннолюбне судите словеса. И смотри же, кто от нас обличится, мудрствуя Несториева, якоже глаголете к нам, или инех злославных приближнейше. Начнем же сице. Яко мы убо употреблением перъстов сих, глаголю же, указателнаго и средняго¹⁶⁸, не две ипостаси мудръствуем во едином Христе, якоже вы коварне и лестне глаголете, заключати нам в перъстах сих божество и человечество. Мы бо не заключаем в перъстах, ни описуем божества. Далече от нас буди таковая хула. Но тако добре и отцепреданне сима двема перстама исповедуем единого Господа нашего и Владыку Исуса Христа, единого убо тогождо по составу, от двою же различну естеству в совершеное единство неслитне стекшихся, Иже нас ради и нашего ради спасения плоти нам приобщився и крови и в Себе наше приим неразмесно смешение. Един от двою бысть супротивных, Бог, той же сый и человек: Бог, от существа Отча преже век рожденный, и человек есть от существа матерня во времяни рожденный, совершенный Бог и совершенный человек. Той же бо Христос и Сын Божий бе и сын человечь, равен Отцу по божеству, мний же Отца по человечеству, едина ипостась пред воплощением, исполневающая великое пребожественныя Троицы таинство, отделена же от человечества, наг сущ Бог¹⁶⁹, и едина ипостась по воплощении, в тех же уставех Троице¹⁷⁰ пребывающая, не нага же и уединена от человечества, но человеческому естеству соединена во едино совершении по составу¹⁷¹. Бог бо Слово плоть бысть, не преложься божеством, неизменный Бог ниже смеса или слияния пострада, отнюд убо бесстрастно божество, но пребыв, еже бе Бог, быв еже не бе человек, стекшимся двоим естеством во ипостась едину, кроме смеса, неслиянне и неизменне. И паки Троица пребысть Троицею, таяжде бо ипостась пребысть и со восприятием. Сице бо мы от отец о промышлении, еже о нас, человеколюбнаго смотрения Бога Слова славити и веровати научихомся. Зде же вопрошати противящихся праведно есть. Рцыте убо нам истиннолюбне, а не распрею, о сем: исповедуете ли, егда Бог Слово благоволением Отца и содейством Духа воплотися от святыя Богородицы пречистых и девьственных кровей и от всепречистаго оного и приснодевьственнаго чрева пройде со восприятием, по вышереченным от нас¹⁷², и толика лета на земли со человеки поживе, бе ли тогда на небеси не разлучен от Отца божественным существом? Всяко речете, яко ей, зане от всех богословцев равне сие исповедуется. Весь, рече, бе в нижних и вышних, никакоже отступль неописанное Слово. Схождение бо божественное неместно бысть прехождение. И паки: недр отеческих не отлучься сладкий Исусе и на земли, яко человек, поживе, и многа такова. Но и сам Спас во Иоаннове благовестии глаголет о Себе: никто же взыде на небо, токмо сшедый с небесе Сын человеческий, сый на небеси¹⁷³. Что бо ино являют вся глаголы отя, разве яко не преходит от места на место Бог, якоже телеса? Неместно, рече, бысть прехождение, схождение божественное. Где же и прейдет Иже везде сый со Отцем и Духом? И аще истинно сие, яко же и истинно есть, яко сниде в Пречистыя Девы утробу, не разлучися отеческих недр. Слово бо, рече, воплощается и от Отца не отлучается¹⁷⁴, но сый на небеси со Отцем, той же и на земли плотию со человеки поживе. Како не безместно есть, паче же нечестиво рещи, яко сложением перстов еже по нас в две ипостаси разделяем единого Христа, образующе треми перъсты три ипостаси тройческия, двема же персты единого от Троицы Бога Слова, плотоносца бывша Христа, понеже слагаем персты оны три во едино, исповедующе три ипостаси божественныя. Два же персты совокупляем, проповедующе Христа во едином составе сугуба естеством, не описуем же местом, ни заключаем в перстах, яко же вы глаголете, божественное Бога Слова существо. Зане яко же тогда Бог Слово с плотию на земли поживе, той же горе сый со Отцем, якоже глаголет божественный он просветитель вселенней, церковная красота: во гробе с плотию, во аде же со душею, яко Бог, в раи с разбойником, и на престоле бе Христе со Отцем и Духом. Во всех бо сих бе Христос божеством, и не разделися блаженное Его и непостижимое существо. Тако и в сложении перъстов сих добре и зело благословне и отцепреданне исповедуются оба таинства: тройческое, глаголю, и смотрения. Три бо перъсты оны являют Святую Троицу единосущну и неразделну, неописуему и непостижиму существом, два же перъсты единого от Троицы воплощышася, Того же во едином составе сугуба естеством. И да явленнее реку. Яко же тогда плотию на земли поживе и на небеси неразлучен со Отцем и Духом бе, тако и зде три перъсты являют Его неразлучна со Отцем и Духом на небеси, два же перъста Того же единого плотию живша на земли. Един бо от трех и един от двух являют неописанное Его и необъемлемое местом божественное существо, понеже двема перъсты онеми воображаем точию и проповедуем и славим, благодарствуем же и величаем и воспоминаем себе еже о нашем спасении промышление Его, и благостное и крайнее и человеколюбное схождение к нам, и еже о нас всемудрое смотрение Его совершивша на земли, а не и како ныне одесную Отца седение или стояние Его. He мощно бо сие не точию перъстами вообразити нам, но ниже умом постигнути всякому созданному естеству, якоже и вышереченный он сирин церковный Дамаскинский Иоан глаголет о сем: вся преданная нам законом¹⁷⁵ и пророки и евангелисты и познаваем, и чест(в)уем, ничто же дале шцуще.

Бог бо сый благ и всякого блага податель, еже бо угодно бе нам, разумети откры, а еже не могохом понести премолча. Сего ради и мы, слышаще божественнаго сего высокопариваго орла, ничто же взыскуем, ни испытуем паче еже в божественных писаниих откровеных нам. Вемы бо, яко сниде на землю, не истощи троичнаго числа, паки взыде с плотию, не приложи к троичному числу, но паки Троица Троицею пребысть и со восприятием бо в тех же уставех Троицы есть. Како же имеются сия, един Той сам известне весть. Созданный же разум ни един вместити может сего, донележе преставшу еже отчасти приидет совершение, понеже и божественнии благовестницы недоуметелне и различне рекоша о сем: седяща убо одесную Бога – Марко поведает Его, Стефан же и стояща виде, якоже глаголет Лука. Аще ли же кто дерз и презорив зело, хотя постигнути непостижимое, таковый да слышит божественнаго таинника и премудраго учителя Иоанна Лествичника.

Лествица, о безмолвии слово 27¹⁷⁶. Проходя среднее, в средних бых, и просвещаше жаждуща. И се паки бяше во онех. Что убо бе прежде видимаго в нем зрака, научити не можаше, ни бо оставляшеся начальствуяй. Како же ныне есть вопрошах глаголати, во своих убо глаголаше, а не в сих. Аз же: что десное стояние и седалище о виновнем. He мощно, рече, слухом научитися сим, на неже убо мя желание влечаше, привести время оно молях; не у глаголаше приити часу скудости ради огня нетления.

Сие же речение святаго сего сице разумеша отцы. На молитве сущу ему, быв (шу) во изступлении, восхищен умом обретеся посреде ангел и, хотя навыкнути нечто от преестественнаго величия, вопрошаше, в коем образе¹⁷⁷ прежде устроения плотнаго Христос и каков бе божественный Его образ? И погреши сего. Приложи паки, да како поне ныне Христос, ангел же во своих си глаголаше, сиречь в божестве и человечестве. Паки же он: что, рече, десное стояние о предначинателней и первобытней вине, понеже различне благовестницы рекоша сие. Ангел же и то отрече, не мощно глаголя плотному слуху вместити сия. Видиши ли: не точию изобразити в вещи, но ни умом постигнути, ни слухом вместити мощно сего. И той убо толикий и таковый и толь велий в добродетели быв и такова боговидения сподобися, проникнув в таинства божественная, что пострада. Ты же потонку и опасно истязуеши, како ныне есть, и любопришися вообразити в перстах своих еже немощно есть. Убо разуместе ли от всех сих, яко не два сына, ни две ипостаси сложением перстов, еже по нас, мудръствуем во едином Христе, но единого тогожде Бога Слова, сугуба естеством, а не и составом, Христа совершена Бога и совершена человека во истинну проповедуем и со Отцем купно и Святым Духом славим Его? К сим же, аще и вопросит нас кто от иже инако мудрствующих, глаголя: что образующе сице персты слагаете знамение креста начертавающе, отвещаем ему со святыми церковными учители, предавшими нам отвещавати сице к вопрошающим, яко три перъсты во едино слагающе сим о богословии, рекше о Святей Троице, едино естество и едину волю, три же составы Отца и Сына и Святаго Духа исповедуем. Двема же перъсты о промышлении воплощения Христова два естества, сиречь божество и человечество, и две воли божественную и человеческую и два действа божественное и человеческое исповедуем. Слагающе же персты оны два во едино, един состав воплощьшагося Бога Слова исповедуем, яко той един Сын Божий и сын Девы. И тема двема перстома, иже образуют Христа Бога нашего, знаменаем крестаобразно лица своя по пророческиим речениом, еже дал еси боящимся Тебе знамение, и знаменася на нас свет лица Твоего, Господи. Сице убо себе знаменующе, сице же паки и от святителей благословение приемлюще, исполняем бывшее от Бога Аврааму обетование, еже: о семяни твоем, сиречь о Христе, благословятся вси язы́цы земъстии¹⁷⁸. Тако убо мы знаменаемся и благословлямся единым светом Христом и единым Его знамением, а не двема, по выше реченному пророчеству: дал еси знамение глаголющу, а не знамения, и: знаменася на нас свет, а не светы. Аще же кто не двема персты, но инако некако благословляет или себе знаменает, таковых не мы, но иже по вселенней всей, идеже истинное християнство есть, во святых Божиих церквах, не единою в лете или дважды, но по вся дни, егда действуется верных спасение отцепреданный церкви чин о приходящих от еретических вер, клятвами поминают и вечней анафеме предают, яко явственных еретиков, якоже вышеписанная священная правила свидетелствуют. Сице убо наш ответ к востязающим нас, аще и грубе и невеждественне, но убо в слове, а не и в разуме. И сице убо мы сердцем в правду веруем и усты во спасение исповедуем¹⁷⁹. К сим же и самеми истинными вещьми во удесех наших спасение наше проповедаем и в душах и телесех наших Бога прославляем по божественному апостолу. И наше убо сице есть.

Аще же кто вас вопрошл бы, что являете три перъсты слагающе, вем добре, отвещаете, глаголюще, яко оба таинства в сих исповедуем, еже есть святыя Троицы и смотрения, якоже пишете в вышереченном Чиновнике [Никоновская Скрижаль]¹⁸⁰ на листе осмь сот шестом. Како же можете вообразити треми перъсты онеми святую Троицу несозданную и Христа во дву естеству веруемаго и познаваемаго, понеже супротивляется слову велением святыя, несозданныя и поклоняемыя Троицы, яже о плотстем смотрении единого тоя всепетыя единицы, якоже глаголет Лeствичник? Еже бо тамо множителна, в сем суть единственна, a яже тамо единъственна, зде суть множителна, сиречь о составех и существох, понеже о святей Троицы три составы исповедуются, о Христе же един состав познавается. И паки во святей Троицы едино естество веруется, во Христе же два естества исповедуются. Аще бо вопросит вас о богословии, по святому¹⁸¹ Максиму, и Анастасию, и Кирилу Александрийскому, рекше о святей Троице, колико естеств и колико составов исповедуете, отвещаете яве, яко едино естество святыя Троицы, іри же составы исповедуем. Речет же, како воображаете сие в сложении перъстов в крестном знамении, покажете три перъсты, глаголюще: шми образуем три составы божественныя. Таже сложивше перъсты оны три во едино, речете: сице же образуем едино естество святыя Троицы. Паки же он: о смотрении вочеловечения Христова, колико естеств и колико составов и действ и воль исповедуете? Отвещаете подобне нам: вем, яко два естества и два действа и две воли, един же состав воплощьшагося Бога Слова исповедуем, аще не кто от проявленне зазорных есте. Смотри же, паки вопрошаяй: покажите ми, речет, в сложении перстов, како образуете Христа во едином составе, сугуба естеством, но не можете сотворити сего, аще и тмами мятетеся. Что убо отвещаете к сему? Како во едином персте вообразите сие. Аще един перст, един убо и состав, и едино образует естество. И обрящетеся посему словом убо исповедающе Христа сугуба естеством, делы же отметающе вочеловечение Его. Аще ли же, якоже видехом неких от вас, мудръствующих сице: отделивше от триех един перъст во образ Сына, и поставите его недвижима, глаголя: сим образовати едино естество, таже покивавше перъстом тем, речете: се и другое естество, но сице и о прочих двух перстах, ихъже приемлете во образ Отца¹⁸² и Духа, можете сотворити оте. И будут по сему образованию Отец и Дух подобны Христу сугубы естеством. Аще ли же нечестиво сие, еже и в мысли прияти того, нужда вам треми перъсты онеми подобными к себе образовати Сына, подобна Отцу и Духу Бога, суща нага от приятия¹⁸³, едино имуща, якоже и Отца и Духа божественное естество, и единого Господа нашего Исуса Христа в две ипостаси по Несториеву злоумию разделяти и сещи, или паки в подобное оному пьянство впасти, и Евтиху злочастному и Диоскору последовати. Тии бо единого Господа нашего Исуса Христа, от божества же и человечества разумеваемаго и в сих двоих поклоняемаго естествох, дерзостию и безумне смешаху и сливаху во едино естество, якоже и вы сим образованием приближнейше имате к ним. Три бо перъсты совокупивше, исповедаете тайну тройческую, и кийждо перъст образует едину ипостась. И, аще един перъст во образ Отца, другий же во образ Сына, третий во образ Духа приемлете, яве, яко един кийждо перъст един образует состав и едино естество. И аще едино естество Христово по сему образованию, то убо, или божественно всячески или человеческо. Аще убо едино божественное, якоже Отца и Духа, где человеческое? Аще ли человеческое, како не отвержени будете божества? Аще же ино что кроме отх, како не иноестествен по сему Христос и Отца¹⁸⁴ и нас возмнится вам? Аще же паки един перъст едино образует естество божественное и человеческое, како не Евтаху оному и Диоскору смудръствуете, смешающе и сливающе естества, егоже что будет злочестнейше и безумнейше? И паки реку: аще убо треми перъсты образуете три ипостаси тройческия, и един перъст Отца образует едину ипостась и едино божественное естество, другий Сына едину ипостась и едино божественное естество, третий Духа едину ипостась и едино божественное естество¹⁸⁵, не яве ли, яко словом исповедовати глаголете, по вышеписанному, Христа сугуба естеством, делы же отмещете по сему образованию вочеловечение Его? И аще вочеловечение Спасово шм образованием пребудете отметающе, своего спасения отмещетеся. И блюдите, да не и к вам речется оно апостолское, еже Христос вас ничтоже ползует¹⁸⁶. Аще убо онех не ползова Христос погнавших закона правду¹⁸⁷ по яже во Христа вере, кая убо полза вам будет от еже усты исповедовати, воображением же Спасово смотрение отметати? В мале бо неверен и во мнозе неверен¹⁸⁸ есть, речется убо и к вам, по богослову Григорию: неблагодарная здания, за них же Христос туне умре бес придобытка¹⁸⁹. Аще ли же не хощете повинутися правде и любопрителне належите паки, глаголюще образовати треми персты Святую Троицу¹⁹⁰, не отметати же и вочеловечения Господня, нужда вам всяко таяжде страдати нечестивыя оноя двоицы, Евтаха, глаголю, и Диоскора, смешающим и сливающим¹⁹¹ Христа во едино естество образованием единого перста, безумне же и нечестиве; не точию же, но и во Аполинариеву яве яко таковым образованием удобь можете впасти пропасть, учащаго разумныя души Христу не приемшу, но вместо души божеству доволну сущу, сего ради и мертвым телом, сиречь опресноком, окаянный злочестивым мудрованием литургисаше, якоже и нецыи от вас по вышеписанному, их же видехом, перъстом единым от триех недвижимым Христово человечество образуют. Недвижимое бо все яве яко не одушевлено, и глаголемым христоразрушником сие образование согласует, глаголющим Господа нашего Исуса Христа, по воскресении Его из мертвых, душевну телу Его доле оставлену быти и нагом божеством на небеса взыти. К сим же и лукавому оному счетанию Сергия, глаголю, и Пира и Павла, началствующих Констянтиня града, и Анория Римъскаго, и Александрскаго Кирила, Феодора же Фаранъскаго¹⁹² и Макария Антиохискаго и прочих, их же благочестне святый и вселенский шестый собор, другг друго плетению¹⁹³ лжи пленицу растерзавше, под праведное осуждение подложиша, едино хотение и едино действо во Христе Бозе нашем от дву естеств бывшем лукавым мудрованием изрещи дерзнувших. Ниже сии помыслы безумнии восприяша, удобно суще и в постижение готово, яко несть того же действа хрома властаю исцелити, и самому труд от путешествия подъимати, ниже слепцев воочесити¹⁹⁴, и землю слиною перст делы смесити, и, брение сотворив, очесем налагати, ниже мертва воскресити и над скончавшимся слезити. И паки ниже того же есть хотения прейти молитися чаши смертней и славу тоя нарицати и неволное хотети. И тии убо своего их злохулныя славы мудрования ничтоже уразумеша, предпочетше и не повинувшеся отцем, во своей прелести утвердившеся, в правду вечным проклятием осуждени бывше, и повинующимся им вожди нечестия и беззакония наставницы Быша и с ними пагубу наследоваша. Аще и папы и патриарси беша, лице бо Бог человека не приемлет, яко же и вы сим по образованию вашего смысла единомыслени являетеся быти. Аще бо по еже в вас заблужению треми перъсты образуете Святую Троицу и смотрение вочеловечения Господня, и кийждо перст един подобне коегождо единого божественнаго состава едино божественное существо образует, якоже многажды рехом, и аще един перст едино божественное естество Христово образует, якоже и прочии два – Отца и Духа. Убо аще едино естество Христово, всячески едино и хотение и действо. Видите ли, о мудролюбцы, где вас доводит высокая ваша мысль и новое сие силогисмо?¹⁹⁵ Убо разуместе ли, кто мудръствует Несториева и иных злославных? И аще праведно есть послушати вас паче, неже Бога, судите. Мы убо не можем инако мудръствовати паче преданнаго нам от отец, аще и клятвами претите нам, не повинующимся вам о сем. Но убо яже бес правды запрещения не вяжутся от Бога, якоже великий Дионисий глаголет и инии множайшии.

Святаго Дионисия Ареопагита. Сущее. Сице отлучителныя имут святители силы. Толк. Силы глаголет яже от Бога данныя тем искуси и суды, ими же отлучают и избирают грешныя от праведных, или супротивное. Сущее. Яко возвестителным божественным оправданием, не яко тем безсловесным устремлением, прямо богоначалию похвалне рещи служителне последующу, но яко тех учителне подвижущу службоначалнику Духу сужденых Богом, по достоинству отлучающим. Толк. Яко аще паче воли Божии¹⁹⁶ отлучит святитель, не последует ему божественный суд¹⁹⁷.

Видите ли, яко аще не по воли Божией святитель прокленет, сиречь отлучит не по священным правилом, не последует ему Божий суд, сиречь не действует клятва его, но и супротивное, якоже глаголет великий Василий.

От постных великаго Василия. Аще творит кто кого без благословения быти безвременно, сам да будет без благословения. И сие убо речеся о иже виною неких согрешений, запрещаемых от святителей не по священным правилам, а яко повиноватися святителем и послушати их, тогда лепо есть, внегда учат от божественных писаний, яве яко по воли Божии и по отеческим преданием, а не по своих похотех, якоже пишется. И не судити их, аще и зло имут житие. Аще ли же о вере погрешат и учат некия ереси, иже святыми соборы и отцы отреченыя, тогда не точию не запрещаются не покаряющиися им, аще и проклинаеми от них, но и великим хвалам достойни суть, якоже глаголют божественная правила.

Собора, иже в Констянтине граде, в храме святых апостол от Игнатия патриарха. Еретических плевел всеяния во Христове церкви вселукавый вложив и тех зря ножем духовным при корени отрезаемы, на другий прииде путь расколник, гневом Христово тело разделити начиная. Но и сей его навет святый собор возбраняя всячески, повеле прочее, яко аще который презвитер или диакон, якоже се о гресех неких зазрев своему епископу, преже соборнаго разумения и испытания, иже на нь свершенаго осуждения, дерзнет отлучитися от общения его¹⁹⁸, и имя его во священных служебных молитвах по преданию церковному не воспоминает, тому подлежати извержению повелеваем и всякия священническия лишитися чести. Сему же последъствующии, аще от священных суть нецыи, и тии от своея чести да отпадут. Аще ли иноцы или простии людие, да отлучатся всячески от церкве, дóндеже, еже к расколником совокупление оплевавше, ко своему епископу обратятся.

Того же собора правило 15. Уставленая¹⁹⁹ о презвитерех и епископех и митрополитех множае паче и о патриарсех подобает. Тем же аще который епископ или презвитер или митрополит дерзнет отступити еже к своему патриарху приобщения и не поминает имя его по уставленому и учиненому в божественней службе, но преже объявления соборнаго и свершенаго ему осуждения раздор сотворит, сему повеле святый собор всего священства всячески чюжду быти, аще кто обличен будет, се законопреступив²⁰⁰. И сия убо уставлена Быша и запечатленна о иже виною неких согрешений отступающих от своих первопрестолников и раздор творящих и соединение церковное раздирающих. А иже убо ереси ради некия святыми соборы и отцы отреченныя, еже к первопрестолнику приобщения себе отлучивше, оному ересь яве яко в народе проповедующу и не покровенною главою в церкви учащу, таковии²⁰¹ не точию правилному запрещению не подлежат, преже соборнаго осуждения себе²⁰² к зовомому епископу, приобщения отделяюще, но и подобающия чести православным сподоблени будут. He бо епископом, но лжеепископом и лжеучителем зазреша и не раздором церковное соединение ссекоша, но разделения и раздирания церковь подщашася избавити.

Видите ли убо, яко аще кто по сицевому разуму не повинуется святителю, како глаголет сие божественное правило, яко аще и тмами от таковых проклинается, не точию не вяжется от Бога, но и православных, сиречь исповедническия, чести сподобляется. Но убо противу немощи нашея доволна мню яже к вам реченная, хотящим нелюбоперне разумети²⁰³ и держати истинное. Мало же и еще приложивше в запечатление, препокоим слово, помянувше великого миру светилника, благочестия столпа непоколебимаго, его же сирин он, удивлься видению, благочестне убо и воистинну зело благословне рече негде великий²⁰⁴, яко аще бы на отеческих догматех и преданиях умолчавали быхом и просто неоплазивою верою апостолски веровали²⁰⁵, отнюд не требовали быхом словес. И мы глаголем яко аще бы не удалялися и мы от отеческаго учителства и стопам онех воследовали, то ниже церковная смущалися бы, ниже спасения нашего вещи позыбалися, и была бы нам известнейша надежда²⁰⁶ спасения, богоносным отцем воследующим и древних догмат божественных и преданий держащимся, нежели иная некая изобретающе и умышляюще, якова же суть новых учителей новыя догматы и учителства, яже дабы точию красовалися новоучением и новыя от всех нарицалися законоположители по еже у латин именуемых омния плацент²⁰⁷, паче же простою рещи беседою: якова же любо аще было бы, но токмо бы не по старому и овогда убо сице, овогда же сице. В мале яко бы рещи: не на кийждо день обновляются²⁰⁸ высокия мысли суетных разумов, якоже трости приражением ветров зыблемы(х), а не иже постоятелнейших и благочестивых и премудростию духовною украшеных. Устрояют же и зело многу бурю церкви и обыкшая бывати злая с новым изобретением. Во истинну бо что ино было бы виновно молвы и разстояния, расколов же и церковнаго смущения, точию новина любославных нынешних учителей, их же любо аще речет кто со апостолом в лепоту суесловцы и отроды умопрелестников²⁰⁹. Сие же человеческаго любочестия злонравие праведно²¹⁰ мню предотсылая Бог и прежде, ими же во святых глаголет писаниях: вопроси отцы твоя, и возвестят ти, старцев твоих, и рекут тебе²¹¹. Тем же, аще бы Арий вопросил отец своих, не бы разселся хулы ради, еже хуляше на Сыновне божество. Аще бы вопросил Македоний старцев²¹², то не бы о Святем Дусе неистовился. Тако же и Несторию злочестивому откуду прииде ниспасти, токмо еже от отец отступи, высокая мысля о себе, и непримирителную брань воздвиже на света нашего общую всего мира заступницу, Пресвятую и Всепречистую Деву сущую и истинную Богородицу. Что же и Диоскор, что ли и прочих всех еретик сонм? He тожде ли пострадаша вси? От правыя веры пренесошася, не хотяху отцем последовати и тую же истинную веру, совозрастъшую с ними, исповедовати, но мнешася мудри быти, объюродеша, велия о себе мечтающе, новое свое мудрование восхотеша составити, тем же и окаянне и умиленне погибоша с послушавшими их, вечную пагубу наследоваша, от нея же да избавит нас всех Христос Бог наш, хотяй всем спастися и в разум истинный приити²¹³. До зде же убо слово истинны, лжи востязая устремление. Ты же, о брате любезнейший, прием сия по твоему прошению, прочитай со всяцем вниманием, не мимоходне, но испытателне, и, со искусом познав и разумев истинну, держи лучшее по апостолу, глаголющу: вся искушающе доброе держите²¹⁴, и преданная нам древле от богоносных отец и учителей хранити подщимся от всея души, ничто же сумнящеся, и о тех подвигнемся, аще треба будет, и до крове. Бог же мира и отец щедротам да сподобит нас всех достигнути во единство веры и в разум неприкосновенныя и присносущныя Его славы, яко да вси вкупе единеми усты и единым сердцем славим и воспеваем Пресвятую и пресущественную Троицу – Отца и Сына и Святаго Духа ныне и присно и во веки веком, аминь.

А²¹⁵

Яна отпуске, государь, на тойже троецкой вечерне, в Служебниках и в Псалтырях в следованных, положили зело худо, и напечатали Духа Святаго истощание сице: иже от отеческих недр истощив себе. А в старых наших печатных и писмянных книгах написано: излияв себе. Но убо и в лепоту: понеже благодат(ь) Божия никогдаже не истощевается, ниже оскудевает, наипаче же поскольку изливается, потолику изобилует. А в литоргии, государь, в действе(ии) и в молитвах и ектениях, и весь чин тоя божественныя службы, святыми отцы преданый, испревратили до конца. Молитвы архиерейския выкинули (же) все: а у нас, государь, в твоем царском²¹⁶ богомолье, в Соловецкой обители, в харатейных Служебниках, кои писани лет попяти и пошестисот, и больши²¹⁷, а молитвы архиерейския во всех есть, и (а) с никоновыми Служебниками ни в чем не сходятся, а с нашими печатными согласны; якоже²¹⁸, государь, и бумажные старинные же Служебники, кои писаны лет потриста и болши, по которым служили при Зосиме чюдотворце и при Филиппе митрополите, и те все с никоновыми несходны же²¹⁹ ни блиско, и молитвы архиерейския во всех есть же, и указано служить во всех над седмию просфорах, и на просфиромисании к божественному агньцу воображены в тех старинных Служебниках совершенный крест, а не крыжи. А ныне они, новыя веры учители, истинный трисоставный крест Христов от агнца Божия изринули вон и аки извержена и непотребна его сотвориша(ли), и действуют божественныя службы на крыжах латынских. А причастныя (и по причащении) многия молитвы, святыми отцы преданныя, отставили же, и в божественней службе и в действе(ии) многие тропари и стихи переменили (же), а иные вново(ь) прибавили собою: а в харатейных (и бумажных старинных Служебниках) нигде того не написано. А иные положены в тех новых Служебниках смехотворныя (и неподобныя) бездельныя речи, на поругание тоя божественныя службы, их же срамно и глаголати, и напечатали в Служебнике крупной печати на листу 262 сице: священник входит во храм и, совокупився с диаконом, глаголют вход: и то их смехотворство положено вново, зело неподобно и безместно²²⁰, понеже совокупление именуется мужеско и женско. И то напечатали они от своего растленнаго ума на смех и поругание Божию имени; а в старых, государь, Служебниках отнюдь таких неподобных²²¹ речей не обретается. А начиная закалати святой агнец диакон речет точию: благослови владыко, и еже рещи: заклати святой агнец, и то отставлено же, и выймают из одной просвиры щипком частей до 50-ти и болши: а в старых того не указано. A знаменуя святой агнец, иерей глаголет: в воспоминание Господа нашего Иисуса Христа; а еже рещи: воспоминание творим, и то отставили же²²². А во святом Евангелии, в Луке зачало 108, Сам Господь Бог наш глаголет сие²²³. А нынешние учители и то отставили (же); в харатейных Служебниках то есть же. Да в том же, государь, действе святых угодников Божиих, просиявших в новой благодати, руских чудотворцов, из Служебников вынесли вон, л. 292. И соединяя вино и воду священник ничего не говорит, и что прежде был положен стих: соединение Святаго Духа, яко трие суть свидетельствующии, о нем же Апостол Иоанн Богослов в послании своем, в 74 зачале, воспоминает, и то отставлено же: а в харатейных Служебниках то есть же. И служат на пяти просвирах: а в Номоканоне, государь, в Потребниках святейшаго Филарета патриарха, правило 210-е, лист 50-й, и Иосифа патриарха в Потребниках, лист 409, указано служить на седми просвирах, а не над пятию. И (а) просфиромисальныя стихи о здравии и за упокой, как в старых Служебниках написано было, и то отставили же; а в харатейных, государь, Служебниках те просфиромисалные стихи есть же. И покрывая святая, в тропаре, еже: во гробе плотски, напечатали: и на престоле был еси; а в старых Служебниках у нас написано во всех: беяше, а не: был еси. A внегда хотящу диякону начати божественную службу (и) глаголетко священнику: время послужити Господеви, благослови владыко; а в новых Служебниках напечатали: время сотворити Господеви. И тое речь они переменили отднюдь не по разуму; еже глаголет время сотворити, яко на некое рукоделие благословляется, а не Господеви послужити. А отпуста, государь, и (ни) прощения после часов пред обеднею священник не говорит и царских²²⁴ дверей в то время и в начале обедни не отворяет, а выходит диякон начинати обедню северными дверми. А в соборном, государь, уложении Макария митрополита, в книге глаголемой Стоглав, отпуст на часех в царских дверех и прощение говорить указано. А егда антифоны на литоргии станут говорити(ь), или вместо антифонов псалмы: Благослови душе моя Господа, (и: Хвали душе моя Господа) и в то время укаазано в Служебниках крупной печати, лист 311, диякону стоять²²⁵ до скончания антифонов(а) обратяся от Божия лица на запад; такоже отвращается и на втором антифоне. И сие их мудрование зело худо, и непотребно, и малым робятом разумети мочно, что то богопротивно: понеже вместо еже бы купно ему зря на восток со Псалмопевцем благословити и хвалити Господа за вся благая Его к нам воздаяния, a он в το время и от Божия лица отвратится, (и) аки отрицатель

Божия милости показуется. А в старых харатейных и бумажных Служебниках отнюдь того несть. А егда диякон начнет чести святое Евангелие, и в то время священник служащий стоит в царских дверех и глядит вон на запад же: а в харатейных Служебниках у нас того (не указано и) не написано; а в старых бумажных Служебниках указано стоять за престолом, а не в царских дверях. А на: Приидите поклонимся аллилуия поют однажды: а в старых Служебниках указано петь трижды. A no чтении Апостола напечатали: и духови твоему, псалом Давидов, аллилуия: и то мудрствуют не делом же, понеже аллилуия ангельская песнь, а не от Давыдовых псалмов взято. Да в старых же, государь, Служебниках напечатано: диякон егда исходит на литоргии чести святое Евангелие, и глаголет велегласно: Благослови, владыко, благовестити благовестие святаго и всехвальнаго (вселенскаго благовестника) Апостола и Евангелиста, имя рек; и священник противу ему возглашает: Бог за молитв святаго и всехвальнаго Апостола и Евангелиста, имя рек, даст ти глагол, воеже благовестити силу многу. А в новых Служебниках, лист 355, та речь испорчана, и напечатали зело не в лепоту, сице: глаголет диякон ко иерею: Благослови, владыко, благовестителя Апостола и Евангелиста, имя рек, и просит от священника Евангелисту и Апостолу Христову благословения, а не себе; такоже и священник ему отвещает: Бог молитвами святаго Апостола и Евангелиста, имя рек, даст ти глагол, благовествующему силою многою. И вместо еже рещи: благовестити силу многу, а они глаголют: силою (многою). И то, государь, они переправили, паче же рещи, испортили (не делом же), ругаются²²⁶ божественному писанию, не против руских и греческих книг. Понеже и во священной Псалтыри, в руских и греческих книгах, в 67 псалме, пишет, согласно же нашим старым Служебникам, сице: Господь даст глагол благовествующим силу многу, a не рече: силою многою. А пред Евангелием, государь, и после Евангелия поют: Слава Тебе, Господи, слава Тебе; а в старых Служебниках того несть же. А ектению большую на обедни отставили же, поют вместо тоя малую заупокойную ектению²²⁷. A Херувимскую песнь и: Всех вас да помянет Господь Бог во царствии Своем, переменили же. А на херувимской песни припевают аллилуия потрижды. А (и) вшед во святый олтарь со святыми дарами указано в старых Служебниках говорить един тропарь: Благообразный Иосиф, весь до конца, единожды; а они говорят тот тропарь без конца, а в конце воскресения Сына Божия не проповедают; да лишних еще прибавили вново два тропаря: Во гробе плотски, и: Яко живоносец. А в старых Служебниках того не написано. А целоватися у них указано в плеча, а не во уста. A вново прибавили сице: Помяни мя, брате и сослужателю, и: Тойже Дух действует нам. И паки: Достойно и праведно покланятися Отцу и Сыну и Святому Духу, а не: Достойно и праведно. В Честнейшую херувим речь переменили же; а после достойна прибавлены у них многие лишние безгласные сгихи. А в старых харатейных Служебниках (наших) всего того не написано, мудрствуют собою. А перед причастием, государь, у них диякон опоясуется уларем в церкви, зело неискусно и безчинно, пред всем народом, а не в олтаре; а прежде сего, государь, отнюдь такова бесчинства не бывало, и (а) в харатейных Служебниках нет же. A (и) как, государь, в олтаре станут причащатися, и егда приемлют тело Христово, и диякон протягнет ко священнику на приятие тела Христова правую руку, а левою рукою держит под локоть, и глаголет: Преподаждь ми, владыко, честное и святое тело Господа Бога и Спаса нашего Иисуса Христа; а преже сего у нас, в руском царствии, такова безстрашия не бывало, что тело Христово приимать одною рукою, а другою держать под локоть. А в правиле, государь, во 101 святаго вселенскаго собора²²⁸, в книге Небесах, в слове 28 святаго собора, велено длани крестообразно слагати. И неточию, государь, такое великое и страшное Божие таинство тела(о) Христа Бога нашего приимать одною рукою, но и всякую святыню и просвиру святии отцы нам предали приимати обема(и) рукама(и), слагая их крестообразно же, со всяким благоговением и страхом. А пред причастие²²⁹ стихи у них переменены на свой разум, а иные приложены лишние вново. А после причастия, государь, у них приложены вново же тропари по вся воскресения и великоденские: Воскресение Христово, и: Светися, светися, и: О пасха велика, и иныя прибавочные стихи, и указано их говорить по вся дни. А в старых, государь, Служебниках тех прибавочных тропарей и стихов не написано. Благословен грядый во имя Господне в Служебниках крупной печати отставили, а вместо того поют: Обретохом веру истинную. И то, государь, переменили не делом же, наконец века бутто обрели новую веру, а славу Сына Божия явно умалили: понеже сам Христос Бог наш, егда вшедшу ему во святый град (Иеросалим), и слышав сие хваление от детей еврейских, и не могущим отцем их, зависти ради, сия благословенныя хвалы слышати, отвеща Господь²³⁰: аще, рече, сии умолчать, то камение возопиет. А они, государь, и тое благословенную хвалу Сыню Божию оставили (же), сами не могут слышати, да и нам²³¹ глаголати возбраняют. А на: Да исполнятся уста наша говорят аллилуия трижды. А достойна(о) перед отпустом не говорят же. A по причащении, государь, божественнаго таинства иерею уста и руце умывати²³² не указано: и то они отставили не делом же; а в правилех, государь²³³, и в житии Иоанна Златоуста(го) пишет, яко уста плюновения ради и руце иерею(ом) после литоргии, а не прежь священной литоргии (умывати велено). На выходе иерей и диякон: Всех вас воспомянет²³⁴ Господь Бог во царствии Своем, не говорят, пройдут из северных в царские двери молком; а сказывают, что-де то говорить ненадобе того ради, понеже де то в неделю в Василиевой службе на выходе говорено было. И то они все переменяют не дело же: аще ли, государь, по их суемудренному²³⁵ разсуждению, И всех вас да помянет Господь Бог говорить не надобе(бно), то и прочее все действо, кое в Васильеве службе было, яже суть сия: начало литургии: Благословенно царство Отца и Сына и Святаго Духа, и ектенья(ию): Рцем вси, и: Помолитеся оглашении ко Господу, и прибавочная(ые): Елицы ко просвещению изыдите, и выход с теми святыми дарами, и: Исполним молитвы наша Господеви, и возглас: (И) Сподоби нас, Владыко, со дерзновением, и: Отче наш, и молитва: Вонми, Господи Исусе Христе Боже наш, и внимание и возношение святаго Агнца, по их(же) мудрованию, будет отставити(ь) же²³⁶. Да они же, государь, новые веры пропоповедницы, в нынешнем во 175 году, положили в новотворной своей книге, глаголемой Жезле (жезл) правления, паче же удобее противу ея неистовства рещи: Жезл кривления, и напечатали в ней, лист 45 и 47 сице: яко во время божественныя литоргии и на Херувимской песни преносимыя священником честныя дары прост хлеб, и просто вино, и нага божественныя благодати именовати(ша), и не подобает де ему поклона Божия давати, егоже страшно всякому православному християнину, не точию тако творити, но и помыслити. А во свидетельство, государь, о сем не предложили ни единаго от Апостол, или от святых, но точию ссылаются на некоего, от них же ныне и нам вново проповедаемаго, Николайкова сила²³⁷, бугго он им так предал, и светлее солнца то его мрачное предание в списании своем похваляют, и по его Николаеву небогоугодному мудрованию и нас ныне учат томуже преданию. И мы, богомольцы твои государевы, предания святых Апостол и святых отец на его Николаево учение изменити не смеем, бояся гнева Божия и апостольскаго заповедания: понеже сосуд избранный, Апостол Павел, влаетися нам во всяком ветре учения не повелевает, но держати предания крепце, писанное и неписанное, имже научихомся; и паки той (же) рече: аще кто начнет вводити что новое, аще и ангел с небеси будет благовествуя, таковаго (отнюдь) слушати не повелевает. А наипаче же сего Николаева учения бегати нам подобает: понеже он в твоем государстве, русийском царствии, неведом, кто он, и откуду, и какова чина, православныя ли веры, или латынянин, и в кая времена был, и во святых нигдеже не обретается. А святии Апостоли, государь, и известнии святии отцы и чюдотворцы²³⁸ тех божественных служеб, Василий Великий, Иоанн Златоустый, такова предания нам не положили, еже поклона (Божия) божественным даром не давати и простым хлебом и вином сия именовати. Аще (бы), государь, его Николаева(о) писание и предание было (бы) верно, то бы и вселенныя учитель Иоанн Златоустый в божественной службе своего творения, в Херувимской песни, мог бы написати такоже, якоже: прост хлеб и вино подъемлюще, ангельскими невидимо дароносима чинми. И се убо не рече, яко прост хлеб и вино подъемлюще, но: яко царя всех подъемлюще, ангельскими невидимо дароносима чинми, аллилуия. Такоже, государь, и Василий Великий в божественной службе творения своего пишет: Да молчит всяка плоть человеча и да стоит страхом и трепетом и ничтоже земнаго в себе да помышляет, Царь бо царствующим и Господь господьствующим происходит заклатися (и датися) в снедь верным, предыдут же сему лицы ангельстии, со всеми началы и властьми, многоочитая(тии) херувимы и шестокрылатии серафими, лица закрывающа(е) (и вопиюще) песнь аллилуия. Такоже и в прежесвященной службе: Ныне силы небесныя с нами невидимо служат, се бо входит Царь славы. К сему же, государь, и в книге Ефрема Сирина, слово 85, и в Прологу ноября в 26(7) день, о сем свидетельствует, и прост хлеб и вино (тамо) божественные (оны) дары до пренесения никакоже не именует. Аще ли, государь, все божественное писание, и (наи)паче же в самой божественной службе в Херувимской песни явствует нам, яко не прост хлеб и вино, но Сам Царь всех подъемлется, ангельскими невидимо дароносим чинми, и входит заклатися и датися в снедь верным, предыдущим Ему ангельским небесным силам, началом и властем, херувимом и серафимом: то как, государь, нам сего новаго учения и Николаева злаго предания послушати, и Царю царьствующим, Господу нашему Исусу Христу, ангельскими чинми невидимо дароносиму, Божия поклона не давати, и прост хлеб и просто вино сие вменяти? – егоже Николаева злаго предании не даждь нам Боже и слышати. Да в тех же, государь, новых Никоновых Служебниках, в предисловии, лист 20, напечатано про чюдотворца и началника нашего Филиппа митрополита московскаго и всея Росии, аки истинная правда, бутто он служил по таковым Служебникам, каковы ныне, при Никоне патриархе, вышли: и то нам всем явно, что на него написано напрасно, понеже он, отец наш, пришел в Соловецкую обитель великих чюдотворцев Зоотмы и Саватия от младых ногот, и жил до игуменства и в игуменах многа лета, даже до возведения на архиерейский престол московскаго царства, и книги его ныне все и Служебники у нас²³⁹, в Соловецком монастыре, в книгохранителной казне, кои были до него, и при нем, и после его есть, и ни един с теми Никоновыми Служебниками не согласует(ся); да и сам он, Никон патриарх, в себе и в новоизложенных своих книгах ни мало не согласен, и верити(ь) книгам его печати никако(ж) нельзя: ибо самыя ево новоизложенныя книги обличают его Никоново непостоянство (и) книжное несогласие во всем. Понеже будучи он Никон на патриаршестве, перваго году напечатал Служебники зело стройны и исправны²⁴⁰ с нашими печатными Служебниками, кои при прежних царех и при тебе²⁴¹, великом государе, печатаны, выходу Иосифа патриарха, во всем согласны; да и в предисловии в тех Служебниках он, Никон, писал²⁴², что те службы²⁴³ творение(я) вселенских учителей, Василия Великаго, Григория Богослова, Иоанна Златоустаго и Григория папы римскаго, и сам он похвалил доконца²⁴⁴ что-де они изысканы и напечатаны по божественных писаний свидетельству и вселенские церкви по истинному извещению, пространно и откровенно и разумно²⁴⁵ расположивше; а после того он же, Никон, вскоре, как взял к себе из Соловецкаго монастыря ссыльнаго черньца Арсения грека, известнаго богоотступника и еретика, по свидетельству отца его духовнаго, нашее же обители благоговейнаго священника²⁴⁶ Мартирия, (яко) учения ради философскаго трижды Христа и православныя веры отвергшася его поведавша²⁴⁷, и те своего выходу Служебники, кои он, Никон, похвалил, после того вскоре их сам же и похулил, и отверг все, и уложил с ним Арсением²⁴⁸ новые Служебники иным переводом, кои ни блиско с теми его похвалными нашими первыми Служебниками и с харатейными нашими старинными не сойдутся нимало. Никогда же от начала православныя веры в рустей земле, тем переводом Служебники, до его Никонова патриаршества, не бывали: понеже он, Никон, всю тое божественную службу и действо испревратили до конца и учинили великия расколы, и напечатали в тех своих новотворных Служебниках, в предисловии, ложно, бутто они творение их же вселенских учителей, и тем они ложным своим предисловием и ухищренными красными и витийскими словесы весь мир прелстили и последовати себе сотворили. А того от начала века не слыхано, чтобы те божественныя службы Василия Великаго, Иоанна Златоустаго и Григория папы римскаго обреталися где в божественном писании разными переводы(ами). Поэтому ему, Никону, и преданию его верить отнюдь нелзе²⁴⁹: понеже он, Никон, святых оболгал²⁵⁰, и в тех Служебниках, в предисловиях, явно сам собою ложь всем показал.²⁵¹

Б²⁵²

Такоже, государь, и твое царское богомолие²⁵³, Соловецкая обитель, до сего времяни во истиной православной вере и в благочестии, по преданию апостольскому и преподобных отец наших Засимы и Саватия и Филиппа митрополита, стояла непоколебима и под зазором в православии от греческих и руских архиерей ни в чем не бывали; наипаче же от начала во святей обители нашей самих тех греческих и руских и киевских властей, митрополитов, и архиепископов, и архимаритов и игуменов присылных бывало много, и ныне есть; а присылаются все²⁵⁴ греческия власти того рода, чтобы им навыкнути у нас в обители православныя христианские веры истиннаго благочестия и иноческаго чина. И аще бы, государь, до сего времени у нас была не православная вера, то бы их греческих властей для исправления к нам под начало в Соловецкой монастырь не присылали. И о сем с клятвою вси(е) тебе, великому государю, пишем и свидетеля Христа Бога на души своя²⁵⁵ представляем, яко не точию они, греченя²⁵⁶ простые чернецы, но и самыя их начальнейшия власти, архиереи, кои у нас под началом бывали и ныне есть, нимало истиннаго благочестия, и иноческаго чина²⁵⁷ и церковнаго²⁵⁸ и келейнаго начала не знают, донелиже у нас благочестию навыкнут, и лица своего перекрестити по подобию не умеют; а иных ссыльных старцев гречан привозят к нам без крестов, и кресты накладываем на них²⁵⁹ зде; у себя во обители; а которыя греческие и киевские власти у нас под началом не бывали, и те все истинное православие, еже во обители нашей, разсмотря(ев) до конца, похвалили, и никто от них предания преподобных отец наших Зосимы и Саватия не хулили. А нынешних, государь, их тех церковных раздоров²⁶⁰ и новоизложенныя веры никое божественное писание отнюдь не похваляет наипаче же и блюстися сего времени повелевает, якоже в книге московской печати, глаголемой О вере, лист 272, пишет шце: ибо всем, рече, православным християном подобает сему внимати, яко по тысящи лет от воплощения Божия Слова Рим отпаде от восточныя церкви со всеми западными (странами); а в пятьсотное и девятьдесят пятое лето по тысящи Малая Рошя к римскому костелу приступили; а егда, рече, исполнится 1666 лет, повелевает нам в та лета беречися, чтобы от прежереченных вин и нам некако зло в православной вере не посградати. И то, государь, всем нам ныне явно, что то писание сбылося неложно: понеже та писанная лета приидоша; a те церковные раздоры и вере смятение почало быть с(от) того указаннаго времени, якова смятения не бывало от начала века. Да и в Кормчей, государь, печатной книге, лист 572, про нынешнее настоящее время пишет тому же подобно, и напечатано шце: егда, рече, церкви(ковь) Божия без мятежа и без пакости в мире бываю(е)т, тогда вся благая от Бога бывают подаваема, такоже и пременения ради церковнаго пения, и святых отец предания, вся злая на нас приходят. Ныне же, государь, грех ради наших, попущением Божиим, отнелиже они, новыя веры учители, начаша изменяти церковное пение и святых отец предание и православную веру, и от того, государь, времени в твоем государстве, рушйском царствии, начаша быти вся неполезная, моры, и войны безпрестанныи, и пожары частыя, и скудость хлебная и всякое благих оскудение.

