О́тче Богому́дре Гера́симе,/ воздержа́нием мно́гим,/ моли́твою и моле́нием Бо́гу соединя́яся,/ непревра́тен пребы́л еси́ кова́рствии бори́теля/ и раб яви́лся еси́ Вседержи́теля./ Отону́дуже почита́ем тя/ и, Боже́ственную па́мять твою́/ прера́достно ве́рою пра́зднующе, восхваля́ем тя.

Преподо́бне о́тче Гера́симе,/ в пусты́нях при́сно, и пеще́рах, и гора́х/ ве́рою пребыва́я,/ Бо́га взыска́л еси́/ и Того́ обре́л еси́,/ я́коже возжеле́л еси́./ Невозвра́тною душе́ю вжиля́емь,/ вхожде́нии до́брыми всегда́,/ и мона́шествующих мно́жества приве́л еси́,/ Бо́гу спаса́емая.

Ты, повину́яся ма́нием/ Всеви́дца Бо́га,/ от Него́ благода́ть прия́л еси́/ де́йствовати чудеса́/ и прогоня́ти ду́хи лука́вствия,/ ди́вия же зве́ри повину́ти ума́ чистото́ю./ Те́мже почита́ем тя/ и Боже́ственную па́мять твою́ до́лжно/ ве́рою пра́зднуем, Богоблаже́нне.

Сла́ва, и ны́не, Богоро́дичен, глас и подо́бен то́йже:

Тя мо́лим, Пречи́стая,/ Предста́тельницу на́шу,/ смуща́емии в печа́лех:/ не пре́зри до конца́ поги́бнути рабы́ Твоя́,/ но ускори́ изъя́ти ны/ настоя́щаго гне́ва и печа́ли,/ о Богора́дованная, Пресвята́я Чи́стая,/ Ты бо на́ша еси́ стена́/ и по́мощь необори́ма.

Крестобогоро́дичен, подо́бен то́йже:

Тя ви́дящи, пригвожда́ема/ на Кресте́, Иису́се,/ и стра́сти прие́млюща во́лею,/ Де́ва и Ма́ти Твоя́, Влады́ко,–/ увы́ Мне,– вопия́ше,– Ча́до сла́дкое,/ ра́ны непра́ведно ка́ко терпи́ши,/ Врачу́, исцели́вый челове́ческое неможе́ние/ и от тли вся изба́вивый милосе́рдием Твои́м?

Кано́н, его́же краегране́сие: Гера́сима хвалю́, я́ко вене́ц плету́. Глас 8.

Песнь 1

Ирмо́с: Пои́м Го́сподеви,/ прове́дшему лю́ди Своя́ сквозе́ Чермно́е мо́ре,/ я́ко Еди́н сла́вно просла́вися.

Сла́ву безсме́ртия и нетле́ния Боже́ственный вене́ц/ до́бре подви́гшемуся Христо́с тебе́ подаде́, Гера́симе.

Име́я Светода́теля, твои́х послу́шающа моле́ний,/ де́монов тьму́ ума́лил еси́, о́тче Гера́симе.

Струя́ми твои́х слез, я́коже дре́во, о́тче, тучня́емое,/ плоды́ безсме́ртия произне́сл еси́, Богому́дре Гера́симе.

Богоро́дичен: Пречи́стая Богоро́дице, уста́ви боле́зни се́рдца моего́,/ я́же Христа́ безболе́зненно, па́че ума́ же и сло́ва ро́ждшая.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Распя́тие во́льное Претерпе́вшему, преподо́бне, после́дуя,/ ве́сь распя́лся еси́ житию́ и страсте́м.

Возмо́гл еси́, укрепля́емь вседе́тельным, му́дре, манове́нием,/ кре́пкаго вся се́ти попра́ти, Гера́симе.

Смире́нным мудрова́нием и смире́нным, му́дре, ду́хом, ты укре́плься,/ стра́сти душетле́нныя всеконе́чно смири́л еси́.

Я́коже вели́кое со́лнце, чуде́с твои́х сия́ньми просвеща́еши всех сердца́,/ ве́рно восхваля́ющих тя.

Богоро́дичен: Родила́ еси́, Всенепоро́чная, Отцу́ Сы́на сопресто́льна и соесте́ственна,/ всем вхо́ды жи́зненныя показа́вшаго.

Седа́лен, глас 4.

Подо́бен: Яви́лся еси́ дне́сь:

Де́монов, преподо́бне, кова́рства кре́стною благода́тию и де́йством преше́д,/ положе́нием бог был еси́./ Те́мже тя ве́рно почита́ем, Гера́симе.

Сла́ва, и ны́не, Богоро́дичен:

Пречи́стыя ру́ки Твоя́, Де́во Ма́ти, просте́рши,/ покры́й упова́ющия на Тя и Сы́ну Твоему́ зову́щия:/ всем пода́ждь, Христе́, ми́лости Твоя́.

Крестобогоро́дичен:

На Дре́ве ви́дящи воздви́жена Сы́на Твоего́, Пречи́стая,/ утро́бою ма́тернею растерза́ема, жа́лостно взыва́ла еси́:/ увы́ Мне,/ ка́ко заше́л еси́, Све́те Мой безле́тный?

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Храм бы́сть Ду́ха просвеще́нное, о́тче, се́рдце твое́,/ тем то́чит дарова́ния,/ исцеля́я неду́ги Боже́ственною благода́тию.

Зако́ну Боже́ственному повину́яся, о́тче,/ от ю́ности после́довал еси́ Го́споду,/ облобыза́я безпло́тных житие́ с те́лом.

Ше́ствия твоя́, преподо́бне, к спаси́тельней стези́ испра́вишася/ наставле́нием Боже́ственнаго Ду́ха, в тя, преподо́бне, все́льшагося.

Богоро́дичен: Иису́са Человеколю́бца,/ Его́же несказа́нно чревоноси́ла еси́,/ умоли́, Всенепоро́чная, спасти́ вся, пою́щия Тя.

Песнь 5

Ирмо́с: У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не ве́мы.

Умо́м очище́нным прие́м лучи́ Свята́го Ду́ха,/ свет мона́шествующих был еси́.

Житие́ твое́, ну́ждею естества́ сия́я,/ а́нгела земна́го с пло́тию тя показа́.

Вод живото́чных Ду́ха испо́лнен,/ ре́ки источи́л еси́ чуде́с, о́тче Гера́симе.

Богоро́дичен: Я́ко ту́ча, на Тя сни́де, Богоро́дице,/ Сло́во, воплоща́емое в просвеще́ние душ на́ших.

Песнь 6

Ирмо́с: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Пло́ти твоея́ немощно́е, си́лою укрепля́емо/ от Де́вы нам Чи́стыя возсия́вшаго,/ всю смири́ си́лу, о́тче, вражде́бных безпло́тных, преподо́бне.

Сокруши́в мы́сленных льво́в че́люсти благода́тию,/ покори́л еси́ чу́вственных стремле́ния, преподо́бне;/ тем повину́ется тебе́ лев,/ я́ко па́стырю благопоко́рно служа́.

Житие́ а́нгельское, мудрова́ние, о́тче, смире́нно стяжа́в о Христе́,/ кро́ток был еси́/ и ны́не всели́лся еси́ в земли́ кро́тких,/ ра́дости Боже́ственныя исполня́емь.

Богоро́дичен: Всели́ся в Тя О́тчее, Чи́стая, озаре́ние/ и, ро́ждься пло́тию, мир просвети́, и тьмы́ изба́ви многобо́жия./ Сего́ ра́ди воспева́ем Тя.

Конда́к, глас 4.

Подо́бен: Вознесы́йся:

Возгоре́вся раче́нием Го́рним,/ же́стость пусты́ни Иорда́новы па́че всех ми́ра сла́дких предпоче́л еси́;/ отону́дуже повину́ся тебе́ зве́рь да́же до сме́рти, о́тче,/ послу́шне и жа́лостне на гро́бе твое́м сконча́ся,/ просла́вльшу тя та́ко Бо́гу,/ к Нему́же моля́ся, и о нас,/ о́тче Гера́симе, помина́й.

Песнь 7

Ирмо́с: О́троцы евре́йстии в пещи́/ попра́ша пла́мень дерзнове́нно/ и на ро́су о́гнь преложи́ша, вопию́ще:/ благослове́н еси́, Го́споди Бо́же, во ве́ки.

Свет возсия́ тебе́, о́тче, и сопру́г сего́ весе́лие,/ в Небе́сных кро́вех при́сно водворя́ему и песнопою́щу:/ благослове́н еси́, Го́споди Бо́же, во ве́ки.

Ту́чами слез напои́в твое́, Богоно́се, се́рдце,/ доброде́тельныя прозяба́еши плоды́,/ и́миже сла́дость Го́рнюю во ве́ки прия́л еси́ со все́ми преподо́бными.

Во усте́х нося́ пе́ние в подража́нии непреста́нно А́нгельстем,/ бде́нным умо́м, Гера́симе, вопия́л еси́:/ благослове́н еси́, Го́споди Бо́же, во ве́ки.

Богоро́дичен: О́гнь ника́коже Тя, Богоро́дице, Божества́ опали́, Де́во,/ Тя бо купина́ иногда́ образова́ше в горе́,/ опаля́ема, Пречи́стая, и ника́коже сгара́ющи.

Песнь 8

Ирмо́с: Богоглаго́ливии о́троцы в пещи́,/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

Просвеще́н предста́л еси́ Влады́це/ по́стническими сия́ньми, чудоно́сче Гера́симе,/ и Безпло́тных лико́м счи́слился еси́.

В беззло́бии житие́ проводи́в,/ лука́ваго седа́лище отню́д охуди́л еси́,/ по́стников красото́, Богому́дре Гера́симе.

Во оде́жду нетле́ния оде́ялся еси́/ страсте́й совлече́нием, о́тче Богому́дре Гера́симе,/ и черто́г Боже́ственный досто́йно получи́л еси́.

Богоро́дичен: Я́ко благоуха́нный крин, обре́т Тя во удо́лиих жития́ Пресу́щественный, Всечи́стая,/ Тобо́ю благоуха́ние ми́рови вдохну́.

Песнь 9

Ирмо́с: Устраши́ся всяк слух/ неизрече́нна Бо́жия снизхожде́ния,/ я́ко Вы́шний во́лею сни́де да́же и до пло́ти,/ от деви́ческаго чре́ва быв Челове́к./ Те́мже Пречи́стую Богоро́дицу, ве́рнии, велича́ем.

Стопа́м всех, до́бре на земли́ ходи́вших, после́дуя,/ любо́вь име́л еси́, ве́ру, наде́жду,/ ме́рность, му́дрость и неоску́дную моли́тву,/ воздержа́ние неизрече́нное, о́тче Гера́симе,/ наслажда́яся чи́стыми восхожде́нии.

О, чу́до! ка́ко, я́ко слове́сен, повинова́шеся тебе́ зве́рь/ повеле́нию твоему́, Гера́симе, со усе́рдием служа́,/ Бо́гу прославля́ющу твое́ житие́ равноа́нгельное,/ зна́мении, преподо́бне, и безчи́сленными дивесы́ и чудесы́?

Утвержде́ние яви́лся еси́ мона́шествующих и молча́щих, Богоно́се, наказа́ние,/ тесне́йшую бо воздержа́ния стезю́ ше́ствовал еси́,/ Боже́ственными наде́ждами ду́шу при́сно разширя́я./ Те́мже простра́нно в се́лех избра́нных обре́л еси́ селе́ние.

Процве́л еси́, о́тче, во дво́рех Бо́га на́шего, я́ко фи́никс высокора́сленный,/ я́ко кипари́с, возвели́чился еси́ Боже́ственными возноше́нии./ Отону́дуже па́мять твою́ ве́рно вси пра́зднуем,/ в ню́же мо́лимся: искуше́ний ны вся́ких спаси́.

Богоро́дичен: Нося́щи Емману́ила на руку́ Твое́ю, Чи́стая,/ я́коже Младе́нца, Богора́дованная, вопия́ла еси́:/ Ча́до Мое́ сладча́йшее,/ ка́ко пода́м Тебе́ сосе́ц, пита́ющему вся́ческая?/ ка́ко повию́ Тя пелена́ми, мгло́ю повива́ющаго мо́ре?

Преподобный Герасим Иорданский

Преподобный Герасим Иорданский родился в г. Ликии (Каппадокия, Малая Азия). Уже в юности он решил оставить мирскую жизнь и посвятить себя служению Богу. Приняв монашество, он ушел в Египет, в Фиваидскую пустыню, где подвизался в духовном подвиге много лет. Около 450 года преподобный Герасим отправился во Святую Землю – его особенно привлекла Иорданская пустыня, как идеальное место для отшельнической жизни.

В Иерусалиме преподобный Герасим подпал под влияние ереси Патриарха Александрийского Диоскора и архимандрита Евтихия, признававших в Спасителе Иисусе Христе только Божественное естество.

Состоявшийся в Халкидоне IV Вселенский Собор (451) осудил это лжеучение, однако часть его приверженцев продолжала упорствовать в ереси. Некий монах-еретик, по имени Феодосий, пришел в Иерусалим и сумел привлечь на свою сторону царицу Евдокию, вдову Феодосия Младшего (408–450), в то время находившуюся во Святой Земле. Став невольной пособницей еретика, Евдокия восстановила местное духовенство против Патриарха Иерусалимского Ювеналия, твердо державшегося Православной веры. Патриарх был изгнан, а его престол незаконно занял еретик Феодосий, чья деятельность вскоре стала смущать истинно веровавших.

Преподобный Герасим, подвизавшийся в то время отшельником на реке Иордан, решил отправиться за советом к преподобному Евфимию Великому († 473; память 20 января), добродетель и мудрость которого были широко известны.

После довольно долгого пребывания в пустыне у преподобного Евфимия, наставления которого вновь укрепили преподобного Герасима в правоверии, иорданский отшельник возвратился в свою обитель. Вскоре благочестивый император Маркиан (450–457) восстановил Патриарха Ювеналия на его кафедре, ересь была осуждена, Феодосий бежал на Синай, а многие прельщенные, в том числе царица Евдокия, вернулись в лоно Православной Церкви.

Глубоко раскаявшись в своем заблуждении, преподобный Герасим умножил подвиги во славу Божию. Обитель, устроенная им недалеко от реки, была предназначена для новопринятых монахов, которых преподобный встречал с радостью и окружал отеческой любовью. Те же, кто желал совершенствоваться в отшельничестве, а их под началом преподобного Герасима находилось около семидесяти, устраивали себе келлии в глубине пустыни.

Устав жития пустынножителей отличался большой строгостью. Преподобный Герасим являл братии замечательный пример совершенного подвижничества и воздержания. Каждый в своей келлии проводил в безмолвии и богомыслии пять дней недели, питаясь в то время лишь сухим хлебом и водой, принесенными с собою из монастыря. Огонь разводить не разрешалось. На субботу и воскресенье все собирались в монастыре, где служили в храме Божественную литургию и причащались Святых Тайн. В эти дни за общей трапезой позволялось преподобным вкушать немного вареной пищи и вина. Тогда же все иноки сдавали ему сплетенные за пять дней корзины. На вырученные от продажи деньги и содержался монастырь.

Никто из братии не имел никакой собственности, кроме рогожи для сна, одежды и сосуда для воды. Преподобный Герасим наказывал пустынникам не запирать двери келлии, чтобы каждый путник мог войти и взять из этих вещей нужное ему.

На время Великого поста преподобный Герасим со своим любимым учеником блаженным Кириаком (память 29 сентября) обыкновенно удалялся в самую глубину пустыни, отказывая себе даже в хлебе и воде, поддерживая свое тело только Святым Причастием.

Однажды преподобный Герасим был чудесным образом извещен о кончине святого Евфимия Великого. Преподобный сподобился видеть, как Ангелы возносили на небо душу святого старца. Поспешив в его обитель вместе с учеником своим Кириаком, преподобный Герасим присутствовал при погребении святого Евфимия.

На иконах преподобный Герасим изображается со львом, лежащим у ног преподобного. Предание повествует, что однажды святой подвижник встретил в пустыне раненого льва и вылечил его, вынув терновую колючку из уже сильно загноившейся лапы. Зверь настолько привязался к старцу, который кормил его из рук своим скудным хлебом, что служил ему как домашнее животное, помогал выполнять тяжелую монастырскую работу.

Преподобный Герасим дожил до глубокой старости и преставился в 451 году. Рассказывают, что лев вскоре умер на могиле старца и был зарыт близ его гроба.

Преподо́бнаго и благове́рнаго вели́каго кня́зя Дании́ла Алекса́ндровича Моско́вскаго

НА МА́ЛОЙ ВЕЧЕ́РНИ

На Го́споди, воззва́х: стихи́ры на 4, глас 4.

Подо́бен: Зва́нный свы́ше:

Зва́нный свы́ше от Го́рняго жили́ща,/ све́тлым ума́ о́ком воззре́л еси́,/ и, вре́менная сего́ ми́ра кра́сная отве́рг,/ предпоче́л же ве́чно бу́дущая,/ и, о́гнь Боже́ственныя любве́ в се́рдце прие́м,/ угото́вился еси́ к житию́ а́нгельскому,/ ум твой чи́стый ко Христу́ впери́в,/ Ему́же дне́сь предстоя́, блаже́нне кня́же Дании́ле,/ моли́ спасти́ся душа́м на́шим.

Ца́рства, сла́вы и сам себе́ отре́кся,/ с ра́достию Христу́ после́довал еси́,/ и крест взял еси́ на ра́мена своя́,/ и по Нем возше́л еси́ в вечнонетле́нную сла́ву Ца́рства Его́,/ Ему́же дне́сь предстоя́, уго́дниче Христо́в Дании́ле,/ моли́ спасти́ся душа́м на́шим.

Твое́ се́рдце разжже́ жела́ние,/ тезоиме́нное твоему́ и́мени,/ к пути́, веду́щему во град Небе́сный,/ и́мже ше́ствуя, веду́щей тя кро́тости и смире́нию,/ дости́гл еси́ по жела́нию твоему́ Небе́сных оби́телей,/ иде́же дне́сь со А́нгелы лику́я, преблаже́нне кня́же Дании́ле,/ моли́ спасти́ся душа́м на́шим.

Сла́ва, глас 6:

О́трасль благопло́днейшая Алекса́ндрова ко́рене был еси́,/ плод принося́ доброде́телей,/ в преподо́бии бо, и пра́вде, и смире́нии,/ ми́лостынях же и чистоте́ ре́вности подража́тель был еси́ твоему́ роди́телю/ и, те́ми све́тло укра́шен,/ простра́нное селе́ние Святы́я Тро́ицы был еси́./ Е́йже ку́пно ны́не с роди́телем твои́м предстоя́,/ моли́ ми́рну бы́ти гра́ду и оби́тели твое́й/ и всем росси́йским сыново́м спасти́ся.

И ны́не, Богоро́дичен:

Никто́же, притека́яй к Тебе́,/ посра́млен от Тебе́ исхо́дит, Пречи́стая Богоро́дице Де́во,/ но про́сит благода́ти/ и прие́млет дарова́ние к поле́зному проше́нию.

На стихо́вне стихи́ры, глас 2.

Подо́бен: До́ме Евфра́фов:

Дом Святы́я Тро́ицы яви́лся еси́,/ Дании́ле блаже́нне,/ те́мже, воспева́я тя,/ ра́дуйся, вси тебе́ зове́м.

Стих: Честна́ пред Го́сподем/ сме́рть преподо́бных Его́.

Архиере́и и свяще́нницы,/ старе́йшины и юне́йшие,/ све́тло дне́сь взыгра́йте,/ и па́мять блаже́ннаго в пе́снех возвели́чим.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Восхва́лим дне́сь вси князе́й росси́йских похвалу́,/ блаже́ннаго кня́зя Дании́ла,/ храня́ща оте́чество свое́/ ненаве́тно моли́твами свои́ми.

Сла́ва, глас 8:

Дне́сь весе́лия исполня́ется храм Бо́га на́шего,/ в нем же благове́рный кня́зь Дании́л,/ вели́кий наш засту́пник,/ мощми́ свя́то почива́ет,/ и всех, ве́рно притека́ющих к честне́й его́ ра́це, освяща́ет,/ и, исцеле́ние да́руя,/ мо́лится о душа́х на́ших.

И ны́не, Богоро́дичен:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

Тропа́рь пи́сан на вели́цей вече́рни.

Сла́ва, и ны́не, Богоро́дичен: Е́же от ве́ка утае́нное:

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры на 8, глас 6.

Подо́бен: Все отло́жше:

Всю отложи́в вре́менную сла́ву ми́ра,/ сия́нием Ду́ха Свята́го просве́щся,/ Дании́ле Богому́дре,/ стра́стная взыгра́ния воздержа́нием изсуши́л еси́,/ и ле́гкое ева́нгельское бре́мя восприя́л еси́, крест твой,/ и, после́дуя Влады́це Христу́,/ обре́л еси́ ле́ствицу Небе́сную,/ по не́йже восше́д, дости́гл еси́ Го́рняго Иерусали́ма,/ и Христо́ва Ца́рствия сонасле́дник яви́лся еси́,/ и со А́нгелы, ра́дуяся, Боже́ственнаго лицезре́ния Его́ наслажда́ешися,/ Его́же моли́ душа́м на́шим дарова́ти мир и ве́лию ми́лость.

Все отложи́в нача́льство княже́ния держа́вы,/ кро́тостию нра́ва утвержда́яся/ и тепле́йшим жела́нием к Бо́гу горя́,/ мона́шеское житие́ восприя́л еси́,/ Богоподража́тельне кня́же Дании́ле,/ вся плотска́я увяди́л еси́ мудрова́ния,/ и целому́дрия столп показа́лся еси́,/ и, смиренному́дрствуя, возвы́сился еси́ к Го́рнему жили́щу,/ иде́же вы́ну Христу́ Бо́гу предстоя́,/ моли́ душа́м на́шим дарова́ти мир и ве́лию ми́лость.

