Пособие
Как читать Часы

Как читать Часы
Как найти службу нужного дня
Где найти тропари и кондаки
Час первый
Час третий
Час шестой
Час девятый

Как читать Часы

Перед началом чтения богослужения Часов начинающему чтецу необходимо заблаговременно подготовиться.

Необходимо иметь Часослов. Если у вас нет часослова, часы можно взять из данной публикации (последование часов смотрите ниже) и распечатать.

Часослов — книга, служащая руководством для чтецов и певчих. Часослов содержит в себе порядок всех повседневных служб, кроме Литургии. Обычно часы совершаются в следующем порядке. Первый – по завершении всенощного бдения, после утрени (то есть в конце вечернего богослужения); третий и шестой – непосредственно перед литургией (один за другим); девятый по Уставу совершается в начале всенощного бдения, перед вечерней, но в большинстве приходских храмах он опускается.

II.

Прочитайте час, который вы будете читать на богослужении, заблаговременно несколько раз. Проверьте, правильно ли вы ставите ударения – для этого включите аудио-запись с чтением часов и ведите глазами по тексту; если обнаружили, что вы сделали неправильное ударение, выделяйте его в тексте.

III.

Кроме часослова вам понадобятся другие богослужебные книги, например, минея и октоих. А в дни Великого поста и в пасхальные дни понадобится Триодь (в данной публикации не рассматривается служба часов, совершаемая в великопостный период, так как она имеет в сравнении с вседневными часами свои особенности). В этих богослужебных книгах находятся тропари и кондаки, которые нам будут нужны для чтения того или иного часа.

Минея (Месячная) содержит в себе молитвы в честь святых на каждый день года и торжественные службы на праздники Господни и Богородичные, приходящиеся на определенный день месяца. По числу 12 месяцев она разделяется на 12 отдельных книг.

Октоих содержит песнопения (тропари, кондаки, каноны и проч.), разделенные на восемь напевов (так называемых «гласов»). Каждый глас, в свою очередь, содержит в себе песнопения на все семь дней недели (то есть на седмицу), так что службы Октоиха повторяются раз в восемь недель.

IV.

Кроме богослужебных текстов необходимо иметь Богослужебные указания в печатном (толстая книга с синей обложкой) или электронном виде. В этой книге содержатся подробные указания относительно совершения богослужений на каждый день года. В обычных небольших церковных лавках эта книга не продается, ее можно приобрести в крупных православных магазинах. Найти богослужебные указания можно на сайте «Азбука веры», в календаре (https://azbyka.org/days/ – нажмите ссылку «Богослужебные указания»).

Обратите внимание, что богослужебные сутки начинаются с вечера предыдущего дня, т.е. последование Всенощного бдения в субботу вечером ищут уже в дне воскресном, а не субботнем.

Как найти службу нужного дня

Рассмотрим примеры.

Вариант 1. Допустим, нас интересует служба Третьего часа от 2 декабря 2016 года, совершаемая перед 6 часом и литургией. Смотрим в Богослужебных указаниях на интересующую нас дату. Не стоит пугаться большого количества информации, которое мы увидим на открывшейся странице – нас интересует заглавие в самом верху – «Пятница. Прор. Авди́я. Мч. Варлаа́ма. Свт. Филаре́та, митр. Московского») и указания по чтению часов, которые можно найти в абзаце, начинающемся со слов «На часах…» (перед «На Литургии…»). Там указано: «тропарь и кондак святителя». Таким образом, на часах мы будем читать тропарь и кондак святителя Филарета (в какой части их читают, смотри в последовании часов, которое мы приводим ниже, эти места отмечены знаком «(!)»).

Вариант 2. Нас интересует служба Шестого часа от 1 января 2017 года, совершаемая после 3 часа и перед литургией. Смотрим Богослужебные указания. Открылось окно, смотрим на верхнюю часть – «Неделя 28‑я по Пятидесятнице, пред Рождеством Христовым, святых отец. Глас 3‑й. Мч. Вонифа́тия» и ищем абзац «На часах…» – «тропарь воскресный. «Слава» – тропарь отцов: «Ве́лия ве́ры исправле́ния…». Кондак только отцов («Рукопи́саннаго о́браза…»)». Это значит, что на всех часах читается сначала воскресный тропарь 3‑го гласа, а потом тропарь святых отцов; а там, где мы будем читать кондак, нам понадобится кондак Святых отцов.

Вариант 3. Нас интересует служба Первого часа, совершаемая в конце всенощного бдения накануне литургии от 18 декабря 2016 года. Здесь важно отметить, что церковный день начинается с вечера. Таким образом Первый час мы будем читать 17 декабря вечером, а в богослужебных указаниях ищем 18 декабря 2016 года.

Смотрим Богослужебные указания. Открылось окно, смотрим на его верхнюю часть – «Неделя 26‑я по Пятидесятнице. Глас 1‑й. Прп. Са́ввы Освяще́нного. Свт. Гу́рия, архиеп. Казанского» и ищем абзац «На часах…» – «тропарь воскресный. «Слава» – тропарь преподобного. Кондаки преподобного и воскресный читаются попеременно».