4. Священноинок Геронтий. Сказка соловецких иноков, поданная архимандриту Сергию 6 октября 1666 г.²⁶¹

175 года октября в 6 день благовернаго и пресветлаго и благочестиваго великого государя, царя и великого князя Алексея Михайловича, всеа Великия и Малыя и Белыя Росии самодержца, богомолцы, Соловецкаго монастыря убогие и грешные чернцы, келарь Азарей, и Савы Сторожевскаго чюдотворца бывшей архимарит Никанор, и казначей Варсонофей и священницы и дьяконы, и соборные чернцы и вся рядовая и болничная братья, и слушки и трудники все, Ярославля Спасского монастыря священно-архимариту Сергию сказали: В нынешнем во 175-м году, октября в 4 день, по указу великого государя, царя и великого князя Алексея Михайловича, всея Великия и Малыя и Белыя Росии самодержца, и по уложению преосвященных митрополитов, и архиепископов, и епископов и всего освященнаго собора, прислан с Москвы к нам, в Соловецкий монастырь, он, священно-архимарит Сергей, с товарыщи учити нас преданию по новым книгам, и велят креститися тремя персты, и Господа нашего и Бога Исуса Христа велят звати новым имянем, с приложением излишныя буквы: Иисус, и аллилуия говорити ірижды, а четвертое: слава Тебе Боже, и божесгвенныя литургии служити на крыжах, и в молитве Исуса Сына Божия не глаголати, и иным многим новым преданием²⁶², егожь мы и отцы наши до сего времени и слухом не слыхали, а что в прежних святых книгах писано и печатным тиснением издано, и тому последовати и творити нам возбраняют. И мы, нищие его, государевы, богомолцы и сироты, ему, благочестивому великому государю, кроме сего новаго предания во всем повинны и послушны, и ни в чем ево царьскому величеству не противны, и под ево, великого государя, державную и высокую руку души и главы своя преклоняем, и во всем ему, государю, трепетны и страшны, и за него, благовернаго и благочестиваго государя, царя и великаго князя Алексея Михайловича, всеа Великия и Малыя и Белыя Росии самодержца, и за ево благоверную и благородную государыню, нашу царицу и великую княгиню Марью Иличну, и за благоверных и благородных царевичев, государей наших, и за благоверные царевны должны Бога молити, и во всем добра хотети и душа своя за их царьское величество полагати. А что мы грешные держимся прежняго предания святых отец, и то весть, государь, Бог, что не за упрямство и не за преслушание к нему, великому государю, но бояся страшнаго суда Божия и святых отец предания и клятвы: понеже в соборном уложенье царя и великаго князя Ивана Васильевича всеа Руси, и пресвященнаго митрополита Макария Московскаго и всеа Русии, и прочих митрополитов и архиепископов и епископов, и всего священнаго собора, в книге глаголемей Стоглав, о сложении перст крестнаго воображения, глава 31, и о божесгвенней аллилуии, по свидетельству Пречистые Богородицы и преподобнаго Ефросима псковского чюдотворца, глава 42, написано троящим божественная аллилуия прещение страшно, и преподобный Ефросим псковский чюдотворец о тойже божесгвенней аллилуии ходил уведения ради в Царьград, и вселенский патриарх Иошф цареградцкий за то ево, преподобнаго Ефрошна, зело похвалил и повеле ему глаголати аллилуия 2-жды, а в третие: слава Тебе Боже, и тому свидетельствует нам книга житая его. И последуя тому соборному уложению, многия святаи отцы угодили Богу. Да о сложении же перст блаженный отец Петр Дамаскин, и премудрый Максим Грек, в книгах своих, и Феодорит епископ пишут и повелевают нам по преданию апостольскому святых отец креститися двемя персты. А молитву Исусову изменить не смеем, потому что вселенской учитель Иван Златоустый в воскресном толковом Евангелии, в неделю 17, пишет шце: аще ясте, или пиете, или делаете, или шествуете, или стоите, или ино что творите, непрестанно вопиите каждо вас: Господи Исусе Христе Сыне Божий помилуй мя; и иные многие святии отцы о сем пишут такоже. А на крыжах служити мы, священницы и дьякони, не смеем того ради, что прежние благочестивые ж цари, и великие князи и архиереи в Российском государстве крыжем чести не воздавали: егда приходил в Московское государсгво из Риму с царевною Софиею посол и нес от папы пред собою крыж, и великий князь Иван Васильевич всея Русши, и преосвященный Филипп, миірополит Московский и всея Руси, с тем крыжем ни близь царствующаго града Москвы прийти не попустили. А святый Иван Златоустый в неделю 3-ю святаго поста, в воскресном же толковом Евангелии глаголет: тот крыж образ и сень креста, а не самый истинный крест Христов, от ірех древ сотворенный, на немже Спаситель наш Христос Бог распяся. И нигде на просфорах в Руской земли тот крыж до сего времени не именовался, по всем святым Божиим церквам. И по всей Руской земле, святых отец молитвами и благовернаго государя нашего, царя и великаго князя Алексея Михайловича, всеа Великия и Малыя и Белыя Рооти самодержца, исправлением, православная христианская вера до отх новых книг сияла, аки солнце в небеси, и ни от кого в православных дохматех и церковных исправлениях под зазором не бывала, наипаче же сами они, вселенские патриархи, Иеремия цареградцкий и Феофан еросалимский, православную веру в Руской земли зело похвалили, свою же греческую веру, от неяже ныне исправления ищем, до конца уничижили, якоже в книге, глаголемой Кормчей, московской печати, о сем свидетелствует, лист 15 и 26-й, что у нас де в Иеросалиме и во всех, тамо сущих, восточных странах, конечное православные веры греческаго закона от агарян насилие и погубление, и церьквам божиим запустение и раззорение, но точию де един на всей вселенней владыка и блюститель непорочныя веры Христовой христианский самодержавной великий государь царь благочестием всех превзыде, и вся благочестивая в ево, государево, едино царство собрашася. И милости у великаго государя, царя и великого князя Алексея Михайловича, всеа Великия и Малыя и Белыя Русии самодержца, мы, грешные богомолцы и раби ево, государевы, все со слезами молим, и проотм, чтоб благоверный и благочестивый великий государь, царь и великий князь Алексей Михайлович, всея Великия и Малыя и Белыя Рооти самодержец, помиловал нищих своих государевых богомолцов, велел нам быти в томже прежнем благочестии, в коем чудотворцы наши, и отец ево, великого государя, благочестивый великий государь, царь и великий князь Михайло Феодорович всея Русии, и дед ево, государев, блаженные памяти Филарет Никитач, московский и всеа Русии потриарх, богоугодным своим житием препроводиша дни своя, чтоб нам под запрещением прежних святых отец не быть, и ево, государеву, богомолью, украинному и порубежному месту, от безлюдства не запустеть и нам врознь не разбрестись. Аще ли великий государь царь на нас грешных фиял гнева своего излиет, лучше нам убогим времянною смертию живот во веки получить, нежели началников своих, преподобных отец наших Зосимы, и Саватия, и Филиппа митрополита Московскаго и всеа Русии, и прочих святых предания оставити.

5. Священноинок Геронтий. Ответ вкратце соловецкого монастыря к востязающим нас, чесо ради не оставляем истинныя своея благочестивыя веры. Имамы же о сем сказати сице²⁶³

Ико убо прежние своея отеческия православныя веры не оставляем того ради, понеже в том благочестии началники наши преподобнии чюдотворцы Зосимо и Саватие и Герман и Филипп, митрополит Московский и всея Русии, и вси святии отцы угодили Богу, и вш благоверные цари, и великие князи, и отцы наши скончалися, и многие чюдотворные иконы Господь Бог чюдесы прославил на уверение нам истанныя нашея православныя веры, юже вселенстии патриарси Иеремия Цареградцкий и Феофан Иеросалимский, будучи у нас в Росийском государьстве, разъсмотревше, вельми похваляли. И Третий Рим благочестая ради Московское государство именоваша. Якоже свидетельствует сему в Кормчей печатной книге, лист 15 и 26. Такоже и Никон патриарх в той же книге, на листу 9-м и 10-м, свидетелствует, яко у нас православие истиннаго греческаго закона даже до лет приснопамятного государя нашего, царя и великого князя Феодора Ивановича всея Русии сияло аки солнъце посреде круга небеснаго, его же мы приемше от отец своих, даже доднесь храним во всем неизменно. И того ради, яже у нас истиннаго благочестия прежние вси государи наши, цари и великие князи и архиереи Московского государства присылали под начало к нам всяких греческих и руских и литовских властей: миірополитов, архиепископов, архимаритов и игуменов, и всяких мудрых многоученых и простых старцев и мирян, и жили у нас под началом по уставу преподобных чюдотворцов даже до сего времени по вся годы безпереводно, и божесгвенного таинъства и всякой святыни с нами причащалися со всяким благоговением и страхом. A православныя нашея веры они и церковнаго чину за сущее у нас благочестие отнюдь ни в чем не хулили, наипаче же и до конца вш вельми похваляли. Да и потому явно, что мы в православной своей истинъной благочестивой вере даже доднесь пребываем неложно, понеже аще бы у нас истиннаго благочестия во святей обители не было, то бы их, греческих и иных прочих властей, к нам под начало благоверные цари и великие князи не присылали, яко идеже бо благочестие не шяет, тамо никогда же духовных властей под начало не отсылают, и не бы кроме правыя веры святии отцы наши Богу угодили и в чюдесех просияли.

Ныне же у нас все то истинное прежнее благочестие в Росийском государстве самохотно у себя сами до конца возненавидели и непотребно быти вменили. И сего ради убо, якоже рехом, прежьние своея истанныя благочестивыя веры и не оставляем. А еже не приемлем новоизложенныя нынешния веры и нового учения того ради, понеже вся церковная предания и веру всю переменили. Ибо вместо трисоставнаго креста Христова повелевают кланятися двосоставным крыжем. А в древних Летописных книгах и в Минеях старых четаих свидетельства лет за полтретья ста о сем являют, яко православным християном крыжем²⁶⁴ кланятися отнюдь не велено. А иже крыжное поклоняние тогда заводили, и тех святии отцы в богоотступники написали и под проклятием положили. К сему же и спасеное имя Сына Божия переменили и имянуют Его грешным, и воскресение Его во мнотх местех в книгах отставили. И в крещении младенческом в Потребниках новых напечатали худые и богопротивные речи сице: «Молимся тебе, дух лукавый», его же страшно и слышати. И в литоргии на переносе божественым даром²⁶⁵ кланятися не велят, а нарицают я простым хлебом и вином и наго божественыя благодати глаголют. И креститися велят не по преданью святых отец – щепотью, и церквы Божия святят мылом, в нем же всякая нечистота и скверность. А на умерших вместо святого масла велят посыпать пепелом, его же отвека отнюдь нигде не слыхано. И в молитве Исусове «Сьта Божия» глаголати нам не велят и из Потребников новых из Номоканонов выкинули ея вон. А вместо тоя положили свою новосложную молитву сице: «Господи Иисусе Христе, Богородицею помилуймя». И Символ, еже есть исповедание православныя веры, пременили. Яко Бога Отца, единороднаго Сына Его, Гоотода нашего Исуса Христа исповедующе, «истинные» глаголют, а Духа Святого в том исповедании «истинным» не нарицают. Отставили они то напрасно. И начальный стих, еже есть: «Царю небесный», отъятием в нем «яже» – двоих писмен – нарушили, и молитву Святому Духу на Троицкой вечерне, и ектенью болшую²⁶⁶ отставили. И молятся стоя на коленках. А каятися у отцов духовных велят по латынски, приклякивая²⁶⁷ на коленках же. И крестов нам православным на себе носити не велят. Такоже и на младенцов возлагати кресты з гойтаном²⁶⁸ ис Потребников новых отставили же.

И крещение латыне и немцом и от прочих ересей приходящим в новых Потребниках против прежних не напечатали. И пострижение иноческое до конца все переменили, понеже мантию²⁶⁹ и параманд²⁷⁰ ис того пострижения отставили, и стихи тому одеянию ис Потребъников новых выняли вон, а напечатали в то место неподобные речи скрытно чюжим языком сице: «Брат наш, имярек, приемлет палии обручение великого ангельского образа во имя Отца и Сына и Святого Духа, рцем ecu зань». А толку той речи не положили. А в книгохранителней казне у нас в полном дестевом Алфавите, на листу 291-м в толку о том пишет, яко палии нарицается женъский детородный уд, его же срамно и глаголати. А они то положили в пострижение не делом. И аллилуию²⁷¹ ныне говорят на кафизмах²⁷² трижды. А в старых книгах рустии и гречестии списателие нарицают то безо всякого сомнения самою латынскою ересию. А иже сицевая древле мудрствоваша, и сего ради они гневом Божиим поражени суще, живи червями снедени Быша в наказание прочим, якоже Житие святого Ефросина Псковскаго чюдотворца о сем нам яве свидетелствует.

К сему же и просфиромисанние²⁷³ и всю божественую службу и ірисвятое²⁷⁴ на литоргии переменили и на агнцах²⁷⁵ вместо трисоставнаго креста Христова учинили крыжи, и подписи на них: «Се агнец Божий вземляй грехи всего мира» не печатают – отставили они то напрасно. И крещение человеком и схимление²⁷⁶ и погребения все, и водосвящения²⁷⁷, и имена святым, и летопись от Рождества Христова, и поклоны земныя, и звоны церковныя, и все пение: вечерни, и павечерни, и полунощницы, и заутрени, и часы, и молебны, и понахиды и все церковное предание, и книт все. И купно вся рещи, что ни содержит церковь Божия православнаго нашего християнского таинъства и веры, апостольского и святых отец предания, то все до конца нарушили и пременили. И учат нас ныне той своей ново[й] вере во всем сызнова, аки в уме заблудивших и никогда же отнюдь знающих истинныя веры и благочестия. И велят последовати во всем иноземцом: литве и греком – тем, которые сами конечного исправления и учения в православней вере требуют. Наипаче же яко сами о себе они, вселенские патриархи, в книгах наших печатных имянно о том свидетельствуют, яко у них во Цареграде и во Иеросалиме православная вера от агарянского насилия изсякла, и церквы Божия запустеша, и книги их греческия все латыня огню предаша (в Кормчей, лист 15, 26). И живут ныне, дни своя укупаючи²⁷⁸, во всякой неволе и утесьнении. А еже про наше росийское благочестие они, греческие власти, со всяцем уверением в книгах наших написали, и руками своими с печатьми царьскими закрепивше, положили, яко у нас самая истинная благочестивая християнская православная вера, и несть нигде инде по всей поднебесней иного истиннаго православия, паче сего, яже у нас в Росийском царствии до сего времени бяше, в нем же мы доднесь пребываем во обители своей неизменно. А ныне они, греки, попущением Божиим, улучивше себе толикое самовольное время, ибо приезжаючи к нам из темного агарянсково запустения и неволи в наше пресветлое, паче солнца благочестием сияющее Росийское свободное государство, его же недостояше им на превеличество светлосш истинного благочестия нашего и зрети, нежели ругатися и пременяти. Ныне же они все то истинное наше православие мнимым своим исправълением до конца порудили²⁷⁹, занеже апостольская и святых отец предания и церковныя догматы во всем нарушили, и книга переменили, и вся отеческия благочестивыя обычаи испревратили на своя иноземския обычая и нъравы. И нарицаются первопастыри и учители, свет міфу и соль земли, и в ыные государства приезжают учити и веру благочестивую применяти, a сами ни един лица своего по подобию не умеют перекрестити.

А убо начало и конец всему спасению нашему крест Господень, от сего бо и истиньнии християне вси познаваемся быти, якоже и Христос Спаситель наш «от плод их, глаголет, познавати», а не безсловесно им последовати и внимати. Сице же и божественый апостол Павел глаголет: «Аще и ангел вам будет благовествуя паче еже приясте, анафема да будет». Афанасий же Великий глаголет: «Всяк приемый от Бога разсуждение, последуя пастырю неискусну, не без муки будет таковый» (Лествица печ[атная], слово 4, лист 45). И Иван Златоустый пишет: «Аще кто и малое что в вере превратит, всю веру погубляет» (в Беседах, лист 1474 и в Кирил[овой], лист 372, 378). И паки той же глаголет: «Еже отеческаго благочестиваго предания отступити, Бога естъ отступити» (в Беседах, лист 1473, ниже: глава 76). И сего ради мы предания апостольского и святых отец оставити, и новоизложенныя их нынешныя веры пряти не смеем, боясь будущаго вечного мучения и святых отец прещения и кълятвы. И сия убо дозде. К сим же и предлежащее исповедание сие во извещение слышащим, яже о себе написахом, сказующе сице.

6. Священноинок Геронтий. Ответ соловецкий священноинока Геронтия Соловецкаго монастыря к востязующим мя, чесо ради не приемлют новых книг и яже в них предания²⁸⁰

Понеже божественный апостол Павел, пиша, глаголет:«Братие, стойте и держите предания, им же научистеся и в научения странна и различна не прилагайтеся, занеже дух явственно глаголет яко: В последнее время отступят, от веры, на вас самех востанут оружие, глаголюще, развращенная». И святый апостол Петр пишет, глаголя, яко «В последняя дни приидут ругателе no своих похотех ходяще и неудобъразумная в Писаниях развращающе, ими же путь истинный похулится и в преумножении льстивых словес уловят». И Июда, брат Господень, глаголет, яко «В последняя дни будут человецы no своих похотех ходяще и нечестиих, отделяюще себе от единости веры, суть же тии телесни, Духа Святаго не имуще». К сему же Иоанн Златоустый пишет сия:«Велия – рече – прелестиуказано бытимнится у них, яко β [то]й же вере рождешеся и воспитавшеся и недоведомая ея опасно навыкие, сии, приложившеся, внезапу враждебная ей устрояют». Еже и бысть, яко от начала православныя нашея веры от Владимирова крещения, даже и до настатия Никонова патриаршества, мало не седмь сот лет бывше во единой вере, по божественному апостолу Павлу яко: «Един Бог, едина вера, едино крещение». Ныне же, завистию общаго врага нашего, диявола и супостата, велия бысть разделение и [в] церковных догматех раздоры и несогласия у нас в Российском государьстве, занеже учит нас преданию святых отец во всем противно, стропотно и развращенно. Ибо вместо трисоставнаго креста Христова велят кланятися латыньским крыжем римскаго предания, и на просфирах воображати. И пресвятую аллилуйю четверити, и каятися велят у отец духовных, еже есть исповедь, прикланиваяся на коленки. А в древних письмянных книгах о сем свидетелствует имянно, яко то все латыньско, а не православных преданию, ниже в та времена и лета латыньским крыжем кланялися и почитали. Сих нарицает Божественное писание богомерзкими отступниками, якоже в полном Житии Ионы митрополита Московскаго и всея России чюдотворца о сем являет. Такоже и святый Филипп митрополит, грек, иже до соловецкаго Филиппа, иже бысть Московский и всея России митрополит. И той преждереченный Филипп грек митрополит был лет за сто, и книги греческаго закона и предания святых отец до конца знал, наипачеже житием был преподобен и благочестив, обаче он сам сего крыжа, по римскому обычаю составлену, не почитал и нам почитати не велел, и с великим запрещением возбранил. А нарицает той крыж латыньской римскаго законоположения предания, а не самая истина. И свидетельствует о сем в Летописцах полных, еже о царевне Софии, такоже и во Евангелии воскресном, третия недели святаго Великаго поста, написал той крыж: «образ и сень трисоставнаго креста Господня», кроме самыя истины. И о сем творцы слову мнози и самовидцы Быша. Истинному спасенному кресту Христову написаша во образ Пресвятыя Троицы во икосе царя Константина: «на кедре, и певге, и кипарисе» трисложный крест уведеша. И в Предпразднестве происхождению честнаго креста, на Святых вечер: «Тьми покров державен ecu, тричастный крест Христов». И в каноне крестном, творение Григория Синаита, и иных святых отец многая свидетельства о спасенном древе.

А яже четверогубую аллилуию нарицают святаи отцы латыньскою же ересию. Святыи отцы сии суть: блаженный Макшим Грек премудрый, и Евфрошн Псковский чюдотворец, в Стоглаве – в Соборном изложении блаженныя памяти царя Иоанна Василиевича и митрополита Макария. Наипачеже достовернейши всего сама Пресвятая Богородица в явлении своем возбраняет о сем с великим запрещением, и нарицает ю латыньскаго закона преданием; якоже в Житаи святаго Ефрошна Псковскаго пишет, понеже сам той Ефрошн при животе своем, истиннаго ради уверения о той божесгвенней тайне, ходил в Царьград ко всесветлейшему вселенскому патриарху еще в добрую пору, и тамо тогда пресвятыя аллилуии не четверили. А иже в то время четверогубную аллилуию заводил соперник святаго Ефрошна, пачеже и церковный раскольник, суемудрый и мерский Иев, роспоп псковский. И того ради Иева гнев Божий праведный прежде будущаго Суда постаже во уверение впредьидущим родом: прежде смерти жива, окаяннаго, черви расточили. Обаче ныне рачители тогову возжеланию, времени сего суесловцы, вся о Иеве бывшая напасти и Ефросинова блаженная страдания, еже о тайне и Богородицына явления в лошь быти вменяют, и святым отцем вопреки, своя нововводныя козни похваляют, еже святии отцы латынею нарицают, иже они внесли в церковь Божию. И, истину со лжею месяще, подобном таиньство, якоже пресвятая аллилуия, тако и двоеперстное сложение на лицах своих крестнаго воображения своим зломыслием преложили: повелевают креститися щепотию, сложа тремя персты. Воочию правоверным мглу впущают во образ, глаголюще, троическаго божества. И то они мудрствуют неделом, и отнюдь не в лепоту, и православному християнству неприлично, понеже не троическое трисоставное божество воплотися и на кресте посграда, но един от Святыя Троицы Сын, Слово Божие, Господь наш Исус Христос. Сый быв, нашего ради спасения, Бог и человек. Сего ради и знаменоватися нам святаи отцы предаша двема персты во образ вочеловечения Его и распятия. А ныне той двоеперстный крест, им же от начала во благочестии Росийскаго государьства вш святаи отцы и благоверные князи, и по них благочестивии цари и все православнии християне знаменоватися, отставили напрасно, чрез предание святых отец, понеже свидетельствует о сем во уверение старых письменных и в печатных книгах святаи отцы мнози: Петр Дамаскин, Максим Грек, и Феодорит епископ, и Мелетий патриарх, и в Книге о вере, и в Кириле Иеросалимском, и в Поіребниках печатных в правилех, и в Стоглаве царском соборнаго изложения, и в Катихисисах письменных и печатных, и во Псалтырех московской печати, и в Грамматиках в че[тверть] ви[л]инской печати указано креститися двема персты. А нынешняго их новопреданнаго іроеперстнаго креста во святых книгах и на иконах старых писмен нигде во всем Рошйском государьстве не обретается, и святаи отцы без свидетельства Святых писаний нам пременяти отеческия законы и предания отнюдь не повелевают, якоже святый Пеір Дамаскин в своей Книге пишет, глаголя: «Всяка вещь неправда Его снидет». А непокоряющиися им, аще и проклинаеми суть от них, но обаче несть проклята, но вместо их клятвы – от Бога благословению сподоблени будут и ублажению вечному, и великим хвалам достойни суть.

И паки о том же двоеперстном кресте в ових новосложных Служебниках напечатано у них в предисловии в 22 главе, нарицают то божественное знамение – двоеперстный крест, святых богоносных отец предание, – еретическим богомерских армен крестом. И сего их суемудрия, Боже, нам православным не даждь помыслити, ниже слышати. А не крестящихся нынешних их новоизложенным крестом истиннаго православнаго самостатия сущих християн всуе проклинают и от Святыя Троицы: Отца и Сына и Святаго Духа, неправедно отделяют и со Июдою, предавшим Христа, и с жиды, распеныними Господа славы, часть нашю, полагают непреподобнии. Их же судом, по Евангелию, судит праведный мздовоздаятель, судия Христос Бог наш, в день страшнаго явления Своего. И тем они своим неправедным проклинанием не точию нас многогрешных проклинают единех, но и святых богоносных отец бранят неистовне, им же мы ныне молимся и в помощь Вседержителю Богу призываем, о них же, Бога лаях, пишет: «погубят святыя Вышняго и со святыми брань сотворят». И всех прародителей царьских – царей и всех православных християн под тою же клятвою и бранию полагают, и себя сами, зане и они во дни своя изначала знаменалиси тем же двоеперстным крестом, якоже и мы ныне. И веде, по Божественному писанию, яко то их неправедное проклинание в день Страшнаго суда Христова самем им, проклинальником, будет на вечное осуждение, по преждереченному Василия Великаго.

К сему же и на иконах древних, греческим и руским письменем искусных изограв, на ни[х] же двоеперстным крест воображен. Иже, множае паче, книжнаго свидетельства и достовернейше являются быти, зане могуща и бес Писания уверити всякаго человека мужеска полу и женьска от воображеннаго на них вапнаго начертания. И вся сия они ныне ложь быти вменяют, ниже уверяются, свое же нынешнее новоизложенное предание – троеперстнаго сложения крест – похваляют и правым нарицают. А истиннаго свидетельства от святых богоносных отец предания никакоже показати не могут, кроме своего самоумышления и соблазненых нововводных козней. И на иконах во всем Российском государьстве, якоже выше рехом, ни греческаго древняго письмене, того их троеперстнаго креста не обретается нигде.

К сему же и имя Сыну Божию, Господу нашему Исусу Христу, пременили и поют в литоргии по вся дни: «обретохом веру истинную». И тем учинили великий раскол и соблазн в церквах Божиих. И от иноверных всему Российскому государьству укоризненый понос вечной был: то мы ныне обрели истинную веру, а до сего времени, егда вера уплодися в России лет сот седмь – мимо иде, бутто сей веры православныя мы, ни отцы наши, не знали. И предают нам новоизложенна научения странна, и различна предавают предания, от них же апостол блюстися повелевает, глаголя: «Блюдитеся творящии распря и раздоры чрез учения, ему же вы научистеся и уклонитеся от них, таковии бо Господу нашему ИсусуХристу неработают, но своему чреву, иже благими словесы и благословением прелъщают сердца незлобивых».

Такоже и Символ православныя веры и молитву Исусову пременили на свой чин, о ней же пишет в толковании Иоанна Златоустаго на Послание святаго апостола Павла, и на переносе в литоргии божественым даром не кланяются и хулят, и нарицают то божественное таинство во своем новоизложенном и богохульном «Жезле» прост хлеб и просто вино и наго божественныя благодати, и не подобает, да сему поклона Божия воздати. И в том они сами неправду свою обличают и срамотою и студом лица своя покрывают, еже неделом мудрствуют и всуе затевают, глаголют прост хлеб и вино и поклонятися не повелевают. На крылосе же в то время в Херувимской песни о том божественном таиньстве поюще, глаголют, яко да «царя подымем ангелски невидимо дароносимо чиньми». И в Великую суботу поют, тому же подобно, вместо «иже херувим еже есть»: «да молчит Царь царствующим и Господь господствующим происходит заклатися в снедь верным». И посему явно, яко оны ко иереом приносимыя честныя дары – не прост хлеб и вино, но таиньство небеснаго царя Христа, Его же богоподобною честию почитати и поклонятися Ему яко Богу и царю всех достоит и зело в лепоту. А они то поклоняние отставили неделом.

И после переноса, в тропари, еже есть «Благоразумный Иосиф» воскресение Сына Божия отставили же, и на просфиромисании стих вину и воде: «соединение Святаго Духа» не говорят. И сими многими пременении и претворении чин церковный и устав святыя божественныя службы нарушили, наипаче рещи исказили. А преждебывшии у нас в России иностраньнии вселеньстии патриарси Иеремия Цареградский и Феофан Иеросалимский блаженныя памяти при царех Феодоре Ивановичи и Михаиле Феодоровичи всея России в Московском государьстве будучи, божественныя службы служили и двоих патриархов: первопрестольнаго Иова и Филарета Никитича на патриаршеский престол возвели, ими же в России и предпоставление прияли. А в чину оне, выезжие патриархи, божественныя службы никаких церковных обычаев ни в чем не пременяли, ни крестному знамению нам не зазирали и ни в каких церковных догматех нам не возбраняли. А римскаго предания – латынских крыжей – не вводили, наипаче сами они, видевше своима очима все благочестие Российскаго государьства, вельми похвалили, а ничего не похулили. И Соборнаго изложения царя Иоанна Васильевича и митрополита Макария ни в чем не порушили, и нигде инде во всей поднебесней они вернее Русийскаго государьства благочестия не сказывали правыя веры греческаго закона. И к нам они прежде того, вселенстии патриарси, писали о себе сами, безо всякаго стыдения разсмотря своея веры, от язык отеснения – шатание, что у них от агаряньскаго насилия изсякла. Свидетельствует о сем в книги Кормчей московския печати лист 5 и 26. И того ради их достовернаго и истиннаго писания, еже они о православной нашей вере вправду свидетельствоваша и написаша сицево похваление. И того ради мы надеемся без исправления нашея православныя веры и кроме их новаго умышления новоизложеннаго нынешняго, в страшный день Христова пришествия не осуждены быти, наипачеже милость от Христа Бога получити. Понеже бо и сам той Никон, бывый Московский патриарх, до пременения его начинания возмущению православныя нашея веры, в той же Кормчей книге на листу 9 и 10 похваляя, свидетельствует о православней нашей вере тому же подобно.

И Трисвятое, иже на литоргии, пременили, и в Ырмолое напечатали с прилогом прежебывшую ересь сице: «Сила, святый Боже», по своему самохотию. И церкви святить Божии указано мылом, и умерших вместо масла велено мазати пепелом, его же издревле несть слышано, ниже в Божественном писании обретается. И исповеди псалмы, и исповеди полные отложены. А в древние лета в покаянии полны исповеди были. Свидетельствует бо о сем в Прологу октября в 18 день Повесть о преподобнем Неофите и о жене грешней. И молитвы разрешальныя ис Поіребников отставлены, и с пострижения молитвы выложены вон. И со кресты около града или церквей вопреки наопак²⁸¹, противу солнечнаго течения и всея твари небесныя воздушнаго движения, не по уставу соборныя восточьныя апостольския церкви и не по преданию святых отец, иже мы издревле от греков истинно прияли.

И во крещении младеньческом, в молитве, своим умыслом на соблазн положили сице: «Молимся тебе дух лукавый». А прежде бывшая речь: «Молимся Тебе, Владыко святый» – ту речь выставили. И попом, аще в коей нощи случится искушению быти, и того дни тем попом служить указуют. А иноком, кто без отпуску изыдет из монастыря, в Потребниках напечатано епитимии: лет дванадесять отлучити от причастия и в церковь в та лета пущати не повелевают, указуют ложно на четвертое правило святаго вселеньскаго Четвертаго собора. И ложь их в том обличает Кормчая книга московския печати, понеже солгано – в том правиле такой епитимии не поставлено.

Да в их же новой книге, имянуема Скрижаль, напечатано – нам православным крестов на себе носити не повелевают. А пророком Исаием обетова Бог: «Приидут и узрят славу Мою и оставлю в них знамение». Такоже и о Афанасии в толковании, пятьдесят девятом псалме пишет, рече: «Людем, иже нарицаются християне, дано есть носити имети крест Христов». И Василий Великий глаголет, яко – венец царя нашего Христа. Святый Ефрем в Слове о Страшнем суде пишет, яко святии на себе кресты носили. И в Слове о покаянии пишет: «Сие оружие носим во дни и в нощи». И в Житии святыя Макрины и святаго мученика Евстратия – крест носили. И в Житии Иоанна Милостиваго некто бяше мирянин, Захария именем, не имяше на пути просящему что дати, снем с себе крест, отда. И Сына Божия Господа нашего Исуса Христа нарицают грешным, бутто он пострадал за некое погрешение. И на Троицкой вечерни молятся, стоя на коленьках, а преже сего у нас в Росийском государьстве, кроме иноверных, таковаго обычая, еже на коленках молитися, отнюдь небывало, и в том обличает Устав церковный издревле преданный. И Потребники и Служебники печатные, понеже в них указано имянно главы с коленома купно поклонятися, а не на коленках кляцати, яже перед святцами во главах иеросалимских.

Такоже и внешние обычаи ныне у нас в Росийском государьстве переменили же, ибо оставя християнския благочестивыя обычаи, законы и предания, подражают татарским и иных безбожных язык обычаем. Понеже в овем их взаконении повелевают православным християном, яже на пищу животное резати, a не убивати, еже безбожныя от начала веку обычай имут творити. А прежде сего мы и отцы наши у себя в православном християнском законе, кроме иноверных, таковаго богонеугоднаго предания и слыхом не слышали – переменили они то християнскаго закона благочестивое святых отец предание напрасно.

К сему же и в Великую суботу в кондаки «Иже бездну затворивый», «воскресения Сына Божия» против прежних переводов не напечатали, но впредь воскресшаго еще быти сказуют. И иноцы клобуки носят по новоизложенным своим уставом безобразно и безстыдно, лице бо и очи когда же имут покровени, но всегда беззазорно. И в том обличает книга Кормчая московския печати, и Житие Димитрия Прилуцкаго, и предание иноком Пахомия Великаго и инех святых. Такоже и малых мантииц не носят. И в том обличает их Устав церковный и в книге Кормчей печатной правило Василия Великаго, и в Прологу ноября в 17 день. Да в Потребниках они напечатали в Номоканоне молитву вново, сице: «Господи Иисусе Христе, Богородицею помилуй мя», ея же отнюдь до сего времене не слыхали, и в книгах Божественных писаний нигде не написано. А молитву Исусову, в ней же Сын Божий глаголется, еже есть: Господи Исусе Христе Сыне Божий, помилуй мя грешнаго», и тое они молитву ис того Потребника выставили вон аки непотребную сущу, о ней же пишет в книге Беседа, лист 100, и во Многосложных посланиях Германа патриарха, и Книга Григория Двоеслова, и Григория Синаита, и Кирила Иеросалимскаго, лист 178, и в Прологу: генваря в 9 день и июля в 29 день, и в Книге Филофея патриарха, и Нила Сорскаго, и в Житии Михаила Малеина. И в Великий пост по «Честнейшу» седмьнадесять поклонов отставили же земных, и Пресвятую Богородицу в запевех «Госпожею» не нарицают, якоже Несторий учит Богородицу не глаголати. И на литургии просто поют и «святую» отставили, и на нефимоне²⁸² в поклонных стихах во всех Божие имя не поминают.

Суть же и ина многа пременения безчислена, их же множества ради невозможно всего по ряду изгла[гола]ти или писанию предати.

Но испроста рещи: что содержит церковь Божия православнаго нашего християнскаго таиньства веры и апостольскаго завещания и святых богоносных отец предания, еже есть: крещение, венчание, покаяние, пострижение и схимление великаго образа, и погребение, и крестоприводное целование и имена святых, и весь устав церьковнаго пения, полунощницы и утрени, часы и литоргии, вечерни и павечерницы, молебны и водосвящения и панихиды, и весь чин и устав церковный, и платье иноческое и поповское и мирское – все переменено на иностранной обычай, и книги перепечатали все вново по своему хотению. И теми новоизложенными уставы и пременении книжными, многих православных християн до церкви Божии лишили, виною апостольскаго завещания, глаголющаго еже: «Блюдитеся –рече – от творящих распря и раздоры, чрез учения, имже научистеся, уклонитеся от них» и прочая. Согласно же сему, Афанашй Великий в Слове седмом в Никонских правилех глаголет: «Аще пастырие неподобноучат, не подобает с ними в церкви и везде молитися». Лучше без них молитися, неже с ними молящеся, осудитися в геену огненую.

К сему же в Номоканоне, во главе 184, и в Катихисисах в четверть московской печати, на листу 27-м, и в Прологе декабря в 5 день, пишет о сем тому же подобно. Такоже и в Лествице, в слове четвертом пишет: «Всяк – рече – приемгиий от Бога разсуждение, последуя пастырю неискусну, сиречъ неправому учению, не без муки будет таковый». И в Книге о вере, московской печати, о сих церковных раздорех имянно свидетельствует и аки перстом на нынешнее время указует и конечно блюстися от них повелевает. И в Кириле Иеросалимском, московския печати, на листу тридесятом пишет, глаголя: «Аще инако что дерзнет кто вновоуставляти и проповедати, а не тако, якоже святии апостоли предаша и святии богоноснии отцыутвердиша, тоуже кразрушению иразорению есть, а не начаток проповеди, нижеутвержение вере, но на всей твари скончание приидет». Тако и на листу пятомнадесять тоя же книги пишет: «Якоже видим – рече – иже сами духовнии мужие плотъское все разумевающе и в мире no плоти живуще, а не no духу, и ради своего беднаго жития законы уставленыя превращают, и пределы утвержения прелагают, и от веры отступают, и православие со еретичеством соединяют, и суетная глаголют, продолжают лета житию, глаголют: Кто свестъ ум Божий, или кто советник Ему? Кончины века никто же вестъ – глаголя – ни ангели небеснии, токмо Отец един». И таковыя суесловцы самая истина Христос во Евангелии обличает, глаголя: «Лицемери, лице и Богу умеете разсуждати, времен не искушаете, но токмо утаи Бог день той и час, в онь же Сын человеческий приидет, предиже Его приидет противник Христу». Скоро же антихриста сказует быти и скончание века сего содеватися имать, по апостолу: «Не приидет бо прежде отступление от веры, и тогда явится имать сын погибельный». Еже есть: по седми тысящах приход его будет. И сего ради святии и богоноснии отцы церковных правил и отеческаго предания пременяти отнюдь не повелевают, но всею силою соблюдати сия, яже належит, а не якоже кто хощет, занеже мнози от него прельстишася и на всякое зло уклонишася, якоже при Нои исполини.

И в неделю седьмую по Пасце в каноне пишет: «Не подобает – рече – приложити или отъяти что священнаго предания православныя нашея веры, в ню же верно крестимся». А иже приложителя веры сея вправду предани будут просвящению проклятия, якоже апостол глаголет: «Аще ангел будет вам благовествуя, паче еже приясте, анафема да будет». И Златоустый Иоанн, пиша, глаголет яко: «Лутче естъ небу и земли изменитися, ниже церковным правилом в чем пременитися». И паки глаголет: «Аще кто малое что в вере превратит – всю веру погубляет». Наипачеже тех, иже отеческая предания превращают, уподобляет богоотступлению, пишет сице: «Еже отеческаго предания отступити».

«А иже церковная правила и святых богоносных отец предания непорочно и непоколебимо соблюдати – сего несть полезнее ко спасению» – глаголет божественный Златоуст. Тем же и нас да сподобит Господь Бог наш, по неизреченней Его благости святых апостол и святых богоносных отец, предания без приложения и отьятия сохранити и вечная благая получити с ними, о Христе Исусе Господе нашем, во веки. Аминь.

7. Священноинок Геронтий. Челобитная (вторая) царю Алексею Михайловичу о вере соловецкаго келаря Азария, архимандрита Никанора и прочих, посланная по отъезде архимандрита Сергия²⁸³

Царю государю и великому князю Алексею Михаиловичу, всея Великия и Малыя и Белыя Росии самодержцу, бьют челом богомольцы твои государевы, Соловецкого монастыря келарь Азарей, и бывшей Савина монастыря архимарит Никонор, и казначей Варсонофей, и священницы, и диякони, и соборные чернцы и вся рядовая и больничная братия, и служки и трудники все. В нынешнем, государь, во 175-м году по твоему, великого государя, царя и великого князя Алексея Михаиловича, всея Великия и Малыя и Белыя Росии самодержца, указу и по уложению преосвященных митрополитов, и архиепископов, и епископа и всего освященного собору, прислан к нам с Москвы в твое царское богомолье, в Соловецкой монастырь, Ярославля Спаского монастыря архимарит Сергей с товарыщи учити нас церковному закону по преданным книгам. А мы, нищие твои государевы богомольцы, пришли во обитель боголепного Преображения Господа нашего Исуса Христа и угодник ево, преподобных отец Зосимы, и Саватия, и Германа и преосвященного Филиппа митрополита Московского и всея Русии, душевного ради своего спасения, ревнуя их богоугодному житию и прочих по них живших святых инок и церковных чин и устав по преданию преподобных отец наших непоколебимо соблюдающих, и милости у тебя, великого государя, вси со слезами богомольцы твои и рабы твои государевы молим и просим: помилуй нас, благочестивый, милосердый великий государь, царь и великий князь Алексей Михаилович, всея Великия и Малыя и Белыя Росии самодержец, – посли нам, якож отец небесный, всещедрую свою и великую милость, не вели, государь, ему священно-архимариту Сергею прародителей твоих государевых, благоверных царей и благочестивых великих князей, и начальников наших и великих чюдотворцов, преподобных и богоносных отец Зосимы, и Саватия, и Германа и преосвященного Филиппа митрополита Московскаго и всея Русии, предания нарушать, и вели, государь, в том же предании быти нам, в коем чюдотворцы наши и прочии святии отцы, и отец твой, великого государя, благочестивый великий государь, царь и великий князь Михаило Федоровичь всея Русии, и дед твой государев, блаженный Филарет Никитичь

Московский и всея Русии патриарх, богоугодным своим житием препроводиша дни своя, чтоб нам, богомольцам твоим и трудником, врознь не разбрестися и твоему, великого государя, богомолию, украинному и порубежному месту, от безлюдства не запустеть. Великий государь царь, смилуйся пожалуй.

8. Священноинок Геронтий. Челобитная (третья) царю Алексею Михайловичу о вере тех же иноков, более пространная²⁸⁴

Царю государю и великому князю Алексею Михайловичу, всея Великия и Малыя и Белыя Росии самодержцу, бьют челом богомольцы твои государевы, Соловецкого монастыря келарь Азарей, и бывшей Савина монастыря архимарит Никонор, и казначей Варсонофей, и священницы, и диякони, и соборные чернцы, и вся рядовая и больничная братия, и служки и трудники все. В нынешнем, государь, во 175-м году, по твоему, великого государя, царя и великого князя Алексея Михайловича, всея Великия и Малыя и Белыя Росии самодержца, указу и по уложению преосвященных митрополитов, и архиепископов, и епископов и всего священного собора прислан с Москвы к нам, в Соловецкой монастырь, Ярославля Спаского монастыря священно-архимарит Сергей с товарыщи учити нас, богомольцов твоих, церковному преданию по новым книгам. И во всем велят последовати и творити по новому преданию, a предания, великий государь, святых апостол и святых отец седми вселенских соборов, в коем прародители твои государевы, благоверные цари и благочестивые великие князи, и начальники наши преподобнии и богоноснии отцы и чюдотворцы, Зосимо, и Саватие, и Герман и преосвященный Филип митрополит Московский и всея Русии и иные многие святии отцы угодили Господу Богу, и отцы наши скончались, ныне нам, богомольцом твоим, держати и последовати они возбраняют. А правила, государь, то предание отеческое и церковныя уставы прелагати нам отнюдь не повелевают. Яко ж и апостол глаголет: братие, стойте и держите предания, им же научитеся или словом, или посланием нашим. И мы, богомольцы твои, чрез предания святых апостол и святых отец священныя уставы и церковныя чины пременяти не смеем. Понеже, великий государь, в новых книгах выходу Никона патриарха, по которым нас учат новому преданию, против прежних царей и твоих, государевых, книг многая и безчисленная несогласия, от них же сия суть: В новых, государь, книгах, преложено имя Господу нашему Исусу Христу, Сыну Божию. По сему новому преданию вместо Исуса написано с приложением излишныя буквы: Иисус, егоже страшно есть нам грешным неточию приложити, но и помыслити. Понеже, государь, мы и отцы наши не слышахом сего никогда, и в божественном писании, в старых и новых писменных и печатных руских и в литовских в старых книгах, до сего времени у нас нигде не обретается. Да в новых же, государь, книгах повелевает нам иноко креститися, a иноко священником благословляти, а не творящих таковая патриарх Никон проклятию предает. А в старых, государь, книгах прадеда твоего государева, благочестиваго государя, царя и великого князя Иванна Васильевича всея Русии, и преосвященнаго Макария митрополита Московского и всея Русии и прочих митрополитов, и архиепископов, и епископов и всего освященного собора изложении, в книге глаголемой Стоглав, повелевает людям креститися и священником благословляти одным воображением крестным, а не двема, а не творящим таковая написано прещение страшно. А после, государь, тово соборново уложения начальник обители нашея, отец наш и наставник, Филип митрополит Московский и всея Русии чудотворец и иные многие святии отцы тому их соборному преданию последствовали и угодили Богу, и за то провославлены они от Господа в знамениих и чюдесех многих. И сего ради мы, богомольцы твои, держимся того же предания святых отец и соборного уложения неизменно. Да в тойже, государь, книге пишет и о божественней аллилуи, что по свидетельству и извещению пресвятыя Богородицы и преподобнаго Ефросина Псковскаго чюдотворца. И в книге блаженнаго Максима Грека предано нам божественная аллилуия глаголати дважды. Да в новых, государь, книгах, повелевает нам креститися тремя персты. А блаженнии отцы, Петр Дамаскин, и Феодорит Епископ и премудрый Максим Грек повелевают нам креститися двема, а не трема персты. Да в Служебниках, государь, новых написано, на святом агнцы и на просфирах вместо божественнаго совершеннаго креста Христова повелевает печатати крыжем, егоже святый Иван Златоустый в воскресном Толковом Евангелии, в неделю 3-ю поста образ и сень глаголет, а не самый божественный совершеный крест Христов. И тому, государь, последствовав, в прежебывшая лета прародители твои государевы, благоверные великие князи, и соборные апостольския церкви архиереи крыжем чести не воздавали, якоже в истории пишет: егда приходил из Риму к Москве с царевною Софиею от папы посол, Антоний легатос, и нес пред собою крыж и благоверный великий князь Иван Васильевич всеа Русии и преосвященный Филипп митрополит Московский всея Русии с тем крыжем ни близ царствующаго града Москвы приити не попустиша. И отнюдь в твоем, великого государя, Росийском царствии тот крыж до сего времени на просфирах не именовался. И по всем святым божиим церквам во всей руской земле, прародителей твоих государевых и святых отец молитвами и твоею государевою державною высокою рукою и благочестивым исправлением православная христианская истинная вера до сих новых книг сияла аки солнце в небеси, и никогда же ни от кого в православных догматех и в церковных исправлениях зазрени быхом. Наипаче же сами они вселенския патриархи Иеремия цареградский и Феофан иеросалимский, ихже глаголют всякими добродетельми украшенных сущих, и бывшим им в Московском государствии довольно время, от нихже и первопрестолники соборныя и апостольския церкви, Иев митрополит и дед твой, великого государя, блаженный Филарет Никитичь, в твоем, великого государя, Росийском Московском царствии на патриаршеский престол возведени Быша, и видевше истинную нашу православную непорочную веру, зело похвалили, свою ж они греческую веру, от неяже ныне исправления шцем, доконца сами уничижили, якоже в книге, глаголемей Кормчей, московской печати о сем свидетельствует, что де у них во Иеросалиме и во всех тамо сущих восточных странах конечное православныя веры греческого закона от агарян насилие и погубление, и церквам Божиим запустение и разорение, но точию же един на всей вселенней владыка и блюститель непорочныя веры Христовы християнский самодержавный великий государь благочестием всех превзыде и вся благочестивая в твое государево едино царство собрашася. И мы, богомольцы твои, по сему свидетельству, святых отец предание и церковный чин и устав, в нихже преподобнии отцы наши Зосимо и Саватие чюдотворцы угодили Богу, до сего времени соблюдали непоколебимо. Милосердый государь, царь и великий князь Алексей Михаиловичь, всея Великия и Малыя и Белыя Росии самодержец, пожалуй нас, молим твою, великого государя, благочестивую державу, помилуй нищих твоих государевых богомольцов, не вели, государь, ему священно-архимариту Сергию прародителей твоих государевых, благоверных царей и благочестивых великих князей, и начальников наших и великих чюдотворцов, преподобных отец Зосимы, и Саватия, и Германа и преосвященого Филиппа митрополита Московскаго и всея Русии, предания нарушать. И вели, государь, нам в томже предании быти, в коем чюдотворцы наши и отец твой, великого государя, благочестивый великий государь, царь и великий князь Михаило Федорович всея Русии, и дед твой государев, блаженный Филарет Никитичь, Московский и всея Русии патриарх, богоугодным своим житием препроводивше дни своя, чтоб нам, богомольцом твоим и трудником, врознь не розбрестися и твоему, великого государя, богомолию, украинному и порубежному месту, от безлюдства не запустеть. Великий государь царь, смилуйся пожалуй.

9. Священноинок Геронтий. Челобитная (четвертая) о вере соловецких иноков царю Алексею Михайловичу, поданная чрез архимандрита Иосифа²⁸⁵

Царю государю и великому князю Алексею Михайловичю, всея Великия, и Малыя, и Белыя Роши самодержцу, бьют челом богомолцы твои, Соловецкого монастыря келарь Азарей, казначей Геронтей, и священницы, и дияконы, и соборные чернцы, и вся рядовая и болнишная братия, и слушки и трудники все. В нынешнем, государь, во 176 году, сентября в 15 день, по твоему, великаго государя, царя и великаго князя Алексея Михайловича, всея Великия, и Малыя, и Белыя Росии самодержца, указу, и по благословению и по грамотам святейшаго патриарха Иоасафа Московскаго и всея Русии, и преосвященнаго Питирима миірополита Новгороцкаго и Великолуцкаго, прислан к нам в Соловецкий монастырь в архимариты, на Варфоломеево место архимарита, нашего монастыря постриженик священноинок Иосиф, а велено ему служить у нас по новым Служебником; а мы, богомолцы твои, предания апостольскаго и святых отец изменить отнють не смеем, бояся Царя царьствующих и страшнаго от Hero прещения, и хощем вси скончатися в старой вере, в которой отец твой государев, благоверный государь, царь и великий князь Михайло Федорович всея Русии, и прочие благоверные цари и великие князи богоугодне препроводиша дни своя: понеже, государь, та прежняя наша християнская вера известна всем нам, что богоугодна, и святых

Господу Богу угодило в ней многое множество, и вселенския патриархи, Иеремия и Феофан, и протчия палестинския власти книг наших русских и веры православные ни в чем до сего времяни не хулили, наипаче же и доконца тое нашу православную веру похвалили, и тем их свидетелством известно надеемся в день Страшнаго суда пред Самым Гоотодем Богом не осуждены быти, наипаче же и милость получити. Милосердый государь, царь и великий князь Алексей Михайлович, всея Великия, и Малыя, и Белыя Росии самодержец! Молим твою, великого государя, благочестивую державу и плачемся вси со слезами, помилуй нас, нищих своих богомолцов и сирот, не вели, государь, у нас предания и чину преподобных отец Зосимы и Саватия переменить, повели, государь, нам быти в той же нашей старой вере, в которой отец твой государев и вси благоверные цари и великия князи и отцы наши скончались, и преподобные отцы Зосима, и Саватей, и Герман, и Филипп митрополит и вси святаи отцы угодили Богу. Аще ли ты, великий государь наш, помазанник Божий, нам в прежней, святыми отцы преданей, в старой вере быти не благоволишь и книги переменити изволишь, милости у тебя, государя, просим: помилуй нас, не вели, государь, болши того к нам учителей присылать напрасно, понеже отнюдь не будем прежней своей православной веры пременить, и вели, государь, на нас свой меч прислать царской, и от сего мятежнаго жития преселити нас на оное безмятежное и вечное житие; а мы тебе, великому государю, не противны; ей, государь, от всея души у тебя, великого государя, милости о сем просим и вси с покаянием и с восприятием на себя великого ангельского чину на той смертый час готовы. Великий государь царь, смилуйся – пожалуй.

А у той челобитной руки приложены: священник Леонтей вместо келаря старца Азария по ево веленью руку приложил. Я же священник Леонтей и вместо детей своих духовных соборных старцов Иоиля и Феодосия и вместо священников, которые писать не умеют: Александра и Симона и Дмитрия, детей своих духовных, по их челобитью, руку приложил. Черной поп Павел и вместо детей своих духовных братии и мирян, по их велению, руку приложил. Казначея Геронтия. Чернец Саватия и вместо старца Тихона, по ево челобитью, руку приложил. Соборнаго чернца Васьяна рука приложена. Соборнаго чернца Боголепа рука. Соборнаго чернца Кирила рука. Соборнаго чернца Тихона рука. Черного попа Лаврентия рука и вместо детей духовных и братии и мирян рука приложена. Черного попа Авбросима и вместо детей духовных братии и мирян рука. Черного попа Измаила и вместо детей духовных братии и мирян рука. Попа Митрофана рука. Попа Селиверстра рука. Чернца Илинарха рука. Уставщика дьякона Иеремия рука. Уставщика чюдотворцова Аврамия рука. Диякона Нила рука. Диякона Пахомия рука и вместо старца Луки каменщика. Чернца Митрофана вместо соборнаго старца Макария рука. Дьякона Макария рука. Дьякона Ануфрия рука. Чернца Варсонофия головщика. Дьякона Филарета рука. Чернца Михаила рука. Чернца Засимы руки. Черного попа Измаила вместо келаря болничнаго старца Филиппа и всей болницы рука. Чернца Каллиника рука. Чернца Игнатия рука. Чернца Глебища рука. Чернца Саватия рука. Чернца Капитона рука.

