122. Наставление духовнику о принятии кающихся

Эта и следующие две статьи (№№ 123 и 124), судя но их содержанию и языку, должны принадлежать глубокой древности; но старшие списки их восходят не далее конца XV века. – Наставление духовнику или, по рукописям, «Предисловие покаянию» издано было по двум соловецким спискам в Правосл. Собесед. 1860 г., ч. I, стр. 350–358; новейшее издание, сделанное по нескольким спискам XV века и в двух изводах, – у Срезневского в Малоизв. Памятн. № LIX. Теперь издается по новгородскому списку XV в., ныне С.-Петерб. Дух. Акад. № 1285, л. 122–125. Не смотря на некоторые описки, он исправнее других в том отношении, что представляет меньше позднейших поправок в языке драгоценного памятника.

Подобает быть архиерею съмысльну, и умну, и мудру в учении книжном, и тверезу во всем, якоже рече Павел к Тимофею: «трезвися о всем». Такому же подобает быть иерею; аще ли не таким, то не подобает быть ереем, аще будет и свят: понеле есть невежа и несмысл[ьн]. Неведение бо и согрешения злее есть: согрешившие бо, истинне кающеся, спасаются; а несмысленные, заблудивше в писании книжном, не имуще трезва и здрава ума, в ересь впадающе, погибают. ³⁰⁹¹ Книгам бо учится друг у друга, а разум Бог дае[т], емуже хочет – тому, иже кто сохранит заповеди его. Рече бо Приточник: «аще желаеши мудрости, снабди заповеди Христовы, и Господь даст ти ю». И Пророк рече: «Господь созда мудрость и подаст ю любящим его»; и «в злохитру душу не влезет мудрость», ни ся может укоренить в деле, ocкверненне от пьянства, паче же от неправедного богатства. Еста бо две матици [вс]яким злом в веце семь, еже оста от неприязни: пьянство и неправедное [собрание; и неправедное] ³⁰⁹² же собрание горее есть пьянства: пьянства бо ся ныне проспит, а богатства неправедного [не] мочи ³⁰⁹³ ся лапь ³⁰⁹⁴ проспать. Запойчивый бо аще приидет когда, сощунувся, на покаяние, то – толико остаться пьянства; а оному, хотящю ся каяти, то преже покаяния оттрясти от себя злое то собрание, нъ тем опять даять, откуду то собрано: аще ли не тем, то сторицей отдавать, тоже прийти на покаяние и прощену быть; аще ли, то ни. Хотящему же прийти на покаяние, то не искать ерея по своему сердцу, потаквы деюща, и слабо учаща, и епитимьей не связывающа: аще бо иерей не свяжет, ждут нас вечные узы. Да поищи иерея разумна, и пред тем исповедай грехи свои к Богу. Да таковой ерей добре тя учит; ты же, приим крепко, сохрани заповеди, и спасешься. О покаянии бо рече вопросник: «добро ли исповедать грехи к духовным отцам?». Ответник рече: «ей, добро, чадо, и полезно, нъ не без искуса сущим». ³⁰⁹⁵ Будет бо попин груб, ли невежа, ли пьяница, ли горд, – так бо сущь поп, преобидника тя ³⁰⁹⁶ , и нерадива, и ленива, и ослаблена тя створить. О таковых бо и Господь рече: «горе вам, фарисеи лицемеры, книжники слепые, яко обходите море и землю, и творите единого пришельца сына дебри огненной, сугубейша вас. Горе вам, вожеве слепые, спону творите хотящим спастися». Аще ли обрящешь мужа духовна и разумна, то без смута исповежься ему, не яко к человеку, нъ яко к Богу. Буди послушлив, по Господьну слову, реченному к Апостолам: «слушаяй вас, мене слушает; а не слушаяй вас, мене нe слушает». Не слушаючи бо иepeя, наказывающа добре, то почто ся и каяти? Даже ся тако каючи, то не прощену быть от грехов. Христос бо тако глаголет: «человече, аще хощеши спасен быть, то останися своих воль и приими волю учащего тя добрым заповедям и, приим, спасешися; аще ли, то ни». Словом бо исповедания не спастися, дела не воследуючи, ни отмещющися сатанинских дел всех, якоже есми отметалися крещающеся: то ти лжеве наричемся, а не рабы Божьи. Нужно ³⁰⁹⁷ же и поповы лжи послуху быть и погибнуть про чужие грехи. Послушавшем ли паки, вам спасеном быть, и поповы мзду приять от Бога. И носьник бо, не слушая кормника, потопита ладью: тако и каяйся, не слушая учителя, добре кажуща, то погибель есть; а не добре правяй и кормник, не токмо имение свое потопит, нъ и сам потонет; тако и попин, не умея учить, и сам погибл есть. Да того ради подобает быть разумну, и умну, и мудру ерею, а кающемуся быть кротку, смирену, покориву: и тако обою Бог введет в жизнь вечную и всех крестьян, таковы суща. Ты же, ерею, слуго Христа Бога Господа нашего, не убойся, ни усумнися, ни устыдися лица человеческа, аще ти и царь есть, ли князь, ли судья, ли воин: ты бо еси Богом поставлен, и раб ecи Божий и слуга Христов, да с дерзновением твори повеление Божие, и заповеди его заповеданы всем верным, к послушливым человекам в спасение.

