98. 1463–1465 г. Его же послание Псковичам, о неприкосновенности вотчин новгородского владыки и о возвращении отнятых у него церковных пошлин

В псковской летописи под 1465 годом записано: «Того же лета бысть рагоза Псковичам с Новгородом про владычню землю и воду, что Псковичи отняли у Новгорода… И послаша (Псковичи) послов своих в Великий Новгород (следуют имена послов), а ркучи так своей братии старейшей: се вам воды и земля владычня и все оброки по старине; а что есмь по два лета с той земли хлеб имали и в воде рыбы ловили, а тем кормили князя великого силу, занеже есте на Немец нам не помогали на своем перемирии» (Пол. Собр. Лет. т. IV, стр. 229). Этим определяется время написания грамоты. Издана была в I-м томе Актов Исторических под № 277, по сборнику Царского № 366 (ныне графа А.С. Уварова № 512), л. 332–335; по тому же списку издается и здесь.

Благословение Феодосия, митрополита всея Руси, в дом святой живоначальной Троицы, во отчину сына моего благородного и благоверного великого князя Ивана Васильевича всея Руси, в Псков, сынам нашего смирения, посаднику степенному и старым посадникам, и вечным ²⁸⁷⁵ людям, и купцам и всем христоименитым Господним людям, христианам православным псковской земли всей, от Господа Бога Вседержителя свыше благодать, и милость, и мир, и нашего смирения благословение. Ныне убо, сынове пишу вам о том, что прислал ко мне о Святом Духе сын и сослужебник нашего смирения Иона, архиепископ Великого Новгорода и Пскова, бояр своих, а жалуется на вас, на своих детей, о том: что деи там у вас, в Пскове, из старины придано церкви Божьей Премудрости, земли и воды, и урокы, и дани, и хлеб, и пошлины, что было изначала, при преже бывших его братии, архиепископах Великого Новгорода и Пскова, и вы деи нынче в том во всем церковь Божью обидите, а земли и урокы, и дани, и хлеб, и воды, и пошлины, у церкви Божьей отъимаете, а к своему отцу к Ионе архиепископу своей старины не правите ни в чем. И того ради пишу вам: будете ведая о сих, яко соборная церковь святая София Божья Премудрости небо есть земное, в нейже совершается великое Божье таинство, смотрение Божье, и узаконися в ней божественная служба, всеплодье к Богу на небеса возносится, Христос жрем и раздаваем в телеса купно миру и в снабдение душам, оживляет все приступающее с чистой совестью [и] тайно освящает ²⁸⁷⁶ их; в нейже Бог в Троице славим бысть и благодетельствует верныя, иже попечение имеют и промышление и приятельство честно к святой его церкви, отмщает же на все обидящее святую церковь, яко же о сих Апостол пишет, глаголя: «аще кто рассыплет храм Божий, рассыплет того Бог, страшно бо есть, чадо, еже впасти в руки Богу живу». Да того ради писах вам, еже соблюдать все оправдания и законы и пошлины церковные без обиды, по старине, а от церкви Божьей не отъимать ничтоже без правды: еже что уставлено и утверждено судом святой соборной апостольской церкви, даное ли притяжание, купленное [ли] в дом церковный, и то все пребудет у вас от святой церкви нерушно и до скончания века. И вы, сынове, от себе что держите вашему архиепископу притяжание, ничим же прикасающися к нему: зане бо то отдано есть [для] бескровной жертвы, за спасенные души преждепочивших отцов и праотцов ваших, и в поминание вечное вписуемых, измоления ради о ихже кто яко человек, плоть нося, согреши пред Богом, да свободу приимут, и милость получат; иже благочестивне и боголюбезне отданная церквам Божьим, аще что мало некако в дар Божий принесше, от негоже тьмочисленных даров чающе от благоподательной его десницы прияти, имже в святой церкви и с праведными творится вечная память, и глас молитвы о них услышит Господь, и от вечных уз разрешает, милости сподобляет и благих насыщает. Вы же есте чада святой церкви, благоплодне от нее поработистеся святым крещением, и приясте духовное порожение и усынение, приемлюще от нее благодать и дар Святого Духа, в причастии Святых Таин пречистого тела и крови Христа Бога нашего, с верой, в оставление грехов и в жизнь вечную, в ней же совершается всяко исполнение православной христианской веры: и того ради, сынове, смотрите с вниманием, разумевающе все преждереченные глаголы сего нашего послания.

И благословляю вас, своих детей, чтобы есте себе о таковых добре порассудивше, и учинили добро: чем будет от вас изобижена церковь Божьей Премудрости и что есте от нее отъимали, земли и воды, дань и оброки, хлеб и пошлины, и вы бы то все отдали в дом святой церкви Божьей Премудрости и отцу своему Ионе архиепископу, по старине, занже то все в дар Богови освященно есть. А сие будете ведать, како невниманию и нерадению запрещение страшно есть положено от Бога на обидящие церкви Божьи, в отмщение обиды неправедныя делающим и обидящим святые церкви; тако [бо] пишется в святых правилах: «аще ли кто изобидит брата своего насилием, и граблением, таковой градским законом будет мучим нещадно, в отмщение неправды». Такоже, чада, не оставит Бог и церкви своей обидиме быть неправедным судом, отмщение воздаст. И того ради страха, пишу вам, сынове, по своему долгу святительскому, да не будет вам нечто печально, по узаконению святых правил, занже, сынове, церковь Божья никогоже не обидит, а обиды не терпит: и вы к ней исправитесь. А Божья благодать и милость на вас, и его пречистой Матери, и нашего смирения благословение, да есть всегда с вашим православием.