Это значит, что на часах сначала читается воскресный тропарь 1‑го гласа, а потом тропарь преподобного Саввы Освященного; а там, где мы будем читать кондак, нам понадобятся преподобного Саввы Освященного и воскресный кондак. Что значит «читаются попеременно»? То есть на 1 часе – кондак Саввы Освященного, на 3 – кондак воскресный, на 6 часе – снова кондак Саввы Освященного.

Вариант 4. Нас интересует служба Первого часа, совершаемая в конце всенощного бдения накануне литургии от 13 ноября 2016 года. Таким образом Первый час мы будем читать 12 ноября вечером, а в богослужебных указаниях ищем 13 ноября 2016 года.

Смотрим Богослужебные указания, в верхей части – «Неделя 21‑я по Пятидесятнице. Глас 4‑й. Апп. от 70-ти Стахи́я, Ампли́я, Урва́на, Нарки́сса, Апе́ллия и Аристову́ла. Мч. Епима́ха. Прп. Никоди́ма Кожеезе́рского (службу зри 3 июля). Собор всех Бессребреников (в Неделю, ближайшую к 1 ноября)1. Прпп. Спиридо́на и Никоди́ма, просфорников Печерских, в Ближних пещерах» и ищем абзац «На 1‑м и 6‑м часах – тропарь воскресный. «Слава» – тропарь апостолов. На 3‑м и 9‑м часах – тропарь воскресный. «Слава» – тропарь мученика. Кондак только воскресный».

Это значит, что на 1 часе нам понадобится сначала воскресный тропарь 4 гласа, а потом тропарь апостолов от 70-ти. Кондак мы будем читать только воскресный.

Где найти тропари и кондаки

Вариант 1. В богослужебных книгах.

Если в богослужебных указаниях сказано: «тропарь воскресный», «кондак воскресный», нам понадобится октоих.

Ищем тропарь. Открываем службу нужного нам гласа – от 1‑го до 8‑го. Ищем Вечерню – заголовок В СУББОТУ НА ВЕЛИЦЕЙ ВЕЧЕРНИ. Открываем почти самый конец этой службы (после абзаца «Таже, Ныне отпущаеши: и Трисвятое. По Отче наш:»), здесь находится нужный нам тропарь (Тропарь воскресен, глас…). Например, нам нужен тропарь 1 гласа, находим его: «Камени запечатану от иудей и воином стрегущим Пречистое Тело Твое, воскресл еси тридневный Спасе, даруяй мирови жизнь. Сего ради Силы Небесныя вопияху Ти, Жизнодавче: слава Воскресению Твоему, Христе, слава Царствию Твоему, слава смотрению Твоему, едине Человеколюбче».

Теперь нам нужно найти кондак. Ищем Утреню – заголовок В НЕДЕЛЮ НА УТРЕНИ. Открываем канон утрени, его 6‑ю песнь. После нее расположен нужный нам кондак. Например, нам нужен кондак 1 гласа, находим его: «Воскресл еси яко Бог из гроба во славе, и мир совоскресил еси; и естество человеческое яко Бога воспевает Тя, и смерть исчезе; Адам же ликует, Владыко; Ева ныне от уз избавляема радуется, зовущи: Ты еси, Иже всем подая, Христе, воскресение».

Другие (невоскресные тропари и кондаки) мы находим в минее (напомним, Великого поста и Пасхального периода в настоящей публикации мы не касаемся – это тема отдельного разговора). Открываем нужный нам месяц (том) минеи, в нем находим интересующее нас число – по старому стилю. Допустим, это 18 ноября / 1 декабря. Перед заголовком НА УТРЕНИ находим тропарь: Мученицы Твои, Господи, во страданиих своих венцы прияша нетленныя от Тебе, Бога нашего, имуще бо крепость Твою, мучителей низложиша, сокрушиша и демонов немощныя дерзости. Тех молитвами спаси души наша. Он нам и нужен. Дальше, уже НА УТРЕНИ, после 6 песни канона находим нужный кондак: Святая твоя память вселенную веселит, созывающи верныя вся в пречестный храм твой, идеже ныне, радостию совокупльшеся, поем в песнех и светлостех. Сего ради, Платоне, вопием ти: языческаго нашествия избави град твой, святе.

Вариант 2. В Православном церковном календаре.

Обычно этот календарь выпускается в виде книги в мягкой обложке. В нем приведена краткая богослужебная информация о богослужениях на каждый день года (тропари, кондаки…). Чаще всего используют его певчие. Купить его можно в специализированных церковных магазинах, иногда он продается и в обычных церковных лавках.

Вариант 3. В Интернете.

Электронный октоих мы можем найти на сайте https://azbyka.org/bogosluzhenie/oktoih/okt.shtml. Зайдя по ссылке, следует выбрать нужный глас, и далее найти нужные нам тропарь и кондак – см. Пункт V, вариант 1.