10. Священноинок Геронтий. (Пятая челобитная). Список с челобитныя, которая посылана великому государю из Соловецкаго монастыря о старом пении в лето 7176 года сентября в 22 день (с) старцем Кирилом Соловецкия же обители от всего собора²⁸⁶

Благоверному и благочестивому и в Росии²⁸⁷ пресветло²⁸⁸ сияющему, от Небеснаго Царя помазанному, в царех всея вселенныя великому государю²⁸⁹, царю и великому князю Алексею Михайловичу, всея Великия и Малыя и Белыя Росии самодержцу. Бьют челом нищие твои государевы богомольцы, Соловецкаго монастыря келарь Азарей и казначей Геронтей, и священницы и диакони, и соборные чернцы, и вся рядовая и больничная братия, и служки и трудники все. По преданию, государь, Никона бывшаго патриарха и по новоизложенным ево книгам проповедают нам ныне ево Никоновы ученицы новую незнамую веру по своему плотцкому мудрованию, а не по апостольскому и святых отец преданию, е(я)же веры неточию мы, но и прадеды и отцы наши до настатая Никонова патриаршества и до сего времяни²⁹⁰ и слухом не слыхали, а в коем православии²⁹¹ прародители твои государевы скончались и многия святыя отцы и чудотворцы наши Зосима и Саватий, и Герман и Филипп митрополит угодили Богу²⁹², и ту истинную нашу православную²⁹³ веру они похулили, и весь церковный чин и устав нарушили²⁹⁴, и книги все перепечатали на свой разум, богопротивно²⁹⁵ и развращенно. А что²⁹⁶, государь, их непотребство и развращение в тех новых книгах объявилось, и то²⁹⁷ их книги сами мимо нас обличают их в лице. Якоже в книге, глаголемой²⁹⁸ в Скрижали, лист 466²⁹⁹ Дамаскина(ъ) иподиакон в слове своем в неделю третью святаго поста повелевает нам православным християном ходити потатарски без крестов,³⁰⁰ и пишет сице: кая рече, польза, или кая добродетель³⁰¹ есть носити кому крест на раме своем.³⁰² A святии апостоли, государь, и святии отцы крест нам на себе носити похваляют, и сами носили и нам носити³⁰³ повелевают. Якоже рече Апостол: мне же да не буди хвалитесь токмо о кресте Господни. И паки: аз бо язвы Господа Исуса на теле моем ношу, сиречъ крест Христов.³⁰⁴ И пророком Исаием Господь Бог верным своим обетова: и приидут и узрят славу Мою и оставлю на них знамение. Таже³⁰⁵ и великий Афанасий в толковании 59 псалма пишет: верным, рече, людем, иже нарицаются христиане, дано есть носити и имети крест Христов. И Василий Великий глаголет, яко венец царя нашего Христа крест на себе носити³⁰⁶. А святый Ефрем³⁰⁷ Сирин в Слове³⁰⁸ еже о Страшном суде пишет, яко святии крест на себе носили; и паки в Слове о покаянии: сие оружие носи во дни и в нощи, и ничегоже без него не твори. Святая же Макрина³⁰⁹, сестра Великаго Василия, крест на себе носила, и свидетельствует житие ея³¹⁰. И святый великомученик Орест крест на себе носил же, и о сем писано в мучении его³¹¹. Такожде и в житии Иванна Милостиваго пишет³¹², яко некто бяше мирянин Захария нищелюбивый, не имяше просящему у него на пути чесо дати, снем с себе крест сребрян, даде нищему. И отселе³¹³ яве, государь, яко в прежния лета в греках неточию иноцы, но и мирския крест на себе носили; a ныне они не носят³¹⁴ и нам носити возбраняют³¹⁵.

Такоже³¹⁶ и вси святии единомысленно крест Христов правоверным³¹⁷ всегда ношти на себе повелевают: понеже велия тайна в сем знамении Святыя неразделимыя Троицы, Отца и Сына и Святаго Духа, прославляется, и сим знамением благочестивии вси³¹⁸ от неверных разделяемся.³¹⁹ А той Дамаскин иподиакон, по диаволю научению, написал в греческой своей книге на погибель душам нашим, велит ходити, аки татаром, без крестов, и в том ему судит Господь Бог. Да он же, Дамаскин, не убояся сграха Божия, отрыгнул от злаго сокровища сердца своего, в том же слове именовал безгрешнаго Сына Божия Господа нашего Исуса Христа грешным, будто³²⁰ Он, Спаситель наш, распялся за некое прегрешение, a не за мирское спасение, и пишет в той Скрижали,³²¹ лист 766, ице: тако да имате³²² пред собою смерть вашу, яко же и Он, иже имать распинатися за некое погрешение,³²³ носит крест на раме Своем, и ходит трепеща и ожидая смерти. К сему же, государь, и иныя многия непотребныя статьи напечатаны.³²⁴ Якоже в книге 4-й Иванна Дамаскина, глаголемой Небеса, того же³²⁵ выходу, Епифаниева переводу киевлянина, во главе 27, лист 56³²⁶, положено егоже страшно и писанию предати,³²⁷ проповедуют Сына Божия еще в плоть не пришедша, но впредь пришествовати его сказывают³²⁸ и напечата ли³²⁹ сице: всяк убо, рече, не исповедая Сына Божияго и от Бога в плоть пришествовати.³³⁰ Такоже, государь, и воскресения³³¹ Сына Божия во многих местех в новых своих книгах не проповедают: в Служебниках на литоргии и в Триодях в Великую Субботу, в тропаре, еже: Благообразный Иосиф, и в тропаре: Мироносицам женам, и в кондаке: Иже бездну затворивый, и в светильнике воскресном третием³³² воскресение Сына Божия отставлено же, неведомо для чего. Да они же,³³³ государь, напечатали в новом Потребнике, лист 42, в молитве на крещение человеком, повелевает молитися духу лукавому: сего же их умышления не даждь Боже нам ниже помыслити.³³⁴ А о церковном,³³⁵ государь, священии в том же Потребнике, лист 873, напечатали не по преданию³³⁶ святых отец, повелевают свещати³³⁷ мылом: и то, государь, церкви Божия (и)³³⁸ не освящение, но паче осквернение, понеже в мыле³³⁹ всякая нечистота и скверность.³⁴⁰ А над умершими,³⁴¹ государь, вместо помазания святаго масла велят посыпати пепелом, егоже срамно есть не точию тако творити, но и глаголати³⁴². И Господу³⁴³ нашему Исусу Христу спасенное Его имя, нареченное от Бога святым ангелом, переменили же. И самый истинный и животворящий крест Христов, от трех древ, от певга и кедра и кипариса сотворенный, отставили³⁴⁴, и возненавидели³⁴⁵, и непотребна сотворили, и возлюбили крыж латынския веры³⁴⁶, и во всем почитают ево паче истиннаго Божественнаго креста Христова, от трех древ³⁴⁷ сотвореннаго. А святии пророцы³⁴⁸ о том тричастном кресте Христове за много лет до Христова вочеловечения пророчествоваша, и яко от трех древ³⁴⁹ сотворенну ему быти глаголюща(аша)³⁵⁰. Якоже велегласный пророк Исаия о нем, во главе 60, свидетельствует и пишет сице: Слава Ливанова к тебе приидет певгом³⁵¹ и кедром и кипарисом прославити имя святое Мое и прочая³⁵². Такоже и святый Иван³⁵³ Дамаскин о нем хваляся вопиет: О треблаженное древо, на немже распятся Христос Царь и Господь. И в Октае, государь, 3-го гласу, в среду и в пяток, в седальнах на утрени пишет сице: На кипарисе и певге и кедре вознеслся еси Агнче Божий. Такоже и во многосложном своем послании Герман патриарх, лист 2, пишет сице: Яко честный³⁵⁴ и животворящий крест, от трех древ, кипариса и певга и кедра, в тридневную смерть Господа Исуса соделан бысть. И преподобный³⁵⁵ Григорий Синаит в воскресном³⁵⁶ дневном каноне творения своего, во многих местех, воспоминает точию о истинном, тричастном³⁵⁷ кресте Господни и пишет сице: Кресте трисоставне и светне,³⁵⁸ кресте треблаженный, триеобоюдный мечь,³⁵⁹ древо трелюбезно и знамение непостижимыя Троицы, крест трисоставный³⁶⁰ образ. Такоже, государь, и вси святии пишут, и почитают истинный тричастный крест³⁶¹ Христов, а не крыж двоечастный, о немже никтоже от святых воспомянул во едином³⁶² слове, ежебы предпочтену ему быти паче истиннаго креста Господня. A и прародители твои, государевы, благоверные цари и великие князи в русской земле крыжом чести отнюдь не воздавали иже и тем латинския веры не почитали.³⁶³ Якоже во истории пишет, еже бы то (еже бысть) от создания мира в лето 6981, егда прииде из Царя-града царевна София в царствующий град Москву к великому князю Ивану Васильевичу, а с нею пришел³⁶⁴ из Рима от папы посол³⁶⁵ Антоний лагатос³⁶⁶ и нес перед собою крыж, великий же князь и преосвященный Филип митрополит Московский и всея Русии, и весь осве(я)щенный собор и царский синклит и все московстаи народи с тем крыжом ни³⁶⁷ близ царствующаго града Москвы пройти не пустили,³⁶⁸ сего ради, яко да не будет нами православными латынски(а)я веры(а) почитаема, понеже бо писано есть³⁶⁹, яко возлюбив и похвалив чужую веру, той своей поругался есть. Такожде, государь, и вселенский учитель Иван³⁷⁰ Златоустый в воскресном Толковом Евангелии, в неделю 3 святаго поста, той латынский крыж за истинный крест Христов не почитает же³⁷¹, но образ и сень его быти нарицает. И аще, государь, все божественное писание свидетельствует нам³⁷², яко той крыж образ и сень креста, а не самый истинный и животворящий крест Господень, то кая, государь³⁷³, потреба ныне нам, оставя истину, и паки тое законную сень гонити и законная мудрствовати³⁷⁴, еже крыж почитати, а истинный крест Христов презирати? И аще бы, по Апостолу, первый закон непорочен был, не бы второму изыскалося³⁷⁵ место³⁷⁶. Да в тех же, государь, новых книгах напечатано по томуже³⁷⁷ Дамаскинову³⁷⁸ преданию, велено нам крестится щепотью, тремя персты, а яже³⁷⁹ мы из начала прияхом по апостольскому и святых отец преданию, и по свидетельству преподобнаго Петра Дамаскина, и святаго Феодорита, и блаженнаго Максима Грека, и по соборному уложению³⁸⁰ Макария митрополита Московскаго и всея Русии³⁸¹ и все (всего) освященнаго собора, те³⁸² новые веры учители двема персты креститися нам возбраняют, а не крестящихся щепотию³⁸³ проклинают, и тем точию всуе себе труждают и грех на свою главу собирают, понеже писано есть³⁸⁴: аще святитель проклинает не по делу Божию,³⁸⁵ сиречь не по священным правилом, не последует³⁸⁶ Божий суд, а непокоряющиися им³⁸⁷ аще и прокляти³⁸⁸ от них, но от Бога великим хвалам достойни суть.³⁸⁹ А что³⁹⁰ при благоверном царе и великом князе Иванне Васильевиче всеа Русии преосвященный Макарий митрополит, по апостольскому преданию, на освященном и богодухновенном своем соборе уложили и не крестящихся двема персты вечному проклятию предали, и они тому церковному уложению³⁹¹ и священному собору, паче же Христову и апостольскому преданию³⁹² не повинуются, да и нам³⁹³ такоже повиноватися не велят, и полагают то соборное проклятие ни за что, и тем своим неповиновением учинили себя под вечным проклятием, да и нас³⁹⁴ ныне грешных ведут с собою под тоже проклятие; а не повинующихся, государь, их странному учению и неприемлющих новые их веры они, Никоновы ученицы, мучат лютыми томленьми³⁹⁵ и ругаются всяким³⁹⁶ руганием безчеловечным. A святии апостоли, государь, и святии отцы в прежния лета такова ругательства и безчеловечия и над богоотступниками отнюдь не творили, но аще кто³⁹⁷ и впадет в некое прегрешение, и они исправляли таковых³⁹⁸ духом кротости, и любовию, и терпением, последствуя кроткому и учителю Христу, понеже Он, Спаситель Христос Бог наш, начальник и совершитель нашея православныя христианския веры,³⁹⁹ Сам учил⁴⁰⁰ пресвятыми⁴⁰¹ Своимиусты божественными спасенным⁴⁰² заповедем не гордостию, и не мучением, и не руганием, якоже они творят, но сам вся претерпи нашего ради спасения. А нынешняго, государь, на конце⁴⁰³ последняго века новые веры проповедницы отнюдь нетерпеливы, и немилосердны, и неблагоприступны и горды⁴⁰⁴; аще и едино слово явится им неугодно, и они хотят за то⁴⁰⁵ и душу с телом разлучити и смерти предати. И воистину, государь, блажен той, егоже сподобит Господь от таковых⁴⁰⁶ нынешних учителей до смерти пострадати⁴⁰⁷, и веруем Божественному писанию, яко тии паче прежних⁴⁰⁸ мучеников у Бога обрящутся. О сем бо и мы молим человеколюбие Божие, яко да и нас грешных сподобит от них пострадати и поне малу отраду в будущем веце за своя согрешения получити. Да в тех же, государь, новых книгах напечатано, велено говорить аллилуия трижды, a в четвертые Слава Тебе Боже. И мы, богомольцы твои, троити та божественная⁴⁰⁹ аллилуия отнюдь не смеем, бояся тогоже гнева Божия и Пречистыя Богородицы, иже бысть явное наказание за утроение божественной⁴¹⁰ аллилуиа иной веры none (на Иове распопе) псковском и троеженце, иже и мотыльный столп наречеся, егда он не послушал наказания преподобнаго отца Евфросина псковскаго чудотворца, еже⁴¹¹ двоити божественнае аллилуия, якоже предаде ему Иосиф Царя града вселенский патриарх⁴¹², и того ради своего непослушания и суемудреннаго начинания⁴¹³ он Иов⁴¹⁴ восприял от Бога велие отмщение, иным⁴¹⁵ впредь на уверение, – прежде будущаго мучения поражен бысть⁴¹⁶ богопопущенною лютою язвою и неисцельным недугом, кипел в червях и в смраде неудобстерпимом два года, и в той лютой язве и душу свою изверже; а иже іроити божественнае аллилуиа возбранающаго преподобнаго отца Евфросина псковскаго⁴¹⁷ чудотворца за сие богоугодное мудрование Господь Бог прославил во святых; a пo преставлении его наипаче же нам⁴¹⁸ совершеннейше бысть извещение: Сама Владычица наша Пресвятая Богородица в явлении Своем со архангелом⁴¹⁹ и с преподобным Евфросином явися списателю жития его и повеле православным христианом божественное аллилуиа глаголати дважды, а третие приглашати⁴²⁰: Слава Тебе Боже, а троящим⁴²¹ изрече прещение страшно. К сему же, государь, и в книге глаголемой Стоглав, в царском и святительском соборном уложении, написано, яко то⁴²² латинская ересь, еже троити аллилуия, и пишет сице: яко соборная и апостольская церковь имея и предаде, еже дважды глаголати святая аллилуия, а не трегубити, понеже бо⁴²³ сия несть православных предание, но латынская ересь, не славят бо Троицу, но четверят, и Духа Святаго от Отца и от Сына исходяща глаголют, и тем раболепна Духа Святаго творят, и того ради не подобает святыя аллилуии трегубити, и (но) дважды глаголати: аллилуия, аллилуия, а в третие: Слава Тебе Боже⁴²⁴. Такоже, государь, и блаженный⁴²⁵ Максим Грек в книге своей пишет и нарицает⁴²⁶ латинскою ересию. Да они же⁴²⁷, новые веры учители, в молитве Исусове Сына Божия именовати нам не велят, не ведомо для чего⁴²⁸. А святый Иван Златоустый⁴²⁹, в воскресном в Толковом Евангелии, в неделю 17, пишет сице: аще ясте, или пиете, или делаете, или шествуете, или стоите, или седите, или ино что творите, непрестанно вопийте кождо вас: Господи Исусе Христе, Сыне Божий, помилуй мя. И в книге Бесед⁴³⁰ апостольских, лист 130, и во многосложных послании(ях) Германа патриарха Царя-града, и Григория Двоеслова, и в книге Григория Синаита⁴³¹, и Кирила Иеросалимскаго, л. 178, и в Прологу, генваря в 9 день и июля в 29 день⁴³², и в книге Филофея патриарха и Нила Сорскаго⁴³³, и в житии Михаила Малеина, и во Псалтырях и в Часовниках печатных и письмянных, и выных во многих книгах святии отцы в молитве Исусове Сына Божия глаголати повелевают⁴³⁴. Такоже, государь, и символ православные христианские веры изменили же, – говорят⁴³⁵: и в Духа Святаго Господа животворящаго, а истиннаго отставили. А святии отцы, государь, отнюдь того не изменяли и прибавити и убавити собою ничего не смели⁴³⁶, якоже преподобный Иван Дамаскин во многосложном своем послании⁴³⁷, в Соборниках печатных, в дестевых и в полдесть, и в книге блаженнаго Максима Грека, во главе 5, в слове ответном Николаю латынянину, пишет⁴³⁸: и в Духа Святаго⁴³⁹ Господа истиннаго и животворящаго, такоже и в книге никонских правил, от слова 39, и в книге Кирила Иеросалимскаго, лист 128 и 44, и паки в той же книге Максима Грека, во гл. 1-й, в книге Кормчей московской печати, по последним числам л. 2, в тех во всех книгах, идеже Символ православныя веры положен⁴⁴⁰, истиннаго нигде не отставлено⁴⁴¹. Да они же, государь, в стихе: Царю небесный⁴⁴², совершенно Духа Святаго истинным не именуют, и напечатали сице: Царю небесный, Утешителю Душе истины, – две буквы наш да иже из истиннаго отняли, и тем сотворили Духа Святаго, аки причастника истине⁴⁴³, a не самым истинным⁴⁴⁴ Святый Дух именуют. А на Троицкой вечерни, государь⁴⁴⁵, молитву Святому Духу отняли⁴⁴⁶ всю, и ектению большую отставили же, и молятся⁴⁴⁷ стоя на коленках, и глав не преклоняют⁴⁴⁸. А в уставах, государь, печатных⁴⁴⁹ и писмяных, и в Потребниках и в Служебниках, и в той же Троицкой вечерни в стихерах⁴⁵⁰ велено главы с коленома преклонше на землю молитися а не на коленках стояти⁴⁵¹. А трисвятое, государь ангельское пение те новые учители переменили же, и напечатали в Ирмологе, лист 384, с прибавкою, сице: Сила, Святый Боже, Святый Крепкий, Святый Безсмертный помилуй нас⁴⁵². А в прежния государь, лета⁴⁵³, при благочестивом⁴⁵⁴ царе Феодосии, еретицы к той ангельской песни лишное прибавливать начали же, и того ради от Господа с небесе бысть отрочатем извещение и знамение страшно, и о сем свидетельствует Пролог⁴⁵⁵ сентября в 25 день⁴⁵⁶. А в Богородичном, государь, воскресном⁴⁵⁷: я(и)же нас ради, напечатали нас отчаянными⁴⁵⁸, а отчаянные, государь, именуются беси; а нам грешным⁴⁵⁹ до последняго издыхания Христос Бог наш отчаятися не повелевает: понеже бо отчаявыйся, по Божественному писанию, сам ся закля⁴⁶⁰. Да они же, государь, в новых своих правилах налагают на человеки бремена тяжка⁴⁶¹ и неудобь носима, не против человеческия меры и святых отец предания, и напечатали в новом Потребнике своем, Номоканоне, во главе 109 сице: инок аще изыдет из монастыря, и за то его 12 лет не причащать и в церковь не пущать, и указали ложно на четвертое правило святаго⁴⁶² четвертаго собора: а того, государь, в том четвертом соборе, по их мудрованию, отнюдь не положено.⁴⁶³ Да они же напечатали в Номоканоне же, во главе 96: инок аще в келии поест⁴⁶⁴, и за то епитемии положили против блудника на 7 лет⁴⁶⁵. И то, государь, все затевают они не по правилом святых отец, собою⁴⁶⁶, на погибель душам нашим⁴⁶⁷, а не на спасение.⁴⁶⁸ А иноческий чин, государь, паче же ангельский чин⁴⁶⁹ те новые учители доконца исказили, и правила святаго Василия Великаго гордостию своею положили нивочто, ходят в церковь Божию и по торгом⁴⁷⁰ без манатей, безобразно и безчестно⁴⁷¹, аки иноземцы, или кабацкие пропойцы. А в правилех, государь⁴⁷², Василия Великаго, в Номоканоне, в главе 59, иноку отнюдь без мантии быть не повелевает, не точию на молитве, но и на рукоделии. А в пострижении, государь, иноческом в⁴⁷³ Потребнике печатном мантии и параманда⁴⁷⁴ на постриженников класть у них не указано и стихов не положено ж.⁴⁷⁵ Да они же, государь, в покаянии и исповеди⁴⁷⁶ и псалмы и молитвы исповедником⁴⁷⁷ и над умершими⁴⁷⁸ прощалныя и разрешалныя молитвы, и величания на все Господские праздники⁴⁷⁹ и святым отставили, и все действо в божественных службах творения Василия Великаго и Иванна Златоустаго и Григория папы Римскаго преложили на свой чин по своему плотцкому мудрованию⁴⁸⁰. Також и прочее церковное пение⁴⁸¹, заутреню и вечерню, и павечерню⁴⁸², и полунощницу, и молебны и понахиды, и вкратце рещи весь церковный чин и устав, что держит церковь Божия, то все переменили, и книги перепечатали не по преданию святых отец, и всю православную християнскую веру испревратили на свой разум⁴⁸³. А указывают, государь, они на старые книги и говорят, что де в греческих книгах так написано⁴⁸⁴, и печатают с них без расмотрения⁴⁸⁵ и без свидетельства, аще что и доконца худо⁴⁸⁶ и непотребно, тому они не внимают, точию бы им было⁴⁸⁷ против греческих книг. И теми они⁴⁸⁸ греческими книгами они православную нашу християнскую веру истребили дотолика, будто и след православия в твоем государстве, Росийском царствии досего времени не именовалося, и учат нас ныне новой вере, якоже Мордву или Черемису, неведущих Бога (и) истинные христианские православные веры⁴⁸⁹. А мы, богомолцы и раби твои⁴⁹⁰ государевы, аще и многогрешни, но держим⁴⁹¹ истинную православную християнскую веру, Самим Господем нашим Исус Христом преданную, и святыми Апостолы и святыми отцы, седми вселенскими соборы, утверженную, непоколебиму и нерушиму⁴⁹², тоже предание, которое по се время держали⁴⁹³ прародители твои государевы, благоверныя цари и великия князи⁴⁹⁴, и отец твой, великаго государя, благоверный⁴⁹⁵ государь наш царь и великий князь Михаил Федорович всея Росии, в нейже и чюдотворцы и начальники⁴⁹⁶ наши Зосима и Саватей, и Герман и Филипп митрополит Московский и всея Росии, и вси святии отцы угодили Богу⁴⁹⁷, и многие чюдотворные иконы Господь Бог в чюдесех у нас, в русской земле, прославил, и ныне прославляет, и неизреченную Свою милость от них⁴⁹⁸ нам подает. А сверх, государь, того, сами они, вселенские патриархи⁴⁹⁹, прежде бывшии у нас в русской земли, Иеремий цареградцкий и Феофан иеросалимский и иные многие палестинские власти о нашей православней истинней вере свидетельствуют списанием, якоже в книге Кормчей московской печати, лист 15 и 26, пишет шце, что де у них в Царе-граде и во Иеросалиме конечное⁵⁰⁰ православной вере греческаго закона от агарян нашлие и погубление,⁵⁰¹ церквам Божиим запустение и разорение, не (но) точию един⁵⁰² на всей вселенней владыка и блюститель непорочныя веры християнския, самодержавный великий государь царь благочестием всех превзыдет,⁵⁰³ и все благочество⁵⁰⁴ в твое государство⁵⁰⁵ едино царство собрашася, и третий Рим благочестия ради твое государство⁵⁰⁶ Московское царство именоваша.⁵⁰⁷ И аще бы, государь, наша православная християнская вера неправа,⁵⁰⁸ то бы и милости и чудес от тех чюдотворных икон не было, и прародителей твоих государевых⁵⁰⁹, благоверных царей и великих князей, и преподобных и богоносных отец наших Господь Бог во святых чюдесы не бы прославил, и вселенские православные патриархи, наипаче же началнейший⁵¹⁰ и глава всем⁵¹¹ Иеремия цареградцкий, и Феофан⁵¹² иеросалимский и иные многие палестинские власти не бы православныя нашие христианские веры похвалили.⁵¹³ И аще, великий государь,⁵¹⁴ толикия многия и безчисленныя свидетельства на нашу православную християнскую веру, яко непоколебимо в православных догматех и в церковных исправлениях пребывает⁵¹⁵: то кая, государь, нужда нам тое истинную православную веру,⁵¹⁶ Самим Господем Богом преданную, и святыми отцы утверженную,⁵¹⁷ и вселенскими верховнейшими патриархи похваленную, ныне покинути⁵¹⁸ и держати новое предание и иную веру?⁵¹⁹ Аще ли, государь, нам ныны⁵²⁰ и на конец последняго века учитися сызнова новой⁵²¹ вере ни (и) слушати их непотребнаго учения, егоже страшно и помыслити⁵²², еже духу нечистому⁵²³ молитися, и ходити потатарски без крестов,⁵²⁴ и безгрешнаго Сына Божия⁵²⁵ именовати грешным, и воскресение Его и вочеловечение не проповедывать,⁵²⁶ и креститися щепотью,⁵²⁷ и истинный крест отринути и крыж латынской почитати,⁵²⁸ и аллилуя четверити, и прочая их небогоугодная мудрствовати: то разве, государь, и креститися нам будет сызнова⁵²⁹, и святых⁵³⁰ угодников Божиих и чюдотворцев из церкве Божии, по их мудрованию, будет изринути вон, егоже не даждь нам Боже ни слышати⁵³¹. И аще, государь, по их⁵³², новых учителей, хулению держали мы по се время⁵³³ будто⁵³⁴ не истинную православную веру: но⁵³⁵ прародители твои, государевы, благоверные цари и великие князи⁵³⁶, и святии отцы православнии. Аще ли, государь, они были православнии, то и мы яве яко православни. Аще ли, государь, они и мы православнии, то почто⁵³⁷ им у нас православная християнская вера отъимати⁵³⁸ и учити нас новой вере и странному учению,⁵³⁹ которые⁵⁴⁰ сами ничего не знают и конечнаго исправления в православной вере требуют? Понеже, государь, очи ушию вернейши суть и паче слуха⁵⁴¹ видение, всем нам явно⁵⁴² каково их исправление, наипаче же⁵⁴³ самому тебе, великому государю, ведомо⁵⁴⁴ и известно⁵⁴⁵: ибо и самые их лутчие греческие учители,⁵⁴⁶ егда приезжают в русскую землю, и ни един⁵⁴⁷ лица своего перекрестити не умеет и ходят без крестов⁵⁴⁸. А у нас, государь, невежи и поселяня⁵⁴⁹ им дивятся и говорят⁵⁵⁰: что-де они, палестинские власти, пастыри и учители нарицаютца и выную землю учити приезжают, а сами и лику⁵⁵¹ своего перекрестити не умеют, то-де чему⁵⁵² нас поселян научити, и какова-де от них⁵⁵³ научитися нам в православней вере исправления⁵⁵⁴ А Божественное писание неистово крестящихся⁵⁵⁵ нарицает отметниками креста Христова и пишет сице⁵⁵⁶: аще кто леностию, или невежеством не исправляет креста на лице своем, той⁵⁵⁷ отмещется креста Христова и предаетца дияволу. Поистине, великий государь⁵⁵⁸, те прежние вселенские патриархи, Иеремия и Феофан, писали они в греках⁵⁵⁹ не мимо дела, что православная вера у них от насилия поганых⁵⁶⁰ турков до конца иссякла⁵⁶¹. Влепоту убо, государь, приезжают(жать)⁵⁶² в твое государево благочестивое Российское царствие, самим учитись⁵⁶³ православной християнской вере и благочестию навыкати, яко да доволни будут в своей земле и иных научити. Подобает бо, государь, по божественному писанию, учителю прежде самому научитись, також⁵⁶⁴ и иных научити⁵⁶⁵. По истине, государь, те нынешние греческие учители приехали в твое государство Росийское не веры исправлять, но злата и сребра и вещей собирати и мир истощать⁵⁶⁶. А ныне, государь, видя весно⁵⁶⁷ их греческаго⁵⁶⁸ учения⁵⁶⁹ в православной нашей християнстей вере смятение и церквам Божиим неумирение и повсядневное пременение,⁵⁷⁰ многие иноземцы нам посмехаютца и говорят, будто⁵⁷¹ мы христианские⁵⁷² веры по сю пору⁵⁷³ не знали, a будет-де⁵⁷⁴ и знали, ибо⁵⁷⁵ ныне заблудили, и о том что де⁵⁷⁶ ваша вера и ныне (книги) все⁵⁷⁷ переменены поновому,⁵⁷⁸ и с прежними вашими книгами, кои при прежних царех были,⁵⁷⁹ нынешние книги ни в чем ни сходятца.⁵⁸⁰ И нам, государь, против их ругателства ответу дать нечего, потому что они видят наше непостоянство, поносят нас делом,⁵⁸¹ не точию тем противимся,⁵⁸² и от них отходим, и говорим,⁵⁸³ что у нас истинная православная християнская вера от крещения руския земли, прародителя твоего государева,⁵⁸⁴ благовернаго и равно Апостолом⁵⁸⁵ великаго князя Владимера лет с семсот⁵⁸⁶ до Никонова патриаршества, и до учеников ево,⁵⁸⁷ и до нынешних греческих учителей стояла нерушима и непоколебима⁵⁸⁸ и твоему, великаго государя, Росийскому царствию от иноплеменных разорения и церквам Божиим запустение(я) и еретическаго раздрания и книгам⁵⁸⁹ истребление(я), прародителей твоих государевых и твоими, великаго государя, молитвами,⁵⁹⁰ не бывало,⁵⁹¹ изменитца у нас в православной християнской вере было ничего (нечего).⁵⁹² А сверх тово,⁵⁹³ тое нашу православную християнскую⁵⁹⁴ веру свидетельствовали вселенские⁵⁹⁵ патриархи и все⁵⁹⁶ палестинские власти не в одно время, и они⁵⁹⁷ до конца у нас в руской земли благочестивое истинное православие⁵⁹⁸ похвалили, и писанию предали, и печатми царскими и руками своими то писание утвердивше, в соборной и апостольской церкви положили, якоже в прежде реченной книге, глоголемой Кормчей,⁵⁹⁹ о сем свидетельствует, и хотяй сего подлинно уведати, сам да смотрит тамо. И понеже,⁶⁰⁰ государь, зависть не весть предпочитати полезнаго и николиже⁶⁰¹ оставляет познати истинны, те⁶⁰² греческие⁶⁰³ учители и Никоновы ученицы, завистию подвижими,⁶⁰⁴ тех вселенских прежних патриарх⁶⁰⁵ богодухновенное на нашу⁶⁰⁶ истинную православную веру свидетелство положили нивочто.⁶⁰⁷ А им, государь, грекам православная християнская вера по се время изронить⁶⁰⁸ недивно: понеже живут⁶⁰⁹ толико множество лет посреде безбожных и поганых турков, во всяком озлоблении и неволе, и православную веру⁶¹⁰ держат дни своя окупаючи,⁶¹¹ и многие монастыри и церкви Божии у них стали в конечном раззорении. А книги⁶¹², государь, у них греков, кои прежняго благочестиваго исправления были,⁶¹³ после цареградцкаго взятия отняли⁶¹⁴ рымляне и перепечатали у себя, по своему латынскому обычаю, и те им свои латынские книги роздали,⁶¹⁵ а их⁶¹⁶ греческие книги все огнем сожгли. И⁶¹⁷ о сем свидетельствует в книге своей блаженный Максим Грек. А у нас благодатию Христовою по се время того не бывало.⁶¹⁸ А которые, государь, старые книги у них, греков, ныне еще есть, и те книги от еретиков⁶¹⁹ многие испорчены, насеяно в них много худых плевел: понеже во время тех старых книг в греках еретиков и богохулников и иконоборцов было много.⁶²⁰ Да и нам,⁶²¹ государь, те их греческие⁶²² книги ныне стали всем явны, что они не исправны и от еретиков⁶²³ испорчены: понеже, государь, в руских наших печатных книгах до сего времени, покаместа⁶²⁴ с греческих книг не печатали, никоторые посылки⁶²⁵ и зазоры не было; а как почали⁶²⁶ печатать из греческих переводов, и в тех новых руских печатных книгах объявилось⁶²⁷ много худых и богохулных и непотребных речей, ихже вкратце вмале тебе, великому государю, в сей челобитной выше сего изъявихом. Милосердый⁶²⁸ благочестивый, Богом избранный, великий государь⁶²⁹ царь и великий князь Алексей Михайловичь, всея Великия и Малыя и Белыя Росии самодержец! молим твою, великаго государя, благочестивую⁶³⁰ державу и плачемся вси, со слезами милости просим,⁶³¹ помилуй нас, нищих богомолцов своих и сирот⁶³², не вели, государь, у нас тем новым учителем и вселенским патриархам истинную нашу православную християнскую веру, Самим Господем нашим Исусом⁶³³ Христом и святыми Его Апостолы преданную, и седми вселенскими⁶³⁴ соборы, и твоими государевыми прародители утверженную, изменити и порудить, чтобы нам Господа Бога и Спаса нашего Исуса Христа, Царя царствующим и Господа господьствующим не прогневить⁶³⁵ и во веки в безконечное мучение⁶³⁶ осужденным не быть, и тою новою верою прародителей твоих государевых и святых отец не посрамить⁶³⁷, a иноземцов и хулником нашея христианския⁶³⁸ и православныя веры впредь дерзновения не подать, и вели⁶³⁹, государь, быти в том же благочестии и предания(и), в коем чюдотворцы и началники наши Зосима и Саватий, и Герман, и Филипп⁶⁴⁰ митрополит Московский и всея Росии, и вси святыя угодили Богу, и вш прародители твои государевы, и отец⁶⁴¹ твой блаженныя памяти благочестивый и великий государь, царь и великий князь Михайло Федоровичь всея Русии, и дед твой, приснопамятный блаженный⁶⁴² Филарет Никитачь, Московский и всея Руши патриарх, препроводиша⁶⁴³ дни своя, чтоб нам⁶⁴⁴ под запрещением и клятвою святых отец не быть, и во веки душею и телом не погибнуть. Аще ли твой, великаго государя, помазанника Божия и царя⁶⁴⁵ гнев на нас грешных излиетца, и православную нашу християнскую непорочную веру тем новые веры проповедником⁶⁴⁶ отнять у нас попустити изволишь, и чюдотворцев наших и прочих святых отец предание изменить, и о сем тебе, великому государю, прежде в челобитной своей писали, и ныне тожде пишем: лучше нам временною смертию умереть, нежели вечно погибнуть. Или аще, государь, огню и мукам нас те новые учители предадут, или⁶⁴⁷ на уды разсекут: но убо изменить апостольскаго пореченнаго (и отеческаго) предания не будем во веки⁶⁴⁸. Великий государь царь, смилуйся пожалуй!⁶⁴⁹

11. Священнодиакон Игнатий. Челобитная царю Алексею Михайловичу⁶⁵⁰

Соловецкия обители эклисиярх Игнатий челом бьет царю Алексею Михаиловичю, самодержцу всея Русии. Приношу тебе, самодержавне, на росийское синодальное содержание. Они, власти, ныне на честных крестах написали надписание, подражая Ария еретика ереси, проста человека быти Царя Христа, пишуще единолитерно I.Н.Ц.И. Сие не богословне, не тако Пилат писа на первобытном кресте, царю: писах о зависти жидовской многолитерно – по-еврейски, гречески и римски. Написание зрехом: Ісус – гречески, Назарянин – еврейски, Царь Июдейский – римски. Сие писал Пилат, неистовство жидовское и зависть непщует, яко на своего царя восташа. Зде проста человека земли царя сказует в написании тако: «царю», а не «Небеси царя». Аще бы ведал Пилат Христа – Царя Небеси и Сына Божия, не бы распял Его. Се, царю, последи ангели огнении с небесе низшедше ко вратом адским пред Спасителем вопияху, глаголюще: «Возмите врата, князи, ваша и возмитеся врата вечная, и внидет Царь Славы». Прежде сего, царю, времени единолитернаго надписания не бысть на крестах «I.Н.Ц.И.» В сем ничего ни сказует, ни алегорическаго, ни омирическаго не сказует падежа, разве арехме[ти]ческаго щета 968 лет, начало римскаго зачатия падения.– А православнаго богословия филогисует, еже есть: «Царь Славы Исус Христос Сын Божий». Зри, самодержавне царю, крест царя Константина, присланный из Царяграда великому царю Михаилу Феодоровичу, отцу твоему, ныне стоит во Успенской церкви, греческим деолектом написано: «Царь Славы Исус Христос Сын Божий», а не царь жидовский, еже, пресветлый царю, не вем сего написания того единолитернаго во всей гречестей церькве, ниже Пилатова на крестах именования, кроме литоргическаго во Евангелии, сказующа: «проста царя Пилат – земна, а не Небеси богословит». Зде богословии мудрость оставляет ведати, но в среду великую Златоуст святый точию велиславит, зависть жидовскую обличает, не в таком разуме, яже божественое сие написание богословит и не всецело евангелист богословит, точию зане на своего царя восташа. Зде Пресвятая Богородица Иосифу просити Царя всех и Бога у Пилата повелевает, а не жидовска. Вся богословия святая умствует вкупе написание Пилатово земна, а не Небесна Царя. Еще во Успенской церкви у тебе есть крест Корсунской неоцененной, написанный: «Исус Христос Царь Славы»,– гречески написано. Есть крест у тебе златый – в небеси царю Константину явися подобне, сим повеле побеждати враги – тако написано: «Царь Славы Исус Христос». В Благовещенском соборе, царю, Антония Римлянина кресты с полным богословием надписанием: «Царь Славы Исус Христос Сын Божий». Авраамию Ростовскому от небеси Иоанном Богословом данном, надписание сице: «Царь Славы Исус Христос Сын Божий»,– се преобразующе всей земли Царя Славы Бога небеснаго.

И о сих подписаниих – I.Н.Ц.И – Матфей Стриковский, летописец словущий Росии, сказует: «Требе нам писать богословне имя Сына Божия на крестах трехлитерно Исъ⁶⁵¹ или двема литеры Іс», а не тако, яко латыне на крестах пишут единолитерно I.Н.Ц.И. Мы, где обрящем сие написание, не мним ту именительному граматическому падежу быти, разве щета арехме[ти]ческаго.

Сего, пресветлый царю, прежде нигде пишимо не было, кроме отпадших латынь. Молю царское твое достояние, сего надписания новоявлюшагося лишити, надписавать чрез церковная предания, чтобы не подпасти под клятвы вечныя. Кирил Иеросалимский, глава 6, сказует о явлении в день судный: «Крест Господень явится». Титлу бывшую от Пилата написанную сказуют – «была», а не «будет»; тогда не именоватися имать царем единем июдеом, но всем – Царь Славы. Еще, царю самодержавне, богогласный Лука написа крест, иже стоит Успения Пресвятыя Богородицы в соборе, еврейски написано: «Царь Славы Исус Христос Сын Божий». О, царю! Зело опасен несовершенно мудрствовать, чтобы не уподобиться иностранным сектом мне грешному. Вашего царского достояния богомолец Соловецкия обители эклисиарх Игнатий челом бию.

Зри и в Соборнице в Неделю мироносиц, лист 769 еже, царю: Иосиф проситу Пилата тело Исусово богословне, а не человечески: «Даждь мне тело онаго Исуса, Его же Сыном Божиим нарицают книжницы и царем сказуют фарисее, Ему же ты повеле над главою дцку прибити, имуще написание сице: «се есть Сын Божий, Царь Израилев». Трегубо, а не тако ругательно – I.Н.Ц.И., ничтоже имуще именования. Еще в Соборнице же, в слове в суботу великую Иоанна Златоустаго, лист 600, разбойник вопиет на дерзость жидовскую: «како не иму веры? Царь укаряем небесный титлою? точию землю Его написует Пилат царя, а не Небеси богословит, аще и вопиет июдеом: Иисус Назарянин Царь Июдейский. Я же чту написаная, знаю и вещаю не человечески – едино естество сказую, но богословне. Помяни мя, Господи, во царствии Своем. О, разбойниче, июдеом обличителю, и Ария, и Евномия посрамителю!» Се, царю! У латынь сие написание: «I.Н.Ц.И.», не имея сошедшихся в дву естеству в Сыне Божии. Сие бо к нам римских дрождей останки внидоша. Ничесо же с Пилатом не согласно написание се. Тамо гречески, еврейски, римски царя сказует вместе, единем июдеом, а не всепомественне, яко же святая богословия сказует: «Царь Славы Исус Христос Сын Божий». Мы сего вышеписанного надписания, царю, чрез предания святых отец надписовать зело опасны на святых крестах. Сего не на иконах святых, ни на крестах от начала проповеди Евангелия не бысть.

Изящнейший же в богословии Григорий, истолкователем своим святым Никитою Иераклийским в слове 2-м на Крещение Господне, в стихе 53 о Пилатове надписании таковыми словесы показует: «зле написа Пилат титлу, яко вину убо, a не яко истину». Зрите убо, не рекоша сии святии богословнии мужие, яко Пилат добре написа, но яко зле, и яко вину, а не яко истину.

Но и Великий летописец в царьство Тиберия, во главе 61, о Пилатове надписании тако историографиствует: «Повеле же Пилат по осуждению Его над главою надписати вину греческими словесы, яко же глаголаху июдеи, яко царь есмь Июдейский». Но сия убо первообразная титла, яко же извествует Евангелие, треми языки написана бе и целыми реченьми – еврейски, гречески и римски. Прочее же речем и (о) второй титле, которая внове нача писатиса от латынь и никониан четверобуквенной. О латынском же оныя начертании зельнейшии обретается обличить Евсевии Памфилийский, муж ученый восточнаго православия. Книга о седми тайнах церковных, лист 708 от полу, на обороте. Яко же Адам древом паде, древом крестным и оживе. В кончину же века сего крестнаго же древа вкушением падение будет, занеже поруган будет тричастный крест и отнято будет царское подписание, еже есть «Царь Славы».

В Граматике имя Исуса Христа единолитерно «I» пот титлою не пишется, но тремялитерно под титлою: «Іс҃ъ» или «Іс҃». Во истории Луки евангелиста, Тихвинския Богородицы явления, пишет о превечном младенце имя пречистое пишемо: «Іс҃ Хс҃» и Пречистей Богородице «Мр҃ Ѳу҃», гречески литер «Ѳу҃», словенски «Мати Божия».

Книга Потребник иноческий, лист 323: «Иже кто не крестится двема персты, якоже и Христос, да будет проклят». В книзе Lifoc или Камени, лета 1642 типом, в Киеве и Кракове изданием, во отвествии агнца или опреснока латынска, Пилатово разсуждающе написание и глаголюще сице: «Зри и в костеле римском во время литургии на агнце, егда не узриши ли на единой стране воображения распятаго Спасителя сих словес под титлою I.Н.Ц.И., от Пилата на кресте написану». И мало понижше: на просвире греческой грамотой: «Іс҃ Хс҃ Ника».

Дозде Евсевий пишет тачеми словесы, многоученый он автор. Известно показует, яко в римском костеле таковое четырех литер за Пилатово написание находится на агнеце написуемо. А на греческой просфире того не изображается, но: «Іс҃ Хс҃» Ника». Убо и в Росии ныне от лет Никонова патриаршества согласно латыно-римским начертанием всюду на крестах обретается. Древних же крестов писанием везде богословным, и всюду, кроме изображения сих 4 литр, имеется на чюдотворных крестах; тако и на древнепечатных книгах и Евангелиях, Потребниках великих и Уставах, кроме сих 4 литр, видится пишимо.

12. Священнодиакон Игнатий. Книга о титле на кресте Христове⁶⁵²

Писание священнодиякона Соловецкаго Игнатия, прежде бывшаго отца и страдалца, на отступники никонияны обличително о написании титлы I.Н.Ц.И. на кресте Господне.

Плачи, плачи, Рахили, возстени духовный Вифлиоме, небеснаго доме хлеба, возопии, возопии в горести болезней своих ко владущему твариею всею ко Господу Богу окровавленная горкочадною кровию духовнаю мати нашя, огражденная и укрепленная телесы святими страдалческими и мученическими и юношескими, испещренная кровию неповинною. Возвыси, возвыси глас свой жалобы и умиления, и молитвы, и воздыхания к седящему на престоле херувимстем, святая нашя пречистая нескверная и непорочная апостольская восточная, истиннаго востока востоком, опаленная и пожженная яростию и прещением повеления царева, християнская соборная церковь. Воздохни, воздохни от самых внутренних своих глубин скорбных и возгласи обличением своим непрестанным на сквернителей своих мерзских и на разорителей свирепых, окровавленный неповинною кровию престоле Владычен, и нас бедных заступи милостию своею.

Ныне вопиет нашя святая Соловецкая обитель мною многогрешным черньцем, и прежних отец постриженником и последним служебником церькве святыя. Господи, Господи, всея твари Владыко, седяй на престоле херувимстем, доколе путь нечестивых спеется? О, богоборная, еретическая уста, доколе аки противу рожну лаяние злое бреханием своим отрыгаете? Титлу бо положисте Пилатову в другой ряд на кресте животворящем Христове: «Исус Назарянин царь Июдейский». Аки бы не знаючи, яко царствует всеми всего мира Великий Царь. А Он живет ныне не в Назарете, но седит одесную Божия Славы в небесных. И тою титлою своею называете, богоборцы, Спасителя Света простым человеком. Сия бо титла от Пилата бысть написана не о божественной и боголепной славе Христове, но познания ради креста Христова, яко с Ним вместе ина два злодея распята быста. Обаче же Его всей твари Бога не славит, но называет Его назарянином, простым человеком. Понеже еще небесною славою славитися не начатся. И тою титлою нам, верным християном, подписовати непристойно. Понеже ведаем, яко прославися Царь великий Славы божественною славою Своею. И купно кланяются Ему всяческая небесная колена и земная, Иже седит одесную велелепныя божества Отческия Славы, а не в Назарете с человеки пребывает.

Ныне же сию титлу воздвигоша новыя отступницы, злыя богохулныя еретическия уста, адские преисподяя огорелыя главни, содомскаго пламени останки, раззореннаго вавилонскаго столпотворения семя, египетскаго лакомства ласкосердство. Абие боголепную присносущную к безначалному Отцу и пресущную и единосущную превечную Славу отмещут. И Творца всей твари и Владыкою не проповедуют. И во двою естеству, в божественном и человеческом, во едином лице не исповедуют; единороднаго Сына Божия по существу и Бога истинна, и Владыку, и Содетеля, и Творца всей твари и не славят. Но тако еретически лают, из ада погибели изшедши, простым человеком укорно называют, полагаючи титлу Пилатову, ея же евангелисты святии Матфей, и Марко, и Лука именуют вину, яко жидове вину написали, за нее же распяли, еже есть: «Исус Назарянин Царь Июдейский». Нынешнии же еретицы тую объявляют и тако веруют, якоже и древнии жидове. Пишут: «Исус Назарянин Царь Июдейский», и не их царь. Иже и единороднаго Сына Божия по существу во двою естеству. В едином же лице и Царя Славы всех не славят, но отступивше от Hero, антихристу честь приносят. Сына же Божия назарянином называют, а не Божий и не их, но июдейский.

По Богослова Иоанна соборному посланию: «кто есть лживый – точию отметайися». Яко Исус несгь Христос, еже есть всея твари не Царь Славы, но июдейский царь, – той есть антихрист. О сем разумеем: Дух истинный и дух льстечь. Они же, отступивше Славы Сына Божия, единым словом сим во ад сошли, еже «Исус Назарянин Царь Июдейский». Аки бы в небесней божественной Славе не бывал и прежде, и ныне несть ту, но точию лише в то время плотию на земли, что и прочии человецы был, егда в Назарете воспитася и с человеки поживе, назарянин, а не Бог и не Сын Божий, и не всея твари Великий Царь, но июдейский, а не их.

To станет их дело еретическое, и яко от мужеска семени зачатие Его баснословят проклятии. И от Христовы веры отступили, еже како крещени были, и вся проповедь святую евангельскую и апостольскую опорочили и нарушили. Паче же и отреяли и отвергли от себе, яко Света Спасителя Христа безчестие сим словом смрадно, аки бы называюще и страшно Его не от Святаго Духа Пречистыя и Приснодевыя заченшася и родившагося благоволением безначалнаго Небеснаго Отца и содейством пресвятаго и животворящаго Духа, но от блуда рожденна. Оным еретичеством глаголюще, отрыгаете злолюто. И Богородицу Приснодевую Марию чистую, блудницею называете, будто в девстве соблудившу. Или вы, проклятии еретицы погибелныя, иную девку блудницу вместо Богородицы называете, нескверную же Пречистую Матерь Божию отставя? Едино от сих, которое ни есть, страждите богоборно и лестно, чтобы люди вашего лукавства не узнали.

О, богоборная, лающая еретическая уста, геонскому огню пища, вечныя тмы наследницы, послушайте внятно и разумно, аще святии апостоли и ученицы Спаса Христа проповедь сохраняюще, и по вселенней верных июдеов и идолопоклонников в веру приводяще, чюдотворенми различными уверяюще. На время, уверения ради и познавания, к неверным и некрещенным сие слово не по возводству изрицаху, но не в догму уставляху. Изрицаху бо святии апостоли сие слово на время, яко же и верховный апостол Петр сотвори, к разслабленному рече: «Исцеляет тя Исус Назарянин мною; или: во имя Исуса Назорея востани и ходи». И абие разслабленный воста вскоре. Но и Петр сие к разслабленному изрече не догмы ради, ради ни устава, но временно, к неверному и некрещенному. Вы же от истиннаго Сына Божия и Спаса всех, Царя Славы отступисте и написасте еретически, потаенно: «ІИсус Назарянин Царь Июдейский». И аще по вашему лукавому сему расколу, о, гнилая еретическая и богоборная уста, новая суетная жидовская сонмища, пречистая и пренепорочная присносущая чистая Богородица и Дева нетленная и нескверная – блудницею именовати и порочною нарицати. И Христа Света, непорочнаго агньца, пречистаго праведнаго немерцающаго солнца – «от блуда рожденна» нарицати. Яко же титлу пишите: «Исус Назарянин Царь Июдейский», аки бы от назарянина от кого зачатся, и сам назвался царем июдейским, того ради и распясте, яко противника римскому кесарю. Вы же ему радеете и пишите: «Исус Назарянин Царь Июдейский». И сице: июдейский царь, а не ваш, за него же верных истинных християн томителными муками смертем предаете. Ваш же кто царь, кому покаряетесь? Разве антихристу! Служите же ему усердно, за то он вас пожалует вечною и неизбудущею смолою и огнем преисподним, тартаром лютчим.

И аще тако по вашему злому умыслу, то напрасно и тою прелестию свое лукавство прикрываете, еже зовете приснодевую чистую и нескверную всех пречестную Госпожю Богородицею. Но аки Несторий проклятой, такожде изостристе язык свой. Он изрек – христородица, вам же достоит нарицати – цареродица. Но помышляет ми ся и изрекли бы вы и тако, да еще нелзя. Понеже безстудное ваше злохуление всем яве будет. Того ради покрывало безбожному своему мудрованию о сем некако в сих словесех имате, яко не все омрачены суть прелестию вашею истинни християне. Инде же и покрывало сие снемше, и яве хулите Пречистую Богородицу, называюще ея еще и до рожества и до зачатия Христова скверну сущу прародителную имущу в себе (Скрижаль, лист 651, 654 и 655⁶⁵³). И пишуще сице. Но Святому

Духу, пришедшу на ню, и очистившу словом арханггела Гаврила, зане скверна бяше прародительная в ней до благовещения. Тако же и в зачати и рождени от нея Сына Божия зело хулят, глаголюще, яко бы не взяв Младенец от чистых кровей Пречистыя Девы Себе плоть (Скрижаль, лист 666⁶⁵⁴) и мало-помалу не растил в пречистей утробе ея, но купно совершися с словом архангела Гавриила (Скрижаль, лист 666). Добраго извещение составися совершенна во ипостаси Бога Слова. Плоть ибо начинаемое или преспевающее и растущее. Несть Бог, но вкупе бысть совершеное отроча, вкупе Бог совершен. Сицева же – хуления еже на пречистую Богородицу и на рождьшагося от нея Сына Божия. Инаго весма бога новаго их исповедуют, и иную и матерь ему возводят, в скверне прародителнаго греха рожденую, и до благовещения в ней пребывающую.

