46. 1418 г. июня 27. Послание митрополита Фотия в тот же монастырь и о том же

Из синодальной рукописи № 562, л. 407–411, по которой издано было в I-м томе Актов Исторических под № 26. За неимением другого, более исправного списка грамоты, испорченные в ней места сверены с двумя посланиями Фотия в киево-печерский монастырь, в которых почти дословно повторяются теже самые наставления (Доп. к Акт. Истор. т. I, № 180).

Благословение Фотия, митрополита киевского и всея Руси, в монастырь честной обители Рождества пречистой Владычице нашей Богородицы, еже есть Снетная гора, игумену и священноинокам, и клирошанам и инокам, еже о Христе братии той честной обители. Еже убо пред, сынове, присылали есте к нашему смирению свою братию, хотя уползовать евангельским и отеческим заповедям, устава прося иноческого чина; и прислали есте ко мне вашему иночестству уставление, списанное от почившего владыки Дионисия ¹⁹³⁸ , устав изложен, взятый, якоже пишет, от ктитора честной той обители: ино несть лепно было ему и не предано такового устава полагать в чужой области. И наше убо смирение сего ради о семь не рассуди, не ведев создателя той честной обители написанного устава, и писал есмь сего ради к вам, хотя видите того ктитора ¹⁹³⁹ устав. И ныне прислали есте ко мне свою братью, инока Ефрема, инока Никифора с своим писанием; а поведаете ми и пишете, что того устава ктиторого ¹⁹⁴⁰ у вас написанного и не было. И аз убо тое запрещение и тягость Дионисьеву, отлагаю, того ради, что учинил не по преданию правильному, не в своей области, ни в епископии, и пишу вам, о Господе возлюбленные чада нашего смирения, от божественного писания вмале, понеже, по писанию вашему, коснение языка ми: много писать не дадите, но паче сами искусни есте, по писанию вашему, благовестие Христова евангелия, и божественные писания отеческие, и устав иночества. ¹⁹⁴¹

