Источник

Глава 48. Месяцеслов

Последование церковнаго псалмопения же и сочинения всего лета, начинающееся от месяца септемвриа, до месяца августа.

Месяц септемврий

имеяй дней 30. День имать часов 12, и нощь 12.

1. 🕂 Начало индикта, сиречь новаго лета. И память преподобнаго отца нашего Симеона столпника, и архимандрита: И матере его Марфы: И Собор Пресвятыя Богородицы, иже в Миасинех: И святаго мученика Аифала: И святых мучениц четыредесяти жен: И святаго Аммуна диакона, и учителя их: И святых мученик, Каллисты, Евода и Ермогена, самобратных: И память праведнаго Иисусуса сына Навина.

Вечер, во светильничное, стихологисуем: Блажен муж, 1 антифон. Аще же в субботу вечера, стихологисуем всю кафисму. На Господи воззвах, поставим стихов 10: И поем стихиры индикта, 3: Глас 1. Подобен: Небесных чинов: Самословнаго и божественнаго: И преподобнаго 3: Глас 5. Подобен: Преподобне отче: Ины стихиры самогласны 4, глас 2: От корене благаго: Слава, глас 6: Божественная благодать: И ныне, индикта, глас тойже: Иже со духом святым: И бывает вход. Прокимен дне. И чтения 3: 1-е, Пророчества Исаиина: Дух Господень на мне: 2, Левит: Глагола Господь сыном израилевым: 3, святаго, Премудрости Соломони: Праведник аще постигнет: Посем ектениа. Таже, Сподоби Господи в вечер сей: И паки ектениа, Исполним вечернюю молитву: И возглас. Таже поем, На стиховне, стихиры индикта, глас 1, самогласны: Наста вход лета: с припевы. Припев 1, Тебе подобает песнь, Боже, в сионе: 2, Исполнимся во благих: 3, Благословиши венец лета: Слава, святаго, глас 5: Преподобне отче: И ныне, индикта, глас тойже: Ты царю сый: Таже, Ныне отпущаеши: Трисвятое, и Отче наш.

Тропарь индикта, глас 2: Всея твари содетелю, времена и лета во своей власти положивый, благослови венец лета благости твоея Господи, сохраняя в мире град твой, молитвами Богородицы, и спаси ны.

Слава, преподобнаго, глас 1: Терпения столп был еси, ревновавый праотцем преподобне: Иову во страстех, Иосифу во искушениих, и безплотных жительству, сый в телеси, Симеоне отче наш, моли Христа Бога, спастися душам нашим.

И ныне, Богородицы, глас тойже: Радуйся обрадованная Богородице Дево, пристанище и предстательство рода человеческаго, из тебе бо воплотися Избавитель мира: едина бо еси Мати и Дева, присноблагословенная и препрославленная. моли Христа Бога, мир даровати всей вселенней.

Посем, иерей, Премудрость. Лик, Благослови. Иерей, Сый благословен: И лик, Утверди Боже: И прочая и отпуст. На утрени, на Бог Господь, Тропарь индикта, дважды. Слава, преподобнаго: И ныне, Богородицы: Радуйся обрадованная: И обычныя кафисмы. По 1-й кафисме, Седален индикта, глас 4. Подобен: Удивися Иосиф: Яко Владыце всех: Слава, преподобнаго, глас 8. Подобен: Премудрости и слова: Крест Господень взем мудре: И ныне, индикта, Яко Владыце всех: И чтение.

[Зри] От днесь начинается чести Метафраст Логофета Симеона, и Маргарит Златоустов, и толкования посланий святаго апостола Павла.

По 2-й кафисме седален преподобнаго, глас 8. Подобен, Премудрости: Воздержанием и труды: Слава, глас 4, подобен: Скоро предвари: Вошла еси в подвиг мучения: И ныне, Богородичен: Скоро приими, Владычице, мольбы наша: И чтение. Псалом 50. Таже поем каноны, 3: Индикта, глас 1, со ирмосом на 6. Кир Иоанна, ирмос по дважды: Тропари на 4, и святых жен на 4, глас 4: И преподобнаго Симеона на 4, глас 8. Катавасиа, Крест начертав: до отдания Воздвижения Честнаго Креста. По 3-й песни,

Кондак индикта, глас 2: В вышних живый Христе Царю, всех видимых и невидимых творче и зиждителю, иже дни и нощи, времена и лета сотворивый, благослови ныне венец лета, соблюди и сохрани в мире град, и люди твоя, Многомилостиве.

Таже седален индикта, глас 8. Подобен, Премудрости: Иже времена плодоносна: Другий седален преподобнаго, глас 8 подобен тойже: Земная вся оставив: Слава, святых жен, глас 1. Подобен: Гроб твой: Агницы словесныя: И ныне, Богородичен, Настави ны: По 6-й песни:

Кондак преподобнаго, глас 2: Вышних ищяй, вышним совокупляяйся, и колесницу огненную столп соделавый: тем собеседник ангелом был еси преподобне, с ними Христу Богу моляся непрестанно о всех нас.

И икос. И чтем пролог. По 9-й песни, Катавасиа: Таин еси Богородице рай: И другий, Снедию древа: Светилен, индикта: Подобен: Учеником: Боже богов и Господи: Слава, преподобнаго. Подобен: тойже: Якоже светило: И ныне, индикта. Подобен: тойже, Содетелю и правителю: На хвалитех стихиры индикта, на 4, самогласны, глас 3: Превечное слово: Слава, преподобнаго, глас 2: От корене благаго: И ныне, индикта, глас 8: Неизреченною мудростию: Славословие великое. По трисвятом тропарь индикта: Слава, святаго: И ныне, Радуйся обрадованная: Ектении: И отпуст. И час 1. На 1-м часе тропарь индикта: Слава, святаго: И ныне, Богородичен часов. По трисвятом кондак индикта, и святаго, глаголем пременяюще: и прочая, и совершенный отпуст. На литургии, блаженна от канона индикта, песнь 3-я на 4: И преподобнаго, песнь 6 на 4. По входе тропарь прежде индикта: И Богородицы: Радуйся обрадованная: И преподобнаго: Слава, кондак преподобнаго: И ныне, индикта. Аще же храм Богородицы, И ныне, храма Богородицы: индикта же кондак глаголи в начале. Прокимен индикта, глас 3: Велий Господь наш, и велия крепость его, и разума его несть числа. Стих: Хвалите Господа, яко благ псалом. И преподобнаго, глас 7: Честна пред Господем смерть преподобных его. Апостол к Тимофею, зачало 282: Чадо Тимофее, молю прежде: И преподобнаго к колоссаем, зачало 258: Братие, облецытеся убо: Аллилуиа, глас 4: Тебе по добает песнь, Боже, в Сионе. Стих: Благословиши венец лета благости твоея Господи. И преподобнаго: Блажен муж бояйся Господа, в заповедех его восхощет зело. Евангелие Луки, зачало 13: Во время оно, вниде Иисус в Назарет, идеже бе воспитан: И преподобнаго: Матфеа, зачало 43: Вся мне предана суть: Причастен: Благословиши венец лета благости твоея Господи. Другий: В память вечную: [Зри] Дневный же апостол и Евангелие вычитаем напреди.

[МРК] Подобает ведати. Аще случится первый день месяца септемвриа в неделю, оставляется служба святых жен, и поется егда екклисиарх разсудит. Поется же воскресна служба со возследованием индикта, и преподобнаго Симеона, сице: На малей вечерни, стихиры воскресны, и Богородицы по обычаю. Тропарь воскресн: Слава, и ныне, Богородичен. На велицей вечерни поем, Блажен муж: кафисму всю. На Господи воззвах, стихиры воскресны 3: и анатолиев един, и индикта 3, и святаго 3. Слава, индикта: И ныне, Богородичен гласа. И чтения индикта два: И святаго едино. На литии стихира храма, и индикта, стихиры стиховныя. Слава, святаго: И ныне, индикта, писан на хвалитех. На стиховне стихиры воскресны но алфавиту, с припевы их. Слава, святаго: И ныне, индикта. На благословении хлебов, Богородице Дево радуйся, дважды: и индикта, единожды. И чтение в посланиих апостольских. На утрени, на Бог Господь, тропарь воскресн, дважды: Слава, святаго: И ныне, индикта. По кафисме седальны воскресны с богородичны их. И чтение в толкованиих евангельских, еже на ряду. По непорочнах тропари и ипакои: И чтение. Степенны. и прокимен гласа, и Всякое дыхание: Евангелие воскресное. Воскресение Христово: псалом 50. Стихира воскресна. Канон воскресн, со ирмосом на 4. Богородицы на два: индикта на 4, и святаго на 4. Катавасиа: Крест начертав: По 3-й песни, кондак индикта, и святаго, и седален святаго, дважды. Слава, и ныне, индикта. И чтение жития святаго Симеона: По 6-й песни, кондак воскресн и икос. И чтем пролог. На 9-й песни поем, Честнейшую: Светилен воскресный. Слава, святаго: И ныне, индикта. На хвалитех стихиры воскресны 4: И индикта 3, глас 3. Превечное слово: с припевом индикта. Таже самогласен святаго, глас 2-й, с припевом: Честна пред Господем смерть преподобных его. От корене благаго: Слава, стихира евангельская. И ныне, Преблагословенна еси: Славословие великое. По трисвятом тропарь воскресн точию, ектении, и отпуст, и оглашение, и обычное исхождение: и час 1-й в притворе: и конечный отпуст. На часех глаголем тропарь воскресн: Слава, индикта: И ныне, Богородичен, часов. По Отче наш, кондак индикта. На 3-м часе тропарь воскресн: Слава, святаго: И ныне, Богородичен часов. По Отче наш, кондак святаго. Такожде и на прочих часех кондак воскресн, и индикта, и святаго, глаголем пременяюще. На литургии: блаженна воскресна гласа, на 4: И от канона индикта песнь 3-я на 4: И святаго песнь 6-я на 4. По входе тропарь воскресн, и индикта, и святаго. Кондак воскресн: Слава, святаго: И ныне, индикта. Прокимен, апостол, аллилуиа, и Евангелие, прежде индикта: воскресно же под зачало: Таже святаго. Причастен, индикта, потом святаго.

2. Святаго мученика Маманта: И преподобнаго отца нашего Иоанна постника, патриарха Царя града.

Вечер обычная кафисма: На Господи воззвах, стихиры мученика 3, глас 8. Подобен: О преславнаго чудесе! И преподобнаго 3, глас и подобен тойже: Слава, мученика, глас 2, самогласен: Нов сад: И ныне, Богородичен, в тойже глас. Аще среда, или пяток, И ныне, Крестобогородичен. На стиховне октоиха: Слава, мученика: глас 4, самогласен: Приидите согласно вернии: И ныне, Богородичен, или Крестобогородичен.

Тропарь мученика, глас 4: Мученк твой Господи, Мамант, во страдании своем венец прият нетленный от Тебе Бога нашего: имеяй бо крепость твою, мучителей низложи, сокруши и демонов немощныя дерзости: того молитвами спаси души наша.

Слава, тропарь преподобнаго, глас тойже: Правило веры и образ кротости, воздержания учителя яви тя стаду твоему, яже вещей истина: сего ради стяжал еси смирением высокая, нищетою богатая, отче Иоанне, моли Христа Бога спастися душам нашим.

И ныне, Богородичен, или Крестобогородичен. На утрени, на Бог Господь, тропарь мученика, дважды: Слава, преподобнаго: И ныне, Богородичен, или Крестобогородичен: и обычныя кафисмы: и седальны октоиха: И чтения. Канон октоиха един со ирмосом на 6: мученика на 4, глас 8, и преподобнаго на 4, глас тойже. По 3-й песни, седален мученика: глас 8. Слава, преподобнаго, глас 3: И ныне, Богородичен, или Крестобогородичен. По 6-й песни:

Кондак мученика, глас 3. Подобен: Дева днесь: Жезлом святе от Бога тебе данным люди твоя упаси на пажитех живоносных, звери же невидимыя и неукротимыя сокруши под ноги тя поющих, яко вси иже в бедах, предстателя тя тепла, Маманте, имут.

И икос. и чтем пролог. По 9-й песни, светилен октоиха: Слава, мученика: И ныне, Богородичен, или Крестобогородичен: На стиховне октоиха.

Припевы же поем во все лето. Припев 1-й: Исполнихомся заутра: весь до конца. 2-й: И буди светлость: и прочая, и час 1: и отпуст, и обычное исхождение в притвор: И бывает литиа о усопших. На часех, тропарь мученика: Слава, преподобнаго: И ныне, Богородичен часов. По трисвятом, кондак святых. На литургии, Блаженна октоиха. Прокимен, глас 7: Возвеселится праведник о Господе, и уповает на него. Стих: Услыши, Боже, глас мой: Апостол к римляном, зачало 99: Вемы, яко любящим Бога: Аллилуиа, глас 4: Праведник яко финикс процветет: Евангелие Иоанна, зачало 50: Аз есмь лоза истинная: Причастен: Радуйтеся:

3. Святаго священномученика Анфима, епископа Никомидийскаго: И преподобнаго отца нашего Феоктиста, спостника великаго Евфимиа.

Вечер обычная кафисма. На Господи воззвах, стихиры святых, на 6: Анфима, 3: глас 1. Подобен: Всехвальнии мученицы: И Феоктиста, 3: глас и подобен тойже. Слава, Анфима, глас 6. Самогласен: Священник законен: И ныне, Богородичен, или Крестобогородичен. На стиховне октоиха: Слава, преподобнаго, глас 6: Преподобне отче, во всю землю: И ныне, Богородичен, или Крестобогородичен.

Тропарь, глас 4: И нравом причастник, и престолом наместник апостолом быв, деяние обрел еси богодохновенне, в видения восход: сего ради слово истины исправляя, и веры ради пострадал еси даже до крове, священномучениче Анфиме, моли Христа Бога спастися душам нашим.

Слава, тропарь преподобнаго, глас 8: Слез твоих теченьми пустыни безплодное возделал еси, и иже из глубины воздыханьми, во сто трудов уплодоносил еси, и был еси светильник вселенней, сияя чудесы, Феоктисте отче наш, моли Христа Бога спастися душам нашим.

И ныне, Богородичен, или Крестобогородичен. На утрени, на Бог Господь, тропарь Анфима, дважды: Слава, преподобнаго: И ныне, Богородичен. И обычныя кафисмы: И седальны октоиха: И чтения. Канон октоиха един, со ирмосом на 6: И святым два: Анфима, глас 8: и преподобнаго, глас тойже. По 3-й песни, седален Анфима, глас 1: Слава, преподобнаго, глас 4: И ныне, Богородичен. И чтение. По 6-й песни,

Кондак Анфиму, глас 4. Подобен: Вознесыйся: Во священницех благочестно пожив, и мучения путь скончав, идольская угасил еси служения, поборник быв твоему стаду, богомудре. темже тя и почитаем ныне тайно вопиюще: от бед избави нас твоими молитвами, приснопамятне Анфиме.

И икос: И чтем пролог. По 9-й песни, Светилен октоиха. Слава, святаго. И ныне, Богородичен. На стиховне октоиха. Слава, самогласен, глас 4: Никомидийскому великограду: И ныне, Богородичен, или Крестобогородичен. На литургии, блаженна октоиха на 4: И Анфима песнь 3, на 4. Прокимен, глас 7: Честна пред Господем смерть преподобных его. Стих: Что воздам Господеви: Апостол ко евреем, зачало 334: Братие, поминайте наставники ваша: Аллилуиа, глас 2: Священницы твои: Стих: Блажен муж: Евангелие Иоанна, зачало 36: Рече Господь: Аз есмь дверь: Причастен: В память вечную:

4. Святаго священномученика Вавилы, епископа Великия Антиохии: И святаго пророка и Боговидца Моисеа.

На Господи воззвах, стихиры на 6. Вавилы, 3: глас 6. Подобен: Всю отложивше: И пророка, 3: глас 4. Подобен: Званный свыше: Слава, Вавилы, глас 6. Самогласен: Восходный степень: И ныне, Богородичен, или Крестобогородичен. На стиховне октоиха: Слава, святаго, глас 6: Судищу мучителеву: И ныне, Богородичен. Тропарь Вавилы, глас 4: И нравом причастник: Вчерашний.

Слава, тропарь пророка, глас 2: Пророка твоего Моисеа память, Господи, празднующе, тем тя молим, спаси души наша.

Или сей, глас тойже: На высоту добродетелей возшел еси, пророче Моисее: и сего ради сподобился еси видети славу Божию. скрижали благодатныя закона прият, и начертаний благодать в себе нося, и пророков был еси честная похвала, и благочестия великое таинство.

На утрени, на Бог Господь, тропарь Вавилы дважды. Слава, пророка: И ныне, Богородичен. И обычныя кафисмы.: И седальны октоиха: И чтение. Канон октоиха един, со ирмосом на 6: И святых два: Вавилы, глас 6: И пророка, глас 4. По 3-й песни,

Кондак пророка, глас 2: Лик пророческий с Моисеем и Аароном, веселием днесь веселится, яко конец пророчествия их на нас исполнися: днесь сияет Крест, имже нас спасл еси. тех молитвами Христе Боже помилуй нас.

И седален, Вавилы, глас 3. Слава, пророка, глас 4: И ныне, Богородичен. По 6-й песни,

Кондак Вавилы, глас 8. Подобен: Яко начатки: Яко благочестия проповедника, и страдальцев утверждение, церковь славит тя Вавило славне, освещаема днесь: но яко имея дерзновение ко Господу, в мире совершеннем, величающия и восхваляющия тя, сохранити Христу молися, о многострадальне.

И икос, и пролог. По 9-й песни, светилен октоиха: Слава, Вавилы: И ныне, Богородичен: На стиховне октоиха. На литургии прокимен, глас 4: Святым иже суть на земли его, удиви Господь вся хотения своя в них. Стих: Предзрех Господа: Апостол к евреем, зачало 330: Святии вси, верою: Аллилуиа, глас 4: Воззваша праведнии: Евангелие Луки, зачало 67: Не бойся малое стадо: Причастен, Радуйтеся:

5. 🕃 Святаго пророка Захарии, отца честнаго Иоанна Предтечи: И святыя праведныя Елисаветы.

Вечер, обычная кафисма. На Господи воззвах, стихиры на 6, глас 4. Подобен: Дал еси знамение: Масть имея: Слава, глас 8, самогласен: Священства законнаго: И ныне, Богородичен или Крестобогородичен. На стиховне октоиха: Слава, святаго, глас 2: Яко чист:

Тропарь, глас 4: Священства одеждею обложен премудре, по закону Божию всесожжения приятна священнолепно приносил еси Захарие, и был еси светильник и зритель тайных, знамения в тебе благодати нося явственно всемудре, и мечем убиен быв в храме Божии, Христов пророче, с Предтечею моли спастися душам нашим.

На утрени, на Бог Господь, тропарь пророка, дважды. Слава, и ныне, Богородичен. и обычныя кафисмы, и седальны октоиха, и чтения. Каноны октоиха оба без мученичнов: И святаго на 6: глас 8. По 3-й песни, седален святаго, глас 8, дважды. Слава, и ныне, Богородичен, или Крестобогородичен. По 6-й песни,

Кондак, глас 3. Подобен: Дева днесь: Пророк днесь и священник вышняго, Захариа предложи Предтечев родитель трапезу своея памяти, верныя питая: питие бо правды всем растворив, сего ради скончавается, яко Божественный таинник Божия благодати.

И икос: и пролог. По 9-й песни, светилен октоиха: Слава, святаго: И ныне, Богородичен. На стиховне октоиха, Слава, святаго, глас 8. Жертвы принося: На литургии, блаженна октоиха, на 4. И святаго, песнь 3-я на 4. Прокимен, глас 7: Возвеселится праведник о Господе: Стих: Услыши Боже глас мой. Апостол ко евреем, зачало 314. Аврааму обетовая Бог: Аллилуиа, глас 7: Свет возсия праведнику. Евангелие матфеа, зачало 96: Горе вам книжницы и фарисее лицемери: Причастен, В память вечную:

6.🕃 Воспоминание бывшаго чудесе в Колоссаех, еже есть в Хонех, от архистратига Михаила: И святаго мученика Евдоксиа, и иже с ним: И преподобнаго отца нашего Архиппа.

Вечер, обычная кафисма: На Господи воззвах, стихиры архангела, на 6, глас 4. Подобен: Яко добля: Трисолнечнаго Божества: Слава, глас 6, самогласен: Срадуйтеся нам: И ныне, Богородичен: Срадуйтеся нам вся: На стиховне октоиха, Слава, и ныне, глас 8: Яко чиноначальник: Тропарь, глас 4: Небесных воинств архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняя нас припадающих прилежно, и вопиющих: от бед избави нас, яко чиноначальник вышних сил.

Слава, и ныне, Богородичен, или Крестобогородичен.

[Зри] Служба святаго Евдоксиа поется на повечерии.

На утрени, на Бог Господь, тропарь архангела, дважды. Слава, и ныне, Богородичен, или Крестобогородичен. И обычныя кафисмы, и седальны октоиха, и чтения. Оба канона октоиха, без мученичнов: И архангела, на 6, глас 4. По 3-й песни седален, глас 8. Слава, глас 1. По 6-й песни,

Кондак, глас 2: Архистратиже Божий, служителю Божественныя славы, ангелов начальниче, и человеков наставниче, полезное нам проси, и велию милость, яко безплотных архистратиг.

И икос. По 9-й песни, Светилен октоиха: Слава, архангела: И ныне, Богородичен. На хвалитех стихиры архангела, на 4, глас 1-й. Подобен: Небесных чинов: Ангельски в мире: Слава, глас тойже, самогласен: Чиноначальник вышних сил: И ныне, Богородичен, или Крестобогородичен: На стиховне, октоиха: Слава, архангела, глас 5: Идеже осеняет: И ныне, Богородичен. На литургии блаженна, архангела, песнь 3-я и 6-я. Прокимен, глас 4: Творяй ангелы своя духи, и слуги своя пламень огненный. Стих: Благослови душе моя Господа: Апостол ко евреем, зачало 305: Братие, аще глаголанное ангелы слово бысть: Аллилуиа, глас 5: Хвалите Господа вси ангели его, хвалите его вся силы его. Стих: Яко той рече, и быша: той повеле, и создашася. Евангелие Луки, зачало 51: Рече Господь, слушаяй вас: Причастен, Творяй ангелы своя духи:

7. 🕃 Предпразднство Рождества Пресвятыя Богородицы: И святаго мученика Созонта:

На Господи воззвах, стихиры предпразднства 3, глас 1-й. Подобен. Небесных чинов: Всемирныя миру радости: и мученика 3, глас 4. Подобен: Дал еси знамение: Слава, и ныне: предпразднства, глас 4: Всечестное твое рождество: Аще же в пяток вечера, Слава, предпразднства: И ныне, догматик гласа настоящаго. На стиховне стихиры, глас 8. Подобен: О преславнаго чудесе! О преславнаго чудесе, яко от нераждающия: с припевы, 1-й, Слыши дщи: 2-й, Лицу твоему: Слава, и ныне, предпразднства, глас 4: Всемирная радость: Тропарь мученика, глас 4: Мученк твой Господи: писан сего месяца во 2 день.

Слава, и ныне, предпразднства, глас тойже: От корене Иессеева, и от чресл Давидовых Богоотроковица Мариам раждается днесь нам: радостию бо радуются всяческая и обновляются. срадуйтеся купно небо и земля, восхвалите ю отечествия языков: Иоаким веселится, и Анна торжествует зовущи: неплоды раждает Богородицу, и питательницу жизни нашея.

На утрени, на Бог Господь, тропарь предпразднства дважды. Слава, мученика: И ныне, предпразднства. И обычныя кафисмы. По 1-й кафисме седален, глас 1, подобен: Камени: Рождшися преславно: Слава, и ныне, тойже. По 2-й кафисме седален, глас 5, подобен: Собезначальное: Небесная вся: Слава, и ныне, тойже: и чтение. Канон предпразднства, со ирмосом на 8, глас 4: И мученика на 4, глас тойже. По 3-й песни.

Кондак мученика, глас 2. Подобен: Твердыя: Истиннаго и Богомудраго мученика, страдальца благочестия искуснаго, сошедшеся днесь, велегласно восхвалим, Созонта таинника благодати, исцелений дателя богатейшаго: молит бо Христа Бога о всех нас.

И икос, и седален, глас 4. Подобен: Скоро предвари: Спаслся верою Созонте: Слава, и ныне, предпразднства, глас 8: Да радуется небо: По 6-й песни,

Кондак предпразднства, глас 3. Подобен: Дева днесь: Дева днесь и Богородица Мариа, чертог безконечный небеснаго Жениха, раждается от неплодове, Божиим советом: колесница Слова благоукрашается. на сие бо преднаречеся Божественная дверь, и Мати сущия жизни.

И икос. По 9-й песни, светилен мученика: Слава, и ныне, предпразднства. на стиховне стихиры, глас 2. Подобен: доме евфрафов: приидите, иже от адама: слава, и ныне, глас 2, самогласен: пронареченная всех царица: На литургии, блаженна, предпразднства, песнь 3, на 4: И святаго песнь 6, на 4. Прокимен, глас 7: Возвеселится праведник о Господе: Стих: Услыши, Боже, глас мой: Апостол к ефесеем, зачало 233: Возмогайте о Господе: Аллилуиа, глас 4: Воззваша праведнии: Стих: Многи скорби праведным: Евангелие Иоанна, зачало 52: Си заповедаю вам: Причастен: В память вечную:

🕃 И память иже во святых отца нашего Иоанна, архиепископа Новгородскаго, чудотворца.

Совершается собор его, идеже лежат мощи его, и идеже храм его.

Тропарь, глас 8: Днесь светло красуется славнейший великий Нов град, имея мощи твоя в себе, святителю Иоанне, яко солнечныя лучи испущающия, и подающия исцеления притекающим с верою к раце мощей твоих. молися Христу Богу, избавити град сей невредимь от варварскаго пленения, и междоусобныя брани, и огненнаго запаления, святителю Богомудре и чудоносче, небесный человече, и земный ангеле: да сошедшеся любовию в память твою, светло празднуем в песнех и пениих радующеся, и Христа славяще, тебе таковую благодать даровавшаго исцелений, и великому Нову граду заступление и утверждение.

Кондак, глас 4. Подобен: Вознесыйся: Возвеселися явленно честная церковь Христова, в память днесь приснословущаго святителя Иоанна, от великаго Нова града возсиявшаго, и всю страну удивившаго преславными чудодеянии, и всеми добродетельми украсившагося: и по преставлении бо честное тело его обретеся нетленно, истощающее велия чудеса. темже зовем ему: О всеблаженне, моли Христа Бога непрестанно о всех нас.

[МРК] Аще случится предпразднство Рождества Пресвятыя Богородицы, и святаго мученика Созонта, в неделю. В субботу на малей вечерни, стихиры воскресны, и Богородицы по обычаю. Тропарь воскресн: Слава, и ныне, Богородичен его. На велицей вечерни, по кафисме, на Господи воззвах, стихиры воскресны 3: и Анатолиев един. И предпразднства, 3, и мученика 3: Слава, предпразднства: И ныне, Богородичен настоящаго гласа. На литии стихира храма: Таже стихиры стиховны предпразднства вечерния. Слава, и ныне, предпразднства: писан на утрени на стиховне. На стиховне, стихиры воскресны. Слава, и ныне, предпразднства. На благословении хлебов тропарь: Богородице Дево: дважды, и предпразднства единожды. И чтение в посланиих апостольских. На утрени, на Бог Господь: тропарь воскресн дважды. Слава, мученика: И ныне, предпразднства. По кафисмах седальны воскресны, и богородичны их: И чтение во евангелии толковом: неделя пред Воздвижением. Посем непорочны: И ипакои: И чтение, неделя ряд. Степенны, и прокимен гласа: Всякое дыхание: и Евангелие воскресно: и Воскресение Христово: Таже канон воскресн, со ирмосом на 4: и Богородицы на два и предпразднства на 4: и мученика на 4. Катавасиа, Крест начертав: По 3-й песни, кондак и икос предпразднства, и мученика. Слава, седален мученика: И ныне, предпразднства. По 6-й песни, кондак и икос воскресн. И чтем пролог. На 9-й песни, поем Честнейшую: Светилен воскресн: Слава, мученика: И ныне предпразднства. На хвалитех, стихиры воскресны 4, и Анатолиев един един, и предпразднства, подобны 3 стиховныя с припевы их. Слава, стихира евангельская: И ныне, Преблагословенна еси: Славословие великое. Тропарь воскресн точию. Ектении: и отпуст: и оглашение. И обычное исхождение в притвор: И час 1-й. На 1-м часе тропарь воскресн: Слава, предпразднства: И ныне, Богородичен часов. По Отче наш: кондак предпразднства: И конечный отпуст. На 3-м часе тропарь воскресн: Слава, мученика: И ныне, Богородичен часов. По Отче наш, кондак воскресн. Такожде и на прочих часех, глаголем воскресн тропарь прежде: а предпразднства и мученика, пременяюще. Кондаки же воскресн и предпразднства, глаголем пременяюще. На литургии блаженна октоиха на 6, и с троичным и предпразднства песнь 3, на 4. По входе тропарь воскресн, и предпразднства: таже храма святаго, и мученика. Кондак воскресн, и храма святаго: Слава, мученика: И ныне, предпразднства. Прокимен, апостол, Аллилуиа и Евангелие, прежде недели пред Воздвижением: И ряд недели под зачало: таже святаго. Прокимен же гласа оставляется. Причастен: Хвалите Господа: и мученика. В память вечную:

8. 🕀 Рождество Пресвятыя Владычицы нашея Богородицы и Приснодевы Марии.

На малей вечерни, на Господи воззвах, стихиры на 4, глас 1-й. Подобен: Небесных чинов: Иоаким и Анна торжествуют: Слава, и ныне, глас 4: Всечестное твое рождество: На стиховне стихиры, глас 2. Подобен: Доме евфрафов: Радуйся Иоаким: с припевы: 1-й, Слыши дщи и виждь: 2-й, Лицу твоему помолятся: Слава, и ныне, подобен тойже: Храм Божий едина Богородица:

Тропарь, глас 4: Рождество твое, Богородице Дево, радость возвести всей вселенней: из тебе бо возсия солнце правды Христос Бог наш, и разрушив клятву, даде благословение: и упразднив смерть, дарова нам живот вечный.

На велицей вечерни, по предначинательном псалме, поем: Блажен муж: 1-й антифон. На Господи воззвах, стихиры на 8, глас 6. Самогласны: Днесь иже на разумных престолех: Слава, и ныне, 1-ю стихиру: Днесь иже на разумных: Вход. Прокимен дне, и чтения 3: 1-е, Бытия: Изыде Иаков: 2-е, Пророчества Иезекиилева: Тако глаголет Господь, будет от дне осмаго: 3-е, Притчей: Премудрость созда себе дом: Ектениа, Рцем вси: и Сподоби Господи в вечер сей: и Исполним вечернюю молитву нашу: На литии стихиры самогласны, глас 1: Начало нашего спасения: Слава, и ныне, глас 8: В благознаменитый день: На стиховне стихиры самогласны, глас 4: Всемирная радость: с припевы праздника, [писаны на малей вечерни]. Слава, и ныне, глас 8: Приидите вси вернии: Таже, Ныне отпущаеши: На благословении хлебов, отпустительный тропарь, глас 4: Рождество твое, Богородице Дево: трижды, писан на малей вечерни. Буди имя Господне: трижды, с пением: и псалом 33: Благословлю Господа на всякое время: до Не лишатся всякаго блага. И раздаются благословенныя хлебы по обычаю. Таже иерей глаголет: Благословение Господне на вас: и предложится чтение праздника: Слово Андреа Критскаго, емуже начало: Аще мерима есть земля пядию: идеже не бывает бдения, по Ныне отпущаеши: Тропарь, и отпуст. Полунощницу же поем по обычаю. На нейже вместо, Се жених: глаголем тропарь праздника. По 2-м трисвятом, глаголем кондак, и Господи помилуй, 12, и отпуст. молитвы же Помяни Господи, не глаголем. На утрени, по шестопсалмии, на Бог Господь: тропарь праздника, трижды. По 1-й кафисме седален праздника, глас 4. Подобен: Удивися Иосиф: Возопий Давиде: Слава: и ныне, тойже. И чтение праздника. По 2-й кафисме седален, глас и подобен тойже. И чтем слово святаго Иоанна Дамаскина, емуже начало: Приидите вси язы́цы: По чтении же даются свещи братии. Таже полиелей, и седален праздника, глас 8. Подобен: Повеленное: Да радуется небо: Слава, и ныне, глас тойже: Обновися Адаме: И чтем слово Григориа иеромонаха. Степенна, 1-й антифон 4-го гласа. Прокимен, глас тойже: Помяну имя твое во всяком роде и роде. Стих: Отрыгну сердце мое слово благо. Всякое дыхание: Стих: Хвалите Бога во святых его. Евангелие Луки, зачало 4: Во дни оны, воставши Мариам: Таже псалом 50. Слава, Молитвами Богородицы: И ныне, тойже. И посем, Помилуй мя Боже: И стихира праздника, глас 6: Сей день: Таже, Канона два: един кир Иоанна, глас 2: Другий кир Андреа, глас 8: Ирмосы обою канонов по дважды. Тропари же на 12. Катавасиа: Крест начертав: По 3-й песни, седален праздника: глас 4: Дева Мариа: Слава, и ныне, тойже. По 6-й песни,

Кондак, глас 4: Иоаким и Анна поношения безчадства, и Адам и Ева от тли смертныя свободистася, Пречистая, во святем рождестве твоем: то празднуют и людие твои, вины прегрешений избавльшеся, внегда звати ти: неплоды раждает Богородицу и питательницу жизни нашея.

И икос, и чтем пролог. На 9-й песни вжигают свещи братия. Честнейшую же не поем, но поем припевы праздника: Величай душе моя: И другий, Величай душе моя: На сходе, Катавасиа, Таин еси Богородице рай: И другий, Снедию древа: с припевы праздника. Ектениа малая. Светилен праздника, От неплодныя днесь: дважды. Слава, и ныне: Адаме обновися: На хвалитех стихиры на 4, глас 1. Подобен: О дивнаго чудесе: Слава, и ныне, глас 6: Сей день Господень: Славословие великое. По трисвятом тропарь праздника единожды. Ектении, и отпуст. Знаменаются же братия от иереа святым елеем. И поем стихиру самогласну праздника, юже хощет екклисиарх. И молитве глаголемей от иереа, якоже уставлено есть, на литии вечер воскресныя службы: Владыко многомилостиве: И час 1 в притворе. На 1-м часе тропарь праздника: И ныне, Богородичен часов. По трисвятом кондак праздника: И прочее все до конца. И совершенный отпуст. На литургии, блаженна от канона гласа 2-го, песнь 3-я, на 4: и 8-го песнь 6-я на 4. По входе, тропарь праздника: Слава и ныне, кондак. Прокимен, глас 3, песнь Богородицы: Величит душа моя Господа, и возрадовася дух мой о Бозе Спасе моем. Стих: Яко призре на смирение рабы своея: Апостол к филипписием, зачало 240: Сие да мудрствуется в вас: Аллилуиа, глас 8: Слыши дщи и виждь, и приклони ухо твое. Стих: Лицу твоему помолятся богатии людстии. Евангелие Луки, зачало 54: Вниде Иисус в весь некую: Вместо Достойна, поем ирмос: Чужде матерем: И до отдания, с припевом праздника. Сице поем во вся праздники Владычни и Богородицы. Причастен: Чашу спасения прииму: Бывает же на трапезе утешение братии, довольно же и духовно.

[Зри] Аще случится праздник сей в субботу пред Воздвижением: Апостол, и Евангелие, субботы пред Воздвижением, чти в 13-й день. Прокимен же, Аллилуиа, и причастен Обновления.

Подобает ведати. Яко кафисма не глаголется на вечерни, труда ради бденнаго.

Сице убо творим и на всяк праздник, егда бывает бдение.

По обычном псалме, на Господи воззвах, стихиры праздника: и стиховна праздника же. Празднуем же праздник сей 5 дней, за еже близ быти празднику Святаго Воздвижения Честнаго Креста.

[МРК] Аще ли случится Рождество Богородицы в неделю.

В субботу, на малей вечерни, на Господи воззвах, стихиры воскресны гласа, на 4: Слава, и ныне, праздника. На стиховне стихира воскресна едина: И праздника стиховна великия вечерни, с припевы праздника: Слава, и ныне, праздника. Тропарь воскресн. Слава, и ныне, праздника. Ектения малая. И отпуст. На велицей вечерни, по обычной кафисме, на Господи воззвах, стихиры воскресны 3: и Анатолиев един, и праздника 6. Слава, и ныне праздника. Вход, Прокимен дне: и чтения 3, праздника. На литии стихиры, и Слава, и ныне, праздника. На стиховне стихиры воскресны: Слава, и ныне, праздника. На благословении хлебов, тропарь праздника, трижды: и чтение в посланиих, или праздника. На утрени, на Бог Господь, тропарь воскресн дважды: Слава, и ныне, праздника. По обычных кафисмах седальны воскресны с богородичны их: и чтение во евангелии толковом, неделя пред Воздвижением. Таже полиелей: и тропари, Ангельский собор: и ипакои гласа. И седальны праздника оба по единожды: Слава, седален, иже по полиелеи: И ныне, другий: и чтение праздника. Степенна гласа: Прокимен и Евангелие праздника. Таже, Воскресение Христово: Псалом 50. И целование евангелиа по обычаю. Посем, Слава, Молитвами Богородицы: И ныне, тойже. Стихира праздника. Канон воскресн со ирмосом на 4. И Богородицы на два: И праздника оба канона, на 8. Катавасиа, Крест начертав: По 3-й песни, кондак и икос воскресн, и седален праздника, дважды. По 6-й песни, кондак и икос праздника: и чтем пролог. На 9-й песни, припевы не поем, но поем Честнейшую: Светилен воскресн: Слава, и ныне, праздника. На хвалитех стихиры воскресны 4, и праздника 4, с припевы праздника. Слава, праздника: И ныне, Преблагословенна еси: И славословие великое. и тропарь воскресн точию. И ектении: И отпуст. Дается же и елей от кандила праздника. Таже, Слава, и ныне, стихира евангельская: оглашение, и обычное исхождение: И час первый в притворе. На 1-м часе тропарь воскресн: Слава, праздника: И ныне, Богородичен часов. По Отче наш, кондак воскресн, и отпуст. Такожде и на прочих часех, тропарь воскресн: Слава, праздника: И ныне, Богородичен часов. Кондак праздника, и воскресн, глаголем пременяюще. На литургии, блаженна воскресна, гласа, на 6: И праздника песнь 3-я, на 4. По входе тропарь воскресн и праздника: Слава, кондак воскресн: И ныне, праздника. Прокимен, апостол, Аллилуиа, и Евангелие чтем прежде недели пред Воздвижением: Таже ряд: Посем Богородицы, А прокимен гласа оставляется. Причастен, Хвалите Господа с небес: И праздника, Чашу спасения прииму:

[МРК] Аще случится попразднство Рождества Пресвятыя Богородицы в неделю.

В субботу, на малей вечерни, стихиры воскресны, и Богородицы, по обычаю: На велицей вечерни, на Господи воззвах, стихиры воскресны 3: и Анатолиев един: И праздника того дне на ряду, 3, и минеи святаго 3. Аще ли поется святый на 6: или емуже и полиелей, и поем стихиры воскресны 3: и праздника 3: и святаго 4. Слава, святаго. Аще же ни: Слава, праздника: И ныне, Богородичен первый, гласа. Вход. Прокимен дне: и ектениа. На литии стихиры праздника. Стиховна вечерняя того дне. и святаго, аще полиелей. Слава, и ныне, праздника. Аще ли имать святый Славу, Слава святаго: И ныне, праздника. На стиховне стихиры воскресны: Слава, святаго. Аще ли ни: Слава, и ныне, праздника. На благословении хлебов, тропарь: Богородице Дево радуйся: дважды, и Праздника единожды. И чтение во апостольских посланиих. На утрени, тропарь воскресн дважды: Слава святаго: Аще ли ни, Слава, и ныне, праздника. По кафисмах седальны воскресны, с богородичны их: и чтение во евангелии толковом, неделя пред Воздвижением. Таже непорочны и тропари: Ангельский собор, и ипакои гласа, и чтение во евангелии толковом, неделя ряд. Степенна, и прокимен гласа. Евангелие воскресно. Воскресение Христово: и псалом 50, и прочее воскресно. Канон воскресн, со ирмосом на 4: и Богородицы на два: и праздника на 4: и святаго на 4. Аще полиелей: Канон воскресн со ирмосом на 4: и праздника на 4, и святаго на 6. Катавасиа, Крест начертав: По 3-й песни, кондак праздника и икос, и святаго аще имать, и седален его. Слава, и ныне, праздника. По 6-й песни, кондак и икос воскресн. На 9-й песни поем, Честнейшую: Светилен воскресн, Слава, святаго: Аще ли ни, Слава, и ныне, праздника. На хвалитех стихиры воскресны 4: и праздника 4, стиховна того дне со Славным, с припевы праздника. Аще имать святый стихиры на хвалитех: и поем стихиры воскресны 4, и святаго со Славным 4, с припевы его. Слава, стихира евангельская: И ныне, Преблагословенна еси: По славословии, тропарь воскресн точию, и ектении, и отпуст, и оглашение, и исхождение в притвор, и час 1-й. На 1-м часе тропарь воскресн: Слава, праздника: И ныне, Богородичен часов. По Отче наш, кондак праздника, и конечный отпуст. На 3-м часе тропарь воскресн: Слава, святаго. Аще ли ни, Слава, праздника. По трисвятом, кондак праздника, и воскресн глаголем пременяюще: аще ли полиелей, и святаго. На литургии, блаженна гласа на 6, и праздника от канона песнь рядовая, на 4. Аще ли имать святый песнь, и воскресна на 4: и праздника на 4, и святаго песнь 6-я на 4. По входе тропарь воскресн, и праздника, и храма святаго, или святыя, и святаго, аще есть. Таже кондак воскресн, и храма святаго, или святыя. Слава, святаго, аще есть. Аще ли ни. Слава, храма святаго: И ныне, праздника. Прокимен, апостол, Аллилуиа, и Евангелие, прежде недели пред Воздвижением: ряд же под зачало, потом святаго. Причастен: Хвалите Господа с небес: и святаго, аще есть, аще ли ни, праздника.

[Зри] Суббота пред воздвижением. На литургии, прокимен, глас 3: Пойте Богу нашему, пойте, пойте Цареви нашему, пойте. Стих: Вси язы́цы восплещите руками: Апостол к коринфяном, зачало 126: Братие, премудрость глаголем: Аллилуиа, глас 5: Милости твоя, Господи, во век воспою в род и род. Евангелие Матфеа, зачало 39: Рече Господь: иже любит отца или матерь: Апостол же и Евангелие субботы ряд под зачало. Таже святаго, аще имать. Причастен дне.

Подобает ведати: Аще случится отдание Рождества Богородицы в субботу пред Воздвижением: Прокимен, Аллилуиа, и причастен праздника. Апостол, и Евангелие прежде субботы пред Воздвижением. Таже праздника. А прокимен субботы пред Воздвижением оставляется.

[Зри] Неделя пред Воздвижением. На утрени чтем в толковании евангелиа от Иоанна: и дне ряд. На литургии, прокимен, глас 6: Спаси Господи люди твоя: Стих: К тебе Господи воззову: Апостол к галатом, зачало 215: Братие, видите колицеми книгами: Аллилуиа, глас 1: Вознесох избраннаго: Евангелие Иоанна, зачало 9: Рече Господь: никтоже взыде на небо: Таже ряд. Причастен дне.

9.🕃 Святых и праведных Богоотец Иоакима и Анны: И святаго мученика Севириана.

На Господи воззвах, поем стихиры праздника 3, глас 1, подобен: Небесных чинов: Иоаким и Анна: и святых 3, глас 4, подобен: Дал еси знамение: Приидите ныне: Слава, и ныне, глас 5, самогласен: О блаженная двоице: Аще ли случится в пяток вечера: Слава, праздника: И ныне, Богородичен первый настоящаго гласа. На стиховне, стихиры праздника: глас 2, подобен: Егда от древа: Анна Богомудренная: с припевы. Слава, и ныне, праздника, глас 8, самогласен: Иже из неплодных ложесн.

Тропарь святых, глас 2: Праведных твоих Господи память празднующе, теми молим тя, спаси души наша.

Или сей, глас 1: Иже в законней благодати праведни бывше, младенеца Богоданнаго породиша нам, Иоаким и Анна. темже днесь светло торжествует, весело празднующи Божественная церковь честную вашу память, славящи Бога, воздвигшаго рог спасения нам в дому Давидове.

Слава, и ныне, праздника: Рождество твое:

Служба святаго Севириана поется на повечерии. По Достойне, и по трисвятом, кондак праздника: во все попразднство, и до отдания. На утрени, на Бог Господь, тропарь праздника, дважды: Слава, Богоотцев: И ныне, праздника. По кафисмах седальны праздника. Канон праздника 2-го гласа со ирмосом на 6: и святых глас тойже, на 6. По 3-й песни, кондак и икос праздника. И седален святых, глас 5: Слава, и ныне, тойже. По 6-й песни,

Кондак Богоотцев, глас 2. Подобен: Вышних ищя: Радуется ныне Анна, неплодства разрешившися соуз, и питает пречистую, созывающи вся воспети, даровавшаго от чрева ея человеком едину Матерь и неискусомужную.

И икос: и пролог. По 9-й песни, Светилен: подобен: Посетил ны: Яже Евы клятву: Слава, и ныне: Яко от солнца солнце: На стиховне стихиры праздника, глас 6. Подобен: Тридневен: с припевы их. Слава, и ныне, праздника, глас 2: Днесь всенепорочная чистая: и отпуст. На литургии, блаженна праздника, песнь 1-я 2-го гласа, на 4: и святых песнь 6-я, на 4. По входе тропарь праздника: и храма святаго: и святых: Слава, кондак святых: И ныне, праздника. Аще храм Христов, и глаголем тропарь, прежде храма Христова: и праздника Богородицы, и храма святаго: и святых. Таже кондак храма Христова, и святаго. Слава, кондак святых: И ныне, праздника. Сице по входе тропари и кондаки глаголем и в прочия дни. Прокимен праздника и до отдания: потом святых, глас 4: Дивен Бог во святых своих: Стих: В церквах благословите Бога Господа: Апостол к галатом, зачало 210, от полу: Братие, Авраам два сына име: Аллилуиа, глас 1: Спасение праведных от Господа: Евангелие Луки, зачало 36: Рече Господь: никтоже убо светильника вжег: Причастен праздника, и до отдания: и святых: Радуйтеся:

🕃 В тойже день преподобнаго отца нашего Иосифа Волоцкаго чудотворца.

Совершается собор его во обители его, и идеже храм его.

Тропарь, глас 5: Яко постников удобрение, и отцев красоту, милости подателя, разсуждения светильника, вси вернии сошедшеся восхвалим, кротости учителя, и ересей посрамителя, премудраго Иосифа: Российскую звезду, молящася Господу, помиловатися душам нашим.

Кондак, глас 8. Подобен: Взбранной: Жития треволнения, и мятеж мирский, и страстная взыграния в ничтоже вменив, пустынный гражданин показался еси, многих быв наставник Иосифе преподобне, монахов собратель, и молебник верен, чистоты рачитель, моли Христа Бога спастися душам нашим.

В тойже день обретение и пренесение честных мощей иже во святых отца нашего Феодосиа архиепископа Черниговскаго.

Тропарь, глас 4: Преудобрен во архиереех, святителю Феодосие, был еси светило своему стаду, таже преставился еси в вечныя обители. умоли у престола Царя славы, избавитися нам от находящих на ны зол, и спастися душам нашим, святе, молитвами твоими.

Кондак, глас тойже: Пастырей начальнику Христу трудился еси, святителю Феодосие, на пажити духовней питая словесныя твоя овцы, и приял еси от Христа Спаса целебный дар, целити от немощи душевныя и телесныя, всякаго с верою приходящаго к целебным твоим мощем. моли, святе, о призывающих имя твое, от наветов вражиих спастися душам нашим.

10. Святых мучениц, Минодоры, Митродоры и Нимфодоры.

На Господи воззвах, стихиры праздника 3: глас 8. Подобен: О преславнаго чудесе! и святых 3, глас 4. Подобен: Яко добля: Слава, и ныне, праздника, глас 2: Что шум празднующих: На стиховне стихиры праздника, с припевы их. Слава, и ныне, праздника глас 2: Пронареченная всех царица: По Отче наш: тропарь праздника. На утрени, на Бог Господь, тропарь праздника трижды, и обычныя кафисмы: и седальны праздника. Канон праздника, глас 8, со ирмосом на 8: и мучениц, на 4, глас 4. По 3-й песни,

Кондак мучениц, глас 4. Подобен: Вознесыйся: За Троицу терпеливно страдальчествовавшия, многокозненнаго врага победисте, братски облекшеся духом. темже водвористеся с пятьми девами в небесном страстотерпицы чертозе, и со ангелы Всецарю в веселии непрестанно предстоите.

И седален мучениц: Слава, и ныне, праздника. По 6-й песни, кондак и икос праздника. По 9-й песни, светилен праздника. На стиховне стихиры праздника: Слава, и ныне, праздника, глас 4: Всемирная радость: На литургии блаженна праздника: песнь 4 и 5-я, на 8.

11. Преподобныя матере нашея Феодоры Александрийския.

[Зде же поется служба и священномученика Автонома.]

На Господи воззвах, стихиры преподобныя 3, глас 4, подобен: Яко добля: И Автонома, 3, глас и подобен тойже: Слава, и ныне, праздника: глас тойже самогласен: Ангеловым проречением. На стиховне стихиры праздника: Слава, и ныне, глас 4: Неплоды безчадная:

Тропарь преподобныя, глас 8: В тебе мати известно спасеся еже по образу: приимши бо крест, последовала еси Христу, и деющи учила еси презирати убо плоть, преходит бо, прилежати же о души вещи безсмертней: темже и со ангелы срадуется, преподобная Феодоро, дух твой.

Слава, и ныне, праздника. На утрени, на Бог Господь, тропарь праздника, дважды: Слава, святыя: И ныне, праздника, и обычныя кафисмы и седальны праздника. Канон праздника, глас 2, со ирмосом на 6: И преподобныя, глас 4, на 4: и Автонома, глас 8, на 4. По 3-й песни,

Кондак святыя, глас 2: Подобен: Вышних ищя: Тело твое постами изнуривши, бденными молитвами Творца умолила еси о гресе твоем, яко да приимеши совершенное прощение: и прияла еси оставление, путь покаяния показавши.

И святаго, Кондак, глас 2: Подобен: Вышних ищя: Божественная премудре, непорочне тайноводил еси, жертва приятная был еси богоблаженне: Христову бо пил еси чашу преславне, светильниче всемирный, моля непрестанно о всех нас.

И седален святыя. Слава, мученика. И ныне, праздника. По 6-й песни, кондак и икос праздника. По 9-й песни, светилен праздника. На стиховне стихиры праздника. Слава, и ныне, глас 8: В благознаменитый день: На литургии, блаженна праздника, песнь 7-я и 8-я, на 8. Прокимен, глас 4: Дивен Бог во святых своих, Бог Израилев. Стих: В церквах благословите Бога: Апостол к галатом, зачало 250: Прежде пришествия веры: Аллилуиа, глас 1: Терпя потерпех Господа, и внят ми: Евангелие Иоанна, зачало 28: Приведоша книжницы: Причастен, В память вечную.

12. Святаго священномученика Автонома: В сей день отдается праздник Рождества Пресвятыя Богородицы, и поется вся служба праздника.

Вечер, обычная кафисма. На Господи воззвах, стихиры праздника, на 6: Слава, и ныне, праздника. Аще же в пяток вечера, Слава, праздника: И ныне, догматик настоящаго гласа. Прокимен дне, кроме входа и паремий. и абие, Сподоби Господи: Ектениа, Исполним вечернюю: На стиховне стихиры, и Слава, и ныне, праздника. По Отче наш, тропарь праздника, единожды: и ектениа, и отпуст. На повечерии, кондак праздника. Полунощницу же поем по обычаю, с кафисмою и тропари обычными, а не праздника. Глаголем же и молитву, Помяни Господи в надежди: На утрени, на Бог Господь, тропарь праздника, дважды: Слава, и ныне, тойже. По кафисмах седальны праздника: и чтение, и псалом 50. Каноны праздника: первый со ирмосом на 8, другии со ирмосом на 6. Ирмосы же поем обою канонов, по дважды. Катавасиа, Крест начертав: По 3-й песни, седален праздника, дважды. По 6-й песни, кондак и икос праздника. На 9-й песни. Честнейшую не поем: Но поем припевы праздника. На сходе катавасиа, Таин еси: и другий, Снедию древа: с припевы праздника. Светилен праздника, дважды. На хвалитех, стихиры праздника, на 4: Слава, и ныне, праздника. Славословие великое. По трисвятом, тропарь праздника, единожды. Ектении, и отпуст, и исхождение в притвор, и час 1-й. На часех тропарь и кондак праздника. На литургии, блаженна обою канонов песнь 9-я на 8. По входе тропарь праздника: Слава, и ныне, кондак праздника. Прокимен, Аллилуиа, и причастен праздника. Апостол и Евангелие дне, и праздника.

[МРК] Подобает ведати, аще случится отдание Рождества Богородицы в неделю. В субботу на малей вечерни стихиры воскресны, по обычаю. На стиховне стихира воскресна едина, и праздника стиховна, с припевы своими, великия вечерни: Слава, и ныне, праздника. Тропарь воскресн: Слава, и ныне, праздника. На велицей вечерни, по обычной кафисме, на Господи воззвах, стихиры воскресны 3, и Анатолиев един: и праздника 6: поемыя на самый праздник. Слава, праздника: И ныне, Богородичен первый гласа. На литии стихиры, и Слава, и ныне, праздника. На стиховне стихиры воскресны. Слава, и ныне, праздника. На благословении хлебов тропарь, Богородице Дево: дважды: и праздника, единожды. и чтение в посланиих апостольских. На утрени, на Бог Господь, тропарь воскресн, дважды: Слава, и ныне, праздника. По кафисмах седальны воскресны, с богородичны их. и чтение в толковом евангелии, неделя пред Воздвижением. Посем непорочны. И ипакои гласа, и чтение, неделя ряд. Степенна, и прокимен гласа. Всякое дыхание: Евангелие воскресное. Воскресение Христово: псалом 50. стихира воскресна, и прочее по обычаю. Канон воскресн со ирмосом на 4, и Богородицы на 2, и праздника оба канона на 8. Катавасиа, Крест начертав: По 3-й песни, кондак и икос праздника: и седален праздника, дважды. По 6-й песни, кондак и икос воскресн, и пролог. На 9-й песни поем Честнейшую: Светилен воскресн: Слава, и ныне, праздника. На хвалитех стихиры воскресны на 4: и праздника со славным на 4: припевы праздника. Слава, стихира евангельская: И ныне, Преблагословенна еси: Славословие великое. По трисвятом тропарь воскресн точию. Ектении, и отпуст, и оглашение Студитово. И исхождение обычное в притвор, и час 1-й, и конечный отпуст. На часех, тропарь воскресн: Слава, праздника: И ныне, Богородичен часов. По Отче наш, кондак праздника, и воскресн, глаголем пременяюще. На литургии, блаженна гласа на 6: и праздника песнь 9-я, на 4. По входе, тропарь воскресн, и праздника. Слава, кондак воскресн: И ныне, праздника. Прокимен, апостол, Аллилуиа, и Евангелие, недели пред Воздвижением, и ряд под зачало. Таже Богородицы. Причастен, Хвалите Господа с небес: другий праздника, Чашу спасения.

13. 🕃 Память обновлений храма святаго, Христа и Бога нашего, Воскресения: И предпразднство Воздвижения Честнаго и Животворящаго Креста: И святаго священномученика Корнилиа сотника.

Вечер, обычная кафисма. На Господи воззвах, стихиры на 6: обновления, 3, глас 6, самогласны: и святаго, 3, глас 4. Подобен: Дал еси знамение: Слава, обновления, глас 6, самогласен: Память обновлений. И ныне, предпразднства, глас тойже: Днесь древо явися: Аще ли в пяток вечера, И ныне, Богородичен первый, настоящаго гласа. Вход. Прокимен дне, чтения 3, обновления: 1-е, Царств третиих: Ста Соломон: 2-е, Притчей: Бог премудростию: 3-е, Притчей: Премудрость созда себе дом: и ектении. На стиховне стихиры Креста, глас 5, подобен: Радуйся живоносный Кресте: с припевы их. первый, Возносите Господа Бога нашего: вторый, Бог же Царь наш прежде века: Слава, обновления, глас 2, самогласен: Обновление совершающе, И ныне, предпразднства, глас тойже: Божественное сокровище: По трисвятом,

Тропарь обновления, глас 4: Якоже вышния тверди благолепие, и нижнюю споказал еси красоту святаго селения славы твоея Господи, утверди сие во век века, и приими наша в нем непрестанно приносимая тебе моления Богородицею, всех животе и воскресение.

Слава, мученика, глас тойже: И нравом причастник: писан сего месяца в 3-й день.

И ныне, предпразднства, глас тойже: Животворящий Крест твоея благости, егоже даровал еси нам недостойным Господи, тебе приносим в молитву: спаси град твой молящийся, Богородицею едине человеколюбче.

И отпуст. На повечерии, по трисвятом кондак обновления. На утрени, на Бог Господь, тропарь обновления, дважды: Слава, святаго: И ныне, предпразднства: и обычныя кафисмы. По 1-й кафисме седален обновления, глас 4, подобен: Скоро предвари: Вся просвети: Слава, и ныне, тойже: и чтение. По 2-й кафисме седален, глас и подобен тойже: Празднственный днесь: Слава, и ныне, тойже: и чтение. Каноны 3: обновления, глас 4, со ирмосом на 6: и предпразднства, глас тойже, на 4: и святаго, глас 5, на 4. Катавасиа, Крест начертав: По 3-й песни,

Кондак обновления, глас 4. Подобен: Явился еси: Небо многосветлое церковь показася, вся просвещающая верныя. в нейже стояще зовем: сей дом утверди Господи.

И седален, глас 8. Слава, святаго, глас 4: И ныне, предпразднства, глас тойже. По 6-й песни,

Кондак обновления, глас 2. Подобен: Твердыя: Обновления духа в сердцах, и просвещение внутренним даруй, верою совершающим священная обновления храма дому твоего, емуже благоволил еси создатися в твое Божественное имя, едине во святых прославляемый.

И икос: и пролог. По 9-й песни светилен обновления, подобен: Духом: Юже пречистою кровию: Слава, и ныне, Светодательными: На хвалитех стихиры обновления на 6, глас 4, подобен: Дал еси знамение: Днесь божественный и священный: Ины стихиры, глас 1, самогласны: Обновляйся, обновляйся: Слава, глас 3, К себе восходи человече: И ныне, предпразднства, глас тойже: Христе Боже наш: Славословие великое. По трисвятом, тропарь обновления: Слава, святаго: И ныне, Креста. Ектении, и отпуст, и час 1. На 1-м часе, тропарь обновления: Слава, Креста: И ныне, Богородичен часов. Кондаки на часех пременяюще глаголем. На литургии, блаженна от канона обновления, песнь 3-я и 6-я. По входе тропарь обновления, и Креста, и святаго. Слава, и ныне, кондак обновления. Прокимен, глас 4: Дому твоему подобает святыня Господи в долготу дний. Стих: Господь воцарися, в лепоту облечеся. Апостол ко евреем, зачало 307: Святая звания: Аллилуиа, глас 2: Основания его на горах святых. Стих: Преславная глаголашася о тебе граде Божий. Евангелие Матфеа, зачало 67: Прииде Иисус во страны Кесарии Филипповы: Причастен: Господи возлюбих благолепие дому твоего, и место селения славы твоея. Аллилуиа, трижды.

[Зри] Ведомо же буди и сие: Аще случится Воздвижение Честнаго Креста в неделю: В субботу же пред Воздвижением, на литургии: Прокимен, и Аллилуиа обновления. един. Субботы же прокимен пред Воздвижением оставляется. Апостол, и Евангелие прежде обновления, и потом субботы пред Воздвижением: Причастен обновления. Рядовый же апостол, и Евангелие вычитаем напреди: Недели же пред Воздвижением, чтется апостол, и Евангелие, в мимошедшую неделю.

[МРК] Подобает ведати: Яко аще случится обновление, 13 день в неделю, оставляется служба святаго Корнилиа, и поется, егда разсудит екклисиарх. Поется же воскресна служба со обновлением: и с предпразднством Честнаго Креста. На малей вечерни, стихиры воскресны, и Богородицы по обычаю. Тропарь воскресн. Слава, и ныне, Богородичен. На велицей вечерни, Блажен муж, кафисма вся. На Господи воззвах, стихиры воскресны, 3: и Анатолиев един. И обновления, 3: и Креста 3, глас 5: Подобен: Радуйся: писаны на стиховне. Слава, обновления: И ныне, Богородичен 1-й гласа. Вход: И чтения 3, обновления. На литии стихира храма: И обновления хвалитныя. глас 1: Обновляйся, обновляйся: И гласа 4-го: Обновляется днесь: Глас тойже: Посреди земли возносима: Слава, глас 5: Иже в недрех: И ныне, глас 6: Днесь древо явися: На стиховне стихиры воскресны гласа. Слава, глас 2: Обновление совершающе: И ныне, Креста, глас тойже: Божественное сокровище: На благословении хлебов тропарь: Богородице Дево, дважды. И обновления единожды. И чтение в посланиих апостольских. На утрени, на Бог Господь, тропарь воскресн, дважды: Слава, обновления: И ныне, Креста. По кафисмах седальны воскресны: Слава, и ныне, обновления. богородичны же оставляются.И чтение во евангелии, неделя пред Воздвижением. По непорочных ипакои: И чтем во евангелии неделю рядовую. Степенны, и прокимен гласа: Всякое дыхание: Евангелие воскресное. Воскресение Христово: и псалом 50. Стихира воскресна. Канон воскресн со ирмосом на 4: Богородицы на 2: обновлению на 4: и Креста на 4. Катавасиа: Крест начертав: По 3-й песни, кондак и икос обновления: И седален. Слава, и ныне, Креста: И чтение. По 6-й песни, кондак воскресн: И икос. И пролог. На 9-й песни, поем Честнейшую. Светилен воскресн: Слава, обновления: И ныне, Креста. На хвалитех стихиры воскресны, 4: И обновления, глас 4, подобен: Дал еси знамение: две. И самогласны две, глас 3: К себе восходи человече: Другий, Христе Боже наш: Первый припев: Дому твоему подобает святыня Господи в долготу дний. Другий: Господь воцарися, в лепоту облечеся: Слава, стихира евангельская. И ныне, Преблагословенна еси Богородице Дево: Славословие великое. Тропарь воскресн: И ектении. И отпуст: И оглашение. И обычное исхождение в притвор. И час 1-й. На часех, тропарь воскресн. Слава, обновления: И ныне, Богородичен часов. По Отче наш, кондак воскресн, и обновления, пременяюще глаголем. На литургии блаженна воскресна гласа, на 6: И обновления, песнь 3-я, на 4. По входе, тропарь воскресн, и обновления и Креста. Кондак воскресн: Слава, и ныне, обновления. Прокимен, апостол, Аллилуиа, и Евангелие прежде недели пред Воздвижением: И ряд под зачало: таже обновления. Причастен, Хвалите Господа с небес: И обновления.

14. 🕀 Всемирное воздвижение Честнаго и Животворящаго Креста:

И успение во святых отца нашего Иоанна, архиепископа Константина града, Златоустаго.

[Зри] Ведомо же буди, яко Златоустаго воследование в сей пресветлый день, в Константине граде, и повсюду не поется, Воздвижения ради Честнаго Креста, Господьскаго праздника: и преложися в 13 день ноемвриа месяца.

Во время же вечера, кандиловжигатель, по благословению ударяет в кампан. Иерей же входит в сосудохранительницу, и полагает Честный Крест, со благовонными васильки на жертвенник, на мисе, и поем, На малей вечерни, на Господи воззвах, стихиры праздника на 4, глас 1. Подобен: Небесных чинов: Крест возносится: Слава, и ныне, глас 6, самогласен: Днесь сад: Таже, Свете тихий: Прокимен дне. И Сподоби Господи: На стиховне стихиры, глас 2. Подобен: Доме евфрафов: С припевы их: Водою боготворною: Припевы: 1-й, Возносите Господа Бога нашего: 2-й, Бог же царь наш прежде века: Слава, и ныне, глас 6, самогласен: Днесь древо явися: Ныне отпущаеши: Трисвятое, и по Отче наш:

Тропарь праздника, глас 1: Спаси Господи люди твоя и благослови достояние твое, победы на сопротивныя даруя, и твое сохраняя Крестом твоим жительство.

Ектениа малая: И отпуст. По отпущении же малыя вечерни, входит екклисиарх со иереем и диаконом и параекклисиархом в жертвенник, со свещами, и облачится иерей и диакон: и кадив Честный Крест, глаголет: Благослови владыко. Иерей: Благословен Бог наш: Таже, Трисвятое: и по Отче наш, тропарь Креста: Спаси Господи люди твоя: Слава и ныне:

Кондак, глас 4: Вознесыйся на Крест волею, тезоименитому твоему новому жительству, щедроты твоя даруй Христе Боже: возвесели нас силою твоею, победы дая нам на сопостаты, пособие имущым твое оружие мира, непобедимую победу.

И взимает иерей Честный Крест со блюдом на главу, и вносит его во святый олтарь, предыдущим же пред ним со двема лампадама: И полагает Честный Крест на святой трапезе на евангельском месте: а Евангелие поставляет на горнее место, и вжигают пред ним свещу на всю нощь.

[Зри] Подобает ведати: Яко аще случится праздник сей в неделю, ничтоже поется воскресно: ни стихиры воскресны, ниже непорочны, ни степенна гласа, ни Евангелие воскресное чтется: Точию, Воскресение Христово, глаголем: и Свят Господь Бог: не поется же, но всю службу поем праздника. На велицей вечерни: Аще в субботу вечера поем, Блажен муж, кафисму всю. Аще же в неделю вечера, поем, Блажен муж, 1-й антифон. Аще же ин день, стихологиа не бывает: но по обычном псалме поем, Господи воззвах, на глас 6. И поем стихиры праздника, на 8, глас 6. Подобен: Всю отложивше: Крест воздвизаемь: Слава, и ныне, глас 2: Приидите вси язы́цы: Таже вход. Прокимен дне, Аще случится праздник сей в субботу, в пяток вечера, прокимен дне оставляется: и поется прокимен великий, глас 7: Бог наш на небеси и на земли: понеже в субботу вечера поется прокимен, Господь воцарися: Чтения 3: 1-е Исхода. Поят Моисей сыны Израилевы: 2-е, Притчей: Сыне не пренебрегай: 3-е, Пророчества Исаиина: Сия глаголет Господь: отверзутся врата: И посем ектениа: Рцем вси: и Сподоби Господи: и Исполним вечернюю молитву: На литии стихиры самогласны, глас 1: Днесь яко воистинну: Слава, и ныне, глас 4: Честнаго Креста Христе: И обычныя молитвы бдения. На стиховне стихиры праздника, глас 5. Самоподобен: Радуйся живоносный Кресте: с припевы их, писаны на малей вечерни. Слава, и ныне, глас 8. Егоже древле Моисей: Таже, Ныне отпущаеши: и трисвятое. По Отче наш, тропарь Креста, глас 1: Спаси Господи люди твоя: трижды, писан на малей вечерни. И обычное благословение хлебов, и раздаяние их: и Буди имя господне, трижды с пением. и псалом 33: Благословлю Господа: И чтем слово о честном древе. На утрени, на Бог Господь, тропарь праздника трижды: И обычныя кафисмы. По кафисмах седальны, и чтения праздника. По чтении же даются свещи братии. Таже полиелей: И седален праздника: И чтение праздника. Степенна, 1 и антифон 4-го гласа. Прокимен, глас 4: Видеша вси концы земли спасение Бога нашего. Стих: Воспойте Господеви песнь нову. Всякое дыхание: Стих: Хвалите Бога во святых его. Евангелие Иоанна, зачало 42 от полу: Рече Господь: Отче, прослави имя твое: Таже Воскресение Христово: и псалом 50. Слава, Молитвами апостолов: И ныне, Молитвами Богородицы: Посем стихира, глас 6: Кресте Христов: И молитва, Спаси, Боже, люди твоя: и Господи помилуй, 12. Таже иерей: Милостию и щедротами: Канон, глас 8: творение кир Космы. ирмос, Крест начертав: по дважды. Тропари на 12: И последи ирмос, оба лика вкупе: Крест начертав: По 3-й песни седален Креста, глас 4: В тебе треблаженне: Слава, и ныне, тойже. И чтение праздника. По 6-й песни, кондак Креста, глас 4: Вознесыйся на Крест волею: писан после малыя вечерни. И икос: И чтем пролог. На 9-й песни вжигают паки свещи братия. Честнейшую не поем, но поем припев праздника: Величай душе моя: Таже ирмос 1-го канона: Таин еси Богородице: И другий лик подобне припев, и ирмос: и к прочим стихам тойже припев поем. Таже поем и вторый припев: Величай душе моя: И ирмос: Снедию древа: И другий лик, подобне припев, и ирмос. Тропари обою канонов на 12. Катавасиа: Таин еси Богородице рай: Посем другий, Снедию древа: с припевом. И поклон: По 9-й песни светилен праздника, подобен: Учеником: Крест хранитель: дважды. Слава и ныне, подобен: Жены услышите: Крест воздвизается: На хвалитех стихиры, на 4, глас 8, самоподобен: О преславнаго чудесе! Слава, и ныне, глас 6, самогласен: Днесь происходит Крест Господень: Таже, Славословие великое. Поему же великому славословию, облачится настоятель во всю священную одежду, и приемлет кадильницу с фимиамом, и приходит ко святей трапезе, и кадит Честный Крест крестообразно, и взимает его на главу, и исходит северными дверьми, предыдущим ему со двема лампадами даже до царских врат, и тамо став ожидает конца славословия и трисвятаго. Сему же скончану, возглашает настоятель велегласно: Премудрость, прости. Мы же начинаем тропарь: Спаси Господи люди твоя: трижды. И приходит настоятель, нося на главе Честный Крест до среды церкве пред святыя царския двери: тамо убо уготовану аналогию, полагает верху его Честный Крест, и кадит крестообразно. Таже творит поклоны три до земли, в койлибо буди день, и взем Честный Крест со благовонными васильками, на подножии Креста обложенными, станет пред аналогием зря к востоком. И диакон возглашает велегласно во услышание всех: Помилуй нас, Боже, по велицей милости твоей, молимся тебе, услыши нас, Господи, и помилуй, рцем вси. И начинаем первую сотницу, Господи помилуй, 50: знаменающу настоятелю в начале Честным Крестом, трижды. Таже преклоняет главу, елико пядию отстояти главе от земли, и помалу воздвизается горе даже до скончания втораго, 50, Господи помилуй. Егда же доспеет до 97, Господи помилуй, возвышает глас свой екклисиарх, настоятель же прямо стоя, и конца сотницы ожидая, знаменует Крестом паки трижды. Таже обращается к западней стране. И глаголет диакон: Еще молимся о милости, жизни и оставлении грехов Великого Господина и Отца нашего Святейшаго Патриарха [имярек] и всего о Христе братства нашего, о здравии и о спасении, рцем вси. И начинаем вторую сотницу, Господи помилуй. И творит настоятель второе воздвижение, якоже преднаписася. Таже обращается к полуденной стране. И глаголет диакон: Еще молимся о Богохранимей стране Российстей, о властех и воинстве ея, да тихое и безмолвное житие поживем во всяком благочестии и чистоте. И начинаем третию сотницу, Господи помилуй. Скончаваемей же той, обращается настоятель к северной стране. И глаголет диакон: Еще молимся о всякой души христианстей, скорбящей же и озлобленней, здравия, спасения, и оставления грехов требующей, рцем вси. И бывает 4 воздвижение: И обращается настоятель к востоком. И глаголет диакон: Еще молимся о всех служащих и послуживших во святей обители сей [или храме семъ], отец и братий наших, о здравии и о спасении, и оставлении грехов их, рцем вси. И начинаем пятую сотницу. По пятом же воздвижении, поем: Слава, и ныне, кондак: Вознесыйся на Крест волею: Поему же сему, полагает настоятель честное древо Креста на аналогии, и поет тропарь сей во глас 6: Кресту твоему покланяемся Владыко, и святое воскресение твое славим. трижды. Поющим же и братиям тойже тропарь начинает кланятися настоятель, и творит метания два пред Честным Крестом, таже целует его. По целовании же творит паки едино метание, такожде и на оба лика но единому метанию. Посем приходят братия вся от десныя и левыя страны два два, по чину покланяются, и целуют Честный Крест. Поем же и стихиры самогласны, Дóндеже совершится целование. Стихиры Креста, глас 2: Приидите вернии: Глас 5: Приидите людие, преславное чудо видяще: Глас тойже, Глас пророк твоих: Глас 6, Четвероконечный мир: Пророков гласи: Глас 8, Глас пророка твоего Моисеа, Боже: Днесь Владыка твари: Слава, и ныне: Днесь неприкосновенный существом: И по скончании целования Честнаго Креста, поставляется аналогий, с Честным Крестом, о десную страну царских дверей, и тамо стоит, Дóндеже праздник отдастся. [Зри] Аще ли же не в соборных храмех, и воздвижение Креста не бывает, точию поклонение Кресту, якоже указано в неделю 3-ю святых постов. Посем входит иерей во святый олтарь, и диакон глаголет ектению: Помилуй нас Боже: Иерей возглас: Яко милостив и человеколюбец: Таже диакон: Исполним утреннюю молитву нашу: Иерей же возглас: Твое бо есть, еже миловати: По амине, Премудрость. Лик: Благослови. Иерей, Сый благословен: Лик, Утверди Боже: Иерей, Пресвятая Богородице: Клирицы, Честнейшую: И отпуст. И час 1-й. На 1-м часе тропарь праздника. По Отче наш: кондак праздника же: И совершенный отпуст.

На литургии антифон 1-й, глас 2, псалом 21: Боже Боже мой, вонми ми, Вскую оставил мя еси? Молитвами Богородицы, Спасе спаси нас. И паки другий лик, 2-й стих: Далече от спасения моего словеса грехопадений моих. Молитвами Богородицы, Спасе, спаси нас. И паки 1-й лик, стих 3: Боже мой, воззову во дни, и не услышиши, и в нощи, и не в безумие мне. Молитвами Богородицы: Таже 2-й лик, стих 4: Ты же во святем живеши, хвало Израилева. Молитвами Богородицы: Слава, и ныне: Молитвами Богородицы: Антифон 2, глас 2, псалом 73: Вскую, Боже, отринул ны еси до конца; Спаси ны Сыне Божий, плотию распныйся, поющия ти: аллилуиа. Другий лик, стих 2-й: Помяни сонм твой, егоже стяжал еси исперва. Спаси ны Сыне Божий, плотию распныйся, поющия ти: Стих 3-й: Гора Сион сия, в нейже вселился еси. Спаси ны Сыне Божий: Стих 4: Бог же Царь наш, прежде века содела спасение посреде земли. Спаси ны Сыне Божий: Слава, и ныне: Единородный Сыне: оба лика вкупе. Антифон 3-й, глас 1, псалом 98: Господь воцарися, да гневаются людие. Таже тропарь: Спаси Господи люди твоя: весь до конца. Другий лик, тойже стих: Господь воцарися, да гневаются людие, седяй на херувимех, да подвижится земля. Тропарь: Спаси Господи люди твоя: И паки первый лик, стих 3: Господь в Сионе велик и высок есть над всеми людьми. Тропарь: Спаси Господи люди твоя: Другий лик, стих 4: Поклонитеся Господеви во дворе святем его: Тропарь: Спаси Господи люди твоя: Таже вход. Диакон речет: Премудрость, прости. Мы же входное: Возносите Господа Бога нашего, и покланяйтеся подножию ногу его, яко свято есть. Таже тропарь: Спаси Господи люди твоя: Слава, и ныне, кондак: Вознесыйся на Крест: Вместо трисвятаго поем: Кресту твоему покланяемся, Владыко, и святое воскресение твое славим. Прокимен, глас 7: Возносите Господа Бога нашего, и покланяйтеся подножию ногу его, яко свято есть. Стих: Господь воцарися, да гневаются людие. Апостол к коринфяном, зачало 125: Слово крестное: Конец: Христа Божию Силу, и Божию Премудрость. Аллилуиа, глас 1: Помяни сонм твой, егоже стяжал еси исперва. Стих: Бог же Царь наш прежде века, содела спасение посреде земли. Евангелие от Иоанна, зачало 60: Во время оно, совет сотвориша архиереи: Причастен: Знаменася на нас свет лица твоего Господи. На трапезе же бывает утешение братии, о елеа и вина, и прочих снедей овощных. Сыра же и яиц и рыбы, никакоже дерзнем коснутися.

15.🕃 Святаго великомученика Никиты.

Вечер кафисмы не глаголем, труда ради бденнаго. На Господи воззвах, стихиры праздника, 3, глас 5: Подобен: Радуйся живоносный Кресте: И святаго 3, глас 1. Подобен, Небесных чинов: Слава, святаго, глас 6: Светильника мучеников тя: И ныне, праздника, глас тойже: Пророков гласи: Вход. Прокимен, глас 7: Бог наш на небеси и на земли, вся елика восхоте сотвори. Стих 1: Во исходе Израилеве от Египта, дому Иаковля: Стих 2: Море виде и побеже, Иордан возвратися вспять. Стих 3: Что ти есть море, яко побегло еси, и тебе Иордане, яко возвратился еси вспять? Посем ектениа: Рцем вси: и Сподоби Господи: И Исполним вечернюю молитву нашу: Сице подобает пети во вся Господския праздники, в нихже бывает вход, и великий прокимен. Таже на стиховне, стихиры праздника, глас 6. Подобен: Всю отложивше: Крест воздвизаемь: с припевы их. Слава, святаго, глас 8: Победы тезоименит: И ныне, Креста, глас тойже: Глас пророка твоего Моисеа, Боже: Тропарь святаго, глас 4: Мученк твой Господи: Сего месяца во вторый день.

Или сей, глас тойже: Крест Христов, яко некое оружие, усердно восприим, и к борению врагов притекл еси, и за Христа пострадав, последи огнем священную твою душу Господу предал еси: отонудуже и даров исцеления от него сподобился еси прияти, великомучениче Никито, моли Христа Бога спастися душам нашим.

Слава, и ныне, праздника.

На утрени, на Бог Господь, тропарь праздника, дважды. Слава, святаго: И ныне, праздника. И обычныя кафисмы. И седальны праздника. И чтение. Канон праздника со ирмосом на 6: И святаго на 6, глас 4. По 3-й песни кондак и икос праздника: и седален святаго, дважды. Слава, и ныне, праздника. По 6-й песни,

Кондак святаго, глас 2. Подобен: Вышних ищя: Прелести посек державу стоянием твоим, и победы приим венец во страдальчествех твоих, со ангелы славне радуешися, Никито тезоимените, с ними Христа Бога моля непрестанно о всех нас.

И икос. По 9-й песни, светилен святаго дважды. [Зри] [Сице глаголем всем шестеричным святым в попразднстве. Слава, и ныне, праздника. На стиховне стихиры праздника, глас 2. Подобен: Доме евфрафов: с преждеписанными припевы. Слава, глас 6: Днесь вселенная: И ныне, глас тойже: Днесь сад: По трисвятом, тропарь святаго. Слава, и ныне, праздника. Ектении, и час 1-й. На часех глаголем тропарь праздника. Слава, святаго, По Отче наш, кондак праздника, на всех часех глаголем. И отпуст. На литургии, блаженна праздника, песнь 1, на 4: и святаго песнь 6, на 4. По входе, Спаси ны Сыне Божий, плотию распныйся, поющия ти: аллилуиа. Сице поем и до отдания. Тропарь праздника. Таже храма Богородицы, или святаго или святыя. Таже кондак праздника, и храма. Слава, кондак святаго: И ныне, Богородицы храма. А идеже несть храма Богородицы, И ныне, праздника. [Зри] Во храме же Христове, в попразднствах Владычних праздников, и до отдания, тропарь и кондак храма, не глаголется. Аще ли несть святому кондака: Слава, храма святаго, И ныне, праздника. [Зри] [По сему же указу глаголем тропари и кондаки, во вся дни в попразднствах и до отдания. Прокимен праздника: И святаго, глас 7: Возвеселится праведник о Господе: Стих: Услыши, Боже, глас мой: Апостол к Тимофею, зачало 292: Чадо Тимофее, возмогай о благодати: Аллилуиа, глас 4: Праведник яко финикс процветет: Евангелие от Матфеа, зачало 36: Се аз посылаю вас: Причастен праздника и до отдания. И святаго, В память вечную: Сице поем во вся Владычни попразднства.

[Зри] Суббота по Воздвижении: Апостол к коринфяном, зачало 125 от полу: Видите звание ваше: Евангелие от Иоанна, зачало 30: Аз иду, и взыщете мене:

[Зри] Неделя по Воздвижении: Прокимен праздника. Апостол к галатом, зачало 203: Уведевше, яко не оправдится человек: Евангелие от Марка, зачало 37: Иже хощет по мне ити, да отвержется себе: Причастен дне, и праздника.

[Зри] Подобает ведати, аще случится Воздвижение честнаго Креста в субботу: Неделя по Воздвижении, чтется апостол, и Евангелие, на утрии праздника в неделю. В приидущую же субботу, во отдании праздника: На литургии, Прокимен, Аллилуиа, и причастен праздника. Апостол и Евангелие прежде субботы по Воздвижении, и ряд.

[МРК] Подобает ведати, аще случится попразднство Воздвижения Честнаго Креста в неделю, а святый поется на 4, или на 6: или емуже и полиелей.

В субботу на малей вечерни, стихиры воскресны, и Богородицы, по обычаю. Тропарь воскресн. Слава, и ныне, Богородичен его. На велицей вечерни: по обычней кафисме, На Господи воззвах, стихиры воскресны 3, и Анатолиев 1: и праздника 3, того дне: и святаго минеи 3. [Зри] Аще ли поется святый на 6, или емуже и полиелей: И поем стихиры воскресны, 3: и праздника 3: и святаго 4, Слава, святаго: И ныне, Богородичен первый, гласа. На литии стихиры праздника, того дне рядовыя стиховныя. Слава, и ныне, праздника: писан на утрени на стиховне. Аще ли имать святый Славу, Слава святаго, И ныне, праздника. На стиховне стихиры воскресны. Слава святаго, аще есть. И ныне, праздника. Аще ли ни, Слава, и ныне, праздника. На благословении хлебов, тропарь, Богородице Дево, дважды. И праздника единожды. На утрени, на Бог Господь, тропарь воскресн дважды. Слава, святаго, аще есть. И ныне, праздника. Аще ли ни, Слава, и ныне, праздника. По кафисмах седальны воскресны, с богородичны их. И чтение во евангелии толковом, неделя по Воздвижении. И непорочны с тропари их. Ипакои гласа. И чтение во евангелии толковом, неделя ряд. Аще ли святый имать полиелей, по дву кафисму, поем святаго полиелей, и по полиелеи тропари: Ангельский собор: и ипакои гласа, и седальны святаго вси, и чтение. Степенна, и прокимен гласа. И Всякое дыхание: Евангелие воскресно, и стихира воскресна, и прочее воскресно. Канон воскресн, со ирмосом на 4: Богородицы на два: праздника на 4: и святаго на 4. Катавасиа праздника. Аще имать святый полиелей, или славословие: И поем канон воскресн, со ирмосом на 4: И праздника на 4: И святаго на 6. По 3-й песни, кондак и икос праздника: и святаго, аще имать, и седален святаго. Слава, и ныне, праздника: И чтение. По 6-й песни кондак и икос воскресн. И пролог. На 9-й песни поем Честнейшую: Светилен воскресн. Слава, святаго, аще имать: аще ли ни, Слава, и ныне, праздника. На хвалитех стихиры воскресны, 4: И святаго, аще имать, подобны, 3. И самогласен иже на Славу, поем с припевы его. Аще ли не имать святый хвалитных: И поем стихиры воскресны, 4, и праздника 4, того дне стиховныя утренния, с припевы праздника. Слава, стихира евангельская. И ныне, Преблагословенна еси: Славословие великое. И по трисвятом, тропарь воскресн точию. Ектении, и отпуст. И оглашение. И обычное исхождение в притвор. Таже час 1-й. На 1-м часе тропарь воскресн. Слава, праздника: И ныне, Богородичен часов. По Отче наш, кондак праздника. Такожде и на прочих часех, кондак праздника и воскресн глаголем пременяюще: Аще полиелей, и святаго. На литургии, блаженна гласа на 6, и праздника песнь рядовая на 4. Аще ли имать святый песнь: И блаженна воскресна на 4: И праздника песнь рядовая на 4: И святаго песнь 6-я, на 4. По входе тропарь воскресн, и праздника. Таже храма: и святаго, аще имать. Слава, кондак святаго: И ныне, праздника. Аще ли не имать святый тропаря и кондака: И глаголем кондак воскресн: Слава, храма: И ныне, праздника. Прокимен, апостол, Аллилуиа, и Евангелие недели по Воздвижении: таже святаго, аще имать: аще ли ни, ряд. А прокимен гласа оставляется. Причастен: Хвалите Господа с небес: Другий святаго, аще имать, аще ли ни, праздника.

16.🕃 Святыя великомученицы Евфимии всехвальныя.

На Господи воззвах, стихиры праздника, 3: И святыя 3, глас 4: Подобен: Яко добля: Слава, святыя, глас 6: Процветшая добродетельми: И ныне, праздника, глас тойже: Четвероконечный мир: На стиховне праздника, Слава, святыя, глас 8: Всяк язык, И ныне, праздника, глас тойже: Егоже древле Моисей:

Тропарь святыя, глас 4: Агница твоя, Иисусе, Евфимиа, зовет велиим гласом: тебе Женише мой люблю, и тебе ищущи страдальчествую, и сраспинаюся, и спогребаюся крещению твоему, и стражду тебе ради, яко да царствую в тебе, и умираю за тя, да и живу с тобою: но яко жертву непорочную приими мя, с любовию пожершуюся тебе. тоя молитвами, яко Милостив спаси души наша.

Слава, и ныне, праздника.

На утрени, на Бог Господь, тропарь праздника, дважды. Слава, святыя: И ныне, праздника. И обычныя кафисмы. И седальны праздника, и чтение. Канон праздника, со ирмосом на 6, и святыя на 6, глас 8. По 3-й песни кондак и икос праздника, и седален святыя, глас 8, дважды. Слава, и ныне, праздника, глас тойже. По 6-й песни,

Кондак святыя, глас 4. Подобен: Вознесыйся: Во страдальчестве твоем добре подвизалася еси, и по смерти ны освящаеши чудес точеньми, всехвальная. темже твое успение святое поем, верою притекающе в божественный храм твой, да избавимся недугов душевных, и чудес благодать почерпем.

И икос. По 9-й песни светилен святыя, дважды: Слава, и ныне, праздника. На хвалитех, стихиры святыя, на 4: глас 3, самогласны. Слава, глас 6: Одесную Спаса: И ныне, праздника, глас тойже: Днесь происходит: На стиховне, стихиры праздника, с припевы их. Слава, святыя, глас 1: Днесь лицы: И ныне, праздника, глас тойже: Днесь яко воистинну: По трисвятом, тропарь святыя: Слава, и ныне, праздника. Ектениа, и час 1-й. И отпуст. На литургии, блаженна праздника, песнь 3-я, на 4: И святыя, песнь 6, на 4. Прокимен, глас 4: Дивен Бог во святых своих, Бог Израилев. Стих: В церквах благословите Бога Господа: Апостол к коринфяном, зачало 181: Поспешствующе молим: Аллилуиа, глас 6: Терпя потерпех Господа, и внят ми. Евангелие Луки, зачало 33: Моляше Иисуса некий от фарисей: Причастен: В память вечную:

17. Святыя мученицы Софии, и трех ея дщерей, Веры, Надежды и Любве.

Стихиры праздника, 3: И святых 3, глас 4. Подобен: Дал еси знамение: Слава, и ныне, праздника, глас 1: Насажденое в краниеве месте: На стиховне праздника. Слава, и ныне, глас 1: Прообразуя крест: По Отче наш, тропарь праздника. На утрени, на Бог Господь, тропарь праздника, трижды. И обычныя кафисмы. И седальны праздника. И чтение. Канон праздника со ирмосом на 8: И мучениц на 4, глас 1. По 3-й песни,

Кондак мучениц, глас 1. Подобен: Гроб твой Спасе: Софии честныя священнейшия ветви, Вера, и Надежда, и Любовь показавшеся, мудрость обуиша еллинскую благодатию, и пострадавше, и победоносицы явившеся, венцем нетленным от всех веки Христа увязошася.

И седален: Слава, и ныне, праздника. По 6-й песни, кондак и икос праздника. И пролог. По 9-й песни, светилен праздника: На стиховне стихиры праздника: Слава, и ныне, глас 2: Приидите вси язы́цы: Тропарь праздника. И отпуст. На литургии, Блаженна праздника, песнь 4, на 6.

18. Преподобнаго отца нашего Евмениа епископа, Гортинскаго чудотворца.

Стихиры праздника 3: И святаго 3, глас 4. Подобен: Яко добля: Слава, и ныне, праздника, глас 2: Божественное сокровище: На стиховне праздника, Слава, и ныне, глас 4: Честнаго Креста: По трисвятом тропарь праздника. И отпуст. На утрени, на Бог Господь, тропарь праздника, трижды. По кафисмах, седальны праздника. Канон праздника со ирмосом на 8: И святаго на 4, глас 2. По 3-й песни,

Кондак святаго, глас 2. Подобен: Вышних ищя: Светом Божественным просветився, всеблаженне, просвещаеши ны любовию поющия твое честное и славное, и святое, отче, преставление, иерарше Евмение, моля непрестанно о всех нас.

И седален, глас 5. Слава, и ныне праздника. По 6-й песни кондак и икос праздника. По 9-й песни светилен праздника. На стиховне, стихиры праздника: Слава, и ныне, глас 4, самогласен: Светосиянен: Ектениа. И час 1-й. И отпуст. На литургии блаженна праздника, песнь 5-я, и 6-я, на 6.

19. Святых мученик Трофима, Савватиа и Доримедонта.

Стихиры праздника, 3. И святых 3, глас 8. Подобен: Мученцы твои Господи: Слава, и ныне, глас 4: Восплещем днесь: На стиховне стихиры праздника: Слава, и ныне, глас 5: Глас пророк твоих:

Тропарь, глас 8: В Троице хвалимый Бог, троицу мученик прослави, Трофима и Савватиа и Доримедонта: в того бо веровавше, врага низложиша. тех молитвами, Христе Боже наш, помилуй нас.

Слава, и ныне, праздника.

На утрени, канон праздника, со ирмосом на 8: И святых на 4. По 3-й песни,

Кондак, глас 8. Подобен: Яко начатки: Яко страдальцев основание, и благочестия утверждение, церковь чтит и славит твое светоносное страдание, приснопеваемый блаженне страдальче, доблемудре славне Трофиме со страдавшими с тобою, очищение поющим тя испроси, яко непобедимь.

И седален, глас 1: Слава, и ныне, праздника: По 6-й песни, кондак и икос праздника. По 9-й песни, светилен, и стиховна праздника. На литургии блаженна праздника, песнь 7-я на 6.

🕃 И преставление благовернаго великаго князя Феодора, и чад его благоверных князей, Давида и Константина, Смоленских и Ярославских чудотворцев.

Совершается собор их, идеже лежат мощи их, или храм.

Тропарь, глас 4: От юности вашея Христове любви прилепившеся святии, усердно закон и оправдания того сохранисте: отонудуже и чудесными дарованьми обогатившеся, исцеления источаете. Феодоре, Давиде и Константине, о верою вас почитающих, молите Христа Бога, спастися душам нашим.

На пренесение мощей святых, тропарь, глас 8: Яко звезды многосветлыя от юности возсиявше, осветили есте сердца верных пренесением честных мощей ваших: во плоти яко ангели на земли показастеся, пощением насаждени бысте яко древа при водах воздержания, напоени струями слез ваших, и скверну омысте. сего ради явистеся приятелища Божия Духа, Феодоре и Давиде, и Константине, молите Христа Бога, спастися душам нашим.

Кондак, глас 8: Явистеся светильницы всесветлии, во плоти яко ангели: и яко жизни древеса райская, пощением, бдением, и верою возращаеми, процвели есте: молитвами вашими небесныя благодати приемше врачеве крепцы явльшеся, исцеляете недугующих души, с верою прибегающих к раце мощей ваших, чудотворцы славнии, Феодоре, Давиде и Константине: молите Христа Бога грехов оставление даровати, верою и любовию чтущим память вашу.

20.🕃 Святаго великомученика Евстафиа, и иже с ним.

На Господи воззвах, стихиры праздника 3: И святаго 3, глас 4. Подобен: Дал еси знамение: Слава, святаго, глас 2: Вторый Иов Евстафий: И ныне, праздника, глас тойже: Рук пременение: На стиховне праздника: Слава, святаго, глас 6: Адамант душею: И ныне, праздника, глас тойже: Кресте Христов:

Тропарь, глас 4: Мученцы твои Господи, во страданиих своих венцы прияша нетленныя от Тебе Бога нашего: имуще бо крепость твою мучителей низложиша, сокрушиша и демонов немощныя дерзости. тех молитвами спаси души наша.

Слава, и ныне, праздника.

На утрени, на Бог Господь, тропарь праздника, дважды. Слава, мучеников: И ныне, праздника. И обычныя кафисмы: и седальны праздника. Канон праздника, со ирмосом на 6: И святаго на 6: глас 4. По 3-й песни, кондак и икос праздника и седален святаго, глас 8, дважды. Слава, и ныне, праздника, глас тойже. По 6-й песни,

Кондак святаго, глас 2. Подобен: Вышних ищя: Страсти Христовы яве подражав, и сего испив усердно чашу, общник Евстафие, и славы снаследник был еси, от самаго всех Бога приемля с высоты божественное оставление.

И икос. По 9-й песни, Светилен святаго дважды: Слава, и ныне, праздника. На хвалитех, стихиры святаго, на 4, самогласны: Един, глас 4, дважды: и глас 6, и глас 8. Слава, глас 8: Воинствоначалия: И ныне, праздника, глас тойже: Егоже древле Моисей: На стиховне, стихиры праздника. Слава, святаго, глас 8: Якоже Павел звание: И ныне, праздника, глас тойже: Глас пророка твоего: На литургии блаженна праздника песнь 8-я, на 4: И святаго, песнь 6-я, на 4. Прокимен, глас 4: Святым иже суть на земли его: Стих: Предзрех Господа предо мною выну: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии, и Господь услыша их. Евангелие от Луки, зачало 106: Возложат на вы: Причастен, Радуйтеся:

🕃 И святых мученик и исповедник, великаго князя Михаила и болярина его Феодора, Черниговских чудотворцев.

Совершается собор их, идеже лежат мощи их.

Тропарь, глас 4: Жизнь вашу мученически совершивше, исповедания венцы украсившеся, к небесным востекосте, Михаиле премудре, с доблим Феодором, молите Христа Бога сохранити отечество ваше, и люди, по велицей его милости.

Кондак, глас 8. Подобен: Взбранной: Царство земное в ничтоже вменив, славу яко преходящую оставил еси, самозван пришед к подвигом, Троицу проповедал еси пред нечестивым мучителем, страстотерпче Михаиле, с доблим Феодором: Царю сил предстояще, молите без вреда сохранити отечество ваше, и люди, да вас непрестанно почитаем.

21. Святаго апостола Кодрата, иже в Магнисии: [Служба его поется в 22 день сего месяца.]

В сей день отдается праздник Честнаго Креста.

Вечер, обычная кафисма. На Господи воззвах, стихиры праздника на 6, поемыя на самый праздник. Слава, и ныне, праздника. Аще суббота, Слава, праздника: И ныне, догматик настоящаго гласа. На стиховне стихиры праздника: Слава, и ныне, праздника. По трисвятом тропарь праздника. Ектениа и отпуст. На повечерии по трисвятом, кондак праздника. Полунощницу же поем, по обычаю с тропари дневными. На утрени, на Бог Господь, тропарь праздника, трижды. По кафисмах, седальны праздника. Канон праздника на 12: Ирмосы по дважды. Последи ирмос тойже оба лика вкупе. По 3-й песни, седален дважды. По 6-й песни, кондак и икос праздника. На 9-й песни Честнейшую не поем, но поем припевы праздника, 1-го канона со ирмосом на 8: 2-го канона со ирмосом на 6: Ирмосы обою канонов 9-я песни по дважды. Таже, на сходе поем с припевом ирмос: Таин еси: И потом припев, и ирмос: Снедию древа: И поклон. Светилен праздника, дважды. На хвалитех стихиры на 4: Слава, и ныне, праздника. Славословие великое. По трисвятом, тропарь праздника. Таже ектении, и отпуст. На часех, тропарь и кондак праздника. На литургии, блаженна от канона песнь 9-я, на 8. По входе тропарь праздника. Слава, и ныне, кондак праздника. Таже трисвятое. Прокимен, Аллилуиа и Причастен праздника. Апостол, и Евангелие дне.

По отпущении литургии: Исходит иерей с кадилом, диакон со свещею, и кадит Честный Крест: и тако взимает иерей Честный Крест с блюдом на главу, и вносит его во святый олтарь царскими дверьми, предыдущу же пред ним диакону со свещею, и кадит Честный Крест. Таже полагает иерей Честный Крест на святый престол, и кадит его крестообразно. И тако отдается праздник Честнаго Креста.

[МРК] Подобает ведати: Аще случится отдание Воздвижения Честнаго Креста в неделю: В субботу, на малей вечерни, стихиры воскресны. На стиховне стихира воскресна, и праздника стиховна, с припевы своими великия вечерни. Слава, и ныне, праздника. Тропарь воскресн: Слава, и ныне, праздника. На велицей вечерни: По обычной кафисме, На Господи воззвах стихиры воскресны 3, и Анатолиев 1: и праздника, 6: поемыя на самый праздник. Слава, праздника: И ныне, Богородичен 1-й гласа. На литии стихиры и Слава, и ныне, праздника. На стиховне, стихиры воскресны: Слава, и ныне, праздника. На благословении хлебов, тропарь: Богородице Дево: дважды. И праздника, единожды. И чтение в посланиих апостольских. На утрени, на Бог Господь, тропарь воскресн дважды: Слава, и ныне, праздника. По кафисмах седальны воскресны с богородичны их. И чтение в толковом евангелии, неделя по Воздвижении. И непорочны: И ипакои гласа. И чтение, неделя ряд. Степенна, и прокимен гласа: и Всякое дыхание: Евангелие воскресное. Воскресение Христово: псалом 50. Стихира воскресна, и прочее по обычаю. Канон воскресн, со ирмосом на 4: и Богородицы на два: и праздника на 8. Катавасиа праздника. По 3-й песни, кондак и икос праздника, и седален дважды. И чтение праздника. По 6-й песни кондак и икос воскресн, и пролог. На 9-й песни поем Честнейшую: Светилен воскресн. Слава, и ныне, праздника. На хвалитех стихиры воскресны 4. И праздника 4, со славным, с припевы праздника. Слава, стихира евангельская: И ныне, Преблагословенна еси: Славословие великое. По трисвятом тропарь воскресн. И ектении. И оглашение Студитово. И исхождение обычное в притвор, и час 1-й. И конечный отпуст. На часех, тропарь воскресн: Слава, праздника: И ныне, Богородичен часов. По Отче наш, кондак праздника, и воскресн глаголем пременяюще. На литургии, блаженна гласа, на 6: И праздника, песнь 9, на 4. По входе, тропарь воскресн, и праздника: Слава, кондак воскресн: И ныне, праздника. Прокимен дне, и праздника. Апостол, и Евангелие недели по Воздвижении, и дне. Аллилуиа, и причастен праздника, и дне.

🕂 В тойже день память иже во святых отца нашего Димитриа, митрополита Ростовскаго.

Тропарь, глас 8: Православия ревнителю, и раскола искоренителю, Российский целебниче, и новый к Богу молитвенниче, списаньми твоими буих уцеломудрил еси, цевнице духовная, Димитрие блаженне, моли Христа Бога спастися душам нашим.

Кондак, глас тойже: Звезду Российскую от Киева возсиявшую, и чрез Новъград северский в Ростов достигшую, всю же страну сию ученьми и чудесы озарившую, ублажим златословеснаго учителя Димитриа. той бо всем вся написа, яже к наставлению, да всех приобрящет якоже Павел Христу, и спасет правоверием души наша.

[Зри] Ведомо же буди: Яко по отдании праздника Честнаго Креста, от 21-го дне септемвриа месяца, начинаем стихословити на утрени по 3 кафисме: творим же и чтения 4, кроме пролога. На вечерни, стихологисуем кафисму: Ко Господу внегда скорбети ми: Аще ли будет великий святый, имеяй полиелей, стихословим на утрени две кафисмы: а на вечерни рядовую 3-ю. Сие убо вестно да будет: яко от недели начало вземлет псалтирь: сие же от понедельника сотворяется, 3 кафисмы по вся дни до 20-го дне декемвриа месяца. В неделях же на утрени стихословим по две кафисмы. Прилагаем же и полиелей по вся недели, до 20-го декемвриа. От 20-го же декемвриа, не поется полиелей, до 14-го ианнуариа, Дóндеже отдается праздник Богоявления, кроме великаго святаго имущаго полиелей: а от 14-го ианнуариа поем полиелей по вся недели, даже до недели сыропустныя. [Зри] Катавасиа от днесь поется: Отверзу уста моя: до 21-го ноемвриа.

22. Святаго священномученика Фоки, епископа Синопийскаго: И святаго пророка Ионы: И преподобнаго Ионы пресвитера, отца Феофанова, творца канонов, и Феодора начертаннаго.

Стихиры апостола, 3: И мученика, 3: Слава, мученика, глас 4: Измлада был еси: И ныне, Богородичен, или Крестобогородичен. На стиховне октоиха.

Тропарь апостола, глас 3: Апостоле святый Кодрате, моли милостиваго Бога, да прегрешений оставление подаст душам нашим.

Слава, Фоки, глас 4: И нравом причастник: Сего месяца в 3-й день.

Служба пророка Ионы, и преподобнаго Ионы, поется на повечерии.

На утрени, на Бог Господь, тропарь апостола дважды: Слава, мученика: И ныне, Богородичен, или Крестобогородичен. И обычныя кафисмы. И седальны октоиха. И чтение. Канон октоиха един: И святых два, на 8. Апостола, глас 2: И мученика, глас 4. По 3-й песни,

Кондак мученика, глас 6. Подобен: Еже о нас: Яко архиерей принося, отче, жертвы, на конец себе принесл еси жертву живую, свидетельствовав законно о Христе Бозе, от ангел укрепляемь, и смерть изволяя, сый с вопиющими тебе: прииди, Фоко, с нами, и никтоже на ны.

И икос, и седален апостола: Слава. мученика. По 6-й песни,

Кондак апостола, глас 8. Подобен: Яко начатки: Яко священноначальника честна, и страдальца твердейша, вселенная приносит тебе, Господи, Кодрата апостола, и песньми почитает честную его память, просящи всегда прегрешений оставления, тем дароватися поющим его, благоутробне.

И икос. По 9-й песни, светилен октоиха, и апостола: Слава, мученика. На стиховне октоиха. По трисвятом тропарь апостола: Слава, мученика. На литургии, прокимен, глас 7: Честна пред Господем смерть преподобных его. Стих: Что воздам Господеви: Апостол ко евреем, зачало 311: Имуще архиереа велика: Аллилуиа, глас 2: Священницы твои облекутся в правду: Евангелие Иоанна, зачало 36: Аз есмь дверь: Причастен, В память вечную.

23. 🕃 Зачатие честнаго славнаго пророка, Предтечи и Крестителя Господня Иоанна.

Вечер, обычная кафисма. На Господи воззвах, стихиры на 6, глас 4: Подобен: Званный свыше: Священствуя божественный Захарие: Слава, глас 6: От неплоднаго днесь чрева: И ныне, Богородичен: Кто тебе не ублажит: На стиховне стихиры, глас 6. Подобен: Всю отложивше: Идущу во святая святых: с припевы. Слава, глас тойже, самогласен: Ангел из неплодных ложесн: И ныне, Богородичен: Никтоже притекаяй:

Тропарь, глас 4: Первее нераждающая неплоды возвеселися: се бо зачала еси солнца светильника яве, просвещати имуща всю вселенную, слепотою недугующую. ликуй Захарие, вопия со дерзновением: пророк Вышняго есть, хотяй родитися.

Слава, и ныне, Богородичен: Еже от века утаеное: На повечерии, по трисвятом кондак Предтечи. На утрени, на Бог Господь, тропарь дважды. Слава, и ныне: Еже от века: По 1-й кафисме, седален, глас 5. Подобен: Собезначальное: Елисавет неплодствия: дважды. Слава, и ныне, Богородичен. По 2-й кафисме, седален, глас 4. Подобен: Скоро предвари: Горлица пустыннолюбная: дважды. Слава, и ныне, Богородичен. Оба канона октоиха, без мученичнов: И святаго на 6, глас 6. Катавасиа, Отверзу уста моя: По 3-й песни седален, глас 4, дважды. Слава, и ныне, Богородичен. По 6-й песни,

Кондак, глас 1. Подобен: Лик ангельский: Веселится светло Захариа великий, со всеславною Елисаветою сопружницею, достойно зачинающе Иоанна Предтечу: егоже архангел благовести радуяся, и человецы достодолжно почтим, яко таинника благодати.

И икос: и пролог. По 9-й песни, светилен Предтечи, дважды: Подобен, Со ученики: Предтечево славное зачатие: Слава, и ныне, Богородичен. На хвалитех, стихиры на 4: глас 1. Подобен: Небесных чинов: Веселится тварь в зачатии твоем: Слава, и ныне, глас 6, самогласен: Елисавет зачат: Славословие великое. По трисвятом тропарь святаго: Слава, и ныне, Еже от века: Ектении. И отпуст, И час 1-й. И конечный отпуст.

[Зри] [О славословии же великом да не почудишися. Возможно убо есть, якоже устав изъявляет, и осмогласнику певаему, и Господеви поим, глаголему, сотворити и великое славословие. На литургии, блаженна от канона песнь 3-я, и 6-я. Прокимен, глас 7: Возвеселится праведник: Стих: Услыши, Боже, глас мой: Апостол к галатом, зачало 210, от полу: Авраам два сына име: Аллилуиа, глас 4: Праведник яко Финикс процветет: Стих: Насаждени в дому Господни: Евангелие Луки, зачало 2: Бысть во дни Ирода царя Иудейска: Конец: Поношение мое в человецех. Причастен, В память вечную будет праведник:

24. 🕃 Святыя первомученицы и равноапостольныя Феклы.

На Господи воззвах, стихиры на 6, глас 8. подобен: Господи, аще и на судищи: Слава, глас 6: Страстотерпческими борении: На стиховне октоиха: Слава, святыя, глас 8: Львов стремление:

Тропарь, глас 4: Словесем Павловым научившися, богоневестная Фекло, и верою утвердившися от Петра богозванная, первомученица явилася еси и первострадальница в женах: возшла еси на пламень яко на место благоцветущее, звери и юнцы устрашишася тебе, вооружися бо крестом: тем моли, всехвальная, Христа Бога, спастися душам нашим.

На утрени, на Бог Господь, тропарь дважды. И обычныя кафисмы: и седальны октоиха: и чтение. Оба канона октоиха, без мученичнов: и святыя на 6, глас 8. По 3-й песни,

Кондак, глас 8. Подобен: Яко начатки: Девства добротою просияла еси, и мученичества венцем украсилася еси, апостольству вверяешися, Дево, яко преславная: и огня убо пламень в росу преложила еси, юнца же ярость молитвою твоею укротила еси, яко первострадальная.

Таже седален святыя, дважды: Слава, и ныне, Богородичен. По 6-й песни,

Кондак, глас 2. Подобен: Вышних ищя: Уязвивши твое сердце добродево, любовию Христовою, обручника временнаго яко небрегома преобидела еси, и на огнь дерзнула еси: зверей же уста заградила еси, и спасшися от них прилежаше Павла ищущи, Фекло первострадальная.

И икос. По 9-й песни, светилен октоиха: Слава, святыя. На хвалитех стихиры самогласны, на 4: Слава, глас 1: Страдальческий подвиг: И ныне, Богородичен. На стиховне октоиха. Слава, глас 2: Приидите мучениколюбцы: И ныне, Богородичен, или Крестобогородичен. На литургии, блаженна октоиха, на 4: И святыя песнь 3-я, на 4. Прокимен глас 4: Дивен Бог во святых своих, Бог Израилев. Стих: В церквах благословите Бога: Апостол к Тимофею, зачало 296: Чадо Тимофее, последовал еси моему учению: Аллилуиа, глас 1: Терпя потерпех Господа: Евангелие Матфеа, зачало 104: Уподобися царствие небесное десятим девам: Причастен: Радуйтеся праведнии.

25. Преподобныя матере нашея Евфросинии.

Стихиры октоиха 3: И святыя, 3, глас 5. Подобен: Преподобне отче: Слава, глас 2, самогласен: Чистое чистоты твоея: На стиховне октоиха. Слава, святыя, глас 6: Приидите любодевственнии: Тропарь, глас 8: В тебе мати: сего месяца в 11 день. На утрени, оба канона октоиха: И святыя на 4, глас 5. По 3-й песни, седален, святыя. По 6-й песни,

Кондак, глас 2. Подобен: Вышних ищя: Вышнюю жизнь возжелевши получити, дольнюю сладость тщательно оставила еси, и самую себе смесила еси посреде мужей краснейшая: Христа бо ради жениха твоего о обручнице привременном небрегла еси.

И икос. По 9-й песни, светилен октоиха: Слава, святыя.

🕂 И преподобнаго отца нашего Сергиа игумена, Радонежскаго чудотворца.

Совершается собор его и во обители его и во храмех, в прочих же полиелей.

Тропарь, глас 4: Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником: темже и вселися в тя Пресвятый Дух, егоже действием светло украшен еси. но яко имеяй дерзновение ко Святей Троице, поминай стадо, еже собрал еси мудре, и не забуди якоже обещался еси, посещая чад твоих, Сергие преподобне отче наш.

Кондак, глас 8. Подобен: Взбранной: Христовою любовию уязвився, преподобне, и тому невозвратным желанием последовав, всякое наслаждение плотское возненавидел еси, и яко солнце отечеству твоему возсиял еси: тем и Христос даром чудес обогати тя. поминай нас чтущих пресветлую память твою, да зовем ти: радуйся, Сергие Богомудре.

26. 🕁 Преставление святаго апостола и евангелиста Иоанна Богослова.

На малей вечерни, стихиры на 4, глас 2. Подобен: Егда от древа: Слава, глас тойже, самогласен: Апостолов верх: И ныне, Богородичен. На стиховне стихиры, глас 1. Подобен: Всехвальные мученицы: с припевы их: 1-й: Во всю землю изыде вещание их. 2-й, Небеса поведают славу Божию, творение же руку его возвещает твердь. Слава, глас 2: Богослове девственниче: И ныне, Богородичен, глас тойже: Все упование мое:

Тропарь, глас 2: Апостоле Христу Богу возлюбленне, ускори избавити люди безответны, приемлет тя припадающа, иже падша на перси приемый: егоже моли, Богослове, и належащую мглу языков разгнати, прося нам мира и велия милости.

Слава, и ныне: Вся паче смысла: Ектения малая, и отпуст. На велицей вечерни, по обычном псалме, стихословим, Блажен муж, 1-й антифон. На Господи воззвах, стихиры на 8, глас 1, подобен: Небесных чинов: Зритель неизреченных откровений: Слава, глас 2: Сына громова: И ныне: Прейде сень: Вход. Прокимен дне. И чтения 3: 1-е, Соборнаго послания Иоаннова: Возлюбленнии, аще сердце наше: 2-е, Возлюбленнии, аще сице: 3-е, Возлюбленнии, аще кто речет, яко люблю Бога: На литии, стихира храма: Таже апостола, глас 1: Реки богословия: Слава, глас 4: Возлег на перси: И ныне, Богородичен, глас тойже Со Отцем и Духом: и обычныя молитвы литии. На стиховне стихиры, глас 4, подобен: Званный свыше: с припевы их. Слава, глас 6: Апостоле Христов: И ныне: Творец и избавитель: На благословении хлебов тропарь, глас 2: Апостоле Христу Богу: дважды, писан на малей вечерни. И Богородице Дево, единожды. И Буди имя Господне, с пением, трижды. Псалом 33: Благословлю Господа: Конец: Не лишатся всякаго блага. и чтение. На утрени, на Бог Господь, тропарь апостола, дважды: Слава, и ныне: Вся паче смысла: и обычныя кафисмы. И седальны апостола, с богородичны их: и чтения. По чтении же даются свещи братии. Полиелей, и седален, глас 8: Возлег на перси: дважды. Слава, и ныне, Богородичен: Небесную дверь: и чтение: Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим, востав от мертвых: По 50-м псалме, Слава, Молитвами апостола, Милостиве, очисти множества согрешений наших: И ныне: Молитвами Богородицы: Помилуй мя Боже: Таже, стихира, глас 2: Богослове девственниче: Канон Богородицы, со ирмосом на 6, 2-го гласа: и апостола два канона на 8: един, глас 2: другий, глас 6. Катавасиа: Отверзу уста моя: По 3-й песни, седален апостола, глас 8, дважды: Слава, и ныне, Богородичен: и чтение. По 6-й песни,

Кондак, глас 2: Величия твоя девственниче кто повесть? точиши бо чудеса, и изливаеши исцеления, и молишися о душах наших, яко богослов и друг Христов.

И икос, и пролог. На 9-й песни, паки вжигают свещи братия. По 9-й песни, светилен апостола: Слава, ин: И ныне, Богородичен. На хвалитех стихиры на 4, глас 8. Подобен: О преславнаго чудесе! Слава, глас тойже, самогласен. Благовестниче Иоанне. И ныне: Владычице, приими молитвы раб твоих: Славословие великое. По трисвятом, тропарь апостола. Слава, и ныне, Богородичен: Вся паче смысла: Ектении, и отпуст. И поем стихиру самогласну святаго, юже хощет екклисиарх. И исходит иерей с кадилом, предыдущу ему светильнику, кадит на аналогии икону святаго апостола, и отдав кадило стоит о десную страну аналогиа: и приходит игумен ко аналогию, и творит два поклоны, и целует икону святаго апостола. И по целовании един поклон: и взем стручец на то устроенный, помазует себе от кандила святым елеем крестообразно, на челе своем: и братия подобне целует икону святаго, игумен же помазует святым елеем иереа, и прочую братию. По помазании же святаго елеа, поем час первый. На 1-м часе, тропарь и кондак апостола, и бывает конечный отпуст. [Зри] [Сице помазание бывает всегда, и во вся праздники великих святых, в нихже бывают бдения. На литургии, блаженна от канона 2-го гласа, песнь 3-я, на 4: и 8-го гласа, песнь 6-я, на 4. По входе, тропарь храма Христова, и Богородицы, и апостола. Храмов же святых, тропари и кондаки не глаголются. Посем кондак храма Христова. Таже, Слава, кондак апостола: И ныне, храма Богородицы. Аще ли несть храма Богородицы: И ныне, храма Христова. Аще ли несть храма Христова и Богородицы, глаголем тропари сице: Тропарь апостола: Слава, кондак его: И ныне, Предстательство христиан: Прокимен, глас 8: Во всю землю: Стих: Небеса поведают славу Божию: Апостол, Соборнаго послания Иоаннова зачало 73 от полу: Возлюбленнии, Бога никтоже виде: Аллилуиа, глас 1: Исповедят небеса чудеса твоя, Господи. Стих: Бог прославляемь в совете святых. Евангелие Иоанна, зачало 61: Стояху при кресте Иисусове: Причастен, Во всю землю.

27. Святаго мученика Каллистрата и дружины его.

Стихиры октоиха 3: И святых 3, глас 8, подобен: О преславнаго чудесе! Слава, глас 4: Прежде честнаго креста: На стиховне октоиха. Тропарь, глас 4: Мученцы твои Господи: Сего месяца в 20-й день. На утрени, оба канона октоиха: И святых на 4, глас 8. По 3-й песни,

Кондак, глас 4. Подобен: Явился еси: Всяк труд днесь церковь ныне совершающи святии, восхваляет таинственно, яко за ню страдальчествовавшия мученицы божественнии, добропобеднии, всемудрии.

Таже седален, глас 5. По 6-й песни,

Кондак, глас 4. Подобен: Вознесыйся на крест. Многообразныя раны претерпевше, и венцы от Бога яве приимше, о нас молитеся блаженнии Христу, память всепразднственную вашу совершающих, величайший Каллистрате, со страдавшими с тобою, еже умирити паству и люди: той бо есть верных утверждение.

И икос. По 9-й песни светилен октоиха: Слава, святых: И ныне, Богородичен. На стиховне октоиха.

🕃 И преподобнаго отца нашего Савватиа Соловецкаго чудотворца.

Совершается собор его во обители его, и идеже храм его.

Тропарь, глас 3: Удалився мира и водворився в пустыни, добрым подвигом подвизался еси, злостраданием и вниманием и молитвами: отонудуже и по смерти источаеши исцеления, Савватие отче наш. моли Христа Бога, спастися душам нашим.

Кондак, глас 2: Житейския молвы отбег, вселился еси в морский остров, мудре, и крест твой взем, Христу последовал еси, в молитвах и во бдениих и в пощениих, злостраданьми плоть твою изнуряя: тем был еси преподобных удобрение: сего ради любовию память твою празднуем, преподобне Савватие, моли Христа Бога непрестанно о всех нас.

28. 🕂 Преподобнаго отца нашего и исповедника Харитона.

Вечер, Блажен муж, 1-й антифон. На Господи воззвах, стихиры на 6, глас 4. подобен: Дал еси знамение: Слава, глас тойже, самогласен: Богоносе Харитоне: И ныне, Богородичен: Иже тебе ради: Вход. Прокимен дне. И чтения, 3, и ектении. На стиховне стихиры, глас 1, подобен: Всехвальнии мученицы: с припевы их: Честна пред Господем: Слава, глас 8: Монахов множества: И ныне: Безневестная Дево: По Отче наш: тропарь, глас 8: Слез твоих теченьми: писан сего месяца в 3-й день. Слава, и ныне: Иже нас ради: И отпуст. На утрени, на Бог Господь: тропарь святаго, дважды. Слава, и ныне, Богородичен. И обычныя кафисмы, и седальны святаго. И чтение. Степенна 1-й антифон 4-го гласа. Прокимен, глас тойже: Честна пред Господем смерть преподобных его. Стих: Что воздам Господеви: Всякое дыхание: Евангелие Матфеа, зачало 10. По Иисусе идоша народи мнози: По 50-м псалме, стихира, глас 6: Преподобне отче, во всю землю: Канон Богородицы, со ирмосом на 6, глас 2: Нетрену, необычну: И преподобнаго на 8, глас 4. Катавасиа, Отверзу уста моя. По 3-й песни седален, глас 8, дважды. Слава, и ныне, Богородичен. По 6-й песни,

Кондак, глас 2. Подобен: В молитвах: Насладився, богомудре, воздержания, и плоти твоея вожделения обуздав, явился еси верою возращаемь: и яко жизни древо, посреде рая процвел еси, Харитоне всеблаженне священнейший.

И икос. По 9-й песни светилен, дважды. Слава, и ныне, Богородичен. На хвалитех, стихиры на 4, глас 4. Подобен: Дал еси знамение: Слава, глас 5: Преподобне отче, глас евангельский: И ныне, Богородичен: Славословие великое. По трисвятом, тропарь святаго. Слава и ныне, Богородичен: Ектении. И отпуст. И час 1-й, и конечный отпуст. На литургии, блаженна от канона святаго, песнь 3-я, и 6-я, Прокимен, глас 7: Восхвалятся преподобнии во славе: Стих: Воспойте Господеви песнь нову: Апостол к коринфяном, зачало 176: Бог рекий из тьмы свету возсияти: Аллилуиа, глас 6: Блажен муж бояйся Господа: Евангелие Луки, зачало 24: Ста Иисус на месте равне: Причастен: В память вечную будет праведник:

29. 🕃 Преподобнаго отца нашего Кириака отшельника.

Стихиры на 6: глас 8, подобен: Что вы наречем: Слава, глас тойже, самогласен: Монахов множества: И ныне, Богородичен, или Крестобогородичен. На стиховне, октоиха: Слава глас 6: Преподобне отче, во всю землю: По Отче наш:

Тропарь, глас 1: Пустынный житель и в телеси ангел. и чудотворец показался еси, богоносе отче наш Кириаче, постом, бдением, молитвою, небесная дарования приим, исцеляеши недужныя, и души верою притекающих к тебе. слава давшему тебе крепость: слава венчавшему тя: слава действующему тобою всем исцеления.

На утрени, оба канона октоиха: и святаго на 6, глас 8. По 3-й песни,

Кондак, глас 8. Подобен: Возбранной: Яко поборника крепкаго и заступника, чтущи тя священная лавра всегда празднует летне памяти: но яко имея дерзновение ко Господу, от врагов находящих соблюди ны, да зовем: радуйся отче треблаженне.

Таже седален, глас 5, дважды. По 6-й песни,

Кондак, глас 2. Подобен: Вышних ищя: Чистотою душевною божественно вооружився, и непрестанную молитву яко копие вручив крепко, ссекл еси демонская ополчения, Кириаче отче наш, молися непрестанно о всех нас.

И икос. По 9-й песни светилен октоиха: Слава, святаго, И ныне, Богородичен. На стиховне октоиха: Слава, глас 5: Преподобне отче: И ныне, Богородичен или Крестобогородичен. По трисвятом, тропарь святаго, и отпуст. На литургии, блаженна октоиха на 4: И преподобнаго песнь 3-я, на 4. Прокимен, глас 7: Честна пред Господем смерть преподобных его. Стих, Что воздам Господеви о всех: Апостол к галатом, зачало 213. Плод духовный: Аллилуиа, глас 6: Блажен муж бояйся Господа. Евангелие Луки, зачало 24: Ста Иисус на месте равне: Причастен, В память вечную:

30. 🕃 Святаго священномученика Григориа, Великия Армении.

Стихиры на 6, глас 6, подобен: Всю отложивше: Слава, глас тойже, самогласен: Кто достойно: На стиховне октоиха: Слава, глас 6: В незаходящий облак: Тропарь, глас 4: И нравом причастник: сего месяца в 3-й день. На утрени, оба канона октоиха: И святаго на 6, глас 4. По 3-й песни, седален святаго, глас 4. дважды. По 6-й песни,

Кондак, глас 2. Подобен: Твердыя: Благославнаго и священноначальника вси яко страдальца истины, днесь вернии в песнех и песнопениих восхвалим, бодраго пастыря и учителя, Григориа всемирнаго светильника, и поборника: Христу бо молится еже спастися нам.

И икос. По 9-й песни светилен октоиха: Слава, святаго: И ныне, Богородичен. На стиховне октоиха. На литургии, блаженна октоиха, на 4: и святаго, песнь 3-я, на 4. Прокимен, глас 7: Честна пред Господем смерть преподобных его. Стих: Что воздам Господеви о всех: Апостол к коринфяном, зачало 166: Братие, бодрствуйте: Аллилуиа, глас 2: Священницы твои: Евангелие Матфеа, зачало 103: Бдите убо: Причастен, В память вечную:

🕃 И преподобнаго отца нашего Григориа, иже на Пелшме реце, Вологодскаго чудотворца:

Совершается собор его во обители его, и во храмех.

Тропарь, глас 8: Любовию Христовою, богомудре, просветився, добродетельми облистал еси, и всякое наслаждение плотское возненавидев, и в пустыню вселився, в нейже вельми подвизался еси в жизни сей временней в пениих, и во бдениих, и в пощениих: сего ради и Христос даром чудес обогати тя. но поминай нас чтущих пресветлую память твою, преподобне отче Григорие, и моли Христа Бога спастися душам нашим.

Кондак, глас 8: Христовою любовию уязвився, преподобне, и тому невозвратным желанием последовал еси, всякое наслаждение плотское возненавидев, и в пустыню вселився, в ней вельми подвизался еси. тем и Христос даром чудес обогати тя, поминай нас чтущих пресветлую память твою. да зовем ти: радуйся, преподобне Григорие, отче наш.

И святаго Михаила, перваго митрополита Киевскаго, и всея России чудотворца.

Месяц октоврий

имеяй дней 31. День имать часов 11, а нощь 13.

1. Святаго апостола Анании, единаго от седмидесяти: И преподобнаго отца Романа сладкопевца.

Вечер, обычная кафисма: На Господи воззвах, стихиры апостола, глас 4, подобен: Званный свыше: И Романа стихиры, глас 1, подобен: Небесных чинов: Слава, апостола, глас тойже, самогласен: Сосуд избранный: И ныне, Богородичен, или Крестобогородичен: Стиховна, октоиха: И апостола стих, глас 4, с припевом: Во всю землю изыде вещание их: Страстотерпческое приятелище: Слава, преподобнаго, глас 6: Первое добрых начало: И ныне, Богородичен, или Крестобогородичен: Тропарь апостола, глас 3: Апостоле святый: септемвриа в 22 день.

Слава, тропарь преподобнаго, глас 8: В тебе, отче, известно спасеся еже по образу: приим бо крест последовал еси Христу, и дея учил еси презирати убо плоть, преходит бо: прилежати же о души, вещи безсмертней: темже и со ангелы срадуется, преподобне, Романе дух твой.

И ныне, Богородичен, или Крестобогородичен. На утрени, Канон октоиха, един: и апостола, глас 8: И преподобнаго глас 6. По 3-й песни,

Кондак преподобнаго, глас 8: Божественными добродетельми Духа, измлада украсився, Романе премудре, церкви Христове пречестное украшение был еси: пением прекрасным украсив ю блаженне. тем молим тя, подаждь желающим божественнаго дарования твоего, яко да вопием ти. радуйся, отче преблаженне, красото церковная.

Седален апостола: Слава преподобнаго. По 6-й песни,

Кондак апостола, глас 2. Подобен: В молитвах: В молитвах теплейший заступниче, и просящим скорейший послушателю, приими моление, Анание, наше, и Христа моли, помиловати ны, единаго во святых почивающаго.

И икос: и чтем пролог. По 9-й песни светилен октоиха: Слава, апостола, И ныне, Богородичен: На стиховне октоиха. Слава, апостола, глас 8: Учениче Спасов: И ныне, Богородичен, или Крестобогородичен. На литургии, блаженна глас: на 4: и апостола, песнь 3, на 4. Прокимен апостола, глас 8: Во всю землю изыде вещание их: Стих: Небеса поведают славу божию: Апостол деяний, зачало 21, от полу: Бе некто ученик: Аллилуиа, глас 1: Исповедят небеса чудеса твоя, Господи: Стих: Бог прославляемь в совете святых: Евангелие Луки, зачало 51: Слушаяй вас: Причастен: Во всю землю:

🕀 В тойже день празднуем Покрову Пресвятыя Владычицы нашея Богородицы и Приснодевы Марии.

Аще ли храм ея, или изволит настоятель совершити всенощное бдение, и поем службу ея сице: На малей вечерни, стихиры самогласны, глас 1, на 4. Слава, и ныне, глас 6: Приидите празднолюбных: На стиховне стихиры, глас 2, подобен: Доме Ефрафов: Слава, и ныне, глас 3: Приидите вси:

Тропарь, глас 4: Днесь благовернии людие светло празднуем, осеняеми твоим Богомати пришествием, и к твоему взирающе пречистому образу, умильно глаголем: покрый нас честным твоим покровом, и избави нас от всякаго зла, молящи Сына твоего, Христа Бога нашего: спасти души наша.

И отпуст. На велицей вечерни: Блажен муж, 1-й антифон. На Господи воззвах стихиры на 8, глас 1, подобен: О дивное чудо! Ины стихиры, глас 4, подобен: Яко добля: Слава, и ныне, глас 8: Срадуются с нами: Вход, прокимен дне, и чтения три: Бытия чтение: Изыде Иаков: На литии стихиры, глас 3. Слава, и ныне, глас тойже: Смысл очистивше: На стиховне стихиры, глас 2, с припевы: 1-й, Слыши дщи, и виждь: 2-й, Лицу твоему: Слава, и ныне, глас 2: Яко венцем пресветлым: На благословении хлебов, Тропарь, глас 4: Днесь благовернии людие: писан на малей вечерни, и чтение. На утрени, на Бог Господь, тропарь трижды. По кафисмах седальны Покрова, и чтение. По полиелеи седален, глас 4, Слава, и ныне, тойже. Степенна, 1-й антифон, 4-го гласа. Прокимен, глас 4: Помяну имя твое: Стих: Лицу твоему помолятся: Всякое дыхание: Евангелие Луки, зачало 4: Воставши Мариам: псалом 50. Слава, Молитвами Богородицы: И ныне, тойже. Помилуй мя, Боже: По 50-м псалме стихира, глас 8: Срадуются с нами: Канон Богородицы, на 12, ирмос по дважды. По 3-й песни седален, глас 5. Слава, и ныне, тойже. По 6-й песни,

Кондак, глас 3. Подобен: Дева днесь: Дева днесь предстоит в церкви, и с лики святых невидимо за ны молится Богу: ангели со архиереи покланяются, апостоли же со пророки ликовствуют: нас бо ради молит Богородица превечнаго Бога.

И икос. По 9-й песни светилен Покрова. На хвалитех стихиры на 4, глас 8. Подобен: О преславнаго чудесе! Слава, и ныне, глас 6: Яко виде тя: Славословие великое. И отпуст. На литургии. блаженна от канона, песнь 3-я, и 6-я. Прокимен, песнь Богородицы, глас 3: Величит душа моя Господа: Стих: Яко призре на смирение рабы своея: Апостол ко евреем, зачало 320: Имеяше первая скиниа: Аллилуиа, глас 8: Слыши дщи, и виждь: Стих: Лицу твоему помолятся: Евангелие Луки, зачало 54: Вниде Иисус в весь некую: Причастен: Чашу спасения прииму:

Ведомо же буди и сие: Яко аще случится праздник Покрова Пресвятыя Богородицы в день седмичный, кроме недели, и изволит кто пети купно с Покровом апостолу Анании, и преподобному Роману, да поет сице: На малей вечерни, стихиры Покрова на 4, глас 1: самогласны. Слава, и ныне, глас 6: Приидите празднолюбных собори: На стиховне стихиры, глас 2, подобен: Доме Евфрафов: Слава, и ныне, глас 3: Приидите вси празднолюбцы: Тропарь Покрова писан в первой службе. Таже ектениа малая, и отпуст. На велицей вечерни поем, Блажен муж, 1-й антифон. На Господи воззвах, стихиры Покрова, на 4: И апостола, 3: И Романа, 3. Слава, апостола: И ныне, Покрова. Вход: Прокимен дне. Чтения 3, Покрова. Ектении обычныя. На литии, стихиры Покрова, глас 3. Слава, апостола: И ныне, Покрова. На стиховне стихиры Покрова, глас 2, самогласны. Слава, преподобнаго, И ныне, Покрова. На благословении хлебов тропарь Покрова, глас 4: Днесь благовернии людие: трижды. И Буди имя Господне, трижды, с пением: и псалом 33: Благословлю Господа: и чтение. На утрени, на Бог Господь, тропарь Покрова: Таже апостола: Слава, Романа: И ныне, Покрова: и обычныя кафисмы: По кафисмах седален Покрова: и чтение. По полиелеи седален Покрова: и чтение. Степенна, 1-й антифон, 4-го гласа. Прокимен, глас 4: Помяну имя твое: Стих: Лицу твоему помолятся: Всякое дыхание: Евангелие Луки, зачало 4: Воставши Мариам: псалом 50. Слава, Молитвами Богородицы: И ныне, тойже. Помилуй мя, Боже: По 50-м псалме стихира, глас 8: Срадуются с нами: Канон Покрова, со ирмосом на 6: и апостола на 4, и преподобнаго на 4. Катавасиа, Отверзу уста моя: По 3-й песни, кондак апостола, и преподобнаго: и седален апостола: Слава, преподобнаго: И ныне, Покрова, и чтение. По 6-й песни, кондак и икос Покрова, писан в первой службе, и пролог. По 9-й песни светилен Покрова: Слава, апостола, И ныне, Покрова. На хвалитех стихиры Покрова, на 4: Слава, апостола: И ныне, Покрова. Славословие великое. По трисвятом тропарь апостола: Слава, преподобнаго: И ныне, Покрова. Ектении, и отпуст, и час 1-й. На 1-м часе, тропарь Покрова: Слава, апостола: И ныне, Богородичен часов. По трисвятом, кондак Покрова, и совершенный отпуст. Такожде и на прочих часех, в начале глаголем тропарь Покрова: Святых же тропари пременяем. Кондак же на всех часех глаголем Покрова. На литургии, блаженна, от канона Покрова песнь 3, на 4: и апостола 6-я, на 4. По входе, тропарь Покрова, и апостола, и преподобнаго. Кондак апостола: Слава, преподобнаго: И ныне, Покрова. Прокимен, песнь Богородицы, глас 3: Величит душа моя Господа: Стих: Яко призре на смирение рабы своея: И апостола: Во всю землю: Апостол Покрова, ко евреем, зачало 320: Имеяше первая скиния: и апостола, деяний, зачало 21, от полу: Бе некто ученик в Дамасце: Аллилуиа, глас 8: Слыши дщи и виждь: Стих: Лицу твоему помолятся: и апостола, Исповедят небеса чудеса твоя: Евангелие Луки, зачало 54: Вниде Иисус в весь некую: и апостола, Луки, зачало 51: Слушаяй вас: Причастен, Чашу спасения: Другий, Во всю землю: Ряд, апостол, и Евангелие, вычитаем напреди.

[Зри] Подобает ведати, яко аще случится праздник Пресвятыя Богородицы честнаго ея покрова, и святаго апостола Анании в неделю.

В субботу, на малей вечерни, на Господи воззвах, стихиры воскресны гласа, на 4: Слава, и ныне, Покрова. На стиховне стихира воскресна, 1, и Покрова стиховна великия вечерни, с припевы их. Слава, и ныне, Покрова, малыя вечерни. По трисвятом, тропарь воскресн. Слава, и ныне, Покрова. Ектения малая, и отпуст. На велицей вечерни, на Господи воззвах, стихиры воскресны три, и Анатолиев 1, и Покрова три, и апостола Анании, 3, Слава, Покрова: И ныне, Богородичен гласа. Чтения Покрова, три. На литии стихиры Покрова: Слава, апостола: И ныне, Покрова. На стиховне стихиры воскресны: Слава апостола: И ныне, Покрова. На благословении хлебов тропарь Покрова, трижды. Аще ли несть бдения, глаголем тропарь воскресн: Слава, апостола: И ныне, Покрова. На утрени, на Бог Господь, тропарь воскресн, дважды. Слава, апостола: И ныне, Покрова. По кафисмах седальны воскресны, и богородичны их. Таже полиелей, и тропари, Ангельский собор: и ипакои гласа, и седальны Покрова вси. Степенна, и прокимен гласа. Евангелие воскресно, и прочая. Канон воскресн со ирмосом на 4, и Покрова на 6, и апостола на 4. Катавасиа, Отверзу уста моя: По 3-й песни, кондак Покрова, и апостола, и седален апостола: Слава, и ныне, Покрова. По 6-й песни, кондак воскресн. На 9-й песни поем Честнейшую: Светилен воскресн, Слава, апостола: И ныне, Покрова. На хвалитех стихиры воскресны 4, и Покрова 4, со славным, с припевы вечерними. Слава, стихира евангельская: И ныне, Преблагословенна еси: Славословие великое. По трисвятом, тропарь воскресн, ектении, и отпуст, и час 1-й. На 1-м часе, тропарь воскресн: Слава, Покрова: И ныне, Богородичен часов. По Отче наш, кондак Покрова. На 3-м часе, тропарь воскресн, Слава апостола: И ныне, и Богородичен часов. По Отче наш, кондак воскресн. Такожде и на прочих часех глаголем кондак воскресн, и Покрова, пременяюще. На литургии, блаженна гласа, на 4, и Покрова песнь 3-я, на 4, и апостола песнь 6, на 4. По входе тропарь воскресн, и Покрова, и апостола. Кондак воскресн: Слава, апостола: И ныне, Покрова. Прокимен, апостол, Аллилуиа, Евангелие, и причастен, прежде воскресн, и потом Богородицы. [Зри] Преподобнаго же Романа служба оставляется, и поется на повечерии.

🕃 Преподобнаго отца нашего Саввы, Вишерскаго чудотворца.

