«Священноиерей» Матвей Андреев, его беседы с беспоповцами и послания к ним: к истории полемики между старообрядцами в начале XVIII века

Напечатанные ниже сочинения сообщают несколько новых сведений из истории Феодосиевского согласия и первой полемики поповцев с Феодосиевцами в начале XVIII века.

Как известно, Феодосий Васильев († 1711 г.), основатель Феодосиевского согласия, начал распространять своё учение за рубежом, в Невельском уезде, и потом переселился в Великолукский уезд, где поселился в Ряпиной мызе¹. Здесь этот «главнейший обительный наставник и собиратель» устроил обители, в которых, около 1710 г., собралось братии до 500 человек и сестёр до 700 человек².

Из наших материалов узнаём, что в 1710 году была ещё и другая обитель, тоже основанная Феодосием Васильевым, в селе Лыбовке Псковского уезда³, в 79 верстах от г. Пскова⁴: в ней была «церковь»⁵. В 1715 г. здесь жил Игнатий Трофимов⁶ известный своими спорами с поморцами о титле на кресте; по-видимому, это было его постоянное местопребывание, так как и в 1726 году встречаем его в этом же селе⁷.

Учение распространял сам Феодосий Васильев: ему помогал в этом деле Игнатий Трофимов. Последний ездил «по городам и всем странам»⁸; его ученики Яков Сухий, Илья Яковлев, Родион Марков, Данило Артёмов, Прохор Губатый, Иван Москвитин, Григорий Белохин, Терентий Михайлов, Алексей Словянин, Максим Андреев, Иван Бедра учили в Новгороде и его пределах, во Пскове, в Копорьи, на Ухоре, в Хижах, на Дереве, в Вязовщине, в Полощи⁹. Они проповедовали, что «церкви ныне антихристовы, кресты на них – ловушки сатаны, а попы – волки и души пожирают: а коих крестил, тех и поглотил¹⁰. Христос уже отъять на земли благодать свою всю, и несть ни коея святыни, и не действует Духа Святаго благодать отступниками ни в крещении, ни в поставлении» по следующей причине: «подаяй и купуя на сребре, священство оба проклятия и анафеме подлежат»¹¹. Для более успешного распространения учения, кроме устной проповеди, они писали и раздавали «свитки и цветники лиловыя; в них пишут от самомышления о кончине мира, прелесть простым людям в удивление и на страх, на 209 г. В лицах писал Никон патриарх, последний антихрист, с ним купно сидит царь Алексей. И приводят толкование: от Римского падения, о связании сатаны на 1000 лет, и по разрешении Рима отпаде, второе – унияты по числу 600, и потом, егда исполнися 66, тогда Никон отступил, раздор веры и церкви учинил и всю Россию возмутил»¹².

Эти предсказания смущали многих: в Дубенищине «садились в ямы» 100 человек, вероятно ожидая второго пришествия, а в Купищине сожглись 40 человек¹³.

Иногда проповедники прибегали и к насилиям: «Священники остригали, старцов, церкви ругали, две церкви сожгли, престол обдирали»¹⁴. Сам Феодосий «священный чин судил, попов и иноков остригал и перекрещивал. Попа Герасима Рахинского Яму доспели остригши: ни поп, ни мужик. Никиту, попа Котецкого из-под Русы остригли: тот по учению их, поругатель на церкву Христову был. Попа Фрола Череническаго остригли – того сделали ни Божия, ни людского: ни попом, ни старцом, ни мужиком. Попа Кузьму из Нова-Города остригли, и тот» от них вышел и стал обличать их прелесть. «Попа на Ухоре Спиридон Мясник с товарищи удавили платом, подобно якоже Ариане патриарха Павла амофором удавили. Иноков, старцов остригали, чин иноческий свергали; двух крестили: старца Геннадия и брата его старца Ивана; старца Феодосия, и тот женился и жил в деревни Дудине»¹⁵.

Но видимо, большинство переходило добровольно в Феодосиеву веру и таких добровольцев, подвергшихся перекрещиванию, «мужей и жен было множество»¹⁶.

Успех распространения нового учения сильно встревожил местных поповцев, живших в новгородских и псковских пределах и, не имея, по-видимому, силы противодействовать проповеди, они решились обратиться за помощью на Керженец. И вот, в 1710 году¹⁷, они отправили туда двух «правоверных богомольцев Семена Васильева и Стефана Савельева», через которых «дойде» до керженских отцов «скорбный и плачевный глас и толика скорбный, яко истинным богомольцем и братолюбцем, по Христову словеси, паче братскаго падения своея души предпочитающи скорбети и оплакивати... яко по возмущении и нарушении и превращении правыя веры и святыя и апостольския церкви, матери нашея, Никона патриарха отступлении (отступление веры и раздор в 7162-м и 7163-м) в настоящия сия времена, последния и плачевныя, по грехам нашим велик пламень злохитростных, многоглаголанных и пестрообразных ересей лютых разгореся от богопротивных развратников коварных и лицемерных преблазнителей, самочинных и неосвященных лжеучителей, и самоистребителей, и сводителей»¹⁸.

Сообщая всё, изложенное выше керженским отцам, посланные псковичами просили прислать им проповедника для противодействия распространению нового учения¹⁹.

Принесённое известие обеспокоило и керженских отцов; они обсудили дело соборне с участием братии и скитских пустынножителей «от малыя овчарни малого стада Христовых словесных овец, от различных страх собравшихся» в присутствии Семёна Васильева и Степана Савельева. Составили послание от имени священников Досифея, Иосифа, Макария, иноков-схимников Онуфрия и Арсения, иноков Паисия, Пахомия и прочих отцов²⁰... и отправили его «во Псков, и в уезды, и на Дерев, и заграницу»²¹. В нём они убеждали паству крепко держаться веры отцов, которую те так твёрдо отстаивали; «Правоверным, – писали они, – гораздо любо, что Русская земля освятилася кровию мученическою этих новых страдальцев, исповедников Христовых»²².

Приступая к изложению учения Феодосия, керженцы в общих чертах напомнили о никоновом отступлении, о пришествии антихриста, о зверином числе, о новых страдальцах; в изложении своём они приближаются к сочинениям протопопа Аввакума и заимствуют из них. Послание было направлено в 1710 г. По-видимому, керженские отцы этим и ограничились в начале, так как проповедь посланного ими миссионера началась лишь через пять лет, в 1715 году²³.

Этот миссионер и был священноиерей Матвей Андреев; он сам именует себя странствующим, что на современном языке должно значить миссионерствующий.

Сын священника Андрея, он был крещён священником Гавриилом²⁴, поставленным «в благочестии», который служил и крестил «по благочестивым, по старым книгам». В 1703 году, 21 ноября Матвей Андреев был поставлен в священники в церковь св. Николая Чудотворца в село Раменье Пошехонского уезда Ярославской губернии²⁵ святителем Дмитрием Ростовским²⁶. Пробыв три года при церкви, и, следовательно, в 1706 году, Матвей, «ревнуя о благочестии, и по вере истинной, и по святой церкви, оставил мир, дом, честь, славу и пошел в пустынные скиты, на Керженец, к благочестивым отцам, инокам; и наставник инок схимник Онуфрий и отец священноинок Досифей, и схимник Арсений, и прочие отцы»²⁷ приняли его вторым чином, т. е. через миропомазание после проклятия им ересей в 1708 году.

Эти-то старцы и послали Матвея на проповедь против Феодосиевцев.

Он начал свою деятельность с того, что 4 марта 1715 года послал вопросы о вере Игнатию Трофимову в Лыбовку²⁸, а 11 марта 1715 года²⁹ другие вопросы, тоже числом 15, за границу, рассчитывая, вероятно, по получении изложения учения феодосиевцев, заняться его опровержением. Это была излюбленная форма полемики того времени. Но феодосиевцы воздержались от ответа: по получении вопросов они ожесточились на поповцев и ещё свирепей стали на них нападать³⁰. Тогда Матвей прибег к иному способу. Он отправился в Лыбовку и повёл беседы лично.

Приступить к беседам было не так просто. Федосеевцы потребовали обнаружения звания собеседника и полномочий его. Того же в свою очередь потребовал от противников и Матвей.

Первая беседа состоялась 17 января 1722 года в Лыбовке. На ней присутствовали: Игнатий Трофимов, другой Игнатий и другие, которые пришли из обители большаков федосеевых³¹. С их стороны выступил Игнатий Трофимов. Беседа занимает в сборнике л. 24–46 об³². Мы не будем передавать содержание её, отсылая читателей к самому тексту; отметим только, что Игнатий Трофимов ссылается на сочинение Фёдора диакона³³ и на Цветник Федосия Васильева³⁴. Заключения беседа не имеет.

Вторая беседа происходила 13 марта 1722 г., тоже в Лыбовке, и началась в доме некоего Сергия; вёл её Евстрат Федосеев, сын Федосея Васильева; присутствовали Терентий Васильев, Игнатий Трофимов, другой Игнатий и другие. Беседа занимает в рукописи лл.47–61 об. Она заканчивается словами: «Засим просим от всех прощения».

Третья беседа состоялась значительно поздней, 19 августа 1736 г. Участники со стороны федосеевцев неизвестны, она опять началась обращением к последним в 10 «главах» и исповеданием веры отца Матвея в 21 «главе». Затем отец Матвей представляет им копию семи вопросов, поданных им в 1726 году Игнатию Трофимову; потом он задаёт 20 вопросов и ещё 100 вопросов. Беседа занимает листы 5–23 об³⁵.

Наш сборник сохранил всего лишь три беседы; они записаны самим Матвеем, о чём свидетельствует его речь о себе в первом лице. Кроме того, на полях имеется не мало вопросов, обращённых к федосеевцам, тоже от лица автора бесед, по их содержанию.

В этой же рукописи находятся ещё два послания отца Матвея: одно на листах 83–91 к Игнатию Трофимову и его сообщникам, написанное 17 февраля 1733 года; другое на листах 91 об. – 97 об., обращённое к лжеучителям и прелестникам, под которыми нужно подразумевать тех же федосеевцев. Это послание особенно любопытно потому, что основано отчасти на сочинениях первых расколоучителей.

Матвей Андреев сохранил нам в копии чрезвычайно важное «письмо» керженских «отцов» к псковичам, посланное в 1710 году; у него, по-видимому, не достаёт окончания; оно занимает листы 62 об. – 71.

Чтобы закончить описание сборника мы должны добавить, что в нём находятся ещё следующие статьи, не относящиеся к трудам Матвея.

Листы 1–3 об. К любезному читателю. Предисловие святыя книги сея. Благослови отче. Нач.: «О любимый мой благочестивый прочитателю! Хощети ли покажу ти такову драгоценную вещь, честнее чистаго злата». В предисловии говорится о пользе чтения Священного Писания.

Лист 3 об. О чистоте душевней и телесной. Евангелие Матфея. Зачало 10. Нач.: «Блажении чистии сердцем, яко тии Бога узрят. Которых чистых сердцем нарицает и ублажает Господь». На этом прерывается статья. Следующий лист 4-й чистый.

В середине сборника есть тоже посторонняя вставка.

На листах 72–77 об. Словеса душеполезна, извещение от ангела Божия преподобному отцу Макарию Египтянину о исходе души от тела и где ныне пребывают души праведных и грешных и о других тайнах. Нач.: «Бысть некоторый человек в мире именитый, именем Иоанн».

На листах 80–81 об. Слово святых отец душе полезно и умиленно о Таксиоте воине, из мертвых воскресшим. Месяца марта 28 день. Минеи Четьи. Нач.: «В Карфагене Африканстем граде».

Лист 82 чистый.

Далее следует беседа вторая. Писан сборник одним почерком мелким, полууставом в два столбца, на бумаге в 4^", переплетён в кожу с ременными завязками. Все ссылки сделаны в нём на полях; на них же дополнительные, часто полемические, иногда и хронологические заметки: для обращения внимания читателя – звёздочки, указательные пальцы и слово «зри». Всего в сборнике 97 листов.

Мы печатаем беседы в хронологическом порядке, а за ними оба послания в порядке помещения их в сборнике. Выноски на полях относим в примечания, а вносимые в текст оговариваем.

Теперь обратимся к автору бесед. Имя его не безызвестно в старообрядческой литературе. Его беседами пользовались на Иргизе: они составляли целую книгу, на которую имеются ссылки в полемике по вопросу о принятии иереев от никониан вторым чином и по истории бегствующего священства. К сожалению, она дошла до нас лишь в части, печатаемой ниже.

О книге Матвея свидетельствует инок О., написавший ответы на вопросы Сергия (Юршева) в защиту бегствующего священства «в 1795 году октября дня, в богоспасаемой обители святаго тридневного Воскресения Христова, что на Иргизе»³⁶ следующее: «Свидетельствует о сих страдальцах преждереченный священноиерей Матфей в своем сочинении во ответе восьмом на десять к беспоповляном, которое его сочинение в здешней обители и до днесь в целости обретается. И сие достоверно»³⁷. На то же сочинение он ссылается и ранее в главе «О втором приеме священства в Керженце»: «Пишет о сем во своем сочинении в та времена (на поле 7234, т. е. 1726 г.) бывший священноиерей Матфей во ответе 18 к беспоповляном, той же и о вышеписанном священноиноке Иоасафе засвидетельствует, и сие убо достоверно»³⁸.

В вышеупомянутых Иргизских (наш сборник, № 73) ответах, составляющих, по-видимому, распространённую редакцию ответов инока О., вероятно, написанную и утверждённую всеми иргизцами, по поводу принятия священства на Керженец вторым чином говорится: «Зри, книга его, Матфея, сочиненная о православии и ответы на безпоповщин имеется в Воскресенском Нижнем Иргизском монастыре у настоятеля Прохора в ризице; изволяй более видети и сомнение свое решити до оной книги посылается и увидити истинствующее»³⁹.

Одна ссылка этого последнего сочинения оправдывается нашими Беседами, а именно о св. мире.

«Доказательство о мире, откуда имеем. Миро святое имеем по благословению преосвященного Павла епископа от отшедших православия ради православных священников: во-первых, от священноинока Досифея, игумена Тихвинского (который был прежде духовник царских палат, и сие ему возможно получить), о котором выше сказано. Свидетельствует о сем и реченный иерей Матфей в своей (так) на вопросы 16 и 18 противу беспоповлян. Еще из Москвы, из Казанского собора чрез протопопа Аввакума, после пострадавшего за благочестие»⁴⁰. Хотя нумерация вопросов и не соответствует, а относится к 4-му вопросу, но это сведение имеется на листе 53 об. второй беседы.

На вопросы Матвея ссылается также в выдержке из какой-то истории о бегствующем священстве, составляющей, по-видимому, общий источник с Ответами Иргизскими и инока Ф., инока Иова (в миру Иван Расторгуев⁴¹), отец известного купца Льва Ивановича Расторгуева, сподвижника знаменитого В. А. Злобина, написавший в 1796 году в городе Вольске собственноручно сборник выписок и благословивший этим сборником поименованного сына своего Льва⁴². Перечисляя священников, он удостоверяет перечень: «Пишет о сем своем сочинении в те времена (на поле: 7234⁴³) бывый священноиерей Матфей в ответе 18 к беспоповляном. И сие достоверно»⁴⁴.

Приводит от также ссылку о принятии Матвея на Керженце вторым чином, напечатанную нами выше. К сожалению, этих вопросов не сохранилось.

О Матвее мы не нашли больше указаний в литературе; считать его за одно и то же лицо с упоминаемым в деяниях «Перемазанского» собора 1779–1780 г. чёрным попом Матвеем Андреевым⁴⁵ мы затрудняемся и по преклонности возраста, в котором должен бы быть в то время Матвей. Мы имеем лишь известие, приведённое выше, что жил ещё в 1753 году.

По отношению к другим произведениям старообрядческой литературы печатаемые материалы дают следующие указания.

Беседы Матвея и послание керженских «отцов» открывают нам события из первоначальной истории Феодосиевского согласия, когда Феодосий Васильев «воспрямигнул»⁴⁶ из среды своих единомышленников и стал вместе с ним распространять своё учение.

Вместе с посланиями Матвея эти памятники дают изложение вероучения феодосиевцев и отражение впечатления, которое оно произвело на поповцев.

В рассказах о переходе из никонианства и о принятии вторым чином Матвей сообщает основания, на которых оно совершалось на Керженце. Но он ни разу не упоминает о том, что такой обряд приёма от никонианства был завещен епископом Павлом Коломенским, как об этом гласит известное «Сказание о епископе Коломенском»⁴⁷, которым воспользовался потом Иона Курносый, опороченный на Перемазанском соборе в Москве⁴⁸. Современники епископа Павла, керженские иноки, не преминули бы сослаться на его авторитет, а Матвей – воспользоваться его авторитетом, как он это делает в других случаях, пользуясь сочинениями первых расколоучителей. Это обстоятельство подтверждает позднейшее происхождение и подложность этого сказания поповщинской редакции, что уже указывалось на других основаниях профессором П. С. Смирновым⁴⁹.

Нельзя не отметить также широкого пользования автором писаниями первых расколоучителей, протопопа Аввакума и диакона Фёдора, что у последующих писателей встречается редко. Любопытно, что в ссылках на Аввакума обозначаются главы. Такое обозначение глав имеем мы в списке сочинений протопопа в одном из принадлежащих нам сборников. Была ли это случайность списка или попытка составить особый свод – сказать не умеем⁵⁰.

Близкое знакомство Матвея с сочинениями Аввакума и Фёдора может быть объяснено бывшими в то время на Керженце спорами о письмах протопопа.

Не можем не выразить пожелания, чтобы были найдены и другие сочинения Матвея Андреева, которые, судя по нашим отрывкам, должны заключать много ценного материала для первоначальной истории и литературы старообрядчества.

В. Дружинин

(Л. 62). Списано с письма пустынных отцов⁵¹, которое послано было во Псков, и во уезды, и в Новгород, и на Дерево, и заграницу. О исповедании святыя православныя веры и о святой соборной Апостольской Церкви, о пречистых Тайнах Тела и Крови Господни, и о священстве, и о едином крещении, и о прочих церковных догматах, и о правоверных учителях, и о познании коварных богопротивников и развратников, самочинных и неосвященных самогубителных преблазнителей и лжеучителей, тайных волков и сокровенных татей, како не имеют пристанища святой церкви и священного чина и духовные дела творят, и как познавать по делом и по плодом их.

За молитв Пречистыя Владычицы нашей Богородицы и Приснодевы Марии, и преподобных отец наших, Господи Иисусе Христе, Сыне Божий, помилуй нас. Аминь.

Благого и преблагого Бога и Царя Единого в Троице славимого, Отца, и Сына, и Святого Духа странные, смиренные и грешные старцы священноинок Досифей и свяженноинок Иосиф, священноинок Макарий, инок схимник Ануфрий, инок-схимник Арсений, инок Паисий, инок Пахомий, инок Александр и прочие отцы и братия скитские пустынножительные, от малой овчарни малого стада Христовых словесных овец, Богом собранная чета с Семеном Васильевым, Степаном Савельевым в лето 7218–1710⁵², от различных стран собравшихся о имени Господа нашего Исуса Христа, кореню нового Израиля, избранному роду, освященному и просвещенному языку святу, благочестивым, боголюбивым, возлюбленным отцем святым и братиям, Сионским чадам, всем правоверным христианам – благодать, милость, мир и любы от Спасителя нашего Господа Исуса Христа да умножится, и от нашего смирения Божие благословение и всех отцов пустынного скита поклонение до лица земного.

Благородие ваше молим о Христе, о благочестии и о святыя церкви и священстве ревность содержати. Трезвитеся, братие, бодрствуйте, мужайтеся, утверждайтесь⁵³, стойте, светы наши, стойте на твердом краеугольном камени святыя правыя веры, стойте на пресветлом востоке и к темному западу не отступайте. Идите правым царским путем⁵⁴, аще и вельми тесен есть и прискорбен, но обаче от Христа Бога и Спаса нашего и от истинных Его наследников утлаченным, ни направо, ни налево с пути не совращайтеся⁵⁵. Держитесь святаго евангельского благовестия и святаго апостольского учения и святых отец семи соборов и девяти поместных предания истинных пастырей и учителей церковных единая святыя православныя веры⁵⁶. Держитесь единой святой соборной (об.) апостольской церкви и всех церковных догматов и святых Тайн, от Самого Христа преданных, яко да единой веры, единой проповеди и единого причащения истинного, сиречь святынь Господних, причастны да бываете, зане едино Тело Господа Спаса нашего есть, едина Кровь Его, излиянная за нас, един хлеб, за всех ломимый, и едина чаша, всем даваемая во оставление грехов⁵⁷.

Верою бо, един Дух приемше, едино разумевати должны есмы, яко едино тело и едина душа, ибо сущи едино тело и един дух веде будут⁵⁸. Бог убо равно всех призвал есть, всем же свет и живот даровал есть, всем равно есть глава, и душ наших имать, яко уды своя; всех совоздвиже, испосади и всех убо едино честно прият, ибо во един дух вси мы и вси во едино тело крестихомся: или иудей, или еллин, или рабы, или свободны, и все единым духом напоихомся⁵⁹. О Христе бо Исусе несть еллин, ни жидовин, ни варвар, ни скиф, ни разделение некое⁶⁰. Едино бо начертание все и едино знамение благодати, едино стадо бысть, един пастырь. Слово Божие – Бог, Новому Завету и Ветхому⁶¹. Един Господь, и едина вера, и едино крещение. Еда убо он велия Бог имать, он же мала, еда убо ов верою свободися, ов же делы, еда убо ов крещением свободися, а сей ни? Един Бог и Отец всех, един Господь Исус Христос, иже сподоби нас едино стадо быти, и пасомо тем самем, истиным Богом и Спасом нашим, иже есть глава всем, и дверь, и пастырь, Владыка и Господь⁶². Той есть глава, мы же тело; той живот, мы живущии⁶³; той свет и воскресение, мы же просвещаемии и востающии. Той нас ради воплотися и пострада, крест и смерть прият, воскресе, да с собою род человеческий, в толикой злобе и нечестии обетавший, воздвигнет, и даде закон и заповеди пастыря и учителя, крещение, священство, пречистые Тайны, покаяние⁶⁴. На сем убо назидаем себе и яко основания держимся, и яко же ветвь лозы; и ничто же да будет среднее нас и Христа; аще бо будет что среднее, то абие погибнет, ибо ветвь, аще раздвоится, погибает, не имущи, где утвердить себе.

Послушайте сладкаго гласа единороднаго Сына Божия, что глаголет во святом Евангелии: Аще кто не родится водою и духом, не может внити в царство небесное⁶⁶. Аз есмь свет миру⁶⁷: ходяй по Мне, не имать ходити во тьме, но имети имать свет животный⁶⁸. Аз есмь пастырь добрый и знаю Моя, и знают Мя Моя. Аще кто Мне служит, Мне да последует⁶⁹. Иде же есмь Аз, тамо и слуга мой будет⁷⁰. Всякий веруяй в он не погибнет, но имать живот вечный⁷¹. Веруяй в он не будет осужден, а неверуяй уже осужден есть, яко не верова во имя Единороднаго Сына Божия. Аз есмь хлеб животный, грядый ко Мне не имать взалкатись, и веруяй (так) в Мя не имать ижадатись никогда же⁷². ядый Мою плоть и пияй Мою кровь во Мне пребывает, и Аз в нем⁷³. Аминь, аминь глаголю вам, аще кто слово Мое соблюдет, смерти не имать видети во веки⁷⁴. Веруяй в Мя, аще и умрет, оживет, и всяк живяй и веруяй в Мя не умрет во веки⁷⁵. Аз есмь лоза истинная, вы же рождие, и пребываяй во Мне и Аз в нем и той сотворит плод мног⁷⁶. И паки: веруяй в Мя, яко же рече писание: реки от чрева его истекут воды живыя⁷⁷. Мнози мняху веровати⁷⁸, но неправо, якоже рече писание, и понеже они своим ересем вероваша, и того ради и погибоша. Не по писанию верующии суть вси еретицы⁷⁹. Не всякий глаголяй ми: Господи, Господи! рече, внидет в царство небесное, но творяй волю Отца Моего небеснаго⁸⁰. И паки: мнози рекут Ми в день он: Господи, Господи! не Твоим ли именем пророчествовахом, и Твоим именем бесы изгнахом, и Твоим именем силы многи сотворихом. И повем им, яко николи же знах вас. Отступите от Мене вси делающие беззаконие⁸¹. Такови убо суть вси еретицы. Мнози бо лжепророцы и лжеучители овчата быти являющеся, волцы суще, уморяюще словесная овчата Христова стада. Сих бо всех отрицается Господь, глаголя: Отступите от Мене вси делатели неправде.

Святый апостол Ияков глаголет⁸²: Братие мои, не на лица зряще имейте веру Господа нашего Исуса Христа славы⁸³; иже бо весь закон соблюдает, согрешит же во едином⁸⁴, бысть всем повинен. Кая польза есть, аще кто веру глаголет имети, дел же не имать: еда может вера спасти его⁸⁵? и беси веруют и трепещут⁸⁶. Хощеши ли разуметь, о человече суетный, яко вера без дел мертва есть⁸⁷; ниже о самих делех благих без веры спасение получити. Несть удобь человеку о единой нозе благо шествовать, ниже птица о едином крыле парить на высоту может, тако нелеть есть о единой вере без дел, ниже о самых делех без веры спасену быти. Вера купно с добрыми делы, тое спасают человека⁸⁸. Вера есть всех благих мати и всех добродетелей красота. Верою правою кто сияет, воистину сей славен есть⁸⁹, и что на основании веры созидается, сим вечно от трудов своих утешатися будет⁹⁰. Яко же держащийся веры на твердей почве утверждается, сици и иже отпадшеи нигде же стати могут, но многими горе и доле прельстившись льщений конечное в самую погибели низносятся глубочайшую пропасть.

Благогласный проповедник, вселенныя учитель, апостол Павел: верою бо разумеем состоятися веком. Вера есть уповаемым извещение, вещем невидимым изобличение⁹¹ и в первых крепкое и твердое разумение со дерзновением в сердцы о Бозе⁹². Вера являет Бога невидимаго, величество благодати Его и показует нам царство небесное и живот вечный, и смерть, и суд страшный и являет воскресение общее всего мира и пакибытие будущаго новаго века. Вера показует горнее место праведным, долнее же грешным. Вера есть ходатай наш к Богу, милость Божию нам показует и дарование от Него приемлем⁹³. Вера есть дар Божий, освящение божественное, ею же человек освящается и всею силою хранит вся, яже Господь Бог подаде церковию своею разуметь, яже во святом евангелии писанное и неписанное⁹⁴. Вера есть благодать и дар Божий, иже понуждает нас на послушание божественных словес. Вера есть осенение Святаго Духа, имже распаляемии и наставляемии к разумению единаго истиннаго Бога и святыя церкви. Вера есть, егда пречистых и животворящих Христовых Тайн причащаемся, тогда хлеб в самое Тело и вино в самую честную Кровь Господа нашего Исуса Христа приемлем⁹⁵. Вера есть соединение благими делы ко Христу Богу, и веры яже во Христа утвержение присно пребывательныя и никогдаже колеблемыя. Сия вера есть святых апостол, сия вера святых отец и святых мученик, таковая вера есть православных всех. Сия вера вселенную всю укрепи; тоя ради святии мученицы кровь свою пролияша (л. 64). Святый Афанасий Александрийский⁹⁶: иже хощет спастись, прежде всех подобает ему держати кафолическую веру, еяже аще кто целы и невредимы не соблюдает, кроме всякаго недоумения, на веки погибнет. Святой Кирилл Иерусалимский⁹⁷: аще кто в той 7 вселенскими соборы утвержденной правде пребудет, спасен будет, яко же пишет, а кто отступит или в чем порушит, погибнет вовеки⁹⁸. Тако бо на всех 7 вселенских соборех всеми святыми отцы утверждено писанием и царскими златыми печатьми, что в исповедании православныя веры ни приложить, ни отъяти. Аще ли кто смеет приложити, или отъяти, или пременити, да будет проклят⁹⁹. Сице мы веруем и исповедуем со отцы святыми, и древнему законоположению последуем и вся церковныя догматы соблюдаем, а иже тако не веруют, да будут прокляты трижды¹⁰⁰. Вы же, возлюблении, во святой вере стойте, утверждайтеся Духом Святым, ни в чесом же отступити от предания патриархов православных и святых отцов святых тайн от них освящаемых и посылаемых, и до конца пребывающе с нами, спасетеся и Бог мира и любве да будет в нами¹⁰¹. А кто отметается святых отец и не слушает, самого Христа Бога отметается¹⁰².

Аз есмь альфа и омега, начаток и конец, сый и бе, и грядый Вседержитель¹⁰⁴, Господь о себе рече. Глава и содетель закону, и свет истинный, и всех Творец – Христос, единосущный Отцу и Святому Духу. Той есть глава телу церкве, о нем же имамы избавление кровию Его. И того дал есть главу выше всех церквей, яже есть Тело Его¹⁰⁵.

О пастыре. Евангелие Иоанна, 36. Аз есмь пастырь добрый и знаю Моя, и знает Мя Моя, яко же знает Мя Отец, и Аз знаю Отца и душу Мою полагаю за овца и ины овца имам, яже не суть от двора сего, и тыя Ми подобает привести, и будет едино стадо и един пастырь¹⁰⁶. О таковых верных своих овцах Христос душу свою положи и знает их, яко своего двора, и Той есть един истинный пастырь, и едина овчарня, святая соборная церковь Его апостольская, до нея же Господь собирает многих стран и народов, да будет во всех един Господь Бог и едина вера, едино крещение, едины тайны Тела и Крове Господни, едино мудрование и о прочих церковных тайнах, и дверию его входити и исходити, а не входяй дверьми, той тать есть и разбойник¹⁰⁷.

(об.) О архиереи. Имуще убо архиереа велика, прошедша небеса, Исуса Сына Божия¹⁰⁸, да милостив будет и верен первосвященник в тех, яже к Богу, воеже очистит грехи людския¹⁰⁹. Таков нам подобаше архиерей преподобен, незлоблив, безскверен, отлучен от грешник и выше небес бывший¹¹⁰. Христос прошед – архиерей грядущих благ большею и совершенною скиниею нерукотворною¹¹¹: вместо бесчисленных иереов единаго архиереа Христа имамы; архиерей бо есть един верный сын, могий сих, их же есть архиерей, свободити от грехов. Святый Макарий¹¹²: Сей истинный архиерей Христос единою вниде во святая нерукотворная и в вышний олтарь, готов очищение подати просящим от Него в совести блазе, рече бо се: Аз с вами есмь до скончания века.

Се аз вложю во основания Сионская камень многоценен, избран, краеуголен, честен, и веруяй в он не постыдится¹¹⁴. Кто же во основании камени? Святый апостол Павел являет, рече: основания бо иного никто же может положить, иначе лежащего, еже есть Исус Христос¹¹⁵. Еще же да познаеши явственно¹¹⁶, слыши Златоуста в Маргарите¹¹⁷: Что ради наречется путь? Да навыкнеши, яко тем ко Отцу отходим. Что ради наречется камень? Да навыкнеши утверждение непоколебимое веры. Что ради наречется основание? Да навыкнеши, яко вся носит. Почто наречется корень? Да увеси, яко на нем цветем. Почто наречется пастырь? Яко нас пасет всегда. Почто наречется овча? Яко о нас пожреся и очищение бысть нам. Почто наречется жизнь? Яко мертвы нас суща воскреси. Почто наречется свет? Яко от тьмы нас премени. Почто наречется мышца? Яко единосущен есть Отцу. Почто наречется слово? Яко от Отца родися; яко же бо слово от ума рождается, тако и Сын от Отца. Почто наречется риза? Яко облекохомся в он, крещьшеся. Почто наречется трапеза? Яко ям его, наслаждаяся таинств. Почто наречется дом? Яко живу в нем. Почто наречется вдомник? Яко храм Его бываю благодатию. Почто наречется глава? Яко уд его устроен бых. Почто наречется жених? Яко невесту мя обручи себе. Почто наречется чист? Яко двумя поят. Почто наречется Владыка? Яко раб Его есмь. К сим же и Господь нарицается и Бог, яко созда и содержит вся. И Сын и сияние и образ Божий нарицается, яко известитель отеческия премудрости и силы. Царь царей, и Господь Господей, (л. 65) и пастырь пастырей, и едина церковь, тела своего истинная глава, положивый душу свою за люди своя, их же честною кровию своею искупил еси¹¹⁸. Не восхоте достояние свое оставити на земли неустроенно, отходя на небеса, но взем два сребреника, даде гостинником. Се есть старый и новый завет. Кому же дал? Кто суть гостинницы? Апостоли и по них преемницы их, пастыри и учители, архиепископы, иже служители суть величеству смотрения Его, имже и спребывати даже до скончания века сотвори. И по своему неложному обетованию благодатне избирает себе людей достойных, и поставляет и освящает рукоположением чина духовнаго чрез патриархи, архиепископы и епископы¹¹⁹. А над всеми сими глава и пастырь Христос, иже сие приобеща, глаголя: идеже еста два или три собрани во имя Мое, тамо есмь посреде их. А по свидетельству святаго Афанасия патриарха: тьмами тем суть святых телеса, и едина плоть есть Сына Божия, едино стадо и един пастырь – Господь наш Исус Христос.

Живущии бо на земли и на ней житие провождающии сими, яже на небесех суть, строить повелены Быша, и власть прияша, юже ниже ангелом, ниже архангелом даде Бог, не бо ко онем речено бысть: елика аще свяжете на земли, будет связана и на небеси¹²², и елика аще разрешите на земли, будут разрешена и на небеси¹²³. Имеют убо и обладающии землею, еже вязати, власть, но телес токмо; сей же союз – самыя касается душа и проходит на небеса; и аще соделает доле иерей, сия Бог горе известна творит; и рабский совет Владыка подтверждает и что бо ино, разве всю им небесную даде власть, им же бо рече: отпустите грехи, отпустятся им, а им же аще держите, держаны суть¹²⁴. Кая была бы сея власть большая? Весь суд даде Отец Сынови. Зри же всю сию врученную им от Сына¹²⁵. Зри колико велик есть богоустановленный чин иерейский, и яко есть вечен и непрелагаем, и аггелом страшен. То бо есть апостольское наследие, и того ради имена им дана многа. Тако же святый Златоуст о чести священных¹²⁶: почтите служителя, рече, яко отцы, (об.) а епископы, яко самого Христа, попы, яко сопрестольники и супруги апостолом, без них бо церковь не просвещается, ниже тайны церковныя без них не совершаются.

Часть 2. Евангелие. Обеща Господь Петру дати ключи царства небесного, и по воскресении Своем из мертвых сие обещание исполнив, егда предста учеником, дверем затворенным, и рек: «Мир вам». Посем, дунув на них, глаголи: «Приимите Дух Свят, имже отпустите грехи, отпустятся им¹²⁸. Обнашаше же сей ключ не един Петр, но и вси апостоли, и паки не едины апостоли токмо, но и восприемницы престолов тех, наместницы, святители и патриарси; паки же сии оставиша и предаша епископом со возложением рук; епископы презвитером и всему священному чину; и таковый ключ даже до кончины века не отымется от них¹²⁹. Яко Христос не по Ааронову временнаго, но по Мельхиседекову вечнаго чина прииде архиерей вечных благ, и яко же сам никогда же не умирает, тако же и иерейство Его по чину Мельхиседекову не престает, яко же пишет: Ты еси иерей во-веки по чину Мельхиседекову. Престало тогда архиерейство Аароново, яко временное, востало же Христово вечное. Благовестник: Смотри же ми иерейскаго чина, яко божествен есть; Богу бо еже отпущати грехи онем же се дадеся; тако убо чтем я, яко Бога, аще и недостойни суть, Божия бо дара суть слуги, и благодать действует ими, яко же и ослом Валаамлим. Глагола: не оставляет бо благодати наше недостоинство, яко иереом благодать дается, и того ради почитаем я. Благовестник Матфей¹³⁰: Понеже благодать множицею и недостойными действует, яко же и недостойными священники освящаемся. От Матфея¹³¹: Аще Богу согрешит, не могу аз препростый простить его, но аще кто Божий чин имея священич. Святый Златоуст¹³²: аще епископ повеление имать развращенно, аще и аггел будет, не покаряйся ему¹³³. Аще закон имать неправ, то не слушай его. Аще ли право учит, не жития его смотри, но словес его слушай¹³⁴. Аще ли глаголеши скверен есть и зол, то что есть тебе аще и добрый за тя Бога молит, что тебе успеет, аще ты еси неверен. Аще ли и скверен¹³⁵, то тебе скверна его не вредит, зане же вся благодать от Бога есть.

Кир Симеона Селунского вопрос. Номоканон лист 55. Недостойне священнодествующаго прията ли есть жертва, и крещение и от него бываемая вся или ни? Или духовник, быв прощает ли согрешения, многажды не именуя книгу или заповедь, убо ли суть прощена от него?

Яко же¹³⁶ не всех убо избирает Дух Святый, всеми же действует, протчее архиерей или иерей и духовник, имея служение, и всяк ин причетник, правильно рукоположенный, Божий есть истинный раб, и спасению человеческому слуга, и аггел Божий, и святыни преподатель и весь есть божественнаго просвещения и благодати; и мзду своея службы тамо от Бога приимет многую, занеже¹³⁷ спасительно есть ему и всем верным, живым же и усопшим. Аще ли ни, – слово о своей праздности даст Богу. Всяк же¹³⁸, не по правилом рукоположенный святитель, или священник, или причетник, или духовнаго служения слуга, действует убо рукоположения благодать за приходящих ко спасению, и когождо по вере приемлет, и ни един есть не непричастен, нерукопологаемии от них рукоположени суть, и неразрешении от грех или связании – разрешени суть, и тайны вся тайны суть: не человек бо действует, но сквозе орудие благодать. Горе же орудию оному, еже чрез волю действующаго действует и горе человеку оному, презрителю толиких¹³⁹.

А еще нецыи попущением Божиим в толико приидоша дерзнути, еже неверне и злочестивно, неверие бо есть вещь сицевая, еже кроме священства прияти хиротонию, священная действовати. Несть слово рещи о осуждении сицевых¹⁴⁰. Сие бо дело горше есть самых тех нечестивых бесов, во аггела светла преобразующихся точию, но не сущих, и Божие убо лицемерующих, безбожных сущих и противных Богу. Таковии не токмо велие и неизчетное томление подымут, на божественная сице зле возхуливе; ниже бо гласы божественныи от них, ниже божественная дела, понеже благодати рукоположения не имут¹⁴¹, но и месть прииму иную за прельстившихся от них, или негде крещеных, или рукоположенных. Сии бо ни хиротонисани суть, ни крещении. Ничтоже бо дает не имеяй и ничтоже приемлет что от неимуща, аще и мнится имети, темже и крещен бысть¹⁴² и веруяй священник или крещен – несть, и погибели сих крестивый повинен. Не может человек иметь, не прием от Бога. Кроме, бо рече, Мене не можете творить ничто-же.

Закон Божий есть Божие повеление, чрез Моисея людем преданный в десяти заповедех¹⁴⁴, дабы всякий человек ведал, что угодно есть воли Божии и то бы со всяким усердием творил, и ведал бы, что есть противно воли Господни, и от того бы со всяким усердием оберегался¹⁴⁵. Аще же кто и мнится хранити заповеди Божия, но не со страхом любви Божии, но для иных неких причин или точию угождения ради человеческаго, чести, славы ради, таковое есть Богу неприятно, яко неистинное, но притворное, мнимое, лицемерное.

О законе благодати. Закон Божия¹⁴⁶ благодати прав, истинен и благ и не имать конца, яко он Моисеов, но и на большая происходит явления¹⁴⁷, не тако, яко же в человецех, иже кто приять начало и славу и многое могутство, скоро же того и отпадет, аще бо и не человек отъимет, но смерть нашедши отъимет весьма. Благодать же Божия не такова, но вечна и крепка, ниже бо человек, ниже время, ни обстояние вещей, ни сам диявол, ни смерть нашедши изгнати нас от оноя возмогут. Сего ради и Павел к римляном пишет, глаголя: мир имамы к Богу Господем нашим Исусом Христом, имже и приведение обретохом верою во благодать сию, в нейже и приведение обретохом верою во благодать сию, в нейже стоим и хвалимся упованием славы Божия¹⁴⁸. О немже Господь наш Исус Христос рече: Аминь, глаголю вам, дóндеже прейдут небо и земля, иота едина или едина черта не прейдет от закона, дóндеже вся будут¹⁴⁹. О, коль многочастне согрешаем, противная закону и заповедем Божиим творим! Потом же разумей, яко побежден еси неправдою, и увеждь отныне, о человече суетный, кто есть сильнее: Бог ли делатель закона благодати, или диавол, враг всех и сопротивник закону и благодати, грех или закон Божий; душа ли лучше или тело, закон ли, спасаяй ю, или преступление закона и заповедей, погубляй и душу и тело; и что добрее рцы ми: правда ли или лжа, рай или мука? Отвергся кто закона Моисеова без милосердия при двою или триех свидетелех, умирает. Колико, мните, горшей сподобится муки благодать Сына Божия поправый и кровь завета, еюже освятися, скверну возмутивый и Духа благодати укоривый? Вем рекша: Мне отмщение, Аз воздам, – глаголет Господь¹⁵⁰.

В символе исповедует, II собор, стих 9, и Катехизис Большой: Во едину святую, соборную, апостольскую церковь. 1. Что есть церковь? Исповедуем церковь собрание верных. 2. Яко церковь ни единаго от человек имать нарицания себе, кроме Христа, Который честною кровию своею искупил и вечно себе обручил, и един главою есть, яко приснаго Тела Его, и 7 тайн, и 9 заповедей церкви предано.

Святый Златоуст. Беседы, лист 1695. Церковь¹⁵¹ есть дом отчий, едино тело и един дух, еяже гору наричет непревратное, камень нетленное, царицу наричет сродное Богу, дщерь многоплодное, и тьмами имен наричет ея. Церковь¹⁵² выну пребывает, церковь небес вышши есть, земли ширши есть камения твердейши есть, и врата адова не одолеют ей. Церкви¹⁵³ имя согласие и соединение и единой достоит быть. Вельми¹⁵⁴ бо церковь Богу возлюблена есть, не сия, иже суть стенами ограждена, но сия, иже верою ограждена. Церковь не стены и покров, но вера и житие; церкви ничтоже равно есть, никогда же стареет, но присно юнеется; церковь бо паче небеси вкоренилася есть, небес вышши есть, земли ширши есть, паче аггел честнейши и паче всея твари дражайши есть. Книга о вере¹⁵⁵: Ибо кто ея не познает, како в ней и при ней не пребудет и в ней не обрящется¹⁵⁶, той и вечнаго онаго блаженства, по временном сем житии, вечнаго живота наследить не может. Катахиса¹⁵⁷ Большаго глава 85¹⁵⁸: Сея ради вины, яко да известно ведуще ю, в ней и пребываем и спасени будем, зане, кроме церкви Божия, нигде же несть спасения. Якоже бо при потопе: елицы с Ноем в ковчезе не бяху, истопоша, – тако и в день судный: вси, иже ныне в церкви святей не будут, тии в озеро огненное ввержени будут; церковь же свою Сам Христос спасает. Христос есть глава телу церкви. Се убо, иже не пребывает в сей соборной церкви¹⁵⁹, тех Христос не спасает и Духа Святаго сицевии не имут.

Евангелие, Благовестник Лука, зач. 170: яко церковь Христова и род христиан до скончания века имать быть¹⁶⁰. «Аминь, глаголю вам, яко не приидет род сей, дóндеже вся сии будут». Род, рече, не тогда сущий, но род весь христианский верный. Весть бо и род от единоправия именоватися яко сей род, ищущих Господа. (об.) Понеже мятежи и рати и изменению, рече, быти стихиям и вещем, да не ищут нецыи, яко да егда и християнство разорится, ни, рече, не прейдет бо род сей християнский. «Небо и земля изменится, словеса же Моя и евангелие Мое не раззорится, но пребывают; аще и вся двигнутся; но о Мне вера не оскудеет»¹⁶¹. Являет же зде¹⁶², яко церковь честнейшу имать, паче всех тварей, ибо аще и тварь изменится, верных же церкви и словеса ея и Евангелие никогдаже; пребудет же и род верных, ни единым от предреченных пресецаем.

Господь Бог Спас наш Исус Христос, истинный пастырь и учитель и начаток всем, святым писанием, о последней прелести часто вспоминая, соблюдая и утверждая правоверных, сице глаголет¹⁶³: «Блюдите, да никто же вас прельстит; мнози бо приидут во имя Мое, глаголюще: Аз есмь Христос, и многих прельстят». И паки: Блюдите, да не прельщени будете. И время приближися, не изыдите убо во след их, льстящии мнози, а прельщающиися множайшии»¹⁶⁴.

Святый апостол Петр: яко в последнии дни прийдут ругатели, по своим похотем ходящии. И паки тойже на ином месте¹⁶⁵: Быша же и лживыи пророцы в людех, якоже и в вас будут лжеучители, иже внесут ереси погибельныя, искупльшаго их Владыки отметающеся; и мнози пойдут вслед нечистот их, ими же путь истинный похулится.

Святый Иоанн Богослов и евангелист¹⁶⁶: Возлюблении, не всякому духу веруйте, но искушайте духи, аще от Бога суть, яко мнози лживи пророцы изыдоша в мир¹⁶⁷. Уподобитесь кораблеправителем, не всякому ветру себе вдающем и верующим, но точию полезному и ко пристани безбедно женущему.

Святый апостол Павел ефесянам¹⁶⁸: Блюдите убо, како опасно ходите, не яко же немудри, но яко же премудри, искупующе время, яко дние лукави суть. И паки: блюдитеся псов, блюдитеся злых делателей, блюдитеся раскола. Блюдитесь¹⁶⁹, да не кто вас прельщая философиею и тщетною лестию по преданию человеческому по стихиям мира, а не по Христе.

И святый Златоуст¹⁷⁰: не послушай прелестника, ни во всем, ниже исполу, дабы пол Христа, пол же его послушал еси. Страшно бо, рече¹⁷¹, благочестия отступити, Бога есть отступити¹⁷². Не бывайте сопряжении ко иному ярму с неверными; кое бо причастие правде к беззаконию, или кое общение свету ко тьме¹⁷³? Кая община волку со агнцем? Тако же и грешнику со благоверным. Кий мир со псом, и кий мир богатому со убогим¹⁷⁴? (л. 68) Кое согласие Христови с Велиаром или кое сложение церкви Божии со идолы, или кая часть верну с неверными? Тем же изыдите от среды их и отлучитеся¹⁷⁵. Глаголет Господь: «Нечистоте не прикасайтеся, и Аз прииму вы¹⁷⁶. Не хощу же вас обещники быти бесом; не можете чашу Господню пити и чашу бесовскую¹⁷⁷; не можете трапезе Господне причаститися и трапезе бесовской.

Паки апостол: не коснися, ниже вкуси, ниже осяжи, яже суть вся во истление, употреблением по заповедем человеческим. Горняя мудрствуйте, а не земная¹⁷⁸.

Святый апостол Павел, II послание солунянам¹⁷⁹: Да никто же нас прельстит ни по единому образу, яко аще не приидет отступление прежде, и окрыется человек греха, сын погибели, противник и превозносяйся паче всякаго глаголемаго Бога или чтилища, яко сести ему в церкви Божии, аки Богу, показующу себе, яко Бог есть.

Святый Златоуст¹⁸⁰: велия тайны открывает. Что есть отступление? Того самого антихриста нарицает отступление, яко многих имуща погубити и отсавити, тако, яко, рече, соблазнити, аще мощно есть и избранныя. Се бо святый апостол Павел и святый Златоуст вопоминает¹⁸¹, дабы ложнаго ради умышления ко иной ложной главе, кроме Христа, не приставали.

Болезнуя Спаситель наш Господь Исус Христос о создании своем, рече: Горе миру от соблазн¹⁸². И нужда им быти по словеси Христову, да познани будут благочестивии вси и нечестивии¹⁸³. Кое злато, сребро и камение драгое и дрова. И по апостолу: вси же, хотящии благочестно жити о Христе Исусе, гоними будут, лукавии же человецы и чародеи преуспеют, на горшее прельщающе и прельщаеми¹⁸⁴. Молю же вы, братия, аз, юзник о Господе, бодрствуйте, стойте в вере, мужайтеся, утвержайтеся¹⁸⁵ и в премудрости ходите по внешним, время искупующе, яко дние лукавии суть¹⁸⁶, и непоступнии бывайте во святых отеческих преданиих, да с ними наследите вечное царство небесное в горнем прекрасном Иерусалиме. И от словес святого апостола Павла познаем: да о нем же хвалятся, обрящутся¹⁸⁷, яко же и мы, таковии бо лжеапостоли делатели льстивии, преобразующе во апостолы Христовы, и не дивно: сам бо сатана преобразуется во аггела света, не велие убо, аще и служители его преобразуются, яко служители правды, их же кончина будет по делом их¹⁸⁸. Святии апостоли сеяху благочестие по земли, а лживии апостоли диявола (об.) злочестие свое и прелесть¹⁸⁹, яко же Быша при них Симон Волхв, Филиппа диакона крестник, Николай отступник, Кинопс и проч. И до соборов так все брань церковь Христова со враги, и меж соборами, и по соборех святых отец и доные; Христова часть свято дело творит и действует Святым Духом, и антихристова часть свое беззаконие деет в мире неприязненным духом. Сия словеса подтверждает святый апостол Иоанн Богослов¹⁹⁰: чада Божия есть и чада диаволя неприязнена. И апостол Павел тако же глаголет¹⁹¹: тайна бо уже деется беззакония, точию держай ныне, дóндеже от среды будет и тогда явится беззаконник. От словес святаго апостола Павла и святаго Иоанна Златоуста (Коринф. 1, зачало 150) познаваем¹⁹², яко антихрист преж пришествия своего учинит, яже везде жертвенники и истинную жертву истребит¹⁹³, и кумир свой на святе месте поставит. Уже бо сицевое мерзостное запустение посланнии от него лжепророцы начинают, и от того познаваем, яко уже близ есть день Господский; не у еще кончина, дóндеже сам прииде и с ним совершится и исполнится мерзость вседневнаго запустения. Сия убо мерзость толкуется по писанию¹⁹⁴: воинство антихристово разоряющее церковь Божию. А ныне ужи видимо есть отступление¹⁹⁵: отступиша бо мнози человецы от правыя веры и чешут слухи приложенными глаголы и вси послушают сладце прелести, и вси предаются на глаголы тии, и удалишася вси человецы от добрых дел, и изволиша лучше прелестное, нежели похваляют самую истину. И се есть уже отступление о ожидаем врага, иже помалу пошлет предотечь своих и сам, на готовое пришед и остаток уловит.

Благовестник Евангелие от Матфея, зачало 99: Истинный пастырь Господь наш Исус Христос утвержает верных своих. Тогда аще кто речет нам: се зде Христос или онде, не имете веры¹⁹⁶, восстанут бо лжехристы и лжепророцы и дадят знамения велии и чюдеса, яко прельстить, аще возможно и избранныя. Се прежде рек вам¹⁹⁷: Егда хощет антихрист приити, будут ложнии Христи и ложнии пророцы, мечтанием бесовским явления творяще пред очима зрящих, яко прельщати некия, аще не трезвятся, и праведнии прельститися имут.

Святый Иоанн, Апокалипсиса толкование¹⁹⁸: Тако и отступник антихрист ничто же, кроме демон содевает: сотворит бо образ звериный (л. 69) и покажет, глаголющ, дабы прельстил люди. Осудит же убиеным быти, иже ся ему не поклонят. Святый Ипполит¹⁹⁹: по всему убо хощет уподоблятись льстец Сыну Божию: лев – Христос, лев и антихрист; явися Хритсос агнец, явится и антихрист агнец, внутрь сый волк²⁰⁰. Даде Господь, иже в Него верующим, знамение – честный крест, и той подобне даст свое знамение и проч. Святый Ефрем Сирин²⁰¹, плача, глаголет: Образ приемше сквернаго богопротивника за за крест Спасителев. Паки: Егда же змий начертает знамение свое за крест Спасителев. Иже чтет, да разумеет. Святый Иоанн Богослов являет сице: Дети, последняя година есть, якоже слышасте²⁰², яко антихрист грядет, и ныне антихристи мнози Быша, и от сего разумеем, яко последний час есть²⁰³. О правде, яко много предотечев, но и сам уже близ есть по числу, еже о нем 666. Число бо человеческо есть, антихристово. Кто весть, аще в сих летех 1666 явственных предотечев ево или того самого не укажет? И се отступление указует Дух Святый во Апокалипсии²⁰⁴ по числу зверя. Число бо человеческо есть и число его 6000, 600, 60. Святый Ипполит²⁰⁵: Печати же его на челе и на десней руце есть число 666. К сему и сие воспомянуть требе есть, еже святый Иоанн пишет²⁰⁶ о связании сатаны на 1000 лет, а потом о развязании его²⁰⁷. Тако всегда в памяти своей нам всем правоверным имети подобает преже бывшия вины и сему внимати, еще являет.

О Римском отпадении²⁰⁸. Яко по 1000 лет от воплощения Божия Слова, Рим отпаде от Восточныя церкви со всеми западными странами, и наведоша завет со прелестию²⁰⁹, и оскверниша священие, и предание святых отец отрину. И о разньствии являет²¹⁰, яко Дух Святый от Отца и от Сына изходит, и опресноки служит и огнь чистит и иныя многия ереси.

Второе оторвание християн от Восточныя церкви в 59 лете по тысячи²¹¹: жителие в Малой России к римскому костелу отступили²¹² и на всей воли римскаго папы заручную грамоту дали и веры правыя отпадоша. И о присяге их зри главу 23–24. Оберегая же сие, пишет списатель книги Правыя Веры²¹³: егда исполнится от воплощения 1666 по числу зверину, да нечто бы от прежних вин зло некаво не пострадать и нам в правой вере. Егда же прииде и исполнися по 1600 лет 66 число, тогда в Великой России наста отступление веры правыя, развращение мудрее и лукавейши первых, от создания мира по 7161-го и 7162, 7163, разорвание бысть.

