35. Около 1410 г. Его же два поучения великому князю Василию Дмитриевичу о неприкосновенности церковных имуществ
Эти два, еще неизданные, памятника издаются по волоколамскому сборнику 1536 года, принадлежащему теперь Москов. Духов. Академии, № 283 / 659, л. 521–531 Митрополит Φοтий прибыл в Москву в апреле 1410 года, и одним из первых дел его управления были меры к возврату вотчин митрополии, захваченных, после смерти Kиприанa, боярами и князьями (Никонов. летоп. под 1410 годом). К числу таких мер относятся и настоящие поучения.
Ι. Поучение Фотия митрополита киевского и всея Руси к великому князю Василию Дмитреевичу
Подобает ведеть, возлюбленный сыну, яко святые и вселенские соборы узаконив положиша, и православные цари подтвердиша и написаша, неременно быть; такоже и приснопамятные прародители твои, великие князи русские, узакониша и своими честными писаниями утвердиша и предаша церкви Божьей непреложно даже до века быть, и своим внукам и правнукам заповедаша, еже достиже и до тебя, христолюбивого и благоразумного и благородного и богохранимого сына моего, великого князя Василия Дмитреевича. Неизреченные и божественные премудрости благодатью Избавителю и Спасу нашему Иисусу Христу всю объемшу землю, и живоносного истинны проповедания иже всем проповедь вземшим, и даже и до самого океана протече, и людство убо оно многое, седящее во тьме неведения 1552 , виде свет разума и прелести свободися связания, древле яже в рай прелести взаменив царство небесное. Иже доброты первые светлейшие, рада возвышения, отпадши 1553 , пръвый змий, ум гордый, лукавый, от первого пленник удержан бывает, и бе силой воплотившегося Слова всякой крепости чужд, якоже пишется: «ко врагу оскудеша оружия до конца». Повсюду бо служба божественная узаконоположися, и всеплодие Богу возносится, и Бог жрем и раздаваем, телесам купно и душам на снабдение благодетельствует причащающихся чистой совестью; от негоже и бесове бегают, и священное человеческое сбирается торжество, в церквах тайно освящается и пища райская всем верующим отвергается, и конечне бывает вся нова. Но понеже иже исперва и ныне диавол человекоубийца, возгордев на Господа Вседержителя, спротивиться помыслив и, болезновав, роди болезнь отступления помраченья своего, и не терпя нас зреть восстающих от преступленного падения и на небо возлетающих 1554 , не оставляет своей злобы стрелы на нас подвизая и уязвляя различными сокрушениями и страстьми даже и до днесь. Восхотевшу бо вседушно ему отлучить нас от Бога, но вотще тружався; ибо не остави Страстоположники спасения Начальник, и не презрев беспомощных нас, но на всякие роды восставляя своих поборников, ради оружия, учения и наказания и благочестия ополчивши, и духовное извлекши oружиe, еже есть глагол Божий, еже на нас мучительство разрушивше, наставники паствам бывше и пути Господнего людям и справляющее, яко да не низвергши нас к беззаконию, неправде и лихоимству и прочему лукавству его приставше, отлучены будем от Бога. Подобаше бо тому, иже толикого величества схождению же и смирению нашего рода претворшему, и еже во еже быть стезю нам показавшему, ради церковных светильников и учителей и световодцев, еже о Бозе наши стопы направить. Аще ли хощеши, сыну мой, изведать священнического чина, каков есть и колика действует, слыши от ветхого писания мало отчасти, и по глаголу 1555 тако имать. Моисей убо он великий, иже и Богу собеседник сподобився быть, егда со Амаликом сразивый, от священников от обоюду поддерживаем и подкреплеваем, и тако оного сопротивника побежааше. Такоже и иже по нем избранному оному людству воевода Исус Наввин, иерихонские пришедше низложить грады и державу, священником помолився обходить окрест града с ковчегом завета Божьего, молитвами и пением и трубами, по древнему, и тако преславно молитвами их стены града низложены быша. Лепо же нам беаше еще привести повесть, яко к храму Божьему дары принесоша не токмо вернве, но и перский царь Кир, такожде и Оксеркс, еликы ти сущи талант на строение храма, и колики люди свои даша на службу храму. Но вем, яко ты искусен еси ветхому писанию: но и cиe малое воспоминание на пользу твоему благородию есть. По велицем же убо оном Моисее Боговидце и Иcусе Наввине, и иже по нем прочих в ветхом законе, в новом же законе, якоже уставися о божественной церкви святыми Апостолами и богоносными Отцами, и иже блаженным Константином, и