Все отложи́в наслажде́ние земны́х веще́й/ Вы́шняго ра́ди наслажде́ния,/ воздержа́нию поревнова́л еси́/ и страсте́й пла́мень потща́лся еси́ угаси́ти сле́зными пото́ки моли́тв твои́х,/ воздержа́нием же и поще́нием,/ я́ко благово́нною пи́щею, напита́л еси́ ду́шу твою́,/ те́мже и, непоро́чное и пра́ведное житие́ проходя́,/ дости́гл еси́ Влады́чня Престо́ла,/ отону́дуже светлостьми́ озаря́яся,/ моли́ Царя́ Христа́ душа́м на́шим дарова́ти мир и ве́лию ми́лость.

Всю возложи́в на Подвигополо́жника наде́жду,/ простра́нный ми́ра пу́ть оста́вив,/ у́зким же и приско́рбным мона́шескаго жития́ ше́ствовал еси́,/ Богоблаже́нне кня́же Дании́ле,/ порфи́ру, и ви́ссон, и ца́рскую багряни́цу,/ сла́ву же и бога́тство мимотеку́щее в ничто́же вмени́в,/ Небе́сное бога́тство и сла́ву ве́чную восприя́ти удосто́ился еси́,/ и ны́не в нетле́нной жи́зни пребыва́я,/ моли́, Ему́же предстои́ши,/ дарова́ти душа́м на́шим мир и ве́лию ми́лость.

Стихи́ры, глас 2:

Ки́ими Боже́ственными пе́сньми/ восхва́лим вели́каго кня́зя Дании́ла,/ в по́стницех воздержа́ния рачи́теля,/ в княже́нии милосе́рдна нача́льника,/ вдов и сиро́т предста́теля,/ ни́щих пита́теля,/ стра́нных и ско́рбных уте́шителя,/ правосла́вных побо́рника,/ вражды́ прогони́теля, оби́димых засту́пника,/ его́же ра́ди Христо́с земли́ Росси́йстей да́рует/ мир и ве́лию ми́лость.

Ки́ими всепра́зднственными хвала́ми/ ублажи́м Дании́ла блаже́ннаго,/ трудолю́бнаго Христо́ва са́да де́лателя,/ смиренному́дрия чи́стое зерца́ло,/ и́ноков удобре́ние, преподо́бных ра́дование,/ А́нгелов собесе́дника,/ Небе́сных жи́телей сонасле́дника,/ сла́ву Росси́йския земли́,/ ви́димых враг победи́теля,/ его́же ра́ди Христо́с росси́йским лю́дем да́рует/ мир и ве́лию ми́лость.

Ки́ими похва́льными венцы́/ венча́ем Дании́ла прему́драго,/ князе́й росси́йских похвалу́,/ исто́чника Боже́ственных исцеле́ний неоску́днаго,/ чи́стое и нескве́рное Святы́я Тро́ицы жили́ще,/ реку́ чуде́с неисчерпа́ему,/ доброде́телей пра́вило,/ Безпло́тных жи́тия подража́теля,/ Небе́снаго граждани́на,/ его́же ра́ди Христо́с ва́рварския по́лчища низложи́,/ име́яй мир и ве́лию ми́лость.

Ки́ими радостотво́рными уста́ми/ возвели́чим Дании́ла,/ све́тлую звезду́, на мы́сленней тве́рди Росси́йстей просия́вшую,/ те́плаго засту́пника гра́ду на́шему,/ су́щим в беда́х ско́раго поспе́шника/ и всех притека́ющих к нему́ изба́вителя,/ в бране́х му́жа непобеди́ма,/ его́же ра́ди Христо́с, вра́жия шата́ния низложи́в,/ лю́дем Свои́м дарова́ мир и ве́лию ми́лость.

Сла́ва, глас 6:

Прииди́те, празднолю́бных собо́ри,/ Бо́гом поста́вленнии святи́тели со иере́и,/ мона́си со всем христолюби́вым мно́жеством,/ све́тлый лик соста́вльше,/ Дави́дскую воспое́м пе́снь добропло́дной о́трасли Алекса́ндровой,/ Богоблаже́нному кня́зю Дании́лу:/ сей бо, насажде́н в блаже́нном дому́ отца́ своего́,/ я́ко фи́никс высокове́рхий, в доброде́телех процве́л,/ и да́же до преставле́ния ве́рен бы́сть подража́тель всех дел роди́теля своего́,/ и ны́не с ним в Небесе́х ку́пно ликовству́я,/ мо́лится непреста́нно/ сохрани́тися оте́честву своему́ и держа́ве на́шей,/ побе́ду на супоста́ты да́руяй моли́твами свои́ми.

И ны́не, Богоро́дичен.

Вход. Проки́мен дне. Чте́ния 3.

Прему́дрости Соломо́ни чте́ние (глава́ 3):

Пра́ведных души́ в руце́ Бо́жией,/ и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их./ И е́же от нас ше́ствие сокруше́ние,/ они́ же су́ть в ми́ре./ И́бо пред лице́м челове́ческим а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше,/ вели́кими благоде́тельствовани бу́дут,/ я́ко Бог искуси́ я/ и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися На́нь разуме́ют и́стину/ и ве́рнии в любви́ пребу́дут Ему́,/ я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́ни чте́ние (глава́ 4):

Пра́ведник а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется./ Седи́на же е́сть му́дрость челове́ком,/ и во́зраст ста́рости – житие́ нескве́рное./ Благоуго́ден Бо́гови быв, возлю́блен бы́сть/ и живы́й посреде́ гре́шник преста́влен бы́сть./ Восхище́н бы́сть, да не зло́ба измени́т ра́зума его́/ или́ ле́сть прельсти́т ду́шу его́./ Раче́ние бо зло́бы помрача́ет до́брая,/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́ни чте́ние (гла́вы 5 и 6):

Пра́ведницы во ве́ки живу́т,/ и в Го́споде мзда их, и попече́ние их у Вы́шняго./ Сего́ ра́ди прии́мут Ца́рствие благоле́пия/ и вене́ц добро́ты от руки́ Госпо́дни,/ зане́ десни́цею покры́ет я и мы́шцею защити́т их./ Прии́мет всеору́жие рве́ние Свое́/ и вооружи́т тва́рь в ме́сть враго́м./ Облече́тся в броня́ пра́вды/ и возложи́т шлем суд нелицеме́рен./ Прии́мет щит непобеди́мый преподо́бие,/ поостри́т же напра́сный гнев во ору́жие,/ спобо́рет же с ним мир на безу́мныя./ По́йдут праволу́чныя стре́лы мо́лниины/ и, я́ко от благокру́гла лу́ка облако́в, на наме́рение полетя́т./ И от каменоме́тныя я́рости испо́лнь паду́т гра́ды,/ вознегоду́ет на них вода́ морска́я,/ ре́ки же потопя́т я на́гло./ Сопроти́в ста́нет им дух си́лы/ и, я́ко ви́хор, разве́ет их,/ и опустоши́т всю зе́млю беззако́ние,/ и злоде́йство преврати́т престо́лы си́льных./ Слы́шите у́бо, ца́рие, и разуме́йте,/ навы́кните, судии́ конце́в земли́,/ внуши́те, держа́щии мно́жества/ и гордя́щиися о наро́дех язы́к,/ я́ко дана́ е́сть от Го́спода держа́ва вам/ и си́ла от Вы́шняго.

На лити́и стихи́ры, глас 3, самогла́сны:

Богоизбра́нная степенноросси́йская о́трасль/ и насле́дник держа́внаго престо́ла был еси́,/ Богому́дре кня́же Дании́ле,/ на земли́ бо живя́,/ у́мная очеса́ твоя́ возводи́л еси́ к живу́щему на Небесе́х Бо́гу,/ и ны́не все́льшися с весе́лием во двор Небе́сный,/ блаже́нныя души́ твоея́ у́мную зе́ницу обраща́й на страну́ Росси́йскую/ и призира́й на держа́ву на́шу,/ и на град твой, и на оби́тель твою́ святу́ю,/ в ней же многоцеле́бныя мо́щи твоя́ святы́я/ Христо́вою бла́гостию су́ть храни́мы.

Блаже́нныя души́ твоея́ богозда́нный храм/ многоце́нными благоле́пных доброде́телей би́серы украси́в/ и покори́в ху́ждшее теломудрова́ние/ лу́чшей богообра́зней души́ твое́й,/ в Го́рний град Иерусали́м всели́лся еси́,/ в не́мже светоза́рнаго ве́чнаго блаже́нства луче́й облиста́емый,/ со а́нгельскими торжеству́еши ли́ки;/ моли́, свя́те, Боже́ственную Тро́ицу спасти́ всех правове́рных,/ чту́щих святу́ю па́мять твою́,/ и селе́ний пра́ведных сподо́бити.

Кро́ткаго и смире́ннаго се́рдцем возлюби́в Христа́,/ киче́ние возненави́дел еси́/ и, душеполе́зным смире́ния путе́м ше́ствовав,/ оста́вя кня́жескую вла́сть и многосу́етное мирско́е житие́,/ всели́лся еси́ в монасты́рь богоуго́днаго мона́шескаго по́двига,/ пресла́вне чудотво́рче, кня́же Дании́ле,/ в не́мже благи́й послу́шник быв,/ богопоспе́шно смиренному́дрием в Небе́сныя вшел еси́ оби́тели,/ и́хже и нас сподо́битися Христу́ Го́споду Иису́су помоли́ся.

Сла́ва, глас 4:

Весели́ся и ра́дуйся, держа́вный гра́де Москво́,/ и да игра́ют сы́ны твоя́ в тебе́, све́тло торжеству́юще,/ в па́мять благове́рнаго Дании́ла,/ от ко́рене Алекса́ндрова произра́стша,/ вдов, сиро́т и ни́щих пита́теля,/ скорбя́щих уте́шителя и прибега́ющих ско́ра помо́щника и засту́пника,/ его́же дне́сь честне́й ра́це предстоя́ще,/ благогове́йно покланя́ющеся, возопие́м:/ Богоблаже́нне кня́же Дании́ле,/ моли́твами твои́ми да́руй лю́дем твои́м мир и ве́лию ми́лость.

И ны́не, Богоро́дичен.

На стихо́вне стихи́ры, глас 4.

Подо́бен: Я́ко до́бля:

Зва́нию Влады́ки твоего́ Христа́,/ И́же рече́: гряди́ в след Мене́,/ усе́рдно после́довал еси́, Богому́дре кня́же Дании́ле,/ взем бо крест – непобеди́мое ору́жие,/ на стра́сти па́губныя му́жески укрепи́вся,/ победи́л еси́ ви́димых и неви́димых враго́в по́лчища/ и, зде пожи́в богоуго́дно,/ ны́не на Небесе́х почива́еши с ми́ром.

Стих: Честна́ пред Го́сподем/ сме́рть преподо́бных Его́.

Терпе́ние мно́го стяжа́в,/ от зави́ствующих на твое́ оте́чественное насле́дие/ премо́гл еси́ вся приключи́вшияся напа́сти,/ благове́рный кня́же Дании́ле,/ благомо́щным посто́м и богоприя́тною моли́твою,/ Небе́сная дарова́ния от Христа́ прие́м врачева́ти вся́кия боле́зни,/ да́руй у́бо и нам вся́ких бед свобожде́ние.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Богому́дренным смы́слом в за́поведех Бо́жиих пре́был еси́ тверд,/ Правосла́вною укрепля́емь ве́рою,/ кре́пце оправда́ния Госпо́дня соверша́я,/ Богоблаже́нне кня́же Дании́ле,/ жития́ целому́дрием в по́стничестве пожи́л еси́,/ богоприя́тными моли́твами удиви́л еси́ лю́ди своя́,/ и́миже испроси́ у Христа́ Бо́га ве́лию ми́лость.

Сла́ва, глас 6:

Возси́я дне́сь ра́достная па́мять всем благочести́вым лю́дем,/ па́че же держа́вному гра́ду Москве́,/ в нем же лежа́т святы́я мо́щи/ всеблаже́ннаго кня́зя Дании́ла,/ и́же к честне́й его́ ра́це ве́рно приходя́щих/ от бед избавля́ет/ и вра́жия наве́ты разоря́ет,/ оте́честву устроя́ет мир/ и о всем ро́де Росси́йском непреста́нно мо́лит Всеблага́го Бо́га,/ да, от вся́ких бед и напа́стей изба́вльшеся,/ получи́м вси моли́твами его́ Ца́рство Небе́сное.

И ны́не, Богоро́дичен.

На благослове́нии хле́бов тропа́рь, глас 4:

Княже́ния твоего́ сла́ву отложи́в,/ озаря́емый Боже́ственною благода́тию,/ Богому́дре кня́же Дании́ле,/ ве́сь ра́зум в се́рдце от су́етнаго ми́ра сего́/ к Зижди́телю неукло́нно возложи́л еси́/ и, я́ко звезда́ на восто́це Росси́йскаго госуда́рства просия́л еси́,/ целому́дрием же и равноа́нгельным твои́м житие́м/ тече́ние до́бре соверша́я,/ ве́ру соблю́л еси́ непоро́чну,/ тем и по сме́рти просла́ви тя Бог в чудесе́х,/ я́ко источа́еши исцеле́ния ве́рно притека́ющим к честне́й ра́це твое́й;/ сего́ ра́ди дне́сь пра́зднуем успе́ние твое́, лю́дие твои́./ Ты же, я́ко и́маши дерзнове́ние ко Христу́,/ моли́ спасти́ оте́чество твое́/ и ми́рней бы́ти держа́ве на́шей.

Ин тропа́рь на обре́тение моще́й, глас 3:

Подо́бен: Де́ва дне́сь:

Яви́лся еси́ в стране́ на́шей,/ я́ко звезда́ пресве́тлая,/ благове́рный кня́же Дании́ле,/ луча́ми све́та твоего́ озаря́я град твой и оби́тель твою́,/ правосла́вным побо́рник еси́,/ пле́нным свободи́тель и ни́щим защи́титель,/ моли́ Христа́ Бо́га/ держа́ве Росси́йстей дарова́ти мир/ и спасти́ ду́ши на́ша.

И ны́не, Богоро́дичен.

НА У́ТРЕНИ

На Бог Госпо́дь: тропа́рь свята́го, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 5.

Подо́бен: Собезнача́льное Сло́во:

Благи́й яре́м и ле́гкое Ева́нгелия за́поведей Бо́жиих бре́мя/ богому́дренне возжела́л еси́ носи́ти, досточу́дне кня́же Дании́ле,/ и, в таково́м труде́ и по́двизе велиа́рова злоко́знства попра́в,/ не обремени́лся еси́ греха́ми, доброде́тельми же благоукраси́лся еси́,/ тем и легко́ преше́л еси́ в Небе́сныя оби́тели.

Сла́ва, и ны́не, Богоро́дичен:

Тебе́, Небе́сную Цари́цу, Де́ву и Богоро́дицу,/ вси ро́ди, блажи́м:/ Ты бо Еди́на кре́пкая и те́плая Предста́тельница ро́ду челове́ческому,/ непреста́нно у́бо моли́, Его́же родила́ еси́ па́че естества́, Бо́га Сло́ва,/ да грехо́внаго тя́жка бре́мене свободи́т ны/ и Ца́рствия Своего́ насле́дники пока́жет.

По 2-м стихосло́вии седа́лен, глас 4.

Подо́бен: Удиви́ся Ио́сиф:

По о́бразу Бо́жию благоро́дие боготво́рныя души́ име́я, о́тче преподо́бне и чудотво́рче Дании́ле,/ непреста́нно во всем твое́м житии́ Боготворя́щей всех су́щих Вине́,/ Тро́ическому в Божестве́ Еди́нству воспере́н богомы́сленне был еси́,/ те́мже и по подо́бию вся́ким достодо́лжнством благоче́стия благоукраси́лся еси́ соверше́нне./ Моли́ Творца́ на́шего Го́спода,/ да нас, согре́шших, спасе́т и по подо́бию благочести́вы сотвори́т.

Сла́ва, и ны́не, Богоро́дичен:

Удиви́шася вся Небе́сная чинонача́лия/ и на земли́ живу́щии челове́цы о Тебе́, Богома́ти Влады́чице,/ я́ко сподо́билася еси́ преесте́ственно роди́ти пло́тию Ипоста́сное Бо́га Отца́ Сло́во/ и я́ко мы́сленный киво́т, содержа́вший в Себе́ не Моисе́овы Богопи́санныя скрижа́ли,/ но Са́мую Ипоста́сь Тро́ичныя Зари́,/ Законода́теля Ве́тхаго и Но́ваго Заве́та Иису́са Христа́, Го́спода на́шего,/ И́мже прешла́ еси́ пло́тию в Го́рняя жили́ща,/ Его́же, Пречи́стая Де́во, моли́ спасти́ ду́ши на́ша.

Велича́ние:

Ублажа́ем тя,/ благове́рный кня́же Дании́ле,/ и чтим святу́ю па́мять твою́,/ ты бо мо́лиши о нас/ Христа́ Бо́га на́шего.

Псало́м со стихи́, преподо́бнический.

По полиеле́и седа́лен, глас 8.

Подо́бен: Прему́дрости:

Благоче́стно и свя́то житие́ твое́ соверши́в,/ богоуго́ден показа́лся еси́ власти́тель имени́таго гра́да Москвы́,/ престо́л име́я, и держа́ву вла́сти твоея́ управля́я богозако́нне,/ и в Бо́га И́стиннаго ве́руя,/ от всех враго́в Це́рковь Святу́ю и вся лю́ди защища́я,/ непобеди́м яви́лся еси́, Дании́ле приснопа́мятне, о́тче наш;/ благоудобри́вся же мона́шеским житие́м/ и а́нгельски во оби́тели смиренному́дрствуя,/ на верх доброде́телей возше́л еси́, прекра́снаго рая́ насле́дие прие́м./ Моли́ Христа́ Го́спода прегреше́ний оставле́ние дарова́ти/ чту́щим святу́ю па́мять твою́.

Сла́ва, и ны́не, Богоро́дичен:

Ра́дуйся, Богоро́дице Де́во, Ма́ти Всечи́стая, непоро́чное ве́чныя жи́зни зерца́ло,/ Бо́га Отца́ благоволе́ние, Бо́га Сы́на жили́ще,/ Бо́га Ду́ха Свята́го де́йство,/ Еди́наго Триипоста́снаго Божества́ благоукраше́нная и соверше́нная чистоты́ оби́тель./ Ра́дуйся, Ключу́ Ца́рства Небе́снаго,/ отверза́ющий вход всем, к Тебе́ притека́ющим и зову́щим Тебе́:/ ра́дуйся, Влады́чице, пода́ждь всем здра́вое и благовре́менное пребыва́ние/ и ве́чна рая́ со святы́ми все́ми насле́дие.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ сме́рть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Матфе́я, зача́ло 43.

По 50-м псалме́ стихи́ра, глас 6:

Прииди́те дне́сь, держа́внаго гра́да Москвы́ наро́ди,/ во оби́тель вели́каго и чу́днаго кня́зя Дании́ла,/ в де́нь пра́здника его́ веселя́щеся,/ в храм Бо́га на́шего вни́дем/ и, к ра́це моще́й уго́дника Его́ прите́кше,/ духо́вный соста́вим лик,/ пе́сненными похвала́ми воспое́м, глаго́люще:/ ра́дуйся, земны́й А́нгеле,/ и́же а́нгельскому житию́ подража́вый чи́стым житие́м свои́м;/ ра́дуйся, граждани́не Небе́сный и ве́чныя ра́дости насле́дниче,/ и́же прие́мый благи́й яре́м Влады́ки своего́ Христа́ и легко́ понесы́й,/ и ны́не, преблаже́нне кня́же Дании́ле,/ восприе́мый мзду трудо́в свои́х/ и вше́дый в ра́дость Го́спода твоего́,/ я́ко име́я дерзнове́ние к Нему́,/ моли́ в ми́ре пребыва́ти всем, правосла́вно чту́щим святу́ю па́мять твою́,/ получи́ти от Христа́ Бо́га ве́лию ми́лость.

Кано́н Богоро́дицы со ирмосо́м на 6 и свята́го два кано́на на 8. Кано́н свята́го, его́же краегране́сие си́це: Посли́ мне благода́ть Твою́, Христе́, да просла́влю Твоего́ уго́дника. Глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л е́сть.

Просвети́ ми ум и озари́ моя́ чу́вства,/ согреше́ний мрак души́ моея́ отгна́в, Христе́ Бо́же,/ да чи́стою со́вестию возмогу́ пе́снь соста́вити и возвели́чити Твоего́ уго́дника,/ блаже́ннаго кня́зя Дании́ла.

Светолу́чными блиста́нии Ду́ха Свята́го осиява́емый,/ яви́лся еси́ пресве́тлый свети́льник Росси́йския земли́, Богому́дре Дании́ле,/ тем ны́не светоза́рному Тро́ическому Све́ту предстоя́,/ моли́ о насле́дии земли́ твоея́.

Измла́да себе́ сама́го Бо́гу освяти́л еси́/ и чрез всю жи́знь твою́ был еси́ и́стинный Христо́ва Ева́нгелия подража́тель,/ тем и насле́дник Боже́ственнаго Ца́рствия позна́лся еси́, приснопа́мятне кня́же Дании́ле.

Богоро́дичен: Седя́щаго на Херуви́мех Творца́ Ты Еди́на, Богоневе́сто, на объя́тиих носи́ти сподо́билася еси́/ и яви́лася еси́ от всех родо́в Бо́га Сло́ва Прия́телище досто́йное.

Ин кано́н, глас 8.

Песнь 1

Ирмо́с: Пои́м Го́сподеви,/ прове́дшему лю́ди Своя́ сквозе́ Чермно́е мо́ре,/ я́ко Еди́н сла́вно просла́вися.

О Ца́рстве Небе́снем вы́ну помышля́я,/ земну́ю оста́вил еси́ вла́сть, Еди́наго всех Царя́ Бо́га возлюби́в,/ с Ни́мже ны́не водворя́яся в Небе́сных оби́телех,/ моли́ Его́ о чту́щих тя, досточу́дне Дании́ле.