Богу попустившу за согрешения наша злый пастырь, быв в кожи овчей, Никон патриарх в лето от сотворения мира 7161, и притворися быв, волк сый, во 162 веру правую нарушил и святую церковь, матерь нашу любимую, ограбили, якоже царицу от порфиры обнажиша: благолепоту церковную провергоша и святый чин и догматы измени; истинный крест Христов триипостасный от церкви и от престола снял и от просфиры разлучил; во исповедании Символа Духа Святаго животворящаго, а истиннаго отставил; трисвятую аллилуию четверят; креститися тремя персты велят и в треперстном сложении Христова два естества не исповедуют, и в молитве Сына Божия отставил, и весь чин и устав церковный святых отец нарушил; и святыя книги развратил и единости истинныя веры правыя и святыя Восточныя церкви отвергся, прежних святейших 5 патриархов: свят. Иова, свят. Гермогена, свят. Филарета, свят. Иоасафа, свят. Иосифа и прочих святителей и учителей отступиша, и нелепы раздоры и чины во святую церковь внесе от разных ересей, и зело огорчил святую церковь, матерь Нашу общу и осквернил догматы незаконными, преложиша бо истину во лжу и почтоша беззаконие в закон. На освящении церкви, на престоле честный крест от антиминс и просфиры разлучил. Амвон, посох, шапку, вместо ея кидарь возложил, панагию другую накладают, благословляют обема рукама, не по преданию святых отец, 5 персты, некако странно. Иноческий чин, парамант, камилавку, благоговения образ, страха Божия, клобук изменили и глаголют Исуса Христа Иисусом. Святый апостол²¹⁵ инаго Исуса не проповедал бы, его же не проповедахом: в молитве на крещение: «молимся тебе (Господи) – дух лукавый», его же страшно есть помыслить. Ектению и на миропомазание стих таинства христианскаго отложил. На крещении и на венчании ходят против солнца, обращаются на шуюю страну. Се являют, яко отводят людей от десныя страны, еже есть от Бога, и на шуюю, се есть к диаволу, уклоняются. Во исповедании многи молитвы и разрешальныи отставлены. В прочих службах церковных вечерни, павечерницы, полоношницы, заутрени, часом и святыя литургии в действе, в молитвах, ектениях – весь чин, и устав, и пение, и поклон приходный пременил. Молитвы причастныи и прочия многи отставлены и 2 просвиры отложил. И аще дерзнули изменить и нарушить отеческая предания, сице и всю нашу православну веру нарушили. (л. 70) Многая убо тогда подвигша гонения на церковь Божию и многая святая места, обители и церкви святыя, по всей России ученицы Никона разориша и разграбиша неприемлющих и не покоряющихся новому преданию, различными муками и смертьми умориша за веру, за церковныи догматы, за крест Христов и за молитву, и гладом томили и огнем прижгли. И се правоверным гораздо любо, что Русская земля освятилася кровию мученическою новых страдальцев исповедников Христовых. И сбышася пророческая словеса²¹⁶: Пастыри мнози разтлиша виноград Мой и потопташа часть Мою вожделенную. Изменятся бо времена и закон беззаконствующий, и завет наведут с прелестию, и осквернят священия и преставят учение, и дадят вне огнушение искажено²¹⁷. И паки: Изыде беззаконие от старец и судей, священников вавилонских, иже осудиша неповинную Сусанну²¹⁸. И царствующаго пророка Давида: Боже, приидоша язы́цы в достояние твое, оскверниша церковь святую твою, положиша Иерусалим, яко овощное хранилище. Положиша трупия рабов Твоих брашно птицам небесным, плоти преподобных Твоих зверем земным²¹⁹. Блажени суть, иже Христа ради мучени и закалаемы.

Дойде к нам странным, о христоименитыи людие, от наших стран чрез посланных от вас правоверных боголюбцев Семена Васильева и Стефана Савельева²²⁰ в лето 7218 (1710)²²¹ скорбный и плачевный глас и толико скорбный, яко истинным боголюбцем и братолюбцем по Христову словеси братскаго падения паче своея души предпочитающи скорбети и оплакивати и о смерти отступления от правыя веры и святыя соборныя церкви благочестивых церковных догматов. Паки слышим от них, яко по возмущении, и нарушении, и превращении правыя веры и святыя соборныя апостольския церкви, матери нашея, Никона патриарха отступлении, в настоящия сия времена последня и плачевная по грехом нашим велик пламень злохитренных многоглаголанных и пестрообразных ересей лютых разгореся от богопротивных развратников коварных и лицемерных преблазнителей, самочинных и неосвященных лжеучителей, и самогубителей, и сводителей в Новгородских странах и²²² в Хижах на Дереве и во иных местах²²³. (об.) По чину величества их нарицаются староверцы и обительныя большаки, наставники, учители, духовники, крестители, избранники, честныя рабы Христовы²²⁴. По именом главнейшии: Яков Сухий, Илья Яковлев, Родион Марков, Данило Артемьев, Прохор Губатый, Иван Москвитин, Григорий Белохин, Терентий Михайлов, Алексей Соловянин, Максим Ондреев. И от них воспрямигнул Федосий Васильев, главный обительный наставник и собиратель, который во обители братии 500 и женскова полу 700 имел. Имел быть в них игумном и большаком, который вербу освящал, в Велик День со кресты ходил, в 50-цу на листу корпели, и молитвы читал, яко же поп, и кадилом кадил; он же попов и старцов разстригал и перекрещивал и духовныи дела творил, на дух исповедь принимал, и прощал, и разрешал, проводы, понахиды отпевал и молебны служил, молитвы родильницам давал, и домы очищал, и брачных разводил, женитву запрещал, от сообщения с миром в ядении и питии запрещал²²⁵. И яко же тогда при нем поборницы и ученики ево Терентий Васильев, Иван Бедра и последующии им тожде творят. Пристанища святая церкви у себя не имеют, не призываеми самочинно входят в чин учительства²²⁶, сами себя поставляют самовдирством в чин учительский, и неданный чин на себе восхищают, и духовныя дела творят, и службы церковныи действуют, пречистых Тайн Христовых и священства, ни доры, ни просфиры, ни святыни церковныя де имеют²²⁷, воды святой, ниже хлеба богородична; крест Христов почитают, а на просфире не приемлют, то де было в благочестия, а ныне, говорят, нет: время последнее, вера пала, церкви благочестивыя и служба богоугодная не совершается, святое приношение не приносится, честное Тело и Кровь Христова во днех оных не имать явится, священников благочестивых нет, служба угаснет, чтение святых писаний не услышится, попов православных взять негде, по нужде так живем²²⁸. Церкви ныне, говорят, антихристовы, кресты на них ловушки сатаниты, а попы волки и души пожирают, а коих крестил, тех и поглотил, таковых ради вин подобает християнину крестить, того ради они во-вторые трепогуженных крестят и прочия духовныя дела творят, исповедают, и прощают, и разрешают, и над мертвыми отпевают²²⁹. (л. 71) Еще же паки лжеучители блядут, яко Христос уже отъять на земли благодать свою всю и несть никоея святыни, и не действует Духа Святаго благодать отступниками ни в крещении, ни в поставлении. Вину приводят²³⁰: подаяй и купуя на сребре священство, оба проклятию и анафеме подлежат, извержению. Зрим нынешних бегунов, яко они недостойни суть духопродавцы, паче Македония духоборца, на сребре поствлени суть и по мзде, и недостойны службы их²³¹, и веру правую нарушили, и крест истинный, и догматы пременили. И се есть по писанному воинство антихристово, разоряющее церковь Божию. Еще паки в них лжепророки и лжеучители мудровали²³², писали свитки и цветники лицовыя, в них пишут от самосмышления о кончине мира, прелесть простым людем во удивление и на страх²³³, на 200 год; в лицах писан Никон патриарх, последний антихрист, с ним купно сидит Ц. А.²³⁴ И приводят толк от Римскаго падения, о связании сатаны²³⁵, и по разрешении Рим отпаде, 2-е унияты по числу 600, и потом, егда исполнися 66²³⁶, тогда Никон отступил, раздор веры и церкви учинил и всю Россию возмутил.

Господь наш Исус Христос, истинный пастырь и учитель, нас ради воплотился и пострада, крест и смерть прият и воскрес из мертвых, да с собою род человеческий, падший и в толикой злобе и нечестии обетшавший, воздвигнет, даде закон, благодать, заповеди, пречистыя Тайны, крещение, священство, пастыри, учители, покаяние и церковь Своею кровию искупил и на камени веры утверди и вечну сотвори. И о последней прелести соблюдая и утверждая правоверныя Своя, сице глаголет: «Блюдите, да никто же вас прельстит. Мнози приидут во имя Мое глаголюще: аз есть Христос, и многи прельстят²³⁷. Блюдите, да не прельщени будете; и время ближися, не изыдите убо во след их²³⁸. Льстящии мнози, а прельщающися множайшии²³⁹. Тогда аще кто речет вам²⁴⁰: се зде Христос или онде, не имете веры: востанут лжехристи, лжепророцы, дадят знамения велия и чюдеса, яко аще возможно прельстить избранныя. Се преже рек вам²⁴¹. Егда хощет антихрист приити, будут ложнии христи, ложнии пророцы, ложнии учители, мечтанием бесовским явления творяще пред очима зрящим, яко прельщать некия, аще не трезвятся, и праведнии прельститися имут.

Святый Кирил, знаменье 8, толкование²⁴²: Не изыдите, ниже изходите, еже есть (об.) от единыя святыя веры, уставленыя Духом Святым и утверженыя Христом, за новыми ересьми и отступники не изходите.

Святый апостол Павел учит²⁴³: Аз бо вем се, яко по отшествии моем внидут волцы тяжцы в вас, на щадяще стада; и от вас самих востанут мужие, глаголюще развращенная, еже отторгнут ученики во след себе. Сего ради бдите, поминающе, яко 3 лета нощь и день не престая уча со слезами единаго когождо вас. И ныне предаю вас, братие, Богови и слову благодати Его, могущему ваздати и дати вам наследие во освященных всех. И прочая зри.

Блюдите убо, како опасно ходите²⁴⁴, не яко же немудри, но яко же премудри, искупующе время, яко дние лукави суть.

Блюдитеся псов, блюдитеся злых делателей, блюдитеся раскола²⁴⁵. Блюдитеся, да не кто вас будет прельщая философиею и тщетною лестию, по преданию человеческому, по стихиям мира, а не по Христе. Толкование²⁴⁶: не послушай прелестника ни во всем, ниже исполу, дабы пол Христа, пол же его послушал еси. Страшно, рече святый Златоуст²⁴⁷, благочестия отступити, Бога есть отступити²⁴⁸. Аще и худое что подвигнут анафема. В Вере: и мало что изменяющим – анафема.

Блюдитеся, о возлюблении христоименитыи людие, от воинства антихристова²⁴⁹ разоряющаго церковь Божию, поющаго и ратующа Христово стадо. Блюдитеся от лживых пророк, иже приходят к вам в одеждах овчиих, внутрь же суть волцы и грабители, и от плод их познаете их²⁵⁰. Блюдитеся ругателей, блазнителей, лжеучителей, иже внесут ереси погибельныя, искупльшаго их Владыки отметающася, и мнози пойдут вослед нечистот их, ими же путь истинный похулитися имать²⁵¹. Блюдитеся злых делателей, коварных прелестников, раскололюбных преблазнителей, богопротивных развратников, самочинных, неосвященных самогубителей, священнаго чина пренебрегателей, иже Бога исповедают ведати, делы же отметаются. Благочестия правыя веры и святыя соборныя апостольския церкви отступиша; благодати Божия, пречистых тайн, честнаго креста и священства, доры, хлеба Богородична и просфиры и прочия церковныя святыни не имуще. Блюдитеся от мнящихся быть мудры о себе, святы, праведны, избранники, честнейшия рабы, которыя духовныи дела творят, простыя мужики самочинныя, крещеных во-вторые прекрещавают и имена дают новыя, второе Христа распинают. Подобны суть, якоже Донатисты, и Месалияне, и Люторцы – Мартина Лютора ученицы.

Благочестия рачителем, истинныя правыя веры и по святей церкви поборником, возлюбленным отцем и братиям, Сионским чадом, всем православным християном радоватися и утвержатися и воспитоватися и возрастати во святых благочестивых отческих догматех, кроме всякой еретической скверны и порока²⁵². Благодатию честности нашей, обительным собрателем, большаком и наставником вашим, духовником, самочинным учителем и крестителем, и пастырем, и всем избранником и крестником, и рабом и рабыням вашим во извещение и во объявление, како о святей вере мудрствуем²⁵³.

Господи Исусе Христе, Сыне Божий, Вседержителю! Милостив буди ми, Владыка, благости Твоея ради и подаждь ми, Святый, проглаголати слово сие на пользу души моей и всем правоверным послушающим.

Глава 1. Слыши небо и внуши земле глаголы уст моих, износимая от души и от сердца, исповедуемая мною пред аггелы и пред святыми апостолы, и пророки и святители, и мученики, и преподобными, пред святою церковию Божиею и пред всем собором церковным духовнаго чина и мирских человек всякаго возраста. Слыши со иже святыи отцы и братия, сынове света, Христа истиннаго Бога, христоименитыи превовернии людие, братолюбне и кротце молю послушати всех вас о Христе, о единой правой вере – Аз многогрешный первый во гресех и последний в человецех странствующий иерей М. А.²⁵⁵ верую исповедую веру православно-кафолическую единоя святыя соборныя апостольския Восточныя церкве греческаго закона, единою преданную от Христа Спасителя нашего Бога святым апостолом и теми во всем мире проповеданную и всеми святыми (об.) на святом крещении приятую, и святыми отцы 7 вселенскими и девяти поместными соборы утвержденную, и Святым Духом запечатленную, и всем миром приятую и похваленую от всея вселенныя. И к нам в Россию от Царя-Града великий князь Владимер прият святую веру и крещение, епископы, иереи, иноки и книги и весь чин церковный; и о том свидетельствует книга Кормчая²⁵⁶ и книга о Вере степень 4, глава 33. И тое благочестивую святую веру благоверные князи и святители наши Российские чюдотворцы исповедники, и мучениками и преподобными и богоносными отцы пустынными жители, различными чюдесы и знаменьми просиявшими, и своими делы и словесы истинную нам веру изъяснившии и святым писанием утвердившие. И по совету тех святителей и преподобных отец и всего народа Российкаго изволением и собранием изыскавше божественнаго писания греческими философы, тщанием о благочестии благовернаго христолюбиваго царя и великаго князя Ивана Васильевича и святейшаго прежь освященнаго патриарха Иова и по них бывших благочестивых царей святейших патриархов и преосвященных митрополитов, и епископов, и всего священнаго чина, святыя соборныя апостольския церкве пресвятыя Владычицы нашея Богородицы Присно Девы Марии честнаго ея Успения, Московскаго государьствва истинную правую веру держу по старопечатным книгам, которую содержали²⁵⁷ в России 7-сот лет; и яко солнце сияло до лет Никона патриарха, 7162-го нарушил и пременил веру и предание церковное, святых отец догматы, чин и устав. А самосмышленнаго и суевернаго и безчиннаго мудрования и пестрообразной ереси никако же приемлю, ни сам держу, ниже иным советую, но верую православно и благочестно исповедую символ святых Апостол и святых отец и с верою держу евангельскую истину и апостольскую проповедь и поледствую учителем церковным, от всея вселенныя свидетельствованным, и святым писанием верую, со всяким опасением смотрению истинному последую; ничтоже прилагаем и ничтоже отъемлем, но вся преданная святей церкви догматы, и чин, и устав, и предание невредно храним и соблюдаем. Сице аз, странный многогрешный, верую, исповедую сердцем и усты во спасение и в правду, и с сим исповеданием хощу явитися пред Богом в день страшнаго суда втораго пришествия Христова. Аминь.

Глава 2. Болезную душею и сердцем о благочестии, ревностию распаляем о правой вере и о святей соборной церкви, и о церковных догматох, и о священстве побораем, и лжеучители святым Писанием обличаем, зане видим и слышим, яко на церковь Христову, и на священный чин, и на веру християнскую воинство антихристово ратуют и воюют раскололюбныи власти лжеучители и самочиннии преблазнители, тайные тати и сокровенныи волки и похищники и пожратели душевныи явно и неявленно, яко же беззаконныи оныи старцы, наводяще порок на целомудренну Сусанну. Сице Христову церковь зело огорчавают разтерзавают ризу Христову церковное соединение, веру правую и догматы церковныя уничтожают. Видим бисеры церковныя²⁵⁸ от свиней попираеми; звезды небесныя хоботом змииным на землю отторгаемы, и виноград, десницею Божиею насажденный, от дивиих вепрей, озобаны и разхищаемый, и попираемый от всех мимоходящих путем; и потопташа часть Мою возжделенную²⁵⁹. Внимайте от ложных пророк, иже приходят к вам одеждами овчими, внутрь же суть волцы, хищницы, тати. От плод их познаете я²⁶⁰. Коварнии суть лицемернии еретицы, сего ради глаголет: блюдитеся от них. Блага бо словеса предлагают и житие являют честно, внутрь же суть сердца их, яко удица сокровенна. Одежда же овча кротость, еюже нецыи, яко образ благочестия являюще, ласкают и прельщают многия. От плода же познаваются, сиречь по делом, по житию и по чину; аще бо и образом являются праведни, но в мале времени обличается лицемерие их. Златоуст толкование слово в прологе²⁶¹. Лжепророки же зде не еретики, поведает, яко же мню, но житие имущи разтленно, лицемерием же добродетели обложени, яко овца, образом кротцы, смирени, искусни и молчаливи, тем, рече, от плод их познаете их. Тех убо апостол Павел являя глаголет²⁶², яко благими словесы прельщают сердца незлобивых. Блюдитесь да не прельщени будете; и паки: блюдитеся²⁶³, да никто вас будет прельщаяй философиею и тщетною лестию про преданию человеческому, по стихиям мира, а не по Христе²⁶⁴. Не послушай прелестника, ни во всем, ниже исполу, дабы пол Христа, пол же его послушал еси (об.). Блюдите, да никто вас прельстит, мнози бо приидут во имя Мое, глаголюще: аз есмь Христос, и многи прельстят²⁶⁵. И тогда аще кто речет вам: се зде Христос, или се онде, не имете веры²⁶⁶. Восстанут бо лжехристы и лжепророцы и дадут знамения и чюдеса, кое же прельстить, аще возможно есть, и избранныя²⁶⁷. Аще рекут вам: се Христос в пустыни есть еже есть в пустошных местах и в маловременных глаголех, не изыдите, ниоткуду не исходите, еже есть от единое святая соборныя апостольския церкве, от прежь православныя веры уставлена Святым Духом и утверждена Христом. За новыми ересьми и отступники не исходите. Внемлите себе от книжник, хотящих ходити во одеждах долгих и любящих целования на торжищах, и председания на сонмищах, и предвозлегания на вечерях, иже снедают домы вдовиц и не ищеванием долго молятся. Сии приимут лишее осуждение²⁶⁸. Мнози бо приидут во имя Мое, глаголюще яко аз есмь, и время приближится, не изыдите убо вслед их²⁶⁹. Аминь, аминь, глаголю вам, не входяй дверьми во двор овчий, якоже промышляти ими, но прелазя инуде, той тать есть и разбойник²⁷⁰. Толкование²⁷¹. Тать убо, иже, не писаньми входяй во двор овчий, якоже промышляти ими, но прелазя инуде: се же есть ин себе просекая путь не обычен, яко же Февда и Июда, иже прельстиша люди и отлучиша от Христа, и погубиста, и истлиста. Евангелие: тать не приходит, разве да украдет, и убиет, и погубит²⁷²; понеже убо Февде и Июде и протчим отступником последовавшии погибоша, сего ради глаголет: тать не приходит, разве да украдет, и убиет и погубит. Тати и разбойники убивают оружием, а они убивают зломудренным учением, удаления ради пречистых тайн Христовых, и священства, и святыя церкве²⁷³. Апостол Павел Коринфян являя глаголет²⁷⁴: таковии лживии апостоли делатели льстивии, преобразующеся во апостолы Христовы²⁷⁵. Делатели льстивии делают убо, личину приемше истины, да исторгнут насажденная. Тако вещь прелести лицемеруют и имений не взимают, да большая возьмут, да душу погубят, преобразующе образ апостолов обносят, а не тую жде силу²⁷⁶. Сие дело, дело диявольское есть, ничто же дает не имея, и ничто же приемлет благо что от неимущего, прельщен бысть. Евангелие толковое²⁷⁷ поучение на 50-цу. Мнози бо мняху веровати, (л. 26) но неправо, ни яко-же рече писание, и понеже бо они своим ересем вероваша, того ради погибоша. Зри²⁷⁸. Таковии убо суть вси еретицы, мнози бо лжи-пророцы, лжи-апостоли, лжи-учители, овчата быти являющеся, образом кротцы и смирени, волцы суще хищницы, тати, уморяюще словесныя овчата Христова стада и погубляюще.

Вопрос о познании. Благородие честности вашей о чине вашем уведати хощу. Повеждь ми и объяви на письме, кто есте вы в духовном чину: наставник или учитель, глава ли, или рука, или нога, из коей страны, коего града, и какова чину, и которой обители? Правовернии ли християне? И како себе имяны нарицаете?

Ответ. Мы нарицаемся християне правовернии, а града настоящаго не имеем, но грядущаго взыскуем и странницы есмы на земли; чину на себе никоего не имеем, видишь ты и сам.

И поведоша они имена свои: Игнатий Трофимов и другий Игнатий, третий Стефан из обители избранников староверцов и большаков наших: Федосия Васильевича, Егоргия Васильевича, Терентия Васильевича, Илья Яковлевича и протчих.

Глава 3. О имени Господа нашего Исуса Христа Сына Божия благчестивыя православноя веры ради странствующий многогрешный священноиерей М. А. благочестия рачителем и по святей вере поборником о церковных догматех и о священном чине снискателем, возлюбленным отцем и братиям, Сионским чадом и всем правоверным християном милость, мир и любы да умножится. Засим прошу и молю со смирением ваше благоутробие, еже кротце и братолюбне послушати и со здравым разумом разсудите посреди освященных и неосвященных и посреди братом и пришельцом и разсмотрите: кто вернии и правыя цековнии учители и церковных тайн строители, благословеннии и посвященнии; кто ли самочиннии, и неосвященнии, и коварнии лжеучители и зловернии преблазнители. И паки: кто ли еретицы и отступницы, и что ереси и раздоры, и кто тайныя тати и сокрытыя волки хищники, и кто суть скверныа еретики (об.). Благородию честности вашея обительным собратием всяко тщание творя писать вам и общем спасении нашем и о прочих душ християнских, моля подвизатися вам о преданной вере святой, единой, правой, и о церковных догматох, и о богоустановленном священном чине, яко есть вечен, и показывал вам о том, яко во времена случайная святии от множайших еретик по обращении хиртонисанных приимали и священнодействовать им не возбраняли, якоже о том соборная правила завещавают и в житиях святых светлейши повествуют.

И о том вашей честности, Игнатию Трофимову, в первом бытии показывал. Еще паки мы письмо писали во обитель вашего собранья на Лыбовку в лето 7227-е марта 4 день. И в том пишем сие извещенье сице.

Благоразумным, боголюбивым, благоцветущим в добродетелех обительным собрателем, наставником и большаком, духовником вашим, и пастырем, и учителем, и крестителем, и крестником, и детелем духовным, всем вашим избранником, и рабом, и рабынькам во извещение и во объявление, како мы стоим во благочестии и²⁷⁹ о познании благочестия в них вопрошаем²⁸⁰, и како мудрствуем о святей вере правой и церковных догматох, о пречистых тайнах, и о священстве, и о крещении и о прекрещевании 2-м. И по коим правилом творите.

I²⁸¹. Слышим мы яко²⁸² самочинно исповедуете, како прощаете и разрешаете недарованным вам чином²⁸³; и прочии духовная дела творите? О том явите нам и опишите.

II. Како мудрствуете о святей вере и о церкви Христове о пречистых Христовых тайнах, и о священстве, и о церковной святыни? Доры, хлеба Богородицы и пресфир не имеете.

III. Како и почему нарицаетесь християне? Како именуетесь вернии? Имеет ли ся во обители вашей Христова церковь и кто в ней есть предстоятель и чин духовный держит?

IV. Како нецыи в вас блядут: нет ныне на земли церкви истинной и священства, и пречистых Христовых тайн и святыни? Право ли они сие блядут или ни? И о сем нам объявите.

V. Аще ли верны Христу нарицаетесь, явите нам, како отсечеся глава Христос от своего тела верных? Како отженеся жених Христос своея невесты церкве, за нюже же на кресте умре? Како разлучися жених любимой своей невесты?

VI. Како и где обретается гонима его невеста – святая церковь и како цела есть от горькой воды смертоноснаго яда змеина? Како пресечеся жертва, святое приношение и священство?

VII. И кто вас ограбил и святыни лишил? Кто души ваша безверием сим уморил? Явите от святых писаний.

(л. 27). VIII. Кто суть самогубители, пренебрегающия отлучения архиерийскаго, иерейскаго? Коих глаголет Златоуст – нечистейши, иже о Дафане и Авироне и сквернейшие паче сих²⁸⁴?

XI. Кто суть схизматицы, раздирающии церковное соединение, отделяюще себе от церкви и от единости веры, заеже противная церкви и закону и святым праилом творити?

X. Кто суть ссецающии исполнение церковное и тело Христово разтерзающии, паче неже воин копием пресекоша и гвоздьми прободоша?

XI. Како исповедуете символ православный во едину святую соборную апостольскую церковь? Едино крещение, и которыя тайны церковные употребляете? Духовный церковный чин кой содержите?

XII. Како благолепоту церковную и утвержение и украшение духовное имеете? И что есть основание церкви? и что ино украшает поднебесную, солнце ли или священный чин церковный? Той бо содержит небесная и земная.

XIII. Кто суть еретицы, и раскольницы и подцерковницы, и отступницы? Которыи горше всех и от которых крестить подобает?

XIV. Кто суть тайныа волки, и сокрытыя тати, и скверныи еритицы, и кто самочиннии лжеучители, неосвященнии преблазнители? Явите нам по делам от святых писаний.

XV. Како и ваша честность нарицается по чину действа своего уряду? Кто освятил и благословил духовное дела творить и крестить во-второе старых и молодых? И попов и старцов розстригать и прекрещивать? И мужей и жен брак разводить? и девиц от них к себе уводить? По коим правилом? Кто вас научил, и в которых странах сице творил, и в которое время? Явите нам²⁸⁵. И познаниа благочестия в вас како о вере, и о святей церкви, и о догматох церковных и о прочих тайнах како мудрствуете? И о предложенных нами зде 15 вопросех благородие ваше просим и желаем чистаго решения и ответствования, благоуветливаго, смиреннаго и кроткаго врачевания со известным и достоверным свидетельством от святых божественных писаний.

И мы, смиреннии и грешнии, уверения и ответствования и извещения от них о сем не получихом. 1) Точию слышим от ваших избранников и рабов, поныряющих в домы понос, укор и оклеветание. 2) Ближним нашим возмущение творят и развращают, укоряют и порицают еретическим именем, и тайным волком и похищником, и «змиев защитник и горшее от Никониян всех нас поесть». 3) Еще паки рече: «удивляемся благородию благоумия вашего. Кого послушали? Кому поверили? Кому пошли и прельстилися? (об.). Весь он в ересех родился, в ереси крестися в ереси венчался, в новизне и в ереси поставлен, на ереси служил, молился духу лукавому. И от кого поставлен? И о том надобно вам разсмотрить». И свидетельство приводят: Кое общение свету со тьмою? Кая часть верным с неверным²⁸⁶? Никто же от проклятых иному преподает благословения, егоже сам лишися²⁸⁷, понеже бо от клятвы благословение не бывает, и от смраду благоухание не изходит, ни от гнила трупия иный исцелится, ни от ереси духовное действо не исполняется и прочая не вем изрещи²⁸⁸, точию се: возсташа на мя свидетели неправеднии и согла неправда себе. И паки: воздаша ми змия за благая и ненависть за возлюбление мое²⁸⁹.

Ответ Игнатиев. О исповедании правой веры и о святей церкви, и о догматох церковных, и о священстве, и о прочем духовном чине видим и знаем, что есть в них добра и покажем ти, что в них ереси. Також явим ти о истинных пастырех и учителях церковных и о лжеучителях и о еретицех и отступницех. И о вопрошении твоем дадим тебе мы ответ. Ныне мы хотим паки ведать²⁹⁰ и разсмотрить²⁹¹ прежде о тебе: како ты крещен, како и от кого поставлен, и кто тя благословил и по коим правилом? Яви.

Глава 4. Должно есть нам показати о рождении и о крещении и плотском и духовном. Рожден есмь аз плотию от отца священника Андрея, в духовном рождении от святаго крещения священником Гавриила (так). В благочестии он поставлен, и служил он и нас крестил по благочестивым, по старым книгам. И о сем я сице и пред отцами извещал. И о крещении нашем на судьбы Божии они положили во едином крещении быти. А о поставлении в духовный чин, в попы: Митрополит Димитрий Ростовский и Ярославский поставил, и грамота поставленная свидетельствует, како аз поставлен в лета 7212 ноября 21 день к церкви Николы Чюдотворца, село Раменья, и у церкви той 3 годы был. И ревнуя поревновах по благочестии, по законе благодати и по вере истинной, православной, и по святей соборней апостольской церкви, и по догматех церковных, оставих суетный мир, и дом, и место свое, честь и славу, и род, и пошел в пустынные скиты ко благочестивым отцем, иноком и священноиноком Досифеем отцем духовным. Инок схимник Ануфрий, инок схимник Арсений и прочии отцы и братия приняли нас во обитель; и покаяние пред Богом и пред отцами о согрешении и о ереси приносил (л. 28). И как²⁹² обращающимся от еретик писан, ереси проклинал крестящих трема персты и водвою естеству божество и человечество Сына Божия не исповедуют, и Духа Святаго истиннаго в символе, и четверосугубою аллилуиею не исповедуют, истинный крест Христов трисоставный от агньца разлучили и от просфир сняли, и служили на пяти просвирах и по новым книгам, и благословляли и служили не по преданию святых отец²⁹³. Вси, кроме церковнаго предания, и учения, и изображения святых и приснопамятных отец обновляемая и новоустановленная или по сем содеянная анафема трижды. И о сем всем отцем и братии пред всею церковию извещаю аз и со смирением прошу прощения и благодарю укрепляющаго мя Исуса Христа Господа нашего яко верна мя непщева быть положив мя в службу, бывша мя иногда хульника, гонителя и досадителя, но помилован бых²⁹⁴, яко неведый се сотворих в непознании благочестия и правыя веры. Паки оправдишеся убо верою мир имамы к Богу Господем нашим Исусом Христом, им же и приведение обретохом верою во благодать сию, в нейже стоим и хвалимся упованием славы Божия²⁹⁵. Благодать Божия²⁹⁶ есть вечна и крепка, ниже бо человек, ниже время, ни обстояние вещей, ни сам диавол, ни смерть нашедши изгнати нас от оная возможет. Закон²⁹⁷ Божия благодати благ, и прав, и истинен, и непорочен, и не имать конца, яко Моисеов.

И благодатию Божиею, и благоговением отца духовнаго и прочих отцов и братии и преподобных матерей общим советом всего собрания, по прошению Пскович, благословили нас церковную службу служить и нужды правоверным христианом управлять по святых отец преданию: крещать причащать, и исповедовать, и прощать, и разрешати, и венчати, молебны, проводы, понахиды отпевать, и души очищать пути спасенному и правой веры держатись, учить и наставляти; и от всякия прелести мира и пестрообразныя многокозненныя ереси со всяким опасением блюстися и бегати и удалятися, яко от ядовитаго змия. И грамоту поставленную вам чел и письмо от отцев показывал во известие всем християнам.

Ответ Игнатиев. Грамоту твою мы слышим и видели, и тебе она во оправдание не годится ни за едино слово християном, разве ко внешним показания ради; а и письмо твое от отцев без свидетельства их не угодно есть. Еще мы требуем, покажи нам по которым правилом святых отец тебя исправили и коим чином и како тебя приняли. Яви нам.

(об.). Зри²⁹⁸, I. свидетельствует книга Кормчей²⁹⁹: о еретицех обращающихся ко правоверней вере, и о том, аще мощно есть, таковыя в причет приводить; и которыя еретики подобает крестити, которыя миром точию помазовать, а иным точию ереси проклинати³⁰⁰. И о том, яко подобает с тихостию и кротко еретики приимать обращающиися, яко дабы обратилися мнози.

1. Правило святых Апостол 52. Святитель³⁰¹, рекше епископ или презвитер обращеющагося от греха не приемлет, но отрея да извержется, яко оскорбляет Христа, рекшаго: радость бывает на небеси о едином грешнице кающемся.

2. Перваго собора вселенскаго правило 50-е³⁰²: еретицы, глаголемии чистии, не приемлют покаяния обращающихся от грех и второе женитися возбраняют, и сии обращающиися святым миром помазуются приятны.

3. Перваго собора правило 19³⁰³: Павлияне покрещеваются и глаголемии от них причетницы; первое крещение не крещение, понеже еретическо бе, и поставлении от них, да поставлени будут паки, коигождо в свой чин³⁰⁴. Павлияне ересь смиренное о Христе мудрствоваша и проста того человека быть проповедаша, и начало не от Отца прежде век, но от Марии приемши.

4. Собора Лаодикийскаго правило 7³⁰⁵. Наватияне и четыредесятницы прокленут ереси и помазуют миром приятии. Фотияне-же да крестятся паки, Павлиянскую ересь держаще, и Савелиян и Мантиян.

5. Втораго собора правило 7³⁰⁶. Четыредесятницы и Арияне, Навотияне, Македонияне, Саватияне и Аполинарите писание давше и ересь прокленше, святым миром помазуются и прияти бывают³⁰⁷. Арий хуляше Сына Божия тварь убо того глаголаше нечестивый неединосущна Отцу и глаголаше, яко бе некогда, егда не бе. Македоний³⁰⁸ хуляше Святый Дух с Савелием и Аполинарием глаголюще того тварь быть, а не Бога и не тогоже существа, егоже Отец и Сын, и чюжда от Божества.

6. Собора Карфагенскаго правило 47³⁰⁹. Иже во младенстве от Донатиан крещеным и обращающимся и ереси прокленше приятии и в священническу службу да внидут.

7. Того-ж собора правило 57 лист 139. Скудости ради от Донатиан младенцы крещени Быша и покаявшеся и ересь прокленше прияти и в священническия степени да внидут.

8. Того-ж собора правило 69. Иже от Доната поставлении или презвитеры или диакони, приступивше к правой вере³¹⁰ и свою ересь прокленше свою часть имети и во своем степени пребывати, прощени бывше (л. 29). Втораго собора вселенскаго³¹¹. Крещение не в три погружения – не крещение.

9. Собора Карфагенскаго правило 47³¹². Дважды человека не крестити, аще первое истинным крещением крещен; втораго крещения и поставления не бывает. Златоуст в беседах апостольских³¹³: крещение не повторяется, несть убо вторая баня, несть, аще ли же есть, и третья есть, и четвертая есть, и от последния присно первая разоряется, и сия паки от иноя и от сея в неизчетную.

10. Книга Кирилла Ерусалимскаго³¹⁴. Грехов бо оставление всем равно крещением дается, и начало Святаго Духа приемлем и исповедуем едино крещение во оставление грехов и в жизнь вечную. А кто во вторые крестится или поновляется крещением, той по апостолу 2 Христа распинает – Чин от ереси приходящим. Потребник Большой³¹⁵. Аще кто, быв в ереси крещен сый и обратився к Богу или Авалисин, или жидовин, или еретик и поставлять его вне церкви. И начнет проклинать ересь. И по проклятии мажют святым миром, якоже и новокрещеаго; и тако причащается Святых Тайн Христовы или иноя коея святыни достоин по разсуждению отца духовнаго.

Кии паки вторищаются³¹⁶ светлейшии повествуют, яко во времена случайная святии от множайших еретик по обращении хиротонисанных приимали и священнодействовать им велели.

11. В житии святаго Савы Освященнаго. И в Баронии рок 513³¹⁷. Святый Сава пришел во Иерусалим с великим собранием иноков Иоанна патриарха, который на Иливо место от еретик поставлен бысть и с Севиром согласие имел и сам еретиком был. И сего Иоанна до обращения Сава привел, собор Халкидонский принял и Севира отрекся и на соборе Севира и ересь проклял. Речь вельми дивна. Господь Бог уста оного яко Валаамова на благословенство обратил.

12. Обращающиися епископы на соборе Александрийском³¹⁸, что которыя от еретиков обратились, которые принуждены Арианами были, коих ереси нуждою, и сицевым по обращении велели при своей достойности быти и паки им во священстве.

13. В житии Святаго Тарасия патриарха о иконоборной ереси³¹⁹. Колико тогда на богомерзком иконоборном том соборище при Копрониме царе сошедшихся восточных епископов 338 беззаконный собор совершиша и руки свои подписаша. Последи же на истинном 7 соборе в царство младаго Констянтина и матере его царицы Ирины (об.) и святейшаго патриарха Тарасия обратишася и отрекошася с покаянием исповедающеся ко благочестию присташа и прокляша ересь иконоборную, и покаяния ради прияты Быша, и место им в соборе между епископы православными дадеся³²⁰. Последи же и всех истинно покаявшихся той святый собор прият и не остави их от санов их. Вящше-ж и гонитель кой был Григорий Неокесарийский епископ прият, и велели им сести с собою на соборе и при епископстве быть³²¹.

14. В житии святаго Максима исповедника³²². Препрен убо быв Максимом Пир патриарх о двою волю и хотении, пристал бе Пир патриарх ко православным и прият бысть от церкве любезно и честно вкупе с титлою патриаршею. Тогда и книжицу православнаго исповедания составил бе. И в Рим к папе Феодору прииде и прият его папа честно, яко патриарха православнаго. А опосле той патриарх Пир царем был во ересь паки единовольную принужден.

15. Нанатиане же³²³ аще обещаются кающимся прощати грехи и вторый брак прияти, и аще нецыи от них епископы, да пребывают паки во своем чину во священстве.

16. Несторияне³²⁴, и Евтихияне, и Северияне и от инех ересей и подобнии им свою ересь и иныя вся прокленше, и тем того довольни бывше и на общение приятии суть.

17. О Донатиянех³²⁵ Бароний рок 401. Донатисты, которые обратилися в достойностех епископских, в которых во отступстве были, велели на соборе в Карфакене быть паки им в том-же чину. И³²⁶ в Матфеевой книге есть, в пятом составе чтите о тех Донатистех.

18. От книги Матфеевых правил состава осмьсотнаго 2³²⁷ главы: Латынских преданий бегати; иже убо иноколенных (так) латынских преданий облюдатися и бегати подобает, якоже гагрина гагрены, елика сила; сих бо ради и тех освеняемся приобщения их, обаче неже толико мерзцы да вменяются, но и священнодействуемыя от них опресноцы непричастни, убо нами да судно ниже просты да вменяются. Господне бо призывание назнаменует сих и божественнаго Иакова брата Божия священная припевания службу сим, якоже навыцаем священнодействуют и иже подъемлющия сия и служащия сих священнодейству их сосуды, (л. 30) ниже священных их одежда, ничтоже в сих просто от нас да возмнятся³²⁸. Но и сих хиротония к нам прилагаемом, и иже от них хиротонисанным не отлагаются, понеже и сущими от нас божественными отцы еретическая хиротония не тметны многащи Быша православным сущим или бывшим, на нихже рука возложенны Быша.

19. О Данииле епископе Берестийском, который ставлен от Сидора митрополит отступник, который ходатай и споспешник был латынскому во Флоренции бывшему 8-му собору в лето 1438³²⁹. О покаянии Даниила епископа. Ныне аз смиренный Даниил епископ Володимерский и Берестийский то прежнее исповедание свое и Сидорово на мне поставление отметаю и орицаюся и во всем ничтоже именяю, такоже и имя папино и Сидорово и того их 8 собор собрение, и еже на моем поставлении собранных собор отлагаю и проклинаю, и повинуюся во всем господину преосвященному митрополиту Ионе Киевскому и всея Росии вся предания церковная святых отец держати и в том пребывати. И сие подписах своею рукою в лето 6960 индикта 15, октября 28 день.

20. В книге о вере правой. О римских панежах и в книге Бароней польской о техже панежах достоверное свидетельство. Глав и зачал не писахом, точию книги тыи объявихом, в них же о том обрящете и прочия тайны церковныи уразумеете; правила святых апостол и святых отец 7 соборов и 9 поместных³³⁰. Церковь Божия не меньше евангелия почитает, якоже пишет Матфей Правилик на листу 2-м. По сим правилом святых отцев³³¹ отцы наши разсуждали и советовали и о мне грешнем и приняли в сообщение святыя церкве в том чине быти.

Ответ Игнатьев. Тогда благочестие было во иных странах и благочестивии тогда епископы епископов исправляли, а ныне вера пала и церкви благочестивой нет нигде, токож и епископов православных нет, и попу попа не исправить: время уже последнее, а ересь Никона горшее всех преже еретик и отступников, понеже все православие отринувше и догматы зачатленные нарушил³³² и с латыньми сообщением чюжи себя архиерейства сотвориша. И по святым правилом святых апостол и святых отец поставляемии от них попы и дияконы не священи суть: вси они отступницы, каноном суду подлежат и анафеме.

Сие прочитал он, Игнатий.

1. Презвитеры и диакони, иже пожерше идолом и потом истинным сердцем обратившеся токма места и чести да приобщаются, никако же ко святым прикасающеся³³³. Елицы убо от презвитер или диакон во время гонения или понуждени бывше пожрети идолом и потом истинно приступиша, токмо седания и чести сподоблени быти должни суть; священническое же что следовать недостойни суть, якоже се хлеб или чашу принести, или слово учения к людем сотворити и отнюдь ничтоже от святыя службы сотворити.

2. Книга святаго Иосифа Волоцкаго на Новгородских еретиков³³⁴. Подобает убо нам ведать, яко ино есть еретик, а ино отступник. Но еретицы убо не едино мудрствуют, но новый убо так, новый же инако. Павликияне и Фотияне, Фриги, Евномияне, Мантаниты, Савелияне, Марконияты и Измаильтяне и инии таковии; сии убо не веруют во Святую единосущную Троицу и Господа нашего Исуса Христа истинным Богом не нарицают и плотскаго смотрения Его не приимают, но они убо пророка Его нарицают, ови же просто человека. О сих убо глаголют вся божественная писания, яко егда приходит ко православной вере, подобает им прежь поститися время довольно и вне церкви стояти, потом же сих крестити, якоже Еллины, таже и божественному причастия сподобити. Суть-же и друзии еретицы, аще и зле мудрствуют, но не тако, яко же первии; иже суть: Наватияне, Донатияне средницы, четверодесяницы, воздержницы и инии таковии. Сии убо исповедуют Святую единосущную Троицу и Господа нашего Исуса Христа истиннаго Бога нарицают, и плотскому смотрению Его веруют, имут же некоторыя ереси в себе. И аще сии восхотят приступити к православной вере церкви, и ересь свою прокленут, сих убо не повелевает божественное писание крестити, но яко же крещени они, тако и приимать вскоре и божественных тайн общению тех сподобляти. О таковых убо еретицех глаголе священная правила и евангелие толковое. Благовестник Иоанна, зачало 45 сице: Еретик убо егда исповесть и проклинает свою ересь, ту абие дают ему общение святых тайн. Сице Иоанн Лествичник в слове 15 (л. 31)³³⁵. Еретики убо святыя соборныя церкви приемлющи с прилежным своея их ереси проклятием святых тайн тех сподобляет причащения³³⁶. Яко о последних еретицех сие речено бысть, а не о первых. Аще убо о первых еретицех, о Павликиянех, и о Фотиянех, и о подобных им, яко аще возсхотят приступии к православной вере, не подобает сих вскоре божественных тайн общению сподобляти, но время довольно поститися и вне церкви стоять; потом-же крестити сих и божественных тайн общению сподобить. Кольми паче отступников не подобает вскоре общению божественных тайн сподобити; отступницы бо злейши суть не точию еретиков, но и Еллин и жидов. Но и отступницы не равни суть и не подобни себе мудрованием и злобою.

3. Се же убо суть отступницы, иже в православной вере християнской родишась и лета некая пробыша и паки прельстишася, или во младенчестве неведения ради, или нужда ради, или в пленении отступиша от правыя веры; иже точию в себе зловерие и ересь имуща, и никого же от православных не прельстиша. И аще восхотят покаятися и паки приступить к православней християнской вере церкви, аще убо и страшно есть, но обаче милости сподобляти их божественная правила святых отец, паче же всех великий исповедник Мефодий патриарх Царя-Града.

4. Суть же и инии отступницы, злейши первых, иже в православней вере родишася и возрастоша, ниже во младеньстве, ниже муки ради, ни в пленении, но самовольне отвергшеся Христа. О таковых пишет святый Василий Великий, правило 73. Овергийся Христа и приступив тайну спасения во вся лета живота своего плакатися подобает и исповедатись должен убо есть по время, в нем же отходит жития сего, церковней святыни сподобится верую Богу человеколюбцу. И святый Григорий Ниский пишет о таковых же, правило 1. Аще кто Христовы веры отвергся бысть Июдей, или идолослужитель, или Манихей, или ин некий таковый безбожия образ возлюбив, и о том зазрев себе и позна, аще обратится, время да имать на покаяние вся лета живота своего; да не молится с верными, но особь да молится, да не причастится святых даров, аще токмо не в болезни, смертнаго ради страха онаго от (об.) чаян же бысть. Ащели оживет, да пребудет паки непричастен до кончины³³⁷. Се убо глаголется о еретицех, иже своею волею кающеися преже обличения.

5. Суть же злейше первых и вторых, иже ныне суть явившиися Новгородстии, глаголю, отступницы; ни иже во младенстве, ниже пленении и ниже нужди ради, но и родишася и многая лета пребыша в православной християнстей вере и самохотне и самопроизвольне отвергшася святыя единосущныя Троицы и православныя християнския веры и многа хуления изрекоша на Святую Троицу и на Пречистую Богородицу и на вся святая и много сквернения сотвориша на святую и божественную церковь и на святыя иконы, на животворящий Крест Христов и на священныя святых чюдотворцев мощи, и многих от православных християн прельстиша и в жидовство отведоша и оскверниша человеки всякими сквернами. В³³⁸ лето бо 6979 овергошася Христа и всего православнаго християнства даже и доныне и ни един же от них обратися и покаяся. Сии убо суть злейшии всех еретиков и отступников. Таковии убо не Быша ниже в древния роды, ниже в средния и ниже в последняя. Се убо речено бысть, что суть еретицы и что отступницы, и о древних убо еретицех и отступницех священная правила, никая божественная писания по тоику сказуют: что еретики, каноны ереси которогождо еретика, и како их приимати кающихся и плоды покаяния искушати.

6. Засим он, самочинца неосвященный, Игнатий разсуждать, и судить, и злоречить, и укарять о нынешних святителях и попах сице начать: яко вси недостойни суть, отступницы веры Христовы, духоправцы, на сребри по мзде поставлени суть, и недостойны паки службы их; яко стяжаша имения и взимают у християн приношени за живых и мертвых; и еретиков и отступников во един чин равняет и паки ону реч, яко отступницы горши и злейши суть но точию еретиков, но и Еллин и жидов, и надобь паки их крестить и посвящать.

Ответ наш. Смотрите и разсуждайте о священном чине, неосвященнии и самочиннии развратницы, како о еретикох и о отступниках на три чины разделяет. Аще воистину убо правду глаголете, правая судите, сынове человечестии, судите и разсудите се праведно (л. 32)³³⁹. Диакона 3 и свой ему 4-й и тако истязуют вины их и судими бывают, зане суд Божий есть.

Иже в Констянтине Граде собора правило 3³⁴⁰: Аще который мирский человек епископа в темницу ввержет или биет без вины или сплетет нань некую вину, да будет проклят. Апостол Тимофей, зачало 286³⁴¹. На презвитера поимы не приемли, разве при двою или триех свидетелех; согрешающих пред всеми обличай; да и прочии страх (4 собор, правило 121) имут³⁴². В Номоканоне лист 35: Яко не достоит просту человеку укорить священника, или запрещати, или поношати, или клеветати, или обличати в лице, аще негде истинна суть; аще ли постигнет сие сотворить простолюдин, сиречь простый человек, да есть анафема и да изгнан будет из церкви. Отлучен бо есть от Святыя Троица и послан будет во Иудино место. Писано бо есть: князю людей своих, да не речешь зла, такоже и настоятеля безчествуяй³⁴³. Аще-ли укорить священника, да запретится 1 лето, аще-ли заушит, да запретится три лета.

Святаго Василия Великаго правило 1³⁴⁴. О еретицех. Что ересь, что разколы, что подцерковник? Еретик есть, иже верою чюжд³⁴⁵, иже веры Божия отнюдь отчюждишася. Сии да крещаются³⁴⁶. Еже от еретика крещение неприятно, от разкольника, подцерковника – приятно³⁴⁷. Еритицы Ариане, Наватияне: Арий хуляше Сына Божия, тварь убо того глаголаше нечестивый и неединосущна Отцу³⁴⁸. Еретицы Македонии, хуляше Святый Дух, глаголаше бо Того тварь быти, а не Бога и не того-ж существа, его-же Отец и Сын и чюжа того от Божества³⁴⁹. Подобно Арию хуляше с Савелием и Аполинарием; и сии ересь прекленше миром помазуются. Еретицы Нестории злочестивыи, человека проста верующа Христа, а не Бога воплощьшагося, ни Богородицу, но Христородицу Пресвятую Деву Марию именоваше³⁵⁰. Еретицы Диоскори и Евтихии. Сии вочеловечение Христово отметающе до конца и привидением плоть понесша баснословят и к Божеству страсть прилагают³⁵¹. Правило 95. Несторияне, Евтихияне, Севирияне и подобные им свою ересь и иные прокленше, и тем точию доволь на общение приять³⁵². Еретицы Ориген, Дидим и прочие³⁵³. Сей Ориген неверна до падения своего за 18 лет книг 6000 написа³⁵⁴, принуж святаго Амвросия; потом вверже себе в пропасть погибели; извеща глаголы смертоносныи сице рече, яко единочадный Сын Отца видети не может, ни Дух Святый Сына, ни аггели Духа, ни человецы аггелов, и не от существа Отча Сын, но тварь, и по благодати и Сын нарицашеся; и душам грешным по летем некоих будет конец мукам; и бесовом глаголаше паки быть аггелом и хотяй быть вкупе и человецы не мучитись. И ина многа хуления изрече подобно Арию, Несторию и прочим. От него же вину прияша и инии мнози еретицы и отступницы.

Еретиков како приимать³⁵⁵, обращающихся от еретиков на три чина: нецыи крещаеми бывают, друзии святым миром помазуеми, иниих вся ереси и свою прокленше на общение приять.

Тимофея презвитера 3 чина обретаем: 1) крестити, 2) святым миром помазуем, 3) ересь проклинать, на общение приять³⁵⁶.

Еретицы³⁵⁷ иконоборцы, иже составлены Быша злочестивыя и богомерзкие догматы, 1) да иконы святыя идолами от всех нарицаеми будут; 2) вси поклоняющиися иконам анафема да будут; 3) да всяк исповедует, яко не точию святии по смерти, но ниже Мати Божия помощи нам что может; 4) да никто-же дерзнет нарицати святыми апостолов, мучеников, святителей, исповедников, и дев, и всех угодивших Богови. Да собор той будет к первым 7 прилучен бысть³⁵⁸.

О обращении и покаянии. Последни-ж на истинном 7 соборе и тии обратишася с покаянием и прокляша ересь иконоборную³⁵⁹ и во своем чину прощени Быша и прияы в сообщение. Собор 7-й бысть в лето 6306, святых отец 367 собравшеся на злочестивых иконоборец³⁶⁰.

Еретицы Манихеи солнце и луну боготворят³⁶¹, женитвы закон от бесовскаго изложения глаголют³⁶²; брашен убо удаляются, не воздержания ради, но сквернавы быти я глаголют, и не точию брашна хулят, но и сотворшаго Бога брашно хулят и глаголют, яко брашно лукаваго бога суть сотворение. И аще кто принесет им брашно, прежде проклинают: сеявый тя да разсеется и смоловый тя да смелется, спекий да спечется.

Еретицы Донатиане книга Барониуш являет³⁶³. Донат еретик был епископ, отрекся Христа; ради того разорвание церкви повел. Сей предал кость некаку на руце держать и целовать, егда хотят Даров причаститись³⁶⁴. Гордость имел, равнял себе с Богом. Данатисты знали себе праведными и чистыми, а грешных осуждали. Донат в гордость пришел, сам себе Богу равняя и мнел, яко Бог с ним действует. Донатисты мудрствовали, бутта вера уже и церковь во всем мире и свете уже загинула, только у них единех вера и церковь правая (л. 33). Донатисты кидались з гор, сами ся жгли в огни, топилися в воде в реках, а сказовали, что за веру страждем. Донат от грешных милостыни не велел приимать, а должником долгов не велел платить. Донат Улияна законопреступника хвалил и писал к нему величаючи: «яко у тебе правда место имеет». Донатистов Иулиян законопреступник из заточенья свободил, чтобы от них вера християнская разпрямигнула. Донатисты от сего в дерзость пришли, церкви Божия грабили и тайны святыя на землю проливали, християн убивали. Донату писали епископы православныя, братом любезным его называючи, а он ими, аки грешными, горделся. Донату епископы писали, чтобы письма свои, как он мудрствует на соборе показал, и он собора отреклся и показати не возхотел. Донатисты от многих споров своих на многия соборы разбилися и сами себе убивали. Един юноша многих побил. Донатисты когда себе утопить или сожещи хотят, и пред тем себе по кормом вели, кормили и поили. Донатисты на соборе своем положили: когда их к правоверным станут принуждать или в заточение посылать, и тогда самим себе в воду и во огнь метать. Донатистов за их грабежи християскии святой Августин не велел смертию казнить, точию имение отбирать у них. Донат еретик правоверных изнова перекрещивал³⁶⁵ и в попы изнова ставил. Донатистов епископы призывали и вины их прощали; тако обещали им аще они на соборе и виноваты явятся, и им по прежнему обещали быть в епископах и священниках. Донатисты, которые обратилися, в достойностех епископских, в которых во отступстве были, велели на соборе Карфагенском быть паки в том же чину³⁶⁶.

Зри книга Бароний рок 401. Подобно тем Месалияне мудрствовали. Зри Кормчий. Еретицы Месалияне манихейскаго ересию недугующе приобретоша вина сквернейшая. Блядуть бо, яко ум человеческ от бесов держим есть и человеческое естество бесом приобщено есть, и крещение не совершает человека, ни помогает ему ни крещение ни причащение, но точию едина от них глаголаемая молитва. И глаголют, яко суть естеством вся злая в нас, и приобщение женихово почюет душа, яко жена смесившися с мужем своим. Тое хулят. Креста ненавидят, святую Богородицу не чтут, святых икон не имеют. Хотящии от них отрезовают детородныя своя уды. (об.). Кленутся без боязни, ротятся и сами проклинают ересь свою. Таковыя пагубы насытися Елевтерий Пефлагонский, к тому приобрете и ины достойныя себе и повелел мниху со двема женами на единым одре спати и едино воздержатись, прочее-же безстудно смешатись и со своими сродницами, не стыдящеся никако же.

Еретицы Месалияне³⁶⁷ молебницы именуются и богомилы. Тии законный брак отмещут и мяс ядения гнушаются. Браки подобныя разрушать учат, женитися небрегших приимают, святыя творят, и яко постники тех блажат. Отца и матерь и дети кормити не повелевают, рабы от господей отзывают, мужи от жен отлучают и жен от мужей увещавают и отводят. Ядущыя и пиющия³⁶⁸ хулят и осуждают на всяк чин, и сами себе небеснии житием творят, воздержницы, постницы, молебницы. Младых детей гнушающеся, мамочнища бо я зовут и блядитища. О церквах и олтарех, и о священстве не брегут, святыни никоей не приемлют, ни благословения священническаго, ни самых попов честно творят, но аще и поп впадает во прелесть их, то вся наша павержет. Молитвы же их прелести их тысяща суть; кланяются затворившесь в хизех своих четырежды днем, 4-жды нощию. Вся же церковная предания преступающе, законы имеют особны, паче же каждо их, еже аще помыслит на церковное оклеветание, и свою то пагубу и прилагает.