иже по нем благочестне царствовавших честь и слава и благопокорение и послушение к божественной церкви и настоятелям ее, – сия все ведят, и яже 1556 дивно и боголюбезно уставленая свято почивших великих князей, прародителей твоего благородия, сему новому людству Богом наставляему, даже и до смерти приснопамятного великого князя Ивана. И еще младу сущу возрастом приснопамятному и достойноблаженному родителю твоего благородия, таже Богу возраст давшу ему и ревность духовную изыскавшу и познавшу ему писания божественные, и рачителю бывшу (испытно бо изведав он, человек сый Божий, глаголемое: «яко не спасается царь многой силой, и исполин не спасется во множестве крепости своей», и еже «ложь конь во спасение», по божественному рещи Пророку и песнописцу Богоотцу Давиду, сему же [и] Ботовидцу Моисею и Исусу Наввину peвнуя присноблаженный твой родитель, якоже они от святителей поддержимы и молитвами их заступаемы, сице и сей), егда нашедшим Агаряном множицею и дышущим погубить христоименитое людство, и тый присноблаженный, святительского призывая окормления и поддержания, и яко некоторого столпа светла, новому Израилю предводяща и его воинству направляюща стопы, и сице победоносец велий явись. И в правилах святых Отцов всегда пребывая и соблюдая одравдания Христовой церкви, и монастырские все пошлины и церковные, яко зеницу ока, всегда соблюдаше. Тем же и ныне нам своего угодника, иже великого сего своего настоящего корабля, рекше всего мира, окормителя, Христос Бог тебе, великого князя, на престоле отеческом показа, предстателя великого всея Руси дарова, устроить словеса в суде, сохраняющего в веки истину, творящего суд и правду посреди земли, и в непорочном пути ходить. Ибо и церковь Божья, ради крещения породивши тя и удобривши красотой, добродетелями, и воспитавши тя и поставивши око всей Руси, показавши тя ума чистоты, и светлостью сияюща, явленна всем сущим под тобой, и праведное истязовать на всяк день и ночь устроила тя есть, и на утверждениe и на устроение Христовой церкви, и не токмо себе, но и сущих под тобой назирать и управлять, и якоже теплую к Богу любовь и ревность многую Финиесову и тебе поревновать, и всяку неправду и хищение и лукавство и лихоимство возненавидеть и прогнать, паству же Христову спасти и соблюсти от всякой злобы. Подобает бо не токмо себе смотреть, како ceбе добре устроить житие, но и все сущее под собой от напастей заступать, и от многих вещей мятежа, и паче же ныне, нашедшим в настоящем времени видимым и невидимым врагом, соблюдать и смотреть. Но аще что где оскудство или недостаточство, или неправда, или лихоимство бываемое, и наипаче в церкви Божьей, еже есть не порабощене ей быть никакоже, и от кореня ее всяку злобу истерзать, и яко плевелы очищать, и чисто показать церковное стяжание и пошлины. Хотел бых пространнее явить от древних оных свято почивших великих князей, прародителей твоего благородия, Ярослава глаголю, иже доблествия явльшаяся, ово убо благопокорны церкви Христовой и по древних православных царей поревновавша, ово же и скипетры державе своей добре устроивша; такожде иже по них бывших великих князей; но сего ради преидох 1557 на повесть родителя твоего благородия, понеже самовидец еси его добродетелям и благопокорением, еже имяаше к церкви Христовой. Ибо он церковное все добре соблюдаше, такоже и храборством множицей мужествовав, и самую тую душу не пощади за православие и за вверенные ему от Бога словесные овцы; такоже и мнози от вельмож и слуги бывшие, иже и самовидцы добродетелей его и доблести: понеже обычай обдержит, известнейшему быть видению, нежели слышанию. Темже молюсь твоему благочестию, яко елика воображена и утвержена быша от святых и вселенских соборов, да все, елика суть церкви Божьей отдана от твоих прародителей, и утверженна и нареченна, и ты такоже да сотворишь, якоже они; ибо они церковь Христову почтоша и утвердиша и невредно соблюдоша: и Бог такоже их на сем веке почте и прослави, и в будущем царство небесное дарова. Такоже и ты, сыну мой, благочестивым списанием церкви Божьей нареченная да утвердишь, да устроишь все пошлины, и Господь Бог да соблюдет и укрепит твою державу в мире, и в единении, и в правде, и подаст от твоих чресл в роды родом наследие, и устроит твоей державе в тихости и в благоприбытках пребывать, и небесного царствия сподобит, емуже слава и держава в веки веком, аминь.