Пришедшу же к тебе уже человеку, и поем его, введи в тайно место и чисто, и сед с ним, побеседуй прейже исповедания его, и испытай о нем, всем ли сердцем кается, и всей душей и мыслью, и всей верой, и заповеди Господние хотеть ли начнет приять, или творить повеленное тобой, радостным сердцем и веселым? Да аще ти как хотеть начнет быть, то приими; аще ли не так, то не погибни с чужими грехами, нъ печися своей душой. Аще ли доброго и послушлива не приимешь, ни научишь его, аще ли и велми грешен есть, понеле послушлив: то с злыми имаши осужен быть, аще и свят ecи. Начни же казать от починка повесть сию, даже и доселе, тихим лицом и кротким сердцем и веселым, и по сем рци ему: «добре приде, чадо ли брате, каяться к милостивому Богу и Господу нашему Иисусу Христу, вземлющему грехи всего мира: и твои, чадо, возьмет, аще ся покаеши всем сердцем и волю его начнеши творить: то и аз ти, чадо, буду, грешник, послух и учитель, с Божьей помощью. Да се, чадо, первое прашаю тебе: в [ко]ем еси сану, и кое дело имаши, и кыя вещи твориши?». Да како ти речет, ты же рци ему: «хочешь ли, чадо, творить волю Божью с любовью? и[бо] заповеди его приимши ³⁰⁹⁸ крепко, пребываяй в заповеди Господни с верой, упованием иже к Богу, и соблюдши заповеди его, спасену быть и в будущем веке со святыми радоваться, и ³⁰⁹⁹ радости не будет конца; а не творившим воле Божьей, ни по заповедям Христовым ходивши, мучению несть конца. Да аще хочешь, чадо, быть в жизни вечной, то первое укажу ти, чадо мое милое, возлюбленное Богом: отверзися пьянства, а не питья; отверзися объедения, а не яствы; отверзися блуда, а не законной женитвы; отверзися неправедного имения, а праведного не хорони, ни щади убогим даять; отверзися коръчьмы варить и пить коръчьмы; отверзися кун даять в резе, а Бога деля дай. А еже еси имал прежде сего наклады, или иное кое неправдой добывал, ли клеветой, ли мздой неправедной, ли грабленьем, ли ротой, ли поклепом, ли запреньем чужого имения, ли обретенным имением, и прочее всякое неправедное имение отмечи от себе, или краденое, или в разбое добыто, ли в пожар ограблено: то же все неправедное имение возврати тем, чье то было; аще ли не тем, нъ убогим то сторицей отдавать, краденое – десятерицей, а резоимное – състорицей, такоже все насильное имение. И праведным же ³¹⁰⁰ имением богатиться, и от того убогим даять, и милость Божью обрести, якоже и Соломон рече: «чести Господа от праведных трудов своих; аще ли, то ни». И се паки горее всего емлющим изгойство на ³¹⁰¹ искупающихся от работы: но имут бо видеть милости, не помиловавше равно себе созданного рукой Божьей человека, [н]иже ³¹⁰² насытившеся ценой уреченной, и тоже не от закона Божьего, нъ и еще прилагающе горе на горе своей души, не токмо свои души губяще, нъ и послух, вставающих по них и помагающих злобе их, и еще же приволочаще к своим злъм и судьи ³¹⁰³ многими мздами и великими дарами. Аще ли кто в неведении имал будет, ти хочет избыть вечные муки, да воротит опять тем, на нихже имал, и избудет вечные муки и жизни вечной причастник будет с всеми святыми. Такоже иже кто продает целядин, да елико на нем давши толико и взяти; аще