Ересь Мартына Лютора. Книга Кирилла Ерусалимскаго³⁶⁹. Сей убо Мартын Лютор в нечестии своем сицев сотворися: святый иноческий образ с себя сверже и жену поял, аки вторый бунтовщик Гришка Отрепьев. Святому образу, чину иноческому поругание сотворил и протчим тако же ругати и проклинати той святой образ иноческий велел и обещание свое иноческое в ничто-ж полагати велел. Священный чин рукоположение от святителей отставил и от простых мужий и неосвященных ставись повелел в попы; и тем попам от мушив простых поставленным тайны церковныя крещение, покаяние и прочии священнодеи в кирках немецких отправлять повелел. Тако нечестивой окаянный той образование небесное и службу аггельскую детским игранием уподобил и поругал святыя образы Господа нашего Исуса Христа и Святыя Богородицы, и честь Креста отринул³⁷⁰. (л. 34). И крещением священнодействуемым поруговали: к сему же пречистыя Тайны, Тело и Кровь Господа нашего Исуса Христа в безкровней жертве священнодействуемаго за самое истинное тело Господне не полагали, якоже Калевин еретик, образом того тела Господня точию нарицал. О том самом Спаситель наш Исус Христос, предвечная правда тако рече: Приимите и ядите, се есть тело Мое³⁷¹; а не образ, рек, тела моего. Сицевое неверие и нечестие о пречистых тайнах тела и крове Христовой не един Лютор еретик творил, но и древние еретики³⁷²: Манихеи, Месалияне, Донатисты, такожде чинили: безкровную жертву, приносимую на воспоминание смерти Господней весьма отвергали³⁷³. К сему же 6-ю тайну церковную, брак честный, отметовали и прочия тайны церковныя весьма имети отлагали и учеником своим на молитве и чтении книжном точию быти повелевали, а себе о той своей нечестивой, вере богоненавистней сонными видении и мечтании от бесов в них действуемыми укрепляли; и от сего учения бесовскаго и мудрования своего, аки изумаемыя, ходили, а о святости и о себе сице разумевали: быти мужми мудрыми, достойными, святыми и нарицали себе аггелами, пророками, апостолы и духовными человеками, честными и праведными мужми.

Еретицы стригольницы Карпом дияконом прельщенны. Сии Быша в лето создания мира 6894. Ересь их бысть такова. Тии бо окаяннии еретицы стригольницы священнаго чина оклеветаша весь святый священный собор патриархов, митрополитов, архиепископов, епископов, архимандритов, игуменов, попов и дияконов, и весь священнический и иноческий чин, яко не по достоянию поставляемы в чин священный, по мзде, во священнотатстве, и недостойы де их службы, и крещение, и священство, яко стяжаша имения и взимают у християн злато, подаваемое им приношение за живыя и за мертвыя; еще же хулят, яко сии учители миропродавцы, хищницы, ядцы и винопойцы; ядят и пиют с пияницми в корчмах и со всеми людьми во всем общаются и берут от них злато и сребро. И таковым лестным учением и словом прельстиша народ, несмысленные люди и отлучиша множество людей от святыя веры и святыя соборныя церкви, от пречистых тайн, и от священников, (об.) и от всякой церковной святыни, и сами себе прехватиша, тую честь поставишася от тщеславия и высокоумия самочинно учители мнящеся быти людем, ни священия имуще чин, ни учительскаго сану, ни пристанища святыя церкви, ни призвания в чин учительства; от самых себе поставиша учители людем, мняще себе праведны, чисты и воздержны. И возставиша народ хулити на священной чин и неприимать от них церковныя святыни³⁷⁴. Подобно древним Коррею, Дафану и Авирону, иже возсташа на Моисея и Аарона народ, глаголюще: «егда они суть достойни и освящени Моисей и Аарон приносит Богу фимиам, и мы, глаголюще, тако-же священницы есьмы, яко же они». И отлучиша народу 3000 и 50 вослед себе, и взяша на себе святительский сан и покадиша пред храмом свидения. И разгневася на них Господь Бог, повеле земли зинути и пожрети их. И погибоша с ними слушающии и последующии со женами их и детьми, весь стан их³⁷⁵. Тако тии стригольницы не повелеша каятися ко иереом, по земли каятись, а над мертвыми ни службы пети, ниже поминать, ни милостыни давать; и отлучиш сами себе священнаго чина и церкве Христовы в муку вечную.

Катихиса Большаго глава 5³⁷⁶. Еретики почему познавати? Дел ради сицевых: аще не имеют пристанища святыя соборныя апостольския церкви, аще непризываемы входить в чин учительства и учат не тако, яко же святая соборная апостольская церковь. Еретицы³⁷⁷ жертвенников не имут и, егда в церквах християнских пребудут, разоряют; и хлеба животнаго агньца и вина честныя крове Христовы в жертву не приносят.

Книги Кормчей лист 611. Яко еретик есть, и еретическим подлежит законом. Аще и мало уклоняйся от православныя Христовы веры. Еретики глаголет вся не сущей³⁷⁸ приобщенны святой церкви.

Святый Григорий Назианян. Еретицы имут очи развращенны: единым оком зрят на небо, другим на землю.

Святый Иоанн Лествичник, слово 1³⁷⁹. Законопреступник есть, иже закон Божий со своим злоумием держай и со ересию сопротивной Богу мняся. Ратницы Богу суть, иже не точию Господне повеление отразившеся и от себе отвергше, но и иных то содевать учат и крепце ратующе на святую Церковь.

Еретиков³⁸⁰ и отступников написанных по чем познавать ереси их в главе сей объявил. За сим просим вашу честность, чтоб нам ведать, како себе нарицаете: верны християне или избранники, чистые рабы по чину или умовреды³⁸¹.

Вопрос Игнатиев³⁸². (л. 35). Почему ты называеши нас сомочинцами и умовредами и к протчим отступником и еретиком применяеши? По коим писанием? Яви нам. Мы нарицаемся християне православныя староверцы.

Ответ наш.

Житие преидоста³⁸³ фарисей добродетельми, мытарь же во гресех; но он убо от премногаго умоведения отступи смирения, он же смирением возношается³⁸⁴. На колеснице добродетелей мняшеся тещи фарисей, но пеш шествуя мытарь, смирения добре предвари. Синоксарь. Лист 9. Ересь³⁸⁵ фарисеи, иже ни воскресения, ниже аггела, ниже Духа Свята приемляху. Песнь 8³⁸⁶. Фарисеова кичения самохотнаго благодарныя молитвы велихвальнаго гласы, иже на ближняго суд возводят³⁸⁷. Гордынею гнилою безумием окаянный вознесеся фарисей сниде до ада преизподняго³⁸⁸. Подобное сим слышим чрез приходящим и видим, по делом вашим, что вы, сами себе самочинно превознесше, от премногаго умовредия несвященни самогубительныи развратники поставитесь выше священников и чином священным ругаете и иноческий чин отмещете, и разстригаете, и во-вторые пререкрещаваете, и прочая духовная дела творите, исповедаете, прощаете и разрешаете неданным вам чином. Объявите нам на письме: откуду имамы познати в вас истинную Христову веру, и святую соборную церковь – пристанище свое³⁸⁹. Како мудрствуете о пречистых тайнах тела и крове Христовы и священстве?

1) Есть ли в вас или ни? Кто вас благословляет и крещает?

2) От кого родитесь водою и Духом? Освящают ли ея благодатию Святого Духа от неосвященных самогубителей и самочинцов, которыя творят новопросвещенна и неосвященна, божественна и безбожна³⁹⁰?

3) Кто суть лживии апостоли, делатели льстивии, самочиннии, самозаконнии, возхищающии недарованная им?

4) Кто суть самогубители, пренебрегающии отлучения архиерейскаго, и ерейскаго?

5) Кто суть схизматцы, отдирающие себе от церкви и осецающеи исполнение церковное, и тело Христово растерзающии паче, неже воини копием пресекоша, гвоздьми и копием прободоша.

6) Рцы нам, о раскололюбивый развратниче, почто остависте Христову овчарню, святую церковь соборную и от самого Христа Спаса пречистых тайн отбегосте, священнаго чина и святыни церковныя, доры хлеба Богородицы и просфир отлучитесь?

7) Како почитаете честный животворящий крест Христов? Како верны евангелию Христову? Како нарицаетесь християне верныи, избранцы? О сем явите нам.

Сие прочитал мудрование он, Игнатий, собранное от книг.

1. Мы нарицаемся християне³⁹¹ по святом крещении, веры православно-кафолической, веруем во Святую Троицу Отца и Сына и Сятаго Духа, исповедуем святую соборную апостольскую церковь.

2. Мы древнему³⁹² законоположению церковному последуем. Мы заповедания святых отец соблюдаем, мы прилагающих что или отъемлющих от церкве проклинаем. Мы вводимо новозаконие християнохульник еретик проклинаем. Мы не мудрствующих тако проклятию и анафеме предаем.

3. Книга Кирилла Ерусалимскаго. Послание 10 Мелетиево³⁹³. Ведяше убо видите вы, православнии, елицы еще верою прелести не последуете и держитеся благочестия, вкратце вам ко утверждению речем: да знаете, яко все веры прочия, иже верами зовутся, не суть веры, но прелести, наченше от латинския и до прочих всех. И почто не суть достойни называетесь верами? Того ради, яко не едина в них не вмещает Духа Святаго дарований, ни причащения Его сподобляется, ниже мощи чинят, ниже освящаются. Наши же Восточная вера, истинная, святая и непрелестная, Духа Святаго дарований вмещает, пришествия сподобляется, и освящаются богоугодницы и просвещаются, и в боговедение приходят, и богословствуют, от Духа наставляеми, и по совлечении ветхаго человека и по смерти тело нетленно богоугодников пребывает и вонями благоухает, и чюдеса творят кости мертвыя, иже с верою приходящим.

4. Бесед апостольских Златоуст. Лист 2871. Всяк верен есть свят. Сия слышащеи молю: послужим святым, всяк бо верный свят есть, поскольку верен есть, аще и мирянин будет кто, свят есть. Освятил бо ея есть, рече муж неверен о жене верне, и жена неверна о мужи вернем. Зри, како святыню вера творит, и како свят и верен.

5. Апостол 2. Послание Солуняном, зачало 274. Свидетельства приводит³⁹⁴: Яко да прославится имя Господа нашего Исуса Христа в вас и вы в нем по благодати Бога нашего и Господа Исуса Христа. Святой Златоуст³⁹⁵. Беседы апостольския. Лист 2332³⁹⁶.

(л. 36). О сообщении. Глаголет божественный Златоуст³⁹⁷. Возлюбленнии, многажды вам глаголах о безбожных еретицех и ныне молю: не совокупляйтеся с ними, ни брачитесь ни в ядении, ни в питии, ни в дружбе, ни в любви. Творяй бо сия, чюжа себе творит святыя Христовы церкви. Аще кто и безплотных житие поживет, еретиком же приобщаяся в дружбе или в любви, таковый чюжд есть Владыки Христа, якоже убо сытости не имамы Владыку Христа Бога любити, такоже не имамы сытости враги Его ненавидети. Глаголет бо сам Христос Спаситель наш: « иже несть со мною, на Мя есть, и иже не собирает со Мною, разточает»³⁹⁸.

20. Святый Иоанн Златоуст. Слово о лжеучителях³⁹⁹. Послушайте, православнии, и с еретики не смешивайтеся, да не сведени будете с ними в вечныя муки. Иже аще мнится друг быти сим, враг Божий бывает. Услышите вси вы, иже со еретики вкупе ядущи, болезненнаго сего ответа, яко вы врази Христовы бысте. Иже врагом царевым друг есть, сей не может друг царев быть, но со враги погибнет и горшая подъимет⁴⁰⁰. О горе, братие, больши мука сказана есть християнину за то едино, кто с еретиком общение имеет, в молитве и в ядении и питии и с ними яст и пиет.

Книга святаго Кирилла Ерусалимскаго⁴⁰¹. Имя бо Божие вами хулимо есть во языцех; во истину хулимо есть не точию жидами, но и некоторыми християны, сообщающимися с ними. Что же таковии пострадати имут, иже с сопротивниками не человечьими, но со врагами самого Бога обществуют? Таковии бо купно с ними Сына Божия разспинают⁴⁰². Зрите, о братие и друзи любезнии, аще котории человеки с еретики общение имеют, колико они Богу досаждают, якоже и жидове проклятии. А мнози суть безумнии человецы и в грех не ставят⁴⁰³. Врази бо неприязненнии церковнии еретицы разкололюбители, раздирающии и разсецающии исполнение церковное, ничим же разни от протчих поганых, незнающих Бога, во вся роды погибели предадятся по словеси Господню⁴⁰⁴: «Всяк сад, егоже не посади Отец Мой, искоренится»⁴⁰⁵. Помыслите, братие⁴⁰⁶, каковы чаете от новолюбных освящение прияти, от таковых детей дияволих? Понеже от клятвы благословение не бывает и от диавола Христово таинство не совершается; и от гноища благоухание не изходит, ни от ереси духовное действо, ни крещение, ни служба их не благоприятна есть⁴⁰⁷.

Что ея хвалиши во злобе сильне⁴⁰⁹? Беззаконие весь день и неправду умысли, язык твой, яко бритву, изощрену сотворил еси лесть, возлюбил еси злобу паче благостыни, неправду неже глаголати правду, возлюбил еси вся глаголы потопныя, язык льстив; сего ради Бог разрушит тя до конца, восторгнет тя и преселит тя от селения твоего, и корень твой от земля живых и прочее.

Имущии образ благочестия, силы же его отвергшиися⁴¹⁰; и паки: Бога исповедуют ведети, а делы отмещутся Его, мерзции суще и непокориви и на всяко дело благо неискусни⁴¹¹.

1 статья. Нарицаемся, рече, християне во святом крещении правоверныя. И что есть християнин правоверный? Яви от святаго писания.⁴¹²

Ответ⁴¹³. Книга Катихизис Большой. Глава 1. Християнин есть, иже в Бозе живет и благочестиво пребывает. Нарицается православный християнин имени ради Христова, от Христа, от святаго крещения и от хризмы, сиречь от помазания святым миром⁴¹⁴. Аще еси християнин, яви нам, како крещен, по преданию ли святых апостол и святых отец? Совершенно ли имашь печать и дар Святаго Духа, помазан ли святым миром и маслом? Причащен ли святых Тайн Христовых? По закону ли благочестно в Бозе живешь? Яви нам.

Християнин, не творяй заповеди Христовы, ругатель Ему есть⁴¹⁵. Християнин сый, ругаяся Христу, от наречения пользы не приемлет; вера без дел мертва есть.

Християнин правоверен нарицаешися, како еси правоверен⁴¹⁶. Како исповедуеши символ православный и церковныи догматы, и заповеди которые храниши? Отца духовнаго священника имееши ли⁴¹⁷? Чим освящаешись? Исповедуеши ли пречистыя Христовы Тайны, и честный крест и священство? Не раздираеши ли Христову ризу вторым перекрещиванием? Не ругаеши ли ся Христу самочинными делы, еже творишь? Не возхищаеши ли неданная ти, яко волк; церковные догматы грабиши, яко тать, не входя дверьми; гневаешися на священный чин попов, яко змий; злопомниши на старцов, яко велбуд; (л. 37) устрецаеши народ, яко скорпия, пронырлив еси, яко лисица; брань и раздор церкви правоверным христиняном твориши и противишися, яко бес; возхищаеши самочинно духовный чин, неданный ти, яко Дафан, и Авирон, и Корей, и Лютор оный, попов и старцов разстригаеши. Иный путь просецаеши, не обычен, якоже Июда и Февда, и последовавшии им заколени Быша и погибоша. Верному⁴¹⁸ християнину, яко светилу мира подобает быти, и везде знаему быть. Како ты почему познаваешись верен учитель, по чину или по делом? Яви нам.

2 статья. Мы⁴¹⁹ древнему законоположению церковному последуем, наша же восточная вера истинная, святая и непрелестная.

3 статья. Должно есть ведать и разсмотрить, стоите ли в ней или ни.

Евангелие толковое поучение иерархом, святителем и пастырем⁴²⁰. Христос один есть истинный пастырь и учитель и едина овчарня святая соборная апостольская церковь, до нея-же Господь собирает многих стран и народов. Да будет во всех един Господь, едина вера православная, едино крещение, един тайны тела и крове Христовы и едино мудрование о священстве и о прочих догматех. Ащеже едина Христова церковь, то вси зборища еретических сынов и отщепенцев их отнюдь не могут быть церковью Христовою, ибо яко един Господь Бог, и един крест, едино крещение, едина вера правая есть в церкви Христовей. Ащеже едина правая вера истинная и непрелестная, то другие разныи веры не суть истинныи, но ложнии, такоже и учители их. Аще бо со Христом не собирают во-едино, то расточают, и аще не суть со Христом воедином, то противу Христа. Всяк, иже противится Христу, антихрист есть. Арияне, Несториане, Македонияне, Манихеи, Месалияне, Люторцы, Понурцы и прочии противятся Христу и учению Его, сего ради антихристовы суть. Христос сын Божий и святии апостоли и вси святии научают да и дела добрые с верою имеем; а еретицы учат ложно, яко сама вера спасти может без дел добрых. И сии суть противятся Христу тем, и учители их не суть истиннии, но ложнии, паче же татие суть разбойницы, не дверьми входят ко овцам по степенем священства, но яко тати и злодеев дерою лезут (об.)⁴²¹. Таковии в правду суть от Христа наречени татие и похищницы, многих бо спасение украдше и погубиша⁴²².

4 стих. Всяк верен свят есть; свят есть поскольку верен. Златоуст. Беседы Апостольския⁴²³. Свят и верен почто нарицается? Откуду, рече, свят был еси? Рцы ми, откуду нарицаешися верен? Не яко ли смертию освятился еси Христовою? Не яко ли во Христа веруеши⁴²⁴? Вернии, бо не заеже веровати нарицаемся токмо, но и заеже уверенным быти нам от Бога, Святым Тайнам причастницы, ихже ни аггели прежде нас ведиху.

Святый Иоанн Богослов. Зачало 68. Яко Бог свет есть и тьмы в нем несть ни единоя. Аще речешь, яко общение имамы с Ним и во тьме ходим, лжем и не творим истины. Аще ли же во свете ходим, яко он есть во свете, общение имамы друг ко другу. И кровь Исуса Христа очищает нас от всякаго греха⁴²⁵. Иже избави нас от власти темныя⁴²⁶ и престави во царство Сына любве своея, в нем-же имамы избавление кровию Его и оставление грехом; и примири в теле плоти Его страстию, смертию, крестом и постави святый и непорочный, неповинный пред собою.

5. Яко да прославится имя Господа нашего Исуса Христа в вас и вы в нем⁴²⁷.

Апостол Римляном глава 5 рече⁴²⁸: Оправдившись убо верою, мир имамы к Богу Господем нашим Исусом Христом, Имже и приведение обретохом верою во благодать сию, в нейже стоим, и хвалимся упованием славы Божия⁴²⁹. Закон Божия благодати благ, прав, истинен и не имать конца, яко Моисеов. Благодать Божия есть вечна и крепка⁴³⁰: ниже бо человек, ниже время, ни обстояние вещей, ни сам диавол, ни смерть нашедши изгнати нас от оная возмогут.

Апостол Коринфянам 1, глава 3⁴³¹. Основания бо инаго никто-же не может положить паче лежащаго, иже есть Исус Христос.

Златоуст, нравоучение, 8 лист⁴³². На сем убо назидаемо и яко основания держимся, якоже ветвь лозы, и ничтоже да будет среднее нас и Христа, Аще что будет среднее, абие погибнем, ибо ветвь по обдержательному привлачит тук, сице и здание слеплению стоит и, яко аще раздвоится, погибает, не имущи да где утвердить себе⁴³³. Протчее убо не просто держимся Христа, но прилепимся Ему, аще бо, како разлучимся, погибнем (л. 38). Ибо удаляющиеся от Тебе погибнут⁴³⁴ рече. Прилепимся убо Ему и прилепимся делы и творим волю Его. Соблюдаяй бо заповеди Моя, той есть любяй Мя, во Мне пребывает, и Аз в нем⁴³⁵. Ибо многими образы в себе нас соединяет.

Христос глава. Смотри же, той есть глава, мы же тело; еда может что среднее быть главе и телу разстояние тщетное. Той основание, мыже здание; Той лоза, мы же розги; той жених, мы-же невеста; Той пастырь, мы-же овца. Он путь, мы-же шествующии. Церковь паки мы, Той есть всельник; Той первенец, мы братия от плоти Его; Той воскресение, мы востающии, Той свет есть истинный, мы просвещаемии⁴³⁶. Нарицается дом и житель, ибо во мне пребываяй и Аз в нем. И мы его уды, и тяжание, и здание, и лозие и споспешницы.

Зрите, братие соборныя святыя церкви⁴³⁷, едину веру, едино крещение, едина глава Христос. Якоже учит апостол, сего Христа дал есть над вся главу церкви, яже есть Тело Его⁴³⁸. Яве убо, яко чужд есть, аще тело без главы или множае чюжд двоеглавну сущу телу.

6 статья. О церкви. Святый апостол Павел в Коринфянам послании, зачало 182, учит: Братие, вы есте церкви Бога жива, якоже рече Бог, яко вселюся в них и похожду, и буду им Бог, и тии будут Мне людие⁴³⁹. Церковь Божия есть собрание всех верных Божиих человек, иже непоколебиму держать едину православную веру в любви пребывают. Церковь душа нашя Святому Духу сотворяюще блажена⁴⁴⁰.

Зрите, о чада светозрачная светила церковная свидетельство, яко церковь Христова и род християнский до скончания века имати быти⁴⁴¹. Благовестник Лука\. зачало 107⁴⁴². Яко церковь честнейшую имать, паче всех тварей, ибо аще и тварь изменится, верных же церкви и словеса евангелия никогда же; пребудет же и род верных ни единым от предреченных пресецаем.

Златоуст. Беседы, лист 1639. Церковь Христова выну пребывает, слава Его в церкви Его; хощет, да той прославятся от нас до скончания. Сие бо яви, рече, во вся род века веком. Аминь. Церковь одолевает, зане с нею Христос, яко се рекл есть⁴⁴³: Аз всегда с вами есмь, даже до скончания века. Аминь⁴⁴⁴. (об.). И еже на камени сем созижду церковь Мою, и врата адова не удолеют ей⁴⁴⁵.

Златоуст. Беседы, лист 1695. Церковь есть дом отчий, едино тело и един дух⁴⁴⁶. Якоже глава и тело един есть человек, тако церковь и Христа едино быть, глаголет⁴⁴⁷. Человек церковь духовная есть, ибо не стен ради умре Христос, но храмов ради сих. Кольми паче храм духовный, ибо человек от церкви есть честнейши. Церковь бо ничтоже ино есть, но разве нашими душам созданный ему дом.

Книга Маргарит. Слово на 50-цу⁴⁴⁸. Вельми бо церковь Богу возлюблена есть, не сия, иже суть стенами ограждена, но сия, иже верою ограждена.

Слово: Предста царица⁴⁴⁹. Церковь не стены и покров есть, но вера и житие. Церкви ничтоже равно есть, никогда стареет, но присно юнеется. Церковь паче небеси, вкоренилася есть; небес вышши есть, земли ширши есть, камения твердейши есть. Церкви имя⁴⁵⁰ не разделения, но соединения и согласия есть имя, и едина есть не точию в Коринфе, но и во всей вселенной.

7 статья. Преподобный Ефрем, слово 83⁴⁵¹. Потщися, о брате, дóндеже время есть; возлюби Бога от всея души своея, якоже и тебе возлюбил есть. Буди церкви Божия, и вселится в тя Бог вышний⁴⁵².

Зри коварное и лицемерное мудрование их! Почто остави выше того-же святого слово⁴⁵³. И сие мы вам объявляем. Наша душа невеста есть свята безсмертнаго жениха⁴⁵⁴ Христа. Брак же той наричется божественныя тайны, ядомыя алчущими во святей души. Внимай убо себе присно чертога своего чиста и безскверна соблюсти⁴⁵⁵ и восхощи прияти Христа Царя, небеснаго жениха, да в день пришествия Его обитель сотворит в тебе со своим Отцем, и пред святыми аггелы похвала ти будет, и в рай со славою великою внидеши. За сим чти, потщись, о брате⁴⁵⁶.

Святый Кирил Александрийский⁴⁵⁷. Иже церкви Божия и причастия себе святых Христовых Тайн удаляюще, врази Божии бывают и бесом друзи.

Святый Златоуст. Книга Кириллова⁴⁵⁸. Ты же разумей, ибо Духом Святым утверженая церковь не требует дни и месяцы пременити и во всех своих преданиих стоит непременно и един святый чин, устав и предание держит до скончания века.

(л. 39). 8 стих. О священстве. Возлюбивый ны и омывый ны кровию своею и сотворивый нас царя иерея Богу и Отцу своему⁴⁵⁹. Толкование 1⁴⁶⁰. А иже глаголет, яко сотворил ны есть царя и иерея Богу и Отцу своему, но слышащи сия, не мни, аки иереом не треба, тии бо тайную жертву совершают и человеки поучают и моления и молитвы о человецех и о себе к Богу возсылают⁴⁶¹. За сим чти, что есть иерейство наше Давид сказует.

И 9 стих. Святаго Иоанна Златоуста беседы 3 Коринфянам толкование. – Тако и ты бываши царь и священник и пророк банею.

За сим внимай и разсуждай, благоразумный читателю, видим мы и чтем сие толкование⁴⁶². Ты-же смотри коварных лжеучителей и преблазнителей, како окрадают тайные тати и о священстве не объявляют.

Святый апостол Павел ко Евреом⁴⁶³. Имуще убо архиерея велика, прошедшаго небеса, Исуса Христа Сына Божия да держимся исповедания.

Книга Кириллова⁴⁶⁴. Прииде архиерей вечных благ и якоже сам никогда не умирает, тако иерейство Его во веки по чину Мелхиседекову⁴⁶⁵ не престает. Ты еси иерей вовек по чину Мелхиседекову. Престало тогда архиерейство Аароново, яко временное, востало-же Христово вечное.

10 стих. Книга Герван. Глава 30. Святаго Григория Омиритскаго поучение благоверным, всякому человеку. Еже сами себе священницы будете, сами себе освящайтесь словом Божиим⁴⁶⁶.

11 стих. Книга Измарагд⁴⁶⁷. Аще убо и не священниих еси, не хотяй данные ти благодати разума, накажи несмысленныя, от погибели душу изведи на спасение, от смерти в живот и со святыми учительми будешь в день он⁴⁶⁸. Сими поучении самочиннии они лжеучители утвержают послушных своих, якоже татие тайно подкапывают и крадут спасение, священство пренебрегают и удаляют пречистых тайн.

Святаго Григория Омиритскаго прение⁴⁶⁹ с Герваном: а Герван жид, а не книга.

Свидетельство святаго Евангелия⁴⁷⁰. Рече Господь своим учеником: Слушаяй вас, мене слушает, и отметаяйся вас, Мене отметается; отметаяйся же Мене, отметается пославшаго Мя. Зри: отметаяйся священства, Христа отметается⁴⁷¹.

Книга о священстве. Златоуст, глава 4. Яко велия есть иерейская власть, юже ниже аггелом, ниже арханггелом даде Бог. Самогубителие сего суть пренебрегающии отлучения архиерейскаго или иерейскаго⁴⁷².

Книга о 7 тайнах⁴⁷³. Священство вельми потребно, и без него не могут быть исправлены церковныя тайны, и кроме священства стоять тайны не могут (об.). Священство⁴⁷⁴ бо на сем свете есть, яко душа в теле, и, яко солнце, по всей земли светозарно сияет. Служители Ему подобием и правдою пред Ним во вся дни живота нашего⁴⁷⁵. Еже⁴⁷⁶, аще кто удаляется священных и не начинает божественных, сей есть безбожен.

Книга святаго Кирилла Ерусалимскаго⁴⁷⁷. Се бо Павел апостол воспоминает, дабы ложнаго ради умышления ко иной ложной главе, кроме Христа не приставали⁴⁷⁸.

Никто-же вас да прельщает изволенным ему смиреномудрием и службою аггел, яже не уведа уча, без ума дмяся, от ума плоти своея, не держа главы, из неяже все тело⁴⁷⁹, и сам чинится главою церкви, сей есть антихрист⁴⁸⁰.

Почто убо, о блазии, или что пострадавше, остависте Христову овчарню, восточную, глаголю, святую церковь, в нейже возсиявает и препочивает правды пресветлое солнце, Христос, отнюду-же и вселенную просвети. Почто убо, сей добрый двор добраго пастыря оставльше, в соборище единаго безглавнаго неосвященнаго самочинца лжеучителя искочисте⁴⁸¹? Кая чюдеса видище, которую святыню церковную приясте? Что убо видяще, от святых отец и святых апостол и от самого Спаса Христа отбегосте, ложному прилепистеся?

Благовестник Иоанн. Зачало 24⁴⁸². И ты убо можеши не токмо по тайному причащению ясти и пити плоть и кровь Владычню, но и по иному образу.

Зрите, боголюбимая братие, светозрачная светила, церковная чада, и разумейте, еже Господь Спаситель наш предаде святым учеником своим и церкви пресвятыя и предивная божественныя тайны Своея святыя плоти Его и честныя крови мирочистительну жертву, в виде хлеба и вина приносити в воспоминание страдания Христова и смерти Его и на вечное спасение наше бывает, еже сам Спаситель научает: ядый Мою плоть и пияй Мою кровь имать живот вечный, и Аз воскрешу его в последний день⁴⁸³. И се убо дерзнули самогубительныи самочинцы отринуть, якоже и отступницы и прелагатели, да Христовы уды и братию Христову от Христа отчюждят и отторгнут.

Оле, дерзости! Оле, святокрадения! Оле, самогубительства преблазнителей оных, низлагающе Христову церковь, но уже и самого Христа пречистыя тайны и словеса Его низложить покусится, и благодать Его оставивши, словеса пречистых уст Его: ядый Мою плоть (л. 40) и пияй Мою кровь имать живот вечный⁴⁸⁴, а чтет⁴⁸⁵: и ты убо можеши не точию по тайному причащению ясти и пити плоть и кровь Владычню, но и по иному образу.

Зрите, как учит апостол: Сего Христа дан есть над вся главу церкви, яже есть тело Его⁴⁸⁶

Беседы. Коринфянам нравоучение 24⁴⁸⁷. егоже ради есмы и живем, егоже ради врата смерти сломлены Быша, и небеснии крузи отверзошася. Сие с толикою досадою приимем. Ни, молю, не заколем сами себе безстудием и неверием, но с трепетом и со всякою чистотою и верою к нему да приступаем усердно; и егда увидиши то предлежащее, глаголи в себе: за сие тело, не к тому земля и пепел аз есмь, не к тому пленник, но свободен. Сего ради небеса уповаю и яже на них прият благая безсмертную жизнь и аггельску часть, еже со Христом пребывание. Сие тело пригвождаемое уязвляемое не стерпе смерть. Сие тело и солнце, разспинаемо видящи, луча отврати и померче. Сего ради и завеса церковная раздрася, тогда и камение распадахуся, и земля вся трясашеся. Сие оное святое тело есть уязвленное, окровавленное, копием прободенное и спасительныя источники крове и воды вселенней всей на очищение источившее.

Благовестник⁴⁸⁸. Толкование. Иже бо благодать Святаго Духа причащения ради божественных пречистых тайн приимет ни алканием алчет, ни жаждою жаждет, якоже невернии.

Катихиса Большаго⁴⁸⁹: Зане сия тайна источник есть всех благ духовных, понеже истинно имать в себе Господа нашего Исуса Христа, Иже есть источник всех даров небесных, тако веруем, яко, достойне приемляй Его, в той Тайне сей живот и благодать и вся благая с ним и купно приемлет, и бывает уд его жив, и соединяется с ним, якоже сам Христос послушествует, глаголя: ядый Мою плоть и пияй Мою кровь во Мне пребывает; и тоя-ж главы: Аз в нем⁴⁹⁰. Яко сия тайна достойне приемаема, не точию от будущих грехов и искушений диявольских и мирских и плотских соблюдает, но и бывшая грехи очищает; не точию сицевыя, но и смертнии, о нихже скорбим.

Сия же не причащающеися не причастни будем вечнаго живота, яко не приимше Исуса сущаго живота истиннаго⁴⁹¹.

(об.). На глаголющая, яко пречистое тело на год Катихиса Большаго глава 75⁴⁹². Сеже на глаголющая еретики, яко внегда причащаемся, тогда есть тело и кровь Христова, внегда же не причащаемся, тогда не есть⁴⁹³. Тем же убо аще и не причащаемся сея тайн, обаче но освящении есть тайна и пребывает истое тело Христово и пречистая кровь Его⁴⁹⁴.

Катихисис Малой⁴⁹⁵. Яко тайна сия не точию в причащении по освящении тайною бывает, якоже протчиа тайны, но и в самом освящении бывши тайною и жертвою за живыя и без причащения, дóндеже виды хлеба и вина целыя пребывают, всегда есть тела и крове христовы тайна и самым Христом Богом нашим.

13 статья. Святаго Иоанна Милостиваго⁴⁹⁶. Аще и всю жизнь свою без причащение пребудеши, а от еретики не моги причащатись и общение с ними не иметь.

Зри, и внимай, и разсуждай, благоразумный читателю и смотри коварных самочинных лжеучителей и преблазнителей, како лжею и истинну закрывают и святых тайн не исповедуют.

Святый апостол Павел 1 Коринфянам⁴⁹⁷. Не хощу вас обещник быть бесом. Не можете чашю Господню пити и чашю бесовскую, не можете трапезе Господней причащатись и трапезе бесовской. Не бывайте сопряжени ко иному ярму с неверными: кое бо причастие правде ко беззаконию или кое общение свету ко тьме? Кое-же согласие Христови со Велиаром или кая часть верным с неверными? Или кое сложение церкви Божии со идолы? Вы бо есте церкви Бога жива⁴⁹⁸ и проч.⁴⁹⁹.

Почто, о преблазнители самочиннии и самогубительнии, сокрываете благовествованье Христово и святаго апостола Павла учение и Христову церковь со отступники за едино мните и полагаете?

Братие мои⁵⁰⁰ возлюбленнии, бегайте идолослужения, яко мудрым глаголю; судите вы, еже глаголю. Чаша благословения, юже благословляем, не общение ли крове Христовы есть? Хлеб, егоже ломим, не общение ли тела Христова есть, яко един хлеб, едино тело, есмы мнози; вся бо от единаго Христова хлеба причащаемся.

Златоуст, беседа 24, лист 820 и лист 820. Зело верно и страшно рече, еже бо глаголет сие есть, яко еже в чаши сущее, кровь Христова она есть, иже от ребра Его истекшае и оное причащаемся. Хлеб, его же ломим, не общение ли тела Христова есть, якоже бо тело оно соединяется Христу, тако и мы Тому хлебом сим соединяемся. Яко един хлеб, тако едино тело есмы мнози. Чтоже бывают приемлющи (л. 41) тело Христово? Не телеса многая, но едино тело (сн. с. 70?). Множеству бо веровавших бе сердце и душа едина. Паки: вы есте тело Христово и уды от части (сн. с. 70?).

Книга Кирилова: Того ради в вас тела Христова никто же да не небрежет. А иже не веде учит без ума дмяся и не держит Христа главы, из неяже все тело и сам чинится вместо Христа главою церкви Христовы, той есть антихрист⁵⁰¹.

14 статья. Святаго Иоанна Златоуста, слово 4 на иудеи. Маргарит⁵⁰². Рцы бо ми, идеже бесове живут, не нечестия ли место есть, аще и кумир не стоит, идеже христоубийцы сходятся, идеже крест отгоним есть, идеже Отец неведом есть, идеже Сын безчестим есть, идеже Святаго Духа благодать отметаема есть⁵⁰³. Но убо время прочее сказать вам, яко и бесове тамо живут не в том самом месте точию, но и в самых душах еретических.

Сие⁵⁰⁴ слово чтут они самочинцы и приводят на нынешних пременителей новолюбных властей и попов и лицемерно болезнуют и аки скорбят, сице рекуще, яко зело огорчиша святую церковь общую матерь нашу, преложиша истину во лжу и почтоша беззаконие в закон и осквернивша догматы незаконными и в безнадежное приводят⁵⁰⁵.

Зри всяк правоверный и внимай, почто новолюбныи учители изменили веру и церковныи догматы нарушили, идеже Бог хулим есть, идеже Отец неведом есть, идеже Сын безчестим есть, идеже Святаго Духа благодать отметаема есть, идеже крест отгоним есть, от престола и от агнца Божия разлучили. За сим разсмотрите, где обретается честный крест, где Святаго Духа благодать, и Сын Божий чтим и сам Бог Отец благодарим есть. В собрании самочинных, не освященных, самогубителей, которыя тайны церковныя и святыню имеют, идеже в них честный крест почитаем есть? В которых тайнах почитают и причащаются и чим освящаются.

О животворящем кресте Христове⁵⁰⁶. Мне, рече, да не будет хвалитися, точию о кресте Господа нашего Исуса Христа.

Блаженный святый великий апостол Павел, сосуд избранный Христов, великия дивныя и страшныи тайны креста Господня, на немже разпят бысть Господь наш Исус Христос и разори силу дияволю и мучительство смерти, спасение верным дарова уразуме, и славою Его утешается и всем правоверным християном тогож причастия от лучших вин приветствует. Яко крестом вси дары Святаго Духа верным подаются и тем рай затворенный отверзеся и вся язы́цы от востока солнца до запада, от полудне и до полунощиа во едину веру и церковь и в едино крещение совокупишася и любовию связашася и от неволи бесовской свободишася.

Златоуст. Бесеы апостольския⁵⁰⁷. Якоже бо вода держит землю, тако и крест вселенную; понеже бо жертву нарече креста, тако и мы тем жертву приносим Богу. Зри⁵⁰⁸! Вместо манны тело Владычнее, вместо воды из камене кровь из ребр, вместо жезла Моисеова и Ааронова честный крест.

Святый Иоанн Дамаскин⁵⁰⁹. Всяко убо деяние и чюдотворение Христово велико есть, Божие чюдное и страшное, но всех есть чюднейши честный Его крест. Ничим бо иным ад пленися, смерть упразднися⁵¹⁰, праотчий грех разрешися, востание даровася, сила нам присносущная и самую смерть пренебрегати дадеся, к древнему блаженству вход направися, двери райския отверзошася, чада Божия и наследницы царствия небеснаго быхом. Крестом Господа нашего Исуса Христа вся сиа направишася⁵¹¹, елицы бо во Христа крестихомся, во Христа одеяхомся и христоносцы суще быхом, егда тело и кровь Его во уды наша приемлем. Иде же начертан бывает, благословляет и освящает и просвещает и вся спасенная дает. Идеже крест Христов, тамо и Христос, а иде же несть истиннаго креста, там и Христа, понеже во едином теле не могут две головы быти⁵¹².

15 статья. О седьми правилах из потребника харатейнаго Иванна Кущника. И таковых правил не обретается, свидетельствует житие святаго сего. Святых апостол правило 60. Аще кто лживое писание, нечестивых еретик книги, яко святы в церкви пред всеми почитает на пагубу людем и церковному причту разврат и соблазн, да извержется, и книги оныи да сожгутся⁵¹³

Собора Лаодикийскаго правило 34⁵¹⁴. Иже лживыя еретическия мученики почитает, да будет проклят⁵¹⁵. Аще кто, яко истинныя мученики ложныя еретичесия мученики почитает, таковый чюжд от Бога есть, да будет проклят.

О покаянии отвергшихся произволением и кающихся⁵¹⁶. И таковии убо запрещение имут страшно, но милости ради Его Божии на 2 лета да постятся, творяще на всяк день по 100 поклонов с молитвою Исусовою и 200 молитв: Господи Исусе Христе, Сыне Божий, помилуй мя грешнаго. И по совершении 2 лет да приемлют очистительныя молитвы. Потом повелит иерей отрицатися и (л. 42)⁵¹⁷ укорять, и проклинать богомерзкую веру и вси законы их и обычая и протчая творить все, якоже указано о отвергшемся отрочате. И помазуют того святым миром, яко же и новопросвещеннаго, глаголя: Печать дара Святаго Духа. Аминь.

Зри, противниче самочинный, не велит 2 крестить и попов и старцов остригать и 2 крестить. Главнейший самочинца ваш неосвященный Феодосий священный чин судил, попов и иноков остригал и 2 прекрещивал. Попа Герасима Рахинскаго яму доспели, остригши ни поп ни мужик, Никиту попа Котецкаго из-под Русы остригли: тот по учению их ругатель на церкву Христову был. Попа Фрола Чернетическаго остригли, того зделали ни Божия, ни людскова, ни попом, ни старцом, ни мужиком. Попа Козьму из Нова-Города остригли; и тот от вас ушел и прелесть вашу обличает. Попа на Ухоре безбожнии учители ваши Спиридон мясник с товарищи удавили платом, подобно, якоже Ариане патриарха Павла амофором его удавили. Иноков, старцов остригали, чин иноческий свергали, 2 – крестили⁵¹⁸. Старца Генадия и брата его старца Иванна, старца Федосия, и тот женился, жил в деревне Дудине, и прочих мужей и жен множество второе перекрестили.

16 статья. О святом крещении. Свидетельство святых мученик. Крещение по нужды приводят во оправдание блазни своей.

Евангелие от Матфея. Зачало 12. А иже сотворит и научит, сей велий неречется в царствии небесном⁵¹⁹. Иже несть со Мною, на Мя есть, и иже не собирает со Мною, разточает и прочее⁵²⁰. Аще бо со Христом не собирают воедино, то разточают⁵²¹. Изводяй честное от недостойнаго, яко уста Моя будут⁵²². Есть приятно святое крещение от святых мученик, кои крестили по нужди в гонительныя времена без мира и масла.

Свидетельствует пролог⁵²³ святый мученик Созонта, иже бысть в лето 5796 от страны Ливия пастырь овчий и Божией благодатью учаше Еллины и крестяше во имя Отца и Сына и Святаго Духа.

Месяца октября⁵²⁴. Страсть святаго мученика Гана Фауста, Еувсевия, Херимона диакона. Сии ученицы священномученика Дионисия и слуги Господа нашего Исуса Христа по изгнании учителя святаго Дионисия, посещающе сущия в темницех и святых мощи погребающе и многих от Еллин учаще вере Христове и крестяще во имя Отца и Сына и Святаго Духа, овогда тай и яве.

Святых мученик Галактиона и Епистима⁵²⁵. Святый мученик Галактион бе от города Едеса, сын (об.) Клитофонтов и Леукины. Крещен сый от священноинока Ануфрия, и обручи ему отец девицу зело красну, именем Епистимию. И гонения ради християн крещена бысть Калактионом и живше в девстве, потом и мучена быста в лета 5755.

Святая великомученица Екатерина⁵²⁶. Сия бе в царство Максентия мучителя в лето 5804. Он же ем ю и мучив крепко и по сем приведе на прение 50 ритор и рече им: Преприте девицу; аще ли не одолеете, вся вы огнем сожгу. Они же видевше, яко побеждени от нея, припадоша и вероваша во Христа и крестишася от нея. И тако усечени Быша вси со святою Екатериною.

Святаго мученика Конона⁵²⁷. Сей бе в лета святых апостол от села, глаголемаго Вида, считаижеся с женою, не токмо не приближися ей, но и увеща ю девствовать и пребысть, яко с сестрою; крести и святый Архистратиг Михаил, той же и вере Христове научно я даст ему святых тайн и преславных чюдес делатель бысть; крести же и родители своя и ины многа народа.

Святый мученик Христофор⁵²⁸. Сей бысть в лета 5766 в царство Декиева. Сей научил веровать во Христа и крестил 200 воинов.

Святая мученица Ирина⁵²⁹ дщи царя Ликия. Сии веровавше во Христа и пострада мужески по Христе. Тмами тем чюдесы своими народы приведше ко Христове вере, научи и крести.

За сим речем мы до нашей коварной неосвященной соимицы: Есть ли вам во уподобление сие крещение оных святых мученик? Како они в гонительное время по нужде крестили и учили веровать во Христа от Еллин и не знающих Бога? И о сем явите нам на письме. Прекрещевали ли они трепогруженных во-вторые или ни? Остригали ли попов и старцов? Разводили ли они браки? Запрещали ли женитву? Приимали ли на исповедь мужей и жен и прощали и разрешали? Отлучали ли они от церковныя святыни пречистых Христовых тайн тела и крове и священства? Молитвы родильницам и на крещении по потребнику читали ли? Архиерейскую священную власть возхищали ли на себе, якоже самогубительнии самочинцы ваши?

Книга Кормчей. 6 вселенский собор⁵³⁰. Мирский человек да не учит; не вси пророцы, ниже убо вся апостоли. Толкование. Всяк убо должен есть свой чин ведати, и не творити себе пастыря, овца сый, и глава да не мни(л. 43)тся, нога сый; но повиноватися от Бога преданному чину и уши свои отверзать на послушание приемлющих благодать учительнаго словеси.

Тоя же книги Кормчей⁵³¹. В церкви нерукоположенным чести ни пети.

6 собора правило 33; поместнаго, собора Лаодискийскаго правило 15 о том же яснейши.

Потребник большой, Номоканон⁵³². Елико аще крещают не священнии мужие или жены или иноцы, что достоит творити? Ответ. Аще умрет крестивыйся, преже нежели постигнути священнику, то божественная благодать совершает и. Ащели же жив будет, да паки поставит и священник в купель и молитвы и миро по обычаю творит. Тоже и Никифор патриарх Царя-Града глаголет.

Книга Кирилла Ерусалимскаго⁵³³. Грехов бо оставление всем равно крещением даетя и начало Святаго Духа приемлем⁵³⁴ и исповедуем едино крещение во оставление грехов и в жизнь вечную. А кто во-второе крестится или поновляется в покаяние крещением, той, по апостолу, во-вторые Христа распинает.

Златоуст, Беседы Крещение не повторяетя: несть убо вторая баня, несть.

17 статья. Беседы на Деяния⁵³⁵. Нравоучение 1, еже не отлагати крещения. И сего ради ничтоже нам помогает протчее, якоже баня и прочее, чти выше.

О сем⁵³⁶ нравоучении, благоразумный и правоверный читателю, внимай и разсуждай здраво и увеждь коварных самочинных лжеучителей и преблазнителей, тайных татей лесть, како окрадают, и убивают, и погубляют души християнския.

На Деяние⁵³⁷ апостол нравоучение 1. Святаго Златоуста⁵³⁸, яко не подобает отлагать крещения, покаяния и причащения. И сего ради ничтоже нам помогает протчее, якоже баня, в еже кротчайшаго улучити томления. Смотриже крещения великия силы дар есть. Елицы во Христа кретистеся, во Христа облекостеся⁵³⁹. Много страшнейше то полагает, аще бо Христос есть Сын Божий, ты-ж в Него облечен крещением, Сына имеяй в себе причащением, и к Нему уподобися во единородство и в един образ приведеся.

Оле, коликое есть велие ко Христу соединение крещением и причащением! ядый Мою плоть и пияй Мою кровь во мне пребывает, и Аз в нем⁵⁴⁰. О, коль велие соединение сим спаследницы Ему в царствии небесном. И по крещении убо⁵⁴¹ (об.) согрешаяй якова-ж лет есть человеку сущу. Каяйжеся получить человеколюбие Божия благодати⁵⁴²? Благодать Божиа вечна и крепка и не имать конца. А иже, аки ухищряя Божие человеколюбие, отшед непричастен сея благодати, неотрочно имети будет томление. Добра⁵⁴³ суть таинства и вождененна, но никтоже с душею разлучаяся баню да приемлет; небо оно есть время таинств но заветов. Тайн же время здравие мыслей и целость мудрования душевнаго. Зело велие есть добро на исход души причаститися божественных тайн. А иже отшед непричастен сея благодати, неотрочно имети будет томление⁵⁴⁴.

1) Крещение⁵⁴⁵ толику даст благодать и очищение всех прежних грехов. 2) Покаяние многу имуща крепость и зело во гресех погруженнаго⁵⁴⁶; аще восхощет, может свободить от греховнаго бремени, аще и в самое приидет злобы дню. 3) Причащение святых тайн источник есть всех благ духовных⁵⁴⁷, яко сия тайна достойно приемлема не точию от будущих грехов и искушений диявольских, и мирских и плотских соблюдает, но и бывшия грехи очищает, не точию сицевыя но и смертныя, о них же скорбим⁵⁴⁸. Зри⁵⁴⁹. Кровь Исуса Христа очищает нас от всякаго греха. Коласаем святый апостол Павел пишет⁵⁵⁰: в Нем же имамы избавление кровию Его и оставление грехов.

Зрите, о суемудрении, самогубительнии преблазнители, не едино крещение очищает грехов, по вашему учению будеши чист, яко младенец. Разсмотрите, како очиститься крещением неочистившися истинным покаянием и не приобщився святых тайн тела и крови Христовы.

Благовестник⁵⁵¹. Еже не причащающиися не причастни будем вечнаго живота.

Книга о Вере, глава 28⁵⁵². Яко без причастия истинныя святыни не возможно.

Статья 18. О духовницех, о исповеди и о покаянии.

1) Аще суть иноцы священницы не искуснии слову, во еже приимать помышления⁵⁵³, друзии же, не суще священницы, знают ей искус, достоит ли сицевым приимати помышления некоих или и ни?

2) Старча⁵⁵⁴ исповедь приятно, аще обращении мужа духовна, искусна раба Христова.

И⁵⁵⁵ за сим паки внимай и разсуждай, благоразумный читателю, коварных самочинцов, самогубительных преблазнителей прелесть и познавай истинное учение.

(л. 44). О покаянии 5 тайна⁵⁵⁶. Книга Катихис Малый. Вопрос. Котрая есть пятая тайна? Ответ. Покаяние.

Еже бывает за грехи с сокрушением сердечным по исповедании грехов с надеждою о отпущении, ради излияния честныя крове Сына Божия. И то разрешением священническим, им же дана власть вязати и решити грехи; и егда речет иерей молитвы, и засим: Прощает тя Христос Бог невидимо, и аз грешный властию Его, мне данною, прощаю тя и разрешаю и проч.⁵⁵⁷, того ради, яко и на судном дни не имать быти осужден по реченному: Аминь, аминь, глаголю вам, аще свяжете на земли, будет связан на небеси, и елико аще разрешите на земли, будет разрешено на небеси⁵⁵⁸. – Разрешить⁵⁵⁹ кающагося никто же может, точию православный священник, понеже кроме церкви несть спасения, ни прощения, и разрешения.

Благовестник, Евангелие от Матфея⁵⁶⁰. Аще Богу согрешит, не могу аз препростый простити Его, но аще кто Божий чин имея священнический и прочее.

Святый Василий Великий пишет⁵⁶¹. Согрешения несть лепо исповедать к якову любо человеку, разве ко иерею, понеже иерей есть земный аггел и небесный чин. Темже и Давид глаголет⁵⁶²: Предварим лице его исповеданием, угасим огненное запаление греха не водою многою, но малыми теплыми слезами⁵⁶³.

Святый Афанасий Александрийский⁵⁶⁴. Яко же человек от священнаго человека крещаем бывает, просвящается Святаго Духа благодатию, тако и исповедуется, в покаянии ради иерея Христовою благодатию приемлет оставление грехов.

Василий Великий учит⁵⁶⁵ пред теми, имже повелено исправляти тайны Божия, исповедовати грехи своя.

Святый Анастасий Великий пишет⁵⁶⁶. Аще обрящеши мужа духовна и научена, могущаго тебе лечбу подати, без стыдения и с верою исповедайся ему, яко пред самым Господем⁵⁶⁷.

Книга потребника большаго⁵⁶⁸. Аще кто без повеления местнаго епископа дерзнет приимати помыслы и исповеди, таковый по правилом приимет казнь. Не точию бо себе погуби, но елицы у него исповедашась, не исповедани, и елицех связа или разреши, не исправлени суть.

Яко не подобает кроме иерея приимать исповеди⁵⁶⁹, и яко священницы такову беду имут, еже не приимать обращающихся; от вредящих же ея от них (об.) отбегати подобает и зело удалятися от законопреступных.

Благовестник⁵⁷⁰. Понеже убо благодать множицею и недостойным действует и недостойными священники освящается, аще и не чист есть иерей.

Иерейская уста очистилища страшнейшая. Иерейскою рукою и языком Бог благословляет. Ключа царствия небеснаго имут священнии, теми царство небесное получите⁵⁷¹. Руками их все бывает, зане теми самими во Христа облачимся, спогребаемся Сыну Божиему, уды бываем божественная плоти оноя и прочая вся теми страшныя тайны получаем.

Святаго Иоанна Златоустаго слово⁵⁷². Аще закон имать неправ, то не смущай его, ащелиже право учит, не жития его смотри, но словес его слушай⁵⁷³. Аще ли еще глаголеши, скверен есть и зол, то что есть тебе? Аще и добрый за тя Бога молит, что тебе успеть, аще ты еси неверен? Аще или и скверен есть, то тебе скверна его не вредит, аще ты будеши верен, занеже вся благодать от Бога есть, иерей бо точию уста своя отверзает, а все Бог творит⁵⁷⁴. Не умалит бо ея Святаго Духа дар благодати недостоинством священническим, аще бо и не во всех Бог благоволит, но во всех действует.

19 статья. О безбожных брацех и о кровосмешении.

Глава 52 книга Кормчая. 552. Иже на погубу Христову стаду ныне в мир проростоша беззаконии браки еретические и прочих мудрование, и привод: Цветник самочинца Феодосия и прочих. И сими православный развращают народ и запрещают женитву. Засим внимай и разсужди, благоразумный читателю, и добре разсмотри коварных самочинцов мантанскую прелесть, запрещенье и отметанье женитвы и познавай святыя церкве истинное и непрелестное учение.

О тайне супружества. Книга Кормчая. Глава 51⁵⁷⁵. Супружества или законнаго брака тайна от Христа Бога уставленна есть во умножение рода человеческаго и в воспитание чад к славе Божии, в неразрешимый союз любве и дружества, и взаемную помощь, и воеже от греха любодеяния отгребатися. Глаголет апостол Павел⁵⁷⁶. Тайна сия велика есть; и паки: брак честен и ложе нескверно и еже Господь во Евангелии утвержает, глаголи⁵⁷⁷: иже Бог сочета, человек не разлучает.

Книга Кирилла Ерусалимскаго⁵⁷⁸. Церковь истинная Христова от начала веры даже и до ныне, яко женитись не возбраняет, глаголющи: честна женитва о всем и ложе не скверно⁵⁷⁹. И паки: женивыйся или посягшая несть согрешили; такоже учением и преданием апостольским действовать хотящим не бранит⁵⁸⁰. (л. 15). Глаголет бо паки апостол: сице глаголю же безбрачным и вдовицам, добре им есть, аще пребудут, яко и аз. Аще ли же не удержатся, да посягают. Аще кто отдаст дщерь свою браку, добре творит; а кто не отдаст, лутче творит⁵⁸¹. Тако бо церковь Божия держит и учит, не возбраняет женитися, такоже не возбраняет и девствовать, аще ли кто хочет и может. И паки⁵⁸²: аще который брат жену имать неверну, и та благоволит жити с ним, да не оставляет ея. И жена, аще имать мужа неверна, и той благоволит жить с нею, да не оставляет его: святит бо ся муж неверен о жене верне, и святится жена неверна о мужи вернем; иначе бо чада ваша нечист Быша бы, ныне же свята суть⁵⁸³. Темже не подобает разлучати я, но всегда да кается верный муж о жене неверной и да молится во вся дни живота своего, дóндеже обратит ю Господь во истинную веру. Такоже и жена верная о мужи своем неверном. Ясти же и пити вкупе не возбраняет; точию верная часть да приходит ко отцу духовному приимать святыя заповеди от него. Дети же, аще породят, да дерзает верная часть во истинную веру свою наставляти и научать я всегда⁵⁸⁴. Аще которая жена оставляет мужа своего наветом благоверия и отити хощет, гнушающися брака, да будет проклята отшедшая без ведомости мужни⁵⁸⁵; западшаго в грех любодеяния, на ней весь грех падет.