ΙΙ. ПОучение Фотия митрополита Kиевского и всея Руси к великому князю Василию Дмитреевичу
На спасение твое и на сохранение царству твоему беседую ти, о многовозжеленное чадо, да насладишься и настоящих и будущих благих, благодатью Христа Бога. И первее убо, сыну мой, слыши иже в царях приснопамятного и равна Апостолом великого царя Константина, како церковь Христову почте и прослави, и Бог самого почте и прослави и в сем веке и в будущем. Слыши же и великого Феодосия добродетель и веру несомненную к Богу и к святителям его; а яже имеаше к старцу оному, сия мнози ведят. Егда восстужи си о нашедших от него искушениях, егда брань имеаше с русскими воинами, преже крещения их, но веждь веру и надежу несомненную, како сокрушеннным сердцем к нему смирись. Но смотри ми и святого оного старца, дерзновение имущего к Богу, како запрети царю и рече: «егда изыдешь на брань, ино ничтоже от оружия не возложи на ся, ниже в руки возьми, и никтоже да не предъидет пред полком твоим и сразится», – еже и сотвори царь, и попра врагов своих. А иже по них благочестне царствовавших много обрящешь. Аз же вся да отложу, ради долготы слова (сытость бо словес слуху ратник), на царство Koмнинa Мануила возвратимся. Слыши его добродетель и мужество, иже 24 брани сотвори в своем царстве с русскими воинами с восточными и со многими иных мест, и всех побежааше. На всякую же брань икону Пречистой Богородицы Одигитрие возяше на колесницах, и егда приближаашеся к врагам Царяграда, цешь сам взимаше за узду коня и провожааше на колеснице икону Пречистой Богородицы чрез град, даже и святого храма. И егда во сретение ему идяху вельможи и вси градские народы и поклоняхуся ему, и царь отвещаваше им, сице глаголя: «никакоже, о друзи, мнe кланяйтеся, но точию Пpeчистой Воеводе Победительнице; аз бо ее раб и ваш есмь». Еще же треба есть рещи, како убо ветхому 1558 оному храму преславному, Соломоновой мудрости, еже по силе приношааху к нему оброки и пошлины иже в ветхом законе; священный же превеликий храм, еже 1559 по имени Божьей Премудрости Царяграда, еже паче оного храма, егоже Соломон вздвиже, и от Давида, по человеческому, любочестно водружену бывшу, и по истине царски, не Соломонова же сей воображения нареченный новый Сион, Премудрости Божьей нареченный храм, по освящению сый ковчег, Спасове церкви, о немже камень устроися апостольский от Святого Духа 1560 , сему же храму нерушимы и непоколеблемы и различны многи принесоша тогда стяжания и пошлины, и сих неподвижно имать, и видимы суть, и утверждены, и недвижимы 1561 ; ова убо дана быша на восточных странах, ова же на западных, и по островам морским. Суть же и ины многи пошлины, грады же и села, и озера, и дома, яже куплены быша; по долготы ради слова, иная оставих: многа бо, яже и от царевых пошлин куплены в дом церковный. Царь же сей Комнин, тако узаконив и писания подав нерушима. Прихожаху же многие от строителей церковных, жалующеся на наместников, како обидеть хотят церковные стяжания и пошлины, и царь узакони и написа, глаголя: «понеже и се ко ушима нашего царства достиже от жалобников церковных, еже 1562 повсюду, идеже аще суть церковные стяжания и пошлины, изобидимы от наместников моих, или от судей, aбиe положися нашему царству в небрежении о сем честному храму сему и всем по вселенной сущим митрополитам, и архиепископам, и епископам, и монастырям, и всем Божьим церквам, идеже аще суть, или на восточных странах, или на западных, по всей вселенной, якожо суть отдана Богу, приношение жертве даже до скончания века, да пребывают нерушима, моего царства писания ради: аще грады, аще села, аще луга или озера, торжища и одрины, или люди, купленные в дома церковные, или пошлиной под судом церковным, или винограды, или садове, или что таково есть от церковных вещей, якоже еже царство наше судивши узаконив положи. И наместницы царства нашего, и несть им кому их посудить; такожде и елика