Совершается собор его во обители его, по свидетельству архиереа сущаго тамо.

Тропарь, глас 4: От юности твоея весь Богу поработился еси, блаженне, и того ради любве отечество и род оставил еси, в пустыню вселився, и в ней жестокое житие показав, чудес дарования от Господа приял еси, Савво преподобне: моли Христа Бога, спастися душам нашим.

Кондак, глас 8. Подобен: Взбранной: Отечества, преподобне, удалився, и вселився в пустыню, и тамо на столп вшед, идеже жестокое житие показал еси, и многих житием удивив, отнюдуже дарование чудес от Христа приял еси. поминай нас чествующих память твою, да зовем ти: радуйся, Савво, отче наш.

2. 🕃 Святаго священномученика Киприана: И святыя мученицы Иустины: И святаго и блаженнаго Андреа, Христа ради юродиваго.

На Господи воззвах стихиры на 6, глас 3. Подобен: Яко добля: Слава, глас 2: Учения прелесть: На стиховне октоиха. Слава, глас 2: Светильника богосияннаго: Тропарь, глас 4: И нравом причастник: септемвриа в 3-й день. На утрени, на Бог Господь, тропарь святаго, дважды: и обычныя кафисмы, и чтения. Оба канона октоиха без мученичнов: и святых глас 4, на 6. По 3-й песни седален, дважды. По 6-й песни,

Кондак, глас 1. Подобен: Лик ангельский: От художества волшебнаго обратився, богомудре, к познанию божественному: показался еси миру врачь мудрейший, исцеления даруя чествующим тя, Киприане со Иустиною: с неюже молися человеколюбцу Владыце, спасти души наша.

И икос, и пролог. По 9-й песни светилен октоиха: Слава, святаго: И ныне, Богородичен. На стиховне октоиха. Слава, глас 8: Иже злобы: И ныне, Богородичен, или Крестобогородичен. На литургии, блаженна октоиха, на 4: и святых песнь 3-я, на 4: Прокимен, глас 7: Честна пред Господем: Стих: Что воздам: Апостол к Тимофею, зачало 280: Благодарю укрепляющаго мя Христа: Аллилуиа, глас 2: Священницы твои облекутся: Евангелие Иоанна, зачало 36: Аз есмь дверь: Причастен, В память вечную:

[Зри] Служба святаго Андреа юродиваго поется на повечерии.

Тропарь Андрею, глас 1: Глас апостола твоего Павла услышав глаголющ: мы юроди Христа ради. раб твой Андрей юрод бысть на земли, тебе ради, Христе Боже: темже ныне память его почитающе, тебе молимся, Господи, спаси души наша.

Кондак, глас 4. Подобен: Вознесыйся: Во юродство претворився волею, мира сего красоты отнюд возненавидел еси, плотская мудрования увядил еси, постом и жаждею, и зноем и студению мраза, от дождя и снега, и от прочия воздушныя тяготы никогдаже уклонився, очистил еси себе яко злато в горниле, Андрее блаженне.

3. 🕃 Святаго священномученика Дионисиа Ареопагита.

На Господи воззвах, стихиры на 6: глас 1. Подобен: Небесных чинов: Слава, глас 2: Приидите согласно: На стиховне октоиха. Слава, глас 4: Небеснаго знания.

Тропарь, глас 4: Благости научився, и трезвяся во всех, благою совестию священнолепно оболкся, почерпл еси от сосуда избраннаго неизреченная, и веру соблюд, равное течение совершил еси, священномучениче Дионисие. моли Христа Бога, спастися душам нашим.

На утрени, на Бог Господь, тропарь святаго, дважды, и обычныя кафисмы: и чтения. Оба канона октоиха. И святаго на 6, глас 8. По 3-й песни седален, дважды. По 6-й песни,

Кондак, глас 8. Подобен: Взбранной: Небесная врата прошед духом, яко ученик, до третияго небесе достигшаго апостола, Дионисие, неизреченных обогатился еси всяким разумом, и озарил еси во тьме неведения седящия. темже зовем: радуйся, отче всемирный.

И икос, и пролог. По 9-й песни, светилен октоиха: Слава, святаго, и ныне, Богородичен. На стиховне октоиха, Слава, святаго, глас 8: Во святителех, и мученицех: На литургии, блаженна октоиха, на 4: И святаго песнь 3-я на 4. Прокимен, глас 8: Восхвалятся преподобнии во славе: Стих: Воспойте Господеви песнь нову: Апостол деяний, зачало 40 от полу: Поемше Павла ведоша на ареопаг: Аллилуиа, глас 2: Священницы твои облекутся: Евангелие Матфеа, зачало 55 от полу: Подобно есть царствие небесное человеку купцу: Причастен: В память вечную:

4. Святаго священномученика Иерофеа, епископа Афинскаго.

Стихиры октоиха, 3: И святаго 3, глас 4. Подобен: Дал еси знамение: Слава, глас 2. Самогласен. Представ успению: На стиховне октоиха. Тропарь вчерашний. На утрени, оба канона октоиха: и святаго на 4, глас 8. По 3-й песни,

Кондак, глас 8. Подобен: Взбранной: Священноначальника Афинскаго восхваляем тя, яко тайноучившеся тобою странным и неизреченным: явился бо еси богоприятный песнословец. но моли, всеблаженне Иерофее: от всяких нам грехопадений избавитися, да зовем: радуйся отче богомудре.

И седален святаго. По 6-й песни,

Кондак, глас 4. Подобен: Вознесыйся: Якоже столп непоколебимь Иерофее, прещения врагов не устрашился еси: но прелести разрушил еси твердыню, яко камень честен валяяся отче. тем Владыка тя храбрствовавша венчает живоначальною и божественною десницею, егоже о всех нас умоли.

И икос. По 9-й песни светилен октоиха: Слава, святаго. На стиховне октоиха.

🕃 В тойже день обретение честных мощей, иже во святых отец наших, Гуриа перваго архиепископа Казанскаго и Варсонофиа епископа Тверскаго.

Совершается собор их во граде Казани, и во храме их.

Тропарь, глас 3: Первии учителие прежде темному, ныне же светлому и новопросвещенному граду Казани, первии возвестителие пути спасительнаго, истиннии хранителие апостольских преданий, столпи непоколебимии, благочестия учителие, и православия наставницы, Гурие и Варсонофие, Владыку всех молите, мир вселенней даровати, и душам нашим велию милость.

Кондак Варсонофию, глас 6: Воздержанием тело духу поработив, душу же равноангельну сотворил еси: сего ради святительства саном почется: чисте чистейшему предстоиши. моли Христа Бога, святителю, спасти люди твоя, святе, да вси вопием ти: радуйся, отче преподобне Варсонофие, граду нашему Казани похвала и утверждение.

Кондак, Гурию, глас 4: Чувственныя страсти победив, чистотою яко солнце возсиял еси, чисто житие до конца сохранив, и от неверия веру многих ко Христу привел еси, и того ради от Бога нетлением почтен был еси, и чудесы удивляемь. молим тя, святителю Гурие, молитвами твоими от бед избави нас да зовем ти: радуйся, отче предивный, граду Казани похвала и утверждение.

5. Святыя мученицы Харитины:

Стихиры октоиха, 3: и святыя, 3, глас 4. Подобен: Яко добля: На стиховне октоиха. Тропарь, глас 4: Агница твоя, Иисусе: септемвриа в 16-й день. На утрени, оба канона октоиха, и святыя на 4: глас 4. По 3-й песни, седален. По 6-й песни,

Кондак, глас 2. Подобен: Выших ищя: Крепким разумом, Харитино, душу утверждши верою, борителя врага яве посрамила еси: у Христа предста, всеблаженная, червленицу от кровей твоих носящи и присно со ангелы радующися: моли за ны страстотерпице.

На стиховне октоиха.

🕂 В тойже день святых святителей, Петра, Алексиа, Ионы и Филиппа, митрополитов Московских, и всея России чудотворцев.

Совершается собор их, идеже лежат мощи их, и идеже храм их.

Тропарь, глас 4: Первопрестольницы Российстии, истиннии хранителие апостольских преданий, столпи непоколебимии, православия наставницы, Петре, и Алексие, Ионо и Филиппе, Владыку всех молите, мир вселенней даровати, и душам нашим велию милость.

Кондак, глас 3. Подобен: Дева днесь: Во святителех благочестно пожисте, и люди к богоразумию настависте, и добре Богу угодисте: сего ради от него нетлением и чудесы прославистеся, яко ученицы Божия благодати.

6. 🕂 Святаго и славнаго апостола Фомы.

На велицей вечерни, поем Блажен муж: 1-й антифон: На Господи воззвах, стихиры апостола, на 8, глас 4. Подобен: Яко добля: Слава, глас 6: Яко слуга слова: И ныне: Кто тебе не ублажит: Вход. Прокимен дне. и чтения 3. 1-е, Соборнаго послания Иоаннова: Еже бе исперва: 2-е, Иаковля: Иаков Богу и Господу Иисусу Христу раб: 3-е, Иудина: Иуда Иисусу Христу раб: На литии стихира храма и апостола, глас 4. Подобен: Яко добля: Слава, глас 2: Оставив земная: И ныне: Все упование мое: На стиховне стихиры, глас 4. Подобен: Дал еси знамение: с припевы их. Слава. глас 6: Божественныя видя: И ныне, Богородице, ты еси лоза: По трисвятом тропарь, глас 3: Апостоле святый: септемвриа в 22-в день.

Или сей, глас 2: Ученик Христов быв, Божественнаго собора апостольскаго сопричастник, неверствием бо Христово воскресение известив, и того пречистую страсть осязанием уверив, Фомо всехвальне, и ныне нам проси мира и велию милость.

Слава, и ныне, Богородичен: и отпуст. На утрени, на Бог Господь: тропарь апостола, дважды. Слава, и ныне, Богородичен воскресн. По кафисмах седальны апостола, с богородичны их. И чтение. По полиелеи седален глас 3. дважды. Слава, и ныне, Богородичен. Степенна, 1-й антифон, 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме стихира, глас 4: Христос великое солнце: Канон Богородицы, со ирмосом на 6: и апостола на 8, глас 4. Катавасиа: Отверзу уста моя: По 3-й песни, седален, глас 8, дважды. Слава, и ныне, Богородичен. По 6-й песни,

Кондак, глас 4. Подобен: Явился еси днесь: Премудрости благодати исполнен Христов апостол, и служитель истинный, в покаянии вопияше тебе: ты мой еси Бог же и Господь.

И икос. И пролог. По 9-й песни, светилен апостола. Слава, другий. И ныне, Богородичен. На хвалитех стихиры апостола на 4, самогласны, глас 1: Христу последовал еси: Слава, глас 6: На колеснице добродетелей: И ныне, Богородичен. Славословие великое. По трисвятом, тропарь апостола: Слава, и ныне, Богородичен воскресн. Ектении, и отпуст, и час 1-й. На литургии, блаженна апостола, от канона песнь 3, и 6, на 8. Прокимен, глас 8: Во всю землю: Стих: Небеса поведают: Апостол к коринфяном, зачало 131: Бог ны посланники: Аллилуиа, глас 1: Исповедят небеса. Евангелие Иоанна, зачало 65: Сущу позде: Причастен: Во всю землю:

7. 🕃 Святых мученик, Сергиа и Вакха.

На Господи воззвах, стихиры на 6, глас 6. Подобен: Всю отложивше: Слава, глас 4: Сергий и Вакх: На стиховне октоиха. Слава, святых, глас 8: Укрепися Христовых мученик: Тропарь, глас 4: Мученцы твои, Господи: септемвриа в 20-й день.

Или сей, глас 5: Удобрение Христовых страстотерпец, и очи Христовы церкве, очи просветите душ наших, Сергие многострадальне и Вакхе преславне, молитеся ко Господу, яко да убежим тьмы греховныя: и света явимся общницы невечерняго молитвами вашими святии.

На утрени, оба канона октоиха: И святых на 6, глас 1. По 3-й песни седален, глас 8, дважды. По 6-й песни,

Кондак, глас 2. Подобен: Вышних ищя: Разум на враги мужески вооруживше, всю тех лесть разрушисте, и победу свыше приимше мученицы всехвальнии, единомысленно вопиюще: добро и красно еже быти с Богом.

И икос. По 9-й песни, светилен октоиха. Слава, святых: И ныне, Богородичен. На хвалитех стихиры, на 4, самогласны: Един, глас 1: И два, глас 4: Слава, глас 3: Коль добро, и коль красно: На стиховне октоиха. Слава, святых, глас 2: Видящи древле: На литургии, блаженна октоиха: И святых песнь 3-я, на 4. Прокимен, глас 4. Святым, иже суть на земли его: Стих: Предзрех Господа предо мною выну: Апостол ко евреем, зачало 330: Иже верою победиша царствия: Аллилуиа, глас 2: Се что добро: Евангелие Луки, зачало 106: Возложат на вы руки своя: Причастен, Радуйтеся:

8.Преподобныя матере нашея Пелагии:

Стихиры октоиха, 3: и святыя, 3, глас 8. Подобен: О преславнаго чудесе! Слава, глас 4: Идеже умножися грех: Тропарь, глас 8: В тебе мати: септемвриа в 11-й день. На утрени, оба канона октоиха: И преподобныя на 4, глас 4: По 3-й песни, седален святыя. По 6-й песни,

Кондак, глас 2. Подобен: Вышних ищя: Тело твое постами изнуривши, бденными молитвами Творца умолила еси о деяниих твоих, яко да приимеши совершенное оставление: еже и обрела еси мати яве, путь покаяния показавши.

И икос. По 9-й песни, светилен октоиха.

9. 🕂 Святаго апостола Иакова Алфеева:

И преподобнаго отца нашего Андроника, и жены его Афанасии.

На велицей вечерни, поем, Блажен муж, 1-й антифон. На Господи воззвах, стихиры апостола, на 8: глас 4. Подобен: Дал еси знамение: Слава, глас тойже: Божественнаго Духа яве: И ныне: Иже тебе ради: Вход. Прокимен дне, и чтения 3: и литиа: ищи сего месяца в 6-й день. На стиховне стихиры, глас. 4. Подобен: Дал еси знамение: с припевы их. Слава, глас 5: Верно торжествуем: И ныне: Храм и дверь еси: По трисвятом, тропарь, глас 3: Апостоле святый: септемвриа в 22-й день. Слава, и ныне, Богородичен. И отпуст.

Преподобнаго Андроника служба поется на повечерии.

На утрени, на Бог Господь, тропарь апостола, дважды. Слава, и ныне, Богородичен: Тя ходатайствовавшую: По кафисмах седален апостола с богородичны их. И чтение. По полиелеи седален, глас 8, дважды. Слава, и ныне, Богородичен: Степенна, 1-й антифон, 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме стихира, глас 4. Подобен: Жены услышите: Канон Богородицы со ирмосом на 6: и апостола на 8, глас 6. Катавасиа: Отверзу уста моя: По 3-й песни, седален, глас 8, дважды. Слава, и ныне, Богородичен. По 6-й песни,

Кондак, глас 2. Подобен: Твердыя: Твердо мудрости догматы в души благочестивых вложившаго, похвалами да ублажим, яко боговещателя вси Иакова: престолу бо славы Владычню предстоя, и со всеми ангелы радуется, моля непрестанно о всех нас.

И икос, и пролог. По 9-й песни, светилен апостола, дважды. Слава, и ныне, Богородичен. На хвалитех стихиры апостола на 4, глас 4. Подобен: Яко добля: Слава, глас 2: Оставив земная: И ныне, Богородичен: Все упование мое: Славословие великое. По трисвятом, тропарь апостола: Слава, и ныне, Богородичен воскресн. Ектении, и отпуст, и час 1-й. На литургии, блаженна апостола, от канона песнь 3-я и 6-я на 8. Прокимен глас 8: Во всю землю: Стих: Небеса поведают: Апостол к коринфяном, зачало 131: Бог ны посланники: Аллилуиа, глас 2: Исповедят небеса: Евангелие Луки зачало 51: Слушаяй вас, мене слушает: Причастен: Во всю землю.

10. Святых мученик Евлампиа и Евлампии.

Стихиры октоиха, три: И святых, 3, глас 4. Подобен: Яко добля: Слава, глас тойже. Братолюбию единоимение: На стиховне октоиха. Слава, святых, глас 4: Троичным светом: Тропарь, глас 4: Мученцы твои, Господи: септемвриа в 20-й день. На утрени, оба канона октоиха: И святых на 4: По 3-й песни седален, глас 8. По 6-й песни,

Кондак, глас 3. Подобен: Дева днесь: Доблия мученики и братию по плоти, мудраго Евлампиа и Евлампию почтим: тии бо пребеззаконных кознодейства посрамиша силою распеншагося. сего ради явишася мучеников слава, купно и похвала.

И икос. По 9-й песни светилен октоиха: Слава, святых.

11. Святаго апостола Филиппа, единаго от седми диакон: И преподобнаго отца нашего Феофана исповедника, и творца канонов, епископа Никийскаго.

Стихиры апостола, 3, глас 4. Подобен: Званный свыше: И преподобнаго 3, глас 6. Подобен: Всю отложивше: На стиховне октоиха. Тропарь апостола, глас 3: Апостоле святый: септемвриа в 22-й день.

Слава, тропарь преподобнаго, глас 8: Православия наставниче, благочестия учителю и чистоты, вселенныя светильниче, архиереев богодухновенное удобрение. Феофане премудре, ученьми твоими вся просветил еси, цевнице духовная, моли Христа Бога, спастися душам нашим.

На утрени, на Бог Господь, тропарь апостола, дважды. Слава, преподобнаго: И ныне, Богородичен. И обычныя кафисмы: И седальны октоиха: И чтения. Канон октоиха един, со ирмосом на 6: И святых два, на 8. Апостола, глас 6: и преподобнаго, глас тойже. По 3-й песни,

Кондак феофана, глас 2. Подобен: Вышних ищя: Возгремев Христово божественное воплощение, безплотныя враги до конца обличил еси, чудне Феофане: сего ради вси верно, и благочестно вопием ти: моли непрестанно о всех нас.

И седален апостола, глас 8: Слава, Феофана, глас 4. По 6-й песни,

Кондак, глас 4. Подобен: Вознесыйся: Языков ловец пречудный, и учеников Христовых собеседник, апостолов предызбранный Филипп, днесь миру исцелений подает богатство, покрывает от обстояний того хвалящия. тем согласно зовем ему: спасай вся молитвами твоими, апостоле.

И икос. По 9-й песни, светилен октоиха: И апостола: Слава, преподобнаго: И ныне, Богородичен: На стиховне октоиха: На литургии, прокимен: Во всю землю: Стих: Небеса поведают славу Божию: Апостол деяний, зачало 20: Во дни оны, рече ангел Господень к Филиппу: Аллилуиа, глас 1: Исповедят небеса чудеса твоя, Господи. Евангелие Луки, зачало 50: Яви Господь и инех седмьдесят: Причастен: Во всю землю:

[Зри] Подобает ведати: яко по 11 дни сего месяца, в приидущую неделю память совершаем святых отец, иже на седьмом Вселенском соборе в Никеи собравшихся: второе святых отец 365, на извержение и потребление безбожных учений христоненавистных и христианооглагольников иконоборцев, Копронима и с ним мудрствующих окаянных епископов, и несвященных архиереев, и тех безбожнаго и сквернаго соборища. И аще случится 11 день настоящий в неделю, поется в тойже день служба святых отец седьмаго собора. Рядоваго же святаго служба оставляется, и поется, егда разсудит екклисиарх.

В субботу, на малей вечерни, стихиры воскресны и Богородицы, по обычаю. На велицей вечерни, на Господи воззвах, стихиры воскресны 3, и Анатолиев един: И святых отцев на 6, глас 6. Подобен, Отчаянная: Честныя соборы: Слава, глас тойже: Таинственныя днесь: И ныне, Богородичен гласа. Вход. Прокимен дне: И чтения 3, отцев: 1-е, Бытия: Слышав Аврам: 2-е, Втораго закона: Во днех онех, рече Моисей к сыном Израилевым: видите, се предах пред вами: 3-е, Втораго закона: Во днех онех рече Моисей к сыном израилевым: се Господа Бога твоего небо: На литии стихира храма. Слава, отцев, глас 3: Апостольских преданий: И ныне, Богородичен: Без семене от Божественнаго Духа: На стиховне стихиры воскресны гласа. Слава, отцев, глас 4: Молебную память: И ныне: Призри на моления: На благословении хлебов тропарь: Богородице Дево: дважды.

И отцев, глас 8: Препрославлен еси Христе Боже наш, светила на земли отцы наши основавый, и теми ко истинней вере вся ны наставивый: многоблагоутробне, слава тебе. единожды.

И чтение в посланиих апостольских: На утрени, на Бог Господь, тропарь воскресн, дважды. Слава, отцев: И ныне, Богородичен тогоже гласа. По обоих кафисмах седальны воскресны, с богородичны их: И чтения в евангелии толковом воскресном, ряд недели. Полиелей, и тропари: Ангельский собор: И ипакои гласа: И чтение: И степенна. Прокимен гласа, и Всякое дыхание: И Евангелие воскресно. Воскресение Христово: и псалом 50. Стихира воскресна. Канон воскресн со ирмосом на 4: крестовоскресн на 2: и Богородицы на 2: и отцев на 6. Катавасиа: Отверзу уста моя: По 3-й песни кондак и икос воскресн: И седален отцев, глас 4, дважды: Слава, и ныне, Богородичен. И чтение. По 6-й песни,

Кондак отцев, глас 6. Подобен: Рукописаннаго: Иже из Отца возсияв Сын неизреченно, из Жены родися сугуб естеством: егоже видяще, не отметаемся зрака изображения, но сие благочестно начертающе почитаем верно. и сего ради истинную веру церковь держащи, лобызает икону вочеловечения Христова.

И икос, и пролог. По 9-й песни, светилен воскресн. Слава, отцев: И ныне, Богородичен. На хвалитех стихиры воскресны, на 4: и отцев 3, на 4, повторяюще 1-ю: глас 6. Подобен, Всю отложивше: Все собравше: Припевы же глаголем сия: 1-й, Благословен еси Господи, Боже отец наших: 2-й, Соберите ему преподобныя его: Слава, отцев, глас 8: Святых отцев: лик: И ныне, Преблагословенна еси: Славословие великое. По трисвятом тропарь воскресн точию. И ектении: И оглашение: И отпуст. И обычное исхождение в притвор. Слава, и ныне: Стихира евангельская: И час 1: И конечный отпуст. На часех, тропарь воскресн. Слава, отцев: И ныне, Богородичен часов. По Отче наш кондак воскресн, и отцев, глаголем пременяюще. На литургии, блаженна гласа, на 6: и отцев песнь 3, на 4. По входе, тропарь воскресн, и отцев. Таже кондак воскресн. Слава, отцев: Аще храм Богородицы, И ныне, кондак храма. Аще ли храм святаго, или святыя, И ныне, Предстательство христиан: Прокимен гласа: И отцев песнь, глас 4: Благословен еси Господи, Боже отец наших, и хвально и прославлено имя твое во веки. Стих: Яко праведн еси о всех: Апостол дне и отцев, ко евреем, зачало 334: Поминайте наставники ваша: Аллилуиа гласа, и отцев. Стих: 1-й: Бог богов Господь глагола: Стих 2-й: Соберите ему преподобныя его: Евангелие дне и отцев, Иоанна, зачало 56: Во время оно, возведе Иисус очи свои на небо: Причастен, Хвалите Господа с небес: Другий, Радуйтеся:

12. Святых мученик, Прова, Тараха и Андроника: И преподобнаго отца нашего Космы Святоградца, епископа Маиумскаго, и творца канонов.

Стихиры мучеников 3, глас 4, подобен: Дал еси знамение: И преподобнаго 3, глас тойже, подобен: Яко добля: Слава, мучеников, глас тойже: Воинствовавше Христу: На стиховне октоиха. Слава, мучеников, глас 1: Трирасленное собрание:

Тропарь, глас 5: Святых мученик исправлением небесныя силы преудивишася, яко в теле смертнем, безтелеснаго врага силою креста, подвизавшеся добре, победиша невидимо: и молятся Господу помиловатися душам нашим.

Слава, преподобнаго, глас 8: Православия наставниче: сего месяца в 11-й день. На утрени, канон октоиха един: И святых на 4: И преподобнаго на 4. По 3-й песни,

Кондак преподобнаго, глас 8. Подобен: Взбранной: Украшен добродетельми, Космо богодухновенне, церкве Христовы украшение был еси: песньми бо украсил еси сию, блаженне. но молися ко Господу, избавитися нам от всяких козней ратника, тебе зовущим: радуйся, отче требогате.

И седален мучеников, глас 8. Слава преподобнаго, глас тойже. По 6-й песни,

Кондак, глас 2. Подобен: Вышних ищя: Троицы нам славу явиша, доблии Христовы оружницы и мученицы, с Тарахом Пров же и Андроник: обличиша бо все мучителей безбожие, верою доблественне страдальчествовавше.

И икос. По 9-й песни, светилен октоиха: Слава, мучеников. И ныне, Богородичен. На стиховне октоиха. На литургии, прокимен, глас 4: Святым, иже суть на земли его: Стих: Предзрех Господа предо мною выну: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии: Евангелие Луки, зачало 106: Возложат на вы руки своя: Причастен: Радуйтеся праведнии:

В тойже день празднование святому Иоанну Крестителю Господню, на память пренесения из Мальты во град Гатчину креста, из части древа животворящаго Креста Господня: чудотворнаго образа Божия Матере, писаннаго святым евангелистом Лукою: и десныя руки мощей святаго Иоанна Крестителя.

13. Святых мученик, Карпа и Папилы.

Стихиры, глас 4, подобен: Яко добля: Слава, глас 6: Яко достоин в боговидцех: На стиховне октоиха. Тропарь глас 4: Мученцы твои, Господи: септемвриа в 20-й день. На утрени, на Бог Господь, тропарь святых, дважды. И обычныя кафисмы: И седальны октоиха: И чтение. Оба канона октоиха: И мучеников на 4, глас 1. По 3-й песни седален, глас 1. По 6-й песни,

Кондак, глас 4. Подобен: Вознесыйся: Яко сокровище многоценное Владыка и источник источающ токи исцелений, сущим на земли подаде мощи ваша, недуги убо отемлющия страстей различныя, благодать же дающия душам непрестанно. темже согласно любовию ваше, мученицы божественнии, совершаем торжество.

По 9-й песни, светилен, и на стиховне октоиха.

14. Святых мученик, Назариа, Гервасиа, Протасиа и Келсиа:

Стихиры, глас 4. Подобен: Яко добля: Слава, глас 8: Жертвы словесныя: На стиховне, октоиха. Тропарь, глас 4: Мученцы твои, Господи: септемвриа в 20-й день. На утрени, оба канона октоиха: И мучеников на 4, глас 4. По 3-й песни седален мучеников, глас 8. По 6-й песни,

Кондак мучеников, глас 2. Подобен: Вышних ищя: Светильницы светлии явльшеся божественнии мученицы, тварь светом чудес озаряете, недугов разрешающе глубокую нощь всегда, и Христу единому Богу молящеся непрестанно о всех нас.

И икос. По 9-й песни, светилен октоиха: Слава, мученика. На стиховне октоиха.

🕃 И преподобныя Параскеви.

Совершается собор ея в сербех.

Тропарь, глас 4: Пустынное и безмолвное житие возлюбивши, и во след Христа Жениха твоего усердно потекши, и того благое иго во юности твоей вземши, крестным знамением к мысленным врагом мужески вооружившися, постническими подвиги, постом и молитвами, и слезными каплями углие страстей угасила еси, достославная Параскево: и ныне в небеснем чертозе с мудрыми девами предстоящи Христу, моли о нас почитающих честную память твою.

Кондак, глас 6: Святую вси заступницу сущим в бедах, благочестно воспоим Параскеву всечестную: та бо житие оставльши тленное, и нетлеемое прият во веки. сего ради славу обрете, чудес благодать, Божиим велением.

15. Преподобнаго отца нашего Евфимиа новаго: И святаго преподобномученика Лукиана, пресвитера Великия Антиохии.

Стихиры преподобнаго, 3, глас 4. Подобен: Яко добля: И мученика 3, глас тойже. Подобен: Дал еси знамение: Слава, преподобнаго, глас 6: Преподобне отче, во всю землю: На стиховне октоиха. Слава, преподобнаго, глас 5. Преподобне отче, не дал еси сна: Тропарь преподобнаго, глас 8: В тебе, отче: сего месяца в 1-й день. Слава, мученика, глас 4. мученик твой, Господи: септемвриа во 2-й день. На утрени, на Бог Господь, тропарь преподобнаго, дважды. Слава, мученика. И обычныя кафисмы. И седальны октоиха: И чтение. Канон октоиха един: и святых два, на 8. Преподобнаго, глас 2. И мученика, глас 4. По 3-й песни,

Кондак мученика, глас 2. Подобен: В молитвах: В пощении первее просиявшаго, и во страдании второе светяща, вси яко светило пресветлейшее Лукиана песньми славно почтим, молящаго непрестанно о всех нас.

И седален преподобнаго, глас 8. Слава, мученика, глас тойже. По 6-й песни,

Кондак преподобнаго, глас 2. Подобен: Вышних ищя: Волнений множества невлажно преходя, безплотныя враги струями слез твоих крепко погрузил еси, богомудре Евфимие преподобне, и чудес дар прием, исцеляеши страсти всякия: моли непрестанно о всех нас.

И икос. По 9-й песни, светилен октоиха: И преподобнаго. На стиховне октоиха. Слава, преподобнаго, глас 2: Преподобне отче, из младенства:

16. Святаго мученика Лонгина сотника, иже при Кресте Господни.

Стихиры октоиха 3: И святаго 3, глас 8. Подобен: О преславнаго чудесе! Слава, глас 6: Во страсти твоей, Христе: На стиховне октоиха. Слава, глас 6: При Кресте предстоя: Тропарь, глас 4: Мученк твой Господи: септемвриа во 2 день. На утрени оба канона октоиха: и святаго на 4, глас 4. По 3-й песни, седален глас 8. По 6-й песни,

Кондак, глас 4. Подобен: Явился еси: Весело возрадовася церковь, в памяти днесь приснопамятнаго страдальца Логгина, взывающи: ты моя держава, Христе, и утверждение.

И икос. По 9-й песни, светилен октоиха, и святаго: На стиховне октоиха. На литургии, прокимен, глас 7: Возвеселится праведник о Господе: Апостол к Тимофею, зачало 292: Чадо Тимофее, возмогай о благодати: Аллилуиа, глас 4: Праведник яко Финикс процветет: Евангелие Матфеа, зачало 113: Пришедше воини на место: Причастен, В память:

17. Святаго пророка Осии: И преподобномученика Андреа Критскаго.

Стихиры пророка, 3, глас 1. Подобен: Всехвальнии мученицы: И преподобнаго 3, глас 4. Подобен: Яко добля: На стиховне октоиха.

Тропарь преподобнаго, глас 4: Постнически преподвизався на горе, умная врагов ополчения всеоружием креста погубил еси, всеблаженне, паки же ко страдальчеству мужески облеклся еси, убив Копронима мечем веры: и обоих ради венчался еси от Бога, преподобномучениче Андрее приснопамятне.

На утрени, канон октоиха един, со ирмосом на 6: И святых два. пророка, глас 1: преподобнаго, глас 2. По 3-й песни,

Кондак, глас 3. Подобен: Дева днесь: Празднует днесь царствующий град праздник пресветлый светоносныя твоея памяти, всякий призывая град и страну: радуется бо, яко имея сокровище велие, многострадальное твое тело, Андрее мучениче, православия светильниче.

Таже седален пророка, глас 8. Слава, преподобному, глас 4. По 6-й песни,

Кондак, глас 8. Подобен: Взбранной: Мужества тезоименитому благодарение яко благочестия тайноглагольнику похвальная воззовем, от любве тебе, богоблаженне. но яко имея дерзновение ко Господу, от всяких лютых ны спаси, да поем: радуйся, отче приснопамятне.

И икос. По 9-й песни, светилен октоиха. Слава, преподобному. На стиховне октоиха.

18.🕂 Святаго апостола и евангелиста Луки.

На велицей вечерни, поем Блажен муж, 1-й антифон: На Господи воззвах, стихиры на 8, глас 8. Подобен: Что вас наречем: Слава, глас 6: Апостоле Христов: И ныне, Богородичен: Кто тебе не ублажит: Вход, прокимен дне, и чтения 3, и литиа. ищи сего месяца в 6-й день. На стиховне стихиры апостола, глас 5. Подобен: Радуйся: с припевы их. Слава, глас 6: Всемудрый ловче: И ныне, Богородичен: Творец и избавитель: По трисвятом,

Тропарь апостолу, глас 3: Апостоле святый и евангелисте Луко, моли милостиваго Бога, да прегрешений оставление подаст душам нашим.

Или сей, глас 5: Апостольских деяний сказателя, и евангелиа Христова светла списателя, Луку препетаго, неисписанна суща Христове церкви, песньми священными святаго апостола похвалим, яко врача суща человеческия немощи, естества недуги, и язи душ исцеляюща, и молящася непрестанно за души наша.

Слава, и ныне, Богородичен воскресн, и отпуст. На утрени, на Бог Господь, тропарь апостола дважды. Слава, и ныне, Богородичен. По кафисмах седальны апостола с богородичны их, и чтение. По полиелеи седален, глас 4: Премудростию ловительною тростию: дважды. Слава, и ныне, Богородичен. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67. По 50-м псалме стихира, глас 3: Путеходив ты по востании: Канон Богородицы со ирмосом на 6, и апостола на 8, глас 8. Катавасиа: Отверзу уста моя: По 3-й песни седален, глас 8, дважды. Слава, и ныне, Богородичен. По 6-й песни,

Кондак, глас 2. Подобен: Твердыя: Истиннаго благочестия проповедника, и таин неизреченных ритора, звезду церковную, Луку божественнаго восхвалим: слово бо его избра с Павлом мудрым языков учителя, един ведый сердечная.

И икос. И чтем пролог. По 9-й песни светилен апостола. Слава, другий: И ныне, Богородичен. На хвалитех стихиры апостола на 4, глас 1. Подобен: Облак тя света: Слава, глас 8: Давидски сошедшеся: И ныне, Богородичен: Владычице, приими: Славословие великое. По трисвятом тропарь апостола. Слава, и ныне, Богородичен воскресн. Ектении и отпуст, и час 1-й. На литургии, блаженна апостола, от канона песнь 3-я и 6-я, на 8. Прокимен, глас 8. Во всю землю: Стих: Небеса поведают: Апостол ко колоссаем, зачало 260 от полу. Аллилуиа, глас 1: Исповедят небеса чудеса твоя, Господи. Евангелие Луки зачало 51. Причастен: Во всю землю:

19. Святаго пророка Иоиля: И святаго мученика Уара.

Стихиры пророка 3, глас 8. Подобен: О преславнаго чудесе! И мученика 3, глас 6. Подобен: Всю отложивше: На стиховне стихиры октоиха. Тропарь мученика, глас 4: Мученк твой Господи: септемвриа во 2-й день. На утрени, канон един октоиха, на 6: и святых два: Пророка, глас 2. И мученика, глас 6. По 3-й песни, седален пророка, глас 2. Слава, мученика, глас 1. По 6-й песни,

Кондак, глас 4: Христу последуя, мучениче Уаре, того испив чашу, и мучения венцем увязеся, и со ангелы ликовствуеши: моли непрестанно за души наша.

🕃 В тойже день преподобнаго отца нашего Иоанна Рыльскаго.

Праздник, идеже лежат мощи его.

Тропарь, глас 1: Покаяния основание, прописание умиления, образ утешения, духовнаго совершения, равно ангелом житие твое бысть, преподобне. в молитвах убо и пощениих, и в слезах пребывая, отче Иоанне, моли Христа Бога о душах наших.

Кондак, глас 8. Подобен: Взбранной: Ангельскому житию поревновав, преподобне, вся земная оставив, ко Христу притекл еси: и того заповедьми ограждаяся, явился еси столп непоколебимь от вражиих нападений. тем зовем ти: радуйся, отче Иоанне, светило пресветлое.

20. 🕃 Святаго великомученика Артемиа.

На Господи воззвах: Стихиры на 6, глас 4. Подобен: Яко добля: Слава, глас 2: Разумнаго светильника: На стиховне октоиха. Слава, глас 6: За Христа законно пострадав: Тропарь, глас 4: Мученк твой Господи: септемвриа во 2-й день. На утрени, на Бог Господь, тропарь мученика, дважды. И обычныя кафисмы: И седальны октоиха: И чтение. Каноны оба октоиха, без мученичнов: и святаго на 6, глас 2. По 3-й песни, седален, глас 8, дважды. По 6-й песни,

Кондак, глас 2. Подобен: Твердыя: Благочестиваго и венценоснаго мученика, на враги победы вземшаго одоление, сошедшеся достойно песньми восхвалим, Артемиа превеликаго в мученицех, чудес же дателя пребогатаго, молится бо Господу о всех нас.

И икос. По 9-й песни, светилен октоиха. Слава, мученика. На стиховне октоиха. Слава, мученика, глас 6: Днесь вселенная вся: На литургии, блаженна октоиха на 4: И мученика песнь 3, на 4. Прокимен, глас 7: Возвеселится праведник: Стих: Услыши, Боже, глас мой: Апостол к Тимофею, зачало 292: Возмогай о благодати: Аллилуиа, глас 4: Праведник яко финикс процветет: Евангелие Иоанна, зачало 52: Си заповедаю вам: Причастен: В память:

21. 🕃 Преподобнаго отца нашего Илариона Великаго.

На Господи воззвах, стихиры на 6, глас 4, Подобен: Званный свыше: Слава, глас 2: От юности: На стиховне октоиха. Слава, глас 8: Духа Святаго исполнен: Тропарь, глас 8: Слез твоих теченьми: септемвриа 3-й день. На утрени, на Бог Господь, тропарь святаго. И обычныя кафисмы. И седальны октоиха. И чтение. Оба канона октоиха, без мученичнов. Илариона на 6, глас 2. По 3-й песни, седален, глас 8, дважды. По 6-й песни,

Кондак, глас 3. Подобен: Дева днесь: Яко светильника незаходимаго, умнаго тя солнца, сошедшеся днесь восхваляем в песнех: возсиял бо еси сущим во тьме неведения, вся возводя к божественней высоте Иларионе. темже вопием: радуйся отче всех постников основание.

И икос. По 9-й песни, светилен октоиха. Слава, святаго. На стиховне октоиха: Слава, глас 2: Тихое твое отче: На литургии, блаженна октоиха на 4, и святаго песнь 3, на 4. Прокимен, глас 7: Честна пред Господем: Стих: Что воздам Господеви: Апостол к коринфяном, зачало 188: Сеяй скудостию: Аллилуиа, глас 6: Блажен муж, бояйся Господа: Евангелие Луки, зачало 24: Ста Иисус на месте равне: Причастен: В память вечную:

🕃 В тойже день пренесение мощей преподобнаго отца нашего Илариона, епископа Меглинскаго.

Совершается собор его, идеже лежат мощи его, и идеже храм его.

Тропарь, глас 3: Чудо явився извещения, делы возсиял еси добродетелей Божиих. монашествующих лики упасл еси. архиерейская седалища исчистил еси. еретическаго же нападения не усумневся, церкви Христовы воздвигл еси, преподобне Иларионе. умер яко спя: тело же твое цело и нетленно соблюдено бысть, и подает цельбы болящим от различных недуг, и демоны прогоняет: сего ради молим тя, моли спастися душам нашим.

Кондак, глас 3. Подобен: Дева днесь: Яко светоносна явися архиерее память твоя, тьму разруши уныния, и свет облиста даров небесных, вся созывающи на радость. От Бога бо Иларионе благодать обрел еси, и монахов был еси степень.

22. Святаго равноапостольнаго Аверкиа, епископа Иерапольскаго чудотворца. И святых седми отроков, иже во Ефесе.

Стихиры святаго 3, глас 2. Подобен: Егда от древа: и отроков 3, глас 4. Подобен: Яко добля: Слава, глас 3: Архиерее преподобне: На стиховне октоиха. Тропарь, глас 4: Правило веры: септемвриа во 2-й день. Слава, Мученцы твои, Господи: септемвриа в 20-й день. На утрени, канон октоиха един: и святителя, глас 2, на 4. и отроков, глас 8, на 4. По 3-й песни,

Кондак отроков, глас 4. Подобен: Вознесыйся: Прославивый на земли святыя твоя, прежде втораго и страшнаго пришествия твоего, Христе, преславным востанием отроков, показал еси воскресение неведящим нетленна одеяния и телеса явив, и царя уверил еси вопити: воистинну есть мертвых востание.

И икос, и седален Аверкиа, глас 8: Слава, отроков, глас 4. По 6-й песни,

Кондак Аверкиа, глас 8. Подобен: Яко начатки: Яко священника превеликаго, и апостолов совсельника, церковь почитает тя вся верных, Аверкие: юже твоими молитвами соблюдай, блаженне, непобедиму и необуреваему от всякия ереси, и несверну, яко приснопамятный.

И икос. По 9-й песни, светилен октоиха, и Аверкиа. Слава, отроков. И ныне, Богородичен. На стиховне октоиха. На литургии, блаженна октоиха на 4: и Аверкиа песнь 3, на 4. Прокимен, глас 1: Уста моя возглаголют премудрость: Стих: Услышите сия вси язы́цы: Апостол ко евреем, зачало 318: Таков нам подобаше: Аллилуиа, глас 2: Уста праведнаго поучатся премудрости: Стих: Закон Бога его: Евангелие Иоанна, зачало 36: Аз есмь дверь: Причастен: В память вечную:

🕂 В тойже день празднуем Пресвятей Богородице Казанской.

Тропарь, глас 4: Заступница усердная, мати Господа вышняго, за всех молиши Сына твоего, Христа Бога нашего, и всем твориши спастися, в державный твой покров прибегающим. всех нас заступи, о Госпоже Царице и Владычице, иже в напастех и скорбех, и в болезнех обремененных грехи многими, предстоящих и молящихся тебе умиленною душею, и сокрушенным сердцем, пред пречистым твоим образом со слезами, и невозвратно надежду имущих на тя, избавление всех зол, всем полезная даруй, и вся спаси, Богородице Дево: ты бо еси божественный покров рабом твоим.

Кондак, глас 8. Подобен: Взбранной: Притецем людие к тихому сему, и доброму пристанищу, скорой помощнице, готовому и теплому спасению, покрову Девы. ускорим на молитву, и потщимся на покаяние: источает бо нам неоскудныя милости Пречистая Богородица, предваряет на помощь, и избавляет от великих бед и зол, благонравныя и богобоящияся рабы своя.

23. 🕃 Святаго апостола Иакова, брата Божия.

Вечер, обычная кафисма: На Господи воззвах, стихиры на 6, глас 4. Подобен: Дал еси знамение: Слава, глас 6: Кровию мучения: И ныне: Кто тебе не ублажит: На стиховне стихиры апостола, глас 1. Подобен: Небесных чинов: Слава, глас 8: Началопастыря: И ныне Богородичен: Владычице, приими:

Тропарь, глас 2: Яко Господень ученик, восприял еси, праведне, Евангелие: яко мученик имаши, еже неописанное: дерзновение, яко брат Божий: еже молитися, яко иерарх. моли Христа Бога, спастися душам нашим.

Слава, и ныне: Вся паче смысла: На утрени, на Бог Господь, тропарь апостола дважды: Слава, и ныне Богородичен. И обычныя кафисмы: И седальны апостола: И богородичны их: И чтение. Оба канона октоиха, без мученичнов: И апостола на 6, глас 4. Катавасиа: Отверзу уста моя: По 3-й песни, седален, глас 8, дважды. По 6-й песни,

Кондак, глас 4. Подобен: Вознесыйся: Отчее единородное Бог Слово, пришедшее к нам в последняя дни, Иакове божественне, перваго тя показа иерусалимлян пастыря и учителя, и вернаго строителя таинств духовных. темже тя вси чтим, апостоле.

И икос. И пролог: По 9-й песни, светилен апостола, дважды. На хвалитех стихиры, на 4, глас 8. Подобен: Господи, аще: Слава, глас 1: Во огненней зари: И ныне, Богородичен. Славословие великое. На литургии, блаженна от канона апостола, песнь 3-я, и 6-я. Прокимен, глас 8: Во всю землю: Стих: Небеса поведают: Апостол к галатом, зачало 200: Сказую вам: Аллилуиа, глас 1: Исповедят небеса чудеса твоя, Господи: Евангелие Матфеа, зачало 56: Прииде Иисус во отечествие свое: Причастен: Во всю землю:

🕃 В тойже день пренесение честных мощей святаго Иакова Боровицкаго, Новгородскаго чудотворца.

Совершается собор его, идеже храм его, по разсуждению и благословению архиереа.

Тропарь, глас 1: Божественною благодатию просветився, и по смерти даруеши исцеление притекающим к раце мощей твоих, премудре Иакове: темже и мы ныне чтим честных мощей твоих пренесение, веселяще вкупе души и телеса. тем вси вопием: слава давшему ти крепость, слава венчавшему тя, слава действующему тобою всем исцеления.

Кондак, глас 8. Подобен: Взбранной: Верою и любовию твое честное пренесение празднующих. блаженне, сохрани и соблюди от всякия злобы, и соблазна змиина: имаши бо дерзновение ко Владыце всех Христу Богу. егоже моли спасти люди молящия тя, да вси вопием ти: радуйся, отче Иакове, всея Российския земли удобрение.

24. Святаго мученика Арефы и иже с ним.

Стихиры октоиха 3: И мучеников 3, глас 1. Подобен: Всехвальнии: Слава, глас 4: Песненно пастыреначальника: На стиховне октоиха: Слава, глас 8: Лукавое и неверное:

Тропарь, глас 1: Болезньми святых, имиже о тебе пострадаша, умолен буди, Господи, и вся наша болезни исцели, человеколюбче, молимся.

На утрени, оба канона октоиха: И мучеников на 4, глас 8. По 3-й песни, седален, глас 8. По 6-й песни,

Кондак, глас 4. Подобен: Явился еси: Веселия ходатай нам наста светоносный днесь страстотерпец праздник, егоже совершающе славим в вышних сущаго Господа.

И икос. По 9-й песни, светилен октоиха. Слава, святых. На литургии, прокимен, глас 4: Святым, иже суть на земли его: Стих, Предзрех Господа: Апостол ко евреем, зачало 330: Иже верою победиша царствия: Аллилуиа, глас 4: Воззваша праведнии, и Господь услыша их. Евангелие Матфеа, зачало 38: Всяк иже исповесть мя пред человеки: Причастен, Радуйтеся:

25. Святых мученик и нотарий, Маркиана и Мартириа.

Стихиры октоиха, 3: И святых 3, глас 4. Подобен: Яко добля: Слава, глас 1: Ученицы и последователие: На стиховне октоиха: Слава, глас 3: Разумнии церкве: Тропарь, глас 4: Мученцы твои, Господи: септемвриа в 20-й день. На утрени, оба канона октоиха: И святых, на 4, глас 4. По 3-й песни седален, глас 3. По 6-й песни,

Кондак, глас 4. Подобен: Вознесыйся: Подвигшеся добре от младенства, Маркиане, с мудрым Мартирием, отступника Ариа низложисте, невредну сохраньше православную веру, Павлу последующе мудрому учителю: темже с ним обретосте живот, яко Троицы поборницы изряднейшии.

И икос. По 9-й песни светилен октоиха: Слава, святых. На стиховне октоиха. На литургии, прокимен, глас 4: Дивен Бог во святых своих: Апостол ко ефесеем, зачало 224 от полу: Единому комуждо нас: Аллилуиа, глас 4: Воззваша праведнии: Евангелие Матфеа, зачало 34 от полу: Призва Иисус обанадесяте: Причастен, Радуйтеся:

26. 🕁 Святаго и славнаго великомученика Димитриа Мироточца:

И воспоминание великаго и страшнаго трясения.

Аще хощет настоятель, творим бдение. На малей вечерни, стихиры на 4, глас 1. Подобен: Небесных чинов: Слава, глас 6: Днесь вселенная: И ныне, Богородичен, глас тойже: Богородице, Ты еси лоза: На стиховне стихиры, глас 2. Подобен: Доме Евфрафов: с припевы их: 1-й, Праведник яко Финикс процветет: 2, Насаждени в дому Господни: Слава, и ныне, Богородичен: Дело боголепно:

Тропарь святаго, глас 3: Велика обрете в бедах тя поборника вселенная, страстотерпче, языки побеждающа: якоже убо Лиеву низложил еси гордыню, и на подвиг дерзновенна сотворив Нестора, тако, святе, Димитрие Христу Богу молися, даровати нам велию милость.

Слава, и ныне, трясения, глас 8: Призираяй на землю, и творяй ю трястися, избави ны страшнаго труса прещения, Христе Боже наш, и низпосли нам богатыя милости твоя, молитвами Богородицы, и спаси ны.

Ектениа малая, и отпуст. На велицей вечерни, поем Блажен муж, 1-й антифон. На Господи воззвах, стихиры, глас 2, на 8. Подобен: Егда от древа: повторяюще 1-ю. Ины стихиры, глас 8. Подобен: О преславнаго чудесе! Слава, глас 6: Днесь созывает нас: И ныне, Кто тебе не ублажит: Вход, Прокимен дне, И чтения 3: Пророчества Исаиина. Обратися с небесе, Господи: Пророчества Иеремиина: Сия глаголет Господь, помянух милость: И святаго, Премудрости Соломони: Праведник аще постигнет: На литии стихира храма: И святаго самогласны, глас 1: Веселися во Господе: Слава, глас 5, Стецемся верою: И ныне, Богородичен, глас тойже: Вострубим трубою: На стиховне стихиры трясения, глас 2, самогласны, с припевы их: Земли смущаеме: Припевы: 1-й, Призираяй на землю: 2-й, Стрясл еси землю: Слава, глас 8: Имеет убо божественнейшая: И ныне, Безневестная Дево: На благословении хлебов тропарь мученика, дважды, писан на малей вечерни: и Богородице Дево, единожды. Буди имя Господне: И чтение. На утрени, на Бог Господь, тропарь трясения, дважды. Слава, мученика: И ныне, трясения. и обычныя кафисмы: и седальны мученика, и богородичны их, и чтение во евангелии. По полиелеи седален, глас 8, дважды. Слава, и ныне, Богородичен. И чтем в торжественном. Степенна, 1-й антифон 4-го гласа. Прокимен, глас тойже: Дивен Бог во святых своих: Стих, Святым, иже суть на земли его: Всякое дыхание: Евангелие Матфеа, зачало 36: Се аз посылаю вас: По 50-м псалме стихира, глас 6: Днесь созывает нас: Канон трясения, глас 6, со ирмосом на 6. И мученика два, на 8. Един, глас 4: Другий, глас 8. Катавасиа: Отверзу уста моя: По 3-й песни,

Кондак трясения, глас 6. Подобен: Еже о нас: Избави труса тяжкаго всех нас, Господи, и язвы нестерпимыя, грех ради наших. пощади, Господи, люди твоя, юже стяжал еси твоею кровию, Владыко, и град не предаждь в погибель, трусом страшным, иного бо разве тебе Бога не вемы, и воззови поющим: Аз есмь с вами, и никтоже на вы.

И седален святаго, глас 4, дважды. Слава, и ныне, трясения, глас тойже. По 6-й песни,

Кондак мученика, глас 2: Кровей твоих струями, Димитрие, церковь Бог обагри, давый тебе крепость непобедимую, и соблюдая град твой невредимь: того бо еси утверждение.

И икос: И чтем пролог. По 9-й песни, светилен мученика дважды: Слава, и ныне, трясения. На хвалитех стихиры мученика, на 6, глас 4. Подобен: Яко добля: и глас 5. Подобен: Радуйся: Слава, глас 4: Копиями наследовавшаго: И ныне, Богородичен: Избави ны от нужд: Славословие великое. По трисвятом тропарь мученика. Слава, и ныне, трясения. Ектении, и отпуст: и дается святый елей братиям от кандила святаго, якоже предуказася: и час 1-й, и конечный отпуст. На литургии, блаженна от канона трясения, песнь 3-я, на 4. И святаго, песнь 6, на 4. Прокимен трясения, глас 6: Спаси Господи люди твоя, и благослови достояние твое. Стих: К тебе Господи воззову, Боже мой: И святаго, глас 7: Возвеселится праведник о Господе: Апостол трясения, Ко евреем, зачало 331, от полу: Егоже любит Господь: И святаго, К Тимофею, зачало 292: Чадо Тимофее, возмогай о благодати: Аллилуиа: Боже отринул ны еси: Стих: Стрясл еси землю, и смутил еси ю. И святаго: Праведник яко финикс процветет: Евангелие трясения, Матфеа, зачало 27: Влезшу Иисусу в корабль: И святаго от Иоанна, зачало 52. Си заповедаю вам: Причастен, Хвалите: Другий: В память:

[МРК] Подобает ведати, аще случится великомученика Димитриа Селунскаго, и Трясения в неделю.

В субботу на малей вечерни, стихиры воскресны, и Богородицы, по обычаю. На велицей вечерни, по обычной кафисме, на Господи воззвах, стихиры воскресны 3: И трясения 3, писаны на велицей вечерни, на стиховне. И Димитриа 4: Слава, Димитриа: И ныне, Богородичен 1-й гласа. Прокимен дне. Чтения 3. На литии стихира храма: И самогласны стихиры святаго. Слава, святаго: И ныне, Богородичен. На стиховне стихиры воскресны. Слава, Димитриа: И ныне, Богородичен, по гласу святаго. На благословении хлебов тропарь, Богородице Дево, дважды: И Димитриа, единожды. [Зри] [Аще же несть бдения, по Отче наш, тропарь воскресн: Слава, Димитриа: И ныне, трясения. На повечерии по Достойне, и по трисвятом, кондак Димитриа: Слава, и ныне, трясения. На утрени, на Бог Господь, тропарь воскресн дважды: Слава, Димитриа: И ныне, трясения. По кафисмах седальны воскресны, и богородичны их. Таже полиелей, и тропари: Ангельский собор: и ипакои гласа: и седальны Димитриа оба, по единожды, без богородичнов. Слава, седален, иже по полиелеи: И ныне, Богородичен его. Степенна, и прокимен гласа. Евангелие воскресно: Воскресение Христово: псалом 50, стихира воскресна. Канон воскресн, со ирмосом на 4: и трясения на 4: и Димитриа на 6. Катавасиа: Отверзу уста моя: По 3-й песни, кондак и икос Димитриа, и седален. По 6-й песни, кондак и икос воскресн. Светилен воскресн: Слава, святаго: И ныне, трясения. На хвалитех стихиры воскресны 4: И Димитриа со славным 4, с припевы его. Слава, стихира евангельская: И ныне, Преблагословенна еси: Славословие великое. По трисвятом, тропарь воскресн точию. Ектении, и отпуст: и час 1-й. На 1-м часе, тропарь воскресн. Слава, трясения: И ныне, Богородичен часов. По Отче наш, кондак трясения. На 3-м часе, тропарь воскресн: Слава, Димитриа: И ныне, Богородичен часов. По Отче наш, кондак Димитриа. Сице и на прочих часех тропари и кондаки пременяюще глаголем: точию воскресн тропарь непременно. На литургии, блаженна гласа, на 4: И трясения песнь 3, на 4: И Димитриа песнь 6, на 4. По входе тропарь воскресн, и трясения, и храма Богородицы, аще есть: и Димитриа. Кондак воскресн, и трясения: Слава, Димитриа: И ныне, Богородицы. Аще же несть храма Богородицы, И ныне, трясения. Прокимен трясения и святаго. Апостол трясения, и Димитриа. Аллилуиа, глас 4: Боже отринул ны еси: Стих, Стрясл еси землю: И святаго, Праведник яко Финикс процветет: Евангелие трясения, и Димитриа. Причастен, Хвалите Господа с небес: И святаго, В память вечную: [Зри] Ряд же, апостол и Евангелие, чтем под зачало.

27. Святаго мученика Нестора.

Стихиры октоиха, 3: И святаго 3, глас 8. Подобен: О преславнаго чудесе! На стиховне октоиха. Тропарь, глас 4: Мученк твой Господи: септемвриа во 2-й день. На утрени, оба канона октоиха: и святаго на 4, глас 4. По 3-й песни, седален, глас 4. По 6-й песни,

Кондак, глас 2. Подобен: Вышних ищя: Страдальчествовав добре, безсмертную славу наследовал еси ныне, яко воин изрядный Владыки был еси молитвами Димитриа мученика: с ним убо, Несторе мудре, моля, не престай о всех нас.

И икос. По 9-й песни, светилен октоиха. Слава, святаго. На стиховне октоиха. На литургии, служба мучеников.

28. Святых мученик, Терентиа, и Неонилы: И преподобнаго отца нашего Стефана Савваита, и творца канонов.

Стихиры мучеников 3, глас 4. Подобен: Яко добля: и преподобнаго 3, глас 8. Подобен: О преславнаго чудесе! На стиховне октоиха. Тропарь глас 4: Мученцы твои Господи: септемвриа в 20-й день: И преподобнаго: Православия наставниче: сего месяца в 11-й день. На утрени, канон октоиха един, со ирмосом на 6: и святых два: Мученков, глас 4: Преподобнаго, глас 8. По 3-й песни,

Кондак, глас 4. Подобен: Вознесыйся: Насадил еси добродетелей рай и напоил еси токами слез твоих, яко жизни всеславне древо получив, спаси молитвами твоими от тли стадо твое, избави от обстояний тепле чтущих тя, Стефане: тя бо предстателя величайша, мудре, вси верою и любовию стяжахом.

И седален мученика, глас 8. Слава, преподобнаго, глас 5. По 6-й песни.

Кондак, глас 4. Подобен: Вознесыйся: Мученическая честная память прииде днесь, веселящи всяческая, Терентиа премудраго, и подружия его. тепле убо стецемся, да приимем исцеление: сии бо благодать приемше от Духа Святаго, исцеляти недуги и болезни душ наших.

По 9-й песни, светилен: и на стиховне октоиха.

🕃 В тойже день иже во святых отца нашего Арсениа, архиепископа Сербскаго.

Совершается собор его, идеже лежат мощи его, и идеже храм его.

Тропарь, глас 8: Милости наставниче, и благоутробия сокровище: еже всем отверзл еси, правоверия учителю, и архиереев божественное удобрение, отче наш, иерарше Арсение, нищих был еси заступник. тем моли Христа Бога, просветити души наша, да не когда уснем в смерть.

Кондак, глас 2. Подобен: Вышних ищя: В пищи словес твоих, богоносе Арсение, разумно чада твоя питая, языком хваля, устнами же пение принося, вещанием зовый: Христе, ты еси свет неизреченный.

🕃 И святыя мученицы Параскеви.

Идеже храм, подобне поется.

Тропарь, глас 4. Премудрая и всехвальная Христова мученица Параскева, мужескую крепость приемши, женскую же немощь отвергши, диавола победи, и мучителя посрами, вопиющи и глаголющи: приидите, тело мое мечем ссецыте, и огнем сожгите: аз бо радующися иду ко Христу Жениху моему, тоя молитвами, Христе Боже, спаси души наша.

Кондак, глас 3. Подобен: Дева днесь: Всесвятое и непорочное мучение принесши, яко вено пречестное безсмертному Жениху Христу, ангельское ликостояние возвеселила еси, и победила еси демонския козни: сего ради тя честно верою чтим, мученице Параскево многострадальная.

29. Святыя преподобномученицы Анастасии Римляныни: И преподобнаго отца нашего Аврамиа затворника.

Стихиры мученицы, 3, глас 8. Подобен: Что вы наречем: И преподобнаго 3, глас тойже. Подобен: О преславнаго чудесе! На стиховне октоиха. Тропарь мученицы, глас 4: Агница твоя Иисусе: септемвриа в 16-й день. Слава, преподобнаго, глас 8: В тебе отче: сего месяца в 1-й день. На утрени, канон октоиха един, на 6: И святых два: мученицы, глас 8: И преподобнаго, глас тойже. По 3-й песни,

Кондак мученицы, глас 3. Подобен: Дева днесь: Девства водами очищена преподобная, мученичества кровьми, Анастасие, венчавшися, подаеши сущим в нуждах, недугов исцеление и спасение, приступающим от сердца: крепость бо тебе подает Христос, источаяй благодать приснотекущую.

И седален, глас 8. Слава, преподобнаго. По 6-й песни.

Кондак Аврамия, глас 3. Подобен: Дева днесь: Во плоти яко ангел на земли явился еси, и пощением был еси яко древо насажденное, водою воздержания добре возрастився, теченьми твоих слез скверну омыв: сего ради явился еси приятелище Божественное, Аврамие, Духа.

И икос. По 9-й песни, светилен, и на стиховне, октоиха. На литургии, прокимен, глас 7: Честна пред Господем смерть преподобных его. Стих: Что воздам Господеви о всех: Апостол к галатом, зачало 213: Плод духовный: Аллилуиа, глас 6: Блажен муж: Стих: Сильно на земли будет: Евангелие Матфеа, зачало 43: Вся мне предана суть: Причастен: В память вечную:

🕃 В тойже день преставление преподобнаго отца нашего Аврамиа, архимандрита Богоявленскаго, Ростовскаго чудотворца.

Совершается собор его во обители его, идеже лежат мощи его, или храм его.

Тропарь, глас 1: Просветився Божественною благодатию, неверныя люди наставил еси к свету богоразумия: и по смерти сияя светлостию жития твоего, источаеши исцеления притекающим с верою к раце мощей твоих, Аврамие отче наш, Христа Бога моли, даровати нам велию милость.

Кондак, глас 2: Иго Христово прием, Аврамие, и того крест на рамо взем, последовал еси ему: насажден быв в дому Господни, и процвел еси яко финикс, и яко кедр, иже в ливане, умножил еси чада твоя, муж желаний духовных: от возлюбленнаго же апостола Иоанна Богослова благодать восприим, жезлом сокрушил еси идола, и разсыпал еси его яко прах, и чудотворец убо велий явился еси, преподобне. темже Христа Бога моли непрестанно о всех нас.

30. Святых мученик, Зиновиа, и Зиновии, сестры его.

Стихиры октоиха 3: и святых 3, глас 4. Подобен: Яко добля: Слава, глас 6: Песненный лик: На стиховне октоиха. Тропарь, глас 4: Мученцы твои Господи: септемвриа в 20-й день. На утрени, оба канона октоиха, и святых на 4, глас 8. По 3-й песни, седален, глас 1. По 6-й песни,

Кондак, глас 8. Подобен: Яко начатки: Истины свидетели, и благочестия проповедники, двоицу достойно почтим в богодухновенных песнех, Зиновиа вкупе с мудрою Зиновиею, купно жившия и отшедшия, и мучением приимшия венец нетленный.

И икос. По 9-й песни, светилен октоиха. Слава, мучеников: И ныне, Богородичен. На стиховне октоиха.

31. Святых апостол Стахиа, Амплиа, и иже с ними: И святаго мученика Епимаха.

Стихиры апостолов, глас 1. Подобен: Всехвальнии: и мученика, глас 4. Подобен: Яко добля: На стиховне октоиха.

Тропарь, глас 3: Апостоли святии, молите милостиваго Бога да прегрешений оставление подаст душам нашим.

Слава, мученика: Мученк твой Господи: септемвриа во 2-й день. На утрени, канон октоиха един, со ирмосом на 6: И святых два. Апостолов, глас 1: и мученика, глас 4. По 3-й песни, седален апостолов, глас 1. Слава, мученика, глас 3. По 6-й песни,

Кондак апостолов, глас 8. Подобен: Яко начатки: Яко священная сокровища Всесвятаго Духа, и солнца славы сияния по долгу воспоим мудрыя апостолы: Апеллиа, Урвана же, и Аристовула, Амплиа. Наркисса, и Стахиа, яже благодать собра Бога нашего.

По 9-й песни, Светилен октоиха: Слава, апостолов: И ныне, Богородичен. На стиховне октоиха.

Месяц ноемврий

имеяй дней 30. День имать часов 10, а нощь 14.

1. 🕃 Святых и чудотворцев безсребреников Космы и Дамиана, иже от Асии.

Вечер, обычная кафисма. На Господи воззвах, стихиры на 6: глас 6, самоподобен: Всю отложивше: Слава, глас тойже, самогласен: Безконечна есть святых благодать: И ныне, Богородичен, или Крестобогородичен. На стиховне октоиха. Слава, святых, глас 6: Всегда имуще Христа: И ныне, Богородичен, или Крестобогородичен.

Тропарь, глас 8: Святии безсребреницы и чудотворцы Космо и Дамиане, посетите немощи наша: туне приясте, туне дадите нам.

Слава, и ныне, Богородичен, или Крестобогородичен. На утрени, на Бог Господь, тропарь святых, дважды. Слава, и ныне, Богородичен, или Крестобогородичен. И обычныя кафисмы: И седален октоиха. И чтение. Оба канона октоиха, без мученичнов: И святых на 6, глас 6. По 3-й песни, седален, глас 8, дважды. Слава, и ныне, Богородичен, или Крестобогородичен. По 6-й песни,

Кондак, глас 2. Подобен: Твердыя: Благодать приимше исцелений, простираете здравие сущим в нуждах, врачеве, чудотворцы преславнии: но вашим посещением ратников дерзости низложите, мир исцеляюще чудесы.

И икос, и чтем пролог. По 9-й песни, светилен октоиха: Слава, святых: И ныне, Богородичен, или Крестобогородичен. На хвалитех стихиры самогласны, на 4, глас 1. Слава, глас 4: Источник исцелений: И ныне, Богородичен, или Крестобогородичен. На стиховне октоиха. И святых стихиры, с припевы, глас 6: Се что добро, или что красно: Светлая и просвещенная: Слава, глас 8: Кто не удивится: И ныне, Богородичен, или Крестобогородичен. На литургии, блаженна октоиха, на 4: и святых, от канона песнь 3. Прокимен, глас 4: Святым, иже суть на земли его: Стих: Предзрех Господа предо мною выну: Апостол к коринфяном, зачало 153: Вы есте тело Христово: Аллилуиа, глас 2: Се что добро, или что красно: Евангелие Матфеа, зачало 34, от полу: Призва Иисус обанадесяте: Причастен, Радуйтеся:

2. Святых мученик, Акиндина, Пигасиа, Аффониа, Елпидифора и Анемподиста.

Стихиры октоиха три, и святых, 3, глас 4. Подобен: Яко добля: Слава, глас 6: Днесь пятозарный: На стиховне октоиха: и святых, стихира с припевом, глас 1: Дивен Бог во святых своих: Лучи возсияша: Слава, глас 2: Приидите возрадуемся:

Тропарь, глас 2: Страстотерпцы Господни, блаженна земля напившаяся кровьми вашими, и свята селения приимшая телеса ваша: в тризнищи бо врага победисте, и Христа со дерзновением проповедасте: Того, яко блага, молите спастися, молимся, душам нашим.

Слава, и ныне, Богородичен, или Крестобогородичен. На утрени, обычныя кафисмы, и седальны октоиха: и чтение: Оба канона октоиха: и святых на 4, глас 4. По 3-й песни, седален, глас 8. По 6-й песни,

Кондак, глас 2. Подобен: Твердыя: Благочестивыя и богоносныя мученики, яко на земли оставльшия вся, приял еси в наслаждение благих твоих и упокоение, Акиндина, Пигасиа, Анемподиста: с нимиже Аффониа, и Елпидифора же, едине сый Преблагий.

И икос. По 9-й песни, светилен октоиха: Слава, святых: На стиховне октоиха. И святых стихира, с припевы, глас 2: Многи скорби праведным: Кровными токи: Слава, глас 4: Пятозарная страдалец: На литургии, прокимен, глас 4: Святым, иже суть на земли его: Стих: Предзрех Господа предо мною выну: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии: Стих: Многи скорби праведным: Евангелие Матфеа, зачало 36: Се Аз посылаю вас: Причастен: Радуйтеся:

3. Святых мученик, Акепсимы епископа, и Иосифа пресвитера и Аифала диакона: И обновление храма святаго великомученика Георгиа, иже в Лиде, идеже положено есть честное тело его.

Стихиры мучеников, глас 8. Подобен: О преславнаго чудесе! И Георгиа, глас 4. Подобен: Яко добля: Слава, глас 6: Достойно имени: На стиховне октоиха: Слава, мучеников, глас 6: Предпутие образно: Тропарь, глас 4: Мученцы твои Господи: септемвриа в 20-й день.

Слава, тропарь Георгиа, глас 4: Яко пленных свободитель и нищих защититель, немощствующих врачь, царей поборниче, победоносче великомучениче Георгие, моли Христа Бога спастися душам нашим.

На утрени, обычныя кафисмы: И седальны октоиха: И чтение. Канон октоиха един, со ирмосом на 6: и мучеников на 4, глас 4. И Георгиа, на 4, глас тойже. По 3-й песни,

Кондак мучеников, глас 2. Подобен: Вышних ищя: Божественная, мудре, непорочно тайноводил еси, жертва приятна был еси, богоблаженне: Христову бо пил еси чашу славно, святе Акепсимо, со страдальцы твоими моляся непрестанно о всех нас.

И икос. И седален мучеников: Слава, Георгиа. По 6-й песни,

Кондак Георгиа, глас 8. Подобен: Взбранной: К возбранному и скорому заступлению твоему прибегше, вернии, молим избавитися, страстотерпче Христов, от соблазн вражиих воспевающим тя, и всяких бед и озлоблений, да зовем: радуйся, мучениче Георгие.

И икос. По 9-й песни, светилен октоиха, и мучеников. Слава, Георгиа. На стиховне октоиха: И мучеников стихира, с припевом, глас 2: О благочестии святии: Слава, Георгиа, глас 4. Самогласен: Разумнаго адаманта: На литургии, прокимен, глас 4: Святым, иже суть: Стих: Предзрех Господа: Апостол ко ефесеем: зачало 233: Возмогайте о Господе: Аллилуиа, глас 4: Воззваша праведнии, и Господь услыша их. Стих: Многи скорби праведным: Евангелие Луки, зачало 106: Возложат на вы руки своя: Причастен: Радуйтеся:

4. Преподобнаго отца нашего Иоанникиа Великаго: И святаго мученика Никандра, епископа Мирскаго: И Ермеа пресвитера.

Стихиры преподобнаго 3, глас 4. Подобен: Званный свыше: И мученика 3, глас 2. Подобен: Егда от древа: Слава, глас 6: Преподобне отче: На стиховне октоиха: Слава, глас 8: Монахов множества: Тропарь, глас 8: Слез твоих теченьми: септемвриа в 3-й день. Слава, мученика, глас 4: Мученк твой Господи: септемвриа во 2-й день. На утрени, на Бог Господь тропарь преподобнаго, дважды: Слава, мученика. И обычныя кафисмы, и седальны октоиха: И чтение. Канон октоиха, един, И преподобнаго на 4, глас 4: И мучеников на 4, глас тойже. По 3-й песни седален, глас 8. Слава, мучеников, глас 4. По 6-й песни,

Кондак, глас 8. Подобен: Взбранной: Звезда явился еси всесветлая, в мире просвещаяй, и сущия во мраце страстей облиставаяй: врачь же крепчайший явился еси, но яко приял еси благодать исцелений, просящим тя подаждь исцеление, да зовем: радуйся, отче Иоанникие.

И икос. По 9-й песни, светилен октоиха: Слава, святаго. На стиховне октоиха. Слава, глас 6, самогласен: Еже по образу: На литургии, прокимен, глас 7: Честна пред Господем: Стих: Что воздам Господеви: Апостол к галатом, зачало 213: Плод духовный: Аллилуиа, глас 6: Блажен муж бояйся Господа: Стих: Сильно на земли будет семя его. Евангелие Матфеа, зачало 10: По Иисусе идоша народи: Причастен: В память вечную:

5. Святых мученик Галактиона и Епистимии.

Стихиры октоиха 3: И мучеников 3, глас 8. Подобен: О преславнаго чудесе! На стиховне октоиха. Тропарь, глас 4: Мученцы твои Господи: септемвриа в 20-й день. На утрени, обычныя кафисмы: И седальны октоиха: И чтение. Оба канона октоиха: и мучеников, на 4, глас 8. По 3-й песни, седален, глас 4. По 6-й песни,

Кондак, глас 2. Подобен: Вышних ищя: Мученик Христовых полком причтостеся, добре храбрствовавшим: светло подвизавшеся Галактионе славне с честною супружницею и сострадавшею тебе, Епистимиею, единому Богу непрестанно молитеся о всех нас.

По 9-й песни светилен: И на стиховне октоиха.

🕃 В тойже день преставление иже во святых отца нашего Ионы архиепископа, Новгородскаго чудотворца.

Совершается собор его, идеже лежат мощи его, и идеже храм его.

Тропарь, глас 4: Исправление веры, и образ кротости, и якоже сад посреде рая, преподобными делы твоими мир просвещаеши. и сего ради к честней раце твоей любовию прикасаемся, и верно вопием: предстани в помощь воспевающим память твою светоносную, отче Ионо, и моли спастися душам нашим.

Кондак, глас тойже: Свыше приял еси божественную благодать, ходатайствовати Богу и человеком, яко архиерей возношение вознося, и мир людем твоим снося, и обилие плодов, Ионо блаженне: ты бо еси Великаго Новаграда похвала, и сущих о нем радость.

6. 🕃 Иже во святых отца нашего Павла, архиепископа Константиня града, исповедника.

На Господи воззвах, стихиры на 6, глас 4. Подобен: Дал еси знамение: Слава, глас 1: Архиерейскою одеждею: На стиховне октоиха: и стихира святителя, глас 1, с припевом: Священницы Твои облекутся в правду: Преподобне отче Павле: Слава, глас 2: Постную пучину:

Тропарь, глас 3: Божественныя веры исповеданием, другаго Павла тя церковь ревнителя во священницех показа: свозопиет ти и Авель ко Господу, и Захариина кровь праведная, отче преподобне, Христа Бога моли, дароватися нам велией милости.

На утрени, оба канона октоиха, без мученичнов: И святаго на 6, глас 4. По 3-й песни, седален, глас 3. Слава, глас 8. По 6-й песни,

Кондак, глас 2. Подобен: Вышних ищя: Облиставый на земли яко звезда небосветлая, кафолическую просвещаеши церковь ныне, о нейже и страдальчествовал еси, душу твою, Павле, предложив: и якоже Захариина и Авелева, ясно вопиет твоя кровь ко Господу.

И икос. По 9-й песни, светилен октоиха: Слава, святаго. На стиховне октоиха. Слава, глас 7: Вникнул еси во глубины духа: На литургии, блаженна октоиха, на 4: И от канона святаго песнь 3, на 4. Прокимен, глас 7: Восхвалятся преподобнии во славе: Стих, Воспойте Господеви песнь нову. Апостол ко евреем, зачало 318, от полу: Всяк первосвященник: Аллилуиа, глас 2: Священницы Твои облекутся: Евангелие Луки, зачало 64: Всяк иже исповесть мя: Причастен: В память вечную:

🕃 В тойже день преподобнаго отца нашего Варлаама Хутынскаго, Новгородскаго чудотворца.

Совершается собор его, идеже лежат мощи его: и идеже храм его.

Тропарь, глас 3: Иже на земли леганием, пощением же и бдением тело твое изнуряя, преподобне, вся плотская мудрования умертвил еси: и исцелений струя независтная явился еси верою притекающим к раце мощей твоих, Варлааме отче наш: моли Христа Бога спастися душам нашим.

Кондак, глас 8. Подобен: Взбранной: Якоже другий Илиа, отче, дождь с небесе свел еси: он убо огнь сведе, и царя удиви, ты же люди твоя возвеселил еси, и торжествовати устроил еси. великий бо Новъград вельми тобою хвалится, имея мощи твоя в себе, егоже сохраняй от враг непоколебима, да зовем ти: радуйся, преподобне Варлааме, отче наш.

7. Святых мученик тридесяти и трех, иже в Мелитине: И преподобнаго отца нашего и чудотворца Лазаря, в Галисийстей горе постившагося.

Стихиры мучеников 3, глас 4. Подобен: Яко добля: И преподобнаго 3, глас 6. Подобен: Всю отложивше: Слава, преподобнаго, глас 5: Преподобне отче, не дал еси сна: На стиховне октоиха: Слава, преподобнаго, глас 6: Преподобне отче: во всю землю: Тропарь, глас 4: Мученцы твои Господи: септемвриа в 20-й день.

Слава, тропарь преподобнаго, глас 8: Бденными молитвами, теченьми слезными столп омочил еси, и из глубины воздыханьми во сто трудов уплодоносил еси, и был еси пастырь, всем подая прощение, преподобне отче наш Лазаре, молися Христу Богу спастися душам нашим.

На утрени, канон октоиха един, и святых два: Мучеников, глас 8: Преподобнаго, глас 2. По 3-й песни,

Кондак преподобнаго, глас 4. Подобен: Явился еси: Яко светильника превеликаго, церковь Христова славит тя с веселием псаломски: темже не престай моляся Христу дати всем прегрешений прощение.

И седален мучеников, глас 8. Слава, преподобнаго, глас 3. По 6-й песни,

Кондак мучеников, глас 8. Подобен: Яко начатки: Лик мученический ясен, полк светоносен, сошед к нам разумно, церковь днесь просветил есть чудными зарями. темже празднующе честную память их, просим от Тебе Спасе наш: тех молитвами от бед избави нас, да поем ти: аллилуиа.

По 9-й песни, светилен октоиха, и мучеников: Слава, преподобнаго. На литургии, прокимен, глас 7: Честна пред Господем: Стих, Что воздам Господеви: Апостол к галатом, зачало 213: Плод духовный: Аллилуиа, глас 6: Блажен муж бояйся Господа: Стих, Сильно на земли будет семя его: Евангелие Матфеа, зачало 10: По Иисусе идоша народи: Причастен, В память:

8. 🕁 Собор архистратига Михаила, и прочих Безплотных Сил.

Аще храм Собора архистратига Михаила, или изволит настоятель, творим бдение.

На малей вечерни, на Господи воззвах, стихиры на 4, глас 1. Подобен: Всехвальнии: Слава, глас 4: И ныне, Богородичен. На стиховне стихиры, глас 6. Подобен, Тридневен: Слава, и ныне, Богородичен. Тропарь, глас 4: Небесных воинств: Слава, и ныне, Богородичен. На велицей вечерни, поем: Блажен муж: 1-й антифон, На Господи воззвах, стихиры на 8, глас 4. Подобен: Яко добля: Ины стихиры, глас тойже. Подобен: Дал еси знамение: Слава, глас 6: Срадуйтеся: И ныне, Богородичен: Срадуйтеся: Вход. Прокимен дне. И чтения 3: 1-е, Иисуса Навина: Бысть егда бяше Иисус у Иерихона: 2-е, Судей Израилевых: Бысть во дни оны укрепися Мадиам: 3-е, Пророчества Исаиина: Тако глаголет Господь, вся земля да вопиет: На литии стихиры, глас 1: Слава, глас 4: Огненными устнами: И ныне, глас тойже: Днесь боговместимый храм Богородица: На стиховне стихиры, глас 1. Подобен: Небесных чинов: Ангельски в мире торжествующе: Слава, и ныне, глас 8: Яко чиноначальник:

Тропарь, глас 4: Небесных воинств архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны припадающия прилежно, и вопиющия: от бед избавите ны, яко чиноначальницы вышних сил.

Слава, и ныне, Богородичен. На утрени, на Бог Господь, тропарь дважды: Слава, и ныне, Богородичен: И обычныя кафисмы, и седальны: и чтем слово Златоустаго в Маргарите о серафимех. Полиелей, и седален, и чтение. Степенна, 1-й антифон 4-го гласа. Прокимен: Творяй ангелы своя духи: Евангелие Матфеа, зачало 52. Псалом 50. Стихира, глас 6: Ангели твои Христе: Канон Богородицы, глас 8, со ирмосом на 6: И безплотных два канона на 8, глас 8. Катавасиа: Отверзу уста моя: По 3-й песни, седален, глас 8, дважды: Слава, и ныне, Богородичен: По 6-й песни,

Кондак, глас 2: Архистратизи Божии, служителие Божественныя славы, ангелов начальницы, и человеков наставницы, полезное нам просите и велию милость, яко безплотных архистратизи.

И икос: и пролог. По 9-й песни светилен: Огненных архистратиже: Слава, Невещественных: И ныне, Богородичен. На хвалитех стихиры на 4, глас 1. Подобен: Небесных чинов: Слава, глас 5: Идеже осеняет: И ныне, Богородичен: Блажим тя: Славословие великое. По трисвятом тропарь: Слава, и ныне, Богородичен: Еже от века: Ектении, и отпуст, и час 1-й. На Литургии, блаженна, 1-го канона песнь 3-я, и 2-го песнь 6. Прокимен, глас 4: Творяй ангелы своя духи: Стих, Благослови душе моя Господа: Апостол ко евреем, зачало 305: Аще глаголанное ангелы слово: Аллилуиа, глас 2: Хвалите Господа вси ангели его. Стих: Яко той рече, и быша: Евангелие Луки, зачало 51: Слушаяй вас: Причастен, Творяй ангелы своя:

9. Святых мученик, Онисифора и Порфириа: И преподобныя матере нашея Матроны: И преподобныя Феоктисты, яже от Лезвы.

Стихиры мучеников 3, глас 8. Подобен: О преславнаго чудесе! И преподобныя 3, глас 4. Подобен: Яко добля: На стиховне октоиха. Тропарь, глас 4: Мученцы твои Господи: септемвриа в 20-й день. Слава, преподобныя, глас 8: В тебе мати: септемвриа в 11-й день.

[Зри] Возследование же преподобныя Феоктисты поется на повечерии.

На утрени, канон октоиха един, и святых два. Мученков глас 4: Преподобныя, глас 8. По 3-й песни,

Кондак преподобныя, глас 2. Подобен: Благодать приимше: За любовь Господню предподобная Матроно, покоя желание возненавидела еси, пощением дух твой просветивши. но твоими молитвами и противных шатания разори: крепко бо звери победила еси.

И икос, и седален мучеников, глас 1: Слава преподобныя, глас 8. По 6-й песни,

Кондак мучеников, глас 2: Подобен: Вышних ищя: Мученик двоица пострадавше крепко, вражию гордыню на землю низложисте, озарившеся благодатию несозданныя Троицы, славнии Онисифоре и Порфирие, молитеся непрестанно о всех нас.

И икос. По 9-й песни, светилен октоиха и мученичен. Слава, преподобныя. На стиховне октоиха.

10. Святых апостол: Ераста, Олимпа, Родиона, и иже с ними.

Стихиры октоиха, 3: и апостолов 3, глас 1: Подобен: Всехвальнии мученицы: На стиховне октоиха. Тропарь, глас 3: Апостоли святии: октовриа в 31-й день. На утрени, оба канона октоиха, и святых на 4, глас 1: По 3-й песни,

Кондак, глас 4. Подобен: Явился еси: Явися днесь апостол честное торжество, подающее яве всем прегрешений оставление, совершающим их память.

Таже седален, глас 1. По 6-й песни,

Кондак, глас 2. Подобен: Вышних ищя: Божественным светом ум озаривше, витийская плетения мудре розористе: и языки вся, уловивше, апостоли славнии, Владыце приведосте, Троицу Божественную славити научающе.

И икос. По 9-й песни, светилен октоиха. Слава, святых. На стиховне октоиха.

11. Святых мученик Мины, Виктора и Викентиа: И святыя мученицы Стефаниды: И преподобнаго отца нашего и исповедника Феодора Студита.

Стихиры мучеников 3, глас 4: Подобен: Яко добля: И преподобнаго 3, глас 8. Подобен: О преславнаго чудесе! Слава, мучеников, глас 6: Паки нам летняя память: На стиховне октоиха. Таже, стихира мучеников, с припевом, глас 2: Многи скорби праведным: Приидите любострадальцы: Слава, преподобнаго, глас 6: Преподобне отче: Тропарь, глас 4: Мученцы твои Господи: септемвриа в 20-й день. Слава, преподобнаго, глас 8. Православия наставниче: октовриа в 11-й день. На утрени, обычныя кафисмы: и седальны октоиха: и чтения. Канон октоиха един: И мучеников, глас 4: И преподобнаго, глас 8. По 3-й песни,

Кондак преподобнаго, глас 2. Подобен: Вышних ищя: Постническое и равноангельное житие твое страдальческими уяснил еси подвиги, и ангелом совсельник, богоблаженне, явился еси, Феодоре: с ними Христу Богу моляся не престай о всех нас.

И икос, и седален мучеников, глас 8: Слава, преподобнаго, глас 3. По 6-й песни,

Кондак, глас 4. Подобен: Явился еси: Воинства исхити привременнаго, и нетленнаго показа тя Небеснаго общника страстотерпче Мино, Христос Бог наш, иже мучеников нетленный венец.

И икос. По 9-й песни, светилен октоиха, и мучеников. Слава, преподобнаго. На стиховне октоиха. Таже стихира мучеников с припевом, глас 2: Воззваша праведнии, и Господь услыша их. Приидите вернии: Слава, преподобнаго, глас 8: Монахов множества: На литургии, прокимен, глас 4: Святым, иже суть на земли его: Стих: Предзрех Господа предо мною выну. Апостол ко ефесеем, зачало 233: Возмогайте о Господе: И преподобнаго, ко евреем, зачало 335: Повинуйтеся наставником вашим: Аллилуиа, глас 4: Воззваша праведнии: Стих: Блажен муж бояйся Господа: Евангелие Матфеа зачало 38: Всяк иже исповесть Мя: И преподобнаго, от Матфеа, зачало 10: По Иисусе идоша народи: Причастен, Радуйтеся праведнии о Господе:

🕃 В тойже день преставление святаго и блаженнаго Максима, Христа ради юродиваго, Московскаго чудотворца.

Собор его совершается, идеже лежат мощи его, и идеже храм его.

Тропарь, глас 5: Наготою телесною и терпением обнажил еси вражия коварствия, обличая неподобное его деяние, зельне стражда солнечный вар, и нужныя великия студени, мраза, и огня не чул еси, Божиею помощию покрываемь, Максиме премудре: о верою творящих память твою честно и усердно, притекающих к раце мощей твоих, моли избавитися от бед, и падения избежати.

Кондак, глас 2: Вышния красоты желая, нижния сладости и телесная одеяния в ничтоже вменил еси, и нестяжание паче суетнаго мира возлюбил еси, ангельское житие проходя скончался еси, блаженне Максиме, с нимиже Христа моли непрестанно о всех нас.

12.🕃 Иже во святых отца нашего Иоанна, патриарха Александрийскаго, милостиваго: 🕃 И преподобнаго отца нашего Нила.

На Господи воззвах, стихиры Иоанна, 3, глас 4. Подобен: Дал еси знамение: И преподобнаго, три, глас 8. Подобен: Что вы наречем: Слава, глас 2: Милости источник: На стиховне октоиха. Слава, глас 8: Монахов множества:

Тропарь, глас 8: В терпении твоем стяжал еси мзду твою, отче преподобне, в молитвах непрестанно терпевый, нищия возлюбивый, и сия удовливый: но молися Христу Богу, Иоанне милостиве блаженне, спастися душам нашим.

Слава, глас тойже: Слез твоих теченьми: септемвриа в 3-й день. На утрени, канон октоиха един, со ирмосом на 6: и святых два, на 8. Иоанна, глас 8: и преподобнаго, глас тойже. По 3-й песни,

Кондак Нила, глас 8. Подобен: Взбранной: Хврастная страстей яже от телесе востания, сечительно, Ниле блаженне, во бденной твоей ссекл еси молитве: но яко имея дерзновение ко Господу, от всяких мя бед свободи, да зову ти: радуйся, отче всемирный.

И икос, и седален, глас тойже. Слава, преподобнаго, глас тойже. По 6-й песни,

Кондак Иоанна, глас 2. Подобен: Вышних ищя: Богатство твое расточил еси убогим, и небесное богатство ныне восприял еси, Иоанне всемудре: сего ради вси тя почитаем, совершающе память твою, милостыни о тезоимените!

И икос. По 9-й песни, светилен октоиха: И Иоанна: Слава, преподобнаго. На стиховне октоиха. Слава, преподобнаго, глас 6: Преподобне отче: На литургии, блаженна октоиха: И святителя песнь 3. Прокимен, глас 7: Честна пред Господем: Стих: Что воздам Господеви: Апостол ко евреем, зачало 311: Имуще убо Архиереа велика: Аллилуиа, глас 2: Уста праведнаго поучатся премудрости: Стих: Закон Бога его: Евангелие Луки, зачало 24: Ста Иисус на месте равне: Причастен, В память вечную:

13.🕁 Иже во святых отца нашего Иоанна, архиепископа Константиня града, Златоустаго.

Творим бдение. На малей вечерне, стихиры, глас 1. Подобен: Небесных чинов: Крестителя подражая: Слава, глас 4: Был еси, Златоусте: И ныне, Избави ны: На стиховне стихиры, глас 2. Подобен: Доме Ефрафов: Труба златовидная: с припевы их. 1-й. Уста моя возглаголют премудрость: 2-й, Священницы твои облекутся в правду: Слава, Подобен тойже: Троицы честныя: И ныне, Дево из тебе рождшагося Бога:

Тропарь, глас 8: Уст твоих якоже светлость огня возсиявши благодать, вселенную просвети: не сребролюбия мирови сокровища сниска, высоту нам смиренномудрия показа. но твоими словесы наказуя, отче Иоанне Златоусте, моли Слова, Христа Бога, спастися душам нашим.

Слава, и ныне, Богородичен. Ектения малая, и отпуст. На велицей вечерни, поем: Блажен муж, первый антифон. На Господи воззвах, стихиры на 8, глас 4. Подобен: Яко добля: Златокованную трубу: Слава, глас 6: Преподобне треблаженне: И ныне, Богородичен: Кто тебе не ублажит: Вход, прокимен дне. Чтения 3, святительская. На литии стихира храма, и святаго самогласны, глас 1: Светильниче Иоанне: Слава, глас 4, самогласен: Подобаше царствующему градов: И ныне: Тя стену стяжахом: На стиховне стихиры, глас 5. Подобен: Радуйся постников: Радуйся златозарный: с припевы их. Слава, глас 6: Труба златогласная: И ныне: Творец и избавитель мой: На благословении хлебов, Тропарь, глас 8: Уст твоих: дважды, писан на малей вечерни: и Богородице Дево: единожды. [Зри] А идеже всенощнаго бдения не бывает: По тропаре, Слава, и ныне, Богородичен: и отпуст. На утрени, на Бог Господь, тропарь святаго, дважды. Слава, и ныне, Богородичен: Иже нас ради: И обычныя кафисмы, и седальны святаго с богородичны их. И чтем от жития Златоустаго. По полиелеи седален, глас 8, дважды. Слава, и ныне, Богородичен: и чтение. Степенна, 1-й антифон 4-го гласа. Прокимен, глас 4: Уста моя возглаголют премудрость: Стих: Услышите сия вси язы́цы: Всякое дыхание: Евангелие от Иоанна, зачало 35 от полу: Не входяй дверьми: Таже псалом 50. Стихира, глас 6: Излияся благодать: Канон Богородицы, со ирмосом на 6, глас 8, и святаго на 8, глас тойже. Катавасиа: Отверзу уста моя: По 3-й песни, седален святаго, глас 8. Слава, глас тойже: И ныне, Богородичен. По 6-й песни,

Кондак, глас 6. Подобен: Еже о нас: От небес приял еси Божественную благодать, и твоими устнами вся учиши покланятися в Троице единому Богу, Иоанне Златоусте, всеблаженне преподобне, достойно хвалим тя: еси бо наставник, яко божественная являя.

И икос. По 9-й песни, светилен. Слава ин: И ныне, Богородичен. На хвалитех стихиры на 4, глас 4. Подобен: Дал еси знамение: Сосуд честнейший: Слава, глас 8: Златыми словесы: И ныне, Богородичен: Владычице приими: Славословие великое. Тропарь. Слава, и ныне, Богородичен: Иже нас ради: Ектении и отпуст. И дается елей от кандила святаго: и час первый: и конечный отпуст. На литургии, блаженна от канона святаго, песнь 3-я и 6-я. По входе тропарь храма Христова, и Богородицы, и святаго. Слава, кондак его. И ныне храма Богородицы, или, Предстательство христиан: Прокимен, глас 1: Уста моя возглаголют премудрость: Стих: Услышите сия вси язы́цы: Апостол ко евреем, зачало 318: Таков нам подобаше архиерей: Аллилуиа, глас 2: Уста праведнаго поучатся премудрости: Евангелие Иоанна, зачало 36: Рече Господь: Аз есмь дверь: Причастен: В память вечную: На трапезе бывает братии великое утешение.

[Зри] Ведомо буди, яко всегда творим мясопуст в 14-й день непременно кроме дву дней, среды и пятка. Аще ли случится мясопуст в среду или в пяток, в 14-й день, в память святаго апостола Филиппа: тогда творим мясопуст в 13-й день, на память святаго Иоанна Златоустаго, а в среду или в пяток никакоже дерзнем мясопуст творити, возбранено бо есть святыми правилы.

14.🕂 Святаго и всехвальнаго апостола Филиппа.

На велицей вечерни, поем: Блажен муж, 1-й антифон. На Господи воззвах, стихиры апостола, на 8, глас 6. Подобен: Всю отложивше: Слава, глас 6: Великаго, Филиппе, света: И ныне: Кто тебе не ублажит: Вход. Прокимен дне, и чтения 3: ищи сего месяца в 30-й день. На литии стихира храма, и апостола, глас 4: Подобен: Яко добля: Слава, глас 2: Оставив земная. И ныне: Все упование мое: На стиховне стихиры, глас 1. Подобен: Небесных чинов: с припевы их: Слава, глас 2: Чаша аромат в мире: И ныне: О чудесе новаго: По трисвятом, Тропарь глас 3: Апостоле святый: септемвриа в 22-й день.

Или сей, глас тойже: Благоукрашается вселенная, Ефиопиа ликовствует, яко венцем красуема тобою, просветившися светло торжествует память твою, богоглаголиве Филиппе: вся бо веровати Христу научил еси, и течение совершил достойно евангелиа. тем дерзновенно варит ефиопская рука к Богу, егоже моли даровати нам велию милость.

Слава, и ныне, Богородичен: Тя ходатайствовавшую: И отпуст. На утрени, на Бог Господь: тропарь апостола, дважды, Слава, и ныне, Богородичен. По кафисмах, седальны апостола, с богородичны их. И чтение. По полиелеи седален, глас 8, дважды. Слава, и ныне, Богородичен. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 66: Явися Иисус учеником своим: По 50-м псалме, стихира, глас 7: Премудрый ловче: Канон Богородицы со ирмосом на 6: и апостола на 8, глас 6. Катавасиа, Отверзу уста моя: По 3-й песни, седален, глас 8: Слава, ин, глас тойже: И ныне, Богородичен. По 6-й песни,

Кондак, глас 8. Подобен: Яко начатки: Ученик и друг твой, и подражатель страсти твоея, вселенней Бога тя проповеда, богоглаголивый Филипп, того молитвами от врагов пребеззаконных церковь твою, и всяк град твой, Богородицею соблюди, многомилостиве.

И икос: И пролог. По 9-й песни светилен апостола, дважды. Слава, и ныне, Богородичен. На хвалитех стихиры апостола на 4, глас 8. Подобен: О преславнаго чудесе! Слава, глас 3: Рыб ловитву: И ныне, Богородичен: Богородице предстательнице: Славословие великое. По трисвятом тропарь апостола: Слава, и ныне, Богородичен: Тя ходатайствовавшую: Ектении, и отпуст, и час 1-й. На литургии, блаженна апостола, от канона песнь 3-я и 6-я, на 8. Прокимен, глас 8: Во всю землю: Стих: Небеса поведают: Апостол к коринфяном, зачало 131: Бог ны посланники: Аллилуиа, глас 1: Исповедят небеса чудеса твоя, Господи. Евангелие Иоанна, зачало 5: Восхоте Иисус изыти в Галилею: Причастен, Во всю землю: На трапезе утешение братии.

[Зри] Подобает ведати: Яко заутра начинаем пост к Рождеству Христову, святую 40-цу. Должни есмы в сей 40-це сохраняти в коейждо седмице три дни, постящеся от елеа и вина, понедельник, среду и пяток. Точию аще случится великий святый, в того бо память разрешаем, и творим за любовь святаго праздника его ради, еже есть сего месяца 16, 25, 30. декемвриа 4, 5, 6, 9, 17, 20 день. В те бо дни, аще во вторник и в четверток, ядим рыбу. В понедельник же, в среду и в пяток, разрешаем точию на елей и вино, рыбы же не ядим, кроме храма. Аще ли единому от сих во обители храм, разрешаем на рыбу и вино. Введение же Богородицы в кийлибо день случится, аще в среду, или пяток разрешаем и на рыбы. [Зри] Нецыи же уставы от 9-го числа декемвриа повелевают поститися, и на рыбы не разрешати, кроме суббот, и недель, и храма святаго. От 20-го же числа, даже до 25, аще и суббота и неделя случится, не разрешаем на рыбы.

[Зри] Ведати подобает и сие: Яко аще случится начало сего поста в субботу, или неделю, в два сия дни глаголем на Бог Господь, тропарь святых исповедник, и по 6-й песни кондак их: и самогласны стихиры их, на своем ряду. Аще ли случится во един от пяти дней седмицы, еже есть от понедельника до пятка, не подобает пети им тропаря, но Аллилуиа чести ради святыя 40-цы, и тоя ради начала. Кондак же святых исповедник по 6-й песни глаголем, вместо мученична. Егда же в тыя дни случится Аллилуиа, творим единою днем ясти: поем же все возследование с поклоны, якоже и в великую четыредесятницу. Часы же поем с междочасием, без псалтири и без чтения, и все возследование поем с поклоны, якоже во святую 40-цу: тогда же и ядим единою днем сухоядение.

[Зри] Ведати и сие подобает: Яко в первый день, в начале вечерни, того пощения, ниже трисвятаго глаголем, ниже поклоны творим, ниже Аллилуиа поем: но прокимен дневный. От Сподоби Господи, начинаем поклоны, и творим 3 поклоны. И по Ныне отпущаеши: на трисвятом 3 поклоны. По Отче наш, глаголем тропари: Богородице Дево радуйся: с поклоны, по образу святыя четыредесятницы. Господи помилуй, 40. кротким гласом, и равно вси. Таже, Честнейшую: Иерей, Сый благословен: Мы же молитву: Небесный царю: и творим три великия поклоны, с молитвою святаго Ефрема: Господи и Владыко живота моего: Таже, глаголет иерей: Слава тебе, Христе Боже, упование наше, слава тебе. И отпуст. Повечерие же поем малое с начала без поклонов. Точию на Слава в вышних, три поклоны. На трисвятом три поклоны. По Иже на всякое время: и по Честнейшую, три поклоны великия, с молитвою святаго Ефрема, и прочия 12. и последи молитву всю вышеписанную: Господи и Владыко живота моего: И поклон великий, и наконец, по трисвятом, 3 поклоны, и отпуст. На полунощнице по обычном начале, чтец: Слава тебе, Боже наш: и Царю небесный: и поем полунощницу всю от начала с поклоны, якоже предписася во вседневней службе. По отпусте полунощницы, вшед в церковь, творит иерей начало по обычаю: и чтец трисвятое без поклонов, и прочее, яко предписася во вседневней службе. На утрени, по шестопсалмии вместо Бог Господь, поем Аллилуиа, на глас октоиха, и троичны гласа. Таже кафисмы: и по коейждо Славе творим поклоны 3. Седальны октоиха, и богородичны, и чтения. Канон октоиха, 1-й со ирмосом на 6: вторый же на 4: И минеи святаго, на 4. По 3-й песни, седален святаго, и Богородичен. По 6-й песни, кондак святаго, аще имать: аще же ни, глаголем мученичен октоиха. По 9-й песни, светилен гласа троичен, трижды. На Слава в вышних, поклоны три. На стиховне октоиха. Таже, Благо есть: единожды. И трисвятое: и поклоны три. По Отче наш, тропарь: В храме стояще: Господи помилуй, 40. Честнейшую: иерей, Сый благословен: Таже, Небесный царю: и поклоны 3 великия: и прочих 12. И последи поклон великий, с молитвою святаго Ефрема. Такоже и час 1-й, с поклоны, якоже и в великую святую 40-цу: точию без кафисмы. Заутра же услыши глас мой, Царю мой и Боже мой: поскору без пения. Подобно же и прочия часы. [Зри] В сию же 40-цу на часех и на повечерии, не стихословим с пением, ниже тропари поем со гласом: но вся тропари, и богородичны, и С нами Бог, скоро без пения глаголем. Поем же и междочасие 1-го, 3-го, 6-го и 9-го часа, По отпусте же, хотящии спастися, от своих келлий да не исходят до клепания церковнаго: но ови убо на пение укрепляются, овии же на чтение со вниманием, друзии же на рукоделие упражняются: вся же таковая творят с разсуждением настоящаго. Служебницы же внемлют о службах своих. В час же третий клеплет в малое било, и собравшеся во храм, Благословившу иерею: Предстоятель, или чтец глаголет: Слава тебе Боже наш: Царю небесный: и Трисвятое, и поклоны 3. По Отче наш: Господи помилуй 12. Приидите поклонимся: трижды. и поклоны три: и обычныя псалмы. Слава, и ныне, аллилуиа, трижды, и поклоны 3. Таже тропарь, глас 6, среди церкве глаголется от священника, или от канонарха: Господи, иже Пресвятаго Твоего Духа: весь до конца. Тоже глаголет первый лик, дважды: Вторый, единожды. Глаголет же священник: Стих, Сердце чисто созижди во мне, Боже: Стих: Не отвержи мене от лица твоего: Таже, Слава: Посем учиненный чтец глаголет: И ныне, Богородице, ты еси лоза истинная: и Господь Бог благословен: Трисвятое, и поклоны 3. По Отче наш, тропари, глас 8: Благословен еси Христе, Боже наш: Слава, Скорое и известное: И ныне, Надежда и предстательство: Господи помилуй, 40. и молитва: Иже на всякое время: Господи помилуй, трижды. Слава, и ныне: Честнейшую херувим: Иерей, Боже ущедри ны, и благослови ны: и поклоны 3 великия, с молитвою: Господи и Владыко живота моего: и прочих 12, и последи великий поклон, с молитвою. Таже молитва: Владыко Боже, Отче Вседержителю: и посем, Приидите, поклонимся: трижды: и поклоны 3. и глаголем междочасие 3-го часа, псалом 29: Вознесу тя Господи, яко подъял мя еси: псалом 31: Блажени, ихже оставишася беззакония: псалом 60: Услыши Боже моление мое: Посем, Слава, и ныне, трисвятое, и поклоны 3. По Отче наш, тропарь, глас 4: Боже отец наших: Слава, Мученцы твои Господи: И ныне, Стена необоримая: Господи помилуй, 40. Слава, и ныне: Честнейшую херувим: Иерей, Молитвами святых отец наших: и поклоны 3 великия. И посем молитва великаго Василиа: Господи Боже наш, твой мир давый учеником: Присовокупляем же и час 6-й, с поклоны, якоже предречеся. и по 16 поклонех, и по молитве: Владыко Боже Отче Вседержителю: Приидите, поклонимся, трижды: и поклоны 3. и глаголем междочасие 6-го часа, псалом 55: Помилуй мя Боже, яко попра мя человек: псалом 56, Помилуй мя Боже, помилуй мя: псалом 69: Боже, в помощь мою: Слава, и ныне, трисвятое, и поклоны 3. тропарь, глас 1: Спаси Господи люди твоя: Слава, Болезньми святых: И ныне, Молитвами Господи всех святых: Господи помилуй, 40. Слава, и ныне, Честнейшую херувим. Иерей, Молитвами святых отец наших: и поклоны три великия, с молитвою святаго Ефрема, и посем молитва великаго Василиа: Боже и Господи сил: Присовокупляем же 9-й час, с поклоны, якоже предречеся, и по 16 поклонех, и по молитве, глаголем: Приидите поклонимся, трижды: и поклоны 3. И глаголем междочасие 9-го часа, псалом 112: Хвалите отроцы Господа: псалом 137: Исповемся тебе, Господи, всем сердцем моим: псалом 139: Изми мя Господи от человека лукава, от мужа неправедна избави мя. Слава, и ныне, трисвятое, и поклоны 3. По Отче наш, тропарь, глас 8: Просветивый земныя крестом: Слава, Яко разбойник: И ныне, Нас ради распятаго: Господи помилуй, 40. Слава, и ныне: Честнейшую херувим: Иерей: Молитвами святых отец наших: и великия 3 поклоны. Посем молитва великаго Василиа: Владыко Господи, Иисусе Христе, Боже наш: Посем, Благослови душе моя Господа: Слава, Хвали душе моя Господа: И ныне, Единородный Сыне: И Во царствии твоем: и блаженна гласа. Апостол и Евангелие ряд. и Помяни нас Господи: просто без пения, и поклоны 3. По Отче наш: кондак храма, и дне, и святаго ряд. Слава, Со святыми упокой: И ныне, Богородицы храма, или Предстательство христиан: Господи помилуй, 40, Слава, и ныне, Честнейшую херувим: Иерей: Боже ущедри ны и благослови ны: и поклоны 3 великия, и прочих 12: и последи поклон великий. Таже трисвятое, и поклоны 3: и посем, Господи помилуй, 12. и молитва: Всесвятая Троице: и на Буди имя Господне, поклоны 3. Таже псалом 33: Благословлю Господа на всякое время: И отпуст. И входим к трапезу, и ядим сухоядение. И отходим кийждо в келлию свою.

[Зри] Ведомо буди: Яко егда поем Аллилуиа, и часы с междочасием, творим же и поклоны, и пост: тогда литургиа не бывает на соборе, по типиком: И попразднствовавше мало, и клепанию бывшу, собираемся во храм. И аще убо будет Бог Господь: бывает служба святаго, якоже указует ряд. Аще же есть Аллилуиа, вся вечерня с поклоны от начала, такожде и повечерие великое. От Внегда призвати ми: неизменно вся с поклоны. Сей чин и правило бывает непременно, якоже в посте Христова Рождества: такожде и в пост святых апостол, известно яко егда случится Аллилуиа.

15. Святых мученик и исповедник, Гуриа, Самона и Авива.

Аллилуиа. На Господи воззвах, стихиры Богородицы 3, глас 4. Подобен, Дал еси знамение: и мучеников 3, глас и подобен тойже. Такожде и во вся дни, в нихже поем Аллилуиа, прежде стихиры пети Богородицы: Таже святаго. Сице бо обретается в греческих минеах]. Слава, глас 2: Едес веселится: И ныне, Богородичен, или Крестобогородичен. На стиховне октоиха. Слава, глас 2: Приидите мучениколюбцы: Аще Бог Господь:

Тропарь, глас 5: Чудеса святых твоих мученик, стену необориму нам даровавый, Христе Боже: тех молитвами советы языков разори, яко един Благ и Человеколюбец.

Слава, и ныне, Богородичен, или Крестобогородичен. На утрени, на Бог Господь: тропарь святых, дважды. И обычныя кафисмы. И седальны октоиха, и чтение. Оба канона октоиха. И мучеников на 4, глас 4. По 3-й песни, седален, глас 8. По 6-й песни,

Кондак, глас 2. Подобен: Вышних ищя: С высоты мудрии благодать приемше, сущим во искушениих предстоите, всехвальнии. темже отроковицу святии от смерти горькия избависте: вы бо воистинну есте Едесу слава, и миру радость.

И икос. По 9-й песни, светилен троичен. Аще же Бог Господь, светилен октоиха. Слава, святых: И ныне, Богородичен. На литургии, прокимен, глас 4: Святым, иже суть на земли его: Стих, Предзрех Господа: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии: Стих, Многи скорби праведным: Евангелие Луки, зачало 64: Всяк иже исповесть Мя: Причастен, Радуйтеся праведнии:

16.🕂 Святаго апостола и евангелиста Матфеа.

На велицей вечерни, поем Блажен муж, 1-й антифон. На Господи воззвах, стихиры апостола, на 8, глас 4. Подобен: Званный свыше: Слава, глас тойже, самогласен: Зовущу Христу: И ныне, Иже тебе ради: Вход. Прокимен дне: и чтения 3: ищи сего месяца в 30-й день. Аще изволит настоятель пети литию, сего месяца в 14-й день. На стиховне стихиры, глас 4. Подобен: Дал еси знамение: с припевы их. Слава, глас 6: Из глубины злобы: И ныне, Творец и избавитель мой: По трисвятом, тропарь, глас 3: Апостоле святый и евангелисте: октовриа во 18-й день.

Или сей, глас тойже: Усердно от мытницы к звавшему Владыце Христу явльшуся на земли человеком за благость, тому последовав, апостол избранный явился еси, и благовестник евангелиа вселенней велегласен. сего ради чтим честную память твою, Матфее богоглаголиве: моли милостиваго Бога, да грехов оставление подаст душам нашим.

Слава, и ныне, Богородичен: Тя ходатайствовавшую: И отпуст. На утрени, на Бог Господь тропарь апостола, дважды. Слава, и ныне, Богородичен. По кафисмах седальны апостола, с богородичны их. И чтение. По полиелеи седален, глас 8, дважды. Слава, и ныне, Богородичен. Степенна 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме, стихира, глас 6: Восплещим в песнех: Канон Богородицы, со ирмосом на 6, и апостола на 8, глас 4. Катавасиа: Отверзу уста моя: По 3-й песни, седален, глас 8. Слава, ин, глас тойже: И ныне, Богородичен. По 6-й песни,

Кондак, глас 4. Подобен: Вознесыйся: Мытарства иго отверг, правды игу припряглся еси, и явился еси купец всеизряднейший, богатство принес, юже с высоты премудрость. Отонудуже проповедал еси истины слово, и унылых воздвигл еси души, написав час судный.

И икос, и пролог. По 9-й песни, светилен апостола: Слава, ин: И ныне, Богородичен. На хвалитех, стихиры апостола, на 4, глас 4. Подобен: Дал еси знамение: Слава, глас 2: Иго оставив неправды: И ныне, Спаси от бед: Славословие великое. По трисвятом, тропарь апостола. Слава, и ныне, Богородичен воскресн. Ектении, и отпуст, и час 1-й. На литургии, блаженна апостола, от канона песнь 3-я, и 6-я, на 8. Прокимен, глас 8: Во всю землю: Стих: Небеса поведают славу: Апостол к коринфяном, зачало 131: Бог ны посланники: Аллилуиа, глас 1: Исповедят небеса чудеса твоя, Господи: Евангелие Матфеа, зачало 30: Преходя Иисус: Причастен, Во всю землю:

17.🕃 Иже во святых отца нашего Григориа епископа, Неокесарийскаго чудотворца.

На Господи воззвах, стихиры на 6, глас 8. Подобен: Что вы наречем: Слава, глас 6: Во глубину видения: На стиховне октоиха. Слава, глас 6: Бодрость Божия дадеся тебе.

Тропарь, глас 8: В молитвах бодрствуя, чудес деланми претерпевая, тезоимение стяжал еси исправления: но молися Христу Богу, отче Григорие, просветити души наша, да не когда уснем в смерть.

На утрени, оба канона октоиха. И святаго на 6, глас 8. По 3-й песни, седален, глас 3. По 6-й песни,

Кондак, глас 2. Подобен: Вышних ищя: Чудес многих прием действо, знаменми ужасными демоны устрашил еси, и недуги отгнал еси человеческия, всемудре Григорие: чудотворец же именуешися, звание от дел прием.

И икос. По 9-й песни, светилен октоиха: Слава, святаго. На стиховне октоиха. таже стихира святаго, глас 4, с припевом: Священницы твои облекутся в правду: Священства избрание: Слава, глас 8: Пресловущаго в чудесех: На литургии, блаженна октоиха: И святаго: песнь 3-я. Прокимен, глас 7: Честна пред Господем: Стих: Что воздам Господеви: Апостол к коринфяном, зачало 151: Комуждо дается: Аллилуиа, глас 2: Священницы твои облекутся в правду: Евангелие Матфеа, зачало 34 от полу: Призва Иисус обанадесяте: Причастен, В память:

🕃 В тойже день преподобнаго отца нашего Никона чудотворца, ученика святаго Сергиа.

Совершается собор его во обители его, и во храме: повсюду же шестерик, во ин день.

Тропарь, глас 1: Послушания добрый рачитель быв, преподобне Никоне приснопамятне: церковь бо прекрасну Святыя Троицы, в похвалу отцу твоему воздвигл еси. темже и мы чада твоя любовию вопием ти: слава давшему ти крепость, слава венчавшему тя, слава действующему тобою всем исцеления.

Кондак, глас 4. Подобен: Явился еси: Духовному твоему настоятелю, отче Никоне, всячески прилепився, и от него наставляемь, во всем Христови поработився, монахов был еси чиноначальник, и преподобных сожитель, с нимиже Христа Бога моли непрестанно о всех нас.

18. Святых мученик, Платона и Романа.

Стихиры Платона, глас 8. Подобен: О преславнаго чудесе! И Романа, глас 4. Подобен: Яко добля: Слава, глас 6: Страшныя и преславныя: На стиховне октоиха. Тропарь, глас 4: Мученцы твои Господи: Септемвриа в 20-й день. На утрени, Канон октоиха един, и святых два. Платона, глас 8: Романа, глас 4. По 3-й песни, седален Платона, глас 8. Слава, седален Романа, глас 4. По 6-й песни,

Кондак, глас 3. Подобен: Дева днесь: Святая твоя память вселенную веселит, созывающи верныя вся в пречестный храм твой: идеже ныне радостию совокупльшеся, поем в песнех и светлостех. сего ради, Платоне, вопием ти: языческаго нашествия избави град твой, святе.

И икос. По 9-й песни, светилен октоиха. Слава, Платона. На стиховне октоиха.

19. Святаго пророка Авдиа: И святаго мученика Варлаама.

Аллилуиа, или тропарь. Стихиры пророка, глас 1. Подобен: Всехвальнии мученицы: и мученика, глас 4. Подобен: Яко добля: На стиховне октоиха. Тропарь мученика: Мученк твой Господи: Септемвриа во 2-й день. На утрени, обычныя кафисмы, и седален октоиха, и чтение. Канон октоиха един, и святых 2. По 3-й песни, седален пророка, глас 1. Слава, мученика, глас 4. По 6-й песни,

Кондак мученика, глас 4. Подобен: Явился еси: Явился еси преудивлен крепостию, всесожжения Ливан благовонен себе принесл еси жертву Христу и венец почести приим, Варлааме, присно моли за ны страдальче.

🕃 В тойже день преподобных отец наших, Варлаама, и Иоасафа царевича великия Индии.

Праздник, идеже храм.

Тропарь, глас 4: От духовнаго наставника научився, царю Иоасафе, Бога познати: крещением же просветився, люди к вере обратил еси, и отцу твоему от купели приимник быв, царство оставив, пустыню достигл еси, и в ней трудолюбне подвизался еси: моли Христа Бога со учителем твоим Варлаамом, спастися душам нашим.

Кондак, глас 8: Ведый твое из младенства благое изволение, Иоасафе, един сердцеведец Бог, и от царствия земнаго в монашеское пребывание приведый тя, великому Варлааму последовати сподоби. с нимже и ныне горний Иерусалим всесветлый отечество имея, желаемыя доброты красно наслаждаяся Святыя Троицы. молим тя царская красото, поминай нас верою чтущия тя.

20. Предпразднство Во храм входа Пресвятыя Богородицы: И преподобнаго отца нашего Григориа Декаполита: И во святых отца нашего Прокла, архиепископа Константиня града.

Стихиры предпразднства 3, глас 1. Подобен: Небесных чинов: Свещеносицы девы: И святаго Григориа 3, глас и подобен тойже. Слава, и ныне, предпразднства, глас 4: Днесь боговместимый храм: Аще в пяток вечера, Слава, предпразднства, И ныне, догматик гласа. На стиховне стихиры святаго Прокла, глас 4. Подобен: Дал еси знамение: с припевы его. 1-й, Честна пред Господем: 2: Священницы Твои облекутся в правду: Слава, и ныне, предпразднства, глас 4: Приидите вси вернии:

Тропарь, глас 4: Боже отец наших, творяй присно с нами по твоей кротости, не остави милость твою от нас, но молитвами их в мире управи живот наш.

Слава, и ныне, предпразднства.

Тропарь, глас тойже: Радость предобручает всем Анна ныне, печали сопротивный плод прозябши едину Приснодеву, юже и приводит, молитвы исполняющи, днесь веселящися в храм Господень, яко сущий храм Бога Слова, и Матерь чистую.

На повечерии, по трисвятом кондак предпразднства един. На утрени, на Бог Господь, тропарь предпразднства, дважды. Слава, святых: И ныне, предпразднства: И обычныя кафисмы. Седальны предпразднства. Канон предпразднства, со ирмосом на 6, глас 4: и святых два канона. Григориа глас 8: Прокла глас 1. По 3-й песни,

Кондак Григориа, глас 3: Светлое тя солнце церковь познавает, добродетелей красотами, и исцелений лучами, всех просвещая Христов угодниче. темже празднуем честную память твою, и почитаем подвиги твоя, всеблаженне отче, премудре Григорие.

Кондак Прокла, глас 4: Подобен: Явился еси: Достойно днесь торжествует всех градов честнейший воистинну, в честном представлении твоем, отче отцев Прокле мудре.

И седален Григориа, глас 4. Слава, Прокла, глас 3: И ныне, предпразднства, глас 1. По 6-й песни,

Кондак предпразднства, глас 4. Подобен: Явился еси: Веселия днесь вселенная исполнися вся, в благознаменитом празднице Богородицы зовущи: та есть Сень Небесная.

И икос. По 9-й песни, светилен Григориа. Слава, и ныне, предпразднства. На стиховне стихиры предпразднства, глас 1: Подобен: Небесных чинов: С припевы: 1-й, Приведутся Царю девы: 2-й, Приведутся в веселии и радовании: Слава, и ныне: глас тойже: Да радуется днесь небо свыше: На литургии, блаженна предпразднства, песнь 3-я и 6-я. По входе глаголем тропарь храма Христова, идеже храм: И тропарь предпразднства: И храма святаго: И святых общий. Таже кондак храма Христова, идеже есть, и храма святаго, и Григориа. Слава, Прокла: И ныне, предпразднства. Прокимен, глас 1: Уста моя возглаголют премудрость: Стих: Услышите сия вси язы́цы: Апостол дне, и утрешний под зачало. Таже святаго, ко евреем, зачало 318: Таков нам подобаше: Аллилуиа, глас 2: Уста праведнаго: Стих: Закон Бога его: Такожде и Евангелие дне, и утреннее, под зачало: И святаго, от Иоанна, зачало 36: Аз есмь дверь: Причастен: В память вечную:

[МРК] Подобает ведати: Яко аще случится предпразднство Входа Пресвятыя Богородицы в неделю.

В субботу, на малей вечерни, стихиры воскресны, и Богородицы по обычаю. На велицей вечерни, по обычаю кафисма. На Господи воззвах, стихиры воскресны 3, и Анатолиев 1, и предпразднства 3: И преподобнаго Григориа, 3. Слава, предпразднства: И ныне, Богородичен 1, гласа. На литии, обычное. На стиховне стихиры воскресны. Слава, и ныне, предпразднства. На благословении хлебов тропарь: Богородице Дево радуйся: трижды.

[Зри] Аще ли несть бдения, глаголем тропарь воскресн.

Слава, тропарь Григориа, глас 3: Образ был еси воздержания Божественным Духом вся просветив, правоверия течение совершил еси, учением мир просветил еси, и зловерных обличил еси смыслы: отче преподобне Григорие, Христа Бога моли, даровати нам велию милость.

И ныне, предпразднства. На Бог Господь: тропарь воскресн, дважды: Слава, Григориа. И ныне, предпразднства. По кафисмах, седальны воскресны, и богородичны их. Полиелей, и тропари: Ангельский собор: Ектениа. Ипакои гласа. Степенна. Прокимен, Евангелие воскресно, и прочая. Канон воскресн со ирмосом на 4. и Богородицы на 2: и предпразднства на 4: и преподобнаго Григориа на 4. Катавасиа: Отверзу уста моя: По 3-й песни, кондак и икос предпразднства, и кондак Григориа. Слава, седален его: И ныне, предпразднства. По 6-й песни, кондак воскресн, и икос. На 9-й песни, поем Честнейшую: Светилен воскресн. Слава, Григориа: И ныне, предпразднства. На хвалитех стихиры воскресны 4: и предпразднства, подобны три, писаны на стиховне: И самогласен их с припевы. Слава, стихира евангельская: И ныне: Преблагословенна еси: Славословие великое. По трисвятом, тропарь воскресн точию. Ектениа. И отпуст. И час 1-й. На 1-м часе, тропарь воскресн. Слава, предпразднства. И ныне, Богородичен часов. По Отче наш, кондак предпразднства: На 3-м часе, тропарь воскресн. Слава, Григориа: И ныне, Богородичен часов. По Отче наш, кондак воскресн. Такожде и на прочих часех, кондак воскресн, и предпразднства, глаголем пременяюще. На литургии, блаженна гласа, на 6: И предпразднства, песнь 3-я на 4. По входе тропарь воскресн, и предпразднства: И храма святаго. Таже тропарь, Григориа: Кондак воскресн, и храма, Слава, Григориа: И ныне, предпразднства. Прокимен, апостол, аллилуиа, Евангелие, и причастен, прежде воскресн, и потом святаго. Служба преподобническая.

Святаго же Прокла служба поется, егда разсудит екклисиарх.

Тропарь Прокла, глас, 4: Иже божественным началом премудрости, страхом Господним утверждся, оттуду священными восхождении возшел еси во ученичество Златоуста, и архиерейскаго того престола достоин быв чистоты добротами, апостольским правилом себе вообразив не себе живый, но Христу и стаду твоему. тем в нетленный живот апостольски вселился еси, иерарше Прокле: моли Христа Бога спастися душам нашим.

21.🕀 Вход во храм Пресвятыя Владычицы нашея Богородицы и Приснодевы Марии.

Совершаем бдение, якоже и в прочих Владычних праздницех.

На малей вечерни, стихиры праздника, на 4, глас 1. Подобен: Небесных чинов: От Господа приимше обещания: Слава, и ныне, глас 8: Давид провозглашаше: На стиховне стихиры, глас 2. Подобен: Доме Евфрафов: Двери небесныя: с припевы их: 1-й, Приведутся Царю девы: 2-й, Приведутся в веселии и радовании: Слава, и ныне, глас, и подобен тойже: Свет тя трисиянный:

Тропарь, глас 4: Днесь благоволения Божия предображение, и человеком спасения проповедание, в храме Божии ясно Дева является, и Христа всем предвозвещает. Той и мы велегласно возопиим: радуйся смотрения Зиждителева исполнение.

Ектениа малая, и отпуст. На велицей вечерни, по обычном псалме поем: Блажен муж: 1-й антифон. На Господи воззвах, стихиры на 8, глас 1. Подобен: О дивнаго чудесе! Днесь вернии ликовствуем: Ины стихиры, глас 4. Подобен: Яко добля: Во святых Святая: Слава, и ныне, глас 8: По рождестве твоем: Вход, прокимен дне. И чтения 3: 1-е, Исхода: Глагола Господь к Моисею: 2-е, Царств третиих: Бысть яко соверши Соломон: 3, Пророчества Иезекиилева: Тако глаголет Господь: будет от дне осмаго: На литии стихиры, глас 1, самогласны: Да радуется днесь небо свыше: Слава, и ныне, глас 5: Возсия день радостен: На стиховне стихиры, глас 5. Подобен: Радуйся: Радуется небо и земля: с припевы их. Слава, и ныне, глас 6: Днесь собори верных: На благословении хлебов тропарь, глас 4: Днесь благоволения Божия: трижды: писан на малей вечерни. Аще же несть бдения, зри полунощницы септемвриа во 8-й день. На утрени, по шестопсалмии, На Бог Господь: Тропарь праздника трижды. И обычныя кафисмы, и седальны праздника. и чтения во евангелии толковом. Таже полиелей праздника. И даются свещи братии. И седален, глас 8. Слава, и ныне, тойже: и чтение. Таже степенна, 1-й антифон 4-го гласа. Прокимен праздника, глас тойже: Слыши Дщи и виждь, и приклони ухо твое. Стих: Отрыгну сердце мое слово благо: Всякое дыхание: Евангелие Луки, зачало 4: Воставши Мариам: По 50-м псалме: Вместо Молитвами Богородицы: Слава, глас 2: Днесь Храм одушевленный: И ныне, тойже. Таже, Помилуй мя Боже: Стихира, глас 4: Днесь боговместимый храм: и прочая. Канона два: един 4-го гласа: другий 1-го гласа: ирмосы обою канонов по дважды. Тропари на 12, якоже быти им со ирмосы на 16. Катавасиа: Христос раждается: оба лика вкупе. [Зри] [От сего дне катавасиа сия поется, до 1-го дне ианнуариа. По 3-й песни, седален, глас 4. Подобен: Удивися: Возопий Давиде: Слава, и ныне: Непорочная Агница: И чтение. По 6-й песни,

Кондак, глас 4. Подобен: Вознесыйся: Пречистый Храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, яже в Дусе Божественном, юже воспевают Ангели Божии: сия есть селение Небесное.

И икос. и чтем пролог. На 9-й песни вжигают свещи братия: Честнейшую же не поем, но поем припев праздника: Ангели вхождение Пречистыя: И ирмос: Яко одушевленному Божию кивоту: Подобне и другий лик тойже припев, и ирмос: и к тропарем тойже припев. Посем припев другаго канона: Величай душе моя приведенную во храм Господень: И ирмос: Светоносный облак: дважды: И к прочим тропарем тойже припев. Таже на сходе оба лика поют среди церкве первый припев. И катавасиа: Таинство странное: И поклон. Светилен праздника, трижды. На хвалитех стихиры, на 4: глас 1-й. Подобен: Небесных чинов: Свещеносицы девы: Слава, и ныне, глас 2: Днесь во храм приводится: Славословие великое. По трисвятом тропарь праздника, ектении, и отпуст. И поем стихиру самогласну, праздника. [Зри] И дается святый елей братии от кандила праздника, якоже указася септемвриа в 26-й день, и час 1-й. На 1-м часе, тропарь праздника. По трисвятом кондак праздника, и прочее, и совершенный отпуст. На литургии, блаженна, от канона песнь 3-я, 4-го гласа: и 6-я, 1-го гласа, на 8. По входе тропарь праздника. Слава, и ныне, кондак праздника. Прокимен, глас 3, песнь Богородицы: Величит душа моя Господа: Стих: Яко призре на смирение рабы Своея: Апостол ко евреем, зачало 320: Имеяше первая скиниа: Аллилуиа, глас 8: Слыши Дщи и виждь и приклони ухо твое. Стих: Лицу твоему помолятся богатии людстии. Евангелие Луки, зачало 54: Вниде Иисус в весь некую: Причастен: Чашу спасения: Вестно буди, Яко празднуется праздник сей, 5 дней.

[МРК] Подобает ведати, яко аще случится праздник Введения Богородицы в неделю.

В субботу, на малей вечерни, на Господи воззвах, стихиры воскресны, гласа 4. Слава, и ныне, праздника, иже на Господи воззвах, малыя вечерни. На стиховне стихира воскресна едина, таже праздника стиховна великия вечерни, со стихи праздничными. Слава, и ныне, праздника. Тропарь воскресн. Слава, и ныне, праздника. Посем ектения малая, и отпуст. На велицей вечерни, на Господи воззвах, стихиры воскресны 3, и Анатолиев 1: и праздника 6. Слава, и ныне, праздника. Посем вход. Прокимен дне, и чтения праздника 3. На литии стихиры, и Слава, и ныне, праздника: Возсия день: На стиховне стихиры воскресны. Слава, и ныне, праздника. На благословении хлебов тропарь праздника трижды. и чтение в посланиих апостольских. На утрени, на Бог Господь, тропарь воскресн, дважды. Слава, и ныне, праздника. По обычных кафисмах, седальны воскресны с богородичны их. И чтение во евангелии толковом. Таже, полиелей, и тропари: Ангельский собор: ипакои, гласа: и седальны вси праздника, по единожды. Слава, и ныне, праздника, иже по полиелеи седален, и чтение праздника. Степенна гласа. Прокимен, и Евангелие праздника. Таже, Воскресение Христово: псалом 50: и целование евангелиа по обычаю. Таже, Слава, припев: праздника. И ныне, тойже, и стихира праздника. Канон воскресн со ирмосом на 4: и Богородицы два: и праздника оба канона на 8. Катавасиа, Христос раждается: оба лика вкупе. По 3-й песни, кондак и икос воскресн: и седален праздника, дважды. и чтение праздника. По 6-й песни, кондак и икос праздника. И чтение в пролозе. На 9-й песни припевов не поем, но Честнейшую: Светилен воскресн. Слава, и ныне, праздника. На хвалитех стихиры воскресны, 4: и праздника 4, со стихи праздничными. Слава, праздника: И ныне, Преблагословенна еси Богородице Дево: Таже, Славословие великое. По трисвятом, тропарь воскресн точию, и ектении, и отпуст. Таже стихира евангельская, и оглашение, и обычное исхождение, и час 1-й, в притворе. На часех, тропарь воскресн: Слава, тропарь праздника: И ныне, Богородичен часов. По Отче наш, кондак воскресн. Такожде и на всех часех кондаки пременяюще глаголем. На литургии, блаженна воскресна гласа на 6: и праздника песнь 3, на 4. По входе тропарь воскресн, и праздника. Слава, кондак воскресн. И ныне, праздника. Прокимен, апостол, аллилуиа, Евангелие и причастен, прежде дне, и праздника.

[МРК] Подобает ведати, аще случится попразднство Входа Богородицы в неделю, и святый празднуется на 4, или на 6.

В субботу на малей вечерни, стихиры воскресны, и Богородице, по обычаю. На велицей вечерни, по стихословии, на Господи воззвах, стихиры воскресны 3, и Анатолиев 1, и праздника 3, того дне рядовыя, и святаго минеи 3. Аще ли поется святый на 6, или емуже и полиелей, и поем стихиры воскресны 3: и праздника 3: и святаго 4. Слава, святаго. Аще же ни, Слава, праздника, И ныне, Богородичен 1-го гласа. Вход. Прокимен дне. На литии стихиры праздника, того дне стиховныя, и святаго, аще полиелей. Слава, и ныне, праздника: Аще ли имать святый Славу, Слава, святаго, И ныне, праздника. На стиховне стихиры воскресны. Слава, святаго, аще есть. Аще ли ни, Слава, и ныне, праздника. На благословении хлебов тропарь, Богородице Дево: дважды. и праздника единожды. На утрени, на Бог Господь, тропарь воскресн, дважды: Слава святаго, аще есть: аще ли ни, Слава, и ныне, праздника. По кафисмах седальны воскресны с богородичны их, и чтение во евангелии толковом. Полиелей и тропари: Ангельский собор: ипакои. Степенна, и прокимен гласа. Евангелие воскресно: и стихира воскресна: и прочее воскресно. Канон воскресн, со ирмосом на 4: И Богородицы на 2: Праздника на 4: и святаго на 4. Аще полиелей, канон воскресн со ирмосом на 4: и праздника на 4: святаго, на 6. Катавасиа, Христос раждается: По 3-й песни, кондак праздника, и икос: и святаго аще имать: и седален святаго. Слава, и ныне, праздника: и чтение. По 6-й песни, кондак воскресн, и икос. и чтем пролог. На 9-й песни поем Честнейшую: Светилен воскресн: Слава, святаго, аще имать: аще ли ни, Слава, и ныне, праздника. На хвалитех стихиры воскресны 4: и праздника со славным 4, стиховныя утренния, со стихи праздника. Аще имать святый стихиры на хвалитех, и поем стихиры воскресны 4: и святаго со славным 4, с припевы его. Слава, стихира евангельская: И ныне, Преблагословенна еси Богородице Дево: Славословие великое. По трисвятом, тропарь воскресн точию: И ектении. И отпуст. И оглашение: И обычное исхождение в притвор. Таже час 1: На 1-м часе, тропарь воскресн. Слава, тропарь праздника: И ныне, Богородичен часов. По Отче наш: кондак праздника. На 3-м часе, тропарь воскресн: Слава, святаго: И ныне, Богородичен часов. По Отче наш: кондак воскресн. Такожде и в прочия часы глаголем воскресный тропарь всегда с праздничным, и со святаго тропарем пременяюще, аще есть. А кондак воскресн и праздника, глаголем пременяюще, аще полиелей, и святаго. На литургии, блаженна гласа на 6: и праздника рядовая песнь, на 4: Аще ли имать святый песнь во уставе, и воскресна на 4: и праздника песнь рядовая на 4: и святаго песнь 6, на 4. По входе тропарь воскресн и праздника, и храма святаго, и святому, аще имать. Таже кондак воскресн. Слава, святаго: И ныне, праздника. Аще ли не имать святый тропаря и кондака: Слава, кондак воскресн: И ныне, кондак праздника. Прокимен, апостол, Аллилуиа, Евангелие, и причастен дне, и святаго, аще имать: аще ли ни, то ряд недели един.

22. Святаго апостола Филимона, и иже с ним:

На Господи воззвах, стихиры праздника, глас 8. Подобен: О преславнаго чудесе! И святых, глас 2. Подобен: Егда от древа: Слава, и ныне, праздника, глас 1: Да радуется днесь небо свыше: На стиховне стихиры праздника, глас 2. Подобен: Доме Евфрафов: с припевы их. Слава, и ныне, глас тойже, самогласен: Днесь в храм приводится. Тропарь апостолов, глас 3: Апостоли святии: октовриа в 31-й день. Слава, и ныне, праздника, и отпуст. На утрени, на Бог Господь, тропарь праздника, дважды, Слава, апостолов: И ныне, праздника. И обычныя кафисмы: И седальны праздника. Канон праздника, глас 4, со ирмосом на 8: и святых на 4, глас 2. По 3-й песни,

Кондак апостолов, глас 2. Подобен: Вышних ищя: Яко звезды всесветлыя, просвещающия концы, апостолы Христовы восхвалим: Филимона славнаго, и Архиппа священнаго, и Онисима, и Марка, и Аполлоса, с нимиже и Апфию всемудрую, вопиюще: молите непрестанно о всех нас.

И седален святых, глас 8: Слава, и ныне, праздника. По 6-й песни кондак праздника. По 9-й песни, светилен праздника. Слава, и ныне, тойже. На стиховне стихиры праздника, глас 6. Подобен: Тридневен: С припевы. Слава, и ныне, глас 4: Днесь боговместимый храм: На литургии, блаженна праздника, песнь 1-я, на 6. По входе тропарь храма Христова. Таже праздника, и храма святаго: Посем святых. Таже, кондак храма Христова, или святаго: Слава, кондак апостолов: И ныне, праздника. Сице глаголются тропари и кондаки, и до отдания, кроме недели. Прокимен, глас 8: Во всю землю изыде: Стих: Небеса поведают славу Божию: Апостол к Филимону послания, последи 302-го зачала: Павел юзник Иисус Христов, и Тимофей брат, Филимону возлюбленному: Аллилуиа, глас 1: Исповедят небеса чудеса твоя Господи. Евангелие Луки, зачало 8: Яви Господь и инех седмьдесят: Причастен: Во всю землю:

🕃 В тойже день убиение святаго благовернаго великаго князя Михаила Тверскаго.

Совершается собор его во Твери, и идеже храм его.

Тропарь, глас 8: Возвысив ум твой к Богу: и жития со ангелы возжелел еси, тленную славу земную оставил еси, блаженне, и положил еси душу твою за люди твоя, восприял еси венец противу трудов твоих, богомудре Михаиле: моли Христа Бога о чтущих любовию святую память твою.

Кондак, глас 2. Подобен: Вышних ищя: Вышних ищя и земную славу презрев, церковь Божию обагрил еси твоею кровию, за нюже и пострадал еси, святе Михаиле, заколение неправедное прием веселяся: темже со ангелы предстоя Христу Богу, моли непрестанно за вся ны.

23. Иже во святых отец наших Амфилохиа, епископа Иконийскаго, и Григориа, епископа Акрагантийскаго.

Стихиры Амфилохиа 3, глас 4. Подобен: Дал еси знамение: И Григориа 3, глас 8. Подобен: О преславнаго чудесе! Слава, и ныне, праздника, глас 4: Приидите вси вернии: На стиховне стихиры праздника, глас 1. Подобен: Небесных чинов: С припевы их. Слава, и ныне, глас 5: Возсия день радостен: Тропарь, глас 4: Боже отец наших: Сего месяца в 21-й день. Слава, и ныне, праздника. И отпуст. На утрени, на Бог Господь, тропарь праздника, дважды. Слава, святых: И ныне, праздника. И обычныя кафисмы: и седальны праздника: и чтение. Канон праздника со ирмосом на 6: И святых два, на 8: Амфилохиа, глас 4: И Григориа, глас 8. По 3-й песни, кондак праздника, и икос.