Или на специальной странице: Тропари и кондаки воскресные восьми гласов.

Для поиска тропаря и кондака минеи можно воспользоваться календарем сайта «Азбука веры»: https://azbyka.org/days/. Допустим, нам нужно найти тропарь и кондак мучеников и исповедников Гурия, Самона и Авива, читаемый на службе 15 ноября (старый стиль) / 28 ноября (новый стиль). Открываем Православный календарь на искомую дату. Находим тропарь: Чудеса святых Твоих мученик стену необориму нам даровавый, Христе Боже, тех молитвами советы языков разори, Церковь святую укрепи, яко един Благ и Человеколюбец. Он нам и нужен. Дальше находим нужный кондак: С высоты, мудрии, благодать приемше, сущим во искушениих предстоите, всехвальнии. Темже отроковицу, святии, от смерти горькия избависте, вы бо воистинну есте Едесу слава и миру радость. Таким же образом ищем любую другую дату, при этом, конечно, меняем число.

Если вы не нашли тропарь или кондак на нужной вам странице, не отчаивайтесь – на той же странице календаря, ниже, есть раздел БОГОСЛУЖЕНИЯ. Открывайте выложенный там PDF-файл (с пометкой ГР, если не знаете церковнославянский язык, и с пометкой ЦС, если знаете его) – это файл с нужной вам службой, в нем находятся тропарь и кондак. Как искать тропари и кондаки минеи, мы говорили в пункте V, варианте 1.

Полностью все тома Минеи размещены по ссылке.

С Богом!

Час первый

Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 5:

Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мой и Бо́же мой, я́ко к Тебе́ помолю́ся, Го́споди. Зау́тра услы́ши глас мой, зау́тра предста́ну Ти, и у́зриши мя. Я́ко Бог не хотя́й беззако́ния, Ты еси́: не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма: возненави́дел еси́ вся де́лающыя беззако́ние. Погуби́ши вся глаго́лющыя лжу: му́жа крове́й и льсти́ва гнуша́ется Госпо́дь. Аз же мно́жеством ми́лости Твоея́, вни́ду в дом Твой, поклоню́ся ко хра́му свято́му Твоему́, в стра́се Твое́м. Го́споди, наста́ви мя пра́вдою Твое́ю, враг мои́х ра́ди испра́ви пред Тобо́ю путь мой. Я́ко несть во усте́х их и́стины, се́рдце их су́етно, гроб отве́рст горта́нь их: язы́ки свои́ми льща́ху. Суди́ им, Бо́же, да отпаду́т от мы́слей свои́х, по мно́жеству нече́стия их изри́ни я́, я́ко преогорчи́ша Тя, Го́споди. И да возвеселя́тся вси упова́ющии на Тя, во век возра́дуются, и всели́шися в них, и похва́лятся о Тебе́ лю́бящии и́мя Твое́. Я́ко Ты благослови́ши пра́ведника, Го́споди: я́ко ору́жием благоволе́ния венча́л еси́ нас.

Псалом 89:

Го́споди, прибе́жище был еси́ нам в род и род. Пре́жде да́же гора́м не бы́ти и созда́тися земли́ и вселе́нней, и от ве́ка и до ве́ка Ты еси́. Не отврати́ челове́ка во смире́ние, и рекл еси́: обрати́теся, сы́нове челове́честии. Я́ко ты́сяща лет пред очи́ма Твои́ма, Го́споди, я́ко день вчера́шний, и́же мимои́де, и стра́жа нощна́я. Уничиже́ния их ле́та бу́дут. Утро я́ко трава́ мимои́дет, у́тро процвете́т и пре́йдет: на ве́чер отпаде́т ожесте́ет и и́зсхнет. Я́ко исче́зохом гне́вом Твои́м, и я́ростию Твое́ю смути́хомся. Положи́л еси́ беззако́ния на́ша пред Тобо́ю: век наш в просвеще́ние лица́ Твоего́. Я́ко вси дни́е на́ши оскуде́ша, и гне́вом Твои́м исчезо́хом, ле́та на́ша я́ко паучи́на поуча́хуся. Дни́е лет на́ших, в ни́хже се́дмьдесят лет, а́ще же в си́лах, о́смьдесят лет, и мно́жае их труд и боле́знь: я́ко прии́де кро́тость на ны, и нака́жемся. Кто весть держа́ву гне́ва Твоего́, и от стра́ха Твоего́, я́рость Твою́ исчести́? Десни́цу Твою́ та́ко скажи́ ми, и окова́нныя се́рдцем в му́дрости. Обрати́ся, Го́споди, доко́ле? И умоле́н бу́ди на рабы́ Твоя́. Испо́лнихомся зау́тра ми́лости Твоея́, Го́споди, и возра́довахомся, и возвесели́хомся, во вся дни на́ша возвесели́хомся, за дни в ня́же смири́л ны еси́, ле́та в ня́же ви́дехом зла́я. И при́зри на рабы́ Твоя́, и на дела́ Твоя́, и наста́ви сы́ны их. И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.