Церковь же святая всеуставно исповедует, еже о Пречистей и Пренепорочной Приснодеве Богородице, яко никогда ей не приближися никая же скверна греховная; и порока ни единого не бысть в ней. Яко же в зачатии, тако и в рожестве, и по рожестве ея свидетелствующу о ней Самому Богу: «вся добра еси, ближняя моя». И аще вся добра, сиречь от зачатия чиста и нескверна пребысть всегда Пресвятая Дева, то где в ней греховный порок или скверна кая, и когда бяше? Воистинну не бысть никогда же в ней греховнаго порока, ниже коея же от самаго зачатия ея скверны не суть, но яко и ближняя Божия, сиречь всегда близ Бога сущая, то како быти ближнею Божиею, аще не от самаго зачатия нескверна? Воистинну никако же! Понеже и сами шестокрилнии херувими весма несквернени и пресвятии суще, и в колицей славе небесней, завсегда бо престолу Славы Божества предстоят, но обаче хуждьши противу пречистыя Девы славою суть. Она бо колико и онех Славою божественною весма превосходнейша сущи, якоже свидетелствует о ней церковь, честнейшую херувим и славнейшую воистинну серафим. Сицевым вседневным благохвалением тако возглашающи, то аще по сему честнейшая херувимов и славнейшая воистинну суща серафимов, то како можно кому помыслити на толикую чистоту и славу божественную Пренепорочныя, и рещи скверну, яко бы до благовещения архангелова бывшу. Но колико лучши сущи херувимов, паче же и самых горних превосходнейши серафимов. А была бы скверна до благовещения, яко же Никон преокаянний зло вещает, воистинну сия велия хула на Пречистую Матерь Бога Слова от темнообразных сих еретиков, новопроизнесе ныне. Како бо яко же тех же горних небесных умов Творец, егда оных творяй, не сице ли пресвяты и нескверны их содеваяй. Якоже пишет о них: «творяй ангелы, духи и слуги Своя огнь палящ». И сице таковыя слуги Своя небесныя огенныя созда, яко пречестнейшия и пресвятейшия, паче иныя вся видимыя и невидимыя твари. Якоже бо огнь попаляй и очищаяй всяку скверну, толико небесныя силы безскверненны созданы Быша, что они и над сквернами всякими власть попаляти и очищати их от Творца своего прияша. Но и первозданный человек сотворен бысть не хуждьши их, в чистоте, аще душевен и телесен. Якоже бо от чистыя и нескверныя персти его создано бысть тело, такоже и душа его вдохновениим Божиим толико чиста ему сотворена, что аки голубица чиста и нескверна. Якоже бо и по пророку, по нем человек ничем же есть менши славою и честию от анггел. Толико честию и славою Бог человека почтил есть, что яко и анггелом его равна сотворил. Аще он по зависти исконнаго врага преступлением заповеди Божия сию первую честь и славу и омрачи грехом, но покаянием паки отмыл от темноты греховнаго порока. И не отреян вконец Владычния милости бысть. Светел тако же, яко и первее, и в ту же первосозданную доброту, честь же и славу вниде. И всеми благими от Бога одарен бысть. Но аще и преступления порок его греховный даже и до самого вочеловечения Христова на всех людех неогьемлем бе, и влеком, но Пречистей и Пренепорочной Богородице той ни мало не прикоснуся. Понеже бо чистая Дева сия, яко Слову Бога селение, или прекрасная царева полата, или яко самей превышши херувимоносный престол божества создася в зачатии и рождении ея. Аще и от Иоакима, обаче, якоже церковь исповедует тогдашним кондаком Аннино зачатие, бывшее по Бозе. И аще по Бозе, то кроме всякого порока греховнаго. И скверны ни единыя не бысть причастно Приснодевыя зачатие, но Самим Богом очищенно, паче же и освященно. И яко зачатие престола сего божественнаго и херувимоноснаго, тако и рождение бысть пресвято и всеблагостно, и человеческому смыслу неудобовместимо. Зане прежде бытия мира сей быти предуготовано. И по обетованию Божию сотворена. И кто ум Господень разуме о сем или кто Богу советник бысть? Якоже Той зиждет по воли Своея, елика хощет и может вся. Тако и Пресвятую Деву и прежде зачатия и рожества ея предъизбра и проуготова вселению быти Сына Своего. Того ради и прежде, инее же еще сущей, извести о ней, какова хощет небесных сил превосходнейша честию и славою быти, глагола: «вся добра еси, ближняя моя, и порока несть в ней». И аще вся добра, то от времени зачатия добра и вся чиста, и николиже бысть нечиста, но и ближняя Божия от самаго рожества, сиречь безпорочная всегда, чистая и освященная от самого зачатия Духом Святым, и николи же кроме Бога бывшая, сиречь в пороке греха не бысть ни в кое время. Якоже адобесний Никон глаголет, до благовещения аки бы пребывати ей в скверне прародителнаго греха и до зачатия Слова Божия аки бы в πο­ροκε нечистоты во святая святых живущей. И како бы во скверне прародителнаго греха сущу, таковое место святое и пресвятое живущую внутрь себе вместити могло? Се страха и ужаса преисполнено вещание. Место бо се святая святых, а живущая бы в нем Дева скверна была, не стерпе бы сему и катапетазма Божия завета и скрижали, но весма бы разрушися. И законная бы опровержеся, неукосне бы, ниже удержася. И завеса церковная дотолика претерпети, но не пождав бы распеншагося Сына ея Христа Бога нашего за мир, раздравшися бы прежде на оба полы, развалися. He умолчали бы шм и архиереи, иже и сами они священнии суще. Тамо точию единою в лето вхождаху на молитву, прочии же никому, яже от несвященных, тамо входити не попущаху. Но и самим иереом вход во святая святых весма возбраняху. И како бы отсюду Пресвятую Деву и в пороке греховне сущу воспустиша семо; ей сему быти неудобно. Но како и по сему содействуему бы о ней можаше вместитися, егда бо Царь Небесный слуги Своего божественнаго престола творяй, анггелы, духи огнепламенны, и никоея же порочныя не причастни, но паче и всякую греха скверну попаляюще и до конца истребляют и в пороке сущих удаляются. И таковы бы приближно сослужаху. А пороком греха, по Никонох обложеной – никакоже, но якоже слуги созда Божества престолу безсквернени и огнепламеннии, а престол бы Своего Божества сотворил бы в скверне прародителнаго греха? И како бы егда слуги они небеснии таковы, херувимоносный, в пороке бывый греха, престол божественных дароносяху по все года, и не опаляху престола онаго, пороком причастнаго? Ей, попалиша бы, аще Быша. Но яко ничто же от порочных не бе, того ради и опаления никоего же никогда пострада. И огнепламеннии слуги небесныи вину тому прикасающеся и не яко его попаляюще, но паче сами от него, яко от превышшаго всех шл небесных и превосходнейшаго честию и славою Божества престола просвящахуся и освящахуся. И по Бозе, яко Бога почитаху, божественною славою увеличаху и покаряхуся Приснодевей, яко самой суще Госпоже и Матери Божии. Егда бо и во святая святых Святым Духом вводима бысть пренепорочная Дева, и ангельскими шлы невидимо окружаема бе и сослужима боголепне со удивителными песнопении сими (Трефолой от 4 гласа, стихира на Господи возвах, 1, лист 571 на об.⁶⁵⁵), юже поюще анггели Божии, та есть сень небесная. И аще Сам Бог Дух Святый во святая святых воводил Пресвятую Деву, и анггели Божии, сению небесною нарицающе ю, воспеваху, то коль паче и зде превосходнейши небесных сил честию и славою показуется, но и яко Госпожа всех и Царица Небесная, Небеснаго Царя Мати. Толико от небесных сил почитаема и раболепно ими божественне служима. Но и Сам Бог Дух Святый предидяше пред нею, яко Царь всех и Владыка и Творец всея твари, Владычицу в дом свой на вселение свое ввождаше (Трефолой, на Введение Богородицы, на Господи возвах, слав. глас 8, лист 572⁶⁵⁶). И всея созданныя твари небесныя и земныя честнейшею славою Деву пренепорочную увеличаше и являше. Но и от тогда же и Сам Дух Святый в ню вселися, якоже свидетелствует церковь, анггели зряще Духа Свята, в Деву вселишася, удивишася и недоумевахуся о сем, что се имать быти, ужасна бо тайна сия, яже о всечистой и пренепорочной и всех небесных сил вышшей, честнейшей и пресвятейшей Приснодеве. Тогда бысть от горних умов, но едина точию честь и слава Ея превышшая над всеми откровена и ведома бе то отсюду, где зде обретеся аки бы каковая скверна греха, в ню же сам Бог вселися. И огголе в ней живяше Святый Дух присно, и никогда не оставляше, даже и до благовестника Гавриила, и со благовестником сам ту же бе. И к зачатию Слова Божия осени ю той же Дух Святый, сиречь иною некоею божественною и совершенною силою обогати ю и облагодатствова ю же. Сам он един весть, а не от скверны тогда коею любо в ней от зачатия Ея аки бы удержанной очистил. Зрите се!

О, том проклятии еретицы, сквернии хулницы Матере Бога Слова, лукавии Никоны! Како вы всепрелютейшими вашими змиевоносными челюстьми отрыгати таковая хулы смеете престолу сему божества владычнего, порок прародителнаго греха скверный возлагати дерзаете. Отселе уже постыдитеся, чюжемудренни, о таковом престоле божества хулная не от благаго сокровища сердца вашего произносити престаните. Несть бо, несть во всечистей Приснодеве Владычице, Госпоже нашей Богородице ни единаго никогда же не бысть порока греховнаго, ниже в зачатии, ниже в рождении или по рождении во всей жизни Ея, якоже церковь воспевает (Трефолой, на Введение Богородицы, седален по 2 стихире, глас 4⁶⁵⁷). Но и прежде зачатия Ея освятися Божиим Духом и в Матере Богови предуготовлена и предизбрана бе прежде, неже мир бысть.

О, новии беднии, а в том мнещиися мудри быти, се зде и простецов несмысленнейши явлыыеся, или аки бешаные пси объюродевши, возбесистеся, адскими вашими усты над все небес вышшую лаяти не усрамистеся, укоризною вашего неистовства всеконечно поругавшеся Матери Божии.

О, всепреокаяннии, содрогнитеся лютаго тартара, ждущаго вас за хулу сию, яко да не прежде суда сведени будете с хулою таковою в пропасти адския, в подземная тартарская места ко отцу своему сатане. От него же и хулный сей глагол на Пречистую Деву поимавше укорно, и здаваете и во всебесчестие ю и язык свой адский толико изостристе, беснующеся в мечтании прелести вашея. Что отсюду или всеконечною хулою злодышуще на пречистую Богоматерь и не славословите ю во церкви вашей, но паче безстудствуете к ней, лицемерящеся в молитвах ваших укоризну приносите Ей, а не почесть или дары благохвалны возсылающе вселукавии. Но паче или сим едва не иную ли вмещаете вы скверную родителницу, проповедающе новому богу вашему, совершенному отрочати во чреве ея плотию во един час создатися, и не расти помалу, но целому младенцу составитися от благовещения. И пребывати тако и до рождения внутрь чрева Ея всю девять месяцы. И како бы сие удобовместно было понести толь младому естеству и чреву девическому от внезапныя составлшагося внутрь чрева Ея всецелаго отрочати тягости. И в толико бы время онаго носити целообразна. Но яко сему отнюд быти невозможно, то и не бысть николи же. Но аще бы тако было, тогда же познал бы и Иосиф, хранитель девства Ея, от самаго бы зачатия разумел бы ю непраздну сущу, якоже бо с ним во едином доме тогда пребываше. Но яко не скоро ся познаваше, но егда во триех месяцех возвратися от Елисавети, к ней же хождаше извещения ради зачатия своего Приснодевая. А до сего никако же о ней помышляше и ничтоже о тайне чрева Ея ведяше. Но егда посем нача чрево Ея помалу надыматися, якоже внутрь уду Ея божественному плоду плотию растущи Господа, и в познание человеческое приити можаше, тогда Иосиф начат мысльми о сем колебашися, и непраздну познавати начат. Ему же от ангела тогда же извещение бысть, а не в самое зачатие. Но и сама святая церковь тако о сем свидетельствует яве, (Евангелие⁶⁵⁸) что Божию Слову от благовещения арханггелова вообразитися точию во чреве девиче, и плоть взяти от чистых кровей Ея, и расти плотию помалу, а не божеством и не в един час совершенному отрочати создатися. Сия бо хула велия на Сына Божия от преисподняго отца их, самаго диявола, ныне произыде; или сим всяко новаго бога их, сына дияволя, сиречь антихриста, рождение от некаковыя сквернодеицы, блудницы же, рождьшагося во означенное время, яве уже провозвещают. Сии есть от греховнаго Никонова действа, еже суть еретичества в новодогматствующей их скверней церкви. Яве таковому произыти от нем же и святый священномученик Ипполит папа Римский, сице глаголя провозвещает (Соборник великий, слово в неделю Мясопустную⁶⁵⁹): «Сопротивник от скверныя жены изыдет на землю, родится от мнимыя девицы, блудницы же». Сопротивник же, аще и плоть приимет, но все в привидении, како бо юже взем плоть и ратовати ю имать, в ню облекся. Непщую бо, возлюбленнии, яко мечтателну плоть своему существу восприимет сосуд, сего ради и от мнимыя девицы, якоже бы рещи, родится яко дух, аще и плоть многим явится. Нии убо, но якоже враг, не разверзает ложесна сице, ниже плоть истинно возмет. «Тогда восплачются и церкви Божия вся плачем великим, зане ни приношение, ниже кадило совершается, ниже служба богоугодная, ниже и честное тело и кровь Христова во днех онех не имать явитися церкви Божия, яко прости храми будут. И развращения церковная всюду будут, и писания небрегома будут. По всему убо хощет уподобитися льстец Сыну Божию. Лев Христос, лев и антихрист. Явися Христос агнец, явится и антихрист агнец, внутрь сый волк». Зде весь образ сына погибелнаго, сиречь антихриста. Пришествие в мир каково имать быти, святый Ипполит весма ясно описал. Яко имать он, лукавый, родитися от жены скверны, девицы мнимыя, блудницы же. Но обаче не яве, и таи, зане яко дух суть лукавый, а не всяко плоть, аще бо и многим возмнится быти плоть ни убо, но якоже враг не разверзает ложесна, тако и ниже плоть истинно возмет, но все в привидении содеет. Сего ради и церковь верных, и церковь еретическая женою во Откровении Богословли наречеся. И та церковь еретическая мнимая, яко дева, ересей же ея ради различных наречена блудницею скверною. Она верует не во истиннаго Бога Господа нашего Исуса Христа по описанию святых учителей церковных, но в ложнаго духи, сиречь противнаго демона (Книга Просветитель святаго Иосифа Волоцкаго⁶⁶⁰), зане яко всяка ересь имать началника и учителя своего диявола. И всяк еретик имать в себе нечистый дух сатанин (Маргарит святаго Иоанна Златоустаго. Слово о лжеучителех и Слово на июдея⁶⁶¹). Тем же и противится Духу Святому. И не точию в соборищах или домох их, но и в самих душах их бесове живут. Отсюду явно есть ныне новаго их бога, сына пагуби, сиречь антихриста, от нечистыя жены, сии есть еретическия церкве, духовное рождение возвещается. По Ипполитову сии есть, аще и плоть многим явится, еже прелщенным от него в приобщении тайн, плоть всяко возмнится. Но ни, убо, несть бо плоть, но яко дух, сиречь агнец антихристов явится, внутрь сый волк. Его же приимати будут вси таи, иже имут ослеплении душевныя очи и помраченнии тмою еретичества всякаго. Иже он у них ныне целою плотию от провозвестника их ересей во чреве скверныя жены их, сиречь церкви еретическия, мнимыя девы, блудницы же, во един час аки совершен отрок создася, еже дух антихристов, аки плоть совершенна, агнецем пагубы составися в той час во церкви их, когда ереси внесоша в ню, и действовати по еретически начаша. Аминь.

13. Священнодиакон Игнатий. Показание соловецкаго диякона и эклисиарха Игнатия, о новопоявившейся в России на крестах четырелитерной IНЦI, титле⁶⁶².

Кресту Твоему подолгу покланяемся Христе, ибо чтем на нем имя Твое написано. Исус назарянин царь Июдейский [из книги новоизданныя Мечь Духовный, Слово, в 3 неделю Поста, лист 396]. Сему имени еже на кресте написано [ниже, на обор.], да поклонится земля благодаряще, яко Исус царь Июдейский, престол Его царский на земли постави изволи, егда крест в ней водрузи. не похвалится земля дражайшим в себе бисером, паче крестнаго древа, еже в ней сей царь Июдейский насади. Евсевий Пимен [в книзе Лифос, лета 1642]; И в костели римском, во время литургии на агньце, егда не узриши ли на едйне стране воображения Раотятаго Спасителя отх слов под титлою, IН ЦI, от Пилата на кресте написану. ниже: на просфире греческой грамота, IC ХС, Ника: Яко у латин, на просфире сия надпись, IН ЦI, имеется.

О проклятая еретическая и богоборная уста, како на святый и пречистый верх отверзаетеся. О изощреный еретичеством хульный языче. како от устен своих яд аспиден пролиясте; доколе противу рожна лаяние злое бреханием своим отрыгаете: титлу бо положисте Пилатову в другий ряд, на животворящем кресте Христове, аки бы незнаючи яко царствуетвсеми Исус назарянин: царь Июдейской, а не ваш. а он живет ныне не в Назарете, но седит одесную Божия славы в небесных. и тою титлою нам верным християном подписовати непристойно; понеже ведаем яко прославися царь великия славы, божественною славою Своею. и купно кланяются Ему всяческая, небесная колена и земная и присподняя. иже и седит одесную велелепныя Божества Отеческия славы, а не в Назарете с человеки пребывает. и тою титлою своею называют богоборцы, Спасителя света простым человеком. Сия бо титла бысть от Пилата написана, не о божественной и боголепной славе Христове, но познания ради креста Христова. яко с ним вместе и ина два злодея распята быста. пачеже и в укор приносяще, яко противника кесарева на распятие предали, и они бутто к кесарю радеют. и тако жидове Христа света пресветлаго, немерцающаго солнца к Пилату оклеветаша сим злодейством, яко противник кесарев есть на Августу римскому непокорством [ниже] и Пилат тогда разсмотри убо, яко завистию злобною жидове подстрекаеми Быша чюдес дёля Христовых, июдей к нему приклоняющихся. того ради на распятие предаша. обличает их жестокосердую лукавую злобу. обаче же Его всей твари Бога не славят, но называют Его назарянином простым человеком. понеже Пилат бысть иноязычник, и Христу Свету истинному Спасителю нашему, правою верою не прилепися. и пророческим писанным книгам не научен бысть, и сея тайны от всех родов прообразованныя не искатель. сие же наречение Христу свету истинному во устех человеческих, и всех живущих во Иеросалиме, и около Иеросулима бысть обносимо, и небесною славою славитися еще не начатся. тем же Пилат тако просто пишет, называя Его назарянином простым человеком, якоже и прочих. и что прилучися, то тако и повеле просто и написати.

Сию же титлу ныне новыя злыя еретицы воздвигоша. Зане яже в то время и Нафанаил законник, егда не хотящи воспроповеда ко Христу идущи, равви ты еси царь Израилев. обаче аще и тако возгласи рек, но Самем Спасителем не ублажися, но паче и поношен бысть, яко боговиднаго ради слова Христова, аще Сыном Божиим и проповеда, но то аки бы добродетели ради и по благодати. плотскаго же ради смотрения, человеком равна Христа света помышляет, а не Творца всех и Бога прославляет, и царем Израилевым нарицает, а не всех Царя славит. того ради и Спаситель свет наш Христос истинный, истинный по существу Сын Божий, и Сын девичь быв. милостию Своею сия глаголы Ему претерпевает, яко еще боголепныя славы Своея и силы начаток, правоверию и чюдесы приемлет, а Нафанаилу тем и боголепным гласом превечнаго Божества Своего силу и славу объявляет: аще ты Мене и проста человека и царем Израилевым помышляеши. Сыном же Божиим прославляеши не по существу, но добродетели ради. и по причастию благодати. Аз же аминь аминь глаголю вам, яко отселе узрите небо отверсто, и ангелы Божии восходяща и низходяща над Сына Человеческаго. Мне и ангели Божии и небеса и вся тварь послужит, яко Творцу всех во очию вашею. и отгого времене начат Свою боголепную славу объявляти и проповедати чюдесы и ученьми. последнее же крестом и распятием, и во гроб положением, и славным воскресением, и по воскресении на земли 40 дней со ученики Своими хождением. последи же всех на небеса вознесением. и одесную Отца седением. и такою славою прославися в небесных и земных и преисподних. и егда славою своею великою прославися, и седит одесную Отеческия славы Божества в небесных. а не в Назарете соводворяяся яко же и прежде. Они же богохульныя еретическия уста, и адския пресподния огорелыя главни, содомскаго пламени останки, разоренаго вавилонскаго столпотворения семя, египетскаго лакомства ласкордство. и боголепную присносущную к безначальному Отцу, и присносущную и единосущную превечную славу отмещут, и Творца всей твари, и Владыкою не проповедают. и во двою естеству, божественном и человеческом, во едином лице, не исповедают единороднаго Сына Божия по существу, и Бога истинна, и Владыку и Содетеля. и Тварца всей твари не славят, но тако еретически лают. из ада погибели изшедши, простым человеком укорно называют, полагаючи титлу Пилатову; еже евангелист Матфей и Марко и Лука, именуют вину, яко жидове вину написали, за нея же распяли, еже есть Исус назарянин царь Июдейский. Нынешнии же еретицы тое вину объявляют, и тако веруют, якоже и древнии жидове. пишут Исус назарянин царь Июдейский, а не всей твари Царь.

[ниже?] И аще назвать по существу Сына Божия ныне нам верным християном познавшим истинну святую назарянином, простым человеком, по прославлении Его по воскресении Его, и на небеса по вознесении, и одесную безначальнаго Отца по седении. еще же от крещенных истинным крещением, и познавшим Его Бога всех: то станет сие их дело еретическое, яко от мужеска семени зачатие Его баснословят проклятии. и от Христовы веры отступили, еже како крещени были. и всю проповедь святую евангельскую и апостольскую опорочили, наипаче же благочестие святаго Иоанна Богослова, еже пишет в начале бе Слово. Писал бы о сем подлинно и подробно, да тесно мне ныне. и времени и места не имею. Точию нужная малая воспоминаю объявления ради. возражал нынешних проклятых еретических уст. О богоборная лающая еретическая уста, геенскому огню пища, вечныя тмы наследницы. послушайте внятно и разумно; аще бо святии апостоли, ученицы Спаса Христа, проповедь сотворяюще по вселенней, неверных идолопоклонников в веру приводяще чюдотвореньми различными многими уверяюще, на время уверения ради, и познавания к неверным и некрещенным идолопоклонником сие слово по возводству изрицаху, но не и догму уставляюще. изрицаху бо святии апостоли сие слово на время, яко же верховный апостолом Петр сотвори, к разслабленному рек, исцеляет тя Исус назарянин мною, или во имя Исуса назарея встани и ходи; и абие разслабленный воста вскоре. но и Петр сие к разслабленному изрече, не догмы ради не устава. но временно к неверному и некрещенному. понеже они идолопоклонницы, идолом прилежаще, и пророческих и законных святых книг не имуще. и таинства сего ни слухом слышали, что есть Бог, всея твари Творец. и по существу Сын Его на землю сниде, и плоть прият сущую нашу, от преблагословенныя Девы Марии, осенением Святаго истиннаго Духа, Пренепорочныя и Пресвятыя Богородицы, и зачатие плотьское архангеловым гласом бысть ей возвещенно, и плотию воистинну без мужеска семени родися Сын Божий присносущный. таже и крестися, и чюдеса сотвори многа, и распятся и погребеся, и воистину воскресе в третий день, и на небеса вознесеся. и мертвым всем воскресение будет, и страшный Судия судити приидет. и месть комуждо противу делом воздати имать. праведным вечную радость даст. a грешным иже в Hero не вероваша, вечную муку. Того ради святии апостоли сие слово к некрещенным и к неверным изрицаху, Назорею поминаху уверения ради, ко крещению приводяще некрещенных, и ненаученных святым книгам, яко да познают в Кого им крещьшеся будет веровати, и Кто есть Сын Божий; и котораго Сына Божия единым призыванием имени, силы и чюдеса великая действуются и сотворяются. и таковая чюдеса видевше сотворяема святыми, да не приимут идолопоклонники, в своя мысли, от своего безумия. яко их бога идола, или иного котораго сын таковая чюдеса сотворяет; и апостоли в того им веровати велят: к тому же и сего да не помыслят, яко Бог Отец безначальный, единороднаго Сына жену имел. того ради святии апостоли Назорею поминаху, некрещенных идолопоклонников в веру приводяще: яко сей есть воистинну Спас миру Христос, по существу Сын Божий, и небеснаго безначальнаго Отца, и всея твари Содетель и Творец, свет от света, Бог исгинный. От истиннаго Бога. образ и подобие присносущия Отча, и образ ипостаси Его, еже бо бе пребысть неизменен, и еже не бе, сниде на землю плоть прият от Пресвятыя и Пренепорочныя Присносущия Девы Богородицы Марии, и по рожестве и по пришествии из Египта, в Назарете точию воспитася плотию. пророческое слово исполняя, от Египта возвах Сына Моего. и паки другое пророчество, яко назорей наречется. Назорея же толкуется святыня: сего святый и пресвятый и преблагословенный Сын Божий, со отцем мнимым Иосифом от Египта пришедши. и с нескверною материю вселися в Назарет. и в нем плотию вскормися. и бе родителем мнимому отцу Иосифу, и матери Присносущей Деве до времени повинуяся, и тако назорей наречеся, еже есть свят и пресвят. И благословен и преблагословен сый во веки, аминь, a не земный Назарет вознося назарянином именовася, ниже жителем его нарицался. [Ниже]. И аще назарянином простым человеком Сына Божия нарицати ныне, то уже и лютое богоборство стало. а нетленное рожество Его не хотяще, или будет и вправду знающе лаете, от блуда сказываете было. его же вси небесныя безплотныя силы нечюша когда воплотися, и ни самый благовестивый Гавриил архангел возможе уразумети. ниже сама приимшая Присносущая Дева, в свою пресвятую и пренепорочную утробу возможе почюти, како зачатся. [Ниже]. И аще по вашему лукавому сему размыслу, О гнилая еретическая и богоборная уста, новая суетная жидовская сонмица, пречистую и пренепорочную присносущую чистую Богородицу и Деву нетленную и нескверную. Блудницею именовати. и Христа света непорочнаго, Агньца пречистаго, праведнаго немерцающаго солнца, от блуда рождена нарицати. [Ниже]. Яко же и титлу пишет, Исус назарянин царь июдейский, аки бы от назарянина от кого зачатся, и сам назвася царем Июдейским. того ради и распясте, яко противника римскому кесарю. вы же ему радеете и пишете, Исус назарянин царь Июдейский. а не ваш; за него же верных истинных християн, томительными муками смерти предаете. ваш же кто царь; кому покаряетеся, разве антихристу, служите ему усердно, за то вас пожалует вечною и неизбудущею смолою. и огнем преисподним тартаром лютым. и аще тако по вашему злому умыслу, то напрасно и тою прелестию свое лукавство проклятое прикрываете, еже зовете Богородицею: но аки Несторий проклятой, такоже изостристе язык свой. он изрек христородица, вам же достоит нарицати цареродице: но помышляетмися и изрекли бы вы и тако, да еще нельзя, яко не вся омрачены суть прелестию вашею истиннии християне. нарицаете же Богородицею. Исповедающе лукавно от мужеска семени зачатие ея бывшо. а от человек земных никто же Бог бывает. да суетное сие ваше и лукавое проклятое мудрование не утаися, но бысть всем явлено. и воистинну мы християне, Богородицу чистую и нескверную Матерь, присносущную Деву прославляем и почитаем. и Сына Божия, от Пресвятыя Девы нескверно и неблазнено, осенением Святаго Духа плоть приимша, прославляем и покланяемся, и веруем и славим, купно со Отцем безначальным, и с пресвятым и благим и животворящим Духом. ваша же хула да обвяжется о вашей еретической главе. и клятва святых апостол и святых отец положенная на седьми святых вселенских соборех, и девяти поместных, и ваша клятва, еюже сами себе и хотяще и не хотяще, клянете на всяко время.

14. Священнодиакон Игнатий. Челобитная царю Федору Алексеевичу⁶⁶³.

«Выписано от Челобитныя вкратце инока Игнатья».

Похвално же в доброй воле к покаянию прибегати. Мы же, бедныя, вины благословныя своей пред царем своим самодержцем никаковы вины не знаем, ни же крымскому, ни турскому, ни к литовскому, ни к немецкому, ни к коим иноверцам не прибегаем и вестьми о управе и жалобами не пересылаемся и никоего же злохитрства над царством вашим ни помыслити нам невозможно. К своему царю, самодержцу, к вам прибегаем, о всяких своих нуждах возвещаем, помышляя обрести пристанище тихое и покров крепок, и в скорбех настоящих и напастех ищем обрести расправу разсудну. Единова просим и молим у него – благаго дара получити. Како святии отцы угодивши молитвами и постом и хранением заповедей к Богу, и святии началницы наши, преподобнии и богоноснии святыя Соловецъкия обители чюдотворцы, сами святыя апостольския заповеди и учения седми святых вселеньских соборов и 9-ти поместных хранили и житием своим чистым украшали и Богу угодили. И после себя заповеди святыя и общежительныя чины и уставы нам, приходящим в их святую обитель жити, детем своим, предали, и обещавающимся их заповеди и чины и уставы общежителныя хранити ненарушно своим благоразсудным житием заповедали, и заповедали ни же преступити, ни же вредити. Ныне злые дияволи сосуди, тлетворнии еретичеством человецы, святые апостольския и отеческия заповеди святых отец, седми вселеньских соборов и девяти поместных сами все преступили и отвергли и под кля(т)вы их вечно подпали. И отвергли и Христов закон святый евангельский, преданный святой соборной и апостольской восточной и востока востоком Христа непорочно, весь разрушили, и чины общежительныя во святых обителех до коньца исказили, и нас, бедных страшливых горчаков, нудят к своему злому еретическому умыслу приступити и во всем последовати неразсудно, душевныя своея пагубы не смотря. И о сем мы, бедныя, от своего самодержьца просим и молим обороны, чтобы от растленных сладострастием всяким и мятежных злым еретичеством бого[бо]рных человек, разоряющих святыя апостольския и отеческия заповеди седми святых вселеньских соборов и девяти поместных, и общежительных чины и уставы, велел очистити и оборонити, а укас монастырьскова и церьковнова чина и устава не велел вредити.

Царь же мимо преступ[ни]ков и разорителей закону Христову и общежителному чину и мимо мятежъников злотворных и развратников еретичеством на духовных, и врагов креста Христова, люто и яро на нас, бедных, возъярися и, аки люты зверь, неукротимо возлютися. И аки свирепый зверь лев сыроядец, возреве жестосердно и страшъно, еретичество злое яве, – о беды сея нашея лютыя! – помогая и укрепляя еретичество злое и вечную пагубу утвержая правлением своея мучительския власти и наказанием неукротимых мук и томленьми казни же, последнею же огнем всеядьцем и иными смертъми различными, чтобы общежителной чин во обители нашей, церковной устав и святых отец заповеди повелевает разорити и преступити и до конца истребити, новыя же уставы и чины и предания унужает творити. И сие суровое и жестокое дело гневно начинает и яряся совершает, и своему царству вечное безчестие и укор сим делом сотворяет, паче же и от жития сего посекаем бывает безвремянно. Святой обители нашей его неразсудное яростию и гневом лютым и до сего времени запустение. Страждущим терпеливно и нам, бедным, скитающимся в тесноте нужно, люто, убо есть и воистинно люто, земли духовной горкое безплодие страдати, и духовным плодом мечную и нужну от всяких теснот нужных погибель приимати.

Воспитанныя уже плоды от кротко изливаемаго, не точию вседневнаго, но всечастнаго во святой церкви книжнова учения, и беспрестанныя изъустныя и умныя молитвы на человеческия сердца сходящаго дождя. И показанием в совершенную старость в добродетелех век свой изживши и з благою надеждею последняго смертнаго часа в веселии ожидающим, и к небесным житьницам вечнаго веселия в радости приближающимся, от старости многолетныя и от многих трудов и в скорбех не могуще ни руку, ни ногу двигнути, от житейских же настоящаго сего века в разуме памяти ни малы имущим, и абие постиже лютая и безгодная свирепая жатва. И аки от суровы тучи, подобно низпадшу граду от оружнова стреляния лому и мечнова сурова и безчеловечьнеи посечения. Ох, ох, увы, увы и rope, горе! Отцы мои светы пожаты Быша яко доброзрелая пшеница суровою жатвою, ругателно и безчестно, еже и в человеческия слуха прияти нестерпимо. Овых на крюках железных за ребра повешающе, умучаху люте, они же, аки незлобливыя агньцы противу стригущим стояще, кротко отвещеваху к слуге мучителеву злочестива судища, глаголюще тихо, показующе рукою своею к своим ребрам, повелевающе палачю ребра своя прорезовати боле и шире. Иных за руце повешаху и тако сконьчеваху, овых за нозе, овых наполы пресекше, а тамо же мертваго тела составы повешаху. Новое распятие претерпевает мой Содетель от новых жидов рабы Своими, новыми исповедниками. Но, о отцы святии, истиннии мои венечницы, ослабите ми страстному, ныне дерзнул страдания ваша и вечную почесть вашу украсити, да нужно мне, бедному, и времяни и места. Прибегаю же к вам и моление от сердца простираю, предстаните ми со дерзновением к престолу страшнаго и святаго Владыка, за Hero же и страдания подвиг восприясте, умолите Его, света, милостиваго нашего Владыку человеколюбца, да подаст милость Свою богатно и премного и делание мое сие да сотворит совершенно и прошение горкое да исполнит, да преложит царево сердце на кротость и святую обитель от растъленных человек очистит, да предаст бедъным нам остальцам без прещения и страха. Аще тако милость от Hero испросите богатно, то не отрекуся, не отрекуся страдания тогда вашего страдания подвиги похвалити и украсити. Ныне же вкратце подвиги ваша похваляю, яко не сподобихся и малою похвалою сею всех вас подвиги похвалити. И отселе начну грубую свою сию некрасото словес к вам простирати, аще бы вы при животе своем мене и отгнасте за мое суровьство, но вечную Богу моему и вашим отеческим щедротам, яко не имате мене, нужника горкова, тяжестно презрети, но милость свою и щедроты имате, яко отцы к сыну.

Аз же тако начну повесть обьявляти: болных же отцов святых, которыя лежали в болницах на одрех неисходно многолетно в скорбех и от великаго труда ни двигнутися могуще, и тех двоих, спинами вместо связавше и за нозе вервьми, тако влечаху на лютом мразе на море на лед. А овы, иердани просекше не насквозь до воды, но аки на Богоявление в день на водоосвящение бывает. Абие злочестивии, новое Богоявление сотвори и водосвящение злочестивым мучительством своим проклятым святое совершаху и от еретическия своея и богоотступническия скверны воду очищаху, наполнивше иордань связанных спинами вместо болных отцев. Абие воду во иердань пропущаху и тако отцы во иердани ново крещахуся, на мразе конец житию приимаху. Иным к конъскому хъвосту привязавше ногами и тако влачаху сконьчевахуся, и иных же иными муками различными и пытками мучаше, до смерти умучаху. У моих же отец и в старости крепких, храбровавших пребывающе молитву, во устех едина Исусова молитва. Видище таковое суровое и безчеловечное гордое и беззаконное дело у злочестивых отступников благочестия сконьчеваемо беззаконно, отцы бо мои изыдоша в сретение им со святыми и честными образми, приимающе, яко истиннаго своего серъдоболя, радостно и усердно. Он, проклятый, разгордевся на Божий образ, повеле образы поотмати отец моих безчестно и руганно, их же, исповедъников, сурово и гордо смерти предавати. Отцы же мои едино лише последнее слово провещавше, прощение подаша, прощающеся. «Домой скорее,– пророчески рекоша,– нас отпускай скорее, да и большак за нами тотчас будет». Яко же Илия патриарх Иеросалимский со святым патриархомь Антиохийским о Анастасе царе греческом прорекоша (в Житии святаго Савы Освященнаго⁶⁶⁴), такоже и в наша лета ныне сотворися.

И едино еще слово сие прорекоша: «Паси же ся и сам ты, мучитель, за нами вскоре». Последнее пророческое слово изрекоша, с ним же бывающим тако. И тако суровой жатве совершающейся, свирепой ратной туче пушечнова стреляннова града, небесному ратаеви свирепая вечная великая радость со всеми святыми силами небесными и со всеми святыми от века угодившими, и в небесныя житницы собирая доброплодием созрелую пшеницу, а не яко же в земней страде о погибели жатвы ратаеви, труды дряхло всуе, аки при мертвецех приседяще над житы. О них же исполни съвоих житниц жняй, яже кротки, дождь воспитал есть, и пожал свирепо жняй, рук съвоих не исполни, и благословения от мимоходя(щи)х нищих, еже подают ратаем подаяния ради милостыни, не сподобися получи. Но видение умиленно и плачю достойно: земля пострижена и обругана, своея красоты не имущи. Моя же духовная земля, аще видимо и пострижена и безсчетна обругана, но убо в великом веселии собранна. Собра небесныя ратаи в свои вечныя небесныя житницы созрелая пшеничныя сторичныя доброплодием класы и радостно со всеми святыми небесными силами и со всеми святыми пир сотворяет. Видимой же земли люто есть свою первую доброту отложити, еже божественный Иоиль плачет: «Земля растленна и глада муки». Аще кто ин зло страдав тако? Люто же есть, воистинну люто, свою первую доброту отложити, земли обетованной духовной, и едину земному запустению страдати вышнему малым чим единому, аще точно и не тучну, новому граду, подобну духовным доброплодием мало вышнему Иеросалиму. Аще и сеявшем доброе семя на селе своем, ратаеви моему радость имущи о собрании в вечныя и небесныя житница доброплодных жатвы, посылающе жателей в настоящее время и пожинающе созрелыя на доброй земли мягкой учения святаго семенам падшим, добродетелными класы. Но убо кроме добрых семен и духовныя работы, доброплодныя мягкая земля не может быти. Да не возрастет и укоренится волчец лютаго ласкосердства, страстей подстрекатель, и терние от еретик, и лидина волком на пристань, но паче да умягчается смирением и поучением духовным и житием честным непрестанно. Обитель же наша святая во власти человек растленных, подобных бесом мятежным, не терпит быти, да не како расплодит волчец и лядиною еретичества злаго и терние, убо дающее душу умножением греховным и растлением жития злаго.

Мучение же святых страстотерпец, новых исповедников соловецких, иже пострадаша в лето 7184, месяца генваря в 20 день в суботу мясопустную, коликъства же их 300 и множае, инии же глаголют пять сот.

О кресте и о крыже

Ико и на просвирах Спасителевых крест, на котором кресте нашего ради спасения волную Свою и спасительную страсть изволи пострадати. И той святый и животворящий крест Христов сняли, а вместо того Спасителева креста на просфиры положили нововозниклую змиеву злую древнюю злобу, на чем был при Моисее повешен змий медной по указу на объявление всем нам. Яко имать убит быти крестом Христовым умный змий сатана лукавой по власти, а не по теле, безтелесен бо есть и мертв и недвижим имать лежати. Они же, убитова крестом Христовым, обоготворили и нача тем служить и тому покланяются и того почитают. И тем себе и покаряющихся им людей причащают змием вавилонским древним, проклятым сатаною, яже животворящим крестом Христовым по власти убит был и мертв и недвижим, его же Израиля царь истинный богочтец по всему, яко же и богоотца Давыд бысть Езекию, при своем царьствии, повеле его с прочими кумиры и разбити, того ради, яко людие израилетеския начаша ему кланятися и почитати его и кадити.

Об Адаме нынешнем

Но абие к вечеру дневнова благочестия света и к западу праведнаго Христа, немерцающаго солнца, к приспеянию страшнаго Его пришествия втораго, в полунощи же темнаво еретическаво мрака и многих напастных, от севера воставших, нестерпимых, мятежных и бурных развратных ветров, и воздвигшихся облаков злочестия тяжких и помрачивших солнечный свет – святую евангельскую благочестивую во Христа веру – и множественный аер людский от студенца бездны изшедшим еретическим дымом, и всякие мерзости пустыя, злые, умножением мысленных кругов лукавых, изшедших из погибели ада, всякова богомерзскаго богоборьства и виденных в видении коней и седящих на них, имущих свирепство своего нрава, яко жестокие железные и огненные и акинфянныя жупелные брони.

Владыко же всея твари яко гром возгласи страшения Своего прещения гласом ко скрывшемуся Адаму, преступившему заповедь евангельскую святую (ниже) к седящему в раи благочестия святаго, посреде християнскаго Едема: (ниже) – «Адаме, Адаме, где бе, в котором веселии и безпечалия радости сотворен бысть? Во благочестивой и немятежной истинной, тихой, святой евангельской правды (Ниже). Едину заповедь тебе положиху, (ниже) еже заповедь не преступити и к разумному древу, к закону святому, после седмаго вселенскаго собора переправливати не дерзнути».

(Ниже). И абие воспоминает к нынешнему Адаму премудро и прехитро, многотерпеливыми истинными за святый благочестный евангельский закон страдальцами, (ниже) глаголет: – «смирися поне ныне и принеси покаяние» – и нигде же бысть смирения и покаяния, но пребысть жесток и сопротивословен. Лукавому же змиеву свистанию и ключу студенца и бездны порабощен и подручен и послужен. Ко Господу же Богу ответ воздает укорен и хулен, и возже пред собою ярости пламы и по себе устави пустоты поле. И устрой рать ко благочестивому християнству многомятежну и беззаконну и богоборну и жестосерд[н]у, прикровенну благочестия именем. И попусти самовластным быти, мысленным кругом, изходящим из погибели ада, еретичества злаго умноженым яко мшицам, от ключа студенца бездны надхненнаго от самого сатаны со всем собором еретическим и бесовским. Христянству же бысть жесток и тяжек и яростию свирепства зверообразен. Яко и святую пресловущую и горнему Иеросалиму ликованием духовным подобную Соловецкую обитель неблагодарно восхоте разорити. И собра рать противо святаго непорочнаго агнъца Христа пречиста, богоборну и злочестиву, немец и поляков, истинных латынцов и врагов кресту Христову, проклятых от святых седми вселенских соборов и девяти поместных.

И тако возборося противу Самого владущаго тварию всею и Содетелем своим человеколюбцом сурово и безчеловечно всяким богоборством, по святым церквам и по святым и честным и животворящим крестам на церквах святых стоящим и по святым образам Спасовым и Богородичным (ниже) ис пушек и изо всякого оружия стрелянием. (ниже) И на всех иже верных и благочестивых християн наложи свирепые и жестокие муки. (Ниже). И возложи свой тяжестный, прещения зверского образ, дабы истинное благочестие первое до конца потребити и испепелити, и такову себе честь своим самовластием и самолюбием приобрете.

Но, о Адаме, прадеде наш, что твориши нелепая супротив Слова, что на высоту испущаеши укорения глаголы? Умоли покаянием всея твари и своего Владыку, укроти гнев Его смирением и молитвами, милостив бо есть Господь Владыка и скоропреложен к щедротам и к человеческому покаянию скоропременен.

(Ниже). У нашего же Адама покаяния не бысть нигде же, и прощения со смирением не приносит, но величаво и прегордо отверже от себе Божию милость и высокоумием вознесеся и лицемерно благочестием покрыся и ни мала добра являет (Ниже). He все собою, но множае и подвластными своими.

Что же Владыка наш и Творец всея твари прехитро умышляет, како премудро устрояет и содевает? (ниже). Образом сицевым осуждает Адама земною страдою, повелевает возделати землю, изгоняет из райския породы и настоящаго жития смертию безвременно и ненадежно пресецает и отпускает к суду неведомому и неумытному прехитро.

Егда бо святую обитель в запустения поле положиша, абие вскоре жития сего Адам отлучен бывает, яко да немедленно увидит, что ему принесе самовластие, самолюбие и преслушания и каковый труд телу и души сокрушение приобрете.

(Ниже). Что заградися море, поток же нудится воду пролияти, почто солнце скрыся, малый же отблеск свет являет, почто юность нудится закон полагати, понеже седины в будущую жизнь преидоша? Почто невежда дерзает, яко умолче мудрость, почто малыя росы капля нудится землю напояти, преста бо напоение дождевное? (Ниже). Дерзай, дерзай, юноше, отверзи уста своя ненаученные и грубые и унуди язык свой косной и гугнивой, закону молчания работающ, не бо разорити похвалный, целомудрию любезный чин Господу тщишися. Но лепо ти есть глаголати по нужи, яко старцы неблагодарно умолкоша молчанием вечным. Отцы твоя скитатися единого оставиша и братия твои в вечную радость отидоша и дети твоя в будущую жизнь превариша. Отрини, отрочате, молчание, изливай малую воду поточе, яко устием течеши в пространное же море. Дай свет свой, малый отблеск, что в прославление сотворен еси Христу великому солнцу. Предлагай законы, утружденная юность, отчаяние Каиново отвергши, седины бо твои скрышася в землю. Дерзай, невежда, умолче бо мудрость, изливай своея мокроты влагу малая росы капля, дождь бо ныне в наставшее нужное и многоболезненное время учением истинным книжным преста словесне землю напояти. Приступи дерзновенно, юноше, ко владущему тварию всею.

Трепещем же и мы страхом велиим на всю вселенную, не пришедшую видения казни и раны Иванном Богословом, от перваго горя препущаемыя до трубы шестыя, скончевающемыся на третием горе ангела седмаго Лавудикийския церкве. Очищения огненнаго купле, сотворяя сребро раздеженно в шестой печати на седьмой скончанну. Последния ангелы и трубы втораго горя.

Припадаем и молим Господа Бога: (ниже). Да не како высокосердия ради нашего и непокорьства и ненависти друг к другу, и умножения ради еретичества злаго и всякия скверныя мерзости растленныя, лютейши сих всех настоящих ран наших, снидет с небеси ярости серп Божия гнева. Его же сокровшца неведомы у себя держат, ими же да не будет нам искушение прияти. От них же и богословия начальнику, в своем откровении тайн последних во многих местех во Апокалипсисе, молится избавлен быти. От них же и нас да охранит Господь Бог его молитвами святыми.

Плач остальцев соловецких

Плачи, плачи, Рахили, востени, востени, духовный Вифлиом, небеснаго дом хлеба. Возопии, возопии в горести болезней своих, ко владущему тварию всею ко Господу Богу окровавленая горкочадною кровию духовная мати наша, огражденная и укрепленная телеси святыми страдальческими и мученическими, священническими и иноческими и юношескими, испещреная кровию неповинною.

Возвыси, возвыси глас свой жалобы и умиления, и молитву воздыхания к седящему на престоле херувимстем, святая наша, пречистая, нескверная и непорочная, апостольская восточная, истиннаго востока востоком, опаленная и пожженная яростию и прещением повеления царева, християнская и соборная церковь.

Воздохни, воздохни от самых внутренных глубин своих скорбных. И возгласи обличением своим непрестанным на сквернителей своих мерзких и на разорителей свирепых, окровавленный неповинною кровию престол Владычен. И нас, бедных, заступи молитвою своею. Ныне вопиет наша святая Соловецкая обитель мною многогрешным чернцом, прежних постриженников последним остальцом. О, Господи, Господи, всея твари Владыка, седяй на престоле херувимстем, услыши, услыши мою грубую сию приносимую Тебе молитву: «О всемилостивый и всесильный и всещедрый Господи, Господи создатель наш и Владыка и всей твари, Исусе Христе Сыне Божий, единородный и присносущный и пресущный и единосущный, составная премудрость и сила и отчее Слово со Отцем Своим безначалным и с пресвятым и благим и животворящим Истинным Духом, помилуй нас и умилосердися на нас, бедных, страшливых горчаков последнеродных, подаждь богатыя Своя щедроты, преклони прещения Своего на нас язвы и безмерныя ярости и гнев попущаемый на милостъ, иного бо прибежища и утешения кроме Тебе не имеем».

О надписании титлы

От Челобитной Игнатия старца Соловецкаго монастыря бывшаго диякона и еклисиарха.