суть вдана, или куплена в дома церковные, да суть под судом церковным; такоже да не смеет никтоже посужать и изыскивать кому от моих наместников, или от судей моих. И аще кто смеав от наместников или от судей царства моего посудить, или проданное в церкви, или данная от кого, или како отдана будут: всяк бо, иже аще таковое смеав изыскивать, или посужать смеет дерзнуть, немилостивно сего дом пограблен да будет в дом церковный, или к судьям, и тый сам во все лета живота своего бесчестен да будет, и от сана своего и от сличия моего отлучен, яко спротивяся цареву узаконенному, еже благочестне и боголюбезне церквам и монастырям отдавшего. И сего ради мал некако в дар приносящу ми Богови, от негоже тьмочисленных дарований от богатоподательной его десницы восприимшу ми, сего ради подобает ниже от наместников, ниже от судей царства моего, всяческое церковное или монастырское стяжание, или данное или купленное, не изыскивать, ниже посуждать. Понеже царство мое cие все отдаде стяжания и пошлины церквам Божьим, ради имени Божьего и на славу его, и яко да сохранены будем под крепкой его десницей, ово же прося милости и прощения о ихже к Богу, яко человек плоть нося, приразих и согреших, ово же ради помощи от них, иже воины царя Христа, иже от младого возраста иноческому житию прилепившихся и во всеоружие одеявшихся Святого Духа, споспешника иметь и поборника крепка на видимые и невидимые враги. Темже аще убо кто дерзнет или наместник, или судья, или вельможа царства моего, или ради имения, или ради мзды, или ради насилия, или которой хитростью преобидеть восхочет церкви Божьи, и аще суть писанна по утвержденном писании царства моего, преобидеть отданная Боговии его великой церкви, и яже под областью ее на востоке и западе, всем митрополитам и архиепископам, и епископам и всем монастырям, идеже аще суть, якоже и предрекохом, по всей вселенной, пошлины церковные, отданные к Богу, аще грады, аще села, аще лугове, или озера, торжища и одрины, или люди купленные в дома церковные, или пошлиной под судом церковным, или винограды, или садове, или какова суть от церковных притяжания, презрить 1563 , или изобидить, или посужать начнет: первеe же святой Троицы света и милости, егда предстанем страшному судищу, да не узрит и да отпадет от христианской части, якоже Иуда от дванадесятного числа апостольского; к сему же и клятву да приимет иже от века усопших первородных святых и праведных и богоносных Отцов». 1564
Темже устрашаюсь аз, о любезнейши мой сыну, да не услышим гласа оного и ответа глаголюща: «якоже не послушаете гласа моего и заповеди мои не сохранисте, но дадосте выю жестоку, гордостну, непокориву, такоже будет, егда призовете мя, аз же не призрю на молитву вашу, и иже послушаю вас». Сия глаголы не буди прийти на ны, сыну мой, от праведного Судьи, аще чаем милость и человеколюбия Божьего, но и суда его праведного начаемся. Сиих ради плачусь аз, якоже рече Иеремия, и рыдаю и ищу очами моими источник слез довольных о страсти таковой, и сзываю мудрых, яко да рыдают, и беседуют, и содействуют, и утробой болезнуют, и хаплют непрестающе внутреннее мое, и да любомудрствуют, никакоже облегчит болезнь, или которые гласы; молчат бо ныне все древние и велеречствуют новые. Буйство бо всем Христовым врагам церкви Христовой есть, разделение и отъятие. Сего ради к церквам должны есмы не мало, и к сени приложихом церковная, отъемлющее 1565 к cебе, и сице в таковом граде великом, в великом княжении; православие же свое отдают Богу всегда, и якоже не мене оскорбляют, ниже церкви Божьи обидима о некоторых, и пошлины ее все. Или рещи: аще кто постражет малодушных разума, но ниже языки, лукавые свое творяще, глаголют зле, понеже добре не научени быша. Mне же не противно воздадут, или хваляще, или хуляще, якоже иже со смрадом миpo смешающей, или миро со смрадом, и тукы смешению смущающе, яко да печален буду, от хулы прелагаем, или многим имением одолеть хвалящим, и быть ми хужшому хвалами. Ныне же тако имать, но яков же есмь таков же и пребываю, и хвалим и укоряем: раб бо есть Божий; аще и грешен есмь, апостольское вещаю. Аще бых человеком угожал, Христу раб не бых был: несть бо что ино человеку, преложену сущу на Божью волю и все на славу имени его содевающу. 