Псалом 100:

Ми́лость и суд воспою́ Тебе́, Го́споди. Пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́ посреде́ до́му моего́. Не предлага́х пред очи́ма мои́ма вещь законопресту́пную: творя́щыя преступле́ние возненави́дех. Не прильпе́ мне се́рдце стропти́во, уклоня́ющагося от мене́ лука́ваго не позна́х. Оклевета́ющаго тай и́скренняго своего́, сего́ изгоня́х: го́рдым о́ком, и несы́тым се́рдцем, с сим не ядя́х. О́чи мои́ на ве́рныя земли́, посажда́ти я́ со мно́ю: ходя́й по пути́ непоро́чну, сей ми служа́ше. Не живя́ше посреде́ до́му моего́ творя́й горды́ню, глаго́ляй непра́ведная, не исправля́ше пред очи́ма мои́ма. Во у́трия избива́х вся гре́шныя земли́, е́же потреби́ти от гра́да Госпо́дня вся де́лающыя беззако́ние.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (читается трижды).

Го́споди, поми́луй. (трижды)

Если в богослужебных указаниях предписан один тропарь, чтец читает:

Если в богослужебных указаниях предписаны два тропаря, чтец читает:

Сла́ва Отцу́ и Сы́ну и Свято́му Ду́ху

Тропарь (!)

И ны́не и при́сно и во ве́ки веко́в. Ами́нь.

Первый тропарь (!)

Сла́ва Отцу́ и Сы́ну и Свято́му Ду́ху

Второй тропарь (!)

И ны́не и при́сно и во ве́ки веко́в. Ами́нь.

Что Тя нарече́м, о Благода́тная? Не́бо, я́ко возсия́ла еси́ Со́лнце Пра́вды. Рай, я́ко прозябла́ еси́ цвет нетле́ния. Де́ву, я́ко пребыла́ еси́ нетле́нна. Чи́стую Ма́терь, я́ко име́ла еси́ на святы́х Твои́х объя́тиях Сы́на, всех Бо́га. Того́ моли́ спасти́ся душа́м на́шим.

Стопы́ моя́ напра́ви по словеси́ Твоему́ и да не облада́ет мно́ю вся́кое беззако́ние. Изба́ви мя от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́ и нау́чи мя оправда́нием Твои́м.

Да испо́лнятся уста́ моя́ хвале́ния Твоего́, Го́споди, я́ко да воспою́ сла́ву Твою́, весь день великоле́пие Твое́.

Святы́й Бо́же, Святы́й Кре́пкий, Святы́й Безсме́ртный, поми́луй нас (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Аминь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Аминь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое есть царство, и сила, и слава Отца и Сына и Святаго Духа ныне и присно и во веки веков.

Чтец: Ами́нь.

Чтец читает кондак (!).

Го́споди, поми́луй (читается 40 раз).

И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

Го́споди поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

И́менем Госпо́дним благослови́, о́тче.

Священник: Боже, ущедри ны и благослови ны, просвети лице Твое на ны и помилуй ны.

Чтец: Ами́нь.

Священник: Христе, Свете Истинный, просвещаяй и освящаяй всякаго человека, грядущаго в мир, да знаменается на нас свет лица Твоего, да в нем узрим Свет Неприступный: и исправи стопы наша к деланию заповедей Твоих, молитвами Пречистыя Твоея Матере, и всех Твоих святых, аминь.

Хор: Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти; радуйся, Невесто Неневестная.

Священник: Слава Тебе, Христе Боже, упование наше, слава Тебе.

Хор: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Аминь.

Господи помилуй (поется трижды). Благослови.

Отпуст.

Час третий

Священник: Благословен Бог наш всегда, ныне и присно, и во веки веков.

Чтец: Ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Священник: Яко Твое есть царство, и сила, и слава Отца и Сына и Святаго Духа ныне и присно и во веки веков.

Чтец: Ами́нь.

Го́споди, поми́луй (читается 12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 16:

Услы́ши, Го́споди, пра́вду мою́, вонми́ моле́нию моему́, внуши́ моли́тву мою́ не во устна́х льсти́вых. От лица́ Твоего́ судьба́ моя́ изы́дет, óчи мои́ да ви́дита правоты́. Искуси́л eси́ се́рдце мое́, посети́л eси́ но́щию, искуси́л мя eси́, и не обре́теся во мне непра́вда. Я́ко да не возглаго́лют уста́ моя́ дел челове́ческих, за словеса́ усте́н Твои́х аз сохрани́х пути́ же́стоки. Соверши́ стопы́ моя́ во стезя́х Твои́х, да не подви́жутся стопы́ моя́. Аз воззва́х, я́ко услы́шал мя eси́, Бо́же, приклони́ у́хо Твое́ мне и услы́ши глаго́лы моя́. Удиви́ ми́лости Твоя́, спаса́яй упова́ющыя на Тя от проти́вящихся десни́це Твое́й. Сохрани́ мя, Го́споди, я́ко зе́ницу óка, в кро́ве крилу́ Твоéю покры́еши мя. От лица́ нечести́вых остра́стших мя, врази́ мои́ ду́шу мою́ одержа́ша. Тук свой затвори́ша, уста́ их глаго́лаша горды́ню. Изгоня́щии мя ны́не обыдо́ша мя, óчи свои́ возложи́ша уклони́ти на зе́млю. Объя́ша мя я́ко лев гото́в на лов и я́ко ски́мен обита́яй в та́йных. Воскресни́, Го́споди, предвари́ я́ и запни́ им, изба́ви ду́шу мою́ от нечести́ваго, oру́жие Твое́ от враг руки́ Твоея́. Го́споди, от ма́лых от земли́, раздели́ я́ в животе́ их, и сокрове́нных Твои́х испо́лнися чре́во их, насы́тишася сыно́в, и оста́виша оста́нки младе́нцeм свои́м. Аз же пра́вдою явлю́ся лицу́ Твоему́, насы́щуся, внегда́ яви́ти ми ся сла́ве Твое́й.

Псалом 24:

К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век, ниже́ да посмею́т ми ся врази́ мои́, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя́, Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́, Го́споди, и ми́лости Твоя́, я́ко от ве́ка суть. Грех ю́ности моея́, и неве́дения моего́ не помяни́, по ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди законоположи́т согреша́ющым на пути́. Наста́вит кро́ткия на суд, научи́т кро́ткия путе́м Свои́м. Вси путие́ Госпо́дни ми́лость и и́стина, взыска́ющым заве́та Его́, и свиде́ния Его́. Ра́ди и́мене Твоего́, Го́споди, и очи́сти грех мой, мног бо есть. Кто есть челове́к боя́йся Го́спода? Законоположи́т eму́ на пути́, eго́же изво́ли. Душа́ eго́ во благи́х водвори́тся, и се́мя eго́ насле́дит зе́млю. Держа́ва Госпо́дь боя́щихся Его́, и заве́т Его́ яви́т им. О́чи мои́ вы́ну ко Го́споду, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищ есмь аз. Ско́рби се́рдца моего́ умно́жишася, от нужд мои́х изведи́ мя. Виждь смире́ние мое́, и труд мой, и оста́ви вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и изба́ви мя, да не постыжу́ся, я́ко упова́х на Тя. Незло́бивии и пра́вии прилепля́хуся мне, я́ко потерпе́х Тя, Го́споди. Изба́ви, Бо́же, Изра́иля от всех скорбе́й eго́.

Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (читается трижды).

Го́споди, поми́луй (читается трижды).

Если в богослужебных указаниях предписан один тропарь, чтец читает:

Если в богослужебных указаниях предписаны два тропаря, чтец читает:

Сла́ва Отцу́ и Сы́ну и Свято́му Ду́ху

Тропарь праздника (!)

И ны́не и при́сно и во ве́ки веко́в. Ами́нь.

Первый тропарь (!)

Сла́ва Отцу́ и Сы́ну и Свято́му Ду́ху

Второй тропарь (!)

И ны́не и при́сно и во ве́ки веко́в. Ами́нь.

Богоро́дице, Ты еси́ лоза́ и́стинная, возрасти́вшая нам Плод живота́, Тебе́ мо́лимся: моли́ся, Влады́чице, со святы́ми апо́столы поми́ловати ду́ши на́ша.

Госпо́дь Бог благослове́н, благослове́н Госпо́дь день дне, поспеши́т нам Бог спасе́ний на́ших, Бог наш, Бог спаса́ти.

Святы́й Бо́же, Святы́й Кре́пкий, Святы́й Безсме́ртный, поми́луй нас (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Священник: Яко Твое есть царство, и сила, и слава Отца и Сына и Святаго Духа ныне и присно и во веки веков.

Чтец: Ами́нь.

Чтец читает кондак (!).

Го́споди, поми́луй (читается 40 раз).

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

И́менем Госпо́дним благослови́, о́тче.

Священник: Молитвами святых отец наших, Господи, Иисусе Христе, Боже наш, помилуй нас.

Чтец: Ами́нь.

Влады́ко Бо́же О́тче Вседержи́телю, Го́споди Сы́не Единоро́дный Иису́се Христе́, и Святы́й Ду́ше, Еди́но Боже́ство, Еди́на Си́ла, поми́луй мя, гре́шнаго, и и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в, ами́нь.