Доколе противу рожна лаяние злое бреханием своим отрыгаете? Титлу бо положисте Пилатову в другой ряд на кресте животворящем Христове, аки бы не знаючи, яко царьствует всеми Исус Назарянин Царь Июдейский, а не ваш. А Он живет ныне не в Назарете, но седит одесную Божия славы в небесных. И тою титлою нам, верным християном, подписовати непристойно. Понеже ведаем, яко прославися Царь великий Славы божественною славою Своею. И купно кланяются Ему всяческая небесная колена и земная и преисподная. Иже и седит одесную велелепныя Божества Отческия Славы, а не в Назарете с человеки пребывает. И тою титлою своею называют богоборцы Спасителя Света простым человеком. Сия бо титла бысть от Пилата написана не о божественной и боголепной славе Христове, но познания ради креста Христова, яко с ним вместе и ина два злодея распята быста. Паче же и укор приносяще, яко противника кесарева на распятие предали. А они бугго к кесарю радеют. И тако жидове Христа Света пресветлаго, немерцающаго солнца к Пилату оклеветаша сим злодейством, яко противник кесарев есть и Августу римскому непокорством. (Ниже). И Пилат расмотри убо, яко завистию злобною жидове постреками Быша, чюдес деля Христовых и людей, к Нему прикланяющихся и послушающих учения Его любезно. Того ради на распятие Его предаша, обличает их жестокосердую лукавую злобу, обаче же Его, всей твари Бога, не славит, но называют его Назарянином простым человеком, якоже и прочих. Понеже Пилат бысть иноязычник, и Христу Свету истинному Спасителю нашему правою верою не прилепися, и пророческим писанным книгам не научен бысть. И сея тайны от всех родов прообразованныя не искатель. Сие же наречение Христу во устех человеческих у всех живущих во Иеросалиме и около Иеросалима бысть обносимо. И небесною славою славитися еще не начатся. Тем же и Пилат просто тако пишет, называя его Назарянином простым человеком, якоже и прочих. И что прилучися, то тако и повеле просто написати. Сию же титлу еретицы новые злые воздвигоша. Зане яже и в то время и Нафанаил законник егда не хотящи воспроповеда ко Христу идущу: «Равви, Ты еси Сын Божий, Ты еси Царь Израилев». Обаче, аще и тако возгласи рек, но Самим Спасителем не ублажися, но паче и поношен бысть, яко боговиднаго ради слова Христова аще Сыном Божиим и проповеда, но и то аки бы добродетели ради нарече Его Сыном Божиим, а не по существу Его Сына Божия исповеда, но по причастию, добродетели ради. И по благодати, плотскаго же ради смотрения, человеком равна Христа Света помышляет, а не творца всех и Бога прославляет, и царем Израилевом нарицает, а не Всех Царя славит. Того ради и Спаситель Свет наш Христос истинной, истинный по существу Сын Божий и сын девичь быв, милостию своею сия глаголы ему претерпевает. Яко аще боголепныя Своея Славы и Силы начаток проповедию и чюдесы приемлет. И к Нафанаилу тихим и боголепным гласом превечнаго Божества Своего Силу и Славу объявляет. «Аще ты Мене испроста человеком и царем Израилевым помышляеши, Сыном же Божиим прославляеши не по существу, но добродетели ради и по благодати и по причастию. Аз же: аминь, аминь, – глаголю вам. Яко отселе узрите небо отверсто, и ангелы Божия восходяща и низходяща над Сына человеческаго». «Ты Мене помышляеши Сына человеческа от смешения мужеска родившася. Мне же и ангели Божии, и небеса, и вся тварь послужит, яко Творцу всех во очию вашею». От того времени начат Свою боголепную славу объявляти и проповедати чюдесы и ученьми. Последнее же крестом и распятием и во гробе положением и воскресением славным. И по воскресении на земли 40 дней со ученики Своими хождением, и последи же всех на небеса вознесением, и одесную Отца седением. И такою славою прославися в небесных, земных и преисподних. И егда славою Своею великою прославися, и седит одесную Отеческия славы Божества в небесных, а не в Назарете соводворяяся, якоже и прежде. Они же, богохулныя еретическия уста, адские преисподние огорелые главни, содомскова племени останка, разореннова вавилонскова столпотворения семя, египетскаго лакомства ласкосердство, абие боголепную присносущную к безначалному Отцу и присносущную, и единосущную превечную Славу отмещут и Творца всей твари и Владыкою не проповедуют, и во двою естеству – божественном и человеческом – во едином лице не исповедуют. Единороднаго Сына Божия по существу и Бога истинна, и Владыку, и Содетеля, и Творца всей твари не славят, но тако еретически лают, изо ада погибели изшедшии, простым человеком укорно нарицают, полагаючи титлу Пилатову, еже евангелисты Матфей и Марко и Лука именуют вину, яко жидове вину написали, за нея же распяли, еже есть «Исус Назарянин Царь Июдейский». Нынешнии же еретицы тое вину объявляют. И тако веруют, якоже и древнии жидове пишут: «Исус Назарянин Царь Июдейский», а не всея твари царь и не их царь, но християнский, новых мучеников исповедников. За Hero же многотерпеливно страждуще, томителные смерти приемлют, аки воистинну за своего истиннаго Бога с ним хотяще в вечной радости быти. Июдеи бо, – исповедание толкуется. Его же исповедуют истиннии християне своею правою верою; различныя муки и тесноты от злочестивых, имени ради Его святаго, стражут. И к еретическому лукавому собору не приставают. И никакого согласия с ними и совету не имеют. Но и возражают их лукавую новую сонмищу жидовскую. Иже единороднаго Сына Божия по существу и во двою естеству, во едином же лице, и Царя Славы всех не славят.

(Ниже). Сына же Божия Назарянином называют, а не Божий и не их, но июдейской. По Богослова Иоанна соборному посланию: «кто есть лживый, точию отметаяся, яко Исус несть Христос, еже есть Царь их, но июдейской, той есть антихрист». О сем разумейте: Дух Божий и дух льстечь.

(Ниже). Иже не исповедует Исуса Христа в плоть пришедша, от Бога несть. Они же отступивше Славы Сына Божия, единым словом сим во ад сошли, еже есть «Ісус Назарянин Царь Июдейский». Аки бы в божественной и небесной славе не бывал, и преже и ныне нету. Но точию лише в то время плотию на земли, что и прочии человецы был. Егда в Назарете воспитася, и с человеки поживе, Назярянин, а не Бог и не Сын Божий, и не всея твари

Великий Царь, но июдейской, а не их. Аще бо и Нафанаил изрек, не разумеючи. И прежде распятия и воскресения славы его и на небеса вознесения и одесную боголепныя Славы Отческия седения: «Ты еси Сын Божий, Ты еси Царь Израилев». Обаче самем Спасителем и в то время тихо и милостивно поносися. Кольми паче сеи преисподняго ада пси мерзские и скверные, иже по всей сей Его милостивой благости, но страшных чюдесех, по распятии и по славном тридневном воскресении и по вознесении на небеса, и одесную боголепныя и божественныя Славы Отеческия седении, на Его святый пренебесный верх лают. Иже во святой соборной апостольстей церкви восточной истиннаго Христа, востока востоком святым и нетленным рождение, истинным крещением святым родившийся, и святым маслом и миром помазани бывше. И нелестным ея млеком, учением святым, воспитани и научени бывше. И недоведомая ея тайны навыкше. Абие внезапу преложшеся, враждебная ей устраяют и еретическая учения сеяти начаша. И аки бешеные псы изо ада погибели вышедчи, напитавшеся злым еретичества ядом, на пречистый и пренебесный Верх лают. Называют простым человеком, Назарянином. И посему их лаяние злочестивое явно стало всему миру. Понеже сами они своего лукавства еретическаго прикрыта не могут, яко истинна святая злобу их обличает. И аще назвать по существу Сына Божия ныне вам, верным християном, познавшим истинну святую, Назарянином простым человеком, по прославлении Его, и по воскресении Его, и на небеса по вознесении, и одесную безначалнаго Отца по седении, еще же от крещеных истинным крещением, и познавших Его Бога всех, то станет сие их дело еретическое, яко от мужеска семени зачатие Его баснословят проклятии. И от Христовы веры отступили. И всю проповедь святую евангельскую и апостольскую опорочили. Наипаче же Благовестие святаго Иоанна Богослова, еже пишет: «В начале бе Слово». Писал бы сие подлинно и подробну, да тесно мне. И времени и места не имею. Точию нужная малая воспоминаю объявления ради, возражая нынешних проклятых еретических уст. He аз их проклинаю, сами они себе под клятвы апостольские и отеческие седми святых соборов и девяти поместных подложили. Еще же и сами себе не точию по вся годы, но и по вся часы проклинают. И они те клятвы все имейте на себе твердо и крепко, да сокрушат их превознесенную выю.

Аз же им не изреку сего слова, еже будите проклята, не буди мне сего сотворити, проклятыми же их называю, сказую же вам, еретическому злому темному собору: разумеете ли, до которыя погибели снидосте, тако Христа света истиннаго Сына Божия называете, которова проклятия на себя не привлекосте от святых апостол и от святых вселенских соборов и девяти поместных и котораго жестокаго отлучения от пресвятыя и живоначалныя и животворящия присносущныя и пресущныя и единосущныя Троицы не привлекосте на себе и не постражете!

О, беднии, милии человецы, помыслите, которых жестоким наказанием от праведнаго и страшнаго и грознаго Судии в будущий век мучени будете. Яко называете Его на земли живущим Назарянином же, человеком простым, от мужеска семени зачатие приимша. 0[н], Иже всем Судия, седит на престоле божественнем Своем.

(Ниже). О, богоборная лающая еретическая уста, гееньскому огню пища, вечныя тмы наследницы, послушайте внятно и разумно. Аще бо святии апостоли ученицы Спаса Христа проповедь сотворяюще по вселенней, неверных идолопоклонников в веру приводяще и чюдотворенми различными многими уверяюще, на время уверения ради и познавания, к неверным и некрещенным идолопоклонником сие слово по возводству изрицаху, но не в догму уставляху. Изрицаху бо святии апостоли сие слово на время, якоже верховный апостол Петр сотвори, к раслабленному рек: «исцеляет тя Исус Назарянин мною». И или: «во имя Исуса Назорея востани и ходи». И абие разслабленный воста вскоре. Но и Петр сие к разслабленному изрече не догмы ради, не устави, но временно к неверному и к некрещеному. Понеже они, идолопоклонницы, идолом прилежаще. И пророческих и законных святых книг не имуще. И таинства сего ни слухом слышаху, что есть Бог, всея твари Творец. И по существу Сыну Его на землю снитие и плоть прият сущую нашу от преблагословенныя Девы Марии осенением Святаго Духа, Пренепорочную и Пречистую Богородицу, и зачатие плотьское архангеловым гласом бысть ей возвещенно, и плотию воистинну без мужеска семени родися Сын Божий присносущный, та же и крестися и чюдеса сотвори.

Из челобитной инока Игнатия

Ико да поснают невернии, в коего им крещашеся будут веровати. Того ради святии апостоли Назорею поминаху, некрещенных в веру приводяще. Егда же кого святии апостоли во истинную веру Христову приобрящут, тогда и о вышнем богословии и о всем таиньстве научают. Назарянином же нарицати Христа к тому не дерзают. Но воистинну истиннаго Бога и по существу Сына Божия проповедают. Вы же, бывше вернии, и познавше своего Творца и всея твари Владыку, абие в злочестие отступивше и Назарянином называете. И аще Назарянином Сына Божия нарицаете ныне, то уже Сына Божия Отча существа отчюждаете, и Божества чюжда сказываете и не пребывающе Богом. И тридневнаго воскресения не проповедуете. И на небеса славнаго вознесения не славите. И одесную Отца безначалнаго седения не сказываете. И втораго страшнаго и славнаго пришествия не исповедуете. И будущаго суда и комуждо по делом воздаяния не ожидаете. Яко по боголепной проповеди святаго евангелия крещение и Христову веру знающия от истиннаго Бога и Спаса, всех Царя, отступисте. И написасте еретически потаенно: «Исус Назарянин Царь Июдейский». И аще именуете ноне Сына Божия Назарянином, то и по сему будет и Сампсон судия таков же равен Сыну Божию. И Сына Божия сравнять будет Сампсону судии, якоже и Сампсон Назорей Богу именуется. И аще Назорянином ныне Сына Божия именовати, то уже станет он прост человек, якоже и иные. Нас же да сохранит милостивый Владыко наш Исус Христос от сих сетей ваших лукавых, еже бы от них поглощенным нам не быти. Мы же своего Владыку и Спаса единороднаго, Сына Божия по существу от Приснодевы Марии плотию рождыыася, и спасителную страсть нас ради пострадавша, и тридневно воскресша, и на небеса вознесшася, и на престоле божественнем седяще, и исповедуем, и прославляем, и веруем. А не в Назарете ныне пребывающе. Исповедуем же Его и в Назарете мало время пребывающа, егда на земли походи пречистою Своею плотию. Да и то точию в Назарете воскормися. Роди же ся в Вифлиоме, а не в Назарете. И по сему исповедуем в Назарете Его пребывание временно, а не вечно, яко в Назарете точию лише воспитася. И титлу положил Пилат – «Исус Назарянин Царь Июдейский», еже мы, вернии христиана, вместо тоя титлы от святых апостол и святых отец приемше, великою титлою величаем и славим, еже есть Царь Славы и по существу Сын Божий. Пишем же на кресте титлу великую. И славим Его, великаго царя, Царем небесныя Славы и земныя и преисподния. Понеже совершением Своея волныя страсти, таже во ад сошествием, славу Свою боголепную и подземным сотвори. Явлен тридневным же воскресением и боголепным вознесением, всей твари Творец объявися и прославися. Ты же, новый жидовине, богохулниче лукавый, отступниче гордый, пишеши ныне Назарянином по таковой Его славе.

От тоя же челобитны

Ико иде же крест Христов истинной пишете, и вы тут прибавливаете Пилатову титлу «Исус Назарянин Царь Июдейский», за нея же и Нафанаил не ублажися, яко не по существу Сына Божия прославил, но по благодати. Царя Израилева нарече Его, аще бы Его воистинну Бога восхотел прославити, достояше бы Нафанаилу рещи: «Ты еси Сын Божий, Ты еси Царь всех». Нам же доволно сея титлы великия: «Царь Славы». Едина вера непорочная евангельская святая и един Бог и Отец всех и надо всеми сый. Благословен во веки. Аминь. А не яко же у вас ныне творится. Постависте два Христа и две печати, едину «Царя Славы», другую же «Назарянина». И крест Христов порокуете приложением Пилатовы титлы. Ново написали в другой ряд ту же вину. (Ниже). Вы же Его написасте Назарянином, человеком простым, ругающися Ему; подобно якоже и древнии жидове наругашася Ему. И о сем их ругании святый евангелист Матфей сказует. Яко по толиких и таковых чюдесех, от зависти возбесившеся, на распятие предаша. И возложиша верху Его вину Его написану: «Сей есть Исус Назарянин Царь Июдеиский». Аки за тое вину на распятие Его предаша, себя оправдающе, Спасителя же света тою виною обвинивше сицевым образом, аки бы Он Сам назвался царем Израилевым и сопротивится кесарю. И Июдею возмутити аки хотяща, чтобы от римсково кесаря отложилися, да к нему приложилися. Сего в Спасителе нашем никогда же обретеся. Он бо спасти нас прииде, а не погубити. Вы же ныне написаша, себя оправдающе же, второе тое вину, за нея же вину от Христа света отступисте.

(Ниже). Вопрошаю вас, како вы смеете Спасителя света Назарянином называти? А Он плотским пришествием не в Назарете родился.

(Ниже). Во Августове описи [не] в Назарете написася Иосиф обручник, но в Вифлиоме с женою непраздною. Такоже и по воспитании крестися не в Назарете же, но на Иордани. К тому же и не водворися в Назарете, но во всех градех пребысть бездомен и странен, нищ волею Своею. Богатый в милости, да мы Его нищетою обогатимся.

(Ниже). Пострада [не] в Назарете, но во Иеросалиме. И посему знатно, яко не града ради Назарета и в то время восхоте имя сие стяжати. И святии апостоли Назарянином называли. Но пречистыя Своея святости деля Назарянин наречеся, еже есть свят и пресвят, и благословен и преблагословен. И на святых почиваяй сый во веки. Аминь. Нам, верным християном, познавшим творца своего и Бога, и Спаса миру, писати в другой ряд: «Исус Назарянин Царь Июдейский», то уже станет Он прост человек. Аще ли же Сыном Божиим по существу Христа света нарицати, якоже и есть, то нам Пилатова титла ныне и не в потребу. Доволно нам единыя богословныя верховнаго апостолом Петра лику титлы, еже есть «Сын Божий Царь Славы».

(Ниже). Яко сей есть воистинну Спас миру Христос, по существу Сын Божий, небеснаго безначалнаго Отца и всея твари

Содетель и Творец, Свет от Света, Бог истинный от истиннаго Бога, образ и подобие присносущия Отча, и образ ипостасии его, еже бо бе пребысть не изменив. И еже не бе сниде на землю, плоть прием от пречистыя и пренепорочныя присносущныя Девы Богородицы Марии. И по рожестве и по пришествии из Египта в Назарете точию воспитася плотию, пророческое слово исполняя: «от Египта возвах Сына Моего». И паки другое пророчество: «яко Назорей наречется» (Евангелие от Иоанна, зачало 5, лист 30 на обороте).

Евангелие: «Видев же Исус Нафанаила грядуща к себе и глагола о нем: се воистинну израильтянин, в нем же льсти не бысть». (Ниже). Толкование. Слышав убо сия, Нафанаил в чювстве бысть Господня величества, елма же исповедает Его, Сына Божия. Обаче аще и Сына Божия исповеда, но не якоже Петр исповеда Сына Божия и Бога истинна. Тем же и блажит, и Господь и церковь ему поручает. Нафанаил яко человека проста исповеда, благодатию добродетелей ради усыновлена Богу. И се яве от глаголания его: «Ты еси, рече, царь Израилев». Видиши ли, яко не удостигл в совершенный разум истиннаго Божества единороднаго, но яко человека боголюбива. И яко царя Израилева быти, Его верует. Аще же бы истинною Бога Его исповедал, не бы Его нарекл царя Израилева, но царя всех. Тем и не блажится яко же Петр.

Сия челобитна списана от старца Игнатия Соловецкаго царю Федору Алексеевичю в лето 7185 году, октября в 5 день.

15. Священнодиакон Игнатий. Исповедание⁶⁶⁵

Описание сие раба Христова, проповедника благочестия истинне проповеди Евангелия Христова, преданнаго от Сына Божия святым Его учеником и апостолом, а от апостол святым отцем, и святые отцы на седми соборех утверженно, и кровию святых апостол и святых мученик и мучениц утверженно и запечатленно, занеже они телеса своя предаша в различныя муки: овии убо мучими Быша, мечную прияша кончину, друзии же огнем скончахуся за Христа, якоже и сей проповедник, новый страстотерпец, сожитель бывый преже Соловецкия пустыни, ревнитель преподобных отец Зосимы и Саватия. Пострада же и он, новый страдалец, лета 7195-го, марта 20⁶⁶⁶ числу, святаго и Великаго поста четвертая недели, Крестопоклонной, к пятку в ночь, в Палеостровском монастыре.

Всемоіущаго и всесилнаго и непостижимаго в Троицы славимаго Бога, безначалнаго Отца со единородным⁶⁶⁷ Сыном и с пресвятым и благим Духом, животворящим и истинным, грешный и непотребный раб Господа Исуса Христа, и разоренный новыми законопреступниками и богоратниками, проклятым русским Алексеем со всеми помощниками его, церковной сирота, Христова воинства последней осталец, от имени Спасителя, всемилостиваго Господа Бога и Спаса нашего Исуса Христа единороднаго Сына Божия и пресвятыя Владычицы нашея Госпожа Богородица, и всех святых, от века угодивших о законе Его святом евангельском, и о проповеди апостольскии, и о заповедех святых отеческих, дерзаю, на непобедимую силу крестную упование положа, исповедание сие принести противо нынешних богохулников, еретиков и отступников от истиннаго благодатнаго евангельскаго закона, уклонившихся в латынския римския ереси, понеже злочестивии отступницы разгордешася Спасителем своим единородным Сыном Божиим, от закона Его святаго евангельскаго отступили, и уклонилися в латынския римския ереси, и иныя различныя раздоры многия, якоже римский папа и законопреступник Иулиян и Лев, от Исавр бывый, и сын его Констянтин Гноетезный.

Тако и сии, новыи латынники, Алексей мерский, новый законопреступник и богохулник с послушающими его, и с Никоном-еретиком, и з детми его, к нам, церковным сиротам, сотворяют, и называют себя пастырями нам, и агньца своего сквернаго – таинством, и церьковь свою еретическую – церковию, якоже напечатано у них в новой их книге богомерзской, в пагубной, в проклятом Жезле.

И якоже изрече к новому многотерпеливому страдалцу и исповеднику ко святому преподобномученику Авраамию резанской арцыбискуп, а не архиепископ, Ларион, тако глаголя, егда привели его второе пред них, темных властей, и перед злочестиваго мучителя Лариона Иванова нощию, и нача его увещати, арцыбискуп: «Как, бедной Авраамий, дело Божие творите без страха? Уже у вас соборная апостольская церковь – не церковь, таинство – не таинство, архиереи – не архиереи, вера православная християнъская – не вера». И аз вам ныне отвещаваю: воистинну, нам вы не архиереи, о законопреступники богомерзстии, и богохулники, и богоотступники проклятии, новый латинники! Доколе буйствуете, неправду мудрьствуете и на святых отец седми соборов глаголете ложь? И отрекаетеся их, и заповеди их не брежете, якоже они заповедали нам, христианом, хранити и блюсти, не пременити в догматех в божественных ничтоже, и аще кто приложит или отъимет, или пременит – да будет анафема!

А вы ныне смели дерзнути составити лукавую свою сонмицу на Христа-света, новую, жидовскую, иже сего не повелеша святии отцы. Вы же не точию, что добро приложили есте, и пременили, но и святаго евангельскаго благовестия и апостольския проповеди, и святых седми соборов отреклися, и крещения святаго истиннаго отступили, а свою лукавую латынскую сонмицу прославляете. И по сему лукавому вашему делу вы нам не архиереи, и таинство же ваше – лукавой, и мерзской, и скверной агнец латынской – не таинство. Вера же ваша – не православная и не християнская, но латынская римская ересь, и иных ересей многия раздоры. Вы же себе учинисте теми своими лукавыми обычаи – римскому папе выблядками. Того же ради вашего лукаваго нрава церковь ваша развращенная – нам не церковь, но лукавое сонмище и ересем всеприятелище, римскому костелу соединение.

А еже вы нам изрицаете, будто мы истинны не знаем и без разума живем, отвещаем же мы к вам сице: всуе тако нам еретическое свое лукавство изрицаете, мы истинны Христовы не отступаем николиже, но держимся всею⁶⁶⁸ крепостию, и всею душею нашею, и всем помышлением нашим. И разума истиннаго не отлучаемся.

Вы же сами изо ада погибели злаго еретичества изшедше, возбеснесте, яко пси и яко наставник ваш и отец древний сотана и его слуги, и угодник любимой – Алексей, и советник его лукавой – Никон.

А что вы изрекли ко исповеднику же Авраамию, будто вы с пагубным с Никоном крещение исправили, и тем крещением будто вы крещены, и о сем к вам мощно изрещи тако: точию разве вы ныне сущим жидовским обрезанием обрезаны, а не крещены. Или будет вдругорядь таковым своим латинским крещением крещены тако, како изложили с Никоном-еретиком и со Алексеем-богохулником. Истинное же прежнее святое крещение осквернисте.

А еже он же изрек, мерской сатанин пес, рязанский арцыбискуп Ларион к нему же новому исповеднику в третьем приводе сице: «Уже ли, Авраамей, от запада на восток обращаешися, и престал ли прекословити соборной апостольской церкви и четырем вселенским патриархом и нашему пятому (в то время бывшему Асафу, иже в Сергиеве монастыре был на архимаричье месте), и всем архиереом великия Росии? И неужели яко пес на своя блевотины обращаешися? И не церковь тебя оставила – ты церковь оставил»!

Мы же к вам отвещаем, к мерзским псам сатаниным: святыя мы соборныя истинныя восточныя апостольския церкви не оставили, оставили мы вашу еретическую церковь, новую, христораспинательскую, жидовскую, не ныне, но во младенческом в самом крещении⁶⁶⁹, и ниже в ней бывали когда, ниже быти желаем, не даждь нам, Господи Боже, Создателю наш, таковаго злаго недуга ни в мысли наша нам прияти, еже к вашей еретической новой жидовской церкви пристати, но желаем всею душею нашею того же подвига сподоблены быти и христомученически скончатися от вас, новых распинателей, и еретиков, и жидов, за истинную церковь Христову.

Восток же ваш таков есть, како каркин ходит, понеже право ходити не может, но вспять ходит. И тако вы ныне идете на тот восток, идеже сатана с бесы седит. И вси противники еретики шуею страною на запад, а не на праведный восток страною десною.

Мы на тот восток ваш не идем, а архиереом не четырем вашим вселенским и не пятому вашему, нынешнему мерскому еретику, но всем святым отцем, угодившим Господеви правою верою единою преданною, покоряемся и повинуемся во всем, и слушаем их, яко воистинну истинных пастырей своих и учителей.

А что изрицаете нам, будто мы, яко пес на своя блевотины обращаемся, мы же не обращаемся никуды же никакоже, но единою правою верою стоим. Вы же сами обратистеся на блевотины самаго сатаны со всем бесовским собором, и тако в безумии своем возбеситеся, состроисте мрак суемудреный с миродержателем тмы века сего, с мерзским богоненавистником, с проклятым скверником, со аггелом и хранителем, со укрепителем, с правителем бездны, с пагубным царем, с хоботом сатаниным и со слугою истаинником, поглотившим во всей вселенней благочестие, со Алексеевым помощником с лукавым, с Никоном, с кнутом преисподния бездны, приемшим во уши своя лукавыя сатанин совет от самых младенческих ноготь. И развративь си сердце свое, яко лук крив, иже в души своей страх Божий никакоже стяжав, ниже будущаго суда убояся, устроил рать злочестиву и богоборну на святую честную великую обитель преподобных отец Зосимы и Саватия, Соловецких чюдотворцев, иже своему лукавому⁶⁷⁰ богоборному еретическому делу возмездие приобрете: при запустении тоя святыя обители святых и преподобных отец поражен бысть уст Божиих пречистым Духом; в его же место облечеся именем благочестиваго царства сын его, обычаем и нравом тем же пребывая, яко Константин, рекомый Гноетезный.

Нас же на земли до толика разорили, не точию свободное место на житие имеем, но в прежнем платьи иноческом, ни ногою без страха поступити смеем. И наполниша царьство свое всякаго осквернения и беззаконнаго мятежа. И того ради беззакония попечение нам о душах своих имущим жития своего: иноком – иночества, а девам – девства, в неоскверненной чистоте невозможно сохранити. Яко церкви все и обители святии овладела⁶⁷¹ богомерзская мерзость их, и воинство антихристово везде и повсюду укрепилося, речи же его лукавыя таковы исходят, будто по отцеву обычаю мучить не велит и будто тому же молится Богу, что и они.

Мы же молимся вседержителю Богу в Троицы славиму, безначалному Отцу со единородным Сыномь и с пресвятымь благим животворящим истиным Духом, и крещением крестилися истинным православным. Вы же молитеся не тому Богу, но иному, мерзости запустению, телу злобе, помрачению, и крещением крестилися есте еретическим латынским, а не православным християнским.

И мы благочестия истиннаго, от святых отец преданнаго, и крещения святаго не отступаем, ради от вас всяку тесноту и муки страдати. Вы же, видевше нас⁶⁷², тако пребывающих, доколе не скончеваете, но нужно и люто⁶⁷³ томите и мучите.

Скончевайте скоряе всех нас о истинне Христове! У кого с кем твердо совет пребывает, аще инок, аще мирянин, аще женеск пол, или девицы, каков умыслише конец сотворите нам, скончевайте скорее, а не вымучивайте повинных! Аще ли же станете повинных вымучивати, мы же от немощи плотския опусневше, аще и помутимся, и повинну вам подадим, и, подав повинную, горши того в горести душ своих вас проклинаем, воздыхание горко возсылающе ко Господу Богу, чтобы Содетель Свет наш над нами, последними нужными Своими сиротами, милость Свою показал такову, суд Свой грозной и меч праведной послал бы противу вашего томителства, к нам сотворяемаго, како благость его изволит, и построил бы домы вашя и все ваше богоборное воинство лукавое, и весь еретической собор, тако же, как вы Божий дом – церковь святую соборную апостольскую и святую обитель Соловецкую разористе, и такову честь даровал бы всем вам с тетками, и з братьями, и с сестрами, и з боляры, и с женами, и з детми их, как вы на пренебесный верх лаете и пречистую и пренепорочную Присвятую Богородицу и Приснодеву Марию, еже, увы, страшно помыслити! Горши онаго сквернаго еретика Нестория безчестите и называете блудницею, будто девицею растленна, Христа же, Света, от блуда называете родишася⁶⁷⁴.

О окаяннии мерзсцыи псы! Любо ли вам самем будет, как тебя самого выблядком назвати, а жен ваших, и дочерей, и сестр, и теток блядками именовати? Аще втайне и таковы пребываете, но не велите себя тако величати, или аще у вас κοτο­ροή скверник от блуда родился, и того себе Христом и Богом именуете и славите? Девку-блудницю Богородицу именуете? Безначальнаго же в Троицы славимаго Бога и Содетеля всяческим преже век суща и до сего времени и впредь владущаго не славите, аки несть да не бывал, да и потом не будет! Понеже воплощения Сына Божия не славите, то ни крещения Его, ни распятия, ни воскресения, ни вознесения на небеса и одесную безначальнаго Отца седяща, ни паки грядущаго Его во второе пришествие судити живым и мертвым не исповедуете, но тако просто живете, кто скотско захочет, и себя Богом именуете, аки всею тварию владеете. He бози есте, не бози! Аще не станете истинны сотворяти, будете поражени тако же, како и первый богоратник треснул.

Аще ли же нас скончаете неразлучно во едином месте, и за то буди вам милость Господня, и да просветит душа и сердца вашя своим присносущным светом и приведет в познание истиннаго благочестия. He желаем при вашем царствии живота себе, но желаем смерти, паче в еретической прелести сущаго живота. И полезнее пелынь или желчь свиная ясти, неже вашу сладость змиеву возлюбити. И вы нас скончайте всех во едином месте, а не вымучивайте повинных!

Прежнии мучители нечестивыи, идолопоклонники, милостивее вас были, якоже в мучениях святых мученик объявленно есть. В мучении Христовой мученицы Екатерины, егда Порфирий сотник царицу к мученице в темницу водил и вси под ним воины подначальныя вероваша во Христа, Света истиннаго, царь же всем повеле главы отсещи. Тако же и в ыных мучениях объявлено есть. Вы же порозно в заточения разсылаете нас. Почто нас вам в заточения разсылати? He разсылайте в заточения, предайте смерти скорее, да вам обличники не будем! А донележе дух в теле нашем пребывает, не престанем вас проклинати и суда грознова, и меча вострова на вас просити, а житие нам при вас надокучило.

16. Аноним. Сказка, написанная в Соловецком монастыре по приезде сотника Чадуева. 1668 г. 23 Февраля⁶⁷⁵

76-го февраля 23 день, по указу великаго государя, царя и Великаго князя Алексея Михайловича, всеа Великия и Малыя и Белыя Росии самодержца, приезждял в Соловецкой монастырь сотник московских стрелцов Василей Данилов сын Чадуев, с его государевыми грамотами, и со многими оружейными стрелцами, чтобы приняли новую веру и Никоновы новоизложенныя книги. И Соловецкаго монастыря келарь Азарей и казначей Геронтей, и священницы и диякони, и вся братия и миряне ему Василию сказали: Новые веры и новаго учения не приемлем, того ради, понеже он, Никон, бывший патриарх, и ученицы его всю нашу православную християнскую веру в рустей земли, предание апостольское и святых отец нарушили и книги все печатные и писмяные благочестивых наших царей и великих князей и святейших патриархов, по которым святии отцы угодили Богу, похулили и испревратили. Еже есть: истинный и трисоставный крест Господень, и сложение перст крестнаго воображения, и святое имя Господа нашего Исуса Христа, и молитву Исусову, и исповедание православныя веры, и ангелскую трисвятую песнь, и началный стих Царю Небесный, и крещение человеком, и венчание, и маслосвящение, и погребение иноческое и мирское, и летопись от Христова Рождества, и церковное пение, заутреню, и полунощницу, и часы, и молебен, вечерню и павечерню, и нефимон, и весь чин и устав, и кажение, и звон церковный, – переменили все без остатку, и литоргию божественную во всем переменили ж. А сказывают на старые харатейные Служебники. А у нас, в Соловецком монастыре, самые старинные харатейные Служебники и иные книги, (кои) лет попяти, и пошти сот и болше, також и бумажные Служебники и иные кои книги⁶⁷⁶ лет подвести и потриста, по которым служили известно при начальниках наших, Зосиме чюдотворце и при Филиппе митрополите, и те Служебники харатейные ни блиско с Никоновыми Служебниками не сходятся, а с нашими старой⁶⁷⁷ печати Служебниками во всем согласни. Да они же напечатали в Потребниках дестевых, велят молитися духу лукавому, и каятися отцу духовному поримски, на коленках, и на Троицкой вечерни велят молитися на коленках же, якоже латыня и татарове молятся, и ходити велят по татарски без крестов, и аллилуйя⁶⁷⁸, и Октая в Великий пост не поют⁶⁷⁹, и церкви Божия велят святить⁶⁸⁰ мылом, в нем же всякая нечистота и скверность, и умерших вместо священнаго древянаго масла посыпать пепелом, и Сына Божия,

Господа нашего Исуса Христа, именовали грешным, и в плоть пришедша Его в новых книгах Небесах (лист 56 гл. 37) отставили, напечатали пришествовати, и на престоле суща⁶⁸¹ со Отцем и со Святым Духом, и воскресения Сына Божия в кондаке в великую суботу и выных многих местех тех их⁶⁸² новые книги не исповедуют, и в покаянии псалмы, и исповеди⁶⁸³, и поклоны земныя в Великий пост, и величания во весь год на все Господьския праздники и святым, и молитвы причастные и по причастии, молитвы архиерейские пред службою⁶⁸⁴ и молитву Святому Духу на Троицкой вечерни, и ектению болшую, и в неделю на заутрене кафизму 17: Блажени непорочни, и Достойно естъ, и на Сущую Богородицу поклон земной, и крещение латыном и немцом, литве и поляком, и отрицание их от ересей приходящим⁶⁸⁵ и церковное общее прощение на павечерне, и на полуношнице, и на часех пред обеднею, и во всенощное после заутрени, и молитвы умершим разрешалные, ими ж отец духовной разрешает и прощает⁶⁸⁶, то все отставили же. И царское уложение благовернаго царя и великаго князя Иванна Васильевича всеа Русии, и священный собор Макария митрополита опорочили и похулили; а святии отцы, кои после того собора были, началники обители нашея, Филипп митрополит Московский и всеа Русии чудотворец, и Гурей и Варсанофей и Герман казанские чюдотворцы, Антоний Сийский⁶⁸⁷ и инии многие святии отцы тому святому собору последовали, и Богу угодили, и спасения своего ни в чем не грешили; а ныне тому священному собору и святым отцем последовати не велят, и проклинают и мучат за то всякими смертными муками, и языки режют, и в струбах жгут. И святым руским чюдотворцам многим празнества отставили, и ис книг их вынесли вон, и житиям их и преданию не верят, и в кажении их презирают⁶⁸⁸, и напечатали в Служебниках, велят их чюдотворцов кадить после себя и после места своего; a сами, еще живи суще и преже смерти своея, на земли прославляются⁶⁸⁹, образы подобия своего⁶⁹⁰ святыми на иконах пишут и в церкви⁶⁹¹ поставляют. Да они же вместо истиннаго⁶⁹² креста Господня в Русийском царствии учинили везде крыжи; а в прежние лета, по свидетельству летописанныя⁶⁹³ книги, святии отцы в руской и греческой земле крыжем чести отнюдь не воздавали, и тем латынские веры не почитали, и нигде до Никона того латынскаго крыжа у нас в Русийском царствии не именовалось: единою было при великих князех, приходил к Москве из Риму с крыжем от папы посол, и благоверный великий князь Иван Васильевич всеа Русии и преосвященный Фотий⁶⁹⁴ Митрополит московский и близь града того латынскаго крыжа пустить не велел, а той Фотий митрополит, по свидетельству Степенные Книги, житием был свят и преподобен, ибо прежде смерти своея видел Ангела Господня возвещающа ему преставление его⁶⁹⁵, и святыя мощи его от Бога почтены нетлением, а родом он Фотий митрополит был гречанин и греческаго закона книги и церковныя предания доконца знал, но обаче того крыжа не почитал: и от сего яве, яко и в греческой земли тому крыжу чести не воздавали ж и тем латынские веры не почитали. Також и благочестивому царю Константину на небеси⁶⁹⁶ был крест показан трисоставен же, а не крыж, и тот крест ныне в Московском государстве⁶⁹⁷. Да он же Никон завел в Русийском⁶⁹⁸ царствии самое худое небогоугодное дело, вместо жезла святителя Петра чюдотворца доспел святительския жезлы с проклятыми змиями, погубльшими прадеда нашего и весь мир, юже сам Господь Бог наш проклял от всех скотов и от всех зверей земных: а ныне они тое проклятую змию освящают и почитают паче всех скотов и зверей земных, и вносят ея во святилище Божие, во олтарь и в царские двери, аки некое освящение, и всю божественную службу с теми жезлами, иже с проклятыми змиями соделанными, действуют, и везде яко драгоценное сокровище пред лицем своим на показание всему миру тех змей носити повелевают, имиже прообразуют потребление православныя веры⁶⁹⁹. И то он, Никон, завел отнюдь не по преданию святых отец, своим злым умышлением; а прежде сего в Русийском царствии и в греческой земле, яве, яко отнюдь того не бывало: понеже первому архиерею руские земли, Петру митрополиту Московскому и всеа Русии чюдотворцу, якоже в житии его свидетельствует, в Цареграде Афонасий⁷⁰⁰ вселенский патриарх даде ему на поставлении святительский жезл не зо змиями, но якоже и прочие святительские жезлы, оным подобием, иже на иконе сергиева видения, радонежскаго чюдотворца, в руце у Пречистые Богородицы воображен. Ксему же и святительский белый клобук, из Риму принесенный, иже от Самого Господа нашего Исуса Христа на прославление истиннаго нашего православия Русийскому царствию преданный, переменили же; а священнический и иноческий чин доконца обругали: попы мирские, его Никонова предания ревнители, нарицаемии никонияне, ходят поримски без скуфей, оброслыми главами и волосы распускав по глазом, аки паны, или опалные тюремные сиделцы, а иные носят вместо скуфей колпаки черные, и шапки кумыцкие, и платье все не руское же; а чернцы ходят в церковь Божию и по торгом без манатей, безобразно и безчинно⁷⁰¹, аки иноземцы, или кабацкие пропойцы, не по преданию святаго Василия Великаго. Ксему же и иная многая⁷⁰² безчисленная в православней вере и в книгах превращения, иже множества ради невозможно писанию предати, но обаче вкратце рещи: чтб ни было в православней нашей христианстей вере от начала руские земли истиннаго благочестия и православия, святыми Апостолы и святыми отцы преданного, то все он, сана изверженный Никон, и ученицы его похулили, и переменили, и книги все и веру испревратили⁷⁰³ дотолика, будет то⁷⁰⁴ и след православия у нас, в Русийском царствии, ни при коих благочестивых царех и великих князех до него, Никона, не именовался, а вместо того благочестия ввели яже своя новыя веры вышереченная и ина множае сих безчисленная небогоугодная предания, в нихже суть и латынская мудрования, святыми отцы показанная, яве обретаются. А ссылаются во всем на иноземцев, иже ныне в Руском царствии, на греческих и литовских властей, кои ни един⁷⁰⁵ лица своего прекрестити не умеет, бутто те⁷⁰⁶ ныне нам прямую веру изыскали и уставили; а яже наша православная християнская вера, от Владимерова крещения до них в руской земле была, в коей вси⁷⁰⁷ святии отцы угодили Богу и все прародителие твои государевы, благоверные цари и великие князи, богоугодне скончашася, в нейже доныне⁷⁰⁸ мы пребываем, и тое нашу православную⁷⁰⁹ веру они, греческие власти, до конца похулили и отвергли, и неприемляющих их неправеднаго (учения) и новые веры, сущих от века в православней вере пребывающих, с ними же и святых отец в той же вере в чюдесех просиявших, всех прокляли, аще и всуе и на свою главу, но обаче вечным и конечным поруганием, всем прародителем государевым, и всем святым отцем, наипаче же православней нашей, от Христа Бога преданней, христианстей вере до конца поругалися, и пред враги иноверцы во веки безчестну и укорну сотворили; и многие иноземцы, ругаяся нам, говорят, бутто мы толикое время, от Владимерова крещения лет седмьсот до Никона, православныя веры не знали, a будет и де знали, ино ныне заблудили, ихже нечестивая уста да заградит Господь Бог; обаче, возражая их нечестие, дерзновенно и несуменно⁷¹⁰ отвещаем к ним сице, яко истинное православие наше нарушил и испревратил в Русийском царствии Никон изверженный патриарх со единомысленником своим, печатнаго двора справшиком Арсением Греком, известным богоотступником, по свидетельству отца его духовнаго, нашие Соловецкие обители благоговейна⁷¹¹ священноинока Мартирия, яко трижды учения ради философскаго Христа и православныя веры отвергшася его поведаша, ихже небогоугодному преданию последствуя⁷¹², ученицы их, наипаче же иноземцы, и достальные истинное⁷¹³ православие наше истребили вконец. Осем убо их превращении и божественное писание явно свидетелствует нам и обличает сие их неправедное учение в лицо, яко за долгое время до нынешних церковных расколов святии отцы в книге печатной, еже 0 eeptсие настоящее время, иже на православную веру нашу хотящее быти гонение, Святым Духом провидели, и лета указали имянно: ибо повелевают нам быти в нынешнее время в конечном опасении того ради, дабы и нам, якоже и римляном, православней вере отпадением не пострадати. Но убо всем нам ныне явно, яко оно писание и пророчество святых отец збылося неложно. Ксему же и другое на их греков сребролюбство и неправду в божественном писании, в книге печатной глаголемой Кормчей, лист 5, истинное свидетельство: яко⁷¹⁴ в прежняя лета православный болгарский царь, ради их великия неправды и сребролюбнаго нрава корчемствования, со всею болгарскою землею отних, греческих вселенских патриархов, отступили, понеже начаша не апостольски церковь Божию снабдевати, и истинну⁷¹⁵ корчемствовати, и благочестие продавати, и митрополитов от себя к болгарскому царю на мчде посылати⁷¹⁶. Да они же, вселенские патриархи, по свидетельству Степенные Книги, будучи в Риме на осмом нечестивом соборе, сребролюбия же ради, в латынство уклонишася, и хотя соединити православную веру с римскою и писание на себя папе за руками своими дали, и аще бы праведный суд Божий не прекратил тогда живот их вскоре, то бы тогда же они нашу православную веру учинили с латынскою за едино. Почему ж и нынешние их в нашей руской земле греческое учение всякому, здрав ум имущему, разумети мочно, яко учение их неправедно и ложно: понеже бо аще в добрую пору, до турскаго взятия, еще тогда во благоденствии им сущим, толикия в них лукавства, и сребролюбия и неправды бяху, и церкви Божия не апостольски снабдеваху и православную веру на мзде в нечестие предаваху⁷¹⁷: то котораго нам от них ныне в православней вере хотети добраго исправления, кроме точию еже развращения, а православныя веры⁷¹⁸ истребления? Но убо всем православным ныне в Русийском царствии видимо, яко они, греческие власти, приехали из толикой турской неволи и убожества не веры исправлять, но нас православных мучить и проклинать, и злата и сребра и вещей собирать: сего ради мы их новые веры и предания, яже святии Апостоли и святии отцы нам не предаша, не примлем, но держимся прежния своея истинныя непорочныя православныя христианския веры⁷¹⁹, апостольскаго и святых отец предания, в нейже святии отцы угодили Богу и вси прародителие твои государевы, благоверные цари и великие князи, отец его, великаго государя, блаженныя памяти благоверный государь и великий князь Михаила Феодоровичь всея Руссии, и дед его государев святейший Филарет Никитичь, Московский и всея Руссии патриарх, богоугодне препроводиша дни своя, в том же благочестии и православии, в немже и мы доныне пребываем, понеже вси книги печатные и писменные прежних православных царей и великих князей, ксему же и благочестиваго государя, царя и великаго князя Алексея Михайловича, всея Великия и Малыя и Белыя России самодержца, и вселенских патриарх Иеремия Цареградскаго и Феофан Иеросалимскаго, руками их закрепленые списания, и протчих палестинских властей, еще же и самого того Никона бывшаго патриарха, прежде развращения его, перваго выходу книги свидетельствуют нам, в книге Кормчей лист 6,15 и 25, яко православная наша христианская вера, от начала руския земли до лет приснопамятнаго и святопочившаго великаго государя, царя и великаго князя Феодора Ивановича, благочестием сияла, аки солнце посреде круга небеснаго, в нейже пребывающе, якоже и прежде рехом, вси святии отцы и начальники наши, преподобнии отцы Зосима и Саватие и Герман и Филипп митрополит, угодили Богу; сию же благочестивую веру они еретицы всю похулили и отвергли; a святии Апостолы и святии отцы о сем заповедали зело страшно, аще кто и едино слово в православней вере, или в церковных догматех, святыми Апостолы и святыми отцы преданное, пременит, таковых предаша вечному проклятию; и то они апостольское и святых отец проклятие полагают ни во что, и ведут нас новым своим учением под туже клятву, и устрашают нас своими суетными клятвами, и облагают всякими временными муками; а мучение и страдание наше за имя Божие и за православную веру страдавших хулят и почитают всуе; но убо мы своему терпению упование, образ и написание (имамы) святых мученик, седьми братий по плоти, Маккавея, яко они за едино точию отеческое предание, за неядение свиных мяс, от Антиоха мучителя пострадавше, вечнаго блаженства от Бога с мученики сподоблени Быша: и то кольми паче за имя Единороднаго Сына Божия и за всю истинную православную веру, и за животворящий крест Господень? Но обаче мы надеемся на Единороднаго Сына Божия и на силу животворящаго креста: аще и тмами себе смерти от них новых учителей узрим и крови своя пролием, но православныя своея веры, истинныя, непорочныя, и предания и уставу преподобных отец Зосимы и Саватия не будем изменить до смерти.

17. Аноним. Повесть о видении инока Ипатия⁷²⁰

В⁷²¹ Соловецкой обители затворишася иноцы от приехавших⁷²² воинов от самодержца, еже мучити их за древнее благочестие в лето от мироздания⁷²³ 7178. Монастырь же взят бысть от новолюбцев; и иноцы и прочии служители замучени в лето 7184⁷²⁴ в генваре месяце в последних числех.

В лето же 7175 году майя в 20 день бысть некоему брату откровенно яве, а не во сне сие⁷²⁵.

Поведа нам некий брат именем Ипатий повесть дивну и памяти достойну. «Жих убо аз окаянный в небрежении и в пиянстве и во объядении и во всякой нечистоте, аки пес смердящий⁷²⁶. Аще и каялся, и паки таяжде творив и горши перваго.

Наказа мя⁷²⁷ Господь Своею милостию и посла ангела⁷²⁸ немилостиваго наказати мя за мое преступление и смири мя до конца, яко и живота моего⁷²⁹ отчаятися. И еще моему смирению приложися зло наипаче перваго. Нападоша на мя беси и не даша ми ясти, ни спати, ни стояти, ни молитвы творити. И уже мне в конечной⁷³⁰ погибели, и помолихся ко Господу со слезами горко⁷³¹ и со воздыханием из глубины сердца о избавлении своем; и преподобных отец Зосима⁷³² и Саватия на помощь призывая, кто бы мне окаянному хотя малу отраду дал Господь⁷³³ покаятися. И⁷³⁴ беси рекоша ми: «Окаянне, несть ти покаяния ни прощения, наш еси ты и наша дела твориши. Господь тебя⁷³⁵ нам предал. Уже у тебе ангела-хранителя несть, отнял от тебе Господь. Аще хощеши свободитися от сея горкия смерти, и пространно и прохладно жити, то сотвори волю нашу».⁷³⁶ И аз рекох: «Кая воля ваша?» Они же рекоша мне: «Плюни на крест и потопчи его, и свободишися от беды сея». Аз же⁷³⁷ окаянный, слышах то, и воздохнул горко⁷³⁸ из глубины сердца и рекох: «Не буди то мне; лутши⁷³⁹ мне умрети, нежели то сотворити». И пребых в том прении четыре недели, тако мучася. И посети мя Господь, и бысть избавление преславно и чюдеси достоино во 175-м году июня в 20. Приидоша ко мне пять старцов яве, а не во сне. Един одеян в⁷⁴⁰ светлейшия ризы и рекоша ми: «Что страждеши и о чем плачеши?» Аз же рекох⁷⁴¹ им всю беду свою и беси отбегоша от Мене. И рекоша ми преподобнии: «Окаянне, почьто⁷⁴² живеши в небрежении⁷⁴³, и ныне за то страждеши». И поносиша ми всячески. «Господь посла нас избавити тебя⁷⁴⁴ на мало время, да покаешися. И обещайся к тому тех злых дел не творити»⁷⁴⁵. И понудиша мя обещатися неослабно. И аз обещахся им всячески к тому тех дел не творити. Они же рекоша мне: «Преже сего обещался ты нам трижды, да не сохранил. Аще не покаешися, то зле умреши, и душа твоя снидет во ад». И аз вопросих их: «Господие⁷⁴⁶, кто вы есте?» И рекоша ми: «Мы здешнии старцы – святитель Филипп митрополит, и Зосима, и Саватей⁷⁴⁷, и Герман, да Герасим казначей чеботной, по преставлении его преиде аки годишное⁷⁴⁸ время». И рече ему преподобный Зосима: «Глаголи ты, Герасим, с ним, твои есть учение, тебя⁷⁴⁹ он знает». И рече ми старец Герасим о том, как и прежде⁷⁵⁰ жив был, и что мне наказывал, как жить. Аз же окаянный не могох стояти от страха. И рече ми преподобный Зосима: «Аще не можеши стояти, и ты ляги⁷⁵¹. И что увидиши или услышиши, не убойся; и не глаголи ничто же, токмо молитву Исусову твори безпрестани».

И видех воздух полон⁷⁵² бесов темнообразных, от земли до небеси. Иныя аки враны летают, а иныя аки человеки темнообразные. И смущают братию и мирян, чтобы жили в монастыре нестройно. Овых на блуд, и⁷⁵³ овых на сластолюбие, а иных на пиянство⁷⁵⁴ и на татьбу⁷⁵⁵ и на грабление и на оубийство и на кровопролитие и на⁷⁵⁶ ненависть, наипаче же на новую веру. Слышах убо и видех, яко приидоста в монастырь два великие черные⁷⁵⁷ ефиопы.⁷⁵⁸ А говорят: «Мы де пришли из Риму, а были в Турской земли. А принесли с собою книгу велику». А⁷⁵⁹ говорят ту⁷⁶⁰ де книгу сам сатана со⁷⁶¹ еретики во аде строил 30 лет. И тою книгою смутил Рим, и Греческую⁷⁶² землю, и Рускую. А ныне де⁷⁶³ онъ, сатана, посла нас на се место святое,⁷⁶⁴ учити и смущати. И стали ту книгу чести надо мною на воздусе. Аз же едва жив пребых, аки копием убо прободоша сердце мое, такова есть хула в той книге на Бога в Троице славимаго, Отца и Сына и Святаго Духа. Невозможно убо есть не токмо глаголати, но и помыслити, аще ту хулу услышит человек, то не может жив быти. Аще бы мене не покрыл Господь Своею рукою и преподобных отец молитвами Зошмы и Саватия,⁷⁶⁵ иных⁷⁶⁶ святых, то бы аз⁷⁶⁷ окаянный умерл. Но не изволи Господь тому быти. И помолихся ко Господу со слезами. И повеле Господь аггелу⁷⁶⁸ отгнати бесовъ. И отбегоша беси далече от Мене.