ли лише, то обретается наклады емля и прасоля живыми душами, с нимиже и на судище пред Богом стать. Такоже иже кто выкупается на свободу, то толико же даст на себе, колико же дано на нем; потом же, будя свободен, ти добуде[т] детей, то начнут имать изгойство на них: то обрящются продающе кровь неловинну, и взыщется пред Богом на страшном судище от рук их кровь та; то луче бы им не родиться ³¹⁰⁴ , [н]еже полести в непребредомые ³¹⁰⁵ муки. Сему же есть сам свидетель и послух Христос, искупивый нас от работы дьявола своей кровью и от человеческой неправды и злобий ³¹⁰⁶ , научением Святого Духа приимающе, пречистые его заповеди, творить волю его и правду в людях, и тако приобрести милость от Бога. Сам бо Господь рече: «несть милости не створшим милости, [н]иже на суде помилуются». Такоже и все верные и смысльные, аще воротят неправедное то именье опять тем же, не токмо греxa избудут, нъ и жизни вечной сподобятся. Да се, сыну, слышал ecи: «то ци что имаеши, чадо, от праведного именья и злого собрания, то дай опять от себе тем же, ихже то есть было, и отмечи от себя всяко неправдье, и потом приидеши на покаяние чистое, и Бог простит тя всем грехом и спасет тя; и аз тя прииму и отец ти буду и учитель. Иди же, чадо, и створи скоро, в один час, и возвратився, прииди борзо, сотворив повеленое, и покаешися; хочешь ли, сыну, створить повеленое мною, не мною же, нъ Господом нашим Иисусом Христом, то творить? аще ли не хочешь тако творить, да я не повинен буду неправде, ни лжи послух буду». Да како ти отречет, ли сяко, ли онако, аще ти отречет добре, то с радостью благословив его, приими же; аще ли не рачит о наказании сем, то рци ему: «да иди, человече, поищи cебе отца по своему хотению и по сердцу, и такого потаковника якоже хочешь: и оба зде насладитася своего хотения, в будущем же веце чужа будет добрых детелей. ³¹⁰⁷ Мы же, рце, грешники паче всех человек отягчяемы, с чужими грехами не хотим погибнуть: то бо суть чужие грехи, еже каются, а зла ся не остануче. ³¹⁰⁸ Аще ли бысте ся каяли, всякое неправьдье злое отметавше от себя, то и мы быхом, с вами молящеся Богу о грехах наших, обрели отдание грехам и получили жизнь вечную о Христе Иисусе Господе нашем». ³¹⁰⁹

Ведеть же подобает, яко предсловье ³¹¹⁰ слова о покаянии не подобает несмысльну попови держать и чести пред людьми, нъ умну и умеющю добре учить, а не умеющему – то ни приимать на покаяниe никогоже: ни слепец бо слепца водит; велик бо смысл имущу – толи истязать человекa кающася предисловием, иже о покаянии. Аше бо будет каяся человек, ти не ³¹¹¹ будет прейже обогател неправедным собранием, и потом будет худ и убожал, и нечим будет отдавать: таковым велим на таже творения не восходить, нъ остатися токмо таких дели молиться о том к милостиву Богу со слезами и с плачем и коленопоклонением, в умилении, до исхода души своей; нъ по силе, а не ³¹¹² чрез силу: и будет болий ³¹¹³ сирота, ли немощен, ли работен, ли как, да всего того воспытает мудрый попин от кающегося. Прочее же указание указает Иоан мних, ученик святого Василия ³¹¹⁴ , на потребу кающимся, о Христе Иисусе Господе нашем, емуже слава в веки веком, аминь.