3. Около 1160 г. Грамота константинопольского патриapxa Луки Хрисоверга к великому князю владимирскому Андрею Боголюбскому

Известна в двух редакциях: краткой, имеющей все признаки подлинности, и пространной – с различными добавками в содержаниии подновлениями в языке. Единственный, к сожалению, не полный список первой открыт и издан преосвящ. Макарием в Ист. Русс. Церкви, т. III, прим. 33, стр. 251; изд. I. Списки второй редакции обыкновенно помещаются в так наз. Никоновой летописи. Настоящее издание представляет первую половину грамоты по тому же списку, которым пользовался и автор Ист. Русс. Церкви (именно – в сборнике XVII в. кирилло-белозер. монастыря, ныне С.-Петербург. Духов. академии, по новому каталогу № 1270, л. 219–221), вторую – по Никоновской летописи изд. Археограф. Комиссии (Пол. Coбp. Летопис., т. IX. стр. 220–229). Летописный текст напечатан особым шрифтом; варианты его к первой половине грамоты указаны только там, где нужно было пояснить смысл или исправить очевидные ошибки списка старшей редакции.

Любимый о Господе духовный сыну, преблагородивый княже ростовский и суздальский. Грамота благородия твоего к нашему смирению твоим послом ⁵⁴⁵ принесена бысть, и прочтена бысть в соборе. Уведавше на ней, оже в твоей земли твоим почтанием благочестие уширяется ⁵⁴⁶ , яко многи по местом молебные дома создал еси Богу, доброе се твое почтание все похвалихом, и еже к Богу правую твою веру готовахом. И не токмо грамотой благородия твоего сия известовахом, но и от того самого ⁵⁴⁷ епископа твоего: многа и се[й благая о благородии твоем ⁵⁴⁸ свидетельствова пред нашим смирением и предбожественым собором и пред державным нашим и святым царем. ⁵⁴⁹

Сказывает же нам писание твое, иже град Володимер из основания воздвигл еси велик со многом человек, в ней же ⁵⁵⁰ церкви многи создал еси; не хощеши же его быти под правдами епископии ростовские и суздальские, но обновить е митрополией и поставить от нас в не митрополита, тамо сущего у благородия твоего Феодора. Да еже убо о граде твоем [и] иже в нем святых церквей ⁵⁵¹ , яже воздвигл еси на славу Богу, но и той ти множицей благородию твоему воздаст; а еже отъять таковой град от правды епископи[и] ростовские и суздальские и быть ему митрополией, не мощно есть то. Да ведомо буди благородию твоему: понеже бо, якоже слышим, оже не иноя страны есть ни области ⁵⁵² таковый град: не ново бо есть зашел к любви и к твоему княжению ныне бы [сть] приложен, но тое же самое земли и области есть, в ней [же] суть прадеды твои были, и ты сам обладаешь ею ныне, в ней-же едина епископия была издавна и един епископ во всей земли той, ставим же по временам священным митрополитом всея Руси, иже ⁵⁵³ есть от нас святые и великие церкви ставими посылаем тамо. А не можем мы того сотворить, занеже яве совпрашать [и] сважаться ⁵⁵⁴ с божественными и священными правилами. Правила убо святых Апостолов и божественных Отцов каяждо митрополия и епископия цело и не порушимо свои держать оправдания повелели ⁵⁵⁵ , и никтоже от святых может божественых и священных преступить правил, аще не странен от Бога хочет быть.