От са́мых пеле́н ма́терних избра́ тя Влады́ка,/ и, я́ко храм честны́й и непоро́чный, ду́шу твою́ освяти́, и предугото́ва в жили́ще Себе́,/ и просла́ви тя в чудесе́х, Богоблаже́нне уго́дниче Христо́в Дании́ле.

Младе́нец по Боже́ственном роди́теле твое́м оста́влься,/ Бо́гом воспита́н и наста́влен еси́,/ всех роди́тельских дел и́стинное зерца́ло показа́лся еси́, блаже́нне.

Богоро́дичен: Я́ко Де́ву Еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии,/ и, наде́жду на Тя возложи́вше, спаса́емся,/ и, к Тебе́ прибега́юще, от вся́ких бед свобожда́емся.

Катава́сия: Отве́рзу уста́ моя́:

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Зако́ну Спа́сову покаря́яся, всесла́вне Дании́ле,/ сладостра́стие плотско́е отри́нул еси́,/ доброде́тельною же душе́ю све́тло просвещаяся,/ Небе́снаго Ца́рствия дости́гл еси́.

Вели́кое Це́ркви был еси́ украше́ние,/ в не́йже Христу́, Царю́ сла́вы, насле́дник Небе́снаго хра́ма показа́лся еси́, блаже́нне,/ иде́же со А́нгелы уже́ пе́ти Творцу́ удосто́ился еси́.

Терпя́, потерпе́л еси́ Го́спода, и услы́ша тя,/ и внят гла́су непреста́ннаго моле́ния твоего́,/ и воззва́ тя к ве́чному весе́лию, ра́йскаго сотвори́в насле́дника.

Богоро́дичен: Влады́чице Блага́я,/ всех Творца́ во утро́бе Твое́й заче́ншая и ро́ждшая ми́ру Спа́са и Го́спода,/ Его́же моли́, да изба́вит нас от вся́ких искуше́ний/ и в чи́стом житии́ соблюде́т нас.

Ин

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Пло́дными доброде́тельми украша́емь,/ вся́ку тле́емую сла́дость жите́йскую я́ве отрази́л еси́,/ к Бо́жией добро́те непреста́нно взира́я.

Я́ко украше́нием чуде́с оде́ян всегда́, чудотво́рец яви́лся еси́,/ мирска́го у́бо вре́да и нас изба́ви, блаже́нне,/ да пое́м вы́ну Бо́га, просла́вльшаго тя.

Целому́дрие соблю́д и ева́нгельским украше́н ра́зумом,/ смиренному́дрствовал еси́ о Христе́/ и ны́не с Ним ве́чно ра́дуешися.

Богоро́дичен: Родила́ еси́, Ма́ти Де́во Чи́стая, Свет непристу́пный,/ И́же ве́сь мир просвеща́ет ясносия́тельными заря́ми Своего́ Божества́.

Седа́лен, глас 4:

От ко́рене блага́го прекра́сная ве́твь изра́сл еси́/ и, а́ки благоуха́нный крин, доброде́тельми укра́шен был еси́,/ призира́я ми́лостию на ни́ща и убо́га/ и на вся подвла́стныя тебе́ лю́ди, блаже́нне и приснопа́мятне кня́же Дании́ле,/ злове́рныя же и вражде́бныя в любо́вь и смире́ние преклони́в,/ в бде́ниих и труде́х богоуго́дно пожи́л еси́/ и досто́йную мзду от Го́спода твоего́ прия́л еси́./ Того́ у́бо моли́ дарова́ти душа́м на́шим мир и ве́лию ми́лость.

Сла́ва, и ны́не, Богоро́дичен:

Боже́ственная ски́ния была́ еси́, Еди́на Пречи́стая Де́во Ма́ти,/ чистото́ю А́нгелы превозше́дшая и заче́ншая во утро́бе Свое́й Пребезнача́льнаго Сло́ва, Собезнача́льна же Отцу́,/ и Сего́ всему́ ми́ру Изба́вителя ро́ждшая,/ мене́, па́че всех оскверне́нна плотски́ми прегреше́ньми, очи́сти моли́тв Твои́х Боже́ственными вода́ми,/ подаю́щи души́ мое́й мир и ве́лию ми́лость.

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Я́ко же зла́то огне́м, свяще́ннейше,/ воздержа́нием честно́е те́ло твое́ очи́стив, кра́сно показа́л еси́ Творцу́,/ сего́ ра́ди тебе́ порфи́ру нетле́нну ве́чнаго блаже́нства дарова́.

Род, и бога́тство, и держа́ву Христа́ ра́ди оста́вив/ и взем крест свой, подвиза́лся еси́ боголе́пно,/ тем ны́не с преподо́бных ли́ки ра́дуешися.

Ревнова́в в доброде́телех Богому́дрым отце́м,/ Ева́нгельское се́мя Бо́жия словесе́ в се́рдце твое́м насади́л еси́, и плод прине́сл еси́ Влады́це,/ тем и мзду от Него́ прия́л еси́ досто́йную.

Богоро́дичен: Родила́ еси́ в ле́то Безле́тнаго, Пречи́стая, бы́вша Богочелове́ка,/ Того́ у́бо приле́жно моли́, да свободи́т ве́чнаго муче́ния/ и спасе́т по о́бразу Своему́ созда́ннаго челове́ка.

Ин

Ирмо́с: Проро́к Авваку́м у́мныма очи́ма/ прови́де, Го́споди, прише́ствие Твое́,/ тем и вопия́ше:/ от ю́га прии́дет Бог./ Сла́ва си́ле Твое́й, сла́ва снизхожде́нию Твоему́.

Умертви́л еси́ вся пло́ти смертоно́сныя стра́сти благода́тию Христо́вою,/ тем животво́рными твои́х чуде́с приложе́ньми стра́ждущия оживи́/ и врат сме́ртных изба́ви.

Щито́м огради́вся благоче́стия,/ был еси́, блаже́нне, о́браз лю́дем Госпо́дним в нача́льстве княже́ния и в пребыва́нии мона́шества,/ тем вси тебе́ ублажа́ем.

Исто́чник чуде́с яви́лся еси́, Богоблаже́нне кня́же Дании́ле:/ к тебе́ ве́рою приходя́щии и кла́няющиися честне́й твое́й ра́це,/ жела́емая прие́млют исцеле́ния.

Богоро́дичен: Ма́терь Тя Бо́жию ве́мы вси и по рождестве́ я́вльшуюся нетле́нну Де́ву,/ Тем моли́ из Тебе́ Ро́ждшагося,/ да изба́вит ве́чнаго тле́ния всех, ве́рою воспева́ющих Тя.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет святы́й, обраща́яй из мра́чна неве́дения/ ве́рою воспева́ющия Тя.

Огне́м любве́ Бо́жия непреста́нно распаля́яся,/ оста́вив мир, во оби́тели мона́шествовати изво́лил еси́, всече́стне,/ тем дарова́ньми Ду́ха Свята́го обогаще́н,/ чудоде́йством лю́ди спаса́еши.

Се храм твой чудесы́ всеблаголе́пно, я́ко звезда́ми све́тлыми, украша́ется,/ и, веселя́ся, всегда́ блажи́тся и всечестну́ю твою́ па́мять пра́зднует благоче́стно,/ вели́кий чудотво́рче Дании́ле.

Разли́чных напа́стей и бед нахожде́ние твои́ми моли́твами отрази́, Богоблаже́нне кня́же Дании́ле,/ и всем, усе́рдно соверша́ющим всепра́зднственную па́мять твою́, грехо́в оставле́ние испроси́.

Богоро́дичен: Тебе́ Еди́ну по Бо́зе и́мамы Предста́тельницу ро́да на́шего,/ Тебе́ у́бо про́сим, я́ко и́маши дерзнове́ние к Сы́ну Твоему́ и Бо́гу на́шему,/ помоли́ся к Нему́, во е́же спасти́ся нам.

Ин

Ирмо́с: У́тренююще, вопие́м Ти:/ Го́споди, спаси́ ны,/ Ты бо еси́ Бог наш,/ ра́зве Тебе́, ино́го не ве́мы.

Теку́щая и тле́нная презре́в, нетле́нная сподо́бился еси́ зре́ти,/ иде́же вы́ну Христа́ прославля́я, моли́ Его́,/ да нас ве́чныя Своея́ сла́вы насле́дники пока́жет.

Благонра́вно и доброде́тельно в кня́жестве пожи́л еси́,/ и, а́нгельскому подража́в житию́, во оби́тель всели́лся еси́, ю́же сам еси́ созда́л,/ и, в ней чи́стым пожи́в житие́м, ны́не в Небе́сных водворя́ешися оби́телех.

Я́ко предста́теля тя и засту́пника гра́ду твоему́ и оби́тели твое́й/ и всем лю́дем росси́йским показа́ Бог,/ защища́й у́бо град твой,/ ми́рну же и во всем дово́льну соде́лай оби́тель/ и лю́дем твои́м спасе́ние исхода́тайствуй.

Богоро́дичен: Пренепоро́чная Нетле́нная Отрокови́це, Богома́ти Влады́чице,/ при́зри на рабы́ Твоя́, ве́рно прибега́ющия под кров Твой,/ и моли́ Сы́на Своего́ от вся́ких бед изба́вити нас.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Предстоя́ при́сно Престо́лу Тро́ичныя благода́ти,/ со все́ми ра́дуяся А́нгелы и ми́ру исцеле́ний бога́тство подава́я,/ спаси́ всех нас моли́твами твои́ми.

Отверзо́шася тебе́ две́ри Еде́мския,/ и жи́тели Небе́сныя с вели́ким весе́лием и ра́достию тя прия́ша,/ иде́же с ни́ми ра́дуяся, вы́ну всех ми́лостивно посеща́й/ и ве́рно чту́щих тя помина́й.

Яви́лся еси́ лю́дем твои́м предста́тель те́плый,/ вдов и сиро́т засту́пник,/ ни́щих пита́тель, скорбя́щих утеше́ние,/ гра́ду и оби́тели твое́й утвержде́ние.

Богоро́дичен: Яви́лася еси́ Изба́вительница ро́да челове́ческаго, Ма́ти Бо́га на́шего,/ тем Ти ве́рно припа́даем:/ Сы́на Твоего́, я́ко Бла́га, моли́, Всенепоро́чная,/ от вся́ких бед и искуше́ний изба́вити ны.

Ин

Ирмо́с: Ри́зу мне пода́ждь све́тлу,/ одея́йся све́том, я́ко ри́зою,/ Многоми́лостиве Христе́ Бо́же наш.

Дар Бо́жий жела́емый да́лся еси́ Росси́и, бога́тыми чуде́с дара́ми сия́ющ,/ тем, вы́ну Тро́ичными озаре́нии осиява́ем,/ мно́жеству святы́х лик сликовствова́ти сподо́бился еси́.

Ра́ка, иде́же лежа́т честны́я твоя́ и святы́я мо́щи, Богоблаже́нне кня́же Дании́ле,/ исто́чник чуде́с излива́ет с ве́рою приходя́щим и покланя́ющимся тебе́.

Блаже́н град, блаже́нна и оби́тель, в не́йже в житии́ твое́м подвиза́тися изво́лил еси́,/ и по сме́рти твое́й, я́ко многоце́нный дар, мо́щи твоя́ оста́вив,/ призира́еши на всех, живу́щих в ней.

Богоро́дичен: Во мно́гия беды́ и напа́сти впад,/ бу́рею одержи́м безчи́сленных согреше́ний,/ сего́ ра́ди к Тебе́, я́ко к те́плому предста́тельству, прибега́ю, Де́во:/ моли́ из Тебе́ вопло́щшагося Бо́га,/ да прегреше́ний оставле́ние пода́ст рабу́ Твоему́.

Конда́к, глас 4:

Избра́нный Бо́гом от чресл роди́тельских/ и воспи́танный от младе́нчества в зако́не Госпо́дни в му́жа соверше́нна/ и Про́мыслом Вы́шняго, имени́таго гра́да Москвы́ насле́дие кня́жества прие́м,/ ве́рен строи́тель благочести́вым лю́дем твои́м показа́лся еси́, Богоблаже́нне Дании́ле,/ и́хже о́бразом свои́м наставля́я/ и поуча́я за́поведей Госпо́дним вы́ну,/ путе́м, веду́щим в живо́т ве́чный, при́сно ше́ствуя,/ Небе́снаго Ца́рства дости́гл еси́,/ иде́же со а́нгельскими водворя́яся ли́ки, пое́ши Бо́гу: Аллилу́ия.

Ин конда́к на обре́тение моще́й, глас 6:

Подо́бен: Е́же о нас испо́лнив смотре́ние:

Е́же по о́бразу соблю́д непрело́жно/ и я́же в ми́ре тле́нная оста́вив,/ со а́нгельскими ли́ки предстои́ши Христу́,/ преподо́бне кня́же Дании́ле,/ ника́коже забыва́я чад твои́х,/ но ми́лостивно посеща́я и глаго́ля им:/ аз е́смь с ва́ми, и никто́же на вы.

И́кос:

А́нгел во пло́ти на земли́ показа́лся еси́, Богому́дре кня́же Дании́ле,/ сла́вя непреста́нно Творца́ не́бу и земли́,/ вся́ким бо о́бразом во́лю Его́ чрез всю твою́ жи́знь испо́лнити потща́лся еси́,/ всем благотворя́, прия́л еси́ от Христа́ дар чудотворе́ния,/ те́мже зове́м ти:/ ра́дуйся, я́ко от младе́нчества Бо́гом избра́нный;/ ра́дуйся, я́ко Те́мже в гражда́нство Небе́сное зва́нный./ Ра́дуйся, я́ко держа́ву вла́сти твоея́ благоче́стием и пра́вдою украси́л еси́;/ ра́дуйся, я́ко на враги́ злове́рцы и враждотво́рцы от Бо́га получи́вый побе́ды./ Ра́дуйся, я́ко, оста́вив мир преле́стный, к ти́хому приста́нищу равноа́нгельскаго жития́ прите́кл еси́,/ в не́мже показа́л еси́ всем о́браз воздержа́ния;/ ра́дуйся, я́ко за толи́кии по́двиги твоя́ сподо́бивыйся от Христа́ благода́ти и чуде́с дарова́ния./ Ра́дуйся, я́ко в Не́бе со все́ми святы́ми Живонача́льную Тро́ицу зри́ши/ и Той вы́ну пое́ши: Аллилу́ия.

Песнь 7

Ирмо́с: В пещи́ авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

У́треневав к Бо́гу от младе́нчества, всебога́те,/ тьмы́ избе́гл еси́ теле́сных страсте́й,/ воздержа́нием и да́ром чуде́с обогати́лся еси́, преподо́бне,/ и ны́не с Го́рними водворя́яся ли́ки, пое́ши Творцу́:/ благослове́н еси́ в хра́ме сла́вы Твоея́, Го́споди.

Во всю Росси́ю про́йде сла́ва чуде́с Твои́х, блаже́нне,/ и́миже просвети́л еси́ лю́ди твоя́,/ и́же, твои́м чудоде́йством от вся́ких бед и напа́стей избавля́еми, пою́т Творцу́:/ благослове́н еси́ в хра́ме сла́вы Твоея́, Го́споди.

Пе́сньми и пе́ньми духо́вными хва́лим тя, блаже́нне,/ и честну́ю твою́ и многоцеле́бную обстоя́ще ра́ку, си́це вопие́м просла́вльшему тя Творцу́:/ благослове́н еси́ в хра́ме сла́вы Твоея́, Го́споди.

Богоро́дичен: Де́ва пребыла́ еси́ по рождестве́,/ я́коже была́ еси́ пре́жде рождества́,/ Бо́га бо Сло́ва родила́ еси́, избавля́ющаго ны хода́тайством Твои́м,/ Ему́же, ве́рнии, непреста́нно пое́м:/ благослове́н еси́ в хра́ме сла́вы Твоея́, Го́споди.

Ин

Стопа́м после́дуя я́ве всеблаже́ннаго роди́теля твоего́ Алекса́ндра,/ Богому́дре приснопа́мятне кня́же Дании́ле,/ насле́дие кня́жества Моско́вскаго восприя́л еси́,/ последи́ же и́ноческим житие́м преше́л еси́ в Го́рняя оби́тели,/ иде́же вы́ну пое́ши отце́в Бо́га Благослове́ннаго.

В по́стничестве и бде́нных моли́твах богому́дренно пожи́л еси́/ и непреста́нно сла́вил Творца́ твоего́, воспева́я Ему́:/ отце́в Бо́же, благослове́н еси́.

Богоро́дичен: Я́ко Кра́сная, Кра́снаго родила́ еси́,/ безобра́зие на́ше обрати́вшаго в пе́рвый о́браз, Отрокови́це Всенепоро́чная,/ Ему́же пое́м: отце́в Бо́же, благослове́н еси́.

Песнь 8

Ирмо́с: Ру́це распросте́р, Дании́л/ льво́в зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:/ благослови́те, вся дела́ Госпо́дня, Го́спода.

Досто́йно дне́сь в преставле́нии твое́м торжеству́ет держа́вный град Москва́,/ досто́йно и оби́тель твоя́ честна́я, ю́же созда́л еси́,/ в ней же святы́я твоя́ почива́ют мо́щи, ублажа́я тя, Творцу́ взыва́ет:/ благослови́те, вся дела́ Госпо́дня, Го́спода.

Ми́лостивными твои́ми щедро́тами ни́щих и убо́гих напита́л еси́/ и сам от Христа́ ве́чную получи́л еси́ ми́лость,/ Ему́же вы́ну предстоя́, со А́нгелы пое́ши:/ благослови́те, вся дела́ Госпо́дня, Го́спода.

Вели́кое твое́ заступле́ние и предста́тельство воспомина́ем, Богоблаже́нне кня́же Дании́ле,/ и сего́ ра́ди собра́вшеся в де́нь па́мяти твоея́,/ я́ко о́бщему всех нас засту́пнику, хвалу́ воздае́м ти, воспева́юще:/ благослови́те, вся дела́ Госпо́дня, Го́спода.

Богоро́дичен: Вседержи́тельною си́лою нося́й вся́ческая/ в челове́ческую пло́ть из Тебе́ оде́яся, Де́во Всенепоро́чная, на благодея́ние пою́щим:/ благослови́те, вся дела́ Госпо́дня, Го́спода.

Ин

Ирмо́с: Богоглаго́ливии о́троцы, в пещи́/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

Дне́сь вели́каго гра́да Москвы́ наро́ди,/ сте́кшеся отвсю́ду в честну́ю оби́тель благове́рнаго кня́зя Дании́ла,/ в де́нь пра́зднственный па́мяти его́, Творцу́ воспое́м:/ благослови́те, дела́ Госпо́дня, Го́спода.

Прииди́те, вси святи́тели и вси свяще́нных собо́ри, в храм Бо́га на́шего,/ иде́же лежа́т мо́щи вели́каго кня́зя Дании́ла,/ и́хже облобыза́юще, Творцу́ вопие́м:/ благослови́те, дела́ Госпо́дня, Го́спода.

Дне́сь Це́рковь Христо́ва, пра́зднующи Дании́лово торжество́, су́щее о Бо́зе,/ всех созыва́ет ве́рных к похвале́ уго́дника Христо́ва,/ и́же исцеле́ние источа́ет ве́рою приходя́щих к нему́ и пою́щим Творцу́:/ благослови́те, дела́ Госпо́дня, Го́спода.

Богоро́дичен: Глаго́лом Иса́ии проро́ка после́дующе, Богоро́дицу Тя испове́дуем:/ родила́ бо еси́ Отроча́, всех дре́внейшее, нарица́емое Емману́ил, Ему́же зове́м:/ благослови́те, дела́ Госпо́дня, Го́спода.

Песнь 9

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Дне́сь сте́кшеся во оби́тель твою́ и в храм Бо́га на́шего, благове́рный кня́же Дании́ле, приле́жно мо́лимтися:/ пода́ждь лю́дем ми́рное здра́вие и в ско́рбех ра́достное утеше́ние,/ да тя, ско́раго защи́тника на́шего, ве́рою ублажа́ем.

Основа́теля и первонача́льника, кня́зя гра́да Москвы́, Богоблаже́нне кня́же Дании́ле, показа́ тя Госпо́дь,/ к Нему́же непреста́нно моля́ся, град и оби́тель твою́ от вся́ких бед спаса́й и ми́лостивно посеща́й.

Па́мять пра́здника твоего́ хва́ляще,/ вси лю́дие твои́ со мно́жеством и́ночествующих по́стник покланя́ются тебе́/ и, ви́дяще от Бо́га да́нная ти пресла́вная чудеса́, про́сят от Тебе́ ми́лости,/ и́хже моле́ния не пре́зри.

Богоро́дичен: Свет ро́ждшая – Иису́са Го́спода,/ просвеща́яй вся́каго челове́ка, Де́во Богома́ти,/ тем Тя мо́лим:/ от вся́ких бед и напа́стей лю́ди Твоя́ изба́ви,/ да Тя, Засту́пницу ро́да на́шего, при́сно велича́ем.

Ин

Ирмо́с: Чи́стую сла́вно почти́м, лю́дие, Богоро́дицу,/ о́гнь Божества́ прии́мшую во чре́ве неопа́льно,/ пе́сньми велича́ем.

Еди́но Божество́ в Трие́х Ипоста́сех,/ Богонача́льную и Всетворя́щую Вину́ в житии́ твое́м при́сно велича́л еси́,/ предстоя́ Ему́, моли́ о лю́дех твои́х,/ во е́же от вся́ких бед и напа́стей спасти́ся им.

Ре́вность вели́кую показа́л еси́ к благоче́стию, Дании́ле блаже́нне,/ преизря́ден о́браз быв всем лю́дем твои́м,/ тем ны́не предстоя́ всех Творцу́,/ моли́ся, да от всех бед и искуше́ний изба́вит/ и насле́дники Ца́рствия Своего́ пока́жет ны.