Браком совокупившимся⁵⁸⁶ не распущатись, и никому же своея жены не изгонять просто; ни разлучатись от нея; и другому браку да не сочетаются⁵⁸⁷. Муж бо и жена не суть человецы два, но человек един. Зри. Град един и между им река⁵⁸⁸. Бог сотвори з двоих едино, а бес з единаго двое творит сопротив Божию закону. Бог рече: будут оба в плоть едину; он же едину на две раздели⁵⁸⁹. И в закон убо женитва несть греха, а любодеем и прелюбодеем судит Бог.

Златоуст. Беседы⁵⁹⁰. Мужей и жен последняя есть погибель, разтление содомско, враждебная друг на друга соделовают.

О желании блудная страсти. О человече⁵⁹¹, ведаеши ли похоть блуда, коль люто есть погано, и кально, и скверно, и гнойно? И обнажает от благоуханнаго дела духовныя благодати, и погибель есть души похоть и желание блудное, разжение сердечное и тайных удов⁵⁹²; что убо как не угонишись таковых во ум свой прияти⁵⁹³.

(об.). Святый апостол Павел Тимофею.⁵⁹⁴ Дух явственне глаголет, яко в последняя времена отступят нецыи от веры, внемлюще духовом лестным и учением бесовским в лицемерии лжесловесным, сожженным своею совестью, возбраняющим женитися и удалитись от брашен и прочее⁵⁹⁵. О Манихеях, Негкратистах и Маркионистах, и о Татиянех, и о начальницех и ученицех их, последующим им возбраняющим женитись, удалитись брашен⁵⁹⁶. К тому же испониется сий глагол на нынешних сектарех и на адамитех и на самочинцах, сожженных совестию, возбраняющим и запрещающим женитву. Свидетельство приводят беззаконный брак еретический Феодора Баламова⁵⁹⁷, еже еретический брак несть брак, но блудилище⁵⁹⁸. Опитемии 15 лет да имущии жены, яко неимущии будут; християном с еретики не брачитись, ни сообщатись и прочее.

20 статья. О сообщении в ядении⁵⁹⁹. Избранный сосуд Христов святый апостол Павел пишет: братие, повелеваем вам и молим о имени Господа нашего Исуса Христа отлучатись вам от всякаго брата, безчинно ходящаго не по преданию, еже прияша от нас. Писах вам в послании коринфяном⁶⁰⁰, не примешатись блудником и не всяко блудником мира сего, или лихоимцем, или хищником, или идолослужителем, понеже должна примешатись аще некий брат именуем будет блудник, или лихоимец, или идолослужитель, или досадитель, или пияница, или хищник с таковым ниже ясти. Прилеплясь Господеви, един дух есть о Господем, прилепляйся сквернодейцы, едино тело есть; измете убо злаго от вас самих⁶⁰¹.

Святый Златоуст⁶⁰². Идолослужитель есть не верою, но делы. Апостол нарицает сребролюбие⁶⁰³, еже есть идолослужение, корень всем злым, имать бо в себе кумир Ермиса⁶⁰⁴. Сребролюбец вселенней всей враг⁶⁰⁵. Сребролюбец Христова лица не узрит. Лихоимец идолослужитель есть и отступник от Бога⁶⁰⁶. Лихоимец присно по тем живет⁶⁰⁷. Лихоимец есть горше татя и разбойника⁶⁰⁸. Лихоимец душу свою предает диаволу⁶⁰⁹. Лихоимцы паче блудниц безстуднейши (2956); зверей превосходит, чюжая похищающии (2737, 1933, 2898:3121). Лихоимцы всякоя тины смрада горше и нечестнейши есть⁶¹⁰. Маргарит⁶¹¹. Лихоимец любви не имать, матери и братии, и всех своих не познавает и никогда же бывает человеколюбец; и аще не человеколюбец, ниже боголюбец, како ему Бога любить? Брата своего ненавидит (л. 46) и на мзду продает. Вторый Июда христопродавец. Лихоимец не достоин есть сопребывания аггел небесных и человек земных. Сего ради сподобляется погребения Июды предателя, иже предаде Исуса Христа Сына Божия на смерть⁶¹². Лихоимец горит зде огнем желания сребра, а посем гореть имать огнем геенским.

Досадитель⁶¹³ есть гордый; мерзок пред Господем всяк высокосердечный. Святый Иоанн Лествичник⁶¹⁴. Гордость и презорство, и досаждение от Бога есть отвержение; бесовское изобретение, уничижение человеком, осуждению мати; хулам отрод, безплодию знамение, помощи Божия прогонитель, изступлению предтеча, падению ходатай, изумлению вина, ярости источник, лицемерию дверь, бесовское утверждение, согрешением хранитель, немилосердия ходатай, милосердия неведый, словоположник горек, судия безчеловечен, божий супротивоборец, хулений отрод корень, всем злым вина, се есть бесовский обычай.

Тьма есть злоба⁶¹⁵, нощь есть и смерть и ничтоже зрит от потребных и ничтоже творит от подобающих, якоже и мертвец, зловидны суть и смердящеи, тако душа сущих во злобе многия суть скверны и нечистоты и смраду полна есть.

Блудник, зри како зело мерзостен всепагубный грех блуда: но ереси и убийстве тяжчайший всех грехов есть⁶¹⁶. Блудницы царства Божия не наследят. Бегайте любодеяния, лют убо есть во истину, братие, блудный грех⁶¹⁷; лютее же и тяжтяйший невоздержания, страсть, плотския нечистоты недуг; домы великия разруши, грады от основания низложи, брани лютыя воздвиже, братию друг на друга разгневи, отца на чад и тысящныи беды душевныи и телесныи принесе⁶¹⁸. Сего деля греха первый мир Бог потопом разруши, Содомских 5 городов сожже огнем и камением серчаным. Сихем запалить попусти⁶¹⁹. Сего ради Аммон сын Давидов убиен бысть; много бед пострада царь Давид; Соломон премудрый идолом пожрет; Сампсон сильный от Филистимлян очии ослеплен бысть; старцы, оболгаши Сусанну, камением побиенны. Озия царь наглою смертию погибе. Блуда ради 23000 погибоша людей от жидов во един день. Сих бо ради грядет гнев Божий на сыны непокоривыя. Слыши Бога глаголюща⁶²⁰: не имать пребывать Дух Мой в человецех сих, зане плоти суть⁶²¹. Блуд чюжды нас творит благодати от Святаго Духа.

(об.). О пиянстве. Святаго Василия⁶²². Бежим, братие, пиянства, общаго блуда, безстудству отца. Пьянство самовольный бес, иже на всяк безчинный вид, приводит. Пиянство есть злобе мати, супротивление добродетелем, пагуба души, крепости и смыслу тля, житию поруха, дверь страстем, осквернениям вождь, море помыслом, волны сквернению, глубина нечистот и вечная смерть. Пиянство⁶²³ есть всенародная блудница, безстудия матерь, любосмешное неистовство, оскверняет ум и душу, и тело, и вся чювства, яко скверная мать сквернейшую дщерь раждает, тако от пиянства всяка нечистота и грех родится.

Златоуст⁶²⁴. Что бо пияницы срамнейший посмеятелен есть слугами, посмеятелен врагом, милосердуем у другов и тьмам осуждения и зазрении достоин. Зверь паче есть, нежели человек, еже бо многая сведати льву, рысию, медведю, волку, коню и свинии достойно есть, не бо они имут душю словесну и в лепоту.

Златоуст к Титу⁶²⁵. Ничто-же ино нечисто есть развее грех лихоимение и прочее, варварин бо есть грех и душю неведущий пощадети, единою пленену бывшу в пагубу ведет⁶²⁶. Грех есть тьма, и глубока, тяжек зело, и олова тяжчайший есть. Нечисто есть грех, сего бежим, сего освеняемся; аще приступишь к нему, рече, угрызнет тя⁶²⁷. Ничтоже лихоимства нечистейши явлено от самых вещей есть⁶²⁸: оскверняет руки, душу и тело, самый дом, место, идеже соблюдается похищаемая. И сего бежим, сего освеняемся, яко стрелы.

Больши сего о страстех сих писати не дерзну.

Молю же, вы, братия⁶²⁹, блюдитесть всякаго греха, засим всякаго и сообщения в ядении и питии с еретики и со отступники не смешевайтеся, да не сведени будете с ними в вечныя муки, иже бо аще мнится друг быти сим, враг Божий бывает.

Святаго Кирилла книга, лист 333⁶³⁰. Имя Божие вами хулимо есть не точию жидам, но и некоторым христианы сообщающимся с ними, таковии купно с ними Сына Божия разпинают. Блюдитесь всяких пестрообразных ересей, бежите, яко зверей ядоносных да не умреши смертию.

Книга соборник, сиречь Стоглав⁶³¹. О ядении и питии со иноверными и со еретики. Иже со Арменином кто яст и пиет, или с Павленином, или со иным таковым любо еретиком, аще и паче имать кто с таковым любовь, и сему да глаголет, да останется сего и да (л. 47) приходит к церкви чист. И аще неведением сие сотворил есть, да освятит его иерей моливами. Аще ли ведый, услышит наказание, паки да освятит его иерей, и дав ему заповедь малу от запрещения. Аще ли не послушает наказания, но хощет с ним ясти и пити, таковый со християны да не яст, но да отвращается от него всяк християнин, яко от идолослужителя. Аще ли паки приидет ко исповеданию, да отлучится на покаянии лета 3 и по двою лету не прият будет от дому его ни свеща, ни просфира, ни ино каково приношение. В 3-е лето совершит покаяние и приемлется просфира его в церковь. Аще ли кто впал в ересть волею⁶³², и на правоверие приидет, да прокленет ересь и веру поганску пред народом, что с ним ял и пил⁶³³ и, молитву взем очистительну, со християны яст; и приимет опитемию на два лета, от мяса, и млека и от вина пост по силе, а поклонов по 100 на день и святых молитв: Господи Исусе Христе, Сыне Божий, помилуй мя грешнаго. Потом же святым миром помажют и молитвы оглашенныя, засим причащается святых Христовых тайн.

Господи Исусе Христе, Сыне Божий, помилуй нас. Аминь.

Глава 1⁶³⁴. О имени Господа нашего Исуса Христа Сына Божия благочестивыя истинныя православныя веры и святыя соборныя апостольския церкви, и о пречистых Христовых тайнах, и о священстве и о прочих церковных догматех поборник и благочестия снискатель, странствующий, многогрешный, первый во гресех и последний в человецех по благодати Божии иерей М. А.⁶³⁵ Благаго и преблагаго Бога и Царя в Троице славимаго Отца и Сына и Святаго Духа благочестия рачителем, святыя церкви поборник, возлюбленным отцем и братиям, Сионским чадом, всем правоверным истинным христианом, рабом Божиим, благодать, милость, мир и любы от Спасителя нашего Исуса Христа да умножится и во святых благочестивых церковных догматех утвержатись, возрастать, воспитоватися вкупе и радоватися.

(об.). Слыше сонме святый, отцы и братия, сынове света Христа истиннаго Бога и Спаса нашего, вси христоименитыи правовернии благочестивии людие, братолюбне и кротце молю послушати о исповедании единоя истиныя святыя и непорочныя православныя християнския веры, и единоя святыя соборныя апостольския церкве, и о пречистых тайнах тела и крове Христовы, о едином крещении, и о священстве и о прочих церковных догматех, и о истинных пастырех и учителех, и о познании еретиков и отступников и лжеучителей, богопротивных развратников и неосвященных самочинных самогубительных преблазнителей, тайных татей и сокровенных самогубительных преблазнителей, тайных татей и сокровенных волков, како познавать по делом и по плодом их.

Молю же вы, отцы и братия, аз многогрешный, последний в человецех, худый и любокальный червь, окаянный, страстный. Судите праведно, яко суд Божий есть, и присудите по святых отец правилом и по святым писаниям и разсуждайте о истине и о правде посреди освященных и неосвященных, посреди братом и пришельцом правое и ложное: кто стоит во святей вере и в предании святыя церкви догматех, кто ли не имеет пристанища святей церкви и самочинно творит недарованная духовная дела.

Глава 2. Бысть сие собрание обительных наставников и большаков по призванию соседа нашего тщание Сергея и прочих в доме нешем в прошлом 7230 (1722 г.) марта в 13 день и поведаша нам имена свои: Терентий Васильев, Евстрат Федосиев сын и прежния два Игнатия и прочии поборники учения их послушать беседы нашея. Болезнуя аз в сердцы моем и ревностию ревнуя о благочестии, о святыя церкви, и о церковных догматох, и о священном чине, яко да удалишася от Мене и несть поомогающаго ми, увы мне, рех, яко погибе благоговейный от земля, а исправляющаго в человецех несть⁶³⁶. Господи Исусе Христе, благослови и укрепи, и научи мя глаголати.

Благородию⁶³⁷ честности вашей обительным собирателем, и наставникам, и большаком вашим, духовником и крестителем и всем вашим избранником, рабом чистым и рабынькам во извещение объявление, како мы мудрствуем о святой вере и святой церкви и о догматох церковных и како во благочестии стоим, во обитель ваше на письме послан в лето 7227 (1715) марта 11 день.

(л. 48). 1. В нем-же пишем о познании в нашем состоянии благочестия единое правой веры и единой святой соборныя церкви, како о ней мудрствуете. Святая церковь хвалится яже цветет, яко крин посреде терния⁶³⁸: еже есть зело неудобь крину младу, тонку посреди терния остраго и происходящаго быть целу. Обретает ли ея в вас цела и непорушена? Явите.

2. Како гонимая невеста святая церковь есть цела от горькой воды смертоносной яду змиева и где обретается, яже волны подъемлет и не потопляется и никогдаже стареет, но присно юнеется.

3. Како символ православный исповедуете и во едину святую соборную апостольскую церковь и едино крещение и прочия церковныя тайны, о пречистых тайнах Христовых, о священстве, и о покаянии, законном браце и елеосвящении како употребляете? Есть ли в вас или ни?

4. Како благолепоту церковную утвержение и украшение духовное имеете и что есть основание церкви? Како ея врата адова нее удолеют; солнце украшает поднебесную или священный чин церковный, той бо содержит небесная и земная.

5. Како верныи Христу именуетесь? Которую святую церковную тайну употребляете? Святых тайн дары хлеб Богородичен и просфиры и священства не имеете, и нецыи блядут в вас: несть уже ныне на земли церкви пречистых Тайн Христовы, священства и прочей святыни. Право ли блядут они о сем или ни? Объявите яснейше о сем.

6. Како отсечеся глава Христос от своего тела верных человек? Како отженеся жених своея невесты церкве, за ню-же пострадал и умре на кресте? Како разлучися жених любимой своей невесты?

7. Како пресечеся святая жертва и приношение и священство у вас? Кто ограбил вас и окрал святыни лишил и кто безверием сим души ваши развратил и уморил вас вечною смертию и живота вечнаго лишил? Явите нам.

8. Кто суть осецающии исполнение церковное а тело Христово разтерзающии паче, нежели воин копием пресекоша и гвоздием прободоша? Сего же греха святый Златоуст глаголет мученическая кровь загладить не может.

9. Кто суть схизматцы, раздирающии церковное соединение и отделяюще от церкви и от единости веры, заеже противная церкви и закону и святым правилом творити?

10. Кто суть самогубители пренебрегающие отлучения архиерейскаго и ерейскаго, коих глаголет Златоуст нечистейших, (об.) иже о Дафане, и Авироне, и Коррея и сквернейшии паче сих. Явите нам.

11. Како можем познати в вашем состоянии правую веру Христову, и что есть предание веры и догматы? Истинная ли есть вера в вас, которая до отступления Никонова сияла, яко солнце посреди круга небеснаго 7-сот лет в Российском царствии⁶³⁹?

12. Како и откуду познавать можем истинную Христову церковь, тихое пристанище, основанну на твердом камени? Имать ли непорушима быти до скончания века? И колика тайн и заповедей и кой чин духовный имеется в вас?.

13. Како ваша честность нарицается по чину действа своего, и кто есть в духовном церковном чину, и кто вы освятил и благословил духовная дела творить? По коим правилом или образом прекрещиваете вторые и попов и старцов разстригаете, браки разводите и женитву запрещаете, исповедуете, и прощаете, и разрешаете?

14. Кто суть тайныя тати и сокровенныя волки и скверныи еретицы и отступницы? И которые горше всех и от которых подобает крестити вторые и коих ради ересей?

15. Которым прежним еретиком или отступником приуподобляете отныне новопроникших по Никоновом раздоре еретик, и кои горше всех именяете; и что в них ересь, и по коим правилом поставистеся сами в чин учительский и духовная дела, не вданная вам творите?

И о сих предложенных нами 15 вопросах извещения и ответствования не получихом. И о сем ныне мы смиреннии благородие ваше просим и желаем благоуветливаго чистаго решения и ответствования со известным достоверным свидетельством от святых божественных писаний, кроткаго и смиреннаго врачевания. И по воплощении Сына Божия закона благодати Быша ли где таковыя учители самочинныя? И кто вам предал и научил, и по коим правилом или образом?

Ответ Евстратов. О исповедании правой веры, и о святей церкви и о догматох, и о священстве, и о прочем духовном чине, о пастырех, истинных учителех и лжеучителех, о еретицех и отступницех, и о прощении твоем дадим тебе ведать ответ, в чем стоим. Ныне мы хотим преж ведати и разсмотрить о тебе: како ты крещен, и от кого поставлен, и кто тя благословил, и по коим правилом? Яви нам.

Глава III. Святый апостол Петр. Глава 1. Готови будите ко ответу против всякому вопрошающему от вас слова о вашем уповании. Святый Златоуст⁶⁴⁰. Не иереом точию, но и простым сие завещано есть, сего ради должно есть нам показати вам прежде о сем плотском и о духовном.

Рожден есмь аз плотию от отца священника Андрея; в духовном рождении от святаго крещения священник Гавриил по благочестивом потребнике. И о том я пред отцами извещал; и о крещении нашем на судьбы Божии положили и во едином крещении быть.

О поставлении в попы, в духовный чин митрополит Димитрий Ростовский и Ярославский, и поставленную грамоту показовал им и чел⁶⁴¹, в ней пишет.

Божиею милостью смиренный Димитрий, митрополит Ростовский и Ярославский, по благодати, дару и власти всесвятаго и живоначальнаго Духа данной нам от самаго великаго архиерея Господа нашего Исуса Христа чрез святыя и священныя апостолы и их наместники и преемники, благочестиваго сего мужа Матфея Андреева сына, всяцем опасным истязанием прилежно испытавше и достоверными свидетельствы о нем уверившесь, яко убо он рукоположен есть достойне и чиновне по обычаю святых апостол восточныя церкве во священосцы, в четцы, в певцы, во уподиаконы и в дияконы. Благодатию тогоже всесвятаго и животворящаго и всесовершающаго Духа произведохом его на святый изящнейший степень презвитерства⁶⁴² к церкви святаго Николы Чюдотворца село Раменья⁶⁴³ и вручихом ему власть тайнам святым совершать, человека в жизнь христианскую духовную крещати и миромазати, литоргновати, исповедовать, венчать и последнее елеепомазание над болящим совершати, и вся церковная последования чин и службы действовать, яко служителю Хритову, в лето мироздания 7212 от воплощения Христова 1703-го, месяца ноября в 21 день.

И у церкви той был три годы, и ревнуя о благочестии и по вере истиннай и по святыя церкви, оставил мир, дом, честь, славу и пошел в пустынныя скиты к благочестивым отцам, иноком; и наставник инок схимник Ануфрий, и отец священноинок Досифей инок схимник Арсений и прочие отцы и братия приняла нас во обитель, и там пред Богом и пред отцами покаяние о согрешении и о ереси приносил, и прощениа просил, и вся ереси пред ним проклинал, (об.) как в потребнику чин обращающихся от еретик писан. 1) Крестищихся 3 персты и во двою естеству божество и человечество Сына Божия не исповедуют, 2) в символе Духа Святаго истиннаго отставили, 3) четверосугубой аллилуию не славят Святую Троицу, 4) крест Христов истинный трисоставный от агнца разлучили и от просвир и от церкви сняли, 5) и служили по новом служебником на 5 просвир, 6) и крестили младенцев во новом требник против солнца, 7) и благословляли рукою не по преданию святых отец⁶⁴⁴, 8) и кроме церковнаго предания и учения и изображения святых приснопамятных отец обновляемая и новоуставленная или по сем содеянная анафема трижды и клятве предаю.

И о сем всем отцам и братии и пред всею святою церковию извещаю аз и со смирением от всех прошу прощения.

А по которым правилом, свидетельствует книги Кормчей⁶⁴⁵ грань 12, Святых апостол правило 52, лист 14⁶⁴⁶ перваго собора вселенскаго правило 8, лист 38, того ж собора правило 19, лист 40, собора Лаодикийскаго правило 7, лист 73, втораго собора правило 7, лист 88, собора Карфагенскаго правило 47, лист 135, того-ж собора правило 57, лист 139, того-ж собора правило 69, собора Карфагенскаго правило 47⁶⁴⁷; дважды человека не крестить. Книга Кирилла о 2 крещении, лист 225; Потребник большой чин 2 ереса крещен⁶⁴⁸ и обратится.

Свидетельство 2 в житиях святых отец светлейши повествуют, яко во времена случайная святые от многих еретик по обращении хиротонисанных приимали. В житии святыя Саввы Освященнаго, декабря 5 день, Бароний рок 513. Обращающийся на соборе Александрийском, Бароний 332. В житии святаго Тарасия патриарха о иконоборческой ереси, февраля 25 Бароний рок 787. В житии святаго Максима исповедника препрев убо быв пир. О Данатиянех Бароний рок 401⁶⁴⁹. От книг Матоевых правил состава 800 главы 2. О Даниле епископе Бересийском⁶⁵⁰, который составлен от Сидора Митрополита отступника. В книге о правой Вере о Римских панежах и в книге Бароний польской тех же панежах достоверное свидетельство⁶⁵¹.

По сицевым правилам святых отец отцы наши о мне разсуждали и приняли и благословили в сообщении святых церкви и в том чину быти. И благословили нас духовныя дела творить, крестить, и причащать и исповедовать и прочиия тайны церковныи и службу и нужду християнску исправлять, и послан по прошению Пскович со благословением Мати Божией.

Засим просим ваше благородие объявите нам ведение и протчим християном на письме.

Глава IV. О рождении и крещении твоем и о поставлении грамоту твою слышим и видим; и тебе она во оправдание християном не годится ни за едино слово, разве ко внешним показания ради. А правила святых отец, по которым тебя отцы исправляли и свидетельства от жития святых отец, тая мы знаем, и тогда благочестия было и во иных странах и вера сияла, и на соборах епископы епископов исправляли, а ныне уже самое последнее время: благочестивая вера пала, и церкви истинной ныне нет, такоже и епископов и попов православных нигде уже нет, и попу попа не исправить. А ересь Никоньян горше есть всех прежних еретик и отступник, понеже благочестивое церковное предание и все православие отринули, и догматы запечатленные нарушили, и вся службу пременили, и с латыньми сообщением со иноверными архиерейства чюжи себе сотвориша, и по святих отец правилом поставляеми от них попы и диаконы вси отступицы канонам суду подлежат. И православным християном ныне не подобает благословения их приимать, ни крещения, ни службы, ниже молитв, и в церквах с ними не молитесь, ниже в дому; и ясти и пить с ними не подобает. То есть часть антихристова полку, от исполнения церковнаго самовольно отсекшеся, и веру святую нарушили, и крест истинный и догматы церковныи пременили; еще же гонят и мучат християн за веру, за крест и принуждают ко антидору и причастию и клятвы. И се есть по писанному воинство антихристово, разоряющее церковь Божию⁶⁵². И святый Златоуст Беседы апостолов толкование лист 2333. Того самого антихриста нарицает отступление, яко многих имуща погубить и прочее. И се уже видим, что царство и воинство антихристово и время последнее: вместо креста Спасова образ зверя приняли, и Агнец неправедный, и знамение на десней руце, се есть щепоть и плат и прочее⁶⁵³. Несть уже службы богоугодная, святыя жертвы и приношения истиннаго, несть уже и священства, ниже иной коей святыни на земли. Церкви будут, яко овощное хранилище, служба угаснет, чтение писаний святых не услышатся, но тьма будет на человецех, и плачь на плачь, и горе на горе. И на нас показуя говорит⁶⁵⁴: весь ты в ереси родился и крестился и молился духу лукавому; надобь тебя крестити и в попы ставить.

(об.). Зри о крещении святых апостол правило 46. Крещение и жертву еретическу прием святитель не священ⁶⁵⁵. Епископ или презвитер, аще не непохуляет ни поругается крещению еретическому, но приемлет крещенаго от сих или приносимая от них на жертву, сиречь на службу приемлет, таковый да извержется от сана⁶⁵⁶. Кое-бо сочетание Христови и диаволу или свету со тьмою, или кая часть верному с неверными?

Святых апостол правило 68⁶⁵⁷. Дващи не поставлять в причетника. Дващи поставленный, и с поставившим его, да извержется, аще не буде токмо еретическая рука первая. Толкование⁶⁵⁸. Аще который епископ, или презвитер, или диякон второе поставление приимет от кого, перваго возненавидев, да извержетя сам, и с поставившим его, аще токмо не прилучится, яко от еретик поставлен бе первее, ибо от тех крещении не крещени и поставленнии не причетницы⁶⁵⁹. И показуют на нас. По сему, рече, и ты уже неси крещен ниже поставлен, от еретик поставлен и по ереси служил. Надобе тебе паки крестить и второе поставлять⁶⁶⁰. Аще который епископ, или презвитер, или диякон, или чтец и певец в 40 днии, сиречь великом посте, не постит и во все лето среду и пяток, да извержен будет. Аще же мирский человек не постится, да отлучится от церкви.

Потребник большой, правило⁶⁶¹ 213 и 214, лист 51⁶⁶². Никифор патриарх Цареградский глаголет, яко от священника, непостящася среду и пяток, не достоит причаститися. Великий Афанасий глаголет: разрешаяй среду и пяток, сей распинает Господа Исуса Христа, яко-же Иудей⁶⁶³.

Зриши-ль нынешних новолюбных властей духовных: разрешают посты, среды и пятки, неточию рыб, вино и мясо жрут. Которым отступником подобны и како они недостойни суть? Понеже духоправцы, паче Македония духоборца, на сребре поставлени суть и прочих ставят по мзде, и сего ради недостойни суть службы их, яко стяжоша имения и взимают у християн злато и приношение за живых и мертвых, и за крещение берут и за подушье со всякаго человека грабят.

Святый Иоанн Златоуст в Беседах⁶⁶⁴. Аще повеление развращенно имать святитель, аще и аггел будет, не покаряйся ему.

Святый Афанасий Александрийский⁶⁶⁵. Шествующе же непрелестный и живоносный путь, око убо да извержешь, не чювственное, но умное. Сиречь, аще епископ или презвитер, сущии очи церковнии, неподобно живут (л. 51) и служат и соблажняют люди, подобает изврещи их, уне бо есть без них собиратись в храм молитвенный, нежели с ними, якоже со Анною и Каиафою воврещися в геену огненную, якоже и летающия птенца⁶⁶⁶.

Видиши ли в Русской земли Никонова патриаршества о Святей Троицы, и о воплощении Сына Божия, и о честнем кресте веру православную ли имеют, и тую самую ли от Христа в святых апостол и святых отец преданную содержат⁶⁶⁷? И паки, есть ли ныне в Русской земли таковые еретики под именем Святыя Троицы вся таинства святыя православныя веры проклинают, и Сына Божия неподобно ругают, и в таинстве крестнаго знамения и в сложении перст, где проповедуется божество и человечество; и тое таинство в демона претворили? И сии еретики, которым древним еретиком подобны⁶⁶⁸? Есть ли паки таковыи еретики, которые знамение, от Христа Спасителя нашего данное в сложении перст, и они глаголют от демона быти, и крест Христов Брынским нарицают, а Сына Божия равноухим называют, и прочия таинства християнская глаголют от еретиков быть? Коим они подобни?

Святый Иоанн Златоуст. Слово⁶⁶⁹. Обаче елико мощно представим от святых писаний и сих, аки враги и волки, изженем от Христова стада и овец Его. Тем бо и волцы нарекошась от пророк и от самого Владыки и божественных апостол Его⁶⁷⁰. И не токмо волцы, но и казители нечестивии, и противницы, и хульницы, и лицемери и татие, и разбойницыы, и лжеучители, и лжепророцы, и наставницы слепии⁶⁷¹, и прелестницы, и лукавии противницы Христовы, и блазнители, и сынове лукаваго, и духоборцы и охулившие Дух благодатный, имже не отпустится ни в сем веце ни в будущем; имиж путь истинный похулитись имать; к томуж чада лукаваго диавола, якоже глагола к ним Господь⁶⁷²: яко вы отца вашего есть диавола. И паки богослов Иоанн⁶⁷³: Ведома, рече, суть чада Божия, чада диявола.

Книга Кириллова Мелетиево послание⁶⁷⁴. Сего ради толико вам мало обнажим отступников благочестия, да ея ими не прельщаете, яко пастыри отступиша (об.) или заблудиша яко и нам немощно ся без них сохранить, но несть, тако несть. Мощно бо быть без них, занеже Бог их из церкви изгнал и обезчестил⁶⁷⁵, понеже недостойны тыя престолы содержать и то имя на себе носят. И не мни, яко слава им се, но безчестие и вечное отпадение Христа и святых Его.

Се же первое покажем вам не нагми словесы, но писанием, яко сии не Быша пастыри, ниже учители, ниже вернии, но Быша блазнители и прелестницы и прочее⁶⁷⁶.

Засим чтет и укаряет, на нас показуя: волки, хищницы, тати; не дверию входят, не по правилом поставляются⁶⁷⁷. Проклят всяк, иже не пребудет во всех писанных в книзе законней еже творити я. Беседы апостольския строки сии⁶⁷⁸. Никтоже бо от проклятых иному преподает благословение, егоже сам лишися⁶⁷⁹. И тую строку прочее приводит, говорит на Дмитрея митрополита и на нас. От правил Иоанна митрополита Никийскаго на Армен еретик, и тое приводит на нас и зри, рече⁶⁸⁰. Аще кто тмократицею прокляти бывше и дияволу преданы, како от анафемы и от клятвы благословение изыдет? Или како от диявола духовное и святое дело совершается? Зрите, рече, братие, и судите. От анафемы бо благословение не бывает, и от проклятия молитва не исходит, и от диявола Христово таинство не совершается, и от гноища благоухание не исходит, ни от гнила трупия иный исцелится может; ни паки от ереси или от неверия духовное действо совершается ни исполняется, ни от неверных, ниже зловерных и нечестивых еретик совершенное и благоприятное крещение может быти. Тем-же проявлено есть, яко крещение их и вся служба, яже от них содеваемая, неприятна правоверным и непотребна суть, аще бо и тщатся несмысленнии и неутвержении, неразумнии, лживыи християне, яко истинныя и благоприятна творити деяния службы их.

Свидетельство цветников, собраные мудрование их⁶⁸¹. Зрите нынешних бесунов новолюбных духовных властей делы, нам они ныне знаемы стали суть, за то, что они святую веру пременили и сами пременишася: были воини Царя Небеснаго, а ныне стали воини земнаго царя, слуги антихристу; были аггели земнии, а ныне стали слуги дияволи лукавии; были пастыри словесным Христовым овцам, а ныне стали волцы, тати и (л. 52) губители душам християнским; были святители и учители веры православной и хранители преданию святых отец 7 соборов, а ныне явишася мучители, гонители и антихристову преданию учители. Были преж Христова рождества пророцы святии и пророчествовали о Христе, како воплотися и родися от пречистыя Девы Марии и како нас ради пострада, распялся на древе спасенном, тресложном, трисоставном, на кипарисе и невге, и кедре, и воскресе в третий день, и дарова нам живот вечный. А ныне востали пророцы ложнии, лжеучители, и прелагатели, внесли ереси погибельныи, проповедают нам веру незнаемую: новое антихристово предание ложное, проклятое и древо двоечастное почитать велят, паче-ж крыж латин. А от святых отец никтоже о нем не воспомянул в божественном Писании, еже бы предпочтенну ему быть паче истиннаго креста Христова и нигде-ж несть, чтоб в последнии времена изправлять веру добре и обрящут истинну. Несть, несть. Но вси пророцы и апостоли и вси святии отцы вопиют согласно Христу, истинному своему пастырю и учителю, яко востанут лжепророки, лжехристи, и лжеапостоли, и лжеучители и отступят от веры святии и внесут ереси погибели, и Христа Бога креста отметатись будут, и церкви Божия, якоже простии храми будут, и развращения церковная повсюду: священная писания исказят и превратят, и небрегомы будут святии книги, жития святых отец загладят и по своей похоти начнут писать; и не будет святыя службы во алтарях, ни приношения истиннаго, яко вси уклонятся от Бога святаго и лестцу веру имут, и даст прескверный вместо креста Спасова подобне свое знамение. Тако писано во святом Писании; и прелестнику поклонятся живущии на земли. И по писанию богословлю⁶⁸² ихже имена не написана суть в книгах животных. Чтый, да разумеет, и имеяй уши слышати, да слышит и зрит с великим опасением, да блюдет о сем вышеписанном.

Слышите апостола Павла глаголюща⁶⁸³: не бывайте припряжени ко иному ярму с неверным. Кое-бо причастие правде ко беззаконию, или кое общение свету ко тме, или кая часть верну с неверными? Вы есте церкви Бога жива⁶⁸⁴. Не хощу вас обещники быти бесом: не можете чашу Господню пить и чашу бесовскую; не может трапезе Господней причащатися и трапезе бесовской. О, горе, братие, больши мука сказано есть, кто с еретики общенье имеет.

Горе миру от соблазн; нужда бо есть приити соблазном. Обаче горе есть человеку тому, имже соблазна приходит⁶⁸⁵. А иже аще соблазнит единаго от малых сих верующих в Мя, уне ему есть да обесится жернов осельский на выи его и потонет един в пучине морстей⁶⁸⁶. Книга святаго Григория Назианина⁶⁸⁷. Вопрошает Бог Адама по преступлении заповеди Его, глаголя: Адаме, где еси⁶⁸⁸? Истязует и Каина, глаголя: Где есть брат твой Авель⁶⁸⁹? Подобне должно есть и уведать хотим от вашей честности чистых и чистейших избранников, обительных большаков и наставников о познании в вашем состоянии: во едином ли мудровании со святою церковию о единой православной вере християнской стоите по раздоре Никоновом, и имеет ли ея в вас святая Христова церковь непорушима, которая основана на твердом камени, еяже врата адова не удолеют, и о догматех церковных, о пречистых тайнах Христовых и о священстве, о истинных пастырех, како мудрствуете? И где гонимая невеста – святая церковь от горькой воды змиевой и посреди остраго терния? Ещели цветет? Ещели есть цела и непорушена от гонителей? И како именуетесь верны Христу християне? Который чин духовный имеете? Которой святыни и киим исправляется⁶⁹⁰? Образом благочестивии являются, словом точию мнятся вернии и показуют, яко вера пала, и церковь видима не обретается, пречистых тайн Христовых, священства истиннаго несть; богоугодная святая служба не совершается и жертва не приносится. И от клятвы благословение не бывает, и весь духовный священный чин в еретики вменяют и во отступники, и горше всех не точию еретик, но и Еллин и жидов. И таковым покаянья несть.

Болезнуя аз в сердцы моем о благочестии и святыя церкви, и о пречистых тайнах, и о богоуставленном священном духовнем чине и о прочих церковных догматех, и яко погибе благоговейный от земля, увидев многокозненную прелесть мира, и пестрообразную ересь, и лютое падение от горькой воды смертоносной, змиева яду убоявся, бежах, и егда прибегох ко пристанищу святыя церкви, ко отцем благочестивой веры, истинным учителем, (л. 53) падох пред честными ногама их, яко блудный оный сын пред отцем милостивым: благоутробнии отцы святии, помилуйте мя страннаго и заблуждшаго, дайте ми свет истиный видети, утвердите мя о благочестии, объявите ми о единой святой православной християнской вере и како мудрствуете о святыя соборныя апостольной Церкви; дайте ми ведати, имеет-ли ея в вас священный иноческий чин и пречистыя тайны и прочие церковные догматы и службы и коим святым отцем последуете, и како утвержается ваша вера и житие ваше состоится. Они-же яко милостивии и благоутробнии, чадолюбия отцы, разпростертома рукама прияша и введоша мя страннаго и объявиша ми свет истиннаго святаго евангельскаго Христова учения, святых апостол и святых отец преданную едину святую и непорочную веру⁶⁹¹.

1. Аще мы и многогрешнии, но правыя веры святыя хранители, со всяким достоверным свидетельством смотрении истинному последуем, ничтоже прилагаем и ничтоже отъемлем, вси преданныя догматы святыя церкви невредно и непременно чин и устав святых отец храним и соблюдаем и веруем православно и благочестно, держим евангельскую истину и апостольскую проповедь и последуем⁶⁹² непрелестным учителем церковным, якоже святый апостол Павел учит: оправдившеся убо верою, мир имамы к Богу Господем нашим Исусом Христом, Имже и приведение обретохом верою во благодать сию, в нейже стоим и хвалимся упованием славы Божия⁶⁹³. Вера есть благим мати и всех добродетелей красота⁶⁹⁴.

О законе благодати⁶⁹⁵. Закон Божия благодати прав, благ, истинен и непорочен и не имать конца, яко Моисеов. Благодать Божия есть вечна и крепка: ниже бо человек, ниже время, ни обстояния вещей, ни сам диявол, ни мучитель, ни смерть нашедши изгнати нас от оная возмогут, якоже глаголет: кто вы разлучить от любве Божия? Скорбь или теснота, или гонение, или глад, или нагота, или беда, или меч⁶⁹⁶? и прочая.

О единой святой соборной апостольской церкви⁶⁹⁷, о величестве и славе ея, юже сам Господь благолепно водрузи, состави и устрои церковь свою Духом Святым, силою и действом, освяти на кресте кровию своею и утверди ея на камени исповедания Божества непреклонну и непоколебиму, адских дверей крепчайшу, ересей безместным державнейшу и вышшу, бесовских действ и крепостей неприкосновенну и неуязвленну. Якоже святый Златоуст⁶⁹⁸: Церковь паче небеси вкорнилась есть (об.), небес вышше есть, земли ширши, паче аггел честнейши есть и паче всея твари дражайши есть; и паки⁶⁹⁹: церковь есть не стены и покров, но вера и житие. Церковь бо ничтоже ино есть, но разве нашими душами созданный ему дом⁷⁰⁰.

4. Во видимой церкви явите России от крещения князя Владимера веру содержали и, яко солнце сияла благочестие⁷⁰¹ до лет Никона патриарха, от тех лет⁷⁰² нарушил и пременил веру и предание церковное, чин и устав святых отец. Во святей соборной церкви у тайны тело и кровь Христова, священство, покаяние и брак законный, и елеосвященное помазание, и ныне тое святыя тайны содержим⁷⁰³. Благословил святыя тайны отец Досифей, игумен и духовник был царьских полат и многим християном, и миро святое к помазанию в крещении младенцев патриарха Филарета; також протопоп Аввакум святых тайн и мира святаго послал ко отцам нашим християнских ради нужд.

5. О церкви видимой Златоуст⁷⁰⁴. Церковь не стены и покров есть, но вера и житие. Церкви ничтоже равно есть никогда же стареет, но присно юнеется. Церковь от начала мира в гонении есть и непобедима пребывает по словеси Христову⁷⁰⁵. Аминь, глаголю Вам, яко не преидет род сей, дóндеже вся сия будут⁷⁰⁶. Зде являет, яко церковь честнейши имать паче всех тварей, ибо, аще и тварь изменится, верных-же церкви и словеса ея никогдаже⁷⁰⁷. Стены варвары разоряют, церкви же ни беси ни мучители преодолеет.

6. О службе святыя литоргии в гонении и нужных случаех: в чистых храминах, в корабли, в темнице, кроме церкви. Святый Анфим епископ⁷⁰⁸, совершив святую литургию в дому Филофеевом, даде всем новокрещенным причастие божественных таин и освяти Филофея епископом, сына его Евстафия диаконом. Святый священномученик Дионисий Ареопогит⁷⁰⁹, всажен в темницу, и тамо совершив святую литоргию и причасти тела и крове Христовы верных. Святый мученик Лукиан презвитер Антиохийский⁷¹⁰ в темнице соверши святую литоргию на персех своих и причасти святых тайн Христовы верных. Страдание святаго мученика Арефы⁷¹¹, иже с ним, гонения ради совершивше святую литорию в кораблех и причасти вси божественных тайн. Святаго отца Павла исповедника⁷¹². В заточении в храмине затворен бысть, идеже служащу ему святую литоргию, нападоша нань Ариане и удавиша его амфором его, и предаде душу Господеви.

(л. 54) 7. О богоустановленном духовном священном иерейском чине, яко есть вечен и непрелагаем. Яко Христос не по Ааронову⁷¹³ временнаго, но по Мельхиседекову вечнаго чина прииде архиерей вечных благ, и якоже Сам никогдаже не умирает, токож и иерейство Его по чину Мельхиседекову во-веки не престает⁷¹⁴, яко-же пишет: Ты еси иерей во-веки по чину Мельхиседекову⁷¹⁵; престало тогда архиерейство Аароново, яко временное, востало-ж Христово вечное⁷¹⁶. Велик есть богоустановленный священный чин иерейский, и яко вечен есть и непрелагаем и аггелам страшен, то бо есть апостольское наследствие, того ради и имена им дана много. Святый Златоуст⁷¹⁷ о чести священных. Почтите служители, рече, яко отцы, епископы, яко самого Христа, а попы, яко сопрестольники и супруги апостолам, без них бо церковь не просвещается, тайны церковныя без них не совершаются и прочее.

8. О покаянии⁷¹⁸, еже за грехи бывает с сокрушением сердечным во исповедании грехов с надеждою о отпущении⁷¹⁹ ради излияния честныя крове Сына Божия и то, разрешением священническим, имже от Христа дана власть разрешать и отпущать грехи⁷²⁰. Покаяние многу имуще крепость и зело во гресех погруженнаго: аще возхощет, может свободить от греховнаго бремени, аще и в самое приидет злобы дно. Разрешити кающагося никтоже может, точию православный священник⁷²¹, понеже кроме церкви несть спасения и разрешения.

9. О правоверии нашем ясно ти исповедуем и веруем несумненно⁷²², яко един Господь и едина вера, едино крещение, едины тайны тела и крове Христовы, един крест, едина церковь, един Бог и Отец, Иже над всеми и о всех и во всех нас, и все предание церковное от Христа Бога и святых апостол Его нам преданное⁷²³. И святых вселенских соборов святых отец правилом веруем и прочим святых отец писанием. О пречистом теле и крови и о священстве книга о Вере лист 15; Беседы апостол⁷²⁴, книга Кирилла 193, Ефрем Сирин⁷²⁵, катихис большой 85 и мал. Во всех пишут до скончания века.

10. Веруем истино, исповедуем быти в пречистых тайнах истинное тело и кровь Христову под видом хлеба и вина; и яко властию божества бывает при святыя литоргии пременение существа в пресущественное таинство⁷²⁶, и яко того приятия живет в нас Христос и мы в нем, яко о том сам Господь рече: ядый мою плоть и пия мою кровь, во Мне пребывает и Аз в нем⁷²⁷.

(об.) 11. Образу Христову поклоняемся, яко самому Христу Богу; святаго Евангелия послушаем с верою, яко самого Христа Бога словесем и целуем любовию, яко истинную правую премудрость Божию, в нем верим быти и пречистую Маргариту (так). Святое тело и кровь приемлем, яко самого Христа с верою приемлем⁷²⁸. Оно бо приятое святое проходит во вся уды, и кости, и мозги наша во освящение и просвящение смиренной нашей души и телу в сохранение от всяких нечистот, и в приложение божественныя благодати, и в присвоение царствия небеснаго, и в наследие живота вечнаго.

12. Веруем честному и животворящему кресту Христову, почитаем, поклоняемся и целуем и приемлем во освящение, яко на том непорочный Агнец Христос на жертву принесен, и заклан, и страсть и смерть нас ради прият и дарова нам живот вечный⁷²⁹. Яко крестом все дары Духа Святаго верным подаются: крестом ад сокрушися и Адам оживлен бысть, держава смерти разрушися крестом рай затворенный отверзеся, вся вселенная освятися и прелесть упразднися, и к Богу приведены Быша.

13. Веруем и исповедуем Пресвятую Богородицу, Матерь Христа Бога нашего, пред рождеством деву, и в рождестве деву и паки по рождестве Емануилеве деву, и по смерти живу и истленна пребывает, и преж общаго воскресения взята с душою и телом на небеса, честнейшую херувим и славнейшую воистину серафим; и яко то молится о нас Сыну своему и Богу, и скорая помощница в бедах и скорбех и теплая заступница всем призывающим Ея.

14. Образом Пресвятыя Богородицы и святых аггелов небесных сил, яко слуг Божиих, и всех святые образы почитаем, с верою покланяемся и целуем, яко сия честь возходит на первообразнаго славу. Веруем и почитаем мощи святых чюдотворцев, святителей, мученик, преподобных и поклоняемся и с верою любезно целуем; веруем яко Святаго Духа жилище, почитаем, яко подают исцеление душам и телом с верою приходящим, понеже Христа ради пострадаша и от него прияша благодать, и призываем яко помощники и хранители притекающим к ним с верою, понеже прия дерзновение к Богу, яко угоднии раби Господеви своему⁷³⁰, и подают благодать с верою просящим. Благодать Божия погаными ниже нечистотой не бывает осквернена.

(л. 55). 15. Исповедуем святый символ православныя веры⁷³¹. Верую во единаго Бога и во едину святую соборную апостольскую церковь, исповедую едино крещение во оставление грехов и все упование возлагаю на главу ея – Христа Бога. Церковь же быти исповедую собрание верных православных християн, святыя тайны, и догматы, и учения содержащих, якоже предаша святыя апостоли и святии отцы изъясниша и утвердиша. Верую и чаю воскресени быть мертвым и жизни будущаго века по неложному словеси Господню: Тогда праведнии просветятся, яко солнце в царствии Отца их; и яко вернии избрании святии благоугодники Богу купно с телом прославитись имут славою подобно аггелом и приимут вечная благая и жизнь будушаго века. Аминь.

Сия исповедание⁷³² и уверение святх отцов слышал и видех на письме и на деле, того ради и сам верую и исповедую единую веру⁷³³ и в святыя церкви духовное правительство священный чин и иноческий в епископах и презвитерох приемших от Христа власть вязать и решить грехи именем Господним и прочия тайнодействия совершати и люди учить спасенному пути и держатись истиннаго учения.

Благий человек от благого сокровища сердца своего износит благое и злый человек от злаго сокровища сердца своего износит злое⁷³⁴. Благаго корени добрыя ветви и овощие сладко и всем приятно; доброе или злое древо от плода познано будет⁷³⁵. Сице познати имут истинное учение о вере, и о церкви, и о церковных догматех⁷³⁶ от учителей церковных, аще последуют преданию святых отец 7 соборов, евангельскую проповедь и апостольския учения право сказует без прилогов еретических и латинских обычаев. Имеет ли ся в них пристанище святыя соборныя апостольския церкви? Призваны ли входить в чин учительский и от дел веры, да явятся таковии.

Божиею благодатию и милостию аз странный имени ради Христова иерей М. А. благословением святых отец благословен священным чином церковным святых тайн причастия прочия духовныи дела творить, благочестию, закону благодати учить, и несть мы новы веры и новопреданных догматов учители, но православныя истинныя веры защитники и святыя апостольския церкви поборники по святых отец преданию ей-ей в правду, стоим за православную християнскую веру, за святую соборную апостольския церковь, которая един (об.) чин и устав держит непременно, за святыя Христовы евангельския заповеди⁷³⁷ и святых отец учение и предание святых 7 соборов вселенских и 9 поместных, за вся церковныя догматы святых церкви преданные: святое крещение, миропомазание, святых тайн причащения; священство, покаяние, законный брак, елеосвященное помазание, за непорочный символ православный, за тресвятую аллилую, за тричастный крест Христов, иже на главе церкви, и на престоле, и на просфире печать Царя Христа, Агнца Божия, вземлющаго грехи всего мира, за истинное дву перст сложение в знамении крестном, Святыя образы и святыя мощи чюдотворцев почитаем и целуем. За святую литоргию по старым служебники, и вся службы и книги православныи держим и почитаем, и всего християнскаго жительства и благочестию хранители и подражатели, кроме всякия еретическия скверны и порока, со всяким убо опасением и достоверным свидетельством изыскавше, смотрению истинному последуем: ничтоже отъемлем и ничтоже прилагаем, но вся преданная святыя церкви непременно храним. Сице мы веруем, исповедуем и мудрствуем со святыми отцы и учители церковными. А кто мнит о нас злословно или неверно, и тем буди Бог праведный судия между нами и теми, которыи облыкают и клеветеют на нас напрасно. Ей-ей, аминь.

Благородие и честность вашу, обительныи большаки и наставники, со смирением просим и молим: аще ли вы благочестию истиннии рачители, православию наставницы, веры Христовы учители, апостольским преданием хранители, богословцем поборники и непоколебимыи защитники Христовы святыя церкви и утвержение догматов, просветители миру и провозвестители пути спасенному, истиннии наставники, учители и пастыри овцам заблужшим, татем и волком хищным отгнатели, корабля церкви Христове окормители и управители, еретиков и отступников различных ересей обличители, искоренители, которым святым отцем последуете, и како утвержается вера ваша, благочестие и житие состоится? Объявите нам на письме и уверите против нашего исповедания и вышеписанных 15 свидетельств от отцов наших исповедание о правоверии, о законе Божия благодати и о единой святой соборной апостольской церкви, о величестве и о славе ея, колико тайн содержит, и пречистых тайнах Христовых, и о священстве, и о покаянии, о правоверии, о честном кресте на церкве, на престоле, на просфире, дора и хлеб, Богородичен и прочия церковная святыня, святая Христовы и Богородицы образы и святых чюдотворцев мощи, несумненно ли о сем верите, всему ли церковному преданию последуете? Объявите нам.

Сие же веждь, яко в последняя дни настанут времена лютая, будут бо человецы самолюбивы, сребролюбивы, величавы, горды, хульницы, родителем противящеся, неблагодарни, непреподобни, непримирительни, неблаголюбцы, предатели нагли, напыщени, сластолюбцы паче нежели боголюбцы⁷³⁹. Аще кто о еретицех стужает ныне, да помышляет, яко изначала сицевая Быша, пристно диявол при истине лжу составляющу. Обеща Бог изначала благая; прииде и диавол обещая: насади рая, а он попра, рече: Будете яко же бози⁷⁴⁰, понеже делы ничто же показоваше, словес большая обещавает. Сицевии бо суть лестьцы⁷⁴¹. По сих бяше Каин и Авель, таже сынове Сифовы и дщери человеческия, таже Хам и Афет, Авраам и Фараон, и Яков, и Исав; даже до конца тако есть: Моисей и волсви, пророцы святии и лжепророцы, апостоли и лжеапостоли, Христос и антихрист, святии учители и святители и лжеучители еретицы⁷⁴². И прежде убо и тогда таяж бяху. Тогда Февда и Симон, егда апостоли, и сии при Ермогене и Филиппе, и несть убо егда не составил есть при истине лжу. Нестужаемо прочее свышше сия речена Быша. Сего ради глаголаше: Веждь, яко в последняя дни настанут времена лютая: будут человецы самолюбце, сребролюбце величави, горди, хульницы, родителям противящеся, неблагодарни, непреподобни, нелюбовни⁷⁴³. Убо неблагодарный непреподобен есть в лепоту, иже бо есть ко благодетелю неблагодарен, кий бы был когда ко иным? Неблагодарный есть непримирителен, неблагодарный есть нелюбовен⁷⁴⁴, неблагодаряй Бога хульник есть и противник Богу, неблагодаряй Бога горши есть вся. Будут бо, рече, человеца самолюбцы⁷⁴⁵. Самолюбец сей есть, иже наипаче себе не любяй. От сего сребролюбие: любовь бо широкую, сущую и везде разлиянную сирятует и в краткую собирает самолюбия, пагубу, и скупость и немилосердие. Сребролюбцы, рече⁷⁴⁶, от сего величание раждается, от величанья гордыня, от гордыни хула, от хулы превозношение⁷⁴⁷, тщеславие, непокорство, ибо на человеки взамаяся удобнее и на Бога Творца своего. Сице и грехи раждаются (об.)⁷⁴⁸. Како бо сребролюбец благодарен будет? Кому увесть благодать? Никому же. Сребролюбец всех враги быти неищует⁷⁴⁹. Никто же тако неблагодарно, якоже сребролюбец, ничтоже тако нечювственно, якоже имений любитель; тако сребролюбец вселенней всей враг⁷⁵⁰. Аще бы, рече, трус в граде бысть, та же всем рассыпавшимся, аз един остал бых, яко да я-ж всех возьму, аще возможно; и аще бы надшло губительство и всех погубило, злата кроме, или потоп, или брани, или моры⁷⁵¹, сребролюбие мати всех злых⁷⁵². Клеветницы, рече⁷⁵³, сиречь оглагольницы, злоречителие, ибо ничтоже в себе сведущии благо, якоже некую утеху имуще, еже иных достоинства хулити; безчисленно погрешают и согрешают и приносят злобу прелютейшаго яда: осуждение, хуление, досаждение, поругание, посмеяние и предание друг на друга на смерть⁷⁵⁴. О злоба клеветание, убийству мати, разорвание веры, раздрание церквам, гонительство верным, сие возмути царства на вселенней⁷⁵⁵. О темницы злосмрадная Езавелино, и Иродиядино, и Евдоксийно содружественни, трапеза идоложреческая, яда бесовскаго исполненная и прочее⁷⁵⁶. Может един клеветник всем градом восколебать и конечное душевное погубление навесть. Невоздержницы, рече⁷⁵⁷, языка и чрева и иных всех, многая убо назнаменова оглаголания, и безобразие, и пресыщение, пиянство и блужение. Некротцы, рече: отсюду лютость, отсюду сурошство. Егда кто сребролюбец есть и похищник, егда кто самолюбец, егда неблагодарен, егда клеветник, егда блудник и сквернитель?