Таже кондак Григориа, глас 4. Подобен: Явился еси: Светолучными сиянии церковь Святаго Духа световодит светлое совершающия твое успение, преподобне отче, всеблаженне Григорие.

И седален Амфилохиа, глас 4. Слава, Григориа, глас 8. И ныне, праздника. По 6-й песни,

Кондак Амфилохиа, глас 2. Подобен: Вышних ищя: Божественный гром, труба Духа, веры садоделателю и сечиво ересей, иерарше Амфилохие, Троицы угодниче великий, со ангелы предстоя присно, моли непрестанно о всех нас.

И икос. По 9-й песни, светилен Амфилохиа: Слава, Григориа: И ныне, праздника. На стиховне стихиры праздника, глас 2. Подобен: Доме Евфрафов: Слава, и ныне, глас 6: Днесь собори верных: На литургии, блаженна праздника, песнь 4-я и 5-я, на 6. Прокимен, глас 7: Честна пред Господем смерть преподобных его. Стих: Что воздам Господеви о всех: Апостол ко евреем, зачало 334: Поминайте наставники ваша: Аллилуиа, глас 2: Священницы Твои облекутся в правду: Стих: Закон Бога его в сердцы его. Евангелие Матфеа, зачало 103: Бдите убо, яко не весте: Причастен: Радуйтеся праведнии:

🕂 В тойже день преставлепие святаго благовернаго великаго князя Александра Невскаго, и всея России чудотворца:

Совершается собор, идеже храм его.

Тропарь, глас 4: Яко благочестиваго корене пречестная отрасль был еси, блаженне Александре: яви бо тя Христос, яко некое божественное сокровище Российстей земли, новаго чудотворца преславна и богоприятна. и днесь сошедшеся в память твою верою и любовию, во псалмех и пениих радующеся славим Господа, давшаго тебе благодать исцелений. егоже моли спасти град сей, и сыновом Российским спастися.

Кондак, глас 8. Подобен: Яко начатки: Яко звезду тя пресветлую почитаем, от востока возсиявшую, и на запад пришедшую: всю бо страну сию чудесы и добротою обогащаеши, и просвещаеши верою чтущия память твою, Александре блаженне. сего ради днесь празднуем твое успение, людие твои сущии, моли спасти отечество твое, и вся притекающия к раце мощей твоих, и верно вопиющия ти: радуйся граду нашему утверждение.

🕂 В тойже день память перваго Воронежскаго святителя Митрофана, в схимонасех Макариа:

Совершается собор, идеже храм его.

Тропарь, глас 4: Правило веры, и образ кротости, словом и житием, пастве твоей, отче смиреномудре Митрофане, был еси. темже и во светлостех святых, солнца светлейше возсиял еси, венцем нетления и славы украшаемь, моли Христа Бога, всей державе нашей, и граду твоему в мире спастися.

Кондак, глас 8. Воздержанием тело духу поработив, душу же равноангельну сотворив, святительскою одеялся еси одеждою, яко венец священства: и ныне всех Владыце предстоя, моли, всеблаженне Митрофане, умирити и спасти души наша.

24.🕃 Святыя великомученицы Екатерины: 🕃 И святаго великомученика Меркуриа:

Стихиры Екатерины 3, глас 1. Подобен: Небесных чинов: И Меркуриа 3, глас 4. Подобен: Яко добля: Слава, Екатерины, глас 2: Радостно к торжеству: И ныне, праздника, глас 8: По рождестве твоем: На стиховне стихиры праздника, глас 1. Подобен: Небесных чинов: Слава, Екатерины, глас 2: Житие невещественно: И ныне, праздника, глас 8: Давид провозглашаше: Тропарь, глас 4: Агница твоя, Иисусе: септемвриа в 16-й день.

Или сей, глас тойже: Добродетельми яко лучами солнечными просветила еси неверныя мудрецы, и якоже пресветлая луна ходящим в нощи неверия тьму отгнала еси, и царицу уверила еси, вкупе же и мучителя обличила еси, богозванная невесто, блаженная Екатерино. желанием востекла еси в небесный чертог к прекрасному Жениху Христу и от него царским венцем венчалася еси: емуже со ангелы предстоящи, за ны молися, творящия пречестную память твою.

Слава, Меркуриа, глас тойже: Мученк твой, Господи: септемвриа во 2 день. И ныне, праздника. И отпуст. На утрени, на Бог Господь, тропарь праздника, единожды. И Екатерины единожды. Слава, Меркуриа: И ныне, праздника. И обычныя кафисмы. и седальны праздника. Канон праздника со ирмосом на 6: И святых на 8: Екатерины, глас 8: Меркуриа, глас тойже. По 3-й песни, кондак и икос праздника:

Потом кондак Меркуриа, глас 4. Подобен: Явился еси: Во бранех непобедимаго воина, и в бедах непостыдна заступника, песньми Меркуриа ублажим, славяще: празднующия бо память его весело, от бед избавляет и скорбей.

И седален Екатерины, глас 4. Слава, Меркуриа, глас тойже: И ныне, праздника, глас тойже. По 6-й песни,

Кондак Екатерины, глас 2. Подобен: Вышних ищя: Лик честный божественне мучениколюбцы воздвигните ныне, почитающе всемудрую Екатерину: сия бо в тризнищи Христа проповеда, и змия попра, риторов разумы укротивши.

И икос. По 9-й песни, светилен святых. Слава, и ныне, праздника. На хвалитех стихиры, глас 4. Подобен: Дал еси знамение: Слава, глас 2: Житие невещественно: И ныне: Днесь собори: На стиховне стихиры, глас 2. Подобен: Доме Евфрафов: Слава, и ныне, глас и подобен тойже: Двери небесныя: и отпуст. На литургии, блаженна праздника, песнь 7-я и 8-я, на 4: И святыя, песнь 6-я. Прокимен, глас 4: Дивен Бог во святых своих: Стих: В церквах благословите Бога Господа: Апостол ко ефесеем, зачало 233: Возмогайте о Господе: Аллилуиа, глас 1: Воззваша праведнии и Господь услыша их. Евангелие Луки, зачало 106: Возложат на вы руки своя: Причастен: Радуйтеся праведнии:

🕃 В тойже день святаго мученика Меркуриа Смоленскаго.

Совершается собор его во храме его.

Тропарь, глас 4: Мученк твой Господи: септемвриа во 2-й день.

Кондак, глас тойже: Явися во бранех непобедимь воин, от римлян родом, сыновство име града Смоленска: яко бо сих ради наречеся, яко от Богородицы страж крепок послася граду, песньми Меркуриа ублажим, празднующе весело память его, яко да избавит град наш от беды ратник.

25. Иже во святых отец наших и священномучеников, Климента папы Римскаго и Петра Александрийскаго.

🕃 В сей день отдается праздник Входа Пресвятыя Богородицы.

На Господи воззвах, стихиры праздника 3: глас 1. Подобен: О дивнаго чудесе! Поемыя на самый праздник. И Климента 3, глас 2: Подобен: Егда от древа: Слава, и ныне, праздника, глас 8: По рождестве твоем: На стиховне стихиры праздника, глас 5. Подобен: Радуйся: Радуется небо и земля: С припевы их. Слава, и ныне, праздника, глас 6: Днесь собори верных: Тропарь святых, глас 4: Боже отец наших: сего месяца в 20-й день. Слава, и ныне, праздника. И отпуст. На утрени, на Бог Господь, тропарь праздника, дважды. Слава, святых: И ныне, праздника: И обычныя кафисмы. Седальны праздника. И чтение. Канон праздника един, со ирмосом на 6: И святых два, на 8. Климента, глас 8. Петра, глас тойже. Катавасиа: Христос раждается: По 3-й песни,

Кондак Климента и Петра, глас 4. Подобен: Явился еси: Церкве недвижимии и божественнии пиргове, благочестия божественнии столпи, воистинну крепцыи, Клименте с Петром всехвальнии, вашими молитвами соблюдите вся.

И седален Климента, глас 4. Слава, Петра, глас 8. И ныне, праздника, глас 4. По 6-й песни, кондак праздника, и икос. На 9-й песни, Честнейшую, не поем, но поем припев праздника, яко предписася. Святым же припеваем стихи песней: в конец же 9-й песни, поет 1-й лик припев праздника, таже катавасиа праздника: Таинство странное вижу: И поклон. Светилен святых. Слава, и ныне, праздника. На хвалитех стихиры на 6, праздника 3, глас 1. Подобен: Небесных чинов: Свещеносицы девы: И святаго петра 3, глас и подобен тойже: Пресущныя Троицы: Слава, глас 4: Рукою Божиею: И ныне, праздника, глас 2: Днесь во храм: Славословие великое. По трисвятом, тропарь святых. Слава, и ныне, праздника. Ектении: И отпуст. И час 1. На первом часе тропарь праздника: Слава, святых: И ныне, Богородичен. По трисвятом кондак праздника, непременно. На литургии, блаженна праздника обою канонов, песнь 9-я на 8. По входе тропарь праздника: И святых. Слава, кондак святых: И ныне, праздника. Прокимен, песнь Богородицы, глас 3: Величит душа моя Господа: Стих: Яко призре на смирение рабы своея: Святых прокимен, глас 7: Честна пред Господем: Апостол праздника, ко евреем, зачало 320: Имеяше первая скиниа: И святых к филипписием, зачало 246: Наше житие на небесех есть: Аллилуиа, глас 8: Слыши Дщи и виждь: Евангелие праздника, Луки, зачало 54: Вниде Иисус в весь некую: И святых, Матфеа, зачало 11: Вы есте свет мира: Причастен: Чашу спасения: И святых, В память: И отдается праздник Входа Пресвятыя Богородицы.

[МРК] Подобает ведати, яко аще случится отдание праздника Входа Пресвятыя Богородицы в неделю, оставляется возследование святаго Петра, и поется, егда хощет екклисиарх.

В субботу на малей вечерни, стихиры воскресны, и Богородицы по обычаю. На велицей вечерни, на Господи воззвах, стихиры воскресны 3: И Анатолиев 1: И праздника 3, глас 1: Днесь вернии: И Климента 3. Слава, праздника, глас 8: По рождестве твоем: И ныне, Богородичен 1, настоящаго гласа. Вход. Прокимен дне. На литии стихиры праздника: Слава, и ныне, праздника. На стиховне стихиры воскресны гласа. Слава, и ныне, праздника. На благословении хлебов, тропарь: Богородице Дево: трижды. И чтение в посланиих апостольских. А идеже всенощное не бывает, глаголем тропарь воскресн.

Слава, тропарь Климента, глас 4: Иже от Бога чудодействы преславно удивляя вселенныя концы мира, священный страдальче: паче естества морю, составы водам содеваеши разделение, в честней памяти твоей, всегда притекающим усердно в богозданную ти церковь, чудесным твоим мощем: и по всенародном хождении, море во едино течение чудодетельне твориши, Клименте предивный, моли Христа Бога спастися душам нашим.

И ныне, праздника. На утрени, на Бог Господь, тропарь воскресн, дважды. Слава, Климента: И ныне, праздника. По кафисмах, седальны воскресны, с богородичны их. И чтение. И полиелей. Таже тропари: Ангельский собор: Ипакои гласа. И прочее воскресно. Канон воскресн со ирмосом на 4: И Богородицы на два: И праздника 1-го гласа, на 4: И Климента на 4. Катавасиа, Христос раждается: По 3-й песни, кондак и икос праздника.

Таже кондак Климента, глас 2. Подобен: Твердыя: Божественнаго винограда священноодеянна всем лоза явися, каплющи сладость премудрости, молитвами твоими всечестне. да тебе исткану яко багряницу, песнь мысленную принесем, Клименте святе: спаси рабы твоя.

И седален его. Слава, и ныне, праздника. По 6-й песни, кондак и икос воскресн. На 9-й песни поем, Честнейшую: Светилен воскресн: Слава, святаго: И ныне, праздника. На хвалитех стихиры воскресны, 4, И праздника со Славным, 4, с припевы праздничными. Слава, стихира евангельская: И ныне, Преблагословенна еси: Славословие великое. Тропарь воскресн точию, Ектении, и отпуст, и час 1-й. На часех, тропарь воскресн, и праздника: и ныне, Богородичен часов. По Отче наш: кондак праздника, и воскресн, глаголем пременяюще. На литургии, блаженна гласа, на 6: И праздника, песнь 9-я, на 4. По входе тропарь воскресн, и праздника, и святаго. Кондак воскресн. Слава, Климента: И ныне, праздника. Прокимен гласа и праздника. Апостол, Аллилуиа, Евангелие воскресное, и праздника. Причастен: Хвалите Господа с небес: Другий, Чашу спасения:

26. Преподобнаго отца нашего Алипиа столпника:

Аллилуиа, или тропарь. Стихиры октоиха, или Богородицы 3: И святаго 3, глас 1. Подобен: Всехвальнии мученицы: На стиховне октоиха.

Тропарь, глас 1: Терпения столп был еси, ревновавый праотцем, преподобне, Иову во страстех, Иосифу во искушениих, и безплотных жительству сый в телеси, Алипие отче наш, моли Христа Бога спастися душам нашим.

На утрени, обычныя кафисмы: И седальны октоиха: И чтения. Оба канона октоиха: И святаго на 4, глас 5. По 3-й песни, седален, глас 4. По 6-й песни,

Кондак, глас 8. Подобен: Яко начатки: Яко добродетелей вину, и постников удобрение, церковь славит тя днесь, и воспевает, Алипие, молитвами твоими подаждь чтущим любовию доблести твоя и борения, лютых прегрешений избавление, яко тезоименитый.

И икос. По 9-й песни, светилен: и на стиховне октоиха.

В тойже день празднуем освящению церкви святаго великомученика Георгиа, яже в Киеве у Златых врат.

Служба его поется, идеже храм его.

Тропарь, глас 4: Днесь блажат тя мира концы божественных чудес исполншеся, и земля радуется напившися крове твоея: христоименитии же людие града Киева, освящением божественнаго храма твоего, радостию возвеселишася, страстотерпче Георгие, сосуде избранный Святаго Духа, угодниче Христов. егоже моли, с верою и мольбою приходящим во святый твой храм, дати очищение грехов, умирити мир, и спасти души наша.

Кондак, глас 2. Подобен: Твердыя: Божественнаго и венценоснаго великомученика Христова Георгиа, на враги победу вземшаго одоления, сошедшеся верою во освященный храм восхвалим, егоже благоволи Бог создати во имя его, един во святых почиваяй.

В тойже день преставление святителя Иннокентиа, перваго епископа Иркутскаго, чудотворца.

Совершается собор, идеже храм его.

Тропарь, глас 3: Светильниче церкве пресветлый, озаривый лучами доброт твоих страну сию, и исцеленьми многими притекающих к раце твоей с верою Бога прославивый, молим тя, святителю отче Иннокентие, ограждай молитвами твоими град сей от всех бед и печали.

Кондак, глас 4: Непорочности соименнаго пастыря, проповедника веры в языцех монгольских, славу и украшение Иркутския паствы, любовию восхвалим вси вернии: той бо есть хранитель страны сея и молитвенник о душах наших.

27.🕃 Святаго мученика Иакова Персянина:

И преподобнаго отца нашего Палладиа.

Служба его поется на повечерии.

Стихиры мученика на 6, глас 2. Подобен: Егда от древа: Слава, глас 5: Удивил еси, о Иакове: На стиховне октоиха. Слава, глас 8: Верно сошедшеся: Тропарь, глас 4: Мученк твой Господи: септемвриа во 2-й день.

Или сей, глас тойже: Мучении странноужасными, и доблестию терпения всех преудивил еси, многострадальне: над коимждо составом удеси резания, благодарны мольбы предивне изрекл еси Господу. Тем во страдании твоем венец прием, к Престолу возшел еси Небеснаго Царя Христа Бога, Иакове: того моли спасти души наша.

На утрени оба канона октоиха: И святаго на 6, глас 2. По 3-й песни, седален, глас 8, дважды. По 6-й песни,

Кондак, глас 2. Подобен: Вышних ищя: Уверився доброю супружницею терпеливодушне, и страшнаго судища убоявся, персское повеление и страх, Иакове, поплевал еси, и явился еси мученик честный, телом яко розга режемь.

И икос. По 9-й песни, светилен октоиха. Слава, мученика. На стиховне октоиха. Слава, мученика, глас 2: Терпя во страданиих: На литургии, прокимен, глас 4: Святым, иже суть на земли его: Апостол к ефесеем, зачало 233. Аллилуиа: Многи скорби праведным: Евангелие Иоанна, зачало 50. Причастен: В память вечную:

🕂 В тойже день знамение Пресвятыя Богородицы, бывшее в Великом Нове граде.

Аще храм пресвятыя Богородицы Знамения, и поется служба Знамения во всем подобне, якоже септемвриа в 8-й день. Кроме же храма поется служба Знамения, со Иаковом Персянином сице:

На малей вечерни, На Господи воззвах, стихиры на 4, глас 1. Подобен: Небесных чинов: Слава, и ныне, глас тойже. На стиховне стихиры, глас 2: Подобен: Доме Евфрафов: с припевы их. Слава, и ныне: глас 1, и прочее обычно, и отпуст. На велицей вечерни, Блажен муж: 1-й антифон. На Господи воззвах, стихиры на 8: Богородицы 4: глас 8. самогласны: Гордостию зависти: и мученика 4: глас 2. Подобен: Егда от древа: Мира красная оставль: Слава, мученика, глас 5: Дивен был еси, Иакове: И ныне, Богородицы, глас 6: Веселитеся, людие: Вход. Прокимен дне. Чтения Богородицы 3. На литии стихиры, глас 6: Роги грешных сотрошася: Слава, и ныне, глас тойже: Сей день избавления нашего наста: На стиховне стихиры, глас 1, самогласны: Якоже древле во Иерусалиме: с припевы их. Стих 1: Воскресни Господи в покой твой: Стих 2: Клятся Господь Давиду истиною: Слава, мученика, глас 8: Верно сошедшеся днесь: И ныне, Богородицы, глас тойже: Мнящеся непокоривии: По Ныне отпущаеши: Тропарь мученика, глас 4.

Слава, и ныне, тропарь Богородицы, глас тойже: Яко необоримую стену, и источник чудес стяжавше тя раби твои, Богородице Пречистая, сопротивных ополчения низлагаем. темже молим тя: мир граду твоему даруй, и душам нашим велию милость.

И отпуст. На утрени, на Бог Господь, тропарь Богородицы, дважды. Слава, мученика: И ныне, Богородицы. И обычныя кафисмы. По 1-й и по 2-й кафисме, и по полиелеи, седальны Богородицы, и чтение. Степенна 1-й антифон 4-го гласа. Прокимен, глас 4: Слыши дщи и виждь, и приклони ухо твое. Стих: Отрыгну сердце мое: Евангелие Луки, зачало 4: Воставши Мариам: По 50-м псалме стихира, глас 6: Веселитеся людие: писана на Господи воззвах, Слава. Канона два Богородицы, со ирмосом на 8. Един, глас 6: другий, глас 8: И мученика, на 6, глас 2. Катавасиа: Христос раждается: По 3-й песни, кондак и икос мученика. Седален Богородицы, глас 8. Слава, святаго, глас тойже: И ныне, Богородицы. По 6-й песни,

Кондак Богородицы, глас 4. Подобен: Явился еси: Честнаго образа твоего Знамение празднующе людие твои, Богородительнице, имже дивную победу на сопротивныя граду твоему даровала еси. темже тебе верою взываем. радуйся, Дево, христиан похвало.

И икос. и чтем пролог. По 9-й песни, светилен Богородицы. Слава, мученика: И ныне, Богородицы. На хвалитех стихиры на 4: глас 6, самогласны. Слава, мученика, глас 2: Терпев во страдании, мучениче: И ныне, Богородицы, глас 8: Мнящеся непокоривии: Славословие великое. По трисвятом тропарь святаго: Слава, и ныне, Богородицы. Ектении и отпуст, и час 1. На 1-м часе, тропарь Богородицы. Слава, святаго: И ныне, Богородичен часов. По трисвятом на всех часех кондак Богородицы, непременно. И совершенный отпуст. На литургии, блаженна Богородицы, 1-го канона песнь 3-я, на 4: 2-го канона песнь 6-я, на 4. Прокимен, глас 3. Песнь Богородицы: Величит душа моя Господа: Стих: Яко призре на смирение рабы своея: И мученику, прокимен, глас 4: Святым, иже суть на земли его: Апостол Богородицы, ко евреем, зачало 320: Имеяше убо первая скиниа: и мученику апостол ко ефесеем, зачало 233. Возмогайте о Господе: Аллилуиа, глас 8: Слыши дщи и виждь: Стих: Лицу твоему помолятся богатии людстии. И мученику, Стих: Многи скорби праведным: Евангелие Богородицы, Луки, зачало 54: Вниде Иисус в весь некую: мученика, Евангелие Иоанна, зачало 50: Аз есмь лоза истинная: Причастен Богородицы: Чашу спасения: Мученика, В память вечную:

Потребно есть ведати и сие, яко аще случится праздник Пресвятыя Богородицы, честнаго Ея Знамения: И святаго великомученика Иакова Персскаго, в неделю.

На малей вечерни, на Господи воззвах, стихиры воскресны гласа, на 4: Слава, и ныне, Знамения. На стиховне стихира воскресна едина: и Знамения стиховна со стихи ея. Слава, и ныне, Знамения. Таже, Ныне отпущаеши: и по трисвятом тропарь воскресн: Слава, и ныне, Знамения. Ектениа малая: Помилуй нас Боже: и отпуст. На велицей вечерни, по обычном стихословии на Господи воззвах, стихиры воскресны 3, и Анатолиев 1: и Знамения 3: и мученика Иакова 3. Слава, Знамения. И ныне, Богородичен 1-й гласа. Чтения Знамения. На литии стихиры Знамения: Слава, мученика: И ныне, Знамения. На стиховне стихиры воскресны: Слава, мученика, И ныне, Знамения. На благословении хлебов тропарь Знамения трижды. Аще несть бдения, глаголем тропарь воскресн. Слава, мученика: И ныне, Знамения. На утрени, на Бог Господь, тропарь воскресн, дважды. Слава, мученика: И ныне, Знамения. По кафисмах, седальны воскресны, с богородичны их. Таже полиелей, и величание поем: Достойно есть величати тя Богородице Дево, честнейшую Херувим, и славнейшую без сравнения Серафим. Или: Песнь всяку духовную принесем Богородице. Псалом избранный: Помяни Господи Давида, и всю кротость его: И тропари: Ангельский собор: и седальны Знамения купно вся 3. Степенна, и прокимен гласа: Евангелие воскресно: Таже Воскресение Христово: псалом 50. стихира воскресна. Канон воскресн, со ирмосом на 4: Знамения един канон на 6: мученика на 4. Катавасиа: Христос раждается: По 3-й песни, кондак Знамения и мученика, и седален мученика. Слава, и ныне, Знамения. По 6-й песни, кондак и икос воскресн. На 9-й песни, поем Честнейшую: Светилен воскресн: Слава, мученика: И ныне, Знамения. На хвалитех стихиры воскресны 4: и Знамения со Славным 4, глас 6. самогласны со стихи. Стихи же глаголем: Воскресни Господи в покой твой: Клятся Господь Давиду истиною, и не отвержется ея. Слава, стихира евангельская: И ныне, Преблагословенна еси: Славословие великое, и по трисвятом тропарь воскресн точию. Ектении и отпуст, таже час 1-й. На 1-м часе, тропарь воскресн. Слава, Знамения: И ныне, Богородичен часов. По Отче наш, кондак Знамения: и прочее воследование 1-го часа, и отпуст. На 3-м часе, тропарь воскресн: Слава, мученика: И ныне, Богородичен часов. Такожде и на 6-м часе, и на 9-м, глаголем тропарь Знамения, и мученика, пременяюще: тропарь же воскресн глаголем непременно. По Отче наш, кондак воскресн и Знамения, глаголем пременяюще. На литургии, блаженна гласа на 6: и Богородицы песнь 3-я на 4. По входе тропарь воскресн, и Знамения, и мученика. Кондак воскресн. Слава, мученика: И ныне, Знамения. Прокимен, апостол, Аллилуиа, Евангелие и причастен, прежде воскресн, и потом Богородицы.

🕃 В тойже день иже во святых отца нашего Иакова епископа, Ростовскаго чудотворца.

Совершается собор его, идеже лежат мощи его.

Тропарь, глас 4: Избран от юности Богови быв, святителю Иакове: сего ради архиерейства саном почтен, упасл еси люди, яже тебе Богом врученныя. темже и по преставлении чудес дарования от Бога приял еси, исцеляти различныя недуги: моли о нас совершающих честную память твою. да тебе непрестанно величаем.

Кондак, глас 8: Яко архиереев сопрестольник, и святителем изрядный поборник был еси, святителю Иакове, непрестанно сохраняй отечество твое, град же и люди, тебе верою почитающия, и честным мощем твоим покланяющияся, да велегласно тебе вопием: радуйся Иакове богомудре.

28.🕃 Святаго преподобномученика Стефана новаго:

И святаго мученика Иринарха.

Стихиры преподобнаго на 6, глас 6. Подобен: Всю отложивше: Слава, глас тойже, самогласен: От младенства Богу: На стиховне октоиха. Слава, глас 8: Еже по образу: Тропарь, глас 4: Постнически предподвизався на горе: октовриа в 17 день. [Зри] Мученка же Иринарха служба поется на повечерии. На утрени, оба канона октоиха, без мученичнов: и святаго на 6, глас 6. По 3-й песни,

Кондак, глас 8. Подобен: Взбранной: Троицы рачителя, и божественнаго Стефана восхвалим верно, песньми празднолюбцы от сердца, яко почествовавша начертание красное Владыки, и Матере Его: и согласно ныне от любве возопиим ему, радующеся: радуйся, отче приснославне.

Таже седален, глас 1, дважды. По 6-й песни,

Кондак, глас 3. Подобен: Дева днесь: Из неплодна, преподобне, корене, возрасте ветвь, первострадальцу тезоимените, монахов наставник велик, отче, явился еси, и ярости не убоявся царя, не хотяща Христов чествовати образ: сего ради скончався. мученический венец приял еси, Стефане.

И икос. По 9-й песни, светилен октоиха. Слава, святаго. На стиховне октоиха. На литургии, блаженна октоиха, на 4, и святаго песнь 3-я, на 4. Прокимен, глас 8: Восхвалятся преподобнии во славе: Стих: Воспойте Господеви песнь нову: Апостол к Тимофею, зачало 291: Не постыдися убо страстию Господа нашего Иисуса Христа: Аллилуиа, глас 8: Блажен муж бояйся Господа: Стих: Сильно на земли будет: Евангелие Матфеа, зачало 37: Егда гонят вы во граде сем: Причастен: В память вечную будет праведник:

29. Святаго мученика Парамона: И святаго мученика Филумена: И преподобнаго Акакиа, иже в Лествице свидетельствованнаго.

Аллилуиа, или тропарь. Стихиры октоиха 3, и мученика 3, глас 4. Подобен: Званный свыше: [Зри] Служба преподобнаго Акакиа поется на повечерии. На утрени, оба канона октоиха, и святаго на 4, глас 4. По 3-й песни, седален, глас 4. По 6-й песни, мученичен октоиха. По 9-й песни, светилен, и на стиховне октоиха.

30. 🕂 Святаго и всехвальнаго апостола Андреа Первозваннаго.

На велицей вечерни, поем: Блажен муж, 1-й антифон. На Господи воззвах, поем стихиры на 8, глас 4. Подобен: Званный свыше: Слава, глас тойже, самогласен: Рыб ловитву: И ныне, глас тойже: Исаие ликуй: Вход, прокимен дне, и чтения 3: Втораго послания Петрова, зачало 58, 59 и 61. На литии стихира храма и апостола, глас 1. Слава глас 8: Проповедника веры: И ныне: Владычице приими: На стиховне стихиры, глас 5. Подобен: Радуйся: с припевы. Слава, глас 3: Скровника Петрова: И ныне, глас тойже: Иосифе рцы нам: По трисвятом,

Тропарь, глас 4: Яко апостолов первозванный, и верховнаго сущий брат, Владыце всех, Андрее, молися, мир вселенней даровати, и душам нашим велию милость.

Слава, и ныне: Еже от века утаеное: И отпуст. На утрени, на Бог Господь, тропарь апостола дважды. Слава, и ныне, Богородичен. По кафисмах седальны апостола, с богородичны их. И чтение. По полиелеи седален, глас 5, дважды. Слава, и ныне, Богородичен. Степенна, 1-й антифон 4-го гласа. Прокимен, глас 4: Во всю землю изыде вещание их: Стих: Небеса поведают славу Божию: Всякое дыхание: Евангелие Матфеа, зачало 9: Ходя Иисус при мори Галилейстем: По 50-м псалме стихира, глас 8: Проповедника веры: писана, Слава, на литии. Таже, молитва: Спаси Боже люди твоя: Канон Богородицы, со ирмосом на 6, глас 1: и апостола два канона на 8, глас 1. Катавасиа, Христос раждается: По 3-й песни, седален, глас 8. Подобен: Премудрости: Слава, ин, глас и подобен тойже. И ныне, Богородичен. По 6-й песни,

Кондак, глас 2: В молитвах: Мужества тезоименитаго богоглагольника, и церкве возследователя верховнаго, Петрова сродника восхвалим: зане якоже древле сему, и ныне нам воззва, приидите, обретохом желаемаго.

И икос. По 9-й песни, светилен апостола. Слава, ин: И ныне, Богородичен. На хвалитех стихиры на 4, глас 1. Подобен: Небесных чинов: Слава, глас 8, самогласен: Проповедника веры: И ныне, глас тойже: Восприими, Вифлееме: Славословие великое, и тропарь апостола. Слава, и ныне: Богородичен воскресен. Ектении, и отпуст, и час 1-й. На литургии, блаженна, от канонов песнь 3-я и 6-я, на 8. Прокимен, глас 8: Во всю землю изыде вещание их: Стих: Небеса поведают славу Божию: Апостол к коринфяном, зачало 131: Бог ны посланники: Аллилуиа, глас 1: Исповедят небеса чудеса твоя, Господи. Евангелие Иоанна, зачало 4: Стояше Иоанн, и от ученик его два: Причастен, Во всю землю:

Месяц декемврий

имеяй дней 31. День имать часов 9, а нощь часов 15.

1. Святаго пророка Наума.

Аллилуиа, или тропарь. Стихиры Богородицы, глас 3. Подобен: Велия: и святаго, глас и подобен тойже. На стиховне октоиха.

Тропарь, глас 2: Пророка твоего Наума память, Господи, празднующе, тем тя молим: спаси души наша.

На утрени, Аллилуиа во глас октоиха, и троичны гласа, по обычаю: или тропарь. По кафисмах, седальны октоиха, и чтение. Оба канона октоиха, и пророка на 4, глас 5. По 3-й песни, седален, глас 5. По 6-й песни, мученичен октоиха.

Или кондак, глас 4. Подобен: Явился еси: Просветившееся духом чистое твое сердце, пророчества бысть светлейшаго приятелище: зриши бо яко настоящая далече сущая. сего ради тя почитаем, пророче блаженне, Науме славне.

И чтем пролог. По 9 песни, светилен троичен. На стиховне октоиха.

2. Святаго пророка Аввакума.

Подобне, Аллилуиа, или тропарь вчерашний. Стихиры Богородицы 3, глас 4. Подобен: Яко добля: и пророка 3, глас и подобен тойже. На утрени, оба канона октоиха, и пророка на 4, глас 4. По 3-й песни, седален, глас 4. По 6-й песни,

Кондак, глас 8. Подобен: Взбранной: Возгласивый вселенней от юга пришествие Божие от Девы, Аввакуме богоглаголиве, и на божественней стражи предстоянием слышания, от светоносна ангела, Христово Воскресение возвестил еси миру. сего ради весело зовем ти: радуйся, пророков светлая доброто.

И чтем пролог. По 9-й песни, светилен троичен. На стиховне октоиха.

3. Святаго пророка Софониа.

Поем подобне: Стихиры пророка 3, глас 4. Подобен: Званный свыше: На стиховне октоиха. На утрени, оба канона октоиха: и святаго на 4, глас 6-й. По 3-й песни, седален, глас 6. По 6-й песни,

Кондак пророка, глас 4. Подобен: Явился еси: Явился еси светозарен божественным духом, пророче Софоние, Божие явление возгласив: радуйся зело дщи сионя, иерусалимова проповеждь: се царь твой грядет спасаяй.

По 9-й песни, светилен троичен. На стиховне октоиха.

🕃 В тойже день преподобнаго отца нашего Саввы Звенигородскаго.

Совершается собор его во обители его, и идеже храм его.

Тропарь, глас 8: Пустыни явился еси доброе прозябение, преподобне, от юности бо изволил еси чистое житие, духовному твоему учителю последуя, и того учением ум к небесным вперив, и стаду твоему премудр наставник показался еси. тем и Христос яко пресветла тя светильника чудесы обогати: Савво отче наш, моли спастися душам нашим.

Кондак, глас 2. Подобен: Вышних ищя: Господним желанием распалився, страсти плотския воздержанием оттряс, божественнаго света незаходимое светило явился еси, чудес лучами всех просвещаеши притекающих к раце мощей твоих, Савво преподобне отче наш.

4.🕃 Святыя великомученицы Варвары:

И преподобнаго отца нашего Иоанна Дамаскина.

Стихиры святыя 3, глас 2. Подобен: Егда от древа: и преподобнаго 3, глас 8. Подобен: О преславнаго чудесе! Слава: глас 6: Отечество, род, имение: На стиховне октоиха. Слава, глас 6: Преподобне отче, во всю землю:

Тропарь святыя, глас 8: Варвару святую почтим: вражия бо сети сокруши, и яко птица избавися от них, помощию и оружием креста, всечестная.

Слава, святаго, глас тойже: Православия наставниче: октовриа в 11 день. На утрени, канон октоиха един: И святыя канон на 4, глас 2: И преподобнаго на 4, глас тойже. По 3-й песни,

Кондак преподобнаго, глас 4. Подобен: Вознесыйся: Песнописца и честнаго богоглагольника, церкве наказателя, и учителя, и врагов сопротивоборца, Иоанна воспоим: оружие бо взем, крест господень, всю отрази ересей прелесть: и яко теплый предстатель к Богу всем подает прегрешений прощение.

И икос, и седален святыя, глас 3. Слава, преподобнаго, глас тойже. По 6-й песни,

Кондак святыя, глас 4. Подобен: Вознесыйся: В Троице благочестно певаемому последовавши Богу страстотерпице, идольская притупила еси чтилища: посреде же подвига страдальчествующи, Варваро, мучителей прещения не устрашилася еси мужемудренная, велегласно поющи присно: Троицу чту, Едино Божество.

И икос. По 9-й песни светилен октоиха и святыя. Слава, преподобнаго. На хвалитех стихиры святыя на 4, глас 1: самогласны. Слава, глас 6: Страдальческим шествовавши путем: На стиховне октоиха. Слава преподобнаго, глас 8: Монахов множества: На литургии, блаженна мученицы, песнь 3-я: И преподобнаго, песнь 6-я. Прокимен, глас 4: Дивен Бог во святых своих: Стих: В церквах благословите Бога: Апостол к галатом. зачало 208: Прежде пришествия веры: Аллилуиа, глас 1: Терпя потерпех Господа, и внят ми: Евангелие Марка, зачало 21: По Иисусе идоша народи мнози, и угнетаху его: Причастен: Радуйтеся:

5. 🕁 Преподобнаго и богоноснаго отца нашего Саввы освященнаго.

Аще хощет настоятель, творит бдение. На малей вечерни, стихиры на 4, глас 1: Подобен: Всехвальнии мученицы: Слава, глас 2: Преподобне отче: И ныне, Богородичен: На стиховне стихиры, глас 2. Подобен: Доме евфрафов: с припевы их. 1: Честна пред Господем смерть преподобных его. 2: Блажен муж бояйся Господа: Слава, и ныне, Богородичен, глас и подобен тойже: Владычице благая: Тропарь, глас 8: Слез твоих теченьми: септемвриа в 3 день. Слава, и ныне, Иже нас ради: Ектениа малая, и отпуст. На велицей вечерни, Господи воззвах, стихиры на 8, глас 5. Подобен: Преподобне отче: Слава, глас 6: Еже по образу: И ныне: Кто тебе не ублажит: Вход. Прокимен дне, и чтения 3, преподобническая. На литии стихира храма: И святаго самогласны, глас 2. Слава, глас тойже: Еже паче ума благих: И ныне, Богородичен. На стиховне стихиры, глас 5. Подобен: Радуйся: с припевы их. Слава: глас 8: Монахов множества: И ныне, Богородичен: Безневестная Дево: На благословении хлебов, тропарь, глас 8: Слез твоих теченьми: дважды, писан на малей вечерни. И Богородице Дево: единожды. И Буди имя господне: 3. Псалом 33: Благословлю Господа: И чтение от жития святаго Саввы. На утрени, на Бог Господь, тропарь святаго, дважды. Слава, и ныне: Иже нас ради: По кафисме седальны святаго, с богородичны их, и чтение. По полиелеи седален, глас 8, дважды. Слава, и ныне, Богородичен. И чтение от жития святаго. Степенна, 1 антифон 4-го гласа. Прокимен, глас тойже: Честна пред Господем смерть преподобных его. Стих: Что воздам Господеви: Евангелие Луки, зачало 24: Ста Иисус на месте равне: По 50-м псалме стихира, глас 6: Преподобне отче, во всю землю: Канон Богородицы, на 6, глас 2: Нетрену, необычну: И святаго на 8, глас 8. Катавасиа: Спасе люди: По 3-й песни, седален глас 8. Слава, ин: И ныне: Богородичен. По 6-й песни,

Кондак, глас 8. Подобен: Взбранной: Яко от младенства Богу жертва непорочная принеслся еси добродетелию, Савво блаженне, садоделатель быв благочестия. темже был еси преподобных удобрение, гражданин же пустынный достохвален. темже зовем ти: радуйся, Савво пребогате.

И икос, и чтем пролог. По 9-й песни, светилен дважды. Слава, и ныне, Богородичен. На хвалитех, стихиры на 4, глас 1. Подобен: Небесных чинов: Слава, глас 6: Преподобне отче, во всю землю: И ныне: Богородице, ты еси лоза: Славословие великое. По трисвятом тропарь святаго. Слава, и ныне: Иже нас ради: Ектении, и отпуст, и час 1-й. На 1-м часе, тропарь святаго. По трисвятом кондак его. И совершенный отпуст. На литургии, блаженна, от канона святаго песнь 3-я и 6-я. Прокимен, глас 7: Честна пред Господем: Стих: Что воздам Господеви: Апостол к галатом, зачало 213: Плод духовный: Аллилуиа, глас 8: Блажен муж бояйся Господа: Стих: Сильно на земли будет семя его. Евангелие Матфеа, зачало 43: Вся мне предана суть: Причастен: В память:

6.🕁 Иже во святых отца нашего Николаа архиепископа, мир ликийских чудотворца.

Аще хощет настоятель, творим бдение. На малей вечерни, на Господи воззвах, стихиры на 4, глас 4. Подобен: Яко добля: Слава, глас 6: Возсия якоже солнце: И ныне, Богородичен: Никтоже притекаяй к тебе: На стиховне стихиры, глас 6: Подобен: Тридневен: Слава, и ныне, Возревновав соперник:

Тропарь, глас 4: Правило веры и образ кротости, воздержания учителя, яви тя стаду твоему, яже вещей истина. сего ради стяжал еси смирением высокая, нищетою богатая, отче священноначальниче Николае, моли Христа Бога, спастися душам нашим.

Слава, и ныне: Еже от века: Ектениа малая, и отпуст. На велицей вечерни, поем Блажен муж, 1-й антифон. На Господи воззвах, стихиры на 8: глас 2. Подобен: Егда от древа: Ины стихиры, глас тойже. Подобен: Киими: Слава, глас 6: Святителей удобрение: И ныне, предпразднства: Вертепе благоукрасися: Вход, прокимен дне, и чтения три: 1-е, Притчей: Память праведнаго: 2-е, Уста праведнаго: 3-е, Праведник аще постигнет: На литии стихира храма: таже Николаа, глас 2: Самогласны. Слава, глас 6: Благий рабе: И ныне, глас тойже: Сионе торжествуй: На стиховне стихиры, глас 5. Подобен: Радуйся: с припевы их. Слава, глас 6: Человече Божий: И ныне: Безневестная Дево, откуду пришла еси? На благословении хлебов тропарь: Правило веры: дважды: писан на малей вечерни: и Богородице Дево: единожды. И Буди имя Господне: трижды. Псалом 33: Благословлю Господа: И чтение от жития святаго. А идеже несть бдения, но Ныне отпущаеши, и по трисвятом, тропарь святителя, единожды. Слава, и ныне, Богородичен. На утрени, на Бог Господь, тропарь святаго, дважды: Слава, и ныне: Еже от века: И обычныя кафисмы. По кафисмах седальны святителя, и с богородичны их, и чтение. По полиелеи седален, глас 5. Слава, ин: И ныне, Богородичен: и обычное чтение святаго. Степенна 1-й антифон 4-го гласа. Прокимен, глас 4. Честна пред Господем смерть: Стих: Что воздам Господеви: Всякое дыхание: Евангелие Иоанна, зачало 36: Аз есмь дверь: По 50-м псалме стихира, глас 6: Наследниче Божий: Канон Богородицы, глас 1, со ирмосом на 6: и святаго два канона на 8. Един, глас 2: Другий, глас 1. Катавасиа: Христос раждается: По 3-й песни, седален, глас 8: Слава, другий: И ныне, Богородичен: По 6-й песни,

Кондак, глас 3. Подобен: Дева днесь: В мирех, святе, священнодействитель показался еси: Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти. сего ради освятился еси, яко великий таинник Божия благодати.

И икос: и чтем пролог. По 9-й песни, светилен Подобен: Жены услышите: Слава, ин: И ныне, Богородичен. На хвалитех стихиры на 6, глас 1. самогласны. Слава, глас 5: Вострубим трубою песней: И ныне, Богородичен, глас тойже: Вострубим трубою: Славословие великое. По трисвятом тропарь: Слава, и ныне, Еже от века: Ектении, и отпуст. Дается же и елей братии от кандила святаго. и час 1-й. На 1-м часе, тропарь святаго: По трисвятом кондак его. И конечный отпуст. На литургии, блаженна от канона 1-го, песнь 3, и втораго, песнь 6. Прокимен, глас 7: Возвеселится праведник о Господе: Стих: Услыши Боже глас мой: Апостол ко евреем, зачало 335: Повинуйтеся наставником: Аллилуиа, глас 4: Священницы твои облекутся в правду: Евангелие Луки, зачало 24: Ста Иисус на месте равне: Причастен: В память вечную:

7. Иже во святых отца нашего Амвросиа, епископа медиоланскаго.

Аллилуиа, или Тропарь, глас 4: Правило веры: септемвриа во 2-й день. Стихиры Богородицы 3, глас 1. Подобен: Небесных чинов: И святаго 3, глас и подобен тойже. На стиховне октоиха: На утрени, оба канона октоиха: И святаго на 4, глас 4. По 3-й песни, седален, глас 8. По 6-й песни,

Кондак, глас 3. Подобен: Божественныя веры: Божественными догматы облистая, помрачил еси ариеву прелесть, священнотаинниче и пастырю Амвросие: чудодействуя же силою духа, страсти различныя яве исцелил еси, отче преподобне, Христа бога моли спастися душам нашим.

По 9-й песни, светилен троичен. На стиховне октоиха.

🕃 В тойже день преставление преподобнаго отца нашего Антониа сийскаго, новаго чудотворца.

Совершается собор его, во обители его и во храме.

Тропарь, глас 1: Желанием духовным распалився, и мятежи мирския отринув, ко единому же Богу любовию прилепился еси, и того вседушне взыскуя, во внутреннюю пустыню отшел еси, при водах вселився, идеже во слезах и трудех пребывая многолетное время, в терпении мнозе житие ангельское проходил еси, в наставлении божественнаго разума: и множество монахов собрал еси, мудре, ихже посещая, не остави, Антоние преподобне отче наш, пресвятей Троице моляся, от зол всяческих избавити, и спасти души наша.

Кондак, глас 8. Подобен: Взбранной: От юности, преподобне, плоть твою в постех и молитвах истончил еси, и крест твой взем, христу последовал еси: темже и к вышним течение радостно совершил еси, идеже со всеми святыми святей Троице предстоиши. и ныне стадо твое посещая, поминай чтущих пресвятую память твою, да вси благодарне вопием ти: радуйся, Богомудре Антоние, наставниче пустынный.

🕃 И преставление преподобнаго отца нашего Нила, иже на езере Селигере, на острове зовомом Столобное, новаго чудотворца.

Совершается собор его, идеже лежат мощи его, и идеже храм его.

Тропарь, глас 4: Яко светильник всесветел явился еси во острове селигера езера, преподобне отче Ниле: ты бо крест Христов от юности своея на рамо взем, усердно тому последовал еси, чистотою Богови приближився, отонудуже и чудес дарованием обогатился еси. тем и мы притекающе к раце мощей твоих, умильно глаголем: отче преподобне, моли Христа Бога, спастися душам нашим.

Кондак, глас 8: Отечества, преподобне, удалився, в пустыню вселился еси, и на остров селигера езера возшед, жестоко житие показал еси, и многих добродетельми удивив, дарования чудес от Христа приял еси. поминай нас чтущих память твою, да зовем ти: радуйся, Ниле отче наш.

8. Преподобнаго отца нашего Патапиа.

Аллилуиа, или тропарь. Стихиры святаго, глас 1. Подобен: Всехвальнии мученицы: На стиховне октоиха. Тропарь, глас 8: В тебе отче известно: октовриа в 1-й день. На утрени, оба канона октоиха: и преподобнаго на 4, Глас 2. По 3-й песни, седален, глас 8. По 6-й песни,

Кондак, глас 3. Подобен: Дева днесь: Храм твой, святе, духовное врачество людие обретше, со тщанием к нему приходяще, цельбу недугов просят прияти, решение же в житии прегрешенных: ты бо всех сущих в нуждах предстатель явился еси, Патапие преподобне.

По 9-й песни, светилен октоиха, или троичен.

9. 🕃 Зачатие святыя Анны, егда зачат Пресвятую Богородицу.

Вечер, обычная кафисма. На Господи воззвах, стихиры на 6: глас 4. Подобен: Званный свыше: Слава, и ныне, глас 2: Недоведомое ангелом и человеком: На стиховне стихиры, глас 5: Подобен: Радуйся: Припев 1-й, Клятся Господь Давиду: 2-й, От плода чрева твоего: Слава, и ныне, глас 2: Днесь из корене Давидова:

Тропарь, глас 4: Днесь безчадия узы разрешаются, Иоакима бо и Анну услышав Бог, паче надежды родити тем яве обещавает Богоотроковицу, из неяже сам родися неописанный, человек быв, ангелом повелев вопити ей: радуйся, благодатная, Господь с тобою.

Сей тропарь глаголется без богородична.

Таже ектении и отпуст. На утрени, на Бог Господь, тропарь, трижды: и обычныя кафисмы: и седальны святыя, и чтение. Каноны два святыя Анны: Первый со ирмосом на 8: Вторый на 6, глас 1. Катавасиа праздника: Христос раждается: По 3-й песни, седален, глас 4, дважды. Слава, и ныне, Богородичен: По 6-й песни,

Кондак, глас 4. Подобен: Явился еси: Празднует днесь вселенная Аннино зачатие, бывшее от Бога: ибо та породи паче слова Слово рождшую.

И икос. и чтем пролог. По 9-й песни светилен, дважды. На хвалитех стихиры, на 4, глас 1. Подобен: Небесных чинов: Слава, и ныне, глас 8: Приидите радостно днесь: Славословие великое. По трисвятом, тропарь единожды. и отпуст. На литургии, блаженна от канона 1-го, песнь 3-я: и 2-го, песнь 6-я. Прокимен, глас 4: Дивен Бог во святых своих: Стих: В церквах благословите Бога: Апостол к галатом, зачало 210 от полу: Авраам два сына име: Аллилуиа, глас 1: Спасение праведных от Господа: Евангелие Луки, зачало 36: Никтоже убо светильника вжег: Причастен: Радуйтеся:

10. Святых мученик, Мины, Ермогена и Евграфа.

Стихиры октоиха 3, и святых 3, глас 1. Подобен: Всехвальнии: На стиховне октоиха.

Тропарь, глас 8: Воздержанием страстей, огнепальныя умертвивше зраки и движения, Христовы мученицы прияша благодать недуги отгоняти немощных, и живше и по кончине чудодействовати. воистинну чудо преславно, яко кости наги источают исцеления: слава единому и создателю Богу.

На утрени, оба канона октоиха: и святых, на 4: глас 1. По 3-й песни,

Кондак, глас 1. Подобен: Лик ангельский: Мину чуднаго, Ермогена божественнаго, и Евграфа купно священными сладкопении почтим вси яко почествовавшия Господа, и страдальчествовавшия за него, и лика безплотных на небесех достигшия, и чудеса точащия.

И седален, глас 8. По 6-й песни,

Кондак, глас 4. Подобен: Вознесыйся: Добропесненный глас твоих словес, Ермогена из глубины погибели возвед, постави на камени жизни: отонудуже и Евграф царя обличив, радуяся посекается в славную главу. но прилежно моли, Мино, спастися всем любовию чтущим тя.

По 9-й песни, светилен октоиха. Слава, святых. На стиховне октоиха. На литургии, прокимен, глас 4: Святым, иже суть на земли его: Стих: Предзрех Господа предо мною выну: Апостол ко ефесеем, зачало 233. Возмогайте о Господе: Аллилуиа, глас 4: Воззваша праведнии: Стих: Многи скорби праведным: Евангелие Луки, зачало 106. Внемлите от человек: Причастен: Радуйтеся:

11. Преподобнаго отца нашего Даниила столпника.

Аллилуиа, или тропарь. Стихиры Богородицы 3, глас 8. Подобен: Что вас наречем: и святаго 3, глас и подобен тойже. Слава, глас 5: Порученный ти талант: На стиховне октоиха. Тропарь, глас 1: Терпения столп был еси: септемвриа в 1-й день. На утрени, оба канона октоиха: И святаго на 4, глас 8. По 3-й песни, седален, глас 1. По 6-й песни,

Кондак, глас 8. Подобен: Яко начатки: Якоже звезда многосветлая, ты возшед, блаженне, на столп, мир просветил еси преподобными делы твоими и тьму прелести отгнал еси, отче. темже молим тя: и ныне облистай в сердцах раб твоих незаходящий свет разума.

По 9-й песни, светилен октоиха: Слава святаго. На стиховне октоиха.

Ведати подобает, яко от сего 11-го дне начинается неделя праотеческая, и восходит сегоже декемвриа до 17-го дне бывает же сице:

Аще убо случится Рождество Христово в неделю:

И тогда праотеческая неделя бывает декемвриа в 11 день. А святых отец неделя, яже пред Рождеством Христовым, декемвриа во 18 день.

Аще ли случится Рождество Христово в понедельник:

И тогда праотеческая неделя бывает декемвриа в 17 день. А неделя святых отец яже пред Рождеством Христовым, тогда бывает декемвриа в 24 день.

Аще ли случится Рождество Христово во вторник:

И тогда праотеческая неделя бывает декемвриа в 17 день. А святых отец неделя, яже пред Рождеством Христовым, декемвриа в 23 день.

Аще ли Рождество Христово случится в среду:

И тогда бывает праотеческая неделя декемвриа в 15 день. А святых отец неделя декемвриа в 22 день.

Аще ли случится Рождество Христово в четверток:

И тогда бывает праотеческая неделя декемвриа в 14 день. А святых отец неделя декемвриа в 21 день.

Аще ли случится Рождество Христово в пяток:

И тогда бывает праотеческая неделя декемвриа в 13 день. А святых отец неделя в 20 день.

Аще ли случится Рождество Христово в субботу:

И тогда бывает праотеческая неделя декемвриа в 12 день. А неделя святых отец, яже пред Рождеством Христовым, декемвриа в 19-й день. От зде блюди неделю святых праотец, в кое число прилучится. Аще и прежде недели 28, или послежде. И на литургии Евангелие чти недели 28, от Луки зачало 76: Человек некий сотвори вечерю велию: непременно едино. А в 28 неделю чти рядовое, кое прилучится иныя недели.

Подобает ведати о недели святых праотец:

[МРК] Егда убо бывает неделя святых праотец, оставляется последование прилучившагося святаго в ту неделю, и поем прежде в пяток на повечерии. В субботу на малей вечерни поем по обычаю. На велицей вечерни, на Господи воззвах, стихиры воскресны 3. и анатолиевы 3, и святых праотец 4: глас 8. Подобен: Иже во едеме, Слава, праотцец, глас 6: Иже прежде закона: И ныне, Богородичен настоящаго гласа. На литии стихира храма. Слава, праотцев, глас 1: Лучами облиставшеся: И ныне, Богородичен: Се исполнися: На стиховне стихиры воскресны. Слава, праотцев, глас 3: Праотцев собор: И ныне, Богородичен: Без семене от божественнаго духа: На благословении хлебов тропарь: Богородице Дево: дважды.

И праотцев тропарь, глас 2, единожды: Верою праотцы оправдал еси, от язык теми предобручивый церковь: хвалятся в славе святии, яко от семене их есть плод благославен, без семене рождшая тя. тех молитвами, Христе Боже, помилуй нас.

На утрени, на Бог Господь, тропарь воскресн дважды. Слава, и ныне, праотцев. По 1-й и по 2-й кафисме седальны воскресны: и чтение во евангелии толковом, неделя ряд. Посем полиелей: и тропари: Ангельский собор: таже ипакои гласа, и седален праотцев: и чтение. Степенна, и прокимен гласа: Всякое дыхание: Евангелие воскресно. и Воскресение Христово: Псалом 50. стихира воскресна. Канон воскресн со ирмосом на 4: и отроков на 4, глас 8: и праотцев на 6, глас 1. Катавасиа: Христос раждается: По 3-й песни, ипакои праотцев единощи, глас 2: В росу детем: По 6-й песни,

Кондак праотцев, глас 6: Рукописаннаго образа не почетше, но неописанным существом защитившеся, треблаженнии, в подвизе огня прославистеся, среде же пламене нестерпимаго стояще, Бога призвасте: ускори о щедрый, и потщися яко милостив в помощь нашу, яко можеши хотяй.

И икос. По 9-й песни, светилен воскресен. Слава, праотцев: И ныне, Богородичен: Солнце великое: На хвалитех, стихиры воскресны 4, и святых праотцев 4, глас 2. Подобен: Доме евфрафов: Слава, праотцев, глас 7: Приидите вси верно: И ныне: Преблагословенна еси: Славословие великое, и отпуст. Стихиру же евангельскую поем в притворе. И час первый, и конечный отпуст. На литургии, блаженна гласа на 6, и праотцев песнь 3-я на 4. По входе тропарь воскресн и праотцев. Слава, и ныне, кондак праотцев. Прокимен, песнь отцев, глас 4: Благословен еси Господи Боже отец наших: Стих: Яко праведн еси о всех: Апостол праотцев к колоссаем, зачало 257: Егда Христос явился: Аллилуиа, глас 4: Моисей и Аарон: Евангелие Луки, зачало 76: Человек некий сотвори вечерю велию: Ряд же недели оставляется. Причастен: Хвалите Господа: Другий: Радуйтеся:

12.🕃 Преподобнаго отца нашего Спиридона чудотворца, епископа Тримифийскаго.

На Господи воззвах, стихиры на 6: глас 5. Подобен: Радуйся: Слава, глас 1: Преподобне отче блаженне: На стиховне октоиха. Слава, святаго, глас 2: Святителей божественный: Тропарь, глас 4: Правило веры: септемвриа во 2-й день.

Или сей, глас 1: Собора перваго показался еси поборник, и чудотворец, богоносе Спиридоне отче наш. темже мертву ты во гробе возгласив, и змию в злато претворил еси: и внегда пети тебе святыя молитвы, ангелы сослужащия тебе имел еси, священнейший. слава давшему тебе крепость. слава венчавшему тя. слава действующему тобою всем исцеления.

На утрени, на Бог Господь, тропарь святаго, дважды: и обычныя кафисмы, и седальны октоиха, и чтение. Оба канона октоиха без мученичнов. И святаго на 6, глас 2. По 3-й песни, седален, глас 8, дважды. По 6-й песни,

Кондак, глас 2. Подобен: Вышних ищя: Любовию Христовою узвився, священнейший, ум вперив зарею духа, детельным видением твоим деяние обрел еси, богоприятне, жертвенник божественный быв, прося всем божественнаго сияния.

И икос. По 9-й песни, светилен октоиха. Слава, святаго. На стиховне октоиха. Слава, святаго, глас 4. И ныне, Богородичен. На литургии, блаженна октоиха: И святаго, песнь 3-я. Прокимен, глас 1: Уста моя возглаголют премудрость: Стих: Услышите сия вси язы́цы: Апостол ко евреем, зачало 335: Повинуйтеся наставником вашим: Аллилуиа, глас 2: Уста праведнаго: Стих: Закон Бога его: Евангелие Луки, зачало 24. Причастен: В память вечную:

13. 🕂 Святых мученик: Евстратиа, Авксентиа, Евгениа, Мардариа и Ореста:

и святыя мученицы Лукии девицы.

Вечер, Блажен муж: На Господи воззвах, стихиры мучеников на 6, глас 4. Подобен: Дал еси знамение: Ины стихиры, глас тойже. Подобен: Яко добля: Слава, глас 6: Приидите мучениколюбцы: И ныне: Кто тебе не ублажит: Вход. Прокимен дне. Чтения три. На стиховне стихиры, глас 5. Подобен: Радуйся: с припевы их. 1-й: Воззваша праведнии, и Господь услыша их. 2-й: Многи скорби праведным: Слава, глас тойже, самогласен: Мучащих свирепства: И ныне: Блажим тя, Богородице Дево: Тропарь, глас 4: Мученицы твои Господи: септемвриа в 20 день. На утрени, на Бог Господь, тропарь мучеников дважды. Слава, и ныне: Еже от века утаеное: И обычныя кафисмы, и седальны святых: И чтение. По полиелеи седален. глас 8, дважды. Слава, и ныне, Богородичен. Степенна, 1-й антифон 4-го гласа. Прокимен, глас 4: Воззваша праведнии, и Господь услыша их. Стих: Многи скорби праведным: Евангелие Матфеа, зачало 36: Се аз посылаю вас: По 50-м псалме стихира, глас 1: Пяточисленный лик святых: Канон Богородицы, со ирмосом на 6: И святых два, на 8: Един, глас 4: Другий, глас 6. Катавасиа, Христос раждается: По 3-й песни,

Кондак, глас 2. Подобен: В молитвах: Светильник явился еси светлейший, во тьме неведения седящим, страстотерпче. верою бо яко копием обложився, врагов шатания не убоялся еси, Евстратие, риторов сый благоязычнейший.

Таже седален, глас 8, дважды. Слава, и ныне, Богородичен. По 6-й песни,

Кондак, глас 3. Подобен: Дева днесь: Витийствуя пред беззаконнующими божественная, биения претерпел еси мужественнейшим сердцем, облистал еси богознаменьми пречудне, угасил еси возвышенный прелести пламень сего ради тя чествуем, всеблаженне, мучениче Христов Евстратие.

И икос. По 9-й песни, светилен дважды. На хвалитех стихиры на 4, глас 3. Слава, глас 4: Пятострунную цевницу: И ныне, Богородичен: Имуще тя, Богородице. Славословие великое. По трисвятом тропарь: Слава, и ныне, Богородичен: Еже от века: Ектении, и отпуст. На литургии, блаженна 1-го канона, песнь 3-я на 4: и 2-го песнь 6-я, на 4. Прокимен, глас 4: Святым, иже суть на земли его: Стих: Предзрех Господа предо мною выну: Апостол к ефесеем, зачало 233: Возмогайте о Господе: Аллилуиа, глас 4: Воззваша праведнии: Стих: Многи скорби праведным: Евангелие Луки, зачало 106: Возложат на вы руки своя: Причастен: Радуйтеся:

14. Святых мученик: Фирса, Левкиа, Филимона Аполлониа, Ариана и Каллиника.

Аллилуиа, или тропарь. На Господи воззвах стихиры Богородицы, глас 4. Подобен: Дал еси знамение: И святых, глас и подобен тойже. На стиховне октоиха. Тропарь вчерашний. На утрени, оба канона октоиха: И мучеников на 4, глас 6. По 3-й песни, седален, глас 4. По 6-й песни,

Кондак, глас 2. Подобен: Твердыя: Благочестия веры поборницы злочестиваго мучителя оплевавше, обличисте зверообразное его кровопролитие, и победисте того яростное противление, Христовою помощию укрепляеми, Фирсе и Левкие, с пострадавшими о нас молитеся.

По 9-й песни, Светилен троичен. На стиховне октоиха.

15. Святаго священномученика Елевфериа: И преподобнаго отца нашего Павла, иже в Латре.

Стихиры священномученика 3, глас 4. Подобен: Дал еси знамение: И преподобнаго 3, глас 2: Подобен: Егда от древа: Тропарь, глас 4: И нравом причастник: септемвриа в 3 день.

Слава, преподобнаго, глас тойже: Яко безплотных единовсельника, и всем преподобным сообщника, всеславне Павле, поем тя, и молим тя: молися всегда о нас, яко да обрящем милость.

На утрени, канон октоиха един: И святых два канона, глас 1. По 3-й песни,

Кондак преподобнаго, глас 8. Подобен: Взбранной: От юности, мудре, яже паче смысла вожделел еси мужески, мирский мятеж оставил еси, и был еси божественнаго ради жительства Троицы жилище, и просветил еси верою приступающия тебе. тем зовем: радуйся, Павле пребогате.

И седален священномученика, глас 1. Слава, преподобнаго, глас 8. По 6-й песни,

Кондак священномученика, глас 2. Подобен: Твердыя: Яко удобрение священников преподобне и предувещание страстотерпцев вси восхваляем, и просим тя, священномучениче Елевферие: любовию память твою празднующия бед многообразных свободи, моля непрестанно о всех нас.

И икос. По 9-й песни, светилен октоиха. Слава, преподобнаго. На стиховне октоиха.

🕃 И иже во святых отца нашего Стефана исповедника, архиепископа сурожскаго.

Совершается собор его, идеже храм его.

Тропарь, глас 4: Яко святитель со безплотными единожитель быв, священномучениче Стефане: восприем бо крест яко оружие, и став крепко сопротив иконоукорителя и духоборцов, не покланяющихся пречистому образу Христа Бога нашего, и отсекл еси всяку ересь лукавых: того ради приемь мучения венец, избавил еси град твой Сурож от всякия неприязни. и ныне молим тя, святе, да избавиши нас от всяких злых искушений и бед, и вечныя муки.

Кондак, глас 3: Вышняго силою священне укрепився, царева низложил еси иконоборная шатания: днесь Сурожу и нам верным предлежат слава и богатство святыя твоя мощи, ихже свыше дароносят ангельстии чинове: песньми и пением славословят тя, великий священный Стефане.

16. Святаго пророка Аггеа.

Аллилуиа, или тропарь. Стихиры, глас 8. Подобен: Мученицы твои: На стиховне октоиха. Тропарь септемвриа в 4 день. На утрени, оба канона октоиха: И пророка на 4, глас 7. По 3-й песни, седален, глас 3. По 6-й песни, мученичен октоиха. По 9-й песни, светилен троичен. На стиховне октоиха.

17. 🕃 Святаго пророка Даниила: и святых триех отроков: Анании, Азарии и Мисаила.

Стихиры пророка 3, глас 4. Подобен: Яко добля: И отроков 3, глас тойже, Подобен: Дал еси знамение: Слава, пророка, глас 2: Духовно нас вернии: И ныне, предпразднства, глас тойже: Приидите вси Христово рождество: На стиховне октоиха: Слава, и ныне, глас 6: Даниил муж желаний:

Тропарь, глас 2: Велия веры исправления, во источнице пламене, яко на воде упокоения, святии трие отроцы радовахуся. и пророк Даниил львом пастырь яко овцам являшеся. тех молитвами, Христе Боже, спаси души наша.

Слава, и ныне, Богородичен. На утрени, на Бог Господь, тропарь дважды. И обычныя кафисмы: И седальны октоиха. И чтение. Канон октоиха един. И пророка, глас 8. И отроков, глас тойже. По 3-й песни,

Кондак пророка, глас 3. Подобен: Дева днесь: Просветившееся духом чистое твое сердце, пророчества бысть светлейшаго приятелище. зриши бо яко настоящая далече сущая, львы укротил еси ввержен в ров. сего ради тя. почитаем, пророче блаженне, Данииле славне.

И икос и седален пророка, глас 8. Слава, отроков, глас тойже. И ныне: Радуйся престоле: По 6-й песни, кондак, глас 6: Рукописаннаго образа не почетше: сего месяца в 11 день, в неделю праотцев. И икос, и чтем пролог. По 9-й песни, светилен октоиха. Слава, пророка: И ныне, Богородичен. На стиховне октоиха. Слава, и ныне, глас 6: Мысленному солнцу правды: На литургии блаженна, от канона пророка, песнь 3-я: и отроков, песнь 6-я. Прокимен глас 4: Дивен Бог во святых своих: Стих: В церквах благословите Бога: Апостол ко евреем, зачало 330: Иже верою победиша: Аллилуиа, глас 4: Воззваша праведнии: Евангелие Луки, зачало 62: Горе вам книжницы и фарисее, яко зиждете гробы пророков: Причастен: Радуйтеся праведнии:

[МРК] Подобает ведати: аще случится святаго пророка Даниила, и святых триех отроков, в неделю святых праотец. Поется воследование их вкупе с воскресною службою сице:

На малей вечерни, на Господи воззвах, стихиры воскресны и Богородицы, по обычаю. На велицей вечерни, на Господи воззвах, стихиры воскресны 3, и праотцев 3: и пророка даниила 2, глас 4. Подобен: Яко добля: И отроков 2, глас тойже. Подобен: Дал еси знамение: Слава, праотцев, глас 6: Иже прежде закона: И ныне, Богородичен 1-й, гласа. Вход, прокимен дне. На литии стихира храма: и пророка Даниила, глас 4: На престоле седящаго: писан на Господи воззвах, в ряду последний, и отроков, глас тойже: Словесе премудрости твоея: писан на Господи же воззвах, последний, и глас 2: Духовно нас вернии: Слава, праотцев, глас 1: Лучами облиставшеся: И ныне, Богородичен: Се исполнися: На стиховне стихиры воскресны. Слава, праотцев, глас 3: Праотцев собор: И ныне, пророка, глас 6: Даниил муж желаний: На благословении хлебов тропарь: Богородице Дево: дважды: и праотцев единожды. и Буди имя Господне: трижды. и псалом 33: Благословлю Господа: и чтение в посланиих апостольских. [Зри] А идеже бдения не бывает, На повечерии, по Достойно и по трисвятом кондак святых праотцев. На утрени, на Бог Господь: тропарь воскресн, дважды. Слава, отроков: И ныне, праотцев. По кафисмах седальны воскресны, с богородичны их, и чтение во евангелии толковом, неделя ряд. По полиелеи, тропари: Ангельский собор: ипакои гласа, и седален праотцев, и чтение во евангелии, неделя святых праотец. Степенна и прокимен гласа, Евангелие воскресно, псалом 50, стихира воскресна, и прочая. Канон воскресн со ирмосом на 4: Пророка и отроков оба канона на 6: и поем в коейждо песни, пророка три тропаря, Богородичен оставляется, и отроков первыя стихи два за един. Таже тропарь един, и Богородичен, и праотцев на 4. И держим стихов 12, кроме Слава, и ныне: всех же на 14. Катавасиа: Христос раждается: По 3-й песни, кондак и икос пророка, и седален его. Слава, отроков: И ныне, ипакои праотцев, и чтение. По 6-й песни, кондак и икос праотцев: и чтем пролог. По 9-й песни, светилен воскресн, и праотцев. Слава, пророка: И ныне: Солнце великое: На хвалитех, стихиры воскресны 4: и святых праотцев на 4, с припевы: 1-й, Благословен еси Господи: 2-й, Яко праведен еси: Слава, праотцев, глас 7: Приидите вси верно торжествуем: И ныне: Преблагословенна еси: Славословие великое. По трисвятом тропарь воскресн, ектении, и отпуст, и обычное исхождение. Слава, и ныне: стихира евангельская, и час 1-й. На 1-м часе, тропарь воскресн. Слава, праотцев: И ныне, Богородичен часов. По трисвятом, кондак праотцев, и прочая: и совершенный отпуст. На 3-м часе, тропарь воскресн. Слава, пророка: И ныне Богородичен часов. По Отче наш, кондак праотцев. На литургии, блаженна гласа на 4, и праотцев песнь 3 на 4, и пророка песнь 6 на 4. По входе тропарь воскресн, таже святых. Слава, кондак пророка: И ныне, праотцев. Прокимен, песнь отцев, и святых. Апостол и Евангелие недели праотцев, и святых: Ряд же недели оставляется. Причастен: Хвалите Господа: Другий, Радуйтеся:

[Зри] Сице поем службу и великаго святаго празднуемаго, аще случится в сию неделю: токмо по полиелеи, И ныне, седален праотец. На литургии прокимен праотцев, и святаго: и вся служба, якоже прежде явлено есть.

18. Святаго мученика Севастиана и дружины его.

Аллилуиа, или тропарь: Стихиры, глас 1. Подобен: Всехвальнии: На стиховне октоиха. Тропарь: Мученцы твои Господи: септемвриа в 20 день. На утрени, оба канона октоиха, и святых на 4, глас 1. По 3-й песни, седален, глас 4. По 6-й песни, мученичен октоиха. По 9-й песни. светилен троичен. На стиховне октоиха.

[Зри] Суббота пред Рождеством Христовым.

На литургии, прокимен, Аллилуиа, и причастен дне. Аще ли случится празднуемаго святаго, поем и другий прокимен, такожде чти два апостола: прежде субботе пред Рождеством Христовым, и ряд под зачало: и потом святаго, аще имать, такожде и евангелиа два. Апостол к галатом, зачало 205: Предуведевше: Евангелие Луки: зачало 72: Кому подобно есть царствие Божие: Причастен: Радуйтеся праведнии: таже святаго.

[МРК] Неделя пред Рождеством Христовым святых отец.

Подобает ведати: аще случится вне 20-го декемвриа, сего месяца, сиречь во 18, или в 19 день: поется воскресна служба, и святых отцев, сице: В субботу вечера, на малей вечерни стихиры воскресны, и Богородице, по обычаю. На велицей вечерни, на Господи воззвах, стихиры воскресны 3, и анатолиевы 3, и отцев 4, глас 6. Подобен: Всю отложивше: Слава, отцев, глас 6: Даниил муж желаний: И ныне, Богородичен 1, гласа. И чтения 3: 1-е, Бытия: Слышав Аврам: 2-е Втораго закона: Рече Моисей к сыном израилевым: 3-е, Втораго закона: Рече Моисей к сыном израилевым: се Господа Бога твоего небо: На литии стихира храма, и отцев: глас 1: Лучами облиставшеся: Слава: глас 3: Праотцев собор: И ныне: Богородичен: Без семене от Божественнаго Духа: На стиховне, стихиры воскресны по алфавиту. Слава, святых, глас. 2: Радуйтеся пророцы честнии: И ныне: О чудесе новаго! На благословении хлебов тропарь: Богородице Дево: дважды. И отцев, глас 2: Велия веры: единожды. и Буди имя господне: трижды. и псалом 33: Благословлю Господа: до Не лишатся всякаго блага. И чтение в толковании посланий апостольских. На утрени, на Бог Господь, тропарь воскресн дважды. Слава, отцев: Велия веры: И ныне, Богородичен: Вся паче смысла: По кафисмах седальны воскресны с богородичны их. И чтение во евангелии толковом: неделя пред Рождеством Христовым, еже от Матфеа: Книга родства Иисуса Христа: Полиелей и тропари: Ангельский собор: ектениа: и седален отцев, глас 8: Авраама, Исаака же и Иакова: Слава, и ныне, Богородичен: Благодарственное похваление: и чтем Евангелие воскресно, ряд. Степенна, и прокимен гласа. Всякое дыхание: Евангелие воскресно: и Воскресение Христово: По 50-м псалме стихира воскресна. Канон воскресн со ирмосом на 4, и крестовоскресен на 2, и Богородицы на 2, и отцев на 6, глас 6. Катавасиа: Христос раждается: По 3-й песни, ипакои, глас 8: и чтение. По 6-й песни, кондак, глас 6: Рукописаннаго образа: Писан в неделю святых праотец. По 9-й песни, светилен воскресн. Слава, отцев: И ныне, Богородичен: На хвалитех стихиры воскресны 3, и анатолиев 1, и отцев 4, глас 5. Подобен: Радуйся: с припевы их: 1-й, Благословен еси Господи Боже отец наших: 2-й, Яко праведен еси: Слава, отцев, глас 8: Законных учений сословие: И ныне: Преблагословенна еси: Славословие великое. По трисвятом, тропарь воскресн, ектении, и отпуст. Стихиру же евангельскую поем в притворе, и час 1-й, и совершенный отпуст. На литургии, блаженна гласа, на 6: и отцев, песнь 3, на 4. По входе, тропарь воскресн, и отцев. Слава, и ныне, кондак отцев: Прокимен, глас 4. Песнь отцев: Благословен еси Господи Боже отец наших: Апостол ко евреем, зачало 328: Верою прииде Авраам: Евангелие Матфеа, зачало 1: Книга родства Иисуса Христа: Ряд же недели оставляется. Причастен: Хвалите Господа: Другий, Радуйтеся:

19. Святаго мученика Вонифатиа.

Поем во всем подобне яко и во 18 день. Аллилуиа, или тропарь: Мученик твой Господи: септемвриа во 2 день.

Кондак, глас 4. Подобен: Явился еси: Священие непорочное самовольне тебе привел еси, иже от Девы тебе ради родитися хотящему, святе венченосче премудре Вонифатие.

20.Предпразднство по плоти Рождества Господа Бога и Спаса нашего Иисуса Христа:

🕃 И святаго священномученика Игнатиа Богоносца:

На Господи воззвах, стихиры предпразднства 3, глас 1, самогласны: И святаго 3, глас 4. Подобен: Званный свыше: Слава, глас 8: Богоносе Игнатие: И ныне, предпразднства, глас тойже: Восприими Вифлееме:

[Зри] Аще случится предпразднство Рождества Христова в субботу.

В пяток вечера, Богородичен 1, мимошедшаго гласа не поется: такожде и в предпразднства святых Богоявлений. На стиховне, стихиры предпразднства глас 2, самогласны: Припевы глаголем: 1-й, Бог от юга приидет: 2-й, Господи услышах: Слава, святаго, глас 1: О твердыя и адамантския: И ныне, глас тойже: Предпразднуем людие: Тропарь святаго, глас 4: И нравом причастник: септемвриа в 3 день.

Слава, и ныне, предпразднства, глас тойже: Готовися Вифлееме, отверзися всем Едеме. красуйся Евфрафо: яко древо живота в вертепе процвете от Девы: рай бо оноя чрево явися мысленный, в немже божественный сад: от негоже ядше, живи будем, не якоже Адам умрем. Христос раждается прежде падший возставити образ.

И отпуст.

На повечерии поем трипеснец, глас 2. ирмос: Непроходимое волнящееся: по дважды. Тропари на 6: И последи ирмос, оба лика вкупе. А идеже двоирмосен трипеснец, и поем 1-го творца ирмос дважды. Тропари же обою творцов на 6: И последи ирмос 2-го канона, оба лика вкупе. Сице поем канон, и ирмосы, и на прочих повечериях, в предпразднства Христова рождества. Припеваем на трипеснце: Слава тебе Боже наш, слава тебе.

[Зри] Ведомо же буди и сие: Яко на повечериях в предпразднства Рождества Христова, на трипеснцах и на канонех, на 8 песни поем, Хвалим, благословим: И поем ирмос 8-я песни, оба лика вкупе, и поклон. По Достойно, и по Отче наш, кондак предпразднства: Дева днесь:

[Зри] Ведомо же и сие да будет: Яко от двадесятаго дне декемвриа, до 14 ианнуариа, Дóндеже отдастся праздник святых Богоявлений, октоих не поется, кроме единых недель, в нихже поется воскресна служба. Полиелеа же не поем, кроме великаго святаго. На утрени, стихословим по две кафисмы. На вечерни кафисма рядовая. Седальны глаголются предпразднства и попразднства. Не поется же и междочасие, и канон Богородицы на повечерии. На утрени, на Бог Господь, тропарь предпразднства, дважды. Слава, святаго: И ныне, предпразднства. И обычныя кафисмы, и седальны предпразднства: и чтение. Канона два: предпразднства, со ирмосом на 8, глас 1: И святаго на 6, глас тойже. [Зри] От днешняго же дне, Господеви поем, в песнех не глаголем, Дóндеже отдастся праздник святых Богоявлений. По 3-й песни,

Кондак предпразднства, глас 3. Подобен: Дева днесь: Дева днесь Превечное Слово в вертепе грядет родити неизреченно: ликуй вселенная услышавши, прослави со ангелы и пастырьми хотящаго явитися Отроча младо, превечнаго Бога.

И икос. И седален святаго, глас 3. Слава, глас 8. И ныне, Богородичен. По 6-й песни,

Кондак святаго, глас 3. Подобен: Дева днесь: Светлых подвиг твоих светоносный день, предпроповедует всем в вертепе рожденнаго: сего бо жаждая от любве насладитися, потщался еси от зверей снеден быти. сего ради и богоносец нареклся еси, Игнатие всемудре.

И икос. По 9-й песни, светилен святаго. Слава, и ныне, предпразднства. На хвалитех стихиры предпразднства 4, глас 6. Самоподобен: Ангельския предыдите силы: по алфавиту. Слава, глас и подобен тойже: Приближается Христос: И ныне: Зависть же и огнь: На стиховне стихиры предпразднства, глас 4, самогласны, с припевы предписанными. Слава, святаго, глас 1: Столп одушевленный: И ныне, предпразднства, глас 6: Вертепе благоукрасися: Тропарь святаго. Слава, и ныне, предпразднства. На литургии, блаженна от канона предпразднства, песнь 3-я, и святаго песнь 6: По входе тропарь предпразднства, и храма святаго, и святаго Игнатиа. Таже кондак храма. Слава, кондак Игнатиа: И ныне, предпразднства: Дева днесь Прокимен, глас 7: Возвеселится праведник: Стих: Услыши Боже глас мой: Апостол ко евреем, зачало 311: Имуще архиереа велика: Аллилуиа, глас 4: Праведник яко финикс: Стих: Насаждени в дому Господни: Евангелие Марка, зачало 41: Прииде Иисус и ученицы его в Капернаум: Причастен: В память:

[МРК] Аще ли случится неделя святых отец в предпразднстве внутрь 20-го дне, сиречь, в 20, в 21, в 22, и в 23 день, бывает служба сице:

На малей вечерни, стихиры воскресны, и Богородицы, по обычаю. На велицей вечерни, на Господи воззвах, стихиры воскресны 3, и анатолиев 1, и предпразднства 3, глас 6. Подобен: Всю отложивше: и отцев 3, глас и подобен тойже. Слава, глас 6: Даниил муж желаний: И ныне, предпразднства, глас тойже: Вертепе благоукрасися: Вход. Прокимен дне. и чтения 3, отцев. На литии стихиры предпразднства, на ряду, коего дне неделя сия поется, стиховныя: И отцев, глас 1: Лучами облиставшеся: Слава, глас 3: Праотцев собор: И ныне, предпразднства глас тойже: Благоукрасися, Вифлееме: На стиховне стихиры воскресны. Слава, глас 2: Радуйтеся пророцы: И ныне, предпразднства, глас тойже: Се время приближися: На благословении хлебов тропарь: Богородице Дево, дважды. и отцев: Велия веры: единожды, писан в 17 день. Буди имя Господне: трижды. И чтение в толкованиих апостольских. На утрени, на Бог Господь, тропарь воскресн дважды. Слава, отцев, глас 2: Велия веры: И ныне, предпразднства, глас 4: Готовися Вифлееме: И обычныя кафисмы, и седальны воскресны, и богородичны их. И чтение во евангелии толковом, еже от Матфеа, в самом начале: Книга родства Иисуса Христа: По непорочных, тропари: Ангельский собор: Ипакои. И чтение во евангелии толковом, еже на ряду. Степенна гласа. Прокимен: Всякое дыхание: Евангелие воскресно. и Воскресение Христово: По 50-м псалме стихира воскресна. Канон воскресн, со ирмосом на 4, и предпразднства на 4, и отцев на 6. Катавасиа: Христос раждается: По 3-й песни, ипакои отцев, глас 8: Ангел отроков ороси пещь: И чтение. По 6-й песни,

Кондак, глас 1. Подобен: Лик ангельский: Веселися, Вифлееме, Евфрафо готовися: се бо Агница Пастыря великаго во утробе носящи, еже родити тщится. егоже зряще, богоноснии отцы веселятся, с пастырьми поюще Деву доящую.

И икос. И чтем пролог. По 9-й песни: Свят Господь Бог наш. Светилен воскресн. Слава, отцев: И ныне, предпразднства. На хвалитех стихиры воскресны 4, и отцев 4, глас 5. Подобен: Радуйся: Слава, отцев, глас 8: Законных учений: И ныне, Преблагословенна еси, Богородице Дево: Славословие великое. Тропарь воскресн. Ектении. И отпуст. Стихира евангельская, в притворе. И час 1. И конечный отпуст. На литургии, блаженна гласа на 4, и отцев от канона песнь 3, на 4, и предпразднства песнь 6-я, на 4. По входе тропарь воскресн, и отцев, и предпразднства. Слава, кондак отцев: И ныне, предпразднства. Прокимен, песнь отцев, глас 4: Благословен еси Господи, Боже отец наших: Апостол ко евреем, зачало 328: Верою прииде Авраам: Аллилуиа, глас 4: Боже ушима нашима: Евангелие Матфеа, зачало 1: Книга родства Иисуса Христа: Ряд же недели оставляется. Причастен: Хвалите Господа: Другий: Радуйтеся:

О предпразднстве Христова рождества ведати подобает:

[Зри] От 20 дне начинается предпразднство. Пост убо есть, поклоны же в церкви не бывают.

21. Предпразднство Рождества Христова: И святыя мученицы Иулиании, яже в Никомидии:

Вечер, на Господи воззвах, стихиры предпразднства, глас 4. Подобен: Дал еси знамение: И святыя: глас тойже. Подобен: Яко добля: Слава, и ныне, предпразднства, глас 6: Сионе торжествуй: На стиховне стихиры предпразднства, глас 2. Подобен: Доме Евфрафов: Слава, и ныне, глас 6: Безневестная Дево, откуду пришла еси: Тропарь святыя, глас 4: Агница твоя, Иисусе, Иулианиа: септемвриа в 16 день. Слава, и ныне, глас тойже. Готовися, Вифлееме: На повечерии, трипеснец, ирмосы по дважды: тропари на 6. И паки последи ирмос, оба лика вкупе, яко предписася.

[Зри] Ведомо же буди: Идеже празднуется святителя Петра праздник, поем канон святыя Иулиании на повечерии, вкупе с трипеснцем, и последи стихиры ея. На утрени, тропарь предпразднства, и святыя. По кафисмах седальны предпразднства и чтение. Канон предпразднства, со ирмосом на 8, глас 4, и святыя на 4, глас тойже. По 3-й песни,

Кондак святыя, глас 3. Подобен: Дева днесь: Девства добротами преочищенна девице, и мучения венцы, Иулиание, ныне венчавшися, даеши сущим в нуждах и недузех исцеление и спасение приступающим к раце твоей: божественную бо благодать Христос источает, и жизнь вечную.

И седален, глас 4. Подобен: Скоро предвари: Слава, и ныне, предпразднства, глас 3. По 6-й песни,

Кондак предпразднства, глас 2. Подобен: Вышних ищя: В Вифлееме зряще пеленами повиваемаго, всю землю держаща рукою своею, предпразднственныя песни рождшей сего приносим: Матерски бо веселится, держащи в недрех Сына Божия.

И икос. По 9-й песни, светилен предпразднства. Слава, и ныне: Вифлееме, земле Иудова: На хвалитех стихиры на 4, глас 6. Подобен: Ангельския предыдите: Слава, глас и подобен тойже: Слово, иже Отцу соприсносущен сый: И ныне, глас и подобен тойже: Волхва Валаама: На стиховне стихиры, глас 2. Подобен: Доме Евфрафов: Слава, и ныне, подобен тойже: Приидите земнороднии:

🕂 И преставление во святых отца нашего Петра, митрополита всея России.

На малей вечерни, на Господи воззвах стихиры святаго на 4, глас 1. Подобен: Небесных чинов: Слава, глас 6: Божественная благодать: И ныне, предпразднства, глас тойже: Пойте Господу: На стиховне стихиры святаго, глас 2. Подобен: Доме евфрафов: с припевы их. Слава, и ныне, глас и подобен тойже. По трисвятом,

Тропарь святаго, глас 4: Яже прежде безплодная земле ныне веселися: се бо Христос светильника в тебе показа, яве сияюща в мире, и исцелевающа недуги и болезни наша. сего ради ликуй и веселися со дерзновением: святитель бо есть вышняго сия соделоваяй.

Слава, ин, глас 8: Ликуй светло благославнейший граде Москва, имеяй в себе архиереа Петра яко зарю солнца, всю Россию чудодеянии озаряюща. той бо немощи врачует, и недуги яко тьму прогонит от вопиющих ему: радуйся, иерарше Бога вышняго, тобою сия пастве твоей соделовающаго.

И ныне предпразднства. Ектениа малая: и отпуст. На велицей вечерни, на Господи воззвах, стихиры на 8: предпразднства 3, глас 4: Подобен: Яко добля: И святаго 5, глас 2. Подобен: Киими похвальными: Слава, святаго, глас 1. Самогласен: Божественнаго свыше: И ныне, предпразднства, глас тойже: Приимите ясли: Вход. Прокимен дне. И чтения 3. На литии стихира храма. Таже святаго самогласны, глас 4. Слава, глас 6: Преподобне треблаженне: И ныне, предпразднства, глас тойже: Сионе торжествуй: На стиховне стихиры предпразднства, глас 1. Подобен: Всехвальнии мученицы: Слава, глас 8, самогласен: Приидите вси вернии: И ныне, предпразднства, глас тойже: Восприими вифлееме: На благословении хлебов тропари оба по единожды, писаны на малей вечерни: и предпразднства единожды. И буди имя Господне: трижды. и псалом 33. Благословлю Господа: и чтение от жития святаго Петра. На утрени, на Бог Господь, тропарь предпразднства, и святаго. Слава, святаго ин: И ныне, предпразднства. И обычныя кафисмы: И седальны святаго. Слава, и ныне, предпразднства: И чтение. По полиелеи седален святаго, дважды. Слава, и ныне, предпразднства: И чтение. Степенна, 1-й антифон 4-го гласа. Прокимен: Уста моя возглаголют премудрость: Стих: Услышите сия вси язы́цы: Всякое дыхание: Евангелие Иоанна, зачало 35 от полу: Не входяй дверьми: По 50-м псалме стихира, глас 6: Егда преставление: Канон предпразднства, со ирмосом на 6, глас 4, ирмос по дважды. И святаго два канона на 8: един, глас 8: Другий, глас 1. Катавасиа: Христос раждается: По 3-й песни, кондак предпразднства, глас 3. Подобен: Дева днесь: Дева днесь превечное слово: И икос: И седален святаго, глас 4, дважды. Слава, и ныне, предпразднства, глас тойже: И чтение. По 6-й песни,

Кондак святаго, глас 8. Подобен: Взбранной: Взбранному и дивному нашея земли чудотворцу, днесь любовию к тебе притекаем, песнь, богоносе, плетуще, яко имея дерзновение ко Господу, многообразных избави нас обстояний, да зовем ти: радуйся утверждение граду нашему.

И икос: И чтем пролог. По 9-й песни, светилен предпразднства. Слава, святаго: И ныне, предпразднства. На хвалитех стихиры на 8: предпразднства 4: глас 6. Подобен: Ангельския: И святаго на 4, глас 8. Подобен: О преславнаго чудесе! С припевы их. 1-й: Уста моя возглаголют премудрость: 2-й, Уста праведнаго: Слава, глас 6: Всяк град и страна: И ныне, предпразднства, глас тойже: Волхва Валаама: Славословие великое. По трисвятом тропарь святаго: Слава, и ныне, предпразднства: ектении, и отпуст, и час 1-й. На часех, тропарь предпразднства, и святаго. По трисвятом кондак предпразднства, и святаго, глаголем пременяюще. На литургии, блаженна, от канона предпразднства, песнь 3: и святаго, песнь 6. По входе тропарь предпразднства, и святаго. Слава, кондак святаго: И ныне, предпразднства. Прокимен, глас 1: Уста моя возглаголют: Стих: Услышите сия: Апостол ко евреем, зачало 318: Таков нам подобаше: Аллилуиа, глас 2: Уста праведнаго: Стих: Закон Бога его: Евангелие Луки, зачало 24: Ста Иисус на месте равне: Причастен: В память:

[Зри] Подобает ведати, аще случится Петра митрополита в неделю пред Рождеством Христовым святых отец.

На малей вечерни, на Господи воззвах, стихиры воскресны на 4. Слава, святаго, глас 6. Самогласен: Божественная благодать: И ныне, предпразднства, глас тойже: Пойте Господеви: На стиховне стихира воскресна едина: и святаго стиховна великия вечерни, со стихи ея. Слава, святаго, глас 8: Приидите вси вернии: писан на велицей вечерни, на стиховне: И ныне, предпразднства, глас тойже: Восприими, Вифлееме, Божию митрополию: По трисвятом тропарь воскресн, и отцев. Слава, святаго: И ныне, предпразднства: Таже ектениа малая, и отпуст. На велицей вечерни, на Господи воззвах, стихиры воскресны, 3, и отцев, 3. Подобен: Всю отложивше: Стих 1: Явися мира концем: Стих 2: Славою украшаются: Стих 3: Облиста весело: И святаго со славным 4, глас 2: Подобен: Киими похвальными: Слава, отцев, глас 6: Даниил муж желаний: И ныне, предпразднства, глас тойже: Вертепе благоукрасися: Таже вход: прокимен дне: и чтения отцев 3, и святаго 3. На литии стихиры предпразднства, отеческия недели рядовыя, глас 6. Подобен: Всю отложивше: Стих 1: Незаходимое солнце: И святаго самогласны, и отцев, глас 1: Лучами облиставшеся: Слава, отцев, глас 3: Праотец собор: И ныне, предпразднства, глас тойже: Благоукрасися, Вифлееме: На стиховне стихиры воскресны. Слава, отцев, глас 2: Радуйтеся пророцы: И ныне, предпразднства, глас тойже: Се время приближися. На благословении хлебов тропарь: Богородице Дево: единожды, и отцев единожды, и святаго единожды: и чтение. На утрени, на Бог Господь, тропарь воскресн единожды, и отцев единожды. Слава, святаго: И ныне, предпразднства. По кафисмах седальны воскресны, и богородичны их, и чтение во евангелии толковом: Книга родства Иисуса Христа: Полиелей, и тропари: Ангельский собор: и седальны святаго вси по единожды. Слава, и ныне, предпразднства, и чтение. Степенна гласа: Прокимен, и Всякое дыхание: Евангелие воскресно. и Воскресение Христово: По 50-м псалме стихира воскресна. Канон воскресн со ирмосом на 4: и святаго на 4: и отцев на 6. Катавасиа: Христос раждается: По 3-й песни, кондак и икос святаго: ипакои отцев, и седален святаго, дважды. Слава, и ныне, предпразднства. По 6-й песни, кондак и икос отцев: и чтение. На 9-й песни поем, Честнейшую: Светилен воскресн, и отцев. Слава, святаго: И ныне, предпразднства. На хвалитех стихиры воскресны 3, и отцев, 2, и святаго со славным 3, со стихи его: или оставляются стихиры воскресны, и поем отцев на 4, и святаго на 4. Слава, отцев: и ныне, Богородичен: Преблагословенна еси, Богородице Дево: Славословие великое. Тропарь воскресн точию. И ектении, и отпуст. Посем, Слава, и ныне, стихира евангельская, и час 1-й, и конечный отпуст. На 1-м часе тропарь воскресн: Слава, отцев: И ныне, Богородичен часов. По Отче наш, кондак отцев. На 3-м часе, тропарь воскресн. Слава, святаго: И ныне, Богородичен часов. По Отче наш, кондак святаго. На прочиих же часех тропари и кондаки, отцев и святаго, пременяюще глаголем: воскресн же тропарь на всех часех глаголем в начале непременно. На литургии, блаженна гласа на 4: и отцев песнь 3-я на 4: и святаго песнь 6-я на 4. По входе тропарь воскресн, и отцев, и предпразднства, и святаго. Таже кондак отцев. Слава, святаго: И ныне, предпразднства. Прокимен, апостол, Аллилуиа, и Евангелие отцев и святаго. Причастен: Хвалите: Другий: Радуйтеся:

22. Предпразднство Христова Рождества: И святыя великомученицы Анастасии узорешительницы.

На Господи воззвах, стихиры предпразднства 3. глас 1. Подобен: Всехвальнии мученицы: И святыя, 3, глас 8. Подобен: Что вы наречем: Слава, святыя, глас 2: Воскресения дар прияла еси: И ныне, предпразднства, глас 4: Вифлееме украшайся: На стиховне стихиры предпразднства, глас 2. Подобен: Доме Евфрафов: с припевы их. Слава, святыя, глас 4: Живоноснаго востания: И ныне, глас тойже: Исаие ликуй: Тропарь святыя, глас 4: Агница твоя Иисусе: вчерашний. Слава, и ныне, предпразднства, глас тойже: Готовися Вифлееме: На повечерии, поем канон предпразднства, глас 6. ирмосы по дважды, тропари на 6. Последи ирмос оба лика вкупе, якоже предписася. На утрени, тропарь предпразднства, дважды. Слава, святыя: И ныне, предпразднства, и обычныя кафисмы, и седальны предпразднства, и чтение. Канон предпразднства со ирмосом на 8, глас 6: и святыя на 6, глас 8. По 3-й песни, кондак и икос предпразднства, и седален, глас 1. Слава, и ныне, предпразднства, глас 8. По 6-й песни,

Кондак святыя, глас 2. Подобен: Вышних ищя: Во искушениих и скорбех сущии, к твоему храму притекающе приемлют честная дарования, от живущия в тебе божественныя благодати, Анастасие: ты бо присно миру точиши исцеления.

И икос. По 9-й песни светилен святыя: Слава, и ныне, предпразднства: На хвалитех стихиры предпразднства, на 4, глас 6. Подобен: Ангельския: Слава, глас и подобен тойже: Жезлом железным: И ныне, подобен тойже: Взыграй Давиде: На стиховне стихиры, глас 2. Подобен: Доме Евфрафов: Со обычными припевы предпразднства. Слава, святыя, глас 5: Предпразднственный день: И ныне, предпразднства, глас тойже: Не дряхлуй Иосифе: На литургии, блаженна предпразднства, песнь 3-я, и святыя песнь 6. По входе тропари, якоже предписася сего месяца в 21-й день. Прокимен, глас 4: Дивен Бог во святых своих: Стих: В церквах благословите Бога: Апостол к галатом, зачало 208: Прежде пришествия веры: Аллилуиа, глас 1: Терпя потерпех Господа: Евангелие Луки, зачало 33: Моляше Иисуса некий от фарисей: Причастен: В память вечную:

23. Предпразднство Христова Рождества: И святых десяти мученик, иже в Крите.

На Господи воззвах, стихиры предпразднства 3, глас 4. Подобен: Яко добля: И мучеников 3, глас и подобен тойже. Слава, мучеников, глас 3: Предпразднственный днесь: И ныне, предпразднства, глас тойже: Благоукрасися Вифлееме: На стиховне стихиры предпразднства, глас 6. Подобен, Тридневен: Слава, мучеников, глас 2: Крит предпразднствует днесь: И ныне, предпразднства, глас тойже: Се время приближися: Тропарь, глас 4: Мученцы твои, Господи: септемвриа в 20-й день. Слава, и ныне, предпразднства. [Зри] На повечерии, поем трипеснец 6-го гласа, якоже и прежде указася. На утрени, на Бог Господь, тропарь предпразднства, дважды. Слава, мучеников: И ныне, предпразднства, и обычныя кафисмы, и седальны предпразднства, и чтение. Канон предпразднства, на 8: ирмосы по дважды, глас 6, и святых на 6, глас 2. По 3-й песни, кондак и икос предпразднства, и седален мучеников, глас 1, дважды. Слава, и ныне, предпразднства, глас тойже. По 6-й песни,

Кондак мучеников, глас 4. Подобен: Явился еси: Денница возсия мучеников, честное страдальчество предозаряющее нам в вертепе Раждаемаго, егоже Дева безсеменно роди.

И икос, и чтем пролог. По 9-й песни, светилен мучеников. Слава, и ныне, предпразднства. На хвалитех стихиры предпразднства, на 4, глас 6. Подобен: Ангельския: Слава, глас и подобен тойже: Пой новый израилю: И ныне: Явился еси на земли: На стиховне стихиры предпразднства, глас 2. Подобен: Доме Евфрафов: с припевы их. Слава, мучеников, глас 3: Доблии мученицы истины: И ныне, предпразднства, глас 8: В вифлееме раждается: На литургии, блаженна предпразднства, песнь 3-я, и мучеников, песнь 6-я. Прокимен: Святым, иже суть: Стих: Предзрех Господа: Апостол к ефесеем, зачало 233. Аллилуиа: Воззваша праведнии: Евангелие Луки, зачало 106: Причастен: Радуйтеся праведнии.

24. Предпразднство Христова Рождества: И святыя преподобномученицы Евгении.

На Господи воззвах, стихиры предпразднства 3, глас 5. Подобен: Радуйся: И святыя 3, глас 8. Подобен, О преславнаго чудесе! Слава, и ныне, предпразднства, глас 2. Се время приближися: На стиховне стихиры предпразднства, глас 1. Подобен: Всехвальнии мученицы: Слава, и ныне, глас 6: Сионе торжествуй:

Тропарь предпразднства, глас 4: Написовашеся иногда со старцем Иосифом, яко от семене Давидова, в Вифлееме Мариам, чревоносящи безсеменное рождение: наста же время рождества, и место ни едино же бе обиталищу: но якоже красная палата, вертеп царице показашеся. Христос раждается прежде падший воскресити образ.

На повечерии, канон, глас 6, ирмосы по дважды, тропари на 6. Последи ирмос оба лика вкупе. На утрени, на Бог Господь, тропарь предпразднства, трижды. И обычныя кафисмы, и седальны предпразднства. И чтем слово Кирилла, архиепископа иерусалимскаго, на предпразднство Рождества Господа Бога и Спаса нашего. Канон предпразднства, со ирмосом на 8, глас 2: ирмос по дважды. И святыя на 4, глас тойже. По 3-й песни, седален святыя. Слава, и ныне, предпразднства. По 6-й песни, кондак предпразднства, глас 3: Дева днесь превечное слово: сего месяца в 20-й день. По 9-й песни, светилен предпразднства. Слава, и ныне, ин. На хвалитех стихиры предпразднства, на 4, глас 6. Подобен: Ангельския: Слава, глас и подобен тойже: Гряди Вифлееме: И ныне, подобен тойже: О блаженное Богоотроковицы чрево: На стиховне стихиры предпразднства, глас 2. Подобен: Доме Евфрафов: Слава, подобен тойже. Слава тебе, Отче и Сыне, и Душе: И ныне, подобен тойже: Радуйся, яже жизнь рождшая: Посем, Благо есть: По трисвятом тропарь предпразднства: Ектениа, и отпуст.

[МРК] Подобает ведати, аще случится неделя пред Рождеством Христовым святых отец, декемвриа в 24-й день.

В субботу на малей вечерни, стихиры воскресны на 4. Слава, и ныне, предпразднства, глас 6: Вертепе благоукрасися: На стиховне стихира воскресна, и Богородицы по обычаю. Слава, и ныне, Богородичен. По трисвятом тропарь воскресен. Слава, и ныне, предпразднства. Таже, ектения малая, и отпуст. На велицей вечерни, по обычном псалме, поем Блажен муж, кафисму всю. На Господи воззвах, стихиры на 10: отцев на 6, глас 6. Подобен: Всю отложивше: И предпразднства на 4, глас и подобен тойже. Слава, отцев, глас тойже: Даниил муж желаний: И ныне, предпразднства, глас тойже: Вертепе благоукрасися: Таже вход. Прокимен дне. И чтения отцев 3. На литии стихиры предпразднства, писаны на ряду на Господи воззвах, в 24-й день, глас 5. Подобен: Радуйся: Слава, отцев, глас 3: Праотцев собор: И ныне, глас тойже: Благоукрасися Вифлееме: На стиховне стихиры предпразднства, глас 2. Самоподобен: Доме Евфрафов: Припев: Бог от юга приидет: Таже два самогласна: Вифлееме, земле иудова: Припев: Господи услышах слух твой, и убояхся: Приидите вси Христово рождество: Слава, глас тойже: Радуйтеся пророцы: И ныне, предпразднства, глас тойже: Се время приближися: На благословении хлебов тропарь отцев, глас 2: Велия веры исправления: дважды. сего месяца в 17-й день. И предпразднства единожды. И чтение в посланиих апостольских. На утрени, на Бог Господь, тропарь воскресн дважды. Слава, отцев: Велия веры: И ныне, предпразднства: Написовашеся иногда: По 1-й кафисме, седален отцев, глас 4. Подобен: Удивися: Во отцех Боже: Слава, и ныне, тойже. И чтение во евангелии толковом, Матфеа: Книга родства Иисуса Христа: По 2-й кафисме седален, глас 8. Подобен: Премудрости: Праздник празднуем вернии: Слава, и ныне, тойже. И чтение. По непорочнах, тропари их. И ектениа. И седален отцев, глас 8. Подобен: Премудрости: Авраама и Исаака же и Иакова: Слава, и ныне, глас и подобен тойже: Из недр отеческих: И чтение. Степенна гласа. Прокимен и Евангелие воскресное. Воскресение Христово: псалом 50. Стихира воскресна. Канон отцев, глас 6, со ирмосом на 8. Ирмос: Волною морскою: по дважды: тропари на 6. сем бо каноне по два стиха воскресных, сего ради канон воскресн не поется. И другий канон предпразднства на 6: глас 1. Катавасиа: Христос раждается: оба лика вкупе. По 3-й песни, ипакои отцев, глас 8: Ангел отроков ороси пещь: И чтение в богослове. По 6-й песни, кондак отцев, глас 1: Веселися Вифлееме: И икос. И чтем пролог. На 9-й песни поем: Честнейшую: Светилен отцев: От семене вводится: Слава: Патриархов избраннии: И ныне, предпразднства, Веселися Вифлееме: На хвалитех стихиры отцев 3, глас 5. Подобен: Радуйся: И предпразднства 3, глас 4. Подобен: Званный свыше: Слава, отцев, глас 8: Законных учений: И ныне, Преблагословенна еси Богородице Дево: Славословие великое. Тропарь воскресн. И прочая. И отпуст. И обычное исхождение. Слава, и ныне, стихира евангельская, и час 1-й в притворе. На часех, тропарь воскресн. Слава, отцев. И ныне, Богородичен часов. По трисвятом, кондак отцев, и предпразднства, глаголем пременяюще. На литургии, блаженна от канона отцев, песнь 3, на 4, и предпразднства песнь 6-я, на 4. По входе тропарь воскресн, и отцев, и предпразднства. Слава, кондак отцев: И ныне, предпразднства. Прокимен, песнь отцев, глас 4: Благословен еси Господи Боже отец наших: Стих: Яко праведен еси о всех: Апостол ко евреем, зачало 328: Верою прииде: Аллилуиа, глас 4: Боже ушима нашима: Евангелие Матфеа, зачало 1: Книга родства Иисуса Христа: Ряд же недели оставляется. Причастен: Хвалите Господа: Другий: Радуйтеся:

[Зри] Подобает ведати о часех в навечерии рождества Христова.

Аще случится Рождество Христово в неделю, или в понедельник, часы поем прежде в пяток. Аще ли Рождество Христово во вторник, в среду, в четверток, в пяток и в субботу, часы поем в навечерии.

Последование часов певаемых в навечерии Рождества Христова.

В начале втораго часа знаменует в кампан. И собравшимся во храм, облачится иерей в фелонь, диакон же в стихарь. И поставляет параекклисиарх аналогий украшен прямо царских врат, и вжигает свещу на свещнице. Иерей же исходит со Евангелием во храм, или в трапезу, царскими враты, предходящу ему диакону с кадилом: и полагает иерей святое Евангелие на аналоге, и став пред аналогом, творит начало по обычаю. И по начале чтец: Слава тебе Боже наш, слава тебе: и Царю небесный, и прочая. И по возгласе, кадит священник святое Евангелие на аналогии, окрест, и прочия иконы, и храм весь, и настоятеля, и братию. Чтец же чтет псалом 5: Глаголы моя внуши Господи: и 44: Отрыгну сердце мое: и 45: Бог нам прибежище: Слава, и ныне, Аллилуиа, трижды. Господи помилуй, трижды. Слава, тропарь предпразднства: Написовашеся иногда: И ныне: Что тя наречем: Таже тропари поем по дважды, творение Софрониево, глас 8: Вифлееме уготовися: И 2-й лик, тойже тропарь без припева. И паки 1-й лик, припев: Бог от юга приидет: Таже тропарь, глас 3: Ныне пророческое: И 2-й лик, припев: Господи, услышах слух твой: И поем тойже тропарь. И паки 1 лик: Слава, глас 8: Сия глаголет Иосиф: И ныне, тойже тропарь. Таже прокимен, глас 4: Господь рече ко мне: Сын мой еси ты, аз днесь родих тя. Стих: Проси от Мене: Таже паремиа: Пророчества михеина [Глава 5]: Сия глаголет Господь: Апостол ко евреем, зачало 303: Многочастне: Евангелие Матфеа, зачало 2: Иисус Христово: Таже: Стопы моя направи: Трисвятое: по Отче наш, кондак: Дева днесь: Господи помилуй 40. и молитва: Иже на всякое время: По Честнейшую херувим: иерей: Боже ущедри ны: Таже молитва: Христе свете: Таже поем час 3-й: Приидите поклонимся: трижды. Псалом 66: Боже ущедри ны: Псалом 86: Основания его: Псалом 50: Помилуй мя Боже: Слава, и ныне, Аллилуиа, трижды: Господи помилуй, трижды. Слава, тропарь, предпразднства: Написовашеся: И ныне: Богородице, ты еси лоза: Таже тропарь, глас 6, без припева: Сей Бог наш: и 2-й лик, тойже тропарь без припева. И паки 1-й лик, припев: Бог от юга: И тропарь, глас 8: Прежде рождества: И 2-й лик, припев: Господи, услышах: И паки тойже тропарь. Таже: Слава, глас 3: Иосифе, рцы нам: И ныне, тойже. Посем: прокимен, глас 4: Отроча родися нам, сын, и дадеся нам. Стих: Егоже начальство бысть на раме его. Таже паремиа: Пророчества Иеремиина [Глава 3] Сей Бог наш: Таже, апостол к галатом, зачало 208: Прежде пришествия веры: Евангелие Луки, зачало 5: Во днех онех, изыде повеление: Посем: Господь Бог благословен: По Отче наш, кондак: Дева днесь: Господи помилуй, 40. и молитва. По Честнейшую, иерей: Молитвами святых отец: Таже молитва: Владыко Боже Отче: [Зри] На 3-м, и 6-м часе кадит диакон Евангелие, и иконы, и настоятеля, и лики токмо. Посем глаголем час 6-й: Приидите поклонимся: трижды. Псалом 71: Боже, суд твой цареви: Псалом 131: Помяни Господи Давида: Псалом 90: Живый в помощи: Слава, и ныне, Аллилуиа, трижды. Господи помилуй, трижды. Слава, тропарь: Написовашеся иногда: И ныне, Богородичен: Яко не имамы: Таже тропарь, глас 1, без припева. Приидите вернии: И 2-й лик тойже тропарь. И паки 1-й лик, припев: Бог от юга приидет: Тропарь, глас 4: Слыши небо: И 2-й лик, припев: Господи услышах: И паки тойже тропарь. Таже: Слава, глас 5: Приидите христоноснии людие: И ныне, тойже. Посем прокимен, глас 4: Из чрева прежде денницы: Стих: Рече Господь господеви моему: Таже паремиа: Пророчества Исаиина [Глава 6]: Приложи Господь глаголати ко Ахазу: Таже апостол ко евреем, зачало 304: В начале ты Господи землю основал еси: Евангелие матфеа, зачало 3: Иисусу рождшуся: Посем: Скоро да предварят ны: По Отче наш, кондак: Дева днесь: Господи помилуй, 40. и молитва. По Честнейшую херувим: иерей: Молитвами святых отец: Таже молитва Василиа великаго: Боже и Господи сил: Таже, час 9: Приидите поклонимся: трижды. Псалом 109: Рече Господь господеви моему: Псалом 110: Исповемся тебе Господи всем сердцем: Псалом 85: Приклони Господи ухо твое: Слава, и ныне, Аллилуиа, трижды. Господи помилуй, трижды. Слава, тропарь предпразднства: Написовашеся иногда: И ныне: Иже нас ради: Таже тропарь, глас 7, без припева: Удивляшеся Ирод: И 2-й лик тойже тропарь без припева. И паки 1-й лик, припев: Бог от юга приидет: И тропарь, глас 2: Егда Иосиф Дево: И 2-й лик, припев: Господи услышах: И паки тойже тропарь. Таже став среди церкве диакон чтет велегласно стихиру сию: Днесь раждается от Девы: И потом славит Святейшего Патриарха, Епископа (егоже есть область) и настоятеля по обычаю велегласно. Последи же, совокупльшеся оба лика поют: Слава, и ныне, туюжде стихиру, Посем прокимен: глас 4: Мати сион речет человек: Стих: Основания его: Таже, паремиа: Пророчества Исаиина [Глава 9]: Отроча родися нам: Таже апостол ко евреем, зачало 306: Святяй и освящаемии: Евангелие Матфеа, зачало 4: Отшедшим волхвом: Посем: Не предаждь нас: По Отче наш, кондак: Дева днесь: Господи помилуй 40. и молитва. По Честнейшую херувим: иерей: Молитвами святых отец: Таже молитва Василиа великаго: Владыко Господи Иисусе Христе: [Зри] [На 9-м часе кадит весь храм, якоже на 1-м.] И Благослови душе моя Господа: Слава: Хвали душе моя Господа: И ныне: Единородный Сыне: И Во царствии твоем помяни нас Господи: Слава, и ныне: Помяни нас Господи: Ослаби, остави: По Отче наш, кондак: Дева днесь превечное слово: Господи помилуй, 40. и молитва: Всесвятая Троице: Таже, Достойно есть: и отпуст. И бывает росход, до часа вечерняго. Вечерня же бывает с литургиею Василиа великаго во свое время.

[Зри] Подобает ведати: Аще в субботу, или в неделю будет навечерие, литургиа Златоустова поется: великаго же Василиа литургиа поется на самый праздник. Такожде творим и на праздник святых Богоявлений. Блюди, яко егда несть субботы, или недели в навечерие, тогда бывает литургиа Василиа великаго: а в день праздника литургия Златоустова. Сице же и в праздник Богоявлений.

Ведомо же буди: Аще случится Рождество Христово или Богоявление в неделю, воскресно ничтоже поем.

25.🕀 Еже по плоти Рождество Господа Бога и Спаса нашего Иисуса Христа:

И воспоминание избавления церкве и державы Российския от нашествия галлов, и с ними двадесяти язык.

При часе 7-м дне, ударяет в великий кампан, и во вся тяжкая: и собравшимся во храм, начинаем вечерню, по обычаю. Диакон глаголет: Благослови владыко. Иерей: Благословено царство Отца и Сына, и Святаго Духа: И по амине, предстоятель: Царю небесный: трисвятое. и по Отче наш, Господи помилуй, 12. Слава, и ныне: Приидите поклонимся: трижды. Псалом, Благослови душе моя Господа: Посем диакон глаголет ектению великую. Аще же в субботу вечера, поем: Блажен муж: кафисмувсю Аще в неделю вечера, поем 1-й антифон. Аще ли ин день, стихологиа не бывает. Но по ектении абие поем: Господи воззвах к тебе: на глас 2: иерей же творит проскомидию. таже диакон кадит храм по обычаю. Ликове же поют стихиры праздника, на 8, глас 2. Самогласны: Приидите возрадуемся: Слава, и ныне, глас тойже: Августу единоначальствующу на земли: И бывает вход со Евангелием. Свете тихий: Прокимен дне. Аще же в пяток вечера, поем прокимен великий: Кто Бог велий: со стихи его. И чтения праздника, по чину их. Посреди чтения, тропарь со стихи его, поем на оба лика. По скончании же чтения, ектениа малая, и возглас: Яко свят еси Боже наш: и по возгласе, трисвятое. Таже прокимен, глас 1: Господь рече ко мне: сын мой еси ты, аз днесь родих тя. Стих: Проси от Мене, и дам ти языки достояние твое. Апостол ко евреем, зачало 303: Многочастне и многообразне: Аллилуиа, глас 5: Рече Господь господеви моему: Стих: Жезл силы послет ти Господь от сиона: Стих: Из чрева прежде денницы родих тя: Евангелие Луки, зачало 5: Изыде повеление от кесаря августа: И по ряду божественная литургиа великаго Василиа. [Зри] За Достойно, поем: О тебе радуется: Причастен един: Хвалите Господа с небес: Аллилуиа, трижды. По отпусте же вжигает параекклисиарх свещник, и поставляет его среди церкве. Клирицы же ставше оба лика вкупе, поют возгласно:

Тропарь праздника, глас 4: Рождество твое Христе Боже наш, возсия мирови свет разума: в нем бо звездам служащии звездою учахуся, тебе кланятися солнцу правды, и тебе ведети с высоты востока: Господи слава тебе.

Слава, и ныне, кондак, глас 3: Дева днесь пресущественнаго раждает, и земля вертеп неприступному приносит, ангели с пастырьми славословят, волсви же со звездою путешествуют: нас бо ради родися отроча младо, превечный Бог.

И входим в трапезу, и ядим варение со елеем, рыбы же не ядим. Вино же пием, благодаряще Бога.

[Зри] Вестно буди: Аще случится навечерие Христова рождества в субботу или неделю, пост не бывает, и тропари царских часов со чтениями в субботу и в неделю не поются: но поем часы царския прежде в пяток, по обычаю, якоже указася на ряду. Глаголем же Верую во единаго Бога: и псалом 33, Благословлю Господа: и отпуст. Литургиа же в той день не бывает: но поем вечерню во свое время. В субботу же и неделю литургиа бывает во свое время Златоустаго. По отпущении же снедаем по уломку хлеба, и от вина вкушаем мало, и отходим в келлии своя. При часе же 7-м дне начинаем вечерню. Аще ли в субботу вечера, поем, Блажен муж: кафисму всю. Аще ли в неделю вечера. 1-й антифон. Посем на Господи воззвах. поем стихиры на 8, глас 2. Самогласны: Приидите возрадуемся: И прочая. Слава, и ныне, глас тойже: Августу единоначальствующу на земли: Вход со Евангелием. Свете тихий: Прокимен дне. Аще в субботу вечера, поем прокимен: Господь воцарися: И чтения по чину их. По скончании чтения трисвятое не поем, но бывает по паремиах ектениа малая, и по возгласе, прокимен, глас 1: Господь рече ко мне: сын мой еси ты: Стих: Проси от Мене: Апостол к галатом, зачало 207: По человеку глаголю: Аллилуиа, глас 5: Рече Господь господеви моему: Стих: Жезл силы послет ти Господь: Стих: Из чрева прежде денницы родих тя: Евангелие Матфеа, зачало 53: Подобно есть царствие небесное зерну горушичну: Посем ектениа: Рцем вси: Таже, Сподоби Господи: и, Исполним вечернюю: и возглас. И посем диакон глаголет: Премудрость. Лик: Благослови. и прочая по обычаю, и отпуст. По отпусте же вжигаем свещник среди церкве, и ставше оба лика вкупе, поют тропарь праздника. Слава и ныне, кондак. И входим в трапезу и ядим совершенно: рыбы же не ядим, но со древяномаслием, и сочиво обварено, или кутию с медом: испиваем же и вина в славу Божию: в неимущих же странах пием пиво. предлагается же и чтение: Поучение Кирилла архиепископа иерусалимскаго, емуже начало: Якоже убо во Иисуса Христа надеемся:

[Зри] Ведати подобает яко праздник Рождества Христова в кий день ни случится, поется повечерие великое сице:

О часе 10-м нощи бывает благовест, и потом трезвон во вся кампаны: иерей же со диаконом оболкся творят начало, якоже во вся праздники Владычни. Диакон глаголет: Благослови владыко. Иерей: Благословен Бог наш: и кадящу иерею, глаголем повечерие великое от начала: Слава тебе Боже наш, слава тебе. Царю небесный: Трисвятое, и прочее. С нами Бог: поем с пением. И вместо тропарей обычных: Просвети очи мои: глаголем тропарь праздника. И вместо, Помилуй нас Господи, помилуй нас: глаголем кондак праздника. По Слава в вышних, бывает литиа по обычаю. и поем на литии стихиры самогласны, глас 1: Небо и земля днесь: Слава, глас 5: Волсви персидстии: И ныне, глас 6: Ликуют ангели: Таже глаголет иерей молитвы обычныя бдения. И паки вшедше во храм, поем на стиховне стихиры, глас 2: Велие и преславное чудо: Припев: Из чрева прежде денницы: 2, Рече Господь господеви моему: Припеваем же сими припевы и до отдания праздника. Слава, глас 4. Самогласен: Веселися Иерусалиме: И ныне, глас тойже: В вертеп вселился еси: На благословении хлебов тропарь, глас 4: Рождество твое Христе Боже наш: трижды. писан в навечерии по литургии. Таже, Буди имя Господне: трижды. Псалом 33: Благословлю Господа: и чтение в толковании, еже от Матфеа, слово 4. На утрени, по шестопсалмии, на Бог Господь, тропарь праздника трижды, и обычныя кафисмы. По 1-й кафисме седален праздника, глас 1. Подобен: Гроб твой: Во яслех нас ради: Слава, и ныне, тойже. и чтение в толковом евангелии Златоустаго, еже от Матфеа, о празднике. По 2-й кафисме седален, глас 3. Подобен: Красоте: Превечнаго: Слава, и ныне, тойже. и чтем в толковом Златоустаго. По чтении же даются свещи братиям. По полиелеи седален, глас 4. Подобен: Удивися Иосиф: Приидите, видим вернии: Слава, и ныне, тойже. И чтем слово Григориа богослова, егоже начало: Христос раждается: Степенна, 1-й антифон 4-го гласа. Прокимен, глас тойже: Из чрева прежде денницы: Стих: Рече Господь господеви моему: Всякое дыхание: Евангелие Матфеа, зачало 2: Иисус Христово рождество: По 50-м псалме, вместо Молитвами, Слава: Всяческая днесь радости исполняются, Христос родися от Девы. И ныне, тойже стих: конец, Христос родися в Вифлееме. Помилуй мя Боже: Стихира, глас 6: Слава в вышних Богу: Канона два: Един перваго гласа: творение кир Космы, со ирмосом на 8: Другий кир Иоанна, со ирмосом, на 8 же. Последи ирмосы обою канонов, кийждо лик свой ирмос.

По 3-й песни ипакои, глас 8: Начаток языков, ибо тебе принесе, лежащему младенцу во яслех, звездою волхвы призвавый, яже и ужасаше, не скиптры и престоли, но последняя нищета. что бо хуждшее вертепа? что же смиреншее пелен, в нихже просия божества твоего богатство? Господи слава тебе.

И чтение. По 6-й песни, кондак, глас 3: Дева днесь пресущественнаго раждает: писан в навечерии по литургии. И икос, и чтем пролог. На 9-й песни вжигают свещи братия. Честнейшую не поем, но поем припев праздника: Величай душе моя: и ирмос: Таинство: Посем 2-й лик поет такожде припев и ирмос: Такожде припевы поют и к тропарем 1-го канона. Посем 1-й лик поет 2-го канона припев, и ирмос: Любити убо нам: И 2-й лик подобне поет такожде припев, и ирмос: и к тропарем 2-го канона такожде припев: и последи на сходе поют припев 1-й и ирмос. таже 2-й припев и ирмос. Светилен праздника трижды. На хвалитех стихиры, глас самогласны, на 4: Веселитеся праведнии: Слава, глас 6: Егда время: И ныне, глас 2-й: Днесь Христос в Вифлееме: Славословие великое. По трисвятом тропарь праздника. Ектении, и отпуст. и знаменует игумен святым елеем братию от святаго кандила, еже пред праздничною иконою, поющим нам стихиру самогласну праздника, и час 1-й. На 1-м часе, тропарь праздника. По трисвятом кондак праздника, и прочее, и совершенный отпуст. В сей день бывает литургиа порану, труда ради бденнаго. На литургии: Антифон 1-й: Псалом 110, глас 2: Исповемся тебе Господи всем сердцем моим, повем вся чудеса твоя. Припев: Молитвами Богородицы, Спасе спаси нас. Стих 2-й: В совете правых и сонме, велия дела Господня. Молитвами Богородицы, Спасе спаси нас. Стих 3: Изыскана во всех волях его. Молитвами Богородицы, Спасе спаси нас. Стих 4: Исповедание и великолепие дело его, и правда его пребывает в век века. Молитвами Богородицы, Спасе спаси нас. Таже оба лика: Слава, и ныне: Молитвами Богородицы: Антифон 2: Псалом 111, глас 2: Блажен муж бояйся Господа, в заповедех его восхощет зело. Припев: Спаси ны Сыне Божий, рождейся от Девы, поющия ти: аллилуиа. Стих 2: Сильно на земли будет семя его: род правых благословится. Спаси ны Сыне Божий: Стих 3: Слава и богатство в дому его, и правда его пребывает в век века. Спаси ны Сыне Божий: Стих 4: Возсия во тьме свет правым, милостив и щедр и праведен. Спаси ны Сыне Божий: Таже оба лика вкупе: Слава, и ныне: Единородный Сыне и Слове Божий: Антифон 3: Псалом 109, глас 4: Рече Господь господеви моему: седи одесную мене. Тропарь: Рождество твое Христе Боже наш: Стих 2: Дондеже положу враги твоя подножие ног твоих. Тропарь: Рождество твое Христе Боже наш: Стих 3: Жезл силы послет ти Господь от сиона, и господьствуй посреде врагов твоих. Рождество твое Христе Боже наш: Стих 4: С тобою начало в день силы твоея, во светлостех святых твоих. Рождество твое Христе Боже наш: Входное: Из чрева прежде денницы родих тя, клятся Господь и не раскается: ты иерей во век по чину мелхиседекову. Тропарь высочайшим гласом: Рождество твое Христе Боже наш: Слава, и ныне: Кондак: Дева днесь: Вместо трисвятаго: Елицы во Христа крестистеся: Прокимен, глас 8: Вся земля да поклонится тебе, и поет тебе: Стих: Воскликните Господеви вся земля: Апостол к галатом, зачало 209: Егда прииде кончина лета: Аллилуиа, глас 1: Небеса поведают славу Божию: Стих: День дни отрыгает глагол: Евангелие Матфеа, зачало 3: Иисусу рождшуся: За Достойно, ирмос: Любити убо нам: до отдания. Причастен: Избавление посла Господь людем своим. Аллилуиа: трижды. На трапезе утешение братии великое, и чтем слово Златоустаго, емуже начало: Древле убо патриарх:

Аще праздник Рождества Христова случится быти в среду, или пяток: Разрешаем убо миряне на мясо, монаси на сыр и яица, и ядим убо от Рождества Христова по вся дни, до навечерия святаго Богоявления.

[Зри] Разумно же буди и о сем, яко от Христова Рождества и до Святых Богоявлений, никакоже пост, ни коленопоклонения бывают, ниже в церкви. ниже в келлиах.

26. 🕃 Собор Пресвятыя Богородицы:

И святаго священномученика Евфимиа, епископа сардийскаго.

Вечер, кафисмы не глаголем. На Господи воззвах, стихиры праздника на 6, глас 2: Приидите возрадуемся Господеви: Слава, и ныне, глас 6: Слава в вышних Богу: Вход. Прокимен великий, глас 7: Кто Бог велий, яко Бог наш? ты еси Бог творяй чудеса. Стих: Сказал еси в людех силу твою. Стих: И Рех, ныне начах: Стих: Помянух дела Господня: Таже: Кто Бог велий: [Зри] Аще есть в субботу вечера, поем прокимен: Господь воцарися: со стихи его. Посем ектении. Таже на стиховне стихиры праздника, глас 8, самогласны: Преславное таинство: Припев 1: Рече Господь господеви моему: 2: Из чрева прежде денницы: Сия припевы глаголем и до отдания праздника. Слава, и ныне, глас тойже: В Вифлеем стекошася: Тропарь праздника: Рождество твое Христе Боже наш: и отпуст.

Святаго же Евфимиа служба поется во ин день.

На повечерии, по трисвятом глаголем кондак Богородицы собору: Иже прежде денницы: На полунощнице глаголем кафисмы обычныя. По 1-м трисвятом вместо, Се жених: тропарь праздника: Рождество твое Христе Боже наш: По 2-м трисвятом кондак собору Богородицы, глас 6: Иже прежде денницы: Таже: Господи помилуй 12, и отпуст. молитвы же, Помяни Господи в надежди, не глаголем. На утрени, на Бог Господь, тропарь праздника трижды, и обычныя кафисмы: и седальны праздника, и чтем слово Епифаниа, архиепископа кипрскаго, похвалу Пресвятыя Богородицы, на 3 части. Каноны праздника оба, якоже на самый праздник: ирмосы обою канонов по дважды: тропари на 12. Катавасиа, ирмосы обою канонов. По 3-й песни кондак, и икос, и ипакои праздника. По 6-й песни,

Кондак, глас 6: Иже прежде денницы от Отца без матере родивыйся, на земли без отца воплотися днесь из тебе: темже звезда благовествует волхвом, ангели же с пастырьми поют несказанное рождество твое благодатная.

И икос, и чтем пролог. На 9-й песни, Честнейшую не поем: но поем припевы, якоже на самый праздник. Светилен праздника, трижды. На хвалитех, Всякое дыхание: Стихиры праздника на 4, глас 4, самогласны: Веселитеся праведнии: Писаны на праздник. Слава: глас 6: Днесь невидимое естество: И ныне, глас 2: Днесь Христос в Вифлееме: Славословие великое. По трисвятом тропарь праздника. Ектении, и отпуст, и час 1. На часех, тропарь праздника: кондак же глаголем Богородицы: Иже прежде денницы: На литургии, блаженна от канонов праздника, песнь 3-я и 6-я. По входе: Спаси ны Сыне Божий, рождейся от Девы, поющия ти: аллилуиа. Сице поем и до отдания праздника. Тропарь праздника: Слава, и ныне, кондак: Иже прежде денницы: Таже трисвятое. Прокимен, глас 3, песнь Богородицы: Величит душа моя Господа: Стих: Яко призре на смирение рабы своея: Апостол ко евреем, зачало 306: Святяй и освящаемии: Аллилуиа, глас 8: Воскресни Господи в покой: Евангелие Матфеа, зачало 4: Отшедшим волхвом: Причастен: Избавление посла Господь людем своим. Аллилуиа, трижды. Вестно буди, яко в попразднстве Христова Рождества и Богоявления, повечерия поются малая, без канона Богородична.

[Зри] Подобает ведати, яко аще случится Рождество Христово в неделю, не совершаем памяти святых богоотец во грядущую неделю: занеже начало прияти ианнуарию месяцу, и праздник Христова Рождества уже отдастся: но совершаем сию неделю в 26 день декемвриа месяца, наутрие праздника, в понедельник.

В неделю вечера, поем сице: На Господи воззвах, стихиры на 6: Праздника 3, глас 2: Приидите возрадуемся Господеви: И святых 3, глас 1. Подобен: Небесных чинов: Богоотца вси: Слава, святых, глас 6: Память совершаем: И ныне, праздника, глас тойже: Слава в вышних: Вход. Прокимен великий, глас 7: Кто Бог велий: со стихи его, и ектении. На стиховне праздника, самогласны 3, глас 8, с припевы их. Слава, глас 6: Священных память: И ныне, праздника. Тропарь святых, глас 2: Благовествуй иосифе: Слава, и ныне, праздника: На повечерии, по трисвятом, глаголем кондак богоотцев. Слава, и ныне, Богородицы: Иже прежде денницы: На утрени, на Бог Господь, тропарь праздника, дважды: Слава, святых: И ныне, праздника. По кафисмах седальны праздника. и чтем во евангелии толковом, неделю по Рождестве Христове. Канон праздника 1, со ирмосом на 6: ирмос по дважды, тропари на 4, и другий канон праздника на 4, и святых, на 4. Катавасиа, ирмосы обою канонов. По 3-й песни, кондак Богородицы, глас 6: Иже прежде денницы: И икос его, и седален святых. Слава, и ныне, праздника, и чтение. По 6-й песни кондак святых: Веселия днесь: И икос, и чтем пролог. На 9-й песни, Честнейшую не поем, но поем припевы праздника. Светилен святых, дважды: Слава, и ныне, праздника. На хвалитех стихиры праздника. на 4, глас 4. Самогласны. Слава, святых, глас 8: Кровь и огнь: И ныне, праздника, глас 2: Днесь Христос: Славословие великое. По трисвятом, тропарь святых. Слава, и ныне, праздника. Ектении, и отпуст, и час 1-й, и конечный отпуст. На часех, тропарь праздника: Слава, святых: И ныне, Богородичен часов. По Отче наш, кондак Богородицы: Иже прежде денницы: И святых, кондак, пременяюще глаголем. На литургии, блаженна от канона праздника, песнь 3-я, на 4: и святых 6-я, на 4. По входе тропарь праздника, и святых. Слава, кондак святых: И ныне, Богородицы: Иже прежде денницы: Прокимен, песнь Богородицы, глас 3: Величит душа моя Господа: Стих: Яко призре на смирение рабы своея: Другий святых, глас 4: Дивен Бог во святых своих, Бог израилев. Апостол ко евреем, зачало 306. Святяй и освящаемии: Другий апостол святых, к галатом, зачало 200: Сказую вам благовествование: Аллилуиа, Богородицы, глас 8: Воскресни Господи в покой твой: Стих: Помяни Господи Давида: Евангелие же едино, Богородицы и святых, Матфеа, зачало 4: Отшедшим волхвом: Причастен: Избавление посла Господь людем своим. Другий: Радуйтеся:

Суббота по Рождестве Христове:

На литургии, прокимен, глас 4: Помяну имя твое во всяком роде и роде. Стих: Слыши дщи и виждь: Апостол к Тимофею, зачало 288: Гони правду: Таже ряд. Аллилуиа, глас 8: Воскресни Господи в покой твой: Евангелие Матфеа, зачало 46: По Иисусе идоша народи мнози: Таже ряд. Причастен: Чашу спасения прииму:

[МРК] В неделю по Рождестве Христове память совершаем святых и праведных Иосифа обручника, Давида царя, и Иакова брата Божия.

Подобает ведати, яко аще по Рождестве Христове неделя сия случится в 26, 27, 28, 29 и 30 день. Поем сице: В субботу на малей вечерни, по обычаю. На велицей вечерни. По кафисме, На Господи воззвах, стихиры воскресны 3, и праздника 4, и святых 3, глас 1. Подобен: Небесных чинов: Богоотца вси восхвалим: Слава, глас 6: Память совершаем: И ныне, Богородичен гласа. Вход. Прокимен дне. На литии стихиры праздника, поемыя на самый праздник. Слава, и ныне, праздника. На стиховне стихиры октоиха, по алфавиту. Слава, глас 6: Священных память: И ныне, праздника. На благословении хлебов тропарь праздника: Рождество твое Христе Боже наш: дважды.

И святых тропарь единожды, глас 2: Благовествуй Иосифе Давиду чудеса богоотцу, Деву видел еси рождшую, с пастырьми славословил еси, с волхвы поклонился еси, ангелом весть прием: моли Христа Бога спастися душам нашим.

И чтение. [Зри] И идеже несть всенощнаго бдения: На повечерии, по Достойне, и по трисвятом, кондак богоотцев. Слава, и ныне, праздника. На утрени, на Бог Господь, тропарь воскресн, дважды. Слава, святых: И ныне, праздника. По обычных кафисмах седальны воскресны, с богородичны их, и чтение во евангелии толковом Матфеа, неделя по Рождестве Христове. По непорочнах, тропари их, и ипакои гласа. и чтение в толковом евангелии, неделя ряд. Степенна, и прокимен гласа. Всякое дыхание: Евангелие воскресно. и Воскресение Христово: По 50-м псалме стихира воскресна. Канон воскресн, со ирмосом на 4, и Богородицы на 2, и праздника на 4, и богоотцев на 4. [Зри] Аще же в 26-й день, и поем канон воскресн со ирмосом на 4, и праздника оба канона на 6, и богоотцев на 4. Катавасиа праздника: Христос раждается. По 3-й песни, кондак и икос праздника, и седален святых, и чтение. По 6-й песни,

Кондак святых, глас 3. Подобен: Дева днесь: Веселия днесь Давид исполняется божественный, Иосиф же хваление со Иаковом приносит: венец бо сродством Христовым приемше радуются, и неизреченно на земли рождшагося воспевают и вопиют: щедре спасай тебе чтущия.

И икос, и чтем пролог. На 9-й песни поем Честнейшую: Светилен воскресн. Слава, святых: И ныне, праздника. На хвалитех стихиры воскресны, 4, и праздника самогласны, 4: Веселитеся праведнии: с припевы их. Слава, святых, глас 8: Кровь и огнь: И ныне: Преблагословенна еси: Славословие великое. По трисвятом тропарь воскресн, ектении, и отпуст. Слава, и ныне, стихира евангельская, и час 1-й, и конечный отпуст. На часех, тропарь воскресн. Слава, праздника: И ныне, Богородичен часов, и святых тропарь, и праздника пременяюще глаголем. По Отче наш, кондак праздника, и святых пременяюще же глаголем. На литургии, блаженна гласа, на 4: и праздника, песнь рядовая, на 4: и святых, песнь 6, на 4. По входе тропарь воскресн, и праздника, и святых: Слава, кондак святых: И ныне, праздника. Прокимен, гласа и святых, глас 4: Дивен Бог во святых своих, Бог израилев. Апостол к галатом, зачало 200: Сказуя вам благовествование: Аллилуиа, глас 4: Помяни Господи Давида: Евангелие Матфеа, зачало 4: Отшедшим волхвом: И потом ряд недели. Причастен, Хвалите Господа: Другий, Радуйтеся:

[Зри] Указ о апостолех, и о евангелиах, яже бывает суббота и неделя по Рождестве Христове: и другая суббота и неделя, пред Богоявлением.

Подобает ведати, яко аще случится Рождество Христово в неделю, и тогда бывает между Рождеством Христовым, и Богоявлением едина суббота и неделя: и поем неделю по Рождестве Христове, наутрие праздника Рождества Христова в понедельник, декемвриа в 26-й день, якоже указася на ряду в понедельник, наутрии праздника. На литургии, чтем апостол, и Евангелие недели, яже по Рождестве Христове. А субботе, яже по Рождестве Христове, чтем апостол и Евангелие, в субботу, на отдание праздника, Рождества Христова прежде, таже субботе пред Богоявлением. Прокимен же, Аллилуиа, и причастен праздника. А в 1-й день ианнуариа, прокимен, апостол и Евангелие, чтем недели пред Богоявлением, якоже в настоящей главе в ряду изъявится.

[Зри] Аще ли Рождество Христово в понедельник:

И тогда бывает между Рождеством Христовым и Богоявлением, суббота и неделя едина: и суббота по Рождестве Христове, тогда бывает декемвриа в 30-й день. На литургии, прокимен, апостол, Аллилуиа, Евангелие, и причастен, прежде чтем субботе по Рождестве Христове: таже апостол, и Евангелие субботе пред Богоявлением. А недели, яже по Рождестве Христове, чтем На Литургии во отдание праздника Рождества Христова, апостол, и Евангелие, якоже указася на ряду. А недели, яже пред Богоявлением, прокимен, апостол, Аллилуиа, и Евангелие, чтем ианнуариа в 1-й день, якоже укажется на ряду, егда случится обрезание и Василиа в неделю.

