Мыны äйткяч, Іисусъ öйрянеÿчеляре белян Кедронъ чишмясенен ары жагына чыккан; анда агач бакчасы бар икян; шунда Ул Ӱзе дя, öйрянеÿчеляре дя кергянняр.

Бу урынны Аны тотоб биреÿче Іуда да беля икян, Іисусь öйрянеÿчеляреҥ жыйыб, шунда онгай баргалый икян шул.

Шунныктан Іуда архіерейлярдян, фарисейлярдян бер ауык салдатлар, кызмятчеляр алыб, панарлар, жактырткычлар, кораллар алыб, шунда килгян.

Äммя Іисусъ, Ӱзеня ней буласыны барын да белеб, аларга чыгыб äйткян: кемне эзлейсез? дигян.

Аҥар жауаб биргянняр: Назорей Іисусны, дигянняр. Іисусь аларга äйткян: ул Мин, дигян. Тотоб биреÿче Іуда да алар белян бергя тора икян.

Іисусъ аларга: ул Мин диб äйткяч, алар кире чигеб, жиргя жыгылганнар.

(Іисусъ) алардан тагы сораган: кемне эзлейсез? дигян.

Алар: Назорей Іисусны, дигянняр. Іисусъ жауаб биргян: ул Мин диб Мин сезгя äйттем. Äгяр Мине эзлясягез, инде быларга теймягез, алар китсенняр, дигян.

Шулай итеб, Ул äйткян сюз: Син Миҥа биргяннярнен берсен дя Мин жугалтмадым дигяне жиреня килясе булган.

Симонъ Петръ жанындагы кылычын сыуырыб алыб, архіерей колонон уҥ колагын чабыб öзгян; кол Малхъ исемне икян.

Äммя Іисусъ Петрга äйткян: кылычыҥны кынысына тык; Миҥа Ата биргян сауытны Мин эчмей калырым меней? дигян.

Шул чакта салдатлар, мен кеше башлыгы, Іудей кызмятчеляре Іисусны алыб, Аны бяйлягянняр дя Аны элеке Аннага алыб килгянняр.

Анна Каіафа катынынын атасы икян, äммя Каіафа шул жылны архіерей булыб тора икян.

Калык öчöн бер гня кешенен ÿлгяне жакшырак диб Іудейляргя киняш биргян Каіафа шушы булган.

Іисусъ артыннан Симонъ Петръ белян тагы бер öйрянеÿче барганнар; бу öйрянеÿче архіерейгя белеш икян, ул Іисусъ белян бергя архіерейнен ишек алдына кергян.

Äммя Петръ кабка артында тышта торган. Аннары архіерейгя белеш икенче öйрянеÿче чыккан да кабка саклаучы катынга äйтеб, Петрны керткян.

Шунда кабка саклаучы кызмятче катын Петрга äйткян: син дя бу кешенен öйрянеÿчеляреҥен берсе тöгöл ме? дигян. Ул: жук дигян.

Сыуык булганга кюря, коллар белян кызмятчеляр ут жагыб, жылыныб торганнар; Петръ да алар белян жылыныб торган.

Архіерей Іисустан Анын öйрянеÿчеляре турысында, öйрятеуе турысында сораган.

Іисусъ Аҥар жауаб биргян: Мин дöньягя айырмачык сöйлядем, Мин жалан синагогада, чиркяÿдя, Іудейляр онгай жыйылыша торган урыннарда öйряттем, жяшерен бер нястя дя сöйлямядем;

Ник Миннян соройсон? эшеткян кешеляргя ней äйткянемне ÿзляреннян сора, мына алар Мин ней äйткянне беляляр, дигян.

Ул мыны äйткяч, жакын тора торган кызмятчелярнен берсе, Іисуснын жаҥагына сугыб, äйткян: архіерейгя Син шулай жауаб бирясен ме? дигян.

Іисусъ аҥар жауаб биргян: Мин жаман äйткян булсам, жаманныгын кюрсят, äгяр дя жакшы (äйткян) булсам, Миҥа ник сугасын? дигян.

Шуннан суҥ Анна Аны бяйлягян кöйö Каіафа архіерейгя жибяргян.

Симонъ Петръ жылыныб торган. Шунда аҥар äйткянняр: син дя Анын öйрянеÿчеляреҥен берсе тöгöл ме? дигянняр. Ул, жук диб, танган.

Архіерей кызмятчеляренен берсе, Петръ колагын чабыб öзгян кешенен карендяше äйткян: бакчада мин сине Анын жанында кюрдем тöгöл ме? дигян.

Петръ тагы танган, шул сяттюк äтяч кычкырган.

(Іудейляр) Каіафадан Іисусны преторія дигян урынга алыб барганнар. Бу иртя белян булган. Алар шакшыланмыйык диб, пасха ашарга жараулы кöйö торойок диб, преторія эченя кермягянняр.

Пилатъ алар катына чыгыб äйткян: бу Кешене ней белян айыблыйсыз? дигян.

Алар аҥар жауаб биреб äйткянняр: Ул усал булмаса, без Аны сина тотоб бирмяс эйек, дигянняр.

Пилатъ аларга äйткян: Аны ÿзегез алыгыз, Аҥар ÿз законыгызча хокöм итегез, дигян. Іудейляр Аҥар äйткянняр: безгя беряÿне дя ÿтерергя ирек жук, дигянняр.

Шулай итеб, Іисусъ Ӱзенен ничек ÿлем белян улясесен аҥнатыб äйткян сюзе жиреня килергя тейеш булган.

Аннары Пилатъ тагы преторіяга кереб, Іисусны чакыртыб, Аҥар äйткян. Син Іудей Падшасы мы? дигян.

Іисусъ аҥар жауаб биргян: син мыны ÿзеҥнян äйтясеҥ ме, äлля сиҥа Минем турыда бютянняр äйттеляр ме? дигян.

Пилатъ жауаб биргян: мин Іудей меней? Сине мина Ӱз калкыҥ белян архіерейляр тотоб бирделяр; Син ней кылдыҥ? дигян.

Іисусъ äйткян: Минем падшалыгым бу дöньядян тöгöл; падшалыгым бу дöньядян булса, кызмятчелярем Минем öчöн, Мине іудейляр кулына бирдермяскя тырышырлар ыйы; äммя казер Минем падшалыгым мыннан тöгöл, дигян.

Пилатъ Аҥар äйткян: айса Син Падша? дигян. Іисусъ жауаб биргян: Падша икянемне син (дöрöс) äйтясен. Мин чынныкны таныкларга диб дöньягя тыудым да, килдем дя; чыннан булган äр-кем ауазымны тыҥный, дигян.

Пилатъ Аҥар äйткян: чыннык ней? дигян; шулай дигяч тя тагы іудейляр катына чыгыб, аларга äйткян: мин Анын бер айыбын да табмыймын.

Сезнен жолагызча Пасха бяйряменя беряÿне мин сезгя иркенгя жибярергя тейеш; мин сезгя Іудей Падшасын иркенгя жибярейем ме, телейсез ме? дигян.

Шунда барысы да тагы кычкыра башлаганнар: Аны тöгöл, Варавваны жибяр, дигянняр. Варавва талаучы икян.