Прочтохом же и присланые грамоты твои, на них же бяху ⁵⁵⁶ обинные вины на боголюбивого епископа твоего. А понеже ⁵⁵⁷ уведахом и священного митрополита грамотой [и] епископ, и от самого посла державного и святого нашего царя и о[т] ⁵⁵⁸ иных многих, оже таковые епископа твоего обинения молвены суть многажды во своем тамо у вас соборе и пред великим князем всея Руси, пришедшим о том неким мужем благородия твоего, [и] ⁵⁵⁹ явилась некрепка, якоже бы епископу спакостить ⁵⁶⁰ , и оправлен убо cий епископ своим собором: и неподобно и мы мнехом отнюдь того порядить, занеже суть истязанна тамо; яко бо и священные правила не велят нам того творить: иже велят коемуждо епископу своим собором судиться. ⁵⁶¹ Но понеже епископ, надеяся на свою правду, прележаше моляся нам истязать паки нам, таковая нам послушахом мольбы ⁵⁶² , и прочтохом иже на него благородием твоим посланную грамоту. А понеже противу которой вине своей в оправду силне по правилам отвечал есть, а оправдан есть и нами, и в службу его с собой прияхом, и служил с нами. И се же есть и к твоему благородию послан, как и от самого Бога, нашим смирением [и] ⁵⁶³ божественным и священным великим собором, и известно надеемся, яко не восхочешь ся противить суду всех святитель и нашему смирению. И просто: аще хочешь иметь часть с Богом, смесившего небесная и земная своим к нам сшествием, и благословления великие соборные церкви и молитв всех иже зде сшедшихся святитель и нашего смирения, духовный отчей сыну ⁵⁶⁴ , всяку убо юже имееши жалобу и да в души своей на боголюбивого епископа своего, сложи с сердца своего; с радостью же его приими, со всякою тихостью и любовью, якоже Божьей благодатью достойна суща епископом, яко и слова почтена, и добродетелью светяща, и смыслом украшена, и сведает право паствить и управливать порученное ему Богом стадо. А пастыря имея яже не ⁵⁶⁵ такого, то боле не проси иного, но имей его, яко святителя, и отца, и учителя, и пастыря. И приими его опять в свою землю, да паствит Божьe стадо, да не забывает ⁵⁶⁶ , ожели то твое благородие будет в том грехе. Пусти же ему строить своей церкви, якоже благодать Святого Духа вдает ему; се бо и Богу и человекам есть угодно. Аще ли твое благородие годующе хочет жить в созданном тобой граде, а хотеть начнет и епископ в нем с тобой быть, да будет cий боголюбивый епископ твой с тобой. В том бо ему несть пакости, занеже есть таковый град под областью его. Ожели паки, якоже не имам веры, ни дай Бог быть, по его оправлении и священным митрополитом всея Руси и его епископы и нашим совершенным утверждением отнюдь, а не будешь к нему, якоже подобает, ни повинуться начнешь его поучением и наказанием, но и еще начнешь гонить сего Богом ти данного святителя и учителя, повинуяся иным чрез закон поучением, а ведомо ти буди, благословенный сыну, то аще всего миpa исполнишь церкви, и грады ⁵⁶⁷ возградишь паче числа, гониши же епископа, главу церковную и людскую, то не церкви, то хлеви, ни единой же ти ⁵⁶⁸ будет мзды и спасения.

Знаменано же убо есть нам известно о благочестивом епископе твоем, якоже уведехом, не про ино что гоним есть и бесчествуем, но некоего ради Феодора, сестричичя епископля Мануинлева, лишившася в нейже церкви поставлен; шедшу же ему тамо и поучающу сопротивное епископу чрез повеления святых Апостолов и святых Отцов есть мясо в среду и в пяток, аще прилучится праздник Господский или память котоpого нарочитого святого, такоже и во всю святую пятидесятницу в среды и в пятки, и иная многая грубная и несмысленная творяще и учаще; сице же и чисте живущих безженных житие, и Господа ради иночествующих, и любомудрию о Господе учащихся негодоваше и укоряше. Во истинну убо сей совершенна смысла отпаде и разум погуби; не разуме бо, ни уведе истинного о Господе любомудрия и спасения. Видеть убо есть, яко Софиа премудрость Божья есть, неизглаголанного девства чистота есть, и смиренные и спасенные мудрости истинна есть; имеет бо над главой Христа. Глава убо премудрость ⁵⁶⁹ Сын Слово Божье есть, простре же небеса и сниде в пречистую Деву Марию. И тако, елико их любят девство, подобятся пречистой Богородице: cиa бо пречистая девице роди Господа Иcуca Христа, Слово Божье; любящей же девство рожают словеса премудра и детельна, рекше неразумные и несмысленные научают. Cию чистоту возлюби великий Предтеча Креститель Христов, и показа устав девства, жестокое и любомудрое о Бозе житие; cию возлюби чистоту великий Иван Богослов, и сподобися возлещи на перси Господня, и бысть ученик возлюблен Христу Богу. Имат же убо деьство лице девиче огнено; огнь бо есть божество, попаляя страсти телесные и просвещая душу чисту: имат же и тороки ⁵⁷⁰ , иже ангелы имеют; житие бо безженное, чистое, со аггелы равно есть (тороци же покоище Святого Духа есть); на главе же имеет венец царский, яко смиренная мудрость царствует над страстьми; сан