Ели́ко вели́к в правосла́вном княже́нии твое́м, Богому́дре кня́же Дании́ле, был еси́,/ толи́ко смири́л еси́ себе́,/ те́мже Всеблаги́й Бог тя превознесе́ и дарова́ тебе́ Небе́сное насле́дие и чуде́с благода́ть,/ ю́же ве́рным лю́дем твои́м ми́лостивно подава́яй,/ ко Го́споду о нас помоли́ся.

Богоро́дичен: Изба́вителя и Спа́са на́шего родила́ еси́, Всенепоро́чная Де́во,/ Сего́ у́бо моли́ изба́вити нас прегреше́ний на́ших/ и насле́дники Ца́рствия Своего́ сотвори́ти,/ да Тя, Предста́тельницу на́шу, при́сно велича́ем.

Свети́лен.

Подо́бен: Жены́, услы́шите:

Богонача́льныя и Всебоже́ственныя Тро́ицы Све́том озари́вся,/ свет, добросия́ющий благода́тию Иису́с Христо́вою,/ всей Росси́и яви́лся еси́, благоро́дный кня́же Дании́ле,/ озари́тися у́бо и нам Пребоже́ственным све́том Живонача́льную Тро́ицу моли́,/ да, с тобо́ю ве́чныя ра́дости наслажда́ющеся, воспое́м Бо́га, просла́вльшаго тя.

Сла́ва, и ны́не, Богоро́дичен:

Всю наде́жду спасе́ния на́шего на Тя возлага́ем, Богома́ти Неискусобра́чная,/ и на по́мощь при́сно Тя призыва́ем:/ от напа́сти врага́ и печа́ли спаси́ нас,/ грехо́вныя плени́цы зол на́ших разреша́я, ве́чнаго огня́ исхити́,/ да Тя, Предста́тельницу ро́да на́шего, при́сно велича́ем.

На хвали́тех стихи́ры на 4, глас 4.

Подо́бен: Дал еси́ зна́мение:

Дал еси́, Христе́ Бо́же, Росси́йстей земли́/ чудотво́рца пресла́вна, Дании́ла блаже́ннаго,/ всем в беда́х ско́раго помо́щника,/ вдов и сиро́т засту́пника,/ пле́нных свободи́теля и ни́щих пита́теля,/ свети́льника всесве́тлаго, вся Росси́йския страны́ просвеща́ющаго/ и лю́ди своя́ от вся́ких бед избавля́ющаго,/ его́же моли́твами да́руй гра́ду и оби́тели на́шей утвержде́ние/ и лю́дем Твои́м ве́лию ми́лость.

Дал еси́, Христе́ Бо́же, Це́ркве непоколеби́маго столпа́,/ уго́дника Твоего́ Дании́ла блаже́ннаго,/ благоче́стия яви́теля, нече́стия и вражды́ прогони́теля,/ ве́ры Правосла́вныя утвержде́ние,/ кре́пкое целому́дрия забра́ло/ и равноа́нгельнаго жития́ чи́стое зерца́ло,/ Безпло́тных чистоты́ подража́теля,/ воздержа́ния наста́вника,/ по́стников и преподо́бных сожи́теля,/ его́же моли́твами град и оби́тель на́шу невреди́му сохрани́/ и лю́дем Твои́м да́руй ве́лию ми́лость.

Дал еси́, Христе́ Бо́же, великоимени́тому твоему́ гра́ду Москве́/ кре́пкаго защи́тника, Дании́ла всеблаже́ннаго,/ князе́м похвалу́ и утвержде́ние,/ враго́в пресла́внаго победи́теля,/ христиа́ном ра́тника непобеди́маго,/ оте́чество свое́ неотсту́пно храня́ща,/ о́бщаго всех предста́теля и помо́щника,/ его́же моли́твами да́руй на враги́ побе́ду/ и лю́дем Твои́м низпосли́ ве́лию ми́лость.

Дал еси́, Христе́ Бо́же,/ всем правосла́вным лю́дем Твои́м чуде́с неисчерпа́емую пучи́ну,/ всехва́льнаго кня́зя Дании́ла,/ и всем, приходя́щим к нему́, исцеле́ний исто́чника,/ ско́рбным всем предста́теля, боля́щим врача́ преди́внаго,/ в ско́рбех и печа́лех су́щим уте́ху и отча́янным непосты́дную наде́жду,/ его́же моли́твами вся вра́жия разруши́ шата́ния/ и лю́дем Твои́м да́руй ве́лию ми́лость.

Сла́ва, глас 6:

Прииди́те дне́сь, моско́встии наро́ди,/ восхва́лим первонача́льнаго гра́ду на́шему основа́теля/ и пе́рваго в гра́де свое́м нача́льника,/ досточу́днаго кня́зя Дании́ла,/ прииди́те, псало́мски воспле́щем рука́ми,/ духо́вное его́ торжество́ дне́сь пра́зднующе/ и я́ко ди́внаго засту́пника на́шего сла́вяще,/ прииди́те, к честне́й его́ ра́це припаде́м,/ многоцеле́бныя его́ мо́щи облобыза́юще,/ и, благогове́йно почита́юще, возопие́м ему́, глаго́люще:/ ра́дуйся, великоимени́таго гра́да твоего́ засту́пниче;/ ра́дуйся, всех люде́й твои́х кре́пкое утвержде́ние/ и всех христиа́н побо́рниче,/ о них Христу́ непреста́нно моли́ся, дарова́ти мир и ве́лию ми́лость.

И ны́не, Богоро́дичен:

Богоро́дице, Ты еси́ лоза́ и́стинная,/ возрасти́вшая нам Плод живота́,/ Тебе́ мо́лимся: моли́ся, Влады́чице, со святы́ми апо́столы/ поми́ловати ду́ши на́ша.

Славосло́вие вели́кое. И отпу́ст.

НА ЛИТУРГИ́И

Блаже́нны, пе́рваго кано́на, пе́снь 3-я, и втора́го, пе́снь 6-я. Проки́мен, глас 7: Честна́ пред Го́сподем/ сме́рть преподо́бных Его́. Стих: Что возда́м Го́сподеви о всех, я́же воздаде́ ми? Апо́стол к Гала́том, зача́ло 213. Аллилу́ия, глас 6: Блаже́н муж, боя́йся Го́спода,/ в за́поведех Его́ восхо́щет зело́. Стих: Си́льно на земли́ бу́дет се́мя его́. Ева́нгелие от Матфе́я, зача́ло 47. Прича́стен: В па́мять ве́чную бу́дет пра́ведник:

Моли́твы зри ниже.

И́на слу́жба преподо́бному отцу́ на́шему Дании́лу, Моско́вскому чудотво́рцу, и́же бы́сть в Москве́ вели́кий кня́зь

Творе́ние иеромона́ха Карио́на Исто́мина.

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 1.

Подо́бен: Небе́сных чино́в:

Небе́сным любве́ Бо́жия пла́менем возгоре́вся,/ све́том Боже́ственныя благода́ти возсия́л еси́,/ престо́л твой великоро́сский украси́в благоче́стием и доброразсужде́нием твои́м,/ благоразсу́дный миротво́рец мно́гим/ и защи́тник был еси́ своея́ держа́вы кре́пкий,/ и ны́не, о́тче, умиротвори́ ны Христу́ Бо́гу,/ во е́же с Ним в Небе́сных селе́ниих нам водвори́тися.

Му́дрость Бо́жию Ипоста́сную,/ первонача́льную Главу́ Церко́вную,/ Преве́чное Сло́во Бо́жие, Христа́ Бо́га воплоще́нна,/ соблю́л еси́, Богому́дре Дании́ле, благотща́тельством,/ Ю́же в благода́тное человекосостоя́ние име́ти сотвори́,/ мо́лимся, моли́твами твои́ми.

Благоро́дием твои́м душе́вным/ проразсуди́в, тезоиме́нне Дании́ле, суд Бо́жий,/ я́ко от Бо́га Всетворца́ в бы́тность зде приидо́хом,/ и теле́сным благоро́дием в духо́внаго челове́ка ста́лся еси́,/ соедини́вся Го́споду Иису́су, я́ко уд благочести́вый,/ удесе́м нам те́ла Христо́ва бы́ти, помоли́ся.

Сла́ва, глас 6:

Благознамени́то боголюби́вым душа́м/ дне́сь ра́доватися подоба́ет/ и ликовствова́ти торже́ственне,/ созыва́ет бо вся благочести́выя наро́ды,/ Богоуго́дный вели́кий кня́зь Москворо́сский,/ ангелови́дный схимона́х оте́ц Дании́л/ па́мятию возше́ствия своего́ на высоту́ Небе́сную,/ иде́же Боже́ственнаго Триипоста́снаго зре́ния сподо́бися./ Зде же оста́ви честны́я и святы́я своя́ мо́щи/ во изря́дную притека́ющим, ви́дящим и лобыза́ющим ты́я по́льзу,/ во врачева́ние душе́вных страсте́й и теле́сных./ Те́мже, вси, прииди́те/ и богохрани́мое сокро́вище – чудотвори́выя мо́щи во оби́тели его́ святе́й ви́дите./ Наслади́вшеся же о́ных лобза́нием,/ богому́дренне восхвали́те Всеблага́го Влады́ку Бо́га/ и Пречи́стую Де́ву Богоро́дицу Мари́ю,/ да свята́го сего́ моли́твами/ спасе́т души́ и телеса́ повсю́ду благочести́вых.

И ны́не, Богоро́дичен:

О́ко се́рдца моего́ воспуща́ю к Тебе́, Влады́чице:/ не пре́зри ма́лаго моего́ воздыха́ния,/ в час, егда́ прии́дет суди́ти Сын Твой ми́ру,/ бу́ди ми Покро́в и Помо́щница.

На стихо́вне стихи́ры, глас 2.

Подо́бен: До́ме Евфра́фов:

Ева́нгельское зва́ние услы́шав,/ на ве́черю Небе́сную поте́кл еси́,/ блаже́нне Дании́ле,/ наслажда́яся же та́мо,/ моли́ Христа́ и нам тоя́ сподо́битися.

Стих: Честна́ пред Го́сподем/ сме́рть преподо́бных Его́.

Доброде́телей разли́чных/ оде́жду истка́л еси́ себе́,/ оде́явся Ду́ха Бо́жия благода́тию, о́тче,/ одея́й ны, боле́зненныя,/ согре́янием цельбоно́сных твои́х дарова́ний.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Пе́снь но́ву пое́ши/ Пречи́стому А́гнцу, Христу́ Спа́су,/ с ликочи́нством Небе́сным, после́дуя,/ ра́дуяся, умоля́й Его́ та́мо,/ богоправи́тельством Его́ в Не́бо руководи́тися нам.

Сла́ва, глас 8:

Преве́чный Сын Бо́жий,/ Сын из Чи́стыя Де́вы Ма́тере челове́ческ быв,/ сотвори́ тя сы́на Бо́жия по благода́ти,/ досточу́дне Дании́ле о́тче./ Ра́ди твои́х по́стнических исправле́ний/ и боголюби́вых в моли́твах богомы́сленне Иису́су Христу́ соедине́ний,/ прия́л еси́ дарова́ния Небе́сная,/ и́ми же исцеля́еши скорбьми́ и напа́стьми содержи́мыя,/ тем и скорбе́й на́ших уврачева́ние да́руй,/ да сотвори́т нас Христо́с Госпо́дь сы́ны благода́тныя/ человеколю́бными твои́ми и богоприя́тными мольба́ми.

И ны́не, Богоро́дичен:

Небе́сная пою́т Тя, Обра́дованная Ма́ти Безневе́стная,/ и мы славосло́вим/ неизсле́дованное Твое́ Рождество́, Богоро́дице,/ моли́ спасти́ся душа́м на́шим.

Тропа́рь, глас 5:

Благодатноро́дный сын Твой,/ Всетвори́телю Го́споди Бо́же наш,/ щедрототво́рством христоподража́тельный оте́ц Дании́л/ в ева́нгельском запове́дании и благоразу́мном свое́м житии́/ чудесодарова́ния и Небе́сная со святы́ми пребыва́ния восприя́т/ от Тебе́, Спаси́теля на́шего Христа́ Иису́са./ Возыме́в бо Твое́ Боже́ственное посо́бие,/ суетномирски́я и плотоо́гненныя стра́сти упраздни́/ и враги́ де́моны, неви́димыя и ви́димыя злотво́рны/ и разори́тели своего́ великокня́жескаго насле́дия, победи́./ Того́ моли́твами спаси́ вся,/ зову́щия Тебе́: Аллилу́ия.

Сла́ва, и ны́не, Богоро́дичен.

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры, глас 8.

Подо́бен: О, пресла́внаго чудесе́:

Всетворя́щий Царю́, Бо́же наш,/ прему́дростию Твое́ю мир стро́иши,/ и благоутро́бием лю́ди вся спаса́еши,/ спасл бо еси́ Твоего́ уго́дника,/ преподо́бнаго отца́ на́шего Дании́ла,/ и́же из ю́ности возлюби́ Тя,/ стра́сти ми́ра сего́ преоби́дев,/ пре́йде к Тебе́, Влады́ко,/ за нас моли́тися.

Ди́вен еси́, Христе́ Иису́се,/ ди́вно де́ло сотвори́л еси́/ не то́кмо Росси́йстей стране́,/ но и во вся концы́ земли́ правове́рующим в Тя лю́дем,/ я́вль вели́каго кня́зя Дании́ла,/ в жи́зни самоде́ржца ру́сска доброде́тельна/ и в чи́не а́нгельском бы́вша мона́ха соверше́нна,/ его́же моли́твами, Го́споди,/ спаси́ вся благочести́выя.

Ве́лие милосе́рдие Твое́, Го́споди,/ су́щее в Росси́йстей стране́,/ благоволи́л бо еси́ показа́ти ве́рных ева́нгельских Твои́х рабо́в,/ и́же де́лаша при́сно в духо́вном виногра́де Твое́м,/ плоды́ доброжи́зни и чудотворе́ния/ во сла́ву Твою́ сотвори́ша./ В них же и всечестны́й оте́ц Дании́л,/ просла́влен Твое́ю благода́тию,/ мо́лится спасти́ся нам.

И́ны стихи́ры, глас 1.

Подо́бен: Всехва́льнии му́ченицы:

Благода́рно воспева́ем Тя, Го́споди Человеколю́бче,/ я́ко благочести́ваго и ве́рнаго Твоего́ раба́/ сподо́бил еси́ и в княже́нии богоуго́дно пожи́ти/ и мона́шеским о́бразом и доброде́тельми украси́ти./ И ны́не в Го́рнем ликостоя́нии/ оте́ц Дании́л мо́лит Тя/ милосе́рдие дарова́ти душа́м на́шим,/ мир и ве́лию ми́лость.

Стра́шный суд Твой, Го́споди,/ по и́мени своему́ преподо́бный оте́ц Дании́л/ при́сно в се́рдце свое́м помышля́я,/ горькоро́дную грехо́в мглу всеконе́чно прогна́л е́сть,/ и́бо невече́рним Твои́м све́том/ Всеблаже́нныя Тро́ицы Боже́ственныя озари́вся,/ мо́лится непреста́нно дарова́ти нам/ мир и ве́лию ми́лость.

Бо́же, в Трие́х Ипоста́сех Еди́ный,/ благоволи́л еси́ на росси́йский наро́д ми́лостивно призре́ти/ и пода́ти в Моско́вском сем кня́жестве/ благоразу́мна и оте́чественна прави́теля,/ богому́дрыми словесы́ и богоподо́бными де́лы учи́теля,/ вели́каго кня́зя и Богоблаже́нна отца́ Дании́ла,/ и́же Тя мо́лит дарова́ти благочести́вым лю́дем/ мир и ве́лию ми́лость.

Сла́ва, глас 8:

Дне́сь Боже́ственным манове́нием/ во храм Бо́жий сте́кшеся,/ благове́рнии вси лю́дие,/ восхва́лим богозда́нный Ду́ха Свята́го храм,/ досточу́днаго свята́го на́шего отца́ Дании́ла,/ и́же в первонача́льстве кня́жескаго насле́дия своего́,/ я́ко сосу́д Бо́жий сый,/ себе́ сама́го и вся лю́ди/ богозапове́данне и благоразсу́дне суди́в,/ в мона́шеском жити́и соверше́нно/ преста́вися в Небе́сныя оби́тели,/ оста́ви нам зде чудотвори́выя своя́ мо́щи,/ я́же в честне́й его́ ра́це/ в благоду́шие и в безме́здное врачевство́ всем предлежа́т,/ и́хже, я́ко богохрани́мое многоле́тне сокро́вище, зря́ще,/ и вселюбе́зне честву́юще, и лобыза́юще,/ возопие́м Небе́снаго Ца́рствия насле́днику:/ ра́дуйся, всеблаже́нне о́тче Дании́ле,/ Пресвяту́ю во Еди́ном Существе́ Тро́ицу покланя́емую несре́дственне зря,/ и моли́ Ону́, е́же святотвори́тельною Ду́ха Всесвята́го благода́тию/ боголюби́вым и ве́рно притека́ющим во оби́тель твою́,/ освяти́тися душа́м на́шим.

И ны́не, Богоро́дичен.

Та́же вход. Проки́мен дне.

И чте́ния три преподо́бническая.

Прему́дрости Соломо́ни чте́ние (глава́ 3):

Прему́дрости Соломо́ни чте́ние (глава́ 4):

Прему́дрости Соломо́ни чте́ние (гла́вы 5 и 6):

На лити́и стихи́ры самогла́сны, глас 3:

Богоизбра́нная степенноросси́йская о́трасль/ и насле́дник держа́внаго престо́ла был еси́,/ Богому́дре кня́же и Богозри́тельне о́тче Дании́ле,/ на земли́ бо живя́, небозри́тельная очеса́ твоя́ воздвиза́л еси́/ к живу́щему в Небесе́х Неботво́рцу Бо́гу./ Ны́не водвори́вшися с весе́лием во двор Небе́сный,/ блаже́нныя души́ твоея́ у́мную зе́ницу обраща́й на зе́млю/ и призира́й Це́рковь Ру́сскую, страну́ и град Москву́/ и оби́тель твою́ святу́ю,/ в ней же цельбоно́сныя мо́щи твоя́ святы́я,/ Христо́вою благода́тию су́ть храни́мы.

Блаже́нныя души́ твоея́ богозда́нный храм, многоце́нным благоле́пых доброде́телей ка́мением украси́в,/ покори́в ху́ждшее теломудрова́ние/ лу́чшей богообра́зней душе́ твое́й, о́тче преподо́бне,/ в светоза́рный град Го́рний Иерусали́м всели́лся еси́,/ в не́мже, ясносия́тельною ве́чнаго блаже́нства луче́й облиста́нный,/ со а́нгельскими ликовству́еши ли́ки./ Моли́, свя́те, Всебоже́ственную Тро́ицу/ спасти́ вся страны́ правохристиа́нския,/ благове́рно честву́ющия па́мять твою́,/ и селе́ния пра́ведных сподо́бити.

Смире́ннаго се́рдцем Учи́теля,/ Бо́га воплоще́нна, возлюби́в,/ из боголюби́ваго се́рдца твоего́/ злора́дное истерза́л еси́ вредоно́снаго киче́ния те́рние/ и, небоводи́тельным смире́ния путе́м ше́ствовав,/ оста́вя кня́жескую вла́сть/ и многотру́дное су́етное мирско́е житие́,/ всели́лся еси́ в монасты́рь/ богоуго́днаго мона́шескаго обуче́ния,/ пресла́вне о́тче и чудотво́рче Дании́ле,/ в не́мже благи́й послу́шник быв благопослу́шлив,/ богопоспе́шно смиренному́дрием/ на Небе́сную возше́л еси́ го́ру ве́чныя жи́зни,/ ея́же и нам сподо́битися/ Спаси́телю Христу́ Иису́су помоли́ся.

Сла́ва, глас 5:

Прииди́те, правосла́вновернии,/ воздади́м сла́ву Бо́гу,/ творя́щему ди́вная чудеса́ во святы́х Свои́х:/ я́ко бо проро́к Дании́л, муж жела́ний,/ в Росси́йской земли́ яви́ся,/ в ца́рственном гра́де Москве́/ преподо́бный оте́ц Дании́л,/ жела́ний Небе́сных не край, но Сама́го Христа́ Го́спода пости́г/ и чуде́с благода́ть прие́мь;/ я́ко Он, Всетворе́ц наш Бог, благоизво́ли,/ благоподража́тельным бо житие́м ева́нгельски соверши́вся,/ бы́сть досто́ин спасе́ния ве́чнаго,/ жела́ния во благо восполня́ет всем,/ и мо́лит Всесвяту́ю Богонача́льную Тро́ицу/ и Пречи́стую Де́ву Мари́ю Богоро́дицу/ за вся благочести́выя лю́ди,/ и просвеща́ет чудесы́ притека́ющия к святы́м его́ моще́м/ и призыва́ющия его́ с ве́рою,/ подава́я кому́ждо в боле́знех и ско́рбех/ цельбу́ всем изоби́льную./ Те́мже в па́мяти его́/ и всегда́ в тре́бовании жела́нне возопие́м:/ Свя́те святы́х, чудотвори́вый Го́споди,/ спаси́ лю́ди Твоя́ от враг ви́димых и неви́димых/ и да́руй нам Твой мир и ми́лость/ моли́твами свята́го Твоего́ уго́дника.

И ны́не, Богоро́дичен:

Храм и две́рь еси́,/ пала́та и престо́л Царе́в, Де́во Всечестна́я,/ Е́юже Изба́витель мой Христо́с Госпо́дь/ во тьме́ спя́щим яви́ся,/ Со́лнце Сый Пра́вды,/ просвети́ти хотя́, я́же созда́ по о́бразу Своему́ руко́ю Свое́ю./ Те́мже, Всепе́тая, я́ко ма́терне дерзнове́ние к Нему́ стяжа́вшая,/ непреста́нно моли́ спасти́ся душа́м на́шим.