[Зри] Аще ли рождество христово во вторник:

И тогда бывает между Рождеством Христовым и Богоявлением две субботы, а неделя едина, и суббота, яже по Рождестве Христове, тогда бывает декемвриа в 29 день. На литургии, прокимен, апостол, Аллилуиа, Евангелие, и причастен, прежде субботе по Рождестве Христове, и потом младенцев. А недели, яже по Рождестве Христове, поем службу декемвриа в 30-й день, якоже указася на ряду. А недели, яже пред Богоявлением, Евангелие утреннее, и на литургии прокимен, апостол, Аллилуиа, и Евангелие чтем прежде недели пред Богоявлением, ианнуариа в 1-й день: и потом Обрезания, и Василиа едино. Причастен: Хвалите: Другий: В память:

[Зри] Аще ли рождество христово в среду или в четверток или в пяток:

И тогда бывают между Рождеством Христовым и Богоявлением две субботы, и недели: и в первую убо неделю чтется апостол, и Евангелие субботе и недели, по Рождестве Христове. А во вторую субботу и неделю, чтется апостол и Евангелие субботы и недели, яже пред Богоявлением.

[Зри] Аще ли рождество христово в субботу:

И тогда бывает между Рождеством Христовым и Богоявлением, две недели, а суббота едина, и недели яже по Рождестве Христове поем службу наутрие Рождества Христова в неделю, якоже указася на ряду. А отдание Рождества Христова тогда бывает в пяток: и поем службу отдания Рождества Христова, якоже указася на ряду. Точию на литургии, прокимен, Аллилуиа, и причастен, праздника: апостол же и Евангелие субботе, по Рождестве Христове. В субботу же яже пред Богоявлением на литургии апостол и Евангелие чтем, ианнуариа в 1 день прежде Обрезания, и потом субботе пред Богоявлением. А наутрие в настоящую неделю на утрени, Евангелие чтем прежде недели пред Просвещением, и потом ряд недели: а на литургии прокимен, апостол: Аллилуиа, и Евангелие прежде недели пред Богоявлением, таже святаго: ряд же чтем под зачало, аще не будет отступки. Причастен: Хвалите Господа с небес: и святаго.

27.🕃 Святаго апостола первомученика и архидиакона Стефана:

И преподобнаго отца нашего и исповедника Феодора начертаннаго, и брата Феофана творца.

Вечер, обычная кафисма, На Господи воззвах стихиры Стефана 3, глас 4. Подобен: Яко добля: и преподобнаго три: глас и подобен тойже. Слава, Стефана, глас 2: Царю и владыце: И ныне, праздника, глас тойже: Велие и преславное чудо: На стиховне стихиры праздника, глас 1. Подобен: Небесных чинов: с припевы их. Слава, святаго, глас 6: Первый в мученицех: И ныне: праздника, глас тойже: Ликуют ангели: Тропарь Стефана, глас 4: Подвигом добрым подвизался еси, первомучениче Христов и апостоле, и мучителей обличил еси нечестие. Камением бо побиен от рук беззаконных, венец от яже свыше десницы приял еси, и к Богу взывал еси, вопия: Господи, не постави им греха сего.

Слава, преподобнаго, глас 8: Православия наставниче: октовриа в 11-й день. И ныне, праздника: Рождество твое Христе Боже наш: и отпуст. На утрени, на Бог Господь, тропарь праздника, единожды. и апостола, единожды. Слава, преподобнаго. И ныне, праздника: и обычныя кафисмы. По кафисмах седальны праздника, и чтение. Канон праздника, первый, со ирмосом на 6, и Стефана на 4, глас 5: и преподобнаго, на 4, глас 4. По 3-й песни кондак праздника, и икос. Таже седален апостола, глас 1. Слава, преподобнаго, глас 3. И ныне, Богородичен: Рождество безсеменное: По 6-й песни,

Кондак Стефана, глас 3. Подобен: Дева днесь: Владыка вчера нам плотию прихождаше, и раб днесь от плоти исхождаше: вчера царствуяй плотию родися, днесь раб камением. побивается: того ради и скончавается первомученик, и божественный Стефан.

И икос. По 9-й песни светилен святаго: Слава и ныне праздника. На хвалитех стихиры на 6, самогласны глас 1. Слава, глас 5: Первомучениче апостоле: И ныне, праздника, глас тойже: Непостижимое совершаемое: На стиховне стихиры праздника, глас 6. Подобен: Ангельския: с припевы их. Слава, святаго, глас 8: Радуйся в Господе, венченосче: И ныне, праздника, глас тойже: Како изреку великое таинство: На литургии, блаженна праздника, песнь 1-я на 4: и святаго, песнь 3-я на 4. Прокимен праздника: и до отдания: и апостола, глас 8: Во всю землю изыде вещание их: Стих: Небеса поведают славу Божию. Апостол деяний, зачало 17: Стефан исполнь веры и силы: Аллилуиа, глас 1: Исповедят небеса чудеса твоя Господи. Евангелие Матфеа, зачало 87: Человек некий бе домовит: Причастен праздника, и до отдания: и апостола: Во всю землю:

28. Святых дву тьму мученик, в Никомидии сожженных:

Стихиры праздника 3, глас 5. Подобен: Радуйся: и мучеников 3, глас 4. Подобен: Яко добля: Слава, и ныне, праздника, глас 5: Да веселятся небеса: На стиховне стихиры праздника, глас 2. Подобен: Доме евфрафов: Слава, и ныне, глас 1: Слава в вышних Богу в Вифлееме слышу: Тропарь святых, глас 2: Страстотерпцы Господни: ноемвриа 2. Слава, и ныне, праздника, и отпуст. На утрени, на Бог Господь, тропарь праздника, дважды. Слава, святых. И ныне, праздника, и обычныя кафисмы, и седальны праздника. Канон праздника 2-й со ирмосом на 8, и мучеников на 4, глас 1. По 3-й песни,

Кондак святых, глас 2. Подобен: Твердыя: Тверди душею по вере святии, огнем страдание приемше две тьме страдалец, вопиюще Рождшемуся от Девы: приими всесожжения наша за тя якоже дары персских царей, злато и смирну, и ливан, превечный Боже.

И седален, глас 1. Слава, и ныне, праздника, глас тойже. По 6-й песни кондак и икос праздника. По 9-й песни светилен праздника, дважды. На стиховне стихиры праздника, глас 6. Подобен: Ангельския: Слава, и ныне, глас 1: Небо и земля днесь: На литургии, блаженна праздника, песнь 4-я, и 5-я, на 6. Прокимен, глас 5: Ты Господи сохраниши ны, и соблюдеши ны: Стих: Спаси мя Господи, яко оскуде преподобный. Апостол к римляном, зачало 96 от полу: Немощное закона: Аллилуиа, глас 4: Воскликните Господеви вся земля: Евангелие Луки, зачало 51 от полу: Се даю вам власть: Причастен: Радуйтеся:

29. Святых младенцев, четыренадесяти тысящ, Христа ради избиенных от Ирода в Вифлееме иудейстем: И преподобнаго отца нашего Маркелла, игумена обители неусыпаемых.

Стихиры младенцев 3, глас 4. Подобен: Яко добля: и преподобнаго 3, глас и подобен тойже. Слава, младенцев, глас 8: Ирод пребеззаконный: И ныне, праздника, глас тойже: Преславное таинство: На стиховне стихиры праздника, глас 6. Подобен: Тридневен: Слава, младенцев, глас 8: Иисусу рождшуся: И ныне, праздника, глас тойже: Господи в Вифлеем: Тропарь младенцев, глас 1: Болезньми святых: октовриа в 24. Слава, преподобнаго, глас 8: В тебе отче: октовриа в 1 день. И ныне, праздника. На утрени, на Бог Господь, тропарь праздника, единожды, и младенцев. Слава, преподобнаго. И ныне, праздника, и обычныя кафисмы. и седальны праздника. Канон праздника 1-й со ирмосом на 6, и младенцев, на 4, глас 4: и преподобнаго на 4, глас 6. По 3-й песни, кондак и икос праздника, и седальны младенцев, глас 4. Слава, преподобнаго: И ныне, праздника. По 6-й песни,

Кондак, глас 4. Подобен: Явился еси: Звезда волхвы посла к Рождшемуся, и Ирод неправедное воинство посла люто, убити мня во яслех, яко младенца лежаща.

И икос. По 9-й песни, светилен младенцев. Слава, и ныне, праздника. На хвалитех стихиры младенцев, на 4, глас 1: самогласны. Слава, глас 5. И ныне, праздника. На стиховне стихиры праздника, глас 6. Подобен: Ангельския: Слава, подобен тойже: Ныне на земли: И ныне: Усты приснопламенными: На литургии блаженна праздника, песнь 7-я, и младенцев 6-я. Прокимен, глас 6: Хвалите отроцы Господа: Стих: Вселяяй неплодовь в дом: Апостол к коринфяном, зачало 180: Христос за вся умре: Аллилуиа, глас 5: Пролияша кровь их яко воду: Евангелие Матфеа, зачало 4: Отшедшим волхвом: Причастен: Радуйтеся:

30. Святыя мученицы Анисии: И преподобнаго Зотика пресвитера, сиротокормителя.

Зде же поется служба и святыя Мелании. Стихиры святыя Анисии 3, глас 4. Подобен: Яко добля: и Мелании 3, глас тойже. Подобен: Званный свыше: Слава, и ныне, праздника, глас 1. На стиховне стихиры праздника, глас 2. Подобен: Доме евфрафов: Слава, и ныне, глас 1. [Зри] Служба святаго зотика поется на повечерии. На утрени, на Бог Господь, тропарь праздника, и обычныя кафисмы, и седальны праздника. Канон праздника, 2-й со ирмосом на 6: и святыя Анисии, на 4: и Мелании, на 4. По 3-й песни, седален Анисии, глас 4: Слава, Мелании глас тойже. И ныне, праздника, глас тойже. По 6-й песни, кондак, и икос праздника, и пролог. По 9-й песни, светилен праздника, дважды. На стиховне стихиры праздника, глас 6. Подобен: Ангельския: Слава, и ныне: Солнце сыне, како тя скрыю: На литургии, блаженна праздника, песнь 8, на 6.

31. 🕃 Отдание праздника Рождества Христова

Преподобныя Мелании римляныни.

Служба ея написася прежде в 30 день: понеже в 31 день отдается праздник Христова Рождества, и поется служба праздника. Вечер, обычная кафисма. На Господи воззвах, стихиры на 6, поемыя на самый праздник. Слава, и ныне, самогласен: Августу единоначальствующу: Прокимен дне. Входа несть. Паремий не чтем. Таже, Сподоби Господи: и Исполним вечернюю молитву: На стиховне стихиры праздника, с припевы их. Слава, и ныне, праздника. По Ныне отпущаеши, по трисвятом тропарь праздника единожды. Таже ектениа: Помилуй нас Боже: и отпуст. на отпусте же глаголет иерей имя святыя. Воутрие полунощницу поем по обычаю, с кафисмою, и тропари обычными: и молитву глаголем, Помяни Господи в надежди: и отпуст. На утрени, на Бог Господь, тропарь праздника трижды. По кафисмах, седальны праздника: и чтение. Канон первый, со ирмосом на 8: и вторый, со ирмосом на 6: ирмосы обою канонов по дважды. Катавасиа, ирмос поем перваго канона, оба лика вкупе. По 3-й песни, ипакои. По 6 песни, кондак, и икос праздника. На 9 песни, Честнейшую не поем: но поем припевы праздника, якоже на самый праздник. Светилен праздника. Слава, и ныне тойже. На хвалитех стихиры праздника, на 4. Слава, глас 6: Егда время: И ныне, глас 2: Днесь Христос в Вифлееме: Славословие великое. По трисвятом тропарь праздника: ектении, и отпуст, и час 1. На часех глаголем тропарь и кондак праздника. На литургии, блаженна обоих канонов песнь 9, на 8: антифонов же праздника не глаголем. По входе тропарь праздника. Слава, и ныне, кондак праздника. Таже трисвятое. Прокимен, Аллилуиа, и причастен праздника. Апостол, и Евангелие дне.

[МРК] Аще ли случится отдание Рождества Христова в неделю:

На малей вечерни, стихиры воскресны, и Богородицы по обычаю. На велицей вечерни, кафисма первая: Блажен муж: На Господи воззвах, стихиры воскресны 3, и праздника 4, глас 2: Приидите возрадуемся Господеви: И святых 3: Слава, святых, глас 6: Память совершаем: И ныне, праздника, глас 2: Августу единоначальствующу: Вход, прокимен дне. На литии стихиры праздника. Слава, глас 5: Волсви персидстии: И ныне, глас 6: Ликуют ангели: На стиховне стихиры воскресны. Слава, святых, глас 6: Священных память: И ныне, праздника. На благословении хлебов, тропарь: Богородице Дево: дважды, и святых единожды: Благовествуй Иосифе: Таже, чтение в посланиих апостольских. На утрени, на Бог Господь, тропарь воскресн, дважды. Слава, святых: И ныне, праздника. По кафисмах седальны воскресны, и богородичны их. И чтение во евангелии толковом, неделя по Рождестве Христове. Таже, непорочны с тропари их: ипакои гласа, и чтение праздника. Степенна, и прокимен гласа: и Всякое дыхание: Евангелие воскресно, и Воскресение Христово: По 50-м псалме стихира воскресна. Канон воскресн, со ирмосом на 4: и святых на 4: и праздника оба канона на 6. Катавасиа праздника, ирмос перваго канона. По 3-й песни, кондак и икос святых, и седальны их. Слава, и ныне, праздника, и чтение. По 6-й песни, кондак и икос праздника. На 9-й песни, поем Честнейшую: Светилен воскресн. Слава, святых. И ныне, праздника. На хвалитех стихиры воскресны 4: и праздника, самогласны 4, глас 4, с припевы их. Слава, святых, глас 8: Кровь и огнь: И ныне, Преблагословенна еси: Славословие великое. По трисвятом тропарь воскресн: ектении, и отпуст, и оглашение студитово, и обычное исхождение в притвор. И поем: Слава, и ныне, стихиру евангельскую, и час 1-й. На 1-м часе, тропарь воскресн. Слава, праздника. И ныне, Богородичен часов: По Отче наш, кондак праздника. На 3 часе тропарь воскресн. Слава, святых: И ныне, Богородичен часов. Кондаки праздника, и святых, пременяюще глаголем. На литургии, блаженна гласа, на 4, и праздника, перваго канона песнь 9-я, на 4: и святых, песнь 6-я, на 4. По входе тропарь воскресн, и праздника, и святых. Слава, кондак святых: И ныне, праздника: Прокимен праздника, и святых: Дивен Бог во святых своих: Апостол к галатом, зачало 200: Сказую вам благовествование: Аллилуиа праздника. Евангелие Матфеа, зачало 4: Отшедшим волхвом: Причастен: Хвалите Господа: Другий, праздника.

[Зри] Аще ли случится попразднство, или отдание Рождества Христова в субботу:

В пяток вечера, на Господи воззвах, Слава, и ныне, праздника: а Богородичен 1-й настоящаго гласа не поем.

Месяц ианнуарий

имеяй дней 31. День имать часов 10, а нощь часов 14.

1. 🕀 Еже по плоти Обрезание Господа Бога и Спаса нашего Иисуса Христа: И память иже во святых отца нашего Василиа великаго, архиепископа кесарии каппадокийския. Аще храм святаго Василиа, творим бдение:

На малей вечерни, стихиры святаго на 4, глас 3, самогласны. Слава, глас 2: И ныне, праздника. На стиховне стихиры праздника, глас 2. Подобен: Доме евфрафов: По Отче наш, тропарь святаго. Слава, и ныне, праздника. Ектениа. И отпуст. На велицей вечерни, поем: Блажен муж: 1-й антифон. На Господи воззвах, стихиры на 8: праздника, 4: глас 8: самогласны. И святаго Василиа, 4, глас 4. Подобен: Званный свыше: Слава, святаго, глас 8: Премудрости рачитель: И ныне, праздника, глас тойже: Сходяй Спас: Вход, прокимен дне, и чтения 3: 1-е, Бытия: Явися Господь Аврааму: 2-е, Притчей: Господь созда мя начало путей: 3-е, Притчей: Уста праведнаго каплют премудрость: На литии стихира храма: таже святаго Василиа, глас 3. Слава, глас 6: Излияся благодать: И ныне, глас 8: Сходяй Спас: На стиховне стихиры святаго, самогласны, глас 1: Припев: Уста моя возглаголют премудрость: 2-й, Уста праведнаго: Слава, глас 6: Благодать чудес: И ныне, праздника, глас 8: Не устыдеся всеблагий Бог:

Тропарь святаго, глас 1: Во всю землю изыде вещание твое, яко приемшую слово твое, имже боголепно научил еси, естество сущих уяснил еси, человеческия обычаи украсил еси, царское священие, отче преподобне: моли Христа Бога спастися душам нашим.

Слава, и ныне, праздника, глас тойже: На престоле огнезрачнем в вышних седяй со Отцем безначальным, и Божественным твоим Духом, благоволил еси родитися на земли от отроковицы, неискусомужныя твоея Матере, Иисусе: сего ради и обрезан был еси яко человек осмодневный. слава всеблагому твоему совету, слава смотрению твоему: слава снисхождению твоему, едине Человеколюбче.

И отпуст. На повечерии, кондак святаго: Слава, и ныне, праздника. На полунощнице, по 1-м трисвятом, тропарь праздника. По 2-м, кондак праздника же. Молитвы же, Помяни Господи в надежди воскресения: не глаголем. Точию, Господи помилуй, 12: и отпуст. На утрени, на Бог Господь, тропарь праздника, дважды. Слава, святаго: И ныне, праздника. И обычныя кафисмы: и седален святаго: и чтем во евангелии толковом. По полиелеи псалом избранный, и величание святителя, и седален, глас 8. Подобен: Премудрости: и чтение. Таже, степенна, 1-й антифон 4-го гласа. Прокимен, глас тойже: Уста моя возглаголют премудрость: Стих: Услышите сия вси язы́цы: Всякое дыхание: Евангелие Иоанна, зачало 36: Аз есмь: По 50-м псалме стихира Василиа, глас 6: Излияся благодать: Канон праздника, со ирмосом на 6, глас 2. ирмос по дважды: тропари, на 4: и святаго Василиа на 8: глас тойже. Катавасиа: Глубины открыл есть дно: Другий лик: Шествует морскую: По 3-й песни,

Кондак праздника, глас 3. Подобен: Дева днесь: Всех Господи обрезание терпит, и человеческая прегрешения яко благ обрезует, дает спасение днесь миру: радуется же в вышних и создателев иерарх и светоносный, божественный таинник Христов Василий.

Таже, седален Василиа, глас 8. Подобен: Премудрости: дважды. Слава, и ныне праздника. По 6-й песни,

Кондак, святаго, глас 4. Подобен: Явился еси: Явился еси основание непоколебимое церкве, подая всем некрадомое господьство человеком, запечатлея твоими веленьми, небоявленне Василие преподобне.

И икос. и чтем пролог. На 9-й песни, Честнейшую не поем, но поем припевы праздника, и Василиа: и посем оба лика припев праздника: Таже: Недоумеет всяк язык: И припев Богородицы, и ирмос: О паче ума: Светилен Василиа, дважды. Слава, и ныне, праздника. На хвалитех стихиры на 6, глас 5: Подобен: Радуйся: Слава, святаго, глас 6: Излияся благодать во устнах твоих: И ныне, праздника, глас 8: Сходяй Спас: Славословие великое. по трисвятом тропарь Василиа. Слава, и ныне, праздника. ектении. и отпуст. и знаменаются братия елеем от кандила святаго. Аще изволит настоятель, и поем стихиру самогласну. На 1-м часе, тропарь праздника. Слава, Василиа, И ныне, Богородичен часов. По Отче наш, кондак праздника, и прочая, и совершенный отпуст и на прочих часех кондаки глаголем праздника, и святаго, пременяюще. На литургии, блаженна от канона праздника, песнь 3: и святаго, песнь 6: По входе тропарь праздника, и святаго, Слава, кондак святаго. И ныне, праздника. Прокимен, глас 6: Спаси Господи, люди твоя: Стих: К тебе Господи: и святаго, глас 1: Уста моя возглаголют: Апостол к колоссаем. зачало 254: Блюдитеся, да никтоже вас: И святаго, ко евреем, зачало 318: Аллилуиа, глас 8: Пасый израиля: Стих: Уста праведнаго поучатся премудрости: Евангелие Луки, зачало 6: Возвратишася пастырие славяще и хваляще Бога: И святаго, зачало 24. и прочее совершается божественная литургиа великаго Василиа. За Достойно, поем: О тебе радуется: Причастен: Хвалите Господа с небес: Другий: В память вечную будет праведник:

[МРК] Аще случится Обрезание Господне, и святаго Василиа великаго в неделю, творим бдение.

На малей вечерни, стихиры воскресны по обычаю. На стиховне стихиры воскресны гласа, едина: таже стиховныя стихиры Василиа, великия вечерни, с припевы их. Слава, глас 6: Излияся благодать: И ныне: Не устыдеся преблагий Бог: По трисвятом тропарь воскресн. Слава, святаго: И ныне, праздника. и отпуст. На велицей вечерни: На Господи воззвах, поем стихиры воскресны 3: и праздника 3: и святаго на 4. Слава, святаго: Премудрости рачитель: И ныне, Богородичен 1-й гласа. Вход, прокимен дне, и чтения 3. На литии стихира храма: и святаго Василиа. Слава, святаго. И ныне, праздника. На стиховне стихиры октоиха. Слава, святаго. И ныне, праздника. На благословении хлебов тропарь. святаго, дважды: и Богородице Дево, единожды. и чтение в посланиих апостольских. На утрени, на Бог Господь, тропарь воскресн дважды. Слава, святаго. И ныне, праздника. По кафисмах седальны воскресны, с богородичны их. и чтение во евангелии толковом, неделя пред Богоявлением. По полиелеи тропари: Ангельский собор: и ипакои гласа, и седальны святаго вси по единожды. Слава, седален иже но полиелеи. И ныне, праздника. и чтение в Богослове слово надгробное о великом Василии. Степенна, и прокимен гласа, и Всякое дыхание: Евангелие воскресно: Воскресение Христово: и псалом 50. и стихира воскресна. Канон воскресн со ирмосом на 4: и праздника на 4: и святаго на 6. Катавасиа: Глубины открыл есть дно: и Шествует морскую: кийждо лик свой ирмос. По 3-й песни, кондак праздника: и седален святаго дважды. Слава, и ныне, праздника. По 6-й песни, кондак и икос святаго, и чтем пролог. На 9-й песни, поем Честнейшую: припевы же праздника, и святаго не поем. Светилен воскресн. Слава, святаго. И ныне, праздника. На хвалитех стихиры воскресны 4: и святаго со славным 4, со обычными припевы его. Слава, стихира евангельская. И ныне: Преблагословенна еси: Славословие великое. тропарь воскресн. ектении. и отпуст. и оглашение студитово. Дается же и елей по обычаю от кандила святаго. и исхождение в притвор. и час 1. и конечный отпуст. На часех, тропарь воскресн: Слава, праздника. И ныне, Богородичен часов. По трисвятом кондак праздника. На 3-м часе, тропарь воскресн. Слава, святаго. И ныне, Богородичен часов. По трисвятом кондак святаго, и праздника пременяюще глаголем. На литургии, блаженна гласа на 4: и праздника песнь 3-я, на 4. и святаго 6-я, на 4. По входе тропарь воскресн, и праздника, и святаго. Слава, кондак святаго. И ныне, праздника. Прокимен недели, пред просвещением, глас 6: Спаси Господи, люди твоя: Стих: К тебе Господи, воззову: и святаго, глас 1: Уста моя возглаголют премудрость: Апостол недели пред просвещением, к Тимофею, зачало 298: другий апостол к колоссаем, зачало 254. Аллилуиа, глас 8, недели пред просвещением. Стих: Боже, ущедри ны: Стих: Пасый израиля: Евангелие, неделя пред просвещением, Марка 1: и Обрезания, Луки, зачало 6. Причастен: Хвалите Господа: Другий: В память вечную: Литургиа же поется Василиа великаго неизменно. За Достойно, О тебе радуется:

[Зри] Суббота пред Богоявлением.

На литургии, апостол к Тимофею, зачало 284: Чадо Тимофее, сия пишу тебе, уповая приити: Евангелие Матфеа, зачало 5: Прииде Иоанн Креститель:

[Зри] Неделя пред Богоявлением.

Прокимен, глас 6: Спаси Господи люди твоя: Стих: К тебе Господи, воззову, Боже мой: Апостол к Тимофею, зачало 298: Чадо Тимофее, трезвися о всем: Аллилуиа, глас 8: Боже, ущедри ны: Евангелие Марка, зачало 1: Зачало евангелиа Иисуса Христа: Причастен: Хвалите Господа:

2. Предпразднство Просвещения: И память во святых отца нашего Силвестра, папы римскаго.

На Господи воззвах, стихиры предпразднства 3, глас 4. Подобен: Яко добля: и святаго 3, глас 8. Подобен: О преславнаго чудесе! Слава, и ныне, предпразднства, глас 6: Грядет ко Иордану: На стиховне, стихиры предпразднства, самогласны, глас 1, с припевы их: 1-й: Сего ради помянух тя: 2-й: Видеша тя воды Боже, видеша тя воды, и убояшася. Слава, и ныне, глас 3: Приидите вси вернии: [Зри] [Глаголются же сии припевы на всяк день, вечер и утро, до навечерия Просвещения.] Тропарь Силвестра, глас 4: Правило веры: септемвриа во 2 день.

Слава, и ныне, предпразднства, глас 4: Готовися Завулоне, и красуйся Неффалиме, Иордане реко стани, подыми взыграя креститися грядуща Владыку, веселися Адаме с праматерию, не крыйта себе якоже в раи прежде: ибо наги видев вы явися, да облечет в первую одежду, Христос явися всю тварь хотя обновити.

На повечерии, поем трипеснец, глас 2: ирмос по дважды: тропари на 6. и последи ирмос оба лика вкупе. По трисвятом кондак предпразднства. Аще же двоирмосен трипеснец, и поем перваго творца ирмос дважды, тропари же обоих творцов, на 6: и последи ирмос втораго канона, оба лика вкупе. Сице поем каноны и ирмосы, и на прочиих повечериях. На утрени, на Бог Господь, тропарь предпразднства, дважды. Слава, святаго. И ныне, предпразднства. и обычныя кафисмы, и седальны предпразднства, и чтение. Канон предпразднства глас 2, со ирмосом на 8. ирмосы по дважды: тропари на 6: и святаго на 4, глас 8. По 3-й песни,

Кондак святаго, глас 4. Подобен: Вознесыйся: Во священницех священник явился еси Царя и Бога богоносе, постником собеседник быв: отонудуже срадуешися ныне ликом ангельским, отче, веселяся в небесных, Силвестре славне пастырю, спасай любовно совершающия память твою.

И седален, глас 8. Слава, и ныне, предпразднства. По 6-й песни,

Кондак предпразднства, глас 4. Подобен: Явился еси: Во струях днесь иорданских быв Господь, Иоанну вопиет: не убойся крестити мя: спасти бо приидох Адама первозданнаго.

И икос: и чтем пролог. По 9-й песни, светилен предпразднства. На хвалитех стихиры на 4, глас 6. Подобен: Ангельския: Слава, глас и подобен тойже: Трепещет рукою: И ныне, Вся земля тайно: На стиховне стихиры, глас 6: самогласны, с припевы их. Слава, и ныне, глас 8: Иоанне крестителю: На литургии, блаженна предпразднства, песнь 3 и 6-я. По входе тропарь предпразднства, и храма Богородицы, идеже есть, или храма святаго. Таже тропарь святаго, и кондак храма Богородицы, аще есть: или храма святаго. Слава, кондак святаго. И ныне, кондак предпразднства. [Зри] Сице глаголем тропари и кондаки, в предпразднства Богоявлений по вся дни, кроме недели, и полиелеа святаго. Прокимен, глас 1: Уста моя возглаголют премудрость: Стих, Услышите сия вси язы́цы: Апостол ко евреем, зачало 318: Таков нам подобаше: Аллилуиа, глас 2: Уста праведнаго поучатся премудрости: Стих: Закон Бога его: Евангелие Иоанна, зачало 50: Аз есмь лоза истинная: Причастен: В память вечную:

🕁 И преставление преподобнаго отца нашего Серафима Саровскаго.

Тропарь, глас 4: От юности Христа возлюбил еси блаженне, и тому единому работати пламенне вожделев, непрестанною молитвою и трудом пустыни подвизался еси, умиленным же сердцем любовь Христову стяжав, избранник возлюблен Божия Матере явился еси. сего ради вопием ти: спасай нас молитвами твоими, Серафиме, преподобне отче наш.

Кондак, глас 2: Мира красоту и яже в нем тленная оставив, преподобне, в саровскую обитель вселился еси: и тамо ангельски пожив, многим путь был еси ко спасению: сего ради и Христос тебе, отче Серафиме, прослави и даром исцелений и чудес обогати. темже вопием ти: радуйся, Серафиме, преподобне отче наш.

3. Предпразднство Просвещения: И святаго пророка Малахиа: И святаго мученика Гордиа.

Стихиры пророка 3, глас 8: Подобен: Господи, аще и на судищи: И мученика 3, глас тойже. Подобен: О преславнаго чудесе! Слава, и ныне, глас 4: О преславнаго чудесе! На стиховне стихиры предпразднства, глас 6. Подобен: Тридневен: с припевы их. Слава, и ныне, глас 5: На иорданскую реку: Тропарь мученика, глас 4: Мученк твой Господи, Гордий: септемвриа во 2 день. Слава, и ныне, предпразднства. [Зри] На повечерии, трипеснец, яко предписася. По трисвятом кондак предпразднства. На утрени, на Бог Господь, тропарь предпразднства, дважды. Слава, мученика: И ныне, предпразднства. По кафисмах седальны предпразднства, и чтение. Канон предпразднства, со ирмосом на 6: ирмосы по дважды, глас 4: и пророка на 4, глас 8: и мученика на 4, глас тойже. По 3-й песни,

Кондак пророка, глас 4. Подобен: Явился еси: Пророчества дарованием богатея, пророче, Христово предвозвестил еси пришествие яве, и мирови спасение, егоже сиянием мир просветися.

Ин кондак мученика, глас 8. Подобен: Яко начатки: Твоя поты, преславне, всю землю напоиша, и честными кровьми, Гордие, мир весь возвеселил еси: молитвами твоими Богомудре, спасай вся верою тя воспевающия и ублажающия, вопиющия песнь достойную, всехвальне, яко многострадалец.

И седален пророка, глас 8. Слава, мученика: И ныне, предпразднства, глас тойже. По 6-й песни, кондак предпразднства, и икос: и пролог. По 9-й песни светилен предпразднства, дважды. На хвалитех стихиры предпразднства на 4, глас 6. Подобен: Ангельския: Слава, подобен тойже: Звезда из Иакова: И ныне, Закона исполнитель: На стиховне, стихиры, глас 2: Подобен: Доме евфрафов: Слава, и ныне, глас 8, подобен тойже: Явися славы Отчее сияние: На литургии, блаженна, от канона предпразднства, песнь 3 и 6-я. Прокимен, глас 7: Возвеселится праведник: Стих: Услыши Боже, глас мой: Апостол к Тимофею, зачало 292. Аллилуиа: Праведник яко финикс: Евангелие Матфеа, зачало 36: Се аз посылаю вас: Причастен: В память вечную:

4. Предпразднство Просвещения: И собор святых 70 апостолов: И преподобнаго отца нашего Феоктиста игумена, иже в Кукуме Сикелийстем.

Стихиры апостолов 3, глас 4: Подобен: Дал еси знамение: И преподобнаго 3, глас 2. Подобен: Егда от древа: Слава, и ныне, предпразднства, глас 3: Ясен убо мимошедший праздник: На стиховне стихиры предпразднства, глас 8. Подобен: Мученцы твои: Слава, и ныне, глас 6: Грядет ко Иордану Христос: Тропарь апостолов, глас 3: Апостоли святии: октовриа 31: Слава, и ныне: Готовися Завулоне: На повечерии, канон по предписанному. По трисвятом, кондак предпразднства. На утрени, на Бог Господь, тропарь предпразднства дважды. Слава, апостолов. И ныне, предпразднства. По кафисмах седальны предпразднства, и чтение. Каноны 3, предпразднства со ирмосом на 6, глас 6: и апостолов на 4, глас 4, и преподобнаго на 4. По 3-й песни, кондак предпразднства. Во струях днесь иорданских: И икос. И седален апостолов, глас 3. Слава, преподобнаго. И ныне, предпразднства. По 6 песни,

Кондак апостолов, глас 2. Подобен: Вышних ищя: Христовых учеников лик седмьдесят, божественно вернии в песнех восхвалим: теми бо вси навыкохом Троицу почитати нераздельную, и пребывают светильницы божественныя веры.

По 9-й песни, светилен апостолов. Слава, и ныне, предпразднства. На хвалитех стихиры на 4, глас 6. Подобен: Ангельския: Слава, подобен тойже: Да исполнится Отчее: И ныне, Ты израиля столпом: На стиховне стихиры предпразднства, глас 2. Подобен: Доме евфрафов: Слава, и ныне, глас и подобен тойже: Днесь Христос: На литургии, блаженна от канона предпразднства, песнь 3, и апостолов песнь 6. Прокимен, глас 8: Во всю землю изыде вещание их: Стих: Небеса поведают славу Божию: Апостол к римляном, зачало 96: Закон духа жизни: Аллилуиа, глас 1: Исповедят небеса чудеса твоя Господи. Евангелие Луки, зачало 50: Яви Господь и инех седмьдесят: Причастен: Во всю землю:

5. Предпразднство Просвещения: И святых мученик, Феопемта и Феоны: И преподобныя Синклитикии.

Стихиры мучеников 3, глас 4. Подобен: Яко добля: преподобныя 3, глас 1. Подобен: Небесных чинов: Слава, и ныне, предпразднства, глас 6: Готовися Иордане реко: На стиховне стихиры предпразднства, глас 6: Подобен: Тридневен, с припевы. Слава, и ныне, глас 6: Да возрадуется пустыня иорданова:

Тропарь предпразднства, глас 4: Возвращашеся иногда Иордан река милотию Елиссеовою, вознесшуся Илии, и разделяхуся воды сюду и сюду, и бысть ему сух путь, иже мокрый, во образ воистинну крещения, имже мы текущее жития преходим шествие: Христос явися во Иордане освятити воды.

На повечерии, канон поем по предписанному. На утрени, на Бог Господь, тропарь предпразднства, трижды. По кафисмах седальны предпразднства: и чтение. Канон предпразднства, со ирмосом на 6: и мучеников на 4, глас 7: и преподобныя на 4. глас 2. По 3-й песни,

Кондак, глас 2. Подобен: Вышних ищя: Всех, Христе, благоутробне отемляй прегрешений множество, милости ради безмерныя, Иорданскими водами креститися грядеши яко человек, одеждею мя одевая, славы древния обнаженна люте.

И седален мученика, глас 1: И преподобныя, глас 5. Слава, и ныне, предпразднства. По 6-й песни, кондак предпразднства, и икос. По 9-й песни, светилен предпразднства. Слава, и ныне, другий. На хвалитех стихиры на 4, глас 6. Подобен, Ангельския: Слава, глас и подобен тойже: С трепетом служа Иоанн: И ныне, Воспоем людие рожденному от Девы: На стиховне стихиры, глас 2. Подобен, Доме евфрафов: Слава, и ныне, глас 8: Иоанне крестителю: и посем, Благо есть: По трисвятом, тропарь предпразднства. ектениа, и отпуст. и отходим в келлии своя с молчанием.

Последование часов, певаемых в навечерии Просвещения.

В начале 2-го часа знаменует в кампан, и собравшеся во храм, облачится иерей в фелонь, диакон же в стихарь: и поставляет параекклисиарх аналогий украшен, прямо царских врат и вжигает свещу на свещнице. Иерей же исходит со Евангелием во храм, или в трапезу, царскими враты, предходящу ему диакону с кадилом. И полагает иерей святое Евангелие на аналоге. И став пред аналогом, творит начало по обычаю. И по начале чтец: Слава тебе, Боже наш, слава тебе. и Царю небесный: и прочая. И по возгласе, кадит иерей святое Евангелие на аналоге окрест, и прочия иконы, и храм весь, и настоятеля, и братию. чтец же чтет псалом 5: Глаголы моя внуши Господи: и 22, Господь пасет мя: и 26, Господь просвещение: Слава, и ныне, аллилуиа, трижды. Господи помилуй, трижды. Слава, тропарь предпразднства: Возвращашеся иногда Иордан река: И ныне: Что тя наречем: Таже тропари сия поем по дважды, глас 8: Днесь вод освящается естество: И 2-й лик тойже тропарь без припева. И паки 1-й лик припев: Сего ради помянух тя от земли: Таже тропарь, Яко человек: И 2-й лик 2-й припев: Видеша тя воды Боже: и поет тойже тропарь. И паки 1-й лик: Слава, Ко гласу вопиющаго: И ныне, тойже. Таже прокимен, глас 4: И возгреме с Небесе Господь: Стих: Возлюблю тя Господи, крепосте моя: Пророчества Исаиина: Тако глаголет Господь: Таже, деяния святых апостол, зачало 33: Во дни оны, якоже скончаваше Иоанн течение: Евангелие Матфеа, зачало 5: Прииде Иоанн креститель: Таже, Стопы моя: И трисвятое. По Отче наш, кондак: Во струях днесь: Господи помилуй, 40. И молитва: Иже на всякое время: По Честнейшую херувим: Иерей: Боже ущедри ны: Таже, молитва: Христе свете: Сице поем 3-й час, и 6-й, и 9-й: в нихже диакон кадит Евангелие, и настоятеля и лики. На 9-м же часе кадит всю церковь, яко на 1-м часе. Таже молитва: Владыко Господи Иисусе Христе: И Благослови душе моя Господа: Слава, Хвали душе моя Господа: И ныне: Единородный Сыне: И во царствии твоем: Слава, и ныне: Помяни нас Господи: Ослаби, остави: По Отче наш, кондак: Во струях днесь: Господи помилуй 40. И молитва: Всесвятая Троице: Таже, Достойно есть: И отпуст. И бывает росход до часа вечерняго. Вечерня же бывает с литургиею Василиа великаго во свое время. И прочее всего чина указа, зри декемвриа в 24-й день.

[Зри] Ведомо же буди: Аще случится навечерие Богоявления, в субботу, или неделю, пост не бывает и тропари царских часов со чтениями в субботу и неделю не поются: но поем часы царския прежде в пяток по обычаю, якоже указано на ряду. Глаголем же Символ веры, и псалом 33: Благословлю Господа: И отпуст. И в той день ядим сыр и яица. Аще будет навечерие в субботу: Прокимен, Аллилуиа, и причастен дне. Апостол же и Евангелие прежде субботе пред Богоявлением, и потом ряд. По Изрядно, поем Достойно: Аще ли в неделю навечерие Богоявления: Прокимен, апостол, Аллилуиа, Евангелие и причастен, прежде недели пред Богоявлением, и потом ряд. По Изрядно же, поем, Достойно: По отпущении же литургии ядим укрухи, и пием по единой чаши вина. Совершенно же ядим по отпусте вечерни, со елеем. Сыра же и яиц и рыб никакоже дерзнем коснутися. Аще ли в пяток прежде навечерия Богоявления, когда поются часы царския, зри указ, декемвриа в 24-й день.

6.🕀 Святое Богоявление Господа Бога и Спаса нашего Иисуса Христа.

При часе 5 дне знаменует в великое, и потом во вся тяжкая. И собравшимся в храм начинаем вечерню: и поем обычный псалом. Таже ектениа великая. Аще будет в субботу, стихословим, Блажен муж, кафисму всю. Аще же в неделю, поем 1-й антифон. Аще ли во иныя дни, стихологиа не бывает: но абие поем, Господи воззвах, на глас 2. Иерей же творит проскомидию. Диакон кадит церковь по обычаю. И мы поем. стихиры праздника на 8, глас 2. Самогласны: Просветителя нашего: Слава, и ныне, глас тойже: Приклонил еси главу: Таже вход со Евангелием. Свете тихий: Прокимен дне. Аще ли в субботу на вечерни, прокимен, Господь воцарися: Аще ли на вечерни, в пяток: Прокимен поем великий: Бог наш на Небеси и на земли: со стихи его. И чтения праздника, по чину их. Посреде чтения, тропарь со стихи их обычными. По скончании же чтения, ектениа малая. И возглас: Яко свят еси Боже наш: И поем трисвятое. Прокимен, глас 3. Господь просвещение мое: Стих: Господь защититель живота моего: Апостол к коринфяном, зачало 143: Свободен сый от всех: Аще ли несть поста, начинаем его от полу: Не хощу вас не ведети: Аллилуиа, глас 6: Отрыгну сердце мое слово благо: Стих: Красен добротою паче сынов человеческих. Евангелие Луки, зачало 9: В пятоенадесяте лето: И по ряду божественная литургиа великаго Василиа: Вместо Достойно поем: О тебе радуется: Причастен, Хвалите Господа: И по заамвонной молитве, абие исходим вси ко священной купели в притвор, или на источники, царскими враты. Игумен, или старейший иерей, носяй на главе честный крест, предыдущим ему свещеносцем, и диаконом с кадилы, и полагает честный крест на благоукрашенном столе, идеже и воде уготованней в чаше, и свещам окрест стоящим, и даются свещи братиям. Клириком же поющим тропарь, глас 8: Глас Господень на водах: трижды. В тоже время настоятель кадит окрест стола, таже образы, и праздника на аналогии, и священников, и лики по чину, предходящу ему диакону со свещею. Посем тропарь, глас тойже: Днесь вод освящается естество: дважды. И другий: Яко человек на реку: дважды. Слава, и ныне: Ко гласу вопиющаго: Таже диакон: Премудрость. и чтутся чтения 3: Пророчества Исаиина. Таже прокимен, глас 3: Господь просвещение мое: Стих: Господь защититель живота моего: Апостол к коринфяном, зачало 143 от полу: Не хощу вас не ведети: Аллилуиа трижды, глас 4: Глас Господень на водах: Евангелие Марка, зачало 2: Прииде Иисус от Назарета галилейскаго: И глаголет диакон ектению великую: Миром Господу помолимся. и прочее ектении освящения. Сим же от диакона глаголемым, настоятель глаголет молитву тайно: Господи Иисусе Христе, единородный Сыне: без возгласа, и речет в себе и Аминь. И начинает велиим гласом, во услышание всех, молитву сию глаголя: Велий еси Господи, и чудна дела твоя: всю до конца, трижды. Таже молитву: Ты бо хотением от не сущих: и прочая. И по скончании молитв, абие благословляя воду крестовидно честным крестом, погружает его право низводя в воду и возводя, держа его обема рукама, поя и настоящий тропарь, во глас 1: Во Иордане крещающуся тебе Господи: И в другий такожде знаменует крестом воду, и в третий такожде тойже тропарь поя сам настоятель, споющим ему и прочим священником. Таже по сих поют и лики тойже тропарь. Настоятель же взем священную воду на блюдо, и обратяся на запад лицем, в левой руце держа честный крест, а в правой василки, кропит крестообразно на вся страны. И приходят прежде к настоятелю священницы, два два, и целуют честный крест, и знаменует их василком по лицу со священною водою крестообразно: но тому же чину и вся братия. Поется же тогда тропарь от всех многажды, Дóндеже освятятся вся братия водным кроплением, и причащением. И абие входим во храм, и поем стихиру. Слава, и ныне, глас 6: Воспоим вернии: Таже, Буди имя Господне, трижды. и псалом 33: Благословлю Господа на всякое время: Потом дается антидор от иереа, и отпуст. По отпусте же или есть литургиа, или несть, вжигаем свещник посреде церкве, ставше вкупе клирицы, и поют тропарь праздника. Слава, и ныне кондак: и входим в трапезу, и ядим с древяномаслием, испиваем же и вина. Сыра же и подобных ему, рыб никакоже дерзнем ясти, возбранено бо есть божественными правилы. Сице бывает служба постну дню сущу, в навечерии Просвещения.

[Зри] Известно же буди всем о святей воде, яко нецыи суть отлучающе себе от святыя воды вкушения ради, не добре творят: ибо благодати ради Божия дана бысть на освящение миру, и всей твари. темже во всяких местех и скаредных, и всюду кропится, яже и под ногами нашими суть: и где есть сих разум, еже не пити сея? но да увеси, яко не вкушения ради ястия нечистота в нас есть, но от скверных дел наших, очищени же от сих, пием без сомнения сию святую воду. О сей воде небесная она словесная ластовица, златословесный вселенский учитель Иоанн, Константиня града патриарх в слове своем, о еже сходитися христианом во святую Божию церковь, и о крещении: егоже начало: Вси вы в благодушии есте днесь, аз же в печали един болезную: Свидетельствует глаголя, но убо чесо ради не день воньже родися, но день воньже крестися, явление глаголется? сей бо есть день воньже крестися, и водное освяти естество. Сего ради и в полунощи на праздник сей, вси почерпше в домы воду относят и соблюдают, и лето совершенно хранят, понеже днесь освящаются воды: и знамение бывает явственное, не растлевающуся вод оных естеству долготою времене: но лето совершенно, и два и три множицею, днесь черпаемая вода цела и нова пребывает: и по толицем времени, ныне о источника взятой воде сравняется.

[Зри] Подобает ведати: Яко аще случится навечерие святаго Богоявления в субботу, или неделю, пост не бывает. Литургиа же бывает Златоустаго во свое время по обычаю, якоже и всегда. И по отпущении литургии в трапезу не ходим, но в притворе церковнем седшим нам, трапезарь дает по уломку хлеба коемуждо: или по малу хлебу пшеничному, и мало смоквий и финик, и по единой чаше вина, яко да не наречется пост: ожидаем же вечерняго собора. Посем отшедше в келлии своя, безмолвствуем до времене вечерняго. Великаго же Василиа литургиа совершается в самый праздник. Вместо же Достойна, поем ирмос 9-й песни праздника.

[Зри] При часе же вечернем дне: Знаменует в великое, и потом во вся тяжкая, и собравшимся нам во храм: И благословившу иерею, поем вечерню по обычаю: псалом, Благослови душе моя Господа: И аще в субботу вечера, поем, Блажен муж, кафисму всю. Аще ли в неделю вечера, поем 1-й антифон. На Господи воззвах, поем стихиры праздника на 8, глас 2: Просветителя нашего: Слава, и ныне, глас тойже: Приклонил еси главу Предтечи: Таже вход со Евангелием. Свете тихий: Прокимен дне: и чтения по чину их с тропари и со стихи их. Трисвятое же не поем, занеже не совершается божественная литургиа. По чтении же паремий, ектениа малая: и по возгласе, Прокимен, апостол, и Евангелие, яко предписася. Ектениа, Рцем вси: И Сподоби Господи: И Исполним вечернюю молитву: Иерей возглас. И исходим ко крестильнице, идеже уготован стол. И действует настоятель, или иерей по чину, якоже указася прежде, Поюще тропари: Глас Господень на водах: И прочее бывает воследование освящения воды, неизменно. По кроплении же освященныя воды входим во храм, и поем стихиру: Слава, и ныне, глас 6: Воспоим вернии: и отпуст. Потом тропарь праздника. Слава, и ныне, кондак: Явился еси днесь: И пивше священную воду, входим в трапезу, и ядим совершенно, с древяномаслием, и пием вино.

При часе же 10-м нощи ударяет в великое, и потом во вся кампаны.

И собравшимся во храм, благословившу иерею, поем повечерие великое: и С нами Бог, с пением, на глас 8. По 1-м трисвятом,

Тропарь праздника, глас 1: Во Иордане крещающуся тебе Господи, Троическое явися поклонение: Родителев бо глас свидетельствоваше тебе, возлюбленнаго тя Сына именуя, и Дух в виде голубине извествоваше словесе утверждение. явлейся Христе Боже, и мир просвещей, слава тебе.

По 2-м трисвятом, кондак праздника, Явился еси днесь: По Слава в вышних: по обычаю исходим в притвор, поющим нам стихиры праздника, глас 4: Одеваяйся светом яко ризою: Слава, глас 8: Господи исполнити хотя: И ныне, глас тойже: Днесь тварь просвещается: Таже молитвы обычныя. И вшедше во храм, поем стиховну праздника: стихиры самогласны, глас 2: На Иорданстей реце: с припевы праздничными. 1-й, Море виде, и побеже: 2-й, Что ти есть море, яко побегло еси? Припеваем же сими стихи, и до отдания праздника. Слава, и ныне, глас 6: Еже от Девы Солнце: Тропарь, глас 1: Во Иордане крещающуся тебе Господи: трижды. И благословение хлебов по обычаю. Буди имя Господне: псалом 33: Благословлю Господа: и предложится чтение праздника: и по чтении, и по шестопсалмии, на Бог Господь тропарь праздника трижды, и обычныя стихологии. По 1-й стихологии седален праздника, глас 3. Подобен: Красоте: Явльшуся тебе во Иордане Спасе: Слава, и ныне, глас 4. Подобен: Скоро предвари: Струи освятил еси Иорданския: И чтем во евангелии толковом, еже от Матфеа. По 2-й стихологии седален праздника, глас 5. Подобен: Собезначальное слово: Иорданскими струями обложся: Слава, и ныне, глас 4. Подобен: Удивися Иосиф: Иордане реко: И чтем во евангелии толковом, еже от Матфеа: по чтении же даются свещи братиям. По полиелеи седален праздника, глас 4. Подобен: Удивися Иосиф: Приидите увидим вернии: Слава, и ныне, тойже. И чтение. Степенна, 1 антифон 4-го гласа. Прокимен праздника, глас 4: Море виде и побеже, Иордан возвратися вспять. Стих: Что ти есть море, яко побегло еси? Всякое дыхание: Стих: Хвалите Бога во святых его: Евангелие Марка, зачало 2: Прииде Иисус о Назарета: По 50-м псалме, Слава: Всяческая днесь: И ныне, тойже. Таже, Помилуй мя Боже: и стихира, глас 6: Бог Слово явися: Канона два, праздника: кир Космы, и кир Иоанна: ирмосы обою канонов, по дважды. Тропари на 12: последи ирмосы обою канонов, кийждо лик свой ирмос. По 3-й песни, ипакои, глас 5: Егда явлением твоим: И чтение. По 6-й песни,

Кондак праздника, глас 4: Явился еси днесь вселенней, и свет твой Господи знаменася на нас, в разуме поющих тя: пришел еси, и явился еси, Свет неприступный.

На 9-й песни паки вжигают свещи братия. Честнейшую не поем, но поем припевы праздника: якоже изъявися декемвриа в 25 день. Светилен праздника: Явися Спас благодать и истина: трижды. На хвалитех стихиры праздника, самогласны, глас 1, на 4: Свет от Света возсия: Слава, глас 6: Водами Иорданскими: И ныне, глас 2: Днесь Христос на Иордан прииде: Славословие великое. По трисвятом тропарь праздника. ектении и отпуст. И дается святый елей от кандила, поющим нам стихиру праздника, таже час 1-й. На 1-м часе тропарь праздника. По трисвятом кондак праздника, и прочее, и совершенный отпуст. В сей день литургиа бывает порану, труда ради бденнаго.

На литургии антифон 1, псалом 113, глас 1: Во исходе Израилеве от Египта, дому Иаковля, из людей варвар. Молитвами Богородицы, Спасе спаси нас. И другий лик, Стих 2: Бысть Иудеа святыня его, Израиль область его. Молитвами Богородицы: Стих 3: Море виде и побеже, Иордан возвратися вспять. Молитвами Богородицы: Стих 4: Что ти есть море, яко побегло еси? и тебе Иордане, яко возвратился еси вспять? Молитвами Богородицы: Слава, и ныне: Молитвами Богородицы:

Антифон 2, псалом 114, глас 2: Возлюбих, яко услышит Господь глас моления моего. Спаси ны Сыне Божий, во Иордане крестивыйся, поющия ти: аллилуиа. Стих 2: Яко приклони ухо свое мне, и во дни моя призову. Спаси ны Сыне Божий: Стих 3: Объяша мя болезни смертныя, беды адовы обретоша мя: скорбь и болезнь обретох, и имя Господне призвах. Спаси ны Сыне Божий: Стих 4: Милостив Господь и праведн, и Бог наш милует. Спаси ны сыне Божий: Слава, и ныне: Единородный Сыне:

Антифон 3, псалом 117, глас 1: Исповедайтеся Господеви, яко благ, яко в век милость его. Тропарь, Во Иордане крещающуся: Стих 2: Да речет убо дом Израилев, яко благ, яко в век милость его. Во Иордане крещающуся: Стих 3: Да речет убо дом Ааронь: яко благ, яко в век милость его. Во Иордане крещающуся: Стих 4: Да рекут убо вси боящиися Господа: яко благ, яко в век милость его. Во Иордане крещающуся: Входное: Благословен грядый во имя Господне, благословихом вы из дому Господня, Бог Господь и явися нам. Тропарь: Во Иордане крещающуся тебе Господи: Слава, и ныне, кондак, глас 4: Явился еси днесь вселенней: Вместо трисвятаго, поем: Елицы во Христа крестистеся: Прокимен, глас 4: Благословен грядый во имя Господне, Бог Господь, и явися нам. Стих: Исповедайтеся Господеви, яко благ, яко в век милость его. Апостол к Титу, зачало 302: Чадо Тите, явися благодать Божия: Аллилуиа, глас 4: Принесите Господеви сынове Божии: Стих: Глас Господень на водах: Евангелие Матфеа, зачало 6: Прииде Иисус от Галилеи: Причастен: Явися благодать Божия спасительная всем человеком. Аллилуиа, трижды. На трапезе бывает утешение братии велие. Ядим рыбу, и сыр, и яица, и пием вино: Мирстии же мясо, аще будет и в среду, или пяток. И чтется слово Златоустаго, емуже начало: Вси вы благодушнии:

7. 🕃 Собор святаго славнаго пророка, Предтечи и Крестителя Иоанна.

Вечер, стихологиа не бывает бдения ради бывшаго, кроме субботы. На Господи воззвах стихиры праздника 3, глас 2: Просветителя нашего: И Предтечи 3, глас 1. Подобен: Всехвальнии мученицы: Видев тя грядуща Христе: Слава, глас 6: Во плоти светильниче: И ныне, праздника, глас тойже: Бог Слово явися плотию: Вход. Прокимен великий, глас 7: Бог наш на небеси и на земли, вся елика восхоте сотвори. Стих: Во исходе Израилеве от Египта: Стих: Море виде и побеже: Стих: Что ти есть море, яко побегло еси? И паки, Бог наш: Аще случится в субботу вечера, глаголем прокимен: Господь воцарися: Таже ектениа, и Сподоби Господи: и Исполним вечернюю молитву: На стиховне стихиры праздника, глас 4. Подобен: Дал еси знамение: с припевы их, и до отдания, вечер и утро. Слава, Предтечи, глас 4: Яко духа рачитель: И ныне, праздника, глас тойже: Приидите подражаим мудрыя девы:

Тропарь, глас 2: Память праведнаго с похвалами, тебе же довлеет свидетельство Господне Предтече: показал бо ся еси воистину и пророков честнейший, яко и в струях крестити сподобился еси проповеданнаго. темже за истину пострадав радуяся, благовестил еси и сущим во аде Бога явльшагося плотию, вземлющаго грех мира, и подающаго нам велию милость.

Слава, и ныне, праздника. На повечерии, по трисвятом, кондак Предтечи, Плотскаго твоего пришествия: На полунощнице, глаголем кафисму обычную. По 1-м трисвятом, тропарь праздника. По 2-м трисвятом кондак Предтечи: Плотскаго твоего пришествия: На утрени, на Бог Господь, тропарь праздника, дважды. Слава, Крестителя. И ныне, праздника. По 1-й кафисме, седален праздника, глас 1: Иисусу рождшуся от Девы Марии: Слава, и ныне, тойже. И чтение. По 2-й кафисме, седален праздника, глас 4: Во струях видев тя иорданских: Слава и ныне, тойже: Канон праздника 1-й, со ирмосом на 6: другий со ирмосом на 4: и Предтечи на 4, глас тойже. последи ирмосы обою канонов. По 3-й песни, кондак праздника: Явился еси днесь: И икос: Таже седален, глас 8: Иордан струями служит: Слава, и ныне, тойже. По 6-й песни,

Кондак Предтечи, глас 6: Плотскаго Твоего пришествия убоявся Иордан, страхом возвращашеся, пророческое же служение исполняя Иоанн, трепетом спряташеся: ангельския чины ужасахуся, зряще Тя во струях плотию крещаема: и вси сущии во тьме озаряхуся, воспевающе Тя явльшагося и просветившаго вся.

И икос, и пролог. На 9-й песни, Честнейшую не поем: но поем припевы праздника и Предтечи, и ирмосы: и посем на сходе поем оба лика вкупе. Припев праздника: таже катавасиа: Недоумеет всяк язык: Таже припев Богородице, и посем ирмос: О паче ума: и поклон. Светилен Предтечи. Слава, и ныне, праздника. На хвалитех стихиры праздника, глас 1, самогласны, на 4. Слава, Предтечи, глас 6: Ангел из неплодных ложесн: И ныне, праздника, глас 2: Днесь Христос на Иордан прииде: Славословие великое. По трисвятом, тропарь Предтечи. Слава, и ныне, праздника. Ектении, отпуст, и час 1. На 1-м часе, тропарь праздника. Слава, Предтечи. И ныне, Богородичен часов. По трисвятом, кондак праздника, и прочее, и совершенный отпуст. На литургии, блаженна от канона праздника, песнь 3, на 4: и Предтечи, песнь 6, на 4. По входе тропарь праздника, и Предтечи. Слава, кондак Предтечи. И ныне, праздника. Вход: Спаси ны Сыне Божий, во Иордане крестивыйся, поющия ти: Аллилуиа. Сице поем и до отдания. Прокимен, глас 7: Возвеселится праведник о Господе: Стих: Услыши Боже, глас мой: Апостол деяний, зачало 42: Бысть внегда быти Аполлосу: Аллилуиа, глас 5: Свет возсия праведнику: Стих: Веселитеся праведнии о Господе: Евангелие Иоанна, зачало 3: Виде Иоанн Иисуса: Причастен: Явися благодать Божия: Другий: В память вечную:

[Зри] Подобает ведати: Аще случится собор Иоанна Предтечи в неделю: поем службу Предтечи, якоже собору Богородицы: прежде воскресно, и праздника, и Предтечи, якоже наутрии Рождества Христова указася. святых праведных богоотцев, аще в неделю память их будет. На утрени, Евангелие толковое, неделя по Крещении: таже неделя ряд, аще не будет отступки. Аще ли же будет отступка: на утрени Евангелие чтется едино: неделя по Крещении.

[Зри] Подобает ведати: Аще случится попразднство Крещения Христова в неделю, ищи всего последования, вечер, и утро, септемвриа по 14 числе.

[Зри] Суббота по просвещении: Прокимен, Аллилуиа, и причастен праздника: Апостол ко ефесеем, зачало 233: Возмогайте о Господе: Евангелие Матфеа, зачало 7: Возведен бысть Иисус:

[Зри] Подобает ведати: Аще случится собор Предтечи в субботу: Прокимен праздника, и Предтечи. Апостол и Евангелие чтется прежде субботе по просвещении, потом Предтечи. Причастен: Явися благодать Божия: Другий: В память вечную: Сице поем на литургии в субботу, и святым имущим службу на литургии.

[Зри] Неделя по просвещении: На литургии, прокимен, глас 1: Буди Господи, милость твоя на нас, якоже уповахом на тя. Стих: Радуйтеся праведнии о Господе: и праздника. Аще же случится святый имеяй на литургии прокимен, апостол, и Евангелие: тогда праздника прокимен и причастен оставляется. Апостол ко ефесеем, зачало 224 от полу: Братие, единому комуждо нас: Аллилуиа, глас 5: Милости твоя Господи во век: Евангелие Матфеа, зачало 8: Слышав Иисус, яко Иоанн предан бысть: Причастен: Явися благодать Божия: Другий: Хвалите Господа:

[Зри] Подобает ведати: Яко евангелиа и апостолы от недели мясопустныя, вспять исчитая, до недели приидущия, яже есть первая по просвещения недели. Уведав известно, в кое число месяца пред мясопустною неделею будет неделя о мытари и фарисеи, и вспять изчет на мимошедшия недели возвратився, начни ряд досязающь недели о мытари и фарисеи. Аще же когда преизбудет недель сих, оставив блюди ряд о мытари и фарисеи.

8.Преподобнаго отца нашего Георгиа Хозевита: И преподобныя матере нашея Домники: И Емилиана исповедника.

На Господи воззвах, стихиры преподобнаго 3, глас 4. Подобен: Яко добля: и преподобныя 3, глас тойже. Подобен: Дал еси знамение: Слава: и ныне, праздника, глас 1: Облагаяй небо облаки: На стиховне стихиры, праздника, глас 6. Подобен: Ангельския: с припевы их. Слава, и ныне, праздника, глас 2: На иорданстей реце: Тропарь праздника, и отпуст. На утрени, на Бог Господь, тропарь праздника трижды, и обычныя кафисмы. По кафисмах седальны праздника. Канон праздника: 1-й со ирмосом на 6: ирмос по дважды. Преподобнаго на 4, глас 4: и преподобныя на 4, глас 2. По 3-й песни,

Кондак преподобнаго глас 4. Подобен: Явился еси: Явился еси светило пресветлое Георгие, озаряя божественными зарями верно зовущия ти: моли о нас владыку Христа явльшагося во струях, и просвещшаго земнородныя.

И седален, глас 5. Слава, преподобныя, глас 4. И ныне, праздника, глас тойже. По 6 песни, кондак праздника: и икос, и пролог. По 9-й песни, светилен праздника, дважды. На стиховне стихиры праздника, глас 2. Подобен: Доме евфрафов: Слава, и ныне, праздника, глас тойже. самогласен: Видеша тя воды Боже: на литургии, блаженна праздника, песнь 1-я обоих канонов на 6.

9. Святаго мученика Полиевкта.

Стихиры праздника 3, глас 8. Подобен: Господи, аще и на судищи: и святаго 3, глас 1. Подобен: Небесных чинов: Слава, святаго, глас 1: Ангельская воинства днесь: И ныне, праздника, глас 2: Днесь небесе и земли творец: На стиховне стихиры праздника, глас 6. Подобен: Тридневен: Слава, и ныне, глас 4: Одеваяйся светом: Тропарь святаго, глас 4: Мученк твой Господи: септемвриа во 2 день: Слава, и ныне, праздника. На утрени, на Бог Господь, тропарь праздника, дважды. Слава, святаго: И ныне праздника. По кафисмах седальны праздника: и чтение. Канон праздника, 2-й, на 8. ирмос по дважды: и святаго, на 4, глас 8. По 3-й песни,

Кондак святаго, глас 4. Подобен: Явился еси: Спасу приклоншу во Иордане главу сокрушишася змиев главы: Полиевктова же глава отсекшаяся льстиваго посрами.

И икос, и седален, глас 5. Слава, и ныне, праздника, глас тойже. По 6-й песни, кондак праздника, и икос, и пролог. По 9-й песни, светилен святаго. Слава, и ныне, праздника. На стиховне стихиры праздника, глас 6. Подобен: Ангельския: Слава, и ныне, праздника, глас тойже. На литургии, блаженна праздника, песнь 4-я, на 6.

🕂 В тойже день иже во святых отца нашего Филиппа, митрополита Московскаго и всея России.

Тропарь, глас 8: Первопрестольников преемниче. столпе православия, истины поборниче, новый исповедниче, святителю Филиппе, положивый душу за паству твою. темже яко имея дерзновение ко Христу, моли за императора православнаго, за град же и люди, чтущия достойно святую память твою.

Кондак, глас 3. Подобен: Дева днесь: Православия наставника, и истины провозвестника, златоустаго ревнителя, российскаго светильника, Филиппа премудраго восхвалим, пищею словес своих разумно чада своя питающа: той бо языком хваление пояше, устнама же пение вещаше, яко таинник Божия благодати.

10. Иже во святых отца нашего Григориа, епископа Ниссийскаго: И преподобнаго Дометиана, епископа Мелитийскаго: И преподобнаго Маркиана, пресвитера и иконома Великия церкве.

На Господи воззвах: стихиры Григориа 3, глас 5. Подобен: Преподобне отче: и Дометиана 3, глас 1. Подобен: Всехвальнии мученицы: Слава, глас 4: Премудрости слово: И ныне, праздника, глас тойже: Трепеташе рука Крестителева: На стиховне стихиры праздника, глас 2. Подобен, Доме евфрафов: Слава, Григориа, глас 4: Житие божественно исправив: И ныне, праздника, глас тойже: Тебе в дусе и огни: Тропарь, глас 4: Боже отец наших: ноемвриа в 20 день. Слава, и ныне, праздника. На утрени, тропарь праздника, дважды. Слава, святых: И ныне, праздника, и обычныя кафисмы, и седальны праздника, и чтения. Канон праздника 1, со ирмосом на 6: ирмос по дважды. и святых два: Григориа, глас 5, на 4: и Дометиана, глас 1, на 4. По 3-й песни, кондак праздника, и икос.

Таже Григориа, глас 2. Подобен: В молитвах: Церкве божественный иерарх, и премудрости честный тайноглагольник ниссийский, бодрый ум Григорий, со ангелы ликовствуя, и наслаждаяся божественным светом, молися непрестанно о всех нас.

И седален, глас 3. Слава, Дометиана, глас 1: И ныне праздника, глас тойже. По 6-й песни,

Кондак Григориа, глас 1. Подобен: Лик ангельский: Оком душевным бодрствуя святителю, бодр пастырь явился еси миру, и жезлом мудрости твоея, и теплым предстательством твоим, вся отгнал еси злославныя яко волки, невредно соблюд стадо, Григорие всемудре.

И икос: и пролог. По 9-й песни, светилен Григориа. Слава, и ныне, праздника. На стиховне стихиры праздника, глас 2. Подобен: Доме евфрафов: Слава, Григориа, глас 1: Правыя веры: И ныне, праздника, глас 8: Господи исполнити хотя: На литургии блаженна праздника, песнь 5-я, на 4: и святаго песнь 6-я, на 4. И прочая служба вся ноемвриа, в 17 день.

Преподобнаго же Маркиана служба поется на повечерии.

🕃 В тойже день преподобнаго Павла Комельскаго, иже на Обноре реце.

Совершается собор его во обители его.

Тропарь, глас 1: Божественною любовию от юности распалаемь Павле преподобне, вся яже в мире красная возненавидев, Христа единаго возлюбил еси: и сего ради во внутреннюю пустыню вселился еси, со зверьми жити весь Христу: отонудуже и всевидящее око, твоя труды видев, даром чудес и по преставлении обогати тя. темже вопием ти: моли непрестанно о всех нас, честную память твою присно в песнех почитающих.

Кондак, глас 8. Подобен: Взбранной: Все твое умное желание к Богу вперив, и тому невозвратно от души последовал еси, в пустыню вселився, и тамо ангельски пожив, многим путь был еси ко спасению: сего ради и Христос тя прослави, и даром чудес обогати. темже вси вопием ти: радуйся Павле преподобне, пустынный жителю.

11. 🕂 Преподобнаго отца нашего Феодосиа, общих житий начальника.

Вечер, поем, Блажен муж: 1 антифон. На Господи воззвах, стихиры на 6: глас 5. Подобен: Преподобне отче: Слава, глас 2: Преподобне отче, яко град: И ныне, праздника, глас 2: Приклонил еси: Вход, прокимен дне: чтения 3, преподобническая. На стиховне стихиры праздника, глас 4. Подобен: Дал еси знамение: с припевы их. Слава, глас 8: Монахов множества: И ныне, праздника, глас тойже: Ангельская воинства: По трисвятом тропарь, глас 8: Слез твоих теченьми: септемвриа в 3 день. Слава, и ныне, праздника, и отпуст. На утрени, на Бог Господь, тропарь праздника дважды. Слава, святаго: И ныне, праздника: и обычныя кафисмы, и седальны праздника, и чтение. По полиелеи седален святаго, глас 3, дважды. Слава, и ныне, праздника: и чтение. Степенна, 1 и антифон 4-го гласа. Прокимен, глас 4: Честна пред Господем: Стих: Что воздам Господеви: Всякое дыхание: Евангелие Луки, зачало 24. Псалом 50. стихира, глас 6. Преподобне отче, во всю землю: Канон праздника 2-й, со ирмосом на 8: и святаго на 6. глас 2. Катавасиа праздника: Глубины открыл есть дно: По 3-й песни, кондак и икос праздника: и седален святаго, глас 8, дважды. Слава, и ныне, праздника: и чтение. По 6-й песни,

Кондак святаго, глас 8. Подобен: Взбранной: Насажден во дворех Господа твоего, преподобными твоими добродетельми красно процвел еси, и умножил еси чада твоя в пустыни, слез твоих тучами напаяемая, стадоначальниче Божий божественных дворов. темже зовем: радуйся отче Феодосие.

И икос, и чтем пролог. По 9-й песни, светилен святаго, дважды. Слава, и ныне, праздника. На хвалитех стихиры на 4, глас 5. Подобен: Радуйся: Слава, глас 2: Добродетелей лествица: И ныне, праздника, глас тойже: Днесь Христос Славословие великое. По трисвятом, тропарь святаго. Слава, и ныне, праздника. Ектении, и отпуст, и час 1-й. На 1-м часе, тропарь праздника. Слава, святаго: И ныне, Богородичен, часов. По трисвятом кондак праздника, и святаго, глаголем пременяюще и прочая: и совершенный отпуст. На литургии, блаженна от канона праздника, песнь 6-я, на 4: и святаго песнь 6-я же, на 4. Прокимен, глас 7: Честна пред Господем: Стих: Что воздам Господеви: Апостол к коринфяном, зачало 176: Бог рекий из тьмы свету возсияти: Аллилуиа глас 6: Блажен муж бояйся Господа: Стих: Сильно на земли будет семя его: Евангелие Матфеа, зачало 43: Вся мне предана суть Отцем моим: Причастен, В память:

[МРК] Подобает ведати о сем, како восходит неделя о мытари и фарисеи.

Начинается убо мытаря и фарисеа ианнуариа в 11 число, в попразднстве Богоявления, на память преподобнаго отца нашего Феодосиа, нисходит же февруариа по 15 число. [Зри] Ведомо же буди, яко аще прилучится неделя, яже о мытари и фарисеи, ианнуариа в 11 число: и преподобнаго Феодосиа поется служба, егда екклисиарх разсудит во иный день. В субботу вечера, на малей вечерни, стихиры воскресны, и Богородицы, по обычаю. На велицей вечерни, поем, Блажен муж: кафисму всю. На Господи воззвах, стихиры воскресны 3: и анатолиев 1: и праздника 3, того дне: и триоди самогласны две, повторяюще 1-ю. Слава, триоди: И ныне, Богородичен 1-й гласа. Вход. Прокимен дне. На литии, стихиры праздника, того дне стиховныя вечерния и утренния. Слава, и ныне, триоди, глас 3. На стиховне стихиры воскресны, по алфавиту. Слава, праздника: И ныне, триоди. На благословении хлебов тропарь: Богородице Дево, дважды: и праздника единожды, и чтение. Аще же несть бдения, по Ныне отпущаеши, Тропарь воскресн. Слава, и ныне, праздника. На повечерии по Достойно, и по Отче наш: кондак праздника. Слава, и ныне, триоди.На утрени, на Бог Господь, тропарь воскресн дважды. Слава, и ныне, праздника. По кафисмах седальны воскресны, с богородичны их. и чтение во евангелии толковом, неделя по Крещении. По непорочнах тропари: Ангельский собор: и ипакои гласа. и чтение, неделя о мытари и фарисеи. Степенна, и прокимен гласа, Евангелие воскресное. Воскресение Христово: Псалом 50. Слава, глас 8: Покаяния отверзи ми двери: И ныне, Богородичен: На спасения стези: Таже, Помилуй мя Боже: и Множества содеянных мною лютых: И молитва обычная: Спаси Боже люди твоя: Канон воскресн со ирмосом на 4, и праздника на 4: И триоди на 6. Катавасиа праздника. По 3-й песни, кондак, и икос праздника, и седален: Слава, и ныне, триоди По 6-й песни, кондак и икос триоди. На 9-й песни, поем. Честнейшую. Светилен воскресн. Слава, праздника: И ныне, триоди. На хвалитех стихиры воскресны 3: и праздника 3, и триоди гласа 3-го, с припевы: Воскресни Господи Боже мой: Мытаря и фарисеа: 2, Исповемся тебе Господи: Фарисеа велехвальный глас: Слава. От дел похваленьми: И ныне, Преблагословенна еси: и Славословие великое. По трисвятом, тропарь воскресн точию. Ектении, и отпуст. и обычная литиа в притворе, в нейже поем: Слава, и ныне, стихиру евангельскую, и час 1-й. На часех, тропарь воскресн. Слава, праздника: И ныне, Богородичен часов. По Отче наш: кондак праздника, и совершенный отпуст. такожде и на прочих часех глаголем тропарь воскресн и праздника: кондаки же пременяем. На литургии, блаженна гласа, на 4: и Праздника песнь рядовая на 4: и триоди песнь 6-я на 4. По входе тропарь воскресн, и праздника. Слава, кондак праздника: И ныне, триоди. Прокимен недели по Просвещении, таже праздника. Апостол и Евангелие, недели по Просвещении, таже о мытари и фарисеи: Причастен: Хвалите Господа с небес: Другий, праздника.

🕃 В тойже день память преподобнаго отца нашего Михаила Клопскаго, новгородскаго чудотворца.

Совершается собор его, во обители его и во храмех.

Тропарь, глас 8: Иже на земли Христа ради волею в буйство преложився, мира сего красоты отнюд возненавидел еси, и плотская играния увядив постом и жаждею, и на земли леганием, от зноя же и студени, от дождя и снега, и от прочия воздушныя тягости никогдаже уклонился еси. душу же очистил еси добродетельми яко злато в горниле, отче преподобне богоносне Михаиле, и ныне на небесех предстоиши престолу Пресвятыя Троицы. но яко имея дерзновение многое, моли Христа Бога, спастися душам нашим.

Кондак, глас 8. Подобен: Взбранной: Духа Святаго силою уподобился еси богоглаголивым древним пророком, сказав безвестная и тайная, и еже годе судьбам Божиим в сбытие: и ина многа чудеса о Христе сотворив, и люди удивив, торжествовати устроил еси, вопиющия: слава Богу прославляющему святыя своя.

12. Святыя мученицы Татианы.

Стихиры праздника 3, глас 8. Подобен: Господи аще и на судищи: И святыя, глас 2. Подобен: Егда от древа: Слава, и ныне, праздника, глас 5: Зрящи тя естество: На стиховне стихиры праздника, глас 6. Подобен: Ангельския: Слава, и ныне, глас тойже: Воспоим вернии: Тропарь праздника. На утрени, по кафисмах седальны праздника. Канон праздника 1-й, со ирмосом на 8: и святыя на 4, глас тойже. По 3-й песни,

Кондак святыя, глас 4. Подобен: Явился еси: Светло во страдании твоем возсияла еси страстотерпице, о кровей твоих преиспещрена, и яко красная голубица, к небеси возлетела еси Татиано: темже моли присно за чтущия тя.

И седален глас 4. Слава, и ныне, праздника. По 6-й песни, кондак и икос праздника. По 9-й песни, светилен праздника. На стиховне стихиры праздника, глас 6. Подобен: Ангельския: Слава, и ныне: О паче ума: На литургии, блаженна праздника, песнь 6, на 6.

🕃 В тойже день святаго отца Саввы, архиепископа Сербскаго.

Совершается собор его, идеже лежат мощи его, или идеже храм его. Тропарь, глас 8: Православия наставниче: октовриа в 11-й день.

Ин тропарь, глас 3: Пути вводящаго в жизнь наставник, и первопрестольник, и учитель был еси: первее бо пришед святителю Савво, отечество твое просветил еси, и породив тое духом святым, яко древа маслинная, в мысленнем раи насадил еси всеосвященная твоя чада. тем яко апостолом и святителем сопрестольна чтуще, тя молим: моли Христа Бога даровати нам велию милость.

Кондак, глас 8. Подобен: Взбранной: Яко первосвятителя великаго, и апостолов сообщника, церковь прославляет тя людей твоих, преподобне. но яко имея дерзновение ко Христу Богу, молитвами твоими от всяких нас бед спасай, да зовем ти: радуйся отче Савво богомудре.

13. Святых мученик, Ермила и Стратоника: В сий день поется служба святых отец, в Синаи и Раифе избиенных.

Стихиры мученика 3, глас 4. Подобен: Дал еси знамение: И преподобных 3, глас 8. Подобен: Что вы наречем: Слава, глас 8: Преподобнии отцы: И ныне, праздника, глас тойже: Господи исполнити хотя: На стиховне стихиры праздника, глас 2. Подобен: Доме евфрафов: Слава, преподобных, глас 8. Равноангельно житие: И ныне, праздника, глас тойже: Ангельская воинства: Тропарь мучеников, глас 4: Мученцы твои Господи: септемвриа в 20-й день. Слава, отцев, глас тойже: Боже отец наших: ноемвриа в 20-й день. И ныне, праздника. На утрени, на Бог Господь тропарь праздника, и мучеников. Слава, отцев: И ныне, праздника. и обычныя кафисмы, и седальны праздника, и чтение. Канон праздника 2-й, со ирмосом на 6: и мучеников на 4, глас 8: и преподобных на 4, глас 4. По 3-й песни,

Кондак отцев, глас 2. Подобен: Вышних ищя: От мирския молвы избегосте, и к тихому пристанищу преставистеся, мученичества кровьми, и постничества трудами венчаеми. темже и показастеся мучеников и преподобных единовсельницы.

И икос: и седален мучеников, глас 1. Слава, отцев, глас 4: И ныне, праздника, глас тойже. По 6-й песни, кондак и икос праздника. По 9-й песни, светилен святых отцев. Слава, и ныне, праздника. На стиховне стихиры праздника, глас 6. Подобен: Ангельския: Слава святых, глас 8: Блажени есте преподобнии: И ныне, праздника, глас тойже: Днесь тварь просвещается: На литургии, блаженна праздника, песнь 8-я, на 4: и отцев песнь 6-я, на 4. Прокимен, глас 6: Честна пред Господем: Стих, Что воздам Господеви: Апостол к римляном, зачало 99: Вемы, яко любящим Бога: Аллилуиа, глас 4: Воззваша праведнии: Евангелие Луки, зачало 24: Ста Иисус на месте равне: Причастен, Радуйтеся.

14. Преподобных отец наших, в Синаи и Раифе избиенных.

Возследование святых поется в 13-й день.

🕂 И память преставления святыя равноапостольныя Нины, просветительницы Грузии.

В сий же день отдается праздник святых Богоявлений: и бывает служба вся непременно Просвещения, вечер и утро, кроме входа и паремий, и полиелеа, и на литургии антифонов.

[МРК] Подобает ведати, аще случится отдание Богоявления в неделю, прежде мытаря и фарисеа:

В субботу на малей вечерни, на Господи воззвах, стихиры воскресны. Слава, и ныне, праздника. На стиховне стихира воскресна едина, и праздника стиховна со стихи своими великия вечерни. Слава, и ныне, праздника. Днесь Христос: писан на хвалитех. На велицей вечерни, по обычной стихологии, На Господи воззвах, стихиры воскресны, 3, и анатолиев 1: и праздника 6: поемыя на самый праздник. Слава, праздника: И ныне, Богородичен 1-й, гласа. На литии стихиры, и Слава, и ныне, праздника. На стиховне стихиры воскресны: Слава: и ныне, праздника. На благословении хлебов тропарь, Богородице Дево: дважды. и праздника, единожды. и чтение в посланиих апостольских. Аще же несть бдения, по Ныне отпущаеши, тропарь воскресн: Слава, и ныне, праздника. На повечерии, по Достойно, и по Отче наш, кондак праздника. На утрени, на Бог Господь, тропарь воскресн дважды: Слава, и ныне, праздника. По кафисмах седальны воскресны, с богородичны их. и чтение. Непорочны, и тропари: Ангельский собор: Ипакои гласа. Степенна и прочая гласа. Прокимен, Всякое дыхание: Евангелие воскресно. и прочее воскресно, и до канона. Канон воскресн, со ирмосом на 4: Богородице, на два: и праздника оба канона, на 8. Катавасиа праздника. По 3-й песни, кондак праздника и икос: и ипакои праздника. и чтение праздника. По 6-й песни, кондак и икос воскресн, и чтем пролог. На 9-й песни, поем Честнейшую: Светилен воскресн. Слава, и ныне, праздника. На хвалитех стихиры воскресны 4: и праздника со славным 4, с припевы их. Слава, стихира евангельская. И ныне, Преблагословенна еси: Славословие великое. По трисвятом тропарь воскресн точию. и ектении, и отпуст. и оглашение. и исхождение обычное в притвор. и час 1-й, и конечный отпуст. На часех, тропарь воскресн. Слава, праздника: И ныне, Богородичен часов. По Отче наш, кондак праздника, и воскресн, глаголем пременяюще. На литургии, блаженна гласа, на 6: и праздника песнь 9-я, обоих канонов на 4. По входе тропарь воскресн, и праздника. Слава, кондак воскресн. И ныне, праздника. Прокимен, апостол, и Евангелие недели ряд. Аллилуиа, и причастен праздника, и дне.

[МРК] Зрим же и сего указания: Аще приспеет в 14-й день ианнуариа, неделя о мытари и фарисеи, на отдание Богоявления: Поем воскресно, и триоди и праздника.

В субботу вечера, на малей вечерни, стихиры воскресны, на 4. Слава, и ныне, Богородичен 1-й гласа, малыя вечерни. На стиховне, стихира едина воскресна, и праздника, стиховна великия вечерни, со стихи ея. Слава, и ныне, праздника: Днесь Христос: писан на хвалитех. По трисвятом тропарь воскресен. Слава, и ныне, праздника. Ектения малая. И отпуст. На велицей вечерни, Блажен муж, кафисму всю. На Господи воззвах, стихиры воскресны гласа, 3: и триоди 3, со славным: и праздника 4, поемыя на самый праздник. Слава, праздника: И ныне, Богородичен 1-й, гласа. Вход. прокимен дне. На литии стихиры праздника: и триоди самогласен: Фарисеа велехвальный глас: Слава, мытаря и фарисеа: И ныне, праздника. На стиховне стихиры воскресны. Слава, триоди: И ныне, праздника. На благословении хлебов тропарь, Богородице Дево, дважды: и праздника, единожды. и чтение. Аще же несть бдения, по Ныне отпущаеши, тропарь воскресн. Слава, и ныне, праздника. На повечерии, по Достойно, по Отче наш, кондак праздника. Слава, и ныне, триоди. На утрени, на Бог Господь, тропарь воскресн, дважды. Слава, и ныне, праздника. По кафисмах седальны воскресны, с богородичны их. и чтение во евангелии толковом: и непорочны. ипакои гласа, и чтение. степенна, и прокимен гласа, и Евангелие воскресно. Воскресение Христово: Псалом 50. Слава, Покаяния: И ныне, На спасения стези: Таже, Помилуй мя Боже: и Множества содеянных: Канон воскресн, со ирмосом на 4: и триоди на 4: и праздника оба канона на 6. Катавасиа праздника. По 3-й песни, кондак и икос, и седален триоди. Слава, и ныне, праздника. По 6-й песни кондак и икос праздника. На 9-й песни, поем Честнейшую: Светилен воскресн. Слава, триоди: И ныне, праздника. На хвалитех стихиры воскресны 4: и праздника со славным 4, с припевы их. Слава, самогласен триоди: И ныне, Преблагословенна еси Богородице Дево: Славословие великое. По трисвятом тропарь воскресн точию. Ектении, и отпуст и исхождение в притвор. Слава, и ныне, стихира евангельская. и час 1-й, и совершенный отпуст. На 1-м часе тропарь воскресн. Слава, праздника: И ныне, Богородичен часов. По трисвятом кондак триоди. такожде и на 3-м, и на 6-м, и на 9-м часех глаголем тропари. Кондаки же праздника, и триоди, пременяюще глаголем. На литургии, блаженна гласа, на 4: и триоди песнь 3-я, на 4: и праздника песнь 9-я, на 4. По входе тропарь воскресн, и праздника. Слава, кондак триоди: И ныне, праздника. Прокимен гласа, и праздника: Апостол, и Евангелие дне. Причастен, Хвалите Господа с небес: Другий, праздника.

15.🕃 Преподобных отец наших, Павла фивейскаго.

🕃 и Иоанна кущника.

Стихиры на 6: Павла 3, глас 1. Подобен, Небесных чинов: Иоанна, 3, глас 2. Подобен, Егда от древа: Слава, Иоанна, глас тойже: Отвергся мира: И ныне, Богородичен. На стиховне октоиха. Слава, Павла глас 6: Преподобне отче, во всю землю: И ныне, Богородичен. Тропарь, глас 4: Боже отец наших: ноемвриа в 20 день. На утрени, на Бог Господь, тропарь святых, дважды. Слава и ныне, Богородичен, или Крестобогородичен. [Зри] От сего дне начинаем паки стихословити по три кафисмы: и седальны октоиха. А на вечерни, Ко Господу внегда скорбети ми: и чтение. Глаголем же от днесь и песни: Господеви поем: Канон октоиха един, со ирмосом на 6: и святых два, на 8: Павла, глас 8. Иоанна, глас 2. По 3-й песни,

Кондак Павла, глас 3. Подобен: Дева днесь: Яко светило незаходящее мысленнаго солнца, сошедшеся днесь восхвалим в песнех: возсиял бо еси сущим во тьме неразумия, вся возводя к божественней высоте, фивеев украшение, Павле преподобне, отцев и постников твердое основание.

И седален, глас 1. Слава, Иоанна, глас 3: И ныне, Богородичен. По 6-й песни,

Кондак, глас 3. Подобен: Вышних ищя: Возлюбив премудре нищету неокрадому, родителей твоих богатство возненавидел еси, и Евангелие в руках твоих держа, последовал еси христу Богу Иоанне, моляся непрестанно о всех нас.

И икос. По 9-й песни светилен Иоанна, Слава, и ныне, Богородичен. На стиховне октоиха. Слава, Павла, глас 8: Монахов множества: И ныне, Богородичен. На литургии, блаженна от канона Павла, песнь 3: и Иоанна, песнь 6. Прокимен, глас 8: Восхвалятся преподобнии во славе: Стих: Воспойте Господеви песнь нову: Апостол к галатом, зачало 213: Плод духовный: Аллилуиа, глас 6: Блажен муж бояйся Господа: Стих: Сильно на земли будет семя его. Евангелие Матфеа, зачало 43: Вся мне предана суть: Причастен: В память вечную:

[Зри] Подобает ведати: От сего числа, Катавасиа: Сушу глубородительную: и до отдания праздника Сретения. От днесь же начинаем междочасие пети в церкви, и канон молебный Богородице, поемый на повечерии.

16.🕃 Поклонение честных вериг святаго и всехвальнаго апостола Петра.

На Господи воззвах, стихиры на 6: глас 3. Подобен: Яко добля: Слава, глас 6: Днесь нам: На стиховне октоиха. Слава глас 6: Паки нас теплый: И ныне, Богородичен или Крестобогородичен.

Тропарь, глас 4: Рима не оставль к нам пришел еси, честными веригами, яже носил еси, апостолов первопрестольне. имже верою покланяющеся, молимся: твоими к Богу молитвами, даруй нам велию милость.

Слава и ныне, Богородичен. На утрени, оба канона октоиха, и апостола на 6, глас 4. По 3-й песни,

Кондак, глас 2. Подобен: Вышних ищя: Камень Христос, каменя веры, прославляет светло учеников первопрестольника: созывает бо вся праздновати Петре, чудеси твоея честныя вериги и подает согрешений прощение.

Таже седален, глас 4, дважды. По 6-й песни,

Кондак, глас 2. Подобен: В молитвах: Верховнаго и перваго апостолов, истины божественнаго ученика, Петра великаго восхвалим, и того верою целуем вериги, прегрешений разрешение приемлюще.

И икос. По 9-й песни, светилен апостола. На стиховне октоиха. Слава, глас 4: Трикратным вопрошением: На литургии, блаженна от канона апостола, песнь 3-я и 6-я. Прокимен, глас 8: Во всю землю изыде вещание их: Стих: Небеса поведают славу Божию: Апостол деяний, зачало 29: Возложи Ирод царь руце: Аллилуиа, глас 1: Исповедят небеса: Евангелие Иоанна, зачало 67. Причастен: Во всю землю:

17. 🕁 Преподобнаго и богоноснаго отца нашего Антониа Великаго.

Аще восхощет настоятель, творим бдение:

На малей вечерни, стихиры на 4, глас 2. Подобен: Егда от древа: Слава, глас 3: Преподобне Антоние: И ныне, Богородичен: На стиховне стихиры, глас 2. Подобен: Доме евфрафов: с припевы их. Слава, и ныне Богородичен. Тропарь святаго. Слава, и ныне Богородичен: Еже от века: И отпуст. На велицей вечерни, на Господи воззвах, стихиры на 8: глас 4. Подобен: Званный свыше: Слава, глас 6: Еже по образу: И ныне: Кто тебе не ублажит: Вход, прокимен дне, и чтения три, преподобническая. На литии стихира храма: и святаго самогласны три, глас 2. Слава, глас 5: Преподобне отче, глас евангелиа: И ныне: Блажим тя Богородице: На стиховне стихиры, глас 5. Подобен: Радуйся: с припевы их. Слава, глас 8: Монахов множества: И ныне, Безневестная Дево: На благословении хлебов,

Тропарь, глас 4: Ревнителя Илию нравы подражая, Крестителю правыми стезями последуя, отче Антоние, пустыни был еси житель, и вселенную утвердил еси молитвами твоими. темже моли Христа Бога, спастися душам нашим. Дважды.

И Богородице Дево, единожды. и благословение хлебов: и чтение. На утрени, на Бог Господь, тропарь дважды. Слава, и ныне: Еже от века: и обычныя кафисмы. По кафисмах седальны святаго: и чтение. Таже полиелей. и седален, глас 8: и чтение. Степенна, 1-й антифон 4-го гласа. Прокимен, глас 4: Честна пред Господем: Стих: Что воздам Господеви: Всякое дыхание: Евангелие Матфеа, зачало 43: Вся мне предана суть: Псалом 50, стихира, глас 6: Преподобне отче, во всю землю: Канон Богородицы, со ирмосом на 6, глас 2: Нетрену, необычну: и святаго на 8, глас 8. Катавасиа: Сушу глубородительную землю: По 3-й песни, седален святаго, глас 8, дважды. Слава, и ныне Богородичен. По 6-й песни,

Кондак, глас 2. Подобен: Вышних ищя: Житейския молвы отринув, безмолвно житие скончал еси, Крестителя подражаяй всяким образом преподобнейший: с ним убо тя почитаем, отцев начальниче Антоние.

И икос. По 9-й песни, светилен дважды. Слава, и ныне, Богородичен. На хвалитех стихиры на 4, глас 8. Подобен: О преславнаго чудесе: Слава, глас тойже, самогласен: На небо текущую: И ныне: Владычице приими: Славословие великое. По трисвятом, тропарь святаго: Слава, и ныне, Богородичен: Еже от века: Ектении, и отпуст: и дается елей от кандила святаго: и час 1: и совершенный отпуст. На литургии, блаженна от канона святаго, песнь 3-я и 6-я. Прокимен, глас 7: Честна пред Господем: Стих: Что воздам Господеви: Апостол ко евреем, зачало 335: Повинуйтеся наставником вашим: Аллилуиа, глас 6: Блажен муж, бояйся Господа: Стих: Сильно на земли будет семя его. Евангелие Луки, зачало 24: Ста Иисус на месте равне: Причастен: В память вечную:

18. 🕃 Иже во святых отец наших и архиепископов Александрийских, Афанасиа и Кирилла.

Вечер, обычная кафисма. На Господи воззвах, стихиры на 6, Афанасиа, глас 4. Подобен: Яко добля: И кирилла, глас и подобен тойже. Слава, глас 6: Христова иерарха воспоем: И ныне, Богородичен или Крестобогородичен. На стиховне октоиха. Слава, Афанасиа, глас 3: Паки нам златотечный нил: И ныне, Богородичен. Тропарь, глас 4: Боже отец наших: ноемвриа в 20 день.

Или сей, глас 3: Делы возсиявше православия, все погасивше злославие, победителие победоносцы бысте, благочестием вся обогативше, церковь вельми украсивше: достойно обретосте Христа Бога, дарующа нам велию милость.

На утрени, на Бог Господь, тропарь святых, дважды: и обычныя кафисмы: и чтение. Канон октоиха един, на 6: и святых два, на 8: Афанасиа, глас 8: Кирилла, глас 4. По 3-й песни,

Кондак, глас 4. Подобен: Явился еси: Священноначальницы величайшии благочестия, и доблии поборницы церкве Христовы, вся соблюдите поющия: спаси щедре верою чтущия тя.

И седален Афанасиа, глас, 3. Слава, Кирилла, глас тойже. По 6-й песни,

Кондак. глас 2. Подобен: Кровей твоих: Православия насадив учения, злославия терние изсекл еси, умножив семя веры одождением духа преподобне: темже тя поем Афанасие.

И икос. По 9-й песни, светилен октоиха. Слава, святых. И ныне, Богородичен. На стиховне октоиха, таже припев: Священницы твои облекутся: И стихира, глас 3: Велию похвалу: Слава, глас тойже: Велика истины труба: И ныне Богородичен. На литургии, блаженна Афанасиа, песнь 3, на 4. и Кирилла, песнь 6-я, на 4. Прокимен, глас 8: Восхвалятся преподобнии во славе: Стих: Воспойте Господеви песнь нову: Апостол к евреем, зачало 334: Поминайте наставники ваша: Аллилуиа, глас 2: Священницы твои облекутся в правду: Евангелие Матфеа, зачало 11: Вы есте свет мира: Причастен: Радуйтеся:

19. 🕃 Преподобнаго отца нашего Макариа египтянина.

На Господи воззвах, стихиры на 6, глас 4. Подобен: Дал еси знамение: Слава, глас 8: Веселися Египте: На стиховне октоиха. Слава, глас 6: Преподобне отче, во всю землю: И ныне, Богородичен. Тропарь, глас 1: Пустынный житель: септемвриа в 29 день. Слава и ныне, Богородичен или Крестобогородичен. На утрени, оба канона октоиха: и святаго на 6, глас 4. По 3-й песни,

Кондак, глас 4. Подобен: Явился еси: В дому Господь воздержания, воистинну тя положи якоже звезду непрелестную, световодящу концы, отче отцев, Макарие преподобне.

Таже седален, глас 1, дважды. По 6-й песни,

Кондак, глас 1. Подобен: Лик ангельский: Блаженную жизнь скончав в житии с мученическими лики, в земли кротких достойно водворяешися, богоносне Макарие, и пустыню, якоже град населив, благодать приял еси от бога чудес: темже тя почитаем.

И икос. По 9-й песни, светилен октоиха. Слава, святаго. На стиховне октоиха. Слава, глас 4: Просияша добрая дела твоя: На литургии, блаженна октоиха на 4: и святаго песнь 6-я на 4: и вся служба сего месяца в 15 день.

И обретение честных мощей преподобнаго Саввы Сторожевскаго.

Тропарь, глас 8: От юности божественною распаляемь ревностию, возлюбил еси чистое житие: презрев мира сего красная и суетная, последовал еси твоему богомудрому учителю, преблаженному Сергию, в труде и бдении, в посте и подвизе: на Сторожи явлься безмолвия ради и стражи духовныя, не дремленным на божественней стражи предстоянием стяжал еси ум, зряй к Богу и демонския козни и обстояния прозираяй: озарение Пресвятаго Духа в себе восприем, яко звезда пресветлая возсиял еси верным. темже и премудр и светозарен предстоятель, и пастырь стаду твоему явился еси: светом твоим просвещай и всех, приходящих к тебе верою, отче наш Савво, и моли Христа Бога, да спасет души наша.

Кондак, глас 8: Безмолвия ради и плоти распинания вселивыйся на горе Сторожи, явился еси преподобне Савво, столп веры непоколебимый, от Пресвятаго Духа осиянный, обитель пречестная Троицы, и непрестанными молитвами, слезными воздыхании и подвигами, благодати божественныя сопричастник: темже и Христос в нетлении мощей твоих прослави тя, и даром чудес украси тя. мы же радостно ти вопием: радуйся Савво, великий чудотворче.

20. 🕁 Преподобнаго и богоноснаго отца нашего Евфимиа Великаго.

Аще хощет настоятель, творим бдение.

На малей вечерни, стихиры на 4, глас 1. Подобен: Небесных чинов: Слава, глас 2: Преподобне отче: И ныне, Богородичен. На стиховне стихиры, глас 2. Подобен: Доме евфрафов: с припевы их. Слава, и ныне, Богородичен.

Тропарь, глас 4: Веселися пустыня нераждающая, благодушствуй неболящая: яко умножи тебе чада муж желаний духовных, благочестием насадив, воздержанием воспитав, в добродетелей совершенство: того молитвами Христе Боже, умири живот наш.

Слава, и ныне: Еже от века: И отпуст. На велицей вечерни, по обычном псалме поем Блажен муж, 1-й антифон. На Господи воззвах, стихиры на 8, глас 1. Подобен: Всехвальнии мученицы: Ины стихиры, глас 4. Подобен: Званный свыше: Слава, глас 3: Освящен быв Богу: И ныне: Како не дивимся: Вход, прокимен дне: и чтения 3, преподобническая. На литии стихира храма: и святаго, самогласны три, глас 2. Слава, глас 4: Просияша добрая: И ныне: Призри на моления: На стиховне стихиры, глас 5. Подобен: Радуйся: с припевы их. Слава, глас 5: Преподобне отче, не дал еси сна: И ныне: Блажим тя Богородице: На благословении хлебов, Тропарь, глас 4: Веселися пустыня нераждающая: дважды. Писан на малей вечерни: и Богородице Дево: единожды, и чтем о жития святаго. На утрени, на Бог Господь, тропарь святаго дважды. Слава, и ныне, Еже от века: и обычныя кафисмы, и седальны преподобнаго, и чтение. Полиелей, и седален его дважды. Слава, и ныне, Богородичен, и чтение от жития святаго. Степенна, 1-й антифон 4-го гласа. Прокимен, глас 4: Честна пред Господем: Стих: Что воздам Господеви: Евангелие Матфеа, зачало 43. Вся мне предана суть: Псалом 50. Стихира, глас 6: Преподобне отче: Канон Богородицы 4-го гласа со ирмосом на 6, и святаго два канона: един, глас 4, другий, глас 8. Катавасиа, Сушу глубородительную: По 3-й песни, седален, глас 8, дважды. Слава, и ныне, Богородичен. По 6-й песни,

Кондак, глас 8. Подобен: Яко начатки: В честнем рождестве твоем радость тварь обрете, и в божественней памяти твоей преподобне, благодушие прият многих твоих чудес: от нихже подаждь богатно в души наша, и очисти грехов скверны, яко да поем: аллилуиа.

И икос. По 9-й песни, светилен святаго, дважды. Слава, и ныне, Богородичен. На хвалитех стихиры на 4, глас 8. Подобен: О преславнаго чудесе! Слава, глас тойже: Монахов множества: И ныне, Владычице приими: Славословие великое. По трисвятом тропарь святаго. Слава, и ныне, Еже от века: Ектении, и отпуст. и дается елей от кандила святаго. и час 1-й. На 1-м часе тропарь святаго. По трисвятом, кондак его, и совершенный отпуст. На литургии, блаженна от канона святаго, песнь 3-я и 6-я. И прочая вся служба сего месяца в 17-й день.

21. Преподобнаго отца нашего Максима исповедника: И святаго мученика Неофита.

Стихиры на 6: Максима, глас 4. Подобен: Яко добля: и мученика, глас 8. Подобен: О преславнаго чудесе! Слава, преподобнаго, глас 6: Преподобне отче, во всю землю: На стиховне октоиха. Слава, глас 8. Монахов множества: И ныне, Богородичен. Тропарь, глас 8: Православия наставниче: октовриа в 11-й день: Другий: Мученк твой Господи: септемвриа в 2-й день. На утрени, канон октоиха един: и святых два канона, на 8, глас 8. По 3-й песни,

Кондак, глас 8. Подобен: Взбранной: Троицы рачителя и великаго Максима, научающа ясно вере божественней, еже славити Христа во дву естествах, волях же и действах суща, в песнех достойных вернии почтим взывающе: радуйся проповедниче веры.

Таже седален Максима, глас 5. Слава, мученика, глас 4: И ныне, Богородичен. По 6-й песни,

Кондак, глас 6. Подобен: Еже о нас: Свет трисиянный всельшийся в душу твою, сосуд избран показа тя всеблаженне: являюща божественная концем, неудобопостижных разумений ты сказуяй блаженне, и Троицу всем Максиме воспроповедуяй ясно, пресущную, безначальную.

И икос. По 9-й песни, светилен октоиха. Слава, святаго. И ныне, Богородичен. На стиховне октоиха: и прочая служба по обычаю. На литургии, Прокимен, глас 4: Святым, иже суть на земли его, удиви Господь вся хотения своя в них. Стих: Предзрех Господа предо мною выну, яко одесную мене есть, да не подвижуся. Апостол к евреем, зачало 330: Святии вси иже верою: Аллилуиа, глас 4: Воззваша праведнии, и Господь услыша их. Евангелие Луки, зачало 64: Всяк иже аще исповесть мя: Причастен: Радуйтеся:

В тойже день святых мучеников Евгениа, Кандида, Уалериана и Акилы:

Служба их поется на повечерии.

22. Святаго апостола Тимофеа. И святаго преподобномученика Анастасиа Персскаго.

Стихиры апостола, глас 1. Подобен: Всехвальнии мученицы: И преподобнаго, глас и подобен тойже. Слава, апостола, глас 8: Богом предопределен: На стиховне октоиха. Таже глаголем припев: Во всю землю изыде вещание их: И поем стихиру самогласну апостола, глас 1: Светильника верных: Слава, преподобнаго, глас 2: Возвеличил еси Христе: И ныне, Богородичен. Тропарь апостола, глас 4: октовриа в 3-й день: Благости научився: Другий, Мученк твой Господи: септемвриа во 2-й день. На утрени, канон октоиха един: и святых два канона на 8, глас 1. По 3-й песни, седален апостола, глас 4. Слава, мученика, глас тойже: По 6-й песни,

Кондак, глас 1. Подобен: Лик ангельский: Божественнаго ученика, и спутешественника Павлова Тимофеа вернии воспоим вси песньми: с сим почитающе мудраго Анастасиа, возсиявшаго от персиды яко звезду, и отгонящаго душевныя наша страсти, и недуги телесныя.

И икос. По 9-й песни, светилен октоиха. Слава, святаго: И ныне, Богородичен. На стиховне октоиха. Слава, глас 5: Преподобне отче. И ныне, Богородичен. На литургии, блаженна октоиха, на 4: и апостола песнь 3-я, на 4: Прокимен, глас 8: Во всю землю изыде вещание их: Стих: Небеса поведают славу Божию: Апостол к Тимофею, зачало 290 от полу: Чадо Тимофее, благодарю Бога: Аллилуиа: Исповедят небеса: Евангелие Луки, зачало 50: Яви Господь и инех седмьдесят: Причастен: Во всю землю:

23. Святаго священномученика Климента, епископа Агкирскаго: И святаго мученика Агафаггела.

Стихиры, на 6, глас 1. Подобен: Небесных чинов: Ины стихиры, глас 2. Подобен: Егда от древа: Слава, глас 8: Времен четверищно обход: На стиховне октоиха. Слава, глас 1: Чуднаго во священницех:

Тропарь, глас 4: Лоза преподобства, и стебль страдальчества, цвет священнейший, и плод богоданный верным всесвященне присноцветущ даровался еси: но яко мучеников сострадалец, и священноначальников сопрестольник, моли Христа Бога, спастися душам нашим.

На утрени, оба канона октоиха: и святаго на 4, глас 6: По 3-й песни, седален, глас 8. По 6-й песни,

Кондак, глас 4. Подобен: Явился еси: Лозы был еси честная розга Христова, многострадальне Клименте всехвальне, явлься: со страждущими же взывал еси: ты мучеников Христе, светлое радование.

По 9-й песни, светилен октоиха. Слава, святаго: И ныне, Богородичен. На стиховне октоиха. На литургии, служба вся септемвриа в 3-й день.

24. Преподобныя матере нашея Ксении.

Стихиры октоиха 3, и святыя 3, глас 1. Подобен: Небесных чинов: Тропарь, глас 8. септемвриа в 11-й день: В тебе мати известно спасеся: На утрени, оба канона октоиха: и святыя на 4, глас 8. По 3-й песни, седален, глас 8. Слава, и ныне, Богородичен. По 6-й песни,

Кондак, глас 2. Подобен: Кровей твоих: Твою страннонравную Ксение, память совершающе, любовию почитающии тя, поем Христа во всех тебе подающаго крепость исцелений: емуже всегда молися о всех нас.

25. 🕂 Иже во святых отца нашего Григориа, архиепископа Константиня града, богослова.

Аще хощет настоятель, творим бдение.

На малей вечерни, стихиры, глас 4. Подобен: Яко добля: Слава, глас 6: Иерархов начальника: И ныне, Богородичен. На стиховне стихиры, глас 2. Подобен: Доме евфрафов: с припевы их. Слава, глас тойже: Троицу честную: И ныне, Богородичен.

Тропарь, глас 1: Пастырская свирель богословия твоего, риторов победи трубы: якоже бо глубины духа изыскавшу, и доброты вещания приложишася тебе: но моли Христа бога отче Григорие, спастися душам нашим.

Слава, и ныне, Богородичен, 1-й, в тойже глас. На велицей вечерни, поем, Блажен муж, 1-й антифон. На Господи воззвах, стихиры, на 8, глас 1. Подобен: Всехвальнии мученицы: Ины стихиры, глас 2. Подобен: Киими: Слава, глас 8: Бодрый язык твой: И ныне, Царь небесный: Вход, прокимен дне, и чтения 3, святительская. На литии стихира храма: таже стихиры, глас 4, самогласны. Слава, глас тойже: Божественными деяньми: И ныне, Богородичен. На стиховне стихиры, глас 5. Подобен: Радуйся: с припевы. Слава, глас 8: Сердца верных: И ныне, Безневестная Дева: Аще бдение, тропарь святаго дважды, и Богородице Дево: единожды. Аще несть бдения, по трисвятом тропарь, глас 1. Пастырская свирель: писан на малей вечерни. Слава, и ныне: Гавриилу вещавшу: и отпуст. На утрени, на Бог Господь, тропарь святаго, дважды. Слава, и ныне: Гавриилу вещавшу: и обычныя кафисмы. По кафисмах седальны, и чтение святаго. По полиелеи седален, глас 8: Обличая лесть злочестивых: дважды. Слава, и ныне, Богородичен. и чтем от жития святаго. Степенна, 1-й антифон 4-го гласа. Прокимен, глас 4: Уста моя возглаголют премудрость: Стих: Услышите сия вси язы́цы: Всякое дыхание: Евангелие Иоанна, зачало 35, от полу: Не входяй дверьми во двор: Псалом 50. Стихира святаго, глас 6: Преподобне, треблаженне: Канон Богородицы со ирмосом на 6, глас 8: и святаго два канона на 8, глас 1. Катавасиа: Сушу глубородительную: По 3-й песни, седален, глас 8, дважды. Слава, и ныне, Богородичен. По 6-й песни,

Кондак, глас 3. Подобен: Дева днесь: Богословным языком твоим сплетения риторская разрушивый славне, православия одеждею свыше истканною церковь украсил еси: юже и носящи с нами зовет твоими чады: радуйся отче, богословия уме крайнейший.

И икос, и пролог. По 9-й песни, светилен святаго. Слава, ин. И ныне, Богородичен. На хвалитех стихиры святаго на 4, глас 4. Подобен: Званный свыше: Слава, глас 1: Цевницу духа: И ныне, Богородичен. Славословие великое. По трисвятом тропарь, святаго. Слава, и ныне: Гавриилу вещавшу: Ектении. И отпуст. и дается елей братии от кандила святаго, и час 1. На 1-м часе, тропарь святаго. По трисвятом кондак его, и совершенный отпуст. На литургии, блаженна от канона святаго, песнь 3-я и 6-я. Прокимен, глас 1: Уста моя возглаголют премудрость: Стих: Услышите сия вси язы́цы: Апостол к коринфяном, зачало 151: Комуждо дается явление: Аллилуиа, глас 2: Внемлите людие мои: Евангелие Иоанна, зачало 36: Аз есмь дверь: Причастен: В память вечную: На трапезе утешение братии, и чтем житие святаго.

26. Преподобнаго отца нашего Ксенофонта и дружины его.

Стихиры октоиха 3: и святаго 3, глас 2. Подобен: Егда от древа: Тропарь, глас 4: Боже отец наших ноемвриа в 20-й день. Слава, и ныне, Богородичен. На утрени, оба канона октоиха, и святых на 4, глас 2. По 3-й песни,

Кондак, глас 4. Подобен: Явился еси: В заповедех бодрствовал еси владычних, нищим расточивый твое богатство блаженне, тихо с сопружницею, и чады твоими: темже наследуете божественное наслаждение.

И седален, глас 8. Слава, и ныне, Богородичен. По 6-й песни,

Кондак, глас 4. Подобен: Явился еси: Житейскаго моря избегше, Ксенофонт праведный с сопружницею честною, на небесех свеселятся с чады, Христа величающе.

И икос. По 9-й песни, светилен октоиха. Слава, святаго.

27. 🕂 Пренесение мощей во святых отца нашего Иоанна Златоустаго.

Вечер, Блажен муж, 1-й антифон. На Господи воззвах, стихиры, на 8, глас 4. Подобен: Яко добля: Златокованную трубу: Ины стихиры, глас тойже. Подобен: Званный свыше: Священнейшее составим: Слава, глас тойже, самогласен: Не подобаше тебе: И ныне: Иже тебе ради: Вход. прокимен дне. и чтения 3, святительская: писаны ноемвриа в 13-й день. На стиховне стихиры святаго, глас 5. Подобен: Радуйся: с припевы их. Слава, глас 6: Преподобне, треблаженне: И ныне, Богородице, ты еси лоза:

Тропарь, глас 8: Уст твоих якоже светлость огня возсиявши благодать, вселенную просвети. не сребролюбия мирови сокровища сниска, высоту нам смиреномудрия показа: но твоими словесы наказуя, отче Иоанне златоусте, моли слова Христа Бога, спастися душам нашим.

Слава, и ныне: Иже нас ради: И отпуст. На утрени, на Бог Господь, тропарь святаго, дважды. Слава, и ныне, Богородичен, и обычныя кафисмы, и седальны святаго, и чтение. Полиелей, и седален святаго, дважды. Слава, и ныне, Богородичен. Степенна, 1-й антифон 4-го гласа. Прокимен: Уста моя возглаголют премудрость: Стих: Услышите сия вси язы́цы: Всякое дыхание: Евангелие Иоанна, зачало 35: Не входяй дверьми: Псалом 50. Стихира, глас 6: Труба златогласная: Канон Богородицы со ирмосом на 6, глас 8: и святаго два канона на 8: един, глас 6, другий, глас 3. Катавасиа, Сушу глубородительную землю: По 3-й песни, седален, глас 8, дважды. Слава, и ныне, Богородичен: По 6-й песни,

Кондак, глас 1. Подобен: Лик ангельский: Возвеселися таинственно честная церковь, возвращением честных твоих мощей, и сия сокрывши яко злато многоценное, поющим тя неоскудно подавает молитвами твоими исцелений благодать, Иоанне златоусте.

И икос. и пролог. По 9-й песни, светилен дважды. Слава, и ныне, Богородичен. На хвалитех стихиры на 4, глас 4. Подобен: Дал еси знамение: Слава, глас тойже, самогласен: Отче златоусте: И ныне: от всяких бед рабы твоя: Славословие великое. По трисвятом тропарь. святаго. Слава, и ныне, Богородичен первый, в тойже глас. ектении, и отпуст. и дается святый елей братии от кандила святаго. На литургии служба вся ноемвриа в 13 день.

28. 🕃 Преподобнаго отца нашего Ефрема сирина.

На Господи воззвах, стихиры на 6, глас 1. Подобен: Небесных чинов: Слава, глас 6: Смысленно мятежных: На стиховне октоиха. Слава, глас 4: Пророчески омакая постелю: Тропарь, глас 8: Слез твоих: септемвриа в 3 день. На утрени, оба канона октоиха: и святаго на 6, глас 6. По 3-й песни, седален, глас 5, дважды. По 6-й песни,

Кондак, глас 2. Подобен: Вышних ищя: Час присно провидя суда, рыдал еси горько Ефреме, яко любобезмолвный: делателен же был еси в делех учитель преподобне. темже отче всемирный, ленивыя воздвизаеши к покаянию.

И икос. и пролог. По 9-й песни, светилен октоиха. Слава, святаго. На стиховне октоиха. Слава святаго, глас 2: Яко финикс Давидски. На литургии, блаженна октоиха, на 4: и святаго, песнь 3-я, на 4. Прокимен, глас 7: Честна пред Господем: Стих: Что воздам: и прочая служба, сего месяца в 15 день.

В тойже день память преподобнаго отца нашего Феодосиа тотемскаго, Спасосуморина монастыря начальника и основателя, новоявленнаго чудотворца.

Тропарь, глас 1: От юности преподобне Феодосие, желание свое ко Христу Богу вперив, егоже ради град и отечество оставль, и славу суетную яко прах вменив, последовал еси преподобному Димитрию, и обители его сожитель был еси. преселився ко граду Тотме, и в междоречие вселився, постом и бдением и власяным одеянием, и веригами тело свое удручил еси: сего ради Бог, видев твоя труды, и по преставлении чудесы обогати тя. бесы изгоняеши, и слепыя просвещаеши, от всяких недуг и бед избавляеши приходящих к тебе с верою, и вопиющих: слава давшему ти крепость, слава венчавшему тя, слава дающему тобою всем исцеление.

Кондак, глас 8. Подобен: Возбранной: Воздержанием плоть изнурил еси, и непрестанными молитвами яко ангел возвысился еси, струями же слезными бесовския полки погрузил еси. и ныне во свете невечернем ликуеши у Христа Бога, и приходящим ко святому твоему гробу неоскудно исцеление подаеши, верою вопиющим тебе: радуйся отче Феодосие Богомудре.

29. 🕃 Перенесение мощей святаго священномученика Игнатиа Богоносца.

На Господи воззвах стихиры на 6, глас 4. Подобен: Яко добля: Слава, глас 8: Богоносе Игнатие: На стиховне октоиха. Слава, глас 1: О твердыя и адамантския твоея души! Тропарь, глас, 4: И нравом причастник: септемвриа в 3 день. На утрени оба канона октоиха: и святаго на 6, глас 4. По 3 песни, седален, глас 3, дважды. По 6-й песни,

Кондак, глас 4. Подобен: Явился еси: От востока днесь возсиявый, и тварь всю просветивый ученьми, мученичеством украсися, богоносный и божественный Игнатий.

И икос, и пролог. По 9 песни, светилен октоиха. Слава, святаго. На стиховне октоиха. Слава, святаго, глас 1: Столп одушевлен: На литургии, служба декемвриа в 20 день.

30. Святаго священномученика Ипполита, папы римскаго.

Воследование его поется на повечерии.

🕁 И иже во святых отец наших, и великих иерархов, Василиа Великаго, Григориа Богослова и Иоанна Златоустаго.

На малей вечерни, стихиры на 4, глас 4. Подобен, Яко добля: На высоту Василие: Слава, глас 6: Человецы Божии: И ныне, Богородице ты еси лоза: На стиховне стихиры, глас 6. Подобен, Тридневен: Благодать превозможе: Слава, глас 6: Добрии раби: И ныне, Никтоже притекаяй к тебе:

Тропарь, глас 4: Яко апостолов единонравнии, и вселенныя учителие, Владыку всех молите, мир вселенней даровати, и душам нашим велию милость.

Слава, и ныне, Богородичен. На велицей вечерни, на Господи воззвах, стихиры на 8, глас 4. Подобен: Яко добля: Благодати органы: Ины стихиры, глас 2. Подобен: Киими: Слава, глас 6: Тайныя днесь духа трубы: И ныне, Кто тебе не ублажит: Вход, прокимен дне, и чтения 3: 1-е, Во днех онех рече Моисей к сыном Израилевым: 2-е, Во днех онех рече Моисей к сыном Израилевым: 3-е, Праведных души в руце Божией. На литии стихиры, глас 2: Приидите Троицы небесныя служителие: Слава, глас 6: Святители Христовы: И ныне, глас тойже: Девственную доброту: На стиховне стихиры, глас 1. Подобен: Всехвальнии: Слава: глас 2: Днесь души: И ныне, праздника, Днесь Христос во святилище приносится: На благословении хлебов тропарь, глас 4: Яко апостолов единонравнии: дважды, писан на малей вечерни. и Богородице Дево, единожды. На утрени, по кафисмах седальны святых, и богородичны их. По полиелеи седален, глас 4. Подобен, Явился еси: Премудрии учителие: Слава, Празднует днесь: И ныне, Богородичен. Степенна, 1-й антифон 4-го гласа. Прокимен, глас 4: Священницы твои облекутся в правду: Стих: Уста моя возглаголют премудрость: Евангелие Иоанна, зачало 36. По 50-м псалме стихира, глас 6: Излияся благодать: Канон Богородицы, со ирмосом на 6, глас 2. и святых два, на 8: един гласа 2-го, другий 8-го. Катавасиа, Сушу глубородительную: По 3-й песни, седальны, глас 8. По 6-й песни,

Кондак, глас 2. Подобен: Твердыя: Священныя и боговещанныя проповедники, верх учителей Господи, приял еси в наслаждение благих твоих и упокоение: труды бо онех и смерть приял еси паче всякаго всеплодия, едине прославляяй святыя твоя.

И икос. На 9-й песни, Честнейшую не поем, но поем припев: Величай душе моя, честнейшую небесных воинств: Таже ирмос. Посем тойже припев поем и к прочим богородичным тропарем. К каноном же святых припевы: Величай душе моя, во иерарсех светила три великая. и прочия. По 9-й песни, светилен святых. Слава, И ныне, Богородичен. На хвалитех стихиры на 4, глас 5. Подобен: Радуйся: Слава, глас тойже: И ныне, Богородичен. Славословие великое, и отпуст. На литургии, блаженна от канона 1-го, песнь 3-я: и 2-го, песнь 6-я. Прокимен, глас 8: Во всю землю изыде вещание их: Стих, Небеса поведают славу Божию: Апостол ко евреем, зачало 334: Поминайте наставники ваша: Аллилуиа, глас 4: Исповедят небеса чудеса твоя Господи. Евангелие матфеа, зачало 11: Вы есте свет мира: Причастен, Радуйтеся праведнии о Господе:

[МРК] Подобает ведати, аще случится триех святителей, Василиа Великаго, Григориа Богослова, и Иоанна Златоустаго, в неделю мытареву или блуднаго, или мясопустную:

На малей вечерни, стихиры воскресны 4. Слава, святителей: И ныне, Богородичен гласа, малыя вечерни. На стиховне стихира воскресна едина: и святителей стиховна великия вечерни, со стихи своими. Слава, святителей: И ныне, Богородичен, в тойже глас. По Ныне отпущаеши, и по Отче наш, тропарь воскресн. Слава, святых: И ныне, Богородичен. ектениа малая, и отпуст. На велицей вечерни, по кафисме, на Господи воззвах, стихиры воскресны 3, и триоди 3, и святых 4.

[Зри] Аще ли неделя мясопустная. Стихиры воскресны 3, и триоди 4, и святых 3. Слава, триоди: И ныне, Богородичен 1-й гласа. На литии стихира храма, таже триоди хвалитныя. Слава, святых: И ныне, триоди. На стиховне стихиры воскресны. Слава, святых: И ныне, триоди. На благословении хлебов тропарь, Богородице Дево, дважды: и святых единожды: и чтение. На утрени, на Бог Господь, тропарь воскресн, дважды. Слава, святых: И ныне, Богородичен 1-й, в тойже глас. По кафисмах седальны воскресны, с богородичны их, и чтение во евангелии толковом, и полиелей святых.

[Зри] [Аще ли неделя блуднаго, или мясопустная. Прилагаем и третий псалом: На реках вавилонских:] таже седальны святых вси по единожды, без богородичнов. Слава, полиелейный: И ныне, Богородичен, и чтение святых. Степенна, и прокимен гласа. Всякое дыхание: Евангелие воскресно. Воскресение Христово: и прочая. Канон воскресн со ирмосом на 4: и Богородицы на два: и триоди на 4: и святых на 4. Катавасиа, Сушу глубородительную:

[Зри] Аще ли неделя мясопустная. Канон воскресн на 4: и триоди на 6: и святых на 4. Катавасиа триоди. По 3-й песни, кондак святых, и икос, и седальны их: И ныне триоди: и чтение. По 6-й песни, кондак и икос триоди: и чтем пролог. На 9 песни поем, Честнейшую: Светилен воскресн. Слава, святых: И ныне, триоди. На хвалитех стихиры воскресны 4: и святых со славным, 4, с припевы их.

[Зри] Аще ли неделя мясопустная. Тогда по стихирах святителей глаголем Стих: Воскресни Господи Боже мой: и поем стихиру самогласну триоди. Слава, туюжде: И ныне, Преблагословенна еси:

[Зри] Аще ли несть неделя мясопустная. Тогда в триоди стиха не глаголем, но по стихирах святых, Слава, триоди: И ныне, Преблагословенна еси Богородице: Славословие великое. По трисвятом тропарь воскресн точию, и ектении, и отпуст, и исхождение обычное в притвор. Слава, и ныне, стихира евангельская, и час 1. На часех, тропарь воскресн: Слава, святых: И ныне, Богородичен часов. По Отче наш, кондаки, воскресн триоди, и святых пременяюще глаголем. На литургии, блаженна гласа, на 4: и триоди песнь 3-я, на 4: и святых 6-я, на 4. По входе тропарь воскресн, и святых: таже кондак воскресн. Слава, святых: И ныне, триоди. Прокимен, апостол, Аллилуиа, Евангелие, и причастен дне и святых.

[МРК] Аще ли случится триех святителей в субботу мясопустную: и поем службу их в пяток, прежде, во всем непременно.

[Зри] Аще ли случится триех святителей в понедельник или во вторник, или в четверток сырныя недели.

В неделю вечера, поем Блажен муж, 1-й антифон: [в прочия же дни сырныя седмицы глаголем кафисму рядовую.] На Господи воззвах, стихиры святых на 6. Слава, святых: И ныне, Богородичен 1-й но гласу самогласна святых. Вход, прокимен дне, и чтение святых, и ектении. На стиховне триоди, самогласен дне дважды, и мученичен. припевы же глаголем обычныя: К тебе возведох: Слава, святых: И ныне, Богородичен воскресен. По Ныне отпущаеши, и по трисвятом, тропарь святых. Слава, и ныне, Богородичен: и отпуст. На повечерии, по Достойно, и по трисвятом, кондак святых. [Зри] Аще же память сих триех святителей случится в четверток сырныя недели, тогда в среду на часех, по Ослаби, остави: и по поклонех бывает звон во вся, по обычаю, и абие глаголем, Приидите поклонимся: трижды. и псалом обычный, и ектениа, и стихиры по предписанному. По входе прокимен, паремии дне, и паремиа триоди, и по ней прокимен, Да уповает израиль на Господа. Таже паремии святых: потом, Сподоби Господи: На стиховне триоди самогласен дне, дважды, и мученичен. Слава, святых: И ныне, Богородичен. По Ныне отпущаеши, по Отче наш, тропарь святых, и ектениа, и три великия поклоны. Таже, Всесвятая Троице: и Буди имя Господне: трижды. и псалом 33. Достойно есть: и отпуст. и входим в трапезу, и разрешаем на сыр и яица. На утрени, на Бог Господь, тропарь святых дважды. Слава, и ныне, Богородичен. По 1-й кафисме седален триоди дважды, писан по 2-й кафисме: Слава, и ныне, Богородичен его, и чтение дне. По 2-й кафисме седальны святых, оба по единожды. Слава, и ныне, Богородичен втораго седальна, перваго же седальна Богородичен оставляется: и чтение дне. Таже полиелей святых, и седальны их: и Богородичен, и чтение. посем степенна, 1-й антифон 4-го гласа. Прокимен, Евангелие, и стихира святых. Канон Богородицы со ирмосом на 6, ирмосы по дважды. и святых два канона, на 8. Катавасиа: Сушу глубородительную землю: оба лика вкупе. А идеже трипеснец, поем каноны святых, со ирмосом на 6, и трипеснец на 8. Катавасиа триоди. По 3-й песни, седален святых, и Богородичен их, и чтение святых. По 6-й песни, кондак и икос святых. и чтем пролог. По 9-й песни, светилен святых, и Богородичен. На хвалитех стихиры святых на 4. и Слава, и ныне: Таже чтец глаголет: Слава тебе показавшему нам свет. И Слава в вышних Богу: Посем ектениа: Исполним утреннюю молитву нашу: и поем на стиховне триоди, самогласен дне дважды, и мученичен. припевы же глаголем обычныя: Исполнихомся заутра милости твоея Господи: Слава, святых, глас 6: Святители Христовы: И ныне, Богородичен: Девственную доброту: писаны на литии. Таже, Благо есть: и Трисвятое. По Отче наш: тропарь святых. Слава, и ныне, Богородичен воскресн, посем ектениа: Помилуй нас Боже: и возглас. таже иерей глаголет: Сый благословен: Клирицы же, Аминь. Утверди Боже: и час 1. На часех, тропарь и кондак святых. На литургии, блаженна от канонов: 1-го, песнь 3-я, со ирмосом на 4: и другаго, песнь 6-я на 4. По входе тропарь храма Христова, или Богородицы, и святых. Таже кондак храма Христова. Слава, святых: И ныне, храма Богородицы, Предстательство христиан: Прокимен, апостол, Аллилуиа, Евангелие, и причастен дне и святых.

Аще ли случится триех святителей в среду сырныя недели: поем службу всю во вторник тояже седмицы. Аще же в пяток, и поем службу их в четверток.

31. 🕃 Святых чудотворцев и безсребренников, Кира и Иоанна.

На Господи воззвах стихиры святых на 6, глас 1. Подобен: Небесных чинов: Слава, глас 8: Двоица мучеников: На стиховне октоиха. Слава, глас 2: Приидите верных сословие: Тропарь, глас 5: Чудеса святых твоих мученик: ноемвриа в 15 день. На утрени, оба канона октоиха: и святых на 6, глас 4. По 3-й песни, седален, глас 4, дважды. По 6-й песни,

Кондак, глас 3. Подобен: Дева днесь: От божественныя благодати дар чудес приемше святии, чудодействуете непрестанно, вся наша страсти рукодейством секуще невидимым, Кире богомудре со Иоанном славным: вы бо божественнии врачеве есте.

И икос. По 9-й песни, светилен октоиха. Слава, святых. И ныне, Богородичен. На стиховне октоиха: Слава, святых, глас 4: Достохвальными песньми: На литургии, блаженна октоиха на 4: и святых от канона песнь 3-я, на 4. Прокимен, глас 4: Святым иже суть на земли его: Стих: Предзрех Господа предо мною выну: Апостол к коринфяном, зачало 153: Вы есте тело Христово и уди от части: Аллилуиа, глас 2: Се что добро, или что красно: Евангелие Матфеа, зачало 34 от полу: Призва Иисус обанадесяте: Причастен: Радуйтеся праведнии:

🕃 И память во святых отца нашего Никиты епископа, новгородскаго чудотворца.

Совершается собор его идеже лежат мощи его, и идеже храм его есть.

Тропарь, глас 4: Насладився Богомудре воздержания, и желание плоти твоея обуздав, на престоле святительства сел еси: и яко звезда многосветлая просвещая верных сердца зарями чудес твоих, отче наш святителю Никито: и ныне моли Христа Бога, да спасет души наша.

Кондак, глас 6. Подобен: Еже о нас: Архиерейства саном почтився, и чисте чистейшему. предстоя, прилежно моление за люди твоя приносил еси: яко и дождь молитвою свел еси, овогда же и града запаления угасил еси. и ныне святителю Никито, моли Христа Бога, спасти люди твоя молящияся, да вси вопием ти: радуйся святителю отче предивный.

Месяц февруарий

имеяй дней 28. Аще ли висектос, тогда имать 29. День имать часов 11, и нощь 13.

1. 🕃 Предпразднство Сретения Господа Бога, и Спаса нашего Иисуса Христа. И святаго мученика Трифона.

Вечер, обычная кафисма. На Господи воззвах, стихиры предпразднства 3, глас 4. Подобен: Яко добля: И святаго 3, глас 1, Подобен: Всехвальнии мученицы: Слава, глас 2: Преобидел еси, И ныне, предпразднства, глас тойже: Днесь Симеон: Аще в пяток вечера, Слава, предпразднства, И ныне, догматик гласа. На стиховне стихиры глас 2. Подобен: Доме евфрафов: с припевы их. Слава, и ныне, глас тойже: Священнаго священная: Тропарь мученика, глас 4: Мученк твой Господи, Трифон: септемвриа во 2 день.

Слава, и ныне, предпразднства, глас 1: Небесный лик небесных ангел приник на землю, пришедша зрит яко младенеца носима ко храму перворожденна всея твари, от Матере неискусомужныя, предпразднственную убо с нами поют песнь, радующеся.

На утрени, на Бог Господь, тропарь предпразднства, дважды. Слава, святаго. И ныне, предпразднства: и обычныя кафисмы, и седален, предпразднства, и чтение. Канон предпразднства, со ирмосом на 8: и святаго на 4. По 3-й песни,

Кондак, мученика, глас 8. Подобен: Яко начатки: Троическою твердостию многобожие разрушил еси от конец всеславне, честен во Христе быв, и победив мучители во Христе Спасителе, венец приял еси мученичества твоего, и дарования божественных исцелений, яко непобедимь.

И седален, глас 4. Слава, и ныне, предпразднства. По 6-й песни,

Кондак, глас 6: Со Отцем Слово сый невидимо, ныне убо видимь есть плотию, неизреченно от Девы родися, и на руку старчу дается святителю: поклонимся тому истинному Богу нашему.

И икос. Светилен мученика. Слава, и ныне, предпразднства. На стиховне стихиры предпразднства, глас 2. Подобен: Доме евфрафов: с припевы их. Слава, и ныне, глас тойже: Зиждитель небесе: На 1-м часе, кондак предпразднства, и отпуст. На литургии, блаженна от канона предпразднства, песнь 3-я, и мученика 6-я. По входе тропарь предпразднства, и храма святаго, и мученика: и кондак храма. Слава, мученика. И ныне, предпразднства. Прокимен, глас 7: Возвеселится праведник о Господе: Стих: Услыши Боже глас мой: Апостол к римляном, зачало 99: Вемы, яко любящим Бога: Аллилуиа, глас 4: Праведник яко финикс процветет: Евангелие Луки, зачало 51 от полу: Се даю вам власть: Причастен: В память вечную:

[МРК] Аще ли случится предпразднство Сретения Господня в неделю, прежде недели мытаря и фарисеа.

В субботу на малей вечерни, стихиры воскресны, и Богородицы, по обычаю. Тропарь воскресен. Слава, и ныне, Богородичен его. На велицей вечерни, на Господи воззвах, стихиры воскресны 3, и анатолиев един: и предпразднства 3: и мученика три. Слава, святаго. И ныне, Богородичен настоящаго гласа. На литии, стихира храма, таже стихиры стиховныя предпразднства вечерния. Слава, предпразднства, иже писана на Господи воззвах. И ныне, иже писана на утрени, на стиховне. На стиховне, стихиры воскресны. Слава, и ныне, предпразднства. На благословении хлебов тропарь: Богородице Дево: дважды. и предпразднства единожды. и чтение. На утрени, на Бог Господь, тропарь воскресн дважды. Слава, святаго. И ныне, предпразднства. По кафисмах седальны воскресны, и богородичны их, и чтение во евангелии. посем поем непорочны, ипакои, и чтение. Степенна гласа. Таже, прокимен, и Всякое дыхание: и Евангелие воскресно. Таже, Воскресение Христово: и псалом 50: и стихира воскресна. Канон воскресн со ирмосом на 4: и Богородицы на два, и предпразднства на 4: и мученика на 4. Катавасиа праздника: Сушу глубородительную землю: По 3-й песни, кондак и икос предпразднства. и седален святаго. Слава, и ныне, предпразднства. По 6-й песни, кондак и икос воскресн. На 9-й песни поем Честнейшую: Светилен воскресн. Слава, мученика. И ныне, предпразднства. На хвалитех стихиры воскресны 4, и анатолиев 1: и предпразднства 3, стиховныя, с припевы их. Слава, стихира евангельская. И ныне: Преблагословенна еси: Славословие великое. Тропарь воскресн, и ектении, и отпуст, и оглашение: и обычное исхождение в притвор, и час 1. На 1 часе, тропарь воскресн. Слава, предпразднства. И ныне, Богородичен часов. По Отче наш, кондак предпразднства, и конечный отпуст. На 3-м часе, тропарь воскресн. Слава, мученика. И ныне, Богородичен часов. По Отче наш: кондак воскресн. Такожде и на прочих часех глаголем прежде тропарь воскресн, а предпразднства и мученика тропари пременяюще глаголем. Такожде и кондаки, воскресн, и предпразднства, пременяюще глаголем. На литургии, блаженна октоиха, на 4: и предпразднства песнь 3, на 4, и святаго песнь 6, на 4. По входе тропарь воскресн, и предпразднства: таже храма святаго, и мученика. Кондак воскресн, и храма святаго. Слава, мученика: И ныне, предпразднства. Прокимен, апостол, Аллилуиа, и Евангелие, прежде недели, потом святаго.

[МРК] Подобает ведати, аще случится предпразднство Сретения Господня в неделю фарисееву, или блуднаго, или мясопустную.

В субботу на малей вечерни, стихиры воскресны, и Богородицы, по обычаю. На велицей вечерни, стихиры воскресны 3, и анатолиев 1, и триоди 3, и предпразднства, 3. Аще ли неделя мясопустная: и поем стихиры воскресны 3, и триоди 4, и предпразднства 3. Слава, триоди: И ныне, Богородичен 1-й гласа. На литии стихира храма, и предпразднства стиховны вечерния. Слава, триоди: И ныне, предпразднства, стиховны утренния. На стиховне стихиры воскресны. Слава, триоди. И ныне, предпразднства. На благословении хлебов тропарь, Богородице Дево: дважды, и предпразднства, единожды: и Буди имя Господне: трижды. и чтение. [Зри] [А идеже несть бдения, по Ныне отпущаеши: тропарь воскресн, Слава, и ныне, предпразднства. На повечерии, по Отче наш: кондак предпразднства. Слава, и ныне, триоди.На утрени, на Бог Господь, тропарь воскресн, дважды. Слава, и ныне, предпразднства: и прочая и до канона воскресно. Канон воскресн, со ирмосом на 4: и Богородицы на 2: и предпразднства на 4: и триоди на 4. Катавасиа праздника. [Зри] [Аще ли неделя мясопустная. Канон воскресн, на 4: и предпразднства, на 4: и триоди, на 6. Катавасиа триоди.] По 3-й песни кондак и икос предпразднства: и седален триоди, дважды. Слава, и ныне, предпразднства. По 6-й песни кондак и икос триоди. На 9-й песни поем Честнейшую: Светилен воскресн: Слава, триоди: И ныне, предпразднства. На хвалитех стихиры воскресны 4, и анатолиев 1, и триоди три, с припевы их. [Зри] [Аще ли неделя мясопустная. Поем стихиры воскресны 4: и триоди с припевы их 4. Слава, триоди. И ныне: Преблагословенна еси: Славословие великое. Тропарь воскресн. ектении, и отпуст. Таже, Слава, и ныне, стихира евангельская: и час 1-й в притворе. На часех, тропарь воскресн. Слава, предпразднства, И ныне, Богородичен часов. По трисвятом кондак предпразднства, и триоди, пременяюще глаголем. На литургии, блаженна гласа, на 4: и триоди песнь 3, на 4: и предпразднства 6, на 4. По входе тропарь воскресн, и предпразднства. Слава, кондак триоди. И ныне, предпразднства. Прокимен гласа. Апостол, Евангелие, и причастен дне. [Зри] [Аще ли неделя мясопустная. Прокимен триоди. Причастен дне, и триоди.

Святаго же Трифона службу поем, егда настоятель разсудит.

[МРК] Аще случится предпразднство Сретения Господня в субботу мясопустную: Тогда поем службу предпразднства Сретения Господня прежде в пяток тоя недели, со святым Киром и Иоанном и Трифоном вкупе. Стихиры предпразднства 3, и безмездников 3. Слава, безмездников. И ныне, предпразднства. На стиховне предпразднства. Слава, безмездников. И ныне, предпразднства. На утрени, по кафисмах, седальны предпразднства. Канон предпразднства, со ирмосом на 6: и святых на 8: Трифона на 4: и безмездников на 4. На хвалитех стихиры Трифона на 4. Слава, его же. И ныне, предпразднства. На стиховне предпразднства, и прочее. Службу же о усопших поем на ряду по обычаю, в субботу мясопустную, якоже и всегда.