Древле соединение ¹⁹⁴² иночества прообразуемо преже от святых Апостолов, егда бяше их числом до 500, и паки же приобщение ¹⁹⁴³ их к служению множайше беашe, даже и до 5.000 сообщения их, и от них даема всякие имения и притяжания; иже бо разумеша ¹⁹⁴⁴ от Христовой благодати, еже ¹⁹⁴⁵ сия маловременна, она же будуща и благонеизреченно радованна. По сих же паки, благодатью Святого Духа, от начала общего воспомяну вам, яко да взираете на таковой устав Великого Василия, Апостолом вмале равностоятеля, и Aфaнacия, святого Божьего жилища, и Григория Богослова, непобедимого Христова воина, и великого велегласного Лествичника, духовным степеням утвердителя, и ѝна иных многих предания иночеству богоносных Отцов, данное от них нашему чину образование. Понеже три чина суть иночества: 1-е, обще по всему житие; 2-е, отшельство, два или три; 3-е, особное каждого житие ¹⁹⁴⁶ в монастыре, нужи ради, преданное внимающим понести великого и жестокого жития. Смотрите же своего общего жития не словом, но делами всякими, якоже узакониша в вышереченном божественные Апоотолы и по сих божественные Отцы, светила вселенные, якоже великий Григорий Двоеслов, папа римский, о таковом общем житии списа. И сим убо божественным изображением и святые велики цари последоваша, еже скипетра временного и царствия тленной славы оставльше, и тленными убо совлачены ¹⁹⁴⁷ , злопрелестного борца борения ποбедивше, и тамо убо вожделенная она сугубо будущая неизреченная получиша ¹⁹⁴⁸ блаженства, ихже око тленное не виде, и ухо окрадено житейскими козньми не слыша, и на сердце смущенное земными вещами не взыде. И молюсь человеколюбцу Богу, сих житию и нравам поревновавше, и получить вам сего. И сего ради молю вас всех, яко да крепце сим подражавше, отверзете ¹⁹⁴⁹ очи сердец ваших и во уши душевные ¹⁹⁵⁰ приимите словеса, яже вмале хочу глаголать к вам. Богомудренное ремество, божественное же и преестественное в нас есть богатство, всегда бываемое и незыблемое, поданное нам от благодати Благодетелевой, на порожение нашего естества, и ко ангелолепному животу и славе пременение ¹⁹⁵¹ , и божественного естества причащение, и сообразны образу вышнего сликостояния. ¹⁹⁵² Настоятелем же духовным о сих паче глаголю много: сего ради с усердием духовным всяко попечение, еже должны суть творить, да творят по преданию иноческого чина и устава, собою образ благ стяжавше, слово утешительное паказания [с] всем смирением и тихостью вводяще; исходящего же инока, по повелению настоятеля, из монастыря ¹⁹⁵³ и паки входящего в монастырь истязающе ¹⁹⁵⁴ , с испытанием мыслей и деяния, якоже и пребывающего в монастыре, преходящей каждый день должны суть от настоятеля истязываться ¹⁹⁵⁵ , еже бо должен есть он даяти о сих слово в день суда великого. Смотрите же все купно священноиноки и иноки, какова есть многонеисследима мудрость и ¹⁹⁵⁶ человеколюбия пучина нашего Творца Христа Владыки: и скрушен убо древле обретшу ему свой образ от греха, и боговидного отложивша сана подобие, и разумевшего претвори ѝ паки назидать на первую доброту, паче же на большее возвести подобие, творя убо се к нашему возведению, и сообразны нас сделовая ангельского великого подобия; и таковым благолепием наше естество тленное украси, возводя ны на будущее она обещанная нам бесконечная благая, отнюдуже мерзкий наш супостат отпаде, и сего всяко не терпит, востещи паки нам тленным, обоженным тамо, ко оной нетленной породе, и тщится сего ради всяко к нашему падению. И сего ради, чада моя, молю вашу любовь: крепче препоясавше ваша чресла, оградившееся благодатью Святого Духа, и яко воины непобедимые, борения да покажете прямо некрепкие борца дерзости, украсивше своего достояния, яко непобедимые Христовы воины, вземшие победу, одение чисто и нескверно соблюдшие, предпоставите своему Владыке, егоже ради, по евангелию, все си временное оставльше исповедательно, славы временные и пища, и поработисте все тленное миpa сего будущим ¹⁹⁵⁷ ; вземше крест, последовасте Христу, и заветреннего пристанища достигше: ибо исповедательная таковая наша вся написана суть от ангел [и] держима в руку Владыкы нашего Христа, еже явлена будуть пред лицом нашим в день великого его грозного суда. Еже же убо сотворшим волю его, не изреченна убо есть и отверзста ¹⁹⁵⁸ благосердия щедрот пучина, на нерадящихъ же зело ярость и озлобление ¹⁹⁵⁹ неисцельно ответа страшного, глаголющего: «отъидете от мене, не веде вас, откуду есте»! И сего ради, чада мои, всяко испытно ходите, с подвиги всякими духовными, с смирением же и молитвой прилежной, с алканием же и труды всяческими духовными, крепко духовная крила вперивше, постигающе свое исповедание евангельского великого слова, страхом ныне себе оградивше, глаголющим: «никтоже, руки возложа на рало и зря вспять, управлен есть в царствии небесном». Понеже должны есмы, в день великого того и грозного суда, трепетать о исповедании нашем грозно истязаемы быть, но делом воздаяния имущи: сего же ради молюсь, во всем да будет образ жития честного мирским от вас; свершенным бо житием, и непорочным, и беззазорным по всему подобает нам быть. Молю же вас: пьянство безмерное и бесчиние всякое отнюдь да нe будет в вас; великого убо Христовых уст проповедника Павла слова не забывайте: «пьяницы царствия Божьего не наследят». И сего ради вашему иночеству пишу, яко да не от нашего начала имя Божье похулится, и одеяние ¹⁹⁶⁰ великого ангельского образа зазрится, к нашему вечному осуждению, и сего ради наше тление, от нашего Творца обоженное, да не паки долу, в вечные муки устремится. Душевный убо сугуб да не поработим временному тленному сугубу: понеже тленное тело имать быть растлимо червями, а душа есть бессмертна и вечна. И сего ради, чада мои, молю вас, украсить все душевного вечного сугуба, яко да сподоблены будете услышать благого евангельского Христова слова глаголющего: «приидите, благословенные Отца моего, наследуйте уготованное вам царство». Молю же ся человеколюбцу Богу, утешающему смиренные, да утешит ваши сердца в всяком благоверии и чистоте, и да укрепит вас в всяком деле и слове блазе ¹⁹⁶¹ , и в смиренном целомудрии, постигающих всякого его спасенного пути, яко да будет ¹⁹⁶² преспеваниe евангелия Xристова, еже всяческие да исполнятся славы Божьей, и ангельского уставления ¹⁹⁶³ жизни ¹⁹⁶⁴ , еже есть по их боголепное жительство и слава присносущна. ¹⁹⁶⁵ И молюсь, да сподобитесь получить сего, и молитва моя о сих да будет с вами.

А что ми, сыну, пишешь ты, настоятелю той честной обители, и все еже о Христе братья, собранное Христово стадо, о таковых бывающих непотребных иноках, еже от многокозньства плетенных cетей нашего супостата врага диавола, не смотряще ангельского великого подобия и одения, и своего обета забывше, божественного и животворящего Христова тела и честной крови, с благой совестью не приступающе покаянно и не приимающе, також и к святой доре не приступающе и к хлебу Пречистой, помрачением забывше великое Христово евангельское слово, «якоже древле честной кровью нас искупи», и паки глаголющее слово: «ядый плоть мою и пья кровь мою, во мне пребывает и аз в нем, имает живот вечный, а не приимая же не имает живота вечного»: и таковых убо всяко, якоже мощно ¹⁹⁶⁶ , должны есте на рамо свое от заблуждения на истинный путь возвращать и к Христу привести, и не предадите паки зверохищную овцу волку, нашему супостату, на конечное душевное погубление. И сего ради из монастыря таковых но достоит отгонять, но взыская, πриимать и врачевать духовно, лечбой духовной, яко искусные врачеве, зельем духовным раны исцеляюще. Который же убо наказания манастырского отнюдь тако нерадя, и врачевания духовного не ища, яко согнилый уд, избежит от здравого тела, от пристанища честной обители, забыв Божье слово, Пророком глаголющее: «в чем обрящу, в том сужу», а иметь мирскими людьми крамолу воздвизать на настоятеля духовного, якоже пишете, и на братию: а о таковых убо мирским, по правилам, возбраняем творить и в таковые вещи иноческие вступаться; понеже несть им предано и рассуждения иметь в таковых местах. Молю же ся человеколюбцу Богу, да уцеломудрит всех к разуму своей благодати, по своему исповеданию, постигающе спасенных путей; и молитва моя и благословение да будет со всеми вами, живущими о Христе. А дана грамота на Москве, месяца июня в 27, индикта 11.