же, препоясание на чреслах – образ старейшинства, и святительства, и начальства являет; в руце же держаща скипетр священный – властительский и святительский сан есть; крыле же орлии, огнении – высокопаривые пророчества есть, зане разум скоро являет (орел бо зело зрачна птица есть; егда бо видит ловца, и возлетает выше и неудобь емлема бывает: такоже убо любящей девство и мудрость неудобь уловлени бывают от ловца диавола); в шуйце же имать свиток написан, в нем же суть недоведомые и сокровенные тайны писанные, еже есть преданнае писания ведеть подобает и прочитать, от чужих же и незаконных препираний отстоять; одеание же света являет утверженна семью столпов – семью Духа дарований; нозе же имеет утвержденны на камени; на сем убо, рече Господь, на камени созижду церковь мою, и врата адова не одолеють ей, и дам ти ключа царствия небесного, и егоже аще свяжешь на земли, будет связан на небесех, и его-же аще разрешишь иа земли, будет разрешен на небесех. – Много убо наипаче почтено есть девство; Христос бо печати девства не вреди, от Девы родися, да почтет девство. Брака убо вышши есть и много честнейши девство; елико убо ангелы вышше суть человеков и елико небо от земли, толико убо не оженивыйся вышши есть женившегося: девство бо есть ангельское житие. Рече убо Господь в евангелии своем еже от Луки: сынове века сего женятся и посягают, а сподобльшейся век он улучить и воскресение еже из мертвых, ни женятся, ни посягают, ни умреть бо ктому могут: равны бо суть ангелам и сынове суть Божьи. И в Матфее убо глаголет: в воскресениe бо ни женятся, ни посягают, но яко ангелы Божьи на небесах суть. О сем убо Иоан Златоуст сице глаголет: «и преже воскресения покажем вам воинства духовные; лик ангельский, иже Христови плоть распяша со страстьми и похотьми, презирающих мимотекущая, держащихся духовных, сии светила вселенной, ангельский лик. Егда убо солнце взыдет, паче много преже солнечного восхожения, от ложа восставше в страхе Господнем, бодри, трезви, непечалью житейской и суетой смущаемы, не омрачением тленных и мимотекущих, не трудами земными и суетными, не скорбью и желанием настоящего жития, ни ино что от таковых стужаше им, но якоже ангелы пребывают на небесех. Восставше убо от ложа светлы и веселы, и лик един составльше светлой совестью, согласно все, якоже от единых уст песников всех, Богу поют, почитающе его и благодать воздающе ему о всех, и о особных и о общих, благодеяних, отнудуже видится ⁵⁷¹ Адама оставльше. Да вопросим вас: чим от ангелов расстояше сей лик иже на земли поющих и глаголющих: слава в вышних Богу, и на земле мир, в человеках благоволение? И одежда же им мужества достойна; не бо якоже влачящей ризы и ослабленные и сломленные украшены суть, но по божественных онех ангелах Ильи и Елисея и Иоанна, по апостолу, ризам состроенным им, овем убо от влас козьих, овемже от влас велбужьих, инем же и кожи довлеша, точию и cия древле подруженна, и песни убо воспевают, и колени прекланяют, и воспетого Бога молят о вещах, ихже некие ни в помышление вскоре приходят; просят бо в настоящих ничтоже, точию согрешением прощения, и с дерзновением стать предсудищем страшным, егда приидет судить живым и мертвым единородный Сын Божий, и еже ни единому слышать страшного оного гласа: не вем вас, идите от мене проклятые во огнь вечный, уготованный диаволу и ангелам его, и еже яко с чистой совестью и многими исправлениями притрудное, и жестокое и плачевное совершить житие в суетном сем и прелестном веке, и еже лютую преплыть пучину с добрым плаванием; cии убо, яко на небесех водрузивше кущи, далече от злых жительствующе, воинствующе на диавола, якоже ликующе, сице ратуют его. Что убо ради не самовольне приходим к толикому блаженству, не приидем ли ко ангелам сим, не сожительствуем ли ангелам сим, не приимем ли чистые ризы и обновимся браком сим, не помышляем брак званы есмы, Божий брак, не внимаем ли, яко в чертоги cия званной души внить подобает благими делами, светлостью жития? Отыдем убо ко онех скиниям, да делами навыкнем удобства; ничим же убо их пребывания хужше небес устрояются; ибо ангелы сходят к ним, и сам ангелски Владыко. Аще бо ко Аврааму приидоша – мужу, жену имеющу и дети питающу, понеже убо страннолюбна видеша; егда же убо много вяшщу свобожена и во плоти плоть презирающа, много паче зде пребывают и ликуют подобающее им ликование». Сия убо блаженный Златоуст и прочии святые сему согласуют, яко безженных, чисто живущих всех преудивляет житие; девство бо есть аггельское житиe, с ангелами сочиняет любящих его. Тем же поучаем и наказуем твое благородие и благочестие соблюдаться от ложных пророков, иже приходят во одеждах овчих, и не веровать всякому духу, но покоряться Апостолу глаголющу: бpaтиe, покоряйтеся старейшинам вашим и повинуйтеся; ти бо бдят о душах ваших, яко слово хотяще воздать в день судный.