[МРК] Аще случится предпразднство Сретения Господня в понедельник, или во вторник, или четверток сырныя недели.

Стихиры предпразднства 3: и святаго 3. Слава, святаго. И ныне, предпразднства. На стиховне триоди, самогласен дне, дважды, и мученичен. Слава, и ныне, предпразднства. По трисвятом тропарь святаго. Слава, и ныне, предпразднства. [Зри] На повечерии, по Достойно, кондак предпразднства. На утрени, на Бог Господь тропарь предпразднства, дважды. Слава, святаго. И ныне, предпразднства. По 1-й кафисме ектениа, и седален предпразднства. По 2-й кафисме седален триоди, без ектении. Канон предпразднства со ирмосом на 8: и святаго на 4. [Зри] А идеже приспеет трипеснец: и поем канон предпразднства, со ирмосом на 4: и святаго три стиха на 2: и триоди на 8. Катавасиа триоди. По 3-й песни, кондак и икос. и седален святаго. Слава, и ныне, предпразднства. По 6-й песни, кондак и икос предпразднства. По 9-й песни, светилен святаго. Слава, и ныне, предпразднства. На стиховне, триоди самогласен. дважды, и мученичен. Слава, и ныне, предпразднства. По Благо есть, и по трисвятом, тропарь святаго. Слава, и ныне, предпразднства. На часех, тропарь предпразднства. Слава, святаго. И ныне, Богородичен часов. По трисвятом кондак предпразднства. На литургии, блаженна от канона предпразднства, песнь 3-я, и святаго, 6-я. По входе тропарь предпразднства, и храма святаго, и мученика. Таже кондак храма святаго. Слава, мученика. И ныне, предпразднства. Прокимен, апостол, Евангелие и причастен дне, и святаго.

[МРК] Подобает ведати, аще случится предпразднство Сретения Господня в среду, или пяток сыропустныя недели.

Во вторник вечера, стихиры предпразднства 3: и святаго 3. Слава, святаго. И ныне, предпразднства. На стиховне триоди, самогласен дне, дважды, и мученичен, с припевы обычными. Слава, и ныне, предпразднства. По трисвятом тропарь святаго. Слава, и ныне, предпразднства. Ектениа, и поклоны 3 великия, и отпуст. Повечерие же поем великое, от Внегда призвати ми: на немже поем трипеснец утренний триоди, первый. По трисвятом кондак предпразднства, и 3 поклоны великия, и молитва, и обычный отпуст. На утрени, на Бог Господь, тропарь предпразднства, дважды. Слава, святаго. И ныне, предпразднства. По 1-й кафисме, седален предпразднства. По 2-й кафисме, седален триоди, дважды. Слава, и ныне, Крестобогородичен без ектении. Канон предпразднства со ирмосом на 6: и святаго на 4: и триоди на 4. [Зри] Егда же приидет трипеснец поем канон предпразднства, со ирмосом на 4: и святаго три стиха на два: и триоди на 8. Настоящаго канона рядовая песнь на 4: и втораго трипеснца на 4, первый же трипеснец предпет на повечерии. По 3-й песни, кондак святаго, и седален его. Слава, и ныне, предпразднства. По 6-й песни, кондак и икос предпразднства. По 9-й песни, светилен святаго. Слава, и ныне, предпразднства. На стиховне самогласен триоди, дважды: и мученичен. Слава, и ныне, предпразднства. Ектениа, и поклоны 3 великия, и час 1-й. На 1-м часе, тропарь предпразднства. Слава, святаго. И ныне, Богородичен часов. По трисвятом кондак предпразднства. По Честнейшую, поклоны 3 великия: и отпуст, и по отпусте литиа. Такожде и на прочих часех тропарь предпразднства, и святаго. На 6-м часе, обычный тропарь, и чтение. По трисвятом кондак предпразднства: и по коемждо часе, по три поклоны великия. Вечерня же праздника бывает во свое время. [Зри] Сице поем службу предпразднства, аще случится и в пяток вечера и утра неизменно. На повечерии, трипеснец утренний, первый, гласа 6-го. Ирмос: Божиим светом твоим блаже:

Аще случится предпразднство Сретения Господня в субботу сыропустную.

Вечер, кафисма рядовая. На Господи воззвах, стихиры на 6: предпразднства, 3, и отцев, триоди, 3. Слава, отцев: И ныне, Богородичен 1-й гласа. Вход, прокимен дне, и чтение триоди, и прокимен: Да уповает Израиль на Господа: На стиховне триоди, самогласен дважды: и мученичен. Слава, отцев: И ныне, предпразднства. По Ныне отпущаеши: и по трисвятом, тропарь отцев. Слава, и ныне предпразднства, ектениа, и отпуст. [Зри] На повечерии, по Достойно, и по трисвятом, кондак отцев. Слава, и ныне, предпразднства. На утрени, на Бог Господь, тропарь предпразднства дважды. Слава, отцев: И ныне, предпразднства. По кафисмах седальны оба отцев. И ныне, предпразднства. Канон предпразднства, со ирмосом на 6: ирмос по дважды, и отцев на 8. Катавасиа, ирмос триоди: Песнь возслем: Вторыя же песни ирмос триоди, поем единожды: последи покрываем темже ирмосом. По 3-й песни: кондак и икос предпразднства, и седален отцев. Слава, и ныне, предпразднства. По 6-й песни, кондак и икос отцев. Светилен отцев. Слава, и ныне, предпразднства. На хвалитех стихиры отцев, на 4. Слава, отцев. И ныне, предпразднства. Славословие великое: и прочее утрени. На часех, тропарь предпразднства. Слава, отцев. И ныне, Богородичен часов. Кондаки же предпразднства, и отцев, глаголем пременяюще. На литургии, блаженна предпразднства, песнь 3-я на 4: и отцев 6-я на 4. По входе тропарь предпразднства, и отцев. Слава, кондак отцев. И ныне, предпразднства. и прочая вся служба дне, и отцев. Мученка же Трифона служба поется на повечерии, или егда настоятель разсудит.

2. 🕀 Сретение Господа Бога и Спаса нашего Иисуса Христа.

Творим бдение.

На малей вечерни, стихиры праздника, на 4, глас 1. Подобен: Небесных чинов: Слава, и ныне: Днесь священная Мати: На стиховне стихиры, глас 2. Подобен: Доме евфрафов: с припевы их: 1-й, Ныне отпущаеши: 2-й, Свет во откровение языков: Слава, и ныне, глас и подобен тойже.

Тропарь, глас 1: Радуйся благодатная Богородице Дево: из тебе бо возсия солнце правды Христос Бог наш, просвещаяй сущия во тьме. веселися и ты, старче праведный, приемый во объятия свободителя душ наших, дарующаго нам воскресение.

Ектениа малая, и отпуст. На велицей вечерни, по предначинательном псалме поем, блажен муж, 1-й и антифон. На Господи воззвах, поем стихиры на 8, самогласны, глас 1: Глаголи Симеоне: Слава, и ныне, глас 6: Да отверзется дверь небесная: Вход, прокимен дне, и чтения три. 1-е, Исхода: Глагола Господь к Моисею в день он: 2-е, Пророчества Исаиина: Бысть в лето, в неже умре Озиа царь: 3-е, Пророчества Исаиина: Се Господь седит на облаце: На литии стихиры самогласны, глас 1: Ветхий деньми: Слава, глас 5: Испытайте писания: И ныне, глас тойже: Ветхий деньми: На стиховне стихиры, глас 7: Украси твой чертог: с припевы их. Слава, и ныне, глас 8: Иже херувимех носимый: На благословении хлебов, тропарь, глас 1: Радуйся благодатная Богородице Дево: трижды, писан на малей вечерни. И чтение праздника. [Зри] [Аще же несть бдения, по Ныне отпущаеши, тропарь праздника, и отпуст. На повечерии, глаголем по Достойно кондак праздника. Полунощницу поем по обычаю с кафисмою. По 1-м трисвятом глаголем, вместо, Се жених: тропарь праздника. По 2-м трисвятом вместо, Помяни Господи яко благ: глаголем кондак праздника. Таже, Господи помилуй, 12: И отпуст. Молитвы же, Помяни Господи в надежди: не глаголем. На утрени, на Бог Господь, тропарь праздника, трижды. И обычныя кафисмы: и седальны праздника: И чтение во евангелии. И даются свещи братиям. И поем полиелей праздника: и седален праздника, глас 4. Слава, и ныне, тойже. И чтение. Степенна, 1-й антифон 4-го гласа. Прокимен, глас 4: Помяну имя твое во всяком роде и роде. Стих: Отрыгну сердце мое слово благо: Всякое дыхание: Евангелие Луки, зачало 8: Бе человек во Иерусалиме: и псалом 50. Стихира самогласна, глас 6: Да отверзется дверь небесная: Канон праздника, глас 3: творение кир Космы: ирмосы по дважды: тропари на 12. Катавасиа праздника: ирмос оба лика вкупе. По 3-й песни, седален праздника, глас 4. Подобен: Удивися: Слава, и ныне: тойже. По 6-й песни,

Кондак, глас 1: Утробу Девичу освятивый рождеством Твоим, и руце Симеоне благословивый, якоже подобаше, предварив, и ныне спасл еси нас Христе Боже: но умири во бранех жительство, едине человеколюбче.

И икос, и чтем пролог. На 9-й песни, Честнейшую не поем: но поем припевы праздника. И паки вжигают свещи братия. и ирмос последи: В законе сени: Светилен праздника, трижды. На хвалитех стихиры праздника на 4, глас 4. Подобен: Дал еси знамение: Слава, и ныне, глас 6: На руках старческих: Славословие великое. По трисвятом тропарь праздника: ектении, и отпуст: и час 1-й. На 1-м часе, тропарь праздника. По Отче наш: кондак праздника: и прочая. и совершенный отпуст. часе же 2-м дне исходим с литиею вне монастыря, поюще стихиры праздника, и канон: и возвращшеся поем часы и литургию. На литургии, блаженна праздника, от канона песнь 3-я, и 6-я. Вход: Сказа Господь спасение свое, пред языки откры правду свою. Таже тропарь праздника: Слава, и ныне, кондак праздника. Прокимен, песнь Богородицы, глас 3: Величит душа моя Господа: Стих: Яко призре на смирение рабы своея: Апостол ко евреем, зачало 316: Без всякаго прекословия: Аллилуиа, глас 8: Ныне отпущаеши раба твоего Владыко: Стих: Свет во откровение языков: Евангелие Луки, зачало 7: Вознесоста родителя отроча Иисуса: Причастен: Чашу спасения:

[МРК] Ведомо буди, яко аще случится праздник Сретения Господня в неделю, прежде недели мытаря и фарисеа.

В субботу на малей вечерни, на Господи воззвах, стихиры воскресны гласа на 4. Слава, и ныне, праздника. На стиховне стихира воскресна едина: и праздника стиховна великия вечерни, с припевы праздника. Слава, и ныне, праздника. Тропарь воскресн, Слава, и ныне, праздника. ектения малая: и отпуст. На велицей вечерни, на Господи воззвах, стихиры воскресны 3: и анатолиев 1: И праздника 6. Слава, и ныне, праздника. Вход, прокимен дне: И чтения праздника три. На литии стихиры, и Слава, и ныне, праздника. На стиховне стихиры воскресны. Слава, и ныне, праздника. На благословении хлебов тропарь праздника трижды. и Буди имя Господне: и чтение праздника. [Зри] [А идеже несть бдения, по Ныне отпущаеши, и по трисвятом, тропарь воскресн. Слава, и ныне, праздника. На повечерии, по Достойно и по трисвятом, кондак воскресн. Слава, и ныне, праздника. Полунощницу же поем по обычаю с каноном троичным.На утрени, на Бог Господь, тропарь воскресн дважды. Слава, и ныне, праздника. По обычных кафисмах седальны воскресны с богородичны их: и чтение во евангелии толковом. Таже полиелей, и тропари: Ангельский собор: И седальны праздника оба по единожды Слава, и ныне, седален, иже по полиелеи. И чтение праздника. Степенна гласа. Прокимен, и Евангелие праздника. Таже, Воскресение Христово: и псалом 50. И целование евангелиа по обычаю: И стихира праздника. Канон воскресн со ирмосом на 4: и Богородицы на два: и праздника на 8. Катавасиа праздника. По 3-й песни, кондак и икос воскресн: и седален праздника единожды. Слава, и ныне, тойже. По 6-й песни, кондак и икос праздника: И чтем пролог. На 9-й песни поем, Честнейшую: Светилен воскресн. Слава, и ныне, праздника. На хвалитех стихиры воскресны 4: И праздника 4, со стихи праздничными. Слава, праздника. И ныне: Преблагословенна еси: Таже, славословие великое. Тропарь воскресн точию. ектении, и отпуст. Таже, стихира евангельская, и оглашение, и обычное исхождение, и час 1-й в притворе. На часех, тропарь воскресн. Слава, праздника. И ныне, Богородичен. На всех часех, кондак воскресн, и праздника, глаголем пременяюще: На литургии, блаженна воскресна гласа, на 6: и праздника, песнь 3, на 4. По входе тропарь воскресн, и праздника. Слава, кондак воскресн. И ныне, праздника. Прокимен, апостол, Аллилуиа, и Евангелие чтем прежде недели гласа, таже праздника: Причастен: Хвалите Господа с небес: и праздника.

[МРК] Подобает ведати, аще случится праздник Сретения Господня в неделю мытаря и фарисеа, или блуднаго, или мясопустную, или сыропустную.

В субботу, на малей вечерни, стихиры воскресны гласа на 4. Слава, и ныне, праздника. На стиховне стихира воскресна едина: и праздника стиховна великия вечерни, с припевы их. Слава, и ныне, праздника: Тропарь, воскресн. Слава, и ныне праздника: и отпуст. На велицей вечерни, поем, Блажен муж, кафисму всю. На Господи воззвах, стихиры воскресны гласа, 3: и триоди 3: и праздника 4. [Аще ли неделя мясопустная: Воскресны 3: и триоди 4: и праздника 3.] Слава, триоди. И ныне, праздника. Вход, чтения праздника 3. На литии стихиры праздника, глас 1: Ветхий деньми: и прочих две. Таже в триоди хвалитных два стиха.

[Зри] Аще неделя фарисеева, 1-й стих, глас 3: Фарисеа велехвальный: 2-й, глас 8: От дел похваленьми:

[Зри] Аще есть неделя блуднаго: По стихирах праздника поем в литии, триоди 3 стиха хвалитных: 1-й стих, глас 2: Блуднаго глас: 2-й, глас 8: Иждих блудно: 3-й, глас 6: Отче благий:

[Зри] Аще ли неделя мясопустная: И по стихирах праздника поем 2 стиха хвалитных: 1-й, глас 6: Помышляю день он: 2-й, О каковый час тогда:

[Зри] Аще ли неделя сыропустная: И поем в литии триоди хвалитных, два же стиха, 1-й стих, глас 5: Увы мне: 2-й, Поприще добродетелей: Славу же поем во все те недели, фарисееву, и блуднаго, и мясопустную, и сыропустную, в триоди, яже писана на литии. И ныне, праздника. [Зри] [Того ради вчинися петися триоди хвалитным стихам в литию на вечерни, за еже не оставити триоднаго стиха ни единаго, еже ему не петися.] На стиховне, стихиры воскресны. Слава, триоди: И ныне, праздника. На благословении хлебов тропарь праздника трижды: и чтение в посланиих апостольских. И идеже не будет бдения, по Ныне отпущаеши, тропарь воскресн. Слава, и ныне, праздника. На повечерии, по трисвятом, кондак триоди. Слава, и ныне, праздника. Полунощницу же поем по обычаю, с каноном троичным. На утрени, на Бог Господь, тропарь воскресн дважды. Слава, и ныне, праздника. По кафисмах седальны воскресны, с богородичны их: и чтение во евангелии толковом: и полиелей праздника. и тропари, Ангельский собор:

[Зри] Аще ли неделя блуднаго, или мясопустная, или сыропустная: Припеваем и 3-й псалом: На реках вавилонских: таже величание праздника, и седален праздника, по единожды: и чтение праздника. Степенна гласа, прокимен праздника. Всякое дыхание: Евангелие праздника. Воскресение Христово: и псалом 50. Стихира праздника. Канон воскресн, со ирмосом на 4: и триоди на 4: и праздника на 6. Катавасиа праздника, оба лика вкупе. [Зри] [Аще ли неделя мясопустная: Канон воскресн на 4: и триоди на 6: и праздника на 4.] По 3-й песни, кондак и икос, и седален триоди. Слава, и ныне, праздника. По 6-й песни, кондак и икос праздника, и чтем синаксарий: На 9-й песни поем, Честнейшую: Светилен воскресн. Слава, триоди: И ныне, праздника. На хвалитех стихиры воскресны, 4: и праздника 4, с припевы праздника. Слава, праздника: И ныне, Преблагословенна еси:

[Зри] Аще ли неделя мясопустная: На хвалитех стихиры воскресны 4: и праздника со славным 4, с припевы праздника: и по скончании стихир праздничных глаголем стих: Воскресни Господи Боже мой: и поем самогласну стихиру триоди, глас 8: Даниил пророк: Слава, глас 1: Предочистим себе братие: И ныне, Преблагословенна еси:

[Зри] Аще ли неделя сыропустная: На хвалитех поем якоже в неделю мясопустную, и глаголем стих такожде: Воскресни Господи Боже мой: И поем самогласну стихиру в триоди, глас 6: Адам из рая отгонится: Слава, глас тойже, Приспе время: И ныне, Преблагословенна еси: Славословие великое. тропарь воскресн, и обычный отпуст, и исхождение в притвор. Слава, и ныне, стихира евангельская: и час 1-й. На 1-м часе, и на прочих, тропарь воскресн. Слава, праздника: И ныне, Богородичен часов. По Отче наш, кондак праздника, и триоди пременяюще глаголем. На литургии, блаженна гласа, на 4: и триоди песнь 3, на 4: и праздника 6-я, на 4. Входное праздника. Посем тропарь воскресн, и праздника. Слава, кондак триоди: И ныне, праздника. Прокимен гласа, и праздника. [Аще ли неделя мясопустная: прокимен триоди, и праздника.] Апостол, Аллилуиа и Евангелие, и причастен, прежде дне, и праздника.

[МРК] Аще ли случится праздник Сретения Господня в субботу мясопустную: Служба умерших поется, вечер и утро в субботу мимошедшую. или в четверток мясопустный. В субботу же служба вся праздника единаго поется непременно.

[МРК] Аще ли случится Сретение Господне в понедельник, или во вторник. или в четверток сыропустныя недели:

Вечер на малей вечерни, на Господи воззвах, стихиры праздника на 4. Слава, и ныне, праздника: На стиховне самогласен дне триоди дважды, и мученичен. Слава, и ныне, праздника. Тропарь праздника. ектения, и отпуст. На велицей вечерни, и на утрени, совершается вся служба праздника, непременно, якоже прежде указася на ряду: зане триодь с праздником не поется, в кой день не случится на сырной недели, кроме субботы и недели, разве самогласны стихиры дне, яже глаголется на малей вечерни, якоже указася. [Зри] А идеже не бывает всенощное, и малая вечерня, не поется, поем на велицей вечерни по предписанному. А на стиховне, Слава триоди, самогласен дне: И ныне, праздника. На хвалитех по стихирах праздника, Слава триоди, самогласен дне: И ныне, праздника. Славословие великое. На часех, и на литургии служба вся праздника: дне же апостол, и Евангелие, вычитаем напреди.

[МРК] Аще ли случится праздник сретения господня в среду сыропустную, или в пяток:

На малей и на велицей вечерни, и на утрени, совершается служба вся, якоже указася в понедельник сырный, непременно: бывает же на конец вечерни, и утрени, и всякаго часа, точию по 3 поклоны великия. На часех, глаголем тропарь, и кондак праздника. На 6-м же часе, глаголется тропарь паремии, и чтется паремиа. Литургиа же Златоустаго совершается во свое время: Вечерню же поем по повседневному во свое время. По обычном псалме, кафисма обычная. [Зри] А идеже было всенощное, кафисмы не глаголем: но по обычном псалме глаголем, Господи воззвах к тебе: таже стихиры праздника: 3: И святаго Симеона 3. Слава, святаго: И ныне, праздника. Прокимен дне, и паремиа. Таже прокимен: Да уповает Израиль на Господа: На стиховне триоди самогласен дне дважды, и мученичен. Слава, и ныне, праздника. Тропарь праздника, и отпуст.

[Зри] Подобает ведати, аще случится Сретение Господне в понедельник сырный: И трипеснец утренний поем на повечерии в неделю: а самогласен дне триоди утренний, поем в праздник, на хвалитех славу.

Аще ли Сретение Господне во вторник сырный: И вторничный трипеснец поем в среду сырную на повечерии: а самогласен дне утренний, поем в праздник, на хвалитех славу.

Аще ли Сретение Господне в среду сырную: И средный канон поем и трипеснец в четверток сырный на повечерии: а самогласен триоди утренний поем в праздник, на хвалитех славу.

Аще ли Сретение Господне в четверток сырный: И четвертка трипеснец поем во вторник сырный на повечерии.

Аще ли Сретение Господне в пяток сырный: И поем пятка канон, и с трипеснцем, в среду сырную на повечерии.

[МРК] Аще ли случится праздник Сретения Господня в субботу сырную:

В пяток вечера, на малей вечерни, стихиры праздника, на 4. Слава, и ныне, праздника. Прокимен, и паремия дне: и по ней прокимен: Да уповает Израиль на Господа: На стиховне триоди самогласен дне дважды: и мученичен. Слава, и ныне, праздника: Тропарь праздника, и отпуст. На велицей вечерни, поем Блажен муж, 1-й антифон. На Господи воззвах, поем стихиры на 10: праздника на 6: и отцев на 4. Слава, отцев: И ныне, праздника. Вход, прокимен дне, и чтение праздника. На литии стихиры, и Слава, и ныне, праздника. На стиховне стихиры праздника. Слава, отцев: И ныне, праздника. На благословении хлебов, тропарь праздника дважды, и отцев единожды: и чтение праздника. А идеже несть всенощнаго бдения: поем на велицей вечерни, все по предписанному. Прокимен, и чтение дне: и прокимен, Да уповает Израиль на Господа: таже, чтения праздника. На стиховне праздника: таже отцев припев: Честна пред Господем смерть преподобных его. и поем самогласен их: Монахов множества: Слава, самогласен триоди. И ныне, праздника. На утрени, на Бог Господь, тропарь праздника дважды. Слава, отцев: И ныне, праздника. По кафисмах седальны праздника, и чтение праздника. По полиелеи седальны праздника. Степенна 1-й антифон 4-го гласа. Прокимен праздника, и Всякое дыхание: Евангелие, и по 50-м псалме, стихира праздника. Канон праздника, со ирмосом на 8, и отцев на 6. Катавасиа праздника. По 3-й песни кондак и икос отцев: и седален отцев, дважды: Слава, и ныне, праздника. По 6-й песни кондак и икос праздника, и чтем синаксарий. На 9-й песни поем Честнейшую: Светилен праздника. Слава, отцев: И ныне, праздника. На хвалитех стихиры праздника 3: и отцев 3. Слава, отцев. И ныне, праздника. Славословие великое. Тропарь отцев. Слава, и ныне, праздника. Ектении, и отпуст. и обычное исхождение в притвор, и час 1. На часех, тропарь праздника. Слава, отцев. И ныне, Богородичен часов. По Отче наш, кондак праздника. На литургии, блаженна праздника, песнь 3-я на 4: и отцев 6-я, на 4. Входное праздника. Тропарь праздника, и отцев. Слава, кондак отцев. И ныне, праздника. Прокимен, апостол, Аллилуиа, Евангелие, и причастен, прежде праздника, и отцев.

[МРК] Подобает ведати, аще случится праздник Сретения Господня в понедельник первыя недели поста: тогда службу праздника пети в неделю сыропустную по предписанному.

[МРК] Подобает ведати, аще случится попразднство Сретения Господня в неделю прежде недели мытаря и фарисеа: а святый поется на 4, или на 6:

В субботу на малей вечерни, стихиры воскресны и Богородицы, по обычаю. Тропарь воскресн. Слава, и ныне, Богородичен его. На велицей вечерни, по кафисме, на Господи воззвах, стихиры воскресны 3, анатолиев 1. и праздника того дне 3, и святаго минеи 3. [Зри] [Аще ли поется святый на 6, или емуже и полиелей, и поем стихиры воскресны 3: и праздника 3: и святаго 4. Слава, святаго, аще же ни:] Слава, праздника. И ныне, Богородичен 1-й гласа. На литии стихиры праздника того дне рядовыя стиховныя, и святаго, аще полиелей. Слава, святаго. И ныне, праздника. Аще же ни, Слава, и ныне, праздника. На стиховне стихиры воскресны: Слава, святаго, аще есть. И ныне, праздника. На благословении хлебов тропарь, Богородице Дево: дважды, и праздника единожды. и чтение в посланиих апостольских. На утрени, на Бог Господь, тропарь воскресн дважды. Слава, святаго, аще есть: аще же ни, Слава, и ныне, праздника. По кафисмах седальны воскресны, и богородичны их. и чтение во евангелии толковом. Посем непорочны, и ипакои, и чтение недели ряд. [Аще ли святый имать полиелей, по кафисмах поем святаго полиелей, и по полиелеи, тропари: Ангельский собор: и по ектении седальны святаго по единожды. Слава, седален, иже по полиелеи. И ныне, Богородичен его: и чтение.] Степенна, и прокимен гласа. Всякое дыхание: Евангелие воскресно, и Воскресение Христово: Канон воскресн со ирмосом на 4: и Богородицы на два: и праздника на 4: и святаго на 4. [Аще полиелей, или славословие, и поем канон воскресн со ирмосом на 4: и праздника на 4: и святаго на 6:] Катавасиа праздника. По 3-й песни, кондак и икос праздника, и святаго аще имать, и седален его. Слава, и ныне, праздника, и чтение. По 6-й песни, кондак и икос воскресн: и чтем пролог. На 9-й песни поем Честнейшую: Светилен воскресн. Слава, святаго, аще имать: И ныне, праздника. На хвалитех стихиры воскресны 4: святаго, аще имать, подобны 3, и самогласен иже на Слава: поем с припевы его. Аще ли не имать святый хвалитных: и поем воскресны 4, и праздника 4, того дне стиховны утренния, с припевы их. Слава, стихира евангельская. И ныне, Преблагословенна еси: Славословие великое. Тропарь воскресн точию: ектении, и отпуст, и оглашение, и обычное исхождение в притвор, и час 1-й. На 1-м часе, тропарь воскресн. Слава, праздника: святаго же, аще есть тропарь и кондак глаголем пременяюще. И ныне, Богородичен часов. По Отче наш, кондак праздника, и конечный отпуст. Такожде и На прочих часех глаголем воскресн тропарь прежде, а праздника и святаго пременяем. Кондак воскресн и праздника глаголем пременяюще же, аще полиелей, и святаго. На литургии, блаженна октоиха, на 6, и с троичным: и праздника песнь на 4. [Аще ли имать святый песнь и блаженна воскресна на 4: и праздника песнь на 4: и святаго песнь 6-я на 4.] По входе тропарь воскресн, и праздника: таже храма, и святаго, аще имать. Кондак воскресн и храма. Слава, святаго, аще имать. И ныне, праздника. Прокимен, апостол, и Евангелие, прежде недели ряд: таже святаго, аще имать. Причастен: Хвалите Господа: и святаго, аще имать: аще же ни, праздника.

[МРК] Аще случится попразднство Сретения Господня в неделю фарисееву, или блуднаго, или мясопустную:

На малей вечерни, на Господи воззвах, и на стиховне стихиры октоиха, по обычаю. На велицей вечерни, на Господи воззвах, стихиры воскресны 4: и триоди 3: и праздника 3: [Зри] [Аще ли неделя мясопустная: Стихиры воскресны 3: и триоди 4: и праздника 3.] Слава, триоди. И ныне, Богородичен 1-й гласа. На литии стихиры праздника рядовыя того дне стиховныя, и триоди хвалитны. Слава, триоди. И ныне, праздника. На стиховне стихиры воскресны. Слава, триоди. И ныне, праздника. На благословении хлебов, тропарь: Богородице Дево: дважды, и праздника, единожды: и чтение. На Бог Господь, тропарь воскресн, дважды. Слава, и ныне, праздника. По кафисмах седальны воскресны, с богородичны их, и чтение во евангелии толковом. По непорочных тропари: Ангельский собор:

[Аще же неделя блуднаго, или мясопустная: Поем полиелей: прилагаем же и третий псалом: На реках вавилонских:] Степенна, и прокимен гласа. Всякое дыхание: Евангелие воскресное. Воскресение Христово: и прочее. Канон воскресн, со ирмосом на 4, и Богородицы на 2: и триоди на 4: и праздника на 4. Катавасиа праздника.

[Зри] Аще ли в неделю мясопустную: Канон воскресн, на 4: и триоди, на 6: и праздника на 4. Катавасиа триоди. По 3-й песни, кондак и икос праздника. Слава, седален триоди. И ныне, праздника. По 6-й песни, кондак триоди, и икос. На 9-й песни, поем Честнейшую: таже светилен воскресн. Слава, триоди. И ныне, праздника. На хвалитех, стихиры воскресны 4: и праздника самогласны 4, с припевы его.

[Зри] Аще ли есть неделя мясопустная: И глаголем стих: Воскресни Господи Боже мой: и поем стихиру самогласну триоди: Даниил пророк: Слава, триоди же: Предочистим себе: И ныне: Преблагословенна еси:

Аще ли неделя фарисеева, или блуднаго: Не глаголем триоди стиха, но по стихирах праздника, глаголем: Слава, в триоди. И ныне: Преблагословенна еси:

Славословие великое. По трисвятом тропарь воскресн. ектении, и отпуст, и исхождение обычное в притвор. Слава, и ныне, стихира евангельская, и час 1. На часех, тропарь воскресн. Слава, праздника. И ныне, Богородичен часов. По Отче наш, кондак триоди, и праздника, пременяюще глаголем. На литургии, блаженна гласа на 4: и триоди, песнь 6-я на 4: и праздника песнь рядовая, на 4. По входе тропарь воскресн, и праздника. Слава, кондак триоди. И ныне, праздника. Прокимен, апостол, Аллилуиа, Евангелие, и причастен дне. [Зри] Аще ли будет попразднство Сретения в субботу мясопустную, тогда служба попразднства оставляется, и поем службу субботы умерших.

[МРК] Подобает ведати, аще случится попразднство Сретения Господня в понедельник, или во вторник, или в четверток сырныя недели:

На Господи воззвах, стихиры праздника 3: и святаго 3. Слава, святаго, аще имать. И ныне, праздника, аще ли ни, Слава, и ныне, праздника. На стиховне, триоди самогласен дне дважды, и мученичен. Слава, святаго, аще есть: И ныне, праздника. Аще ли ни, Слава, и ныне, праздника. Тропарь святаго, аще есть. Слава, и ныне, праздника. ектениа, и отпуст. На утрени, на Бог Господь тропарь праздника, дважды. Слава, святаго, аще есть. И ныне, праздника. По кафисмах седальны праздника. Канон праздника, со ирмосом на 8: и в минеи на 4. А идеже трипеснец, и поем канон праздника со ирмосом на 4: и минеи 3 стиха на два: и триоди на 8. Аще имать святый кондак и икос, глаголем по 3-й песни. Таже седален триоди, писан по 2-й кафисме. Слава, святаго. И ныне, праздника. По 6-й песни, кондак и икос праздника. По 9-й песни, светилен праздника. Слава, святаго. И ныне, праздника: аще ли ни, Слава, и ныне, праздника. На хвалитех стихиры праздника на 4, стиховныя того дне. Слава, и ныне, праздника. На стиховне триоди самогласен дне, дважды, и мученичен. Слава, святаго, аще есть. И ныне, праздника: аще ли ни, Слава, и ныне, праздника. По Отче наш, тропарь святаго. Слава, и ныне, праздника. аще же ни, праздника точию: и по ектении час 1-й. На часех, тропарь праздника. Слава, святаго, аще есть. И ныне, Богородичен часов. По трисвятом глаголем кондак праздника непременно.

[МРК] Подобает ведати, аще случится попразднство Сретения Господня на сырной неделе в среду, или пяток:

Поклонов несть, точию по конце коегождо часа по 3 великия поклоны. Вечер, на Господи воззвах, стихиры праздника 3: и минеи святаго 3. Слава, святаго аще есть. И ныне, праздника: аще ли ни, Слава, и ныне, праздника. На стиховне триоди самогласен дне, дважды: и мученичен. Слава, святаго, аще есть. И ныне, праздника: аще ли ни, Слава, и ныне, праздника. Тропарь святаго, аще имать. Слава, и ныне, праздника: аще ли ни, праздника. Ектениа, и поклоны три великия, и отпуст. Повечерие же поем великое, от Внегда призвати ми: на немже поем трипеснец утренний, триоди, 1. По Достойно, и по трисвятом, кондак праздника по Честнейшую, три поклоны великия, и на отпусте три поклоны: такожде и на полунощнице, на Честнейшую, 3 поклоны великия. На утрени, на Бог Господь, тропарь праздника, дважды: Слава, святаго, аще есть. И ныне, праздника: аще ли ни, Слава, и ныне, праздника. По кафисмах седальны праздника. Канон праздника, со ирмосом на 6: и минеи на 4, и триоди на 4. Егда же приидет трипеснец: и поем канон праздника, со ирмосом на 4: и минеи на два, первыя два стиха за един, и триоди на 8, настоящаго канона рядовая песнь на 4: и втораго трипеснца на 4. Первый же трипеснец предпет на повечерии. По 3-й песни, кондак святаго: таже седален триоди. Слава, святаго: И ныне, праздника. По 6-й песни, кондак и икос праздника: и пролог. По 9-й песни светилен святаго, аще есть. Слава, и ныне, праздника, аще ли ни, праздника дважды. На хвалитех стихиры праздника, подобны, на 4: стиховна того дне. Слава, и ныне, праздника. На стиховне триоди самогласен дне дважды, и мученичен, Слава, святаго, аще есть: И ныне, праздника. аще же ни, Слава, и ныне, праздника. По трисвятом тропарь святаго, аще есть. Слава, и ныне, праздника: аще ли ни, точию праздника. Ектениа: и поклоны 3 великия: и час 1-й. На 1-м часе, тропарь праздника. Слава, святаго: И ныне, Богородичен часов. По трисвятом, кондак праздника. По Честнейшую, 3 поклоны великия, и прочее: и совершенный отпуст, и поклоны 3. такожде и на прочих часех, глаголем тропарь праздника: и по трисвятом кондак праздника. по Честнейшую, по 3 поклоны великия. На 6-м часе, тропарь, паремии, и чтение: таже прокимен. По 9-м часе, поем блаженны скоро без пения, и прочее. В среду вечера стихиры праздника 3: и минеи святаго, подобны 3. Слава, и ныне, праздника. таже прокимен и паремиа дне. На стиховне триоди самогласен дне, дважды, и мученичен. Слава, и ныне, праздника. посем ектениа, Помилуй нас Боже: и поклоны три великия. и молитва, Всесвятая Троице: и Буди имя Господне, трижды: и псалом 33, и отпуст, и поклоны три.

[МРК] Аще попразднство Сретения Господня случится в субботу сыропустную:

В пяток вечера, по отпусте часов абие начинаем вечерню, и по обычной кафисме стихиры праздника 3, и отцев 3. Слава, отцев: И ныне, праздника. Прокимен, и паремиа дне. Таже, Сподоби Господи: На стиховне, самогласен триоди дважды, и мученичен. Слава, отцев: И ныне, праздника. Тропарь отцев. Слава, и ныне, праздника. Ектениа, и отпуст. На повечерии, кондак праздника. На утрени, на Бог Господь, тропарь праздника дважды. Слава, отцев: И ныне, праздника. По обоих кафисмах седальны отцев по дважды. Слава, и ныне, праздника. и чтение праздника, или отцев. Канон праздника со ирмосом на 6: и отцев на 8. Катавасиа праздника. По 3-й песни, кондак и икос, праздника: и седален отцев, дважды. Слава, и ныне, праздника. По 6-й песни, кондак и икос отцев. Светилен отцев. Слава, и ныне, праздника. На хвалитех стихиры праздника 3: стиховна того дне: и отцев 3. Слава, отцев: И ныне, праздника. Славословие великое. Тропарь отцев. Слава, и ныне, праздника. Ектении, и отпуст, и обычное исхождение в притвор и час 1-й. На часех, тропарь праздника, и отцев. Кондак праздника, и отцев, пременяюще глаголем. На литургии, блаженна праздника, песнь рядовая на 4: и отцев песнь 6-я. По входе тропарь праздника, и отцев: и храма святаго. Таже кондак храма святаго. Слава, отцев: И ныне, праздника. Прокимен, Аллилуиа, и причастен праздника, и отцев. Апостол, и Евангелие дне, и отцев.

3. 🕃 Святаго и праведнаго Симеона богоприимца, и Анны пророчицы.

Вечер, На Господи воззвах, стихиры праздника три, глас 1. Подобен: Небесных чинов: И святаго Симеона, 3, глас 4. Подобен: Дал еси знамение: Слава, и ныне, праздника, глас 5: Ветхий деньми: На стиховне стихиры праздника, глас 1. Подобен: Небесных чинов: с припевы праздника. Слава, и ныне, праздника, глас тойже: Днесь древле Моисею: По трисвятом тропарь праздника: и отпуст. На утрени, на Бог Господь, тропарь праздника, трижды, и обычныя кафисмы, и седальны праздника, и чтение по обычаю. Канон праздника, со ирмосом на 6: и святаго на 6, глас 4. По 3-й песни,

Кондак святаго, глас 4. Подобен: Явился еси днесь: Старец днесь отрешитися от юз моляшеся сего жития тленнаго, Христа восприят на руки зиждителя и Господа.

И седален праздника, глас 3. Подобен: Красоте: От Девы тя воплощенна: Слава, и ныне, тойже. По 6-й песни, кондак и икос праздника. По 9-й песни, светилен: Непременне по ипостаси: Слава, и ныне, праздника. На стиховне стихиры праздника, глас 6. Подобен: Тридневен: с припевы. Слава, и ныне, глас 2: Священнаго священная: На литургии, блаженна от канона праздника, песнь 1-я: и святаго песнь 6. Прокимен, праздника: и святаго, глас 7: Возвеселится праведник о Господе: Стих: Услыши Боже глас мой: Апостол ко евреем, зачало 321, от полу: Христос пришед архиерей: Аллилуиа: Свет возсия праведнику: Евангелие Луки, зачало 8: Бе человек во Иерусалиме: Причастен праздника, и святаго: В память вечную:

4. Преподобнаго отца нашего, Исидора Пилусиотскаго.

Аще ли несть 40-цы, поется воследование праздника, и святаго. Стихиры праздника, 3: глас 4. Подобен: Дал еси знамение: И святаго 3, глас тойже, Подобен: Яко добля: Слава, и ныне, праздника глас 2: Днесь Симеон на руки: На стиховне стихиры праздника, глас 2. Подобен: Доме евфрафов: с припевы праздника. Слава, и ныне, глас тойже, самогласен: Священнаго священная: Тропарь святаго, глас 8: В тебе отче известно: октовриа в 1 день. Слава, и ныне, праздника. На утрени, на Бог Господь, тропарь праздника, дважды. Слава, святаго: И ныне, праздника. По обычных кафисмах седальны праздника: и чтение. Канон праздника, со ирмосом на 8: и святаго, на 4, глас 6. По 3-й песни,

Кондак святаго, глас 4. Подобен: Явился еси: Денницу другую тя церковь обретши преславне, твоих словес молниями освещаема, взывает ти: радуйся всеблаженне богомудре Исидоре.

И седален, глас 3: Слава, и ныне, праздника. По 6-й песни, кондак и икос праздника. По 9-й песни светилен праздника, дважды. На стиховне стихиры праздника, глас 2. Подобен: Доме евфрафов: Слава, и ныне, глас 7: Свет во откровение: Аще ли есть пост, поем дне.

В тойже день святаго благовернаго великаго князя Георгиа.

Совершается собор его, идеже лежат мощи его.

Тропарь, глас 8: На высоте великаго княжения седя, явился еси благочестием и верою сияя отечеству своему яко солнце: по святей Троице ревностию разжегся, и за веру крепко пострадав, кровь свою пролиял еси. тем и отсеченая твоя за Христа глава свидетельствует яве о тебе, прилепшая по смерти к телеси твоему: с неюже и до днесь нетленны пребывают мощи твоя, от нихже источаеши исцеления душам и телесем нашим. но яко дерзновение имея ко Христу, страстотерпче Георгие, непрестанно моли, державу твою и сродник твоих безвредну сохранити молитвами твоими.

Кондак, глас 8. Христове смерти подобяся, и того испити чашу возжелев яко живота: за негоже мужески подвизался еси, презрев земное царство, от безбожных варвар пострадав до смерти, Георгие богомудре. тем моли спастися молитвами твоими.

В тойже день преподобнаго отца нашего Кирилла, новоезерскаго чудотворца.

Совершается собор его во обители его.

Тропарь, глас 8: Божиим духом подвизаемь, слез твоих тучами изсохшее напоил еси, и безплотное в пустыни житие показал еси: и еже из глубины сердца, бодренными молитвами и постом, благодеяния труды уплодоносил еси: и вселенную всю просветил еси сиянием чудес твоих, отче наш Кирилле, моли Христа Бога спастися душам нашим.

Кондак, глас 8: Взбранному и крепкому адаманту, прогонителю бесов, новому чудотворцу победительная, страстей злых свободившеся, благодарственная восписуем ти, отче наш Кирилле. но яко имея дерзновение у престола Христова, верою чтущих тя, град же и люди, молитвою твоею сохраняй: ты бо еси стаду твоему похвала и утверждение.

5. Святыя мученицы Агафии.

Стихиры праздника 3, глас 1. Подобен: Небесных чинов: И мученицы 3, глас 4. Подобен: Дал еси знамение: Слава, мученицы, глас 8, самогласен: Преславно чудо бысть: И ныне, праздника, глас тойже: Иже на херувимех: На стиховне стихиры праздника, глас 6. Слава, и ныне, глас 2. Тропарь святыя, глас 4: Агница твоя Иисусе Агафиа: септемвриа в 16 день. Слава, и ныне, праздника. На утрени, на Бог Господь тропарь праздника дважды. Слава, мученицы: И ныне, праздника и обычныя кафисмы: и седальны праздника. Канон праздника, со ирмосом на 8, ирмос по дважды, и святыя на 4, глас 2. По 3-й песни,

Кондак, глас 4. Подобен: Явился еси: Да украсится днесь церковь порфирою славною, омоченою от чистых кровей Агафии мученицы, радуйся, вопиющи, катанская похвало.

И седален, глас 3. Слава, и ныне праздника, глас тойже: и чтение. По 6-й песни, кондак и икос праздника, и пролог. По 9-й песни, светилен мученицы. Слава, и ныне, праздника. На стиховне стихиры, глас 2. Подобен: Доме евфрафов: Слава, и ныне, праздника, глас 8 подобен тойже: Радуйся яже радость:

6. Преподобнаго отца нашего Вукола епископа Смирнскаго.

Стихиры праздника 3, глас 1. Подобен: Небесных чинов: и преподобнаго 3, глас 6. Подобен: Тридневен: Слава, и ныне, праздника, глас 5: Испытайте писания: На стиховне стихиры праздника, глас 2. Подобен: Доме евфрафов: Слава, и ныне, праздника, глас 5: Ветхий деньми: Тропарь, глас 4: Правило веры: септемвриа во 2 день. Слава, и ныне, праздника. На утрени, на Бог Господь, тропарь праздника, дважды. Слава, святаго: И ныне, праздника. И обычныя кафисмы, и седальны праздника. и чтение. Канон праздника, со ирмосом на 8, и святаго на 4, глас 6. По 3-й песни, седален святаго, глас 4. Слава, и ныне, праздника. По 6-й песни, кондак и икос праздника. По 9-й песни, светилен праздника. На стиховне стихиры праздника, глас 2. Подобен: Доме евфрафов: Слава, и ныне, глас и подобен тойже: Велие и страшное:

7. Преподобнаго отца нашего Парфениа, епископа Лампсакийскаго. И преподобнаго отца нашего Луки, иже во Елладе.

Стихиры святителя 3, глас 1. Подобен: Небесных чинов: и преподобнаго 3, глас 6. Подобен: Всю отложивше: Слава, и ныне, праздника, глас тойже. самогласен: На руках старческих: На стиховне стихиры праздника, глас 6. Подобен: Тридневен: Слава, и ныне, глас тойже, самогласен: Да отверзется дверь: Тропарь святых, глас 4: Боже отец наших: ноемвриа в 20 день. Слава и ныне, праздника. На утрени, на Бог Господь, тропарь праздника, дважды. Слава, святых: И ныне, праздника: и обычныя кафисмы: и седальны праздника: и чтение. Канон праздника, со ирмосом на 6: и святых два, на 8: святителя, глас 4, и преподобнаго, глас 6: По 3-й песни,

Кондак, глас 4. Подобен: Дева днесь: Чудес приял еси божественную благодать, богомудре священне Парфение, чудотворче богоносе, вся верных страсти очищая, духи лукавства отче изгоняя: сего ради тя воспеваем, яко велия таинника Божия благодати.

И седален, глас тойже. Слава преподобнаго, глас 8: И ныне, праздника. По 6-й песни, кондак, и икос праздника. По 9-й песни, светилен праздника, дважды. На стиховне стихиры праздника, глас 2. Подобен: Доме евфрафов: Слава, и ныне, глас и подобен тойже: Радуйся яже радость:

8. 🕃 Святаго великомученика Феодора Стратилата:

🕃 И святаго пророка Захарии Серповидца.

Стихиры мученика 3, глас 4. Подобен: Яко добля: и пророка 3, глас 8. Подобен: Что вы наречем: Слава, мученика, глас 8: Божиих даров: И ныне, праздника, глас тойже: Иже на херувимех: На стиховне стихиры праздника, глас 2. Подобен: Доме евфрафов: Слава, мученика, глас 5: Днесь возсия паче денницы: И ныне, праздника, глас тойже: Ветхий деньми:

Тропарь мученика, глас 4: Воинствословием истинным страстотерпче, небеснаго Царя воевода предобрый был еси Феодоре: оружиями бо веры ополчился еси мудренно, и победил еси демонов полки, и победоносный явился еси страдалец. темже тя верою присно ублажаем.

Слава, и ныне, праздника. На утрени, на Бог Господь, тропарь праздника, дважды. Слава, мученика: И ныне, праздника. и обычныя кафисмы: и седальны праздника: и чтение. Канон праздника со ирмосом на 6: и святых два канона на 8, глас 8. По 3-й песни, кондак праздника: и седален мученика, глас 8. Слава, пророка, глас 3. И ныне праздника: и чтение. По 6-й песни,

Кондак мученика, глас 2: Подобен: Вышних ищя: Мужеством души в веру оболкийся, и глагол Божий аки копие в руку взем, врага победил еси, мучеников превелий Феодоре: с ними Христу Богу моляся не престай о всех нас.

И икос: и пролог. По 9-й песни, светилен мученика. Слава, и ныне, праздника. На стиховне стихиры праздника, глас 1. Подобен: Всехвальнии мученицы: Слава, святаго, глас 8: Страдальческий состав: И ныне, праздника, глас 5: Испытайте писания: На литургии, блаженна праздника, песнь 8-я, и святаго, песнь 6-я. Прокимен, глас 7: Возвеселится праведник о Господе: Стих: Услыши Боже глас мой: Апостол к Тимофею, зачало 292: Возмогай о благодати: Аллилуиа, глас 4: Праведнк яко финикс процветет: Евангелие Матфеа, зачало 36: Се Аз посылаю вас: Причастен: В память вечную:

9. Святаго мученика Никифора.

🕃 В сий день отдается праздник Сретения Господня.

Аще же не случится в сий день отдание праздника, поется сице: На Господи воззвах, стихиры, глас 2. Подобен: Егда от древа: Слава, глас 6: Показал еси всем яве: И ныне, Богородичен, или Крестобогородичен. Тропарь мученика, глас 4: Мученк твой Господи: септемвриа во 2-й день. На утрени, канон, глас 8. По 3-й песни,

Кондак, глас 1. Подобен: Лик ангельский: Любве союзом связався Никифоре, разрушил еси яве злобу ненависти, и мечем во главу твою усечен был еси, мученик божественный воплощшагося Спаса: егоже о нас моли поющих славную память твою.

Таже седален, глас 1. По 6-й песни,

Кондак, глас 3. Подобен: Дева днесь: Вперився славне Господнею любовию, и сего славный крест на рамо взем, посрамил еси диаволи козни: пострадал еси даже до смерти, и истины явился еси победоносец, оружник и таинник Божия благодати.

По 9-й песни, светилен мученика.

[МРК] Подобает ведати, аще прилучится отдание Сретения Господня прежде недели мытаря и фарисеа в седмице в кийлибо день, кроме недели.

Вечер, по обычной кафисме, на Господи воззвах, стихиры праздника на 6, поемыя на самый праздник. Слава, и ныне, праздника, самогласен. Аще в пяток вечера, Слава, праздника: И ныне, Богородичен настоящаго гласа. Прокимен дне, входа и чтения несть. На стиховне стихиры праздника со стихи их. Слава, и ныне, праздника. По трисвятом тропарь праздника. Таже, ектениа и отпуст. На повечерии, по трисвятом, кондак праздника. Полунощницу поем по обычаю с кафисмою и тропари обычными. На утрени, на Бог Господь, тропарь праздника, трижды. По обоих кафисмах, седальны праздника, и чтения. Канон праздника со ирмосом на 14, ирмос по дважды. Катавасиа, тойже ирмос. По 3-й песни, седален праздника, дважды. По 6-й песни, кондак и икос праздника: и чтение в прологе. На 9-й песни, Честнейшую не поем, но поем припевы праздника, якоже и на самый праздник. Светилен праздника дважды. На хвалитех стихиры праздника на 4. Слава, и ныне, самогласен праздника. Посем Славословие великое. По трисвятом тропарь праздника, единожды. Таже ектении, и отпуст: и обычное исхождение в притвор, и час первый. На часех, тропарь и кондак праздника. На литургии, блаженна, песнь 9-я, со ирмосом на 6. По входе тропарь праздника. Слава, и ныне, кондак праздника. Прокимен, Аллилуиа, и причастен праздника: апостол и Евангелие дне. [Зри] Святаго же прилучившагося службу поем на повечерии, или како настоятель изволит.

[МРК] Аще ли прилучится отдание праздника Сретения Господня в неделю, прежде недели мытаря и фарисеа:

В субботу вечера, на малей вечерни стихиры воскресны по обычаю. На стиховне стихира воскресна едина, и праздника стиховна с припевы великия вечерни. Слава, и ныне, праздника. Тропарь воскресн. Слава, и ныне, праздника. На велицей вечерни, по предначинательном псалме поем, Блажен муж, кафисму всю. На Господи воззвах, стихиры воскресны 3, и анатолиев 1, и праздника 6, поемыя на самый праздник. Слава, праздника: И ныне, Богородичен 1-й гласа. На литии стихиры праздника. Слава, и ныне, праздника. На стиховне стихиры воскресны. Слава, и ныне, праздника. На благословении хлебов тропарь, Богородице Дево, дважды: и праздника единожды, и чтение в посланиих апостольских. На утрени, на Бог Господь, тропарь воскресн дважды. Слава, и ныне, праздника. По обоих кафисмах седальны воскресны, и богородичны их: и чтение во евангелии толковом, и полиелей, и тропари: Ангельский собор: ипакои гласа, и чтение. Степенна, и прокимен гласа. Всякое дыхание: Евангелие воскресно, и прочее воскресно и до канона. Канон воскресн со ирмосом на 4: и Богородице на 2: и праздника на 8. Катавасиа праздника, Сушу глубородительную землю: По 3-й песни, кондак и икос праздника: и седален праздника, дважды. По 6-й песни, кондак и икос воскресн: и чтем пролог. На 9-й песни поем Честнейшую: Светилен воскресн. Слава, и ныне, праздника. На хвалитех стихиры воскресны 4: и праздника со славным 4, со стихи праздничными. Слава, стихира евангельская: И ныне, Преблагословенна еси Богородице Дево: И Славословие великое. По трисвятом тропарь воскресн точию. ектении, и отпуст, и оглашение Студитово, и исхождение обычное в притвор, и час первый. На часех, тропарь воскресн. Слава, праздника: И ныне, Богородичен часов. По трисвятом кондак праздника, и конечный отпуст. Такожде и на прочих часех глаголем тропари и кондаки. На литургии, блаженна гласа, на 6: и праздника песнь 9-я, на 4. По входе тропарь воскресн, и праздника. Слава, кондак воскресн: И ныне, кондак праздника. Прокимен гласа, и праздника. Апостол и Евангелие недели ряд, и праздника. Причастен: Хвалите Господа с небес: Другий, праздника. [Зри] Прилучившагося же святаго рядоваго в сию неделю службу поем на повечерии, или како настоятель изволит.

[Зри] Указ о празднице Сретения Господня, аще в кой день Сретение будет, или в кой день случится отдание его.

Аще ли случится праздник Сретения Господня в неделю блуднаго, или в понедельник, или во вторник мясопустныя недели, отдается праздник в пяток тояже недели. Аще ли случится в среду, или четверток, или пяток, или в субботу мясопустныя недели: и отдается во вторник сырныя недели. Аще ли случится в неделю мясопустную, или в понедельник сырныя недели: и отдается в четверток тояже недели. Аще ли случится во вторник, или в среду сыропустныя недели: и отдается в субботу тояже недели. Аще ли случится в четверток сырный, или в пяток, или в субботу: и отдается в неделю сыропустную. Аще ли Сретение будет в неделю сыропустную, тогда празднуем един день.

[Зри] Аще случится отдание Сретения Господня в неделю фарисееву, или блуднаго, или сыропустную.

В субботу на малей вечерни, стихиры воскресны гласа, по обычаю. На стиховне стихира воскресна: и праздника стиховна великия вечерни. На велицей вечерни, на Господи воззвах, стихиры воскресны 3, и триоди 3, и праздника, со славным, 4. Слава, триоди: И ныне, Богородичен 1-й гласа. Аще ли храм Сретения: И ныне, праздника. На литии стихиры праздника, и триоди хвалитныя, кроме славна. Слава, триоди: И ныне, праздника. На стиховне стихиры воскресны. Слава, триоди: И ныне, праздника. На благословении хлебов, тропарь, Богородице Дево, дважды: и праздника единожды. На Бог Господь, тропарь воскресн, дважды. Слава, и ныне праздника. По кафисмах седальны воскресны, и богородичны их, и чтение: и поем полиелей. Псалом: Хвалите имя Господне: и другий псалом: Исповедайтеся Господеви:

[Зри] Аще ли неделя блуднаго, или сыропустная. Поем и 3-й псалом: На реках вавилонских: со аллилуиею.

Аще неделя фарисеа. Поем непорочны: и прочее воскресно, и до канона. Канон воскресн со ирмосом на 4: и триоди, на 4: и праздника на 6. Катавасиа праздника. По 3-й песни, кондак и седален триоди. Слава, и ныне, праздника. По 6-й песни, кондак и икос праздника. На 9-й песни, поем Честнейшую: Светилен воскресн. Слава, триоди: И ныне, праздника. На хвалитех стихиры воскресны, 4: и праздника, со славным, 4. Слава, триоди: И ныне, Преблагословенна еси:

[Аще неделя сыропустная. И по стихирах праздника глаголем припевы: Воскресни Господи Боже мой: и поем самогласну стихиру триоди дне. Слава, ину стихиру. И ныне, Преблагословенна еси: и по отпусте, Слава, и ныне, стихира евангельская, и час 1-й. На часех, тропарь воскресн. Слава, праздника: И ныне, Богородичен часов. По Отче наш, кондак праздника, и триоди, пременяюще глаголем. На литургии, блаженна гласа на 4, и триоди песнь 3-я, на 4: и праздника 9-я на 4. По входе тропарь воскресн, и праздника. Слава, кондак триоди: И ныне, праздника. Прокимен дне. и праздника. [Зри] В субботу убо мясопустную отдание Сретения не бывает: такожде и в неделю мясопустную.

[МРК] Аще ли отдание Сретения Господня случится во вторник, или четверток сырныя недели, и поем сице:

Вечер, на Господи воззвах, стихиры праздника на 6. Слава, и ныне, праздника. На стиховне триоди самогласен дне, дважды: и мученичен, с припевы обычными. Слава, и ныне, праздника. Тропарь праздника. Рядоваго же святаго службу поем на повечерии, или како настоятель изволит. На утрени, на Бог Господь, тропарь праздника, трижды. По кафисмах седальны праздника. Канон праздника, со ирмосом на 14. А идеже трипеснец, поем праздника со ирмосом на 6: и триоди на 8. По 3-й песни седален триоди: писан по 2-й кафисме. Слава, и ныне, праздника. По 6-й песни кондак и икос праздника. На 9-й песни поем Честнейшую: Светилен праздника, дважды. На хвалитех стихиры праздника, на 4. Слава, и ныне, праздника. На стиховне триоди, самогласен дне, дважды: и мученичен. Слава, и ныне, праздника. Тропарь праздника: ектениа, и отпуст. На литургии, блаженна праздника, песнь 9-я на 6. По входе тропарь праздника, Слава, и ныне, кондак праздника. Прокимен, Аллилуиа, и причастен праздника. Апостол, и Евангелие дне. В среду же и пяток отдание Сретения не бывает.

[МРК] Аще ли отдание сретения господня случится в субботу сыропустную:

В пяток сырный вечера, на Господи воззвах, стихиры праздника, 3: и отцев 3. Слава, отцев: И ныне, праздника. Прокимен, и паремиа дне, и по ней прокимен: Да уповает израиль на Господа: На стиховне триоди самогласен дне дважды: и мученичен. Слава, отцев: И ныне, праздника. Тропарь отцев. Слава, и ныне, праздника. На утрени, на Бог Господь, тропарь праздника дважды. Слава, отцев: И ныне, праздника. По кафисмах седальны праздника. Канон праздника со ирмосом на 8: и отцев на 6. Катавасиа праздника. По 3-й песни кондак и икос отцев, и седален их, дважды. Слава, и ныне, праздника. По 6-й песни кондак и икос праздника. На 9-й песни поем Честнейшую: Светилен праздника. Слава, отцев: И ныне, праздника, На хвалитех стихиры праздника 3: и отцев 3. Слава, отцев: И ныне, праздника. Славословие великое. Тропарь отцев: Слава, и ныне, праздника. и обычное исхождение в притвор: и час 1-й, и конечный отпуст. На литургии, блаженна праздника, песнь 9-я, на 4: и отцев песнь 6, на 4. По входе тропарь праздника, и отцев. Слава, кондак отцев: И ныне, праздника. Прокимен праздника, и отцев. Апостол, и Евангелие дне, и отцев. Причастен праздника, и отцев.

10. Святаго мученика Харалампиа.

На Господи воззвах, стихиры, глас 6. Подобен: Всю отложивше: Слава, и ныне, Богородичен или Крестобогородичен. Тропарь, глас 4: Мученк твой Господи: писан сего месяца в 1-й день. Канон, глас 6, на 4. По 3-й песни седален, глас 3. По 6-й песни,

Кондак, глас 8. Подобен: Яко начатки: Подобствовав благодатию священства славне, церковь светло украсил еси божественным страданием, еже за Христа приял еси доблественно радуяся, Харалампие честный, светильниче всемирный, осияваяй концы, яко непобедимый.

11. Святаго священномученика Власиа.

Стихиры октоиха 3: и святаго 3, глас 1. Подобен: Небесных чинов: Слава, глас 4: Яко добр: На стиховне октоиха. Слава, святаго, глас 6: Прозяб в пощении: Тропарь, глас 4: И нравом причастник: септемвриа в 3 день. На утрени, канон святаго на 4, глас 4. По 3-й песни,

Кондак, глас 2. Подобен: Вышних ищя: Божественное прозябение, цвет неувядаемый, лозы Христовы розго многострадальная, богоносе Власие, верою чтущия память твою веселия твоего исполни, моляся непрестанно о всех нас.

Таже седален, глас 8. По 6-й песни,

Кондак, глас 8. Подобен: Яко начатки: Священия помазанием, и мучения кровию украсился еси славне Власие, и сияеши всюду в вышних ликуя, и нас назирая в храм твой пришедшия, и в нем тебе непрестанно зовущия: всех нас соблюди.

И икос. По 9-й песни, светилен октоиха. Слава святаго.

🕃 В тойже день преподобнаго отца нашего Димитриа Прилуцкаго чудотворца.

Совершается собор его во обители его, и идеже храм его.

Тропарь, глас 1: Свыше от Бога преподобне благодать приял еси духовную, и от него убо познался еси блаженне. того ради и ты духом познал еси лучшая его, будущаго века пребывание, и постнически испытався во своих обителех. и ныне со ангелы ликовствуя, Спасу всех за ны молися святе Димитрие, да вси вопием: слава давшему ти крепость: слава венчавшему тя: слава действующему тобою всем исцеления.

Кондак, глас 8. Подобен: Взбранной: От юности преподобне крест твой взем, Христу последовал еси, в молитвах и пощениих, во бдениих же и злостраданиих, плоть твою изнуряя. темже и всевидящее око твоя труды видев, чудесы тя прославляет, и всех звати тебе научает: радуйся преподобне отче Димитрие, постников удобрение.

🕃 И преставление святаго благовернаго великаго князя Всеволода, нареченнаго во святом крещении Гавриила, Псковскаго чудотворца.

Совершается собор его, идеже лежат мощи его, и идеже храм его.

Тропарь, глас 4: Из млада явился еси богомудре княже Гаврииле божественный сосуд, избран Богови, благочестием воспитан, веру непорочну соблюд, и многи святыя церкви устроив, изгнание претерпел еси от своих, якоже и целомудрии прародители твои от брата убиение. с нимиже предстоя святей Троице молися, державы росския начальником сохраненным быти, и всем нам спастися.

Кондак, глас 8. Подобен: Взбранной: Многомудренно преселився во град Псков, блаженне княже Гаврииле, плод благий Богови в жизни сей был еси, присноцветущь добродетельми, и якоже Давид незлобием: того ради получил еси жизнь вечную на небесех, всегда зря Святую Троицу, моли избавитися нам от всяких бед, да зовем ти: радуйся утверждение граду нашему.

12. Иже во святых отца нашего Мелетиа, архиепископа Антиохии великия.

Стихиры октоиха 3, и Мелетиа 3, глас 4. Подобен: Яко добля: Тропарь, глас 4: Правило веры: септемвриа во 2-й день. На утрени, оба канона октоиха: и святаго на 4, глас 8. По 3-й песни, седален святаго, глас 8. По 6-й песни,

Кондак, глас 6: Духовнаго твоего дерзновения убоявся отступник бегает Македоний: молитвенное же служение совершающе твои раби, любовию притекаем, ангелом собеседниче Мелетие, огненный мечу Христа Бога нашего, вся безбожныя закалаяй: воспеваем тя светильника, просветившаго вся.

🕂 В тойже день, иже во святых отца нашего Алексиа митрополита, всея России чудотворца.

Аще несть пост, и изволит настоятель пети святителю Алексию со бдением, поем ему якоже прочим великим святым имущим бдение. [Зри] Аще ли пост: поем ему по Маркове главе, якоже указася пети Обретению честныя главы Предтечевы. [Зри] А идеже лежат мощи его, подобне и во храме, поется служба его по Маркове главе, якоже Сретения Господня.

На малей вечерни, стихиры на 4, глас 8. Подобен: О преславнаго чудесе! Слава, глас тойже, самогласен: Приидите российстии собори: И ныне, Богородичен, глас тойже. На стиховне стихиры, глас 2. Подобен: Доме евфрафов: с припевы их. 1-й, Священницы твои облекутся в правду: 2, Блажен муж бояйся Господа: Слава, и ныне, Богородичен, подобен тойже: Обрадованная радуйся: По трисвятом глаголем,

Тропарь, глас 8: Яко апостолом сопрестольна, и врача предобра, и служителя благоприятна, к раце твоей честней притекающе святителю Алексие, Богомудре чудотворче, сошедшеся любовию в память твою светло празднуем, в песнех и пеших радующеся, и Христа славяще, таковую благодать тебе даровавшаго исцелений, и граду твоему великое утверждение.

Слава, ин тропарь, глас 4: Апостольских догмат опасна хранителя, церкве российския пастыря и учителя, преблаженнаго Алексиа святителя память празднующе, славословим Христа Бога нашего песньми достодолжными, даровавшаго нам угодника своего яко обильный источник точащь врачевания, граду же Москве похвалу и утверждение.

И ныне, Богородичен. Ектениа малая, и отпуст. На велицей вечерни, по обычном псалме: Поем Блажен муж, 1-й антифон. На Господи воззвах, стихиры на 8: глас 5. Подобен: Радуйся: Ины стихиры, глас 2: Подобен: Киими похвальными: Слава, глас 6: Святителей удобрение: И ныне, Богородичен 1-й. Вход. Прокимен дне. Чтения три, святительская. На литии стихиры храма: и святаго самогласны 3, глас 8: Преподобне отче: Слава: глас 6: Егда пришел еси от царя: И ныне, Богородичен: Послан бысть: На стиховне, стихиры, глас 2. Подобен: Доме евфрафов: с припевы их. Слава, глас 6, самогласен: Благий рабе: И ныне: Творец и избавитель: На благословении хлебов тропари оба по единожды, писаны на малей вечерни: и Богородице Дево: единожды. и Буди имя Господне, трижды: с пением. и чтем от жития святаго Алексиа. Аще же несть бдения: Тропарь святаго. Слава, и ныне, Богородичен 1-й. На утрени, на Бог Господь, тропарь святаго. Слава, другий. И ныне, Богородичен 1-й. и обычныя кафисмы. По 1-й кафисме седален, глас 8, дважды. Слава, и ныне, Богородичен, и чтем Евангелие дне толковое. По 2-й кафисме седален, глас 4, дважды. Слава, и ныне, Богородичен. и чтем от жития святаго. По полиелеи седален святаго, глас 8, дважды. Слава, и ныне, Богородичен и чтение святаго: Степенна, 1-й антифон 4-го гласа. Прокимен, глас тойже: Честна пред Господем: Стих: Что воздам Господеви: Всякое дыхание: Евангелие Иоанна, зачало 36: Аз есмь дверь: По 50-м псалме стихира, глас 6: Неиздаема есть благодать: Канон Богородицы со ирмосом на 6: и святаго два канона, на 8: 1-й, глас 8. 2-й, глас 4: Катавасиа: Отверзу уста моя: По 3-й песни, седален, глас 4. Слава, глас 8. И ныне, Богородичен: и чтем от жития святаго. По 6-й песни,

Кондак, глас 8. Подобен: Взбранной: Божественнаго и пречестнаго святителя Христова, новаго чудотворца Алексиа, верно вси поюще людие, любовию да ублажим, яко пастыря великаго, служителя же и учителя премудра земли российстей: днесь в память его притекше, радостно возопием песнь богоносному: яко имея дерзновение к Богу, многообразных нас избави обстояний, да зовем ти: радуйся утверждение граду нашему.

И икос, и чтем пролог. По 9-й песни, светилен святаго, дважды. Слава, и ныне, Богородичен. На хвалитех стихиры, на 4, глас 8. Подобен: Что вы наречем: Слава, глас 6: Человече Божий: И ныне, Богородице, ты еси лоза: Славословие великое. По трисвятом тропарь. Слава, и ныне, Богородичен. Ектении, и отпуст, и дается святый елей от кандила святаго, и час 1. На 1-м часе, тропарь святаго. И ныне, Богородичен часов. По трисвятом кондак его, и совершенный отпуст. На литургии, блаженна от канона, песнь 3-я и 6-я. Прокимен, глас 7: Честна пред Господем: Стих: Что воздам Господеви: Апостол ко евреем, зачало 335: Повинуйтеся наставником: Аллилуиа: Воззваша праведнии: Стих: Многи скорби праведным: Евангелие Луки, зачало 24: Ста Иисус на месте равне: Причастен: В память вечную: [Зри] Святаго же Мелетиа службу поем на повечерии: или когда настоятель изволит. Тропарь, и кондак его, писаны выше сего.

13. Преподобнаго отца нашего Мартиниана.

Стихиры октоиха 3, и святаго 3, глас 2. Подобен: Егда от древа: Слава, глас тойже, самогласен: Радуйся честная: На стиховне октоиха. Слава, святаго, глас 6, самогласен: Испещрен одеждею: Тропарь, глас 8: Пламень искушений слез теченьми погасил еси блаженне, и морская волнения, и зверей стремления обуздавый, взывал еси: препрославлен еси всесильне, огня и бури спасый мя.

На утрени, оба канона октоиха: и святаго на 4, глас 2. По 3-й песни седален, глас 4. По 6-й песни,

Кондак, глас 2. Подобен: Твердыя: Яко подвижника благочестия искусна, и страдальца произволением честнаго, и пустыни жителя и всельника, в песнех достойно восхвалим Мартиниана присночестнаго: той бо змия попра.

И икос, и пролог. По 9-й песни светилен октоиха. Слава, святаго: И ныне, Богородичен.

14. Преподобнаго отца нашего Авксентиа.

Стихиры октоиха 3: и святаго 3, глас 4. Подобен: Дал еси знамение: Слава, глас 8: Чистая Духа Святаго мудрость: На стиховне октоиха. Тропарь, глас 1: Пустынный житель: септемвриа в 29-й день. На утрени, оба канона октоиха: и святаго на 4, глас 4. По 3-й песни седален, глас 8. По 6-й песни,

Кондак, глас 2. Подобен: В молитвах: Насладився богомудре воздержания, и желания плоти твоея обуздав, явился еси верою сияя, якоже сад посреде рая процвел еси, Авксентие отче священне.

И икос. Светилен октоиха. Слава, святаго: И ныне, Богородичен.

🕂 И преподобнаго отца нашего Константина философа, во мнисех Кирилла, учителя словенскаго.

Тропарь, глас 4: От пелен прилежно премудрость сестру себе сотворив, богогласе, пресветлую видев, яко девицу чисту, юже прием, приведе, яко монисты златыми сею украсив свою душу и ум, и обретеся яко другий Кирилл, блаженне, разумом и и именем мудре.

Кондак, глас 2. Подобен: Твердыя: Твердым и богодухновенным учением просвещая мир пресветлыми зарями, обтече, яко молния вселенную, Кирилле блаженне, разсевая пресветлое Божие слово, на западе и севере и юзе мир просвещая чудесы.

15. Святаго апостола Онисима.

Стихиры октоиха 3: и апостола 3, глас 1. Подобен: Небесных чинов: На стиховне октоиха. Тропарь, глас 3: Апостоле святый Онисиме: октовриа в 1-й день. На утрени, оба канона октоиха: и святаго на 4, глас 6. По 3-й песни, седален, глас 4. По 6-й песни,

Кондак, глас 4. Подобен: Явился еси: Яко луча возсиял еси вселенней, зарями сияя солнца блаженне всесветлаго Павла, мир просветившаго: темже тя почитаем, Онисиме славне.

16. Святаго мученика Памфила, и иже с ним.

Стихиры мучеников 3, глас 1. Подобен: Небесных чинов: Тропарь, глас 4: Мученцы твои Господи: септемвриа в 20-й день. На утрени, канон, глас 4. По 3-й песни седален, глас 4. По 6-й песни,

Кондак, глас 4. Подобен: Вознесыйся: Мучением страшным предлежащим, Господни страдальцы доблии в небоязненном радующеся мудровании, сим собеседоваша о плоти нерадивше. темже наследствоваша вечнующую славу, о нас молящеся присно восхваляющих их подвиги.

17. 🕃 Святаго великомученика Феодора Тирона.

Стихиры святаго на 6, глас 2. Подобен: Егда от древа: Ины стихиры, глас 4. Подобен: Яко добля: Слава, глас 6, самогласен: Священия дар: На стиховне октоиха. Слава, святаго, глас 8: Страдальчески мужеством:

Тропарь, глас 2: Велия веры исправления, во источнице пламене, яко на воде упокоения, святый мученик Феодор радовашеся: огнем бо всесожжегся, яко хлеб сладкий Троице принесеся. того молитвами Христе Боже спаси души наша.

На утрени, оба канона октоиха: и святаго на 6, глас 8. По 3-й песни, седален, глас 4, дважды. По 6-й песни,

Кондак, глас 8: Веру Христову яко щит внутрь приим в сердце твоем, противныя силы попрал еси многострадальче, и венцем небесным венчался еси вечно Феодоре, яко непобедимый.

И икос. По 9-й песни, светилен октоиха. Слава, святаго. На стиховне октоиха. Слава, святаго, глас 2: Божественных: На литургии, блаженна октоиха, на 4: и святаго песнь 3-я, на 4. Прокимен, глас 7: Возвеселится праведник о Господе: Стих: Услыши Боже глас мой: Апостол к Тимофею, зачало 292. Аллилуиа, глас 4: Праведник яко финикс процветет: Стих: Насаждени в дому Господни: Евангелие Иоанна, зачало 52: Причастен: В память вечную:

18. Иже во святых отца нашего Льва, папы Римскаго.

Стихиры октоиха 3: и святаго 3, глас 8. Подобен: Что вы наречем: Тропарь, глас 8. Православия наставниче: октовриа в 11-й день. На утрени, оба канона октоиха: и святаго на 4, глас 8. По 3-й песни, седален, глас 3. По 6-й песни,

Кондак, глас 3. Подобен: Дева днесь: На престоле славне священства сед, и львов уста словесных заградив, догматы богодухновенными честныя Троицы озарил еси свет богоразумия твоему стаду. сего ради прославился еси яко божественный таинник Божия благодати.

И икос. Светилен октоиха. Слава, святаго.

19. Святаго апостола Архиппа.

Стихиры октоиха, 3: и апостола 3, глас 8. Подобен: Мученцы: Тропарь, глас 3: Апостоле святый: октовриа в 6-й день. На утрени, оба канона октоиха: и апостола на 4, глас 4. По 3-й песни, седален, глас 1. По 6-й песни,

Кондак, глас 4. Подобен: Явился еси: Яко звезду великую тя церковь имущи Архиппе, чудес твоих лучами просвещаема, зовет тебе: спаси верою почитающия память твою.

20. Преподобнаго отца нашего Льва, епископа Катанскаго.

Стихиры октоиха 3: и святаго 3, глас 8. Подобен: Господи аще и на судищи: Тропарь, глас 4: Правило веры: септемвриа во 2-й день. На утрени, оба канона октоиха: и святаго на 4, глас 8. По 3-й песни, седален, глас 3. По 6-й песни,

Кондак, глас 8. Подобен: Яко начатки: Якоже светильника превелика церковь имать всеблаженне, тебе паче солнца сияюща, юже твоими молитвами сохрани блаженне, непобедиму и непоколебиму от ереси всякия, и нескверну, яко приснопамятный.

21. Преподобнаго отца нашего Тимофеа, иже в Символех: И иже во святых отца нашего Евстафиа архиепископа Антиохийскаго.

Стихиры преподобнаго 3, глас 8. Подобен: О преславнаго чудесе! и святителя 3, глас тойже. Подобен: Что вы наречем: Тропарь, глас 4: Боже отец наших: ноемвриа в 20-й день. На утрени, канон октоиха един, со ирмосом на 6: и святых два, на 8: преподобнаго, глас 8: святителя, глас 7. По 3-й песни, седален преподобнаго, глас 8. Слава, святителя, глас 3. По 6-й песни,

Кондак, глас 4. Подобен: Явился еси днесь: Яко звезда многосветлая от востока возсияв, озарил еси в сердцах верных добродетели чудес твоих, чудоносче всеблаженне Тимофее.

22. Обретение честных мощей святых мученик, иже во Евгении:

Стихиры октоиха 3, и мучеников 3, глас 4: Подобен: Званный свыше: Тропарь, глас 4: Мученцы твои Господи: септемвриа в 20-й день. На утрени, оба канона октоиха: и святых на 4, глас 8. По 3-й песни,

Кондак, глас 4. Подобен: Явился еси: От земли возсиявше яко светила правды, нечестия всю отразисте мглу: и верных просвещаете мученицы божественнии, Троицы поборницы.

Таже седален, глас 1. По 6-й песни,

Кондак, глас 8. Подобен: Яко начатки: Крепцыи веры столпи, добропобеднии мученицы, за Христа подъемше различныя муки, и на лета многа сокровени бысте: и ныне явистеся яко многоценное богатство, и в церковь Божию честно носими, архиереа Божия дланьми, просящим раздаваете, еже на пользу. тем молитеся о душах наших.

23. Святаго священномученика Поликарпа, епископа Смирнскаго: Стихиры октоиха 3: и святаго 3, глас 1. Подобен: Небесных чинов: Тропарь, глас 4: И нравом причастник: септемвриа в 3-й день. На утрени, оба канона октоиха: и святаго на 4, глас 2. По 3-й песни, седален, глас 8. По 6-й песни,

Кондак, глас 1. Подобен: Лик ангельский: Плоды словесныя Господеви принося Поликарпе мудре, добродетелей жертвы: темже и от Бога достоин иерарх прославился еси. сего ради днесь просвещшеся твоими словесы, воспеваем твою достохвальную память, славяще Господа.

И икос. Светилен октоиха. Слава, святаго: И ныне, Богородичен.

24. 🕂 Первое и второе обретение честныя главы Предтечевы:

Аще не есть пост, вечер поем, Блажен муж: 1-й антифон: На Господи воззвах, стихиры на 6, глас 5. Подобен: Радуйся: Слава, глас 6: Сокровище божественных даров: И ныне: Кто тебе не ублажит: Вход. Прокимен дне, и чтения 3: 1-е, Пророчества Исаиина: Тако глаголет Господь: 2-е, Пророчества Малахиина: Тако глаголет Господь Вседержитель: 3-е, Премудрости Соломони: Праведник аще постигнет: Ектениа. На стиховне стихиры, глас 2. Подобен: Егда от древа: с припевы их. Слава, глас 2: Якоже божественных: И ныне, Богородичен воскресн. По трисвятом глаголем,

Тропарь, глас 4: От земли возсиявши Предтечева глава, лучи испущает нетления, верным исцелений, свыше собирает множество ангел, доле же созывает человеческий род, единогласную возсылати славу Христу Богу.

Слава, и ныне, Богородичен: Еже от века: и отпуст. На утрени, на Бог Господь, тропарь дважды. Слава, и ныне, Богородичен: и обычныя кафисмы. По 1-й кафисме седален, глас 4. дважды. Слава, и ныне, Богородичен: и чтение. По 2-й кафисме седален, глас 4, дважды. Слава, и ныне, Богородичен: и чтение Предтечи. По полиелеи седален, глас 8, дважды. Слава, и ныне, Богородичен: и чтение. Степенна, 1-й антифон 4-го гласа. Прокимен, глас 4: Тамо возращу рог Давидови. Стих: Помяни Господи Давида: Всякое дыхание: Евангелие Луки, зачало 31. По 50-м псалме стихира, глас 6: Яже первее на блюде: Канон Богородицы со ирмосом на 6: и Предтечи на 8, глас 6. Катавасиа: Отверзу уста моя: По 3-й песни, седален, глас 8, дважды. Слава, и ныне, Богородичен. По 6-й песни,

Кондак, глас 2. Подобен: Вышних ищя: Пророче Божий и Предтече благодати, главу твою яко шипок священнейший от земли обретше, исцеления всегда приемлем: ибо паки якоже прежде в мире проповедуеши покаяние.

И икос, и чтем пролог. По 9-й песни светилен, дважды. Слава, и ныне, Богородичен. На хвалитех стихиры на 4, глас. 4. Подобен: Дал еси знамение: Слава, глас 6: Всечестную главу: И ныне, Богородичен: Благолюбивый Боже и Спасе: Славословие великое. По трисвятом тропарь. Слава, и ныне, Богородичен. Ектении, и отпуст. и дается елей братии от кандила святаго, и час 1-й. На 1-м часе, тропарь Предтечи. По трисвятом кондак его. На литургии, блаженна от канона, песнь 3-я, и 6-я. Прокимен, глас 7: Возвеселится праведник о Господе: Стих: Услыши Боже глас мой: Апостол к коринфяном, зачало 176: Бог рекий: Аллилуиа, глас 4: Праведник яко финикс процветет: Стих: Истина от земли возсия. Евангелие Матфеа, зачало 40: Слышав Иоанн во узилищи дела Христова: Причастен: В память вечную:

[МРК] Подобает ведати, аще случится Обретение честныя главы Иоанна Предтечи в неделю мясопустную, или сыропустную.

Начинается бо с среды мясопустныя недели, и восходит до вторника 4-я недели великаго поста. На малей вечерни, в субботу, стихиры воскресны 4: и Богородичен гласа. На стиховне стихира воскресна едина, и Предтечи стиховна. По Ныне отпущаеши, тропарь воскресн. Слава, Предтечи: И ныне, Богородичен воскресн. ектениа малая, и отпуст. На велицей вечерни, на Господи воззвах, стихиры воскресны 3: и триоди 4, и Предтечи 3. Слава, триоди. И ныне, Богородичен 1-й, гласа.

[Зри] Аще ли неделя сыропустная: И поем стихиры воскресны 3, и анатолиев 1: и триоди 3, и Предтечи 3. Слава, триоди: И ныне, Богородичен 1-й, гласа. На литии стихиры храма, и триоди хвалитных два стиха.

[Зри] Аще неделя мясопустная: 1-й стих, глас 6: Помышляю день он: 2-й, глас тойже: О каковый час тогда и день:

[Зри] Аще ли неделя сыропустная: Глаголем триоди такожде в литии два стиха хвалитных, 1-й стих, глас 5: Увы мне, Адам рыданием возопи: 2-й, глас тойже: Поприще добродетелей отверзеся:

Слава, Предтечи, глас 6: Сокровище божественных даров: И ныне, триоди, писан на литии славник. На стиховне стихиры воскресны. Слава, Предтечи, глас 2: Якоже божественных умышлений: И ныне, триоди. На благословении хлебов тропарь: Богородице Дево, трижды: и чтение в посланиих апостольских. На утрени, на Бог Господь, тропарь воскресн, дважды. Слава, Предтечи: И ныне, Богородичен 1-й, в тойже глас. По кафисмах седальны воскресны с богородичны их: и чтение во евангелии толковом. Таже, Хвалите имя Господне: и Исповедайтеся Господеви: глаголем же и 3-й псалом: На реках вавилонских: со аллилуиею. таже поем псалом избранный Предтечи: и тропари: Ангельский собор: и седальны оба по единожды. Слава, по полиелеи седален: И ныне, Богородичен, и чтение Предтечи. Степенна, и прокимен гласа. Всякое дыхание: Евангелие воскресно. Воскресение Христово: Канон воскресн, со ирмосом на 4: и триоди на 6: и Предтечи на 4. Катавасиа триоди.

[Зри] Аще неделя сыропустная: Канон воскресн, со ирмосом на 4: и Богородицы на 2: и триоди на 4: и Предтечи на 4. Катавасиа триоди. По 3-й песни, кондак и икос Предтечи, и седален его, дважды. Слава, и ныне, триоди. и чтение Предтечи. По 6-й песни, кондак и икос триоди, и синаксарий. На 9-й песни, поем Честнейшую: Светилен воскресн. Слава, Предтечи: И ныне, триоди. На хвалитех стихиры воскресны 4: и святаго со славным 4: с припевы его. и по стихирах святаго, глаголем: Воскресни Господи Боже мой: и поем стихиру самогласну триоди, глас 8: Даниил пророк: Слава, глас 1: Предочистим себе братие: И ныне: Преблагословенна еси:

[Зри] Аще неделя сыропустная: Глаголем такожде припев: Воскресни Господи Боже мой: и поем стихиру самогласну триоди, глас 6: Адам из рая: Слава, глас тойже: Приспе время: И ныне: Преблагословенна еси: Славословие великое. По трисвятом тропарь воскресн. Ектении, и отпуст, и исхождение обычное в притвор. Слава, и ныне, стихира евангельская: и час 1-й. На часех, тропарь воскресн. Слава, Предтечи: И ныне, Богородичен часов. По Отче наш: кондак триоди и Предтечи, пременяюще глаголем. На литургии, блаженна гласа, на 4: и триоди песнь 3-я, на 4: и Предтечи 6, на 4. По входе тропарь воскресн, и Предтечи. Слава, кондак его: И ныне, триоди. Прокимен, апостол, Евангелие и причастен прежде дне, и Предтечи.

[МРК] Аще случится Обретение честныя главы Иоанна Предтечи в субботу мясопустную:

Поется праздник Предтечев весь, прежде в пяток мясопустный, непременно.

[МРК] Аще ли случится Обретение честныя главы Иоанна Предтечи в понедельник, или во вторник сырныя недели:

В неделю вечера поем, Блажен муж, 1-й антифон. В прочия же дни седмицы сырныя глаголется кафисма рядовая. На Господи воззвах, стихиры Предтечи на 6. Слава, Предтечи. И ныне, Богородичен воскресн, в тойже глас. Прокимен дне, и паремии Предтечи. На стиховне триоди самогласен дне, дважды: и мученичен. Слава, Предтечи. И ныне, Богородичен. Тропарь Предтечи. Слава, и ныне, Богородичен воскресн. И ектениа. На утрени, на Бог Господь, тропарь Предтечи, дважды. Слава, и ныне, Богородичен: и обычныя кафисмы. По 1-й кафисме седален триоди, и чтение дне. По 2-й кафисме седальны Предтечи оба, и чтение Предтечи. Полиелей и седален, дважды. Слава, и ныне, Богородичен: и чтение Предтечи. Степенна, 1-й антифон 4-го гласа. Прокимен Предтечи. Всякое дыхание: Евангелие Предтечи, таже псалом 50. стихира Предтечи. Канон Богородицы, со ирмосом на 6, и Предтечи на 8. Катавасиа: Отверзу уста моя: А идеже трипеснец, и поем канон Предтечи, со ирмосом на 6: и триоди на 8. По 3-й песни седален Предтечи, дважды. Слава, и ныне, Богородичен, и чтение Предтечи. По 6-й песни, кондак и икос Предтечи, и пролог. По 9-й песни, светилен Предтечи, дважды. Слава, и ныне, Богородичен его. На хвалитех стихиры Предтечи, на 4. Слава, Предтечи: И ныне, Богородичен. На стиховне самогласен дне, дважды и мученичен. Слава, Предтечи: Яже первее на блюде: И ныне, Богородичен, и прочая обычная, и отпуст, и час 1-й. тропарь Предтечи, и по трисвятом кондак его. Такожде и на прочих часех. На литургии, блаженна Предтечи, песнь 3-я и 6-я. Прокимен, апостол, Аллилуиа, Евангелие, и причастен, дне, и Предтечи.

[МРК] Аще ли случится Обретение честныя главы Иоанна Предтечи в среду сырныя седмицы, и поем службу его, вечер и утро, во вторник сырныя недели. Аще же в пяток, и поем службу его в четверток.

[МРК] Аще случится Обретение честныя главы в четверток сырный.

И в среду на часех, по Ослаби остави, и по поклонех бывает звон по обычаю и абие глаголем: Приидите поклонимся: трижды. и псалом обычный, и ектениа, и стихиры по предписанному. По входе прокимен, паремии дне, и по сих прокимен: Да уповает израиль на Господа: Таже паремии святаго, три. Посем, Сподоби Господи: На стиховне, триоди самогласен дне, дважды. и мученичен. Слава, Предтечи: И ныне, Богородичен: По ныне отпущаеши, трисвятое. По Отче наш, тропарь Предтечи. Слава, и ныне, Богородичен воскресн, и ектениа: Помилуй нас Боже: и 3 поклоны великия. посем молитва: Всесвятая Троице: и Буди имя Господне: трижды, с поклоны: и псалом 33. Таже, Достойно есть: и отпуст. И входим в трапезу, и разрешаем на сыр и яица.

[МРК] Аще случится Обретение честныя главы Иоанна Предтечи в субботу сыропустную:

В пяток вечера поем, Блажен муж, 1 антифон. На Господи воззвах, стихиры Предтечи, подобны 3: и отцев, 3. Слава, Предтечи: И ныне, Богородичен 1-й, гласа. Вход. Прокимен дне, и паремиа. и по ней прокимен, глас 6: Да уповает Израиль на Господа: таже паремии Предтечи. Сподоби Господи в вечер сей: и ектениа: Исполним вечернюю молитву: На стиховне триоди самогласен дважды, и мученичен. Таже припев: Возвеселится праведник: и поем стихиру Предтечи самогласну, глас 6: Яже прежде на блюде: Слава, отцев, глас 8: Монахов множества: И ныне, Богородичен в тойже глас. Тропарь Предтечи. Слава, отцев: И ныне, Богородичен: Еже от века утаеное: Посем ектениа: Помилуй нас Боже: и 3 поклоны великия. Таже, Всесвятая Троице: и Буди имя Господне: трижды, и псалом 33: Благословлю Господа: и отпуст. В трапезе разрешаем на сыр и яица. [Зри] На повечерии, поем канон усопших в притворе, октоиха, гласа, или Богородичен. По Достойно и по трисвятом кондак Предтечи. Слава, и ныне, триоди отцев. На утрени, на Бог Господь, тропарь Предтечи дважды. Слава, отцев: И ныне, Богородичен 1-й. По кафисмах седальны отцев, и богородичны их, и чтение отцев. Полиелей, и седальны Предтечи вси по единожды. Слава, иже по полиелеи седальны: И ныне, Богородичен, и чтение Предтечи. Степенна 1-й антифон 4-го гласа. Прокимен: Всякое дыхание: и Евангелие Предтечи. псалом 50. Стихиры Предтечи. Канон Предтечи, со ирмосом на 6: и отцев на 8. Катавасиа, ирмос триоди. стихословим же и 2-ю песнь, триоди: Во псалтири же песни тоя не глаголем. По 3-й песни, кондак и икос Предтечи, и седален его. Слава, отцев: И ныне, Богородичен: и чтение Предтечи. По 6-й песни, кондак и икос отцев: и синаксарий. По 9-й песни, светилен Предтечи. Слава, отцев: И ныне, Богородичен. На хвалитех стихиры Предтечи 3: и отцев 3. Слава, отцев: И ныне, Богородичен. Славословие великое. Тропарь Предтечи, Слава, отцев: И ныне, Богородичен. и исхождение в притвор, и час 1. На часех, тропарь Предтечи. Слава, отцев: И ныне, Богородичен часов. По Отче наш, кондак Предтечи, и отцев, пременяюще глаголем. На литургии, блаженна Предтечи, песнь 3-я, на 4: и отцев 6-я, на 4. По входе тропарь храма, и Предтечи, и отцев. Таже, кондак храма, и Предтечи. Слава, отцев: И ныне, храма Богородицы, или Предстательство христиан: Прокимен, апостол, Аллилуиа, Евангелие, и причастен, прежде Предтечи, и потом отцев: ряд же, апостол, и Евангелие чтем под зачалом.

[МРК] Аще ли случится Обретение честныя главы Предтечевы в понедельник 1-я недели постов:

Служба вся Предтечи поется в неделю сырную.

[МРК] Аще ли случится Обретение честныя главы Предтечевы в кийлибо день 1-я недели постов:

И поется служба его в неделю сыропустную, или в субботу 1-я недели постов.

[МРК] Аще ли случится Обретение честныя главы Предтечевы в субботу 1-я недели постов:

В пяток вечера, кафисма рядовая. На Господи воззвах, стихиры на 10: триоди самогласен дне дважды: и Предтечи на 4: и Феодора на 4. Слава, Феодора: И ныне, Богородичен 1-й, гласа. Вход, прокимен, и чтения дне, и Предтечи три. И по Да исправится молитва моя, 3 поклоны великия: и прочая преждеосвященных. По заамвонной молитве поем канон святаго Феодора над коливом, якоже указася в четыредесятнице на ряду: и отпуст. [Зри] А идеже несть преждеосвященных, на Господи воззвах, стихиры Предтечи 3: и Феодора 3. Слава, Феодора: И ныне, Богородичен 1-й, гласа пришедшаго, без входа. Прокимен, и чтение дне, и Предтечи. На стиховне, триоди самогласен дне, дважды: и мученичен. Таже, припев: Возвеселится праведник: и поем стихиру мученика, глас 2: Божественных даров: писану в стихирах. Слава, Предтечи глас 6: Сокровище божественных: И ныне, Богородице, ты еси лоза: По Ныне отпущаеши, тропарь Предтечи. Слава, мученика: И ныне, Богородичен: Вся паче смысла: ектениа, и 3 поклоны великия. и поем канон святаго Феодора над коливом, и отпуст по обычаю. Повечерие поем великое, на немже поем канон усопших: и минеи рядовый. Тропари же по 1-м трисвятом, глаголем обоих святых: а на последнем трисвятом кондак Предтечи. На утрени, на Бог Господь, тропарь Предтечи, дважды. Слава, Феодора: И ныне, Богородичен: Вся паче смысла: По 1-й кафисме седальны Предтечи оба. Слава, и ныне, Богородичен. и чтение Предтечи. По 2-й кафисме, седален Феодора. Слава, и ныне, Богородичен, и чтение Предтечи, или Феодора. Полиелей и седален Предтечи, дважды. Слава, и ныне, Богородичен: и чтение Предтечи. Степенна, 1-й антифон 4-го гласа. Прокимен: Всякое дыхание: Евангелие Предтечи: псалом 50: стихира Предтечи. Канон Предтечи со ирмосом на 6: и Феодора оба канона на 8. Катавасиа: Отверзу уста моя: Песни же седмую и осмую глаголем напреди в пяток. По 3 песни, кондак и икос, и седален Предтечи. Слава, Феодора: И ныне, Богородичен: и чтение о святом Феодоре. По 6-й песни, кондак и икос Феодора: и чтем пролог и синаксарий. По 9-й песни, светилен Предтечи. Слава, Феодора: И ныне, Богородичен. На хвалитех стихиры Предтечи, подобны 3: и Феодора, подобны 3. Таже припев: Возвеселится праведник: и поем самогласну стихиру Предтечи, глас 6: Всечестную главу: Слава, Феодора: И ныне, Богородице, ты еси лоза: Славословие великое. тропарь Предтечи. Слава, Феодора: И ныне, Богородичен. Ектении, и отпуст. и обычное исхождение в притвор, и час 1-й. На часех, тропарь Предтечи. Слава, Феодора: И ныне, Богородичен часов. Кондаки же глаголем пременяюще. На литургии, блаженна Предтечи, песнь 3-я, на 4: и Феодора 6-я, на 4. По входе тропарь Предтечи, и Феодора, и кондак его. Слава, Предтечи: И ныне, Богородицы храма, или, Предстательство христиан: Прокимен, Аллилуиа, и причастен Предтечи, и Феодора един. Апостол же и Евангелие прежде субботы: и Феодора под зачало: таже, Предтечи.

[МРК] Аще ли случится Обретение честныя главы Иоанна Предтечи в 1-ю неделю постов:

И поется служба его, якоже указано в неделю 3-ю постов, кроме поклонения Креста, точию на литии, Слава, Предтечи: писан на Господи воззвах: И ныне, триоди. На стиховне, Слава, Предтечи: И ныне, триоди. На Бог Господь, тропарь воскресн, дважды. Слава, Предтечи: И ныне, Пречистому твоему образу: Катавасиа триоди.

[МРК] Аще ли случится Обретение честныя главы Предтечевы в понедельник 2-я, или 3-я, или 4-я недели постов:

В неделю вечера поем, Блажен муж, 1-й антифон. На Господи воззвах, стихиры на 10: триоди дне на 4, повторяюще 1-ю: и Предтечи на 6. Слава, Предтечи: И ныне, Богородичен 1-й. Вход, прокимен великий триоди, и чтения Предтечи 3. Таже, Сподоби Господи в вечер сей: и Исполним вечернюю: На стиховне, триоди самогласен дне, дважды, и мученичен. Слава, Предтечи. И ныне, Богородичен по гласу воскресн. По Отче наш: тропарь Предтечи. Слава, и ныне, Богородичен воскресн. Ектениа: Помилуй нас Боже: и поклоны 3 великия: и отпуст. Полунощницу же поем по обычаю с кафисмою, и тропари обычными. По Честнейшую, 3 поклоны великия. На утрени, на Бог Господь, тропарь Предтечи, дважды. Слава, и ныне, Богородичен. По 1-й и по 2-й кафисме, глаголем седальны триоди, ектении же не глаголются. и чтение во Ефреме. По 3-й кафисме, глаголет иерей ектению малую: и седальны Предтечи оба, и чтение Предтечи. Полиелей, и седален Предтечи, дважды. Слава, и ныне, Богородичен: и чтение Предтечи. Степенна, 1-й антифон 4-го гласа. Прокимен, и Евангелие Предтечи. таже, псалом 50, стихира Предтечи. Канон Предтечи, со ирмосом на 8. Катавасиа: Отверзу уста моя: А идеже трипеснец: и поем канон Предтечи, со ирмосом на 6: и трипеснец на 8. Катавасиа триоди. По 3-й песни, седален Предтечи, дважды. Слава, и ныне, Богородичен, и чтение Предтечи. По 6-й песни, кондак и икос, и пролог. Светилен Предтечи, дважды. Слава, и ныне, Богородичен. На хвалитех стихиры Предтечи, на 4. Слава, Предтечи. И ныне, Богородичен его. Таже настоятель, или чтец глаголет: Слава тебе показавшему нам свет. Посем ектениа: Исполним утреннюю: таже, на стиховне, триоди самогласен дне, дважды, и мученичен. Слава, Предтечи. И ныне, Богородичен. Посем: Благо есть: глаголем единожды. По Отче наш: тропарь Предтечи. Слава, и ныне, Богородичен воскресн. Ектениа: Помилуй нас Боже: и 3 поклоны великия, без отпуста, и час 1. На часех, тропарь глаголем Предтечи: и по трисвятом, кондак его, и наконец 3 поклоны великия, и по поклонех трисвятаго не глаголем, но глаголем: Христе свете: и отпуст. Час же 3-й, 6-й и 9-й поем с кафисмами, в подобное их время, со чтением. На 6-м часе, чтется паремиа дне, по чину ея. [Зри] Молитвы же великаго Василиа по часех глаголем непременно, еже есть Владыко Боже Отче: и Боже и Господи сил: и Владыко Господи Иисусе Христе: Егда же поем полиелей, на часех в кампан не ударяем. По кафисме, Аллилуиа, трижды: таже, Господи помилуй, трижды. и чтец глаголет: Слава, тропарь Предтечи. И ныне, Богородичен часов. По Отче наш: кондак Предтечи: по Честнейшую, 3 поклоны великия. По 9-м часе, блаженны глаголем поскору без пения. По Ослаби остави: кондак храма: Слава, Предтечи. И ныне, храма Богородицы. [Зри] Аще ли несть храма Богородицы: И ныне, Предстательство христиан: Посем, Господи помилуй, 40. Слава, и ныне, Честнейшую херувим: и 3 поклоны великия: Таже, молитва: Всесвятая Троице: и начинаем вечерню по обычаю: настоятель, или чтец глаголет: Приидите поклонимся, трижды. и поем вечерню, с поклоны, по чину постному. По обычной кафисме, на Господи воззвах, стихиры на 10: триоди самогласен дне, дважды, и мученичен, и подобны триоди 3: и Предтечи 4. Слава, Предтечи. И ныне, Богородичен по гласу, обычный. [Зри] Аще ли к среде, или пятку, глаголем Крестобогородичен, по гласу славника. Вход со Евангелием. Свете тихий: прокимен, и чтение дне: Да исправится молитва моя: и 3 поклоны великия. ектении малыя не глаголем. Прокимен, апостол, Аллилуиа, Евангелие Предтечи: Причастен: Вкусите: и Предтечи. Литургиа преждеосвященная по обычаю. на отпусте иерей поминает прежде празднуемаго святаго, потом наставшаго. [Зри] Святаго же прилучившагося на ряду канон поем на утрени по чину: стихиры же его, яже писаны на вечерни, на Господи воззвах, глаголем их на хвалитех. [Зри] Аще ли коея великия ради нужды в память святых великих имущих полиелей, не случится быти преждесвященней литургии, часы поем якоже выше речеся. По 9-м часе, и по молитве: Владыко Господи Иисусе Христе: глаголем и псалом: Благослови душе моя Господа, и вся внутренняя: Слава: Хвали душе моя Господа: И ныне: Единородный Сыне: И Во царствии твоем: поскору без пения. На блаженнах глаголем Предтечи, песнь 3-ю и 6-ю. Таже, апостол и Евангелие Предтечи. Посем: Помяни нас Господи: По Ослаби остави: и по Отче наш: кондак храма. Слава, Предтечи. И ныне, Богородицы храма. Аще же несть храма Богородицы: Предстательство христиан: таже, Господи помилуй, 40. и поклоны 3 великия, и в то время параекклисиарх знаменует в два кампана. И по триех поклонах великих, глаголем: Приидите, поклонимся: И поем вечерню, с поклоны, и кафисма обычная. На Господи воззвах, стихиры триоди подобны 3: и святаго Тарасиа 3. Слава, и ныне, Богородичен. Аще ли к среде, или пятку, глаголем: Слава, и ныне, Крестобогородичен. таже, Свете тихий: Прокимен, и чтения триоди дне. На стиховне, дне триоди. По Ныне отпущаеши: и по Отче наш: тропарь: Богородице Дево радуйся: и прочая по постному. По Честнейшую, и по поклонех глаголем трисвятое. Господи помилуй, 12. Всесвятая Троице: таже, Буди имя Господне: и 3 поклоны, и Благословлю Господа: Достойно есть: и отпуст. На отпусте же поминает наставшаго святаго. По отпусте же входим в трапезу, и ядим два варения с елеем, и пием вино. В среду же и пяток, ядим два варения без елеа, и пием вино.

[МРК] Аще ли случится Обретение честныя главы Предтечевы во един от дней постных:

И поем службу его сице: На часех, по Ослаби остави: и по Отче наш: кондаки по уставу. таже, Господи помилуй, 40. Слава, и ныне: Честнейшую херувим: и по поклонех глаголем трисвятое. Господи помилуй, 12: Всесвятая Троице: и абие начинаем вечерню. и обычная кафисма. глаголются же ектении малыя по коемждо антифоне. На Господи воззвах, стихиры на 10: триоди самогласен дне, дважды: и мученичен: и подобны триоди, 3: и Предтечи, 4. Слава Предтечи. И ныне: Кто тебе не ублажит: Вход. Таже, прокимен, и чтение дне. и Предтечи чтения 3. таже поем: Да исправится молитва моя: и 3 поклоны, и поряду литургиа преждесвященная. А идеже не будет преждесвященныя: по Ослаби остави: и по поклонех великих, чтец глаголет: Приидите, поклонимся: трижды: и поклоны 3, таже, псалом: Благослови душе моя Господа: и поем вечерню без поклонов. По обычней кафисме, стихиры на 6: триоди подобны 3: и Предтечи 3. Слава, Предтечи. И ныне, Богородичен: Кто тебе не ублажит: Вход, и Свете тихий: прокимен, и чтение дне, и Предтечи, и абие: Сподоби Господи: таже, Исполним вечернюю молитву: На стиховне триоди. Слава, Предтечи. И ныне, Богородичен по гласу. Ныне отпущаеши: по трисвятом, тропарь Предтечи. Слава, и ныне: Еже от века утаеное: ектениа: Помилуй нас Боже: посем 3 поклоны великия, и молитва: Всесвятая Троице: и Благословлю Господа: Достойно есть: и отпуст. Повечерие, поем великое без поклонов. По 1-м трисвятом тропарь Предтечи. Слава, и ныне, Богородичен воскресн, по гласу. По 2-м трисвятом, тропари обычныя: Помилуй нас Господи: По Достойно и по трисвятом, кондак Предтечи: а Господи сил с нами буди: не поем. По Честнейшую, 3 поклоны великия: трисвятаго же не глаголем: и отпуст малый. Полунощницу поем по обычаю с кафисмою, якоже предписася в понедельник 2-я недели поста, такожде и утреню, и всю службу Предтечи.

[МРК] Аще случится Обретение честныя главы Предтечевы в субботу 2-ю, или 3-ю постов:

В пяток вечера, кафисма рядовая. На Господи воззвах, стихиры на 10: Триоди самогласен, дважды: и октоиха мученичны 4: и Предтечи 4. Слава, Предтечи. И ныне, Богородичен 1-й гласа. Вход, прокимен, и чтение дне, и Предтечи 3. Да исправится молитва моя: и прочая преждесвященных. [Зри] Аще ли несть преждесвященных: на Господи воззвах, стихиры Предтечи на 6. Слава, Предтечи. И ныне, Богородичен 1-й гласа. Вход, прокимен, и чтение дне, и святаго. Таже, Сподоби Господи: На стиховне, триоди самогласен дважды, и мученичен октоиха, по гласу. Слава, Предтече: И ныне, Богородичен. По Ныне отпущаеши, тропарь Предтечи. Слава, и ныне, Богородичен воскресн настоящаго гласа, ектениа, и поклоны 3: таже молитва, Всесвятая Троице: Буди имя Господне: и псалом 33, Благословлю Господа: Достойно есть: и отпуст. [Зри] Повечерие же поем великое, на немже поем четверопеснец субботы. На утрени, и на часех поем единаго Предтечи, якоже предписася. На литургии, служба дне, и Предтечи.

[МРК] Аще ли случится Обретение главы Иоанна Предтечи во 2-ю неделю постов.

В субботу вечера, на малей вечерни стихиры воскресны и Богородицы, по обычаю. На велицей вечерни, на Господи воззвах, стихиры воскресны, 3, и анатолиев 1, и Предтечи на 6. Слава, Предтечи: И ныне, Богородичен 1-й гласа. Вход, и чтение Предтечи. На литии стихира храма, и Предтечи стиховныя. На стиховне стихиры воскресны по алфавиту. Слава, Предтечи: И ныне, Богородичен. На благословении хлебов, Богородице Дево, трижды. и чтение во апостольских посланиих. На Бог Господь, тропарь воскресн, дважды. Слава, Предтечи: И ныне, Богородичен, по гласу тропаря. По кафисмах седальны воскресны, и богородичны их, и чтение во евангелии. По полиелеи, седальны Предтечи, оба. Слава, по полиелеи седален: И ныне, Богородичен, и чтение Предтечи. Степенна, и прокимен гласа: и Евангелие воскресно: псалом 50. Слава, стихира, глас 8: Покаяния отверзи ми двери: и прочее. Канон воскресн со ирмосом на 4: и триоди на 4: и Предтечи на 6. Катавасиа, Отверзу уста моя: По 3-й песни, кондак триоди: таже кондак и икос Предтечи, и седален его дважды. Слава, и ныне, Богородичен: и чтение Предтечи. По 6-й песни кондак и икос воскресн. По 9-й песни светилен воскресн. Слава, Предтечи: И ныне, Богородичен воскресн. На хвалитех стихиры воскресны, 4: и Предтечи со славным 4: с припевы его. Таже припев: Воскресни Господи Боже мой: и поем самогласну стихиру триоди. Слава, туюжде: И ныне, Преблагословенна еси: Славословие великое. Тропарь воскресн, ектении, и отпуст, и исхождение в притвор. Слава, и ныне, стихира евангельская, и час 1-й: Тропарь воскресн. Слава, Предтечи: И ныне, Богородичен часов. По Отче наш, кондак триоди, и совершенный отпуст. На прочих же часех кондак триоди, и Предтечи пременяюще глаголем. На литургии, блаженна гласа на 6: и Предтечи песнь 3-я, на 4: и прочая служба дне, и Предтечи. [Зри] Святаго же Григориа службу поем, егда разсудит екклисиарх, в предыдущия недели, 4-ю, или 5-ю: или Предтечеву службу поем в субботу 2-ю.

[МРК] Аще ли случится Обретение честныя главы Иоанна Предтечи в неделю 3-ю постов, крестопоклонную.

В субботу вечера, на малей вечерни стихиры, и на стиховне, все триоди, по обычаю. На велицей вечерни, по кафисме, на Господи воззвах, стихиры воскресны 3: и Креста 4: и Предтечи 3. Слава, Креста 4: и Предтечи 3. Слава, Креста: И ныне, Богородичен 1-й гласа. Прокимен дне: и паремии Предтечи. На литии стихира храма, и Предтечи, яже суть на стиховне, и хвалитны. Слава, Предтечи: И ныне, Креста. На стиховне стихиры воскресны. Слава, Предтечи: И ныне, Креста. На благословении хлебов, Богородице Дево: дважды: Креста единожды: Спаси Господи люди твоя: На утрени, на Бог Господь, тропарь воскресн дважды. Слава, Предтечи: И ныне, Креста. По кафисмах седальны воскресны и богородичны их, и чтение во евангелии толковом. Полиелей Предтечи: и седальны оба. Слава, седален по полиелеи: И ныне, Богородичен, и чтение Предтечи. Степенна гласа. Прокимен и Евангелие воскресное. Воскресение Христово: псалом 50: и Покаяния отверзи ми двери: Канон воскресн со ирмосом на 4: и Предтечи на 4: и Креста на 6. Катавасиа Креста: Божественнейший прообрази: По 3-й песни, кондак и икос Предтечи, и седален его дважды. Слава, и ныне, Креста: и чтение Предтечи. По 6-й песни, кондак и икос Креста. На 9-й песни поем, Честнейшую: Светилен воскресн, Слава, Предтечи: И ныне, Креста. На хвалитех стихиры воскресны 4: и Креста подобны 3: 1-й дважды, с припевы их: Помяни сонм твой: 2-й, Бог же царь наш прежде века: таже припев, Воскресни Господи Боже мой: И поем самогласну стихиру дне, в триоди. Слава, туюжде: И ныне, Преблагословенна еси: Славословие великое, трисвятое пением. Посем, вход: глаголем тропарь: Спаси Господи, люди твоя: трижды. И бывает поклонение Честнаго Креста по обычаю, якоже указася в триоди. таже ектении и отпуст, и исхождение. Слава, и ныне, стихира евангельская: и поучение Студитово и час 1-й в притворе. На часех, тропарь воскресн. Слава, Креста: И ныне, Богородичен часов. По Отче наш, кондак воскресн. На 3-м часе, тропарь воскресн. Слава, Предтечи: И ныне, Богородичен часов. По Отче наш: кондаки глаголем пременяюще. На литургии, блаженна гласа, на 4: и Креста песнь 3-я, на 4: и Предтечи 6-я, на 4. По входе тропарь воскресн, и Креста, и Предтечи. Таже кондак воскресн. Слава, Предтечи: И ныне, Креста. Прокимен, апостол, Аллилуиа, Евангелие, и причастен, прежде Креста, и потом Предтечи.

25. Иже во святых отца нашего Тарасиа, архиепископа Константиня града.

Стихиры, глас 2. Подобен: Егда от древа: Тропарь: Правило веры: септемвриа во 2-й день. На утрени, канон, глас 2, на 4. По 3-й песни, седален, глас 3. По 6-й песни,

Кондак, глас 3. Подобен: Дева днесь: Православными догматы церковь уяснив, и Христову блаженне честную икону почитати и покланятися всех научив, обличил еси иконоборцев безбожное веление. сего ради вопием ти: о отче радуйся, мудре Тарасие.

26. Иже во святых отца нашего Порфириа, архиепископа Газскаго.

Стихиры, глас 8. Подобен: О преславнаго чудесе! Тропарь: Правило веры: септемвриа во 2-й день. На утрени, канон, глас 4. По 3-й песни, седален, глас 3. По 6-й песни,

Кондак, глас 2. Подобен: Вышних ищя: Священнейшими твоими нравы украшаемь, священства одеждею озарился еси всеблаженне богомудре Порфирие, и исцелений удобряеши возвышеньми, моляся непрестанно о всех нас.

27. Преподобнаго отца нашего и исповедника Прокопиа Декаполита.

Стихиры, глас 4. Подобен: Яко добля: Тропарь, глас 8: Слез твоих теченьми: септемвриа в 3 день. На утрени, канон, глас 6, на 4. По 3-й песни, седален, глас 4. По 6-й песни,

Кондак, глас 4. Подобен: Явился еси: Денницу днесь церковь имущи, всякую злославия мглу разгоняет, почитающи тя небеснотаинниче Прокопие преславне.

28. Преподобнаго отца нашего и исповедника Василиа, спостника святаго Прокопиа.

Стихиры, глас 4. Подобен: Дал еси знамение: Тропарь, глас 1: Пустынный житель: септемвриа в 29-й день. На утрени, канон, глас 4, на 4. По 3-й песни, седален, глас 3. По 6-й песни,

Кондак, глас 2. Подобен: Вышних ищя: С высоты приим божественное откровение, изшел еси мудре от среды молв, и монашествовав преподобно, чудес приял еси действо, и недуги исцеляти благодатию, Василие всеблаженне священнейший.

29. Преподобнаго отца нашего Кассиана Римлянина.

Егда имать февруарий месяц 28 дней, тогда служба святаго Кассиана поется на повечерии. Аще же есть висектос: стихиры, глас 6. Подобен: Всю отложивше: На утрени, канон, глас 2, на 4. По 3-й песни, седален, глас 4.

Месяц март

имеяй дней 31. День имать часов 12, и нощь часов 12.

1. Святыя преподобномученицы Евдокии.

Аще есть четыредесятница, поем Аллилуиа, аще же ни, тропарь. На Господи воззвах стихиры, глас 4. Подобен: Дал еси знамение:

Тропарь, глас 8: Правостию умною душу твою привязавши в любовь Христову, тленных и красных и временных забытием претекла еси, яко Слова ученица: пощением страсти первее умертвивши, страдальчески второе врага посрамила еси. тем Христос сугубых венца сподоби тя славная Евдокие. преподобная страстотерпице, моли Христа Бога спастися душам нашим.

На утрени, канон, глас 2. По 3-й песни, Седален, глас 8. По 6-й песни,

Кондак, глас 4: Во страдании твоем добре подвизавшися, и по смерти нас освящаеши чудес излиянии, всехвальная, верою прибегающия в божественную церковь твою: и торжествующе молим тя, преподобная мученице Евдокие, да избавимся недуг душевных, и чудес благодать почерпем.

И икос.

2. Святаго священномученика Феодота, епископа Киринейскаго.

Аллилуиа, или тропарь. Стихиры, глас 4. Подобен: Яко добля: На утрени, канон, глас 4. По 3-й песни, Седален, глас 4. По 6-й песни,

Кондак, глас 3: Море зловерия обличил еси, и идольскаго безбожия лесть верою правоверия уязвил еси. и всесожжение божественное быв, чудодействием орошаеши концы, отче святителю Феодоте: Христа Бога моли, даровати нам велию милость.

🕃 В тойже день преставление иже во святых отца нашего Арсениа, епископа Тверскаго.

Совершается собор его во Твери.

Тропарь, глас 8: Благочестно пожив во святительстве, люди просветил еси учением твоим: и о храме Пречистыя вельми подвизався, и любитель монахов быв, сего ради от Христа паствы твоея венец приял еси. темже яко апостольскаго престола наместника и святителя великаго чтуще тя, молим чада твоя блаженне: от всех бед избави нас, яже ко Христу молитвами твоими, святителю Христов Арсение отче наш.

Кондак, глас 8: Восприемши радостно честныя твоя мощи пречистая церковь, в нюже честно вносими множеством священномонахов, и князи благоверными, и яже приемше, яко сокровище многоценное. темже и мы ныне твоея ограды словесныя овцы, окрест раки твоея предстояще, любезно вопием ти: не забуди чад твоих отче, ихже мудре собрал и возлюбил еси, яко да зовем ти: радуйся святителю Арсение, пастырю и учителю наш.

3. Святых мученик, Евтропиа и дружины его, Клеоника и Василиска.

Аллилуиа, или тропарь. Стихиры, глас 1. Подобен: Всехвальнии:

4. Преподобнаго отца нашего Герасима, иже на Иордане.

Стихиры, глас 8. Подобен: О преславнаго чудесе! На утрени, канон, глас 8. По 3-й песни, Седален, глас 4. По 6-й песни,

Кондак, глас 4. Подобен: Вознесыйся: Возгоревся рачением горним, жестость пустыни иордановы паче всех мира сладких предпочел еси: отонудуже повинувся тебе зверь даже до смерти отче, послушне, и жалостне на гробе твоем скончася, прославльшу тя тако Богу: к немуже моляся и о нас, отче Герасиме, поминай.

5. Святаго мученика Конона.

Аллилуиа. Стихиры, глас 8. Подобен: О преславнаго чудесе! На утрени, канон, глас 6. По 3-й песни, Седален, глас 8. По 6-й песни,

Кондак, глас 3: Чистотою яко ангел на земли пожив, отонудуже собеседник ангелом быти сподобился еси, и родители ко Христову познанию привел еси: и единаго Бога в Троице исповедав, пострадал еси до крове мучениче Кононе, моли его непрестанно о всех нас.

6. Святых 42 мученик, иже во Аммории.

День имать часов 12, и нощь 12.

Аллилуиа: или тропарь. Стихиры, глас 4. Подобен: Званный свыше: Аще случится в субботу или в неделю, поются самогласны две: Слава, глас 2. Церковь днесь торжествует: На стиховне, Слава, глас 6: Полк боговенчанен: Тропарь, глас 4: Мученцы твои Господи: септемвриа в 20 день. На утрени, канон, глас 8. По 3-й песни,

Кондак, глас 4. Подобен: Вознесыйся: На земли Христа ради страдальчествовавше, явльшеся благочестивии венечницы, небеса приясте жити в радости: всякую бо кознь вражию низложивше болезньми и кровьми ваших язв хвалящим свыше присно грехов разрешение подаваете.

Таже, Седален, глас 8. По 6-й песни,

Кондак, глас 2. Подобен: Вышних ищя: Новоявленныя звезды веры, за Христа усердно пострадавшия, похвальными венцы достойне вси венчаем, о нас молящияся Христу: яко суще столпи, и забрала христианскаго начальства.

И икос. По 9-й песни, светилен святых.

7. Святых священномученик, в Херсоне епископствовавших: Василиа, Ефрема, Капитона, Евгениа, Ефериа, и прочих.

Аллилуиа. Стихиры, глас 4. Подобен: Дал еси знамение: На утрени, канон, глас 4. По 3-й песни, Седален, глас 3. По 6-й песни,

Кондак, глас 2. Подобен: В вышних живый: Светоносный день наста пастырей, епископстовавших светло в Херсоне, ихже воспеваем праздник, пострадавших за Христовы овцы. священномученицы молите пастыреначальника Христа, и нас причести деснаго овец стояния, да вопием вам: радуйтеся священнии отцы, за Христа кровь свою излиявшии.

8. Преподобнаго отца нашего и исповедника Феофилакта, епископа Никомидийскаго.

Аллилуиа. Стихиры, глас 1. Подобен: Всехвальнии: На утрени, канон, глас 8. По 3-й песни, Седален, глас 8. По 6 песни,

Кондак глас 2. Подобен: Вышних ищя: Светильник светел показался еси в концех святителю Феофилакте: единосущна Отцу и Духу Слова ты проповедав, божественных отец собор уяснил еси, Троице угодник явился еси: Ейже предстоя моли непрестанно о всех нас.

9. 🕂 Святых 40 мученик, в Севастийском езере мучившихся.

Вечер, на Господи воззвах, предваряет триоди самогласен дне дважды: и мученичен, и подобны 3. Посем стихиры мучеников самогласны на 4, глас 2. Слава, глас тойже: Терпяще настоящая: 1-ю стихиру. И ныне, Богородичен: Прейде сень: Вход. чтения дне, и святых 3: Тако глаголет Господь, вси язы́цы: И прочее возследование преждесвященныя. Аще же не совершается преждесвященная, на Господи воззвах, поем стихиры на 6, триоди подобны 3, и мучеников 3. Слава, святых: И ныне, Богородичен: и по чтении: Сподоби Господи: и ектениа: Исполним вечернюю: На стиховне, триоди самогласен дне, дважды: и мученичен. Слава, святых, глас 6: В песнопениях восхвалим: И ныне, Богородице ты еси лоза: По Ныне отпущаеши:

Тропарь, глас 1: Болезньми святых, имиже о тебе пострадаша, умолен буди Господи, и вся наша болезни исцели человеколюбче, молимся.

Слава, и ныне: Гавриилу вещавшу: Ектениа, и 3 поклоны великия, и отпуст. На утрени, на Бог Господь, тропарь дважды. Слава, и ныне, Богородичен, и обычныя кафисмы. По 1-й, и по 2-й кафисме, седальны триоди. Ектений же не глаголем. По 3-й же кафисме глаголет иерей ектению малую. Таже седален, глас 4. Слава, ин: И ныне, Богородичен: и чтение. По полиелеи седален, глас 5, дважды. Слава, и ныне, Богородичен. Степенна, 1-й антифон 4-го гласа. Прокимен, глас 4: Проидохом сквозе огнь и воду: Стих: Разжегл ны еси, якоже разжизается сребро. Всякое дыхание: Евангелие Луки, зачало 106. По 50-м псалме стихира, глас 2: Пророчески убо вопияше Давид: Канона святых два со ирмосом на 8, глас 2. Катавасиа, Отверзу уста моя: А идеже трипеснец, и поем каноны святых со ирмосом на 6: и триоди по чину их, на 8. Последи ирмос триоди. По 3-й песни, седален, глас 8, дважды. Слава, и ныне: Богородичен. По 6-й песни,

Кондак глас 6. Подобен: Еже о нас: Все воинство мира оставльше, на небесех Владыце прилепистеся, страстотерпцы Господни четыредесять: сквозе огнь бо и воду прошедше блаженнии, достойно восприясте славу с небес, и венцев множество.

И икос. По 9-й песни, светилен мучеников: Слава, ин: И ныне, Богородичен. На хвалитех стихиры, глас 5. Подобен: Радуйся: Слава, глас тойже: Страстотерпцы Христовы: И ныне, Блажим тя Богородице Дево: На стиховне триоди самогласен дне, дважды: и мученичен. Слава, глас 2: Истины чашею: И ныне, Непроходимая дверь: Таже, Благо есть: единожды. Трисвятое. тропарь святых. Ектениа и 3 поклоны великия: час 1, с кафисмою, и отпуст. Во время же свое бывает, 3-й, 6-й, и 9-й час по чину их, с кафисмами: и блаженны поскору, и прочее. На коемждо часе по 3 поклоны великия. В тойже день вечера, по обычной кафисме, на Господи воззвах, ставим стихов 10. и поем триоди самогласен дне дважды, и мученичен, и подобны 3: и святых 4, глас 1: Лик четверодесятосиянный: дважды: глас 2: Езеро яко рай: Слава, глас тойже: Пророчески убо вопияше: И ныне Богородичен: Все упование: Аще к среде или пятку, Крестобогородичен: Вход с Евангелием. Прокимен дне, и чтение триоди. И Да исправится молитва моя: Ектениа малая. Посем прокимен, глас 5: Ты Господи сохраниши ны, и соблюдеши ны от рода сего и во век. Стих: Спаси мя Господи, яко оскуде преподобный. Апостол ко евреем, зачало 331. Аллилуиа, глас 4: Воскликните Господеви вся земля, пойте же имени его. Стих: Яко искусил ны еси Боже, разжегл ны еси, якоже разжизается сребро. Евангелие Матфеа, зачало 80. и прочее божественная литургиа преждесвященных. Причастен, Радуйтеся:

[МРК] Аще случится 40 мученик в субботу 1-я недели постов, и 2-я, и 3-я, и 4-я.

Поется служба их непременно, якоже предуказася на Обретение честныя главы Предтечевы.

[МРК] Аще случится 40 мученик в неделю 1-ю постов, или 2-ю, и 3-ю, и 4-ю, и 5-ю.

И поем службу их по Предтечеве главе неизменно.

[МРК] Аще случится 40 мученик в понедельник 2-я недели постов, или 3-я, или 4-я, или 5-я, или 6-я.

Поется им по тойже главе Предтечеве.

[МРК] Аще ли святых 40 мученик случится в среду 4-ю постов.

Поем службу их прежде во вторник тоя седмицы. Точию во вторник вечера, на Господи воззвах, стихиры триоди, самогласен дне дважды, и Креста 4, и мучеников 4. Слава, мучеников: И ныне, Креста. Другия же стихиры Креста поем в среду на хвалитех. Таже вход: прокимен и чтения дне. и Да исправится молитва моя.

Аще же не будет преждесвященныя. И во вторник вечера, на Господи воззвах, стихиры Креста на 6: Святых же мучеников 40, отдается праздник на часех, якоже указася Предтечи, в понедельник 2-я недели постов.

[МРК] Аще ли случится 40 мученик в четверток великаго канона.

И поется служба их вся во вторник напред тояже недели.

[МРК] Аще ли случится 40 мученик в субботу акафиста.

И поем службу их в неделю 5-ю постов.

10. Святаго мученика Кодрата, и дружины его.

Аллилуиа. Стихиры, глас 1. Подобен: Небесных чинов: На утрени, канон, глас 4. По 3-й песни, седален, глас 4:

11. Иже во святых отца нашего Софрониа, патриарха Иерусалимскаго.

Стихиры, глас 4. Подобен: Яко добля: На утрени, канон, глас 4. По 3-й песни, седален, глас 4. По 6-й песни,

Кондак, глас 8. Подобен: Взбранной: Иже божественною ревностию подвигся, и истинных повелений устне распростер, церковная основания благоузаконив, и тамо сущим монашеским составом предав, премудрый в патриарсех иерусалимский Софроние, всемудрая словеса во свет извел еси, имиже наставляеми зовем ти: радуйся, светлая православных похвало.

🕃 В тойже день преставление, иже во святых отца нашего Евфимиа архиепископа, Новгородскаго чудотворца.

Совершается собор его в Новеграде, и во обители его.

Тропарь, глас 4: Избран быв Богови от юности, святителю Евфимие, и сего ради архиерейства саном почтен быв, упасл еси люди, иже тебе Богом врученныя: темже и по преставлении чудес дарования от Господа приял еси, исцеляти различныя недуги. Того моли о нас совершающих честную память твою, да тебе вси непрестанно ублажаем.

Кондак, глас 8: Яко архиереем сопрестольник, и святителем изрядный поборник был еси святителю Евфимие: не престай сохраняя отечество твое, град же и люди, иже тебе верою почитающия, и честным мощем твоим покланяющияся, да велегласно тебе вси вопием: радуйся святителю богомудре.

12. Преподобнаго отца нашего и исповедника Феофана Сигрианскаго.

Аллилуиа. Стихиры, глас 8. Подобен: О преславнаго чудесе! На утрени, канон, глас 4. По 3 песни, седален, глас 8. По 6-й песни,

Кондак, глас 2. Подобен: Вышних ищя: Свыше прием божественное откровение, со тщанием изшел еси от среды молвы житейския, и уединився преподобне, чудес приял еси действо, и пророчества достоинство, богатства и супружницы лишився.

13. Пренесение мощей иже во святых отца нашего Никифора, патриарха Царя града.

Аллилуиа. Стихиры, глас 1. Подобен: Небесных чинов: На утрени, канон, глас 2. По 3-й песни, седален, глас 3. По 6-й песни,

Кондак, глас 1. Подобен: Лик ангельский: Лик патриаршеский святую твою память хвалами и песньми Никифоре чествует: в преложении бо прият душу твою, славне. тем днесь честная церковь, величающи Христа Царя, славит единаго человеколюбца.

14. Преподобнаго отца нашего Венедикта.

Аллилуиа. Стихиры, глас 2. Подобен: Егда от древа: На утрени, канон, глас 2. По 3-й песни, седален, глас 1. По 6-й песни,

Кондак, глас 6: Благодатию Божиею обогатился еси, делы же известил еси звание: и явился еси Венедикте, угодниче Христа Бога, в молитвах и постех, дарований Божия Духа исполнен: и был еси недужным исцелитель, и прогонитель врагом, и заступник скорый душам нашим.

15. Святаго мученика Агапиа, и с ним шести мученик.

Аллилуиа. Стихиры, глас 8. Подобен: О преславнаго чудесе! На утрени, канон, глас 8. По 3-й песни, седален, глас 8.

16. Святых мученик Савина и Папы.

Аллилуиа. Стихиры, глас 8. Подобен: Что вы наречем: На утрени, канон, глас 8. По 3-й песни, седален, глас 8.

Кондак, глас 2. Подобен: Твердыя: Божественная прозябения, цвет неувядающий, розга многоплодная богоносе Савине, верою чтущих память твою, веселия твоего исполни, и молися непрестанно о всех нас.

17. Преподобнаго отца нашего Алексиа человека Божия.

Стихиры, глас 1. Подобен: Всехвальнии: Слава, глас 6: Тихое твое отче и молчаливое:

Тропарь, глас 4: Возвысився на добродетель, и ум очистив к желанному и крайнему достигл еси: безстрастием же украсив житие твое, и пощение изрядное восприим совестию чистою, в молитвах яко безплотен пребывая, возсиял еси яко солнце в мире, преблаженне Алексие.

Канон, глас 2. По 3 песни, седален, глас 3. По 6-й песни,

Кондак, глас 2: Дом родителей твоих яко чуждь имев, водворился еси в нем нищеобразно: и по преставлении венец прием славы, дивен на земли явился еси Алексие человече Божий, ангелом и человеком радование.

И икос.

🕃 В тойже день преподобнаго отца нашего игумена Макариа, Колязинскаго чудотворца.

Совершается собор его во обители его.

Тропарь, глас 8: Плотская мудрования отче Макарие, воздержанием и бдением умертвил еси: место бо, на немже поты твоя излиял еси, яко труба вопиет к Богу, поведающи твоя исправления: и по смерти честныя твоя мощи источают исцеления. темже вопием ти: моли Христа Бога, да спасет души наша.

Кондак, глас 2. Подобен: Вышних ищя: Вышних желая, воздержанием и труды, и поты насладився, желание плоти твоея обуздав, чудес дар прием о Христа Бога светильник явился еси пресветлый: темже Христова церковь песньми славит тя, преподобне Макарие отче наш.

18. Иже во святых отца нашего Кирилла, архиепископа Иерусалимскаго.

Аллилуиа. Стихиры, глас 4. Подобен: Яко добля: На утрени, канон, глас 4. По 3-й песни, седален, глас 8. По 6-й песни,

Кондак, глас 1: Языком твоим мудре, божественными вдохновеньми, просветил еси твоя люди, едину чести Троицу естеством нераздельну, разделяему же лицы: темже радующеся, всесвятую твою память празднуем, иже к Богу молитвенника тя предлагающии.

19. Святых мученик, Хрисанфа и Дарии.

Аллилуиа. Стихиры, глас 4. Подобен: Дал еси знамение: На утрени, канон, глас 4. По 3-й песни, седален, глас 3.

20. Преподобных отец наших во обители святаго Саввы убиенных.

Стихиры, глас 4. Подобен: Яко добля: На утрени, канон, глас 8. По 3-й песни, седален, глас 8. По 6-й песни,

Кондак, глас 4. Подобен: Вознесыйся: Земных и тленных наслаждение презревше яве, преблаженнии, пустынное житие изволивше, мира же краснейшее и пищи временныя возненавидевше, отонудуже сподобистеся небеснаго царствия, с лики мученик и постник веселящеся. темже чтуще память вашу, вопием вам прилежно: о бед нас отцы избавите.

21. Преподобнаго отца нашего и исповедника Иакова епископа.

Аллилуиа. Стихиры, глас 4. Подобен: Дал еси знамение: На утрени, канон, глас 2. По 3-й песни, седален, глас 4.

22. Святаго священномученика Василиа, пресвитера Агкирския церкве.

Аллилуиа. Стихиры, глас 4. Подобен: Званный свыше: На утрени, канон, глас 6. По 3-й песни, седален, глас 3. По 6-й песни,

Кондак, глас 8. Подобен: Взбранной: Законно течение совершив, и веру соблюл еси священномучениче Василие: сего ради мучения венцев сподобился еси, и церкве столп непоколебимь явился еси, Сына Отцу собезначальна, и Духу, исповедав Троицу нераздельную: юже моли, избавитися от бед чтущим тя, да зовем ти: радуйся Василие богомудре.

23. Святаго преподобномученика Никона и дву сту ученик его, с ним мучившихся.

Аллилуиа. Стихиры, глас 4. Подобен: Яко добля: На утрени, канон, глас 4. По 3-й песни, седален, глас 4.

24. Предпразднство Благовещения Пресвятыя Богородицы. И преподобнаго отца нашего Захарии: И иже во святых отца нашего Артемиа, епископа Фессалонитскаго.

Вечер, обычная кафисма. На Господи воззвах самогласен дне дважды, и мученичен, и подобны триоди три: и предпразднства, на 4: глас 4. Подобен: Яко добля: Слава, и ныне, глас 2: Благовествует Гавриил: Вход. Прокимен: и чтения дне, и прочая служба преждесвященных. А идеже несть преждесвященных, на Господи воззвах, стихиры, подобны триоди три: и предпразднства 3. Слава, и ныне: Благовествует Гавриил: На стиховне самогласен триоди дважды, и мученичен. Слава, и ныне, предпразднства, глас 2: Еже от века: На утрени, Аллилуиа, и троичны гласа. Аще случится в субботу, или в неделю, на Бог Господь.

Тропарь, глас 4: Днесь всемирныя радости начатки, предпразднственное воспети повелевают. се бо Гавриил приходит, Деве нося благовестие, и к ней вопиет: радуйся благодатная, Господь с Тобою.

И обычныя кафисмы, и прочая по обычаю. Канон предпразднства, со ирмосом на 6, глас 4: и триоди по чину их. По 3-й песни, седален, глас 4. Подобен: Явился еси: Нашествием Духа Всесвятаго: Слава, и ныне, другий: глас 3. Подобен: Красоте: Днесь вся тварь радуется: По 6-й песни,

Кондак, глас 8. Подобен: Взбранной: Всем земным начало спасения нашего ты еси Богородице Дево: Божий бо служитель с небес послан предстати тебе, великий чиноначальник Гавриил, радость обрадованную ти принесе. тем вси зовем ти: радуйся Невесто неневестная.

По 9-й песни, аще суббота, светилен предпразднства дважды. На стиховне триоди самогласен дне дважды: и мученичен. Слава, и ныне, предпразднства, глас 4: Языка егоже не ведяше: И час 1-й, с кафисмою, и с поклоны, по обычаю.

[Зри] Подобает ведати, аще случится предпразднство Благовещения Пресвятыя Богородицы в субботу 3-я или 4-я недели постов.

В пяток вечера, кафисма обычная. На Господи воззвах, поем стихиры на 10: триоди самогласен дне дважды, и мученичны 4, гласа: и предпразднства на 4: Слава, предпразднства: И ныне, Богородичен 1-й, настоящаго гласа. Вход, Свете тихий: прокимен: чтения дне. Да исправится: и прочее преждесвященных. [Зри] Аще несть преждесвященных: На Господи воззвах, стихиры предпразднства на 6. Слава, предпразднства: И ныне, Богородичен 1-й гласа. таже, Свете тихий, без входа. прокимен, и чтения дне. Посем: Сподоби Господи: и ектениа: Исполним вечернюю: На стиховне самогласен триоди, дважды писан на Господи воззвах: и мученичен по гласу его, от октоиха: припевы же глаголем обычныя: К тебе возведох: Слава, и ныне, предпразднства. По Ныне отпущаеши, тропарь предпразднства. таже ектениа: Помилуй нас Боже: и три поклоны великия. Посем: Всесвятая Троице: Буди имя Господне: трижды. таже, Достойно есть: и отпуст. [Зри] Повечерие поем великое без поклонов. По 1-м трисвятом, Вместо, Просвети очи мои: глаголем тропарь предпразднства: Днесь всемирныя: По 2-м трисвятом тропари обычныя: Помилуй нас Господи: Канон октоиха мертвен. По Достойно: кондак предпразднства. На утрени, на Бог Господь, тропарь предпразднства трижды: и обычныя кафисмы: и седальны октоиха. Непорочны за упокой не поем. Песни же 7-ю и 8-ю, глаголем прежде в пяток. Канон предпразднства, со ирмосом на 6: ирмос дважды. По 3-й песни, седален предпразднства. Слава, и ныне, другий. [Зри] Егда же приспеет четверопеснец, и поем канон предпразднства, якоже предуказася: и триоди на 8. По 6-й песни, кондак предпразднства. По 9-й песни, светилен предпразднства. На стиховне октоиха настоящаго гласа мученичны хвалитны: Припевы же глаголем обычныя: Исполнихомся: И буди светлость: Слава, и ныне, предпразднства, глас 4: Языка, егоже не ведяше: На часех, тропарь и кондак предпразднства. На литургии, блаженна предпразднства, песнь 3-я и 6-я. По входе тропарь храма Христова, аще есть. таже тропарь предпразднства: Слава, кондак храма: И ныне, предпразднства.