Нелюбовницы⁷⁵⁸ блага, предатели нагли, предатели дружества, любве. Нагли, сиречь ничтож твердо имуще. Напыщени, превозношения, тщеславия, высокоумия исполнени; сластолюбцы паче, неже боголюбцы, имуще образ благочестия, силы же его отвергшиися. И в послании Римляном пиша, рече: имуще образ разума и истины, но тамо убо похваляя то глаголет, зде же паче всех согрешений лютейший⁷⁵⁹ сей показует быти грех, еже благочестия образ носит, силы же его отврещися. Почто? Зане не потому-же де знаменуемому сие прият. Якоже бо образ многажды убо в подобие приемлет, многажды же в бездушное и ненадобное, сиречь якоже сам глаголет Коринфяном, пишяй: муж бо не должен есть покрывати главу, образ и слава Божия сый⁷⁶⁰. Пророк же: обаче образом ходит человек⁷⁶¹.И льва убо писание иногда в царское приемлет; усну, рече, яко лев⁷⁶² и яко (л. 57) скимень львич; и кто возбудит его⁷⁶³? Иногда-ж вхищное, яко лев похищая и рыкаяй. Сице и мы тожде творим, понеже бо вещи сложныя суть и различныя, в лепоту во многия образы и указания приемлются, сиречь: егда красной жене почюдится хощем, живописаниом приуподобляем, и начертанным егда чюдится хощем, глаголем, яко глаголет и яко вещает, не творим же тожде. Тамо убо, яко близ подобия прииде, здеже, яко добраты близ, сице и в зраце. Тамо убо, яко образ некий и икона и учение и первообразное благочестия, здеже, яко бездушное и мертвое, и образ токмо и изображение и лицемерие являет. Убо образ есть, токмо кроме силы, вера без дел мертва в лепоту, якоже бо тело красное и румяное, егда силы не имать, но живописанным будет, приуподоблено. Сице вера правая без дел благочестия. Положим бо быти некоего сребролюбца, предателя наглаго таже веровать право. Кий прибыток? Кая польза, аще ничтоже имать от приличных християнину дел? Егда ничтоже творит, от иже благочестие начертавающих, но Еллины преплывает нечестием⁷⁶⁴? Егда на пагубу сущих с ним будет, егда на хуление Бога, егда оклеветует учение святыми делы? И сих, рече, отвращайся, аще убо в последняя времена таковии будут. Тако глаголет: и сих отвращайся; лет есть, убо тогда сицевым быти некоим, аще и не с превеличеством, но обаче быти. Истинно-же чрез онаго всех наказует и научает, еже отвращатися сицевых. От сих бо, рече⁷⁶⁵, поныряющии в домы и пленяющии женчища, собранныя грехми, водимыи похотьми различными, всегда учащаяся и никогдаже в познание истины приити могущая⁷⁶⁶. Зриши-ли их и ныне, древнею прелестию употребивших оружия, егоже диявол на Адама употребляше⁷⁶⁷. Поныряющии в домы, рече. Видел-ли еси безстудство, како назнаменова сим, еже рещи поныряющия? Безчестие, прелесть, ласкание и пленяющии женчища. Темже удобь прельщаемыи есть женчищем и муже далече, женское же есть еже скоро прельщатися, (об.) паче-же несть женьское, но женчищское (собранныя зри откуду) и о нем и бывает еже покарятися от грехов от еже ничтоже все бе свидети доброе. И зело господственне рече: собранныя, множество бо грехов сим представляет и безчисленное и слиянное⁷⁶⁸. Водимыя похотьми различными, не бо оглаголует, ни бо просто жены рече, но таковыя жены. Что есть различными? Зде многая назнаменована: пресыщение, сластопитание, безобразие, блужение⁷⁶⁹. Различными, рече, похотьми, сиречь: имений, славы, сластей, превозношений, презорства, чести, негли же и иныя студныя похоти назнаменут, всегда учащеся и никогдаже в познание истины приити могущая⁷⁷⁰. Почто сия рече? Не прощая их, но и зело запрещая, понеже бо себе посыпаща похотьми оными и грехми, ослепися их ум и смысл. А якоже Ианнии Иамврии противистася Моисею⁷⁷¹, тако и сии противятся истине⁷⁷². Человецы разтленни умом неискусни о вере но не преуспеют множае, безумие бо их явлено будет всем, якоже и оных бысть.

Дух же явственне глаголет⁷⁷⁴, яко в последняя времена отступят нецыи от веры внемляюще духовом лестивым и учением бесовским во лицемерии лжесловников, сожженных своею совестью, возбраняющих женитися, удалятися от брашен, яже Бог сотвори в снедение со благодарением верным и познавшим истинну: зане всяко создание Божие добро и ничтоже отметно, с благодарением приемлемо, освящает бо ся словом Божиим и молитвою. Яко же держащийся веры и твердей котве утверждаются⁷⁷⁵, сице иже отпадшей нигдеже стать могут, но многими горе и доле, прельстившеся лещений, конечное в самую погибели низносятся глубокую пропасть⁷⁷⁶, и сие убо уже яви рек, яко уже отпадоша нецыи от веры⁷⁷⁷, и ныне же рече. Дух-же явственне глаголет, яко в последняя времена отступят нецыи от веры, внемлюще духовом лестчим.

О Манихеях, и Егкратистах, и Марионистах⁷⁷⁸ и всяком их делателищи сицевая глаголет, яко в последняя времена отступят нецыи от веры. Зриши ли, яко всем виновно по сих злым, еже от веры отступить? Чтоже есть? Явственне рече. Явленне, ясно исповедуем⁷⁷⁹, (л. 58) яко еже не сомнетися. Не чюдися, рече, аще ныне от веры нецыи отступающе, еще и юдействуют⁷⁸⁰. Будет время, егда сами тии, иже вере причастницы бывше, горше то соделают не даже до брашен, но и даже до женитвы и до всех сицевых пагубное совещание вводящеи. Не о иудеех сия глаголет; како бо еже в последняя времена отступят от веры. Имать место, еже о Манихеях и о печальницех их и ученицех их последующим, духи же лести нарече я в лепоту⁷⁸¹; онеми бо действуеми вещающе сия. Что есть в лицемерии лжесловник? Тая яже лгут не по неведении, ниже неведущии, но лицемерящеся лгут, ведуше убо истинну, но совестию сожжении суще сийречь злаго сущеи жития. Почтоже самех тех еретики глаголет? Предтече Христос⁷⁸²: нужда есть приити соблазном. Ты же ми почюдись Павлову пророчеству. Прежде бо лет, в няже та хотяху быть, назнаменована, и самое яко в последнее время не чюдись, убо аще ныне, егда начала имут, яже веры сия, начинают приводити пагубныя догматы⁷⁸³: восбраняющим, рече, женитись, удалятись от брашен. Почто и иных ересей не рече. Назнаменована и тыя, рек, духом лестчим и ученьям бесовским.

Божественный апостол Павел глаголет⁷⁸⁴: един Господь, едина вера, едино крещение, един Бог и Отец всех, иже надо всеми, и о всех, и во всех нас; едина церковь, един крест Христов⁷⁸⁵. Есть-же вера уповаемых извещение, вещей обличение невидимых и прочее⁷⁸⁶. Вера православная християнска есть, понеже правый истинный закон от святых апостол и святых отец преданный, в словеси Божии утверженный, кровию мученической и исповеданием святых богоносных отец свидетельствованный⁷⁸⁷. Веру православную, святое крещение, епископы, иереи, иноки, книги и весь чин церковный в Россию от Царя Града приять князь Владимер, (Книга о Вере, лист 36) и оттоле одержали в России 7-сот лет⁷⁸⁸, яко солнце сияла посреде круга небеснаго. Евангелие толковое⁷⁸⁹. Вси убо таки веруем, тако мудрствуем. Сия вера есть святых апостол, сия вера есть святых отец, таковая вера есть православных всех, сия вера вселенную укрепи. Сице мы веруем и исповедуем со святыми отцы и вся церковныя догматы соблюдаем. Елицы же тако не мудрствуют, прокляты да будут, далече святая церкви да отвержутся (об.). Мы убо древнему законоположению церковному последуем⁷⁹⁰. Мы заповедания святыя отец соблюдаем. Мы прилагающих что или отъемлющих от святей церкви проклинаем. Мы вводимое новозаконение християнохульник еретик проклинаем. Мы немудрствующих тако проклятию, анафеме предаем⁷⁹¹. Аще кто в той 7 вселенскими соборы утверженной правде пребудет, спасен будет, якоже пишет: а кто отступит или в чем порушит, погибнет во-веки.

Книга Кормчий 7-й собор⁷⁹². Вся кроме церковнаго предания, и учения и изображения святых и приснопамятных отец обновляемая или по сем соделанная анафема трижды.

Святый апостол Павел, посланник Исус Христов⁷⁹³, церкви Божией, в Коринфе со святыми всеми сущими во всей Ахаии благодать вам и мир от Бога Отца нашего Исуса Христа⁷⁹⁴. Церковь их нарицает, собирая всех в едино и связуя, да будет церковь едина⁷⁹⁵. Церковь есть дом отчий, едино тело и един дух⁷⁹⁶. Церковь же Божию нарицает, показует, яко соединятись ей достоит⁷⁹⁷. Аще бо есть Божия, соединися, ибо церкве имя не разделения, но соединения и согласия есть имя и едина есть не точию в Коринфе, но и по всей вселенней едино достоит быть церкви.

Святый Иоанн Златоуст на 50-цу⁷⁹⁸. Вельми бо есть церковь Богу возлюбленна; не сия, иже стенами ограждена, но сия, иже верою ограждена. Церковь не стены и покров есть, но вера и житие, законы церковныя. Церковь никогда же стареет, но присно юнеется. Стены варвары разоряют и згорит, церкви же ни бесове преодолеют; ратуема, побеждает, наветуема, одолевает, досаждаема, светлейшии является. Церковь небес вышше есть, земли ширши есть, камения твердейши есть⁷⁹⁹.

Никон Черныя горы Тактикон⁸⁰⁰. Соборная церковь не стены суть, но правая учения и предание Божественных правил святых апостол и святых отец 7 соборов. Стены бо многажды разрушены Быша от язык, закон же и предания святых апостол и правила святых отец пребывают неразрушима во-веки от держащих та.

Книга Кириллова, лист 17 и Златоуст⁸⁰¹. Ибо Духом Божиим утвержденная святая церковь не требует дни и месяцы переменить, во всех своих преданиях стоит непременно и един устав, и чин, и предание святых апостол и святых отец держит до скончания века, (л. 59) уне бо, рече⁸⁰², небу и солнцу изменитися, нежели церковным правилом в чем изменитися, понеже церковь словом Божиим утвержена. Слово бо Божие небесе и земли крепчайший есть, якоже сам Христос рече⁸⁰³: Небо и земля прейдет, а словеса не прейдут⁸⁰⁴.

Благовестник, Евангелие от Луки: Аминь глаголю вам, яко не прейдет род сей дóндеже вся будут⁸⁰⁵. Род, рече, не тогда сущий, но род весь християнский верный⁸⁰⁶. Аще и вся двигнутся, но о Мне вера не оскудеет. Являет же зде, яко церковь честнейшу имать паче всех тварей, ибо аще и тварь изменится, верных же церковь и словеса ея и евангелие никогда же пребудет, и род верных ни единым от предреченных пресецаем. – Вопрос⁸⁰⁷. В коих вещех состоится и содержится святыя церкви соборныя единомыслие? Ответ. В сих особно 5 вещех: первое, в согласии православной веры, 2-е в любви нелицемерной, 3-е во учении правом, 4-е в достоинстве употреблений святых Христовых Тайн, 5-е в чести и почитании святителей и презвитеров.

Книга о 7 тайнах⁸⁰⁸. Священство бо на сем свете яко душа есть в теле, и яко солнце по всей земли⁸⁰⁹. Иже церкви Божия причастия святых Христовых тайн удаляют, врази Божии бывают и бесом друзи⁸¹⁰.

Книга о Вере⁸¹¹. Кая польза есть поучатися о церкве? Сице пишет: ибо кто ея не познает, како в ней и при ней не пребудет и в ней не обрящется, той и вечнаго онаго блаженства по временном сем житии вечнаго живота наследить не может. Коей ради пользы о святей соборней церкви уверяем⁸¹²? Сея ради, яко да известно ведуще ю, в ней пребываем и спасени будем, зане кроме церкви Божия нигдеже несть спасения. Якоже бо при потопе, елицы с Ноем в ковчезе не бяху, истопоша, тако и в день судный вси, иже ныне в церкви святей не будут, тии в езеро огненное ввержени будут, церковь же свою сам Христос спасает. Христос есть глава телу церкви. Се убо, иже не пребывает⁸¹³ в сей соборней церкви, тех Христос не спасает, и Духа Святаго сицевии неимут.

Святый Андрей о церкви сице свидетельствует⁸¹⁴. Действуя бо, рече, во антихристе диявол на церковь Христову бранию воополчится, и жена, се есть церковь, побеже в пустыню, и тамо борющих бесов и лукавых человек навет и прилогов верующии христиане избегнут.

Часть первая. Глаголют⁸¹⁵ нецыи ныне безумнии самогубительнии человецы, яко несть на земли пречистыя тайны тела и крове Господа нашего Исуса Христа и священства. И на те их безверныя и безумныя глаголы наш християнский ответ от святых божественных писаний сице.

Господь наш Исус Христос Спас миру: ходяй по Мне не имать ходить во тьме, но имети имать свет животный⁸¹⁶. Аз есмь хлеб животный: грядый ко Мне не имать взалкатись, и веруяй в Мя не имать вжадатись никогдаже⁸¹⁷. Аз есмь хлеб животный⁸¹⁸; ядый Мою плоть и пияй Мою кровь имать живот вечный⁸¹⁹. Аз есмь лоза, вы же рождие, пребываяй во Мне и Аз в нем, и той сотворит плод мног⁸²⁰. Аз с вами есмь во вся дни до скончания века. Аминь.

Святый апостол Павел, 1 Коринфянам⁸²¹. Братие, аз приях от Господа, еже и предах вам, яко Господь Исус Христос в нощь, в нюже предан бываше, приять хлеб и, благодарив, преломи и рече: приимите, ядите: се есть тело Мое, еже за вы ломимое. Сие творите в Мое воспоминание⁸²². Елижды бо аще ясте хлеб сей и чашю сию пиете, смерть Господню возвещаете, дóндеже приидет. На сие апостольское слово святый Златоуст толкование творит сице⁸²³. Якоже бо Христос о хлебе и о чаши в Мое воспоминание творите сие рече, вину открывая нам тайны подаяния, и с иными и сию быти глаголяй довлеющую нам в подложение благоговения⁸²⁴. Егда бо помыслиши, что пострада Владыка Творец твой тебе ради, любомудрственнейши будешь. Тако и Павел зде глаголет: елижды аще ясте хлеб сей и чашу сию пиете, смерть Господню возвещаете. И сия оныя есть вечеря. Таже показуяй, яко даже до скончания та пребывает, рече: донележе аще прииде.

Подобно сему Святый Кирилл книзе пишет лист 69. Сии суть словеса святаго апостола Павла и святаго Златоуста. Иже знамение не возпомянут, яко Сын Божий с нами имать действовать, по и по всему свидетельствуют, даже до скончания века; приходящих в соединение к Богу причастием тела и кровию Его избавити до конца Сам может, не токмо по божеству но и по человечеству. С ним же соединився никогда же не разлучится и един есть во едином лице и всех избавляет, якоже пишет⁸²⁵: Аще кто яст (л. 60)⁸²⁶ тело Мое и пиет кровь Мою, имать живот вечный и воскрешу его в последний день. – И паки глаголет: ядый Мою плоть и пия Мою кровь во Мне пребывает и Аз в нем, и аще не снесте плоти Сына Человеческаго живота не имате в себе.

Паки святый Кирилл.

Глаголет⁸²⁷ Господь, яко же не восхоте жертвы от скверных и именова иную жертву себе возлюбленную. Треми чинми не писав, яко имать быти во языцех и на всяком месте жертва чистая. И се есть жертва, которую церковь християнская от язык избранная приносит во всем мире Господу Богу и до скончания века приносити имать: тело и кровь Господа Бога и Спаса нашего Исуса Христа в память смерти Его.

Зде ко утверждению слово святаго Кирилла Александрийскаго⁸²⁸. Иже церкви Божия и причастия себе святых Христовых тайн тела и крове удаляющеи врази Божии бывают и бесом друзи.

Книга потребник большой⁸²⁹. Иже аще не исповедует безскверныя жертвы суща телеси Господа нашего Исуса Христа, да будет проклят.

Зри, противниче развращенный и безумный: страшен ответ Христовых словес и клятву. И яко истина суть словеса Его, сим заключает: Небо и земля мимо идет, словеса же Моя немимо идут⁸³⁰.

Кто не ужаснется от выше реченнаго запрещения? Кто не возтрепещет и не послушает онаго гласа Господни? Разве той, иже живот вечный погубити хощет. Таковыя ради вины мы правовернии превеликое благодарение Христу Богу Спасу нашему с нижайшим поклонением возсылать должны есмы, яко не отлучи нас от таковаго знаменитаго дара, но уморенных нас оживляет пречистою кровию своею, якоже рече святый Иоанн Богослов: Кровь Исуса Христа Сына Его очищает нас от всякаго греха⁸³¹. Виждь, противниче безумный, погубивый ум свой, всея нашея православныя християнския веры и святыя соборныя церкви Исус Христос Спас наш сим есть главою, пастырем, архиереом и основанием⁸³². Ах есмь альфа и омега начаток и конец, Господь рече о себе⁸³³.

А ты, самогубительный и развращенный противниче, глаголеши: несть ныне Его в пресвятых пречистых тайнах на земли; и по твоему тако безумному разсуждению и спасения ныне несть ни единой души християнской. Ох, увы, горе и слезам достойно есть прелести твоей!

(об.) О, сатанина духа прелести! Но и в начале проповеди православныя веры християнския такоже сотонин дух многих прельстил малоумных человек, якоже и ныне видим. Апостоли благочестие сеяху по земли⁸³⁴, а лживии апостоли дияволи злочестие свое, якоже Быша при них Февда, Симон волхв, Филипа диакон престник, и Николай отступник Кипопс и протчии, и до соборов тако все брася церковь Христова со враги, и межь соборами, и по соборех святых отец, и до ныне Христова часть свято дело творит и действует Святым Духом, а антихристова часть свое беззаконие деет в мире неприязненным противным духом. Сия словеса подтвержает святый Апостол Иоанн Богослов, глаголя⁸³⁵: чада Божия есть и чада неприязненная. Апостол Павел к Солунянам 2 послании такоже рече: Тайно бо уже деется беззаконие⁸³⁶.

Книга о Вере, глава 20⁸³⁷. А подобно начаток Христовы церкве с концем согласуется, ибо перве триста лет в неволе и в гонении, тако и остаток в том же скончается. Тогда⁸³⁸ вооружи диявол нечестивых кесарей Римских: Нерона, Диоклетиана, Максентия и прочих на церковь избранных Божиих: чрез 300 лет велие мучение и гонение.

Часть 2. О святых тайнах⁸³⁹. Паки Иродия бесится, паки пляшет и мятется, паки ищет главы Иоанновы, паки противнии самочинцы! Святаго мученика Ипполита слова приводят⁸⁴⁰. Восплачются и церкви Божии плачем велиим, зане ни приношение, ниже кадило совершается, ниже служба богоугодная; священныя церкви яко овощное хранилище будут, и честное тело и кровь Христова во днех онех не имать явитися; служба угаснет, чтение писаний не услышится, но тьма будет на человецех, и плачь на плачь, и горе на горе и прочее.

Мы-же отвещаем ти противниче развращенный, о сем речении Ипполитове: Горе вам, книжницы фарисеи, лицемери, вожди слепия! Слепец слепца аще ведет, не оба ли в яму впадете⁸⁴¹? О, люте велика яма бездна адская, в нюже единою впадый, никогда свобождается, в нейже тьма, смрад, червие, слезы, глад, хлад, огнь неугасимый, смерть безсмертная, а собеседницы все злобнии бесове. Зрите, коварнии, правду истинну написал святый Ипполит Римский, что в днех онех антихристовых не имать явитись честное тело Христово и кровь, служба угаснет, чтение писаний не услышится, но тьма будет (л. 61) на человецех, и плачь на плачь, и горе на горе. Но и святый Ефрем Сирин такожде в 105-м слове воспомянул: егда увидят друг у друга лица слезна и любовию вопрошают, есть ли где слово Божие, и небудет его слышать нигдеже. Виждь, но тогда не имать явитись, егда начнет царствовать полчетверта лета свою антихрист последню, о коих летех мнози святии отцы написаша: святый Иоанн Богослов во откровении и святый Ефрем Сирин и вышеписанный святый Ипполит папа Римский и прочии святии. А того он, святый Ипполит Римский, не писал, что ни в сущих христианех тогда не будет таковыя святыни, но токмо в церкви, рек, не будет приношения по видимому, как ныне совершается; а в сущих християнех Сам единородный Сын Божий обещался быть даже до скончания века. А ты ныне, противниче Христове церкви, своим малоумием глаголешь⁸⁴², и столь развращенно, и многия души прельщаеши народа християнскаго, что несть святыни и священства на земли. О, многаго твоего блужения и прелести дияволя! Гатко и слышать нам верным, егда ты блюеши. И паки возспомяну тебе о вышеписанном Ипполите папы Римском, бутто святый отец Ипполит папа Римский разгласился в слове своем, писанном о последнем времени, со Христом, и со Апостолом Павлом, и со святым Златоустом и прочими святыми богословцы, но несть, несть тако; но твой малоумный, развращенный разум не достиг разумети таковыя превеликия тайны Христовы, писанныя святым о кончине.

Послушай, противниче самогубительный, како Христос и святый апостол Павел, и святый Златоуст, яко единеми усты рекоша⁸⁴³, что быти до скончания века таинству и донележе приидет судить живым и мертвым. А святый Ипполит како может бы инако написати в слове, что писано о последнем времени, что не быти таковей святыни до скончания века. Се вси они святии апостоли и богословцы наместницы их, научени писать словеса на пользу нам и на утвержение православныя веры Святым Духом. И ты противниче, боле того не ищи и о себе ничего не мудрствуй. Горе мудрым о себе! И вы того, возлюбленнии братие бойтесь и не вся тщитеся собою испытовать и продерзнем зде толковать неведомыя (об.) тайны Божии глаголы святых Его богословцев богоносных отец, пастырей церковных и учителей. Зрите блаженнаго Ипполита папы Римскаго вышеписанном слова, како учит нас стрещись в сие время последнее и плачю достойное, от лжепророк от антихриста и от лукавых человек прелести ложнаго их учения.

По всему⁸⁴⁴ убо хощет уподобитись льстец Сыну Божию. Лев – Христос, лев и антихрист. Явися Христос агнец, явится и антихрист агнец, внутрь сый волк. Посла Христос апостолы во вся языки, подобне и той послет ложные пророки, ложные апостолы и прочих, хотящую явитись лукавых человек прелесть, развращение, злосоветие, напоследок хотящее быть. Тогда восстанут лжепророцы, лжехристы, лжеапостолы и ложнии учители.

Сие же ведите, чада, яко внидут в последние дни ругатели по своих похотех ходящии и в вас будут ложнии учители, иже введут ереси погибельныи и мнози пойдут вослед нечистот их⁸⁴⁵ и прочее. Вы же, возлюблении, не дремлите, разсмотряйте и примечайте ныне, понеже явились таковыи человецы ныне и нарицаются апостолами избранныи чистыи рабы, якобы истиннии християне, и чтобы святых апостол и блаженнаго Ипполита и прочих святых отец речение не збылося на сих человецех новоявльшихся апостолов ложных, самочинных, неосвященных преблазнителех, которыи святая соборная апостольския церкви и веры правые, о пречистых тайнах и о священстве и о прочих церковных догматех не имеют, и святынь отлучаются, и священной чин на себе прияша не по правилом, духовная дела творят, якоже Коррей и Дафан, и Авирон и Донатисты, Месалияне и Люторцы, сокрытые тати, потаенные волки во одеждах овчих, внутрь же суть волцы хищницы, и от плод их познаете их. И в божественном писании о сем страшно зело запрещает: аще кто дерзнет на таково дело без поставления святительскаго, и о сем свидетельства в древнем Номоканоне написанном в лето 6947 и во иных книгах многих. Больше всех Христово Евангелие обличает: Горе вам, книжницы и фарисеи, лицемеры, яко подобитесь гробом повапленным. Отвне являетесь красни, внутрь же полны суть костей мертвых и всякия нечистоты, лицемерия и беззакония⁸⁴⁶.

Засим просим от всех прощения.

Глава 1. Благочестивыя православныя християнския веры святыя соборныя апостольския церкви преданных догматов и всего благочестия снискатель, и подражатель, и хранитель странствующий многогрешный, первый во гресех, последний в человецех священноиерей Матфей Андреев.

Глава 2. Благочестия рачителем истинныя правыя веры возлюбленным святым братиям, Сионским чадом, всем православным христианом радоватись, и утверждатися, и воспитоватись, и возрастати во святых благочестивых отеческих догматех, кроме всякия еретическия скверны и порока.

Глава 3. Обительным собрателем, наставником и большаком вашим, духовником, и пастырем и учителем, и крестителем, и крестником вашим, и детем духовным, и всем избранником, и рабам и рабыням вашим во извещение и во объявление, како в вере вашей мудрствуете о церковных догматах.

Глава 4. Благородию и честности вашей сия мы восписуем вопрошения и достоверное извещение, дабы нам ведать и всем правоверным, како мудрствуете о святей церкви, и о догматех церковных, и о священстве, и о пречистых тайнах Христовых, и что есть церковное предание.

О тайнах церковных и о священстве. О первой тайне святаго крещения, миропомазания, о покаянии, и о венчании, и о елеопомазании над больным, и о заповедех церковных, всему ли есте верны, и без которых тайн не мочно спасенным быть и вечных благ получить⁸⁴⁷.

Глава 5. И о прочих предложенных нами зде вопросех 20-ти желаем благородия вашего чистаго решения и ответствования, и благоуветливаго, и кроткаго, и смиреннаго врачевания со известным и достоверным свидетельством божественных писаний. И аще каково любо и досаждение возмнится честному вашему лицу чрез нашу грубость и ненаказание, и о том просим со смирением прощения.

Глава 6. Известно буди вам сие всем большаком, и наставнником, и духовником, и крестителем, и избранником, что слышим мы от ваших рабов поныряющих в домы: оклеветуют, и облыгают, и возмущение ближним нашим творят, и развращают, и порицают тайным волком и еретиком и змиев защитник и горше от никониян и запрещают людем приходить к нам.

Глава 7. Удивляемся вашему благоумию и благородию! Кого послушали? Кому поверили? К кому пошли? Весь он в ересех родился, в ересех крестился, в ересех венчался, в ересех поставлен, по ересем служит. И от кого поставлен? Молился духу лукавому. Кое общение свету со тьмою? Кая часть верным с неверным и прочее⁸⁴⁸.

(об.) Глава 8. Свидетельство приводят: никтоже от проклятых иному преподает благословения, егоже сам лишися⁸⁴⁹; и другое: понеже от клятвы благословение не бывает и от смраду благоухание не изходит, ни от гнила трупия иный исцелится, ни от ереси духовное действо не исполняется и прочее⁸⁵⁰.

Глава 9. На сия свидетельства Златоуст толк творит на ветхий закон, на жид⁸⁵¹, а другое там пишет на армян и на преблазненная словеса их свидетельство св. апостола Павла⁸⁵² сице: полагаю и благодарю укрепляющаго мя Христа Исуса Господа нашего, яко верна мя неищева положив мя в службу. Быша мя иногда хульника, гонителя, досадителя, но помилован бых, яко неведй сотворил и в непознании правыя веры благочестия. О сем всем извещаю сице.

Глава 10. Рожден есмь плотию от священника Андрея, а крещен от священника стараго поставления Гавриила, служил он старым книгам, а поставлен митрополит Димитрий Ростовский⁸⁵³ и у церкви 3 годы был. И егда, о благочестии ревнуя, ко отцем в пустыню сшел, и приняли нас и обращающимся от еретик ересь проклял⁸⁵⁴ и покаяние в том, что служил по новому, Богу приносил и прощение пред отцем духовным священноиноком Досифеем и прочими отцы приносил⁸⁵⁵; и паки от них благословен службу служить⁸⁵⁶.

1. О исповедании святыя веры. И аще мы, многогрешнии, но несть мы новые учители, но православныя веры християнския поборники, яко же апостол Римляном (глава 5) рече: оправдишеся убо верою, мир имамы к Богу Господом нашим Исусом Христом, имже и приведение обретохом верою во благодать сию, в ней же стоим и хвалимся упованием славы Божия. О, колико о сем тщание покзывать подобает, еже познати истинную православную веру, яже есть по святому Златоусту всех благих мати и всех добродетелей красота⁸⁵⁷.

2. О законе благодати⁸⁵⁸. Закон Божия благодати прав и истинен благ, непорочен и не имать конца, яко Моисеов. Благодать Божия есть вечна и крепка, ниже бо человек, ниже время, ни обстояние вещей, ни сам диавол, ни смерть нашедши изгнати нас от оная возмогут. Увеждь отныне, о человече суетный, кто есть сильнее: Бог ли – даятель закона благодати, или диавол – враг всех разоряяй; грех ли или закон; душа ли лучше или тело; закон ли спасаяй ю, или преступление закона благодати⁸⁵⁹ и заповедей, погубляй и душу и тело; и что добрее: правда или лжа, рай или мука⁸⁶⁰.

3⁸⁶¹. О единой святой соборной апостольской церкви; о величестве и о славе ея, юже сам Господь благолепно водрузи, состави и устрои церковь свою Духом Святым, (л. 6) силою и действом, освяти ю кровию своею и утверди ея на камени исповедания Божества непреклонну и непоколебиму⁸⁶²; адских дверей крепчайшю, ересей безместных державнейшу и вышшу; бесовских действ и крепостей, неприкосновенну и неуязвленну⁸⁶³. О нейже Златоуст: Церковь паче небеси вкоренилася есть, небес вышши есть, земли ширши есть, паче аггел честнейши есть и паче всея твари дражайши есть.

4. О богоустановленном иерейском чине, яко есть вечен и непрелагаем⁸⁶⁴. Прииде бо архиерей вечных благ, и яко же сам никогда не умирает, тако иерейство его не престает.

5⁸⁶⁵. О покаянии, еже за грехи бывает с сокрушением сердечным во исповедании грехов с надеждою о отпущении ради излияния честныя крове Сына Божия. И та разрешением священническим.

6⁸⁶⁶. О тайне супружества или законнаго брака. От Христа Бога установлено есть во умножение рода человеческаго и в воспитание чад ко славе Божии, в неразрешимый союз любве и дружества, и еже от греха любодеяний отгребатися.

7⁸⁶⁷. О елеосвященном помазании с молитвою священных в немощи отпущения ради грехов и здравия ради телеснаго. И аще грехи будет сотворил, отпустят ему.

8. О правоверии нашем. Ясно веруем, яко един Господь, едина вера, едино крещение, едины тайны тела и крове Христовы, един Бог и Отец всех, иже над всеми, и о всех, и во всех нас, и все предание церковное от Христа Бога и святых апостол Его нам преданное и святых вселенских соборов святых отец⁸⁶⁸.

9. Веруем и исповедуем пресвятую Богородицу Матерь Христа Бога нашего, пред рожеством Деву и в рожестве Деву и паки по рожестве Емануилове Деву, и по смерти живу и нетленна пребывает и прежь общаго воскресения взята с душею и телом на небеса; честнейшую херувим и славнейшую серафим, и яко та молится о нас Сыну своему и скорая помощница в бедах и скорбех и теплая заступница всем призывающим.

10. Веруем честному кресту Христову, почитаем и покланяемся, и целуем, и приемлем во освящение, яко на том непорочный Агнец Христос на жертву принесен и заклан и страсть и смерть нас ради прият; яко крестом вси дары Духа Святаго верным подаются. Крестом ад сокрушися и Адам оживлен бысть, и разрушися держава смерти; крестом рай затворенный отверзеся и вся вселенная освятися и прелесть упразднися⁸⁶⁹ и к Богу приведени Быша.

11. Веруем и исповедуем быти в пречистых тайнах истиннное тело и кровь Христову под виды хлеба и вина. И яко того властию Божества бывает при (об.) святой литоргии пременение существа в пресущественное таинство; и яко того ради приятия живет в нас Христос и мы в нем, яко о том сам Господь рек: ядый Мою плоть и пия Мою кровь во Мне пребывает и Аз в нем. – И мнози святии реша о том⁸⁷⁰.

12. Образу Христову покланяемся, яко самому Богу и евангелия святаго послушаем с верою, яко самого Христа Бога словесем и целуем любовию, яко истинную, правую премудрость Божию в нем верим быти; и пречистую маргариту (так) тело и крове приемлем, яко самого Христа с верою приемлем Оно бо приятое святое проходит во вся уды, и кости, и мозги наша во освящение и просвещение смиренной нашей души и телу в сохранение от всяких диявольских действ и во очищение от всяких нечистот, и в приложение божественныя благодати, и в присвоение Царства Небеснаго и в наследие живота вечнаго⁸⁷¹.

13. Образом пресвятыя Богородицы и святых аггелов небесных сил, яко слуг Божиих, и всех святых почитаем с верою и покланяемся, яко сия честь возходит на первообразнаго славу; и призываем, яко помощники, и хранители, и заступники сущая притекающим к ним с верою, понеже прияша дерзновение к Богу, яко угоднии раби Господеви своему.

14. Верую и почитаю мощи святых чюдотворцев святителей мученик преподобных, и покланяюся с верою, и любезно целую и почитаю, яко Духа Святаго жилище. И святая чюдотворныя образы почитаю, яко подавают исцеления душям и телом с верою приходящим, понеже Христа ради пострадаша и от Него прияша благодать. Благодать бо Божия погаными ниже всякою нечистотою не бывает осквернена, якоже имамы приклад о киоте Господнем, и гроб Господень, и риза Господня, или где есть мощи святых⁸⁷².

15. Верую и воскресению мертвых и жизни будущаго века по неложному словеси Господню, яко вернии избраннии благоугодивши Богу купно с телом прославитись имут славою подобно аггелом по реченому Господем: тогда праведницы просветятся, яко солнце в царствии Отца их. Сего ради помни смерть, суд, чай ответа и воздаяния по делом и веруй несумненно, яко будет и будет⁸⁷³.

16. Верую во едину святую соборную и апостольскую Церковь и все упование возлагаю на Главу ея единаго Христа Бога. Церковь же быти исповедую собрание верных православных християн, догматы учения содержащих, якоже святии апостоли предаша нам и соборы⁸⁷⁴ святых отец изъяснили и утвердили непреклонну и непоколебиму до скончания века. Аще и тварь изменится, верных же церкви и словеса и евангелие никогда же⁸⁷⁵.

(л. 7). 17. Верую и исповедую, яко едина есть святая соборная Апостольская церковь обручницею Христовою есть, якоже святый апостол Павел глаголет: обручих нас единому мужу деву чистую предстати Христови, и яко церковь есть дом отчий, едино тело и един дух. Златоуст (1695)⁸⁷⁶ паки: человек есть церковь духовная, ибо не стен ради Христос умре, но храмов ради сих.

18. Верую и исповедую святую церковь, собрание верных божиих человек во имя Господа нашего Исуса Христа, соединенных во исповедании правыя веры и апостольском учении во всем мире, якоже удов во едином теле Христове, под единою главою Господа нашего Исуса Христа, и святыя Христовы евангельския заповеди и тричастный крест Христов, еже есть на главе церкви и на престоле и на просфире, и за истинное сложение дву перст в знамении крестнаго воображения.

19. Верую и исповедую быть в святей церкви духовное правительство, священный чин и иноческий в епископах и презвитерах, приемших власть от Христа вязати и решити грехи именем Господним и прочая тайнодействия совершати и люди учити пути спасеному. И непорочный символ православный и трисвятую аггельскую песнь аллилуию, и святую божественную литоргию по старым служебником, и вся святыя православныя книги прежних царей, и всего християнскаго жительства и обычая хранители кроме всякия еретическия скверны и порока⁸⁷⁷.

20. Вси же еретицы и отступницы раскололюбныи сопротивно мыслящии святым всея вселенныя седьми собором и святыя соборныя церкви неприобщенны, да будут прокляти; отрицаю бо ся их и заповедей их и иже изволит с ними, и всего заповедания еретическаго отступаю всем сердцем и всею душею. И самосмышеннаго и суевернаго новопревращеннаго, безчиннаго, неправаго мудрования никако же ни приемлю, ни сам держу, ни иным сему не советую. Иже не крестит двема перстома, яко Христос, да будет проклят, и иже не исповедует безскверныя жертвы суща телеси Господа нашего Исуса Христа, да будет проклят; в неделю 1 поста евангелие⁸⁷⁸.

21. Со всяким достоверным свидетельством смотрению истинному последуем, ничтоже прилагаем, ничтоже не отъемлем, вся преданныя догматы святыя церкви невредно и непременно – чин и устав святых отец соблюдаем и сохраняем и веруем православно и благочестно держим евангельскую истину и апостольскую проповедь, и последуем непрелестным учителем церковным освященным отцем. А кто мнит нас зловерно или неправо, и тем буди Бог праведный судия, и с теми, иже клевещут на нас и облыгают напрасно ей-ей. Аминь.

1. От Новаго Завета. Благий человек от благаго сокровища сердца своего износит благое, и злый человек от злаго сокровища сердца своего износит злая⁸⁸⁰. Подобне: от овощия доброе или злое древо познано будет. Всяко же, нетворящее плода добра, посекается и во огнь вметается⁸⁸¹. Тако и от добрыя птицы добрыя песни и добрый плод, подобне злые птицы⁸⁸². Проста речем: зло есть яйце, не всяк-же познает его от скорлупы, но от того, еже под скорлупою, добре уразумеет⁸⁸³. Еще хощем мы разсмотрити на письме честность вашу.

2. О церкви Христове болезную душею и сердцем, о церковных догматех побораем, о благочестии ревностию разпаляем⁸⁸⁴, зане слышим и видим явно и неявленно бисеры церковныя от свиней попираемы⁸⁸⁵, и звезды небесныя хоботом змииным на землю отторгаемы⁸⁸⁶, и виноград, десницею Божиею насажденный, от дивиих вепрей озобанный и разхищаемый и попираемый от всех мимоходящих путем.

3. Еще же наипаче болезную душею и сердцем, еже присно ратуют и воюют на церковь Христову, и на священство, и на християн, воинство антихристово и разкололюбныи лжеучители и преблазнители⁸⁸⁷, якоже беззаконнии оныи старцы наводяще порок на целомудренную Сусанну и зело огорчавают, еще же и разстерзавают раздратели ризы Христовы церковное соединение и догматы правыя уничтожевают.

4. Ныне гордый Аман вознесся, Есфирь же со всем племенем своим смущается и бедствует⁸⁸⁸. Се есть церковь Христова бедствует и страждет от змия и от горькия воды его смертоносныя⁸⁸⁹. И по грехом нерадения нашего велик пламень злохитренных и многоглавных ересей разгореся. И от сего мнози легкомысленнии от правоверия в зловерие уклонишася⁸⁹⁰; нецыи и не ведят, в чем православнии от отступивших разствуют и сообщаются с ними во всем.

5. О сем молим и просим благородие и честность вашу, аще вы есте истиннии благочестию рачители, православию наставницы, веры Христовы учители и апостольским преданиям хранители (л. 8), богословцем поборники, непоколебимии защитники церкви Христовы и утвержение догматом, и просветители миру, и провозвестители пути спасеному, и учители, и пастыри овцам заблуждшим, волком отгнатели и ересей обличители и искоренители, о корабля церкви Христовы окормители и управители⁸⁹¹.

6. О познании благочестия правой веры и о церкви Христове, и колики тайн обретается, и которые догматы церковныя и святыни имеется в вас⁸⁹². И како мудрствуете о пречистых тайнах, и о священстве, и что есть християнин, и откуду верен⁸⁹³. И что еретицы и отступницы и раскололюбцы, и что есть ереси и раздоры, и что воинство антихристово, раззоряющее церковь Христову. О всем, подобно сему нашему извещению, объявите нам на письме во уверение.

7. Всех же молю, о, прелюбезнии мои, елико вас света чада и сынове евангелия Христова и святыя Церкви богособранная чета⁸⁹⁴ и вси благочестивии, кратце и братолюбне послушать молю и судите праведно, яко суд Божий есть⁸⁹⁵; и судите и разсуждайте посреди братом и пришельцем, посреди освященных и неосвященных и разсмотрите, кто вернии и лжеучители и кто тайные тати и волки⁸⁹⁶. Засим пойдем до вопросов.

Катихиза большаго глава 1. Понеже вся мудрость христианская всем предлежит, еже Господа Бога нам знати и самех себе, сего ради аз странный имени ради Христова многогрешный Ма. А.

Вопрос 1. Благородие и честность вашу уведать о чине вашем хощу. Повеждь ми о себе и покажи на письме, кто еси ты, откуду, от коей страны и коего града, коей обители, и какова чину – духовнаго или мирскаго, и како по чину себе именем нарицаеши.

Вопрос 2. Видим образ ваш христианскаго подобия и о чину твоем хощу уведати, наставник ли еси, или учитель, или духовник, или проповедник, которой веры и коего закона, коей церкви; кои догматы церковныя имееши. Повеждь и объяви на письме.

Вопрос 3. Где и от кого посвящен и каков чин имееши священнаго церковнаго предания: пастырь ли, или игумен, или строитель, или вождь, или страж, или наемник? Слышим мы, что ездишь ты, и учишь, и 2-е крестишь, и покаеваеши, и прощаеши, и разрешаеши, якоже и поп, и по всем градом и странам людей управляешь.

Вопрос 4. Духовныя дела творить, и мирян управлять, домы очищать, и крещать, и покаивать, прощать и разрешать от которых властей благословен или от своих большаков выбран? И коим чином наречен чтоб духовныя дела управлять и прекрещивать? И которая есть в вас святыня? Объяви на письме.

(об.) Вопрос 5. Есть-ли в собрании вашем святая Христова церковь, яко корабль и тихое пристанище? И кто большим во обители вашей в духовном чину епископ, или поп, или диакон, или инок, или чтец, или канархист, или певец, или пономарь, или уставщик, или трапезник, или будильщик, или просвирняк. Кто у вас церковныя тайны управляет и души освящает?

Вопрос 6. Зело хочется нам уведать, каков чин имеется о тебе и как себе нарицаеши: премудрый, или книжник, или философ, или софист, или ритор, или сказатель, или законоучитель, или книгоносец, или дипутат? Како нареку тя по чину вашему? Повеждь нам и яви на письме.

Вопрос 7. Знаем тя и видели тебя трижь, и чину своего нам не являеши, что ты есть в послушных своих, глава-ли у них, или око, или рука, или нога, или отец, или брат, или друг, или клеврет, или избранник, или раб, или послушник. Которым чином действуеши и домы их очищаеши?

Вопрос 8. И како тя нарицают послушницы твои, и кресники твои и которых исповедаешь: большаком ли или отцом, или крестителем, или духовником, или братом, или христианином? И что есть христианин? И како верен евангелию Христову и прочим святым книгам? Како в вере правой и в законе Христове стоишь? Яви нам и покажи на письме.

Вопрос 9. И аще ты есть у них истинный пастырь, или наставник, или учитель, или вождь, или светильник, или путеводец, или дверник, или ключарь, или купец, или гостинник, или делатель, или строитель, или страж, или пастух, или попрошайка? Которым чином действуеши святыя церковныи тайны чим освящаетеся.

Вопрос 10. Како нарицаешися по чину в действе у ряду своего и что в послушных своих являешися полководцем: воевода, или судия, или властитель, или чиститель, или отец братии, Богонудитель, миру молитвенник, подражатель Господень, апостольский подобник, или кормник, или чистая баня, или источник, или светильник, или послух истинный в покаянии пред праведным судиею? Коим чином прощаеши и разрешаеши? Яви нам.

Вопрос 11. Люди Божия учишь, от ереси обращаешь и прекрещеваешь, и неданный чин духовный восхищаешь коею властию? И кто ти повелел? Како сотворися верен? Кто тя верно сотвори? Кто-ли свята? Кто-ли тя благослови и учителя поставил? О сем яви нам и увери.

Вопрос 12. Мнози мнят веровать, но неправо, и мнози учители изыдоша в мир. И откуда имамы познати вас верны? Которым учителем и наставником последуеши. В которую обитель пришел еси и которым наставником прият? Которым чином справили тя и по коим правилом (л. 9) святых апостол и святых отец или по збывшимся образом? И которыя ереси проклинал? О сем яви: лено-ли быть духовному без духа и освящает ли ся от неосвященных.

Вопрос 13. Наш церковныи благочестивыи священныи чины и догматы Никон патриарх нарушил, крест Христов от Агнца разлучил, наставники и учители ваши, имущии образ благочестия, силы-же его отвергшеся, Бога исповедуют ведети, а делы отмещутся его. И о сем яви нам, почто пречистыя тайны и священства, хлеб богородичен, и доры, и просфиры, и святая вода, и прочих святынь не имеют. Кто их лишил таковыя благодати или кто ограбил? О сем яви нам⁹⁰⁰.

Вопрос 14. Он, Никон, патриарх поставлен своими Русскими митрополиты и епископы, всем священным собором в лето 7160-го июля 25, а в лето 7161 и 7162 изменил святый чин, и благолепоту святыя церкви ограбил, и книги пременил, и страхом и мучением народ устрашил и в новизну преклонил. Обительныя большаки и учители ваши⁹⁰¹, кои были в Новегороде, во Пскове, в Копорье, на Ухоре, в Хижах, на Дереве: Яков Сухий, Илья Яковлев, Родион Марков, Данило Аретемьев, Прохор Губатый, Иван Москвитин, Григорий Белохин, Терентий Михайлов, Алексей Славянин, Максим Андреев⁹⁰², от них возпрямигнул Феодосий Васильев главнейший учитель, Терентий Васильев, Иван Бедра и причие. Явите нам, едино-ли были в них мудрование и согласие со святою церковью⁹⁰³. Чесо ради они церковь духовную, души християнские ограбили и святых тайн и священства лишили. Яви нам.

Вопрос 15. Почто, о блазии, или что пострадаете? Остависте Христову овчарню Восточную святую церковь, в ней-же возсиявает и препочивает солнце правды Христос, отнюду же вселенную просвети⁹⁰⁴. Почто убо, двор сей добраго пастыря оставльше, в соборище неосвященных лжеучителей и преблазнителей самочинцов вскочисте? Кая знамения и кая чюдеса видесте? Которыя святыни от неосвященных получисте. Явите нам таковыя прелести.

Вопрос 16. Рцы нам, о раскололюбче, что убо видяше? От святых отец, и святых апостол, и от самого Спаса Христа пречистых тайн отбегосте, священнаго чина и матери своея любимыя святыя церкви отлучистеся и преблазнителем неосвященным поверили, кои по свиткам и цветником лицовым учили о кончине мира и о антихристе. И о сем явите нам, что во учении их не явилось-ли неправды или коея лжи.

Вопрос 17. Твердо-ли стоите и верите тайным татем и скрытым волком, которые похищают и украдают души християнския, убивают и уморяют вечною смертию удаления ради пречистых тайн и священства. И о сем явите нам, действенно-ли их прекрещеванье трепогруженных, и преж молитвы на крещении говорили, маслом помазовали, кадилом кадили, молебны, проводы, панихиды отпевали, вербу освящали, Христов день со кресты вкруг хижи ходили и на листу 8-цу (об.) корпели молитвы священническия, якоже поп читал, родильницам молитвы давал, домы очищал, попов старцов розстригал, браки разводил, женитву запрещал: не женись, замуж не ходи, на исповеди прощал и разрешал. И о сем явите нам, приято-ли церковию действо неосвященных, право-ли или ни, и есть-ли где поречено или ни.

Вопрос 18. Самочинцов самовластных, самозаконных, самолюбивых, сластолюбных, разскололюбных, любоначальных, тщеславных лжеучителей, богопротивных развратников и преблазнителей, священнаго чина попрателей, и разводителей, и розстригателей, тайных татей и сокровенных волков и хищников, и сводителей, и прекрещевателей, купно всех, и духовников, и большаков, и наставников, явите нам на письме: откуду они взялися, како вошли в собрание ваше, коими дверьми, кто благословил и поставил и духовное дело творить повелел, и которая есть в них святыня.

Вопрос 19. Уведомите нас и о сем: аще истиннии прежнии ваши пастыри и учители были в правоверии до Никонова отступленья или уже явилися по раздоре, и в которая лета собранье их: по святых-ли отец преданью? И которые святии отцы таким житием спасалися, чтобы попов и святынь церковных не было? И коей ради вины не имеете ныне у себе церковные святыня? Откуду явилися верны по делам вашим? Како нарицается и почему християне? И которые были преж таковым житием. Явите нам.

Вопрос 20. От нарушения и применения Никоном веры святых и церковных догматов есть-ли которая святыня в церкви от святых икон и от чюдотворных мощей? Всю-ли видимую церковь нарушил и ограбил и во всей-ли России святую церковь и веру истребил⁹⁰⁵? Есть-ли где, кроме вас у верных християн глава церкви Христос и пречистыя тайны, и священство и прочия тайны и святыня или ни? Како-ж вы нарицаетесь верныи Христу и како в вас нецыи блядут: нет на земли не священства, ни приношения Христовых тайн? И о сем явите нам от святых писаний⁹⁰⁶. Како отсечеся своего тела глава Христос? Како отженеся своея церкви Христос, за нюже на кресте умре? Како отлучися жених любимоя своея невесты? Где-же залетела и гонимая его невеста святая церковь? В коей стране обитает?

И аще нам дашь добре ведати о сих 20 вопросах, явиши на письме, то мы будем с тобою беседовать и вопрошать о вере святыя, о церкви, о догматох, о учителях ваших и о согласии со святыми отцы.

Глава 1. Святый апостол Петр: готови будете ко ответу против всякому вопрошающему от вас слова о вашем уповании; не иереом точию, но и простым сия завещано есть. О сем Златоуст пишет. Книга о священстве, глава 6, лист 102.

(л. 10) Беседа 1. О познании святыя веры и церкви. Велика есть нужда нам вопрошать и уведати в вас о вере святой и о церкви Христове, о пречистых тайнах и о священстве и о прочих догматох церковных⁹⁰⁷; и о законе самочинных и неосвященных учителей, како мудрствуют и согласуют со святою церковию и со святыми отцы и богословцы, учители церковными⁹⁰⁸. И аще вопрошу тя, коея еси веры, и что речеши о сем? Яви и напиши, чтоб ведомо прочим от святых писаний.

Вопрос 1. Глава 1. Что есть вера? Что есть предание веры? Колико есть веры предание? Что есть догматы веры и предание веры? Обае сие едино ли есть и обретаетлися ныне в собрании вашем? Яви нам от святых писаний⁹⁰⁹.

Глава 2. Вера правая откуду есть? Чесо ради нарицаем православную веру християнскую и како в ней верну подобает быть⁹¹⁰? Свят и верен почто нарицаешися? Кто тебе сотвори свята? Кто ли верна? Кто ли Сына Божия? Чим приобщился еси Христу? Чим освятился? Которую имееши святыню и чим и от кого просветился⁹¹¹? Чему верен и кое святое Писание утверждает веру вашу? Яви нам о сем. Вера без дел мертва есть, глаголет апостол Ияков.

Глава 3. Благородие ваше просим, явите нам, аще истиннии и правовернии учители, и апостольским преданием хранители, и церкви Христовы защитники, и богословцем поборницы, тую ли веру святых отец имеете, о которой пишет Евангелие Толковое лист 44 и апостол⁹¹² ко Ефесеем глава 4, в Книги о Вере лист 8, Книга Кирилла лист 30, Катихис большой глава 4, Катихис Малый. Явите нам не на словах, но на писании и на деле, тое ли святую веру и предание держат непременно и церковные тайны учители ваши.

Глава 4. Веру православную, святое крещение епископы и иереи, иноки, и книги, и весь чин церковный, в Россию от Царя-Града прият князь Владимер, и о том свидетельствует книга Кормчая лист 9⁹¹³ и степень 1, глава 33, лист 36⁹¹⁴, и Книга о Вере; и содержали в России 7-сот лет, до лет Никона патриарха, яко солнце сияло. И о сем явите нам: право ли содержали или ни? И которое благочестие ныне обретается у вас? Которые тайны? И где священный и иноческий чин и церковныи догматы? Кто у вас порушил? Како не стало? Кто ограбил? Почем познати вас верных?

Глава 5. Господь Господем есть и царь царем и сущии с ним звании и избрании и вернии Господь в Церкви святей своей. Егда при царе Иване Васильевиче и при митрополите Макарии собор был на Москве⁹¹⁵, чин и устав и предание святыя церкви утвердиша. Право ли то (об.) содержали⁹¹⁶ 5 патриархов, до Никона патриарха, до лета 7162-го, от тех лет нарушил и пременил веру и предание церковное, святых отец чин и устав. И о сем явите нам: всю ли святую веру нарушил в России и церкви верных христиан ограбил? И есть ли где у христиан благочестие или точию у вас мало осталося⁹¹⁷.

Глава 6. Во святой соборной церкви в России прежь 7 тайн церковных: святое крещение, миропомазание, пречистыя тайны тело и кровь Христова, и священство, покаяние, и брак законных, и елеосвященное помазание. Сущия ли святыя тайны и вся ли православно действуеми по старым книгам⁹¹⁸? Аще ли и ныне есть где совершаются, верны ли вы о сем. Сих тайн аще кто и по чину святой соборной апостольской церкви не употребляет, но пренебрегает я, той без них, яко без известных посредств, онаго крайняго блаженства сподобитися не может⁹¹⁹. Како ныне у вас совершаются тайны сия⁹²⁰? Аще ли вы верны, явите нам. И како у вас не стало священства? Како та свеща неугасимая угасла? Како солнце светлое закатилось? Явите нам.

Глава 7. О крещении и о прочих тайнах. Бог вседержитель, не хотя презреть создания рук своих, еже по образу и по подобию сотвори, даде созданию своему вторым рождеством святым крещением родитись и питатись, пищею и питием новым, телом и кровию своею святою, преложенною в брашно хлеба и вина, и устави священство и прочии тайны⁹²¹. И якоже Сам не умирает, тако и иерейство Его по чину Мелхиседекову не престает⁹²². Книга о 7 тайнах: Священство есть яко душа в теле, и яко солнце есть по всей земли⁹²³. И о сем явите, о великих тайнах сих. Како без крещения, и без причащения, и без священства? Мочно ли сподобитись кроме сих живота вечнаго? От кого имате получить? Како у вас не стало? Кто вас ограбил?.

Глава 8. Бог есть Творец и Отец всем. Мати есть наша святая Церковь. Та родит сыны своя святым крещением и сосцами своими питает нелестным млеком – словом Божиим, ветхим заветом и новым законом, евангелием и апостольскою проповедью, и пречистыми Христовы плоти и крови тайнами животворит, и грехи очищает, и живот вечный дарует, яко без причастия истинныя святыни спастися невозможно⁹²⁴. И о сем, аще есть верныи отцу чада и матери своей, како от нея родившеся и воспитавшеся, и како верны в дому своем бысте, како отца своего и матери разлучистеся, како и когда не стало их у вас⁹²⁵? Помнят родители своя любезныя чада. Колико есть богатства осталося отца у матери вашей? И чим вас, чад своих, наделил и кто вас лишил?

Глава 9. Какова и колика бе церковь в первобытии верны, в лета апостольския, и потом в лютая и гони(л. 11)тельная времена⁹²⁶? Како прежнии християне церковный священный чин хранили и святыя тайны Христовы имели при себе и без того не умирали. И о сем явите, где у них святии церкви были? Како священной чин ставили? Како они служили? Како крестились? Како святыя тайны хранили? Како тайн церковных не отлучались покаяния, и браку, и прочих святынь доры просфир? Како вы нарицаетесь верныи избранники? Како евангелию Христову верны⁹²⁷? Како святым тайнам, и священству, и церкви Христове быть ли до скончания века или ни? И о сем покажи от святаго писания.