Час шестой

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 53:

Бо́же, во и́мя Твое́ спаси́ мя, и в си́ле Твое́й суди́ ми. Бо́же, услы́ши моли́тву мою́, внуши́ глаго́лы уст мои́х. Я́ко чу́ждии воста́ша на мя и кре́пцыи взыска́ша ду́шу мою́, и не предложи́ша Бо́га пред собо́ю. Се бо Бог помога́ет ми, и Госпо́дь Засту́пник души́ мое́й. Отврати́т зла́я враго́м мои́м, и́стиною Твое́ю потреби́ их. Во́лею пожру́ Тебе́, испове́мся и́мени Твоему́, Го́споди, я́ко бла́го, я́ко от вся́кия печа́ли изба́вил мя еси́, и на враги́ моя́ воззре́ о́ко мое́.

Псалом 54:

Внуши́, Бо́же, моли́тву мою́ и не пре́зри моле́ния моего́. Вонми́ ми и услы́ши мя: возскорбе́х печа́лию мое́ю и смято́хся. От гла́са вра́жия и от стуже́ния гре́шнича, я́ко уклони́ша на мя беззако́ние и во гне́ве враждова́ху ми. Се́рдце мое́ смяте́ся во мне и боя́знь сме́рти нападе́ на мя. Страх и тре́пет прии́де на мя и покры́ мя тьма. И рех: кто даст ми криле́, я́ко голуби́не, и полещу́, и почи́ю? Се удали́хся бе́гая и водвори́хся в пусты́ни. Ча́ях Бо́га, спаса́ющаго мя от малоду́шия и от бу́ри. Потопи́, Го́споди, и раздели́ язы́ки их: я́ко ви́дех беззако́ние и пререка́ние во гра́де. Днем и но́щию обы́дет и́ по стена́м eго́. Беззако́ние и труд посреде́ eго́ и непра́вда. И не оскуде́ от стогн eго́ ли́хва и лесть. Я́ко а́ще бы враг поноси́л ми, претерпе́л бых у́бо, и а́ще бы ненави́дяй мя на мя велере́чевал, укры́л бых ся от него́. Ты же, челове́че равноду́шне, влады́ко мой и зна́емый мой, и́же ку́пно наслажда́лся еси́ со мно́ю бра́шен, в дому́ Бо́жии ходи́хом единомышле́нием. Да прии́дет же смерть на ня, и да сни́дут во ад жи́ви, я́ко лука́вство в жили́щах их, посреде́ их. Аз к Бо́гу воззва́х, и Госпо́дь услы́ша мя. Ве́чер и зау́тра, и полу́дне пове́м, и возвещу́, и услы́шит глас мой. Изба́вит ми́ром ду́шу мою́ от приближа́ющихся мне, я́ко во мно́зе бя́ху со мно́ю. Услы́шит Бог и смири́т я́, Сый пре́жде век. Несть бо им измене́ния, я́ко не убоя́шася Бо́га. Простре́ ру́ку свою́ на воздая́ние, оскверни́ша заве́т Его́. Раздели́шася от гне́ва лица́ Его́, и прибли́жишася сердца́ их, умя́кнуша словеса́ их па́че еле́а, и та суть стре́лы. Возве́рзи на Го́спода печа́ль твою́, и Той тя препита́ет, не даст в век молвы́ пра́веднику. Ты же, Бо́же, низведе́ши их во студене́ц истле́ния, му́жие крове́й и льсти не преполовя́т дней свои́х. Аз же, Го́споди, упова́ю на Тя.

Псалом 90:

Живы́й в по́мощи Вы́шняго, в кро́ве Бо́га Небе́снаго водвори́тся. Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тма одесну́ю тебе́, к тебе́ же не прибли́жится, оба́че очи́ма твои́ма смо́триши, и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Я́ко на Мя упова́ и изба́влю и́, покры́ю и́, я́ко позна́ и́мя Мое́. Воззове́т ко Мне и услы́шу eго́, с ним есмь в ско́рби, изму́ eго́ и просла́влю eго́, долгото́ю дний испо́лню eго́ и явлю́ eму́ спасе́ние Мое́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (читается трижды).

Го́споди, поми́луй (читается трижды).

Если в богослужебных указаниях предписан один тропарь, чтец читает:

Если в богослужебных указаниях предписаны два тропаря, чтец читает:

Сла́ва Отцу́ и Сы́ну и Свято́му Ду́ху

Тропарь праздника (!)

И ны́не и при́сно и во ве́ки веко́в. Ами́нь.

Первый тропарь (!)

Сла́ва Отцу́ и Сы́ну и Свято́му Ду́ху

Второй тропарь (!)

И ны́не и при́сно и во ве́ки веко́в. Ами́нь.

Я́ко не и́мамы дерзнове́ния за премно́гия грехи́ на́ша, Ты и́же от Тебе́ Ро́ждшагося моли́, Богоро́дице Де́во, мно́го бо мо́жет моле́ние Ма́тернее ко благосе́рдию Влады́ки. Не пре́зри гре́шных мольбы́, Всечи́стая, я́ко ми́лостив есть и спасти́ моги́й, И́же и страда́ти о нас изво́ливый.