[Зри] Аще предпразднство Благовещения случится в неделю крестопоклонную.

В субботу на велицей вечерни, на Господи воззвах, стихиры воскресны 3, Креста 4, и предпразднства 3. Слава, Креста: И ныне, Богородичен 1-й гласа. На литии стихира храма. Слава, Креста: И ныне, предпразднства, писана на Господи воззвах. На стиховне стихиры октоиха. Слава, Креста: И ныне, предпразднства, писан на утрени на стиховне. На благословении хлебов тропарь: Богородице Дево радуйся: дважды: и Креста: единожды. и Буди имя Господне: трижды. На утрени, на Бог Господь, тропарь воскресн дважды. Слава, Креста: И ныне, предпразднства: и прочее обычно. Канон воскресн со ирмосом на 4, и Креста на 6, и предпразднства на 4. Катавасиа: Божественнейший прообрази: По 3-й песни, кондак предпразднства: и седальны Креста: Слава, и ныне, предпразднства. По 6-й песни, кондак и икос Креста. По 9-й песни, светилен воскресн. Слава, Креста: И ныне, предпразднства. Прочее же на хвалитех, и на литургии, все, якоже писано в неделю 3-ю поста, точию на часех тропарь воскресн глаголем непременно: Слава, Креста и предпразднства, глаголем пременяюще. По Отче наш: кондаки на всех часех глаголем Креста, и предпразднства, пременяюще.

[Зри] Аще случится предпразднство Благовещения в понедельник 4-я, или 5-я, или 6-я недели постов:

В неделю вечера, стихиры на 10, октоиха покаянныя 4, и триоди 3, и предпразднства 3. Слава, и ныне, предпразднства. Вход, прокимен великий. Таже, Сподоби Господи: и поклоны 3. посем ектениа: Исполним вечернюю: Таже, поем стиховну в триоди с припевы обычными: Слава, и ныне, предпразднства, писан на утрени на стиховне, глас 4: Языка егоже не ведяше: посем, Ныне отпущаеши: и трисвятое с поклоны, и тропарь: Богородице Дево радуйся: с поклоны. и Господи помилуй, 40: и Небесный Царю: по Честнейшую, 3 поклоны, и отпуст. На утрени, поем Аллилуиа, и троичны гласа, и обычныя кафисмы, и прочее поем на утрени и на часех, якоже указася прежде в ряду в 24-й день.

[МРК] Аще случится предпразднство Благовещения в среду 4-ю постов, еже есть крестопоклонную.

Вечер, и утро поем все с поклоны. Во вторник вечера, кафисма рядовая. На Господи воззвах, стихиры триоди 3, и предпразднства 3. Слава, Креста: И ныне, предпразднства. Прокимен, и чтения дне. На стиховне стихиры триоди. Слава, Креста: И ныне, предпразднства. На утрени, в среду канон триоди со ирмосом на 6: и предпразднства на 4: [Зри] А идеже трипеснец, поем канон Креста со ирмосом на 4: и предпразднства на два: по два тропаря за един, и трипеснец на 8: последи ирмос трипеснца. По 3-й песни, кондак предпразднства и седален дне: Слава, и ныне, предпразднства. По 6-й песни, кондак и икос Креста. По 9-й песни, светилен троичен гласа. На хвалитех стихиры Креста, писаны на Господи воззвах, оставшия. На стиховне триоди: Слава, Креста: И ныне, предпразднства. На 1-м часе, бывает поклонение Креста, по обычаю. Сице поем службу предпразднства, и Креста, и в пяток, аще случится, тояже недели.

[МРК] Аще случится предпразднство Благовещения в четверток 4-я недели постов.

В среду вечера, на Господи воззвах, стихиры на 10: триоди на 6: и предпразднства на 4. Слава, Креста: И ныне, предпразднства. Таже вход, и прочее преждесвященных. На утрени же, поем все, якоже указася на ряду в 24-й день.

[Зри] Подобает ведати, аще случится Благовещение Пресвятыя Богородицы в среду 5-я недели постов.

И предпразднства Благовещения, поем службу, стихиры и канон в понедельник, на ряду: минеи же святаго поем на повечерии.

[Зри] Аще ли же случится предпразднство Благовещения Пресвятыя Богородицы в четверток 5-я недели постов.

И поем службу предпразднства, стихиры и канон напреди в среду на ряду, великаго ради канона: рядоваго же святаго службу такожде поем на повечерии.

[МРК] Аще случится предпразднство Благовещения Пресвятыя Богородицы в неделю 4-ю, или 5-ю постов.

На велицей вечерни, стихиры воскресны 3: и анатолиевы 3: и предпразднства 4. Слава, предпразднства: И ныне, Богородичен гласа, и прочее по обычаю. На утрени, на Бог Господь, тропарь воскресн дважды. Слава, и ныне, предпразднства: и прочее воскресно и до канона. Канон воскресн со ирмосом на 4: и Богородицы на 2: и триоди на 4: и предпразднства на 4. Катавасиа: Отверзу уста моя: По 3-й песни, кондак предпразднства: и седален триоди. Слава, и ныне, предпразднства. По 6-й песни, кондак и икос воскресн. По 9-й песни, светилен воскресн: Слава, и ныне, предпразднства. На хвалитех стихиры воскресны по обычаю. Посем глаголем припев: Воскресни Господи Боже мой: и поем самогласен триоди: Слава, паки тойже. И ныне, Преблагословенна еси: Славословие великое. И прочее по обычаю. На 1-м часе, тропарь воскресн: Слава, предпразднства: И ныне, Богородичен часов. Святых же службы, Иоанна лествичника, и Марии египтяныни, в сия недели оставляются, и поются егда екклисиарх разсудит.

[МРК] Аще случится предпразднство благовещения в субботу пятую акафиста.

В пяток вечера, на Господи воззвах, поем стихиры, самогласен дне, дважды: и мученичен: и акафиста на 4: и предпразднства, 3. Слава, предпразднства: И ныне, акафиста. Вход, прокимен, и чтения дне. Да исправится: и прочее преждесвященных. [Зри] Четверопеснец же триоди поем на повечерии. На утрени, на Бог Господь, тропарь акафиста, дважды. Слава, и ныне, предпразднства: и обычныя кафисмы. Кондаки и икосы акафиста, по чину их. Канон предпразднства, со ирмосом на 6: и акафиста на 8. Катавасиа: Отверзу уста моя: По 3-й и по 6-й песни, кондаки и икосы по обычаю. По 9-й песни, светилен акафиста дважды. Слава, и ныне, предпразднства. На хвалитех стихиры акафиста на 4, глас 4. Подобен: Яко добля: Слава, и ныне, глас 4: Языка егоже не ведяше: Славословие великое, и отпуст.

[Зри] Аще случится предпразднство Благовещения в субботу Лазареву.

И поется предпразднства служба прежде в четверток тояже седмицы, якоже указася сего месяца в 24 день.

25. 🕀 Благовещение Пресвятыя Владычицы нашея Богородицы и Приснодевы Марии.

Начинается от четвертка 3-я недели святых постов, и восходит до среды светлыя седмицы, и аще есть пост, начинаем вечерню без кафисмы и без поклонов. На Господи воззвах, ставим стихов 10: и поем в триоди самогласен дне дважды, и подобны 3: и праздника 3: повторяюще две, глас 6. Подобен: Всю отложивше: Совет превечный: Слава, и ныне, глас тойже: Послан бысть: Вход. Свете тихий: Прокимен, и чтения дне, и праздника 3: 1-е, Бытия, Изыде Иаков от студенца: 2-е, Пророчества Иезекиилева: Будет от дне осмаго: 3-е, Притчей: Премудрость созда себе дом: Таже, Да исправится: и поклоны 3 великия: и прочая преждесвященных. [Зри] Аще же несть преждесвященных, на Господи воззвах: стихиры подобны 3, триоди: и праздника 5. Слава, и ныне: Послан бысть: Вход, прокимен, и чтения дне и праздника 3. Таже, Сподоби Господи: На стиховне самогласен дне, дважды: и мученичен. Слава, и ныне: Днесь радость: По Ныне отпущаеши: тропарь праздника. Ектениа, и 3 поклоны великия: и отпуст. На трапезе же разрешаем на вино и елей, в кийлибо день случится, во славу Пресвятыя Богородицы. При часе же 1-м нощи ударяет в великий кампан довольно, и потом во вся. И собравшеся во храм, благословившу иерею, и кадящу, поем повечерие великое, и С нами Бог: с пением, на глас 8, на оба лика, и обычныя тропари: День прешед: По 1-м трисвятом, тропарь праздника: Днесь спасения нашего: По 2-м кондак праздника: Взбранной воеводе: И по Слава в вышних: творим исхождение в притвор, и бывает литиа по обычаю, и поем стихиры праздника, самогласны 3, глас 1. Аще суббота или неделя, Слава, глас 8: Да веселятся небеса: И ныне, глас 2: Благовествует Гавриил: Аще же день постен, Слава, и ныне: Благовествует Гавриил: Таже молитвы обычныя бдения. И вшедше во храм, поем На стиховне стихиры праздника, глас 4, с припевы праздника: Первый, Благовестите день от дне спасение Бога нашего. Вторый, Воспойте Господеви песнь нову, яко дивна сотвори Господь. Слава, и ныне, глас тойже: Днесь радость благовещения: На благословении хлебов,

Тропарь, глас 4: Днесь спасения нашего главизна, и еже от века, таинства явление: Сын Божий, Сын Девы бывает, и Гавриил благодать благовествует. темже и мы с ним Богородице возопиим: радуйся благодатная, Господа с тобою. трижды.

И Буди имя Господне: с пением, трижды. и псалом 33: Благословлю Господа: до Не лишатся всякаго блага. И раздаются благословенныя хлебы братии по обычаю, и чтение праздника. На утрени, на Бог Господь: тропарь праздника трижды. и глаголем три кафисмы. По 1-й кафисме, оба седальны в триоди, без ектении: и чтение. По 2-й кафисме ектениа, и седален праздника, глас 1. Подобен: Гроб твой: Великий воевода: Слава, и ныне, тойже: и чтение праздника. По 3-й кафисме, седален праздника, глас 3. Подобен: Красоте девства: Днесь вся тварь радуется: Слава, и ныне, тойже. По чтении же даются свещи братии. По полиелеи седален, глас 4. Подобен: Удивися: Гавриил с небесе: Слава, и ныне, глас тойже: Послан бысть Гавриил к Деве: и чтение праздника. Степенна, 1-й антифон 4-го гласа. Прокимен, глас 4: Благовестите день от дне спасение Бога нашего. Стих: Воспойте Господеви песнь нову: Всякое дыхание: Евангелие Луки, зачало 4: Воставши Мариам: По 50-м псалме стихира праздника, глас 2: Благовествует Гавриил: Канон праздника, глас 4: ирмос по дважды, тропари на 12. Катавасиа праздника. А идеже трипеснец, и поем канон праздника, со ирмосом на 6: и трипеснец, на 8. Катавасиа, ирмос триоди, оба лика вкупе. По 3-й песни, седален праздника, глас 8: Слово Божие: Слава, и ныне: Послан бысть: По 6-й песни,

Кондак, глас 8: Взбранной Воеводе победительная, яко избавльшеся от злых, благодарственная восписуем ти раби твои Богородице: но яко имущая державу непобедимую, от всяких нас бед свободи, да зовем ти: радуйся Невесто неневестная.

И икос, и чтем пролог. На 9-й песни паки вжигают свещи братия. Честнейшую не поем, но поем припев праздника: Благовествуй земле: Таже ирмос: Яко одушевленному: подобне и 2-й лик припев, и ирмос: и к прочим тропарем праздника, тойже припев. У трипеснца же к тропарем припев: Слава тебе Боже наш, слава тебе. И последи ирмос триоди, и праздника припев, и ирмос оба лика вкупе. Светилен, праздника дважды. Подобен: Со ученики: Ангельских сил: Слава, и ныне: Еже от века днесь познавается: На Хвалитех, Всякое дыхание: и поем стихиры, на 4: глас 1. Подобен: Небесных чинов: Слава, и ныне, глас 2: Еже от века таинство: [Аще есть суббота или неделя, славословие великое, и ектении, и отпуст.] Аще же день постен, поем на стиховне триоди, самогласен дне дважды, и мученичен. Слава, и ныне, праздника: Да веселятся небеса: Таже, Благо есть: единожды. По Отче наш: тропарь праздника. Ектениа, и 3 великия поклоны, без отпуста утрени, и дается святый елей братии, поется же и стихира самогласна. И час 1-й с кафисмою. Тропарь и кондак праздника. И в конец 3 поклоны великия, и молитва: Христе свете истинный: и отпуст. В 3-й же час дне исходим со кресты с литиею вне монастыря: и возвращшеся входим в трапезу, и поем час 3-й и 6-й с кафисмами, без поклонов. Тропарь и кондак праздника. На часех же, в кампан не ударяем. На 6-м часе, поем тропарь паремии триоди, и прочая по чину их: и паремиа, и чтем слово, емуже начало: Паки радость благовещения: Присовокупляем же и 9 час с кафисмою и чтением. Посем блаженна скоро без пения и без поклонов: Помяни нас Господи: Лик небесный: Слава: Лик святых ангел: Ослаби, остави: По Отче наш, кондак праздника. Господи помилуй, 40: Слава, и ныне, Честнейшую: и поклоны 3 великия, и молитва: Всесвятая Троице: и отпуст.

26. 🕃 Собор архистратига Гавриила:

Вечерню поем без кафисмы, и без поклонов. На Господи воззвах, поем триоди самогласен дне, дважды, без мученична: и подобны триоди 3, и праздника 3, глас 4, самогласны стиховныя: В шестый месяц: и архангела 3, глас 1. Подобен: Всехвальнии мученицы: К 11 же стиху припев: Творяй ангелы своя духи: Слава, и ныне, праздника: Послан бысть: Иерей же творит проскомидию в стихиры. Вход со Евангелием. Свете тихий: Прокимен, и чтение дне, и праздника две. 1-е, Исхода, Вниде Моисей: 2-е, Притчей, Господь созда мя: Таже ектениа малая, и возглас трисвятаго: Яко свят еси Боже наш: и трисвятое. Прокимен, глас 4: Благовестите день от дне спасение Бога нашего. Стих: Воспойте Господеви песнь нову: Апостол ко евреем, зачало 306: Святяй и освящаемии: Аллилуиа, глас 1: Снидет яко дождь на руно: Стих: Будет имя его благословено во веки. Евангелие Луки, зачало 3: Зачат Елисавет: и прочая божественная литургиа Златоустаго. Вместо Достойно, поем ирмос: Яко одушевленному: Причастен: Избра Господь сиона, и изволи его в жилище себе.

[Зри] Иоанна постника: Обретаем в некиих типицех, еже петися в сем дни честнаго сего праздника, Да исправится молитва моя: и сие не вем, киим нравом определися. Нецыи бо из произволения и неучения многая приложиша: аз же яко мню сие не попущати в Златоустаго совершенной литургии, и в 6-м часе, и проскомидии бывшей. Глаголет бо, в яковом дни случится праздник Божественнаго Благовещения, литургиа Златоустаго, и на трапезе разрешение рыб, яков аще день случится. Сие бо прияхом от божественных отцев, еже ясти рыбы в день Божественнаго Благовещения. Да исправится же в преждесвященных литургии зачинися пети, и в 9-м часе: не требствует бо коему плача знамению в сем дни петися, чествуем бо той яко главизну нашего спасения.

[Зри] Аще великия ради нужды несть литургии: На Господи воззвах, стихиры триоди подобны 3: и праздника 4. и архангела 3. Слава, и ныне, праздника. Вход, прокимен, и чтение дне и праздника 2: таже прокимен, апостол и Евангелие праздника: и по чтении, Сподоби Господи: На стиховне триоди самогласен дне дважды: и мученичен. Слава, и ныне: Днесь радость: По Ныне отпущаеши, тропарь архангела: Слава, и ныне, праздника, ектениа, и 3 поклоны великия, и отпуст. На трапезе утешение братии велие: ядим рыбы, и пием вино, в кийлюбо день случится, единожды днем, кроме субботы и недели. [Зри] Повечерие поем малое в притворе поскору, без поклонов и канона, точию на Слава в вышних: 3 поклоны, и по трисвятом 3 поклоны, и по Честнейшую 3 великия поклоны с молитвою: Господи и Владыко: и прочия 12. и на последнем трисвятом, 3 поклоны, и отпуст. На утрени, в 26-й день поем Аллилуиа: И троичны гласа. Аще же суббота, или неделя: поем на Бог Господь,

Тропарь архангела, глас 4. Небесных воинств архистратиже, молим тя присно мы недостойнии, да твоими молитвами оградиши нас кровом крилу невещественныя твоея славы, сохраняя нас припадающих прилежно, и вопиющих: от бед избави нас, яко чиноначальник вышних сил.

По 1-й кафисме седальны октоиха. По 2-й кафисме и по 3-й седален триоди. Канон праздника Богородицы, со ирмосом на 6, глас 6: и архангела на 6, глас 4. Егда же приспеет трипеснец, и поем канон праздника Богородицы, и архангела, со ирмосом на 6: и трипеснец на 8. Катавасиа, ирмос триоди. По 3-й песни, седален, глас 4. Слава, и ныне, тойже: и чтение: По 6-й песни,

Кондак архангела, глас 8. Подобен: Взбранной: Пресветлыя, и честныя, и вседетельныя, пренеисчетныя и страшныя Троицы, ты еси архистратиже славный служителю и молитвенниче, ныне непрестанно моли, избавитися нам от всяких бед и мук, да зовем ти: радуйся покрове рабом твоим.

По 9-й песни, светилен троичный гласа. На хвалитех стихиры архангела, на 4, глас 4. Подобен: Дал еси знамение: Слава, и ныне, праздника, глас 2: Благовествует Гавриил: На стиховне, триоди самогласен дне, дважды, и мученичен: Слава, и ныне, Богородичен, и прочее все поем с поклоны. На трапезе же разрешение вина и елеа.

[МРК] Аще случится Благовещение в субботу 3-ю, или 4-ю постов.

В пяток вечера, кафисмы не глаголем. На Господи воззвах стихиры на 10: триоди самогласен дне дважды, и праздника 8: Слава, и ныне, праздника, и чтения прежде дне, и праздника 5: и Да исправится молитва моя: и прочее преждесвященных. О 1-м же часе нощи поем повечерие великое, по обычаю. По 1-м трисвятом, тропарь праздника. По 2-м кондак праздника. По Слава в вышних: исхождение якоже предуказася в день постен. На утрени, бывает служба вся праздника, ниже четверопеснец, ни ино что субботное поется, но все праздника: поем же и Славословие великое. Четверопеснец же поется в четверток, на повечерии. Такожде и на литургии, все праздника. Пред литургиею же, во 2-й час дне, исхождение творим вне монастыря по обычаю: и возвращшеся поем литургию, и блаженна от канона праздника, песнь 3-я и 6-я.

[МРК] Подобает ведати, аще случится Благовещение в неделю 3-ю постов.

В субботу на малей вечерни, на Господи воззвах, стихиры Креста 4: Слава, и ныне, праздника. На стиховне стихира воскресна едина, и праздника три самогласны: стиховна великия вечерни, с припевы их. Слава, и ныне, праздника. По трисвятом тропарь воскресн: Слава, и ныне, праздника: ектения, и отпуст. На велицей вечерни, Блажен муж: кафисма вся. На Господи воззвах, стихиры воскресны 3: и Креста подобны 3: и праздника подобны 3, на 4. Слава, Креста, глас 3: Христе Боже наш: И ныне, праздника, глас 6: Послан бысть с небесе: Таже вход, и чтений 5. На литии стихиры праздника самогласны 3, глас 1: и Креста 3, писаны на хвалитех. Слава, праздника: И ныне, Креста. На стиховне стихиры воскресны по алфавиту. Слава, Креста: И ныне, праздника. На благословении хлебов тропарь праздника дважды, и Креста единожды: и чтение в посланиих апостольских, или праздника. На утрени, на Бог Господь, тропарь воскресн гласа, дважды. Слава, Креста: И ныне, праздника. По кафисмах седальны воскресны с богородичны их: и чтение во евангелии толковом. Полиелей, и седальны праздника вси по единожды. Слава, и ныне, праздника, и чтение праздника. Степенны гласа. Прокимен праздника. Всякое дыхание: и Евангелие праздника. Воскресение Христово: псалом 50: Стихира праздника. Канон воскресн на 4: и Креста на 4: и праздника на 6. Катавасиа праздника: Отверзу уста моя: По 3-й песни кондак и икос Креста: таже седален Креста. Слава, и ныне, праздника: и чтение праздника. По 6-й песни кондак и икос праздника: и пролог. На 9-й песни поем, Честнейшую: Светилен воскресн: Слава, Креста: И ныне, праздника. На хвалитех стихиры воскресны 4, и праздника 3, глас 1. Подобен: Небесных чинов: и самогласен, глас 2: Еже от века таинство: с припевы их. Таже припев: Воскресни Господи Боже мой: и поем триоди самогласен дне. Слава, тойже: И ныне: Преблагословенна еси: Славословие великое. и бывает последование крестопоклонное, по обычаю. и посем ектении, и отпуст. Слава, и ныне, стихира евангельская, и оглашение Студитово, и час 1-й в притворе. На 1-м часе, тропарь воскресн. Слава, Креста: И ныне, Богородичен часов. По Отче наш, кондак Креста, и прочая: и совершенный отпуст. Во вторый же час дне исходим вне монастыря, якоже предуказася: и возвращшеся поем часы, на нихже глаголется тропарь воскресн, и праздника, и Креста, пременяюще. Такожде и кондаки. На литургии, блаженна гласа на 4: и праздника песнь 3, на 4: и Креста песнь 6-я, на 4. По входе тропарь воскресн, и Креста, и праздника. Слава, кондак Креста. И ныне, праздника. Вместо же трисвятаго поем: Кресту твоему покланяемся Владыко: Прокимен, апостол, Аллилуиа, Евангелие и причастен прежде праздника, таже Креста. Вместо Достойно, поем ирмос: Яко одушевленному: Литургиа же великаго Василиа. Такожде и во вся недели святых постов, в нихже аще праздник сей случится, бывает литургиа великаго Василиа непременно.

[МРК] Аще случится Благовещение в понедельник 4-я, или 5-я, или 6-я недели святых постов.

В неделю на малей вечерни, стихиры праздника на 4. Слава, и ныне, праздника. На стиховне триоди, самогласен дне дважды, и мученичен. Слава, и ныне, праздника. Тропарь праздника, ектения малая, и отпуст. На велицей вечерни, по обычном псалме, поем Блажен муж, 1-й антифон. На Господи воззвах, стихиры на 10: триоди подобны 3, и праздника 7. Слава, и ныне, Послан бысть: Вход, прокимен дне, и чтения праздника 3. и посем ектениа: Рцем вси: Таже, Сподоби Господи: И Исполним вечернюю: На литии стихиры праздника. Слава, и ныне праздника. На стиховне стихиры праздника, с припевы праздника: Слава, и ныне, праздника. На благословении хлебов тропарь праздника, трижды: и чтение праздника. На утрени, поем праздника службу, якоже в постен день предписася на ряду. В понедельник же 4-я недели постов. На 1-м часе, бывает поклонение честному Кресту, по обычаю.

[МРК] Аще ли случится Благовещение в среду крестопоклонную.

Оставляются стихиры, и славники, и канон Креста, и поются в понедельник, или в пяток тояже седмицы. Зде же поем службу всю Благовещения с трипеснцем средным, якоже указася в 1-й день, на ряду. А на утрени на 1-м часе поклонение Креста бывает по чину.

[МРК] Аще ли случится благовещение в неделю 4-ю, или 5-ю постов.

В неделю на малей вечерни, стихиры праздника на 4. Слава, и ныне, праздника. На стиховне стихира воскресна едина: и праздника стиховна великия вечерни, с припевы их. Слава, и ныне, праздника. Тропарь праздника, ектения малая, и отпуст. На велицей вечерни: Блажен муж: кафисма вся. На Господи воззвах, стихиры воскресны 3, и анатолиев 1: и праздника 6. Слава, и ныне, глас 6: Послан бысть с небесе: Вход, прокимен дне: и чтения праздника 5. На литии стихиры праздника. Слава, глас 8: И ныне, глас 2: На стиховне стихиры воскресны: Слава, и ныне, праздника. На благословении хлебов тропарь праздника трижды: и чтение в посланиих апостольских, или праздника. На утрени, на Бог Господь, тропарь воскресн, дважды. Слава, и ныне, праздника. По кафисмах седальны воскресны, с богородичны их: и чтение во евангелии толковом. Таже полиелей, и седальны праздника, вси по единожды: и чтение праздника. Степенны гласа. Прокимен праздника. Всякое дыхание: Евангелие праздника. Воскресение Христово: псалом 50. Стихира праздника. Канон воскресн, со ирмосом на 4: и триоди, на 4: и праздника на 6. Катавасиа, ирмос праздника. По 3-й песни, седален праздника: Слава, и ныне, тойже, и чтение праздника. По 6-й песни, кондак и икос праздника: и чтем пролог. На 9-й песни, поем Честнейшую: Светилен воскресн, и праздника. На хвалитех стихиры на 8: Воскресны 4, и праздника 4, с припевы их, и со славным. Посем припев: Воскресни Господи Боже мой: и поем триоди самогласну стихиру дне. Слава, паки туюжде: И ныне, Преблагословенна еси: Славословие великое. По трисвятом тропарь воскресн: ектении, и отпуст. Таже, Слава, и ныне, стихира евангельская: и дается братии святый елей, от кандила Пресвятыя Богородицы, поющим нам самогласну стихиру праздника: и исхождение в притвор, и час 1-й. На 1-м часе, тропарь воскресн: Слава, праздника: И ныне, Богородичен часов. По трисвятом кондак праздника, и прочая, и совершенный отпуст. [Зри] При часе же 2-м дне творим исхождение вне обители, якоже предуказася на ряду, и возвращшеся поем литургию великаго Василиа. Блаженна гласа, на 6: и праздника песнь 3-я, на 4. По входе тропарь воскресн, и праздника. Слава, и ныне, кондак праздника. Прокимен, апостол, Аллилуиа, Евангелие, и причастен прежде недели, и потом праздника.

[МРК] Аще случится Благовещение Пресвятыя Богородицы в среду пятыя недели постов.

Поем службу предпразднства Благовещения, стихиры и канон в понедельник на ряду: минеи же святаго поем на повечерии, понеже прелагается великий канон с четвертка на вторник тояже недели, и поем великий канон с трипеснцем вторничным, праздника ради Пресвятыя Богородицы: понеже в среду в праздник самый кафисма не глаголется, и поклоны не бывают, и отдание поем праздника в четверток. Того ради в среду вечера стихиры с поклоны, и канон великий в четверток не поется: предпет бо есть во вторник. В среду же пятыя недели постов поем всю службу, вечер и утро, праздника, с триодию, по уставу, якоже предуказася в день постен: а отдание поем Благовещения в четверток, на утрени с трипеснцем апостольским, якоже явленно есть в понедельник 4-я, и 5-я недели поста, на отдание праздника Благовещения.

[МРК] Аще случится Благовещение Пресвятыя Богородицы в четверток 5-я недели постов, егда поется великий канон.

Тогда прелагается праздника ради великий канон господина Андреа, и поем его во вторник тояже недели, с трипеснцем вторничным: а трипеснец апостольский поем с праздником Благовещения, и последи катавасиа триоди.

[МРК] Аще случится Благовещение Пресвятыя Богородицы в пяток тояже недели.

Поем предпразднства Благовещения, стихиры и канон напреди в среду наряду, великаго ради канона. Святаго же минеи поем на повечерии.

[МРК] Аще случится Благовещение Пресвятыя Богородицы в субботу акафиста:

В пяток вечера, на Господи воззвах, стихиры на 10: триоди самогласен дне дважды, и праздника на 8. Слава, и ныне, праздника: Послан бысть: Вход, и чтения дне, и праздника 5. По Да исправится молитва моя: поклоны 3. и прочая преждесвященных: и на Буди имя Господне: поклоны 3: и на отпусте 3 поклоны. [Зри] О 1-м же часе нощи клеплет в великое, и потом во вся. и собравшеся во храм, благословившу иерею, поем великое повечерие, иерей же кадит, якоже есть обычай. и по Слава в вышних, исходим в притвор, и творим обычную литию, поюще стихиры самогласны праздника 3, глас 1: Слава, и ныне: Благовествует Гавриил: и обычныя молитвы бдения. И по скончании паки входим во храм: и поем на стиховне стихиры самогласны с припевы их: Слава, и ныне: Днесь радость: На благословении хлебов тропарь праздника трижды: и чтение праздника. На утрени, на Бог Господь, тропарь праздника трижды. По 1-й кафисме, кондак: Взбранной воеводе: и другия три, и икосы 3: и паки кондак 1-й: и чтение акафиста. По 2-й кафисме кондаки 3, и икосы 3: и паки кондак 1-й: Взбранной: якоже прежде явленно есть, и чтение акафиста: и полиелей: и седальны вси праздника: и чтение праздника: Степенна 1-й антифон 4-го гласа. Прокимен праздника. Всякое дыхание: Евангелие праздника. псалом 50. стихира праздника. Канон праздника, со ирмосом на 8, и акафиста на 6. Катавасиа праздника, оба лика вкупе. Четверопеснца же зде не поем, но поем напреди, в четверток на повечерии. По 3-й песни, кондаки три, и икосы 3: и паки кондак 1-й. Посем седален. и чтение праздника. По 6-й песни кондаки 3, и икосы 3: таже кондак: О всепетая Мати: трижды. и икос 1, и кондак: Взбранной воеводе: и чтем пролог, и синаксарий. На 9-й песни, Честнейшую не поем, но поем припевы праздника, якоже предписася на самый праздник, к тропарем же канона акафиста припев: Пресвятая Богородице, спаси нас. Таже на сходе поем припев, и ирмос: Яко одушевленному: и поклон. Светилен праздника. На хвалитех стихиры праздника, глас 1. Подобен: Небесных чинов: на 4. Слава, и ныне: Да веселятся небеса: Славословие великое. Тропарь праздника, ектении, и отпуст. и дается братии святый елей по обычаю, и оглашение Студитово: и час 1-й в притворе. На 1-м часе тропарь праздника. По трисвятом кондак праздника, и прочая, и отпуст, и исхождение вне монастыря. На литургии, блаженна праздника, песнь 3-я, и 6-я, на 8. Прокимен, апостол, Аллилуиа, Евангелие и причастен праздника.

[МРК] О томже празднице, аще случится в субботу Лазареву.

В пяток вечера, кафисмы не глаголем. На Господи воззвах, стихиры: Самогласен дне, дважды: Душеполезную, малую: и праздника 3: Совет превечный: и святаго Лазаря 5. Слава: Душеполезную, великую: И ныне, праздника. Послан бысть: Вход, прокимен, и чтение дне, и праздника 5: и прочее преждесвященных. На трапезе же разрешение вина и елеа. О 1-м же часе нощи ударяет в великий кампан довольно, и во вся: и собравшимся во храм поем повечерие великое. По 1-м трисвятом тропарь праздника. По 2-м кондак праздника. и по Слава в вышних, исхождение в притвор. и поем самогласны стихиры праздника три, и триоди самогласны три, писаны на хвалитех: Божества твоего Христе: Слава, Да веселятся небеса: И ныне, Благовествует Гавриил: На стиховне стихиры самогласны праздника, с. припевы их. Слава, Предстал еси гробу: И ныне, Днесь радость: По Отче наш: тропарь праздника трижды, и благословение хлебов, и чтение праздника. На утрени, на Бог Господь, тропарь праздника дважды. Слава, Общее воскресение: И ныне, праздника. По 1-й кафисме седален триоди, глас 1: Ущедрив Марфины и Мариины слезы: дважды. Слава, и ныне, праздника: и чтение о Лазаре. По 2-й кафисме седален триоди, глас 5: Источник премудрости: дважды. Слава, и ныне, праздника. и чтение о праведном Лазаре, или праздника. Таже полиелей, и седальны праздника, и чтение праздника. Степенна, 1-й антифон 4-го гласа. Прокимен и Евангелие праздника. Воскресение Христово: и псалом 50. стихира праздника. Канон праздника со ирмосом на 6: и святаго Лазаря оба канона на 8. такожде и четверопеснец. Катавасиа 2-го канона Лазарева, ирмос: Воду прошед: оба лика вкупе. По 3-й песни, кондак и икос, и седален святаго Лазаря. Слава, и ныне, праздника, и чтение праздника. По 6-й песни, кондак праздника, и икос, и чтение. На 9-й песни, Честнейшую не поем, но поем припев праздника, якоже предписася на самый праздник. К триоди же канона глаголем припев: Слава тебе Боже наш, слава тебе. Катавасиа: Воистинну Богородицу: Таже припев праздника, и ирмос: Яко одушевленному: Посем, Свят Господь Бог наш: на глас 1. Светилен праздника дважды: Слава, и ныне, Лазаря. На хвалитех стихиры праздника 3: и Лазаря 3. Таже припевы: Воскресни Господи Боже мой: 2, Исповемся тебе Господи всем сердцем моим: Слава, святаго Лазаря: Велие и преславное: И ныне, праздника. Еже от века таинство: Славословие великое. тропарь праздника: Слава, и ныне: Общее воскресение: Ектении, и отпуст, и оглашение, и час 1-й в притворе. Тропарь праздника: Слава, Общее воскресение: И ныне, Богородичен часов. По Отче наш, кондак Лазаря. Сице тропари глаголем и на прочих часех: кондаки пременяем. [Зри] При часе же 2-м дне, творим исхождение вне монастыря: Возвращшеся же поем часы. На литургии, блаженна праздника, песнь 3, на 4: и Лазаря, песнь 6-я, на 4. По входе тропарь праздника, и Лазаря. Слава, кондак Лазаря: И ныне, праздника. Вместо трисвятаго, поем, Елицы во Христа крестистеся: Прокимен, апостол, Аллилуиа и Евангелие прежде праздника, таже Лазаря. Вместо же Достойно, поем ирмос праздника. Причастен прежде праздника, таже святаго Лазаря.

[МРК] О томже празднице, аще случится в неделю ваий.

В субботу на малей вечерни, стихиры ваий на 4: Слава, и ныне, праздника: В шестый месяц: На стиховне, самогласны праздника, великия вечерни, с припевы их. Слава, и ныне, ваий: Пою твое страшное: Тропарь праздника: Слава, и ныне, Общее воскресение: Ектениа малая: и отпуст. На велицей вечерни, кафисма, Блажен муж, вся. На Господи воззвах, стихиры праздника 3, повторяюще я: и ваий на 4. Слава, ваий, Днесь благодать: И ныне, праздника: Послан бысть: Вход, прокимен дне, и чтения праздника 5, и ваий 3, На литии стихиры праздника 3, и ваий 3: Слава, ваий, Прежде шести дней: И ныне, праздника, Благовествует Гавриил: На стиховне стихиры самогласны ваий, глас 8, с припевы их. Слава, ваий, Днесь благодать: И ныне: праздника, Еже от века таинство: На благословении хлебов тропарь праздника дважды, и ваий единожды, и чтение праздника. На утрени, на Бог Господь, тропарь праздника, дважды. Слава, и ныне, Общее воскресение: По 1-й кафисме седален ваий: Слава, и ныне, праздника: и чтение: По 2-й кафисме седален ваий: Слава, и ныне, праздника: и чтение. таже полиелей праздника, и седален, и чтение праздника. Степенна, 1-й антифон 4-го гласа. Прокимен ваий, Всякое дыхание: Евангелие ваий: псалом 50. Воскресение же Христово, не глаголем. И егда целуют братия святое Евангелие, раздает игумен ваиа со свещами братии, по обычаю. Вместо же, Молитвами Богородицы, поем, Слава, Днесь христос: И ныне, тойже. таже, Помилуй мя Боже: посем стихира, глас 6, Днесь благодать: Канон праздника, со ирмосом на 8: и ваий, со ирмосом на и. Катавасиа обоих канонов, кийждо лик свой ирмос. По 3-й песни кондак и икос ваий, и седален: Слава, и ныне, праздника: и чтение праздника. По 6-й песни кондак и икос праздника. На 9-й песни, Честнейшую не поем, но поем припев праздника, яко предписася. Ваий же поем по обычаю припев: Слава тебе Боже наш, слава тебе. На сходе же прежде поем припев праздника: Ирмос праздника, Яко одушевленному: таже ваий. Таже, Свят Господь Бог наш: на глас 1-й. Светилен праздника, дважды. На хвалитех стихиры праздника 3: и ваий 3. Слава, праздника, Да веселятся небеса: И ныне, ваий, Прежде шести дней: Славословие великое. Тропарь, Общее воскресение: Слава, и ныне, праздника. Ектении, и отпуст, и оглашение, и час 1-й в притворе, и отпуст. [Зри] При часе же 2-м дне исходим с литиею вне монастыря, якоже указася на ряду: и возвращшеся поем часы. На часех, тропарь праздника: Слава, Общее воскресение: И ныне, Богородичен часов. По Отче наш, кондаки пременяем. На литургии, блаженна праздника, песнь 3-я на 4: и ваий, песнь 6-я на 4. По входе глаголем стих: Благовестите день от дне спасение Бога нашего: Тропарь праздника, и ваий, Общее воскресение: Слава, кондак ваий: На престоле на небеси: И ныне, праздника: Взбранной: таже прокимен ваий, и праздника. Апостол праздника, и ваий. Аллилуиа, Евангелие и причастен праздника, и ваий. На литургии, за Достойно, ирмос ваий, Бог Господь, и явися нам: [Зри] Аще же храм Благовещения Богородицы, поем за Достойно, ирмос: Яко одушевленному Божию кивоту:

[МРК] Аще случится Благовещение Пресвятыя Богородицы в великий понедельник.

В неделю ваий на малей вечерне, на Господи воззвах, стихиры праздника, на 4: Слава, и ныне, праздника. На стиховне стихиры праздника, великия вечерни: Слава, и ныне, праздника, тропарь праздника: ектения, и отпуст. На велицей вечерни, поем, Блажен муж, 1-й антифон. На Господи воззвах стихиры праздника на 6: и ваий на 4. Слава ваий, глас 6: Имеяй престол небо: И ныне, праздника, Послан бысть: Вход, прокимен дне: чтения праздника 3. На литии стихиры праздника. Слава, и ныне, праздника, Благовествует Гавриил: На стиховне стихиры дне, самогласны, с припевы их. Слава, ваий, От ветвей и ваий: И ныне, праздника. На благословении хлебов тропарь праздника трижды, и чтение праздника. На утрени, на Бог Господь, тропарь праздника трижды. По 1-й кафисме и по 2-й седальны дне: и чтение дне. По 3-й кафисме ектениа малая. седальны праздника оба, и чтение праздника: полиелей и седален, и чтение праздника. Степенна, 1-й антифон 4-го гласа. Прокимен, Благовестите день от дне: Всякое дыхание: Евангелие праздника. псалом 50. стихира праздника: [Зри] [Евангелие же дне оставляется, аще случится Благовещение в кийлибо день сея седмицы.] Канон праздника, со ирмосом на 6, и трипеснца на 8. Катавасиа триоди: ирмос, оба лика вкупе. [Зри] А идеже несть трипеснца, поем канон праздника, со ирмосом на 14. Катавасиа праздника. По 3-й песни кондак и икос дне, и седален праздника, и чтение праздника. По 6-й песни кондак и икос праздника: пролог и синаксарий. На 9-й песни, Честнейшую не поем, но поем припев праздника: Благовествуй земле радость велию: таже ирмос праздника, Яко одушевленному: К тропарем же трипеснца, припев: Слава тебе Боже наш, слава тебе. Таже поем ирмос триоди, потом припев праздника, и ирмос: Яко одушевленному: Светилен праздника: Слава, дне: И ныне, праздника. На хвалитех стихиры праздника, на 4: Слава, праздника, Еже от века: И ныне, дне: Изсохшия смоковницы: таже предстоятель, или чтец глаголет: Слава тебе показавшему нам свет: потом ектениа, Исполним утреннюю: На стиховне стихиры самогласны дне, глас 1: Грядый Господь: Припев, Исполнихомся: Достигше вернии: Припев, Во вся дни наша возвеселихомся, за дни в няже смирил ны еси: Господи грядый к страданию: Припев, И призри на рабы твоя: Господи к таинству: Припев, И буди светлость: Господи совершеннейшая: Слава, глас 8: Вторую Еву: И ныне, праздника, Да веселятся небеса: Таже, Благо есть исповедатися: единожды. По трисвятом, тропарь праздника, ектениа, и поклоны 3 великия. посем, Приидите поклонимся, трижды: и час 1-й. Тропарь праздника. И ныне, Богородичен: Что тя наречем: По трисвятом кондак праздника, и в конец 3 поклоны великия. Таже, Христе свете истинный: и отпуст. [Зри] При часе же 3-м дне творим литию вне монастыря: возвращшеся же поем 3-й час, и 6-й, с кафисмами и со чтением: и чтем тетроЕвангелие. Глаголется же в них тропарь праздника: кондаки глаголем дне, и праздника пременяюще: и на конец коегождо часа, по 3 поклоны великия. такожде поем и 9-й час: и блаженны просто без пения: и Помяни нас Господи: и прочая. По Отче наш, кондак дне: Слава, и ныне, праздника. Господи помилуй, 40. Слава, и ныне, Честнейшую: и поклоны три великия, и молитва, Всесвятая Троице: и абие, Приидите поклонимся, трижды: и поем вечерню, без поклонов и без кафисмы. На Господи воззвах, стихиры самогласны дне, 5: и праздника 5. Слава, дне, Изсохшия смоковницы: И ныне, праздника: Послан бысть: Вход со Евангелием. Свете тихий: Прокимен, и чтения дне, и праздника два. таже ектениа малая. и трисвятое. Прокимен, апостол и Аллилуиа праздника. Евангелие праздника, и дне. и прочая литургиа Златоустаго, и причастен праздника.

[Зри] А идеже великия ради нужды не будет литургии:

На Господи воззвах, стихиры на 10: и поем дне, 3, глас 1, повторяюще первыя две: и праздника, 5. Слава дне, глас 8: Вторую Еву: И ныне, праздника. Вход со Евангелием. Свете тихий: Прокимен, и чтения дне: и праздника два. таже прокимен, апостол, Аллилуиа, и Евангелие праздника, и дне. Сподоби Господи: ектениа, Исполним вечернюю: На стиховне дне, глас 5: Господи совершеннейшая мудрствовати: дважды, с припевы дневными. и другий стих, глас 8, Изсохшия смоковницы: Слава, глас 5: Господи, грядый к страданию: И ныне, праздника. Ныне отпущаеши: тропарь праздника, ектении, и отпуст. Сице поем и в прочия дни великия недели. На трапезе разрешение на елей и вино точию. На повечерии, поклонов несть, точию по Слава в вышних, 3 поклоны: На трисвятом 3 поклоны: в конец, три поклоны великия, и 12 малых. На конечном трисвятом 3 поклоны: поем же трипеснец кир Андреа.

[МРК] О томже празднице, аще случится в великий вторник.

В понедельник вечера, кафисмы не глаголем. На Господи воззвах. стихиры самогласны дне, 5: и праздника 5. Слава, дне, Вторую Еву: И ныне, праздника, Послан бысть: Вход со Евангелием. Свете тихий: Прокимен, и чтения дне: и праздника 3. Да исправится молитва моя: и поклоны 3. Евангелие дне: и прочее преждесвященных. На трапезе же пием вино. [Зри] При часе же 1-м нощи ударяет в великий, и во вся тяжкая, и собравшеся во храм, поем повечерие великое. С нами Бог, поем на оба лика, с пением. иерей в начале кадит по обычаю, и по Слава в вышних, исхождение в притвор. и поем на литии стихиры самогласны праздника: Слава, и ныне, праздника: Благовествует Гавриил: На стиховне стихиры самогласны праздника 3, с припевы их. Слава, и ныне: Днесь радость: На благословении хлебов, тропарь праздника, трижды: и чтение праздника. На утрени, на Бог Господь, тропарь праздника, трижды. По обою кафисмах седальны триоди: и чтение дне. По 3-й кафисме ектениа малая, и седальны праздника, и чтение. Полиелей, и седален праздника: и чтение праздника. Степенна, 1-й антифон 4-го гласа. Прокимен: Всякое дыхание: Евангелие праздника. псалом 50. стихира праздника. Канон праздника со ирмосом на 14. Катавасиа праздника, ирмос оба лика вкупе. А идеже двоепеснец триоди, поем канон праздника, со ирмосом на 6: двоепеснец на 8: Последи ирмос триоди, оба лика вкупе. По 3-й песни, кондак дне, и икос: и седален праздника: и чтение праздника. По 6-й песни, кондак и икос праздника: и чтем пролог. На 9-й песни, Честнейшую не поем: но поем припев и ирмос праздника, якоже указася в великий понедельник. Светилен праздника: Слава, дне: И ныне, праздника. На хвалитех стихиры подобны праздника на 4. Слава, дне: Душевною леностию: И ныне, праздника: Еже от века таинство: На стиховне самогласны дне с припевы их, яко предписася в понедельник: Исполнихомся заутра: Слава, праздника. Да веселятся небеса: И ныне, дне, глас 6: Егда приидеши во славе: тропарь праздника: ектениа, и поклоны 3 великия. Таже, Приидите поклонимся: трижды, и час 1-й, в конце того 3 великия поклоны, и молитва: Христе свете истинный: и отпуст. [Зри] При часе же 3-м дне творим литию вне монастыря: И возвращшеся поем часы с кафисмами: и чтется тетроЕвангелие. Глаголем на часех тропарь праздника: и чтение праздника: кондаки глаголем дне, и праздника, пременяюще. и на конец коегождо часа 3 поклоны великия, и час 9-й без кафисмы. блаженны скоро, без пения: и Помяни нас Господи: и прочее, якоже предписася. По Отче наш, кондак праздника: Господи помилуй, 40. Слава, и ныне: Честнейшую: и поклоны 3 великия: [Зри] И абие глаголем: Приидите поклонимся: трижды: и поем вечерню без кафисмы, и без поклонов. На Господи воззвах, стихиры самогласны дне, 5: и праздника 5. Слава, дне: И ныне, праздника. Вход со Евангелием. Прокимен, и чтения дне, и праздника два. Ектениа малая, и возглас трисвятаго: Яко свят еси Боже наш: Прокимен, апостол, и Аллилуиа праздника. Евангелие праздника, и дне, и прочая литургиа Златоустаго. Причастен праздника. На трапезе разрешаем на елей и вино точию. Повечерие же поем малое без поклонов: поем же и трипеснец на нем кир Андреа критскаго.

[МРК] о томже празднице, аще случится в среду великую.

Во вторник вечера поем вечерню без кафисмы, и без поклонов. На Господи воззвах, стихиры самогласны дне 5: и праздника 5: Слава, дне, глас 7: Се тебе талант: И ныне, праздника. Вход со Евангелием, прокимен, и чтения дне, и праздника 3, Да исправится молитва моя: и поклоны 3. Евангелие дне. и прочая литургиа преждесвященных. На трапезе же варение без елеа: вино же пием. [Зри] При часе же 1-м нощи ударяет в великий кампан, и во вся тяжкая: и поем повечерие великое. С нами Бог: на оба лика: иерей же кадит, в начале по обычаю. и по Слава в вышних, исхождение в притвор: и поем на литии стихиры праздника: Слава, и ныне, праздника же. На стиховне стихиры, и Слава, и ныне, праздника: На благословении хлебов, тропарь праздника трижды: и чтение праздника. На утрени, на Бог Господь, тропарь праздника трижды: и по обоих кафисмах седальны триоди: и чтение дне. По 3-й кафисме ектениа, и седальны праздника оба: и чтение праздника. Полиелей, и седален, и чтение праздника. Степенна, 1-й антифон 4-го гласа. Прокимен: Всякое дыхание: Евангелие праздника, псалом 50. Стихира праздника. Канон праздника, со ирмосом на 14. Катавасиа праздника, ирмос оба лика вкупе. [Зри] А идеже трипеснец, поем канон праздника со ирмосом на 6: и трипеснец на 8. Катавасиа, ирмос триоди. По 3-й песни, кондак и икос дне, и седален праздника: и чтение праздника. По 6-й песни, кондак и икос праздника. На 9-й песни, Честнейшую не поем: но поем припевы праздника, якоже предуказася. Светилен праздника. Слава, дне: И ныне, праздника. На хвалитех стихиры праздника, на 4: Слава, дне, глас 6: Днесь Христос приходит: И ныне, праздника, глас 2: Еже от века таинство: На стиховне дне, с припевы их, яко предписася в великий понедельник. Слава, праздника, глас 8: Да веселятся небеса: И ныне, дне, глас тойже: Господи, яже во многия грехи: и прочее по преждеписанному. При часе же 3-м дне творим исхождение вне монастыря, и возвращшеся поем часы с кафисмами: и чтется тетроЕвангелие, и прочее часов, и литургии, якоже предписася в понедельник, и вторник сея седмицы. В конец же часов бывает прощение, по обычаю: Повечерие же поем по предписанному, и трипеснец кир Андреа критскаго.

[МРК] О томже празднице, аще случится в великий четверток.

В среду великую вечера поем вечерню без кафисмы. На Господи воззвах, стихиры самогласны дне 5: и праздника 5: Слава, дне: И ныне, праздника. Вход со Евангелием. Прокимен, и чтения дне, и праздника 3: Да исправится: и поклоны 3. Евангелие дне: и прочее преждесвященных. На трапезе же пием вино.

[Зри] При часе же 1 нощи ударяет в великий, и во вся тяжкая.

И собравшеся во храм, поем повечерие великое, иерей же кадит по обычаю. и по Слава в вышних, исхождение в притвор: и поем на литии самогласны стихиры, и Слава, и ныне, праздника. На стиховне стихиры: и Слава, и ныне, праздника. На благословении хлебов, тропарь праздника, трижды: и чтение праздника. На утрени, на Бог Господь, тропарь праздника, дважды. Слава, и ныне, Егда славнии ученицы: таже полиелей, и седален: и чтение праздника. Степенна, 1-й антифон 4-го гласа. Прокимен: Всякое дыхание: и Евангелие праздника. псалом 50. Стихира праздника. Канон праздника со ирмосом на 8: ирмос по дважды: и дне со ирмосом на 8. Катавасиа, ирмос дне: оба лика вкупе. По 3-й песни, кондак и икос дне, и седален дне: Слава, и ныне, праздника: и чтение праздника. По 6-й песни, кондак и икос праздника, и пролог, и синаксарий. На 9-й песни, Честнейшую не поем: но поем припев праздника, якоже предуказася, последи ирмос: Странствия владычня: таже припев праздника, и ирмос. Светилен праздника: Слава, дне: И ныне, праздника. На хвалитех стихиры праздника, на 4: Слава, праздника, И ныне, дне. Посем, Слава, в вышних, и ектениа. Таже на стиховне стихиры дне с припевы их: Слава, дне: И ныне, праздника. По Благо есть, и по Отче наш: тропарь дне: Слава, и ныне, праздника: и ектениа: Помилуй нас Боже: Таже, Приидите поклонимся: трижды: и час 1-й, на немже тропарь, и паремиа дне, и оглашение праздника, и отпуст. [Зри] При часе же 5-м дне бывает исхождение вне монастыря: и возвращшеся поем часы в притворе, 3-й, 6-й, и 9-й: на нихже глаголем тропарь праздника: Слава, дне: И ныне, Богородичен часов. По Отче наш: кондаки пременяем. Помяни нас Господи: и прочая. Лик небесный: По Отче наш, кондак праздника: Господи помилуй, 40. и молитва: Всесвятая Троице: и отпуст. Благословлю Господа на всякое время, не глаголем.

Вечер же знаменает в великий и во вся тяжкая, в и час дне, и поем вечерню.

На Господи воззвах стихиры самогласны дне 5, и праздника 5. Слава, дне: И ныне, праздника. Вход со Евангелием. Свете тихий: и чтения дне: и праздника два. Ектениа малая: таже трисвятое. Прокимен дне, и праздника. Апостол дне, и праздника, и прочая литургиа великаго Василиа. [Зри] Вместо Достойно, ирмос: Странствия владычня: В храме же Благовещения Пресвятыя Богородицы, ирмос: Яко одушевленному: Вместо же Херувимския песни поем тропарь, глас 6: Вечери твоея тайныя: трижды. тойже поем и в причастна место единожды. [Зри] Егда же причащаются братия, и поем вместо, Тело Христово: тойже: Вечери твоея тайныя: И Дóндеже причастятся братия. и вместо, Да исполнятся: единожды, со аллилуиами. На трапезе же не разрешаем на рыбы: но точию на елей и вино.

О томже празднице, аще случится в великий пяток.

В четверток вечера, на Господи воззвах, стихиры дне, 5: и праздника, 5. Слава, дне: Рождение ехидново: И ныне, праздника: Послан бысть: Вход со Евангелием. Прокимен, и чтение дне: и праздника 3. Ектениа малая, и возглас. и трисвятое. Прокимен, апостол, Аллилуиа, и Евангелие дне, и прочая божественныя литургии великаго Василиа, якоже прежде изъявися. На трапезе же разрешаем на елей и вино. Повечерие, поем малое, с трипеснцем. По трисвятом кондак дне: Слава, и ныне, праздника. [Зри] При часе же 1-м нощи ударяет в великий и во вся тяжкая, и начинаем утреню. На Бог Господь: тропарь праздника, дважды: Слава, и ныне дне: Егда славнии ученицы: Посем ектениа малая. и абие диакон, или иерей глаголет: И о сподобитися нам слышания святаго евангелиа: и чтет Евангелие 1-е настоятель. и потом антифоны, и евангелиа Святых Страстей по чину их: и по чтении 7-го евангелиа, чтение дне. Посем степенна, 1-й антифон 4-го гласа. Прокимен праздника: Всякое дыхание: Евангелие праздника: и абие Евангелие Святых Страстей, 8-е. псалом 50. стихира праздника. Таже, молитва: Спаси Боже люди твоя: и Господи помилуй, 12. Канон праздника со ирмосом на 14. Катавасиа праздника, оба лика вкупе. А идеже трипеснец, поем канон праздника со ирмосом на 6: ирмос дважды, и трипеснец на 8. Катавасиа, ирмос триоди, оба лика вкупе. По 3-й песни, кондак и икос дне: Слава, и ныне, седален праздника: и чтение праздника. По 6-й песни, кондак и икос праздника: и синаксарий. На 9-й песни, Честнейшую не поем: но поем припев праздника. Светилен праздника: Слава, дне: И ныне, праздника. таже Евангелие 9-е. На хвалитех стихиры самогласны дне: Слава, дне: И ныне, праздника, таже Евангелие 10-е. Посем, Слава в вышних: Ектениа: Исполним утреннюю молитву: и возглас. Посем Евангелие 11. Таже, на стиховне стихиры праздника: Слава, дне: И ныне, праздника. таже Евангелие 12. Посем, Благо есть исповедатися Господеви: и по Отче наш, тропарь, глас 4: Искупил ны еси: Слава, и ныне, праздника. Ектениа: Помилуй нас Боже: Иерей: Премудрость. и отпуст, и час 1-й поем, якоже указася в великий пяток. Глаголем же на нем тропарь праздника, и дне: и кондак праздника. При часе же 5-м дне творим исхождение вне обители: и возвращшеся поем 3-й час, и 6, и 9-й, с тропари, и паремии, со апостолы, и евангелии, и чтениями, и с прочими службы их. Глаголются же в них тропари часов, великаго пятка, еже есть дне, и праздника: кондак дне, и праздника: и прочая, якоже в великий пяток указася. Псалом же 33 зде оставляем, и глаголем его на литургии. При часе же 8-м дне знаменает в великий и во вся тяжкая, и начинаем вечерню, и творит иерей проскомидию. На Господи воззвах поем стихиры дне 6: и праздника 4: Слава, дне: О како законопреступный собор: И ныне, праздника: Послан бысть: Вход со Евангелием. Свете тихий: Прокимен, и чтение дне: и праздника два. Таже, ектениа малая, и трисвятое. Прокимен, апостол, Аллилуиа и Евангелие прежде праздника, и дне. Причастен праздника. Совершает же ся божественная литургиа Златоустаго. Вместо, Достойно, поем ирмос праздника: Яко одушевленному: На трапезе же ядим сухоядение, и пием вино.

О томже празднице, аще случится в субботу великую.

В пяток вечера, при часе 10-м дне, знаменает в великий, и во вся тяжкая, и поем вечерню. На Господи воззвах: стихиры самогласны дне на 6, и праздника на 4. Слава, дне: И ныне, праздника. Вход со Евангелием. Свете тихий: Прокимен, и чтение дне, и праздника 5. Таже прокимен, апостол, Аллилуиа, и Евангелие дне. Посем ектениа: Рцем вси: Таже, Сподоби Господи в вечер сей: Исполним вечернюю молитву: На стиховне стихиры дне с припевы их. Слава, праздника: И ныне, дне. Таже, Ныне отпущаеши: По трисвятом, тропарь праздника: Слава. И ныне, Благообразный Иосиф. Иерей, Премудрость, и отпуст. Повечерие поем в келлии: Кондак дне: Слава, и ныне, праздника. При часе же 1-м нощи знаменает в великий, и во вся тяжкая. И поем утреню. На Бог Господь: тропарь дне, глас 2: Благообразный Иосиф: единожды. Егда снизшел еси к смерти: единожды. Слава, Мироносицам женам: И ныне, праздника: Днесь спасения нашего: Таже поем непорочны, на глас 5. Кадит иерей на 1-й славе: такожде и на 2-й, и на 3-й, яко обычай: по скончании непорочных, поем тропари воскресны: Ангельский собор: и прочая. Таже ектениа малая, и седален дне. Таже полиелей, и седален праздника. и чтение праздника. Степенна, 1-й антифон 4-го гласа. Прокимен праздника: Всякое дыхание: Евангелие праздника: псалом 50: стихиры праздника. Канон праздника со ирмосом на 8, ирмос дважды: и дне, со ирмосом на 8: Катавасиа ирмос дне, оба лика вкупе. По 3-й песни кондак и икос дне, и седален дне. Слава, и ныне, праздника, и чтение праздника. По 6-й песни кондак и икос праздника. Пролог, и синаксарий. На 9 песни Честнейшую не поем, но поем припев праздника, якоже указася, последи ирмос дне: Не рыдай мене мати: таже припев праздника и ирмос. Свят Господь Бог наш: на глас 2. Светилен праздника дважды. На хвалитех, стихиры самогласны дне три: и праздника подобны три. Таже самогласен праздника, глас 8: Да веселятся небеса: с припевом: Благовестите день от дне: Слава, дне: И ныне, Преблагословенна еси Богородице Дево: Славословие великое, и бывает вход, якоже писано в триоди. Посем прокимен и паремии дне. Прокимен, апостол, Аллилуиа, и Евангелие дне. Ектениа и отпуст, и час 1-й поем в притворе. прочия же часы поются во свое время. На часех, тропарь праздника, и дне. Кондаки глаголем пременяюще. Блаженны глаголем скоро, без пения: Помяни нас Господи: и прочая. По Отче наш, кондак дне: Слава, и ныне, праздника. Господи помилуй. 40, и молитва: Всесвятая Троице: и отпуст.

Во святую и великую субботу вечера, о часе 10-м дне знаменает в великое, и во вся тяжкая.

И собравшеся во храм, благословившу иерею, поем вечерню по обычаю без кафисмы. На Господи воззвах, поем стихиры воскресны три, глас 1: Вечерния наша молитвы: и великия субботы самогласны три, глас 8, и праздника на 4. Слава, дне, глас 6: Днешний день тайно: И ныне, праздника, Послан бысть: Вход со Евангелием. Свете тихий: Прокимен не глаголем, но абие иерей глаголет: Премудрость: и чтения дне по чину их. По скончании же чтения, ектениа малая, и возглас. и поем вместо трисвятаго: Елицы во Христа крестистеся: Аллилуиа. Прокимен дне, и праздника. Апостол дне, и праздника. Вместо же херувимския песни поется: Да молчит всякая плоть: и по ряду божественная литургиа великаго Василиа. Вместо Достойно, поем ирмос: Не рыдай мене мати: В храме же Благовещения Богородицы поем ирмос: Яко одушевленному Божию кивоту: Причастен дне, и праздника.

Подобает ведати, яко аще случится в самую святую и великую неделю Пасхи, еже есть Кириопасха, праздник Благовещения Пресвятыя Богородицы.

В великую субботу вечера, на Господи воззвах, поставим стихов 10: и поем стихиры воскресны три, и великия субботы три: и праздника 4. Слава, глас 6: Днешний день тайно: И ныне, праздника, глас тойже: Послан бысть: Вход со Евангелием. Свете тихий: Прокимен же не глаголется, но абие иерей: Премудрость: и чтения, 1-е чтение дне: В начале сотвори Бог небо и землю: едина паремиа: Таже праздника Благовещения чтений 5. и прочая чтения дне, по чину их, и по ряду божественная литургиа великаго Василиа. По отпущении же литургии, Бывает ядение, и чтение деяний святых апостол по чину их, якоже указася в великую субботу: и кончану бывшу чтению, благословившу иерею, глаголем трисвятое, и по Отче наш, Господи помилуй, 12: Слава, и ныне: Приидите поклонимся, трижды. таже псалом 50, и поем канон праздника, со ирмосом на 6: и великия субботы со ирмосом на 8. Катавасиа, ирмос субботный, оба лика вкупе. По 3-й песни, кондак и икос праздника, и седален дне. Слава, и ныне, праздника, и чтение праздника. По 6-й песни, кондак и икос дне, и чтение дне. По 9-й песни трисвятое, по Отче наш, тропарь: Егда снизшел еси к смерти: Слава, и ныне, праздника, ектениа, и отпуст.

И аще будет время порану, Прилагается чтение дне: емуже чтому, Настоятель раздает свещи братии. Кандиловжигатель же взем благословение у настоятеля, и шед знаменует во вся. И по чтении исходим в притвор, предходящим настоятелю с лампадами, и затворшимся дверем, кадит по чину всю братию, и став пред великими враты церковными, кадит крестообразно трижды, и речет: Слава святей и единосущней: и нам отвещавшим: Аминь. И начинает настоятель тропарь, глас 5: Христос воскресе из мертвых: трижды. Посем поют братия трижды. Настоятель, стих 1: Да воскреснет Бог: И братия: Христос воскресе: единожды. Настоятель, стих 2: Яко исчезает дым: И братия: Христос воскресе: единожды. Настоятель, стих 3: Тако да погибнут грешницы: И братия: Христос воскресе: единожды. Настоятель, стих 4: Сей день егоже сотвори Господь: И братия: Христос воскресе: единожды. И абие настоятель велегласно: Христос воскресе: И отверзшимся вратом входит, предыдущим лампадам, и настоятелю купно и братиям поющим: И сущим во гробех живот даровав. По внегда же внити ему во олтарь, глаголем Слава, и поем тропарь праздника, глас 4: Днесь спасения нашего главизна: И ныне, тойже. Таже ектениа великая: Миром Господу помолимся: и по возгласе начинает предстоятель ирмос: Воскресения день: и поем Канон Пасхи, со ирмосом на 8: ирмосы по дважды. И Благовещения со ирмосом на 8: ирмосы по дважды: последи же ирмосы обою канонов, кийждо лик свой ирмос: таже катавасиа: Воскресения день, оба лика вкупе: и тропарь: Христос воскресе: трижды. И по коейждо песни ектениа малая, и возгласы по чину их. По 3-й песни, кондак и икос Пасхи, и ипакои, и чтение в Богослове: емуже начало: На стражи моей стану: По 6-й песни, кондак и икос праздника Благовещения, и чтение в Богослове же, емуже начало: Воскресения днесь: Таже прокимен праздника, глас 4: Благовестите: Стих: Воспойте Господеви песнь нову: Всякое дыхание: Евангелие Луки, зачало 4: Во дни оны воставши Мариам: Таже: Воскресение Христово: трижды. и стихира: Воскрес Иисус: трижды, на глас 6. Посем песнь 7-я, и прочия две. На 9 песни поем припевы Пасхи, и праздника. Светилен Пасхи единожды, и праздника дважды. На хвалитех стихиры воскресны на 4, и Благовещения на 4, с припевы их. Таже оба лика вкупе, припев 1: Да воскреснет Бог: стихиры Пасхи, глас 5, с прочими припевы их. Слава, Благовещения, глас 8: Да веселятся небеса: И ныне, Пасхи: Воскресения день: и целование по обычаю, и поучение Златоустаго. Ектении, и отпуст. Исхождение же вне монастыря не бывает. Часы же поются но уставу Пасхи. На литургии антифоны Пасхи. По входе же глаголем: В церквах благословите Бога, Господа от источник израилевых, Христос воскресе: трижды. Слава, тропарь: Днесь спасения нашего: И ныне, кондак: Аще и во гроб снизшел еси: Вместо трисвятаго поем: Елицы во Христа крестистеся: Прокимен, апостол, Аллилуиа и Евангелие прежде Пасхи, потом праздника.

[Зри] Егда же приспеет на литургии время чести святое Евангелие:

И чтет иерей Евангелие Пасхи со диаконом, якоже указася на литургии в неделю. Таже чтет Евангелие Благовещения един диакон по обычаю, якоже и всегда: и к тому евангелию в кандию не ударяют. и по ряду божественная литургиа Златоустаго. За Достойно, ирмос Пасхи. Причастен Пасхи и праздника.

[МРК] О томже празднице, аще случится Благовещение Пресвятыя Богородицы в понедельник, во вторник или в среду светлыя недели.

Во святую и великую неделю Пасхи, на малей вечерни, по внегда рещи иерею: Христос воскресе: трижды, и стихи обычныя. Слава, и ныне, Христос воскресе: На Господи воззвах, стихиры воскресны, на 4: Слава, и ныне, праздника, глас 2: Еже от века таинство: Таже, Свете тихий: без входа. Прокимен великий: Кто Бог велий: и стих его1. таже , Сподоби Господи: На стиховне стихира воскресна 1. таже стихиры праздника самогласны, 3: глас 4, великия вечерни стиховныя с припевы их. Слава, Благовествует Гавриил: И ныне, Воскресения день: Христос воскресе: трижды. Слава, и ныне, тропарь: Днесь спасения нашего: Ектения малая, и отпуст. На велицей вечерни, по внегда кадити иерею, и рещи ему: Слава, святей и единосущней: поет: Христос воскресе: трижды, и стихи его. Слава, и ныне: Христос воскресе: трижды, таже ектениа. На Господи воззвах, стихиры воскресны 3: и анатолиев 1, и праздника 6, Слава, и ныне, праздника: Послан бысть: Вход, Свете тихий: Прокимен, глас 7: Кто Бог велий, яко Бог наш: со стихи его, и чтений праздника 5. [Аще в неделю вечера: посем иерей: И о сподобитися нам: Евангелие Иоанна, зачало 65: Сущу позде в день той: Конец: Не иму веры.] таже, ектениа. На литии стихиры самогласны праздника: Слава, и ныне, Благовествует Гавриил: На стиховне стихира воскресна едина, таже припев: Да воскреснет Бог: и поем стихиры Пасхи, с припевы их. Слава, праздника: Днесь радость: И ныне, Пасхи: Воскресения день: и на конец: Христос воскресе: трижды. Тропарь праздника, трижды, и благословение хлебов, и раздаяние, и чтение праздника. На утрени, по внегда благословити иерею, и рещи: Христос воскресе: трижды, и стихи его, и по скончании, Слава, тропарь праздника: И ныне, тойже. Таже, ектениа великая, и полиелей, и седален, и чтение праздника. Степенна, 1-й антифон 4-го гласа. Прокимен, и Евангелие праздника. Воскресение Христово: трижды. псалом 50 не глаголем, но абие: Слава: Молитвами Богородицы: И ныне, тойже. посем припев на глас 6: Благовестите день от дне: и поем стихиру самогласну праздника, глас 6: Послан бысть: таже молитва: Спаси Боже люди твоя: и Господи помилуй, 12. и по возгласе, Канон Пасхи со ирмосом на 6: и праздника, со ирмосом на 8: ирмосы Пасхи и праздника, по дважды. Катавасиа Благовещения, ирмос, оба лика вкупе. По 3-й песни, кондак и икос Пасхи, и седален праздника. По 6-й песни, кондак и икос праздника, и чтение дне: таже Воскрес Иисус: трижды. На 9-й песни припевы Пасхи, и праздника. Светилен Пасхи единожды, и праздника дважды. На хвалитех стихиры воскресны гласа три: и праздника подобны три. Таже, Да воскреснет Бог: и поем стихиры Пасхи, с припевы их. Слава, праздника: Да веселятся небеса: И ныне, Пасхи: Воскресения день: Христос воскресе: трижды. Слава, и ныне: тропарь праздника. Ектении, и отпуст. и дается святый елей братии: и бывает литиа вне обители. Часы же поем по обычаю Пасхи. На литургии, антифоны Пасхи. По входе глаголем стих: В церквах благословите Бога Господа: Христос воскресе: трижды. тропарь праздника. Слава, кондак Пасхи: И ныне, праздника. Вместо трисвятаго, Елицы во Христа крестистеся: Прокимен, апостол, Аллилуиа, и Евангелие, прежде Благовещения, таже дне. и по ряду божественная литургиа Златоустаго. Причастен дне, и праздника.

[Зри] Известно же да будет, яко не своим смотрением, о еже како пети подобает Благовещению, во дни святыя четыредесятницы, и в седмице великия недели, на Святую Пасху, службу, еже о сем повелено бысть.

Ибо типику великия церкве последовавше известно, и синаксарий видевше честныя обители студийския, и прочих, еще же и иерусалимския типики прошедше, сия вчинихом. и никтоже убо да дивится пременению бываему, стихирам же и канонам, и чтениям, прокименом же и апостолом, аллилуиам, и евангелиам и причастнам, еже тако пременити повелено есть: но день да сматряет, егда навечерие Благовещения бывает: такожде и день праздника есть, и обрящеши, яко егда в постен день навечерие случится, чести ради святыя четыредесятницы, поем стихиры дне, и потом Благовещения: и литургии преждесвященных. Оттуду же приимет начало праздника, вся предваряют Благовещения.

[Зри] Подобает ведати, яко аще случится праздник сей в кийлибо день великия недели, или в субботу Лазареву, или в неделю цветоносную.

Прежде вчинихом Благовещения службу, понеже прежде Страсти Христовы быти сему празднику, за еже не быти посту в нем. Паки же в великия дни седмицы разсудихом: аще случится в них Благовещение, на вечерни предваряет стихиры дне, и потом Благовещения, поста ради, якоже прежде рехом, и за преславное дне. Быти же в великий пяток и проскомидии вчинихом, аще случится Благовещение: аще бо и правила инако повелевают, но обретохом в соборней велицей церкви, в молебных храмех Богородицы, бывати с просфорами службе совершенней: темже сия сице и в великий пяток литургию Златоустову вчинихом.

Указ о отдании Благовещения Пресвятыя Богородицы:

[Зри] Подобает ведати, аще случится Благовещение в пяток 3, или 4-я недели постов.

Поем всю службу праздника с триодию по уставу, якоже прежде указася в ряду. На утрени, в субботу 3-ю отдание поем праздника. На Бог Господь, тропарь праздника, дважды. Слава, архангела: И ныне, праздника. по кафисме седальны праздника, и чтение праздника. Канон праздника, со ирмосом на 8: и архангела, на 6. Катавасиа праздника. [Зри] Четверопеснца же зде не поем, но поем напреди на повечерии. По 3-й песни кондак архангела, и седален, дважды. Слава, и ныне, праздника: и чтение. По 6-й песни кондак праздника, и икос. На 9-й песни, Честнейшую не поем, но поем припев праздника, таже ирмос: и на кийждо тропарь праздника, поем припев тойжде, и последи ирмос. Светилен праздника: Слава, архангела: И ныне, праздника. На хвалитех стихиры на 6: праздника, 3: и архангела, 3: Слава, и ныне, праздника. Славословие великое. По трисвятом, тропарь архангела. Слава, и ныне, праздника. Ектении, и отпуст, и час 1-й. На 1-м часе, тропарь праздника и архангела: и кондак праздника, и прочая: и совершенный отпуст. На литургии, блаженна праздника, песнь 3-я и 6-я. По входе тропарь праздника, и архангела: Слава, кондак архангела. И ныне, праздника. Прокимен праздника. апостол, Аллилуиа и Евангелие дне и праздника. Вместо Достойно, поем ирмос праздника. Причастен праздника.

[Зри] Аще ли случится отдание Благовещения в неделю 3-ю постов.

В субботу на малей вечерни, обычно триоди. На велицей вечерни, на Господи воззвах, стихиры воскресны 3: и Креста 4: и праздника 3. Слава, Креста: И ныне, праздника, [или Богородичен 1-й гласа.] Вход, прокимен дне, и ектении. На литии стихиры праздника, глас 1. Слава, Креста: И ныне, праздника. На стиховне стихиры воскресны. Слава, Креста: И ныне, праздника. На благословении хлебов тропарь праздника, дважды: и Креста единожды: и чтение. На утрени, на Бог Господь, тропарь воскресн дважды: Слава, Креста: И ныне, праздника. По кафисмах седальны воскресны, и богородичны их. и чтение во евангелии толковом. По непорочных ипакои гласа, и чтение во евангелии. Степенна, и прокимен гласа. Всякое дыхание: Евангелие воскресно. псалом 50: Стихира, глас 8: Покаяния отверзи ми двери: и прочее воскресно. Канон воскресн со ирмосом на 4, и праздника на 4, и Креста на 6. Катавасиа Креста: оба лика вкупе. По 3-й песни кондак праздника: и седален Креста, и чтение праздника. По 6-й песни, кондак и икос Креста: и чтение. На 9-й песни поем Честнейшую: Светилен воскресн. Слава, Креста: И ныне, праздника. На хвалитех стихиры воскресны 3, и Креста 2, и праздника 3, с припевы их. и потом припев: Воскресни Господи Боже мой: и поем самогласну стихиру триоди: Слава, туюжде: И ныне, Преблагословенна еси: Славословие великое. По трисвятом вход. и поем тропарь Креста: Спаси Господи люди твоя: трижды. и бывает поклонение честному Кресту по обычаю. таже ектениа: и оглашение Студитово. и отпуст, и исхождение. Слава, и ныне, стихира евангельская, и час 1-й в притворе. На часех, тропарь воскресн: Слава, Креста: И ныне, Богородичен часов. По Отче наш, кондак Креста. На 3-м часе, тропарь воскресн, Слава, праздника: И ныне, Богородичен часов. По Отче наш, кондак праздника, и Креста, пременяюще глаголем. На литургии, блаженна гласа на 4: и Креста песнь 3-я на 4: и праздника песнь 9-я на 4. По входе тропарь воскресн, и Креста, и праздника: Слава, кондак Креста: И ныне, праздника. Прокимен, апостол, Аллилуиа, Евангелие и причастен, прежде Креста, и потом праздника Богородицы. За Достойно, О тебе радуется: [Зри] Архангела Гавриила поем службу в понедельник.

[Зри] Аще случится отдание Благовещения, и Собор архистратига Гавриила, в неделю 3-ю поста, и аще есть храм его:

На велицей вечерни, Блажен муж: кафисма вся. На Господи воззвах, стихиры воскресны 3: и Креста подобны 3: и праздника подобна два, и архангела подобна два: обои на 4. Слава, Креста: И ныне, праздника: или Богородичен настоящаго гласа. Вход. Прокимен дне. На литии стихиры праздника. Слава, праздника: И ныне, Креста. На стиховне стихиры воскресны. Слава, Креста: И ныне, праздника. На благословении хлебов тропарь праздника дважды: и Креста единожды. и чтение во апостольских посланиих. На утрени, на Бог Господь: тропарь воскресн, единожды: и Креста единожды: Слава, архангела: И ныне, праздника. По кафисмах седальны воскресны, и богородичны их, и чтение во евангелии толковом. По непорочных ипакои гласа: и чтение. Степенна, и прокимен гласа. Евангелие воскресно: Воскресение Христово: псалом 50. Стихира, глас 8: Покаяния отверзи ми: и прочая. Канон воскресн, со ирмосом на 4: и праздника 3: и архангела 3: и Креста на 4. Катавасиа Креста. По 3-й песни кондак праздника, и архангела, и седален архангела: Слава, Креста: И ныне, праздника. По 6-й песни, кондак и икос Креста. На 9-й песни поем Честнейшую: Светилен воскресн: Слава, Креста: И ныне, праздника. На хвалитех стихиры воскресны 3: и Креста два: архангела со славным 3: с припевы его. Таже припев: Воскресни Господи Боже мой: и поем самогласну стихиру триоди. Слава, туюжде: И ныне, Преблагословенна еси Богородице Дево: Славословие великое. По трисвятом вход, и Креста поклонение по обычаю. и ектении, и отпуст. Слава, и ныне, стихира евангельская, и оглашение Студитово. и час 1-й в притворе. На 1-м часе, тропарь воскресн: Слава, Креста: И ныне, Богородичен часов. По трисвятом кондак Креста. На 3-м часе, тропарь воскресн: Слава, праздника: И ныне, Богородичен часов. По трисвятом, кондак праздника, и Креста, и архангела, глаголем пременяюще. Блаженна гласа на 4: и Креста песнь 3-я на 4: и архангела песнь 6-я на 4. По входе тропарь воскресн, и Креста, и праздника и архангела. Кондак Креста: Слава, архангела: И ныне, праздника. Прокимен Креста, и архангела. Апостол, Аллилуиа, и Евангелие, прежде Креста, и архангела. За Достойно поем: О тебе радуется: Причастен Креста, и архангела.

Аще случится Благовещения отдание в неделю 4-ю или 5-ю постов.

В субботу, на малей вечерни, стихиры по обычаю. На велицей вечерни, на Господи воззвах, стихиры воскресны 3: и анатолиев 1: и праздника 3: и архангела 3. Слава, праздника: И ныне, Богородичен 1-й, гласа. Вход, прокимен дне. На литии стихиры праздника 3, самогласны, глас 4, стиховны. Слава, и ныне, праздника. На стиховне стихиры воскресны по алфавиту. Слава, и ныне, праздника. На благословении хлебов, тропарь: Богородице Дево: трижды: и чтение. На утрени, на Бог Господь: тропарь воскресн дважды. Слава, архангела. И ныне, праздника. По кафисмах седальны воскресны с богородичны их: и чтение во евангелии толковом, и прочее воскресно. Канон воскресн, со ирмосом на 4 и триоди на 4: и праздника и архангела на 6. Катавасиа праздника. По 3-й песни, кондак архангела, и седален. Слава, и ныне, праздника. По 6-й песни, кондак и икос праздника. На 9-й песни, поем Честнейшую: Светилен воскресн. Слава, архангела. И ныне, праздника. На хвалитех стихиры воскресны 4: и праздника 4: со славою, с припевы его. Таже припев: Воскресни Господи Боже мой: и самогласен триоди: Слава, тойже: И ныне: Преблагословенна еси Богородице Дево: Славословие великое, тропарь воскресн. ектении, и отпуст, и оглашение Студитово, и обычное исхождение. Слава, и ныне, стихира евангельская. и час 1-й в притворе. На часех, тропарь воскресн. Слава, праздника: И ныне, Богородичен часов. По Отче наш, кондак праздника. На литургии, блаженна гласа на 6: и праздника песнь 9-я на 4. По входе тропарь воскресн и праздника, и архангела. кондак воскресн. Слава, архангела: И ныне, праздника. Прокимен, апостол, Аллилуиа, Евангелие, и причастен дне, и праздника. Вместо, Достойно, поем: О тебе радуется:

Аще случится отдание Благовещения Пресвятыя Богородицы в понедельник 4-я или 5-я или 6-я недели постов.

В неделю вечера, на Господи воззвах, стихиры триоди 3: и праздника 4: и архангела 3. Слава, и ныне, праздника. Вход, прокимен великий, ектениа: Исполним вечернюю: На стиховне стихиры триоди, самогласен дне, дважды, и мученичен: Слава, и ныне, праздника. По трисвятом тропари по чину постному, и поклоны три великия, и отпуст. Повечерие малое, без поклонов, поклоны от Слава в вышних: на немже глаголем канон рядовый минеи. В понедельник на утрени поем всю службу, якоже в ряду 26 числа писано.

Аще отдание Благовещения случится в среду 4-я недели постов, еже есть крестопоклонную.

Во вторник вечера, на Господи воззвах, стихиры на 10, триоди самогласен дне дважды, и мученичен: и подобны три, и праздника 4. Слава Креста: И ныне, праздника. Вход, прокимен, и чтение дне, и праздника. и по ряду божественная литургиа Златоустаго. [Зри] Архангела же службу поем во ин день, или на повечерии. Повечерие же и утреню поем, якоже предписася. На утрени, канон праздника, со ирмосом на 6: и Креста на 4. А идеже трипеснец, и поем канон праздника, со ирмосом на 4, и Креста на два. Трипеснец же поем по чину их на 8. последи ирмос трипеснца. По 3-й песни, кондак и икос праздника, и седален триоди. Слава, и ныне, праздника: По 6-й песни, кондак и икос Креста. На 9-й песни, поем Честнейшую: Светилен троичен. На хвалитех стихиры Креста, на 4: писаны во вторник вечера на Господи воззвах: Слава, и ныне, праздника. На стиховне триоди: Слава, самогласен триоди: И ныне, паки тойже. На 1-м часе, поклонение Креста, часы с поклоны по постному.

[Зри] Аще случится отдание Благовещения в четверток 5-я недели постов.

В среду вечера, и в четверток на утрени, поем всю службу праздника с триодию, якоже указася в день постен. А отдание поем Благовещения в четверток на утрени с трипеснцем апостольским: великий бо канон прелагается, и предпет есть сеяже седмицы во вторник.

Аще случится отдание праздника Благовещения в субботу акафиста.

В пяток вечера, поем стихиры на 10, триоди самогласен дне дважды: и праздника Богородицы на 8. Слава, триоди: Еже от века таинство: И ныне, праздника: Послан бысть: Вход, и чтение дне: и праздника два. Ектениа малая, и возглас трисвятаго: Яко свят еси Боже наш: таже поем, Святый Боже: Прокимен, апостол, Аллилуиа, Евангелие, и причастен праздника, и прочее: литургиа Златоустаго. На утрени, на Бог Господь: тропарь акафиста трижды. По 1-й кафисме кондаки 3, и икосы 3. и паки кондак 1-й, и чтение акафиста. По 2-й кафисме кондаки 3, и икосы 3. и паки кондак 1-й, и чтение. псалом 50. Канон праздника, со ирмосом на 6: и акафиста на 8. Катавасиа: Отверзу уста моя: оба лика вкупе. Четверопеснец же зде не поем: но напред поем на повечерии. По 3-й песни, кондаки 3, и икосы 3. и паки кондак 1-й: и потом седален праздника, и чтение праздника. По 6-й песни, кондаки 3, и икосы 3: таже кондак: О всепетая мати: трижды. и паки икос и кондак 1-й и чтение. На 9-й песни, Честнейшую не поем, но поем припев праздника. таже ирмос: Яко одушевленному: Светилен праздника, дважды. На хвалитех стихиры триоди, на 4: Слава, и ныне, праздника. Славословие великое. По трисвятом тропарь праздника. Ектении, и отпуст, и час 1-й. На 1-м часе, тропарь праздника. По трисвятом кондак праздника: и прочее, и совершенный отпуст. На литургии, блаженна акафиста, песнь 3-я и 6-я. Прокимен: Величит душа моя Господа: Апостол дне, таже Богородицы. Аллилуиа Богородицы. Евангелие дне, таже Богородицы: За Достойно, ирмос: Яко одушевленному Божию кивоту: Причастен: Чашу спасения:

Аще случится отдание Благовещения Пресвятыя Богородицы в субботу Лазареву, или неделю ваий, или во един от дней страстныя седмицы, или светлыя: тогда отдания Благовещения несть, и поются стихиры и канон попразднства, и архангела на повечерии в мимошедших днех шестыя недели.

27. Святыя матере нашея Матроны Селунския.

Аллилуиа. Стихиры, глас 4. Подобен: Яко добля: На стиховне триоди. На утрени, канон, глас 4. По 3-й песни, седален, глас 5.

28. Преподобнаго отца нашего Илариона новаго. И преподобнаго Стефана чудотворца.

Аллилуиа. Стихиры Илариона, глас 4. Подобен: Дал еси знамение: и Стефана, глас тойже. Подобен: Яко добля: На утрени, канон Илариона, глас 2: другий Стефана, глас 1. По 3-й песни, седален Илариона, глас 4. Слава, Стефана, глас 1.

29. Преподобнаго отца нашего Марка, епископа Арефусийскаго, и Кирилла диакона, и иных, при Иулиане мучителе пострадавших.

Аллилуиа. Стихиры, глас 8. Подобен: О преславнаго чудесе! На утрени, канон, глас 8. По 3-й песни, седален, глас 4.

30. Преподобнаго отца нашего Иоанна списателя Лествицы.

Стихиры, глас 8. Подобен: О преславнаго чудесе! Слава, глас 6: Преподобне отче, во всю землю: И ныне, Богородичен: На стиховне, Слава, глас 8: Монахов множества: И ныне, Богородичен. Аще суббота, или неделя, тропарь, глас 8: Слез твоих теченьми: септемвриа в 3 день. На утрени, канон, глас 8. По 3-й песни,

Кондак, глас 1. Подобен: Лик ангельский: Плоды присноцветущия от твоея книги принося учения премудре, услаждаеши сердца, сим с трезвением внемлющих блаженне: лествица бо есть, души возводящая от земли к небесней и пребывающей славе верою чтущих тя.

Таже седален, глас 8. По 6-й песни,

Кондак, глас 4. Подобен: Явился еси: На высоте Господь воздержания, истинна тя положи, якоже звезду нелестную, световодящую концы, наставниче Иоанне отче наш.

И икос: По 9-й песни, светилен. Слава, и ныне, Богородичен.

31. Преподобнаго и чудотворца Ипатиа, епископа гаггрскаго.

Аллилуиа. Стихиры, глас 8. Подобен: О преславнаго чудесе! На утрени, канон, глас 4. По 3-й песни, седален, глас 1.

Месяц априлий

имеяй дней 30. День имать часов 13, а нощь 11.

1. Преподобныя матере нашея Марии египтяныни.

На Господи воззвах, стихиры, глас 6. Подобен: Всю отложивше: Слава, глас 2: Душевная ловления: На стиховне триоди. Тропарь, глас 8: В тебе мати: септемвриа в 11 день. На утрени, канон, глас 4. По 3-й песни, седален, глас 8. По 6-й песни,

Кондак, глас 4. Подобен: Вознесыйся: Греха мглы избежавши, покаяния светом озаривши твое сердце славная, пришла еси ко Христу: сего всенепорочную и святую Матерь молитвенницу милостивную принесла еси. Отонудуже и прегрешений обрела еси оставление, и со ангелы присно срадуешися.

И икос. По 9-й песни, светилен. Подобен: Свете неизменный:

🕃 И преподобнаго отца нашего Евфимиа, Суждальскаго чудотворца.

Совершается собор его во обители его.

Тропарь, глас 3: Яко светозарная звезда, пришел еси от востока на запад, оставив отечество твое Нижний Новъград, и дошед богоспасаемаго града Суждаля, в нем обитель сотворил еси, и собрал еси монахов множества: и прием дар чудес от Бога, отче Евфимие, был еси о Христе собеседник и спостник преподобному Сергию. с нимже у Христа Бога испроси, здравие и спасение, и душам нашим велию милость.

Кондак, глас 2. Подобен: Вышних ищя: Волнений множество невлажно преходя, безплотныя враги струями слез твоих погрузил еси, богомудре Евфимие преподобне. тем и чудес дар приял еси: моли непрестанно о всех нас.

2. Преподобнаго отца нашего и чудотворца Тита.

Аллилуиа. Стихиры, глас 8. Подобен: О преславнаго чудесе! На утрени, канон святаго, глас 8. По 3-й песни, седален, глас 1. По 6-й песни,

Кондак, глас 4. Подобен: Явился еси: Жития молву оставил еси, и тихо все житие твое пожив мудре, к Богу пришел еси чудоносче отче наш, Тите преподобне.

По 9-й песни, светилен троичен.

3. Преподобнаго отца нашего Никиты исповедника, игумена обители Мидикийския.

Аллилуиа. Стихиры, глас 2. Подобен: Егда от древа: На утрени, канон, глас 2. По 3-й песни, седален, глас 4. По 6-й песни,

Кондак, глас 2. Подобен: Вышних ищя: Небесный ум и житие стяжав, сияеши ясно якоже солнце светлостию дел, просвещаеши сущия во тьме житейстей отче Никито. и приводя всех к Богу, моли непрестанно о всех нас.

4.Преподобных отец наших, Иосифа песнописца и Георгиа иже в Малеи.

Аллилуиа. Стихиры Иосифа, глас 2. Подобен: Егда от древа: И Георгиа, глас 1. Подобен: Небесных чинов: На утрени, канон Иосифа, глас 2: И Георгиа, глас тойже. По 3-й песни, седален Иосифа, глас 4. Слава, Георгиа, глас 3. По 6-й песни,

Кондак, глас 4. Подобен: Вознесыйся: Покаяния источник неисчерпаемый, утешения податель некончаемаго, и умиления пучина еси Иосифе, слезы нам подаждь покаяния божественнаго: имиже утешение зде плачущеся обрящем от Бога, твоея помощи просяще святе.

5. Святых мученик, Феодула и Агафопода, и иже с ними.

Аллилуиа. Стихиры, глас 1. Подобен: Небесных чинов: На утрени, канон, глас 4. По 3-й песни, седален, глас 8.

6. Иже во святых отца нашего Евтихиа, архиепископа Константинопольскаго.

Аллилуиа. Стихиры, глас 2. Подобен: Егда от древа: Тропарь, глас 4: Правило веры: септемвриа во 2-й день. На утрени, канон, глас 6. По 3-й песни, седален, глас 3. По 6-й песни,

Кондак, глас 8: Божественнаго верно Евтихиа вси поюще людие, любовию да ублажим яко пастыря велика, и служителя и учителя премудра, и прогонителя ересей: молит бо Господа о всех нас.

🕂 И память иже во святых отца нашего мефодиа, архиепископа Моравскаго.

Тропарь, глас 4: Святителя твоего, Христе, творяще светло торжество успения, милости твоея свыше подаждь, отверзи же царствия двери, разреши же юзы наша многих грехов, ходатайством святаго твоего ученика, отца нашего.

Кондак, глас 2: Божественна и верна Мефодиа вси воспоим людие, и любовию ублажим, яко пастыря великаго словеном, служителя Троицы честна, прогонителя ереси, молит бо ся о всех нас.

7. Преподобнаго отца нашего Георгиа, епископа Мелитинскаго.

Аллилуиа. Стихиры, глас 1. Подобен: Всехвальнии: На утрени, канон, глас 8. По 3-й песни, седален, глас 8.

8. Святых апостол, Иродиона, Агава, Асинкрита, Руфа, Флегонта и Ерма, и иже с ними.

Аллилуиа. Стихиры, глас 4. Подобен: Яко добля: На утрени, канон, глас 3. По 3-й песни, седален, глас 4. По 6-й песни,

Кондак, глас 2. Подобен: Вышних ищя: Явистеся Христовы ученицы и апостоли всечестнии, Иродионе славне, Агаве и Руфе, Асинкрите, Флегонте со Ермом, присно молитеся Господеви, подати нам согрешений прощение поющим вас.

9. Святаго мученика Евпсихиа.

Аллилуиа. Стихиры, глас 8. Подобен: Мученцы: На утрени, канон, глас 8. По 3-й песни, седален, глас 1.

10. Святых мученик, Терентиа, Помпииа, и иже с ними.

Аллилуиа. Стихиры, глас 4. Подобен: Яко добля: На утрени, канон, глас 8. По 3-й песни седален, глас 4. По 6-й песни,

Кондак, глас 2. Подобен: В молитвах: Мученическая честная память прииде днесь, веселящи всяческая, Терентиа премудраго и дружины его. тепле убо стецемся, да приимем исцеления: сии бо благодать от Бога прияша духа святаго, исцеляти недуги душ наших.

11. Святаго священномученика Антипы, епископа Пергама Асийскаго.

Стихиры, глас 4. Подобен: Дал еси знамение: Тропарь, глас 4: И нравом причастник: септемвриа в 3-й день.

Или сей, глас тойже: Идольския лести упразднил еси Антипо, и диавольскую поправ силу, пред богоборцы дерзновенно Христа исповедал еси. темже со ангельскими чины в вышних водворяяся, Владыце всех славословие принося, и о нас молебное благодарение предлагаеши, благодать цельбы даруя. сего ради тя чтим священномучениче Антипо, моли Христа Бога, да спасет души наша.

Канон, глас 4. По 3-й песни седален, глас 3. По 6-й песни,

Кондак, глас 4. Подобен: Вознесыйся: Апостолов сопрестольник, и святителей украшение был еси блаженне, мученически прославився, возсиял еси якоже солнце, всех просвещая, Антипо священне, разрушил еси безбожия нощь глубокую: сего ради тя почитаем, яко божественнаго суща священномученика, и целеб подателя.

12. Преподобнаго отца нашего и исповедника Василиа, епископа Парийскаго.

На Господи воззвах, стихиры, глас 8. Подобен: о преславнаго чудесе! На Утрени, канон, глас 8. По 3-й песни седален, глас 3. По 6-й песни,

Кондак, глас 2. Подобен: Вышних ищя: Вышняго светом озарився блаженне, просвещаеши вся, иже любовию чествующия твое отче честное страдание василие священнострадальне: моли Христа бога непрестанно о всех нас.

13. Святаго священномученика Артемона.

Стихиры, глас 1. Канон, глас 8. По 3-й песни седален, глас 4.

14. Иже во святых отца нашего и исповедника Мартина папы Римскаго.

Стихиры, глас 8. Подобен: Что вы наречем: Канон, глас 8.

15. Святых апостол, Аристарха, Пуда и Трофима.

Аллилуиа. Стихиры, глас 1. Подобен: Всехвальнии мученицы: Канон, глас 6. По 3-й песни, седален, глас 1. По 6-й песни,

Кондак, глас 4. Подобен: Явился еси: Явися апостольский честный сей праздник, просвещая нас, и греховную мглу прогоняя, зовущим: явися свет, и прииде избавление.

16. Святых мучениц, Агапии, Ирины и Хионии.

Аллилуиа. Стихиры, глас 4. Подобен: Яко добля: Канон, глас 8. По 3-й песни, седален, глас 8. По 6-й песни,

Кондак, глас 4: Крепко душу Ирино ополчила еси верою, яве лукаваго посрамивши, и ко Христу привела еси тьмы людей множества блаженная: и порфиру от кровей носящи, со ангелы ныне веселишися.

17. Преподобнаго отца нашего Симеона Персидскаго: И преподобнаго Акакиа, епископа Мелитинскаго.

Стихиры Симеона, глас 4. Подобен: Дал еси знамение: и Акакиа, глас 8. Подобен: О преславнаго чудесе! Канон Симеона, глас 5: и Акакиа, глас 8. По 3-й песни, седален Симеона, глас 1. Слава, Акакиа, глас 3.

🕂 Преподобнаго отца нашего Зосимы Соловецкаго.

Совершается собор его во обители его, и идеже храм его.

Тропарь, глас 4: Изволением божественнаго разума вселился еси в пустыню, и тамо вперив ум твой в небесныя обители, равно ангелом житие на земли пожив, в молитвах и трудех и пощениих, образ был еси твоим учеником. Отонудуже Бог видя твое благое изволение, умножи тебе чада в пустыни, слез твоих теченьми напаяемей: но яко имея дерзновение к Богу, поминай стадо, еже собрал еси мудре, и не забуди якоже обещался еси, посещая чад твоих, Зосимо преподобне отче наш.

Кондак, глас 8: Христовою любовию уязвився преподобне, и того крест славный на рамо взем понесл еси, божественне вооружився, и непрестанныя молитвы яко копие в руце имый, крепко ссекл еси бесовская ополчения. тем зовем ти: радуйся преподобне отче Зосимо, монахов удобрение.

18. Преподобнаго отца нашего Иоанна, ученика святаго Григориа Декаполита.

Аллилуиа. Стихиры, глас 8. Подобен: О преславнаго чудесе! На утрени, канон, глас 8. По 3-й песни седален, глас 1. По 6-й песни,

Кондак, глас 4. Подобен: Вознесыйся: Воздержанием отче, житие украсив, и плоть умертвил еси: темже и победил еси вражия прилоги преблаженне, и прешел еси к Богу в безскорбный и вечный живот, яко достоин наследник Иоанне: емуже молися спастися нам.

19. Преподобнаго отца нашего Иоанна ветхопещерника.

Стихиры, глас 5. Подобен: Преподобне отче: На утрени, канон, глас 4. По 3-й песни, седален, глас 8.

20. Преподобнаго отца нашего Феодора Трихины.

Стихиры, глас 8. Подобен: О преславнаго чудесе! На утрени, канон, глас 2. По 3-й песни, седален, глас 4. По 6-й песни,

Кондак, глас 4. Подобен: Явился еси: Явился еси предивен житием Феодоре мудре отче, власяными рубы изменив, паче царских сокровищ яже на земли: сего ради небесную одежду восприял еси, присно моли о нас преподобне.

21. Святаго священномученика Ианнуариа, и дружины его: И святаго священномученика Феодора, иже в Пергии:

Стихиры, Ианнуариа, глас 4. Подобен: Яко добля: и Феодора, глас тойже. Подобен: Дал еси знамение: На утрени, канон, Ианнуариа, глас 4: и Феодора, глас тойже. По 3-й песни седален, Ианнуариа, глас 4. Слава, Феодора, глас тойже. По 6-й песни,

Кондак, глас 3: Священия помазанием и мучения кровию украсистеся славнии, Ианнуарие и Феодоре, и сияете всюду в вышних ликующе, и нас назирайте в храм ваш пришедшия, и в нем непрестанно зовущия: всех нас соблюдите, моляще человеколюбца Бога.

22. Преподобнаго отца нашего Феодора Сикеота.

Стихиры, глас 5. Подобен: Преподобне отче:

Тропарь, глас 2: Познан быв, от пелен освящен, и явлься благодатей исполнен, чудесы мир озарил еси, и демонов множество отгнал еси, священнодетелю Феодоре: темже о нас молися Господеви.

На утрени, канон, глас 4. По 3-й песни, седален, глас 8. По 6-й песни,

Кондак, глас 3. Подобен: Дева днесь: Яко на огненную колесницу, добродетельми богоносе возшед, востекл еси на небесная жилища: яко ангел с человеки пожил еси: и яко человек со ангелы окрест ликовствуеши. сего ради показался еси чудес божественное приятелище, Феодоре преподобне.

23. 🕁 Святаго славнаго великомученика, победоносца и чудотворца Георгиа:

И святыя мученицы царицы Александры.

Аще храм, или восхощет настоятель, творим бдение.

На малей вечерни, На Господи воззвах, стихиры, глас 1. Подобен: Небесных чинов: Слава, глас тойже: Великаго Царя воине: И ныне, праздника: На стиховне стихиры самогласны, глас 4: с припевы их: 1-й, Праведник яко финикс процветет: 2-й, Насаждени в дому Господни. Слава, глас тойже. И ныне, праздника.

Тропарь, глас 4: Подвигом добрым подвизался еси страстотерпче Христов, верою, и мучителей обличил еси нечестие, жертва же благоприятна Богу принеслся еси: темже и венец приял еси победы, и молитвами святе твоими всем подаеши прегрешений прощение.

Ектениа малая, и отпуст. На велицей вечерни, поем: Блажен муж: 1-й антифон. На Господи воззвах, стихиры праздника, 3: и святаго, 5, глас 4. Самоподобен: Яко добля: Слава, глас 6. Достойно имени пожил еси: И ныне, праздника. Вход, прокимен дне, и чтения 3, святаго: 1-е, Пророчества Исаиина: Тако глаголет Господь: вси язы́цы собрашася: 2-е, Премудрости Соломони: Праведных души в руце Божией: 3-е, Премудрости Соломони: Праведник аще постигнет: На литии стихиры храма: и святаго самогласны, глас 1. Слава, глас 5: Возсия весна: И ныне, праздника. На стиховне стихиры святаго, глас 4. Подобен: Званный свыше: с припевы их, писаны на малей вечерни. Слава, глас тойже: Разумнаго адаманта: И ныне, праздника. На благословении хлебов,

Тропарь, глас 4: Яко пленных свободитель и нищих защититель, немощствующих врачь, царей поборниче, победоносче великомучениче Георгие, моли Христа Бога спастися душам нашим. Дважды.

И Богородице Дево: единожды. и Буди имя Господне: трижды. псалом 33: Благословлю Господа: до Не лишатся: Иерей: Благословение Господне на вас: и чтение святаго. На утрени, на Бог Господь, тропарь праздника, дважды. Слава, святаго: И ныне, праздника. По 1-й кафисме, седален праздника: Слава, и ныне, тойже. и чтем Евангелие толковое. По 2-й кафисме, седален святаго, глас 1. Слава, ин: И ныне, праздника, или Богородичен, и чтение. По полиелеи седален, глас 3. Слава, ин: И ныне, праздника, или Богородичен. Степенна, первый антифон 4-го гласа. Прокимен, глас 4: Праведник яко финикс процветет: Стих: Насаждени в дому Господни: Евангелие Луки, зачало 63: Ничтоже покровено есть: псалом 50. Стихира, глас 6: Днесь вселенная вся: Канон праздника со ирмосом на 6: и святаго два на 8: Един, глас 2: другий, глас 4. Катавасиа праздника: Воскресения день: По 3-й песни, кондак и икос праздника, и седален святаго, глас 8. Слава, ин: И ныне праздника. По 6-й песни,

Кондак, глас 4. Подобен: Вознесыйся: Возделан от Бога показался еси благочестия делатель честнейший, добродетелей рукояти собрав себе: сеяв бо в слезах, веселием жнеши, страдальчествовав же кровию, Христа приял еси: и молитвами святе твоими всем подаеши прегрешений прощение.

И икос, и чтем пролог. По 9-й песни, светилен святаго. Слава, ин: И ныне, праздника. На хвалитех, стихиры святаго на 4, глас 2. Подобен: Егда от древа: Слава, глас 2: Да помавают праведная: И ныне, праздника. Славословие великое. По трисвятом тропарь святаго: Слава, и ныне, праздника. Ектении, и отпуст: и дается святый елей братии от кандила святаго, и час 1-й. На 1-м часе, тропарь праздника: Слава, святаго: И ныне, Богородичен часов. По трисвятом кондаки праздника и святаго, глаголем пременяюще. На литургии, блаженна праздника, песнь рядовая: и от канона святаго, песнь 3. Прокимен праздника, и святаго, глас 7: Возвеселится праведник о Господе: Стих: Услыши Боже глас мой: Апостол дне, и святаго, деяний, зачало 29: Возложи Ирод царь руце: Аллилуиа дне, и святаго, глас 4: Праведник яко финикс процветет: Стих: Насаждени в дому Господни: Евангелие дне: и святаго, Иоанна, зачало 52: Си заповедаю вам: Причастен праздника, и святаго: В память вечную: На трапезе утешение братии.

[МРК] Указ о великом мученице Георгии.

Начинается от дне великаго пятка, и восходит до четвертка 5-я недели по Пасце. И аще случится великомученика Георгиа в великий пяток, или в великую субботу, или на самую Пасху, поются стихиры святаго, и канон, и прочая служба, в понедельник светлыя недели, с службою дневною.

[МРК] Аще ли случится великомученика Георгиа во един от дней светлыя недели.

Вечер, на Господи воззвах, стихиры воскресны 3: и святаго 3: Слава, святаго, глас 6: Достойно имени: И ныне, Богородичен 1-й, гласа. Вход. Свете тихий: прокимен дне. и чтения 3 святаго. Аще в самую неделю Пасхи вечера, глаголет иерей: О сподобитися нам: и прочая. и Евангелие чтется по чину. На стиховне стихира воскресна: таже стихиры Пасхи с припевы их. Слава, святаго, глас 4: Разумнаго адаманта: И ныне, Пасхи, глас 5: Воскресения день: Христос воскресе, трижды. Слава, тропарь святаго: И ныне, Богородичен 1-й, гласа. Иерей, Премудрость, и отпуст. На утрени, по Христос воскресе, и по четырех стисех, Слава, тропарь святаго: И ныне, Богородичен 1-й, гласа. таже, обычная ектениа и полиелей. таже седален святаго, дважды. Слава, и ныне, Богородичен: и чтение. таже степенна, 1-й антифон 4-го гласа. Прокимен: Всякое дыхание: Евангелие святаго. Воскресение Христово: трижды. Слава, Молитвами страстотерпца: И ныне, Молитвами Богородицы: Таже припев: Возвеселится праведник о Господе, и уповает на него. и поем стихиру святаго самогласну, глас 6: Днесь вселенная вся: Таже, молитва: Спаси Боже люди твоя: и Господи помилуй, 12. По возгласе канон Пасхи со ирмосом на 8, и святаго на 6: Катавасиа Пасхи, оба лика вкупе. По 3-й песни, кондак и икос Пасхи: и чтение. По 6-й песни, кондак и икос святаго, и чтение. Воскрес Иисус: трижды. Поем на оба лика. По 9-й песни, светилен Пасхи: Слава, святаго: И ныне, Пасхи. На хвалитех стихиры воскресны, три: и святаго три. Таже стихиры Пасхи, с припевы их: Слава, святаго: И ныне, Пасхи, Воскресения день: Христос воскресе: трижды. Слава, тропарь святаго: И ныне, Богородичен 1-й. Ектении, и отпуст. Часы же поются по обычаю. На литургии, антифоны Пасхи. По входе, Христос воскресе: трижды. таже тропарь святаго: Слава, кондак его: И ныне, Пасхи. Вместо же трисвятаго поем: Елицы во Христа: Прокимен, апостол, Аллилуиа, Евангелие, и причастен, прежде дне, и святаго.

[МРК] О памяти святаго Георгиа, аще случится в неделю Фомину.

В субботу светлыя недели, на малей вечерни, на Господи воззвах, стихиры праздника, на 4: Слава, святаго: И ныне, праздника. На стиховне стихиры святаго, с припевы его великия вечерни. Слава, святаго: И ныне, праздника. Тропарь святаго: Слава, и ныне, праздника. Ектения малая, и отпуст. На велицей вечерни, по обычней кафисме, на Господи воззвах, стихиры праздника, на 6: и святаго на 4. Слава, святаго: И ныне, праздника. Вход, и чтение святаго. На литии стихиры праздника, и святаго: Слава, святаго: И ныне, праздника: На стиховне праздника: Слава, святаго: И ныне, праздника. На благословении хлебов, тропарь праздника, дважды: и святаго, единожды: и чтение в деяниих апостольских. На утрени, на Бог Господь, тропарь праздника, дважды: Слава, святаго: И ныне, праздника. По кафисмах седальны праздника: и чтение. Полиелей, и седален, и чтение праздника. Степенна, 1-й антифон 4-го гласа. Прокимен: Всякое дыхание: Евангелие праздника, Матфеа, зачало 116: Единиинадесять ученицы: Воскресение Христово: трижды. псалом 50. Слава, Молитвами апостолов: И ныне, Молитвами Богородицы: Стихира: Воскрес Иисус: Канон праздника, со ирмосом на 8: и святаго на 6. Катавасиа Пасхи: Воскресения день: оба лика вкупе. По 3-й песни, кондак и икос святаго, и седален дважды: Слава, и ныне, праздника, и чтение в Богослове, емуже начало: Обновлением чтитися: По 6-й песни, кондак и икос праздника, и чтение. По 9-й песни, поем: Свят Господь Бог наш: на глас 1. Светилен праздника: Слава, святаго: И ныне, праздника. На хвалитех стихиры праздника 3: и святаго 3, поем же и самогласен святаго: Да помавают праведная: с припевом его: Возвеселится праведник о Господе: Слава, праздника: И ныне, Преблагословенна еси Богородице: Славословие великое. По трисвятом тропарь святаго. Слава, и ныне, праздника, и ектении, и отпуст, и оглашение Студитово, и обычное исхождение. Слава, и ныне, стихира евангельская, и час 1-й в притворе. На часех, тропарь праздника: Слава, святаго: И ныне, Богородичен часов. По Отче наш, кондаки пременяюще глаголем. На литургии, блаженна праздника, песнь 3-я, на 4: и святаго песнь 6-я на 4. По входе тропарь праздника, и святаго. Слава, кондак святаго: И ныне, праздника. Прокимен, апостол, Аллилуиа, Евангелие, и причастен, прежде праздника, таже святаго.

[МРК] Аще случится память святаго великомученика Георгиа в неделю мироносиц, или разслабленнаго, или самаряныни.

В субботу, на малей вечерни, на Господи воззвах, стихиры воскресны 4: Слава, святаго: И ныне, Богородичен. На стиховне стихира воскресна: и святаго стиховна, великия вечерни, с припевы его. Слава, святаго: И ныне, Богородичен. Тропарь воскресн: Слава, святаго: И ныне, Богородичен. Ектения малая, и отпуст. На велицей вечерни, по обычной кафисме, на Господи воззвах, стихиры воскресны гласа, три: и праздника 3: и святаго 4. Слава, праздника, самогласен триоди: И ныне, Богородичен 1-й, гласа. Вход. Прокимен дне: и чтения святаго 3. На литии стихиры храма, и святаго самогласны. Слава, святаго: И ныне, праздника. На стиховне стихира воскресна, и Пасхи. Слава, святаго: И ныне, триоди. На благословении хлебов тропарь, Богородице Дево, дважды: и святаго, единожды: и чтение в деяниих апостольских. [Зри] Аще есть неделя мироносиц, на Бог Господь, тропарь воскресн: Егда снизшел еси к смерти: единожды. Благообразный Иосиф: единожды. Слава, Георгиа: И ныне, Мироносицам женам: [Зри] Аще ли во ины недели, тропарь воскресн, дважды: Слава, святаго: И ныне, Богородичен 1-й, в тойже глас. По кафисмах седальны воскресны, и богородичны их, и чтение во евангелии толковом. Полиелей, и седальны оба святаго: Слава, седален по полиелеи. И ныне, Богородичен: и чтение святаго. Степенна, и прокимен гласа. Всякое дыхание: Евангелие воскресно. Воскресение Христово: трижды. Псалом 50. Стихира воскресна. Канон Пасхи, со ирмосом и с богородичны их, на 6: и святаго на 4: и триоди на 4. Поем же сице: на коейждо песни, тропарь воскресн един, и праздника един, и троичен, и Богородичен. Катавасиа, Воскресения день: По 3-й песни, кондак и икос святаго, и седален его дважды: Слава, и ныне, праздника: и чтение святаго. По 6-й песни, кондак и икос праздника. На 9-й песни, Честнейшую не поем. Светилен Пасхи. Слава, святаго: И ныне, праздника. На хвалитех стихиры воскресны 4: и святаго 4, со славным, и с припевы его. Слава, праздника: И ныне, Преблагословенна еси: Славословие великое По трисвятом тропарь воскресн, ектении, и оглашение, и отпуст, и обычное исхождение в притвор. Слава, и ныне, стихира евангельская, и час 1-й. На часех, тропарь воскресн: Слава, святаго: И ныне, Богородичен часов. По Отче наш, кондаки пременяюще глаголем. На литургии, блаженна гласа, на 4, и триоди песнь 3-я на 4: и святаго песнь 6-я, на 4. По входе тропарь воскресн, и святаго. Слава, кондак святаго: И ныне, праздника. Прокимен, апостол, Аллилуиа, Евангелие, и причастен прежде дне, таже святаго.

[МРК] Аще случится святаго великомученика Георгиа в среду Преполовения Пятьдесятницы.

Во вторник вечера поем, Блажен муж, 1-й антифон. На Господи воззвах, стихиры праздника 3, и святаго 3. Слава, святаго: И ныне, праздника. Вход. Прокимен дне, и чтения праздника 3, и святаго 3. На стиховне стихиры праздника, с припевы их. Слава, святаго: И ныне, праздника. По трисвятом, тропарь святаго: Слава, и ныне, праздника: и отпуст. На утрени, на Бог Господь, тропарь праздника, дважды. Слава, святаго: И ныне, праздника. По кафисмах седальны, и чтение праздника. Полиелей и седальны вси святаго, и чтение. Степенна, 1-й антифон 4-го гласа: Прокимен, Всякое дыхание: Евангелие святаго. Воскресение Христово: единожды. псалом 50, стихира святаго. Канон праздника первый 4-го гласа, со ирмосом на 6: и святаго, на 4: и праздника другий канон, глас 8, на 4. Катавасиа, ирмос последняго канона праздника, оба лика вкупе. По 3-й песни, кондак и икос святаго: и седален его дважды. Слава, и ныне, праздника. По 6-й песни, кондак и икос праздника. На 9-й песни, Честнейшую не поем. Светилен праздника: Слава, святаго: И ныне, праздника. На хвалитех стихиры праздника 3, и святаго 3: Слава, святаго: И ныне, праздника. Славословие великое. По трисвятом тропарь святаго: Слава, и ныне, праздника. таже ектении и отпуст: и час 1-й. На часех, тропарь праздника: Слава, святаго: И ныне, Богородичен часов. По Отче наш, кондаки праздника, и святаго, пременяюще глаголем. На Литургии, блаженна праздника, 4-го гласа, песнь 3-я, на 4: и святаго песнь 6-я, на 4. По входе тропарь праздника, и святаго. Слава, кондак святаго: И ныне, праздника. Прокимен, апостол, Аллилуиа, Евангелие и причастен прежде праздника, и святаго.

[МРК] Аще ли случится великомученика Георгиа в неделю самаряныни оставляется служба Преполовения Пятьдесятницы, и поется воскресна, и самаряныни, и святаго Георгиа.

24.Святаго мученика Саввы Стратилата.

Стихиры, глас 4. Подобен: Яко добля: Тропарь, глас 4: Мученк твой Господи: септемвриа во 2-й день.

Или сей, глас 5: Земнаго сана пояс оставив, и почести страдальче, пред мучителем льстивым царем Христа Бога суща исповедал еси, и того ради многа страдания подъял еси славне: тем прекрасным победы венцем увязлся еси от Царя всех царствующаго, с небесными вои светло преукрашен. предстоя тому Савво, моли, да спасет души наша.

На утрени, канон, глас 2. По 3-й песни, седален, глас 4. По 6-й песни,

Кондак, глас 4. Подобен: Вознесыйся: Непобедимый явлься стратилат, варварския козни победил еси, и страдальчествовав славне твердейши, множество врагов невидимых поборил еси. темже венец исплел еси победы, о нас моли Христа Савво всеблаженне, верою почитающих тя.

25. 🕂 Святаго апостола и евангелиста Марка.

На велицей вечерни, поем, Блажен муж, 1-й антифон. На Господи воззвах, стихиры на 8: праздника 3: и апостола 5, глас 1. Подобен: Небесных чинов: Слава, апостола, глас 6: Излияся благодать: И ныне, праздника. Вход, прокимен дне, и чтения 3. Писаны сего месяца в 30-м числе. На стиховне стихиры апостола, глас 1-й. Подобен: Всехвальнии мученицы: с припевы их. Слава, апостола, глас 8: Приидите небеснаго таинства: И ныне, праздника. По трисвятом,

Тропарь, глас 3: Апостоле святый и евангелисте Марко, моли милостиваго Бога, да прегрешений оставление подаст душам нашим.

Или сей, глас тойже: У верховнаго Петра научився, апостол Христов был еси, и яко солнце странам возсиял еси, александриом удобрение быв блаженне. тобою Египет от прелести свободися, евангельским твоим учением просвещ вся, яко свет столп церковный. сего ради твою память чтуще, светло празднуем Марко богогласе: моли тобою благовестимаго Бога, да согрешений оставление подаст душам нашим.

Слава, и ныне, праздника: и отпуст. На утрени, на Бог Господь, тропарь праздника дважды. Слава, апостола: И ныне, праздника. По кафисмах седальны апостола. Слава, и ныне, праздника, и чтение. По полиелеи седален апостола, дважды, глас 8. Подобен: Премудрости: Слава, и ныне, праздника. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Луки, зачало 50: Яви Господь и инех седмьдесят. По 50-м псалме стихира, глас 6: Излияся благодать: писана на Господи воззвах: Слава: Канон праздника, со ирмосом на 6: и апостола на 8, глас 1. Катавасиа, Воскресения день: По 3-й песни, кондак и икос праздника: и седален апостола, глас 1. Подобен: Гроб твой: Слава, и ныне, праздника. По 6-й песни,

Кондак апостола, глас 2: Подобен: Вышних ищя: С высоты приим благодать духа, риторская плетения разрушил еси апостоле, и языки вся уловив, Марко всеславне, твоему Владыце привел еси Божественное проповедав Евангелие.

И икос, и пролог. По 9-й песни, светилен апостола, дважды. Слава, и ныне, праздника. На хвалитех стихиры праздника 3: и апостола 3, глас 1. Подобен: Всехвальнии мученицы: Слава, глас 6: Премудрый ловче: И ныне, праздника: Славословие великое. По трисвятом, тропарь апостола. Слава, и ныне, праздника. Ектении, и отпуст, и час 1. На литургии, блаженна, от канона праздника, песнь рядовая на 4, и апостола песнь 3-я, на 4. Прокимен, глас 8: Во всю землю: Стих, Небеса поведают: Апостол, Соборнаго послания Петрова, зачало 63: Смиритеся убо под крепкую руку Божию: Аллилуиа, глас 1: Исповедят небеса чудеса твоя Господи. Евангелие Марка, зачало 23: Призва Иисус обанадесяте: Причастен: Во всю землю:

26. Святаго священномученика Василиа, епископа Амасийскаго.

Стихиры, глас 4. Подобен: Яко добля: На стиховне триоди. На утрени, канон, глас 4. По 3-й песни, седален, глас 3. По 6-й песни,

Кондак святаго, глас 4. Подобен: Явился еси: Царево повеление преобидев, царство небесное получил еси Василие, в немже ликуя, поминай нас чтущих память твою священномучениче.

🕃 И святаго отца Стефана, епископа Пермскаго.

Совершается собор его, идеже лежат мощи его, и идеже храм его.

Тропарь, глас 4: Божественным желанием от юнаго возраста, Стефане премудре разжегся, ярем Христов взял еси, и людей оляденевшая древле неверием сердца, божественное семя в них сеяв, евангельски духовне породил еси. темже преславную твою память почитающе молим тя: моли егоже проповедал еси, да спасет души наша.

Кондак, глас 8. Подобен: Взбранной: Самозванен не ищущим тебе святителю обрелся еси, люди от идольския лести свободив, ко Христовей вере привел еси, и волхва Пансотника посрамил еси: темже и первый епискп и учитель перми был еси. сего ради духовная твоя чада, яко тобою избавльшеся от идол, благодарная тебе возопием: радуйся Стефане учителю премудрый.

27. 🕃 Святаго священномученика Симеона, сродника Господня.

Стихиры праздника 3, и апостола 3, глас 4. Подобен: Яко добля: Слава, и ныне, праздника. На стиховне праздника,

Тропарь, глас 1: Христова тя сродника, Симеоне священноначальниче, и мученика тверда священно восхваляем, прелесть потребившаго, и веру соблюдшаго. темже днесь всесвятую твою память празднующе, грехов разрешение молитвами твоими приемлем.

На утрени, на Бог Господь, тропарь праздника дважды: Слава, святаго: И ныне, праздника. По кафисмах седальны триоди. Канон праздника, со ирмосом на 6: и святаго на 6, глас 4. По 3-й песни, кондак праздника, и святаго седален, глас 4, дважды. По 6-й песни,

Кондак, глас 4. Подобен: Явился еси: Яко звезду превелию, церковь имущи днесь богоглаголиваго Симеона, световодится зовущи: радуйся мучеников честный венче.

На литургии, прокимен, глас 8: Во всю землю изыде вещание их: Стих: Небеса поведают славу Божию: Апостол к коринфяном, зачало 131: Бог ны посланники: Аллилуиа, глас 1: Исповедят небеса чудеса твоя Господи. Евангелие Матфеа, зачало 56: Прииде Иисус во отечествие свое: Причастен, Во всю землю изыде:

28. Святых апостол Иасона и Сосипатра: И святых мученик, Дады, Максима и Кинтилиана.

Стихиры апостолов, глас 8. Подобен, Мученцы твои: и мучеников, глас 1. Подобен: Всехвальнии: Слава, и ныне, праздника. На стиховне праздника. Тропарь, глас 3: Апостоли святии: октовриа в 31 день. На утрени, канон апостолов, глас 8: и мучеников, глас 1-й. По 3-й песни,

Кондак апостолов, глас 4. Подобен: Явился еси: Явистеся яко звезды пресветлыя, просвещающе всю вселенную светом проповедания, апостоли божественнии, Иасоне и Сосипатре: спасайте верою чтущих вас.

И седален, глас 8. Слава, мучеников, глас 1: И ныне, праздника. По 6-й песни, кондак и икос праздника.

29. Святых 9 мучеников, иже в Кизице: И преподобнаго Мемнона чудотворца.

Стихиры мучеников 3, глас 8. Подобен: О преславнаго чудесе! И преподобнаго 3, глас 8 подобен тойже. Слава, и ныне, праздника. На стиховне праздника. На утрени, канон мучеников, глас 4: и преподобнаго, глас тойже. По 3-й песни,

Кондак святых, глас 2. Подобен: Вышних ищя: Твердый и всесветлый лик мученик девяти, трисолнечнаго божества исповедницы, на судищи тому начально взываху: кровь и души наша с телесы, яко непорочную жертву приносим тебе Владыко: в лицех небесных твоих сопричти, яко Бог милостивый.

И седален, глас 1-й. Слава, преподобнаго, глас 8. И ныне, праздника. По 6-й песни, кондак и икос праздника.

30. 🕂 Святаго апостола Иакова, брата святаго Иоанна Богослова.

На велицей вечерни, поем, Блажен муж 1-й антифон. На Господи воззвах, стихиры на 8, праздника 3, и апостола 5, глас 4. Подобен: Яко добля: Слава, апостола, глас 8: Приидите небеснаго таинства: И ныне, праздника. Вход, прокимен дне, и чтения 3, от Соборнаго послания Иаковля: 1, Иаков Богу и Господу Иисусу Христу раб: 2, Никтоже искушаемь да глаголет: 3, Братие моя, не на лица зряще: На стиховне стихиры апостола, глас 8. Подобен: О преславнаго чудесе! с припевы их. Слава, апостола, глас 1: Христу последовал еси: И ныне, праздника. По трисвятом,

Тропарь, глас 3: Апостоле святый Иакове, моли милостиваго Бога, да прегрешений оставление подаст душам нашим.

Или сей, глас тойже: Апостол Христов был еси избранный, и Богослову возлюбленному брат единородный всехвальне Иакове, поющим тя грехов оставление испроси, и душам нашим велию милость.

Слава, и ныне, праздника, и отпуст. На утрени, на Бог Господь, тропарь праздника дважды. Слава, апостола: И ныне, праздника. По кафисмах, седальны апостола. Слава, и ныне, праздника, и чтение. По полиелеи седален апостола дважды, глас 8. Подобен: Премудрости: Слава, и ныне, праздника. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме стихира, глас 1: Христу последовал еси: писана на стиховне: Слава. Канон праздника, со ирмосом на 6, и апостола на 8, глас 8. Катавасиа праздника. По 3-й песни кондак, и икос праздника, и седален апостола, глас 2: Уловив языки: Слава, и ныне, праздника, или Богородичен. По 6-й песни,

Кондак апостола, глас 2. Подобен: Вышних ищя: Глас божественный слышав призывающ тя, любовь отца презрел еси, и притекл еси, ко Христу, Иакове с сродником твоим славне: с нимже сподобился еси видети Господне Божественное Преображение.

И икос, и пролог. По 9-й песни светилен апостола дважды. Подобен: Жены услышите: Слава, и ныне, праздника. На хвалитех стихиры праздника 3, и апостола 3, глас 8. Подобен: О преславнаго чудесе! Слава, апостола, глас 6: Премудрый ловче: И ныне, праздника. Славословие великое. По трисвятом тропарь апостола. Слава: и ныне, праздника: Ектении, и отпуст, и час 1. На литургии, блаженна от канона праздника, песнь рядовая на 4: и апостола песнь 3-я на 4. Прокимен, глас 8: Во всю землю: Стих: Небеса поведают: Апостол деяний, зачало 29: Возложи Ирод царь руце: Аллилуиа, глас 1: Исповедят небеса чудеса твоя Господи. Евангелие Луки, зачало 17: Стояше Иисус при езере Геннисаретсте: Причастен: Во всю землю:

Месяц маий

имеяй дней 31. День имать часов 14, а нощь часов 10.

1. Святаго пророка Иеремии.

На Господи воззвах, стихиры, глас 8. Подобен: Господи, аще и на судищи: Слава, и ныне, Богородичен: или праздника. На стиховне триоди. Тропарь, глас 2: Пророка твоего Иеремии: септемвриа в 4 день. На утрени, канон, глас 8. По 3-й песни,

Кондак, глас 3. Подобен: Дева днесь: Очистив духом, великий пророче и мучениче, твое светозарное сердце, славне Иеремие, пророчествия дар свыше приял еси, и возопил еси, велегласно во странах: се Бог наш, и не приложится ин к нему, иже воплощься на земли явился есть.

И седален, глас 8. Слава, и ныне, триоди. По 6-й песни кондак и икос праздника, и пролог и прочая служба по обычаю. На литургии, прокимен, глас 4: Ты иерей во век по чину Мельхиседекову. Стих: Рече Господь Господеви моему: Апостол к коринфяном, зачало 156: Не дети бывайте умы: Аллилуиа, глас 5: Моисей и Аарон во иереех его: Евангелие Луки, зачало 14: Дивляхуся народи о словесех: Причастен: В память вечную:

🕃 В тойже день преподобнаго Пафнутиа Боровскаго.

Совершается собор его во обители его, и идеже храм его.

Тропарь, глас 4: Жития светлостию просветив твое отечество, в молитвах и постех дарований Божественнаго Духа исполнился еси: и во временней сей жизни добре подвизався, милости благоутробия всем скорбящим отверзл еси, и нищим был еси заступник. тем молим тя отче Пафнутие, моли Христа Бога, да спасет души наша.

Кондак, глас 8. Подобен: Взбранной: Божиим светолитием просвещен отче, постническое стяжал еси жительство преподобне, иноком предобрый наставниче, и постником благое украшение. сего ради Господь труды твоя видев, чудес даром обогати тя: источаеши бо исцеления. мы же радующеся вопием ти: радуйся отче Пафнутие.

2. 🕃 Во святых отца нашего Афанасиа Великаго, патриарха Александрийскаго.

На Господи воззвах, стихиры, глас 4. Подобен: Званный свыше: Ины стихиры, глас 5. Подобен: Преподобне отче: Слава, глас 6: Христова святителя воспоем: И ныне, праздника. На стиховне триоди: Слава, святаго, глас 3: Паки нам златотечный Нил: И ныне, праздника.

Тропарь, глас 3: Столп был еси православия, божественными догматы подтверждая церковь священноначальниче Афанасие: Отцу бо Сына единосущна проповедав, посрамил еси Ариа. Отче преподобне, Христа Бога моли, даровати нам велию милость.

Слава, и ныне, праздника. На утрени, на Бог Господь, тропарь праздника, дважды. Слава, святаго: И ныне, праздника, и обычныя кафисмы. По кафисмах седальны праздника, и чтение. Канон праздника, со ирмосом на 6: и святаго на 6, глас 8. По 3-й песни кондак и икос праздника, и седален святаго, глас 8, дважды. Слава, и ныне, праздника. По 6-й песни,

Кондак, глас 2. Подобен. Кровей твоих: Православия насадив учения, злославия терния изсекл еси, умножив семя веры, одождением Духа преподобне: темже тя поем Афанасие.

И икос, и пролог. По 9-й песни светилен святаго. Слава, ин: И ныне, праздника. На хвалитех стихиры, глас 4. Подобен: Яко добля: Слава, глас 4: Великая церковная трубо: И ныне, праздника. На стиховне стихиры праздника. Слава, Афанасиа, глас 3: Великое украшение: И ныне, праздника. На Литургии, блаженна праздника, песнь рядовая: и святаго песнь 3. Прокимен, глас 7: Честна пред Господем: Стих: Что воздам Господеви: Апостол ко евреем, зачало 318: Таков нам подобаше: Аллилуиа, глас 2: Священницы твои облекутся: Евангелие Матфеа, зачало 11: Вы есте свет мира: Причастный: В память вечную:

3. Святых мученик, Тимофеа и Мавры:

Стихиры, глас 4. Подобен: Яко добля: Слава, и ныне, праздника. Тропарь, глас 4: Мученцы твои Господи: септемвриа в 20-й день. На утрени, канон глас 6. По 3-й песни,

Кондак, глас 4. Подобен: Вознесыйся: Многообразныя язвы претерпевше и венцы от Бога приемше, о нас молитеся ко Господу, память всесвященную вашу совершающих, превеликий Тимофее, и преславная Мавро, еже умирити град и люди: той бо есть верных утверждение.

По 6-й песни, кондак и икос праздника.

🕂 В тойже день успение преподобнаго отца нашего Феодосиа, игумена монастыря Печерскаго, и начальника в Российстей земли монашескаго общаго жития.

Совершается собор его во обители его, и идеже храм его: в прочих же церквах полиелей.

Тропарь, глас 8: Возвысився на добродетель, из млада возлюбив монашеское житие, к желанию доблественне достиг, вселился еси в пещеру, и украсив житие твое пощением и светлостию, в молитвах яко безплотен пребывал еси, в Российстей земли яко светлое светило просияв, отче Феодосие: моли Христа Бога, спастися душам нашим.

Кондак, глас 3. Подобен: Дева днесь: Звезду Российскую днесь почтим, от востока возсиявшую, и на запад пришедшую, всю бо страну сию чудесы и добротою обогатившу, и вся ны содеянием и благодатию монашескаго устава, блаженнаго Феодосиа.

4. Святыя преподобномученицы Пелагии.

Стихиры, глас 2. Подобен: Егда от древа: Слава, и ныне, праздника. На стиховне триоди. Тропарь, глас 4: Агница твоя Иисусе, Пелагиа: септемвриа в 16-й день. На утрени, канон глас 4. По 3-й песни,

Кондак, глас 3. Подобен: Дева днесь: Временная презревши, и небесных благ причастница бывши, венец страдания ради приимши, Пелагие всечестная, яко дар принесла еси, кровныя потоки Владыце Христу: моли от бед избавити нас, твою память почитающих.

И седален, глас 1. Слава, и ныне, праздника. По 6-й песни, кондак и икос праздника.

5. Святыя и славныя мученицы Ирины.

Стихиры, глас 1. Подобен: Всехвальнии мученицы: Слава, и ныне, праздника. Тропарь, глас 4: Агница твоя Иисусе: септемвриа в 16 день. На утрени, канон, глас 4. По 3-й песни,

Кондак, глас 4. Подобен: Явился еси днесь: Девства добротами преиспещрена Дево, страдальчеством была еси краснейшая Ирино, кровьми твоими истекшими обагрена, прелесть же низложившая безбожия. сего ради и прияла еси почести победы, рукою создателя твоего.

И седален, глас 8. Слава, и ныне, праздника. По 6-й песни, кондак и икос праздника.

6. Святаго и праведнаго Иова Многострадальнаго.

Стихиры, глас 4. Подобен: Дал еси знамение: Слава и ныне, праздника.

Тропарь, глас 1: Богатство видев добродетелей Иовлих, украсти кознствоваше праведных враг, и растерзав столп телесе, сокровище не украде духа: обрете бо вооруженну непорочнаго душу, мене же и обнажив плени: предварив убо мя прежде конца, избави мя льстиваго, Спасе и спаси мя.

На утрени, канон, глас 4. По 3-й песни,

Кондак, глас 8. Подобен: Яко начатки: Яко истинен и праведн, богочестив и непорочен, освящен же явлься всеславне, Божий угодниче истинный, просветил еси мир в терпении твоем, терпеливейший и доблейший: темже вси Богомудре память твою воспеваем.

И седален, глас 3. Слава, и ныне, праздника. По 6-й песни, кондак и икос праздника. На литургии, прокимен, глас 7: Честна пред Господем: Стих: Что воздам Господеви: Апостол к галатом, зачало 213: Плод духовный: Аллилуиа, глас 6: Блажен муж бояйся Господа: Стих: Сильно на земли: Евангелие Матфеа, зачало 43: Вся мне предана суть: Причастен: В память вечную:

7. 🕃 Воспоминание на небеси явльшагося знамения Честнаго Креста, во граде Иерусалиме, от святаго Лобнаго места протяженнаго звездами, даже до святыя горы Елеонския, в 3-й час дне, при царе Константии, сыне великаго Константина:

И святаго мученика Акакиа.

На Господи воззвах, стихиры Креста на 6, глас 4. Подобен: Званный свыше: Слава, глас 8: Возвестиша небеса: И ныне, праздника.

Тропарь, глас 8: Креста твоего образ ныне паче солнца возсия, егоже горы святыя даже до лобнаго места простерл еси, и в нем твою Спасе, крепость уяснил еси, сим укрепляя и верныя наша цари: яже и спасай выну в мире, молитвами Богородицы Христе Боже, и спаси нас.

Слава, и ныне, праздника.

Служба мученика Акакиа поется на повечерии.

На утрени, на Бог Господь, тропарь праздника, дважды. Слава, и ныне, Креста. Канон праздника со ирмосом на 6, и Креста на 6, глас 4. По 3-й песни, кондак и икос праздника: и седален Креста, глас 4. дважды. Слава, и ныне, праздника. По 6-й песни,

Кондак, глас 4. Подобен: Вознесыйся: Отверзый небеса заключенная, на небеси пресветлыя лучи, на земли возсия пречистый Крест: темже сияние его действа приемше, к незаходимому наставляемся свету, и во бранех имамы его оружие мира непобедимую победу.

И икос. По 9-й песни, светилен Креста, дважды. Слава, и ныне, праздника. На литургии, прокимен, глас 6: Возносите Господа Бога нашего: Стих: Господь воцарися: Апостол к коринфяном, зачало 125: Слово крестное: Аллилуиа, глас 1: Помяни сонм твой: Стих: Бог же Царь наш: Евангелие Иоанна, зачало 60: Совет сотвориша архиереи и старцы на Иисуса: Причастен: Знаменася:

8. 🕁 Святаго славнаго, всехвальнаго апостола и евангелиста, наперсника возлюбленнаго, девственника, Иоанна Богослова:

И преподобнаго отца нашего Арсениа Великаго.

На малей вечерни, стихиры апостола, на 4, глас 2. Егда от древа: Слава, глас тойже, самогласен: Апостолов верховнаго: И ныне, праздника. На стиховне праздника. Слава, апостола: И ныне, праздника. По трисвятом,

Тропарь апостола, глас 2: Апостоле Христу Богу возлюбленне, ускори избавити люди безответны, приемлет тя припадающа, иже падша на перси приемый: егоже моли Богослове, и належащий облак языков разгнати, прося нам мира и велия милости.

Слава, и ныне праздника. Ектениа малая, и отпуст. На велицей вечерни, по обычном псалме поем: Блажен муж, 1-й антифон. На Господи воззвах, стихиры праздника, 3: и апостола 3, на 4: повторяюще 1-ю, глас 1. Подобен: Небесных чинов: и преподобнаго 3, глас 8. Подобен: О преславнаго чудесе! Слава, апостола, глас 2: Сына громова: И ныне, праздника. Вход. прокимен дне. Чтения апостола 3, писаны септемвриа в 26-й день. На литии стихира храма, или праздника. и апостола самогласны 4, глас 1: и преподобнаго стихира, глас 5. Слава, апостола, глас 4: Возлег на перси: И ныне, праздника. На стиховне стихиры апостола, глас 4. Подобен: Званный свыше: с припевы их. Слава, глас 6: Апостоле Христов: И ныне, праздника: По трисвятом тропарь апостола дважды: писан на малей вечерни. и Богородице Дево, единожды, и благословение хлебов: и чтение во откровении апостолове. На утрени, на Бог Господь, тропарь праздника, единожды: и апостола единожды. Слава, преподобнаго, глас 8. Слез твоих теченьми: септемвриа в 3-й день. И ныне, праздника, и обычныя кафисмы. По 1-й кафисме седален апостола, глас 1, дважды: Слава, и ныне, праздника: и чтение. По 2-й кафисме седален апостола, глас 5, дважды: Слава, и ныне, праздника. По полиелеи седален апостола, глас 8, дважды: Слава, и ныне, праздника. и чтем слово похвальное апостола. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме стихира апостола, глас 2: Богослове девственниче: Канон праздника, со ирмосом на 4: ирмос по дважды: и апостола на 6: и преподобнаго, на 4: Катавасиа, праздника. По 3-й песни,

Кондак преподобнаго, глас 3. Подобен: Дева днесь: От Рима возсиял еси якоже солнце великое, и к царскому граду достигл еси преблаженне, словесы твоими просвещая сего и делы, всяку неразумия мглу отгоня. сего ради тя почитаем, отцев славо, Арсение преподобне.