И видех от полудни облак светел. Во облаце же видех Господа и с Ним много множество аггел.⁷⁶⁹ И слышах глас от Господа глаголющ, яко⁷⁷⁰ трубу.⁷⁷¹ И убояхся зело и вострепетах, и сокрушися вся крепость моя, и едва не исчезох.⁷⁷² Рече же Господь ко мне: «Не бойся, но слыши; множество бесов, их же⁷⁷³ видиши по воздуху много. Но Аз с вами есть.⁷⁷⁴ Подвазайтеся⁷⁷⁵ сопротив их брани, новы Мои исповедницы. Аз монастырь сей поставлю аки столп от земли до небеси, аще заповеди Моя сохраните, яже глаголах вам: постойте за имя Мое и за веру постражите. Аз монастырь сей имени Моего ради⁷⁷⁶ святаго сохраню его от всякого⁷⁷⁷ зла; или поставлю его на воздусе, или⁷⁷⁸ поставлю его аки столп каменный⁷⁷⁹ посреде моря. И ничто же к нему не прикоснется зло. Хотел бых за их беззаконие огнем сожещи или камением побити, не буди то.⁷⁸⁰ Аз накажу⁷⁸¹ их иным. А за их страдание и терпение помилую их, и монастырь сей имени Моего ради святаго и нареку его Новый Иеросалим. He пекитеся убо о хлебе, ни о денгах,⁷⁸² Аз дам вам. Хотя⁷⁸³ полон монастырь злата, но не будетто. Но понеже превознесется⁷⁸⁴ сердце ваше⁷⁸⁵, Аз дам вам невидимо хлеба и денег.⁷⁸⁶ Аще сохраните заповеди Моя, то ни в чем не оскудеете, всего будет много».⁷⁸⁷

И приидоша прежнии⁷⁸⁸ ефиопы два и стали ту же книгу чести богохулную надо мною.⁷⁸⁹ И аз не могох терпети⁷⁹⁰ хулы Господни. Но помолихся ко Гоотоду, глаголя: «Не могу, Господи, терпети хулы⁷⁹¹ имени⁷⁹² Твоего святаго». И запрети ми аггел⁷⁹³ именем Гоотодним. И паде та⁷⁹⁴ книга из рук их ко Спасу на крыльцо⁷⁹⁵. Многая же братая и миряня⁷⁹⁶ к той книги прикасалися и померли.⁷⁹⁷ И повеле ангел Гоотодень ту книгу снесть⁷⁹⁸ в сокровенное место, чтобы⁷⁹⁹ иные⁸⁰⁰ не померли.⁸⁰¹ И те⁸⁰² беси отбежав⁸⁰³ говорят: «Много есми⁸⁰⁴ трудилися без ума, а здеся⁸⁰⁵ сей книге⁸⁰⁶ конец. Нет⁸⁰⁷ нам места здесь, Господь нас гонит⁸⁰⁸ отсюду». И рече Господь ко мне: «Окаянне, ты человек еси⁸⁰⁹ грешен и не можеши терпети хулы имене Моего святаго, а Аз Бог есмь,⁸¹⁰ како терплю от вас. И вами хулится имя Мое святое, скверными вашими делы. Аз монастырь сеи сотворих и создах славити имя Мое святое. А вы сотворили его вертеп разбоиником и пьянство⁸¹¹ у вас безмерное, и блуд, и всякая нечистота и убийство и кровопролитие, и друг друга ненавидите, и убогих обидите, и превозноситеся в сердцах ваших, и всяк хощет у вас велик быти и не покаряетеся⁸¹² братии вашей. Аще покаетеся и отстанете от злоб ваших, Аз Бог⁸¹³ милостив вам буду и не помяну к тому грехов ваших. Аще ли не покаетеся, и не отстанете от грех ваших, то отмщу⁸¹⁴ вам». И то Господь рек, и ^ивзыде на небо.

И рече преподобный Зосима: «Господь на вас гневен¹², что живете неподобно. He тако вам велено¹³ жить». И паки рече: «Не примайте¹⁴ новыя веры. Молится за вас Пресвятая Богородица¹⁵. А мы будем к тебе¹⁶ в суботу»¹⁷.

И паки приидоша в суботу⁸¹⁵ и возбудиша мя, глаголюще: «Востани. Положи начало, да молитвуй. И что услышиш⁸¹⁶, не бойся, стой крепко». И слышах с небесе шум велик и гром. И ста облак над монастырем огненой⁸¹⁷. Жена⁸¹⁸ благообразна, и с нею стоят три мужи светлы и иных много святых молятся: «Владичице, Пресвятая Богородица, моли Сына своего и Бога нашего, чтобы⁸¹⁹ пощадил место сие, в нем же славится имя твое святое». И рече ми Зошма: «Слышиши ли, за монастырь наш молится Иоанн Предтеча и Петр и Павел». И слышах глас с небеси, глаголющ: «Мати Моя, взыди семо, и раби Мои. Аз убо хощу наказати их за их преступление». И видех чюдотворцовы⁸²⁰ дважды вон выходили из церкви на воздух. И бысть в монастыре вопль велик и плачь во братии. И паки обратишася раки в свое место. И рече Пресвятая Богородица: «Не иду, Владыко, Ты воли, Господи Боже мой, с рабою Своею. Ты Сам, Господи Боже мой, кровь Свою излиял еси грешных ради⁸²¹. И аз не хощу отступити от места сего святаго и от раб Твоих». И бысть гром и шум велик, яко поколебатися месту небеси и земли, и по сем бысть тишина велия. И рече пресвятая Богородица: «Владыко, Господи Исусе Христе, Сыне Божий, услыши молитву⁸²² матере Своея, молящияся Тебе. Отврати Свой праведный гнев и пощади люди Своя ради имене Своего святаго, их же ради вочеловечился еш». И слышах глас с небеси, яко гром: «Мати Моя, буди по глаголу твоему, яко же просиши». И преста гром и отиде гнев Божий. Аз же стоях и помышлях в себе, что есть сие⁸²³. И рече ми⁸²⁴ преподобный Зосима: «Что помышляеши? He мечтание убо сие, но истина⁸²⁵ есть». И рече ми преподобный Зосима: «Видиши ли⁸²⁶, брате, яко над монастырем стоит аггел⁸²⁷ Господень з⁸²⁸ грозою, аки столп огнен от земли и до небеси, сохраняет⁸²⁹ и не дает⁸³⁰ воли демоном и злым людем, страх отгоняя от всех велик». И рече преподобный: «Храни сие, еже еси видел. He превозносися сердцем, да не снидеши во ад. И от злых дел отстанися, яже обещался, еси сохрани во веки⁸³¹, да не мучишися безконечно»⁸³². И то рек, отиде от очию моею⁸³³. Сия видех и написах⁸³⁴ чіущим на ползу и на спасение⁸³⁵.

18. Аноним. Повесть о грозном пророчестве соловецких чудотворцев царю Алексею Михайловичу.⁸³⁶

Лета 7176 июля в 10 день, Соловецкаго монастыря в усолье на реце некоей именуемой Луде, на праздник Положения ризы Господа Бога и Спаса нашего Исуса Христа, в третии час дне бысть знамение преславно и памяти достойно. Собравшеся убо в келию службы тоя трудники шесть человек, в нихже бе некии человек стар и благоговеин и зело во всем искусен. Сей бысть внезапу яко во иступлении ума: и возрев под строп храмины тоя, зело страшен очима бысть и кричаше великим гласом. И зряше под строп келии, много глагола и умолча, и бысть бездушен на многи часы. Посем велми страшно и умилно воздохнув и, очютився, начат молитвовати. Предстоящии же ту сущии клеврети его вопросиша его, что ему бысть, яко сице случися ему. Он же, отвещав, рече им:

«Что убо о сем вопрошаете мя? Аз, якоже мню, не сам зде был. В сей убо день посетил мя есть Господь Бог: восхити убо мя некая божественая сила и обретохся внезапу в царствующем граде Москве, за Покровскими враты, и тамо узрех видение зело преславно и удивлению достойно. Явиста ми ся убо два мужа иноческим образом одеянна, грядуща от Покровскаго села, зело светлообразна. От нею же убо един сединами сияя, вторыи же сопросветися сединами точию. Аз же грешныи бых в великом размышлении, и прииде ми во ум, яко наши суть началницы Зосима и Саватии Соловецкии чюдотворцы.

Един же убо от них возрев на мя и показав своим перстом другу своему и рече: “Сей наш трудник есть. Аще убо нас знает, той поведает многим, яже зде видит и слышит: запрети убо ему”. Вторый же отвеща: “Почто есть ему запрещати? Аще убо и поведает, то не на погибель нашеи обители, но наипаче прославится Бог о сем”. Сия рекше, идоша в путь свой, аз же идох вослед их и видех, яко мнози народи, припадающе на землю, покланяхуся им и между собою глаголюще, яко сии старцы соловецкия челобитчики суть.

И приидоста святая она отца к соборной церкви. В то же время бысіъ звон велии, и видех, яко царь грядет в соборную церковь. Святая же она отца приидоста вослед его и поклонистася ему, глаголюща: «Пощади, государь, нашю обитель; аще ли не пощадиши, то время преставлению света сего быти». Царь же обрати лице свое к своему сигклиту и рече: «Что убо сотворю соловецким сим старцом?» Они же отвещаша ему, глаголюще: «Твоя государева воля да будет с ними». Царь же убо обратився ко старцем, глаголя сице: “Будет убо в вашей обители пение и службы и отчины, якоже и прежде, все по древнему преданию и чину неизменно”.

Они же, се слышавше от царя и поклонившеся ему, отидоша. Аз же окаянныи идох вослед их. Она же быста аки огнена столпа, и невидима быста. Аз же един остах. И внезапу взяста мя два мужа и посласта мя в тесно место зело и прискорбно. Аз же не могох пройти, она же понудиста мя и ринуста мя нудма. И абие возбнух и в себе быв, поведаю вам всем сие еже на мне посещение Божие и великую еже ко всем верующим милость и заступление преподобных и богоносных отец наших Зосимы и Саватия чюдотворцев на спасение наше».

19. Аноним. Повесть о видении неверного работника Феодора⁸³⁷

Лета 7177 сентября во 2 день, Соловецкого монастыря в службе на реце некоей именуемой Курье, бысть знамение преславно и памяти достойно тоя же службы человеку некоему боящуся Бога именем Феодору. Случися ему по зависти бесовской неверием одержиму быти ко преподобным и богоносным отцем нашим Зосиме и Саватию чюдотворцем. Помысли убо сице, в себе глаголя: «Почто убо не покаряются и не приемлют новаго пения и службы в Соловецком монастыри?» И сия помыслив, усну.

Спящу же ему на одре своем сном тонцем, зрит убо к себе пришедша два старца святолепна, иноческим одеянием украшена, един от них жезл имея в руце своей; с ними же и третии человек, имея мирское одеяние. И глаголаста ми: «Востани!». Аз же возрех и явьствено видех их стоящих, и вопросих: «Откуду есте, отцы святии?». Они же отвещаста: «Мы убо из Соловецкаго монастыря приидохом зде в Сойме купити рыбы на братию». Аз же к ним рех: «Како вы хощете сие сотворити? Невозможно убо есть вам, понеже зде, страха ради царева, не можем и глаголати никаковаго слова про Соловецкии монастырь, вы же хощете зде таковыи промысл сотворити. Но никакоже есть вам возможно. Вашим убо еже ко царю непокорством монастырь пуст сотвористе и нам спону немалу отм творите».

Держай убо жезл в руце своей отвеща ми, глаголя: «Почто, окаянне, возбраняеши и претиши нам дело се сотворити, но и работник нарицаяся нашего монастыря? Мы убо приидохом отселе в монастырь две лодии рыбы привести, ты же возбраняеши нам. Но убо приими от нас наказание, яко да не токмо сам не неверуеши, но верен будеши, но и инем поведаеши!». И сия рек, бияше мя велми по лядвиям моим жезлом своим, иже в руце его.

Аз же смиренныи и нетерпеливыи начах кричати велми. Сущии же со мною клеврети мои, пришедше, глаголаша ми: «Почто убо вопиеши, о Феодоре? Повеждь нам, что ти бысть или кая нужьда приключися тебе, яко сице вопиеши?». Аз же грешныи, в себе быв, поведах всем, яже видех и слышах, показуя им биение на лядвиях своих от преподобных онех отец, явившихся мне.

Они же, видевше и слышавше сия от Мене, вси прославиша Бога и Его угодников – преподобных отец наших Зосиму и Саватия чюдотворцев, яко сице пекутся о своих чадех и не оставляют во время напасти, уповающих крепко на святыя их молитвы, скоро убо сих утешают и твердо заступают и от бед изимают. Неверующих же наказуют, по пророку, глаголющему: «Упасеши я палицею железною, яко сосуды скуделнича сокрушиши я», яко да и прочии страх имут.

Мы же убо, братие, несмы обиновения в погибель, но вере в снабдение души, о ней же нам все попечение да будет, яко да избавит нас Господь Бог наш от всех бед наших за молитв Пречистыя Его Матере и преподобных и богоносных отец наших Зосимы и Саватия чюдотворцев, не токмо зде, но и в будущии век. Аминь.

20. Аноним. Повесть об исцелении инока Исайи⁸³⁸

Список о чюдеси в Анзерские пустыни, како Господь Бог наш Исус Христос исцели болнаго инока Исаию од бесовскаго озлобления во дни сия явлением Своея Богоматере Пресвятые Владычицы нашея Богородицы и преподобных отец Зосимы и Саватия и Германа и Филиппа митрополита и игумена Иринарха соловецких чюдотворцов и Елеозара началника Ванзерские пустыни.

76-го году сентября в 28 день некто инок Исаия живяше в Ванзерьской пустыни, а прежде по обещанию своему жил в Соловецком монастыре в келье старца Сергия Шолонина и во 172-м году маия в 5 день видел в видении два змия, и един малый змий прилете к окну ево и пробив окончину у окна и ево Исаию едва не досягл, о он, взяв ево, убил. А другаго змия велика и страшна зело виде на ірапезном кресте, три главы имуща нагорбяся сидя, а хобот ево вися до кровли, и на того змия зряху множество людей иноков и белцов, полон монастырь, и за монастырем множество людей смотряху. И я де про того змия сказывал в келии братеи священноиноку Артемию и иным многим братии. И от того де времени случися ему болезнь: нападе страх велий, нача боятися людей, всякаго человека, и от того страхования впаде в конечную болезнь и лежа в болнице. Из болницы взяли ево болного в Ванзерскую пустыню, того он и не помнит, и посетило болши года был не в целом разуме, в боязни и страсе, стужаем от бесов, бродя по монастырю и на колоколню и в келье жить боялся. И братия с ним жить не могли, и перевели ево жить одново в келью, и тамо в келии наедине конечне всего ума своего отступил и людей не почал знати. И начаша на него нападати бесовстии полцы множество сквоз стены в щели, прохождаху мышми и преобразующеся в различныя лицы: в человецы и звери и гады, и всячески стужаху ему, и малую манатеицу и лестовку унесли в поддушник, и влечаху мя за собою вон из келии, и хлеб и еству все разнесли. И аз де изыдох ис келии и прииде ко мне два святолепна старца и рекоша мне: «Возвратися, брате, в келию свою. Вся де твоя ества снесена будет». И аз де, по глаголу старцов, приидох в келию мою, и хлеб и ества стоит, яко же и преже. Бесове жем мечтаху, привождаше х келии моей коня, и глаголаше мне: «Скин де с себя иноческий чин, платье и крест, и поедем на Рус, а живешь де ты на Волагде, и мы тебе обручаем невесту». Да они же мне нелепая блядуще сказали: «Рождество Христовое ждем яко», а на другой день крещение именоваху: «Пой де стихи крещенские водныя». И потом рекоша: «Ныне де неделя мясопустная. Чти слово Поладия мниха – второе пришествие Христово ныне, исповождь ся душе». И я де стихи крещенские пел и слово Поладия мниха чел с начала и до конца наизусть, и братия то слышали многие, а потом, егда в разум прииде, и того слова наизусть ничего не помню. И в то время прииде ко мне с полудни два святолепна мниха, сказали: се бе един Зосимо, а другий Саватие, и глаголаху мне смиреным гласом: «Брате, в нашей де области живешь, наш ты еси, и стоишь ты за законы отеческия и за наше предание з братиею, за едино неразделно, а посланы де мы от Господа Бога помогать тебе. А еще будут два брата, други наши Герман и Иринарх, нашей же обители. А живем де мы близ вас, а они де, окаяннии, лукавии беси, в всем лгут тебе, не ими им веры». И после того явилися два мужа: един в святительской одежи, нарицая имя себе: «Филипп я де Соловецкия обители, a ныне живу на Москве, другому имя Герман, тое же обители». Да сказали потом: «Де будет к тебе жена и иныя други наши, и с нами де будет Елеозар, началник Анзерские пустыни, и избавим тебя от того змия, что видел ты у чюдотворцов на трапезном кресте о трех главах».

И в нынешнем во 176-м году сентября в 28 день против суботы на последнем часу нощи приидоша множество бесов в различных лицах в мечтании, показующе колесницы и кони, хотяще зле омрачити ум мой и конечне пленити душу мою и погубити мя, зваху: «Поедем де на Рус». И потом змий великий о трех главах от полудни приползше х келии, и в той час явися внезапу пред келию близ того змия прежние святолепни мужие Филипп и Зосимо и Саватие и Герман, а с ними два мниха, един нарек имя себе Иринарх, другий же Елеозар, тое же области Ванзеръские пустыни, и по них явися жена, сияя светом, во святительской одежди, на руку младенца держаще, и около предстояху ей со страхом мужие множество лицы и одеянием светли, различными лики, а инии имеюще у себе и криле простерты, и вкупе поклоняхуся ей с честию. И рече жена, иже во одежи святительской: «Филиппе, наступай на лва и змия и на скорпия!». И Филипп стал на змия и рече: «Наступаю на аспида и василиска!» И рече жена Зосиме и Саватию и Герману: «Наступайте вы на главы его лукавыя!» Они же сташа на главы его и растерзаша его. И рече жена: «Иринарше, возми лыскар и того змия в место збери. А ты, Елеозаре, возми огнь и сожги того змия в своем жилище, понеже он много зла сотворил святей обители, и сему месту хотя тако же зло сотворити и навести пакость и братиею смясти, понеже зде в твоей области прииде ему конец сь ево приведенными главами и силами». Елеозар же взя пук огня и созже ево всего. И потом виде три козла великия и страшныя. Жена же рече Зосиме и Саватию и Герману взять сия козлы страшныя: «Заколите их окаянных духов злых!». Они же взяша, велением жены, иже во святительской одежди стояще, козлы оны, заклаша их. И потом виде множество народа нагих, одеяния не имуще на себе, и посекоша древия вся. И посем аз рече жене: «Повеждь ми, госпоже, откуду еси и како имя твое нарицается?» Она же рече: «Имя мое чудно зело». «Что же, госпоже, нагия люди посекоша древия и где пребывают?». «А нагия люди и беси наги от добродетелей, а древа сия посекоша человецы злыя, взяты Быша во область бесовскую, а место сие пустыня Ванзерская, тое же области Соловецкия». «Повеждь ми, госпоже, котории ныне день?» Она же рече: «День сей субота, а на завтрее будет Христово Воскресение. Стражете вы за истинну, за сына моего – показующе: за сего младенца, и за мене, и за законы отеческия, и за предание преподобных отец Зосимы и Саватия и Германа, наразделно вы з братиею за едино, и за монастырь, и вы не убойтеся, я за вас молебница и ходатаица буду к сыну своему Христу и Богу нашему». И сия рече абие невидими Быша. И на завтрие, в день Воскресения Христова, на первом часу дни, паки прииде ко мне те же светолепни мужие, един в святительской одежди, нарицая имя себе, иноческое одеяние имуще, имя себе имянуя Зосимо, ов Саватие, ов же Герман, а ин Иринархом и ин Елиозар. И рекоша ко мне: «Страждеши ты три лета, скитаяся, не имея где главы подклонити. И ныне Господь Бог наш Исус Христос и Пречистая Его милости исцеляет тя нами робама своима». И паки невидими Быша. Болный же инок Исаия благодатия Христовою здрав бысть, ни мало болезни ощути, яко же николи же боле.

21. Аноним. Чюдо преподобных отец наших Зосима и Соватея Соловетских чюдотворцов во 177-м году июня в 14 день⁸³⁹

Воспросихом христолюбивые людие некоих дву человек о Соловетском монастыри и о Помории. Они же с великим воздыханием и со слезами поведаша, Бога свидетеля на душа своя претставляху. В нынешнем во 177-м году по обещанию поидоша в Соловетский монастырь помолитися. И егда мы достигше града Колмогор и пребыша в нем 6 недель и с прочими многими богомольцы, боле трех сот человек, и в съезждеи избе воеводе многие челобитные подавали, и прилежно докучали, и великие поминки давали, чтобы отпустил в Соловетскои монастыр. И воивода поминков у нас не приимал, токмо нам в мелицею и кнутьем угрожал. И мы, богомольцы, от двора воивотскаго некоего человека от нарочитых не во едино время призывали к себе на обед и честь ему воздавали, и вины вопрошали, чесо ради в Соловетской монастырь не пусчают. Он же поведаша нам вся бывшая подробну и глаголя от начала сице.

Егда же в прошлом году по указу великого государя присланы с Москвы со стрелетским головою и со многими оружейными стрельцами в Соловетской монастырь новоизложеныя книги, и они де, Соловетскаго монастыря старцы, того царева послальника с честию въстретили и новоизложеныя у него книги приняли, и до конца их смотрили. И просмотря те книги, посланику сказали, яко де начальнику Соловетскаго монастыря Зосима и Соватей и Гермон и Филип митрополит во обитель свою новоизложеных Никоновых книг прияти не зволиша, и нам де они по них служить не повелеша. «Аще ли ты, посланниче, сие наше слово мнитца неверно, то сотвори: новыя книги у чюдотворцов в церкви положи и крепко двери церковъныя заключити повели, и стражи своя постави. Да явлено ти о сем от Бога будет».

Посланик же по глаголу их сотвори: новыя книги в церкви у чюдотворцев положити повеле и двери церковныя твердо заключи, и крепко стрещи своим людам повеле. Во утри же день вниде в церковь и новоизложенных книг ни единыя обрете, но едва с великим трудом, вне монастыря близ воды повержены, те новыя книги обрете. И посланик де, видя сие чюдо, и писа ко царю. Царь же постави сие во лжу и посланику в нерадение полагаше, и со гневом и яростию посылаше к нему. И повеле ему к монастырю паки идти и, старцов бив и мучив, и по тем новым книгам повеле служить. И егда посланик со служивыми под монастырь их прииде, Соловетскаго монастыря старцы в монастырь их не пустиша. И посланик повеле служивым по монастырю з ружья бити, и пульки от ружья начаша летати семо и овамо, а монастыря нимало не вреждаше. А егда из монастыря встречно по них из ружья ударили, и они великим страхом одержими и прочь побегли.

Посланик же со служивыми ко царю на старцов писали силу. Царь же слышав оте и с великою яростию пославше в подмогу служивых людей, и повеле к манастырю приступати. И егда служивые строем поидоша к монастырю, и в то время всем видимо монастырь взяся к высоте на воздух. И они, царева войска люди, убояшася и невидимо гоними от страха Божия, вшять возвратися. И егда во свое место отидоша, и паки видеша монастырь на своем месте стояше. И о том видении служивые люди ко царю писаша.

Царь же о сем нимало внимаше, но яростию и гнева исполняшеся, и служивым в нерадение полагаше, и паки воем итти повелеваше, а им же смертною казнию претяше. Служивы же убояшася гнева царева и паки повеление его исполняюще, взяша вся воийская своя оружия, поидоша морем к монастырю. Десница же всесильнаго Бога защищаше, и служивым гневом претяше, и по морю семо и овамо их поношаше две недели, нигде же пристанища достигше. Они же вижде нат собою гнев Божий, приникше на покаяние и со многими слезами припадоша ко всемогущему Богу, и обещание на себе положиша к тому не ходити воем на монастырь. И тогда Божиею помощию помогоша приити к монастырю на пристаншце и у чюдотъворцов молебсвовати сподобишася. A вомонастырь их пускали по 10 человек, хлебы и рыб на 10 коп. им давали. И ныне те служивые стоят на Заетском острову, и ожидают от царя указу, а иные де, видев такое страшное дело Божие, и разбеглиса. Да от служивых на Колмогорах от многих человек, кои на бои посыланы, известно, от уст их о сем слышали, яко не ложь, но истина. Да иныя де в мори страшная от Бога чюдеса совершаютца, а говорить явъно де Божие страха ради и времени сотворить не смеют. А кои де люди в Помории жили, единяяся по пустым местом, и они разорены и движены и оттосланы к Москве. А что над ними сотворилось, про то неведомо, токмо слышали: в нынешнем году Великой пост провели с Москвы в шлку кажненого попа во окавах, а имени его не ведают. А казнь ему была, язык вырезан, и паки де дарованием Святаго Духа говорит чисто и в народе учит, повелевает к новому учению не прилагатися. Богу нашему слава ныне и присно, во веки веком. Аминь

22. Симеон Денисов, князь Мышецкий. История об отцах и страдальцах Соловецких иже за благочестие и святые церковные законы и предания в настоящее времена великодушно пострадаша⁸⁴⁰

История о отцех и страдалницех⁸⁴¹ соловецких, иже за благочестие и святыя церковныя законы и предания в настоящая времена великодушно пострадаша.

Яще убо древний творцев Омир толико тщание, толико подвизание, толикий труд показа, воеже написати Тройска града начало и жительство и разорение, воеже показати мужы исполины храбрыя, великомощныя и крепкодушныя, иже за честь отечества даже до смерти подвизашася, колико нам подобает множайшее тщание, вящший подвиг и теплейшее усердие явити ко изъявлению не града крепка и преславна, стен твердостию чюдима, столпов высотою удивляема и мужей храбрых множествсш прославляема, но монастыря свята и пречюдна, его же яко начало свято и избранно, тако жителство преподобно и боголюбезно, тако и конец богоугоден и предивен. В нем же мужи чюднаго и высокаго жития, мужи храбраго и крепкаго терпения, мужи твердаго и невлаемаго веледушия возсияша, не плотьских, ниже вещественных сопостатов, но яевещественныя, мысленныя враги храбро, и зело храбро, победившия, иже за отеческия законы, за церковное православие вдаша плещи своя на раны, хребты на ударение, уды на раздробление, телеса на муки, конечне на смерть предавшияся за безсмертную жизнь.

Елма же мнози, толико жаждущии любожелателно слышати о сем; толико понуждающии в любоснискания труд (елико о количестве святых мужей, возсиявших по временем во обители, толико и о дивнем мужестве страдавших за неприятие новостей изъявити), благоревностне потщахомся во труд собрания, не похвалу мужем чюдным (яже во устех грешных некрасна есть) соплетающе, но самыя вещи, самыя деяния отец, яже от различных списателей собрахом, яже от уст самобывших во время разорения обители в воинстве слышахом, яже от оставших соловецких отец известно научихомся, сия боголюбивых ушесем представляюще, возвещаем.

И первее убо о начале святыя обители, когда создася, каковыми ктиторами, каковыми же законы, каковыми предании благочиний оградися, таже и о живущих в ней отцех, каковыя святости, елико высокаго жития, якова чюднаго воздержания бяху, наконец о великодушии страдания, ревности благочестия, крепости терпения блаженных отец, во время разорения бывших и крови своя за благочестие пролиявших, в сем собрании предлагаем, да от корене древо и от сего ветви, от ветвей же плоды удобнейше объявятся, и неведящии, слышавше, удивятся, ведящии же памятию обновятся и добраго усердия плод обще объимут, корысть послушания в небе восприимут.

Монастырь Соловецкий есть киновия, си есть общежительство, собранный от стекшихся иноков во единоименное и единотрапезное, паче же единомысленное, спасителное пребывание, согражденный вне мирских жилищ во едином от морских отоков, Соловки именуемом, от него же и Соловецкий нарицатися прият. Начало жития во отоце преподобный отец Саватий произведе в лето 6928 (1420), при благочестивем князе Василии Василиевиче и многа лета уединенным житием спасително безмолствова. По преставлении же онаго преподобный отец Зосима обнови жительство отока, и кинов возгради, и братию собра, чины и уставы, и предания церковная и отеческая к назданию душ человеческих предав, спасителное наследие учеником остави.

И якоже о местоположении каковства киновии и количества отстояния вселенныя, тако о веществе здания и згромаждения, тако о виде благолепотства и украшения, и твердости монастыря оставляю писати, яже не токмо росианом, самовидением присно уверяема, но и вселенныя историографом и гиографом, на западе и востоце пребывающим, сия весма известна и во описании суть.

Толико же вседобрыми законы и пресветлым благочестием просия, толико благочинием и преданием уставов украсися, яко посреде российских монастырей светитися, яко луне посреде звезд. Ибо ученицы преподобнаго тако сохраняху благочестие неповредно, законы незыблемы, предание неущербно, яко изначала прияша, тако от преподобнаго отца научишася, ничтоже претворяюще или привносяще. И толь твердо сохраниша, яко во время искушения и кровми сие запечатлеша, еже грядущее явит слово.

Жителие же отока, си есть ученицы преподобных отец, умножишася зело, яко семя Авраамле. Их же число до пятих сот и вящше восхождаше, кроме белцев и искушающихся, множае сущих. От благаго бо корене, потов молитвенных богоносною Зосимы и Саватия отцу, благий сад и многоплоден собрания израсте, добрыя ветви, святыя мужи, издаде, не токмо цветами добродетелей видимо красящихся, но и плодами благодати Божия и царствия небеснаго наследием обогатившыяся. Якови Быша по преставлении святых прежде Иоанн и Василий-пономарь, по смерти своей вкупе с преподобными людем чюдесне являющейся. Таже Иоанн и Логин, бывшая киновии служебника, ныне же новоявленная яренская чюдотворца; Филипп святый, вторый киновии многотщателный ктитор и всероссийский чюдотворец и архиерей; Иаков, игумен и многотрудный чюднаго стеноздания соградитель; преподобный Иринарх, игумен и дивный пустынножитель; преподобный Диодор, трудник и общежитель Соловецкия киновии, таже и пустынножитель и отшелник чюдный, иже послежде Юрьегорский возградивый монастырь и в нем от здешних к Богу свято переселивыйся; преподобный и дивный пустынножитель Андрей, бывый трудник соловецкий, иже, пятдесят и осмь лет пустынноуединением Господеви работав, вышеестественныя благодати сподобися. К сим и прочии безчисленнии общежители, велицыи постницы и пустыннии безмолвницы Соловецкаго отока, яко пресветлыя звезды просияша, о них же книга жития преподобною отцу, и житие Филиппа митрополита, и житие преподобнаго Диодора, началника Юрьегорскаго, являют.

В конечная же времена израстьшия отрасли соловецкаго чюдотворцев сада –преподобный и духоносный Елеазар чюдотворец, Анзерский соградивый скит. И жителство в нем составив, иже чистаго ради жития пророческими даровании обогатися: о Никоне бо патриарсе и началовводителе новостей в послушании у него пребывающим прорече, яко великое зло Росия себе сего израсти. Виде бо святый единою, служащу литоргию Никону, яко достовернии анзерожителие рекоша, змия черна и зело велика около выи его оплетшася. И велми ужасеся, оттогда возненавидев его, сотвори ему бежати.

Илия, святый игумен и первый архимандрит, муж великаго воздержания, иже толикое воздержание стяжа, яко един хлеб с водою ядяше, да не познан будет не ядый варения, воду теплую за трапезою ядяше.

Иоанн юродивый, в человечестем буйстве небесною мудростию обогативыйся, иже, смерти своея день предведый, ходя во обители по многи дни, гласом велиим зваше: «Кто ми будет спутник до Иеросалима?» И никто же глаголемых разумети можаше. В вечер же конечныя нощи прииде к единому от усмарей⁸⁴², его же друга себе имяше, глаголя: «Друже, гряди со мною до Филиппова кладязя, яко дивну вещь имам ти явити». Оному же глубоконощием отрицающуся, во утрие ити обещавщуся, отиде. Утру же бывшу, усмарь, не видев онаго, тек к Филиппову кладязю, обрете того о Господе скончавшася и всем поведа. Тогда разумеша вси, яко в небесный Иеросалим блаженный спутьника себе зваше.

Гурий, блаженный инок, иже благоюродством жития великих чюдодеяний изводитель показася, иже в хлебнице жительствуя, и в хлебопекарную пещь по извлачении хлебов в нестерпимый зной вхождаше и, устие затворив пещи, яко в прохладе некоем стояше, поклоны и молитвы Богови приношая. Сей о приезде Никона патриарха по мощи святаго Филиппа напред прорече. Сей блаженный отцу Игнатию, идеже среташе, присно глаголаше: «Игнатие, изыди от монастыря сего, ибо свой монастырь, равный, собереши». Кое слово блаженнаго послежде дело явися, егда Игнатий в Пальеостровстем монастыре за благочестие со двема тысящама и седмистами народа от нашедших воинов огнем скончася.

Иоанн, нарицаемый Похабный, иже блаженным похабством благодати предзрети будущая отодобися. Сей, в Соловецтей киновии пребывая, еще миру сущу глубоку, ходя во обители, вопияше: «Бежим отсюду, яко иноземцы грядут ко обители». И некоему от мореплавателей, приехавшу во обитель, Амосу именем, моляшеся взяти с собою на брег. Тому же вопрошающу – «Почто?», рече, яко иноземцы будут разоряти обитель. Взяв же его на ладию и особь воспросив блаженнаго о сем, услыша, яко царево воиньство приидет и разорит обитель и обычаи и законы монастырския изменятся. На брег же приехав, живяше в весех примория, Калгалакши и прочих. Некогда ходящу ему и обычне юродствующу, муж пияный от ту сущих, дияволом наущен, наскочи на блаженнаго, ударив о землю, би его даже до полуумертвия. Иоанн же, мало полежав, воста и, возрев на убийцу, рече ему: «Кий прибыток получил еси? Се вскоре от псов растерзан будеши и ниже следа костей твоих обрящется». Слово блаженнаго дело абие бывает: помале бо грядущу тому в весь некую, нападше на него пси, всего растерзаша и ниже костей его оставиша по глаголу блаженнаго. И понеже во всех странах Помория хождаше, даже и до града Архаггелскаго, и древлецерковныя благочестия уставы гласом свободным возвещаше, ят бысть и свезен на Кодмогоры. И по многих истязаниих, по различных мучениях и ранах непреложное нрава блаженнаго разумевше мучители, даша ответ на сожжение. Ведому убо блаженному на смерть, весь народ стечеся на позор, яко и самому воеводе приехати, имущу на руках младенищнаго детища. И егда в сруб спустиша его, ста, на восток моляшеся. Объявшу же огню сруб и опалившу страдалца, паде на землю, тогда младенец воеводы возопи, перстом указуя: «Отче, отче, се Иоанн на высоту пойде, се на небо восходит». Сия от народа мнози близостоящии слышавше, прославиша Бога, маловременными мучения скорбми на вечную небесе славу Своя рабы возводяща.

Подвижницы же и молитвенницы яко во отходней пустыни отока, тако и во обители зело велицы Быша, живуще не токмо исперва, но и пред самем временем искушения. Таков бяше брат оный, иже скончеваяся отцу духовному исповеда, яко келейнаго правила впредь на тридесятолетное время наполни. Таков бяше брат оный, его же ногам от многостояния опухшим, ниже мало радяше. По случаю же некогда идый на пение, сапогу его прогрязшу сквозе мост, извлек ногу, обрете сапог полн крове; извлек сапог и, вложив в него ногу, паки на пение с радостию, аки ничтоже пострадав течаше.

Мнози в них и святых писаний опаснии ведателие. Мнози и в разсуждениях благоискуснии смотрители Быша. И толико мнози, яко обители оныя правлению своими настоятельми довлеющии. И не токмо обители, но и на высочайшия архиерейския престолы отцы соловецтии избираеми бяху. Мнози и словесныя мудрости наказания причастницы от сочиненых ими повестей показуются. От сих есть и Герасим Фирсов, муж доволнаго учения, иже во время Никона патриарха новопреданий слово о крестном знамении, еже на лицах, сочинив, добрейшее мудрости своея изображение по себе остави. От сего вышеозначенный Игнатий мудрости воду, яко губа, почерпе, иже вся олонецкия и каргополския страны в православия догматех стояти утверди и непроходимыя пустынныя дебри благочестивыми насади жительми.

Таково бяше преподобных отец саждение, таковый многоблагоплодный сад, таковое благорасленное древо, при водах Божиих законов насажденное. Темже и лист его во время великобурнаго искушения не отпаде, но зрелыя плоды и целы благосадителю воспослашася. Како же воспослашася, послушайте.

Егда убо древлепрореченное время приспеваше, абие Никон в патриаршеския дворы вхождаше. Тогда пророчество вышеявленнаго Елеазара сбывашеся, яко Никон патриаршескими одеждами облагается, иже, прием высочайший престол, великаго смущения и мятежа церковь, великих озлоблений и бед люди, великаго ягруса и колебания всю Россию исполни. Непоколебимыя церковныя пределы поколебав, недвижныя благочестия уставы предвигнув, соборныя святых отец клятвы прерва и яже в сокровищи сердца новостей посеяния возиме, сия в церковь непреподобне внести умысли: еже треми знаменатися перстами, еже пятьми благословляти, еже крестом двочастным просфиры печатати, еже аллилуия трегубити во псалмоглаголании, еже пять просфир в проскомидии имети, еже коленопреклонений во святыя посты в церкви не творити, еже на коленах стоящим в прежеосвященней и вечер 50-й молитися и прочая безчисленная чинов же и уставов пременения.

Увещав царя и сигклит и собра вся архиереи на собор, овыя ласканием, овыя царским страхом к своему намерению привлече. Непокорившихся же, узами, темницами, ранами и заточеньми озлоби и горчайшими смертьми настоящаго жития лиши. И повеле печатати книги с вышеозначенными нововнесении и тыя всюду по странам Российския державы разсылати и всякую службу молитвословия по оным совершати. Коим повсюду разсылаемым, во вся митрояолия, грады, страны, монастыри, села и веси, и во всех парахиях каждому священников раздаваемым, никто же обретеся противу стоящ, никто же оныя новшества возражающ, ни един от великих монастырей и градов мало постоя, страху царскаго указа вся поколеблющу, кроме Павла, добляго епископа Коломенскаго, и великоревностнаго протопопа Аввакума, в самое первособория время сия возразивших, и прочих малых. Но вси книги новопечатныя, и не хотяще, прияша и службы, по оным новодействующе, совершаху.

Дошедшим же царским и патриаршим писменом и в Соловецкую преподобных отец обитель, вкупе и с новопечатными книгами, отцы оныя вси совет сотворше, не хотеша сих отнюдь прияти, но ответ посланным давши – вспять возвратити. Предзнаменаный же Илия архимандрит, муж добраго разсуждения, рече к ним: «Отцы и братие, совет мой благоугоден вам да будет! Книги, посланныя от патриарха, приимем, воеже небезсловесно гнев на ся воспалити. Разсмотривше же оных несогласие и противность к Божиим законом, вину благословну возимем стояния нашего». Советом же архимандрита приявше оныя, дадоша ведущим разсмотряти новины, никако же по них службы совершающе.

Архимандриту же Илии от вещественных к невещественным отшедшу, вместо его поставлен бысть архимандрит Варфоломей. И понеже Соловецкаго монастыря слава елико о общежительных преданиих, толико и о церковных благочестия уставех опасном хранении во вся российския концы пролеташе и многим отвсюду иноком же и миряном стекающимся во обитель, Никанор, архимандрит Савина монастыря, желанием безмолвнаго отишия объят бысть, муж сый духовнаго разсуждения и духовник царев, в монастырь прииде и взнакама рукама прият быв, со отцы прочее ту живяше.

Слуху же о твердости благочестия отец соловецких простирающуся, дойде и до патриаршаго наместника и прочих архиереов, по Никоне защищение новин на ся приимших. Сии же, языки поостривше неправедно на праведныя, подходять царя, клевещут на преподобныя, возжигают гнев, воспаляют ярость самодержца. И посылает указ, еже взяти архимандрита соловецкаго к Москве.

Отцы же соловецтии, совет общесоборне сотворше, написаша к царю молителное прошение, в нем же моляху самодержца, да ослабит им по отеческим уставом во отечестем стяжании жити. Во утверждение пишемых привождаху свидетельства яко старопечатных московских и белороссийских книг, тако старописменных и харатейных, тако сербских и острозских. Привождаху тако святых российских архиереов, соборне и особне писанием своеручно тая утверждавших, яко греческих святых учителей, сия засвидетелствовавших. Привождаху преподобных чюдотворцев сице соловецких, якоже и прочих российских, во своих обителех тажде и согласная предавших и непременно хранити повелевших. Привождаху повсемственный российския церкве благолепный и неизменный обычай, яко от грек при Владимире прияся, тако до настоящаго времени непоколебимо соблюдеся, еже и от святых образов греческаго живописателства объявляется. Тыя недвижимыя уставы, непременныя святых обычаи моляху, просяху, увещеваху самодержца, да подаст им неизменно хранити. Новоуставленных же Никоном преданий, извещеваху пред Богом, яко никогда же смеют прияти, заеже не подпасти под отеческия клятвы. Аще и гнев царев зелно разжжется на ня, готови не токмо нужды и скорби радостне терпети, но и кроволиянием и главоположением своим святых отец печатлети уставы.

С сицевым молитвенным⁸⁴³ прошением, с таковою челобитною послаша к царю соборнаго старца Александра Стукалова. Еще же умолиша Никанора архимандрита, духовника царева, с Варфоломеем, архимандритом соловецким, ехати к Москве, воеже утолити гнев царский, воспаленный на обитель, и упросити жителем ея в древлецерковных уставех стояти, иже и обещася всеревностно о благочестии трудитися.

Приехавшима же архимандритома к Москве и к самодержцу представшима, егда и соловецких инок прошение государю подадеся, иже прочет, ниже прия его, ниже ослабити восхоте отцем по древлецерковным уставом жити. Архимандрит Никанор, аще и много царя увещеваше о навращении на древнее благочестие, паче же о Соловецтей обители, обаче ничтоже успеваше, но гнев царев наипаче распалашеся. Тогда и вселенским патриархом к Москве прибывшим, и собору архиереов собрану, царь представи Никанора патриархом и собору и многими ласканьми, и увещаньми, и страхом понуди покоритися воли их. И клобук греческий рогатый на главу ему возложиша.

По сем царь и патриарх посласта в Соловецкий монастырь три архимандрита, Варфоломея, Иосифа и Никанора (по прошению его, воеже увещати соловецкия отцы к покорению патриарха и приятию новопечатных книг). Варфоломея убо – монастырь отдати архимандриту новопоставленному Иосифу, преждебывшему строителю соловецкому, иже на Москве. Никанор же испросився увещати отцы соловецкия, вещию же самою – к покаянию обратитися за преступление.

И егда архимандрити приехаша в киновию, отцы соловецтии сретоша я честно, яко подобает. И вину уведавше, чесого ради приехаша, си есть увещания к приятию новопечатных книг, всесоборне оным отказавше, умрети желательно извествующе, неже изменити отеческих преданий, отслаша я безделны.

Никанор же елико к преступлению яко человек, ослабев, низведеся, толико теплейше на покаяние навратився, притече. Толикое смиренное прощение отцем киновии принес, паки с любовию прияся.

Сим тако бывшим, и архимандритома к пославшим возвратившимся, и Никанору в киновии оставшу, прииде от царя указ в киновию, Никанора зовущ к Москве, но соловецтии отцы, яко же он не восхоте ехати, так и сии посланному его не выдаша.

Сами же между собою всесоборне советовавше, послаша к Москве соборнаго старца, предпомянутаго Герасима Фирсова, мужа яко святых писаний, тако и в внешнем наказании зело искусна суща. Послаша мужа таковаго молити и увещавати самодержца, да ослабит стяжанию преподобных отец во предании их неизменне жити и скончатися. Его же власти духовнии до самодержца не допустиша, но на пути, яко известнии глаголют, яко и Филиппа, задушиша и прежде царя земнаго к Небесному отслаша, за Его же церковь толикий и таковый подвиг даже до смерти показа.

Царь же, от патриарха и прочих увещанный, не ослабляше иноком соловецким во древних уставоположениих жити. Тем и часто посылаше некия от духовных властей, воеже преклонити я покоритися того воли, иже, приезжающе, различне оныя увещаваху, молением, ласканием и прещением убеждаху прияти новыя книги. Мнози же и от новоградскаго митрополита посылахуся на увещание Соловецкия киновии отец. Но тии тверди в древлецерковнем благочестии, яко адаманти, стояху, к преждеявленным увествованием, яко столпи к ветру, обретошася. Тако делом восхотеша исполнити, якоже словом самодержцу в прошении назнаменаша – лучше возжелаша смерть о благочестии вкусити, неже что от новопреданий прияти.

Елма же иже мнимии духовнии, духа кротости не имущии, иже освященныя руки кровьми неповинных осквернити желающии, гнев самодержца возбудиша и, зело возжегше, на ярость подвигоша, еже мучителными руками место святое озлобити. Он же посла воеводу Игнатия Волохова со единым стом воинов вооруженных в киновию Соловецкую, да страхом оружия всех подклонит воли царя и патриарха и предзнаменаннаго Иосифа архимандрита на свою степень возведет.

Отсюду отцем соловецким подвиг наірижнения, и великаго натрижнения, наста. И едино от двоих предлагаемо бе: или покоршимся новоуставленным преданиям привременныя сладости житие, или стоящим во древлецерковнем благочестаи смерть горчайшая обетовашеся. Тем и собирают вся, яже во обители, аще иноки, аще бельцы, в соборную келию, предлагающе им царев гнев и посланнаго воинства прибытие на разорение киновии. Советуют крепкодушным мужем, желающим настоящия смерти горестию будущих святым сладостей получити, во обители пребьгоати; советуют немощным и страшливым сердцам к брани и желающим остатися на брег морской отъехати. Сему совету во уши всех братии возвестившуся, малии нецыи от инок и белец на брег изыти восхотеша, прочии же вси уготовишася на смерть за древлецерковныя законы, их же число до тысящи и пятих сот восхождаше.

Приехавшему же воеводе Волохову ответствоваша, яко аще и тмами лютая постраждут, обаче древняго благочестия законов отврещися не могут. И тако затворишася в монастыре в лето 7178 (1670).

Воевода же оный с воинством стояху под монастырем четыре кругообращения, весною под монастырь приезжающе, чрез все лето во острове Заяцком пребываху, различная озлобления киновии творяще, во есень же паки на брег в Сумский острог возвращахуся, велие утеснение и нужду, велие насилие и скорбь монастырю творяху. Отсюду не токмо из монастыря исходити не дающе, но и многи служебныя старцы и слуги хватати воином воевода приказа и, различно мучив, смерти предаяше. Яко и блаженнаго онаго Иоанна Захариева, бывшаго писаря соловецкаго, таже пустынножителя и ученика дивнаго отца Пимена, зелными мучении озлобив, смерти предаде. Коего страдание бе сице.

Некий поселянин о живущих в пустыни христианех донесе воеводе. Воевода же в пустыню на взыскание посла. Воини же, шедше, обретоша отца Пимина, и ученика его Григория, и сего блаженнаго Иоанна. И связавше, приведоша я к воеводе в Сумский острог. И яко приведоша, воевода прежде увещанием и многим ласканием, обещанием честей и богатств, таже грожением и прещением мучений оныя от высоты благочестия низвести потщався. Ничтоже успе и ниже вмале возмог твердости ума их поколебати, разгневався, повеле посадити в темницу, в ней же пребыша годищное время, дручими гладом, и жаждею, и прочими темничными озлобленми.

Во оно же время и славнии в терпении страдания старцы Сила, Алексий в Кандалашстем монастыре заточение за древлецерковное благочестие терпяху. К ним же вся страна Помория стицахуся о благочестии вопрошениих. К сим и блаженный Иоанн от темницы послание посылает, в коем древняго благочестия уставы похваляет, новопреданная же уставления укаряет. Сие послание егда, погрешением носящаго оброненное, найдеся и донесено бысть в руце воеводы, еже прочет, зело разгневася и от самодержца чрез писание власть прием муками его истязати. Киих умышлений на нем не показоваше, киих прегорчайших мучений на того хребте не коваше! Прежде бо в пьщке тряскою руце его сломи, таже бичем тело его зело израни, по сем израненное оно тело на огнь бросив, яко камень, жещи повеле. И ниже тако умилосердися, но и от сожженнаго толико тела ребра клещами разжеными извлачити повеле. И ниже, зде насытився, ослаби, но и главы его остриг темя, воду студенейшую на не мног час лити повеле. Страдалец же, яко страдалец, чрез два нощеденьства, неослабными мучении напрягаем, страдальчески вся и добльственно и богоблагодарно терпяше. Конечно мучай, видев свое изнеможение, повеле честную главу страдалца мечем посещи, в суботу по Пятидесятнице в небесное суботство страстотерпца главоусечением препослав. И ниже на мертвое тело блаженнаго, немилостивый, умилосердися: егда бо боголюбивии⁸⁴⁴ гроб ему соделаша, погребалная уготоваша, пенязи⁸⁴⁵ собраша и икону Богоматере принесоша, воином вся сия ограбити повеле, страдальца же тело рогозом обвивше и в землю честнаго безчестно закопавше, погребоша.

Се первый плод и добрейший, или истее рещи, грозд сладчайший соловецкаго преподобных отец всесвятейшаго винограда, в точиле мучений изгнетшся, на божественнейшую вечерю ко всех Царю и Богу принесеся.

Отца же Пимина егда воевода на испытание мучений привести повеле воином и егда совлекоша его, виде вериги тяжки на телеси его. Устыдевся сих мучитель, Богу тако изволившу, повеле паки в темницу всадити. И многое время седевша со учеником, отпущена быста паки в пустыню преподобника.

Немного преиде по смерти предъявленнаго страдалца, от изшедших Соловецкаго монастыря отцев Димитрий и Тихон, с нима же и белец Иов, пойманы бывше и во мрачнейшей темнице затворени, гладом, жаждею, студению, наготою, веригами, узами и прочими различными озлоблении удручени, к светлости будущаго царствия преселишася и близ онаго погребена Быша.

Но отнуду же изшедше, слово паки, си есть к повести о Соловецтей обители возвратим.

Воевода оный Волохов, три или четыри неполная годиг

ная времена пребыв в Сумстем острозе, наездами летодневными святую озлобляя обитель и ничтоже успев, царским указом к царствующему граду Москве взят бысть. Вместо же онаго от самодержца послан бысть полковник с тысящею воинов, еже разорити святую киновию. Ему же имя Климент Иовлев, человек лютый и немилостивый, иже, пришед ко обители, зельнейшую тесноту, горчайшую нужду, множайшия пакости святому месту сотвори. Кони бо и волы монастырския, яже имеяху на острове на вожение древес и прочих братских нужд во дворе, на то устроеннем, вся, загнав во двор, вся без остатка сожже, вкупе и с келиею. К сим и келии служебныя окрест обители, яже на острове создани бяху во упокоение труждающихся служебников, тако и ловецкия келии и хитрости, сети, и мрежие, и неводы со орудиами их, вся неблагий он безчеловечно сожже.

Но и мзду за сие от Бога немедленно прия: поражен бысть язвою согнития и червей воскипением и в сих болезненно страдаша. Тем и указом царским взяся к Москве и тамо злый зле погибе, в той язве и живота лишися. Под монастырем стояв два года.