Ско́ро да предваря́т ны щедро́ты Твоя́, Го́споди, я́ко обнища́хом зело́; помози́ нам, Бо́же, Спа́се наш, сла́вы ра́ди И́мене Твоего́, Го́споди, изба́ви нас и очи́сти грехи́ на́ша, И́мене ра́ди Твоего́.

Святы́й Бо́же, Святы́й Кре́пкий, Святы́й Безсме́ртный, поми́луй нас (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Священник: Яко Твое есть царство, и сила, и слава Отца и Сына и Святаго Духа ныне и присно и во веки веков.

Чтец: Ами́нь.

Чтец читает кондак (!).

Го́споди, поми́луй (читается 40 раз).

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

И́менем Госпо́дним благослови́, о́тче.

Священник: Молитвами святых отец наших, Господи, Иисусе Христе, Боже наш, помилуй нас.

Чтец: Ами́нь.

Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́ Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех озло́бити нас и́щущих ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша, да, к Тебе́ всегда́ взира́юще и е́же от Тебе́ све́том наставля́еми, Тебе́, непристу́пнаго и присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом ны́не, и при́сно, и во ве́ки веко́в, ами́нь.

Час девятый

Священник: Благословен Бог наш всегда, ныне и присно, и во веки веков.

Чтец: Ами́нь.

Сла́ва Тебе́, Бо́же наш, сла́ва Тебе́.

Святы́й Бо́же, Святы́й Кре́пкий, Святы́й Безсме́ртный, поми́луй нас (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Священник: Яко Твое есть царство, и сила, и слава Отца и Сына и Святаго Духа ныне и присно и во веки веков.

Чтец: Ами́нь.

Го́споди, поми́луй (читается 12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 83:

Коль возлю́бленна селéния Твоя, Господи сил! Желáет и скончавáется душá моя во дворы́ Господни, сéрдце мое и плоть моя возрáдовастася о Бозе жи́ве. Ибо пти́ца обрéте себе хрáмину, и гóрлица гнездó себе, идéже положи́т птенцы́ своя, олтари́ Твоя, Господи сил, Царю́ мой и Боже мой. Блажéни живу́щии в дому́ Твоем, в веки веков восхвáлят Тя. Блажéн муж, ему́же есть заступлéние его у Тебе; восхождéния в сéрдце своем положи́, во юдóль плачéвную, в мéсто еже положи́, ибо благословéние даст законополагáяй. Пóйдут от си́лы в си́лу: яви́тся Бог богов в Сиóне. Господи Боже сил, услы́ши моли́тву мою, внуши́, Боже Иáковль. Защи́тниче наш, виждь, Боже, и при́зри на лицé христа Твоего. Яко лу́чше день един во двóрех Твоих пáче ты́сящ: извóлих приметáтися в дому́ Бога моего пáче, нéже жи́ти ми в селéниих грéшничих. Яко ми́лость и и́стину лю́бит Господь, Бог благодáть и слáву даст, Господь не лиши́т благи́х ходя́щих незлóбием. Господи Боже сил, блажéн человéк уповáяй на Тя.

Псалом 84:

Благоволи́л еси́, Господи, зéмлю Твою, возврати́л еси́ плен Иáковль: остáвил еси́ беззакóния людéй Твоих, покры́л еси́ вся грехи́ их. Укроти́л еси́ весь гнев Твой, возврати́лся еси́ от гнéва я́рости Твоéя. Возврати́ нас, Боже спасéний наших, и отврати́ я́рость Твою от нас. Едá во веки прогнéваешися на ны? Или́ прострéши гнев Твой от рода в род? Боже, Ты обрáщься оживи́ши ны, и лю́дие Твои возвеселя́тся о Тебе. Яви́ нам, Господи, ми́лость Твою, и спасéние Твое даждь нам. Услы́шу, что речéт о мне Господь Бог: яко речéт мир на лю́ди Своя, и на преподóбныя Своя, и на обращáющыя сердцá к Нему́. Обáче близ боя́щихся Его спасéние Его, всели́ти слáву в зéмлю нáшу. Ми́лость и и́стина сретóстеся, прáвда и мир облобызастася. Истина от земли возсия́, и прáвда с Небесé прини́че, ибо Господь даст блáгость, и земля́ нáша даст плод свой. Прáвда пред Ним предъи́дет, и положи́т в путь стопы́ своя́.