И икос. и седален апостола, глас 8. Слава, преподобнаго, глас и подобен тойже. И ныне, праздника. По 6-й песни,

Кондак апостола, глас 2: Величия твоя девственниче, кто повесть? точиши бо чудеса, и изливаеши исцеления, и молишися о душах наших, яко богослов и друг Христов.

И икос. По 9-й песни, светилен апостола: Слава, Арсениа: И ныне, праздника: На хвалитех стихиры праздника 3: и апостола 3, глас 8. Подобен: О преславнаго чудесе! Слава, глас тойже: Благовестниче Иоанне: И ныне, праздника. Славословие великое. По трисвятом тропарь апостола: Слава, преподобнаго: И ныне, праздника. Ектении, и отпуст. И дается елей братии от кандила святаго, поющим нам стихиру самогласну, якоже указася септемвриа в 26-й день: и час 1-й. На 1-м часе, тропарь, праздника, Слава, апостола: И ныне, Богородичен часов. По трисвятом кондак праздника, и прочая: и совершенный отпуст. На часех, кондак праздника, и апостола, глаголем пременяюще. На литургии, блаженна праздника, песнь рядовая: и апостола 6-я. Прокимен, глас 8: Во всю землю изыде: Стих: Небеса поведают: Апостол соборнаго послания Иоаннова, зачало 68: Еже бе исперва: Аллилуиа, глас 1: Исповедят небеса чудеса твоя Господи. Евангелие Иоанна, зачало 61: Стояху при Кресте Иисусове: Причастен, Во всю землю:

[МРК] Указ о празднице святаго и всехвальнаго апостола и евангелиста Иоанна Богослова.

Начинается от субботы 2-я недели по Пасце, и восходит до 7-я недели святых отец.

[МРК] Подобает ведати. яко аще случится святаго Иоанна Богослова, в неделю мироносиц, или о разслабленном, или самаряныни, или о слепом.

В субботу, на малей вечерни, на Господи воззвах, стихиры воскресны 4: Слава, апостола: И ныне, Богородичен. На стиховне стихира воскресна: и апостола стиховна великия вечерни, с припевы его. Слава, апостола: И ныне, Богородичен. Тропарь воскресн: Слава, апостола: И ныне, Богородичен: ектения малая, и отпуст. На велицей вечерни, по обычной кафисме, на Господи воззвах, стихиры воскресны гласа 3: и праздника 3: и апостола 4. Слава, праздника, самогласен триоди: И ныне, Богородичен 1-й гласа. Вход, прокимен дне. и чтения апостола 3. На литии стихира храма, и апостола самогласны: Слава, апостола: И ныне, праздника. На стиховне стихира воскресна, и Пасхи. Слава, апостола: И ныне, триоди. На благословении хлебов тропарь: Богородице Дево, дважды: и апостола единожды. и чтение в деяниих апостольских. [Зри] Аще есть неделя мироносиц, на Бог Господь, тропарь воскресн: Егда снизшел еси к смерти: единожды. Благообразный Иосиф: единожды. Слава, апостола: И ныне, Мироносицам: [Зри] Аще ли во ины недели, Тропарь воскресн дважды: Слава, апостола: И ныне, Богородичен 1-й, в тойже глас. По кафисмах седальны воскресны, и богородичны их: и чтение во евангелии толковом. Полиелей и седальны оба апостола: Слава, седальны по полиелеи: И ныне, Богородичен: и чтение апостола. Степенна, и прокимен гласа: Всякое дыхание: Евангелие воскресно. Воскресение Христово: трижды: псалом 50. стихира воскресна. Канон Пасхи, со ирмосом, и с богородичны их, на 6: и апостола на 4: и триоди на 4. Поем же сице: на коейждо песни тропарь воскресн един, и праздника 1, и троичен, и Богородичен. Катавасиа: Воскресения день: По 3-й песни, кондак апостола, и икос: и седален его дважды: Слава, и ныне, праздника: и чтение апостола. По 6-й песни, кондак праздника, и икос. На 9-й песни, Честнейшую не поем. Светилен Пасхи. Слава, апостола: И ныне, праздника. На хвалитех, стихиры воскресны 4: и апостола 4, со славным, и с припевы его. Слава, праздника: И ныне, Преблагословенна еси: Славословие великое. По трисвятом тропарь воскресн. ектении, и оглашение, и отпуст. и обычное исхождение в притвор. Слава, и ныне, стихира евангельская, и час 1-й. На часех, тропарь воскресн. Слава, апостола: И ныне, Богородичен часов. По Отче наш, кондаки пременяюще глаголем. На литургии, блаженна гласа, на 4: и триоди песнь 3-я, на 4: и апостола, песнь 6, на 4. По входе тропарь воскресн, и апостола. Слава, кондак апостола: И ныне, праздника. Прокимен, апостол, Аллилуиа, Евангелие и причастен прежде дне, и апостола. [Зри] Святаго же Арсениа служба оставляется, и поется, егда хощет настоятель, или церкве начальник.

[МРК] О томже празднице подобает ведати, аще случится праздник святаго апостола Иоанна Богослова, в среду Преполовения.

В вторник на малей вечерни, стихиры апостола на 4: Слава, апостола: И ныне, праздника. На стиховне стихиры апостола, великия вечерни, со стихи их. Слава, апостола: И ныне, праздника. По трисвятом тропарь апостола: Слава, и ныне, праздника. Ектения малая, и отпуст. Аще ли не будет бдения, на повечерии кондак апостола. Слава, и ныне, праздника. На велицей вечерни, поем, Блажен муж, 1-й антифон. На Господи воззвах, стихиры праздника на 4: и апостола на 4. Слава, апостола. И ныне, праздника. Вход. Прокимен дне. и чтения праздника, и апостола. На литии стихира храма, и апостола самогласны: Слава, апостола: И ныне, праздника. На стиховне стихиры праздника, со стихи их. Слава апостола: И ныне, праздника. На благословении хлебов, тропарь праздника, дважды: и апостола единожды. и чтение апостола во апокалипсии. На утрени, на Бог Господь, тропарь праздника дважды. Слава, апостола: И ныне, праздника. По кафисмах седальны праздника, и чтение праздника. Полиелей, и седальны апостола оба: Слава, по полиелеи седален: И ныне, Богородичен его: и чтение апостола: Степенна, 1-й антифон 4-го гласа. Прокимен апостола: Всякое дыхание: Евангелие апостола. Воскресение Христово: псалом 50. стихира апостола. Канон праздника, глас 4, со ирмосом на 4: и апостола на 6. и другий канон праздника, глас 8, на 4. Катавасиа, ирмос праздника, 8 гласа, оба лика вкупе. По 3-й песни кондак и икос апостола, и седален апостола, дважды. Слава, и ныне, праздника, и чтение апостола. По 6-й песни, кондак и икос праздника. На 9-й песни, Честнейшую не поем. Светилен праздника. Слава, апостола: И ныне, праздника. На хвалитех стихиры праздника 3, и апостола 3: Слава, апостола, глас 8: Евангелисте Иоанне: И ныне, праздника. Славословие великое. По трисвятом тропарь апостола. Слава, и ныне, праздника. ектении, и оглашение, и отпуст, и обычное исхождение, и час 1-й в притворе. На часех, тропарь праздника. Слава, апостола: И ныне, Богородичен часов. По Отче наш, кондаки глаголем пременяюще. На литургии, блаженна праздника, от канона 4-го гласа, песнь 3-я, на 4: и апостола песнь 6-я, на 4. По входе тропарь праздника, и апостола. Слава, кондак, апостола: И ныне, праздника. Прокимен, апостол, Аллилуиа, Евангелие и причастны прежде праздника: таже апостола. Святаго же арсениа служба поется во ин день.

[МРК] О томже празднице подобает ведати, аще случится память святаго апостола Иоанна Богослова в неделю самаряныни.

Оставляется служба Преполовения, и поется воскресна, и самаряныни, и богослова, якоже указася прежде во ины недели.

[МРК] О томже празднице, аще случится святаго апостола Иоанна Богослова в среду пред Вознесением, во отдание Пасхи.

Во вторник вечера, на малей вечерни, стихиры апостола на 4. Слава, апостола: И ныне, дне. На стиховне стихиры апостола, великия вечерни, с припевы их. Слава, апостола: И ныне, дне. Тропарь апостола: Слава, и ныне: Вся паче: Ектения малая, и отпуст. [Зри] Аще же несть бдения, на повечерии глаголем кондак апостола: Слава, и ныне, Пасхи: Аще и во гроб: На велицей вечерни, по обычном псалме, поем Блажен муж, 1 антифон. На Господи воззвах, стихиры о слепом, на 6: и апостола на 4. Слава, апостола: И ныне, дне: Кто возглаголет: Вход: Прокимен дне, и чтение апостола. На литии стихира храма: и апостола самогласны. Слава, апостола: И ныне: Се исполнися: На стиховне стихира воскресна, глас 5: Тебе воплощеннаго: Таже стихиры Пасхи, с припевы их. Слава, апостола: И ныне, Пасхи, Воскресения день: и Христос воскресе: единожды. На благословении хлебов тропарь апостола, дважды: и Богородице Дево, единожды. и чтение во откровении апостола Иоанна. [Зри] Аще же несть бдения, по Ныне отпущаеши, и по трисвятом, тропарь воскресн гласа: Слава, апостола: И ныне, Богородичен: и отпуст. Полунощницу же поем по обычаю. По 1-м трисвятом, вместо Се жених: глаголем тропарь воскресн: Собезначальное Слово: Слава, и ныне, Богородичен его. По 2-м, вместо Помяни Господи, кондак Пасхи: Аще и во гроб: Посем, Господи помилуй, 12. и отпуст. Молитвы же, Помяни Господи, не глаголем. На Бог Господь, тропарь воскресн дважды, глас 5: Собезначальное Слово: Слава, апостола: И ныне: Вся паче смысла: По 1-й кафисме седален воскресн, и чтение. По 2-й кафисме седален о слепом, и чтение. Полиелей, и седален апостола, вси по единожды: и чтение. Степенна, 1-й антифон 4-го гласа. Прокимен апостола: и Всякое дыхание: Евангелие апостола: Воскресение Христово: псалом 50. стихира апостола. Канон Пасхи, без богородичнов, со ирмосом на 6: и апостола на 4, и о слепом на 4. Поем же во всякой песни тропарь о слепом по дважды: Слава, троичен: И ныне, Богородичен. Катавасиа, ирмос: Спасителю Богу: оба лика вкупе. Предпразднства же канон зде оставляется: и поем его во вторник напреди. По 3-й песни, кондак и икос апостола. Таже ипакои Пасце: Предварившия утро: Слава, седален апостола. И ныне, слепаго: и чтение апостола. По 6-й песни, кондак и икос Пасхи. На 9-й песни, Честнейшую не поем. Светилен Пасхи: Слава, апостола: И ныне, слепаго. На хвалитех стихиры апостола на 4. Таже, Да воскреснет Бог: и стихиры Пасхи с припевы их. Слава, апостола: И ныне, Пасхи, глас 5: Воскресения день: и Христос воскресе: единожды. Славословие великое. Тропарь воскресн: Слава, апостола: И ныне: Вся паче смысла: Ектении, и оглашение, и отпуст, и исхождение, и час 1-й в притворе. На часех, тропарь воскресн: Слава, апостола: И ныне, Богородичен часов. По Отче наш: кондаки Пасхи, и апостола, пременяем. На литургии, блаженна от канона Пасхи, песнь 3, на 4: и апостола песнь 6, на 4. По входе тропарь воскресн, и апостола: Слава, кондак апостола: И ныне, Пасхи. Прокимен, и Аллилуиа Пасхи, и апостола. Апостол, и Евангелие дне, и апостола. Причастен: Тело Христово: Другий: Во всю землю:

[МРК] О томже празднице подобает ведати, аще случится святаго апостола Иоанна Богослова в четверток Вознесения.

На малей вечерни, стихиры праздника на 4: Слава, апостола: И ныне, праздника. На стиховне стихиры апостола, с припевы их, великия вечерни. Слава, апостола: И ныне, праздника. Тропарь апостола: Слава, и ныне, праздника. Ектениа малая, и отпуст. [Зри] Аще ли несть бдения, на повечерии кондак апостола: Слава, и ныне, праздника. На велицей вечерни: Блажен муж, 1-й антифон. На Господи воззвах стихиры праздника, на 6: и апостола на 4: Слава, апостола: И ныне, праздника. Вход. Прокимен дне, и чтение праздника, и апостола. На литии стихиры праздника, и апостола: Слава, апостола: И ныне, праздника. На стиховне стихиры праздника, с припевы их: Слава, апостола. И ныне, праздника. На благословении хлебов тропарь праздника, дважды: и апостола единожды, и чтение праздника. На Бог Господь тропарь праздника, дважды. Слава, апостола: И ныне, праздника. По кафисмах седальны праздника, и чтение. Полиелей, и седален праздника, и чтение праздника. Степенна, 1-й антифон 4-го гласа. Прокимен, и Евангелие праздника. Воскресение Христово: псалом 50. стихира праздника. Канон праздника, глас 5, со ирмосом на 6: и апостола, на 4: и другий, праздника, на 4. Катавасиа: Божественным покровен: оба лика вкупе. По 3-й песни, кондак и икос апостола, и седален, дважды: Слава, и ныне, праздника, и чтение апостола. По 6-й песни, кондак и икос, праздника. На 9-й песни, Честнейшую не поем, но поем припевы праздника: к тропарем же апостола: Святый апостоле и евангелисте Иоанне Богослове, моли Бога о нас. Светилен праздника: Слава, апостола: И ныне, праздника: На хвалитех стихиры на 6, праздника 3: и апостола 3: Слава, апостола: И ныне, праздника. Славословие великое: По трисвятом тропарь апостола. Слава, и ныне, праздника. Ектении, и оглашение, и отпуст. дается же и святый елей братии от кандила святаго. И обычное исхождение, и час 1, в притворе. На часех, тропарь праздника: Слава, апостола: И ныне, Богородичен часов. По Отче наш: Кондак праздника, и апостола, пременяем. На литургии, изобразительная: и от канона праздника: глас 5, песнь 3-я, на 4: и апостола, песнь 6-я, на 4. Входное праздника. Тропарь праздника, и апостола: Слава, кондак апостола: И ныне, праздника. Прокимен, апостол, Аллилуиа, Евангелие, и причастен, прежде праздника, и апостола. [Зри] Святаго же Арсениа служба оставляется, и поется, егда разсудит екклисиарх.

[МРК] О томже подобает ведати, аще случится святаго апостола Иоанна Богослова в неделю 6-ю по Пасце, святых отец трех сот и 18: оставляется служба Вознесения и поется воскресна, и Богослова, и святых отцев.

В субботу на малей вечерни, стихиры воскресны, на 4: Слава, апостола, глас 2: Сына громова: И ныне, Богородичен, малыя вечерни. На стиховне стихира воскресна едина. Таже апостола, стиховна великия вечерни, с припевы своими. Слава, апостола: И ныне, Богородичен по гласу. По трисвятом тропарь воскресн, и отцев: Слава, апостола, И ныне праздника. Ектения малая, и отпуст. На велицей вечерни, по обычном псалме, и по кафисме, на Господи воззвах стихиры воскресны 3: и отцев 4: и апостола 3: Слава, отцев: И ныне, Богородичен 1-й гласа. Вход, прокимен дне, и чтение отцев: и апостола. На литии стихира отцев, глас 3, и апостола самогласны: Слава, апостола. И ныне, праздника. На стиховне стихиры воскресны. Слава, отцев: И ныне, праздника. На благословении хлебов тропарь: Богородице Дево, дважды: и апостола, единожды: и чтение. На Бог Господь, тропарь воскресн, и отцев: Слава, апостола: И ныне, Богородичен. По кафисмах седальны воскресны, с богородичны их, и чтение во евангелии толковом. Полиелей, и седальны святаго вси, и чтение апостола. Степенна: и прокимен гласа. Всякое дыхание: Евангелие воскресное. Воскресение Христово: псалом 50. стихира воскресна, и прочее. Канон воскресн со ирмосом на 4: и апостола на 4: и отцев, на 6. Катавасиа: Божественным покровен: По 3-й песни, кондак и икос апостола, и седален отцев: Слава, апостола: И ныне, Богородичен, и чтение апостола. По 6-й песни, кондак и икос отцев, и пролог. Светилен воскресн, и отцев: Слава, апостола: И ныне, Богородичен. На хвалитех стихиры воскресны 3, и отцев 2, и апостола со славным 3. Слава, отцев: И ныне, Преблагословенна еси: Славословие великое. Тропарь воскресн. Ектении, и оглашение и отпуст, и обычное исхождение. Слава, и ныне, стихира евангельская, и час 1-й в притворе. На часех, тропарь воскресн: Слава, отцев: И ныне, Богородичен часов. По Отче наш: кондак воскресн. На 3-м часе, тропарь воскресн: Слава, апостола. По Отче наш: кондаки апостола и отцев, глаголем пременяюще. На литургии, блаженна гласа на 4, и отцев песнь 3-я, на 4, и апостола песнь 6-я, на 4. По входе тропарь воскресн, и отцев, и апостола. Таже, кондак отцев: Слава, апостола: И ныне, праздника. Прокимен, апостол, Аллилуиа, и Евангелие отцев и апостола. Причастный: Хвалите Господа: Другий: Во всю землю:

9. Святаго пророка Исаии: И святаго мученика Христофора.

Стихиры пророка, глас 4. Подобен: Дал еси знамение: и мученика, глас тойже. Подобен: Яко добля: Тропарь, глас 2: Пророка твоего: писан септемвриа в 4-й день.

Мученика тропарь, глас 4: Одеждами от кровей украшаяйся Господеви предстоиши Царю сил, Христофоре приснопамятне: отонудуже со безплотными и мученики поеши трисвятым и страшным сладкопением. темже молитвами твоими спасай стадо твое.

Канон праздника, и святых: пророка и мученика, глас 4: Пророка 3 стиха: И мученика 3 стиха, с богородичным. По 3-й песни, седален, глас 4, и мученика, глас тойже. По 6-й песни,

Кондак пророка, глас 2: Подобен: В молитвах: Пророчества дарование прием пророкомучениче, Исаие богопроповедниче, всем изъяснил еси вочеловечение Господне, возгласив велегласно концем: се Дева во чреве приимет.

И икос.

🕂 И пренесение честных мощей, иже во святых отца нашего Николаа чудотворца, от Мир в Бар град.

На вечерни, стихологисуем: Блажен муж, 1-й антифон. На Господи воззвах, поем стихиры праздника 3, и святаго 5, глас 8. Подобен: На небо текущее: Слава, глас 6: Святителей удобрение: И ныне, праздника. Вход. Прокимен дне: и чтения 3, святительская. На литии стихира храма: и святителя, глас 2, самогласны. Слава, глас 6: Благий рабе: И ныне, праздника. На стиховне стихиры, глас 4. Подобен: Яко добля: с припевы их. Слава, глас 6: Человече Божий: И ныне, праздника. По Ныне отпущаеши: и по трисвятом,

Тропарь, глас 4: Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество, в пренесение честных и многоцелебных мощей святителя и чудотворца Николаа, якоже солнце незаходимое возсия светозарными лучами, разгоняя тьму искушений же и бед, о вопиющих верно: спасай нас яко предстатель наш великий Николае.

Слава, и ныне, праздника. На утрени, на Бог Господь, тропарь праздника дважды: Слава, святаго. И ныне, праздника, и обычныя кафисмы. По 1-й кафисме седален праздника, дважды: и чтение о пренесении мощей святаго. По 2-й кафисме седален, глас 4, дважды. Слава, и ныне, праздника. По полиелеи седален, глас 1, дважды: Слава, и ныне, Богородичен. Степенна, 1-й антифон 4-го гласа. Прокимен, глас 4: Честна пред Господем смерть преподобных его. Стих: Что воздам Господеви: Всякое дыхание: Евангелие Иоанна, зачало 35, от полу: Не входяй дверьми: По 50-м псалме стихира, глас 6: Наследниче Божий: Канон праздника, со ирмосом на 6: и святаго два канона, на 8: един, глас 8, другий, глас 4. Катавасиа праздника. По 3-й песни, кондак и икос праздника, и седален святаго, глас 1. Слава, и ныне, праздника. По 6-й песни,

Кондак, глас 3. Подобен: Дева днесь: Взыде яко звезда от востока до запада, твоя мощи святителю Николае, море же освятися шествием твоим, и град Барский приемлет тобою благодать: нас бо деля явился еси чудотворец изящный, предивный и милостивый.

И икос, и чтем пролог. По 9-й песни, светилен святаго, дважды: Слава, и ныне, праздника. На хвалитех ставим стихов 4: и поем стихиры, глас 1, самогласны. Слава, глас 5: Вострубим трубою: И ныне, праздника. Славословие великое. По трисвятом тропарь святаго: Слава, и ныне, праздника. Ектении и отпуст. Знаменуются же братия святым елеем от кандила святаго: и час 1-й, и конечный отпуст. На литургии, блаженна от канона праздника, песнь рядовая: и святаго, песнь 3-я, на 4. Прокимен, глас 7: Восхвалятся преподобнии во славе, и возрадуются на ложах своих. Стих: Воспойте Господеви песнь нову, яко дивна сотвори Господь. Апостол ко евреем, зачало 335: Повинуйтеся наставником вашим: Аллилуиа, глас 2: Священницы твои облекутся: Евангелие Луки, зачало 24: Ста Иисус на месте равне: Причастен: В память вечную:

10. 🕂 Святаго апостола Симона Зилота.

На велицей вечерни, поем Блажен муж, 1-й антифон. На Господи воззвах стихиры на 8: праздника 3, и апостола 5, глас 4. Подобен: Дал еси знамение: Слава, апостола, глас 2: Ревности тезоименит: И ныне, праздника. Вход. Прокимен дне, и чтения 3, писаны сего месяца во 8-й день. На стиховне стихиры апостола, глас 1. Подобен: Всехвальнии мученицы, с припевы их. Слава, апостола, глас 6: Тварь яко орел: И ныне, праздника. По трисвятом,

Тропарь, глас 3: Апостоле святый Симоне, моли милостиваго Бога, да прегрешений оставление подаст душам нашим.

Слава, и ныне, праздника. И отпуст. На утрени, на Бог Господь, тропарь праздника, дважды. Слава, апостола: И ныне, праздника. По кафисмах седальны апостола. Слава, и ныне, праздника, и чтение. По полиелеи седален апостола дважды, глас 8. Подобен: Премудрости: Слава, и ныне, праздника. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме стихира, глас 6: Иже Божественнаго Духа: Канон праздника, со ирмосом на 6, и апостола на 8. Катавасиа праздника. По 3-й песни, кондак и икос праздника: и седален апостола дважды, глас 3. Подобен: Божественныя веры: Слава, и ныне, праздника. По 6-й песни,

Кондак апостола, глас 2. Подобен: Твердыя: Известно премудрости учения в душах благочествующих положшаго, во хвалении ублажим, яко богоглаголиваго вси Симона: престолу бо славы ныне предстоит, и со безплотными веселится, моляся непрестанно о всех нас.

И икос, и пролог. По 9-й песни, светилен апостола, дважды. Подобен: Духом во святилищи: Слава, и ныне, праздника. На хвалитех стихиры праздника 3, и апостола 3, глас 8. Подобен: Что вы наречем: Слава, глас 2: Оставив земная: И ныне, праздника. Славословие великое. По трисвятом тропарь апостола. Слава, и ныне, праздника. Ектении, и отпуст, и час 1-й. На литургии, блаженна на 8, от канона праздника, песнь рядовая: и апостола, песнь 6-я. Прокимен, глас 8: Во всю землю: Стих: Небеса поведают: Апостол к коринфяном, зачало 131: Бог ны посланники: Аллилуиа, глас 1: Исповедят небеса чудеса твоя Господи: Евангелие Матфеа, зачало 56: Прииде Иисус во отечествие свое: Причастен: Во всю землю:

11. Обновление Царя града: И святаго священномученика Мокиа.

Стихиры, глас 4. Подобен: Яко добля: Слава, и ныне, праздника. Тропарь, глас 4: И нравом причастник: септемвриа в 3-й день. На утрени, канон, глас 4. По 3-й песни,

Кондак, глас 2. Подобен: Твердыя: Вооружився щитом веры, нечестивых ополчения стерл еси священномучениче, и венец от Христа взял еси Мокие: тем и со ангелы радуяся, спасай от бед поющия тя, моля непрестанно о всех нас.

Седален, глас 4. По 6-й песни, кондак праздника. На литургии, прокимен, глас 7: Возвеселится праведник: Стих: Услыши Боже: Апостол к Тимофею, зачало 292: Чадо Тимофее, возмогай: Евангелие Иоанна, зачало 51: Якоже возлюби мя отец: Причастен: В память вечную:

🕁 И иже во святых отец наших, равноапостольных Мефодиа и Кирилла, учителей словенских.

Тропарь, глас 4: Яко апостолом единонравнии и словенских стран учителие, Кирилле и Мефодие богомудрии, Владыку всех молите, вся языки словенския утвердити в православии и единомыслии, умирити мир, и спасти души наша.

Кондак, глас 3: Священную двоицу просветителей наших почтим, божественных писаний преложением источник богопознания нам источивших, из негоже даже до днесь неоскудно почерпающе, ублажаем вас, Кирилле и Мефодие, престолу вышняго предстоящих и тепле молящихся о душах наших.

12. Иже во святых отец наших, Епифаниа епископа Кипрскаго и Германа патриарха Константинопольскаго.

Стихиры Епифаниа 3, глас 5. Подобен: Радуйся: и Германа 3, глас 1. Подобен: Всехвальнии: Слава, и ныне, праздника. Тропарь, глас 4: Боже отец наших: ноемвриа в 20-й день. Слава, и ныне, праздника. На утрени, канон Епифаниа, глас 1: и Германа, глас тойже. По 3-й песни, кондак и икос праздника, и седален Епифаниа, глас 8. Слава, Германа, глас тойже: И ныне, праздника. По 6-й песни,

Кондак, глас 4. Подобен: Вознесыйся: Священноначальник чудную двоицу восхвалим вернии по долгу, с Германом божественнаго Епифаниа: сии бо попалиша безбожных языки, догматы премудрейшия возложше всем, православно поющим присно благочестия великое таинство.

И икос. По 9-й песни, светилен святых: Слава, и ныне, праздника. На литургии, прокимен, глас 1: Уста моя возглаголют премудрость: Стих: Услышите сия вси язы́цы: Апостол ко евреем, зачало 318. Таков нам: Аллилуиа, глас 2: Уста праведнаго поучатся премудрости: Стих: Закон Бога его в сердце его: Евангелие Матфеа, зачало 11: Вы есте свет мира: Причастен: В память:

13. Святыя мученицы Гликерии:

Стихиры, глас 8. Подобен: Мученцы твои: Слава, и ныне, праздника. Тропарь, глас 4: Агница твоя Иисусе: септемвриа в 16-й день. На утрени, канон, глас 8. По 3-й песни,

Кондак, глас 3. Подобен: Дева днесь: Деву любящи и Богородицу Марию, соблюла еси нетленно твое девство: любовию же ко Господу усердствовавши, пострадала еси мужемудренно даже до смерти. сего ради и сугубым тя дево мученице венцем венчает Христос Бог.

И седален, глас 4: Слава, и ныне, праздника. По 6-й песни, кондак и икос праздника.

14. Святаго мученика Исидора, иже во острове Хиосе.

Стихиры, глас 4. Подобен: Дал еси знамение: Тропарь, глас 4: Мученк твой Господи Исидор: септемвриа во 2-й день. На утрени, канон, глас 8. По 3-й песни,

Кондак святаго, глас 4: Подобен: Явился еси: Управитель превеликий вселенней ты явился еси святе, твоими к Богу молитвами: темже воспеваем тя днесь, мучениче богомудре Исидоре преславне.

И седален, глас 3: Слава, и ныне, праздника. По 6-й песни, кондак и икос праздника.

🕃 В тойже день святаго Исидора, Христа ради юродиваго, Ростовскаго чудотворца.

Совершается собор его в Ростове, с разсуждением тамошняго архиереа.

Тропарь, глас 4: Просветився Божественною благодатию богомудре, целомудрием многим и терпением, во временней жизни течение добре скончал еси. тем и по смерти яви тя светлость жития твоего: источаеши бо исцелений благодать, иже с верою притекающим ко святому твоему гробу, Исидоре блаженне, моли Христа Бога, да спасет души наша.

Кондак, глас 8. Подобен: Взбранной: Взбранному и дивному в праведницех, иже убо от Христа дар чудес приимшему, похвальныя ныне принесем глаголы: но яко имея дерзновение ко Святей Троице, юже моли избавитися от бед рабом твоим, да зовем ти: радуйся богомудре Исидоре.

15. 🕃 Преподобнаго отца нашего Пахомиа Великаго.

Стихиры праздника, 3, и преподобнаго 3, глас 6. Подобен: Всю отложивше: Слава, глас тойже, самогласен. Еже по образу соблюд: И ныне, праздника. На стиховне праздника. Слава, святаго, глас 6: Преподобне отче, во всю землю: И ныне, праздника. Тропарь, глас 8: Слез твоих теченьми: септемвриа в 3-й день. Слава, и ныне, праздника. На утрени, канон праздника, со ирмосом на 6, и святаго на 6, глас 2. По 3-й песни, кондак праздника и седален, глас 8, дважды. Слава, и ныне, праздника. По 6-й песни,

Кондак, глас 2. Подобен: Вышних ищя: Светильник светел показался еси в концех: пустыню же грады сотворил еси множествы монашескими, сам себе распен, крест твой на рамо взем, и воздержанием тело изнурил еси, моля непрестанно о всех нас.

И икос. По 9-й песни, светилен святаго, дважды: Слава, и ныне, праздника. На стиховне праздника: Слава, святаго, глас 8: Монахов множества: И ныне, праздника. На литургии, блаженна праздника, песнь рядовая: и святаго, песнь 3. Прокимен, глас 7: Честна пред Господем: Стих: Что воздам Господеви: Апостол к коринфяном: зачало 176: Бог рекий из тьмы свету возсияти: Аллилуиа, глас 6: Блажен муж бояйся Господа: Стих: Сильно на земли: Евангелие Луки, зачало 77: Идяху со Иисусом народи: Причастен: В память:

🕃 В тойже день, иже во святых отца нашего Исаии епископа, Ростовскаго чудотворца.

Совершается собор его, идеже лежат мощи его, и идеже храм его.

Тропарь, глас 8: Православия наставниче, благочестия учителю и чистоты, Ростову пресветлый светильниче, святителем богодохновенное удобрение, Исаие премудре: учением бо твоим вся Российския концы просветил еси благодатию духовною, святителю блаженне, моли Христа Бога, да спасет души наша.

Кондак, глас 3. Подобен: Дева днесь: Яко гром возгремел еси божественными твоими учении в Российстей земли, и явился еси светильник пресветел, осияя светом богоразумия, Исаие блаженне. темже вопием ти: Христа Бога моли непрестанно о всех нас.

🕂 И убиение святаго благовернаго царевича князя Димитриа Московскаго, и всея России новаго чудотворца.

Тропарь, глас 2: Царскую диадиму обагрил еси кровию твоею богомудре мучениче, за скиптр крест в руку приим, явился еси победоносец, и жертву непорочну Владыце принесл еси себе: яко бо агнец незлобив от раба заколен еси: и ныне радуяся предстоиши Святей Троице, молися о державе сродников твоих богоугодней быти, и сыновом Российским спастися.

Кондак, глас 8. Возсия днесь в славней памяти твоей верным веселие, яко бо доброрасленный грезн прозябл еси, и Христу красен плод принесл еси себе. темже и по убиении твоем соблюде тело твое нетленно страдальчески обагреное кровию, благородне святе Димитрие, соблюдай отечество твое, и град твой невредимь: тому бо еси утверждение.

16. Преподобнаго отца нашего Феодора Освященнаго, ученика преподобнаго Пахомиа Великаго.

Стихиры, глас 6. Подобен: Всю отложивше: Слава, и ныне, праздника. Тропарь, глас 1: Пустынный житель: септемвриа в 29-й день. На утрени, канон, глас 2. По 3-й песни,

Кондак, глас 2. Подобен: Вышних ищя: В дому Божии яко финикс процвел еси, плоды же добродетелей Господеви принесл, пощением изрядным отче преподобне: темже и ублажаешися, яко безплотных равностоятелен.

Седален, глас 3: Слава, и ныне, праздника. По 6-й песни, кондак и икос праздника.

🕃 И преподобнаго отца нашего Ефрема Перекомскаго, Новогородскаго чудотворца.

Тропарь, глас 4: От юности твоея весь Богови поработился еси блаженне: и того ради любве отечество и род оставил еси в пустыню вселився, в нейже жестокое житие показав, и чудес дарования от Бога приял еси Ефреме преподобне, моли Христа Бога, да спасет души наша.

Кондак, глас 8. Подобен: Взбранной: Ангельскому житию поревновав преподобне, вся земная оставив ко Христу притекл еси: и того заповедьми ограждся, явился еси столп непоколебимь от вражиих нападаний. тем зовем ти: радуйся Ефреме, светило пресветлое.

17. Святаго апостола Андроника, и иже с ним.

От сего дне начинается пост святых апостол, егда ключь пасхалии будет, А.

Стихиры, глас 8. Подобен: О преславнаго чудесе! Тропарь, глас 3: Апостоли святии: октовриа в 31-й день. На утрени, канон, на 4. По 3-й песни,

Кондак, глас 2. Подобен: Вышних ищя: Звезду пресветлую, богоразумия светом просвещшаго языки, апостола Христова Андроника восхвалим, и с ним во благовестии потрудившуюся Иунию премудрую, вопиюще: молите Христа Бога непрестанно о всех нас.

И седален, глас 4: Слава, и ныне, праздника. По 6-й песни, кондак и икос праздника. По 9-й песни, светилен праздника.

18. Святаго мученика Феодота, иже во Анкире: И святых мученик, Петра, Дионисиа, и иже с ними: И святых седми дев.

Стихиры, глас 1. Подобен: Небесных чинов: и мучеников, глас 4. Подобен: Дал еси знамение: Слава, и ныне, Богородичен: или праздника. На стиховне триоди, или октоиха. На утрени, канон Феодота, глас 4: и мучеников, глас тойже. По 3-й песни,

Кондак, глас 2. Подобен: Вышних ищя: Страдальчески подвизався добре, со страдальцы твоими Феодоте, и венцы почести приясте, с честными страстотерпицами девами: темже Христа Бога молите непрестанно о всех нас.

И седален Феодота, глас 4: Слава, мучеников, глас 8: И ныне, Богородичен, или праздника. По 6-й песни, кондак и икос праздника.

19. Святаго священномученика Патрикиа, епископа Прусскаго, и дружины его.

Аллилуиа. Стихиры, глас 6. Подобен: Всю отложивше: Слава, и ныне, праздника, или Богородичен. На утрени, канон, глас 8. По 3-й песни,

Кондак, глас 4. Подобен: Явился еси днесь: Яко светосиянен добротою священства, и мучения кровию преукрашен с пострадавшими с тобою Патрикие Христу предстоя, о нас поминай, яко страдалец честный.

И седален, глас 8. Слава, и ныне, праздника, или Богородичен. По 6-й песни, кондак праздника.

🕂 И преподобнаго отца нашего Корнилиа чудотворца Комельскаго.

Тропарь, глас 4: От юности горящим желанием божественныя любве разжигаемь, житейския молвы оставил еси преподобне, ревнитель Антонию Великому бысть, безмолвием и жестоким пребыванием последуя Христу, бдением и молитвами и постом образ быв своим учеником. темже молися Господеви Корнилие блаженне, спастися душам нашим.

Кондак, глас 8: Господеви от святыя Девы возсиявшу мирови, и тому измлада яко ангел послужил еси блаженне, и силою его пустыню яко град сотворил еси: множество же ученик в ней собрал еси, ихже богодохновенными ученьми просветил еси. тем вопием ти: радуйся отче наш Корнилие, иноком божественное удобрение.

20. Святаго мученика Фалалеа.

Стихиры, глас 4. Подобен: Яко добля: Слава, и ныне, Богородичен, или праздника. Тропарь, глас 4: Мученк твой Господи: септемвриа во 2-й день. Канон, глас 8. По 3-й песни, седален, глас 4. По 6-й песни,

Кондак, глас 3. Подобен: Дева днесь: Мученком сострадалец явлься и оружник, воин изрядный Царя славы был еси, искушеньми и мукою: возвышение идолослужителей попрал еси, сего ради честную твою поем память, мудре Фалалее.

И икос:

🕂 Обретение честных мощей, иже во святых отца нашего Алексиа митрополита Киевскаго и всея России чудотворца.

Бдение во обители его, и в велицей церкви: повсюду же полиелей.

Тропарь, глас 2: Яко сокровище пребогатое, многолетно в земли сокровенное, честныя мощи твоя обретошася чудоточащия, всеблаженне отче святителю Алексие: от нихже врачевство приемлюще обогащаемся, и Христа славословим глаголюще: слава прославляющему святыя своя.

Ин тропарь, глас 4: Апостольских преемников, архиереев сопрестольниче, России всея пастырю и учителю, всеблаженне отче Алексие, Владыце всех молися, мир пастве твоей даровати, и спасение душам, и велию милость.

Кондак, глас 8: Яко солнце незаходимое от гроба возсия нам, от мног лет сокровены честныя твоя мощи нетленны, святителю Алексие, тобою благодать приемлем: всю бо страну сию, и вся ны чудесы и добротою обогащаеши, действом благодати, да поем ти: радуйся отче, светило России.

21. 🕂 Святых великих царей и равноапостолов Константина и Елены.

Вечер, по обычном псалме, поем: Блажен муж, 1-й антифон. На Господи воззвах, стихиры праздника 3: и святых 5, глас 4. Подобен: Дал еси знамение: Слава, глас 2: Богатых даров: И ныне, праздника, или Богородичен. Вход. прокимен дне: и чтения святых: Царств третиих: Ста Соломон пред лицем жертвенника Господня: Пророчества Исаиина: Да возрадуется душа моя о Господе: Пророчества Исаиина же: Светися, светися Иерусалиме: На литии стихира храма: и святых, глас 1. Слава, глас 5: Церковь днесь украсившися: И ныне, праздника, или Богородичен. На стиховне стихиры, глас 2. Подобен: Егда от древа: с припевы: 1-й припев: Вознесох избраннаго от людей моих: 2-й: Сего ради помаза тя Боже Бог твой елеем радости: Слава, глас 8: Свет пресветлый: И ныне, праздника.

Тропарь, глас 8: Креста твоего образ на небеси видев, и якоже павел звание не от человек прием, в царех апостол твой Господи, царствующий град в руце твоей положи: егоже спасай всегда в мире, молитвами Богородицы, едине человеколюбче.

На утрени, на Бог Господь, тропарь праздника, дважды: Слава, святых: И ныне, праздника. По 1-й кафисме седален, глас 3, дважды: Слава, и ныне, праздника, или Богородичен. По 2-й кафисме седален, глас 6, дважды: Слава, и ныне, праздника. По полиелеи седален, глас 4, дважды: Слава, и ныне, праздника. Степенна, 1-й антифон 4-го гласа. Прокимен, глас 4: Вознесох избраннаго от людей моих: Стих: Сего ради помаза тя Боже Бог твой: Всякое дыхание: Евангелие Иоанна, зачало 36. По 50-м псалме, Слава, Молитвами боговенчанных царей: И ныне, Молитвами Богородицы: Таже, Помилуй мя Боже: Посем стихира: Благочестиваго Константина: ищи на литии. Канон праздника на 6: и святых на 8, глас 8. Катавасиа праздника: или: Отверзу уста моя: По 3-й песни, кондак и икос праздника: таже седален святых, глас 8, дважды: Слава, и ныне, праздника. По 6-й песни,

Кондак, глас 3. Подобен: Дева днесь: Константин днесь с материю Еленою Крест являют, всечестное древо, всех убо иудеов посрамление суще, оружие же на противныя верных царей: нас бо ради явися знамение велие, и во бранех грозное.

И икос. По 9-й песни, светилен святых. Слава, ин: И ныне, праздника, или Богородичен. На хвалитех стихиры праздника 3: и святых 3, глас 8. Подобен: О преславнаго чудесе! Слава, глас 8. Царь царей, и Бог: И ныне, праздника. Славословие великое. Ектении, и отпуст. На литургии, блаженна праздника, песнь рядовая: и святых, песнь 6, на 4. Прокимен, глас 8. Во всю землю: Стих: Небеса поведают славу Божию: Апостол к галатом, зачало 200. Аще же пятидесятница, апостол деяний, зачало 49. Аллилуиа, глас 1: Вознесох избраннаго от людей моих. Стих: Господи силою твоею возвеселится царь: Евангелие Иоанна, зачало 35, от полу. Причастен: Во всю землю: [Зри] Вестно буди, аще случится память святаго царя Константина в четверток Вознесения, или в неделю 7-ю святых отец, службу его пети якоже Иоанну Богослову по темже главам.

🕁 В тойже день празднуем сретение чудотворныя иконы Пресвятыя Богородицы Владимирския.

Тропарь, глас 4: Днесь светло красуется славнейший град Москва, яко зарю солнечную восприемши Владычице, чудотворную твою икону, к нейже ныне мы притекающе, и молящеся тебе, взываем сице: пречудная Владычице Богородице, молися из тебе воплощенному Христу Богу нашему, да избавит град сей, и вся грады и страны христианския невредимы от всех навет вражиих, и спасет души наша яко милосерд.

Кондак, глас 8: Взбранной Воеводе победительная, яко избавльшеся от злых пришествием твоего честнаго образа, Владычице Богородице, светло сотворяем празднество сретения твоего, и обычно зовем ти: радуйся Невесто Неневестная.

🕃 В тойже день память святаго благовернаго князя Константина и чад его, Михаила и Феодора, Муромских чудотворцев.

Собор их совершается в Муроме.

Тропарь, глас 4: Константин днесь весело ликовствует, предстоя престолу Святыя Троицы, видя отечествие свое мастию духовною сияющее: емуже последоваша, Михаил и Феодор, сынове его, и молятся вси трие вкупе о душах наших.

Кондак, глас 8. Подобен: Взбранной: Изрядному воеводе, и правоверному князю Константину, с сынома его вкупе, отечество его хвалящися вопиет, имеющее его начальника и заступника, яко избавльшееся им от прелести и скверны идольския. сего ради вопием ему сице: радуйся княже Константине преблаженне.

22. Святаго мученика Василиска:

Аллилуиа, или тропарь. Стихиры, глас 4. Подобен: Яко добля: Тропарь: Мученк твой Господи: септемвриа во 2-й день. На утрени, канон глас 8. По 3-й песни, седален, глас 1-й. По 6-й песни,

Кондак, глас 8. Подобен: Взбранной: Во страдании крепок и мужествен явился еси, и в чудесех предивен, явленно Христово имя преднося, мучителя посрамил еси. тем тя почитаем Василиске, присно зовуще всечестне: радуйся мучеников светлая доброто.

23. Преподобнаго отца нашего и исповедника Михаила, епископа Синадскаго.

Стихиры, глас 8. Подобен: О преславнаго чудесе! Слава, и ныне, Богородичен, или Крестобогородичен. На утрени, канон, глас 2. По 3-й песни, седален, глас 1. По 6-й песни,

Кондак, глас 8. Подобен: Яко начатки: Яко архиерей всечестен, и благочестия священнострадалец, прещения злоименитаго не убоявся, еретическое того противление победил еси, свободным гласом велегласно вопия: иконе покланяюся Христове, и Пречистыя его Матере: сего ради тя почитаем Михаиле.

🕃 В тойже день обретение честных мощей, иже во святых отца нашего Леонтиа епископа, Ростовскаго чудотворца.

Совершается собор его, идеже лежат мощи его, и идеже храм его.

Тропарь, глас 4: Апостолом сопричастник, и к Богу молебник верен, добродетельми возшед на небесная, и любовь возложил еси к любящему тя, и неверныя люди обратил еси в веру. тем ныне со ангелы ликуя, предстоиши престолу славы всех царя Христа Бога: молися святителю Леонтие, да спасет души наша.

Кондак, глас 4. Подобен: Явился еси: Жития ради чистоты, всевидец Господь, свет свой насади в души твоей, вразумити люди многия твоими учении, Леонтие преподобне.

24. 🕃 Преподобнаго отца нашего Симеона, иже на Дивней горе.

Стихиры святаго на 6, глас 8. Подобен: О преславнаго чудесе! Слава, глас 6: Отче досточудне: И ныне, праздника, или Богородичен. На стиховне дне. Слава, глас 2: На гору высокую: И ныне, праздника, или Богородичен. По трисвятом тропарь, глас 1: Пустынный житель: септемвриа в 29-й день. На утрени, оба канона октоиха, без мученичнов. Аще ли пятидесятница, канон праздника со ирмосом на 6: и святаго на 6: глас 8. По 3-й песни, седален святаго, глас 8, дважды: Слава, и ныне, Богородичен. По 6-й песни,

Кондак, глас 2. Подобен: Вышних ищя: Вышняя желая, дольная отложив, и яко небо столп соделавый: тем облистал еси чудес зарею преподобне, и Христу всех Богу молишися непрестанно о всех нас.

И икос. По 9-й песни, светилен святаго. На стиховне стихиры дне. Слава, глас 6: Преподобне отче Симеоне. И ныне, Богородичен. На литургии, блаженна праздника: и святаго, песнь 3. Прокимен, глас 7: Возвеселится праведник о Господе: Стих: Услыши Боже глас мой: Апостол к колоссаем, зачало 258: Облецытеся убо: Аллилуиа: Блажен муж бояйся Господа: Евангелие Матфеа, зачало 43: Вся мне предана суть: Причастен: В память:

🕃 В тойже день преподобнаго Никиты Столпника Переаславскаго чудотворца.

Тропарь, глас 4: Православным смыслом, юношская возжеления возненавидев, и доблественныя нравы восприим, врага победил еси, и во благоразумии Богу угодил еси: и свыше от него прием дар чудес, бесы прогоняти, недуги исцеляти, Никито преславне, моли Христа Бога, да спасет души наша.

Кондак, глас 8: Христа ради от твоих рабов нуждную смерть претерпел еси, и венец нетления от него восприял еси: приходящим же с верою от честнаго твоего гроба подаеши цельбы, о Никито преподобне, молитвенниче о душах наших.

25. 🕂 Третие обретение честныя главы честнаго и славнаго пророка Предтечи и крестителя Иоанна.

Вечер, по обычном псалме поем, Блажен муж, 1-й антифон. На Господи воззвах, стихиры праздника 3: и Предтечи 5. Аще же пост, на 6, глас 8. Подобен: О преславнаго чудесе! Слава, глас 6: Сокровище божественных даров: И ныне, праздника, или Богородичен: Кто тебе не ублажит: Вход. Прокимен дне: чтения 3: 1-е, Пророчества Исаиина: Тако глаголет Господь: утешайте: 2-е, Пророчества Малахиина: Тако глаголет Господь Вседержитель: 3-е, Премудрости Соломони: Праведник аще постигнет: На стиховне стихиры, глас 1: Подобен: Небесных чинов: с припевы их: 1, Тамо возращу рог Давидови: 2, Помяни Господи Давида: Слава, глас 2: Яко божественных: И ныне, Богородичен, или праздника.

Тропарь, глас 4: Яко божественное сокровище сокровенное в земли, Христос откры главу твою нам пророче и Предтече: вси убо сошедшеся в сея обретение, песньми богоглаголивыми Спаса воспоим, спасающа нас от тления молитвами твоими.

Слава, и ныне: Еже от века утаеное: или праздника. На утрени, на Бог Господь, аще есть пятидесятница, тропарь праздника, дважды: Слава, Предтечи: И ныне, праздника. Аще же ни: тропарь Предтечи, дважды: Слава, и ныне, Богородичен. По обычных кафисмах, седален праздника. Аще пост: По 1-й кафисме седален Предтечи, глас 4, дважды: Слава, и ныне, Богородичен, и чтение. По 2-й кафисме седален, глас 4, дважды: По полиелеи седален, глас 4: Слава, другий, глас 8: И ныне, Богородичен, и чтение. Степенна, 1-й антифон 4-го гласа. Прокимен, глас 4: Тамо возращу рог: Стих: Помяни Господи Давида: Всякое дыхание: Евангелие Луки, зачало 31: Изыде слово о Иисусе: По 50-м псалме стихира, глас 6: Яже первее на блюде: Аще есть пятидесятница: Канон праздника, со ирмосом на 6: Аще ли пост, канон Богородицы, со ирмосом на 6: Предтечи на 8, глас 8. Катавасиа праздника. Аще ли пост: Отверзу уста моя: По 3-й песни, кондак и икос праздника. Аще ли пост, седален Предтечи, глас 4, дважды: Слава, и ныне, Богородичен. По 6-й песни,

Кондак, глас 6. Подобен: Еже о нас: Светоявленный и божественный в мире столп, солнца светильник, Предтеча главу светоносную и божественную свою показавый в концех, освящает той верно покланяющихся, и взывающих: Христов премудрый крестителю, спаси всех нас.

И икос, и пролог. По 9-й песни, светилен Предтечи: Слава, другий: И ныне, праздника, или Богородичен. На хвалитех, стихиры Предтечи на 4, глас 5. Подобен: Радуйся: Слава, глас 6: Всечестную главу: И ныне, праздника, или Богородичен. Славословие великое. По трисвятом, тропарь Предтечи: Слава, и ныне, Богородичен: Еже от века: или праздника. Ектении, и отпуст, и час 1-й, и конечный отпуст. На литургии, блаженна от канона Предтечи, песнь 3, и 6. Прокимен, глас 7: Возвеселится праведник о Господе: Стих: Услыши Боже глас мой: Апостол к коринфяном, зачало 176: Бог рекий из тьмы свету: Аллилуиа, глас 5: Свет возсия праведнику: Евангелие Матфеа, зачало 40: Слышав Иоанн во узилищи дела Христова: Причастен: В память:

[Зри] Вестно буди, аще случится обретение главы Иоанна Предтечи в неделю 7-ю по Пасце святых отец.

Оставляется служба праздника Вознесения: и поется служба воскресна, и Предтечи, и святых отцев. В субботу, на малей вечерни, поем якоже указася во главе Богослова. На велицей вечерни, по обычной кафисме, на Господи воззвах, стихиры воскресны 3: и Предтечи 3: и святых отцев 4. Слава, отцев: И ныне, Богородичен воскресн гласа. По входе чтения отцев, и Предтечи. На литии стихира храма: и Предтечи хвалитныя. Слава, отцев: И ныне, Богородичен. На стиховне стихиры воскресны. Слава, отцев: И ныне, Богородичен. На благословении хлебов, тропарь: Богородице Дево, дважды: и отцев единожды: и чтение в деяниих апостольских. На утрени, на Бог Господь, тропарь воскресн и отцев. Слава, Предтечи: И ныне, Богородичен: По кафисмах седальны воскресны, и чтение во евангелии. Таже полиелей и седальны Предтечи, оба по единожды, без богородичнов. Слава, седален, иже по полиелеи: И ныне, Богородичен: и чтение Предтечи. Прочее же поем на утрени, и на часех, и на литургии, якоже указася во главе Богослова.

[Зри] Подобает ведати: Аще случится память обретения честныя главы в субботу пентикостии, или в неделю 8-ю: поем службу его в четверток 7-я недели.

[Зри] Аще ли случится обретение честныя главы Иоанна Предтечи в понедельник 8-й: поем на утрени во вторник, с праздничною службою вкупе.

[МРК] Аще ли случится обретение главы Предтечевы в пяток 7-я недели по Пасце, во отдание Вознесения Христова, или в субботу пред неделею всех святых, во отдание праздника Пятьдесятницы. И поем службу его на ряду в субботу, вкупе со отданием праздника.

В пяток вечера, поем Блажен муж: 1-й антифон. На Господи воззвах, стихиры праздника на 6: и святаго на 4. Слава, святаго: И ныне, праздника. Вход. прокимен дне: и чтения святаго 3. На литии стихиры праздника, и святаго стиховныя. Слава, святаго: И ныне, праздника. На стиховне, стихиры праздника, с припевы их. Слава, святаго: И ныне, праздника. По трисвятом, тропарь святаго: Слава, и ныне, праздника, и отпуст. На утрени, на Бог Господь, тропарь праздника дважды: Слава, святаго. И ныне, праздника. По кафисмах седальны: и чтение праздника. Полиелей, и седальны святаго вси: Слава, седален по полиелеи святаго: И ныне, праздника, и чтение святаго. Степенна 1-й антифон 4-го гласа. Прокимен, и Евангелие святаго: псалом 50, и стихира святаго. Канон праздника, со ирмосом на 6: и святаго на 4: и другий праздника на 4: Катавасиа праздника. По 3-й песни, кондак и икос святаго: и седален святаго дважды. Слава, и ныне, праздника, и чтение святаго. По 6-й песни, кондак и икос праздника. На 9-й песни, Честнейшую не поем. Светилен праздника: Слава, святаго: И ныне, праздника. На хвалитех стихиры праздника 3: и святаго 3. Слава, святаго: И ныне, праздника. Славословие великое. По трисвятом тропарь святаго: Слава, и ныне, праздника. Ектении, и отпуст. и час 1-й. На часех, тропарь праздника. Слава, святаго: И ныне, Богородичен часов. По Отче наш, кондак праздника, и святаго, пременяем. На литургии, блаженна праздника, песнь 9-я на 4: и святаго, песнь 3-я, на 4. По входе, тропарь праздника, и святаго. Слава, кондак святаго: И ныне, праздника. Прокимен, Аллилуиа, и причастен праздника, и святаго. Апостол, и Евангелие дне, и святаго.

[МРК] О томже празднице подобает ведати аще случится обретение честныя главы Предтечевы в неделю всех святых, поем службу его в пяток.

Аще ли коего великаго святаго, емуже во уставе укажется бдение.

Поем службу великаго святаго в настоящую сию неделю всех святых, якоже Иоанна Богослова, в 7-ю неделю по Пасце, со святыми отцы в ряду: такожде и зде поется.

26. Святаго апостола Карпа, единаго от седмидесятих.

Стихиры праздника, или октоиха 3, и апостола 3: глас 1. Подобен: Всехвальнии мученицы: На стиховне октоиха. Тропарь, глас 3: Апостоле святый: октовриа в 1-й день. На утрени, канона оба октоиха: и апостола на 4, глас 4. По 3-й песни, седален, глас 3. По 6-й песни,

Кондак, глас 4. Подобен: Явился еси: Яко звезду пресветлую церковь всегда стяжа тя апостоле Карпе, чудес твоих многоподаванием просвещаема: спаси верою чтущих память твою.

По 9-й песни, светилен. На стиховне октоиха.

🕃 В тойже день святаго великомученика Георгиа Новаго, пострадавшаго от безбожнаго царя Селима Турскаго.

Совершается собор его, идеже лежат мощи его, и идеже храм его.

Тропарь, глас 4: Божественным желанием, от юнаго возраста весь сам себе Господеви возложив, в молитвах и постех образ быв добродетели, богатство же и славу, и доброродство телесное яко не сущее презрев, и Христа единаго от души возлюбил еси, и того истиннаго суща Бога в Троице покланяема, пред нечестивыми турки проповедал еси. и срацынскую веру и законы Моамефовы под ногами поправ, и мучителя ужасив, мучения венцем украсився славне, к небесным востекл еси ликостоянием, премудре Георгие: моли Христа Бога, сохранити отечество твое, и спасти люди и град, иже твоя подвиги присно почитающия.

Кондак, глас 4: Яко звезда пресветлая явился еси непрелестная мирови, праведнаго солнца Христа возвещающи страдании твоими страстотерпче, великий мучениче Христов Георгие, и прелесть погасил еси срацынскую, и Моамефова предания и законы под ногами твоими попрал еси: и беззаконнаго царя, и мучителей ужасил еси крепким твоим терпением, и верным подаеши свет, моляся к Богу непрестанно о всех нас.

27. Святаго священномученика Ферапонта.

Аллилуиа, или тропарь. Стихиры, глас 8. Подобен: Мученцы твои Господи: Слава, и ныне, праздника, или Богородичен. Тропарь, глас 4: И нравом причастник: септемвриа в 3-й день. На утрени, канон, глас 6: По 3-й песни, седален, глас 1. Слава, и ныне, Богородичен.

🕃 И обретение мощей преподобнаго отца нашего Нила, иже на езере Селигере, на острове зовомом Столобное, новаго чудотворца.

Тропарь и кондак декемвриа в 7-й день.

Совершается собор его, идеже лежат мощи его, и идеже храм его.

28. Преподобнаго отца нашего Никиты, епископа Халкидонскаго.

Аллилуиа, или тропарь. Стихиры, глас 4. Подобен: Яко добля: Слава, и ныне, праздника, или Богородичен: Тропарь, глас 4: Правило веры: септемвриа во 2-й день. На утрени, канон, глас 4. По 3-й песни, седален, глас 4. По 6-й песни,

Кондак, глас 8. Подобен: Взбранной: Светлостию дел твоих просиял еси преподобне, апостольскаго престола наследник был еси Никито: и яко солнце облистал еси твоей пастве отче, вся божественных учений исполнь. темже зовем ти: радуйся Халкидону удобрение.

🕃 В тойже день память святаго Игнатиа епископа, Ростовскаго чудотворца.

Совершается собор его, идеже лежат мощи его.

Тропарь, глас 4: Благоверия просвещься учении, святительства прием паству, и апостолом наследник быв: тем приял еси от Бога дар чудес, святителю отче Игнатие, моли Христа Бога, да спасет души наша.

Кондак, глас 4. Подобен: Явился еси: Явися днесь пресветлая память твоя, святителю преблаженне Игнатие, в мире светло сияющи и являющи всем божественное сияние.

29. Святыя преподобномученицы Феодосии девицы.

Аллилуиа, или тропарь. Стихиры, глас 8. Подобен: О преславнаго чудесе:

Тропарь, глас 4: Добродетель благоприятно мученице постигла еси, Христово приятелище бывши чистое, и Святаго Духа дом возлюблен: отнюдуже посрамила еси врага борющаго род человеческий, добре страдавшая, и посекла еси копронима Феодосие, мечем веры: и к чертогу небесному преставилася еси радующися. тебе верою чтущим присно проси велия милости.

На утрени, оба канона октоиха, и святыя на 4, глас 4. По 3-й песни седален, глас 8. По 6-й песни,

Кондак, глас 2. Подобен: Вышних ищя: Трудами живот нетрудный достигла еси, кровию же копронима удавила еси мученице, сквернаго врага Христовы церкве, всеблаженная Феодосие: и с вышними радуешися воинствы, чтущия память твою покрывающи.

🕃 В тойже день преставление святаго и блаженнаго Иоанна, Христа ради юродиваго, Устюжскаго чудотворца:

Совершается собор его на Устюге.

Тропарь, глас 5: Наготою телесною и терпением обнажил еси вражия коварствия, обличая неподобное его деяние, зельне стражда солнечный вар, и нужныя великия студени мраза и огня не чул еси, Божиею помощию покрываемь, Иоанне премудре, моли о верою творящих память твою честно, и усердно притекающих к раце мощей твоих, избавитися от бед, и падения избежати.

Кондак, глас 8: Вышния красоты желая, нижния сладости телесное ядение тщательно оставил еси, нестяжанием суетнаго мира, возлюбил еси ангельское житие. преходя скончався Иоанне блаженне: с нимиже моли Христа Бога непрестанно о всех нас.

30. Преподобнаго отца нашего Исаакиа, обители Далматския.

Аллилуиа, или тропарь. Стихиры, глас 1. Подобен: Небесных чинов: На стиховне октоиха. Тропарь, глас 8: В тебе отче известно спасеся: октовриа в 1-й день. На утрени, канон, глас 8. По 3-й песни, седален, глас 8. По 6-й песни,

Кондак, глас 8. Подобен: Яко начатки: Яко угодник Божий верный, по Христове церкви ревностию разжегся, брозды Уалентовы удержав, пророчески тому о затворении церкве, пагубную смерть, предрекл еси преподобне: темже присно моли о нас чтущих тя, Исаакие преподобне.

31. Святаго апостола Ермиа: И святаго мученика Ермеа:

Аллилуиа, или тропарь. Стихиры, глас 1. Подобен: Небесных чинов: На стиховне октоиха. Тропарь: Мученк твой Господи: септемвриа во 2-й день. На утрени, канон, глас 8. По 3-й песни, седален, глас 4. По 6-й песни,

Кондак, глас 6. Подобен: Еже о нас: Иже по Христе усердно подвизався, в сединах доблих мужество стяжал еси мучениче Ермие, беззаконных злоумышление поправ Христовою силою, от чаровных напоений невредимь пребысть, зовый: Бог есть со мною, и никтоже на мя.

Месяц иуний

имеяй дней 30. День имать часов 15, а нощь 9.

1. Святаго мученика Иустина Философа, и другаго мученика Иустина, и иже с ними.

Аллилуиа, или тропарь. На Господи воззвах, аще пост поем стихиры Богородицы 3, глас 2. Подобен: Егда от древа: и святаго 3, глас и подобен тойже. На стиховне октоиха. Тропарь глас 4: Мученцы твои Господи: септемвриа в 20-й день. На утрени, канон, глас 2. По 3-й песни, седален, глас 5. По 6-й песни,

Кондак, глас 2. Премудростию божественных твоих словес Иустине, церковь Божия вся украсившися, жития твоего светлостию мир освещает: излияния же ради крове венец прием, и со ангелы предстоя Христу, моли непрестанно о всех нас.

🕃 И преподобнаго отца нашего Дионисиа Глушицкаго.

Совершается собор его во обители его. Тропарь, и кондак, ианнуариа в 10-й день.

2. Иже во святых отца нашего Никифора, патриарха Константиня града исповедника.

На Господи воззвах стихиры, глас 4. Подобен: Яко добля: На стиховне октоиха. Тропарь, глас 4. Правило веры: септемвриа во 2-й день. На утрени, на Бог Господь, тропарь, дважды. По кафисмах седальны октоиха. Канон, глас 4. По 3-й песни, седален, глас 8. По 6-й песни,

Кондак, глас 4. Подобен: Явился еси днесь: Победы венец с небесе, Никифоре преславне, яко прием от Бога, спасай верою почитающия тя, яко священноначальника Христова, и учителя.

И икос, и пролог. По 9-й песни, светилен, и на стиховне октоиха.

🕃 И святаго великомученика Иоанна новаго, мученаго в Белеграде.

Совершается собор его, идеже лежат мощи его, и идеже храм его.

Тропарь, глас 4: Житие на земли добре окормляя страдальче, милостынями и частыми молитвами и слезами, паки же ко страданию мужески устремився, персское обличил еси нечестие. темже церкве был еси утверждение, и христиан похвало, Иоанне приснопамятне.

Кондак, глас 4. Подобен: Вознесыйся: Морскую плавая пучину куплею, от востока тщался еси к северу: но Богу призвавшу тя, якоже Матфей мытницу, ты же куплю оставль, и тому последовал еси кровию мучения: временными искупив непроходимая, и венец приял еси непобедимый.

3. Святаго мученика Лукиллиана, и иже с ним.

Аллилуиа, или тропарь. Аще пост, стихиры Богородицы, глас 1. Подобен: Всехвальнии: и мученика, глас и подобен тойже. На стиховне октоиха. Тропарь, глас 4: Мученк твой Господи Лукиллиан: септемвриа во 2-й день. На утрени, оба канона октоиха: и святаго на 4, глас 8. По 3-й песни, седален святаго, глас 1. По 6-й песни, мученичен октоиха.

4. Иже во святых отца нашего Митрофана, патриарха Константиня града:

Стихиры октоиха 3: и святаго 3, глас 6. Подобен: Всю отложивше: На стиховне октоиха. Тропарь, глас 4: Правило веры: септемвриа во 2-й день. На утрени, оба канона октоиха: и святаго, глас 6, на 4. По 3-й песни,

Кондак, глас 2. Подобен: Вышних ищя: Веру Христову ясно ты проповедал еси, и сию соблюдая, во множество воистинну возрастил еси верное твое стадо: темже со ангелы Митрофане, срадуешися, Христу моляся непрестанно о всех нас.

Таже седален, глас 8. По 6-й песни,

Кондак, глас 4. Подобен: Явился еси днесь: От младенства явился еси честен сосуд, святитель быв избран Богу, емуже с веселием взывал еси: равен еси Христе Отцу и Духу.

И икос. По 9-й песни, светилен октоиха. Слава, святаго. На стиховне октоиха.

5. Святаго священномученика Дорофеа епископа Тирскаго. И преставление святаго благовернаго великаго князя Феодора Ярославича.

Аллилуиа, или тропарь. Стихиры, глас 8. Подобен: Мученцы твои: На стиховне октоиха. Тропарь: И нравом причастник: септемвриа в 3-й день. На утрени, оба канона октоиха: и мученика на 4, глас 8. По 3-й песни, седален, глас 4. По 6-й песни,

Кондак, глас 5: Добродетельми сияя, и божественными учении паче солнца, и страдании блаженне облистал еси: просветил еси землю Дорофее, отгнав мглу многобожия, и лютыя ереси. сего ради память твою светло празднуем.

На стиховне октоиха.

6. Преподобнаго отца нашего Висариона чудотворца. И преподобнаго Илариона новаго, обители Далматския.

Аллилуиа, или тропарь. Стихиры Висариона, глас 8. Подобен: О преславнаго чудесе! Илариона, глас 4. Подобен: Дал еси знамение: На стиховне октоиха. Тропарь, глас 4: Боже отец наших: ноемвриа в 20-й день. На утрени, канон октоиха един: и святых два: един, глас 2: другий, глас 8. По 3-й песни,

Кондак, Илариона, глас 2. Подобен: Твердыя: Ограды живоносныя твоея пажити пастырски невредимо стадо соблюл еси, и явился еси высотою дел велик, новый Иларионе, по благочестии многи муки и скорби прием. тем во всерадостный живот вселился еси горняго Сиона, моли за ны преподобне.

И седален Висариона, глас 1. Слава, Илариона, глас 4. По 6-й песни,

Кондак, глас 2. Подобен: Твердыя: Вышних сил подражав преподобне, образом птиц житие пожил еси: временная в забытии положив, непрестанным желанием влекомь к небесным добротам Христа Царя, Дóндеже того достигл еси Висарионе. моли непрестанно о всех нас.

На стиховне октоиха.

7. Святаго священномученика Феодота, епископа Агкирскаго.

Аллилуиа, или тропарь. Стихиры Богородицы, глас 1. Подобен: Небесных чинов: и святаго, глас и подобен тойже. На стиховне октоиха. Тропарь: И нравом причастник: септемвриа в 3-й день. На утрени, оба канона октоиха: и святаго на 4, глас 6. По 3-й песни, седален, глас 1. На стиховне октоиха.

8. 🕃 Святаго великомученика Феодора Стратилата.

На Господи воззвах, стихиры на 6, глас 2. Подобен: Егда от древа: Ины стихиры, глас 4. Подобен: Яко добля: Слава, глас 5: Днесь возсия паче денницы: На стиховне октоиха. Слава, святаго, глас 8: Божиих даров: Тропарь, глас 4: Воинствословием истинным: февруариа во 8-й день: На утрени, по кафисмах, седальны октоиха: оба канона октоиха, без мученичнов: и святаго на 6, глас 4. По 3-й песни, седален, глас 8, дважды. По 6-й песни, кондак, глас 2. Подобен: Вышних ищя: Мужеством души: февруариа во 8-й день. И икос. По 9-й песни, светилен, святаго, дважды. Слава, и ныне, праздника, или Богородичен. На стиховне октоиха. Слава, святаго глас 8. Страдальческий составль: На литургии, блаженна праздника, или октоиха: и святаго песнь 3-я. Прокимен, глас 7: Возвеселится праведник: Стих: Услыши Боже глас мой: Апостол к Тимофею, зачало 292: Возмогай о благодати: Аллилуиа, глас 4: Праведник яко финикс процветет: Евангелие Матфеа, зачало 36: Се Аз посылаю вас яко овцы: Причастен: В память:

9. 🕃 Иже во святых отца нашего Кирилла, архиепископа Александрийскаго.

Стихиры на 6, глас 4. Подобен: Яко добля: Слава, глас 6: Благий рабе: На стиховне октоиха. Слава, глас 6: Человече Божий: Тропарь, глас 8: Православия наставниче: октовриа в 11-й день. На утрени, оба канона октоиха, и святаго на 6, глас 4. По 3-й песни, седален, глас 3. По 6-й песни,

Кондак, глас 6. Подобен: Еже о нас: Бездну нам учений богословия источил еси яве, от источник Спасовых, ереси погружающую блаженне Кирилле, и стадо невредимо от треволнений спасающую: странам бо всем наставник преподобне, яко божественная являя.

И икос. По 9-й песни светилен, дважды. Слава, и ныне, праздника, или Богородичен: На стиховне октоиха. Слава, глас 6: Наследниче Божий: На литургии, блаженна праздника, или октоиха: и святаго песнь 3. Прокимен, глас 1: Уста моя возглаголют премудрость: Стих: Услышите сия вси язы́цы: Апостол ко евреем, зачало 334: Поминайте наставники ваша: Аллилуиа, глас 2: Уста праведнаго поучатся премудрости: Стих: Закон Бога его в сердцы его: Евангелие Матфеа зачало 11: Вы есте свет мира: Причастен: В память:

🕃 В тойже день преподобнаго отца нашего Кирилла игумена Белоезерскаго.

Совершается собор его во обители его, идеже лежат мощи его, и во храме его.

Тропарь, глас 1: Яко крин в пустыни Давидски процвел еси отче Кирилле, злострастия терние искореняя, и собрал еси в ней ученик множество, страхом Божиим и учением твоим наставляемых, ихже и до конца яко чадолюбивый отец не оставил еси посещая, да вси вопием: слава давшему ти крепость, слава венчавшему тя, слава действующему тобою всем исцеления.

Кондак, глас 8: Яко преобидев тленная, и долу влекущая мудрования отче, к вышнему течению радостно устремился еси, и тамо со святыми Пресвятей Троице предстоя, моли от враг сохранитися стаду твоему: яко да святое твое успение празднующе вопием: радуйся преблаженне Кирилле отче наш.

10. Святаго священномученика Тимофеа, епископа Прусскаго.

Аллилуиа, или тропарь. Стихиры Богородицы, глас 4. Подобен: Яко добля: И святаго, глас 8 подобен тойже. На стиховне октоиха. Тропарь, глас 4: И нравом причастник: септемвриа в 3-й день. На утрени, оба канона октоиха: и святаго, глас 4. По 3-й песни, седален, глас 5.

11. 🕂 Святых апостол, Варфоломеа и Варнавы.

На велицей вечерни, поем: Блажен муж, 1-й антифон. На Господи воззвах, стихиры праздника 3, и апостолов 5. Аще же пост, стихиры апостолов на 8. Варфоломеа 5, глас 4. Подобен: Яко добля: И Варнавы 3, глас тойже, Подобен: Дал еси знамение: Слава, глас 6: Варнаво прехвальне: И ныне праздника, или Богородичен: Кто тебе не ублажит: Вход. Прокимен дне, и чтения 3: ищи сего месяца в 29-й день. На стиховне стихиры апостолов, глас 1. Подобен: Всехвальнии мученицы: с припевы их. Слава, глас 8: Апостоле Спасов: И ныне, праздника, или Богородичен: Безневестная Дево: По трисвятом, тропарь, глас 3: Апостоли святии: октовриа в 31-й день. Слава, и ныне, праздника, или Богородичен: Тя ходатайствовавшую: И отпуст. На утрени, на Бог Господь: Аще есть пятидесятница, тропарь праздника дважды. Слава, апостолов: И ныне, праздника. Аще же ни, тропарь апостолов дважды. Слава, и ныне, Богородичен. По кафисмах седален праздника. Аще пост, седальны апостолов с богородичны их. И чтение. По полиелеи седален, глас 8, дважды. Слава, и ныне, Богородичен. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим востав от мертвых: По 50-м псалме стихиры, глас 1: Во всю землю: Аще есть пятидесятница, Канон праздника со ирмосом на 6. Аще ли пост, канон Богородицы, со ирмосом на 6: и апостолов два на 8. Варфоломеа, глас 2. И Варнавы, глас тойже. Катавасиа праздника. Аще ли пост: Отверзу уста моя: По 3-й песни,

Кондак Варнавы, глас 3. Подобен: Дева днесь: Господень был еси всеистинный служитель, апостолов же явился еси седмидесятих первый, озарил еси и с Павлом проповедь твою, всем возвещаяй Христа Спаса: сего ради песнопении божественную память твою Варнаво совершаем.

И икос. и седален Варфоломеа, глас 8. Слава, Варнавы, глас тойже. И ныне, праздника, или Богородичен. По 6-й песни,

Кондак, глас 4. Подобен: Явился еси: Явился еси великое солнце вселенней, учений сияньми и чудес страшных, световодя, почитающия тя, Варфоломее, Господень апостоле.

И икос. По 9-й песни, светилен апостолов дважды. Слава, и ныне, праздника, или Богородичен. Аще же есть пятидесятница: На хвалитех стихиры праздника 3: и апостолов 3. Аще же ни, стихиры апостолов на 4, глас 4. Подобен: Яко добля: Слава, глас 5: Премудрость Божия: И ныне, праздника, или Богородичен: Блажим тя Богородице Дево: Славословие великое. По трисвятом, тропарь апостолов. Слава, и ныне, праздника, или Богородичен. Ектении, и отпуст, и час 1. На литургии, блаженна от канона Варфоломеа, песнь 3, на 4: и Варнавы, песнь 6-я, на 4. Прокимен, глас 8: Во всю землю: Стих: Небеса поведают: Апостол деяний, зачало 28: Разсеявшиися апостоли: Аллилуиа, глас 1: Исповедят небеса: Евангелие Луки, зачало 51: Слушаяй вас: Причастен: Во всю землю:

12. 🕃 Преподобнаго отца нашего Онуфриа:

И преподобнаго отца нашего Петра Афонскаго.

На Господи воззвах, стихиры Онуфриа, глас 8. Подобен: О преславнаго чудесе! И Петра, глас и подобен тойже. Слава, глас 6: Преподобнии отцы, во всю землю: И ныне, Богородичен, или Крестобогородичен. На стиховне октоиха. Слава, глас 6: Еже по образу соблюдше: Тропарь, глас 4: Боже отец наших: ноемвриа в 20-й день. На утрени, на Бог Господь, тропарь: Боже отец наших: и обычныя кафисмы, и седальны октоиха, и чтение. Канон октоиха един, и святых два, на 8. Онуфриа, глас 4. И Петра, глас 2-й. По 3-й песни,

Кондак Петра, глас 2. Подобен: Вышних ищя: Удалив себе человеческаго сожительства, в пещерах каменных и разселинах пожил еси желанием божественным: и любовию, Петре, Господа твоего, от негоже венец приял еси, моли непрестанно спастися нам.

И икос, седален Онуфриа, глас 4. Слава, Петра, глас 1. По 6-й песни,

Кондак Онуфриа, глас 3. Подобен: Дева днесь: Сиянием Духа Пресвятаго богомудре просвещься, оставил еси яже в житии молвы: пустыни же достиг преподобне отче, возвеселил еси иже над всеми Бога и Зиждителя. сего ради прославляет тя Христос блаженне, великий дародатель.

И икос. По 9-й песни, светилен октоиха, и Онуфриа. Слава, Петра: И ныне, Богородичен. На стиховне октоиха. Слава, глас 8: Монахов множества: На литургии, блаженна, о канона Петра, песнь 3: И Онуфриа, песнь 6. Прокимен, глас 7: Честна пред Господем: Стих: Что воздам Господеви: Апостол к галатом, зачало 213: Плод духовный: Аллилуиа, глас 6: Блажен муж бояйся Господа: Стих: Сильно на земли будет: Евангелие Матфеа, зачало 43: Вся мне предана суть: Причастен: Радуйтеся праведнии о Господе:

13. Святыя мученицы Акилины: И святаго Трифиллиа, епископа Левкусии Кипрския.

Стихиры мученицы, глас 4. Подобен: Дал еси знамение: и Трифиллиа, глас 8. Подобен: О преславнаго чудесе! На стиховне октоиха. Тропарь святыя, глас 4: Агница твоя Иисусе Акилина: септемвриа в 16-й день. Слава, святаго, глас 4: Правило веры: септемвриа во 2-й день. На утрени, канон октоиха един: и святых два, на 8: един, глас 8, другий, глас 2. По 3-й песни,

Кондак, глас 8. Подобен: Взбранной: Изрядством жития чистоту девства прием Трифиллие, первопрестольник показался еси Левкусии: и явился еси тем провозвеститель и богоразумия наставник. сего ради радостно взываем ти: радуйся святителей украшение.

И седален святыя, глас 8. Слава, святаго, глас 3. По 6-й песни,

Кондак, глас 2. Подобен: Вышних ищя: Девства твоего добротами, предочистивши душу твою, и на высоту мучением востекла еси Акилино всечестная, любовию Жениха твоего Христа уязвившися, емуже со ангелы предстоиши веселящися: с нимиже не престай моляся о всех нас.

По 9-й песни, светилен, и на стиховне октоиха.

14. Святаго пророка Елиссеа: И иже во святых отца Мефодиа патриарха Константиня града.

Стихиры святых на 6: пророка, глас 8. Подобен: О преславнаго чудесе! и Мефодиа, глас и подобен тойже: Слава, глас 2: Пророк божественное пришествие: На стиховне октоиха: таже припев: Священницы твои облекутся: и поем стихиру Мефодиа, глас 4 самогласну: Весело днесь церковь: Слава, глас 6: Пророче проповедателю:

Тропарь, глас 4: Во плоти ангел, пророков основание, вторый Предтеча пришествия Христова, Илиа славный, свыше пославый Елиссееви благодать, недуги отгоняти, и прокаженныя очищати: темже и почитающим его точит исцеления.

Слава, Мефодиа, глас тойже: Правило веры: септемвриа во 2-й день. На утрени, канон октоиха един: и святых два на 8. пророка, глас 5: и Мефодиа, глас 4. По 3-й песни,

Кондак Мефодиа, глас 2. Подобен: Твердыя: На земли подвизался еси яко безплотный, и небеса наследовал еси Мефодие, яко изъяснивый в концех икон поклонение: в трудех бо и болезнех вящше пребыв, не престал еси дерзновением обличая отметающияся иконы Христовы.

И икос, и седален пророка, глас 1. Слава, Мефодиа, глас 4. По 6-й песни,

Кондак пророка, глас 2. Подобен: Вышних ищя: Пророк Божий явился еси, сугубую благодать прием, воистинну достойную тебе, Елиссее блаженне: Илии бо был еси совсельник, с нимже Христу Богу молися непрестанно о всех нас.

И икос: и пролог. По 9-й песни, светилен октоиха, и пророка. Слава, Мефодиа. На стиховне октоиха. Слава, Мефодиа, глас 6: Звезда возсия: На литургии, прокимен, глас 4. Ты иерей во век: Стих: Рече Господь Господеви моему: Апостол соборнаго послания Иаковля, зачало 57: Образ приимите: Аллилуиа, глас 4: Моисей и Аарон: Евангелие Луки, зачало 14: Дивляхуся народи о словесех: Причастен: В память вечную:

15. Святаго пророка Амоса:

Аллилуиа, или тропарь. Стихиры Богородицы, глас 2. Подобен: Егда от древа: и святаго, глас и подобен тойже. На стиховне октоиха, тропарь, глас 2: Пророка твоего Амоса: септемвриа в 4-й день. На утрени, оба канона октоиха: и пророка на 4, глас 7. По 3-й песни, седален, глас 3. По 6-й песни,

Кондак, глас 4. Подобен: Явился еси: Очистив духом пророче твое светозарное сердце славный Амосе, пророчествия дар свыше прием, возопил еси велегласно во странах: се Бог наш, и не преложится ин к нему.

🕂 В тойже день во святых отца нашего Ионы, митрополита Московскаго и всея России.

Совершается собор его, идеже лежат мощи его, и идеже храм его: повсюду же полиелей.

Тропарь, глас 4: От юности твоея весь сам себе Господеви возложив, в молитвах, и трудех, и в постех образ быв добродетели: отонудуже видев Бог твое благое произволение, архиереа тя и пастыря церкви своей устрояет. темже и по преставлении, честное тело твое цело и нетленно соблюдеся, Ионо святителю, моли Христа Бога, да спасет души наша.

Кондак, глас 8. Подобен: Взбранной: Яко от младенства Господеви поработив себе мудре, постом и бдением тело твое удручая. темже сосуд чист, и дом Духу Пресвятому явился еси: сего ради и церкви своей тебе архиереа и пастыря устрояет, юже добре упас ко Господу отходиши, егоже возлюбил еси. тем молим тя: поминай нас, верою чтущих святую память твою, да вси зовем ти: радуйся отче Ионо, святителю всечестный.

16. Святаго и чудотворца Тихона Амафунтскаго:

Аллилуиа, или тропарь. Стихиры Богородицы, глас 8. Подобен: Что вы наречем: И святаго, глас и подобен тойже. На стиховне октоиха: Тропарь, глас 1: Пустынный житель: септемвриа в 29-й день. На утрени, оба канона октоиха: и святаго на 4. По 6-й песни,

Кондак, глас 3. Подобен: Дева днесь: В постничестве святе боголюбезном пребыв, Утешителеву силу с высоты приял еси, идол низложити прелести, люди же спасти, демоны отгнати, недуги исцеляти: сего ради почитаем тя яко Божия друга, Тихоне блаженне.

17. Святых мученик, Мануила, Савела и Исмаила.

Стихиры, глас 4. Подобен: Яко добля: Слава, глас 8, самогласен: Чисто возлюбльше тя: На стиховне октоиха: Тропарь, глас 4: Мученцы твои Господи: септемвриа в 20-й день. На утрени, оба канона октоиха, и святых на 4, глас 8. По 3-й песни, седален, глас 1. По 6-й песни,

Кондак, глас 2. Подобен: Вышних ищя: Верою Христовою уязвлени всеблаженнии, и сего верно испивше чашу, Персская служения и дерзость на землю низложисте, Троицы равночисленнии, молитвы творяще о всех нас.

И икос. По 9-й песни, светилен октоиха. Слава, святаго. На стиховне октоиха. На литургии, прокимен, глас 4: Дивен Бог во святых своих: Стих: В церквах благословите Бога Господа: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии: Евангелие Луки, зачало 106: Внемлите от человек: Причастен: Радуйтеся:

18. Святаго мученика Леонтиа:

Стихиры, глас 8. Подобен: Что вы наречем: Слава, глас 1. Страстотерпче Леонтие: На стиховне октоиха: Слава, глас 4: Да веселится небо днесь светло: Тропарь, глас 4: Мученк твой Господи: септемвриа во 2-й день. На утрени, оба канона октоиха: и святаго на 4, глас 4. По 3-й песни, седален, глас 4. По 6-й песни,

Кондак, глас 3. Подобен: Дева днесь: Мучителей посрамил еси лукавая коварства, и еллинов обличил еси безбожное служение, возсиял еси богоразумие всем человеком, ученьми благочестия Богомудре мучениче. сего ради твою память почитаем любовию премудре Леонтие.

И икос, и пролог. По 9-й песни, светилен октоиха. Слава, святаго. На литургии, прокимен, глас 6: Возвеселится праведник: Стих: Услыши Боже глас мой: Апостол деяний, зачало 29: Возложи Ирод царь руце: Аллилуиа, глас 4: Праведник яко финикс: Евангелие Иоанна, зачало 52: Си заповедаю вам: Причастен: В память вечную:

19. 🕂 Святаго апостола Иуды брата Господня.

На велицей вечерни, поем, Блажен муж, 1-й антифон. На Господи воззвах, стихиры апостола на 8, глас 1. Подобен: Всехвальнии мученицы: Слава, глас 8: Иже Божественнаго Духа: И ныне: Царь небесный: Вход. Прокимен дне, и чтения три: 1-е, Соборнаго послания Иудина: Иуда Иисусу Христу раб: 2-е, Горе им: 3-е, Вы же возлюбленнии: На стиховне стихиры, глас 4. Подобен: Дал еси знамение: Слава, глас 2: Ревности божественныя: И ныне, Богородичен: О чудесе новаго: По трисвятом,

Тропарь, глас 1: Христова тя сродника, о Иудо, ведуще, и мученика тверда, священно восхваляем, прелесть поправша, и веру соблюдша: темже днесь всесвятую твою память празднующе, грехов разрешение молитвами твоими приемлем.

Слава, и ныне, Богородичен: Гавриилу вещавшу: и отпуст. На утрени, на Бог Господь, тропарь апостола дважды. Слава, и ныне, Богородичен: По кафисмах седальны апостола, с богородичны их, и чтение. По полиелеи седален, глас 8, дважды. Слава, и ныне, Богородичен: Небесная поют тя: Степенна, 1-й антифон 4-го гласа. Прокимен, глас 4: Во всю землю. Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме стихира, глас 1: Во всю землю: Канон Богородицы со ирмосом на 6: и апостола на 8, глас 5. Катавасиа: Отверзу уста моя: По 3-й песни,

Кондак, глас 2. Подобен: Вышних ищя: Павлу явлься собеседник апостоле, с сим нам проповедь возвестил еси Божественныя благодати, тайноглагольниче Иудо блаженне. сего ради вопием ти: не престай моляся о всех нас.

Таже седален, глас 8, дважды. Слава, и ныне, Богородичен. По 6-й песни,

Кондак, глас 2. Подобен: Твердыя: Твердым умом избран ученик ты явился еси, и столп необоримь церкве Христовы, языком проповедал еси слово Христово, веровати, глаголя, во едино Божество: от негоже прославився, приял еси дар исцелений, целити недуги притекающим к тебе, апостоле Иудо всехвальне.

И икос, и пролог. По 9-й песни, светилен апостола, дважды. Слава, и ныне, Богородичен. На хвалитех стихиры апостола на 4, глас 5, подобен: Преподобне отче: Слава, глас 2: Оставив земная: И ныне, Богородичен: Спаси от бед: Славословие великое. По трисвятом тропарь апостола. Слава, и ныне, Богородичен. Ектении, и отпуст, и час 1-й. На литургии, блаженна, от канона апостола, песнь 3-я и 6-я, на 8. Прокимен, глас 8: Во всю землю: Стих: Небеса поведают: Апостол Иудина послания, зачало 77: Иуда Иисусу Христу раб: Аллилуиа, глас 1: Исповедят небеса чудеса: Евангелие Иоанна, зачало 48: Глаголы, яже аз глаголю вам: Причастен: Во всю землю:

[Зри] Подобает ведати, аще случится святаго апостола Иуды во отдание праздника Пятьдесятницы, поем службу его якоже указася на Обретение главы Предтечевы, маиа в 25-й день.

20. Святаго священномученика Мефодиа, епископа Патарскаго.

Аллилуиа, или тропарь. Стихиры, глас 4. Подобен: Дал еси знамение: На стиховне октоиха.

Тропарь, глас 1: Кровь твоя мудре тайно вопиет от земли, якоже Авелева, к Богу Богомудре святителю Мефодие, ясно проповедавый Божие вочеловечение: темже и посрамил еси Оригенову лесть, и преставился еси в небесный чертог. моли Христа Бога, да спасет души наша.

На утрени, оба канона октоиха: и святаго на 4, глас 7. По 3-й песни, седален, глас 4. По 6-й песни,

Кондак, глас 4. Подобен: Вознесыйся: Священнотаинник Святыя Троицы, и яже паче ума повелений Божественных проповедник, и православным утверждение был еси Мефодие, злославныя обличил еси смыслы правоверия ради, кровию твоею священномученик явлься: и Христу со ангелы предстоя, моли спастися нам.

21. Святаго мученика Иулиана Тарсийскаго.

Стихиры, глас 4. Подобен: Яко добля: Слава, глас 6: Непорочныя веры: На стиховне октоиха. Слава, глас 6: Приидите мучениколюбцы: Тропарь, глас 4: Мученик Твой Господи: септемвриа во 2-й день. На утрени, оба канона октоиха: и святаго на 4, глас 8. По 3-й песни, седален, глас 1. По 6-й песни,

Кондак, глас 2. Подобен: В молитвах: Благочестия непобедимаго воина, и истины согласника и оружника, вси достойно восхвалим Иулиана днесь, и к нему возопиим: моли Христа Бога о всех нас.

И икос. По 9-й песни, светилен октоиха: Слава, святаго. На стиховне октоиха. На литургии, прокимен, глас 4: Святым иже суть на земли его: Стих: Предзрех Господа: Апостол к ефесеем, зачало 233: Возмогайте о Господе: Аллилуиа, глас 4: Воззваша праведнии: Стих: Многи скорби праведным: Евангелие Луки, зачало 106: Внемлите от человек: Причастен: В память вечную:

22. Святаго священномученика Евсевиа, епископа Самосатскаго.

Аллилуиа, или тропарь. Стихиры, глас 8, подобен: Что вы наречем: На стиховне октоиха. Тропарь, глас 4: И нравом причастник: септемвриа в 3-й день. На утрени, оба канона октоиха: и святаго на 4, глас 8. По 3-й песни, седален, глас 4. По 6-й песни,

Кондак, глас 4. Подобен: Явился еси днесь: Благочестно во святительстве пожив, и мучения путь прошед, идольския угасил еси жертвы святителю Евсевие: но яко имеяй дерзновение ко Христу Богу, моли спастися душам нашим.

23. Святыя мученицы Агриппины:

Стихиры, глас 4, подобен: Дал еси знамение. На стиховне октоиха. Тропарь, глас 4: Агница твоя Иисусе: септемвриа в 16-й день. На утрени, оба канона октоиха: и святыя на 4, глас 4. По 3-й песни, седален, глас 4. По 6-й песни,

Кондак, глас 4. Подобен: Явился еси: Светлых подвиг твоих светоносный наста день, воньже почитающи сих божественная церковь, вся созывает весело вопити тебе: радуйся дево и мученице, Агриппино всечестная.

🕂 В тойже день празднуем, сретение пречистыя Богородицы, чудотворныя иконы Владимирския.

Тропарь и кондак, писан маиа в 21-й день.

24. 🕀 Рождество честнаго славнаго пророка, Предтечи и Крестителя Иоанна.

На малей вечерни, стихиры на 4, глас 4. Подобен: Званный свыше: Слава, глас 8, самогласен: Подобает Иоанну: И ныне, Владычице приими: На стиховне стихиры, глас 2, подобен: Доме Евфрафов: с припевы их: 1-й, Благословен Господь Бог Израилев: 2-й, И ты Отроча пророк: Слава, и ныне, глас 8: Виждь Елисавет:

Тропарь, глас 4: Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия, и отчее безгласие разрешися славным и честным твоим рождеством, и воплощение Сына божия мирови проповедуется.

Слава, и ныне, Богородичен: Еже от века: Ектениа малая, и отпуст. На велицей вечерни, по обычном псалме, поем, Блажен муж, 1-й антифон. На Господи воззвах, стихиры на 8, глас 4, самогласны: Разрешает Захариино молчание: Слава, глас 6: Днесь света светильник: И ныне: глас тойже: Елисавет зачат Предтечу: Вход, прокимен дне, чтения 3: 1-е, Бытия: Рече Бог Аврааму, Сара жена твоя: 2-е, Судей: Во дни оны, бысть муж от колена Данова: 3-е, Пророчества Исаиина: Тако глаголет Господь: утешайте, утешайте люди моя: На литии стихиры самогласны, глас 1: Искапайте горы сладость: Слава, глас 5: Пророков предел: И ныне: Храм и дверь: На стиховне стихиры, глас 2, самогласны: Иже от пророка пророка: с припевы. Слава, глас 8: Исаии ныне пророка глас: И ныне, глас тойже: Виждь Елисавет: На благословении хлебов тропарь, глас 4, дважды: писан на малей вечерни: и Богородице Дево: единожды: и Буди имя Господне: трижды, с пением: и псалом 33: Благословлю Господа: и чтение. На утрени, на Бог Господь, тропарь Предтечи, дважды. Слава, и ныне: Еже от века: И обычныя кафисмы: и седальны Предтечи с богородичны их, и чтение. По полиелеи седален, глас 8: Да радуется отец: дважды. Слава, и ныне Богородичен. И чтем слово похвальное Предтечи. Степенна, 1-й антифон 4-го гласа. Прокимен, глас 4: И ты Отроча пророк: Стих: Благословен Господь Бог Израилев: Всякое дыхание: Стих: Хвалите Бога во святых его: Евангелие Луки, зачало 3: Зачат Елисавет жена Захариина: Конец: До дне явления своего ко Израилю. По 50-м псалме стихира, глас 2: Из чрева матерня освящься: писана на стиховне. Канон Предтечи, творение Иоанна, глас 4, со ирмосом на 8: ирмос по дважды: и другий канон, творение Андреево, на 6, глас тойже: Катавасиа: Отверзу уста моя: По 3-й песни, седален, глас 8: Слава, глас 4: И ныне, Богородичен. И чтение. По 6-й песни,

Кондак, глас 3. Подобен: Дева днесь: Прежде неплоды, днесь Христова Предтечу раждает, и той есть исполнение всякаго пророчества: егоже бо пророцы проповедаша, на сего во Иордане руку положив, явися Божия слова пророк, проповедник, вкупе и Предтеча.

И икос, и чтем пролог: По 9-й песни, светилен Предтечи, дважды. Слава, и ныне, Богородичен. На хвалитех, стихиры на 4, глас 8. Подобен: О преславнаго чудесе! Слава, глас 6: Звезда звезд Предтеча: И ныне: Богородице ты еси лоза: Славословие великое. По трисвятом тропарь Предтечи: Слава, и ныне: Еже от века: Ектении, и отпуст. Посем дается елей братии от кандила святаго, поющим нам стихиру самогласну, по обычаю, и час 1-й. На 1-м часе, тропарь Предтечи. По трисвятом, кондак его, и конечный отпуст. На литургии, блаженна Предтечи, 1-го канона песнь 3-я на 4: и 2-го, песнь 6-я на 4: По входе тропарь храма Христова, и Богородицы, аще есть, таже тропарь Предтечи: Посем кондак храма Христова. Слава, Предтечи. И ныне, храма Богородицы. Аще несть храма Богородицы, И ныне, кондак храма Христова. Аще несть храма Христова, глаголем тропарь прежде Предтечи. Слава, кондак его. И ныне: Предстательство христиан: Прокимен, апостол, и Евангелие чтем Предтечи един, такожде и причастный. Прокимен, глас 7: Возвеселится праведник о Господе: Стих: Услыши Боже глас мой: Апостол к римляном, зачало 112: Ныне ближайшее нам спасение: Аллилуиа, глас 1: Благословен Господь Бог Израилев: Стих: И ты Отроча пророк: Евангелие Луки, зачало 1: Понеже убо мнози начаша чинити: Конец, в зачале 4: До дне явления своего ко Израилю. Причастен: В память вечную:

25. Святыя преподобномученицы Февронии:

На Господи воззвах, стихиры Предтечи 3, глас 4, самогласны: и святыя 3, глас тойже. Подобен: Дал еси знамение: Слава, и ныне, глас 8: Виждь Елисавет: На стиховне октоиха. Слава, глас 6: Елисавет зачат Предтечу: Тропарь Предтечи. Слава, святыя, глас тойже Агница твоя Иисусе: септемвриа в 16-й день. И ныне, Богородичен, или Крестобогородичен. На утрени, на Бог Господь, тропарь Предтечи, дважды. Слава, святыя: и обычныя кафисмы: и седальны октоиха: и чтение. Канон октоиха един: и Предтечи на 4, глас 8: и святыя на 4, глас тойже. По 3-й песни,

Кондак святыя, глас 6. Подобен: Предстательство: Женише мой сладчайший Христе, взываше Феврониа, нетрудно ми тещи во след тебе: ибо сладость любве твоея душу мою надеждею впери, и красота милости твоея сердце мое услади, испити чашу страданий по тебе: да достойну мя в чертозе с мудрыми девами ликовствовати о тебе сопричтеши. темже преподобная страстотерпице, почитающе подвиги трудов твоих, молим тя, моли не затворитися и нам чертога дверем.

И седален Предтечи, глас 8. Слава, святыя, глас тойже. По 6-й песни, кондак и икос Предтечи: и пролог. По 9-й песни, светилен октоиха. Слава, Предтечи. На стиховне октоиха. Слава Предтечи, глас 2: Иже от пророка пророка: И ныне, Богородичен, или Крестобогородичен. На литургии, прокимен, глас 4: Дивен Бог во святых своих: Стих: В церквах благословите Бога: Апостол к коринфяном, зачало 181: Поспешствующе молим: Аллилуиа, глас 1: Терпя потерпех Господа: Евангелие Луки, зачало 33: Моляше Иисуса некий от фарисей: Причастен: В память вечную:

🕃 В тойже день святых чудотворцев Муромских, князя Петра, во иноцех Давида, и княгини Февронии, во инокинях Евфросинии.

Совершается собор их, идеже лежат мощи их, и идеже храм их.

Тропарь, глас 8: Яко благочестиваго корене пречестная отрасль был еси, добре во благочестии пожив, блаженне Петре: тако и с супружницею твоею премудрою Феврониею в мире Богу угодивше, и преподобных житию сподобистеся: с нимиже молитеся Господеви, сохранити без вреда отечество ваше, да вас непрестанно почитаем.

Кондак, глас 8. Подобен: Взбранной: Мира сего княжение и славу временну помышляя, сего ради благочестно в мире пожил еси Петре, купно и с супружницею твоею премудрою Феврониею, милостынею и молитвами Богу угодивше. темже и по смерти неразлучно во гробе лежаще, исцеление невидимо подаваете. и ныне Христу молитеся, сохранити град же и люди, иже вас славящих.

26. Преподобнаго отца нашего Давида, иже в Селуне.

Стихиры, глас 8. Подобен: О преславнаго чудесе! Слава, глас 6: Преподобне отче, во всю землю: На стиховне октоиха. Слава, глас 8: Монахов множества: Тропарь, глас 8: В тебе отче известно: октовриа в 1-й день. На утрени, оба канона октоиха, и святаго, на 4, глас 5. По 3-й песни, седален, глас 8. По 6-й песни,

Кондак, глас 1. Подобен: Лик ангельский: Сад присноцветущ добродетелей плоды приносяй, явился еси на садовне древе, яко благопеснивая птица: рай же паче, жизни древо Господа в сердцы твоем прием, яко возделав Богомудре, имже питаеши нас благодатию: присно моли о нас Давиде всеблаженне.

И икос. По 9-й песни, светилен октоиха. Слава, преподобнаго. И ныне, Богородичен. На стиховне октоиха. Слава, преподобнаго, глас 5: Преподобне отче: И ныне, Богородичен.

🕂 И явление иконы Пресвятыя Владычицы нашея Богородицы, и приснодевы Марии, Тихвинския.

Тропарь, глас 4: Днесь яко солнце пресветлое возсия нам на воздусе, всечестная икона твоя Владычице, лучами милости мир просвещающи, юже великая Россиа, яко некий дар Божественный, свыше благоговейне восприемши, прославляет тя Богомати всех Владычицу, и от Тебе рождшагося Христа Бога нашего величает радостно. Емуже молися Госпоже Царице Богородице, да сохранит вся грады и страны христианския невредимы от всех навет вражиих, и спасет верою покланяющихся его Божественному и твоему Пречистому образу, Дево неискусобрачная.

Кондак, глас 8: Притецем людие к Девей Богородице Царице, благодаряще Христа Бога, и к тоя чудотворней иконе умильно взирающе припадем, и возопием ей: о Владычице Марие! присетивши страну сию твоего честнаго образа явлением чудесно, спасай в мире и благовременстве вся христианы, наследники показующи небесныя жизни. тебе бо верно зовем: радуйся Дево, мира спасение.

27. Преподобнаго отца нашего Сампсона странноприимца.

Стихиры, глас 1. Подобен: Всехвальнии мученицы: Тропарь, глас 8: В терпении твоем: ноемвриа в 12-й день. На утрени, оба канона октоиха: и святаго на 4, глас 2. По 3-й песни, седален, глас 4. По 6-й песни,

Кондак, глас 8. Подобен: Яко начатки: яко врача всеизрядна и молитвенника благоприятна, к раце твоей божественней притекающе, Сампсоне Богомудре преподобне, сошедшеся любовию, псалмы и песньми радующеся Христа прославляем, таковую тебе благодать подавающа исцелений.

И икос. По 9-й песни, светилен октоиха. Слава, святаго. На литургии, прокимен: Честна пред Господем: Апостол к галатом, зачало 213: Плод духовный есть: Евангелие Луки, зачало 67: Не бойся малое стадо: Причастен: В память вечную:

И праздник о победе Богом дарованной Всероссийскому самодержцу Петру Великому над Шведским королем Каролом вторымнадесять под Полтавою, лета от воплощения Господня 1709.

Тропарь, глас 8: Препрославлен еси Господи Боже наш, даровавый крепость на враги благоверному царю нашему Петру, якоже Давиду на прегордаго Голиафа, осенил еси над главою его в день брани, препоясал еси немощныя силою свыше, и теми всю дерзость вражию низложил еси: многомилостиве, слава тебе.

Кондак, глас 2: В вышних живый, и на смиренныя призираяй, иже не дал еси вепрю от дубравы озобати, и уединенному дивому поясти винограда твоего, утверди Боже, еже соделал еси в нас. призри с небесе и виждь, и посети виноград сей, и соверши его, егоже насади десница твоя.

28. 🕃 Пренесение мощей святых и чудотворцев безсребреник, Кира и Иоанна.

На Господи воззвах стихиры на 6, глас 4. Подобен: Яко добля: Слава, глас 8: Двоица мученик днесь: На стиховне октоиха. Слава, глас 2: Приидите верных сословие: Тропарь, глас 5: Чудеса святых твоих: ианнуариа в 31-й день. На утрени, оба канона октоиха: и святых на 6, глас 8. По 3-й песни, седален, глас 4, дважды. По 6-й песни,

Кондак, глас 3. Подобен: Дева днесь: От божественныя благодати дар чудес восприемше святии, чудодействуете в мире непрестанно, вся наша страсти рукодействием изсецающе невидимо, Кире Богомудре со Иоанном славным: вы бо сущне божественнии врачеве есте.

И икос. По 9-й песни, светилен октоиха. Слава, святых. На стиховне октоиха. Слава, глас 4: Достохвальными песньми: На литургии, блаженна октоиха, и святых песнь 3. Прокимен, глас 4: Святым, иже суть на земли его: Стих: Предзрех Господа: Апостол к коринфяном, зачало 153: Вы есте тело Христово, и уди от части: Аллилуиа, глас 4: Воззваша праведнии: Стих: Многи скорби праведным: Евангелие Матфеа, зачало 34 от полу: Призва Иисус обанадесяте ученики своя: Причастен: Радуйтеся праведнии:

29. 🕀 Святых славных и всехвальных и первоверховных апостолов Петра и Павла.

Творим бдение. На малей вечерни, На Господи воззвах, стихиры на 4, глас 4. Подобен: Дал еси знамение: Слава, глас 8: Досадитель и гонитель: И ныне: Кров твой Богородице Дево: Прокимен дне. На стиховне стихиры, глас 2. Подобен: Егда от древа: с припевы их: 1-й, Во всю землю изыде вещание их: 2-й, Небеса поведают славу Божию: Слава, глас 4: Христос тя перваго: И ныне, Избави нас от бед: Тропарь, глас 4: Апостолов первопрестольницы, и вселенныя учителие, Владыку всех молите, мир вселенней даровати, и душам нашим велию милость.

Слава, и ныне: Еже от века утаеное: Ектениа малая, и отпуст. На велицей вечерни, по обычном псалме, поем Блажен муж, 1-й антифон. На Господи воззвах, стихиры на 8, глас 2, самоподобны: Киими похвальными венцы: Слава, глас 4: Трикратным: И ныне: Иже тебе ради: Вход. Прокимен дне, и чтения 3: 1-е, Соборнаго послания Петрова: Братие: благословен Бог и Отец Господа нашего: 2-е, Тогоже соборнаго послания: Возлюбленнии, препоясавше чресла: 3-е, Тогоже соборнаго послания: Возлюбленнии, молю яко пришельцы: На литии стихиры, глас 2, самогласны. Слава, глас 5: Премудрость Божия: И ныне, Богородичен, Блажим тя Богородице: На стиховне стихиры, глас 1, самогласны. Слава, глас 6: Праздник радостен: И ныне: Творец и избавитель: На благословении хлебов, тропарь, глас 4, дважды, писан на малей вечерни, и Богородице Дево: единожды. и Буди имя Господне: трижды с пением. Псалом 33: Благословлю Господа: и чтение святых апостол. На утрени, на Бог Господь тропарь апостолов, дважды. Слава, и ныне: Еже от века утаеное: По кафисмах седальны апостолов с богородичны их. и чтение. По полиелеи седален, глас 8. Подобен: Премудрости: дважды. Слава, и ныне, Богородичен: и чтение. Степенна 1-й антифон 4-го гласа. Прокимен, глас 8: Во всю землю изыде вещание их: Стих: Небеса поведают славу Божию: Всякое дыхание: Стих: Хвалите Бога: Евангелие, Иоанна, зачало 67: Явися Иисус учеником своим, востав от мертвых: По 50-м псалме стихира, глас 6: Благочестия истинныя проповедники: Канон апостола Петра, творение Иоанна Дамаскина, глас 4, со ирмосом на 8: ирмос по дважды. Другий канон апостола Павла, творение тогоже, глас 8, без ирмосов, на 6. Катавасиа: Отверзу уста моя: По 3-й песни, ипакои, глас 8: Кая темница не име тебе юзника: По 6-й песни,

Кондак, глас 2: Твердыя и боговещанныя проповедатели, верх апостолов твоих Господи, приял еси в наслаждение благих твоих и покой: болезни бо онех и смерть приял еси, паче всякаго всеплодия, едине сведый сердечная.

И икос, и пролог. По 9-й песни, светилен апостолов дважды. Слава, и ныне, Богородичен. На хвалитех, стихиры на 4, глас 4. Подобен: Званный свыше: Слава, глас 6: Всечестный апостолов приспе праздник: И ныне, Богородице, ты еси лоза: Славословие великое. По трисвятом, тропарь апостолов. Слава, и ныне: Еже от века утаеное: Ектении, и отпуст. и дается святый елей братии от кандила святых апостол, поющим нам самогласну стихиру апостолов, юже волит екклисиарх: и прочая, якоже предуказася, септемвриа в 26-й день, и час 1-й. На 1-м часе, тропарь апостолов. По трисвятом, кондак их. и конечный отпуст. На литургии, блаженна от канона, апостола Петра, песнь 3-я на 4: и Павла, песнь 6-я на 4. По входе, указ о тропарех, и кондаках, зри сего месяца в 24-й день. Прокимен, глас 8: Во всю землю: Стих: Небеса поведают славу Божию: Апостол к коринфяном, зачало 193: О немже аще дерзает кто: Аллилуиа, глас 1: Исповедят небеса чудеса твоя Господи. Евангелие, Матфеа, зачало 67: Пришед Иисус во страны Кесарии Филипповы: Причастен: Во всю землю: Рядовый апостол и Евангелие вычитаем прежде. На трапезе, разрешение на рыбы и вино, аще и среда или пяток.

[Зри] Подобает ведати яко аще случится праздник святых апостол в неделю, предваряют вся воскресная.

30. 🕃 Собор святых славных и всехвальных апостол 12.

На Господи воззвах, стихиры на 6: Петра и Павла 3, глас 2, самоподобны: Киими похвальными: вчерашнии. Ины стихиры 12-х апостол, глас 4. Подобен: Яко добля: Слава, глас 6: Всечестный апостолов приспе праздник: И ныне: Кто тебе: На стиховне стихиры апостолов Петра и Павла, глас 4. Подобен: Дал еси знамение: Припев: Во всю землю: 2-й, Небеса поведают славу Божию: Слава, глас 6: Праздник радостен: писан вчера на стиховне. И ныне: Богородице, ты еси лоза истинная: Тропарь, глас 4: Апостолов первопрестольницы: вчерашний. Слава, и ныне: Еже от века утаеное: Ектениа, и отпуст. На утрени, на Бог Господь, тропарь апостолов, дважды. Слава, и ныне: Еже от века утаеное: и обычныя кафисмы, и седальны апостолов с богородичны их: и чтение апостолов. Канон прежде Петра и Павла, глас 4, со ирмосом на 8: и другий канон 12-м: творение Феофаново, на 6, глас тойже. Катавасиа: Отверзу уста моя: По 3-й песни, седален, глас 4. Подобен: Вознесыйся: и чтение. По 6-й песни,

Кондак, глас 2. Подобен: Вышних ищя: Камень Христос, каменя веры прославляет светло, учеников преизрядна, и с Павлом весь дванадесяточисленный собор днесь: ихже память совершающе верно сих прославльшаго прославляем.

И икос. По 9-й песни, светилен. Подобен: Учеником: Слава, ин: И ныне, Богородичен. На хвалитех стихиры апостолов 12-х на 4, глас 4. Подобен: Званный свыше: Слава, глас 8: Юже проидосте тварь: И ныне: Владычице приими молитву раб своих: Славословие великое. По трисвятом тропарь апостолов. Слава, и ныне: Еже от века утаеное: Ектении, и отпуст. На литургии, блаженна от канона 12-х апостолов, песнь 3-я и 6-я. Прокимен, глас 8: Во всю землю: Стих: Небеса поведают славу Божию: Апостол к коринфяном, зачало 131: Бог ны посланники последния яви: Аллилуиа, глас 1: Исповедят небеса чудеса твоя Господи. Евангелие Марка, зачало 12: Взыде Иисус на гору: Причастен: Во всю землю:

Месяц иулий

имеяй дней 31. День имать часов 14, а нощь часов 10.

1. 🕃 Святых и чудотворцев безсребреников Космы и Дамиана, в Риме мучившихся.

Вечер, обычная кафисма. На Господи воззвах, стихиры святых на 6, глас 1. Подобен: Небесных чинов: Ины стихиры, глас 4. Подобен: Дал еси знамение: Слава, глас 6: Безконечна есть благодать: И ныне, Богородичен: Богородице, ты еси лоза истинная: Или Крестобогородичен. На стиховне октоиха. Слава, глас 6: Всегда имуще Христа: И ныне, Богородичен, или Крестобогородичен. Тропарь, глас 8: Святии безсребреницы: ноемвриа в 1-й день. На утрени, на Бог Господь, тропарь, святых, дважды. Слава, и ныне, Богородичен, или Крестобогородичен: и седальны октоиха: и чтение. Канона оба октоиха, и святых на 6, глас 4. По 3-й песни, седален, глас 8. Слава, глас тойже. И ныне, Богородичен, или Крестобогородичен. По 6-й песни,

Кондак, глас 2: Благодать приимше исцелений, простираете здравие сущим в нуждах, врачеве, чудотворцы преславнии: но вашим посещением ратников дерзости низложите, мир исцеляюще чудесы.

И икос. По 9-й песни, светилен октоиха. Слава, святых: Кое довольно будет слово: На хвалитех стихиры на 6, самогласны, с припевы: 1-й, Святым, иже суть на земли его: 2-й, Се что добро, или что красно: Слава, глас 4: Источник исцелений: И ныне, Богородичен или Крестобогородичен. На стиховне октоиха. Слава, глас 8: Кто не удивится: На литургии, блаженна октоиха, на 4: и от канона святых, песнь 3-я, на 4. Прокимен, глас 4: Святым, иже суть на земли его: Стих: Предзрех Господа: Апостол к коринфяном, зачало 153: Вы есте тело Христово: Аллилуиа, глас 4: Се что добро: Евангелие Матфеа, зачало 34, от полу: Призва Иисус обанадесяте ученики своя: Причастен: Радуйтеся:

2. 🕃 Положение честныя ризы Пресвятыя Владычицы нашея Богородицы, во Влахерне.

Вечер, обычная кафисма. На Господи воззвах стихиры, на 6, глас 4. Подобен: Дал еси знамение: Дал еси человеколюбче: Слава, и ныне, глас 2: Смысл очистивше и ум: На стиховне стихиры, глас 1. Подобен: Всехвальнии мученицы: Палата одушевленная: Слава, и ныне, глас 2: Яко венцем:

Тропарь, глас 8: Богородице приснодево, человеков покрове, ризу и пояс пречистаго твоего телесе, державное граду твоему обложение даровала еси, безсеменным рождеством твоим, нетленна пребывающи: о тебе бо и естество обновляется и время. темже молим тя: мир граду твоему даровати, и душам нашим велию милость.

На утрени, на Бог Господь, Тропарь Богородицы, трижды: и обычныя кафисмы: и седальны Богородицы: и чтение. Каноны Богородицы два: един, глас 4: со ирмосом на 8: Другий, глас тойже, на 4. Катавасиа: Отверзу уста моя: По 3-й песни, седален, глас 4. Подобен: Вознесыйся: Чудес реки Богородице: Слава, и ныне, тойже. По 6-й песни,

Кондак, глас 4. Подобен: Вознесыйся: одеяние всем верным нетления, богоблагодатная чистая даровала еси, священную ризу твою, еюже священное тело твое покрывала еси, покрове всех человеков, еяже положение празднуем любовию, и вопием со страхом ти чистая: радуйся Дево, христиан похвало.

И икос. По 9-й песни, светилен. Подобен: Свете неизменный: Окрилившую Христа ризу: Слава, и ныне: Едина и естество: На хвалитех стихиры на 4, глас 4. Подобен: Яко добля: Рака, содержащая ризу твою: Слава, и ныне, глас 2: Смысл очистивше и ум: писан на вечерни. Славословие великое. По трисвятом тропарь Богородицы единожды: Ектении, и отпуст: и час 1-й: и конечный отпуст. На литургии, блаженна от канона Богородицы, песнь 3-я и 6-я. Прокимен, глас 3: Песнь Богородицы: Величит душа моя Господа: Стих: Яко призре на смирение рабы своея: Апостол, ко евреем, зачало 320: Имеяше первая скиниа: Аллилуиа, глас 8: Воскресни Господи в покой твой: Евангелие Луки, зачало 54: Вниде Иисус в весь некую: Причастен: Чашу спасения:

3. Святаго мученика Вакинфа:

Стихиры октоиха 3, и мученика 3, глас 8. Подобен: О преславнаго чудесе! На стиховне, октоиха. Тропарь, глас 4: Мученк твой Господи Вакинф: септемвриа во 2-й день. Оба канона октоиха: и святаго на 4, глас 8. По 3-й песни, седален, глас 3. По 6-й песни,

Кондак, глас 6: Древо жизни посреде души своея веру твою Христе стяжавый твой мученик, едемскаго рая честнейший бысть, древо прелести змиевы погубив дерзновенно духом, венчася славою твоею многомилостиве.

🕂 В тойже день пренесение мощей во святых отца нашего Филиппа митрополита Московскаго, и всея России чудотворца.

Тропарь, глас 8: Первопрестольников преемниче, столпе православия, истины поборниче, новый исповедниче святителю Филиппе, душу положивый за паству твою: темже яко имея дерзновение ко Христу моли за град и люди, чтущия достойно святую память твою.

Кондак, глас 3. Подобен: Дева днесь: Православия наставника, и истины провозвестника, златоустаго ревнителя, Российскаго светильника, Филиппа премудраго восхвалим, пищею словес твоих разумно чада своя питающа: той бо языком хваление пояше, устнама же пение вещаше, яко таинник Божия благодати.

4. Иже во святых отца нашего Андреа, архиепископа Критскаго иерусалимита: И преподобныя Марфы, матере святаго Симеона Дивногорца:

На Господи воззвах, стихиры Андреа 3, глас 1. Подобен: Небесных чинов: и Марфы 3, глас 4. Подобен: Яко добля: Слава, глас тойже: Духовною благодатию: На стиховне октоиха. Слава, святаго, глас 8: Монахов множества: Тропарь святаго, глас 4: Правило веры: септемвриа во 2-й день: и святыя, глас 8: В тебе мати: септемвриа в 11-й день. На утрени, на Бог Господь, тропарь Андреа, дважды. Слава, святыя: и обычныя кафисмы: и седальны октоиха: и чтения. Канон октоиха един: и святых два, на 8. Андреа, глас 5: Преподобныя, глас 8. По 3-й песни,

Кондак Марфы, глас 2. Подобен: В молитвах: В молитвах Господеви предстоящи, пречистей Деве Богородице пение и хвалы приносящи Марфо честная, породила еси священное отроча, Симеона предивнаго светильника всемирнаго: с нимже моли присно о всех нас.

И седален святаго, глас 4. Слава, преподобныя, глас тойже. По 6-й песни,

Кондак, глас 2. Подобен: Вышних ищя: Вострубив ясно божественная сладкопения, явился еси светильник мира светлейший, светом сияя Троицы, Андрее преподобне. темже вси вопием ти: не престай моляся о всех нас.

И икос. По 9-й песни, светилен октоиха. Слава, святаго. На стиховне октоиха. Слава, глас 6: Преподобне отче: На литургии, прокимен, глас 7: Восхвалятся преподобнии во славе: Стих: Воспойте Господеви песнь нову: Апостол к евреем, зачало 318 от полу: Всяк первосвященник: Аллилуиа, глас 2: Священницы твои облекутся в правду: Евангелие Матфеа, зачало 21: Вся елика аще хощете: Причастен: В память:

5. 🕂 Преподобнаго отца нашего Афанасиа Афонскаго.

Идеже храм Афанасиа, творим бдение. На малей вечерни, стихиры на 4, глас 1. Подобен: Всехвальнии мученицы: Слава, глас 6: Безсмертия тезоименитаго: И ныне: Богородице, ты еси лоза истинная: На стиховне стихиры, глас 2. Подобен: Доме евфрафов: с припевы их: 1-й, Честна пред Господем смерть преподобных его. 2-й, Блажен муж бояйся Господа: Слава, и ныне: Горе тя лицы Богородице:

Тропарь, глас 3: Еже во плоти житию твоему удивишася ангельстии чини, како с телом к невидимым сплетением изшел еси приснославне, и уязвил еси демонския полки. Отонудуже Афанасие Христос тебе воздаде богатыми дарованьми: сего ради, отче, моли спастися душам нашим.

Слава, и ныне, Богородичен. Ектениа малая, и отпуст. На велицей вечерни, по обычном псалме, поем Блажен муж: 1-й антифон. На Господи воззвах, стихиры на 8, глас 2. Подобен: Киими похвальными венцы: Слава, глас 6: Яко божественная жизнь твоя: И ныне, Богородичен. Вход. прокимен дне. чтения 3 преподобническая. На литии стихира храма, и Афанасиа самогласны, глас 1. Слава, глас 5: Вострубим трубою: И ныне, Богородичен, глас тойже: Вострубим трубою песней: На стиховне стихиры, глас 5. Подобен: Радуйся: Слава, глас 6: Отеческую доброту: И ныне: Богородице ты еси лоза: На благословении хлебов тропарь, глас 3: Еже во плоти житию твоему: дважды. писан на малей вечерни: и Богородице Дево: единожды. и Буди имя Господне: трижды. и псалом: Благословлю Господа: На утрени, на Бог Господь, тропарь святаго, дважды. Слава, и ныне: Тя ходатайствовавшую: и обычныя кафисмы, и седальны святаго. По полиелеи седален, глас 8. Слава, и ныне, Богородичен. Степенна, 1-й антифон 4-го гласа. Прокимен, глас 4: Честна пред Господем смерть преподобных его. Стих: Что воздам Господеви о всех: Евангелие Матфеа, зачало 43: Вся мне предана суть: По 50-м псалме стихира, глас 6: Безсмертия тезоименитаго: Канон Богородицы со ирмосом на 6: и святаго на 8: Катавасиа: Отверзу уста моя: По 3-й песни, седален, глас 8: Подобен: Премудрости: дважды. Слава, и ныне, Богородичен. По 6-й песни,

Кондак, глас 8. Подобен: Взбранной: Яко невещественных существ зрителя изрядна, и деятельна сказателя всеистинна, взывает тя стадо твое богоглагольниче: не оскудей моля о рабех твоих, избавитися напастей и обхождений, вопиющим ти: радуйся отче Афанасие.

И икос. По 9-й песни, светилен, дважды. Слава, и ныне, Богородичен. На хвалитех стихиры на 4, глас 8. Подобен: О преславнаго чудесе! Слава, глас тойже, самогласен: Монахов множества: И ныне, Владычице приими: Славословие великое. По трисвятом тропарь святаго. Слава, и ныне, Богородичен. Ектении, и отпуст, и час 1-й, и конечный отпуст. На литургии, блаженна от канона святаго, песнь 3-я и 6-я. Прокимен, глас 7: Честна пред Господем: Стих: Что воздам Господеви: Апостол к галатом, зачало 213: Плод духовный есть: Аллилуиа, глас 6: Блажен муж бояйся Господа: Стих: Сильно на земли будет семя его. Евангелие Луки, зачало 24: Ста Иисус на месте равне: Причастен: В память вечную:

🕃 В тойже день обретение честных мощей преподобнаго и богоноснаго отца нашего Сергиа игумена, Радонежскаго чудотворца.

Совершается собор его во обители его, и идеже храм его.

Тропарь, глас 8: От юности восприял еси Христа в души твоей преподобне, и паче всего вожделел еси мирскаго мятежа уклонитися, мужески в пустыню вселился еси, и чада послушания в ней, плоды смирения возрастил еси. тем быв Троице вселение, чудесы твоими всех просветил еси приходящих к тебе верою, и исцеления всем подая обильно, отче наш Сергие, моли Христа Бога, да спасет души наша.

Кондак, глас 8. Подобен: Взбранной: Днесь яко солнце пресветло, возсиявше от земли честныя мощи твоя нетленны обретошася. яко благоуханный цвет, множеством чудес сияюще, и всем верным источающе различная исцеления, и веселяще избранное твое стадо, еже мудре собрав, добре паствил еси. О нихже и ныне Троице предстоиши моляся, победительная на враги даровати, да вси вопием ти: радуйся Сергие Богомудре.

6. Преподобнаго отца нашего Сисоа Великаго:

На Господи воззвах, стихиры, глас 4: Подобен: Дал еси знамение: Слава, глас 8: Монахов множества: Тропарь, глас 1: Пустынный житель: септемвриа в 29-й день. На утрени, обычныя кафисмы, и седальны октоиха: и чтение. Оба канона октоиха. и святаго на 4, глас 8. По 3-й песни, седален, глас 4. По 6-й песни,

Кондак, глас 4. Подобен: Явился еси: Подвизався, ангел на земли виден был еси, озаряя преподобне помышления верных богознаменьми всегда: темже тя верою Сисое почитаем.

7. Преподобных отец наших Фомы, иже в Малеи: И Акакиа, иже в Лествице.

Стихиры Фомы, глас 1, подобен: Небесных чинов: И Акакиа, глас 4, подобен: Яко добля: На стиховне октоиха. Тропарь, глас 4: Боже отец наших: ноемвриа в 20-й день. На утрени, канон един октоиха: И святых два на 8. Фомы, глас 2: Акакиа, глас 4. По 3-й песни,

Кондак Акакиа, глас 2. Подобен: Вышних ищя: Мир оставль, Христу последовал еси от младенства, премудре Акакие преподобне, того подражая вольное смирение, низвергл еси гордостнаго мучителя: моли непрестанно о всех нас.

Таже седален Фомы, глас 4. Другий Акакиа, глас тойже. По 6-й песни.

Кондак Фомы, глас 4. Подобен: Вознесыйся: Велию победу мужески показал еси, отонудуже Божественною любовию разгоревся, царя тленнаго и вся красная преобидел еси: на горе Малейстей вселение совершив, от неяже в небесная возшел еси к Царю царей Фомо, моли непрестанно о всех нас.

8. 🕃 Святаго великомученика Прокопиа.

На Господи воззвах, стихиры на 6: глас 4, подобен: Яко добля: Ины стихиры, глас тойже, подобен: Дал еси знамение: Слава, глас 6: Просия днесь славная память: На стиховне октоиха. Слава, глас 8: Тайными сиянии: Тропарь, глас 4: Мученк твой Господи Прокопий: септемвриа во 2-й день: На утрени, обычныя кафисмы, и седальны октоиха, и чтение. Оба канона октоиха без мученичнов: и святаго, на 6, глас 4. По 3-й песни, седален, глас 1. По 6-й песни,

Кондак, глас 2. Подобен: Вышних ищя: Ревностию ко Христу Божественною распалаемь, и креста крепостию ограждаемь, врагов шатание и дерзость низложил еси Прокопие, и честную церковь возвысил еси, верою преуспевая, и просвещая нас.

И икос. По 9-й песни, светилен октоиха. Слава, святаго. На хвалитех стихиры, на 4, глас 2. Слава, глас 4: Червленицею кровей: На стиховне октоиха. таже глаголем припев: Дивен Бог во святых своих: и поем стихиру самогласну, глас 6: Приидите вси: Слава, глас 8: Якоже Павел звание: На литургии, блаженна октоиха, и от канона святаго, песнь 3. Прокимен, глас 4: Дивен Бог во святых своих: Стих: В церквах благословите Бога: Апостол к Тимофею, зачало 292: Возмогай о благодати: Аллилуиа, глас 4: Праведник яко финикс процветет: Евангелие Матфеа, зачало 39: Иже любит отца, или матерь паче мене: Причастный: В память вечную:

В тойже день воспоминание знамения, явльшагося от иконы Пресвятыя Владычицы нашея Богородицы, честнаго и славнаго ея Благовещения, во граде велицем Устюзе: И святаго Прокопиа, Христа ради юродиваго, Устюжскаго чудотворца.

Тропарь, глас 4: Просветився Божественною благодатию Богомудре, и весь разум и сердце, от суетнаго мира сего к Зиждителю неуклонно возложив, целомудрием и многим терпением, во временней жизни течение добре скончал еси, и веру соблюл еси непорочну. темже и по смерти явися светлость жития твоего: источаеши бо чудес источник неисчерпаемый, верою притекающим ко святому твоему гробу, Прокопие всеблаженне, моли Христа Бога, да спасет души наша.

Кондак, глас 4: Христа ради юродством воздушная мытарства, на руках ангельских неприкосновенно прешед, царскаго достигл еси престола, и от царя всех Христа Бога дар прием благодать исцелений: многими во чудесы твоими и знамением страшным удивил еси град твой великий Устюг. людем твоим милость испросив, миро от честнаго образа Пресвятыя Богородицы молитвою извел еси, и недужным подал еси цельбы. темже молим тя чудоносче Прокопие, моли Христа Бога непрестанно, подати грехов наших прощение.

🕁 В сий день явление образа пресвятыя Богородицы во граде Казани.

Аще хощет настоятель, да поет службу ея с мучеником, якоже Знамения Богородицы с мучеником Иаковом во всем подобно.

Тропарь, глас 4: Заступнице усердная, мати Господа вышняго, за всех молиши Сына твоего Христа Бога нашего, и всем твориши спастися, в державный твой покров прибегающим. всех нас заступи, о Госпоже Царице и Владычице, иже в напастех и скорбех, и в болезнех обремененных грехи многими, предстоящих и молящихся тебе умиленною душею, и сокрушенным сердцем, пред пречистым твоим образом со слезами, и невозвратно надежду имущих на тя, избавления всех зол, всем полезная даруй, и вся спаси Богородице Дево: ты бо еси божественный покров рабом твоим.

Кондак, глас 8. Подобен: Взбранной: Притецем людие к тихому сему и доброму пристанищу, скорой помощнице, готовому и теплому спасению, покрову Девы, ускорим на молитву, и потщимся на покаяние: источает бо нам неоскудныя милости, Пречистая Богородица, предваряет на помощь, и избавляет от великих бед и зол, благонравныя и богобоящияся рабы своя.

9. Святаго священномученика Панкратиа, епископа Тавроменийскаго.

Стихиры октоиха 3: и Панкратиа 3: глас 2: Подобен: Егда от древа: На стиховне октоиха. Тропарь, глас 4: И нравом причастник: септемвриа в 3-й день. На утрени, оба канона октоиха: и Панкратиа на 4, глас 1. По 3-й песни, седален, глас 4. По 6-й песни,

Кондак, глас 4. Подобен: Явился еси: Светлая тавромениом Панкратие, звезда показался еси, и священнострадалец явился еси за Христа: емуже ныне предстоя моли за чтущия тя блаженне.

10. Святых четыредесяти пяти мучеников, иже в Никополи Арменстей.

Стихиры октоиха 3, и мучеников 3, глас 1. Подобен: Всехвальнии мученицы: На стиховне октоиха. Тропарь, глас 4: Мученцы твои Господи: септемвриа в 20-й день. Оба канона октоиха, и мученичен на 4, глас 5. По 3-й песни седален, глас 4. По 6-й песни,

Кондак, глас 8. Подобен: Яко начатки: Христа ради мученицы многия муки подъясте, и многобожия низложисте все идольское: и разрушисте безбожие всякия прелести, Христовою силою сия поправше, нас всех верно научаете вопити яве: аллилуиа.

🕂 В сий день празднуем положение честныя ризы Господа нашего Иисуса Христа, иже есть хитон, в царствующем граде Москве.

Тропарь, глас 4: Днесь притецем вернии, к Божественней и цельбоносней ризе Спасителя нашего Бога, благоизволившаго сию плотию носити, и на Кресте святую свою кровь излияти, еюже искупи нас от работы вражия. тем благодаряще вопием ему: спаси святителей, и град, и вся люди честною твоею ризою защити, и спаси души наша яко человеколюбец.

Кондак, глас 4: Одеяние нетления, спасительнаго целения, всем человеком Владыко даровал еси твое Божественное сокровище, честную ризу, яже есть хитон, еюже живоносную и святую плоть вочеловечения твоего одеяти благоволил еси. сию желанием приемлюще светло празднуем, страхом же и любовию, яко благодателю воспевающе зовем ти Христе: сохрани в мире святителей и вся люди, по велицей твоей милости.

🕂 И память преподобнаго отца нашего Антониа Печерскаго, иже в Киеве бывшаго начальника всех Российских монахов.

Совершается собор его во обители его, и идеже храм его: в прочих же полиелей.

Тропарь, глас 4: От мирскаго мятежа изшед, отвержением же мира евангельски Христу последовал еси и равноангельное житие пожив, в тихое пристанище святыя горы Афона достигл еси. Отонудуже благословением отцев в гору Киева пришед, и тамо трудолюбно жизнь совершив, отечество твое просветил еси, и множеству монашествующих стезю ведущую к небесному царствию показав, Христу сия привел еси: егоже моли Антоние преподобне, да спасет души наша.

Кондак, глас 4. Подобен: Взбранной: Возложив себе Богу, паче всех возлюбленному от юности преподобне, тому от всея души любовию последовал еси: мира же тленная нивочтоже вменив, в земли пещеру соделал еси, и в ней добре противу невидимаго врага козней подвизався, яко светозарное солнце во вся концы земли возсиял еси: отонудуже веселяся прешел еси к небесным чертогом. и ныне со ангелы Владычню престолу предстоя, поминай нас чтущих память твою, да зовем ти: радуйся Антоние, отче наш.

11.🕃 Святыя мученицы и прехвальныя Евфимии, сиречь предела отцев:

🕃 И преставление блаженныя Ольги, княгини Российския, во святом крещении нареченныя Елены.

На Господи воззвах, стихиры Евфимии 3, глас 8. Подобен: О преславнаго чудесе! И Ольги 3, глас 4. Подобен: Яко добля: Слава, глас 6: Одесную Спаса предста: На стиховне октоиха. Таже припев: Дивен Бог во святых своих Бог Израилев. и поем стихиру, глас 8: Пеньми да почтится мученица: Слава, глас 6: Одеяна добродетельми: Тропарь, глас 4: Агница твоя Иисусе, Евфимиа: септемвриа в 16-й день.

Или сей, глас 4: Жениха твоего Христа возлюбивши, и свещу твою светлу уготовльши, добродетельми возсиявши, всехвальная Евфимие: тем возшла еси с ним на брак, венец страдания от него приемши: но от бед избави нас, чтущих верою память твою.

Слава, тропарь Ольги, глас 1: Крилами богоразумия вперивши твой ум, возлетела еси превыше видимыя твари: взыскавши Бога и Творца всяческих, и того обретши, паки рождение крещением прияла еси: древа животнаго наслаждающися, нетленна во веки пребываеши, Ольго приснославная.

На утрени, обычныя кафисмы, и седальны октоиха. Канон октоиха един: и Евфимии на 4, глас 8: и Ольги на 4, глас 5. По 3-й песни,

Кондак Ольги, глас 4. Подобен: Явился еси: Воспоем днесь благодетеля всех Бога, прославльшаго в России Ольгу Богомудрую: да молитвами ея подаст душам нашим грехов оставление.

Таже седален Евфимии, глас 8, дважды. Слава, и ныне, Богородичен, или Крестобогородичен. По 6-й песни,

Кондак, глас 6. Подобен: Еже о нас: Подвиги во страдальчестве, подвиги в вере положила еси тепле за Христа Жениха твоего: но и ныне якоже ереси, и врагов шатание под ноги православных царей покорити моли Богородицею, яже от шестисот тридесяти богоносных отец предел приемшая, и хранящая всехвальная.

И икос. По 9-й песни светилен октоиха. Слава, святыя: И ныне, Богородичен. На хвалитех стихиры Евфимии на 4, глас 3, самогласны, повторяюще первую. Слава, глас 8: Всяк язык да подвижется: На стиховне октоиха. Таже глаголем припев: В церквах благословите Бога: и поем стихиру, глас 8: Радуйся пределе веры: Слава, глас 1: Днесь лицы отечестии: На литургии, блаженна октоиха, на 4: и Евфимии песнь 3-я, на 4. Прокимен, глас 4: Дивен Бог во святых своих: Стих: В церквах благословите Бога: Апостол к коринфяном, зачало 181: Поспешствующе молим: Аллилуиа, глас 1: Терпя потерпех Господа, и внят ми. Евангелие Луки, зачало 33: Моляше Иисуса некий от фарисей: Причастен: В память вечную:

12. Святых мученик, Прокла и Илариа: И преподобнаго отца нашего Михаила Малеина.

Стихиры мучеников три, глас 1. Подобен: Небесных чинов, и преподобнаго, глас 5. Подобен: Преподобне отче: Слава, глас 6: Преподобне отче Михаиле: На стиховне октоиха. Слава, глас 8: Монахов множества: Тропарь, глас 8: В тебе отче: октовриа в 1-й день. На утрени, един канон октоиха: и святых два, на 8. По 3-й песни,

Кондак мучеников, глас 4. Подобен: Вознесыйся: Яко денница звезда возсия мучеников Прокла и Илариа честное страдание, предозаряющи нас чудес светлостьми: темже празднуем память вашу, Христа Бога молите, да спасет души наша.

И седален, глас 1. Слава, преподобнаго, глас 8. По 6-й песни,

Кондак преподобнаго, глас 2. Подобен: Твердыя: Плотскую тяготу утончил еси делы, душевную же быстрость вперил еси просвещением Михаиле, и явился еси Троице жилище, юже зря блаженне ясно, моли непрестанно о всех нас.

И икос. По 9-й песни, светилен октоиха. Слава, преподобнаго.

13.🕃 Собор святаго архангела Гавриила:

🕃 И преподобнаго отца нашего Стефана Савваита.

На Господи воззвах, стихиры архангела 3, глас 4. Подобен: Дал еси знамение: и преподобнаго 3, глас 8. Подобен: О преславнаго чудесе! Слава, архангела, глас 6: Срадуйтеся с нами: И ныне, Богородичен, или Крестобогородичен. На стиховне октоиха. Слава, и ныне, глас 8: Яко чиноначальник: Тропарь, глас 4: Небесных воинств архистратиже: септемвриа в 6-й день. На утрени, на Бог Господь, тропарь архангела, дважды. Слава, и ныне, Богородичен, или Крестобогородичен. и обычныя кафисмы. и седальны октоиха. Канон октоиха со ирмосом на 4: и архангела на 6, глас 4: и преподобнаго на 4, глас 2. По 3-й песни,

Кондак, глас 2: На небесех зря Божию славу, и на земли с высоты подая благодать, начальниче ангелов, мудре Гаврииле, Божия славы служителю, и мира Божественный поборниче, спасай, соблюдай вопиющия ти: сам буди помощник, и никтоже на ны.

Таже седален архангела, глас 4. Слава, преподобнаго, глас 3. По 6-й песни,

Кондак, глас 2. Подобен: Твердыя: Архистратиже Божий, служителю Божественныя славы, ангелов начальниче, и человеков наставниче, полезное нам проси, и велию милость, яко безплотных архистратиг.

