88. В конце 1460 или в начале 1461 г. Его же грамота, адресованная: I) смоленскому епископу Мисаилу и II) черниговскому епископу Евфимию – о непризнании митрополитом ученика Исидорова, Григория

Первый список грамоты – из синодального сборника № 562, л. 80 об.–85: издан был в I-м томе Актов Исторических под № 62; второй – из сборника графа А.С. Уварова № 512 (прежде Царского № 366), л. 237 об.–243: издан там же под № 273.

Благословение Ионы, митрополита киевского и всея Руси, о Святом Духе сыну и сослужебнику нашего смирения смоленскому епископу Мисаилу. Ведомо тебе, моему сыну, что есмь посылал до Kиевa пречестной и великой обители живоначальной Троицы Сегиева монастыря настоятеля духовного, о Святом Духе сына моего игумена Васиана, ко о Святом Духе дочери нашего смирения княгине княже – Александрове Володимеровича Настасье и к их детям, [к князю Семену Александровичу и к его брату князю Михаилу Александровичу, и до князя Юрия Семеновича Гольшанского] ²⁸¹⁴ , о укреплении их и всего нашего великого православия, в немже родишася и святое крещение прияша во имя Отца и Сына и Святого Духа, чтобы от того благочестия своего и православия не умалено было от них, ни прикладено ничто от того учения римской церкви, от того волка, а не пастыря, ученика и по всему единомышленника Исидорового, прежнего отступника от православия, Григория, что же ныне именует себя митрополитом киевским и всея Руси, на супротивье нашему православию, на великую мерзость святой нашей соборной апостольской церкви греческой, от неяже святое крещение прияхом. И те, сыну, о Святом Духе дети наши отказали нам, Бога познав, с тем же пречестной великой обители честным игуменом Bacиaном, речь такову: «мы деи о своем православии смотрим о всем на Господа Бога и на пречистую его Богоматерь, и на своего господина, в благочестии цветущего православного великого князя Василия Васильевича, и отцом себе и учителем держим господина отца нашего Иону митрополита». Ответ их к нам таков. А помни, сыну, еще в начале Исидорово к нам прихожение на митрополию, рекши по изначальству от Царствующего града, а тогда же сокровенно все лукавство в сердце имея на наше великое православиe, еже бы привернуть святую нашу соборную апостольскую церковь греческую к римской церкви, и наше все великое правоcлавиe поддать в римское законоположение и учение о всем римской церкви (а никому еще тогда ведущу) ²⁸¹⁵ ; и малое на митрополии тогда побыв, и паче тщатися пойти до Рима, а ркучи рекше, к восьмому собору. Господин пак и сын мой князь великий Василий Васильевич колико возбранял ему, да не пойдет, и не мог его унять: и пошел, а обещался с клятвой на том, что ему не принести нова ничего, в супротивье нашему православию. Потом пак оттоле к нам пришел, и много нового и чуждого принес в наше великое православие; принес же к нам и от римского папы писание с его печатями, и с царевым клеймом, в немже о Святом Духе два начала Латыня утвердиша в своих церквах исповедать, опресночная мудроствующе, яко истинное есть, рекоша пишуще, в бесквасном и квасном хлебе телу Христову сотворяться достоит; еще же и поминание папино в святой нашей церкви сотвори, к сему же поддать и поработить хотя нас под отлученную, многих ради ересей, святыми Отцами римскую церковь, под римского папу (а еже и ты, сын мой, добре веси, и твоя братья все епископы, яко преже многих лет не имеет совокупления ни приобщения церковь и римский папа и прочее все еже под ним латынство с четырьмя с тамошними патриархами). Над всеми же сими сотвори его всему нашему христианству отца и учителя и всем церквам главу, пасти их и рядить и пещись всеми церквами. Господин же сын мой благочестивый великий князь созва свое все великое державы apxиепископов и епископов, и честнейших архимандритов и игуменов, и все великое Божье священство, и воззрев в божественные и священные правила и изыскав святых богоносных Отцов писание, уразумеша все лукавое Исидорово к нам прихожение, и тому всему, что Сидор принесл, не внят и не прияшa, Сидор же, познав свое отступление от православия и злое и нечистое ²⁸¹⁶ свое прихожение, да ночетатством бежал. И после его князь великий слыша и добре испытав цареградского царя и еже о нем собора смущение, что еже качнулись к римской церкви, а иные, Богом наставляемы и укрепляемы, не соединишася с ними, и волненье межи их бысть велие, яко и святые Божьи церкви на многие дни затворены и без пения сташа: и великой государь наш православный, великий князь Василий Васильевич, и сын его благочестивый князь великий Иван Васильевич, не мога того видеть, что же коликое время церковь Божья вдовствует, а православное христианство без пастыря, [без большого святителя, созвав архиепископов] ²⁸¹⁷ и епископов и все великое Божьe священство все своей великой русской державы, и известно о сем изыскавше святых Отец писаний, и по