Псалом 85:

Приклони́, Господи, ухо Твое, и услы́ши мя, яко нищ и убóг есмь аз. Сохрани́ ду́шу мою, яко преподóбен есмь: спаси́ рабá Твоегó, Боже мой, уповáющаго на Тя. Поми́луй мя, Господи, яко к Тебе воззову́ весь день. Возвесели́ ду́шу рабá Твоегó, яко к Тебе взях ду́шу мою. Яко Ты, Господи, Благ и Крóток, и Многоми́лостив всем призывáющым Тя. Внуши́, Господи, моли́тву мою, и вонми́ глáсу молéния моегó. В день скóрби моéя воззвáх к Тебé, яко услы́шал мя еси́. Несть подóбен Тебé в бозéх, Господи, и несть по делóм Твои́м. Вси язы́цы, ели́ки сотвори́л еси́, прии́дут, и поклóнятся пред Тобою, Господи, и прослáвят имя Твоé, яко Вéлий еси́ Ты, и творя́й чудесá, Ты еси́ Бог Един. Настáви мя, Господи, на путь Твой, и пойду́ во и́стине Твоей; да возвесели́тся сéрдце мое боя́тися и́мене Твоего. Исповéмся Тебé, Господи Боже мой, всем сéрдцем моим, и прослáвлю имя Твое в век: яко ми́лость Твоя вéлия на мне, и избáвил еси́ ду́шу мою от áда преиспóднейшаго. Боже, законопресту́пницы востáша на мя, и сонм держáвных взыскáша душу мою, и не предложи́ша Тебе пред собóю. И Ты, Господи Боже мой, Щéдрый и Ми́лостивый, Долготерпели́вый и Многоми́лостивый и Истинный, при́зри на мя и поми́луй мя, даждь держáву Твою óтроку Твоему́, и спаси́ сы́на рабы́ Твоéя. Сотвори́ со мною знáмение во блáго, и да ви́дят ненави́дящии мя, и постыдя́тся, яко Ты, Господи, помогл ми и утéшил мя еси́. Сотвори́ со мною знáмение во блáго, и да ви́дят ненави́дящии мя, и постыдя́тся, яко Ты, Господи, помогл ми и утéшил мя еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (читается трижды).

Го́споди, поми́луй (читается трижды).

Если в богослужебных указаниях предписан один тропарь, чтец читает:

Если в богослужебных указаниях предписаны два тропаря, чтец читает:

Сла́ва Отцу́ и Сы́ну и Свято́му Ду́ху

Тропарь праздника (!)

И ны́не и при́сно и во ве́ки веко́в. Ами́нь.

Первый тропарь (!)

Сла́ва Отцу́ и Сы́ну и Свято́му Ду́ху

Второй тропарь (!)

И ны́не и при́сно и во ве́ки веко́в. Ами́нь.

Иже нас ради рождéйся от Девы, и распятие претерпéв, Благи́й, испровéргий смертию смерть, и воскресение явлéй яко Бог, не прéзри, яже создáл еси́ рукою Твоею; яви́ человеколюбие Твое, Ми́лостиве, приими́ рóждшую Тя Богородицу, молящуюся за ны, и спаси́, Спáсе наш, люди отчáянныя.

Не предáждь нас до конца, и́мене Твоего ради, и не разори́ завета Твоего, и не отстáви милости Твоéя от нас, Авраáма ради возлюбленнаго от Тебе, и за Исаáка, раба Твоего, и Изрáиля святаго Твоего.

Святы́й Бо́же, Святы́й Кре́пкий, Святы́й Безсме́ртный, поми́луй нас (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Священник: Яко Твое есть царство, и сила, и слава Отца и Сына и Святаго Духа ныне и присно и во веки веков.

Чтец: Ами́нь.

Чтец читает кондак (!).

Го́споди, поми́луй (читается 40 раз).

Го́споди, поми́луй (читается трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

И́менем Госпо́дним благослови́, о́тче.

Священник: Бо́же, уще́дри ны и благослови́ ны, просвети́ лице́ Твое́ на ны и поми́луй ны.

Чтец: Ами́нь.

Владыко Господи, Иисусе Христе Боже наш, долготерпéвый о наших согрешениих, и даже до нынешняго часá приведы́й нас, вóньже на животворящем древе ви́ся, благоразумному разбойнику, иже в рай путесотвори́л еси́ вход, и смертию смерть разруши́л еси́, очисти нас, грешных и недостойных раб Твоих. Согрешихом бо и беззакóнновахом, и нéсмы достойни возвести очесá наша и воззрети на высоту небесную; занé остáвихом путь правды Твоéя, и ходи́хом в волях сердец наших. Но молим Твою безмерную благость, пощади нас, Господи, по множеству милости Твоея́, и спаси нас и́мене Твоего ради святаго, яко исчезóша в суете дни́е наши, изми́ нас из руки́ сопротивнаго, и остави нам грехи наша, и умертви́ плотскóе наше мудровáние, да ветхаго отложивше человека, в новаго облецéмся, и Тебе поживéм, нашему Влады́це и Благодетелю, и тако Твоим послéдующе повелéнием, в вечный покой достигнем, идéже есть всех веселящихся жилище, Ты бо еси́ воистинну истинное веселие и радость любящих Тя, Христе Боже наш, и Тебе славу возсылаем, со Безначальным Твоим Отцем, и Пресвяты́м и Благи́м и Животворя́щим Твоим Духом, ныне и присно и во веки веков.

Как читать Часы

Как найти службу нужного дня

Где найти тропари и кондаки

Час первый

Час третий

Час шестой

Час девятый

Рекомендуемые статьи