На стихо́вне стихи́ры, глас 4.

Подо́бен: Дал еси́ зна́мение:

Зва́нию Влады́ки твоего́ Христа́,/ И́же рече́: гряди́ в след Мене́,–/ усе́рдно после́довал еси́, о́тче всече́стне Дании́ле:/ взем бо крест – непобеди́мое ору́жие,/ на стра́сти па́губныя му́жески укрепи́вся,/ победи́л еси́ враго́в по́лчища – неви́димых де́монов,/ победи́л и враго́в ви́димых – во́инство тата́ров,/ и, пожи́в богоуго́дне,/ ны́не в Небесе́х почива́еши свобо́дне.

Стих: Я́ко Ты еси́ терпе́ние мое́, Го́споди, Го́споди,/ упова́ние мое́ от ю́ности моея́.

Терпе́ние мно́гое стяжа́в/ от зави́ствующих на твое́ оте́чественное насле́дие,/ премога́я еси́ вся приключи́вшияся обурева́емыя напа́сти,/ благове́рный схимона́ше Дании́ле,/ благомо́щным бо посто́м и благоприя́тною моли́твою/ Небе́сная дарова́ния от Иису́са Боговоплоще́нна прие́м,/ врачева́в и врачу́ющий во вся́ких су́щих боле́знех,/ да́руй нам в по́двиг терпе́ние/ и от вся́ких бед свобожде́ние.

Стих: Я́ко чу́до бых мно́гим,/ и Ты, Го́споди, Помо́щник мой кре́пок.

Богому́дренным смы́слом в за́поведех Бо́жиих/ и в церко́вных апо́стольских и оте́ческих установле́ниях/ пребы́л еси́ тверд Правосла́вною ве́рою,/ соблю́д кре́пце оправда́ния Госпо́дня,/ о́тче Дании́ле Богоблаже́нне,/ удиви́л еси́ вся концы́ земны́я/ в княже́нии всевозде́ржным жития́ целому́дрием/ и в схимона́шестве богозре́нными моли́твами,/ чудя́щимся же тебе́ и нам/ испроси́ у Христа́ кре́пкую по́мощь.

Сла́ва, глас 2:

Возсия́ дне́сь ра́достна па́мять/ всем богочести́вым лю́дем,/ па́че же великоца́рствующему гра́ду Москве́,/ в не́мже лежа́т мо́щи святы́я и чудотвори́выя/ отца́ всеблаже́ннаго Дании́ла,/ вели́каго кня́зя благоро́дна из ко́рене оте́чественнаго/ и правосла́вна ве́рою Бо́жиею/ и изря́дными доброде́тельми./ Он бо озаря́ет благоу́мныя,/ исцеля́ет немощны́я,/ благотеку́щим благи́й сове́т подае́т,/ вра́жия наве́ты разоря́ет,/ оте́честву устроя́ет мир/ и о благоде́нстве наро́дов христиа́нских непреста́нно мо́лит Всеблага́го Бо́га/ и Пречи́стую Де́ву Богоро́дицу Мари́ю,/ да от вся́ких бед и напа́стей зде спасе́мся/ и получи́м вси моли́твами его́ Ца́рство Небе́сное.

И ны́не, Богоро́дичен

Тропа́рь, глас 5:

Благосла́вная похвало́ и благосве́тлый ве́нче/ ца́рствующаго гра́да Москвы́,/ всеблаже́нне Дании́ле, о́тче наш./ По́двигом бо до́брым подвиза́вся,/ богоуго́дное тече́ние соверши́л еси́,/ всера́достныя неконча́емыя жи́зни сподо́блься,/ зри́ши Го́спода Бо́га,/ Ему́же моли́ся,/ благочеству́ющим тя и лобыза́ющим богохрани́мыя твоя́ и чудесото́чныя мо́щи/ спасе́ние и насле́дие Ца́рства Небе́снаго дарова́ти.

Ин тропа́рь, глас то́йже:

Благодатноро́дный сын Твой,/ Всетвори́телю Го́споди Бо́же наш,/ щедрототво́рством христоподража́тельный оте́ц Дании́л/ в ева́нгельском запове́дании и благоразу́мном свое́м житии́/ чудесодарова́ния и Небе́сная со святы́ми пребыва́ния восприя́т/ от Тебе́, Спаси́теля на́шего Христа́ Иису́са./ Возыме́в бо Твое́ Боже́ственное посо́бие,/ суетномирски́я и плотоо́гненныя стра́сти упраздни́/ и враги́ де́моны, неви́димыя и ви́димыя злотво́рцы/ и разори́тели своего́ великокня́жескаго насле́дия, победи́./ Того́ моли́твами спаси́ вся,/ зову́щия Тебе́: Аллилу́ия.

НА У́ТРЕНИ

На Бог Госпо́дь: тропа́рь свята́го, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 5.

Подо́бен: Собезнача́льное Сло́во:

Благи́й яре́м и ле́гкое ева́нгельское за́поведей Бо́жиих бре́мя/ богому́дренне возжела́л еси́ носи́ти, досточу́дне о́тче Дании́ле./ В пра́вду у́бо в таково́м трудопребытии́ велиа́рова злоко́знства попра́в,/ не обремени́лся еси́ греха́ми пагубоно́сныя троеро́жицы:/ сластолю́бием, сребролю́бием и славолю́бием./ Те́мже легко́ прише́л еси́ в небесозва́нныя Христо́вы оби́тели.

Сла́ва, и ны́не, Богоро́дичен:

Тебе́, Небе́сную Цари́цу,/ Ма́терь, Де́ву Мари́ю Богоро́дицу, вси ро́ди, блажи́м,/ Ты бо еди́на кре́пкая и те́плая Предста́тельница ро́ду челове́ческому./ Непреста́нно моли́, Его́же родила́ еси́ па́че естества́ – Бо́га Сло́ва,/ да грехостра́стнаго тя́жка бре́мене, от диа́вола нам налага́емаго,/ вся христиа́нския ду́ши свободи́т,/ в легкозако́нном же Свое́м бремененоше́нии устро́ив,/ сподо́бит ны Ца́рствия Своего́.

По 2-м стихосло́вии седа́лен, глас 4.

Подо́бен: Удиви́ся Ио́сиф:

По о́бразу Бо́жию благоро́дие боготво́рныя твоея́ души́ име́я,/ о́тче преподо́бне и чудотво́рче Дании́ле,/ непреста́нно во всем твое́м житии́ к боготворя́щей всех су́щих Вине́ –/ Тро́ическому в Божестве́ Еди́нству воспере́н благомы́сленне и добротво́рне был еси́./ Те́мже и по подо́бию вся́ким достодо́лжнством богоче́стия/ благоукраси́лся еси́ соверше́нне./ Моли́ Творца́ на́шего Го́спода, да и в нас о́браз Свой спасе́т/ и по подо́бию жи́ти ны сотвори́т.

Сла́ва, и ны́не, Богоро́дичен:

Удиви́шася вся Небе́сная чинонача́лия/ и на земли́ живу́щии временобы́тницы/ о Тебе́, Богома́ти Влады́чице,/ я́ко сподо́билася еси́ преесте́ственно роди́ти пло́тию/ вои́стинну Ипоста́сное Бо́га Отца́ Сло́во,/ и, я́ко мы́сленный киво́т,/ содержа́вший в себе́ не Моисе́евы Богоперстопи́санныя скрижа́ли,/ но Саму́ю Ипоста́сь Тро́ичныя Зари́,/ Законода́теля Ве́тхаго и Но́ваго Заве́та,–/ Иису́са Христа́, Го́спода на́шего,/ Его́ всемо́ществом прешла́ еси́ с пло́тию в Го́рняя небеса́,/ Его́же, Пречи́стая Де́во, моли́ спасти́ ду́ши на́ша.

По Хвали́те И́мя Госпо́дне: свято́му ублаже́ние си́це:

Ублажа́ем тя,/ преподо́бне о́тче Дании́ле,/ и чтим святу́ю па́мять твою́,/ ты бо мо́лиши о нас/ Христа́ Бо́га на́шего.

По полиеле́и седа́льны, глас 8.

Подо́бен: Прему́дрости:

Благоче́стно и свя́то житие́ твое́ соверши́в,/ благоро́ден и вели́к насле́дник всеру́сскаго Моско́вскаго кня́жества был еси́./ Престо́л вла́сти твоея́ управля́я благозако́нне и в Бо́га и́стиннаго ве́рою/ от всех враго́в Це́рковь Святу́ю и вся лю́ди христиа́нския/ я́ко и́стинный па́стырь защища́я,/ непобеди́м яви́лся еси́, Дании́ле, приснопа́мятне о́тче наш./ Благоудобри́вся же мона́шеским житие́м,/ а́нгельски во оби́тели целому́дрствуя,/ на верх доброде́телей возше́д, прекра́снаго рая́ насле́дие прие́мь,/ моли́ Христа́ Го́спода дарова́ти нам прегреше́ний оставле́ние и в Не́бе селе́ние,/ чту́щим святу́ю па́мять твою́.

Сла́ва:

Сотво́рший и содержа́щий Небеса́ и зе́млю и вся, я́же на них,/ Триипоста́сный Бо́же Еди́ный,/ благоволи́л еси́ дарова́ти земли́ Росси́йской па́стыря вели́каго – кня́зя Дании́ла,/ пра́востию и по за́поведем Твои́м всем правове́рным в благоче́стие прави́теля,/ и́же, непреста́нно Тебе́, Всетворца́ Го́спода, поя́,/ в поклоне́ние и служе́ние Тебе́ вся страны́ науча́ше,/ и в схимонахоа́нгельском о́бразе Твоему́ всемона́шеству благоугоди́,/ и ны́не в Го́рнем Сио́не Твои́м благоволе́нием лику́ет со святы́ми,/ его́же дне́сь па́мять пра́зднующе, мо́лим Тя, жи́зни Пода́теля:/ да́руй нам мир Твой и Небе́сная блага́я.

И ны́не, Богоро́дичен:

Ра́дуйся, Богоро́дице Де́во Всеблага́я,/ Ма́ти Всечи́стая предрага́я,/ ума́ христиа́н правосла́вных ра́досте и сла́досте серде́чная,/ непоро́чное ве́чныя жи́зни зерца́ло,/ Бо́га Отца́ благоволе́ние,/ Бо́га Сы́на жили́ще, Бо́га Ду́ха Свята́го де́йство,/ Еди́наго Триипоста́снаго Божества́/ благоукраше́нная и соверше́нная чистоты́ оби́тель./ Ра́дуйся, Цари́це, Иису́са Богочелове́ка оде́жда нескве́рная,/ драгостро́йная катапета́сма./ Ра́дуйся, Госпоже́, ключи́ Ца́рства Небе́снаго отверза́ющая вход всем,/ к Тебе́ притека́ющим и зову́щим Тебе́:/ ра́дуйся, Влады́чице, пода́ждь всем здра́вое, ми́рное зде и благовре́менное пребыва́ние/ и ве́чна рая́ со святы́ми все́ми наслажде́ние.

Та́же степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ сме́рть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Матфе́я, зача́ло 43.

По 50-м псалме́ стихи́ра самогла́сна, глас 6:

Мно́гое благодаре́ние всегда́ воздава́ти/ подоба́ет Влады́це Бо́гу на́шему,/ прославля́ющему Своя́ уго́дники,/ и́же, в сем житии́ бы́вше,/ ева́нгельски пожи́ша./ Вся́ким благотворе́нием са́ми себе́ о́браз во угожде́ние Созда́вшему нас подава́ху/ и сла́вляху вели́кое И́мя Всесвяты́я Тро́ицы./ В ни́хже бы́сть таковы́й благоро́дный вели́кий кня́зь/ и блаже́нный схимона́х оте́ц Дании́л./ Его́же пресла́дкий Иису́с Христо́с призва́в, избра́/ и блаже́нство ему́ в ве́чности Небе́сней дарова́,/ мо́щи же его́ оста́ви нам зре́ти во оби́тели его́/ и после́довати его́ жи́зни благоуго́дным воспомина́нием./ Те́мже, Христе́ Царю́, благода́тию Твое́ю/ и предста́тельством Де́вы Богоро́дицы Мари́и, Твоея́ Ма́тере,/ и за моли́твы уго́дника Твоего́ Дании́ла, отца́ на́шего,/ пода́ждь нам мир и ве́лию ми́лость.

Кано́н преподо́бному, глас 5.

Песнь 1

Ирмо́с: Коня́ и вса́дника в мо́ре Чермно́е/ сокруша́яй бра́ни мы́шцею высо́кою/ Христо́с истрясе́, Изра́иля же спасе́,/ побе́дную пе́снь пою́ща.

А́гнче непоро́чный, Иису́се Бо́же,/ в Твое́й си́ле кре́пкой победи́в душетли́тельныя стра́сти,/ блаже́нный уго́дник Твой оте́ц Дании́л,/ спа́сшеся же от грехопото́пнаго мо́ря,/ в Небе́сней су́ши ве́село пое́т Тебе́ пе́снь побе́дную.

Ревнова́в Богому́дрым отце́м в доброде́телех,/ Ева́нгельское се́мя – Бо́жия словеса́ кре́пце вперси́л еси́,/ преподо́бне о́тче Дании́ле,/ богоуго́ден Влады́це Христу́ быв, пое́ши пе́снь побе́дную.

Иерихо́н стра́стных помысло́в/ и вся́кое вра́жие кова́рство разори́в, о́тче всече́стне,/ немо́кренно жития́ сего́ волну́емое су́етное мо́ре проше́д,/ дости́гл еси́ тишины́ ве́чныя жи́зни,/ поя́ пе́сни побе́дныя.

О Ца́рстве Небе́снем всегда́ помышля́я,/ все твое́ жела́ние воспери́л еси́ ко Христу́ Го́споду,/ непреста́нно в моли́тве, и посте́ и в вели́цем воздержа́нии/ вопия́ богоуго́дныя пе́сни.

Богоро́дичен: Нетле́нная Отрокови́це, Богома́ти Влады́чице,/ при́зри на рабы́ Твоя́, притека́ющия под кров Твой,/ и от вся́ких бед изба́ви нас,/ да в благоду́шии Сы́ну Твоему́ и Бо́гу на́шему Иису́су/ благода́рныя пе́сни воспое́м.

Песнь 3

Ирмо́с: Над язы́ки Бог воцари́ся,/ Бог седи́т на Престо́ле Святе́м Свое́м,/ и пое́м Ему́ разу́мно,/ я́ко Царю́ и Бо́гу.

Име́ющему престо́л Не́бо,/ ты, о́тче всече́стне,/ себе́ сама́го в седе́ние царю́ющему все́ми Бо́гу предста́вил еси́,/ благоразу́мие угожда́я и при́сно поя́:/ свят еси́, Го́споди.

Щито́м облеки́йся ве́ры, благоче́стие содержа́в,/ был еси́, блаже́нне, о́браз лю́дем Госпо́дним/ в добронача́льстве княже́ния и в мона́шеском пребыва́нии,/ тем вси пою́т Царя́ и Бо́га.

Иису́с, Бог воплоще́нный,/ ви́дя твое́, о́тче, благо́е произволе́ние и равноа́нгельное житие́,/ подаде́ тебе́ че́сть и сла́ву,/ на земли́ бо чудесы́, и в Не́бе пое́ши ро́ждшагося Царя́ и Бо́га.

Богоро́дичен: Иму́щи, Всецари́це, Пречи́стая Де́во,/ дерзнове́ние ко Христу́ Го́споду,/ моли́ Его́, Человеколю́бца, ми́лостивно в нас ца́рствовати,/ да на земли́ и в Не́бе всежела́нне пое́м Его́, Царя́ и Бо́га.

Седа́лен, глас 3.

Подо́бен: Красоте́ де́вства:

Вре́менное великонача́льство и бога́тство тле́нное/ и сла́ву мимотеку́щую оста́вив,/ Небе́сное бога́тство и сла́ву, и́стинно ве́чнующую,/ о́тче блаже́нне, восприя́л еси́./ Те́мже блажи́м свято́е твое́ успе́ние/ и, торжеству́юще в нем, вопие́м тебе́:/ помяни́ нас ко Го́споду, Дании́ле,/ спасти́ и в Не́бо всели́ти ду́ши на́ша.

Сла́ва:

Блаже́н еси́, о́тче Дании́ле,/ и добро́ тебе́ бы́сть от Христа́ Го́спода./ Бо́дрствуя бо де́нь и но́щь,/ на ни́ща и убо́га и на подвла́стныя твоя́ лю́ди/ призира́л еси́ ми́лостию и благоразсу́дством./ Не́нависти же и вражды́ и похище́ния чужа́го насле́дия весьма́ оша́явся ¹⁴,/ в любо́вь и смире́ние вся враждотво́рцы и злове́рники приклони́в,/ богоуго́дне пожи́л еси́./ Тем моли́ Го́спода, да пода́ст душа́м на́шим мир и ве́лию ми́лость.

И ны́не, Богоро́дичен:

Арха́нгел Гаврии́л, красоте́ де́вства Твоего́ и пресве́тлой чистоте́ удиви́вся,/ Всенепоро́чная Де́во Мари́е, возопи́ ве́село:/ ра́дуйся, Благода́тная, Госпо́дь с Тобо́ю,/ из Тебе́ бо пло́ть прие́мшаго Емману́ила, Ипоста́сное Сло́во Бо́га Отца́,/ и Небе́сныя чи́ни узре́ша я́вственне./ Мы же, ве́дуще Тя и́стинную Богома́терь всежела́нне про́сим:/ зре́ния Иису́са Христа́ сподо́би рабы́ Твоя́ предста́тельством Твои́м.

Песнь 4

Ирмо́с: Дела́ смотре́ния Твоего́, Го́споди,/ ужаси́ша проро́ка Авваку́ма,/ изше́л бо еси́ на спасе́ние люде́й Твои́х,/ спасти́ пома́занныя Твоя́ прише́л еси́.

Моли́твенная твоя́ вопие́ния внидо́ша во у́ши Го́спода Савао́фа, о́тче досточу́дне,/ пома́заннаго бо тя благове́рнаго кня́зя/ смотри́тельне Госпо́дь спасти́ прише́л е́сть.

Огне́м любве́ Бо́жия непреста́нно содержа́вся,/ оста́вль мир, во оби́тели мона́шествовати изво́лил еси́, всече́стне./ Дарова́ньми бо Ду́ха Бо́жия пома́зався,/ чудоде́лием лю́ди спаса́еши.

На Христа́ Го́спода возложи́в наде́жду, Дании́ле о́тче,/ не убоя́лся еси́ вра́жиих наве́тов, отвсю́ду напа́дающих на тя:/ изше́л бо Христо́с и спасе́ние христиа́нскому ро́ду дарова́.

А́лчуща и жа́ждуща Христа́ пра́вды,/ воспита́ тя Небе́сныя Трапе́зы Хле́бом/ и напои́ Пречи́стыя Кро́ве вино́м в та́инстве святе́м,/ в сем спа́сшеся, ве́чно ублажи́лся еси́.

Богоро́дичен: Христа́ ро́ждшая, Де́во Влады́чице,/ смотре́нием Его́, по духопрови́дению проро́ка,/ моли́ Го́спода, да изы́дет спасти́ ны,/ де́ло рук Свои́х, Влады́ка Госпо́дь, я́коже благоизво́ли.

Песнь 5

Ирмо́с: Све́те И́стинный,/ Христе́ Бо́же,/ к Тебе́ у́тренюет дух мой от но́щи,/ яви́ на мя лице́ Твое́.

Свет Триипоста́снаго Божества́ осия́ тя, о́тче Дании́ле:/ у́треневав бо Богому́дрием, но́щь грехо́в отгна́в,/ сподо́бился еси́ зре́ния лица́ Христо́ва.

Свет зако́на Бо́жия богомы́сленне прие́мь,/ испра́вил еси́, всече́стне, пути́ твоя́ пред Бо́гом./ Ему́же моли́ся, да освяти́т ны ми́лостивным явле́нием лица́ Своего́.

Све́том озаре́нным бы́ти Богонача́лия Тро́ическаго/ испроси́ нам, Богоблаже́нне, у Христа́,/ да к Нему́ у́тренююще, безно́щие всера́достне восприи́мем.

Богоро́дичен: Свет ро́ждшая – Иису́са Го́спода,/ просвеща́ющий вся́каго челове́ка, Де́во Богома́ти,/ вся пою́щия Тя изба́ви грехоно́шества/ и сподо́би ве́чныя све́тлости лица́ Его́.

Песнь 6

Ирмо́с: Я́коже проро́ка от зве́ря изба́вил еси́, Го́споди,/ и мене́ из глубины́ несодержи́мых страсте́й/ возведи́, молю́ся,/ да приложу́ призре́ти ми ко хра́му свято́му Твоему́.

Я́коже проро́к от тьмомра́чнаго зве́ря а́дскаго/ всемо́ществом Всетворца́ Бо́га изба́влься,/ невреди́вся бо глубиностра́стием, в небесора́йском хра́ме обита́еши,/ о́тче Дании́ле блаже́нне.

Возведи́, мо́лимся Тебе́, Вседержа́вный Го́споди,/ от душепотопля́ющаго мо́ря жития́,/ и в приста́нище небу́рное Небе́снаго Твоего́ хра́ма/ моли́твами досточу́днаго отца́ Дании́ла всели́ ны,/ и зре́ти Тя при́сно сотвори́.

В духоправи́тельство Христа́ Го́спода/ вда́лся еси́ вози́тися во всей твое́й жи́зни, о́тче преподо́бне,/ те́мже волне́нии непра́вды боготво́рнаго тя корабля́ вся́чески не потопи́ша,/ в Небе́снем ны́не хра́ме моли́ Го́спода ви́дети нам.

Богоро́дичен: Храм Богоприя́тный Ты еси́, Пречи́стая Богома́ти,/ изба́ви нас от трегла́внаго вредоно́сных страсте́й потопле́ния,/ созерца́ти же храм святы́й приложи́ нам/ и наслади́тися в нем Боже́ственныя ра́дости да́руй.