Глава 10. Откуду имам познати в вас истинную Христову веру и святую соборную церковь? И како вас неосвященных самочинных⁹²⁸ учителей, верных в таковом подобенстве мешании и по чину вашем и по делом⁹²⁹? Имеетлися в вас святая Христова церковь, мати любимая, пристанище тихое? От кого родится водою и духом? Откуду напитатись имам пищею, чтоб душа была во-веки, якоже Христос Спаситель рече⁹³⁰? Кто в вас благословляет, и прощает, и разрешает? И освящаютлися благодатию Святаго Духа от неосвященных самочинцов⁹³¹, которыи творят новопросвещенна и непросвещенна, божественна и безбожна? Друзии же глаголют еретическое крещение несть крещение, но паче осквернение. Где же истинное? Явите нам.

Глава 11. Откуду и како познати истинную Христову церковь в таковом подобенстве мешаний, а церковь собрание верных, не стены и покров, но вера и житие⁹³², ибо в церквах християнских два святыя места во олтари имать жертвенник и престол на приношение и освящение⁹³³ ибо и еретицы в раззодрании подобна церквы имут и священный чин: епископы, и попы и прочие клирики, и крещение у них и святыни, но неправо суть. Какожь можем познать в вас, нарицаетесь вернии, Христову церковь? В коих вещех состоится и содержится⁹³⁴? Како в ней и в коем чину стоишь, и которые тайны содержишь, и которая есть святыня церковная и чим освящается?

Глава 12. Како исповедуете символ православный во единую святую соборную апостольскую церковь и которые тайны церковныя содержите, и духовный чин и благолепоту церковную⁹³⁵? Что есть основание церкви? Чювственное ли или духовное, и колико крепка есть? Что есть церкви утверждение и украшение⁹³⁶? И что ино украшает поднебесную, солнце или чин церковный? Той бо содержит небесная и земная. Которое основание имать и утверждение и украшение⁹³⁷ неосвященная и самочинная разкололюбчивая ваша сонмища? И было ли до пременениа веры таковый чин и закон или ни?

Глава 13. Который духовный чин священный почитаете и тайны церковныя употребляете, и благолепоту церковную, святыя книги, устав и службу у себя содержите⁹³⁸? По Никоновом возмущении и по развращении и пременении веры не пременено ли что в церкви вашей? Како исповедуете и которые догматы во освящение и во оправдание пред Богом коварная ваша сонмища имеет⁹³⁹? Како и чим освящается? (об.) Которой святыни сподобляетесь, чим обновляетесь, от ереси очищаетеся⁹⁴⁰? Почто пречистыя тайны священства, доры, хлеба богородична просфир и святыя воды и прочия святыне не имеют⁹⁴¹? Чесо ради они самограбители ваши учители церковь духовную души христианския ограбили и святынь лишили?

Глава 14. Есть ли во уверение вам сие, что церковь есть образ небесна и земна⁹⁴²: якоже суть на небеси аггельских 9 чинов, по 3 чина содержит, первый лик серафимы, херувимы, престолы, 2 лик господства, силы, власти, 3 лик начальства, архаггели, аггели; сице в церкви состоится, земная по небесному: 1 чин в церкви патриархи, митрополити, епископи, 2 чин священноиереи, диякони, и поддиякони, и певцы, 3 чин священноигумены, черноризцы, благочестивии християне. И человек есть вторый малый свет. Горня часть небом, долняя-ж есть земля⁹⁴³. И свет и тьма, небо и земля, аггел и зверь, и жив и мертв.

Глава 15. Во обители собрания вашего на Лыбовке церковь устроена самочинцом учителем вашим Феодосием кое приуподобление имела и что в ней было священных чинов⁹⁴⁴? Небесное ли, духовное или земное? Видима ограждена стенами, якоже церковь, был ли алтарь, и святый престол, и трапеза и предложение хлебов, святое тело и кровь Христова во оправдание,⁹⁴⁵ службы? Кто были священнаго чина служители? Было ли в служении их которая церковная святыня дора хлеб Бога, просвира, на ней истинный крест Христов? Где и како его почитаете и когда употребляете? И вода святая и прочия тайны кто освещал у вас и кто избранников ваших души освящал и исповедал, и прощал, и разрешал, и погребал, и служил молебны, и вербу освящал, и со кресты ходил, и на листу корпел и молитвы священныи говорил, якоже и поп⁹⁴⁶, по святых ли отец преданию и по чину?

Глава 16. О сени и скинии Моисеове в древнем законе⁹⁴⁷. Бог повеле Моисею пророку да сотворит ему храм свидения. Виждь, рече: да сотворишь по образу, показанному ти на горе Синайской⁹⁴⁸. Скиния бо сооружена бысть на 3 пределы, в долготу локоть 30, ширину 10, и сотвори в нем олтарь⁹⁴⁹, и светильники, и кадильницу, и трапезу для положения хлебов, и ризы Ааронови и Левитом, и всякое украшение дому Господню⁹⁵⁰: завесы и херувимы швеныи и от злата чиста и сребра и повеле внести кивот завета Господня под крыле херувимов во святое святых⁹⁵¹, в немже стамна злата имущь манну и жезл Ааронов позябший и скрижали завета⁹⁵². И пред очима всех людей прием Моисей кровь козлию и тельчию и покропи весь храм, и олтарь, и Аарона на священство брата своего⁹⁵³; також и сыны его облече в ризы и помаза, якоже отца им, и да жрут жертву мирну жреческу ввек в род их. И сотвори Моисей тако (л. 12). Зри, разкололюбивый развратниче, аще в ветсем завете никтоже дерзну неосвящен строити тайны, множае паче у нас ныне в благодати недостоин дерзати неосвященным⁹⁵⁴. Тогда-ж при Моисеи дерзнуша Коррей Дафан и Авирон кадить неосвященнии чином, и разгневася на них Господь, и погибоша с ними 14000 и 700, иже живы земли пожре, и спидоша во ад⁹⁵⁵.

Глава 17. Есть ли боголюбна и верна душа святым пророком, которыи Духом Святым о святей церкви, о величестве и славе ея прозреша. Святый пророк царь Давид о церкви рече: Господи, возлюбих благолепие дому Твоего и место селения славы Твоея! Свята церкви Твоя и дивна в правду и паки, Господь, в церкви святей Своей⁹⁵⁶. О которой церкви пророк глаголет свята и дивна? О сени ли ветхаго закона или что в новой благодати? Духовна ли видимая, что глаголет: и да созиждутся стены Иерусалимския⁹⁵⁷? Котораго Иерусалима? И что стены? И что возложат на олтарь Твой тельца? О сем разсмотрите и во уверение явите всем верным.

Глава 18. О коей церкви, духовной, или видимой, или о души, глаголет премудрый Соломон⁹⁵⁸: едина еси голубица моя, совершенная моя еси; и вожжделеет Царь Небесный доброты твоея. Се еси добра ближняя моя, и порока несть в тебе⁹⁵⁹? И что есть в толковании? Коя есть едина голубица добра и совершенна? Церковь ли Христову рече Духа Святаго даром преукрашенна пречистым телом и крове Христовы тайнами освящена? Есть ли где голубица она ныне преукрашена и преудобрена, и где она обретается⁹⁶⁰?

Глава 19. О которой духом провиде премудрый Соломон и рече: премудрость созда себе храм и утверди 7 столп⁹⁶¹, закла своя жертвенная и черпав чаши своей вино и уготова свою трапезу⁹⁶², и посла своя рабы созывающи с высоким проповеданием глаголющи, иже есть безумен, да уклонится ко мне и прочее. Зде явите, о котором храме премудрость глаголет. Что премудрость? Что храм? Что 7 столп? Что черпание и жертвенная? И что послание рабов? Объявите, когда создан той храм, колико нерушим стоял? Кто ли его разрушил? Или еще обретается где цел или ни⁹⁶³? Были ли вы в том храме или ни?

Глава 20. О котором святый пророк Исаии рече основании⁹⁶⁴: Се аз вложю во основанье Сионе камень многоценен, краеуголен, избран, честен, и веруяй в он не постыдится. Святый пророк Захария рече⁹⁶⁵: зане камень, иже дах пред лицем Исуса и на камени едином 7 очес суть, на камени едином Агнца Божия посреди престола 7 очес⁹⁶⁶. (об.). Зде явите, аще верны есте пророком Исаии и Захарии, что знаменует Сион? Что камень многоценен, имеяй 7 очес, о немже святый Петр Сей бысть, рече: во главу углу, камень претыкания и камень соблазны противящимся⁹⁶⁷. И где имеется той камень многоценный ныне? Повеждь нам, в котором Сионе.

Глава 21. Святый Захарий пророк виде се светильник злат весь, и 7 светильник верху его, и 7 ячаиц светильником его. Свещник злат знаменует святую церковь 7 соборов святых отец 7 святильник, и 7 ячаиц 7 тайн церковных⁹⁶⁸. И аще верны есте видению его, где обретается ныне той златый светильник? Еще ли светит светлыми светильниками? Не вся ли излияшася ячаицы его? И обретают ли ся в вашем собрании, колико число⁹⁶⁹.

Глава 22. Святый пророк Ездра умиленными словесы плачася глаголаше в Вышнему⁹⁷⁰: О, Владыко Господи, от всех дубрав земских и от всех древес избрал еси виноград един, от всех земель избрал еси себе удолие едино и от всех цветов сельных избрал крин един, от всех бездн морских избрал един себе источник, от всех градов и созиданий освятил еси Сион, от всех сотворенных именовал еси себе едину голубицу и от всех скотов провиде едину кроткую овцу; от всех умноженных людей на земли избрал люди едины, от всех един искушенный закон заповедал им! И ныне, Господи, вскую предал еси един многим и уготовал еси на един корень многи ины, и разточил един виноград во мнозех, и потоптал его. И о сем яви нам⁹⁷¹: о которых пророк Ездра выше означенных дубрав, и древес, и виноград Господа молил. Еще ли Сион сияет? Еще ли виноград и крин цветут? Еще ли голубица летает? И еще ли овца от волков цела есть? Еще ли не изгнил един корень той, и которых единых себе оставил верных, и где обретаются⁹⁷²?

Глава 23. Благовестник евангелие от Матфея зачало 67. Рече Господь: ты еси Петр и на сем камени созижду церковь Мою и врата адова не удолют ей, дам ти ключ от царства небеснаго⁹⁷³. И воскресении Господь явися учеником своим, даде им власть разрешати и отпущати грехи. Приимите, рече, Дух Свят, имже отпустите грехи, отпустятся им⁹⁷⁴. Обношаше-же сей ключ не един Петр, но и вси апостоли и по них наместницы и возприемницы престолом их, святители и епископи⁹⁷⁵. Паки-ж сия оставиша и предаша со возложением рук презвитером и всему священному чину. И таковый ключ даже до скончания века не отимется от них. Есть ли от Бога власть и повеление неосвященным? Имеют ли ключ царства небеснаго? Действует ли благодать самочинцам⁹⁷⁶? Како и коль крепка церковь ваша? Которое есть освящение от неосвященных и кая польза в которых тайнах?

(л. 13). Глава 24. Како веруете Сыну Божию и как послушаете святаго евангелия и веруете ли словесем Христовым, еже глаголет⁹⁷⁷: Аз есмь свет миру. Аз есмь пастырь добрый и знаю Моя, и знают Мя Моя. Аз есмь истина и живот. Аз есмь дверь, Мною аще кто внидет, спасется. Аз есмь хлеб животный. Аз есмь лоза, вы-же рождие. Аз есмь путь истинный: ходяй по мне, не имать ходити во тьме⁹⁷⁸. Той рече: Аминь, аминь глаголю тебе, аще кто не родится водою и духом, не может внити в царство небесное; и се Аз есмь с вами до скончания века. Аминь. Како словеса Христова исполняются в вас делом и коим чином? Которыи тайны имеются? Есть ли лепо быть духовному без Духа? Причащают ли ся Духа нечествуяй Духа? Освящают ли ся от неосвященных благодатию Духа⁹⁷⁹?

Глава 25. О Тайной Вечери Господни. Како послушаете сладкаго гласа Сына Божия? Како веруете еже рече учеником своим на тайной вечери⁹⁸⁰: Приимете, ядите: се есть тело Мое. И приим чашу, благодарив, рече: Пиите от нея вси: се есть кровь моя новаго завета за многи изливаемая во оставление грехов и в жизнь вечную. И паки⁹⁸¹: ядый Мою плоть и пияй Мою кровь во Мне пребывает, и Аз в нем. А аще не снесте плоти Сына Человеческаго и не пиете крове Его, живота не имате в себе⁹⁸². Зде явите во уверение всем: како исповедуете о страшной тайне сей Господни, о пречистых тайнах? Како верны? Обретает ли ся ныне на земли? Како кто получит имать живота вечнаго без святыни⁹⁸³?

Глава 26. Како евангелию Сына Божия верны? Како послушаете притчи сея⁹⁸⁴: уподобися царство небесное человеку царю, иже сотвори брак сыну своему. Толкование. Человек-царь – Бог-Отец, жених-сын – Слово Его, невеста – церковь⁹⁸⁵. Мы людие христоименитии – брак нареченный божественныи тайны, ядомыя во святей души и причастницы божественному естеству⁹⁸⁶. Кая есть невеста церковь Божия, еже быти сыны и дщеря и еже люди его быти, еже Бога и Отца того стяжати и заповеди Его творити⁹⁸⁷? Званы ли есте на честный брак той? Еще ли брак той есть, и жених, и невеста, и божественныи тайны⁹⁸⁸. Есть ли ядомы во святей души или ни? И како отлучитися жених от любимыя невесты своея?

Глава 27. Которыи послушают звания на вечерю Господню, еже рече Господь⁹⁸⁹: Человек некий сотвори вечерю велию и зва многи, и посла раба своего в год вечери рещи званным: грядите, яко уже готова суть вся. И начаша вси отрицатися: 1 – супруг волов купил пять, 2 – село купих, 3 – жену поях, и не могу приити. Мнози убо звании, мали-же избрании⁹⁹⁰. И аще еси избранний званный, еще ли есть вечеря оная и веселие? И в котором дому⁹⁹¹? Которыми же наполнися дом твой? (об.). Бывал ли кто из вашея сонмицы, хотя един, на вечери той, и которыи сладости на той вечери насладися или ни? Явите нам известно.

Глава 28. Во откровении святый апостол Иоанн Богослов (Апокалипсис, глава 12): знамение велие явися на небеси, рече: жена, облеченна в солнцы, и луна под ногама ея, и венец на главе ея от 12 звезд⁹⁹², и во чреве имущи хотящи родити⁹⁹³. Жена, облеченная в солнце – церковь Христова, одеянна вечною светлостию Христовою⁹⁹⁴; елицы во Христа креститеся, во Христа облекостеся. Луна под ногама ея – се знали, яко всех еретиков, отменных в вере, потоптала под нози свои⁹⁹⁵, а венец от 12 звезд – знали апостольское учения, светлыя правды догматы, яко луча звездныи сияют в церкви Христове даже до днесь. И о сем знамении яви нам⁹⁹⁶. Коим светом облеченна церковь вашея коварныя сонмицы? Коими звездами сияет и коим чином раждает? Како во вторый самочинцы прекрещивают? Коими крылами воздымается от воды горькия аду змиева⁹⁹⁷? В кою пустыню или в лес бездушный отлетела от вас? И како и когда не стало ея у вас? И колико дней уже там питается? В коем граде убиты ложные пророки ваши Илия, и Енох, Иринья Рушенка, который учил народ по свиткам лицовым⁹⁹⁸.

Глава 29. О богоизбранный сосуд Христов, проповедник великий апостол Павел, вселенныя учитель и богогласная свирель, повеждь нам и объяви, что есть церковь Божия⁹⁹⁹. (Бесед апостольских лист 1695). Церковь есть дом отчий, едино тело и един дух, яко же бо тело и глава един есть человек, тако церковь Исуса Христа едино быти глаголет¹⁰⁰⁰. В которых догматох состоится дом вашея развращенныя, неосвященныя, коварныя сонмицы¹⁰⁰¹? Чрез которыя тайны приобщаетеся главе Христу? Како верны? Како святы? Кто освятил? Когда были верны? Который чин священный был у вас? Которыми церковными тайнами действовал? Кто перекрещавает, и исповедает, и прощает и разрешает неданным чином, якоже люторцы, и донатисты, и месалияне¹⁰⁰²? Когда отсечеся глава от тела вашего? И како свалися венец со главы украшенный 12 звездами? И како отлучися жених невесты ваших душ непросвещенных?

Глава 30. Мнози учители им же учители глаголют: человек есть церковь. Человек церковь духовная есть, глаголет Златоуст (Беседы)¹⁰⁰³, ибо не стен ради Христос умре на кресте, но храмов ради сих, кольми паче храм духовный, ибо человек от церкви есть честнейши¹⁰⁰⁴, церковь бо ничто же ино есть, разве душами нашими, созданный ему дом¹⁰⁰⁵. Человек паче всех видимых честнейши есть, над человека ничто же от видимых равно есть у Бога, небо и землю (л. 14) оного ради сотворил есть, и в нем пребывая паче веселится, нежели на небеси¹⁰⁰⁶. Господь глава церкви, и, яко уды, есмы тело Его от плоти Его и от костей Его¹⁰⁰⁷. Что есть от плоти Его, сиречь святых тайн причастницы¹⁰⁰⁸? И сем зде явите нам: како есте Христу дети и тело? Како от плоти Его и от костей Его? Како причастницы бысте Ему, понеже дети приобщишася плоти и крови , и Той подобне приобщишася тем¹⁰⁰⁹. Словом исповедуете, а делом отметаетеся, якоже и прочии отступницы¹⁰¹⁰.

Глава 31. Богогласный проповедник, вселенныя учтитель апостол Павел 1 Коринфянам глаголет¹⁰¹¹: «Елижды аще ясте хлеб сей и чашу сию пиете, смерть Господню возвещаете, дóндеже приидет». Зрите, о суемудренницы, разум и предание самовидца самого слова Божия¹⁰¹²! Како глаголет божественный апостол быти сей тайне совершаемой на вспоминание смерти Христовой и в получение живота вечнаго, дóндеже второе пришествие Христово будет и додеже церковь воюющая на земли обретатись имать безкровна жертва в приношении совершатись в ней станет, понеже без сея святыя божественныя тайны не может никто вечнаго живота доступити и спасение со святыми получити, или христианином истинным именоватися и церкви Христовой сыном быти, точие развее еретиком и прочее¹⁰¹³.

Глава 32. О церкви Христовой¹⁰¹⁴. Благовестник евангелие от Луки зачало 107 являет, яко церковь честнейшу имать паче всех тварей, ибо аще и тварь изменится, верных же церкви и словеса ея и Евангелие никогда же¹⁰¹⁵. Уне бо, рече, небу и солнцу изменится, нежели церковным правилам в чесом изменитися. Зде явите зломудренное мудрование свое и о прочих отступницех, что новолюбные власти церковь видимую и преданье святых отец нарушили, веру и книги изменили. Кое же святыя церкви предание, чин и устав содержит ваша сонмица и которая есть в неосвященных самогубительных святыня? Которая же у вас прежь была и что пременили, и чим кто вас ограбил?

Глава 33. Рай другий есть церковь Христова, яко древо, имущи крест Господень, из негоже безсмертию причастихомся¹⁰¹⁶. Село церковь имея, раю подобно есть Божиему, тамо древо животное, тамо древеса многоплодныя, тамо различнии цветы процветают¹⁰¹⁷. Идеже почитаем есть Бог, ничтоже есть тамо лукаво¹⁰¹⁸, а идеже не почитается, ничтоже есть тамо благо и здраво. Что есть в собрании вашем самочинном, неосвященном, благо, и свято, и здраво¹⁰¹⁹? Имеет ли ся церковь раю подобна и древо животное? Почитается ли Бог в пречистых тайнах или крест честный, имже вся дары освящаются? И процветают ли цвети различнии, сие есть коя церковная святыня¹⁰²⁰?

(об.). Глава 34¹⁰²¹. Церковь есть земное небо, в нейже аггели невидимо славят Бога с человеки¹⁰²², воображена самым Господем нашим Исусом Христом, апостолы основана, мучениками совершенна, святители украшена, преподобными утверждена, кровию и водою Христовою и Духом Святым освящена очищена и просвещенна, в нейже едина вера, един Бог, едино крещение, едины святыя тайны. Что есть земное небо? Есть ли в собрании вашем и где аггели с человеки славят купно Бога¹⁰²³? Почитают ли ся священный чин епископы, яко самого Христа, попы-же, яко сопрестольники и супруги апостолом¹⁰²⁴? Коих благ и святынь преисполнена? Коими чины украшена? Кто пострадал и мучен за Христа и кровию украсил, и коими преподобными утвержена? С которыми отцы догматами согласуетесь?

Глава 35. Разумеем и мы, братие, яко корабль есть церковь Христова, в мире жития обретаема есть имеющи плавателя освященных и верных, иже присно имеют Христа суща с ними. И мнози врази нападают, хотяще ю разбити, но Христос помогает верным своим¹⁰²⁵. Зде разсмотрите и явите нам, имеется ли в вас корабль той богатый и сплавательно священный и верный¹⁰²⁶? Есть ли с ними Христос и в коем пристанищи стоит оный корабль? И которыи противнии врази нападают нань, хотящие разбити? Не попирают ли разкололюбнии благочестивое предание, веру и церковные догматы, которые есть у вас? Не окрадают ли души ваши, аки ехиднино рождение?

Глава 36. Беседы апостольския и Маргатит: о церкви Христове Святый Златоуст глаголет¹⁰²⁷. Церковь есть дом отчий, едино тело и един дух, еяже гору наричет непревратное, камень нетленное¹⁰²⁸; царицу наричет сродное Богу, дщерь многоплодное, и тмами имен наричет ея. Церковь Христов выну пребывает¹⁰²⁹, церковь небес вышше есть¹⁰³⁰, земли ширшии есть, камении твердейши есть, и врата адова не удолеют ей, и церкви имя согласие и соединение есть¹⁰³¹. И како разумеется церковь в собрании вашем? Непорушима быть до скончания века, видима ли или духовна¹⁰³²? На твердом ли камени основана и непревратна? И коими вещьми состоится? Что есть утвержение и украшение, и который чин содержит?

Глава 37. Вельми бо церковь Богу возлюблена есть, не сия, иже суть стенами ограждена, но сия, иже верою ограждена¹⁰³³. Церковь не стены и покров, но вера и житие. Церкви ничто же равно есть, никогда же стареет, но присно юнеется. Церковь бо паче небеси вкоренилась есть, небес вышши есть, земли ширши есть, паче аггел честнейши и паче всея твари дрожайшии есть. (л. 15). Благородие ваше¹⁰³⁴, аще верныи избраннии и боголюбимыи нарицаетесь и церковию, и о сем явите: коими стенами или коею верою ограждена? Коим чином или святынею сияет? Како она юнеется или стареет? Которую святыню имеет и кои догматы церковныи есть в ней ненарушены?

Глава 38. Кая польза есть поучатись о церкви, книга о Вере учит¹⁰³⁵, ибо кто ея не познает, како в ней, и при ней не пребудет и в ней не обрящется, той и вечнаго онаго блаженства по временном сем житии вечнаго живота наследить не может. Святый Кирилл Александрийский¹⁰³⁶: иже церкви Божия причастия святых Христовых тайн удаляют, врази Божии бывают бесом друзи. И о сем явите¹⁰³⁷: како познание о церкви имеете, како в ней и при ней, и коим чином являетесь? Которых тайн причащаетесь? Коим чином прекрещеваетесь? Како самочинцы продерзовают и прекрещавают, и покаяние совершают, и прощают, и разрешают? Како дойти имут вечнаго живота? Коим путем шествуют?

Глава 39. Коей ради пользы о святей церкви извещаем и уверяем? Сея ради¹⁰³⁸: яко да известно ведуще ю в ней и пребываем и спасени будем, зане, кроме церкви Божия, нигде же несть спасения, якоже бо при потопе, елицыи с Ноем в ковчезе не бяху, истопоша, тако и в день судный вси, иже ныне в церкви святей не будут, тии в езеро огненное ввержени будут, церковь же свою сам Христос спасает. Христос есть глава телу церкви¹⁰³⁹. Се убо, иже не пребывает в сей соборной церкви, тех Христос не спасает и Духа Святаго сицевии не имут. И о сем многих слышим от самочинных понурцов ваших, которыи чтут и сами себе церковию называют, и на святую церковь, и на пречистыя тайны, и на священство в хулении со отступники равно полагают, яко и слуху человеческому не вместимо¹⁰⁴⁰. Что же церковь есть вашего собрания? О сем явите и напишите.

Глава 40. В символе веры соборныя стих 9 исповедуем: во едину святую соборную апостольскую церковь. Что есть церковь соборная? Церковь собрание верных, се 1 учит¹⁰⁴¹; второе, яко святая церковь ни единаго от человек имать нарицания себе кроме Христа, который честь своею искупил и вечно себе обручил, и един главою есть, яко приснаго тела Его; и 7 тайн и 9 заповедей церкви предано. Зде яви, како исповедуеши святую церковь соборную апостольскую, аще еси верен? В правду ли исповедуеши? Которые тайны употребляеши¹⁰⁴²? Который чин церковный и догматы содержиши? Которыи заповеди церковныи храниши? Которыми утвержаеши и души спасаеши и украшаеши послушных своих?

(об.). Глава 41. О пречистом теле и крови Христове и о священстве како верны? Святых апостол и святых отец писанием хотим от вас уведати. Бесед апостольских¹⁰⁴³, книга Кирилла 193, книги Веры, лист 45 и 51. Ефрем, лист 320, Катихис Большой глава 85 и Малый. Во всех сих пишут до скончания века¹⁰⁴⁴. За сим свое мудрование явите тако же от святых писаний: будет ли до скончания века или ни? И откуду прииде безверие сие в вас? И глаголют, уже ныне несть приношенья истиннаго, и священства, и церкви, и вера пала, и весьма надстоять безверны. Иже аще кто не исповедует безскверныя жертвы суща телеси Господа нашего Исуса Христа, да будет проклят¹⁰⁴⁵.

Глава 42. Егда в Российском царстве совершали святую литоргию на 7 просфирах до отступленья Никона, служа по старым служебникам, на просфирах был крест Христов истинный. Совершенно ли было то самое тело и кровь Христова в виде хлеба и вина или ни¹⁰⁴⁶, и бывал ли кто прежних или нынешних лжеучителей святых тайн Христовых причастен? Хотя един пострадал ли из вашей спиры за церковныи тайны и за прочие догматы или за крест Христов, хотя един учитель? И о коих рече пророк Исаия¹⁰⁴⁷: людие сии устами чтут мя, сердце же их далече отстоит от Мене. Апостол к Титу, зачало 302.

Глава 43. О великой тайне сей, о теле и крови Христове и о священстве самым Господем преданной и действуемой правоверными священноиереями в нынешнии времена по отступлении Никона патриарха и нарушении святой веры и пременении книг, како исповедуеши? Есть ли где у правоверных християн святыня церкви, и действа святыя литургии, и пречистыи тайны Христовы, и священство, и иночество, и дора, и просфира и хлеб Богородицын, и вода святая и прочая служба церковная и будет ли в них до скончания века? Також явите и о себе, от коего времени священства и святыни пречистых тайн Христовых у вас не стало? И кто у вас пременил и святыни лишил? И како Бога исповедуют ведати, а делом отмещутся Его? Яви нам.

Глава 44. Егда обрящется ныне в которой стране благочестивый иерей, во святыя церкви отслужит святую литоргию на 7 просфирах, на них честный крест Христов тричастный воображен, и по старым служебникам, будет ли пречистое тело и кровь Христова или ни? Будете ли верны о сем или ни, и которое о сем неверие вам, или сомнительство, или зловерие¹⁰⁴⁸? И есть ли где о сем от святых отец запрещено или пореченно? И како в нужду прежние священники служили и святынь не отлучалися християне и како самогубители ваши отлучилися?

(л. 16). Глава 45. Егда пречистыя тайны тело и кровь Христва совершаемо бе в великий четверток в запас на весь год, и аще имать пребыть тое таинство нужды ради чрез многия лета, имать ли быти тое таинство причащающимся во спасение или ни? Верны ли вы о сем или ни? Согласуют ли преподобному отцу Ефрему¹⁰⁴⁹? Сице и сие слово Господне единою речено бысть, еже на всех престолех отларевых даже и до сего дни и до пришествия Его подаст силу жертве, дóндеже виды есть тело и кровь Христова¹⁰⁵⁰. И о сем верны или ни?

Глава 46. Егда же паки аще будут божественныя тайны Христовы не точие в великий четверток, но и во иныи дни многих ради вин, аще по чину великаго четвертка написанном совершаемы, освященны, сушены и хранимы быть на много время могут ли или ни? Верны ли о сем или ни? Будет ли во освящение с верою причащающимся или ни? И о сем явите от святых писаний нам достоверно свидетельство. И согласуют ли со святыми отцы самочинцы ваши, кои учат и утвержают без церкви, без святыни и без священства спастися людем¹⁰⁵¹? Крепко ли надежду о том имеете?

Глава 47. Евангельскому Христову учению и святых апостол преданию и святых отец 7 соборов и 9 поместных правилом во всем ли согласуете и во всех ли верны? И аще верны есте о сей великой Христове тайне во святей литоргии о пресуществлении хлеба в тело Христово и вино в кровь Его, како разумеете, когда прелагается и в кое время¹⁰⁵²? И кто со иереом содействует и прелагает хлеб в тело и вино в кровь Его? Есть ли ныне в верных тайны или ни?

Глава 48¹⁰⁵³. Аще ли кто боголюбив несумненно ныне верует о пречистых тайнах прилагатися хлебу и вину в тело и кровь Христову и исповедует пречистыя тайны Христовы и по достоинству причащается, и вы, премудрии художницы и коварнии лицемерницы, како таковаго разумете быти? Хощет ли он живота вечнаго или ни? Правоверен ли он християнину или ни? Аще ли християнин отъидет непричастен благодати сея, будет ли истязан от бесов на мытарствах оных¹⁰⁵⁴? Како дойдет живота вечнаго? Явите от святых писаний.

Глава 49. Аще ли верен и правоверен християнин, како исповедуеши святую соборную церковь и како в символе разумееши о едином крещении и о 7 тайнах¹⁰⁵⁵? О которой тайне рече Христос: аще не снесте плоти Сына Человеческаго, и несть инако живота имети; рече: аще не Моея плоти снесте, еяже не причащающеся, (об.) не причастни будем вечнаго живота¹⁰⁵⁶? Сия бо тайна есть нам плод древа животнаго в нашем церковном раю. Ядением убо падохом, ядением же тела Христова и питием пречистыя крове Его исправитись имамы¹⁰⁵⁷, яко без причастия истинныя святыни спастися невозможно. А иже отшед непричастен сея благодати, неотрочно имети будет томление¹⁰⁵⁸.

Глава 50. О честнем кресте и о тайне. Евангелие Толковое¹⁰⁵⁹. Иде же начертан бывает крест, благословляет, и освящает, и просвещает, и вся спасеная дает. Беседы апостольския, Златоуст¹⁰⁶⁰: яко же бо вода держит землю, тако и крест вселенную; понеже бо жертву нарече креста, тако и мы тем жертву приносим Богу¹⁰⁶¹. Вместо манны тело Владычне, вместо воды из камене кровь из ребр, вместо жезла Моисеова и Ааронова честный крест¹⁰⁶². В кончину века крестнаго древа вкушение падение будет, зане поруган будет тричастный крест¹⁰⁶³. Никон патриарх от церкви с престола от Агнца разлучил, где же обретается в вашем неосвященном собрании¹⁰⁶⁴?

Глава 51. Великий апостол Павел к Коринфом, зачало 179, сице глаголет: аще во Христе нова есть тварь, древняя бо мимо идоша, се Быша вся нова. Златоуст¹⁰⁶⁵: се и душа нова, очисти бо ся; и тело ново освятися крещением и обновися благодатию; и служба нова, и завет, и живот, и трапеза нова, ибо вместо нижняго Иерусалима вышний, вместо церкви чювственныя церковь духовную¹⁰⁶⁶, вместо обрезания крещение, вместо манны тело Христово, вместо воды кровь из ребр, жезла Моисея крест, вместо обетованной земли царство небесне, вместо безчисленных иереов единаго архиереа Христа. Которую тайну ветхую ли, или новую Христову содержит ваша неосвященная сонмица? Кой чин¹⁰⁶⁷?

Глава 52. О тайне крещения и о пречистых тайнах. Евангелие от Иоанна 3. Аминь, аминь глаголю тебе, аще кто не родится водою и Духом, не может внить в царство небесное. И¹⁰⁶⁸ аще не снесте плоти Сына Человеческаго и не пиете крови Его, живота не имате в себе, и се во уверение¹⁰⁶⁹, яко сия тайна, достойне приемлема, не точию от будущих грехов и искушений диявольских и мирских и плотских соблюдет, но и бывшия грехи очищает, не точию сицевыя, но и смертныя, о нихже скорбим.

Святаго Афанасия Александрийскаго¹⁰⁷⁰: иже церкви Божия и причастия себе святых тайн удаляюще, врази Божии бывают и бесом друзи. А иде же бес живет, трудно тому в познание приитти¹⁰⁷¹.

(л. 17). Глава 53¹⁰⁷². О первой тайне святаго крещения. Исповедую едино крещение во оставление грехов¹⁰⁷³, исповедую яко едино неповторяемое крещение таинство есть от Христа преданное во оставление грехов¹⁰⁷⁴, и яко всяк, приемлющий сие с верою во Христа приемлет оставление прародительскаго греха, в немже родился и всех своих яже в житии сотвори. Елицы бо во Христа креститеся, во Христа облекостеся¹⁰⁷⁵. Много страшнейше то полагает, аще бо Христос есть Сын Божий, ты-ж в него облечеся¹⁰⁷⁶, Сына¹⁰⁷⁷, имея в себе, к нему уподобися во единородство и во един образ приведеся¹⁰⁷⁸. О, коль велие соединение сим сынове и наследницы, ему будем в царствии небесном. О, самочинцы разкололюбныи, в котором исповедании прекращеваете¹⁰⁷⁹? Паки 2-жды Сына Божия распинаете и ризу Христову раздираете.

Глава 54. Вторая тайна есть хризма или миропомазание, еже есть утверждение святаго крещения¹⁰⁸⁰, которая крепка и вооружена устрояет крестившагося и непоколебима воина Христова показует от всех навет невидимаго врага¹⁰⁸¹. По помазании бо и Духа Святаго возприятие бывает, еже есть печать и дар Святаго Духа, и без того крещения тайна несовешенна есть¹⁰⁸². Подобает просвещающимся святым крещением в крещении святым миром мазати, мастию небесною, и причастником быти царствия Христова¹⁰⁸³. И о сем явите нам, о преблазнители, самочиннии самогубители, которое есть утверждение в вашем прекрещавании во второе распинателем Христа¹⁰⁸⁴?

Глава 55. Третия тайна есть вечеря Господня, на ней же истинное тело и кровь Христова в виде хлеба и вина в воспоминание страдания Христова и на вечное спасение наше бывает, еже сам Спаситель научает¹⁰⁸⁵: ядый, Мою плоть и пия Мою кровь имать живот вечный, и Аз воскрешу его в последний день. Яко сия тайна есть не точию в причащении по освящении тайною бывает, якоже протчия тайны¹⁰⁸⁶, но и в самом освящении бывши тайною и жертвою за живыя и без причащения¹⁰⁸⁷, дóндеже виды хлеба и вина целыя пребывают савершенным всегда тела и крове Христовы тайною и самим Христом Богом нашим. Зде явите, откуду вам, злохитренным самогубителем, привниде безверие о причистых тайнах и о священстве, и объявите от святых писаний¹⁰⁸⁸.

Глава 56. Четвертая тайна священство есть уставленное от Христа во апостолах, ихже возложением рук на епископах, от епископов же на священниках, яже освящени бывают чином церковным на строение святых таин и на преподавание спасительнаго учения Христова¹⁰⁸⁹. Тая же два чина в священстве и иныя (об.) меньшия в себе замыкают, и ни един неосвященный и непосвященный строити тайн не может¹⁰⁹⁰. Священство вельми потребно есть, иже без него не могут быть исправлены церковныя тайны, и кроме священства стоять тайны не могут. Священство бо на сем свете есть яко душа в теле и яко солнце по всей земли. Зде¹⁰⁹¹ объявите о тайных волцех и сокрытых татех, которыя души убивают и уморяют вечной смертию.

Глава 57. О еже повиноватись святителем и священником и не судити их. Хощу нечто преславное рещи, но не чюдитесь ниже смущайнеть. Что же сие есть¹⁰⁹²? Принос той же есть, аще и худый случивыйся, аще и Павел, аще и Петр, тожде есть, егоже Христос учеником даде, еже и ныне священницы творят священнодействие то же и ныне, еже есть Петр и Павел творяху, ничим же меньши инаго¹⁰⁹³, зане и сего не человецы освящают, но сам той же, иже и оного освятивый, яко же глаголы: еже Бог провеща, тыя же суть, яже священник, и ныне глаголет, сице и принос той же и крещение, еже даде, сице все от веры есть¹⁰⁹⁴; и се убо тело есть и оно, яко Христос и ныне зде есть и ныне тожде действует.

Глава 58. О священнодействии преподобнаго Иосифа Волоцкаго. Слово, листь 160. Прежде бо священия пребывает хлеб и вино и вода, по освящении же молитвами священническими и пришествием Святаго Духа бывает освященна и обоженна и претворяется в плоть и кровь Христову; и не яко от проста человека от священника приемлем, но яко от самого серафима, и со лжицы тоя огненныя и страхом и трепетом; аще и житие не исправлено мнится нам имети, но нам не достойно есть осуждати сих¹⁰⁹⁵: ин бо есть судия, иже сокровенных зритель, точию да не будет кто еретическо имея учительство, того блюдемся.

Глава 59. О хиротонии. Колика велик есть богоустановленный чин иерейский и яко есть вечен и непрелагаем и аггелом страшен; то бо есть апостольское наследствие и того ради имена им дана много. Тако глаголет о чести священных Златоуст¹⁰⁹⁶: почтите служители, рече, яко отцы, а епископы, яко самого Христа, папы, яко сопрестольники и супруги апостолам, без них бо церковь не просвящается, ни тайны церковныя святыя без них не совершаются. Внемлите¹⁰⁹⁷ сие, о боголюбивии христоименитии вси людие, внушите и ужаснитесь! И вы, о самогубители и принебрегатели сего чина архиерейскаго, иерейскаго, и которым чином достойни¹⁰⁹⁸!

(л. 18). Глава 60. О чести священных. Сице сам превечная, предвечная правда заповеда глаголя: иже вас приемлет, Мене приемлет, и иже приемлет Мене, приемлет пославшаго Мя¹⁰⁹⁹. И паки¹¹⁰⁰: слушаяй вас, Мене слушает и отметаяйся вас, Мене отметается; отметаяй же ся мене, отметается пославшаго Мя. Зрите¹¹⁰¹, о, христолюбивии и боголюбивии, священный чин приемлющии, кого приемлете и кого почитаете! Слышите¹¹⁰² и вы, о, раскололюбители! Внемлите, о, самогубители, смотрите, о священнохульницы, розстригатели и пренебрегатели священнаго чина, каковою честию почтен священный чин, то есть самого Христа почтение. А сих безчестие и отметание, то самому Христу безчестие и самого Бога отметание, по словеси Христову¹¹⁰³.

Глава 61. Отвергся кто закона Моисеова без милосердия, при двою или 3 свидетелю, умирает¹¹⁰⁴; колико мните горше сподобится муки: Сына Божия поправый, и кровь завета, еюже освятися, скверну возмневый, и Духа Святаго благодать укоривый и прочее. Внемлите¹¹⁰⁵, о самочинцы, что бысть в прежнем законе, егда Коррей, и Дафан, и Авирон дерзнули на священный чин¹¹⁰⁶, и Озиа царь како и что пострадаша! Тако и в новой благодати¹¹⁰⁷ сынове Скеевы како поругани были от бесов. Явите и о себе, чесо ради дерзаете на священный чин и отмещете.

Глава 62¹¹⁰⁸. Внимайте от ложных пророк, иже приходят к вам одеждами овчими, внутрь же суть волцы хищницы; от плод их познаете их¹¹⁰⁹. Коварни суть лицемернии еретицы, сего ради глаголет, блюдитесь от них, блага бо словеса предлагают, и житие являют честно, внутрь же судь сердца их, яко удица сокровенна. Одежда овча кротость и смирение являют, тако ласкают и прельщают многи, да убиют и погубят. И о сих явите¹¹¹⁰ о которых Христос глаголет ложных пророках, котории ходят во одеждах овчих коварни и лецемерни, внутрь же тайныи волки тайно похищают, прельщают, убивают и души уморяют и погубляют вечною смертию¹¹¹¹.

Глава 63. Аминь, аминь, глаголю вам, не входяи дверьми во двор овчий, но прелазя инуде, той тать есть и разбойник¹¹¹². Толкование. Тать убо, иже не писаньми входяй во двор овчий, яко же бы промышлять ими, но прелазя инуде, се есть ин себе просекаяй путь не обычен¹¹¹³, яко же Февда и Июда, иже прежь прельстиша люди и погубиша и изстлиша¹¹¹⁴. Зде разсудите, избранныи христолюбныи послушницы и явите, о которых Спаситель наш Христос рече, которыи не дверьми входят и в который двор влазят верою не писаными ни чином¹¹¹⁵. Кто суть тайныи волки, и которыи убивают души, и уморяют, и жизни вечной лишают?

(об.). Блюдите, рече Господь, да никто вас прельстит¹¹¹⁶; мнози бо приидут во имя мое глаголюще: аз есмь Христос, и многи прельстят¹¹¹⁷. Тогда, аще кто речет вам: се зде Христос или се онде, не имите веры. Аще рекут вам: се Христос в пустыни есть, еже в пустошных и маловременных глаголех, не изыдете¹¹¹⁸. Но откуду не изходите, се есть от единыя святыя соборныя апостольския церкви и святая правая веры. Зде¹¹¹⁹ разсмотрите преблазнителей, которыи сводят, но святыя ли веры стоят, и в кой собор приводят¹¹²⁰, и в которых догматах церковных стоят. И како по чину их познать? Почто главы не являют, аки рак, и чего ради наг и слеп?

Глава 65. Блюдитесь, рече Спаситель наш, да не прельщени будете и время приближися, не изыдите убо во след их¹¹²¹. Которых добрый пастырь сладким гласом утверждает: блюдитесь, на не прельщени будет? Яве, верных своих. Тать¹¹²² не приходит, разве да украдет и убиет и погубит. Тать¹¹²³ есть диявол и еретицы; понеже убо Февде и Июде и прочим отступником последовавшии заколени Быша и погибоша¹¹²⁴. Подобно блюстися отступников еретиков и тайных татей и волков, которые тайно душу и тело убивают, уморяют, и погубляют, и живота вечнаго лишают.

Глава 66¹¹²⁵. Святый верховный апостол Петр сице обличает и глаголет: яко в последния дни приидут ругатели по своих похотех ходящии. Быша же и лживии пророцы в людех, якоже и в вас будут лживии учители, иже вне суть ереси погибели и мнози пойдут в след их¹¹²⁶. Зде довлеет объявить, кто есть лживыи пророки в последния дни сия, и кто ругатели и по своих похотех ходящии, видимыи отступницы сии? Никона попы, или тайные тати самочинныи лжеучители, или же пророки, которые по свитком лицовым учили, и церковное исполнение осецали, и тело Христова растерзали и вторые его разпинали, и уды Его вечною смертию убивают¹¹²⁷?

Глава 67. Святый избранный сосуд Христов и верховный апостол Павел Коринфяном зачало 192. Таковии, рече, лживии апостоли делатели льстивии преобразующеся во апостоли Христовы. Толкование Златоуста¹¹²⁸. Что глаголеши льстивии, иже Христа проповедующии, имении не взимают, иже благовествования инаго не вводящиии. Ей, рече, лживии, делатели льстивии. Делают убо да изторгнут насаженная; имении¹¹²⁹ не взимают, да большая возьмут, да душу погубят. и о сем разсудите здраво по делом¹¹³⁰, кто суть делатели льстивии: попы ли или самогубительныи самочинцы, благовеста инаго не вводяще, имений не взимают, да душу погубят.

(л. 19). Глава 68. Святый апостол Июда брат Господень в послании своем глаголет¹¹³¹, яко в последнее время будут ругатели по своих похотех и нечестиих ходящии. Сии суть отделяющии от единости веры и суть телесни, духа неимуще. И о сем разсудите, о которых ругателех? Будут, рече, в последнее время ругатели, отделяющеи от единости веры, и святыя соборныя церкви, святых тайн и священства и Духа неимуще¹¹³². Новолюбныи ли власти и попы или самочинцы неосвященныя по чину и делом их? Есть ли благодать Святаго Духа в неосвященных в прекрещевании их и в прочих действах их?

Глава 69. Книга о Священстве, глава 3. Тако Златоуст о священстве глаголет: священство убо совершается, рече, на земли, чин же небесных имать, яко страшна есть вещь священства и ветхаго служения, новое много старашнейше¹¹³³. И о сем внемлите себе, о разглагольницы и злохульницы божественнаго священства! Сколь велика есть сия тайна и колика есть преславна, юже вы уменьшением еретическим, дерзостию своею отмещете; подобше, якоже прежь люторцы, месалияне, богомилы, понурицы, кальвины, еретицы манихеи, донатисты, о коих пишет Бороний рок 371¹¹³⁴, и стригольницы. Сии еретицы о теле и крови Христовы отнюдь не исповедовали и в причастии не приимовали. Такоже самочинцы.

Глава 70. Катихис Большой¹¹³⁵. Почему позновати еретики? Ответ. Дел ради сих: аще не имеют пристанища святыя церкви, аще непризываеми входят в чин учительства и учат не тако, аще противно вере святей являют и возмущение приводят. Которые еретики ли отступники пристанища у себе святыя церкви не имеют¹¹³⁶? Которые непризываеми входят в чин учительства и учат не тако. Засим яви, есть ли пристанище – святая церковь, и священство, и святыя и церковныя тайны в самочинцах? Призываеми ли входят в чин учительства и от кого поставляемы? По закону ли Божию действуют? Есть ли кое подобие святых отец?

Глава 71. Катихис Большой глава 1. Что есть християнин? Ответ. Християнин есть, иже в Бозе живет и благочестиво пребывает¹¹³⁷. Откуду нарицается християнин православный¹¹³⁸? Нарицается православных християнин имени ради Христова от Христа, от святаго крещения и от хризмы, сиречь от помазания святым миром. И о сем яви, аще еси християнин¹¹³⁹? Како крещен? По преданию ли святых отец? Кто тя крестил? Совершено ли благочестиво крещение? Помазан ли святым миром и маслом? Причащен ли святых тайн Христовых? По закону ли благочестно в Бозе живешь?

Глава 72. Василий Великий, правило 45. Християнин не творяй заповеди Христовы, ругатель ему есть¹¹⁴⁰. (об.). Християнин сый ругаяся Христу от наречения пользы не приемлет: вера без дел мертва есть, еже нарицается християнину и Христовы заповеди отметати и делы злыми тому ругатися. Аще еси верен, нарицаешися християнин¹¹⁴¹, церковныи догматы употребляеши ли и заповеди которыя церковныя храниши? И отца духовнаго иереа имееши ли? Чим освящаешися? Исповедуеши ли пречистыя Христовы тайны и не раздираеши ли Христову ризу вторым прекрещаванием¹¹⁴²? И не ругаеши ли Христу самучинными делы и паденная (так) твориши?

Глава 73. Беседа на деяния апостольския, лист 403. Християне по чему познаваеми суть? Кое знаменье имут¹¹⁴³? Печать да приимем с небес, да яко же стадо царское везде являющеся будем от уст, от языка, от еже глаголати, яко же апостоли¹¹⁴⁴, и везде сияти от дел, яко светилу миру. Паки от уст и языка познаваеми, яко же варвары, еллины и прочии еретицы и отступницы. Папуги глаголеми¹¹⁴⁵, откуду суть знаеми? От еже глаголати им, яко человеку: сице и мы аще убо воскресение глаголем есть и вечная благая, тая же пренебрегаем, и яже зде предпочитаем, кто нам веру имать. Иже убо веру праву имея, грехи же творя, подобен есть лицу очию неимущему.

Глава 74¹¹⁴⁶. Что есть истинный православный християнин? Ответ. Християнин есть, иже от Бога Святым крещением порожденный, и по благодати Его банею паки бытия сын Божий нарицается и благочестиво и боголюбезно пребываяй, и право в православии веруя¹¹⁴⁷, и твердо в законе стояй, не ища себе инаго закона и превратнаго сомнения, храни себе непоколебимо в християнском законе и своими благими делы показуя свое благоверие. Хотящии бо, рече¹¹⁴⁸, благочестно жить, гоними будут. Благочестно живущии о Христе Исусе присно гоними суть, аще и не от человек, но от бесов, еже убо и лютейшее есть гонение, и прежь от самаго наипаче розваления и пищи и пития сие претерпевают нетрезвящиися.

Глава 75. Беседа на деяние апостольския. Християнина ничто же вредит¹¹⁴⁹. Се засвидетельствую и велиим гласом глаголю, и трубы яснейши; и аще возможно было бы, на высокое место возшедшу возопить, не отреклибым ся, яко християнина никто же от человек, живущих на земли, вредити возможет. И что глаголю – от человек? Ниже самый той бес, мучитель диявол, аще не сам себе обидети будет. Человек благ бо есть произволением, что убо сему будет равно? Егда ниже вредитись возможет, ниже сам вридити другаго. Завистник всех сквернейший с Богом ратуется; пси суть¹¹⁵⁰.¹¹⁵¹

(л. 20). Глава 76¹¹⁵². Вопрос. Что есть знамение совершенно верна християнина¹¹⁵³? Вера правая, надежда несумненная, любовь нелицемерна, молитва, милостыня, правда, чистота, целомудрие, пост, воздержание, смирение, кротость, незлобие, милосердие, не судити братне согрешение, ни лгати, не оклеветати, не похищати, ни обидети никого¹¹⁵⁴, ни завидети, ни лихоимствовати, ни гордитися, ни превозноситися, ни блудити, ни прелюбодействовати, ни украсти, ни убити, ни чародействовати, ни волхвовати, и всею силою хранитися от всех нечестивых дел.

Глава 77. Благовестник от Матфея глава 1. Нравоучение яко подобает верному християнину чисто и право житие имети¹¹⁵⁵. Верному бо християнину светило миру подобает быти, и соль земли, и от приложения дел благих своих подобает сияти в везде познаваему быти¹¹⁵⁶. Како же прочие познати тя возмогут ныне яко верен еси християнин, толика супротивна и другая множейша имуща. Что бо ли глаголю верна християнина? Ни, бо аще человек еси, не могу яве уведети тя¹¹⁵⁷, егда ногою биеши яко осел, скачеши же, яко бык, ржеши на жены, яко конь, объедаешися яко медведь, питееши тело, яко мска, злопомниши, яко велбуд, похищаеши яко волк, гневаешися, яко змий устрецеши, яко скорпия, пронырлив еси, яко лисица¹¹⁵⁸, яд же лукавствия храниши, яко аспида и ехидна, брань на братию твориши, яко лукавый бес. Како такова суща с человеки могу причести тя, не зря в тебе подобие человеческое¹¹⁵⁹? Образ бо верна християнина ищу и не могу обрести человека и зверя различие. Что же ли к тому нареку тебе? Зверя ли? Но зверь едино от сих злых ищут, ты же вся собрав купно имаши. Како имам нарещи тя?

Глава 78. Вопрос¹¹⁶⁰. Которая есть 5-я тайна церковная? Ответ. Покаяние, еже бывает за грехи с сокрушением сердечным во исповедании грехов с надеждою о отпущении ради излияния честныя крове Сына Божия; и то разрешением священническим, имже дана от Христа власть вязати и решити грехи. И егда рече иерей: прощает тя Христос невидимо, и аз грешный властию Его мне данною прощаю тя и разрешаю и прочее¹¹⁶¹, того ради яко и на судном дни не имать быть осужден по реченому: Аминь, аминь, глаголю вам, аще свяжете на земли, будет связано на небеси, и елико разрешите на земли, будет разрешено и на небеси¹¹⁶². Разрешить кающагося никто же может, точию православный священник, понеже кроме церкви несть спасения, прощения и разрешения.

(об.). Глава 79¹¹⁶³. Благовестник Евангелие Матфея¹¹⁶⁴. Толкование. Аще Богу согрешит, не могу аз препростый простить его, но аще кто Божий чин имея священнический и прочее. Святый Василий Великий пишет во¹¹⁶⁵ мнишеских книгах своих, глава 51¹¹⁶⁶. Согрешения несть лепо исповедать к якову любо человеку, разве ко иерею, понеже иерей есть земный аггел и небесный человек. Святый Афанасий Александрийский¹¹⁶⁷. Якоже человек от священнаго человека крещаем бывает, просвещается Святаго Духа благодатию, тако и исповедуется в покаянии, ради иерея Христовою благодатию приемлет оставление грехов¹¹⁶⁸. И о сем явите, како неосвященнй, в покаянии¹¹⁶⁹ прощает и разрешает, по коим правилом?

Глава 80. Книга Кормчая. Вопрос. Подобает ли дети духовныя приимать не презвитеру сущу¹¹⁷⁰? И весьма убо, се речем: яко онем достойно есть приимати, и вязати, и решити, иже от духовныя благодати власть прияша, иже суть епископы и презвитеры. А¹¹⁷¹ емуже несть достойно оставлять и не имущим рукоположения, вотще отнюдь к таковому исповедание. Таковии никакоже не могут вязати и разрешати¹¹⁷². Како самогубители могут самочинно вязати и решити¹¹⁷³?

Глава 81. Аще кто без повеления дерзнет приимать помыслы и исповеди, таковый по правилом приемлет казнь¹¹⁷⁴; не точию себе погубя, но елицы у него исповедашесь неисповедани, и елицех связа или разреши, не исправлени суть. Зри в Номоканоне¹¹⁷⁵, о самочинче! Аще нецыи попущением Божиим в толико приидоша дерзнути, еже неверне и злочестивне; неверие бо есть вещь сицевая, еже кроме священства прияти хиротонию священная действовать. Несть слово рещи о осуждении сицевых! Сие бо дело горше есть самых тех нечестивых бесов во аггела светла преобразующих точию, но не сущих, и Божие убо лицемерующих безбожных сущих и противных Богу¹¹⁷⁶. Таковии не токмо велие и неизчетное томление подъимут на божественная сице зле возхуливше, ниже бо гласы божественныи от них, ниже божественная дела, понеже благодати рукоположения не имут, но и месть приимут иную за прельстившихся от них, или негде крещеных, или рукоположенных. Сии бо ни хиротонисани суть, ни крещени¹¹⁷⁷; ничтоже бо дает неимеяй, и ничтоже приемлет что от неимущаго, аще и мнится имети. Тем же и прельщен бысть, и веруяй быти священник или крещен, несть; (л. 21) и погибели сих крестивый повинен: не может бо человек имети неприим от Бога такова дара. Кроме, бо рече, Мене не можете творить ничто же. Книга Кормчая, лист 521¹¹⁷⁸.