Сему убо зле скончавшуся, в него место царевым повелением послан бысть Иоанн Мещеринов, лютейший мучитель, и с ним воинов тысяща триста, иже пришед под киновию со многими стеннобитными хитростьми, всяку кознь, всяко умышление к разорению киновии чрез два лета показа, в летнее время стоя, к зиме же отьезжая на брег, но ничтоже успе. Сущии же во обители отцы, видяще себе таковыми напастьми окружены, видяще самодержца от архиереов на гнев ярости весьма воспалена, помощи и милости человеческия весма отчаявшеся, к единому Владыце всех и Богу прибегаху, к Пречистей Владычице и Богородице прибегаху, к преподобным отцем Зосиме и Саватию прибегаху, с горкими слезами и воплем помощи и заступления просяху. К ратным же толико противустояху, воеже не дати дерзновения внити во ограду монастыря. Болше же молитвами, и слезами, и дненощными богостоянии противу вооружахуся и молитвенными противу стреляху стрелами. И по два молебна на коеждо нощеденьствие пети уложиша, яко да Господь Бог, о них умилосердився, благоволит не предати в руки ратных, но Своими щедротами незаблудное спасение просящим устроит.

Премилостивый же Господь, близ всем призывающим й воистину, посла на ня мор великий, знамениями язв являемый прежде триех или четырех дней смерти, в не же время язвеннии во иночество постригахуся, и святую схиму приимаху, и покаянием души своя очищаху, и на путника святое тело и кровь Христа Бога приемлюще, ко Господу отхождаху. И таковыми язвами, таковою христианскою смертию мнози скончавшеся, яко до седмих сот преставишася.

Предреченный же воевода Мещеринов и вои его, окрест святыя обители стояще, стреляюще во обитель, не почиваху, овогда ис пушек, овогда ис пищалей. Но молитвам преподобных отец ограждающим обитель, ратнии ничтоже успеваху, аще и много труждахуся. И некогда направивше пушку (о, дерзости безумныя!) во олтарь соборныя церкве, стрелиша. И летев ядро оно, улучи во окно, удари (о, Твоего терпения, Христе!) во образ Всемилостиваго Спаса, иже во олтаре стояше. До толика беззакония безумная дерзость занесе!

И понеже два лета воинство, ко обители приезжающе, всякими хитростьми, всякими градоемствы козньствующе, озлобити оныя не возмогоша, в третие лето воевода повеле всему воинству на острове озимети, конечную тесноту киновии отцем содела. Различная градоемная орудия на разорение обители уготовав, повеле хитрецем три великия гранатныя пушки от древа соделати, по множеству порохоначиненных железных ядр вмещающия.

Ова бо из них 160 ядр, ова же 260, ова же 360 ядр вмещающе беша. Соделанным же оным, приказа начиненныя толичеством ядр на обитель пущати, удобно вознепщевав сими яже во обители строения и живущия в них испалив, развеяти, яко же бо летяще, огня палежем приближающияся опаляху, тако разрываеми, чрепами безмилостивно сокрушаху и смерти предаяху.

Но елико тии яростными устремлении на разорение святаго подвизахуся места, толико Божие милосердие преподобною чюдотворцу молитвами покрываше обитель, суетна тех показуя ухищрения. Егда бо пустиша стрелбою первую начиненную кознь на обитель, погрешивше надежды, ничтоже успеша. Возшедши бо на высоту пущение и не дошедши обители, у стен градных разорвася. По сем пустиша второе, преизлише наполнивше порохом, но и тое, распалыыися зело и огнем лютости и скоростию духа устремльшися, прелетевши обительская здания, на пустыни разорвася, ниже малыя пакости обители содела. Таже третию многосочиненную кознь, имущю 360 ядр, рече воевода стрелбою пустити на обитель. И егда испущени взыдоша на высоту воздуха, елико презелным стремлением, толико необычным шумением, яко враны стадом паряще, и на выcome оной над самую возлетеша Вседержителя церковь, скрежетанием шума зрящия ужасающе, клокотанием же огня и жупела видящих колеблюще сердца и последними злыми святому претяще месту. Егда же от высокаго шумнаго⁸⁴⁶ летения обратиша прямо низшествие и егда близ Быша святых крестов, иже на соборней церкви, тако⁸⁴⁷ (о, Твоего милосердия, Христе!), внезапу яко дух некий дхну от церкве и расточи онех стремление, яко неким женоми, тако от церкве растекошася и разметашася вне монастыря окрест оградныя стены, обители никоего же повреждения или досады сотвориша. Точию три ядра посреде монастыря падоша, едино – у хлеботворныя келии, второе – во ином месте, третие – у самыя гробницы или часовни преподобнаго чюдотворца Германа.

Внегда же ядро оное еже у гробницы Германовы разорвася, во оно время в церкви преподобною чюдотворцу свещевжигателный старец бяше, моляся преподобныма о заступлении нашедших злых, виде очезрително старца святолепна в церковь вшедша, возрастом мала, иже, приступль к священныма ковчегома, возопи: «Братие Зосимо и Саватие, востаните, идем к праведному судии, Христу Богу, суда праведна на обидящия ны просити, котории нам покоя и в земли дати не терпят!» И абие преподобная, воставша в раках своих, седоста, глаголюща: «Брате Германе, иди и почивай прочее, уже отмщение обидящим ны посылается». И паки возлегша, успоста. И пришедый святолепный старец невиЭмм бысть. Тогда разуме старец: яко святолепный он приходяй преподобный Герман бе, прослави Бога и преподобных чюдотворцев милостивое призрение и, шед ко отцем киновии, поведа видение. Они же слышанным дивишася. И вшедше в церковь, возслаша с теплыми слезами молебная благодарствия Господеви и преподобным чюдотворцем, тако милостивно о своей обители прилежащим.

Елма же от стреляния пушек и пищалей ниже злобы киновии, ниже трудности каковыя сотвориша, ино козньствование хитрости воевода умысли. Повеле окрест монастыря рвы копати и градки строити. Воини, повеленная тщателно творяще, окрест монастыря хождаху. Тогда некий белец и служитель соловецкий, именем Димитрий, от высоты забрал и столпов оградных к ним вопияше: «Почто много, о любезнии, труждаетеся и толикия подвиги и поты туне и всуе проливаете, приступающе ко стенам града, зане и пославый вы государь царь, косою смертною посекаяся, света сего отходит». Слышащии же юродство и ругание вменяху быти слово, еже послежде действителне сбывгиееся показася истинно.

И егда рвы ископаша, воинство все по рвам хождаше, ибо бяху градки высотою со стену градовую. К сим башни высокия сотвориша и подкопы многия подведоша и пороху множество закатиша. И в 23 декабря приступ велик воини сотвориша, и лествицы к стене приставиша, и всем воинством на взятие приступиша.

Сущии же во обители отцы, в соборную церковь стекшеся, слезами и молитвами от Бога помощи и от преподобною чюдотворцу заступления прошаху. А иже на стене града стражие и слуги противу ратным стояще, подобающая творяще, на стену взыти не дадяху и, охрабрившеся, лествицы оных сокрушиша и самое воинство от обители далече отгнаша. О сих Богу и Владыце и преподобным чюдотворцем всерадостное благодарение воздаша, сохраньшим обитель невреждену.

Видев воевода, яко ничтоже, киновию ратующе, успевают, яко ниже козньми, ниже хитростьми и умышлении каковыми, ниже стреляньми, наконец, ниже приступами, потщавшеся киновию взяти, возмогоша, но безделни и посрамлени вспять отхождаху, отлагает прочее надежду о киновии, отчаявается о взятии, облагается безнадежием весма о стоянии за невозможное взятия толикую крепость имеющаго града и, что действовати прочее, недоумеется.

Но понеже случается домом великим от домашних развращатися, случается и исполином храбрым от приближенных умерщвятися, случается градом крепким и непреоборимым от своих соплеменник предаватися, и зде о киновии тожде сострояется. Мних некий во обители, Феоктист имянем, нощию от обители чрез стену изшед, к ратным прииде, и якоже остави обещание свое и отеческую обитель, оставляет и древлецерковное благочестие, лобызает Никоново новопредание и не токмо себе и единей души своей неполезная и злая ходатайствует, но Июдине злобе ревнует, о предании обители смышляя. И яко Енея и Антенор трояном, тако лукавый Феоктист своей обители (аще и не равным образом) бывает.

Бяше во обители пролаз из сушилныя полаты сквозе градовую стену, киим прежде воду во оную полату носиша. И вначале, егда затворяхуся во обители, оную скважню плинфами, но не зело крепко, заделаша. Сию дверь ведый, оный предатель Феоктист, приступль к воеводе, просит воинов воеже смотрити тоя скважни и, времене подобна, обещает предати кроме труда обитель. Воевода же даде ему 50 воинов на совершение дела. И хождаше мних со оными нощьми многое время ко оному пролазу, глаголют же, яко от Рожества Христова даже до 29 генваря по вся нощи к месту оному хождаше и не можаше обрести времене потребна за тишину и прозрачное нощей. Егда же прииде день вселенския суботы, всемирнаго православных християн поминания, восхоте Господь чрез нужду страдания и Своя рабы в вечное прияти упокоение. В вечер пятка, си есть генваря в 28, буря воздвижеся зело велика и мраз велий со снегом на обитель восхождаше. В нощь ону единому от сотников, Логину именем, ему же от начальствующих киновиею поручено бяше хранение града и стерегущих на караулах дозирание, спящу во своей келии, пришед некто, возбуди, глаголя: «Логине, востани, что спиши, яко воинство ратных под стеною, во град будут скоро!» Воспрянув же той, никого виде и прекрестився, паки возлег, успе. Второе муж приступив, глаголя: «Логине, востани, что беспечално спиши, се воинство ратник во град входит!» Возбнув же и прекрестився, размышляше, что хощет сие быти, что виденная являют, еда приснение некое соблажняющее есть. Ведяще бо стражи хранящия стражбу опасно, и возлег, паки успе. Приступив третие явивыйся, возбуди его и поношаше, глаголя: «Логине, востани, воинство ратующих уже во град вниде!» Воспрянув же трепетен, тече скоро к стрегущим. И видев бодро стрежение творящыя и от ратных никакова же слыша нападения, вшед ко отцем киновии, возбудив и поведа трикратное явление, еже слышавше, трепетни бывше, возбудиша всю братию, воеже принести к Богу молебное пение, бяше бо полунощие. И собравшеся в церковь, Господу Богу и Богородице Владычице и преподобныма чюдотворцема молебны с теплыними слезами сотвориша, послежде и полунощницу и утреню по чину отпеша. И понеже еще тме велице сущи и утру глубоку одержащу, разыдошася по келиям.

В последний же час нощи, зари уже заводящейся, егда стражие от караул изыдоша в келию на покой, втории же на пременение начаша уготовлятися во дневнее стрежение, тогда предреченный предатель с воины, обретше время, плинфы из окна ломами железными выбивше, един по единому вхождаху в ону полату, дóндеже и вся наполнися. И шедше, разломиша замки и врата града отверзше, воинство пустиша ратных во обитель.

Стражие же, услышавше шум и говор на стене, вскочиша и видеша воинство, просыпавшееся по стенам и во вратах града, и ужасошася, ничтоже могуще, ничтоже ведуще сотворити. Мужественнии же из них, Стефан, Антоний и с прочими тридесятми изшедше ко вратом на сретение, яко мужи, мужественне смертную чашу за отеческия законы испиша, во вратех Святых от воинов посечени Быша.

Отцы же киновии и прочии слуги и трудницы, услышавше, пачеже узревше нечаянно новосодеянную плачевную вещь, разбегшеся, во своя келии затворишася, еже услышав воевода не сме долго во обитель внити, но посылаше начальники воинов молити и увещевати иноки, да, ничтоже боящеся, изыдут ис келий, никоего же им озлобления сотворити обещаяся и клятвою крепкою свое обещание печатствова. Отцы же веру емше лису тому, собравшеся, изыдоша во сретение с честными кресты и святыми иконами. Сей же, забыв обещание, преступи и клятву: повеле воином иконы и кресты отъяти, иноки же вся и бельцы за караул по келиям розвести. Сам в стан свой возвратився, приказа Самоила, мужа добля и крепка и сотника, перваго привести к себе.

Сему же приведену, рече к нему: «Почто противился еси самодержцу и воинство посланное отбивал еси от ограды?» Той мужествено противу отвеща: «Не самодержцу аз противихся, но за отеческое благочестие и за святую обитель мужествовах и хотящмх разорити преподобных отец поты не пущах во ограду». Разъяриеся к сим Мещеринов, повеле воином мужественнаго Самоила пястницами крепко бити. И толико биша онаго, дóндеже на оных биениях честную душю свою в руце Богу предаде. Умерша же приказа изнесшим в ров бросити.

И сему бывшу, призвати повеле архимандрита Никанора, иже от старости и трудов молитвопредстояния многолетных ногама ходити не можаше, но на малых саночках посланнии, вземше, привезоша. Воевода, взем его пред себя, глаголя со гневом: «Рцы ми, Никаноре, чесо ради противился еси государю, чесо ради, обещався увещати прочыя, не токмо преступил обет, но и сам с ними на сопротивление цареви совещался еси? Чесо ради воинства во обитель не пустисте и хотящыя ити оружием отбивасте?» На сия священный старец отвеща: «Самодержавному государю ниже противляхомся, ниже противлятися помышляхом когда, зане научихомся от отец к царем чествование паче всего являти, научихомся от апостола Бога боятися и царя почитати, научихомся от Самого Христа воздавати кесареви кесарева, а Божия Богови. И понеже Божиих неизменных законов, апостольских и отеческих преданий посреде вселенныя живущим соблюдати не попущають нововнесенныя уставы и новшества патриарха Никона, сих ради удалихомся мира, изъбегохом и вселенныя и в морский сий оток, в стяжание преподобных чюдотворцев вселихомся, воеже в преподобнем селении преподобными их чины, уставы и обычаи, тем же благочестием по стопамъ их руководитися желающе. Вас, иже растлити древлецерковныя уставы, обругати священныя отец труды, разрушити богоспасителныя обычаи пришедших, во обитель праведно не пустихом». Таковая и сим подобная блаженный глаголя, на каждая задания свободным отвещая гласом, разгнева паче воеводу, иже бесчестною бранию и нелепыми словесы укаряше отца, коим отец противу мужествуя, «что величаешися, что высишися, – рече, – яко не боюся тебе, ибо и самодержца душю в руце своей имею». Сия наипаче разъяриша мучителя, и въскочив от седалища, своею тростию бияше блаженнаго по главе и по плещама и по хребту, не усрамився ниже иноческаго образа, ниже седин святолепных, ниже великаго священства сана, и толь жестоко бияше, яко и зубы священнаго блаженника от уст изби. Таже воином повеле, ужем за нозе оцепившим, со всяким руганием и смехом (о, наглости безсрамныя!) и во единой свитце бесчестно многочестнаго влещи за монастырскую ограду (мера влечения яко полпоприща!) и, в ров глубокий вринувшим, стрещи, дóндеже умрет. Повеленным скоро совершаемым, терпяше страстотерпец яко во влачении хухнания и смехи от влекущих, ударяния и заражения главы о камение и землю, тако и в глубочайшем рве на лютом и нестерпимом мразе во единой срачице чрез всю нощь с ранами и мразом боряся. Пред озарением же дневнаго света изыде от тмы настоящаго живота в немерцающий и присносущий свет и от глубокаго рва в превысочайшее небесное царство.

По сем привести повеле соборнаго старца, именем Макария. На приведенаго же возрев зверовидно, рече: «О старче злый, откуду таковыя дерзости научистеся, еже царем не покарятися, еже на воинство посланное стреляти, еже приступающия к стенам ограды оружием отгоняти?» На сия свободным языком отец ответствова: «Мы царем никогдаже противитися смышляхом, но подобающее покорение и честь яко от Божиих законов научихомся, тако без всякаго препятьства отдаем. Стояхом же противу вам ратным, на святую обитель немилостивно наступающим и на святыя церкви безсрамно стреляющим, яко приидосте насилием оружия разорити отеческия законы и распудити Христово стадо. Сего ради во обитель вы пустити не повелевахом и приступающия ратно прочь отбивахом». Ответом сим, яко стрелою, поражен мучитель, вскочив, рукама своима би блаженнаго немилостивно по главе и ланитома, таже жезлом, толико, елико изнемощи биющему. Наконец повеле нозе вервию связати и с руганием немилостивно влещи на брег моря и положити на смерзшемся леде, яко да трегубою болезнию давим, от воздуха, и леда, и воды, преболезнено от жития отидет. Таковым лютейшим мучением, толико нестерпимою студению и мразом налячен страдалец, от студености временнаго жития к безсмертнаго царствия блажайшей весне прейде.

По сем Хрисанфа, древорезца хитраго, и Феодора, живописца мудраго, со учеником Андреем (мужи елико во обители знамениты, толико и о благочестии ревности теплейшия) приведены, воевода, испытав, и яко тверды и непоколебимы в отеческих законех виде, повеле смертию лютейшею казнити: руки и ноги им отсещи, таже и самую главу отрезати. Еже со блаженным рвением, со благодатною сладостию подъемлюще блаженнии, главопосечени Быша.

Сим горчайшею смертию ко всесладостному блаженству отшедшим, повеле прочия из-за караула привести иноки и бельцы, числом яко до шестидесятих, и различно испытав, обрете во древлецерковнем благочестии тверды и непревратны. Зелною яростию воскипев, смерти и казни различны уготовав, повесити сия завеща, овыя за выю, овыя же за ноги, овыя же, и множайшия, междоребрия острым железом прорезавше и крюком продевшим, на нем обесити, каждаго на своем крюке. Блаженнии же страдалцы с радостию выю в вервь вдеваху, с радостию ноги к небесным тещи уготовляху, с радостию ребра на прорезание дающе и широчайше спекулатором прорезовати повелевающе. Таковым неслышанным мужеством, таковым неповестным усердием томления безчеловечная терпяще, на безсмертное упокоение к небесем возлетеша. Иныя же от отец зверосердечный мучитель, за ноги вервию оцепивше, к коньским хвостом привязати повеле и безмилостивно по отоку влачити, дóндеже души испустят. Сии же, тако люто и мучително влачими, ничтоже малодушно, ничтоже младенческо являху, но молитву Исусову творяще, Христа, Сына Божия, во устех имуще, тако честныя своя и святыя душы от страдателнаго подвига на вечный покой воспущаху.

Прочыя же киновийских жителей, иноки и бельцы, слуги и трудники, испытав, обрете вся крепкодушны и единомудрены, вся в древлецерковнем благочестии стоящыя, вся за отеческия законы умрети готовы, многшими истязаньми и ранами, различными мучениями и страстьми озлобив, смертьми горчайшими и болезнеными настоящаго лиши жития.

Сим предънаписанным убо толикими страстьми и таковыми преболезнеными скончании к безболезненым обителем отшедшим и всея киновии жителем, яко пшенице в день жатвы, серпы мучения пожатым, не утомися злосердый воевода от толиких кроволитий, ниже умягчися мучительское сердце, толико многих неповинных, толико священных непорочных, толико иноков преподобных неправедне мучив, но и на оставшия зверски рыкает. И понеже здравых не обрет, повеле болящия (о, жестоты нрава!) изводити и испытовати. Елма же твердейшия здравых и креплыыия силных обретает их во отеческих законех, к мучению сих распалается. И зане от многолетных трудов и подвигов со одра двизатися немогущия, новейшую страсть непреподобный умышляет: по двема вместо хребтами связати и вервию за нозе оцепити повеле, сице на брег морский влачити во единых свитках немилостивно и на леде во время лютаго мраза оставляти, овыя же, Иордан просекше, не насквозь, но подобием богоявленскаго водоосвящения, и наполнивше таковыми связнями болничных отец, воду пропущаху. И тако в престуденей оней воде, на трескущем леде, вселютейшим давими мразом, блажении они трудницы, померзаемым и леденеемым истаянным плотем их и к леду примерзающим, благодарно терпяще, конец жития приимаху, к пятидесятим сто числом суще, ниже малодушия коего, ниже младенческаго что показавше, но яко отцы отечески, яко старцы старчески и великодушие лютыя и ругателныя казни немощными уды со сладостию подъимше, к вечным селом востекоша.

Всех убо в киновии пострадавших, различными казньми жития течение скончавших, иноков и белцев всякаго чина (кроме малых оставших или предавшихся), их же число вящше трех сот и к четырем стом приближашеся, или до пятих сот, яко нецыи глаголаша, дохождаше, иже вси единодушно на смерть за древнее благочестие и мужественно потекоша. Мнози от сих воеводе дерзновенно вопияху: «Аще сладостно ти есть видение наше умертвие, о человече, что медлиши! Отпусти нас странствия настоящаго жития к будущему, никогдаже ветшающему и преходящему дому, яко и государь царь немедленно за нами будет и ты сам, томителю, готовися на суд Божий с нами кровосеяний твоих пожинати рукояти!» Кая словеса преподобных отец помале делом совершишася.

Мещеринов же, елико в кроволиянии и казнех предъявленных отец труждашеся, толико и о оставших еще малых зело печашеся, их же смерти предати не восхоте, но многими биеньми израни. В них же и Димитрия онаго, кричавшаго со стены, привед, вопроси. Услыша тожде, яко государя царя уже жива несть, велми изранив, броси в темницу, ругаяся.

Се увидим пророчества его збытие.

Сей Димитрий по смерти государеве от началника инаго биен зело и в ссылку на Мезен осужден и от многих ран, на пути везом, ко Господу блаженне отиде. Прочая же Мещеринов в разныя украины Российскаго царствия на заточение разсла. Инии же, в темнице седяще, умроша.

И понеже киновии жилища опустошишася, келии испразднишася, болница праздна возлежащих являшеся, пусты святыя церкви молящихся киновият, пуст монастырь своих жителей показася, исполнишася окрестная обители на отоце, наполнишася луды и морьстии брези телес мертвых висящих и на земли лежащих. Земля отока и камение обагрися неповинною кровию преподобных.

Мещеринов, не сыто рачительство о имении стяжав, яко обрет время, нача грабити вещи монастырския и церковныя, яже древле благочестивии царие и князи и прочии благородных сооружиша, даже и до икон святых дерзаше. Тогда от оставшихся отец инок Епифаний, муж благаго и постояннаго жития, казначейскую службу имый, возбраняше ему о дерзости. Но сей не точию не престаяше, но и ключей прошаше, еже в казну ходити. И волею не получив, силою отъя. На Епифания же вины иныя обрести не могий, о благочестии истязоваше и о непущении царева воинства во обитель. Той же свободным гласом тако о благочестивых законех и церковных преданиях, яко предпострадавшии отцы, ответствует. Разъярився мучитель, повеле велми бити его и биеннаго, за нозе оцепившим, вне обители в ров или на брег морский бросити и стрещи, дóндеже умрет. Тако и блаженный аще и послежде отец поиде, но тем же путем благочестия и страдания текий, оныя достиже и, радуяся, с ними небеснаго блаженства наслаждается.

Но убо еже о разорении киновии, еже о страдании блаженных отец елико слышася и известися, толико преднаписася, нуждно прочее и о збытии проречения преподобных отец (сочетательне тако о умертвии государя царя, яко о смерти воеводы Мещеринова) вкратце слово изъявити, яко же достоверных усты и писаньми изъобразися. Егда убо воевода на взятие монастыря ко стенам приступаше, егда предатель лукавый времене подобна, еже внутрь киновии ввести воинство, смотряше, тогда на Москве государь царь телесною болезнию объемлется, в самую неделю блуднаго (за седмицу до разорения киновии), седмодневным неможением томления. И зане болезнь крепце умножися, зане чаяние смерти прииде, о киновии прочее милосердствует. Посылает к патриарху, просит благословения оставити киновию по отеческим законом жити. Рекоша же, яко и чюдотворца соловецкая явишася самодержцу, молиста ослабити обители их.

Патриарх же всеросийский Иоаким

Крепчайший явися ко прошениям сим,

Не толико пекийся о царстем здравии,

Елико о Соловецкия киновии взятии,

Не тако о немощи монарха боляше,

Яко кинов разорен слышати хотяше.

Увеща оного о милости не брещи,

Желая чюдотворцев поты испроврещи.

Малым днем прешедшим, елма скорби царя зело участиша, паки посылает к патриарху, паки, призвав, молит и увещевает, еже простити соловецкия отцы, еже оставити в преданиих чюдотворцев небоязнено жити.

Патриарх ожесточися паче камене,

Не смотряше царевы болезни пламене,

Увери царя милость ко отцем отложити,

Хотя место святое кровию облити.

Царь елико патриарху покаряшеся,

Толико лютейши болезнь умножашеся.

И толико болезни зелное терпяше,

Едва-едва и отдыхати можаше.

Виде тогда государь своего пастыря,

Не давающа целителнаго пластыря,

Но здравию его содевающа спону,

От нея же утлачется путь к смертному гробу.

В четверток тоя седмицы ухвати самодержца болезнь зело крепка, знамение дающи смерти, яко врачи, дохтуры и вся врачевския хитрости от себе отслати. В субоіу же тоя седмицы посылает гонца наскоре к Соловецтей обители, разрешая гнев негодования, оставляя отцы жити в древлецерковнем предании, прошаше от них молитвы и благословения. Ниже паіриарха, ниже ины от духовных вопросив, но своею властию, своим произволением восхоте милость излияти ко огорченным нуждником.

Егда же государь милость показа к соловецким отцем, егда посла скораго бежца, веляща отступити воинъству от обители преподобных, тогда воевода, стоящий под киновиею, чрез подъведение предателя киновию взя, генваря в 29, в 1-й час мясопустныя суботы, и вся жители, елико иноческаго и елико мирскаго чина, острейшими мучения серпы, яко класы, пожне и убиеных телесами и неповинною кровию святое окропи место. И егда воевода толикая и таковая показа кроволияния, разорив чюдотворцев стяжание, егда кровавую ону соверши богонеугодную жертву, тогда в 8-й час того дне государь царь оставляет венец своего царствия, оставляет и власть миродержания и смертию от сего жития (о, слез!) умирает.

Воевода Мещеринов, о смерти самодержца ничтоже ведый, посылает гонца к Москве, радостне о взятии обители возвещая. И яко оба гонца на Вологде сретостася, ов прощение обители радостно ношаше, ов разорение тоя плачевно поведаше, и к царствующему граду обратишася. Егда во град въехаша, странен вид узреста: сигклит царьский и прочая благородных, одеждами облечены черными, безгласно являюще случай плачевный, смерть самодержца всем возвещают, рыдати своего государя вся понуждают.

По смерти самодержца сын его Феодор скипетр властодержания Росийскаго, яко наследие отца и деда удержав, услыша от неких Мещеринова в Соловецтей киновии грабяща вещи церковныя и казенныя и повеле указом к Москве безчестно взяти. И тако оный мучитель немилостивый, распудитель святыя киновии зверонравный и лютейший кровопиитель, ругателно и железоносящ к царскому граду свезен, по мале времени от суда земнаго к небесному и неумытному восхищен мучителных и кроволиятелных сеяний прегорчайшия плоды пожинати.

Что же прелукавый он предатель, вторый образы и делы Июда, толико премножайшаго кроволияния величайшая вина, no реченному: «Предавый мя тебе болий грех имать» (Иоанн, 60)? Еда без наказания, еда без отмщения житие сие прейде? Никако же. Но яко же множайшую сотворив злобу, тако множайшее и томление получив, жития исчезает. По взятии бо монастыря посылается на приказ на Вологду, и попущением Божиим, в неискусен ум предався, впаде в страсти нечистыя, в скверны блуднаго разлияния. По сем впаде в болезни неисцелныя, в болезни струпнаго прокажения: все бо тело окаяннаго от главы и до ногу лютым гноем кипяше. Таковым тяжким мучением, толикими нестерпимыми струпоболии зле томим на многа времена, зле испроверже презлейшую душю свою, от временнаго к бесконечному мучению немилостивно взяся.

И о сих убо толика довлеют. Паки возвратимся к предлежащему течению повестнаго пути.

В киновии же убиенных отец, или истее рещи, преподобных страдалец, блаженная телеса не погребена, ниже покровена на яснине воздуха бяху от суботы мясопустныя всю яко же Четыредесятницу, тако и Пятьдесятницу и вящшую часть поста святых апостол, ови висяще, ови лежаще, всякаго смрада и вони мертвых не причастни, но яко спящих человеков, тако телеса она цветяху благодати красотою. Весне же наставши и великому дне светилнику теплыми зрения лучами аер и землю всю осиявшу, снеги изничтожишася, леды растаяшася, воды пролияшася, морстии брези, яко о земли, тако о островех, тако округ Соловецкаго отока, всюду от леда очистившеся, водами исполняхуся. A иже на губе морстей лед, на нем же отеческая телеса лежаху, не истаяваше и не растлевашеся, но недвижим от толикия солнца теплоты, от тако зелнаго вара распаления, яко камень крепкий, яко адамант, нерушимый являяся, тверд и непоколебим стояше, преестественным знамением сим, самою чюдесе вещию благочестивое страдание отец и святость телес лежащих паче трубы всем проповедая, чюдом и ужасом сердца зрящих колебляше, и приезжающим на богомолие в киновию дивное зрение оное дивный трепет и страх видящим подаяше. И не токмо лед, иже под телесы святых постланный, толико крепок, толико тверд обретеся, но и самая блаженная страдалец телеса, яже на губе морстей лежащая, яже на столпех различно висящая, яже на земли острова казненно поверженная, в таковыя весненныя дни и в тако жарчайшая солнцепечения ничтоже естественных показаша, ниже согнития, ниже ропы, ниже вони смрадныя, сообычныя мертвым телесем, излияша, но вышеестественным благодати содержанием, яко живых или спящих, телеса тако лежаху, яко цвет на полях, яко крин во удолех, тако цветяху и благоукрашахуся. Тем и властители, иже по избиении отец киновиею обладающии, и предводительствующии воинством, преестествеными сих чюдоносий одолеваеми знаменьми, елико о крепком стоянии и нерастаяваемой твердости леда чюждахуся, толико и о изрядной целости и нерастлении страдалческих телес удивляхуся. И на милость к безвинным осужденником (паче же, блажайшим страстотерпцем) преклоньшеся, к самодержцу написавше, прошаху о снятии, собрании и покрытии землею толиковременно лежащих отеческих телес.

Извествуют же самобывшии тамо, яко убиеннии блаженницы, в видении сна некиим от началствующих представше, рекоша: «Аще хощете леда видети растаяние, наша телеса, опрятавше, погребению предайте; донеле же бо она верху лежати будут, лед не растает». Егда же от самодержца указ прииде, повелевающь сопрятати убиенных преподобник телеса, тогда со тщанием опрятавше отвсюду, и от леда, и от отока, и от столпов, и, землю ископавше, на луде морстей, нарицаемей Женстей корге, разстоящей от монастыря яко попоприща, вся блаженных телеса вкупе положивше и камением, могилу закладше, посыпаша. Иже бо в киновии вкупе душеспасително жиша, иже единоблагоумне о благочестии пострадаша, сии и по смерти телесем своим возлещи вкупе избраша. Верно же, яко и на небесех, вкупе престолу славы предстояще, вечнаго блаженства наслаждаются.

Погребению бывшу, си есть отеческим телесем собраным и землею покровеным, крепкий он лед и твердьший в сопротивостоянии солнечных показавыйся лучь, вскоре зело растаяв и абие растлевся, не явися. И елико прежде жесточайш и каменен обретеся, толико послежде мягчайш и удоборастаян показася. И коль крепостию своего нерастаяния зрящих удивляше очеса, толь и внезапным истаянием пременения видящих устраши зраки; и обоими сими вышеестествеными действ случаи блаженных отец чюдесное страдание, паче же прославляющаго Своя рабы пречюднаго Господа, всем народом объявив, прослави.

Тако убо всекрасному преподобных чюдотворцев стяжанию, тако предоброму честныя киновии селению, яко цветом ощипаным, яко саду оторгану, яко ветвем осеченым, яко плодом обраным, яко розгам обломленым, яко винограду всесладчайшему, точилом мучителных изгнетений на премирную вечерю всепремирному Царю и Владыце принесшимся, киновия прочее пуста иноческаго чина, церкви же пусты поющих явившися, яко некая сень в винограде, или овощное хранилище в вертограде, или град оборен и опустошен, не благолепна, но безобразна показася.

Сего ради самодержец указом повеле из разных Росии монастырей мнихов собрати в Соловецкия киновии население, еже есть собрание скоро совершися. И монастырь, паче же оток Соловецкий, новособранными мнихами и новопреданными от Никона догматами и уставы наполнися. И понеже вместо древних оных и добродетелных отец новии мниси в стяжание собрашася преподобною чюдотворцу, вместо благочинных неблагочинии, вместо трезвых пиянстволюбнии, вместо целомудренных оплазивии, вместо молитвенников молвотворнии, вместо боголюбных и пустыннолюбных отцев мир и житие мира сего любящии человецы в киновии вселишася. И вселившеся, измениша отеческия чины же и уставы, измениша и преподобною чюдотворцу предания, не токмо яже о догматех и законех, надлежащия к вере и благочестию, но и яже общежителное украшающыя благочиние, яже иноческое ублаголепотствующыя житие. Отсюду в киновии умножишася мятежи и безъчиния, умножищася по келиям особоядения, трапезы и пирогощения, умножишася винопития и пиянства и раждающих пиянство питий содержания. Оставляю яже на пении клириков безчиния, яже срамословий и сквернословий учащения и лаяний неподобных изношения, яже табаки держания и табакопития и прочыя неблаголепныя и безчиныя обычаи же и деяния, ими же и от них испревратися общежительства чин, и благолепие, и святотворное иноческаго жития спасителное пребывание. Оскуде превысочайшая слава и честь небесоподобныя Соловецкия киновии благочиния и, оскудевши, исчезаше.

И елико благочиния киновии слава и честь оскудеваше, толико страдальцев блаженных честь и слава, идящи, превозрасташе, и не от человек и на земли токмо, но свыше от небес различными знамении и различными чюдесы страдалческий облистоваше гроб и зрящих очеса и сердца озаряя, просвещаше.

Мнози от жителей соловецких, ови от инок, ови от белцев, видителие сих на гробе страдальчестем бываху, зряще иногда свещи горящия, иногда свет необычен, преестествене пролиявъшься, иногда огнь палящь и возскачющь, и иногда иная поведаху видения бывающа. Тогда⁸⁴⁸ и мнози от жителей соловецких, верою усердия влекоми, на гроб блаженных приходити и кадило благоухания приносити и (занеже яве за начальствующих страх не смеяху) втайне се творити обыкоша. Инии в месяца временочислие, инии в седмицы обношение, инии в кругообращение лета приходяще и, гроб их благоговейно покадивше, во своя возвращахуся.

И не токмо киновиате соловецтии, не токмо жителие отока зрителие сих знамений бываху, но и от брегожителей округонаселницы мнози множицею чюдная видения зрети глаголаху на гробе блаженных страдалец. Наипаче же в день натрижнения их, егда телеса своя в жертву чисту Владыце и Богу принесоша, тогда наипаче веледаровитый Бог блаженство страдания Своих угодников объявляше зрящим, яко любезно Того владычеству сих страдание и приятно паче всесожжений овних и юнчих, паче тем агнец тучных.

Аще ли котории от любозавистных, аще и от зависти злобою болящих, аще кии от любозазирателных и новинам радующихся человек, словоповествованию зазрети хотяще, рекут, яко «убиенныя (и смертию злодейческою убиеныя) человеки ниже от Бога знаменьми и чюдесы явленно, ниже соборне свидетельствованых, похваляюще, дерзновенно святы и царствия небеснаго наследники нарицаете», коим возответствующе, предлагаемъ: святи и царствия наследники сия страдалцы законно и праведно именуем и, нарицающе, от сих показаний доводствуем. Святость есть и нарицается непорочное и целое веры содержание, яко освящающее верою внутренняго человека, по реченному: «Святыню вера творит» (Златоуст, в беседах). Но сии блаженницы целость веры, непорочное благочестия, неущерьбленное православия до конца соблюдоша, яко самое житие их и преднаписанная повесть являет, убо святи суть. Паки: святость есть житие добродетелное, чистое и богоугодное, яко просвещающее и освещающее добрых дел блистаньми душю человека. Но сии преподобницы добродетель жития богоугоднаго, си есть отвержение мира, отвержение страстей, очищение и освящение души и тела, до конца жизни показаша, яко самая дела их, благолепное украшение общежительнаго чина и богоугодность кончины их утверждает, убо святости суть причастницы. Святый Златоуст к Тимофею 1, нравоучение 14: «Святи суть вси, елицы веру праву с житием имут; аще и знамений не творят, аще и бесов не изгоняют, святи суть». Дозде Златоуст. Но и сии отцы веру праву имеша и житие чистое и добродетелное стяжаша и до конца соблюдоша, убо святи суть. Паки: святости есть знамение благодать, даемая свыше правоверным, си есть Духа Святаго дарование, прорицания будущих, знамений и чюдес действа, яко изъявление чистоты веры, чистоты жития, обручение будущаго царствия, яже неправоверным и грешным не дается. Но сии страстотерпцы благодати Божия изобильно причастишася, благодатию укрепляеми, лютыя скорби, нестерпимая мучения, горчайшия смерти не нуждею, но добрым произволением радостно понесоша. Благодатию просвещаеми, смерть яко самодержца росийскаго, тако Мещеринова-мучителя неложно прорекоша. Благодатию сохраняемы, и по смерти телеса их в толикое враменолежания тако нетленны и всякия вони, смрада вышша, яко и лед, под ними постланный, неврежден летними жарчайшими солнцепечении, нерастаян показася. И прочая знамения и чюдеса вышеописаная благодати суть известная начертания. А понеже таковыя благодати дарований сподобишася, убо и святых наследия суть сопричастницы.

Святости есть знамение (и вящшее знамение), еже во всем последовати святыя церкве святым пастырем и учителем, еже веру благочестия их целу и непревратну, еже предания сих нерушима, еже житие их непорочно и право в себе изъображати, по избраннаго сосуда гласу: «Помните наставники ваша, иже глаголаша вам слово Божие, на их же взирающе скончание жительства, подражайте веру их». И паки: «В научения странна и различна не прилагайтеся». Но сии божественнии отцы, слышавше глас сей, поминаху наставники своя, яко святыя пастыри росийския – Петра, Алексия, Иону, Филиппа и прочыя учителей, тако и преподобныя – Антония, Феодосия, Сергия, Варлаама, Кирила, Зосиму и Саватия, и прочия чюдотворцев. И, поминающе, взираху на онех благочестия всесветлое, православия непорочное, догматов всецелое, жительства святое, скончания богоугодное; взирающе же на оныя, подражатели веры, подражатели и жития их явишася. И якоже они в Троицу единаго Бога вероваша, тако и сии вероваша; и яко они крестным знамением двема перстома знаменашася, тако и сии знаменашася; и яко они аллилуия сугубое пояху и пети повелеиіа во псалмоглаголаниих, тако и сии пеша и содержаша; и яко тии крестом трисоставным просфиры печаташа к тайнодействию, тако и сии печаошша; и якоже сия, тако и прочая церковная предания, чины и уставы, якоже они, тако непременно во всем содержаша. И занеже веру онех целу и непоколеблему, занеже предания тех неврежденны соблюдающе, в научении, странная от тех учений, в предания, иная от тех преданий, в чины и уставы, различная от тех чинов и уставов, преложитися не можаху. И не токмо не преложишася, но, за древлецерковное благочестие, за отеческая предания до смерти ставше, сладце и крови своя излияша. Аще убо святых веру целу и непорочну, аще предания церковная оных неврежденна, аще догматы благочестия тех нерушимы, содержавше, имеша, аще за содержание оных до смерти подвизашася, яве, яко и блаженства тех не не сподобятся. Еда не спасошася святии чюдотворцы, креститися двема перстома и благословляти научившии? Ей, спасошася! Еда не богоугодиша божественное аллилуия двойствене пети научившии и утвердившии? Ей, богоугодиша! Еда не соцарствуют.

Богу и святым крестом трисоставным просфиры знаменавшии и знаменати предавшии? Всяко соцарствуют! Еда не святи суть чюдотворцы, иже догматы благочестия, предания церковная, чины же и уставы от греков приемшии, тако и нам предавшии? Воистину святи суть. Убо и сии преподобницы, таяжде святых догматы, таяжде предания, тыяжде чины и уставы и содержавше и кровьми запечатавше, без всякаго прекословия спасошася и богоугодиша и святи суть.

Отчюждаеши ли сия от наследия царьствия, о новолюбителю, соотчюждай и оныя, путь царьствия сим показавшия. Аще отреваеши ученики, отяревай и учители. Аще отгоняеши наставляемыя, отгоняй и наставники. Аще отлучаеши овцы, отлучай и пастыри, таковым научившия преданиям, на таковых благочестш пажитех сия упасшия. Или вспятообразне глаголю: приемлеши ли пастыри и учители во ограду пажити небесныя, приемли и ученики, непорочно во учениих оных пожившия и, овцы яко, вслед гласа оных текшыя, тако и на пажитех тех воспитанныя, жившия и скончавшыяся. Едино убо от двоих предлежит ти: или, приемлющу росийских святых учителей и чюдотворцев, соприяти и сих, несуменною верою вслед их текших, или, отревающу сия, соотреяти и оныя, таковым научившия преданиям и нерасторгненою златою пленицею яко веры, тако и жития к себе привязавшим. Их же бо вера едина, догматы благочестия едины, житие и мудрование едино, сих всяко и место едино будет, не мерою количества, но взроком качества. Аще инако могут сия быти, вашей совести, вашему суждению попущаем праведною вагою суда судити.

Се убо отвсюду зело ясно богоугодность святости отх показуется. Проповедает сих богоугодность веры и благочестия целое и непорочное, проповедает жития чистое и богоугодное, проповедает ревности изрядное, мужества всекрепкое, стояния непоколеблемое, страдания преподобное, вопиют проречений их збытия, всем ведомая знамения бывшая, аще и неверующим тяжконосна, верным же и видевшим зело прелюбезна и ятоверна суть,

И вкупоглаголателне, и вера, и житие, и многострадалное о правде благочестия скончание богоугодность оных яснейше всякия трубы возвещают. Аще бо по евангельскому гласу за правду изгнаннии блажени и царствия наследницы суть, колико блаженыыии, иже за правду умрети всежелателно сподоблыыиися. И аще Маккавеи оны, иже за свиная мяса пострадаша, с мученики причтошася, коль паче сии, иже за церковное православие, за святыя отеческия законы, за преподобных чюдотворцев предания благоревностно пострадавшии, святых мученик лику сопричтутся. И толико Господеви приятни, толико возжеленни суть, яко в таковое время зимы, в таковыя случаи мразов цветами добродетелей прозябóша и плоды всекрасныя, возрастивше, садителю принесоша. Егда патриарха Никона страх вся объя, егда престолонаместницы страхом колебахуся, егда архимандрити и священницы, дрожаще, ужасахуся, егда монастыри и киновии, трепещуще, оцепеневаху, егда веси, грады и страны трусом двизахуся, егда вси, страха и трепета узами связавшеся, к новинам приступаху, тогда сии крепции подвижницы, яко воини вседоблии, яко лви нецыи от пустыни, возревновавше и возмужавшеся, за церковная веления сташа. И не до словес, ниже глаголов токмо охрабрившеся, но и вся настоящаго жития оплевавше, красоту, славу, пищу и прочая, на страсти подвигов, на терпение зелных болезней, на самую смерть вскочивше, за благочестие толикая горчайшая мучения, таковыя многоболезненыя смерти, таковым неслышанным всеусердием пострадавше, скончашася. И елика нужды и скорби, еликая мучения и смерти претерпеша о благочестии, толиких почестей и венцев от Господа Бога со святыми мученики получити сподобишася, яко тожде с ними рвение о благочестии, тожде страдания терпение, тожде смерти подъятие понесоша, темижде славы Божия венцы увенчаются.

И сия убо к любозазирающым елико по нашему худосилию довлеют словеса. Мы же, любопрепирателное оставльше, о оставших отцех Соловецкия киновии вмале повествовавше, к пристанищу отишия ладийцу словесе низпустивше, упокоимся.

Елма убо росийстии архиереи и новостей изобретатели ярости гневом и злобы возгнеждением поджигаеми, подустиша самодержца на разорение Соловецкия киновии, хотяще погасити оставшуюся благочестия древняго искру в пепел забытия обратити, но елико тии, Каиновою завистию боляще, братоубийством руки оскверняти не почиваху, толико неповинно изъливающаяся кровь авелевски к Богу от земли вопияше. И вместо Авеля убиенаго семя правоверным Бог, Сифа, воздвизаше. Тако саждение преподобных отец Зосимы и Саватиа, изменив место отока на пустыни, паки возрастати, паки процветати, паки плодоносити небесному делателю не престаяше. Егда бо воинство осадити и разорити киновию готовляшеся, тогда от отец киновийских общесоборным советом мнози на брег моря отъехавше, иноцы и бельцы, по пустыням поселишася и, яко Авраамле семя, многоплодни, и многожителни, и во благочестии древлецерковном и житии отечестем крепкостоятелни показашася. И не токмо пустыни, дебри и блата, но и окрест прилежащыя грады и веси благочестия светом научивше и просветивше, сторичен плод ко Владыце принесоша.

Яков бе преподобный отец и многострадателный Епифаний, иже елико трудами и подвиги высокаго жития, толико и благодатными Духа Святаго дарованьми украшен. Сей, из киновии Соловецкия в начале Никоновых новопреданий исшед с единым черноризцем и в обонежския страны пришед, многи от окрест живущих во благочестии утверди, многи на путь спасения настави. И на Суне реце преподобному старцу Кирилу, началнику места, споживе, и ис келии вселившияся бесы молитвами отгна, и некоему зле живущему последнее жития в добрем покаянии, другому же злодею – внезапную и горкую смерть предрече. И вышереченному Кирилу хотящую быти скорбь, биение, и узы, и от места избежание предглагола, яже вся по времени збышася. Таже к Москве шед и великим страдалцем Аввакуму, Лазарю и Феодору прилепився и с ними добрый путь страдания текий, колико уз и темниц, колико томлений и биеним, колико страстей и бед претерпе. К сим и в земленой тюрме многолетно томлен бысть. Еще же и двократное языка резание за благочестие претерпев, чюдесне Богом исцеленый, паки глаголаше. Конечнее же во 189-м (1681) годе в самый страстей Христовых день, си есть Великий пяток, в срубе со предреченными страдальцы огнесожжением от здешних преселеный, жертва жива и одушевлена Владыце и Богу принесеся.

Таков бе и дивный отец Саватий, иже по изшествии от киновии, по многим пустыням и местом ходя, многия в благочестия законех пребывати утверди, многия иноческому житию наказа, яко зело бяше искусен и благопостоянен и опасен в обучении иноческих. Егда бо оному, в молитве Богу предстоящу (аще в соборе со иными, аще наедине в келии), случашеся что необычно, или шум и мятеж яковый, или говор необычен человеческий, никогдаже блаженник сей обращашеся назад или главу мало воздвизаше, или поне очима мало позрети хотяше, но стояше, яко столп, непреклонен, яко камень, недвижим, молитвеною цевницею в небо ударяя, к припадающим нечювствен пребываше. И не токмо сам сия творяше, но и прочим озиратися весма возбраняя, глаголаше, яко Богу и Царю царем предстоящим не подобает на худыя человек случаи яизвлачитися, да не како Господа⁸⁴⁹ паче прогневаем. Тем и многия благому си обычаю ревнители показа. И в 190-м (1682) годе к Москве шед, с Никитою священником и с прочими о благочестии много подвизався, ят бысть. И по ягемничнем (и прочих различных болезнех) злострадании и озлоблении, главоусечением мучения конец жития совершив, к небесному Владыце взыде.

Предъявленный Игнатий Соловецкий, диякон и екклисиарх бывый кмновии, иже ведением мудрости и разума собранием толико украшен, толико удобрен бяше, яко и от новолюбителей некто, упражняяся в сих, о нем изглагола: «Игнатий Соловецкий – сосуд полный мудрости и нагнетен есть». Сей блаженный, по изшествии от Соловецкия киновии многия пустыни, страны и грады обходя, древлецерковнаго благочестия слово утверждая и к добродетелному житию люборачителны души возграждая, сей обонежеския и каргопольския пределы во отеческаго православия утверди законех и непроходимыя Выгорецкия пустыни дебри и блата благочестивыми насади жительми и, чином и уставом общежительства преподобных отец соловецких удобрив, украси оныя дебри. Бяше бо муж жития воздержнаго и безстрастнаго, еще же и прозорливаго дара исполнен, многим хотящая быти, провидев, предглагола, овым в беды и напасти впадания, овым – наказания за согрешение обьяви. Многи любовию к нему и ревностию приближающияся отсылаше от себе, преступники быти предъявляя. Овыя, ниже или худо присвояющыяся ему, призываше и учаше, последнее жития тем управителное сказуя, кая по временом вся збышася. Сей един от Соловецкия киновии изыде и со многими ко Господу взыде. В Пальеостровстем монастыри со двема тысящама и седмистами собравшихся, за древнее отец благочестие от присланных воинов сожжен, в мирная покоища прейде.

Герман смиреномудрый и крепкий, иже страданием за благочестие удобривыйся. Прежде в Сумстем острозе темничная узоношения целое летообхождение с блаженным отцем Пимином претерпев, свобожден бысть. Таже в Новеграде темничным озлоблением томлен и милостию Божиею на спасение многих чюдне избавлен. Таже со многими собравшимися, яко с тысящею и пятьмистами, в вышереченнем монастыре от воинов приехавших огнепалением от здешних в будущая преселивыйся добре.

Иосиф, глаголемый Сухой, иже доволна лета во обители Соловецтей поживый. Сей и в Сумстем острозе с достославным отцем Пимином в темнице лето целое за древнее благочестие седев, свобожден бысть. Таже в каргапольских пределех пустынным житием удобрився и приходящия к нему древлецерковными законы и добродетелным житием, научив, украси; и в пустыни Дорстей, во время гонения собрався со множеством народа на скончание, коварством воинов жив ухващен и во град Каргаполь свезен, многая томления, узы, темницы и раны за непристатие к новинам претерпе и от всех сих благодатию Божиею избавлен бысть. Послежде во обонежьских пустынях странствова. Таже в лето 7200 (1692) в Пудожстей волости, со множеством народа собрався от наезда воинскаго, сам убо от воинов, обличающь новины, их пулею устрелен, от настоящия к будущей жизни изрядно преселися. Прочии же огнем скончашася, числом суще яко тысяща двесте душ.