Покоряйся убо, возлюбленный о Господе духовный сыне, боголюбивому епископу твоему, яко аще прилучится Господский праздник Рождества Христова и Богоявления в среду или в пяток, разрешает епископ мирских есть мяса и все, иноких же млеко, и масло кравиe, и сыр, и яйца; на Рождество же пречистой Богородицы, и на Сретение, и на Успение, и на Преображение Христово в среду и в пяток разрешает иноков же и мирских на масло древяное, и на овощи, и на рыбу, и на вино; на Благовещение же до недели вербной, нъ кой убо день, аще случится, разрешает на масло, и на овощи, и на вино; на страстной же неделе до великого пятка – на масло и на вино, в великий же пяток – на вино точию. Два же праздника Предтечева, и святых Апостолов Петра и Павла, и возлюбленного Иоанна Богослова и к сим других нарочитых святых аще случится в среду или в пяток, аще благословит и повелит епископ есть масло древяное, и овощи, и рыбы, и вино, сице твори; на Воздвижение же честного креста – масло древяно и вино; в дваженадесятих дней от Рожества Христова до Крещения, да неделя о Мытаре и о Фарисее, да неделя сыропустная, да неделя светлая, да неделя по Троицыне дне, от светлой же недели даже и до пянтикостии в средах и в пятцах пост иже до девятого часа не соблюдаем; но аще и снедь сыра, и масла кравьего и мяса отметаемся, стыдением апостольского правила, но масло древяное и другое, к сим и рыбы приемлем, зане в сих днех аще и память Господского распятия творяще, распятию пристоающая тропари поем; но и воскресные сими ⁵⁷² споем, якоже и во иных днех умилительные тропари примешаем: да аще праздники Господские в среду и в пяток, или коего нарочитого святого, и до самого пянтикостия, вопрошай главу свою, еже есть епископа твоего, да аще что глаголет, сице твори, веруя, яко Господь Бог глаголет устами епископа твоего; аще ли не велит, постися тогда. Никтоже бо от всех человек: ли святитель, ли пресвитер, или мних, или ангел, ниже бо ангел с небеси имеет такову власть вязать и решать, разве един боголюбивый епископ твой, его же положил Господь Бог главу всей земли твоей и тебе. Да убо отныне соблюдай себя от поучений лукавых, и льстивых и пронырливых человеков; того же убо Феодора отжени от себя и к его епископу понуди его идти: да аще обратится покается, благодать Богу; аще ли еще учнет, тамо пребывая, церковные смущать и молвить вещи, и укоризны и досады на епископа наводить, супротивное творя священным и божественным правилам, отлучена его имеет священный и божественный великий собор с нашим смирением. Cия уставляем повелением и властью Святого Духа и уставом и словом великого Apxиepeя Спаса нашего Иcуca Христа, и аще еще не исправится, таковое творя, прельщая людей, отнюдь убо того во отсечение святой церкви и в непричастие всякой святыни вводим, по двадесять восьмому святых Апостол повелению, не токмо же того, но и едино мысленики и споспешники и сопричастники его все, послушающих чреззаконных его поучений. Целует тя весь священный и божественный великий собор с нашим смирением, преблагородный духовный наш сыне, занеже непщуем, яко тружающаяся в вас наставники ваши, о Господе учащая и наказующая вас, чествуете и почитаете; наипаче в любви блюди наказания о завещании, еже приял eси от нас и Господе, яко да Божьей ради любви и нашего ради наказания и благословения исполнявши все о епископе твоем, отечески наказующе написахом, да иже чествуеши святителя, чествуеши Христа: образ бо Христов имать и на Христове седалище сидит; не обленися убо слушать и почитать таковых, да и в настоящих и в будущих благих насладишися и прославишися наипаче. Благодать Господа нашего Иcуca Христа и любы Бога и Отца и причастие Святого Духа да будет с благородием твоим, аминь.