И икос. По 9-й песни светилен октоиха. Слава, архангела. На стиховне октоиха: Слава, глас 5: Идеже осеняет: На литургии, блаженна октоиха: и архангела, песнь 3, на 4. Прокимен, глас 4: Творяй ангелы своя духи: Стих: Благослови душе моя Господа: Апостол к евреем, зачало 305: Аще глаголанное ангелы слово: Аллилуиа, глас 5: Хвалите Господа вси ангели его: Стих: Яко той рече, и быша: Евангелие Луки, зачало 51: Слушаяй вас, мене слушает: Причастен: Творяй ангелы своя духи.

14. 🕃 Святаго апостола Акилы.

Сего же дне поется служба Кирика и Иулитты, вкупе со апостолом.

На Господи воззвах, стихиры апостола 3, глас 1, подобен: Небесных чинов: и мучеников 3, глас 4, подобен: Яко добля: Слава, глас 6: Приидите и узрите: На стиховне октоиха: Слава, глас 8: Трилетен Троицу: Тропарь, глас 3: Апостоле святый Акило, моли: октовриа в 1-й день. Слава: Мученцы твои Господи: септемвриа в 20-й день. На утрени, канон октоиха един: и апостола на 4, глас 2: и мучеников на 4, глас 8. По 3-й песни,

Кондак, апостола, глас 4: Яко велие солнце, церковь тя стяжавши славне Акило светлостьми учения твоего, просвещает верно чтущия тя Господень апостоле.

И седален, глас 4. Слава, мучеников, глас тойже. По 6-й песни,

Кондак мучеников, глас 4. Подобен: Явился еси: Во объятиих носящи христомученица Иулитта Кирика, на подвизе мужески веселящися взываше: Христос есть мучеников похвала.

И икос. По 9-й песни, светилен октоиха. Слава, мучеников. На хвалитех стихиры, на 4, глас 1, самогласны. Слава, глас 2: Приидите вернии: На стиховне октоиха. Слава, глас 4: Радуйся и красуйся: На литургии, блаженна октоиха: и мучеников песнь 3, на 4. Прокимен, глас 4: Дивен Бог во святых своих: Апостол к коринфяном, зачало 154 от полу. Аллилуиа: Из уст младенец: Евангелие Луки, зачало 51, от полу. Причастен: Радуйтеся:

15. Святых мученик, Кирика и Иулитты.

Служба их предписася вчерашняго дне.

🕁 В тойже день святаго и равноапостола великаго князя Владимира, нареченнаго во святом крещении Василиа.

Вечер поем, Блажен муж, антифон 1-й. На Господи воззвах стихиры на 6: глас 4, подобен: Яко добля: Слава, глас 8: Приидите стецемся вси: И ныне, Богородичен: Царь небесный: Вход, прокимен дне, и чтения 3, писаны маиа в 21. На литии стихира храма, таже святаго, глас 2. Слава, глас 6: Приидите стецемся вси верно: И ныне: Творец и Избавитель: На стиховне стихиры, глас 8. Подобен: О преславнаго чудесе! Припев 1-й: Вознесох избраннаго: 2-й: Елеем святым моим: Слава, глас 8: Начальника благочестия: И ныне, Богородичен.

Тропарь, глас 4: Уподобился еси купцу ищущему добраго бисера, славнодержавный Владимире, на высоте стола седя матере градов, богоспасаемаго Киева: испытуя же и посылая к царскому граду, уведети православную веру, обрел еси безценный бисер Христа, избравшаго тя яко втораго Павла, и оттрясшаго слепоту во святей купели душевную вкупе и телесную. темже празднуем твое успение людие твои суще: моли спастися державы твоея Российския начальником, и множеству владомых.

Слава, и ныне: Еже от века утаеное: На утрени, обычныя кафисмы и седальны святаго. По полиелеи седален, глас 4. Степенна, 1-й антифон 4-го гласа. Прокимен, глас 4: Вознесох избраннаго от людей моих. Стих: Ибо рука моя заступит его: Всякое дыхание: Евангелие Иоанна, зачало 36: По 50-м псалме стихира, глас 8: Апостолом ревнителя: Канон Богородицы, на 6: и святаго канона два, на 8. Катавасиа: Отверзу уста моя: По 3-й песни седален, глас 2, дважды. Слава, и ныне, Богородичен. По 6-й песни,

Кондак, глас 8: Подобствовав великому апостолу Павлу, в сединах всеславне Владимире, вся яко младенческая мудрования, яже о идолех тщания оставль, яко муж совершенный украсился еси Божественнаго крещения багряницею. и ныне Спасу Христу в веселии предстоя, моли спастися державы Российския начальником, и множеству владомых.

И икос, и пролог. По 9-й песни, светилен, дважды. Слава, и ныне, Богородичен. На хвалитех стихиры на 4, глас 4. Подобен: Дал еси знамение: Слава, глас 2: Не от человек звание приял еси: И ныне, Богородичен. Славословие великое, и отпуст. На литургии, блаженна обоих канонов, песнь 3, и 6-я. Прокимен, глас 3: Пойте Богу нашему, пойте: Стих: Вси язы́цы: Апостол к галатом, зачало 200. Аллилуиа, глас 6: Вознесох избраннаго: Стих: Ибо рука моя: Евангелие Иоанна, зачало 35, от полу. Причастен: В память вечную:

16. Святаго священномученика Афиногена, и десяти ученик его.

На Господи воззвах, стихиры, глас 8. Подобен: О преславнаго чудесе! На утрени, канон, глас 8, на 4. По 3-й песни, седален, глас 4. По 6-й песни,

Кондак, глас тойже. Подобен: Вознесыйся: Владычню речению последовав, яко пастырь изрядный душу твою положил еси за Христовы овцы, священномучениче Афиногене. сего ради восхваляем тя, и с тобою десятицу ученик твоих, иже пострадаша, страхом Божиим и твоим учением наставляеми. тем угодивших Владыка венча вас живоначальною десницею: егоже о всех нас молите.

Вестно буди, яко в сей 16-й день память совершаем святых Вселенских шести соборов: прилучившагося же святаго память поем на повечерии. Аще случится неделя, служба поется святых отец в сию неделю. Аще же в среду, поется служба их в мимошедшую неделю. Аще в четверток, поется служба их в приидущую неделю.

В субботу на малей вечерни, стихиры воскресны и Богородицы, по обычаю. На велицей вечерни, по обычном псалме поем: Блажен муж, кафисму всю. На Господи воззвах, стихиры на 10. воскресны гласа, 3, и анатолиев, 1: и отцев, 6, глас 6. Подобен: Отчаянная: Слава, глас тойже, самогласен: Тайныя днесь Духа трубы: И ныне, Богородичен 1-й, гласа. Вход, прокимен дне, и чтения три: 1-е, Бытия, глава 14: Слышав Аврам: 2-е, Втораго закона, глава 1: Рече Моисей к сыном Израилевым: видите, предах пред лицем вашим: 3-е, Втораго закона, глава 10: Рече Моисей к сыном Израилевым: се Господа Бога твоего небо: На литии стихира храма. Слава, отцев, глас 3: Апостольских преданий, И ныне: Без семене от Божественнаго Духа: На стиховне октоиха, по алфавиту. Слава, отцев, глас 4: Молебную память: И ныне, Богородичен: Призри на моления: На благословении хлебов, Богородице Дево, дважды:

И отцев тропарь, глас 8: Препрославлен еси Христе Боже наш, светила на земли отцы наши основавый, и теми ко истинней вере вся ны наставивый: многоблагоутробне, слава тебе.

И Буди имя Господне, трижды: и чтение в посланиих апостольских. На утрени, на Бог Господь, тропарь воскресн дважды: Слава, отцев: И ныне, Иже нас ради рождейся: По обычных кафисмах седальны октоиха воскресны, и богородичны их: и чтение во евангелии толковом: По непорочных, ипакои гласа. Степенна гласа. Евангелие воскресно. Воскресение Христово: По 50-м псалме стихира воскресна. Канон воскресн, со ирмосом на 4, и Богородицы на два, и отцев на 8. Катавасиа: Отверзу уста моя: По 3-й песни, кондак и икос воскресн: И седален отцев, глас 4, дважды, Слава, и ныне, Богородичен. По 6-й песни,

Кондак, глас 8. Подобен: Яко начатки: Апостол проповедание, и отец догматы, церкве едину веру запечатлеша: яже и ризу носящи истины исткану от еже свыше богословия, исправляет и славит благочестия великое таинство.

И икос: и пролог. По 9-й песни, светилен воскресн. Слава, отцев. И ныне, Богородичен. На хвалитех стихиры воскресны, 4: и отцев, 4: с припевы их, глас 6. Подобен: Всю отложивше: Все собравше: Слава, глас 8: Святых отцев лик: И ныне: Преблагословенна еси Богородице: Славословие великое. По трисвятом тропарь воскресн точию. Ектении, и отпуст: и оглашение Студитово, и исхождение в притвор. Слава, и ныне, стихира евангельская, и час 1, и конечный отпуст. На часех, тропарь воскресн. Слава, отцев. И ныне, Богородичен часов. По трисвятом, кондак воскресн. На литургии, блаженна октоиха на 6: и отцев, песнь 3, на 4. По входе тропарь воскресн, и отцев, кондак воскресн. Слава, отцев. И ныне, храма Богородицы, или Предстательство христиан: Прокимен гласа, и отцев песнь: глас 4: Благословен еси Господи Боже отец наших: Апостол дне и отцев, ко евреем, зачало 334: Поминайте наставники ваша: Аллилуиа, гласа, и отцев, глас 1: Бог богов Господь глагола: Стих: Соберите ему преподобныя его: Евангелие дне, и отцев: Иоанна, зачало 56: Возвед Иисус очи свои на небо, и рече: Отче, прииде час: Причастен: Хвалите Господа с небес: и отцев: Радуйтеся:

17.🕃 Святыя великомученицы Марины.

На Господи воззвах, стихиры святыя на 6, глас 8. Подобен: О преславнаго чудесе! Слава, глас 2: Во граде Бога нашего: На стиховне октоиха. Слава, глас 2: Во гласе радования: Тропарь, глас 4: Агница твоя Иисусе: септемвриа в 16-й день. На утрени, оба канона октоиха, без мученичнов: и святыя на 6: глас 8. По 3-й песни, седален, глас 4. дважды. По 6-й песни,

Кондак, глас 3. Подобен: Дева днесь: Девства добротами преиспещрена дево, нетленными венцы венчалася еси Марино. кровьми же мученичества обагрена, чудесы просветившися исцелений, благочестно мученице прияла еси почесть победы твоего страдания.

И икос. По 9-й песни, светилен октоиха. Слава, святыя. И ныне, Богородичен. На стиховне октоиха, Слава, глас 1: Яко на камени тверде: На литургии, блаженна октоиха, на 4: и святыя песнь 3, на 4. Прокимен, глас 4: Дивен Бог во святых своих: Стих: В церквах благословите Бога Господа: Апостол к коринфяном, зачало 181: Поспешствующе молим: Аллилуиа, глас 1: Терпя потерпех Господа, и внят ми. Евангелие от Луки, зачало 33: Моляше Иисуса некий от фарисей: Причастен: В память вечную:

18. Святаго мученика Вакинфа, иже во Амастриде: И святаго мученика Емилиана:

Стихиры октоиха 3: и святаго 3: глас 4. Подобен: Яко добля: На стиховне октоиха. Тропарь: Мученк твой Господи: септемвриа во 2-й день. На утрени, оба канона октоиха: и Емилиана на 4, глас 4. По 3-й песни, седален, глас 8. По 6-й песни,

Кондак, глас 3. Подобен: Божественныя веры: Божественною ревностию распалаемь, огня сослужащаго не устрашился еси: но возшед небоязненно волею, возгнещающим огнем всесожжегся, и Владыце яко жертва принеслся еси мучениче, славне Емилиане, Христа Бога моли, даровати нам велию милость.

По 9-й песни, светилен октоиха.

19. Преподобныя матере нашея Макрины, сестры великаго Василиа: И преподобнаго отца нашего Диа.

На Господи воззвах, стихиры святыя, 3, глас 4. Подобен: Дал еси знамение: и святаго стихиры 3, глас тойже. Подобен: Яко добля: На стиховне октоиха. Тропарь святыя, глас 8: В тебе мати. септемвриа в 11-й день. Слава, преподобнаго, глас 1: Пустынный житель: септемвриа в 29-й день. На утрени, канон октоиха един: и святых два на 8. Святыя, глас 4: и преподобнаго, глас тойже. По 3-й песни,

Кондак, глас 2. Подобен: Твердыя: Чистотою души божественне вооружився, непрестанную молитву яко копие приим державно, разсекл еси демонов полки, чудотворче отче наш Дие, моли непрестанно о всех нас.

И седален святыя, глас 4: Слава, преподобнаго, глас 8. По 6-й песни,

Кондак святыя, глас 4. Подобен: Явился еси: Бога благаго всем сердцем возлюбила еси Макрино преподобная, и сего крест честный на рамо приемши, усердно последовала еси ему: отонудуже согрешений обрела еси прощение.

И обретение честных мощей преподобнаго Серафима Саровскаго.

[Тропарь и кондак зри месяца ианнуариа во 2-й день.]

20.🕁 Святаго славнаго пророка Илии:

Вечер, обычная кафисма. На Господи воззвах, стихиры на 6, глас 1. Подобен: Небесных чинов: и самогласны, глас 2: Слава, глас 6: Приидите православных: И ныне, Богородичен, или Крестобогородичен. На стиховне октоиха. Слава, глас 6: Пророче проповедниче Христов: И ныне, Богородичен.

Тропарь, глас 4: Во плоти ангел, пророков основание, вторый Предтеча пришествия Христова, Илиа славный, свыше пославый Елиссееви благодать, недуги отгоняти, и прокаженныя очищати: темже и почитающим его точит исцеления.

Слава, и ныне, Богородичен. На утрени, на Бог Господь, тропарь пророка, дважды. Слава, и ныне, Богородичен, или Крестобогородичен. Обычныя кафисмы: и седален октоиха. Оба канона октоиха: и святаго на 6. По 3-й песни, седален, глас 8, дважды. По 6-й песни,

Кондак, глас 2: Пророче и провидче великих дел Бога нашего, Илие великоимените, вещанием твоим уставивый водоточныя облаки, моли о нас единаго Человеколюбца.

И икос, и пролог. По 9-й песни, светилен пророка. На хвалитех стихиры, на 6: Слава, глас 8: Пророков верховники: И ныне, Богородичен. На стиховне октоиха: Слава, глас 4: На огненней колеснице: На литургии, блаженна от канона, песнь 3-я и 6-я. Прокимен, глас 4: Ты иерей во век, по чину Мелхиседекову. Стих: Рече Господь Господеви моему: седи одесную мене. Апостол соборнаго послания Иаковля, зачало 57: Образ приимите злострадания: Аллилуиа, глас 5: Моисей и Аарон во иереех его: Евангелие от Луки, зачало 14: Дивляхуся народи о словесех: Причастен: В память вечную будет праведник:

Аще храм святаго пророка Илии, или изволит настоятель: творим бдение.

На малей вечерни, на Господи воззвах, стихиры на 4: глас 1. Подобен: Небесных чинов: Слава, глас 6: Божественный пророче Илие: И ныне, Богородичен. На стиховне стихиры, глас 2. Подобен: Доме евфрафов: с припевы их. Слава, глас и подобен тойже: Божественный пророче: И ныне: Владычице благая: По трисвятом, тропарь, глас 4. Слава, и ныне: Еже от века: Ектениа малая, и отпуст. На велицей вечерни, по обычном псалме, поем Блажен муж, 1-й антифон. На Господи воззвах, стихиры, на 8, глас 1. Подобен: Небесных чинов: и самогласны, глас 2. Слава, глас 6: Приидите православных: И ныне: Кто тебе не ублажит: Вход. прокимен дне, и чтения пророка, 3. На литии стихиры храма, и святаго самогласны, глас 4. Слава, глас 6: О нечестиваго царя повеления: И ныне, Богородице, ты еси лоза: На стиховне стихиры, глас 8. Подобен: О преславнаго чудесе! с преждеписанными припевы. Слава, глас 6: Пророче проповедниче: И ныне: Творец и Избавитель мой: На благословении хлебов, тропарь святаго, дважды, и Богородице Дево, единожды: и Буди имя Господне, трижды: и псалом 33: Благословлю Господа: и чтение пророка. На утрени, на Бог Господь, тропарь пророка, дважды. Слава, и ныне, Богородичен. и обычныя кафисмы, и седальны пророка. По полиелеи седален, глас 8, дважды. Слава, и ныне, Богородичен, и чтение. Степенна, 1-й антифон 4-го гласа. Прокимен, глас 4: Ты иерей во век: Стих: Рече Господь Господеви моему: Всякое дыхание: Евангелие Луки, зачало 14: Дивляхуся народи о словесех благодати: По 50-м псалме стихира, глас 4: На огненней колеснице: и прочая. Канон Богородицы со ирмосом на 6, глас 8: Многими содержимь напастьми: и пророка два канона на 8: един, глас 2: Другий, глас 8. Катавасиа: Отверзу уста моя: По 3-й песни, седален, глас 8, дважды. Слава, и ныне, Богородичен. По 6-й песни, кондак, глас 2: Пророче и провидче: писан в 1-й службе, и икос. По 9-й песни, светилен. На хвалитех стихиры на 6, глас 8. Подобен: Что вас наречем: и самогласны 3, глас 1. Слава, глас 8: Пророков верховники: И ныне: Владычице приими: Славословие великое: По трисвятом тропарь. Слава, и ныне, Богородичен. Ектении, и час 1, и отпуст. На литургии, блаженна, перваго канона, песнь 3-я, и втораго 6-я. Прокимен, глас 4: Ты иерей во век по чину Мелхиседекову. Стих: Рече Господь Господеви моему: Апостол Иаковля послания, зачало 57. Аллилуиа, глас 4: Моисей и Аарон: Евангелие Луки, зачало 14. Причастен: В память:

21. Преподобных отец наших, Симеона Христа ради юродиваго, и Иоанна спостника его: И святаго пророка Иезекииля.

Стихиры преподобных, глас 4. Подобен: Дал еси знамение: и пророка, глас 8. Подобен: О преславнаго чудесе! На стиховне октоиха. Тропарь преподобных, глас 4: Боже отец наших: ноемвриа в 20-й день. и пророка, глас 2: Пророка твоего Иезекииля: септемвриа в 4-й день. На утрени, канон октоиха един: и святых два, на 8: преподобных, глас 4: и пророка, глас 8. По 3-й песни,

Кондак пророка, глас 4. Подобен: Явился еси: Божий явился еси пророк Иезекииле чудне, Господне воплощение всем провозвестил еси, сего Агнца и Зиждителя Сына Божия явльшася во веки.

И седален преподобных, глас 5: Слава пророка, глас 3. По 6-й песни,

Кондак преподобных, глас 2. Подобен: Твердыя: Во плоти явльшася безплотнаго, и добродетельми премирно просиявшаго, Симеона равноангельнаго и богоноснаго восхвалим, с нимже Иоанна приснопамятнаго, верою и любовию, яко молящияся Господу непрестанно о всех нас.

22. 🕃 Святыя мироносицы и равноапостольныя Марии Магдалины:

🕃 И возвращение мощей святаго священномученика Фоки.

Стихиры святыя, глас 8. Подобен: О преславнаго чудесе, и святаго, глас 4. Подобен: Дал еси знамение: Слава, святыя, глас 6: Первее видевши: На стиховне октоиха. Слава, святыя, глас 8: Волею обнищавшему:

Тропарь святыя, глас 1: Христу нас ради от Девы рождшемуся честная Магдалина Мариа последовала еси, того оправдания и законы хранящи: темже днесь всесвятую твою память празднующе, грехов разрешение молитвами твоими приемлем.

И святаго, глас 4: И нравом причастник: септемвриа в 3-й день. На утрени, канон октоиха един, и святых два: святыя, глас 8, и святаго, глас тойже. По 3-й песни,

Кондак Фоки, глас 6. Подобен: Еже о нас: Яко святитель принося отче жертвы, на конец себе принесл еси жертву живу: свидетельствовав законно о Христе Бозе, от ангел укрепляемь, и смерть изволяя сый с вопиющими тебе: прииди Фоко с нами, и никтоже на ны.

И икос, и седален святыя, глас 8: и мученика, глас 4. По 6-й песни,

Кондак святыя, глас 3. Подобен: Дева днесь: Предстоящи преславная у Креста Спасова, со иными многими, и Матери Господни состраждущи, и слезы точащи, сие в похвалу приношаше глаголющи: что сие есть странное чудо, содержай всю тварь пострадати изволи: слава державе твоей.

И икос. По 9-й песни, светилен октоиха, и святыя. Слава, мученика. На стиховне октоиха. Слава, мученика, глас 4: От младенства был еси Господеви рачитель: И ныне, святыя, глас 8: Волею обнищавшему: На литургии, блаженна октоиха, и святыя песнь 3-я, на 4. Прокимен, глас 4: Дивен Бог во святых своих, Бог Израилев. Стих: В церквах благословите Бога: Апостол к коринфяном, зачало 141: Печать моего апостольства: Аллилуиа, глас 1: Терпя потерпех Господа: Евангелие от Луки, зачало 34: Прохождаше Иисус сквозе грады и веси: Причастен: Радуйтеся:

23. Святых мученик Трофима, Феофила, и иже с ними.

На Господи воззвах, стихиры, глас 1. Подобен: Всехвальнии мученицы: Тропарь: Мученцы твои Господи: септемвриа в 20-й день. Канон, глас 4. По 3-й песни, седален, глас 1.

24.🕃 Святыя мученицы Христины:

Вечер, на Господи воззвах, стихиры на 6, глас 4. Подобен: Яко добля: Христоименнаго тя звания: Слава, глас 2: Якоже многоценное миро: На стиховне октоиха. Слава, глас 2: Христоименитому званию: Тропарь, глас 4: Агница твоя Иисусе: септемвриа в 16-й день. На утрени, оба канона октоиха, и святыя на 6, глас 8. По 3-й песни, седален, глас 1. По 6-й песни:

Кондак, глас 4. Подобен: Вознесыйся: Световидная голубица познался еси, криле имущи злате и к высоте небесней возлетела еси Христино честная: темже твой славный праздник совершаем, верою покланяющеся твоих мощей раце, из неяже истекает всем обильно исцеление Божественное, душам же и телом.

И икос. По 9-й песни, светилен октоиха. Слава, святыя: И ныне Богородичен. На хвалитех стихиры на 4, глас 4, самогласны: Крест яко оружие: Слава, глас 5: Девства твоего: На стиховне октоиха: Слава, глас 1: С вышними силами: И ныне, Богородичен, или Крестобогородичен. На литургии, блаженна октоиха, на 4: и святыя песнь 3-я, на 4. Прокимен, глас 4: Дивен Бог во святых своих: Стих: В церквах благословите: Апостол к коринфяном, зачало 181: Евангелие Луки, зачало 33. Причастен: В память вечную:

🕂 В тойже день святых мученик Бориса и Глеба, нареченных во святом крещении, Романа и Давида.

Совершается собор их, идеже лежат мощи их, и идеже храм их.

Тропарь, глас 2: Правдивая страстотерпца, и истинная евангелиа Христова послушателя, целомудренный Романе с незлобным Давидом, не сопротив стаста врагу сущу брату, убивающему телеса ваша, душам же коснутися не могущу. да плачется убо злый властолюбец, вы же радующеся с лики ангельскими, предстояще Святей Троице, молитеся о державе нашей, богоугодней быти, и сыновом Российским спастися.

Кондак, глас 3: Возсия днесь преславная память ваша благороднии страстотерпцы Христовы, Романе и Давиде, созывающи нас к похвалению Христа Бога нашего. тем притекающе к раце мощей ваших, исцеления дар приемлем, молитвами вашими святии: вы бо божественнии врачеве есте.

25. 🕃 Успение святыя Анны, матере пресвятыя Богородицы.

И память святых жен Олимпиады и Евпраксии.

Вечер, обычная кафисма. На Господи воззвах, стихиры, глас 4. Подобен: Дал еси знамение: Ины стихиры, глас 1. Подобен: О дивнаго чудесе! Слава, и ныне, глас 8: Иже от неплодных чресл: На стиховне стихиры, глас 5. Подобен: Радуйся: Слава, и ныне, глас 8: Приидите вся тварь:

Тропарь, глас 4: Жизнь рождшую, во чреве носила еси чистую Богоматерь, Богомудрая Анно: темже к приятию небесному, идеже веселящихся жилище, в славе радующися ныне преставилася еси, чтущим тя любовию, прегрешений просящи очищение присноблаженная.

Сей тропарь глаголется без богородична.

Святых же жен служба поется на повечерии, или егда хощет екклисиарх.

На утрени, на Бог Господь, тропарь святыя Анны, трижды: и обычныя кафисмы, и седальны святыя, и чтение. Каноны октоиха, оба без мученичнов: и святыя Анны, на 6. Катавасиа: Отверзу уста моя: По 3-й песни, седален, глас 8: Матери Владыки и Творца: Слава, и ныне, тойже. По 6-й песни,

Кондак, глас 2. Подобен: Вышних ищя: Прародителей Христовых память празднуем, тех верно просяще помощи, избавитися всем от всякия скорби, зовущим: Бог наш с нами, сих прославлей, якоже благоволи.

И икос. По 9-й песни, светилен октоиха. Слава, святыя: И ныне, Богородичен. На хвалитех стихиры, глас 1. Подобен: Небесных чинов: Слава, и ныне, глас 2: Приидите любодевственнии вси: Славословие великое, и отпуст. На литургии, блаженна, песнь 3-я и 6-я. Прокимен, глас 4: Дивен Бог во святых своих: Стих: В церквах благословите: Апостол к галатом, зачало 210: Авраам два сына име: Аллилуиа, глас 1: Спасение праведных от Господа: Евангелие Луки, зачало 36: Никтоже светильника вжег: Причастен: Радуйтеся:

🕃 В тойже день преподобнаго отца нашего Макариа Желтоводскаго, Унжескаго чудотворца.

Совершается собор его во обители его, и идеже храм его.

Тропарь, глас 5: Днесь град твой Галичь тобою хвалится: в концех бо его пресветло яко велие солнце возсиял еси, и чудесы твоими преподобне Макарие вся озарил еси. и ныне молися Господеви, избавитися душам нашим от прелести вражия, и спастися граду твоему от поганскаго наития.

Кондак, глас 2: Вторый Моисей явился еси преподобне: он бо жезлом море раздели, ты же страсти яко амалика победил еси, и непроходную пустыню немятежным умом прошел еси, в нейже молитвами твоими велие чудо сотворил еси: гладныя люди до изобилия прекормил еси. и ныне молися Господеви, подати всем печальным утешение, Макарие отче приснопамятне, иже Галичестей стране и всей Российстей земли похвала и утверждение.

26. Святаго священномученика Ермолаа, и иже с ним:

Стихиры, глас 8. Подобен: О преславнаго чудесе! На стиховне октоиха. Тропарь, глас 4: Мученцы твои Господи: септемвриа в 20-й день. На утрени, оба канона и октоиха, и святаго на 4, глас 8. По 3-й песни, седален, глас 8. По 6-й песни,

Кондак, глас 4. Подобен: Вознесыйся: Яко святитель благочестно пожив, и священномучения венец приял еси, идольския жертвы погасив, добрый пастырь Христова стада был еси премудре, и Пантелеимону истинный учитель. сего ради почитаем тя песньми вопиюще: от бед избави нас присно молитвами твоими, Ермолае отче наш.

В тойже день святыя мученицы Параскеви:

Тропарь, глас 8: Тщание твое званию прилично соделавши тезоименитая, единоименную твою веру в жилище наследовала еси Параскево страстотерпице: отонудуже изливаеши исцеления, и молишися о душах наших.

Кондак. глас 8. Подобен: Взбранной: Страстотерпице вернии песнь Параскеве приидите согласно воспоим: облиставает бо чудесы в мире, отгоняющи прелести тьму, и подающи верным благодать независтную, зовущим: радуйся мученице многострадальная.

27.🕁 Святаго великомученика и целителя Пантелеимона:

Стихиры на 6, глас 4. Подобен: Званный свыше: Ины стихиры, глас 2, самогласны. Слава, глас 6: Возсия днесь честная память: На стиховне октоиха. Слава, глас 8: Матернее возлюбив благочестие:

Тропарь, глас 3: Страстотерпче святый и целебниче Пантелеимоне, моли милостиваго Бога, да прегрешений оставление подаст душам нашим.

На утрени, оба канона октоиха без мученичнов, и святаго на 6, глас 2. По 3-й песни, седален, глас 4. Слава, глас тойже. По 6-й песни,

Кондак, глас 5: Подражатель сый милостиваго, и исцелении благодать о него прием, страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны Господи.

И икос. По 9-й песни, светилен октоиха. Слава, святаго. На хвалитех стихиры на 4, глас 8. Подобен: О преславнаго чудесе! Слава, глас 4: Днесь просия страстоносца память: И ныне: Богородице всех Царице: На стиховне октоиха. Таже святаго припев: Праведник яко финикс процветет: И поем стихиру, глас 1: Подвигом добрым подвизался еси: Слава, глас 5: Приидите мучениколюбцы: И ныне, Богородичен. На литургии, блаженна октоиха, на 4: и святаго песнь 3, на 4. Прокимен, глас 4: Дивен Бог во святых своих: Стих: В церквах благословите Бога: Апостол к Тимофею, зачало 292: Чадо Тимофее, возмогай о благодати: Аллилуиа, глас 2: Праведник яко финикс: Евангелие Иоанна, зачало 52: Си заповедаю вам: Причастен: В память вечную:

28. Святых апостол и диаконов: Прохора, Никанора, Тимона и Пармена.

Стихиры, глас 1. Подобен: Небесных чинов: Тропарь, глас 3: Апостоли святии: октовриа в 31-й день. На утрени, оба канона октоиха, и апостолов на 4, глас 4. По 3-й песни, седален, глас 3. По 6-й песни,

Кондак, глас 1. Подобен: Утробу Девичу: Диакони честнии и самовидцы слова, и сосуди избраннии явистеся веры, Никанор, Прохор, Пармен и Тимон, славнии: темже день священную память вашу празднуем, в веселии сердца вас ублажающе.

🕂 В тойже день празднуем явление иконы Смоленския, Пресвятыя Владычицы нашея Богородицы Одигитриа.

Тропарь, глас 4: К Богородице прилежно ныне притецем грешнии и смиреннии, и припадем в покаянии зовуще из глубины души: Владычице помози, на ны милосердовавши. потщися погибаем от множества прегрешений: не отврати твоя рабы тщи, тя бо и едину надежду имамы.

Слава, и ныне: Не умолчим никогда Богородице, силы твоя глаголати недостойнии. аще бо ты не бы предстояла молящи, кто бы нас избавил от толиких бед? кто же бы сохранил до ныне свободны? не отступим Владычице от Тебе: твоя бо рабы спасаеши присно от всяких лютых.

Кондак, глас 6: Не имамы иныя помощи, не имамы иныя надежды, разве тебе Владычице: ты нам помози, на тебе надеемся, и тобою хвалимся: твои бо есмы раби, да не постыдимся.

Ин кондак, глас тойже: Предстательство христиан непостыдное, ходатайство ко Творцу непреложное, не презри грешных молений гласы: но предвари яко благая на помощь нас, верно зовущих ти: ускори на молитву, и потщися на умоление, предстательствующи присно Богородице чтущих тя.

29. Святаго мученика Каллиника.

Стихиры октоиха 3: и святаго 3, глас 8. Подобен: О преславнаго чудесе! Слава, глас тойже. Самогласен: Благочестия поборника: На стиховне октоиха: Тропарь, глас 4: Мученк твой Господи: септемвриа во 2-й день. На утрени оба канона октоиха: и святаго на 4, глас 4. По 3-й песни, седален, глас 3. По 6-й песни,

Кондак, глас 2. Подобен: Вышних ищя: Горняя красная достойно ныне наследовал еси: Христовою бо зело любовию разжжегся на огнь Каллиниче. тем мужественно дерзнул еси: емуже и ныне предстоя не престай моля о всех нас.

30. Святых апостол, Силы и Силуана, и иже с ними.

Стихиры октоиха, 3: и апостолов, 3, глас 4. Подобен: Дал еси знамение: На стиховне октоиха: Тропарь, глас 3: Апостоли святии: октовриа в 31-й день. На утрени, оба канона октоиха: и апостолов на 4, глас 2. По 3-й песни, седален, глас 3. По 6-й песни,

Кондак, глас 4. Подобен: Вознесыйся: Лозие явистеся Христова винограда, гроздие приносяще мудрии в добродетелех, вино нам спасения источающе: еже приемлюще веселия исполняемся, празднующе всечестную вашу память: в нюже молитеся, о оставлении грехов наших, Господни апостоли.

31. 🕃 Предпразднство происхождения Честнаго и Животворящаго Креста Господня:

🕃 И святаго и праведнаго Евдокима.

Стихиры Креста 3, глас 1. Подобен: Небесных чинов: и святаго 3, глас 8: Подобен: О преславнаго чудесе! Слава, святаго, глас 1: Како не дивимся благоумию твоему: И ныне, Креста, глас тойже: Днесь яко воистинну: На стиховне октоиха: Слава, и ныне, Креста, глас 2: Ты ми покров державен:

Тропарь святаго, глас 4: От земли воззвавый тя к небесным селением, соблюдает и по смерти невредимо тело твое, святе Евдокиме: ты бо в целомудрии и чистом жительстве блаженне жительствовал еси не осквернив плоти. темже со дерзновением моли Христа Бога спастися нам.

Слава, и ныне: Спаси Господи люди твоя: На утрени, на Бог Господь, тропарь Креста дважды: Слава, святаго: И ныне, Креста. По обычных кафисмах седальны октоиха: и чтение. Канон октоиха един: и Креста на 4, глас 1, и святаго на 4, глас 2. По 3-й песни, седален, глас 4. Слава, и ныне, предпразднства, глас тойже. По 6-й песни,

Кондак, глас 2: Вышних желая, с вышними совокупляяся, и колесницу огненную, божественными восхожденьми добродетелей, совершил еси душу, преблаженне Евдокиме: на земли пожив яко безплотен, Зиждителю всех благоугодил еси.

И икос. По 9-й песни, светилен октоиха. Слава, святаго. И ныне, Креста. На стиховне октоиха. Слава, святаго, глас 1: Како не дивимся благоумию твоему: И ныне, Креста, глас 6: Пророчестии гласи: На литургии, прокимен, глас 7: Честна пред Господем смерть преподобных его. Стих: Что воздам Господеви: Апостол к галатом, зачало 213. Аллилуиа, глас 6: Блажен муж бояйся Господа: Стих: Сильно на земли будет семя его. Евангелие Матфеа, зачало 43: Вся мне предана суть: Причастен: В память вечную:

В сий день мясо оставляют правовернии. аще среда или пяток, в 1-й начинающе пост до Успения Пресвятыя Богородицы, со всяким воздержанием. не подобает же тогда никако разрешения рыбы творити, кроме Преображения Господня.

Месяц август

имеяй дней 31. День имать часов 13, а нощь часов 11.

1. 🕃 Происхождение Честных Древ, Честнаго и Животворящаго Креста: [О Кресте чина изношения на престол зри всего септемвриа в 14-й день.]

И память святых седми мученик Маккавей, и матере их Соломонии, и учителя их Елеазара.

Вечер обычная кафисма. На Господи воззвах, стихиры на 6: Креста 3, глас 4. Подобен: Званный свыше: И святых 3, глас 1. Подобен: Всехвальнии мученицы: Слава, глас 8: Святии Маккавеи: И ныне, Креста, глас тойже: Егоже древле Моисей: На стиховне стихиры октоиха. Слава, глас 8: Души праведных: И ныне, Креста, глас тойже: Глас пророка твоего Моисеа: Тропарь, глас 1: Болезньми святых: октовриа в 24-й день. Слава, и ныне, Креста, глас тойже: Спаси Господи люди твоя: септемвриа в 14-й день. На утрени, на Бог Господь, тропарь Креста, дважды. Слава, мучеников: И ныне, Креста, и обычныя кафисмы, и седальны октоиха: и чтение. Канон октоиха на 4: и Креста на 6, глас 6: и мучеников на 4, глас 8. Катавасиа: Крест начертав: По 3-й песни:

Кондак святых, глас 2. Подобен: Вышних ищя: Премудрости Божия столпи седмочисленнии, и божественнаго света светильницы седмосвещнии, Маккавеи всемудрии, прежде мучеников превелии мученицы, с нимиже всех Богу молитеся, спастися почитающим вас.

И икос, и седален святых, глас 8. Слава, и ныне, Креста, глас 6. По 6-й песни,

Кондак креста, глас 4: Вознесыйся на Крест волею, тезоименитому твоему новому жительству щедроты твоя даруй Христе Боже, возвесели нас силою твоею, победы дая нам на сопостаты, пособие имущым твое оружие мира, непобедимую победу.

И икос, и пролог. По 9-й песни, светилен октоиха. Слава, мучеников: Чудныя воспоем: И ныне, Креста: Крест хранитель: На хвалитех, стихиры на 6: Креста 3, глас 1. Подобен: Небесных чинов: и святых 3, самогласны, глас тойже. Слава, глас 4: На Маккавеи собравшуюся рать: И ныне, Креста, глас тойже: Пособивый Господи кроткому Давиду: Славословие великое тихо, и со гласом. Иерею же облечену сущу во всю одежду священническую, приходит с кадилом к святей трапезе, предходящу ему диакону с лампадою, и кадит святую трапезу и Честный Крест: и тако взимает Честный Крест с блюдом на главу, и исходит северными дверьми из олтаря, предыдущим ему со двема лампадами, и с кадилом: приходит же прямо царских дверей, и стоит, ожидая конца трисвятаго. кончаваему же трисвятому, возглашает иерей: Премудрость, прости. И клирицы поют тропарь: Спаси Господи люди твоя: трижды. и тако приходит иерей, нося на главе Честный Крест пред святыя царския двери ко аналогию, емуже украшену сущу, полагает на нем Честный Крест, и творит поклонение Честному Кресту, трижды, поя тихогласно: Кресту твоему покланяемся Владыко, и святое воскресение твое славим. И ликове тоже поют велегласно, трижды. и начинают покланятися, аще во обители, игумен или ин первенствуяй во священных. Такожде и прочии священницы, покланяющеся пред Честным Крестом дважды. целует же прежде старейший: и по целовании паки покланяются единожды. такожде творят и прочии священницы, десная страна и левая: такожде приходят и братия два два, покланяющеся по чину их. кланяющимся же братиям, Поем стихиры самогласны, глас 2, Приидите вернии: глас 5: Зрящи тя тварь: глас 8: Днесь Владыка твари: Слава, и ныне, глас тойже: Днесь неприкосновенный: Посем ектении: Помилуй нас Боже, и Исполним утреннюю молитву: и час 1-й. На часех, тропарь Креста. Слава, святых: И ныне, Богородичен часов. По Отче наш, кондак Креста, и совершенный отпуст. [Зри] В сий же 1-й день августа во обителех и приходских храмех совершают чин священия воды, и бывает сице: Приуготовану столу и украшену, и воде в чаше. Или исходим на источники. И благословившу иерею, глаголется трисвятое, и псалом 142: Господи услыши молитву мою: Таже, Бог Господь: во глас 4. И тропарь: К Богородице прилежно: дважды. Слава, и ныне: Не умолчим никогда Богородице: Таже, псалом 50: Помилуй мя Боже: Посем поются тропари священия воды, глас 6: Еже радуйся ангелом приимшая: И прочее по ряду священия воды, яко обычай. По отпусте же обходит иерей, и кропит внутрь монастыря, сиречь, во игуменскую келлию, и в трапезу, и келарню, и пекарню, и в винницу, и поварню, и житницы, и погреб, и во вся келлии братския, кропя и освящая всех: и возвращшеся поем час 3-й, и 6-й. [Зри] А идеже чин освящения воды совершается на утрени, поем сице: По славословии и по трисвятом, и по тропаре: Спаси Господи люди твоя: поются тропари: Еже радуйся: И прочее по ряду освящение воды, яко обычай. По освящении же воды и по стихирах: Источник исцелений: и Призри на моления: и Владычице приими: творим и поклонение Честному Кресту, яко предписася. На часех, тропарь Креста. Слава, святых: И ныне, Богородичен часов. По трисвятом кондаки пременяем. На литургии, блаженна, от канона Креста, песнь 3, на 4: и святых, песнь 6, на 4. По входе тропарь Креста, и мучеников. Слава, кондак мучеников: И ныне, Креста. Трисвятое. прокимен Креста, глас 6: Спаси Господи люди твоя: Стих: К тебе Господи воззову, Боже мой: Другий, мучеников, глас 4: Святым, иже суть на земли его: Апостол Креста, к коринфяном, зачало 125: Слово крестное: И святых, ко евреем, зачало 330: Святии вси, иже верою победиша царствия: Аллилуиа, глас 4: Помяни сонм твой, егоже стяжал еси исперва. Стих: Бог же царь наш прежде века: И святых: Воззваша праведнии: Евангелие Креста, Иоанна, зачало 60: Совет сотвориша архиереи и старцы на Иисуса: И святых, Матфеа, зачало 38: Всяк убо иже исповесть мя пред человеки: Причастен Креста: Знаменася на нас: И святых: Радуйтеся: Ряд же вычитаем напредь, или под зачало.

Аще же 1-й день августа случится в неделю:

В субботу вечера, на малей вечерни стихиры воскресны, и Богородицы, по обычаю. На велицей вечерни, по кафисме, на Господи воззвах стихиры воскресны 3: и анатолиев 1: и Креста 3: и мучеников три. Слава, Креста: И ныне, Богородичен 1-й гласа. На литии стихира храма, и мучеников хвалитныя. Слава, мучеников: И ныне, Богородичен. На стиховне октоиха воскресны. Слава, мучеников: И ныне, Креста. На благословении хлебов тропарь: Богородице Дево: дважды, и Креста, единожды. таже, Буди имя Господне: и прочее. [Зри] Аще ли несть бдения, по Ныне отпущаеши, тропарь воскресн. Слава, святых: И ныне, Креста. На повечерии, по Достойно, кондак Креста. На утрени, на Бог Господь, тропарь воскресн дважды. Слава, мучеников: И ныне, Креста. Канон воскресн со ирмосом на 4: и Богородицы на два: и Креста на 4: и мучеников на 4. Катавасиа: Крест начертав: По 3-й песни, кондак мучеников, и седален дважды. Слава, и ныне, Креста. По 6-й песни, кондак и икос Креста. Светилен воскресн. Слава, мучеников. И ныне, Креста. На хвалитех стихиры воскресны 4: и Креста со славным 4, со стихи своими: Возносите Господа Бога нашего: Стих: Бог же царь наш: Слава, стихира евангельская: И ныне: Преблагословенна еси: Славословие великое. тропарь воскресн точию. И бывает водоосвящение, и поклонение Кресту: и прочее, якоже выше речеся. На литургии, блаженна воскресна на 4: и Креста песнь 3-я на 4: и мучеников песнь 6-я на 4. По входе тропарь воскресн, и Креста, и мучеников. таже кондак воскресн. Слава, мучеников: И ныне, Креста. Прокимен, Аллилуиа, и причастен Креста, и мучеников Апостол, и Евангелие рядовое и Креста, и мучеников.

Аще храм Всемилостиваго Спаса:

Вечер, Блажен муж: 1-й антифон. На Господи воззвах, стихиры на 8: праздника 4, глас 4. Подобен: Дал еси знамение: И Креста 4, глас тойже. Подобен: Званный свыше: Слава, глас тойже. самогласен: Живоначальный источник: И ныне, Креста, глас 8: Егоже древле Моисей: Вход, прокимен дне. чтения три: 1-е, Притчей: Сыне, не пренебрегай наказания Господня: 2-е, Пророчества Исаиина: Тако глаголет Господь: отверзутся врата твоя Иерусалиме: 3-е, Притчей: Премудрость созда себе дом: На литии стихиры самогласны, глас 1. Слава, и ныне, глас 5: Зрящи тя тварь: На стиховне стихиры, глас 5. Самоподобен: Радуйся: Слава, глас 4: Отеческих недр не оставль: И ныне, Креста, глас 8: Глас пророка твоего Моисеа Боже: По ныне отпущаеши,

Тропарь, глас 8: С вышних призирая, убогия приемля, посети нас озлобленныя грехи, Владыко Всемилостиве: молитвами Богородицы даруй душам нашим велию милость.

Слава, и ныне, Креста, глас 1: Спаси Господи люди твоя: и отпуст: На утрени, на Бог Господь, тропарь праздника дважды. Слава, и ныне, Креста. По 1-й стихологии седален, глас 6: Токмо водрузися древо: Слава, и ныне, тойже. По 2-й стихологии седален, глас 6: Днесь пророческое исполнися слово: Слава, и ныне, тойже. И чтение во евангелии толковом. По полиелеи седален, глас 8. Подобен: Повеленное тайно: В раи мя прежде: Слава, и ныне, тойже. Степенна, 1-й антифон 4-го гласа. Прокимен, глас 4: Видеша вси концы земли спасение Бога нашего. Стих: Воспойте Господеви песнь нову, яко дивна сотвори Господь. Всякое дыхание: Евангелие Иоанна, зачало 42 от полу: Отче, прослави имя твое: По 50-м псалме, стихира, глас 6: Кресте Христов: Канон праздника, глас 8, со ирмосом на 8. ирмос по дважды, тропари на 6: и Креста, глас 6, на 6. Катавасиа: Крест начертав: По 3-й песни,

Кондак праздника, глас 4. Подобен: Явился еси: Всякия скверны, Всемилостивый Спасе, аз бых делатель, и во отчаяния ров падся, но стеню от сердца, и вопию к тебе Слове: ускори щедрый, и потщися на помощь нашу, яко милостив.

И икос, и седален, глас 4. Слава, и ныне, Креста, глас 8. Подобен: Повеленное: По 6-й песни, кондак Креста, глас 4: Вознесыйся на Крест: и икос. Светилен праздника, дважды. Слава, и ныне, Креста. На хвалитех стихиры на 6, праздника 3, глас 4. Подобен: Дал еси знамение: и Креста 3, глас 1. Подобен: Небесных чинов: Слава, и ныне, глас 4: Пособивый Господи кроткому Давиду: Славословие великое. Таже освящение воды, и поклонение Честному Кресту, и ектении, и отпуст, и час 1-й. На 1-м часе, тропарь праздника. Слава, Креста. И ныне, Богородичен часов. По трисвятом во всех часех кондаки праздника и Креста, пременяюще глаголем, и совершенный отпуст. На литургии, блаженна от канона праздника песнь 3-я, и Креста, песнь 6-я, и трисвятое. Прокимен, глас 6: Спаси Господи, люди твоя, и благослови достояние твое. Стих: К тебе Господи, воззову, Боже мой, да не премолчиши от Мене. Апостол к коринфяном, зачало 125. Аллилуиа, глас 1: Помяни сонм твой, егоже стяжал еси исперва. Стих: Бог же Царь наш прежде века, содела спасение посреде земли. Евангелие Иоанна, зачало 60. На литургии, поем Достойно: а не ирмос Креста. Причастен: Знаменася на нас свет лица твоего Господи:

2. 🕃 Пренесение мощей святаго первомученика и архидиакона Стефана.

На Господи воззвах, стихиры святаго на 6, глас 8. Подобен: О преславнаго чудесе! Ины стихиры, глас 2, самогласны. Слава, глас 6: Первый в мученицех: И ныне, Богородичен, или Крестобогородичен. На стиховне октоиха. Слава, глас 8: Радуйся о Господе венценосче: И ныне, Богородичен, или Крестобогородичен.

Тропарь, глас 4: Царским венцем венчася твой верх от страданий, яже претерпел еси по Христе Бозе, мучеников первострадальче Стефане: ты бо иудейское обличивый неистовство, видел еси твоего Спаса одесную Отца: того убо моли о душах наших.

[Зри] По отпущении вечерни вносится Честный Крест, иерею оболчену в фелонь, и диакону в стихарь, со свещами и кадилом, поюще тропарь: Спаси Господи: и кондак. и полагается на престол. На утрени, на Бог Господь, тропарь мученика, дважды. Слава, и ныне, Богородичен: и обычныя кафисмы, и седальны октоиха, и чтение. Оба канона октоиха, без мученичнов: и святаго на 6, глас 8. По 3-й песни, седален, глас 1, дважды. По 6-й песни,

Кондак, глас 6: Первый сеялся еси на земли небесным делателем, всехвальне Стефане, первый на земли за Христа кровь излиял еси блаженне: первый от него победы венцем увязлся еси на небесех, страдальцев начало, венечниче мучеников первострадальне.

И икос. По 9-й песни, светилен октоиха. Слава, святаго. На хвалитех стихиры святаго на 4, глас 4. Подобен: Яко добля: Слава, глас тойже. Самогласен: Стефан доброе начало: На стиховне октоиха. Слава, святаго, глас 5: Первомучениче апостоле: И ныне, Богородичен. На литургии, блаженна октоиха: и апостола песнь 3-я на 4. Прокимен, глас 8: Во всю землю: Стих: Небеса поведают славу Божию: Апостол деяний, зачало 17: Стефан исполнь веры и силы: Аллилуиа, глас 1: Исповедят небеса: Евангелие Матфеа, зачало 87: Человек некий бе домовит: Причастен: Во всю землю:

🕃 В тойже день преставление святаго блаженнаго Василиа, Христа ради юродиваго, Московскаго чудотворца.

Совершается собор его, идеже лежат мощи его.

Тропарь, глас 8: Житие твое Василие неложное, и чистота нескверна, Христа ради тело твое изнурил еси постом и бдением, и мразом и теплотою солнечною, и слотою и дождевным облаком, и просветися лице твое яко солнце: и ныне приходят к тебе Российстии народи, цари же и князи, и вси людие, прославляюще святое твое успение. тем Христа Бога моли, да избавит ны от варварскаго пленения, и междоусобныя брани, и мир мирови подаст, и душам нашим велию милость.

Кондак, глас 4: Духом Божиим водимь преблаженне Василие, оттрясл еси мирский мятеж, и жития треволнения возгнушался еси, и совлекся одеяний тленных, и облекся в ризу безстрастия, убежал еси ловления льстиваго миродержца, и был еси странен во твоем языце, и паче земнаго богатства избрав богатство небесное, увязлся еси венцем терпения, и ныне преблаженне Василие, моли Христа Бога о творящих святую память твою, да зовем ти: радуйся преблаженне Василие.

3. Преподобных отец наших, Исаакиа, Далмата и Фавста.

Аллилуиа, или тропарь. Стихиры Богородице, глас 8. Подобен: Мученцы твои Господи: и преподобных, глас и подобен тойже. Тропарь, глас 4: Боже отец наших: ноемвриа в 20-й день. На утрени, оба канона октоиха: и святых на 4, глас 8. По 3-й песни, седален, глас 8. По 6-й песни,

Кондак, глас 2. Подобен: В молитвах: Пощением возсиявшия яко светила, и ереси развратившия верою, песньми Исаакиа восхвалим, и с Далматом Фавста, яко Христовы угодники: того молящия о всех нас.

И икос. По 9-й песни, светилен троичен. На стиховне октоиха.

🕃 В тойже день преподобнаго Антониа Римлянина, Новгородскаго чудотворца.

Совершается собор его, идеже лежат мощи его, и идеже храм его.

Тропарь, глас 4: Ветхий Рим отечество твое оставив, на камень яко на легкий корабль возшел еси: и на нем паче естества аки безплотен по водам шествовал еси, промышлением Божественнаго разума направляемь, великаго Новаграда достигл еси, и обитель в нем сотворив, тело твое в ней предложил еси, яко дар освящен. тем молим тя отче Антоние, моли Христа Бога, да спасет души наша.

Кондак, глас 8. Подобен: Взбранной: Римское воспитание, великому же Новуграду благодатное процветение, многими бо труды и подвиги в нем Богу угодил еси: сего ради чудес дарования от него сподобился еси, и тело твое многими леты соблюде нетленно. мы же сие лобызающе, радостно от души вопием ти: радуйся отче Антоние.

4. Святых седми отроков, иже во Ефесе: И святыя преподобномученицы Евдокии:

Аллилуиа, или тропарь. Стихиры отроков 3, глас 1. Подобен: Небесных чинов: Тропарь, глас 4: Мученцы твои Господи: септемвриа в 20-й день.

Или сей, глас тойже: Велия веры чудесе, в пещере яко в чертозе царском святии седмь отроцы пребыша, и умроша без тли: и по мнозех временех восташа яко от сна, во уверение воскресения всех человеков. тех молитвами Христе Боже помилуй нас.

На утрени, оба канона октоиха: и отроков на 4, глас 2. По 3-й песни, седален, глас 4. По 6-й песни,

Кондак, глас 4. Подобен: Вознесыйся: Мира сущая тленная презревше, и нетленныя дары приемше, умерше, кроме тления пребыша: темже востают по многих летех, все погребше лютых неверие: яже во хвалении днесь вернии восхваляюще, Христа воспоим.

По 9-й песни, светилен октоиха. Слава, отроков: И ныне, Богородичен. На стиховне октоиха.

5.🕃 Предпразднство Преображения Господа нашего Иисуса Христа.

И святаго мученика Евсигниа.

Стихиры предпразднства 3, глас 4. Подобен: Дал еси знамение: И мученика 3, глас тойже: Подобен: Яко добля: Слава, и ныне, предпразднства, глас 5: Приидите, взыдем на гору Господню: [Аще суббота, И ныне, догматик.] На стиховне стихиры, глас 2. Подобен: Доме евфрафов: Припев: Милость и истина сретостеся: 2-й, Блажени людие ведущии воскликновение: Слава, и ныне, глас 2: Иже на горе Фаворстей:

Тропарь, глас 4: Христово преображение предусрящем, светло торжествующе предпразднственная вернии, и возопиим: приспе день Божественнаго веселия, восходит на гору Фаворскую Владыка, Божества своего облистати красоту. единожды.

На утрени, на Бог Господь, тропарь предпразднства, трижды. и обычныя кафисмы. По кафисмах седальны предпразднства. Канон предпразднства, со ирмосом на на 6, глас 4: и трипеснца на 4: и святаго на 4, глас 8. Подобне поем 8-ю, и 9-ю песни: 3-ю же и прочия песни даже до осьмыя, предпразднства со ирмосом на 8: и святаго на 4.

[Зри] [Аще случится предпразднство в неделю, трипеснец выпеваем на повечерии.]

По 3-й песни, седален святаго, глас 4. По 6-й песни,

Кондак предпразднства, глас 4. Подобен: Явился еси: Божественным днесь преображением человеческое все естество просиявает Божественно в веселии зовуще: преобразуется Христос спасаяй вся.

И икос. По 9-й песни, светилен предпразднства. На стиховне стихиры, глас 1. Подобен: Небесных чинов: с припевы их. Слава, и ныне, глас 5: Закона и пророков тя Христе, На литургии, блаженна от канона предпразднства, песнь 3-я и 6-я. Апостол и Евангелие дне, и утрешнее под зачало.

[МРК] Подобает ведати, аще случится предпразднство Преображения Христова в неделю.

В субботу на малей вечерни, стихиры воскресны и Богородицы, по обычаю. На велицей вечерни, по кафисмах, на Господи воззвах, стихиры воскресны 3, и анатолиев един: и предпразднства 3: и мученика 3. Слава, предпразднства: И ныне, Богородичен 1-й настоящаго гласа. На литии стихира храма, и предпразднства стиховна того дне. Слава, и ныне, предпразднства. На стиховне стихиры воскресны. Слава, и ныне, предпразднства. На благословении хлебов, тропарь: Богородице Дево радуйся: трижды. и чтение в посланиих апостольских. [Зри] А идеже несть бдения, по Ныне отпущаеши, тропарь воскресн: Слава, и ныне, предпразднства. На повечерии, по Достойно, кондак предпразднства. На утрени, тропарь воскресн, дважды. Слава, и ныне, предпразднства, и прочее до канона воскресно. Канон воскресн со ирмосом на 4: и Богородицы на 2: и предпразднства на 4: и святаго на 4. Катавасиа: Крест начертав: По 3-й песни, кондак и икос предпразднства: и седален святаго. Слава, и ныне, предпразднства. По 6-й песни, кондак и икос воскресн. На 9-й песни, поем Честнейшую: Светилен воскресн. дважды. Слава, и ныне, предпразднства. На хвалитех стихиры воскресны 4: и предпразднства стихиры со славным 4. Слава, стихира евангельская. И ныне: Преблагословенна еси: Славословие великое. Тропарь воскресн, ектении, и отпуст, и оглашение Студитово, и обычное исхождение в притвор, и час 1-й. На 1-м часе, тропарь воскресн. Слава, предпразднства. И ныне, Богородичен часов. По Отче наш, кондак предпразднства: такожде и на прочих часех глаголем пременяюще. На литургии, блаженна гласа, на 6: и предпразднства песнь 3-я. По входе тропарь воскресн, предпразднства, и храма Богородицы, аще есть, и храма святаго, или святыя. Таже кондак воскресн. Слава, храма святаго, или святыя. И ныне, предпразднства. Прокимен, апостол, Аллилуиа, Евангелие и причастен дне. И утренний апостол, и Евангелие ряд, под зачалом.

[Зри] Вестно буди: Яко аще случится праздник Христова Преображения в неделю, ничтоже воскресно поется, ниже Евангелие утреннее чтется: но вся служба праздника, вечер, и утро, и на литургии, неизменно.

6. 🕀 Святое Преображение Господа Бога и Спаса нашего Иисуса Христа.

На малей вечерни, стихиры на 4, глас 1. Подобен: Небесных чинов: Слава, и ныне, глас 8: Мрак законный: На стиховне стихиры, глас 2. Подобен: Доме евфрафов: Днесь Христос: Припев 1-й: Твоя суть небеса, и твоя есть земля. 2-й: Фавор и Ермон о имени твоем возрадуетася. Слава, и ныне, глас и подобен тойже: Видеша на Фаворе:

Тропарь глас 7: Преобразился еси на горе Христе Боже, показавый учеником твоим славу твою, якоже можаху да возсияет и нам грешным свет твой присносущный, молитвами Богородицы, светодавче, слава тебе.

Ектениа малая, и отпуст. На велицей вечерни, стихологиа не бывает, токмо аще есть неделя, тогда поем кафисму всю. Аще в понедельник, 1-й антифон. На Господи воззвах, стихиры на 8, глас 4, самогласны: Прежде Креста твоего Господи: Слава, и ныне, глас 6: Прообразуя воскресение твое. Вход. прокимен дне. Чтения 3: 1-е: Исхода: Рече Господь к Моисею, взыди ко мне на гору: 2-е, Исхода: Во днех онех, глагола Господь к Моисею лицем к лицу: 3-е, Царства третияго: Во днех онех, прииде Илиа в Вирсавию: Посем ектениа. На литии стихиры праздника, глас 2: Иже светом твоим: Слава, глас 5: Приидите взыдем: И ныне, глас тойже: Закона и пророков: На стиховне стихиры, глас 1, самогласны: Иже древле: с припевы писанными на малей вечерни. Слава, и ныне, глас 6: Петру, и Иакову, и Иоанну: На благословении хлебов, тропарь, глас 7: Преобразился еси на горе Христе Боже: трижды. писан на малей вечерни. И Буди имя Господне: пением трижды. Псалом 33: Благословлю Господа: до Не лишатся всякаго блага. И чтем слово Анастасиа Синайскаго, емуже начало: Яко страшно место сие: На утрени, на Бог Господь, тропарь праздника, трижды. и обычныя кафисмы, и седальны праздника: и чтем Евангелие в толковании, еже от Луки. И даются свещи братиям. По полиелеи седальны праздника, и чтение. Степенна, 1-й антифон 4-го гласа. Прокимен, глас 4: Фавор и Ермон о имени твоем возрадуетася. Стих: Твоя суть небеса, и твоя есть земля. Всякое дыхание: Стих: Хвалите Бога во святых его. Евангелие Луки, зачало 45: Поят Иисус Петра и Иоанна и Иакова: Псалом 50. Слава, Всяческая днесь радости исполнишася, Христос преобразися пред ученики. И ныне, тойже. Стихира, глас 5: Божества твоего Спасе: и прочее. Канона два: един, кир Космы, глас 4. Другий, кир Иоанна, глас 8. Ирмосы обою канонов, по дважды: тропари на 12. Катавасиа: Крест начертав: По 3-й песни, седален, глас 4. Подобен: Удивися Иосиф: Слава, и ныне, тойже. По 6-й песни,

Кондак, глас 7: На горе преобразился еси, и якоже вмещаху ученицы твои, славу твою, Христе Боже, видеша: да егда тя узрят распинаема, страдание убо уразумеют вольное, мирови же проповедят, яко ты еси воистинну Отчее сияние.

И икос. На 9-й песни, Честнейшую не поем, аще и в неделю, но поем припев праздника: Величай душе моя: Паки вжигают свещи братия. По 9-й песни, светилен: Свете неизменный: трижды. На хвалитех стихиры на 4, глас 4. Подобен: Званный свыше: Слава, и ныне, глас 8: Поят Христос: Славословие великое. По трисвятом, тропарь праздника. Ектении, и отпуст. И дается елей братии от кандила Спасова. Поющим нам стихиру самогласну праздника, юже волит екклисиарх. и час 1-й, и конечный отпуст. и бывает литургиа порану, бдения ради. На литургии, Антифон 1. Глас 2: Стих 1. псалом 65: Воскликните Господеви вся земля, пойте же имени его, дадите славу хвале его. Молитвами Богородицы Спасе спаси нас. Паки другий лик тойже стих: Воскликните Господеви: Молитвами Богородицы Спасе спаси нас. И паки 1-й лик, стих 2: псалом 76: Глас грома твоего в колеси, осветиша молния твоя вселенную, подвижеся и трепетна бысть земля. Молитвами Богородицы Спасе спаси нас. Таже 2-й лик, стих 3: псалом 103: Во исповедание и в велелепоту облеклся еси, одеяйся светом яко ризою. Молитвами Богородицы Спасе спаси нас. Слава, и ныне: Молитвами Богородицы Спасе спаси нас. Антифон 2-й: Псалом 47: Стих 1: Горы сионския, ребра северова, град царя великаго. Спаси ны Сыне Божий, преобразивыйся на горе поющия ти: аллилуиа. Другий лик тойже. Стих 2: псалом 77: И введе я в гору святыни своея, гору сию, юже стяжа десница его. Спаси ны Сыне Божий, преобразивыйся на горе: Стих 3: Гору Сионю, юже возлюби и созда яко единорога святилище свое. Спаси ны Сыне Божий, преобразивыйся на горе: Слава, и ныне: Единородный Сыне и Слове Божий: Антифон 3, псалом 124, глас 7. Стих 1: Надеющийся на Господа, яко гора Сион не подвижится во век. Тропарь: Преобразился еси на горе Христе Боже: Весь до конца. Стих 2: Горы окрест его, и Господь окрест людей своих от ныне и до века. Тропарь: Преобразился еси: псалом 14. Стих 3: Господи, кто обитает в жилищи твоем? или кто вселится во святую гору твою? Тропарь: Преобразился еси: псалом 23. Стих 4: Кто взыдет на гору Господню? или кто станет на месте святем его? Тропарь: Преобразился еси: Входное: Господи, посли свет твой, и истину твою, та мя настависта, и введоста мя в гору святую твою. Тропарь: Преобразился еси: Слава, и ныне: Кондак, глас тойже: На горе преобразился еси: Трисвятое. Прокимен, глас 4: Яко возвеличишася дела твоя Господи, вся премудростию сотворил еси. Стих: Благослови душе моя Господа: Апостол Петрова послания, зачало 65: Потщитеся известно: Аллилуиа, глас 8: Твоя суть небеса: Стих: Блажени людие: Евангелие Матфеа, зачало 70: Поят Иисус Петра, и Иакова, и Иоанна: За Достойно ирмос: Рождество твое нетленно: и до отдания. Причастен: Господи во свете лица твоего пойдем, и о имени твоем возрадуемся во веки. На трапезе же разрешаем на рыбу, и елей, и вино, аще и среда или пяток. [Зри] Подобает ведати, яко предание имамы от святых отец от спасительнаго сего праздника Преображения, снедати гроздие, идеже обретается. благословение приемше от иереа. Принесену бывшу гроздию в церковь, и по анафоре раздроблену. Глаголется же и молитва на благословение гроздия. Внимай: Яко аще кто от от братий снест гроздие прежде сицеваго праздника, то преслушания запрещение да приимет, и да не вкусит гроздие чрез весь август месяц, яко заповеданный устав презрев: яко да от сего навыкнут и прочии повиноватися уставу святых отец. Сие же запрещение бывает и блюдущим винограды братии. Гроздию же на трапезе по празднице сем, трижды в неделю подобает предлагатися братии: сиречь в понедельник, в среду, в пяток, да вкушают братия. Сей устав бывает и на смоквах, и над прочими овощьми: яве яко времена их, кое когда приспеет. Сия же глаголем кроме приносимых блюдущим смокви, и раздаемым: снедают бо сия.

7. Святаго преподобномученика Дометиа.

На Господи воззвах, стихиры праздника 3, глас 4. Подобен: Званный свыше: И святаго 3, глас 6. Подобен: Всю отложивше: Слава, и ныне, праздника, глас 6: Прообразуя воскресение твое: Вход. Прокимен, глас 7: Бог наш на небеси и на земли: со стихи его, писан ианнуариа в 6-й день вечера.

[Зри] Аще случится праздник сей в субботу:

В пяток вечера, поем прокимен великий, со стихи его. В субботу же вечера, в праздник, поем прокимен: Господь воцарися:

[Зри] Аще случится праздник сей в неделю:

Поем в субботу вечера прокимен: Господь воцарися: со стихи его. В неделю же вечера, поем прокимен великий, со стихи его. Таже, ектениа: Рцем вси: И Сподоби Господи: На стиховне стихиры праздника, глас 6. Подобен: Тридневен: Припевы же глаголем, 1-й: Твоя суть небеса, и твоя есть земля. 2-й: Фавор и Ермон о имени твоем возрадуетася. [и до отдания, вечер и утро.] Слава, и ныне, глас 5: Приидите взыдем:

Тропарь, глас 4: Постнически предподвизався на горе, умная врагов ополчения всеоружием креста погубил еси всеблаженне. паки же ко страдальчеству мужески облеклся еси: и обоих ради венчался еси от Бога, преподобномучениче Дометие приснопамятне.

Слава, и ныне, праздника. На повечерии кондак праздника, и до отдания. На утрени, на Бог Господь, тропарь праздника дважды: и святаго. и обычныя кафисмы, и седальны праздника. Канон праздника, со ирмосом на 8, 4-го гласа, и святаго на 4, глас 6. По 3-й песни,

Кондак мученика, глас 6: Яко преобидев тленная, и долу влекущая мудрования, преподобномучениче Дометие, велик наставник монахом показался еси, не устрашився ярости царя, не хотяща чтити Христа истиннаго Бога. сего ради и скончался еси, воспевая песнь: Бог есть со мною, и никтоже на мя.

И седален, глас 8. Слава, и ныне, праздника. По 6-й песни, кондак и икос праздника. По 9-й песни, светилен праздника, дважды. На стиховне стихиры праздника, глас 6. Подобен: Ангельския: с преждеписанными припевы. Слава, и ныне, глас 5: Закона и пророков тя Христе: На литургии, блаженна праздника, песнь 1-я обоих канонов, со ирмосом на 6. Прокимен праздника, и святаго, глас 7: Честна пред Господем смерть преподобных его. Стих: Что воздам Господеви о всех: Апостол ко ефесеем, зачало 233: Возмогайте о Господе: Аллилуиа, глас 4: Праведник яко Финикс процветет: Евангелие Иоанна, зачало 52: Си заповедаю вам: Причастен праздника, и святаго: В память вечную: [Зри] Аще ли случится попразднство Преображения Христова в субботу, и в пяток: На Господи воззвах: Слава, праздника: И ныне, Богородичен 1-й настоящаго гласа.

[Зри] Аще случится попразднство Преображения Христова в неделю:

В субботу на малей вечерни, стихиры воскресны, и Богородицы, по обычаю. На велицей вечерни, по обычной кафисме, на Господи воззвах, стихиры воскресны 3, и анатолиев 1: и праздника 3 того дне: и святаго минеи 3. [Зри] [Аще ли поется святый на 6, или емуже и полиелей, поем стихиры воскресны 3, и праздника 3, и святаго 4. Слава, святаго.] Аще же ни, Слава, праздника: И ныне, Богородичен 1-й, гласа. На литии стихиры праздника, того дне рядовыя стиховныя. Слава, и ныне, праздника, писан на утрени на стиховне. Аще ли имать святый славник: Слава, святаго: И ныне, праздника. На стиховне стихиры воскресны. Слава, святаго, аще есть: И ныне, праздника. Аще ли ни, Слава, и ныне, праздника. На благословении хлебов, тропарь: Богородице Дево: дважды, и праздника единожды. На утрени, на Бог Господь: тропарь воскресн дважды. Слава, святаго, аще есть, И ныне, праздника. Аще ли ни, Слава, и ныне, праздника. По кафисмах седальны воскресны, с богородичны их. и чтение во евангелии толковом, и непорочны с тропари. ипакои гласа. Степенна, и прокимен гласа, и Всякое дыхание. Евангелие воскресно, и стихира воскресна. Канон воскресн со ирмосом на 4: и Богородицы на 2, и праздника на 4, и святаго на 4. Катавасиа: Лицы израильтестии: Аще полиелей, или славословие, поем канон воскресн со ирмосом на 4, и праздника на 4, и святаго, на 6. По 3-й песни, кондак праздника, и святаго, аще имать, и икос, и седален святаго. Слава, и ныне, праздника: и чтение. По 6-й песни, кондак воскресн, и икос, и пролог. На 9 и песни, поем Честнейшую: Светилен воскресн. Слава, святаго, аще имать: аще ли ни, Слава, и ныне, праздника. На хвалитех стихиры воскресны 4, и святаго, аще имать подобны, 3: и самогласен иже на славу поем с припевы его. Аще ли не имать святый хвалитных, поем воскресны на 4: и праздника на 4 того дне стиховныя утренния, с припевы праздника. Слава, стихира евангельская. И ныне: Преблагословенна еси: Славословие великое. По трисвятом тропарь воскресн точию. ектении, и отпуст, и оглашение, и обычное исхождение в притвор, и час 1. На 1-м часе, тропарь воскресн. Слава, праздника: И ныне, Богородичен часов. По Отче наш, кондак праздника. Такожде и в прочия часы глаголем кондак праздника, и воскресн пременяюще. Аще полиелей, и святаго. На литургии, блаженна гласа на 6: и праздника песнь рядовая на 4. Аще ли имать святый песнь: и блаженна воскресна на 4: и праздника песнь рядовая на 4: и святаго песнь 6-я, на 4. По входе тропарь воскресн, и праздника, таже храма и святаго, аще имать. Слава, кондак святаго. И ныне, праздника. Аще ли не имать святый тропаря и кондака, Слава, воскресн. И ныне, праздника. Прокимен воскресн гласа, и праздника. Апостол и Евангелие дне. Причастен: Хвалите Господа с небес: и праздника. Аще имать святый апостол и Евангелие: тогда поем прокимен воскресн, гласа, и святаго. Апостол и Евангелие дне, и святаго. Причастен: Хвалите Господа с небес: И святаго.

8. Святаго Емилиана исповедника епископа Кизическаго:

Стихиры праздника 3, глас 4. Подобен: Дал еси знамение: И святаго 3, глас тойже. Подобен: Званный свыше: Слава, и ныне, праздника, глас 1: Иже древле с Моисеем: На стиховне стихиры праздника, глас 2. Подобен: Доме евфрафов: с припевом. Слава, и ныне, глас 1: Твоего единороднаго Сына: Тропарь праздника. На утрени, на Бог Господь, тропарь праздника, трижды. Обычныя кафисмы, и седальны праздника. Канон праздника, со ирмосом на 8, 8-го гласа: и святаго на 4, глас 1. По 3-й песни,

Кондак святаго, глас 3: Добляго тя поборника по Троице явльшася, церковь славит поюще Емилиане, за нюже пострадал еси: сего ради почитаем память твою, языческаго нашествия избави рабы твоя.

И седален, глас тойже. Слава, и ныне, праздника, глас тойже. По 6-й песни, кондак праздника, и икос. По 9-й песни, светилен праздника, дважды. На стиховне стихиры праздника, глас 2. Подобен: Доме евфрафов: с припевы их. Слава, и ныне, глас 1: Неодержимое твоего: На литургии, блаженна праздника, песнь 3-я обоих канонов, со ирмосом на 6.

9. 🕂 Святаго апостола Матфиа.

На велицей вечерни, поем, Блажен муж, 1-й антифон. На Господи воззвах стихиры на 8: праздника 3, глас 2. Подобен: Егда от древа: И апостола 5, глас 1: Подобен: Всехвальнии мученицы: Слава, глас 6: Излияся благодать: И ныне, праздника, глас 2: Иже светом твоим: Вход, прокимен дне: и чтения 3: 1, Деяний святых апостол: Во дни тыя, востав Петр: 2, Соборнаго послания Иоаннова: Возлюбленнии, аще сердце наше: 3, Тогоже соборнаго послания Иоаннова: Возлюбленнии, аще сице возлюбил есть нас Бог: На стиховне, стихиры праздника, глас 6. Подобен: Тридневен: Слава, апостола, глас 2: Ревности божественныя: И ныне, праздника, глас тойже: Иже на горе Фаворстей: По трисвятом, Тропарь апостола, глас 3: Апостоле святый Матфие: септемвриа в 22-й день. Слава, и ныне, праздника. И отпуст. На утрени, на Бог Господь, тропарь праздника, дважды. Слава, апостола: И ныне, праздника. По кафисмах седален апостола: Слава, и ныне, праздника. По полиелеи седален апостола, глас 8, дважды. Слава, и ныне, праздника, глас 4. Степенна, 1-й антифон 4-го гласа. Прокимен, глас 4: Во всю землю: Стих: Небеса поведают: Всякое дыхание: Евангелие Иоанна, зачало 67: Явися Иисус учеником своим: По 50-м псалме стихира, глас 6: Излияся благодать: писана на Господи воззвах: Слава. Канон праздника со ирмосом на 6, глас 4: и апостола на 8, глас 8. Катавасиа праздника: Лицы израильтестии: По 3-й песни, кондак и икос праздника: и седален апостола, глас 8, дважды. Слава, и ныне, праздника, глас тойже. По 6-й песни,

Кондак апостола, глас 4. Подобен: Явился еси: Светозарное яко солнце во весь мир изшедшее вещание твое, просвещает языческую церковь благодатию, чудоносче Матфие апостоле.

И икос, и пролог. По 9-й песни светилен апостола, дважды. Слава, и ныне, праздника. На хвалитех стихиры, на 6: праздника 3, глас 2. Подобен: Доме евфрафов: И апостола 3, глас 4. Подобен: Яко добля: Слава, глас 2: Оставив земная: И ныне, праздника, глас тойже: Видеша на горе Фаворстей: Славословие великое. По трисвятом, тропарь апостола. Слава, и ныне, праздника. Ектении, и отпуст, и час 1. На литургии, блаженна праздника, песнь 4, на 4: и апостола песнь 6, на 4. Прокимен праздника и апостола, глас 8: Во всю землю: Стих: Небеса поведают: Апостол деяний, зачало 2: Возвратишася апостоли: Аллилуиа, глас 1: Исповедят небеса: Евангелие Луки, зачало 40: Созва Иисус обанадесяте: Причастен праздника, и апостола: Во всю землю изыде вещание их:

10. Святаго мученика и архидиакона Лаврентиа.

Стихиры праздника 3, глас 4. Подобен: Дал еси знамение: И святаго 3: глас 1. Подобен: Небесных чинов: Слава, и ныне, праздника, глас 4: Прежде Креста твоего Господи, гора небеси: На стиховне стихиры праздника, глас 2. Подобен: Доме евфрафов: Слава, и ныне, праздника, глас 4: Прежде Креста твоего: Тропарь, глас 4: Мученк твой Господи, Лаврентий: септемвриа во 2-й день: и праздника. На утрени, обычныя кафисмы, и седальны праздника. Канон праздника со ирмосом на 8: и святаго на 4, глас 4. По 3-й песни,

Кондак святаго, глас 2. Подобен: Вышних ищя: Огнем божественным распалив сердце твое, огнь страстей до конца испепелил еси, страдальцев утверждение, Богоносе мучениче Лаврентие, и в страданиих вопиял еси верно: ничтоже мя разлучит любве Христовы.

И икос, и седален, глас 8. Слава, и ныне, праздника. По 6-й песни, кондак и икос праздника. По 9-й песни, светилен праздника, дважды. На стиховне стихиры, праздника, глас 6. Подобен: Ангельския: Слава, и ныне, глас тойже: Владычице чистая: На литургии, блаженна праздника, песнь 5-я обоих канонов, со ирмосом на 6.

11. Святаго мученика и архидиакона Евпла.

Стихиры праздника 3, глас 1. Подобен: Небесных чинов: И святаго три, глас 4. Подобен: Дал еси знамение: Слава, и ныне, праздника: Гора яже иногда: На стиховне стихиры праздника, глас 2. Подобен: Доме евфрафов: Слава, и ныне, глас 4: На горе высоце: Тропарь, глас 4: Мученк твой Господи: септемвриа во 2-й день: и праздника. На утрени, на Бог Господь, тропарь праздника, дважды. Слава, мученика: И ныне, праздника. и обычныя кафисмы, и седальны праздника. Канон праздника, со ирмосом на 8: и святаго на 4, глас 4. По 3-й песни,

Кондак святаго, глас 1. Подобен: Лик ангельский: Законы Христовы в руку обнося, предстал еси вопия врагом в подвизе: самозван есть страдальчествовати твердейши. темже приклонив радостно выю твою, подъял еси усечение мечем, скончавый течение твое.

И седален, глас 1. Слава, и ныне, праздника, глас 4. По 6-й песни кондак и икос праздника. По 9-й песни, светилен праздника, дважды. На стиховне, стихиры праздника, глас 2. Подобен: Доме евфрафов: Слава, и ныне, глас и подобен тойже: Глас Отечь с небесе: На литургии, блаженна праздника, песнь 6-я обоих канонов, со ирмосом на 6.

12. Святых мученик, Фотия и Аникиты:

Поется же с ними служба и святаго Максима исповедника. Стихиры мучеников 3, глас 4. Подобен: Дал еси знамение: И преподобнаго 3, глас тойже. Подобен: Яко добля: Слава, преподобнаго, глас 8: Монахов множества: И ныне, праздника, глас тойже: Мрак законный: На стиховне, стихиры праздника, глас 2. Подобен: Доме евфрафов: Слава, преподобнаго, глас 6: Преподобне отче, во всю землю: И ныне, праздника, глас 5: Божества твоего Спасе: Тропарь, глас 4: Мученцы твои Господи: септемвриа в 20-й день. И преподобнаго, глас 8: Православия наставниче: октовриа в 11-й день. И ныне, праздника. На утрени, на Бог Господь, тропарь праздника, единожды: и мучеников, единожды. Слава, преподобнаго: И ныне, праздника: и обычныя кафисмы: и седальны праздника. Канон праздника, со ирмосом на 6: и мучеников на 4, глас 4: и преподобнаго на 4, глас 8. По 3-й песни,

Кондак преподобнаго, глас 6. Подобен: Еже о нас: Свет трисиянный всельшийся в душу твою, сосуд избран показа тя всеблаженне, являюща Божественная концем: неудобопостижных разумений ты сказуяй блаженне, и троицу всем максиме воспроповедуяй ясно, пресущную безначальну.

И икос, и седален мучеников, глас 4. Слава, преподобнаго, глас 3. И ныне, праздника. По 6-й песни, кондак и икос праздника. По 9-й песни, светилен преподобнаго: Труба явился еси премудрости: Слава, и ныне, праздника. На стиховне праздника, глас 2. Подобен: Доме евфрафов: Слава, и ныне, тойже. На литургии, блаженна праздника, песнь 7-я, и 8-я, от обоих канонов, со ирмосом на 6.

13. Преподобнаго отца нашего Максима Исповедника.

🕃 В сий же день отдается праздник Господня Преображения: и поется служба вся праздника.

Вечер, обычная кафисма, на Господи воззвах, стихиры праздника на 6, поемыя на самый праздник: Слава, и ныне, праздника. Аще суббота. Слава праздника, И ныне, догматик настоящаго гласа. На стиховне стихиры, и Слава, и ныне, праздника. Тропарь праздника. ектениа, и отпуст. На повечерии, по трисвятом кондак праздника. Полунощницу же поем по обычаю, с тропари дневными. На утрени, на Бог Господь, тропарь праздника, трижды. По кафисмах седальны праздника. Канон праздника со ирмосом на 8: другий без ирмосов на 6. Катавасиа: Крест начертав: оба лика вкупе. По 3-й песни, седален дважды. По 6-й песни, кондак и икос праздника. На 9-й песни, Честнейшую не поем: но поем припев праздника. Светилен праздника, дважды. На хвалитех стихиры праздника, на 4. Слава, и ныне, праздника. Славословие великое. По трисвятом тропарь праздника, ектении, оглашение, и отпуст: и обычное исхождение, и час 1-й в притворе. На литургии, блаженна, обоих канонов песнь 9-я, со ирмосом на 8. Тропарь праздника. Слава, и ныне, кондак праздника. Прокимен, Аллилуиа, и причастен праздника, апостол и Евангелие дне точию.

[МРК] Аще ли случится отдание праздника Преображения Христова в неделю.

На малей вечерни, стихиры воскресны. На стиховне стихира воскресна, и праздника стиховна, с припевы своими великия вечерни. Слава, и ныне, праздника. Тропарь воскресн. Слава, и ныне, праздника. На велицей вечерни, на Господи воззвах, стихиры воскресны 3, и анатолиев един: и праздника 6, поемыя на самый праздник. Слава, праздника: И ныне, Богородичен первый, гласа. На литии стихиры, и Слава, и ныне, праздника. На стиховне стихиры воскресны: Слава, и ныне, праздника. По трисвятом тропарь: Богородице Дево, дважды, и праздника, единожды. и благословение хлебов, и чтение. На утрени, на Бог Господь, тропарь воскресн, дважды. Слава, и ныне, праздника. По кафисмах седальны воскресны, с богородичны их: и чтение во евангелии, неделя ряд, и прочая по обычаю. Канон воскресн со ирмосом на 4, и Богородицы на 2: и праздника оба канона, на 8. Катавасиа: Крест начертав: оба лика вкупе. По 3-й песни, кондак и икос праздника, и седален праздника дважды: По 6-й песни, кондак и икос воскресн. На 9-й песни, поем Честнейшую: Светилен воскресн. Слава, и ныне, праздника. На хвалитех стихиры воскресны 4: и праздника 4. со славным, с припевы праздничными. Слава, стихира евангельская. И ныне, Преблагословенна еси: Славословие великое. По трисвятом, тропарь воскресн точию. Ектении, оглашение, и отпуст, и час 1-й в притворе. На часех, тропарь воскресн. Слава, праздника: И ныне, Богородичен часов, Кондак праздника, такожде и на прочих часех, кондак воскресн, и праздника, глаголем пременяюще. На литургии, блаженна гласа, на 6: и праздника, 4-го гласа, песнь 9-я, на 4. Тропарь воскресн, и праздника. Слава, кондак воскресн: И ныне, праздника. Прокимен, Аллилуиа, и причастен дне и праздника. апостол и Евангелие дне.

🕂 В тойже день память иже во святых отца нашего Тихона, епископа Воронежскаго, Задонскаго чудотворца.

Тропарь, глас 8: От юности возлюбил еси Христа, блаженне, образ всем был еси словом, житием, любовию, духом, верою, чистотою и смирением: темже и вселился еси в небесныя обители, идеже предстоя престолу Пресвятыя Троицы, моли святителю Тихоне, спастися душам нашим.

Кондак, глас 8: Апостолов преемниче, святителей украшение, православныя церкве учителю, Владыце всех молися, мир вселенней даровати и душам нашим велию милость.

14. 🕃 Предпразднство Успения Пресвятыя Богородицы:

И святаго пророка Михеа.

На Господи воззвах, стихиры предпразднства 3, глас 4. Подобен: Яко добля: В кимвалех возгласим: И пророка 3, глас тойже. Подобен: Дал еси знамение: Слава, и ныне, предпразднства, глас тойже, самогласен: Всечестное твое успение: Аще в пяток вечера, И ныне, догматик. На стиховне стихиры, глас 2. Подобен: Доме евфрафов: Припев первый: Воскресни Господи в покой твой: Вторый: Клятся Господь Давиду истиною: Слава, и ныне, глас 2: Яже небес вышшая сущи:

Тропарь, глас 4: Людие предыграйте, руками плещуще верно, и любовию соберитеся днесь радующеся, и светло восклицающе вси веселием: Божия бо Мати имать от земных к вышним прейти славно, юже песньми присно яко Богородицу славим.

На утрени, на Бог Господь, тропарь предпразднства трижды, и обычныя кафисмы: и седальны предпразднства. Канон предпразднства, со ирмосом на 8, глас 5: и пророка на 4, глас 8. По 3-й песни, седален пророка, глас 1. Слава, и ныне, предпразднства, глас 4. По 6-й песни,

Кондак, глас 4. Подобен: Явился еси: В славней памяти твоей вселенная невещественным духом испещрена, умно с веселием зовет тебе: радуйся Дево, христиан похвало.

И икос. По 9-й песни, светилен предпразднства. Слава, и ныне, другий. На стиховне стихиры, глас 6. Подобен: Тридневен: с припевы их. Слава, и ныне, предпразднства, глас 3: Приидите вси концы: На литургии, блаженна, песнь 3-я и 6-я. По входе тропарь прежде храма Христова, и предпразднства, и храма святаго. Слава, кондак храма святаго: И ныне, предпразднства. [Зри] Аще случится предпразднство Успения Богородицы в неделю, и поем всю службу предпразднства, с воскресною и пророческою службою, вечер и утро, и на литургии, якоже указася на предпразднство Преображения Христова. Точию на утрени, Катавасиа: Преукрашенная: По входе глаголем тропарь воскресн и предпразднства, и храма святаго, или святыя. Таже кондак воскресн. Слава, храма святаго, или святыя. И ныне, предпразднства.

15. 🕀 Успение Пресвятыя славныя Владычицы нашея Богородицы, и Приснодевы Марии.

На малей вечерни, на Господи воззвах, стихиры на 4, глас 1. Подобен: Небесных чинов: Слава, и ныне, глас 6: Приидите всемирное успение: Прокимен дне. На стиховне стихиры, глас 2. Подобен: Доме евфрафов: Припев: Воскресни Господи в покой твой: Вторый: Клятся Господь Давиду: Слава, и ныне, глас тойже: Двери небесныя:

Тропарь, глас 1: В рождестве девство сохранила еси, во успении мира не оставила еси Богородице: преставилася еси к животу, Мати сущи Живота, и молитвами твоими избавляеши от смерти души наша.

Ектениа малая. и отпуст. На велицей вечерни, поем: Блажен муж: 1-й антифон. На Господи воззвах, стихиры на 8, глас 1. Слава, и ныне, глас тойже: Богоначальным мановением: Вход. Прокимен дне. Чтения 3: 1-е, Бытия: Изыде Иаков от студенца клятвеннаго: 2-е, Пророчества Иезекиилева: Тако глаголет Господь, будет от дне осмаго: 3-е, Притчей: Премудрость созда себе дом: На литии стихиры самогласны, глас 1. Слава, глас 5: Приидите празднолюбных собор: И ныне, глас тойже: Воспойте людие: На стиховне стихиры самогласны, глас 4. Припев: Воскресни Господи в покой твой: 2-й, Клятся Господь Давиду истиною: Слава, и ныне, глас тойже: Егда изшла еси Богородице Дево: На благословении хлебов тропарь, глас 1: В рождестве девство сохранила еси: трижды, писан на малей вечерни. и Буди имя Господне: с пением, трижды: и псалом: Благословлю Господа: до Не лишатся всякаго блага. и чтение. На утрени, на Бог Господь, тропарь праздника, трижды. И обычныя кафисмы, и седальны праздника, и чтение. и даются свещи братии. По полиелеи седален, глас 4: Возопий Давиде: Слава, и ныне, тойже: и чтение. Степенна, 1-й антифон 4-го гласа. Прокимен, глас 4: Помяну имя твое: Стих: Слыши Дщи и виждь: Всякое дыхание: Евангелие Луки, зачало 4: Воставши Мариам: По 50-м псалме стихира, глас 6: Егда преставление: Канона два: един, глас 1, кир Космы. Другий, глас 4, кир Иоанна. Ирмосы 1-го и 2-го канона, по дважды. Тропари обою канонов, на 12. Катавасиа, кийждо лик свой ирмос. По 3-й песни, ипакои, глас 8: Блажим тя вси роди Богородице Дево: По 6-й песни,

Кондак, глас 2: В молитвах неусыпающую Богородицу, и в предстательствах непреложное упование, гроб и умерщление не удержаста: якоже бо Живота Матерь, к Животу престави, во утробу вселивыйся Приснодевственную.

И икос, и чтем пролог. На 9-й песни, паки вжигают свещи братия. Честнейшую не поем, но поем припевы праздника. По 9-й песни, светилен праздника: Апостоли от конец: трижды. На хвалитех стихиры на 4, глас 4. Подобен: Яко добля: Слава, и ныне, глас 6: На безсмертное твое успение: Славословие великое и отпуст. и дается елей от кандила Пресвятыя Богородицы, якоже предречеся септемвриа в 26-й день. и час первый, и конечный отпуст. На литургии, блаженна 1-го канона, песнь 3-я, на 4: и втораго канона, песнь 6-я на 4. По входе тропарь праздника. Слава, и ныне, кондак. Прокимен, глас 3, песнь Богородицы: Величит душа моя Господа: Стих: Яко призре на смирение рабы своея: Апостол к филипписием, зачало 240: Сие да мудрствуется в вас: Аллилуиа, глас 2: Воскресни Господи в покой твой: Стих: Клятся Господь Давиду истиною: Евангелие Луки, зачало 54: Вниде Иисус в весь некую: За Достойно поем ирмос: Побеждаются: и до отдания. Причастен: Чашу спасения прииму: На трапезе утешение братии. Аще ли будет праздник сей в среду или в пяток, разрешаем точию на рыбу и вино. Аще ли же в понедельник, и миряне разрешают на мясо, и сыры, и яица: монаси же точию на рыбу и вино. Празднуется же убо сей праздник девять дней.

[МРК] Подобает ведати, аще случится праздник Пресвятыя Богородицы Успения в неделю:

В субботу на малей вечерни, на Господи воззвах, стихиры воскресны гласа на 4. Слава, и ныне, праздника. На стиховне стихира воскресна едина: и праздника, стиховна великия вечерни, с припевы праздника. Слава, и ныне, праздника. Тропарь воскресн. Слава, и ныне, праздника. Ектения малая, и отпуст. На велицей вечерни, по обычной кафисме, на Господи воззвах, стихиры воскресны 3, и анатолиев един: и праздника 6. Слава, и ныне, праздника. Вход, прокимен дне: и чтения 3, праздника. На литии стихиры, и Слава, и ныне, праздника. На стиховне стихиры воскресны. Слава, и ныне, праздника. На благословении хлебов, тропарь праздника, трижды. и чтение в посланиих: На утрени, на Бог Господь, тропарь воскресн, дважды. Слава, и ныне, праздника. По обычных кафисмах, седальны воскресны, с богородичны их. и чтение во евангелии толковом, неделя рядовая. Таже полиелей, и тропари: Ангельский собор: и седальны вси праздника, по единожды. и чтение праздника. Степенна гласа. прокимен, и Евангелие праздника. Таже, Воскресение Христово: псалом 50, и целование евангелиа, по обычаю. Посем, Слава: Молитвами Богородицы: И ныне, тойже. стихира праздника. Канон воскресн со ирмосом на 4: и Богородицы на два: и праздника оба канона на 8. Катавасиа, ирмосы праздника, обоих канонов. По 3-й песни, кондак воскресн, и ипакои праздника, единожды. По 6-й песни, кондак и икос праздника. и чтем пролог. На 9-й песни, припевы не поем, но Честнейшую: Светилен воскресн. Слава, и ныне, праздника: На хвалитех стихиры воскресны 4: и праздника 4, с припевы праздника. Слава, праздника: И ныне: Преблагословенна еси: и Славословие великое. Трисвятое, тропарь воскресн точию, ектении, и отпуст. дается же и елей от кандила праздника: таже, стихира евангельская, и оглашение, и обычное исхождение, и час 1-й в притворе. На 1-м часе, тропарь воскресн. Слава, праздника: И ныне, Богородичен часов. По Отче наш, кондак воскресн и отпуст. Такожде и на прочих часех тропарь воскресн. Слава, праздника: И ныне, Богородичен часов. Кондак праздника, и воскресн, глаголем пременяюще. На литургии, блаженна воскресна гласа на 6: и праздника песнь 3, на 4. По входе тропарь воскресн, и праздника. Слава, кондак воскресн. И ныне, праздника. Прокимен, апостол, Аллилуиа, Евангелие, и причастен дне и праздника.

16. 🕃 От Едеса пренесение в Константинь град Нерукотвореннаго Образа Господа нашего Иисуса Христа, рекше Святаго Убруса:

И святаго мученика Диомида.

На Господи воззвах, стихиры на 6: Успения 3, глас 2: Киими похвальными: и Образа 3, глас и подобен тойже. Слава, Образа: И ныне, праздника Богородицы. На стиховне стихиры праздника Богородицы, с припевы ея. Слава, Образа: И ныне, Богородицы.

Тропарь Образа, глас 3: Пречистому твоему Образу покланяемся благий, просяще прощения прегрешений наших Христе Боже: волею бо благоволил еси, плотию взыти на Крест, да избавиши яже создал еси, от работы вражия. тем благодарственно вопием ти: радости исполнил еси вся Спасе наш, пришедый спасти мир.

Слава, и ныне, праздника. На повечерии, по Достойно, кондак праздника, и до отдания. На утрени, на Бог Господь, тропарь Образа, дважды. Слава, и ныне, праздника Богородицы. По кафисмах, седальны Образа, и праздника Богородицы: Таже канон праздника Богородицы со ирмосом на 6: и Образа на 6. Катавасиа: Преукрашенная: и до отдания праздника. По 3-й песни, кондак и икос праздника Богородицы, и седален Образа, глас 1, дважды. Слава, и и ныне: Лик божественных апостол. По 6-й песни,

Кондак, глас 2. Подобен: В молитвах: Неизреченнаго и Божественнаго твоего к человеком смотрения, неописанное Слово Отчее, и Образ неписанный, и Богописанный победителен, ведуще неложнаго твоего воплощения, почитаем того лобызающе.

И икос. По 9-й песни, светилен Образа. Слава, и ныне, праздника Богородицы. На хвалитех стихиры Образа на 4, глас 4. Подобен: Званный свыше: Слава, Образа: И ныне, праздника Богородицы. Славословие великое. По трисвятом, тропарь Образа. Слава, и ныне, праздника Богородицы. Ектении, и отпуст, и час 1-й. На литургии, блаженна праздника, песнь 1-я, на 4: и Образа песнь 6-я, на 4. Прокимен, глас 4: Воспойте Господеви песнь нову: Стих: Видеша вси концы земли: Апостол к колоссаем, зачало 250: Благодаряще Бога и Отца: или к коринфяном, зачало 173: Надеяние таково имамы: таже ряд. Аллилуиа, глас 4: Господи во свете лица твоего: Евангелие Луки, зачало 48 от полу: Бысть егда скончавахуся дние восхождению Иисусову: и посем ряд, Евангелие. Причастен: Господи во свете лица твоего пойдем, и о имени твоем возрадуемся во веки. Службу святаго Диомида поем на повечерии.

Аще храм нерукотвореннаго образа, или восхощет настоятель, творим бдение.

На малей вечерни, стихиры на 4, глас 1. Подобен: Небесных чинов: Слава, и ныне, глас 6: Преклонил еси небеса: На стиховне стихиры, глас 2. Подобен: Доме евфрафов: Припев: Знаменася на нас свет: 2-й, Господи во свете лица твоего пойдем: Слава, и ныне, подобен тойже: Подаждь певцем Образа: Тропарь, глас 2: Пречистому твоему Образу: писан в 1-й службе. Ектениа малая, и отпуст. На велицей вечерни, по обычном псалме, поем Блажен муж, 1-й антифон. На Господи воззвах, стихиры на 8, глас 4. Подобен: Званный свыше: Ины стихиры глас 6: самогласны. Слава, глас 8: Человеколюбче Владыко: И ныне, Успения, глас тойже: Девичестии лицы днесь: Вход. Прокимен дне. Чтения 3: 1-е, Втораго закона: Рече Моисей к людем, ныне слыши Израилю: 2-е, Втораго закона: Собра Моисей вся люди Израильтеския: 3-е, Царствия третияго: Ста Соломон пред лицем: На литии стихиры самогласны, глас 1. Слава, и ныне, глас 5: Недр не отлучився Отческих: На стиховне стихиры, глас 4. Подобен: Дал еси знамение: припевы писаны на малей вечерни. Слава глас 6: Господи воплотился еси: И ныне, глас 8: Уверяя Иисус Сын твой: На благословений хлебов тропарь Убруса, дважды: другий Успения, единожды. Буди имя Господне: пением, трижды. псалом 33: Благословлю Господа: до Не лишатся всякаго блага. И чтение. На утрени, на Бог Господь, тропарь Образа дважды. Слава, и ныне, Успения, и обычныя кафисмы, и седальны Убруса, и праздника Богородицы, и чтение. По полиелеи седален. глас 4: Не ктому сетование: дважды. Слава, и ныне, Успения, глас тойже: Возопий Давиде: и чтение. Степенна, 1-й антифон 4-го гласа. Прокимен, глас 4: Господи во свете лица твоего пойдем, и о имени твоем возрадуемся во веки. Стих: Видеша вси концы земли спасение Бога нашего. Всякое дыхание: Евангелие Луки, зачало 48 от полу: Бысть егда скончавахуся дние восхождению Иисусову: По 50-м псалме стихира, глас 6: Господи воплотился еси: писана на велицей вечерни, на стиховне. Канон Успения, 1-го гласа со ирмосом на 6: и Убруса два канона, на 8. един, глас 4: другий, глас 6. Катавасиа: Преукрашенная: По 3-й песни, кондак и икос Успения: и седален Убруса, глас 4, дважды. Слава, и ныне, праздника Богородицы. По 6-й песни, кондак, глас 2, писан в первой службе, и икос: и чтем пролог. По 9-й песни, светилен Убруса, дважды. Слава, и ныне, Успения. На хвалитех стихиры Убруса на 4, глас 5. Подобен: Радуйся: Слава, глас 4: Да каплют облацы сладость: И ныне, Успения, глас 1: Подобаше самовидцем: Славословие великое. По трисвятом, тропарь Убруса. Слава, и ныне, Успения. Ектениа, и отпуст, и час 1-й. На литургии, блаженна Успения, от канона 1-го гласа, песнь 1-я на 4: и Убруса, от канона 4-го гласа, песнь 6-я, на 4. По входе тропарь Убруса, и Успения. Слава, кондак Убруса. И ныне, кондак Успения. Прокимен, апостол, Аллилуиа, Евангелие, и причастен зри в первой службе.

[МРК] Подобает ведати, аще случится попразднство Успения Богородицы, и Нерукотвореннаго Образа в неделю, кроме храма.

В суббту, на малей вечерни, стихиры воскресны и Богородицы, по обычаю. На велицей вечерни, по кафисме, на Господи воззвах стихиры воскресны 3: и праздника 3: и Образа 4. Слава, Образа. И ныне, Богородичен 1-й гласа. Вход. На литии стихиры праздника: стиховна вечерняя того дне. Слава, Образа. И ныне, праздника, глас 5. На стиховне стихиры воскресны. Слава, Образа. И ныне, праздника. На благословении хлебов, тропарь праздника дважды, и Образа единожды. Аще несть бдения, по Ныне отпущаеши, тропарь воскресн. Слава, Образа. И ныне, праздника. На повечерии, по Достойно, кондак Образа, Слава, и ныне, праздника. На утрени, на Бог Господь, тропарь воскресн, дважды: Слава, Образа: И ныне, праздника. и прочее поем и до канона воскресно. Канон воскресн, со ирмосом на 4: и праздника на 4: и Образа на 6. Катавасиа праздника: Преукрашенная: По 3-й песни, кондак и икос праздника, и седален Образа. Слава, и ныне, праздника. По 6-й песни, кондак и икос Образа. На 9-й песни поем Честнейшую: Светилен воскресн. Слава, Образа. И ныне, праздника. На хвалитех стихиры воскресны 4: и образа 4, с припевы его. Слава стихира евангельская. И ныне, Преблагословенна еси: Славословие великое. таже тропарь воскресн, и ектении, и отпуст, и оглашение, и исхождение в притвор, и час 1-й. На часех же глаголем тропарь воскресн. Слава, Образа. И ныне, Богородичен часов. По Отче наш, кондак воскресн. На 3-м часе, тропарь воскресн. Слава, праздника. И ныне, Богородичен часов. По Отче наш, кондак Образа. Такожде глаголем и на прочих часех тропарь воскресн, Образа же и праздника, тропарь и кондак пременяем. На литургии, блаженна гласа на 4: и праздника песнь 1-я на 4: и Образа песнь 6-я, на 4. По входе тропарь воскресн, и Образа, и праздника, кондак воскресн. Слава, Образа. И ныне, праздника. Прокимен, апостол, Аллилуиа, Евангелие, и причастен воскресн, и Образа.

[Зри] Аще случится попразднство Успения Богородицы в субботу: Глаголем, на Господи воззвах, Слава, праздника: И ныне, Богородичен 1-й настоящаго гласа. На утрени, канон праздника на 6, и святаго на 6.

[МРК] Аще случится попразднство Успения Пресвятыя Богородицы в неделю, кроме праздника Нерукотвореннаго Образа:

В суббту, на малей вечерни, стихиры воскресны и Богородицы, по обычаю. На велицей вечерни, на Господи воззвах, стихиры воскресны 3: анатолиев 1: и праздника, того дне на ряду 3, и минеи святаго 3. Слава, праздника, или святаго. И ныне, Богородичен 1-й гласа. Вход, прокимен дне, и ектении. На литии стихиры праздника, стиховна вечерняя того дне. Слава, и ныне, праздника. На стиховне стихиры воскресны. Слава, святаго, аще ли ни, Слава, и ныне, праздника. На благословении хлебов тропарь: Богородице Дево радуйся: дважды. и праздника единожды, и чтение во апостольских посланиих. На утрени, тропарь воскресн, дважды. Слава, святаго: аще ли ни, Слава, и ныне, праздника. По кафисмах седальны воскресны, с богородичны их, и чтение во евангелии толковом. Таже непорочны: и тропари: Ангельский собор: и ипакои гласа, и чтение. Степенна, и прокимен гласа, Евангелие воскресное. Воскресение Христово: и псалом 50, и прочее воскресно. Канон воскресн со ирмосом на 4: и Богородицы на 2: и праздника на 4: и святаго на 4. Катавасиа праздника. По 3-й песни, кондак и икос праздника, или святаго, и седален. Слава, и ныне, праздника. По 6-й песни, кондак воскресн и икос. На 9-й песни поем Честнейшую. Светилен воскресн. Слава, святаго: аще ли ни, Слава, и ныне, праздника. На хвалитех стихиры воскресны 4, и праздника 4, стиховна того дне, со славным, с припевы праздника. Слава, стихира евангельская. И ныне: Преблагословенна еси: По славословии тропарь воскресн точию, и ектении, и отпуст, и оглашение, и исхождение в притвор, и час 1-й. На 1-м часе, тропарь воскресн. Слава, праздника. И ныне, Богородичен часов. По Отче наш, кондак праздника, и конечный отпуст. На 3-м часе, тропарь воскресн. Слава, святаго: аще ли ни, Слава, праздника: по Отче наш, кондак праздника, и воскресн, глаголем пременяюще. На литургии, блаженна гласа на 6: и праздника, от канона песнь рядовая, на 4. По входе тропарь воскресн, и праздника, и храма святаго, и святаго, аще есть. Таже кондак воскресн, и храма святаго, или святыя. Слава, святаго, аще есть: аще ли ни Слава, храма святаго. И ныне, праздника. Прокимен воскресн гласа и праздника: апостол, Аллилуиа, и Евангелие дне. Причастен: Хвалите Господа с небес: и праздника. Аще имать святый апостол и Евангелие, тогда поем прокимен воскресн гласа и святаго: апостол и Евангелие дне и святаго. Причастен: Хвалите Господа с небес: и святаго.

17. Святаго мученика Мирона.

Стихиры праздника 3, глас 4. Подобен: Званный свыше: и святаго 3, глас 2. Подобен: Егда от древа: Слава, и ныне, праздника, глас тойже, самогласен: Яже небес вышшая: На стиховне стихиры праздника, глас 2. Подобен: Доме евфрафов: Слава, и ныне, глас тойже: Всенепорочная невеста: Тропарь праздника. На утрени, на Бог Господь, тропарь праздника, трижды, и обычныя кафисмы: и седальны праздника. Канон праздника вторый, глас 4, со ирмосом на 8: и святаго на 4, глас 2. По 3-й песни,

Кондак святаго, глас 4. Подобен: Вознесыйся: Измлада Христа возлюбив преславне, и того соблюдая Божественныя заповеди, к тому притекл еси весь цел, Мироне всечестне, и со ангелы молишися прилежно. проси всем почитающим память твою оставления грехов.

И седален, глас 1. Слава, и ныне, праздника. По 6-й песни, кондак и икос праздника. По 9-й песни, светилен праздника, дважды. На стиховне стихиры праздника, глас 6. Подобен: Тридневен: Слава, и ныне, глас 3: Приидите вси концы земнии: На литургии, блаженна праздника песнь 3, обою канонов, со ирмосом на 6.

18. Святых мученик, Флора и Лавра.

Стихиры праздника 3, глас 2. Подобен: Киими похвальными: И святых 3, глас 4. Подобен: Дал еси знамение: Слава, глас 2: Ревнители святии: И ныне, праздника, глас 4: Приидите воспоим людие: На стиховне стихиры праздника, глас 2. Подобен: Доме евфрафов: Слава, и ныне, глас 4: Давидскую песнь:

Тропарь мучеников, глас 4: Преудобренную и Богомудрую двоицу пресветлую восхвалим вернии по достоянию, Флора преблаженнаго и Лавра всечестнаго, иже усердно Троицу несозданную ясно проповедаста всем. темже пострадавше до крове, и венцы пресветлыми увязостеся, молитеся Христу Богу, да спасет души наша.

Слава, и ныне, праздника. На утрени, на Бог Господь, тропарь праздника, дважды. Слава, мучеников. И ныне, праздника, и обычныя кафисмы, и седальны праздника, и чтение. Канон праздника, со ирмосом на 8: и святых на 4, глас 8. По 3-й песни,

Кондак мучеников, глас 8. Подобен: Яко начатки: Яко благочестия мученики, и страдальцы Христовы Богомудрены, вселенная. преславно почитает Флора и Лавра днесь: яко да улучим благодать и милость молитвами их, и избавимся бед и напастей, гнева же и скорби в день судный.

И седален, глас 8. Слава, и ныне, праздника, глас тойже. По 6-й песни, кондак праздника, и икос. По 9-й песни, светилен праздника, дважды. На стиховне стихиры праздника, глас 2. Подобен: Доме евфрафов: Слава, и ныне, глас 4: Всечестное твое успение: На литургии, блаженна праздника, песнь 4-я, обою канонов, со ирмосом на 6: Прокимен праздника, и до отдания, и святых: Святым иже суть на земли его: Стих: Предзрех Господа: Апостол ко ефесеем, зачало 233: Возмогайте о Господе: Евангелие Луки, зачало 63: Ничтоже покровено есть: Причастен: Радуйтеся:

19. Святаго мученика Андреа Стратилата, и с ним дву тысящ пяти сот девятидесяти трех.

Стихиры праздника 3, глас 4. Подобен: Яко добля: и святаго 3, глас 1. Подобен: Всехвальнии мученицы: Слава, и ныне, праздника, глас тойже: Егда изшла еси Богородице: На стиховне стихиры праздника, глас 1. Подобен: Небесных чинов: Слава, и ныне, глас 5: Приидите празднолюбных собор:

Тропарь святаго, глас 5: Земнаго сана славу оставив, небесное царство наследовал еси: кровными каплями, яко пречудным камением нетленныя венцы украсил еси, и ко Христу привел еси собор страстотерпец: с лики ангельскими в невечернем свете, незаходимаго солнца Христа обрел еси, святе Андрее стратилате. егоже моли с пострадавшими с тобою присно, да спасет души наша.

Слава, и ныне, праздника. На утрени, на Бог Господь, тропарь праздника дважды. Слава, святаго: И ныне, праздника, и обычныя кафисмы, и седальны праздника: и чтем от словес праздничных. Канон праздника, со ирмосом на 8: и святых на 4, глас 4. По 3-й песни,

Кондак святаго, глас 2: В молитвах Господеви предстоя, якоже звезда солнцу предтекий, и желаемое сокровище царствия узрел еси, радости неизреченныя исполняяся, безсмертному Царю в безконечныя веки от ангел безпрестанно хвалимому поеши, Андрее стратилате: с нимиже молися непрестанно о всех нас.

И седален. Слава, и ныне, праздника. По 6-й песни, кондак и икос праздника. По 9-й песни светилен праздника дважды. На стиховне стихиры праздника, глас 2. Подобен: Доме евфрафов: Слава, и ныне, глас 5: Воспойте людие Матери Бога нашего: На литургии, блаженна праздника, песнь 5-я, обою канонов, на 6. Прокимен мучеников, глас 4: Святым, иже суть на земли его: Стих: Предзрех Господа предо мною выну: Апостол ко ефесеем, зачало 233: Возмогайте о Господе: Аллилуиа, глас 4: Воззваша праведнии: Стих: Многи скорби праведным: Евангелие Луки, зачало 106: Внемлите от человек, возложат на вы: Причастен: Радуйтеся:

20. Святаго пророка Самуила.

Стихиры праздника 3, глас 6. Подобен: Всю отложивше: и святаго 3, глас 4. Подобен: Дал еси знамение: Слава, и ныне, праздника, глас 6: На безсмертное твое успение: На стиховне, стихиры праздника, глас 6. Подобен: Тридневен: Слава, и ныне, глас тойже, самогласен: Егда преставление: Тропарь пророка, глас 2: Пророка твоего Самуила: септемвриа в 4-й день. Слава, и ныне, праздника. На утрени, на Бог Господь, тропарь праздника, дважды. Слава, пророка: И ныне, праздника, и обычныя кафисмы, и седальны праздника, и чтение. Канон праздника, со ирмосом на 8: и святаго на 4, глас 4. По 3-й песни,

Кондак, глас 8: Яко многочестный дар прежде зачатия вдан Богу: и измлада тому яко ангел послужил еси всеблаженне, и сподобился еси предбудущая вещати. темже вопием ти: радуйся пророче Божий Самуиле, архиерею великий.

И седален, Слава, и ныне, праздника. По 6-й песни, кондак и икос праздника. По 9-й песни, светилен пророка. Слава, и ныне, праздника. На стиховне, стихиры праздника, глас 2: Подобен: Доме евфрафов: Слава, и ныне, глас и подобен тойже: Вси земнороднии: На литургии, блаженна праздника, песнь 6-я, обою канонов, со ирмосом на 6.

21. Святаго апостола Фаддеа: И святыя мученицы Вассы.

Стихиры апостола 3, глас 8. Подобен: О преславнаго чудесе! и святыя 3, глас 4. Подобен: Дал еси знамение: Слава, и ныне, праздника, глас 6: Приидите всемирное: На стиховне, стихиры праздника, глас 2: Подобен: Егда от древа: Слава, и ныне, глас 8: Девичестии лицы днесь: Тропарь апостола, глас 3: Апостоле святый: септемвриа в 22-й день: Слава, и ныне, праздника. На утрени, на Бог Господь, тропарь праздника, дважды. Слава, апостола: И ныне, праздника, и обычныя кафисмы, и седальны праздника, и чтение. Канон праздника, со ирмосом на 6: и апостола на 4, глас 8: и святыя на 4, глас тойже. По 3-й песни,

Кондак апостола, глас 4: Яко звезду пресветлую церковь тя стяжа, апостоле Фаддее, чудесы твоими всегда просвещаема, спаси верою чтущия память твою.

И седален. Слава, святыя: И ныне, праздника. По 6-й песни, кондак и икос праздника. По 9-й песни, светилен апостола. Слава, и ныне, праздника. На стиховне, стихиры праздника, глас 2. Подобен: Доме евфрафов: с припевы их. Слава, и ныне, подобен тойже: Вси небеснии: На литургии, блаженна, песнь 7, на 6.

🕃 В тойже день преставление преподобнаго отца нашего Аврамиа архимандрита, Смоленскаго чудотворца.

Совершается собор его, идеже лежат мощи его.

Тропарь, глас 8: Днесь возсия нам память твоя славне, яко солнце светозарно лучами озаряющая мир, и тьму нощи злых духов от нас отгоняющая. днесь небесныя силы святых ангел, и души праведных мысленно торжествуют, радующеся. днесь и мы грешнии припадающе молимся: отче преподобне Аврамие, Христа Бога моли непрестанно, спасти град и люди, любезно тебе почитающия.

Кондак, глас 3. Подобен: Дева днесь: Возсия Господи, граду твоему память твоего угодника, яко светлое солнце, радостно всех яко лучами озаряющи: паче же молитвы Пречистыя твоея Матере от всех бед избавляют нас, и упражняют варварская шатания. тем мы людие твои, и град наш вельми хвалимся, и спасаемся молитвами твоего угодника, Аврамиа преподобнаго отца.

22. Святаго мученика Агафоника, и иже с ним. Поется же в сий день служба и святаго Луппа.

На Господи воззвах, стихиры Агафоника 3, глас 4. Подобен: Дал еси знамение: Луппа 3, глас и подобен тойже. Слава, Агафоника, глас 1: Тезоименне назвался еси: И ныне, праздника, глас тойже: Подобаше самовидцем: На стиховне, стихиры праздника, глас 8, подобен: О преславнаго чудесе! с припевы. Слава, Агафоника, глас 8: Тезоименно звание: И ныне, праздника, глас тойже: Уверяя Иисус Сын твой Богородице: Тропарь, глас 4: Мученцы твои Господи: септемвриа в 20-й день. Слава, и ныне, праздника. На утрени, на Бог Господь, тропарь праздника, дважды. Слава, мучеников: И ныне, праздника. и обычныя кафисмы, и седальны праздника, и чтение. Канон праздника, со ирмосом на 6: и святых два канона на 8: Агафоника, глас 1, и Луппа, глас 4. По 3-й песни,

Кондак мучеников, глас 1: Звание благое стяжав Богомудре, мужей лукавых отвратился еси веры, не убоявся мук Агафониче славне. темже благим был еси наследник, и приял еси со страждущими с тобою достойныя венцы.

И икос, и седален. Слава, Луппа: И ныне, праздника. По 6-й песни, кондак и икос праздника. По 9-й песни, светилен мучеников. Слава, и ныне, праздника. На стиховне стихиры праздника, глас 2. Подобен: Доме евфрафов: Слава, и ныне, подобен тойже: Вси земнороднии: На литургии, блаженна праздника, песнь 8-я обоих канонов, со ирмосом на 6.

23. Святаго мученика Луппа: В сий день отдается праздник Успения Пресвятыя Богородицы.

И поется служба вся праздника сице: Вечер, обычная кафисма. На Господи воззвах, стихиры праздника, на 6: Слава и ныне, праздника. Аще ли в пяток вечера: Слава, праздника: И ныне, Богородичен 1-й настоящаго гласа. Прокимен дне. кроме входа, и паремий. На стиховне стихиры праздника, с припевы своими. Слава, и ныне, праздника. По трисвятом тропарь праздника. На повечерии, кондак праздника. Полунощницу же поем по обычаю, с кафисмою, и с тропари обычными, глаголем же и молитву: Помяни Господи: На утрени, на Бог Господь, тропарь праздника: дважды. Слава, и ныне, тойже. и обычныя кафисмы, и седальны праздника. Канон праздника со ирмосом на 8: и другий, со ирмосом на 6, ирмосы обою канонов, по дважды. Катавасиа: Преукрашенная: оба лика вкупе. По 3-й песни, ипакои праздника. По 6-й песни, кондак и икос праздника. На 9-й песни поем припевы праздника, якоже указася на самый праздник. Светилен праздника, дважды. На хвалитех стихиры праздника на 4. Слава, и ныне, праздника. Славословие великое. и час 1-й, и отпуст. На литургии, блаженна от обою канонов, песнь 9-я, со ирмосом на 8. Тропарь праздника. Слава, и ныне, кондак. Прокимен, Аллилуиа, и причастен праздника. Апостол же, и Евангелие дне и праздника.

[МРК] Подобает ведати, аще случится отдание праздника Успения Пресвятыя Богородицы в неделю:

В субботу на малей вечерни, стихиры воскресны по обычаю. На стиховне, стихира воскресна едина, и праздника стиховна с припевы своими великия вечерни. Слава, и ныне, праздника. Тропарь воскресен. Слава, и ныне, праздника. На велицей вечерни, по обычной кафисме, на Господи воззвах, стихиры воскресны 3, и анатолиев един, и праздника 6, поемыя на самый праздник. Слава, праздника. И ныне, Богородичен 1-й гласа. На литии стихиры и Слава, и ныне, праздника: На стиховне стихиры воскресны. Слава и ныне, праздника. На благословении хлебов, тропарь: Богородице Дево: дважды, и праздника, единожды. и чтение в посланиих апостольских. На утрени, на Бог Господь, тропарь воскресн, дважды. Слава и ныне, праздника: По кафисмах седальны воскресны, с богородичны их, и чтение во евангелии толковом, и непорочны, и ипакои гласа, и чтение. Степенна, и прокимен гласа. Всякое дыхание: Евангелие воскресно. Воскресение Христово: псалом 50. стихира воскресна, и прочая по обычаю. Канон воскресн со ирмосом на 4, и Богородицы на 2, и праздника оба канона на 8. Катавасиа: Преукрашенная: По 3-й песни, кондак праздника, и икос, и ипакои праздника. По 6-й песни, кондак воскресн и икос и пролог. На 9-й песни, поем Честнейшую: Светилен воскресн. Слава, и ныне, праздника. На хвалитех стихиры воскресны на 4, и праздника на 4 со славным, с припевы праздника. Слава, стихира евангельская. И ныне: Преблагословенна еси: Славословие великое. По трисвятом тропарь воскресн точию. ектении, и отпуст, и оглашение Студитово, и исхождение обычное в притвор, и час первый, и конечный отпуст. На часех, тропарь воскресн. Слава, праздника. И ныне, Богородичен часов. По Отче наш, кондак праздника, и воскресн, пременяюще глаголем. На литургии, блаженна гласа на 6: и праздника, песнь 9-я, на 4: По входе тропарь воскресн, и праздника. Слава, кондак воскресн. И ныне, праздника. Прокимен, апостол, Аллилуиа, и Евангелие дне и праздника. Причастен: Хвалите Господа с небес: и праздника. От сего же дне катавасиа поется: Крест начертав: до 21-го септемвриа. Святаго же Луппа поется служба в 22-й день, якоже предуказася.

24. Святаго священномученика Евтиха, ученика святаго Иоанна Богослова.

Стихиры октоиха 3: и Евтиха 3: глас 8. Подобен: О преславнаго чудесе! Слава, и ныне, Богородичен, или Крестобогородичен. На стиховне октоиха. Тропарь, глас 4: И нравом причастник: септемвриа в 3-й день. На утрени, обычныя кафисмы, и седальны октоиха. Оба канона октоиха: и святаго на 4, глас 8. По 3-й песни, седален, глас 3. По 6-й песни,

Кондак, глас 3. Апостолов сопрестольник и святителей красота быв Евтихе, мученически прославился еси, просиял еси яко солнце, всех просвещая, и разорил еси безбожия нощь глубокую: сего ради тя почитаем, яко божественнаго воистинну священнотаинника Христова.

И икос. По 9-й песни, светилен октоиха. Слава, святаго.

🕃 В тойже день пренесение честных мощей, иже во святых отца нашего Петра митрополита Киевскаго, и всея России чудотворца.

Идеже лежат мощи его, совершается полиелей.

Тропарь, глас 4: Наста днесь всечестный праздник пренесения честных мощей твоих святителю Петре, веселя изрядно твое стадо, и вся люди: о нихже не оскудевай моляся Христу Богу, еже от него дарованней ти пастве сохранитися от враг ненаветованней, и спастися душам нашим.

Кондак, глас 8. Яко врача преизрядна, и источника чудесем обильна, днесь сошедшеся любовию духовная твоя чада, в пренесение честных мощей твоих, архиерею Петре, молим тя: моли Христа Бога даровати честным твоим пренесением стране нашей на враги победительная: да твоими к Богу молитвами, находящих зол избавльшеся, радостною душею и веселием сердца, благодарная ти воспоем, глаголюще: радуйся отче Петре, архиереев и всея Российския земли удобрение.

25. 🕃 Возвращение мощей святаго апостола Варфоломеа:

🕃 И память святаго апостола Тита.

На Господи воззвах, стихиры Варфоломеа 3, глас 4. Подобен: Яко добля: И Тита 3, глас тойже. Подобен: Дал еси знамение: Слава, Варфоломеа, глас 2: Оставив земная: На стиховне октоиха. Тропарь, глас 3: Апостоли святии: октовриа в 31-й день. На утрени, канон октоиха един: И святых два, на 8: Варфоломеа, глас 4. И Тита, глас тойже. По 3-й песни,

Кондак Тита, глас 2. Павлов явився собеседник апостоле, с ним нам слово предвозвестил еси божественныя благодати, тайноглагольниче Тите приснопамятне. сего ради вопием ти: не престай моляся о всех нас.

И седален Варфоломеа. глас 3. Слава, Тита, глас 8. И ныне, Богородичен. По 6-й песни,

Кондак Варфоломеа, глас 4. Подобен: Явился еси: Явился еси велие солнце церкви, учений сиянием и чудесы страшными, просвещая поющия тя, Варфоломее Господень апостоле.

И икос. По 9-й песни, светилен октоиха, Слава, апостолов. На стиховне октоиха. На литургии, прокимен, глас 8: Во всю землю: Стих: Небеса поведают: Апостол к Титу, зачало 300: Павел раб Божий: Аллилуиа, глас 1: Исповедят небеса чудеса: Евангелие Матфеа, зачало 11: Вы есте свет мира: Причастен: Во всю землю:

26. Святых мученик, Адриана и Наталии:

Стихиры октоиха 3: и святых 3, глас 4: Подобен: Яко добля: Слава, глас 6: О супруже святый: На стиховне октоиха. Слава, святых, глас 1: Ревность мужа благочестива: Тропарь, глас 4: Мученцы твои Господи: септемвриа в 20-й день. На утрени, оба канона октоиха и святых на 4, глас 6. По 3-й песни,

Кондак, глас 4: Жены богомудрыя божественная словеса в сердце положив, Адриане мучениче Христов, к мучениям усердно устремился еси, с супругою венец прием.

Таже седален, глас 4. По 6-й песни,

Кондак, глас 4. Подобен: Явился еси: Мученк возсия божественная память, и земныя озари вся концы светло, с веселием зовущих: ты еси мучеников Христе радование.

И икос. По 9-й песни, светилен октоиха. Слава, мучеников. На стиховне октоиха.

🕂 В тойже день празднуем сретению иконы Пресвятыя Богородицы Владимирския.

Тропарь и кондак, писан иуниа в 23-й день. Аще хощет настоятель, да поет службу ея со Адрианом, якоже Знамению Богородицы с мучеником Иаковом Персским.

27. Преподобнаго отца нашего Пимена.

На Господи воззвах, стихиры октоиха 3, и преподобнаго 3, глас 8. Подобен: Что вы наречем: Слава, глас 6: Преподобне отче, во всю землю: На стиховне октоиха. Слава, глас 8: Монахов множества: Тропарь, глас 8: Слез твоих теченьми: септемвриа в 3-й день. На утрени, оба канона октоиха: и святаго на 4, глас 8. По 3-й песни, седален, глас 3. По 6-й песни,

Кондак, глас 4: Подобен: Явился еси: Светлых подвиг твоих преподобне отче, наста днесь святая память твоя, души благочестивых веселящи, Пимене богомудре отче наш преподобне.

И икос. По 9-й песни, светилен октоиха: Слава, преподобнаго. На стиховне октоиха. На литургии, прокимен: Честна пред Господем: Стих: Что воздам Господеви: Апостол к галатом: зачало 213: Плод духовный есть: Евангелие Матфеа, зачало 10: По Иисусе идоша народи: Причастен: В память:

28. Преподобнаго отца нашего Моисеа Мурина:

Стихиры октоиха 3: и преподобнаго 3, глас 8. Подобен: Мученцы твои Господи: На стиховне октоиха. Тропарь, глас 1: Пустынный житель: септемвриа в 29-й день. На утрени, оба канона октоиха: и святаго на 4, глас 8. По 3-й песни, седален глас 3. По 6-й песни,

Кондак, глас 4: Мурины заушив, и лица демонов поплевав, мысленно просиял еси якоже солнце светло, светом жития твоего, и учением наставляя души наша.

По 9-й песни, светилен октоиха.

29. 🕀 Усекновение честныя главы честнаго славнаго Пророка, Предтечи и Крестителя Иоанна:

На малей вечерни, на Господи воззвах, стихиры на 4, глас 1. Подобен: Небесных чинов: Слава, глас 8: Предтече Спасов: И ныне: Владычице приими: Прокимен дне. На стиховне стихиры, глас 2. Подобен: Доме евфрафов: с припевы. Слава, и ныне, Богородичен, подобен тойже: Едина христиан:

Тропарь, глас 2: Память праведнаго с похвалами, тебе же довлеет свидетельство Господне Предтече: показал бо ся еси воистинну и пророков честнейший, яко и в струях крестити сподобился еси проповеданнаго. темже за истину пострадав радуяся, благовестил еси и сущим во аде, Бога явльшагося плотию, вземлющаго грех мира, и подающаго нам велию милость.

Слава, и ныне, Вся паче смысла: Ектениа малая, и отпуст. На велицей вечерни, по обычном псалме: поем Блажен муж, 1-й антифон. На Господи воззвах, стихиры на 8, глас 6: Рождеству сотворяему: Слава, туюжде стихиру: Рождеству сотворяему: И ныне: Кто тебе не ублажит: Вход. Прокимен дне. Чтения 3: 1-е, Пророчества Исаиина: Тако глаголет Господь: утешайте: утешайте: 2-е, Пророчества Малахиина: Тако глаголет Господь Вседержитель: се аз посылаю ангела моего: 3-е: Премудрости Соломони: Праведник аще постигнет: На литии стихиры самогласны, глас 1. Слава, глас 5: Беззаконнаго деяния: И ныне, глас тойже: Воспойте людие: На стиховне стихиры, самогласны, глас 2. Припев 1-й: Праведник яко финикс: 2-й: Возвеселится праведник: Слава, глас 8: Предтече Спасов: И ныне, Безневестная Дево: На благословении хлебов, тропарь святаго, дважды, и Богородице Дево: единожды. и Буди имя Господне, с пением трижды, и псалом 33: Благословлю Господа: Конец: Не лишатся всякаго блага. На утрени, на Бог Господь, тропарь Предтечи, дважды. Слава, и ныне: Вся паче смысла: По кафисмах седальны Предтечи: с богородичны их. И чтение: По полиелеи седален, глас 8, дважды. Слава, и ныне, Богородичен. и чтем слово торжественно. Степенна 1-й антифон 4-го гласа. Прокимен: Честна пред Господем: Стих: Что воздам Господеви: Всякое дыхание: Евангелие Матфеа, зачало 57: Слышав Ирод четвертовластник слух Иисусов: По 50-м псалме стихира, глас 6: Пляса ученица вселукаваго диавола: Канона два: един, глас 8: со ирмосом на 8: и другий глас тойже, на 6. Катавасиа: Крест начертав: По 3-й песни, седален глас 8, дважды. Слава, и ныне, Богородичен. По 6-й песни,

Кондак, глас 5. Предтечево славное усекновение, смотрение бысть некое Божественное: да и сущим во аде Спасово проповесть пришествие. да рыдает убо Иродиа, беззаконное убийство испросивши: не закон бо Божий, ни живый век возлюби, но притворный, привременный.

И икос, и пролог. По 9-й песни, светилен Предтечи: Слава, другий: И ныне, Богородичен. На хвалитех стихиры на 4, глас 8. Подобен: О преславнаго чудесе! Слава, глас 6: Паки Иродиа бесится: И ныне, Богородице ты еси лоза: Славословие великое. По трисвятом тропарь Предтечи. Слава, и ныне: Вся паче смысла: Ектении, и отпуст. и дается святый елей братии от кандила Предтечева, и час 1-й. На 1-м часе, тропарь и кондак Предтечи: и конечный отпуст. На литургии, блаженна от канона 1-го песнь 3-я: и 2-го песнь 6-я, на 8. Прокимен, глас 7: Возвеселится праведник: Стих: Услыши Боже глас мой: Апостол деяний, зачало 33: Во дни оны, якоже скончаваше Иоанн: Аллилуиа, глас 4: Праведник яко финикс процветет: Стих: Насаждени в дому Господни: Евангелие Марка, зачало 24: Слыша Ирод царь слух Иисусов: Причастен: В память: На трапезе утешение братии, кроме сыра и яиц и рыбы ядим дважды днем, аще среда или пяток.

[Зри] Ведомо же буди, яко аще случится праздник сий в неделю, предваряет вся служба воскресна на вечерни и на утрени, и на литургии.

Зри постнаго сего устава на Усекновение честныя главы Предтечевы, древними святыми отцы в сей день завещаннаго. Суть убо нецыи предают качеству быти тогда снедей, а не посту, о том бо не возмогохом ничтоже обрести написано в различных типицех: но паче достоит в той день всяко воздержатися постом, за истину пострадавшаго пророка, и проповедавшаго во аде Господа. разрешению же быти точию на древяное масло, и прочая от различных овощнаго плода, и по мере единой чашице вина в славу Божию, труда ради бденнаго. Всяко бо достоит нам в той день сетованием унылым быти, а не чревоугождение имети воздержательнаго ради жития святаго, и скверноубийственнаго кровопролития его от Ирода: понеже усечена бысть глава Предтечева на пиру плясанием блудныя плясавицы, и чревоугодием, и различных животных закланием и кровопролитием. нам же ниединаго от таковых животных, из нихже кровь изливается, но ниже рыб [кровь бо имеют, аще и в воде жительствуют, и от тварей животных суть] подобает вкушати: да не сообщницы явимся Иродову чревоугодию. како бо Крестителево честное усекновение почтити восхощем? мясо ли хощем ясти, или от иных различных брашен многоценных? а он живяше в пустыни безводней, и безтравней: ни хлеба ядяше, ни трапезы имяше. вино ли пием? а он никогдаже пияше вина, ни инаго пития мирскаго: ни в храмех живяше, но под каменем вкопався живяше. стол и трапеза, и одр ему бяше земля, разве нужды естественныя, единою днем вкушаше акриды и мед дивий: чаша же ему пригорщи бяше, а питие из камене текущая вода. Темже братие усердно почтим день сей молитвою и постом в целомудрии, отбежим пиянственнаго сего злаго нрава. аще бо кто неверствием одержимь будет, и узаконеннаго сего многоразсудительнаго повеления не сохранит, таковый зле пагубныя напасти постраждет: право содержащих же подвиг сей Господи благослови, и управи молитвами святаго Предтечи.

30. Иже во святых отец наших, патриархов Константиня града, Александра, Иоанна и Павла Новаго.

На Господи воззвах, стихиры Предтечи 3, глас 4. Подобен: Званный свыше: и святых 3, глас 1. Подобен: Всехвальнии мученицы: Слава, Предтечи, глас 6: Паки Иродиа бесится: И ныне, Богородичен, или Крестобогородичен. На стиховне октоиха. Слава, Предтечи, глас 4: Рождение неподобно: Тропарь Предтечи. Слава, святых, глас 4: Боже отец наших: ноемвриа в 20-й день. На утрени, на Бог Господь тропарь Предтечи, дважды. Слава, святых: И ныне, Богородичен, или Крестобогородичен. По обычных кафисмах, седальны октоиха: и чтение. Канон октоиха един: и Предтечи на 4: и святых на 4, глас 8. По 3-й песни,

Кондак святых, глас 8: Христовою любовию распалаеми славнии, и ярем его приемшии крест честный, подражатели того жития явистеся, и божественныя славы его причастницы бысте, Александре богомудре со Иоанном чудным, и Павлом славным: темже престолу его предстояще, прилежно молитеся за души наша.

И седален Предтечи, глас 8. Слава, святых, глас 4. По 6-й песни,

Кондак Предтечи, глас 4: Ирод Предтече беззаконновав, жене подаде главу твою честную, ейже покланяющеся веселимся: Иродиа же плачет и рыдает, и Ирод и плясавшая.

И икос. На стиховне октоиха. Слава, Предтечи, глас 8: Предтече Спасов:

🕂 И пренесение мощей святаго благовернаго великаго князя Александра Невскаго, из Владимира в царствующий град святаго Петра.

Тропарь, глас 4: Познай свою братию Российский Иосифе, не в Египте, но на небеси царствующий, благоверный княже Александре, и приими моления их, умножая жита людем плодоносием земли твоея, грады владычествия твоего ограждая молением, православным людем на сопротивныя споборствуя.

Кондак, глас 4: Якоже сродники твои, Борис и Глеб, явишася тебе с небесе в помощь, подвизающемуся на Вейлгера Свейскаго и воев его: тако и ты ныне блаженне Александре, прииди в помощь нам и побори борющия ны.

В тойже день преставление преподобнаго Александра Свирскаго.

Совершается собор его во обители его.

Тропарь, глас 4: От юности богомудре желанием духовным в пустыню вселився, единаго Христа возжелал еси усердно стопам в след ходити. темже и ангельстии чини зряще тя удивишася, како с плотию к невидимым кознем подвизався премудре, победил еси полки страстей воздержанием: и явился еси равноангелен на земли, Александре преподобне, моли Христа Бога, да спасет души наша.

Кондак, глас 8: Яко многосветлая звезда, днесь в странах Российских возсиял еси отче, вселився в пустыню, Христовым стопам последовати усердно возжелел еси, и того святое иго на рамо твое взем честный крест, умертвил еси труды подвиг твоих, телесная взыграния. темже вопием ти: спаси стадо твое, еже собрал еси мудре, да зовем ти: радуйся преподобне Александре отче наш.

31. Положение честнаго пояса Пресвятыя Богородицы.

Вечер, обычная кафисма. На Господи воззвах, стихиры на 6, глас 4. Подобен: Яко добля: Слава, и ныне, глас 2: Яко венцем пресветлым: На стиховне, глас 4. Подобен: Дал еси знамение: Слава, и ныне, глас 2: Смысл очистивше и ум:

Тропарь, глас 8: Богородице Приснодево, человеков покрове, ризу и пояс пречистаго твоего телесе, державное граду твоему обложение даровала еси, безсеменным рождеством твоим, нетленна пребывающи, о тебе бо и естество обновляется и время. темже молим тя: мир граду твоему даровати, и душам нашим велию милость.

На утрени, на Бог Господь, тропарь Богородицы, трижды. По кафисмах седальны Богородицы, и чтение. Каноны два, первый со ирмосом на 8. ирмос по дважды: другий на 4. Катавасиа: Крест начертав: По 3-й песни,

Кондак, глас 2. Подобен: В молитвах: Богоприятное твое чрево Богородице, объемший пояс твой честный, держава граду твоему необорима, и сокровище есть благих неоскудно, едина рождшая Приснодево.

И седален, глас 4. Слава, и ныне, глас тойже. По 6-й песни,

Кондак, глас 4. Подобен: Явился еси днесь: Честнаго пояса твоего положение празднует днесь твой препетая храм, и прилежно взывает ти: радуйся Дево христиан похвало.

И икос. По 9-й песни, светилен: Пояс честный твой: дважды. На хвалитех, стихиры на 4, глас 4. Подобен: Яко добля: Слава, и ныне: Смысл очистивше и ум: Славословие великое. По трисвятом, тропарь. Ектении, и отпуст, и час 1-й, и конечный отпуст. На литургии, блаженна от канонов, песнь 3-я, и 6-я. Прокимен, глас 3, песнь Богородицы: Величит душа моя Господа: Стих: Яко призре на смирение: Апостол ко евреем, зачало 320: Имеяше первая: Аллилуиа: Воскресни Господи в покой твой: Евангелие Луки, зачало 54: Вниде Иисус в весь некую: Причастен: Чашу спасения:

Конец с Богом дванадесяти месяцев Типика.


Источник: Типикон сиесть устав. - М.: Издательский Совет Русской Православной Церкви 2002. - 1200 с. ISBN 5-94625-037-Х

Комментарии для сайта Cackle