Конда́к, глас 8.

Подо́бен: Взбра́нной:

Я́ко Богонасажде́нное и Богоразу́мное дре́во в Росси́и возра́сл еси́/ и многопло́дием Богоподо́бных доброде́телей твои́х утучня́еши сердца́ благочести́вых./ Те́мже в кре́пости по́мощи твоея́, преблаже́нне Дании́ле,/ от вся́ких нас бед свободи́,/ да пое́м при́сно: Аллилу́ия.

И́кос:

А́нгел на земли́ показа́лся еси́,/ сла́вя непреста́нно Не́ба и земли́ Творца́ Го́спода Бо́га,/ вся́ким бо о́бразом во́лю Его́ во всей твое́й жи́зни испо́лните потща́лся еси́,/ всем благотворя́, прия́л еси́ от Христа́, я́ко апо́стол,/ благода́ть вся́кия бедоско́рбныя неду́ги и боле́зни цели́ти./ Те́мже вопие́м ти:/ ра́дуйся, о́тче, от младе́нчества Бо́гом избра́нный;/ ра́дуйся, Дании́ле, в гражда́нство Небе́сное зва́нный;/ ра́дуйся, Тро́ичным Све́том от купе́ли святы́я просвети́вся;/ ра́дуйся, ева́нгельский христоподража́тель и́стинне яви́вся;/ ра́дуйся, оте́чественнаго всеру́сска престо́ла насле́дник бы́вый;/ ра́дуйся, держа́ву вла́сти твоея́ благоче́стием и пра́вдою украси́вый;/ ра́дуйся, на враги́ злове́рцы и на враждотво́рцы от Бо́га получи́в побе́ды;/ ра́дуйся, оста́вль мир преле́стный и восприя́в отце́в святы́х сле́ды;/ ра́дуйся, в мона́шестве испо́лнився поста́, моли́тв, воздержа́ния;/ ра́дуйся, сподо́бився от Христа́ благода́ти чуде́с дарова́ния;/ ра́дуйся, я́ко в Не́бе со святы́ми Богонача́льную Тро́ицу зри́ши;/ ра́дуйся, оста́вль твоя́ мо́щи, по́мощь всем твори́ши./ Ра́дуйся, мы тебе́ принося́ще, пое́м Бо́гу: Аллилу́ия.

Песнь 7

Ирмо́с: Огня́ гаси́лище – отроко́в моли́твы,/ ороша́ющая пе́щь, пропове́дница чудесе́,/ не опаля́ющи, ниже́ сожига́ющи/ песносло́вцы Бо́га оте́ц на́ших.

О́гнь юновеще́ственныя пло́ти твоея́/ невеще́ственным пла́менем Бо́жия любве́, в моли́твах бо́дрствуя, погаси́л еси́, о́тче всече́стне./ Моли́ и нам не опали́тися огнестра́стием,/ да песносло́вим Бо́га оте́ц на́ших.

О́гнь присногоря́щия ве́ры ты, досточу́дне, в се́рдце твое́м содержа́в,/ восте́кл еси́ на высоту́ доброде́телей./ В пещи́ жегобе́дства мирска́го ороси́ нас благода́тию Христо́вою,/ песносло́вити Бо́га оте́ц на́ших.

Огня́ свере́пство ви́димых враго́в и неви́димых, востаю́щих на град и насле́дие твое́,/ богоприя́тных твои́х моли́тв, Дании́ле блаже́нне, зале́й вода́ми,/ да, спа́сшеся от них, воспесносло́вим Бо́га оте́ц на́ших.

Богоро́дичен: О́гнь Боже́ственный во чре́ве Твое́м прие́мши, Всечи́стая Де́во,/ родила́ еси́ всему́ ми́ру жи́зни Исто́чника – Христа́ Иису́са./ Моли́, е́же небото́чными благода́ти Бо́жия вода́ми/ огнепа́льному угаси́тися пла́мени прегреше́ний на́ших.

Песнь 8

Ирмо́с: А́нгелов сонм, челове́ков собо́р,/ Царя́ и Зижди́теля всех,/ свяще́нницы, по́йте, благослови́те, леви́ти,/ лю́дие, превозноси́те во вся ве́ки.

А́нгелы святы́я, во́лю Го́спода Бо́га сотворя́ющия, подража́я,/ схимона́шеский вели́кий о́браз восприе́м, о́тче Дании́ле,/ а́нгельски пожи́л еси́ во оби́тели святе́й,/ благохвали́ти вся лю́ди научи́в Го́спода во вся ве́ки.

А́нгелом небе́сным богомы́сленный собесе́дниче,/ боговенча́нный а́дских а́нгелов победи́телю, всеблаже́нне Дании́ле,/ удосто́ивыйся зре́ти Всецаря́ Иису́са,/ удосто́и нас зре́ти и хвали́ти Его́ во вся ве́ки.

А́нгела Сове́та Вели́каго, Бо́га воплоще́нна,/ пропове́дал еси́ богочести́вым твои́м житие́м, о́тче, в концы́ земли́./ И ны́не твоя́ святы́я мо́щи, су́ще в созерца́нии,/ воздви́жут ве́рныя вся лю́ди воспева́ти Го́спода во ве́ки.

Богоро́дичен: А́нгела Гаврии́ла глас ра́дованен услы́шавши, Де́во Боговлады́чице,/ ве́сь род челове́ческий обра́довала еси́ рождество́м Твои́м,/ изба́вльши нас от грехо́в на́ших, сподо́би ра́достне хвали́ти Го́спода во ве́ки.

Песнь 9

Ирмо́с: Велича́ем, Христе́,/ Твою́ Всенепоро́чную Ма́терь Чи́стую,/ я́ко роди́ Тя преесте́ственно пло́тию,/ от вся́кия льсти́ и тли нас избавля́яй.

Иерусали́м Го́рний,/ иде́же девятогу́бая иера́рхия святы́х А́нгелов богозри́тельне торжеству́ет,/ насле́довав, Богоблаже́нне Дании́ле о́тче,/ моли́ся, да, изба́вльшеся ле́сти и тли,/ Христа́ и Ма́терь Его́ Мари́ю ве́чно возвелича́ем.

Еди́но Божество́ в Трие́х Ипоста́сех,/ Богонача́льную и Всетворя́щую Вину́, при́сно велича́л еси́,/ ясносия́тельным Боготро́ическим Све́том облиста́я,/ испроси́ нам, о́тче, богомы́сленне Боготро́ицу велича́ти.

Ре́вность ве́лию показа́л еси́ в Богоче́стии, Дании́ле блаже́нне,/ преизря́ден ре́снотив ¹⁵ о́браз быв лю́дем твои́м,/ и во ангелочи́нстве бо схимона́шества благове́рне учи́л еси́ вся/ Бо́га и Богома́терь велича́ти.

Ели́ко вели́к в православнокня́жестве, Богому́дре о́тче, быв,/ наипа́че смири́л еси́ себе́ схимонахогове́инством,/ те́мже Всеблаги́й Бог тя превознесе́/ и дарова́ тебе́ Небе́сное насле́дие и чуде́с благода́ть,/ е́юже исцеля́й ду́ши и телеса́ от вся́ких скорбе́й/ Иису́са и Мари́ю Де́ву велича́ющих.

Богоро́дичен: Избавле́ние от тли и вся́кия ле́сти –/ Плотоно́сца Христа́ – родила́ еси́ нам, Всенепоро́чная Де́во./ Моли́ Его́ изба́вити нас от прегреше́ний/ и прекра́снаго рая́ сподо́бити насле́дства,/ да Тя при́сно велича́ем.

Свети́лен.

Подо́бен: Жены́, услы́шите:

Благоле́пною удо́бренный простото́ю,/ мы́сленный оре́л, небопа́рными доброде́телей кри́лы/ в Небе́сное возлете́л еси́ жили́ще,/ в не́мже, преподо́бне Дании́ле, жи́знию блаже́нною живя́й,/ Триипоста́сна Всеблага́го Жизнода́вца Бо́га мо́лиши/ жи́знь нетле́нную нам дарова́ти,/ тя всеусе́рдно блажа́щим.

Сла́ва:

Богонача́льныя Всебоже́ственныя Тро́ицы све́том осия́вся,/ свет добротосия́ющий и чудоде́ющий благода́тию Иису́с Христо́вою,/ Дании́ле о́тче, всему́ ми́ру яви́лся еси́./ Осия́тися нам Пребоже́ственным Све́том в неконча́емую жи́знь всера́достную святы́х сподо́би,/ да глаго́лем непреста́нно:/ сла́ва Бо́гу, нас сотво́ршему.

И ны́не, Богоро́дичен:

Всея́ прему́дрости дом, Ду́ха Всесвята́го седмодарова́ньми утвержде́нный,/ Богоблаже́нная Цари́це, Де́во Мари́е Влады́чице,/ сла́вою в пресветлонебесове́чности почте́на,/ богоуго́ждшему отцу́ Дании́лу по́мощь в блаже́нство ева́нгельское пода́вшая,/ сотвори́ ны до́мы на вселе́ние Боже́ственное,/ во е́же его́ Всеправи́теля и Тя, Богома́терь,/ на земли́ и на Небеси́ сла́вити непреста́нно.

На хвали́тех стихи́ры, глас 6.

Подо́бен: Все отло́жше:

Премно́гое Твое́ милосе́рдие,/ Иису́се, Боговоплоще́нный Челове́че, сла́вим/ и бла́гость, су́щую на нас,/ я́ко си́лою Креста́ Твоего́ честна́го/ святи́и Твои́ упраздни́ша де́монскую пре́лесть./ И, в телеси́ зде живу́ще,/ в след у́бо благово́ннаго ева́нгельскаго пропове́дания ми́ра потече́/ достоблаже́нный кня́зь и оте́ц Дании́л/ и пости́же Тя, Спаси́теля на́шего, богому́дренне,/ в Твои́х селе́ниях водворя́яся./ Его́же к Тебе́ умоле́ньми/ вся душе́вныя и теле́сныя на́ша боле́зни/ исцели́, Го́споди Человеколю́бче.

Трудолю́бный Богосажде́ннаго са́да де́латель,/ досточу́дных исправле́ний великокня́жескаго нача́льства,/ доброуха́нную касси́ю насади́вый/ и благора́сленную по́стническаго воздержа́ния/ в схимонахоа́нгельском пребыва́нии сми́рну/ в Боголюби́вом се́рдце твое́м вкорени́вый,/ свя́те Дании́ле,/ возра́сл еси́ в прекрасного́рний Иерусали́мов град./ Всецаря́, царю́ющаго все́ми,/ со а́нгельскими чи́ны и с собо́ром святы́х всех прославля́я,/ небото́чную защище́ния твоего́ ста́кту ¹⁶/ изли́й на лю́бящия тя сердца́ на́ша,/ в Его́ с ва́ми прославле́ние.

Бо́га в Тро́ице правосла́вящих во вселе́нней красото́,/ кро́тости со все́ми миропребыва́ния/ и грехоотчужде́нныя чистоты́ пе́рии преудо́бренный,/ скоропа́рными смиренному́драго Богомы́слия кри́лы/ к вопло́щшемуся Христу́ Спа́су возлете́в,/ вогнезди́лся еси́ в небесодво́рии богозри́тельства,/ о́тче наш Дании́ле чудоде́телю,/ моли́ седя́щаго на премирноразу́мных престо́лех Бо́га,/ удосто́итися нам, тя блажа́щим, в Ца́рствии Небе́снем/ предста́ти Боже́ственному Его́ Престо́лу во всера́дование.

Боголюби́в и нищелюби́в вои́стинну соверше́нно,/ о́тче преподо́бне Дании́ле, яви́лся еси́,/ плотеобле́кшагося Богочелове́ка Иису́са зва́ние внедри́в/ во у́мном твое́м зерца́ле,/ оста́вль бо великокня́жеский дом, жену́ же и ча́да/ и са́мое Моско́вское всеросси́йское княже́ние,/ чествова́ние и вели́кую сла́ву преходя́щую,/ всели́лся еси́ благохо́тне в сопребыва́ние мона́шествующих./ Схимоа́нгельное же безмо́лвное житие́ в молитвобо́дрстве стяжа́в,/ отгна́л еси́ по́лчища де́монская,/ сподо́бився же безстра́стия от собла́зн вся́ческих./ Ны́не испроси́ у Христа́ Го́спода/ ева́нгельское житие́ и блаже́нство получи́ти нам.

Сла́ва, глас 5:

Блаже́нную блаже́ннаго великокня́зя/ и чудотвори́ваго отца́ Дании́ла/ дне́сь пра́зднующе па́мять,/ с духо́вным похваля́юще весе́лием,/ слове́сную похвалу́ с те́плою моли́твою благоусе́рдно воскли́кнем:/ о Богоизбра́нный, Небе́снаго гра́да Иерусали́ма граждани́не,/ очище́нный Ду́хом Святы́м у́ме,/ златови́дная душе́, чи́стый хра́ме целому́дрия,/ богопи́санный досточу́днаго терпе́ния о́бразе,/ богохрани́мое Ду́ха Свята́го жили́ще,/ до́блественный Христо́в во́ине,/ Правосла́вия щи́те./ Страну́ на́шу от вся́ких бед защити́/ и Святе́йшему Патриа́рху со архиере́и/ в благоле́пое церкве́й Бо́жиих благострое́ние/ да́ждь свы́ше Небе́сную по́мощь./ Да вси, честву́ющии тя, отца́ на́шего,/ и чудотвори́выя твоя́ мо́щи,/ люторабо́тных скорбе́й и печа́лей свободи́мся,/ и всено́щными твои́ми моли́твами ко Христу́ Го́споду/ и Пречи́стей Де́ве Богоро́дице Мари́и/ сподо́би в ми́ре Го́рнем воспокое́ния.

И ны́не, Богоро́дичен:

Обра́дованная, хода́тайствуй Твои́ми моли́твами/ и испроси́ душа́м на́шим мно́жество щедро́т/ и очище́ние мно́гих прегреше́ний, мо́лимся.

Славосло́вие вели́кое и отпу́ст.

НА ЛИТУРГИ́И

Блаже́нны от кано́на, пе́сни 3-я и 6-я. Проки́мен, глас 5: Блаже́н муж, боя́йся Го́спода,/ в за́поведех Его́ восхо́щет зело́. Стих: Си́льно на земли́ бу́дет се́мя его́,/ род пра́вых благослови́тся. Апо́стол к Колосса́ем, зача́ло 258. Аллилу́ия, глас 8: Терпя́, потерпе́х Го́спода, и внят ми,/ и услы́ша моли́тву мою́. Стих: Блаже́н муж, ему́же е́сть И́мя Госпо́дне упова́ние его́. Ева́нгелие от Иоа́нна, зача́ло 51. Прича́стен: В па́мять ве́чную:

Моли́твы

Це́ркве Христо́вы похвало́ высо́кая, гра́да Москвы́ стено́ необори́мая, держа́вы Росси́йския Боже́ственное утвержде́ние, преподо́бне кня́же Дании́ле. К ра́це моще́й твои́х притека́юще, усе́рдно мо́лим тя: при́зри на нас, па́мять твою́ воспева́ющих и с ве́рою под кров моли́тв твои́х прибега́ющих. Проле́й те́плое твое́ хода́тайство ко Спа́су всех, я́ко да утверди́т ми́ром страну́ на́шу, гра́ды и ве́си ея́ и оби́тель сию́ до́бре да сохрани́т, благоче́стие и любо́вь в лю́дех твои́х насажда́я, зло́бу же, междоусо́бие и нра́вов развраще́ние искореня́я; всем же нам вся блага́я ко вре́менному животу́ и ве́чному спасе́нию да́руй моли́твами твои́ми, я́ко да прославля́ем ди́внаго во святы́х Свои́х Христа́ Бо́га на́шего во ве́ки веко́в. Ами́нь.

О уго́дниче Бо́жий, святы́й благове́рный кня́же Дании́ле, са́да Христо́ва благово́нный цве́те, не́ба церко́внаго кро́ткая звездо́, земли́ на́шея небе́сный у́ме, гра́да Москвы́ и держа́вы на́шея му́дрый зда́телю. Те́плый к Бо́гу моли́твенниче, ско́рый в по́мощи, ми́лостивый в ну́ждах, к тебе́ припа́даем и тебе́ мо́лимся: бу́ди предста́тель наш пред Престо́лом Бо́жией сла́вы неусы́пный. Собери́ нас друг ко дру́гу, да печа́ли бли́жняго своего́ ки́йждо любо́вию нелицеме́рною приобща́ется. Онебеси́ ум наш, да, и́го тя́жкое земны́х попече́ний отве́ргше, бре́мя ле́гкое Христо́ва Ева́нгелия возлю́бим. Откры́й о́чи на́ши, да у́зрим нетле́нную красоту́ Госпо́дню и да не отчужде́ни бу́дем жи́зни Бо́жией. Ти́хость Ду́ха Бо́жия да соблюде́т се́рдце на́ше. Весна́ покая́ния да укра́сит дела́ на́ша.

Кня́же ми́лостивый и ще́дрый, сохрани́ страну́ на́шу, град твой и зде моля́щихся тебе́ от вся́кия напа́сти, от враг ви́димых и неви́димых, от губи́тельства и гла́да, от междоусо́бныя ра́спри и внеза́пныя сме́рти. Отве́рзи нам две́ри милосе́рдия Бо́жия и изба́ви нас от вся́каго зла. Под кре́пкий покро́в благосты́ни твоея́ прибега́юще, мо́лим: бу́ди нам ти́хое приста́нище в ско́рбех. Остени́ нас моли́твами твои́ми. Соблюди́ нас от паде́ний грехо́вных и заблужде́ний, да се́рдцем сокруше́нным, ду́хом смире́нным в печа́ли и ра́дости вы́ну зове́м: Го́споди, предста́тельством преподо́бнаго Твоего́ поми́луй нас. Ами́нь.

Святой благоверный князь Московский Даниил

Святой благоверный князь Московский Даниил был младшим сыном святого благоверного великого князя Владимирского Александра Ярославича Невского († 1263; память 23 ноября и 30 августа) и первенцем его второй супруги праведной княгини Вассы.

Родился святой Даниил в 1261 году во Владимире-на-Клязьме, получив при крещении имя в честь преподобного Даниила Столпника, память которого совершается 11 декабря. Впоследствии этот факт получил своеобразную символическую интерпретацию. Дело в том, что 11 декабря – самый короткий (7 часов 1 минута) для Москвы световой день, после которого ночь становится короче, а день прибывает. Это обстоятельство воспринималось как предзнаменование того, что со дней благоверного князя Даниила Москва и Русь начнут возвышаться.

О годах, проведенных Даниилом в отеческом доме, летописи сообщают немного. Известно только, что воспитан он был в благочестии и страхе Божием. В двухлетнем возрасте святой Даниил лишился отца, и уже десятилетним отроком вступил в княжение: по жребию между сыновьями святого Александра Невского ему досталось Московское княжество, в то время маленькое и незначительное.

Святой князь Даниил возобновил разрушенную ханом Батыем (в 1238 г.) деревянную крепостную стену, которой был обнесен Боровицкий холм, тем самым продолжив формирование московского Кремля. Здесь же, на месте, где некогда жил отшельник Вукол, святой князь Даниил воздвиг деревянный храм в честь Преображения Господня – Спас на Бору (в 1330 г. заменен каменным).

За Москвой-рекой, на ее пологом берегу, в 5-ти верстах от Кремля, святой князь Даниил основал (не позднее 1282 г.) первый в Москве мужской монастырь и в нем– деревянную церковь во имя своего Небесного покровителя преподобного Даниила Столпника (память 11 декабря). Летописи сообщают, что Данилов монастырь содержался при жизни благоверного князя на его собственные средства. Для помощи в ведении монастырского хозяйства князь разместил вокруг несколько крестьянских домов, которые послужили началом Даниловской слободе, старейшему из московских районов.

В 1300 году по повелению благоверного князя Даниила на крутом берегу Москвы-реки (на Крутицах), также в 5-ти верстах от Кремля, был основан храм во имя святых первоверховных апостолов Петра и Павла, который освятил епископ из Греции Варлаам, странствовавший тогда по России со святыми мощами. Он поселился в архиерейском доме, устроенном князем рядом с храмом, и потому стал называться епископом Крутицким (не по епархии, которой не имел, а по названию местности).

Все эти замечательные начинания свидетельствуют об особой роли благоверного князя Даниила в возвышении Москвы. С 1147 по 1272 год шесть князей русских, сменяя друг друга, владели Московским княжеством, но лишь с начала правления святого Даниила начинается возвышение стольного града Москвы.

Среди дошедших до нас свидетельств об основополагающей роли князя Даниила как инициатора расширения и укрепления столичного града особо выделяются слова автора его Жития митрополита Платона (1737–1812): «сей-то первоначальный основатель [святой благоверный князь Даниил] положил начало нынешнему величию [Москвы], проложив для этого тихими стопами только малую стезю. Ибо, как и всякое здание, сооружаемое не с чрезвычайной поспешностью, а только с большим искусством и старанием, получает особую твердость и нерушимо пребывает долгое время и как дерево, много веков растущее, начав прежде с малого прутика, понемногу утолщается, и ветви его распространяются далеко окрест, так и граду этому надлежало возрасти от малых, но твердых начал, чтобы первый его блеск не омрачил очи завиствующих и чтобы в первое время не потрястись и не пасть ему скорее, чем оно возросло в свою высоту. Так предуготовил сей великий град основатель, дав ему, хотя малое, но не прерывающееся никаким дуновением ветра сияние, и предоставил большую славу его возвышения своему сыну великому князю Иоанну Данииловичу, прозванному Калитой, который, будучи истинным подражателем добродетелей своего знаменитого, но кроткого и любезного родителя, возвел уже сей град на высшую ступень славы и могущества».