Еуфимий дивный, его же яко зачатие и рождение чюдно, тако и житие свято и преподобно. Сей 12 лет постригся и доволно во инех монастырех обучився, таже в Соловецтей киновии многа лета богоугодным житием лрепроводи. И во время обстояния, со инеми отцы на брег моря изшед, первее в Помории пустыню житием испытав, таже в Олонецтем уезде на острове Виданския волости по откровению Божию, яко сам поведа, осмолетное время препроводи, жестоким и вышеестественым живый житием. Млека бо, и сыра, и рыбы никогдаже вкушаше, но единым сухоядением довлеяше. Одежды теплыя никогдаже стяжа, но во единой рясе тако зимою в лютыя мразы, яко летом в жарчайшия знои, пребываше, никако же тоя изменяя. Тем и благодать от Бога провидети предбудущая приим: о наводнении реки и о нанесении леда великаго на Виданскую волость предрече, еже по трех неделях толикое наводнение и толикое леда нанесение бысть, еже ниже прежде слышася, ниже послежде когда содеяся. Многим напред хотящая быти предрече. И дважды по оклеветанию некиих отзакащиков в принуждение приятия новин пойман и, вязанием и руганием и темницами томлен, не покорися, паки свобождашеся. И таковым доброжитием пребыв время доволно, преставися ко Господу. По осмолеяши же преставления его гробокопатели, по случаю гроб его окопавше, честное тело его и ризы, в них же положися, и гроб вся цела и нетленна, яко нова, обретоша.

Преподобнии и знаменоноснии отцы, дивнии пустынножителие Павел священоинок, Серапион диакон и Логин слуга, иже многа лета безмолвным житием во отоце морстем Господеви работавше. Сии бяху жители киновии Соловецкия. И во время гонителнаго смятения отлучившеся обители, приехавше на остров, глаголемый Великий, иже близ Ковдьския волости, и ту пребыша блаженнии время немало, аггельским живуще житием, яко 30 лет Господеви работаша, ни единаго же человеков видяще. И еже чюднейше, яко зверобийцем и рыболовцем и прочим человеком, на остров той потреб ради присно приезжающим, блажении боготрудницы ниже ведоми, ниже познаваеми бываху. В толикая убо лета откуду пищу, откуду одежду телеси, от коих житниц, от коих сокровищь приобретаху – от человек се утаися, яко выше естества и постижения; единому пречюдному Богу чудне Своя рабы яко хотящу питающу и одевающу. Егда же благоволи Бог в последняя роды мужи совершены явити, рыболовцы волости оныя, ловяще во острове, изшедше в пустыню, обретоша келию и в келии живуща великаго отца Павла, прочым уже ко Господу отшедшим. С ним же доволно беседовавше, вся о нем и о спостнику его уведаша, и пищи у него вкусивше, и благословение приимше, отидоша. И приехавше в волость, возвестиша боголюбцем, иже еликим желанием рачения, толиким и подвигом тщания потрудившеся, потребных ладийцу наполнивше, на остров приехаша. И много время искавше, хождаху, но ничтоже обретоша, ниже келии, ниже самого отца. И не токмо тогда, но и послежде многащи ходяще и ищуще, ничтоже обрести возмогоша. По лете же едином видеша нецыи от житель во острове оном столп огнен, от земли до небеси сияющ. И видевше, разумеша, яко пустынный отец ко Господу отиде, виду столпа онаго преставление прознаменавшу.

Генадий, глаголемый Качалов, иже от соборных братии киновии един сый. Сей многия грады и пустыни обшед и в Нижнем Новеграде поиман, нужду уз темницы и ран терпя, аггельским явлением чюдне свобожден бысть. Таже на Тихвине, 12 лет в пустыни пожив, образ спасения и древлецерковнаго благочестия многим показа. Послежде во Олонецком уезде в Выговстей пустыни доволна лета поживе, многи благочестия научи, многи же к добродетелным стезям спасения настави. Умиление же толико стяжа, яко никоего же пения без слез препровождаше. Аще утреню, аще часы, аще вечерню и павечерницу пояше, толико слезяше, яко многажды в забытие прихождаше от многаго хлипания. Сицевым богоугодным житием, таковыми преподобными делы труждаяся, в пустыни оной преставися. He возлег на одре, ниже простерся, но седя и молитвенное правило Богу возсылая, душу Богу предаде.

Прочии же отец соловецких, ови во время разорения по странам росийским во оземшвия, ови же прежде изшедше, странствованием благочестивне разсеяшася, и идеже, аще во градех и весех, аще в пустынях, скитех и отхождении житие стяжавше, добродетелными исправленьми многи на стези древлеблагочестивых церковных законов навратиша, многи на спасителное житие наставивше, от здешних преселишася. И не во градех росийския державы, ниже в пустынях токмо, но и в самом Соловецком отоце мнози пустыннии отцы и велиции подвижницы яко же до взятия киновии Быша, тако и во время взятия невреждени за неведомое осташася, высочайшим добродетелей житием текуще и молитвеныя фимиамы на небесный присно возносяще жертвенник. Некиим же от киновиожителей и по разорении (подобием вышереченную отцу Павла и Серапиона) являхуся, елицы болезненое о древлеблагочестии втай содержаще Быша, аще ныне в живых нецыи от них, неизреченным промыслом Божиим храними, обретаются, аще от земных к небесным селением вси преселишася, от человеков ведения сие сокрыся, единаго едини всепрозрителному знанию и хранению подлежаще осташася.

И о оставших убо и оземствованных отцех толико, елико от соживущих им слышавше, не вся, но отчасти знаменитых, слова долготы убегающе, написахом. Аще бо по единому хощем исчисляти доброплодное семя преподобною Зосимы и Саватиа чюдотворцу, семя святое и благорасленое, семя спасения душ многогобзователное, семя воистинну семя небеснаго царствия, лето хощет повествующа постигнути. Яко песок морский или звезды небесныя, тако ученицы чюдотворцев соловецких, ис киновии изшедше, умножишася и умножиша. Елико во градех и селех, елико в пустынях и ненаселех населиша благочестия населением, благодати Божии молитвами преподобных чюдотворцев и страдавших отец в дело служения помогающей.

Таков убо преподобных отец киновии всеблагоуханнейший и многоплодовитый виноград, таков преблагокраснейший и всесвятейший сад, яко ко умных очес сладозрению преудивителныя испущающь цветы, яко к мысленых умов обонянию доброароматныя испущающь вони, тако и душ словесных насыщению всесладчайшия добродетелей плоды прозябающь показася. Такови Зосимы и Саватиа богоблаженнии чада и ученицы, елицы по них абие, елицы в средовременстве, елицы пред самым взятием пожиша, иже яко сынове родителное наследие, яко ученицы учителей хитрость и художество, оток восприяша, тако и делы отеческий добродетелей образ цел и всекрасен изобразиша. Такови благоискусных спасения началоподвижников духовнии воини, иже во время лютейшаго искушения явишася крепцы и неподвижни; тако о благочестии богодухновенною ревностию уяснившеся, возблисташа, сицевыя тируды и поты и мужественая борения, сицевая удивителная многолетностояния и крепчайшая терпения показаша, сицева многоболезненая страдания и жесточайшия смерти всеусердно претерпеша, коликими храбростей своих победителными просветишася подвиги, коликими мужественых страданий пресветлыми, украсившеся, увязошася венцы. Такови оставшии страдалческих натрижнений останцы, страстотерпьческаго гумна паздерие, яко от семен поздное или от углия искра, в попеле загребена, толико угобзовавшии, толико воздувшии, обгревшии и просветившии благочестием и добродетелми человеческая сердца. И вкупособрателне рещи: таково киновии Соловецкия начало, и жителства течение, и многоплачевное наконец разорение, яко слышасте и видесте, яко поведано бысть к вам.

Тем же, о всеусерднии любослышателие, таковая и толикая радостная и плачевная слышавше, горкая и сладостная вкусивше, объюхавше, огорчившеся и насладившеся, сугубыми стезями рыдания и веселия шествовати долженствуим. Возсетуим убо и восплачем, молю, киновии богоспаштельныя многотомителнаго разорения и безмилосерднаго погубления, яко всепрекрасное спасения прибежище, претихое от злодыхателных грехообуреваний отишие, всесладчайшия человеческия жизни кораблеплаваний невлаемое пристанище испровергаемо разорися. Возрыдаим, яко християнскаго душепитания многогобзователная пажить, иноческаго благообучения благоискуснейшая овчарня, церковнаго законохранения всекрепкая ограда, оборившися, низложися. Возстенем крепце, яко толь пресветлая человеческаго мракохождения свеща, всесияющий греховнаго нощеборения светилник, многозарное многострастныя тмы светило, под спуд разорения подложившися, угасе. Плачим, плачим

яко таковии преподобнии отцы, толь многоискуснии человеческаго спасения обучители, толь непрелестнии небеснаго путехождения предводители, безчеловечных томлений смертьми от нас отлучени, не являются.

Возрадуемся же и возвеселимся, яко в последняя сия и горкоплачевная времена дивный отцев преподобных собор, всекрасный страдалцев полк, всеизрядное мученик воинство, возсиявши, возблиста, ими же и от них и наши мрачныя зеницы, светом древлецерковнаго благочестия осияваеми, просветишася; и веселящеся, благодарим Господа Бога, несказаннаго в милосердии и нессуднаго, благодарим таковыя своя угодники, истины светилники, всесветлыя спасения столпы, преподобныя чюдотворцы нам показавшаго.

Прославим преподобная наша теплая молитвеника, Зосиму, глаголю, и Саватиа, прославим, и светом благочестия, и зарею церквозакония, и лучами отцепредания, и утром киновиоблагочиния, и днем добродетелножития преясно ны просветившая. Похвалим и крепкия церковныя адаманты, блаженныя страстотерпцы похвалим, иже страстотерпческия подвиги страстотерпческим мужеством в страстотерпчестем страдании предивне понесшыя и страстотерпческую многотомления смерть за истину всежелателно избравшия, иже своим несказанным усердием, неслышанным великодушия терпением, неповестною о Христе храбростию врага, супостата диавола своея крове течением удавиша и древлецерковнаго православия свет, яко на свещнице, любозрителем пресветло показаша. Веледушию онех удивимся, преславней храбрости возчюдимся, многострадателным борением возговеим, многоревностное о правде скончание ублажим. И коль удивлений изобразования, коль хвалений цветособрания соплетающе венцы, толь всесладчайшия благоусердия, толь прекраснейшия благотворения принесше цветы, всесвященныя главы страдавших, увязше, венчаим. Возжелаим оных теплое ревности, непоколебимое благочестия, ненизложимое терпения, твердое и непревратное о правде страдания, даже до смерти. Возлюбим сих деяния, молитв присныя фимиалш, умиления реки, воздержания брозду, смирения сребро, целомудрия здравость, терпения твердость, разсуждения светлость, упования высокое, любве превосходящее и прочих добродетелей всеизрядное богатьств сокровище.

Подражаим мироотвержения очищеное, иночества благообученое, общежительства благолепное, благочиния боголюбезное изрядство. Наконец, и веры, и жития, и благоговеинства онех всеусерднии ревнители будем. И елика возлюбленая ими и содержаная подражати возусердствуем, толико и возненавиденая и отриновеная ими от душ наших оттрясти попецемся. И яко добродетелей оных всекраснейший вид в душах наших, изъобразующе, живописати потщимся, так и божественую ревность великохрабрства и долготерпения благоначертати в сердцах подвигнемся. И яже сии страстотерпцы и сих отцы, паче же святии чюдотворцы, возжелавше, взяша, понесоша и сокровищьствоваша, сия и мы лобызаим и, всежелателне объемше, в сердечнем сокрыим хранилищи. А яже вознеяовидеша, оплеваша, отвергоша и прогнаша от себе, сия и мы, возяенавидевше и от душ наших изметавше, проженем. Но еюже верою сии, имже благочестием, имиже добродетельми вслед святых несомненно шествоваша, сими и мы всеми спасения стезями, вослед грядуще, благоревностно и незаблужденно шествуим, яко да и в будущем преблаженем веце тоя же радости вечныя, тоя же славы безконечныя, тоя же чести, святым уготованныя, сподобимся получити о Христе, Царе и Бозе всяческих. Аминь.

23. Аноним. Описание лицевое осады и раззорения монастыря Соловецкаго⁸⁵⁰

В лето от мироздания 7165, от рождества же Бога слова 1657 посла Великой Государь Царь Алексей Михайлович всеа Русии в честную обитель боголепнаго Преображения Господа Бога и Спаса нашего Исуса Христа во общий монастырь Преподобных и богоносных Саватея и Зосимы соловецких чюдотворцев к духовному настоятелю игумну со въсей о Христе братиею книги новыя, иже от Никона, глаголимаго патриарха, аки бы справлены, и повеле по ним службы церковныя правити.

Принесоша посланцы царстии книги те в монастырь Соловецкой и отдаша игумну и старцем. Онии же собра собор смотрели книги те, яже присла царь, и видех многия зело богопротивнии ереси и новшества лукавии, яже рекомый патриарх Никон учини в книзех тех. Сии таки суть: алилуиа трегубая, щепотноперстное знаменье, самое имя Исусово премени, крест Христов измениша, аки бы латинстий, и многая въсякая неправда суть в книгах тех.

Видех же сие и ужас нападе на боголюбивых инок, озябло серце и положи соборне, да не примут книг тех, иже есть писание слуг антихристовых, ересь латинская. Да не ввержени будут, аки отступници от древлеправославной веры при страшном судилище Христове в геену огненую со Анною и Каиафою. В жизни же сей постоять им за веру правую и до муки смертныя. По мнозем же совещанию соборному разведоша огнь велик и вверже ту книги те, еже на погибель душам писаны Быша, моляся же ко Господу, да пожрет огонь вечный вси ереси новопрелестныя, яко же злочестивии книги те. И Быша зело велие смятение промеж старцев, и сокрушася вельми, абие погибоша на Русии древлие благочестие, слуги же антихристовы восторжествовах.

Ведомо же сие бысть в царствующем граде Москве царю Алексею Михайловичу, яко онии мнихи соловестии отвергоша бо новшества Никоновы и книги его огню предаша. Слышав сие, вельми встревожися царь, и посла в обитель Сергия, архимандрита московскаго, да улестит братию, дабы прияли книги новыя и веру никонову. Бе бо Сергий остроглаголив и льстив, уста же сладкоречивыя имея и к вере никоновой прележа. Приидоша Сергий в монастырь, призва игумна и старцев, прочиташа им указ царев и постановление соборное, дабы принять им инокам книги новыя, яже исправи Никон патриарх, и вперед бы им по книгам тем служити. Иноци же рекоша ко Сергию: «Указу Великаго Государя мы, смиреныя ево богомольцы, послушны и повинуемся; повеления же ево о кресте, алилуии и книг новых не приемлем. Сохраним благочестие неповредно, да ничто же в вере истинной претворим».

Бысть же тамо в монастыре Соловецком Никанор архимандрит, иже на покое живуще. Бе бо ревнитель словес божественных и преданий отеческих неизменных. И рече ко Сергию архимандриту: «Брате, почто принесоша к нам учение антихристово, прелесть латинску и сам к ней прележа? Велий вы грех на душу свою приясте, беса тешите, книги портя. Се бо и Никон ваш не патриарх есте, а еретик, не пастырь душом, а волк лютый, слуга сатанинский. Да и того у вас топеря нет, не крепки вы сущи, содеялося бо с вами по словесам Павла-апостола, еже глаголет: Назвашася мудрыми – обезумели, не весте, что творите». Рече Сергий братии, да изберут от себе единаго, еже даст ответ по грамоте государевой. Старцы избра Геронтиа, бе бо книжен вельми, в вере же крепостию камню адаманту уподобися. Геронтий по мнозем препирании с Сергием вопроси его: «Почто в молитве «Господи Исусе» отемлете и пременяете имя Сына Божия?» Возопиша ту весь собор старцев велиим гласом: «Горе нам, отьмлют у нас Сына Божия!» Егда же умолкли старцы, рече Сергий: «Печалуюся, братие, великою печалью, аще неправо веруете; веру же истиную не хощети восприяти, и Царю Великому государю Алексею Михайловичю, и Сигклиту, и собору освящоному противници есте». Геронтий же мних отвещал ему: «Веру имамы праву, по преданиям отчим, юже от святого от Володимера со древлей Византии прияша. Мнозии боголюбивии Цари и князи и святейшии патриарси, и мнозии православнии христианы в вере отчей благочестно проживе, Богу угодиша, и Той прослави их – доселе бо телеса их нетлении суще, аще бо вера древле правая процветала, аки крин во юдоли злачной, никто же дерзал посягать на заветы Божии. Ныне же мятется церковь Христова, абие же непотребная многая Никон, прежебывый патриарх, измысли». Рече Сергий: «Заблуждаешься, чадо, не мятется церковь, вы же отместися хощете». Сказа Геронтий: «От церкви не отметаемся, не мы удумали ученье новое, еже присла царь, а Никон нечестивий, бо мнозии же угодницы Божии, яже прославлени суть, их же телеса нетленни обретохом, перстосложение древлие имут во обличенье вам, яко измыслили вы новое от премудрости сатанинской».

Сергий отвеща рече: «Не сатанинским учением перстосложение новое и прочая учинили, но по старым бо книгам и хартиям греческим исправи. Тако да не суть новое, но истинно древлее греческое учение паки восприяв». Тогда сказа Геронтей: «Како можно веровати греком, ибо и сами онии в неволи турстей живущи веру древлию истеряли. Да и от отец заповедь имамы, да не многу веру греком имать, лукави бо сущи и до се дни». Сергий посрамлен бысть и гневася зело, не возмогоша бо найти словес никоих. Приступиша же паки ко братии рече: «Великий Государь Алексий Михайлович православен ли. Патриархи, еже похвали справленье Никоново и весь освященный собор, православен ли есть?» Старцы же видех, аще хощет уловити их Сергий архимандрит, да не рекут ли кое слово гнило об Великом Государе, рече: «Нам, смиренным ево богомольцам, сего не решати, мним же сие: аще речетца «Царь всеа Русии», то православен есть, аще и от века православная Русь Быша, како государь неправославен быти может? Патриархи же прежде православные Быша, a топерь Богу ведомо, а живут в неволе. Повеления соборного не хулим, веры же новой не приемлем, держимся бо предания чюдотворцев». «Великая опала, – сказа им Сергий, – и казнь от великаго государя вам уготовася». Старцы же рекоша: «Волен есте Великой Государь на нас, нищих, опалу наложити и мечь свой острити, да и то нам не отступитися от веры древлеправославныя. На Бога надежду имамы, наша же брань несть ни к крови, ни к плоти, но о душе. (He печаляся ополчимся мы за святую веру и до конца достойно стояти будем, претерпим муки велии и конец живота радостно приимем, аще угодно Великому Государю, да достойно предстанем на страшном судилище Христове пред лице создавшего ны, соблюдоша от ересей и не погубиша грешныя души наша».

Отиде от них Сергий гневен зело бяше и голова стърелецъкой с ним. Да увезли на Москву из обители Львова князя, еже жиша в монастыре в Соловецком, да келаря Авраамия Абатюрина. И бысть смута во обители велия. Никанор же архимандрит утешал братию и от словес божественных многая рече. Иноци же рече: «Воля Господня да будет с нами», – и тако умолкли. По сем же реша соборне посолников в Москву послати: Варсанофия архимандрита да старца Стукалова Александра. И умолиша и Никанора, да грядет с ними и умолит Царя, бе бо доселе духовник царстии. И написа грамоту Великому Государю и с слезами мнозими моляше, да ослабит им по отеческим уставам жити. В нем же во утверждение привождаху свидетелство яко старопечатных московских и белоросийских книг, тако старописных и харатейных, тако сербских и остзерских, тако святых российских архиереов и греческих учитилей, преподобных чюдотворцев соловецких и прочих российск(их) святых, увещая Царя, да подаст им хранити неизменно тыя недвижныя уставы и извеща пред Богом, яко новоуставныя Никоном преда(ния) никогда не имут прияти. «Царю милосердный», – тако писа мнихи, – «В книзех Никона вместо «Исуса» писан «Иисус», чесо нам, грешным, и помыслить страшно: крест трисоставный премениша на крыж латинстий, и обливанье латинское прияв, и многая другая ереси написа во уставех новых. Молим благоутробие твое, да не велишь нарушить предания прародителей твоих и началников наших чюдотворцев соловецких, за еже не подпасть нам под клятвы отеческия».

Еда же пришед посолники в царствующий град Москву, Никанор же аще и много увеща Царя о невращении древляго благочестия, паче же об обители Соловецкой, оба же ничто же успевша. Царь же и патриарх взъдеша Никанору в поругание клобук рогат и посла в монастырь Соловецкой архимандритов Варфоламеа да Иосифа, дабы прияли обитель от Варсонофия и отпусти с ними Никанора. Быша сие 1667 году иуния в 10 день. Придоша в киновию архимандриты и егда уведа братия, отцы соловестии, чесо ради приидоша сии есть, архимандритам оным соборне отказаша и из обители изгна. Никанора же остави во обители. И посла с архимандриты Варфоламеом да Иосифом Герасима Фирсова, мужа доволняго учения, иже в время Никона патриярха новопредании слово о крестном знамении сочинив, добрейшей мудрости своея изображение по себе остави, во православи(х) догматах утвердивший, и непроходимыя дебри пустынныя благочестивыми жителями насадивый. Оваго же Герасима власти духовнии не допустих к Царю, но удавиша в пути. Мнихи же посла паки челобитье, писах: «Благоверному и благочестивому и в православии светло сияющему в царех всеа вселенныя Великому государю Царю и Великому князю Алексию Михайловичю от келаря Азарии, казначея Геронтия, и священников, и диаконов, чернецов соборных, и всей рядовой братии, и служков, и трудников всех. Молим тя, да оставишь нам древлее благочестие. Еже и смерть и живот от тебя, Великаго Государя, прияти готовы, како тебе Бог известит, на все сие есмь готовы. Аще Бога ради и по своему царскому милосердию даси нам милость – благодарим Бога и твое благородие; аще ли смерти повелишь предати нас – достойны есмь смерти и се главы наша пред тобою есте, но веры же отчей не пременим. Молим тя, да не посылаешь к нам увещателей, ибо веры древлей не отрекемся». И многая словеса написа, и от святых отец заповеди написа в челобитье том. Царь же многая паки и паки от властей духовных посылаша искусити старцев, но иноцы тверди Быша в благочестии древлем, камню адаманту уподобися.

Приидоша послании и подаша челобитье Царю, Сергий же архимандрит, в Москве сущу, внуши Царю, аще противницы и крамолници есте. И опалися царь гневом вели(им) и посла на обитель воеводу Игънатья Волохова и едино сто воев.

Уведав же о сем мнихи соловецкии, аще посла Царь воев на обитель, собрався, еже во обители люди бяша, в келью соборную и совета: аще крепки духом есте – во обители пребудут; еже же немощнии и страшливы – от монастыря в веси сокровеннии отидут. Еда совет сей во ушию братии возвестися неции от инок и бельцы с монастыря отиде, их же мало бе. Силнии же духом старыя и инии мнихи на смерть притворися. В затворении же бяху день и ночь, моляся в церкви соборныя ко единому Владыке Богу с слезами многи и схиму принимаша, покоянием же души пред Господом очищая. И премилостивому Богу, пославшему на них мор велий с язвами лютыми, еже за три дни до смерти бывают, и умроша мнозии от язв тех и бысть их до семисот».

Приидоша воевода Волохов с воями ко обители и 4 круговращения стояху под киновией. Мнозих благочесных инок и бельцов убия и мучих, но, ничто же успев, отозван от царя бысть в Москву. Царь же посла ко обители Иовлева Климентиа, полъковника, и воев тысящу. И пришед во окрест монастыря, и вся угодия монастырскиа и веси разорих и пожге, и поражен бысть от чюдотворцев язвою согнития и червов вскипением, и отозва ево царь в Москву. Стояху у монастыря 2 лета.

He вняша сему царь и распалися гневом силнеишим, посла воеводу Мещеринова Ивана с воями мнози, и наряд велик пушечной повеле ему, да возьмет и зелия, и приказа накрепко обитель възяти.

Осади воевода обитель и постави наряд пушечной мног нача вои по обители бити, не почиваху, боем огненым и ядры многи. И стояху под киновией время много, и не возмогоша обитель взяти. И повеле в нощи бурней и темнейшей воям идти на приступ мняша же, да возъмет обитель. Бысть ше в лето 1676 Иануария 22 день.

Иноцы же бодрствовах и отрази воев. Тако молитвами чюдотворцев не успе в зле начинании. Се же бе во обители мних некой Дмитрий именем, еже Богу угоди и дар провидения имущии. Прорекоша же воям Мещеринова со стены монастырстей: «Се пославый вы Царь косою смертною посекаем света сего отходит». Вои же ничто успев возвратися в стан свой. Мних же неций во обители, Феоктист именем, в нощи чрез стены от обители изшед к воям ратным прииде. Бяша же во обители пролаз из полаты сушилной квозь градовую стену, киим преж воду носяху мнихи. В начале же еда затворихся мнихи во обители оный пролаз (п)линфами, но не зело крепко, заложиша. Сию же (д)верь оный ведомый Феоктист приведоша указа Мещеринову. И еда прииде вселенския су(б)оты всемирнаго христиан поминовения в (ве)чер пятка, еда Быша буря, мраз и метель велия, окоянный оный Феоктист с воями плинфы из двери той ломами железны выбиваху и един по единому вхождаху в полату сушильную, дóндеже всю наполни воями, и шедше разломаху запоры, и врата отверзи, преда обитель в руце Мещеринова и воинов впусти во обитель. Быша сие в лето 1676 иануария в 28 день на память преподобного Ефрема Сирина.

Ворвавшемуся же в обитель Мещеринову с воями изшед на сретенье мнихи Стефан да Антоний, и инии тридесять инок, казначей же, и келарь, предася в руце Мещеринова, абие клялся клятвою велиею, да не предаст смерти и вреда никому же причинит из обители. И се, диаволом научаемый, рекомых Стефана, Антония и тридесят инок приказа воям бити смертию. И по слову его убиша их в вратех монастырских. Аще же и не едину клятву преступи Мещеринов лукавством сатанинским, но и корыстен велми бяша. Бога не убояся, обитель разори, и ограби церкви вси, и нача мучити мнихов, да несут ему мзду велику. И кои от инок отдаша ему злато свое и серебро – ту живу остави. He имущим же велиим муком предаде: кои на огне пожигоша и тако избави их от новшеств антихристовых, яко же крещением огненным спасены от лютаго бысть соблазна сатаны. Кои на древах повеси, кои же за чресла на крюках железных висяще, и вси древа окрест обители, аки бы плодами, иноками увеси благоверными. Улеща мнихов окоянной воевода, да оставят веру правую. Мнихи же за древлее благочестие стояху и с радостиею велиею венцы мученическия принимах, благодаря Бога в Троице славимаго. Мнозии не имущия откупитись от воеводы и веру пременити нехотя, многими муками мучимы бысть и по сем вои совл(екаша) с них ризы и гнаша их на губу морскую в морозы велии и ту их заморози. Честныя тела же их (не) погребении 1 лето лежаху, тлению не предася, (н)е повеле бо Мещеринов воевода погребению /пр/едати. Мнозии от Боголюбивых велии чюдеса (и) (зн)амениа над телесами их зряще.

Мнозии /ин/оци и инии, иже от благочестных, иже во обители сущу, венцы мученические за благочестие приях, и иже плоды добры в ветрограде Христове поспе.

He таяху же лед под ними и в жары велии.

Царю же Алексию Михайловичю, боляще сущу, мня аще за воевание обители преподобных наказание прияху, повеле царице Н(аталье) Кири(ловне) не мотчав отправить грамот(у) (Мещеринов)у о оставлении осады монастыря. Царица Наталья Кириловна по указу Царскому отправи гонца к воеводе да престанет воевати обитель. Поеха гонец Царской с поспешанием великим, еже наказа Царица, к обители Соловецкой и встрети на пути во граде Вологде гонца от Мещеринова (с) грамотой о взятии монастыря.

Того ж 1676 лета Иануария 29 дня на память принесения мощей, иже во святых отца нашего Игнатея Богоносца, преставися Великой Государь Царь Всеа Русии Алексий Михайловичь и погребоша в соборе Архангельском в Москве граде.

Преставлшемуся Царю Алексию Михайловичю сын ево Великой Государь Феодор Алексиевичь наследи и венец царской и престол Всеа Русии прародителской прияху. Уведа о сем мнихи соловестии, еже уцеле от Мещеринова лютейшаго. Посла к царю челобитье слезное и донесоша ему, како ограби обитель воевода обычаем неистовым и избиша иноки мнози. Егда же сие учинилось ведомо Благоверному Государю и прочитах челобитье старцев честных посла к Соловкам болярина Волконскаго князя, да откроет дела неистовыя того воеводы Мещеринова. Поидоша Волконской (к)нязь по указу царскому к обители Соловецкой и пришедшу же ему ужасеся зело зряще (трупы) мнозн и обитель разорену сущу, и много укоряя Мещеринова именем Царским. И отписа Царю о всем, яже видех, посла грамоту к Царю Феодору Алексиевичю и такожде некиих от инок, да скажут во ушию Царю бесчинства воеводы Мещеринова и грабителство и святотатства ево, яже учини во обители.

По мале времени притекоша посолники к Царю и подаша ему грамоту Волконскаго князя, и поведа Царю о делах неистовых Мещеринова воеводы, и с слезами многими печалуяся ему о разорении обители, яже учини с обителью благолепнаго Преображениа Господня и святых чюдотворцев Зосимы и Саватея.

Ужасеся Царь уведа сие и рече: «Ей же ей не повинны есмь в делах сих, и в крови пролианной, и в раззорении дома чюдотворцев. Да и отец мой, Блаженныя памяти Царь Алексий Михайловичь сего не приказывал же, а учини действо сие оный окоянный (М)ещеринов Ивашка умом своим, и (н)аучением бесовским и корыстолюбием, и лихоимством побуждаем». И прогневася вельми на Мещеринова и повеле диаку грамоту писати в монастырь Соловецкой к князю Волконскому, да архимандриту и игумну с старцами соборными. По титле:

«В честную обитель всеславного Преображениа Господа Бога и Спаса нашего Исуса Христа и чюдотворцев Саватея и Зосимы Соловецких во общий монастырь болярину нашему, Волконскому князю, да архимандриту, и игумну со всей о Христе братией, и белцам, и трудникам всим. Ведомо нам учинилось, што Воевода наш, Мещеринов Ивашка, в прошлом 1676 году обычаем неистовым монастырь разори и церкви пограбил, и многия благоверныя иноки убия. А о сем ему, вору, приказано не было и учини сие он своевольством и научением сатанинским. Того ради бысть ему от нас, великаго государя, в опале и казни. И как к вам ся наша грамота придет, то тебе бы Князю со архимандритом и со игумном, не мотчав, взевши тово вора и татя Ивашку Мещеринова да железа ему наложивши, заточит в кельи молчателной. Да тебе б, богомолцу нашему игумну, стражу (к) кельи ево приставить и приказати ево (сте)речи накрепко, а кормы ему довать против монастырских». По указу и грамоте царской заточен бысть Мещеринов в келью земляную малую в монастыре Соловецком. Даваша ему кормы скудны, и заповеда всей игумен братии, и белцам, и трудникам, да никто с ним беседъва, ниже приязнь имати. И тако Быша в темнице 10 лет.

Бысть же в Велицем Новеграде митропол(и)т Варсонофий, еже верховное смотрение имех за обителью святых Саватея и Зосимы соловецких чюдотворцев. И сей бяше друже Мещеринову и любляше ево крепъко, аще и допреже поминки великия Мещеринов ему даваша. И умоли чрез други своя того Варсонофиа, да любовь свою окажет ему, Мещеринову, в тюръме сущу, и посули ему поминки, а и вдвое против прежних. Варсонофий же многая старания прилагаху, и к Царю, и к сигклиту грамоты писах, да милостивы будут к Мещеринову Ивану. Да и к игумну соловецкому писах не единожды, яко да милость и приятство заточнику окажет. И се егда прошед 10 круговращений, пожаловал Великой Государь, повелел Мещеринова из той темницы выкинуть.

Тако наказа Господь Бог нечестивых за разорение честной обители преславного Его Преображениа и Зосимы и Саватея, чюдотворцев соловецких, и за мучение боголюбивых, и за древлее благочестие пострадавших иноков, и протчих, еже Быша во обители.

Се аз грешный раб Божий Микола инок писах рукою своею, иже от старцев соловецких предания слышах, то и писах. Аще же кои погрешности чтущий обрящет, не осудив, любително прошу, да исправит, здрав же и спасен буди в летех долзих.

О всем славу возсылая человеколюбивому Богу в Троице славимому и ныне, и присно, и во веки веком. Аминь.

24. Аноним. Повесть о рождении и воспитании, и о житии, и кончине Никона бывшаго Патриарха Московскаго и всея России, собранная от многих достоверных повествователей бывших во дни отец наших⁸⁵¹

Понеже убо по древне церковнем отеческом благочестии, аще и горячею жалостию снедаем есмь, и речуся приступити к повести о бывшем искоренителе того православия, сказать хотяще и. Но к лютости того томителя взирая, боюся беседою моею с коварными его умышлениями сплестися. Ибо той един злобою своею и коварством преодоле всю Россию: яко преимущия сладкоувещательными беседами, лестию помазанными: тако вельможныя, высоких честей и даров награждениями: сице ничтожныя грозами и муками утомив победи и подобным себе новолюбителем на вся хранители святоотеческих законов и обычаев врата хулы и томления отверзе.

И что сотворите не вем; молчанием ли желаемую многими слышати повесть покрыти, или преданную нам от отец наших беседу пред очима чтущих и пред ушима слышащих поставити. Обаче убо, надеяся на молитвы пострадавших за благочестие ревнителей, начинаю слово, путем повести текущее.

В лето мироздания 7113, от Рождества же⁸⁵² Исус Христова 1613 индикта 3-го маия 21-го, во вторый по недели день, в пределех Нижняго Новаграда, в веси нарицаемей Вельдеманове (или Курмышове) родися сей Никон от убогих родителей, отца Мины и матере Маринмии. Его же при крещении Никитою нарекоша.

По умертвии же матере его, взя его некоторая жена Ксения именем и воспита его и грамоте извыче.

По времени же некоем возраста своего отиде во обитель преподобнаго Макария Желтоводскаго и ту живя содружна с клириками тоя обители.

Некогда же поиде с ними во ину обитель и случися им обнощевати у некоего татарина волхва суща: иже волшебством своим сказоваше комуждо хотящая быти; волхвуя же скверною своею бесовскою книгою и палицею, сему Никите рече: яко ты будеши государь великий. Он же слышав отиде, не надеяся збытися прорицанию.

И по смерти отца своего поят себе жену, яже бе пианчива и оплазива; с нею же живый в некоем селе по избранию ту живущих иерей бысть. И для непостоянства своея жены бежа в Москву и на некоем монастырском подворье от некоего скитающагося священноинока пострижеся и преименован бысть Никон.

И тако скитаяся прииде на остров Анзерския пустыни иже стоит па Белом море, близ отока⁸⁵³ Соловецкаго. И тамо пребываше во ученичестве у началника тоя обители, старца богодухновенна и свята, именем Елеазара, иже согради скит той и жительство в нем состави.

Чистаго же ради жития оный старец Елеазар пророческими дарованиями обогатився, о пребывающем⁸⁵⁴ у него в послушании Никоне сем братии своей прорицая глаголаше: О какова смутителя и мятежника Россия в себе питает и сей убо смутит тоя пределы и многих трясений и бед наполнит. Виде бо святый единою служащу Никону литургию (яко достовернии анзерстии жителие рекоша), змия черна и зело велика, около выи его оплетшася, и вельми ужасеся. И от того времени возненавиде святый Никона и тяжко гневашеся нань и сотвори его бежати.

И прииде в Кожеозерскую пустыню, яже есть в каргопольских пределах, и по времени бысть⁸⁵⁵ тоя обители игумен. Идеже пребыв три лета, в ня же для исполнения монастырских потреб хождаше в царствующий град Москву. И там пребывая, неведомо чрез какия представления, знаем бываетвеликому государю, царю Алексию Михаиловичю и святейшему патриарху Иосифу. И поставлен бысть архимандритом в Спасов монастырь на новое. И пребывая тамо, коварными своими лицемериями плени царскаго величества мысль якоже древнии савота варин, Феодор злообразный волхв, царя Василия македонянина до толико прельсти, яко мняше его быти не к тому архимандрическу, но и великому пастырскому сану достойна. И того ради поручи ему в пяток каждыя недели подаваемыя от обиженных прошении предлагать для разсуждений к его царскому величеству. И сие исполняя прославися пред народом, яко истинный пастырь и отец обидимых.

Дивитися же и сему достойно, како таковый скверный сосуд на толь высокия степени восходити начинаше. Понеже убо и первие, не святый прозорливый муж, но волхв татарин, седящим в нем пытливым диаволским духом надхнен, нарекл его быти великим государем. Потом преподобный Елеозар Анзерский в служении литургии не голуба на нем седяща виде, якоже древле Флавиан патриарх на Иоаннове главе Златоустаго: но змия черна страшна и велика, около выи его обвившася. Хотящая ли впред быти добродетели его и таковому великому его сану ждущая; но богоотступная его, святих образов Спасова и Пречистыя Богородицы скверными его ногами попрания, и гнусная содомская мужеложства последи показашася⁸⁵⁶ и от тех всех порочнаго жития его скверных дел самый богопротивный волшебный волк зряшеся быти, а не пастырь. И мнит ми ся, яко чрез волхвование свое болше, его же лестно и лукавством помаза, нежели чрез добродетели кия таковаго высокаго сана достигнути желаше, яко-же римстии папы: Келестин, иже во Христа веры отвергся и Селивестр вторый, за справою волхвов⁸⁵⁷, действом сатаниным папежства достигоша. Или для исполнения числа 666-го, уготованный на то грядущаго по нем зверя лютый предотеча, нарицаемый по греческому диалекту Никитиос, якоже древний арменин, нарицанием льва, покры зовомое⁸⁵⁸ прежде Конаново имя: сице и сей монашеским именем, яко лис ошибом, заглади данное ему по рождении знаменателно в имени его лежащее 666-е число.

В тоже время святый Авфоний митрополит Великоновоградский, старостию преклонься и недугом очнаго изнеможения, якоже древний Израиль⁸⁵⁹ отяготився, остави престол премудрости божия и пребываше во обители Святаго Спаса на Хутыне: и ту безмолвствуя позлащяше свою архиерейскую паству верхом добродетелей, смирением. В лето же 7158-е Господеви Богу попустившу за многия грехи людския возведен бывает Никон святейшим Иосифом Патриархом Московским⁸⁶⁰ на престол Великоновоградския митрополии. Блюдом бо бяше издревле сонъмом суетных на погибель христианскаго народа коварный сей лжемонах, иже прежде поставляй помазан бяше татарскою волшебною блевотиною.

По восприятии же престола великоновоградскаго приходит той лукавый лис в Хутынскую Спасову⁸⁶¹ обитель посетити предивнаго святителя Авфония. И пришед в келию его, прошаше благословения. Тойже вопроси его рекий (небо уже очима видяше): кто ты и откуду, и како нарицаешися? Отвещав Никон глагола святителю: аз есмь владыко Никон, митрополит Новгородский. Авфоний же духом пророчествия предзря хотящее быти от Никона всему православию томительство, вельми от всея души воздохнув и рече: «прииде же время, яко и Никон в митрополитах. Но воли Божии оставляем о нас полезная предусмотряти».

Егда же приближися блаженный Авфоний митрополит к концу жизни своея, заповеда сущим при нем да призван будет архиерей от другия епархии погребсти тело его, Никон же да не дерзнет погребсти его; зане, рече, враг есть Божий. О сем убо поведа старожительный инок Корнилий, живый при упоминаемем Авфонии митрополите, иже трудами постничества своего тело свое удручивый, в Выговской пустыни крылся отноволюбителей преставися в лето 7203, имый от рождения своего 113 лет, во иночестве же пребыв, 95 лет.

По погребении же Авфониеве, неведый той Корнилий крыющияся в Никоновом сердце новолюбительныя на древлеотеческое благочестие злобы, прииде к тому облеченному овчею кожею волку: знаем бо бяше ему и до возведения его на митрополию, ибо того у Иошфа патриарха живый многажды виде. И яко простонравен сый старец, не воспомянув Авфониева о нем проречения, приимаше от Никона благословение, яко от достойнаго пастыря.

Живущу же ему в Великом Новеграде при софийском доме прииде из Соловецкия обители иеродиакон Пимин (иже последи за древлецерковныя законы от нашедших новолюбительных гонителей в пределех града Олонца вместе нарицаемом Березов наволок, с тысящею двома стома православных христиан в лето 7195-е августа 9 дня огнем скончася). Той бо бяше искусен инок и ведый яко же мнить ми ся Елеазарово Анзерскаго о Никоне бывшее проречение, и глагола Корнилию: весили, яко Никонмитрополит антихрист естъ, ибо пятию персты а не двоперстным сложением благословляет люди. Корнилий же, слышав от Пимина таковая, пришед к Никону, виде его благословляюща пятию персты, якоже рече ему Пимин, и отиде паки в Москву к патриарху Иосифу, емуже и прежде того знаем бяше.

Никон же, седя на престоле Премудрости Божия, и первее повеле написати образ Благовещения Пресвятыя Богородицы Девы, имеющю в недрех младенца всего совершенна. Також и разделеноречное древнее знаменное пение презирати нача, в место же того повелеваше пети наречное, и потом не убояся вводити греческое и киевское партесное⁸⁶², много усугубляемое пение.

Еже слышав святейший Иосиф патриарх воспрещание ему о том⁸⁶³. Обаче Никон помогаем бывает самодержцем и духовником его, Благовещенскаго собора протопопом Стефаном Внифантие[вы]м: и того ради не повиновашеся патриарху.

В лето же 7160-е повелением великаго государя, царя Алексея Михайловича и благословением святейшаго Иосифа патриарха;

послан бывает Никон митрополит и с ним князь Иван Никитичь Хованской в Соловецкую обитель для пренесения честных мощей святителя Филиппа митрополита Московскаго. Пришедшим же им в чюдную чюдных отец Зосимы и Саватия обитель, Никону же митрополиту посещающу в темницах сущих и между прочими прииде во узилище, идеже седяше⁸⁶⁴ сосланный от патриарха Иосифа в заточение за некоторыя Богу и законом противныя тяжкия вины, чернец некий именем Арсений, мужественный новинам и ересем защитник, иже прежде для внешних учений бывый иногда в западных странах, в разных училищах, и угождая тамошним латинским учителем, трижды с клятвою отречеся восточнаго греческаго православия. Той убо, абие седящаго в нем пытливаго духа наставлением подстрекаем, возопи глаголя: Святейший патриарх Никон, благослови! Никону же, похитившу его слово и для болшаго себе о бывшем ему прежде от волхва татарина проречении извещения, глаголаше Арсению: всяко соблазнился еси о мне, о человече, нарицая мене тако: несмь бо патриарх, но митрополит Новоградский. Тому же укрепляющуся и нарицающу его патриархом и молящуся, да егда будет возведен на патриарший престол великия Росши, да воспомянет его в славе своей и изведет от мрачныя тоя темницы. Никон же обещеваяся ему глаголет: аще сия тако збудутся, то исполнено будет прошение твое. И тако Никон и князь пребывше в Соловецтей обители мало дней, взяша мощи святителя Филиппа и поидоша в Москву.

В тоже время бытая Никонова в пути и в Соловецтей обители приснопамятный Иошф святейший патриарх оставив века сего житае преставися в вечное блаженство, тогож 7160-го лета априля 15 дня. Бяше же тогда в Москве святый Варлаам миірополит Ростовский и Ярославский, иже чреду свою святительскую еще при Иосифе патриархе исполняти прииде. Бяше бо той муж леты стар зело и благодати Святаго Духа исполнен и пророческим даром шяше.

Егда же Никон с мощьми святаго Филиппа прииде близ града Москвы, тогда царь с сиглитом и преосвященный Варлаам митрополит со всем освященным собором изыде на сретение мощей святаго. И егда Быша близ друг друга, яко уже видети возила идущия с ракою⁸⁶⁵ святаго. Тогда царь и святитель Варлаам изыдоша из колесниц своих и идяху пеши во сретение чюдотворных мощей. Святый же Варлаам, идый поддержим двема архидиаконома⁸⁶⁶, моляшеся, Господеви Богу глаголя: «Господи не даждь ми видети очима моима лютаго сего зверя (сиесть Никона) хотящаго попрати всю вселенную. И егда доидоша места друг ко другу, яко быти единым точию камени вержением, испроси святый Варлаам сести в кресла⁸⁶⁷ и абие предаде дух свой Господеви, егоже возлюби. И тако возвращьшеся внидоша вси в царствующий град Москву с чюдотворными мощьми святителя Филиппа, их же положиша в соборней Успения Пресвятыя Богородицы церкви, внутрь одесную страну входа южных врат.

Сущу же Никону в тыя дни в Москве, старец некий свят живый во обители Чюда святаго архангела Михаила, именем Симеон, виде в нощи видение страшно яко змий велик, зело пестр и страшен видением, обогнувся около царския грановитыя полаты яже в Кремле и ужасную свою лютым ядом дышащую главу, и грозно прегибающийся ошиб вложив на праг тоя полаты лежаше.

Таковое видение видя старец той от ужаса скоро воспряну и пристрашен быв зело на мног час. Потом в себе быв поведа сие видение соборным братиям. Тии же ужасом одержими глаголаху: что сие хощет быти? Потом же скоро уведаша, яко во всю нощь ону, в нюже старец видение виде, Никон мптрополит во оной полате с царем беседоваста, а о чем разглаголство их было, о том молчанием покрыся.

Видение же змия того прежде помянутии Чюдова монастыря старцы не просто быти вменяху, поминающе древняго змия в Византии с орлом сплетшася, его же христиане убиша. И то убо змиево со орлом сплетение прообразоваше впред быти хотящее турецкое христианом насилие. Подобно тому и в Риме по 1000 лет от Рожества Христова явивыйся на воздусе змий некий страшный, иже явно указа антихристово со отступлением в Рим пришествие. И сие поминающе, бояхуся дабы и в России не возникло что новое.

Собрану же бывшу вскоре российских архиереов освященному собору, поставлен бывает патриархом, увы мне, лютый сей дивий инок на поядение⁸⁶⁸ винограда Христова, Никон, глаголю зверь и не пастырь, тогож 7160-го лета июля 25 дня. И сый на престоле во 161-м году по седми тысящах люте прикрывает своя звериныя острыя ногти овчия кротости кожею, и входит во всероссийское христианское стадо от десныя страны подползающею лестию. Повелевает убо напечатати книги четия и служебныя со свидетельством во описании их, якобы согласно древним греческим и харатейным российским книгам, иже явишася старопечатным московским книгам при первых пяти патриарсех печатаным во всем согласны, исправою во орфографии подобающыя доброты изрядно блистающия, яже и доныне по всей России по местам обретаются. Еже видевше людие мняху его пастыря быти истинна, а не волка.

И тако пребывая, испроси у государя место, зовомое Валдай, стоящее при езере Валдай, еже длиною имеется десять верст, и ту устрои монастырь во имя Пресвятыя Богородицы, его же именова Иверский. И повеле новгородскому митрополиту Макарию пренести в той монастырь из Боровичь святаго и праведнаго Иакова Боровицкаго мощи, еже и сотвори; сам же взя части от мощей святых Московских Чудотворцев Петра Алексея Ионы и Филиппа и положи в тойже церкви.

Потом повеле на Кии острове, иже близь Онеги реки впадающия в Белое Соловецкое море монастырь соградити и нарече его гречески ставрос, руски же крест. Повеле же соделати крест из древа кипариснаго⁸⁶⁹ в высоту и широту, во всем подобен кресту Христову, на нем же за спасение мира распят бысть; и обложи его сребром и златом и драгоценным камением и бисеры украси. И собрав множество частей от мощей святых греческих и руских, и вложи я во он крест, каждую часть в особый ковчежец, и посла я во оный Крестный монастырь.

Таже созда монастырь Воскресенский при Истре реце в селе некоем, именуемом отстоящем от Москвы за четыредесят поприщь, егоже именова Новым Иеросалимом; и нача здати церковь Воскресения Христова (по образу иеросалимския церкве) и некая образования святых мест, иже именоваше ово Назарета, ово Вифлием, а ино темница, ино же Голгофа. Сия же вся творяше, подлагая православному христианству простому народу яко некую сладкую снедь, на удице новостей лежащую.

Но не можаше сквернаго змия смертоносный яд в сердцы лютаго того волка надолзе крытися. Воспомянув убо лжепророка своего ссылнаго чернца Арсения, егоже от соловецкого лавиринфа по обещанию своему испустити повеле, не яко от темницы узника, но яко виденнаго Тайновидцем исходящая из бездны на попрание православия зверя.

Егоже взем, устрои его быти на Печатном дворе справщиком. Тойже окаянный древних Лва Саврянина и лжепророков его богоубийц жидов клеврет, надхненный лютым латинскаго отступления ядом, бысть богоотступнаго зверя Никона подобонравное ему во всякой новолюбителной лжи и дерзости любимое чадо. С ним же согласився Никон, подстилает лесть самодержцу глаголя: владыко царю, от многих убо в народе слышу на словенския книги укоризненныя словеса, яко бы с греческими и с российскими древними харатейными книгами несогласуют; да повелит держава ваша о сем собрати собор российских архиереов и всех освященных церковных служителей, и с ними обще раз смотрев подобающая в них исправити со старых греческих и российских харатейных книг, и во всех словесех чинех и уставах с греками согласити, да не будет порочна наша паства. К томуж о недоведомых нами вещех послати и вселенскому патриарху и прочим и во святыя горы Афонскую и Синайскую. Самодержец же, таковая слышав от патриарха, повеле сему тако быти.

Никон же, получив сие царскаго величества о справе книг дозволение, и в лето 7162-е собра собор всероссийских архиереов, и предложи оному собору лукавства своего яд, яко бы пекийся о справе книжной. Притом и царское дозволение о том им объяви, еже они слышавше мняху правде быти согласно цареву дозволению о справе книг подписаша.

По совершении же того собора повелевает из всех российских епархий из книгохранителниц собрати древния греческия и словенския хоратейныя книги яко бы для свидетельства и согласия с ними печатных Московских книг, в мысли же своей имея лукавое пронырство: аще, рече, будут собраны отовсюду древния книги, не откуду будет собрати обличения на его просыпанныя новины.

Сим же тако бывающим, бысть у великаго государя с полским и литовским королем брань⁸⁷⁰. К томуж Божиим попущением во оном 7162-м году явися смертоносная мороваго поветрия язва, в нейже мало не вси изомроша⁸⁷¹.

Никон же невзирая на таковую Божия гнева ярость, едино точию в разуме имея древнее отеческое благочестие истребити, a инославное римское нечестие утвердити⁸⁷²; и того ради посылает о том послание к Паисию патриарху Александриискому теми же латинскими новинами [якоже глаголет Проскинитарий] убежденному, с Мануилом Греком, уже отторгшимся древняго греческаго благочестия: да возможет представити самодержцу, и всему российскому освященному собору: яко не сам собою сия новшества вводити начинает, но по согласию вселенскаго патриарха.

Той же Александрийский пардос послание Никоново, яко некую сладчайшую поглотив снедь⁸⁷³, [издавна бо желаше Россию от благочестия обнажити] и собирает свой собор, противный восточней древней кафоличестей церкви, и составив соборное деяние присылает к Никону в лето 7163-е. И в том своем послании крыет нож отступления медом именования точию древности, a не самою истины вещию помазан.