Глава 82¹¹⁷⁹. Вопрос. Которая есть 6 тайна церковная? Толкование. Супружество законнаго брака от Христа Бога установлено есть во умножение рода человеческаго и в воспитание чад ко славе Божии¹¹⁸⁰ в неразрешимый союз любве и дружества и взаемную помощь коеже отгребатись от греха любодеяния^11811182. Вещь сея тайны есть муж и жена в приобщение брака честно изволением общим без всякаго препятия правильно совокуплятись изволяющии¹¹⁸³. Сия тайна благословением священническим утвержена есть. О нейже рече апостол: брак честен и ложе нескверно. И о сем браце и тайне како разумеете¹¹⁸⁴? Имеется ли в собрании вашем или ни? И есть ли еще у правоверных тайна сия супружества.

Глава 83. Колико и каковы дары есть в тайне сей супружества? Первая духовная любовь есть, якоже Христос возлюби церковь и себе преда за ню. 2, брак честен и ложе нескверно. 3, яко друг другу обеты содержат и не прелюбодействуют. 4, единодушно да пребывают, яко едина плоть и един дух. 5, яко в той святыни да пребывают с целомудрием. 6, да единодушно пребывают в посте и молитве и воздержании во времена известная. 7, яко вся беды и скорби лишения друг другу обще претерпевают и в любви Богу да угождают. Браком совакупльшимся не разпущатися¹¹⁸⁵, и никому же своея жены не изгонять просто, ни разлучатись от нея, и другому браку да не сочетаются. Самочинцы по коим правилом разводят, и уводят жены от мужей, и женитву запрещают¹¹⁸⁶.

Глава 84. Кто есть действенник сея тайны? (Катихиса Большаго). Ответ. Первое убо сам Господь Бог, якоже Моисей боговидец пишет¹¹⁸⁷: И благослови я Господь Бог глаголя: растите и множитесь и наполните землю и обладайте ею. И в евангелии утвержает, глаголя¹¹⁸⁸: яже Бог сочета, человек да не разлучает. Оставит человек отца своего и матерь и прилепится жене своей и будета оба в плоть едину. Муж бо и жена не суть человецы два, но человек един¹¹⁸⁹. Бог сотвори з двоих едино, а бес з единаго двое творит сопротив Божию закону¹¹⁹⁰. Бог рече: будут оба в плоть едину, он же едину на две раздели. Церковь Божия держит и учит, девствовать не возбраняет и женитись, аще кто хощет и может¹¹⁹¹. Честна женитва во всех и ложе нескверное¹¹⁹²; блудником и прелюбодеем судит Бог; и в закон убо женитва несть греха¹¹⁹³; а любодеем и прелюбодеем судит Бог. А кто порочит да будет проклят¹¹⁹⁴.

(об.). Глава 85. Апостол Павел Тимофею глава 4 в послании 1 глаголет: Дух явственне глаголет, яко в последняя времена отступят нецыи от веры, внемлюще духом лестным и учением бесовским в лицемерии лжесовестным сожженным своею совестью, возбраняющим женится, удалятяся от брашен¹¹⁹⁵. О воздержниках и сикратистах, маркионитах и о татиянах, котории не точию брашен различных имети, но и женитись возбраняют. К тому же исполяется сий глагол на нынешний сектарех и на адамитех¹¹⁹⁶. Засим явите о коварных самочинцах, право ли стоят в догматох церковных, не внимают ли бабиим басням лжесловесным? Не сожжены ли совестию? Не запрещают ли женитись и замуж не ходить¹¹⁹⁷? Стряпух держи или з трем живи, а не женись. Коим есть сии подобны?

Глава 86. Той же апостол Павел к Тимофею 2 послание, глава 3 пишет¹¹⁹⁸: Сие же веждь, яко в последняя времена будут человецы самолюбцы, сребролюбцы, величавы, горди, имуще образ благочестия, силы же его отвергшиися¹¹⁹⁹. От сих бо суть поныряющии в домы и пленяющии женчища, отягчены грахами, водими похотьми различными: всегда учащеся и николи же в разум истинный приити могуще¹²⁰⁰. Яко же и Анний и Амрий противистася Моисею, тако и сии противятся истине. Зде объяви, которыи поныряют в домы и пленяют женчища? В кою обитель отводят и коим чином? Коему благочестию научают? Кои догматы церковныи содержат и святыню? В какову прелесть вовлекут? Ибо прелесть нигдеже стоит; аще во-первее прелести процветут, в конец не пребудут¹²⁰¹.

Глава 87. Которая есть седьмая тайна церковная? Катихис Малый. Ответ. Помазание елеом с молитвою в немощи отпущения ради грехов и здравия ради телеснаго, якоже писание святое учит¹²⁰²: даст им власть бесы изганяти, и мазаху маслом многи ннедужныя, и исцелеваху¹²⁰³. Болит ли кто в вас, да призовет попы церковныя, и да молитву сотворят над ним, помазавше его маслом во имя Господне. И молитва веры спасет болящаго. И аще грехи будет сотворил, отпустятся ему. И о сем яви, аще верны християне нарицаетеся, есть ли в вас попы? Помазуют ли они маслом болящих? Есть ли освящение от них и отпущение грехов кающимся? Како неосвящении прощают?

Глава 88. Вопрос. Которая суть действа и кая польза разумеется в сей тайне? Чесо ради помазуем¹²⁰⁴? Первее, дабы священницы православнии были. 2, дабы вещь надлежащая была: свещи, масло, вино церковное (л. 22), кое прежь освященно от священника; 3, дабы немощный был тако же правыя веры сын церковный и прежде помазания исповедался, потом помазуется елеом и причащается святых Христовых тайн. И о сем явите, аще правыя веры и християне. Творится ли тайна сия неосвященными самочинцы? Или точию во вторый прекрещавают трепогруженных? Кая правила повелевают сия действовати вам?

Глава 89. О схизматицех отдирающих себе от церкви в той же вере, зле же противная церкви, и закону, и правилом творити. Златоуст нравоучение 11 ко Ефесеом¹²⁰⁵: Ничтоже тако раздражает Бога, яко же церкви разделятись. Паче всего Бог раздражается о раздоре церковном¹²⁰⁶: сего греха ниже мученическая кровь загладити не может¹²⁰⁷. И о сем явите нам яснейши от святых писаний. Никон веру изменил, церковныи догматы нарушил, крест Христов истинный от Агнец разлучил, чин и устав святых отец все пременил и раздор учинил¹²⁰⁸. Ваша честность именуетесь в той же християнской веры мните быть. Которые церковныи догматы содержит сонмица ваша самочинная? Како уды Владычня разтерзаеши, как ризу Христову раздираеши, тайны Христовы и священство уничтожаеши, и второе перекрещиваеши, и священный чин поруговаеши¹²⁰⁹?

Глава 90. Кто суть самогубители, пренебрегающии отлучения архиерейскаго, иерейскаго? В коем законе и в коей вере и где обретаются таковии самогубители, о коих Златоуст глаголет¹²¹⁰: иже сих презирающеи много от сих нечестивейши, иже о Дафане и Авироне, и сквернейши паче. Не весте ли, что пострадаша они? Како и за что земля пожре их и стоны их снидоша во ад¹²¹¹. Благовестник, Луки зачало 4, лист 21: еже аще кто удаляется убо священных и не начинает божественных, сей есть безбожнен¹²¹². Рцы нам и напиши во уверение, коим есть подобны презирающии священный чин иерейский, коим отступником?

Глава 91. Кто суть схизматики, раздирающии церковное соединение и отделяюще себе от церкве и единости веры¹²¹³, и кто суть осецающеи исполнение церковное и тело Христово разтерзающеи, паче нежели воини копием пресекоша и гвоздьми прободоша? И о коих глаголет¹²¹⁴ Златоуст (лист 1695)¹²¹⁵: сего ради глаголю и засвидетельствую, яко от еже в ересь впасти и еже церковь раздрати не меньшее есть зло. Котории разтерзают паче тело Христово, римляне ли, юниты или русские отступники или тайные волки и тати и скверныи еретики^12161217.

(об.). Глава 92¹²¹⁸. Святый Иоанн Богослов¹²¹⁹ рече: Дети, посления година есть якоже слышасте, яко антихрист грядет, и ныне антихристи мнози. Чтоже есть первая година, и что 2, и что последняя година, о нейже святый Иоанн рече¹²²⁰? Книга Мессии правдивый: прав был закон Адаму, естественный до Моисея¹²²¹. Прав бе закон Моисеов, писанный до Христа предварения за 1485 лет – 2 година¹²²². А последняя, 3, година от Христа до антихриста¹²²³. Колико последняя година есть от Христа до антихриста велика, по числу ли зверину, что во апокалипсии 1666, и что антихристии мнози и что лжепророки? И что лжеапостоли и что лжеучители¹²²⁴? И о мерзости запустения и как пришел в мир антихрист и колико уже он царствует¹²²⁵. У вас были таковии пророки ложны, которыи по свитком лицовым учили и о антихристе, и о кончине, и о том больши ведомо вам есть¹²²⁶. Объявите и нам и людем.

Глава 93. Святый Ипполит папа Римский, Слово о страшном суде пишет¹²²⁷: По всему убо хощет уподобитися льстец Сыну Божию: лев – Христос, лев и антихрист; явися Христос Агнец, явися и антихрист агнец, внутрь сый волк. Посла Христос апостолы во всяки языки, и той пошлет ложныя апостолы; даде Господь знамение – чистый крест, и той подобне даст свое знаменье¹²²⁸. Како уподобится льстец Сыну Божию, и что агнец, и что ложные апостолы и пророки? В которых людех явится? Которыи ему поклонятся и которыи ни? Златоуст отступление нарицает антихриста того самого¹²²⁹. О нынешнем ли отступлении или еще горший будет иный кто? И будут ли Илия и Енох обличать прелести его¹²³⁰?

Глава 94. Той же святый Ипполит глаголет в слове своем о страшном суде: Восплачются церкви Божии плачем велиим, зане ни приношения, ниже кадило совершается, ниже служба богоугодная. Святии церкви яко овощное хранилище будут. Честное тело и кровь во днех онех не имать явитися, и служба угаснет, и чтение не услышится, и тьма будет на человецех. И о сем явите¹²³¹ нам от святых писаний, в которых служба угаснет¹²³²? О которой церкви святый Ипполит глаголет восплачются? Видима ли церкви или духовныи в верных? В которых служба не будет и в которых тело и кровь Христова не имать явитись? В которых человецех тьма будет¹²³³? Будут ли верныи християне тогда? Имать ли в них быти Христовы тайны или ни? Будет ли тогда церковь Христова или ни? За сим явите, есть ли в вас ни, и кто вас ограбил? О, роде неверный и развращенный, умовредный!

(л. 23). Глава 95¹²³⁴. Како может человек сохранитись от прелести еретической и от воли дияволи, дабы не отвергся веры православныя християнския? И о сем явите¹²³⁵. Будут ли тогда церкви, и вера, и вернии человеки? И како могут сохранитись от прелести антихриста? Како святей церкви облеченной в солнце, закотиться? И како звезды светлыи будут падать на землю¹²³⁶? И какова будут знаменья пред судным днем, ближняя и дальняя, и колико их есть числом¹²³⁷? Бежит церковь Божия и церковныи старейшины в пустыню, да тамо питается¹²³⁸. И о сем яви, которая церковь бежит и в коей пустыни, и которыи старейшины церковныи¹²³⁹? Есть ли ныне в вас церковь Божия и старейшины церковныя или уже от вас отбежали?

Глава 96. О церковных прогонениих горчайших паки при антихристе, Апокалипсис, стих 142, 143. Змий стояше пред женою, хотящею родити, да егда родит снесть чада ея. Толкование¹²⁴⁰. Церковь Христова выну крещением раждает. Змий прилежит крещаемых убити и веру погубити, подвизает присно гонители нечестивых царей, и мучителей, и еретиков, и отступников, и воду изливающе горьку, хотяще потопить¹²⁴¹. И о сем явите нам, есть ли¹²⁴² ныне церковь цела от гонителей и от горькой воды есть¹²⁴³? И где убежали, в кою пустыню? И в которой церкви обретается самочинныи, неосвященныи самогубители, пренебрегатели, и поругатели, и разстригатели и священнаго и иначескаго чина? О, рождение ехиднино! О, роде неверный и развращенный! Како имате явитись Христову лицу!

Глава 97. О брани между святыми аггелы со змием и злыми его силами. И бысть брань на небеси Михаил и аггели его брань сотвориша со змием. И змий брася и не возмогоша, и место не обретеся им к тому на небеси¹²⁴⁴. Зри: бысть брань. Сим являет сопротивление верных с неверными и со еретиками. Пособствуют верным святии аггели, неверным и еретиком пособляет диявол и аггели его¹²⁴⁵. Чрез аггелы Михайловы знаменует истинныи учители церкви Христовы. Чрез аггелы змиевы знаменует неверных и еретиков, они же всегда церковь Христову ратуют и гонят¹²⁴⁶. Зри: како змий низложен бысть на землю и какову испусти воду из уст своих за женою, яко реку велику, да ю потопит. Что же вода сия бысть? Напасти, гонение, ложь, смертоносное учение от слуг антихристовых из уст змия-диавола. И присно изливает горькую воду, хотя потопить; земля же поможе жене, пожре реку змиеву. Есть ли цела святая церкви от воды змиевы или ни? Како и где она обретается¹²⁴⁷?

(об.). Глава 98. Благовестник¹²⁴⁸: церковь Христова и род християнский до скончания века имать быти. Которым святым писанием уверяется, неосвященнии лжеучители, и откуду блядут, что уже вера пала, церкви нет, служба угасла, пречистых тайн и священства уже нет¹²⁴⁹? Како и почто нарицается верны и христоименитыи люди? Како глава церкви Христос отсечеся от вас? Како пресечесь жертва, и приношенье, и священство? Како отлучись жених невесты своея церкви, за нюже на кресте умре, душу свою положил, и кровь свою пречистую излиял? Кто вас ограбил и кто вас разлучил от Христовы церкви? И кто вас прежь смерти уморил, святых тайн и священства отлучил¹²⁵⁰? Како ризу Христову с вас раздрали тайныа волки и сокрытые тати? Како уды Владычня разтерзали? Оле дерзости! О, святокрадения! Оле несытаго мучительства! О, самогубительства и слепоты и прелести вашей, и горькой погибели!

Глава 99. Во уверение святый Андрей толкование Апокалипсиса слово 11 сице свидетельствует: Действуяй бо, рече, во антихристе диавол на церковь Христову бранию восполчится, и жена побеже в пустыню, и тамо борющих бесов и лукавых человек прилогов борующии християне избегнут¹²⁵¹. Зри от сего церковнаго учителя святаго Андрея сказание известно, яко святая церковь Христова имать быти и при антихристе, и тайные церковныи в ней пребывать имут и никакоже не истребятся, и врата адова по Христову словеси не могут ей одолеть¹²⁵². Сице мы веруем и исповедуем до скончания века быти ей. Засим явите нам подобно и церкви, где обретается и нерушима пребывает, и есть ли ныне или ни¹²⁵³?

Глава 100. О Гоге и Магоге и лютости их како разумеете¹²⁵⁴? Что есть Гог и Магог, иже число, яко песок морский, и объидоша святый стан, град возлюблен, святую церковь на всех 4 углах земли¹²⁵⁵? Неужели разрушили ея всю¹²⁵⁶, которая есть небес и аггелов и всея твари дрожайши, ей же ни варвари, ни беси, ни антихрист, ни сам сатана одолеет¹²⁵⁷? Ибо аще и тварь изменится, верных же церковь и словеса ея и евангелие никогда же; пребудет же и род верных и единым от предреченных пресецаем¹²⁵⁸. Засим объявите и напишите во уверение о святей церкви и о всех церковных догматех, како всегда ратуема и никогда побеждается, никогда же стареет, но присно юнеется. И где она ныне обретается, в коей стране и граде, и в которых учителех освященных или неосвященных; и како блюстись учений еретических и тайных волков¹²⁵⁹.

И о сих до зде.

(л. 83). Обительным¹²⁶⁰ наставником Ивану Ивановичу, Игнатию Трофимовичу священноиерея М. А. 7241, февраля 17 день¹²⁶¹.

I. О познании благочестивыя веры и единыя святыя церкви, и о пречистых тайнах, и о священстве, и о прочих церковных догматех.

II. О познании обительных наставников и большаков, кто они есть в духовном чину и почему и како их познати по чину и по делом их.

Благий человек от благаго сокровища сердца своего износит благое, и злый человек от злаго сокровища сердца своего износит злое¹²⁶².

Благочестивый читатель¹²⁶³! Благаго корени добрыя ветви и овощие сладко и всем приятно. Доброе или злое древо от плода своего познано будет. Аще кто мудрый или немудрый, от вещи вину познает. Доброе да хранит, а от злаго да бежит.

I. Катихизиса Большаго глава IV. Сице познати имут истинное учение о вере, и о церкви Христове, и о церковных догматох от учителей церковных¹²⁶⁴, аще последуют преданию святых отец 7 соборов, и евангельскую проповедь и апостольская учения право сказуют, без прилогов, еретических и латинских обычаев.

II. Познати имут: имеет ли ся на них тихое пристанище святыя соборныя апостольския церкви, единомыслие о 7 церковных тайнах и о законе благодати и призваны-ли входят в чин учительский¹²⁶⁵; и от дел веры да явятся, таковии, понеже мнози лживии учители изыдоша в мир, лжепророцы и лжехристи, и лжеапостоли, и таковых священное писание учит вельми блюстися.

Понеже вся наша мудрость християнская всем предлежит, еже Господа Бога нам знати и самих себе, и сего ради аз странствующий за имя Христово многогрешный иерей М. А. вопрошаю тя¹²⁶⁸: да явиши нам на письме о себе знать и о прочих ведати.

А. Вопрос 1. Аще-ли ты благочестия рачитель и апостольским преданиям хранитель и богословцем поборник и церкви Христовы защитник, истинный учитель и добрый пастырь овцам заблужшим¹²⁶⁹ кто еси ты в духовном чину, рцы ми, и откуду, коей страны, коего града, какова чину и како себе нарицаешь, в Христове ли церкви стоиши или в смущенной? Яви нам о сем и напиши.

Б. Вопрос 2¹²⁷⁰. Благородие и честность вашу видим: нарицаешись христианин, о чине вашем хощем ведати, како нарицаетеся: наставник ли, учитель или святитель, или креститель, или пророк, или апостол, или мученик, или исповедник и проповедник веры Христовы? В законе ли благодати Христовы стоишь? И который тайны церковныи храниши? Како о законе исповедуешь? Яви нам о сем и напиши уверения ради всем.

В. Вопрос 3¹²⁷¹. Видим образ ваш, аки благочестия христинскаго и хощем о вере вашей ведать (об.)¹²⁷². Свят и верен почто нарицаешись? Откуду свят был еси? Рцы ми. Откуду нарицаешись верен? Кто Сына Божия? Которые тайны вверишася вам? Чим Христу приобщися? Чим освятися? Которую имеете святыню у себе? Явите нам. Веру правую ли имеете, и что есть предание веры, и что догматы веры, яви нам. В которые лета отпала вера в России и наста нечестие, и что оно разумеете нечестие? Антихристов ли приход или еретики и которых еретик ереси? Яви нам.

Г. Вопрос 4¹²⁷³. Глаголю же вам сыновом человеческим, есть ли ты в коем церковном духовном чину: епископ, или поп, или диякон, или дьячек, или чтец, или певец, или понамарь, или трапезник, или уставщик, или законоучитель, или премудрый книжник, или философ, или ритор, или софиста, или сказатель, или дипутат, или книгоносец, или будильник, или просвиряк? Паки яви нам: что ты есть в послушных своих? Глава ли ты у них¹²⁷⁴ или око, или рука, или нога, или отец, или брат, или друг, или клеврет, или раб, или послушник? Слышим мы, что ты ездишь по градом и по всем странам, людей учишь и крестишь, исповедуешь и прощаешь, и разрешаешь, яко-же поп, и провод отпеваешь, домы и родильницы очищаешь, и трепогруженных прекрещиваеши. Яви нам, коим чином действуеши.

Д. Вопрос 5¹²⁷⁵. Добро есть верующим во имя Исуса Христово. Глава Христос церкви своей, еже есть тело Его. Христос есть глава, мы же тело и уды его. Той основание, мы же здание, той лоза, мы же рождение, той пастырь, мы же овцы, той жених, мы же невеста, той свет, мы просвещаемии и прочая¹²⁷⁶. Аще верни Христу нарицаетеся, како отсечеся глава Христос от своего тела верных? Како разлучись жених невесты своея любимыя? Како отженесь жених – Христос своея невесты – церкве, за нюже на кресте умре и кровь свою пролия? Како пресечесь жертва святое приношение, тело и кровь Христова и священство? Кто вас безверием сим уморил? Кто вас ограбил и святыни лишил? Явите ваших тайных татей, и волков, и губителей. Кто суть самогубители, пренебрегающии отлучения архиерейскаго и иерейскаго, о коих Златоуст пишет¹²⁷⁷? Кто суть схизматцы, осецающии церковное соединение и отделяющии исполнение церковное и тело Христово разтерзающии паче, нежели воины копием пресекоша и гвоздьми прободоша? Явите нам о сем именно¹²⁷⁸. Кто суть еретицы, кто разкольницы, кто подцерковницы, и что отступницы? Которые горши всех, и от которых второе крестити подобает? Кто суть тайные волки и сокрытые тати и скверныи еретицы? И кто самочинные лжеучители, неосвященные преблазнители, лжеапостоли и лжепророки, которыя учили о кончине, во гробы ложились, в ямы садились и сами жгли ся? За правду ли стояли и померли? Согласны ли с вами или ни, и поминаете ли их или ни? Явите нам о сих и напишите и свиток правыя своей веры, в чем стоите.

(л. 84). Е. Вопрос 6¹²⁷⁹. Есть ли в вашем собрании святая Христова церковь, основанна на твердом камени, непорушима до скончания век, яко корабль и тихое и немятежное пристанище? И кто есть в ней служащии от священнаго чина: духовник, подражатель Господень, апостольский подобник¹²⁸⁰, или пастырь, или наставник, или светильник, или вождь, или путеводец, или полководец¹²⁸¹, или воевода, или судия, или властитель, или чиститель, или отец братии, к Богу нудитель, миру молитвенник, или дверник, или ключарь, или купец, или гостинник, или делатель, или строитель, или страж, или пастух, или чистая баня, или источник, или советник, или послух истинный пред праведным Судиею в покаянии¹²⁸²? Яви нам, есть ли в ней вся 7 тайны церковныя, без которых невозможно спасену быти¹²⁸³. Еретицы жертвенников не имут и, егда в церквах христианских пребудут, разоряют, жертвы животнаго хлеба, пречистаго Агнца не закалают, и вина, честь крове Христовы, в жертву не приносят. Но рекут еретицы¹²⁸⁴: то уже иерейства и жертвы в церкви Христове несть потребы. Книга Кормчая¹²⁸⁵. Еретики вся, глаголет, несуща приобщены святей церкви¹²⁸⁶. Един Господь, едина вера, едино крещение, един Бог и Отец всех. Едина есть святая церковь и едина породи нас мати – купель крещение, в едином дому воспитани¹²⁸⁷, единаго хлеба пречистых тайн и единой чаши пречистыя крови Христовы причастницы да соединимся с Ним¹²⁸⁸. Сице мы веруем.

Ж. Вопрос 7¹²⁸⁹. Живете честность ваша бодро и сохранно, и чистоплодно, и воздержно и неприобщительно миру, подобно якоже аггеловцы. По святых ли отец преданию и которым святых отец житию подобно есть, явите нам. Живую ли веру¹²⁹⁰ имеете, по апостолу православно-христианскую и коим святым отцем согласны во всем церковных догмат и духовных дел¹²⁹¹? Святая жертва и приношение Христовы тайны тела и крове и священство¹²⁹², покаяние, законный брак и святыня, которые преданы от самого Христа и святых апостол и святых богоносных отец, без которых невозможно спасенным быти, имеет ли с у вас, и чим освящаетеся, и почему верны християне нарицаетеся¹²⁹³? Явите нам. Живу-ж не к тому аз, но живет во мне Христос¹²⁹⁴. Жити Христу в нас како? Крещением присно в чистоте. Женитись возбраняющии котории суть? Сожжении совестию, учением бесовским в лицемерии лжеслов¹²⁹⁵. Женитва честна о всем и ложе нескверно. Блудником и прелюбодеем суди-ж Бог¹²⁹⁶.

З. Вопрос 8¹²⁹⁷. Зело зло законопреступником и развратником, веры правый отступником и раздирающим церковное соединение и догматы страшныя погубля. Сего греха мученическа кровь загладить не может. Звезды наричены учители суть церковныя, и во антихристово время падати имут с небеси, еже есть от церкви¹²⁹⁸. Змий великий, гоняй жену – святая церковь, испусти из уст своих воду велию, яко реку, да ю потопит. Рцыте нам и объявите, где ныне обретается гонима жена святая церковь? Стоите ли в ней, яко звезды, и просвещаете ли мир своим сиянием? И явите нам, коего дверию или дирою и коим чином вшел в церковь Христову, се есть в христиан стадо? Кто впустил? (об.) В которую обитель пришел? Коим наставником прият? Которым чином справил тя в крещении? По коим правилам святых апостол и святых отец? И которые ереси проклинал и како в вере и в законе мудрствуеши? Яви нам о всем и покажи на письме.

З¹²⁹⁹. Вопрос 9¹³⁰⁰. Земля-ж бе невидима и неукрашенна и тьма верху бездны, и Дух Божий ношашесь верху воды¹³⁰¹. Закон от Бога Моисею дан бысть о 10 заповедь, о сени, о киоте, о иерействе и о жертве¹³⁰². Закон и пророцы до Иоанна, благодать и истинна Исус Христом бысть¹³⁰³. Закон Божия благодати прав, и истинен, и благ, и не имать конца, якоже он Моисеов¹³⁰⁴. Удобнее небу и земли прейти, нежели от закона единой черте погибнуть. За сим яви нам о законе своем, в коем стоишь учении? И учителей своих: кто они, и откуду и какова чину? Где кои были в Новгороде, во Пскове, в Копорье, на Ухоре, в Хижах, на Дереве, в Вязовщине, в Польши, в Ряпин-Мызе? В едином ли согласии со святою церковию и со святыми отцы в вере и закона учение? И чин и устав держите, и коим согласны? Яви нам и покажи на писание.

И. Вопрос 10. Иже несть со Мною, на Мя есть; и иже не собирает со мною, разточает¹³⁰⁵. И аще не суть со Христом, то против Христа. Всяк, иже противится Христу, антихрист есть¹³⁰⁶. Иже церкви Божия¹³⁰⁷ и причастия себе святых тайн удаляюще, врази Божии бывают и бесом друзи. Иже, аще не исповедует безскверные жертвы суще, телеси Господа нашего Исуса Христа, да будет проклят¹³⁰⁸. Истинная ли святая веры правыя и святыя соборныя церкви учители, явите нам: о пречистых тайнах, и о священстве, и о церкви Христове, како верны, от книг святых. Бесед лист 871, книга Кирилла лист 193, книга Веры лист 45 и 51, Ефрем лист 320, Катихис Большой, глава 85 и Малый лист 33. Во всех сих пишут до скончания века. И откуду прииде безверие сие в вас, иже глаголют: несть ныне приношения, истиннаго пречистых тайн, и священства, и церкви, и вера пала, и весьма надстоят безверны?

I. Вопрос 11. Исус Христос вчера и днесь, той же и во веки¹³⁰⁹. В наученья странна и различна не прилагай, иже аще исповесть, яко Исус есть Сын Божий. Бог в Нем пребывает, и Той в Бозе¹³¹⁰. И кровь Исуса Христа Сына Его очищает нас от всякаго греха¹³¹¹. Иерейская уста очистилища страшнейшая¹³¹². Иерейскою рукою Бог благословляет. И ваша честность явите, кто у вас очищает домы и души ваши освящает, и благословляет, и крещает, и надух принимает, и прощает и разрешает? Неосвященный по которым правилом действует? И откуду чин той взяли, по святых ли отец преданию? И где кои тако действовали? Явите нам и уверите от святых писаний.

К. Вопрос 12. Крест честь и слава есть верующим – Златоуст 279. Святый Григорий Синаит: крест трисоставный знамение есть непостижимо Святыя Троицы. Честное древо Троицы бо носит трисоставный образ¹³¹³. Крест похвала и главизна всех благих. Крест всех чюдодеяний Христовых чюднее есть, на нем Христос на жертву принесен: освящен есть кровию Его. Крестом смерть упразнися, праотчий грех разрешись, ад пленися (л. 85), востание даровася, двери раю отверзошася. Крестом чада Божия быхом, елицы во Христа крестистеся, во Христа облекостеся¹³¹⁴. Древо живоносное крест Христов, из негоже безсмертию причастихом^13151316. Како исповедуете честный крест и где употребляете его во освящение души и телу? Верите ли пречистых тайн причастию и дору просфиру хлеб Богородицын? Кто вас лишил, и ограбил, и уморил, и от коего времени не стало? Явите нам¹³¹⁷. Свята Бога исповедуют ведети, а делом отмещутся. Крест Христов в душу не приемлете, мерзцы суще и непокариви¹³¹⁸. Идеже христоубийцы сходятся, идеже крест отгоним есть, идеже Бог хулим есть, идеже Отец неведом есть, идеже Сын безчестен есть, идеже Духа благодать отметаема есть, – паче же и самем сущим бесом больший отсюду есть вход. Иже где бес живет, трудно тому в познание правды приити. О крещении¹³¹⁹. Ключа царствия небеснаго имут апостоли небеса отверзать прияша от Христа власть¹³²⁰. Ключа священнии имут, теми бо породитеся рождением вечным, руками их вся бывают, теми врата небесна отверзаются¹³²¹. Кто суть, иже дают крещение не едино? Что глаголете погружающии или возгружающии? Есть ли лепо быть духовному без Духа¹³²²? Причащаетелися Духу нечествуя Духа? Чествует ли воздание и единородное? Крещаяйся во вторые освящаетелися от неосвященных благодатию Святаго Духа? Что творишь новопросвещенна и непросвещенна, божественна и безбожна¹³²³? Несть бо вторая баня, несть. И о сем явите, по коим правилом неосвященнии второе прекрещевают муж и жен. И напишите.

Л. Вопрос 13¹³²⁴. Людие Божии многоразумныи и разсудительныи, Ияков Григорьев, Прохор Иванов, Мелентий Иванов, Семион Васильев, Стефан Савельев, верою уверяемы, надеждою укрепляемы, любовию к Богу распаляемы и ревностью о церкви Христове, о пречистых тайнах и о священстве, и о благочестии – христианском законе – разгараемы любовью, ложных самочинных лжеучителей, неосвященных и самогубительных, пренебрегателей священнаго чина и ругателей¹³²⁵ имена сии, которыи первыи: Иван Дементьев, Ияков Сухий, Илья Яковлев, Данило Артемьев, Родион Марков, Прохор Губатый, Иван Москвитин, Григорий Белохин, Терентий Михайлов, Алексий Соловянин, Максим Андреев. От них возпрямигнул Федосий Васильев – главнейший, Терентий Васильев, Иван Бедра и прочие. Явите нам, кто они какова чину: истиннии ли они учители или ложные преблазнители? И согласно ли учение их и мудрование со святою церковию и со святыми богословцы? Разсмотрите и напишите нам.

М. Вопрос 14¹³²⁶. Мнози бо лжепророцы и лжеучители, овчата быти являющесь, волцы суще, уморяюще словесныя овчата Христова. Таковии убо суть вси еретицы. Мнози бо мняху веровать, но неправа, ни якоже рече писание, и понеже они своим ересем последоваша, того ради и погибоша¹³²⁷. Таковии лживии апостоли делатели льстивии, преобразующесь в апостолы Христовы¹³²⁸. Делатели льстивии делают убо да изторгнут насажденная, личину приимши истинны и имении убо, рече, не взимают, да большая возьмут, да душу погубят. (об.) Мнози¹³²⁹ бо приидут во имя Мое, глаголюще: Аз есмь Христос, и многи прельстят¹³³⁰. Востанут бо лже-христы, и лже пророы, и лжеучители¹³³¹. И время приближись, не изыдите убо во след их¹³³². Молим вашу честность: кто есть лже-христи и лжепророки, лжеапостоли, лжеучители, овчата бысть являющесь, и уморяют, и погубляют души, и изторгают насажденное, мнят себе верных и истинных христиан, образ имуще благочестия, силы же отвершесь? Мерзцы суще, мерзостью запустения.

И. Вопрос 15. Наш ли еси правоверный, истинный христианин, сын церковный или от противных наших воюющих и ратующих церковь Христову Никониан¹³³³? Или от преблазнителей самочинных неосвященных, пренебрегающих священнический чин и пречистыя тайны, и раздирающих церковное соединение, и осецающих на уды тело Христово, сиречь верных¹³³⁴? Наш церковный благочестивый священный чин, и догматы и веру Никон патриарх нарушил; крест Христов от Агнца разлучил, и преданное от святых отец чин изменил, и нелепые раздоры учинил. Наставники ваши самочиныи неосвященныи от коего времени стали быть¹³³⁵? Коего благочестия учители? Коих отцев чин и устав содержат? Кое имеют согласие со святою церковию? Кои тайны содержат? И по коим святым правилом духовные дела действуют? Открыйте нам на письме. Напишите, истинное ли действо их. На неосвященных татей надежду имеют, оставя святую церковь¹³³⁶. Напишите, почто не имеют священнаго чина у себе и пречистых тайн, и хлеба богородична, и доры, и просфиры, и прочих святынь церковных? Кто их лишил и ограбил? Напишите уверение.

О. Вопрос 16. Он, Никон патриарх, поставлен своим русским митрополитом и епископы всем священным собором¹³³⁷; в лето 7162 и 163 изменил святый чин, и благолепоту святыя церкви ограбил, и книги пременил, страхом и мучением народ устрашил и в новизну приклонил. Они же обительныи наставники и учители ваши, неосвященныи самочинцы, имя рек, откуду взялись¹³³⁸? Коего чина церковнаго, святых отец предания? Кто их поставил и благословил крещеных второе прекрещавать, попов и старцев разстригать, брак разводить и на дух приимать, и прощать и разрешать по коих священных правилом, или по бразом, или по мерзких еретик – Донатистов и Мантанистов, Богомилов и стригольников, которые християн отрывали от святыя церкви в прелесть свою и 2 прекрещавали, подобне якоже они самочинцы ныне творят. Обительнии же ваши, аще есть истиннии учители правовернии, благочестие, и веру, и предание аще от святых отец, да покажют они нам и уверят на писании своем.

П. Вопрос 17¹³³⁹. Премудрость созда себе храм и утверди столп¹³⁴⁰. Премудрость сам Господь наш Исус Христос созда себе храм от пречистыя Девы Марии воплотися, утверди столп 7 соборов 7, закла жертвенное, самую пречистую тайну – тело свое и черпа в чаши пречистую кровь свою. Посла рабы – апостолы. Проповедь, евангелие и пророчества зри¹³⁴¹. Почто, о блазнии, или что пострадасте, остависте Христову овчарню – святую церковь, в нейже возсиявает и препочивает солнце правды – Христос, отнюду-ж вселенную просвети? Почто убо, двор сей добраго пастыря оставльше, в соборище неосвященных самочинцов, лжеучителей и преблазнителей вскочисте? Кая знамения и чюдеса в них видисте? (л. 86) Како уверистеся лжеучителем неосвященным святотатцем? Которыя святыя дары и церковную тайну правую получисте? Явите нам: како души ваши освящают и просвещают или како прощают и разрешают неданным чином неосвященнии и связаннии узами нерешимой тьмы вечной? О чем познать правое учение веры и по чем познавать еретики¹³⁴². Показует дел ради сих: аще не имеют пристанища, рекше святыя соборныя апостольския церкве, аще непризываеми входят в чин учительства, но учат не тако, и прочее. По чем познавать церковь Христову¹³⁴³? Показует: церковь Божия есть собранье верных Божиих, иже непоколебимо держать едину православную веру и в любви пребывают, и евангельскую и апостольское ученье непоколебимо содержат, и достойно божественныя Христовы тайны причащения и священства и прочия, и в законе христианском пребывают незазорно¹³⁴⁴. Пребывают ли незазорно коварнии сии самочиннии лицемеры, лживии учители? Согласно ли мудрованье их сему¹³⁴⁵? Пишет святый Иоанн Богослов: всяк преступаяй и непребываяй во учении Христове Бога не имать. Почем познавати и сих и почем познати верных и истинных рабов Божиих? Чим они верны Христу? Почему познати и что есть пырище их? Которыи священные чины, которые святыя тайны действуются? Разве пещера и вертеп разбойником и тайным татем сокровище, которые подкрадают, тайно уморяют и живота вечнаго отлучают. Пишет святый Златоуст¹³⁴⁶: неподобно есть без святителя ни крестити ни любви сотворить, без них бо церкви не просвещаются ни тайны совершаются.

Р. Глава 18¹³⁴⁷. Разумеем и мы, братие, яко корабль есть церковь Христова, в мире жития обретаема есть; имеющи плавателя освященных и верных, иже присно имеют Христа суща с ними; и мнози нападают на ню врази, хотяще ю разрушити¹³⁴⁸. Рай другий есть церковь, имущий древо живоносное – честный и животворящий крест Христов, из негоже безсмертию причастихомся, живи будем¹³⁴⁹. Раю подобна есть Божиему церковь вселе; тамо древо животное, тамо древеса многоплодные, тамо цветы просветают многоразличныи; несть тамо вопля, несть молвы, ни врази различнии, ниже ереси ни раздоры; единех тайн причастни вси, единех догмат святии сообщницы вси¹³⁵⁰. Радуйся, живоносный кресте, благоверия непобедимое оружие, двери райския, верным крепителю, церковное ограждение. Распятие и смерть прият, живот безсмертный, два источника безсмертия источил есть¹³⁵¹. Сице мы веруем и исповедуем святую церковь. Разскололюбивых разсмотрите собор¹³⁵². Раю, корабля церкви Христовы освященных и верных, и древа животнаго, и безсмертия, и жизни вечныя почто отпадаете, яко един от князь? Раздрателем ризы Христовы – соединения верных, еретиком и отступником, татем и разбойником самогубительным почему уверистеся, якоже змииной прелести в раю Ева и дрема животнаго и плода безсмертнаго лишися?

С. Глава 19¹³⁵³. Солнце просвещает сиянием своим всю поднебесную и всем светоносныя лучи своея светлости и теплоты преподает; тако Господь наш Исус Христос истинное солнце, пресветлое незаходимаго света, вечное сияние просвещает всех, к себе приходящих и на души и на теле¹³⁵⁴. Свят и верен почто нарицаешись? Откуду свят был еси, рцы ми. (об.) Откуду нарицаешись верен християнин? Откуду вам благодать и мир? Кто ли тя сотвори верна? Кто сына Божия? Како сын церкви бысть? Которыя тайны святыя вверишась вам? Како и чим Христу приобщися? Чим освятися? Который чин священный содержите, и которую святыню имеете, и кто духовные дела творит? По коим святым правилом святых отец? Явите^13551356. Се светильник злат весь и 7 светильник верху его и 7 ячаиц светил его. Светильник злат знаменует святую церковь, 7 светильник – 7 соборов святых отец, 7 ячаиц – 7 святых тайн церковных показует.

Собор¹³⁵⁷, последуяй прежь его бывшим святых отец собор, той собор свят есть, непоследуяй же прежь его бывшим святым соборам – не свят, но и скверен, нечист есть и отвержен. Собор обители ваших самочинцов неосвященных, лжеучителей свят или ни? Которым святых апостол и святых отец собору верен? Имеет ли ся в нем Христова церковь, краснейша солнца и светлыя светильник 7 и 7 ячаиц? Светит ли когда или ни? Солнцем, луною и звездами просещают ли когда истинным светом или ни? Скажите. Свят и верен како еси есть? Сын церкви по которым тайнам бысть? Чим Христу приобщися? Чим освятися? Которыя тайны вверишась вам? И от коего святителя и коим чином духовным церковныи тайны творят? Явите нам. Согласно ли есть учение лжепророков и лжеучителей¹³⁵⁸, которыи по свитком, цветникам ли новым учили о всемирной кончине о антихристе: вера пала, церкви несть, пречистых тайн Христовых, священства и прочаго? Како и от кого не стало в вас? Право ли есть учение их или богопротивно? Приято ли есть церковию или неприятно?

Т. Глава 20. Твердо ли верны есте преданию святой веры, юже предаша святии апостоли и святии отцы 7 соборов утвердили?¹³⁵⁹ Твердо ли церковное предание держите? И святии догматы, и тайны, и святыню¹³⁶⁰? Таков вам подобаше архиерей преподобный: незлоблив, безскорбен, отлучен от грешник и выше небес бывший¹³⁶¹. Христос пришед архиерей грядущих благ большею и совершенною скиниею нерукотворенною. Златоуст толкование¹³⁶². Вместо безчисленных иереов единаго архиерея-Христа имамы. Архиерей един есть верным Сын Божий, могий сих, ихже есть архиерей, свободити от грехов кровию своею¹³⁶³; и кровь Исуса Христа Сына Его очищает нас от всякаго греха. Тайну сказал Бог воли своея верным¹³⁶⁴, юже положи прежде о Христе, о немже имамы избавление кровию Его и оставление грехов. Тело наше и кровь не объявляет нам воли Божии¹³⁶⁵. Тако бо и на всех 7 вселенских соборах всеми святыми отцы утвержено писанием и царскими златыми печатями, что во исповедание православныя веры ни приложит ни отъять. Аще ли кто смеет приложить или отъять или что пременить, да будет проклят. Тайным своим татем и необъявленным волком твердо ли и непревратно стоите и верите в законе и учении неосвященным самочинцом, которыи уморяют и погубляют души ваши, удаления ради пречистых тайн и священства^13661367. Тать не приходит, разве да украдет и убиет и погубит¹³⁶⁸; понеже убо и Иуде и Февде последовавшии заколени Быша и погибоша, тако же убо разумей и прочим еретиком, отступником, и татем, и волком, которыи похищают и погубляют.

(л. 87) Вопрос 21¹³⁶⁹. Учитель верных Дух Святый, утешитель же Дух Святый, егоже послет Отец во имя Мое; Той вы научит всему¹³⁷⁰. Дух истинный, иже от Отца исходит, Той свидетельствует о Мне. Уготова Бог и Отец о Христе Исусе, яже им миру дарованная, неизреченная благая от служения¹³⁷¹. Закон благодатный, крещение, причастие, приятие Святаго Духа, священство, покаяние и оставление грехов, воскресение чистоты и красоты, правду и освящение, избавление, царство небесное, и свобождение муки вечныя¹³⁷². Учители образ да будут верным словом, житием и любовию, духом, верою, чистотою. Внимай себе и учению и пребывай в них, скверных же тщегласий, бабиих басней отрицайся, обучай же себе к благочестию¹³⁷³. Учители, дерзновенно обличающи и запрещающи, слово проповедати имеют, еже в правду, да совершен будет Божий человек и на всяко дело благо уготован¹³⁷⁴. Будет бо время, егда здраваго учения не послушают, но по своих похотех изберут себе учители, чешеми слухом, и от истинны слух отвратят и к басням уклонятся. Отступят нецыи от веры, внемлюще духовом лестным и учением бесовским в лицемерии лжесловесным, сожженным своею совестию, возбраняющим женитись, удалятись от брашен. Учители, и крестители, и духовники, аще есть истиннии, правии и нечешеми слухом, которыми дверьми вшел еси в церковь Христову¹³⁷⁵?

У. Глава 22. Услышите сладкаго учителя Господа нашего Исуса Христа, еже рече ученикам своим¹³⁷⁶: слушаяй вас, Мене слушает, и отметаяйся вас, Мене отметает, отметает и пославшаго Мя¹³⁷⁷. Иже, кто удаляется священных и не начинает божественных, – сей есть безбожен¹³⁷⁸. Учительства и священства достоинство велико есть и чюдно и во-истину Божиаго требующий отвещания тако, яко достойнаго на среду привести¹³⁷⁹. Учитель есть богатство церкви и аще будет кто в глаголании сияяй, не того точию похваляют, но и всю церковь. Чюднаго имут учителя християне и обще стяжание и богатство¹³⁸⁰. Егда убо кто и словом наказует и житием, всех есть больший. Учителю подобает быть якож доилице¹³⁸¹: якоже доилица греет своя чада, тако подобает учителю быти. Учитись без стыдения и учити без зависти¹³⁸². Учение скрываяй подобен есть злым женам, раждающим младенцы с чюжими мужами¹³⁸³. Мирский человек да не учит и не творит себе пастыря, овца сый, и глава да не мнится, нога сый, но повиноватись преданному от Бога чину¹³⁸⁴. Услышим убо и мы, братие, елицы хощем Христа приимати. Возможно убо есть и ныне приимати Его. Услышим и возревнуем и многим подвигом и верою приимем Его, ибо егда нища и нага приемлем, того самого Христа приемлем; и как егда плоть и кровь Христову приемлем, того самого Христа приемлем, тем же убоимся и возтрепещем, егда недостойно приимем. (об.) Учители ваши самочинныи благочестивые ли церкви, посвященна ли или ни¹³⁸⁵? Слушают ли Христова учении и святых апостол и святых отец или ни? Како они Христа приемлют, пречистыя тайны, и священство, и церковныи тайны и святыню или ни? Почто удаляются священных и не начинают божественных? Почто учение Христово, и тайны, и священство скрывают? Почто неданное на себе восхищают и духовные дела творят? По коим правилом? Не весте, како пожре земля 14700 учения Корреова?

Ф. Глава 23¹³⁸⁶. Философиа внешняя несть истинная, яже бо о внешних глаголы точию суть и детей игралища¹³⁸⁷. Философия духовна богатство есть, аще научится философ быти изначала, богатство стяжа много, всякаго богатства больше и славу и честь паче всех сильейшу¹³⁸⁸. Философиа есть ежебы получи Бога знать и боятись и самых себе, что есть душа. Сие философие и любомудрие спасает. Святый Иоанн Дамаскин отвещает философскии: душа есть дух умен, всегда живущ, всегда движющеся, сущи безсмертна, вельми лепа и прекрасна, самовластна к доброй и злой воли, Богом любима и вельми жадаема¹³⁸⁹. Святый Амвросий отвещает богословски: душа есть естество созданное, невидимое, разумное, легкое, самовластное, безтелесное, вечное, безсмертное, богоподобнейшее, образ имуще Создателю своего¹³⁹⁰. Бог есть свет неприступен, неизречен, безначален, безконечен, неописан, присно сущен, непостижим и превечный, тако и душа есть: невидима, неосязаема, безсмертна и богоподобнейша; при души есть разумныа иныа силы: воля, память, доброта, мысль, разум, хитрость, мечтание, чювство, разсуждение и самовластие. Сии всегда при души, яко слуги предстоят¹³⁹¹. Бога никто же виде нигде же. Бог любы есть, и аще друг друга любим, Бо в нас пребывает¹³⁹². О Бозе не испытословити, обаче знати и боятись Его подобает и заповеди Его хранити. Иже везде сый и вся исполняяй, содетель и вседержитель в мире есть, яко Правитель и Творец всей твари. Между аггелы яко пища и сладость, в церкви есть, яко в дому Владыка, в души нашей, яко жених в чертозе, между праведными помощник и защитник, между грешными злыми и лукавыми, яко отмститель. Зрите убо, суемудреннии философы, како осуетистесь помышлении вашим и омрачися неразумное сердце ваше. Глаголющеся мудрыми быть, – объюродесте. Почто остависте святых светильников церковных учении о Бозе, о души, о церкви, о церковных догматох, о священстве? Разсмотрите убо, откуду безчисленная вам прозябóша злая, откуду ересей прозябе пагуба, откуду безверие и тьма зловерия привниде, аки благо от гнилаго источника, произыде горька вода яду змеина? Се светозарная луча от уст Христовых произходит. Воззрите, да не падете в яму погибельную.

(л. 88). Х. Глава 24¹³⁹³. Христос есть глава человеком по плоти. Едину главу всем есть по плоти положил есть Христа и аггелом и человеком, сиречь и аггелом едино даде начало и человеком. Сим убо есть по плоти, онем же еже есть Бог – Слово¹³⁹⁴. Христос неизреченно прекрасен бе, яко ниже есть мощно изрещи¹³⁹⁵. Христос есть одеяние наше. Слыши апостола глаголюща: Елицы во Христа креститесь, во Христа облекостесь¹³⁹⁶. Аще во Христа облечешися, и бесове тебе убоятся; аще же в злато, и человецы посмеются. Облецайся убо целомудрием, чистотою¹³⁹⁷. Христос нарицается Пастырь Добрый, овца христиане. Овцы гласа Моего слушают и по Мне грядут, и Аз живот вечный дам им¹³⁹⁸. Христианин нарицается имени ради Христова от святаго крещения и от хризмы, сиречь от помазания святым миром, аки во евреох царем архиереом, и нарицаемся христиане, яко хризмом помазани, и во Христа Бога веруем и заповеди Его храним¹³⁹⁹. Христианин, не творяй заповеди Христовы, ругатель Ему есть. Толк: От наречения пользы не приемлет. Вера без дел мертва есть. Святый Иоанн Лествичник¹⁴⁰⁰. Христианин есть подражание Христово, якоже мощно есть человеку словом, и делом, и мыслию во святую Троицу праве и без порока веровать и вся Христовы заповеди евангельская хранити¹⁴⁰¹. Верному христианину, яко светилу миру подобает быть и везде знаему и всем церковным тайнам верну быти¹⁴⁰². Христианин есть, иже в Бозе живет благочестиво и боголюбезно пребывает. Христианин нарицаешись, аще еси верен. Почему и како еси христианин? Како верен? Совершенно ли крещен? Имаши ли печать и дар Святаго Духа? Святым миром помазан, или ни? Мнишись христианин, исповедуеши ли пречистыя тайны Христовы причащения? Имаши ли отца духовнаго иерея или ни? Честный животворящий крест Христов, иже на просвире на освящение души приемлешь? Дору хлеб Богородицын и просфиру и прочия церковныя святыни? Не раздираеши ли Христову ризу церковное соединение, яко Арий? Не похуляете ли на священныи чины, якоже волк Македоний на Святый Дух? Не возхищаеши ли недарованная, якоже Дафан и Авирон, или яко волк и тать? Не просецаешь ли ин путь необычен, яко же Июда и Февда? Духовная твориши и крестиши. Коими дверьми и коим чином вшел в христианское стада, тать и волк сый в кожи овчий, поядаеши и погубляеши христианския души? По коим святым правилом действуеши? Яви нам.

Ѿ. Глава 25¹⁴⁰³. От уст праведнаго искаплет премудрость, усты же мудрых сведят благодать. Уста мудрых поучатся премудрости, правда избавляет от смерти^14041405. Премудрость же глаголем в совершенных; премудрость же не века сего, ни князь века сего престающих; но глаголем премудрость Божию в тайне сокровенную, юже предустави Бог прежь век в славу нашу¹⁴⁰⁶. Премудрость же, глаголем, в совершенных, премудрость же, глаголет, проповедь и образ спасения, еже крестом спастися, совершенных же веровавших крещение¹⁴⁰⁷ просто воду быть нетцует, но души очищение сущие Духом. Аз же веровахом, яко и душа бысть чиста же и свята, и вменяю гроб, воскресение освящение, правду, искупление, сыноположение, наследие, царство небесное, Духа Святаго подание, печать и дар святое причастие¹⁴⁰⁸. (об.) Отступление веры всем злым виновно. Веры отступити – Бога есть отступити¹⁴⁰⁹. Отступление веры. Что есть отступление? Того самого антихриста нарицает отступление, яко многих имуща погубити и отставить, тако рече: соблазнить, аще мощно, и избранныя. Отступление оно и пременение и нарушение веры како разумеете: антихристов ли приход по числу его 666 или воинство его, разоряющее церковь¹⁴¹⁰? Духовно ли быть антихристу или чювственно? Како сядет в церкви Божии? Что есть мерзость запустения станет на месте святе и что даст знамение? Тако же Илии и Еноху быть ли или ни¹⁴¹¹? Дух явственно глаголет, яко в последняя времена отступят нецыи от веры, внемлюще духовом льстивым и учением бесовским, сожженным своею совестию, возбраняющим женитись, удалятись от брашен и прочее. Сие отступление в последняя временна. О коих отступниках разумеете? Кто они есть¹⁴¹²? На отступники и на схизматики лютое ничто же тако раздражает Бога, яко же церкви разделятись; ничто же тако церковь может разделить, якоже любоначалие. Суть бо мнози, радующись о злых, и тело Христово разтерзающии, паче нежели воини копием пресекоша или иудеи гвоздми прободоша. Оное есть меньшее зло; онии пресечении уди паки совокупишась; сии же не к тому совокупятся, но вне пребывают церковнаго исполнения и мира Христова¹⁴¹³. Несть ли в вас раздирателей ризы Христовы? Несть ли разтерзателей тела Его, неверствующих ругателей на священный чин? Чим согласуетесь Христу и сообщаетеся?

Ц. Глава 26¹⁴¹⁴. Царь есть господин дому. Сей некто увидит уставленный чин в коемждо дому: есть в чине убо царя – муж, в чину иерарха и воеводы – жена, а дети по сих начал 3, таж по сих начал 4 еже рабов, и тии обладают меньшими. Град есть коегождо дом¹⁴¹⁵. Господин дому царь есть и над всеми яко подобает ему строительнейшу быть и градоправительнейшу. Владеет женою муж; жена детьми и рабами; и раби своими женами. Паки жены и мужи своими детьми владеют и учат заповедем Божиим¹⁴¹⁶. Аще сице правим домы своя, и к церковному настоятельсту будем ключими, и дом бо церковь есть малая. Тако лет есть мужем и женам бывши благим всех превосходит добродетельми своими. Церкви имя согласи есть, имя и единомыслия¹⁴¹⁷. Церковь же Божию нарицает, показует, яко соединятися ей достоит¹⁴¹⁸; и едина есть не точию в Коринфе, но и по всей вселенней едина¹⁴¹⁹. Церковь есть дом отчий, едино тело и един Дух; якоже бо и тело и глава един есть человек¹⁴²⁰, тако церковь и Христа быти глаголет. Церковь Христова выну пребывает, слава Его в церкви Его; добре тако рече¹⁴²¹: сия бо весть едина пребывать выну и хощет, да той прославляется от нас до скончания во вся роды века веком. Аминь¹⁴²². Церкве не снедати не раздирати, даже доколе снедаете церкве корень, доколе якоже червие точите и грызете, ибо якоже тело мертвое церковное вижду множество повреждено ныне; и якоже в телеси новоумерщвенном лет убо видети руце, нозе и главу, но ни единаго убо, яже своя творяща (л. 89), тако убо и зде вси суть вернии, но несть вера действенна, теплоту бо погасихом и Христово тело мертво соделохом. Имена братий, а вещи супостатов. Уди нарицающеся вси, и, яко звери, разлучихомся. И о сем разсмотрите, о боголюбивии, тамож и вы, разкололюбивии раздиратели. Почто церкви Христовы ратуете и разлучаетеся? Почто главы не имеете? Почто мертвы сотвористеся и, яко же черви, угрызаете и снедаете и сами умираете безверием, вечною смертию? Церкви Христовы и пречистых тайн, и священства и прочих церковных святынь лишаетесь? Явите нам.