1566 И aбиe таковое к себе глаголю, яко убо укоряющему не мое паче слово или оного глаголемое прикасается, аще и меня именем хулить. Но почто ми на долготу слова подвизать? Приведох ти свидетельство от πриснопамятных царей и от присноблаженных прародителей твоего благородия, от многих малая, ради спасения и утверждения, по долгу, егоже есмь должен пред Богом отвещавать о вас. И всегда должен есмь таковая вещать и глаголать твоему благородию – такова, яже суть на спасение твое, реку же о [в] нынешнем настоящем веке твоем благоденстве, и наипаче о потребнейшем оного мысленного и неизреченного наслаждения сподобиться восприятию. Якоже они достойноблаженные твои прародители в житии сем Богу и церкви его добре послужиша, якоже множицей выше вещавшу ми, и здешняя же благодушне и добре насладишася, будущая же от Мздовоздаятеля восприяша вечная благая. Сведомо же ти буди, сыну мой, яко человек еси: аще и с Богом царствуеши над его избранной паствой, еже должен еси о его пастве и его правде даже и до крови спротивствовать ко всякому ополчению. Сведомо же ти буди, сыну мой, и се яко церковь Божью уничижил еси, насильствуя, взимая неподобающая ти, и себе не пособил ecи. Провещавай, сыну мой, к церкви Христовой и ко мне, отцу своему: «согреших, прости мя, и имаши, о отче, во всем благопослушна и покорена мене: елика в законе и в церкви Христовой пошлины зле растленны бывшие, исполню и исправлю, воображенная и данная и утвержденная исперва от прародителей моих, и яже по многих летах отставленная, яже и растленна быша. Имееши убо благопокорство всяко от мене, о отче! но елика еси вещал к нам о церкви Христовой, точию даждь прощение и благословение к нам, и руководец буди ми 1567 молитвами во благие Божьи дела, настави словом и духом, и укрепи». Благословение бо, сыну мой, и паче же святительское, укрепляет дома верных и да утверждены будем… … 1568 Моление убо мое и прошение к Божьему человеку и великому князю всея Руси, толико и тако надеюся благословно и праведно; се же и правила, яже прияшa от вселенских соборов твоего благородия прародители, слыши глаголемая.
* * *
В подлиннике невидения.
В подлиннике отпадшу.
В подлиннике възлетевающим.
по глаголу – перевод известного греческого κατὰ λέξιν (дословно).
В подлиннике иже.
В подлинникепредоидох.
Отсюда следует дословный, хотя весьма темный перевод отрывков из хрисовуллов императора Мануила Комнина, приведенных в толковании Вальсамона на 12 правило VII вселенская собора (Σύνταγμα τῶν κανόνων, ΙΙ, 598–611).
В рукописи егоже.
Смысл этого места может быть понят только при помощи греческого подлинника, в котором сказано: Καὶ τῷ ἱερῷ δὲ τούτῳ καὶ παμμεγίστῳ τεμένει, τῷ ἐπ' ὀνόματι τῆς Θεοῦ Σοφίας, τοῦ καὶ ἐκ Σολομῶντος κατημένου καὶ ἐκ Δαβίδ, κατὰ τὸ ἀνθρώπινον, φιλοτίμως ὄντως ἐνιδρομένῳ καὶ τῳόντι βασιλικῶς, οὔ κάκεΐνος ἢν ὁ Σολομώντειος προεκτόπωμα, τῇ νέᾳ λέγω Σιών, τῇ τοῦ ἀγιάσματος κιβοτῷ, τῇ τοῦ Σωτήρος ἠμών ἐκκλησιᾳ, η҆ν τῇ πέτρᾳ ἐπῳκοδόμησε τῶν ἀποστολικῶν διατάξεων τὸ Πνεύμα τὸ ‘Αγιον (Σύντ. II, 605).
В подлиннике недвижимо.
В подлиннике иже.
В подлиннике призрить.
Для правильного понимания всего приведенного места из императорского xpисовула нужно сравнить славянский текст с греческим в Синтагме, т. ΙΙ, стр. 608–611.
В рукописи отъемлю.
В подлиннике: содовеющу.
В подлиннике: ты.
В подлин. следует далее местo, испорченное до бессмыслицы: «Аз же и духовное cиe людство, во яже жребий сподоблен бых был, во еже изволих в нем ми будет покоище отсюду суще и церкви ко оному блаженству и первородну написану на небесах торжества».