божественным священным правилам поставили меня на митрополию всей русской земли православному христианству. Ныне пак, как слышим, пришел тут к вам в литовское господарство от pимской церкви ученик и единомышленник того отступника, Исидоров, Григорий, и именует себя митрополитом киевским и всея Руси, с папежскими листами, да и с первоначального отступника патриаршими Григорьевыми грамотами и с Сидоровыми, и пишется в них Сидор легатосом и кардиналом, а мне пишут отступником, а сами будучи злыми отступниками от православия: а аз, милостью Божьей, поставлен на митрополию соборне и по божественным священным правилам; а сам, сыну, добре веси божественные и священные правила. И ныне от короля к великому князю о том отступнике о Григорие Якуб писарь да Ивашенец приездили посольством, чтобы его князь великий принял и держал себя отцом митрополитом. И господин и сын мой князь великий Василий Васильевич и сын его князь великий Иван Васильевич не хотят его не только видеть, но и слышать, по божественным и священным правилам; также сынове и сослужебники наши все архиепископы и епископы, и все великое священство, и все наше православие не хочет его ни слышать: занеже, сыну, как и стало наше православие, а от Рима и от Латын митрополит к нам не прихаживал. И того ради, сыну, и ныне тебе пишу, да и твоей братье всем пишу, которые от нас рукоположение прияша, рекше поставление, [чтобы] свое исповедание и обещание помнили; и благословляю вас, о Святом Духе своих детей всех, и великим молением молю, остерегая и попечение имея о ваших же единородных бессмертных душах, чтобы есте не прибщались тому волку будуче, а не пастырю, и не внимали ложным его учением, да и врученную вам от Бога Христову паству, православных христиан, как мочно, от того воздержали, наказуя от божественных писаний. А кому, сынове, вам ²⁸¹⁸ от кого будет какова о том истома и нужда, и тот ²⁸¹⁹ , по своему к нам обещанию, не приимая того пришедшего от римской церкви и не приобщаясь к нему, поехал бы и был бы ко мне; а который не поедет, забыв к нам свое исповедание пред Богом и обещание в свое поставление, хотя сприобщиться о всем тому отступнику Григорию, и таковой, по своему исповеданию и обещанию, сам на себя положит великую и неизмолимую от Бога тягость церковную и воздаяние в день страшного и грозного неизмолимого великого Божьего суда. И ты бы, сыну, о том великом деле великое смотрение имел. А что, сыну, по своему святительскому долгу, побораешь и стоишь за православие, и верую Христу моему Владыке, что же не далече будешь небесного и бесконечного его царствия, егоже и молюсь получить твоему боголюбию в бесконечные века.

Благословение Ионы, митрополита киевского и всея Руси, о Святом Духе сыну и сослужебнику нашего смирения, Евфимию, епископу Черниговскому и добрянскому. Ведомо тебе, моему сыну, что есмь посылал до Киева пречестной великой обители святой живоначальной Троицы Сергиева монастыря настоятеля духовного, о Святом Духе сына моего, игумена Васиана, к о Святом Духе дочери нашего смирения, княжа-Олексадрове Володимеровича княгини Анастасии, и к их детям, к князю Семену Александровичу и к его брату князю Михаилу Александровичу, и до князя Юрия Семеновича Гольшанского, о укреплении их и всего нашего великого православия, в немже родишася и святое крещение прмяша, во имя Отца и Сына и Святого Духа, чтобы от того благочестия своего [и] православия не умаленно было от них, ни прикладно ничто от учения римской церкви, от того волка, а не пастыря, ученика и по всему единомышленника Исидора, прежнего отступника от нашего православия, Григория, что же ныне именует себя киевским и всея Руси митрополитом, на сопротивление нашему православию и на великую мерзость святой нашей соборной и апостольской церкви греческой, от нее же святое крещение прияхом. И те, сыну, дети наши отказали нам, Бога познав, с тем же честным пречестной великой обители игуменом Васианом, речь такову: «мы де о своем православии смотрим о всем на Бога и на пречистую его Богоматерь, и на своего господина, в благочестии цветущего православного великого князя Василия Васильевича, и отцом себя и учителем держим господина нашего Иону, митрополита киевского и всея Руси». Ответ их к нам таков. А помни, сыну, еще вначале Исидорово к нам прихождение, рекши по изначальству от Царствующего града, а тогда же сокровенное таинство в сердце имея на наше великое православие, еже привернуть святую нашу соборную апостольскую церковь греческую к римской церкви и наше великое православие подати в римские законоположения и учения о всем римской церкви (а никому еще тогда того ведущу); и мало на митрополии тогда побыв, и нача тщаться пойти до Рима, а ркучи рекше, к восьмому собору. Господин пак, сын мой, князь великий Василий Васильевич колико возбранял ему, да не пойдет, и не могл его унять: и пошел, а обещался