Ч. Глава 27. Честнейший небес что есть¹⁴²³? Человек паче видимых есть честнейший, над человека бо ничтоже от видимы равно есть у Бога, ибо небо, и землю, и море онаго ради сотворил есть и в нем пребывай паче веселится, нежели на небеси¹⁴²⁴. Человек паче аггел предпочтен, и человека не великую высоту возведе, посади бо его, рече, одесную его; помышляй престол царский, помышляй чести превеличество, устрашись, да не отпадеши главы Христа, да не лишишися венца¹⁴²⁵. Человек безсмертно животно и яко горе сущим сроден. Земля человек, пепел человек, трава, цвет сельный¹⁴²⁶. Человек есть вторый мир малый: есть небом, и землею, и, яже суть на небеси и на земли, видимая и невидимая, имать человек в себе зерцало¹⁴²⁷. Человек церковь духовная есть, ибо человек от церкви есть честнейший¹⁴²⁸. Аще бо церковь разскопати люто есть и неподобно, кольми паче иже храм духовный? Аще кто храм Божий тлит, разтлит сего Бог¹⁴²⁹. Человеком кто хощет угождати, Христу раб быти не может. Честность ваша, человецы нарицаетеся, честнейшии, вернии, предпочтенныи, и мира мнитесь отлучены суетных. Чин вашея святыни каков имеется во священном церковном причте? Благочестие, веру, крещение, святое миро, пречистыя Христовы тайны, священство – есть-ли истинное в вас? И по чему познать вас верных¹⁴³⁰? Что есть человек, предпочтенный паче аггел? Како и почто диадимою почтен? По чем безсмертно и кивотно? Како Христа главы соприобщен есть? Что есть человек – вторый малый мир наречен, и почто небом и землею? Почто есть человек церковь духовна назван? Которых ради великих тайн? Честность ваша мните себе нарицаетеся церковию. Духовная-ли или чювственная? Христова ли или самосмышленная? Что есть основание церкви, и украшение, и утверждение? Кто есть церковный служитель и которыи тайны действует? Како честию предпочтен? Кто освятил, и благословил, и просветил учителя вашего? Что мните лучше и хощете: Христу ли или человеком угождати? Церковь ли и храм духовный разтлити или разтлитися и главы Христа отлучитись и вечно мучитись?

Ш. Глава 28¹⁴³¹. Шествуем и последуем за предводителем нашим и пресветлым солнцем и главою – Господем нашим Исусом Христом путем истинным, светом святаго евангелия по заповедем Его, и последуем непрелестным и светлым звездам святых апостол и святых отец преданию и учению, едином благочестием и верою правою. Шествуем и благодарим Творца своего, яко сотворил ны есть по образу своему (об.) и дарова нам дар – душу пресветлую, разумную, невидиму, безсмертную, вечную, многовидну и равну аггелом¹⁴³². Шествуем и благодарим Бога Творца своего, яко нас ради сотвори небо и землю, свет, солнце, луну и звезды, море, реки, воды, рыбы, птицы, и скоты, и звери и всяко животно¹⁴³³. Шествуем во свете Его и благодарим, яко нас ради сниде на землю Сын Божий и дарова нам закон и пророки, и познание правды – евангельскую проповедь, и апостольское благовестие, веру, крещение, причащение, священство и покаяние и прочия церковныя тайны и освящение¹⁴³⁴. И сего ради наипаче благодарим Творца своего, яко яви нам едину церковь, едино крещение, едины тайны, един честный и животворящий крест и воскресение и нетление жизни вечныя, честною кровию Своею от смерти вечныя и от ада и муки свободи и рай затворенный отверзе¹⁴³⁵. Шествуяй, непрелестный и живоносный путь, око убо да извержет нечювственное, но умное, сиречь аще епископ или презвитер неподобно служат и соблажняют люди, подобает изврещи их¹⁴³⁶. Аще епископ или иерей закон и повеление имать развращенно, не слушай его, аще и аггел будет, не покоряйся ему, не послушай прелести ни во всем, ниже исполни¹⁴³⁷. Шествует ли во тьме широту жития сего и последует пастырю неискусну, без муки не будет; или аще слепец слепця ведет, оба в яму впадут. О, люте велика яма – бездна адская, в нейже тьма, смрад, червие, хлад, слезы, скрежет зубом, огнь неугасим, страх, смерть безсмертная, а собеседницы все злобнии бесове, в нюже единою впадый, некогдаж свободится. Засим разсмотрите путь шествия своего. И вы, мнящиися быть мудрыи, и вернии, и воздержнии, коим путем шествуете? Узким или пространным? Широкий путь и пространная врата ведет в пагубу. Христовой ли правде путем истинным идете и во свете ли ходите или во тьме прелести? Которым светлыим звездам последуете или темным и мрачным? Не слышасте ли: несть части света со тьмою, несть части Христу с Велиаром, ни правде с неправдою, ни добродетели со злодеем? Кий мир у ене со псом, или кая община волку со агнцем, или верному христианину с неверным, и неблагодарным, и развращенным.

Щ. Глава 29¹⁴³⁸. Щедр и милостив Господь, долготерпелив и многомилостив, благ Господь всяческим, и щедроты Его на всех делех Его¹⁴³⁹. Се же благих вина есть. Божия благости неизмерна милость и пучина человеколюбия, яко невозможно есть человеку измерити высоты небесныя и глубины морския, тако невозможно уму человечю Божия величества постигнути, Божия человеколюбия и щедрот, еже сотвори на человеце. Тако бо Бог утверди милость свою, яко и Сына Своего любимаго даде зань умрети¹⁴⁴⁰, и удали Бог безчестие от человека и украси ризою – крещением и не точию спасе, но и вечныя славы и царствия небеснаго сподоби¹⁴⁴¹. Но сего ради Христос умре и кровь свою пролия, да нам подаст безсмертие, и алчен бысть, да плотию своею напитает, жаден бысть, да ны кровию Своею напоит, крестися, да ны очистит (л. 99) от грехов омыет и сподобит и спасет от скорби и муки избавит¹⁴⁴². Щедр и милостив Господь, и кто изследит дела Господня и державу величества Его. 1. Первее Бог сотвори нас ради небо, землю, свет, солнце, луну и звезды, рай и вся, иже суть под небесем. 2. Второе, яко от небытия в бытие сотвори человека, и душу животну вдохну, и всякими чювствы и составиши пречюдне украси и предпочте. 3. Яко сотвори Бог человека подобна аггелом в теле, славою и честию венчав яко царя, в тое место, из котораго испаде сатана диавол. 4. Яко преступлшим заповедь Его нас ради сниде на землю, даде закон, пророки и познание правды Его – евангелие, апостолы, благовестники и учители. 5. Яко показа нам едину церковь, едино крещение, причащение святых тайн, священство, покаяние, законный брак и прочия свтыя церковныя тайны и святыню¹⁴⁴³. Священство вельми потребно есть, иже без него не могут быти исправлены церковныя тайны, и кроме священства стояти тайны не могут. Священство бо на сем свете есть, яко душа в теле, и, яко солнце, светит всей земли. 6. Яко, аще и тьмами тем согрешивше, припадаем и каемся Богу, милостивно приемлет; и дарова нам пречистую плоть и кровь Свою на очищение и во оставление грехов и в жизнь вечную. 7. Яко по отшествии отсюду, мало в чем угодивше жизнь вечную уготова и царство небесное дати обеща, не на тысящу или 100 лет, но во веки веком. Сия и множайшая безчисленная щедрота Божия невозможно изчислять, да мы за вся благодаряще верою и любовию Богу соединимся и благодатию и щедротами Господа нашего Исуса Христа¹⁴⁴⁴. Не устами точию благодарим Бога, да не о нас речется: людие сии устами чтут Мя, сердцем своим далече от Мене отстоят, елицы неблагодарнии на хулу Божию живут, не достойни суть и солнце зрети, ниже наслаждатись тварей, славящих Бога Творца своего. Помысли коликия беды и тщеты чадом и сыновом Божиим бывши за леность отпасти живота вечнаго и царства небеснаго лишитись и в пагубу, в геену посланом быти. Не благодаряй Бога – хульник есть, не благодаряй Бога горши пса есть. Засим молю убо вас щедротами Божиими, явите нас благочестия вашего верны ли Христову евангелию, еже рече Господь¹⁴⁴⁵: Слушаяй вас, Мене слушает отметаяйся вас, Мене отметает, отметает и пославшаго Мя¹⁴⁴⁶. Верны ли есте благовестию и святых апостол и святых отец учению и преданию церковных догмат или ни? Благочестивых ли святых отец предание и чин во обители вашей содержится, еже без священнаго чина и без святыни быть? Како нарицаетесь в чину вашем и которым светилом небесным: солнцу, луны или звездам светлым и непрелестным или светильником светлым последуете? Люди верны нарицаетесь и христиане, который чин священный имеется? Свят и верен почто нарицаешись? Кто ли тя сотвори свята и верна? Яви нам. (об.) Откуду вам благодать и мир? Какова святыня церковная есть ли в вас или ни¹⁴⁴⁷? Идеже бо нарицается Христос, ту и соборная церковь сходится. Почтите епископа, яко самого Христа; иереи, яко сопрестольники и супруги апостолом, без них бо церкви не просвещаются ниже святыя тайны совершаются. Неподобно убо есть без святителя ни крестити ни любви сотворить¹⁴⁴⁸. И аще где священнаго чина не будет, ниже вернии тамо могут быть, верным бо без попа не точию креститись, но ни родитись ниже умерети лепо есть¹⁴⁴⁹. Иже аще кто удаляется священных и не начинает божественных, сей есть безбожен. И аще которыи мнятся благодарны, благодати Божия и дар Святаго Духа – крещение, миропомазание, причащение и священство и сыновство Божие ни за что полагают, веру святую правую и закон Божий преступают и благодати и живота вечнаго лишают¹⁴⁵⁰. Коим подобны суть, неблагодарным ли иудеом или еретиком, или отступником, или прочим развратником.

Ѡ. Глава 30¹⁴⁵¹. О божественнаго, о любезнаго, о сладкаго ти гласа, с нами бо неложно обещался еси быти до скончания века, Христе, егоже вернии державу и надежду имуще радуемся¹⁴⁵². Егда Господь наш Исус Христос, воскресши из мертвых, явися первее пречистей Матери Своей рек: Радуйся, радованием вечным! И прочим женам, потом явися учеником затворенным дверем, рече: Мир вам! и паки¹⁴⁵³: Се Аз с вами есмь во вся дни до скончания века. Аминь. И не тем единем, но и всем верным. По истинне убо достойны есмы радоватись, такову имуще надежду, яко и по общем всех воскресении пребывати с Ним до скончания века и в царствии своем со всеми святыми во веки веком¹⁴⁵⁴. О, Пасха велика, освященная Христе! О, мудрость, слово Божие и сило, подавай нам истее тебе причащатись в невечернем дни царствия Твоего¹⁴⁵⁵. Сконча зде тайну списатель рече и дивится, вельми бо, рече, свята и честна и непорочна сила и мудрость Божия пречистых тайн телу и крови Христовы велит причащатись; и паки: подавай нам истее тебе причащатись в невечернем дни царствия Твоего¹⁴⁵⁶! Сия кровь соделовает, яко образ в нас церкви цветет, сия красоту и светлость души укрепляет, сия бесов отгонит, сия весь мир очистила есть¹⁴⁵⁷, сия душ наших избавление, тою омывается душа, тою украшается, тою разпаляется, тая мысль огня яснейши и злата светлейши сотворяет, сия почесть все вселенныя¹⁴⁵⁸. Сия есть кровь, еюже Христос нас искупи и еюже мир освяти и всю церковь Свою украси.

О схизматицех¹⁴⁵⁹, отдирающих себе от церкви в той же вере, за еже противная и церкви и закону и правилом творити. О сих разсмотрить и разсудить молю. Кто суть схизматики, раздирающии соединенье церковное в той же вере, и кто суть отделяющеи единости веры, и кто осецающии исполнение церковное¹⁴⁶⁰? Кто суть тело Христово разтерзающии и паче, нежели воини копием и гвоздьми прободоша¹⁴⁶¹? Котории паче разтерзают, иудеи ли, или римляне, или юниты, или отступники, или еретицы, или тайные тати и волки?

(л. 91). А. Глава 31¹⁴⁶². Яко же солнце на небеси свет есть миру, просвещает всю поднебесную и согревает, и ни едино же место укрыется теплоты его, тако есть и слово Божие¹⁴⁶³: свет есть, и огнь, и меч остр, и брашно души¹⁴⁶⁴. Живо слово Божие и живет и не погасло. Тако же свет есть божественный заповеди, о немже пророк рече: Свет повеления Твоя на земли¹⁴⁶⁵, и паки: закон Твой свет стезям моим. Тако и ум наш свет ест и око души, и егда сей затмится грехолюбными помыслы и страстьми, тогда душа и тело темно будет и лишено славы Божии, закон и заповеи Божия преступает¹⁴⁶⁶.

Якоже бо рай другий, есть многоцветен и благоуханен божественных словес прочитание; от сего убо душам спасение приобретаем, добродетель благоухания собираем и мысленныя цветы отъемлюще духовнаго и спасительнаго меда душам нашим составляем. Рай яко возрастает¹⁴⁶⁷ цвет нетления и древо животное честный и животворящий крест Христов, из негоже безсмертию причащаемся и живы будем.

Являет Благовестник¹⁴⁶⁸, яко церковь Христова и род христианский до скончания века имать быти; род, рече, не тогда сущий, но род весь христианский верный¹⁴⁶⁹. Являет же зде, яко церковь честнейшу имать паче всех тварей, ибо, аще и тварь изменится, верных же церковь, и словеса ея, и евангелие никогда же; пребудет же и род верных, ни единым от предреченных пресецаем.

В уверение святый Андрей апокалипсисе толковом свидетельствует¹⁴⁷⁰: действуяй бо, рече, во антихристе диавол на церковь Христову бранию воополчится, и жена, се есть церковь, побеже в пустыню, и тамо борющих бесов и лукавых человек прилогов верующих христиане избегнут. Зри¹⁴⁷¹ от сего церковнаго учителя святаго Андрея сказание известное, яко святая церковь Христова имать быти и при антихристе, и тайны церковныя в ней пребывати имут и священство, и никако же истребятся; и врата адова, по Христову словеси, не могут одолеть ей¹⁴⁷². И яко же сам Христос никогда не умирает, тако иерейство Его по чину Мельхиседекову не престает, престало тогда архиерейство Аароново, яко временное, востало же Христово вечное. Сице мы веруем и исповедуем о церкви и о священстве и о догматох церковных, яко имут быти до окончания века¹⁴⁷³. Зри, внимай и разумей, яко ни едини тии иже догматы страшныя и нещреченныя погубляют, не получат по Златоусту на страшном суде милости, сего греха мученическая кровь загладить не может. Аще ли кто божественная¹⁴⁷⁴ писания укаряет или охуждает и полагает на свой разум ни зачто несть сего безумнейши на земли¹⁴⁷⁵. Иже словес евангельских не имеет в честь и не верит, да будет проклят. Иже развращают о себе евангельская словеса и апостольска, да будут прокляты¹⁴⁷⁶. Явственне ведуще, яко иже мало что от содержимых в божественном евангелии подвизая, во-истину еретик есть.

Господь наш Исус Христос – истинный Пастырь и начаток всем святым писанием, о последней прелести часто вспоминая, соблюдая и утверждая правоверных, сице глаголет в Евангелии¹⁴⁷⁸: Блюдитесь от книжник, хотящих ходити во одеждах овчих, внутрь же суть волцы, хищницы, грабители, от плодов их познаете их¹⁴⁷⁹. Блюдите, да никтоже вас прельстит: мнози бо приидут во имя Мое, глаголюще: Аз есмь Христос, и многих прельстят¹⁴⁸⁰. Аще рекут вам: се Христос в пустыни есть, еже есть в пустошных и маловременных глаголех¹⁴⁸¹, не изыдите, ни откуду не изходите, еже есть от единоя святыя соборныя апостольския церкве, от прежния святыя правыя веры установлена Святым Духом и утверженныа Христом, за новыми ересьми и отступники не изходите¹⁴⁸². Блюдите, да не прелщени будете, и время приближися, не изыдите убо вслед их. Льстящии мнози, а прельщающиися множайшии¹⁴⁸³. Аминь, аминь, глаголю вам: не входяй дверьми во двор овчий, но прелазя инуде, той тать есть и разбойник¹⁴⁸⁴. Тать убо, иже не писаньми входя в двор овчий, яко промышляти ими, но прелазя инуде, се же есть ин себе просекая путь, якоже Февда, Июда отлучиста от Христа, погубиста и изтлиста¹⁴⁸⁵. Тать не приходит разве да украдет и убиет, и погубит, понеже убо Февде и Июде последовавшии заколени Быша и погибоша; сице убо онех и подобных им лжеучитель татьми нарицает.

Святый апостол Петр возспоминает¹⁴⁸⁶, яко в последняя дни приидут ругатели, по своих похотех и нечестии ходящии. Быша же и лживии пророцы в людех, якоже и во вас будут лживии учители, иже внесут ереси погибели и искупльшаго их Владыки отлетающиися, приводяще себе скоры погибель, и мнози пойдут вслед их нечистот, имиже путь истинный похулится, и во преумножении льстивых словес вас уловят. Святый апостол Павел в деяниих (зачало 44). Аз бо вем сие, яко по отшествии моем внидут волцы тяжцы в вас, не щадящии стада, и от вас самих возстанут мужие, глаголющии развращенная, еже отторгнути ученики вослед себе. Сего ради бдите¹⁴⁸⁷. Таковии лживии апостоли, делатели льстивии, преобразующеся во апостолы Христова, делатели льстивии¹⁴⁸⁸ делают убо да исторгнут насажденная, личину приемше истины, тако вещь прелести лицемеруют, и имений убо рече не взимают да большая возмут да душу погубят¹⁴⁸⁹. Не послушай прелестника, ни во всем ниже исполу, дабы пол Христа, пол же его послух.

Святый апостол Иоанн Богослов, Апокалипсис¹⁴⁹⁰: Дети, последняя година есть, якоже слышасте, яко антихрист грядет, и ныне антихристи мнози Быша, и от сего разумеваем, яко последний час есть. О правде¹⁴⁹¹, яко много предотечев, но и сам уже близ есть по числу же о нем 666, число бо человеческо есть антихристово. Кто весть, аще в сих летех 1666 явственных предотечев его или того самого не укажет. И се отступление указует Дух Святый во апокалипсисе¹⁴⁹² о антихристе по числу зверя 666.

(л. 92). Святый апостол Павел 2 Солуняном зачало 275¹⁴⁹³. Да никтоже вас прельстит ни по единому образу, яко аще не приидет отступление прежде, и открыется человек греха, сын погибели, противник и превозносяйся паче всякаго глаголемаго Бога или чтилища, яко сести ему в церкви Божии, аки Богу, показующу себе, яко Бог есть¹⁴⁹⁴. Златоуста толк и велия тайны открывает. Что есть отступление? Того самаго антихриста нарицает отступление, яко многих имуща погубити и отставити, тако яко, рече, соблазнити, аще мощно есть и избранныя. Се бо апостол Павел и святый Златоуст воспоминает, дабы ложнаго ради умышления ко иной ложной главе кроме Христа не приставали¹⁴⁹⁵. Блюдетесь да никто вас будет прельщая философиею и тщетною лестию по преданию человеческому, по стихиям мира, а не по Христе Исусе¹⁴⁹⁶. Того ради в вас тела Христова никтоже да не небрежет¹⁴⁹⁷, а яже не веде учит, без ума дмяся и не держит Христа главы, из неяже все тело, и сам чинится вместо Христа главою церкви Христовы, той есть антихрист. О сем бо святый Кирилл знамение 6 глаголет¹⁴⁹⁸: яко антихрист прежде пришествия своего учинит, яже везде жертвенники и истинную жертву истребит и кумир свой на святе месте поставит. Уже бо сицевое мерзостное запустение посланнии от него лжепророцы начинают, и от того познаем, яко уже близ есть день Господьский, но не у еще кончина, дóндеже сам приидет, и с ним совершится и исполнится мерзость вседневнаго запустения.

Егдаже узрите мерзость запустения, реченную Даниилом пророком стоящу на месте святе, идеже не подобает, чтый, да разумеет¹⁴⁹⁹, может ся разуметь сие и по обычаю¹⁵⁰⁰? Мерзость бо запустения есть всяко разумение сатаникско, стояй на месте святе, нашем разуме, идеже не подобает¹⁵⁰¹. Сия убо мерзость толкуется по писанию – воинство антихристово, разоряющее церковь Божию. От словес святаго апостола Павла¹⁵⁰² познаем: тайна беззакония уже деется, точию содержай ныне¹⁵⁰³. Тайна уже деется во своих ему предтечах, и ему самому место готовят. Святый Кирилл Ерусалимский знамение 7¹⁵⁰⁴. А ныне уже видимо есть отступление, отступиша бо мнози человецы от правыя веры и ищут слухи приложенными глаголы, и вси послушают сладце прелести, и вси предаются на глаголи тии; и удалишася вси человецы от добрых дел и изволиша лучше прелестное, нежели похваляют самую истину. И се есть уже отступление, и ожидаем врага, иже помалу пошлет предотеч своих, даже и сам на готове пришед и остаток уловит. Тако и отступник антихрист ничтоже, кроме демон содевает¹⁵⁰⁵. Сотварит бо образ звериный и покажет глаголюще, и огонь с небеси снизходите сотворит, дабы прельстити люди¹⁵⁰⁶, осудит же убиенным быти, иже ея ему не поклонять; и сотворит себе мертва быти ложно и потом воскреснет; сим знамением весь мир удивляти имать.

(об.) Аггел господень утверждает верныя¹⁵⁰⁷, еже не прияти антихриста и покланятись антихристу возбраняет тяжце¹⁵⁰⁸. Аще кто поклонится зверю и образу его и примет начертание на челе своем или на руце своей, и той будет пити от вина ярости Божиа смешенна нерастворенна в чаши гнева его и мучен будет огнем и жюпелом перед святыми аггелы и пред Агньцем, и дым мучения их во веки веком возходит, и не имут покоя во дни и нощи, кланяющиися зверю и образу его и приемлющии начертание его.

О печати антихристове. Яко вси приемлющии печать антихристову¹⁵⁰⁹ и поклоньшеся ему, яко Богови святому, ни умут убо части во Христово пришествие, но со змием вложени будут в геену¹⁵¹⁰. Антихристовых предотеч блюстися повелевает. Даже в то время не вемы, како приидет, и прельщени не будем, антихристу не поклонимся и не предадимся¹⁵¹¹. Аще кто ему поклонится, той царства небеснаго не наследит. Святый Ипполит папа Римский в слове своем¹⁵¹²: по всему убо хощет уподобитися льстец Сыну Божию: лев – Христос, лев и антихрист, явися Христос – агнец, явися и антихрист – агнец, внутрь сый волк; даде Господь знамение, иже в него верующим, честный крест, и той подобне даст знамение. Святый Ефрем рече¹⁵¹³: образ приимше сквернаго богопротивника за крест Спасителев. Святый Ипполит пишет: зрите повеления антихристова, яко же бе прежде мучители Христовы мучеником повелевающе Христа отрещися и идолом поклонится; таково нечто и придобру ненавистнице будет отрицаюся, глаголюще, печати творца небу и земли, отрицаюся крещения, отрицаюся службы моея и к тебе прилагаюся и верую. Егдаже скверный антихрист поклонником своим даст печать и знамение свое на руце десней и на челе, да никтоже честный и животворящий крест сотворит десною своею рукою на челе, но связана рука его будет, и оттоле власти не имут знаменать своя уды но прелестнику приложатся, и таковому покаяниа несть, всяко убо яве, яко погибе от Бога и от человека. И дарует тем льстец малы снеди печати ради своей скверныя. А кто от христиан печати сквернаго не приимут и не послушают, и он всескверный тех повелит томленьми и неизчетными муками и лютыми козньми изнурити. Будет бо тогда скорбь велия, яковаже не бысть от начала мира, и потом не будет.

К сему воспомянуть требе есть и сие вам¹⁵¹⁴ о связании сатаны на 1000 лет и потом о развязании его¹⁵¹⁵. И видех аггела, сходяща с небеси, имея ключ бездне и уже велико в руце его и ять змия, змию древнюю, еже есть диавол и сатана, и связа и на тысящу лет в бездну затвори его, и заключи его, и запечатле над ним, да не прельстит к тому языки, дóндеже скончается 1000 лет (л. 93) и по сих подобает ему отрешену быти мало время¹⁵¹⁶. Зде диаволе сказует бывшее Христовою страсти, егда онаго привяза к бездне, а нас избави; явеже есть разрушение идольских молитвищь и службе познанием воля Божия по всему миру. Ангела же глаголет се сотвориша, да покажет, яко служебных сил хуждьшии есть силою бездоб ся гордит на вся. А юже сказует противу нашему разумению всю его детель связуему на 1000 лет, не глаголем же, яко числом разумети тако, но на многа лета, якоже Давид: слово еже заповеда в тысяща родов, или явленному совершенному числу тысящу лет от Христова воплощения до антихристова пришествия, Богу единому то есть ведомо, иже весть доколе есть нам полезно жити. По томуж пришед льстец смутит всю вселенную, нося в себе злую детель, от него же дел дабы избавить ны милостивый Бог наш, Ему же слава во веки веков. Аминь.

Свидетельство 1¹⁵¹⁷. О римском отпадении. Тако всегда в памяти иметь всем православным преж бывшие вины и сему внимати¹⁵¹⁸, яко по 1000 лет от воплощения Божия Слова Рим отпаде от Восточныя церкве со всеми западными странами¹⁵¹⁹. Являет о разиствия: яко Дух Святый от Отца и Сына изходит, и опресноки служат, и огнь чистительный и ины многи ереси, еже тысяща тысящ злым виновно бысть. Се есть первое отрвание. Второе оторвание христиан от Восточныа церкви в 595 лет по тысящи¹⁵²⁰. Тогда Юниты, се есть пять владык житилие в Малой России к Римскому костелу отступили¹⁵²¹. Правыя веры отступили, и спасение свое погубиша, и клятве святых отец подпадоша, и на всей воли Римскаго папы заручную грамоту дали. Се есть второе отрицание християнн.

Отбегая же сие, пишет списатель Правыя Веры¹⁵²²: егда исполнится от воплощения тысяща 666 лет, по числу зверину, да нечто бы от прежних вин зло некакого не пострадать и нам в православной вере. Егда же прииде и неполных по 1600 летех 66 число, тогда, ох горе и увы, в Великой России наста отступление правой веры и развращение, мудрее и лукавейшии первых, от создания мира по 7161-го.

Свидетельство 2. О изменении благолепоты церковныя и о пременении веры, о развращении чинов службы книг. Пишут страдальцы протопоп Аввакум и священник Лазарь, болезнующии и плачущии в сердцы своем¹⁵²³. Богу тако попустиша за согрешения наша, бывший пастырь Никон патриарх в лето 7160, егда убо прият престол Всероссийской церкви и притворися, волк сый в коже овчей. В 162-м веру правую нарушил и благолепоту святыя церкве опроверже, святыя догматы и чинны изменив, единости истинны правыя веры и святой Восточной церкви отвергшись , и прежних святейших 5 патриархов, святейшаго Иова, святейшаго Гермогена, святейшаго Филарета, святейшаго Иосафа, святейшаго Иосифа и прочих святых святителей и учителей: Петра, Алексия, Ионы отступивше и западным приложшася (об.)¹⁵²⁴ Благочестие от крещения великаго князя Владимера в Российском царствии 7-сот лет, яко солнце сияше посреди круга небеснаго до Никонова отступления и пременения. Болезную убо в сердцы моем и плачуся, глаголю о изменении благолепоты церковныя, яко собышась пророческие словеса сии¹⁵²⁵: пастыри мнози разстлиша виноград Мой и потопташа часть Мою возжеленную¹⁵²⁶. И паки: изменят бо времена и закон беззаконствующии и завет наведут с прелестию и осквернят священия и преставят учащение и дадят в неогнушение искажено¹⁵²⁷. Горе миру от соблазн¹⁵²⁸ и нужда им быти по словеси Христову, да познаны будут благочестивии и нечестивии, и кое злато и сребро и камение и дрова. Вси же хотящии благочестно жити, о Христе гоними будут, лукавии же человецы и чародеи преуспеют на горшее прельщающе и прельщаеми¹⁵²⁹.

Свидетельство 3. Внемлите же от лживых пророк, иже приходят к вам во одеждах овчих, внутрь же суть волцы хищницы, от плод их познаете их¹⁵³⁰. И по сему Христову словеси новолюбныи оны власти, и по делом их явни Быша, что они благочестия отступиша и пременишася. Были воини Царя Небеснаго, а ныне стали воини земного царя и служители антихриста. Были ангели земнии: епископи, иереи, и пастыри и учители словесных овец, а ныне стали волцы и губители душам христианским, были преданию святых апостол и святых отец 7 соборов и церкви святыя поборники, а ныне стали антихристова предания учители, по делом гонители и мучители христианом¹⁵³¹. И первие святая церковь, матерь нашу любимую, ограбили, яко же царицу от порфиры обнажили, благолепоты и чинов, истинный крест Христов животворящий трисоставный от антимиса и от просфоры сняли, от агньца Божия разлучили, во исповедании святаго символа Духа Святаго истиннаго отставили; трисвятую алилуию четверят, в треперстном сложении Христова два естества не исповедуют; в молитве Сына Божия, в плоть пришедша, не проведуют и велят креститись треми персты; и вся чины и уставы святых отец 7 соборов, запечатленныа златыми печатьми, догматы церковныа нарушили, и вся святыя книги развратили, по воли своей, мнящеся мудры быти, гордостию величающеся над теми, и приложиша истинну во лжу и почтоша беззаконие в закон. Истинных пастырей, святых отец отступиша и к западным приложишася, точию еще лжею лицемериа своего, яко овчиною закрывающе в себе внутренняго волка, не объявляются с тем, но и паче от дел своих в законе пребывающим отческих мучением явны Быша¹⁵³².

Свидетельство 4. Благочестия поборник по вере и по церкви Христове юзник, страдалец диакон Феодор благоверным отцем и возлюбленным братиям, чадом Сионским, о Христе Исусе радоватись и утвержатись во исповедании святыя православныя веры твердо и непревратно стояти за благочестие и непоступни бывайте во святых отческих преданиих, даже с ними наследите вечное царство в горнем Ирусалиме. О сем точию болезную душею и воздыхаю горько и плачюся: Богу попущающу за согрешения наша противнику врагу действующи пестрообразною ересию и мерзостию запустения стоящу на месте святе, еже делатели льстивии творят пред очима зрящих (л. 94). Егда убо прият престол и обладание церковию, Никон патриарх и два его лучшии поборцы отступницы же и прелагатели Павел митрополит Крутицкий, Ларион архиепископ Рязанский, Иоаким архимандрит Чюдовский человекоугодницы и защитницы змиевы. Сии прелукавии змии и злохитреннии волцы зело цареву душу возмущаху и на кровопролитие христианское поучаху его, присно советующе, чтоб вси прияли купно веру их новую и руки своя приложили Никонову лукавому умышлению ко пременению веры и догматов, а не приемлющих и непокаряющихся прещением и различными муками и томлением мучити и казнити.

О обругании и извержении и заточении неповинных и о страдании новых мученик¹⁵³³. Тогда убо добрый пастырь бысть Христова стада епископ Павел Коломенский, к тому Никона патриарха собору первый руки своея не приложил, и за то его Никон воровски обругал и в ссылку сослал его в монастырь преподобнаго Варлаама на Хутыню. И тамо бысть архимандрит Борашко, и того неповиннаго епископа Павла принял под начал, много ругал, томил и мучил. И за то у того Борашка Божиим гневом язык ему отъялся, и тако ходил нем и до смерти своей тем болезновал. Смиренный же той епископ Павел начат уродствовать Христа ради; и уведав то Никон, посла тамо слуг своих в Новгородския пределы, иде же он ходя странствовал и народ утвержал. Тамо обретше его в пусте месте и похватиша его, яко волцы кроткую овцу, и убиша, и тело его огнем сожгоша. Тако тому рабу Божию конец мучения сотвори. Се же бысть начало безбожнаго Никонова сборища и лютость злобы его. И собыховахуся словеса и писание святаго пророка Даниила¹⁵³⁴: изыде беззаконие от старец и судей священников Вавилонских, иже осудиша неповинную Сусанну. И паки исполняхуся Давида пророка словеса¹⁵³⁵: Боже, приидоша язы́цы в достояние Твое, оскверниша церковь святую Твою, положиша трупия рабов твоих птицам небесным, плоти преподобных твоих зверем земным.

Молю же вы, любимицы¹⁵³⁶ христолюбимыи, приклоните ушеса ваша во глаголы уст моих, да побеседую с вами от части о новых страдальцах, и исповедниках Христовой веры, и о благочестии поборников, усердных и теплых стоятелей, о страдании и великом их мучении¹⁵³⁷.

Многая убо подвигоша гонения на церковь Христову, и многая святыя места, обители и церкви Божия по всей России ученицы Никона раззориша и разграбиша и за благочестие ревнителей и стоятелей различно умориша: священно-протопопа Ивана Петрова Казанскаго, священно-протопопа Даниила Костромскаго, священно-протопопа Логгина Муромскаго. Сии друзи Быша царева духовника благаго пастыря Стефана протопопа Благовещенскаго; купно с ним в заточения различна разславше и тамо различными муками, томлением и гладом без вести смерти предаша. Тако же тогда и иных многих о вере Христовой благочестиа поборников и теплых рачителей огню и раз(об.)личным мукам предаша и гладом замориша: священно-мученика Гавриила огнем сожгли, священно-мученика Михаила того без вести сказнили, священно-мученика Полиекта, с ним купно 14 человек верных огнем сожгли, честнаго старца Авраамия и друга его Исаию Солтыковых в заточении на Колмогорах огнем сожгли, Ивана уродиваго Христа ради в Боровску сожгли, Евдокима и Петра целомудренных страдальцов без вести сказниша. Старца Варлаама¹⁵³⁸, инока Пахомия и прочих иноков: Филипа, Епифания, Иоасафа по многом томлении огнем сожгли. Томо же боголюбивых многих мужей – бельцов ревнителей по вере и за крест Христов: Феодора, Луку, Карпа, Логгина, Гавриила, Василия, два с ним Афанасия, многоразумнаго и словеснаго мужа Александра, с ним Димитрия, Ивана и Лаврентия огнем сожгли. Тако-ж да тама и иных многих затопиша и умориша. Тамо-ж казнены: Григорий, Иосиф, Епимах, Евфимий, Андрей, – глави им отсекли. Ларион¹⁵³⁹, Трефилий, Самсон – сии много мук претерпеша за Христа и нужною смертию в темнице умроша¹⁵⁴⁰. Тако-ж множество боголюбивых ревнителей за святую веру и церковь и за крест Христов старцов пустынных с ними и бельцов замучили и огнем сожгли: тамож опосле диакона Александра сожгли во Владимере шести человек сожгли; в Казани граде 30 человек сожгли, а по Волге, на Дону и до Астрахани безчисленное множество прижгли и многими муками различными умучиша, гладом и томлением, и огнем вожгоша и в темницах умориша. Много убо множество людей боголюбивых в Ярославле и на Костроме, в Романове и по иным странам мучили¹⁵⁴¹ и огнем пожгли, гладом затомили и различным предавали, мнеся службу приносити Богу и веру свою утвержати. И нам правоверным, изгнанным за Христову веру и церковь и честный крест Христов и на непорочныя догматы церковныя гораздо любо, что русская наша земля освятилась кровию мучеников новых страдальцов и исповедников за правую благочестную святую веру и за честный крест Христов¹⁵⁴².

Благословен Бог¹⁵⁴³ яко и при нашем роде израстоша мученицы и сподобихомся и мы человеки видети Христа ради заколаемы и мучимы, кровь каплющую, бесом убо страшну, ангелом же любезну, нам же, правоверным спасительну. Благодарим Бога, яко сподобихомся видети человеки о благочестии ратующая по вере и по церкве поборающа, и за крест Христов умирающе, и противная побеждающа и венчаваемы венцы нетленными. Не видети-ж точию сподобихомся, но и та самая телеса страдальцев прияти и у себе венечники и новыя исповедники имамы¹⁵⁴⁴. И якоже Авелева неповинна кровь и Захариина пролиянна между церковию и алтарем, и яко глава Крестителева отсеченна на блюде обличаше беззаконнаго Ирода любодеяние, тако и ныне многи крови, страдание, томленье и мучение, и сожжение обличают повсюду новолюбныя власти, гонители и мучители. Слыши небо и инуше земле, и вы, вся светила небесныя, солнце и луна со звездами, будите свидетели крови нашей, изливающеся за благочестие и за благолепоту церковную и за святые догматы (л. 95¹⁵⁴⁵). Слышите, сонме святый, сынове света, святаго евангелия Христова, то-ли есть наша вина смертная, еже исповедуем истинную веру Христову и держим святых апостол и святых отец предание, неизменно стоим и побораем за святую соборную апостольскую церковь, за истинный крест Христов, за непорочный символ¹⁵⁴⁶, истинно сложение знамение крестное дву перстов, за тресвятую аллилуию, за пречистыя тайны Христовы и за вся святыя церковныя тайны и непорочныя догматы, и за вся святыя книги, прежде бывших православных царей и благочестивых пяти патриархов Московских¹⁵⁴⁷: святейшаго Иова, святейшаго Гермогена, святейшаго Филарета, святейшаго Иоасафа, святейшаго Иосифа, и прочих святителей русских святыя служебники и потребники их и прочия святыя книги, и святыя службы, и чины и уставы.

Свидетельство 5. Избранный сосуд Христов святый апостол Павел утверждает верных¹⁵⁴⁸: «Братие, блюдитесь, да никто вас будет прельщая философиею и тщетною лестию по преданию человеческому, по стихиям мира, а не по Христе Исусе, яко в Том живет всяко исполнение божества телесна, и есте в нем исполнени, Иже есть глава всякому началу и власти¹⁵⁴⁹». «Братие, не бывайте удобь приложни ко иному ярму, якоже невернии. Кое бо причастие правде ко беззаконию или кое общение свету ко тьме? Коеже согласие Христови с велиаром, или кая часть верну с неверными, или кое сложение церкви Божии со идолы¹⁵⁵⁰?» Темже изыдите от сред их и отлучитесь, глаголет Господь, и нечистоте не прикасайтесь, и Аз прииму вы¹⁵⁵¹. Не хощу же вас обещники быть бесом, не можете чашу Господню пити и чашу бесовскую, не может трапезе Господней причаститись и трапезе бесовской. И паки Коласаем глаголет¹⁵⁵²: «Не коснись, ниже вкуси, ни осяжи, яже суть вся во истление употреблением по заповедем и учением человеческим». Да слышит паки святаго Иоанна Златоуста¹⁵⁵³: «Человек той, иже догматы страшныя погубляя, сего греха мученическая кровь загладить не может». Святый апостол Петр¹⁵⁵⁴: «кая есть кончин противящимся Божию евангелию, и аще праведник едва спасается, нечестивый же и грешный где явится ?» «Молю-же вы, братие¹⁵⁵⁵, аз, юзник о Господе, бодрствуйте, стойте в вере святей, мужайтесь, и утверждайтесь и в премудрости ходите ко внешним, время искупующе¹⁵⁵⁶, яко дние лукави суть. И не поступни бывайте во святых отческий преданиих, да с ними наследите вечное царство в горнем Иерусалиме». Благочестия отступит, Бога есть отступит. Бесед лист 1473¹⁵⁵⁷. Святый пророк Михия, сетуя, глаголет: «увы мне, яко погибе благоверный от земли, а изправляющаго в человецех несть». Сего ради болезную в сердце моем и плачусь, глаголю в скорби своей, еже ныне беззаконныи старцы наведоша порок¹⁵⁵⁸ на целомудренную Сусанну на церковь Христову, возлюбленную Матерь нашу, ясно исполнитись на них писаний святых пророк¹⁵⁵⁹. «Боже, приидоша язы́цы в достояние Твое, оскверниша церковь святую Твою, положиша трупиа раб Твоих брашо птицам небесным и плоти преподобных Твоих зверем земным». Еще паки болезную в сердцы моем во великой нужды и в плаче моем глаголю вам, воспоминая словеса священно-мученика Пиония¹⁵⁶⁰ (об.) «Новым мучением мучим есмь в сердцы моем и на части разсекаемый есмь в души моей егда вижду бисеры церковныя от свиней попираемыи и небесныя звезды хоботом змииным на землю отторженныи и виноград, десницею Божиею насажденный, от дивияго вепря озобранный и разхищаемый от всех мимоходящих путем». «Сего¹⁵⁶¹ ради аз плачю и очи мои излиясте воду яко удалишася от Мене утешаяй мя; како потемне злато, и изменися сребро доброе, и разсыпашася камение драгии святыни».

В начало всех Исход. Сынове Сиони честнии и одеянии златом первым, како наменишася в сосуды глинины дело рук скудельничю¹⁵⁶², разсыпася радость сердец наших избраннии от песней своих умолкоша, обратися в плачь весь лик наш, спаде венец з главы нашея. Горе нам горе, яко согрешихом¹⁵⁶³. Молю же в аз, юзник, любимицы мои христолюбимии, приклоните ушеса ваша во глаголы уст моих, да побеседую вам от части от других новых страдальцах и исповедниках Христовой веры и о благочестии поборников, усердных и теплых стоятелей о церковных догматох преподобных отец наших обители Соловецкой, еже взыде ми на ум о страдании, о великом их мучении и заколении, еже воздохнувши горько возплакати¹⁵⁶⁴.

Егда бо взята бысть святая обитель и разорено бысть избранное стадо преподобных отец Зосима и Саватия Соловецких от врагов благочестия, ненавидящих истинныя правыя веры, честнаго креста Господня и знамения крестнаго и прочих догматов, тогда святии отцы и братия, честно иночествующии, седящии в ней во обстоянии. в нужди и в скорби велицей, от царева немилосерднаго воинства побиены Быша и замучены необычными различными муками и смерти преданы, закланы и мечи изсечены Быша. Преподобный архимандрит многолетный старец Никанор, иже и отец духовный бе Царя Алексея, на службе церковной взят и замучен бысть, различно и много томлен, тако умре и прочия братия, яко агнцы от волков, без милосердия биены и влачимы Быша, огнем опаляемы, дымом томленны, дреколием и палицами биены Быша; овии же во льду томленны и заморожены, иные же иными различными томлении и муками замучены, яко злодеи, горькой смерти преданы. Положиша трупия преподобных отец неповинных братий без погребения оставиша бражно птицам небесным и зверем земным.

О страдании святых новых мучениц. В той же вселютой зиме от новолюбных властей и от немилосерднаго воинства и любезнии наши страдалицы, великии страстотерпцы, благочестиа поборницы и теплыа рачительницы веры Исус Христовы, благородныя болярони Феодосия и княгиня Евдокия Прокопиевны во многих во многих томлениих и мучениих и в заточении гладом и жаждею моримии, и третия честная Мария с ними-ж в земли посажены нуждою и гладом томлении, скончашася¹⁵⁶⁵. Сии вси трие горлицы тепле пострадавше за имя Исус Христово, и за благочестие души своя положиша, и утомлены почиша, оставивше честь и богатство домовнаго заводу, больши двухсот тысящ, крестьян своих 8000.

(л. 96). В то же время, егда взяша святую Соловецкую обитель и раззориша и преподобных отецов и братию, яко волцы свирепии или яко зверие дивии или разбойницы немилосерднии, различно мучиша, яко злодеев, смертем предаша. Тогда же и сам томитель их Царь Алексей в то время от Господа поражен бысть томительною лютою смертию и, яко трава, пожат бысть серпом смертным и зле гоизнул житиа сего и молитвами тех новых страдальцов преподобных позван на суд Божий¹⁵⁶⁶. Еще же и великих триех благоверных боголюбивых жен молитвами яко сосуд скудельный, сокрушен бысть. Во едином бо дни бысть преподобным страдальцем томление мучение и смерть и раззорение, тако-же и Царь Алексей¹⁵⁶⁷. Гонили святую Церковь Христову и за веру и святыя иконы христиан мучили, за то и сами зле скончашася.

О кончине лютой отступником¹⁵⁶⁸. Первый Иулиян царь, отступник веры Христовы и законопреступник и лютый мучитель бысть христианом, позна при смерти своей, чесо ради прободен бысть копием от святаго мученика Меркурия, и вопияше, всем глаголя: «Исус Назарянин побеждает мя и убивает!» И меташа кровь свою: «Победил мя еси Галилеянине!» И умре зле.

Второй Анастасий¹⁵⁶⁹ царь арианской ереси попоратель и прочим еретиком и гонитель и мучитель бысть верным. Святой и преподобный отец Сава Освященный послание писа к царю Анастасию, называя новую веру его антихристовою верою, и много наказуяше его, отступника и мучителя, и святых отец страшными клятвами запрещаше. Царь же Анастасий не убояси и не раскаявся, о клятве святых отец небреже. Потом скоро нападе на него страх велик и ужас, и начать бегати в палате своей и вопити необычным гласом, и помале тако и умре, поражен зле томительною смертию. И погребоша его нечестивыа его святители честно; и во гробе паки вложил Бог душу его в него и оживил. Он же кричаше, много тоскуяй и бияся во гробе, тоскуя гладом морим и калиги своя сведе. Людие же крик вопля его убояшася зело. И потом разгребоша могилу и открыша гроб его, и засташа уже последний лоскут калиг его в роте его, и тако паки умре окаянный¹⁵⁷⁰. Се показа Бог над ним сего ради, яко он Ц. Анастасий, еретик благочестивых людей, за святую веру страждущих от него в ссылках в заточениих, в темницах томил, мучил, гладом морил, мало зело давал им пищи и пития. Того ради и сам по смерти своей гладом томим и калиги своя съел, тем образуя себе во-веки вечный глад. И по нем еретическое соборище его все разсыпася и проклятыи власти его вси погибоша.

Третий мучитель Копроним¹⁵⁷¹. Егдаже прииде кончина царю Копрониму, гордому мучителю и томителю христиан, мучимых за поклоненье святым икон (об.), тогда он окаянный узнал правую веру почитать святыя иконы, вопияше со ужасом великим гласом: «Увы», рече, «увы, яко святых ради икон при устии геены стою и осужден есмь уже в негасимый огнь». И тако умре окаянный.

Четвертый гонитель. Егда царь Феофил иконоборец и мучитель благочестивых христиан, и ругатель Христову образу и всех святых, и при смерти позна свое злочестие и поругание святых икон и чесо ради уста его богохульная раздрашася и вся внутренняя его видиша¹⁵⁷². При смерти бо откровенна бывают всякому дела его, благочестивому и злочестивому.

Пятый такоже и наш Московский Всероссийский Царь Алексей¹⁵⁷³, прельщеный от Никона еретика и отступника, благочестивой веры христианской при смерти своей позна неправду свою и законопреступление и отпадение от правой святой веры отеческия и святыя соборныя церкви, и вопияше с великим гласом, моляшеся новым преподобномучеником Соловецким страдальцем: «О господие мои, отцы святии преподобнии, помилуйте мя, ослабите ми болезни сея, ноне мал час, да покаюся!» И предстоящии и приседящии ему вопрошаху его, глаголюще со ужасом: «Кому ты, Царь Государь, молишися прилежно, умильно¹⁵⁷⁴?» Он же сказа им: «яко пришли ко мне старцы Соловецкаго монастыря и разстирают вся кости и составы тела моего пилами намелко, и не быть уже ми живу. Пошлите гонца скоро, велите отступить». Боляре же скоро послаша гонца, чтобы монастыря не раззорять и отшли прочь¹⁵⁷⁵. И в то время самая болезни его взят бысть монастырь и раззорен, и преподобнии отцы, многолетнии старцы, братия и бельцы различно необычными томление и муками заклани побиены и смерти преданы. Во едином бо часу быть Царя Алексея смерть и преподобным отцем мучение. Такоже тогда от стрелецкаго головы Ивана Мещерина, сатанина угодника, скоро послал гонца по Царя Алексея на радости, чая себе великой почести, еже монастырь взяли и в нем живущих раззорил и уморил. Гонцы же оба на пути сретостась и сказавше друг другу, чесо ради посланы Быша, и без пользы возвратишась каждо во свояси. Смерть праведнаго сон вменяет, смерть грешником люта¹⁵⁷⁶. Смерть не боится к царю ходить, и в палатах его находит, даров не смотрит, злата и сребра не принимает, всех нагих во гроб отсылает. Се Царь Алексей скоро скончался, честь, богатство, царство остася, величество и слава преходит, точию добрыи и злыи дела предходят. И по смерти его гной злосмрадный мног изыде из него всеми уды и составы его и затыкающе бумагою клопчатою едва возмогоша погребсти его в землю, и предаша персть персти.

1. О кончине прелагатаев больших властей¹⁵⁷⁷. Митрополит Новгородский Питирим, иже по Иоасафе патриархом бысть на Москве, аще он и не гонитель бысть на веру, но потаковщик прочим прелагателем (л. 97) лукавым врагом церковным: Павлу, и Лариону, и Лаврентию и протчим, и у живаго у него горло прогнило, вскоре и умре от тоя болезни.

2. Иоаким патриарх¹⁵⁷⁸ прежде сего палим бе внутренним огнем вельми и безпрестани воду пияше и не може утолити жажди тоя и огня в себе загасить, и от того, раздувшися зело, тако умре.

3. Лаврентий¹⁵⁷⁹ митрополит Казанский опухлостию тако же зельно скорбя и от того умре, и по смерти возсмердеся смрадом великим зело. Глаголют, яко по всему граду носитися зловонию, и мнози носы свои затыкающе смрада ради.

4. Иларион¹⁵⁸⁰ архиепископ Рязанский, отступник и прелагатай, льстец Царя Алексея, гонитель и лютый враг церкви Христове, паче всех властей. И у того прежь смерти ноги отсохли по афердов ево, яко неправо стоял в вере, и много время ношаху его на носилках, и от тоя болезни умре, весь сух бысть, яко трава; прежде возторжения изше огню вечному.

5. Не¹⁵⁸¹ упоследив тем скоро и главнейший прелагатай, и применитель, и святых отец уставам и чина и догмат пременитель, злый вождь, волк сый в кожи овчий Никон патриарх, убегаяй к свободе при воприжний же он (?), но от Вышняго Великаго Пастыря клятвы и мук не убежа, еще же и от дворскиа немощи не избыв¹⁵⁸²: жив сый, ходил, аки мертв, уныл отчаян и смерть отчаянельну горьку, глас испуская, подъя в пути своем.

Сия же вся внимать и разсуждати правоверным подобает, яко Господь Бог дивен и страшен в делех Своих и воздает комуждо по делом его. Смерть грешником люта, смотри над умершими пута. Аще Арий и в проходе издох, а ариане о том не брегут. И что творить подобныи на протчими гонители и отступники и пременители веры, каковыи казни и смерти наводить? А оставшии прельщеннии, помрачившиися прелестию, и в таковом ожесточении отступления благочестия казни Божия не брегут, и клятвы святых отец не страшат, и самовольно погибают. Сего ради, да блюдется убо кождо правоверный от зловерия многокозненнаго и пестрообразныя ереси.

Святый пророк Михей сетуя глаголет¹⁵⁸³: «Увы мне, яко погибе благоговенный от земля, а исправляющаго в человецех несть». Слышите святаго апостола Павла¹⁵⁸⁴: «Аще мы или аггел с небеси благовестит вам, паче еже приясте, анафема да будет».

Благочестия отступник¹⁵⁸⁵, Бога есть отступити; якоже бо в царьских палатах, иже мало от образа пресече, всю цату непотребну содела; сице иже здравыя веры и малейшую часть превратив, все погубляет, на горшая произходя от начала¹⁵⁸⁶. «Церковь есть дом отчий, едино тело и един дух»; якоже бо и тело и глава един есть человек, тако церковь и Христа едино быти глаголет. Церковь есть место аггельское¹⁵⁸⁷, место архаггельское, царство Божие, само то небо (об.) понеже бо в ней аггели и человеки купно Бога славят. Беседа на деяния¹⁵⁸⁸. «Церковь есть сокровище тайн». Разуместе ли коликий красоты церковь святую преукрашенну, раю подобну, святых таин благодати преисполненну. «Есть¹⁵⁸⁹ бо сия святых церковь, в нейже едина во Христа Бога вера и едино крещение, едино чинное изрядство святых тайн, краснейши солнца и яснейший паче всех звезд. Сих убо восприемлет нощь церкви же не удолеет злоба никогдаже. Коликой тщеты, помысли, отпадающих святыя церкви и правыя веры¹⁵⁹⁰. И кто сице окаянен, рече о раздирающих церковное соединение; суть бо мнози радующеися о злых и тело Христово разтерзающии паче, нежели воин копием пресекоша или июдеи гвоздьми прободоша¹⁵⁹¹. Оное сего есть меньшее зло: онии пресечении уды паки совокупишася, сии же отвергшись, аще зде не совокупятся, не к тому совокупятся, но пребывают исполнения церковнаго вне. Святый Антоний¹⁵⁹² рече: Беседа со еретики – погибель есть души, лютейши бо суть яда змиина глаголи их. Сохрани¹⁵⁹³ же ся от еретик, не беседуй с ними, хотяй исправити веру, егда когда яд словес их вредит тя. Блюди же ся всякой ереси. Святый аггел показуя глагола Феофану¹⁵⁹⁴: се место темно и смрадно во огни уготованно есть еретиком и отступником веры, и хульником, клеветником и послушающих словес их. Глаголю же ти, отце, яко, еще и вси добродетели исправит человек, и не право верит во святую церковь, на сие место в таковые муки отходит. Святый Иоанн Богослов 2 послание¹⁵⁹⁵. Всяк преступаяй и не пребываяй во учении Христове, Бога не имать. Пребываяй же во учении Христове, сей и Отца и Сына имать. Мнози¹⁵⁹⁶ убо мняше веровать, но не якоже рече писание, а якоже тии своим изволением последоваша, тии вси еретицы. Зри Благовестник: не по писанию верующии вси еретицы, и понеже они своим ересем последоваша, того ради и погибоша. Многосложный свиток к Феофилу царю Греческому в концы слова¹⁵⁹⁷: Колико воеваша цари на церковь Христову, колико мучителем попущенно бысть ратовать церковь, но врата адова не удолеша ей; человецы бо ратующи умирают и погибают и яко един от князей падают и гроб их содержит, и клятвами бед увязошася во-веки. Проклят всяк раззоряяй уставы отческиа, не временныя, но вечныя и непременныя догмат уставы церковныя, яже положиша и утвердиша отцы твои. Святых отцов архиереов собор¹⁵⁹⁸. Сия вера апостольская, сия вера отческая, сия вера вселенную просвети, а иже кто дерзнет инако веровать или развращать что от законаположных во святей церкви держимых сущих догмат по первым обычаем святых отец и благочестивых царей, аще святители – суть извержени и прокляти да будут; аще иноцы или мирстии – тою же клятвою осуждены да будут. Сия уставляем великаго пастыря архиерея Господа нашего Исуса Христа, иже запечатлеет бездны страшным и страшным своим повелением. Страшно есть впасти в руце Бога жива.