В период княжения святого Даниила Московского попущением Божиим Россия вынуждена была признавать над собой власть Золотой Орды. Многие русские князья, пребывавшие в междоусобной вражде, прибегали к помощи ордынских ханов. Благоверный же князь Даниил в течение всего своего 30-летнего правления воздерживался от участия в междоусобных распрях. Своим благочестием, стремлением к миру, кротостью и милосердием, заботой о пользе своих подданных он снискал уважение не только у соседей, в том числе у старших братьев, но и у ордынских ханов.

Если и приходилось князю Даниилу браться за оружие, то лишь для усмирения вражды и установления мира. Когда рязанский князь Константин Романович призвал в помощь одного из татарских ханов и готовился напасть на московские земли, князь Даниил выступил в поход на Рязань.

Разбив татарский отряд (это была первая победа над татарами), он воздержался от захвата рязанского княжества, хотя это и было обычным явлением в те времена. Привезенного в Москву князя рязанского Константина Романовича святой Даниил содержал с подобающей честью до тех пор, пока раскаяние пленника не привело к заключению мира.

Во время страшного татарского набега на Москву благоверный князь Даниил, памятуя о том, к чему обязывало его звание, не покинул своего города, хотя и имел возможность укрыться у своего любимого племянника – переяславского князя Иоанна.

Сердца своих воинственно настроенных братьев святой Даниил Московский смирял не силой оружия, а справедливостью, добросердечием, призывами к миру и оставлению вражды, делами своими воплощая Евангельские слова: «Любите враги ваша, добро творите ненавидящим вас» (Лк. 6:27).

Эти высокие его качества побудили общий совет князей великорусских в 1296 году передать власть и достоинство великого князя всея Руси и знаки этого достоинства (крест с частицей Животворящего Древа, шапку, скипетр, державу, золотую цепь, порфиру и виссон) святому князю Даниилу Московскому.

В 1302 году бездетный князь Переяславля-Залесского Иоанн завещал свое княжество во владение московскому князю Даниилу, которого очень любил за доброту. Брат благоверного князя Даниила, властолюбивый князь Андрей Александрович, претендуя как старший в роде на Переяславль, послал туда своих наместников. Встреченные возмущением переяславцев, они вынуждены были удалиться.

Присоединение переяславской земли, Коломны и Можайска способствовало дальнейшему укреплению Московского княжества.

4 марта 1303 года, около 42 лет от роду, святой князь Даниил преставился ко Господу. Перед смертью он принял схиму. Согласно завещанию, святой Даниил был погребен сыновьями в Даниловом монастыре, на кладбище близ храма, среди могил почивших иноков этой обители. Благоверный князь Даниил оставил пятерых сыновей: Георгия (впоследствии князя Переяславского), Бориса (князя Костромского), Александра (князя Вологодского), Афанасия (князя Новгородского) и Иоанна (великого князя Московского, прозванного Калитой).

В 1330 году, через 27 лет после кончины князя Даниила, его младший сын – князь Иоанн Калита (1325–1340), унаследовавший Москву, перевел Даниловскую обитель в Кремль. По имени кремлевского храма, Спаса на Бору, монастырь стал именоваться Спасским. (В 1490 году, при великом князе Иоанне Васильевиче, эта же обитель, которой стало тесно в Кремле, переехала на новое место, расположившись в Крутицах, а монастырь получил наименование Ново-Спасского.)

Между тем древние постройки самого Данилова монастыря постепенно ветшали. Но святой Даниил незримо охранял свою обитель.

«Степенная книга» повествует о трех напоминаниях благоверного князя о себе. Во время правления Иоанна III святой Даниил явился одному придворному юноше, проезжавшему мимо монастыря, и сказал ему: «Рцы великому князю Иоанну – се убо сам всячески себя утешаеши, меня же почто забвению предал еси?» Иоанн Васильевич с того времени установил петь соборные панихиды о своих почивших родственниках.

При Василии Иоанновиче (сыне Иоанна III) проходил мимо монастырского кладбища боярин Василий Шуйский. Некий человек, видя, что Шуйский намеревался сесть на своего коня с могильного камня, предупредил, что под этим камнем лежит великий князь Даниил. Шуйский же, видя худость и запустение этого места, ответил: «Мало ли есть тех князей». Внезапно конь под ним вздыбился и Шуйский упал на землю, чуть живой. Раскаявшись в своей дерзости, он повелел отслужить панихиду о благоверном князе Данииле.

При Иоанне Грозном умирающий сын одного купца получил исцеление у могилы святого князя Даниила. Царь, удивленный чудесами, возобновил древний Данилов монастырь, собрал иноков и построил в 1550–1560 годах каменную церковь во имя святых отец Седми Вселенских Соборов взамен ветхой деревянной.

30 августа 1652 года царь Алексей Михайлович, по откровению явившегося ему святого князя Даниила, прибыл вместе с Патриархом Никоном и священным Собором в Данилов монастырь. Обретенные мощи благоверного князя оказались нетленными. Впоследствии они были положены в серебряную раку, от которой происходило немало исцелений.

Тогда же благоверный Даниил был причислен к лику святых, чтимых Русской Церковью.

В 1729 году обветшавший верхний храм двухэтажной каменной монастырской церкви был разобран и заменен новым, где с 1806 года были устроены приделы во имя святого благоверного князя Даниила Московского и святых страстотерпцев Бориса и Глеба. К нижнему же – Покровскому – с приделом во имя преподобного Даниила Столпника в 1890 году была сделана пристройка во имя святых праведных Захарии и Елисаветы. В 1833–1838 годах построен храм во имя Живоначальной Троицы с приделами во имя преподобного Алексия, человека Божия, и в честь воспоминания зачатия праведной Анны. Надвратный храм во имя преподобного Симеона Столпника сооружен в 1732 году, обновлен в 1903 году. На прилегающем к монастырю участке в 1834 году построен храм Воскресения словущего.

Святому благоверному князю Даниилу составлены три службы: 1) в конце XVII века (1682–1690) Симеоном Олферьевым и иноком Сергием. По содержанию Служба повествует в основном об обретении мощей 30 августа 1652 года и их прославлении (научная публикация Службы – Архимандрит Амфилохий. Летописные и другие сказания о святом благоверном великом князе Данииле Александровиче, сыне святого благоверного великого князя Александра Невского, и построенном им за Москвою-рекою Даниловом монастыре. М., 1873); 2) приказным справщиком печатного книжного двора патриаршим дьяком иеромонахом Карионом (Истоминым) в 1711 году по прошению игумена Данилова монастыря Макария и старца Кариона Борина, государева дьяка (ГИМ, Увар., №870/ 36, лл. 42об.–60) (в данном издании эта служба помещена как «иная»); 3) митрополитом Платоном (Левшиным), впервые напечатанная в Москве в 1791 году (последняя публикация вместе с акафистом– «ЖМП», 1977, №10, с. 33–48. Эта наиболее известная служба помещена в данном издании первой).

В мае 1983 года в ответ на просьбу Русской Православной Церкви Правительство СССР приняло решение о передаче Московскому Патриархату архитектурного памятника-ансамбля «Даниловский монастырь» в Москве для создания в нем и на прилегающем участке охранной зоны Административного и духовного центра Московского Патриархата. Одновременно было разрешено строительство новых служебных помещений на этой территории.

Литература: Архимандрит Дионисий. О святом благоверном Данииле, князе Московском и чудотворце. Краткие сведения. Издание Данилова монастыря. М., 1898. Вольгин А. Святой благоверный Даниил, великий князь Московский – «Журнал Московской Патриархии», 1977, №10, с. 71–73.

Преподо́бнаго Гера́сима, Волого́дскаго чудотво́рца

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры, глас 4:

Ве́сь от ю́ности возложи́лся еси́ Влады́це Христу́,/ житие́ поживе́ нескве́рно;/ терпе́ние, и кро́тость, и любо́вь нелицеме́рну,/ воздержа́ние безме́рное, всено́щное стоя́ние,/ умиле́ние Боже́ственное, ве́ру, наде́жду и́стинную/ в страда́нии, преподо́бне о́тче Гера́симе, стяжа́в,/ я́ко А́нгел, пожи́л еси́ с пло́тию,/ моли́твенниче о душа́х на́ших.

Вои́стинну земны́й А́нгел и Небе́сный челове́к/ был еси́, преподо́бне,/ исто́чник умиле́ния, сострада́ния струя́,/ ма́слина вои́стинну Бо́жия плодови́та,/ еле́ем трудо́в твои́х умаща́я ли́ца, Гера́симе чу́дне,/ ве́рно восхваля́ющих тя.

Ум твой просвеща́я Боже́ственными ра́зумы,/ теле́сных страсте́й превы́ше быв,/ неприме́шен земны́м нося́ начерта́ние,/ и изобража́я в себе́ Боже́ственную добро́ту,/ и познава́емь ве́сь, Богови́днейший,/ соде́йством Ду́ха, Гера́симе преблаже́нне, о́тче наш,/ мона́шествующих украше́ние.

Сла́ва, глас 6:

Врачева́ния цельбоно́сный гроб твой/ Ду́ха Свята́го благода́тию источа́я,/ изсуша́ет страсте́й ту́чи,/ лука́вых духо́в отгоня́ет пре́лести/ и просвеща́ет всех сердца́,/ приходя́щих к тебе́ с ве́рою, Гера́симе преподо́бне,/ ве́рно блажа́щих тя/ и почита́ющих всепра́зднственную па́мять твою́.

И ны́не, Богоро́дичен: Кто Тебе́ не ублажи́т:

На лити́и стихи́ры, глас 8:

О́тче Гера́симе преподо́бне,/ окрыли́в ум к Бо́гу ве́рою,/ мирска́го смеше́ния возгнуша́лся еси́ неуста́внаго ¹⁷,/ и, крест твой взем, Всеви́дцу после́довал еси́,/ Его́же изволе́нием ме́ста гра́да на́шего дости́гл еси́,/ в не́мже те́ло непокори́вое/ по́двига воздержа́ния ра́зуму поработи́л еси́/ си́лою Боже́ственнаго Ду́ха.

Я́коже со́лнце многосве́тло,/ доброде́телей све́том и чуде́с сия́ньми/ возсия́в в стране́ свое́й,/ просвети́л еси́ и град наш,/ те́мныя стра́сти отгна́л еси́/ и, свет быв, к сия́нию незаходи́мому,/ ра́дуяся, о́тче, премину́л ¹⁸ еси́,/ Гера́симе преподо́бне.

Все житие́ препроводи́л еси́ в безмо́лвии мно́зе,/ и в пла́че, и слеза́х, мона́х быв и́стинен,/ ве́рою, нестяжа́нием укра́шен и воздержа́нием удобря́емь,/ стра́нен и пришле́ц на земли́ явля́яся,/ те́мже обре́л еси́ до́брых наслажде́ние.

Сла́ва, глас 2:

Преподо́бне о́тче, Гера́симе досточу́дне,/ уязви́вся Боже́ственным жела́нием/ нас ра́ди на земли́ во́лею я́вльшагося/ и от Де́вы в пло́ть обле́кшагося Христа́ Бо́га,/ в чу́жду страну́, на ме́сто гра́да на́шего, дости́гл еси́/ и о бытии́ гра́да проро́чески проре́кл еси́,/ всех сла́дких ми́ра, му́дре, до конца́ себе́ отчужди́в,/ стра́нен пожи́л еси́, доброде́тели стяжа́в,/ стоя́ние всено́щное, поуче́ние сме́ртное,/ и обузда́л еси́ стра́сти воздержа́нием твои́м,/ ревни́тель я́влься пре́жде тебе́ пости́вшимся,/ с ни́ми же и просла́вился еси́.

И ны́не, Богоро́дичен: О, чудесе́ но́ваго всех дре́вних чуде́с:

На стихо́вне стихи́ры, глас 6:

Мона́х и́стиннейший,/ звезда́ светле́йшая/ и исто́чник быв умиле́ния,/ любве́ яви́лся еси́ испо́лнен,/ и кро́ток, и тих,/ сострада́телен и смире́н, незло́бив,/ непоро́чен, о́тче преблаже́нне Гера́симе./ Сего́ ра́ди Христо́с тя преподо́бных ли́ку сопричте́/ и чудесы́ безчи́сленными просла́ви.

Стих: Честна́ пред Го́сподем/ сме́рть преподо́бных Его́.

Бде́ние всено́щное и воздержа́ние неизрече́нно,/ моли́тву чи́сту, житие́ Боже́ственно,/ ве́ру и наде́жду и́скренню,/ правосла́вну му́дрость, чу́дно пребыва́ние/ и велича́йшее сострада́ние, о́тче, име́л еси́/ и пре́жде сконча́ния живота́ облиста́л еси́ во зна́мениих пресла́вных./ Те́мже тя почита́ем, преподо́бне Гера́симе.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Я́ко звезду́ многосве́тлу,/ и я́ко со́лнце незаходи́мо,/ и я́ко не́бо одушевле́нное,/ Боже́ственными чудесы́, я́ко звезда́ми, укра́шено,/ и я́ко цветни́к благово́нный и рай сла́дости,/ я́ко исто́чник свяще́ния,/ я́ко превели́ка врача́ немощству́ющих,/ я́ко чудоде́теля и до́браго на́шего предста́теля,/ восхваля́ем тя, Богоблаже́нне Гера́симе.

Сла́ва, глас 8:

Па́мять твоя́, преподо́бне о́тче Гера́симе,/ я́ко со́лнце, возсия́,/ благочести́вых сердца́ све́тлостию прехва́льных трудо́в твои́х/ и многоболе́зненных по́двигов/ и чуде́с безчи́сленными сия́ньми/ я́ко вои́стинну просвеща́юще, о́тче,/ в ню́же вся ны, притека́ющия к тебе́, помяни́,/ и ве́рно па́мять твою́ чту́щия.

И ны́не, Богоро́дичен: Безневе́стная Де́во:

Тропа́рь, глас 4:

Я́ко Безпло́тным единонра́вен/ и преподо́бным соо́бщник, преподо́бне Гера́симе,/ еди́н на Во́логду прише́л еси́,/ прорица́я ту бы́ти гра́ду вели́кому/ и в нем святе́й це́ркви воздви́гнутися/ и святи́телем водвори́тися./ Те́мже и сподо́бился еси́/ близ того́ погребе́н бы́ти/ и по преставле́нии свое́м мно́гими чудесы́ исцеле́ний просия́л еси́./ Моли́ся всегда́ о нас,/ я́ко да обря́щем от Бо́га ми́лость.

НА У́ТРЕНИ

По 1-м стихосло́вии седа́лен, глас 4:

Бо́гу посвяти́л еси́ твою́, всеблаже́нне, жи́знь,/ быв изря́днейший подви́жник и́стинно Христо́в, свяще́ннейший./ Те́мже по мно́гих по́тех и боле́знех, ра́дуяся, к невеще́ственным преста́вился еси́ сия́нием./ И ны́не нам, прибега́ющим к тебе́, источа́еши струи́ врачева́ний.

Сла́ва, и ны́не, Богоро́дичен:

Безневе́стная Чи́стая Богоро́дице Де́во,/ Еди́ная ве́рных Предста́тельнице и Покро́ве,/ бед, и скорбе́й, и лю́тых обстоя́ний вся изба́ви,/ на Тя упова́ние, Отрокови́це, иму́щия,/ и ду́ши на́ша спаси́, Боже́ственными моли́твами Твои́ми.

По 2-м стихосло́вии седа́лен, глас 1:

Я́ко со́лнце, све́тло возсия́вши, о́тче, па́мять твоя́/ ве́рных сердца́ просвеща́ет,/ стра́сти отгоня́ющи и тьмы́ изыма́ющи,/ ю́же ве́рою чи́стою соверша́ющия/ покры́й и сохрани́ от искуше́ний жите́йских многоразли́чных,/ Гера́симе, о́тче Богоблаже́нне.

Сла́ва, и ны́не, Богоро́дичен:

Да бог челове́к бу́дет,/ Бог бы́сть Челове́к, из Тебе́, еди́ныя Чи́стыя, нача́ло прие́м Безнача́льный./ Сего́ ра́ди Тя, Де́во, ве́рнии, ублажа́ем.

По полиеле́и седа́лен, глас 6:

Врачева́ния цельбоно́сный гроб твой Ду́ха Свята́го благода́тию источа́я,/ изсуша́ет страсте́й ту́чи,/ лука́вых духо́в отгоня́ет пре́лести/ и просвеща́ет всех сердца́, приходя́щих к тебе́ с ве́рою, Гера́симе преподо́бне,/ ве́рно блажа́щих тя и почита́ющих всепра́зднственную па́мять твою́.

Сла́ва, и ны́не, Богоро́дичен:

Скве́рны мя страсте́й и ка́ла грехо́внаго, Богора́дованная, омы́й/ и две́рь мне отве́рзи покая́ния, попо́лзшемуся/ и Бо́га прогневля́ющему.

По 50-м псалме́ стихи́ра, глас 6:

Привре́менную оста́вив жития́ сла́ву, о́тче Гера́симе,/ и претека́ющее наслажде́ние,/ сла́ву же неотъе́млему и пи́щу немимотеку́щую/ на Небесе́х восприя́л еси́, всему́дре,/ со все́ми, боя́щимися Го́спода.

Кано́н, глас 1.

Песнь 1

Ирмо́с: Пе́снь побе́дную пои́м вси Бо́гу,/ сотво́ршему ди́вная чудеса́ мы́шцею высо́кою/ и спа́сшему Изра́иля,/ я́ко просла́вися.

Боже́ственную па́мять твою́, Богому́дре о́тче, ве́рно пра́зднующе,/ всех Го́спода при́сно сла́вим,/ тя просла́вльшаго мно́гими чудесы́, Богому́дре о́тче Гера́симе.

Ум твой манове́нием Боже́ственным, всему́дре, обожа́емь,/ всеконе́чно отврати́ся страсте́й пло́ти/ и А́нгела тя на земли́ показа́, всеблаже́нне Гера́симе.

Подъя́л еси́ по́стничества боле́зни, о́тче,/ и стра́сти умертви́л еси́ пло́ти неудободержа́нныя,/ и в безстра́стие, я́ко во оде́жду све́тлу, я́ве оде́ялся еси́.

Богоро́дичен: Зачала́ еси́, Пречи́стая, неизрече́нным сло́вом, вся Содержа́щаго земны́я концы́,/ и Сего́ родила́ еси́./ Его́же моли́ приле́жно поми́ловати нас.

Песнь 3

Ирмо́с: Да утверди́тся се́рдце мое́ в во́ли Твое́й, Христе́ Бо́же,/ И́же над вода́ми Не́бо утвержде́й второ́е/ и основа́вый на вода́х зе́млю, Всеси́льне.

Де́лы честны́ми и исправле́нии доброде́тельными, о́тче, просия́л еси́,/ я́ко звезда́ всесве́тлая, мона́шествующих собо́ру/ и просвети́л еси́ чуде́сными сия́нии подсо́лнечную.

Си́лою благода́ти Ду́ха враги́ безпло́тныя низложи́л еси́,/ и возне́слся еси́ благосла́вно смире́нною му́дростию,/ и чуде́с соде́тель, о́тче Гера́симе, был еси́.

Ра́мень ¹⁹ уд твои́х воздержа́нием Христу́, о́тче, пожи́л еси́,/ Кресто́м сме́рть попра́вшему/ и исцеле́ний оби́льно благода́тию тя обогати́вшему.

Богоро́дичен: Исцели́ я́звы души́ моея́, Влады́чице,/ и ума́ испра́ви движе́ния к Боже́ственней во́ле/ из Тебе́ воплоти́вшегося Сло́ва, молю́ся.

Песнь 4

Ирмо́с: Ду́хом прови́дя, проро́че Авваку́ме, Словесе́ воплоще́ние,/ пропове́дал еси́, вопия́:/ внегда́ прибли́житися ле́том– позна́ешися,/ внегда́ приити́ вре́мени – пока́жешися./ Сла́ва си́ле Твое́й, Го́споди.

Ка́плями твои́х слез напои́вся,/ дре́во яви́лся еси́, Гера́симе, плодови́то, му́дре,/ плоды́ принося́ доброде́телей благово́нныя,/ и чудеса́ безчи́сленная источа́еши./ Те́мже благоче́стно тя почита́ем.

Я́ко Боже́ственный зри́тся рай, му́дре, храм, име́яй твои́х моще́й ра́ку,/ цветы́ разли́чны принося́ чуде́с,/ и́миже сердца́ наслажда́ются ве́рою, Гера́симе, при́сно хва́лящих тя.

Слепы́я просвеща́еши и уставля́еши лю́тыя челове́ков неду́ги в сла́ву Христо́ву,/ от Него́же благода́тию чуде́с обогати́вся, возвеличи́лся еси́,/ просвети́лся еси́ и просла́вился еси́,/ сла́вою мона́шествующих, Гера́симе, о́тче наш.

Богоро́дичен: Свята́я Богоро́дице, освяти́ ны, Я́же Пресвята́го ро́ждши пло́тию,/ уподо́битися восхоте́вша челове́ком,/ и Небе́снаго жи́тельства вся покажи́, Пречи́стая, прича́стники моли́твами Твои́ми.

Песнь 5

Ирмо́с: Твой мир да́ждь нам,/ Сы́не Бо́жий:/ ино́го бо, ра́зве Тебе́, бо́га не зна́ем,/ И́мя Твое́ имену́ем,/ я́ко Бог живы́х и ме́ртвых еси́.

Миродохнове́н быв Боже́ственными доброде́тельми,/ источа́еши, всему́дре, и по успе́нии ми́ро чуде́с благово́нное,/ почита́емь ве́рными челове́ки, любо́вию честву́ющими тя.

Велича́йшими показа́нии чуде́с, Гера́симе всему́дре, просия́л еси́,/ и пре́жде кончи́ны, досточу́дне, и по изше́ствии,/ и по свяще́нном твое́м погребе́нии.

Свя́то соверши́в твое́ житие́ о Христе́, Гера́симе Богому́дре, о́тче наш,/ со святы́ми всели́лся еси́/ и ны́не освяща́еши ве́рою честву́ющия тя.