с клятвой на том, что ему не принести нова ничего, в сопротивление нашему православию. Потом пак оттоле к нам пришел, и много нового и чужого принес в наше великое православие: принес же к нам от римского папы писания с его печатью и с его царевыми клеймом, в немже о Святом Духе два начала Латыни утвердиша в своих церквах ²⁸²⁰ исповедать, и опресночное мудрствующе ²⁸²¹ , яко истинно есть ²⁸²² , рекоша пишуще, в бесквасном и квасном хлебе телу Христову сотворяться достоит; еще же помяновение папино в святой нашей церкви сотвори; к сему же подда и поработи нас под отлученную, многих ради ересей, святыми Отцами римскую церковь и римского папу (а еже и ты, сын мой, добре веси и твоя братья все епископы, яко преже многих лет и не имеет ²⁸²³ совокупления ни приобщения римской церкви и римского папы и прочих, еже под ним латынство, с четырьмя святейшими патриархами). Надо всеми же сими сотвори его всему нашему христианству отца и учителя и всем главу, пасти и рядить и пещись всеми церквами. Господин пак, сын мой, благочестивый и христолюбивый великий князь Василий Васильевич созва всей своей великой державы архиепископов и епископов, честнейших архимандритов, игуменов и все великое Божье священство; и воззрев в божественные и священные правила, изыскав святых богоносных Отцов писания, и уразумеша и познаша все лукавое Исидорово к нам прихождение, и тому всему, что Сидор принес, не внят и не прияша. Сидор же познав свое отступление от православия и злое и нечистое свое прихожение, да ночетаствомъ бежал. А после его князь великий, слыша и добре испытав цареградского царя и еже о нем собора смущения, что качнулись ²⁸²⁴ к римской церкви, а иные, Богом наставляемы и укрепляемы, не соединишася с ними, и волнение межи их бысть велие, яко святая Божья церкви на многие дни затворены и без петия сташа: и великий господарь наш, православный великий князь Василий Васильевич, и сын его благочестивый князь великий Иван Васильевич, не мога того видеть, чтоже коликое время церковь Божья вдовствует, и православное христианство есть ²⁸²⁵ без пастыря, без большого святителя, созвав архиепископов и епископов и все великое Божье священство всей своей великой русской державы, известно о всем изыскавше святых Отцов писания, и по божественным и священным правилам поставиша мене на митрополию всей русской земли православному христианству. Ныне пак, слышим, пришел тут к вам в литовское господарство от римской церкви ученик и ²⁸²⁶ единомышленник того отступника, Исидоров, Григорий (а именует себя митрополитом киевским и всея Руси), с папежскими листами, да и с первоначальника отступника с патриаршими Григорьевыми грамотами и с Сидоровыми, и пишется Сидор в них легатосом, кардиналом, а мне пишут отщепенцем, а сами будучи злые отступники от нравославия: а аз, милостью Божьей, поставлен на митрополию соборне, по божественным и священным правилам; а сам, сыну, добре веси божественные и священные правила. Ныне пак, сыну, приездили от короля к великому князю посольством о том отступнике о Григории королевский писарь Якуб да Ивашенец, о том, чтобы его князь великий принял и держал себя отцом и богомольцем, митрополитом; и господин сын мой князь великий Василий Васильевич, и его сын князь великий Иван Васильевич не хотят его, по божественным и священным правилам, не токмо видеть, но и слышать не хотят; также сынове и сослужебники наши, все архиепископы и епископы, все великое Божье священство и все наше православие не хочет его ни слышать: занеже, сыну, и как стало наше православие, а от Рима и от Латыни митрополит к нам не прихаживал. И ты бы, сын мой, также помня пред Богом свое к нам исповедание и обещание в свое поставление, не приобщался ни в чем тому волку и отступнику, а не пастырю, и не внимал ложным его учением, и врученную от Бога тебе Христову паству, православное христианство, от того воздержал, колика сила, наказуя их от божественных писаний, как тебе, моего сына, Бог вразумит. А будешь ли, сыну, по своему святительскому долгу, стоять и поборать за православие вседушевне, верую Христу моему Владыке, чтож не далече будешь небесного и бесконечного царствия, егоже молюсь получить твоему боголюбию в бесконечные века. А от кого, сыну, будет тебе о том какова нужа, и ты бы, по своему к нам исповеданию и обещанию, не приимая того пришедшего от римской церкви, ни иного кого, ставленного от латынства, и не приобщался им ни в чем да поехал оттоле и был ко мне; а не поедешь ко мне, забыв свое пред Богом исповедание к нам и обещание, в свое на святительство поставление, а хотя приять и приобщиться о всем тому пришедшему отступнику Григорию, или иному кому, поставленному от Латын: и ты сам положишь на себе страшную и неизмолимую великую тягость церковную в день страшного и грозного неизмолимого великого Божьего суда. Писан на Москве, месяца… индикта 9.