Богоро́дичен: Кре́пость ве́рных и преподо́бных была́ еси́ держа́ва:/ Тобо́ю бо, Чи́стая, всем истеко́ша лу́чшая,/ и на земли́ живу́щим и к Небеси́ восходя́щим.

Песнь 6

Ирмо́с: Проро́ка Ио́ну подража́я, вопию́:/ живо́т мой, Бла́же, свободи́ из тли/ и спаси́ мя, Спа́се ми́ра, зову́ща: сла́ва Тебе́.

Исправля́еши, о́тче, хромы́я,/ просвеща́еши слепы́я, ходи́ти же твори́ши разсла́бленныя/ и отгоня́еши лука́выя ду́хи, Гера́симе преподо́бне.

Струя́ истека́ет при́сно, я́ко от исто́чника чи́ста,/ от честны́х моще́й твои́х исцеле́ний бога́тно, блаже́нне,/ страсте́й изсуша́ющи всяк пото́к.

Чу́ден чудоде́латель и пода́тель исцеле́ний и́стинен, о́тче Гера́симе, я́влься,/ сохраня́й при́сно к тебе́ притека́ющия,/ избавля́й от бед моли́твами твои́ми, свя́те.

Богоро́дичен: На Тя, я́ко до́ждь на руно́, соше́д, Богоро́дице, Спас,/ изсуши́ я́ве то́ки безбо́жия,/ ду́ши же напои́в при́сно чту́щих Тя.

Конда́к, глас 8:

От ю́ности, прему́дре, мирски́й мяте́ж оста́вил еси́,/ и многоце́нныя ри́зы тле́нныя возненави́дел еси́,/ и святу́ю оде́жду а́нгельскую любе́зно восприя́л еси́,/ и ту соблю́л еси́ в чи́стой со́вести/ и во благи́х де́лех, и до преставле́ния своего́/ бы́сть Боже́ственнаго ра́ди жития́ Тро́ицы селе́ние/ и просвети́л еси́ ве́рою приходя́щия к тебе́;/ те́мже вси зове́м ти:/ ра́дуйся, о́тче Гера́симе всечестны́й.

И́кос:

Чу́дно и пресла́вно житие́ твое́, Богому́дре о́тче Гера́симе, соверши́л еси́:/ изволе́нием бо Бо́жиим оте́чество и род оста́вил еси́,/ и из полу́денных стран, богоспаса́емаго гра́да Ки́ева,/ в полу́нощную страну́, на ме́сто гра́да на́шего Во́логды, дости́гл еси́,/ и в нем, пречестну́ю оби́тель соста́вив, водвори́лся еси́./ Проре́кл же, я́ко и́стинный проро́к: гра́ду зде вели́кому бы́ти./ В той же оби́тели богоуго́дно в безчи́сленных злострада́ниих пожи́в, преста́вился еси́,/ жив же сый, и по преставле́нии многоразли́чная чудеса́ в по́льзу ве́рных источа́еши./ Те́мже, предстоя́ще честно́му гро́бу твоему́, ра́достно вопие́м ти:/ ра́дуйся, о́тче Гера́симе пречестны́й.

Песнь 7

Ирмо́с: Су́щим в пещи́ отроко́м Твои́м, Спа́се,/ не прикосну́ся, ниже́ стужи́ о́гнь./ Тогда́ трие́, я́ко еди́неми усты́, поя́ху/ и благословля́ху, глаго́люще:/ благослове́н Бог оте́ц на́ших.

Священноде́йствовал еси́ уче́нием по́стническаго воздержа́ния,/ ве́сь Христо́во показа́ся, о́тче, благово́ние,/ и ве́рных ли́ца благово́нствуеши при́сно,/ чудоде́йствуяй па́че ума́.

Терпе́ние стяжа́в мно́гое, воздержа́ние, ве́ру и любо́вь и́стинну,/ яви́лся еси́ оте́ц сиро́т, вдови́ц предста́тель, сострада́телен и смире́н, Гера́симе,/ мона́хов сла́во и похвало́.

Твоему́ удиви́ся полк злоу́мных всено́щному стоя́нию и моли́твенному бде́нию,/ слеза́м и воздыха́нию, к Зижди́телю и́стинный любве́,/ и́миже низложи́л еси́ тех, Гера́симе, кова́рствия.

Богоро́дичен: Ка́ко пита́еши млеко́м Сы́на безо́тча,/ пита́ющаго вся́кое дыха́ние, Ма́ти Чи́стая?/ Ка́ко на рука́х но́сиши Содержа́щаго вся?/ Па́че ума́ чудесе́!/ Те́мже пое́м при́сно вели́чия Твоя́.

Песнь 8

Ирмо́с: Его́же ужаса́ются А́нгели и вся во́инства,/ я́ко Творца́ и Го́спода,/ по́йте, свяще́нницы, просла́вите, о́троцы,/ благослови́те, лю́дие,/ и превозноси́те во вся ве́ки.

Подо́бно преподо́бная, всеблаже́нне, соверша́я,/ преподо́бным сочета́лся еси́ и всем избра́нным;/ с ни́ми же тя почита́ем и моще́м твои́м покланя́емся, Гера́симе, о́тче Богоно́сне.

Ума́ чистоту́ стяжа́в, му́дре,/ Ду́ха Свята́го зерца́ло был еси́ красно́,/ сего́ явле́ния прие́мля и лю́ди просвеща́я твои́ми уче́нии.

Ви́дится пресла́вное, всеблаже́нне, тобо́ю соверша́емое./ От цельбоно́сных моще́й твои́х тре́бующии врачева́ния/ с благодаре́нием зе́льным здра́вии возвраща́ются.

Богоро́дичен: Воплоти́ся Безпло́тный из Тебе́ боголе́пно;/ Его́же моли́, Пречи́стая, стра́сти моя́ умертви́ти/ и оживи́ти мою́ умерщвле́нную ду́шу греха́ми.

Песнь 9

Ирмо́с: Светоно́сный о́блак, в о́ньже всех Влады́ка,/ я́ко до́ждь с небесе́ на руно́, сни́де/ и воплоти́ся нас ра́ди,/ быв Челове́к, Безнача́льный,/ велича́ем вси я́ко Ма́терь Бо́га на́шего Чи́стую.

Стопа́м после́дуя, Богоно́сне, благоче́стно и преподо́бно пожи́вшим на земли́,/ кро́ток, незло́бив яви́лся еси́,/ сострада́телен, и смире́н, и тих, о́тче Гера́симе,/ и любве́ испо́лнен Боже́ственный,/ сего́ ра́ди тя восхваля́ем.

Я́ко благово́нное ми́ро, я́ко пречи́стый крин,/ я́ко шипо́к, о́тче, благоцвету́щ,/ благово́ние испуска́еши от честны́х моще́й твои́х,/ безчи́сленными врачева́нии злосмра́дныя неду́ги отгоня́я/ ве́рою приступа́ющих тебе́ те́пле.

Тя, па́стыря Боже́ственнаго и подража́теля Вели́каго Началопа́стыря Христа́,/ мо́лим, Богому́дре Гера́симе:/ тре́бующих твоего́ заступле́ния спаси́ от неду́г и лука́вых волко́в/ святы́ми хода́тайствы при́сно.

Богоро́дичен: Грехолюби́в сый, в нераде́нии живы́й,/ и суди́ща, Чи́стая, неумы́тнаго трепе́щу,/ на не́мже мя соблюди́ Твои́ми святы́ми мольба́ми, Богоневе́сто, неосужде́нно,/ да, я́ко Предста́тельницу, при́сно ублажа́ю Тя.

Свети́лен:

Всесвята́я твоя́ па́мять, я́коже со́лнце ве́лие, возсия́вши све́тло, озаря́ет тва́рь,/ и́же соверша́юще, благоче́стно вопие́м ти, Богому́дре Гера́симе:/ моли́твами твои́ми, всех мы́сли озари́в,/ от вся́ких обстоя́ний покры́й и сохрани́ нас.

Сла́ва, и ны́не, Богоро́дичен:

Глас Тебе́ прино́сим Гаврии́лов, ра́дующеся:/ ра́дуйся, преподо́бных сла́во и всех ве́рных спасе́ние,/ Ея́же ра́ди обожи́хомся, Богоро́дице Присноде́во.

На хвали́тех стихи́ры, глас 8:

Все твое́, се́туя, проше́л еси́ житие́,/ тем блаже́нства сподо́бился еси́ и утеше́ния,/ ему́же причаща́ются святи́и./ В земли́ кро́тких, ра́дуяся,/ ны́не, преподо́бне Гера́симе, всели́лся еси́.

Честна́ твоя́ пред Бо́гом яви́ся сме́рть,/ преблаже́нне, о́тче Гера́симе свяще́ннейший:/ Тому́ бо чрез всю жи́знь потщи́лся еси́ угожда́ти/ труды́ и по́стничеством,/ бде́нием же и воздержа́нием,/ всено́щным стоя́нием и безчи́сленными доброде́тельми./ Те́мже и Госпо́дь да́ром чуде́с обогати́ тя.

Сла́ва, глас 6:

Я́ко шипо́к, процве́л еси́ в цве́тнице поще́ния,/ я́ко благово́нный крин,/ я́ко я́блоко благово́нно,/ и благоуха́л еси́ всех благочести́вых ду́ши и сердца́/ от многоцеле́бнаго твоего́ гро́ба/ истека́ющими многоразли́чными исцеле́нии и чудесы́,/ преподо́бне Гера́симе, сла́вне моли́твенниче/ о бла́гах хва́лящих тя.

И ны́не, Богоро́дичен:

Богоро́дице, Ты еси́ лоза́ и́стинная,/ возрасти́вшая нам Плод живота́,/ Тебе́ мо́лимся:/ моли́ся, Влады́чице, со апо́столы и все́ми святы́ми/ поми́ловатися душа́м на́шим.

Славосло́вие вели́кое и отпу́ст.

НА ЛИТУРГИ́И СЛУ́ЖБА О́БЩА ПРЕПОДО́БНЫМ

Преподобный Герасим Вологодский

В первой половине XII века близ Киева процветала Гнилецкая Успенская обитель, возникшая на месте пещер, где преподобный Феодосий, игумен Киево-Печерский († 1074; память 3 мая), ежегодно проводил в уединении и молитве дни Великого поста. После блаженной кончины преподобного многие иноки Киево-Печерского монастыря стали переселяться в это тихое место, постепенно расширяя и устраивая Гнилецкие пещеры по образу пещер родной обители.

Сюда и пришел однажды из Киева преподобный Герасим, прося братию принять его в обитель. Старцы обители наложили на него послушание, после чего постригли его в монашество с именем Герасим, в честь святого Герасима, иже на Иордане († 475; память 4 марта), празднование которого приходилось на день пострижения.

В те времена среди насельников Гнилецкой пустыни еще жили лично знавшие Печерских первоначальников. С их помощью началось восхождение преподобного Герасима по духовной лествице. В совершенном послушании, непрестанном труде и глубокой сердечной молитве проводя дни, преподобный Герасим стремился в своей жизни воплощать уроки святых.

Когда он достиг возраста, позволявшего принять священнический сан, то по смирению своему долго от этого отказывался, но все же из послушания братии был рукоположен во иеромонаха.

На новой ступени духовного делания преподобный Герасим ежедневно совершал Святую Евхаристию. По ночам он молился в той самой Феодосиевой пещере, которая была освящена молитвою столь чтимого им Киево-Печерского игумена.

Как и многие из последователей преподобных Антония и Феодосия, по достижении духовной зрелости отправлявшиеся в мир проповедовать слово Божие, так и преподобный Герасим направил свой путь из Гнилецкой пустыни на север. Что побудило его оставить родные места и милую сердцу обитель, когда вышел он из Киевских пределов и как добрался до Вологды – неизвестно. Возможно, преподобного Герасима стала тяготить все более распространявшаяся молва о его иноческих подвигах. Не исключено, что одной из причин, подготовивших его решение, было начавшееся в Киеве политическое неустройство, приведшее к убийству святого благоверного великого князя Игоря (ок. 1146–1147; память 19 сентября и 5 июня). Несомненно, однако, что приход преподобного Герасима в вологодские места совершился по Промыслу Божию. Северные окраины Руси, известные тогда под именем Заволочья, были заселены коренными жителями, называемыми «чудью белоглазой». Познакомившись с христианской верой не позднее XI века от новгородцев, местное население нуждалось в дальнейшем просвещении верой Христовой.

19 августа 1147 года, после утомительного и небезопасного странствования по лесам и болотам, преподобный Герасим достиг Вологды. Велика была радость путника, увидевшего в посаде церковь – храм в честь Воскресения Христова (перейдя Волгу, он еще не встретил ни одного храма). Сразу за посадом начинался густой лес. Здесь, под ветвями столетних деревьев, никому не ведомый инок устроил себе хижину. Дни и ночи проводил преподобный Герасим в псалмопении и молитве. Вскоре лесной отшельник стал известен местным жителям. Обретя в преподобном Герасиме мудрого проповедника слова Божьего, они стали посещать хижину для получения советов и наставлений.

Бывая за Божественной литургией в посадской церкви, преподобный Герасим все больше и больше сближался с жителями. Он решил построить для них храм во Имя Пресвятой Троицы и при нем основать иноческую обитель. В те времена на севере России почти еще не было монастырей, потому начинание преподобного Герасима жители Вологды восприняли поначалу с некоторым недоумением, как непонятное и ненужное, причем не только не помогали, но подчас даже оказывали противодействие.

Преподобный Герасим терпеливо переживал такое отношение вологжан к начатому им делу, всю надежду возложив на Бога. В одиночку неутомимо работал он в лесу, расчищая место для построения храма и обители на ручье Кайсарове, у берега реки Вологды. А когда кто-либо из жителей посада приходил к нему, преподобный смиренно объяснял, что трудится для их пользы, рассказывал о далеком Киеве, о Киево-Печерской обители, ее духовном значении.

Кроткие беседы и наставления инока, его мудрость и терпение все более и более привлекали к нему людей. Нашлись желающие не только помочь преподобному Герасиму в строительстве, но и учиться под его руководством иноческой жизни.

Через некоторое время было закончено возведение храма и устроение первой в Вологодской области обители, впоследствии ставшей известной как Троицкий Кайсаровский монастырь.

4 марта 1178 года, в день своего монашеского тезоименитства, преподобный Герасим скончался. О жизни и подвигах его за более чем тридцатилетний период, прошедший с того времени, как был основан монастырь, сохранилось немного сведений. Церковное предание и народная память свидетельствуют, что все эти годы преподобный Герасим просвещал светом Евангельского учения Вологодский край, одних обращая из язычества в Православие, других укрепляя в вере и поддерживая в соблюдении заповедей Христовых, в следовании на пути к Истине.

В службе святому говорится о его апостольской деятельности: «Просветил еси верою приходящих к тебе», а в Житии преподобного были записаны случаи благодатных исцелений, происходивших при его гробе.

Более 400 лет процветала Кайсаровская обитель во Имя Пресвятой Троицы, привлекая множество богомольцев, пока в сентябре 1612 года не были разрушены при опустошительном нападении неприятеля и город, и монастырь. Оказались утраченными не только исторические памятники и свидетельства, но даже само место погребения преподобного Герасима было трудно установить.

Святой чудесным образом позаботился о том, чтобы память о Троицком монастыре не была предана окончательному забвению.

Явившись во сне одной старой жительнице Вологды, страдавшей слепотою 12 лет, преподобный Герасим повелел ей отслужить панихиду в бывшем монастыре над его гробом, причем добавил, что место это будет узнано по тому, где будет найден ее платок. На другой день рано утром слепая попросила отвести ее в разрушенный Троицкий монастырь. Там, с северной его стороны, и был обнаружен платок старой женщины, которая после совершения панихиды по преподобному Герасиму тотчас прозрела.

Это чудо вновь сделало известным место погребения угодника Божьего. «И начата приходити мнози исцелений ради недуг своих и по малу времени возградиша над мощми святаго малу часовню и раку устроиша и икону пядницу во имя святаго написаша», сообщает вологжанин Фома, описатель посмертных чудес преподобного. Благодатное исцеление у его святых мощей получали не только те, кто с верою притекали к гробу святого. Часто преподобный сам являлся больным, ничего о нем не знавшим, повелевая идти к его раке. Явление преподобного обычно сопровождалось облегчением страданий, но если болящий успокаивался этим и не спешил исполнить указания, то болезнь возвращалась, пока удостоившийся явления не приходил к гробу преподобного Герасима. Таким образом преподобный как бы побуждал немощных обращаться к милосердию Божиему и принимать исцеление его молитвами.

В 1649 году стараниями жителей Вологды близ часовни была возобновлена церковь во Имя Пресвятой Троицы и тогдашний архиепископ Вологодский и Великопермский Маркелл (1645–1663) повелел вести запись чудес, происходивших от раки преподобного, собственноручно засвидетельствовав одно, при нем случившееся исцеление.

В 1717 году при епископе Вологодском и Белозерском Павле (Васильеве; 1716–1725) вместо деревянного храма была построена каменная церковь во Имя Пресвятой Троицы. Святые мощи преподобного Герасима Вологодского были перенесены в новоустроенный храм и ныне пребывают под спудом.

Перенесе́ние честны́х моще́й свята́го благове́рнаго кня́зя му́ченика Вячесла́ва Че́шскаго

(Слу́жбу зри 28 сентября́)

Тропа́рь, глас 4:

Дне́сь А́нгели с челове́ки ра́дуются вку́пе о́бщим весе́лием,/ Не́бо и земля́ све́тло лику́ют в па́мять твою́, свя́те./ И мы, гре́шнии, приле́жно ти вопие́м:/ помоли́ся к Влады́це о нас,/ изба́вити ны от напа́сти/ ви́димых и неви́димых враг,/ чту́щих пресве́тлую па́мять твою́.

Други́й тропа́рь, глас 1:

Благочести́ваго ко́рене отра́сль пречестна́я,/ святы́й благове́рный вели́кий кня́же Вячесла́ве,/ побо́рник быв Восто́чныя в Че́хах Це́ркве/ и прибе́жище те́плое убо́гим и си́рым,/ я́ко вторы́й А́вель, незло́биве претерпе́л еси́ сме́рть,/ во главу́ усече́н руко́ю бра́та пред враты́ церко́вными./ Те́мже и всели́ тя Христо́с/ я́ко испове́дника пра́выя ве́ры во оби́тели Небе́сныя,/ просла́ви всечестну́ю па́мять твою́ в слове́нских язы́цех/ и дарова́ тя ско́раго помо́щника всем, почита́ющим тя./ Моли́ся о лю́дех твои́х ко Го́споду,/ да обрати́т их в ло́но Правосла́вныя Це́ркве и спасе́т ду́ши на́ша.

Конда́к, глас 1.

Подо́бен: Лик А́нгельский:

С ли́ки А́нгельскими предстоя́,/ блаже́нне кня́же Вячесла́ве,/ наслажда́ешися Боже́ственныя и неизрече́нныя добро́ты/ и, отту́ду благоде́тельныя да́ры поче́рп чуде́с,/ всем, притека́ющим ве́рою под твою́ святы́ню,/ источа́еши цельба́м дарова́ние.

Святой мученик Вячеслав, благоверный князь Чешский

Святой мученик Вячеслав, благоверный князь Чешский был внуком чешского князя Боривоя и супруги его святой мученицы Людмилы († 927; память 16 сентября), которые первыми среди чешских князей приняли христианство (от святителя Мефодия, архиепископа Моравского, просветителя славян).

С малых лет наставленный своей бабкой в правилах христианского благочестия, святой Вячеслав вырос ревностным христианином. После смерти отца князя Братислава, он вступил на престол в возрасте 18-ти лет. Мать Вячеслава Драгомира пыталась возвратить Чехию к языческим суевериям и обычаям. Воспротивившаяся этому свекровь, святая Людмила, была умерщвлена наемными убийцами. Святой Вячеслав остался верен заветам бабки. Он мудро и справедливо правил Чехией, насаждая благодетельное для страны христианство, заботясь о духовном просвещении народа. Сам князь был образованным человеком, прекрасно владел греческим и латинским языками, что облегчало управление государством. Он отличался миролюбием и добрым нравом, заботился о неимущих, особенно почитал духовенство. В Праге святой Вячеслав воздвиг великолепный собор во имя святого мученика Вита († ок. 303; память 16 мая), который доныне является украшением города.

Завистливые вельможи решили погубить святого и вступили в заговор, подговаривая его младшего брата Болеслава захватить княжеский престол. Болеслав пригласил святого Вячеслава в свое владение на освящение храма, после чего просил его задержаться еще на один день. Святой Вячеслав был предупрежден слугами о готовящемся покушении, но не хотел верить этому, в кротости и смирении возложив все упование на волю Божию. Он был убит в дверях храма родным братом и его приспешниками 28 сентября 935 года, когда шел к утрени (по другим данным, в 929 году).

Тело святого мученика Вячеслава было брошено без погребения. Узнав об убиении сына, мать святого Вячеслава нашла его тело и положила его в храме, освященном незадолго до того при княжеском дворце.

Три дня на месте мученической кончины святого Вячеслава оставалась кровь, которую не могли отмыть, а на третий день она исчезла сама.

Раскаявшийся убийца перенес через несколько лет мощи святого Вячеслава из Болеславля в Прагу, в собор святого Вита (в 938 или 939 году). Перенесение мощей святого Вячеслава празднуется 4 марта.

Мученический подвиг святого Вячеслава Чешского духовно предвосхитил подвиг святых русских князей страстотерпцев Бориса и Глеба († 1015). Память его издревле чтится в Русской Православной Церкви

* * *

¹⁴

ошаявся – уклоняться.

¹⁵

ре́снотив – истинен.

¹⁶

ста́кти – ладан, благовонная древесная смола.

¹⁷

неуста́внаго – буйственного, беспорядочного.

¹⁸

премину́л – перешел.

¹⁹